حبيّب بن دغيّم بن حبيّب العازمي العتيبي

اسم اقترن بالنجومية والابداع شاعر جمع بين الجزالة وسلاسة المفردات

شاعر يذهل العقول ويبهج الصدور في نفس الوقت اشتهر بأنه يقدم اجزل المعاني
في قالب فكاهي.
دخل عالم المحاورة ليكون لها قاعدة جماهيرية لم تعهدها من قبل اثبت وجوده بمقارعتة
كبار فطاحلة القلطة وتعجيز بعضهم ليصل الى القمةفي فترة قصيرة

بتوفيق الله ثم بـ ( ذكاءه و اخلاقه )

شاعر اتقن الفتل والنقض وتميّز بأبتكار الالحان واجادة فن الشقـر



ومما يميز الشاعر حبيب العازمي أنه يتمتع أيضاً بموهبة شعر النظم فقد كتب العديد من
القصائد الجميلة والمتميزّة بقوة المعنى وسهولة الفاظها

ونقدم لكم بعضً منها عسى ان تنال استحسانكم ورضاكم


وهي على النحو التالي

قصائد غزلية, و قصائد الحكمة, و قصائد متميّزة من ابتكاره , وقصائد وطنية الــقصائـــد الــــغــــزلـــية

يتبع ..

°ˆ~*¤®§(*§ ياطير السعد §*)§®¤*~ˆ°


ياطير يا طير ياطير السعد يـا للـي تـرف الجنـاح ** لا واهنيـك ليـا ضاقـت عليـك الأرض خليتـهـا
وإن رحت وإن جيت ياطير السعد تسبق هبوب الرياح ** وأظن ما فيه ديره فـوق وجـه الأرض مـا جيتهـا
ما نته بمثلي تجي وتروح ما يصعب عليـك المـراح ** لكـن ياليـت جنحانـك معـي ياطـيـر ياليتـهـا
كله على شان ازور اللي رمانـي بالعنـا واستـراح ** اللـي علـى شانهـا الاقـدام عنتـنـي وعنيتـهـا
في ماض الأيام أشوفه قدم عيني فالمسـا والصبـاح ** واليوم حتى العلوم اللي تجينـي عنـه مـا أوحيتهـا
وليا نشدت العرب ما حدن يعلمني عنـه ويـن راح ** وأتعبـت نفسـي وبالنشـدة كثيـر النـاس بذيتـهـا
لا ووجودي على شوفك ولو مره يا ظبـي البـراح ** ياللي علـى شانـك العبـره علـى الخديـن هليتهـا
يا بو عيونٍ هدبهـا يـزرق العشـاق زرق الرمـاح ** ذبحت روحي على كفـك برمـش العيـن واحييتهـا

°ˆ~*¤®§(*§ العالم المجهول §*)§®¤*~ˆ°


الايالعالـم المجهـول حدثنـي عـن المجهـول ** انا احس الحياه اسـرار والعالـم تعيـش ابهـا
انا اكتب فيك شعري واتسأل وانتـه المسئـول ** عـن الفكـره وشاعرهـا وقاريهـا وكاتبهـا
تعبت اطرح سوالاتي وافكـر مالقيـت احلـول ** ماغير اطرح سوالاتي على نفسـي واجاوبهـا
لياقلت الخيال احلـى يامـر الواقـع المعقـول ** اصدق نظرتي وارجـع الـي الواقـع واكذبهـا
تضاريس الحياه ارمال واجبال اووعر واسهول ** سرحت ابها بامان وخفت يوم اني سريت ابهـا
مشيت امع الطريق اللى يبذ الرجل عرض وطول ** طريقً شاب راسـي منـه وامثالـي مشيبهـا
طريقً فيه عز النفس يشهر سيفـه المسلـول ** لوقال النفس ترضـى الـذل ماتـدرك مطالبهـا
ليامنك بغيـت العـز قـل للشامـخ الغرمـول ** انا شم الجبال اللي علـى متنـك رقيـت ابهـا
وانا شاعر مشاعر والمشاعر ماعليهـا اقفـول ** ليافاضت تسابـق ساعـة الوقـت وعقاربهـا
تمر اثقل من اللحظه على اللي ينتظر مرسـول ** لكن اسبق من العبـرات يـوم انـك تحسبهـا
وقلت ارجوك يكفي لاتزيد الشرح شرح ايطـول ** انا كل الامور اللـي تشيـر الهـا مجـر ابهـا
انا سباح بحرٍ فيه مـن هـول القيامـه هـول ** سلاطيـن المعانـي فيـه مرسيـةً مراكبـهـا
بحر في عمقه الاهوال والفاعل مـن المفعـول ** لياحصلت سلامه منه حض اللـي يفـوز ابهـا
بحر في عمقه اللؤلؤ على كف الصدف محمـول ** تجارة رابحـه فالبحـر جابتنـي وجيـت ابهـا
سنين اجمع من اللؤلؤ واعد الحول بعد الحـول ** وصفيتـه علـى يمنـاً بدهـن العـود اطيبهـا
ونظمته عقد في جيـداً وراه يسبـح المجـدول ** وقدمـه مزنـةً غـرا وبـرقً فـي جوانبهـا
وفوقه بادياً مبدا القمـر مبـداً عليـه ايحـول ** شعاع الشمس في يوم امس لحظه قبل مغربهـا
هذا وصفً تحلابـه عشيقـة عاشـقً مذهـو ** ليعيش ابحبها وايهيـم فـالارض ويهيـم ابهـا
يجاذبني هواها وايتجاذبها شـرف واووصـول ** شريفه فـي مذاهبهـا عريبـه فـي مناسبهـا
تسال العالم المجهول مثلـي والجـواب ايقـول ** لياجاوبتـك اول شـي بامكـانـك تجاوبـهـا
وانا اقول الله الباقي وغيره كـل شـي ايـزول ** هذا سلم الحياه اللي يعيش ابهـا يمـوت ابهـا

