( حكم القدر )نتعرف على ابطال وشخصيات الروايه ..


عائلة أبو أحمد:
أحمد: شاب لطيف مرح دمه خفيف
صفاته : طويل أسمر نحيف ومملوح شوي عمره 27
وائل: شاب حنون هادئ حبوب عند الجميع
صفاته : متوسط الطول جسمه متناسق أبيض شعره طويل شوي ويعتبر جميل الملامح وعمره 22
ود: آخر العنقود طيبه ومملوحه
صفاتها : أقصر من وائل بشوي نحيفه شعرها قصير عند كتوفها ولونه بني عمرها 18
ــــــــــــــــــ
عائلة أبو محمد:
محمد: شاب طموح يحب النجاح ف كل شي يدرس ف الخارج ودّه يصير مهندس
صفاته : أبيض مملوح متوسط الطول ونحيف عمره 25
عبدالله: شاب مرح مزووووح ورياضي وماتمل من الجلسه وياه
صفاته : طويل جسمه رياضي وعادي الملامح عمره 22
جمانه: حبوبه مرحه
صفاتها : حلوه مليانه شوي يعني جسمها مخصّر شعرها طويل يوصل نهاية ظهرها وناعم لونه أسود تعتبر ملكة جمال عمرها 18
روان: بنوته صغيرووونه فرفوشه وفصيحه بسم الله عليها وعمرها 3 سنوات
ــــــــــــــــــــــــــــ
"الجزء الاول"
((الفصل الأول))
بيت أبو أحمد /
ود : يمه يمه وينج ؟
الأم : هلا يمه ود آمري وش بغيتي ؟
ود : يمه أنا طالعه السوق أشتري أغراض للجامعه تيين وياي ؟
الأم : لا يمه مافيني حيل روحي انتي
ود : طيب يمه ماتبغين أييبلج شي وياي ؟
الأم : سلامتج يمه ديري بالج على حالج
ود : الله يسلمج إن شاء الله يمه يلا فمان الله
الأم : الله وياج
ود وهي طالعه تقابلت ويّا وائل ..
وائل : ها ود على وين إن شاء الله ؟
ود : بروح السوق عندك مانع ؟
وائل : لا بس حبّيت أسأل ..
ود : طيب يلا بااااااااي
وائل : باي
ـــــــــــــــــــــــــــــ
وفي بيت أبو محمد //
نزلت جمانها من دارها وراحت للصاله ..
أم محمد : هلا هلا ببنيّتي جمانه
جمانه : صباح الخير يمه
الأم : صباح النور , ها أشوفج كاشخه وش عندج ؟
جمانه : يمه أنا طالعه السوق قبل زحمة الناس والحوسه أبي أخلّص أشياء الجامعه تبيني أييبلج شي معاي ؟
الأم : لا يابنيّتي مشكوووره مابي إلا سلامتج .
جمانه : الله يسلمج يا أغلى أم بالدنيا
وطلعت جمانه من البيت وركبت سيارتها وراحت لم السوق
ــــــــــــــــــــــــــــــ
وفي الإستراحه أصحاب عبدالله مجتمعين دخل عليهم عبدالله
عبدالله : السلام عليكم .. كيفكم شباب ؟
الشباب : هلا والله أبو عبد
سامي : هلا عبود أخبارك ؟ وينك ماعاد نشوفك ؟
عبدالله : ياخي بالدنيا عايش بس لي كم من يوم مشغول ..
سامي : الله يشغلنا بطاعته
الشباب : آمين
دخل خالد عليهم
خالد : سلااااااام شباب
الشباب : ياهلا والله خلّوووود وعليكم السلام والرحمه حياك .
خالد : عاد أنا اليوم ماييت بروحي يايب معاي واحد من الربع
عبدالله : حياه الله بس وينه ؟؟
خالد : لحظه .. وائل ؟ تعال ادخل حياك ..
وائل : السلام عليكم ورحمة الله وبركاته
الشباب وعليكم السلام ياهلا ياهلا ارحب تفضّل نوّرتنا
وائل : الله يسلمكم منوّر بوجودكم
خالد : وائل هذا عبدالله وذا سامي وذا رامي وذا مازن وابراهيم ويوسف
شباب هذا وائل ..
ــــــــــــــــــــــــــــ
في السوق عند ود ..
ود : يوووووه ليش التنانير كلها جذي خايسه مافي شي زين
شوي ويدق موبايل ود ..
ود : ألو مين ؟
المتصل : ياهلا والله بهالصوت ..
ود : ياهلا بس مين معي ؟
المتصل : أفااا ماعرفتيني ؟
ود : لا والله ميـــــــــن ؟
المتصل : أنا نوره ..
ود : نووووره ؟؟؟ ياهلا والله وش فيج من وين تدقّين ؟
نوره : هذا رقمي اليديد ..
ود : مبروووووووك عليج الرقم .. خرّعتيني حسبالي أحد يتغزّل فيني ههههه
نوره : إيه ودّج ..
ود : هههههههههه حرام عليييج , ماقلتيلي وينج يالدبه ؟
نوره : والله تصدّقين دقّيت عشان أسألج انتي وينج ؟
ود : القلوب عند بعضها .. أنا ف الميمع الحين
نوره : خلاص ألحين أييج بس أي واحد فيهم
ود : مارينا مول
وصلت نوره عند ود ///
ود : ياهلا والله بنويّر
نوره : هلا فيج ودّووو
ود : أقول قضّيتي للجامعه ؟
نوره : والله باقيلي شوي
ود : طيب اقول وش رايج نطقّم مثل بعض
نوره : تصدقين .. فكره حلوه يلا خلّينا نبدأ ف ذا المحل شكله عنده أشياء حلوه
دخلوا المحل واشتروا وطلعوا ويلا من محل لمحل لين اتعبوا
ود : آآآآه يا ريولي أنا تعبت ماأقدر أمشي
نوره : ههههه وأنا بعد مثلج أقول خلّينا نروح هالكوفي شوب نقعد فيه ..
ود : يلا
ــــــــــــــــــــــــــــــــــــــ
جمانه اللي خلصت من السوق راحت وجلست ف كوفي شوب وتشوف وحده جالسه بروحها ومشبّهه عليها إنها رفيجتها مروه
جمانه تقول في نفسها : أقول جنّها مروه ؟ خلّيني أروح وأشوف
جمانه : مروه ؟
مروه قبل ماتلتفت .. وتقول ف قلبها يوه مين ذي ؟ التفت وقالت : جماااااااااااااااانه ؟؟ معقوووووووووول!!
جمانه : وينج يالقاطعه أخبارج ؟ وحشتينا ماعاد نشوفج ؟
مروه : أنا القاطعه ولا انتي ؟
جمانه : إيه امبيّن أنا قاطعه ماأشوفج تتصلين من تخرّجنا من الثانوي
مروه : إيه والله معليش انشغلت بهاليامعه ..
جمانه : صج والله الحين ياتنا اليامعه وبدينا ههههه يالله هذي حال الدنيا
مروه : وش فيج واقفه قعدي خلّنا نتكلّم عن الفتره اللي ماشفنا بعض فيها
ــــــــــــــــــــــــــــــــــــــ
جلسة الشباب //
عبدالله : ها وائل كلّمني عنك شوي تشتغل ولا تدرس ؟
وائل : والله اشتغل بشركة أبوي
عبدالله : يعني اليوم ماعندك دوام ؟
وائل : امبلا عندي بس رحت الصبح واستأذنت مالي خلق
عبدالله : ايه ابسط ياعم شركة أبوك وتدخل وتطلع على كيفك .. مو احنا ننهلك بالدوام وان طلبنا راحه قالو باقي على فترة الغدا ههههه
وائل : ليش انت وش تشتغل ؟
عبدالله : أدرس تخصص الهندسه هندسه معماريه وهات ياتصنيع مجسمات ونشر وبطيخ .. هههههه
وائل : هههههه على جذي الله يكون ف عونك
خالد : ها عبود أشوف الميانه زادت ودخلت صحبه مع وائل
عبدالله :ايه لايكون عندك مانع خلاص صرنا أصحاب ولا لأ يا وائل ؟
وائل : إيه صج
عبدالله : عيل بهالمناسبه بكره عازمكم عندي ف البيت نقعد ونفرفش ونتعشى حتى انت ياوائل .
الشباب : إن شاء الله .
ــــــــــــــــــــــــــــــــــــ
أحمد : يبه أشوف وائل ماداوم اليوم ؟
الاب : ايه استأذن وقال بيروح عند الشباب ف الإستراحه
أحمد : يبه مايصير جذي يعني متى بيتعلم ويشتغل مثل الباجيين ويداوم حاله حال غيره ؟
الأب : خلاص يا وليدي أنا أحاجيه بكره وأقوله .
أحمد : إن شاء الله
ـــــــــــــــــــــــــــــــــ
محمد يدرس ف الخارج واليوم رد من السفر ..
محمد يدخل البيت ويجابل اخته روان اللي عمرها 3 سنوات
محمد : هلا روني شخبارج ياعسل كبرتي والله ..
روان : وثو ؟ وث تقول انت ؟ انت وين لحت ؟
محمد : أنا كنت أدرس والحين ردّيت ويبتلج معاي هديه ..
روان : وث يبتلي ؟ حلاو ولا لعبه ؟
محمد : اثنيناتهم.
روان : ثكرا ً .. ماماااااااااااااااااااااااا محمد يا ..
محمد : سكتي فضحتينا ..
الأم : روان وش فيج تصارخين ..؟ تلتفت وتشوف محمد
الأم : محمد ؟؟؟؟ هلا يمه هلا من متى وانت هني ؟
محمد : توني واصل ماسمعتي روني تقولج اني ييت ؟
الأم : لا يمه حمد الله ع السلامه أخبارك ياوليدي وش مسوّي ؟ وكيف الدنيا معاك ؟
محمد : يمه يمه هدّي شوي ههههههه أنا بخير كاني قدّامج بصحه وعافيه ,, إلا أقول وين الأهل ؟
الأم : الحين يردّون ..
ــــــــــــــــــــــــــــــــــــــــــ
ود رجعت البيت بعد اللف والدوران في السوق مع نوره
ود : السلام عليكم يمه وهذاااااااني ردّيت ..
الأم : وعليكم السلام ياهلا ود ها وش اشتريتي ؟
ود : كم تنوره وكم تي شيرت وكم طقم , أنا ونوره طقّمنا مثل بعض
الأم : يعني نوره كانت وياج ..
ود : إيه اتّصلت فيني وقلتلها إني ف السوق ويات .. ايه صح تسلّم عليج
الأم : الله يسلمج ويسلمها
ــــــــــــــــــــــــــــــــــــــــــ
مروه راحت البيت مع جمانه ..
جمانه : ياهلا مروه حياج البيت بيتج تفضّلي
مروه : الله يحييج زاد فضلج يالغلا
أم جمانه : ياهلا ببنيّتي مروه شخبارج يمه ؟ واشلونج وينج ماعاد نشوفج ؟
مروه : الحمد لله بخير وانتي شخبارج ؟
الأم : أنا بخير الحمد لله ..اقولج جمانه .. أخوج محمد رد من السفر قومي يمه سلمي عليه وضيّفي رفيجتج
جمانه : صج يمه .. عيل خلّيني اروح أسلّم عليه ..

((الفصل الثاني))
اليوم اللي بعده .. (( يوم العزيمه ))
عبدالله يدق على الشباب .. ويشوف ليش تأخروا !!
عبدالله يدق على سامي : هلا سامي ها وينكم ؟
سامي : نصلّي ونمشي
عبدالله : تعالوا وصلّوا ف المسيد حق حارتنا دامه قريب من البيت ..
سامي : خلاص دقايق ونكون عندك
عبدالله : وائل وياكم ؟
سامي : لا والله أنا معاي مازن ويوسف وابراهيم شوف خالد يمكن معاه ..
عبدالله : اووووكيك سلام ..
ويرد ويدق على خالد
عبدالله : خالد هلا والله ها وينك ؟
خالد : في الطريق
عبدالله : يلا عاد لا تأخر .. ماقلتلي وائل معاك ؟
خالد : لا والله معاي رامي بس قال بيلحقنا بسيارته .. خذ رقمه ودق عليه ودلّه عالبيت
عبدالله: اوك يالله لاتتاخروا ..
عبدالله يدق على وائل : هلا وائل وينك ياخوي ؟
وائل : بالحاره بس مب عارف وين البيت ..
عبدالله : أوكي اسمع ......
وصل وائل لبيت عبدالله ..
عبدالله : يا حيّا الله من يانا تفضّل ..
وائل : الله يحييك أخيراً وصلنا البيت هههههههه ها وين الشباب محد وصل ؟
عبدالله : هههههههههه زي منت شايف للحين ماحد يا ..
وائل : لا يكون بدري ؟
عبدالله : لا والله إلا الشباب تأخروا .. تشرب شي ؟
وائل : ايه ماي لو سمحت ..
عبدالله : اوك عن إذنك دقيقه وراد ..
جمانه تنزل من دارها وتروح للمرايا اللي قبال الميلس اللي فيه وائل وطبعا ً
ماتدري إنه في أحد يا من أصحاب عبدالله وقامت تصلّح بشعرها الأسود والحرير قدّام المرايا ..
وائل يناظر في أرجاء الميلس وفجأه انتبه لوحده واقفه قبال المرايا
وقال ف نفسه : يا الله وش حلاتها هالبنيه .. ودّي أعرف اسمها ؟؟
شوي إلا عبدالله ينادي : جمااااااااانه .. جماااااااااانه يالخبله وينج ؟
جمانه : هييه وش فيك تصارخ أنا هني قدّام المرايا..
عبدالله : وش تسوّين ؟
جمانه : أصلّح شعري وألبس حجابي طالعه من البيت ..
عبدالله : ماتدرين إنه في أحد ف الميلس ؟
جمانه : وش درّاني .. هييه لايكون شافني ؟
عبدالله : لا ماأعتقد وائل محترم ومايناظر وخصوصا ً إذا عرف إنه في أحد هني ..
جمانه : طيب عبود يلا توصّي شي ؟
عبدالله : سلامتج ..
عبدالله دخل الميلس , وائل يلف ويهه عن الباب
عبدالله : تفضّل ..
وائل : مشكووووور ,, أقول كن الشباب تأخروا ؟
عبدالله : ايه والله .. خلّيني أدق عليهم ..
عبدالله يدق على سامي : ها سامي وينكم ؟
سامي: قوم وفج الباب بسرعه ..
عبدالله : يلا ..
قام وفتح الباب وجا يسكّره إلا خالد يمسك الباب بيده ويقول هيي لحظه ..
عبدالله :.. ههههه معليش مانتبهت لك ..
خالد : ههههه عادي ماحصل إلا كل خير
وفي الجلسه الشباب ضحك ومزح ووناسه ووائل .... في عالم ثااااااني يفكّر بجمانه .. سحرته من أول مره
ابراهيم : هيييه يالطيب .. وين وصّلت ..؟
رامي : اللي ماخذ عقلك يتهنّابه .. ههههه
وائل : ها هههههه لا معكم ..
مازن بابتسامه : منهو اللي ماخذ تفكيرك ؟
وائل : ولا أحد بس كنت أفكّر بشي ..!
يوسف : علينا هالحركات ههههههههه خلّي التفكير وفرفش ويّانا هههههه
وائل ماعرف وش يقول ضحك وسكت ..
ــــــــــــــــــــــــــــــــــــــــــــــــــ ــ
جمانه راحت هي ومروه للميمع اللي اتفقوا عليه .. ود ونوره كانو بنفس الميمع
جمانه : مروه تعالي نروح لهالكوفي نقعد ترى وااااااايد عطشانه ..
مروه : يلا وأنا بعد مثلج ..
وعند باب الكوفي شوب ..
تتصادم مروه وجمانه بود ونوره ..
ود ونوره : آسفين والله ماشفناكم ..
مروه : لا حنا اللي آسفين ..
جمانه : ههههه بنقعد طول اليوم نتأسف يلا أنا عازمكتم في المقهى ..
ود : شنو ؟ واشلون تعزمينا وانتي ماتعرفينا حتى ؟
جمانه : مو مشكله نتعرف مااعتقد بترفضون ..
دخلوا وتعرّفوا على بعض
ـــــــــــــــــــــــــــــــــــــــــــــــ
وفي بيت أبو محمد //
عبدالله : يلا شباب زوروني مره ثانيه
الشباب : إن شاء الله ولا يهمك
الشباب وطلعوا وائل قاله عبدالله اقعد شوي خلّنا نتعرف على بعض أكثر
وبعد الشباب بساعه طلع وائل وفجأه إلا هو وجمانه يتصادمون
وائل : احم نعم أقصد آسف ماشفتك ..
جمانه : ههههه لا أنا اللي آسفه ماشفتك وانت طالع
وائل يبي يطوّل السالفه عشان يسمع صوتها .. : خلاص عيل أنا مسامح
جمانه تضحك بشويش وتدخل البيت مستحيه وسكرت الباب وقالت : ياربي مينو ذا ؟
وائل دخل السياره وباله مب وياه ومب عارف وش يسوّي مرتبك ويقول والله بجد قمر
شغّل الراديو وطلعلته أغنية رابح صقر:
وش هالجمال اللي بدا .. زينك أبد ماله مدى
جمالك أجبرني أقول .. نعم نعم انتي كذا
أبسألك وش هالجنون .. وش هالدلع ياذا الحنون
بالله قلّي من تكون؟ .. ياورد وياعطر وشذا
الكل يشوف ينظرون .. لعيونك اللي يقتلون
إلا أنا قلبي معاك .. من يوم شفتك ماهدا
ــــــــــــــــــــــــــــــــــــــــــ
في بيت أم أحمد
ود رجعت من السوق وراحت لم أمها وتقولها وش صار ف السوق ..
ود : يمه تدرين اليوم ف الميمع كنت أنا ونوره ماشين وتصادمنا ويّا بنتين وحده اسمها مروه والثانيه اسمها جمانه
وماشاء الله عليها جمانه على طول اعزمتنا وتعرّفت علينا وبالحيل طيبين
الأم : زين والله باقي بنات فيهم خير بهالزمن
ود : ايه صج ..
دخل وائل وهو طاير ومسرّح .. لا سلام ولا كلام على داره على طول ..
ود : يمه ؟!! وش فيه وائل لا سلام ولا كلام ؟؟
الأم : مدري عنه جنّه تعبان ..!
ود : مدري عنّه .. يمكن !!
وعلامات الإستغراب على وييهم
وائل اللي مايدري وين الله حاطه .. جالس يفكّر بجمانه !!
وجمانه ؟ بنفس الحاله وقالت بروح أسأل عبدالله عن ذا اللي تصادمت وياه ..
جمانه : عبدالله أقول ؟
عبدالله : قولي خلصينا ..
جمانه : يلا عاد اسمع مين خوّيك اللي يومني دخلت وهو طالع ؟
عبدالله : وليه تسألين ؟
جمانه : ولا شي بس أول مره أشوفه ..!
عبدالله : ذا وائل ..
جمانه بصوت منخفض يقرب للهمس : عيل هذا وائل اللي يا أول واحد
عبدالله : شنو قاعده تهذرين فيه؟
جمانه : ها لا ولاشي .. ايه صح محمد وصل مادريت عنّه ؟
عبدالله : صج محد قالي .. يلا أنا طالع عنده ..
جمانه ترد لدارها ..
ــــــــــــــــــــــــــــــــــــــــــ
وفي الصباح ..
وائل ينزل من داره وراح للصاله ..
وائل : صباح الخير يبه
أبو أحمد : صباح النور تعال ياوليدي أبيك ف موضوع ..
وائل : هلا يبه آمر وش بغيت ؟
أبو أحمد : يبا مايصير جذي يوم تيي ويوم تغيب وش يقولون الناس
مخلّي ولده على كيفه وقت مايبي يشتغل يشتغل ووقت مايمل يطلع لأنها شركة أبوه
وأنا والله ماودّي إلا مصلحتك وماتكلّمت إلا عشانك وعشان مستقبلك ها وش قلت ؟
وائل : على آمر يبه وهذاني أحب راسك
أبو أحمد : الله يوفقك ياوليدي
طلع وائل وراح للشركه وصاير منتظم بدوامه ومايغيب إلا للضروره ..

"الجزء الثاني"
((الفصل الأول))
وبعد شهر //
وائل : غريبه عبدالله مادق ولا سأل .. بصراحه بجد جمانه ماراحت عن بالي .. خلّيني أدق واسأل عنّه
شوي إلا يدق عبدالله ..!
وائل : هلا والله عبوووووود تصدّق عمرك طويل توّني أقول ف نفسي
وش فيه عبدالله مادق ولا سأل من يوم العزيمه لايكون زعل منّي بشي ..
عبدالله : ههههههه لا حشا والله عدّاك العيب ماحصل منك إلا كل خير
بس تعرف كلنا انشغلنا وش رايك نتقابل اليوم بالإستراحه ..
وائل : على قولتك .. خلاص عيل نتقابل اليوم إن شاء الله
محمد اللي ماكمّل شهرين من يوم مارد للديره إلا ويا وقت السفر عشان يرد ويكمّل دراسته ..
محمد : يمه .. أقول تبين شي أنا اليوم رحلتي ..
الأم : ليه جذي بدري تو الناس يمه مالك إلا شهرين ..
محمد : تعرفين يمه هذي هي الدراسه ..
الأم : عيل الله يوفقك يارب ويردّك سالم وغانم ..
محمد : الله يسلمج يمه
حب راس أمه وهو طالع من الصاله إلا وتناديه جمانه ..
جمانه : محمـــــــــــــــــد ؟؟ على وين يانور العين ؟؟
محمد : خلاص اليوم بسافر وبرد أدرس ..
جمانه : مو جنّه بدري ؟
محمد : هذي هي إجازتي وانتهت ..
جمانه : أهااا عيل الله يوفّقك تروح وتوصل بالسلامه وتردّ بالسلامه
لا تنسى يبي لي شي حلو وانت راد مره ثانيه
محمد : إن شاء الله على أمرك .. إلا أقول وين عبدالله ؟
جمانه : أظنّه بالإستراحه ويّا أخوياه
محمد : عيل ف طريقي أمر عليه وأسلّم عليه ومنها للمطار .. يلا توصّون شئ ؟
الأم والأب : سلامتك والله طمّنا عليك ..
محمد : إنشاء الله .. فمان الله
الكل // الله ويااااااااااك
ـــــــــــــــــــــــــــــــــــــــــــــــ
وفي الإستراحه
وائل وعبدالله ..
وائل : سلاااااااااااااااااااااااااااااااام
عبدالله : وعليكم السلام
وائل : هلا والله وين الشباب ؟
عبدالله : مدري أتوقع بالطريق ..!
وماهي إلا دقايق ويدخلون الشباب ..
سلااااااااام ياعرب
وهات ياضحك ههههههههه
وائل : اهلين والله حياكم يالربع وش تشربون ؟
رامي : اممممممم أنا أبي شاي
خالد : وأنا بعد بس ياليت منعنش
عبدالله : أنا أبي قهوه تركي
يوسف : أما بالنسبه لي أنا ودّي ف قهوه عربي
سامي : وأنا ودّي غلاس عصير بااااااارد
وائل : طيب وانت ياابراهيم : امممممم مدري والله اللي تييبه لك ييب لي مثله
وائل : أووووووكيشن دقايق وأرجعلكم ..
وهو طالع إلا ومحمد أخو عبدالله داخل ..
محمد : أهلا ً شباب على وين وائل ؟؟
وائل : بروح أشتريلنا شي نشربه وراد تبيني أييبلك شي معاي ؟
محمد : لا والله سلامتك بس حبيت أسلّم على عبدالله وعليكم لأن رحلتي قرّبت
وائل : رحلتك ؟!
محمد : إيه راد أكمّل دراستي باقيلي سنه وانتهي ..
وائل : الله يوفقك يارب وينجّحك وترد لنا سالم يلا عيل فرصه سعيده وشفتك قبل لا تروح ..
محمد : وأنا أسعد
عبدالله انتبه لمحمد وقال : أسعد ولا فيصل ههههههههه
محمد : هي هي هي انت وخفّة دمك وملاغتها ههههههههههههه
المهم حبّيت أسلّم عليك وبروح قبل لا أتأخر على الرحله ..
عبدالله : الله معاك أخوي
الشباب كل أبوهم : توصل بالسلامه وطمّنا عنك
محمد : إن شاء الله يلا فمان الكريم استروا ماوايهتم
خرج محمد وتوجه نحو المطار وركب طيارته وراح يكمّل دراسته في كندا
ــــــــــــــــــــــــــــــــــ
ود تتصل على مروه : الو
مروه : ياهلا والله بودّووووو
ود : ياهلا ماري شخبارج ياعسل ؟ وينج مانسمع صوتج ؟
مروه : والله باقي بهالدنيا ..
ود : وشخبار جمانه ؟
مروه : والله تمام على حطّة إيدج .. وماقلتلي شخبار نويّر ؟
ود : الحمد لله بخير دامج بخير
مروه : دام عزّج يالغلا
ود : أقول مروه وش رايج نتقابل اليوك كلّنا ف البحر ؟
مروه : والله ماادري سمعيني أدق على جوجو وأرد لج خبر ..
ود : امم اوكي
مروه تدق على جمانه //
مروه : هللللو جوجو
جمانه : أهلين ماري .. شخبارج .؟
مروه : أنا بخير الحمدلله انتي كيفج ؟
جمانه : والله الحمد لله تماااااااام
مروه : أقول جوجو ود اليوم عازمتنا نروح البحر وش رايج ؟
جمانه : خلاص أسأل أمي وأدق عليج
ود تتصل على نوره //
ود : هلاوين نويّر
نوره : هلافيك ودّووو
ود : أقول ياعسل ..
نوره : قولي ..
ود : اليوم كلّمت مروه وجمانه على البحر تيين ؟
نوره : خلاص أوكي بس بقول لأمي يمكن تيي ويانا
ود : ايه حتى أمي بقولها ..
مروه تتصل على ود //
مروه : هلا ود خلاص عيل طلعنا
ود : اوووووكي
مروه : يلا سلااااام
ود : سلااااام

