سلام كيفكم|اخبارك|
المهم قرية روايه في احد المنتدى قمه في الروعه
ف حبيت انقلها لكم.
.
.
.
.
.

(الجزء الاول ....)
دقت الساعه 6ونصف صباحا صحت ريما من النوم وبدت التافف طالعت في خواتها اللي نايمين وناظرت الساعه وصرخت بصوت عالي :قوموا لابارك الله فيكم الباص راح علينا
جلست على اختها اللي نايمه وبدت تنطط عليها : نوره قومي الله ياخذك الباص راح قومي .
صحت نوره تصارخ :قومي ذبحتيني خلاص غيبي يالمصري مو لازم تدوامين اليوم
قامت ريما حاطه يدها على خصرها :لاوالله يالفاشله ماحزرتي اليوم بداوم غصبن عليك .
نوره تضحك متغصبه :طيب هو جاء الباص الحين يوم انك تصارخين .......اتحدى اذا جاء!!!!!!
رفعت ريما حواجبها :الحين قومي البسي لادوس بطنك الحين .
راحت ريما الحمام (اكرمكم الله) ونوره قامت فتحت الدولاب تنقي لها لبس وفجأه طاحت علبه حاطينها في الدولاب
نزلت نوره على الارض واهي تتوجع وحاطه يدها على راسها سمعت دعاوي من تحت الفراش
قالت نوره بصوت واطي موسموع : الله يأخذني الحين هاذي بتقوم ماراح تفكنا من اسطوانه كل يوم .
قامت اختهم الكبيره رانيا تصارخ : الله لايبارك فيك شنو تسوين حرام ماخلتوني انام انا تعبانه دايما تظلين تلعبين في هالدواليب متأخذين غرضك وتذلفين .
فجأه ...........................جاء الباص وطلعت ريما من الحمام تصارخ وفمها كله معجون اسنان : لالالالالالا الباص نوووووووووووووره ...
طالعت ريما من الشباك وكانت تصارخ : وقف (وكان صوتهاعالي) وقف وقف
مسكتها نوره وكانت لابسه تنوره سوداء وبدي اخضر كان حلو ومبين بياضها وشكل جسمها كانت لسى ماكملت لبسها :اسكتي فضحتينا .
قامت رانيا فطست من الضحك : احسن روح الحلوين نايمين ههههههههههه.
ناظراتها ريما بنظره حاده :اقول طسي لاوريك يوم ماشفتيه بعمرك .
كانت ريما مافقدت الامل لبست بسرعه عشان تروح مع اخوها اما نوره تلبس على مهل :تحدين راح يرفض يابنت الحلال نامي احسلك .
ريما معصبه وكانت بتبكي : مافيه يأختي ماراح ايأس ياوجه النحس نفسي ادري مين اللي لعب بمنبه جوالي ااه يالقهر .
نزلت ريما وراها نوره وكانت نوره تضحك وتستهزأ بريما
دخلت المطبخ كانت امها تجهز الاكل لاخوهم الكبير
الام :هذا انتو باقي مارحتوا الدوام .
ريما: يمه الله يخليك قولي لتركي يوصلنا
نوره تستهزء: ايه يمه خليه يوصلها للجامعه لاتبكي علينا هههههههه
الام : ليه انتي ماتبين تداومين ؟؟وبعدين لاتهزين بأختك .
دخل اخوهم والكل سكت
تركي: صباح الخير يمه
ولاحظ ان ريما ومها يتغامزون مين بتكلم الاول
ريما : ليش واحنا مالنا صباح .
تركي : خير وانا من يوم شفتكم يالثنتين تغامزون دريت اليوم نحس شنو صاير؟
سكتواااااا؟؟؟؟؟؟؟؟؟؟؟؟؟؟؟؟
تركي (يفكر): خلوني احزر هاذي الحزه انتوا ف...........
هرب تركي لانه عرف خرجت ريما في الحوش يتطاردون
تركي :لالالالالالالالا مافيه ماراح اوصلك كم مره تسونها مافيه الاتحاولين .
ريما بصوت باكي : الله يخليك الله يخليك اخر مره تركي؟؟؟
نوره وامها في المطبخ يسولفون وريما وتركي يتهاوشون تركي رافض وريما قاعده تترجى فيه .
:
:
:
في الاخير
تركي بخبث : يله امشي وهاذي اخر مره
ريما بفرحه : ههههههههه يالطيب
ونادت نوره لما صاروا قريب من السياره صار التراب يعم المكان وصوت ضحك من داخل السياره
تركي : عشان تربون مره ثانيه ماتخلون الباص يروح عليكم ههههههههه
ريما ( مصدومه): لا يالنذل سواها فينا
دخلوا البيت وكانت اشكالهم الضحك ريما ونوره مع بعض :شفتي ولدك شنو سواء فينا الواطي ؟؟
الام : زين يسوي فيكم تربيتي
وفجأه انفجروا يضحكون على ريما لانها بكت ............ههههههه
:
:
:
:
نعرفكم على شخصيات الروايه
ريما :عمرها 20بنت حلوه وكان جسمها مليان شوي ومرتب (دبدوبه )وحلو وبيضاء شعرها كان لحد الكتف وناعم واسود سواد الليل عيونها واسعه ولونهم عسلي فاتح شوي خفيفه ظل تحب المقالب وكانت جذابه مره وقلبها طيب ونظيف وموهبه في التصميم والرسم وذكيه وعمليه ورسميه لما تكون جديه.............
نوره :عمرها 22 نحيفه كانت حلوه وجها كان مثلث مليان شوي شعرها طويل بني كثيف حلو (كان فيه لمحه من ريما بس مايتشابهون ) شخصيتها قويه و على نياتها (نوره وريما طالبات في الجامعه ريما في ثاني احياءونوره رابع عربي )ومدينه اكثر من خواتها
رانيا :24عمرها بيضاء طويله ناعمه وحلوه عيونها صغار شوي تميز البنت بنعومه وجذابيه غير عن خواتهها شعرها قصير واحمركستناءي ونحيفه شوي مليانه من تحت وقلبها طيب وسهل ان احد يكسب قلبها بس اذا حقدت ماترحم ............

الام : عمرها 45طيبه حنونه على اولادها كانت قصيره وضعيفه شوي كانت رانيا تشبها من ناحيه الجسم عيونها كبار واسعه وعسلي فاتح وبشرتها بيضاء كان معها مشاكل مع اهل زوجها
تركي :عمره25وسيم طويل نحيف وابيضاني عيونه عسلي غامق ونظراته حاده وعصبي شوي بس طيوب وموظف في قطاع خاص محاسب
كان يحب بنت عمه زهره بس تركها ونساها لانها تزوجت وسافرت الخارج .........
هذي بيت ابوا تركي اكيد تسألون عن الاب ابوهم مسافر صار له خمس سنين بريطانيا يتواصل معهم بالتلفون بس مكان مهتم كثير فيهم حتى لما كان موجود عندهم كان همه شغله وبس ولما تسأله ام تركي ليش ماتقعد مع العيال وتسمع مشاكلهم ترى العيال بيضعون وانت ولا داري عنهم كان يردعليها دائما انا امن على مستقبلهم واضفهم لك ويصير معهم بيوت واملاك وهذا اللي يفكر في الحياه بهذه الطريقه ان الحياه فلوس وبس

:
:
:
في الجامعه
ريما قاعده مع صاحباتها ( اماني .نوال . فطوم )
ريما : بنات زهق تكفون فكرو في مشروع خلونا نستانس شوي ملينا كله دراسه ونسمع سواليفكم الماسخه .
نوال : الحين سواليفنا ماسخه
ريما : اعذريني ياسندريلا انتي ولد عمك الامير الي ماهو داري وين سوقك صدق انك شاه ومن قادها؟؟؟؟؟؟؟؟؟؟
فاطمه بصوت ضاحك : علي الاقل مو مثلك قلبك حجر قاسي البنت قلبها رقيق شوفي ياربي وش حلاتها ( وتتلعب في خدود نوال )
نوال : وخري عني الغلطان الي قولكم شي انا رايحه للمحاضره وانتوا ال.......خلوكم هني تستهزوا وبس اصلا هاذي شغلتكم .
نوال راحت عنهم معصبه وهم يضحكون عليها ويرمون عليها كلام يحرجها بعدت عنهم نوال وبقت ريما وفاطمه يسولفون
شافت ريما اماني تجري باتجاهم وهي تحرك يدها باشاره تقول تعالوا هم مافهموا شي
ريما : اشفيها هاذي انصمت فجأه .........
اماني تلهث : تعالوا لا يفوتكم
قامت ريما وفاطمه من وين مااماني دلتهم قربوا من مكان كان عنده تجمع ولما طلعوا لقوا طالبه كانت طويله وبيضاء وشعرها مقصص بطريقه غريبه بسباينانهاكبيره في السن كانت معصبه وتدف الدكتوره الي قدامها
ريما (مبققه عيونها): لالالا مستحيل ماصدق ليش يا.........
سكتت لما حست ان اماني وفاطمه يطالعونها
اماني : ريما اشفيك تعرفينها ؟؟؟؟؟؟؟؟
ريما : لالالا ماعرفها ولابي اعرفها وقفلو السيره وخلونا نفطر قبل المحاضره
فاطمه :خلونا نتفرج وجع ريما والله انك خايسه
ريما بعصبيه وصوتها صار مرتفع : فطيم طسي وخلونااااا نمشي
فاطمه واماني سكتوا بسب النظرات الي كانت من البنات الي حولهم
مشوا البنات مع بعض ريما كانت ساكته طول الوقت وفاطمه واماني يطالعون بعض بنظرات متساله :ايش فيها .
بعد ساعه من اللي صاررر نوال جاءت وهي ناسيه ايش سووا فيها الصباح رمت الشنطه بقوه عندهم
وقالت بدلع : كلمني مين ؟؟؟؟؟؟؟؟؟
فاطمه :ميييييين؟؟؟؟
اماني : الوزير
نوال : مممممممممم لالا قربتي
فاطمه: وجع بتكلمين ولاكيف يابقره
نوال : فصووووولي (يقبرني )
اماني وفاطمه يتاففون
اماني :ياشين اسمه والله لويسمعه منك ان يغيره
فاطمه : عز الله وش يبي ؟؟؟؟؟؟؟؟؟؟
نوال :بنات شنو صاير ريموه ماتتكلم غريبه !!!!!!
ريما تطالع بعيد كانت سرحانه في البنت الي شافتها اليوم بدوام فجأه طااااااااااااااااخ على راسها رموها البنات بكتاب على راسها
البنات مع بعض :وين رحتي ؟؟؟؟؟ريما تتوجع وحاطه يدها على راسها وشعرها الناعم متناثر لان البكله انكسرت : وجععععععععععع يا....... خيرررر اشفيه
نوال : لنا ساعه نتكلم ........... وانت وين لا تكوني عشقانه
ريما بنظره حاده : انا تأخرت عندي محاضره وبرجع للبيت يعني مراح اشوفكم
راحت ريما وحامله شنطتها وتابعوها البنات بنظراتهم مستغربين لحد مأختفت عن عيونهم

نوال : بنات شنو صار.؟؟؟؟؟؟
قالت فاطمه واماني اللي صار قدامهم
نوال : تعرف ريما البنت ؟
اماني : ماندري غير الي قالنه لك
نوال :غريبه
رجعت ريما البيت وهي من يوم شافت البنت وهي تفكر نوره كانت غايبه بحجه راسها يعورها لقتها في الصاله وقاعده بملابسها ماغيرت وسرحانه نوره: الي ماخذ عقلك يتهنى
ريما توها منتبهه:هاها ايش فيه
نوره: لا البنت راحت فيها يمه تعالي شوفيها
ريما :اششششش فضحتينا (حطت يدها على فم نوره )شفت زهره.......
نوره :هههههههه تمزحين
ريما:!!!!!!!!!
نوره :هاذي ياحياتي في لندن شلون تجيء وتخلي العز وتجي تدرس في الرياض بعدين تصرفاتها ماتحتمل انها تجي في جامعه محليه .
ريما : والله هي شكلها مادري شلون صاير ومتأكده انها هي وكانت تهاوش مع الدكتوره .
نوره :غريبه
نوره : ايش فيه .
ريما: ولاشي
نوره : بتقولين ولاكيف ؟؟!!!
ريما : سمعتها زفت في الجامعه لما كنا متجمعين حولهم سمعت البنات يقولون عنها كلام اعوذ باالله.
نوره : وصدقتيهم استتغفر الله العظيم لو تطحين ليدرون اهل الرياض كلهم ههههههههه
ريما : انا ماصدقت لاني شفتها قبل اسبوع في الحمام مع بنات تتعاطى و
نوره تقاطعها : لاحد يسمعك انتي من صوب وهي من صوب فاهمه هاذي تربيه عمك الله لا ..... تربيه شوارع اقطعي السالفه ولاتقولين لاحد حتى رانيا وامي ....وتركي بعد انت عارفه ليش هزت ريما راسها بموافقه دخل تركي وكانت معه اخته رانيا ..........
تركي ورانيا : سلام عليكم
ريما ونوره: عليكم السلام
ام تركي من وراهم : هلا وعليكم السلام
تركي باسها على راسها : هلا بالغاليه ام الغالي ............يمه
ام تركي :عيونها
تركي: جوعان
ام تركي : غيروا ملابسكم والحقوني في الصاله
بنيما هم ياكلون
تركي: يمه خالي عامر كلمني وقال ان احن معزومين عنده في المزرعه اليوم
ام تركي : على خير انشاالله
البنات طاروا من الفرحه لانهم من زمان ماطلعواوحسوا ان هاذي الطلعه بتنفس عنهم من الهموم وحالتهم من بعد ماراح ابوهم صارت صعبه ماديا واجتماعيا وهم كان حالتهم ماشيه بس الطمع فرقهم وشتت عائلتهم
وقت الطلعه ...

تركي : الله ياخذ البنات مايخلصون يمه ادخلي استعجليهم
ام تركي : اصبر ياوليدي الله يهديك
تركي : يالفصله
وطلعوا البنات متكشخين عشره على عشره وركبوا السياره لان من زمان ماشفوا خالهم
تركي : الله الجماعه وين رايحين ؟؟ عرس خير ياحلوات العطر ملا الشارع فضحتونا
ريما : يمه ماقلتيلي شنو المناسبه ؟؟؟؟
ام تركي :ولده ناصر جاي من البعثه وناجح اسم الله عليه مأخذ الدكاتوره في العلوم الاداريه
تركي :والله اشتقتله نويصر يقطع سوالفه ..
رانيا : ايش كثر يضربني توقعون تغير ؟؟؟؟؟
ريما: يمكن .

الكل سكت وصلو ا المزرعه كانت خيال البنات فتحوا عيونهم لما شافو النافوره كانت تطلع مويه وتصبه في بركه واسعه ........ كان البنات اول مره يشوفون المزرعه وقف تركي السياره ونزلوا من السياره وسمع الخال السياره جات خرج اهو وناصر بدت التراحيب من قبل ناصر والخال طالعت ريما ودقت نوره بكوعها :شوفي زين ولد خالك
رانيا كانت تنزل الاغراض طالعت في تركي تبي تشوفه عشان تقوله يساعدها شافته يضم ناصر وطالعت في ناصر بس وجه مو باين سمعت الخال يقول: تعالوا يابنات وراكم مستحين تعالوا سلمي يارانيا خلي عنك تركي وناصر.
راحوالبنات سلموا على الخال وكان ناصر متوجه للسياره مع تركي ورانيا واقفه عند السياره وقف ناصر وراها مستحي وتركي بداينزل ولاانتبه نزلت الترمس ورمته وراها ولا انتبهت ان ناصر موجود شهقت :اسفه
تركي : خلوعنكم وساعدوني
ناصر مد ايده سلم عليها دق قلبها وبدت تناظر فيه الله حليان كان طويل وابيض وعيونه صغار مناسبه لوجهه وانفه دقيق ورافع فمه بشكل مغرور وبدا قلبها يدق وحست بحراره في جسمها وحست انها اعرقت من الموقف ماصحت من اللوحه اللي قاعده ترسمهاالاعلى تنبيه من تركي تركي:هي انت وياها خلوعنكم السلام ياتوم وجيري بعدين سلمي عليه
رانيا:هلا ناصر
ناصر لما سمع صوتها انشد صدره وقلبه دق ولما لمس يدها حس بكهرباء في جسمه طبعا الحال مو افضل عند رانيا : اهلين
سحبت يدها وهي مستحيه وبدت تشيل معهم ولما شالت الثلاجات الصغيره ناصر كان يطالعها وهي ترتبك وتقول بينها وبين خاطرها :ليش الحين خير هذا نويصر شلي غير يارانيا هذا اكره انسان ياويلي ايش اللي صار فجأه سمعت ناصر يتكلم معها
ناصر : خلي عنك احنا نشيل
رانياماقدرت تتكلم لان عبره من المجهول منغصه بحلقها وماقدرت تتكلم فهزت راسها بأيجاب بينما هي داخله وحامله الا غراض طاحت الشيله التفت ناصر وشاف شعرها وهو يتمرر على رقبتها ويلتف على وجهها وجزء منه دخل فمها من نزلتها عشان تخطف الشيله وتحطها على راسها وما انتبهت ان ناصر كان يطالعها ودخلت وقلبها يدق كانت صوره ناصر ماراحت من بالها طوله عيونه شعره الطويل الواصل لعندرقبته حطت الاغراض في المطبخ والتفت لقت قطو واقف عند الباب ويقرب منها ورانيا واخوتها عندهم فوبيا من القطاوه صرخت بدت تطامر في المطبخ جاءتركي وناصر يركضون ودخلوا المطبخ وفجأه رمت رانيا نفسها في حضن اول واحد لقها وكان .....ناصر اصطدم صدره بصدرها حط ايده وراء ظهرها ومسك خصرها وكان يتحسس شعرها وجسمها اللي حس بنعومته من فوق الملابس وكانت تهلوس
رانيا :تركي تكفى اهي اهي
وتركي كان مشغول يطرد القطو ماكان منتبه حوله واللي صاير....... ناصر ماقدر يتحرك كان ظهره مركزه على طاوله المطبخ عشان اللي بحضنه وكان يحس بارتفاع صدرها نتيجه البكاء بدء يتحرك لقاء شفايفه عند رقبتها وشعرها عند خشمه ويشم ريحه عطرها ماصدق قلبه بيخرج من ضلوعه وهي حس بالها انه تركي همس في اذانها وبعدشعرها لامست شفايفه اذانها وقال:اناناصر موتركي .... وكان يحس بانفاسها الدافيه على رقبته انقطعت وخرت عنه بسرعه وجها صار احمر من الفشله ماصدقت دخل تركي من باب المطبخ اللي صوب الحديقه وفي ايديه مكنسه
تركي :خلاص فضحتينا وبعدين انت ليه ماجيت تساعدني واقف عند الباب تفرج
ناصر :هذي شغلتي هههههههه

رانيا كانت تطالع ناصر بنظرات خاطفه وحمدت ربها ان تركي كان برااا طول الوقت طول (الموقف )طلعوا من المطبخ وريما ونوره يسولفون مع خالهم وام تركي كانت مع الشغاله عشان يرتبون غرفهم لان اخوها حلف عليهم يقضون الليل وينامون عندهم دخل تركي وناصر يضحكون البنات قاموا :
ريما ونوره :عن اذنك ياخال
الخال عامر:تعالوا يابنات لاتستحون من ناصر عادي هاذا اخوكم الاوين رانيا ماشفتها وينهي بعدين ياعيال ليش الشغاله تصارخ في المطبخ
تركي:مشاالله عليك ياخال ثلاث اسئله اجابه السؤال الاول عند البنات والثاني رانيا جاءت واللي تصارخ كانت رانيا شافت ياحظي قطو ودخلت في هذي اللحظه رانيا وهي تدلع منو جاب سيرتي ماتوقعت ناصر يكون موجود وماانتبهت لوجوده
الخال :هلا وغلا والله بدلوعتي
رانياتتمايل بخصرها :هلا خالي اعذرني كنت انزل الاغراض
جاءت باست خالها وضمها : معليه يابنيتي والله لك وحشه
جاء صوت من بعيد :استقبلها القطو قبلك يعني سواء الواجب ههههههههه
التفت رانيا انصدمت لما شافت ناصر موجود وتوقعت خواتها موجودين استحت وقالت في خاطرها لازم ارد عليه عشان لايصدق نفسه
رانيا : لا والله خالي الاول والاخير والقطو مااستقبلني الاخرعني الله لايوفقه ماشفت اشلون شكله حتى اني ماشفت قدامي سكتت لانها تذكرت اللي صار
ناصر :والله ماشفتي قدامك ؟؟؟؟؟؟؟
تركي :مأخذين راحتكم اقول رانيا روحي عند امي شوفي شنو تسوي
الخال : خلها ماكو احد بس هذا ناصر ليش يستحون منه
ناصر كان وده ياكل تركي وعيونه مان شالت من على رانيا بس كانت لما نظراته تلتقي برانيا يشيل عيونه عنها وقامت رانيا مستأذنه من الموجودين وعيون الخاطفه تحرقها اللي هي عيون ناصر .......

كنت اشوفك من قريب مع جميع الناس عادي...ماتخيلتك حبيب ....رايح بقلبي وغادي
تبسم ترى العمر فاني ....تبسم واياك تناسني .....تبسم ترى الهنا لحظه ......تبسم
ولو علشاني ....وان كنت بروحك انا ثانيك ...واذا متضايق انا اسليك ...واذا مستانس
الله يهنيك

بعد المغرب ام تركي البنات ويا أمهم يصلون خلصوا قامت ريما ورانيا ودخلو المطبخ يجهزون اللحم عشان الشوي دخل تركي مستعجل
تركي :جيبي يارانيا اللحم والسكين والملح استعجلي وريموه شيلي جوالي وحطيه بشاحن
راحت ريما واخذت الجوال من جيب اخوها وسألته وين الشاحن وقالها في السياره ..خرجت رانيا وشافت ناصر يشوي وخالها في بيت الشعر مايشوفهم رانيا في نفسها ( ياويلي هذا الي يشوي لازم امسك اعصابي ) ناصر كان من جده يشوي ومهتم مانتبه للملاك اللي مقبل عليه
رانيا:ناصر هذا اللحم تفضل
ناصر مارد عليها استغربت وعطته ظهرها وقالت في نفسها (الله ياخذني ايش سويت وتقلد وتهزء بنفسها ناصر هذا اللحم .....)فجأه انسحبت يدها بقوه من صوب ناصر كان ماسك يدها وانفاسه سريعه ودافيه ونتيجه سحبه ليد رانيا طاحت الشيله وتناثر شعرها على وجهها
ويداعب شعرها خدودها كان قلب رانيا بيوقف من الصدمه كان قريب منها لدرجه ان انفاسه تطرد خصلات شعرها من خدودها ....
رانيا بصعوبه:ش..تب..ي
ناصر يناظرها وعاجبه الموقف : نسيتي الملح وينه
رانيا :اترك ايدي قبل يشوفنا تركي
ناصر :ليش سوينا شي غلط انتي اختي ومستعد ابوسك قدام الكل الحين وقدام تركي اذاتحبين ..
رانيا سحبت يدها منه قبل ماينهبل ويسويها وحطت الشيله على راسها وفي هذا الوقت جاء اخوها تركي ياجماعه ترى جوعان
رانيا :الحين اوصي الشغاله تجيبلك الملح
ناصر :..........

تركي : وجع انتوا متى بتخلصون ؟؟؟
ناصر ويتابع خطوات رانيا(يازينها وزين جسمها ):جوع ووجع الحين يجهز يادب
وغرقوا في ضحك ماله اول وتالي في هذا الوقت كانت ريما في السياره تدور على شاحن الجوال
ريما:ياربي وينه الله يخسك ياتركي يمكن في هذا الدرج
فتحت الدرج وفجأه طاحت في حضنها صور كثيره ولمتها وحطتها طاحت عينها على صوره
كان ابوها موجود وجنبه تركي وانتبهت للشخص اللي جنبهم كان في منتهى الوسامه طويل واسمراني وشعره
بني طويل لعند رقبته كان لابس نظرات مخبيه ملامح وجهه طالعت في المكان
ريما : هاذي الصوره في الخارج وهذا تركي زي ماهو متى راح للمكان هذا ومع ابوي بعد ومن هذا اللي معهم بصوره؟؟؟؟؟؟
ومن متى تركي يصور مع ابوي ؟؟
كثرت الاسئله في رأس ريما واجوبتها مجهوله
ريما:لازم اعرف بس اشلون ؟؟؟؟؟؟؟؟ منو هذا الشخص وش جايبه مع ابوي ومع تركي بس شاب وحليو وصديق ابوي اكيد يخص تركي لازم اعرف
انتبهت انها تأخرت: (ياويلي وين الشاحن )؟؟؟؟؟؟
رجعت حطت الصور وخلت كل شي زي مكان بعد مالقت الشاحن ورجعت للفله ودخلت الصاله مافيه احد حطت الجوال في الشاحن وبدت تناظر الديكور كان كله فاخر كان الكنب عودي مع ذهبي والستائر بعد بنفس اللون وكانت ريحه الخشب ماليه المكان وهذا لانه اصلي وطاحت عينها على التحف الغاليه والي شكلها قديم وكانت موضوعه بطريقه مرتبه وانيقه وشافت مجموعه من الصور قديمه وكان ركن مخصص لها وطاحت عينها على صوره وركزت فيها كان فيها ناصر وامه لما كان صغير عمره سبعه سنين تقريبا وتذكرت شنواللي صار لخالها واهله وبكت كانوا على حسب ماكانت تقولها امها لانه كانت بعدها صغيره كثيرر انه ماتت ام ناصر في حادث ولاقدرت تقاوم
وماتت في المستشفى لما كانوا راجعين من الحج اهي وخالي كان ناصر عندنا واعتنت فيه لاحد مسمعوا الخبر بس الحمدلله كان الخال بخير وعاش وربا ولده من دون مايدخل احد للبيت من غير ام بديله لانه خاف عليه يتعقد من زوجات الاب وكبر ناصر حصل على بعثه في للندن ودرس ورجع دكتور قطع افكارها دق جوال تركي طالعت في الجوال ولقته رقم غريب وحبت تستهبل وترد اكيد هاذي وحده تغازل خيلني ارد وامسحها فيها الارض وكانت بترد وقفت وقالت: لواحد من اصدقاه واتؤرط لايابنت هذارقم غريب وبعدين من برى يمكن ابوي يله برد واللي فيها فيها مسكت الجوال وسكت سمعت الصوت من غبر ماتتكلم
اذ اعجبتكم الروايه اكملها .....
,
,
,
لا تبخلون با ردوكم الحلوه

,’
البارت الثاني





ريما:لازم اعرف بس اشلون ؟؟؟؟؟؟؟؟ منو هذا الشخص وش جايبه مع ابوي ومع تركي بس شاب وحليو وصديق ابوي اكيد يخص تركي لازم اعرف
انتبهت انها تأخرت: (ياويلي وين الشاحن )؟؟؟؟؟؟
رجعت حطت الصور وخلت كل شي زي مكان بعد مالقت الشاحن ورجعت للفله ودخلت الصاله مافيه احد حطت الجوال في الشاحن وبدت تناظر الديكور كان كله فاخر كان الكنب عودي مع ذهبي والستائر بعد بنفس اللون وكانت ريحه الخشب ماليه المكان وهذا لانه اصلي وطاحت عينها على التحف الغاليه والي شكلها قديم وكانت موضوعه بطريقه مرتبه وانيقه وشافت مجموعه من الصور قديمه وكان ركن مخصص لها وطاحت عينها على صوره وركزت فيها كان فيها ناصر وامه لما كان صغير عمره سبعه سنين تقريبا وتذكرت شنواللي صار لخالها واهله وبكت كانوا على حسب ماكانت تقولها امها لانه كانت بعدها صغيره كثيرر انه ماتت ام ناصر في حادث ولاقدرت تقاوم
وماتت في المستشفى لما كانوا راجعين من الحج اهي وخالي كان ناصر عندنا واعتنت فيه لاحد مسمعوا الخبر بس الحمدلله كان الخال بخير وعاش وربا ولده من دون مايدخل احد للبيت من غير ام بديله لانه خاف عليه يتعقد من زوجات الاب وكبر ناصر حصل على بعثه في للندن ودرس ورجع دكتور قطع افكارها دق جوال تركي طالعت في الجوال ولقته رقم غريب وحبت تستهبل وترد اكيد هاذي وحده تغازل خيلني ارد وامسحها فيها الارض وكانت بترد وقفت وقالت: لواحد من اصدقاه واتؤرط لايابنت هذارقم غريب وبعدين من برى يمكن ابوي يله برد واللي فيها فيها مسكت الجوال وسكت سمعت الصوت من غبر ماتتكلم
الشخص :هلا تركي ادري مارح ترد انا فهد رد !!!!!!!
ريما:...........
الشخص :براحتك حبيت اقولك مو انا اللي فرقتكم انا مالي شغل وبعدين فهمتني غلط وانا محامي وهاذي شغلتي مالي شغل بالي صار لابوك وبعدين ابوك اهو اللي سوا بنفسه كذا هواختلس اموال وانا سويت شغلي وحاولت لكن .........
ريما :.................
سكت الطرف الثاني فجأه سكرت الخط وركضت للحمام (اكرمكم الله) شهقت تبكي كل شيء وضح قدامها (ابوي حرامي ولا مختلس ولا شنويارب منو فهد تذكرت الصور اكيد هذا اللي بالصور لازم اتأكد ياربي طمن بالي مستحيل وبعدين ليه يدق على تركي شكل تركي مايرد عليه عشان كذا ماخذ راحته انا لازم اعرف من فهد وش علاقته بتركي وابوي ولازم اعرف ايش قصة الاختلاس )وركضت عند الجوال واخذت الرقم وسيفته في جوالها مسحت عيونهااللي كانت متور مه من البكاء راحت المطبخ لقت الشغاله بس
ريما :لاكشمي سوي قهوه انا عند مسبح اوكيه طلعيه
لاكشمي :تيب بس انت ليس وجه اهمر كتير انت ابكي
ريما : ليش عندك مانع سوي شغلك لاكشمي شاطره
طلعت ريما واهي تضحك وتطلع جوالها تناظر الرقم (اتصل ولا لا ياربي لازم استشير نوره ورانيا لازم اتكلم ولا بنفجر ياربي لا يابنت اسكتي احسن ماتطلع لك مشاكل مالها اول وتالي )سمعت صوت الشغاله وماسكه القهوه وتصارخ على القطاوه كان شكلها يضحك فطست ريما من الضحك عليها :جيبي بس بعدي القطاوه لاتجبينهم عندي اخاف هههههههههه
لاكشمي :تفدلي (تفضلي )
ريما:وين الباقين؟؟؟
لاكشمي :في بيت شأر (في بيت الشعر )
ريما : خلاص روحي
ناظرت ريما في المسبح وهي تفكر ايش تسوي لما شربت القهوه حطت الشيله على راسها ودخلت :سلام عليكم
الكل :وعليكم السلام (الخال / نوره/ام تركي /رانيا )
ريما :تاكلون من دوني ؟؟؟؟؟؟
رانيا تغمز انها تطلع :اطلعي قدامي خلينا نجيب كاسات اللبن
ريما بصوت واطي:خلي نوره طول اليوم قاعده وبعدين وش عندك ؟؟؟؟تغمزين لي شيء
رانيا :لا بس فشله ناكل معهم بعدين ناصر بيدخل الحين عيب والله نستحي ....
ريما :علي هالكلام ومن متى تستحين ياحظي لايكون وتقولها بالفصحى (وقعت في الحب )
رانيا وهي تدفها عشان يروحون المطبخ : اششششش الله يفضحك مو كذا بس فشله ماباقي الاهي انا احب نويصرهيي تراه مثل اخوي
ريما :عن الكلام الزايد ويله قري واعترفي ولا اقول وفري خلينا نجيب الكاسات لا نتاخر وبعدين لا تعطين ناصر وجهه بس تدرين والله حليله دكتور ناصرههههههههه
رانيا :وجع لا حد يسمعك بعدين يزعل خالي عالاقل احسن من اخوك المحاسب وشركه خاصه بعد يعني في أي لحظه يقطونه في الشارع
ريما : خلاص قفلي الموضوع يله نطلع بلا ناصربلاخرابيط
رانيا :احسن كلي تبن الحين

الجزء الثالث


الكل على العشاء ومبسوطين وكان الخال يتكلم والكل يسمعه سوالف مال اول وناصر ياكل و يأشر بلحمه عند القطاوه من تحت الطاوله من غير احد ينتبه وركضت صوبه قطوه صغير ه سوداء جوعانه ورمى اللحمه قريب من رجل رانيا وضحك بخبث (يله يارانيا وريني شنو بتسوين الحين ياريت تضميني )راحت القطوه زي ماخطط بس وفجأه
تركي :دكتور نويصر كلمنا عن مشوراك الوظيفي
ناصر :تهزاوكثر والله لاوريك
رانيا :كيف الدراسه صعبه وشنو تخصصك ؟؟
ناصر ماصدق انه يناظرها :ايه صع.....
ووقاطعه صراخ ام تركي :شنوهذا عامر عامر الحقنا يمه
الكل منفجع البنات يصارخون :تركي الحقني
تركي طردها هو وناصر ويضحكون
تركي:فضحتونا يمه انت وبناتك كلها قطوه مارح تاكلكم قطوه وجوعانه مسكينه
عامر :هههههه الله يعنيك يأختي انتي وبناتك هههههههه
ناصر كان بيموت من القهر (ليش ماجات عند رانيا نفسي اكسر خشمها يله يادكتور هي لك بكره وبعدين وسوي اللي تبي يله خيرها في غيرها ياحليلك ياخالتي ) نوره :خالي ليش ماتقتل هاذي القطاوه مو ماذيتكم؟؟
عامر :يابوك هذي اليفه ومستأنسه ماتضر واطعامها صدقه مو
نوره :أي نعم بس اخاف منها
ام تركي :ياربي خرعتني
ناصر :اسالني عن الخرعه مع بعض الناس ههههههههه
رانيا عرفت انه يقصدها(بدت الحرب يا نويصر ):ههههههه مخلوق مستانس وكائن حي لطيف مو كذا ريما
ريما مومعهاهم خاصه انه هدا الجو بعد الخرعه اللي صارت وهي سرحانه في المكالمه ومنهو فهد ومن يكون
رانيا: ريما ااااااا
ريما :ها ها اشفيه
ناصر: شكلك مو معانا
ريما بسحى :لا معكم بس بطني معورني شوي
كذبت عشان تخفي ارتباكها وقامت من الوجبه مستاذنه وقبل ماتطلع
ام تركي :ريما شربي زنجبيل يمكن ترتاحين
نوره : نامي ارتاحي
ريما: طيب تصبحون على خير اسفه خالي اعذرني
عامر :ماعليه ارتاحي بكره جمعه لاحقين نشوفك
الكل :وانت من اهله
راحت ريما ودخلت الغرفه اللي كانت مخصصه لها ورانيا وامها ونوره في غرفه ثانيه الغرفه كانت واسعه وسريرين عليهم مفارش فاخره مره وكانت الدولايب والتسريحه اطقم فاخره وراحت للحمام (اكرمكم الله) وتسبحت وتوضت وصلت ولبست لبسها اللي كان عليها لانهم تفاجأوا بانهم ينامون عندهم وفكرت ان رانيا تحتاط وتجيب ملابس نوم وملابس لها كانت رانيا كذا عاده ماتدري ليش وراحت فتحت شنطه رانيا ولقت بيجامتين ورديه والثانيه سماوي ولقت تنوره قصيره وبلوزه حلوه التنوره لونها زيتي والبلوزه حمراء وكريمات ومكياج
ريما :الله يخسك يارانيوه محتاطه دائما
خذت بيجامه سماويه ونشفت شعرها وحطت كريمات مرطبه ووشالت المكياج وفلت شعرها على كتوفها كان شكلهاطفولي خاصه ان البيجامه كان مرسوم عليها رسوم كرتونيه وكان شكلها يجنن وحطت راسها على المخده وتذكرت الرقم وش تسوي فيه فجاه دق جوالها وتخرعت نطت من مكانها عند الجوال ولقتها نوال
ريما:الووواهلين
نوال :هلا بالمطنش
ريما :ليش زعلانه ؟؟؟؟؟؟؟خير وش عندك مو العاده
نوال :ابد بس بنطلع بكره انا واماني عند فاطمه اذا تبين تجين حياك
ريما :والله يانونو احنا بمزرعه خالي عامر ماقدر بكره يمكن مانرجع الا قرب المغرب روحوا بكره خلاص وبنلتقي يوم السبت وسلمي على فطوم واماني
نوال :وش هالتصريفه وش عندك ؟؟؟؟؟؟؟
ريما :مافيه شي بس تعبانه شوي اعذريني مالي خلق اتكلم
نوال :اوكيه ماراح اطول عليك بس مامرت علي حكايه التعب هاذي يوم السبت تكلميني وتقولين شنو عندك
ريما :طيب مع السلامه......
نوال : مع السلامه
وسكرت ريما الجوال من نوال وفكرت تدق على صاحب الرقم خاصه مافي احد عندها وعندها رصيديتحمل مكالمه دوليه وفكرت وفكرت وقررت انها تدق وبيد مرتجفه من انها تعرف الحقيقه وهذا اللي خايفه منه ودقت .........
فهد:الوووو
ريما :..........
فهد: الو الو
ريما :الووو
فهد :هلا
ريما :سلام عليكم
فهد:عليكم السلام
ريما:انت استاذ فهد
فهد:ايه انا فهد من انتي واذا ماخاب ظني انتي تكلميني من السعوديه
ريما :فعلا
تذكرت ريما انها ماتعرف شلون تسحب منه الكلام وبدت ترتجف ماتعرف كيف تفاتحه في الموضوع وشلون لانها مستحيل تقول انها اخت تركي وانها سمعت الكلام اللي قاله لماأ تصل على تركي وردت هي

,’
فهد: ياختي وين رحتي ؟؟؟
ريما:معك بس انت اللي اعرفه انك محامي
فهد :انا محامي بس منوقالك وصلك لي لحد بريطانيا والمحامين مالين السعوديه
ريما :ايه عارفه بس قضيتي صعبه يبيلها واحد شاطر مثلك زي ماسمعت عنك
فهد : شنو القضيه عشان اقدر اساعدك واذا تحتاج حضوري السعوديه واحلها اذا كانت صعبه لهاذي الدرجه؟؟؟؟؟؟؟؟
ريما دق قلبها لماعرفت انه ممكن يجي عشان قضيه وفكرت وفكرت
ريما : خلع
فهد :هههههههههههههه شنو عفوا اختي خلع هاذي تنحل من غير محامي
ريما خقت لما سمعت ضحكته وتخيلت شكله وهويضحك لانها شافته في الصوره وضحكت على غبائها لما اختارت قضيه مثل هاذي
ريما :اسفه ماكملت عشان تعرف شنو صاير ؟؟؟؟؟
غهد :ايه اسمع يااختي
ريما:انا ابي الخلع بعدين ابي ارفع قضيه على زوجي لانه مختلس من شركات كبيره
فهد :شنو يخصك انت في الشركات المفروض الشركات اهي اللي ترفع القضيه مو انت !!!!!!!!!
ريما بغت تبكي على ذكائها الخارق تذكرت انها ماتعرف في امور الاختلاس وغسيل الاموال وماتعرف نهائيا عن القضايا الكبار اكبر شي عندها قضيه الطلاق ..
فهد:شلون انت تبين اجيك السعوديه عشان اخلعك من زوجك المختلس (وضحك باستهزاء)
ريما :ان الشركات هاذي اناشغلته فيها
فهد:يعني لعب عليك هههه
ريما :نعم ايش قلت؟؟
فهد :عفوا اسف بس غريبه احس انك....
ريما تقاطعه :وين ماترزق الزق
فهد :هههههههه
ريما :شنو يضحكك اقول مع السلامه
فهد :اسف اوكيه طيب انتي مسويتله توكيل عام انه يتصرف في اموالك وشركتك
ريما:شركاتي لوسمحت ......لا ماسويت أي توكيل اقولك اختلاس تقول توكيل عام مادري شنو
ريما فلحت اخيرا قالت كلام معقول ويصدق وفجأه بدأجوالها يعطي اشاره انه بيخلص الرصيد تداركت الموضوع قبل لايقفل
ريما :اوكيه اقفل الحين ونبقى على اتصال وانت فكر في الموضوع
فهد :اوكيه
ريما :فمان الله
فهد :مع السلامه
خلص الرصيد في وقته رمت الجوال على السرير وتدعي عليه لانها لوبقى رصيد ماكان قفلت حتى تقنعه انه يجي السعوديه
:
:
:
:







في مكان بعيد من السعوديه



وبنفس التوقيت كان عندهم صباح وفهد صاحي ومانام طول الليل كان يدرس وحده من قضايا الشركه اللي يشتغل فيها وصلح له كاس قهوه وطلع البلكونه اللي تطل على نافوره تطاير منها الماء وتناثر براعم الماء على بركه .......يطالع فهد وتذكر فهد المكالمه اللي من السعوديه يكلم نفسه ويطالع اللي رايح واللي راد (ياربي هاذي شنو تبي اكيد وراها شي معقوله شهرتي وصلت هناك) وخلص القهوه وراح مد نفسه على السرير الابيض وغمض عيونه وين ماحط راسه على المخده ونام ........


نرجع الرياض كان الخال وام تركي و الكل يتسامرون ماعدا ناصر دق جواله واستاذن عشان يكلم برى.......... رانيا تمنت تعرف مين اللي يكلمه مالحق يوصل علشان تبدا سوالفه وطردت رانيا هاذي الافكار من راسها بحجه شنو يخصها
انتبهت لامها:رانيا نوره قوموا ناموا علشان تصحون للصلاه صارت الساعه 1ونص وتطمنوا على اختكم
رانيا :فهمنا يالغاليه تصريفه عجيبه
نوره :ريموه مافيها شيء بس من كثر ماتاكل بسم الله علي تاكل الاخضر واليابس
تركي :بسم الله هي انت لا تحسدين دلوعتي زين يالمريضه طالعي وجهك تقولين ماخذك السل
ام تركي :بس خلاص فارقواعن وجهي
شفوا امهم عصبت ركضت نوره وتركي وهم يكملون المناجره ورانيا تلف اغراض الشاي طاح جوالها تحت الطاوله ونزلت تاخذه وفجاه شافت عضمه تحت في مكان رجولها وبعد تفكير عرفت ان احد سواها فيهابس جاءت في امهم ( بس منو ياناصر اوتركي هم اللي كانوا قاعدين مقابلهم طيب يانويصر اذا كان انت والله لاوريك وفكرت لا يابنت فرحتي بزياده ماهومهتم لك ولاشايفك اصلا هذا شكله يحب يتسلى )وطلعت من المكان وتسمع صوت صراخ من برى قربت من المكان اللي يطلع منه الصوت وكان ناصريتكلم بصوت عالي
ناصر:اطلعي من حياتي ايش جابك هنا؟؟ يعني وراي وراي اسمعي تنسين هذا الرقم لا تتصلين مره ثانيه وانا خلاص ب....
طرااااااااااااااااااااااااااااخ طاحت فناجين الشاي من الصحن اللي كانت تشيله رانيا انتبهه للصوت وسكتت رانيا بتهرب سكر الجوال وركض للمكان اللي صدر منه الصوت رانيا ماعرفت تلم اللي انكسر ولاتهرب فقررت تهرب وصل ناصر للمكان وشاف رانيا تركض هاربه صوب الباب وتطالع وراها وشافت ناصر يطالعها
ناصر : يالله ياربي لايكون سمعت شيء هين لاوريك مراح اخليك لاربيك علشان ماتتنصتين علي
دخلت رانيا الغرفه تلهث وصدرها يرتفع من الركض (ياويلي ماراح يتركني وش اللي خلاني مو من عادتي اسويها لاكون احبه...لالالا مستحيل لازم اشيل ها الافكار من راسي )وراحت الحمام ولاحظت ارواب حمام وجاكوزي وصابون باانواعه اشتهت تاخذ دش بدت تنزع ملابسها ودخلت الحمام (اكرمكم الله )وقعدت في الجاكوزي واسترخت وكانت تشم رائحه الصابون وريحه الشموع اللي كانت حول الجاكوزي بعد ساعه
رانيا : يالخايسه ياريما قلت بتاخذ شنطتي معها وتنام معي في نفس الغرفه وينها ؟؟؟؟اكيد تاكل في المطبخ
طلعت من الحمام منتعشه لافه جسمها بفوطه حمراء طالعه مع لون بشرتها يخبل وشعرها مبلول متناثرعلى وجهها وظهرها واخذت مرطب موجود على الرف الموجود في الحمام ولاحظت وجود شفرات حلاقه ومعجون حلاقه رجالي استغربت بس ماحطت في باله ان الحساب قرب قعدت على الارض وبدت تمد المرطب على جسمها وفتح الباب .....
رانيا : هي جيبي يادب شنتطي خليني البس بموت من البرد طفي المكيف ليش ماتكلمين ؟؟؟؟؟
وناظرت وراهاعلى مكان ريما زي ماتوقع هي وكانت الصدمه لما ادركت ان اللي عالباب ناصر ونظراته تحرقها ...............ناصر وقلبه يدق بسرعه عمره ماشااف هالجمال البريء لدرجه انه عرق من غير ما يحس...... رانيا تجمدت مثل الحجر ماقدرت تتحرك ناصر قرب منها وقعد ورائها لحد ملصق صدره في ظهرها وحست فيه كانت بتتحرك بس وقفتها يد ناصر القويه كان يضغط عليها ويالمها وكان متقصد بدت تسييل دموعها
ناصر بهمس وهو يقررب من اذانها : ليش الدموع الحين وينها هاذي الدموع لما كنتي تتسمعين علي ......شنو سمعتي ؟؟؟هاه تكلمي
وهو يهزها قامت وركضت عند الباب بس كان اسرع منها ومسكها مع خصرها ولصقها بجسمه لدرجه ان الفوطه ارتخرت مكان ماسكها الا صدر ناصر يعني لو يبعد راحت فيها وكانوا ساكتين ماغير انفاسهم اللي تسابق ركض الخيل وقطع الصمت
ناصر : لوبايدي اضيعك في لحظه واخليك تكرهين الدنيا ومافيها لو يطلع الكلام اللي سمعتيه اوفكرت تهدديني فيه والله يارانيا الانسيك اهلك فاهمه
رانيا ودموعها على خدها :لالالا تكفى ناصر والله ماقول شيء اصلا ماسمعت شي
ناصر :انا حذرتك سمعتي ولا لا

وبعد عنها بس كان ماسك يدها الثنتين والفوطه كانت بتنفك مسكها ناصر وضبط الفوطه عليها علشان ماتزلق وترك يدها ولاحظ ان اصابعه طبعت علي ايدها وبعدعنها ببطىء عشان مايحرجها اكثر
ناصر :استني خليني اشوفلك شيء تلبسينه يسترك
رانيا تبكي : ط..ي..ب
راح ناصر واعطاها ثوب من ثيابه ومد لها وهو منزل راسه( روحي البسيه هناك) لبسته رانيا وهي تبكي وحست نفسها حقيره ورخيصه(ياربي ليه يصير فيني كذا ) طلعت بعدمالبست الثوب
ناصر :انتظري خليني اامن لك المكان( ومشى قدامها وهي وراه كأنهم حراميين وصلها للغرفه)
ناصر : تصبحين على خير
رانيا :ش..ك...را
دخلت رانيا من دون تناظر ناصر كانت ترتجف وخايفه ودخلت الغرفه وهي تشهق وشافت ريما نايمه متغطيه مو باين منها أي شيء قربت رانيا منها ودموعها تسيل على خدودها وفجاه طاحت لان الثوب كان طويل ريما ماكانت نايمه كانت تفكر شنو تسوي بفهد ونقزت ريما وشافت اختها طايحه على الارض تبكي ريما لما شافتها بثوب رجال حست ان فيه شيء مو زين صار
ريما مبققه عيونها :ايش صار شنو لابسه انت ؟؟؟(وتهزها ورانيا تبكي زياده)تكلمي رانيوه وجع !!!!!!!!
رانيا:ن..ا.........ص..ر
ريما حطت يدها على فمها :لالالاتقولين
رانيا :ماصار ش...
سمعوا احد يصعد الدرج ويتكلم كان الخال وام تركي (خديجه)قامت ريما وساعدت اختها تقوم
ريما :قومي ادخلي الحمام قبل لاحد يشوفك بسرعه
رانيا :اهي اهي ط..ي..ب
ودخلت ريما رانيا الحمام (اكرمكم الله)وريما شوي بتبكي تحسب ان ناصر سواء شيء في رانيا دق الباب
ريما :حياك ادخل
خديجه :شلونك يمه ؟؟وبعدين صاحيه لحد الحين؟؟
ريما :الحمد لله بخيرمالي خلق انام
خديجه :وين رانيا ؟
ريما ماسكه نفسها:بالحمام
خديجه :تصبحين على خير
ريما :يمه متى بنرجع البيت وراي اشغال؟؟
خديجه :طيب بكره يصير خير بعدين لايسمعك خالك يزعل تبيه يقول ملينا منهم
ريما :طيب مع السلامه كله على راحتك وعلى راحت استاذ تركي
خديجه :نامي وخلي عنك الهذره الزايده
وسكرت خديجه الباب على بناتها ماتعرف انا تقفل على بئر مليانه اسرار من عقول وتفكير بناتها وماتعرف انها على كثر ماهي قريبه منهم انها بعيده في الاصل............... بينما كانت رانيا تشاهق وتسمع صوت امها لما كانت تتكلم مع ريما تفكر شنو فهمت ريما منها وبدت رانيا تفكر طاحت عينها على اللي كانت لابسته كانت رائحه عطره معبيه المكان وجسمها زي رائحه الثوب وتسبحت وطلعت تنادي ريما
رانيا :ريما جيبي الشنطه علشان البس
ريما وهي حامله الشنطه ورايحه عندها :خذي وتسبحين بعد؟؟؟؟!!!!
رانيا :وجع ريموه خليني البس بعدين احكي اللي صارلي
ريما :نشوف
لبست رانيا البيجامه الورديه بعد ماضربت ريما ليش انها لابسه من ملابسها وبدت تمشط شعرها وتحكي اللي صار لها مع ناصر ريما مبققه عيونها
ريما : شلون صار كذا يعني شافك وانت عار...
رانيا تقاطعها :انطمي اقولك الفوطه علي موباين غير كتوفي وايديني وركبي وشعري والله يغفرلعباده لاني مااقصد على بالي انها الغرفه اللي مجهزينها علشانا ياربي سامحني0
ريما :وش خليتي موباين ؟؟؟ الله يغفرلك واحمدي ربك انه رجال وسترك بثوبه وطلعك من الغرفه من غير مايشوفك احد ولو كان فيها قطع رؤؤس
رانيا شهقت:ملابسي في حمامه
ريما :الله ياخذك الحقي طلعيهم قبل ماتشوفها لاكشمي وهي تنظف
رانيا : مااقدر ناصر في الغرفه
ريما اعطيه ثوبه واخذي ثايبك ويادار مادخلك شر وانتبهي
رانيا خليها بكره بغسل ثوبه بكويه وبعطيه وهو اكيد بيعطيني ثيابي من غير مايشوفهم احد
ريما: على قولتك نامي الحين وبكره يصير خير
رانيا :تصبحين على خير
ريما :وانت من اهله
ونامت كل وحده على فراشها ونطت ريما من مكانها ريما:رانيا وين نوره ؟؟؟؟؟؟؟؟
رانيا مخترعه :بسم الله وين بتحج يعني اليوم خميس يعني اكيد
وقالوا مع بعض :تتابع فلم هندي هههههههههه وظلوا يضحكون لحد ماتعبوا وكل وحده حطت راسها على المخده ماتدري شنو الزمن مخبي لهم مايدرون ان الحياه مهما سارت مسارها تتغير في لحظه

بريطانيا الساعه 7 مغرب صحى فهد على صوت الجوال وناظر في الجوال وهو منزعج وشاف ان الرقم من الشركه اللي يشتغل فيها تركه يدق ومارد وقام من فراشه واخذ دوش بارد وطلع سواء له قهوه ساخنه ولبس بنطلون جينز اسود وقميص اسود كان شكله مره حلو ومشط شعره وتناثر على ياقه قميصه من نعومته كان مبرز جمال وجهه مع السكسوكه السوداء ولحيه طالعه على خفيف كان اسمراني شوي ومبين انه خليجي وكان جسمه ولاعارض ازياء وطالع نفسه في المرايه ورش عليه عطر عليهboss عطره المفضل ويكلم نفسه
فهد :ياحلاتك يافهد صار عمرك 27 سنه ولاسويت شي بحياتك يشفع لسيئاتك وهذا الرجال اللي بعدناه عن عياله وتفرقت انا وولده مالي ذنب ليه صار فيني كذا انا سويت شغلي ولا بعد يبي يوكلني على قضيته واطلعه من السجن اللي خاس فيه ياربي ساعدني دق الجوال اللي قطع حبل افكاره :كانت امه
فهد :هلا بالغاليه
ام فهد :هلا فيك يالخايس ماتدق ولاتسال علي فيه ام عندي فيه اخت تسال عنها
فهد وهو مل من اسطوانات امه :لايمه اشدعوه والله انك غاليه بعدين شغل يمه وتعبان ارجع وحط راسي وانام حتى بريطانيا ماعرفه على كثر ماصرت قاعد فيها
ام فهد :طيب ليه ماتجي السعوديه والله ان الديره بحاجه للشباب مثلكم
فهد :ايه وكل القضايا اللي تجيني خلع وطلاق هههههههههههه
ام فهد:عن الخبال وتعال والله مشتاقتلك من يوم مامات ابوك وانت كله ماتسال عنا غير ترسل هالدراهم وتطس
فهد :ابشري يمه فيه قضيه بمسكها في السعوديه مواكيد
ام فهد: براحتك الله يوفقك ياوليدي ويرزقك بنت الحلال سمعت وانا امك
فهد :يله مع السلا مه يمه
ام فهد :مع السلامه الله يحفظك
وبعد مامطرت ام فهد الادعيه لولدها واستانس فهد بصوت امه اللي صحى من النوم وهو يدور عليه تذكر طفولته قبل مايموت ابوه وحياتهم كيف كانت وكيف صارت بعد ماصعبت الحياه عليهم وراح يدرس ببريطانيا علشان ياامن حياتهم ..
وقطع عليه صوت الجوال كان نفس رقم اللي كلمه الصباح رد وكانت ريما صحت من النوم وارسلت السايق اللي يشتغل عند خالها يجيب بطاقات شحن علشان تكمل اللي في راسها ...!!!!!!!!
فهد :الو
ريما :الو
ريما :صباح الخير
فهد :مساء النور
ريما مستغربه :انا قلت صباح ماقلت مساء
فهد يضحك : ايه ادري بس عندنا الحين مساء راعي يامدام التوقيت
ريما ماحطت في بالها التوقيت نهائيا ورد ت مفتشله :اعذرني من المشاكل اللي فوق راسي ماقدرت اركز شلونك انت ؟؟؟
فهد : الحمد لله بخير انشالله مافيه مشاكل الاولها حل
ريما : انشاالله
فهد :ماعرفتيني عن نفسك
ريما فكرت واخذت اسم امها علشانه قديم واسم مراه كبيره :خديجه
فهد :اهلين مدام خديجه شوفي ارسلي اوارق قضيتك على الفاكس علشان ادرسها بعدين لما اوصل السعوديه وارفعها للمحكمه
ريما حست انها دخلت شيء ماهي قده ولاقد المسؤليه (ياويلي شنو سويت )
فهد :مدام خديجه معي تسمعيني
ريما :أيه بس ماعرف كيف ارسلهم وبعدين ماعندي فاكس ولااقدر ارسلها لك ولابالبريد حتى
ريما قطعت حبل الوصل بهذي الطريقه
فهد :اوكيه ماراح اقدر انزل السعوديه وانتي ماتحاولين وتساعدني لان السفره مصاريف كثير وشغلي هنا اهده واخذ قضيتك التافهه ويروح علي شغل ماله اول وتالي وبعدين اللي وصلك لي غلطان انا ماسك شركه خاصه بس انانظرت في قضيتك لاني في اجازه الحين بس حسيت ...
ريما :ارجوك اخ فهد انا محبوسه في بيت زوجي مااطلع ويتحكم في حقي وحق اخواني الصغار واحنا يتامى مالهم احد غيري الله يوفقك الله يخليك
لما سمع فهد صوتها ايقن انها شابه وحن لما سمع صوتها يارقته هذا الصوت وقال في خاطره (يافهد راع حقوق مثل ماضيعت حقوق واكسب اجر في هذولا اليتامى الضمير معذبني في تركي واهله يله ساعدهم منها تشوف امك واهلك وبلادك
ريما : استاذ فهد شقلت ؟؟؟؟؟
فهد :اوكيه راح ادبر حجز واكلمك وانتظري مني مكالمه علشان اخبرك شيصير معي ومتى راح اسافرالسعوديه
ريما وفرحانه وقلبها يدق بسرعه وحست انها خطيره :مشكورر الله يخليك لاهلك
فهد : العفو هذا واجبي مع السلامه
ريما :مشكور مع السلامه

فهد :اوكيه راح ادبر حجز وكلمك وانتظري مني مكالمه علشان اخبرك شنو يصير معي ومتى راح اوصل السعوديه
ريما وفرحانه وقلبها يدق بسرعه وحست انها خطيره :مشكورر الله يخليك لاهلك
فهد : العفو هذا واجبي مع السلا مه
ريما :مشكور مع السلامه***********
سكرت ريما الجوال وتذكرت انها تفتش في شيء يشوه كيان عائلتها بس فرحت انها قدرت تضغط على فهد انه يجي الرياض
وتذكرت اها مامسحت المكالمه من جوال تركي وراحت لمكان اللي حطت فيه الجوال في الشاحن وكان على حطت يدها شالته ومسحت المكالمه وراحت المطبخ تاكل ولقت نوره وبدوا يسولفون مع لاكشمي ومبسوطين
في الغرفه رانيا صحت من النوم على اصوات خيل من برى ونقزت من مكانها وراحت للشباك وفتحت الستاره شافت ناصر مع خيول كانت الخيول تجري حوله وهو ولامهتم كانه متعود وجذبها شكل ناصر بين الخيول كان لابس بنطلون بيج وقميص اسود وحذاء بوت
الي تشوف المكسيك يلبسونها في المسلسلات وكان شعره مفلول ويحركه الهواء يمين وشمال وهومبسوط كان شكل الخيول مره حلو كان شكلها باين انها عربيه اصيله كانت نشيطه وفيهاشموخ الخيول العربيه الاصيله وكان صوت صهيلها مالي المكان شافت رانيا ان تركي كان معه بس بعد عنه ماتدري وين رايح وفكرت انها تروح لغرفه ناصر تاخذ ملابسها وتحط ملابسه بعد ماتغسلها وتكويها مدام ضامنه انه مو موجود في الغرفه وغسلت الثوب وكوته وحطته في الغرفه كانت الغرفه مرتبه ورائحه عطره ملت المكان تذكرت الموقف اللي صار وسخافته وبعدين راحت للحمام(اكرمكم الله ) بس مالقت ملابسها طلعت من الغرفه وهي مستغربه رانيا:وين ملابسي ؟؟وين حاطهم معقول شافتهم لاكشمي ياويلي
وراحت الغرفه ولبست تنوره قصيره زيتي وبلوزه حمراء وحطت مكياح خفيف ورشت عطر coco عطرها المفضل وحطت في شعرها الكستناءي جل وطلع مجعد وشكلها طالع مرتب وحلو ونزلت وهي خايفه ان لاكشمي هي اللي اخذت الملابس دخلت المطبخ ولقت ريما ونوره ولاكشمي ريما تطالع نوره وهي تتكلم مع لاكشمي عن الفيلم الهندي اللي شافته
رانيا :هاييييي
ريما ونوره :هايات
رانيا : كيف حال لاكشمي انت كويس (كانت تجس نبضها )
لاكشمي : الحمد لله كويس انت حلو كتير
نوره :لاكشمي اتركي عنك رانيا وكلميني انا انت في شوف هذا ممثل هندي اسمه زايد خان هذا حلو كتير سوا ايشوريا
لاكشمي :لاماعرف انا في اسكن جبل هذا مال بقر جاموس انت معلوم انا مافي تلفزيون سيمسيم انت ايش فيه انت نوره قرقراليوم كتير خلاص انا مافي اعرف مين هذا نفر كلام انت
ريما ورانيا:هههههههههههههه
نوره :ول يالخايسه يابنات غسلت شراعي هي انت لاكشمي مافيه كلام انا كذا انا باقي بيبي
نوره طلعت معصبه من المطبخ والبنات يضحكون عليها ولاكشمي معصبه لان نوره حذفتها بالملعقه لما كانت تحرك الشاي اللي شربته
لاكشمي:بيبي انت كلاص جدتي
هنا فقعوا البنات ضحك عليها افطروا واطلعوا الحديقه عند نوره وشافوا تركي مقبل عليهم وكان لابس نفس لبس ناصر
تركي :صباح الخير
البنات صباح النور
تركي :بنات امي راحت مع خالي يتمشون بسياره وبيرجعون الحين وبنمشي بعد المغرب فاجهزوا
ريما :تركي انت تركب خيل
تركي بافتخار :ايه عندك شيء
ريما ونوره :تكفى خلنا نركب معك
تركي :ههههههههه ناس يخافون القطاوه يركبون خيل والله نكته بعدين هاذي خيل باقي شرسه مومروضه
رانيا ماتكلمت لانها تعرف ان ناصر معه عشان كذا قالت :خلاص بروح معكم بس اناظر تركي وافق تكفى مولازم نركب بس بنشوف من بعيد
تركي :خلاص وانتو يانسرتين (ريما ونوره )والله لوتصارخون وتفضحونا والله لاكلكم تبن الخيل ريما ونوره :طيب خلاص
تركي :خلاص غطوا نفوسكم وتعالوا ترى ناصر معي
ناظرت ريما رانيا وغمزتلها رانيا دق قلبها لما سمعت اسمه وراحوحطوا الشيل على رؤسهم ولحقوا شافوا الخيول تراكض في كل مكان والمكان يعم بالغبار نتيجه ركضها شافوا ناصر راكب خيل اسود كان شكل الخيل عنيد ويركض بناصر ويوقف به فجاه علشان ينزل ناصر من على ظهره وناصر كان يصارخ عليه وشوي يمسح عليه ولما انتبه ان تركي جاء وشاف البنات جاؤا معه وقرب منهم وهو راكب الخيل وشاف رانيا مبعده كانها خايفه غير عن خواتها اللي بدوا يقربون من مهر صغير كان يلعب وشكله اليف ماخفوا منه غير عن رانيا اللي مبعده بس تناظر قرب ناصر
تركي :هي انت انتبه معنا ناس يخافون
ناصر :اسالني عن القطاوه وبس اما الخيل معذورين
ريما وكانت تناظر رانيا علشان تقرب : لا ياناصر لازم نقرب بشويش علشان متهيج علينا مانضمن وبعدين هذا اللي راكبه وراه هايج ماتخليه يقر ويصير مثل باقي الخيل
الكل :ههههههههههههههههههههه
ريما مفتشله :ماقول غير الصدق
ناصر: قربي وجربي
ريما :طيب تعال معاي ياتركي
وقربت ريما ونوره ورانيا مبققين عيونهم يناظرونها مسك تركي يد ريما الصغيره بالنسبه لايده وخلاها تلمس راس الخيل الاسود اللي كان راكبه ناصر وطلع الخيل صوت خلى ريما تفزع بس تركي ظل ماسكها علشان ماتخاف وتخوف الخيل
ناصر :شفتي مايخوف الحين اجيب خيل مروضها علشان تاخذون لفه وراح ناصر الاسطبل وكان يمشي بغرور لانه عرف ان رانيا تناظره وخلى العامل المشرف على الاسطبل يجيب خيل موصي ناصر عليها مخصوص علشان يركبونها البنات
ناصر بغرور :يله تركي خلو البنات يلفون بهذي الفرس لاتخاف اليفه
تركي :يله وحده وحده انا معكم
ريما : ابيها تركض بي في مكان واسع غير هذا
تركي فهمها انها تبي تاخذ راحتها :يله طيب تعالوا باذنك ناصر
ناصر :تفضل خذوا راحتكم
نادا تركي خواته الا رانيا كانت تكلم وحده من صديقاتها بعيدعنهم
تركي ينادي :رانيا تعالي
رانيا مومهتمه تهز راسها بايجاب
تركي :خلاص اذاخلصت بتلحقنا
نوره وريما :يله تركي

ناصر يروض الخيل شاف رانيا من بعيد بس قريبه من الاسطبل وتكلم باندماج
ناصر ويضحك بخبث :هين يابنت يوسف مارويك ماكون ناصر ولد عامر
رانيا باندماج :شوفي انت سجليني حضور وكلمي المديره عن ظرفي وانا باجيب عذر طبي الله يخليك
سكتت لما حست ان الارض حولها تهتز وان شيء متجه صوبها التفت ماشافت غير الخيل الاسود اللي هايج عليها
رانيا :لالالالالللللللللللللللللللللللللا ......وتصارخ
انخطفت من مكان منخفض الى مرتفع وكانت يد ماسكتها عشان تتوازن لما شمت رائحه العطر عرفت انه ناصر وبدت ترتجف من الخوف من الخيل و كان ناصر مستمع بارتجافها وخوفها بس خاف انه يصير فيها شي بس حب يلعوزها كان ماد كفه على بطنها وشاده صوبه علشان يمسكها وماتفقد توازنها رانيا حركت يدها عشان تشيل شعرها الكستناءي من على وجها وشافت راس الحصان الكبير واذانه وارتفاعها من الارض وخافت اكثر (يمه وينك الحقيني وش هذا المجنون )حست بانفاسه تداعب خدوها التفتت عليه كانت رجلينها على جنب واحد حاولت ترفع عيونها علشان تناظره بدا الخيل يركض بقوة تمسكت في ناصر اكثر حطت يدها اليمين على صدره العاري كان فاتح قميصه على الاخر ويدها الثانيه ورى ظهره يعني ضامته تاثر ناصر بلمسه ايدينها عليه وحس انه بيدوخ مسك نفسه
رانيا وهي متمسكه فيه : ناصر تكفى نزلني
ناصر بكل برود مع انه العكس:لا
رانيا بصوت باكي وتضمه اكثر لانها خافت :نااااااااااصر
ناصر حن عليها وبدايهدي من سرعه الخيل لحد ماوقف نزل ناصر ناظر في رانيا مسكها مع خصرها ارتفعت تنورتها لانها كانت قصيره ناصر سواء روحه ماشاف شيء لما نزلت كلمته ومنزله راسها وتلعب برمل اللي عند رجليها :لاتعيدها وبعدين منو قالك اني احب الخيل
ناصر بخبث :ياخوافه
التفتت رانيا من غير ماترد عليه وشافت كل شيء حولها رمال وجبال خافت لما ادركت انها هي وناصر لوحدهم وانهم بعدوا عن المزرعه
رانيا:رجعني
ناصر :الطريق مفتوح مامسكتك شوفيه
رانيا :رجعني زي ماجيت لهنا
ناصربخبث اكثر :يله نركب الفرس
رانيا وهي مبعده من الخيل :لا ماركبه
ناصر :اجل خيسي في الصحراء شوفت عينك الذيابه هنا جوعانه
رانيا :ناااااااصر
ناصر بغضب مصطنع :اشيلك على ظهري
رانيا رضت :اركب وانا بامشي بس لاتركض
ناصر :اوكيه زي ماتحبين
رانيا ظلت تمشي والشيله تطير والشمس احرقتها ماقدرت تمشي اكثر وناظرها ناصر وحس انها تدوخ وقف ونزل
رانيا بتعب :ليش وقفت
ناصر انتي من صدقك بتمشين هالمسافه كلها البيت هذاك هو
طالعت رانيا وين مايشر كان موباين غير نقطه بيضاء وتقول في نفسها (مسكين الخيل ركضنا هاذي المسافه كلها)عرف ناصر شنو يدور في بالها خاف عليها لايصير شي ويبتلش ناصر :يله رانيا اركبي وعن الدلع انا معك مارح يصير شيء
رانيا :لالالا مابي وش يخصك انت اناني ومغرور ورافع خشمك على شنو ؟ تكلم ؟؟؟؟؟؟
ناصر :اوكيه انا اللي قلتي ركبي قبل مايفقدنا احد
رانيا :وليش مافكرت قبل ماتسوي كذا حقير (وعطت ناصر ظهرها )
ناصر جن جنونه ومسكها مع ذراعها بقوه تالمها :شوفي لاتطاولين علي يابنت يوسف لا كسر راسك
رانيا :مابي اتركني ناصر تالمني
ناصر ضغط اكثر واكثر وبدت رانيا تضربه على صدره وشمخته على رقبته لحد ماسال الدم عطاه ناصر كف حطت يدها على خدها تالم وبدت تضربه وتلفظ عليه قاومها ناصر اكثر وقاوم ضربها له اكثر واكثر لحد بدت تنزلق على جسمه مستسلمه مسكها ناصر وهوخايف عليها مسكها بس فقد توازنه لانه ضعيف مره وطاح على رانيا وهو يتنفس بصعوبه
ناصر :..................
رانيا :وخر يالحيوان
ناصر :...................
ماحست بحركته وبعدته عنها رانيا قلبها دق لما شافت ضلوع صدره ترتفع وتنزل من تنفسه وهويتلوى كانه بيموت رانيا قامت تدور اذا فيه احد حولهم يساعدهم
رانيا مسكت راسه ودخلت يدها في شعره اللي لطالما حلمت انها تلمسه بس ماكانت مهتمه كثر ماخافت عليه :نااااااااااصر تكفى رد علي

ناصر يفتح عيونه بصعوبه ويطالعها والهواء يلعب بشعرها ادركت انها يمكن تكون ضربه شمس ووخرت الشيله اللي على كتفهابعد المهاوشه وحطتها على راس ناصر وبدت تساعده يقوم كان مافقد توازنه الكلي ويناظرها وهي تساعده وحست انها ظلمته وبدا يقوم لكن اختل توازنه وطاح مره ثانيه بكت رانيا: ناااصر قوم انا بساعدك يله تشجع شنو صارلك كنت بخير
ناصر مد ايده وحطها على خدها مكان ماضربها كان محمر ومورم شوي ناصر :اه اه ابي ماي رانيا ماشوف (كان يتكلم بصعوبه )
رانيا: انت تشجع وقوم
ناصر يناظرها وحس انه انهان وهو ضعيف واظهر ضعفه مسكها مع كتفها وتكلم بصعوبه :س..اعديني
رانيا :يله
مدت يدها على ظهره وكانت ماسكه ايده الثانيه وتساعده قرب منها وباسها على خدها وقفت في مكانها ماتوقعت انه يسويها بعدت وجها منه بس ظلت ماسكته قال :هذي بدل الكف انا اسف بس خلتيني اعصب
رانيا في بالها ناصر المغرور يتاسف وبدت تساعده يركب الخيل وركب ومسكها
ناصر: ركبي معاي
انيا :لاانت خذراحتك مابي اضايقك
ناصر ووهوتعبان :راحتي لما تركبين معاي اخاف يصير فيك شيء
رانيا :تخاف علي !!!
ناصر :لا بس علشان خالتي
وشافوا سياره جيب تمشي باتجاههم ناظر ناصر السياره وطاح من على الخيل ركضت رانيا ضمته وتقول : ناصر ناصر ناصر قوم يامجنون ليش جبتني هنا وتبي تتركني قوم الحراميين جاوو السياره باقصى سرعه ورانيا كل ماقربت السياره تصارخ وتضمه وكان يسمعه بس مثل الحلم ماقدر يتكلم :لا..ت..خ..ا..في..ن هذا ..اب...
وقفت السياره ونزلت ام تركي وخالها عامر كانو يتمشون وشافوا ناصر ورانيا وجاوااارتاحت رانيا انتبهت لنفسها لما كانت تضم ناصر لحضنها وبعدته لان خالها مسكه وكان يتكلم بعزم :ناصر ناصر اصحى ياولدي علامك
خديجه كانت تبكي : ايش فيه ناصر........ عامر
رانيا: مدري شنو صار طاح فجاه ولما ساعدته ضغط ناصر على يدها علشان مماتتكلم حست وسكتت ماتنبه احد لسكوتها ناصر فتح عيونه وناظر في ابوه وعمته :ماي
عامر :ابشر
انتبهت خديجه ان ناصر ماسك ايد رانيا وبدت الافكار تروح وتجي في راسها بس تغاضت عنها لانهم متربين مع بعض مستحيل انتبهت رانيا لنظرات سحبت يدها من ايد ناصرقام ابوه وحمله معه للسياره
عامر :رانيا ركبي الخيل والحقينا
رانيا :طيب بس
ماكملت لان خالها وامه خذوا ناصر وراحو بس كانوا واقفين ينتظرون رانيا تلحقهم تشجعت رانيا وجربت وتزلق جربت وتزلق المره الثالثه سمعت خالها يقول :يله رانيا الولد بيموت علينا صرنا عصر
رانيا تشجعت وركبت الخيل وركضت الخيل وكانت خايفه اول مره وصلوا المزرعه وشافوا تركي والبنات مع الخيل يلعبون ناظر تركي كانت رانيا على الخيل وتفاجأ
تركي بصوت عالي : رانياااااااا
رانيابخوف وتصارخ :تركي وقف الخيل
تركي هدا الخيل لحد ماوقفت ونزل رانيا مسكها
تركي: وين كنتي حسابك انت والخايس بعدين
رانيا خافت وقالت :تركي ناصر تعبان اغمى عليه ومادري شنو صارله (بصوت واطي ) والقصه بأقولك بعدين وناصر مثل اخوي
تركي ماهان عليه ناصر ركض وساعد خاله وحملوا ناصر وحطوه في الغرفه رانيا من دون شعور لحقتهم مسكتها ريما
ريما :شنو صار ؟؟؟؟؟؟
رانيا تبكي :وخري عني مادري
ريما سكتت لما شافت اختها في هاذي الحاله ونوره مبققه عيونها كأن الصوره وضحت وان خواتها مخبين عليها شيء
نوره :ريما اسكتي خلينا نصعد رانيا ترتاح
وصلها الغرفه ونامت من التعب وهي تبكي خواتها راحو يتطمونون على ناصر بعد ماجابوا الدكتور له وقال :دكتور ناصر طيب بس فيه ضربه شمس وتأثر بعد من قل الاكل اهتموا فيه اهم شيء اكله وصرف له مغذيات وفيتامينات ووصاهم عليه طبعا الكل ماقصروا معه وفاق ناصر وكان بيقوم من السرير بس ابوه خلاه يرتاح وراحوا هم عشان ناصر ينام وهم طالعين (تركي وريما وام تركي ونوره وخالهم )
تركي :ياخال احنا نبي نستأذن نبي نروح ورانا دوامات وانت ادري
ريما :مومعقول نخلي خالي بروحه بنتطمن على ناصر ونروح
خديجه بحزن :ايه وانت صادقه
عامر :قعدوا معاي اليوم وبس وانت اذا ماتقدر ياتركي خل امك وخواتك عندي وبكره تعال
نوره:خلاص تركي
تركي بياس من الاقناع من امه وخواته :مثل ماتبي امي اسوي
وراحوا للصاله يتعشون بعد مكان يوم متعب معاهم وماحطوا لقمه في بطونهم من بعد اللي صار ويتاسمرون الى صارت الساعه9 مساء صحت رانيا من حلم مفزع صحاها من النوم حلمت ان ناصر انشل صحت وهي تبكي ( يارب انا احب ناصر ولاشلون ايه احبه واموت فيه وهو بعد ولا ماسوى اللي سواها .....اصحي لايكون يلعب فيك )تذكرت شنو اللي صار وقامت من الفراش حتى مانتبهت للوقت خافت الحلم يصير حقيقه وراحت لغرفه ناصر وترددت انها تفتح الباب ( انا مجنونه اروح برجولي واسلم نفسي له يابنت روحي له الولد تعبان تطمني عليه ) اقنعت بلي يدور في راسها وفتحت الباب لقته متمد على السرير كانه ميت من دون فراش كان صدره عاري ماعليه قميص بس بنطلونه اللي كان لابسه وقربت من السرير وشافته كانت ضلوعه باينه ويرحم حتى اللي قلبه من حجر وقربت اكثر واكثر وقعدت جنبه مدت يدها بنعومه على وجهه وتحرك ناصر بعدين خافت انه يصحى بعدين شنو يقول عنها وخرجت من الغرفه ونزلت ومر اليوم وبكره وناصر ماطلع من الغرفه وكانت رانيا تتجنبه وتتجنب اهلها حتى لا يسؤلونها عن اللي صارلناصر وشلون راحت مع ناصر لوحدهم وبعد راكبين مع بعض هذا اذا مافكروا في شيء ثاني طلع ناصر من الغرفه وصار الحمد لله بخير وبدت ام تركي وعيالها يتجهزون علشان يرجعون بيتهم وركبوا السياره والخال ودعهم وتمنى انهم يقعدون معهم بس الظروف كانت ضده بعد ولما مشوا كانت رانيا تناظر بوابه الفله علشان تشوف ناصر بس خاب ظنها وانقهرت وبدت تقلب الكلام ضده ومشوا لما كان الناطور يفتح بوابه المزرعه سمعوا صوت من وراهم ينادي التفت لقوه ناصر وحامل في ايده كيس
تركي : شنو تسوي يالمهبول المفروض ترتاح شتبي تبي تورح معنا يابابا
ناصر :ماني بزر عندك كلمني زي العالم والناس
تركي : اخلص
ناصر :هذا كيس اعطتني لاكشمي قالت هاذي ملابس ريما
ريما كانت بتتكلم ان الملابس مو لها بس رانيا لحقت الموقف قبل متزيد ريما الطين بله وسكتت ريما لانها تذكرت شنو صار وحمدت ربها
ريما :يجزاك خير تصدق ان لاكشمي بنت حلال الا اقول اغسلتهم ؟؟؟؟؟؟؟؟
امه تناظره وتزورها بعينها:اقول طسي قبل مااكسر راسك عن الاستهبال
ناصر كان ينتظر رانيا تتكلم بس خاب ظنه لان رانيا تناظره وقلبها يخرج لما شافته يلهث من الركض علشان يعطيها ملابسها وراحوا وعيون ناصر ورانيا على بعض بس بحواجز مايكسرها الاقوه حبهم وقفلت بوابات المزرعه على قصه حب ولدت فيها وماندري وين بتكبر وترعرع في أي ظروف
كلمه يملاها الشعور ......كلمه لايمكن تبور
بكتب بأول سطر وأخر سطر
وفوق الورق (لايمكن نفترق )
ولو طالت الغيبه .......وصار للظلام هيبه
بأشعل فتيل قلبي .....ماهمني لويحترق بس المهم (مانفترق)
حتى فرقتنا المسافه ....وضاع العمر عمري مني حسافه
وكان القدر اقوى ........وافترقنا عن بعضنا ترى المشاعرتتفق
بس المهم قلوبنا (ماتفترق)

الجزء الرابع
وبعد مر اسبوع من التعب على رانيا لانها كانت تجهز امتحانات للطالباتها بس تحاول انها تركز على شغلها
كان تفكيرها بناصر والي صارمعه من مواقف خلال يومين بس وصارت تاخذ راي صديقتها مها في كل شيء وتفكرفيه لانها قالت لها على كل شيء صار.........
اما ريما كلمها فهد وقالها على اليوم اللي راح يوصل فيه وهي تحمست وفرحت بس احتارت شنو تقوله لمايكتشف انها خليته يجي السعوديه علشان سالفه ابوها


في الجامعه
ريما كانت مع فاطمه لوحدهم وريما تحاول تطلب مساعده فاطمه علشان تشوف فهد
ريما:فطوم عندكم سايق ؟؟؟؟؟
فاطمه وهي تأشر بقلم احمر على كتابها لان الامتحانات قربت (بدون اهتمام ):خلصت شنو قلتي ؟؟؟؟
ريما: وجع اكلم الجدار قلت عندكم سايق ؟؟؟
فاطمه : يس
ريما : ممكن استأجره منكم يوم ؟؟؟؟
فاطمه:وليش ياحافظ بتهجين من ديرتك ؟؟؟
ريما بطفش : لا
فاطمه :اجل شنو عندك خلصينا
ريما حست انها بتنفجر وقالت لفاطمه كل شيء يدور براسها
فاطمه ويدها على فمها :يامجنونه فكري بالعواقب اول
ريما بتساعديني انا راح اشوفه من بعيد بس لاني زي ماقلتلك اني قلتله ماقدر اطلع من البيت
فاطمه :وكيف تتعرفين عليه ؟؟؟؟؟؟؟
ريما :لبسه ؟؟!! تستهبلين اقولك شايفه صورته
فاطمه :ايه صح بس انت حافظه شكله
ريما :نعنبوك هذاك ماينحفظ شكله الاقولي بصمته ياحلاته يافطوم
فاطمه : خلاص انا بقول لامي بس ماراح اروح معك
ريما تتمسكن :تكفين قصدناك بالعمر مره بيكون يوم الاربعاء اخر يوم اختبا ريعني اجازه وقولي لامك انك بتجيني على اساس انو نحتفل
فاطمه: بعد اسبوعين لكل حادث حديث جعت


في المدرسه الابتدائيه للبنات الاهليه
رانيا داخله غرفه المعلمات تضحك ومكان موجود غير مها
مها (صديقة رانيا عمرها 25 دبدوبه قصيره شعرها قصير للرقبه واسود داكن عيونها واسعه وبيضاء
وكانت حلوه بس مواحلى من رانيا وكانوا صاحبات من ايام الدراسه في المرحله المتوسطه )
مها :خير ضحكينا معك انا في حاجه بعد مع صبحت في وجهه النسره المديره
رانيا تضحك بزياده :تصوري طالبه عندي بكت علشان ماقلتلها احسنت بعد ماجاوبت على السؤال وينك تشوفين وجهها
مها فقعت من الضحك :ليش انت ماشجعتيها حرام عليك
رانيا : والله يامها نسيت
مها :ناصر نساك
سكتت رانيا لانها اشتاقتله مها ندمت وحبت تقولها بشاره عشان تحسسها براحه اكثر
مها مبسوطه :زي ماناصر مجننك انافيه ناصر مجنني بعد
را نيا:!!!!!!!! نعم
مها :انخطبت لناصر ولد خالتي اللي كنت اكلمك عنه هذا اللي كنت احبه من ايام المتوسط والله ايام وعقبالك
راانيا مصدومه:والله والله حركات ماتلاحظين
مها :شنو
رانيا :ذوقنا واحد وتفكيرنا حتى اسم اللي نحبهم
مها ضحكت : مانتبهت غير الاسم بس اقولك الصراحه
رانيا :احد يبي غير الصراحه
مها :هو ماتكلم بس جدتي لامي فااتحت امي فالموضوع
رانيا:ماكان تكلمت جدتك الا وهو قايل لها بعدين ليش مو امه
قطع حديثهم معلمه تخبرها ان المديره تستدعيها
مها :خذي وخلي اكيد بتعلق على الامتحان تتحدين بس انتبهي منها تبي هاذي تطفشنا علشان يروق لها واشاكلها الجو
رانيا :ليش هي علقت على الامتحان اللي سويته
مها :ايه بس سويت نفسي اسمع الكلام وفيك البركه اذا سويتي مثلي
رانيا وهي ماشيه لمكتب المديره : على خير بس الساكت عن حقه شيطان اخرس


دخلت رانيا مكتب المديره وهي معصبه ماتدري شلون تغير مزاجها فجاه
رانيا :سلام عليكم
المديره عائشه بدون نفس وتافف :عليكم السلام هلا وغلا بالقاطعه (تستهزء)
رانيا فاهمه بس سوت نفسها مانتبهت :هلا فيك هاذاانا شايفتك الصباح وسلمت عليك بعد
عائشه معصبه :انت على شنو شايفه نفسك
رانيا خلاص قفلت معاها: هذا انا قدامك ايش تبين؟؟؟؟؟؟؟؟؟
عائشه ماصدقت على الله :ماسمحلك تكلميني بهاذي الطريقه ولا ارويك انت شنو مسويه ؟؟؟؟؟؟
رانيا باستغراب :اولا هاذي طريقتي في الكلام عجبتك ولا بلطي البحر ثانيا ايش سويت ؟؟؟؟؟؟؟
عائشه : انت شلون بها الطريقه وبعدين شنو هالالفاظ السوقيه اللي تتكلمين فيها
رانيا :انا سوقيه!!!! انت ماعندك سالفه بس تحبين تستفزينا علشان تطفرينا من شغلنا
والدليل ماقلتي اناشنو سويت علشان يروق لك الجو وتجبين قرايبك اللي قلتي انك تبين توظيفنهم
وتبين تسوين اماكن شاغره موكذا ولاغلطانه ولاتسألين من وين جبت هالكلام
عائشه مبققه عيونها وحست انها ماتعرف ترد:انت شنو تخبصين ......
رانيا تقاطعها :هذا موتخبيص هذي الحقيقه (وبانتصار) وويا انا يا انت في هالمدرسه بس مابغي كلام وماعندي غير اللي قلته
رانيا عطت المديره ظهرها ولااعطت المديره فرصه تتكلم راحت وهي تركض لغرفه المعلمات وتستنجد
رانيا وهي حاطه يدها على وجها :الحقي غسلت شراع اللي ماتتسمى
مها بصوت عالي مسموع وكانت الغرفه مليانه معلمات :شنو يالمجنونه شنو سويتي ؟
رانيا انحرجت لما شافت نظرات المعلمات عليها وسكتت مها بنظره حاده خلت مها تقفل فمها ولاتسال
وراحت جاء وقت الانصراف وراحت معلمه توها جايه لرانيا
المعلمه (منيره ) :سلام عليكم ممكن اجلس معاك اذا مافيه مانع
رانيا توها انتبهت :عليكم السلام حياك تفضلي
منيره :انا زي ماتعرفين معلمه جديده كنت ابغي منك نصيحه تساعدني في شغلي لان المديره واقفتلي على الشعره
رانيا :وليش انا تبغين نصيحتي بذات وبعدين انا ماعندي نصيحه اقولك لاني متمشكله معها ويمكن تشكيني
منيره تهون عليها : معليه وانا اختك بكره بتصيرون سمنه على عسل وكل شيء بينحل وماتقولين منيره قالت
رانيا مبتسمه :الله يهديك أي حل هاذي ماراح ترتاح غير لما تشوتني برى المدرسه
رانيا ارتاحت لمنيره وبدوا يحكون لبعض عن الحياه ولدرجه منيره حكت عن الشخص اللي تحبه
وقالت انو خلاص بيخطبها وقالت اسمه ماجد وانها تحبه وهو يحبها
وتشجعت رانيا وقالت عن ناصر وقعدوا يسلفون ساعه مانتبهوا للوقت
رانيا :ياويلي حطيت جوالي على الصامت اكيد تركي دق علي (طالعت في جوالها لقت 13مكالمه لم يرد عليها اما منيره قالت اكيد انهم ينتظروني برى وتاسفت انها اخرت رانيا واستاذنت وطلعت )
رانيا تتصل على تركي :الو تركي اسفه كنت حاطه جوالي سايلنت مانتبهت للوقت
ركي معصب وصوته عالي :وينك يالشيخه كلي تبن باجي الحين الساعه صارت 2ونص وانتوا تخلصون دوام بدري ليش التاخير
رانيا :تركي تعال مت خوف المدرسه بدت تفضى
تركي :يله لاتحركين انا باجيك الحين انا قريب البسي عباتك مع السلامه
وقفل تركي من غير مايسمع رد رانيا انتظرت رانيا ربع ساعه وتركي دق عليها وزفها في السياره على التاخير
وكانت تبي تقول على اللي صار مع المديره وحتى لما رجعت البيت ماخبرت احد وظلت ساكته


وجاءت ايام الاختبارات والعلاقه بين رانيا ومنيره صارت قويه مثل ماهي علاقتها مع مها وصاروا ثلاثي رائع بعد ماكفت المديره شرها عن رانيا فجاه من دون ماتعرف السبب
اما بنسبه لنوره ايام الاختبارات كانت مجتهده زي العاده بس كانت تنجح بجيد جدا
بس كانت ريما اشطر منها لان ريما كانت من الاوائل على بنات قسمها اما هاذي المره كانت مركزه على اليوم اللي بيجي فيه فهد
ماخلها التفكير في فهد تنزل من مستوى دراستها بالعكس كانت متحمسه ومرت الايام وباقي على اللقاء يوم
وكان اخر اختبار عملي لريما وكان ماده احياء وتشريح بعد امانوره خلصت الامتحانات عكسها
وكانت تغيض ريما ولما كانت ريما تذاكر دخلت على امها وهي تركض وفي ايدها ارورق صغيره (قرعه) ودخلت المطبخ
ريما ماده يدها لامها :يمه اختاري ورقه تكفين
امها :لا وذاكري وخلي عنك هاالخرابيط
ريما بتوسل :تكفين يمه مافيها شيء ماراح اركن على اللي يطلعلي بعدين انا خلصت
الام : هههه الله يقطع سوالفك هاتي اشوف
ريما والفرحه طايره من عيونها ولما اختارت ورقه طلعت تشريح حشره صغيره (فراشه)
ريما :هههههههههه طلعتلي الفراشه المزيونه يمه ادعي مايجيني الضفدع ولا سحليه ولا ضب ( وبخوف )والله لارسب لو يصير شيء
الام :توكلي على الله حتى لوجاك من اللي قلتي تحملي حالك حال زميلاتك
ودارت ريما على اهل البيت كلهم بقرعتها وكان يطلع لها اشياء سهله وتعرفها وصار يوم الاربعاء اخر ايام الامتحانات ويوم اللقاء
الصباح في الجامعه ريما وفاطمه يذاكرون مع بعض
ريما :انشاالله يافطوم القى فهد واتكلم معاه يليت اقدر عندي فضول شنو يعرف عن ابوي؟؟؟ وليش تركي مايرد عليه؟؟؟
فاطمه وبطفش :شوفي انت فاضيه ورايقه وانا ماراح اتحمل سوالفك ذاكري بعدين فكري لحظه انت ليش ماتراجعين
الحين نروح نذبح الطيور والضفادع والله اني متحلفه فيهم وذاكرتهم كلهم يارب يجيك ياريما ضب ولا ضفدع اهم شى حاجه مقرفه
ريما بقرف :وععععععع الله يلوع كبدك وبعدين ليش تدعين علي انا افكر لانك ماتدرين بلي فيني (وبدت تغرق عيونها )
انا خايفه على ابوي لا تفكرين اني متشوقه اشوف فهد بالعكس انا خايفه منه كيف اقول له عن السالفه وكيف اتصرف وانا اسفه اذا ازعجتك (وبدت دموعها تصب
فاطمه ندمانه على اللي قالته :اسفه ياريما والله ماقصد كنت امزح معك واللي تبينه بيصير خلينا نلحق نراجع كلمتين باقي عشر دقايق
ريما :انا واثقه انه راح يجيني اللي اختارته امي (وتضحك على فاطمه )
فاطمه :لاتضحك كثيرا تبكي كثيرا
ريما تافف :اف منك ياوجه النحس شفيك مستلمتني اليوم
فاطمه يله ندخل القاعه الحين نتاخر ويطردونا
راحت ريما للمعمل المخخصص للتشريح وقلبها يدق خافت لما سمعت اصوات الحيوانات اللي راح يشرحونها
وفاطمه لحقتها بالاغراض والبالطو والمشارط يعني ادوات التشريح
ريما :ياويلي حرام نذبح مخلوقات الله اسمعي اصواتها
فاطمه :اقول طسي كنت تضحكين قبل شوي شنو صار
ريما بخوف : انا اول مره اشوفهم جماعه واصواتها عاليه بالمحاضره كنا نشرح حيوان واحد
والله كانوا البنات يشرحونه لوحدهم ماكنت اقرب منهم
فاطمه شنو تسوين اجل
ريما:حفظت الطريقه من الكتاب
فاطمه :انتبهي انشالله يجيك اللي حفظتيه
ريما :انشاالله
دخلت ريما وفاطمه القاعه ومنزعجين من الاصوات اللي في القاعه واخذو المقاعد المخصصه لهم وبدت المراقبه توزع الظروف الموجود فيها المضمون وفتحت ريما الظرف بخوف وشافت ..........................؟؟؟؟؟؟؟؟؟؟؟؟ !!!!!!!!!!!!
:
:
:
:


كان مكتوب في الورقه (من خلال تشريح المخلوق الذي رقمه 4 وضحي تركيب جهازه الهضمي وجهازه التناسلي وكان فيها سئله معها تنحل نظري حلتهم ريما ولما صار الوقت تتجه لرقم 4 شافت المخلوق اللي قدامها كان ............. ضفدع )انصدمت ريما ماعرفت شنو تسوي تقايأت في البدايه وضاع من الوقت نصف ساعه وهي تدوخ مالمست شيء من الادوات واشتغلت ناظرت ريما في البنات اللي معاها وكانوا مندمجين ويشتغلون طبيعي ماعدا هي لوعزت نفسها والمراقبه الي معاها
ريما تنادي المراقبه :تكفين غيري هذا الضفدع تكفين واعطيني فراشه
المراقبه :لا والله ايش رايك ماتسوين شيء !!!!اجل ليش داخله القسم وشنو كنتي تسوين في المحاضرات ؟؟؟؟؟؟؟
ريما بياس :تكفين
المراقبه :هذا غش والعياذ بالله بعدين حالك حال الطالبات الموجودات ولا اقول اذا ماتبين فاللي كتبه لك ربك انسحبي من الامتحان احسلك
ريما بانبهار :كيف انسحب حرام انا متفوقه كيف اسوي كذا مستحيل ؟؟!!!!!
المراقبه :اجل يالمتفوقه على قولتك اخلصي خدري الضفدع واشتغلي ترى الوقت ضاع
ريما بدت تشتغل مسكت الضفدع وهي متقرفه وكان يطيح منها كل ماتمسكه بعدين حطت الماده المخدره في الابره
وكانت تشجع نفسها بس حطت الابره في موقع خطأ بعدين مات الضفدع ماتخدر ماعرفت شنو تسوي
داخت ريما لما شافت مستقبلها يتدهور مع حياه هذا الضفدع وطاحت مغشي عليها بين الطالبات كانت فاطمه في مجموعه ثانيه وفي قاعه ثانيه ماتدري شنو صار بريما كانت فاطمه تشتغل بحماس لانها ذاكرت من جد عكس ريما اللي اعتمدت على القرعه