°ˆ~*¤®§(*§ استفزك §*)§®¤*~ˆ°


قال الوداع وقلت وين انت ماشي ** قال استفزك قلت طلعت روحـي
قال امتأكد قلت رغـم اندهاشـي ** ارجوك قدّر موقفـي لاتروحـي
قال استريح ومن عظيم ارتباشي ** اضحك فرح وانا دموعي تفوحي
قال انت تضحك ليه والدمع جاشيمدري كلامك جـد والا مزوحـي
قلت انتفاهم قـال ليـه النقاشـي ** اسمح لقلبي بالصراحـه يبوحـي
هذا صحيح الحـب والا بلاشـيي ** احبـي الاول وبلسـم جروحـي
ياغيث قلبي من صدوق المناشيي ** فداك برق" في جبينـي يلوحـي
رمش" لك الحاف"ورمش"افراشي ** يامنتهى عزّي وغايـة طموحـي

°ˆ~*¤®§(*§ بالخط العريض §*)§®¤*~ˆ°


عطيتك غالي الاسرار يا اغلى من يجئ ويروح && وابي منك التجاوب والصراحه ماحصـل ذلـك
كتبت السر بالخط العريض وقلت انـا مجـروح && وكنك ماقريت ولا خطـر علمـي علـى بالـك
ابيك تخفف الاهـات وتعالـج جـروح الـروح && وتروف بحال من يدري قبل حاله علـى حالـك
قبل تدري عن القصه ترى عنك الخطاء مطروح && وعقب انك دريت اليوم سو اللـي يـورى لـك
انا حظي كذا وانته عن اللـي تعملـه مسمـوح && ولكـن انـك تاكـد ماعطيـت النيـه الا لـك
ولن فكرت او قررت كل اللـي يصيـر مـزوح && انا اقول الك جـد وجـد والعكـس يتهيـا لـك
اباكد لك وتكـد لـك عيـون بالدمـوع تفـوح && وفكر حافـظ صورتـك فـي حلـك وترحالـك
وقلب كن في جوفه صدى صوت الحمام ينـوح && طلع مضرب مثل تضرب به الامثـال لامثالـك
دخلت القلب وحدك باعتبـاره منـزل مفتوح && عسى الله مايكدر نزلتـك فـي وسـط منزالـك
ولن بشرتني بمواجهك عشت بسعـد وفـروح && ولـن بشرتنـي بفـراق فـال الله ولا فـالـك

°ˆ~*¤®§(*§ صدى صوت الغرام §*)§®¤*~ˆ°


ياصدى صوت الغـرام وترانيمـه && يامراويس الغلا اللي بـرا حالـي
الغلا اللي في ضميري تقاسيمـه && تمضي الايـام والغالـي الغالـي
من بدايةوجد وافي علـى شيمـه && اتوجد مثـل الاول علـى التالـي
والمحبـه حاليـه مالهـا قيمـهم && رها يحفظ لهـا قيمـة الحالـي
مايهز القلـب ويزيـد تحطيمـه && غير يومُ فيـه فرقـا وغربالـي
كـل طقـه فالمحبـه بتعليـمـه && تفرض الصادق على كل محتالـي
ياحبيبـي حبـك اقـرا مفاهيمـه && كل مايطري فراقـك علـى بالـي
ارتعش من قـد حبـك وتعظيمـه && واعترفلـك كـل شـي ايتهيالـي
وان حصل من نظرة العين تسليمه && صرت مثل الشامخ النايف العالي
ياسنـا بـرق الحيـا يامقاديمـه && غيث قلبي كل مايشعـل اشعالـي

°ˆ~*¤®§(*§ على فكرة §*)§®¤*~ˆ°


على فكره تراني كنت ماشي من قبل لاجيك && ولكن افتكرت اني لابد اقول لـك ماشـي
تبا تزعل وانا ماعاد ابي شيئا" بقى يرضيك && والايا نايرا" عني ترانـي عنـك منحاشـي
مدام اني على طول الليال الماضيه مغليـك && وترخصني انا مجبور ابيعك لـو ببلاشـي
ابا امسح ذكرياتك من خيالي وافتقد طاريك && على وضح النقا ماني مثل شرواك غشاشي
هذاه اخر قرار وكان يامغـرور مايكفيـك && مابي فرقاك بالتقصيد ابي فرقاك بالكاشـي
انامبغيـك انامبغيـك انامبغيـك انامبغيـك && وراس" ينحني للمهزله لاعـاش لاعاشـي
على فكره تاكد مستحيل انـي افكـر فيـك && انا مانيب لاش ومن رجع في كلمته لاشـي
جزا"الك لارضا"لك ودي اعذبك واجازيـك && وهاذي عاقبت من يسمع النمه من الواشي

°ˆ~*¤®§(*§ برق السراب ولابريـق المرايـه §*)§®¤*~ˆ°


احلم ترى ماصـار فيـه الكفايـه && العفو عند المقدرة وانـت قـادر
ان كان لك رغبة ومقصد وغايـه && حققتهـا لكـن بالعفـو بــادر
من البداية ليـن حتـى النهايـه && وافي معك ماكنت في يوم غـادر
والعكس بالهجران تحسن جزايـه && ومجندٍ لـك فـي حياتـي كـوادر
يامنتهـى درب الشقـا ياشقايـه && انته من انواع الشقا نـوع نـادر
اكسب رضا نفسك وترهن رضايه && مدري متى عنك التكبـر يغـادر
مدري خطاك الصبـر ولا خطايـه && نبا نتأكد مـن جميـع المصـادر
وان كان سميت النهاية....بدايـه && يحسب غريق اللي مع السيل حادر
مايرتفـع للعز..بـالـذل رايــه && يـاواردٍ للعـد صاحبـك صـادر
برق السراب ولابريـق المرايـه && ارحـل وجعلـك بعدنـا ماتكـادر

