السلام عليكم ورحمة الله وبركاته

كيفكم اخواتي عساكن طيبات

اخواتي اكثر شي يبعدنا عن الرجيم هو الاكلات المملة من سلطات ومشاوي وغيرها الي تحسسنا اننا نعاقب نفسنا مو نحافظ على اجسامنا


أكلات صحية منزلية .. ( لأصحاب الرجيم*_* )





للشواية المقلاة اللي ع الغاز واللي اشوي فيها اللحوم .. والدجاج ..
هذي .. تيفال وتنباع في الجمعيات والسوبرماركتات الكبيرة او في ايكيا ..
سعرها يتراوح من 50 إلى 100 درهم .. وانا افضل التيفال على الحديد الثقيل ..

http://uaewomen.net/upload//uploads/images/uaewomen-454d207359.jpg

وهذي شوايتي الكهربائية .. لتحميص السندويشات فقط ..

http://uaewomen.net/upload//uploads/images/uaewomen-07259af8d3.jpg

وهنا الفرن في حال شوي السمك .. او الباذنجان عند عمل المتبل ..
http://uaewomen.net/upload//uploads/images/uaewomen-32092760c6.jpg
[/QUOTE]



اول وصفة برجر بالكوسا



المقادير

واحد كوسا ..

ربع خسة ..

شريحه جبن قليل الدسم ..

شريحه برجر ..

ملعقة مايونيز قليل الدسم ( بس أنا ما أفضله )

دقوس او تباسكو ..

ملح خفيف ..

ماي

http://www.ashefaa.com/picup/uploads/a674f8a999.jpg

الطريقة ..

تبشرين الكوسا وتحطينها في جدر على النار مع شوية ماي للسلق والماي شوي

لأن الكوسا بتذوب وبتطلع الماي اللي فيها ... يعني في حدود ثلث قلاص ..

وتخلينها تغلي لين ما تذوب تلين الكوسا وتنسلق ..


http://www.ashefaa.com/picup/uploads/14e5d126f6.jpg

وقطعة البرجر نحطها على شواية ونشويها ..

http://www.ashefaa.com/picup/uploads/db921bdf87.jpg


http://www.ashefaa.com/picup/uploads/ded5f875ee.jpg

وبعدما تستوي نسويها قطع صغيرة ..
http://www.ashefaa.com/picup/uploads/25c6f01bce.jpg

ويكون هني كل شيء جاهز عندنا ..

الكوسا انسلقت ..ونشف مايها

البرجر انشوى ..وممكن تمسحين باقي الزيت اللي عليه انج تضغطينه بمنديل ورقي

الحين الخطوة اللي بعدها ..

نحط البرجر القطع + الجبن في الجدر ونحركة شوي لين ما الجبنة تذوب بس ..

http://www.ashefaa.com/picup/uploads/9816ffff22.jpg

http://www.ashefaa.com/picup/uploads/100af91b21.jpg

ونسكر النار ونحط الخس ونخلط ..

وفي نفس الوقت الخس ما ينسلق بس يذبل من الحرارة ..

وتحركين الكل مع بعض مع رشة ملح

http://www.ashefaa.com/picup/uploads/e194ee9839.jpg

وهذا شكله في الأخير

http://www.ashefaa.com/picup/uploads/41e7771ca4.jpg

المقادير كبة باللبن او اللبنية ..

أقراص كبة جاهزة العدد 2

علبة روب صغيرة قليلة الدسم ( الصغير اللي يكون مقداره نص كوب )

فص ثوم صغير

نعناع مفروم قد ملعقة وحدة ..

شوية كركم ملح

ملعقة زيت بس

الطريقة ..

اول شيء هذي صورة الكبة وهي اقراص مب كور مثال ما احنا متعودين ..

http://www.ashefaa.com/picup/uploads/de9133eb90.jpg

ناخذ حبتين ونحطها في الشواية ونخليها تنشوي ..ونتركها مع التقلييب كل شوي ..

http://www.ashefaa.com/picup/uploads/1f7aea0b82.jpg

ونروح نشتغل في اللبنية ..