صحت ريما وشافت نفسها في غرفه مشرفه
ريما وصوتها مبحوح :وين انا ؟؟؟؟؟؟؟؟؟
المشرفه :الحمدلله على السلامه بس اغمى عليك وانت تختبيرين يله قدمي الماده السنه الجايه
معليك يصير مع البنات اللي ما يختارون اقسام صح ولا يفكرون في العواقب
ريما وعيونه مغرقه بالدموع :انت شتقولين يعني انا رسبت مستحيل لالا !!!!!!!!
وطلعت ريما من غرفه المراقبه وهي في نوبه بكاء ولقت فاطمه تراجع ومبسوطه
ركضت ريما صوبها وضمتها من غير ماتناظر فاطمه وجه ريما اللي صاير احمر من البكاء وصارت تبكي
فاطمه تضحك :عن المقالب السخيفه يله وخري عني البنات يناظرونا (وتدفها بعيدعنها )
وخرت ريما وهي تبكي :انا.........
فاطمه بشهقه : ريما شنو صار وجهك احمر ليش انت تعبانه ايش فيك الاختبار صعب
ريما وتبكي زياده وصارت تصارخ :رسبت انا رسبت رسبت سمعتي مستقبلي تتدمر
وركضت ريما وصارت تهلوس وهي تمشي تقراء وتجاوب اسئله الامتحان في نفسها وهي تطلع تمتمه فاطمه ماخلتها بروحها

فاطمه :ريما صلي على النبي (عليه الصلاه والسلام )انت مو اول وحده ولا اخر وحده ترسب في الماده
ريما:امي معشمه فينا نصير معلمات ونريحها من العذاب اللي هي فيه واللي سواه فينا ابوي وعمي ومن مصاريف البيت اللي هدت حيلها
كل هالتفوقات علشان امي فهمتي انت يمكن ماهمك لانك والده وفي فمك ملعقه من ذهب
فاطمه :لا موكذا لاتفكرين بشكل مادي بس انت عندك طموحات واحلام واكبرها فهد
ريما كأنها تذكرت شيء ناسيته :أي طموحات وبعدين ابي اعرف سالفه ابوي وليش متغيب عنا صارله خمس سنين لا يكلمنا ولا يسال عنا وبعدين انا قررت اني انسحب من الجامعه
فاطمه حاطه يدها على فمها :شلون تقولين كذا مايصير سمعتي قدمي الماده السنه الجايه ولا من شاف ولا من دري
ريما :خلاص واذا عديت هاذي الماده وهي تخصصي كيف اعدي المواد الباقيه امثالها
فاطمه سكتت ولا عرفت شنو ترد تقول وقفت ريما علشان تلبس عبايتها وقفت فاطمه معها
فاطمه :بتقولين لامك ؟
ريما بنهي وهي تحط الغطاء على وجهها :لا ماراح اقول شيء الا في الوقت المناسب ولسى على موعودنا على اساس نحتفل بأخر يوم ولا اقول نحتفل برسوب والفشل
فاطمه :وحتى وانت معصبه ماتنازلين عن اللي براسك
ريما بضحكه مغتصبه : اجل يوم صار كل شيء اتنازليله خاربه خاربه خلينا نعميها واللي يصير يصير
فاطمه :لا ياريما لاتقولي كذا علشان تضعين وتضيعين مستقبلك معك
ريما :عن الفلسفه انت ماتدرين ايش شفيه هنا (وتأشر على راسها )
ورجعت ريما وهي محبطه ولقت امها في المطبخ تغسل ثيابهم وسالت دمعتها ن
اظرت ظهر امها اللي صارت فقرات ظهرها بارزه وايدها صاروا جافين من الغسيل والشغل في البيت
مسحت دموعها ودخلت وخطفت يدامها وباستها
ريما : هاتي عنك انا اغسلهم
الام بشهقه :يقطع سوالفك كنت بروح فيها بشري شنو سويتي بالامتحان ؟.؟؟؟؟؟؟؟؟؟؟
ريما وهي تحط الملابس في الغساله ومعطيه امها ظهرها :ايه حلو ماشي حاله
الام :شلون ماشي حاله
ريما:يمه خلاص حلو وبس شوفي اليوم بروح مع فاطمه لبيتهم علشان البنات مجتمعين عندهم وبنحتفل باخر يوم
خديجه : طيب يمكن اخوك ماهو فاضي
ريما :لا فاطمه بتمرني مع سواقهم وبرجع معهم بعد
الام :لا يعني لا مع تركي ولا خلاص
ريما :يمه تركي بيرفض وبيفشلني عطيت االبنات كلمه اني راح اكون موجوده معهم
الام :خلاص قولي لاخوك ان رفض لكل حادث حديث
ريما بخيبه امل :طيب

وبعد المغرب
ريما تلبس وتجهز وهي خايفه وش بيصير مع فهد وشنو بتقوله ولبست تنوره لركبه سوداء و تيشيرت سماوي مفتوح من الصدر
وفلت شعرها على طوله وحطت مكياج خفيف وحددت عيونها من تحت بقلم ازرق فيه لمعه وفي الاخير حطت عطر اسكادا المفضل عندها
ولبست عبايتها وفجأه دق التليفون وشافت الرقم وصارت ترتجف لان الرقم غريب ودولي
ريما بخوف :الو
فهد:الو مرحبا مدام خديجه
ريما توها اتذكر اسمها :اهلين كيف الحال؟
فهد:الحمدلله انا انشالله على وصول
ريما ليش انت بالرياض
فهد: لا بس خلاص انا قريب صرت الحين بدبي ورحلتي مثل ماقلتلك الساعه 9 ونص وانا بالرياض
ريما :الحمد لله على السلامه مقدما طيب فيه احد بيستقبلك في المطار
فهد :لا انا مخليها مفاجاه لاهلي الا اذا انت بتستقبليني هههههههههه
ريما وقلبها يدق لضحكته :هههههههه ياريت بس تعرف الحجز الي انا فيه ماقدر
فهد (تسلملي هالضحكه ):ليش كيف تبيني استلم القضيه من غير ماشوفك
ريما باستغراب :تشوفني !!!!!!!!
فهد كانه بيسحب كلامه :عفوا ماقصد يعني اني استلم اوراق القضيه ونتفق على كل شيء
ريما :اها قول كذا انت وصل لرياض بالسلامه ويصير خير
فهد :مااطول عليك مع السلامه
ريما :فمان الله
قفلت ريما الجوال وهي تتجاهل المشاعر وتذكرت والمشكله اللي صايره معها في الجامعه وكملت لبس
وصارت الساعه 8ونص وهي قاعده تلعب في الاب توب رانيا ونطت من مكانها تعدل شكلها واخذت جوالها ودقت على فاطمه
فاطمه بنوم :الوو
ريما تشهق وتعلي صوتها :لسى نايمه اه يالخايسه قومي وتعالي يله انا قلت لامي بتمريني الحين يله رحله فهد الساعه 9 ونص
فاطمه :تو الناس وين تبين تروحين الحين تبين تستقبلين الطيارات كلها
ريما :يالسخافه فطوم تكفين يله
ريما :مع السلامه
ونزلت ريما وهي تتمخطر ومافيه مرايه في البيت الا وهي تناظر فيها دخلت عليهم في الصاله كانت نوره تناظر التلفزيون هي وامها ورانيا تكلم منيره
نوره :وش هذا الزين كله كل هذا علشان خلصتي الاختبارت
خديجه :بسم الله عليك يابنيتي
نوره :والله اني احلا من هذي الدب تقولين دبه غاز
رانيا معصبه :ممكن توطون اصواتكم ماسمع
نوره :ههههههههههههه اطلعي برى كلميها مو مسؤلين نسكت علشان حضرتك تسمعين
ريما :هي انت خير مااحد يتكلم الا وانت تردين عليه بعشر
رانيا طلعت من الصاله وطلعت الحوش تكلم منيره وريما راحت لامها تبوسها وتتلقف عليها
ريما :ادعيلي يمه
خديجه :الله يوفقك ويرزقك بولد الحلال اللي يستاهلك
نوره :ادعيلي بعد يمه انت وهالدب اللي تدعيلها كل شوي
خديجه تضربها على كتفها :لاتحقدين على اختك اصلا ادعيلكم كلكم
وبدت المشادات الكلاميه الدائمه بين ريما ونوره ودق تلفون ريما وكانت فاطمه
ريما بفرحه :الووو
فاطمه :شنو عنده الراسب مبسوط
ريما بفرحه وكانت مومستعده تتضايق :مبسوطه
فاطمه بخوف :متاكده
ريما :ايه
فاطمه :يله انا عند الباب
طلعت ريما بعد ماباست امها وضربت اختها نوره لانها تستهزء فيها ودخلت السياره وجلست جنب فاطمه
ريما :هاي تاخرتي
فاطمه :خيروشلون تأخرت وباقي على الموعد نص ساعه يارب صبرني
ريما:انت قلتيه يارب صبرفطوم قلبي وزوجها ..........الاصدق شنو اسمه
فاطمه بدلع :فزا...........
وقاطعتها ريما :فزاع
وصاروا يضحكون واشرت فاطمه للسايق يمشي وصلوا المطار ونزلت ريما وقلبها يدق
ريما :يله فطوم
فاطمه :لا ماني نازله اخاف احد يشوفني
ريما :مين يشوفك انشالله ماحد يعرفك وانت متغطيه
وبعد اقناع في فاطمه من ريما
فاطمه وهي تنزل :شوفيه ونرجع بسرعه
ريما:اوكيه يله
ودخلوا المطار وقعدوا على استراحات قريبه من البوابات اللي ينزلون منها المسافرين وحطت ريما عينها على الباب وماشلتها
وفاطمه وهي تنغز ريما بكوعها :ريما شوفي هذا المزيون
ريما سرحانه :ها خير شنو قلتي ؟؟؟
فاطمه :شوفي المزيون (وبدت تاشر)
ريما :ايه وبعدين انت وراك تناظرين اللي رايح وللي جاي وبعدين نزلي عيونك وهذا فزاعوه وينه منك لويشوفك ينتفك
فاطمه :ريحينا اجل انت شنوتسوين هني
ريما تضيع السالفه :نفسي في ورده حمراء
فاطمه كأنها حست باللي يدور في بال ريما :هي اذا مفكره انك تكلمينه بتكونين غلطانه والله لوتسوينها فيني لاوريك
ريما :خلاص ماكنت بسوي شيء بس اشتهيتها
فاطمه :طيب
وقطع حديثهم نداء طياره فهد نقزت ريما من مكانها فرحانه وراحت للسياج اللي يقفون عنده الناس وصارت تطالع واشرت فاطمه على واحد
فاطمه :ريما ناظري اكيد هذا هو
ريما :وين ؟؟؟
فاطمه تاشر :معقوله متاكده هذا هو
ريما :تضربها صدق انك خايسه والغلطان اللي يجيبك (كانت تاشر على واحد كان باين انه اسيوي ومسوي نفسه رزه )
فاطمه :هههههههههه انا اللي جبتك مو انت وبعدين اعصابك الحين يوصل فهد موحلو تعصبين
ريما بستهزء :هههههههههههه
وصارت ريما تناظر لحد ماطلع فهد وكان لابس بنطلون اسود وقميص فاتح من فوق وبشرته الصافيه وكان اسمراني شوي
وصارت تشوف عيونه شعره الناعم الطويل لعند رقبته وكان مبتسم وشافت هاذي الابتسامه لطالما حلمت تشوفها
وشافت السكسوكه الغامقه مع اللحيه كانت على خفيف مره وكانت معطيه رونق عجيب ريما خقت على جماله احلى من الصوره
ريما :فاطمه هذا هو
فاطمه كانت تطالعه وناظرت وين ماتاشر ريما :لا تقولين هذا اناظره من وقت ماطلع وااااي ريما
ريما بافتخار :ايه يله نسلم عليه
فاطمه وهي خاقه على جماله :طيب...........شنو قلتي لا احلمي زودتيها
ريما :امزح
فاطمه :اوكيه شفتيه يله نرجع
ريما :لالا وقفي خلينانتأكد
فاطمه :اقول............ ياربي صبرني يله تاكدي وخلصينا
ريما دقت على جوال فهد وبدت تناظره وهو يناظر الجوال هو يبتسم ابتسامه تعذب ريما تناظره وهي مبسوطه وهي تحس نفسها كانها حلت قضيه فلسطين
والفرحه طارت من عيونها
فاطمه تناظره :وش سر الضحكه العذاب ياحظي
ريما دقت فاطمه بكوعها تسكت لان فهد رد عليها :سلام عليكم
فهد والابتسامه مافارقت وجهه :وعليكم السلام اهلين مدام خديجه
ريما :الحمد لله على السلامه
فهد :الله يسلمك شنو الضجه اللي انت فيها عندكم احد
ريما سوت نفسها ماسمعت :لالاانا ماسمعك الشبكه عندي ............
وفجاه نادوا على رحله وكان الصوت طالع عند فهد وريما فهد استغرب وحس انه غشيم وينضحك عليه
فهد:مدام خديجه انت في المطار

الجزء الخامس


وفجاه نادوا على رحله وكان الصوت طالع عند فهد وريما فهد استغرب وحس انه غشيم وينضحك عليه
فهد:مدام خديجه انت في المطار
ريما :ايه ...........لا ............ها ...........لالا (وهي تاشر على فاطمه انه عرف وصارت فاطمه تضرب خدودها )
فهد :ايه اخير قررت لا اقول اسمعي تقولين الصدق لا طلعك من بين هذولا الناس انا ماني غشيم لهذي الدرجه قاعده انت تلعبين فيني
ريما خقت على ذكائه وتناظره وهو معصب :لا اوكيه انا في المطار بس سويتها لك مفاجاه وانت خربتها
فهد باستهزاء :شنو أي مفاجاه من انت علشان تفاجأني انا اعرفك؟؟؟؟؟!!!!!!
ريما انحرجت :لا بس بغيت
حس فهد انه احرجها :خلاص وينك انت علشان اشوفك ؟؟؟؟
ريما :انت وينك انا راح اجي عندك
فهد :شنو لابسه ؟؟؟
ريما :انا متغطيه كيف تعرفني ؟؟؟؟؟؟
فهد ويتلفت يمين ويسار :ايه صح نسيت
ريما :انت شنو لابس ؟؟؟؟
فهد :مليون واحد لابس مثلي وين تعرفيني اوكيه فيه بوتيك ورد احمر نلتقي عنده
ريما(والله انك مميز بينهم) :اوكيه
سكرت ريما وهي تلطم وجهها :ياويلي انكشفنا
فاطمه :الله ....شوفي مالي شغل انكشفت انت مو انا مالي خص ولا تحاولين تقنعيني روحي انت وانا بنتظرك لما تخلصين اطلعي
اوكيه
ريما :طيب خلاص مراح اتاخر
فاطمه بحذر تكلمها :شوفي انتبهي هذا ماهو سهل
ريما بخوف وصارت ترتجف :اوكيه روحي
ريما راحت للبوتيك اللي وصفها وضحكت في نفسها لماتذكرت لما كان نفسها في ورده حمراء من هذا البوتيك وصارت تناظر يمين ويسار
ريما (في نفسها ):لايكون يلعب علي زي ماسويت فيه لا مستحيل انتظري شوي ......
فهد لقى واحد من اصدقائه وسلم عليه بسرعه واعتذر منه وسحب شنطته
وشاف ريما لوحدها علشان كذا تاكد انها هي وبدا يناظرها كانت متلثمه بس باين انها حلوه
خقق في جسمها وبياضها وشكلها في العبايه اللي موحي له انها بنت ناس وقرب اكثر ............
ريما تعبت تنتظر وصارت تنقي ورد وطلبت يسويها في باقه جاء صوت من وراها :مافرقت بينك وبين الورد
ريما اخترعت :نعم بعد لوسمحت ماني ناقصه (تسوي نفسها ماتعرفه علشان مايشك فيها)
فهد:ههههههههههه ناقصه شنو ؟؟؟
ريما تبعد عن البوتيك مسكها من ايدها :انا فهد
ريما حست ان لمسته مثل الجمره على جسمها وسحبت يدها :اهلين فهد اعذرني
فهد ويضحك:هههههه انا اللي اسف ماعرفتك بنفسي(ومد ايده يسلم عليها )
ريما ومتردده تسلم عليه او لا :الحمد الله على السلامه
فهد سحب ايده بعد ماتذكر انه في السعوديه:الله يسلمك شرايك نقعد بمحل علشان نتكلم
ريما كانت ترتجف وصارت شفايفها سوداءمن الخوف وحست ان المكان بارد بس كانت مغطيتها اللثمه اللي حاطتها :لا وين نروح
فهد :ليش انت جيتي مع من ؟؟؟؟؟؟؟؟؟
ريما : مع صديقتي وجارتي
فهد :اوكيه ماراح اخرك تفضلي
ريما مشت معه بس كانت مقرره انها ماتسمحله انه يستفزها او يفكر يحرجها وقعدوا على مقعد متلاقين
وبدت ريما تطالع يمين يسار تخاف احد يشوفها ....لاحظ فهد ارتجافها وعيونها مغرقه من الخوف
رحمها وحن قلبه عليها حب يهدي توترها اللي باين عليها ... مد ايده ومسك يدها بنعومه
ريما سحبت يدها بسرعه وخافت من جراته وهذا اول لقاء
ريما:اوكيه نتكلم في الشي اللي انت جاي علشانه
فهد وهو عاقد حواجبه :اوف ليش ايدك بارده ليش خايفه ؟؟
ريما ارتبكت لانه حست بدفاء ايده وسمحتله يبتزها :اوكيه ممكن نتكلم
فهد كان مبسوط انه قدر من لمسه ياثر عليها :اوكيه بكره امرك اخذ اوراق القضيه وادرسها انا راح اكلمك متى امرك
ريما ترتجف ماكانت متوقعه من انه حلو لها الدرجه من قريب :اوكيه كلمني انا بامشي تاخرت
فهد وقف لما وقفت من مكانها :اوصلك لباب المطار
ريما : مشكور ادل المكان
وراحت ريما مابين الناس وهي تهرب من اللي حست فيه وكان فهد يناظرها ومبقق عيونه على جسمهاومشيتها وماتوقع انها تكون صغيره وحلوه لهذي الدرجه
طلعت ريما وكانت تدور على فاطمه مالقتها حست ريما الدنيا تدور فيها شنو تسوي
وبدت تدق على فاطمه وكان مغلق خافت ريما انه صار فيها شيء او حد خطفها او هذا من مقالبها السخيفه
ريما (في نفسها):اه يالخايسه وين رحتي ...........
فهد طلع وهويدور على تاكسي علشان يروح لاهله التفت لقى ريما مرتبكه وكانت ترفع الجوال وتنزله بياس قرب منها
فهد :مدام خديجه في شيء
ريما فزعت :فهد
فهد :بسم الله ايه فهد وين صاحبتك ؟
ريما بخوف وكانت عيونها مغرقه :مادري قالت بتنتظرني
فهد :اوكيه انا اوصلك
ريما مبققه عيونها في فهد :نعم شنو قلت انت تبيهم يذبحوني ويذبحوك
فهد:يابنت الناس يشهد الله علي مارح المسك ولا اسوي فيك شيء بوصلك من مكان بعيد وانت امشي الا توصلين بيتكم
ريما بدت تقتنع لانها مضطره وخايفه :لا تفكر اني خايفه منك انا خايفه احد يشوفنا وبعدين وين راحت هذي
فهد :براحتك موحلوه توقفين بهذي الطريقه
ريما :خلاص بروح معك والله ياستر
وافقت ريما على ان فهد يوصلها لانها مستحيل انها تروح بتكسي لوحدها ومشى فهد قدامها وهي وراه
وكانت تطالع مشيته كان كله هيبه وظهره وكتوفه وشعره من وراء وصحاها صوته وناظرته وهويوقف التكسي
سمعته وهو يقول لها :تفضلي وركبت وراء
وهوكان بمساعده السايق يطلع مع السايق الشنط
فتح فهد الباب اللي جنب السايق شاف فيه اكياس واغراض السايق وكان بيشيلهم بس خلاهم فهد ركب وراء مع ريما ..
وريما كانت ترتجف وبدت دموعها تناثر على خدودها كان فهد يناظرها وده يمسح دموعها ويمسك ايدها علشان ترتاح وتهدي لانه معها
بس مارضى يسوي شيء لانه وعدها مايلمسها وفجاه دق تلفون ريما وشافت انه تركي
خافت انه وصله شيء من فاطمه اخترعت ريما وبدت ترتجف وصارت تبكي
فهد :مدام خديجه شنو صار ردي عليهم قولي انك عند جارتك لاتخافين انا معك
ريما حست بارتيااح لما شافت فهد يشجعها ترد ومسكت الجوال وهي تمسح دموعها :الو
تركي :هلاريما وينك ليه صوتك كذا
ريما بارتباك :لا مافيه شيء بس نتابع فلم هندي ومحزن
تركي :ايه عن الاستهبال يله تعالي الحين البيت
ريما :يله الحين
تركي :اوكيه خليني انا بمرك الحين
ريما بخوف اكثر :لالا معليه انا قلت لفطوم الحين توصلني يله عن الحنه مع السلامه
تركي :طيب لا تاخرين
ريما قفلت الجوال بسرعه وصارت تلهث وناظرت فهد
فهد وهو مستغر ب من الكذبه المرتبه والمقنعه :لاتخافين هذا زوجك
ريما :ايه
فهد :طيب وين بيتكم ؟
ريما وقف قلبها لماتذكرت ان فهد اكيد يعرف بيتهم وحبت تقول بيت بس قريب من الحي اللي هم ساكنينه :انا بنسيم
فهدوكانه تذكر شيء:ايه والله مكان وله ذكريات
وقف قلب ريما لماحست انه عرف المكان وحمدت ربها انها قالت مكان بعيد
فهد اعطى السايق علم بالمكان اللي يروحونه وقال :تعرفين ناس اسم ابوهم يوسف وزوجته اسمها خديجه وعليهم ولد وثلاث بنات الله يستر عليهم
ريما بدت تحس انها دخلت في شيء ماهي قده :لا ماعرفهم انا جديده في الحي ماعرف غير فاطمه اللي وصلتني
فهد :ايه
ريما بدا قلبها يدق من الخوف لما قربوا من البيت وقف السايق وهو يقول :وين
ريما :خلاص هنا
وبدت تفتش في شنطتها علشان المحفظه ومدت للسايق بخمسين ريال خطف فهد يد ريما .........ريما بدت ترتجف
فهد بنظره حاده وهو يضغط على ايدها :الى هنا وبس
ريما خافت اكثر (خلاص عرف كل شيء )وبدت تسحب يدها بس هو ماسكها وبدت دموعها تسيل على خدودها لان نهايتها قربت
فهد رافع حواجبه :مو لهذي الدرجه انا قليل اصل اخليك تدفعين الحساب
ريما هي تسحب يدها من ايده :مشكور مافيه داعي الي سويته يكفي
فهد وحن على عيونها اللي تدمع من الخوف والذل اللي عاشته هالساعتين
فهد :خلاص روحي ماعرف ان هاذي المفاجاه يكون تنفيذها صعب لهاذي الدرجه
ريما :مشكور وماقصرت
ونزلت ريما وهي كانت تمشي بسرعه خافت احد يشوفها وهي في نفسها تحلف في فاطمه لو كان مقلب منها
صارت تقرب من البيت وهي تحمدربها لما شافت البوابه مفتوحه ودخلت شافت الانوار طافيه ماعدا المطبخ دخلت ريما شافت رانيا تصحح اوراق الامتحانات
ريما :مساء لخيرر
رانيا :اهلين شنو صاير ليش وجهك احمر
ريما ارتبكت :لا مافيه شيء بس اقولك طحت تكفيخ في البنات صاروا قطاوه عندي ههههههههههه
رانيا :ههههههههههههههههههه
ريما :يله تصبحين على خير
رانيا وهي تفرك القلم بشعرها :تو الناس!! يله احسن خليني اشوف شغلي
ريما لعوزت شعر اختها وبدت تلعب فيها علشان ماتحس بشيءوطلعت لغرفتهم وغيرت ملابسها بهدوء
علشان نوره ماتحس بعدين ماتخلص من لسانها وغطت نفسها ونامت وهي تفكر اذا اول لقاء صار كذا اجل بعدين شنو تسوي
:


ناصر الساعه 10مساء في بيتهم قاعد يتابع فيلم اكشن وهو مندمج وصل ابوه من الشغل
عامر :سلام عليكم
ناصر توه ينتبه :وعليكم السلام
وجلس عامر :ياوليدي قولي ماراح تتوظف والله انك دكتور والنعم فيك
ناصر يضحك :يبه كنت ابي ابشرك اني توظفت في شركه كبيره ومحترمه بس سبقتني
عامر :الله يبشرك ههههههههههه
ناصر :هذي شركه كبيره ودوليه ومحترمه وصاحبها طيب
عامر :ياوليدي والله ان شركتنا في حاجتك قسمك حلو ومحتاجينه
ناصر :يبه شنو يخص الدكتوراه في العلوم الاداريه في شغل سيارات الله يهداك
عامر :براحتك طيب شرايك نروح المزرعه
ناصر :كلمتني جدتي قالت اشتاقتلي لازم اروح اشوفها
عامر :اجل نأجل الطلعه بكره
ناصر : خلاص بكره بكره
عند فاطمه في البيت
فاطمه وجهها مورم من الضرب اللي صار لها لما شافها فواز ولد عمها في السياره عند المطار تنتظر (فواز يصير اخو فزاع اللي تحبه فاطمه
فاطمه والكمادات على وجهها :اه الله يكسر ايدك ياربي شنو صار في ريما يارب تحميها صار الصباح محد سال عني
اه ياوجهي يارب مايقول فواز لفزاع شيء يارب ...........وصارت تلفت يمين ويسار وين جوالي اخذه الواطي
وتدق على ريما من التلفون الارضي وشالت ريما الجوال وشافت رقم بيت فاطمه وردت بلهفه
ريما :اه يانذله يالخسيسه
فاطمه تتوجع وهي تضغط الكماده على شفايفها علشان ماتقطع :ههههه اه اه ياوجهي اصبري شوي
ريما :شلون تضحكين انتي ولاتتوجعين خير
فاطمه :قطعتي نصيبي الله لا يبارك فيك
ريما :شنو صار
فاطمه :قولي شنو اللي ماصار
وقالت كل وحده شنو صار معها وظلوا يعاتبون بعض لحد مااذن الظهر دخلت خديجه على ريما
ريما :مع السلامه يله اذلفي
خديجه :ريما يله الصلاه صار اذان
فاطمه :مع السلامه هههههههههههه
ريما وهي تقفل الجوال :يله يمه جايتك الحين

في المطبخ
يحضرون الاكل وصاروا يحطونه على طاوله الاكل دق التلفون مااحد قام يرد
رانيا :عله ريموه قومي ردي
ريما وهي تلعب بالملعقه بالصحن وتطلع صوت مزعج :والله حاسه التلفون مو لي احسه لرانيا
نوره :خلاص خلوه يدق ينفلق .....و(بصراخ )ريما يالبطه بس راسي عورني
خديجه :قومي يارانيا وانا امك شوفي من يدق هالحزه
قامت رانيا وهي تتكلم وتستهزء بريما ونوره ورفعت السماعه وكان اللي على التلفون ناصر
رانيا بنعومتها المعتاده وهي تلعب بشعرها الاحمر الكستناءي :الو
ناصر فز قلبه لما سمع صوتها:الو سلام عليكم
رانيا حست الارض تدور فيها :عليكم السلام هلا
ريما ونوره :منو؟؟؟؟؟؟؟؟!!!!!!!!!(وصاروا يضربون بعض ويطلعون اصوات مسموعه )رانيا مطنشه الاصوات وتسمع
ناصر :انت رانيا صح ؟؟
رانيا :ايه انا رانيا (ياحلو اسمي على لسانه )
ناصر :انا ناصر كيف الحال اخبارك وشلون الاهل كلهم
رانيا :الحمد لله طيبين مع على قلوبهم شر
ناصر :كيف الشغل ؟؟؟
رانيا :ماشي الحال الحمد لله خلصنا امتحانات قريب نسلم النتائج ونأجز
ناصر :تقضونها الاجازه بالهنا
رانيا :تسلم سمعت خالي يقول انك توظفت في شركه عالميه وكبيره
ناصر :ايه وابشرك مدير قسم الاداره
رانيا :مشالله انت شهاداتك دكتوراه في علوم اداريه وقسم حلو مشالله الله يهنيك
حست رانيا انها طولت عليه وهو كان مبسوط وباين انه مرتاح بس حست رانيا في صوته نبره عجيبه وظلت رانيا ساكته لحد ماقال ناصر
ناصر :الا وين عمتي خديجه ؟؟
رانيا :تفضل هذي معاك
ناصر :زاد فضلك مع السلامه
رانيا :مع السلامه
واعطت السماعه امها وهي تتكلم مع ناصر صا رلهم الساعه لانها حملت التلفون وراحت الصاله ولا سمعوا البنات أي شيء
ورجعت امهم فرحانه وطايره فرح وخبرتهم ان ناصر بيمرهم العصر
رانيا فرحانه :اكيد شيء حلو يمه تكفين قولي
خديجه :لا ماراح اقول شيء
وصار وقت العصر وجهزت ام تركي وتركي وصل من الدوام وسلم على امه
تركي وهويشيل شماغه ويفك ازرار ثوبه :وين يالغاليه ؟؟
خديجه :والله ناصر بيمرني قال يبيني في مشوار
تركي:وين ؟؟
خديجه :ياحبك للحنه روح غير ملابسك ووقول لخواتك يحطون الاكل لان تغدينا بدري قالت ريما انك بتتاخر
دق التلفون وردت خديجه واذا هو ناصر وقالها تطلع وطلع معها تركي وسلم على ناصر
وقال لتركي السالفه ودخل البيت ولقى رانيا وهو كان بيفطس من الضحك
تركي بصوت مسموع :ياحليلك يانويصر
رانيا بعد ماسمعته :شنو صاير اشفيك انت وامي طول الوقت تبسمون
تركي وهو يرفع حواتجبه ويقرص خدودها:لا مافيه شيء ياقمر ليه طالعه حلوه اليوم
رانيا مستحيه حست في السالفه شيء وردت مستحيه :حلوه دائما مو اليوم بس
تركي :يله رانيا تكفين حضري اكل بطني يعورني من الجوع
رانيا بسوري:تكرم
وصار المغرب البنات كانو يصلون وخلصوا ريما تلعب بجوالها وتنتظر مكالمه من فهد بس للاسف
كانها مقرره انها تدق عليه امارانيا ونوره يسولفون وهم بحجاب الصلاه وقاعدين على السجاد
رانيا فرحانه وتسأل في نفسها ناصر شنو يبي من امها دخلت عليهم امهم فرحانه وتناظر رانيا
خديجه وهي تفصخ عبايتها :ابشركم بخبر ولافي الاحلام
البنات :شنو؟؟
خديجه :ناصر خطبنا له اليوم بنت خالته بس تبون الصدق يمدحونها انا ماشفتها بس كلمت جدة ناصر
ريما بصدمه :شنوووووووووووو
نوره :ايه مبروك
رانيا بفرحه نطت وباست امها كانت تمثل وهي قلبها يتقطع على نفسها حست بغباءها لما قدر يعلقها فيه من لحظه مرت
مها: مبروك ليش ماقالي وقت ماكلمته مستحي اخيرا يابنات صار عندنا زواج
نوره معصبه :يمه متاكده ان ناصر ولد خالي
خديجه :ايش فيكم يابنات ليش هذي الاسئله مسكين والله كان خايف ومتردد وطلب مني نساعده في التجهيزات
رانيا وهي ترتجف لما لاحظت ايدها حطتها بجيبها وهي قابضتها :عن اذنكم بروح انام
وظلو يسولفون رانيا راحت لغرفه امها وقفلت عليها سندت ظهرها على الباب وحطت يدها على فمها
وصرخت علشان صوتها ماينسمع دخلت الحمام وصارت تكسر كل شيء فيه وترددكلمه حقير ..
طلعت من الحمام وراحت الصور اللي تجمعهم وهم صغار وصارت تقطع فيهم
رانيا بانين وصدرها يرتفع من العصبيه وتلهث وتنفس بطريقه غريبه :واطي نذل ويدق تخطبله امي حقير الله ياخذه
وحطت راسها على المخده وصارت تبكي لحد مانامت وتردد والله لاجهزك احلى جهاز ياواطي
ريما خافت على اختها بعد ماقالت كل اللي صار في المزرعه لنوره
نوره وهي تضغط على راسها من الصدمه :كنت حاسه ان فيه شيء بينهم بس ليش يسوي كذا ليش ؟؟؟؟
ريما وهي تضغط على اسنانها :لانه واطي ونذل
نوره :حرام عليك يمكن رانيا فهمت اسلوبه غير
ريما :شلون فهمته والمواقف اللي صارت شنو تسمينها
نوره وهي واصل حدها من كثر ماهي تبرر :خلاص كل شيء قسمه ونصيب وبعدين عاش في الخارج شيء طبيعي عنده
ياكثر مااذكرك لاصرت وحدي وياكثر ماتنسى وانا اقول معذور
تضوي نجوم الليل ويزيد ودي وتذرف الدموع الشوق لاشك مجبور
ولوطال بعدي ....تذكر...حبيب لك من البعد ((مقهور ))


***************************************
كذا يعني تغيب !
تغيب وماتودعني !
وانا خلك ..وتعرفني اموت واهون علي وما اسولف معك !
وثم فجأه
:
:


*مالقاك تسمعني * :


رانيا طالعه من بيتهم وهذا اول يوم تركب مع نقل خاص بالمعلمات مع منيره طلعت رانيا وهي هموم الدنيا شايلتها على راسها
طلعت بعد مانظفت غرفه امها من اللي سوته وساعدوها خواتها ..
امهم نامت مع بناتها ريما ونوره لما رانيا رفضت تفتح الباب وكانت تقول انها قافله عليها علشان امها ماتحس بشيء
وصحوا ريما ونوره مبكرين وشافوا اللي صاير في الغرفه..
فتحت رانيا الباب بعد ماسمعت الباص واقف عند باب بيتهم طلعت وكلمت منيره لانها ماكانت موجوده في النقل
خافت رانيا تكون غلطانه بس طلعت لما اشر لها السايق انه يعرف انها البنت الجديده علشان كذا طلعت معه لقت معلمتين من مدرسه ثانيه

رانيا بتعب :الو صباح الخير
منيره: صباح الانوار خير ليش صوتك كذا
رانيا وعيونها مغرقه :مافي شيء وينك مو انتي معنا بالنقل
منيره :معكم بس انا اخر وحده
رانيا :مايخالف نلتقي مع السلامه
منيره :مع السلامه
قفلت رانيا الجوال وسندت راسها على المقعد وفتحت الستاره من على شباك الباص وصارت تتفرج وكانت تصحى لما يوقفون عند اشاره اومطب
وغفت لما صحت لقت نفسها قدام بيت خالها عامر ,,,,,,,,,,,
وكان ناصر طالع ولابس ثوب وغتره وكاشخ كانه طالع دوامه وبققت عيونها لاتكون تحلم وتناظر يمين يسار لاتكون في حلم
وصارت تهلوس فيه من الصدمه ..ركب ناصر سيارته بس ماقدر يطلع لان نقل ساد الطريق عليه ونزل ناصر بغروره ونظارته الي مغطيه ملامح عيونه القاسيه
واللي تكرها رانيا لان ماورها غير الخداع والكذب ....
ناصر وهو يشيل نظراته :سلام عليكم ياعم
السايق :عليك السلام
ناصر :الله يخليك ياعم افتحلي طريق
السايق :ابشر بس خل بنت جيرانكم تطلع وانا امشي واعذرني ياوليدي
ناصر :تسلم ياعم ومعذور الله لا يهينك
وراح ناصر وركب سيارته وصار ينتظر مايدري ان عيون وقلب مجروح وتغرس فيه سكاكين مع كل كلمه ونفس يتنفسه
طلعت منيره من البيت وشافت الحوسه الي صاير ه عند البيت وركبت وبدت تلفت على مكان رانيا وجلست جنبها
ومشى وصاروا المعلمات يتكلمون على ناصر وحلاوته وشياكته واسلوبه وقلب رانيا بيخرج من بين ضلوعها كان نفسها تصارخ وتبكي وتعلي صوتها
منيره جنبها صارت تكلم مع رانيا شوي بس سكتت لما شافت ان ان اجابات رانيا مختصره جدا دخلت رانيا وكان وجهها اصفر ولامه شعرها
منيره :خير صاير شيء
رانيا وهي ترتب عبايتها وتكلم بياس :لا مافيه شيء تدرين ان ناصر ولد خالي يصير جاركم
منيره بمكر :اها قولي الحلو متعذب
رانيا بضحكه مغتصبه منها :ههههه الله يوفقه بيتزوج قريب
منيره مصدومه :شنوووووووووووو
رانيا حست بتعب :ايه خلاص مابي اتكلم في التفاصيل الله يخليك خلينا نسلم النتائج وبرجع البيت بخلي تركي يمرني وانتي اعطي السايق خبر
منيره : طيب مثل ماتحبين
دخلت مها مبسوطه على الاخر شافت رانيا بحالتها ومنيره كانها تهديها شافتها منيره قبل ماتشوفها رانيا واشرت بيدها تسكت
مها باستغراب :صباحووووو ياحلوين
منيره ورانيا :صباح النور
مها :خير فيه شيء
منيره :لا بس رانيا تعبانه شوي (واشرت تقفل الموضوع وماتسال )
مها :سلامات رنو
انتهى الدوام ورانيا تعبانه ورجعت مبكره للبيت مثل ماقالت لمنيره وراحت تنام...

بعد اسبوع

الصباح الساعه 10 جوال ريما يدق وكان رقم خاص ردت وصوتها مايطلع لانها صاحيه من النوم
ريما وتلم شعرها:الو
ريما :الو رد منو؟؟
:يله شيل هذا في الصندوق
ريما مستغربه وعصبت :الو وجع شو صندوقه
وسمعت ضحكه تحبها وتحب تسمعها (ايوه هذا فهد )
فهد وباقي يضحك:الو معك صباح الخير
ريما وتحسن من صوتها وتعدل شكلها كأنه يشوفها :اهلين صباح النور
فهد :كيف الحال ؟؟؟؟؟
ريما :الحمد لله
فهد :اعذريني كنت اشتري اغراض للبيت وسمعتي اللي سمعتيه
ريما بضحكه خفيفه :ههههه لا عادي
فهد حب يستعجلها علشان يخلص شغله :مدام خديجه انا وراي شغل ويمكن ارجع بريطانيا بسرعه
علشان كذا لازم اليوم تسلميني اوراق القضيه فحطيها عند الباب وانا امر واخذها بعدين ارسل الدعوه لحضور المحكمه لزوجك
ريما حست بجديه :راح اسلمك الاوراق يد بيد
فهد مستغرب :اسف اذا ضغطت عليك لاني مستعجل عندي ظرف عائلي بس اوعدك ماراح اسافر لحتى اخلص قضيتك بانتصار
ريما :خلاص نلتقي
فهد ياكد لانه يبيي يخلص يحس بهم :اليوم لازم
ريما وهي خايفه انه يرجع وماتستفيد أي شيء :اوكيه مع السلامه باتصل لمااقدر اطلع من البيت
فهد :مع السلامه ونبقى على الاتصال

دخلت ريما على رانيا وكانت رانيا تجرب فستان عنابي وتدور فيه كان عاري من فوق طويل وكريستال من تحت الصدر وكان يناسب رانيا لانها بطبيعتها ناعمه
ريما :مشاالله وش هذا الحلا هذا لزواج ناصر صح ؟؟
رانيا بنظره حاده :لا
ريما تمنت انها ماقالت شيء :اجل ليش؟؟
رانيا :زواج مها بعد اسبوع يوم الاربعاء
ريما تشهق :لاتقولين ماراح تحضرين زواج ناصر
رانيا :لا واعتذروا عني مها اولى صديقتي ماصدقت على الله انها تزوجت
ريما :راح تزعل امي
رانيا :راح اقنعها كيف تبيني احضر بعد اللي صار انسان مغرور واناني وشايف نفسه ومايقدر شعور الناس
ريما :شعور الناس ولا شعورك......يارانيا انتي ماعطيتي نفسك فرصه وسمحتيله يكسب قلبك بهالسهوله
رانيا ماتبي تفكر بشيء لانه تحس انها غبيه لما مرت عليها :خلاص انا بحضر زواج مها حظ صار زواجهم نفس اليوم
واحسن علشان اشوف راح يفقدني ولا لا .....اصلا مستحيل لانه المعرس بيلصق في العروس
ريما :يارانيا اذا عرف ناصر انك ماجيتي راح يعرف انك زعلانه وبعدين انتي خير ياطير اول وحده تحب ولا تاخذ اللي يحبها
رانيا :ليش يعلقني فيه ليش الحركات اللي يسويها وفجأه قطع الحبل فيني وتركني
ريما :خلاص يارانيا كل شيء قسم ونصيب على الاقل احضري ساعه سلمي عليه بعدين روحي لزواج مها
رانيا :بفكر خلاص
ريما غيرت الموضوع اللس صحها وشاغلها وصارت تتكلم وهي تضفر خصله من شعرها
مها :رانيا ابي اطلع من البيت اليوم البنات متجمعين في مطعم وقالوا لازم احضر مسوين خبصه
رانيا :اقول مالي شغل قولي لامك اللي تبين تسوينه وانا شنو يخصني فيك
ريما :اسفه على الازعاج وصح شنو يخصك
رانيا معصبه :انقلعي
ريما طلعت من الغرفه وهي مقهور هعلى رانيا وصارت تدعي انها تنسى ناصر وماياثر على حياتها ..
محتاره كيف تطلع من البيت راحت لامها ولقتها قاعده في الصاله مع تركي ونوره جالسه معاهم
ريما :صباحوووو
الكل :صباح النور
تركي :هلاريما غريبه مبكره اليوم
ريما :ايه جاني تلفون من البنات
خديجه :خير اللهم اجعله خير
نوره :اكيد جمعه خايسه
ريما عصبت من كلام نوره اللي يزيد الموضوع تعقيد :اقول طسي لادوس ببطنك تركي تكفى البنات مسوين جمعه في مطعم ماكدونالز
وابي اروح الساعه 8 تكفى لاترفض والله لما ترفضون مااطلع من البيت استحي من صديقاتي
بعدين لا تخافون فيه قسم عائلات يعني مستحيل احد يأذينا
تركي عصب :لا يعني لا
ريما صارت تبكي :تكفى ياتركي ساعه بس وبطلع تكفى الله يخليك
تركي :مافيه احلمي
ريما تصارخ :لو ابوي موجود ماكان رفض
تركي انصدم لما سمع هالكلام حس انه مقصر معاهم :ريما ليش انا مقصر معاكم بشيء ليش تقولين كذا
ريما :مو مقصر بس ابي اطلع حالي حال صديقاتي بس مدفونين فالبيت لانطلع لاندخل وبعدين اخر مره طلعنا لما رحنا لمزرعه خالي
خديجه :ياوليدي خلها تروح وتستانس مع ربعها حرام
تركي بحزم :يمه تكفين والله انك مدلعتها بزياده ..........(وبعد اقناع من جميع الاطراف )خلاص بوصلك الساعه 8القاك مزروعه عند الباب فاهمه
ريما فرحانه :يس مشكور (ونطت وباسته على خده وتركي يضحك عليها صدق انك بزر )
صارت الساعه 7 ونص دق فهد على جوال ريما ريما شافت رقم فهد نطت وردت عليه
ريما :الو
فهد :مساء الخير
ريما :مساء النور
فهد :شنو صار

ريما :خلاص بلنتقي اليوم في ماكدونالز بعد نص ساعه
فهد :اوكيه صار لاتنسين الاوراق
ريما توها متذكره ليه هي راحت :طيب مع السلامه


سكرت وهي ترتجف من خوفها شبتقول اليوم له ماتدري شنو تسوي وقررت تسوي نفسها انها نست الاوراق
وتكمل الكذبه لحد ماتسحب منه عن ابوها وتاكد من اللي سمعته ..
وبدت تعدل لبسها لبست تنوره بنيه قطيفه قصيره الي الساق وبلوزه اخضر غامق ومفتوحه من الصدر ولبست سلسال ناعم عليه حرفها
واشتشورت شعرها ورفعتها من الجوانب وحطت مكياج خفيف ظل ذهبي وحددت عيونها من تحت بلون اخضر وبلاشر مشمشي وروج لحمي ومررت عليه غلوس
وطالعت نفسها في المرايه لاخر مره ولبست عبايتها ورشت عطر وراء اذانها وعروق معصمها وحطت الشيله واخذت جوالها وحطته في شنطتها الخضراء الكبيره وسمعت تركي يناديها ونزلت تجري
تركي :ياسلام كذا لما انادي احب القاك مزروعه قدامي
ريما :علشان تعرف بعدين تعال شنو الشياكه هذي
تركي وهو يكرز قلابه ويسكر ازرار ثوبه :الاانت شنو الحلاوه؟؟
ريما :لازم اكشخ
تركي يعدل من شكله:مابي افشلك قدام صديقاتك لازم اكون كاشخ
ريما خافت لانه تذكرت انه يعرف فهد :لاياتركي انت نزلني عند المطعم علشان اذا جاء احد من اهلهم لايشك انت تعرف
تركي :يله خلصيني
وراحوا للمطعم وريما خايفه يصير شيء اوان تركي يشوف فهد ويصير مشكله ولايروح فيها غير ريما سلمت ريما نفسها لربها
وقف تركي وهو يتلفت: انزلي واذا مالقيتي احد دقي علي انا انزل وامشي لما يجون شله الانس
ريما وهي خايفه :لا يله كلمتني اماني وقالت انها موجوده خلاص تطمن انت روح
تركي :اوكيه الساعه 10 وان ناقع هنا فاهمه والله قلبي قابضني
ريما صارت ترتجف وهم يتكلمون يشوف فهد :لاتخاف مع السلامه
نزلت من السياره وهي قلبها قابضها كيف انها وثقت في فهد بهالسرعه وتكون هي اللي تحمل مسؤوليه نفسها اذا صار لها شيء
دخلت وتركي يناظرها الي ان دخلت وحرك وقف لان فيه سياره تدخل انتبه فهد انه تركي وصار يناديه :تركي تركي
تركي لماشافه طار بسياره وفهد دخل بسيارته وركنها بالموقف وهو يتسال اذا هو تركي اولا بعدين ليه مارد عليه
فهد في نفسه :كيف تبيه يرد عليك وانت اذيته واذيت اهله لما اقنعت ابوهم يسافر ويتركهم وتحملت انت مسؤوليه السفر وارواقه واملاكه لحد ماتورط ابوهم ودخل السجن
وانت طلعت منها مثل الشعره من العجينه ونسى اللي يفكر فيه ودخل المطعم
ودق على ريما يسألها اذا هي موجوده قالت انها توها دخلت

دخل وناظرت ريما فيه وقف قلبها لما شافته لابس غتره وثوب كان شكله روعه وشعره باين من تحت الغتره لما قرب منها عصرها بطنها من ريحه عطره
فهد :اخيرا
ريما :اهلين
فهد :تفضلي لازم ندخل قسم عائلي
ريما وهي خايفه :ايه
ودخلوا وقعدوا متقابلين فهد قعد خمس دقايق يناظرها ومبقق عيونه فيها وهي منزله راسها وفجأه تكلم
فهد :تصدقين اني انصدمت لما لما شفتك
ريما :ليش ؟؟؟
فهد :ماتوقعتك صغيره وحلوه لهذي الدرجه
ريما :الزمن مايعرف صغير ولا كبير
فهد :صدقتي اما هذي اعتبرها حكمه في الحياه الالم والعذاب والموت مايعرف صغير ولا كبير
ريما ومرتبكه اذا سالها عن الاوراق :ايه
فهد حس بالي يدور في بالها :اوكيه وين الاوراق خليني اطلع عليهم
ريما ارتبكت اكثر انقذها القرصون كان جايب الاكل وسكت فهد وقام ياخذ الاكل منه لانهم على طاوله مقفله من الجوانب كلها
وصارت ترتجف اكثر وحط الاكل قدامها واخذ العصيرات اللي كانوا طالبينها
فهد :تعشي بعدين نتكلم
ريما :مشكور مافي داعي تطلب اكل
فهد :ليش هذا واجب موحلوه نلتقي مايصير بينا عيش وملح وقضايا هههههههههههه
خقت على ضحكته :هههههههههههههه
فهد : تفضلي
كانت بتمد يدها بس ماقدرت تشيل اللثمه قدامه وارتبكت كان فهد ياكل برقي انتبه انها تقلب في الاكل من غير ماتاكل
فهد :ليش ماتاكلين (كان عارف بس حب يحرجها اكثر )لايكون ماتحبين اكل المطاعم
ريما ارتبكت اكثر :لالا بس..........
قام فهد من مكانه وجلس جنبها وقرب الكرسي منها اكثر لحد مالصق فخذه بفخذها
ارتبكت ريما وصارت ترتجف اكثر مسك يدها البارده حست بدفاء ايده وقرب منها اكثر لمى حست انفاسه تحرق خدودها
ومد ايده على لثمتها وشالها همس في اذانها
فهد بصوت واطي علشان مايوترها :كذا احسن كلي براحتك
ريما وصوتها صار مبحوح:فهد الله...يخليك بعد شوي انا لازم امشي
وصارت تسحب ايدها من ايده وهومسكها ماتركها
ريما خافت وعرفت ان اليوم يومها مسك وجهها بايده لانه وخر اللثمه ولفت وجهها الناحيه الثانيه علشان مايشوفها لف وجهها صوبه
وخق على جمالها وشفايفها وانفها الصغير وعيونها اللي مليانه دموع والخوف تركها فهد لما شاف الخوف بعيونها
فهد :مدام خديجه انا اسف اذا خوفتك بس حبيت اساعدك علشان تقدرين تاكلين
ريما :لا ماخفت بس انا مرتاحه كذا ارجوك ثاني مره لاتقرب مني
فهد كان وده ياكلها على غرورها قام فهد وجلس مكانه وباشر ياكل وهي ماقدرت تاكل بس مارجعت اللثمه
فهد :اذا ماتبين تاكلين حطي الاوراق وامشي
ريما :ايه وهو اللي بيصير
فهد رافع حواجبه :ايه وينهم ؟
ريما خافت كثيرلانه عصب وسوت نفسها تدور في الشنطه :وينهم انا متاكده كنت حاطتهم هنا ياربي
فهد لوى فمه :دوريهم زين يمكن مانلتقي بعدها
ريما وهي شوي وتحط راسها بشنطه :ياربي وينهم ؟؟؟؟؟؟؟؟؟
ماحست الا يد فهد سحبتها وقعدها على الكرسي بعد ماوقفت تسوي روحها بتروح وجلس في مكانه وهي من وين ماكانت قاعده
وقاعد يناظرها بتهديد ورفع اصبعه يهددها :شوفي هالحركات مو علي كان قدرتي تجبين الاوراق فاي وقت بس مااعرف شنو وراك يامدام خديجه
هذا اذا اسمك خديجه والله لوتطلعين كذابه والله لادفعك الثمن غالي فاهمه شوفي بعد اسبوع الاوراق عندي لاني خلاص مطول يعني بالكثير شهر لاني اجهز لزواجي فاهمه
ريما منصدمه حست انها مخنوقه :انت بتزوج
فهد بغرور :ليش عندك مانع والله لو اكتشف انك من البنات اللي يسون حركات ورومانسيه انا مو منهم وانا على فكره مو فاضي فاذا انت تكذبين اعترفي من الحين
ريما بعزم وصارت ماسكه نفسها :شوف انا موكذابه والاوراق بعد اسبوع عندك لاني ماقدر اطلع الحين من البيت وفيه زواج عندنا بعد اسبوع راح اطلع واعطيك الاوراق
فهد وهو يكمل اكله :ايه انشالله
ودق جوال فهد ورد عليه بنعومه لما ابتسم وشاف الرقم :هلا وغلا هلا بنور عيوني وقلبي
ريما تناظره وكان الطرف الثاني يسال وينك
فهد :ويني يعني انا في المطعم مع واحد غثه بس لوتشيلينه من عندي
ريما حست نفسها رخيصه ماستحملت وهو يناظرها ويبتزها ومسكت الجوال
ودقت على تركي بس مارد وتحاول ثاني مره وثالث مره عصبت وهي تسمعه يقول عنها غثه وفجاه سمعته يقول
فهد :انا عندي شغل وبعدين اسبوع وبنكون مع بعض ياعمري
وبعد ماخلص بدا يتافف مكان احد عاجبه بعدين رمى السكين في الصحن اخترعت ريما وحسبت انه مريض نفسي وسمعته يقول
فهد :الله يلعنك ياريم انت وابوك الله لايوفقكم
انتبه لريما اللي كانت خايفه منه وقرب منها بس قامت فجاه علشان مايقرب اكثر بس خاب ظنها
مسكها مع معصمها وسحبها لحد ماصارت قربيه من صدره وكانت تناظر صدره اللي يرتفع من العصبيه الزايده وخافت اكثر لما كان يقول ريم
كانت متوقعه انه عرفها وكانت تحاول تفلت منه بس مسكها وقال :وانتي بعد زي ماقلت الاوراق استلمها هذا انا حبيت اساعدك
وتبغين الصدق ماابي اتعاب ولا اوراق توكيل انا بسوي كل شيء بس لو تطلعين تكذبين لاذبحك
ريما ترتجف وهي تحاول تفك نفسها منه
وتركها ودق جوالها وعرفت انه تركي سحبت نفسها بعد ماتوتر الجو بينها وبين فهد طلعت وفهد هدا اعصابه لما شم ريحه عطرها وريحه انفاسها لما كانت تحاول تفك يده منه
فهد :ياخوفي اذا وراك شيء يورطني وليش احس كذا لما اقرب منها لا هذا تاثير الزواج عليك و(صار يضحك على افكاره)
طلعت ريما وهي تهدي نفسها علشان ماينتبه تركي ودخلت السياره سلمت
بعدين صار يتكلم تركي ويتلقف عليها وريما كانت خايفه وتقوله يمشي بس كان يحط اغاني ويهديها
ريما :تركي يله انا تعبانه
تركي يضحك عليها :ياقلبي ليش معصبه وبعدين ليش متضايقه
ريما خافت اكثر وحست ان فهد بيطلع الحين وتروح فيها وفجاه طلع فهد معصب انتبه له تركي
تركي معصب :هالنذل شنو يسوي هني
ريما وقف قلبها :منو النذل اكسر الشر ياتركي وخلنا نمشي
تركي عصب اكثر :مالك خص انا بنزل لاتحركين
ريما مسكت ايده وترجاه:تكفى ياتركي اترك الناس بحالهم مالنا خلق مشاكل
تركي سحب ايده :تدرين منو هذا.......هذا السبب في كل شيء يصير فينا هذا اللي خلا ابوي يروح ويتركنا وهواللي دخله .......
سكت لانه قال كلام ماينقال لريما ريما بكت اكثر واكثر وحس تركي بذنب تركها براحتها ونزل لفهد اللي ركب سيارته وهو معصب
خافت ريما على تركي وفهد يسون ببعضهم شيء وكل اللي كانت تبي تعرفه انكشف في لحظه من تركي
تركي مسك باب سياره فهد :شلونك يافهد
فهد فز قلبه لما شاف تركي صديق عمره :هلا تركي
تركي بعصبيه :لاهلا ولامسهلا
فهد :صل على النبي ياتركي مايسوى عليك قدر موقفي هذا شغلي وواجبي وانا ماقدرت اطلع ابوك قضيته صعبه
وابوك هو اللي خبى علي موضوع الصفقه اللي من شركه وهميه والاختلاس ثبت عليه انا مالي شغل وحاولت والي الحين ادرس قضيته
تركي :شوف مانبي منك شيء وثاني مره لاتدق علي اواذا شفتني في مكان لا تفكر تنادني باسمي فاهم مع السلامه يارفيق عمري
فهد :تركي وقف خلنا نتفاهم
راح تركي من غير مايتفاهم معه وركب السياره وريما مجمده عيونها على اللي صاير ماصدقت وخافت ان فهد ينتبه لوجودها معه
مشى تركي من غير مايتكلم وصلوا البيت وطلع لغرفته من غير مايتكلم بكلمه ودخلت عليهم في الصاله كانوا خواتها موجودين وامها
ريما وبالها مشغول على تركي وفهد:سلام عليكم
الكل: وعليكم السلام
نوره :سلامات انت متضاربه مع تركي
ريما :مالي خلقك انا تعبانه
خديجه : اسم الله عليك
نوره : عن الدلع شوفي بكره نبي نروح الخياطه علشان تصممين لنا فساتين الله الله بالفساتين السنعه
ريما وقفت وهي ماشيه :انشالله
وراحت غيرت ملابسها ونامت بعد اللي صار واللي قهرها انها جابته على الفاضي بعد ماعرفت كل شيء وفكرت في زواجه
ومن البنت اللي يكلمها وليش يلعنها هذي افكار تدور في راس ريما بسب فضولها
رانيا مع امها في الصاله ونوره بعد
رانيا :ليش ريما مو على طبيعتها علمي انها تصرع البيت لما تجي من مشويرها غريبه
خديجه :والله يابنيتي ماوراء المطاعم الاضيقه الصدر لو انهم مجتمعين في بيتنا كان ماضاقت اختك
نوره :الا دلع الا قوللي يمه من بنته اللي بيتزوجها ناصر
رانيا فز قلبها لما سمعت اسمه :وانت شي يخصك (قامت رانيا للمطبخ وهي فيها غصه بس حبستها لان في اعتقدها ان ناصر مايستاهل دموعها )

بعد اسبوع

البنات في المشغل ومنيره مع رانيا علشان يروحون مع بعض لزواج مها بعد مارفضت تحضر زواج ناصر
وبعد اقناع امها لها قررت تحضر ساعه بعد ماترجع من زواج مها وتسلم على ناصر وتبارك له

ريما طالعه من مكان تغير الملابس وتدور حول نفسها وتاخذ راي الموجودين في المشغل
رانيا وهي تعدل مكياجها :ريما قعدي فضحتينا .....منيره يله تاخرنا وعدنا مها نوصل عندها قبل المغرب
ريما :عن لقافه موحلوه
نوره وهي خالصه من الزمان :تطيري العقل انا واثقه ان الكل بعجب فيني
ريما :قصدك يعجب في تصميماتي انامصممه بارعه جدا لولا الله ثم انا مالقتي لبس يطلعك حلوه كذا
نوره :اقول طسي والله لو البس ملابس شحاذه اطلع حلوه
منيره منبهره بتصميمات ريما كانت ابداع :صدق ريما انتي مصمتهم
ريما بافتخار :ايه شرايك
منيره :مشالله عليك وانا كنت بسال رانيا من وين جايبين فساتينكم
رانيا :خلاص نفشتوا هالبزر على هالخلاقين اللي مصممتهم تقولين ايلي صعب على غفله
ريما :معليك الغلطان اللي يعطيك وجهه
طلعت رانيا ومنيره مع سايق منيره وراحو للقصر الافراح اللي دلتهم عليه مها وقفوا عند محل ورد لان منيره موصيتهم على باقه ورد هديه لمها
مع الهدايا الي ارسولها قبل الزواج ومشوا حتى وصلو القاعه ولما كانت تنزل رانيا حملت معها باقه الورد وتخربطت وكانت بتطيح بس مسكتها منيره وصاروا يضحكون
وقبل مايدخلون القاعه تهيا لرانيا انها شافت تركي اخوها
رانيا وهي تحاول تعيد النظر بس كان الورد مع لثمتها زحمه ماقدرت تركز :منيره شفت واحد يشبه اخوي
منيره: يخلق من الشبهه اربعين
رانيا :يله تاخرنا على مها
ودخلوا على طول توجهو للمكان اللي فيه مها كانت الكوافيره عندها وتخلص اخر لمسات لمكياجها
منيره ورانيا :هااااااااااااااااااااااي
مها وخايفه :اهلين
رانيا تحط الباقه على جنب وتناظر مها :وش هالحلا كله بسم الله عليك
منيره :مشالله
رانيا :ليش خايفه
مها :مدري احس فيه شيء مو مضبوط بيصير
رانيا :تعوذي من ابليس كله وسواس وانشالله الف مبروك
مها :الله يبارك فيك وعقبالك
رانيا حست بغصه لما تذكرت واحتارت وفكرت ناصر شنو يسوي الحين كيف يجهز نفسه للعرس وتذكرت اخر مره شافته
كيف كان شكله اسلوبه ابتسامته وقطع حبل افكارها مها :وش فيك رانيا لاتكونين تفكرين بناصر
حبيت اشكرك انك حبيت تحضرين زواجي بس مالك حق انك ماتروحين وتبارك له
رانيا عصبت :هذا اذا فقدني مها قفلي الموضوع وانا نسيته خلاص
مها سكتت لما حست ان جرح رانيا ينزف ماراح يداويه غير اللي جرحه


اكبر خطا نسيان من يذكرونك ...واعظم وفاء ذكرى عزيز مجافيك
واكبر عناد تصون شخص يخونك ......واجمل امل حب جديد يناديك
واصعب سؤال اللي تجيبه ظنونك .....واتعس حياه تعيش والحزن لونك
واكبر قهر لاصار الناس يبونك ...........وانت تبيهم بس الحظ لعب فيك
واشرس جرح .......... لما تموت ولادرى عن ملامح جفون تحبه وسهرت لعين ترجيه

ناصر عند المرايه يعدل البشت وتركي قاعد يوصي فيه ويعلمه السنع وشلون يمشي وشلون ياكل بس بعد ماصرقع راس ناصر بكلامه
ناصر معصب :اسكت لابارك الله فيك وجع تقول بالع مسجل تقول متزوج اختك
تركي :وجع بعينك انا انصحك
ناصر وقلبه يعوره على اخر كلمه قالها :خلا ص اطلع وانا احصلك
تركي وهي يعدل غترته :يعني مطرود........(.ويناظر شكله بالمرايه )مادري ليه احس اني بلاقي نصي الثاني بهالعرس والله ياناصر اني مانساك
ناصروباله مع اللي شاغله :الاقولي خالتي والبنات جاووو
تركي :ايه الحين هم في الصاله يشوفون الناقص يعني يضبطون اوضاعك يعني ارتاح
ناصر :البنات جاوا كلهم
تركي باستغراب بس بدون تركيز :ليش تسال؟؟
ناصر توقع ان رانيا مراح تحضر اذا كانت تحبه من جد :لا بس سمعت خالتي تقول رانيا ماراح تحضر
تركي :لا بتحضر بس قالت بتحضر زواج زميلاتها وتقعد ساعتين وتجي لزواجك لاتخاف خواتك كلهم جنبك
ناصر (خواتي الا ر...):ايه الحين اقلب وجهك
تركي طلع بعد ماتناجر هو وناصر وصار كل واحد يطول لسانه على الثاني والانتصار كاعاده لتركي
لما خلص ناصر راح للقاعه للي فيها العروس وتركي معه ..
ناصر كان يقول في نفسه (الله يهديك ياجدتي شهذي الورطه )
منيره وارنيا ساعدو مها في لبس الفستان وكان شكلها يجنن
رانيا :الف مبروك
مها :الله يبارك فيك وبعدين ليش تاخر انا قلتله انه لايتاخر علشان ناخذ صور مع بعض
رانيا :انت ليش معصبه
منيره :صلي عالنبي
مها :اللهم صلى عليه بس احس انه متزوجني غصبن عنه
رانيا :عن الدلع الحين يوصل
دق الباب لبست منيره ورانيا العبايات لانهم عرفو انه المعرس وخلت مها المصوره تفتح الباب كانت رانيا ومنيره يطلعون
بس قالت لهم مها يقعدون معها ....وقعدوا فتحت المصوره الباب
المصوره :اهلين انت المعرس تفضل
دخل المعرس كانت رانيا ومنيره يعدلون حجابهم ارتفعت عيون رانيا تشوف معرس مها انصدمت انه ....................
اللي طعنها وخلى جروحها تنزف وهي اللي تضمدها بنفسها ماساعدها تلملم جروحها بيدينه هو اللي خلها ماتتنفس الى هواه وانفاسه
ليه يالدنيا المحبه خذيت مني اللي احبه **********
وافترق دربي ودربه وليه يالدنيا ***********
كافي شري وكافي خيري حتى مدري وش مصير ي*******
شوفي غيري عذبيه ولا هو مافيه غيري ******
انا اول شخص يتعب وتمل منه جراحه***********


رانيا ماصدقت اللي تشوفه ناصر هو اللي بيتزوج مها كيف راح عن بالي تذكرت لمى سالت مها في الدوام عن امه قطعت عليهم المديره
تذكرت نوره لما تسال من بنته ماهتمت ليش يصير كذا ليش زواجهم في يوم ........ناصر رفع عينه علشان يشوف عروسه شاف عروسه
بس عروسه اللي تمناها وشاف لبسها جسمها عيونها وجهها المستغرب كانه مخبي وراه شيء واستغرب كيف اتركت زواج صديقاتها وجاءت زواجه
ناصر نزل عيونه لما شاف رانيا :سلام عليكم
منيره ومها :وعليكم السلام
رانيا :انا استاذن
مها مانتبهت اولى نظرات ناصر كانت لمن والتفت شافت رانيا تتحرك وهي قابضه ايدها وتحاول تخبي وجهها :وين احضري التصوير
منيره مصدومه ناصر ولد جيرانا معقوله لانها توها تذكر شكله :يله انابطلع معك
مها بنبره واطيه :الله يخليكم قعدوا
ناصر كان قاعد على جلسه ويختلس النظر لرانيا اللي كانها مخدره من ذهول الموقف........
وقام من مكانه راح للمكان اللي كان واقفين عنده ورانيا ساكته ومنزله راسها قرب ومسك مها مع خصرها وسحبها
ناصر :يله ماتبين نصور
مها مستحيه :ايه يله بس صديقاتي مو راضين يقعدون
ناصر يسوي نفسه لسى شايف رانيا :اه هذي رانيا شلونك ؟؟
مها انصدمت وجمدت مكانها :شلون انت تعرفها
ناصر :ايه هذي بنت عمتي
رانيا كل عرق بجسمها انشد كيف جاته الجراءه يكلمها بس لما شافت الارتياح بعيونه والرضاء عرفت ماله بقلبه مكان :هلافيك وان شالله الف مبروك

مها حست نفسها مخنوقه لما عرفت انه ناصر اللي تحبه رانيا وهي طول الوقت تتكلم عنه
حست بغيره ورحمه وانانيه وصار شعورها غريب وماتدري لصالح من ناصر ولارانيا
رانيا :عن اذنكم انا بطلع والف مبروك يامها
منيره :وانا بطلع معك
ناصروهومعصب وصار يضغط على خصر مها اقوى :يله نخلص تصوير
مها وهي تفكر بالموقف :يله
طلعت رانيا والعبره تخنقها بس مسكت نفسها اكثر علشان ماتتطلع قدام منيره انها ضعيفه
مشت معها طول الطريق للصاله ساكتين شافت امها وخواتها يدرون على المعازيم هالحظه
صدقت انه حقيقه مو حلم وحست الارض تدور فيها
منيره تضحك تبي تحاول تخفف على رانيا :خلاص رانيا اللي صار صار بعدين مها ماتقصد معقول تطلعون قرايب وماتدرون
رانيا ومعصبه :وانا ماطرالي يوم اسأل عن خوالها كانت تكلمني عنه بس ماسالت من ولده وين امه صراحه وهالحظه اثبتت ان الدنيا صغيره
قفلي عالموضوع الله يوفقهم اذا ماكنت له زوجه فانا له اخت
منيره :طول عمرك عاقله
بعدت رانيا عن منيره وصارت تمشي بين ضجه المعازيم وهي مثل السكرانه وتناظر يمين ويسار
تبي تاكد من اللي تشوفه لقت ريما ونوره وهذا اللي اكد لها انها بعلم مو حلم .......
ريما تمشي بدلع لانها كانت مفلته ولما قربت من رانيا بدت تخفف دمها :بسرعه جيتي اكيد صديقتك مو حلوه
نوره وهي تافف لان الفستان كان له ذيل طويل وقربت من رانيا اللي استغربت من ملامحها اللي بهتت فجاه
وبدت تساعد ريما بالقفتهم المعتاده :ولا اكيد اطردوك ههههههههه
رانيا وهي تلفت على الناس بياس :سلمت عليها وجيتكم ........ولا اقول صديقتي طلعت هي العروس ليش الكذب
ريما شهقت :شنووووووووووووو
نوره متعجبه :مها صديقتك ماغيرها يالله ماتوقعت انها بنت خالت ناصر
رانيا بتعب وبداتظهر على وجهها :ايه هذا اللي صار
رانيا ماتحملت تحبس انفاسها اكثر من كذا ركضت للحمام (اكرمكم الله ) حطت يده على فمها علشان مااحد يسمع صوتها
وصارت تبكي وتشاهق كيف رفيقه عمرها ودربها تصير ................
بهت مكياج رانيا وبدت تمسح وتعدل فيه لحتى صار شكلها طبيعي طلعت من الحمام (اكرمكم الله )وهي واعده نفسها تكون طبيعيه وماتحسس احد انه صاير لها شيء
قعدت على طاوله كانت ريما قاعده عليها ونوره كانت ترقص وتحمس الطقاقات وتخليهم ينادون باسمها والناس اللي حولها يصفقون لها
ريما صارت تناظر رانيا وتحس انها بكت بس ماحبت تقولها شيء وتحسسها بالضعف
ريما :رانيا انبسطي كل شيء قسمه ونصيب
رانيا :اللي قهارني انا كيف غبيه ماعرفت من...........خلاص مابي اتكلم اكثر من كذا
فجاه انطلقت الزغاريد وانزفت مها وصارت تمشي بين الناس بافتخار ورافعه راسها
استغربت رانيا على جرائتها لانها تعرف ان مها غير كذا انها بنت خجوله وتستحي حتى من ظلها
وتاكدت رانيا في هاللحظه ان اللي بينها وبين مها انتهى بمجرد انها بتزوج ناصر لانها بتحقد عليها

وصارت العيون تمشي مع كل خطوه تخطيها مها بنعومه كان قلب رانيا بيوقف مع كل نوته تسمعها وتمشي مها على وصف القمر والبدر
حد منكم شاف في الدنيا بدر ***مقبلا يمشي ومن حوله بشر
هذا ماهو بدر ليل يختفي **مع طلوع الصبح وبزوغ الفجر
اوبدر يصبح بعد مده هلال ***هذا بدر مكتمل طول الشهر

قربت مها من الكوشه وبدوا الكل يرقص قدامها والكل يبارك ويهدي وفتحت بوابه القاعه
وتغطوا الحريم الكل تغطى ولبس العبايات
ودخل المعرس معه مجموعه رجال .. رانيا انتبهت لناصر اللي كان يتبسم لتركي وتركي يستهبل عليه
وانتبهت لخالها عامر واصدقاء ناصر هذا اللي وضح لرانيا ..........ناصر دخل وكان يدور لقلبه من بين الناس وشاف رانيا تتفرج وحاطه يدها على خدها بياس
التفت لتركي اللي دقه بكوعه علشان ينتبه اللي على الكوشه وقربوا مع الزغاريد والصلاه على النبي من الطاقاقات والحريم
وجلس ناصر جنب مها اللي كانت عيونها تدور بين الحضور على رانيا اللي تحس انها هدمت حياتها لما عرفت ان ناصر يكون ولد خالها ناصر ناظر مها
ناصر بضحكه عذاب :الف مبروك ياعمري
مها منزله راسها :الله يبارك فيك
ناصر :مبسوطه
مها :ايه
وجات جدته تبارك له وهي اللي اقنعته يخطب مها وضغطت عليه وانه اذا ماتزوجها راح تزعل عليه
وهي اللي بقت من ريحة امه كما انها وصيه امه انه لما يكبر يتزوج مها ولاحب ناصر يكسر خاطرها
ودعس على قلبه وتزوجها وهو ناوي ينسى اللي يتوقع انها تعذب علشانه
وجابت جدته معها طقم الماس طلبت من ناصر يلبسه مها على الواقف علشان يشوفونهم الناس
وقف ناصر ومها ومسك العقد ولفه حول رقبه مها
وهو مكان يناظرها انتبهت له مها لانها كانت تحس بكل لمسه وتأثر فيها لبسها الاسواره اما الحلق رفضت مها وبعدت عنه بحجه انه الحلق اللي لابسته يناسب فستانها
وفضل ناصر رايها وبعد منها وراحوا يقطعون التورته وقطع قطعه صغيره واعطها مها وشربها العصير
وهو رفض يأخذ من مها شيء بحجه مايبي يحرجها استغربت مها من برود ناصر ونسبته لرانيا هي السبب اذا صارت حياتها غير اللي رسمته
ورجع على الكوشه وهو ماسك يد مها وجلسوا مع بعض وصاروا يتكلمون مع بعض فجأه ناظر ناصر للملاك اللي واقف قدامه وماد ايده وكانت رانيا ..
رانيا واقفه بكل شموخ وعزه نفس وضحكه خيال ابهرت ناصر وقف ناصر ومد ايده ومسك يد رانيا اللي كانت متجمده من القهر والخوف
رانيا وهي تسحب يدها :الف مبروك اخيرا تزوجت منك المال ومنها العيال
ناصروهو منبهر بشكلها وجمالها وجسمها بالفستان اللي مغطيه شال يبين بشرتها يضحك :الله يبارك فيك وعقبالك
رانيا مدت يدها لمها ودنقت عليها وباستها :الف مبروك ياقمر (وبهمس )هذا ناصر وجاك شتبين بعد
(وغمزتلها وناظرت في ناصر )شوف ناصر هذي مها صديقتي الله الله فيها باذبحك لوتشكي منك هههههههه
ناصر وتوه عرف ان رانيا ماتحس باي شعور اتجاهه ومشى على هالشعور واللي صار بينهم مايعني أي شيء عندها
رانيا غصت في قلبها العبره وعطتهم ظهرها وراحت لامها علشان تطلب من تركي يوديها البيت علشان تعبانه
ناصر بعد ماراحت رانيا وثق ان الشعور اللي يحسه اتجاه رانيا انه مجرد اعجاب
وهذي مها جنبه بيحبها بقلبه وروحه رانيا مع تركي بسياره
تركي :رانيا فيك شيء اوصلك للمستشفى
رانيا :لا مافيني شيء بس تعرف زحمه العرس والخبصه صار راسي يعورني
تركي :الاقوللي يارنيا مين اللي وصلك لزواج ناصر
رانيا:صديقتي طلعت زوجه ناصر
تركي وانفجر من الضحك :هههههههه شلون هاذي ليش انت ماسألتيها من ولده كل هالمده صديقات ماتعرفون بعض
رانيا :ليش متوقع اني اخليها ترسم لي شجره العائله
تركي :اوكيه انت ليش معصبه
رانيا:ولي يسلمك تركي رجعني للبيت
تركي :يله ابي ارجع علشان اودي المعاريس الفندق
رانيا حست انه بيغمى عليها في أي لحظه وصارت تحس بدوخه وصلوا البيت نزلت لوحدها في البيت ماكان احد معها
ودخلت المطبخ مسكت الكاس وصارت ترتجف مسكت الكاس ورمته بقوتها على الارض لحد ماتكسر وانتشر في المطبخ
وصارت تمشي على الزجاج وهي حافيه ماحست بدم يسيل بغزاره من رجولها ماحست بالم وطلعت الدرج وهي تشوفه ثنين
رفعت فستانها شافت اطرافه كلها دم صارت تناظر الدم باستمتاع كانها تشوف دم ناصر دخلت الغرفه ماحست بشيء حولها غير انها طاحت من طولها

الجزء السادس
في المطبخ وصارت تمشي على الزجاج وهي حافيه ماحست بدم يسيل بغزاره من رجولها
ماحست بالم وطلعت الدرج وهي تشوفه ثنين رفعت فستانها شافت اطرافه كلها دم صارت تناظر الدم باستمتاع
كانها تشوف دم ناصر دخلت الغرفه ماحست بشيء حولها غير انها طاحت من طولها



في العرس جوال ريما يدق ناظرت الجوال شافت رقم فهد ماقدرت ترد وقررت انها تخليه وهو بيرجع من وين ماجاء
بس خافت اكثر انه يسال عن خديجه (ومافي في الحي غير امي اسمها خديجه ياربي مايسويها) هذي الافكار اللي تدور براس ريما ..
وصارت الساعه 1 نصف الليل تركي اخذ المعاريس للفندق هو وخاله وراحت ام مها وخواتها يودعون اختهم ..
وصلوا الفندق سلمت مها على امها وخواتها وناصر سلم على تركي وابوه واخذ عروسه اللي كانت ترتجف من خوفها ودخلو غرفتهم الخاصه ..
ناصر خلع بشته وفك ازره ثوبه وقال لمها انا بروح اطلب اكل وانت خذي راحتك مها طارت من فرحتها ان ناصر متفاهم ويقدر مشاعرها
واخذت مها الشنطه اللي جهزوها خواتها لقت فستان ناعم حلو ومستور دخل مزاجها
كان فوشي عاري من فوق ومجسم عليها تربطه شريطه من تحت الصدر وفكت التسريحه كان شعرها قصير وخلته على راحته
ومسحت مكياج العرس الثقيل اللي مغير ملامحها وحطت روج فوشي وقلوس فوقه وحطت عطر وكانت تناظر نفسها في المرايه وتفكر في ناصر شراح يكون رايه فيها ..
ناصر كان متقصد يتاخر علشان مها كانت خايفه وحب انه يخليها براحته حس انه طول وفتح باب الشقه
وكان السيرفس وراه بالاكل خلاهم يدخلون بعدين نادى مها
ناصر :مها ......مها تعالي الاكل وصل
مها فتحت باب الغرفه ناصر اللي يشوفه حلم اوعلم هذي رانيا مستحيل ناصر سكت ...
بعدين وضحت الصوره وشاف انها مها
ناصر في نفسه :ياربي شنو صارلي انت متزوج ياناصر وزوجتك مو ناقصه شيء ليش تفكر برانيا
مها فرحت برده فعل ناصر لما شافها ماتدري انه تخيلها شخص ثاني :هذا انا جيت
ناصر يبتسم :شهالحلا كله
مها منزله راسها ومستحيه قرب ناصر منها مسكها مع خصرها ولصقها بجسمه مها
رفعت ايدها تبعد منه مسك ايدها وباسها وطبع بوسه على جبينها مها ارتبكت من جرائته وحاولت تبعد منه بس كان ماسكها
ناصر بهمس :تبين تاكلين ؟؟؟؟؟؟
مها منزله راسها :...................
ناصر صار يضحك على خجلها:ليش ماتتكلمين كل هذا علشان هالبوسه ترى هذي ولاشيء عندي
مها خافت اكثر :نا.....صر تكفى بعد
ناصر تذكر رانيا لما شافها في غرفته مكان يعرف ليش طرى في باله هذا الموقف وابعد هذي الافكار عن راسه وترك مها
وبدى يطعمها الاكل بايده يبي ينسى رانيا لانها ماتفكر فيه هذا راي ناصر في مشاعر رانيا مايدري انها بسيول جروحها تغرق
خلصوا العشاء مها راحت للحمام (اكرمكم الله )تغسل فمها وايديها دخل بعدها ناصر
وراحت للصاله وجلست تتامل الموكيت والجدار ماحست الا بيد ناصر تسحبها من وراها
ناصر يبتسم ابتسامه تعذبها :ماتوقعين انه صار وقت النوم
مها :.................. مالي خلق انام
ناصر يضحك :من قال ننام
مها فهمت قصده وماقدرت تكلمه اكثر حس ناصر بارتباكها وباسها في شفايفها بنعومه يهديها
مها حست نفسها بيغمى عليها من جرائته ناصر بعد منها بثواني معدوده وحملها ودخلوا غرفه النوم ................


فهد قاعد يناظر الموكيت الفخم وشوف الفخامه بعينه ماتوقع انه يشتغل عند ناس هوامير هالدرجه
دخل عليه رجال كبير في السن بس كان قوي وصحته فل فهد قام على طوله وهويناظر لمعزبه في الشغل كيف هيبته في البشت وثوبه على كبر سنه وبشاعته
علي (الهامور ):هلا والله فهد
فهد :هلا فيك ياطويل العمر
علي :كيف الشغل هناك
فهد :ماشي مثل ماتبي واحسن
علي :كذا ابيك حتى لما تزوج الريم بنتي ابيك مثل ماانت ماتتغير ولاتخلي الحريم يغيرونك عن شغلك
فهد :لاتوصي ياعم
علي :الزواج ابيه بكره الريم خلاص جاهزه وكل شيء تمام
فهد استغرب :شنو ياعم ليش الاستعجال
علي بنظره حاده :فهد ركز معي ابيك لاتهتم كل شيء متكفل فيه انت تزوج وبس ولالك شغل ببالباقي
فهد :مثل ماتبي طال عمرك
علي ورافع حواجبه :واذا موعاجبك انسى شغلك ببريطانيا
فهد وحس نفسه انذل :خلاص مثل ماتبي
علي :اكيد كل شيء بيمشي مثل مابي ........ اسمع الحين بتجي الريم ابيك تسمع شروطها ولاترفض أي منهم ولاتندم
فهد :وليش ارفض ؟؟؟؟؟؟؟؟
علي :ايه وياني وياك تزعلها اوتجرحها
علي طلع بكبريائه من المجلس وصار ينادي يجهزون سيارته وهم كانهم مثل الكلاب عنده يركضون ويمشون وهم يهجسون باسمه الشيخ علي والشيخ علي ..
بعد دقايق دخلت الريم وهي مبتسمه رفع فهد عيونه هو مو اول مره يشوفها كانت بنت عاديه جدا قام فهد ومايحس باي شعور اتجاهها نهائيا
فهد يمثل الاعجاب :هلا والله بعمري
الريم بدلع مصطنع :هلا فيك وينك يالقاطع
فهد يناظرها ومستغرب كيف بيعيش مع وحده اكبر منه بسبع سنين وكيف بيتفاهم مع وحده عايشه بنعيم
وكيف بيتحمل دلعها الزايد وياريته يناسبها الدلع الا الدلع في وادي وهي في وادي
(الريم كانت بنت عاديه عمرها 34سنه كانت بيضاء سمينه كانت عيونها صغير خشمها عريض
وغرور شعرها قصير مره مافيه أي جاذبيه واسود وباين انه خشن شوي بس كانت متعدله كان
اللي معطيها جاذبيه ملابسها الفخمه والالماس اللي تلبسه وكانت دلوعه )
فهد وهو مستحمل دلعها :حبيبتي والله من يوم وانا مشغول وامي مستلمتني
ريم :الاشلونها خالتي؟؟؟؟؟؟؟؟؟؟
فهد :الحمد لله بخير وتسلم عليك
ريم :الله يسلمها خلاص الزواج صار بكره مادريت ؟؟؟؟؟؟
فهد ومسوي نفسه مبسوط :اناكنت باقول للشيخ علي يقرب الزواج وجات على رجلينها
ريم :صدق وانا بعد مبسوطه شوف انا كنت باقولك عن اشياء تسويها في العرس
فهد مستغرب :شنو امري تدللي
ريم وهي محتاره :ابيك تحملني قدام الناس الي ان توصلني الكوشه وبعدين تبوسني
فهد فاتح فمه على جرائتها :ريم انت تبينا ندخل قدام الناس ؟؟؟؟؟؟؟
ريم بدلع يقرف فهد :لا حبيبي بس ابي احس زواجي مميز ابي الناس يشوفون قد ايش تحبني
فهد يأشر على قلبه :انت هنا ماحد يتدخل اويعرف شكثر انتي غاليه علي ومابي يشهد علي احد بعدين انت تبين العالم تضحك علي
ريم صار وجهها احمر من الاحراج : وليش يضحكون فيني شيء يعييب
فهد يناظر جسمها الثقيل ويتخيل كيف يحملها :شوفي انامستعد احملك الي اوصلك المكان اللي تبين ماتعرفين مجتمعنا انا مابي احد يضحك عليك
ريم وبدت تقتنع:بس .......
فهد قاطعها :اما البوسه على عيني وراسي اذا تبين الحين
ريم بدلع :لافهد ليش مستعجل
فهد مقرفه دلعها :تسالني ليش مستعجل ؟؟؟؟؟
ريم:فهد عن الاحراج
فهد يدلعها :ريماااا
ريم عصبت :منو ريما ؟؟؟؟؟؟؟؟
فهد يضحك :حبيبتي ادلعها عندك مانع
ريم :ليش تسوي فيني كذا
فهد :كذا كيفي ماشوفتي شيء والله لااعيشك احلى عيشه
ريم :فهد ابوي قالي لااطول معك يقول مو زين
فهد :من متى ؟؟ وانا اشوفك من وراه شنو اللي عادا
ريم :يله مع السلامه الخدم بعدين يقولون له
فهد :مع السلامه ياعمري
طلعت ريم وفهد حس نفسه ورط نفسه في مصيبه وطلع من المجلس وهو يناظر القصر والحديقه وكل شيء حوله
وفكر ان كل واحد يركض وراء مصلحته وكل هالعز بعد مايموت علي يكون لبنته وفهد بياخذه منها بطريقته ويصير هامور من هوامير البلاد المعروفين
وفي رصيده الشهادات اللي اخذهم قبل واعماله الخيريه اللي سواها قبل وصار يضحك لافكار ريم اللي تبيه يسويها في العرس ركب سيارته
فهد وهو يضحك :انهبلت العجوز وين اشيل شحمها ههههههههههه
دق الجوال ورد على امه :الو
فهد :هلا يالغاليه
ام فهد :وينك ياولدي ؟
فهد:عند العروس
ام فهد :ياحسرتي على شبابك ياولدي انت صاحي تتزوج عجوز
فهد :يمه انا ابيها بعدين مستقبلي بيدها وبيد ابوها
ام فهد :المستقبل بيد الله
فهد :ونعم بالله خلاص يمه انا راضي بالي يصير وانت اقبليها خلاص يمه مع السلامه مايصير اكلمك وانا اسوق الحين يكتبون لي مخالفه
ام فهد :مع السلامه
فهد سكر التلفون ودق بعدها على ريما ماكانت ترد فهد عصب وتحلف انه مايتركها ..
ريما لما طلعوا من الزواج حطت الجوال على الصايلنت حتى وصلوا البيت ..
وهي طالعه على الدرج وهي تدندن وتهز خصرها يمين ويسار فتحت الباب وصارت تصارخ علشان تصحي وتزعج رانيا
ريما فاتحه الباب :رانيوه وجع قومي
رانيا :.....
ريما ماكانت حاطه عينها على رانيا توها انتبهت ان رانيا مترد لفت عليها شافت رانيا غرقانه بدمها وفاتحه ايدينها ريما وماتحملت الموقف طاحت من طولها وصارت تسحب نفسها وصارت تبوس رجول رانيا وتصارخ
ريما تبكي:رانيا ............................رانيا
ريما قامت وصارت تركض حتى وصلت الدرج كان الفستان يعرقل مشيتها وصارت تنادي امها
ريما :يمه لحقي رانيا ماتت
خديجه سمعت الصوت وهي كانت قاعده هي ونوره وتركي يتكلمون عن العرس
خديجه فز قلبها لما سمعت صوت ريما وركضوا كلهم عند ريما ويسالونها شنو صاير بس ريما من قوه الصدمه ماقدرت تتكلم
صارت تاشر على غرفتهم وركضوا الى الغرفه شافوا رانيا مغرقه من تحت بالدم امها ماتمحلت صاروا يصارخون
نوره قالت لتركي يشيلها (نوره كانت قويه مره ) تركي قام وحملها وركبها السياره وراحت امه ونوره
اما ريما ظلت تبكي وتناظر فستانها اللي صاركله دم وصلوا الطواري ونزولها ودخولها العمليات وصاروا ينتظرون عند الغرفه
وصارت الساعه 4الفجر طلع الدكتور مبتسم لفوا حوله وهم خايفين عليها
تركي بلهفه :طمنا دكتور
الدكتور :الحمدالله على السلامه الانسه رانيا بخير هي بس اغمى عليها لانها نزفت كثير ورجلينها كان فيها زجاج
طالعناه وخيطنا رجولها وصارت بخير بس لازم تتغذى علشان تتعافى بسرعه والحمد لله على السلامه
امها ونوره :الحمدلله يارب
تركي:دكتور متى تطلع
الدكتور :قريب انشالله بس خلونا نتطمن عليها مئه بالمئه
تركي :مشكور ماقصرت

تركي وجواله يرن كل شوي وهي كانت ريما رد عليها تركي بحزن حب يخوفها
ريما وهي تشاهق من البكى :الو تركي ليش ماترد شنو صار لرانيا
تركي بحزن مصتنع :ايه ريما خلاص
ريما وترفع صوتها :تركي شنو اللي خلاص
تركي يبتسم ويسوي نفسه زعلان :ايه ريما خلاص كل شيء..............
ريما وبانهيار :لا تركي تكذب انا لازم اكلم ........
خطفت خديجه التلفون منه خافت يصير شيء لريما ... ريما كانت بتقول لتركي انها بتكلم ناصر وتقوله شنو صار لرانيا بسببه
بس الحمد لله انه ماسمعها لانه في هذا الوقت اخذت خديجه الجوال
خديجه :الو هلا يمه لاتخافين اختك بخير ماعليها شر بس نزفت دم كثير وخيطوا رجليها والحين هي بالغرفه نايمه
ريما تمسح دموعها :صدق يمه
خديجه تضحك على خوف ريما :ايه يمه مايسوى تبكين كل هالبكى كله
وبعدين انتبهي على نفسك وقفلي الباب راح نوصل البيت بعد ماتقوم اختك ونتطمن عليها
ريما :ان شالله مع السلامه وقولي لتركي الخايس والله لاوريه
خديجه ضحكت على سوالف عيالها :مع السلامه يمه ديري بالك على نفسك
ريما :مع السلامه
الصباح الساعه 9 ناصر فتح عيونه لقى نفسه في مكان ماتعود على انه يصبح عليه اويشوفه ناظر جنبه لقى مها موو موجوده في مكانها
سمع الصوت في الحمام عرف انها هي قام من مكانه وكان بيدق على الحمام (اكرمكم الله )يستعجلها بس حب يكلم تركي واخذ الجوال
ودق على تركي
تركي :هلا بالمعرس وش عنده مبكر
ناصر يضحك :هلافيك غريبه صاحي الحين اليوم خميس
تركي :اولا مبروك وثانيا غثونا هالبنات
ناصر :الله يبارك فيك .......ليش انتو طالعين برى
تركي :الا في المستشفى
ناصر مستغرب :ليش شنو صار
تركي :الست رانيا دخلنا غرفتها لقينها غرقانه بدمها
ناصر بقق عيونه :شنو تقول انت وبعدين ليش تضحك
تركي :ياخوي كاهي مثل القرد مافيها شيء نزفت رجليها كان في البيت زجاج مكسر دعست عليه
وصارت تنزف ماقدرت تساعد نفسها واغمى عليها لانها ماكلت شيء من الصبح هذا غير النزيف
ناصر وهو يفصخ ثيابه :يله انا جايكم الحين
تركي عصب :ناصر بلا حركات رانيا مافيها وكلنا جنبها وبعدين انت توك معرس عيب تترك عروستك
ناصر :ياخوك انت متاكد انها بخير
تركي :الحمد لله يله مع السلامه وصاريتكلم مصري (وصباحيه مباركه ياعريس)
ناصر وهو يفكر في رانيا ليش صارفيها كذا :مع السلامه
سكر ناصر الجوال على خروج مها من الحمام (اكرمكم الله )كانت لابسه روب لعند الفخذ ناظرها ناصر مشى جنبها من دون مايكلمها
مها باستغراب :حبيبي اشفيك ماصبحت علي
ناصر كانه صاحي من حلم :صباح الخير حبيبتي اعذريني شفت حلم مزعج
مها وهي تنشف شعرها :الله يكفينا شره الا اقول من كان يكلمك
ناصر ماحب السوال بس ماحب يحرجها :واحد من الربع
مها :لاتعصب حبيبي مايسوى عليك علشان حلم
ناصر ويقلب عيونه من الملل من اسالتها :اوكيه خليني اخذ شاور بعدين نتكلم
دخل ناصر يتروش وماخذ كلام مها في الاعتبار مها حست نفسها ودها تخنقه وهو يتصرف بهالطريقه
ماتصورت انه لهذي الدرجه بارد ولايعرف يتكلم عن الرومنسيه اللي تتمنها مها ..
ناصر وهو تحت الدوش كان يفكر شلون يروح المستشفى عند رانيا من غير ماتعرف مها وخطرت في باله فكره ..
طلع من الحمام مبسوط وصار ينشف شعره وجسمه وطلب من مها تجيب ملابسه واخذها وهو يغني ويناظر مها (الحب خالد وحبي خالد وباقي للي احبه ........................)
مها فرحت لما شافت مزاجه تغير بعد الشور وراح للتلفون وطلب فطور وجلس جنبها وصاريلعب فيي خدودها وشعرها
ناصر :حبيبتي رحلتنا اليوم الساعه 9 باليل تجهزي
مها :على امرك
ناصر :شرايك اوصلك المشغل يسولك مكياج وضبطونك كهديه اول يوم زواج
مها :ماراح تزعل اذا رفضتها
ناصر وحس انه بيعطيها كف :والله ازعل اذا تبيين شيء غيره قولي ؟؟؟؟؟؟؟
مها حست انها حطمته :اوكيه حبيبي الحين نروح
ناصر حس بهالحظه انه بكسر كل شيء قدامه مسك مها من رقبتها وصاريبوس فيها لحد ماحس ان انفاسهم بتنقطع ....
دق الجرس قام ناصر وفتح الباب واخذ الفطور ودخل شقته................
رانيا في المستشفى صحت حست بثقل في رجليها لفت يمين لقت امها نايمه وشافت تركي برى مع الممرضات يسولف معهم
وهم معطينه وجهه لانه وسيم ولفت الناحيه الثانيه لقت ريما تقراء قران طالعت رانيا نفسها شافت الشاش ملتف على رجولها
حست كانها رجول وحش لانهاا صارت كبيره من الضمادات عليها ..
انتبهت نوره لتحركات رانيا فزت من مكانها
نوره بصوت خفيف :الحمد الله على السلامه ليش تسوين بنفسك كذا
رانيا بتعب :الله يسلمك
صحت خديجه ونادت تركي علشان يشوف اخته دخل تركي
خديجه :يابنيتي ليش تسوين بنفسك كذا
تركي :هلا والله تصدقين ورجولك معلقه كانك موكلي
الكل :هههههههههههههههههههههههههه
رانيا :ابي اطلع
تركي :مطوله ياحياتي
رانيا :طيب مقالكم الدكتور متى اطلع
نوره :على شنو مستعجله
دخل الدكتور وطلب منهم يخلونها ترتاح ومافيه داعي انهم يظلون عندها ..
راحوا اهل رانيا يرتاحون بعد سهره يوم كامل من التعب من الزواج الي المستشفى ..
طلبت رانيا من الدكتور ينزل رجلينها على السرير تأثرت بكلام تركي وقعدت وصارت تتسلى بقراءه مطويات وهي تسال نفسها ليش تتعذب