°ˆ~*¤®§(*§الناتج تونتي 20 §*)§®¤*~ˆ°



ياغـلا كـل الغـلا تستاهلينـه && كيف أفرط في الغلا والغالي أنتي
أشهد أني في غلاك أول رهينـه && واشهد إنك وحدك بقلبي سكنتـي
يمكن أكثر شئ عنـي تعرفينـه && أني أعرف موقفك من حيث كنتي
والصحيح الاكثر اللي تجهلينـه && ولوعرفتي كامل الموضوع منتي
قـادره كـل الكـلام تصدقينـه && والسبايب يوم بالامر استنهنتـي
مير قلبي مخلص الله لا يهينـه && ما حسبها شرط والناتج تونتـي
قلبي اللـي كـل يـوم تعذبينـه && ماكتفيتي يوم بالغيـر استعنتـي
يكفي إنـك بالمحاسـن تفتنينـه && ويكفي إنك غير قلبي ما فتنتـي
ويكفي إنك ما قدرتي ترحمينـه && ويكفي إنك بالعهد والوعد خنتي

°ˆ~*¤®§(*§ بنت ابدوية §*)§®¤*~ˆ°


ودعيني بالسـلام ورحمـة الله وابركاتـه && واذكريني كل ماتطري على البال التحيـه
واتركيني للحنين اللى شعوري معجزاتـه && اتركينـي بالجـروح الابجديـه يابجديـه
اتركيني عاشق"يكتـب بدمعـه ذكرياتـه && من شعورٍ صادقه ماهيب نبـره عاطفيـه
عاشقٍ مخلص ولاخان العهد من طيب ذاته && كل يوم ايقول تجديد العهـد حـق ٍعليـه
كان ابه عاشق تأثرت وتفاخرت بصفاتـه && قيس منهو قيس وينه قيس وين العامريه
ماصفى وقت الهوا لاهل الهواوده وهاتـه && قالو العشاق سنه واكثره ذنـب وخطيـه
اشهدو بالله مايرخص على الدنيا حياتـه && كود رجال ابدوي مثلي عشق بنت ابدويه

°ˆ~*¤®§(*§ بدون مجاملة§*)§®¤*~ˆ°


يالغالي اللي عليك الشوق يدفعنـي "" ياكبر شوقي وروحي منك ملهوفـه
تبي الصراحه بدون أمجامله يعنـي "" مشاعري منك مجروحه ومكسوفـه
انته يحق ألك تطعنـي وتوجعنـي "" لكن أنا من غلب حبه على خوفـه
وأناترى اللي على حبك يشجعنـي "" وقتِ مضى في خيالي دايم أشوفـه
أراجع الحب والذكـرى تراجعنـي "" وأقرأ سجّل الغـلا وقبّـل حروفـه
أستقبل الطيف والرؤي توادعنـي "" تلحق على الركب في مسراه وطوفه
وأخاطب الصبر بالحسناويخدعنـي "" وأقول ليته قضى وأشوف معروفـه
الصبر ياغايتـي ماعـاد ينفعنـي "" عقب أصبحت لحيتي ماهيب مخلوفه
وش ينفع الصبر كان الوقت ضيعني "" وأخطيت من يطعن الخفاق بسيوفه

°ˆ~*¤®§(*§المزنـــة §*)§®¤*~ˆ°


المزنه اللي وجهها أبيض من الشاش "" والبرق فيها مـن جميـع النواحـي
لوماسقا الظميان من وبلها أرشـاش "" لاشاف بارقها العطش عنـه راحـي
الله يجنبها عـن الخبـل و الـلأش "" ياكود شوفـت برقهـا يـوم لاحـي
والشوف بالعينين مسموح وبـلاش "" والمشي جايـز فالطريـق المباحـي
واللي يطمن هامةالـراس ماعـاش "" وأن عاش حبراً فوق قرطاس ماحي
ما أحدٍ يقول لموفي الكيـل غشـاش "" وماأحداً يقول ألفاقدالعقـل صاحـي
وأنا الذي من دوش الأيـام منـداش "" أبستريح وخاطـري مـا أستراحـي
كيف أستريح وعبرتي تحرق الجاش "" والصبـرمـا باقيلـه الأ جنـاحـي
أيوالله انـي ماتوّجـد علـى مـاش "" وجدّي زعيم الوجـد والسـد باحـي
سبحت غبات البحروالبحـر طـاش "" وشفت الصعوبه فالمجّي والمراحـي
ولقيت لـي درة بحـر دوب تنـاش "" كم واحداً مـن دونهـا قـام طاحـي
وأناماألوم اللي عن البحـر ينحـاش "" وألوم مـن مايعـرف أنـه ملاحـي
والدره اللي مثلهـا بيـن الأرمـاش "" من قال عنها قلـت عنهـا يلاحـي
روحي ثمنها وأدفعه فالطلـب كـاش "" وأن مـت منهاماطلبـت السماحـي

°ˆ~*¤®§(*§ سلام الموادع §*)§®¤*~ˆ°


سلّم سـلام المـوادع رافـعٍ كفـه $$ واغضى بنجلٍ تقول النوم داخلهـا
وأنا عيوني تهل الدمـع.. وتكفـه $$ أكف دمعـي بكفينـي وأنـا ملهـا
كله على شان ما أشوش على شفه $$ أخشى يشاهد دموعـي ويتخيلهـا
غالي وابغليه واقف معه في صفـه $$ وأطاوعه لو أضيم النفس وازعلها
يا روح روحي وروح الستر والعفه $$ اركن عليّـه همومـك واتحملهـا
مالي وليفٍ عليـه الـروح ملتفـه $$ إلا أنت ياللي عليك الروح باذلهـا
وان كان في صالحك ما ترجح الكفه $$ وش خانة الحب والعشره من أولها
شبيت ضوك وأنا ما قلت لك طفـه $$ أصبر ولا أقول طف النار وأشعلها