((الفصل الثاني))
وفي البحر //
تجمّعوا البنات ف الجو الحلو واللي يفتح النفس
أم ود : ياهلا والله ببنيّاتي مروه وجمانه
مروه : الله يسلمج خالتي ,, يمه هذه خالتي أم ود
أم ود : ياهلا والله بأم مروه
ود : جمانه وين أمج ؟؟
جمانه : والله مشغوله ماقدرت تيي إن شاء الله الجايات أكثر ..
ود : إن شاء الله
مروه : أقول وينها نوره ؟
ود : اتوقع بالطريـ..... كاهي اوصلت
نوره وأم نوره : السلام عليكم ورحمة الله وبركاته
الجميع : وعليكم السلام ورحمة الله وبركاته ياهلا والله بأم نوره ونوره
أم نوره : هلا فيجم يميع
نوره وود ومروه وجمانه ويّا بعض يتمشّون عالبحر
ود : دقايق بنات كاهو أخوي يكشّح لي بسيارته بروح أشوفه وش يبي
البنات وهم يناظرون له من بعيد ..
ود : هلا وائل وش فيك ياي هني ؟
وائل : أبد حبّيت أتحجّى ويّا أمي ..
ود : طيب تعال عندها وناديها ..
ود وهي تمشي مع وائل , وائل لمح جمانه من بعيد وقال هذه البنت الحلوه تعرفينها ؟
ود : إيه رفيجتي تعرّفت عليها من ثلاث شهور ..
وائل : أهاااا
ود : ليه تسأل ؟!!!
وائل : لا بس ماشفتها من قبل وياج ..
جمانه من بعيد تشوف وائل وتقول .. هذا جنّه وائل ولا مشبهه عليه ؟
ود ترجع عند رفيجاتها ..
جمانه : ود هذا أخوج ؟
ود : إيه !
جمانه : أهاا ....
ود : وانتي بعد ليه تسألين ؟
جمانه : ليه فيه أحد سأل عنّه قبلي ؟
ود : لا هو سأل عنج ..!
جمانه : هو ؟؟
ود : إيه يقول تعرفينها قلت له ايه رفيجتي
جمانه : اهااا وف قلبها تقول (( باقي يتذكّرني ))
ود : ماقلتلي تعرفينه ؟
جمانه : هذا صاحب أخوي عبدالله شفته مره عندنا بالبيت ماتوقّعتج أخته
ود : اهاااا عشان جذي
جمانه : ايه
وماهي إلا لحظات إلا وصار هدووووووء بين البنات
ونظرات وائل لجمانه كل شوي تزيد وهي بعد تناظرله من بعيد
وائل ف نفسه : لو بس نتكلّم ثواني ؟ لا لا وش هالتفكير مالها داعي
جمانه ف نفسها : مدري والله ليه احساسي يمّه غريب ؟ معقوله أكون ........ لا لا وش هالتفكير
مروه ونوره يتكلّمون مع بعض
مروه : بنااااااااااااااااات وش رايكم ننزل يم البحر نلعب بالماي ؟
نوره : تصدقين .. ودّي أنا بعد أنزل يلا بنات
ود : يلا
جمانه : ............................ بعالم ثاني
نوره انزلت
ود ومروه : جمانه ؟ جمانه ؟ نحن هنا هههههه
جمانه : هلا شنو ؟ وين رايحين ؟
ود : اللي ماخذ عقلك يتهنّابه قلنا نبي ننزل للبحر
جمانه : هههههه يلا عيل ..
وائل وهو ف السياره يا الله معقوله تطلع جمانه رفيجة ود وماادري سبحان اللي ييمّعنا بالصدف
انتهت رحلة البحر في سلااااااام وفرح وتغيير جو
جمانه ف البيت وبالتحديد ف غرفتها .. تفكّر ف وائل .. يا الله يارب معقوله وائل صديق عبدالله
يطلع أخو ود يعني من حظّي أقصد يعني مااأدري .. بروح أقول لعبدالله
جمانه تنزل من دراها لدار عبدالله ..
جمانه : عبدالله تصدّق عاد ..
عبدالله : وشو ؟
جمانه : شفتك خوّيك وائل ؟
عبدالله ايه وش فيه ؟؟
جمانه : تذكر يوم قلتلك تعرّفت على بنات يدد ؟
عبدالله : إيه
جمانه : وائل طلع أخو وحده من البنات
عبدالله : صج ؟
جمانه : أيه
عبدالله : مبروك
جمانه : يووووه منك مابي أقولك شي بعد كذا
عبدالله : لا لا خلاص آسف لا من يدّج تتحجّين ؟
جمانه : أيه والله
عبدالله : سبحان الصدف
ــــــــــــــــــــــــــــــــــــــــــــــ
بعد أسبوع من البحر ..
جمانه : يمّه أنا طالعه أغيّر جو بروح البحر أقعد فيه وأرد ..
أم محمد : الله وياج يمه ديري بالج على عمرج
جمانه : إن شاء الله يمه
وتروح جمانه البحر وف هذاك الجو الحلو تجلس وتناظر البحر وتقول
ليش تفكيري كله يكون حول وائل .. مستحيل يفكّر فيني وانا رفيجة أخته
وهي سرحانه ف البحر ..
وائل طلع من البيت وركب سيارته ومر من جنب البحر وقال : خلّيني أنزل أمشّي ريولي شوي
كله سياره سياره تعبت ريولي من السياقه
نزل وائل يمشي عالبحر وقبل مايوصل يم البحر ينتبه لجمانه جالسه لحالها
خطر ف باله يروح ويكلّمها يوسوس له الشيطان : روح الحين هي بروحها تقدر تكلّمها
وهو يقول لا لا مايصير البنت محترمه وماتحب ذي الأشياء
جات ف باله فكره إنه يمشي من يم البحر وإذا هي انتبتله أكيد بتلف راسه وتناظر فيه
راح ومشى يم البحر وهي سرحانه قامت وأول مالفّت ويّها إلا ووائل ف ويّها
قامت وقالت : بسم الله خرّعتني
وائل : آسف والله آسف ماكان قصدي ماانتبهت لج
جمانه : على جذي احنا دايم ماننتبه ونتصادم ..!!
وائل : هههه طيب عن إذنج .. وف نفسه يبي يقعد
جمانه : وائل ...
وائل : ؟؟ تعرفين اسمي ؟
جمانه : ............. مستحيه
وائل : يازين الحيا في ويه القمر
جمانه زااااادت حيا
وائل : سوري سوري مو قصدي أقول ذا الكلام ماقلتيلي آمري وش بغيتي ؟
جمانه : لا أبد سلامتك بس كنت بتأكّد من اسمك
وائل : الحين تأكدتي ؟
جمانه : اها
وائل : زين أروح ؟؟
جمانه : مدري عنك ؟
وائل : يعني عادي أقعد ؟
جمانه : حياك البحر بحرك مب بحري
وائل : ههههههههه
جمانه جالسه وبعيد عنه بشوي وائل
وائل : تصدقين ياجمانه ..
جمانه : شنو ؟
وائل : شفتي أول يوم دخلت بيتكم وكنتي انتي عند المرايا قبال الميلس ؟
جمانه : أيه أذكر يوم قالي عبدالله انتبهي في واحد من أخوياي ف الميلس
وائل : ايه ذاك اليوم .. تصدقين عاد إنّي لمحتج وماقدرت اشيل عيوني منج
جمانه : يعني كنت تسرق الأنظار ف البيت وعبدالله أخوي يقول مايناظر
وائل : والله والله والله مو قصدي كنت أناظر بالميلس وييتي انتي قبال عيوني
قوليلي وش أسوّي إذا شفت قمر قدّامي ؟
جمانه : ههه بسّك عاد تراي استحي .. طيب أقولك شي أنا بعد ..
وائل : آمري تدللي
جمانه : شفت يوم تصادمنا ف نفس اليوم وانت خارج من بيتنا ؟
وائل : أكيد وأنا أقدر أنسى أول يوم شفتج فيه ؟
جمانه : ليه يعني من ذاك اليوم تفكر فيني ؟
وائل : بصراحه ايه ..!
جمانه : وانا بعد من ذاك اليوم وانا أفكر فيك
وائل : ياحليلي ..
جمانه : ههههه
وائل : اوكي ياقمر بلاش أسبب لج احراج شوفي هذا رقمي وإذا تعتبريني مو محترم كيفج
بس والله إنج ف بالي دايم وسبحان من يمّعنا ويّا بعض
وإذا مادقيتي شي راجع لج وأنا مقدّر موقفج بس أبيج تسمعين هاي الأغنيه
جمانه : وش هي ؟
وائل قام يغنّي لها بصوته :
ياللي على البال تطري وانت ماتدري .. وش ذنب قلب(ن) يحبج وانت خلّيته
وش ذنب قلب(ن) رسملج حبّه العذري .. وش ذنب دمع(ن) على طاريج هلّيته
جمانه : الله تسلم صوتك واااااااااااايد حلو ومشكور عالأغنيه
وائل : تستاهلين عيوني لو تبيها
مشى وائل من عند جمانه وقلبه عند جمانه
جمانه ردّت للبيت وهي طايره من الفرح
ثاني يوم البنت هيمانه وتغني :
شفته البارح حكيت وحكالي .. وعجبني اسلوبه وصدقه وقلبه
بعدها مدري وش اللي جرالي .. الله يستر قلبي لايكون حبه
الوضع مايطمّن وانا ادري بحالي .. الجمر رمّد لين جاني وشبّه
كنّه نوى يسهر عيوني ليالي .. ولاّ نوى ياخذ فؤادي بدربه
راح من عندي ووجه قبالي .. شتتني أفكاري ولا خاف ربّه
طول عمري خالي الفكر سالي .. عايش بحالي ماعرفت المحبه
ماكل من شفته أناديه غالي .. وماكل واحد ودّي أقعد بجنبه
ارتحت له من يوم شفته قبالي .. كن الحياه بدون شوفته صعبه
أم محمد : صباح الخير جوجو الله يسعدج دوووم يابنيّتي
جمانه : ياااااااااااااارب يايمّه الله يسمع منج

"الجزء الثالث"
((الفصل الأول))
أحمد ووائل رايحين للشركه وائل وصل قبل أحمد واستلم المكتب
وفي طريق أحمد صار حادث !!
وكان الحادث لأحمد وواحد من الشباب
المخطئ : آسف ياشيخ ماشفناك عسى ماصار شي
أحمد : الحمد لله جات سليمه
المخطئ : الحمد لله
ومن هاللحظه قال أحمد مسموح وماحصل إلا كل خير ماتعرّفنا؟
المخطئ : الله يسلمك معاك وليد
تعرفوا على بعض وصاروا اصحاب
جمانه في البيت وتحديدا في دارها : أدق على وائل ولا ما أدق يوه ياني محتاره ؟
بس أنا ودّي أسمع صوته يلا ماني خسرانه شي بس راح أسمع صوته وأحط أغنيه من غير مااتحجى
طيب وش أحط وش أحط ؟؟
امممممممممممممممممممممم عرفت ..
مسكت الموبايل وحطّت رقم وائل ويات تبي تدق إلا ...
يووووه أخاف يكون مشغول وأزعجه مع هالصبح ؟ أصلا ً وش عرّفه مين المتصل هو مايعرف رقمي
يلا توكّلنا على الله
دقت الرقم .. طووووووط طوووووط
وائل : ألووو مين ؟
جمانه تشغّل المسجل :
معجبه مغرمه أنا بقى مش عايزه إلا هوه .. مشيته همسته نظرته بتحرّك قلبي جوّه
حد يقولو حد يقولو إني بحبو الحب دا كلو .. حد يحنن قلبو عليّا أنا مكسوفه أرحلو وأقولو
وائل : ؟؟؟؟ ويكمّل الأغنيه
ايوه خطفني بسحر جمالو .. شوقي باينلو وعيني قايلالو
خايفه ماكنش أنا اللي ف بالو بعد دا كلو
روحو قلولو بحبو ومالو .. معجبه بيه ودايبه ومايلالو
وحده خلاص عاشقه وعايشالو عمرها كلو
جمانه تقفل السماعه .. طوط طوط طوط
وائل يبتسم ويحس إنها جمانه
رد وأرسل رساله وقال رد لوسمحت عالموبايل ولا تتكلّم ودّي أسمعك شي ..
دق وائل وردّت جمانه وبدون أي همس ..
شغل وائل ف موبايله أغنيه وقبل مايشغّلها قال ياللي ع الخط ودّي تسمع هالأغنيه كامله
يوووووووووووه منه منه منه .. يوووووووووووه منه منه منه
هذا اللي مجنني تاعبني وشاغلني .. مايرضى يكلّمني عذّبني بنظراته
يوووووووووووه منه منه منه
ياناس أنا أحبه .. وأموت في حبه
قلبي مثل عيني .. عاشق ومغرم به
يوووووووووووه منه منه منه
في قلبي له صوره .. حلوه ومغروره
أحلى قمر خلّي .. ياحلو هالصوره
يوووووووووووه منه منه منه
أكتبله أشواقي .. ويعطّر أوراقي
مقوى على فراقه .. ومايقدر فراقي
يوووووووووووه منه منه منه
جمانه : احم احم
وائل : وربّي عارف إنج راح تدقّين يا.......
جمانه : شنو درّاك ؟
وائل : يعني الحين تحجّيتي ؟
جمانه : امم
جمانه : وائل ماقلتلي ليه ماكمّلت عارف إنج تدقّين يا .. شنو
وائل : يا لؤلؤة كياني
جمانه : احم ..
وائل : شنو فيج ؟ استحيتي ؟
جمانه : أنا مب لؤلؤه أنا جُـ مَـ ا نه ..
وائل : ههههههههه
جمانه بدلع : اشفييييك تضحك ؟؟
وائل : تعرفين معنى اسمج ؟
جمانه : لا والله ماقد فكّرت ف معناه
وائل : معناه اللؤلؤ عشان جذي قلت يالؤلؤة كياني
جمانه : حتى معنى إسمي تعرفه ؟
وائل : لو مااعرف معنى اسمج عيل اسم مين راح أعرف معناه ؟
جمانه : اهااااا
وائل : أقول جمانه ..
جمانه : ياهلا ..
وائل : أضيع أنا .. احم أقصد نسّيتيني أقولج شخبارج ؟
جمانه : صج والله ؟ ماسألت شخبارك ؟
وائل : ايه واللي يسمع هالصوت ماتبينه ينسى ؟ إلا ينسى كل شي حتى نفسه
جمانه بدلع : يلا عاد لا تغزّل فيني عيـــب ..
وائل : انزين شخبارج ؟ وكيف الدنيا معاج ؟ تصدقين وحشتيني وودّي أشوفج ..
جمانه : من البدايه جذي تبي تشوفني ؟ بس تبي الصدق حتى انت وحشتني
وائل : صج ؟
جمانه : ايه لو مااشتقت لك ماكان دقّيت
وائل : يعني تتغلّين ؟
جمانه : يمكن ..
وائل : الله يعين قلبي عليج .. بس شيسوّي يمووووووت فيج
جمانه : صج والله؟
وائل : لا تقابلنا نتفاهم ..
جمانه : خلاص أحدد يوم وأجابلك فيه
وائل : يافرحتي بهاليوم ..
جمانه : اوكي عطّلتك عن شغلك أخلّيك الحين وأقول .. ترى هاي رقمي
وائل : اوكي عمري أسمع صوتج على خير وردّيلي قريب ..
جمانه : بإذن الله .. الله يحميك
وائل : مع السلامه
ــــــــــــــــــــــــــــــــــــــــــــــــــ ـ
أحمد وصل الشركه وهو متأخر
قام وائل وقال : وش فيك يا أحمد وش فيك تأخرت؟
أحمد : صار لي حادث !!
أبو أحمد : شنوو ؟ حادث ..
أحمد : هلا يبه وش فيك اقعد استريح ولا تخاف كاني قدّامك ماصارلي شي والحمد لله
أبو أحمد : هذاني قعدت قلّي وش صار بالتفصيل الملل ....
ـــــــــــــــــــــــــــــــــــــــــــــــ
استمرّت علاقة وائل وجمانه من غير ماأحد يدري
ومر شهر رمضان الكريم على خير
وكل اللي صار ف رمضان زيارة البنات لبعض زيارة الأمهات لبعض ..
وزادت العلاقه بينهم يميع ..
وأكثر شي زادت العلاقه بين ود ومروه .. ونوره وجمانه لاحظوا هالشي
وفي العيد نوره عزمت ود في بيتها //
نوره : هلا ودّووو تصدقين أحسج وايد تغيّرتي من بعد ماتعرّفتي على مروه وجمانه وخاصة ً مروه
ود : أنا تغيّرت ؟؟
نوره : عيل أنا ؟ أيه انتي صرتي دايم مع مروه أكثر وجنّها هي رفيجة عمرج وأنا وين رحت ؟
ود : مروه انتي تعرفين ......
نوره : مروه ؟؟ أنا مب مروه ياحياة مروه أنا نوره
ود : نوره سمعيني ..
نوره : نعم تحجّي قولي وش عندج بعد
ود : خلاص انسي
نوره : أقولج شي ..
ود : قولي .؟
نوره : اسمحيلي بما إنج دايم ويّا مروه أنا بصراحه زهقت وأبي أتعرّف على غيرج .. وانتي خلّيج ويّا هالمروه
ود : ..................
وبعد هالزياره نوره ماشافت ود

((الفصل الثاني))
أحمد في أيام العيد//
أحمد يكلّم روحه : غريبه وليد لا دق ولا عيّد ولا شي لايكون صاير له شي وانا مدري خلّيني أدق عليه واتطمّن على أحواله
أحمد يدق على وليد .. جااااااااااااري الاتصال ..
وليد : ياهلا ..
أحمد : أهلا ً وليد شخبارك يالقاطع ؟ العيد يا وانت ماسألت فيني ؟
وليد : والله انشغلنا برمضان وحوسة العيد ماعليك المهم عيدك مبارك
أحمد : علينا وعليك يالغالي ..
وليد : عيل بهالعيد أنا عازمك عندنا بالشاليه ..
أحمد : اوكي دقايق وانا عندك..
وصل أحمد الشاليه عند وليد..
وليد: هلا والله تو ما نوّر الشاليه
أحمد : منوّر بوجودك وبوجود الشباب
وليد: أعرّفك على اخوياي هذا علي وذا فهد وذا أسامه وذا طارق
شباااااااااااااب هذا أحمد اللي قلتلكم عليه
الشباب : ياهلا والله بأحمد حياك تشرّفنا
أحمد : الشرف لي والله
أسامه : أحمد كلمنا عنك شوي .
أحمد : والله عادي زي اي واحد أشتغل ف شركة .......... هي حقّت أبوي عبدالله
الشباب : اهاااااااااا ماشاء الله
قام الشباب يتغامزون مع بعض من دون ماينتبه أحمد
المشكله إن أحمد مايدري عن هالشله اللي دخل فيها والقدر اللي انكتب له مع ذي الشله
وعلى الساعه 12 بالليل ..
أحمد : شباب يلا عن إذنكم أنا راد للبيت أشوفكم إن شاء الله وقت ثاني
وليد : خلاص أجل الأسبوع الياي نتقابل ف الشاليه
أحمد : على خير إن شاء الله
وبعد اسبوع تقابلوا ثاني مره بنفس الشاليه والشباب مخططين إن ف هاليوم يجيبون البنات والشراب
ويفلّونها وطبعا ً أحمد مايعرف هالأشيا والخرابيط ووليد ماقال لأحمد عن شي وعن اللي بيصير هالليله
أحمد وصل لشاليه الساعه تقريبا ً 9 الليل ..
جلسوا وتكلّموا وهات ياضحك وهات ياسوالف ومن هالكلام .. على الساعه 11 يات سياره مليانه بنات
قال أحمد : لايكون البنات غلطانيين بالشاليه ؟
وليد : لا هذول معانا ..
أحمد : معاكم ؟ عيل أنا طالع ..
وليد : على وين خلّيك شوي وان ماعجبك الحال أطلع
أحمد : لا لا ياخوي أنا ماأعرف ذي الأشيا ..
وليد : بس هالمره حرام تفشّلني قدّام الشباب بعدين وش يقولون عنّي جايب واحد مب عايش بالدنيا ..
أحمد : عارف يقولون اللي يقولونه .... سكت أحمد شوي
وقال : أوكي بس هالمره علشان ماأحرجك بقعد شوي وبطلع
وليد : اووكيشن ..
دخلوا البنات وشغّلوا المسجّله وقاموا يرقصون والشباب يرقصون ويّا البنات
وليد : أحمد أييب لك شي تشربه ؟
أحمد : لا والله مابي شي مشكور
وليد : يلا عاد عصير شي ..
أحمد : أوكي ييب لي عصير برتقال
وليد : ثووووواني ويكون عندك ..
وليد قام يجيب العصير وهو يحط العصير ف الغلاس أخذ حبه من حبوب الهيروين
وذوّبها في غلاس أحمد طلع من المطبخ وراح لم أحمد
وليد : أحمد تفضّل ..
أحمد : زاد فضلك أخوي ..
وليد وف داخله يحس بتأنيب ضمير أقصد ذره من تأنيب الضمير إن أحمد مايستاهل بس عقليته وعقلية شلته الفاسده
وتفكيرهم في فلوس أحمد جذبت الفكره براس وليد إن أحمد يدخل معاهم بالشله ويتاجر معاهم ويدفع الفلوس لهم عشان يريّحونه
أحمد : وليد .......؟
وليد : أحمد ؟ وش فيك ؟
أحمد : مدري أحس راسي يعوّرني
وليد : تبيني أييبلك بندول ؟
أحمد : ياليت ولو سمحت ويّا غلاس ماي
وليد : على آمرك
وليد راح ويابله حبه ثانيه يمكن لأنها الأولى قام وصدّع وياب الماي ويا
وليد : أحمد تفضّل ..
أحمد : مشكور يلا عن إذنكم مشكورين هالسهره الحلوه // وف نفسه يقول : إذا شفتو رقعة ويهي ثاني مره
المهم أحمد ارتاح بعد ماأخذ الحبه وما جا ف باله شي أبد
بعد كم من يوم شلة وليد ..
فهد : أقول وليد أتوقّع الحبّتين مانفعت ويّا أحمد ليش ماتعزمه ثاني مره ؟
وليد : بعد اللي شافه أحمد مستحيل إنه يقبل دعوتي ثاني مره
أحمد في مكتب الشركه يحس براسه يطق طق وكل مايشرب بندول مايروح الألم قال مالي إلا وليد هو اللي عنده ذاك البندول ويبيلي أسأله عنه عشان ماأروح أطلبه كل مره
أحمد يتصّل على وليد //
أحمد : هلا والله وليد شخبارك ؟ وكيف دنيتك ؟
وليد : أبد الحمد لله على حطة ايدك ؟ إلا لا يكون زعلت منّي من ذاك اليوم ؟
أحمد : لا اش دعوه بس زي ماقلتلك أنا ما احب ذي الأشيا
وليد : اهااا
أحمد : أقول وليد أبي منّك خدمه
وليد : آمر ..!
أحمد : وش اسم البندول اللي أعطيتني اياه يوم كنت عندك ؟
وليد : أي بندول ؟؟ علي يضرب وليد على يده ...
وليد : ايه ايه عرفته وش فيه ؟
أحمد : بصراحه راسي مررررره مصدّع وكل ماجرّبت بندول مانفع معاي قلت أدق عليك وتعطيني منه
وليد : ابشر على آمرك بس تراه غالي لأنه مب من هنا
أحمد : مايهم قد مايييب ييبه المهم أرتاح
وليد : خلاص بييبلك منه كم من حبه ..
أحمد : يعطيك العافيه
وليد يقفل السماعه من عند أحمد ..
وليد : شباب نفع المفعول ويّا أحمد ..
الشباب : هههههههههههه عيل تمام