ناصر :يله حبيبتي لما تخلصي دقي علي وانااكون عندك
مها وهي تسكر الباب :اوكيه
حرك ناصر السياره وصار مسرع لدرجه انه يقطع اشارات المرور ومايحترم قوانين المرور
وسمع في الراديو اغنيه عبد المجيد عبدالله واستانس وصار يعلي الصوت وهويغنيها معاه


ياما حاولت الفراق وماقويت كنت ابي انساها لكن مانسيت
ماعصاني قلبي بعمره ولكن الاكيد اللي انا ماشتهيت


دخل ناصرالمستشفى وهو حامل ورد احمر وعلبه جالكسي النوع اللي تحبه رانيا وراح للاستقبال وسال عن غرفتها
رفضوا انهم يخلونه لانهم مو وقت زياره بس كان ناصر يعرف مسؤول في المستشفى قدر انه يساعده ويسمحله .....
دخل ناصر الغرفه اللي كانت رانيا موجوده فيها بس كانت مسنده نفسها على الجنب الثاني ومعطيه الباب ظهرها
حس انها نايمه دخل بهدوء وقفل الباب سمعت رانيا الصوت بس مالتفت تحركت شوي وخاف ناصر في هذي اللحظه انها تلتفت وتسوي شيء ماكان حاسب حسابه
رانيا بتعب :ممكن تساعديني ادخل الحمام
نزعت الشيله وفكت شعرها تجمد ناصر مكانه كان وده يطلع بس ماقدر وصارت رانيا تطلب المساعده تحسب انها الممرضه
قرب ناصر مد ايده يساعدها في هذا الوقت التفت رانيا وانصدمت لما شافت اللي واقف ناصر
رانيا شهقت وحاطه يدها على فمها :نا........ص..ر
ناصر :الحمد الله على السلامه
رانيا وهي تحاول تقوم من على السرير نست ان رجليها ملفوفه بضمادات ماالها اول ولاتالي
رجعت تجلس على السرير وهي مومتقبله انه متزوج
جلست نفسها وغطت راسها ورحبت فيه ماتوقع ناصر فيها هالبرود جلس على كرسي مقابلها
ناصر وهويتنفس بصعوبه : الحمد الله على السلامه
رانيا هي تشوفه مبسوط : الله يسلمك ليش جيت وانت باقي معرس ؟؟؟؟؟؟؟؟
ناصر :ههههههههه تطرديني ........ابد قالي تركي وجيت ازورك واطمن عليك ..........
رانيا بابتسامه :لا ماطردك حياك بس مو حلوه تترك عروستك اول يوم زواج ........
ناصر :لا ماتركتها انا وصلتها للمشغل وانا مريتك
رانيا بعصبيه :ليش ماجات معك .............لاتكون ماتعرف انك عندي؟؟؟!!!
ناصر :لا ماتعرف ولابيها تعرف
رانيا :ليش ؟؟؟؟؟
ناصر :كيفي على فكره جبت لك ورد وشكولاته من اللي تحبينهم واعتبريهم مني ومن مهاوي
رانيا بافتخار تمسك نفسها :اعتبرها وصلت يامهاوي
ناصر بعصبيه على برودها :رانيا ليش تتكلمين بهالطريقه
رانيا :انت توك تتكلم عن (مهاوي )
ناصر :ايه اخليك ترتاحين .... رانيا لو سمحتي لاتقولين لاحد انا جيت هنا انا زرتك وحبيت اتطمن عليك واشوفك بعيوني
رانيا حست بشيء بمعنى الخصوصيه :مشكور وماقصرت .... ناصر لو سمحت ممكن اسئلك سوال محيرني
ناصر وحن لاسمه يسمعه منها :تفضلي
رانيا وخايفه لان الشيء اللي تبي تقوله يتنسى :منو البنت اللي كانت تكلمك لما شفتني هذاك اليوم
ناصر وخاف اكثر :انت شنو ذكرك؟؟؟؟؟ وبعدين هذي سوالف شباب
رانيا بأصرار:انا ماسألتك هذا السؤال الا من خوفي على مها وامانه عليك اتركهم انت متزوج
واذا تغليني مثل اختك اتركهم وعش حياتك ترى مها طيبه وتحبك واستغل طيبتها في خير
ناصر منصدم من الكلام اللي تقوله :رانيا انت تخافين على مها مني ؟؟
مها زوجتي وبعيوني وانتي اخر شخص توقعت يحط في باله هذي الاشياء
رانيا وهي مسويه نفسها صارمه :انا قلتلك وحذرتك وشوف الزياره بتبدى ويشوفك تركي
ناصر بعصبيه :هذا تهديد؟؟...اوكيه مع السلامه
طلع ناصر من الغرفه وهو وده يكسر أي شيء قدامه من العصبيه ودقت مها عليه في هذا الوقت مارد عليها وراح للمشغل اللي كانت فيه
من وقت ماخذها وهو ماتكلم معها بكلمه واحده .. رانيا انهارت من البكاء لما طلع كانت تدوس على قلبها وهي تكلمه بهاذي الطريقه
وتمنى انها ماتشوفه في حياتها وكانت تدعيله يوفقه مع مها ... ودخل تركي ونوره وريما وامهم وقعدوا يسولفون معها



تدري انا وياك قصتنا مثل شمس وقمر ***من اول الوقت حتى اخره مايلتقون
كلن يدور صاحبه حكم القدر *****تشرق تبيه يغرب يبيها
وفي السما يتخالفون تدري معاد اظن **** ان لي معك قسمه وياعزتي كل القدر هو نده وخصمه
قاوم هبوب العاصفه وهدته نسمه **** نسمه رقيقه ظالمه مابقلبها رحمه

فهد صحى على صوت المنبه وتذكر ان اليوم زواجه من الريم بنت الهامور الشيخ علي
اللي لاوي ذراع فهد ويهدده على الطالع والنازل دخل الحمام (اكرمكم الله ) واخذ شاور وطلع لبس شماغ وثوب ابيض وتعطر ونزل لامه

فهد وهويبوس امه :صباح الخير يالغاليه
ام فهد :هلا والله صبحك بالنور والسرور
فهد :شلونك يامه الا وين نور
ام فهد : الحمدالله الااختك زعلانه منك قالت من يوم اخوي جاء من بريطانيا ماقعد معاي
فهد يضحك :والله مشاغل الا اقول لاتنسين اليوم عرسي بريم النحس
ام فهد :ياوليدي اتركها وانا ازوجك ست ستها هذي كبيره عليك
فهد :وبعدين يمه هذا الموال وانسيه واقول صحي نور خلينا اوديها السوق قالتلي تبي فستان
نور طلعت من وراء الباب وكانت لابسه العبايه ومتجهزه لما شافها فهد انفجر من الضحك
نور :انا جاهزه
فهد يضحك :اه يالملعونه شنو عندك رازه وجهك من الصبح
نور وحاطه يدها على خصرها وتتكلم بدلع :ايه انت وعدتني وهذا انت موصي امي تصحيني من النوم
فهد :اوكيه مالنا قدره على لسانك
نور :يله
فهد طلع من البيت وهو يسمع دعوات امه ان ربي يهديه طلع مع اخته اللي كان عمرها 12 سنه صغيره وبيضاء وعيونها واسعه
دبوبه ومليانه وشعرها اسود وطويل كان فيها لمحه من فهد كانت دلوعه وشاطره بالمدرسه وذكيه وتفهمها وهي طايره
ريما طلبت رانيا منهم اغراض هي و نوره من السوق اخذهم تركي وراحو السوق ريما دخلوا سوق عطور وبخور
ريما :نوره شرايك في هذا العطر ابيه هديه لرانيا
نوره بهمس :هذا غالي يالهبلاء والله لو تبعين اللي تحتك وفوقك ماتوفين قيمته
ريما وهي تتحدى :تتحدين لاشتريه
نوره:وريني
ريما راحت تسال عن قيمته وهي خايفه انه غالي سالت البايع :كم هذا ؟؟؟؟؟؟؟؟
البايع :هذا طال عمرك 600ريال
ريما خبت شهقتها راحت لنوره وهي تتحسر :شكله هذا عرف كم باقي من مكافاتي
نوره ::بكم قالك يالدب ؟؟؟
ريما :600
نوره شهقت :بتشترينه ؟؟؟
ريما :وهي رافعه حواجبها :ايه بشتريه بس لي مو رانيوه
نوره تضحك :صدق مافيك خير
ريما :انت اللي فيك خير
تركي جاي وكان في قسم يبيع دهن عود يعني مو بعيد منهم
تركي :ماخلصتوا ؟؟
ريما :ايه خلصنا
نوره :الله يرجك ياريما من جدك
ريما تناظرها بحده :كلي تبن زين مالك خص
تركي :ايش فيه بعد ؟؟؟
ريما مدت بالعطر :ابي اشتري هذا
تركي :وشنو المشكله ؟؟
نوره :هذا 600 ريال
تركي :ريموه اذا بتعطيني بطاقتك الصراف اسحب وتفشليني تتطلع البطاقه فاضيه مثل كل مره تسوينها وتخليني ادفع من جيبي لا تندمين فاهمه
ريما بحزن :الحين انتو الاثنين قمتوا علي خلاص خلوني اروح اصرف واجي والله معي 600 والله
تركي باقتناع :خلينا نشوف ونحكم هذاك الصراف لاتتاخرين
ريما :طيب
راحت ريما للصراف الالي وطلعت البطاقه وصارت تدخلها في الصراف الالي دخلتها في الصراف صرفت الفلوس هي فرحانه انها بتقهر تركي ونوره
وقفت تنتظر البطاقه تطلع ريما تحاول تطلعها بس للاسف كانت ريما تلفت يمين ويسار تنادي تركي يساعدها
ومافيه زر بالصراف ماضغطته (ياربي وشذا المصيبه ) سمعت صوت من وراء
:لو سمحتي يالاخت خلصي بسرعه
ريما وتاشرله بيدها من دون ماتناظره :شوي بس
كان فهد اللي وراء ريما وناظرها وصار يشبه الصوت وعرف انها خديجه ضحك بمكر (طحتي وماحد سمى عليك )
فهد :اسمحيلي اساعدك
ريما واحتاست ولما سمعت صوت فهد كانت تحسب واحد ويتلقف عليها :فارق ماني ناقصتك
فهد وهو ياشر لاخته نور تروح تنتظره بعيد عنهم
فهد:افا ياخدوج احنا حاضرين للطيببين
ريما التفت وحطت يدها على فمها لما شافت فهد:فهد.......
فهد يضحك وهو يمرر لسانه على شفايفه بمكر :وينك انقطعت اخبارك ؟؟؟
ريما بارتباك ماعرفت شتقول :صارت عندنا حاله وفاه ابشرك زوجي مات
فهد بضحكه كل اللي فالمجمع سمعها : والله ياحليله زوجك شم ريحة القضيه
ريما وهي تحس بوجهها صار احمر من الفشله :أي مع السلامه
فهد بعصبيه :اقول ياخديجه والله لاتندمين جايبتني من بعيد وفي الاخير تقولين مات العجوز
على مين تلعبينها وبعدين متى امداه مات وانتي في السوق تداورين
ريما وكانت بتروح علشان ماتطول السالفه ويشوفهم تركي ماشفت الا نوره مقبله صوبها وتناديها
نوره بصوت مسموع:ريما يله
فهد ناظر نوره بطرف عينه وسمع شنو تقول :لا وبعد ريما لا ماصدق غيرت اسمك بدري والله ان العجوز مسوي فيك الهوايل

نوره تاشر بيدها وريما تلعنها في نفسها وقربت نوره منها اكثر وانتبهت لفهد اللي كان قريب منهم بس ماعطت اهتمام
نوره :وشفيك تأخرتي
ريما بصوت واطي وهي تسرق النظر لفهد :الله ياخذك الصراف بلع البطاقه
نوره:طيب وقفي خليني اتصل على تركي
ريما :لالا خلاص اتركيها قلعتها
نوره :كيف قلعتها وجع انشاالله
فهد وهو يتفلسف :ممكن اساعدكم انا مضطر انا بعد ابي اصرف
نوره :مافيه داعي الحين ننادي اخونا
ريما :ايه ماعليك كلافه طلع البطاقه
نوره دقت ريما بكوعها :الحين انادي تركي
ريما خافت اكثر :اسكتي ..... مشكور ماقصرت ماعاد نبيها
ريما مشت وسحبت نوره معها لاحظ فهد خوف ريما وصار يتأمل اسمها ريما
وتذكر انه يدلع الريم بهذا الاسم وصار يضحك ان الدنيا صغيره
فهد في نفسه :والله ياريما زي ماجابك القدر الحين بجيبك بعدين وتطحين في ايدي واعرف قصتك
وصار يحاول يطلع بطاقه الصراف لحد ماطلعت وناظر فيها شاف انها بطاقه جامعيه وضحك على نفسه ان بنت مثل ريما قدرت تضحك عليه
ريما وهي تسحب نوره وصلوا عند تركي كان يشرب كافيه
نوره :وجع كسرتي ايدي
تركي :خير شنو صاير
ريما تأشر بايدها لنوره علشان تسكت :مافي شي وهذي قيمه العطر معي
تركي :طيب يله اشتريه انا خلاص اخذت الاغراض اللي تبيهم رانيا
ريما :يله الحين اوصل
نوره :قوم ياتركي نروح معها
تركي شك:ليش نروح معها صار شيء
ريما خافت:نوره
نوره :تركي الصراف بلع بطاقه ريما
تركي :وليش خايفه كذاريما ان نوره تقولي
ريما بارتباك :لا مابغيت اتعبك قلعتها حتى المره اللي فاتت سوت كذا
تركي وهو واقف من مكانه:يله نروح نجيبها
ريما مسكت يده :لا اتركها مابيها
نوره :ريما اشفيك علشان الشاب عرض علينا مساعده خقيتي
تركي وحس ان الدم يفور من راسه :منو هذا ريما لا يكون قالك شيء؟؟
ريما وهي تهز راسه بالنفي :لا ماقالي شيء بالعكس عرض مساعدته انا طبعا رفضته ورحت
لانه قال هو بعد يبي يصرف وتركته ورحت انا وهالغبيه اختك اللي تكبر الموضوع عالى الفاضي
تركي :انا بروح الحين
ريما:ياتركي .........
تركي بعصبيه :انطمي احسنلك
تركي راح وهو كانه بيذبح ريما كانت بتخنق نوره بس توعدتها في البيت وصارت ريما تدعي ربها ان تركي مايلحق على فهد
بعد دقايق رجع تركي وهو يضحك والبطاقه في ايده
تركي:تفضلي
ريما وهي بتموت وتعرف شنو اللي صار :تسلم ايدك كيف طلعتها
تركي:والله انه ولد حلال لقيته مطلعها وحاطهم على الصراف مع كشف الحساب
نوره :كثر الله خيره
تركي :اشتريتي العطر اللي قلتي
ريما :لا ماعاد ابيه صار اللي كرهني فيه
تركي يضحك عليها :لا يالبخيله
نوره :ههههههههههههه
ريما وبحزن :خلاص قولوا اللي تبون يله نرجع البيت
ورجعوا البيت ريما حطت راسها ونامت لانها خافت من فهد وانها واثقه انه ماراح يتركها وتتسأل كيف عرفها
فهد وهو باقي في السوق
فهد :نور تراك اهلكتنيني يله اختاري انا معرس مايصلح تعبيني
نور :معليه لما تشوف ريم بتشجع
فهد ومبتسم:نور عيب
نور :انا كبيره وافهم كل شيء
بعدت عنه نور وهي تكمل ومافيه سوق الاوفرته تبي فستان ماحد اشترى مثله علشان مااحد بالعرس يطلع لابس نفس لبسها
فهد كان يناظر من وراء الزجاج مال السوق ويفكر من ريما وش تبي منه وليش هو بذات وكيف توصلته ؟؟؟؟؟
خلصت نور واختارت فستان اصفر معه تاج صغير يناسب عمرها
فهد وهو فاتح يدينه :الحمد لله خلصنا
نور :ومن قالك خلصنا تونا يالمزيون بدينا
فهد :وشنو باقي حشى انت العروس
نور هي تعدد على اصابعها :باقي النعال (اكرمكم الله )والاكسسوار والشنطه و....
فهد :امشي يمدينا
نور بفرحه :لازم اطلع احلى وحده بالحفله انا اخت المعرس
فهد يناظرها ويشوف شلون كبرت وصارت تعرف تتكلم ويضحك على حركات يدينها لما تتكلم
:
:

:
ناصر الساعه 8ونص وهو بالمطار مع مها ويجهزون اخر الاجراءات لسفرتهم على اليونان
ناصر :خلصنا حبيبتي
مها ومبتسمه :ناصر اليونان حلوه
ناصر يفرك لحيته بأيدينه :مواحلى منك
مها استحت ونزلت راسها :ناصر
ناصر وتذكر حالة رانيا بس طرد الافكار من باله ووعد نفسه انه ينسى رانيا اللي متوقع انها ماتحطه في اعتبارها
نادى على طائره ناصر ومها
ناصر :على اليونان
مها:على اليونان
وسحبو شناطهم وركبوا الطائره فز قلبه لما شاف ناصر وحده تشبه رانيا من وراء وصار يضحك على نفسه انه ساذج وتتفكيره سطحي
مها :شفيك تضحك ؟
ناصر :ابد مافيه شيء بس ماكلمت ابوي
مها:كلمه الحين
ناصر :ممنوع الحين احنا بطايره لما نوصل اكلمه
مها :انشاالله
وقعدوا في مقاعدهم وطارت الطياره وناصر واعد مها بحياه ماعشتها وماندري مايخبيه القدر ؟؟؟؟؟؟؟

فهد وهو داخل على الحريم وهو يدعي قلبه يعدي هذا اليوم على خير وهو يناظر يمينه وشاف الشيخ علي داخل وهو نافش ريشه مثل الطاووس
وشاف خادمه جوهر وهو يمشي والدله مافارقت ايدينه كان كبير في السن واسمراني مره
كف ايدينه صارت محروقه من كثر ماهو يشيل القهوه وهي حاره وعرف انه في زمن مايرحم كان فهد يتمنى ان تركي معه في هذا اليوم ..
مشى فهد لعند الكوشه للي كانت قاعده الريم فيها وهي شامخه وماتشوف الناس مثل خدم عندها وعند ابوها
حتى امها طردتها بعذر انها مو من مستواها وتخاف تفشلها استحقر فهد فكرتها وهو يتذكر هذي الاشياء
شاف نور تمشي قدامه وترقص وتلعب بشعرها يمين ويسار فرح فهد باقي اشخاص يحبونه وهو يحبهم يفرحون معه مع انه مو فرحان
وهو يضيع شبابه مع وحد متكبره وماتحترم الناس ولاتقدرهم طبعا تربيه ابوها ..
فهد وصل للكوشه باس الريم على جبينها طبعا الريم ماتفقت معه على كذا عصبت وزورته بعينها فهد ماهتم لانه بطريقته الخاصه بيعرف يرضيها
فهد وهو يناظر المكياج الراقي اللي حاطته :الف مبروك ياعمري طالعه تجنين
الريم وكأنها بدت ترضى على فهد:الله يبارك فيك
فهد :ريما (بعدين سكت تذكر من يحمل هذا الاسم )
الريم:عيونها
فهد :طالعه قمر
ريم استحت او تسوي نفسها استحت :ليش ماسويت اللي اتفقنا عليه
فهد :تبيني اذبحك قدام الناس طيب الحين ابوسك
ريم : شلون تذبحني ؟؟؟؟
فهد يغمز لها :تعرفين شلون اذبحك
ريم وحست انه بيخبص :لالا خلاص مابي
فهد عرف انها خافت من الفشله مومنه لانها جريئه وهو متوعد يخليها تنسى كل شيء
تقدمت نور واعطت فهد طقم الماس علشان يلبسه الريم وقام فهد من مكانه ولبس ريم الطقم بكل رسميه ..
فهد جلس وهو يناظر الصاله الفخمه اللي توه انتبه لان الاضاء كانت خفيفه لما دخل وطالع السقف اللي نازله منه ثريا كبيره مره
وشاف الانوار الصغيره اللي على اطراف القاعه وناظر في تعتيقه الجدار كان باين ان خامته اصليه
ولتفت على الطاولات وطريقه تنسيقهم وشاف الخدم اللي يلتفون على الناس بالمشروبات كأنهم نحل وضحك لما حس انه يستاهل هذا العز كله
طلعوا من القاعه اللي كانت صاخبه من الموسيقى والناس اللي يرقصون ..
ركب فهد مع الريم في سياره طويله مرسيدس سوداء ودخل و شاف الكراسي كأنه داخل صاله مو سياره
شاف الكاسات المتراصه بطريقه مرتبه وراقيه وراحو للقصر ودخلوهم الجناح المخصص لهم
فهد وهو يسكر الباب :الف مبروك ياعمري
ريم:الله يبارك فيك
فهد :تصدقين ابي انام
ريم وهي منصدمه :ايه نام فيه احد ماسكك
فهد وهوكان صادق بلي يقوله :امزح معك احد ينام وانت جنبه
ريم وهي تتدلع :ومن يقول
فهد :انا بروح اسلم على عمي وانادي الشغالات يساعدونك في الفستان والله كبير عليك ياحياتي
ريم وبعصبيه :وين بتروح ابوي اكيد بيسهر مع ربعه وانت اللي ساعدني
فهد فتح فمه كان يبي طريقه يهرب منها :حبيبتي مابي احرجك
ريم وهي تلوي فمها : ومن قال فيها احراج عن العادات الغبيه
فهد :يعني انا غبي
ريم :ماقصد بس ..
فهد :ريم خلاص لاتتاسفين
ريم بدلع :وين اللي بيذبحني
فهد (الله يأخذك شالجرأه ):الحين والله لاذبحك
ريم:فهد خلاص امزح
فهد قرب منها بحركه سريعه سحبها ومسك خصرها العريض وبيده الثانيه وخر الشماغ ولعب في شعره ..
ريم تطالع جماله ومنبهره فيه مسكت وجهه ومررت اصابعها على شعر فهد قرب منها وباسها بنعومه على خدودها
عضت شفايفها وصارت تبتسم رفع فهد حواجبه وفك الرباطات من وراء الفستان فهد كان يسوي كل هذا من غير أي شعور اتجاه الريم وقرب اكثر ...



ريما في البيت وبالتحديد في الغرفه وهي تكلم فاطمه وتعطيها اخر الاخبار
ريما وهي تلعب بشعرها :والله هذا اللي صار يافطوم
فاطمه :اناقلتلك من وقت ماشفته وانا مارتحتله حسيت انه صعب تمر عليه شيء مثل هذا
ريما وبخوف :تتوقعين يدرولي ؟؟؟
فاطمه بضحكه :والله لايطلعك من تحت الارض ياخدوج
ريما عصبت :اقول طسي عني خليني اكلم رانيا
فاطمه :امزح .......... سلامات على رانيا ماتستاهل ليتها فيك ولافيها
ريما :وجع انشالله
فاطمه :ماقلتلك نوال انخطبت ياحظي
ريما :وانا اقول البنت وين طاسه لاتقوللي فصولي (وتقلد صوت نوال )
فاطمه :ههههههههههههه الله ياخذ ابليسك ايه هو الله يهنيها
ريما :على قوله الجسمي مالحب الا الحبيب الاولي
فاطمه :هلا يمه كيف زواج الهوامير؟؟
ريما :فطوم من تكلمين
فاطمه :شنو اقولك هذي بنت الشيخ علي يقولون طايحه على معرس انما ايه بنت اللذين
ريما :لاتقولين ؟؟
فاطمه :والله وابشرك عمرها 34
ريما :شهقت :شلون وهو كم عمره ؟؟؟؟
فاطمه :يقلون 25او 27 المهم في العشرينات بس يقلون مزيون
ريما :لله يعينه مسكينه تتهنى فيه اصلا باين اكيد طمعان
فاطمه :شنو طمعان هذا محامي يشتغل برى
ريما :يعني طايحه على واحد من طينتها
فاطمه :على العموم الله يوفقهم واذلفي لان رصيدي خلص
ريما :سلملم

بعد شهر
رانيا في حوش بيتهم صارت تقريبا متحسنه بس تمشي على عكاز الي ان يسحبون الخيوط من رجليها ..
نوره في المطبخ يجهزون للحفله نجاح هي وريما وعازمين صديقاتهم وبنات جيرانهم ..
امهم تكلم اخوها عامر ويكلمها عن نااصر وزوجته بعد مارجعوا من شهر العسل
ريما وهمت امها انها نجحت ماتدري انها ناويه تنسحب من الجامعه بس مخبيه الموضوع الي وقته مثل ماتتوقع
ريما :متى يجي تركي يجيب التورته
نوره :اكلمه مايرد
تركي وهو داخل : هذا انا وصلت
نوره :حياك
ريما :وينك شوف اليوم انا واعده البنات باحلى تورته ابغى تورته ولافي الاحلام
نوره :خلني اروح انقيها معك
تركي وهو رايق :يله
كانت نوره مجهزه عبايتها لبستها وراحت مع تركي كانوا مارين بالصاله على امهم سلموا عليها وراحو ولقوا رانيا في الحوش تقرا ءمجلات
سولفوا معها وطلعوا ....
تركي يسوق كان مسرع وحاط اغنيه سريعه ومشجعه ونوره تتشهد وتتطلب منه يهدي في
تركي يصارخ :ههههههههووووووو
نوره وخايفه :ياتركي صل على النبي (عليه الصلاه والسلام ) مايصير انا معك
تركي :يانوره لاتخافين
دق جوال تركي طلعه تركي من جيبه بس انزلق من ايده عند رجليه ونزل يجيبه كان قدامهم وايت مياه
نوره تصارخ :تركيييييييييي انتبه
تركي لما رفع راسه شاف الوايت اللي قاطع طريقهم وماقدر يسيطر على الوضع وحاول وحاول
مع صوت وصراخ نوره اللي اعاقه عن التفكير وفجأه مر كل شيء عاشه في لحظه ....


ريما :ياربي ليش تأخروا
خديجه :ريموه اسكتي لاتخوفيني
ريما :يمه ادق عليهم جوالاتهم مقفله
خديجه وخافت اكثر :خلينا نتظر ساعه اذا موصلوا اعوذ بالله ليش قلبي قابضني
رانيا :معليهم الا العافيه
رن تلفون البيت ريما نطت من مكانها وهي رايحه ترد على التلفون وهي تدندن غنيه في بالها
ريما بنعومه :الو
:الو هذا بيت يوسف البرقي
ريما وباهتمام :ايه حياك
:اتكلم معك من المستشفى وصل عندنا واحد اسمه تركي ومعه بنت
ريما بخوف :من المستشفى خير صاار شيء
: للاسف الولد .......
ريما ماسمعت شنو يقول صارت تصارخ :يمه تعالى وصارت تبكي يمه لحقي
امها ورانيا بعكازه :خير شنو صار
ريما وهي تتلعثم:ت..ر..كي ...نور.
امها :شنو صار
ريما :مادري في ......المستشفى
خديجه حطت يدها على راسها:لا اله الله يارب استر رانيا كلمي ناصرولا خالك عامر تحركي
رانيا وسحبت جوالها ودقت على خالها عامر
رانيا:خالي الحق تركي ونوره في المستشفى
عامر :خير وشنو صار
رانيا :الله يخليك ياخالي تعال
عامر :انا جاي بطريق
ودق جوال ريما ردت كانت فاطمه صرفتها ريما وقالت لها لايجون وتخبر البنات ... وبعد لحظات امها تطلب تدق على المستشفى
ودقت ريما وهي متمنيه السلامه لاخوانها
ريما:الو سلام عليكم
:عليكم السلام
ريما وبدت دموعها تتناثر على خدودها :انتو كلمتونا وبلغتونا عن اخوي تركي وقلتو عن بنت
:ايه ياختي عظم الله اجركم انا اسف بس لازم اخركم تستلمون الجثه
ريما صارت تصارخ : يالمجنون شنو تخبص والله لاستلم جثتك انت
:انا مقدر وضعكم بس هذا اللي كاتبه رب العالمين ..........
ريما ماحست بنفسه مسكت التلفون وصارت ترميه في كل مكان وامها ورانيا تمسكها وتسألها شنو صار دخل خالهم وريما كانت تقول :يمه ماتوا
نوره وتركي راحوا يعني .........
رانيا انهارت واغمى عليها اما امهم تماسكت :انا لله وانا اليه راجعون
عامر عرف ان اخته عاقله مسك رانيا وحاول علشان يصحيها لحتى صحت وكانت ترنح مثل المجنونه ..
اما ريما كانت ماسكه التلفون وتلف السلك عل ايدينها وتردد كلمه :ماتوا
اخذهم عامر بعد ماترجوه للمستشفى رانيا كانت تتسحب في الممر مثل المجنونه وهي تناظر في اللي رايح وجاي وريما حالتها ماكنت احسن منها
اما امهم كانت تصبر وتدعي الله يكون خبر كاذب ودلوهم على مكان مكتوب على لوحه (ثلاجه موتى )
شافو ناصر واقف عند باب ولف غترته على رقبته ومنزل راسه ريما صارت تصارخ ورانيا ركضت للباب اللي واقف عنده ناصر
عرفت انه طالع من عندهم وركض ناصر مسكها وضمها يهديها
ناصر وهويهدي رانيا :لا يارنيا انت اقوى من كذا لااله الا الله تعوذي من الشيطان
رانيا بعدت عنه وهي تدفه وتاشر بايدها صوبه :وخر عن الباب خلني اشوفهم
ناصر وهو يقرب منها لانها صاارت رجليها تنزف :لا رانيا الله يرحمهم هذا يومهم
رانيا اغمى عليها مسكها ناصر واستدعى الممرضات يحملونها..
وحملوها وناصر يطالعها شلون صارت نحيفه وجهها اصفر وتعبان تحسف على اللي يصير لهم ..
خديجه قعدت على كرسي وهي تسبح وتطلب من الله الصبر بس ماقدرت تتحمل الغصه اثنين بيوم واحد
وراحت تسبح في دموعها اللي يحن لها تركي ونوره يطلبون رضاها ..
اما ريما كانت تلعن نفسها وتلعن التورته وخالها عامر يهديها
ورانيا دخلت العمليات علشان رجولها صار لها تمزق ونزفت كثير وانخفض ضغطها وكان ناصر معها طول الوقت وكل هذا صار من دون مايعطي خبرلمها





فهد كان بلبلكون قاعد مع الريم وهو متملل من سوالفها كان يناظر منظر الخضره اللي قدامهم
كانت الحديقه خضراء والنافوره الكبيره اللي تتطاير منها الماء في كل مكان بشكل متناسق ..
دق جواله ورد كان جوهر القهوجي للشيخ علي
فهد:هلا بالعم جوهرا
جوهر :حياك ياوليدي .....فهد والله مادري شنو اقولك
فهد وانقبض قلبه :شنو صاير خوقتني
جوهر بارتباك :تركي المحاسب في شركة الشيخ علي اللي كنت معه
فهد ونفذ صبره :ايه شنو صار ؟؟
جوهر :عطاك عمره هو واخته في حادث انا لله وانا اليه راجعون هم الحين ....
فهدومصدوم :شنو تخبص لا مستحيل
جوهر:صل عالنبي ياولدي مايجوز عليه غير الرحمه ....
فهد سكر الجوال وراح ولبس وريم وراه تبي تدري شنو صاير بس مارد عليها ......
طلع وركب سيارته وراح للمستشفى اللي قاله جوهر وهو مسرع ودموعه تسيل على خدوده ويتذكر ايامه مع تركي
فهد ويمسح دموعه :ليش ياتركي رحت وماسمحتني (ويصارخ )تركي .. تركي
دخل فهد ثلاجه الموتى وشاف ناصر كانوا معرفه قديمه بس يتذكرون بعض لما يتلاقون في بيت تركي
فهد وجهه صاير احمر :انت ناصر اذا ماخاب ضني
ناصر مستنكر :حياك
فهد :انا فهد صديق ...... وسكت لانه مايستاهل يكون صديقه
ناصر :حياك يافهد
فهد مسك وضم ناصر وصار يأن ويقول :مات تركي ومهو راضي علي ........
ناصر :يابن الحلال مايسوى ادعله وتركي كان قلبه طيب وانا متأكد انه مسامحك
فهد وهويبعد عن ناصر ويمسح دموعه وهو اول يحس نفسه ضعيف :الله يرحمهم
ناصر :واالله لو تشوف حاله امه وخواته تقطع القلب
فهد ويتحسر :الله يصبرهم ويصبرنا جميع الغالي غالي ياناصر
ناصر وهو يمسك كتف فهد :الحين ندفنهم وادع لهم بالرحمه وانا متأكد يافهد ان تركي مسامحك
فهد وهويتذكر حاله تركي اخر مره شافه قدام المطعم :ان شالله يكون مسامحني ....
طلع ناصر وفهد وخالهم عامر ووجوه الخير معهم وقرايبهم اللي يعرفونهم وتمت اجراءت الدفن
الواحد مايدري متى يومه وهل راح يتواجه مع احبابه ؟
واذا فارق الدنيا بيكون زعلان منهم ....ولا مشتاق لشوفتهم ؟؟!!

بعد اسبوع وبعد ماعدت ايام العزاء وبتعب ريما في غرفتهم متمده على سرير نوره ودموعها غرقت المخده
وهي تتذكر نوره وتركي وسوالفهم وايامهم ومقالبهم مع بعض
من زمان كنت طيب....وكنت من صغري حبيب
كنت اظن العاقل اللي مايأذي ... ومايجيه الحزن اوحتى يطوله
كانت امي اللي تقوله ..وكنت اصدق !...يابراءت الطفوله
تجين نرجع الماضي تجين نسولف ونضحك ...على المليان والفاضي
تجين الملمك لعبه وارد اكسرك ثاني ... تجين انسى يوم انتي صرختي فيني انساني
تجين نصيح بس بسكوت ..تجين اصدق اني حي ... تجين (نموت )


ريما قامت من على الفراش على رنه الجرس لبست عبايتها وطلعت كانت تدري امها في المطبخ ورانيا نايمه في غرفه تركي
ريما بصوت مو مسموع :منو ؟؟
:.....................
ريما علت صوتها :منو اللي عند الباب ؟؟؟
:افتحي انا مازن
ريما ومستغربه :منو مازن ؟؟
مازن :ولد عمك اكيد نستوني جيت انا وزهره
ريما شهقت وحطت يدها على فمها :وشنو تبون ؟
مازن :افا يابنت العم كذا الناس يستقبلون ضيوفهم
ريما :اكيد انتو جايين وراكم مصيبه اصلا ماتبون الخير لنا
زهره بتكبر:اقول افتحي بلا كثرت حكي
ريما معصبه :اقول اذلف انت وهافاسخه معك
زهره وهي وصلت حدها :اقول مازن انهنا بما فيه الكفايه
ريما :طريق تودي ماتجيب
ام تركي طلعت من المطبخ على صوت ريما وهي تصارخ :ريما وش فيك تصارخين اللي بالحي سموعك وانت تصارخين ؟؟؟
ريما ماردت على امها لانه لوتعرف انها بدخلهم البيت ظلت امها تناديها وريما ماردت عليها جاءت امها عند الباب
ام تركي :منو عند الباب
ريما ومتسمره عند الباب وتدعي انهم راحو :يمه مافي احد
مازن :انا مازن عمتي افتحي جيت انا وزهره
فتحت ام تركي الباب شافت مازن رافع حواجبه وزهره رافعه خشمها فوق وماتشوف اللي قدامها
مازن :سلام عليكم
زهره :هاي
ريما :شتبون اختصروا
ام تركي تسكت ريما :وعليكم السلام حياكم ياعيالي
ريما وتأشر على زهره :وانت اللي جاي يقول سلام موهاي علم اختك انت هي
مازن التفت على ريما وكله اعجاب بشخصيتها وابتسم :من عيوني يابنت العم
ريما خقت في مكانها على اسلوبه :انا ماني بنت عمك
ام تركي عصبت من اسلوب ريما :ريما وجع هذا ولد عمك وبنت عمك شنو هذا الاستقبال
ريما :على مأظن نسيتي يمه انهم اكلو حقوقنا كل اللي هم فيه مال حرام سمعتوا
زهره :لا زودتها شوف مازن يله نطلع
ام تركي :ماعليكم منها ياعيالي توها بزر
ريما طالعت في امها ودخلت البيت وطلعت غرفتهم وقفلت الباب بقوه لدرجه ان رانيا صحت من قوه الضربه ...
ام تركي دخلتهم ورحبت فيهم ودخلو الصاله وضيفتهم كان مازن متواضع جدا عكس اخته اللي مارضت تشرب قهوه
هي ترفضها بقرف بس ام تركي طولت بالها عليهم علشان تشوف شنو عندهم جايين بعد كل هالسنين وخاصه بعد وفاه تركي ونوره
كان تركي يرفض يدخلون البيت من بعد سفرت ابوهم وزواج زهره وعاشت في بلاد برى
مازن :عظم الله اجركم ياعمتي الخبر جانا متأخر وتونا جينا من السفر
خديجه :اجرنا واجرك
زهره من دون نفس :عظم الله اجركم
خديجه :اجرنا واجركم
مازن :ياعمتي انا جاي اعطيكم خبر بأن لكم ارض عندنا بس الصك عند تركي ونبي تعرفيلنا وين هو حاطه ياريت
خديجه تضحك على خيبتهم :ياوليدي حن مانعرف عن الارض ولانعرف وين الصك اللي تقول عنه
زهره : شفو ياوجهه الفقر الارض لنا وهذا الحرامي اخذ الصك ومانعرف كيف صدقها من المحكمه انها له
يعني يامازن مافيه الا حل واحد بس انكم تتنازلون عنها في حاله ماتعرفون وين الصك
خديجه :اسمعوا انتوا مالكم حق عندنا حنا اللي لنا حق عندكم وسكتنا عنه ليش لان الله هو اللي بيأخذ حقنا منكم
واذا هذا اللي جايين عشانه مافيه شيء راح يفيد من مجيكم
رانيا نزلت وهي كانت لابسه بيجامه وكان شعرها طولان شوي وملعب فيه بعد النوم انزلت من الدرج وهي تتعكز على العكاز
رانيا وهي مانتبهت للموجودين :يمه ليش هذا الصراخ ؟؟؟؟؟
مازن خق على جمال رانيا :هلا اكيد انت رانيا
رانيا انتبهت على مازن :منو انت
وكانت بترجع بس وقفها صوت زهره اللي كانت تقول :هذي المعاقه ههههههههه
رانيا عصبت ولا قدرت انها تسكت :منو اللي معاق ها انتو عيال عمي
مازن ومنبهر بجمال وجسم رانيا :ايه يسلمي الفهمان
رانيا بقرف :الله لايسلم فيك ولا عظمه
زهره وهي رافعه حواجبها بتكبر :قليلات اسلوب ياخوي صدق قرف
رانيا :قرف في عينك واطلعوا برى جايين اكيد تشيكون اذا كان باقي شيء
زهره :هذا حقنا ولاشنو يامازن
رانيا ناظرت مازن مازن خق على شكلها وهي معصبه :براحتهم خليهم على راحتهم
رانيا :اكيد على راحتنا
مازن قعد يناظر رانيا مانتبه الاعلى صوت زهره اخته تقوله يمشون مازن وحس ان رانيا دخلت باله

رانيا وتكلم امها بعد ماطلعوا :انتي يمه ليش تدخلينهم البيت وبعدين انتي ليش ماكنت تتكلمين معاي
خديجه وقاعده بحكمه : يابنيتي مايصير نرفع صوتنا عليهم وهم على بساط بيتنا لازم تعلمون الصبر والحكمه
(مازن :عمره 30سنه يشتغل مدير لشركات ابوه اللي لما كبر قعد في البيت وسلم شغله لمازن
وزهره مازن كان داخل البلاد وزهره برى البلاد كان ابيض طويل وجسمه مليان ورياضي وكان
باين من عضلاته كانت عيونه صغار وفكه عريض يغطيه عارض كان خشمه مرفوع شوي كان
اصلع وشخصيته لاباس بها ومعروف انه له سوالف مع البنات وسمعته طايحه بالارض بس ماحد
يسترجي يتكلم عليه بسب نفوذه ونفوذ ابوه وسمعتهم مااحد يقدر يتكلم عليهم )


(زهره :عمرها 31سنه بنت غريبه متكبره بيضاء طويله وضعيفه مره لدرجه ان عيونها جاحظه
وفكها باين وشعرها مقصوص بوي ومطيرته سبايكي وقالبه ولد شخصيتها قويه زي ابوها شايفه
نفسها حتى على صديقتها كانت عمليه ومن وقت ماعطها ابوها الثقه في انها تدير شغله برى
عقلت شوي وتعدل شكلها شوي كأنها سيده اعمال لها علاقات كثيره مع الشباب وحتى وقت
ماتزوجت وسافرت تطلقت بسبب هذي العلاقات الخطأ لانها ماخذه راحتها وراخيه الحبل بزياده
وكانت تتعذر ان اللي يعيشه مجتمعها تخلف وبس )
رانيا تدق الباب على اختها وفتحت الباب وريما كانت ترتب درجها وتلعب في ملابسها وشوي ترتبهم وترد ترميهم
رانيا :ريما خير وش عندك معصبه قومي خلينا ننزل عند امي
ريما بعناد :ماني نازله الحين تكسر كلامي وتدخل هذي المومياء والبودي قارد اللي معها البيت ويتطاولن علينا
راينا :ريما اللي في امي يكفيها لازم نوقف معها موضدها هي ماتبي تطلع ناقصه عقل وتطردهم من البيت
ريما :لا والله الحين موانا قليله الغقل والخاتمه
رانيا :ريما امي في حاجتنا تعرفين امي صبوره فوق ماتتصورين لاحظي شنو تحملت علشانا الله يوفقك اكبري صار عمرك 21سنه وانت بهي العقليه
ريما :ارحميني يالعاقله منو اللي طردهم من البيت
رانيا :انا لانهم زودها امي تخيلي ماتكلمت بأي كلمه
ريما وبدت تقتنع بكلام رانيا واقتنعت في الاخير ونزلت عند امها في الصاله هي ورانيا باست ريما راس امها
ريما بضحكه طفوليه :اسفه يمه طول عمرك حنونه
خديجه وهي تسبح بالمسبحه اللي بيدها :سبحان الله العظيم
ريما :يمه اكلمك ورحمت تركي ونوره حاكيني
خديجه وكأنها مو مصدقه ان نوره وتركي ماتوا :الله يرحمهم
ماتحملت خديجه وهي حابسه دموعها وتمثل القوه قدام بناتها انفجرت تبكي وتنادي تركي ونوره ....... رانيا وريما ماتحملوا الصدمه وصاروا يبكون مع امهم راحو وحضنوها وضموها

الجزء السابع


فهد نايم على السرير بعد مارجع من عند امه وكان تعبان لانه طول الاسبوع مانام ولادخل عينه النوم من بعد وفاه صديق عمره واخوه تركي
ريم دخلت عليه الغرفه وهونايم وكانت ماله من اسلوبه معها
وقربت منه وفي ايدها ورده وصارت تلعبها على خدوده :فهودي حبيبي قوم
فهد وهو متقرف من صوتها :مممممممممممم
ريم :قوم حبيبي ماصارت عيشه هذي لا شهر عسل وطلعات هذا اللي واعدني فيه
صار لنا شهر متزوجين وانت ياعند ابوي ولا في عزاء المغفور له
فهد فتح عينه :تستهزئين
ريم :لا ماستهزء الله يرحمه بس والله فهودي مو عيشه هاذي
فهد ومعصب لانها قطعت نومته :شوفي اول شيء اسمي فهد ولادلعينه وياحبيبتي خليني انام الحين وبعدين نتفاهم
ريم قامت من المكان الي كانت جالسه عنده :خلاص انت نام وانا اكلم صديقتي زهره وبروح معها
فهد :منو زهره ؟؟
ريم :الحين تقوم ولا اكلمها
فهد نرفز من طريقتها في الكلام :منو هاذي زهره مااذكر انك كنتي تتكلمين عنها ؟؟
ريم وهي صارت معصبه من فرض اسئلته عليها :هذي زهره البرقي
فهد نط من مكانه :زهره البرقي هذي تقرب لتركي
ريم ومستغرب من اهتمامه : ايه هو ولد عمها وعلى فكره هي راح تمسك شغل ابوها برى
فهد تذكر كلام تركي عنها وش كثر يحبها بس لما تزوجت قال انها ضاعت برى :ريم ممكن تبعدين عنها هذي سمعتها زفت
ريم وحاطه يدها على خصرها :ومن انت علشان تفرق بيني وبينها هي صديقتي من وقت ماكنا بلندن ندرس مع بعض
وهذا مايخصك وقتك لشغلك وبس وبعد تبي تتحكم فيني وفي صديقاتي
فهد وهو مستغرب من اسلوبها :ريم كل هذا في قلبك ؟؟؟
ريم حست انها بتخسره من كلامها قربت وباسته على خده وحطت يدها على صدره :حبيبي مااقصد بس مو فاضيلي
فهد بقرف شال يدها من عليه :روحي لصديقاتك وباليل انا عازمك على العشاء
ريم نقزت من مكانها فرحانه :اوكيه حبيبي
فهد :خلاص رضينا
ريم مسكته من رقبته وباسته على شفايفه:رضيت الحين وبقوه
فهد غطى نفسه بالمفرش ومسح بوستها وضحك على غبائها وغبائه انه باع نفسه على ناس يستغلون قلوب البشر بفلوسهم وبس
ولازم الناس ينذلون لهم والا ماراح يسلمون منهم ولا من عقابهم


رانيا في المطبخ كان بعدها ماخذه شاور وفاله شعرها على طوله ولابسه بيجامه سبور مبينه جسمها
وريما كانت نايمه رانيا كانت تسوي حلى شعيريه كانت مبسوطه وهي تطبخ تحس انها تغير جو وصارت تفكر بحالتهم
وش بيسوون من غير رجال يقوم بالبيت وتذكرت نوره ولاقفتها وحبها للمقالب وطرى في بالها ناصر اللي صار لها من عزاء تركي ونوره ماشفته
ماغير يسأل اذا محتاجين شيء هو وخالها وتذكرت مها اللي انقطعت عنها من وقت ماتزوجت ناصر وهي تخاف عليه من رانيا
حتى اوقات العزاء لما كانت معهم حست انها مو طبيعيه وعلى غير عادتها اما منيره مسافره وهي بعد انقطعت اخبارها .....


امها كانت بالحوش تسقي الزرع والورد اللي برى دق الباب فتحته لقت ناصر سلم عليها وسال عنهم
ناصر :شلونكم ؟
خديجه :الحمد لله طيبين
ناصر :شلون البنات انشالله طيبين
خديجه :الحمد لله
ناصر :عمتي انا جبت لكم اغراض ابوي موصي فيها لكم
خديجه :ليش تعبتوا نفوسكم والله اذا احتاجنا شيء جابته رانيا من الجمعيه
ناصر معصب :ليش تروح من غير محرم انا كل يوم راح امر واخذ طلباتكم وماله داعي رانيا تروح
خديجه كأنها فهمت ناصر شنو يقصد :واناعمتك مانبي نتعبك
ناصر :ورحمة تركي ونوره انا مومتضايق انتو اهلي والبنات مثل خواتي
خديجه :تسلم طول عمرك اجودي وولد حلال
ناصر :خذي طريق خليني ادخل الاغراض
خديجه :ادخل داخل مافيه احد وانا دقايق والحقك
ناصر دخل وهوحامل الاغراض المطبخ رانيا التفت لما سمعت صوت اكياس ..
ناصر انصدم بوجودها في المطبخ رجع ورانيا راحت وراء الثلاجه كان شكلها فاتن
ناصر :اعذرني رانيا انا قلت لعمتي تاخذلي طريق بس الظاهر ماكانت تدري انك في المطبخ
رانيا كانت ماتقدر انها تمشي بسرعه علشان تجيب عباتها :حياك ناصر
ناصر وقلبه بيموت من القهر على صوتها اللي كان باين من بحته انها تعبانه :الله يحيك
رانيا وتحن على حسه وتحب وترتاح في المكان اللي هو يكون فيه :بغيت شيء من المطبخ ؟؟؟؟
ناصر شاف شال صلاه على الكرسي اللي كان جنب المطبخ اخذم ومده على رانيا .......
رانيا اخذت ولبسته كان مغطي جسمها كله وطلعت قدامه وشافت الاغراض اللي كانت عند رجليه
ناصر:ليش تطالعيني بهذه الطريقه
رانيا ورفعت حواجبها :شنو هذا مانبي شيء
ناصر وصل حده من الطريقه اللي تتكلم فيها :مايصير تناظرني كذا وهذي اغراض تلزمكم ومن ابوي مو مني
رانيا :خذهم وسلم على خالي معلوم ماراح تفكر فينا خايف على .....
ناصر قاطعها :رانيا لو ماتسكتين الحين لاكسر راسك وعلى فكره عمتي قالت انتي تجيبين الاغراض من الجميعه لا تروحين انا بروح واخذ اغراضكم اوكيه
رانيا تصفق له :برافو من متى لك كلمه علي انا متى ماودي اطلع اطلع فاهم وكلامك هذا مشيه على مها مو علي
ناصر صابر عليها ومقدر ظروفها :طيب هدي ماله داعي احملي الاغراض ورتبيهم وانا بنتظر خالتي بالصاله
رانيا بأسلوب يستفز كانت متعمده علشان تخليه يطلع من البيت ومايرجع
تبي تهزم الحب المنجرف صوبه من غير كره وتبي تكون وفيه لمها حتى اخر نفس
رانيا :ناصر شيل اغراضك وخلنا اهل احسن معليه اذا متنا من الجوع راح نلجئلك صدقني
ناصر ماتحمل كلامها :شوفي حطي لسانك بحلقك لاكسر راسك (وصار يصارخ عليها )فهمتي
وطلع من البيت مافيه فاهمه وعن الكلام الزايد وهذاي الاغراض مو لك اصلا مادري على شنو عايشه ناظري شكلك بامرايه يالعصله
رانيا خافت من صوته اللي ارتفع وظلت ساكته لحد ماتكلم ناصر وهو فرحان انه قدر عليها
ناصر :تعالي احمليهم ورتبيهم وثاني مره لا سمع هذا الكلام
رانيا وهي تعرج صوبه علشان تحمل الاغراض انتبه ناصر وتذكر اللي صارلها خاصه الالتهاب والتمزق اللي صارلها لما مات تركي ونوره
ناصر حملهم معها وفيه كيس حملوه مع بعض لما تلامست ايدينهم تركته رانيا وخلته يحمله حط الاغراض على الطاوله وراح للصاله من غير مايتكلم
دخلت خديجه وهي تنفض ثوبها من الماء وتعذرت من ناصر انها بتغير وتنزله رانيا دخلت على ناصر بعد ماشافتها امها قالت لها تضيفه
رانيا :تشرب شيء؟
ناصر :مشكوره مابي اتعبك
رانيا :مافيه تعب الحين اسويلك عصير جزر واخليك تذوق الشعرييه اللي صلحتها
ناصر ابتسم لها لانها بسرعه تروق راحت وهي تعرج وناصر قلبه يتقطع مية قطعه لما يشوف حالتها واللي يصير لها
وبعد دقايق دخلت خديجه ودخلت بعدها رانيا حطت الصينيه وكانت بتطلع
ناصر :انتظري
رانيا التفت :نعم
ناصر :بعد اذنك خالتي بغيتك توافقين اني اعالج رانيا في مستشفى خاص علشان تشفى بسرعه
خديجه باسف وحزن :مانبي نثقل عليك وهذي تكلفه
رانيا وفاتحه فمها ناصر شنو يبي الى وين يبي يوصل معها:مشكور ناصر مانبي نتعبك
خلاص انا تاركت العكاز خلاص انا بخير الحين كلها يومين ثانيه واصير تمام
ناصر يبلل شفايفه بصبر :عمتي لاتحسسوني اني غريب رانيا اختي ومو هاين علي اشوفها بهذي الحاله واتفرج عليها
تعالج وبعدين تكون فترات العلاج قريبه من بعض مو مثل الحكومي بين كل موعد وموعد شهر
خديجه بتردد:بس ........
ناصر وهو رافع ايده :شنو بس ياعمتي انشالله بكره امركم والقاكم جاهزين كلها اسبوع وبنخلص
رانيا وباقتناع :على امرك
راقبها ناصر بعيونه لحد ماختفت عن ناظره وصار يناظر للاكله اللي مسويتها كان يعرف ان رانيا تحبها هي وناصر من وقت ماكانوا صغار
مد ايده يأكل ويذوق كل دمعه خالطت عبير هدبها وخالطت صنعت يدها ... فجأه كلمته خديجه
خديجه :امس جاوء عيال عم البنات
ناصر شهق بلقمته :من كح كح
خديجه تضربه على ظهره :بسم الله عليك ياولدي مايصير كل عدل ماتبطل انت ورانيا هالاكله
ناصر ضحك لما عرف ان رانيا تأكل بسرعه هذي الاكله بعدها تحبها مثل ماهو يحبها :منو قلتي ؟؟
خديجه :زهره ومازن البرقي
ناصر وهو مخقق :الله يلعنهم هاذي شنو جايبها وانا محذرها
خديجه ومستغربه :منو للي جايبها
ناصر وهو ناوي يقول كل شيء لعمته :زهره الحقيره هذي مره خطيره والعياذ بالله تدرين ياعمتي اني تعرفت عليها لما كنت بالندن
وكانت تطيحني بمشاكل وكانت تنوي طيحني بقضايا مخدرات وقتل ومدري ايش و انها لحقتني لما عرفت اني نجحت وصرت بالرياض
ازعجتني بمكالماتها تبيني اسرق صك المزرعه من تركي علشان تزوره وتضم المزرعه لاملاكهم ماكفها اللي قد اخذوه بغير حق
والله ياعمتي ماخلصت منها لحد الحين تصوري صرت خايف انها تأثر على شغلي وعلى زوجتي بس اللي مريحني اني موقفها عند حدها
خديجه وهي مشمئزه من الكلام اللي يقوله ناصر: اعوذ بالله الله يكفينا شرها والله شكلها مايريح
ناصر: ليش جايين هي وهالرخمه ؟
خديجه :يبون صك المزرعه بس رانيا غسلت شراعهم وطردتهم
ناصر ويضحك يتذكر شكل رانيا اذا عصبت :ههههههههههه عاشت والله
خديجه :والله مايعرفون بسالفه المزرعه وانا مابي اقولهم شيء فانتبه لاتقول شيء مابي احد يستفزهم او يفكر يهددهم
ناصر :طول عمرك ياعمتي حكيمه
خديجه بقلق :والله .......
ناصر: ليش سكتي فيه شيء
خديجه :لا مافيه شيء
ناصر :الا فيه قولي ياخالتي
خديجه يتردد :والله هالمازن ماريحتني نظراته لرانيا
ناصر وقف قلبه لما فكر مجرد تفكير انها لا حد غيره ولا حتى حسب لهذا الوقت لمازن اوغيره :والله لاكسر راسه
خديجه :ماتقدر هذا ولد عمها
ناصر وطلعت الكلمه منه بالغلط :انا بتزوجها !!!!!!!!

خديجه وتضحك :طول عمرك تبي تصلح الامور بس تعدل الخطا بخطا مافكرت برانيا هي تعتبرك مثل اخوها
وبعدين مانعرف رايها يمكن مازن يعجبها وانا ماكان غصبتها على حد ماتبيه
ولا تنسى انت متزوج صديقتها المقربه مستحيل وهذا الكلام لا تقوله قدام احد
ناصر حس ان الدنيا تدور فيه :طيب يعني راح ترمينها على هذا راعي البنات
خديجه لكل حادث حديث وانت قلتها راعي بنات يمكن يناظرها علشانها بنت
ناصر ومعصب :وقولي لهذي تطس ولا تطلع على رجال غريب ولا اكسر راسها
خديجه :كل شيء عندك اكسر واكسر .....
ناصر :هههههه يالله استأذن وقولي لرانيا تسلم على الاكله وانا راح اجيب لها احلى قطوه على ذوقي ومن المزرعه بعد مو هي تحبهم
خديجه :الله يقطع سوالفك تبيها تهج من البيت ههههههههه
ناصر يفتح الباب :مع السلامه ياعمتي وامانه اذا احتجتوا أي شيء لا تترددون وانا بكره امر علشان رانيا
خديجه :انشالله مع السلامه
وقامت علشان توصله الباب بس هو رفض وحلف انها ماتتحرك من مكانها ..
طلع وقفل الباب وهو يناظر الشبابيك يحس بوجود رانيا ورا واحد منها ....
رانيا كانت تناظره وبهت وجهها لما التفت ويناظر الشبابيك وهو يبتسم
رانيا وهي تبعد عن الشباك :بسم الله لايكون عرف اني وراء الشباك
رانيا رجعت لمرايه وهي تشوف جسمها :الحين انا عصله هين ياناصر ...
يالله انا شنو اسوي هو متزوج مها ياربي ليش هذا الا نسان بنسيني نفسي وانفتح الباب بقوه وكانت ريما
ريما :بسم الله شفيك قايمه على المرايه
رانيا وهي تناظر جسمها :الحين ريما انا عصله
ريما تضحك :لا بالعكس انتي مثل بنت عمك هذي المومياء هههههههههه
رانيا بقرف :وجع انشالله شنو عندك انت ؟؟
ريما دق جوالها فجاءه وردت من غير ماتشوف الرقم :الو
فهد :الو مساء الخير
ريما بخوف من رانيا انها تسمع شيء :مساء النور
فهد وهو متملل :حبيت اعرف اذا كان عندك قضيه او لا او انت تكذبين علي
رانيا بصوت عالي :ريموه منو تكلمين ؟؟
ريما ترد عليها :انطمي هذي صديقتي
فهد :ههههههههههههه اكلمك بعدين سببتلك مشاكل
ريما :لا فطوم معليه خليك معي انا اروح غرفه ثانيه
فهد :الله من فهد لفطوم مشكوره انك راعيتي اول حرف من اسمي
ريما وتقفل باب غرفتهم عليها :انا اسفه فهد ماقدرت اكلمك هذي اختي من وقت ماتطلقت وهي مزعجتني
فهد :لحظه انت مات زوجك او تطلقت
ريما سكتت وصارت تلعن نفسها على هذي الخبصه :لا مات الله يأخذه وبس طلقني قبلها اخلى سبيلي
فهد يسايرها ويشوف اخرتها معها :اوكيه الحين بالنسبه لي كل شيء وضح
ريما :شنو وضح ؟؟؟؟
فهد :انت تكذبين بس تصدقين نفسي اشكرك
ريما :على شنو تشكرني ؟؟
فهدبحزن :انك خليتيني اجي السعوديه شفت اخوي وصديق عمري لاخر مره وشاركت في دفنه وتزوجت واستقريت
ريما تخبي دموعها وصارت تعبر وهي تتكلم :المكتوب مامنه مهروب
فهد :ليش صوتك كذا على العموم حبيت اسئلك عن القضيه واسوي فيك خير قبل ماارجع بريطانيا
ريما :انت رايح ومع زوجتك ؟؟
فهد بعصبيه :مالك خص هذي حياتي الخاصه مع السلامه
ريما انحرجت وندمت انها سئلت هذا السوال : مع السلامه
سكرت ريما الجوال وهي تلعن حظها الردي دخلت رانيا عليها صدفه علشان تشوف شنو تسوي من وراها
ريما معصبه من حركة رانيا :رانيوه وجع تبين تجيبلي الجلطه ؟؟
رانيا :وش عندك اسرار وحركات نص كم
ريما :ماعندي شيء انا جيت اكلم فاطمه لاني عارفه وانا اكلمها ماراح اسلم من تعليقك وتضحكين على كلامنا مو نحن بعينك بزارين
رانيا تضحك :أي والله بزارين والله يستر من هالبزارين ؟؟
ريما :عن كثره الحكي خلينانروح ناكل انا جوعانه
رانيا :الحلوه جوعانه !!!!
ريما طلعت ورانيا وراها وهي تردد كلامها وتقلدها وتستهزء فيها دخلت المطبخ ورانيا معها
ريما :شنو هذي الاغراض والله يارانيا انك حركات شذا الكرم
رانيا ماعرفت شنو ترد :هذا عطيه
ريما منصدمه :شنو من اللي جايبهم ؟؟
رانيا بدون نفس:ولد خالك
ريما انفجرت تضحك :اه قولي كذا اجل نويصر جايبهم ياحليله خلى شيء في السوبر ماركت
رانيا بقرف :خير ليش تضحكين تقبلين احد يتصدق علينا ؟؟
ريما :يارانيا مالنا احد غير خالك وناصر بالله عليك لو يصير شيء فينا مين نلجائله تكلمي اتحدى راح تروحين لناصر قبل خالي لاتهربين
رانيا منصدمه من تفكير ريما اللي كشف كل شيء تخفيه عن نفسها وعنهم :لا ماراح الجاء الي الله
واللي تقولين عنه متزوج ومن صديقتي وثمني كلامك قبل تقولينه صدق بزر
ريما : الحين انا بزر الى اكيد انا قلت كل شيء يدور في بالك ولا شنو عندك تترززين عند المرايه
رانيا تركت ريما في المطبخ وطلعت لانها ماقدرت تقاوم كلام ريما الجارح واللي كشف اللي يدرور في بالها
ريما تفتش في الاكياس لشيء تأكله بعد مانزل وزنها من وفاه اخوانها
دخلت ريماعليهم وهم قاعدين بالصاله وتاكل شيبس
رانيا :يادب مايصير تاكلين كذا بفجع
ريما وفمها مليان :طسي هذابيروح في بطني
رانيا :ماصدقنا على الله انك نحفتي
ريما :انا ماكليت شيء من صباح
رانيا :خلاص مثل ماتبين
ريما:عندك شك
خديجه :بنات خير وشفيكم ازعجتوني خلاص سكتوا
ريما ورانيا :اسفين
خديجه :رانيا لاتنسين على اللي قاله لك ناصر اجهزي من الصبح علشان ماناخر الولد على شغله
ريما وتناظر رانيا بمكر :ايه وخير وين بتروحين ياست رانيا
رانيا ووجهها احمر من الفشله :ناصر اصر يعالجني بمستشفى خاص
خديجه :الله يوقفه صدق تربيتي
ريما تصفق :والله انه كفو
رانيا :خلاص يمه هو مقالك متى يجي
ريما وترمي كيس الشبيس على رانيا :قولليها يمه علشان تجهز
خديجه متحيره شنو عندهم :ريما ناصر متزوج وجع عيب تكلمين اختك بهالطريقه
رانيا وكأنهاصحت على الحقيقه :امي قالتلك هوحب يسوي فيني خير صارلي شهرين وانا اتعكز تعبت
ريما :طيب الحين شفيكم قمتوا علي
خديجه :يله ياريما صلحي العشاء وغسلي الاواني
ريما وفاتحه فمها :الله كل هذا عقاب الله يرحمك يانوره والله اني معذبتك
خديجه ورانيا :الله يرحمهم
ريما راحت للمطبخ تسوي اللي قالت لها امها وهي تلعن نفسها ..........


بكره الصباح رانيا تلبس عبايتها هي وامها علشان يروحون المستشفى زي ماوعدهم ناصر
نزلت رانيا عند امها اللي قاعده ترتب الصاله وتنظفها
رانيا:صباح الخير يمه
خديجه :زين انك صحيتي ناصر كلمني الحين وقالي اني اقولك تظلين صايمه علشان ياخذون لك تحاليل
رانيا :يمه شلزمتها التحاليل
خديجه :يابنتي لاتجرحين ناصر اكثر من كذا ولاتتكلمين وخليه يسوي اللي يبي
راينا :يعني اصير مثل اللعبه بأيدينه
خديجه :وين اختك ريما صحت
رانيا :لا بعدها نايمه مسكينه طلعت وهي تتوجع من شغل البيت ونامت
خديجه :خليها ترتاح الله يعينا عليها

دق الجرس دق قلب رانيا معه وطلبت منها امها تفتح الباب لانه اكيد بيكون ناصر ..
فتحت الباب وانصدمت لما شافت اللي عند الباب
رانيا مصدومه :مازن
مازن :صباح الخير
رانيا معصبه :شنو تبي بيتنا يتعداك انت واختك شنو تبون
مازن :بنظل واقفين عند الباب
رانيا كانت بتقفل الباب بس هو مسك الباب وكان يدفه وهو بيدخل ...
في هذي اللحظه جاء ناصر شاف مازن وهو يدف الباب وكاأنه يبي يدخل غصبا عنها وماعرف مين اللي كانت تقاوم دخوله وتدف الباب
انهزمت رانيا وانفتح الباب وطاحت على الارض لما شافها ناصر انعمي مكان يشوف غير رانيا وهي طايحه بضعف
نزل من السياره وهو متوعد مازن انه راح يأدبه ويعلمه شلون يقتحم بيوت الناس بالغصب
ناصر يصارخ :مازن
مازن انصدم لما شاف ناصر :ناصر شنو عندك جاي هنا .... رانيا ادخلي
رانيا ماصدقت ان ناصر جاء في الوقت المناسب :ناصر
مازن :اوف تعرفون بعض
ناصر قرب منه ومسكه مع قلاب ثوبه :انا ولد خالها يالخايس يالي مافيك خير
مازن بهدوء يقتل ناصر :بعد ياشاطر احسلك مايطلعلك معي انا وين وانت وين
(علشان مازن مليان وعضلات وناصر ضعيف وطويل بس قد نفسه لانه شاف الفرق بينه وبين ناصر )
رانيا :ناصر اتركه وروح
ناصر ناظر رانيا :ادخلي انتي
رانيا : ماراح ادخل حتى تتركه
مازن حس انه صبر على ناصر :وخر عني ونزل ايدك وعرف مع من تتكلم
ناصر واعطى مازن كف خلا مازن يدوخ ومايصدق ان فيه احد يتجراء يلمسه
وبدوا الثنين يتضاربون ووكانوا يقامون ضربات بعض ورانيا تناظر الدم اللي في وجهه ناصر
ماتحملت تقعد تناظر ناصر وهو يسيل بدمه وبدت تدف مازن بعيد عن ناصر
رانيا تبكي :وخر عنه يالحقير
مازن هدى شوي وصار يمسح الدم اللي عند شفايفه :انقلعي من وجهي
رانيا وهي تناظر ناصر اللي كانت انفه تنزف ويتنفس بصعوبه خافت يصير فيه شيء رانيا :اطلع برى شنو تبي مننا
مازن ومعصب :انا جاي اخطبك
رانيا ومنصدمه من كلامه :حامض على بوزك وانا مابيك
ناصر وهاجم عليه وصار يدفه برى :على ماظن سمعتها اطلع برى
ناصر طلع مازن برى ومازن صار يتوعد ناصر ورانيا ......... رانيا تبكي وتقرب من ناصر علشان تشوف جروحه
رانيا :اسفه كله بسببي
ناصر وهو يمسح الدم من انفه وفمه بطرف ثوبه
رانيا مسكت ايده :تعال معاي خلني اعقمها مايصير كذا
ناصر سحب ايده :معليه روحي انت استعجلي عمتي ولما نروح المستشفى يعالجونها
رانيا اندمت انها عرضت عليه المساعده وراحت معصبه من غير ماترد عليه ماوقفت اللا على صوته يناديها :رانيا
رانيا من دون ماتلتفت ناصر :لا تقولين لعمتي شيء من اللي صار
رانيا :وهذا اللي في وجهك والدم اللي في ثيابك
ناصر :سوي اللي قلتلك
رانيا دخلت ونادت امها سألتها امها عن الصوت اللي كان برى بس رانيا وكذبت عليها وقالت هذا ناصر يصارخ على الاطفال اللي يلعبون برى


في الشارع
دخلت السياره وسلمت عليه رانيا ركبت وراء من دون ماترفع عيونها على ناصر وتشوف شنو سوى
كان حاط في خشمه فاين ولاف على ايده ضماد والدم اللي عند شفايفه حاط عليهم قطن وماسكه بأيده خديجه شهقت لما شافته
خديجه بخوف :بسم الله عليك ليش وجهك كذا
ناصر وهو يعدل شعره علشان يضبط الغتره :مافي شيء شفت واحد وتقاضيت منه
خديجه :ومنو هذا ؟؟
ناصر وهو يطلع رانيا بالمرايه وهو يعدل العقال :معرفه قديمه خلاص عمتي انا بخير ومافيني شيء بخير والحمد لله
خديجه :ابعد منه ياولدي لايسوي فيك شيء وتروح فيها عيال الحرام كثير
ناصر يضحك :عمتي كبرتي السالفه كلها كم كف وبوكس
رانيا تضحك عليه :سلامات تعيش وتأخذ غيرهم
خديجه :رانيا شنو قلنا
ناصر التفت وهو يشغل السياره :الله يسلمك
حرك ناصر السياره وهم في الطريق فتح درج السياره ورش من عطره اللي يعذب رانيا حست رانيا انها بتختنق وهو يداعب رائحه العطر خشمها ..
سمعها ناصر تكح من تحط الغطاء بصوت واطي
رانيا :ناصر فيك جروح شلون ترش عطر بعدين يتلوث
ناصر :خنقتك بريحته لهذه الدرجه مو حلو
رانيا (حلو ومعذبني ):لا ماقصد بس تتلوث الجروح
ناصر يضحك :هههههههههههههه
خديجه :ناصر عن كثره الكلام وانتبه للطريق
سكت ناصر وسمع ملاحظه عمته وتم يفكر باللي قاعد وراء وفكر بمازن ليش يبي رانيا .....
وصلوا المستشفى وطلب كرسي متحرك علشان رانيا تمشي بسرعه لانه مارضت احد يساعدها
جلست على الكرسي اللي جابته الممرضه ودفعه ناصر لحد مادخلو عند الدكتوره وشرحوا الحاله وناصر واقف يكلم الدكتوره
الدكتور :تفضلي يامدام رانيا
رانيا :ماانتبهت على الكلمه :طيب
اشرت على سرير ابيض في طرف الغرفه رانيا سحبت الكرسي بنفسها الي ان وصلت له ماعرفت شلون تطلع عليه كان مرتفع
الدكتوره :ممكن تشيل زوجتك معاي
رانيا انصدمت وكانت بتتكلم ماحست الا بأيد ناصر تحتها وحملها لفت يدها على رقبته من تحت الغتره
لمست شعره ورجعت قبضه يدها علشان ناصر مايحس تمسكت فيه علشان ماتنزلق وحطها على السرير
خديجه وهي متضايقه من حركة ناصر :يادكتوره استعجلي ناصر عنده شغل
الدكتوره :حاضر من عينيا (كانت مصريه )
رانيا وكانت متأثره بحركه ناصر وريحه عطره لاصقه بأنفها :دكتوره ممكن تخلصي مانبي نأخره
ناصر كان مبسوط انه قدر يساعد رانيا من غير ماتقاومه :شفيكم ياجماعه خلو الدكتوره تشوف شغلها بهدوء
الدكتور مسكت عبايه وثوب رانيا رفعته بسرعه لعند الركب ومدت عليها دواء اصفر اللون (ايدين )علشان تعقم المنطقه كلها ....
ناصر انتبه لنفسه وطلع من الغرفه بسرعه متأثر بنظرات رانيا اللي كانت تطرده وخديجه اللي كانت تغاضى عن حركات ناصر
بس فكرت انه يسويها علشان معتبرها مثل اخته
طلع ناصر وراح للممرضه تعقم جروحه


حـاولـت أداري واكسـب رضـاك


مـن
قـو حبـي لك ،، ومـن ،، زود عطفـي


لكـن -[ غـرورك ]-
يـوم أغليـك اعمـاك ..،.،.،.. خـلاك تتـوهـم -[ بخـوفي وضعفـي ]-


خـلاك تحسـب
-[ لا ابعـدت ]-[ اترجـاك ]-
وامسـح دموعـي ليـن ما ابـل كفـي


انـا مثـل نـار
-[ قويـة ويـاك ]- .،.،.،. مـن هو لمسهـا -[ تحـرقـه ]-[ مـا تدفـي ]-


والحيـن
بنهـي قصـة الحـب ويـاك وقـرر حيـاتك بيـن-[ ذكـراي ]-[ وحـرفي ]-


وقلبـي
إذا مـرة لقيتـه وتعـداك
-[ لا تحـرجـه ]- وتحط ايـدك بكـتـفي




ريما صحت على صوت الجرس وقامت وهي تافف وصارت تدور عبايتها وتحوس مالقتها والباب يدق
ريما تحك راسه :هين يارانيوه تحطين ايدك على الجرس وماتشيلينها
ريما ماتحملت صوت الجرس طلعت من دون ماتلبس عبايتها
كانت لابسه بيجامه وشعرها مرفوع بس متطاير من بعد النوم كان شكلها بزر وطفولي
ريما تصارخ :وجع رانيوه والله لاوريك
فتحت الباب وهي وراه :ادخلي يالبطه

الجزء الثامن


ريما صحت على صوت الجرس وقامت وهي تافف وصارت تدور عبايتها وتحوس مالقتها والباب يدق
ريما تحك راسه :هين يارانيوه تحطين ايدك على الجرس وماتشيلينها
ريما ماتحملت صوت الجرس طلعت من دون ماتلبس عبايتها كانت لابسه بيجامه وشعرها مرفوع بس متطاير من بعد النوم كان شكلها بزر وطفولي
ريما تصارخ :وجع رانيوه والله لاوريك
فتحت البا ب وهي وراه :ادخلي يالبطه
دخل فهد وفتح عيونه لما شاف ريما قدامه
فهدبفضول يعرف صاحبه الصوت اللي شبه عليه :ريماااا
ريما خافت اكثر وصارت ترتجف :فهد
فهد بصدمه:انت شنو تسوين هني ؟؟ انت ريما اخت تر.....
ريما مشت وتركته كانت ماتعرف شنو ترد بس مسكها فهد مع معصمها وصار يصارخ في ووجهها :انت .....
ريما تسحب ايدها :وخرفهد انت تالمني
فهد يضغط عليها اكثر :تعالي هنا انت شنو تبين مني ليش كذبتي على وكان تركي يعرف ؟؟
ريما :تبكي وتترجاه يتركها :فهد ماكان احد يعرف الا انا
فهد سحبها لحد ماوقفت عنده وقدامه واشعه الشمس احرقت خدودها صارت حمراء :اذن ملعوبه منك شنو تبين مني ؟؟
ريما تبعد عنه وهو ماسكها:كنت .........
فهد ومعصب وقربها اكثر لحد مالصقها بصدره :بتقولين ولا .......
ريما بخوف وصارت تشاهق وتقاومه :كنت ابي اعرف ابوي شنو تهمته وليش تركي مايرد عليك وليش ابوي مسجون وشنو دخلك بسالفه
هذا كل الل ابيه منك اتركني والله امي بتروح فيها فهد ورحمه تركي
نزلت لعند رجوله تترجاه انه يتركها مسكها مع كتوفها ورفعها وبعدها منه شوي علشان ترتاح وتقدر تكمل
فهد بحزن :ليش ماقلتلي من البدايه انك اخت تركي
ريماوهي تمسح دموعها :خفت انك تقول لتركي
فهد :كيف مرت علي وانا شفت تركي لما وصلك المطعم وشفته مره ثانيه لما طلعنا من المطعم
كيف راحت عن بالي وظليتي تستغليني ليش ؟؟
ريما وتصارخ في وجهه : لو سمحت اطلع برى امي واختي بيجون الحين ويشفونك واروح فيها
فهد معصب وهو ضاغط على اسنانه :والله لو بأيدي لاكسر راسك هذا الناشف وحسابك بعدين ...
والله وبعد خايفه على نفسك وقبل ماتفتحين الباب تأكدي منو يدق يالشريفه وتستغفلين تركي واهلك وطلعات
الا قولي مع كم واحد طلعتي قبلي ولعبتي عليه ماتوقعت انه على صغرك هالاالاعيب منك ياخساره ياتركي
ريما ماتحملت كلامه اللي يجرحها ويخدش حياها :انت حيوان ماسمحلك تتكلم بهالطريقه انت ماتعرفني وانا اشرف منك ومن اللي جابوك
فهد وعصب بس حب يأخر الحساب معها :حسابك وبتاخذينه والله لاربيك من اول وجديد مااكون فهد يابنت يوسف البرقي
ريما تاشر له على الباب :اطلع وماابي اشوف وجهك
مسك الباب وفتحه وطلع بس قاللها :قولي لامك اني جيت اسأل عنكم وياريتني ماجيت وشوفت هالشوفه
ريما دخلت وهي تبكي وقلبها يتقطع على حظها وشلون بغت تضيع في لحظه على يد فهد عدلت شكلها
ودخلت الحمام (اكرمكم الله )قبل مايجون اهلها ويشوفونها بهذي الحاله وبدت تفكر في فهد بعد ماعرف حقيقتها ومن هي
وتذكرت لما توعدها وتسألت شنو راح يكون عقابها




-[ عمر الخطا ما كان نوع بصفاتي.. حتى مشيت العام دربك وشفتك.. ]-


أنا غلطت بحق نفسي وذاتي..
غلطه بدت من يوم جبتك وضفتك..
داخل خفوق وحط حبك مناتي..


تدري بصراحه ايش -[ غلطة ]- حياتي..


إني


نزلت -[ لمستواك ]- و-[ عرفتك ]-



في بيت الخال عامر كان هو ومها قاعدين بالحديقه قدام المسبح ومها محتاره ماتدري عن ناصر وين راح
وطلع من الصبح من دون مايقولها وين رايح وكانوا على الفطور وحبت تسأل عن ناصر اذا كان عامر يعرف وينه
مها :الااقول خالي انت شفت ناصر الصباح
عامر:ايه شفته امس باليل بعد ماوصيته يروح بيت عمته خديجه باغراض
مها حست بقهر لما عرفت انه هذا الشيء اللي مغير ناصر عليها :ايه ليش ماقالي كان رحت معه واتطمن عليهم بعد
عامر :اليوم قالي بيأخذ رانيا للمستشفى خاص علشان يعقمون رجليها وتتشافى بسرعه
مها عصبت :وليش يروح المفروض اخذني معه؟؟
عامر عصب من شعور مها بالغيره من رانيا :رانيا مثل اخته وبعدين خديجه اكيد بتروح معهم
وعن قله العقل وقومي كلميه وشوفي شنو صار معهم وتطمني عليه والكلام هذا لا اسمعه مره ثانيه
مها تحسرت على حظها وبدت تدعي على رانيا وتقول في نفسها
( ياريت يارانيا ماعرفتك والله لاتندمين اذا خربتي حياتي مع الشخص اللي تمنيته طول عمري ):حاضر ياخالي
قامت مها وجابت جوالها وصارت تدق على ناصر قدام عامر ابوه مثل ماقال لها وناصر حاطه مغلق
مها عصبت زياده ورمت الجوال على الطاوله عامر مااعجبه اسلوبها وحس انه بيصير شيء لما يرجع ناصر
عامر بأصرار :شوفي يابنتي يامها المرأه الي تخاف على زوجها هي تخاف عليه من شيء يأذيه ماتخاف عليه من اهله
بعدين قوللي من بعد ممات تركي مين تبينه يسأل عنهم غيرنا انا كبرت ماقدرت اشيل بيت علشان كذا انا طلبت من ناصر يلبي احتياجيتهم
وانت عاقله وتفهمين لاتخسرين زوجك علشان غيره ماغيره بعدين رانيا عمرها ماتطالع حق غيرها او تطمع فيه
مها وتحس ان عقلها صغير :انا ماقصد ياخالي بس انا .....
عامر يقاطعها :انا افهم صنف الحريم واعرف في شنو يفكرون واقولك حافظي على بيتك وزوجك ورانيا صديقتك وتعرفينها
وفهمك كفايه وماابي ناصر يشتكي منك ولو مايبيك ماكان تزوجك او حتى فكر فيك
عامر كان يقول هذا الكلام علشان يهدي من مها وشكها في ناصر ومايبي يخترب بيت ولده على الفاضي بعد ماتعب حتى شاف ولده مكون بيت واسره


طلع ناصر وخديجه ورانيا من المستشفى وقبل مايطلعون مر ناصر على الصيدليه واشترى ادويه ومراهم وصفتها الدكتوره لرانيا
شكرته رانيا وركبوا السياره وكان ناصر مركز المرايه على مكانها ويناظرها وهي تتالم بعد التعقيم
خديجه وهي تناظر بنتها وهي تبكي :عن الدلع رانيا كل اللي سووه سحبو الخيوط ليش انت تبكين عيب انت كبيره ؟؟؟
رانيا تبكي :يمه لاتتكلمين كذا والله يألمني اكثر من اول احس مثل النمل برجولي
ناصر وهو يوقف عند الاشاره التفت ومد بمناديل لها :امسحي دموعك انت كبيره ماينفع تبكين اجل شنو خليتي حق ريما
خديجه تقاطعه :الااقول ياناصر اعذرني لهتني رانيا اسأل عن زوجتك شلون مها ؟؟
رانيا خذت المناديل من ناصر وهي منصدمه من سوال امها :مشكور
ناصر وهو يزفر نفس ومشى بسياره لان الاشاره فتحت وتذكر انه وقت تذكره عمته بمها :والله طيبه مشالله عليها تصدقين اشتقت لها
خديجه وارتاحت من كلام ناصر اللي مبين عليه انه يحب مها :الله يوفقكم ويرزقكم بالذريه الصالحه
ناصر كان وده يعرف شعور رانيا بهاللحظه وهو مايدري ليش لما تكون رانيا موجوده يتصرف بهذي الطريقه
ويدعي بالكذب وانه يحبها وهو مايكن لها غير الاحترام وانها مجرد زوجه ويحقق بها الاستقرار
رانيا لما سمعت هذا الكلام بكت اكثر ماتحملت الم رجليها والم قلبها :يمه ماعاد اتحمل اكثر من كذا
ناصر يضحك :رانيا نرجع للمستشفى
خديجه عصبت من اسلوب رانيا :رانيا يرضيك تتعبين ناصر راح جاي للمستشفى المسكين تأخر على شغله وبيته
وبعدين الدكتوره قالتلك ان الدواء راح يألمك ويحرقك لان جرحك ملتهب
رانيا وتبكي اكثر :خلاص ناصر مشكور هذا طبيعي بس خلوني ابكي مالكم شغل
(كانت تبكي من الجرح اللي في قلبها وحب ناصر مايزيدها الا قهر وقهر اكثر وتظاهر بالالم )
وصلو البيت خديجه ساعدت بنتها وهي تنزلها من السياره ودخلو البيت بعد ماودعت ناصر وشكرته
وصلت سلام لاخوها ولمها جلست رانيا على الكنبه وهي تتالم
خديجه تضحك عليها :الله يهديك يارانيا بس خلاص خلصوا دموعك شخلتي حق الابتدائي بالمدرسه يالمتعلمه
رانيا هدت شوي :خلاص يمه انا سكت ماكفاك احرجتيني قدام نويصر وخلتيني مهرج له يضحك علي
خديجه :لااله الا الله مهما سوى الخير فيك ماتعترفين به
خديجه فصخت عبايتها ونادت ريما .... ريما ماسمعت امها لانها كانت تستشور شعرها
وكان صوت الاستشوار عالي ماحست الابرانيا تدف الباب بقوه طاح الاستشوار من يدها وطفى
ريما وحاطه يدها على قلبها :رانيوه وجع انشالله والله الاموت على ايدك الله يعين اللي بيأخذك مسكين بيموت من الفجعه
رانيا تضحك عليها :ههههههههه وينك مارحتي تشوفين كيف بهذلوني
ريما :تستاهلين احسن
رانيا :ريما انزلي تحت امي تبيك وانا بنام تعبانه
ريما :ليش وجهك احمر لايكون بكيتي
رانيا :لا مابكيت بس تعرفين حر الرياض
ريما :اها قلتي حر الرياض على فكره ياحلوه تاخذين شغل البيت وتشتغلين حاللك حالي فاهمه ولا تاخذين رجليك عذر انا بقول لامي
رانيا :اطلعي برى بعد ماتخلصين هالسعف اللي تمشطينه من الصبح
ريما وتشغل الاستشوار :اقول طسي ...........
فجاءه انفجر الاستشوار ورمته ريما بعيد عنهم وخافوا رانيا صارخت لحد ماطلعت امها ودخلت عليهم وهي خايفه على بناتها
خديجه وهي تفتح الباب بهدوء لما انقطعت اصواتهم فجاءه :بنات شفيكم شهالصوت
ريما متجمده في مكانها وتناظر الاستشوار اللي متناثر اشلاء في كل مكان ... ورانيا اشرت عليه
رانيا ماتحملت الموقف وانفجرت تضحك :هههههه الاستشوار انفجر
خديجه ضحكت وكان لها سنه ماضحكت :ههههههههههه الله يقطع سوالفكم وكيف صار كذا ريما الحمد لله على السلامه
ريما بعصبيه :الله يسلمك بعدين هذي لما دخلت طاح من ايدي شغلته مره ثانيه صار اللي صار
رانيا وماسكه بطنها من الضحك :لا والله الا مسكين متعذب تعب ولا رحمتيه
ريما رمت المشط عليها .طسي والله لاوريك يارانيوه
ضحكت خديجه على بناتها وهم صار لهم ماضحكوا من قلب من وقت ماغابو الغالين عن البيت وراح حسهم



جيتك
وانا من زماني بالع -[ سمه ]-..
مثل الفراشه تهافت على ضوؤك ..
لاهنت
شفها -[ همومي ]- جتك ملتمه ..
سولف لها يمكن تريح على صوتك ..
في داخلي
طفل صغير -[ وميته ]- امه ..
حزين لاشفته يذكرك في موتك ..
دايم
يصيح وينتخي -[ يابس ]- فمه ..
عطشان وده يسير على قووتك

فهد بسياره ومتوجه للمقبره اللي اندفن فيها تركي ونوره نزل فهد وهو يقول في بصوت شوي مسموع (سلام عليكم انتو السابقون ونحن اللاحقون )
وقرا الفاتحه وقعد جنب تربه تركي وهو يرفع التراب ويسويه ويرتبه
فهد يمسح دموعه :الله يرحمك والله ويغفر لك والله مادري شقول لابوك ياربي ساعدني
طلع فهد من المقبره وهو متحسر على شباب تركي اللي ضاع هدر وندم على كل لحظه ماستغله ويركض وراء تركي علشان يسامحه
بدى فهد يلوم نفسه وهو يتحمل مسئوليه موته بعدين استغفر ربه وادرك انه قضاء وقدر ...ركب سيارته وراح وهو يداري دمعه رفيق دربه
دق جواله وكانت ريم رد بدون نفس
فهد بملل :الو
ريم:الو فهودي وينك ؟؟
فهد :لاتقولين فهودي وبعدين انا بطريق جاي البيت وشنو تبين
ريم بدلع :حبيبي بس بغيت تجي صديقاتي يبون يسلمون عليك
فهد وهو متملل من اسلوبها :اكيد جاي وبعدين هذولا صديقات ماعندهم اهل ؟؟
ريم :حبيبي انا هذولا صديقاتي مو هيلق ومتخلفين مال بنات اول
فهد :ريم انا جاي الحين
ريم :باي حبي
قفل فهد وضرب ايده على الدركسون وهو يلعن حظه وتذكر ريما حلاها شعرها جسمها شكلها وهي تعصب
كان دايما يشوف الفروق بينها وبين ريم مايدري ليش وقرر يكلمها رفع الجوال ويدور اسمها وتذكر ان اسمها خديجه ودور الرقم ودق عليه
ريما لحسن الحظ انها قاعده تقراء روايه من روايات عبير (صحراء الثلج ) ولوحدها في الغرفه وحاطه الايبود وتسمع اغاني رومنسيه
وشافت فجاءه نور الجوال التفت لقته فهد ارتجفت وتذكرت شنو اللي صار معه وصارت ترتجف من الخوف
وخرت السماعات ومدت يدها على الجوال وحطته على الصامت ...
فهد عرف انها ماراح ترد عليه ارسل لها رساله
( ريما ردي ولا راح يتضاعف الحساب بعد ماعرفت من انت وين البيت والله انا عند كلمتي واوعدك ... ردي الحين )
ريما شافت الجوال يعطي اشاره وكان من بعد المكالمه عينها عليه بس سوت نفسها تقراء علشان ماتبين اهتمامها يعني تكذب على نفسها


قرات الرساله كلها وتمعنت فيها ودق وصارت ترتجف اكثر
ريما :ياويلي شنو يفكني منه هذا .... قررت ترد عليه
ريما ترد :خير
فهد مبتسم على انتصاره :خير بوجهك
ريما بصبر :نعم تبي شيء ؟؟
فهد حب يختبرها :ابيك انت
ريما فتحت عيونها على جراءته :نعم تبي من؟؟؟ دقيت الرقم غلط مو انا......
فهد يقاطعها :لو ماتجين للمكان اللي احدده والله لافضحك
ريما تضحك :وين اصرفه هذا التهديد .. هي ركز انت منو تكلم واحترم نفسك
فهد وهو عاجبه اسلوبها هو مايبي يسوي شيء بس حب يختبرها :طيب كل اللي بينا عند امك
ريما خافت بس تمالكت نفسها علشان ماتحسس فهد انه يقدر يستغلها :لا قول وكثر انا سويت كذا علشان اعرف وين ابوي وسو اللي في راسك
فهد يضحك عليها :حلو الاسلوب انا بغيتك نتكلم في موضوع مو اللي في بالك
واذا تبي في مكان عام قدام الناس شنو التفكير المنحرف صدق مراهقه
ريما :وليش تضحك ياحظي وتفكيري احسن من تفكيرك تكلم زي العالم والناس... تصدق راهقت على شوفتك
فهد بحده :ياالله على الوقاحه كيف تتكلمين عقليتك صعبه الله يعين اللي يتزوجك ماتنسين تردين على أي كلمه عيني عليك بارده
ريما وهي بركان من اسلوبه وفهمت منه ان ماعنده سالفه بس يدق عليها يلعب فيها :فهد انت فاضي ورجاء لاتدق مره ثانيه
وبعدين انت متزوج كيف تسمح لنفسك تكلم حرمه غير زوجتك ومن وراها بعد !!
فهد وهو يستفزها :ومنو قالك من وراها هذاي هي قدامي وعندي وتسالني عنك وتسلم عليك بعدين انت مو حرمه انت بزر يعني نونو صغير
ريما وهي كانت بتبكي على اسلوبه :فهد وجع ان شالله
فهد :طيب الحساب تضاعف تدرين ليش علشان كلمه وجع
ريما وتبي تستفزه اكثر :فهد
فهد :نعم خير ياطير
وسكرت الجوال في وجهه وهي تنفس بصعوبه وهي تقاوم دموعها وبكت (صدق بزر )....
فهد لما قفلت في وجهه ضحك على اسلوبها واعجبته شخصيتها كيف ان الواحد مايقدر عليها ولاتسمحله انه يتعدى حدوده معها
تذكر شكلها الصباح وهي تطرده وتدافع عن نفسها انحفظت صورتها في مخيلته (وهل ياترى بتنحفظ في قلبه ؟؟؟؟؟؟؟؟)
فهد :الله يجمعني فيك ياريما


ريما نزلت تحت تبي تلاقي احد تتكلم معاه بس فضلت السكوت لانهم لويعرفون ليقطعون راسها ريما دخلت الصاله شافت رانيا قاعده لوحدها
ريما وهي تلعب بشعرها :رانيا وين امي ؟؟
رانيا بدون اهتمام لانها تناظر االتلفزيون :مممممممممم
ريما تصارخ :رانيا وجع !!
رانيا اخترعت من صوت ريما اللي على فجأه :ايشرايك فيني اخيرا خرعتك
رانيا بضحكه خفيفه :الله يأخذ ابليسك اجل انا معذبتك كذا
ريما ببراءه تشرح معناتها من حركات رانيا اللي تخرعها
رانيا بصبر :ريموه عطيتك وجه صح يله ياماما روحي نامي
ريما :رانيا وين امي ؟؟
رانيا :الساعه 2 كيف امي يعني تقعد لهالحزه
ريما :طيب خلاص ........... رانيا
رانيا بدون اهتمام :ممممممممممممممم
ريما بخوف من ردة فعل رانيا :رانيا انت تحبين ناصر ؟؟
رانيا التفت عليها وهي مطلعه عيونها على هالسوال :اكيد احبه......
ريما تسوي نفسها خفيفه ظل :لا يالغبيه حب حب هذا اللي في الافلام
رانيا بصبر :ريما ناصر مثل اخوي واذا حبيته فانا خلاص نسيته ليش لانه تزوج الله يوفقه فهمتي الحين
ريما :رانيا ............... انا اح
رانيا :نعم
ريما :انا اسفه
رانيا :اشوى خرعتيني
ريما وهي تقوم علشان تنام :مع السلامه
رانيا :تو الناس تبين تنامين الحين
ريما مااهتمت لكلامها وطلعت الدرج وهي تفكر في رده فعل رانيا اذا قالت لها عن فهد ولامت حظهم اللي حبوا ناس تزوجوا ولاهم دارين عنهم
مدت نفسها على الفراش وصوت فهد يرن في اذانها
فهد دخل البيت وهو يسمع رقص وازعاج واغاني دق على جوال ريم وطلب منها تلقاه
جاته ريم وهي كانت مشيتها مو طبيعه ومو متوازنه وكانت تتكلم ولسانها ثقيل فهد مسكها مع ذراعها وشم ريحه فمها
فهد معصب :انت سكرانه ؟؟؟
ريم وهي ترنح يمين وشمال :لا شنو سكرانه بس شاربه (وتأشر بيدها )بس شوي
فهد دفها بعيد عنه بقرف :لمي هالشله من البيت لاوريك فاهمه
ريم تسحبه: تعال سلم عليهم
فهد وهو يسحب يده منها وصار يصارخ عليها :وخري عني يالفاجره
طلعت زهره من الصاله اللي كانوا قاعدين فيها وهي كانت عكس حاله ريم كانت صاحيه تماما طلبت من ريم تروح للصاله عند البنات
واستغرب من ريم انها نفذت اوامرها بس درى انها مو بوعيها رفع حواجبه من جراءة زهره وعرف انها هي من وصف تركي
هذا غير لجراءه والشجاعه في انها تطلع قدام رجل غريب بهذا اللبس كانت لابسه بنطلون لعند الفخذ واقصر بعد
وقميص طويل مطلع نصه ونصه الثاني مدخلته بلبنطلون
فهد طنشها وطلع فوق وهو يطلع على الدرج وقفته يد زهره :وين رايح ليش ماتسهر معنا ؟؟
فهد سحب ايده :ابعد عني وعن زوجتي
زهره تقرب منه اكثر وشالت الشماغ من على شعره : ماله داعي كذا احلى
فهد سحب يدها :بعدي عني يالنجسه انتي شنو من البشر ليش مأذيه الناس ليش مو مثل بنات عمك ؟؟
زهره كانت تطنش كلامه ووتطالع سحره وجماله مسكته من عند رقبته وهي تلعب في شعره الطويل وتقرب منه :خلصت كلام
فهد ماتحمل قرفها وحركاتها رفع يده وعطها كف :الحين خلصت
حمل شماغه على كتفه ورتب شعره وطلع وقفل الباب بعده بقوه ........... زهره كانت حاطه يده على خدها من الالم
زهره وهي تلوي فكها من الالم :انا ماحد تجرى يرفضني هين يافهد انت وناصر والله لاتندمون ماحد تجراء غيركم
حملت كاسها وراحت للصاله وهي ترقص وتتمايل بخصرها
فهد طلع من البيت وهو معصب وماصدق عيونه ان فيه وحده بالقذاره هذي كلها وكيف تركي حبها اوحتى فكر فيها
بعدين شنو جنسها من البشر وتذكر ريم وتوعدها انه يوريها لما يجي الصبح راح لبيت امه ودخل من غير مااحد يعرف انه موجود ونام بالصاله
((صار على وفااة تركي ونوره شهرين))
الصباح رانيا نايمه ماسمعت الا صوت الباب يدق والجرس يدق مع بعض واحتارت وين امها نزلت ولبست عبايتها
رانيا بخوف :منو عند الباب ؟؟
الشخص :انا رجال من المحكمه
رانيا خافت اكثر :وشنو تبي ؟
الشخص: معي طلب اخلاءالبيت
رانيا بخوف :بس هذا ملك كيف نخلي البيت ؟؟
الشخص : وهو يرمي الورق عند الباب :هذا امر وصاحب البيت ذاكر التاريخ اللي تطلعون فيه
رانيا وهي تفتح الباب بعد ماحست انه مشى مدت يدها وخذت الاوراق وقرات صاحب البيت
وحطت يدها على فمها لما شافت ان صاحب البيت كان مازن رانيا مصدومه وطالب اخلاء بعد يومين

