مستوحش من غيبتك قدلي(اسبوع)
يا حيف تنساني وانا ما اقدر انساك

وكل القضيه صوت دافي ومسموع
من عبر جوالك وانا اسمع حكاك

كني مابين اضلاعي العوج ملسوع
كل ما آتذكر يا المقفي سواياك

الهجر في سلم الاجاويد ممنوع
لكن صغير وعاذرك .. ويش دراك !!

قلبي لا كنه يا اريش العين ممزوع
مزعة قدم حافي وعاثر بالاشواك

من يوم ما قفيت والدمع ينبوع
كنه يتدفق من عيوني ويرجاك

لكن مشيت وصار لشداد مرفوع
ولا عاد بك حيله وقفت مطاياك

واصبحت كني خالي العقل مصروع
وجف الحكي من قبل لا انطق ولا جاك

شهيتني صوتك .. وجوعتني جوع
ويا حالة محبك .. ويا شين فرقاك

تحدني لقصاي واجي لك بطوع
وانا ما آحب اني احدك على اقصاك

وش ذنب من حبك يلاقيك دلوع
تخطي عليه وكل ما اخطيت مشاك

ما للخطايا منك ناتج ومجموع
سوى العذاب بخافق اللي تمناك

لكن على الله والامل غير مقطوع
في شوفت عيونك وفي لمس يمناك

من يوم غبت وكل ليله لي شموع
تذوب لين الفجر حتى تحراك

ابكي بدمع اللي لقى آخيه مصروع
ويصيح كنه يوم اناديك ناداك

فيني لحبك ارض واشجار وفروع
0تشبها بالطيش وآنا اتدفاك

باتقول لي وشفيك باقول موجوع
باتسبني من خاطرك باتفداك

الله خلقني انسان لكن لي طبوع
بس الوكاد انه عطاني ولا اعطاك

اني احس بغيبتك طول ( الاسبوع )
وانك على بالي ولا اقدر انساك !! .

يا ليت حبك دمع .. وابكي له الليل
وانساااه قبل آنام .. وآنام واصحى .

. واصحى .. وانا ناسي جميع التفاصيل
من شوق ومعاتب وضحكا" ومزحا .

. سحابة همومي بصدري لها سيل
خلت ضلوعي مثل وديان رفحا .

. ما امداك تنساني وانا شاعر الجيل
ياللي على صوتي شفوق وتوحا .

. باسامر جروحي واجر المواويل !!
واشل عن درب المحبين سمحا .

. بعض المشاعر صدق ماهيب تمثيل
وانا باغنى لك من الصدق فصحى .

. (لله درك !! لا تزد حفنة الكيل
حزني يقاتلني على كل فرحا .

. رفقا " على قلب الفتى ايها ( الأيل )
اني أرى في نجل عينيك .. رُمحا !! .

. يعني كذاا !! من دون شرحا " وتطويل
ذبحتني يا جعلك الزين .. ذبحا .

. عنيد !! وآحبك واشوف الغرابيل
لو كنت اجمل وجه .. والطف واسحا .

. عذروب حبي لك !! .. يخليني آميل
وآميل لين القلب عن غيرك .. انحا !! .

. خذوك !! مدري .. خذتهم .. قالوا !! وقيل
واقول .. ( حكي الناس ما منه ربحا ) .

. خليتني .. يا باهي الطرف .. والويل
مشاعري ما بين ( موتى ) و ( جرحى ) .

. موت الخفوق .. أهون .. ولا موتت الحيل
لا وآشقى منهو على الدمع .. اضحى .

. مشكور .. ما تقصر !! ووفيت بالحيل
مرحا !! على هاللي تسويه .. مرحا !! .

. عزاك يا قلبي .. بقطع المواصيل
معاك .. من باقي محبيك .. جرحا .

. الدمع .. بللني .. ولا آبي مناديل
واللي كتبه الوقت .. لابد يمحا !! .

. ولا عاد تنشد عن دموع الرياجيل
يكفيك ( ابن عدوان ) في حب ( وضحى ) .

يقولون المحبه .. ويش وآقول المحبه طيش
( هيام " ) .. ما يعرفه كثر منهو منه يعاني !! .

. بدونه .. ما تحس .. انك بوسط العالمين تعيش
وبه تقدر .. تعيش العمر كله وانت متغاني !! .

. تحس ان فيه حد يهتم .. تحس انك تطير بريش
كلام صدق من واقع .. مهوب فلان وفلاني !! .

. فتنتيني .. يا بنت الناس وقليبي تعلق فيش
وانا توي صغير " خايف لا يحب ويعاني .