"الجزء الرابع"
((الفصل الأول))
نوره اتعرفت على بنااااااات في الجامعه بعد ماتركت ود
نوره: هلا أمل.. اخبارج؟
أمل : الحمد لله.. انتي اخبارج؟
نوره : بخير الله يسلّمج ..
أمل : نوره ودّي نتكلّم واحنا قاعدين ويّا بعض أفضل من الموبايل
نوره : خير إن شاء الله ؟
أمل : لا تجابلنا بتفهمين ..!
نوره : خلاص عيل بكره بعد اليامعه نروح أي مقهى ونتكلّم فيه
ــــــــــــــــــــــــــــــــــــــ
جمانه ووائل //
جمانه تدق على وائل حبييبها ..
جمانه : ألوووو
وائل : ياهلا وغلا بعمري ..
جمانه : هلا فيك .. أخبارك ؟
وائل : تمام على حطّة ايدج ..
جمانه : بس أنا ماحطيت يدي ..! ههههه
وائل : هههه انتي شخبارج ؟
جمانه : دامك بخير أكيد بخير ..
عيدك مبااااااااارك
وائل : يباركلي فيج وبعمرج وينعاد عليج إن شاء الله بكل خير
جمانه : الله يسلمك
وائل : ها يا لؤلؤة كياني وش صار على اللي قلتلج عليه قبل رمضان ؟
جمانه : شنو اللي قلته ؟ أنا مااذكر وش كليت أمس
وائل : الله لهالدرجه ماني ف بالج ؟
جمانه : انت ف بالي على طول بس وش تقصد ؟
وائل : بالنسبه لشوفتنا ..؟
جمانه : اهااااااا صح تذكّرت ... عندي لك مفاجأه
وائل : لا تغيّرين الموضوع
جمانه : شنو ؟ أغيّر الموضوع انت اسمعني انزين وبعدين شوف ..
وائل : زعلتي ؟
جمانه : ............
وائل : لا لا لا لا مقدر على زعلج بعدين أموووووووت يرضيج أموت ؟
جمانه : بعيد عنك إن شاء الله الله يطوّل بعمرك
وائل : خلاص ياستّي أنا آسف .. قولي وشنهي المفاجأه
جمانه : أنا قررت أشوفك يوم الخميس
وائل : صج والله ؟
جمانه : ايه .. شفت إنك على بالي ...
وائل : ايه أعرف أصلا ً إني على بالج داااااااايم وماتقدرين تستغنين عنّي بس لو تقوليلي شي واحد
جمانه : مثل شنو ؟ !!
وائل : قلتلج لا تقابلنا بتفهمين
جمانه : خلاص عيل الخميس بإذن الله نتقابل وف مكاننا المعتاد
وائل : البحر صح ؟
جمانه : ايه وش درّاك ؟
وائل : لأنه المكان الوحيد اللي شفتج فيه مرّتين مره ويّا ود ومره لما تكلّمنا أول مره
جمانه : صح ..
وانتهت المكالمه
ــــــــــــــــــــــــــــــــــــــــــــــــــ ـ
نوره وأمل ف المقهى //
نوره : من صجّج يا أمل ؟
أمل : ايه عيل أمزح وياج ؟ يلا عاد لا تسوّين فيها تستحين ومدري شنهو
نوره : بس أنا .....
أمل : لا بس ولا شي .. قولي تم وصدقيني بتنبسطين
نوره : اوكي خلاص .. بس شنو أقول لأهلي ؟؟
أمل : قوليلهم عندي حفلة ميلاد أمل وبتقعد الحفله للصبح ولا من شاف ولا من درى
نوره : الله يعين
نوره راحت البيت وهي تفكّر بكلام أمل اللي شاغل كل تفكيرها
وتقول : اشلون أروح أقعد ويّا شلة شباب مع شلة بنات الحين ؟ أنا ماقد سوّيتها
يووووووووه ياني محتاره المشكله مابقى حالحفله غير يومين اليوم الثلاثاء والخميس الحفله
يلا يوم ويعدّي ..
يوم الاربعاء ..
جمانه تفكّر وش تلبس لمقابلة بكره ويّا وائل ..
ووائل حاط المسجّل ويسمع أغنية حسين الجسمي :
من فينا هالليله ينام .. والشوق صاحي ماينام
كل منّا ياحبيبي .. شايل بقلبه كلام
هذا واحنا ماالتقينا .. رعشة الشوق بيدينا
كيف بكره ياحبيبي .. بأول الموعد سلام
من فينا هالليله ينام
بكره ياعيوني بتجيني .. شايل بعينك حنيني
تسهر الليله عشاني .. واسهر لشوقي اللي فيني
وليه أشكيلك ياغالي .. وانت مثلي بانشغالي
والله يكفي ياحبيبي .. مااقوى هاللفه حرام
من فينا هالليله ينام
مدري شسوّي ياقلبي .. لمّا أشوفك بكره جنبي
ودّي أحكيلك غرامي .. خايف عيوني تخبّي
بكره ياعمري لقانا .. وحدنا ماحد معانا
لو بكينا ياحبيبي .. ماعلى اللهفه ملام
ومن فينا هالليله ينااااااام
ـــــــــــــــــــــــــــــــــــــــــــــــــ
نوره وهي ف بيتهم //
نوره : يمّه أنا بكره رايحه لحفلة ميلاد أمل .. شنو قلتي ؟
أم نوره : مالي شغل روحي وقولي لبوج ....
نوره : تكفين أخاف يردّني ..
أم نوره : الراي رايه ..
نوره : خلاص بروح له ..
نوره وهي تدخل عند أبوها في المقلّط ..
نوره : يبه .. أبي منك طلب ..
أبو نوره : آمري وش بغيتي ؟
نوره : يبه رفيجتي عندها حفلة ميلاد وودّي أروح لها
أبو نوره : ومن امتى تبدا ؟
نوره : تقريبا ً الساعه 8 بالليل
الأب : اهاا وامتى تنتهي ؟
نوره : اتوقع على 3 الفير
الأب : 3 الفير ؟ ليش وش تسوّن عرس ؟
نوره : يبه الله يخليك ودّي أغيّر جو
الأب : انزين بس لو تأخرتي أكثر ياويلج
نوره تقوم وتحب راس أبوها وتقوله : مشكور يايبه الله لايحرمني منك ومن أمي

((الفصل الثاني))
يوم الخميس اليوم الموعود لـ جمانه ووائل .. وبعد لنوره ..
نوره تدق على أمل : هلا أمل خلاص كل شي تمام بس لازم أييج البيت ومنها نطلع أنا وانتي
أمل : خلاص اوكي ..
نوره : ولازم تردّيني على 3 الفير لأن أبوي بالقوه لين وافق ..
أمل : خلاص إن شاء الله ..
قامت نوره اتضبط وتسرّح الشعر وتختار الملابس والميك أب وأخذت لها وقت وهي اتضبط
جهزت نوره في تمام الساعه 7:30 وأخذها أبوها لبيت أمل دخلت نوره البيت وجلست 5 دقايق
عبال ماانتهت أمل من حوستها طبعا ً أهل أمل مب موجودين وقتها عشان جذي أمل تروح وتيي على كيفها .. المهم
اطلعت أمل ويّا نوره مع السايق وراحوا المخيم طبعا ً المخيم بعيد عن المدينه بمسافة 5 كيلو
وبدأت السهره ..
البنات رقص الشباب كل واحد معاه وحده ويرقصون ..
بوفيه مفتوح وعشا وحلى وشي
يعني سهره مضبطه ومتخطط لها زين ..
نوره : أمل هييه أمل تعالي هني
أمل : يوووه يا نوره ماتشوفيني أرقص الحين
نوره : أمل أحاجيج أنا ولا ترى الحين تردّيني البيت
أمل : بيت ؟ لا يانوره خلّيج اش دعوه , هلا وش بغيتي ؟
نوره : أنا طفشت مدري وش أسوّي انتم كلكم تعرفون بعض وأنا مثل الطوفه مدري وين الله حاطني
أمل : ولا يهمك تبيني أعرّفك على أحد هني ؟
نوره : مثل مين يعني ؟
أمل : اللي تبينه أشّري وبس هو يجيك
نوره : اممممممممم دقيقه أشوف بس اسمعي أبيه طيب مو مصرقع مثل ذول
أمل : طيب شوفي هذا و ذا وذاك واللي يالس بروحه هناك
نوره : عيل اللي يالس بروحه ..
أمل : الحين أروح أكلّمه
أمل وهي تمشي لم اللي قاعد بروحه
أمل : هلا والله بـخالد وش دعوه يالس لحالك ؟
خالد : مافي أحد أقعد ويّاه وأنا طفشت كل مره نفس الأشكال ..
أمل : عاد شكلك اليوم انت منت معانا بالسهره نهائي ؟
خالد : ليه ؟ في شي يديد وانا مدري ..
أمل : شفت هذيك اللي قاعده بروحها ؟
خالد : ولللللل وش هالحلا ؟؟ من وين يات ذي ماشفتها قبل جذي ؟
أمل : هذي رفيجتي اليديده قوم وتعرّف عليها هي تستحي مثل الباجيين بأول مره
خالد : اهاااا خلّيها عليّ
خالد يمشي بين البنات والشباب اللي يرقصون ووصّل لم نوره ..
خالد : السلام عليكم .....
نوره : هلا وعليكم السلام
خالد : وش رايج بالسهره اليوم ؟
نوره : تبي الصج ولا ولد عمّه ؟
خالد : أكيد الصج ياعسل ..
نوره : زهقت !!
خالد : زهقتي من هالهسره ؟
نوره : ايه مافي شي حلو على قولة أمل راح انبسط ماشفت شي
خالد : عيل تعالي أراويج البسطه ..
طبعا ً خالد مو رفيج عبدالله لا هذا خالد رفيج أمل ف المخيم
ــــــــــــــــــــــــــــــــــــــــــــــــــ ـــــ
وائل في المقهى ينتظر جمانه تيي , حالته متوتره وريوله تهز بالأرض
دقايق وجمانه تدخل ..
وائل وقف من مكانه وقال : جمانه !!
جمانه تلفت : اهاا لقيتك ..
وائل : هلا عمري تفضلي قعدي ..
جمانه وهي تسحب الكرسي : تسلم والله .. شخبارك ؟
وائل: الحمد لله وانتي كيفج ؟
جمانه تقعد وتقول : الحمد لله
وائل وهو يناظر بعيون جمانه: ماشاء الله تبارك الله
جمانه : على شنو ؟
وائل : عليج يابعد عمري طالعه قمر اليوم وأحلى من العاده
جمانه ولونها رايح للأحمر: بسّك عاد كل مرّه بتقعد اتغزّل فيني جذي أنا انحرج ..
وائل : وياحلاتج وانتي مستحيه
جمانه ترخي راسها بخجل ..
جمانه : انزين بنقعد جذي طول الوقت ؟
وائل : اللي يشوفج ينسى الدنيا كلها .. خلاص خلاص بقفّل لساني هههه
جمانه : ههههههههه
وائل : انزين وش تشربين ؟؟
جمانه : اللي تبي عادي أشرب أي شي ..
وائل : إن شاء الله ألحين أرد
ــــــــــــــــــــــــــــــــــــــــــــــــــ ـــــ
وليد يتصل على أحمد بعد ماجهّزله الحبوب..
وليد : ألوووو أحمد ؟
أحمد : ياهلا والله ولّود ها وش صار عالحبوب ؟
وليد : اجهزت تقدر تاخذها اليوم لو تبي .!
أحمد : أكيد .. الحين ياييك وينك انت بالضبط ؟
وليد : بالشاليه
أحمد : دقايق وانا عندك
وليد : أحمد لا تنسى ........
أحمد يقاطعه ويقول : لا لا ماعليك
وليد : عيل انتظرك
وصل أحمد للشاليه شاف وليد
أحمد : هلا وليد ها وين الحبوب ؟
وليد : خذ يبتلج 10 حبّات .. لا تخلّصها بسرعه
أحمد : إن شاء الله .. وكم كلّها ؟
وليد : بصراحه كلّفتني 1000 دينار
أحمد : هذي الألف ومشكووووور يالغالي
وليد : العفو مابينا شكر .. تفضّل اقعد ويّانا
أحمد : لا والله مستعيل .. وراي أشغال ..
وليد : عيل الله وياك
طلع أحمد من الشاليه وف طريقه أخذ حبه وريّح راسه
وخلاّ التسع حبات بدرج السياره وقفّل عليهم ..
ومن هنا بدأ الإدمان على الحبوب ينتشر بجسم أحمد والسبه وليد وشلته الفاسده وهمهم الكبير للفلوس
ـــــــــــــــــــــــــــــــــــــــــــــــ
نوره : ها خالد على وين بتاخذني ؟
خالد : تعالي شوفي بنفسج ..
طلعوا من المخيم .. وأمل تناظر من بعيد وتضحك ضحكه شريره
نوره : لا تقول بنروح من المخيم ؟
خالد : ماعليج بردّج بالوقت المناسب وأنا عند وعدي
نوره : تصدّق عاد قلت لأهلي بروح لحفلة ميلاد أمل وبتنتهي الحفله الساعه 3الفير
خالد : حلو 3 الفير بدري توّنا الساعه 11
نوره : خلاص عيل ورّيني اشلون بنبسط
خالد يرجع للمدينه ويّا نوره ويروح شقته البسيطه
نوره : خالد لاتكون بتدخّلني هالبيت ؟
خالد : وش فيها ؟
نوره : لا لا أنا أخاف
خالد : هذي شقتي لا تخافين صدقيني راح تنبسطين ..
ـــــــــــــــــــــــــــــــــــــــــــــ
وائل : هاج ياجمانه طلبج ..
جمانه : مشكور يالغالي
وائل : اوكي ماقلتيلي ..!
جمانه : شنو ؟
وائل يمسك إيد جمانه : ماتبين تعرفين وش اللي بقوله لج ؟
جمانه تسحب إيدها : إلا أبي أعرف ..
وائل : من امتى واحنا نعرف بعض ؟
جمانه : تقريبا ً 5شهور ..
وائل : انزين وماودّك تعرفين مشاعري اتجاهج ؟
جمانه : أعرف مايحتاي تقول ..
وائل : بس فيه شي للحين ماقلته لج ...!!!!
جمانه باستغراب : شنهو ؟!
وائل : أنا .... أنا .......
جمانه : انت شنو ؟
وائل : أنا أحبج !!!!
جمانه : ........... شنو ؟ ماسمعت !
وائل : أنا أحبج ايه أحبج وأموت فيج بعد
جمانه : تحبني أنا ؟
وائل : ايه أحبج انتي عيل ليش أركض وراك من أول ماشفتج ؟
جمانه : يمكن مثل شباب هاليومين ..؟
وائل : وانتي لو كنت مثل شباب هاليومين كان تكلّمتي وياي ؟
جمانه : طبعا ً لأ ..
وائل : عيل مصدّقتني ..
جمانه : ايه .. انزين اشرب اللي طلبته لأنه برد
جمانه : وائل ...
وائل : ياعيون وائل
جمانه : أنا بعد ..!
وائل : ايش بعد ؟ تبين تشربين اشربي طيب بالعافيه عليج ..
جمانه بدلع : لا مو أشررررب
وائل : عيل شنو ؟
جمانه : وأنا بعد أحبك ..
وائل : صج تحبيني
وائل ياقف وبأعلى صوته .. ياناااااااااااس تحبني والله تحبني
جمانه تسحبه وتقوله فضحتني اقعد اقعد اششش
جمانه : ايه صج أحبك وحسيت بهالإحساس من أول ماتصادمنا عند بيتنا , مدري حسّيت فيك شي يجذبني
وبعد مده اشتقت لشوفتك وصدّقني يوم عرفت إن ود أختك حسّيت إن ربّي يامعنا لبعض ..
وائل وهو يناظر بعيون جمانه ومتّكي على ايديه ومبتسم : ايه تصدقين .. أحب اسمعج اتكلّمين
وائل : والله يا لؤلؤة كياني انا مو بس أحبج أنا أمووووووت عليج وعسى الله يجمع بينا
جمانه : إن شاء الله يارب
وبعد هالجلسه الحلوه رجعت جمانه لبيتها ووائل راح الإستراحه عند الشباب
ــــــــــــــــــــــــــــــــــــــــــــــــ
خالد : نوره تفضّلي البيت بيتج حياج
نوره : بسم الله ..
خالد : ها وش رايج بالشقه ؟
نوره : تصدّق إنها تينن .. صج تينن
خالد : تسلمين ذا من ذوقج ياغلا .. وين تحبي تقعدين ؟
نوره : محل ماتقعد دايم ..
خالد : انزين قعدي هني وأنا بييب شي نشربه
نوره : انزين ..
نوره قامت تدور بالشقه وبكل ركن فيها شوي ولاّ تلحظ مسجّله مايشتغل عليها إلا الإسطوانات الكبيره السودا اللي مثل حقّت زمان
قالت ف نفسها : خلّيني أسمع وش الأغاني الموجوده فيها ..
شغّلت المسجّله وطلعت أغنية رومنسيه ومن دون شعور قعدت ترقص عليها
خالد وهو طالع من المطبخ يشوفها ترقص وقعد يناظرها أعجبه جسمها وطريقة رقصها مشى وحط الغلاسات عالطاوله
وهي معطته ظهرها .. قام هو ومسك كتوفها من ورا ومد ايديه لبطنها من قدّام وهي رجّعت راسها على على كتف خالد
وقاموا يرقصون رقص رومنسي وبعد ماتعبوا قعدت على اليلسه وأخذت العصير
قام خالد قال : دقيقه لا تشربين ..
نوره : ليش ؟ ..
خالد : أبي أشرّبج من يدي ..!
نوره : اهااا
خالد يمسك غلاس نوره ويشرّبها بيده ..
نوره وخالد يتبادلون الابتسامات والنظرات وكل واحد عيونه بالثانيه ..
وماهي إلا لحظات إلا وخالد يقرب من نوره
نوره مخدّره لأن خالد كان حاط بغلاس نوره مخدّر وهي متخدره ماتدري وش اللي يدور حولها
قامت تتجاوب مع حركات خالد ولمساته ويّاها
خالد : ايه خليج جذي .. جذي تعيبيني ..
وبعد ساعتين الساعه 1 بالليل ..
نوره تقوم من النوم وتشوف نفسها نايمه على سرير خالد وخالد يمّها نايم
نوره : خالد ؟؟؟
خالد : هلا نوره ؟
نوره : وش صار بينا ؟؟
خالد : ولا شي كنتي تعبانه ويبتج للسرير تنامين ؟
نوره : يعني ماصار شي
خالد : لأ طبعا ً ..
نوره : يوووه الساعه 1 لازم نرد المخيم قبل أمل تروح للبيت وأقعد أنا واتورّط
خالد انزين يلا ..
ردّوا للمخيم //
أمل : نوره أشوفج مبسوطه ..
نوره : ايه والله خالد ماخلاّ علي قاصر ..
أمل : ماشاء الله عيل نرد للبيت ؟
نوره : ايه ..
خالد : نويّر ماعطيتيني رقمج ؟
نوره : صج والله ؟ انزين خذه .................
خالد : بينا اتصال اوكي
نوره : أكيد
أمل تغمز لخالد بغمزه وخالد يردلها الغمزه بمعنى اللي تبيه صار
وكل واحد رد لبيته

مع اني بجد زعناانه منكم لانوو مافي تفااعل بس بكملها مااحب اسوي شي واخليه نااقص ..http://forums.graaam.com/images/smilies/graaam%20(266).gif


"الجزء الخامس"
((الفصل الأول))
وائل وصل الاستراحه //
وائل : سلااااااااام
الشباب: وعليكم السلام
عبد الله : ها وين كنت .. من اول ندق عليك ماترد؟
وائل : لابس كان عندي كم من شغله ويمكن نسيت الموبايل في السياره
سامي : كيفك وائل .. شمسوي ويا هالعمل اللي شاغلك عنا
وائل : كللللللللش تمام
وتمو يسولفون ويضحكون
ــــــــــــــــــــــــــــــــــــــــ
في اليوم الثاني من المقابله//
جمانه اللي من يوم ماردت البيت وهي تفكر بكلام وائل لها وقررت انها تخبر رفيجتها مروه راحت ودقت عليها:
جـــــــــــــــــــاري الاتـــــــصـــــــــــــال
جمانه : هلا والله ماري .. شخبارج؟
مروه : الحمد لله تمام ..انتي شلونج وشلون خالتي؟
جمانه : الحمدلله .. اقول أبي أقولج شي بس ماينفع بالتلفون
مروه : خير ان شا الله وش صاير؟؟
جمانه : خير ان شا الله بس هو شي ماتتوقعينه
مروه : حتى انا بعد ابي اقولج شي
جمانه : خلاص عيل نتقابل في الكوفي شوب اللي دايم نروح له
مروه : اوكي
المقابله في المقهى//
مروه : هلا والله جوجو
جمانه : هلا بيج
مروه : ها وش الموضوع اللي تبين تقولينه؟؟
جمانه : انتي اول
مروه : لا انتي
جمانه : هههههههههههه اليلسه كلها انتي لا انتي
مروه : هههههههه يلا انتي أول
جمانه : انزين سمعي .. الموضوع وما فيه اني احب واحد
مروه : صج والله .. منهو سعيد الحظ؟؟
جمانه : وائل اخو ود
مروه اللي من يوم اسمعت الاسم ماعرفت وش تقول!!
جمانه : اشفيه ويهج انقلب جذي
مروه : ها.. لابس وانتي من امتى تحبينه؟؟
جمانه : من اول ماشفته عندنا قبل 5 شهور.. ها ماقلتيلي
مروه : اقول ايش؟؟
جمانه : مامداج نسيتي
مروه : ايه تذكرت.. حتى انا احب واحد بس مني معلمتج منهو
جمانه : افاا ليش هذا وانا معلمتج .. بس بكيفج وقت ماتبين تقولين قولي
مروه وبداخلها حزن : ان شاالله حبيبتي
واجلسو يسولفون..
ــــــــــــــــــــــــــــــــــــ
أمل تدق على نوره//
أمل : هلا نويّر شخبارج بعد ليلة امس؟؟
نوره : تمام والحمد لله.. انتي شخبارج؟
أمل : الحمد لله بخير.. ها تطلعين اليوم؟؟
نوره: والله ماادري.. اذا فكرت دقيت عليج
أمل : عيل أخلّيج الحين .. لاتنسين تدقين
نوره : اوكي
ــــــــــــــــــــــــــــــــــــــــــــ
مروه ردّت البيت وتفكر باللي قالته جمانه لها عن انها تحب وائل وتحجي روحها:
معقوله تكون جمانه تحب وائل طيب وائل يحبها ولا لأ
وباستعجاب : الله وأعلم