دخلت رانيا على اختها وصحتها من النوم علشان تشوف هذي المصيبه وشلون يحلونها
ريما وهي تفرك عيونها :خير يالله صباح خير منو اللي عالباب يبي يكسره والحين انتي
رانيا بحزن مدت لها الورقه :تفضلي شوفي
ريما وهي تأخذ الورقه من رانيا وتقراء وهي تفتح عيونها بصعوبه :شنو هذا؟؟
رانيا:اقري وفتحي مخك
ريما شهقت وحطت يدها على فمها :لا مستحيل بس بيتنا ملك كيف قدروا
رانيا :اكيد زوروه مثله مثل الاملاك اللي راحت بس من وين لهم اوراق ملك البيت تعالي ندور عليهم بغرفه امي او تركي
ريما ونطت من مكانها يتاكدون :يله الله لايوفقهم كيف يقدرون يزورون بهذه السهوله كل شيء عندهم سهل
دخلو غرفه امهم ونبشوا فيها حتى الاماكن اللي ماتنحط فيها الاوراق علشان يتأكدون .... ودخلو غرفه تركي ونفس الشيء طلعو من الغرفه
ريما حاطه يدها على خصرها بتعب : الله لايوفقهم ليش كل هذا ؟
رانيا :ريما وين بيكون حاطهم المرحوم
ريما :والله مدري
دخلت خديجه سموعها البنات وهي داخله ونزلوا وقالوا لها عن المصيبه
خديجه :حسبي الله وونعم الوكيل
ريما :تذكري يمه وين تركي مخبي اوراق تمليك البيت
خديجه :ابوكم كان قالي مره انه في مكتبه بشركه عمكم
رانيا :لاتقولين عمنا وشركته الله يهدها على روسهم
ريما :الا غريبه وينه هالغوريلا عن عياله الله لايوفقه
خديجه :ريما رانيا وجع عيب تتكلمون عن عمكم بهالطريقه
ريما عصبت :يمه ريحينا عن الطيبه الزايده هذولا بشلوحنا حتى ملابسنا
رانيا :وين نروح يمه وانتي تقولين عيب وعيب ؟؟
خديجه :تعلموا الصبر يابناتي مافيه مشكله الاولها حل تعالوا نصلح الغداء بعدين نكلم خالكم
رانيا :لاتكونين تفكرين نعيش معهم
خديجه بنظره حاده وهي تدخل المطبخ :وين بتعشين في الشارع ؟
رانيا مافكرت في حياتها انها تعيش مع ناصر ومها في بيت واحد ويجمعهم
ريما :ياقوه قلبك يمه عطيني شويه من برودك
خديجه :انا ماني بارده انا احس واعصب وابكي بس في نفسي هذا القلب صبر على فرقاء زوج وفقد ضناء وتفريق عائله وتربيتكم هذا كله عندكم برود
ريما ورانيا انبهروا بامهم العظيمه :الله يخليك لنا يمه
ريما :الا وين كنتي يمه ؟
خديجه وهي تفتح الثلاجه :كنت عند جارتنا ام محمد اسولف معها........ يله قوموا اطبخو الغداء حليلها طبخت الغداء وخلصت وانتو بعدكم نايميين
رانيا وتأفف :يمه تكفين خلينا نطلب من برى
خديجه :يله تحركوا خستوا من اكل المطاعم شفوا اشكالكم صايرين عصاقيل (وطلعت من المطبخ وهي تفكر شنو تسوي )
ريما فرحت :انا صرت نحيفه
رانيا :لا تفرحين نحفتي وجهك مادري شنو صاير
ريما تلبس المريله علشان تبدء الطبخ :نيالنا اذا عشنا عند خالي خدم وحشم والله وناسه
رانيا :وطي صوتك لاتسمعك امي مستحيل ان امي تهد البيت بهذي السهوله
ريما وهي تقطع الدجاجه :تعالي ساعديني
رانيا تطلع من المطبخ وتأشر بيدها :باي
ريما تصارخ:يمه
رانيا خافت ورجعت المطبخ وصارت تساعد ريما......
ناصر في مكتبه ويراجع ملفات مراجعين متكدسه بس جاء هو الشغل وحركه وكان صاحب الشركه اللي يشتغل فيها طيب ويحبه ومتعاون معه
وناصر مرتاح في شغله ... دق جواله وشاف رقم بيت عمته خديجه ورد بلهفه
ناصر :الو
خديجه :سلام عليكم
ناصر ويضحك على تفكيره لما توقع تكون رانيا:هلا عمتي عليكم السلام
خديجه :شلونك ياوليدي انشالله بخير
ناصر:الحمد الله طيبين
خديجه :ناصر كنت ابي اقولك عن اوراق تمليك البيت اذا كانت في مكتب تركي الله يرحمه
ناصر وهو مستغرب:ليش صار شيء
خديجه :جاوب على سوالي
ناصر بأحترام :لا ماعرف بس اذكر انها بمكتب عمي يوسف وان تركي كان بياخذهم بس ماسمحوله يدخل وانتي تعرفين ليش
(علشانها شركه عمه ) وهذا الكلام قالي المرحوم عنه من زمان حتى باقي مااجيت السعوديه
خديجه بتعب :يعطيك العافيه
ناصر :امانه عليك عمتي شنو صاير ؟؟
خديجه :مازن البرقي ارسل امر بأخلاء البيت له وطلع هو صاحب البيت ومسجل تاريخ الاخلاء بعد يومين
ناصر معصب :لا يالواطي والله لاوريك فيه هالنذل
خديجه خافت عليه :ورحمة امك ياناصر لاتقرب منه هذولا ناس خطريين وواصلين مو قدهم
ناصر :خلاص عمتي راح اقول لابوي ونتصرف
خديجه :انا اقوله انت شوف شغلك وبس مع السلامه
ناصر :مع السلامه
سكر ناصر الجوال وعصب وانقهر على هالمصايب اللى تطيح وحده وراء الثانيه على بيت عمته
وفكر ابوه شلون راح يتصرف واحتار ناصر وطلع من مكتبه على البيت


ريما ورانيا يغسلون الاواني بعد الاكل ريما وهي تفكر بفكره خطيره
ريما وهي معطيه رانيا ظهرها وتغسل الاواني :الا اقول رانيا شرايك نوكل محامي
رانيا تصفق :احلى يامحامي ومن وين نجيب محامي
ريما (وهي تفكر في فهد ):هذي فطوم اخوها محامي
رانيا :لا ماتوقع امي فاضيه لدوشه المحاكم
ريما :اوكيه انا بكلمها وخليها مجرد استشاره ونشوف شنو موقعنا من الاعراب فهمتي
رانيا :فكره علشان على قولتك تعرفين موقعك من الاعراب
ريما :اوكيه لما افضى اكلمها
ريما التفت على شغلها وهي تعض على شفايفها على ان السالفه ممكن تقربها من فهد وتقدر انها تشوفه .....
ريما خلصت شغلها وراحت لغرفتهم وقفلت عليها الباب وهي متردده تدق على فهد ولا
ريما :ياربي كيف احبه وهو مو معبرني ..... اصلا انا ماحبه بس يمكن معجبه فيه وهذا هو الشعور ياريما اتصلي فيه
بعدين هذا صديق تركي عادي اذا كلمته واستشرته في المصبيه وخلاص يابنت دقي وتوكلي على الله وانسي اللي صار....
فهد كان في مكتبه في شركات الشيخ علي بعد ماطلب منه يضبط اوراق صفقه مع شركات عالميه
فهد وهو مندمج في شغله دق جواله وشاف الرقم وابتسم لما شاف اسم (خديجه )ورد وهو تعبان من الشغل ووده انه يرجع بريطانيا
فهد :الو
ريما:مساء الخير
فهد :مساء الخير
ريما :كيف الحال ؟؟
فهدوهو عنده فضول يعرف سبب اتصالها بعد اللي صار اخر مره :الحمد لله بخير وين الغيبه ؟؟ شهرين ماسمعنا الصوت
ريما مبسوطه انه حاسب فتره الغيبه :فهد انا بغيتك في استشاره قانونيه
فهد حس بجديه في كلامها :تفضلي
ريما شرحت له اللي صار وطلبت منه شنو يقدرون يسون علشان يسترجعون البيت :شنو رايك ؟؟
فهد بحسره :صعبه ان نثبت عليهم التزوير اذا كانت ورقه التمليك ماره على الدوائر الحكوميه وكانت نظاميه
ريماا :يعني شنو ؟؟
فهد :شلون وصلت اوراق التمليك لهم
ريما :مااعرف تقول امي انها كانت في مكتب ابوي في شركه عمي
فهد:فهمت كل شيء
ريما :فهد مازن وزهره ماراح يكفون شرهم عنا الا لمانعطيهم اللي يبونه
فهد :حاولوا انكم ماتحتكون فيهم خاصه زهره
ريما: ليش انت تعرف زهره ؟؟
فهد قرر يقولها :ايه هي تصير صديقه زوجتي
ريما تبي تعرف منو تكون زوجته :اسمحلي فهد بهذا السوال من تكون زوجتك علشان زهره تصاحبها انت تعرف مستوى صديقاتها شلون صاير
فهد وهو مستغرب من اسألتها :انا متزوج الريم بنت الشيخ علي السهامي اذا تعرفينه
ريما حطت يدها على فمها:الريم بس هذ كبيره
فهد طنش :ريما انا راح احاول اتدخل واحل المشكله
ريما انحرجت من كلامها اللي حست انه تأثر به فهد :فهد انا اسف اذا تعديت حدودي ومشكور على اهتمامك
فهد :مع السلامه أي تطور يصيرمعي اكلمك
ريما :مع السلامه ومشكور مره ثانيه
قفلت ريما وتلعن نفسها انها حسسته انها مهتمه فيه دخلت رانيا كالعاده وخرعت ريما بس ريما ماعلقت لانها تعودت على اسلوب رانيا
رانيا رافعه حواجبها :شفيك تتحلطمين ؟؟
ريما :كنت اكلم فاطمه وسالتها بس قالت اخوها مو موجود عندهم قالت لما يرجع تقوله
رانيا تبتسم :هذي بدايه النحس
ريما :انا بكلمها بكره وشوف شنو يقول
رانيا :تصبرين لبكره بعد يوم يرمونك انت وخلاقينك برى البيت
ريما :ربي يفرجها
قفلو على الموضوع ريما شالت جوالها معها تنتظر مكالمه فهد وراحوا يقعدون مع امهم ...****

الجزء التاسع

فهد طلع من المكتب بعد مكالمه ريما وصار يسأل نفسه شلون لعمهم قلب انه يسوي فيهم كل هذا ..
فهد دق على على ريم وقرر يسحب منها اللي يبي بطريقته
فهد يسوي نفسه مبسوط :مساء الخير حبيبي
ريم ماصدقت ان فهد رايق وراضي عليها بعد هذيك الليله وفهد مايكلمها :مساء النور هلا حبيبي اكيد شتقتلي ....
فهد وهو متملل من كلامها :خلاص كل هذا شوفي انا بجيك البيت القاك جاهزه عازمك على الغداء
ريم :بس انا تغديت من زمان بعدين الساعه 4
فهد :انا من وقتها ماصرت اكل زين تحسدني على هاللقمه اللي ابيك تشاركني فيها
ريم وحنت لحبه :من عيوني الحين اجهز نفسي واطلعلك
فهد :انتظرك مع السلامه
ريم :مع السلامه
فهد قفل وهو مجهز نفسه يساعد ريما واهلها في انهم يسترجعون بيتهم وهذي هي فرصه لازم يستغلها انه يكفر عن اللي صار لابوهم مع انه ماله ذنب
.... فتحت بوابات القصر وشاف ريم منتظرته وقف وطلعت باسته على خده
ريم والفرحه مو سايعتها :هلا بحبيبي ونورعيني
فهد وهو يحرك السياره :اهلين
ريم :وين بتغديني ؟؟؟؟؟
فهد :حددي وانا جاهز
ظلوا يتكلمون لحتى وصلو مطعم فاخر في الرياض وجلسوا فيه وطلبوا مشويات كان فهد مشتهي الاكل
بس ماسد نفسه الا ان ريم معه وهذا مخليه يستحمل الي ان ياخذ منها اللي يبي
فهد رافع حواجبه :ريم انا مانسيت هذيك الليله
ريم شرقت بالقمه :حن حن انا اسفه يافهد بس جمعتنا كذا
فهد :ريم كل شيء مسموح الا الشرب ماتدرين انه حرام
ريم بملل من كلمه حرام :اوكيه حبيبي كنا نشرب نخب زهره
فهد ومقرفه اسمها:وشو نخبه ؟
ريم :انها مسكت الشغل برى يعني ابوها اعطاها الثقه .. ياريت ابوي يسوي زي عمي سيف
فهد رافع حواجبه على طموحاتها :انت متزوجه وبعدين ماله داعي انك تشتغلين وتمسكين شغلك بعدين من وين لوين ابوك يثق فيك
ريم :انا في نظرك انا مو قد المسوؤليه فانت غلطان انا قالتلي زهره عن اصول الشغل بنسافر مع بعض ونشتغل مع بعض
فهد وعاقد حواجبه :وانا مافكرتي فيني ...... الا مو قاهرني الا زهره هاذي ؟؟
ريم وكلها اعجاب بزهره :والله لوتعرف عليها لتحبها ترها طيبه مره
فهد (تعرفنا وخلصنا ):ان شالله نتعرف ونخلص الا قولي ماكانت تتكلم عن عمها عن بنات عمها مثلا
ريم :لا تذكرني يافهد مره رجعت من الجامعه وكانت معصبه
فهد مستغرب :أي جامعه ؟؟
ريم :هني عندنا بالرياض قعدت تقريبا اسبوع كانت تتطقس احوال الجامعه وتنصح البنات وتقول لهم وظائف في شركتهم من غير شهادات
تخيل اتهموها انها تتعاطى وانها تروج مخدرات صدق بنات مافيهم خير مخاطره بنفسها وداخله الجامعه من غير مااحد يعرف انها من برى الجامعه
فهد ومتامل ياخذ اكثر منها :ايه وبعدين
ريم :شافوها بعد بنات عمها الهيلق وقالت تلفظوا عليها تخيل انهم مايبون احد يعرف انها بنت عمهم
فهد وهو متأكد ان اللي يسمعه عكس :ايه وبعدين ؟؟
ريم :ولا قبلين خلاص شنو تبي اكثر هذه هي زهره
فهد :طيب مقالتلك عن البيت اوشيء زي كذا ؟؟
ريم وحست ان فهد يسحب منها الكلام :لا ماتقولي اشياء تخص عايلتهم
فهد :انا ناوي ارفع قضيه على مازن
ريم شهقت :مازن لا مستحيل ليش شنو سوى
فهد مستغرب من خوفها على مازن :ليش بنات عمهم موكليني على قضيه بيتهم ماخذين اوراق التمليك ومزورينها
فاحذري زهره وخليها تكف بلاها عن بنات عمها ..
ريم :نعم ومن وين تعرف بنات عمها ؟؟
فهد حب يغيضها اكثر :قابلت اخت تركي امس وقالتلي عن الموضوع وانا وعدتها اني راح احل المشكله بمساعدة زوجتي
ريم معصبه :زين انك تذكرتني !!!
فهد وهو يناظر الالماسات الي راصتهم بيدها :تغيرين علي ؟؟
ريم بدلع :اكيد واتركهم هذولا الناس عنك هيلق وبعدين وش اسمها هذي اخت تركي
فهد وحس ان وراها شيء :يله نمشي
ريم بعصبيه :فهد شنو اسمها ؟؟
فهد يدفع الحساب :مادري اتوقع شهيناز او شيء كذا والله مااذكر
ريم بارتياح :شوف حتى اسمائهم صدق هيلق
فهد ماتحمل دلعها وتكبرها صارخ عليها :لا تقولين هيلق عيب هذولا اهل صديقي بعدين احترميني شوي
ريم وحست بشيء من وراها :طيب حبيبي مثل ماتبي
طلعوا من المطعم على المغرب رجعوا البيت وراحت ريم لابوها اما فهد صلى ونام وطلب منها تعتذر عنه لانه تعب
ريما ورانيا وامهم قاعدين بالحوش من بعد الصلاه
رانيا :يمه ماكلمتي خالي؟
ريما :ايه يمه كلمتيه ؟
خديجه كلمته الحين يجي ويشوف السالفه ادخلو حطوا قهوه او أي شيء
ريما ورانيا سمعوا كلام امهم ودخلوا وهي قعدت برى في الحوش تنتظر الرجاء والفرج عليها وعلى بناتها
وتدعي ربهم يفرج على عباده كل هم وكرب وقطع عليها صوت الباب وفتحت الباب وكان اخوها عامر .....
عامر سلم على اخته :سلام عليكم
خديجه :عليكم السلام
ودخلته وجلسوا بالحوش وظلوا يتكلمون رانيا وهي تناظرمن شباك الصاله على الحوش تشوف اذا جاء الي تنتظره
طلعت ريما وفي يدها القهوه وشافت اختها وحبت تخرع اختها
ريما وتضحك بمكر وتصارخ :بخخخخخخخخخخخ
رانيا ماحست بنفسها من الخوف :ريما
ريما تضحك وكانت الدله بتطيح من يدها :ههههههههه والله الي كرهنا اطلعي مافيه حد ماله داعي الحركات
رانيا ومستحيه من نفسها :لا من قالك كنت ..
ريما تركتها وطلعت وطلعت رانيا وهي منزله راسها من الفشله وسلموا على خالهم وجلسوا وهم يتناقشون في امر البيت
عامر:بكره لازم تجهزون اغراضكم لا تخافون ماراح نتنازل عن حقكم بس احتياط لايجبون الشرطه وتبهذلون
وانتوا حريم خلوكم عندنا لحتى نشوف حل للمشكله وتكونون عندي في الحفظ والصون وش قلتوا
خديجه :على امرك والبنات ماعندهم مانع
عامر :خديجه ابي اسمع راي البنات بنفسي
راينا :خالي
عامر :انتو مو مغصوبين اذا تبون نستاجر شقه على قدكم براحتكم
ريما :مانبي تعبك ياخالي احنا موافقين
رانيا :وانا موافقه
عامر :توكلوا على الله اغراضكم جهزوها وبكره انا وناصر والسايق نمر عليكم
البنات:طيب
خديجه :على امرك منخلا ونعدم منك بدونك ماكان عرفنا نتصرف
عامر :لا تقولين كذا حنا خوان
خديجه: تسلم
عامر طلع من عندهم وهو مرتاح لانهم مارفضوا مساعدته ....
ناصر كان مع مها بصاله هو يتفرج على التلفزيون ومها قاعده جنبه وحاط أيده ورا ظهرها
مها :ناصر
ناصر التفت عليها وابتسم:عيون ناصر
مها بادلته الابتسامه :تسلم عيونك الا ماقلتلي شنو بيصير في بيت عمتك
ناصر وهو يشرب شاي :ابد اتفقت انا وابوي يجون يعشون عندنا طبعا
مها انصدمت وانفعلت :شنو وين يعشيون معنا
ناصر وهو يفسر اسلوبها :مادري ... اكيد بعيشون معنا وهذا الشعور فرحه ولا شنو
مها عصبت من اسلوب ناصر :الله وانت ؟؟
ناصر وهو مستغرب :انا شفيني
مها عصبت اكثر وصارت تصارخ :ناصر شلون تعيش معهم رانيا وريما توهم بنات شلون تصير هاذي لا تبي الجو يحلى بوجود رانيا
ناصر انصدم بعقليتها مسكها مع يدها وعصب عليها :شوفي بنات عمتي مثل خواتي واياني وياك تقولين لهم أي كلمه او تجرحينهم
هذولا غالين علي وعلى ابوي وعن قله العقل ياخساره توقعتك اعقل من كذا
مها كانت تبي تدافع عن كرامتها :انا ساكته على الحركات البايخه اللي تصير لما رحت توديلهم اغراض قلنا يابنت عديها
اما انك تودي رانيا مستشفى خاص علشان تعالج بسرعه هذي وسكتنا عنها اما انهم يعيشون معنا فلا وستين لا خلاص خلنا نروح نسكن بيت ثاني
ناصر وعصب عليها :كل هذا شايلته بقلبك وساكته تصدقين حتى انا نسيتها تذكريتها
وانا اقول ماصرت تكلمين رانيا ولا تسالين عنها من وقت ماركبنا السياره هذاك اليوم وهي مزعجتني مها ومها وشلون مها وشخبارها
وانت تشكين فيها وبحبها لك وعلى فكره ليش تفكرين برانيا ليش مافكرتي بريما شمعنى رانيا بذات ؟؟؟؟؟؟؟
مها ارتبكت :لان ريما بعدها صغيره
ناصر حس بشيء غير مسكها وصار يضغط عليها اكثر علشان تتالم وتقول شنو باقي في قلبها ماقالته :لا فيه شيء ثاني غير هذا الكلام
مها حست بضعف اكثر :اتركني انت تالمني
ناصر صار يضغط اكثر :قولي مها احسن لك
مها قررت تقوله لانها خافت تخسره :لان رانيا تحبك وكانت تكلمني عنك في الشغل من دون مااعرف انها تقصدك علشان كذا بعدت عنها
من بعد ماتزوجنا كل اللي سويته خفت على حياتنا وخفت اخسرك
ناصرانصدم لما سمع ان شعور رانيا مثل مايحس اتجاهه بس كان فرحان مايدري ان هذي الحقيقه تخاف مها من عواقبها
حب يهديها وينسيها بالي يدور في بالها قرب منها اكثر وباسها على جبينها :تسلملي بس مو من هلي رانيا اكيد نسيتني لما تزوجتك
ولو اني احبها مثل ماتتوقعين ليش تزوجتك انا مااحد غصبني انا اخذتك برضاي ورضاك بعد انا متوقعتك كذا
وبعدين رانيا من النوع اللي ينسى ومستحيل انها تفكر فيني تدرين ليش لان عندي زوجه تسوى الدنيا ومافيها مستحيل احد ينافسك علي فهمت
وخففي الغيره الناس خسروا كثير ماتدرين شنو بنخسر اكثر الله يرضى عليك يامها خليك معهم انت السند الوحيد لي
بيضي وجهي انا وابوي عند الجماعه وفكره رانيا شليها من بالك ...
مها ارتاحت كثير لكلام ناصر واللي في قلبه عكسه تماما :خلاص الحين اجهز لهم الغرف
ناصر وهو طالع المزرعه ويغمز لمها :ضبطي نفسك نتعشى برى
مها بفرحه:خلها وقت ثاني لازم نجهز للضيوف
ناصر ابتسم على رضاها :اوعدك باحلى طلعه
مها :تسلم ماتقصر
دخل عامر وهو يشوف الرضاء في وجهه ناصر وجهه زوجته عامر:سلام عليكم
ناصر ومها:وعليكم السلام
عامر :قلت لزوجتك ياناصر ان بيت عمتك بيجونا بكره
ناصر :ايه
مها :ايه ياخالي قالي والحين انا والخدم نجهز الغرف
عامر :مشكوره الله يعطيك العافيه والله انك اصيله مثل خالتك الله يرحمها
مها افتخرت بأنها طلعت عاقله وعجبت خالها وناصر :تامر على شيء ياخالي
عامر :لا مشكوره

ريما قاعده وترطب ايدينها رانيا كانت تشتغل في المطبخ بعد ماقررت رانيا ان اخر يوم في هالبيت انها هي تغسل الاواني
ريما وهي تناظر دروج الملابس اللي باقي مافضتهم وكان دولاب كانوا يحطون الفساتين والدرج الثاني كان درج نوره
قامت ريما من على فراشها ونزلت شنطه من فوق الدرج علشان تلم اغراض نوره فتحت الدولاب وشافت ملابسها وعطورها واغراضها
مسكت بلوزه كانت نوره تحب تلبسها ريما ماتحملت اشتاقت لاختها وتمنت انها معهم كان قلبت المصيبه نكته
ريما ظلت تبكي على كل غرض ترتبه وتحطه بشنطه قطع عليها صوت جوالها كان فهد يدق عليها وردت بلهفه لانه وعدها اذا عرف شيء راح يكلمها
مسحت دموعها بس طلع صوتها مبحوح وباين انها تبكي
ريما وتمسح دموعها :هلا فهد
فهد وهو مستغرب من نبره صوتها :هلا فيك ريما صاير شيء ليش صوتك كذا
ريما :لا لسى صاحيه من النوم
فهد :واللي يصحى من النوم يبكي
ريما :تعرف ناس بيطلعون من بيتهم ويلمون اغراض الي يحبونهم وراحوا والي يلمون ذكرياتهم بالكراتين ويرمونها برى البيت اللي حضنها (وبدت تبكي )
تخيل بيت حضنك بفرحك وحزنك يروح بغمضه عين بالله عليك هذا مايبكي
فهد حس بالم ريما وحب يخفف عليها :انشالله مارح تخسرونه انا صح ماعندي ادله بس اوعدك اني راح ارفع القضيه ونكسبها
ريما بفرحه :صدق فهد ليش عرفت شيء ؟؟
فهد حب يسأل اذا هم تعرفوا على زهره وهم اللي مايبون يعترفون انها بنت عمهم مثل ماقالت له ريم :بغيت اسئلك سؤال
ريما :تفضل
فهد بتردد :ريما انتو شفتوا زهره بالجامعه وهي كانت بتسلم عليكم وانتو رفضتوا انكم تعترفون بها ؟؟
ريما باستغراب :لا انا شفتها مره بس وكانت تلاسن هي ودكتوره علشان شكلها بس مادري شنو صار لها من بعدها ماشفتها ليش تسال؟؟
فهد :لا بس اسال واتاكد تدرين نجمع ادله سوال ثاني
ريما :اذا هذا يفيد القضيه مافي مانع
فهد كان يرتاح لما يكلم ريما :اوكيه كنت تلاحظين عليها شيء يعني البنات شنو كانوا يقولون عنها او شيءكذا
ريما خافت ماتدري ليه :لا ملاحظت
فهد باصرار:ريما من مصلحه القضيه ايش تعرفينه فيديني به لو سمحتي
ريما وهي تفسر سبب خوفها وقررت تقوله كل شيء :ايه شفتها مره بالحمام (اكرمكم الله )وهي تتعاطى مع شله بنات
اما هذي سمعتها منهم انهم شافوها مع بنت والعياذ بالله
فهد ضحك لانه تأكد ان فيه شيء من الكلام اللي في باله مطابق للحقيقه :حلو
ريما استغربت من ضحكته وكلمته :ليش حلو ؟؟
فهد :مثل ماتوقعت انها هي واخوها مو طبعيين الا اقول وين ابوهم ؟؟
ريما :مادري عنهم أي شيء يافهد واذا اعرف أي شيءتاكد انت اول واحد تعرف
فهد :ريما انت بتقولين لامك انك موكلتني على القضيه
ريما ماخطرت في بالها نهائيا فكره انها تقول لامها ولاختها :تصدق مافكرت نهائيا اعمتني فكره ان نخسر بيتنا تصدق ماتحملتها لاحد الحين
فهد ارتاح لما سمع ريما تقوله وتشكي له :الله بيفرجها تصدقين نفسي ارجع بريطانيا من وقت ماجيت هنا مشاكل بمشاكل
ريما :تصدق ياريت اروح اشوف ابوي اشتقتله
فهد حس بالذنب :انشالله بيطلع وترجعون لبعض
ريما :شنو توقع رده فعله لما يدري باللي صار لتركي ونوره
فهد :الله يرحمهم تصدقين ياريما اني محتار شنو اقول له لما ارجع بريطانيا
ريما :ماتدري شنو بيصير انا طولت عليك
فهد وهو متحسر على حالتهم ودخلت عليه ريم وهي تصارخ :حبيبي اشتريتلك شيء مره يجنن
ريما لما سمعت صوتها وحست انهم منسجمين :خلاص فهد اكلمك وقت ثاني
فهد يضحك :يابن الحلال وش عندك مستعجل
ريم :فهد طالع فيني
فهد ياشر لها شوي
ريما ضحكت على حركات فهد :المدام واجد متفاهمه مع السلامه الله لايفرق بينكم .... فهد
فهد :نعم
ريما :حاول نبي بيتنا وهذا جميل مانساه طول عمري ياخوي
فهد حس ان كلمه اخوي مثل اللي راميه ثقلها عليه :ان شالله لاتيأس مع السلامه
قفل وهو يناظر ريم بقرف :نعم حبي
ريم بدلع :شوف جبت لك بدل وقمصان تجنن تعال قيسهم
فهد :مو فاضي وراي شغل (كان بيطلع من الغرفه لانها لاتحتمل وريم فيها )
ريم تصارخ :فهد انا قلت لابوي ولزهره شنو تبي تسوي
فهد التفت عليها :ايه والمعنى ؟؟
ريم :ابعد عنهم ولا بتخسرنا وبتخسر كثير سمعت
فهد :تهديد ولا شنو
ريم :مو تهديد بس تحذير هذولا اعداءنا
فهد :قصدك اذا هم اعداء زهره فهم اعداءك واعداء ابوك
ريم ترفع صوتها :شوف فهد انا صبرت كثير انت ليش لاصق بالهيلق ليه انت تفكيرك رجعي
فهد عصب اكثر مسكها مع ذراعها :قضيه وبرفعها وبعدين اللي تتكلمين عنهم ماهم هيلق هذولاء اوادم مثلك
على شنو رافعه خشمك وليش انت تشفون الناس بعين زهره وابوها وينه ابوها
ليش مايكون سند لبنات اخوه من بعد غيبة ابوهم شوفي القضيه وبرفعها
ريم مصدومه اول مره تشوف فهد معصب لهذي الدرجه :فهد انت تتحداني وتتحدى ابوي
فهد بأفتخار :هذا شغلي وانت تعرفين شغله المحامي مافيها تحدي ولا هذا وهذاك الدنيا كذا شغل وبس
ريم :بس ابوي ماقصر معك بشيء كل شيء وعطاك الثقه ليش تخون الثقه
فهد وحب يمتص غضبها قرب منها ومسك خصرها :ياحبيبتي ابوك ماقصر بس هذا شغل والثقه مااحد يقدر يخونها
انا ماسويت شيء على اني اخون انا اساعد اهل صديقي
ريم وتلوي وجهها عنه بدلع :وصديقك مات بتظل تنق صديقي وصديقي
فهد وهو يحتقر اسلوبها :الله يرحمه الميت ماتجوز عليه غير الرحمه
ريم بدون نفس :الله يرحمه ويرحمنا
فهد تركها وطلع وصار يفكر شلون يتخلص من الشيخ علي وتهديداته وشلون يخلص من بنته اللي ابتلش فيها..
شلون يرضي الشيخ علي في نفس الوقت شلون يساعد اهل تركي ..
شلون يقدر يتخلص من زهره اللي صعبت عليه الحياه مع الريم صارت الحياه معهااصعب من اول ..
وكيف يتخلص من مازن ومن مشاكله ....
كل هالمشاكل شاغله بال فهد وشلون بيحلها (شفتوا شغله المحامي )



أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره


\\
//


أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره


\\


//


لابارك الله في رفيق تزعله كلمة عتاب
ولاجمع الله الرجال اللي تفرقهم مره


\\


//


الصاحب اللي مايجي من صحبته غير العذاب
نذر علي إن ماهجرني وإلا أنا اللي ب أهجره

ريما صحت من النوم وهي تحس انه اخر يوم بتنام في بيتهم ناظرت فراش رانيا مكان فيه احد استغربت تكون قاعده قبلها
رفعت الجوال وناظرت الساعه كانت 8 الصبح ... قامت من فراشها وتحممت وراحت تساعد امها بلم باقي الاغراض
لان خالهم بيمرهم العصر يأخذهم شافت رانيا تكلم بالجوال ومبسوطه خلصت مع امها وراحت عند رانيا ريما وتأشر بيده منو
رانيا تاشر بشفايفها :منيره
ريما لوت فمها :حلو خلصي بسرعه عندنا شغل
رانيا :وقفي منيره شوي ........ريما وجع خليني اعرف اكلم البنت
ريما :تصدقين انا من وقت ماشفتها مارتحت
رانيا :اسكتي خليني اعرف اكلم
رانيا رجعت الجوال ريما راحت تكمل مع امها :هلا منيره وين هالغيبه رحتي ونسيتوني
منيره :سامحيني يارانيا انا ماعرفت شنو صار لاخوانك الا من مها لما كلمتني
رانيا : تصوري مها ماكلمتني من يوم ماتزوجت تحسبني بخطف زوجها
رانيا :لا.......... تزوجتي كلمني يله
منيره : اقولك تزوجت والحين انا حامل وبشهر الاول بس يقولون باقي ماتأكد حتى بنت خالتي عايشه (سكت ماكملت )
رانيا استغربت :منيره فيك شيء ؟
منيره بارتباك :لا مافيني شيء خلاص انهينا من سالفه الزواج الاقوللي شنو تسوين الحين
رانيا بأسف :ابد نلم العفش
منيره ليش ؟؟
رانيا قالت لمنيره كل شيء
منيره :يعني بتعيشين مع مها ....... وناصر
رانيا :ايه
منيره :والله وناسه تعشين انت وناصر بالبيت مع بعض
رانيا وعصبت من منيره :منيره ناصر متزوج هو الحين مثل اخوي حرام مها... انت متزوجه اكيد تعرفين شنو معنى وحده تخطف زوجك منك
منيره :ليش عصبتي كنت امزح؟؟
رانيا :مع السلامه لازم اروح اساعد امي ومبروك على الحمل
منيره :الله يبارك فيك مع السلامه
ريما قاعده على الكنبه وتصارخ من ظهرها على امها
ريما تتوجع :يمه خلاص ليش نشيل العفش كله ليش في بيت خالي مافيه اثاث
خديجه وهي تضحك علة تفكير البنت :حنا نلمه علشان اذا خذوا البيت مانخسر البيت والعفش فهمتي
انا اخلي ناصر يبيعهم حرام ماصرلنا مأثاثين البيت الله يرحمك ياتركي
رانيا :مشالله عليك ياريما الغبيه
ريما :خلاص لاتاكلوني لان بعض الناس تكسر ظهره وهو يساعد امي صح يارانيوه
رانيا :شتبيني اسوي مكالمه مهمه
خديجه :يله يابنات العصر بيجي خالكم وحنا ماخلصنا الشغل
ريما من المطبخ تتكلم :يمه خلصنا الملابس والتحف اللي فوق والعفش واللي تحت اما ...
رانيا تقاطعه :يمه يبيلنا يومين واحنا نلف في هذا العفش والله كثير حرام نتعب خالي
ريما وهي جايه من المطبخ وتأكل ايس كريم :الست رانيا ماتبي تعذب خالي
خديجه :وعندك شك ؟؟
ريما تناظر رانيا وتغمز لها :هي تقول ......انا بالنسبه لي ماعندي شك ابدا
رانيا تقرب منها :والله لاذبحك بس مو الحين
ريما وهي تاكل ايس كريم وترفع حواجبها تقهر رانيا :هلا والله تبين تذبحيني
رانيا حاطه يدها في جيب بنطلونها بصبر :طيب علي صوتك اكثر امي ماسمعت
ريما تضحك بمكر وتصارخ:يمه
خديجه :نعم
رانيا خافت لان مو غريبه على ريما انها تتكلم ريما :شلونك يمه
خديجه تضحك :بنات اخلصوا وعن كثره الحكي
رانيا سحبت ريما المطبخ وصاروا يتضاربون.......

مازن وهو في مكتبه الخاص ويقلب في صورا لبنات ويضحك ومبسوط
فجأه دق تلفونه شافه رقم وحده يعرفها اعطها مشغول وهو يضحك يقول
مازن :صدق هالبنات اغبياء الوحده ماتصدق يقولها الولد كلمه وهي دابه فيه بس اهم شيء خذيت اللي ابي منها وارميها حالها حال للي قبلها
دق الباب مازن امره بالدخول كان سكرتير ويعطيه ظرف مقفل وعليه طوابع واختام المحكمه
مازن :منو اعطاك ..... هذا جاء من البريد ولا شنو
السكرتير :لا ياطويل العمر هذا واحد من المحكمه
مازن :خلاص اطلع انت واذا مكالمه احد يسأل عني قله مات
السكرتير :شنو اقوله ؟؟
مازن وهو يفتح الظرف :ماسمعت ياحمار يعني صرفه فهمت
السكرتير وهو يهز راسه على طريقته في التعامل :حاضر ياطويل العمر
طلع السكرتير من المكتب ومازن بسرعه فتح الظرف وشاف انذارات من المحكمه على التعرض على املاك خاصه بس مو ذاكرين التفاصيل
مازن :انذرات على شنو...املاك خاصه .... (يضحك )هههههههه
مسك الاوراق بظرف وقطعهم ورماهم على الارض وطلع من المكتب وهو يضحك .....
فهد وهو قاعد في بيت امه وفي الحديقه ودق على ريما ....
ريما كانت في الحمام (اكرمكم الله ) توضيء وكانت طالعه وسمعت رنه الجوال وشافت انه فهد حست ان فيه شيء
ريما:الو
فهد :هلا ريما شلونك ؟
ريما وهي مستغربه من استعجاله :الحمدلله شلونك انت
فهد :الحمد لله ... ريما انا لازم اشوفك اليوم توقعين لي على كذا ورقه لازم اجيكم البيت عادي
ريما وانصدمت بطلب :فهد صعبه واليوم بنطلع من البيت يعني في أي لحظه يطب خالي او ناصر تصير مشكله
فهد محتار :شلون حاولي لازم ياريما انا اليوم ارسلت انذار بس ماقدر ارفع القضيه الا بتوكيل منك
ريما :شلون انذار ؟؟
فهد ويضحك :شنو عرفك انا ارسلت انذار لاني ابي احدد وقت الجلسه ولازم يكون حاضر علشان نخلص ونحطه امام الامر الواقع
ريما :لايكون ذكرت اسمك!!!
فهد :اكيد بيعرف شنو اسمي لما ندخل بالقضيه وياخوفي تطول وتكون اوراق التمليك قانونيه ونظاميه
ريما :فهد مافيه طريقه انك تخفي اسمك عنهم ؟؟
فهد مستغرب من خوفها :ايه فيه طريقه واخفي شكلي بعد اذا تبين
ريما مصدقه :والله شنو هي

فهد وهو ماسك ضحكته :البس عبايه
ريما ضحكت :هههههههههههههه
فهد من وقت مارجع من بريطانيا ماسمع هالضحكه من قلب :هههههههههه
ريما :والله اني مصدقه
فهد :شنو قلتي ريما ؟؟....... خلاص انا عندي فكره
ريما وباهتمام :شنو هي ؟؟
فهد :شوفي انتي اليوم روحي للسوق مع أي حد ماتفرق انت واختك وانتوا بالسوق اطلعي لوحدك
والقيني في مكان الي احدده وشغله 5ثوان ونخلص
ريما :هذه معقوله بس يمكن مو اليوم
فهد :انت حاولي وردي لي خبر
ريما :انشالله
فهد :اوكيه مع السلامه
ريما: مع السلامه
فهد سكر وخرعته نور اخته الصغيره من وراه وهي متخصره وتقوله
نور :منو ريما ؟؟
فهد ارتبك لانها مو غبيه وتفهم كل شيء وخاف تقول لامه :لا هاذي الريم بس ادلعها ريما
نور :علينا طيب ليش ماتقولها حبيبتي زي كل مره
فهد وهو رافع حواجبه :عيب نور هذه الحركات بعدين شنو يخصك ها
نور وهي تركض لامها داخل علشان تقولها ونط فهد من مكانه وركض وراها ومسكها ورفعها وحطها على كتفه وهي تصارخ وقربها من المسبح
فهد وهو يضحك :نور شنو قلتي شرايك تتروشين مافيه احلى من الدوش هالحزه
نور تبكي وتصارخ :لافهد الله يوفقك انا مااعرف اسبح
فهد :طيب مره ثانيه لاتتصنتين لاي أي احد اكلمه
نور وهي تبوس التوبه وتناظر الماء والمسبح الباين انه عميق :خلاص توبه اصلا صدقتك والله انا بس امزح
فهد وهو ينزلها :يله روحي قولي لامي فهد جوعان
نور وهي تتنفس بصعوبه من الخوف وتركض بعيد عنه :ليش ماتروح لبيت زوجتك تطبخ لك توقعت انك تتزوج وافتك منك طلعت عله؟؟
فجاء نور طاحت على العشب وقامت بسرعه علشان فهد مايلحقها
فهد يضحك عليها :تستاهلين والله يالسانك يبيله قص
ريما لبست عبايتها ونزلت لقت امها ورانيا لابسين عبايتهم وينتظرون

رانيا وتلعب في جوالها :يمه تأخروا ماقالوا المغرب يجون صار العشاء
ريما كانت بتتكلم سمعت الباب يدق :يله هذا اكيد هم
خديجه :ريما روحي شوفي من ؟؟
ريما راحت تفتح بس تذكرت كلام فهد (تأكدي منو يكون على الباب قبل ماتفتحين):منو عند الباب؟؟
عامر :انا خالك عامر افتحي
ريما فتحت الباب وسلمت على خالها :هلا خالي حياك
عامر :وين امك ورانيا ؟
ريما :هم داخل الحين
ناصر توه نزل من سيارته ودخل مع ابوه بعد ماسلم على ريما ودخلتهم البيت معها
رانيا وهي تلعب بجوالها وتصارخ :ريموه منوعند الباب ؟؟
ناصر كان فرحان لما شافهم لابسين وجاهزين وفرح اكثر لما شاف رانيا متحسنه صحتها :انا وابوي اللي عند الباب
رانيا اخترعت وطاح جوالها من يدها وانكسرت الشاشه وكل الي بداخله طلع بس ماحد انتبه لان رانيا كانت تتحرك بسرعه وتتكلم وعدلت جلستها :هلا خالي هلا ناصر
عامر :ليش تخرعها ياناصر ؟؟
خديجه :حياكم هلا اخوي
عامر :شلونكم ؟
الكل : الحمد لله
عامر: يله انتو روحوا مع ناصر وانا جبت عمال ياخذون الاغراض ونلحقكم فيهم
رانيا قامت من مكانها ماقدرت تاخذ جوالها لانها ماتبي احد ينتبه انه تكسر حطت عليه طرف عبايتها
خديجه: رانيا روحي جيبي لي الاغراض اللي انا حاطتهم بالمطبخ
رانيا مرتبكه ماتبي تتحرك :ايه اجيبهم الحين
ريما انتبهت لكل اللي صار وراحت بدالها جابت الاغراض ولحقت امها للسياره ورانيا واقفه في مكانها
ناصر يناظر رانيا عامر كان يطالع البيت و يتحسر عليه عامر:رانيا وشفيك يله اطلعي الحين العمال يدخلون
ناصر يناظرها :يله
رانيا نزلت وصارت تلم جوالها الي طاح وانكسرت الشاشه وطلعت البطاريه منه لمته في يدها من دون ماترتبه انتبه ناصرللي في يدها وعرف ان جوالها انكسر بسببه
طلعت وهي متضايقه لان مامعها قيمه جوال جديد وتحسرت لان هذا الجوال هديه من تركي كان اول معاش ينزل له
رتبت عبايتها وطلعت.... عامر كان يكلم ناصر بعدين طلع ناصر ورانيا قدامه
ناصر ينادي : رانيا وقفي
رانيا التفت وهي تخبي يدها تحت العبايه قرب منها وحست انها بتموت من شوقها له :نعم
ناصر ويناظرعيونها اللي مغرقه :اعطيني اللي بايدك
رانيا ترتجف لانها عرفت انه انتبه :مافيه شيء بس جوالي ......
ناصر مد ايده وسحب يدها وشاف جوالها وخذه منها :اسف طيب ليش زعلتي ؟؟
رانيا وحست قلبها بيطير من لمسه ايده سحبت يدها قبل مايشوفها احد : لانه هديه من المرحوم معليه بصلحه بعدين
مدت يدها علشان تاخذه من ناصر ناصر مسكها مع يدها بقوه :ممكن انا اصلحه لك لانه انكسر بسببي
رانيا سحبت يده بقوه:خلاص انا بروح اجيب شنطه ملابسي لاني نسيتها
ناصر يضحك على تهربها وحس بضلوعه بتطلع وهو يشوف الامل بعينها عض على شفايفه بمكر :اوكيه نتظرك بالسياره
رانيا راحت واخذت شنطه ملابسها كانت ثقيله وهم ينتظرونها بالسياره
شافها ناصر تسحب بالشنطه بضعف وهي باين انها متضايقه وهي تمسك اللثمه وشوي تسحب الشنطه والعمال يمرون من جنبها
خديجه :ريما ساعدي اختك
ريما وهي تمد يدها علشان تفتح باب السياره :طيب
ناصر وهو مستغل الفرصه لصالحه :لا ريما خليك انا اساعدها
ريما بخوف على اختها انها تحب ناصر اكثر وتنهبل فيه خاصه انهم بيعشون بنفس البيت :لا
ناصر قاطعها ونزل ... ريما خقت على جماله كان حليان اكثر ..
ريما التفت علشان تشوف شنو يصير وامها كانت تقراء مطويه في سياره ناصر ماكانت منتبهه ....
رانيا كانت منزله راسها حست كان فيه شيء مسرع وجاي يخطفها رفعت نفسها وناصر يتافف
ناصر ومتضايق علشان مايعطي رانيا فرصه تتكلم :لا كان قعدتي اكثر شنطه صغيره ماتقدرين تشلينها بعدي اوريك
ناصر بعد يد رانيا عن الشنطه وحملها ولما وصل عند الصندوق نادى رانيا :رانيا طلعي مفتاحي من جيبي وفتحي الصندوق بسرعه
رانيا وهي مستحيه وهي تناظر ناصر حامل شنطتها باليدين مدت يده وهي ترتجف على جيب ناصر قربت منه وتشم عطره اللي يعذبها وصارت تحس بانفاسه وهو يلهث
ناصر يقرب منها وهو يحس بحركه ايدها بجيبه وتلمس فخذه وارتبك اكثر :رانيا بسرعه انت شنو حاطه بشنطه
رانيا وهي تدور ولقت المفتاح بالغصب وهي بطيح من طولها وهي تحس بقربها منه :هذا هو
ناصر وهو متأثر بخوفها وارتجافها لما تقرب منه اكد له انها تحبه لحد الحين واكد كلامه مها :الحمدلله
رانيا فتحت الصندوق وراحت عنه وركبت السياره وجلست جنب ريما .. ريما بسرعه دقت رانيا بكوعها رانيا اخترعت كان مو ناقصها لانها باقي متاثره
ريما تضحك على رانيا وتحسر على اللي راح يلقى اختها وكأنها تشوف اللي بيصير بعينها
ريما بهمس لرانيا :شنو هذي الحركات ؟؟
رانيا كانت بتتكلم وهي تعدل شيلتها بس قطع عليهم ناصر وهو يدخل السياره ويتنفس بسرعه ورانيا تسمع وتدعي على نفسها لانها تعبته
شغل السياره والتفت على وراء علشان يشوف اذا سياره وراءه شاف رانيا قاعده وراه ومنزله راسها وتعدل لثمتها
خق عليها ناصر رفعت رانيا عيونها وتلاقت عيونهم شاف عيونها اللي تلمع بحنان له... ماوقف هذه النظرات الا صوت سياره وراها
ناصر يلتفت قدامه ويتذكر كيف هالدقايق نسته رانيا مها وطوايفها ناصر يناظر الرجال ويتاسف له :انا اسف اسف
خديجه:ياوليدي على مهلك الله يخليك ليش مستعجل
ناصر وهو يتافف :الشيطان ياعمتي الله يلعنه
رانيا تأكدت ان ناصر كان يناظرها ولا ماصار اللي صار رانيا في نفسها :يارانيا انت ليش ترتجفين لما تشوفينه لازم تتعودين انك تقبلين انه راح عليك
الحين هو متزوج انت بتعيشين معه في نفس البيت لازم تتعودين على وجوده ياربي اذا دقايق تلقينا صار فيني كذا اجل سنين شلون ياربي
وصارت تتذكر ايام كانوا في المزرعه في ثلاث ايام سيطر على قلبها وكيانها ودعت ربها انه يساعدها تنساه ويوفقه مع مها ... قطع على رانيا امها..
خديجه تمد يدها وراء :رانيا عطيني جوالك ادق على جارتنا ام محمد
رانيا ارتبكت وتوقع ناصر انها تقولها الصدق ان جوالها معه بس :يمه جوالي مافيه شحن البطاريه خلصت
ناصر :خذي جوالي عمتي
خديجه :معليه انا كنت مسجله جوال ام محمد في جوال رانيا بس مااعرفه الحين
رانيا تصرف امها :خلاص يمه لمانوصل اشحنه وتكلمينها
خديجه :مثل ماقلتي بس بغيت اتطمن على ولدها محمد اذا رجع من السفر حليله جاء من الدمام يدرو لعروس
ناصر قرصه قلبه :اكيد انت تساعدينها ؟؟
خديجه تضحك :لا ماتدور ولاتعبت نفسها قالت تبي رانيا لولدها محمد
ناصر ماستوعب يخلص من مازن يجي محمد حس انه بيسوي حادث ووده يخنق رانيا ويذبحها اذا فكر ان احد بياخذها غيره ..
رانيا كان ودها تسكت امها بس فكرت تستغل الموقف لصالحها
خديجه :رانيا سمعتي وشرايك ؟؟
رانيا بافتخار علشان تقهر ناصر وتحسسه بلي تحسه : يمه اللي يكتب فيه الخير بيصير
ناصر عطش لما سمع رد رانيا : ياجماعه تبون شيء من السوبر ماركت انا عطشت ؟؟
خديجه: سلامتك
ناصر تقصد الحركه :ريما تبين شيء ؟؟
ريما :لا مشكور
نزل ناصر من غير مايسأل رانيا .... رانيا انقهرت بس حست انه ردت له الصاع صاعين .. ريما تنغزها بكوعها
ريما تهمس لرانيا علشان امها ماتسمعهم :انت شلون تتكلمين بهذي الجراءه قدام ناصر ؟؟
رانيا وتحس انها بردت خاطرها اللي دايما مجروح ويلم هو جراحه بنفسه فرحت لما حست ان ناصرانجرح ربع من ثلاثه ارباع جرحها
رانيا ببرود :طسي مالك شغل بتسكتين اصرفلك

رانيا بدت تكمل علشان تأكد اذا ناصر انقهر لما سمع سالفتها ولما حست انه قرب من السياره
رانيا بسرعه :يمه محمد شنو يدرس ؟؟
على دخله ناصر تكلمت خديجه :والله يارانيا اتوقع قالتلي انه بشركات البترول (ارمكوا)اللي بالدمام
ناصر وحس انها حركه من رانيا علشان تغيضه :مالك حق يارانيا ترفضينه مدامه اخلاق وشغل ودراسه شتبين اكثر من كذا
رانيا وانقهرت من حركته :ليش ينرفض يمه اذا كلمتك قوليلها ماعندي مانع
خديجه وهي مستحيه من جراءه رانيا اللي زايده عن حدها :رانيا خلاص شفيك ولو استحي شوي
ناصر يلوي فمه اعجبته حركته عمته بس رانيا تداركت الموضوع :ايه يمه لان اللي استحوا ماتوا
ناصرعصب اكثر مد لريما ورانيا كيس :خذوا تسلوا لحد مانوصل
رانيا احتارت وحست نفسها رخيصه وهي تعرض نفسها على ام محمد قدام ناصر وخافت لاتسويهاامها وحطت في بالها لمايرجعون تسحب كلامها عند امها ...
اما ريما ظلت ساكته وهي تشوف مقاومه رانيا وكيف تدافع عن نفسها وعن حبها وكيف عرفت ولاول مره تتصرف وترد على غرور ناصر
وخلته يفقد ثقته بنفسه هذا بالنسبه الي وضح لها حبت تستغل الفرصه وتقول لامها مدام هي رايقه
ريما :يمه ابي انزل لسوق اليوم ضروري انا ورانيا
رانيا استغربت من طلب ريما اللي ماقلت عنه قبل خديجه :ريما مو وقته الحين
ريما بترجي قبل مايضيع البيت منهم :يمه والله ناقصني اغراض
ناصر :خلاص ريما انا اوديكم
ريما خافت لان ناصر ينخاف منه ومستحيل تقدر انها تفلت منه :لا ناصر ماراح نتعبك
ناصر وعصب :خالتي وبعدين معكم انتو هلي ليش تستحون مني اغراضكم من وين راح تطلبونها مافي غيري
خديجه وكأنها بدت تستوعب الحقيقه :بس مانبي نتعبك باقي مادخلنا البيت
ناصر :خلاص انا انزلك في البيت وانا اودي البنات للسوق
ريما :على امرك ومشكور ياناصر
رانيا احتارت من وين لريما فلوس وهي اليوم تطلب امهاعشره ريال الصباح علشان تشحن :ريما
رانيا بهمس :شنو سوق من وين لك فلوس؟؟
ريما توها تذكر الازمه من وين لها فلوس :اكيد المكافأت !!
رانيا :وتروحينا للسوق على مكافاتك والله ياريما لو مانلقى فيها شيء وتفشلينا قدام نويصر لاكسر راسك
ريما :خلاص اسكتي
جات اغنيه بالاذاعه ناصر يحبها وعلى الصوت لما سمعها وحس انها جات في وقتها علشان يسمعها هو ورانيا بنفس الوقت وتحس فيه ...
وبالفعل رانيا حست بكلمات الاغنيه وتمنت تقوله اهديها لك

ياما حاولت الفراق وماقويت ** كنت ابي انساه لكن مانسيت
ماعصاني قلبي بعمره ولكن ** الاكيد اني انا اللي ماشتهيت
التقينا بليله من ليالي البعاد **والهوى والحب في القلبين عاد
قلتله ماغيرك بعدي حبيبي ** قلتله حبك ماتغير الازاد

فهد وهو قاعد مع الشيخ علي ومتقرف من اسلوبه وهو يكلمه ويهدده كأنه واحد من الخدم
علي :شوف يافهد انا صديق قديم لسيف مابي تنزع الصداقه علشان حق ناس ماقدروا ياخذون حقهم من قبل
فهد :بس هذا بيتهم وين تبيهم يروحون وانا نفسك هذولا اهل صديقي تركي مااقدر استغني عنه
علي :تركي عرفته وهو شخص ونعم فيه بس مات والحي ابقى من الميت
فهد باصرار وقوه شخصيه :اهله طلبو مني المساعده
علي: يعني تتحداني يافهد
فهد بثقه :ماتحداك هذا شغلي ياعمي مااقدراهده والناس عشموا فيني
علي بعصبيه وثقل بالسانه :انا مانعك ماترفع قضايا غير قضايا شركتنا
فهد :لو ان سيف شركته في مشكله ماراح تتردد انك تساعده جاوبني لو سمحت بصراحه
علي ماعرف يرد على فهد :اوكيه ارفعها وراح تندم
فهد :ياعمي مايصير هذا مو صح بعدين ماراح يعرفوني مستحيل
علي :وزهره صديقه الريم يعني اكيد بتعرف بعدين منو مايعرف زوج بنتي ونسيبي
فهد وهو محتار يخسر شغله ومستقبله ولا يكسب اجر في ريما واهلها قطع عليهم صوت مسج من ريما ..
فهد استاذن عمه وطلع وفتح الجوال برى وقرى الرساله
( فهد انا الحين بطريقي للسوق استعجل انا بكون ب..... الطابق الاول ترى انا ورانيا وناصر وانتبه لايشوفك ناصر ودق علي لما توصل )
فهد ضحك لانه راح ينتقم من سيف البرقي وعياله :هين ياعيال البرقي انااوريكم والله مارح يهدكم غير فهد
الريم دخلت بعد ماطلع فهد وسمعت ابوها يقول :والله يافهد كبر راسك ومااحد بيكسره غيري وعيال البرقي
الريم خافت على فهد بس سحبت الفكره من راسها لان ابوها مستحيل ياذيه وهو ماسك شغله بيريطانيا وانه يثق فيه
الريم :بنجور بابا
الشيخ علي كان فرحان لما شاف بنته لانه من زمان ماشافها :هلا وغلا وانا اقول القصر منور شلونك
الريم وهي تضم ابوها :الحمد لله مثل الصقر اللي قدامي
علي لما شاف بنته مبسوطه وعرف ان فهد مو مضايقها :شلونك كيف الزواج
الريم وهي تذكر معامله فهد المتقلبه لها :والله تمام مثل ماتمنيت وفهودي مو مقصر على بشيء الا وينه قالي انه بيروح لك ؟؟
علي (راح الله لايرده ):توه طلع
الريم تنهدت :ايه خلني اخذ راحتي معك
ناصر بعد ماوصل عمته واخذ البنات لسوق بعد ماقلت له ريما أي سوق وصلوا السوق ونزلوا
كان ناصر يحاول يتحاشى رانيا ورانيا نفس الشيء ريما كانت خايفه لان مو كل مره تسلم الجره
ناصر :يله يابنات
ريما دخلت وهي تلفت يمنيها وشماله تدرو فهد وصارت ترتجف اكثر ..
رانيا انبهرت لما شافت الحريم اللي بالسوق يناظرون ناصر وكانهم بياكلونه بعيونهم رانيا مدري شنو حست ماحست بنفسها الا تمشي جنبه طبعا
ناصر انتبه وحس بقلبه يدق بسرعه وخطوات قصير بينهم ضغط على ايده حتى صارت قبضه لما حس ان رانيا غارت ...
ريما مو فاضيه وجوالها مافيه شحن لانها كلمت فاطمه بالعشره اللي طلبتها امها وصارت تعلن نفسها وحظها ماحست الا جوالها يهتز في الشنطه
كانت حاطته على الهزاز علشان ماينتبه ناصر ورانيا ..طلعته وردت وخلت ناصر ورانيا يمشون قدامها .....
ريما بهمس :هلا فهد انت وينك ؟؟
فهد :خلاص انا صرت قريب من المكان الحين ادخل واكلمك
ريما بخوف :استعجل فهد الله يخليك
فهد وهو يحس بخوفها :يله لاتخافين الحين اوصل
ريما حطت الجوال في الشنطه وشافت رانيا وناصر يمشون جنب بعض والله كانت اشكالهم متناسبين ضحكت وتمنت ان القدر جمعهم
ناصر :أي سوق تبون لازم نخلص قبل ابوي مايرجع يسويلي سالفه
رانيا وهي تحس بشعور رائع وهي جنبه وقريبه منه :والله ريما اللي تبيه مو انا
ناصر :منو قال ماتبينه وهذا (حط ايده على جيبه )جوالك لازم نصلحه ليش كذبتي على عمتي
رانيا كانت ناسيه :ايه لازم نصلحه علشان تكلم ام محمد
ناصر لعن نفسه وتمنى انه ماذكرها :ايه لازم علشان النصيب لايطير صح ياست رانيا
رانيا فرحت لما رد عليها حست ان السالفه اثرت فيه :ايه معلوم
ريما قربت منهم :ناصر انا بروح اصرف فلوس اكيد مكافاتي نزلت
رانيا حبت تخليها امام الامر الواقع قدام ناصر : شوفي لو متلقين فيها شيء لاكسر راسك
ناصر :لاعادي تعالي وانا اعطيك اللي تبين
رانيا عصبت على ناصر :ناصر لازم تتعود ريما انها تعتمد على نفسها وتتحمل المسوؤليه
ريما اعجبها رد رانيا لو ماكان في الصرافه شيء انها بتنقذها راحت ريما تدور على الصرافه وعيون ناصر ورانيا عليها
ناصر يناديها :ريما الصرافه فوق خلينا نطلع معك
ريما خافت اكثر :لا ناصر انا بطلع بسرعه انتوا انتظروني
رانيا وهي خايفه انها تبقى لوحدها مع ناصر :بسرعه
راحت ريما وهي تبي تتصل على فهد علشان تقوله مكانها الثاني ارسلتله مس كول ودخلت البطاقه في الصراف وهي تدعي ربها يكون فيها شيء بس علشان تفتك من لسان رانيا ...
دق فهد على ريما وهي تدق الرقم السري
ريما وهي مركزه على صوت فهد :ايوه يافهد وينك ؟
فهد وهو يتلفت :وينك انتي توني دخلت
ريما بتحذير :اطلع فوق انا عند الصراف انتبه ناصر ورانيا تحت لا يشوفونك
فهد :يله انا جايك الحين
ريما:انتظرك
ريما دقت ارقام وشافت الرصيد 1000 ريال فرحت وصارت تحمد ربها بس لما جات تطلع البطاقه ماطلعت سوت نفس المره اللي فاتت ....
ريما :الله ياخذك
ريما تدق على كل شيء بالصراف علشان تطلعها بعدين ضربت يدها على ارقام الصراف
جاء فهد :انتي شنو مشكلتك مع هالصرافات
ريما اخترعت :لابس البطاقه ماطلعت
فهد :خلاص بعدي خليني اطلعها
ريما برفض علشان مااحد يشوفهم :لا فهد بسرعه جيب الاوراق خلني اوقعهم
فهد قدر خوفها طلع الاوراق وحبر علشان تبصم :يله وقعي وابصمي
ريما بخوف وصارت ترتجف :يله عطني قلم
فهد طلع من جيبه القلم ومده لريما :يله وقعي ليش خايفه ؟؟
ريما وهي ترتجف اخذت القلم ووقعت ولما كانت بتبصم خافت اكثر حست ان الموضوع خطير وانها بتورط
بس فهد حس ان هذا الخوف انها اول مره تحس بجديه الامور مسك يدها وبصمها
فهد وهو يناظر يدها ويضحك :خلاص خلصنا
ريما وهي مو مصدقه ان فهد قدامها ويبتسم لها وماسك يدها :ايه خلصنا
فهد وباقي ماسك يدها : يله الحين نظفي ايدك ولاتخلين احد ينتبه
ريما تسحب يدها من ايده بحزن :ايه خلصنا
فهد مستغرب وهي كانت بتموت وترفع القضيه :ريما فيك شيء؟؟ ليش زعلانه ؟؟ لايكون تشكين بقدراتي
ريما رفعت عينها تناظره وهي تبرر:انا ماشك فيك وتصدق مااعرف شلون وثقت فيك بسرعه
بس انا زعلانه شنو شعور اهلي لما انا ريما على قولتهم البزر ترفع قضايا
فهد يضحك :منو قال انك بزر ؟؟
ريما بضحكه :انت قلت لي مره اني بزر يعني نونو صغير تذكر
فهد خق على قوه ذاكرتها :هذه مافيها لا صغير لاوكبير هذا حق واجهي هلك وانا معك لاتخافين
ريما حست انها بتضمه وهي تناظر لهفته لدافعه عنهم وعن حقهم :مشكور يافهد مع السلامه روح الحين
فهد :والبطاقه
ريما توها تتذكر :يالله كيف اطلعها ؟؟
فهد مد ايده وكان واقف وراء ريما وقرب منها وصارت تحس فيه وهي تشم عطره وانفاسه وهو يشتغل علشان يطلع البطاقه ...
ريما ماحست بنفسها التفت فهد رفع نفسه وحس انها خافت منه
ريما وهي ترتجف :فهد لو سمحت طريق خلني امر
فهد وهو يبعد عن طريقها :تفضلي انا اسف
ريما :لا ماعليه
فهد وهو يطلع البطاقه ويمدها لريما :هذي البطاقه ملعونه انصحك غيرها بكره ماتلقين احد يطلعها لك
ريما تاخذها منه :مشكور
وفرحت لما كل شيءمر بالسلامه ....

رانيا طلبت من ناصر انهم يلحقون ريما فوق ناصر وهو يدور محل بيع جوالات وافق على طلبها علشان يشوف محل جوالات
ورانيا وهي تدور على ريما طاحت عينها على واحد واقفها معه بسرعه التفت على ناصر مسكته من دون شعور من ايده
رانيا بارتباك :ناصر نفسي بايس كريم
ناصر مستغرب من ارتباكها واول مره تطلب منه شيء وحس بمسكه ايدها اللي باين انها عفويه :ايه ابشري
رانيا بابتسامه وهي تسرق النظرات من اختها وتسال ان هذا اللي واقف معها مو غريب عليها متأكده انها شافته في مكان
بس رانيا ماتذكرت كان همها الوحيد انها تصرف نظر ناصر علشان مايشوفها ويسوي لها سالفه
ريما شكرت فهد وصارت تدور على ناصر ورانيا
ناصروقف عند محل جوالات وطلب من رانيا رقم ريما :رانيا انتي حافظه رقم ريما؟؟
رانيا وهي خايفه :ايه
ناصر :مادري شفيها تاخرت لايكون تضيع خليني اكلمها ونقولها احنا وين
رانيا وهي تعطيه الرقم وخايفه انه يشوفها
ريما وجوالها يدق رفعته شافته رقم غريب ردت عليه :الو
ناصر :ريما وينك انا ورانيا بنفس الطابق عند محل الجوالات وقال اسمه ....
ريما: ايوه شفتكم خلاص الحين اجيكم
ناصر قفل وهو يناظر رانيا ويضحك :ماتبين ايس كريم ؟؟؟؟
رانيا ماعرفت شنو ترد :ايه
ناصر :خلينا ندخل نصلح الجوال بعدين لما نطلع نشتري ايس كريم
رانيا وهي تلفت وراء وتشوف ريما جايه وهي فرحانه ..
. دخلوا مع بعض سوق الجوالات ناصر يناظر الجوالات وتمنى انه يهدي رانيا واحد منها بس خاف تفهمه غلط ويندم كان متردد..... نادى رانيا
ناصر حب يعرف رايها :رانيا شنو رايك بهذا الجوال (اشر على جوال حلو مره كان لونه وردي وبناتي واعجب رانيا بس عرفت انها غالي )
رانيا بابتسامه: حلو
ناصر :ابي اهديه لشخص عزيز علي
رانيا وكأنها قرات افكاره :ايه مبروك عليه يستاهل
البايع :هذا الجوال يبيله اسبوع علشان يتصلح
ناصر :اوكيه مافي مشكله انا امرك بعد اسبوع واخذ الجهاز
رانيا احتارت شنو تسوي بهالفتره ومامعها جوال :بس موكأن الفتره طويله؟؟
ناصر يعطي الرجال ضمانات على الجوال :خلاص الحين مثل ماقلت لك
ناصر التفت على رانيا :خلاص انا عندي جوال قديم بااعطيك دبري نفسك فيه لحد مايطلع جوالك
ناصر التفت على ريما وهي تطلب من الرجال يسوي اكسسوار لجوالها :ريما مطوله
ريما سحبت جوالها من الرجال وتراجعت عن الاكسوار :خلاص اصلا جوالي مايستاهل
رانيا تناظر اختها على قوة عينها وتضحك :ايه ياريما مايستاهل يله يمدينا ناخذ اغراضك
ناصر :انتو روحوا للسوق اللي تبونه وانا اللحقكم بس لاتبعدون يله مانبي نتاخر
رانيا وريما طلعوا من السوق وراحوا لسوق عطور وملابس واشتروا ولحقوا ناصر كان بيده كيس احمر ومزين ..
رانيا توقعت انه جوال وكانها عرفت شنو يدور في باله ..... طلعوا من السوق وركبوا السياره
رانيا :ناصر لوسمحت عطني شريحتي ؟؟
ناصر كأنه تذكر :اصبري انا حاط جوالي القديم هنا خليني اشوفه
نزل ناصر علشان يفتح الدرج اللي بالسياره ومانتبه للطريق .... ريما انتبهت لسياره مسرعه قاطعه الطريق
ريما صرخت :ناصر انتبه
رانيا كانت عينها على ناصر وهو يدور لها على الجوال ولما سمعت صراخ ريما التفت وشافت سياره قاطعه الطريق
مسكت ناصر مع كتفه ورجعته لوراء علشان لايصدم راسه ويتأذى .... ناصر لما سمع صراخ ريما تجمد ماحس الا بالايد اللي تسحبه من وراء وتقوله وقف
ناصر تدارك الموضوع ووقف وهو مو مصدق اللي صار انهم سالمين وجنب السياره وهو ياخذ نفس ..... صار في السياره حاله هدوء ناصر خاف انه صار فيهم شيء بس باقي يحس بيد ماسكته ناصر مسكها وصار يتحسس نعومتها وعرف انها ايد رانيا حست فيه وسحبت يدها
رانيا بخوف :كلكم سالمين
ناصر التفت :انتو بخير انا اسف
ريما ضربت رانيا على كتفها :الله يأخذك كنتي بتروحينا لان امي ناقصه
ناصر ويصارخ على ريما :ريما شلون تتكلمين مع رانيا كذا وشنو يخصها كل اللي صار قضاء وقدر؟؟
رانيا ماتحملت بكت على طول :انا السبب تخيلوا صار فيكم شيء
ناصر نزل من السياره وفتح باب اللي صوب رانيا اللي وراه :رانيا هذا قضاء وقدر وانا الغلطان ماكان لازم احط اهتمامي على الجوال
ونسيت السياره خلاص بعدين الحمد لله سالمين
رانيا تفتح عيونها على ناصر اول مره تحس انه حنون من عيونه اللي تناظرها مع انه دايما يحسسها بالغرور وانه مستحيل يعترف بخطاءه :انا اسفه
ناصر ابتسم ومد لها منديل :امسحي دموعك حنا قربنا من البيت
ناصر رجع لمكانه ورانيا مسحت دموعها وكان يتكلم معهم علشان ينسون واتفقوا انهم مايقلون لاحد بالي صار لهم ... وصلوا البيت
نزلت ريما وحملت الاغراض معها وناصر نادى رانيا علشان يعطيها الجوال
ناصر وهو يركب شريحتها بجواله القديم :تفضلي على فكره انا اشتريت الجوال اللي اخترتيه
رانيا تضحك :مشكور ...... صدق مبروك
ناصر :الله يبارك فيك تتوقعي بيعجب مها
رانيا انصدمت وتداركت الصدمه :ايه اكيد بيعجبها انا اعرف ذوقها

الجزء العاشر

ناصر :الله يبارك فيك تتوقعي بيعجب مها
رانيا انصدمت وتداركت الصدمه :ايه اكيد بيعجبها انا اعرف ذوقها
ناصر بافتخار :مشكوره انا لازم اقولها انه ذوقك
رانيا وهي تلف تبي تروح تشيل شنطتها من الصندوق :لا مافيه داعي تقولها احسن قول انه انت اللي اخترته
ناصر وهو يبي يساعدها بس رانيا رفضت :معليش انا احملها
ناصر حب يسوي فيها كلمه عليها :اقول خليني احملها كافي انك حامله هالشنطه الصغيره اللي بايدك هذه بتكسرك نصفين انت مو شايفه حالتك
رانيا عصبت :انا مو عصله زي ماتقول (وراحت عنه ) اذا تبي تشيلها شيلها يامفتول العضلات
ناصر ضحك على رانيا انها باقي تتذكر الكلمه اللي قال لها كان ناصر في مصلحتها ... دخلت رانيا شافت مها مقبله عليها وحضنتها
رانيا ضمتها بقوه :وينك ؟
مها بفرحه بشوفه صديقه عمرها :هلا والله انت اللي وينك
رانيا :شلونك ؟؟
مها :الحمد لله انت شلونك
رانيا :الحمد لله
مها :الا وين ناصر؟؟
رانيا :الحين يجي شفته يكلم الناطور لما نزلنا
رانيا كذبت علشان ماتحسس مها انها باقي تكن لناصر أي مشاعر قديمه كانت تحكيها لمها لما كانوا باقي يشتغلون ..
دخلت رانيا الصاله شافت خالها وامها وريما قاعدين سلمت عليهم وجلست جنب امها ...
ناصر دخل بعدها على طول وجلس جنب ابوه وجات مها جلست جنبه وكانت رانيا عينها عليهم والا بتسامات المتبادله بينهم
وهي تحس ببركان في جوفها ويصرخ ليه ساكته لحد الحين ؟؟ صرفت نظرها عنهم ونادت ريما
ريما كانت مبسوطه على الاخر ولما شافت اختها تناديها استأذنوا الموجودين وطلعوا بالحديقه .......
رانيا وهي تقعد على كرسي وتلوي فمها باحتيار :ريما اسئلك سوال وتجاوبين عليه؟؟
ريما وهي تناظر المسبح اللي منعكس لونه على الفله من برى :ايه اسئلي شفيك مسويتلي فيها سياسيه
رانيا بكل ثقه :انت وين رحتي لما تركتينا بسوق ؟؟
ريما دق قلبها بسرعه وحست ان وجهها صار احمر خافت بس تملكت نفسها لانها واثقه ان مااحد شافها مع فهد : وين يعني رحت اصرف فلوس
رانيا بمكر :اكيد
ريما تضحك :لا والله تصدقين حجيت ورجعت ... وبعدين عن الحركات المافيا هذي رانيا تعالي نروح المطبخ من الصبح مااكلت شيء
رانيا حاطه يدها على خدها باستهزاء :ايه تروحين تاكلين
ريما وقفت علشان تهرب من اختها بس يد رانيا وقفتها ولفتها ناظرت ريما فيها بقوه عين
رانيا ماتحملت ان صوره ريما البرئيه تتشوه وهي تكون معاقه قدامها وماتسوي شيء
عطتها كف ريما ماحركت راسها لا نها مو مصدقه اللي صار
ريما التفت وتحس بنمل يمشيء بخدها من الالم :ليش شنو عندك ؟؟
رانيا :انت حقيره منو هذا اللي كنتي قاعده معه عند الصراف لاتكذبين انا شفتكم
ريما بدوخه ومن دون وعي :هذا واحد كان يغازل وانا مطنشته
رانيا بعصبيه وتحس ان ريما تكذب :كذابه انا متأكده اني شفتهه قبل كذا بس وين مادري
ريما وبخوف :رانيا انا مااعرفه
رانيا وهي تاشر باصبعها بوجه اختها : ليش انا سكت لما شفتكم علشان ناصر مايشوفك ويقول اهلها ماربوها
ليش لايكون تبين تطلعين مثل زهره وشلتها الصايعه وماعندك اهل يسألون عنك
ريما ماتحملت الاهانه من اختها :شوفي هذا اللي واقفه معه صديق تركي فهد ومحامي
انا كنت اوقع على اوراق توكيل علشان يرفع قضيه على مازن نسترجع بيتنا فهمتي علي الحين
انا لاني مثل زهره ولا غيرها انا ابي ادافع عن حقوقنا بس كافي وهم يأكلون حقنا واحنا واقفين نتفرج عليهم ونقول الله على الظالم
بالله عليك انت راضيه انك تعيشين هنا وتشوفين ناصر ومها عايشين احلى عيشه وانت تقطعين كل يوم وتحسرين على نفسك
وتقطعين ميه قطعه وهو ولا داري عنك عايش ومتهني على الاقل اذا كنت بالبيت ماتدرين ولا تشوفين شيء
بس تدرين ان ناصر تزوج مها وبس واللي سويته من مصلحتنا وشنو اللي يمنع
رانيا انصدمت بكل كلمه قالتها ريما ماتوقعت انها على صغر سنها انه يطلع معها كذا وان كل كلمه قالتها كانت الحقيقه
رانيا :بس مالقك حق انك تسوينها من ورانا ؟
وانا اقول وين شفته اثره صديق تركي والله تذكرت لما شفته يعزي امي صدق انك حقيره !!
ريما :عن الغباء لو قلتلكم كان استلمتنا امك حرام وحرام حقنا وبياخذه ربي لنا وسكتنا عن اول مره بس البيت لا
ولاتوقعين انا شاكه بقدره ربي بس البيت لا مانبي نلجا لاحد ليش نكون مضطرين نلجا لناس وتنتعذب ونعذبهم معنا (وتبكي )
قولي رانيا ليش ساكته مافيه احد يأخذ حقي انا وانتوا غير فهد وانا خلاص وكلته واللي تبين تسوينه سويه
رانيا بعصبيه:من متى تعرفينه ؟
ريما ارتبكت :انا لما عرفت انه محامي كلمته يوم جانا الانذار باخلاء البيت
رانيا :وان شالله كيف تبينا نقول لامي ؟؟
ريما وحست بان رانيا اقتنعت :انا اقولها بس انت ساعديني
رانيا ابتسمت :صدق انك عنيده وراسك يابس مادري شنو تسوي فيك امي والله تعبنا نتفرج وهم يأكلون حقنا وحنا ساكتين
ريما وهي تضحك :الله ياخذك والله خوفتيني لازم يارانيا نتشجع ونقول لهم
ريما ورانيا بعد الحديث المطول دخلوا علشان مااحد يحس بشي ...
وصار وقت العشاء رانيا تناظر مها وهي تحط لناصر الاكل كانها بتوصل عندها المحبه لعباده ونزلت عيونها لما طاحت عينها بعين ناصر ..
وهم على الاكل ريما تضحك مع خالها وتمزح معه ومها داخله جو مع رانيا وتسألها عن الدوام
وناصر يناظر رانيا وهي تتكلم بنعومه ودلع تسحر اللي قدامها
مها :وهذي المديره متى بتنقلع
رانيا وتحس بنظرات اللي عليها :والله يامها مدري تعرفين اخر يوم داومنا كانت موجوده بس يمكن على مطلع السنه الجديده يصير شيء
مها :ان شالله اذا اذن لي حبيبي ناصر اكمل شغلي بكمل ليش لا
رانيا ناظرت ناصر ورفعت حواجبها وحطت لقمه بفمها :شنو قلت ناصر لاتسوي نفسك ماسمعت
ناصر عرف ان حركت رانيا تبي تطلعه صغير قدام مها :والله ياعمري براحتك انا بالعكس احب المرأه العمليه بس بشرط
رانيا كانت متوقعه رده انه يكون معاكس لردها ..مها :شنو الشرط
ناصر يناظر رانيا بمكر :لما تحملين مافيه شغل اخاف يصير فيك شيء
رانيا انصدمت كانت تتحمل تشوفهم قاعدين مع بعض لكن تتحمل طفل يربطهم اكثر
حست رانيا انها انانيه بافكارها وصارت تافف وتحس ان طعم الاكل صار مر
مها ابتسمت :ايه اكيد لازم اما الراحه علشان يطلع الولد يشبه ابوه صح يارانيا
رانيا التفتت وابتسمت مجامله :انشالله
خديجه :ايه كم صار لكم متزوجين ؟
ناصر :شهرين وثلاثه اسابيع
مها :ايه خالتي
خديجه :عجلوا علينا نبي نفرح بعيالكم موكذا ابو ناصر
عامر بافتخار :ايه كذا ونص بس الله يهداهم الحريم الحين ماتبي بزارين يخافون على اجسامهم لا تخترب مايدرون انها زينه الحياه الدنيا
ناصر :انشالله
ريما :الله يبارك لك ياناصر
ناصر يطالع رانيا مها انتبهت وكلمته :اشفيك حبيبي تبي شيء
ناصر التفت عليها وحب يقول لمها شيء علشان ماتحس :صبي لرانيا لانها مسويه تستحي
مها قامت مثل ماقالها ناصر :رانيا عطيني صحنك اصب لك
رانيا وهي حاسه انها مخدره :لا مابي شيءخلاص شبعت
وقامت من مكانها والكل يناظرها وهي تقوم
عامر بحزن على رانيا :خديجه ليش رانيا متغيره وضعفت كأنها تعبانه
خديجه تضحك :الحمد لله انها على كذا انت ماشفتها من بعد العزاء احس ان صحتها متحسنه بكثير
ناصر عصب لما الكل ينظر لرانيا برحمه وكلهم ياخذون بخاطرها وكانها طفل وخايفين على مشاعرها
حس انها ضعيفه غير عن كل مره وخاف عليها انها تدهور حالتها بعد ماتعيش معهم ....
رانيا راحت للغرفه اللي مرتبينها لهم ودخلتها شافت سرير واحد ومزدوج وكبير ر وعرفت ان لكل وحده فيهم غرفه
وكانت حلوه واثاثها فاخر شافت الشنطه بالغرفه فتحتها عرفت ان ناصر خلى الخدم يطلعونها غرفتها ..
تذكرت الجوال وراحت فتحت شنطتها وطلعته وهي تشمه وتلبق فيه كان الجوال حلو وباين انه غالي ماتوقعت ان واحد مثله يستبدله
فتحت الجوال وصارت تقلب فيه وتعرف شلون تستخدمه وفتحت الاستديو شافت الصور اللي فيه
كانت اغلبها لناصر وهو يدرس بالخارج كانت بتحذفها بس تذكرت مالها حق لانها بترجعه له بعد مايخلص تصليح جهازها
وشافت صوره جذبتها كانت صوره لناصر وهويصور جنب رجل ثلج كان يضحك وشكله مبسوط ....
سمعت المقاطع كان اغلبها شعر للامير بدر بن عبد المحسن وفهد المساعد اندمجت مع المقاطع وعرفت ان ناصر رومنسي وذوقه قريب من ذوقها
قلبت في الفيديو ماحصلت فيهم شيء راحت على الرسائل وهنا فتحت عيونها لما شافت
(هاي نصور انا زهره انتظرتك امس ماجيت انا بنفس المكان شقه جويل والله ازعل لو ماتجي )
واستغربت اكثر وقرفت من ناصر لانها وصلت معه لهذي الدرجه وقلبت في رسائل كثيره كانت كلها على نفس النمط
وراحت على الرسائل المرسله وشافت ناصر كاتب رسايل لها شعر فيها وكلام ماسخ رانيا حست الدنيا تدور فيها
شافت اخر مسج مرسله ( والله يابنت البرقي مالي عنك غنى لما ارجع السعوديه شلون اتنفس الهواء من دونك )
واحتارت وعرفت انه على علاقه بزهره وفتحت مسج ثاني كان بوسط الكلام الماسخ مانتبهت له تبي تتأكد
(شوفي هذي اخر مره تهدديني وكافي مسخره اكتشفت انك تلعبين بذيلك انت بتسببين لي مشاكل مع ناس اعزهم واللي تبينه ماراح اساعدك فيه )
رانيا ماتحملت اللي تشوفه وكانت تفكر شنو علاقه ناصر بزهره وليش شوي يمدحها وشوي يسبها
ناظرت لتواريخ الارسال كان بدايه لما رجع ناصر السعوديه اغلقت الجوال وحطته بالدرج ماتبي تستخدمه
ماتبي مها تشوفه وتعرف انه جوال ناصر وتفتشه رانيا ناويه ماتحتك كثير بمها حطت راسها على المخده بعد ماشافت اللي شافته
ونامت وهي تفكر هي تواجه ناصر ولاا تعطيه الجوال وتسكت ولا كأنه ماشافت شيء وليش زهره تطلع لهم مع كل مشكله
ريما تسولف مع لاكشمي اللي مسويه نفسها مشرفه على الخدم الموجودين
لاكشمي بحزن :انا اسف ياربي انا زعل نوره مني هذا مسكين
ريما وهي تبتسم للاكشمي :مافيه خوف لاكشمي هذا نوره سامح انتي قولي الله يرحمها
لاكشمي :والله هذا بنت كويس وهلو الله يرهمها
ريما ضحكت وعرفت ان الناس مهما يغلطون بعدين يندمون ويطلبون المغفره وفكرت ودعت ربها ان هذا اللي راح يصير مع عمها وعياله
طلعت ريما لانها حست بتعب وراحت تنام دخلت على رانيا قبل شافتها نايمه ورجعت للغرفه اللي قالت لها لاكشمي انها لها
ودخلت ونفس شعور رانيا انبهرت بالاثاث والترتيب والتنسيق وراحت نطت على السرير ونامت بهدومها نومه غريبه
كانت ريما فوضويه وهي تنام كانت رجلها منزلتها عن السرير ونايمه وفاتحه ايدينها كانها بزر وشعرها منتشر حوله

عامر قاعد هو وناصر وخالته ومها بالحديقه قدام المسبح
عامر :الا البنات وينهم بعد العشاء ماشفتهم
مها :رانيا انا ماشفتها من بعد العشاء بس ريما شفتها وقالتلي انهم بينامون
خديجه :والله صحوا مبكرين اليوم علشان يساعدوني بالاغرض والله تعبوا الله يعينهم والله الي يصير لنا ماهو هين
ناصر :عمتي لاتكونين تعبانه وتبين تنامين وانت قاعده تجاملينا ؟؟
خديجه تضحك :ههههههه اه ياناصر منك هذه تصريفه
عامر يضحك :لا يانويصر ازعل منك
ناصر مسوي نفسه زعلان :بتشوف ياابو ناصر انا زعلت قومي يامها احسن خلينا نروح ننام
مها قامت :تامر
عامر :تهدد ياولد عامر
ناصر :ونعم بعامر وولده
خديجه تضحك :الله لايحرمكم من بعض
ناصر وهو يستاذن هو ومها :تصبحون على خير
خديجه وعامر: وانتوا من اهله
ناصر راح مع مها علشان ينامون ......... عامر وهو جالس مع خديجه
عامر :الا اقول خديجه ماسمعتوا عن يوسف شيء
خديجه بحزن :والله ياخوي مانعرف وينه اخر مره كلم تركي من 4 شهور ومن بعدها لاحس ولا خبر
والله تشتتنا والكل قام ياكل حقنا وحنا حاطين ايدينا على خدنا نتظر الفرج
عامر :ليش ماترفعين قضيه عليهم ؟؟
خديجه :انا مافيني لدوشه محاكم وانا عارفه اني خسرانه وانا خايفه اذا رفعت قضيه يأذون بناتي
عامر وقدر خوفها وحطه باعتبار :طيب ليش يسون كذا ؟
خديجه :يبون الارض
عامر مستغرب :شنو قصتها هذي الارض ؟
خديجه :هذي ارض يملكها يوسف ورثها من خاله كتبها باسمه ومكان يعرف سيف بالموضوع لانهم تعرف كل واحد منهم من ام
وقلوبهم مع الاسف متفرقه وهاذي الارض تسوى ملايين الحين هي ارض كبيره وموقعها استراتيجي ويساعد شغلهم
بس والله ياعامر مااعرف حتى وين صك الارض واوراقها الي تخصها بس انا تطمنت ان صك الارض مو في مكتب يوسف
ولا كان راحت بس مادري وين حاطه ولا اذكر انه قالي ولا كان لحقت البيت
عامر :ناس جشعيين وطماعين ليش كل هذا حد يأذي وردتين مثل رانيا وريما
خديجه :ياخوفي اني برحمتي اني اعلمهم يتنازلون عن اشياء كثير بحياتهم ممكن انها تضرهم
عامر :معليه كل شيء وله حدود وبناتك قويات وراح تتفاجئين فيهم بعدين
خديجه :ياريت يطلع حظهم احسن من حظي
عامر حب ينسي اخته المها :وشرايك نروح يوم الخميس المزرعه اخر مره رحنا لما كنتوا معنا
وفرصه نعرف مها على المزرعه وانتو تغيرون نفسيتكم ..
ناصر وهويتكلم مع مها بغرفتهم
ناصر :حبيتي عندي لك مفاجئه
مها تعدل قميص النوم :والله وشنو هي
ناصر يقوم عند الباب :لحظه
راح نادى لاكشمي واعطاها مفتاح السياره :جيبي كيس احمر في سياره بسرعه
ناصر رجع الغرفه وقرب من مها ومسكها مع خصرها وهو يكلمها بهمس :الحين تجي المفاجئه
مها وهي تحط يدها على رقبته :انا انتظر
ناصر يقرب من شفايفها :بس انا ماراح انتظر
مها وهي متاثره بانفاس ناصر :لا
ناصر قرب منها اكثر ولا اعطها فرصه ترفضه
رانيا حست بعطش وطلعت من الغرفه لقت لاكشمي وفي يدها الكيس اللي كان مع ناصر بالسوق رجعت رانيا علشان تشوف وين لاكشمي تروح
وطلعت لما عدت لاكشمي من عند الباب طلعت رانيا وشافت لاكشمي شوي وتحط راسها بالكيس تبي تدري وش فيه
بس كان ناصر مغلفه دقت الباب (كان جناح ناصر ومها ) وطلع ناصر ناظرت رانيا فيه كان شعره ملعب فيه ورقبته حمراء
وقميص البيجامه مفتوح من فوق وطلع وهو ميت من الضحك رانيا حست بغصه قفلت الباب وصارت تسمع شنو يقول
ناصر :لاكشمي ايش فيك تناظرين كذا
لاكشمي وخاقه على جمال ناصر :لا مافي شيءبس هذا (تاشر على رقبتها )اهمر
ناصر يضحك :وانت وش دراك روحي نوم الحين
دخل ناصر الغرفه وهو يضحك ورانيا تسمع وحست مثل السكين تطعنها وتوسع جرحها اللي كل ماله ينزف ...
راحت لسريرها وتغطت وصارت تشهق وتبكي وتسال نفسها شنو
(تنتظرين من متزوجين ؟؟ لايكون تكذبين على نفسك انه يحبك او حط لك اعتبار)
رانيا وحطت في بالها انها لازم تأكد على ريما القضيه لازم يرجعون البيت مراح تتحمل تقطع في نفسها كل يوم ....
ناصر دخل على مها وهو حاط ايده وراء ظهره
مها ابتسمت :وين المفاجئه
ناصر عض شفايفه واعطها الكيس : تفضلي واعطيني رايك ؟؟
مها تفتح الكيس شافت الجوال الوردي الي اشارت عليه رانيا برايها مها لما شافته حست انها بتموت من الفرحه
نطت من مكانها وضمت ناصر وصارت تبوسه في كل مكان وناصر يضحك ويتذكر رانيا هي السبب في كل شيء
كان يتمنى انه يهديه لرانيا بس تردد خاف انها تحرجه او تفكر انه معجب فيها او يحبها كل هذا يخدش كبرياء ناصر اللي مايسمح لاحد انه يتعدى حدوده
ناصر :اعجبك
مها وهي تضحك :ايه كثير تسلم حبيبي
ناصر حملها وصار يدور بها في الغرفه ومددها على السرير وقرب منها ................

