للكاتبه:- شموخ في زمن انكسار




روايه جديده

لاتحمل الخيال كثيرا

كروايه"بنات في عالم الضياع"

او تحمل الكوميديا كثيرا كروايه"اذا ناوي تلف وتدور عمر الصقر ماعذبه عصفور"

لاتحمل اشخاص ليس لديهم انساب

ولا تحمل فتيات لديهم أب قاسي

ولاتحمل شخصا يتبع رغباته

ولا تحمل اشخاص يودون خوض التجارب على سبيل تقييم جمال الشيء

تحمل أبطال

من طبقة فقيره

ومتوسطه

تحمل حقوق الجار لجاره


وعدم نسيانهم لبعضهم

تحمل قلوب عائله

ترابطوا من اجل الحب

وليس من اجل اموال

وترابطوا من اجل القوه

وعدم الخلاف

قليلا من الحقد

قليل من الاجرام

يضع قوه الحركه بالروايه

ولكن الاختلاف التام بهذه الروايه

عن روايتي السابقتين..

تلك الروايه لاتحمل سوى احلام ويتمنوا اصحابها تحقيقها

ولكن هل ستحقق؟؟

لنرى في روايتنا "صبر جميل والله المستعان "



"









╗◄ رواية :- صبر جميل والله المستعان ►╔











"

ان زانت : الله كريم /

: وان تردت الشكوى لله



في احدى الاحياء الشبه فقيره

حيث اطفال يلعبون

وشباب يجلسون على الارض مجتمعين

وعفة فتيات وخجلهم اثناء الذهاب الى الشراء

نكبر عدسة الكتابه

على احدى المنازل

التي تحكي عن ابطال روايتنا..

"

تسنيم وهي تعلق الملابس بالسطح ..وتغني بكل حب وحالميه وشوق

وعايشه جوها كثير بالاغنيه

رافعه شعرها الناعم بشباصه ومنسدله غرتها

تلمع عيونها حزن على الحال اللي هم فيه

لكن تبتسم بين احزانها وحاطه امل ان الله بيرزقهم ويوقف معهم

تتذكر بيتهم اللي قبل

وتتذكر الترف اللي كانوا فيه

والخدم

بس كل شي انقلب

وجلسوا بهالبيت الصغير

تسنيم بامل:- حمدلله غيرنا حتى بيت مالقى احنا بيتنا ملك وفوق هذا مو مهدد ولا شي مو مثل غيرنا



[تسنيم..فتاة حساسه ملامح هادئه وناعمه عيون سودا ناعسه ورموش كثيره شعرها لتحت كتوفها

شخصيتها شوي ضعيفه والاغلب الكلام ياثر كثير فيها..تحب ولد جيرانهم وتموت فيه وكثير رسايلهم لبعض

عمرها18 تدرس باخر سنه بالثانوي.. قمحيه البشره]

خلصت نشر الملابس وتنزل تصارخ على اختها رانيا:-راانيا رانيا يالدبا تعااااااااااااااالي

رانيا تجيها تركض وترقى الدرج بتعب:-نعم وش تبين

تسنيم:-روحي جهزي العشا ابوي بيجي من الشغل منهك وانتي عارفه بيعصب لما مايلقى الاكل جاهز

رانيا:-افففففففف دايم انا اللي اطبخ

تسنيم:-يامجنونه مو على الدايم ولا مو دايم انتي احسن مني طبخ وبعدين انتي تعرفين تضبطين اكل ابوي

لان لازم تقللين الملح من الضغط اللي فيه انا لو ذقت ولقيت الملح قليل اكثره

رانيا بطفش:-طيب يصير خير تبين شي ثاني بعد

تسنيم:- ياعيوني يا اختي لاتنسين تذاكرين بعد ماتخلصين تجهيز عشا الساعه تسع مابقى وقت

رانيا:-طيب

رانيا[اخت تسنيم اللي اصغر منها بسنه 17 سمينه شوي واقصر من تسنيم بس مره بيضا وعيونها بنيه

وساع مزينتها شعرها متموج ولنص ظهرها ولونه بني ملسونه شوي تحب تدافع عن نفسها]

رح اعرفكم بالعيله كلهم

الام {نوره} جدتها من اصل ايراني..

الاب{عبدالله}

الاخو الكبير بندر عمره 22

الاخو اصغر واحد واسمه فراس عمره 12 سنه بسادس

الاخت الكبيره فرح وعمرها 23 متزوجه وعندها بنت صغيره اسمها [ريتاج]

مع رانيا وتسنيم..

تسنيم بالسطح تجلس بتعب بعد ماخلصت وتناظر بالسماء

ينفتح باب الغرفه اللي بالسطح ويطلع بندر

توه يصحى من النوم

بندر:-غريبه هنا جالسه

تسنيم:-لاني توني مخلصه غسيل

بندر يحك شعره الناعم اللي مزينه اكثر مع وجهه المدور اللي فيه شنب خفيف ولونه الحنطي وسواد عيونه

الوساع..

بندر:-يلله شغلي بيبدا الحين تبون شي


تسنيم:-تكفى جيب لي فشفاش وانت راجع

بندر يتنهد بصبر:-ان شاء الله اذا معي فلوس







"






╗◄ رواية :- صبر جميل والله المستعان ►╔









"

فرح بحزن:-حرام عليك يا آحمد انا وش ذنبي طيب يوم تصدق امك والله انا ما سويت شي

آحمد[زوجها]:-وش بيثبت لي امي يعني بتقول كلام من راسها وش فيك يابنت خلاص

فرح وهي بيدها بنتها ريتاج تبكي:-انت ماتبيني والا ايش انا احبك يا احمد

احمد :-فرح وش فيك يابنت الناس انا قلت لك لسانك على امي لاترفعينه

فرح:-احمد والله مارفعته وبعدين

احمد:-اسمعي تطلعين كثير عند امي ما ابي انتي عارفه اخوي محمد واخوي فهد

فرح من غير نفس:- طيب

احمد:-وخواتي بكره ببيجون اريج ومنى

فرح وهي تحاول تهدي بنتها:-طيب

احمد:-يلله اطلعي نومي بنتك

فرح:-وين اطلع الله يهديك وين اروح ها؟؟؟اخوانك تقول وامك ما احتك فيها

احمد :-اطلعي يابنت الناس بالصاله حقت الدور هذا لاتنزلين نومي بنتك وتعالي

فرح تاخذ جلالها وتطلع تحاول تنوم بنتها وترضعها

وبداخلها قهر يسوى بلد من سوات امه فيه

ابوه متوفي من شهرين

وامه قايمه قيامتها لاتطلع ولا شي

اخوانه واحد يسافر كثير

والثاني في حاله مايحتك فيها

وماتدري ايش تسوي ودها تقوله ابي بيت بس ماتبي امه تضره



[فرح بنت كثير حلوه وطيوبه ومسامحه – بيضاء البشره شفايفها ورديه عيونها وساع وخضرا مزينتها اكثر ]