((الفصل الثاني))
وبعد أسبوع
أحمد وهو في الشركه عند اخوه وائل:
أحمد : اقول وائل روح السياره وفج الدريّ وهاتلي الحبوب اللي فيه
وائل : وش حقه ذي الحبوب؟؟
أحمد : حقت راسي مسكن للالم
وائل : اها .. وليه ماتاخذ بندول احسن من مسكن الالم
أحمد : خذيت البندول وما نفع الا ذا المسكن
وائل : وش اسمه؟؟
أحمد : لاتكثر هذره على راسي روح يبلي المسكن
راح وائل السياره وياب المسكن لاخوه اللي مايدري انه يشرب مخدرات مو مسكن
حالة أحمد في تدهور من أسوأ لأسوأ والحبوب ماعادت تنفعه
أحمد : آآآآآآآآه يارااااااااااسي ماعاد هالحبوب تنفعني
وليد يتصّل على أحمد ..
وليد : هلاوين حمااااده شخبارك يالغالي ؟
أحمد : هلا فيك والله .. تبي الصراحه أنا حيل تعبان وهالحبوب ماعادت تنفعني بلعتها كلها ومافادتني
وليد : تبي مسكّن أقوى ؟؟
أحمد : ياليت والله ماعدت أقدر استحمل حالتي حاله والله
وليد : تعال عندنا بالشاليه وراح ترتاح
أحمد : أخلّص الدوام وأييكم .. بس لازم تلقالي حل لهالعوار
وليد : ولا يهمك
وليد يقفل السماعه ويدق على طارق ..
وليد : طارق اسمعني زين أبيك تدق على الشباب واحد واحد وتقولهم ييون الشاليه الحين
طارق : هييه هدّي شوي لا سلام ولا شخبار وش فيه وش صاير ليه ؟ خير ان شاء الله !!
وليد : أقول أسرع ماعندك وبعدين راح تفهم ..
طارق : بعدين بعدين .. يلا اوكي
وليد : سلام
طارق : ياهلا
اجتمعوا الشباب بالشاليه ..
فهد : وش فيك ياااااااخي أبي أنام ليش داق مع هالعصر ؟
وليد : دقايق بس الشباب يتيمّعون وراح تسمعون خبر ولا أحلى
فهد : نشوف الخبر اللي مطيّرنا عشانه
علي - أسامه - طارق : السلام عليكم
وليد - فهد : وعليكم السلام
الشباب : ها وليد خير إن شاء الله ..
وليد : سمعوني زين اللي نبيه صار ولا يمكن اننا نفشل ف الموضوع
الشباب باستغراب : عن شنو انت قاعد اتحجّى ؟
وليد : يوووه عن احمد عن الفلوووس اللي راح تنزل علينا منه
فهد : انت من صجك اتحجّى ؟
وليد : ايه توّه أحمد مكلّمني وقال ان الحبوب ماعادت تنفعه يبي شي أقوى
أسامه : زين والله عيل خلّنا ندخّله معنا في الاستراد والتهريب دام عنده فلوس راح يدخّل علينا ذهب
طارق : ذهب ؟؟ إلا منجم من الذهب
وليد : اششش ااشششش أسمع صوت سياره أكيد أحمد وصل
قام وليد يفج الباب إلا أحمد ف ويهه ..
أحمد : هلا ولّود سلام
وليد : وعليكم السلام .. تفضّل حياك
أحمد : الله يحييك أهلين يالربع شخباركم ؟ عساكم بخير ؟
الشباب : الحمد لله بخير عاش من شافك
أحمد : عاشت أيامكم ..
وليد : أقول يالطيب الحين بييب لنا شي نشربه على كيف كيفك وبعد ماتشربه قول رأيك
أحمد : نشرب شنو ؟
وليد : أشربه أول وبعدين أقولك ..
أحمد : اوكي
وهذا هو وصل ..
طارق : تفضّل أحمد
أحمد : تسلم والله زاد فضلك
ــــــــــــــــــــــــــــــــــــــ
وف بيت أبو أحمد ..
ود : يبه يبه
الأب : هلا ود يمه ..
ود : يبه ودّي أطلع أغيّر جو زهقت من اليلسه ف البيت
الأب : وعلى وين ودّج تطلعين ؟
ود : ماادري والله يمكن أروح للبحر ..!
الأب : انزين يمه بس انتبهي حق روحج ..
ود : إن شاء الله يبه ..
وهي ماشيه احضنت ابوها واطلعت ..
ود في طريقها للبحر .. تدق عليها مروه ..
مروه : هلا ودّو .. شخبارج .؟
ود : أبد ماشي الحال ..
مروه : انزين وينج ؟
ود : بصراحه مشغوله شوي ..
مروه : عيل لافضيتي كلميني ..
ود : إن شاء الله
قفّلت ود الخط من ماري وتقول ف نفسها : اليوم مالي خلق أجابل أحد أبي أكون لحالي
وصلت لم البحر وقامت اتمشّى على الرمل وتلعب بالماي وتضحك مع روحها مشغّله المسجله بالموبايل وقاعده اتسّلى
وبعد ساعتين تقريبا ً قالت : يلا خلاص خلني أمر عالمقهى أخذ لي كوفي وأرد البيت
وقبل ماتوصل للسياره طاح موبايلها بالأرض ع الرمل وهي ماسمعته وهو طايح ركبت السياره ومشت ..
وهي تناظر بالمنظره حقت السياره تشوف واحد يلاحقها وف نفسها تقول : وش يبي هذا منّي من أول وهو لاحقني
خلني أوصل المقهى بس وأتفاهم معاه
وصلت ود للمقهى انزلت من سيارتها واللي يلحقها وراها طبعا ً ..
ود بعصبيه تطق على قزاز سيارة الشخص اللي يلاحقها : انت ماتقلي شنهي قصتك ؟ ليش تلاحقني من هناك لهني ؟
اللي يلاحقها : وعليكم السلام ورحمة الله وبركاته
ود : يوه ماتحجّى قول وش عندك تعرفني ؟
اللي يلاحقها : لا يا يالغاليه أنا ماأعرفج ولا لج عندي نيه سيئه
ود : عيل صدفه نروح لنفس المكان ..؟
اللي يلاحقها : لا والله أنا كنت ألحقج بالفعل
ود بعصبيه : يووووه ...
اللي يلاحقها يقاطعها ويقول : انتي سمعيني زين ..
ود : قول تحجّى ..
اللي يلاحقها : أنا كنت قاعد ف البحر ويوم انتي راده للسياره طاح موبايلج عالرمل وأظنّج ماانتبهتي له وقمت أناديج وماسمعتيني
قلت ألحقج بالسياره لين توصلين مكان معيّن وأردّه لج .. تفضّلي ..
ود بكل احراج : انزين مشكور آسفه ماكان قصدي بس توقّعتك تلاحقني من دون سبب
اللي يلاحقها : عادي يالطيبه ماحصل إلا كل خير ونادرا ً مانلقى بنات بمثل طبعج
ود : يعطيك العافيه وأتأسف مره ثانيه على اللي صار يا ............
اللي يلاحقها : محمد
ود : يا محمد تشرّفنا .. يلا عن إذنك فرصه سعيده ..
محمد :وأنا أسعد
ود : الحين أسعد ولا محمد ؟؟
محمد : هههههههههه صج والله دمج خفيف يا .....
ود : ود
محمد : انزين أشوفج داخله للمقهى خلّيني أنا أعزمج اليوم .. شنو قلتي ؟
ود : لا معليش بصراحه أنا كنت يايه أخذ لي كوفي وماشيه مانب قاعده بالمقهى ..
محمد : انزين ثاني مره انتبهي لموبايلج .. ترى مو كل واحد راح يردّه لج .. اللي مايخافون الله كثير
ود : إن شاء الله ولا يهمك ..
محمد : ود .......
ود : ياهلا !
محمد : أبي أعطيج شي بس ماتفهميني غلط
ود : لايكون بعد طاح منّي شي ثاني غير الموبايل ؟
محمد بابتسامه : لا لا بس كان ودّي أعطيج رقمي إذا حبيتي نتواصل يعني ولا مرتبطه ؟
ود : لا مانيب مرتبطه
محمد : عيل تفضّلي
خذت ود الرقم وراحت لم المقهى اشترت الكوفي وردّت للبيت
ــــــــــــــــــــــــــــــــــــــــــــــــــ ـ
جوال وائل يرن رنة الرساله
وائل : خير إن شاء الله ..
يفتح الرساله ويقرأ الرساله
الرساله من جمانه اللي مكتوب إسمها ف جواله ((لؤلؤة كياني))
تدري وش اللي ذابحني ومعنّيني ؟؟
(عروق غلاي) مني اشلون تسرقها ؟!
يمكن لأن المحبه نابعه من شراييني!
ويمكن لأن حظوظك الله موفقها ..
في حياتي ماقلت لأحد يابعد عيني !
واشلون خلّيتني لعيونك أنطقها ؟؟
جمانه كتبت هالرساله وأرسلتها لوائل /
ـــــ
وائل استانس وقام وأرسلها //
أسألك (بالله) وش سويت فيني ..؟؟
وش سر هالشوق اللي يجيني ؟؟
قلبي < طول وقته > معك مايبيني
أسألك باللي أوجدك بالكون ..
وأسألك (بالله) يالقلب الحنون ..
كانك تعرف سر هالشوق فيني,
إنك تقول وش يكون ؟
هو غرام؟
هو احترام؟
أو مرحلة الحب بجنون؟
ـــــ
جمانه افرحت برسالة وائل وردّتله وقالت //
أحبك حب لو شاله صدر غيري بدأ ينهار
أحبك حب مايوصف ولا ينقال ياعمري
أحبك حب فيه الشوق بلسم والوله جبار
أحب حب يجرح ناظري ويطيح في صدري
أحبك للشقا ضحكه أحبك للعطش مدرار
أحبك كل مايقبل مساي ويشتعل جمري
أشوفك في دروب الليل أشوفك في عيون الدار
أشوفك كل ماسافر ظلامي وابتدى فجري
فديتك لا تخلّيني بدونك ضايع ومحتار
فديتك لاتسلّمني لميلات الزمن بدري
ــــــ
وائل وبكل فرحه يردّلها //
¤أحبك¤
كلمة ٍ سوّت على جدار الخفوق نقوش..
¤أحبك¤
دمعةٍ سالت على خدي تواسيني
¤أحبك¤
في زمن كنه دروب ٍ مظلمه ووحوش
¤أحبك¤
رعشه بجسمي إذا لحالي تخلّيني
¤أحبك¤
ماهي بعطر على كتاب الشعر مرشوش
¤أحبك¤
خنجر بصدري وإذا شلته يأذّيني
ـــــــ
وليد : ها أحمد وش رايك بالعصير ؟
أحمد : تصدّق واااااايد حلو شنو نوعه ؟
فهد : مارتـ........
وليد بسرعه: تفاح بس مستورد من الخارج
أحمد : اهااا وربي روعه وتصدّق بعد إن الصداع راح منّي
وليد : قلتلك لاجيت الشاليه راح ترتاح
أحمد : صدقت والله يبيلي كل ماأنتهي من دوامي أمر عالشاليه ..
وليد : الله يحييك ف أي وقت

"الجزء السادس"
((الفصل الأول))
مروه لها كم يوم ماتحاجي أحد ومالها خلق أحد وخاصة ً بعد ماقالتلها ود إنها مشغوله
مروه تدق على ود //
مروه : ود شخبارج ؟
ود : الحمدلله تمام
مروه : وين اللي بتدق إذا فضت ؟
ود : معليش ياماري سامحيني كنت متضايقه
مروه : من شنو متضايقه ؟
ود : مدري والله ضايقه فيني الدنيا الله يعين بس
مروه : ماتشوفين ضيقه يابعد عمري
ود : تسلمين والله .. أقول مروه ..!
مروه : قولي .؟
ود : مدام انج اتصلتي وش رايج تيين عندنا اليوم ؟
مروه : خلاص إن شاء الله .. متى تبيني أييج ؟
ود : أي وقت حيّاج ..
مروه : انزين أروح أعدّل روحي وأقول لأمي وأبوي وأييج
ود : أنتظرج ..
ـــــــ
وصلت مروه لبيت ود
ود : ياحيا الله مروه
مروه : الله يحيج
وراحو لم الميلس..
ود : وش تشربين؟؟
مروه : اي شي
ود : طيب دقيقه وارد
ود راحت عشان تجيب غلاس عصير لمروه .. وائل نزل من غرفته عشان يطلع الا ومروه تنتبه له وطلعت من الميلس وجنها ماشافته..
وائل : اسفه ماشفتج..
وطلع من البيت
مروه في نفسها : انا اللي قاصده
وردت للميلس..
ـــــــــ
عبد الله يدق على وائل..
عبد الله : هلا وائل.. وينك؟؟
وائل : توني طالع من البيت
عبد الله : انزين مرني عشان نروح الميمع
وائل : ليه وش عندك؟؟
عبد الله : نغير جو من الاستراحه
وائل : انزين دقايق وانا عندك
يوصل وائل لبيت عبد الله وجمانه كانت بالديوانيه وسمعت الباب يدق راحت وفتحته
وائل : السلام عليكم ..
جمانه من ورا الباب: وعليكم السلام..وائل؟؟
وائل : اي وين عبد الله؟؟
جمانه : دقايق اناديه..
طبعا المدخل مو مقابل باب الفله واذا احد بيدخل الفله لازم يمر قدام الباب الرئيسي..
جمانه وهي رايحه للفله يلمحها وائل من غير عباه ولا حجاب..
وائل يناظر شكل جمانه ويقول في نفسه : ياحلوها جذي من غير عباه ويا حلا شعرها
جمانه راحت تنادي عبد الله : عبد الله وينك؟ رفيجك ينتظرك عند الباب
عبد الله : طيب انا طالع تبون شي
جمانه : لا سلامتك..
عبد الله طلع من البيت وراحوللميمع..
ـــــــــــ
بعد ماطلعت مروه من بيت ود ود راحت لغرفتها..
ود في نفسها : خليني ادق على محمد ..
دقت ود على محمد// جــــــــــــــــــــــــاري الاتصـــــــــــــــــال
محمد: الو
ود : محمد؟؟
محمد : اي نعم .. مين؟؟
ود : ماعرفتني؟؟
محمد : هو في احد ينسى ذا الصوت
ود بخجل : يمكن
محمد : تصدقين
ود : شنو؟؟
محمد : كنت حاس انج بتدقين
ود : ليه واثق لهالدرجه إني بدق
محمد : ماقلت واثق .. قلت حاس
ود : أهااا
محمد : طمنيني عنج؟؟
ود : الحمد لله بخير.. وانت شلونك؟؟
محمد : بخير دامج بخير
ود : دوووم ان شالله
محمد : انزين ود ماودّج نتقابل ولاّ بعد تقعدين تتغلّين علينا ؟؟
ود : محمد والله معرف شنو أقولك , خلّني أفكّر وأرد عليك .
محمد : انزين خذي راحتج وانا بنتظر ردّج
ود : إن شاء الله .. يلا بباااااااااااي
محمد : بااااااي
ـــــــــــــ
وفي اليوم الثاني..
أحمد طلع من الشركه عشان يروح الشاليه لأنه ماصار يقدر يتحمّل الألم..
أحمد في الطريق.. يدق على وليد //
جـــــــــــــــاري الاتصـــــــــــــــال
أحمد : هلا بولّود شخبارك؟؟
وليد : الحمد لله.. إنت شخبارك؟؟
أحمد : تمام
وليد : ها مابتمرنا اليوم؟؟
أحمد : إلاّ كاني بالطريق..لا أوصيلك أول ماأوصل عطني شي يسكن الألم اللي براسي
وليد : أفا عليك إنت تامر أمر وحنا نلبي
وصل أحمد للشاليه..
وليد : هلا والله حياك ادخل
أحمد : الله يحييك
وليد : ها أيبلك من اللي آخر مره شربت منه؟؟
أحمد : ياليت لأني مره مصدع..
وليد : أوكي ثواني بس وانا ياييك
ــــــــــــــ
وائل بالشركه يدق على جمانه//
جاري الاتصال بــ لؤلؤة كياني
جمانه : ألو
وائل : ياهلا بهالصوت
جمانه : هلابيك ..شخبارك؟
وائل : الحمد لله .. انتي شخبارج؟؟
جمانه : دامك بخير انا بخير
وائل : جمانه .. اشتقتلج
جمانه : وانا بعد
وائل : ماوّدج نتقابل
جمانه : امبلا
وائل : شنو رايج باجر
جمانه : اوكي .. بس وين؟؟
وائل : بالمكان اللي يريحج
جمانه : شنو رايك بالمقهى اللي تقابلنا فيه أول مره؟؟
وائل : حلو..عيل موعدنا باجر لاتنسين
جمانه : اوكي..
ـــــــ
وليد : تفضل
أحمد : مشكور
وليد : إلاّ أقول تبيني أييبلك منّه كميّه ؟
أحمد : ايه والله تريّحني لو سمحت
وليد : خلاص اطلبلك وباجر يوصل .. وانت عارف ان حنا مانييبه ببلاش
أحمد : ابشر بس كم تبي وانا حاظر
وليد : 3000 دينار
أحمد : خلاص إن شاء الله
ــــــــ
ود تفكّر في المقابله تروح ولاّ لأ
ود : ياربي وش أسوّي ؟؟ أخاف أجابله ويطلع من شباب هاليومين يضحك عليّ ويخلّيني
أخاف أحّبه وبعدين مقدر أنساه وأتعذّب ويّاه
يلا المرّه الأولى إن شفت فيه شي مايعجبني بقوله مقدر أكمّل معاك وكل منّه يرح ف طريجه
اوك خلني أدق عليه وأقوله موافقه
ود تتصل على محمد ..
ود : الووو ؟
محمد : أهلين ياهلا .. لاتقولين لأ
ود : ههههه انزين انت اسمعني بالأول
محمد : اوكي هذاني اسمعج ؟
ود : موافقه بس هالمرّه
محمد : صج والله ؟ عيل إن شاء الله ماتكون آخر مره
ود : انزين وين راح نتقابل ؟
محمد : خلّينا نتقابل ف المقهى اللي شفتج فيه أول مره
ود : انزين ألبس وأييج لا تصيّف عليّ
محمد : من عيوني أطير لج طيران
ود : لا لا بعدين يصير فيك شي واكون السبب ..!
محمد : ليه تخافين عليّ ؟
ود : ههههه لا أخاف أتورّط فيك ..
محمد : أحسبج تخافين على روحي ..
ود : انزين يلا مابي أتأخر
محمد : اوكي باااااي
وصلت ود للمقهى وبعد ثواني وصل محمد
ود : غريبه ياي قبل موعدنا بساعه ؟
محمد :
ماقدرت أصبر وجيتك ... قبل موعدنا بساعه
والغريب إني لقيتك ... تنتظر قبلي بساعه
ود : الله الله عالصوت ,, أحرجتني
محمد : تفداج عيوني لو تبين
ود : تسلم عيونك ..
محمد : انزين وش تشربين ؟
ود : أبي موكا
محمد : وأنا بعد أحب الموكا .. القلوب عند بعضها
ود بابتسامه : صج
محمد : ثواني أطلب وأييج
ود : اووووك
محمد بعد ماطلب //
محمد : أقول ود أبي أقولج شي بس أخاف تفهميني غلط
ود : تفضّل !
محمد : بصراحه أنا من أول ماشفتج دخلتي قلبي وأبي رايج إن كان ودّج نكمّل ويّا بعض أو لا وأبي أعرف بعد مشاعرج ناحيتي ..
ود : بصراحه فاجأتني بكلامك .. بصراحه قبل ما أوافق عالمقابله كنت أفكّر فيك .. أخاف أحبك وبعدين أتعذّب لا خلّيتني
محمد : صدقيني يا ود إنّي ماراح أخذلج ..
ود : وإذا خذلتني وش يصير فيني ؟
محمد : بإذن الله بكون معج على طول
وقعدت ود تناظر ف محمد
ــــــــــــ