نجيب مقلى ونحطها على النار مع ملعقة زيت ..

ونحط فيها فص ثوم مفروم + ملح + كركم + نعناع مفروم ونشغل النار ونخليها شوي تنقلي ولا تخلين الثوم يحمر بزيادة لأنه بيعطي مرارة ..

http://www.ashefaa.com/picup/uploads/f9252d7bac.jpg

وتصير بالمستوى هذا ..

http://www.ashefaa.com/picup/uploads/31bbfaafad.jpg

نحط الروب ونخلطه بسرعة علشان الروب لو تعرض للغليان بيتفكك وبينفصل الماي اللي فيه ..

http://www.ashefaa.com/picup/uploads/e983565d12.jpg

ويصير هذا شكله ..

http://www.ashefaa.com/picup/uploads/7342c4e7e9.jpg

ونسكر النار تحته خلاص ..

الحين ناخذ الكبة ونحطها بصحن ..

http://www.ashefaa.com/picup/uploads/1e11c8a6dd.jpg

ونصب عليها اللبن بالنعناع ..

بس عن نفسي حبيت اسوي هذي الطريقة .. أقطع الكبة وبعدين اصب عليها الصلصة .. أحلى شكلا ..

http://www.ashefaa.com/picup/uploads/ac850a1431.jpg



http://www.ashefaa.com/picup/uploads/8359564a7a.jpg

وبالعافية عليكم ..

ملاحظة ...
هذي الأكلة حاولت اخليها صحية بس مو معنى هذا ان نكثر منه ..
لا هذي في حالة الملل من السلطات والفواكه والمشاوي دلعي نفسج بس بعد بأكل صحي وقليل الدسم ..
وبالعافية علي وعليكم ..



سلطة مشوية

المقادير .. فطر .. طماط .. بقدونس .. نعناع .. جبن قليل الملح قليل الدسم .. ولو حبيتي مرتديلا .. بصلة وحدة ..
فلفل اخضر بارد او حار حسب الرغبة .. ملعقة صغيرة زيت زيتون ..

الطريقة ..

اول شيء نشوي .. الفطر + الطماط ..

http://www.ashefaa.com/picup/uploads/53719b23ef.jpg

ولين ما يستوي نحمس البصل والفلفل في زيت زيتون ..

http://www.ashefaa.com/picup/uploads/b817dd69ad.jpg

وهذا بعدما جهز ..

http://www.ashefaa.com/picup/uploads/6621f01ad4.jpg

وهذا الفطر والطماط المشوي ..

http://www.ashefaa.com/picup/uploads/0f7ab0c7b1.jpg


ونكون مجهزين باقي المقادير ..

http://www.ashefaa.com/picup/uploads/ea5816354f.jpg

ونحط المرتديلا على الخليط السابق .. ونحمسه وياهم بس حاسبوا على الطماط لا يذوب ..

http://www.ashefaa.com/picup/uploads/1cff212b1e.jpg

وآخر شيء نحط
الجبن والبقدونس والنعناع المفروم .. مع شوية فلفل اسود مطحون لو حبيتوا ..

ونخلطه خلط خفيف ..

http://www.ashefaa.com/picup/uploads/a6e9eb6792.jpg

تقدرين تقدمين معاه صلصات خفيفة الدسم بكمية قليلة جدا ..



البيتزا الصحية الخفيفة

بسم الله الرحمن الرحيم ..

المقادير توست اسمر غني بحبوب النخالة ... حبة وحدة ..

خضار مقطعة ( طماط بصل فطر زيتون ) طبعا شوي من كل شيء ..

جبنة موزاريلا قليل الدسم .. حطي شوية مو وايد ..

شوية كتشب لو حبيتي .. أنا سويت كتشب بفلفل ..

طبعا الطريقة معروفة للجميع ..

http://www.ashefaa.com/picup/uploads/5d1a1c638d.jpg
شاورما بالتوست الأسمر

المقادير .. والطريقة ..