"









╗◄ رواية :- صبر جميل والله المستعان ►╔











"

أبرار وهي شايله الفستان وتتغصب الدلع:-ماما شوفي هذا بكره لما اروح لجدتي البسه؟

اريج من غير نفس تناظرها وحزنها من وفاة ابوها وبنتها ماهمها غير الدلع الزايد اللي مامنه فايده:-البسي

أي شي وبعدين جدتك تحد على وفاة ابوي تهايطين بالكشخه مابي

شيماء تدخل وتناظر أبرار حامله الفستان واستغربت:-وين بتروحين؟

أبرار بحقد:-ابي اقهر فرح على سماجتها والبس شي كشخه

شيماء تتحمد ربها:-منتي صاحيه جدتي بحداد

أبرار:-افففففففف انتي وامي كلكم علي ياربي منكم

اريج وهي تتابع على الايباد تصرخ:-طسسوا برااااااااااااا عن وجهي الشرهه علي اخليككم تهايطون عندي برا

تطلع أبرار وهي تسب وتشتم وشيماء تطلع بصمت

أبرار بالصاله يعني عشان امي ماجابت ولد تعصب علينا وش ذنبنا

شيماء:-انتي رحتي تجننيها ياهبلا وماتبينها تعصب؟

أبرار:-لا لا والف لا انا ابي فستان حلو عشان اجنن فرح

شيماء:-فرح متزوجه مو فاضيه لخرابيطك ذي

أبرار:-واذا متزوجه ماتغار؟؟

شيماء:-زوجها مايقصر معاها وش فيك؟

أبرار ترجع لدلعها الي ماناسبها:-حطي حطي وناسه نشوف وش كليبات جديده جات

شيماء ودها تذبح اختها على الدلع اللي مايناسبها

أبرار وشيماء الوان قمحيه وملامح عاديه أبرار شفايفها كبيره اما شيماء شفايفها وساع محليتها اكثر

الشعر كيرلي وطويل كلهم وبني..

شيماء عمرها 22 وأبرار عمرها 20

ابوهم يدخل عليهم:-السلام عليكم

شيماء تقوم تبوس راسه:-هلا يبه حمدلله على السلامه

ابو شيماء:-الله يسلمك..وين اريج اجل؟

شيماء:-ابد بالغرفه

ابو شيماء:-طيب بروح لها

أبرار اول مادخل ابوها:-غريبه جا من سفرته هذي مبكر؟؟؟

شيماء:-مدري بس يمكن خلص اشغاله وماحب يطول..

أبرار:-لالا الوضع مشكوك فيه

شيماء:-اقول اسكتي وعن الوسوسه

أبرار اللقافه تحرق قلبها لو ماعرفت..



"









╗◄ رواية :- صبر جميل والله المستعان ►╔











"



يدخل ابوبندر البيت زي كل مره بعد التعب اللي لقاه بالشركه..

ييلقى رانيا زي كل مره فارشه السفره وتبتسم بوجهه

ابو بندر:-وين ساره اجل

رانيا:-امي نامت لان راسها مصدع بها

ابو بندر:-طيب ممو مشكله

رانيا تجلس وتاكل معاه عشان مايضيق ويرتفع ضغطه لو مالقى احد معاه بالسفره

تنزل تسنيم وتجلس عند التلفزيون

ابو بندر:-تعالي يابنتي كلي

تسنيم ماحبت تكسر خاطر ابوها جلست على الارض معهم وتاكل لقمه بسيطه..



يقوم ابو بندر ويغسل:-انا بروح انوم تبون شي؟؟؟

تسنيم:-نوم العوافي...

يدخل ابو بندر يلقى ام بندر تبكي زي كل مره

وضامه الصوره بصدرها

ابو بندر:-رجعنا رجعنا ياساره

ام بندر وهي تشاهق من الصياح:-تكفى تكفى رجعي بنتي الاولى بكري تكفى

ابو بندر:-بنتك ماتت اعتبريها ماتت وش فيك انتي؟؟؟؟؟

ام بندر:-انا خايفه عليها قلبي ماكلني عليها وانت ولا همك ابدا بخير ولا مو بخير

ابو بندر:-يهمني وهذي بنتي بس كانت بنتي مو انا بنتي اللي ترجع لنا حامل

ام بندر بترجي وهي تبكي:-يابو بندر تكفى دورها تكفى

ابو بندر:-وين تبين ادورها ضاعت البنت وراحت وفكتني

ام بندر:-تظلمها تظلمها بعادتك حرام عليك كم مره جات تطلب سماح منك وكم مره خواتها بكوا عليها

ليه ماتحس ليه كذا قلبك قاسي؟؟

ابو بندر:-لاتخليني اعصب عليك والله تندمين

ام بندر:-طيب على امرك بس تكفى جيبها لي طلبتك

ابو بندر:-ماتت خلاص

وينسدح على الارض ويعطيها ظهره وينام...

ام بندر تبكي بقهر على بنته

فرحته الاولى

تبرى منها

ولا عاد يبيها

هي قدامها اغتصبت

وسكتت عشان تشوف حل

بس حملت وضاعت

بنتهم "دنيا"

اول بناتهم

واجملهم

وضاعت بلحضات من ابوها



لكن بالروايـــه بنوصل لها ^-*













╗◄ رواية :- صبر جميل والله المستعان ►╔







آلمـــــــــــــــــآنيا..





مستودع واسع

في مكان بعيد عن المدينه

ومظلم لكن اصحابه يبونه كذا

وفاضي من اجل تدريبها المعتاد..



جالسه تتعلم اتقان الرمي بالشوزن

وبكل شي يحمل في داخله رصاصه

لحد ما اتقنت

لابسه بلوزه علاق على جسمها بيضا وبنطلون برمودا كحلي واسع

وحاطه ربطه ورفعه شعرها ذيل حصان المصبوغ بالاشقر..