((الفصل الثاني))
نوره تدق على أمل بعد أسبوع ..
نوره : أمل شخبارج ؟
أمل : بخير الحمد لله توّج تدقّين حسبالي نسيتيني ..!
نوره : لا يا أمل كنت تعبانه حيل ذاك الأسبوع وماقدرت أدق عليج
أمل : تعبانه ؟؟ وش فيج ..؟
نوره : مدري أحس إن جبدي لايع ومالي خلق شي
أمل : رحتي للطبيب ؟
نوره : لا والله
أمل بهمس : الحمد لله
نوره : شنو تقولين ؟؟
أمل : لا ولا شي سلامتج انزين ليش ماتغيّرين جو ؟
نوره : ايه والله انج صاجه أبدّل ثيابي وأطلع وأمرّج
أمل : انزين انتظرج ..
تقفل أمل من نوره وتدق على خالد //
أمل : خالد خالد
خالد : وعليكم السلام اشفيج يابنت ؟
أمل : الحق عليّ أتوقع نوره حامل منّك
خالد : حامل منّي ليه قالتلج شي ؟
أمل : إيه قالت إن لها أسبوع وهي تعبانه وجبدها لايع ومالها خلق شي من آخر طلعه ويانا
خالد : يعني أنا رحت فيها !! كله منج يا أمل ورّطتيني ويّا البنيه
أمل : محد قالج انسجم ويّاها وخلّها تحمل منّج ؟
خالد : انزين سكتي الحين انتي متأكده إنها حامل يمكن ياها برد ولا شي ..
أمل : خلاص هي يايّتني بالطريق وإن اطلعت من صج حامل بقولها وش سوّيت فيها
خالد : هييه ترى هذا منج مو منّي لا تدخليني ف السالفه
أمل : هههههه حلو هالكلام يعني احملت منّي ؟؟
خالد : هي هي هي تافهه .. شوفي سالفتها وردّيلي خبر
أمل : انزين
نوره اوصلت لبيت أمل ..
أمل : ها نويّر حياج تفضّلي ..
نوره : مشكوره
أمل : انزين نوره انتي حالتج حاله خلّنا نمر عالمستشفى وبعدين نرد للبيت
نوره : انزين
وصلوا للمستشفى سوّت نوره التحاليل وبعد ساعه اطلعت النتيجه
الدكتور : نوره ؟؟
نوره : أنا هني ..
الدكتور : تعالي مكتبي
نوره : أمل تيين وياي ؟
أمل : أكيد يايه وياج
ادخلوا مكتب الدكتور //
الدكتور : نوره مبروك انتي حامل
نوره والصفعه تحل عليها : حاااااااامل ؟!!!
أمل : الله يبارك فيك يادكتور مشكور ماقصّرت
أمل تاخذ نوره من المستشفى وتركب السياره ..
نوره وهي تبجي : اشلون وكيف ومتى .. ؟؟
أمل : اهدي شوي وأول مانوصل البيت أفهّمج عن الموضوع
أمل تدق على خالد وهم ف السياره :
أمل : خالد صج نوره حامل كنا بالمستشفى وقالها الدكتور انها حامل
نوره : خالد ؟ خالد سوّا فيني جذي ؟
أمل : نوصل البيت ونتفاهم سكتي الحين
ولمّأ أوصلوا للبيت //
أمل قالت لنوره اللي صار إنها يوم اطلعت ويّا خالد وكانت ف شقته حاطّلها مخدّر وماحست بشي أبد وماكان ف باله إنها راح تحمل منّه
ونوره وهي تصيح : ماتوقّعتها منج يا أمل هذا وانتي رفيجتي وأنا وثقت فيج تسوّين فيني جذي ؟؟ أنا وش سوّيت لج حرام عليج
حطّمتي مستقبلي وحطّمتيني بهالدنيا .. يعني أنا ناقصه عذاب على اللي عايشه فيه وخالد وينه سوّا اللي يبي وماسأل عني ؟ لهالدرجه أنا ولا شي عنده ولا عندج بس صج من قال (( لا تامن غريب )) بس وش يفيد الندم بعد مافات الفوت ماينفع الصوت وأنا انتهيت بعد ماخلّيتي كرامتي بالتراب ..
أمل ماهمّها أي شي : خلاص يانوره بعدين أتفاهم ويّا خالد
نوره : يعني اللي يسمعج يقول بيرحم حالي وبياخذني ف أحضانه خلاص مايعرفني ألحين ولا عمره قد سمع باسم نوره أبد بس ما أقول غير الله يسامحكم يميع الله ينتقملي منكم وعلى اللي سوّيتوه فيني .. الله يعين على اللي تورّطت فيه مدري ألحين أشلون أسوّي وكيف أعيش وكيف أكون بين الناس
الله يسامحكم الله يسامحكم ..
وتطلع نوره من بيت أمل وهي تقول : لاعاد أشوف رقعة ويهج ولا عاد أبي أسمع منج أي شي وقولي لخالد نوره تقولك الله ينتقملي منك
ـــــــــــــــــــــــــــــ
جمانه اوصلت للمقهى قبل وائل وانتظرت وانتظرت وماجا وائل دقّت عليه مايرد
استغربت جمانه من موقف وائل ويّاها وش فيه وليه مايرد لايكون صاير له شي
راحت وركبت سيّارتها ومرّت على بيت وائل مالقت سيارته مشت وهي تدق عليه ومايرد قالت : خلّني أمر عالإستراحه يمكن قاعد ويّا الشباب
وقبل ماتوصل الإستراحه تشوف قدّامها حادث وسيّارة وائل انزلت من السياره تبي اتأكد من الحادث وهو صاير لمين ..
ويوم انها اوصلت لساحة الحادث تشوف وائل مرمي على الأرض ودمّه يصب قامت جمانه تصيح وتقول وخّروا عنّي وخّروا عنّي جا الإسعاف وراكبت معاهم وراحوا للمستشفى ودخل وائل غرفة الطوارئ .. حالته صعبه وجمانه من كثر البجي ماتعرف وش تسوّي انتظرت لي ما الدكتور طلع من غرفة وائل
الدكتور : انتي قمانه ؟
جمانه : ايه أنا خير يادكتور طمّني عن حالته ..
الدكتور : من يوم مادخل غرفة الطوارئ وهوه مش مستوعب وينده باسمك بصراحه مش عارف أأولك أيه
بس حالتو شويه مستئره ..
جمانه : يعني بيتشافى يادكتور ؟
الدكتور : إن شاء الله
جمانه : طيب أقدر أشوفه ؟
الدكتور : دالوقتي مش راح يستوعب انتي مين بس بكره إن شاء الله بتتحسّن حالتو وتيقي بقى تشوفي
جمانه : على خير يادكتور
جمانه ردّت للبيت وهي تصيح ومو قادره تنام إلي ما طلع الصبح اركبت سيارتها وراحت المستشفى
ويوم انها اوصلت كانت تبي تدخل الغرفه إلا تشوف ود وأمها وروان وأبوه قاعدين يمّه وماقدرت تدخل
مشت وهي تناظر لوائل من شباك غرفته .. وائل وهو منسدح ويقول ف نفسه : معقوله جمانه مااسألت عني ؟ ولا تدري وش اللي صارلي ؟
أهل وائل : حمد لله على سلامتك ماتشوف شر وإن شاء الله تقوم بالسلامه ..
بعد مااطلعوا أهله من عنده جاله الدكتور عشان يشخّص حالته
الدكتور : السلام عليكم ياوائل ..
وائل بحزن : وعليكم السلام ..
الدكتور : ها كيف صحّتك النهارده ؟
وائل : أحسن من أمس ؟ إلا ماقلتلي وش صار أمس ؟
الدكتور : أمس قابك الإسعاف ودخلت لغرفة الطوارئ على طول ..
وائل : ماسألت عنّي وحده إسمها جمانه ؟
الدكتور : بالعكس دي طول الليل قمبك بتبكي وهي اللي قات مع الإسعاف واستنت لين طلعت من غرفة الطوارئ
وائل : صج والله ؟ انزين مايات اليوم ؟
يدق باب غرفة وائل ..
الدكتور : دقيقه بقى أشوف إزا قات ولا لأ
وائل : تفضّل ..
الدكتور يفتح الباب إلا جمانه تدخل وهي تناظر وائل ودموعها بعيونها
الدكتور : اهي بقى قات .. عمرك طويل يابنتي ادخلي أنا بروح أشوف حالة وائل
جمانه : مشكور دكتور ..
طلع الدكتور من عند وائل إلا جمانه تركض لوائل وتضمّه وهي تبجي
وائل : ودموعه ف عيونه خلاص جمانه كاني قدّامج مافيني إلا العافيه لا تبجين خلاص
جمانه : حمد لله على سلامتك ياقلبي والله من يوم شفت الحادث وانا مب قادره أنام
وائل : ايه الدكتور قال إنج كنتي هني طول الوقت مشكوره حبيبتي والله كنت أحسبج ماتدرين عنّي
جمانه : ترى حتى اليوم ييت امبجّر بس شفت أهلك هني وسحبت نفسي لكافيه المستشفى
وائل : صج والله كنتي هني ؟
جمانه : ايه ماقدرت أنام وييتك
وائل يبتسم : من شفتج طبت ..
جمانه : الله يخليك ويطوّل بعمرك ياروحي
وائل : وانتي وياي يارب
جمانه : آمييييييييييييييين
ــــــــــــــــــــــــــــــــــــــــــ
نوره في حاله يرثى لها من أمس لليوم ..
أم نوره : هلا بنتي نوره اشلونج اليوم ؟
نوره : الحمد لله أحسن من أمس !
أم نوره : مدري يايمه أحسج وايد تعبانه أودّيج للمستشفى ؟
نوره : مستشفى !لا لا يمه مافيني شي رحت أمس وأنا طالعه قالولي برد
أم نوره : الحمدلله طمّنتيني
نوره وبداخلها حزن كبير مايغطّيه الأرض ولا تمحيه البحار تتألّم من هالألم اللي مستحيل إنه يتعالج أو حتى يروح : الحمد لله على كل حال
نوره امسكت الموبايل ودقت على خالد : طوووووووط طوووووووط طوووووووووط ... لم يتم الرد
نوره تتأوّه : آآآه أكيد ماراح ترد هذا إذا ماخلّيت أحد يرد عليّ
وقعدت ف غرفتها لا تطلع ولا تتحرك تفكّر إنها تدق على ود .. ايه ود رفيجتها رفيجة عمرها اللي اتركتها وضاعت من غيرها
ــــــــــــــــــــــــــــــــــــــــ
أحمد في البيت ..
أم أحمد : أقول ياوليدي أحمد وش فيك هالأيام مالك خلق أحد ؟ وش فيك تغيّرت عن قبل منت ولدي اللي أعرفه
أحمد بنرفزه : وش فيني يعني يايمّه كل الموضوع ومافيه نرفزة شغل وضغط
أم أحمد : لا ياوليدي ماني بخابرتك كذا كنت تحب القعده ويانا والطلعه ويانا الحين طول وقتك بالشاليه مع الشباب حتى مانشوفك مثل قبل
أحمد : خلاص يايمّه اللي فيني مكفّيني خلّيني ألحين لا أطلع من البيت ولا عاد أرد له
أم أحمد : خلاص يمّه اللي تشوفه بس حبّيت أنبّهك إنك حيل تغيّرت وتصرفاتك تغيّرت
وليد في هذه الأثناء يدق على أحمد //
وليد : هلا أحمد .. أبي أقولك موضوع مهم وخلاص لازم تعرفه
أحمد : خير إن شاء الله وش عندك انت بعد؟
وليد : خلّنا نتقابل ف البحر ونطلع من جو الشاليه
أحمد : انزين أقابلك عالبحر بس يكون شي مهم لأني مب فاضي لك..
وليد ف نفسه ((وش صاير له )) ويقول لأحمد : خلاص إن شاء الله
وبعد ساعه تقابل أحمد ويّا وليد ف البحر
وليد : أحمد اسمع أبي أقولك الموضوع وياليت تسمعني للنهايه
أحمد : تفضل قول خلّصني
وليد : اسمع تراك من أول يوم ييت عندنا بالشاليه وانت ماتدري عن حالك
أحمد : اشلون يعني ؟
وليد : يعني حنّا كنا نعطيك مخدرات اللي هي الحبوب والشراب اللي كنت تشربه مب عصير
أحمد : شنهو ؟ وش تقول ؟ خمر وسكار ومخدرات ؟
أحمد وهو يتذكّر كلام أمه يوم قالتله متغيّر : وليد معقوله جذي معقوله هاللي قاعد يصير ؟
وليد : ايه وش فيها بالعكس راح تجيك فلووووس وأكثر من اللي تستلمه بشركة أبوك
أحمد : وليه جذي فلوس ؟ فلوس حرام وأشرب وأدمن وأنا ماأدري عن حالتي ؟ يالله والحين ياي تقول لي ؟
وليد : أيه الحين أقولك لأن الإدمان جرى بدمك ولازم إنك تكمّل
أحمد يطق وليد على ويهه : نذل وربي نذل لهالدرجه إنت خسيس بعد ماضيّعتني ياي تعترف ليه ؟
وليد : لأني تعبت من كثر ماأزيّف عليك الكلام وأخذ منك وانت ماتدري لازم انك تتاجر ويّانا ترى كلّنا مدمنين مو بس انت لحالك
أحمد بعصبيه : تتاجر ها تبيني أتاجر بالحرام بس وش أقول الشكوى لله عسى الله يكون في عوني
ــــــــــــــــــــــــــــــــــــــــــــ

"الجزء السابع"
((الفصل الأول))
وائل بعد ماطلع من المستشفى..
يدق عليه عبد الله //
عبدالله : هلاوائل.. شخبارك؟
وائل : الحمد لله تمام.. انت شخبارك؟
عبدالله : الحمد لله بخير .. وينك ماصرت تيي الاستراحه وقاطع
وائل : لا أبد صارلي حادث تنوّمت بالمستشفى..
عبدالله : حادث!! إن شاء الله ماصار فيك شي؟
وائل : الحمد لله ماصار شي جايد
عبدالله : طلعت من المستشفى ولا باقي؟؟
وائل : لا رخصوني اليوم
عبدالله : الحمد لله على السلامه ماتشوف شر
وائل : الله يسلمك..خلاص اليوم امر عليكم بالاستراحه
عبدالله : لا خليها باجر ارتاح اليوم وباجر نشوفك بإذن الله
قفل وائل من عبدالله ودق على جمانه//
وائل : هلا حبيبتي .. شخبارك؟
جمانه : وائل الحمد لله على السلامه .. متى طلعت من المستشفى؟
وائل : اليوم رخصوني
جمانه : وليه ماقلتلي عشان أييك؟
وائل : مابي أتعبك وياي زياده
جمانه : تعبك راحه حبيبي .. ها ماقالتلي شخبارك الحين؟
وائل : الحمد لله .. انتي شلونج؟
جمانه : بخير دامك بخير
وائل : تصدقين
جمانه : أكيد أصدّق شنو؟!
وائل : قبل ما أدق عليج كنت مقفّل من أخوج عبود
جمانه : يعني درى عن حالتك ؟
وائل : ايه هو داق يسأل عنّي وجذي وقلتله صارلي حادث
جمانه : اهااا
وائل : ها عيل نتقابل اليوم ؟
جمانه : لا يامعوّد مابي تتعب وانت توّك طالع من المستشفى
وائل : أبي أعوضج عن المقابله اللي راحت
جمانه : لا خلّها بوقت ثاني مانيب طايره
وائل : خلاص عيل سمعيني عيوني
جمانه : ايه ياقلبي ..
وائل : خلّيني ألحين أخذ لي شور وانام شوي
جمانه : خلاص اوكي نعيماً مقدّما ً ونوم العوافي
وائل : الله ينعم عليج والله يعافيج قلبي
ـــــــــــــــــــــ
كانت حالة نوره تزداد من أسوأ للأسوأ وهي تصلّي العشا وتدعي ربها انه يخلصها من المصيبه اللي هي فيها ادخلت امها
الأم : يتقبل الله منج
نوره : مني و منج .. إن شاء الله
الأم : اي يابنيتي ليش ماتطلعين وتغيّرين جو الكآبه والمرض اللي انتي عايشه فيهم؟
نوره : انزين يمّه بحاول
اطلعت أم نوره من دار نوره
نوره تبجي بحرقه وألم وتقول : من له أروح؟ مابقى عندي أحد !
بدّلت ثيابها وهي تمسك على بطنها وتقول : آه بس وش أسوّي مب ذنبك ولا ذنبي
اطلعت من البيت وهي ف السياره تلف وتدور وقّفت عند بيت ود انزلت من دون شعور .. تدق باب البيت
أحمد يفج الباب //
نوره : السلام عليكم
أحمد : وعليكم السلام ..!
نوره : ود هني ؟
أحمد : ايه تفضّلي
أحمد راح ينادي على ود //
أحمد : ود .. ود وصمخ وينج ؟
ود : نعم وش تبي ؟
أحمد : وحده أوّل مره أشوفها عند الباب تبيج
ود : منو ؟
أحمد : وش درّاني شكلها وايد مريضه
ود : عسى خير
تركض ود لم الباب إلا والصعقه تهل عليها !!!!
ود : نوووووره ؟؟
نوره : ايه ياود نوره ..
ود : اشفيج جذي ؟
نوره وهي تبجي : بنتم نتحجّى عندي الباب ؟
ود : لا دخلي تعالي ..
اجلست نوره ويّا ود تحكيلها السالفه اللي صارت لها وتمّت ود تبجي ويذا نوره على الحاله اللي تشوفها
جمال نوره اللي راااح وكأنها جذع مافيه حياه وجسمها اللي كان رويان صاير منهك وتعبان
ود : لاحول ولا قوة إلا بالله .. لا حول ولا قوة إلا بالله وماقلتي لأحد ؟
نوره : لا يا ود أقول لمين بس خبريني لي شهر وانا على هالحاله دلّيني أنا ماعاد فيني أي تفكير
ود : انزين وراس المصيبه وين راح ؟
نوره : مدري عنّه ماسأل عنّي من يوم مادرى إني حامل ..
ود : الله لا يوفقه ولايهمج حبيبتي بنلقى حل إن شاء الله
نوره : أيه نشوف شنهي النهايه ..
ــــــــــــــــــــــــــــــــــــــــــــــ
بعد كم من يوم عبدالله استأجر شاليه وجمع الشباب عشانه مسوي حفله لـ وائل بمناسبة طلوعه من المستشفى//
عبدالله : ها شباب كل شي جاهز مانسينا شي؟
سامي : ايه كل شي
خالد : لأ باقي شي واحد..
عبدالله وسامي : شنهو؟
خالد : وائل
الشباب : هههههههه ايه صح
عبدالله : الحين ادق عليه
جـــــــــــــــــــــــــــاري الاتصـــــــــــــــــــــال
عبدالله : هلا وائل ..شخبارك؟
وائل : بخير الحمد لله.. انت شخبارك؟
عبدالله : الحمد لله تمام .. إلا أقول إنت وينك فيه الحين؟
وائل : ياي الاستراحه
عبدالله : لا.. لاتروح الاستراحه
وائل : ها عيل وين اروح؟
عبدالله : تعال عند الشاليهات
وائل : الشاليهات ؟
عبدالله : أيه احنا أخذنا شاليه نبي نغيّر جو
وائل : انزين ربع ساعه بالكثير وأنا عندكم ..
عبدالله : اوك
قفّلوا الخط وائل فتح الرسايل كتابة رساله جديده
أنا رايح المستشفى
بسوّي عمليّه لقلبي لا تعلمين أحد
مابي أحد يدري ..



















بزرع قلب ثاني لأن حبك زاد
أرسل الرساله لجمانه ..
جمانه أول ماقرأت بداية الرساله خافت وقالت : بسم الله عليه خلّني أدق أشوف شنو صار
دقت على وائل : هلا حبيبي وش صاير ؟؟
وائل : ههههههههههه حبيبتي اش فيج ؟ كمّلتي الرساله انتي ؟
جمانه : بعد في شي ثاني دقيقه أشوف ..
قرت الرساله وقعدت تضحك على حالها وتقول : صج خرّعتني بغيت أرمي نفسي من الشباك
وائل : يؤ لهالدرجه تحبّيني وتخافين عليّ ؟
جمانه : وأكثر بعد ياروحي لو فقدتك بمووووووووت
وائل : عسى الله يخلّينا لبعض .. انزين اسمعي أنا رايح للشاليهات عبود أخوج والشباب قاعدين بشاليه اليوم
جمانه : يلا تغيّر جو وروتين الإستراحه الله يسعدك ولاتنسى اتعشّى
وائل : من عيوني ياعيوني ..
جمانه : تسلم عيونك ياقلبي
ــــــــــــــــــــــــــــــــــــــــــــــ

((الفصل الثاني))
محمد على أحر من الجمر ينتظر رد ود اللي تأخر وصارله شهر
محمد متردد يدق ولا مايدق ..
قال : يلا خلّني أدق أتطمّن عليها ..
جـــــــاري الاتصـــــــــال .....
محمد : هلا ود شخبارج عيوني ؟
ود : هلا حمّودي .. بخير الحمد لله انت كيفك ؟
محمد : وينج ماعاد دقيتي والله اشتقتلج حيل ..
ود : صج والله ؟ يعني ماقلت أكيد البنت نستني ؟
محمد : لا والله أعرف إن قلبج عليّ وماتقدرين تخلّيني بروحي بس خذيت على خاطري لأني ماسمعت صوتج شهر
ود : معليش والله مب قصدي كنت حايسه ويّا صديقتي مسكينه الله يكون ف عونها وحنّأ قاعدين ندوّر لها حل
محمد : خير إن شاء الله ..؟
ود : مسكينه البنيه احملت من غير ماتدري واعرفت إنها حامل بعد اسبوع !
محمد : اشلون جذي ؟؟؟!!!
ود : المسكينه كانت بحفله ويّا رفيجة سوء وتعرّفت على واحد وأخذها لشقته وقام خدّرها وسوّا اللي يبيه وبعدها ماسأل عنها ماكان بيتوقّع إنها بتحمل من أول مره وقعدت المسكينه طول وقتها تصيح وتبجي ..
محمد : طيب وما ليقتو حل .. قوليلها تبيني اكلمه او شي؟
ود : اخذ رايها واقولك
محمد : انزين ماقلتيلي بتطلعين ولا لأ؟
ود : انزين
محمد : اوكي انتظرج
ــــــــــــــــــ
وصل وائل الشاليه عند الشباب..
عبدالله : هلا وائل ..شلونك؟
وائل : بخير الحمد الله .. انت شلونك ؟
عبدالله : تمام
وائل : ليه تعبتوا روحكم جذي ؟
سامي : الحمد الله على سلامتك.. ماتعبنا روحنا ولا شي
خالد : تعبك راحه يا خوي
وائل : بس انا مااستاهل هذاكله
ابراهيم : لأ تستاهل ونص
رامي : اصلا هذا كله شوي عليك بعد
يوسف : اقول بتظلون واقفين جذي تعالوا جلسوا
وجلسوا الشباب يفرفشون ويضحكون
ــــــــــــــــــــ
ود ومحمد على البحر..
محمد : ود..
ود : هلا
محمد :أحبج
ود : شنو عيد اللي قلته؟
محمد : أحبج .. اش فيج ما تسمعين؟
ود : امبلا اسمع بس كنت بتأكد
محمد : وانتي؟
ود : انا شنو ؟
محمد : تحبيني ؟
ود تهز راسها بمعنى الموافقه
محمد : لاتهزين راسج ابى اسمعها منج
ود : إيه أحبك
محمد : ماسمع علي صوتج
ود : أحبك
محمد : علّيه بعد
ود بصوت مسموع : أحبببك .. خلاص سمعتني جذي؟
محمد : لا أسمع بس كنت أبى أسمعها أكثر عشان أتأكد
وتمّوا يسولفون .. لين ماردوا البيت
ـــــــــــــ
وبعد مرور شهر تقريباً..
بدأ أحمد يخفّف من أخذ المخدرات تهيئاً للمعالجه
أحمد نزل الصاله عند أمه..
أحمد : صباح الخير يمه
الأم : صباح النور..
أحمد : تبين شي أنا وأبوي طالعين للشركه
الأم : سلامتك .. دير بالك على روحك ياوليدي
أحمد : ان شاء الله ..
الأم : إن شاء الله .. في أمان الله
وطلع أحمد والأب من البيت..
ـــــــــــــــــــــــــــــــــــــــــــ
دقت جمانه على مروه اللي من اخر طلعه وياهم وهي ماكلمتها ولا شافتها..
جمانه : الو هلا والله بمروو القاطعه اللي ماتسال عن رفيجتها
مروه : هلا جمانه والله كنت مشغوله شوي عشان اختي ياتنا وانشغلت فيها
جمانه : شخبارها ومتى يات .. وانتي شخبارج؟
مروه : الحمد الله كلنا طيبين .. انتي شخبارج؟
جمانه : انا الحمد لله بخير.. اقول تطلعين اليوم ولا مشغوله؟
مروه : اوكي .. بس شنو رايج لو نطلع كلنا انا وانتي وود ونوره؟
جمانه : اوكي بس كلميهم انا انمسحت الارقام اللي بجوالي
مروه : وكيف انمسحت ؟
جمانه : رونه الدبه قاعده تلعب بالجوال لين مامسحتها
مروه : اها .. اوكي ادق عليهم وارد لج
جمانه : اوكي
وقفلت من جمانه..
دقت مروه على ود//
مروه : هلا ود .. شخبارج؟
ود : اهلين .. تمام الحمد الله..وانتي كيفج؟
مروه الحمد الله بخير .. اقول تطلعون انتي ونوره اليوم ويانا انا وجمانه؟
ود : انا ماعندي مانع بس اشوف نوره وارد لج اوكي
مروه : اووك
وقفلت من مروه..
ود تدق على نوره //
ود : اهلين نوره .. شخبارج اليوم ؟
نوره : الحمد الله احسن من اي يوم .. انتي شخبارج؟
ود : تمام الحمد الله .. اقول تطلعين اليوم ويانا احنا البنات؟
نوره : والله ياود مالي خلق
ود : اقول مب كيفج قومي غيري هدومج وبنمورج عقب نص ساعه ..اوكي
نوره : على امرج
ود : يلا بااااي
وقفلت من نوره ..
وراحو البنات للميمع يغيرون جو..
جمانه : الله من زمان ماطلعنا ويا بعض جذي
ود : ايه والله من بعد رمضان ماشفنا بعض
مروه : كيفج نوره وش مسويه؟
نوره في داخلها: وش اقلها هذي ذلحين اقلها مضايقه وحالتي حاله اه بس .. وترد على مروه وتقول : الحمد الله على كل حال ..وانتي شخبارج؟
مروه : بخير والحمد لله
جمانه : ود اشفيها نوره احسها مضايقه؟
ود : مافيها شي بس هي تعبانه شوي
جمانه : سلامتها
البنات خلصومن الميمع وطلعو وراحو كوفي اللي جريب من البحر