°ˆ~*¤®§(*§ الساحل الغربي §*)§®¤*~ˆ°


مرت الايام يالساحل الغربـي $$ مانسيت الذكريات وطرايفهـا
الله اكبر كيف الايام تغدربـي $$ واتجاهل كل وقفه واصرفهـا
ماهتنا زادي ولايهتني شربي $$ ولااعترف بالاغلبيه ولااعرفها
والعيون اللي خجوله تناظربي $$ والمنايا كلهـا فـي طوارفهـا
في بحر جده من العام تبحربي $$ واتراجع وادفعتنـي مجادفهـا
ياحبيبي كان قصدك تعذربـي $$ انت فيك الناس كثرة سوالفها
لاتقفلي وقفة الحزن في دربي $$ استريح وحضرتـك لاتكلفهـا
تعبت اقدامي من البعد والقربي $$ ولامشيت بخطـوةٍ ماتشرفـه

°ˆ~*¤®§(*§ خل الغلا يذهب §*)§®¤*~ˆ°


خل الغلا يذهـب وتذهـب بقايـاه $$ علـى حطـام الذكريـات القديمـه
ماعـاد يعنينـي ولا نيـب ويـاه $$ عفيّت عنه وعفّة النفـس شيمـه
عشق الترف مهمـا تعـدد مزايـاه $$ في قائمة بعـض الروابـع عقيمـه
مثل السراب ادناه يطرد ورى اقصاه $$ ونهايتـه كلـه يـذب الخريـمـه
لايسقي الضامي ولا يختفـي مـاه $$ الا ليـا مـره مـن الغيـم غيمـه
ياقلـب لاتنـدم عـلـى ماتمـنـاه $$ بعض الندم على حسابـك جريمـه
كم مر من هـمٍ علـى الله مشكـاه $$ لكن مايبني علـى الصبـر خيمـه
ياقلب من دور علـى شـي يلقـاه $$ واللي بلا قيمـه لا تعطيـه قيمـه
ليا متى المخطـي تحمـل خطايـاه $$ و ليا متي وانتـه عذابـك ظليمـه
كان الغلا يقتـل وينعـى ضحايـاه $$ اكيـد ماينعـى ضحايـا النميـمـه
والحـب يلقالـه محبيـن تـرثـاه $$ وانـا رثيتـك يالدمـوع اليتيمـه
ونهايـة الغـدار تكشـف نوايـاه $$ ولا تجيـب لـه العواقـب سليمـه

ˆ~*¤®§(*§ الصمت حكمة §*)§®¤*~ˆ°


الصمت حكمـه وأكثرالصمـت تحطيـم "" للمعنـويـه عـنـد راع الـمــوده
أليا صبر صبـراً تعـداء عـن التيـم "" جـرالونيـن وبيّـح القلـب ســده
يقولـه اللـي راضــيٍ بالمقاسـيـم "" اللي نصيبـه فالهـوى صـار ضـده
ياماصبـرت وزاد صبـري وأناهـيـم "" في حـب حـيٍ وصـل الصبـر حـده
صبر ورجـا ليـن أغتـرن المجاهيـم "" علـى أختـلاف اليـوم بكـره لابـده
الى متـى ؟ياشاكـي الهـم والضيـم "" تشكي على اللي عبرتـه فـوق خـده
والى متى وأنته على السيـن والجيـم "" وعـد وبـعـد ياتـأخـذه يـاتـرده
والى متى والوصـل صـوت وترانيـم "" حلـمٍ مابيـن أثنيـن مزحـه وجـده
والى متى تشكي مهـا غيّـرت الريـم "" وتشكـي جــروحٍ فالحشامستـبـده
والى متى يحجب شعـاع الضحاالغيـم "" وموج البحرفـي حـال جـزره ومـده
والـى متى؟والوقـت رحـال ومقيـم "" واللى متـى ؟غربـه وكربـه وشـده
أسـأل وأجـاوب والهمـوم المراكيـم "" تجرح شعـور النّـد فـي وجـه نـده
يامعشـر العشـاق نصـر المظالـيـم "" مطلوب منك أن كـان حظرتـك قـده
ولـولا التخالـف فالنظـر والمفاهيـم "" ماتـت خلايـا المـخ فـوق المخـده
وزرع الهوى زرع أعفّري في رجاالديم "" وأن ماسـقـاه الـديـم لا لا تـعـده

ˆ~*¤®§(*§ مهما يجيك من الردى§*)§®¤*~ˆ°


مهما يجيك أمن الـردى مـن رفيقـك "" حاول تغاضى والـردى لايجـي منـك
ترى رفيقك لـو وقـف فـي طريقـك "" مثل الرصيـد أن زاد وأن قّـل بالبنـك
وأعرف عدوك قبـل تعـرف صديقـك "" ومن مايحس أبضيقتك مـادرى عنـك
ولاتيّدالمخطـي لـو أنــه شقيـقـك "" وش عذرك من اللي على أيسرك ويمنك

ˆ~*¤®§(*§ كانوا يشترون النصايح §*)§®¤*~ˆ°


لولا الخطا محدن عرف قيمة الصح "" ولولا الصحيح يصح جات الفضايح
شي طبيعي يوم ننصـح وننْصـح "" الناس كانـو يشتـرون النصايـح
ياجاهلٍ في الوقت تسـرح وتمـرح "" ترى الحياه الهـا نظـام ولوايـح
وأن كان ماتبغى كلامـي هـذا رح "" واشره على اللي قال وين أنت رايح