تغمض عين وفاتحه عين وتميل راسها وتحطه عند العدسه..

واسعه العيون رماديه اللون بيضاء البشره نحيفه ..

جسمها رياضي حلو..





وأخــــــــــيرا اتقنت الرمايه بالنوع من هذا الشوزن..

ترجع تكررها ماتبي تخطي قدامه تخاف نوعا ما من زوجها



دنيا تنهد بتعب..

تنادي زوجها:-معاذ معاذ

معاذ يجي لها بطفش:-ايش عندك بعد ياست هانم..

دنيا بتعب:-عرفت للرمايه بهذي



"معاذ اسود البشره وجسم معضل وطويل.."



معاذ يوقف ويتكتف ويناظر الهدف:-يله وريني..{كان فاسخ البلوزه ومخلي بنظلون الجينز عليه}

دنيا ترجع تثبت عدسة الشوزن وترمي من جديد وباتقان..




معاذ يبتسم على جنب بشبه رضا:-كفو كفوووو لا بديتي تتعلمين صح

دنيا تتخصر بدلع:-مابقى مسدس وشوزن ماتعلمت عليه وتقول بديت اتعلللللللم...

معاذ:-لا هالمره لك هديه حلوه مني..

دنيا بحب لانها متعوده على مفاجآت زوجها:-وايش بتكون هالمره هديتي..؟

معاذ يطلع مسدس ذهبي ومسكه اليد مرصعه لها بالماس وفتحه خروج الرصاصات

دنيا وهي تقلب فيه بفرح:-ولا صناعه سويسري كمان فديييييييييتك وربي

معاذ:-تستاهلين ياعيون معاذ

دنيا بعيون مليانه رجاء:-معاذ من شهر ماشفت اهلي صحيح كلها رجاء والشي لاطال الرجاء فيه ينعاف

بس على الاقل اشوف اهلي

معاذ بهدوء:-ان شاء الله..

دنيا:-ماتقصر ياعيوني..

معاذ:-يلله نروح على البيت..

دنيا:-لا خلنا نجلس هنا

معاذ:-المكان متاجره باسلحه امشي لحد ينتبه لنا وبس..والمسدس خليه بجيبك طول الوقت انتبهي على نفسك وبس..

دنيا تلبس بلوزتها اللي لنص الفخذ ومشجره بالوان برتقاليه واصفر وعليها بنطلون ابيض واسع وتحط

ايشارب تغطي فيه شعرها وتتحجب زين.

وتحط المسدس ببنطلونها تثبته..

وتطلع هي وياه ويركبون سيارتهم الكورفت ويمشون..



"حمدت ربها دنيا انه ستر عليها مافضحها زود او لعب فيها بعد مالقاها مرميه بالشارع لان بعض الاهل للاسف يسيئون الفهم..

هو اهله ساكنين بالرياض قريب من حي اهل دنيا عشان كذا انتبه لها ودايم يزور اهله ماقطعهم وثاني شي

يشتغل بمتاجره.. بالاسلحه لكن مع عصابه للاسف..مما خلاه يخاف على دنيا ولا وضح لها اسباب خوفه عليها..

يكفي ستر عليها وتزوجها واخذها معاه اهله راضين بكل شي معززهم مكرمهم

وانتقلوا من الحي اللي كانوا فيه بعد تحسن اوضاعهم الماديه.."



اول ماوصلت دنيا تدخل تبدل ملابسها

تفرش سجادتها زي كل مره

((ترفع يدينها للسماء وتطلب ربها ان ابوها يلين قلبه عليها ويحن ويخليها معاه وبجنبه..))



عندها زوج صحيح

لكن الاهل مو مثل الزوج ابدا

ماودها تتعلم الرمايه لان مافيه غرض تتعلمه عشانه

لكن هو يبيها دايم جنبه خلاها تتعلم عنده وبكل سهوله

وماخلاها تترك تكملة دراستها بعد

تستفيد وتتعلم الطب
رواية..صبر جميل والله المستعان..~للمره الثالثه روايتي هنا اضعها لكم..~

لان المانيا مشهوره بالعلاج والطب..

وهي تتمنى تكون طبيبه ودايم تدور لنفسها الافضل

وترفع راس اهلها ووطنها وتفتخر بهالشي..



دنيا بعد مافسخت جلالها ترتب السجاده وتحطهم بالدولاب حقها

تجلس على طرف السرير من الجهه اللي منسدح فيها معاذ

دنيا:-حبيبي معاذ انا ابي اجلس هنا شهر مابي اتعلم هناك الرمي

معاذ بشك:-ولييه؟

دنيا:-انا ابي اجتهد اكثر والطب كثير يكلف مو بسيط تكفى يامعاذ ابي انال الدرجه ولا اشغل نفسي برمي..

معاذ:-تعالي هناك بكتبك وكل شي تدرسينه بس تكوني جنبي...

دنيا تتنهد:-طيب بس جهز لي طاوله وكرسي

معاذ يبتسم على براءتها:-من عيوني

دنيا تضمه:-فدييييييييييييييييتك....











╗◄ رواية :- صبر جميل والله المستعان ►╔









بندر وهو بالسوبر ماركت يشتغل محاسب..

ماعاد جوا لعنده ناس جلس يسولف مع صديقه وليد..

بندر:-يوووه متى بنخلص والله طفشنا ماعاد فيه احد

وليد:-وش نسوي غصب ععنا عيشتنا نلقاها هنا

بندر:-ايه والله ماكذبت في هذي ولا كان ماحدينا نفسنا على الجلسه هنا

وليد:-ربك يعين ان شاء الله

بندر يتذكر طلب اخته:-عساني اجيبه لها

وليد ينتبه:-وشو؟؟

بندر:-لا شغله للدبه اختي

وليد:- دايم الاهل طلباتهم شوي ثقيله

بندر:- ماعليه نرضيهم..

يجون بنتين لابسين عبايات ضيقه ومطرزه ولنقاب الوسيع مبين خدودها وعليه المكياج والعدسات

تتكلم بمياعه والعلك بفمها:-كم الحساب..؟

بندر يبدا يحاسب ويحط بالاكياس ويوم خلص يناظرها:-180 –يرجع ينزل راسه من شكلها اللي مفتن—

تعطيه 200 البنت وتاخذ الاكياس ويطلع لها الباقي..

تناظره وتحط 500 وفيها رقمها:-اصرفهم لي لو سمحت...