ــ
"الجزء الثامن " وقبل الأخير
((الفصل الاول))
الشباب في الاستراحه ودخل عليهم وائل ..
وائل : سلام ياقوم
الشباب : وعليكم السلام
وائل : أقول ترى ملّينا كل يوم والثاني وحنّا بالإستراحه وش رايكم نروح البحر أو ميمع
عبدالله : فكره حلوه أنا عن نفسي موافق
خالد : وانا بعد
سامي : هم انا
يوسف : موافق
إبراهيم : قود آيديا
رامي : مي تو
مازن : انا الحين طالع عندي شغله أخلّصها وألحقكم
وائل : عيل مشينا
الشباب وهم في الطريق وائل يسألهم
وائل : ها وين قررتو تروحون
خالد : انا عن راي نروح المقهى اللي هناك .. ها وش رايكم؟
الشباب : اوكي
وصلوا المقهى وقبل ما يدشّون عبد الله استاذن عنده مشوار وراد
ـــــــــــــــــــــــــ
ود ونوره ماقدروا يروحون ويّا جمانه ومروه للمقهى
جمانه : أوكي خلاص بس لاتقطعون
ود : إن شاء الله
جمانه ومروه دشوا المقهى وجلسوا
مروه : ها مروه وش تطلبين
جمانه : اللي دايم اطلبه
مروه : أوكي بروح اطلب وبيي
جمانه أوكي
جمانه وهي تصلح طرحتها تلتفت يمين إلا تشوف وائل ويا أصدقائه ولفّت ويّها على طول
بس وائل انتبه لها وماشال عيونه منها
خالد : هييي وائل انت ف مين تناظر؟
وائل :..............
إبراهيم : يطالع في ذيج البنيه شكلها عيبته
الشباب : هههههههههههههههههههههه
ماعدا وائل اللي مو معاهم
سامي بصوت عالي يسمعه كل الموجودين : وائــــــــــــــــــــــــــــــــل
وائل : ها.. خير وش فيك تصارخ انا هني مو بعيد
سامي : من أول ننادي عليك وانت مب حولنا
مازن : تعرفها ؟
وائل : من هي
مازن : البنت اللي كنت تناظرها
وائل : ها .. لا ماعرفها ..و مين قال كنت أطالعها أصلاً
رامي : حلوه التصريفه بس
الشباب: ههههههههههههههههههههه
مروه : هاج طلبج
جمانه : تسلمين
مروه : جمانه اشفيج تبتسمين وتطالعين هناك؟
جمانه : لا انا بس كنت اناظر وائل
مروه : وائل؟
جمانه : إيه اخو ود اللي قلتلج عليه
مروه بقهر : ايـــــــه تذكرته
ــــــــــــــــــــــــــــــــــــــــــــــــــ ـــــــــ
نوره وود يومن اعتذروا من مروه و جمانه دقت ود على محمد//
ود : هلا محمد
محمد : هلابيج
ود : تقدر تيي لميمع مارينا وتاخذني انا ونوره
محمد : حاضر من عيوني الثنتين
ود : تسلم لي عيونك
محمد : الله يسلمج .. خلاص دقايق وانا عندكم
ود : أوكي
وصل محمد عند ود ونوره اللي كانوا ينتظرونه
محمد : هلا ود كيفج؟
ود : الحمد الله
محمد : وانتي نوره شخبارج وشخبار البيبي؟
نوره باستغراب: بخير الله يسلمك
ود : نوره لاتستغربين انا قلت لمحمد على خالد وهو عنده حل
نوره : صج والله عندك حل
محمد بابتسامه : ايه صج بس نروح مكان نقعد فيه واقولج عليه
____________________
نغمة الرساله .. جوال وائل ..
¤لا قلت أبشرك عوّد بي الهوى يم الحبيب¤
¤ولا قلت أبغرب ردّني يمّه الشوق والحنين¤
¤همستك وجلستك تردّلي روحي ياللبيب¤
¤أفكّر فيك بوقتي وما أملك طول السنين¤
¤أهيم بهواك يامعذّبني وانت لي الطبيب¤
¤أسابق الوقت من الوله بشوق المحبين¤
¤أشم عطره لاهب نسناس الهوى بالمغيب¤
¤وآهات قلبي تعجر عنها ضلوع العاشقين¤
وائل بابتسامه واضحه .. احم وويهه صاير أحمر
طبعا ً المسج من جمانه
مسك الجوال وكتب ..
أخجلت شمس المحبه من هواك ..
والقمر من كامل أوصافك خجول
أطلب عيوني وأنا كلّي فداك ..
واعتبر ماتطلبه عندك وصول
لو يغار الورد الأحمر من شذاك ..
من يلومه لو تهادى للذبول ؟
ماسكن بالقلب وعروقي سواك ..
ياربيع القلب ويا كل الفصول
ابتسمت جمانه لوائل بمعنى تسلم ..
يوم ان مروه انتبهت لجمانه بدت وكنّها مقهوره !
مروه : جمانه ماراح تخلصين يعني يينا عشان تناظرين وائل
جمانه : معليش ماري خلاص ماراح أناظرله ..
مروه : انزين نرجع لكلامنا
جمانه : أي كلام ؟
مروه : يووه
جمانه : أمزح هههههههه
ـــــــــــــــــــــــــــــــــــــــ
ود ونوره ومحمد .. على البحر
محمد : انزين نوره الحين انتي بأي شهر؟
نوره : دخلت الثاني
محمد : انزين لو قلنا تجهضين يبيلك كم يوم ماتكونين ف البيت
نوره : لا ماابي أجهض أنا أبي الطفل حرام ماله ذنب
محمد : انزين خلاص أنا راح أكلّم خالد بنفسي وأوصل معه لحل
نوره : أخاف إني أورطك وبعدين ماتقدر تخرج من الورطه
محمد : خلّي الموضوع علي انتي انتبهي حق روحج وحق البيبي ولا تشيلين هم !
نوره : إن شاء الله .. طيب خذ هذا رقم خالد ...
محمد : أوكي
ـــــــــــــــــــــــــــــــــ

((الفصل الثاني))
أحمد ف الشركه يالس يفكر
أحمد : أنا لازم ألقا لي حل في مشكلة الإدمان هذي مقدر أعيش طول عمري مدمن أنا لازم اتعالج
وقرر إنه يتعالج من دون محد يعرف عن ادمانه
ــــــــــــــــــــــــــــــــ
نوره وصلت للبيت ودخلت على دارها شوي تتفاجأ إلا ّ وأمها يالسه على سريرها وامبيّن عليها الزعل
نوره باستغراب وخوف من إنها عرفت عن حملها : يمّه ؟؟ اش فيج ؟
الأم : نوره بنيّتي أنا تعبت من كثر ما أفكّر بحالج ودّي آتطمّن عليك وانتي مب راضيه لايكون فيج مرض خطير وانتي ساكته
نوره : لا يمّه بسم الله علي مافيني شي كاني قدّامج
الأم : بس صار لج جم يوم وانتي ماتشتهين شي وتبين تنامين وويهج صاير لونه أصفر قومي يمّه أودّيج المستشفى وماراح تعصيني اليوم
نوره : لا يمّه لا الله يخلّيك مابي أروح المستشفى الله يخليك
الأم بتعجّب ! : وليش يمّه المستشفى بيذبحونك ؟؟
نوره : لأ إنتم راح تذبحوني
وقامت نوره تبجي
الأم : صارحيني يمّه وش صار لج ؟؟ طمنيني على حالج ؟؟
أخو نوره فيصل وهو مار على الغرفه سمع نوره وهي تقول انتم بتذبحوني وقعد يبي يسمع السالفه
إلا نوره تقول : يمّه تذكرين رفيجتي أمل ؟
الأم : إيه يمّه وش فيها وش دخلها ف حالتج ؟
نوره : تذكرين الحفله اللي رحتها ؟
الأم : ايه يمّه تحجّي بسرعه لا تخرعيني ..!
نوره : أنا كذبت عليج يايمّه صحيح انا رحت الحفله بس ماكانت ف بيت أمل !
الأم : عيل وين ؟
نوره : أمل ودّتني لمخيّم وكان مليان بنات وشباب ورقص واللي انتي تعرفينه وأنا على نيّاتي يالسه أطالعهم من بعيد إلا وأمل تيي وتييب واحد ويّاها إسمه خالد وقالت خلّيه رفيقج اليوم بدل ماتقعدين لحالج جذي , أنا خفت منه بس هي طمّنتني إنه ماراح يسوّي شي ويلس يسألني عن حياتي ودراستي وجذي ثمّن قال تعالي نركب السياره وأودّيج مكان تتسلّين فيه بدال هالخربطه أنا ترددت بس من كلامه حسّيت إنّه أمين وماراح يسوّي فيني شي ورحت وركبت وياه السياره ومشينا وثمّن وقّفنا عند عماره بس ما أذكر وين موجوده وقالي انزلي قلت لأ قال انزلي لا تخافين ونزلت وطلعنا لشقه وااااااااااااااااايد حلوه ثمّن راح وياب لنا شي نشربه ثمّن ماحسّيت بحالي ونمت ويوم إنّي صحيت لقيت نفسي على السرير وخفت إنه سوّالي شي وقمت ورحت أدوّرله لقيته نايم قوّمته وقلتله ترى وايد تأخرنا وسألته إذا كان سوّالي شي قال لا ماسوّينا شي بس انتي تعبتي ونمتي ورجعت للمخيّم ثاني وأنا مدري وش السالفه وقلت لأمل تردّني للبيت
الأم : انزين يمّه دامه ماسوّالج شي وش فيج صايره تعبانه جذي
نوره وهي تبجي : خلّيني أكمّل لج يمّه
الأم : انزين ؟؟
نوره : وبعد جم من يوم تسألني أمل وش رايج بالحفله ؟ وقلتلها : حلوه , قالت : ان شاء الله استانستي ويّا خالد ؟ وقلتلها : إيه عادي رحنا للشقه وبصراحه أعيبتني وثمّن شربت عصير وبعدها نمت قالت : يعني ماتحسّين بتعب بشي هاليومين ؟ قلت : لأ ليش تسألين ؟ قالت : لا بس سؤال وثمّن سكّرنا ع الموضوع وبعدها بجم يوم دخت وماقدرت آتحرك إلا و أمل تاخذني للمستشفى وسوّيت تحاليل وقال لي الدكتور حامل !!
الأم : حااامل !! انتي الحين حامل ؟؟ اشلون حامل وهو ماسوّا فيج شي
فيصل واقف وهو متماسك يبي يسمع نهاية القصه وف نفس الوقت مافيه صبر بس يبي يشوف النهايه
نوره : إيه وهذا شي استغربت منّه وطلعت من المستشفى وقعدت أصيح وامل تقلي سكتي راح أفهّمك السالفه قلتلها من يوم شفتج ماشفت الخير وقلت لها اشلون حملت مو تقولين خالد ماسوّى فيني شي !! ومتى هو قرب منّي ؟؟ وقامت أمل تقولي : يوم إنج شربتي العصير ونمتي هو كان حاط مخدّر لج وانتي مادريتي وشربتيه على نيّاتج وصار اللي صار وانتي ماتدرين ونمتي ويوم انج صحيتي لقيتي نفسك ع السرير وعلى بالج ماصار شي بس هو أخذ اللي يبي
الأم وهي تصيح : وليش يايمّه سمعتي كلامه ليش ؟ الناس ماراح تفهم جذي وماراح تصدّقج الناس همّها بالظاهر وما همّها بالباطن
نوره : وأنا اش ذنبي يا يمّه ماكنت عارفه شي حتى إن أمل كلّمته وقال مالي شغل فيها شفتي اشلون يمّه أخذ اللي يبي وكان ناوي يكمّل لعبته بس يوم درى إني حامل ماصار يرد عليه ولا يبي حتى يسمع سيرتي
دخل فيصل وهو معصّب وثاير وقال : حامل ها ؟؟ ياللي ماتستحين على ويهج هذه نهاية الدلع يايمّه كاهي هي قدّامج ويايبتلنا مصيبه
وقعد فيصل يضرب نوره ويضربها ويضربها ثمّن قال لأمه خلّيها مكانها اتعذّب الحين مالنا ويه نقابل الناس لازم ننقل ولا عاد أشوفج تخلّيها تطلع من البيت حتى الغرفه ماتطلع منّه أخذ أمه وخّلى نوره بحالتها تعب من الحمل وويه مفقّع وبدمها على الأرض وطلع وقفّل على نوره الباب بالمفتاح وأمه تناظر بنتها وتدري بحالتها ودّها بس ولدها معيي إنها تسوّيلها شي ..
طلع فيصل من البيت وهو معصّب وثوبه دمّان وراح ويهّز أوراق نقله لدوله ثانيه عشان يداري فضيحة أخته نوره وسافر واشترى لهم بيت ورجع وكانت نوره طول هالفتره تضمّد جراحها بغرفتها ورفيجاتها مايدرون عن أخبارها شي وكل ما يو يسألون عنها ف بيتها يقولون لها مب موجوده وبعد مرور شهرين انقلوا أهل نوره من الكويت ومحد يدري عنهم بعدها
ود تدري بحالة نوره وماتبي تفضحها وقالت الله يكون بعونها وإن شاء الله محمد يقدر يساعدها
ـــــــــــــــــــــــــــــــــــــــــــــ
زادت العلاقه بين مروه وود ويوم من الأيام أم ود تقول : ود يمّه تعالي أبيج ف موضوع
ود : هلا يمّه آمري ..
الأم : مايامر عليج عدو حبّيت آخد رايج ف مروه ؟؟
ود : مروه ؟ وش فيها ؟ من أي ناحيه يمّه ؟
الأم : يعني تصلح تكون زوجه لأخوج وائل ؟؟
ود : والله ماادري عادي هي طيبه وأخلاق ومايعيبها شي وما أعتقد وائل بيرفضها
الأم : ايه صح وائل وين يلقى وحده مثل مروه خلاص يمّه ماراح ناخذ رأي وائل راح نخطب له هي ونقوله سوّينالك مفاجأه
ود : حلو يمّه انزين ومتى راح اتكلّمين أم مروه ؟؟
الأم : ألحين ..
الأم تتصّل على أم مروه ///
الأم : ألو .. السلام عليكم
أبو مروه : هلا .. وعليكم السلامه والرحمه
الأم : ممكن أم مروه ؟
أبو مروه : ايه دقيقه ..
أم مروه : ألو ياهلا ياهلا
أم ود : السلام عليكم أم مروه
أم مروه : وعليكم السلام أهلين شخبارج ؟
أم ود : بخير الله يسلّمج .. انتي كيفج ؟
أم مروه : والله بخير الحمد لله
أم ود : ودّي إني أييكم اليوم أبيج ف موضوع مهم
أم مروه : حيّاج بأي وقت
أم ود : الله يحييج خلاص اليوم ؟
أم مروه : ايه الله يسلّمج
أم ود : انزين أخلّيج الحين .. توصّين شي أيبه معي ؟
أم مروه : سلامتج مانبي غير شوفك ..
أم ود : الله يسلّمج .. فمان الله
أم مروه : الله معج ..
تقفل أم مروه السماعه وف نفسها : غريبه وش الموضوع المهم اللي تبيني فيه ؟؟ نشوف لا يات
ــــــــــــــــــــــــــــــــــــــــ

"الجزء التاسع" والأخير
((الفصل الأول))
جمانه تدق على وائل : هلا وائل حبيبي شخبارك ؟
وائل : هلا عيوني أنا بخير دامني سمعت صوتج وعرفت إنج بخير
جمانه : إن شاء الله دوم يارب
وائل : آميـــــــــــــــن ونتي شخبارج ؟
جمانه : بخير بس .. مشتااااااااقه لك وااااااايد وودّي أشوفك
وائل : انزين عيل أقابلج اليوم ؟
جمانه : يعني منتب مشغول ؟
وائل : عشانج أترك الدنيا كلها وأييج لو كنتي ف آخر العالم
جمانه : الله يخليك ولا يحرمني منك خلاص عيل اليوم الساعه 5 أطلع وأقابلك عالبحر مكاننا المعتاد ؟
وائل : انزين حبيبتي أشوفج بإذن الله ..
ـــــــــــــــــــــــــــــــــــــــ
أم ود ف بيت أم مروه ..
أم مروه : حيّا الله من يانا أهلين نوّرتي البيت أم أحمد ..
أم ود : الله يحييج يارب وإن شاء الله دايم راح نزور بعض جذي ..
أم مروه : إن شاء الله ..
أم أحمد : أكيد متلهّفه تبين تعرفين وشهو الموضوع المهم ؟
أم مروه : أكيد من أوّل وأنا أفكّر وش بيكون بس ماعرفت وش ممكن يكون ..
أم أحمد وهي تضحك : إن شاء الله خير الموضوع ومافيه إني يايه أطلب يد بنتج مروه لولدي وائل
مروه تدخل الميلس عندهم : السلام علكيم ورحمة الله وبركاته اشلونج خالتي ؟
أم أحمد : هلا والله ببنيّتي مروه الله يسلّمج أنا بخير إنتي شخبارج ؟
مروه : الحمد لله بخير .. عيل وين ود مايات وياج ؟
أم أحمد : لا يالسه تقول عندها مذاكره ..
مروه : تفضّلي .. انزين عيل أخليكم وأروح أرتّب دروسي
أم أحمد : خذي راحتج يمّه
مروه اطلعت من الميلس وراحت لدارها
أم أحمد : الله يسعدها إن شاء الله .. ها وش قلتي يا أم مروه ؟
أم مروه : بصراحه فاجأتيني بهالموضوع بس على خير إن شاء الله آخذ رأي أبو مروه ورأيها أكيد
أم أحمد : إيه عادي من حقها وإن شاء الله خير
أم مروه : وأكيد يشرّفنا تكون مروه مرت ولدج وهو ماشاء الله مايعيبه شي
أم أحمد : الله يسلّمج يارب ذا من ذوقج يالغلا .. عيل ما أطوّل عليكم خلني أروح للبيت
أم مروه : ليش تو الناس ماأخذتي حق ضيافتك ..
أم أحمد : لاحقين وثمّن إحنا مب ضيوف خلاص صرنا أهل
أم مروه : أيه صج
ــــــــــــــــــــــــــــــــــــــ
أحمد بدأ يروح المستشفى عشان يبدأ علاجه مع الإدامان ..
مخصص من يومه وقت للمستشفى عشان محد يدري عنه وطبعا ً يكون بعد دوامه
ـــــــــــــــــــــــــــــــــــــــ
أم أحمد توصل البيت وتطبخ العشى ..
ود : ها يمّه وش صار مع أهل مروه ؟
الأم : قالت راح تدق علي إذا قالت لهم الموضوع وأخذت رأيهم
ود : إن شاء الله ..
ــــــــــــــــــــــــــــــــــــــ
أم مروه : يا بو مروه تعال .. مررررررررررروه انزلي يمّه أبيج
انزلت مروه : وش فيج يمّه تصارخين ؟ خير إن شاء الله
أم مروه : خير يمّه خير تعالي انتي وقعدي ..
أبو مروه : ايه وش عندك ميمّعتنا ؟
الأم : سمعوني اليوم أم أحمد طلبت ايدج منّي لولدها ..
الأب : والله فيهم خير بس المهم رأي مروه ..
مروه : اطلبت ايدي أنا لولدها ؟
الأم : ايه إنتي وأنا عندي غيرج ؟؟
مروه : ولدها مين يمّه عندها اثنين ؟؟ وف نفسها تقول أكيد أحمد
الأم : وائل يمه ..
مروه مع الصدمه : وائل ؟؟ متأكده إنه وائل ؟
الأم : إيه يمّه متأكده وش فيج مستغربه ؟
مروه : لا بس غريبه يعني مو أحمد مثلا ً هو الكبير !
الأم : مدري يمكن مايبي يتزوّج ولا مشغول ولا خاطب ؟
مروه : أهااا
الأب : انزين يابنتي وش رايج ؟
مروه : رأي من رايكم ؟؟
الأب : ابصراحه مايعيب وائل شي
الأم : إيه صج والحمد لله يشتغل ويصرف ويقدر يفتح بيت ..
مروه بخجل : اللي تشوفونه وطلعت للغرفه .. ماتدري تبي تفرح بس ف بالها جمانه اللي تحب وائل
معقوله وائل مايبيها بس يضحك عليها لا ما أتوقّع بس مدامه تقدّملي مالي دخل بـ جمانه وأنا موافقه عليه
ــــــــــــــــــــــــــــــــــــــــــــــ
بيت أبو أحمد //
وائل توّه داخل البيت وهو طاير من الفرح لشوفة جمانه وطلع لداره ..
التلفون يرن ..
أم أحمد : ود يمه روحي شوفي مين عالخط
ود : انزين يمّه ..
ود : الو ياهلا ..
أم مروه : هلا يمه ود وين أمج حبيبتي ؟
ود : الحين أناديها .. يمه يمه تعالي أم مروه عالخط
أم أحمد : الو .. أهلين أم مروه
أم مروه : هلا فيج ..
أم أحمد : ها نقول مبروك ؟؟
أم مروه : مدري وش أقولك بس .. ايه وافقت
أم أحمد : صج والله ألف ألف ألف مبروك..
أم مروه : الله يبارج فيج وعسى الله يتمم على خير ..
أم أحمد : انزين خلّيني أخبّر وائل بهالخبر الحلو ..
أم مروه : عيل أخليج وبينا اتصال .. مع السلامه
أم أحمد : مع السلامه
ــــــــــــــــــــــــــــــــــــــــــــــــــ
محمد بهالفتره قرر يدق على خالد ويقوله إن نوره نقلت بسببه..
محمد : الو السلام عليكم ..
خالد : وعليكم السلام .. منو ؟!
محمد : أخوي خالد ؟
خالد : إيه معك خالد مين انت ؟
محمد : أنا محمد وراح تعرفني لا حكيت عن الموضوع
خالد : تفضّل قول وش عندك ..
محمد : ابصراحه مب عارف اشلون أبدأ الموضوع بس أعتقد إنك تعرف نوره ؟
خالد : نوره ؟؟ نوره مين ؟
محمد : خالد مب علينا هالحركات نوره اللي ضيّعت مستقبلها وماعادت تحس بطعم الدنيا من العذاب
خالد : إيه عرفتها وانت من تكون حبيبها اليديد ؟؟ ههههههه
محمد : استغفر الله العظيم بس .. حرام عليك يا خالد تخيّل أختك بموقفها
خالد : اتخسّى اتكون مثل أختي .. هذه ماعندها كرامه
محمد : من قلبك تقولها ؟ انت ترضى إن ولدك اللي ياي مايعرف مين أبوه ؟
كيف تقدر تنام الليل ؟ كيف ضميرك يخلّيك عايش من دون ألم ؟ ولاتنسى بعد دعوة المظلوم مستجابه .. بس ما أقدر أقول أي شي غير الله يسامحك وكون بعونك ويهديك وإن كان تبي تعرف مكان نوره ترى محد يعرف مكانها .. الله يكون فعونها بعد اللي صار لها
خالد ساكت .....
محمد : أخلّيك الحين بس فكّر بكلامي عدل.. فمان الكريم
ــــــــــــــــــــــــــــــــــــــــ
وائل هايم في خياله على سريره ويفكّر بلولوة كيانه جمانه وبحبهم لبعض
أم أحمد : وائل وائل يمه ..
وائل سرحاااااان ولا يدري وش السالفه
أم أحمد تطلع لم غرفة وائل وتدق الباب : وائل وائل يمّه ؟؟
وائل ينتبه ويقوم يفتح الباب : هلا يمه وش فيج ؟
الأم : يمّه تعال أبي أخبّرك خبر واااااااااايد حلو وأكيد راح يعجبك
وائل : شنو يمّه قولي ..
الأم : خطبنالك خوش بنيه ؟
وائل : خطبتولي ؟؟ ليش قالولج يالس عانس ؟
الأم : لا يا يمّه مو جذي بس ودّي أفرح فيج وأهل البنيه موافقين وخلاص وأكيد إنت ماعندك مانع
وائل : واشلون يمّه ليش ماخذيتي رأيي ولا مالي رأي ف هالبيت وبعدين من هي تعيسة الحظ اللي وافقت تاخذني ؟
الأم : مروه رفيجة ود ..
وائل : مروه ؟؟ مروه ماغيرها ؟؟
الأم : أيه وش فيها مب عايبتك يعني ؟
وائل : لا ماقلت شي بس من قالك أبي أتزوّج ليش ماخذيتي رأيي ف البنيه ولا رأي ف الزواج أصلا ً ؟ الحين هذا خبر يفرّح هذا خبر يسد النفس ..
طلع وائل من غرفته وهو وايد تعيس وركب سيارته وهو يبجي : وين كان مكتوب لي هالشي ليش ليش ؟ يارب ليش جذي أنا وش سوّيت وبعدين مقدر أغيّر رأيي وما أخلّي لأمي رأيي مابي أفشلّها قدّام الناس ويقولون ولد عاصي يارب وش أسوّي وش ذنبي وش ذنب حبيبتي جمانه ..
الله يا جمانه ألحين وش أقولج .. واشلون أشرح لج واشلون راح تتقبّلين هالصدمه واشلون بس واشلون ؟؟
وقعد طول وقته يفر بالشوارع ويبجي ولكن مابيدّه شي غير يرضى بالقدر اللي ربّي كتبله إياه
الأم قلقانه على ولدها وائل : ياربي ياربي ياليتني خذيت رأيه قبل ياليت قلت له الموضوع كنت أحسبه راح يفرح ويقول أمي تبي فرحتي بس ظني مب ف محله
ود : يمّه ماعليج منّه مصيره بيرضى خلاص على قولتج وين بيلقى أحسن من مروه ..الله يتمم على خير وصدقيني راح يجي ويحب راسج ويرضيج بعد ماعليج هو من الصدمه ماعرف وش يقول ولا تشيلين همّه رح ينتبه على حاله ..
الأم : الله يسمع منّج يابنيّتي ..
ــــــــــــــــــــــــــــــــــــــــــــــــــ
جمانه ماتدري عن أي شي وائل متغيّر عليها وهي مستغربه مره يرد وعشر مرات مايرد على اتصالها مسكينه ماتدري وش اللي ربي كاتبه لها والله يعينها لا درت وش اللي صاير حق حبيبها وشريك عمرها وائل ..
جمانه ترسل رساله على وائل //
وش اللي صابك بدنياك
وش اللي مانعك عنّي
حبيبي للأبد أهواك
حبيبي وانت اتّجاهلني
حياتي كلّها بيمناك
وش اللي صار علّمني
نسيت إني على فرقاك
أموت وماتروح منّي
وائل يقرأ رسالة جمانه ويقعد يصيح مابيده شي يكتبه ولا يقوله ولا عاد له ويه يطالع فيه حبيبة قلبه ويجرح نفسه ويجرحها يبي يبتعد بهدوء ولكن مايعرف اشلون ومتى وكيف ؟
حبيبته ومايبي يجرحها بس مايبي فجأه يشوف وفجأه يحب وفجأه يختفي
عذاب يحسّه قبل مايعرف ردّة فعلها وأكيد راح تكون ردّة فعلها أكثر بكثير وصدمه ماتتوقّعها أبد ..
ـــــــــــــــــــــــــــــــــــــــــ
تمّت الخطوبه بين وائل ومروه ..
مروه تناظر وائل وهو يائس والحزن واضح بعيونه بس هي مب هامها المهم إنها فرحانه بخطبتها
وائل أكبر حزن وأعمق حزن يسكنه ويحطّم فؤاده ..
جمانه ماتدري وش السالفه للحين .. وائل مايبيها تدري عشان لا تتأثّر ولا يصير فيها شي ..
وبعد شهرين بدت الإجازه الصيفيه وهي موعد زواج وائل ومروه ..
وصلت الدعوه بيد جمانه عن طريق ود
(( بسم الله الرحمن الرحيم ))
ندعوكم لحضور حفل زفاف
وائل بن فلان بن فلان
على كريمة
سلمان بن فلان
جمانه تطالع ف الدعوه تبي تتأكد هو ولا مو هو ..
معقوله حبيبها ؟؟ لا لا مو هو أكيد واحد ثاني بس الإسم نفسه وهذه بنت سلمان ( مروه! )
معقوله معقوله يروح ويتركني بروحي معقوله بعد هالعشره يخوني ويتزوج ولا أدري عنه ولا قال لي شي معقوله يتركني حبيبي ....... وفجأه جمانه تطيح من طولها وتدخل المستشفى وتتنوّم
وبعد يومين اطلعت من المستشفى ..
وائل ؟؟ مايدري عنها يدق عليها بعد ماعرف إن الدعوه اوصلت لها بس جمانه ماتبي ترد عليه
خلاص عافته مع إن قلبها متقطّع على سماع صوته بس خلاص هي تقول إنه ماعاد من نصيبها وبتحاول تتناساه ..
بعدها بأسبوع تم الزواج وكانت جمانه من أول المعازيم وقلبها متقطّع بعد زفته لمحت الحزن بعيونه بس ماعاد يفيد ((لافات الفوت ماينفع الصوت)) وماعاد بيدها شي غير ترضى بالمكتوب ..
وبعد مايلسوا على الكوشه اطلعوا المعازيم يسلمون على العريس وعروسته
وآخر وحده جمانه ..
وهي طالعه على الكوشه وتمسك بيد وائل وتعطيه رساله وتقوله بهمس .. أقراها وانت بروحك .. وبصوت عليك مبروك عليك
وتروح وتسلّم على مروه وتقول مبروك عليك .. وتهمسلها بأذنها // (( ماتوقّعتج تسوين لرفيجة عمرك جذي بس دايم اللي مايعرف العشره مستحيل يقدر يعيش ,, الله يوفقج ))
وتنزل جمانه من على المسرح وعين وائل عليها بس خوفه من أنظار الناس خلاّه مايلتفت دايما ً لجمانه
وبعد العشى اطلعوا المعازيم من القصر وطلع العريس ويّا عروسته ومابقت إلا جمانه يالسه اتخيّل إنها ف مكان مروه وإن هذا اليوم هو يوم زواجها من وائل واقعدت تتذكّر أيامها الحلوه ويّا حبيبها وكل شي كان بينهم ويوم إنهم قرروا يتزوّجوا يصير القدر ضدّهم ومو بيدّهم وقامت تصيح وتصيح وتصيح وتصيح إلين طاحت ابمكانها ومحد يدري عنها
ـــــــــــــــــــــــــــــــــــــــ
وائل ف بيته دخل ويّا مروه راحت مروه للغرفه ووائل قام يبي يقرأ وش كتبت جمانه له ف الرساله .. ويوم إنه يبي يطلّع الرساله مايلقاها ف جيبه
وائل : مروه .. مروه ..
مروه : هلا عيوني آمر
وائل : سمعيني بطلع عندي مشوار مهم ولازم يصير اليوم
مروه : تروح وتخلّيني بليلة عرسي وش يقولون الناس عنّي مايبي يشوفني ؟؟
وائل : أقول عاد فكّينا أنا ماجيت آخذ رأي جيت أقولج عشان لا تدوريني وماتلقيني
طلع وائل من بيته وخلاّ مروه بروحها تنطره ..
رجع وائل للقصر يبي يدوّر الرساله إلا ويلقى الرساله طايحه على الأرض ويوم إنه يا يبي ياخذها يلمح جمانه مغمى عليها وقام وشالها من الأرض وأخذها على المستشفى ..
وهو ف المستشفى ..
الدكتور : الحمد لله لحّقت عليها قبل لا يتوقف قلبها ولا ّ كانت بتموت
وائل : الحمد لله يادكتور ألحين خبّرني واشلونها إن شاء الله أحسن ؟
الدكتور : أيه أحسن بس الأفضل إنها ترتاح هي ياتنا قبل جذي وقلنالها ماتتعّبين روحج وقالت إن شاء الله بس أتوقّع شي صاير لها وماتقدر تنسى
وائل وهو يحز ف نفسه ويعرف إنه السبب : خلاص راح أنصحها بالراحه وماتتعب نفسها ..
طلع وائل من غرفة جمانه وقعد ف غرفة الإنتظار ..
مروه ؟؟ مروه ماجات ف باله ولا فكّر فيها أهم شي حبيبة عمره اللي مايقدر يتركها بهالحال
قعد وفتح الرساله ..
(( هل ستأخذك منّي ؟ ))

