*
*
*
جاني واحد و قال : بسأل كم سؤال ,,
وقبل يسأل قلت : أنا ماني خبير !


قال: جاوب بس , يا ولد الحلال
وكل كلمه حِطَّهَا .. فبيتٍ صغير


قال نبدي : شنهو تعريف المُحال . .؟
قلت :خَل هالكلمهـ
فـ البيت الأخيـر ..!

القهــر: إن شفت دمعـات الرجال..
والوطن : ( إنسان ) .. مِتغيِّر كثير,,


والطفل : لعبه على شاطـي الرمال..
والأمل : إحساس في عين الضرير,,


الوفا : [ قلبين ] .. يجمَعهُم حلال..
والرَجُل : اللـي علـى أهلـه يغير,,


والرجا : لا قلت : للواطـي تعال..
والفشل : مدري .. ولكنـه مرير,,


والشعر : في وقتنا .. بدر وطلال..
زين
وأوَّل : حيـل يعجبنـي جرير ..!


والغلا : إحساس إلى حَـد الخيال,,
والعِشِق : لا شفت مَعشُوقِك تطير..


والجفا : إعكس مفاهيم / الوصال,,
والوَصِل: يعنـي تأكَّـد فيك خير..


والعقل : تِسْفَـه أقاويـل الجهال,,
والجهل : إن قلت عن نفسك كبير..


والخطر : لا صار ما عندك مجال,,
والبلا : إن صرت معدوم الضمير..


والعجب : لا صرت تسأل منهو قال,,
والتعب : إن كنت تِبْحَثْ عن مصير..


الغنى: بالنفس ما هو راس مال ,,
والفقر : من كان .. بأعماله فقير..


يكفي يكفي .. أسئله إنهي الجدال,,
ويالله علمني عَن .. السِّر الخطير..


ما أبي تضرب لي في غيرك مثال,,
قول : عنِّك وإعتبر سِرِّك في بير..


جات طعنـه مِن جنوبك والشمال,,
يعني وضعِك بين مِن حُولك خطير..


صاحبـي وإن ضاقت بعينك ليال,,
لك فرشت القلب مفروش الحرير..


في [ بلاد الحلم ].. ممنوع العقال,,
والمصيبه الشعب ما أختار الأمير..


وما ألومك .. كان شدِّيت الرحال..
دام بيتك جرح / وفراشك حصير,,


و هذا تعريفي إلى كلمة : مُحَال..
شي ودِّك فيه ولا يمكن يصير ..!

*
*
*

كلمات/ أحمد الصانع

رووووووووووووووووعه ...

يسلمووووووووووووو

جميل ماقدمت
واكتمل هذا الجمال بطرحكـ المتميز لهـ

من رقي لآخر

ربي يحفظكـ ويحميكـ

مشكووووووووووووووووووووووره ياغاليه

ماننحرم من ابداعاتك

قبلي مروري

عطيك العافيه على الموضوع الرائع
دمت ودام تميز حضورك وتفاعلك
تقبل مرورى المتواضع بمتصفحك
مع ارق تحية وتقدير

قصيده رائعه سلمت لانامل يالغلا على النقل الجميل

صح لسانك ولسان شاعرها
ربي يعطيك العافيه
ولا يحرمنا جديدك
تقبلي مروري
اخوك
ابو هاجر

كلي سعاده بهذا الطرح

ومرور فقط للاعجاب بمالدديكـ

الف شكر

صح لسانك ولسانه
الف شكر لك على الانتقاء المميز
للأبيات الجميلة ..!
تحيتي

شاكره مروركم