بندر يناظر فيها ويكشر:-اشتري شي وبصرفها لك

تكشر وتاخذها وتطلع

توقعت بيفهم مغزى كلامها بس كسفها



تمشي وهي معصبه وخويتها تشيل اغراضها....












إنتهى الجزء

.........{الجزء الثاني}.....╗◄ رواية :- صبر جميل والله المستعان ►╔




يدخل بندر وهو طفش من هالشغل وهو اساسا معصب من حركه البنت اللي شافتها

تسنيم جالسه تدرس اخوها

رانيا تنظف المطبخ وتاكل فيه اصلا لانها جاعت

امه وابوه ناموا

بندر باستغراب:-ليه للحين مانمتوا

تسنيم وهي ترفع راسها تناظره:-ادرس هالغبي توه يقولي فيه درس يحفظه

بندر:-طيب – ويطلع الكيسه من وراه ويعطيه اياها—

تسنيم تبتسم:-فدييييييييتك ياخوي الله لايحرمني منك

بندر ابتسم على فرحتها:-عادي تستاهلين

تسنيم:-تبي عشا؟؟

بندر:-لالا تعشيت انا ووليد خذنا سندويشات بروح انوم تبين شي

تسنيم:-تصبح على خير

يطير بندر فوق يتروش وينااااااااااام..رغم انه شبع نوم بس انهلك من المحاسبه..







╗◄ رواية :- صبر جميل والله المستعان ►╔





بالفيلا الفخمه المكلفه..

بغرفة احدى البنات



خلود وهي تضحك بمياعه:-هههههههههههه لا ياأبرار مو كذا بس الموديل غبي

أبرار:-وش اسوي ابي اصمم موديلات واصير مشهوره

خلود:-خلك خلك بالجامعه لين خلصتي قرري

أبرار :-طفشتيني مالت عليك



يضرب باب غرفتها



خلود:-بكلمك بعدين الباب يطق

أبرار:-طيب باي..



تقفل وتحط الجوال بالمخده وتعدل جلستها:-ادخل

تفتح خوله الباب:-وش عندك ياخلود سهرانه للحين

خلود:-ماقدرت اغصب نفسي على النوم وتناظرها بتمعن—بعدين شنو هالمكياج اللي بوجهك وش ذا

خوله تجلس على سرير خلود:-تخيلي رحت للهايبر القريب منا واعطي الدلخ الكاشير الرقم لان شكله مره خقق ولا خذاه مني الحمار

خلود:-وليه اصلا ماتملين هالحركات

خوله:-اوووووووف ابيك عون صرتي فرعون

خلود:-من حقي وربي بشار لو يعرف ذبحك...



خلود:-تصدقين وش رايك نقول لهم بنزور عمي ابو بندر ونروح شارع التحليه مع السواق نهاايط انا وانتي

وجمانه صديقتي



خوله تتكتف وتعطي وجهها لجهه ثانيه عن وجه خلود:-وقفي هالحركات والا بخلي بشار يادبك وعلى فكره

تراهو هالسنه راجع بيخلص ويجينا بشهاده الماجستير




خوله تاخذ المخده وتضرب فيها خلود وتقوم:-خلاص بس الشرهه علي انا استشيرك ولا اعلمك باي.

وتطلع..




"خلود عمرها 23 بيضاء وجهها مدور وعيونها مدوره بنيه وشفايفها واسعه...

خوله 25 مخلصه جامعه وجهها نحيف وقمحيه البشره وواسعه العيون وسوداء مخليتها تفتن..

اما بشار ابيض وشعره بني كثير وعيونه عاديه بلون عسلي ملامحه تدل على هدوءه لكن هيبته مايعرفها

الا الي يعيش وياه.."









إنتهى الجزء

╗◄ رواية :- صبر جميل والله المستعان ►╔













.........{الجزء الثاني}.....╗◄ رواية :- صبر جميل والله المستعان ►╔





الصبـــآح..


رانيا تصحى مبكر كثير

وتبدا تشتغل بالفطور تسويه

مالقت غير الطماطم بالثلاجه مع الجبن قطعتهم وحطتهم مع الخبز بصينيه

وتحطها على جنب

تروح للغرفه تصحي تسنيم

تسنيم:-هااااااااااه

رانيا:-تسنيم وين الاستشوار تعبت وانا ادوره


تسنيم تعطيها ظهرها:-مدري دوريه

رانيا:-اوف انا صحيت مبكر ابيه وينه

تسنيم تقوم بطفش:-اووووووووووووف منك دوريه بالدولاب

رانيا:-من كبر الدولاب عاد

تسنيم:-كم الساعه

رانيا:-خمس ونص

تسنيم:-مبكره

رانيا:-يابنت انا ابي استشور شعري وينه

رانيا:-لاحول ولا قوة الا بالله مزعجه ماننام زين

تقوم وتدوره مالقته راحت تفتح الدروج اللي تحت دولابهم وتطلعه:-خذي الله يزعجك..

رانيا تاخذه وتجلس عند المرايه اللي ملصقه بالجدار قريبه من الارض..تطلع الشباصات وتقسم شعرها

وتبدا تستشوره.....



ترن الساعه تنبه تسنيم تصحى

تصحى وهي مصدعه لانها مانامت زين

تصحي اخوها يفطر

ماحبت تصحي امها لانهم خلاص صحوا وبيروحون

فراس من غير نفس:-دايم جبن مالح وطماط وخبز مافيه شي ثاني

تسنيم:-كل واحمد ربك..

تقوم تلبس مريولها وتمشط شعرها وتظفره..



تناظر رانيا وهي تحط كحل داخلي

تسنيم:-انتي عارفه المديره ماتبي هالامور تبين تنرفزينها؟؟؟

رانيا وهي تحط بعينها الثانيه:-انا متفقه اكشخ انا وخوياتي

تسنيم:-عمرك ماكشختي كله عشانهم

رانيا تناظرها:-بكيفها هالمديره ليه ماتتصيد الا لي عندها غيري بنات ولا تهاوشهم

تسنيم تشيل شنطتها:-يلله امشي الحين على مانوصل فراس ونروح زي كل مره على المدرسه

رانيا تروح وتاخذ شنطتها وتلبس عبايتها.. وتغطي وجهها بالطرحه هي وتسنيم

ويطلعون يوصلون اخوهم ويروحون لمدرستهم..