أحقاً ستأخذك مني؟
أحقاً ستكتب عنها
مثلما كنت تكتب عني؟
أحقاً ستبوح لها بسرّي معك
وانك...واني؟
أحقاً ستفتح لها ذراعيك
وتغني لها
كما كنت تغني لي؟
أحقاً ستطويني كالدفاتر القديمة
وكأني ماكنت لك يوما غاية التمني؟
_________________________________

هل ستحبك بخرافه مثلي؟
ستسجد لله شكراً لأنك من بين الرجال الأرض كنت حبيبها؟
هل ستنبت لها أجنحةً حين تسمع صوتك
وتتحول إلى عصفورة صغيرة تفر من زحمهم
وتطير بصوتك بعيداً عن عالمهم
وكأن صوتك فرحة عمرها التي لن تتكرر؟
هل ستقف فوق شاطئ البحر في الصباح الباكر
وتنظر إلى البعيد
وفي داخلها عاشقة مجنونه
تتساءل بصوت الحلم:
ماذا لو رسمت سفينة نوح ٍ الآن
وكنت أنت فوق ظهر السفينه
ومددت لها يديك كي تكون نصفك الآخرفوق السفينة؟
هل ستتمنى أن تكون بائعة الكبريت
فتمر على ديارك تمنحك الدفء شتاءً؟
أو تكون بائعة الثلج
فتغرس قطع الثلج في طريقك صيفاً؟
أو تحلم بالصعود إلى الشمس؟
هل سينقبض قلبها حين يصيبك مكروه
فتشعر بألمك قبل أن يصيبك؟
أو بحزنك قبل أن يتسرب إليك؟
أو بالآه قبل أن تستقربك
وتتعرف إليك ولو كانت عمياء وكنت بين ألف رجل؟
هل ستغمض عينها وتسافر إلى وطنك خيالاً؟
وتمشّط بأقدامها طرقات حبك القديم؟
وتقرأ فوق الجدران خربشات مراهقتك
وتدخل بيتك القديم
بفرح أنثى تهمّ بدخول جنة الخلد؟
وتدخل غرفتك القديمة
تتصفح أركانها بلهفه
هنا جلس يوماً
هنا ذاكر دروسه
هنا لعب...هنا كبر
هنا عشق...هنا بكى
هل ستتمنى أن ترتدي طاقية الإخفاء لتجلس إلى جانبك وأنت تقود سيارتك
وترافقك إلى عملك صباحاً
فتقرأ كتبك المهجوره
وتعبث بأوراقك المهمه
وتشاركك قراءة جريدتك الصباحيه
وتحتسي من فنجانك بقايا قهوتك؟
هل ستبوح باسمك؟
كما بُحت لي باسمك؟
هل ستفعل هي كل هذا؟
يشهد الله إني قد فعلت
ولكن السؤال هل ستأخذك منّي ؟؟؟؟
ــــــــــــــــــــــــــــــــــــــــــــــــــ ــــــــــــ
وائل بعد ماقرأ كلمات جمانه اللي نابعه من قلبها الصافي قعد يبجي ويلوم نفسه على اللي صار لها ومن زود حبه لها قعد عندها ف المستشفى ومارد للبيت ونام على الكرسي قرب جمانه//
جمانه تقعد من نومها : وائل ؟؟ وائل؟؟ وش تسوّي هني ؟ وين أنا ؟؟
وائل : هلا حبيبتي حمد لله على السلامه إنتي ف المستشفى من أمس و...
جمانه : ومروه ؟
وائل : مروه ف البيت قلتلها بروح وأرجع لأن رسالتج طاحت منّي ويوم جيت أدخل القصر لقيت الرساله خذيتها وبعدها شفتج ع الأرض شلتج ويبتج المستشفى
جمانه : الله يسلّمك مشكور.. انزين روح لمروه أكيد تنطرك
جمانه أعطت ظهرها لوائل عشان لا تناظره وتحنن قلبه ويتعاطف معاها
وائل : جمانه وش فيج ترى أنا ماني ناقص عذاب صدقيني مو بيدّي ولا كنت داري إن أمي اخطبت مروه لي وأنا ماقدرت أقولها لأ عشان لايقولون علي عاصي بس ولايهمج راح أطلّقها أنا ما أسوى بدونج صدقيني
جمانه : تطلّقها ؟؟ لا لا حرام .. خلاص يا وائل لا تزوّد جراحي الله يسعدك ويهنّيك وأنا راح أكون بخير دامك بخير يلا روح بلاش تخلّيها بروحها من أول ليله يكفّي أمس
وائل ودموعه تنزل على خدّه: يعني هذه النهايه ؟
جمانه تكتم حزنها ودمعها : (مصير الحي يتلاقى) بس اعتبرني ذكرى ف حياتك تذكّرني وكأني حلم من أحلامك وإن شاء الله أكون ذكرى حلوه
وائل : بس إنتي واقع مو حلم وأكيد إنتي بحياتي كل الحلا يالولوة كياني
جمانه تمسك يد وائل : روح بدربك والله يكون وياك أشوفك على خير إن شاء الله
وائل : واشلون أروح وأخليج مايعطيني قلبي ؟
جمانه : واللي يسلمك روح رووووح
طلع وائل من غرفة حبيبته وعينه تناظر عينها للمره الأخيره ودموعه اللي جرّحت خدوده وبيده رسالتها ذكرى لها
ــــــــــــــــــــــــــــــــــــــــــــــــــ ــــــــــــ
مروه ف البيت تنتظر ردّة وائل اللي ماتدري وينه من أمس ..
وائل يدخل البيت وحالته حاله وماله خلق شي ..
مروه : وائل وش فيك ؟ وين كنت ؟ وش صاير ؟ من أمس منت على بعضك ؟
وائل : مافيني شي خلّيني بروحي يا مروه وإذا هديت بكون وياج اوك؟
مروه : أوك عيوني
ــــــــــــــــــــــــــــــــــــــــــــــــــ ـــــــــــــ
بيت أبو أحمد :
ود : يمّه يمّه أنا طالعه تبين شي
الأم : وين يمّه بتروحين ف هالحزّه ؟
ود : بروح أغيّر جو بعد تعب أمس من الزواج
الأم : الله يوفقهم يارب وانتي حطّي بالج على روحج ..
ود : انزين يمّه فمان الله
الأم : الله يحفظج
ــــــــــــــــــــــــــــــــــــــــــــــــــ ــــــــــــــ
ود اوصلت للبحر وصل محمد وراها ..
محمد : السلام عليكم
ود : هلا ميدو وعليكم السلام
محمد : مبروك مبروك على أخوج وعقالنا .. أققصد عقبالج
ود : شنهو ؟ أيه أيه الله يبارك بعمرك عقبالك انت بعد
محمد : الله يسمع منج بس بشرط !!
ود : شنهو الشرط ؟
محمد : إنها تكون مثل اللي ف بالي
ود : إن شاء الله يارب
ــــــــــــــــــــــــــــــــــــــــــــــــــ ــــــــــــ
أحمد ف المستشفى ..
الدكتور : أحمد تعال المكتب أبيك ف موضوع
أحمد : انزين هذاني وراك
الدكتور : اتفضّل حياك
أحمد : الله يحييك .. خير دكتور ؟
الدكتور : بصراحه يا أحمد ومن غير لف ودوران إنت لحّقت نفسك عالأخر والحمد لله جيت ف الوقت المناسب عشان تتعالج
أحمد : الحمد لله إيه كمّل ؟
الدكتور : بس في شي واحد لازم إنك تعرفه وهو إن العلاج ممكن يتعّبك لأن راح يكون بنفس الطريقه وماراح نسوّيه هنا يعني لازم تسافر للخارج ؟
أحمد : واشلون ؟ مافهمت عليك ؟
الدكتور : شوف .. الواحد لا أدمن على شي قبل الإدمان بيكون هذا الشي بالنسبه له عادي بس مع التعوّد والإكثار ماراح يصير فيه استغناء وبكذا يتم الإدمان والعلاج بنفس الطريقه يعني علاجك راح يكون على نفس إدمانك وإنت أدمنت على المخدرات وعلاجك راح يكون إعطاءك المخدرات بس ف كل مره تقل الكميه من يوم إلى أسبوع وبعدين لـ شهر وبكذا راح يتعوّد جسمك تدريجيا ً على التخلّص منها وبعدين بإذن الله راح تشفى
أحمد : انزين يادكتور إن شاء الله وأنا راح أختاري مستشفى زينه بس لازم تعطيني التقرير والله يسمع منك أهم شي إني أنتهي من ذا الإدمان ودّي أعيش حياتي وأشوف عيالي
الدكتور : إن شاء الله دقايق والتقريرعندك
وبعد دقائق //
الدكتور : خذ يا أحمد هذا التقرير وأنا راح أتابع حالتك من أي مستشفى تروح له
أحمد : مشكور يادكتور وماقصّرت .. فمان الله
راح أحمد للبيت وطلع لم غرفته وقام يجهّز أغراضه وجنطته للسفر ..
الأم : هلا يمّه أحمد وش صاير يمّه وين بتروح ؟
أحمد : لا تخافين يمّه أنا رايح لاستراليا أغيّر جو وأرد إن شاء الله وراح تسمعين أخباري دايماً
الأم : انزين يا يمّه وانت لهالدرجه مستعيل ؟
أحمد : إيه يمّه لازم أروح ضايقه فيني الدنيا ومب قادر اتحمّل أكثر من جذي
الأم : انزين يمّه خبّر أبوك وأنا بدعيلك ..
أحمد : انزين يمّه الله يسلّمج انتبهي على روحج
الأم : وإنت بعد..
ــــــــــــــــــــــــــــــــــــــــــــــــــ ـــــــــــــ
بعد شهر /
مروه : وائل وائل ؟ قوم يلا عاد بسّك نوم
وائل : هلا مروه اش فيج صاجّتني مع الصبح وش وراي ؟؟
مروه : ماتبي تفطر معاي وتقعد تسولف وياي ؟؟
وائل : انزين انزين ألحين أقعد بس إنتي روحي زهبي الفطور
مروه : إن شاء الله
ــــــــــــــــــــــــــــــــــــــــــــــــــ ــــــــــــ
بيت أم أحمد الباب يدق //
أبو أحمد يفتح الباب : مين ؟
اللي على الباب : أنا سعود وولدي محمد
أبو أحمد : حياكم تفضّلوا البيت بيتكم
سعود : الله يحييك
ادخلوا الديوانيه //
الأب : يامره القهوه لحد يدخل الديوانيه عندي ضيوف
الأب : يا حيّا الله من يانا
سعود : الله يحييك بصراحه ماودّي أطوّل عليك أبي أدخل بالموضوع على طول
الأب : خير إن شاء الله ولدي أحمد فيه شي ؟
سعود : لا لا لاتفهم غلط أحمد بخير إن شاء الله إحنا يايين بخصوص موضوع ثاني
الأب : انزين وشهو ؟؟ عن إذنكم وأرد
الأب ياخذ القهوه من يد ود ويدخل
الأب : المعذره قطعت كلامك
سعود : لا عادي المهم الموضوع ومافيه إحنا يايين نطلب يد بنيّتك ود لولدي محمد
الأب : هذه الساعه المباركه والحمد لله الأفراح صارت تيي ورا بعض من 3 شهور تزوّج وائل وألحين بنتي بتتزوّج
سعود : إن شاء الله على طول أيامك أفراح يابو أحمد
الأب : الجميع إن شاء الله انزين تقهوا لحد ما أخذ رأي البنت
يطلع أبو أحمد من الديوانيه
الأب : أم أحمد ود يمّه تعالوا أبيكم ..
الأم : خير وش صار
ود : هلا يبا وش فيك آمر
الأب : سمعوا تدرون من اللي بالديوانيه ؟
الأم و ود : مين ؟
الأب : واحد إسمه سعود ياي يطلب يد ود لولده محمد
الأ م : صج والله ؟
الأب : أيه صج
ود : انزين يبا أبي أشوفه من غير مايدري وبعدين أقولك رأيي
الأب : انزين تعالي
قامت تناظر ود من شباك الديوانيه وعرفت إن محمد ولد سعود هو حبيبها
ود : يبا أنا موافقه
الأب : على البركه يا بنيّتي وأخيرا ً يا اليوم اللي أشوفج فيه عروس
ود بخجل : إن شاء الله على طول تفرح يا يبا
الأب يدخل على سعود ومحمد//
الأب : على البركه البنت وافقت
محمد : صج وافقت ؟
الأب : أيه مبروك عليك يا ولدي إن شاء الله تتوفّقون
محمد : الله يبشّرك بالخير ياعمّي
الأم : خلّيني أدق على أخوانج أبشّرهم
ود : إيه يمّه
وتم الزواج على خير
ــــــــــــــــــــــــــــــــــــــــــــــــــ ـــــــــــــــــــــــــــ
جمانه صارت كاتبه وشاعره //
وبعد فتره انقطعت أخبارها عن وائل
وائل ف نفسه : غريبه جمانه ماعادت تراسلني ولا تطمّني عنها لي 3 شهور من آخر رساله منها لايكون اتزوّجت ؟ وش فيها مو أنا مانيب معاها تزوّجت وخلّيتها بس ..........
مروه تقطع تفكير وائل
مروه : وائل ؟ يلا يا وائل ؟؟
وائل : يووووووووه وش فيج وش تبين منّي ؟
مروه : أبي أروح السوق طفشت من القعده
وائل : سوق سوق سوق كل يوم والثاني سوق ليش ماعندج بيت وزوج تهتمّين فيهم ؟
مروه : يووووه الله والزوج عاطل باطل مااتوقّعتك جذي
وائل يضرب مروه طراق : حمدي ربج إني وافقت عليج ولا في غيرج أحسن
مروه : تضربني يا وائل وبعدين جمانه ماتستاهلك متكبّره وأنانيه وشايفه عمرها
وائل : جمانه ؟ انتي تكلمين جمانه للحين ؟
مروه : لا ما أكلمها بس أدري إنك تحبها بس ما أبيك تنخدع فيها تراها حقّت مظاهر وتحب غيرك عشره
وائل : أقول استحي على ويهج ولا اتحجّين عن رفيقتج جذي ولا ماعاد لج حشمه قدام أحد
مروه : لا والله .. المفروض إنت تحمد ربك لأني جلست معاك وانت عاطل ولا كان غيرك يتمنّوني أحمد ربك إني قلت أبيك وما خليّتك تضيع ورى ذيك اللي مالها داعي
وائل : هذه وهي رفيقتج الروح بالروح وتسوّين فيها جذي صج مافيك خير أصلا ً اللي يجلس معاج مايشوف غير الهم أنا لي 6 شهور وأنا متعذّب وياج كل يوم قرف ونكد وش هالعيشه ولا حشمه ولا تقدير وخري عنّي أبي أطلع من هالنكد
وخرج وائل من البيت ..
وقام يمر على بيت جمانه // جمانه حبيبته اللي كان ينتظرها تخرج من البيت لا مر عليها
وفجأه !!
خرج واحد من البيت ومعاه شايب ومعاهم عبدالله ووالد عبدالله
وائل باستغراب ! : مين هذول ؟؟ لا يكون جد جمانه تزوّجت ؟؟
آه ياقهر قلبي أتوقّع إنها نستني وصرت من الماضي .. الله يعين يعني أطلع من البيت وأنا متنكّد وييت لم بيت لولوة كياني يمكن أشوفها تطلع إلا يطلع واحد ويّا ولده ومستانسين؟ آآآه يا الدنيا ..
حرّك وائل سيارته وأحزانه تغمره .. جمانه حبيبته خلاص من هاللحظه راح تكون لغيره وراح يصير اللي بينهم ذكرى ..
ـــــــــــــــــــــــــــــــــــــــــــــــ