أنا اشتري الشاورما الجاهزة اللي في علب ف الفريز ..

اختار لي كم قطعة واحطها في مقلاة من غير زيت .. تنشوي ..

توست اسمر وممكن خبز اسمر ..

خضار ( خس .. طماط .. مخلل قطعة وحدة بس عن الخاطر .. نعناااع مايوينز قليل الدسم لو حبيتي ..)

بس انا لاغية المايونيز ..

http://www.ashefaa.com/picup/uploads/655f5dc1dc.jpg

http://www.ashefaa.com/picup/uploads/e5845ee9b1.jpg

http://www.ashefaa.com/picup/uploads/b0a358e2db.jpg

الدجاج بالنعناع

الطريقة والمقادير .. لشخص واحد ..

اول شيء صدر دجاج .. كامل ..

http://www.ashefaa.com/picup/uploads/ebc2f4fe0c.jpg


نقطع الدياي قطع صغيرة ونتبلها ..
أنا حطيت .. ملعقة روب قليل الدسم ..
نص حزمه نعناع مدقوق في الهاون .. او خلاط براحتج ..
فلفل أخضر قرن واحد ..
ملح قليل .. فلفل اسود .. مسحوق الثوم ..


http://www.ashefaa.com/picup/uploads/25d64d2d17.jpg

نخلطه خلطا مبرحا باليد .. حتى يستغيث ..خخخ

http://www.ashefaa.com/picup/uploads/95bf17e358.jpg

وعقب نحطه على الشواية ( المقلاة )

http://www.ashefaa.com/picup/uploads/c3c3be949b.jpg

ونقلبه على الصوب الثاني ..

http://www.ashefaa.com/picup/uploads/c130fc41d1.jpg

قدميه مع خبز اسمر او عيش ابيض من غير زيت ومشخوول ..
طبعا كميه العيش صغيرة مو وايد بس في الصورة طالعة وايد ..

http://www.ashefaa.com/picup/uploads/30dc1b9ffe.jpg

وعليكم بالعافية ..



http://uaewomen.net/upload//uploads/images/uaewomen-53f1dd02f9.jpg
- فول على طريقتي ..

بسم الله الرحمن الرحيم ..

الفول معروف انه مفيد ويعتبر بروتين نباتي وبديل جيد للحوم .. في أيام الملل من الرجيم ..
طريقتي خفيفة جدا ولذيذة ..

الكمية و تكفي شخص واحد ..

المقادير .. نص خاشوقة صغيييرة زيت زيتون ..
بصلتين صغار ..
نص فص ثوم ..
نعناع بقدونس ..
طماطتين صغار جدا ..
نص علبة فول ..
عصرة ليمون ..
فلفل اسود .. كمون (( أنا ما حطيت ملح واكتفيت بالملح الموجود في علبة الفول ))

الطريقة ..

نحط الزين والبصل والثوم علىالنار لين ما يحمر البصل ..

هذي كمية الفول ( نص العلبة )

نحط الفول على البصل ونخليه شوي يسخن ..
ونحط الكمون والفلفل الأسود الناعم ..

نضيف النعناع والبقدونس والطماط ونخليه شوي بس يسخن ونسكر النار تحته ..

لتقديم يفضل مع خبز اسمر .. او صمون اسمر ..
انا ماكن عندي اكتفيت بنص صمون ابيض .. عن خاطري والباقي كلته من غير صمون .




http://uaewomen.net/upload//uploads/images/uaewomen-a3fade5cdf.jpg

عجة الخضار بالفرن ..

الكمية لشخص واحد ..

المقادير

بصلة وحدة شرايح
2 حبة فطر شرايح
ورقتين خس مفروم
بيضة واحدة
شريحه جبنة قليلة الدسم ..
ملح / فلفل / نقط من زيت الزيتون ..

الطريقة شوفوا كمية الزيت في الصينية ؟؟ نقط ..

نحمس البصلة اول شيء ..

ثاني شيء نحط المشروم ..