اول مادخلوا وفسخوا العبايات مع بعض تسنيم تقول بهمس لرانيا:-ياويلك لو رحتي تهاوشين احد

رانيا وهي تضبط شعرها:-والله اللي بيغلط علي مشكلته

تسنيم:-بلا غباء لايوصل شي لامنا وابونا

رانيا:-ماعلي منها انا بسوي اللي ابي

تسنيم:-بلا عناد

رانيا:-تسنييييييم خلاص عاد انتي تخافين انا مو مثلك....

تسنيم تتنهد بصبر:-طيب بكيفك..

وتدخل..



رانيا اول ماشافت صديقتها الروح بالروح:-ريهااااااااام

ريهام تركض تضمها:-وحشتيني رنووووووووووووووووو

رانيا:-عسا ماشر غايبه يومين..

ريهام بحزن:-وش اسوي امي تعبت علينا وطاحت

رانيا:-ياقلبي عليها ماتشوف ششر وكيفها الحين؟؟

ريهام:-احسن من الايام اللي طافت وقالت لي روحي ادرسي

رانيا:-ماعليك كتبت لك الدروس والواجبات بعد

ريهام تبتسم بحب:-الله لايفرقنا

رانيا من قلب:-امييييييييين...


ريهام تناظر وتكشر:-جات جات جهينه شايفه نفسها مدري وش عليه شافت نفسها

رانيا:-فرحانه باختها جمانه انها صارخت على المديره

ريهام:- خلها شوفيها تمشي لحالها هي وهالعلك اللي فمها راح على جنب من كثر ماتمضغ فيه

رانيا تبي ترفع ضغط جهينه وتصرخ بصوت عالي:-كاااااااااااااااااااااااااااي هههههههههههههاي

تلتفت جهينه وتروح لهم معصبه لانهم يناظرونها ويضحكون:-خخيييييير وش عندكم....؟؟؟

رانيا تسحب ريهام:-يلله يلله بس نكتك حلوه زي كل مره

ريهام:-ايه صفرت لاتضيق المديره والاداريات



جهينه باقي واقفه مكانها وتتخصر:-طيب طيب يالكلاب اوريكم.....

تروح تدخل عشان تصف طابور.....













╗◄ رواية :- صبر جميل والله المستعان ►╔










فرح اول ماخلصت من ترتيب سفره الفطور على الطاوله هي والخدامه

تروح تصحي احمد

فرح وهي تهزه:- احمد احمد قووووووم

احمد :-ZzZzZzZzZ

فرح:-قوم افطر لدوامك

يفز احمد من مكانه:-كم الساعه

فرح:-الساعه ثمان الا ربع قم افطر

احمد:-اوووووف ما انتبهت للمنبه – يقوم يغسل وجهه ويصلي وينزل يفطر—

فرح جلست بالغرفه ماتبي كلام امه

احمد يجلس:-صباح الخير يمه

ام احمد:-صباح النورر

احمد يبدا فطوره ولا كلم امه وخلص وقام..

يغسل ويقول بصوت عالي:-مع السلامه يمه انا طالع

ام احمد:-الله وياااااااااااااك

تقوم من مكانها تصحي فهد ومحمد يفطرون..



تنزل فرح بس بنتها نايمه فوق..

ام احمد وهي تمشي بعصاها:-وانتي دامك فاضيه اغسلي الحوش

فرح تشهق:-الحوووووش::::؟؟؟ليه الخدامه فيه؟؟؟

ام احمد:-ماعليك منها اغسليه وش تنتظرين بعد

فرح:-اغسله والخدامه تساعدني اما انا لحالي لا

ام احمد تتكي على عصاها:-خير اشوفك تتحكمين؟؟؟؟

فرح:-لا ما اتحكم بس ياخالتي تعب وكبير الحوش ما اقدر لحالي اغسله

ام احمد:-لا بيجون بناتي مابي اشوف وصخه بالبيت

فرح تنرفزت:-خالتي وسخه وصختين ماعلي منك اوكي...يلله عن اذنك

ترقى فوق تفتح شنطة بنتها الصغيره وتحط ملابس لبنتها وحليب وهالامور...

تقفلها وتتصل على تلفون البيت وترد امها.

ام بندر:-الووووو

فرح:-صباح الخير يمه

ام بندر:-صباح الورد كيفك بنتي؟؟؟

فرح:- حمدلله كويسه وانتي

ام بندر:-حمدلله ببخير

فرح:-يمه اخوي صاحي يجيبني لعندكم؟؟

ام بندر:-لما يصحى بخليه يجيبك

فرح:-لا تكفين يمه صحيه خليه يجيني الحين زوجي دوامه يخلص المغرب ابي ارجع العصر عشان استانس معكم..

ام بندر:- خلاص ان شاء الله بقوله..

فرح:-خليه يستعجل واول مايوصل البيت يتصل علي انزل له

ام بندر تتنهد:-طيب





فرح بعد ربع ساعه يرن جوالها تلقاه بندر تقفل بوجهه وتلبس عبايتها وتشيل بنتها وشنطة بنتها وتنزل

ام احمد وهي معصبه:- تعانديني اوريك اوريك اذا ماخليت احمد يطلقك وتشوفين..

فرح تمشي وسفهتها ...



تطلع تلقى اخوها بندر بسيارته الكورولا موديل 2002..


تركب:-كيفك بندر.؟

بندر وهو حرك السياره:--حمدلله كيفك انتي

فرح:-مشتاقة لكم وحبيت اجي لعندكم..

بندر يبتسم:-تنورين والله

فرح:- مر على السوبر ماركت ابي اخذ مقاضي

بندر :-اوكي بنزل معاك

فرح:-ايوه اكيد


يوقف وينزلون وتشتري بعض المقاضي لاهلها عارفه ابوها شويه بخيل مايبي يطلع كل شوي كم قرش لهم..

بعد ماخسر كل املاكه من الاسهم وطاح كل شي...

وشركته افلست..

انهار كليا واصيب بالضغط والبخل..



تركب السياره بعد ماحطت المقاضي بالشنطه

كعادته احمد كل شهر مصروف لها 500 ريال وهي ماتروح السوق ككثير فتجمع اكثر

واذا راحت تخليه يشتري لها على حسابه لها يعني مايضيع شي كثير..



تنزل وبندر ينزل المقاضي بالمطبخ يوديها..

بيتهم اول ما يدخلون سيب صغير مره وعلى الجانبين يمين مجلس رجال قديم ويسار دورة مياه وانتوا

بكرامه بغسالتها..واخر هالسيب دررج يودي للسطح



وستاره تفصل بين هالسيب والصاله اللي فيها الغرفتين الصغار حقت الام والابو والبنات مع فراس ومطبخ

صغير مره فيه ثلاجه وفرن ودولاب صغير للمواعين..