. دخليش غطي عيون " هدايبها سرايا جيش
تراى ان مت من عينش .. اثامش وانتي الجاني .

. ابد حطيني في عينش وداريني وانا اداريش
واحطش بين .. مرباط الوريد وبين شرياني .

. ما انا اتكلم ولا اعذرب .. واقدر لهجتش واغليش
لو ان حكاش لي كله !! ( اكو شمسه ) و ( انا كاني ) .

. لكن لا وصلت الدعوى .. على ايش وما ادري ايش
انا اقول انتفاهم .. حتى يفهم كلنا .. الثاني !! .

. تقولين انت تنطق ( اش ) .. وأقول وزعلتي ليش !!
أنا مري .. والى سولفت هذي هرجة لساني .

. كذا يعجبش يا مرحب .. مهو يعجبش .. وش لي فيش
ترى عيب " علي .. اني اجنب سلم جداني .

. إلى ابطيتي علي .. أسال وأقول اشتقت لش وابغيش
وآقول حكاي من جدي .. ما انا اتصنع ولا داني .

. اقلد حكي .. ما هو لي .. لا والله ما اقلد .. ليش !!
وانا افخر في .. خوالي كلهم .. وافخر بعماني .

. إذا غيري يغير لهجته !! عفوا " .. انا يا اخيش !!
اموت ولا اغير لهجتي .. دام الله احياني .

يا قلبي اشغيت المدامع ولا لوم
حزن ذبح الاشواق فعيون صاحبك !!

ان جيت لك مهموم وإن رحت مهموم
أعاتب الايام ولا اعاتبك !!

امشي معا الطرقات .. والدرب مزحوم
والناس منكبها على راس منكبك

شقي وقت .. وباقي احلامي نجوم
والهم خيل ن بين الاظلاع له دبك

شاري سهر .. والليل بايع له النوم
اقراك يا حلم خذاا الحال واكتبك

مرات احسك .. شي كايد ومعدوم
ومرات اقول فخاطري ياااه مقربك !!

حاربتني .. لين امتلى صدري سهوم
وانا آتأمل فيك .. وشلون أحاربك !!

مشاعري يا حزن ما تقبل السوم !!
ليه اتعقبني وانا ما آتعقبك

إن كان بك للدمع نيات وعزوم
تعال حاسبني .. وعقبه باحاسبك

مابه أمل يا حزن نفرح ولو يوم
ابك الحياه البائسه يا حزن ابك !!

ماني الوحيد اللي من الوقت مظلوم
لكن انا اللي في حناياه يشربك

مكره غلا لا شك ماني بملزوم
اكذب على نفسي وانا عكس مذهبك

يا صاحبي يا الحزن .. يا جعلك القوم
صرت الرفيق .. ومطلبي صار مطلبك !!

وإما وصلت لغايتي عشت محروم
والى حرموني غايتي مات صاحبك .

. لا انثني ليل المشاعر واتعب الملتاع قافه !!
فوق مرقاب الشعور اللي احاسيسي تهبه !! .

. تنبري لي مهرة الاحساس وكفوف العسافه !!
(حس شاعر ) .. تحطبه دنياه .. واللهفه تشبه .

. القصيد احساس واللي دون ما احساس .. آفه
شعر لكن لو يسمى ( شعر ) محد " يستحبه !! .

. والحلا فالمرء ما يسمو على قمة عفافه !!
و( عفة الانسان ) جذابه وهذا آهم سبه .

. يا مسوي في حياتي .. من بعد شفتك ( أضافه )
يا ملبسني (( غلاك )) من الجفا والبعد جبه .

. هاتني .. لا !! ودني لك .. وأخذني لابعد مسافه
وأبحر بقلب يحبك مووت !! وأحذر كل غبه !! .

. واسقني من ( ماء الغرام ) .. اللي على جالك ضفافه
والوعد يا نور عيني .. بين مجراه ومصبه .

. يا عيون الظبي .. كانه ما على نفسك كلافه
نظرة عيونك عذاب .. وصاحبك حظه لعب به .

. (المياعه) و(العذوبه) .. و(العياره) و(الطرافه) !!
تجتمع فيك وتفرق .. في مساءات الاحبه .

. في شفاتك .. لذة المنجا .. ونكهات الجوافه
وخدك اللي كنه .. ( كتلة ثلج) شفي مِنه .. حٌُبه .

. ويوم غبت بدون سبه .. لجل حكي وما خلافه
قمت اناظر في عيون الناس.. لا كني مشبه .

. والزمن ماهو بري من ظلم وقته .. او جفافه
قاسي وقاسي كثير .. ونبه اللي ما تنبه !! .

