مشاهدة النسخة كاملة : حامد زيد \غَرامْ أَحْبَابْ


the angel
08-11-2013, 02:04 AM
السلام عليكم ورحمة الله وبركاته

كيفكم اعضاء قصايد ليل
سمعت هالقصيده لـ حامد زيد
وعجبتني وقلت احطها لكم صوت ونقلت الكلمات ...

..

http://www.youtube.com/watch?v=v0ss4jrC7ts


..
على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني

تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني

لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني

صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني

عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني

رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني

تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني

وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني

ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني

أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني

زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني

غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني

إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني

سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني

عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني

وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني

أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني

ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني

ما دام أن كل من يحيا على وجه التراب تراب
عسى تنساني الدنيا مادام أنتي ذكرتيني

نظرة الحب
08-11-2013, 08:54 AM
طرح رااائع قلبي

the angel
08-12-2013, 03:13 AM
طرح رااائع قلبي

مرورج الاروع حبيبتي

:user415_pic2282_125

البرق النجدي
08-20-2013, 02:52 AM
لاهنتي يالغاليه على الطرح الرااائع
وصح لسانك ولسان شاعرها

the angel
08-21-2013, 01:48 AM
لاهنتي يالغاليه على الطرح الرااائع
وصح لسانك ولسان شاعرها

الأروع تواجدج وردج حبيبتي
منوره بروقه
:bacfe790d0:

هماليل نجد
08-25-2013, 08:23 AM
http://files.maas1.com/images_cache/111116155656cn0D.gif
بارك الله فيك على الطرح الرائع
الله يعطيك العافيه تحياتي وتقديري
http://files.maas1.com/images_cache/111116155656cn0D.gif

جنــــون
01-20-2014, 02:17 AM
صح لسانك ولسان قايلها

the angel
01-24-2014, 02:36 PM
منورييين

http://www.gsaidlil.com/vb/images/icons/rose.gifhttp://www.gsaidlil.com/vb/images/icons/rose.gifhttp://www.gsaidlil.com/vb/images/icons/rose.gif

عـــودالليل
01-24-2014, 04:56 PM
قصيده جميله لحامد

يسعد قلبك على هالطرح

أبو بيادر السعدي
01-25-2014, 04:45 AM
ذائقه رائعه نالت اعجابي
من متذوقه ذوقها حالي
احترامي وتقديري..؛

the angel
02-20-2014, 11:37 PM
مروركم الاجمل اخواني عود وابو بيادر
منورين
http://www.gsaidlil.com/vb/images/icons/rose.gifhttp://www.gsaidlil.com/vb/images/icons/rose.gifhttp://www.gsaidlil.com/vb/images/icons/rose.gif

نجم أبو أحمد
02-22-2014, 03:07 AM
يعطيك العافية

طرح في غاية الروعة وأتشرف بالرد عليك

اخوك
نجم الجدي

the angel
03-14-2014, 11:37 PM
ربي يعافيك
منور اخوي