ˆ~*¤®§(*§ لو تمشي العرج§*)§®¤*~ˆ°


ياهل الهروج العرج لو تمشي العـرج "" خطوه وراء عـن خطـوةً للأمامـي
الصمت في بعض المجالس عن الهرج "" يسوى مائة كلمه من أغلى الكلامـي
ولو كل تاجر في البشر يفتح الـدرج "" مـا صـار للتجـار غيـر الاسامـي
وراع الحصان اللي يعنّه بـلا سـرج "" لو يشعـل النيـران بـرد وسلامـي

ˆ~*¤®§(*§ التجارب راس مال §*)§®¤*~ˆ°


التجـارب راس مـال المجـرب يامعيـض ^^ ان سألت اسأل مجـرب ولا تسـأل طبيـب
مايرى الصحة على اللي صحيح الا المريض ^^ والصحيح يقول للي مريض: (أبشر تطيب)
والمريض اللي دموعه من اسقامه تفيـض ^^ مايهمه حـال غيـره عـدو والا صحيـب
والقناعـة كنـز والعلـم بحـرٍ مايغيـض ^^ والجهل يفرض على الرجل يخطي مايصيب
والمراجل صيد..والصيـد حظـك ياحظيـظ ^^ يالله اجعل لي مع اهل الوفا حـظ ونصيـب
والحيـاة احـلام ليـلٍ مثـل زرع المقيـظ ^^ لاغريب يعيش فيهـا مـن العالـم غريـب
والليال السود فيهـا ثـلاث اليـال بيـض ^^ لاتـروح بعيـد يالمنتظـر خلـك قـريـب
الشقا دربه طويلٍ على العابـر...عريـض ^^ وين تلقى صبحٍ ابل وشمـسٍ ماتغيـب
انت مهما اسرعت في الوقت لابدك تريـض ^^ اي نعم..لابد لك لـو بعـد راسـك يشيـب
لاتراقب نجمةٍ فـي سمـاك الهـا وميـض ^^ انت قصدك ظن والظـن (فيمـا لا) يخيـب

ˆ~*¤®§(*§ الخنجر §*)§®¤*~ˆ°


الخنجر اللي في يدي وبكل اسف تطعـن يـدي ^^ لابـارك الله فـي صناعتـهـا ولاصناعـهـا
ماجابها غير النصيب الشين والحـض الـردي ^^ واللـي عليـه سلهـا واللـي عليـه باعهـا
مافيهم اللـي حاضـرٍ قبلـي بلاشـك ابعـدي ^^ ماحضروا الا الدبدبه بعـد استـوى مرباعهـا
ياللي تشوف سهيل نصف الليل واتشوف الجدي ^^ عدالنجـوم الساريـه بشكالـهـا وانواعـهـا
واخذ الحذرمـن صاحبـك قبـل العدو المعتـدي ^^ كـم فزعـةٍ ترجـع نتايجهـا علـى فزاعهـا
واليا قريت الجمله اللي ناقصه حـرف ابجـدي ^^ لاتعرب المضمون واظـروف الثقافـه راعهـا
من لايعرف الدرب سابق عرف مضمون ايغدي ^^ مثـل السفينـه فالبحربعـد يطيـح اشراعهـا
ياللـي مـاودك تقتـدي ماهمـنـا لاتقـتـدي ^^حنـا نعـرف ادروبنـا واديارنـا و اسباعهـا
ان رحت عناتقصر الخطوه ولن جيـت اتعـدي ^^ والياهرجت الناس عن هرجك تصك اسماعهـا
اخذ النصيحه يا اجودي وان كان منته با أجـودي ^^ انصافهـا بانصافهـا وارباعـهـا بارباعـهـا
والي اللقاْ على الشقا دام الشقـا حبلـه مـدي ^^ سود الليال اتطوع اللي كـم سهـر ماطاعهـا

ˆ~*¤®§(*§ الوجود §*)§®¤*~ˆ°


الوجود اللي وجـوده مـن غيابـه ،،، والغياب اللي غيابـه مـن وجـوده
بينهـن فـارق وفالمعنـى تشابـه ،،، مثل مضمـون الحـراره والبـروده
ياخيالٍ ضوح برقـه فـي سحابـه ،،، مادرج سيلـه ولاتسمـع رعـوده
لاغريـب ولاعجيـب ولاغـرابـه ،،، فالخيال اللي مـن الواقـع شهـوده
ان هجرت الصمت جيت اطق بابـه ،،، وان بغيت الصمت ماسكن في حدوده
مابقي فالوقت شي احسـب حسابـه ،،، استوى فاللي بقـي نقصـه وزوده
انقلع ضـرس البعيروطـاح نابـه ،،، والغشيـم اللـي يسوقـه مايقـوده
واستوى المسحوب غنـي ياربابـه ،،، المحب امن الهوى يصفق خـدوده
كان منـت ابذئـب تاكلـك الذيابـه ،،، قالهـا اللـي قالهـا ياسعيد جـوده
واعـذاب اللـي يفكـر واعـذابـه ،،، فالزمـان اللـي يوقفلـه جـنـوده
كل يوم ايقص الاطول مـن ثيابـه ،،، لوتعـزوى بالثلاثـه مـن جـدوده
مابقـي للصبـر قـدر ولاماهابـه ،،، والتسامـح مـن يمـره مايعـوده
والحيا يفرض على الطيـب رقابـه ،،، والردي قـل الحيـا يطلـق قيـوده
والشجيـع الياغضـب يفقدصوابـه ،،، والكريـم ايجودمايعلـن بـجـوده