فهدوهو يرتب اوراق القضيه وناوي يرفعها بكره كان مبسوط حطه بالدرج في مكتبه دخلت الريم فجاءه وفتحت الباب .فهد بسرعه حط الظرف بالدرج
فهد بابتسامه :هلا والله من وين طالع القمر ؟
ريم وهي تقرب منه وتمايل بخصرها :يعني من وين من عند زهره كان عندها حفله
فهد (زهره والله لا اشوف دموعك بكره ):ايه حبيبتي يله ننام انا تعبان اليوم
ريم :بعد اليوم تعبان
فهد وهو يصرفها :يله لو تعرفين بس
ريم وهي تعدل بلوزتها على خصرها:ماتعبك الا هذي القضيه المعته
فهد :منو قالك انا خلاص انا نسيتها اذا بتخسرني كثير
الريم بفرحه :صدق
فهد (يالنشبه ):ايه صدق
فهد طلع من المكتب وهو تعبان دخل هو وريم الغرفه
ريم :انا بدخل اغير ملابسي
فهد يمدد نفسه على السرير :ايه انتظرك
ريم دخلت تغير ملابسها طلعت لقت فهد نايم بتعب قربت منه ومررت على وجهه يدها تبي تتاكد انه نام تماما قربت منه وباسته على خده
الريم :كل يوم كذا تسوي كذا بعمري مااحد سوى لي كذا
تذكرت الظرف اللي كان خباه فهد اول مادخلت واحتارت شنو بيكون ؟؟
ناظرت في فهد وشافته نايم ومستحيل انه يصحى ..... راحت لمكتبه ودخلت مكتبه وفتحت الدرج وشافت الظرف
كان مقفل واحتارت وفكرت وقررت تفتحه وفتحته بققت عيونها وتشوف خطابات وقضايا بس فهمت منهم انها كلها ضد البرقي وعياله
وشافت اسم الموكل (ريما يوسف البرقي ) نرفزت وتذكرت فهد لما كان يقول ان اسمها شهيناز واختارت وفكرت انها هي اللي مغيره فهد عليها
قررت تنتقم وفكرت من تلجاله ودقت على رقم اللي تحبها رفيقه دربها
الريم وهي معصبه :الو
زهره وهي تتكلم بثقل :هلا والله
الريم وهي تعرف صوت زهره وهي سكرانه:الو زهره انت سكرانه مو وقتك
زهره :انا شربت بس باقي فيني عقل هههههههههه
الريم :فهد رافع قضيه على مازن علشان بيت اوحاجه مثل كذا
زهره :شلون رافع قضيه من راسه من غير موكل
الريم وعصبت اكثر :هذي بنت عمك الزفت
زهره وهي تضحك :لا يكون رنو ههههههههههه
الريم :لا ريما المدري من وين طالعه
زهره حبت تستفز الريم :يعني خطفت زوجك ههههههههههه
الريم عصبت :زهره الي هنا وبس انا لجئتلك
زهره وهي تشرب من الكاس اللي بيدها وبدا لسانها يثقل :خلاص بعدين القضيه تخص مازن كلميه الحين
وريما الصوص الي بعد مافقست من البيضه خليها علي
الريم وهي واثقه من زهره وهذا اهم انها تبعد ريما عن فهد : اوكيه راح اكلمك الصباح اذكرك
زهره وهي ترنح :خلاص روحتي علي مزاجي
الريم :مع السلامه
زهره :قود باي

الريم رجعت الظرف لدرج بعد ماستخدمت الصمغ القوي علشان مايبين انه مفتوح ......
طلعت من المكتب وهي محتاره تكلم مازن او لا وقررت انها تكلمه وتحذره ودقت عليه
الريم بنعومه ودلع :الو
مازن وعرف الصوت :هلا وغلا بالريم
الريم شهقت لما عرفها :ايه الريم كيف عرفت
مازن يضحك: وهل يخفى القمر؟؟
الريم استحت :مازن ابي اقولك كلام مهم
مازن :قولي وخذي راحتك
الريم وهي كأنها بهاذي الطريقه تاخذ ثارها من فهد :فهد رفع عليك قضيه طبعا بنات عمك اللي وكلوه
هو ماله شغل هو يسوي شغله وحبيت اقولك علشان لاتنصدم
مازن يضحك :طيب والمطلوب
الريم :مو مطلوب شيء بس بغيت اقولك علشان تحذر منهم بس
مازن :ريم انت شنو لك بفهد الخايس وفيه ناس يسؤلونك عنك
الريم حست بكيانها كامراه :مازن انا متزوجه فهد ورجاء لا تقول خايس
مازن مصر :خايس وستين خايس وين عيون ابوك مايشوف وهو يسلمك لواحد مدري شلون صاير انتي ياريم قلبي انت مايستهالك الا واحد يملا حياتك ويعيشك احسن عيشه مو طمعان
الريم كأن مازن فتح عيونها :مثل منو اللي يستاهلني ؟
مازن :انا
الريم استحت :مازن لو سمحت خلنا اصدقاء احسن
مازن: براحتك اصدقاء وين متكونين سعيده انا سعيد بس من زمان ماكنا اصدقاء
الريم وهي تميل لمازن من زمان بس لما دخل فهد حياتها نسته :اوكيه مع السلامه
مازن :اذا فيه تطورات بالقضيه اعطيني ..... طيب عنده ادله
الريم :لا ماتوقع
مازن :اذا تعتبريني صديقك استفسري عن الادله وشنو يبي يوصل
الريم :اوكيه
مازن :مع السلامه ياعمري
الريم استحت من كلامه الي حارمه فهد منه :مع السلامه
الريم سكرت التلفون وهي مبسوطه ودخلت الغرفه ونامت وهي حاضنه فهد .......
رانيا صحت وحست جسمها ثقيل ناظرت في الساعه اللي كانت بيدها وحاطتها على الطاوله اللي جنبها
كانت الساعه 11ظهرا قامت وهي تافف
وراحت للحمام (اكرمكم الله ) تروشت وفرشت اسنانها طلعت وشغلت الاستشوار
جففت شعرها وتناثر على ظهرها كان طولان من بعد العزاء
ولونها زاد رونق كان اللون الاحمر الكستنائي يزيد بشرتها جمال ولبست فستان ابيض ناعم وطويل ماسك من الصدر والباقي واسع
ولبس فوقه جكيت ابيض مخرم كان الفستان عاري من فوق كان هذا يناسبه وشكله متناسق كان فيه ورده على جنب صفراء
وكان الجكيت لعند الصدر يعني تقريبا مغطي المنطقه الضيقه عدلت شعرها وخلته مسدول بنعومته
وحطت مكياج خفيف بودره ومسكرا ماتبي احد ينتبه انها متزينه بزياده رشت عطر عليها ..... ورطبت ايديها بلوشن ناعم
وريحته فواحه وفي الاخير حطت بودره تعطي لشعر رائحه كانت تميز رانيا وتعودت تحطها حتى صارت ريحتها الدائمه .......
رانيا نزلت ودخلت على ريما ومافيه احد بالغرفه وراحت تحت مالقت احد سمعت صوت بالمطبخ ودخلت شافت ريما تسولف مع الخدم
رانيا تضحك على اختها :صباح الخير
ريما وهي تصفق لاختها اللي على غير عادتها :هلا والله وشذا الحلا ؟؟
رانيا وهي مومعبرتها :وين مامي ؟
ريما :امي برى عند خالي لا تطلعين برى
رانيا مستغربه:ليش؟
ريما تستهبل : علشان مايموت الزرع وانتي يالحلا تمشين عليه
رانيا :عن القافه وين امي ؟؟
ريما :امي برى مع خالي لوحدهم لاتطلعين شكلهم يتكلمون في امور شخصيه
رانيا :ريما لازم نقول لامي عن القضيه نبي نرجع لبيتنا
ريما :مليتي
رانيا :لا مااقصد ماقدر اعيش هنا صعب
ريما فهمت اختها :انشالله فهد يحلها
رانيا وهي تحس بشيء :ريما والله فهد مزيون وحلو
ريما (ادري ومن زمان فديت عيونه انا ):ايه والمعنى
رانيا :خبري انك تنتطرين واحد بهذي المواصفات
ريما تضحك :ايه مزيون ومتزوج هذا صعب جدا وذكي ولاتمر منه لا صغيره وكبيره وانا مااحب الشخص اللي كذا
رانيا:متزوج ؟؟....... شنو عرفك ؟
ريما :هذا متزوج الريم بنت الشيخ علي الساهمي
رانيا شهقت لان الاسم عندهم عود ومعروف وينخاف منهم كانوا من مستوى عمها سيف البرقي :لا تقولين حرام كل هذا الحلا لريم
ريما وهي تلوي فمها :خلاص رانيا وش علينا خليه يخلص القضيه ويتوكل على الله
رانيا وهي تحس باهتمام ريما :اوكيه
دخلت امهم عليهم وهم يتكلمون وشد انتباها اشكال بناتها اللي لبساه فستان
والثانيه لابسه بنطلون جينز وبلوزه رصاصيه طويله ماسكه لحد الفخذ وفاله الشعر الاسود وطالع جسم ريما فاتن في البنطلون
خديجه بعصبيه :صباح الخير
البنات :صباح النور
خديجه :شنو هذا اللي لابسينه خاصه انت ياريما
ريما كانت قاعده على الطاوله ونزلت وفرت على نفسها :هذا مو حلو والله حلو يمه
خديجه :حلو بس بنطلون عيب بعدين ناصر في البيت الحين يجي من دوامه عيب تلبسون قدامه كذا
رانيا :يمه لهذه الدرجه لبسي مره .....
خديجه انت البسي شيله ويمشي الحال اما انت ياريما غيري لبسك مره .
ريما قاطعت امها :خلاص يالوالده لاتزعلين الحين اصلي وبغير ملابسي والبس تنوره
خديجه :يله حركوا صلوا وتعالوا للغداء
رانيا وريما طلعوا وصلوا مع بعض بعد ماغيرت ريما لبسها ولبست تنوره جينز طويله سوداء وبلوزه كحليه ماسكه على الجسم
وتحت الصدر شريطه حلوه مره ورفعت شعرها ذيل حصان .....
صلو وخلصوا ونزلوا لقوا مها وامهم بالصاله قاعدين مها تناظر لبس رانيا ومانتبهت لتغير لان مها متعوده على رانيا دايما حلوه وتكشخ
مها:حلو فستانك من وين ؟.
رانيا :هذا من مانغو
مها :حلو
لاكشمي جات كانت خديجه موصيه يسون اصناف معينه لانها مانعه الطباخ يطبخ لهم واصرت هي تسوي الاكل
لاكشمي :خلاص هذا مويه من كبسه خلص
خديجه :رانيا ريما روحوا شوفوا الاكل وسو السلطات
مها قامت علشان تساعدهم حلفت خديجه عليها ان بناتها يخلصون الشغل وهي ترتاح ...
دخلو البنات والخدم حولهم ويطلبون منهم كل شيء وهم جالسين على الطاوله يتامرون ....
دخلت عليهم خديجه وغسلت شراعهم
خديجه :ريمو انت وهذي العله اللي معك قموا خلصوا الاكل الحين يجي خالكم وناصر يشوفون الاكل ماخلص
رانيا :ليش يمه تعبينا وفيه طباخين وخدم ؟
خديجه :طسي وسوي السلطات اللي قلتلك عليهم هذي اللي تسوينها لما تروحين المدرسه يله تحركي
ريما :يمه انا مسكينه تعبانه صدقيني والله لاقولك اذا رانيا ماسوت الي قلتيه اذا خلت الخدم هم يسون عنها الشغل

خديجه عصبت :لا مابي يالمخابرات قومي انت وجهزي الشمبانيا والعصيرات الطازجه ولما تخلصين حطوا الاكل على الطاوله
رانيا :يمه انت مسويتنا خدم
خديجه :يكفي ان الناس ساعدونا سو اليوم وبكره براحتكم
ريما وتسوي نفسها تبكي :طيب يامرت ابوي (تضحك )هههههههههه
خديجه :عن اللقافه ريما اشتغلي لوعندك مرت اب كانك سلق تمسح فيك الارض
خديجه طلعت وخلت الخدم يطلعون من المطبخ علشان بناتها يشتغلون ويسون الاكل كان مجرد شكر لاخوها على اللي سواه

رانيا تغني بصوتها العذب وتهز خصرها وهي تغسل خضار السلطه .... وريما تعصر وتفكر في فهد شنو صار عليه
ناصر رجع مبكر من الدوام علشان مها طلبته يجيب اغراض لها خاصه كانت بتروح بيت اهلها اليوم علشان يجهزون اختها للزواج ....
ناصر سمع صوت غنى دخل الصاله كان متوقع انه من التلفزيون دخل الصاله مالقى احد وسمع الصوت من المطبخ
وقرب اكثر كان الصوت عذاب ومتخيل انه في حياته يسمع اغنيه بهذا الصوت وكانت حزينه مره
دخل المطبخ ورجع بسرعه لما شاف رانيا واقفه تقطع وريما معطيه الباب ظهرها وتفضي الخلاط وتعبي في الجيكات
ناصر سند ظهره على الجدار وهو يسمع صوت رانيا اللي يعذبه كأنها رساله توجهها لاحد


مرت الايام والحلم انهدم ** لوندمت الحين شيفيد الندم
مابقالي شيء غير الله يعين ** اه لوارجع بعمري كم سنه
كان اصير انسان ثاني مو انا ** كان صلحت كل غلطات السنين
اه ..........اه ..........اه
ارتكبت اخطاء بس الله ستر *** واتخذت اسوء قرارات البشر
كان لي قلبين مبسوط وحزين ** ناس كنت افهم نصايحهم غلط
شرهم مع طيبهم فيني اختلط ** اكتشفت الحين انهم طيبين
ليتني اقدر ارد اللي رحل ** ولا امحي بايدي كل اللي حصل
اه ياكبر السماء وكبر الحنين ** خايف الايام تتوقف هنا
خايف ارحل قبل مااذوق الهنا ** خايف تكون اخر انفاسي انين
مرت الايام والحلم انهدم


حس ناصر بقلبه يتقطع وحى له من صوتها انها تبكي ........ قرر انه يدخل ويفاجهم ...
دخل وياريته مادخل شاف رانيا تبكي وهي تقطع ودموعها تخالط اللي بيدها مانتبهت لناصر التفت ريما علشان تحط العصير بثلاجه
ريما وهي تلتفت :رانيا عن الكابه ليش تبكين الحي ......
ناصر لماشاف رانيا انتبهت لوجوده وقطعت ريما حديثها طالع رانيا وهي بحلاها المعتاد يشوفها :سلام عليكم
رانيا رفعت راسها تحرك شعرها على وجهها من قوه الصدمه :ناصر (بارتباك وهي تعدل شيلتها على شعرها وتمسح دموعها ) عليكم السلام
ناصر:وين الخدم ؟؟ ليش انتوا اللي بتطبخون ؟؟
رانيا وصوتها باين انها كانت تبكي :ليش ماتبي تذوق اكلنا اليوم
ناصر (والله ودي اكلك قبلهم ):ليش مانذوق ومتاكد انه بيطلع زفت (ضحك علشان يحاول يخفف على رانيا )هههههههه
رانيا تذكرت ليله امس عطته ظهرها من دون ماتضحك وصارت تبكي وتتالم وهي تسمع صوته وضحكته
ريما كانت تضحك وتسولف معه ناصر انتبه ان رانيا عطته ظهرها وتشغل نفسها باي شيء علشان ماتناظر فيه ...
ناصر حس نفسه ثقيل وطلع من المطبخ .... ريما التفت على رانيا اللي من وقت مادخل وهي تغسل سكين بيدها صارلها ساعه

ريما وهي تحط الجيك بالمغسله شافت وجهه رانيا احمر وهي تعصره وتمسك دموعها وحست انها بتنفجر مسكتها ريما بقوه وضمتها
ريما صارخت عليها وهي تضمها :ابكي يارانيا
رانيا ماصدقت ان احد لمها انفجرت تبكي وتشاهق بين يدها .. ريما تحس بارتجاف اختها وبكها حست ريما ودها تصرخ معها وتبكي ..
رانيا بعدت عن ريما وهي تحس انها ارتاحت شوي .. مها دخلت المطبخ رانيا بسرعه لفت وجهها علشان ماتشوفه
مها :يله يابنات عطوني اللي جهزتوه بسرعه قبل ماتشوفني خالتي
ريما تضحك بالغصب :مها روحي الحين امي حلفت عليك ارتاحي خلصنا
ريما فرشت السفره ونسقتها بطريقتها كان عندها خبره في تنسيق السفر والفساتين وموهبه في الرسم
خلصت بسرعه بعد مامنعت رانيا انها تطلع ووجهها مورم من البكاء وخلصت السفره ونادتهم كان خالها قاعد في الصاله مع اخته ومها
رانيا :انا بطلع احط مكياج اخبي عيوني والانتفاخ فيهم
ريما :انت تنزلين دمعه وعيونك تنتفخ اعوذ بالله اطلعي بس استعجلي لاني قلت لهم ان خلصنا
رانيا وهي تفرك وجهها بقطعه ثلج تخفف الانتفاخ :ايه يله
طلعت رانيا مسرعه وريما راحت للصاله شافت الكل موجود ماعدا ناصر خافت ريما انه يشوف رانيا بحالتها
ريما:وين ناصر ؟
مها:كلمته الحين ينزل الاوين رانيا ؟
ريما خافت انها لاتقول الصدق وتشك مها بشي :رانيا بالمطبخ الحين تجي
عامر وهو معجب بالاكل اللي على السفره :يعطيكم العافيه هذي الريحه الطيبه
رانيا وهي مسرعه وصارت تبكي اكثر ومنزله راسها وتركض على الدرج علشان ترجع بسرعه قبل ماتفقدها امها
صدمت بجسم بقوه لدرجه انها رجعت وزلقت رجليها وكانت بتطيح بس ناصر مسكها مع خصرها وفقد توازنه وطاحت عليه ..
رانيا كانت مغمضه عيونها وهي تسمع انفاس ناصر وتشم رائحه عطره وتسمع دقات قلبه
كان ودها ماتفتح عيونها وتشوف هالشوفه وتصدق اللي صارلها ..
ناصر دارت الدنيا فيه وهو مغطي وجهه شعر رانيا وماسك خصرها ويحس فيها وهي ترتجف وخاف ان راسها صدم بالارض لما طاحوا على بعض ..
ناصر رفع رانيا عن جسمه وخلل اصابعه بين شعرها بعده عنها رانيا خافت وقامت على طول
حست ان القدر يظلمها ويخليها ترتكب اخطاء كثيره الله مايسامحها عليها
ناصر مكانه مصدق وهو يشوف وجهها مخطوف واحمرودموعها تصب مسك معصمها وهي تهرب منه
ناصريتنفس بصعوبه:ليش تبكين ؟
رانيا ورفعت عيونها تناظر ناصر وهو معصب:مافيني شيء
ناصر عصب منها وترك يدها بقوه وحب انه يقسى عليها علشان تكرهه وتنساه :غسلي وجهك وتعالي تغدي
وبعدين وانت طالعه شوفي قدامك كان روحتي نفسك بس الله ستر
رانيا عصبت ورفعت عينها من العصبيه والخوف صارت حمراء:اسفه كان خليتني اموت وارتاح ومنونه لك انك انقذتني من الموت
ناصر حس انها تستهزء:استهزءي وكثري صدق ليش ماخليتك تموتين علشان نرتاح وتخففين
رانيا حست انها ثقيله عليه هي واهلها:قريب بنطلع ونخلي الجو لك ولمها
ناصر حس انها فهمته غلط:انا ماقلت كذا ماقصد ..
قاطعته :تقصد او لا ارتاح قريب بنطلع اعتبرنا عندك خدم وخلص وقت اقامتهم (وبدت تبكي ) طيب
اصلا من من نلقاها من عمام ولاعيال عم وخوال ولا خوان بس تدري الحمد الله هذا امتحان من رب العالمين
ناصر وقلبه يتقطع على دموعها ماتحمل كلامها اللي تقوله مد ايده علشان يمسح دموعها
بعدت يده :خلها تصب ماتهمك من متى وانت تحس طول عمرك مغرور وماتقدر شعور الناس
ناصر عصب:بس خلاص شنو تقولين كافي ؟
قطع عليهم صوت الجوال رفعها ناصر شافه رساله من مها (تعال الغداء برد )
ناصر:رانيا يله ينادونا للاكل
رانيا:ينادونك انت انا مابي
ناصر مسكها مع معصمها وسحبها عن العناد يله
رانيا وهي تضربه:وخر عني
ناصر وهويتالم من ضربها:بس كافي استحملتك كثير
رانيا وهي تدفه وترفض انها تمشي على الدرج:لا مابي اتركني
ناصر عند وركب راسه الاتنزل معه حملها ونزل فيها وهي تقاومه وتحرك رجلها وتصارخ :اتركني ياحقير
نزل فيها لما قرب من الصاله ونزلها من بين ايده .. ناصر بقرف :يله غسلي وجهك وتعالي للاكل والله يارانيا لو ماتجين للاكل لاوريك فاهمه
رانيا وهي تبادله نظرات القرف:تدري مره ثانيه تسويها اني لاكسر خشمك هذا اللي رافعه على الفاضي لانه حرام سمعت حرام واناحذرتك
ناصريضحك:حرام صدقيني اني كاسب فيك اجر الحين والله انك مثل القطوه الجوعانه استغفر الله العظيم
دخل ناصر وسلم عليهم وقعد على الطاوله جنب مها وبدى يأكل من السلطه اللي شاف رانيا تسويها ..
ريما لما شافت ناصر ساكت عرفت انه صار شيء .. رانيا دخلت وماقدرت تخفي علامات البكى من وجهها ..
عامر خاف على رانيا:رانيا ليش وجهك احمر
رانيا خافت وشافت الكل يطالعها وهو متسال معاد ناصر اللي ياكل بغير اهتمام :لا مافي شيء بس كنت اقطع بصل ورمت عيوني لانها حساسه
خديجه مستغربه بس سكتت علشان ماتخوف احد على بنتها الي واثقه انه دلع ومستحيل احد يضيقها
ريما تهدي الجو:من يوم ماعرفتك وعيونك حساسه
عامر :مايصيركذا يارانيا والله كان احد ضاربك ومخلص عليك
رانيا خطفت نظره لناصر ونزلت عيونها بسرعه وضحكت تجامل خالها :هههه
مها:بغيت اعتذرياخالي منك ماراح اقدر اروح معكم المزرعه يوم الخميس
عامر:ليش ؟
مها:زواج اختي بنفس اليوم
عامر:براحتك حن ودنا نقعد اسبوع متى ماتبين تعالي
ناصر:وانا ماني رايح ان عندي شغل ومها لمى ترجع من الزواج منو يقعد معها اسبوع
عامر:على راحتكم
رانيا وريما مكان عندهم علم بالموضوع رانيا ارتاحت لان ناصر ومها مارح يجون معهم
ريما تقول لخالها وتسوي بيدها حركه اوكيه :والله ياخال مزرعتك انها اوكيه
خديجه ناظرت يد بنتها وشافت حبر في ابهامها كانها باصمه على شيء :ريما انت باصمه على شيء شنو هذا الحبر
ريما ارتبكت لان الكل يناظر يدها:لا يمه هذا بس حبر كنت العب فيه امس وغسلته وماراح
رانيا خافت وارتبكت لانها لمحت لناصر من شوي انهم بيطلعون ويرجعون بيتهم
خديجه بشك:قلتي تلعبين !
ناصر وهو يستأذن:الحمد لله مشكورين على الاكل الطيب
مها:اقعد ماكليت غير سلطه
رانيا ورفعت عينها لماعرفت انه مااكل غير السلطه الي صلحتها
ناصر:السلطه شبعتني تسلم ايد اللي مصلحتها
مها:منو مصلحتها علشان اخذ المقادير واصلحها لناصر
ناصر ضحك وقام من مكانه رانيا تكلمت :ريما صلحتها
ناصر التفت على رانيا ورفع حاجبه :تسلمون كلكم ماتفرق منو سوتها اهم شيء انها حلوه
مها :خلاص بأخذ المقادير منك بعد الغداء
ناصر:مافيه داعي مها ليش انا مابي تعرفينها ولا تسوينها الخدم راح يطبخون من اليوم ورايح ليش التعب
رانيا تستحقر ناصر:خلها على راحتها هذي جزاتها تلم لك الاشياء اللي تحبها
مها تضحك لرانيا:تسلمي ياعمري قوليله خليه يقدر قيمتي
ريما:حشى السفره كلها سلطه ليش مكبرين الموضوع
ظلوا يتكلمون ويتناقشون ..


فهد الساعه 2 ظهرا طالع من البيت وركب سيارته للمحكمه علشان يقدم القضيه فجاءه سمع صوت انفجار
وحس انه مايقدر يسيطر على السياره ولا يوقفها انفجرت الدولايب عليه وتقلبت السياره ثلاث مرات ..
ريما وكانوا قاعدين بعد الغداء يشربون شاي وهم كلهم مبسوطين ويتكلمون ماعدا رانيا وريما وناصر .. مها دق جوالها التفتوا كلهم بعد ماخلصت المكالمه
عامر:مبروك شنو الجوال الحلو
مها تضحك:الله يبارك فيك هذا هديه من ناصر
ناصر يضحك لها:تستاهلين احسن منه
رانيا وريما:مبروك مها
خديجه وهي توها تنتبه كانت تفكر وين صك المزرعه:ايه حلو يجنن الله يهنيك فيه
ريما:كيف استخدامه حلو
مها بسحى:باقي بتعود عليه انشالله
رانيا وهي تقوم:استاذن
ريما وقفت معها ولحقتها وعند الدرج
ريما:رانيا وش فيك ؟
رانيا ارتبكت :لا مافيني شيء تعالي كلمي فهد وشنو صار معه
ريما بحماس: يله الحين
طلعوا لغرفه رانيا وقفلوا الباب وراهم ريما طلعت جوالها وتدق على جوال فهد ..
ريما:غريبه جوال فهد مغلق
رانيا:يمكن مشغول
ريما:حتى لو مشغول مستحيل يغلق جواله
رانيا وتغمز لها:تعالي وش دراك انه لو مشغول مايقفله
ريما وهي واثقه من نفسها:هذا اللي اتوقعه بعدين انتي تمسكين علي الكلمه
رانيا :ايه قلتيلي
ريما حبت تردها:الاانت شنو صاير ؟

رانيا:هههه شنو صاير
ريما:ناصر شافك صح
رانيا :طيب واذا شافني اول مره يشوفني
ريما عصبت من استغباء رانيا:رانيا تفهمين قصدي احس بينكم صار شيء
رانيا:تكلمت معه شوي بخصوص البيت وسالني ليش ابكي والكلام اللي قلته على السفره قلته له
ريما وهي متاكده انه صاير شيء لان ناصر كان وجهه متغير لما دخل عليهم بس ماحبت تضغط على رانيا:ايه حلو
رانيا:يعني فهد جواله مغلق
ريما:ايه خليه بعدين اجرب ماندري شنو صاير معه
الريم قاعده تعدل شكلها على المرايه صار الوقت مغرب وهي طول اليوم تدق على جوال فهد ومغلق ..
دقت عليها زهره وقالت عندهم حفله مختلطه حبت تكلم فهد وتقوله وقررت من راسها تروح ..
ام فهد بالمستشفى تبكي ونور جنبها تهدي فيها
ام فهد بصوت واطي:ياويلي ولدي راح لا اله الا الله
نورودموعها على خدودها :يمه لا تفاولين على فهد الدكتور سمعتي شنو قال هو بغيوبه ماراح يطول يومين ويفيق
ام فهد وهي تضم بنتها نور:يارب تحفظه ماعندي غيره .. ليش زوجته ماجات مااشوف احد
نور:اكيد محد قالها ..
ام فهد تمد الجوال لنور دقي عليها وتأكدي اذا هي عارفه
نور وهي تتصل على الريم .. ريم وترقص وتهز وماسمعت جوالها يدق ماحست الابالخدامه تمد لها بالجوال طلعت من المكان الصاخب وردت
الريم:الو هلا خالتي
نور:انا نور
الريم :هلا نونو ليش تبكين؟
نور معصبه:اخوي فهد بالمستشفى وفي غيبوبه وانت ولا هامك
الريم وخافت:شنو تقولين انتي انا ماعرفت توني اعرف
نور قفلت في وجهها وناظرت في امها:قالت مو عارفه
ام فهد :ليش يانور تكلمينها كذا ؟
نور بعصبيه وبحقد:احس انها السبب
ام فهد :لا يانور كل شيء قضاء وقدر
ريم دخلت وخذت اغراضها مسكها مازن ..
مازن :وين ياريم ؟
الريم بخوف :فهد بالمستشفى
مازن (الله لا يرحمه):ليش ؟
الريم :مادري خلني اروح اشوفه
مازن (تشوفينه عظام انشالله):اروح معك
الريم برفض وسحبت يدها منه :لا لا انا بروح لوحدي
مازن:براحتك طمنيني عليه
الريم وهي مستغربه وكبر مازن بعينها لما شافت ان فهد اذاه ومازن يسال عنه ..
طلعت الريم من القصر والهيصه اللي مسوينا عيال البرقي مازن غمز لاخته زهره وضحكوا مع بعض ..
الريم وهي تدخل المستشفى وشافت ام فهد ونور
الريم وهي تلهث من الركض:خالتي وين فهد شنو صار؟
ام فهد ترفع عيونها وتشوف الريم بانقاتها والمكياج الثقيل واللبس العاري الباين لان العبايه مفتوحه :انت وينك احد يجي للمستشفى بهذا اللبس
الريم تبرر:انا كنت عند اهلي ادق على فهد من الصبح وهو مغلق بعدين لازم نوديه مستشفى خاص واذا حالته صعبه نسفره برى
نور تمسح دموعها :شوفي انا متأكده اللي يصير لاخوي بسبك ولو يصير فيه شيء يالعجوز والله لاخذ بثاري منك فهمتي
الريم وهي عصبت من كلام نور :نور عيب لاتقولين كذا هذا مو اسلوب اوادب انت ماتكلمين خدامه عندك

نور :حتى المستشفى تبين من مستواك علشان اذا احد من اصدقائك الصيع يزورونه مايفشلونك
الريم وهي مستغربه من كلام نور ماتوقعت تسمع كلام من وحده بهذا العمر
الريم:نور خلاص
الريم مشت تدور الدكتور وشافته وسالته عن حالته
الدكتور :مدام ريم استاذ فهد نجى من الحادث باعجوبه وربي ستر ماصار له نزيف داخلي
الريم وهي ماتعرف ليش ماتبكي على فهد ليش ماتحس انها خايفه عليه : دكتور طيب شنو حالته الحين؟؟
الدكتور :السيد فهد مغمى عليه بس لما كشفنا عليه عنده كسور بالقفص الصدري وعظام الكتف ورضوض بالحوض
يعني الحمد لله فيه امل كبير انه يصحى من الغيبوبه
الريم تضحك :طيب مافيه شيء ياثر على حياته
الدكتور :كل هذا بقدره رب العالمين
الريم :مشكور ......قامت بعد شكرت الدكتور وراحت وبشرت ام فهد ونور اللي قاعدين من وقت ماجاهم الخبر في المستشفى
دقت الريم على مازن تبشره ان فهد بخير
الريم بدلع :الو
مازن مارتاح لما سمع صوتها :هلا ريم بشري(ان شالله مات )
الريم :لا الحمد لله بس كسور ورضوض بس هو بغيبوبه
مازن يضرب ايده في الطاوله وانتبهت له زهره وجات تشوف القصه ......
مازن :الحمد الله على سلامته مع السلامه ابوي يكلمني
الريم :مع السلامه
مازن قفل الجوال ورماه على الارض وتكسر الجهاز وتناثر اشلاء على الارض ..... زهره استغربت ومسكت كتف مازن
زهره وهي تبتسم :مامات صح ؟
مازن بعصبيه :تصوري ياناس هذا شنو من البشر هذا قطوه
زهره تضحك :ليش معصب كل شيء يصير بهداوه لاتعصب علشان ناس مايستاهلون
مازن وهي يلتفت على اخته بحزن :ابي الارض والبيت بتنازل عنه ومابيه الله ياخذ بنات عمي اه يالقهر
زهره :انا اقولك شراح نسوي بس خلها علي وكل شيء بيترتب .. والحادث المدبر هذا خلاص انساه ولا تتكلم فيه لاحد ....
مازن وهو يبوس اخته :طول عمرك وانتي فهيمه ومااحد يريحني غيرك
زهره :والله لاشلحهم المزرعه والبيت وكل شيء مااكون زهره بنت ابوي
ريما ورانيا مع بعض طول اليوم ولما صارت الساعه 9 ليل وريما تحاول تدق على فهد ماتدري شنو صاير معه ويطلع مغلق
ريما :ليش فهد مايرد ؟
رانيا :لا يكون سافر وترك القضيه
ريما وهي متاكده ان فهد مستحيل يسويها
ريما :يمكن انسحب لان مامعه ادله ضدهم
رانيا :لهذه الدرجه طيب ليش من البدايه يعشمك .......
ريما تقاطعها :اكيد الريم وابوها هددوه لان ابوها صديق عمي سيف وزهره صديقه الريم
علشان كذا يمكن ضغطوا عليه وخلوه ينسحب وانحرج انه يقولي
رانيا : انا ابي ادري هذي زهره مافيه احد الا وهو يعرفها تصدقين انها كانت على علاقه بناصر قبل مايجي السعوديه
ريما مو مستوعبه :شلون؟؟
رانيا :لا تستغربين كانوا يدرسون مع بعض بس الرسايل موواضحه شوي يغازلها وشوي يهددها
بس لما لاحظت التواريخ كانت التهديدات لما رجع السعوديه كانها تبي شيء منه وهو رافض يسويه مادري
ريما وهي تتوقع كل شيء من زهره لانها خطيره :كل شيء بينكشف قريب بس انتبهي على الجوال لاحد يشوفه
رانيا :بعد ماشفت اللي شفتها رميته بالدرج وقفلته مابي احد يشوف اللي شفته وبعدين لما ارجعه افكر اواجهه ولا لا
ريما تفكر :بنفكر خلاص خلينا نطلع لهم الحين يقولون هاربين من القعده معهم وخففي النظرات
رانيا :اقول انكتمي انا ماني ناقصه
ريما ورانيا طلعوا بس مالقوا الا خالهم وامهم وجلسوا معهم
رانيا :وين مها ؟؟
خديجه :مها وناصر راحوا لاهل مها تبي مها تجهز اختها بتتزوج
رانيا توها تذكر :اه قالتلي
خديجه: وين جوالك نسيتيني اكلم ام محمد ؟
ريما تمد الجوال لامها :خذي يمه امس رانيا سجلت رقم ام محمد في جوالي علشان جولها البطاريه خربانه
خديجه مستغربه :كانت تلعبه امس قبل مانجي
رانيا :يمه تعرفين تصنيفات الجوالات
عامر :خلاص رانيا قولي لناصر ياخذلك بطاريه جديده
رانيا (الله يعينه ناصر يقسم نفسه ):ايه نشالله
خديجه وهي تدق على ام محمد :الو سلام عليكم
ريما وهي تنغز امها علشان خالها مايشوفها :رصيدي شوي ترى
خديجه وهي تناظر بنتها وماعرفت شنو تقول شلونك وشلون محمد رجع من السفر و
لاباقي
ام محمد :الحمد لله والله طيبين والحمد لله رجع ويسال عن رانيا
خديجه :ايه قلتي يسال على رانيا
رانيا رفعت عينها على امها وتذكرت انها ماقالت لها تنسحب من المجازفه
خديجه وهي تغمز لاخواها :والله احنا عند اخوي الحين متى ماتحبون تعالوا
رانيا تاشر لامها :لا
خديجه شوي وقفي بكلمك داخل لان الجوال بيخلص شحنه
ام محمد: على راحتك
خديجه قفلت وعصبت على بناتها كل وحده تاشر لهاماعرفت شنو يقولون :انتو شفيكم فضحتوني كأنكم من جماعه الصم والبكم
عامر يضحك على بناتها رانيا :يمه اسحبي على الموضوع ترى امزح معك لاتعشمينهم فيني انا مابي
ريما :زين انك قفلتي قبل مايقفل في وجه المراه
خديجه عصبت على رانيا :وانت كل شيء لعبه عندك وانا اعرف محمد ولد والنعم فيه ليش معارضه
رانيا :كيفي ماابي خلاص يمه قفلي على الموضوع
ريما وهي مستغربه من تصرف رانيا :يمه الزواج ماهو غصب
خديجه وهي تمشي علشان تكلم ام محمد :طيب يارانيا تسوين مستحيه بعدين الولد ماينرفض وانا ادرى بمصلحتك
رانيا تاشر لامها :انا قلتلك راح ارفض
دخلت خديجه ومااهتمت لكلام بناتها وركضت رانيا تبي تقنع امها وتصلح اللي قالته ... ريما جلست مع خالها يسولفون
عامر :الاقولي كيف مجموعك ريما ..؟
ريما ونقز قلبها وتذكرت اللي صار لها بالاختبار :ماشي حاله حلو المجموع
عامر :كيف كم هو ؟
ريما ارتبكت :مجموعي اربعه
عامر :مشالله
ريما وهي تلوي فمها :والله ياخالي ناويه انسحب وادخل قسم ثاني
عامر :لا ولاتفكرين انتي شاطره ومايصير تقولين هذا الكلام
ريما حبت تقطع السالفه مع انها ناويه تقوله انها تنسحب وتجلس بالبيت احسن لها :خلاص اصلا وقت الدوام قرب كلها اسبوعين وبنباشر
عامر :الله يوفقكم وارفع فيك راسي
ريما شافت ناصر جاي ومها مو معه استاذنت من خالها وراحت ....
ناصر لقى ريما بطريقه وهو رايح لابوه وسلم عليها وراح قعد مع ابوه
ناصر :سلام عليكم
عامر:هلا وعليك السلام
ناصر :شلونك ؟
عامر :الحمد لله
ناصر :الا وين عمتي ؟
عامر :داخل تكلم جارتها ام محمد تصدق تبي تجي وتطلب يد رانيا
ناصر وحس بمويه حاره انكبت عليه :شلون تطلب رانيا
عامر :ليش مستغرب كبروا البنات صح الله يوفقها
ناصر حس انه الارض تدور فيه وعرف ان الكلام اللي قالته رانيا كان صدق :وش راي رانيا ؟؟
عامر :رانيا حليلها مستحيه وتسوي نفسها خجلانه
ناصر وهو مو مصدق عيونه :ايه الله يوفقها ...... عن اذنك بروح اغير ملابسي
عامر :تعال الحين يحطون العشى
ناصر :بنزل الحين اتعشى معكم
عامر :الا اقول وين مها ؟؟
ناصر وهو مو مركز:ايه مها عند اهلها بتنام عندهم
دخل ناصر البيت وشاف عمته تكلم ام محمد وتوصف البيت علشان تجي. . ناصر ماتحمل اكثر من كذا ....
راح وشاف رانيا طالعه من غرفتها وحب يتاكد
ناصر بغرور :مبروك
رانيا وهي مستغربه :على شنو ؟
ناصر :على الزواج وتذكري انا اول واحد بارك لك
رانيا وحبت تقهر ناصر :ايه الله يبارك فيك
رانيا مشت وهي مفتخره وفرحانه انها حست بقهر ناصر اهم شيء حست انه متاثر بس ماتدري ليش توقعت انه اناني ويحب الخير لنفسه
بعدت عنه.. ناصر كان وده يقتلها بس تركها علشان ماتدري انه يحبها ويحسسها انه خاين لمها
تجمعوا على السفره وصاروا يتكلمون وناصر ساكت ماتكلم ورانيا نفس الشيء
ريما :مها ماراح تجي اليوم
ناصر بعدم اهتمام يهز راسه برفض:ممم
رانيا طالعته بس طاحت عينها عليه ونزلت عينها بسرعه ريما :مساكين متوهقين بالعرس
عامر :والله ان تجهيزات العرس صعبه والله اذكر تعبكم يوم تزوج ناصر
خديجه :الحمد لله الله وفقهم ويرزقهم وعقبال محمد ورانيا
رانيا رفعت عينها لامها وفضلت السكوت ... ناصر رفع عينه على رانيا ويفكر بالاسماء(رانيا ومحمد ) متناسقه وقطع عليه جواله نزل الملعقه من ايده ورد
ناصروهو يحرك لسانه داخل فمه ينظف بقاياالاكل :الو
خالد (صديق ناصر المقرب ):هلا ناصر شلونك
ناصر :الحمد لله وينك انت اليوم ماشفتك بدوام
ريما ورانيا وهم يتسمعون لناصر على امل ان المكالمه من زهره
خالد :وينك انت عن العالم كنا نزور فهد صار عليه حادث وهو الحين بغيوبه
ناصر وهو يصارخ وخوف اللي حوله :شلون متى صار وهو كيف
خالد :اصبر علي صار عليه حادث واتوقع انه مدبر كان رايح للمحكمه وهوالحين بغيوبه بس سليم
كلها كسور ورضوض بس الدكتور مايعرف تقبل جسمه للعلاج يعني يمكن يطول في غيبوبه
ناصر:لا حول خلاص انا جاي الحين انا لله وانا اليه راجعون
ريما خافت لانها ماتحب تسمع اخبار مو حلوه كافي الاشياء اللي تسمعها
ناصر قفل الجوال وهو متحسف وشرب ماء ووقف علشان يروح ابوه وقفه
عامر :ناصر وين يابوك وبعدين شنو صاير
ناصر :واحد من الربع صار عليه حادث ورايح بغيبوبه
خديجه حطت يدها على قلبها لانها تذكرت عيالها :لا يكون حالته صعبه
عامر :منو هو ؟
ناصر :هذا فهد يمكن ماتعرفه يبه مادري يقولون بغيبوبه مايدرون شنو تقبل جسمه
ريما وقف قلبها من الخوف حبت تستفسر منو فهد بس سكتت وبدت تقنع نفسها انه تشابه اسماء .ناصر طلع وراح لفهد بالمستشفى يتطمن عليه
ريما مارتاحت وقعدت على اعصابها وصارت تفسران اللي يصير لصالح الشيء اللي سمعته
وصارت تسال نفسها ليش جواله مغلق من الصباح وليش مارد لها خبر وهو وعدها انه يقوللها ....
ناصر لما رجع من المستشفى جلس مع عمته وابوه ويشرح لهم حاله فهد والبنات كانوا يتكلمون عنه فوق بالصاله .....
ريما :اكيد صاير لفهد شيء ؟
رانيا :لا مو صاير شيء بس فهد هو الوحيد اللي يحمل الاسم هذا
ريما :ليش ناصر ماجاء لحد الحين؟
رانيا :خلاص ريما بكره يدق عليك فهد انت ليش خايفه
ريما (خايفه عليه لايكون صارفيه شيء وبتاكد انه بسببي ):انا موخايفه عليه علشاني زي ماتوقعين
علشان القضيه اللي تعبت وكذبت وتبهذلت وفي الاخير يطلع بلوش
رانيا :ايه والله صادقه .... طلع ناصر سلم عليهم كان ودهم يسالونه عن صديقه بس مالقوا لهم عذر يسالونه ....
رانيا وهي مالتفت نهائيا على ناصر ... ناصر انقهر وعرف ان محمد ورانيا يعرفون بعض لانهم جيران واكيد يشوفون بعض ولا ليه هي فرحانه ...
رانيا طبعا رافضه فكره الزواج بس استغلتها علشان تقهر ناصر
ريما نزلت لتحت بعد مادخل ناصر ورانيا دخلت لغرفتها وحبت تسال امها عن الولد اللي مسوي حادث
لانه اكيد خالها سال عنه نزلت وسمعت امها تقول انا لله وانا اليه اجعون
ريما دخلت وهي حاطه ايدها على قلبها :يمه منو ؟
خديجه : تصوري طلع فهد المحامي صديق تركي الله يرحمه والله مايستاهل الله يصبر اهله
ريما مثل ماتوقعت وخافت صارت ترتجف وتنفس بصعوبه صرخت على امها :مات تكلمي
خديجه وعامر استغربوا من خوف ريما لهذي الدرجه :ريما شفيك لا مامات هو بغيوبه بس ندعي يله ربي ينجيه
ريما وهي تنفس بصعوبه وتذكرت تركي وحست انها تدوخ بكت وطاحت من طولها وهي تهذي :فهد تركي تركي
امها لما شافتها بهذي الحاله وخالها حملها وخديجه تبكي ماتدري شنو صارلبنتها اخذوها لغرفتها وصحت لهم بس بنص وعي

خديجه وهي خايفه على بنتها :ريما يمه قومي
عامر :الظاهر تذكرت حاله اخوها ونوره
خديجه وهي تحسر :الله يرحمهم بس ياخوي ......
رانيا دخلت بخوف :ريما اشفيها يمه الشغاله قالتلي انها اغمى عليها
خديجه وهي تحكي اللي صار لرانيا
رانيا حطت يدها على قلبها انا الكلام اللي قالته ريما طلع في محله :وكيف صار هذا الكلام
ريما وهي تسمع كل شيء مثل الحلم خديجه :يابنتي يقولون حادث مدبر
رانيا خافت اكثر :لا تقولين الله ينجيه ويخليه لاهله
ريما رجعت نامت وخرجوا من عندها بعد ماتطمنوا عليها ...
وهم متوقعين انها تاثرت علشان تذكرت اخوها بس مايدرون انها تبكي على فهد واللي صار له ...
ناصرطلع من الغرفه وشاف اللي صار
رانيا شافته دخلت بسرعه لانها كانت لابسه بيجامه مبينه جسمها الفاتن ناصر انتبه لها بس سوى نفسه ماشافها
سال عمته وابوه على اللي صار وقالو له واستغرب شنو ذكر ريما بفهد وصاريشبك الاحداث ببعض لانه حس بشيء مو طبيعي ...
رانيا دخلت الغرفه وهي تحس ان ناصر شك بشيء وخافت اكثر لان
(ريما مستحيل انه اغمى عليها علشان القضيه اكيد انها تحبه ياربي استر ومايصير شيء وهذ المجنونه مادري شنو بتسوي لما تصحى )
مدت نفسها على الفراش ونامت
ريما الساعه 3 فجر صحت وهي تحس بدوخه ناظرت بساعه جوالها وتذكرت اللي صار
مسكت الجوال وصارت تدق على فهد ماتبي تصدق اللي صار وصارت تكتب مسجات كانها مثل المجنونه و تدور في الغرفه
ريما وهي فاتحه البلكونه وهي تتصل وتقفل :ياربي يافهد وينك مستحيل كله بسببي اكيد هذا مازن الحقير
بس هذا حادث شلون انا متاكده اني سمعت انه مدبر اكيد ياربي انا لازم بكره اروح له لازم كله بسببي
ياربي لايكون امي شكت بشيء فكرت تروح لرانيا وتعرف شنو امها وخالها قالوا لها بس خافت يقوم احد ويشوفها
ورانيا نومها ثقيل مستحيل تصحى اذا كانت نايمه ورجعت لفراشها وهي تندم انها دخلت فهد حياتها وتبكي حتى نشفت عيونها ونامت
الصباح ريما صحت الساعه 7 الصباح ونزلت مالقت احد وجلست بالصاله اذا امها نازله ووراها خالها كانهم يدورون عليها
خديجه بخوف :انتي هنا وانا ادورعليك
عامر :سلامتك هذا من قل الاكل
ريما :ارتاحوا مافيني شيء
خديجه :خرعتيني عليك
ريما :بتروح للشغل خالي اليوم
عامر :ايه بغيتي شيء ؟
ريما :لا
خديجه :انا بروح اخليهم يحطون الاكل
صحى ناصر وقعدوا وافطروا مع بعض رانيا انضمت لهم لما صحت علشان تتطمن على اختها
ونزلت وشافتهم متجمعين وريما عيونها حمراء عرفت انها كانت تبكي واستغربت ان احد ماعلق عليها اكيد انهم متوقعين من التعب ...
رانيا كانت تتحاشى نظرات ناصر لها وهو يحاول يستفزها فجاءه سمعوا صوت سياره ودق الناطور الباب
ودخل الضيف بعده بالغصب وهم ياكلون تفاجاو لما شافوا اللي قدامهم زهره
زهره وهي تميل بخصرها :صباح الخير ياحلوين
ناصر تفاجا لما شافها واقفه قدامهم بهالجراءه والجبروت :انت شتبين جايه هنا ؟؟
زهره :جايه اتطمن على بنات عمي صح ياريمي
ريما دق قلبها وخافت اكثر :مانبي نشوفك
زهره وهي تافف :ياربي ناس مايعرفون الذوق
عامر عصب من اسلوبها وقرف منها لماشاف عبايتها المزخرفه كانها فستان والمفتوحه ولبسها مبين
التنوره القصيره اللي لبستها والبلوزه اللي مبينه منها بطنها وحاطه خرزه بسرها استغرب على وقاحتها
ومكياجها وشعرها اللي باين لانها منزله الشيله وفي يدها ظرف
عامر بعصبيه :احترمي نفسك انت في بيتي
زهره بستهزاء :مشكور يالشايب
ناصربعصبيه :زهره احترمي نفسك لاكسر راسك
زهره :لا تكسر راسي ولا راسك كسر راس بنات عمتك اوكيه ...
صح ياريما والله كبرتي وتعرفين توكلين محامين وتدافعين عن حقوقك صح
الكل ناظر في ريما ريما خافت ومابغت تسكت :ايه وبدافع لاخر نفس
رانيا مسكت ريما اللي تحركت علشان تهجم على زهره :لا ياريما وانا اقول ليش ريم تشكي من زوجها
اجل انت مشيكه ومسويتلي غراميات مع فهد صح .. ارتاحي الحين هو بين الحياه والموت والاغلب يموت
وقضيتك اسحبيها وشوفي مين يرفعها لك (وباسلوب استفزازي ) ايه ياعمه نسيت ديري بالك على بناتك المحافظات اوكيه
وعلى فكره ريما هذي شوفيها لاتكون حامل ولاشيء تفضحنا وتسويلنا مصيبه للاسف ان حن حاملين نفس الاسم
ناصر ماتحمل الكلام اللي تقوله زهره :زهره اطلعي برى لاكسر راسك انت وحده حقيره ونذله برى
رانيا وهي تناظر ناصر عمرها ماشافته معصب كذا :انا اعرفك واعرف الاعيبك
زهره رمت الاوراق بوجه ريما :اقروا الادله على كلامي وشوفوا توقيعها وبصمتها بعد هذا وانتوا حاطين عيونكم عليها
خديجه حست الارض تدور فيها وعامر ماسكها ناصر طرد زهره من البيت وطلعت لما طلعت رجع لريما وناظر فيها
ناصر :ياخساره وانا اقول التعب ماهو من موت تركي اثره حبيب القلب
رانيا مدت يدها على وجه ناصر تبي تعطيه كف بس ناصر مسك يدها وقال :انت كيف تتجراين تمدين ايدك على
رانيا ماصدقت ان كل هالقوه والصوت يطلعها ناصر بوجهها :لاتتهم اختي بشيء ماسوته
ناصر يصفق :اوه وانت عندك علم بعد
رانيا: ناصر اسكت
عامر وخديجه وقربوا من ريما
عامر :ليش ياريما تنزلين روسنا ؟؟؟
ريما كانت بتتكلم بس سكتها كف من ايد امها خديجه :ياخساره تربيتي فيكم قضيت عمري اربي وماتوقعت اني اخرب
ريما ماتحملت رانيا كانت ماسكه ريما
ريما عصبت وصارت تصارخ والدموع تنزل من عينها : وقفوا لما تسمعون من زهره اسمعوا مني بعد
انا كلمت فهد لما شفت مافيه احد يدافع عن حقوقنا (وتاشر بيدها عليهم )
لا خال ولد خال ولا عم ولا عيال عم خليتينا يمه مثل البهايم من جاء يأكل حقنا ويمشيء صح
ولما نجي ندافع عنه اوحتى نحاول نسترجعه شنو تقولين الله بياخذه لنا ونستغني عنه بس البيت لا
هو اللي بقى من ابوي لنا يلمنا وانت تخلينا نلجا للناس يسكوننا بيوتهم وهم ماندري من اللي يبينا ومن اللي يتمنى نطلع من حياتهم
كافي اذيتي الناس بمشاكلك على حسابنا انا خلاص تعبت اناظر الناس ياكلون فيني وفي حقي وخليت فهد يرفع القضيه

اما الغراميات اللي تقول عنها الكلبه هذه من متى وانا اغيب عن عينك يمه كل الوقت بوجهك وين اطلع ولا اروح
تدرين متى وقعت الاوراق لما رحنا للسوق مع ناصر لقيته وعطاني اوقع وابصم اوراق التوكيل لاتقولين كيف غبت عن عينهم بسوق
رحت اصرف فلوس ولقيته والله شاهد علي والدليل انك امس انتبهتي للحبر اللي بايدي وان فهد ولد حلال مالمس مني شعره
واذا تبون صدقو واذا ماتبون لاتصدقون لان الله حارس على عباده ويشوفني قبل ماتشوفوني انتوا
يمه اعرف (وبترجي )انا اعرف ان ربي بياخذ حقنا بس البيت لا...
باقي هو لنا مااقدر اتنازل عنه واعيش عاله على الناس انا واختي حسي فينا
خديجه حست بكل كلمه قالتها ريما وصارت تتكلم بحسافه على بناتها اللي ماتوقعت يسون فيها كذا
خديجة :صدقتي وانت ياعامر قلتها بلسانك اني راح انصدم ببناتي بس تدرون عرفت الحين اني غلطانه بحقكم
انا مابغيت ادخل المحاكم علشان عمكم لياخذكم مني ولا ياذونكم انتوا ماتعرفونهم هذا ناس مايعرفون الله
عمكم انسان اناني خلى ابوكم يروح عنا ويبتعد علشان ياخذ كل شي ويوهمنا انه مات علشان نكتب له تنازل بكل مايملك
انا ماخليته ياخذ شيء لانه حقكم ولكم انا ماتنازلت عنه مثل مانتي متوقعه ياريما بس لما شفته ياخذون من غير مايسالون
كل شيء توضحلي الحين لوارفع قضايا من هنا الى عشرين سنه قدام راح يطلعون منها تدرون ليش
فلوسهم فلوس الحرام ساعدتهم ياكلون حقوق الناس ...
ولما شفتهم اخذوا البيت قلت اخسر البيت ولا اخسر بناتي واللي سويته ياريما اذيتي نفسك واذيتي فهد ...
رانيا ماتحملت الكلام حست بدوخه :عن اذنكم انا بطلع للغرفه
ناصر وهو منبهر من الكلام اللي سمعه لما سمع رانيا استاذنت وشاف حالتها كانت عيونها تقلب بتعب وتعض على شفتها وكانها تتالم من شيء
ريما ناظرت حالتهم وهم ينظرولها نظره استحقاروالاوراق مرميه حولها بفوضى
عامر :انهو اللي قاعد يصير وانت ياناصر ساعد رانيا صعدها فوق شكلها تعبان
رانيا وهي مو معطيه كلام خالها اهميه مشت للدرج بس حست بايد ناصر تمسكها :لا مشكور انا بطلع لوحدي انت تيسر لشغلك
ناصر مطنش كلامها مسك با يدها والايد الثانيه على ظهرها وماهتم لوجود امها وابوه وهو يقصد يساعدها مو يقرب منها
وبدى يصعدها الدرج وهي تقاومه لانها تذكرت لمى يكلمها بعنف
وصل لنهايه الدرج وناصر تحسر على الكلام اللي قاله ورحم رانيا اللي كان باين عليها التعب ..
رانيا وهي تسحب نفسها منه وهي تقاوم حبها له بس كل ماله فازدياد :مشكور انا ادخل الغرفه خلاص انا بخير
ناصر مسكها مع معصمها :ليش ماقلتيلي ؟؟
رانيا بحزن انا ماكنت اعرف ولو عرفت ليش اقولك ؟
ناصر :لاني بساعدكم
رانيا بضحكه مستغصبه :علشان تقول لامي صح وتسوي فيها رجل عضلات
ناصر عصب :انت تعرفين ليش الكذب ؟؟
رانيا :انا عرفت قريب بس ماكنت ادري فالسوق ان ريما رايحه علشان فهد انا مثلك
بس تدري لو كنت ادري من زمان كان دخلت فهد بالقضيه من زمان لانك ماتدري بالسكاكين اللي تقطع فيني كل يوم وانا قاعده بهالمكان
ناصر حس انه صغير مره قدام رانيا ومايسوى حبه لها شيء اذا هو تعذب علشان واحد متكلم فيها وهي متعذبه اكثر منه
وهي كل يوم تشوفه مع زوجته ومرتاح ... دخلت رانيا غرفتها وقفلت عليها وراحت لسريرها
تبكي على حظهم وعلى ريما الي انكشفت وزودتها زهره ملح وبهار وشككت الناس بشرف اختها
ريما راحوا من حولها وهي واقفه بنفس المكان حتى الخدم وهم يلمون الاكل حست انها قدامهم مثل النمله ماتنشاف ولا يعطونها اعتبار
طلعت لغرفتها بهدوء وقفلت عليها وناويه ماتطلع منها ابدا
ريما صحت من النوم الصباح الثاني وهي مستغربه نايمه هالوقت كله وفكها يألمها من الضربه
كانت الساعه 12 الظهر صحت وهي تذكر اللي صار لها بالامس وهي تحرك رقبتها تمرنها
شافت نفسها على السرير متمدده بملابسها ومن غير لحاف عليها وتنورتها مرفوعه لعند فخذها
ريما ضحكت على نفسها تذكرت امها وهي كانت تضربها علشان نومتها الفوضويه نزلت تنورتها وراحت لحمام (اكرمكم الله )
وغسلت وجهها ووضت وصلت وخلصت لبست بيجامه كانت تبي تنام مره ثانيه علشانها ناويه تقفل الباب عليها وتشوف اذا احد بيسال عنها
وهي تمد اللحاف عليها علشان تنام ... قطع عليها صوت جوالها بجيب تنورتها ونطت من مكانها تحسب انه فهد وشافت فاطمه ردت بلهفه وهي مشتاقه حيل لها
ريما بفرحه :هلا وغلا
فاطمه بضحكه :هلا فيك يادب وينك ؟؟
ريما :كيفك ؟؟
فاطمه :الحمد لله والله اشتقتلك من بعد وفاه اخوانك وانت منقطعه عنا
ريما :وانا شتقتلكم
فاطمه :انت وين امس ادق باب بيتكم ومحد يرد علي
ريما تضحك :بيتنا .... هذا خلاص راح
فاطمه :شنو تقولين بس اللي اعرفه ان بيتكم ملك مو اجار
ريما :خذوه عيال عمي واحنا الحين ببيت خالي
فاطمه :الحمد لله انتوا بخير
ريما قالت لفاطمه قصه البيت وشنو سوت
فاطمه منفجعه :فهد وكلتيه على القضيه ؟!!
ريما تضحك ايه :بس الله ماتمها
فاطمه :شلون
ريما ودموعها مغرقه :فاطمه فهد صار عليه حادث وبين الحياه والموت وانا كنت السبب
فاطمه شهقت :شنو ليش ؟
ريما وبدت تبكي :مازن و زهره ودبرواله حادث وراح فيها وهو رايح للمحكمه يرفع القضيه
فاطمه :شنو حالته ؟؟
ريما :مادري اللي اعرفه انه بين الحياه والموت
فاطمه :وانت ليش تبكين ؟
ريما تبكي اكثر :ابي اشوفه على الاقل اسمع عنه شيء
فاطمه :ماتقولين ان ناصر يعرفه
ريما :انا قافله علي الغرفه ومارح اطلع بعد اللي صار امس
فاطمه :شنو صار ؟؟
ريما قالت لفاطمه اللي صار لها
فاطمه :يالله هذه بنت عمك شنو من البشر ؟
ريما تبكي :الحقيني لازم اعرف فهد شنو حالته
فاطمه :تعرفين باي مستشفى
ريما تمسح دموعها تحس بالامل :ايه سمعت ناصر لمى كلمه صديق له باي مستشفى ....
فاطمه :أي اعرفه هذا المستشفى بنت خالتي فيه ممرضه خليني اكلمها الحين واسال عنه
ريما بسرعه :الله يوفقك ردلي خبر الحين
قفلت ريما وهي تدور بالغرفه وتنتظر فاطمه ودق الجوال ورفعته بسرعه
ريما :ايه فاطمه شنو قالت ؟؟
فاطمه بحزن :والله تقول بتسال وترد لي خبر لانها بقسم ثاني والله شككتيها فيني
بس انا قلتلها انه اخو وحده من صديقاتي ماتقدر تطلع من البيت الا اسمه فهد محمد الجمال

الجزء الحادي عشر


قفلت ريما وهي تدور بالغرفه وتنتظر فاطمه ودق الجوال ورفعته بسرعه
ريما :ايه فاطمه شنو قالت ؟؟
فاطمه بحزن :والله تقول بتسال وترد لي خبر لانها بقسم ثاني والله شككتيها فيني بس انا قلتلها انه اخو وحده من صديقاتي ماتقدر تطلع من البيت الا اسمه فهد محمد الجمال
ريما :ايه طيب قفلي الحين ولما ترد لك خبر كلميني وطمننيني
فاطمه :طيب مع السلامه بس انت هدي نفسك
قفلت ريما من فاطمه وهي بتموت من الخوف على فهد راحت تقراء قران وتدعي ربي يحفظه وينجييه من كل شر
صارت الساعه 3عصر ومااحد جاء يشوفها حتى رانيا وتناظر الجوال تعبت وهي تنتظر دقت على فاطمه شافته مشغول لعنتها
ريما بعصبيه :اكيد ماقفلت فمها الحين اكيد تكلم المهابيل
بعد 5دقايق دقت فاطمه ردت ريما عليها
ريما بلهفه :فاطمه بشري
فاطمه :اهدي ياريما ........ فهد حالته صعبه جدا يقولون الكسور اللي بصدره موثره على الرئه بس مسيطرين على الوضع
ريما بكت بصوت عالي :فاطمه تكذبين
فاطمه بكت مع ريما عرفت انها حبته وهي مجربه الحب بس ماجربت معنى انه يفقده للابد
ريما بصوت باكي :فاطمه ابي اشوفه
فاطمه وخافت من افكار ريما :لا ياريما تكفين اخاف من اهلي ومن اهلك بعد اللي صار اكيد بتكون عينهم عليك
ريما تبكي :فاطمه تكفين الله يوفقك
فاطمه حنت على صوتها :وين بيت خالك انا امرك اليوم ونشوف
ريما عطتها العنوان وقفلت وهي تدعي ربها انها تقدر تشوفه ...........
رانيا قامت الساعه 4 عصر ونطت من مكانها وهي مستغربه من نفسها انها نايمه هذه المده بعد وراحت تدق على غرفه ريما بقوه ...
ريما وقف شعر راسها من قوه الدق على الباب
ريما ماتكلمت علشان تقهر اللي عند الباب ......
رانيا :ريما افتحي تكفين
ريما بسرعه فتحت الباب وسحبت رانيا :بعدك نايمه
رانيا :بعد امس والله انام الدهر كله
ريما :وشرايك ؟
رانيا :شلونك الحين
ريما وتحط يدها على فكها :والله طلعت امك مصارعه
رانيا تضحك :ههههههههههههه الله حتى وانت بمصيبه تتكلمين كذا
ريما :عرفت عن فهد معلومات؟؟
رانيا عصبت :انت شكلك ماتبتي
ريما رفعت حواجبها :منو قالك اني تبت الا عاندت بزياده
رانيا :مصره على هذه القضيه
ريما :خلاص قضيه وماابيها
رانيا بشك :شنو تبين اجل ؟
ريما ودموعها على خدها :فهد
رانيا شهقت :لاتكونين ......
ريما :ايه حامل
رانيا ضربت ريما بس ريما فلتت من الضربه
رانيا وصوتها عالى :والله لاوريك اجل كلام الفاسقه الثانيه صح
ريما ببرود :الله ياخذك قليله عقل ..... انا يالله اناظر عيونه
رانيا :اجل
ريما بامل :رانيا احبه
رانيا :ريما مو من مصلحتك فهد متزوج تدرين منو متزوج ناس يأذونك وياذون اهلك
واللي تحبينهم ومتى امداك تحبينه اكيد اعجاب بما انك ماتعرفين غيره غريب عليك
ريما :انا قررت اروح اشوفه
رانيا وتضحك عليها :هي مجنونه كيف تطلعين خلاص بعد امس انسي شيء اسمه سوق انسي مطاعم انسي كل شيء هم الحين واقفين على المرصاد
ريما :والله لااطلع واشوف فهد واتطمن عليه وماعلي في احد لويذبحوني
رانيا بضحكه مستهزئه بتصرفاتها :اكيد ضحك عليك بكلمتين وانت يالمراهقه صدقتيه
ريما :والله ماقالي كلمه وعلى فكره هو يحب زوجته ومستحيل يتركها
رانيا :اجل ليش تحاربين اهلك علشان واحد مبسوط بحياته وسعيد بعد تجين تنكدين عيشته؟
ريما باصرار :راح احارب لاخر نفس تدرين ليه مابي اندم بعدين لاني ماعطيت قلبي حقه حتى لو مابدلني فهد هذا الشعور
صحيح اني راح انساه بس لما اتذكر هذا الحب ماالعنه بالعكس اتمنى ارجع واعيشه مره ثانيه
رانيا انبهرت بكلام ريما :ريما انت اول مره تركضين ورى عواطفك وهذي بتروح حياتك
ريما :خلاص قفلي على الموضوع واذا جات فاطمه صعديها الغرفه وخليهم يشوفونها عادي علشان لايفكرون انها رجال تعرفين لعبه الشياطين
رانيا بضحكه :والله انك خطيره
ريما :لازم اشوفه كافي اللي صار له بسببي على الاقل حاول يساعدني وتحدى زوجته وصديقتها
اللي هي زهره والله لاوريها هاذي المومياء واللي وقفوا في وجهي

رانيا وهي طالعه من عندها
(تفكر انها الكبيره ليش ماتواجهه ريما انها اللي تسويه غلط بس اللي منعها حبها لفهد اللي توقع رانيا انه مجرد اعجاب او حب مراهقه )
رانيا :الله يستر منك والله انك مصيبه انت
ريما :انتبهي على نفسك..............(توهاتتذكر) انت تعالي
رانيا وقفت والتفت على ريما :نعم
ريما :كيف تتجراين ترفعين ايدك بوجه ناصر
رانيا بعصبيه :ماتحملت وهو يهينك ويجرح شرفك
ريما ترفع ايدها :والله انك اختي بس انصحك لاتسوينها مره ثانيه خفت ليكسر ايدك
رانيا طلعت وهي تضحك دخلت غرفتها وغيرت لبسها ولبست تنوره جينز ازرق فاتح ولبست بلوزه برتقالي فاتحه
ولمت شعرها ذيل حصان ولفت الشيله عليها من دون ماتحط مكياج رشت عليها عطر ونزلت
شافت خالها وامها قاعدين دخلت وسلمت عليهم وقعدت مقابل امها
رانيا :شلونك يمه ؟
خديجه :الحمدلله وين ريما ؟
رانيا فرحت لما شافت رده فعل امها وبعد سالت عن ريما وهي كانت خايفه انها ماراح تكلمها :ريما قافله على نفسها الباب مو راضيه تفتحه
خديجه عصبت :ليش تعاند هذي البنت بتذبحني تخطي ولها الحق تزعل بعد؟؟
عامر بحكمه:خليها لحد ماتهدى بعدين هي ماسوت شيءغلط اناواثق كل اللي سوته انها دافعت عن حقكم
ماكانت تدري انك ماتبين ترفعين القضيه علشانهم وكلام زهره انسيه هذي استغفر الله وبعدين ريما دافعت عن نفسها قدامك بأدله
رانيا وهي خايفه ان امها تكذبها :يمه انا ماكنت اعرف بشيء حالي حالكم توني دريت امس
خديجه: قفلوا السالفه بس انا ادبها علشان ماتسوي شيء الا لازم تقولي
رانيا :حرام مسكينه الحين شنو تسوي ؟
خديجه رحمت بناتها :بعدين صارلكم من صباح امس وانتو نايمين ومااكلتوا قومي حطي لاختك اكل واقنعيها تاكل اخاف يصير فيها شيء
رانيا ضحكت لان امها حنون :حاضر
رانيا وهي واقفه دخل ناصر ومها ماسكين يد بعض :سلام عليكم
الكل ماعدا رانيا هربت بسرعه علشان ماتشوف ناصر بعد الكلام اللي قاله امس :وعليكم السلام
ناصر وقعدت مها جنبه :شلونكم ؟؟
ناصر وهو متوقع هروب رانيا منه باي وجه تناظر فيه ......
رانيا حطت اكل لها ولريما وخلت الخدامه تشيلها وتطلع وراها طلعت رانيا ودقت الباب على ريما بس مافتحت تدقه بقوه ونفس الشيء
رانيا بخوف :ريما افتحي
بس من دون صوت ...... ناصر طلع هو ومها وسمع صوت رانيا وهي تترجى ريما تفتح الباب قرب وهو ماسك ايد مها
ناصر :رانيا شنو صاير ؟؟
رانيا ماردت عليه وصارت تدق الباب بقوه والشغاله تافف
مها عصبت من حركه رانيا وهي اصلا ماتعرف اللي صار :رانيا ناصر يكلمك شلون ماتردين عليه ؟
رانيا وتحاول ماتلتفت عليهم وتضعف قدام عيون ناصر :ريما افتحي حبيبتي الباب لاتخافين
ناصر ضغط على يد مها علشان تسكت :رانيا وخري اكسر الباب
رانيا مابعدت ولا سمعت كلامه :ريما افتحي خلاص كل هذا زعل
ناصر عصب وصار يصارخ :رانيا بعدي
مها خافت ورانيا اخترعت وجمدت مكانها وماتحركت بعدين التفت عليه ببرود عكس الخوف اللي بقلبها
وصوته اللي هز كل عرق بجسمها علشان تحسسه انه ولايسوى :نعم
ناصر بعصبيه :لمى اتكلم تسمعين فاهمه وخلي عنك العناد
رانيا رافعه حواجبها وتناظره بقرف :هذا كلامك مشه على مها مو علي انا ماني خدامه عندك
ناصر عصب من رانيا :مها ادخلي الغرفه انا لاحقك الحين وصرف الشغاله
رانيا وهي لافه يدها على صدرها :برافو عليك فهمت الحين
ناصر عصب اكثر ومد ايده وعطاها كف رانيا ماصدقت وماتحملت الالم بس ظلت واقفه قدامه مثل الصخره
ناصر حس بايده انشلت من قوه الضربه اللي هزت قلبه على خدها الناعم اللي صار احمر واصابعه معلمه عليه
رانيا بصوت مرتجف وخايف :هذي ثاني مره تمد ايدك علي والله ياناصر مهما يمر مااسامحك علشان كذا صرفت مها والشغاله كان خليتهم يشفون رجولتك علي
ناصر وهو برد حرته فيها :والله لاكسر راسك ونزلي عينك
رانيا وهي واقفه وماسكه دمعتها وصار خدها وطرف اذنها احمر مثل الدم :ماراح انزل عيني ولا اوطي راسي لاحد وانا بنت يوسف
تبي تسوينا مثل الجواري عندك طلعت خايس ونذل وتبي كل شيء يمشيء على كيفك
ناصر انبهر بقوتها قدام عينه وكيف انها مانست اول كف اعطاها لما كانوا بالمزرعه: رانيا بس
رانيا عطته ظهرها ونزلت
لانها لوتدخل الغرفه بيدري انها راح تبكي .....
ريما وهي حاطه الايبود في اذنها وتسمع اغاني على المود العالي وتقلب في الجوال انتهت الاغنيه وسمعت صوت عند الباب
ناصر :ريما افتحي انا ناصر
ريما :..............
ناصر :لو ماتفتحين لاكسر الباب
ريما :شتبي ؟
ناصر ارتاح لما سمع صوتها :ليش مافتحتي الباب لرانيا؟
ريما لطمت على خدودها وعرفت ان رانيا كانت تدق الباب وهي ماسمعت علشان صوت الايبود اكيد انه صار شيء بينها وبين ناصر
ريما تكذب على ناصر :مابي افتح لاحد ولا اكلم احد بعدين كيف رديت عليك؟
ناصر :لاتكونين صغيره وعقلك صغير افتحي خلينا نتفاهم
ريما بعصبيه : تفاهم ياناصر مع زهره هي ترى تقول الصدق زين الحين انت تشك بشرفي
ناصر وندم واستحى من نفسه :معاش اللي يفكر كذا
ريما :خلاص ناصر روح في حالك وخلني على راحتي الله يهداكم
ناصر راح لغرفته وهو يطعن بنفسه ويتمنى ايده انها انقطعت قبل مامدها على رانيا ....... دخل فجاءه لقى مها عند الباب وحاطه اذنها عليه تتسمع عليهم
ناصر :شنو تسوين ؟؟
مها بعصبيه :ليش تضرب رانيا وشنو صاير؟
ناصر بعصبيه :مها هذا مايخصك ورانيا يبيلها تربيه لانها ترد علي بوقاحه
مها سكتت ماحبت انها تسوي مشكله مع ناصر علشان رانيا وسوالفها واحتارت شنو صار علشان ريما تقفل عليها الباب ولا ترد على احد
ريما بالغرفه بتنجن وتعرف شنو صار لرانيا وناصر
ريما :ياربي شلي خلاني احط الايبورد واعلي الصوت وهي بعد كان اتصلت علي ياربي شنو اسوي ؟

ريما قررت تطلع من الغرفه علشان تشوف رانيا .........
طلعت من الغرفه وشافت لاكشمي طالعه من غرفه خالها نادتها وقالت
ريما بحذر :روحي نادي رانيا خليها تجي هنا بسرعه
لاكشمي :هذا رانيا برى عند مسبح ممكن هذا زعلان اشفيه
ريما خافت :لاكشمي اسمعي كلام ويله روحي نادي رانيا
لاكشمي وهي تافف من الحاح ريما عليها .......
رانيا لما نزلت دخلت الحمام (اكرمكم الله )علشان تشوف شافت وجهها احمر واصابع ناصرطابعه على خدها
طلعت من الحمام علشان مااحد يشوفها وراحت عند المسبح حتى يخف الاحمرار الي بوجهها .....
رانيا التفت لصوت اللي يناديها شافت لاكشمي تمشي بكل سريه (مصدقه نفسها ) رانيا ضحكت على حركات لاكشمي وقفت عند رانيا
لاكشمي :ريما تبقى شوف
رانيا وهي تلعن ريما في نفسها بس عرفت ناصر قدره :شنو تبي ؟
لاكشمي تهز راسها :مادري بس تبقى انت دروري
رانيا تصرف لاكشمي وتمشي وراها طلعت رانيا ودقت الباب على ريما وريما ماقفلت الباب
رانيا رافعه حواجبها وهي تناظر ريما :خير شنو تبين ؟؟
ريما نطت من مكانها لما شافت رانيا وشافت خدها :رانيا والله العظيم اني كنت حاطه الايبود
ماعرفت انك عند الباب ماتوقعت انك ترجعين والله بعدين شنو صارلخدك ؟
رانيا وهي تلمسه بالم :مافيه شيء
ريما قربت منها وحطت ايدها بنعومه على خد رانيا :لايكون ناصر
رانيا وهي تبعد ريما :بعدي عني اذا تبين اكل اخلي الخدامه تطلعلك شوي
ريما مسكت رانيا من يدها :رانيا شنو صار مع ناصرليش ضربك؟؟
رانيا عصبت :وليش ناصر ماتكون امي
ريما :لان ناصردق على الباب وسالني ليش مافتحت يعني انتوا تلاقيتوا عند الباب
رانيا باسف :ارتحتي ايه هو
ريما عصبت :ليش ؟
رانيا وهي تقلد صوت ناصر :خلي عنك العناد وردي علي (كانت رافعه كتوفها زي ناصروتقلد شفايفه وهو يتكلم )
ريما مستغربه :رانيا كم مره قلت لك لا تعنادين ناصر وماتسمعين الكلام
رانيا عصبت :ليش دايما يحشر انفه في كل شي طالع هو والست مها يسالوني شنو صاير انا مارديت عليه
الست مها قامت تحامي عن السيد ناصر وقالي وخري عن الباب اكسره وانا رفضت وعاندت وماسمعت وصار اللي صار
ريما شهقت :لايكون مد ايده عليك قدام مها ؟
رانياوهي تضغط على فكها بعصبيه :لا اصلا ماتفرق اكيد ماده اذنها عند الباب لما يدخل السيد ناصر تصفق له وتبوسه بعد
ريماباسف على علاقه مها ورانيا بعد زواج مها من ناصر :حرام عليك والله مها ادميه وماشفنا منها شيء
رانيا :صدقيني هي ساكته الحين وتمثل قدامنا انها ملاك قدام ناصر وخالي علشان ماتطلع قدامهم غبيه وسطحيه وماتغارعلى ناصر مني
ليش لاني من غباءي كنت اقولها كل شيء واقول كل شيء يعجبني في ناصر بالله عليك ماتغار تخاف اخطفه منها
هذا اذا ماقالت لناصر شي وبعدين ماتلاحظين لما نكون قاعدين مع بعض لاصقه بناصر وتناظرني تحسبني عيني عليه
قليله عقل وتصوري من يوم دخلت البيت وهي ماتكالمني الا كلام سطحي مكان بينا عشر سنين ماتوقعت مها تتغير كذا
ريما :رانيا ليش انت تحطينها باعتبارك انسيها وناصر التبن اتركيه ولا تكلمينه واذا قرب منك او رفع ايده عليك اكسريها له
رانيا عصبت :ريما انت تتكلمين على ناصر
ريما بتجاهل :وخير ياطير اذا ناصر
رانيا :لاتقولين عنه تبن وبعدين شفتي يوم الدفاع عنك ياست ريما شفتي كان بيكسر وجهي
بس خليه عطيته كلام خليته مثل البزر قدامي مايسوى وانا بقولك من الحين انه مايقدر يكلمني ....
ريما :ابعدي عنه وحاولي تتجنبينه ومها بعد ........ (تذكرها) رانيا
رانيا :خلاص لما تجي فاطمه اطلعها فوق واخليهم يشوفونها علشان الشيطان لايقولون رجال خلاص ريما حفظت والله
ريما وتدور يدها على راس اختها :بسم الله عليك هو ده الله لاوصيك
رانيا طلعت من الغرفه ونزلت تحت وشافت امها وام محمد قاعدين يسولفون مع بعض
رانيا انصدمت ماتوقعت بهذه السرعه رجعت ودخلت غرفتها ولبست تنوره كحليه ضيقه وطالعه على جسم رانيا تجنن
وبلوزه تيشيرت احمر مع لون اخضر كان حلو عليها ومفتوح من عند الظهر لبست سلاسل ناعم وكان نهايته ورده كريستال حلوه دلتها على ظهرها
وكانت باينه مع الفتحه لفت شعرها وحطته على جنب وحطت مكياج خفيف بس كثرت البلاش علشان يغطي الاحمرار
وحطت روج احمر غامق على شفايفها طلعت شوي مليانه وحطت عطر وناظرت نفسها في المرايه
رانيا تضحك بمكر :بنشوف ياسيد ناصر
ونزلت عند امها و ام محمد انبهرت بجمالها وقعدت رانيا جنب امها وام محمد من وقت ماقعدت رانيا وهي تناظرها وتمدح فيها
وفي هذا الوقت نزل ناصر ومها من غرفتهم مها دخلت عندهم لما سمعت الاصوات من الصاله وناصر طلع يقعد مع ابوه بالحديقه
مها وعيونها على رانيا :سلام عليكم
ام محمد :وعليكم السلام
مها: شلونكم ياخاله ؟
ام محمد :الحمد لله انت شلونك ؟
مها :الحمد لله
ام محمد :انتي زوجة ناصرصح ؟
مها بافتخار وتناظر رانيا بمكر :ايه انا
ام محمد ماحبت غرور مها وافتخارها بناصر كأنها اول وحده تتزوج
رانيا ضحكت (اكيد ناصر نقل عدوى الغرور ):مها شلونك ؟
مها :الحمد لله ...... انا استاذن ياجماعه انا بروح لغرفتي ابي ارتب اغراضي لان زواج اختي بكره
رانيا لما طلعت بدت ام محمد تتكلم عن ولدها
ام محمد :والله محمد ميت لين مايشوفك يارانيا
رانيا استحت وناظرت امها :ايه
خديجه :لاتتكلمين كذا والله رانيا تزعل وتسوي لي سالفه لمى تتطلعين
رانيا استغربت من كلام امها كانها مواقفه وخالصه
ام محمد ضحكت :الحمد لله انه باقي بنات يستحون
خديجه:ايه
ودخلوا في حديث وهم مندمجين مع سوالف ام محمد...........
ناصر قاعد مع ابوه يتكلمون عن الشغل وسوالفه وعن الصفقات ناصر حب يغير الموضوع
ناصر وقلبه قارصه يحس فيه شيء ماشي عكس التيار :الااقول يبه منو هذي اللي عند عمتي ؟؟
عامر :هذي ام محمد جات علشان تشوف رانيا
ناصر وبقق عيونه على السرعه :بس هذي مكالمتها اول امس ليش مستعجلين؟؟
عامر يضحك:يابوك اللي يشوف رانيا مايستعجل ؟؟
ناصر(أي والله وانا اشهد ) :ايه ومايخالف بس ليه مستعجلين ؟
عامر حس ان فيه شيء :ليش انت معارض ؟
ناصر ارتبك :انا ماني معارض بس حرام توخوانها ميتين من 3شهور شلون يجون ويتكلمون و.....
عامر قاطعه :رانيا تبيه وموافقه عليه مستحيل اني اوقف في وجه نصيبها
ناصر وهو مقتنع ان بين رانيا ومحمد علاقه وعرف ان القدر اراد ان رانيا تروح منه :ايه الله يوفقها
التفتوا لقوا سياره فخمه وسواداء ونازله منها بنت وتلف كانها تدور على احد... وقف ناصر وعامر وراحوا لها
عامر وقف علشان الناطور يكلمه عن عمال الحديقه جايين علشان يخلصون الشغل فيها ....
ناصر كمل طريقه قدام البنت اللي جات ونزل راسه
ناصربياس بعد اللي سمعه :حياك اختي
فاطمه خقت على جمال ناصر حست انها بتطيح من طولها وهي تناظره :تسلم اخوي الا بغيت ريما
ناصر وتوه يفكر في ريما اكيد اذا صديقتها جات راح تفتح الباب وتكلمها :ايه حياك تفضلي
عامر وهو يلحق ناصر يبي يعرف منو هذا البنت
ناصر يمشي قدام فاطمه وهي تناظر طوله وشعره ومشيته وضحكت على نفسها متى بتبطل هذي العاده
مع ان فزاع ولد عمها حلو بس كانت نادر تشوفه صار له 4 سنين ماشافته ... عامر سبق ناصر ونادى خديجه
خديجه سمعته : رانيا شوفي خالك شنو يبي
رانيا قامت وهي تمايل بخصرها وام محمد تناظرها وتسمي عليها :حاضر
عامر شاف العمال وهو ينزلون اغراض تعديل الحديقه وراح لهم وقال :ناصر الحين تجي عمتك خلها تدخل البنت
رانيا راحت لباب وفتحته بقوه وشافت ناصر قدامها .... ناصر حس مثل الابره في قلبه لما شافها بهالجمال
ماتوقعها حلوه لهذي الدرجه ناظر ظفيرتها اللي حاطتها على جنب وريحه عطرها اللي هبت عليه لما فتحت الباب صار يتنفسها
وقف قلبه وهو يناظر خدها اللي باين انه احمر بس مغطيته بالمكياج .... رانيا انتبهت لانبهار ناصر فيها
وهي بعد انبهرت بوجوده بس لازم تقسي قلبها عليه لانه كافي يهينها التفت رانيا شافت بنت واقفه وراه
فاطمه وهي تناظر رانيا منبهره بجمالها وناظرت ناصر اللي خق وماعرف يتكلم :رانيا ماعرفتيني ؟
ناصر صحاه صوت فاطمه واستاذن
رانيا رحبت بفاطمه وعيونها على ناصر اللي عاطها ظهره وهي تسرق ناظرات علشان فاطمه ماتنتبه
رانيا:اهلين حياك فطوم ريما كلتني وهي تنتظرك واعتطني تعليمات لازم تنفذينها حرفيا
فاطمه وهي تمثل البكاء :والله راح اموت علي يد هالريما
رانيا تضحك وهي تدخل فاطمه الصاله علشان تشوفها امها
خديجه اول ماشافت فاطمه سلمت عليها :حياك هلا وغلا فطوم
ام محمد شافت فاطمه وسلمت عليها وهي تناظرها بتمعن في عبايتها وكشختها اللي ابين انهم ناس الله منعم عليهم
ام محمد :هلا يافاطمه
رانيا حبت الوضع وشافت ام محمد طايره بفاطمه بس
ام محمد :خديجه يوم الخميس راح اجي انا ومحمد نتفق
رانيا :يمه خالي قال بروح المزرعه يوم الخميس بعدين الخميس بكره
خديجه وحست ان بنتها رافضه الفكره :ايه والله ذكرتيني والله قالي من وقت ماجينا
ام محمد :مايخلف وقت ثاني
فاطمه وهي تاشر لرانيا :وين ريما ؟؟
رانيا :عن اذنكم انا بطلع فاطمه لريما
خديجه تكلم فاطمه :تفضلي وعقليها خليها تاخذ منك شوي
فاطمه (والله محد بيخربها غيري ):ايه انشالله
رانيا دلت فاطمه على غرفه ريما وراحت هي تسولف مع مها لان مها نادتها تاخذ رايها باشياء تخص العرس

ناصر وهو يمشي بالحديقه من دون عقل وصوره رانيا مارحت من باله وهو يقول بنفسه (كل هذا يارانيا علشان محمد
بعدين ياناصر انت وش اللي قهرك وانت خذيت مها وشفت حياتك خل البنت تشوف نفسها وحياتها واذا تحب محمد هذا جاء وخطبها شنو صار ...
لا ماقدر اشوف رانيا مع حد غيري لا انا لازم اخرب كل شيء لازم رانيا ماتزوج هي لي ...
ناصر حرام عليك استاذنب فيها هي مستحيل تحبك وانت ضاربها شفت شلون خدها احمر هي ماتحبك خلاص انساها
وتبي تتزوج على مها من دون سبب ورانيا اكبر اسبابي )
ناصر كان يخرب شغل العمال وهو يمشي وفي باله الافكار ضد رانيا ومعها وماحس الا ابوه ضربه على كتفه
عامر معصب :ناصر وجع صارلي ساعه اناديك وانت ماترد بعدين شف شنو سويت
ناصر وهويناظر ثوبه كان من الساق وتحت مليان تراب ووسخ :اوه يوبه ماانتبهت اعذريني بعدين انت شنو تسوي
عامر :وين عقلك .... بعدين انا اركب رشاشات ماء في الحديقه علشان بمفتاح واحد يشغلها ونخلص بدل ماننتظر احد يتكرم ويعطي العشب ماء
ناصر :ايه خلاص انا طالع اغير ثوبي الحين بياذن المغرب
طلع ناصر وهو طالع شاف ام محمد طالعه من بيتهم وناظر في السياره علشان يشوف محمد بس طلع السايق راح وهويلعن رانيا وشلون سوت فيه كذا .....
دخل غرفته شاف مها لابسه فستان زواج اختها ورانيا واقفه تعدل فيه بالخيط والابره ....
مها انتبهت لدخول ناصر فجاءه بس طلع لحد ماتغطي رانيا مها بسرعه بدون نفس عطت رانيا شيله وخلتها تلفها عليها ....
ناصر دخل من دون مايناظر فيهم


مها وهي تشوف ثوبه :يالله ياناصر ليش ثوبك كذا ؟
ناصر وهو رايح لغرفه الملابس (بسبب رانيا ):كنا برى مع العمال بالحديقه
مها وهي توقف رانيا علشان تلحق ناصر :وقفي يارانيا انت خليك لاتطلعين
رانيا وقفت وبهمس :انتبهي الابره باقي في الثوب
مها بدون اهتمام راحت لناصر بغرفه الملابس شافت وهي ينقي له ثوب ومها وقفته وطلعت له ثوب فككت ازره ثوبه وهو مايبي يناظرها
يحس بذنب لما يشوفها مها وهي حاطه ايدها عل رقبته علشان يلاحظ فستانها :شرايك بالثوب؟
ناصر ونزل عيونه عليها وكان الفستان حلو عليها وابتسم وقال بعذوبه :يجنن عليك
مها فرحت من رده فعل ناصر وباسته على خده :عيونك الحلوه
ناصر مكان يدري ان رانيا باقي موجوده بالغرفه مها عطته الثوب ولفت علشان تروح
بس ناصر مسكها مع خصرها وسحبها مها صرخت وقالت بدلع :ناصر وخر اه انتبه الابره
ناصر وهو يقربها منه اكثر :من وين الابره اللعينه هذي ؟؟
رانيا ماتحملت اصواتهم واللي توحي لها انهم قريبين من بعض رمت الخيوط اللي كانت ترتبها بيدها وطلعت من الغرفه
وهي تحس انها دخيله عليهم قفلت الباب بقوه لدرجه ان ناصر ومها اخترعوا وبعدوا عن بعض
ناصر بعصبيه :منو اللي عند الباب ؟؟
مها بفرح ان رانيا سمعت كل شيء كل شيء جاء بوقته :هذي رانيا انا قلتلها تقعد علشان تكمل شغلها
ناصر عصب اكثر لما عرف ان رانيا عندهم وسمعت :شلون قلتيلها تقعد وبعدين لاتقولين شغلها رانيا مو شغاله عندك علشان تقولين كذا
مها عصبت من ناصر :وليش خايف على شعورها ؟؟
ناصر عصب من كلامها :مها رانيا باقي ماتزوجت علشان تعرف هذي السوالف
مها وهي تحط يدها على خصرها :لا ياحبيبي تعرف ونص اسالني وهي خلاص بتتزوج ..ام محمد بتجي الاسبوع الجاي هي ولدها ويخطبونها رسمي
ناصر حس ان الوقت يمر وكانها قنبله وبتنفجر :ايه الله يوفقها وبعدين كان رحتوا في الصاله
مها وهي فرحانه ان رانيا سمعت كل شيء:افرض ابوك طلع صدفه
وقف كلامهم اذان المغرب ناصر لبس ثوبه وطلع ومر من جنب غرفه رانيا زم شفايفه وتحسر عليها لانه مايستهالها كافي اللي يصير فيها
فاطمه مع ريما وكانوا مبسوطين ولحد الحين ماجابوا سيره فهد وريما تسوي نفسها مستحيه من فكرتها اللي تدور في بالها
ريما :والله ان اماني ونوال خايسات ماكلموني ولاسالواعني من بعد وفاه خواني ماشفتهم ولا سمعت عنهم شيء
فاطمه تضحك :اماني بدبي عن خوالها اما نوال مصادرين الجوال منها اخوها طاح الجوال بايده ومن حسن الحظ دق واحد مغزلجي واتهمها انها تعرفه
وتعرفين لوتكلمينها على البيت بترد عليك عشرين حرمه من كثر حريم ابوها
ريما تضحك :مسكينه نوال شنو صار بفيصل؟؟
فاطمه :والله مادري اخر مره جابت سيرته قالت انه قالها بيخطبها مع ابتداء الدراسه ويخليها تكمل برى
ريما :الله يوفقها وهذا ولد عمها مستحيل يكذب عليها ...... (ريما منزله راسها وتلعب باظافيرها )فطوم
فاطمه وكانها حست بشيء :هلا والله
ريما :تدرين انت ليش جايه ... بس ماحبيت استقبلك بطلبات
فاطمه اكتشفت الللي يدور براسها :لا تكفين ارحميني
ريما :والله خمس دقايق
فاطمه تصارخ وتقوم من مكانها علشان ريما مسويه وسواس خناس لفاطمه :لا ريما لا تورطينا
انا اكلم هدى الحين واخليها تصوره وترسل الصور تتطمنين عليه
ريما وهي تمسك يد فاطمه بترجي :فطوم تكفين والله خمس دقايق
فاطمه وهي بدت تضعف قدام دموع ريما :ريما المره اللي فاتت شافني فواز اخو فزاع
المره الثانيه بيشوفني فزاع المره الثالثه بتشوفني الملائكه وانا روحي بالسماء
ريما وهي تبكي وهي تشوف فاطمه معنده :فطوم تكفين خليني اشوفه بس خمس دقايق واطلع ماراح يشوفك احد
فاطمه واقتنعت شافت انه حرام تحرم ريما من شوفته واذا صارله شيء لاقدر الله بتحمل نفسها المسؤليه انها حرمت ريما ماتشوفه لاخر مره
فاطمه :طيب شلون وهلك مثل العساكر
قطع عليهم اذان المغرب ..........
فاطمه :خلينا نصلي ونفكر شنو نسوي
ريما تمسح دموعها :ايه يله
صلوا وخلصوا وقعدت ريما تشرح فاطمه شنو تسوي
فاطمه :خطه محبوكه تمام بس والله لو احد يدري لاقطعك
ريما :لا انا متاخذه الحذر
ريما قامت سوت اللي براسها ..... نزلت ريما وهي لابسه عباية فاطمه ومتلثمه وحاطه مكياج عيون ثقيل شوي علشان مااحد يعرفها
وخذت شنطتها ولما نزلت شافت امها مع خالها داخلين البيت ريما خافت وارتبكت مسكت نفسها التفت امها عليها .
خديجه :وين تعشي معنا ؟
ريما تقلد صوت فاطمه وهي تدري انها ماراح تقدر بدت تنعمه وتخليه مايع :لا خالتي انا لازم اروح مع السلامه
ريما طلعت وهي حاطه يدها على قلبها وراحت برى البيت وركبت مع السايق وعلى المستشفى
دق الجوال ريما اخترعت انهم دقوا الباب على غرفتها وطلعت فاطمه من الغرفه ..
ريما بخوف :الو ايه فاطمه
فاطمه وهي بتموت من الخوف :ريما شنو صار ؟
ريما تضحك بلهفه : تمت الخطه بنجاح
فاطمه بخوف :ريما والله خايفه من ولد خالك هذا احس انه بيكسر الباب
ريما بهمس :ليش دق الباب ؟؟
فاطمه :لا انت ماتقولين انه حاول يكسره
ريما بضحكه تطمن فاطمه :ماعليك انت لا تردين على احد وبيقولون اني نايمه
واذا دقت رانيا لاتفتحين ولا تردين انا باشوفه وبرجع انتبهي لا تفتحين
فاطمه :مع السلامه الله يجعلها في ميزان حسناتي وانتبهي على نفسك وانا خلاص قلت لهدى وهي مجهزه الاغراض
ريما بخوف :لايكون قلتيلها شيء
فاطمه: صاحيه انتي انا قلتلها انك اخته واخذوك عمامك من امك وانت صغيره وهم مانعينك ماتشوفينه
خلاص هذي القصه الجديده والله الله روحي خربي الدنيا كالعاده
ريما :ليش التشائم ؟؟
فاطمه :مع السلامه
ريما :لا فاطمه لاتقفلين خليك تكلميني لحد ماوصل انا خايفه
فاطمه :مع السلامه ياحلوه لحد يمر من جنب الغرفه ويكشفني هههههه
ريما :هههههههههه الله يقطع سوالفك مع السلامه
ريما قفلت وعيونها في الانوار والطريق وتعد الدقايق والثواني وتشوف فهد اللي صار له يومين بغيبوبه ........
وقف السايق وهو مستغرب من تصرفات ريما بس اعطت له فلوس علشان مايتكلم ويفسد على فاطمه
ريما :شوف انت وقف هناك في الكراج لاتحرك انا بعد ماخلص اطلع اوكيه
السايق يهز راسه :طيب مدام
ريما صارت ترتجف اكثرلما قربت :هز راسك وكثر
ريما مسكت اعصابها وصارت تاخذ شهيق وزفير علشان تهدي من خوفها ايدها بارده وصارت تعرق
راحت الاستقبال وسالت عن هدى هدى كانت تنتظر ريما راحت لعندها ريما ماتحملت بكت على طول وهي تخيل شكل فهد
هدى مسكت ايدها :انت ريما
ريما تمسك نفسها :ايه
هدى وتحسر على حالة ريما :يله تعالي
دخلته غرفه مليانه ملابس ممرضات لبست ريما معطف وتلثمت دلتها هدى واعطتها التعليمات
ريما ورجلينها ترتجف :هدى انت متاكده ان فهد هنا
هدى :ايه ادخلي بس لاتصارخين وتسوين ازعاج لاتنسين انتي ممرضه ولا تخافين هذا مو وقت زياره انا بعد دقايق امر عليك خلاص
ريما ماقدرت تتكلم هزت راسها ... هدى حطت على رقبتها السماعه وعطتها جهاز لقياس الضغط علشان مااحد يشك في ريما
وصاروا يمشون بالممرات لحد ماوصلوا الغرفه ريما وهي تناظر هدى وهي تمشي وتبعد عنها
ريما مسكت الباب وترتجف وكانها بتشوف شيء ماترضاه لفهد ولاتسامح نفسها فتحت الباب ...........