. ليه تبعد .. عن عيوني يا عيوني يا حسافه
جرح قلبي من غلاتك .. من سواك يعرف طبه .

. لا تخلي بيني وبينك .. من الجفواا مسافه
ودامني مديت ( فنجال المحبه ) لا تكبه !! .

. ودي بوصلك .. وهجرك صرت اكرهه واخافه
وجعل ما ياتي لهجرك بعد ذا اللي صار سبه .

. لا تخلي صاحبك يمشي .. والى من حد شافه
قال .. يا عزي لحاله .. والله ان عاده يحبه !! .

تغيب ما علمتني .. ليه غايب !؟
كنك تعودني على ( غيبتك ) دوم .

. سما غلاك ابطت عليها السحايب
وطيور حبك قد لها ماهي تحوم .

. نار الهموم لها ضلوعي حطايب
وصدري وجار " ناره افكار وهموم .

. والشوق يلفح نارها بالهبايب
حتى دفنها طاري بالبعد بالسوم !! .

. الحب لا جاء ما يجي بالغصايب
حتى ولو تفرضه عادات وسلوم
.
. والوقت .. جارحني ولاني بطايب
ويزيد جرحه جرح يا جعله القوم .

. اخطيت فغيابك وابد منت صايب
وما ينهدم حب بنيناه في يوم !! .

. لا جيت لي بسألك ويش انت جايب؟
احس غيباتك وراها لي اعلوم .

. يرحمك يا قلب من الحب ذايب
ويرحمش يا عين معد جالها نوم .

. الدمع منها فوق خدي صبايب
ارخى مشاهيبه على خدي وسوم .

. يا وجد حالي وجد عود وشايب
لا جاء يقوم تعيي ارجيله يقوم .

. جافينه عياله ولا له قرايب
من عقب ماهو لحاله يناطح القوم .

. على الذي هو لوعتي والسبايب
متنابي الردفين .. بالذوق مفطوم .

. صفين رمشه صف جيش وحرايب
كنها جيوش الفرس في مجابه الروم .

. ياما علشانه شعبت الركايب
ما همني منقود ربعي ولا اللوم .

. لا شك دونه .. بالمحبه طلايب
دونه بني عمه .. على الحايم تحوم .

. فإن مت .. من حبي فسود الذوايب
فالموت حق وكل نفس لها يوم .

. لا شك .. انا باجيه ماني بهايب
وما قدر الله للفتى جاه ( مقسوم )

يا طير حظك لا بغيت تطير ما اضناك المطير
تنطح صلافيح الهوى من هيبتك وتعوقها !!

وش لك بالارض العابسه والظلم والحظ االفقير
بيض الليالي رخت ارشاها .. وقفت نوقها !!

ما فيك لا برقع ولا لك وكر ولا لك جرير
والله لو اني اياك لآشق السحب وآفوقها !!

لا ضاق صدري .. رحت بلحالي وحثيت المسير
وان ضاق صدرك توكر بروس الجبال وفوقها

شامخ ولك هيبه .. ولك سطوه ولك عزم خطير
واليا نويت الصيده الجزله .. قدرت تبوقها !!

اشبهك في غيك وغيك غير واحساسك عسير
بس اختلف وياك .. فالقدره وفي منطوقها

لا جعت مالي غير مالي .. بين زادي والحصير
ولا انت مخلابك .. يقطع صيدتك وعروقها !!

يا ليت لي جنحانك اللي لو بغت وادي عسير
ما ردها منه سوى منشي السحب وبروقها

يا طير .. شفني والله اني من عنا الدنيا كسير
وكسرة جناح العزم .. ما تثنى الطموح بعوقها

سيف القهر مبطي وهو ما فارق اطراف الجفير
وانا علي مرفوق نفس ٍ خاطري .. مرفوقها

احاول اجمع ما بقى لي من امل .. باحساس غير
واكبح جموح النفس .. لو نفسي ذبحها شوقها

انا ادري اني ماني بحاكم بلد ولا أمير !!
لكني آجاري كبار الناس .. واسلب ذوقها

أملك من الاحساس والقدره وتحديد المصير
ما يكفي انه يحل ازمات العرب ووثوقها

لكن حدود العقل والحريه وشوف البصير
كنها تقول الابتعاد احيان .. من منطوقها

ياليت مالي قلب يشعر ويتضايق ثم يغير
ما كان وجهي شحبته الاقنعه وطروقها

عيبي خلقت من الوفا .. بس الزمن ما فيه خير
مثلي مثل ناس ٍ تعيش .. وما توفي حقوقها .

تغيب وتخلي !! .. المولع بين هجران ولضى !!
وأنت الوحيد .. اللي ملك قلبه .. وعاش بعالمه !!