ˆ~*¤®§(*§ الدهر غدّار §*)§®¤*~ˆ°


أستحيت من الدهرلشكي ظروفـه "" والدهر غـدار ماقّـدر ظروفـي
ماعلى الدنيـا ومافيـه حسوفـه "" الحسوفه يوم منهـا زاد خوفـي
مايحّد الرجل لين يزيـد خوفـه "" غير هـمٍٍ لايشـاف ولايشوفـي
أه من هـمٍٍ عيونـي ماتشوفـه "" من زمانن ساكنن في وسط جوفي
أن جزاني خيرماشفـة معروفـه "" وأن جزيته خير ماشاف معروفي
كل ماوقـف وجردلـي سيوفـه "" قمت في وجهه وسليت السيوفي
وأعتبرت المره الأولـى بروفـه "" مير جات الثانيه عميا الوصوفي
لابها رحمـه ولافيهـا مروفـه "" ياكريم بحالـت المسلـم تروفـي
مسلمٍِ يكتب من السنـه حروفـه "" ماأقتداء باللي يعكسون الحروفي

ˆ~*¤®§(*§ الخــطيّة §*)§®¤*~ˆ°


سامح الله من قصدني واعتمدني بالخطيـه "" من قريبين الجدود ومن بعيدين الجـدودي
دايـمٍ مايفلـح اللـي غيّـر النيـه بنيـهوالخطيه "" كان ماتنقـص تراهـا ماتـزودي
خابر انك ماتـروح بعيـد يـاراع الرديـه "" لو مشيت (2000) كيلو ماتعديك الحدودي
انـت طرقـيٍ معنّـى لاشـداد ولا مطيـه "" لا انت فتال العقود ولا انت حلال العقـودي
لو تحّزم بالرصاص ولـو نقلـت البندقيـه "" الرصاص يذل والبندق تذل مع الشـرودي
هبّ وانا راعـي العشـوا وخيّـال العبيـه "" كيف يارخو العضود تضد مفتول العضودي
والله انـي لا كليـل ولاذليـل ولاعلـيـه "" مير احسب لي علومٍ مابقي منها وجـودي
احسب حساب الرفاقه والمـروه والحميـه "" حشمة للطيبين اللـي بعضهـم فاللحـودي
نظرتي فالطيبيـن ونظـرة الحسـاد فيـه "" كلها نظرة حسد والعود في عين الحسودي
والله اني ما ادعيت بحجّـةٍ ماهيـب ليـه "" حجتي ما تنجحد واللي جحدها من شهودي
خافوا الله يالقضاه اللي تعرفـون القضيـه "" الصحيح يسود والباطل مصيره مايسـودي
لامطالبكـم بديـن وذمتـي منكـم بريـه "" مابقي غير العلوم اللي يبيحـن السـدودي
بيّنٍ عيد رمضـان وبيّـنٍ عيـد الضحيـه "" ياعسى الاول يعود وياعسى الثاني يعودي
ياقطن جاتك مزوّعةٍ مـن الحـرّه طميـه "" مستخفّه عقب كانت لارمـوح ولاهبـودي
ساقها عشق الجنون وساعدتهـا الجاذبيـه "" لين عدتها الجبال المستطيلـه والنفـودي
معجزه في عصرنا الحاضر وعصر الجاه "" ليهالهوى صاب الحجر مابه قلوب ولا كبودي
وين قيس بن الملوح وين ليلـى العامريـه "" كيف ماينصفهم اللي ينصف ديانا ودودي!!
والعزا فيما بقى واللـي بقـا فيـه البقيـه "" مرة الايام بيض ومـرت الايـام سـودي
يالله اجعـل خاتمتنـا بالسـلام وبالتحيـه "" ونتوفى محرمين وفي حرم ربي سجـودي

~*¤®§(*§ انا هواوي §*)§®¤*~ˆ°


هبت هبوب أهل الهوى والهوى صلف "" وأنا هواوي والهـوى نصـف دمـي
بيني وبينـه صلـب مابيننـا حلـف "" أصل وفصل من راس خالـي وعمـي
أنا هوى بالـي ثـلاثٍ مـن الألـف "" ثـلاثٍ أسماهيـن تكيـد المسـمـي
وباقي الهوى طفته وعني قعد خلـف "" لانيـب لايمـه ولاهــوب يـمـي
وأنا ليا أدركت الثلاث التسـع زلـف "" والسبـع والتسعيـن ماهيـب همـي
وضربٍ بحد السيف ومذرب الشلـف "" أهـون علـى مـن مطلـبٍ مايتمـي
عندي كرامة نفـس والفتهـا ولـف "" أحبهـا حـبـي لبـويـه ولامــي
أحيا وأموت بطيّب الصيت والسلـف "" ولا نظـرت أبنظرتـي تحـت كمـي

ˆ~*¤®§(*§النت وfm و mbc §*)§®¤*~ˆ°


الايالغرام اللـي بدايتـك كايـن حـي "" نهايتـك كايـن حـي كالمبتـدى والا
سكنت القلوب العاشقه منت ساكن حي "" وياماويامـا مـن سبايبـك كــم والا
نهايتـك شمـسٍ حارقـه ماتحتهافـي "" ولالك من الوافيـن صاحـب ولاخـلا
اخاطبك من مبدى جروحٍ تبقـت فـي "" وعذابٍ على دروبـك مابقـى ولاخـلا
وانـا والله انـي لابخيـلٍ ولالاشــي "" معاش الذي يقضي مدى العمر ماهـلا
لاكن انت دايم كـل مشيـك ولالاشـي "" هـلالٍ عليـك ايهـل واهـلال ماهـلا
كشفناك عبر النت وfm وام بي سـي "" وصبرنا عليـك وصبرنـا المنتظركـلا
هذا الشكل والمضمون لاكن وضعك سي "" ماتنفع معـك حاشـا ولـو اختهاكـلا
قبـل لاتهياياغرامـي لنفسـك هــي "" منـاخٍ ملايـم فيـه تسكـن وتتسـلا
بدايتك كايـن حـي وانهايتـك لوهـي "" كما ابدايتك تصقـل سيوفـك وتتسـلا