نخلط باقي المكونات في طبق آخر ..

لما نشوف البصل بدا يحمر شوي نصب الخلطة ..

الأطراف بدت تحمر ..

عندج خيارين اما تدخلين بالفرن او تقلبينه في مكانه .. انا قلبته ..

وعليكم بالعافية .




سندويشة برجر قليلة الدسم ..

http://uaewomen.net/upload//uploads/images/uaewomen-59caf3983e.jpg

المقادير ..

شريحه برجر دجاج ( الدجاج اخف من اللحم )
طماط شرايح ..
جبنة منزوع الدسم او قليل الدسم ..
خس ..
ربع رغيف اسمر ..
صلصة الخردل ( انا ماحطيت بس خاطري فيه )

الطريقة ..

تشوين شريحه البرجر على الشواية .. من الطرفين ..



ولما تنضج .. حطي عليها الخس + الطماطم وهي في مكانها ..



حطي الجبنه .. ودخليها شوي في الفرن او المكرويف لتذويب الجبنة فقط ..
او لو تنظرين عليها في مكانها بتذوب بس ببطئ ..



افتحي ربع خبزة بهدوء وحطي البرجرة فيه .. وانتبهي وانتي تسوينه ..

عقب سكريها وعليج بالعافية ..



وللأمانة .. تعلمت الطريقة من الأخت دوموع الكويت ..
بس مااذكر اسم المنتدى ..وهذي صورة سندويجتها يزاها الله خير


.. سمك مشوي بالفرن ..

http://uaewomen.net/upload//uploads/images/uaewomen-4616e10417.jpg

المقادير ... ( المقادير لشخص واحد )
سمك شرايح .. ( أنا احب الجنعد ) ..
ملعقة زيت زيتون ( ضرورية )
بهارات مشكلة
ملح .. ( يفضل استخدام ملح الرجيم )
بودة الثوم ..
عصرة ليمون

الطريقة ...

ناخذ السمج ونخلي الثلج يذوب عنه ..



نخلط كل المقادير البهارت والزيت ونمسح السمج من الطرفين ..
ونحطه في صينية فرن تيفال علشان ما يلصق ..



خليه لين ما يحمر ..
هني انا قلبته تاكد احمر من تحت ولالا ؟؟



نطلعه من الفرن بعد ما يتحمر .. أنا ما خليته يحمر وايد .. لأني كنت مستعيلة عليه ..
نقدمه مع عيش ابيض مشخول من غير زيت ابدا ..



كمية العيش هني خمس ملاعق فقط ..



وعليكم بالعافية ..






الأكلة رقم 11 ... حمسة التونة ..

http://uaewomen.net/upload//uploads/images/uaewomen-ea2bdc30a9.jpg

المقادير .. ( الكمية لشخص واحد ) ...

علبة تونة الصغيرة .. المحفوظة بالماء ..
نص طماطة ..
بصله ..
كزبرة ..
عصرة ليمون ..
نص ملعقة معجون طمام ..
فلفل حار حسب الرغبة ..



بهارت + ملح الرجيم + كركم .. شوية هيل ..مسحوق الثوم


اقل من ملعقة صغيرة زيت زيتون ..


اول مرحلة عقب الزيت نحط بصل ونخليه شوي يذبل ..


نحط الطماط + الفلفل ..



نحرك شوي وننتظر يذبل نحط التونة ..مع معجون الطماط



عقب نحط نص كوب ماي ونخليه يغلي ..


ونحط البهارات ونخليها تغلي لين ما الماي يتبخر ..



والماي تبخر ..


وقبل لا نسكر النار نحط الكزبرة علشان النكهة تكون اقوى واحلى ..





اليوم جديدي سلطة .. بس بصراحه لذيذ جدا

http://www.pressieport.ie/product_images/v/joseph_joseph_filled_salad_server_white__84444.jpg

للأسف ما صورت المقادير .. بس نشرحها ..

المقادير و الطريقة ..

