مشاهدة النسخة كاملة : شهامة شاب .....


حنو الحلوة
06-08-2009, 01:13 PM
هذي قصه متناقله بين الشباب برويها لكم ........

عبدالله شاب فقير يحلم بالزواج بس ظروفه ماسمحت ....

سهام بنت طيبه وحبوبه ووحيدة امها وابوها....
0
وفي وقت الربيع كانو يتجمعون كل اقربائهم عندابو سهام ويطلعون للتخيم ويجلسون بالاسابيع ......

مرت الايام وجا وقت الرجعه .......

وصارو يشيلون اغراضهم ويتجهزون للرجوع ....

خيم عليهم الليل وانتهوا من التحميل والتربيط ووووووو تحركوا راجعين ....

ولكنهم نسوا البنت المسكينه في البر لحالها ....

ابوها يحسبها مع عمها وعمها يحسبها مع خالها المهم تركوها ورجعوا .....

سهام تصيح و تركض وراهم بس بدون فايده .....

وقفت سهام تناضر حواليها وماتشوف غير الظلام ...

ولمحت لمبات بعييييييييييييييييييده وراحت تركض يمكن تلاقي احد يساعدها .....

بس هذى المخيم كان فيه شباب في حالة سكر شنيعه .....

وسهام مره تركض ومره تمشي ومره تطيح ليييييين وصلت لخيمة الشباب .....

وكان فيه واحد منهم جالس برا يغسل ابريق شاهي وسمع صوت ورفع راسه ....

وانصدم بنت لا وفي خيمتنا ولحالها بعد ؟؟؟

ودخل داخل بسرعه وقال .. ياشباب فيه صيده برا ؟؟؟

كلهم طلعو مسرعين .... وساكتين بس يناضرون

سهام جمعة شجاعتها وقالت انا اهلي تركوني هنا بالغلط ياليت تساعدوني او تشوفولي حل ؟؟

قال واحد من الشباب الحل في الصندقه وقامو كلهم يظحكون .....

تدخل عبدالله وقال والله ماحد يلمسها منكم ماتشون هالبنت المسكينه .....

وقالو وش عنده قرانديزر ؟؟؟ وخر بس وخر ...

وتشابك عبدالله مع الشباب .....

وقدر عبدالله يبعد عنهم وياخذ البنت ويركبها في سيارته وينحاش منهم وهم وراه بسياراتهم ...

عبدالله طفا نور السياره وابعد عنهم وقدر يظيعهم .....

وهم في الطريق طبعا سهام ساكته وخايفه ولازقه بالباب ....

عبدالله مد يه واخذ شماغه من ورا وقالها غطي وجهك وشغل اللمبه الداخليه وقالها شوفي وش سويتي

فيني واشر على وجهه وهو يظحك وكان وجهه مبقس ومورم وسنه مكسور ....

وصل عبدالله عند بيت ابو سهام طبعا بعد مادلته على الطريق .....

وقالها خليك انا بنزل وبقول لابوك كل اللي صار ....

بس ماكان فيه احد في البيت دق الباب بس مافيه فايده ....

طلعت جارتهم وقالت ياولدي مافيه احد الله يعينهم بنتهم ضايعه في البر والمهم طايحه في المستشفى

عبدالله رجع للسياره وتحرك بسرعه للمستشفى بدون مايتكلم كلمه وحده ....

وصل المستشفى وقال لسهام خليك في السياره....

ونزل بسرعه ادخل انتظار الرجال وشاف ابو سهام الدنيا ظايقه عليه ومنزل راسه ....

قرب عبدالله من ابو سهام وقال انت ابو سهام ؟؟

ابو سهام قال اي نعم انا ابوها لايكون صار لهلا شي وانت منهو ؟؟؟

قال عبدالله بنتك معاي في السياره في الحفظ والصون واذا عندك شك بيني وبينك فحص المستشفى

وفجئه دخلت عليهم سهام وارتمت في حظن ابوها وقالتله كل اللي صار وكيف ان عبدالله ساعدها ...

الاب دخل يده في جيب عبدالله وطلع منها 13 ريال وقال هذى مهر بنتي وهي زوجتك على سنة الله ورسوله ....

وصار العرس وحظروه الاف الناس وساعدو عبدالله بكل صغيره وكبيره لانه يستاهل ....



انتهت القصه بس السؤال هنا ... ياترى لو كنت مكان عبدالله كنت بتسوي مثله ......

ليتني طفلة
06-08-2009, 01:26 PM
قليل بهالزمن مثل عبدالله

يعطيك الف عافيةِ

حنو الحلوة
06-08-2009, 01:30 PM
الله يعافيكي


شاكره مرورك العطر

رورو الحلوة
06-08-2009, 07:25 PM
يسلموووووووو خيتو

يعطيك العااااافيه

غالي ثمنها
06-09-2009, 01:54 AM
قصه حلوه
بس نادر تلاقي بشهامة عبدالله
الله يكثر من أمثاله
يعطيك العافيه
تقبلي مروري

حنو الحلوة
06-09-2009, 03:46 AM
الله يسلمك رورو

شاكره مرورك

حنو الحلوة
06-09-2009, 03:47 AM
شما دمعه ليه

الله يعافيكي

شاكره مرورك

✿~【Řєємi】
06-09-2009, 11:36 PM
الله يعطيك العافية و الصحة

على طرحك الرائع و الجميل

ندى الورد
06-10-2009, 03:22 AM
الله يجعل كل شبااابنا عبد الله


يعطيك الف عافية

نادر الوجود
06-11-2009, 03:07 PM
ألف شكر لك
على الطرح الرائع و الجميل
أتمنى منك المواصلة على هذا النمط
خالص الشكر و التقدير

عـــودالليل
06-14-2009, 01:51 AM
انتقاء جميل جدآ
جميل ماقدمت
واكتمل هذا الجمال بطرحكـ المتميز لهـ

من رقي لآخر

ربي يحفظكـ ويحميكـ

البرق النجدي
06-14-2009, 11:40 AM
قصه رائعه وان شا ءالله كل الشباب مثل عبدالله واحسن بعد