بالصاله دورة مياه وحده..وانتوا بكرامه..مع غسالتها طبعا..



تجلس فرح بالصاله تفسخ عبايتها وتسفطها جنبها

وتسولف ويا امها...

فرح:-يمه هذي خالتي مات زوجها وعاشت شياطينها..

ام بندر:-ليه وش سوت بعد؟؟؟؟

فرح:-تخيلي عشاني قلت لها لاتكثري ملح ولا تحطي بهارات مع الكبسه وسوت حوووووووسه

ولا فوق هذا قالت لاحمد كلام شديت راسي اول كلمتين صدق والباقي من كذبها

ام بندر:-حسبي الله على العجوز الشمطا ماقصرت باحد

فرح:-ياربي تقهر خاطري اذبحها وتلحق زوجها والله ما اسوي لها شي وتضيق صدري غصب

ام بندر:-الله يعينك يابنتي..

فرح:-يمه اليوم بعد ماراح احمد لدوامه تقول انتي فاضيه اغسلي الحوش

ام بندر:-لوحدك ولا معاك الخدامه

فرح:- لا تبيني لوحدي اكرف زي الحماره



ام بندر:-ووش سويتي؟؟؟صارختي عليها؟؟؟؟

فرح:-لا والله سفهتها رحت فوق دقيت عليك خلي بندر ياخذني ومقاضي لكم واجلس وياك

ام بندر:-احسن لك خليه يرجعك قبل لا يروح لدوامه

فرح:-لقى شغل بالنهار...

ام بندر بحمد:-ايه حمدلله مع انه مايجمع كثير

فرح:-وراتب الكاشير مو كثير قهر

ام بندر:الله يعينه

فرح:-كم ساعه دوامه الجديد

ام بندر:-يقول اوصل حريم بسياره واحد ويعطيني كل شهر 200 من الساعه اربع العصر لين سبع المغرب

فرح:-الله يرزقه والله عشان دوامه بالليل هو اللي خلاه يقلل الساعات صح؟؟؟

ام بندر:-يحق له من تسع للساعه ثلاث او ثنتين مايمديه ينام زين

فرح:-الله يوفقه يارب

ام بندر:- هو لو لاقي وظيفه زينه مو شغل الواسطات يدخل في كل مكان لازم يجي كان تيسرت امورنا

فرح:- اهم شي الكهرب والمويه ماانقطعت..يسددهم اهو

ام بندر:-ايه في هذي ماكذبتي...

فرح:- دامني جبت مقاضي وش رايك نسوي غدا دسم لاخواتي نفاجاهم

ام بندر:-يلله مو شينه..













╗◄ رواية :- صبر جميل والله المستعان ►╔





يرن جوالها

ومالها نفس ترد

يرن ويرن

خوله ترد من غير نفس:-الوووو هلا جمانه—تجلس على حيلها—

جمانه:- للحين نايمه الظهر الحين ونايمه

خوله:- وش اسوي امي عندها خدامه مانشتغل واختي بجامعتها اما انا ماوراي شي اصحى لاجله

جمانه:-اقول نروح باكر نحاول بالكاشير حق الهايبر

خوله:-لالا مابي فقير انا ابي واحد يعطيني مو اعطيه

جمانه :- لقيت لك فكره

خوله:-وشو؟

جمانه:-روحي له اليوم وارمي فلوس عليه وقولي قضضي حوايجك فيها

خوله تبتسم بشر:-ايه والله كانك صادقه

جمانه:-اجل مسوي متربي مايهايط

خوله:-خلينا منه اليوم بوريه شغله

جمانه:-اوكي وحطي عدسات زمرديه وكحل داخلي بس

خوله:-ماعليك اضبط نفسي..

جمانه:-واختي ازعجتني تبي تهاوش هاللي اسمها تسنيم

خوله:-تسنيم ايش؟؟؟

جمانه:-تسنيم عبدالرحمن الـ×××

خوله:-هههههههههههههههههههههههههههههههههههههههههههههههههه هه بنت عمي هذي

جمانه:-اوف وليه تكرهها اختي

خوله:-يحق لها شايفه اشكال ماتسوى جزمه

جمانه:-بنات عمك

خوله:-ايه لو ابوهم كفو حافظ على الشركه ماخلاها للاسهم فشلنا ووطى روسنا

جمانه:-بس هذا قضا وقدر

خوله:-انتي اللي بتعلميني بعمي

جمانه:-خلاص براحتك بس متى نروح له اليوم

خوله:-مابيه اليوم وقت ثاني بنروح اليوم بالفيصليه وشارع التحليه نغير جو ونشوف المطانيخ اما هذا بكيفه

الله لايرده متى مابغينا ببعناه وشريناه

جمانه:-هههههههههه وربي صادقه

خوله:- تكشخي اليوم لاتفشليني

جمانه:-طيب

خوله:-باي بكمل نومي

جمانه:-هههههههههه طيب باي......





جمانه من هنا تخلص وتروح تبدا تسوي الطبخات اللي وصتها امها عليها

عشان رزقهم يجي منها..

ولا تقدر تقول لخوله عشان ماتتركها

تحب الناس المتكبره وتذل نفسها عشانهم

وامها فراشه بمدرسه

واختها تدرس

وهي تشتغل بالطبخ لانها بعد ماتخرجت مالقت وظيفه

فتسوي الطبخ ولما تخلص تروح مع خوله لان خوله توديها مطاعهم وتشتري لها اللي تبيه
















╗◄ رواية :- صبر جميل والله المستعان ►╔





رانيا وتسنيم يدخلون ومعاهم فراس

البيت منظف زين ومبخر

رانيا عصبت:-اكيد امي تعبت نفسها وهي رجلها ماتساعدها كثير من نقص الكالسيوم

تسنيم تنادي:-يمه يمه

ام بندر وهي بالمطبخ ومعاها فرح:-هنا يايمه هنا



تسنيم تدخل تلقى فرح ترمي شنطتها وعبايتها وتصرخ بفرحه:- فـــــــــــــــــــرح

فرح تبتسم:- ياعيوووووونها

تسنيم تضمها:-نووووووورتي البيت ياقلبي

فرح تبوس خدود تسنيم:-وانتي لك وحشه ياعيون فرح وش اخبارك

تسنيم:- حمدلله طيبه وانتي بشريني عنك

فرح:-حمدلله سويت لكم غدا يفتح النفس يلله غيروا ملابسكم

تسنيم:-الله بناكل من يدين فروحه

فرح تبتسم:-يلله بسرعه

تسنيم:-باخذ شاور احتروني..