مقادير السلطة .. هي السلطة العادية الخضراء اللي متعودين عليها ..
اللي هي عبارة عن ( خيار / طماط / خس / نعناع / بقدونس / ملفوف .... ))

أنا زودت عليها .. واحد بصل مفروم + ملعقة زيتون شرايح .. بس ..

مقادير للتبيلة ..

ملعقة روب قليل الدسم ...
نص ملعقة صغيرة مايونيز لايت ..
نص ملعقة جبن ابيض قليل الدسم ( المراعي )
عصيرليمون ..
سماق .. حسب الرغبة ..

------------
اخلطي التتبيلة بروحها زين .. وعقب صيبها على السلطة واخلطيها عدل مدل ..
وتصير السلطة لذيذة جدا ..

ممكن تقدمين معاها كباب او تكه ..
التكه اللي في الصورة المتبل جاهز من الجمعية ..







سندويشات بيض مسلوق بس بطريقة غير شوي ...
في حالة الملل من البيض والطماط العادي ..

المقادير .. ( الكمية لشخصين او ثلاثة )


ثلاث بيضات مسلوقة ..
ملعقة صغيرة مايونيز لايت
شريحتين جبن قليل الدسم
حبة مخلل خيار .. ( للنكهة والملوحه )لا تحطين ملح
فلفل اسود مطحون في نفس الوقت ..
شوية بصل ( حسب الرغبة )

اخطليهم مع بعض زين ما زين .. واحشي فيهم السندويشات .. وممكن تضيفين شرايح طماط او خس ..


http://uaewomen.net/upload//uploads/images/uaewomen-23029c4c94.jpg


ممكن استعمال صمون اسمر او أبيض ..


وسلامتكم ياحلووبين

طرح رائع قلبي

وربي مايحرمنا من تواجدك وجديدك الراقي

موضوع
يستحق المتابعه والتمعن فيه جيدآ
لكونه
يحمل كل مزايا الابداع والفائده والتألق
ويجلب القرآء سواء من داخل الموقع اوخارجه
وهذا مانبحث عنه
من جوهر فريد يعم الفائدة

استمتعت من خلال مروري وقرائتي له
اتمنى المزيد من العطاء والتألق
فذلك يسعدني ويسعد الجميع
من متابعيك


الف شكر لك

اخوك
محمدالحريري
http://img.el-wlid.com/imgcache/282050.gifhttp://img.el-wlid.com/imgcache/282050.gif

وَصَفهَ لَذيِذَه
سَلمتَ يُمنـآكَ طَرحَ بِقمةَ الروَعهَ
اللهَ يعطيَكَ العَآفيِـهَ
بِ آنتظَآر تَميزَ آخَـرَ

http://www.noorfatema.org/up/uploads/13459481511.png

طرح رائع
نآل إعجابي بما فيه من فآدة
دليل على ذائقتك وقدرتك على إمتاع
كل متابع لك

باقات ورد لك


http://files.maas1.com/images_cache/120426132800htyb.gif

أختك
جنون "نبض قصايد"

..







سَلمتَ يُمنآك
ذآئِقهَ جَميِلهَ يعَطيِكَ آلعَافِيهَ


بِ آنتظِارَ تَميزَ آخِر

..

طرح رـآئع
لآعدمنـآ جمـآل ورؤعه جلبكِ وـآنتقآئكِ ـآلمميز
سلمت يمنــآكِ من كل مكروهـ
طبتِ

عافيه عليك وعلى الطرح الراقي
لاحرمك الله رضاه

لك كل
تقديري واحترامي

مجنون قصآيد

http://www.girls-ly.com/vb/storeimg/img_girls-ly1370276192_436.gif

وصفه شهيه ي انيقه

/








طَرِحْ ممُيَّز جِدَاً وَرآِئعْ
تِسَلّمْ الأيَادِيْ
ولآحُرمِناْ مِنْ جَزيلِ عَطّائِهاْ
ودِّي

تسلم الأيادي ع الوصفه الرائعه
يعطيك ربي آلعآفيه ما ننحرم
لروحك جنآئن آليآسمين .,