ˆ~*¤®§(*§ شاعر ولاعندي طموح §*)§®¤*~ˆ°


بعض الجروح الها مكانـه فالجـروح "" الهـا مكانـه تنفـردعـن غيـرهـا
تثـبـت مكانتهاتـجـي والاتــروح "" وتبقـى مواجعهـا مـدى تاثيـرهـا
وجـه الشبـه فالجـد وارد فالمـزوح "" والبعد يجعلهـا تـواصـل سيـرهـا
هـذا واناشاعـر ولاعنـدي طمـوح "" ازيدبعـض الشـي مـن تقديـرهـا
الصمـت حكمـه والسرايرماتـبـوح "" كـم خيـرةٍ للنفـس مـن تاخيرهـا
تنـوح يـاورق الحمـام اوماتنـوح "" الـســدره الخضراء يغرد طـيـرهـا
وان كان انا عندي غموض ابلاوضوح "" بعض الصراحـه غامـضٍ تبريرهـا
كم عاش نوح وكم هلك من قوم نـوح "" احــداث والله والـيـاُ تدبـيـرهـا
والاادمي مخلـوق جسـم وفيـه روح "" احيان تكسـب شرهـا مـن خيرهـا
دام الحيـاه احـلام وابـروقٍ تلـوح "" يامفسـر الاحـلام وش تفسيـرهـا