وغيرت فيه .. اشياء ..كانت فيه .. من وقت ٍ مضى
واطباعه اللي قبل عرفك.. كلبيها .. والمه !!

يرسم لك البسمه .. وخافي ما بصدره ما نضا
حتى لو ان سيف الزمن جاير عليه و ثالمه !!

يدرى عليك من الزعل .. ويموت في كلمة رضى
يشفق عليك من الهوى .. يا جعل روحك سالمه

هذا أنا .. نعم أنا .. كوكب يعيش بلا فضا !!
حبك غراااامه فالحياه .. وخوف فقدك .. آلمه !!

تغيب وضلوعي .. تناثر لك .. شضا شضا شضا
ويلك من الله .. كان قلبي ما سواتك .. ظالمه

مشيت دربك .. والهوى باااارد .. وبي جمرة غضى
اضمها بكفي .. واغني للعيون الحالمه !!

يا حظني بك .. ايه !! لكن .. يوم قلبي بك حضى
وش هي حياته دون ما تشوفه ودون تسالمه !!

يا غاوي ٍ مغوي عيوني .. في جمال وفي عضا
بيت ٍ ربيت وعشت فيه .. استوحشت . سلالمه !!

قاسي ولا تدري شحصل .. واهداب عيني مرضا
وحمد ما عاده لك حمد .. تغيرت معالمه !!

محد ٍ سواك فغيبته .. آحس باهمال .. وفضى
ومحد ٍ سواك فعالمي .. وأطمح اعيش بعالمه !!

صبرت .. يا لاهي .. وصبري من ( جفا صوتك ) قضى
واحرقت قلبي .. والسبب .. كله عشان مكالمه !!

عفت الغلآ..عفت الغرآم وروآآجهـ
ودرب يوديني ـي على بآب بيتك*..


تبيعني فسوق الغيآب..وحراجهـ؟!!
وآنا خسرت العمر..حتى شريتك


ضحيت لكن تضحياتي ـي سذآجهـ؟؟
وآنا أحسب إني..فآلغرآم اهتنيتك!.


القلب لو يحتآج..وانت احتياجهـ؟؟!
بقطع ـع يدي وآموت..ولآرجيتك؟‘,


حلآكـ صآير في عيوني سمآجهـ‘*,
وغلآكـ مآيشفع ـع..مادآمي لغيتك;.


شربت من ضيم المعآتب..هماجهـ
وغضيت فيك..وليتني ـي مآوعيتك؟!"


لوقلبي ـي مجروح..وعندكـ علآآآجهـ؟,.
نصيت كـل النآس.::.ولآنصـيتكـ؟؟


القلب كنت أنت..السبب فآبتهاجهـ؟!*
وآليوم صرـرت أنت..السبايبَ بكيتك؟:.


امسيت.ماآبغي من ورى الناس حاجهـ
آصبحت..متحسف على إني جنيتك",


حكرت شوقي ـي وسط عنق الزجاجهـ؟?
واهلكتني ضآمي..وآنا قد سقيتك,‘,


بكره ليآ هبت عليك..العجاجهـ؟؟
ونسوكـ خلآنكـ..لآترجع فديتك*,


هدمت عرشكـ وآنكسر عز..تآجهـ ,^,
وآنا قرصت أذنك..ويآما نهيتك؟؟؟


يذبحني ـي.. إنكـ شخص على مزآجهـ
ويذبحني ـي..إنك يوم تطلب عطيتك/..


كنت أحسب انك..للمضيع ـع سرآجه؟
وأثركـ ليل"..ليتني ـي ماسريتك؟؟


الى طلبتكـ من غلآكـ..انتوآإآجهـ ؟!
سقت العذر.~.وتروح مآ عآد ريتك ‘×,


كآنكـ تحسب إني ـي أحبكـ لح ـآجهـ ؟؟
(أنسى المحبهـ..وأعتبرني نسيتـك ",)
أنسى المحبهـ..وأعتبرني نسيتـك
أنسى المحبهـ..وأعتبرني نسيتـك

(( غصيت بك يا ماي ))


يا بايع الرفقه تعلمك الايام !!!

قدري .. بدون آجيك وآعلمك به

ان قاله الله لا اترك عيوني تنام

وأحد عن درب السهر واتركك به

جروحك .. اللي مهمله قدلها عاااام

زادت على القلب الذي مسكنك به

تبغيني ارجع لك .. موافق !! اذا قام

يرجع لك الماء لا انتثر عقب سكبه

الله يقطع بيننا وصل الارحام !