فرح:-اوكي...















╗◄ رواية :- صبر جميل والله المستعان ►╔









دنيا بعد ماطلعت من المحاضره اللي طلعت عيونها قبل ماتطلعها..

تطلع عند الشارع مالقت معاذ فيه اتصلت

معاذ:-هلا دنيتي

دنيا:-وينك حبيبي مالقيتك فيه؟

معاذ:-ياعيوني جاني احد يشتري نص ساعه او ساعه وبكون عندك

دنيا:-باخذ تاكسي وانتهينا

معاذ:-لالالالا الا التاكسي ولا تاخذين ولا نص تاكسي روحي تغدي بالجامعه وبرجع لك بس عشاني ماتاخذين تاكسي

دنيا:-طيب اوكي باي

معاذ:-بايات..



دنيا تدخل الكافيتريا وتاخذ لها وجبه الغدا وتجلس لحالها

الكلام انقلش ونترجمه عربي...

مايا وهي تناظر دنيا جالسه لحالها:-اوووووه انتي هنا لماذا لم تذهبي؟؟

دنيا بححزن:-زوجي منشغل ورفض انا استقل تاكسي

مايا:-خذي تاكسي لن يعرف بذلك

دنيا:-المنزل بعيد وسوف يوبخني عندما اعود لوحدي

مايا تبدا الاكل:-لامشكله محاضرتي بعد ساعه نجلس سويا ونتحدث

دنيا:-نعم صادقه لناكل اولا...

مايا:-حسنا...



دنيا تاكل وهي تفكر بخوفه الزايد عليها

مو معقوله لهالحد يخاف بزود

بس لا يبالغ ويخليني اكرهه

انا حبيته وحبيت قلبه

الله لايحرمني منه

واتمنى يخفف الخوف المبالغ فيه هذا..















╗◄ رواية :- صبر جميل والله المستعان ►╔







خلود ترجع من الجامعه متهالكه

تلقى اختها توها صاحيه

خلود:-وانتي ماتسوين شي غير النوم

خوله:-والله ماوراي شي اتكلف عشانه بنزل اشوف امي واتغدا يلله استعججلي بدلي ملابسك..

خلود:-طيب روحي انتي بس



تنزل خوله عند امها

خوله:-هاااااااااااي ماما

ام بشار:-هلا توك تصحين؟؟؟؟؟

خوله تجلس:-ايه وش اسوي بعد عاطله ماوراي شي...

ام بشار:-واذا عاطله بالعكس سوي لك شي ينفعك

خوله:-ماعليه يمه مو مشكله

ام بشار:-تبيني اقول لابوك يتوسط لك بوظيفه

خوله:-لا مامي انا كذا مرتاحه....

ام بشار:-لا مو زين بس ابيك تصيري تجين معاي زواجات

خوله:-ليه؟؟؟؟

ام بشار:- وصلتي الخمسه وعشرين ولا جا احد يخطبك يمكن تنخطبين هنا

خوله:-يمه لاتحسسيني عانس انا ببيت اهلي بكرامتي مانقصني شي وشو له اتعب نفسي واتزوج

ام بشار:-وش تتعبين نفسك هذي لا زواج يعني زواج

خوله:- بتزوج لكن لما اشوفه مناسب لي فعلا

ام بشار:-هذا اللي عندك مناسب وغير مناسب..

خوله:-ماعليه يمه لاتشيلي هم بتطلعين مشوار اليوم

ام بشار:-لا مو طالعه.ليه؟

خوله:-لاني ابي اطلع مشوار انا وصديقتي

ام بشار:-وايش هالمشوار

خوله:-طفشانين ونبي نطلع نتعشى ونرجع

ام بشار:-مو مشكله بس لاتفشليني وتسوين شي غلط

خوله:-كيف يعني

ام بشار:-لو اعرف انك سويتي شي غلط وربي ازعل منك انتي بنتي وانا احبك واثق فيك انك ماتسوين غلط

وتعرفين الغلط من الصح لو سويتي شي مايرضي الله اعرفي انه مو مرضيني لذلك لاتسوين أي شي يضرك

او يضر سمعتك

خوله والكلام بدا ياثر فيها ويخليها ماتتهور:-طيب

ام بشار:-البنت بمجتمعنا مايغفرون لها لو ربع خطيه ولا يهمهم حجم خطيه الولد وانتي عارفه هالشي

وسمعتنا معروفه بالمدينه الي احنا فيها انتبهي انتبهي وثمني كل حركه تسسويها يابنتي .طيب؟

خوله من هالكلام حست مويه بارده انكبت عليها وخلتها تعرف ان مو كل شي تسويه على الهوا

بل تحسب له حساب...

خوله ترجع شعرها لورا:-طيب يمه ان شاء الله بس بغيتي شي لاني بتمشى ومدري وش اسوي..

ام بشار تبتسم:-انتبهي بس لنفسك وثمني كل شي بتسوينه

خوله تبتسم:-ان شاء الله

ام بشار:-امشي نتغدا

خوله:-يلله
















╗◄ رواية :- صبر جميل والله المستعان ►╔











أبرار وشيماء اول مادخلوا عند امهم
رواية..صبر جميل والله المستعان..~للمره الثالثه روايتي هنا اضعها لكم..~

اريج:-تجهزوا بنروح نتغدى عند امي

ابرار:-اوووووف يمه مانبيها

اريج تناظر ابرار:-انكتمي ولا كلمه لاتقولي لامك اووووف فاهمه يلله روحي بدلي لبسك

ابرار تدخل معصبه

اما شيماء راحت تبدل ملابسها بطاعه

ابرار تفتح الدولاب وتتخصر مكشره:-وش البس هاه

شيماء:-البسي شي عادي وماتحسسي جدتي انك معزومه

ابرار:-ياسلام انا احب الزين وانتي تقولي شي عادي

شيماء:-يابنت الناس كل شي عادي لان جدتي بحاله حداد مو تروحين تسوين لي فيها تكشخين

ابرار:-انتي وامي كلكم ضدي

شيماء:-والله عقلك فصل وش ضدك ياحماره هذي؟؟

ابرار:-لاتقولي حمار

اريج تدخل:-ومالبستوا للحين؟؟؟؟؟؟؟؟؟؟؟؟؟؟؟؟؟؟؟؟؟

شيماء :-لالالا يمه هذا لبسي بس بنتك المصممه العالميه تبي تلبس شي سنع

اريح:-وبعديني يا ابراروووووووووووووه

ابرار تضرب برجلها بالارض وتدور أي شي لها......