ˆ~*¤®§(*§ للدار عز وعزته بالرياجيل §*)§®¤*~ˆ°


للدار عـز.... وعزتـه بالرياجيـل ^^ وللمجد شخصية .. وللحكم... هيبـه
وللسيـف دور وللسياسـه مكايـيـل ^^ وللعقل حكمه في الظـروف العصيبـه
وللشرع عن غيره مكانـه وتفضيـل ^^ من لااتخذ غيـره ذريعـه.. رضيبـه
هذا هو الموجز... واجيب التفاصيـل ^^ في كل شطـر ابـداه.. ولا انتهيبـه
هذي صفات اهل الصفـه والمفاعيـل ^^ وارض حوت بيتيـن مكـه وطيبـه
ارضٍ حموها بالسيوف.. المصاقيـل ^^ اخـوان نـوره.. فالليـال الصعيبـه
امثبتين الملك.... جيلٍ بعـد... جيـل ^^ وتاريخهم جيـلٍ.. لجيـل... يحكيبـه
سلايل اللي يتعـب الجيـش والخيـل ^^ عبدالعزيـز ابـن الاصـول العريبـه
ياقف له التاريخ... قـدرا.. وتبجيـل ^^ واليا انتهى بـه ماقـفٍ... يبتديبـه
واجبال نجد الراسيـة... والغراميـل ^^ وارض وطـاه وكـل عيطـا رقيبـه
والسيف ابو حدين والخيـل والليـل ^^ والسرج والصهـوة وكـور النجيبـه
تشهد وتشهد لـه ريـاض ومداهيـل ^^ ويوم عبـوس وليـل... ماينسريبـه
اقبـل معـزي.... والمنايـا مقابيـل ^^ على عدوا جاه... واشيب.... شيبـه
حاضر بحاضر ماحصل فيـه تاجيـل ^^ الفعـل حاسـم والمضـارب عطيبـه
برق المصقل فـي رعـود المقاتيـل ^^ رد البـرى بيـن الحريـب وحريبـه
ونادى المنادي وانصتوا له مذاهيـل ^^ الحكـم لله ثــم لـلـي حضيـبـه
وردوا بتكبـيـرن وردوا بتهلـيـل ^^ وسمعا وطاعـه والمشاعـر رهيبـه
وزال العسـام وهـل وبـل هماليـل ^^ يسقـي الديـار الممحلـه والعشيبـه
رحمة من الرحمن سيـل بعـد سيـل ^^ مافـيـه دارٍ مايسـيـل شعـيـبـه
والناس عقب المـر شربـوا تهاليـل ^^ وكـل يـنـام ومـرقـده يهتنيـبـه
يامنـزل القـرآن وكتـاب الانجيـل ^^ ياسامـع الـداعـي ويامستجيـبـه
تجعل لبـو تركـي مقـام ومنازيـل ^^ فـي جنـة الفـردوس يالله تثيـبـه
وتحفظ لنا اللي عدلهم يعـدل الميـل ^^ اعيالـه اللـي طيبهـم زاد طيـبـه
فـي راي ابوفيصـل ولافيـه تبديـل ^^ تخضـع عدانـا بالرضـا والغصيبـه
الحاكـم اللـي ماتحـلـه حلاحـيـل ^^ مـن هيبتـه كـل الحلاحيـل اديبـه
تخضع له العالم وترسـى الاساطيـل ^^ وعلـى العـدا يـوم اللقـا يندعيبـه
للضـد ضـد ويثنـي المـد والكيـل ^^ ولا احـدٍ يضـده ضـد مايلتجيـبـه
محـدٍ علـى رايـه لقالـه مداخيـل ^^ الـراي رايـه والعـرب تقتديـبـه
هذا وابا استشهد بكلمه مـن القيـل ^^ كلـمـة زعـيـم كلـنـا نعتزيـبـه
شرب المصايب مثل شرب الفناجيـل ^^ كفـو يبـو فيصـل ولاهـي غريبـه
قول وفعل ماهيـب خدعـة وتمثيـل ^^ نـدري ولابـه عـالـمٍ مادريـبـه
يابو الوطن واهله وغيـث المقاليـل ^^ حفظك مـن لاتعلـم النـاس غيبـه
واطـال عمـرك يابعيـد المنـاويـل ^^ انته محـب الشعـب وانتـه حبيبـه
وولـي عهـدك للصعيبـات حلحيـل ^^ بلسـم دوا جـرح الحيـاه وطبيبـه
شر علـى سـود القلـوب المعاليـل ^^ وخيرٍ على شعـب البـلاد الرحيبـه
وافــي ولله الـوفـا والتكـامـيـل ^^ نعـم العضيـد النايـب اللـي تنيبـه
وشعبك شرب حبك ولو يشرب النيـل ^^ حبك يذيـب المـا ولا المـا يذيبـه
ولـو الليالـي بالمشاكـل محامـيـل ^^ الشعـب وافـي والروابـط صليبـه
واللي يخون العهد من غيـر تاويـل ^^ ماهـوب زايـد صفنـا وش نبيبـه
اكبـر عـدو كنـا نعـده اسرائيـل ^^ وجتنـا سرائـيـلٍ هنـيـا قريـبـه
شرذمـةٍ تسعـى بفتنـة وتضلـيـل ^^ وتدفع على الفتنـه جثثهـا ضريبـه
ياقاتـلٍ نفسـك نهايتـك فـي ويـل ^^ مافـي هـذا شكـه ولا فيـه ريبـه
ان كنـت لاتعلـم مصيبتـك بالحيـل ^^ وان كنـت تعلمهـا فتلـك المصيبـه
والله عجايـب هالزمـان وتهـاويـل ^^ وش رايكـم ياهـل العقـول اللبيبـه
مايصلـح العقـال غيـر الجهاهيـل ^^ اجـل علـى الدنيـا نحـط النصيبـه
يامـدع الاصـلاح وتحـط وتشيـل ^^ وانته من الراعه ضلوعـك حطيبـه
لامصلحٍ نفسـك ولا مـن محاصيـل ^^ خايب وظنك خـاب والـراي خيبـه
لاجـي منافـق تدعـي بالاباطـيـل ^^ وتـشـوه الاســلام يامفتـريـبـه
لعـل مالـك مـن مراحـك تساهيـل ^^ ياللي لجيت مـع الوجيـه الغضيبـه
جعله مراح الفيل واللي علـى الفيـل ^^ لا ردك الله مـن هـذيـك المغيـبـه
خـادم يهـود وتشتغـل بالمراسيـل ^^ حـمـال للاسـفـار وده وجيـبـه
ماتعلـم انـك فـي مهونـة وتذليـل ^^ ايّـات ديـن ومـذهـبٍ تدعيـبـه
الدين واضـح مثـل نـور القناديـل ^^ ولاانتـه بمفتلّـه ولا انتـه خطيبـه
اتكـفـر العـالـم بلـيـا دوالـيـل ^^ وتسعـى لقتـل المسلـم وتستنيبـه
وتضحك على بعض الضعوف المهابيل ^^ وتزجهم مثـل الحطـب فـي لهيبـه
واصحابـك اللـي ينقلـون الزنابيـل ^^ راحـو سريبـه كلهـم فـي زريبـه
ذاقوا من اسبابك عـذاب وغرابيـل ^^ وفالاخـره كــلٍ إلـهـه حسيـبـه
واضرب مثل واصدق مثـل للتماثيـل ^^ من لايحس العيـب ماشـاف عيبـه
هذي هي اللي مالهـا ايـات تحليـل ^^ ان يفعـل الانـسـان مايستعيـبـه
ياللـي تبلبـل كلهـا ايـام وتـزيـل ^^ الــذل مـالـه سـلـمٍ تعتلـيـبـه
تايه مابين الشرق والجـدي وسهيـل ^^ واللـي تقـدا فيـك ينشـق جيـبـه
لابـد ماتقضـي عليـه المحابـيـل ^^ ومهمـا بلغـت نهايتـك فالحقيـبـه
وتندم ندم قابيـل مـن قتـل هابيـل ^^ من طال بـه سقمـه تـراه يغديبـه
شانـك قليـل وكـل يـومٍ بتقلـيـل ^^ ياللـي وطنـك مـع العـدا تعتديبـه
للشـر نـاس وللشكالـه مشاكـيـل ^^ ومـن لا يحسـب شرنـا يبتليـبـه
حنا رجال الامـن واهـل المواصيـل ^^ اللـي عليـك ومـن يطيعـك تعيبـه
وحنا على الخايـن عقوبـة وتنكيـل ^^ وامن الوطن واهل الوطـن نعتنيبـه
وحنـا بهدفـات الكراسـي نواجيـل ^^ لو الضريبـه سلـك فبـره نصيبـه
مـن غلنـا علـى الكبـود المغاليـل ^^ نحطهـا بيـن النـحـر والتريـبـه
نكسب رهان اللـي يحـط المعاديـل ^^ والغلـب مـنـا ماعليـنـا غليـبـه
يادارنـا يـام الرمـوش المضاليـل ^^ انتـي حبيبتنـا ونـعـم الحبيـبـه
يفـداك منـا الحـي واللـي مقاتيـل ^^ فـي واجبـك نمشـي كتيبـه كتيبـه
بارواحنـا ثـم بالدعـا والتباهـيـل ^^ للـي صغـار النمـل يسمـع دبيبـه
نحمـي وطنـا ونتـقـدم زرافـيـل ^^ علـى العـدا والمـوت نـارد قليبـه
والعـز بالله ثـم حـدب المصاقيـل ^^ والـذل نقمـه والتهـاون مصيـبـه

http://www.m5zn.com/uploads/2011/1/15/photo/gif/011511150124bnjuk5aim.gif




تم بحمد الله
أتمنى لكم الفائدة والمتعة