الجزء الثاني عشر



هدى :ايه ادخلي بس لاتصارخين وتسوين ازعاج لاتنسين انتي ممرضه ولا تخافين هذا مو وقت زياره انا بعد دقايق امر عليك خلاص
ريما ماقدرت تتكلم هزت راسها .. هدى حطت على رقبتها السماعه وعطتها جهاز لقياس الضغط علشان مااحد يشك في ريما
وصاروا يمشون بالممرات لحد ماوصلوا الغرفه ريما وهي تناظر هدى وهي تمشي وتبعد عنها ريما
مسكت الباب وترتجف وكانها بتشوف شيء ماترضاه لفهد ولاتسامح نفسها فتحت الباب ....

ريما وصارت تبكي وتشاهق:فهد
ناظرت كان عاري ومركبين عليه اسلاك نبض ومغذيه ومخططات وكان وجهه اصفر وشكله ذابل قربت وهي تناظر هذه الاجهزه
شافت الجروح البسيطه اللي بوجهه وشافت صدره اللي فيه كدمات ولونها جاي ازرق على بنفسجي
ريما تبكي ماتحملت ماتخيلت انها تشوف فهد بهذه الحاله قربت منه اكثر ومسحت على شعره وهي ترتجف مع ان هدى حذرتها ماتلمسه
مررت يدها بنعومه على خدوده وقربت منه كانت بتبوسه بعدت منه واستغفرت ربها
ريما وهي تمسح دموعها:تصدق مدري ليش انسى نفسي لما اشوفك استغفر الله العظيم
تذكرت شلون كان يناظل معها علشان القضيه مسكت ايده وصارت تضغط عليها وتقوله بهمس
ريما:فهد انا اسفه انا السبب في اللي انت فيه ادري انه قضاء وقدر بس ربي كتبه لك من ناس مايخافون الله ..
والله يافهد لو يصير فيك شيء اني راح اخذ بثارك وماانساه لهم بس خلاص نوم قوم كل الناس ينتظرونك (وصارت تقطع في قلبها )
زوجتك وامك وخواتك وابوك وكلهم بنتظرونك (ماكان فهد يكلمها عن اهله علشان كذا خبصت الدنيا )
يله فهد انت تدري هذي اخر مره نلتقي انا خلاص ماعاد ابي البيت لوتدري شنو صارفيني من بعد هذاك اليوم
ليش اوجع راسك بمشاكلي الحين يله انت قوم بسلامه وانا اكلمك اهنيك اوكيه يله مع السلامه
الحين لوتدري كيف طلعت من البيت كانت طول ماهي تكلمه ماسكه ايده وتناظر فيه وجهه ولما وقفت كان نفسها تهزه وتصارخ عليه علشان يصحى
بس شالت الفكره من راسها شالت جهاز الضغط ولما سحبت يدها من ايد فهد ضغط فهد عليها
ريما طاح جهاز الضغط من يدها وصارت تمسك ايد فهد بييدينها الثنتين
ريما بضحكه:فهد ... فهد انت مسكت ايدي انا متاكده ... اضغط عليها
فهد ماتحرك ولاسوى أي استجابه ريما ماياست شاالت الاكسجين من على فمه وترددت اننها تسويها بس تشجعت
ريما تشجع فهد وتضغط على ايده اكثر:يالله فهد يالله
فهد كان يسمع كلام ريما بس مايقدر يتحرك ولماحس بيدها تلمسه ضغط على يدها .. ريما تنتظر الاستجابه من فهد وهي تشجعه ومايأست
فهد حس انه بدا يتنفس طبيعي بس حس بالم اسفل صدره فتح عيونه كان مايقدر يشوف عدل يحس نفسه بحلم ..
ريما وهي تناظر صدره العريض اللي شد انتباها اول مادخلت بس غضت بصرها
ناظرت هاللحظه وهي تتابع تنفسه الي تحس انه صارطبيعي لاحظت ان عيونه بدت تفتح
ريما ابتسمت كان ودها تصارخ من الفرحه :فهد انا ريما شفني
وتحرك يدها على وجهه فهد من بعيد:اه ..ريم..ريما
ريما مسكت ايده وماعرفت منو ينادي زوجته والاهي:ايه فهد انا ريما
دخلت هدى فجاءه وشافت ريما ماسكه ايد فهد وشايله الاكسجين
هدى بعصبيه:انت شنو تسوين؟؟
ريما بفرحه:فهد صحى تعالي شوفي
هدى لما تاكدت راحت للدكتور بس حذرت ريما انها تطلع لان زوجته واهله برى
ريما تسحب ايدها بهدوء من ايد فهد:الحمد لله على السلامه ياكسول يومين نايم يله باي اهلك برى واللي تناديها جات
ريما سحبت نفسها من المكان بسرعه قبل احد يشوفها بسرعه تلثمت وطلعت بسرعه وعيونها مافارقت سريره
وشكله وهو يتالم ويضغط على نفسه ولمى قفلت الباب كانت ريما تمسح دموعها بسرعه بس وقفتها ايد ناظرت لقتها مراه كبيره في السن
بس حلوه وباين عليها من لبسها انها راقيه ريما خافت وهي تشوف المراه تبكي
ام فهد:انا ام فهد امنتك بالله كيف حالته ؟
ريما خافت وام فهد ماسكه ايدها وهي ترتجف:ايه طيب ابشرك وهو صحى من الغيبوبه
ام فهد ابتسمت بنعومه وحطت فلوس بيد ريما :الله يبشرك يابنتي
ريما وهي ترد فلوسها في يدها:لا ياخاله مايصير كذا حنا نسوي واجبنا وفهد غالي علي (ارتبكت )
يعني اقصد المرضى غالين علينا ولازم نسوي واجبنا انااستاذن الحين الدكتور الحين يجي ويشوفه ويطمنك اكثر
جات وحده قربت منها وهي كاشخه على الاخر كأنها رايحه عرس ريما طالعتها باستغراب وعرفت انها الريم
الريم وهي تناظر ريما بقرف:ليش ماتاخذين الفلوس ولى تسوين فيها امينه
اتركيها عنك خالتي هذولا هيلق مايستاهلون يشوفون النعمه ويرفسونها برجولهم
ريما عصبت وحست انها ودها تذبحها بس ردت عليها وبكل ثقه :انا ماكل مال حرام لا انا ولا اهلي لاني اعرف الله فهمتي يامدام
(وبابتسامه) الحمد لله على سلامته واظن فهمتي قصدي
ريم انصدمت من جراءة ريما وهي ترد عليها بقوه .. ريما راحت بسرعه وهي تركض لما بعدت عن غرفه فهد
دخلت الغرفه ولبست عبايتها وفتحت جواله وشافت 12مكالمه من فاطمه ريما طاح قلبها ودقت عليها بسرعه وهي تمشي وتعدل الشنطه على كتفها ..
ريما بخوف:الو فاطمه شنو صاير؟؟
فاطمه :بسرعه ياريما اهلك الظاهر من مر من جنب الباب دق الله يخليك ارجعي الساعه تسعه الحين اهلي ومن يفكني من عيسى اخوي ارجعي ياريما بسرعه
ريما بخوف وتفكر شلون تدخل:ايه طيب انا جايه
وهي تمشي صدمت بجسم قوي مره رفعت عينها ماسمعت غير كلمه اسف التفت من الصدمه صارت تركض وهي حاطه يدها على فمها
ريما وهي تركب السياره:حرك بسرعه (وهي تمد ظهرها على المرتبه وتناظر وراء )
ياربي شلون ناصر في المستشفى الحمد لله انه ماعرفني الحمد لله
وهي في الطريق تفكر كيف تدخل البيت بس اللي بيسهل المهمه ان ناصر مو في البيت .. وصل السايق عند الباب
ريما تفكر ماجات في بالها فكره وقف برى البيت شافت الناطور واقف عند الباب وفكرت شنو تسوي
نزلت من السياره وكانت بعيده شوي من البيت رمت حصاه بعيد علشان الناطور ينتبه بس لاسف ماتحرك
قربت وفرحت لماشافت الناطور نايم دخلت وطاحت عند الباب وهي تان من الالم الناطور تحرك وراحت تتطامر بين شجر الحديقه
وهي ماتعرف انهم يعدلون فيها وصدمت رجولها بمفك حديد مغروس في الارض طاحت على الارض شافت الدم يسيل من رجلينها صارت تلوى على الارض من الالم وتان
قامت وهي تقاوم الالم كان فيه صاله تحت معها بلكونه دخلتها وهي ماتعرف تشيل رجلها وهي تسحبها
وصارت تناظر في من زجاج الباب شافت العائله الكريمه مجتمعين ماعرفت شنو تسوي دقت على البيت وهي تأمل وتناظر في رانيا انها هي اللي ترد وردت رانيا
رانيا:الو
ريما وهي تلهث :رانيا اسكتي لاتتكلمين انا في الصاله اللي مقابلتكم بسرعه انا انزف ولا تخلين احد ينتبه
رانيا وهي تناظر بالصاله اللي تقول عنها ريما وشافتها تاشر برى الزجاج وتشوف في يدها ملطخه دم رانيا خافت اكثر على اختها شنو مسويه
رانيا:غلطانه اختي مع السلامه
ريما:ايوه الله غلطانه بسرعه رانيا
رانيا قفلت وهي تبسم لخالها:شو رايكم نطلع برى احس الجو حلو؟
خديجه :والله مافيني انا بروح اصلي اطلعوا انا لما اصلي الحقكم
عامر ومها:يله بنطلع
خديجه راحت للصاله اللي فيها ريما .. رانيا تناظر امها وصارخت
رانيا تصارخ مع ارتباك:يمه السجاد هنا
خديجه :سجادتي في الصاله بروح اخذها واصلي هنا رانيا ماقدرت تتكلم لانها لو تقول انا اجيبها لك بتشك
ريما تناظر الباب شافت امها جاييه صوبها ريما خافت انها عرفت شيء صارت تناظر بالصاله وين تخبى
شافت الكراسي كلها مكشوفه ماعرفت ورا الباب بتعرف لان الباب يقفل بنفسه ريما تناظر امها وهي جايه ..
دخلت امها وشغلت النور واخترعت
خديجه وهي حاطه يدها على قلبها:عامر تعال
رانيا شهقت خافت وراحت مع خالها ومها يشوفون
خديجه بعصبيه:امانه عليك شيل هذا التمثال والله كل مادخلت يخوفني
عامر :هههههه هذي تحفه
خديجه :تحفه سوداء وهالكبر والله كانها ادمي ( ولفت ومشت شافت دم بالارض واستغربت )
عامر يناظر وين ماكانت تناظر :شنو الدم هذا ؟؟
رانيا وهي تمثل الحزن:لا خالي لاتلمسه هذا مونكير
خديجه عصبت عليها:رانيا ليش تسوين كذا ؟
رانيا باسف وتلفت في الغرفه تدور اختها:خلاص اطلعوا الحين انظفه
عامر:معليه حلالك بعدين خديجه البنت ماتقصد
مها بغيره:ليش رانيا توك صغيره ماتعرفين تمسكين علبه مونكير؟
رانيا وهي تناظرها من فوق لتحت :خلاص قلنا اسفه
مها وخالها وخديجه طلعوا من الغرفه رانيا طلعت قفلت الانوار وراحوا برى ..
خديجه وهي تصلي قدام الباب يعني لو تمر ريما تشوفها وتحس فيها ريما طلعت من البلكونه وجرحها ينزف
وهي تحط عبايه فاطمه عليها علشان لايقطر على الارض ريما وهي تعرج صوب الباب شافت امها
ريما وهي تحط ايدها على راسها
صرفت المساكين وخلت المصيبه .. فكرت ريما لما تسجد امها تركض
ريما فتحت الباب وهي تنتظر امها تسجد لما سجدت ركضت على الدرج متجاهله الجرح وقفت عند الغرفه وصارت تدق الباب بقوه
فتحت فاطمه وهي تصارخ وتشوف ريما وجهها ملطخ دم وهي لما كانت حاطه يدها على فمها لما كانت بلبكونه وهي كانت ماسكه رجلها من الالم
فاطمه بخوف:ريما شنو صاير ليش هذا الدم كله؟
ريما وهي تطمنها:يله بسرعه فاطمه البسي عبايتك واطلعي
فاطمه :شنو صار ؟
ريما وهي تفسخ العبايه:اقول طسي اكلمك بالتلفون بسرعه البسي الله يستر شلون اطلعك من البيت
فاطمه وهي تناظر بعبايتها والدم اللي فيها والي ملاينه تراب وحاله :بالله عليك انت رايحه مستشفى ولا رايحه تولدين بقر
ريما وهي منرفزه:شلون انا قاعده اطامر من شجره لشجره وصدمت رجلي بحديد مغروس في الارض
فاطمه:لا صرت فجاه من ريما الى موكلي
ريما وهي رافعه حواجبها :تبين عبايتي ؟ لا ارتاحي البسي عبايتك واذلفي
فاطمه تضحك :مدام الحلو رايق ويخفف دمه اكيد اللقاء عشره على عشره
ريما وهي تركض عند درجها وطلعت عبايتها ورمتها على فاطمه ولبستها ريما طلعت تتفقد الاجواء ونزلوا بشويش
راحت ريما لباب الرئيسي مالقت احد شافتهم قاعدين وراء المسبح ومغطى بشجر ريما سحبت فاطمه وراحوا يزحفون فاطمه وهي تدعي على ريما وتزحف
فاطمه بهمس:تقطعت ايدي فكرتي بخطه للروحه مافكرتي بالرجعه
ريما بصوت واطي:اسكتي الحين الله يمر هاليله على خير وقفوا لما صاروا ورا البوابه
وشافوا نور سياره يقرب تخبوا وراء الباب والناطور كان جالس على كرسي
ناصر وهو موقف السياره:تعال شيل الاغراض معي
الناطور:حاضر بس خلني اقفل الباب
ناص: تعال بسرعه لاتقفل الباب
الناطور راح فاطمه طلعت بسرعه ريما على طول دخلت من المكان اللي جات منه ودخلت غرفتها وتنفست شوي
وقعدت على السرير وهي تذكر فهد وام فهد وكيف الريم تعامل مع الناس بس فرحت ان فهد مااستجاب الا لها
فكت ملابسها ودخلت للحمام (اكرمكم الله )

طلعت من الحمام وفجاءه دخلت عليها رانيا كانت ريما لابسه روب حمام ورجلها مجروحه
رانيا تصارخ :وين كنتي ؟؟
ريما وهي تافف :كنت بالمستشفى عند فهد
رانيا شهقت :كنتي عنده والدم هذا يالخايسه من .......
ريما قاطعتها :ايه عنده والدم زي ماانتي شايفه كنت اطامر بالحديقه ومادري جرحت رجولي حديده ونزفت هذي هي
رانيا وهي مستغربه كيف طلعت من غير مااحد يحس فيها وراحت مع منو :شلون صارهذاكله وكيف
ريما وهي تدور في الدرج لملابسها :كيف وشلون اساليني بعدين اهم شيء شفت فهد
رانيا مصره تعرف كل شيء :بعد البهذله اللي صارت لي وتقولين بعدين
ريما قالت كل شيء وانبهرت رانيا بلي سمعته
رانيا :سبحان الله تقولين صحى على ايدك
ريما بافتخار :ايه ..........
رانيا بعد اللي سمعته عرفت ان فيه مجانين بالحب ويخاطرون بحياتهم علشانه حتى لو كان من طرف واحد
رانيا :ريما لازم تنزلين امي والله زعلانه وتسال عنك انزلي وبوسي راسها واستمحي منها صدقيني ماراح تردك
ريما وهي ماتبي تعكر مزاجها :اوكيه الحين انزل
ريما لبست دراعه خضراء غامقه ضيقه على جسمه ومححده بذهبي تعطرت ونشفت شعرها طلع له تموجات حلوه
حست بحرقان في الجرح بس تحملت ونزلت وهي لافه شعرها بالشيله علشان ناصر موجود
دخلت المطبخ وشافت رانيا مع لاكشمي تقولها عن طبخه
ريما :وين امي ؟؟
رانيا :برى قاعده مع خالي هم لحالهم استغلي الفرصه واطلعي
ريما وهي طالعه :ادعيلي
رانيا تدعي :يارب متى تزوجين واخلص منك
ريما رمت الملعقه عليها بس رانيا بعدت
رانيا :تصدقين ريما والله ان الشيله مع الدراعه طالعها حرمه عوده
ريما وهي توخر الشيله من على راسها :ها كيف الحين حرمه
رانيا تغمز :اوكيه
ريما طلعت من المطبخ وخرجت عند امها وخالها وراحت لامها وباست راسها امها ضعفت وضمتها ريما حاولت تمسك نفسها بس بكت
عامر :صلو على النبي ماصار شيء وهذي ياريما فركت اذن بس
ريما (لوتدرون شنو مسويه مو فركه اذن الا مسن سكين ):شلونك يمه شلونك خالي ؟؟
عامر :انا بخير تعالي قعدي وحدثيني والفله اليوم هاديه مافيها حوسه
ريما :شقصدك انا مخربه يعني ؟
عامر :يضحك والله انك بزر سبحان الله مهما كبرتي مستحيل بعيني تكبرين
ريما تضحك وتناظر امها اخذت الكرسي وجلست جنب امها تمسح دموعها :يمه خلاص انا اسفه مستحيل اسوي شي من غير ماتدرين
خديجه :خلاص ريما اوعديني
ريما ارتبكت:يمه
وقطع عليهم ناصر ومها جايين .ريما قامت بسرعه قبل مايقربون ودخلت عند رانيا المطبخ
ريما بزهق :ياربي اشتقت للاكل تدرين من يوم اللي صار هذا الموقف وانا مااكلت
رانيا :الحين صار لك نفس
ريما باسف :تدرين تطمنت عليه ومايدري القدر ممكن يجمعنا مره ثانيه مع اني مااتوقع
رانيا :امنتك لاتكلمينه
ريما بعصبيه :شنو قصتك انت وامك امانه وامانه لهذي الدرجه انا كذابه والله ماكذبت الا علشانكم
رانيا :واللي صار اليوم شنو تسمينه؟
ريماتعض على شفايفه وتناظر فوق وتنفس براحه :مجازفه بس ناجحه والله مو علشان شيء بس حرام يصير له كذا بسببي وماازوره هذا اقل شيء اسويه
رانيا :لا تعدينها هالمره نجيتي المره الثانيه الله يستر
ريما بمكر :المره الرابعه
رانيا شهقت :شنو ؟
ريما رفعت حواجبها على انها خطيره :ايه ولاتقولين كيف ريحيني راسي يوجعني جبتيلي الصداع


تصدق بعد مامرت دقيقة
من ~[ عقب فرقاك ]~
تمنيت إني أرجع لك ] وأدفن نفســـــي بترابك
تصدق بعد ماتجرأت وقلت


~[ إني أنا بنساك ]~
نسيت الكل من حولي وسألت: شطول غيابك
صدمني
~[ واقعي بدونك ]~ بعد مادنيتي دنياك


بعد ماكان معنى الموت: دنـــيا من ورا أهدابك
دقيقة.. أنتفض كلي وصحت الآه أبي لقياك


وهم على العشاء تجمعوا كلهم .........
عامر :بكره جهزوا اغراضكم ونطلع المزرعه الساعه 11الظهرترى بنقعد اسبوع
خديجه :ان شالله
رانيا :خالي شرايك ناجلها للعصر احسن
عامر مستغرب :ليش يارانيا ؟
رانيا : معليش خالي علشان عندي شغله ابي اخلصها
ناصر بتطفل :خلي احد يخلصلك الشغله
رانيا وهي بنظره تحدي :انا اخلص شغلي بنفسي
ريما حست ان الجو يتوتر :خالي باقي الخيول موجوده
عامر :ايه بس مانقدر نلمسهم علشان ماني متعود عليها بس هذا ناصر يعرف لها
ريما اكتفت بابتسامه
عامر :الا متى الدوامات ؟
ريما وهي شايله هم اليوم اللي بتداوم فيه :بعد اسبوع
عامر :اها الله يوفقكم
مها :انا خلاص ناويه اجلس في البيت
رانيا تناظرها وهي خايفه تقول شيء :ايه ليش ؟
مها :احس راح اقصر بحق ناصر
ناصر وهو يناظر مها بحنان :لا حبيبتي مافيه تقصير روحي لشغلك
رانيا :خلاص هو قالك
ريما وهي تدق رانيا برجلها تذكرها انها ماتكلم ناصر :ايه خلاص طلعونا من الشغل والداومات
ناصر :يبه ابشرك فهد طلع من الغيبوبه يقولون ان فيه ممرضه شالت الاكسجين وساعدته علشان يستعيد وعيه
ريما حست قلبها بيطيح من الخوف والفرحه
عامر :الله يبشرك طيب فاق بشكل كامل
خديجه :الله يبشرك
ناصر :الحمد لله دخلت عليه امس وهم مطلعينه من العنايه صار طيب كلها شهرين وتجبر الكسور
مها :الله لايوفقهم اللي كانوا السبب
ريما رفعت عينها وعطت نظره لمها حتى ناصر كان وده ياكلها على هالكلام
ريما وهي ترمي الملعقه في الصحن :الحمد لله شبعت
عامر وخديجه :بالعافيه
رانيا :الحمد لله
مها وهي تمد يدها تعطي لقمه لناصر
ناصر يضحك:مها تبين تفضحيني قدام هلي كأني بزر
مها بدلع :كل من ايدي
ناصر وهو ياخذ اللقمه رانيا التفت وضحكت باستهزاء وطلعت ناصر انتبه لضحكتها وكان وده ياكلها
عامر وخديجه :هههههههههه الله يخليكم لبعض
ناصر:الحمد لله شبعت
مها قامت وراءه راحوا يغسلون .... ريما ورانيا بغرفه رانيا يجهزون اغراضهم ويرتبونها في الشنطه
ريما وهي ترتب بلوزه لها في يدها :رانيا شنو الشغله اللي عندك ؟
رانيا لتفت عليها :ابي اروح اخذ جوالي من المصلح اكيد خلص بس ماني عارفه كيف اطلع من البيت
ريما /عادي روحي مع السايق
رانيا :من جدك بعد اللي صار ماتوقع يخلوني اطلع
ريما :قولي لناصر ياخذه من المحل
رانيا عصبت :ماراح اطلب منه شيء ماشفتي مها تاكله بايدها علشان انقهر والله اني لاتزوج محمد وادعس على قلبه
ريما بكل ثقه :وانت شنو يعرفك انه يحبك اوحطك في اعتباره وبالتالي انتي دعست قلبك انك تاخذين واحد ماتبينه وشنو تستفدين
رانيا وهي بدت تفكر في كلام ريما :ريما خلاص قفلي السالفه
ريما سكتت وراحوا يرتبون الاغراض ولما خلصوا كل وحده راحت الغرفه وحطت راسها ونامت .....
اما رانيا فقبل ماتنام فتحت جوال ناصر وتطالع في صوره وهي مبسوطه تنسى كل شي سواه فيها وقفلت الجوال ونامت

فهد يطالع في المكان كان نايم على سرير ابيض ويتطلع الحياه اللي غاب عنها يومين اللي هو فيه ويشوف اللي حوله
شاف امه ونور والريم واقفه تكلم بالجوال طول اليوم
فهد وهو يناظر الريم:ريم تعالي
الريم قفلت الجوال مرتبكه :نعم حبيبي
فهد:وين جوالي؟؟
الريم:تكسر في الحادث
فهد :شنو كيف تكسر ؟
الريم :حلو هذا السؤال مااحد يدري غيرك
فهد :طيب الجوال قلعته اهم شيء الشريحه
الريم باستغراب من الحاح فهد على الجوال :هذي بالبيت بس متكسره
فهد بقرف :اوف
الريم وهي تقرب منه :ماشتقتلي ؟
فهد وهو يبعد منها :اكيد هذا سؤال الا وين امي
الريم بحركه قرف لما يهرب منها :ايه برى هي ونور
فهد :روحي ناديها
الريم قامت ونادت ام فهد ونور
نور جرت وضمت اخوها :فهد
فهد يضحك ويمسح على شعرها :خلاص نور
نور ترفع راسها وهي تبكي :الحمد لله على السلامه
فهد وهويناظر امه :الله يسلمك .... تعالي يمه
ام فهد وهي تقرب منه وكانت بتبوس ايده مسك فهد يدها وباسها :يمه ليش تبكين الحمد لله؟
ام فهد :نفسي اعرف هذي الممرضه ابي اشكرها لو تشوفها كأنها ملاك وكانت متواضعه على انها ساعدتك الله يوفقها
فهد وحس انه تذكر شي ناسيه :ايه وكيف شكلها ابي اتذكر
الريم وهي تافف من ام فهد ":فهد هذا شغلها طبيعي وليش انت ياخالتي مكبره الموضوع ؟
ام فهد وهي تعطيها نظره :تدرين اللي قاهرني انها راحت من دون ماترد عليك لانها عاقله ولا تبي المشاكل مع انك جرحتيها
الريم :خليها تولي زين تسوي نفسها عفيفه
فهد كانه تذكر :يمه كيف شكلها ؟
الريم وهي مستغربه من سؤاله واصراره يعرفها :شنو تبي فيها ؟
فهد :ابي اشكرها
الريم :شكرانها ووصل الشكر خلاص
فهد وهو ناوي بعدين يسال الممرضه اللي تراقب عنده
الريم :فهد بتطلع بعد شهرين لما تجبر الكسور
فهد يتافف :اسكتي لاتذكريني
نور :شنو مستعجله عليه؟
الريم :نور
فهد بعصبيه من مناقره الريم ونور :شوفوا مره ثانيه لاتتجتمعون في زياره واحده سمعتوا
الريم :فهد ابوي يسلم عليك
فهد وهو يستهزء :وليش ماجاء ؟
الريم تشهق :من جدك وين يجي انت هنا بالمستشفى وبعدين ابوي معروف مايدخل هنا
فهد يضحك :ايه ذكرتيني اني متزوج بنت الشيخ علي
الريم مستغربه من لهجه فهد :فهد انا بروح وبازورك بعدين
فهد مو مستغرب على اسلوبها يعرف انها تسوي كل هذا مظاهره :روحي مع السلامه سلمي على ابوك
طلعت الريم نور عصبت من اسلوبها فهد كان عادي ومزاجه رايق .......
فهد :يمه لازم تروحين ترتاحين شوفي عيونك شلون صايره
نور :والله يافهد من وقت مادخلت المستشفى وهي مانامت
فهد :يالله نور روحي مع امي السايق برى
نور :ايه برى
فهد :يله مع السلامه
ام فهد :مع السلامه يافهد انتبه على نفسك
طلعت ام فهد ... فهد يحاول يتذكر شنو صار ونادى ممرضه وسالها
فهد :وين الممرضه اللي اشرفت علي لما صحيت من الغيبوبه ؟
الممرضه :اتوقع الممرضه هدى
فهد :ممكن تنادينها ابي اشكرها على تعبها

نادتها دخلت هدى وقاست الضغط والحراره ولما خلصت
هدى تبتسم :ايه انت بخير الحين يعجبني المريض اللي ينادي علشان اتطمن على حالته
فهد :الحقيقه انا بغيت اسئلك عن البنت اللي فقت من الغيبوبه وهي عندي احسها مو غريبه علي وماعرفت منو هي هي مو ممرضه صح ؟
هدى انصدمت على ذاكره فهد اللي تعرفه ان المريض صعب يتذكر اللي يصير حوله وقت الغيبوبه :الصراحه هذي اختك اسمها ريما وانا ساعدتها كانت تبكي حرام تبي تشوفك
فهد زي ماهو متوقع وتذكرها تبكي :كم دقيقه قعدت عندي ؟؟
هدى :تقريبا 5دقايق كانت خايفه مره علشان اهلها
فهد :لوسمحتي انا جوالي انكسر بغيت رقمها الله يوفقك
هدى وهي بتموت على جمال فهد خاصه لما يبتسم :بحاول
طلعت هدى من عند فهد ... فهد يتذكر شكل ريما لما تضحك وتبكي وتعصب
فهد :خساره ريما خيبت ضنك
ريما ورانيا صحوا الصباح متنشطين ... ريما نزلت مع امها علشان يخلصون الترتيبات ورانيا كانت محتاره كيف تقول لناصر علشان جوالها
طلعت البالكونه وتمتع بمنظررشاشات الماء اللي توهم مركبينها كانت مطلعه جو للحديقه سمعت اصوات انتبهت رانيا
كان ناصر ومها يلعبون في الماء رانيا وقفت في مكانها ماتحملت الموقف ... مها تصارخ وناصر يمسكها ويطاردها وثيابهم مبلله من الماء اللي حولهم
مها انتبهت لرانيا بس سوت نفسها ماشفتها ورجعت علشان يمسكها ناصر مسكها ناصر وحملها ويدرور بها وهي تبوسه وهو يبوسها وكانوا قمه السعاده
رانيا انغصت ودخلت الحمام قعدت تناظر نفسها بالمرايه وتلمس خدودها وهي تشوف اثار الكف وصاروجهها باهت وخفت الكدمه
فتحت الصنبور وهي تناظر بالماء وهو يمشي وتلعب بيدها في الماء غرفت منه شوي ورشته بقوه على وجهها وتناثر على المرايه
وصارت تفرك وجهها وتناظره فيه لحد ماصار احمر ضغطت على فكها وصارت تبكي ...
رانيا طلعت من الحمام (اكرمكم الله ) وهي تمشي مو مصدقه ان ناصر لهذه الدرجه يحب مها لبست بنطلون جينز كحلي وبلوزه تيشيرت اصفر وفلت شعرها
وحطت طوق كريستال عليه وحطت روج احمر غامق ومسكره وكحل داخل العين وطلعت من الغرفه بكل ثقتها
ماهتمت لقوانين امها الصارمه لما منعتهم مايلبسون كذا قالت في نفسها مستحيل انه يدخل اذا هو موفاضي مع المدام
رانيا نزلت وشافت امها وريما :صباح الخير
خديجه مستغربه من بنتها :صباح النور
ريما وهي تحس ان رانيا معصبه :تعالي رانيا وصيت اغراض من السوبر ماركت شنو تاكلين؟
رانيا وهي تحس ودها تطلع الحديقه وتذبحهم :اكل تبن لااحد يكلمني
رانيا دخلت المطبخ وقعدت على الطاوله وخلت الخدم يجيبون لها اكل بس ماكلت ولا لقمه منه شربت شاي بس ....
مها وناصر دخلو البيت وهم يضحكون وميتين من الضحك مها وهي تمسك ثوبها المبلل
مها :شوف شنو سويت
ناصر يضحك :هههههه تصدقين مانبسطت كذا
مها :دوم ياحبيبي
ناصر :يله نطلع قبل مااحد يشوفنا
وطلعوا مع بعض ناصر لبس بنطلون بيج وقميص اخضر غامق مكتوب عليه ومها دخلت الحمام تستعد لان ناصر بيوديها اليوم الي اهلها علشان زواج اختها .....
رانيا وهي تلم الاواني وتغسلهم لان الخدم طلعوا يساعدون امها وخالها الي توه جاي من برى وريما ....
ناصر نزل وهو يحس بجوع دخل المطبخ وقفه اللون الاصفر والبنطلون والجسم ناصر ماقدر يتحرك ...
رانيا وهي تلف على جهته وحامله مجموعه صحون بيدها بس مارفعت عينها وهي تحطهم بادرج كان الدرج عالي شويه
ارتفعت بلوزتها وبان بطنها وجسمها وفقرات ظهرها السفليه اللي تمايل مع حركتها ناصر ماتحمل
ناصر وهو يناظرها :وين لاكشمي
رانيا ماستوعبت الصوت ارتخت يدها وتطايحت الصحون واحد وراء الثاني هي بعدت بسرعه علشان ماتطيح عليها ...
ناصر وهو يناظر الارض اللي مليانه زجاج مكسر ولام نفسه ليه يكلمها وهي ترتب وليه اصلا يدخل وهي بهاالحاله كل هالاسئله ببال ناصر ...
رانيا مو مصدقه انها طيحت الصحون وبسبب ناصر مافكرت بناصر فكرت بامها وخالها شنو راح يقولون لما يشوفون المصيبه
بقولون (خربت الموكيت امس واليوم كسرت الصحون )
رانيا وهي تنفس بصعوبه :ليش ؟
ناصر وهو يتامل براتها :صدق انك غبيه
رانيا وهي تشوف نظراته:ممكن تطلع برى
ناصر بعناد :لا ماني طالع والشي الي سويته نظفيه بسرعه

رانيا ماقدرت تتحرك وهي تلعن نفسها انها تنحط بالموقف ماقدرت تتحرك علشان لبسها
ناصر يرفع حواجبه :ليش ماتتحركين ؟
رانيا نزلت على الارض تلمها وهي تحس انها رخيصه وصغيره ماتسوى .....
وناصر يطالعها رانيا وانجرحت ثلاثه اصابع من يدها وهي تكتم المها علشان لا يشمت فيها قرب علشان يلمها معها
استغربت بس طنشت وبدى يلم وهو يطالعها وشاف على الزجاج طبعات دم ورانيا تلم بكل سكوت ماتبي تحكتك فيه
فجاءه مسك يدها رانيا سحبتها بسرعه وطلعت من المطبخ راحت للغرفه تبكي وتصارخ
رانيا :ياناس ذبحني ليش يسوي كذا ليش انا قلبي مات ليش وطاحت على سريرها تبكي وهي تسحب اللحاف وتمسح الدم عليه
ناصر وهو مستغرب ليش عصبت لما مسك يدها كان قصده يشوف الجرح تذكر لما حملها وهي ضربته وحذرته مايلمسها
ناصر ندم انه يعاملها بهذي الطريقه وقرر انه يواجهها بالحقيقه
ناصر :ليش يارانيا احنا نتعذب ونشرب من الكاس نفسه ؟
رانيا وهي تبكي في غرفتها وتسال نفسها ليش هو متهني وهي متعذبه وقررت انها تتزوج محمد وتعيش حياتها مثل ماعاش ناصر حياته

يا ناس وين اللي يفيد
المحبين ..
يشفق على قلبن تحسر
بدنياه ..
قلبي عشق بالحب ناس
مقفين ..
ولا له حياتن عقبهم كيف
نقواه ..
ابغى الحبايب..والحبايب
بعيدين ..
اللي عليهم يصرخ القلب
ويلاه ..

صار العصر والخال يجهز وخديجه تنادي بناتها
خديجه :ريما يله وين اختك؟
ريما وهي لابسه عبايه :والله يمه اخر مره شفتها لما دخلت المطبخ خليني اروح اناديها
ريما طلعت ودقت الباب وفتحته وشافت اختها نايمه على السرير ونطت عليها شافت يدها تصب دم واخترعت تحسبها انتحرت
ريما تهز رانيا :رانيا ..... رانيا
رانيا اخترعت ونطت :اشفيه
ريما وحاطه يدها على قلبها :يله صار لنا ساعه متجهزين وانتي نايمه وبعدين ليش بايدك دم
رانيا :خلاص انزلي الحين الحقكم
ريما :خلاص طيب
ريما نزلت وبعد دقايق رانيا طلعت من الغرفه لقت مها نازله واسالتها
مها :رانيا ليش لافه ايدك
رانيا بقرف :بس جرح بسيط جرحت ايدي وانا اقطع
مها :تصدقين توني معقمه ايد ناصر حتى هو في ايده جروح
رانيا عرفت السبب (ياليت في قلبه مثل ماسوى فيني ):الله يشفيه مع السلامه

مها وهي تفتح الباب الكبيرللبيت طلعت رانيا بعدين مها كان ناصر ينتظر مها بالسياره ورانيا ركبت مع خالها من دون ماتناظر ناصر
ناصر لما شاف ايد رانيا تحسف ليش يامرها انه تلف الزجاج اوحتى مااعطها شيء علشان ماتجرح ايدها
مها :تاخرت عليك
ناصر وهو مو مهتم :لا
مها استغربت منه :اوكيه الحين نمشي
ناصر :لا تامرني متى مابغيت امشي امشي
مها :ناصر شفيك معصب واذا فيك حره لاتحطها فيني
ناصر :شلون يعني
مها سكتت لانها حست ان يبي يسوي مشكله معها
رانيا كانت طول الوقت تناظر سياره ناصر وتحاول انها تلمحه بس للاسف ومشت السياراتين جنب بعض
ناصر كان يطالع الي جنب الباب وعرف انها رانيا ناصر دق البوري ويوقف ابوه
عامر :شفيه ناصر ؟
خديجه :يمكن يبيك
توجه ناصر لباب اللي رانيا عنده وفتحه رانيا انصدمت ماتوقعت ان ناصر يسوي كذا؟؟.... شال عبايتها لانها كانت طالعه وقافله الباب عليها
ناصر وهوماسك طرف عبايتها :تفضلي ومره ثانيه انتبهي
رانيا وهي تاخذ طرف العبايه منه سحبتها وشافت ايده الملفوفه بالضماد :مشكور
ناصر قفل السياره وركب سيارته ... رانيا قلبها يدق وحست انه بيوقف كان ودها تقوله سلامات ...
مها عصبت بس سكتت لما يرجعون من الزواج تتكلم معه .......
وصلوا المزرعه ودخلوا كان كل شيء متغير فيها البنات استغربوا يعني هذه المده تغيرت
اول مادخلوا شافوا على يمين البوابه بركه كان فيها بط كان شكله يجنن وهو ينفض الماء عن ريشه البنات انبهروا فيه
وشافوا النافوره اللي طالما ظلت بمخيلتهم وقفوا عند الباب وبدوا ينزلون الاغراض ....
ريما دخلت من الباب تذكرت نوره لانها كانت تقول احس ان هذي اخر مره اشوف فيها المزرعه وسبحان الله صدق احساسها
نزلت دمعتها بس مسحتهاعلشان امها لاتنتبه وتخرب عليها فرحتها .... رانيا وهي رايحه المطبخ ومعها اغراض لقت ريما بالطريق وهي خارجه من المطبخ
طلبت منها تساعدها بس ريما طبعا رفضت كالعاده دخلت رانيا وحطت الاغراض ورجعت ذاكره هذاك اليوم رانيا صارت تناظر المكان والموقف اللي صار فيه وتغاضت عن افكارها وطلعت من المطبخ ......
فهد طلع من المستشفى امه كانت رافضه انه يطلع بس هو طلب يطلع لانه مل وهو بالمستشفى وصار يكمل علاجه بالبيت
وهو قاعد مع الشيخ علي اللي تكرم وجاء بس حب يشوف حاله فهد لان الشغل اللي ببريطانيا بدى يقل
فهد:هلا طال عمرك
علي :كيفك يافهد؟
فهد (اخيرا تكرمت وجيت ):الحمد لله طال عمرك طيب
علي :انا بدخل بالموضوع ابيك تتعالج بسرعه علشان الشغل لانه في حاجتك انا يكفيني تنقالاتي بالخليج
ماقدر على الشغل برى وانت وعلاقتك علشان كذا كم باقي وتجبر الكسور
فهد وهو يتافف على الناس اللي تدور مصلحتها :قريب ان شالله
علي وهو يقوم :انا استاذن
فهد :مع السلامه لو اني اقدر كان وصلتك بس تعرف ...
علي طلع وهو رافع خشمه مايرد
فهد وهو يسمع سياراته طالعه :روحه بلا رده الله يخلصني منك ومن ريم
فهد وهو يفكر في ريما شنو صار معها بعد ماصار له اللي صار وليش جاته المستشفى تبكي قرر يكلم الممرضه اللي طلب منها الرقم دق عليها
الاستقبال:الو مستشفى ال.....
فهد وهو يتافف :الو سلام عليكم
الاستقبال :وعليكم السلام
فهد :اخوي بغيت ممرضه عندكم اسمها هدى
الاستقبال :اسمها الكامل
فهد هنا احتار لانه مايعرف اسمها :هي في قسم الطوارئ انا المريض فهد بس كنت ابي اسئلها عن شيء نسيته بالمستشفى
الاستقبال :ايه عرفتها الحين احولك على مكتبها انتظر
وبعد تقريبا 5ثوان طلع صوت ممرضه
فهد :هدى
الممرضه :لا مو هدى اصبر شوي
فهد انتظر وجاه صوت هدى:الو
هدى :الو
فهد :سلام عليكم
هدى قلبها دق لما سمعت صوت فهد:وعليكم السلام
فهد :شلونك هدى
هدى بسحى :الحمد لله طيبه انت شلونك تحس بالم
فهد :الحمد لله انا بخير
هدى:كيف الجروح اللي بوجهك خفت
فهد وهو مستعجل يبي يعرف شنو صار معها :ايه الحمد لله ..... هدى
هدى حست انه مطيحها معه":ايه
فهد :بغيت اسئلك عن رقم ريما اذا جبتيه
هدى شكت بالموضوع :لا والله نسيت
فهد :لو سمحتي هدى بغيت الرقم ضروري علشان ابي اعرف شنو صار مع اختي بعد مارجعت من عندي يقولون شافوها
هدى شهقت :لا تقول مسكينه خلاص 5دقايق واكلمك الحين واعطيك الرقم
فهد انبسط لمى سمعها انها بتجيب الرقم له وضحك لما عرف شلون تذكر ان ريما كذبت وقالت انها اخته
حس انه خذ من صفاتها تكذب علشان حصل اللي تبي وبسرعه
فهد :مشكوره انا في الانتظار والرقم اللي عندك رقم جوالي الجديد لا تعطينها ولا تقولين اني ابي الرقم اوكيه
هدى بفرحه ان فهد طلب منها مساعده بس تذكرت انه متزوج وحست نفسها غبيه انه ممكن يترك ريم ويطلبها هي :اوكيه
فهد :مع السلامه
هدى :مع السلامه
قفل فهد الجوال وسند ظهره على المخده اللي وراه ويفكر شلون ينتقم من عيال البرقي وفكر في ريما شلون تقبلت موقفه
ولى اللي سمعه منها بالمستشفى كان مجامله علشان يصحى اصلا حتى كلامها ماكان يتذكره زين ......
بعد دقايق اتصلت هدى على فهد واعطته الرقم وشكرها لما رفع فهد علشان يدق على ريما
قطعت عليه الخدامه وهي حامله بيدها صينيه (شوربه عدس _وسلطات )
ناظرها فهد :انا ماطلبت اكل
الخدامه باللانجليزي :بس مدام ريم قالتلي اسويها
فهد (حلو انها مهتمه ومن وقت ماطلع من المستشفى وهي ماتجلس بالبيت نهائيا):اوكيه
حطت الصينيه وطلعت فهد كان بيدق على ريما حس ان الوقت مو مناسب اكيد بتكون جالسه مع اهلها مايبي يحرجها
زهره وهي تكلم ابوها والشله حولها
زهره وهي تصارخ :راح تجي يبه
سيف :ايه بعد اسبوع جهزوا حفله ابيها على ذوقك اتوقع فهمتي قصدي
زهره بخوف :ايه يبه
سيف :يله مع السلامه
زهره :مع السلامه
سيف (65سنه كان باين عليه الكبر بس كان يحاول يعدل في شكله علشان يطلع اصغر سن هو يحب السفر والسياحه كثير مايستقر بمكان نهائيا
كان سمين واسمر وضخم وطويل كان شكله كله هيبه اللي يشوفه يخاف منه عكس اخوه يوسف كان اوسم منه واحلى
الناس يخافون قساوته وينتقم شر انتقام اذا احد يفكر يحب كل شيء يبيه يصير مثل ماهو يبي واحسن واذا ماصار يسعى له بكل الوسائل حتى يصير )
ريما وهي اللي تولت انها تشوي اليوم ريما تضحك :الا وين القطاوه خالي؟
عامر يضحك :خوفوتها وهربت
رانيا بفرحه :احسن بالناقص بعدين شنو تبون فيها


ريما :الله عليها والله ياخالي جربت اقرب منها بس سبحان الله مااقدر تصور قدرت على الخيل بس هذي مستحيل
رانيا :ولله ودي اروح الاسطبل
عامر مستغرب :ليش الحين؟؟...... يالله تشوفينهابس ظلام
ريما :خالي تكفى ودنا لها
عامر: خلاص انتبهي على الشوي لاتحرقينه
ريما تضحك :هههههه
خديجه وهي مخلصه صلاه :الا اقول عامر ليش ماتكلم ناصر تخليه يتعشى معنا والله حرام يقعد لوحده بالبيت
عامر :والله قلتله هو رفض قال منو بيقعد عند مها لما ترجع من اهلها والمشكله بتقعد عندهم يومين
ريما :خلوه براحته
رانيا كان ودها تقول لامها (انها ماهتمت فيه علشان يهتم فيها )سكتت وخلت الغصه تطعن فيها
عامر :انا مخليه على راحته هو وزوجته
خديجه :ايه
ريما كانت تسمع وتناظر رانيا اللي تحاول تشغل نفسها باي شيء علشان ماتسمع ولا تعلق على الموضوع اللي يتكلمون فيه
ناصر وهو ينتظر مها واهلها علشان يوصلهم البيت وصار له ساعه هو يدق على مها ماترد واخيرا ردت كان ناصر معصب
ناصر :هلا مها وين انت صارلي ساعه انتظر تطلعون الساعه 12
مها :ناصر ليش جاي الحين خلاص روح انت اونا بروح مع زوج اختي هند
ناصر وهو عصب مره منها :خلاص براحتك انا راجع البيت
مها :شوف انا بقعد عند اهلي 3ايام بعدين تعال
ناصر وهو يتافف من اوامرها ماحب انه يخرب عليها :اوكيه مع السلامه انا تعبان ابي ارجع البيت انام
مها :مع السلامه حبيبي
ناصر قفل وراح للمحل اللي حط جوال رانيا فيه ولما شافهم مصلحينه وخالص اختار كريستالات انتبه لشي مميز فيها مستحيل رانيا تتنتبه له
كان شكله راقي وخلاهم يركبون كريستالات وهو يناظرهم ويبتسم وهو ناوي لما يرجعون من المزرعه يعطيها جوالها ...
عامر اخذ البنات بعد العشاء للاسطبل مثل ماطلبوا دخلوا ماكان فيه احد حتى المزرعه كانوا العمال انصرفوا لما صارت الساعه 1
ودخلهم الاسطبل ويعرفهم على الخيول اللي اشترها ناصر من الامارات واشر على وحده كانت شامخه وعنيده حتى لما شافتهم ترفس في الباب
وحسوا انها بتهيج عليهم كان باين عليها العناد رانيا خافت خالهم امرهم انهم يبعدون عنها علشان ماهي مروضه
ريما :خالي مشاالله عليكم ليش ماتخلون خيلكم تشترك بسباق؟؟
عامر :والله ياريما ناصر قبل مايدرس اشترك بسباق خيل بالبحرين بس خسر ومن بعدها وهو رافض انه يشترك في أي سباق
رانيا ادركت من هذا الكلام انه مايحب الخساره نهائيا وهو مو مستعد يخسر لان الخساره عنده اهانه
رانيا كانت طول الوقت وعيونها على الفرس العنيده تحس في عيونها شيء غريب قربت منها اكثر طالعها خالها
عامر :رانيا انتبهي .......هذي سمها ناصر اول ماشافها رنيم
رانيا استغربت من الاسم :شلون رنيم هذي فرس شلون يسميها كذا
عامر :مادري علشانها عنيده وتصوري سماها اول وحده مع المجموعه اللي اشترها
رانيا :سبحان الله مع انها عنيده
عامر :ناصر يعجبه الخيل العنيد
رانيا (وانا اعند منه ):ايه الله يعينه على العناد

ريما وهي بعيده عنهم تشوف شيء غريب ينزل كانه دم من تحت اللباب وتسمع انفاس غريبه وخافت اكثر لما حست ان الانفاس بدت تتسارع
ريما بخوف :خالي تعال شوف
عامر هو ورانيا يقربون عليها :ايش فيه ؟؟
عامر وهو يناظر من وين ماريما تاشر :خالي ناظر شنو هذا بعدين اسمع الصوت
رانيا خافت ولصقت بريما عامر فتح الباب بخوف وشاف فرس تولد وهي تتالم وتحس انها ماتقدر تتحرك
عامر بسرعه دخل حاول انها يساعدها وهذا كله تحت انظار الاندهاش من رانيا وريما
عامر وهو يبذل جهد يساعدها :ياربي شلون اساعدها مافي عمال ومافي احد
عامر لما حرك الفرس شوي بدى صهيلها وصوتها يرتفع من الالم البنات خافوا اكثر
عامر طلع عليهم وكانت ايده ملطخه بالدم البنات قرفوا لما عامر قرب منهم
عامر وهو يناظر البنات :رانيا طلعي الجوال من جيبي بسرعه
رانيا وهي تقرب من خالها وتطلع الجوال وقال لها تدق على عامل اسمه راجوا كان رئيس العمال بالمزرعه
بس مارد ماعرف عامر يتصرف وخصوصا هذه الفرس يحبها وكان مهتم فيها ناصر قرر انه يكلم ناصر ويقوله
عامر :اتصلي على ناصر
رانيا دق قلبها لما سمعت اسمه :ليش خالي ماراح نقدر نتصرف راح نساعدك؟؟
عامر :مانقدر نتصرف يارانيا الفرس بتروح منا وناصر بيزعل لانه يحبها
رانيا ماكان هاين عليها ان ناصر يزعل وهو يقفد شيء عزيز عليه :خليني اجرب خالي
عامر وهو يحذرها وهي كانت تقرب منها :رانيا بعدي الحين اكلم ناصر واخليه يجي
رانيا عاندت وقربت منها كانت عيونها بس هي اللي واضحه منها لانها كانت سواداء رانيا وهي تقرب اكثر منها
ريما كنت بتموت على شجاعه رانيا المعروف عنها انها خوافه استغربت رانيا تحس بالمها لما قربت منها
مدت يده على راسها وصارت تمسح عليها بس الفرس تحرك راسها وكانها ترفضها
رانيا وهي ترتجف من الخوف وتشوف الدم اللي يسيل منها شافت قفاز مرمي على جنب لبسته..
عامر خلى ريما تكلم ريما وهي تمد الجوال على اذن خالها:الو ناصر
ناصر :هلا يبه
عامر :ياولدي الفرس هذي السوداء شكلها تولد
ناصر مستغرب : بس يبه مو وقتها
عامر :هذا اللي صاير والدم بكل مكان والعمال طلعوا كانت اتصل بعياده البيطري بس شكله قفل
ناصر احتار وكانت الفرس اللي جمعته مع رانيا وعنيده يعني مستحيل احد يقرب منها
ناصر بصبر :يبه انتو لاتقربون منها انا اجي المزرعه الحين
عامر :يابوك هذي رانيا معنده وداخله مادري شنو تسوي احس شوي بتطيح من طولها من الخوف
ناصر عصب :يبه بعد رانيا لاتأذيها
عامر :معنده ياناصر رفضت ماتطلع
ناصر وهو محتار من وين لرانيا الجراءه انها تدخل :انا جاي الحين وانتبه على رانيا وحاول انها تطلع
عامر :خلاص انتبه على الطريق لا تستعجل
ناصر قفل وهو كان راجع للبيت بس غير وجهته وهو يناظر الكيس اللي معه واللي كان فيها جوال رانيا
زاد السرعه زايده لما حس انها ممكن تاذي نفسها او يصير فيها شيء من الخوف
رانيا وهي تسمع الكلام اللي حولها بس ماتفقه معناه كانت مركزه على الفرس وشلون الدم يطلع منها ....
رانيا مدت يدها بس فجاه هجمت عليها الفرس وقفت كان قريبه منها لدرجه انها حست انها بترفسها رانيا ركزت ظهرها الجدار بس كان المكان صغير
لما قربت منها الفرس ورانيا تناظر الدم خافت ولما كانت بتطلع طاحت عند الباب وماقدرت توقف كانت تناظر برى بس شافت خالها يكلم ومعطيها ظهره وريما نفس الحركه ..
رانيا حاولت تتكلم بس ماقدرت ناظرت يدها اللي لما طاحت انجرحت مع احتكاكها بالارض الخشنه رانيا تشجعت ووقفت وعندت زي ماعندت الفرس
وصارت تقرب منها وتمسح عليها وحاولت انها تجلسها بس للاسف ولما انتبهت لمقدمه راسها كان فيه شيء ميزها كانت مثل الكيه على جبينها
رانيا كان الذكريات ترجع تذكرت انه نفس الخيل اللي ركبتها مع ناصر رانيا وقفت مكانها وانتبهت لخالها وهو يناديها
عامر :يارانيا اطلعي خلاص ناصر الحين يجي
رانيا :ياخالي ماينفع حرام شوف ماتقدر توقف
عامر :الحين انتي واقفه عندها وتقولين انك تساعدينها
ريما :اطلعي ناصر يقول خطر عليك
رانيا :الحين ساعه لحد مايجي ناصر خلوني احاول اخفف شوي عنها
عامر وعينه على رانيا علشان لايصير لها شيء ..... وريما خايفه على اختها وشلون هذه الشجاعه منها
وبعد ساعه رانيا وهي قاعده تمسح في الفرس تهديها وجلستها فجاءه هاجت الفرس وبدى اللي في بطنها يطلع ورانيا خافت اكثر وهي تناظره يطلع صوت كانه مخنوق
ريما تصارخ :رانيا اطلعي
عامر قرب بس الباب قفل والفرس كانت واقفه عنده مستحيل تخليه يمر ورانيا خايفه ومواجهه عينها على الي يطلع منها
رانيا بخوف :خلاص خالي لاتدف الباب
رانيا قربت منها بس جمحت وحست ان اللي بداخلها بيموت رانيا خافت بسرعه وتذكرت ولاده خيل شافتها بالتلفزيون
قربت اكثر منها والخيل تعبت وصارت على جنبها ايقنت رانيا انها ماراح تتحرك ... رانيا جابت كيس كبير كان حق اكلها وحطته عنده بخوف
بس تشجعت اكثر واستخدمت يدها تثبته تحتها رانيا وهي تناظر وجه المهر اللي طالع مدت يدها علشان تساعده بس وقفها صوت ناصر
ناصر معصب :رانيا شنو تسوين بعدي منها ؟
عامر :شلون بتدخل الفرس عند الباب مانقدر ندخل
كان الباب نص ويقدر يشوف اللي داخل ناصر شال الغتره والعقال وشمر ثوبه وجاب شي مرتفع علشان يدخل من غير مايحسس الفرس بشيء
وتخاف رانيا كانت تناظر ناصر وهو يطلع على الباب وهو خايف وباين انه حذر علشان ماتسمع الفرس وتهيج عليه ناصر ناظر رانيا وقرب منها
ناصر :ممكن مكان
رانيا وهي تفسح المكان وهي ماقدرت تنزل بلوزتها من ورا كانت مرتفعه كانت بلبسها اللي لبسته الصبح
ريما كانت ساكته وتناظر رانيا شلون واقفه جنبه بهالجراءه
ناصر كان يحاول يطلع المهر من احشاء الفرس :رانيا تعالي ساعديني
رانيا كانت واقفه ولما طلب منها المساعده ترددت وتذكرت ان هذا مايخص اللي بينها وبينه قربت منه اكثر وهو يشوف اطراف بنطلونها اللي ملطخه دم من الفرس ...
ناصر نزل راسه وبدا يسحب رانيا مدت يدها بخوف وهي ترتجف وجلست جنبه لحد مالصقت ذراعها بذراع ناصر ارتبكت وبعدت شوي منه وصارت تسحب معه
ناصر وهو يحس ان المهر بيموت ويختنق :رانيا اسحبي اكثر
رانيا تمسكت اكثر وهي تحس بلزوجه في يدها :ناصر احس انه بيموت
بدت تصهل الفرس بصوت عالي رانيا ارتبكت وخافت اكثر وصارت تبكي
ناصر وهو مقدر خوفها:خلاص رانيا اطلعي .... رانيا رفضت صارت تحسب بقوتها كلها وهي كل ماسحبوا يسمعون صوت الفرس وهي تتالم
ناصر قرب من رانيا اكثر رانيا كانت تحس بناصر بس كان همها الوحيد تساعد هذا المخلوق الي حمل ذكرى على ظهره
ناصر استصعب الوضع وصار صعب عليهم يسحبون المهر وطلب من ابوه مشرط ......
جاب عامر المشرط للناصر ورانيا ماسكه راس المهر وهي خايفه ناصر بسرعه قطع جزه من المكان اللي يطلع منه المهر فجاءه تطاير الدم فيهم رانيا خافت
ناصر وهو ماسك ايد رانيا :رانيا مشكوره خلاص
رانيا بخوف تناظر المهر طالع وكانه في كيس :لا ........
ناصروهو يساعد المهر وقرب منه علشان ينظفه :يعني شوفي هذاالمهر مو حلو
ريما بضحك :بشرو بنت ولا ولد
ناصر يضحك :هههههههههههههه
رانيا وهي تقوم من مكانها ومتضايقه من الدم اللي في ملابسها طلعت من الباب وناصر عينه عليها وحس ان مشيتها مو طبيعيه ........ رانيا
وهي طالعه مو مصدقه اللي صار معقول ان ناصر بهذا العنف وكيف انها ساعدته وهي ماتبي تكلمه ولا تسمحله يفرض اراءه عليها
وحست انها تدوخ وتشوف كل شيء دم مسكت بالباب وهي طالعه ريما قربت منها ومسكتها
ريما ماسكه خصر رانيا بقرف علشان الدم :رانيا شلون روحي تسبحي بعدين اشفيك تمشين كأنك سكرانه
رانيا تبعدها وتمسك راسها بصعوبه :وخري عني احس راسي بينفجر
ريما بعدت عنها :يله نقول لخالي علشان نمشي
رانيا مشت لعند الفرس رنيم تحس ان فيها شيء غريب ........ناصر نظف المكان وطلع وحالته حاله
عامر :ياولدي والله مالك بهالخيول كلها
ناصر يضحك :يبه ابي عيالي يطلعون فرسان
ريما وهي تناظر رانيا من بعيد :يله خالي نمشي رانيا تعبانه
فجأه هاجت الفرس رنيم على رانيا ورانيا تمشي بعيد عنها بصعوبه .....
ناصر حس بالذنب لما شافها تقاوم التعب وقرب منها هو وعامر وريما
عامر مسك رانيا وناصر يهدي رنيم وريما تناظر اسلوبه معها كان غريب كانت معاملته لهذي الفرس غير
ولما ركبوا السياره كان عامر اللي يسوقها وناصر يلتفت كل شوي على رانيا يتطمن عليها وهو يناظر لبسها الاصفر اللي صار لونه احمر من الدم
وصلوا البيت ونزلوا من السياره وريما ماسكه رانيا وتمشيها رانيا اول مادخلت البيت طاحت اغمى عليها خديجه لما انتبهت
كانت الطيحه قويه لدرجه انها طلعت صوت الكل التفتوا وشافوا رانيا وهي تطيح
خديجه تصارخ تحسب رانيا فيها شيء لما شافت لبسها دم :رانيا يمه
عامر قرب منها وهو يضرب وجهها بنعومه :رانيا ...رانيا
ريما وهي تهز رانيا :رانيا قومي
ناصر حس انه حقير ونذل ليش يسمحلها انها تساعده وهو يعرف انها تخاف ولو يتم واقف بينكر المعروف اللي سوته علشانه
قرب منها وخلاهم يبعدون حملها بين ايديه بكل جراءه قدام امها وابوه وريما
عامر :ناصر مايصير يابوك
ناصربعصبيه علشان مايخلي احد يمنعه :ليش انتظرها لما تموت بيدينكم ..... ريما اطلعي افتحي غرفه رانيا بسرعه
ريما بسرعه تمشي قدام ناصر وتنفذ اللي قاله وناصر طالع وراها وهو حامل رانيا ويناظر وجهها البرىء
ويحس براسه الصغير على صدره وتذكر انها حتى لو زعلت منه تنسى
دخلها الغرفه وحطها بنعومه على السرير وطالع وهو يقاوم اللي يدرو بقلبه ....
خديجه دخلت وشافت ناصر طالع من الغرفه وهو معصب ورايح لغرفته ماكلمته ودخلت عند بنتها وشافت ريما عندها وهي تغطيها
خديجه معصبه :شنو صار للاختك
ريما رافعه حواجبه بفخر :لا بس ولدت الفرس
خديجه شهقت: شنو؟؟
ريما :والله يمه لو تشوفين رانيا ولا ازيدك من الشعر بيت فيه فرس ثانيه الله يلعنها هاجت على رانيا لولا الله والباب كان كسرت بنتك هذه العصله
خديجه :وليش تخلينها ؟
ريما :والله يمه تعرفين بنتك عنيده وراسها يابس
خديجه وهي تناظر بنتها :لازم نغير ملابسها شوفي شكلها تقولين مذبوحه بعدين اكيد ريحتها خايسه
ريما تضحك :قومي يارانيوه ياولاده الخيول ههههههههه تصدقين بنتك تصلح دكتوره بيطريه
خديجه :ريما بس حرام عليك
ناصر وهو يدخل ويفسخ ملابسه ومحتار ليش رانيا خاطرت وساعدته دخل الحمام (اكرمكم الله )
وطلع من الغرفه ناظر الساعه صارت 4فجر راح لسريره وتمدد عليه ونام ......
رانيا صحت من النوم وتحس بكسل و تعب ناظرت ملابسها وهي منقرفه
رانيا وهي تافف وتلعن ناصر وخيوله :وانا شنو خلاني افتل عضلاتي
دخلت الحمام وتحممت ومافيه صابون الا غسلت به وطلعت لبست تنوره رماديه وبلوزه حمراء وعدلت شعرها وتعطرت
وفتحت الباب ولقت كيس احمر معلق على الباب اخذته رانيا ودخلت الغرفه وسكرت الباب وفتحت الكيس شافت جوالها شلون صار
والكريستالات الغريبه المرصصه على ظهر الجوال شكل حرفها بالانجليزي ووكانت تتمعن فيه وتذكر ناصر امس
... حطت الجوال في الدرج وكانت بتفتح الباب الى وريما في وجهها

(الجزء الثالث عشر )

رانيا :بسم الله الرحمن الرحيم
ريما :هلا والله بالبيطري
رانيا :شنو قلتي ؟
ريما تضحك :اوف وشها النظافه ؟
رانيا :والله ياريما ماخليت صابونه اللي غسلت بها
ريما تضحك :وانا اقول كل ماتتكلمين تطلع فقاعه صابون
رانيا تضحك باستهزاء :منو تحت ؟
ريما :خالي وامي بالحديقه قاعدين وانا رحت العب مع البط بس زهقت والله قومي العبي معاي
رانيا وهي تافف على غباء ريما لانهاتقصد الي في بالها :ايه شوفتو المهر الي ولد امس
ريما وهي فاهمه قصد ريما ::مادري والله انا توني صاحيه الحين
رانيا :ايه خلينا ننزل الحين والله فاطسه جوع
ريما وهي تحسر على تفكير اختها :يله
نزلت رانيا هي وريما ورانيا تلفت كانها تدور على شيء مضيعته وريما منتبه لها
ريما حبت تقولها شيء :رانيا ماتعرفين شنو صار لك امس
رانيا وهي توها متذكره :ليش شنو صار
ريما :طحتي عند الباب وشالك ناصر لغرفتك
رانيا كان احد صب عليها ماء بارد :من ؟
ريما :ناصر
رانيا :ليش تخلونه ؟
ريما :والله ياريما مااحد قدر عليه حتى خالي كان بيمنعه بس رفض وقال ليش تنتظرون حتى تموت بيدكم
رانيا وهي حست انها بتطير من الفرحه ليش لانه خايف عليها :ايه وبعدين
ريما :لا والله انبسطتي والله طيرك بين ايديه يالعصله
رانيا تضحك :ههههههههههه يله خلاص جعت
ريما وهي مبسوطه راحوا للمطبخ وخلو الخدم يحضرون لهم فطور ...... ريما وهي تسوي نفسها فاهمه
ريما :لا مو كذا كيف تقطعين الطماطم كبار تبينه ينشب بحلقي
لاكشمي :شوف ريما انت واجد قرقر كيف تبغى سوي
ريما :قطعيه صغار
لاكشمي معصبه :اذا ماتبغى تعالي سوي
ريما :خلاص تعالي كليني احسن
رانيا :ريما خلاص علشان طماطم
دخل خالهم وهو حامل بيده سله فيها خضار من المزرعه
عامر وهو فرحان بوجود رانيا وريما معهم :هلا والله بالغاليات شلونك رانيا اليوم
رانيا مبتسمه :الحمد لله بخير
عامر وهو ياشر على الفواكه :هذي خضار من المزرعه كلي منها تقويك
رانيا صار ضعفها يضايقها انقطعت شهيتها من بعد وفاه خوانها :ايه انشالله
كان عامر بكمل كلامه بس قطع عليه رنه الجوال رفعه عامر
عامر :هلا ناصر
رانيا رفعت راسها وعرفت ان ناصر راح من المزرعه
عامر :لازم ضروري
ناصر :ايه يبه الشركه بحاجتك وانا ماقدر اطلع من الشغل
عامر :حتى يوم الخميس مااحد يرتاح
ناصر :اعذرني يبه بس اليوم انا طالع الخبر عندي شغل اليوم
عامر :براحتك خلاص انا اجي اليوم
قفل عامر بحزن :بنات انا اسف لموا الاغراض لازم نرجع اليوم
رانيا:ليش فيه شيء
عامر وهو طالع :لابس الشركه بحاجتي
رانيا :لا تاخذ بخاطرك ياخال
طلع الخال وريما تافف من الشغل ويومه وبدت تقلب المواجع قطع عليهم جوال ريما وشافت انها فاطمه
ريما :هلا والله بالقمر
فاطمه مستغربه منها :هلا ريما كيفك ؟
ريما :الحمد لله
فاطمه :ريما بقولك شيء مهم ........ اسمعي انا بتصل عليك الحين امي تناديني خلي الجوال معك
ريما :طيب
فاطمه :مع السلامه
ريما باستغراب :مع السلامه
قفلت ريما وبدت تفطر هي ورانيا رانيا شبعت وراحت تغسل ثيابها علشان يخلصون مايبون خالهم يزعل منهم
ريما ظلت قاعده تناظر الجوال تنتظر مكالمه فاطمه تعرف الشيء المهم .. لمت الاواني وحتطهم علشان الخدم يغسلونهم وهي تحط الاغراض
دق الجوال وردت بسرعه من غير ماتشوف الرقم
ريما وهي تكلم الخدم :انتبهي الصحن لايطيح لاكشمي ... هلا فطوم قولي بسرعه
فهد بضحكه :ههه شنو اقول ليش بالشتني بفاطمه؟
ريما حطت يدها على فمها من الصدمه :فهد
فهد وهو اشتاق لصوتها يحس انها احسن من الريم بكثير ويعجبه تصرفها بعفويه :شلونك ريما ؟
ريما وهي مو مستوعبه :الحمد لله .... انت شلونك الحين صرت بخير
فهد :ايه الحمد لله صرت احسن ... وعلى العموم مشكوره
ريما :على شنو؟
فهد :على الزياره
ريما استغربت توقعت انه مايدري :ايه بالصدفه زرتك
فهد وهو حس انها تكذب :زين انك فكرتي ... ريما بغيت اعرف انت تبين ارجع ارفع القضيه
ريما بنفي :لا مابيها خلاص فهد عيال عمي ممكن ياذونك وياذونا خلاص حنا عايشين والحمد لله ومشكور فهد على كل شيء سويته
دخلت امها وصارت تهزاها
خديجه :ريما وصمه ان شالله صار لي ساعه اناديك وينك يله جهزي اغراضك نمشي
ريما ارتبكت :هلا فطوم اكلمك بعدين
فهد يضحك :ههههههه الله يعين فطوم عليك مع السلامه
ريما باحراج :مع السلامه
سكرت ريما ورفعت عينها على امها :يمه ليش تهزئيني قدام فاطمه والله احرجتيني
خديجه عصبت :ريموه يعني فاطمه ماتعرف سوالفك
ريما طلعت متضايقه وفرحانه ان فهد تذكرها ومانساها وتجهزوا ورجعوا البيت رانيا راحت لغرفتها علشان ترجع جوال ناصر له ....
وريما قفلت عليها الغرفه علشان تتصل على فهد
ريما :الو مساء الخير فهد
فهد :اهلين
ريما بسحى :اسفه على الكلام اللي سمعته
فهد :لا عادي حنا خوان
ريما باسف :ايه فهد بغيت اقولك ابعد عن عيال عمي والقضيه مابيها خلاص
فهد :وين كلامك ؟
ريما :انت ماشفت شنو صار فيني لما عرفوا اني انا اللي موكلتك على القضيه زهره الحقيرة جات لبيت خالي وفضحتي قدام الكل
وانا ماقدرت ادافع عن نفسي حتى لما دافعت عن نفسي ماصدقوني
فهد مستغرب :ليش شنو قالت ؟
ريما لعنت نفسها انها وضحتله بشي غير القضيه :تعرف الملح والبهار
فهد وكانه حس بشيء غير القضيه :ريما تكلمي شنو قالت لك
ريما :لابس بغت تغايض امي وخالي وتشككهم فيني وتقول اني اطلع معك من وراء اهلي
فهد :اه يالسافله هذي راح ايجيها يوم واوريك فيها
ريما :لا خلاص خلها تقول اللي تبي
فهد :انا بطلب منك شيء تساعديني فيه
ريما :شنو
فهد :لازم نجمع ادله عن عمك وعياله شوفي اذا عند امك اثباتات اوراق تدخل سيف السجن
ريما وهي خايفه على فهد منهم :فهد انت كسورك توها ماجبرت ولا بغيت تروح فيها انتبه على نفسك وصدقني عيال عمي سيف راح ياخذون جزاهم وزياده
فهد مستغرب من ريما :ريما انت تغيرت
ريما :لا ماتغيرت يافهد انت ماشفت امي لما عرفت كانت ماتبي ترفع قضية علشان عمي لاياخذنا من امي بالغصب
وهم بقدرتهم هذا الشيء لان لو ترفع عشرين قضيه يطلعون منها مثل الشعره
فهد بياس :ماتوقعت ردت فعلك كذا
ريما :انت طالع بيتك وزوجتك وشغلك وانا امسح رقمي من عندك وانساني واستر ماشفت
فهد انصدم وحس ان ريما شيء غالي وبيخسره :ريما ليش تقولين هذا الكلام طيب خلينا اصدقاء
ريما تضحك بحزن :أي اصدقاء انا ماوراي غير المشاكل شتبي فيني
فهد :خلاص بس انا بظل متواصل معك
ريما :اذا تبي تساعدني ممكن اكلم ابوي
فهد :ايه ممكن .
ريما :حلو انا ضروري اكلمه لازم
فهد:خلاص طيب
ريما:مع السلامه
فهد :مع السلامه
ريما قفلت الجوال وحست انه فيه غصه ودها تطلعها بس كتمتها ماتبي تعلق بفهد تبغى منه ابوها وتطلب منه يبعد
حتى مكالمه ابوها قالتها علشان ماتقدر تواجه فهد انها لازم تبعد عنه ...
رانيا بغرفتها تقلب في جوال ناصر وتفكر كيف ترده وتسكت على اللي شافته ولا تواجهه به ؟؟ !!

طلعت من الغرفه وهي حامله الجوال بيدها وتفكر كيف تعطي ناصر الجوال تفاجأت لما طلع ناصر من الغرفه وهو يعدل شماغه وكانه مستعجل
ناصر وهو توه ينتبه لرانيا :هلا رانيا مشالله جيتوا بسرعه
رانيا تخبي الجوال وراها :ايه انت كلمت خالي وجينا بسرعه
ناصر :انا اسف اذا خربت عليكم بس انشالله انا اعوضكم
رانيا تلوي فمها :ايه انشالله
ناصر مستغرب من حركتها :على العموم مشكوره على اللي سويته معي
رانيا :كنت مضطره ...... ومشكور على الجوال بعد وبالمناسبه هذا جوالك
ناصر ويطالع يده :ايه العفو
رانيا وهي باقي ماده يدهاله :بس انصحك لا تخلي احد يستخدمه باين فيه اشياء خاصه
ناصر ويلعن نفسه لما تذكر الرسايل :وليش تقرينهم ؟
رانيا بعصبيه :الحمد لله كشفتك على حقيقتك وانك طرف من اطراف الست زهره والعلاقات الغراميه
على العموم انا بقولك شيء انت ماتستاهل ظفر واحد من مها انت ......
قاطعه وهو رافع اصبعه في وجهها :شوفي رانيا لو يطلع هذا الكلام برى والله لاكسر راسك
وبعدين شنو يخصك ان كانت زهره ولا غيرها ولا تكوني تغارين
رانيا وهي تقاوم الشعور داخلها وتمثل الدلع :لا ياسيد انا عندي حمودي وانت ماتهمني
بس اخاف على مها مو حرام تحبك وتدور راحتك وانت ولا همك في الاساس
ناصر قرب منها اكثر وهي تبعد منه كل ماقرب منها كان وده يقولها كل شيء بس سكت لما حس انه بيخرب حياتها
لانها حتى اخر لحظه قبل زواجه مااعترفت بحبه ....
ناصر ماتحمل نظراتها وعصبيتها اللي باين انها تخبيها مسكها مع يدها وقربها منه علشان تحس اللي بخاطره
ناصر وهو يطالع عيونها اللي اشتاق يناظر فيهم :عيب تقولين كذا هو باقي ماخطبك شلون تقولين كذا ....
لا اكيد متعوده عليه والله شكلكم مطيحن الميانه من البدايه
رانيا وهي تسحب يدها منه :هم خلاص جاين بكره لان امي قالت رجعنا من المزرعه وماهو عيب لاني احب محمد من زمان
والعيب اللي انت تسويه تمثل قدامنا انك في صفنا وانت مع زهره لا باين انها مسيطره على الوضع
ناصر عصب ولا تحمل كلامها :رانيا انكتمي
رانيا ماتبي تسكت :ماراح اسكت انت انسان مريض وشكاك حتى في نفسك روح تيسر لشغلك ماقول الله يعين مها عليك
ناصر ماتحمل اكثر من كذا مسكها مع يدها وسحبها لغرفته ورانيا تقاومه وكانت بتصارخ بس حط ايده على فمها ..
فتح الباب وقفل بالمفتاح وحط المفتاح بجيبه ورمى رانيا على كنبه بطرف الغرفه رانيا كانت خايفه منه
صارت تسمع صوت انفاسه وعيونه حمراء ندمت انها فاتحته بالموضوع كانت بتبكي بس مسكت نفسها علشان ماتحسسه انها خايفه منه
رانيا بنظره حاده :افتح الباب ناصر
ناصر وهو ملتفت صوب الجدار كانه ياخذ نفس :اسكتي
رانيا وقفت على رجليها وتقرب منه :لو ماطلعتني الحين لاصارخ والم البيت عليك افتح الباب
ناصر التفت عليها ومسكها مع كتوفها وقرب منها لدرجه ان رانيا حست انها بتختنق صارت تتنفس انفاسه اللي تخرج منه بعصبيه :اعترفي الحين
رانيا بخوف وماقدرت تقاومه :بشنو؟
ناصر رفع حواجبه :انك تحبيني
رانيا دق قلبها بسرعه وصارت ترتجف وهي تدفه بعيد عنها :بعد عني
ناصر صار يهزها ويرفع صوته :اقولك اعترفي
رانيا وعيونها مغرقه :لا مااحبك منو قالك انا احب محمد وبس
ناصر عصب اكثر :كذابه انتي تحبيني
رانيا صارت تصارخ :لا مااحبك انت مريض لازم تمشي رايك حتى بمشاعري ماحبك انا اكرهك من وقت ماشفتك مااطيقك حتى اناظر وجهك
ناصر وهو يحس الدنيا تدور فيه كيف ان مها تكذب عليه بس ليش تكذب :مها قالتلي كل شيء لما كنتي بالشغل معها
رانيا انصدمت ماتوقعت ان مها ممكن تخرب بيتها وتقول لناصر :مها تكذب تبيك تنتبه مني
ناصر وحس انه وصل لنقطه النهايه :وليش انتبه شمعنى انت ليش مو ريما؟
رانيا :مادري افتح الباب بسرعه
ناصر بنفي :ماراح افتحه واذا تقدرين وريني
رانيا بعصبيه وهي تبكي :ماتوقعت انك تكون مع زهره وانت تشوفهم شنو يسون فينا وتمثل انك بصفنا وتساعدنا صح
ناصر حس انه لازم يوضح كل شيء:ممكن نتكلم بهدوء
رانيا بعصبيه وصارت خدودها حمراء وتحس انها بتختنق وهي عنده بغرفته اللي تجمعه بمها :لا مابي افتح الباب خلاص كافي
حتى الناس اللي احبهم صرت اشك فيهم واحس انهم واقفين ضدنا
ناصر وهو يقرب من رانيا :طيب اهدي
رانيا تبعد منه :لا تقرب لو سمحت كافي كذب خلاص براحتك انا ماراح اغصبك تسوي شيء
ناصر :رانيا زهره كانت تدرس معي لما كنا بالخارج وكانت تتقرب مني انا كنت معطيها وجه بس ماحبها كانت مجنونه ومتوقع تسويلي مصيبه وانا مالي احد هناك
ماعرفت انها تقرب مني علشان اخذ من تركي صك الارض اللي انتوا تملكونها وانا لماعرفت كنت راجع السعوديه
ولحقتني وصارت تقنعني بس انا رفضت اكثر من مره ولما سمعتيني هذاك اليوم كنت اكلمها
رانيا وهي مصدومه من اللي تسمعه :أي ارض
ناصر :ارض ورثها ابوك تسوى ملايين وهم يبغونها علشان يسون عليها مشروع يكسب ذهب طمع على كثر اللي عندهم
رانيا :انت انهيت علا قتك بزهره للابد
ناصر :وغلاه ابوي يارانيا انها للابد
رانيا وهي تمسح دموعها :طيب افتح الباب
ناصر :باقي شيء لازم يتوضح
رانيا وهي تخاف ان احد يدخل غرفتها اويسأل عنها :شنو
ناصر :انت مغصوبه على محمد
رانيا وعرفت انه متغايض من محمد :لا انا محد يغصبني انا ومحمد من زمان نحب بعض بس راح تقريبا خمس سنين
وهذا هو رجع وقرر يتزوجني انت ليش تسال
ناصر كان وده ياكلها وهو يحس انها تكذب عليه :لا بس مابيك تحسين انك ثقيله وتقولين ان الزواج هو المفر الله يوفقك
وعلى فكره سالفه الارض لاتقولين لعمتي اني قلتلك شيء لانها محذرتني بس قلتلك علشان اوضح لك الصوره
رانيا :ايه طيب يله افتح الباب قبل احد يشوفنا
ناصر وهو مبتسم :ليش خايفه واذا احد شافنا ؟
رانيا وندمت على اللي قالته :ناصر بسرعه
ناصر التفت على الباب وهو يحط ايده في جيبه يطلع المفتاح ... ورانيا تناظر الغرفه وثبتت عينها على السرير الفخم وحست بغصه
في هذا الوقت التفت ناصر وشاف عيونها وين تناظر كانت سرحانه وكانها تفكر في شيء
ناصر وتاكد انها تكذب :رانيا ... فتحت الباب
رانيا وتوها تنتبه على صوت ناصر الخشن :ايه
طلعت من االغرفة وهي تلفت يمين ويسار خايفه ان احد يشوفها ناصر قعد يتامل فيها وفي خوفها وارتجافها وجسمها ولبسها
وقف عليه التامل صوت الجوال وهو يدق التفت رانيا بس مشت بسرعه ناصر رفع الجوال وشاف انها مها طلع بعد رانيا يبي يشوف وين بتروح
ناصر :هلا والله مها
مها :شلونك ناصر
رانيا التفت على ناصر وحست انها بتخنقه بس تذكرت انها لازم تتعود وهي خلاص بتتزوج وتنساه للابد
ناصر وهو يحس بنظرات رانيا :الحمد لله حبيبتي انت مبسوطه
مها تضحك :لا ...لانك مو معي
ناصر :معليه انا بسافر يومين للخبر وبرجع وبمرك
مها :خلاص اوكيه انت الحين طالع
ناصر :ايه اصلا تاخرت يالله اوصل
مها :اوكيه مع السلامه لما توصل كلمني
ناصر :مع السلامه
قفل الجوال ونزل وشاف عمته ورانيا قاعدين ناظر رانيا اللي كان باين انها سرحانه في شيء وباين انها متضايقه
ناصر :عمتي انا ماشي سلمي على ابوي لما يجي والله اني خربت عليكم بس اوعدكم اني راح اعوضكم
خديجه تضحك :معليه ياناصر والله يعطيك على قد نيتك
ناصر يضحك :اكيد ريما بتاكلني اعرفها تحب الطلعات
رانيا وهي تناظر ناصر بياس :ريما نايمه روح قبل ماتصحى
ناصر وهو يناظر عيونها بحنان حس انه قسى عليها :مع السلامه انا بسافر
رانيا وقفت من مكانها بعفويه ناصر استغرب ورانيا كانت تلعن نفسها على الحركه
خديجه :وين ياوليدي ؟؟
ناصر وهو يناظر رانيا :الخبر عندي شغل
رانيا :الله يوفقك
قرب من عمته وباسها على راسها ومد يده على رانيا وهي مدت يدها ضغط عليها ورفع حواجبه وابتسم ابتسامه تعذب رانيا ابتسمت بعفويه
ناصر بعذوبه خيال :مع السلامه
رانيا وهي تسحب يدها من ايده :مع السلامه
ناصر طلع وحس انه بيتقطع من الفرحه يحس ان الحياه ردت له بعد ابتسامه رانيا له وفجاه سمع صوت رانيا التفت عليها
رانيا :ناصر
ناصر التفت :ايه
رانيا ماعرفت شنو تقول كان في بالها تقول كلمه بس سحبتها بعد مانادته
ناصر مستغرب وعقد حواجبه :رانيا بغيتي شيء
رانيا بارتباك ناظرت امها :لما توصل طمنا عليك
ناصر ابتسم :ان شالله
طلع ناصر من البيت وهو حس انه فيه بصيص امل ان رانيا ترفض محمد ركب السياره وهويدعي ربه ان اللي في باله يتحقق
رانيا ماتدري شلون خبصت هالخبصه كلها وتحس ان نظرات امها غريبه رانيا تهربت وراحت لغرفتها طبعا مرت على غرفه ريما بس ريما ماترد عليها
عرفت انها نايمه ومستحيل تصحى دخلت وهي ومحتاره ليش ناصر فجاه يبي يدري اذا تحبه او لا
وخذت في بالها لو انه مومهتم ليش يسالها وشنو اللي جايب طاريها علشان مها تقوله ولعنت مها على هذي الغلطه
مسكت وهي تناظر الكريستال اللي بجوالها وتبتسم وتدعي ان ناصر يوصل بالسلامه ...
ريما وهي نص نايمه ونص صاحيه وتفكر في فهد لما يقاطعها شنو بيصير فيها وهو مو معتبرها غير بزر واخته الصغيره ....

