مادام ان الزمن قاسي ومدات الليالي شحاح
ترا ما للفقير الا يمد أييده لخلاّقه

لو ّان قفل الزمن ماله مع بعض العرب مفتاح
فلاضني بتلقى واحدٍ طعم العسل ذاقه

ولكن خلقت الدنيا كذا والرابح المنزاح
عن دروبٍ مماشيه صعيبه تخلف الفاقه

ومدام اني على احسن مايرام وخاطري منساح
فموضوع الزمن مافيه داعي نكشف اوراقه

ابدله عن صواديف الزمان اللي حياه رياح
وادلّه نفسي بشيٍ عليه النفس سبّاقه

رعاك الله ياللي طال صبري لين سدي باح
وقلبي في يدك بابه ومفتاحه ومغلاقه

اسوج الرجل واقدامي على درب الغلى سرّاح
وقلبي في غلا حضرة جنابك ماحدٍ عاقه

عطيتك من بعض روحي على خبر القلوب صحاح
وبدّيتك على نفسي بشيٍ يصعب اطلاقه

الين اصبحت من بين العذارى تنعرف بوشاح
تليق بسمعةٍ فيها بنات العصر توّاقه

وفي كسرة عصى تزعل :وتحرق شجرة التفاح
وتكويني على الضلع القصير وتنضج احراقه

لو انك تكتشف حزنٍ تكامل فـ الضمير وساح
دريت ان لك مكانٍ في ضميري تنزف اشواقه

ترى ماللزّعل داعي تغانم فرصتك ياصاح
تغانم فرصتك قبل الزمن يقفي بمعلاقه

تعال:وعالج جروح الحزين وكل شيٍ راح
تعال: وجدد آمالك ترى الأيام سرّاقه

سرقت القلب واثرك معتبرها سرقة المزاح
حدٍ شافه ضحك وان ماحدٍ شافه رقع ساقه. مما راق لي

طرح رااائع قلبي

لاهنتي على الطله وصووووووفي

صح لسانك ولسان شاعرها

هذي ألقصيده جميله جدا
وهي من جديد الفنان خالد عبدالرحمن
وكانت على العود

ومن اجمل اغانيه
وهي لشاعر قطري مميز
صالح ال مانعه

منورين ولاهنتو على الطله الغاليه
اعجبني هذا الحضور وهذا التألق

تسلمين برووقه عالطرح الجميل
ومعلومه حلوه من عود
لج مني كل ود