((الفصل الثاني))
أحمد وبعد فترة علاجه رجع من استراليا وهو ف قمة سعادته ..
وصل أحمد للبيت //
الأب : أحمد ؟ ولدي أحمد ؟ الحمدلله على السلامه ياولدي أخبارك أقعد ياولدي وسمّعني أخبارك .. أم أحمد تعالي يا مره ولدج أحمد وصل
الأم : ولدي أحمد يا هلا ياهلا حمد لله على سلامتك يمّه طمّني عليك أخبارك ؟
أحمد : أنا بخير الله يسلمكم يارب قعدوا قعدوا صج لكم وحشه قولولي وش أخباركم ؟
ــــــــــــــــــــــــــــــــــــــــــــــــــ ــ
ود ومحمد راحت لبيت أهلها //
ود ادخلت البيت : فجأه تشوف واحد يالس وماتدري منهو وردّت عند باب البيت
الأم : ود يمّه تعالي دخلي هذا أحمد أخوج يايمّه
ود : أحمد ؟؟ أهلين والله تدري عاد ماعرفتك واااااااااايد تغيّرت الحمدلله ع السلامه .
أحمد : الله يسلّمج وانتي بعد تغيّرتي وينه ريلج خلّيني أشوفه ..
ود : دقيقه أناديه أظن إنه ويّا أبوي ف الديوانيه
أحمد : عيل أنا أروح وأقعد ويّاهم
ود : إيه أحسن عشان أبي أقعد ويّا أمي .. إلا صج يايمّه ليش ماتدقّين على مروه ووائل ييون ؟
الأم : صج والله خلّينا نفرح اليوم ونسوّي عشى يية أخوج
ود : خلّيني أنا أدق عليهم ..
ــــــــــــــــــــــــــــــــــــــــــــــــ
بيت وائل //
ترررررن تررررررن .. تررررن تررررررن
ألوو ؟
ود : ألو ؟ هلا ؟؟ وائل ؟؟
...... وائل ؟ وائل مين ؟
ود : عفوا ً أخوي أكيد غلطت بالرقم ..
تقفل ود السماعه .. تناظر للكاشف ؟ يوه الرقم صح مين ذا ؟
ترجع ود وتدق ثاني مره ..
مروه : ألوو ؟
ود : مروه ؟
مروه بارتباك : أيه ؟؟
ود : أهلين شخبارج ماري ؟
مروه : بخير الحمد لله .. انتي شخبارج ؟ وش مسوّيه وكيف عمتي وعمي ؟
ود : بخير الله يسلّمج إلا أقول ؟ مين اللي رد علي قبل شوي ؟
مروه : محد ؟؟ إنتي دقيتي ؟
ود : إيه دقيت بس مدري مين رد ؟
مروه : لا أظن إنج غلطتي بالرقم ..!
ود : اممممم .. ممكن .. المهم اليوم أحمد رد من استراليا وناويين نسوّي العشى عندنا ف البيت اليوم .. وائل موجود ؟
مروه : لا مب هني طلع ..
ود : إنزين أوّل مايرد خبّريه ولا تتأخّرون .
مروه : إنزين
ود بعد ماسكّرت السماعه //
غريبه ؟؟ ليش مروه تكذب أنا شفت الرقم وهو مب غلط خلّي العشى يمر على خير وبعدين أكلّم وائل وأشوف وش القصه ..
ــــــــــــــــــــــــــــــــــــــــــــــــ
بيت نوره //

طبعاً نوره ولدت ويابت بنت شحلاتها وسمّتها (( رنا ))

وبعد ماصار عمر رنا شهر //

يدق باب بيتهم //

نوره :!! منو ؟؟
..... : انتي نوره ؟
نوره : أيه ؟؟ مين انت ؟
..... : أنا ...!!
نوره : يلا عاد مين ؟
..... : انزين انزين .. أنا ......
نوره : تبي تتحجّى عدل ولا ّ روح ..
خالد : باختصار افتحي الباب وتعرفيني ..
نوره افتحت الباب // وكانت الصدمه قويه وهي شايله رنا ..
نوره : خالد ؟؟ وش تبي منّي وكيف دلّيت طريقي ؟؟ ومنو اللي يابك هني ؟
خالد : أنا لي سنه أدوّر عنوانج صدقيني إنّي تغيّرت أنا مانيب اللي تعرفينه قبل صدّقيني يانوره
أنا ردّيت لك لأني عرفت غلطتي تذكرين يوم كلّمني محمد وقال اللي اللي انتي فيه ؟
نوره : أيه ؟؟
خالد : والله من وقتها قلتله كلام وف قلبي كلام ثاني والله إنّي ماارتحت لين دريت إنج هني وقتها حسّيت براحه وأنا ألحين ياي أعدّل غلطتي ..
نوره : اشلون يعني ؟ انت ماتدري أنا اجهضت ولا ولدت انت ماتدري عنّي شي
خالد : أعترف إنّي كنت مهملج وإنّي ماسألت عنج بس والله إنّي تعبت لين لقيتج
نوره : انزين شنو تبي تسوّي ألحين ؟
خالد : أنا ياي أخذج معاي وأعيّشج الحياه اللي انحرمتي منها .. وبعدين ؟؟
نوره : وبعدين شنو ؟
خالد : منو هذه البنيه الحلوه ؟
نوره : هذه رنا ..
خالد : بنت منو ؟؟
نوره : بنتك !
خالد : بنتي ؟؟ هذه بنتي صج ولا تجذّبين ؟
نوره : صج والله هذه هي رنا خالد .....
خالد : ماشاء الله لو أدري إنها بتطلع عليج كان ماتركتج ولا دقيقه ..
نوره : صج عاد إنت وقتها ماتبيني ولا تبي تعرف عنّي شي ..
خالد : خلاص نوره لا تذكّريني أنا نسيت خالد القديم ..
نوره : إن شاء الله .

ـــــــــــــــــــــــــــــــــــ

يوم العزيمه //

أوّل ماسكّرت ود من عند مروه دقّت على وائل !
ود : وائل أهلين وش فيك ماترد عليّ من أوّل أدق عليك
وائل : وش صاير ؟ كنت مشغول أمي فيها شي ؟ أبوي فيه شي ؟
ود : هييي وائل هدّي شوي حبّيت أقولك عن شي مهم ولازم إنك تسوّيه ألحين
وائل : وش فيك ؟؟
ود : حرّك السياره ألحين وروح لم بيتك ؟
وائل : ليه وش صاير ؟
ود : أنا دقّيت على مروه وترى هذه ثاني مرّه تصير ويرد علي واحد
وائل : واحد وف بيتي إنتي متأكده ؟!!!
ود : أيه متأكده قوم قبل لا يطلع أنا توني مقفله من عند مروه ألحق
وائل : انزين انزين كاني ف الطريج ..
قفّل وائل من عند ود وراح لم البيت طبعاً البيت اللي ساكن فيه مب عمار
عشان ممكن نقول يمكن يطلع واحد من شقه ثانيه ولا ّ شي
لا بيت وائل كان عباره عن فلّه دورين .
وقّف وائل بعيد عشان لا يشك أحد وأول ماوصل إلا ّ واحد طلع من الفله ووائل ف هالفتره مسك أعصابه وراح وراه عشان يتأكد منه وأخذ رقم لوحة سيارته عشان لا يضيع منّه
وشافه وقّف عند شقق عزّاب
رد وائل لبيته وكأنه مايعرف شي
أول مادخل البيت ::
مروه : وائل ؟؟
وائل : وش فيك مرتعبه جذي لايكون شايفه ينّي ؟؟
مروه : لا مو من عادتك اتيي امبجر !
وائل : بيتي وحر وقت ماايي ايي وبعدين ليش متعدله مين بيشوفج هني ؟
مروه : ها .. لا ماكو شي بس .. أيه صح ود دقّت وعازمتنا اليوم على العشى بمناسبة ردّة أخوك من السفر عشان جذي تعدّلت من بدري
وائل : أهااا انزين عيل أنا بزهّب حالي ونروح امبكر
ود وهي مرتبكه : إن شاء الله

وراحوا وكملوا العشى على خير

وبعد العشى ..

وائل وهو يطالع مروه بنظرة حقد وفي قلبه يقول : والله إنّها ماتستحي لو قالت من أوّل ما أبيك وريّحتني ولا عيّشتني ف هالعذاب لكن أنا براويها.......
وائل بعصبيه : مروه
مروه : ها وائل اش فيك ؟
وائل : تعالي أبيج ف الغرفه
مروه : كاني يايّه
وائل : وانتي بعد يا ود
ود : على خير ياخوي كاني وراك
دخل وائل الغرفه ويلس على الكرسي : ود قوليلي وش صار اليوم ؟
ود : اللي بالتليفون ؟ مو كأنك استعيلت يا وائل .؟
وائل : تكلّمي بسرعه عشان أراويها الصدق عن الكذب
ود : دقّيت على بيتك الظهر عشان أعزمكم على العشى إلا ّ واحد يرد على التليفون سكّرت حسبالي غلطانه تأكدت من الرقم ف الكاشف وطلعلي صح
وائل : أيه وبعدين !
ود : وبعدين ردّيت ودقّيت ثاني وردّت مروه واهي مرتبكه وقال لي إنّي مادقّيت ولا أحد رد وقلت ف نفسي هذه ليش تجذب
مروه مصدومه وهي تناظر اللي صاير قدّامها خلاص انفضحت ومافيها تجذب وبعدين قالت : وائل لا تصدّقها تجذب عليك محد كان ف البيت و ....
وائل يقاطعها ويقوم ويروح لم مروه ويشد شعرها بقوه: أقول بسّج عاد ياما كذبتي وياما لعبتي من وراي ويايّه الحين تبيني أصدقج ولعلمج تراني شفته واهو طالع من الباب تحسبيني ماييت امبجر ييت أوّل ماقالتي ود إني أتأكد وتأكدت وياليتني ماشفت الغدر والخيانه ياليتني بس
مروه تصارخ ابأعلى صوتها : وائل تكفى هدّني هدّني آآآآآآآه
قام وائل كفّخ مروه وهي اصرخت آآآآآه آآآآآآه يابطني هدني هدني ورماها وائل على الأرض
ابدخلت أم أحمد وأبو أحمد عليهم وتصرخ وائل وائل وش صاير ؟؟؟
وائل بعصبيه : أصلا ً هذه ماتستحي قال بنت زينه قال وقام وهو امعصب منها جزئيا ً ومرتاح منها جزئيا ً لأنه لقى شي يبعده عنها طبعا ً هو ما قرب منها نهائيا ً من زواجه إلين هالفتره ..
أم أحمد : قومي يابنيتي قومي نودّيج المستشفى ونشوف وش فيج
مروه : مستشفى ؟ لا لا ودّوني عند أمي أبي أروح عند أمي
أم أحمد : انزين يقومي يا يمّه يلا.
ــــــــــــــــــــــــــــــــــــــــــــــــــ ـــ

بيت أم مروه //
تنننن تننننننننننن تنننن تننننننننننن
أبو مروه : عسى خير مين يدق علينا آخر الليل ؟؟ الله يستر
يفتح أبو مروه الباب ..
أبو مروه : أبو أحمد ؟؟ وش صاير وش فيها بنتي؟!!
أبو أحمد : لاحول ولا قوة إلا بالله أمسك البنت وأقولك وش صار !!
أبو مروه : اتفضّل اتفضّل السموحه يابو أحمد ..
وقال الموضوع اللي صار كله ..

ــــــــــــــــــــــــــــــــــــــــــــــــــ ــــ

وفي صباح اليوم الثاني ..

مروه : آآآآآآآه يا يمّه آآآآآآه يا يمّه بطني يعوّرني حيل يمّه
أم مروه : بنيّتي وش فيج يا يمّه قومي قومي نودّيج المستشفى ونشوف وش فيج ..
مروه : لا يمّه ما أبي أروح !
ــــــــــــــــــــــــــــــــــــــــــــــــــ ـ

وائل قرر إنه يطلّق مروه ..
وبعد أسبوع وصل قرار المحكمه في صالح وائل وتم الطلاق بينهم..
وبعد هالفتره قرر وائل يرد لـ جمانه
ويوم إنه وصل لبيتها وهو في قمة القلق والفرح لأنه راح يرد ل حبيبته بعد سنة شقا..
افتحت له وحده غريبه أوّل مرّه يشوفها ..
وائل باستغراب: السلام عليكم ؟؟
المره: وعليكم السلام والرحمه
وائل : وين عبدالله؟
المره : عبدالله ؟؟؟
وائل : اللي ساكن هني؟؟
المره : أهااا لا لا غيّروا البيت
وائل : ماعندكم أي رقم أي عنوان يوصّلني لهم ؟
المره : لا والله
وائل : انزين آسف ع الإزعاج
المره : يامرحبا ..

ويوم إنه يبعد عن البيت //

المره : لو سمحت , لو سمحت ..
وائل يتلفت : نعم ؟؟
المره : تعال يبه أبي أعطيك شي
وائل : إن شاء الله
المره : ممكن أعرف اسمك ؟
وائل : وائل ؟!!
المره : انت وائل ؟؟
وائل : أيه !!
المره : انزين يبه هذه الأشياء اقعدت عندي من كم شهر ومكتوب عليها إذا يا واحد إسمه وائل أعطوه له
وائل : وش هي الأشياء ؟؟
المره : والله يا ولدي ما أدري خذها وشوفها إنت ..
وائل : عيل مشكوره يا خاله وماقصّرتي ..
ـــــــــــــــــــــــــــــــــــــــــــــ

ياخذ وائل الأشياء ويبعد بحزنه ودموعه اللي ماباقي شي وتنزل
قعد عند البحر ..
عند أوّل مرّه قابل فيها حبيبته جمانه ..
وقعد يشوف الكرتون وش فيه ..
أوراق !! وتحف صغيره ..
ورساله لفتت نظره مكتوب فيها ..

ليه يادنيا ويازمن ؟ .. كل شي وله ثمن؟
حتى أشواقي نسيت .. مدري هي صارت لمن ؟
وليه في عز المحبه .. خذتي منّي اللي أحبه
وافترق دربي ودربه .. وليه يادنيا ليه ؟
ليه يادنيا المحبه .. خذتي منّي اللي أحبه
وافترق دربي ودربه .. ليه يادنيا ليه ؟
من يسلّيني ف يومي ؟ .. منهو أحكي له همومي
ليه تبين تزوّدين .. فيني يادنيا همومي
شاللي سوّيته بعمري .. ودّي أفهم ودّي أدري
من سواتك فيني والله .. شيّبت والعمر بدري
كافي شرّي كافي خيري .. حتى مدري وش مصيري
شوفي غيري عذّبيه .. ولاّ هو مافي غيري
ماشفت بك أي راحه .. ملّيت بكل صراحه
أنا أوّل شخص يتعب .. وتملّ منّه جراحه

وليه يادنيا ليه ؟؟؟؟

ـــــــــــــــــــــــــــــــــــــــــــــ

وبعد هالرساله عرف وائل إنه ماراح يشوف حبيبته ويطالع للبحر ..
وائل : آآآآآآآه صج والله ليه يادنيا تسوّين فينا جذي ؟؟
وقعد يقلّب ف الرسايل يمكن يلقى عنوان يمكن يشوف شي يقرّبه لجمانه !!

فتح رساله ثانيه

من مروه ؟ ..

مرسلتها لـ جمانه قبل مده

السلام عليكم ..

كل اللي أبغى أقوله يا جمانه .. إنك تسامحيني

والله ماكان قصدي أجرحك ماكان وّدي يبعد عننا شي كنت أنا السبب فيه ..

وبكل صراحه ..

أنا شفت وائل قبلك وكنت أدري إنك تحبينه .. وإنه يحبك

بس الحسد اللي فيني عماني خلاّني أخون حتى أقرب صديقاتي

وأدري لو قلت لوائل هالكلام ماراح يسمعني ومالقيت غيرك أكتبله ..

والله كل السنوات اللي كنتي تحبّين فيها وائل كنت أنهار كنت أتدمّر لأني أنا بعد كنت أحبه

بس المصيبه الأكبر عليّ إنه كان يحبك ويوم أشوفه صرت أبي انتقم بأي وسيله

ولحظة ماتقدّم لي وائل مارفضته مع إنّي كنت أعرف إنه مايبيني بس قلت راح أنسّيه شي إسمه جمانه

لأني كنت حاقده أعترفلك إني ندمانه وغلطانه بس شيفيد الندم بعد ماصار اللي صار ..

أتمنى تسامحيني والله أبي السماح منّك ..

رجيتك تسامحيني ..

وإذا صار وائل من نصيبك بأدعيلكم بالسعاده وراح أكون أوّل شخص يفرح لكم ..

الله يوفقك ويحميك ويحقق أمانيك ..

صديقتك ..

مروه ..

ــــــــــــــــــــــــــــــــ

وقتها عرف وائل الحقيقه المرّه مروه هي السبب ف كل اللي صار !!

مروه هي الإنسانه الأنانيه اللي بعّدت بين حبيبين مايقدرون يعيشون بعيد عن بعض

وائل : بعد أيش يامروه بعد أيش ؟؟ بعد ماانتهت حياتي واتدمّرت وراحت جمانه بعيد عنّي ..

آآآآه بس ..

وقعد هايم في ذكرياته ..

ويوم إنه يا يبي يقفل الكرتون عشان يريّح نفسه إلا يناظر ورقه طايحه من الكرتون ..
أخذ الورقه وفتحها وكان مكتوب فيها//

وقبل ما يقرا وش مكتوب ..

قعد يدوّر اسم اللي كتبها ؟؟

بس .. الرساله بدون اسم ..

حس وائل بضيق شوي وقال خلّيني أقرا وش مكتوب ..

بسم الله الرحمن الرحيم ..

السلام عليكم ورحمة الله وبركاته

بما ان الرساله اوصلت يعني خبر موتي وصل ..

بصراحه أنا حبّيت أوضّح شي ..

أنا لي فتره تعبانه وكنت أسكت على روحي وكنت أتألّم كثير وما أبي أقول شي عشان لا أخسر شخص عزيز على قلبي

وبعد فتره رحت للمستشفى وقالولي أيامج معدوده ولازم إنج تعيشينها بكل خير

بس أتوقّع ماراح أشوف خير لأن الخير راح من زمااااان

ورغم الذكريات الحلوه إللي بينا راح أذكرها طول عمري اللي بقالي

ما أبي أحد ياخذ على خاطره منّي وأبي كل شخص بحياتي يسامحني ..

لأني محتاجه السماح وخاصة ً من أقرب الناس على قلبي ..

وفي النهايه ..

أمنيتي إن الحياه تكون أرحم وأسعد وسهله مو مثل حياتي ..

وائل ماقدر يستحمل ..
وقعد يبجي وشوي إلا وحده من وراه تنادي عليه..
..... : وائل ؟
وائل : .........
..... : عظّم الله أجرك ..
وائل: يعني صج راحت ؟؟ ويلتفت إلا ويشوف نوره ..
نوره : أيه البقيه ف حياتك ..
وائل : لااااا ليه ليه يادنيا جذي ليه هي مو أنا ليه ؟
نوره باستغراب من وضع وائل : وصّتني أقولك إذا شفتك .. إنك تسامحها على كل شي
وائل : أنا أسامحها ليه ؟ هي المفروض تسامحني هي اللي ضحّت عشاني آه ليه رحتي عنّي وأنا أبيج وأنا ردّيت لج بكل حواسي ليه رحتي .!!!
نوره : بتروح العزا ؟
وائل : واشلون أحضر واشوف قلبي يروح عنّي ويتركني لحالي
نوره : إلا أكيد راح تحضر
وائل : ما أقدر ما أقدر بعد اللي صار امبيناتنا ما اتوقع تبيني اف عزاها
نوره : اشلون ياوائل مايصير وش يقولوا الناس عنك
وائل : وش دخّل الناس وش عرّفهم يانوره لا تعذبيني
نوره : بس بينك وبين أهلها عشره وملح اشلون جذي ياوائل !
وائل : خلاص يعني عشان تعرّفت على أخوها صارت عشره وملح
نوره : انت اشفيك هذه زوجتك قبل كل شي صار!
وائل : زوجتي اشلون زوجتي يانوره جمانه مو زوجتي
نوره : جمانه !! ومن ياب طاريها
وائل : مو يايه تعزّيني فيها أكّدتيلي كلام الرساله !
نوره : أي رساله ؟؟
وائل : كاهي اخذي اقريها ؟
نوره : تقلّب ف الورقه وتنتبه .. في الوجه الثاني للورقه
أرجوج ساميحين


مع تحياتي .. مروه

نوره : وائل انت قريت الرساله كلها ؟
وائل : ها .. لا ماادري .. أشوف .. الحمد لله ياربي تفكيري وين راح بس
نوره : ها راح اتيي ؟؟
وائل : ايه ياي وياج

وبعد العزا //

طلع وائل من بيت أبو مروه ..

ويشوف نوره : نوره تعالي أبيج ..
نوره : أيه ياوائل ؟
وائل : إنتي ييتي هني من امتى ؟؟
نوره : أوّل ماياني خبر وفاة مروه
وائل : ماشفتي جمانه ؟؟
نوره : لا والله ماأعرف عنها شي
وائل : إنزين مشكوره والله يسعدج
نوره : مع السلامه
وائل : الله معج

ـــــــــــــــــــــــــــــــــــ

خاب أمل وائل بشوفة جمانه ..
وركب سيارته وراح للبحر ويوم إنه نزل شاف وحده يالسه تناظر للبحر
ويوم إنّه قرّب سمع صوتها وهي تبجي ..!
رد طريقه وجان يبي يركب سيارته
..... لفّت ويهها وشافته وقامت تنادي : وائل ؟ وااااائل ؟
وائل باستغراب : ياربي منو ذي بعد اللي يالسه تنادي عليّ ؟
رد وقرّب منّها إلا وهي .......... !!
وائل : جمانه !! صج جمانه والله جمانه ؟؟
جمانه : وائل أيه جمانه ياوائل .. عظّم الله أجرك
وائل : أجرنا وأجرج يالغلا .. وينج ولهت عليج .. وش أخبارج ليش ماسألتي عنّي ومين اللي ف بيتكم ؟
جمانه : هدّي شوي وأقولك كل اللي صار ...

رجعنا بعد طول غياب .. رجعنا لبعضنا ثاني
قليبي من بعادك ذاب .. ولكن صنت وجداني
رجيتك بس ذكرت أسباب .. رجيتك بس تهواني
عرفتك وابتدينا أغراب .. بغيتك وانت تبغاني
لقيتك ماحسبت حساب .. يوم حكم القدر جاني
حسبت إن الهوى كذّاب .. وعشت شهور بأحزاني
قالوا لي هوانا سراب .. ومايبقى على شاني
صبرت وقلت يدق الباب .. رجعت اليوم بأحضاني
ينساب الهوى ينساب .. وينساك الهم وينساني

ـــــــــــــــــــــــــــــــ

النهايه //

جمانه وائل : تزوّجوا وعاشوا بسعاده ..
نوره وخالد : تزوجوا جابوا ابنيه ثانيه وسمّوها (( رانيا ))
ود ومحمد : يابوا ولد وسمّوه (( فيصل ))
أحمد : تعالج من الإدمان ورد حياته الطبيعيه وقرّر يتزوّج
محمد : تخرّج وصار مهندس وحقق أمنية حياته
عبدالله : اشتغل وقام يبني مستقبله
روان أخت جمانه : اكبرت وصارت تروح المدرسه
أمل : صديقة نوره القديمه اندمت بعد ماصار فيها مرض خطير الله لا يبلانا
العائله الجديده ف بيت جمانه القديم : الناس اللي كانوا واقفين مع عبدالله
ووائل حسّبهم يايين يخطبون جمانه.

500
يا سلام عليك صوصو

قصه جداً لها نكهه اخرى يا فنانه

يسعد قلبك

500
يا سلام عليك صوصو

قصه جداً لها نكهه اخرى يا فنانه

يسعد قلبك

شاكره مرورك العطر

يسلمووووووووووووووو

شاكره مروركم العطر