قعدت وسندت ظهرها على المخده ودقت على فاطمه اللي باقي مادقت عليها وتعرف شنو الشيء المهم اللي كانت تبي تقوله
ريما :الو
فاطمه :هلا ريما اعذرني ماكلمتك علشان ابوي كان جاي من السفر وانشغلت
ريما بحزن :اخلصي شنو الشيء المهم ماعندي رصيد
فاطمه :ريما ليش صوتك كذا ؟
ريما كانت بتتكلم بس قطع الخط ريمارمت الجوال ولعنت حالتهم ودقت فاطمه ريما اخدت الجوال وردت بلهفه
ريما :شنو الشيء المهم اخلصي ليش تسوين فيها من سيربح المليون
فاطمه :اول شيء اوعديني انك ماتزعلين !
ريما استغربت :يله فاطمه اوعدك اخلصي
فاطمه بخوف :ريما اتصلت هدى فيني وطلبت رقم جوالك لان فهد طلب منها وانا احترت لما رفضت استغربت سبب رفضها اذا هو اخواها ليش تمنع
وانا اخفت تدري بشيء وعطيتها الرقم
ريما مافكرت نهائيا ان جواله راح منه بالحادث حتى انها ردت من غير ماتناظر بالرقم :ليتك قلتيلي قبل مايتصل فيني
فاطمه شهقت :اتصل فيك
ريما بحزن :ايه وياريت مارديت والله لو اعرف انه هو ماكان رديت بس رديت من غير ماناظر بالرقم لانه اتصل بعدك عالطول وتوقعته انت
فاطمه :وليش زعلانه انت ؟
ريما :لاني قلتله يقطع الصله بينا
فاطمه بعصبيه :وليش ريما انت شلون تفكرين شوي تبينه وشوي ترفضينه شنو هذا التفكير
ريما :لانه مايعتبرني غير اخته وبزر عنده ومافكر نهائيا الا يستخدمني طعم علشان اجيب له معلومات تدخل عيال عمي السجن يعني ينتقم منهم
فاطمه وهي تندب حظ ريما :طيب لما طلبتي منه هذا الطلب شنو موقفه ؟
ريما :رفض وقال خلينا نصير اصدقاء بعدين قال عن الي يبيه مني انا ماحبيت الفكره وناويه الحين اقطعه نهائيا ومارد عليه
بس انا طالبه منه الحين انه يوصلني لابوي يعني يعطيني رقمه او شيء ابي اعرف عنه حي ولا ميت ولا وينه
فاطمه :ليش ماتقولين انه بالسجن ؟
ريما :ايه بس ابي اسمع صوته اشتقت له فاطمه ماتعرفين شلون فاقدينه
فاطمه بحزن :ريما ماعرف افتي عليك انتي .. ادرى خلاص ركزي على دراستك وانسيه علاقه عابره وانسيها
ريما :يالله لازم تجيبين طاري الدوام والجامعه نسيتي شنو بيصير فيني
فاطمه :مو اول وحده ولا اخر وحده اجتهدي
ريما :ولا الله افكر انسحب بس الظروف مو لصالحي
فاطمه :يابنت الحلال انسي خلاص حالك حال الناس لا تياسين من رحمت ربك
ريما :طيب نوال واماني شنو صار فيهم
فاطمه :نوال ماتبي تكمل لانها خلاص بتتزوج بعد شهرين وتتبتعث مع زوجها وتكمل برى اما اماني راحت لدبي ولا الحين مادري بترجع اول لا
ريما تضحك :مومصدقه ان نوال بتتزوج وانا كنت اضحك عليها لما تتكلم عن فيصل وسوالفهم ماعرفت انه شعور فوق الخيال
فاطمه :ريما ارتاحي الحين وحاول بانك تنسين وتجهزي للدراسه وصدقيني راح تنسينه
ريما :طيب مع السلامه
فاطمه :مع السلامه
ريما بعد المكالمه تطغت ونامت تتوقع انها لازم تنسى وتبدى حياتها المعتاده ماتدري هي وتبعد عن الناس انها مستحيل تنسى
فهد هو وريم بالغرفه
فهد :انا لازم اسافر
ريم :لما تفك الجبس فكر بالي يدور ببالك
فهد :خلاص انا بفكه قريب انشالله
ريم بعصبيه :خلاص وانا بقول لابوي نسافر مع بعض ونمسك الشغل انا وانت
فهد بنفي :لا
ريم :وليش ؟
فهد عصب :مو لازم اذا سوت زهره شيء تبين تسوين مثلها
ريم :مو شرط
فهد :شوفي ريم لاتزعجيني انت صارلك اسبوع انا طايح بهالفرشه ماسالتي عني وناقعه عند زهره وشلتها ومامنعتك
ريم :انا بكيفي انت صرت ممل ماغير شغل وريما وعيال البرقي ومادري شنو
فهد عصب :انت اللي عطيتهم معلومات واعرف ان الحادث مدبر من مازن انت قلتي لزهره
ريم ارتكبت :لا منو قال
فهد يضحك :انا مو غبي لهذه الدرجه بس لاتسوينها مره ثانيه
ريم طنشت الموضوع طلعت من الغرفه وخلت فهد مستفهم علي اللي يدور بالها

بعد اسبوع

الساعه 6ونص الصباح ريما واقفه على المرايه تعدل شكلها ورفعت الجوال ودقت على فاطمه
فاطمه بتعب :الو
ريما وهي تافف :فاطمه خلينا نبطل اليوم
فاطمه :ريما خلاص اليوم دوام استوعبي شوي
ريما وهي تلوى شفايفها :والله ملل
فاطمه :خلاص خليني اكمل لبس ونلتقي بالجامعه
ريما :طيب
فاطمه :مع السلامه
ريما :مع السلامه
ريما كملت لبس لبست تنوره سوادء وبلوزه مختلطه الوان واسعه شوي كانت مبينه حلوه فيها رفعت شعرها وحطت مكياج خفيف ولبست عبايتها ونزلت ... شافت رانيا قاعده لوحدها تفطر
ريما بتافف :صباح الخير
رانيا وهي تضحك :صباح النور
ريما :وش عندك تضحكين ؟؟
رانيا :لا بس شكلك حلو
ريما :لا والله الا شمتانه فيني هين
رانيا :عن الكسل ليه انت كذا؟
ريما :رانيا خلاص لا تستلمني على الصبح
رانيا وهي تفتح شنطتها :خذي مصرفك امي اعطتني مصروفك الاسبوع ولا تاكلينه كله
ريما وهي تخطف الفلوس من ايد رانيا :لا والله طسي احسن لك
رانيا :ريما شدي حيلك سنه جديده كل شيء جديد نبي شهاده ترفع الراس
ريما (رسوب جديد ):ايه انشالله
رانيا وهي تعدل مكياجها كانت لبسه تنوره جينزاسود بكسرات وبلوزه بني رسميه بربطه عند رقبتها وحلق لولو ومكياج ذهبي مدرج على بني وروج احمر ورافعه شعرها طالع رسمي اكثر وخذت عبايتها وكلمت منيره اللي صاروا جيران
رانيا :صباح الخير
منيره :صباح النور
رانيا :متى يمر النقل ؟
منيره :والله انا اتصلت امس فيه يقول مسافر ماراح يرجع الا بعد اسبوع
رانيا فاتحه فمها :لا تقولين
منيره :خلاص اخوي بيوصلني انا قلتلك اني عند اهلي نمرك
رانيا :لا ماعليه فيه سواق مشكوره مع السلامه
منيره :مع السلامه
رانيا سكرت وهي تتافف
ريما :ماراح يمرك
رانيا تهز راسها بنفي :خلاص بروح معك مع السايق
ريما :السايق مو موجود بالمزرعه
رانيا مستغربه :ومن بيوصلك ؟؟؟؟
ريما :خالي امي قالتي العصر انه بيوصلني
رانيا :ايه خلاص بخليه يوصلني معك
ريما :مها ماراح تروح معك ؟
رانيا :مااتوقع اكيد بتقعد اسبوع مثل العاده
ريما وتناظر ساعتها :تاخرنا الساعه 7ونص
رانيا: وين خالي باقي ماصحى ؟؟
طلعوا من الصاله وطلبوا من لاكشمي تصحي خالهم خرجوا من البيت بعد مالبسوا عبايتهم ويناظرون الرشاشات في الحديقه الصباح مع طلعه الشمس بينما يتاملون المنظر ............. رانيا منسجمه وهي تناظر اما ريما تذكرت ايامها مع نوره لما يدامون اول يوم ولما يطلعون من البيت مع بعض ولما يلتقون بالجامعه ماتحملت الذكريات وصارت تبكي من دون مارانيا تسمعها
رانيا تلتفت على ريما :ريما توقعين ان ......... (قطعت كلامه لما شافت ريما )
رانيا وهي تقرب من ريما :ريما ليش تبكين ؟؟
ريما تمسح دموعها :تذكرت نوره
رانيا وهي تمسح دموع ريما :الله يرحمهم كان ارحم لها انها ماشفت اللي شفناه خلاص لا يشوفك خالي
ريما تبسم بحزن :ايه الله يرحمهم
رانيا وهي تعدل شيلتها :ماكان خالي تاخر انا بدخل استعجله
ريما :ايه والله واعده فاطمه نلتقي
رانيا تفتح الباب وهي تفتحه كانت بتصدم بناصر وهو طالع ناظرت عيونه وشكله اللي كان باين عليهم النوم وهي تشم ريحته اللي خدرت جسمها من قوته .... ناصر وهو يطالع برانيا شكلها ولبسها عيونها وشفايفها ورهبتها لما شافته ... رانيا حست انها طولت وهي واقفه على الباب فتحت مجال لناصر ودخلت بس ناصر نادها

ناصر : وين رانيا انتي من بيوصلك ؟
رانيا بارتباك لما سمعت خشونه صوته :النقل ماراح يمر فانا قلت اذا خالي يوصلني مع ريما لان السايق بالمزرعه
ريمامن دون ماتعرف بوجود ناصر :يله حركي رانيا تاخرنا صحي خالي
ناصر :وقفي يارانيا يله انا اوصلكم ابوي مطول امس بالسهره مع عمتي تعالوا انا اوصلكم
رانيا كانت بتعترض بس هو مشى علشان مايسمعهم يعترضون وراح لسيارته
ريما رفعت حواجبها :مالنا الا ناصر يله رانيا
رانيا (محلى هالصباح ):يله الله يعينا عليه
ريما ورانيا يمشون جنب بعض وناصر يناظر رانيا من المرايه وهم جايين لما قربوا ناصر سوى نفسه انه يقلب في الاوراق الللي معه
رانيا وريما ركبوا وراء ..... ناصر التفت عليهم
ناصر :من بنوصل اول ؟
رانيا وريما مع بعض :انا
ناصر يضحك :هههههههههههه
رانيا وهي تغمز لريما :انا اقرب
ريما :منو قال انا اقرب كلها شارعين وانا بالجامعه
ناصر يرفع ايده :خلاص ياحلوين انا بوصل ريما علشان اعرف مكان الجامعه بعدين انتي يارانيا تدلين المدرسه ؟؟
رانيا بخوف :ايه
ناصر بمكر:خلاص توكلنا على الله
مشى ناصر ورانيا قلبها طايح بالارض من الخوف قعدت عيونها طول الوقت على ناصر مع انها ماتشوف وجهه كان الشماغ مغطي عليها ولما وصلوا للجامعه
ناصر: فيه احد يرجعك
ريما :لا
ناصر :خلاص يمكن انا امرك او اخلي السايق يمرك على العموم رقمك معي ومتى ماخلصتي كلميني
ريما وهي تقفل الباب :طيب مع السلامه
ناصر: مع السلامه
رانيا :مع السلامه
ناصر وهو طاير من الفرح ان رانيا معه ولما مشى ..................
ناصر :ايه يارانيا وين مدرستك ؟
رانيا :بحي قديم
ناصر:وينه ؟
رانيا وهي تمد يدها بخوف :لف من هني على الشارع العام علشان اقولك وين
ناصر وهو يناظر يدها وهي تاشر له ويلاحظ ارتجافها :طيب
لف ناصر وشاف محل يبيع قهوه فرنسيه ............ ونزل عنده
ناصر ياشر لرانيا انه ماراح يتاخر رانيا وهي تحتريه بالسياره وهي قاعده على اعصابها بس بنفس الوقت تحس بامان شافت ناصر راجع ومعه كوبين قهوه فتح السياره
ناصر :رانيا تبين قهوه جبتلك معي ؟
رانيا :اوكيه
ناصر وهو يلتفت عليها:تعالى قدام
رانيا خافت اكثر :معليه انا مرتاحه هني
ناصر :ادري بس كيف تدلين مو معقوله التفت وين ماتأشرين
رانيا وكأنها اقتنعت بكلامه وحست انه مستحيل يكون حاطها في باله :طيب
نزلت رانيا وركبت قدام جنب ناصر وهي خايفه وترتجف :يله اخرتك عن دوامك
ناصر يضحك لها بمكر :لا يكون قصدك اخرتك انت
رانيا تضحك بنعومه :مااقصد
ناصر خق على جمال عيونها ورائحه عطرها لما قربت وحرك السياره وكان الدنيا كلها تتبتسم له رانيا كانت طول الوقت تناظره وتناظر ايده ولبسه وشكله .......... التفت عليها ناصر ومد لها بالقهوه
ناصر :تفضلي
رانيا وهي تمد ايدها :مشكور
تلامست ايدهم رانيا حست ان الكوب بيطيح من ايدها مسكه ناصر ورجعه عنده وقف السياره رانيا استغربت ناصر قرب منها اكثر وحط ايده عند الباب اللي هي عنده ولمست ايده بطنها رانيا خافت وصارت تتنفس بصعوبه وانتبهت انه يحاول يفتح لها مكان تحط الكوب عليه بس مارضى يفتح ناصر قرب اكثر منها لحد ماصار وجهه عند وجهها رانيا خافت اكثر وحاوت انها تساعده بس رفض ..... ناصر مستمتع بالوضع وهو يشوف ارتباك رانيا كل ماقرب منها
ناصر حب يحرجها :القهوه ماتبيك
رانيا وهي تلتفت على ناصر :اذن انا مابيها
ناصر حس بانفاسها لما تكلمت وقرب اكثر منها بهمس:موعلى كيفها منو مايبي رانيا؟
رانيا قررت تمسك اعصابها وتواجه ناصر بقوتها حطت ايدها على صدره وبعدته منها لحد متعدل في مكانه :يله ناصر نتاخر علشان قهوه
ناصر وحس ان هذي الحركه علشانه اثر فيها :اوكيه
رانياوهي تحس انها زودتها وصارت تلعن نفسها على ارتباكها اللي يوضح لناصر كل شيء
ناصر وهو حاط ايده على صدره يتحسس لمسات رانيا :يله وين الحين ؟
رانيا بدون ما تمد ايدها :لف يسار .... الحين يمين
ناصر وهو يناظر عيونها الخايفه :الحين على طول
رانيا :ايه
ناصر وهو يشرب قهوته ويناظر الطريق كان قدامه مطب بس مانتبه له انكبت القهوه عليه امتلى ثوبه لف بسياره بموقف وهو يتافف
رانيا شهقت :لا تكون حاره
ناصر :لا
رانيا اخذت مناديل وصارت تنظف ثوبه من دون شعور ... ناصر ذاب على حركتها ومسك يدها بنعومه
ناصر وهو يناظر رانيا :مشكوره
رانيا تسحب يدها :العفو اسفه انا السبب
ناصر :الا انا اللي اسف اخرتك
رانيا :خلاص عادي اهم شيء مااحرقتك القهوه
ناصر (الا احترقت بلمست ايدك ) : لا الحمد لله
ناصر اسرع حس انه اخرها على الدوام وشاف تجمع نقل طالبات وسيارات عرف انها المدرسه
ناصر :هاذي ؟
رانيا :ايه
وقف ناصر ورانيا نزلت من السياره نادها ناصر
ناصر:اتصلي فيني علشان امركم
رانيا رجعت وتكلمه من الشباك :نعم
ناصر :اتصلي علي علشان ارجعكم
رانيا :طيب
ناصر :رقمي عندك
رانيا حافظه الرقم عن ظهر قلب بس ماحبت تقوله :لا
ناصر تضايق :عطيني رقمك وانا اتصل فيك
رانيا وهي تعطيه رقمها واتصل عليها علشان يتثبت الرقم عندها رانيا دخلت وشافت الساحه فاضيه عرفت انها متاخره وان الطالبات انصرفوا على فصولهم دخلت وهي متأمله ان المديره تغيرت بس خاب ظنها دخلت وسلمت على الموجودين وتوقعت المديره تهزئها مثل العاده بس
عائشه :هلا والله رانيا
رانيا باستغراب :هلا فيك
عائشه :وين الغيبه ؟
رانيا :موجوده
عائشه :عسى التاخير خير
رانيا (وكل خير ):لا بس النقل ماجاء وانتظرت على ما حصلت سياره
عائشه :ايه
رانيا :استاذن خليني اشوف كيف ترتيبات الجدول
مشت رانيا وهي تسترجع اللي صار لها مع ناصر خلها تشوف كل شيء قدامها الوان بدل ماكان اسود وابيض

في الجامعه
ريما معصبه :طيب وشنو صار اذا تاخرت
فاطمه :لا بس احذرك
ريما :لا شرايك كف
فاطمه تضحك :ياريت بس حرام اهينك قدام البنات
ريما :يله صارت الساعه 8 الحين يتجمعون عصافير الحب
فاطمه :الحين تسمين الدكاتره عصافير
ريما :اسفه تماسيح
فاطمه :هههههههه يله امشي
راحوا ريما وفاطمه للقاعه وهم يناظرون البنات داخل القاعه وهم مستغربين من هدوهم
ريما تتكلم بهمس :بسم الله ليش هذولا ساكتين ؟
فاطمه مستغربه :مدري خلينا نطلع (فاطمه طلعت من دون ماتنتبه للموجود )
ريما تناظر بنت باستغراب وكأنها البنت تحذرها من شيء
ريما :تكلمي وش فيك ساكته ؟؟
فجأه ماحست ريما الا بيد تسحبها بعنف لدرجه ان يدها طلعت صوت حست انها انفصلت من مكانها التفت ريما بخوف شافت دكتوره سودانيه ضخمه مره وسمينه وطويله
سمعت صوتها وهي تصارخ :ليش جايه الحين مو ملتزمه بالوغت
ريماوهي تحاول تسحب يدها :انا اسفه دكتوره
الدكتور وصوتها الخشن :هذا اسميه ازتهبال
ريما :طيب اتركيني فصلتي ايدي
الدكتوره :اطلعي برى انت مو مودبه
ريما وهي تسمع ضحكات البنات :طيب برى برى ماقلنا شيء
طلعت ريما وسط ضحكات البنات ولقت فاطمه اللي مو عارفه شنو السالفه
فاطمه وكأنها تمسك ضحكتها: انا اسفه ريما والله ماشفتها
ريما وهي تمسك كتفها بالم :الله ياخذها فصلت ايدي وانا اقول العفاريت ليش ساكتين والله خمس دقايق متاخرين ماصارت
فاطمه وهي تمسك ضحكتها :تعيشين وتاخذين غيرها
ريما ماتحملت انفجرت تضحك وضحكت معها فاطمه اللي نجت من معاتبه ريما لانها تركتها بس فاطمه بررت لريما موقفها
فهد صحى من النوم وشاف ريم نايمه بمكانها وتحرك من مكانه وهو يتافف ويتالم لان الجبس يالمه وصار ثقيل عليه
فهد وهو يلتفت على ريم :ريم حبيبتي اصحي
ريم هي تمتم :م...ازن
فهد استغرب منها وحاول يقرب :ريم
ريم :مممممممم
فهد ماتأكد من اللي سمعه :ريم اصحي
ريم وهي تفرك عيونها :نعم
فهد :يله الحين موعدي بالمستشفى
ريم وهي تقوم بكل اهتمام :يله حبيبي بس متى يفك الجبس
فهد :اليوم انشالله اذا جبرت الكسور
ريم :يعني مو اكيد
فهد :ريم انا مستعجل اكثر منك يله خلصينا ساعدني البس ثيابي
ريم وهي تعدل قميصها اللي لبسته :يله
فهد رجع لمكانه ينتظر ريم لما تخلص وتجي تساعده .... فهد قعد يفكر شنو يسوي لما يرجع بريطانيا كيف يتصرف بريم يتركها بالسعوديه ولا ياخذها معه وطرى في باله ريما مايعرف ليش ويفكر شنو تسوي الحين وكيف عايشه عند خالها هي مبسوطه ولا (كيف تبيها مبسوطه وبيتهم راح قدام عيونهم وكانت حاطه الامل فيك انك تطلعهم من هذي المصبيه بس ماطلعت قد المسؤليه وهي ليش تمنعني مااكمل القضيه معقول مثل ماتقول انها خايفه علي بس يمكن من باب لا يأنبها ضميرها اذا صار لي شيء يارب شنو اسوي )

رانيا بالمدرسه وهي مع منيره بالغرفه ويتناقشون على الخطه للتدريس ودخل وقت الانصراف وقطع عليهم جوال رانيا وشافت الرقم دق قلبها وصار وجهها احمر رانيا ارتبكت لانها ماتبي تقول لمنيره انه ناصر علشان ماتحسسها انها خاينه
رانيا بعدت من منيره :الو
ناصر وهو مستمع بصوتها الناعم الهادي :مساء الخير
رانيا باتسامه :مساء النور
ناصر :امركم السايق باقي ماجاء من المزرعه
رانيا :ايه اذا باقي ماجاء مالي غيرك
ناصر انشد صدره لما سمعها تقول مالي غيرك :خلاص بمرك الاول وبعدين امر ريما لاني كلمتها وقالت انها خلصت
رانيا :اوكيه مافيه مشكله
قفل ناصر الجوال وطلع من مكتبه بسرعه يركض للامل الي يدور له مع رانيا ........... رانيا كانت مبسوطه على الاخر تنتظر اتصال ناصر
فهد بالمستشفى مع ريم
الدكتور :جاهز استاذ فهد ................انت شكلك ماتتغذى
فهد :ليش دكتور ؟
الدكتور :انا اقولك من الحين اذا ماجبرت الكسور راح ارجع الجبس
فهد وهو واثق من نفسه :انا صار لي شهر واسبوعين ممد بهالفرشه صرت كسول
الدكتور:يله الحين نشوف تفضل معي
ريم :يله انشالله نخلص
فهد وهو يقوم مع الدكتورللسرير الدكتور يناظر ريم
الدكتور ينادي الممرضه علشان تساعده :ممكن تساعدين زوجك يشيل ملابسه
ريم وهي تافف وتقرب من فهد :يله دكتور
فهد وهو يحس انها متغيره عليه :اذا حاسه انك تعبانه اقعدي الممرضه تساعدني
ريم وهي تفك ازرار ثوبه وتهمس له :مااسمح لاحد يلمسك
الدكتور وهو يجيب اداه علشان يقص الجبس:يله خلاص
ريم وهو شايله ثوب فهد :ايه دكتور تفضل
بدى الدكتور يقص الجبس وفهد يحس بالم بصدره وكتفه ولما وصل الدكتور يقص الجبس اللي عند الكتف تالم فهد بس كتم الالم مايبي يحسس الدكتور انه باقي يتالم وخلصوا فهد حس ان نص وزنه طاح لان الجبس كان ثقيل عليه طول هذي الفتره
الدكتور وهو يمسك كتف فهد ويحركه :كيف تحس الحين ؟
فهد وهو يحس براحه :الحمد لله
الدكتور راح اخلي الممرضه تسويلك مساج علشان تنشط الدوره الدمويه بعدين نسوي اشعه ونشوف
فهد :خلاص اوكيه
طلع الدكتور من وراء الستاره وشاف ريم شايله الثوب وتنتظر
ريم:ها دكتور كيف حالته الحين ؟
الدكتور :الحين نسويله مساج علشان يرتاح اكثر ونسوي اشعه بعدين نقرر اذا جبرت او لا لانه فكينها مستعجل بس شكل زوجك مشالله عليه قوي
ريم وهي تبتسم :انشالله يشفى لانه دكتور تعب من الجبس وهو يتالم منه
الدكتور :لهذه الدرجه الاهتمام !!!!!!
ريم :ايه اكيد
الدكتور وهو يرفع سماعه التلفون :الو لو سمحتي ارسلي الممرضه نجوى فيه مريض عندي يحتاج مساج بسرعه
بعد دقايق جاءت الممرضه ومعها جهاز ودخلت عند فهد ................ فهد وهو ممد على السرير وكان صدره عاري وقعد يناظر الممرضه وهي جايه وضحك على نفسه وهو يفكر ان ريما سوتها مره ثانيه .......... الممرضه قربت على فهد وهي معجبه بجماله
الممرضه بنعومه :ممكن تجلس شوي علشان امد المرهم
فهد :ايه
جلس فهد وهي قعدت تشتغل ولما خلصت المساج قربت منه وهمست له
الممرضه :ممكن رقمك ؟
فهد وهو يبعد منها :وليش ؟
الممرض :علشان نسويلك جلسات تدليك
فهد يبتسم لها :مشكوره ماحتاج زوجتي تسويلي
الممرضه وحست ان فهد عرف تفكيرها :براحتك
وطلعت من الغرفه وريم تناظرها باستغراب وهي تشوفها مسرعه
الدكتور وهو يدخل عند فهد :ها شلون الحين ؟
ريم تناظر فهد وهي تحس انه صار احسن :الحمد لله على السلامه
فهد :الله يسلمك
الدكتور وهو مبسوط :لا الحمد لله باين مشالله انك صرت احسن
فهد يبتسم :خلاص مالله داعي الاشاعات
الدكتور:لا الحرس واجب
فهد وهو يضحك :صدقني دكتور انا مثل السبع
الدكتور :مشالله باين عليك
ريم وهي مفتخره بزوجها :مشالله
فهد لما خلصوا اشاعات واكد الدكتور انه خلاص وصرف له مقويات وفيتامينات وادويه ..........ورجعوا البيت وهم مبسوطين
ريم وهي تفسخ عبايتها :لازم ابشر ابوي
فهد :توقعين يهمه
ريم :اكيد لانه لازم نسوي لك حفله ياعمري
فهد وهو يحرك ايده ويسوي تمارين :شنو لزمتها ؟
ريم :فهد حرام عليك خليني افرح بسلامتك
فهد بشك :اكيد
ريم تقرب منه وتبوس خدوده :ماشتقتلي
فهد يبتسم :اكيد
ريم بفرحه :هههههههه
فهد :جوعان قولي للخدم يحضرون لنا اكل
ريم توقف بنشاط :من عيوني
فهد بملل :تسلم عيونك
راحت الريم وفهد ظل يرقبها بعيونه ويحسها متغيره عليه وهي ليش متقلبه ...
ريما وهم بسياره وراجعين للبيت ناصر يسولف معهم ومبسوط رانيا كانت تسمع وساكته
ناصر :كيف الدوام اليوم ؟
ريما وهي تافف : ناصر بالله عليك هذا سؤال
ناصر مستغرب : ليش التشاؤم ؟
ريما :صار لي موقف الله لا يوريكم ضحك علي اللي يسوى واللي مايسوى
ناصر يبتسم :تصير ريما !!!!
ريما وهي تحكي لهم الموقف .... انفجروا يضحكون رانيا وهي خاقه على ضحكة ناصر اول مره تسمعه يضحك من قلب ....
ناصر وهو يكمل ضحكته :معقوله ماشفتيها
ريما :والله شكيت ليش البنات ساكتين
رانيا وهي تضحك بنعومه :يالله ياريما فصلت ايدك
ريما وهي تحس بالم بيدها :أي والله لو تشوفونها معروفه بالجامعه كأنها اللي يشتركون بااولمبيات
ناصر يضحك :ههههههه سلامات والله يوم مشوق
ريما بعصبيه :هي انت والست اللي جنبي لا تقعدون تشمتون فيني حرام عليكم
رانيا :والله مانشمت بس ....
ناصر قاطعها وهو مبسوط انها تدافع عنه وعنها :وانت رانيا يومك مشوق مثل ريما
رانيا وهي مستحيه :لا عادي كالعاده شغل وكتب وحاله
ناصر حس انها تختصر في كلامها :هذا حال المعلمات
ريما حست بالجو هدى وفكرت تسئل ناصر عن فهد بس خافت ورجعت تسكت لانها متردده تتصل فيه ولما دخلوا كانت مها باستقبالهم وهي تعطي رانيا نظره رانيا شافتها بس طنشت لانها ماتبي تتعب نفسها مع مها وتدخل بمشاكل
رانيا وريما لما دخلو الصاله :سلام عليكم
الخال وخديجه :وعليكم السلام
خديجه :كيف الجامعه ريما
ريما وهي تافف :تجنن تهبل اقطع شعري من حبي لها
عامر :الله كل هذا الحب
ريما :ايه مادريت
خديجه :ريما عن اللقافه وشدي حيلك ابا مجموع يرفع الراس
ريما وهي طالعه لغرفتها :انشالله
رانيا :وانا محد يسال عني
ناصر دخل عليهم :ليش ماسالت عنك !
رانيا التفت على ناصر :مااقصدك بس كله مهتمين بالبزرارين
ناصر يناظرها باعجاب (وانت شنو ) : توها تتدرس انت ماينخاف عليك
عامر :انت كالعاده لاجديد
رانيا تبتسم :والله صرت تعرفني ياخالي
مها دخلت وهي معصبه : شلونك رانيا ؟
رانيا وهي تلم اغراضها :الحمد لله شلونك انت ؟
مها وهي تقعد جنب ناصر :الحمد لله
رانيا راحت لغرفتها ترتاح بعد الشغل والتعب ....
الساعه 9 في الليل

ريما وهي قاعده ومتردده تتصل على فهد وتحمد له بالسلامه بعد ماسمعت ناصر يقول لخالها ان فهد راح للمستشفى وشال الجبس وقررت ترسل له مسج وكتبت فيه (مساء الخير فهد انا سمعت ناصر يقول انك شلت الجبس قبل وقته ويقول انك بخير وحبيت اقولك الحمد لله على السلامه واسفه على التقصير ) وباست المسج وارسلته ودموعها على خدودها تمنى تشوفه ....
فهد وهو بضجه الحفله اللي اصرت ريم تسويها له وهويشوف الطبقات الراقيه المتجمعه واستغرب ان ريم ماعزمت عيال البرقي مع انهم اصدقائها المقربين فهد وقف وهو متجه لريم وهو يشوفها ماسكه كاس نبيذ
فهد وهو يقرب من ريم :كم مره قلتلك لاتشربين
ريم وهي تبوس فهد على خده :تكفى فهد بس اليوم والله مبسوطه فيك
فهد وهو يشيل الكاس من ايدها :تعالي ارقصي معي
ريم مبسوطه :يله حبيبي
فهد وهو ماسك ايد ريم وقربهامنه وصاروا يرقصون (سلو )على اصوات الموسيقى الناعمه وصوت صفقات الموجودين فهد كان يناظر بالناس ويحس انه مخنوق ماحس الا على صوت ريم
ريم :حبيبي شوف الناس شلون تطالعنا
فهد بدون اهتمام :ايه
ريم بهمس :شفيك فهد انت تعبان
فهد :لا ....
بعد مده قصيره فهد مل من الرقص واستاذن من الريم وراح بعيد عنهم لانه سمع صوت المسج وجاه احساس انه من ريما فهد وهو يفتح الجوال وقراء الرساله انبسط وحس ان الحياه ردتله وكان فيه فرصه بتجيه بس مايعرف شلون يستغلها
رجع فهد وهو يشوف الناس المختلطين وشلون يشربون ويضحكون وباين عليهم انهم مظاهر وبس شاف ريم وهي جايه صوبه بفستانها القصير العاري
ريم وتجلس جنبه :منو اللي ارسلك مسج ؟
فهد وهو مايحب احد يسأله :واحد من الربع
ريم وحست بفهد :ايه ليش انت قاعد كذا تعال نرقص وننبسط
فهد بجديه :ليش ماعزمتى زهره ومازن
ريم استغربت منه :زهره سافرت امس ومازن تعرف مااكلمه ومستحيل اعزمه
فهد بشك :معقوله ..... ابوك وينه
ريم :ابوي تعرفه اليوم سبت اكيد انه طول اليوم يشتغل يعني حوسه انا قلتله وهو قال اذا قدر راح يجي
فهد : ايه
ريم راحت عن فهد وتحس انه يبي يناقشها باشياء مستحيل انها تفصح عنها وفجاه دخل الشيخ علي وصار بالمكان حاله سكوت لما شافوا البودي قارد والحراس حوله .... فهد وقف بكل ثقه واستقبله وهو رافع خشمه الشيخ علي بعد ماسلم على الموجودين وهو يطالع الترتيبات اللي عرف انها من ذوق بنته الريم
فهد وهو ياشر على جلسه :حياك تفضل
الشيخ علي :زاد فضلك والحمد لله على السلامه
فهد :الله يسلمك
الشيخ علي :جاهز الشغل ينتظرك
فهد وهو متملل من اسلوبه الجاف : وانا جايه
الشيخ علي : متى بتسافر ؟
فهد :برتب اموري واسافر
الشيخ علي : الريم بتاخذها معك
فهد :مادري بس تبي تشتغل معي
الشيخ علي : امنعها مابي بنتي تتعب نفسها بالشغل ووجع الراس ابي كل شيء لها على الجاهز
فهد مو مستغرب من الرد : انشالله
بدى فهد يمل من الجوء اللي كله اقنعه ومظاهر ....
ريما وهي تبي تنام لانها ملت متوقعه ان فهد بيتصل او بيسأل عنها وفجاءه جاها مسج فتحته بلهفه وشافته من رانيا (ممكن تجين بغرفتي ) ريما تضايقت وارسلتلها (لا مابي انا ابي انام )مدت نفسها بعد ماقفلت الجوال وبعد لحظات سمعت الباب يدق بعنف وراحت تفتح ولقتها رانيا معصبه
ريما :خير
رانيا معصبه :ليش ماتسمعين الكلام
ريما :ادخلي فضحتينا الساعه 3فجر
رانيا وهي تدخل وتقفل الباب وراها :بغيت اقولك ان ناصر قال امي انه هو ومها يوم الاثنين بيرحون الدمام ويمكن نلحقهم
ريما باستغراب :وليش ؟
رانيا :يقول يبي يعوضنا عن طلعه المزرعه
ريما بحزن :وناسه
رانيا مستغربه قربت من اختها :ريما وش فيك ؟
ريما التفت عليها :مادري تعبانه
رانيا :ريما تكلمي فهد فيه شيء
ريما بخوف ومستغربه ليش جابت طاري فهد : وش معنى فهد !
رانيا وهي تحس بأختها :لا تخبي علي انا شفت وجهك على العشاء لما ناصر قال لخالي عن فهد
ريما بخوف:كان باين علي شيء
رانيا :لا تخافين مااحد لاحظ
ريما :ارسلتله مسج
رانيا :وليش تسوين كذا ؟؟
ريما :حبيت اتحمد له على السلامه كافي اللي صار من تحت راسي
رانيا تصفق لها :ياعيني على الاعذار .... عن الكذب طيب ليش زعلانه
ريما : رانيا
رانيا بعصبيه : ريما انت صايره تكذبين تكلمي
ريما قررت تقول كل شيء لرانيا :فهد بيسافر لبريطانيا يعني ماراح اشوفه ولا بحياتي لانه خلاص بيقيم هناك وبعدين حتى لو يرجع يتطمن على اهله باي صفه يكلمني او يسئل عني
رانيا بحزن : ريما مو انت انجرحتي بعدك صغيره بعدين هو متزوج اذا تحبينه ادعيله انه يوفقه
ريما : الله يوفقه بس ماقدرت من وقت مادخل حياتي وهي بدت تخبص من اول ماعرفته
رانيا باستغراب :ليش متى عرفتيه؟
ريما قالت لرانيا كل شيء من وقت ماعرفت فهد لحد اليوم
رانيا تشهق :يالملعونه كل هذا سويته ولا احد عارف
ريما :اللي يحب ينعمى مايشوف قدامه غير اللي يحبه كنت اكسر الخوف وافكر بطريق الروحه من غير مافكر برجعه كان المهم اني اشوفه وبس
رانيا ومنبهره بحب ريما اللي باين انها غرقانه فيه :انسيه ريما علاقه وتعدي بعدين لوتدري الريم بلي تسوينه صدقيني لاتقتلك وتقتله وترميكم
ريما عصبت لما سمعت اسمها :والله مالاوي ذراعي غير خوفي عليه من عيال عمي وهالريم
رانيا :خلاص ريما حبيبتي فهد وانسيه وركزي على مستقبلك هذا حب مراهقه او حتى حب او اعجاب لانك عمرك ماتدخلتي بعلاقه كذا
ريما تضحك بأستهزاء : أي مستقبل تدرين اني راسبه بماده


رانيا تشهق :شنو
ريما : اسكتي من وقتها وحلمي تهدم ...... معلمه نقول عنها حلم
رانيا :ليش ريما انت ماقلتي لنا ؟
ريما :ماحد يعرف غيرك وغير فاطمه انا ماقلت لامي ولاي احد
رانيا :اه ياريما كل هذا يصير لك
ريما تضحك :انا ابي انسحب من الجامعه وبطلب بعثه
رانيا :ياحلوه احلمي انسي اصلا أي بعثه شنو هذي الاحلام
ريما :رانيا ابي ادرس شيء احبه احس لي مستقبل اموت ولا احد يعارضه
رانيا :طيب عن الافكار والخرابيط امي مستحيل تسمحلك انسي ريما
ريما :انا راح اقول لامي بكره واجس نبضها
رانيا وهي توقف من مكانها تبي تنام وتهرب من احلام ريما لالي تخوف :والله ماحد بيجيب الجلطه لامي غيرك
ريما تضحك :اطلعي خليني اكمل احلامي
طلعت رانيا وراحت تنام اما ريما قعدت تفكر شلون تقنع امها بالبعثه
وهي تقلب مجله لفتها خاطره حلوه واعجبتها
سعيده من نظرات عينيك تتفتحان ..
مبللتين بندى صباحي ..
وغبار احلام عالقه باهدابك ..
يشرق بهاؤك الجليل ويسري في عروقها ماء ساخنا
مراه هائمه
خزانه اصابها دوار عطرك
ومقعد لايحضن سواك ....
وكل شيء سعيد هناك ,حيث تكون
وحيث تكون ,يكون كل شيء
هنا صقيع ,هنا ظلمه ,هنا جماد
والحياه كلها هناك ...... حيث تتنفس
تنهدت ريما لما قرت الخاطره وتمنت ان فهد يقراها كتبتها بجوالها وخزنتها فيه ولما كانت بتقراها طفى جوالها من البطاريه خلته مغلق وحطته بشاحن ونامت ....

(الجزء الرابع عشر )


صحت رانيا من النوم متنشطه ومتوقعه ان ناصر يوصلهم لدواماتهم بس خاب ظنها لما قالت لها امها ان السايق جاء
وهم طالعين هي وريما سمعت امها تناديها وناصر طالع من البيت ومتوجه لسيارته
خديجه :رانيا ام محمد بتجي اليوم
رانيا وهي تناظر ناصر :ايه خلاص
ناصر سمع كلام عمته ورد رانيا وراح لسيارته وكأنه ماسمع شيء
رانيا تصرف امها :خلاص تاخرت واخرت ريما
ريما من شباك السياره :يله رانيا
رانيا باست امها وراحت وهي محتاره وهذي اخر فرصه لها للتفكير توافق ولا ترفض
ريما بسياره :رانيا
رانيا وهي تقلب جوالها بدون وعي تذكر رده فعل ناصر وتفكر انه ماسمع اللي قالته عمتها :مممم
ريما :بتوافقين ؟
رانيا وهي تتناهد لان ريما حطت يدها على الجرح :مادري ياريما
ريما :الي الحين ماتدرين ولا قلبك عند ناصر
رانيا :تصدقين ريما انا سويت هذا كله علشان اغيض ناصر
ريما باستغراب :وليش تسوين كذا ؟
رانيا :مادري كنت ابي اشوف هو بيتكلم بيعترض انا الحين افكاري مشتته
ريما :وليش متوقعه انه يعترض وباي صفه وبعدين لا تنسين انه متزوج
رانيا :هذا اللي مكدر علي بس تدرين انا لازم اشوف حياتي
ريما تشهق :رانيا حرام تعلقين محمد وانت عقلك مع ...
رانيا تر فع ايدها بعناد :تكفين لا تقولين اسمه هو مثل ماشاف حياته انا بعد بشوف حياتي
ريما :رانيا لاتخاطرين بنفس الوقت لا تنتظرينه
راينا :وليش تسمينها مخاطره محمد والنعم فيه وانا ماراح انتظر ناصر
ريما :الله يوفقك والحب يجي بعد الزواج
رانيا بدون اقتناع :وانت قلتيها
فهد وهو يقراء رساله ريما ومحتار يتصل عليها ويطلبها اللي يدرو اللي في باله او يرسل مسج يشكرها ... اتصل على امه
فهد :الو
ام فهد بفرحه :هلا بالغالي
فهد :شلونك يمه
ام فهد :الحمد لله انا بخير انت شلونك ؟
فهد :الحمد الله ابشرك خلصت من الجبس وصرت مثل الحصان
ام فهد شهقت :شلون بس باقي عليه شهر
فهد :ولدك سبع الدكتور قال مافيه داعي يظل اكثر الكسور جبرت بسرعه
ام فهد :بسم الله عليك من متى
فهد :امس الصباح
ام فهد :ليش ماكلمتني ازورك واتطمن عليك
فهد :انا امركم بالليل ان شالله
ام فهد :حياك وانتبه للطريق كافي اللي صار
فهد :الا يمه شلون نور مع الدراسه
ام فهد :مشالله عليها نشاط بدايه السنه وكسل نهايتها
فهد :مايخالف انت شجيعها وبتحسن بعدين هي ذكيه ومايحتاج
ام فهد :ان شالله
فهد :يله يمه مع السلامه باليل اجيكم قولي لنور
ام فهد :مع السلامه


في الجامعه
ريما :تدرين فطوم انا قررت اقول لامي
فاطمه تتحضر لقنابل ريما المفاجئه اللي بالعاده تورط فاطمه :ياساتر
ريما :وش فيك ؟
فاطمه :لابس احس بقنبله بتنفجر الحين
ريما بملل :فاطمه والله فهد مو بسالفه لاتخافين
فاطمه بارتياح :والله خلصينا يرحم والديك
ريما :انا بقول لامي اقدم اوراقي علشان ابتعث
فاطمه بالضيقه :تبين تتركيني وبعدين ايش فيها الدراسه هنا
ريما :انت عارفه انا ابي ادرس شيء احبه واعيش حياتي ابني في مستقبلي مو اهدم
فاطمه :وتتركيني
ريما بحزن :انت بتزوجين وتنسيني مثل ماسوت نوال واماني
فاطمه :وين انا وين الزواج حرام عليك
ريما :انتو مشالله عليكم عندكم خير خلينا نقدم اوراقنا مع بعض ونخلص
فاطمه تضحك :قولي لامك عن الطامه هذي بعدين تفلسفي علي
ريما :يارب توافق
فاطمه :تتوقعين انها بتخليك تروحين لوحدك
ريما :مادري
ريما ورانيا رجعوا من الدوام وريما الافكار تلعب براسها ورانيا تحذرها لانها تعرف امها مستحيل تسمح لها تروح لوحدها وتدرس
صار العصر وخديجه تترتب علشان ام محمد وولدها ورانيا وريما بالغرفه يتجهزون
ريما :رانيا
رانيا وهي خايفه انها تخطي :ايه
ريما :خلاص قررتي
رانيا :ايه بوافق
ريما :الف مبروك مقدما الله يوفقك
رانيا :والله ريما خايفه
ريما تشجعي واخلصي
رانيا :ان شالله بنخلص
رانيا نزلت تجهز مع امها وريما راحت لغرفتها وشافت جوالها اللي من امس وهو بالشاحن ونسيته حتى ماشالته معها الجامعه
ريما راحت تفتحه وانبهرت لما شافت موجود من فهد حست انها بتموت من الفرحه واحتارت شنو يبي منها
وتذكرت انه عرض عليها انها تساعده تجيب أي شيء عن عيال عمها وتنهدت تركت الجوال وخرجت من الغرفه وهي ماتدري شنو الشعور الي يدور بقلبها
ريما وهي تناظر بالحلي اللي مجهزينه وباله مشغول بفهد :يعني . .(بتردد )يارانيا والله ماتغديت
خديجه وهي طايره من الفرحه :ريما اطلعي مابي اشوفك اليوم
ريما عصبت :ليش ماتبيني احضر الطقوس
رانيا :طقوس بعينك عن الالقافه
ريما :وشنو بيصير ؟
خديجه :رانيا احسبي حسابك انت بتدخلين علشان محمد يشوفك
رانيا شهقت :لا مستحيل بعدين ماله داعي امه تكفي
خديجه :هو اكيد بيطلب خلاص الولد يبيك وشاريك
ريما :توكلي على الله
رانيا وتدور على نفسها :طيب حلو لبسي
ريما :يهبل
خديجه :ايه حلو
رانيا راحت تناظر بالمرايه اللي بالصاله تطالع نفسها كانت لابسه تنوره بيج ماسكه من الخصر وتحت لعند الركب
والباقي على راحته وبلوزه تركواز مبينه بياضها مفتوحه من عند الصدر وفلت شعرها على طوله وحطت مكياج خفيف وقعدت تعدل شكلها بالمرايه
مر ناصر وشافها تعدل ومبسوطه بنفسها رانيا مانتبهت له ..
ناصر لام نفسه ليش يعذب نفسه وهو متزوج ليش تفكيره اناني مايبي الخير لرانيا وراح لغرفته علشان ينادي مها تساعدهم

شافها نايمه تركها وشغل الاب توب وقعد عليه ويتسلى علشان ينسى ويتذكر رانيا وهي تلف على نفسها تعدل شكلها حس قلبه بيطيح من القهر وهو كانه مقيد ...
فهد وهو يحاول يتصل على ريما وهي ماترد حس وشوي مغلق احتار بس طنش وراح لمكتبه علشان يلم اغراضه ويتجهز للسفر واتصلت عليه الريم
رد فهد عليها وكانه يحس شنو بتقول له
فهد :هلا ريم
ريم معصبه :فهد انت شنو قلت لابوي
فهد يضحك بمكر :قلتله على جنانك ورفض
ريم:ليش ترفضون ؟؟
فهد :ريم ابوك مايبي يتعبك بالشغل ووجع الراس انا رفضت قبله خلاص قفلي على المو ضوع وانسي اوكيه
ريم بزعل :طيب يافهد
فهد :مع السلامه
ريم قفلت من غير ماترد عليه وهو يضحك عليها وعلى طموحها الزايد الي عرف انه مجرد استعراض وهي ماتعرف الشغل وينه وهي وين وتفكيرها وين
رانيا قاعده بارتجاف وامها ورانيا يقنعون فيها تدخل عليهم
خديجه ماسكه ايد رانيا :رانيا وش فيك يله ادخلي
رانيا :بخوف يمه تكفين
ريما :رانيا يله الحين توك ترفضين
رانيا :يمه خايفه
خديجه :رانيا يله تعبتيني وفشلتيني الجماعه صار لهم ساعه ينتظرون
رانيا وهي تنفس بصعوبه :منو داخل ؟
خديجه :خالك ومحمد وامه يله تشجعي
ناصر كان مار من عند المجلس وشاف رانيا وهي تترجى امها علشان ماتدخل وحب انه يوضح لرانيا انها ولا شيء بالنسبه له قرب منهم
ناصروهو يناظر عيونه اللي تعلقت فيه لما دخل بينهم :رانيا وش فيك ؟
رانيا انبهرت بشكل ناصر كان لابس وكاشخ كأنه بيطلع :لا بس ....
قاطعتها امها :ماتبي تدخل
ناصر والسكاكين تقطع بقلبه :ماعليك لاتخافين خليني خالتي ادخلها
خديجه وهي مستحيه من تصرف بنتها :عجبك كذا
رانيا ماقدرت تتكلم وهي تشوف ناصر يقنعها تدخل وهي متوقعه انه يرفض ويعارض :لا مافي داعي انا خلاص بدخل
ناصر مسكها بيدها :يله قدامي عيب الرجال ينتظر
رانيا وتحس بلمسته كأنها جمره وريما منبهره بموقف ناصر ورانيا اللي مبين عليها الاحباط دخلها
ناصر كان فيه مدخل قبل المجلس قفل باب المدخل وبقاء رانيا وناصر بروحهم باقي خطوات بسيطه ويدخلون المجلس
رانيا منزله راسها ويدها ترتجف ... ناصر قرب منها
ناصر بهمس :ليش انت مغصوبه ؟
رانيا :لا
ناصر مد ايده علشان يرفع وجهها :ليش طيب زعلانه ؟
رانيا وعيونها تدرو الحنان بعيونه وتمرر عيونها على شفايفه لما يتكلم معها وجهه شعره وكأنها تودعه :لا بس مرتبكه
ناصر مسك يدها علشان يدخلها :يله تفضلي
رانيا ماتحملت الموقف ضغطت على ايده بقوتها وناصر حس فيها وغمض عيونه من دون ما تشوفه
وحسب انها ضغطت عليها من الخوف وهي في الواقع ماكانت متوقعه ان ناصر يسلمها لمحمد بأيده

فتح الباب ناصر ورانيا تركت ايده لما فتح الباب ودخلت وراه من غير ماترفع عيونها ولمحت ام محمد وراحت تسلم عليها
وجلست جنبها وهي تسمع صوت ناصر لما يسأل عن حال محمد واستاذن وطلع علشان ام محمد ..
ام محمد وهي تمسك ظهر رانيا :رانيا وش فيك مستحيه ؟
رانيا ترفع عينها بهدوء ماتبي تنصدم ناظرت ام محمد وتشوف عيونها اللي معروفه بالطف وتشوف فيها الام والحنان اللي مستحيل وحده تدوره وتلقاه
عامر يتكلم وهو منزل راسه علشان ام محمد :رانيا شوفي محمد
محمد :شلونك رانيا
رانيا صار قلبها يقرع مثل الطبول لما سمعت صوته ورفعت عيونها وهي تشوفه وانصدمت لما شافته مكان في مخيلتها انه يكون محمد
(محمد :عمره 32سنه كان متوسط الجمال اسمرطويل ومليان شوي وعيونه كبار وسوادء
خشمه كبير ومرفوع والعظمه باينه فيه كان له عارض مغطي اسفل ذقنه وكان جسمه باين عضلاته وقوته
وصوته خشن ويخوف وموظف بقطاع عام وبالدمام )
رانيا نزلت عيونها لما شافته :الحمد لله
محمد باعجاب برانيا بشكلها وجسمها وخجلها :رانيا انت شنو تشتغلين ؟
رانيا وهي في نفسها مثل النار (يعني امه ماقالتله ):معلمه بمدرسه اهليه
محمد وهي متملل من ا جابتها المختصره :ايه وكيف هذي المدرسه
رانيا ملت من اسئلته اللي متاكده انه يعرف اجوبتها :زينه
ام محمد حست ان رانيا عصبت من اسئله محمد وغيرته بسال صعب اجابته :رانيا وشقلتي ؟
رانيا خقت على الجراه وتسالها قدام ولدها رانيا وقفت وطلعت حست انها مثل النمله ماتنشاف كان ودها الارض تنشق وتبلعها
لما فتحت رانيا باب المدخل شافت ريما وامها قاعدين بصاله وكأنهم ينتظرونها ريما لما شافتها ركضت لعندها
ريما بلهفه :ها رانيا شنوصار ؟
رانيا وهي تنفس بصعوبه :شنو صار يعني
ريما :حلو
خديجه وهي تضرب ريما على كتفها :ها يمه موافقه
رانيا سلمت امرها لله :موافقه
خديجه ابتسمت عكس ريما اللي انصدمت :بلمبارك الله يوفقك يمه
رانيا وحست الارض تدور فيها :انا بروح انام تعذري يمه منها لاني طلعت لما سئلتني عن رايي
ريما لما راحت رانيا من قدامها لحقتها تبي تعرف سبب حزنها ولما وصلت لباب سكرت عليها بالمفتاح
وريما ظلت تدق الباب ورانيا رافضه تفتح الباب ... دخلت خديجه وسلمت عليهم وخبرتهم براي رانيا وباركوا لبعض ..
رانيا بغرفتها وتناظر بالمرايه وتسال نفسها ليش ناصر يسوي فيها كذا ليه يحسسها انه وحده ماتسوى
رانيا وهي تخنق العبره :ليش حقير نذل نذل وفجاءه بدت تعصب وتكسر أي شيء قدامها انهارت من البكاء
ماتحملت المنظر وناصر ماسك يدها ويدخلها على زوج المستقبل قعدت تناظر جوالها والكريستال الي حاطهم لها وانتبهت لحاجه سوداء بداخل الكريستال
جابت عدسه مكبره وانصدمت انه منقوش بداخله حرف الاول من اسمه رانيا استغربت
وشكت انه انتبه لها وتوقعت تكون صدفه وحطت راسها على المخده وصار وجهها وملطخ بالكحل والدموع ..
ناصر بالمزرعه وهو يحس انه مخنوق وده يكلم احد على اللي يدور بصدره كان واقف مع الفرس اللي يحبها ويحب عنادها (رنيم )
كان اسمها مشتق من اسم رانيا وسمها على اسمها لانها طباعها مثل رانيا تهيج ولما يلمسها تهدى
وعنيده مره وروضها كذا مره وماتسمح لحد يلمسها غير ناصر
ناصر يمسح على جبينها :مابي افكر شلون انساها وشولون بتفارق عيوني وهي ولايوم تخيلت انها بتكون لغيري
للاسف ماحسبت الحساب اذا هي تحبني مسكينه كيف تحملت وانا ماحسيت فيها
بس انا احس انها تحبني معقوله تضحي بنفسها علشان تقهرني مستحيل .. اكيد عنيده وتسويها
تعب ناصر وهو يكلم رنيم عن معانته
ركب فوقها وصار يركض فيها ويحس ان الهواء يمتص الغضب اللي مايقدر يطلعه بوجهه رانيا ويصارحها بلي يدرو في باله احتراما لمها
مها وهي قاعده مع الكل وتبارك لخديجه
مها :الا وينها رانيا ؟
ريما :نايمه رجعت من الدوام تعبانه
خديجه :الحمد تطمنت على رانيا
عامر :الله يوفقها
ريما حبت تستغل الموقف لصالحها :يمه بكلمك في موضوع مهم
خديجه :اسمعك
ريما بتردد:لا احد يقاطعني خلوني اقول اللي عندي
عامرمو مستغرب لقافه ريما :محد بيقاطعك
ريما وهي تبلع ريقها :يمه ابي اسافر بريطانيا ابي اكمل دراستي هناك الله يخليك لاترفضين
خديجه ماصدقت اللي سمعته عصبت عليها :ريما من وين جايبه هذا الكلام
ريما :يمه انا رسبت السنه اللي فاتت خلاص معاد اتحمل ادرس شيء ماحبه
خديجه بعصبيه وعامر قاعد يهدي فيها :رسبتي ليش ياريما تغيرتي وش فيها الدراسه هنا
ريما :يمه مستقبلي هناك تكفين يمه(مايدرون ان الفكره انزرعت براسها بوجود فهد )
عامر بعصبيه عليها :ليش ماحسبتي حسابك من بيروح معك او يرعاك ماهي هينه الغربه
مها :لما تتزوجين ريما
ريما عطتها نظره سكتتها :خالي اقنع امي كل البنات الا اغلبهم مبتعثات ورجعوا وشهاداتهم معاهم
وهذا هم دكاتره بالجامعه ولهم مستوى مرموق بالمجتمع
خديجه :هذولا متزوجات ولاقين من يرعاهم اما انت باقي بزر
ريما عصبت الكل رافض الفكره بدل مايوقفون معها وقفو ضدها :انا ماني بزر وقد نفسي انتي ليش ماتثقين فيني
عامر :انسي البعثه وهذا الكلام الفاضي
خديجه :ريما انقلعي من وجههي
ريما وهي توقف بعصبيه :لو ان ابوي هنا مستحيل يمنعني
خديجه تصارخ عليها :ريما
ريما ركضت لغرفتها بعصبيه ودموعها على خدودها وقفلت عليها الغرفه وتركت امها منهاره وعامر يهدي فيها ..
عامر :خلاص خديجه مايصير ريما بعدها بزر
خديجه :لا عامر ريما كبرت وصارت تفكر باشياء تخوف مادري هذي البنت طالعه لمنو
عامر يبتسم علشان يخفف على اخته :على منو يعني امها
خديجه تبتسم :الله يهديها
ريما بغرفتها والعفاريت تلعب براسها وفجاءه دق جوالها وشافت رقم فهد ردت بسرعه ونست الزعل والهم
ريما :الو
فهد :سلام عليكم
ريما :وعليكم السلام
فهد :شلونك ؟
ريما :الحمد لله ... الحمد لله على سلامتك
فهد :الله يسلم عمرك ... ماكنت ناويه تردين صح
ريما بعصبيه :وليش ان شالله ؟
فهد حس بجفاء في كلامها غير عن كل مره :ريما ليش معصبه
ريما :لاني ادري ليش متصل علشان زهره ومازن صح
فهد ومستغرب منها :ريما
ريما وبكت بسرعه ماتحملت فهد استغرب وخاف انه صار فيها شيء
فهد :ريما ليش تبكين ؟
ريما :مافيني شيء بس تعبانه شوي
فهد :سلامتك انا اسف اذا ازعجتك
ريما حست بالذنب :لا بالعكس محتاجه احد اتكلم معه
فهد بفرحه :اسمعك
ريما :قلت لامي اني ابي اكمل دراسه برى وقلتلها اني رسبت في ماده السنه اللي فاتت وعصبت علي وزفتني قدام خالي ومها زوجة ناصر

فهد :ليش شنو سبب الرفض ؟
ريما :اني بزر ... ومافيه احد يروح معي على قوله مها لما تزوجين سافري
فهد (والله صدق بزر ):وهذا اللي مضايقك
ريما :ليش شنو متوقع ؟
فهد :انتو يالحريم شنو قصتكم والخارج
ريما :ليش منو بعد حكى مشكلته
فهد :ريم تبي تسافر معي علشان تشتغل معي وابوها رفض من باب مايبي يتعبها
ريما وحست براحه لما دخلها فهد بحياته الشخصيه :ايه
فهد :ياريت اقدر اساعدك بس تدرين
ريما وخطرت في بالها فكره خافت من رده فعل فهد واستحت من فكرتها وفكرت شنو بيقول عنها :ياريت
فهد :انا ابيك تساعديني في الموضوع اللي تكلمنا عنه .. طيب ماحاولتي تدورين شيء او شيء
ريما :فيه بس اذا ساعدتني علشان ادرس برى
فهد ومتشوق :ايه شلون
ريما بخوف :تزوجني
لحظه سكوت مرت وماحست الا بضحكه من فهد ريما بسرعه قفلت الخط وصارت تلطم خدودها على فكرتها السخيفه
وحست نفسها رخيصه وسمعت الجوال يدق مره ثانيه تركته يدق وهي مستحيه منه ب
عد دقايق ارسل مسج (ممكن تردين انا اسف ) دق بعدها ريما اخذت نفس عميق وردت بقوه
ريما :ليش تضحك قبل ماكمل كلامي
فهد وهو ندمان انه ماسمعها الى الاخر :اسف الفكره قويه شوي بس شلون انقلب الزمان صاروا البنات يخطبون
ريما بعصبيه :لا تفهمني غلط
فهد :فهميني
ريما :ابيك تتزوجني على ورق وبس يعني كلام فاضي علشان امي تقتنع واروح معك لبريطانيا بعدها اسجل بالجامعه وانا بطريق وانت بطريق
فهد بجديه :ريما انا متزوج
ريما :لاتخاف ماراح تدري انا بخليهم يسون زواج سكيتي
فهد :واهلك اذا دروا اني متزوج
ريما عرفت ان المشكله هنا :اكيد مااحد عارف غير ناصر
فهد :وخالك يدري
ريما :مااتوقع
فهد :طيب مافيه شيء الا بمقابل
ريما وحست ان فهد طماع بكثير :ادري اجيب معلومات عن زهره ومازن
فهد والفكره مخوفته وعارف انها بدخله بمشاكل بس يبيع الدنيا علشان يدخل مازن وزهره السجن
لانه كافي اللي يشوفه منهم :ريما متأكده
ريما وخافت اكثر :فهد لاتخوفني اكثر انا يالله قدرت اتكلم معاك فساعدني
فهد :ناصر شنو اقول له
ريما :مادري فهمه بطريقتك
فهد :ريما انا خايف عليك لو تدري ريم تضرك
ريما :من هي تضرني ماراح تلمس مني شعره ماتقدر اذا انت تقول ماراح تسافر معك خلاص احنا نعقد من هنا ونقطع الورق من هنا
فهد :وشنو دوافعك
ريما وهي تحس بفهد :فهد انا مشتاقه لابوي وهذا اللي شجعني اكثر صار لي سنين ماشفته
حتى لو عرف اني ادرس هناك متأكده انه بيشجعني وامي ماراح تقتنع الا لما اتزوج وتتطمن علي
لاتخاف علشان انك يعني تبتلش فيني فيه بنات صديقاتي معي اعرفهم بنات ناس وبسكن معهم يعني ماراح اوطي راسك ..
فهد وهو مستغرب منها :مشالله مرتبه امورك
ريما :ادري انك مستغرب وتقول بنفسك مجنون اذا طاوعتها وتزوجتها
فهد :لا ماقول كذا اذا انتي بتفيديني
ريما :اتفقنا
فهد :بفكر
ريما ضحكت :ههههههههه
فهد بابتسامه :ليش تضحكين ؟
ريما :حسيت شنو تعني كلمه بفكر بنسبه لكم لما تجون تخطبون
فهد :هههههههه شوفتوا العذاب
ريما :فهد حاول تكفى مالي غيرك انت اخوي ومافيه غيرك الجأ له
فهد :طيب يااختي
ريما بضحكه :مع السلامه
فهد :مع السلامه
قفل فهد وركب سيارته علشان يروح لامه مثل ماوعدها وفكره ريما بباله ماتوقع يوم من الايام انها تكون زوجته
وفكر بعيال البرقي لو تجيب ريما له اثباتات ضدهم وهو واثق فيها من اول ماعرفها مع انها كذبت عليه
بس الايام اثبتتله انها صادقه ومضطره تكذب .. وحس انها مخاطره انه يتزوجها
وفكر بشعور ريم لوتدري وشلون ابوها بيتصرف لما يدري كل هالافكار تدور ببال فهد
ريما وهي فرحانه وبتطير لما حست ان فهد اقتنع بفكرتها
ريما :والله انك خطيره ياريما شلون بلحظه فكرتي بالفكره هاذي ياربي شنو يقول عني فهد اكيد بيقول اني غبيه ولا بزر ويمكن يرفض
ريما سحبت كلامها على انها مصلحه مثلها مثله وحطت راسها
ونامت وهي تفكر لو انه هو ابتداء وطلبها شنو تكون حياتها كان سحبت فكرة البعثه وعاشت مع فهد ......



فهد وهو عند امه ومبسوط باستقبالها هي ونور
فهد :نور شلون الدراسه معك ؟
نور :ماشي حالها
فهد تذكر انها كلمة ريما المعتاده: شلون يعني ؟
نور :ماعندك غير هذا السؤال
فهد :نور بلا عناد لما اكلمك ردي زين
ام فهد :شلونك يمه الحين انت بخير
فهد :ايه الحمد لله تطمني ...... يمه بغيتك بموضوع
ام فهد :شنو الموضوع
فهد وهو يأخذ نفس عميق :ابي اتزوج
ام فهد انصدمت :وليش لا يكون طلقت ريم
فهد (ياريت ) :لا ماطلقتها بس مليت يمه منها تعبتني تصوري نهائيا مااشوفها الا وقت النوم كل الوقت عند زهره حتى وانا مريض
ام فهد :وانت قلتلها
فهد :لا ماراح اقول لها ابيك تخطبيلي والبنت والنعم فيها وهي بتسعدني
ام فهد :لا ومرتب امورك ومن بنته ؟
فهد بتردد :اخت تركي الله يرحمه
ام فهد :رانيا
فهد :ريما
نور :وبعد ريما انت شنو مطيرك بريم ليش شمعنى هذا الاسم
فهد يبتسم لانه مالاحظ لان الفرق شاسع بين ريم وريما :احسن علشان اذا ناديت وحده منهم اوالخبط اواذا غلطت ماينتبهون
نور تضحك :مشالله عليك ناوي شكلك على الرابعه
ام فهد عصبت من تعليقات نور :نور اسكتي علشان اكمل كلامي مع اخوك ... فهد
فهد :عيون فهد
فهد :يمه راجع حسابتك
فهد :يمه خلاص انا احبها وابيها وانا واثق ومقرر خلاص
ام فهد :اكيد الحريم لا يموتك
فهد يضحك :هههههههه يمه حسستيني الحاج متولي كلهم ثنتين والجايات اكثر
ام فهد :انا حذرتك من الزواج من ريم والحين احذرك من الزواجه الثانيه انتبه ياولدي
فهد :بمرك بكره علشان نروح نخطبها وتشوفينها
ام فهد وهي خايفه على ولدها وقرراته السريعه :ان شالله
فهد طلع من عند امه مبسوط وفرحان انه اخيرا راح يحقق مراده ويكسر روس عيال البرقي
وطرى في باله ريما وبحس انه بيظلمها وهو بيتزوجها ويرميها ولا يسئل فيها خاصه انها بلاد غربه ....
رانيا صحت الساعه 5على صوت المأذن وتحس انها صحت من كابوس مرعب ودها تنساه ماتدري انه حقيقه
دخلت الحمام (اكرمكم الله )ووضت وصلت الفجر وقعدت تقراء قران وتدعي ربها انها ماتكون غلطت وتسرعت
ولما خلصت قعدت تلم ذكرياتها مع ناصر ومواقفه معها
وتدعي ربها انها تقدر تنساه وتعيش حياتها مع محمد


للصبر اخر خلاص عافك الخاطر خلاص** حاولت اسامح ولكن ماني بقادر خلاص
روح بطريق وانا بطريق **وخلني على جرح عتيق
تذكر يوم صرت انا حديث الناس **ومن منه منك يااعز الناس
واليوم كاتبلك عذر وان كان لي عندك قدر ** محبتي اقطع من رجاها الياس
روح بطريق وانا بطريق ** وخلني على جرح عتيق



رانيا لما صحت مبكره وتسمع اصوات وازعاج قامت ودخلت الحمام (اكرمكم الله)ولبست علشان الدوام واطلعت من الغرفه
وصادفت ريما وهي طالعه من غرفتها وسألتها عن الي صاير
ريما :يمكن علشان ناصر ومها بيسافرون اليوم
رانيا وكأنها حامله هم هذا اليوم :ايه ذكرتيني
رانيا :يله ريما بسرعه تأخرنا انا عندي مناوبه اليوم
ريما وهي نازله معها :يله

طلعت ريما ورانيا برى وشافوا ناصر يرتب اغراضهم بسياره طنشت رانيا وركبت السياره
عكس ريما اللي راحت سلمت على ناصر ووصته على الطريق وركبت السياره
رانيا بعصبيه :خير
ريما مستغربه :ايش فيه ؟
رانيا :ليش تسلمين عليه ؟
ريما :علشانه مسافر مايصير نمر من جنبه ومانسلم
رانيا :عن كثره الحكي اسكتي لاكسر راسك
ريما بعصبيه من اسلوب رانيا :شوفي رانيا اذا ماتبين تسلمين عليه وبينك وبينه شيء لاتدخليني
مو أي شخص انتي زعلانه منه انا اسوي مثلك مشي كلامك على غيري
رانيا تصارخ عليها :ريما
ريما تردها :رانيا
وسكتوا مع بعض حتى وصل السايق كل وحده على داومها .. ريما دخلت هاجمه كانها تبي تذبح احد وشافت فاطمه وراحت عندها
فاطمه بأستغراب :الناس تقول صباح الخير
ريما :ورانيا خلت فيها صباح
فاطمه :يالله منك الحين زعلانه علشان رانيا اول مره تخانقون
ريما بفرحه :اسمعي واتركينا منها قلت لامي
فاطمه وهي متأكده من الجواب :بشري
ريما :طبعا رفضت
فاطمه :وشنو اللي مفرحك
ريما :امي رفضت قالت لما تتزوجين ...
فاطمه بعصبيه :ريما تكلمي وبعدين
ريما بضحكه :خطبت فهد علشان يتزوجني
فاطمه بصراخ لفوا البنات على صراخها :شنو قلتي اكيد انا احلم خطبتيه استغفر الله العظيم البنت انهبلت وقعدت
ريما تهديها وتحط ايدها على فم فاطمه :اسمعي انا ماقلتله زواج اللي خبرك على ورق ولما نسافر يطلقني ولا من شاف ولادرى
وانا راح اكمل دراستي على اساس اني متزوجه فهمتي الحين
فاطمه انبهرت من تفكير ريما :ريما ليش تخاطرين بنفسك وشلون اقنعتيه
ريما :كل شيء بمقابل المقابل اللي عرضته اني ادور له معلومات تدخل زهره ومازن السجن
فاطمه شهقت :انت اكيد ماتخافين عليه
ريما :بلى اخاف عليه بس راح اجيبله معلومات دخلهم السجن قبل مايسون فيه شيء والله لو يفكرون يلمسون منه شعره اني لاضيعهم
فاطمه :ريما بصراحه انت تبين تتزوجين فهد علشان تحبينه ولا الدراسه
ريما باسف :اه يافاطمه ياريت اكون زوجته وابني حياتي معه والله اني ابيع الدراسه علشانه
انا استغليت الفرصه علشان ادرس برى وماتدرين شنو بصير بعدين هو يحب الغبراء اللي عنده اصلا
فاطمه :خلاص قرر يخطبك
ريما :ايه ويمكن يجون اليوم اذا وافقت امه
فاطمه :وناسه
ريما :الكلام لايطلع مابي احد يعرف اني تزوجته
فاطمه :وليش ؟
ريما :انا واعدته الزواج سكيتي اهلي واهله يعرفون تدرين علشان زوجته
فاطمه :لا تكونين متأمله انه يحبك لما تسافرون
ريما بملل من اسئله فاطمه :لا نهائيا لاني ماراح احتك فيه وبعدين انا كذبت عليه ان فيه بنات اعرفهم بسكن معهم
وانا بأخذ كم ريال واستأجر شقه مستحيل اسكن معه ببيت واحد فهمتي تدرين اذكر نوال لما تتكلم على بنت خالتها اللي تدرس ببريطانيا
فاطمه :لينا ايه اعرفها بس كيف تقدرين توصلينها
ريما :بحاول اتصل بنوال
فاطمه :وكيف وجوالها مصادر ؟
ريما :بتصل بالبيت واتحمل الثقاله شتبيني اسوي
فاطمه :ريما انتبهي تكفين ولا تستعجلين
ريما :علشان مستقبلي بسوي كل شيء


منيره راجعه من عند المديره مبسوطه على الاخر وداخله غرفه المعلمات
رانيا :بسم الله احد يجي من عند المديره وهو مبسوط
منيره ارتبكت :لا انا ماكنت عندها كنت مع وحده وسولفت معها شوي
رانيا مستغربه من ارتباكها :ايه
منيره :صارت الساعه 2غريبه باقي مارحتي
رانيا :كلمت السايق بمر ريما بعدين يمرني
منيره :ايه
دق جوال رانيا وكان السايق يقول لها تتطلع ... لما رجعوا البيت رانيا وتحسه مهجور من غير ناصر
وفكرت شنو بيصير فيها لما تتزوج شلون بتعود على فراقه ... ريما راحت لامها على طول
ريما :يمه مااحد اتصل
خديجه مستغربه :لا من يتصل ؟
ريما ارتبكت :لا بس كنت انتظر مكالمه من نوال
خديجه :ريما شنو مسويه ؟
ريما تسوي نفسها بريئه :مو معقوله يمه كل ماسئلتك عن شيء تحسسيني ان فيه مصيبه وتطيح على راسك
خديجه :والله الي مثلك ينخاف منك
ريما وهي طالعه لغرفتها :سويتوني مجرمه
دخلت غرفتها وهي تحاول تتصل بنوال وفجاه رد اخوها ريما طاح قلبها ببطنها من الخوف
ريما بخوف :سلام عليكم
.....:وعليكم السلام
ريما :ممكن كلم نوال
....:منو اقوالها ؟
ريما خقت على سواله وعرفت انها لازم تقول اسمها :ريما يوسف
....:والنعم
ريما وحست انه يبي يطول السالفه معها :ايه وينها ؟
.....:ايه لحظه
نوال :الو
ريما وتصارخ :لوووووووووول
نوال وتضغط اذنها :بس الله يأخذك طبلتي
ريما :مساء الورد والعسل وينهم طاسين الربع
نوال تضحك :انا اللي مخليني استحمل اني بتزوج واطلع برى
ريما :اطلع معك
نوال فاتحه فمها من الصدمه :تمزحين
ريما :مادري بمساعدتك
نوال بفرحه :شلون اساعدك ؟
ريما :انتي بنت خالتك لينا وين تدرس ؟
نوال :ببريطانيا
ريما وفرحت اكثر :انا ابي اتصل فيها لاني بتزوج واروح ادرس هناك
نوال شهقت :يالملعونه تمزحين
ريما :والله
نوال :وش تبين بالينا اذا انت متزوجه
ريما حست انها خبصت :لا بس اذا ضقت ابي القى احد ااشكليه فهمتي بعدين فهد ماراح يجي معي راح يتأخر بالسعوديه
كذبت ريما علشان لاحد يعرف انه على ورق وهي بنفسها راح تفهم لينا بطريقتها
نوال :الله يوفقك انا بتصل فيها وبعطيها رقم جوالك وتتصل فيك واتفقوا
ريما :اوكيه ياقمر مع السلامه الحين
نوال :مع السلامه
ريما قفلت وهي مبسوطه لان خطتها ماشيه مثل ماتبي بس اللي مستغربه ان فهد مارد لها خبر متى يجون ....
زهره ومازن بالمطار ينتظرون ابوهم ويشفون النظام اللي مرتبينه بالمطار علشان ابوهم
والصحافيين منتشرين بكل مكان وياخذون صور للتجهيزات وزهره رافعه خشمها ومفتخره بابوها
زهره تافف :مازن ليش ابوي يجي بطياره عاديه وين الطيارات الخاصه
مازن :ياغبيه علشان يبين للناس انه شخص عادي ويعلم الرياض انه وصل صحاب اكبر شركات عالميه برياض
زهره :والله ان ابوي خطير
مازن :خلي عقلك تجاري
زهره :يالله مامنعي من السفر الا جيت ابوي
مازن :انت جايه من لندن علشان الاستقبال
زهره :اكيد لازم اكون موجوده ماتشوف الصحافيين لازم نربط الاحداث فهمت لاني بلندن اجهز لعرض ماابي اغيب عن الصحافه
مازن معجب بتفكير اخته :والله انك سيده اعمال اشوف مستقبلك باهر انا ادري انك تبين تكبرين بعين ابوي علشان يسلمك كل شيء
زهره بمكر :ماراح اكره اني اصير ناجحه وابوي يثق فيني
مازن كان بيرد بس قطع عليهم نداء الطياره ووصول ابوهم ولما دخل بدى يغطي المكان ضوء الكاميرات والتصوير
طبعا افتخر سيف بالتجهيزات وعرف انه ترك ناس يعتمد عليهم يسندونه وبدوا رجال الاعمال يستقبلونه ويهنونه بالسلامه ...
الساعه 4عصر التلفون يدق ومااحد رد على اخر نفس ردت خديجه لانها كانت تصلي بالصاله
خديجه :الو
ام فهد :سلام عليكم
خديجه :عليكم السلام
ام فهد :كيف الحال ام تركي
خديجه :الحمد لله من معي
ام فهد :انا ام فهد
خديجه بفرحه من عزاء نوره وتركي ماشافتها :حياك هلا والله بأم الغالي
ام فهد :الله يحيك
خديجه :شلونكوشلون فهد ونور ... فهد موناوي يتزوج
ام فهد :الحمد لله وبنزوج ان شالله قريب كثير
خديجه :وليش مافرحتينا؟
ام فهد :اليوم ان شالله بنزوركم طامعين بقربكم
خديجه استغربت :حياكم الله
ام فهد :بعد صلاةالمغرب ان شالله
خديجه :حياكم
ام فهد :يله مع السلامه وسلمي على البنات
خديجه :الله يسلمك ... مع السلامه
لما قفلت خديجه استغربت وشكت انهم جايين علشان يخطبون رانيا ...
ناصر وهم يرتبون مع الخدم الشاليه اللي استأجروه وكان يطل على البحر وشكله جنان والهواء يطير الستائر من كل الجوانب
واشتهى ان رانيا تكون معه ويكتمل روح المكان وقطع عليه جواله

ناصر :الو
فهد :سلام عليكم
ناصر بفرحه :هلا وعليكم السلام
فهد :شلونك ؟
ناصر :الحمد لله انت شلونك الحين
فهد :الحمد الله ... وينك يارجال مريتك بالشركه يقولون ماخذ اجازه
ناصر يبتسم :ايه والله حبيت اطلع انا وزوجتي الدمام نريح شوي من ضغط الشغل
فهد :ايه والله صدقت الانسان يحتاج طلعات كذا
ناصر وهو مستغرب من ماكلمه فهد :ليش بغيت شيء
فهد ماعرف شلون يبتدي بالموضوع :والله مادري شلون اقولك
ناصر :بسم الله تكلم خوفتني
فهد :لاتخاف .. انا قررت اتزوج
ناصر :وليش انت طلقت الريم
فهد :لا حتى مابيها تدري اني بتزوج
ناصر وهو محتار شنو يخصه بالسالفه :ايه الله يوفقك
فهد :انا اليوم بنروح ونطلب بنت عمتك وشرايك
ناصر وقف قلبه :بس رانيا انخطبت خلاص
فهد ضحك :لا مو رانيا ريما
ناصر مستغرب :ريما صغيره بعدين يافهد انت متزوج وتدري منو اللي انت متزوجها
ومن بنته ماابي اعرض ريما للخطر بعدين باقي بزر
فهد وهو مصدق كلام ناصر بس مجبور :انا بطلبها اذا هي بتوافق او ترفض
ناصر عصب :ولا يكون تبيها بالسر بعد
فهد :ايه
ناصر عصب :ليش يافهد البنت شنو ناقصها علشان تعذبها وتعيشها بخوف ورعب علشان زوجتك
فهد :ناصر قدر ظروفي
ناصر :واي ظروف فهد هذا زواج مو لعبه
فهد :حتى امها واهلها ماابي احد يدري
ناصر عصب اكثر :فهد مالك عندنا نصيب
فهد عصب وحس انه بنفجر وهو مايقدر يشرح اللي اتفق عليه هو وريما :ناصر انا احبها وابيها ومااعتقد انها بترفض
ناصر :شوف فهد هي اذا تحبك بتوافق بس بسر من وراء اهلك واهلها وليش هذا كله
فهد :انا بطلبها رسمي امي بتدري واهلي بيدرون مافيه غير الريم وابوها مابي الكلام يوصلهم انت ماتدري انا شلون عايش صدقني انا مو مصبرني عليهم غير شغلي ومستقبلي بين ايديهم
ناصر حس بكلام فهد :والمطلوب
فهد بثقه :ماتقول لاهلها اني متزوج
ناصر بتردد :موافق بس ريما لازم تدري
فهد ابتسم :اوكيه اوعدك اني راح اقول لها قبل مانعقد
ناصر :امنتك بالله الا حاطها بعيونك
فهد وحس ان اامانه قويه ولازم مايخون ثقه ناصر فيه
فهد :مشكور ياناصر
ناصر :مثل ماقلتلك
فهد ان شالله ... يله مع السلامه واجازه سعيد
ناصر :مع السلامه
قفل فهد والدنيا مو سايعته من الفرحه انه قرب اللي يبي يكسر به خشم مازن وزهره وابوهم واتصل بسرعه بالريم
فهد :الو
الريم مستعجله :الو هلا فهد
فهد مستغرب :ليش مستعجله ؟
الريم :عمي سيف جاء من السفر ومسوين حفله ماتبي تروح
فهد :لا ماراح اروح وياريت تخففين من الحفلات وزهره ومازن
الريم :فهد هذا المجتمع اللي انا احبه هذي حياتي وكذا احب اعيشها
فهد :طيب مثل ماتبين تحملي العواقب مع السلامه
قفل من غير مايعطيها مجال ترد واتصل بامه
فهد :مساء الخير
ام فهد :هلا يمه
فهد :شلونك
ام فهد الحمد لله شلونك انت ؟
فهد الحمد لله
ام فهد حبت تلعب بأعصابه :كيف الشغل؟
فهد وهو مستحي يفتح السيره مع امه :الحمد لله ... شنو صار بموضوعنا
ام فهد تضحك :اه يالملعون خلاص انا كلمت امها وقلت لها بنزورهم اليوم
فهد ارتاح :ايه يمه تسلمين ماخلا منك
ام فهد :الحين يطلع الكلام
فهد يضحك :اجهزي يمه بسرعه الحين ياذن بصلي وبمرك
ام فهد :طيب من عيوني
فهد :تسلم عيونك يله مع السلامه
ام فهد :مع السلامه وحط بالك على الطريق
ريما صحت من النوم وهي ساحبه فكره ان فهد يجيهم اليوم وشالت جوالها على امل انه يتصل ماحبت هي تتصل وتطلع نفسها رخيصه وميته عليه ... لما نزلت شافت امها تجهز وترتب وكأن احد بيجيهم
ريما مستغربه :يمه شنو تسوين لا تقولين ام محمد بتجي
خديجه تضحك :لا مو امحمد ام فهد يبون يخطبون رانيا
ريما شهقت من الصدمه :شنو رانيا ؟
خديجه :"والله يابنتي هذا اللي فهمته منها
ريما وارتاحت شوي :ايه الله يوفق
خديجه :روحي صحي رانيا وخليها تجهز نفسها وانت البسي يمكن جايين يخطبونك
ريما تبتسم ان السالفه ماتحتاج اقناع :ايه ان شالله انه لي
ونطت ريما على الدرج مثل الفرس وتدق على باب غرفة رانيا وفتحت رانيا وشعرها طاير وتفرك عيونها ومنزعجه من صوت ريما نطت ريما عليها وتبوسها بقوه على خدودها
رانيا بانزعاج :ريما وخري عني
ريما وهي تضحك :ههههههه
رانيا وتدفها بعيد عنها :وجع ريما شنو صاير
ريما تغمز لها :ام فهد بتجي
رانيا :واذا
ريما :تبي تخطبني لفهد
رانيا تشهق :شنو قلتي وش دراك ؟
ريما :عارفه وبس
رانيا وهي تأخذ الفوطه علشان تدخل الحمام :بس فهد مو متزوج شلون صايره هذي
ريما بعصبيه وجديه :شوفي رانيا ماحد يعرف انه متزوج غيرك انت وناصر لاتفكرين تتكلمين قدام امي
رانيا بعصبيه :وليش ان شالله انت مجنونه
ريما بصبر :اسمعي انا بروح اجهز واكشخ الحين يوصلون لما يرحون اوعدك اقولك على كل شيء
رانيا :طيب نشوف شنو اخرتها معك
ريما وهي تفتح الباب :وانت البسي وضبطي نفسك علشان امي ماتشك على اساس انهم جايين يخطبونك انت
رانيا :لا تستغربين يمكن اوافق
ريما :ههههه
طلعت ريما وفتحت درجها وطالعت لبس كانت مجهزته من وقت ماقالت لفهد عنها وطلعته وقعدت تناظرفيه
لبسته وكان تنوره تنوره فوشيه واسعه وطويله وفيها ربطه من عند الخصر وبلوزه بيج فاتحه من عند الصدر ومبرزه انوثتها
فلت شعرها على طوله وكان فيه تموجات حلوه ولمته من الطرف بكريستاله تركواز وحددت عيونها من تحت بنفس اللون وكحل داخلي ورج وردي فاتح
وبلاش وردي على لحمي ورشت عليها عطر وقعدت تناظر ساعه بالمرايه وتجرب ضحكتها وكيف تتكلم وتدعي ربها ان اليوم يعدي مثل ماتبي

وصل فهد وامه وضيفوهم بالمجلس ام تركي تحجبت ودخلت سلمت عليهم وسوت الواجب وجلست معهم وفاتحوها بالموضوع
انصدمت خديجه بس عرفت ان نصيب ريما وصل حتى ولو لازم تاخذ رايها
خديجه :حياكم
ام فهد :الا وين العروس ؟
خديجه :الحين اخليها تجي
فهد قعد يناظر امه وهو مستغرب من رده فعل خديجه ... استاذنت خديجه وراحت لريما بالصاله
خديجه بهمس :ريما تعالي ام فهد جايه علشانك
ريما تمثل السحى :يوه يومه
خديجه تقرص خدودها :تجهزي الجماعه ينتظرونك
ريما بدى قلبها يدق توقعت تشوف ام فهد لوحدها ماتوقعت ان فهد انه لازم يشوفها :يمه لازم
خديجه :ايه يمه لازم فهد يشوفك وامه بعد هذي النظره يابنتي
ريما :بس خلاص فهد شافني قبل كذا
خديجه عصبت :ليش انتي فتشتي قدامه
ريما تذكرت المطعم ولما جاء البيت وهي لابسه البيجامه (وشافني بالبيجامه بعد ):لا يمه بس اكيد ماله داعي ...
خديجه قاطعتها :فيه عصير مسويته رانيا بالثلاجه جيبيه وادخلي
ريما :يمه وقفي شوي ادخلي معي
خديجه :خليك مثل اختك
ريما (ناصر اللي سلمها بأيده والله احسدها كيف تحلمت ):طيب خلاص
ريما راحت للثلاجه واخذت عصيرات مجهزتها رانيا كانت اشكالها حلوه وفي كاسات راقية
حطتهم بالصنييه وهي ترتجف من الخوف ولبست عبايتها لقاه خالها وهي تبي تدخل
عامر :ريما انت شنو لابسه
ريما خافت :شنو لابسه عبايه
عامر قرب منها وخلها تفك العبايه :لازم يشوفك مثل مانتي
ريما ترفض :لا خالي تكفى خلني البسها
عامر :خليهم يشفونك مثل مانتي ماشفتي رانيا اختك
ريما :بس
قاطعها :يله ادخلي
ريما استسلمت وحست انه بيصير شيء سخيف ياانها بتكب العصير يانها بتطيح دخلت والشيطان يلعب براسها بالمقالب اللي تسويها لروحها
ريم وهي منزله راسها ماتدري وين مواقعهم
ريما بنعومه:سلام عليكم
فهد ماصدق ان هذه ريما خق على جمالها وعلى نعومتها حس ان جسمه قشعر من ريحه عطرها اللي ملت المكان من وقت مادخلت
ام فهد وهي معجبها جمال واخلاق ريما ولما شافتها دعت لولدها انه يوفقه معها وتحس ان اختياره وقع صح على ريما
وان ريما احسن من الريم بكثير :وعليكم السلام هلا وغلا
ريما رفعت عيونها وطاحت عيونها على فهد اللي يناظرها وكأن عيونه بتطلع .. خديجه حست ان ريما طولت وهي واقفه وحاطه راسها بالارض
خديجه :ريما ضيفي الناس ليش واقفه
ريما حست ان رجليها نملوا من الخوف وطول الوقفه وقربت على ام فهد اللي قعدت تناظرها وتسمي عليها
وراحت لفهد اللي وقف لما قربت خافت وكانت الصينيه بتطيح منها بس مسكتها وسرقت نظره لفهد
شافته يبتسم بسخريه ولما قربت منه الصينيه علشان ياخذ العصير
فهد يغمز لها ويهمس:حلو التمثيل !!!!
ريما تذكرت طريقة زواجهم وهمستله :لازم علشان يصدقون
خديجه :تعالي يمه اقعدي جنب خالتك ام فهد
ريما حطت الصينيه على الطاوله وراحت قعدت جنب ام فهد ... ام فهد قعدت تطالعها ومنبهره بجمالها وحياها
ام فهد تبتسم لولدها :شلونك ريما ؟
ريما بصوت واطي :الحمد الله
فهد قاطعهم :لو سمحتوا ممكن اتفق انا وريما على الزواج لوحدنا
خديجه استغربت من الطلب :بس يافهد الحين خالها يتفق على كل شيء
فهد بجديه :ادري خالتي بس ضروري ابي اسمع رايها شخصيا
ريما عصبت من طلب فهد وتخليهم يشكون ان بينهم شيء ... خديجه قعدت تفكر بلي يقوله فهد وشافت انه من حقه يتكلم مع ريما
خديجه :مايخالف فهد خذ راحتك انا وام فهد بنطلع
ريما خافت شلون امها توافق (عطت امها نظره علشان يقعدون معهم ) امها طلعت هي وام فهد وخلوا الباب مفتوح واللي خلى خديجه توافق ان فهد شكله جدي ومحترم ...
فهد قعد يناظر ريما اللي قاعده تناظر الباب على امل امها ترجع فهد قام من مكانه وقعد جنبها مابينهم غير سينتيمترات بسيطه
ريما خافت وصار قلبها يدق وايديها ترتجف اول مره تحس ان فهد قريب منها لهذه الدرجه
فهد هو رافع حواجبه مستغرب من ريما :شفيك لا يكون خايفه مني ؟
ريما تمثل الانكار :وليش ان شاالله اخاف منك ؟
فهد وقرب منها اكثر :شوفي ريما الاشياء اللي اتفقنا لازم تصير مبدئيا قبل الزواج علشان اضمن
ريما وهي معصبه لانه مشكك فيها :مايخالف كل شيء بيصير
فهد يبتسم ابتسامه تعذب :اما بالنسبه للزواج قولي انك تبينه بسيط وعائلي ولاتعزمون احد غريب والزواج راح يصير مثل أي زواج
راح يكون فيه مهر وزواج وعرس على اساس اهلك يفرحون فيك اوكيه انت اطلبي لاني اذا طلبت راح يشكون اوكيه
ريما وهي متحسفه انها فكرت فيه كالزوج لانه انسان استغلالي :طيب باقي فيه تعليمات
فهد رفع حواجبه ولوى فمه :ايه ... طالعه حلوه
ريما تلقائيا راح وجهها احمر ووقفت من مكانها وكانت بتطلع بس وقفتها يد فهد ريما صار ارتجافها وخوفها واضح بالنسبه لفهد
وحست انه بيغمى عليها التفت وسحبت يدها بعنف :نعم
فهد وهو يضحك على حركاتها :لا تنسين اللي اتفقنا عليه اوكيه حبي
ريما وحست انها مثل اللعبه بين ايده وقررت تتكلم عن نفسها :اشوف التذاكر اسلمك اللي تبي
فهد خق على جمالها وذكائها حتى وهي خايفه تقدر تسيطر على نفسها :اكيد مايبيلها بس
ريما قاطعته :فهد بنتفاهم بالتفاصيل اهم شيء راس الموضوع
فهد وهو يهزراسه باستغراب :من عيوني
ريما طلعت وهي تدوخ من اللي صار وحاسه انها غلطت بحقها وحق فهد وكان ودها تنسحب بس خلاص هي لازم تشوف مستقبلها
وهي طالعه لقت ام فهد وامها يسولفون مع بعض وراحت عندهم وبعد دقايق فهد بعد مااتفق هو وخالها على كل شيء ريما عطتهم شروطها وابلغتهم موافقتها
ريما وهي تناظر خالها :انا ابي زواجي كذا
خديجه معصبه :ريما كيف ماتبين نفرح فيك
عامر بهدوء :خديجه اهدي ... ريما ابي سبب واحد يخليك ترفضين نسويلك زواج ونعزم اللي نعرفهم
ريما وهي تخاف انهم يرفضون اقتراحها :خالي انا ابي كذا مااحب الجمعات والناس بعدين مافيه احد نعزمه خلاص تكفون
خديجه عصبت :ريما انت وفهد متفقين على هذا الشيء
ريما بثقه :لا انا قلتله مانبي عرس وحاول يقنعني بس رفضت شوفوا اذا ماوفقتوا على شروطي راح ارفضه
خديجه :مو لازم بعدين انت تدرسين
ريما عصبت :يمه ليش انت ترفضين على كل شيء اقوله ورانيا لما انخطبت قالت شروطها من غير مااحد يوقف في وجهها
هذا زواجي ملا احد خص انا وافقت وهو وافق ليش الناس شنو بيزودون ولا ينقصون
عامر :ريما ليش انت تتكلمين كذا ؟
ريما وهي تبرر علشان تقنع امها :قوللي يمه اللي لازم يحضرون راحوا وتركوني تدرين منهم ابوي وتركي ونوره
خديجه حست ان ريما تتالم :يمه ليش ماتبينا نفرح
ريما قاطعتها ودموعها على خدودها :يمه ماعندي مانع سووا حفله صغيره وبسيطه واعزوموا القريبين وغير كذا ماارضى
خديجه استسلمت لبنتها :خلاص امرنا لله .. (والتفت على اخوها ) الا ليش مستعجلين ؟
عامر :لان شغله هناك ببريطانيا وبياخذ ريما معه
خديجه شكت وناظرت ريما :ريما انت متفقه انت وفهد على الدراسه قبل مايخطبك
ريما :لا ماتفقنا قبل على أي شيء انا وافقت علشان الدراسه برى لانك رفضتي وقلتي لما تتزوجين
وهذا انا بتزوج ممكن تخلوني اشوف حياتي
خديجه عصبت من تفكير ريما :يعني كذا انت موافقه علشان الدراسه
ريما صارت تصارخ :انا ماعرفت لكم ان قلت ابيه قلتوا تعرفينه من زمان وان قلت علشان الدراسه قلتوا موافقه علشان البعثه
طيب ليش ماسألتي رانيا عن الاسباب ولا انا بس
عامر :انت باقي صغيره
ريما :لا انا ماني صغيره وقد حالي وبعدين صديقاتي كلهم متزوجين عادي وهذا انتوا من زمان تتزوجون بدري
وبعدين عمري 21سنه خلاص انا قد المسؤليه يمه الله يخليك خليني اشوف مستقبلي
وراحت لغرفتها من غير ماتسمع شيء لانها تخاف بعد الل صار احد يوقف بوجهها بعد كل اللي سوته علشان توصل للي وصلت له
خديجه وهي تقعد على الكرسي بتعب :هذي البنت جننتني مادري ايش اسوي لها علشان ترضى
عامر يضحك :ياخديجه انت ليش تفكرين ان ريما بعدها صغيره ريما كبرت وصارت عاقله وقد نفسها
وفهد راح تحبه بعد الزواج وبعدين فهد ونعم فيه شنو فيها اذا فكرت بمستقبلها انها تروح وتكمل هناك خليها على راحتها فهد ماراح يتركها
خديجه :يعني شنو نوافق
عامر :ايه توكلي على الله واتفقت انا وفهد ان الزواج بعد شهر
خديجه شهقت :شلون شهر متى يمدي نجهز البنت
عامر يضحك :لا تنسين شروط ريما ماتبي عرس مطنطن قالت حفله واذا خالفنا رايها تعرفين راح تقوم الدنيا وتقعدها
وبعدين كلها كم لبس واغراض ونخلص ورانيا بعدها بشهرين وبعدها تطمنا على عيالنا ياخديجه
خديجه :ماتصورت انهم بيبعدون عن عيني بهالسرعه معقوله رانيا تنخطب اول امس وريما اليوم بهالسرعه بغمضه عين رواحوا
عامر :الله يوقفهم
ناصر وهو واقف على البحر يتأمل امواجه .... مها جات من وراه وضمته التفت لها
مها :ليش زعلان ؟
ناصر يتذكر رانيا : ومن قال اني زعلان
مها :تصدق اللي يقعد قدام البحر ماينسى همومه بالعكس همومه تزيد
ناصر يبتسم :يسلملي المهموم
مها ابتسمت :انا مو مهمومه انا لما اكون معاك انسى كل الهموم
ناصر :اه ذكرتيني خليني اتصل على الاهل اشوف شنو صار
مها مستغربه :ليش شنو صاير؟
ناصر :لا بس اذكرهم يلحقونا
مها تلوي فمها لانها ماتبي احد يجي يخرب عطلتهم وناظرت ناصر اللي مسك جواله واتصل على بيتهم وردت خديجه

ناصر بفرحه :سلام عليكم
خديجه :هلا وغلا وعليك السلام
ناصر :شلونكم عمتي ؟
خديجه :الحمد لله انت شلونك وكيف عطلتكم
ناصر :حلوه بس ينقصها وجودكم
خديجه :الله يسلمك
ناصر :متى راح تجون
خديجه :متى مايقول ابوك يله رحنا معه
ناصر :حياكم
خديجه :كيف انتوا مبسوطين ؟
ناصر وهو يبعد بمسافات عن مها :الحمد لله .... شلون البنات ؟
خديجه :الحمد لله طيبين
ناصر ويبيها تقوله عن ريما وفهد :ايه خليهم يجون معكم علشان بنبسطون
خديجه :ان شاالله بس ماتوقع يجون لان نبي نجهز ريما
ناصر يسوي نفسه مايعرف شيء :وليش ؟؟؟
خديجه :ريما جاء فهد صديق تركي الله يرحمه وطلب يدها للزواج
ناصر وحب يسال شنو اعرفوا عنه :ايه وافقت ريما
خديجه :ايه وافقت والله ياناصر خايفه عليها لانها ما وافقت الا علشان الدراسه برى
ناصر :وليش خايفه اذا هي وفهد راضين شنو يمنع
خديجه :والله مادري احس شيء مو طبيعي
ناصر يضحك :لا ماتبين تصدقين ان ريما كبرت وصارت قد المسؤليه
خديجه :يمكن ماابي اصدق ان بناتي يبعدون عني
ناصر وده يسال عن رانيا بس استحى :ايه وليش مستعجلين تجهزون ريما بهالسرعه
خديجه باسف :فهد مستعجل والزواج بعد شهر وتصور ريما رفضت نسوي عرس
ناصر :وليش رفضت ؟
خديجه :مادري
ناصر عرف ان هذا اقتراح فهد على ريما علشان الريم ماتدري :ايه مايخالف خلوهم على راحتهم
خديجه :شلون مها انشالله طيبه
ناصر التفت علشان يشوف مها بس راحت :ايه طيبه الحمد لله ... عمتي لاتنسين ذكري ابوي وتعالوا كلكم والله الجو مايتفوت وسلمي على ابوي والبنات
خديجه :الله يسلمك انشالله سلملي على مها
ناصر :الله يسلمك مع السلامه
خديجه :مع السلامه
دخل ناصر علشان يشوف مها وسمع صوت بالحمام كأن مها تتقيأ ناصر خاف عليها ودق الباب عليها
وطلعت وهي تمسح فمها بفوطه ودموعها على خدودها من الالم
ناصر بخوف :مها وشفيك عسى ماشر ؟
مها تبستسم :لا مافيني شيء بس برد
ناصر :الله يهداك أي برد البسي عبايتك خليني اتطمن عليك اكثر
مها :ناصر قلتلك مافيني شيء
ناصر بعصبيه :مها اسمعي الكلام
مها وهي تروح تلبس عبايتها :حاضر
ناصر بدل ملابسه ووصلها للمستشفى ...
فهد وهو داخل للبنك وهو فرحان على الاخر اخيرا قرب يحقق مراده ...
فهد :سلام عليكم
الموظف :عليكم السلام ورحمه الله وبركاته
فهد :بغيت اسحب مبلغ من حسابي كاش
الموظف :على امرك عطني بطاقتك ورقم الحساب
فهد وهو يفتح محفظته ويعطي الموظف اثباتاته :تفضل
الموظف :المبلغ كم ؟
فهد :ميتين وخمسين الف
الموظف :بدء يسوي الاجرات بعد تقريبا ربع ساعه اخذ المبلغ وطلع من البنك واتصل على الشيخ علي
فهد :الو سلام عليكم
الشيخ علي :عليكم السلام وينك انت صار لي ساعه انتظرك
فهد وهو يناظر يلتفت يمين ويسار وهو بسياره :يله انا الحين جاي لسى طالع من عند امي
الشيخ علي :يله بسرعه الوفد بيجي الحين
فهد :ان شالله
علي :مع السلامه
فهد مع السلامه
ريما بغرفه امها وقافله على نفسها الباب وتدور بدرج امها الخاص اللي تعرف انها تلم كل شيء مهم فيه ..
ريما وهي ماسكه الصندوق وتحاول تفتحه
ريما بضيقه :اف ياربي الله يسامحك يافهد
واخيرا عرفت الرقم وفتح الصندوق ريما انبهرت لما شافت الاوراق كانت كثيره وكان شكلها قديم وبدت تدور فيهم
لقت اوراق عقد شراكه بين ابوها وعمها بالشرطه قبل عشر سنين وشافت سندات قبض ووصول امانه باقي مااندفعت
ولفت انتبها شهادات ميلاد غريبه فتحتها وشهقت لما شافتها
ريما :مستحيل مو معقوله ...
كانت صورمن شهادات ميلاد لعيال عمها (زهره ومازن وعمر وعبدالله )
ريما استغربت عمرها ماسمعت عن عمر وعبدالله ومن هم وليش مو موجودين لمت الاوراق اللي تهمها
واخذت شهادات الميلاد علشان تخلي فهد يشوفهم يمكن سمع عنهم ........
ريما وهي طالعه من الغرفه كانت الاوراق اللي بيدها كثيره ولقت رانيا طالعه من غرفتها التفت رانيا عليها
رانيا باستغراب :ريما ايش تسوين بغرفه امي وليش هذي الاوراق اللي بايدك
ريما ارتبكت وخافت وطاحت الاوراق منها :لا ولاشيء بس هذي ....
رانيا وتقرب منها :ريما شنو هذا ؟
ريما وهي تلم الاوراق بسرعه رانيا خطفت منها مجموعه من الاوراق بيدها ريما سحبتها ودخلوا الغرفه
رانيا شهقت :شنو تبين بهذه الاوراق ؟
ريما وتمد لها بشهادات الميلاد:تفضلي اقري
رانيا وهي تمعن بشهادات وحطت يدها على فمها :منو عمر وعبد الله
ريما :هذولا عيال عمك خوان زهره ومازن بس وينهم مادري
رانيا وهي عاقده حواجبها :ناظري ريما نفس اليوم اللي ولدوا فيه والساعات قريبه من بعض شكلهم توام
ريما وهي تناظر الشهادات تتاكد من كلام رانيا :وينهم وليش مانسمع عنهم
رانيا :مادري ... تعالي انت شنو يهمك بالموضوع وليش تلمين هالاوراق ومن وين جبتيهم ؟؟
ريما ارتبكت ولا عرفت شنو تقول :لا بس فضول الحين ارجعهم
رانيا باصرار:ريما شنو عندك ؟
ريما وهي تقوم من مكانها علشان ترجع الاوراق وتبعد عنها شك رانيا : ماعندي شيء بس حبيت اعرف امي شنو تخبي بهالصندوق
رانيا :ايه .... تعالي شنو اتفقتوا ياريما انتي وفهد
ريما وهي تامل اسمها مع فهد وشافت انه مناسب :ولا شيء الزواج بعد شهر بعدين نسافر وانا بكمل دراستي هناك
رانيا شهقت :شنو بعد شهر وليش مستعجلين ؟
ريما : مو مستعجلين ولا شيء وازيدك من الشعر بيت عرس مافيه حفله بسيطه تدرين ليش ماابي احد يدري
رانيا :والله اني خايفه عليك ومصيرها تدري صدقيني
ريما خافت :رانيا انا وفهد راح نتزوج غصبا عن الكل وماراح اناظر وراي وماراح افرط فيه لاحد مستحيل اسوي مثلك
رانيا قلبها قرصها :ريما انت شلون تفكرين !!!
ريما :خلاص رانيا قفلي على الموضوع
رانيا :لهذي الدرجه الموضوع يضايقك
ريما بعصبيه :رانيا
رانيا سكتت وطلعت من الغرفه ريما مسكت جوالها كان ودها تتصل على فهد وتقول اللي لقته بس تراجعت لانه هو اللي لازم يهتم تذكرت فاطمه انها لازم تدري بالي صار
ريما بفرحه :الو
فاطمه :هلا والله
ريما بضحكه :بشاره
فاطمه :بشري لاني محتاجه اسمع بشاير
ريما :بتزوج فهد
فاطمه شهقت ماصدقت ان ريما اذا حطت في راسها شيء سوته :لا والله احلفي
ريما وهي تضحك بمكر :والله وزواجنا بعد شهر
فاطمه تزغرد :ريما مبروك حبيبتي ... اه يالملعونه ماصار الا وسويتي اللي براسك
ريما بخيبه :وليش تباركين ومسويتلي عرس عندك
فاطمه :ريما ليش تقولين كذا ليش بعد العرس فيه شيء
ريما :لاتنسين اني انا اللي ضغطت عليه علشان يتزوجني والمقابل اللي يبيه
فاطمه :مانسيت بس انتي اثبتي وجودك
ريما :ماراح اثبت شيء راح اعطيه اللي يبي واروح بحالي اذا يبيني بيجي ماراح اضغط عليه يكفي اني مرخصه نفسي لحد الحين
فاطمه وهي تحس ان ريما بتزيد مشاكلها من وراء هذا الزواج :ريما شلون تقولين كذا
ريما :زي ماقلتلك انا بسجل بالجامعه وبسكن مع لينا
فاطمه :ريما لاتضحين بعمرك لدراسه فكري بحياتك وفكري لو تدري امك واهلك شنو راح يصير
ريما وهي تبي القدر يمشي من دون ماتحسب حساب أي شيء يعترض طريقها :مادري ولا ابي افكر فاطمه الكلام هذا لاتفكرين يطلع لاحد
وماابي احد يدري انه فهد الجمال زوج الريم انتبهي حتى نوال واماني
فاطمه :اوكيه وعد ماراح اقول لاحد ... وشلون بيصير الزواج
ريما :حفله بسيطه جدا وطبعا انت لازم تجين
فاطمه بمكر :اكيد وانا محمله بالهدايا
ريما :ايه كثري الهدايا
فاطمه تضحك ":ههههههه هذا وهي حفله اجل لو زواج شنو تتطلبين
ريما :بطلب كوشه طقم بعدين انا استاهل
فاطمه تضحك :لا والله ماتستاهلين حدك اكسسوار من ابو ريالين
ريما عصبت :شرايك تضفين وجهك
فاطمه :هين ياوجه النحس مع السلامه
ريما تضحك :مع السلامه
مشكلتي اهواه وحبه مجنني ** والمشكله عن هوايا ماهو بداري
اخاف ابوح بهوايا لا يخجلني ** واخاف يزعل علي ويزيد في ناري
محتار مدري شسوي حيل شاغلني **مليت افكر ولاهي نافعه افكاري

