البرق النجدي
09-21-2014, 07:34 PM
ضمير الوقت نايم يارفيقي والقلوب أرهاف
. . . . وسواليف الرحيل تشدّني والليل يغويني
وأنا ليلي قصايد يارفيقي ماعليه خلاف
. . . . حكايا والحكايا ودّها في صمت تغريني
سبح وجه الورق في داخلي وأفكاري المجداف
. . . . سيول الهم ّمالت في بحر حزني تخاويني
أغني للشقا وأنشد ترانيمي وأرد القاف
. . . . وتحدر دمعتي وأجرّ عبراتي وأخليني
تذكرت الفراق وفزّ ضيقي والضلوع ضعاف
. . . . وأنا مالي على حد الهوى قلب ٍيواسيني
حزين وضايقٍ صدر الحزين ودمعته تنشاف
. . . . تفرد هالحزن ياصاحبي وأثقل موازيني
تمرد في طريقي ليتني جنبت عنه وراف
. . . . يبرد حرته في وسط قلبي والعنا فيني
تخيل هالصباح إليا عبس في ضحكتي وأنعاف
. . . . تخيل كيف يكسر خاطري ويرد ينفيني
تخيل هالشعور اللي نما ياصاحبي ما خاف
. . . . تخيل هالوطن من كثر ما أحبه يبكيني
طريدٍ ماشكيتك يا وطن لو بعتني بأجحاف
. . . . أبصبر وأتحمل لو غزير الدمع يشقيني
أنا نصفي تعب والنصف الأخر للهموم لحاف
. . . . أنا وجهي ذبولٍ ماعرف طعم الفرح فيني
أنا باب خلعه الريح ليلة والعروق خفاف
. . . . وحيدٍ مالقيت اللي يرد الضيم عن عيني
أنا اللي ماعرف يلقى لـ قلبه فلسفة وأوصاف
. . . . أنا اللي ضايعٍ بين الطموح وخيبة سنيني
تعال ورد هالعالم لقلبي وأعطني الأنصاف
. . . . تعال وردني يمّ الطريق ولا تخليني
رفيقي يا رفيقي أشتكي لك والسنين عجاف
. . . . أبي لا ضاقت ضلوعي ألم قلبٍ يهديني
|
لِـ الشاعر سطام الشامان
. . . . وسواليف الرحيل تشدّني والليل يغويني
وأنا ليلي قصايد يارفيقي ماعليه خلاف
. . . . حكايا والحكايا ودّها في صمت تغريني
سبح وجه الورق في داخلي وأفكاري المجداف
. . . . سيول الهم ّمالت في بحر حزني تخاويني
أغني للشقا وأنشد ترانيمي وأرد القاف
. . . . وتحدر دمعتي وأجرّ عبراتي وأخليني
تذكرت الفراق وفزّ ضيقي والضلوع ضعاف
. . . . وأنا مالي على حد الهوى قلب ٍيواسيني
حزين وضايقٍ صدر الحزين ودمعته تنشاف
. . . . تفرد هالحزن ياصاحبي وأثقل موازيني
تمرد في طريقي ليتني جنبت عنه وراف
. . . . يبرد حرته في وسط قلبي والعنا فيني
تخيل هالصباح إليا عبس في ضحكتي وأنعاف
. . . . تخيل كيف يكسر خاطري ويرد ينفيني
تخيل هالشعور اللي نما ياصاحبي ما خاف
. . . . تخيل هالوطن من كثر ما أحبه يبكيني
طريدٍ ماشكيتك يا وطن لو بعتني بأجحاف
. . . . أبصبر وأتحمل لو غزير الدمع يشقيني
أنا نصفي تعب والنصف الأخر للهموم لحاف
. . . . أنا وجهي ذبولٍ ماعرف طعم الفرح فيني
أنا باب خلعه الريح ليلة والعروق خفاف
. . . . وحيدٍ مالقيت اللي يرد الضيم عن عيني
أنا اللي ماعرف يلقى لـ قلبه فلسفة وأوصاف
. . . . أنا اللي ضايعٍ بين الطموح وخيبة سنيني
تعال ورد هالعالم لقلبي وأعطني الأنصاف
. . . . تعال وردني يمّ الطريق ولا تخليني
رفيقي يا رفيقي أشتكي لك والسنين عجاف
. . . . أبي لا ضاقت ضلوعي ألم قلبٍ يهديني
|
لِـ الشاعر سطام الشامان