دام الثقه في اقرب الناس نكبه

تبيعني .. وآنا اللي آعدك حزام !!!

غصيت بك يا ماي ويش ابلعك به

الأمتــــــــعه


إلى متى يا " ضيقه الخاطر " على مجرى الوريد
ماعاد باقي من دمي قطره مهي مستوجعه !

انا دخيلك يا وفا قلبي تسافر بي بعيييد
طموحك " الربان " .. وجروحك بـ قلبي الامتعه !

وجه الزمن ماعاد يغري .. وانقفل باب البريد
وانته " وفاي " اللي لو أخدع دنيتي .. ماأخدعه !

لا صارت الدنيا مصالح .. والوفا ؟ كم فـ الرصيد !
انو السفر يم الأمل وأفرد جميع الأشرعه

بس البلا لا صارت أمواج " التعاسه " من جليد
وإن صاح جرحك مالقيت اللي يحن ويسمعه :"(

من لا يقدّر خوتي .. فـ " أبرك سنه " فرقـاه عيد
أما " الرفيق الغالي " إليا غاب .. خذ قلبي معه !

البارحه هبت هواجيسي فـ صدري من جديد
سوالف ٍ تشره على قلبي بـ حلم ٍ ضيعه

لاهنت يا " جرح الزمن " حقق مرادك مايريد
أهديت للخافق جروح .. وهو رفع لك قبعه !

يا ويل حالي من شقى اللوعه ويا قطع الوريد
على آخر جروح الصداقه .. والطعون الموجعه

قلبي " مصفي نيته " لو كل من حوله ضديد
يبقى ( الجبل ) مهما وطته الريح ماهي تزعزعه !

من طاح من عيني ماعاد يهم ينقص أو يزيد
اللي ينزل قدره بـ نفسه .. هو اللي يرفعه !

" ريحت قلبي " من عنـا الدنيا وانا اللي مستفيد
مادام قلبي مالقى في الوقت شي ٍ يقنعه

إلا رفيق ٍ يجبر الكسر .. وعلى الشده عضيد
هذا منى قلبي عـلى الدنيا وهذا مطمعه

أضحك لو أن الضيقه اللي في الحنايا تستزيد
لين أقهر الضيقه وأخليها تفارق فـ السعه !

لا خانك الوقت الردي " وما للحديد إلا الحديد "
اللي شراك أهده وفـا .. واللي خذل عهدك بعه

تمشي المقادير بـ هوى الراضي وتلعب بـ العنيد
صدق اللي قال ان طاعك " الوقت الردي " ولا طعه !

العمر بـ أيامه قطار .. وراكب ٍ سكة حديد
وتمر لحظاته مابين المحزنه و الممتعه

كل الحياه دروس والدنيا عبر والمستفيد !!
اللي خذا من ( جمله الدنيا ) دروس ٍ تنفعه

شفتك بعد غيبه

شفتك بعد غيبه .. وحاولت احاكيك
مهوب من قلبي ولا من جراته !!

بغيت اقول / فلان وازريت احاكيك
وكني سمعت اسمي معا لالتفاته

فزيت من نومي وانا اقول لبيييك
وآثرك رويا .. في منامي وجاته

صفقت كف .. وقلت يا حلم يشوويك
جددت لي جرح ٍ هنى في مباته

يا اللي شريت البعد .. ما غاب طاريك
حتى لو ان البعد .. سواا سواته

مهوب محزني .. على حاجةٍ فيك
إلا إن قلبي شايف ٍ بك غناته !!

كن الطيوف تقول وشحال غاليك
وآقول راح .. وما بقى الا غلاته

لو ان ما جاني من الهم ياتيك
كان المصلي ما حفظ وش صلاته


مريت شارعكم .. وصادفني آخيك
واللي قطع كبدي .. حلاتك حلاته

بغيت الخبط من دعاياه ,, وادعيك
واسمك وقف بين اللسان ولهاته !!

وبغيت اجيب العيد وآقول : يرضيك
فاللي وصاتي له .. وضيّع وصاته

البعد شيّب خافق ٍ ميت فيك !!
والى مشى خطوه عثر في عصاته

مشكلتي / إن قلبي يحبك ويغليك
ومشكلتك / انك شخص عايش حياته

كثر الجفا .. نار .. وحطبها تغليييك
خف الحطب .. لا تزيد نار الشماته

إن ما احزنك جرح ٍ برجواه يدعيك
ما عاد تفرق .. عيشته من مماته

قلبي وعمري كلها بين اياديك
العمر فدوه .. لكن القلب هاته !!

وإن ما بغيت ترد قلبي ما اوصيك
احسن عزاه .. الى دريت بوفاته