(الجزء الخامس عشر )

يوم الخميس والكل يجهز علشان السفر
عامر وهو يناظر اخر التشيطيبات :خلاص خلصتوا
ريما وهي تلبس عبايتها :ايه خالي خلصنا
خديجه وهي تفسخ لبس الصلاه بعد ماصلت العصر :يله وين رانيا ؟
ريما توها تفقد رانيا :انا طالعه ادورها
راحت ريما ودقت غرفه رانيا شافتها تصلي ودموعها على خدها ......... ريما وقفت في مكانها ومستغربه من رانيا
ريما تكلمت لما سلمت رانيا :رانيا ليش تبكين ؟
رانيا وهي تمسح دموعها :لا مافيه شيء
ريما ماحبت تسحب الكلام منها :يله استعجلي نتظرك بسياره
رانيا وهي خايفه من اللي ينتظرها :يله انشالله ماراح اتأخر
ريما طلعت وكأنها قرأت افكار رانيا ..............طلعت من الباب وشافت سياره سوادء داخله ريما كانت بترجع للبيت بس تلثمت وكانت بتركب السياره وانتبهت انه فهد اللي بسياره ووقف قلبها لماشافته امها كانت بسياره عطتها نظره علشان تدخل ووقف فهد وهو منتبه لريما اللي قعدت فتره واقفه عند الباب ..........الخال وهو يرحب فيه
عامر :هلا حياك تفضل
فهد :هلا خالي الله يحيك لا مابي اعطلكم انا كنت جاي علشان اسلم ريما المهر علشان يميدها تجهز
عامر :والله انكم ياولدي مستعجلين
فهد وهو يطلع ظرف كان كبير وباين انه مليان :تفضل عطه ريما
عامر :وهو ياخذ الظرف وهو يحس انه مبلغ كبير :بس ياولدي هذا شكله واجد
فهد يضحك :هذي الغاليه تستاهل ....... انا استاذن مع السلامه
عامر :مع السلامه
ريما كنت بسياره وماقدرت ترفع عيونها لانها تعرف ان امها تتطالعها وتشك بشيء ريما لما سمعت صوت سياره فهد رفعت عيونها وقعدت تناظربالسياره حتى اختفت عن عيونها وهي محتاره ليش جاء وراح بهالسرعه وقطع عليها رانيا لما فتحت الباب اللي كانت ريما ملصقه راسه على شباكه وكانت ريما بتطيح
ريما بعصبيه :وجع عمى ماتشوفين
رانيا بصبر :لا حولاء
ريما :الله ياخذك خوفتيني
رانيا كانت بترد بس سكتت لما خالها دخل وفي ايده الظرف اللي اعطاه فهد ............
خديجه :شنو يبي فهد ؟
ريما ماصدقت على الله ان امها سألت اللي نفسها تعرفه عامر :لا بس فهد جايب المهر لريما
خديجه :حليله مستعجل
ريما خقت على كبر الظرف رانيا بضحكه دقت ريما بكوعها :احلى والله بتاخذين واحد موجب ويعرف السنع
ريما وهي تفكر بفهد شنو معطيها ماحست الى بايد خالها تمد لها بالظرف ريما رفعت عيونها ومدت يدها تأخذه وكان ثقيل وخافت وحست بجديه الموضوع
ريما :خالي انت كم طالبته ؟
عامر وهو ينتبه للطريق :والله ياريما مثل ماقلتي 15الف
ريما :بس خالي هذي مو شكلها خمسه
عامر بضحكه :هذي ميتين وخمسين الف يقول فهد تستاهلين يالغاليه
ريما وقام قلبها مثل الطبول من الفرحه ان فهد يقول عنها كذا :بس كثير
عامر :هذا حقك وماجبرناه يدفع اكثر
ريما سكتت وقعدت تناظر امها اللي ماتكلمت من وقت مادخل خالها
ريما :يمه شرايك ؟
خديجه :هذا حقك ومثل ماقال خالك ماجبرناه على شيء
ريما استغربت من رد امها وفكرت ليه فهد سوى كذا مع انها مفكره بعد الزواج لمى تاخذ المهر انها ترجعه مثل ماهو لانه زواج بالنسبه لها باطل .............
في الشاليه مها تجهز الاكل وناصر يساعدها ويسولف معها طاير من الفرحه ...........
ناصر :خلاص حبيبتي اتركي عنك
مها بدلع :تبي اهلك يفضوحني اكيد بيجون تعبانين من السفر ولا يلاقون لقمه ياكلونها
ناصر :يسلملي الاصيل
مها وهي ترفع حواجبها وتمد له بالصحن حمص :حط هذا على الطاوله
ناصر وهو ياخذ الصحن منها :خلاص ارتاحي الحين مايصير انت .............
وقطع كلامه صوت جواله ...............
ناصر :الو
عامر :هلا ناصر وينكم باي شاليه
ناصر :انتوا وينكم انا بمركم الحين
عامر وهو يدله على المكان
ناصر :انتوا قريبين مره الحين دقايق وانا عندكم
عامر :انتبه على الطريق
البنات وهم بالسياره وتعبانين من الطريق وملوا من الانتظار
خديجه :عامر هم باي شاليه
عامر :والله مادري
ريما :يالله منك ياناصر وينك ؟
رانيا كانت ساكته وتناظر الشوارع والاضاءه اللي كانت بالنسبه لها خفيفه لانها هذي اليومين تعبانه حيل .........وقطع عليها صوت سياره ناصر قعدت رانيا تناظره وتشوف بعيونه الفرحه بجيتهم كان لابس شورت بيج وتيشيرت احمر غامق وكبوس مبين من تحت شعره
ناصر وهو يضحك :هلا والله
عامر يضحك :هلافيك اخلص اللي معي تعبانين
ناصر :يخسى التعب يله تعالوا وراي
عامروهو يركب السياره :يله حرك
ولما وصلوا الشاليه كانت رانيا بتموت من القهر وهي تشوف الراحه والامان بعيونه وهي حتى وهي خلاص بتزوج مارتاحت والسبب هو صارت نفسيتها تعبانه وماتحمل كأنها وخزه ابره وتقول كل شيء ........... ناصر لما نزل من السياره دخل ابوه وعمته ورجع طلع علشان يحمل الاغراض وشاف لقته ريما عند الباب وهي حامله اغراض بس وقعد يسأل ريما
ناصر وهو مبقق عيونه في ريما :ريما وين رانيا ؟
رانيا كانت بسياره لما سمعته يسال عنها رفعت عيونها تناظره ريما :هي بسياره مادري شنو برجلها
ناصر :ليش فيها مجروحه ولا ايش السالفه ؟
ريما بمكر :مادري عنها نزلت وهي تون فجرت راسي بصوتها
ناصر :بروح اشوفها
ريما دخلت وهي تمنى ان رانيا تعرف تتصرف .......... ناصر قرب من السياره وفتح الباب اللي شاف رانيا قاعده عنده رانيا سوت نفسها مخترعه لما فتح الباب
ناصر وهي يناظرها ماسكه رجلها :رانيا شفيك ؟
رانيا بتعب :لا مافي شيء الحين الحقكم رجلي نامت
ناصر وهو يحس بتعب بصوتها :اساعدك
رانيا خقت على سؤاله كيف يساعدها :لا مشكور
وقف كلامهم واحد مار وشكله كبير وضخم واكبر من ناصر .......... ناصر التفت عليه
ناصر مد ايده :هلا والله ابو محمد
خالد :هلافيك وينك طاس ؟
ناصر :كيف الحال ؟
خالد :الحمد لله وينك ياخي ماشفناك والله من تزوجت انقطعت علومك
ناصر يبتسم ويتعذر :والله مشاغل وحاله تدري
رانيا لما ارتاحت رجلها قررت تنزل ولما بغت تنزل ناصر شافها تتحرك قفل الباب علشان ماتنزل قدام خالد رانيا عصبت من حركه ناصر لانها ماتقدر تنزل من الباب الثاني لانه صوب الجدار ......... خالد انتبه لحركه رانيا ويشوف ناصر يناظره بنظره معناها اجلسي
خالد :ياخي اشفيك خل زوجتك تنزل ؟
ناصر دق قلبه لما قال الكلمه (ياريت انها زوجتي ):لا رجليها منملين شوي وتبيني اساعدها
خالد يضحك وهمسله :تبيك تشيلها .......(وغمز له )لا تقصر
ناصر ضربه على كتفه :الله يقطع سوالفك
خالد وهو يمشي بعيد عن ناصر ..... ناصر بسرعه فتح على رانيا الباب وهو معصب :شفيك انت فشيلتيني قدام الرجال خلاص المفروض تفهمين
رانيا عصبت عليه باقي واصله وهو مستلمها :خيرانت اختنقت في السياره وحضرتك تدق سالفه
ناصر ياشر بايده :قصري صوتك فضحتينا
رانيا بعصبيه :وخر عني ابي انزل
ناصر رفع حواجبه وفتح لها مجال ونزلت وراحت علشان تشيل اغراض ناصر لف عليها ومسك باب السياره وقفله
ناصر :خلاص ادخلي
رانيا وهي مستغربه :ايه شكرا
ناصر مومن عادتها توافق بسرعه كان وده ياخذ ويعطي معها لانه اشتاق لها :العفو
رانيا دخلت وهي ناويه تدعس على قلبها كافي اللي تلقاها منه وهي ساكته ......... دخلت وسلمت على مها وجلست تسولف معها بالمطبخ تحس ان مها مرتاحه ورجعت الانسانه اللي تعرفها
رانيا بضحكه :يالله يامها فاتك الدوام
مها وهي تقطع طماطه بأيدها :ليش ؟
رانيا :والله وناسه ماحلا هم البزارين الجدد وشاطرين ومجتهدين
مها :الله يريحك مثل ماريحتيني والله شايله هم هذا السنه احس انه بيصعب علي بزايده
رانيا :وليش متشائمه ؟
مها كانت بتتكلم بس ناصر دخل وحط الاغراض على الطاوله ومد ايده لرانيا يسلم عليها رانيا خقت على حركته وماكان بأيدها الا ان مدت يدها وسلمت عليه
ناصر بضحكه تعذب :شلونك ؟
رانيا وهي خاقه على ضحكته وابتسمت له كأنها ماصدقت :الحمد لله كيفك انت ؟
ناصر عض شفايفه :الحمد لله (والتفت لمها اللي تناظر ناصر وهو يبادل رانيا الابتسامات )عندي لك يارانيا مفاجاه تاخذ العقل
رانيا وهي مستغربه من اسلوب ناصر اللي تغير فجاه معها وبعد قدام مها :أي مفاجأه
سحب مها ونادى رانيا تجي وراه وقف قدام ابوه .......
ناصر بضحكه :ابشرك يبه راح تصير جد
عامر ماصدق اللي سمعه وقال بضحك متواصل :الف مبروك ياولدي
خديجه نفس الشيء وريماانصدمت وبسرعه التفت على رانيا ولما شافت اصوات الضحكات والمباركات ماحست بنفسها الا تمثل مثلهم اما رانيا اللي واقفه وراء مها اللي موسايعتها الدنيا من فرحتها برده فعلهم .......... رانيا ماقدرت تتكلم كأنها عجمى وناصر ينتظر يسمع صوتها تبارك له ولف علشان يشوف مها التفت لرانيا اللي واقفه وراها وتعبر ودموعها على خدودها ناصر هنا عرف وتأكد ان رانيا تحبه مثل ماهو يحبها وبسرعه سحب مها وخلها تقعد علشان ماحد ينتبه لرانيا اللي بان عليها البكاء
ناصر يخبي حب رانيا له :الله يبارك فيك رانيا عقبالك
رانيا استغربت ليش قال كذا مع انها ماتكلمت وراحت عنهم ودخلت الحمام توضي وتصلي العشاء وهي تحس ان ناصر عرف كل شيء ومايبي غير مها والسعاده معها ........... ريما انتبهت لرانيا وهي واقفه وتعبر قدام ناصر وتسألت ليش ناصر رد عليها مع انها ماتكلمت عرفت هذه اللحظه ان رانيا ناويه على شيء
ريما وهي تستاذن علشان تشوف اختها دخلت عليها لقتها قاعده على السجاده وضامه رجليها لصدرها
ريما :رانيا انت شسويتي ؟
رانيا :خير وش فيه بعد
ريما حست ان هذه اللحظه مو مناسبه علشان تكلم رانيا بالموضوع : مافيه شيء
رانيا قامت تلف السجاده وتحطها بالدرج ريما كانت وراها على طول ماحست الا برانيا تضمها وتبكي ريما خافت وصارت ترتجف
ريما بخوف :خلاص يارانيا
رانيا تبكي :ليش ربي يكتب لنا الشقى
ريما :استغفري ربك رانيا هذه كله قسمه ونصيب
رانيا بعدت عنها وصارت تصارخ :هو يدري اني احبه من قبل مايتزوج مها وانا اقول ليش داخل المطبخ ويسلم علي بعد التهزيئه اللي سواها بى وفشلني قدام اللي يسوى واللي مايسوى

ريما وهي تمسك رانيا وتهديها :رانيا وطي صوتك
رانيا وهي تبعد عنها :وخري عني لازم اوقفه عند حده
ريما مسكتها وخلتها تثبت :رانيا شتبينه يقول عنك اذا طلع احساسك خطأ بالله عليك كيف بيكون وجهك وبعدين توقعين لو يحبك راح يعترف قدام الكل صحصحي ياجوليت انتي وين هو مبسوط برى ان مها حامل وانتي تقطعين بنفسك بذمتك ناظري المرايه وشوفي وجهك كله علشان ناصر خلاص فكري بمحمد هو اللي بسعدك وهو اللي بيعوضك عن ناصر
رانيا وهي تمسح دموعها :ليش يعاملني كذا صدقيني ريما يدري اني احبه ويستغل قلبي
ريما عصبت :رانيا اعقلي ناصر متزوج انسيه انتي بتتزوجين واذا هو يحبك اكيد انقهر وكل تبن بعد انتي على ايش حارقه اعصابك
رانيا وهي تحس انها ثقلت بالكلام مع ريما وهي مو ناقصه :يله نطلع اكيد امي تسال عنا
ريما مسحي وجهك والله كان احد مكفخك
رانيا وهي تضحك وقاعد تفرك خدودها علشان مايبان شيء :ضحكيني تكفين
ريما :لا والله مستر بين انا
رانيا وهي طالعه وماسكه ايد ريما وشافوا مها تحضر الاكل على الطاوله رانيا ساعدتها وريما بعد لين ماخلصوا ونادوهم على الاكل
ناصر بسرعه قعد يدور رانيا بعيونه ولما شافها انصدم باحمرار خدودها وعرف انها بكت تقطع قلبه وصار يلعن حظه لما سمع كلام جدته
وسوى نفسه مايشوفها وقعد ياكلون ويضحكون مها قامت ترقع بالكلام
مها :ناصر اذا كان ولد شراح نسميه ؟
ناصر ماحب يحرجها :نسميه تركي واذا بنت بسميها نوره
رانيا مادري شنو صار لها هاجت وصارت تصارخ والكل مستغربين :تخسى تسمي عيال مها باسماء خواني فاهم
ناصر ماتوقع رده فعل رانيا وصار بطنه يمغصه وماعرف شنو يرد
خديجه وهي تصارخ على بنتها :رانيا ايش هذاالكلام
رانيا وهي تكمل اللي كاتمته بقلبها :ليش ماتسمون باسم خالي ولا اسم ابوها ولا اسم امك ولا جدتك
ناصر عصب :رانيا انكتمي
رانيا رمت الشوكه من ايدها بقرف :تهنون
وعطتهم ظهرها ناصر قام وراها بس وقفها صوت ابوه
عامر :ناصر وين ؟
ناصر وهو يمسح على شعره بعصبيه :والله لاكسر راسها
عامر بعصبيه :اجلس ياناصر رانيا معصبه هاليومين ماتقصد
مها وهي تحس ان رانيا غارت منها :والله يبيلها تكسير
ريما قاطعتها وهي توقف :مها اطعمينا سكوتك
ناصر عصب اكثر :لا البنات انهبلوا خير اشفيكم انتوا
ريما :اسفين ياولد الخال اذا خربنا عليكم الجو والله مالنا داعي انحن جينا
ناصر : ريما
ريما طلعت وراحت لرانيا تشوفها .................
خديجه باسف ومستغربه من بناتها :اعذروني مادري اشفي البنات
ناصر :معليه ياعمتي هذولا خواتي عادي
عامر :لا تقولين كذا احن مقدرين
مها وهي تصب لناصر اكل بصحنه :كل حبيبي ..مراهقات
ناصر عطاه نظره تسكت :مابي اكل انسدت نفسي
رانيا وهي تمشيء على البحر مع ريما
رانيا وهي تمسح دموعها :ياهي حقيره مها
ريما :خلاص رانيا ليش معصبه ؟
رانيا وهي تمسك ياقه البلوزه اللي لابستها :خلاص ريما معاد اتحمل اسكن معها بنفس البيت
ريما :حرام الكلام اللي قلناه لناصر والله يزعل رانيا
رانيا بعصبيه :ليش ماتقولين حرام اللي يسويه فيني يبلعها ماهي زوجته السبب
ريما :يالله يارانيا مانبي نسوي مشاكل خلاص بنتزوج قريب خلينا نترك طابع حلو عند خالي وامي
رانيا والعبره واقفه بحلقها :اه ياريما مابي اتخيل ناصر وولده او بنته تدرين كنت شايله فكره الحمل من بالي ماتوقعت
ريما تقاطعها :ماتوقعت ايش اسكتي يارانيا انت بتتزوجين وتجبين عيال وتنسين ناصر وطوايفه وتضحكين على نفسك لما تذكرين نفسك الحين
رانيا :ريما ممكن تخليني لحالي ابي اعيد حسابتي
ريما حبت تخليها على راحتها وقبل ماتروح :رانيا ابي جوالك
رانيا بملل :ليش ؟
ريما لان جوالي مافيه شحن :لا بس بتصل بفاطمه
رانيا :بشنطتي
ريما راحت لانها في الحقيقه تبي تتصل بفهد وتساله عن المهر ...........رانيا وهي تناظر الامواج وتشوف الناس من بعيد يلعبون ومبسوطين وتفكر في نفسها ليش سوت اللي سوته وبينت غيرتها من مها انها بتجيب الضنا لناصر وينسيه رانيا ظلت رانيا تتأمل وافكارها توديها وتجيبيها .............
ريما وهي تدق رقم فهد ومتردده تتصل او لا وشافت من الاحسن انها تكلمه وتناقشه بلي سواه
ريما بنعومه :سلام عليكم
فهد كان من حسن حظه انه عند امه اللي من وقت ماخطب ريما وهي طايره بها :عليكم السلام كيف الحال ؟
ريما :الحمد لله
فهد :وين انتوا ؟
ريما وهي مستغربه انه مايعرف :ليش خالي ماقلك ؟
فهد :لا ماحبيت اطلع حشري واسئله
ريما :وش معنى تطلع حشري وتسألني ؟
فهد ضحك :هههههه زوجتي وابي اعرف وين تروح وين تجي ؟
ريما خقت على كلمة زوجتي وتمنت انها من قلب :ايه زوجتك المزيفه بالشاليه بالشرقيه
فهد :كيف الاجواء ؟
ريما وهي تذكر سالفه ناصر ورانيا :زفت
فهد :افا ليش زفت
ريما وتبي تغير السالفه :تعال انت ايش مسوي ؟
فهد وهو حس بلي تقوله :اشفيه
ريما :ليش مرسل هالمبلغ كله ليه بابني بيت
فهد :هذا حقك ياريما
ريما ومستغربه :أي حق انت اتفقنا ان زواجنا .......
فهد قاطعها :ريما انتي تبين الكل يشك زواجنا لازم يتم زي أي زواج وانتي لاتقصرين بنفسك
ريما مستغربه من فهد :لا يافهد حن ماتفقنا على كذا زواج عادي ايش بحتاج يعني
فهد ومستغرب من رفض ريما :ريما خلاص اعطي خالك وامك
ريما هي حاطه ببالها انها ماتصرف من الفلوس أي شيء حتى تلتقي فيه لانها تشوف مو من حقها انها تاخذه :فهد لقيت اوراق .........
قاطعها فهد بفرحه :اوراق ايش ؟
ريما بملل :بسم الله اصبر ممكن تفيدك وممكن لا بس هذا اللي لقيته
فهد بلهفه :ايه تكلمي عاجبك تخليني اقعد على اعصابي
ريما :لقيت اوراق وسندات امانه قديمه شكلها ماتسددت وعقود وصفقات مافهمت فيها ولقيت (وقطعت كلامها حست انه ماله داعي تقوله عن الشهادات )
فهد ومستغرب من سكوتها :ايه وايش بعد ؟
ريما :لا بس هذا اللي لقيته
فهد :ايه ممكن تفيدنا خلاص خليها معك .............
ريما :انشالله
فهد :الله الله بالزواج ابيه حلو انتي خليك طبيعيه اوكيه
ريما :طيب يله تبي شيء انا تعبانه من السفر
فهد :سلامتك يله مع السلامه
ريما قفلت الجوال ورمته تحت المخده وهي تفكر بفهد وتحس انه اناني ولايدور غير مصلحته ....
زهره وماازن قاعدين مع ابوهم يتكلمون بالشغل
زهره :انا برجع بكره لندن عندي شغل
سيف :ايه يابوك ابي ارفع راسي فيكم ... الاقولي لي زهره ايش صار مع بنات يوسف
زهره بملل :والله كسرنا روسهم واخر شيء لما كانت الفصعونه رافعه دعوه
سيف يضحك بصوته الخشن القوي :هههههههههه والله كبروا
مازن وهو معصب من رانيا اللي رفضته :تصدق انها الحقيره رانيا رفضتني الما كنت ابي اخطبها
سيف مستغرب :وليه تخطبها هي بذات
مازن :ابيها وبس
سيف بضحكه :بكره اسحبها مع شعرها وتتزوجك غصبن عنها
مازن :خلاص خطبها محمد ولد جيرانهم
سيف بجبروت وقوه :ومن هذا محمد انت مازن ولد سيف تأشر وتاخذ وهذي بنت عمك واولى من الغريب
مازن يضحك :ايش يعني ؟
سيف :هي لك
مازن كان فرحان برده فعل ابوه وانه بيكسر خشم رانيا اللي كسرت كلمته قدام ناصر وطلعته مثل الحشره
الساعه 2نصف الليل
ناصر داخل الغرفه كان سهران لحاله يتابع فلم ودخل ينام وهو يناظر مها اللي نايمه من زمان ويتمنى ان ولدهم لما يجي ماتعقد الحياه اكثر
طلع البلكونه وهو يمدد ايدينه بالهواء ويستنشق الجو النظيف ويتذكر رانيا وليش سوت كذا قعد يدور بعيونه وهو يسمع الهدوء ماغير صوت الامواج اللي ارتفعت وصار شكلها يخوف وفجأه لمح جسم ابيض يمشي صوب البحر من غير اهتمام وركز عيونه وشاف الشعر يطير على وجهه وكان لابس لبس ابيض بس كان قصير وعرف انها بنت كان بيرجع لما ركز وشاف لون الشعر والجسم عرف انها رانيا
ناصر وبخوف :هذي المجنونه ايش تسوي ؟
طلع من المكان وهو يركض للمكان اللي رانيا تمشي فيه ولما قرب اكثر تأكد انها رانيا ماقدر يتكلم وهو يشوف صارت من خصرها وتحت تحت الماء عرف انها قربت من المكان العميق وخاف انها اذا شافته تعند وتبعد بزياده

خليني اول اقراها شكلها جميله مره

ناصر بهدوء وهو يقرب من المويه والامواج تسحبه وراء :رانيا
رانيا بخوف التفت والدموع مغرقه عيونها وخدودها وشعرها يتطاير يمين ويسار :......
ناصر وهو يقرب اكثر :رانيا ارجعي لاتخافين انا معك
رانيا وصارت تناظره مثل اللي اخر مره تشوفه :شتبي مني كافي اللي تسويه فيني
ناصر بحزن :رانيا انا اسف اذا
رانيا تصارخ وتقاطعه :اسف على ايش انت حقير ونذل لاتقرب خلني اموت وارتاح
ناصر وصل عندها باقي خطوتين ويمسكها :اهدي رانيا لاتحركين
رانيا وهي كل ماقرب اكثر تبعد :انت اناني ومغرور وقلبك اسود ادري انك تكرهني بس انا ليش
ناصر بسرعه مسكها مع خصرها وهي كانت بتبعد منه بس ماقدرت لان الامواج كانت قويه ورانيا ماتعرف تسبح وصارت تقاومه وتدفه عنها وهو يسحبها ويقاوم ضرباتها علشان يتركها ناصر ظل متمسك فيها لحتى هدت ولما وصلوا للشاطيء رانيا كانت ترنح من دوخه البحر وناصر ماسكها ويحس برجفتها وخوفها
ناصر وهومقربها منه ويحس بانفاسه السريعه على صدره :رانيا
رانيا متمسكه فيه وهي ماتشوف شيء من الدوخه :.........
ناصر رفعها اكثر وهو يحس بجسمها الصغير يرتجف بحضنه وهو ضامها لصدره غمض عيونه وهو مشتاق لها ووده يخفف عنها قرب اكثر منها وبعد شعرها عن خدودها وهو يشوف عيونها تدمع ماتحمل جاذبيتها صار يتامل بشرتها خدودها شعرها عيونها شفايفها قرب اكثر منها وهو رافعها على صدره مرر شفايفه بنعومه على جبينها بعدين على خشمها وعلىخدودها قرب منها اكثر وهو يحس بانفاسها قعد يناظر شفايفها وهو يشوف عيونها تقفل وتفتح ................ رانيا كانت حاسه بكل شيء بس ماقدرت تقاوم قربه لها ولما حست ان الوضع زاد عن حده قاومت تعبها فتحت عيونها وهي تشوف ناصر اللي يقرب منها بتردد
رانيا وهي تبعده عنها بتعب :بعد لا يكون نسيت نفسك
ناصر كأنه صحى من حلم :رانيا هدي نفسك ليش طالعه بهالوقت
رانيا وهي ماسكه ايده اللي مطوقه خصرها تبعدها :كافي ليش انت تفرض اوامرك علي مالك خص
ناصر بهدوء مايبي ينرفزها :ليش تبين تنتحرين حرام اللي تسوينه
رانيا ودموعها على خدودها من القهر :ليش ماتقول حرام اللي انت تسويه فيني
ناصر يحس انه ظلم رانيا وانها تكذب وتحبه مثل مايحبها :يعني انت تكذبين علي وانك تحبيني
رانيا ماحبت تطلع نفسها متقطعه عليه :لا مااحبك ليش انت تطلعي بكل مكان شتبي مني
ناصر قرب منها بتردد :رانيا قولي انك تحبيني مثل ماانا احبك
رانيا مسحت دموعها وانصدمت من اللي سمعته بس شكت انه قال كذا علشان تقوله اللي يبي يسمعه :لا مااحبك انا اكرهك ياخي اطلع من حياتي من وقت مادخلتها وهي مقلوبه فوق تحت
ناصر عرف اللي تقوله عكس وانها تحبه بس شيء طبيعي انها تنكر :طيب ليش تبين تنتحرين انت ماتعرفين الله
رانيا مشت وعطته ظهرها وهو قعد يناظرها وفستانها لاصق عليها و يوصف جسمها لما طلعت من البحر ناصر خق على جمالها وعنادها ولحقها يبي يستفسر سبب اللي سوته
ناصر سحبها من ذراعها وعصب عليها :طيب ليش انت سويتي كذا ؟
رانيا وهي تتالم :وخر عني
ناصر عصب اكثر :يالله يارانيا ماتوقعت عقلك صغير لها الدرجه وتفكرين مثل الصغار اللي تدرسينهم انت غبيه وساذجه بعد
رانيا بسرعه البرق عطته كف من غير ماتحس لان الكلام صغرها خلها مثل النمله قدامه ناصر ماستوعب اللي صار وكيف جاتها الجراءه تمد ايدها مسكها ولوى ذراعها ولصق ظهرها بصدره
ناصر معصب وهو يبعد شعرها عن رقبتها :كيف تجراين ترفعين ايدك هين لما كسرتها لك
رانيا كانت تترفع علشان ايده ترتخي على ايدها ماتبي تبين له انها تتالم وصارت تتحرك بسرعه :بمدها واكسر راسك هذا كلام مشه على مها كم مره قلتلك ولاصارت حامل وتجيب لك الولد نسيت نفسك ماصرت تستقوي الا علي ليه لاني غبيه ومافيه احد ياخذ حقي
ناصر ارخى ايده لانه حس انه المها ومسكها مع بطنها ....... رانيا خافت وتبي تفلت من ايده باي طريقه بس كان ضاغط عليها
رانيا وترتجف :لو سمحت اتركني
ناصر يضحك بمكر ويهمس باذانه :وين لو سمحت قبل شوي ؟
رانيا كانت متاثره بلمسته وظلت ساكته ماتكلمت :..............
ناصر قرب من اذانها اكثر وعضها بقوه لحد ماعلمت في مكانها ........... رانيا سكتت لما حست باسنانه تعضها ماقدرت تتكلم
رانيا وهي تبعد وتدفه بقوتها :وخر صدق ماعندك شرف
ناصر تركها وهو يمسح شفايفه :رانيا الزمي حدودك
رانيا تمسح اذانها بعد عضه ناصر وتحس بريقه على اذانه :شوف انا احذرك لا تعرضلي لو تشوفني ارمي نفسي بنار لا تقرب مني فهمت
رانيا بعد الكلام اللي قالته ركضت بسرعه علشان مايقدر ناصر يعترضلها مره ثانيه ................ ناصر قعد يناظر رانيالحد ماختفت عن عينه ووقابل البحر وهو متحسف على اللي سواه
ناصر وهو يمسح على شعره اللي مبلل وكانه ناسي شيء وتذكره :استغفر الله العظيم ليش انسى نفسي لما اكون معها
ناصر حس ان الجو برد عليه خصوصا مع ملابسه المغرقه دخل الغرفه وشاف مها نايمه بعز نومتها ومستحيل انها تصحى دخل وغير ملابسه ومدد نفسه على كنبه بطرف الغرفه وهو يفكر برانيا واللي سوته
رانيا غيرت ملابسها وظلت تبكي تحت الفراش من غير صوت وهي تذكر كلامه انه يحبها وساكت هذه المده وفكرت لو انه يحبها ماكن تردد لحظه انه يتزوجها وظلت تبكي لحد ماغلبها النوم ونامت
ان قال الناس كيفك ............ ابد والله على خبرك .... اغض الطرف وانتظرك
ابعثر شعري ... المجنون
الملم حلمي المدفون ........ اداري ظهري المطعون ...... وانتظرك
واتسأل وش اللي ابقي بأحساسي ... بزمن نانسيني وقاسي
وش اللي باقي بأشواقي ..... الجفا يخنق لي انفاسي ..... تدورني انكساراتي
مثل عود عيونك كل اوتاره ........
واسمك اجمل الحانه ......... رحلت
وذبلت الريشه وانا بعدك ...... سفينه هم من الضيقات ... تتكسر تجيني
وبيني وبينها دروبك مسافات وعذاب وزيف ..... ابد والله
على حطت ايديك ..... الجرح ,والامي .......... على خبرك اموت واحيا باوهامي وانتظرك وصوتي دايم يناديك عجزت القى لصوتي حل
انادي به ولارديت ولافكر بيوم مل ..... انا دايم على خبرك اموت ,واموت .واموت ابس تحس نفس صدرك وحس بحاجه الزفره

ريما صحت الساعه 9صباح ولما شافت الكل نايم طلعت وصارت تمشي على البحر وتفكر وين بوصلها اخر الدرب مع فهد تخاف انها تعلق فيه بزياده ولما يتركها تتعذب وبعدين من بيقبل فيها وهي مطلقه وتفني عمرها بالدراسه والعلم وتنسى نفسها ريما طردت هذه الافكار على صوت خالها
عامر :صباح الخير ريما
ريما بضحكه :صباح الخير
عامر يقرب منها :ليش صاحيه بدري؟؟
ريما :ابد نمت بدري امس واكتفيت نوم
عامر :شرايك نروح للمجمع ناخذ اغراض
ريما تحمست للفكره :مافيه مشكله
عامر :روحي البسي عباتك والحقيني بالسياره
ريما لبست وطلعت مع خالها وبالسياره
ريما باسف :خالي انا اسفه على اللي صار امس
عامر وهو متضايق من السيره :معليه يابنتي معذورين
ريما :ناصر لايكون زعل
عامر :لا ناصر مايزعل انتو خواته كيف يزعل لا تاخذين ببالك
ريما حست بذنب :خالي حن ثقلنا عليكم و....
عامر يقاطعها :افا ياريما اسكتي لاسمع منك هذا الكلام مره ثانيه
ولما وصلوا للمجمع دخلوا السوبر ماركت واخذوا اغراض تلزمهم وطلعوا بسرعه ........ ريما وهي تحط الاغراض بسياره مع خالها سمعت جوالها يدق ركبت السياره وارتاحت لما شافت رقم رانيا
ريما :الو
خديجه :هلا ريما وينك يمه ؟
ريما :انا مع خالي الحين جايين
خديجه :الحمد لله يله نتظركم
عامر ركب السياره وسأل ريما عن اللي يكلمها .......... وهم بالطريق راجعين
ريما بتردد :خالي ممكن اسئلك سؤال ؟
عامر بفضول :اسئلي
ريما وهي خايفه من رده فعل خالها :فيه لزهره خوان غير مازن
عامر انصدم من سؤال ريما :وليش السؤال ؟
ريما باستغراب من رده فعل خالها :لابس اسال
عامر :منو قالك ان فيه لهم خوان؟؟
ريما :لا بس وحده من البنات شافت اسم واحد اسمه عبد الله سيف البرقي واستغربت وسالتتني
عامر بصدمه :عبد الله


ريما :ايه
عامر وقف السياره على جنب :ريما انت متأكده
ريما :ايه تعرفه
عامر حرك السياره وهو ناوي يحكي لها عن قصه عيال عمهم المختفين :ايه ياريما مو بس عبد الله بعد واحد اسمه عمر الله يرحمه
ريما انصدمت :الله يرحمه وكيف مات هذا؟
عامر :الله لايوفق عمك هذا عبدالله وعمر توام ولدوا بنفس اليوم وخوان زهره ومازن من ابوهم ومساكين لماولدوا تعذبوا بحياتهم عكس زهره ومازن ليش لان امهم كانت فقيره وتنازل عن كثير من حقوقها ولما صار هذاك اليوم جاء اخوها من امها ومكان سيف يعرفه دخل البيت صدفه وهو بالحقيقه مكان يزورهم الا نادر ولما دخل صدفه شاف اخوها يسلم عليها وهو جن جنانه مو غيره بس اعتبرها من اللي تتجراء وتخونه او تفكر انها تسوي كذا كان عبد الله وعمر فيهم شبه كبير من خالهم ولعب الشيطان براسه وفكر ان هذولا مو عياله جاب المسدس واطلق على عمر اللي مات بارضه وعبدالله خاف وترك المكان واطلق على امهم واخوها لماعرف بالحقيقه جن جنانها وعض اصابعه ندم من بعدها ومن هذاك الوقت هو ماذي الناس وتارك عياله على راحتهم ......... والله انك فرحتيني ان عبدالله بخير
ريما انصدمت لهذه الدرجه قساوه بعدين طفل كيف يرفع المسدس بوجهه :كم كانت اعمارهم لما صارت الحادثه ؟
عامر بحزن :اتوقع تسع سنين
ريما :طيب امهم ماتت وليش يتسترون على القصه
عامر :ايه امهم ماتت الله يرحمها والقصه بتسترون عليها لان سيف دفنها وبيدفن أي احد يفكر انه يذكرها قدامه لانه ضيع عياله
ريما خافت انها تكذب وتقول انها ماسمعت عن عبد الله شيء :طيب ماتعرفون وين راح عبد الله بعدها
عامر :والله ياريما كان عند امك تقريبا شهرين واخذوه خواله ومادري شنو صار فيه انقطعت اخباره لما سافروا الكويت
ريما سكتت وحزنت عليهم لانهم حتى عياله ماسلموا من شره
لما رجعوا وريما متردده تقول لفهد اولا .............. ولما صار الكل على الاكل الا مها وناصر
عامر وهو يناظر رانيا اللي ساكته من وقت ماجلسوا :رانيا فيك شيء ؟؟
رانيا بفشله من اللي سوته امس ابتسمت وهي تحط شعرها على اذانها بعد عضه ناصر المعلمه فيها :لا مافيني شيء
عامر يضحك :انشالله عجبكم الشاليه
ريما :مشالله يجنن خالي
خديجه :الله يخلي ناصر طول عمره ذويق ويعرف الصح
رانيا ناظرت امها بطرف عينها .......... قطع عليهم اللي داخله عليهم بخوف
مها :خالي تعال شوف ناصر مادري اشفيه
رانيا فز قلبها وخافت ونطت من مكانها من غير شعور بس مااحد انتبه وراحت خديجه وعامر ورانيا وريما وراهم بس مادخلوا الغرفه ........ رانيا كان ودها تكسر الجدار وتشوف ايش يصير داخل
رانيا بفضول تحاول انها تشوف شيء من الباب المردود :نفسي ادري شفيه
ريما وهي تناظر رانيا :تعالي ندخل
رانيا برفض :لا مستحيل تبين مها ......
ريما عصبت وسحبت اختها علشان يدخلون :خليها تاكل تبن
ودخلت رانيا وريما وهم يشوفون ناصر ممد على الكنبه بتعب ووجه اصفر والتعب باين في وجهه وجسمه اللي متهالك على جلسه مااحد انتبه لدخولهم غير مها ............ رانيا حست بنظرات مها لها بس طنشت وقربت منهم اكثر وهي خايفه على ناصر وتذكر ليله امس واللي صار بينهم
عامر وهو يلطم خدود ناصر بهدوء :ناصر فتح عيونك
ناصر فتح عيونه وبسرعه يدور فيها على اللي خايف عليه ولما شاف رانيا ارتاح :.........
عامر :ناصر رد علي
ناصر بتعب :ابي ماء
عامر :اكيد انك سبحت امس وخذيت ضربه برد

ناصر وهو يفتح عيونه بالكامل ويناظر رانيا اللي واقفه وباين عليها الخوف :ايه سبحت امس مع احلى حوريه بحر تستاهل امرض علشانها
رانيا خقت على كلامه وبان عليها وانتبهت لها ريما علشان كذا طلعت بسرعه ........ مها ماعطت كلام ناصر اهميه وقعدت جنبه تسويله كمادات
عامر بخوف :يله خلنا نوديك للمستشفى
ناصر :لا يبه مافي داعي حمى خفيفه
مها بخوف :ناصر تكفى روح للمستشفى خلنا نتطمن عليك
ناصر اعطاها نظره :لا ماابي خلاص شوربه ودوش وتنحل
عامر ماحب يضغط على ناصر :براحتك بس اذا حسيت بتعب زياده للمستشفى من غير مبرر
ناصر يهز راسه :ابشر تامر
خديجه :انا اخلي البنات يسون لك شوربه
ناصر :تسلمين عمتي
مها باعتراض :انا اسويها
ناصرناظرها وحس انها بدت النار تشتعل فضت الغرفه والكل طلع علشان يخلون ناصر يرتاح ........... رانيا حست بتانيب ضمير لما مرض ناصر بسببها شافتهم لما طلعوا من عنده مها راحت تتصل على اهلها وخديجه لما شافتها عصبت ودخلت عند بناتها
خديجه معصبه :رانيا او انت ريما سوا لناصر شوربه دافيه هذي مها راحت تتصل ونست زوجها
ريما معصبه :لا والله مها زوجته المفروض هي ..........
رانيا تقاطعها :ريما بس انا بسوي لناصر الشوربه ماصارت كل هذا علشان شوربه
ريما :ايوه وايش اللي غير توك امس ......
رانيا :انكتمي ريما خلاص
وقفت رانيا وراحت للمطبخ بسرعه تسوي شوربه قبل ماتسمع شيء من ريما يخليها ترجع حساباتها ........... ريما استغربت من اختها وتاكد ان فيه شيء مغيرها وراحت لها للمطبخ
ريما تمشي صوب رانيا وحاطه يدها وراء ظهرها بدلع :رانيا
رانيا وهي تقطع خضار :همممممم
ريما :اعصابك شوي وتقطعين اصابعك
رانيا عطتها نظره :خير انا عارفه ايش بتقولين اصرفلك اسكتي
ريما فضلت السكوت لان الكلام ماينفع مع رانيا ...............
فهد عند امه هو وريم
ريم تافف :فهد خلاص خلنا نروح
نور وهي تسكتها :خير اذا تبين تروحين روحي خلي اخوي نبي نشبع منه
ام فهد :نور عيب
فهد :خلاص ريم يله الحين نمشي
ام فهد :تو الناس يمه
نور :يمه ريم تعبانه
ريم :معليش خاله انا تعبانه شوي ابي ارتاح امس سهرانه
فهد وهو ينتظر اليوم اللي يتزوج ريما ويسافر وينسى الريم وطوايفها :يله معليه يمه لنا لقى انشالله
وطلعوا من البيت والريم قاعده على اعصابها وفهد يحس انها مستعجله وراها شيء ........ولما ركبوا السياره دق جوالها هنا ارتبكت وحطته على الصامت وهي ترتجف
فهد وهو يدخل المفتاح :ليش مارديتي ؟
الريم تضحك :لا هذي وحده فصله معليك منها استعجل لاني مواعده صحاباتي نلتقي
فهد :كل يوم وعندك شيء ارتاحي بالبيت يوم على الاقل
ريم بقرف :وعععع تبيني اقعد في البيت مثل الجاهله
فهد :ايه براحتك بس لايجي بعدين تندمين على شيء او ..........
ريم مستغربه :اندم على ايش ؟
فهد :لا بس اقول كذا
ريم بخوف انه حاس بشيء :ايه
رانيا وهي تعدل صحن الشوربه وتبي توصي الخدامه تدخله على ناصر .......
رانيا تنادي الخدامه :ودي هذا لبابا ناصر
الخدامه :اوكيه مدام
دخلت الخدامه على ناصر وحطتله الشوربه على الطاوله
ناصر :من اللي سواها ؟
الخدامه :مدام رانيا
ناصر استغرب مع ان مها قالت انها بتسويها بس انبسط ان رانيا ماخذت منه موقف من اللي سواه :ايه طيب خذي هذا واعطيه مدام رانيا
اخذت الخدامه منه اللي اعطاه وراحت للمطبخ واعطت رانيا
رانيا استغربت من اللي مرسله ناصر كان ضمادات جروح ولصقات وجهها راح احمر لانها عرفت انه مرسلها علشان العضه اللي باذنها وتاكدت انها لمادخلت انتبه لها ............

بعد شهر مر من دون مايصير أي تطورات غير تجهيزات زواج ريما الوهمي باقي على الزواج يوم
ريما تصارخ وترمي القمصان من الشنطه :لا ماابيهم هذه قله ادب
رانيا تضحك :لا ياشيخه انتي متزوجه عادي
خديجه تضحك على بنتها :يمه لاتبلسينهم الحين بعدين
ريما وهي تحس انها بتبكي من القهر :شوفوا الملابس هذي لاشوفها مره ثانيه اخذيها انت يارانيا وانت بعد بتتزوجين وترتاحين
رانيا بخوف :انا ........ لا ماابيهم اصلا مااحبهم
ريما وهي رافعه حواجبها :انا اللي احبهم
خديجه عصبت على بناتها :بس يابنات ماصارت
ريما وهي تلم شناطها وتحطها عند الباب وجلست جنب امها اللي من ساعه ماقعدوا وهي تعبر
ريما بدلع :بتفقديني يمه ؟
رانيا :لا طبعا
خديجه وهي تناظر بنتها بعطف :اكيد والله وكبرتوا وتزوجتوا وتتركوني
رانيا بمزح تخفف على امها :وليش يمه نتركك؟؟؟؟؟؟ اذا عن الزواج خلاص مانبيه
خديجه تضحك :هذه سنه الحياه فرح زعل فراق كلنا اهلنا حسوا كذا لما تزوجنا ياهو احساس صعب
ريما وهي تندب حظها وهي تشوف امها اللي ماستقرت بحياتها ولاعاشت مثل ماعاشوا الناس :انت قلتيها سنه الحياه
خديجه وهي توقف من مكانها متجاهله المشاعر اللي بقلبها :يله لما خلصتوا الحقوني علشان نخلص شغل قبل مايجون الجماعه بكره
ريما وهي كل ماحست ان الوقت قرب تخاف اكثر :طيب يمه
رانيا انتظري بروح معك خلينا نخلي العروس تعدل اوضاعها
ريما وهي ترمي المخده عليها :انقلعي
لما طلعوا ريما بسرعه دقت على فهد تبي تدري ايش صار بتذاكر السفر زي ماوعدها
ريما بنعومه :الو
فهد ضحك :هلا بالعروس
ريما تفشلت ودها الارض تنشق وتبلعها لانها انحدت له :سلام عليكم
فهد :وعليكم السلام
ريما :كيف الحال ؟
فهد :الحمد لله انت كيفك وكيف التجهيزات ؟
ريما :ماشي حالها .
ظلوا ساكتين وفهد قطع الصمت بسؤال مايخطر على البال مايدري انه غايه لريما
فهد :مشتاقه لابوك ؟
ريما سكتت شوي وردت بحزن :حيل ماتصور شلون متمنيه اشوفه
فهد :ريما انا قلتله عن وفاه خوانك
ريما شهقت :ليش فهد ؟
فهد :حرام كل هالمده ومايدري وبعدين لازم يعرف
ريما :وشنو استفدت ؟
فهد : ماهي قصه استفاده ليش تبينه على جيتك يدري ؟
ريما واقتنعت بكلامه :متى نسافر ؟
فهد وهو يبتسم :بعد يومين
ريما وارتاحت :خلاص انا بجهز اوراقي الجامعيه ونرسلها
فهد :ترى يمكن تتطول بالسفاره
ريما تشهق :شلون ؟
فهد :خلاص بندبرها خلينا نخلص من سالفه الزواج
ريما وهي تحس بسالفه الزواج مثل الهم على فهد :انااسفه يافهد اذا ثقلت عليك مقابل كم ورقه
فهد متحسف انه قال كذا :لا ياريما انت اخت الغالي
ريما :تسلم
فهد :نلتقي بكره انشالله
ريما :مع السلامه
فهد :مع السلامه
قفلت ريما وهي تدعي ان امورها تسهل اتصلت على فاطمه تذكرها تجيها بدري
فاطمه :هلا والله بالعروس
ريما ضحكت لانها نفس كلمه فهد :هلا فيك
فاطمه :كيف النفسيات ؟
ريما :والله تمام بس خايفه
فاطمه تضحك عليها :ياعيني اللي خايف
ريما :بلا استهبال والله من جد
فاطمه :وليش خايفه او من ايش ؟


ريما :والله ماني عارفه اخاف على فهد ولا ابوي لما يعرف اني تزوجته واخاف من كل شيء اه يافاطمه
فاطمه وهي تحس بعذابها :ماعليه ريما كله على الله
ريما :وانت قلتيها ...........( وبضحكه )تعالي وين الهديه ؟
فاطمه انفجرت تضحك :هليقيه معليك شرهه الهديه بكره وانت بحضن فهد
ريما :فاطمه وجع انا وضحتلك ان زواجنا ......
فاطمه تقاطعها :عرفنا اسفه والهديه بكره انشالله
ريما تضحك :بنشوف ابي هديه ......
فاطمه تصارخ :خير انت شعندك تتشرطين اذا تزوجتي مثل العالم والناس ابشري بالهديه ترى حدك سلسال اكسسوار من ابو ريالين
ريما شهقت :اه يالخايسه اقول انقلعي خليني اروح لامي مافيك خير وتعالي بكره بدري ولا تقولين لاحد
فاطمه :ماتبيني اقول لامي انك تزوجتي
ريما :قولي لها بس لاتقولين اسمه
فاطمه وهي تعبت من تعليمات ريما :طيب مع السلامه
ريما: مع السلامه
ريما راحت تدور في البيت وهي تحفظ كل زاويه فيه ماتبي تنسى شيء من اللي سواه خالها لها ..... دخلت على امها ورانيا وهم يصلون العشاء
ريما قعدت قدامهم :رانيا بسرعه ابي اصلي
رانيا لما سلمت :شتبين ؟
ريما تاشر على لبس الصلاه :هذا
رانيا بعناد :لا طبعا جيبيلك شيله
ريما بطفش :مافيني حيل والله تعبانه
خديجه :عيب ريما ولايطري في بالك تقولين قدام فهد مافيني حيل
ريما تضحك من كثر امها توصيها لانها تعرف ان امها خايفه عليها وتعتبرها ماهي قد المسؤليه :اهلكتيني يمه كل ماقلت كلمه قلتي لاتقولين مادري ايش خلاص بقول اللي يريحني
رانيا :ريما امي تقول كذا من مصلحتك ........
ريما قامت من عندهم وهي تمتم وتلعن نفسها انها ردت على امها ........
خديجه تناظر ريما حتى اختفت عن عينها ضحكت :يالله مااتصور ريما تتزوج بهالسرعه
رانيا :نصيبها
خديجه :وانت بعد زواجك بعد شهر
رانيا بطفش :انا خلصت اغراضي اخذتها مع ريما باقي اشياء بسيطه
خديجه ترفع ايدها فوق :الله يوفقكم يابناتي وتفرح عيوني فيكم واشوف عيالكم
مر اليوم بسرعه ريما وهي داخله غرفتها والنوم مادخل عينها من الخوف والقلق من اللي يدرو في بالها ولما صارت الساعه 3 فجر نامت وهي تنتظر بكره ومخليته للقدر اللي كاتبه خالقه
فهد وهو بالمكتب يرتب اغراضه ويحطها بشنطه ودخلت ريم بعبايتها عليها توها جايه قربت منه وباسته على خده
فهد وهو يبعد منها :ليش جايه الحين الساعه كم يامدام ؟؟
الريم تافف :حبيبي الله يخليك انا مبسوطه لاتعكر مزاجي
فهد :لا مبسوطه المفروض تقعدين معي بكره انا مسافر شلون تتركييني .............. وين كنتي .؟
الريم ارتبكت :مع صديقاتي
فهد شك من كلامه بس طنش لانه مايطيق يقرب منها ولايكلمها :ايه ياريت تخففين شوي من الزيارات
الريم تسحبه من ايده وتلفها على خصرها وتكلمه بهمس :ليش تغير علي ؟
فهد وهو يبعد عنها وهي عكسه لاصقه فيه :ايه طبعا
لما قربت تبي تبوسه فهد بعد هارب منها ماحب يقرب منها من بعد الحادث اللي صار له حس انها خاينه ولاتحبه ويسال نفسه كل يوم شتبي منه
الريم عصبت من رفض فهد لها :فهد
فهد سوى نفسه يدوخ :اه ريما راسي مااقدر
الريم تمثل الخوف عليه :تعال ارتاح بالغرفه هذا كله من قلة الاكل والشغل على طول ريح الدنيا ماتستاهل التعب هذا كله
فهد وهو يفكر بكلامها (هذا رايك الدنيا عندك هينه مايبيلها تعب هذا انت وابوك كل شيء عندكم مثل الماء :ايه انت قلتيها بروح ارتاح وراي سفر بكره
الريم تفتح له طريق علشان يمر بس فهد طلعها من المكتب علشان يضمن ماتدرو وراه وتقدمه هديه لزهره اللي منى عينها تلوي ذراعه هو وناصر

الجزء السادس عشر

زهره مع مازن تتكلم وهي مابوعيها والكاس بيدها والسيجاره بيدها الثانيه :والله يابنات عمك هذولا يبيلهم تكسير راس
مازن حاله مو افضل منها :اه يارانيا متى اتزوجها علشان اشفي غليلي منها وانهي الغراميات اللي عايشتها مع الحقير
زهره تضحك بهستيريا :راح يصير لاتخاف
مازن وهو يسحب نفس من السيجاره :ايه اكيد اصلا كل اللي ابيه بيصير بس طبعا بمساعده من ابوي ماراح تقدر ترفض
زهره :هذي لسانه ثلاث اشبار بس ابوي بقصه لها
مازن بابتسامه :الاقولي لي شنو نسوي بالبيت
زهره وهي تحرك يدها بعشوائيه :اتركه خل التراب والعناكب تعيش فيه لما نمرمطهم بالشارع مااكون زهره
وخالهم هاللي ضافهم ومسوي فيها ملاك والله لاوريك فيه
مازن ومومستغرب من قوه وجراءه اخته :اه يازهره متى
الكل يتجهز والخدم يدورون بكل مكان وخديجه تعطي اوامرها عليهم
خديجه بعصبيه :بشويش لا كشمي لاتكسرين الكاسات
لاكشمي :لا اله الا الله اسفيه ماما انت من صباح كله لاكشمي مافي كسر لاكشمي هطي هزا هنا كلاص انتا روهي انا كلص شغل
خديجه تصارخ عليها :اسمعي الكلام ولاتكلميني كذا انا ماافهم عليك حسبي الله عليك
لاكشمي راحت لانها تدري ان خديجه متوتره علشان زواج بنتها .. راحت خديجه للصاله وشافت مها ترتب سجادات وتمش الطاولات
خديجه :اه منك مها ارتاحي يمه انت حامل مايصير الخدم يخلصون
مها وهي تمسك ظهرها :ايه خالتي خلصت الا البنات صحوا
خديجه :والله على عادتهم الساعه 12ظهر
مها :اتصلت الكوافيره الحين تقول انه ربع ساعه وتجي
خديجه :بس ريما ماحجزت
مها :ادري انا ورانيا حجزنا لها امس مايصير لازواج ولا فستان ولا كوافيره ماصار عرس
خديجه وهي تطلع نفس :والله مادري هالبنت من وين جايبه هذا العناد
راحت خديجه تصحي بناتها ... ريما صاحيه من زمان بس تتقلب في الفراش ومتردده انها تصحى اولا ومو مصدقه انها اخيرا بتاخذ فهد
بس ماتدري هو بتقبلها كزوجه سمعت صوت الباب يدق نطت من مكانها وفتحت الباب
خديجه وهي تبوسها وتضمها لانه اخر يوم تكون بنتها معها :صباح الخير ياعروسه
ريما وهي تدفن راسها بصدر امها تحسس الحنان اللي راح تبعد عنه :صباح النور
خديجه وهي تبعدها عنها لما حست بدموع ريما :شنو العرايس يحسون فيه اول يوم
ريما تمثل الارتجاف :مادري بس يمكن يخافون
ريما تضحك في وجهه امها وقطع عليهم اذان الظهر ... ريما صلت ودخلت عليها رانيا والكوافيره معها
رفضت ريما بالبدايه بس انها وافقت خافت انهم يشكون بشيء بسبب رفضها لاي شيء هم يشوفونه من حقها
فهد طالع من القصر وهو معصب من الريم اللي نست انه بيسافر وطلعت من البيت حتى من دون ماتستاذن منه واتصل عليها وهو يفتح الباب
فهد معصب :ريم وينك انت نسيتي اني بسافر اليوم؟؟
الريم وي تبرر وتسوي نفسها ما تسمعه:فهد ماسمعك الشبكه تعبانه عندي بتصل فيك بعدين
فهد قفل من غير مايسمع شيء زياده لانه عرف انها مو فاضيه له ...
تذكر فهد ان اليوم زواجه من ريما وفكر ان الريم تدري شنو يصير فيها والله يفكر يقهرها ...
مر على امه واخته وخذهم ووصلهم لبيت خال ريما وهوراح بحجه انه يبي يجهز نفسه وبيرجع
عند العروس
ريما وهي تناظر نفسها بالمرايه شهقت :بسم الله الرحمن انا حلوه كذا
فاطمه تصفق وتصفر هي ونوال على السرير :عز الله الي فهد راح فيها
ريما كانت طالعه حلوه بالفستان الابيض الناصع ومكياجها الحلو ومبرز جمالها عيونها
كان الظل فاتح وردي مخملي مدرج على فضي وايلاينر فوق العين بسيط وروج فوشي فاتح مبرز شفايفها المليانه
وخلت شعرها على طوله مع وصلات طويله وبف ورافعته كريستاله والطرحه نازله منه وتاج صغير مره وطالعه شكلها انجل وحلوه ...
دخلت امها والبخور معها وام فهد وراها ونور
خديجه انبهرت بشكل ريما :بسم الله عليك (وتمرر البخور عليها وهي تسمى )
ام فهد خقت على ريما مالها وحياها وادركت انها هي اللي تناسب فهد وراحت لها وباست راسها :بسم الله عليك الله يحفظك من عيون الحاسدين
نور وهي مفتخره ان زوجه اخوها بها الجمال كله :وينك يافهد تجي تشوف
خديجه وهي تسولف مع فاطمه ونوال ماتسمع الكلام اللي يدرو بينهم قربت ام فهد من ريما وهمست لها
ام فهد بامانه :ريما حلفتك بالله انت متزوجه فهد برضاك .
ريما وقلبها يدق من الخوف :ايه وعارفه كل شيء بس انتبهي خالتي لاتقولين لامي شيء
ام فهد طبعا استغربت من رفض ريما ان امها تدري ان فهد متزوج :الله يوفقكم وتعوضينه على الشقا اللي فيه
ريما ماكانت تدري عن فهد وهي متوقعه انه مرتاح مع الريم ماتدري انها متعذب معها :ان شالله
طلعت ام فهد ونور وخديجه من الغرفه البنات ظلوا يصورون مع ريما ويستهبلون عليها ...
دخلت رانيا ومها مع بعض كان بينهم فرق شاسع مها كان باين عليها انها زايده بالوزن وطالع لها كرش مع انه باقي بدري عليها
اما رانيا كانت مثل الملاك شعرها الكستاني مخليته على راحته وحاطه مكياج مخبي اصفرار وجهها اللي زاد اخر فتره
والفستان اللي مخبي ضعف جسمها كان مجسم عليها لعند الركب والباقي منفوش بطريقه راقيه وكان لون الفستان احمر مثل الدم والكريستالات العراض من عند الصدر وعاري من فوق ...
رانيا وكأنها تنادي احد وراها :تعالي هنا العروس
مها وهي تبارك لريما :مبروك ريما
ريما :الله يبارك فيك
رانيا:يله ريما هذه المصوره وصلت
ريما وهي تناظر فاطمه عرفت انها هي اللي حاجزتها :نعم ... قلت تصوير عادي
فاطمه عن التعقيد (وتغمز لها ) نبي صور مع العريس تكون حلوه انت مو من جدك نصورك بهذي الكاميرا
ريما وهي تلعن فاطمه وعارفه كل شيء :طيب يافطيم تعاندوني يعني
نوال :يالله ياريما ايش التعقيد هذا وانت تذكرين لما تقولين لاخليه يسوي عرس اسطوري ومادري ايش
ريما (هذا اذا كان الزواج من قلب ):خلاص لاتسون سالفه ...
بدت المصوره تصور العروس مع الكل وريما فيها خوف سببه تجهله ..
صار المغرب ودخل ناصر المطبخ ينادي الخدم وشاف مها واقفه ومع خديجه ويجهزون ناظر مها اللي باين عليها التعب وصار وزنها زايد وخاف انه ياثر على الحمل
ناصر :عمتي وين الخدم خليهم يطلعون برى علشان يرتبون الطاولات
خديجه :امرك (وصارت تنادي الخدم وتوصيهم من وين ماناصر قالها )
طلع ناصر ومها متامله انه يقولها شيء عن شكلها تحطمت وصارت تندب حظها ...
طلع ناصر علشان يغير ملابسه ويوقف مع ابوه يستقبل المعازيم ..
رانيا كانت طالعه من غرفه ريما وهي تضحك على استهبال فاطمه ونوال على ريما ...
ناصر وهو على اخر خطوه من الدرج ولما شاف رانيا وقف قلبه وقعد يناظرها بلون الاحمر اللي كان يتمنى يشوفه عليها
رانيا لما رفعت راسها وهي تحط شعرها على جنب وتلفت على المرايه اللي بصاله من دون ماتنتبه للشخص اللي ناظرها قعدت تعدل
من شعرها ومكياجها ... ناصر ماقدر يفوت المنظر اللي قدامه كان شكلها يوقف القلب خاصه لما لمت شعرها على جنب و بان ظهرها
وصار جسمها واضح خاصه مع الفستان اللي يوصف جسمها وبياضها ...
رانيا بينما هي تعدل شكلها ناظرت بالمرايه ناصر وهو عاقد ايدينه على صدره ومتكي بظهره على سياج الدرج التفت عليه وقعدت تعطيه نظرات ...
ناصر لما التفت رانيا هنا قال لازم يلعب فيها
ناصر :هي انت استري نفسك لايكون من جدك بطلعين هالضلوع قدام الناس يالعصله
رانيا حست بدوخه لما سمعت كلامه وبعدت عن عيونه علشان مايشوفها :....
ناصر بصوت عالي :لانه مقزز

رانيا وهي تدخل صاله بعيده عنه وتهالكت على الكنبه وهي تحس بقرف من نفسها ودها تبكي بس مسكت نفسها علشان المكياج
رانيا :حقير شلون تجيه الجراه يناظرني ولا بعد يبدي رايه
وليه يالغبيه ماوقفتيه عند حده ورجعت للمرايه وهي تناظر نفسها وتتاكد من اللي قال لها
رانيا في نفسها :والله انك تهبلين معليه والله اني غبيه اذا طاوعته هين يانويصر لما هبلت فيك واطلع براسك قرون
نزلت رانيا بعد مالبست جكيت يسترها وهي ناويه تسوي اللي بالها ...
ناصر لما دخل الغرفه وهو فرحان انه هز رانيا وسمعت كلامه ولا عنادته مثل العاده
بدى يخلع ملابسه اللي حس انها امتلت عرق من اللي شافه ويظل يتمناه طول عمره اللي هو ان الله يقربه من رانيا ويوفق قلوبهم
فهد وهو لابس البشت ونازل من السياره شاف خال ريما وناصر وخديجه وامه يستقبلونه رحبوا فيه وباركوا له
فهد وهو يحس بفرحه غيرطبيعيه غير اللي حسه لما تزوج الريم مع ان زواجه من الريم كان افخم :الله يبارك فيكم
عامر: تعال شوف عروستك
فهد وقلبه يدق بسرعه مايدري ليه ونسبه لرهبه الناس والمكان ومشى مع عامر لحد ماوصل صاله راقيه ومقفله والهدوء يعم المكان عكس اللي برى
فتح عامر الباب ودخل فهد بعد مادق الباب ... ريما قاعده على الكرسي وتاخذ تعليمات من فاطمه ونوال
نوال :شوفي خليك دلوعه على طول وخلي منك حركات البزارين
ريما عصبت عليها :مااحد بيخرب مكياجي الاهذي
فاطمه وهي تصورها بكاميرتها الخاصه :ريما هدي ماله داعي تعصبين الحين فهد يجي
قطع عليهم دق الباب وكان عامر يعلمها ان فهد وصل وبيدخل ...
ريما صارت تتنفس بصعوبه وترتجف ايش بيكون شعور فهد لما يشوفها ؟؟
ريما وقفت بسرعه وصارت ترجى البنات يقعدون معها بس رفضوا
وطلعوا وهم متغطين من فهد اللي دخل وظل واقف عند الباب لحد ماطلعوا من غير ماينتبه لريما ... ولما طلعوا فهد تكلم براحته
فهد ماركز بريما بس يلمح بياض فستانها لانها معطيته ظهرها :والله ياريما
قطع كلامه لما التفت ريما وشاف جمالها استبعد يكون شكلها يوقف القلب تعود على جمالها
بس بالفستان الابيض وكأنها بالتاج البنات الصغار اللي يمشون قادم العرايس
فهد مرتبك :الجو حلو برى
ريما وهي معجبه بفهد لما شافته بالبشت وباين انه محلق ومنعم والسكسوكه البارزه وكان شكله جنان واللي فرحها اكثر بان عليه انها اعجبته :ايه
فهد قرب منها من دون ماينتبه للشخص اللي واقف وراهم :يله
ريما رفعت يدها عند شفايفها تسكته وتاشر على اللي وراه :فهد
فهد توه انتبه لحركه ريما والتفت :من هاذي ؟
ريما باسف وصوت واطي :مصوره جابتها فاطمه صديقتي ماقدرت ارفضها خفت يشكون كل ما اقتراحوا علي شيء ارفضه
فهد وهو رافع حواجبه :والمطلوب ؟
ريما وهي مفتشله من فهد :فهمك كفايه ناخذ صور عاديه ونسكتها بكم ريال ؟
فهد هو مقدر موقف ريما :طيب امرنا لله
فهد التفت يناظر المصوره وهي تعدل الاضاءه ونادها :يله اخلصي صوري صورتين تكفي
ريما وتحس نفسهاا ثقلت عليه لما طلبته وتدعي على فاطمه الي حطتها بالموقف السخيف
وقربت المصوره كانت مغربيه وهي حاطه الكاميرا الكبيره على رقبتها واشرت يقعدون على كرسي مجهزته التفتوا وشافوا انه واحد
فهد لريما :تستهبل ذي
ريما بلعت ريقها :صورينا وحن واقفين
المصوره ومعصبه :ليش انا باخذ صور جوازات
فهد عصب عليها :لا والله احسن عطيني كف
ريما وهي تهدي فهد :فهد خلاص مايحتاج ترفع صوتك خل اليوم يعدي على خير
فهد التفت لها وهو يناظر عيونها وشفايفه اللي باين عليهم البراءه :ياريما ماتشوفينها
ريما :معليه البنات موصينها لوماتسوي صور حلوه بيبلغون عليها صاحبه المشغل
فهد وهو مستانس ان ريما تقنعه بس حب انه يتغلى :يله تعالي
المصوره قربت منهم
المصوره :انت اقعد هناك وهي تقعد بحضنك
ريما باحراج من فهد وهي تدعي على رانيا وفاطمه :لا ماحب الحركه قديمه(تحجج)
فهد وهو يناظر وجهه ريما اللي صار احمر من الخوف والخجل وهذا اللي فهد يدور عليه خلت ريما فهد يفكر فيها ويراجع حسابته
ليش ماتكون زوجته وتعيش معه على طول واذا خايف على الشغل هو شغلته قويه يسويله مكتب ويخلص
مايحتاج لريم ولابوها وشاف ان ريما ماتنعاب حسب ونسب ودين وجمال شباقي كامله والكمال الله قرب فهد منهم وهو يناظر ريما الي تقنعها تسحب الفكره
ريما وهي مندمجه مع المصوره تشرح لها ماحست الا باليد اللي سحبتها من خصرها التفت بخوف واضح
فهد وهو يبتسم وهو يلصقها بصدره ويناظر صدرها اللي يرتفع وينزل من قوه الصدمه :خلينا نصور ونخلص
ريما وهي تاشر بيده وتبعدها عن فهد لانها ماتقدر تتكلم بس فهد ظل متمسك فيها :...
المصوره اعجبتها حركه فهد وصورتها ورجعت بفكره الكرسي كلهم قعد يناظر الثاني
المصوره وهي رافعه حواجبها باين عليها انها كبيره بسن :لاتحسسوني انكم عاجزين المشوار طويل قدامكم باقي اولاد
قاطعها فهد حس انه ضعيف لانها جرحت رجولته :طيب يله
ريما خقت على كلامها وصارت ترتجف زياده لما سمعت رد فهد اللي مثله مستحيل يرفض :بس فستاني
كانت بتعذر بفستانها مسكها فهد وجلس على الكرسي ومسكها مع خصرها وجلسها بحضنه على فخذه اليمين وظلت ايده مطوقه خصرها
ريما حست انها بتموت وهي تسال نفسها كيف المتزوجات يخضعون لهذه المصوره فهد لاحظ ايدا اللي ترتجف حب يهديها ومسكها وصار يفركها
لما خلصوا بعد ماكنت تضغط عليهم بسون حركات كانت ريما تنحرج لما تسويها عكس فهد اللي منبسط من احراجها
لانه يحس انه يكسر خشمها على كثر ماعذبته وكذبت عليه ...
طلعوا وهم ماسكين يد بعض وريما خاقه على ابتسامه فهد اللي تحس انها من قلب وانه مبسوط
ويسمعون الزغاريد والصلاه على النبي والاغاني (صلى الله عليه وسلم ) ...
وضحكت لما شافت الحضور اللي ينعدون على الاصابع قعدت على الكوشه مع فهد اللي يناظرها من وقت ماقعدوا وده يكلمها بس مكان يقدر ...
قعدوا يناظرون نور وهي ترقص وتتمايل بخصرها ... قطع عليهم ام فهد طالعه بطقم الماس ناعم واعطته فهد يلبسه ريما وقف فهد وقفت ريما معه
ولما لوى بايده علشان يلبسها نشبت شعرات منها بالطوق فهد توهق كان يلبسها من بعيد علشان ماتضايق منه قرب منها
وحمد ربه ان امه موجوده وساعدته عدله على رقبتها ومسح عليه وباسها بنعومه على جبينها وهو يحس بنعومه بشرتها ويحس بانفاسها على رقبته
ريما وهي بيغمى عليها من بينهم ( ياويلي هذا اكيد بضيعني بلحظه لمسه منه اروح فيها يارب ثبتني وقدر امسك اعصابي المصيبه لما بقرب مادري شيصير فيني )
خلص العرس وريما تحس بجوع ونوم وصلوهم للفندق كان ثلاثه من اصدقائه معهم بس اللي يسوق فيهم كان ناصر
دخلت ريما بتعب وفهد وراها يشيل فستانها الطويل رماه وراها
فهد بعصبيه :هي انت وفستانك هذا فضحتينا كان غيرتي هناك قبل مانجي
ريما لفت عليه :توه مخلص تصوير المسلسل لاتغثني
فهد وهو فاير دمه من عنادها :انا غثيث
ريما تعطيه ظهرها :ايه
فهد قرب منها وسحبها من ايدها :لاتقولين مره ثانيه كذا احترمي اللي بينا يربطنا
ريما تاكدت انه مايعتبرها غير كذا بعدت عنه بتعب :فهد خلاص ماراح اعيدها
فهد حس بتعبها وتركها وهو يدري ان كلامها بتغير من لحظه الي لحظه
دخلت ريما للغرفه وغيرت لبسها لبست دراعه بيج بتطريزات حمراء توصف جسمها وخلت مكياجها وشعرها نفسه
بس شالت التاج ومسحت روجها الثقيل وطلعت لقت فهد طالب لهم اكل من غير مايناديها وهو باقي بملابسه قعدت قدامه كلت لقمتين وقامت
فهد مستغرب ويحسبها مستحيه منه :ليش مااكلتي
ريما :الحمدلله شبعت
راحت تغسل وعيون فهد عليها كان الدراعه واصفه جسمها ومفاتنها وهي جايه فهد نزل عيونه وهو ينظف فمه بالمنديل
وقفه مسج من رقم غريب فتحه وهو يضحك وكان الموضوع لكسر الحواجز الزوجيه
(اولا خل زوجتك تجلس جنبك وبالامانه نفذ الكلام المكتوب حرفيا )
فهد نادى ريما وخلاها تجلس جنبه ماتبعد عنه غير شبر ريما وهي تكمل الرساله معه
( وكما قلنا بل امانه تنفذ حرفيا اولا فيه خيارات للزوج اختار رقم من واحد الي خمسه )
فهد ضحك :هذي لعبه او ايش ؟
ريما ترفع كتوفها :مادري شكلها كذا
فهد بمكر :انا بلعبها بس فيها امانه
ريما ماقرت الموضوع كان رفضت :ايه وانا بعد
فهد مد لها بالجوال :يله علشان ماتقولين اغش بختار رقم 3
ريما اخذت جواله الفاخر وهي تشم ريحه عطر فهد اللي مدوختها من وقت مابدوا تصوير
وصارت تنزل للرقم اللي اختاره قراته ريما وضحكت بنعومه :ايه تستاهل
فهد قرب مها لدرجه انه يشم ريحه شعرها الاسود من غير ماتنتبه ريما بس ريما حست بانفاسه على رقبتها لما يتكلم
ومدت الجوال بعيد عنها علشان مايقرب اكثر وتسلم نفسها بسهوله له فهد حس فيها وبعد منها وشاف المكتوب
فهد تغير ت ملامح وجهه :والله ياسلام كل هذا كان المكتوب (تسوق بقيمه 3000 دولار ) خلاص بنفذه تذكري امانه
ريما وهي شاكه :ايه ان شالله
فهد وهو متحير من هذه الرساله وفكر انها مقلب من واحد من اصدقائه :يله اختاري الحين
ريما بدلع وهي تحط اصبعها عن شفايفها :4
فهد ناظر وخق في الجوال وضحك بمكر ريما ناظرته وحست انه شيء قوي مثل انها تنظف تغسل ثيابه ترجع له المهر
خافت ريما قعدت تناظره وهو ينزل شماغه ويلعب بشعره ويفك ازره ثوبه لاولى فمه بمكر ...
ريما خقت على جماله ماتصدق انه زوجها انتبه فهد لعيونها وبلاعنه فهد مد لها بالجوال تقرأ ..
ريما وقف قلبها واكتشفت ان اليوم يومها وكل شيء ضدها ونطت من مكانها
ريما برفض :مستحيل ايش الخرابيط هذي
فهد وهو يرجع يقرا المكتوب يتاكد (قبله ساخنه ):ريما خلاص ماراح اضغط عليك
ريما وهي خايفه وترتجف :من قالك اني كان سمحلتك بعدين شكلها مدبره هذي
فهد وقف وعصب عليها :ريما لاتقولين كذا بعدين لاتحسبين ذابح نفسي عليك ترى والله منغث بوجودك
ودي اخلص منك مااصدق نوصل بريطانيا ونكتب ورقه الطلاق ونخلص
ريما انصدمت من كلامه :طيب وهذا اللي بيصيرهالرساله انساها
فهد قرب منها ومدلها بالجوال وخلها تشوف الرقم كان مو مسجل لما شافته تغير لون وجهها كان رقم فاطمه صديقتها
عرفت ان الهديه اللي توعدها فيها وهي اللي تعرف الرقم اللي تحبه ريما وتذكرت ان جوال ريما طول الوقت معها خذت رقم فهد وسوتها فيها
ريما عصبت وسوت نفسها ماتدري :انا تعبانه عن اذنك
فهد سكت ماقال شي قفل جواله وقعد على الجلسه وريما دخلت الغرفه وقفلت عليها بالمفتاح من خوفها
وهي تدور جوالها علشان تلعن خير فاطمه اللي هي السبب في النحس اللي يصير بالزواج اليوم وشافته مطفى من غير شحن رمته بقهر
ريما وهي حاطه يدها على خصرها بعصبيه :حقيره هذا وانا قايله لها انا زواجنا على ورق اخ منك والله انك احرجتيني

وراحت للشنطتها علشان تمسح المكياج وتنام شافت علبه صغيره حمراء علبه خاتم فتحتها ولما شافتها كان خاتم امها الذهب
كان بسيط وبان عليه انه قديم عرفت انه هديه من امها لانها ماقدرت تجمع حق هديه بكت وهي تحط الخاتم بيدها وتبوسه
وناظرت لقت ورقه معه فتحتها كانت مستطيله وكانت شيك وشهقت لما شافت المبلغ كان 60الف ريال كان من خالها
ريما انبسطت بالمبلغ لانها ماراح ترفضه لانه بيساعده توفي حق اللي صرفته من المهر وترجعه لفهد
بعد ماكنت ناويه تقترض من احد تعرفه وتعطيه فهد علشان لا يذلها والباقي بتعطيه امها ...
ريما لبست بيجامه وتاكدت ان الباب مقفول ومدت نفسها على السرير المزدوج وهي حيارانه شبيكون فهد يسوي؟؟
مدت نفسها على السرير وهي تلعن فاطمه هي السبب ونامت وهي تفكر بفهد وموقفه لما تركته برى
فهد لما سمع الباب انقفل بالمفتاح ابتسم وتوعدها :والله لاخذها ياريما مااكون فهد تحسبيني متقطع عليك بس باخذ اللي ابي
ومد نفسه على الكنبه ونام بسرعه لانه تعبان وهو يسال نفسه الريم لاحد الحين مادقت عليه ولا فكرت


ناصر وهو يتذكر شكلها بالعرس امس اكانت قمه الروعه بس قهرته لما رفضت تسمع كلامه وعاندت
وبعد لما رفضت مساعده مها لما كانت بتصورهم مع بعض حس انها متكبره ويرجع يكسر خشمها لان الكلام اللي قاله لها باين انه مااثر فيها
التفت ناصر على السرير وناظر مالقى مها مكانها تمطط على فراشه وراح للحمام فتح الباب لقى مها تنفس بصعوبه قاعده بالارض
ناصر بخوف وهو يرفع شعره عن وجهه حملها بصعوبه :مها شفيك ؟
مها بتعب :مادري
ناصر خاف انها اجهضت من كثر الشغل امس :مها ردي علي بايش حاسه
مها اغمى عليها ماقدرت تكمل كلامها :....
حمللها وطار فيها للمستشفى وهو خايف عليها ودخلها على الطوارىء ولما انتظر بعد ساعه طلعت الدكتوره ولحقها للمكتب
ناصر بخوف :دكتوره فيه شيء خطير ؟؟
الدكتوره باسف :انت تعرف ان زوجتك مريضه بالقلب
ناصر استغرب لان مها ماذكرت له شيء مثل كذا :ايه ادري
الدكتوره :وهي حامل فياستاذ ناصر اقولك من الحين ان الولاده ممكن تاثر على حياتها خاصه بعد مازاد وزنها
ناصر ماصدق اللي يسمعه :ماينفع تنزل الجنين
الدكتوره :لا ماينفع صارلها اربع شهور بالعكس بيضرها اكثر
ناصر حس ان الدنيا تدور فيه :طيب راح ياثر على الجنين ؟
الدكتوره :ماضمن لك أي شيء الواحد يوقف عاجز امام هذا الحاله اقولك نسبه نجاته 57./
ناصر وهو يحتسب الله :لا حول ولاقوه الا بالله العلي العظيم
ناصر قام من عند الدكتوره وهو مسلم امره لرب العالمين يالام يالولد ياثنينهم .....
اخذ مها من الغرفه ورجع لبيت بعد ماعطوها اكسجين ومقويات سائله علشان متاثر على الجنين
ناصر بالسياره :ليش ماقلتي لي انك مريضه بالقلب
مها بخوف :ماكنت ابي اقولك لانك لوتعرف مستحيل تخليني احمل
ناصر بعصبيه :تدرين ان لها اثرعلى حياتك شلون تفكرين كذا ؟
مها بحزن ودموعها من تحت الغطا على خدودها :امر رب العالمين مانقدر نعترض عليه حرام احرمك من الضنا
ناصر سكت حس انه ثقل على مها وهو يلومها وو في الاخير حكم وقضاء وقدر من االله ...


ريما وهي تفتح عيونها بصعوبه على صوت الباب يدق وتسمع فهد يصارخ
فهد :ريما اصحي بسرعه رحلتنا بتروح
ريما قامت بكسل لفت العبايه عليها وفتحت له وهي تعدل شكلها :نعم
فهد وهو يشوف عيونها الي طفسوا من النوم :الله ينعم علي صح النوم اخلصي اجهزي طيارتنا بعد ساعتين يمدي نروح لاهلي
ريما وهي تناظر فهد وتشوف لبسه :ترى واهلي بروح لهم والله مستعجل كاشخ وبتروح
فهد يضحك :كاشخ حتى وجهي ماخلتيني اغسله بالله عليك فيه حرمه تنام وزوجها نايم برى ومنكسر ظهره من الكنبه انا باقي يامدام بملابسي امس
ريم رفعت حواجبها :طيب ادخل وغسل وسو الي تبي
فهد وهو يمسح على شعره ويناظر الغرفه والسرير اللي كانت نايمه عليه وكانه حاسدها على النومه المريحه
ريما كانت تناظره وهو يدخل الحمام (وانتوا بكرامه ) وتناظر جسمه ومشيته المتناسقه وهو يسرق النظر للغرفه
ريما :لاتطول لاني بدخل بعدك
فهد لف عليها :خلاص ادخلي انت وانا بعدك لاني بتحمم
ريما بموافقه :خلاص
راحت ريما تأخذ لها ملابس وهي تسحب عبايتها وراها وفهد يراقبها بعيونه اخذت اغراضها وهي ماره جنبه داس على العبايه وكانت بتطيح
فهد بضحكه :استغفر الله ماله داعي العبايه
ريما وهي تلم العبايه من تحت :عن اللقافه
دخلت وفهد يضحك على حركاتها مثل البزراين ...


ناصر وهو يعسر راسه يبي ينسى الل صاير مع مها خرج من الغرفه وهو تارك مها فيها ترتاح نزل والدنيا تدور فيه ويحس انها ضده
راح للصاله لقى رانيا قاعده لحالها على التلفزيون لما شافته فز قلبها وهي تشوف التعب اللي تجهل سببه بعيونه
وقفت ومرت من جنبه علشان تتطلع .. ناصر لما شافها حس هي الوحيده اللي بتشيل همه معه وقفها بايده علشان ماتطلع
ناصر يناظرها بترجي :ممكن اتكلم معك شوي
رانيا وهي خافت لما شافت متدهور :ايه
ترك يدها وقعدت مقابله وهي تنتظره يفتح الموضوع اللي شاغله وارتاحت اكثر انه اختارها من بد الموجودين يقول لها اللي مضايقه
ناصر بهدوء :رانيا اللي اعرفه انك صديقه مها من زمان
رانيا وهي تامل شكله اللي صار لها ماتأمل فيه من قريب :ايه
ناصر :ماذكرتلك مره شيء صحي عندها
رانيا بخوف على مها :مثل ايش ؟
ناصر :اليوم تعبت ولما وديتها للمستشفى الدكتوره بلغتني ان عندها القلب
رانيا حطت يدها على فمها :متاكد
ناصر وهو يناظر رده فعل رانيا الغير متوقعه على كثر ماسوت مها برانيا لما تشك فيها :من جدك مستحيل مااذكر انها قالتلي مره عن المرض
ناصر :تعبت اكثر بعد الحمل ولما زاد وزنها وكبر بطنها وقالت الدكتوره ماراح تحمل ولاده ويمكن ياثر على حياتها هي والجنين
رانيا شهقت :لا مستحيل كيف صار
ناصر وهو متشوق يسمع كلمه عتاب منها ولو تضربه راح يسلم نفسه لها :اه يارانيا تعبان مادري ايش اسوي؟
رانيا بجديه :خلهم يسون لها عمليه
ناصر :مانقدر نسوي لها قصطره لانها حامل وخايفين يصير لها نزيف او يتضرر الجنين
رانيا باسف :الصبر ياناصر خلك قوي ولا تنكر رحمه رب العالمين
ناصر :رانيا لو تمو
رانيا قاطعته :لا ياناصر لا تقول كذا انت اقوى من كذا الكل معك لاتخاف
ناصر وهو يحس بضيقه :اه يارنيا نفسي اسمع منك كلام غير كذا
رانيا حست انهم بيدخلون بموضوع غير وقفت مستاذنه وبعدت عنه في وقت هو محتاجها فيه ....


مصدر حيـاتي -[ عزتي ]- واعذرينـي ..


مقدر اواصل بالهوى
-[ حـــاني الراس ]- ..



صحيح حبك نقـــطة -[ الضعف ]- فــــيني ..


ماانكرت


لـكن


-[ عـــزتي ]- مالــها -[ قـــياس ]-..

ريما هي وفهد طالعين من عند امه وهم يودعونها ....
فهد :يمه مع السلامه ديري بالك على نور
ام فهد :مع السلامه الله يحفظكم ودير بالك على ريما واذا صار شيء بشرونا
ريما بسحى :مع السلامه خالتي
ام فهد متوجهه للسياره اللي فيها فهد وريما
ام فهد :يمه ديري بالك على نفسك هناك ديار فساد انتبهوا
فهد :يمه انا معها ماراح يصير شيء
ام فهد بضحكه :لاتجون الا وحفيدي بيدكم
فهد يبتسم بمكر وهو يناظر ريما اللي من وقت مااتكلم امه بهالامور تنزل راسها :ان شالله
ريما رفعت عيونها على فهد وتشوف ابتسامته ...
مازن عند ابوه بالمكتب والجو متوتر عندهم
مازن :اليوم نروح واكسر راسها غصب عنها تتزوجني بدال الهايت اللي تبي تتزوجه والا الغراميات مع ناصر محلوه بعينها
يوسف بشموخ :شوف يامازن لا تستعجل هي لك مارح تكون لغيرك غصبا عليها
مازن :واذا رفضت ؟
يوسف بعصبيه :مازن خلاص انا قلت كلمه مااثنيها
مازن ضحك بخبث (جاء من يكسر راسك ):تامر طال عمرك
يوسف :يله مازن خلنا نروح للاجتماع الهيتنا بسالفه رانيوه نفسي اشوفها
مازن :بتشوفها ياهي
يوسف يقاطعه بدون اهتمام :يله لانتاخر
طلع مع ابوه من الكتب وهو مستانس على الاخر ......
ريما وهي داخله بيت خالها وتشوف امها وخالها قاعدين بالحديقه مبسوطين ...
اول ماشافت خديجه بنتها هي وفهد نطت من مكانها وراحت لها لانها افتقدت لها ماتعودت انها تبعد عن عينها
ريما وهي تضم امها :اشتقتيلي يمه ؟
خديجه ودمعه على خدها بس مسحتها علشان ريما لاتنتبه لها :كيف ياملعونه والله لك وحشه
رانيا وهي تناظر من الشباك لما شافت اختها لبست عبايتها ونزلت لها ولقت ناصر جالس مكانه مثل ماتركته
مشت قدامه وقفها صوته
ناصر :وين رايحه لابسه
رانيا بضحكه :بطلع ريما جات
ناصر وقف :وليش جات اليوم
رانيا :اليوم رحلتهم على بريطانيا
ناصر وهو يلوي فمه :انتظري بطلع معك
رانيا وقفت وشافت ناصر حط الشماغ على راسه بدون اهتمام وعدل شعره من تحت الغتره انتبه لرانيا اللي قاعده تناظره
ولما رفع عينه يشوفها لفت وجهها بسرعه عنه
ناصر بخبث :تفضلي
رانيا وانتبهت لنبره صوته :ثانكس
طلعوا مع بعض وهم مقبلين على اهلهم برى ناظرتهم ريما كان شكلهم لايقين على بعض والكل انتبه علىيهم
شافت نظره خالها لهم ونزل عيونه بحسره ريما استغربت ماحبت تدقق وقعدت تناظر امها اللي تستجوب فهد وتساله عن الدراسه هناك
رانيا وناصر :سلام عليكم
رانيا وهي تضم ريما بهمس :ياحيوانه لك وحشه
ريما بابتسامه :ماصدقت افتك منك
رانيا وهي تبعد عنها :كيف الح
ريما قاطعتها :كيفك ؟
رانيا وهي تبتسم :ايه فهمنا
رانيا التفت على فهد اللي يسلم عليه ناصر
رانيا وهي تعدل لثمتها :كيفك فهد ؟
فهد توه ينتبه :الحمد الله كيفك انت ؟
رانيا :الحمد الله
فهد وهو يناظر ساعته :يله نستاذن الطياره باقي لها نصف ساعه
عامر باسف :والله مستعجلين
خديجه وهي تناظر ريما كانها اخر مره تشوفها :الله يحفظكم ديروا بالكم على انفسكم
ريما راحت تضم امها بقوه وعيونها تدمع
وتذكر كل اللي تسويه صح او خطا ولو تدري شنو بيصير لها بعدت عن امها اللي بان عليها الحزن
وسلمت على رانيا اللي بكت بسرعه
ماتحملت ماتركت ريما الا بعد الغصب .. ناصر وهو يمشي مع فهد للسياره ويسمع صوت رانيا وهي تبكي وتوصي ريما على نفسها ...
ريما وهي توجه للسياره من غير ماتناظر وراها تحس لو تلتفت لتقول كل شيء وتعترف على اخر لحظه ركبت السياره وعيونها مغرقه ودها تصرخ وتبكي ..


في المطار ...


ريما وهي جالسه على مقعد الانتظار تنتظر فهد يخلص الاجراءات وكانت تلفت يمين ويسار وطرت فاطمه ببالها ماحاسبتها على المقلب اللي سوته فيها
ورفعت الجوال ودقت عليها بس طلع مغلق ريما بقهر قفلت الجوال ماحست الا باليد اللي ضربت كتفها بقوه
ريما ماالتفت خافت يكون فهد بس ماتوقعت انه يكون بهذه القسوه ماحست الا ضربه ثانيه على راسها
ريما نفس الشيء ماالتفت ماسمعت الا ضحكه يمكن كل المطار سمعوها
ريما التفت بعصبيه :وجع ان شالله يالخايسه
فاطمه تضحك وماسكه بطنها :هاي
ريما :لا هلا ولا مسهلا
فاطمه : من جدك مالتفتي
ريما :وخير شالحركات الجديده ذي
فاطمه :أي حركات المهم انا جيت اودعك واستري ماشفتي منا
ريما وهي تقرصها من غير مااحد ينتبه :ايش تبيني استر واخلي الله لايوفقك ايش سويتي فيني
فاطمه تضحك وتغمز لها وتفرك منطقه القرصه :أي .. كيف البوسه بذمتك ؟ انا عرفت الرقم اللي تحبينه قلت يابنت حطيه شيء حامي
ريما وتضربها :وجع ان شالله من قالك اني لعبتها
فاطمه :علينا هذا فهودي
ماحست ريما الا بصوت فهد اللي استغرب من اللي واقفه معها ... فاطمه وهي خاقه على جمال فهد من قريب
فهد وهو يبعد علشان ريما تاخذ راحتها :انتظرك هناك
ريما بموافقه :طيب
فاطمه قربت من ريما وضمتها بشوق :يالله ياريما كيف بدرس من غيرك والله بفتقدك
ريما بضحكه :وانا بعد راح افتقد لكم
فاطمه تبعد عنها وهي تمسك دمعتها لانها معروف عنها تكره لحظه الوداع ...
ريما سمعت نداء طيارتهم ودعت فاطمه وراحت مع فهد اللي قاعد يناظرها وهي تودع فاطمه ....
رانيا وهي تمسح دموع امها وتطبب عليها من بعد ماراحت ريما وهي تبكي والكل يهدي فيها
رانيا :يمه خلاص كل هذا ماصارت
خديجه وهي تمسح دموعها :والله اني اخطيت لما زوجتها بسرعه
رانيا :نصيبها وخذها بعدين ماراحت مع وحش ماحد قالك راح تروح ماترجع
عامر :يالله ياخديجه وانا اقول اختي القويه وطلعتي خرطي
خديجه تبتسم :الله يوفقها ويصلحها ويبني بيتها
ناصر وهو نازل مع مها وماسك ايدها ... رانيا وهي عينها مانزلت من على مها اللي بان عليها التعب
مها بحزن :ليش ماصحيتوني علشان اودع ريما ؟
رانيا بضحكه وتحس باللي يناظرها :محبينا نزعجك
مها وهي تحس انها اخطت بحق رانيا :يالله منك يارانيا
رانيا راحت لها ومسكت كتفها بدلع :كل الوقت نايمه حشى حامل بفار ماخذه السبات الشتوي
ناصر فقعع يضحك ولكل يناظره :ايه قولي لها
رانيا وهي تبسم لناصر وتقرص خدود مها :بعدين ليش زعلانه تعالي ريما وراحت افتكينا منها
مها بضحكه وتحس ان رانيا تهون عليها :حرام عليك
خديجه رمت رانيا بالمخده بس ناصر مسكها بسرعه لمى شاف رانيا تصد عنها :والله لاوريك حتى واختك مسافره
رانيا بدلع :والله امزح يادمعه مادري اذا تزوجت بتبكين علي كذا اتحدى
ناصر وهو يتنرفز من سالفه زواجها :مستحيل احد يبكي عليك انت
مها :بس خلاص ازعجتوني
رانيا وهي تناظر ناصر بتحدي :هين ياللي ماراح يبكون علي
رانيا راحت مع مها وتركتهم وهم يضحكون عليها ...
خديجه بحزن تناظر ناصر :ناصر ليش مها وجهها مصفر وتعبانه
ناصر :تعرفين تعب الحمل مافيها الا العافيه تونا رايحين المستشفى اليوم
خديجه :الله يهون عليها ويزرقكم بذريه الصالحه
ناصر بزفره :امين
تركهم وخرج بيدور لاحد ينسيه الهم اللي بقلبه ...
ريما وفهد نازلين من المطار وريما تدوخ من كثره المطارات الي مروا فيها
ريما وهي مسكت يد فهد تبيه يوقف عكسه هو اللي متعود :وقف ليش انت تركض
فهد بضحكه :ليش ماتحركين السفر يبيله جري
ريما :هههههه والله تعبت
فهد وهو ياشرلها على كرسي تقعد عليه .. راحت ريما وسوت اللي قالها فهد وشافت شله شباب يناظرونها كان باين عليهم انهم خليجين
واحد منهم كان جاي معهم بنفس الرحله وكان يناظر ريما من وقت ماكانوا بالسعوديه خافت منه ريما لانه كان يناظرها بطريقه غريبه وتخوف
كانت لافته النظر بالحجاب اللي لابسته ويعر ف الناس انها خليجيه وقعدت تتنتظر فهد وهي على احر من الجمر
....:مرحبا
ريما التفت بخوف لان نبره الصوت غريبه عليها :من انت ؟
...:انا اسمي راشد
ريما بعصبيه :راشد ولا ماجد اقلب وجهك
راشد :يابنت هدي نفسك والله انكم يابنات السعوديه نفسكم ماتغيرون
ريما :لو سمحت بعد عن طريقي ابي امر
راشد وهو يمد لها بكرته :تفضلي انا حاضر انا هنا اخدم بنات بلدي
ريما اخذت الكرت منه ورمته بوجهه :لا والله الله يخليك لبنات السعوديه حتى هنا مااذيننا استح على وجهك انا متزوجه
راشد :واذا يعني متزوجه عادي تخلي عن الروتين خلينا اصدقاء عادي
ريما حست انها دقت معه سالفه وخافت ان فهد يشوفها ويفهمها غلط واللي خافت منه صار ..