وراحوا لجدتهم وتغدوا وجلسوا مع بعض



ابرار:-وين اجل مرت ولدك؟؟

ام احمد:-الله لايردها راحت لاهلها

ابرار:-يعني تطلقت

ام احمد:-ياليته والله تفكني

ابرار:-ومتى يرجع احمد؟؟

ام احمد:-المغرب

ابرار:-ولا استاذنت من زوجها؟؟؟؟

ام احمد:-لا قليلة التربيه

ابرار تبي جدتها تقلب على فرح:-انتوا كيف زوجتوه هذي قليله ادب من جد

اريج تعصب:-ابراااااااااااااااااااااااار اسكتي احسن لك.



تدخل منى عليهم:-السسسسلام عليكم

اريج تقوم وتسلم هي وشيماء وابرار

وتروح منى تسلم على امها تبوس راسها ويدها

ام احمد:-هلا هلا ببنتي نورتي

منى تجلس:-نورك ياشمعه الدار

ام احمد:-ها كيفك وش مسويه؟؟

منى بحزن:-تعبت يمه تعبت بالحيل

ام احمد:-ايش متعبك؟؟؟

منى:-يمه انا ابي اتطلق من زوجي

ام احمد:-لييييييييه خلك معاه

منى:-يمه عقيم والعيب فيه وانا ابي عيال

ام احمد:-عنده فلوس تغطي الكون وش تبين بالعيال

منى:-يمه ابي عيال مابي فلوس اذا الفلوس بتحرمني من العيال

ام احمد:-لا لاتتطلقين منه تشمتين فرح فيك مات ابوك وتطلقتي وش بتقول لاهلها


منى:-يمه فروحه عسل ومامنها شر ابدا

ام احمد:-لا مظاهر ماعرفتيها زين

منى:-وش ماعرفتها يمه عسل اقولك تقولي ماعرفتها

ام احمد:-خلنا منها اجلسي مع زوجك بس

منى:-يمه كم مره تزوج قبلي وطلقوه بهالسبب

ام احمد:- مو مشكلتي بيتي يتعذرك لو تطلقتي...

منى انصـــــــــــــــــــــــــدمت..........









╗◄ رواية :- صبر جميل والله المستعان ►╔




إنتهى الجزء..

[الجزء الثالث]╗◄ رواية :- صبر جميل والله المستعان ►╔






خوله وهي لابسه عبايتها ولاتمكيجت ولا سوت شي بنفسها

تركب السياره بعد مااستئذنت من امها وتططلع

تروح لجمانه وجمانه دايم تروح عند شقق فخمه مشي لما تجيها خوله تاخذها معاها عشان ماتدري وتتركها

جمانه وهي تركب:-كيفك خوله

خوله:-حمدلله انتي كيفك؟؟؟

جمانه:-والله بخير .وين بتروحين هالمره؟

خوله ترجع لغرورها:-والله مدري بس خاطري نتمشى عند شارع التحليه ونروح بانوراما مول

جمانه:-ايوه يلله يلله

خوله تبي تفشلها:-ماتعرفين اماكن ثانيه نروح لها..؟

جمانه تقول بهدوء:-الا بس ذوقك احلى

خوله:- طيب طيب



ويتحرك السواق

خوله بطفش:-شغل الاغااااااااااااااااني

اول ماشغلها

تعصب:-طول على الصووووووووت

عصب منها بس مايقدر يقول شي ولا بتوريه شغله



اول ماوصلوا المول تنزل هي ووجمانه

وتشتري كل اللي تبيه وماتبيه

وتخلي جمانه تشيل الاغراض

خوله:-تعالي اشتري لك شي من هنا

جمانه:-لا مابي شي

خوله:-يلله على حسابي

جمانه:-لا مشكوره

خوله تسحبها:-يلله غصب عنك امشي

جمانه تشتري اغراض كثيره عشان تعلم خوله كيف تكرر كلمه امشي

خوله تدفع بالفيزا كارد ولا همها....

خوله:-امشي نروح لمطعم؟؟؟

جمانه:-يلله

خوله:- أي مطعم نروح

جمانه بعفويه:- بيتزا هت

خوله:-اووه صح عندهم عروض جديده عفيه عليك يلله نروح

جمانه[يالله منك]

وتروح هي وياها وتطلب لها ولاهلها..على حلفان خوله...













╗◄ رواية :- صبر جميل والله المستعان ►╔







خلاص انتي مو بنتي

انا متبري منك

ولا فوق هذا حامل حامل

وطيتي روسنا الله ينزل راسك بالقاع

..:-يبه تكفى تكفى مو بيدي اللي صار والله اغتصبوني

يدفها لحد ماطاحات على الارض

ويرجفها ببطنها باقوى ماعنده من قوة..

..:-انا مو ابوك ولا اعرفك انتي مو بنتي انتي مو بنتي برااااااااا براااااااااااا

تزحف تزحف بضعف وتمسح يد ابوها تتوسل له:-تكفى يبه تكفى طلبتك مو انا اللي سويتها مو هياته مني

انا ماقصدت هم هم اللي ضروني

تدفها ببطنها ثانيه لحد ماصرخت باقوى ماعندها

يسحبها من شعرها ويفتح الباب ويرميها زي الحيوان برا

ويقفل الباب

يرجع يفتحه ويرمي عبايتها عليها

ظلت مرميه بالارض تبكي

وتتوجع من اللي صار لها

تقوم بصعوبه

وتمشي تمشي وهي ماسكه بطنها وتبكي

تروح وتمسك واحد:-تكفى استر علي وعاجلني تكفى

--- يناظرها بخوف ويروحح عنها خاف انها مجنونه –

تمشي تمشي وتطيح من طولها من قوه الوجع اللي فيها

ماقدرت تتحمل

رجف ابوها لها وهي حامل اهلكها..

ويمر واحد وتمد يدها وتمسك باطراف اصابعها وتقول بصوت مخنوق :-تكفى تكفى استر علي تكــفـ ـ--وتفقد وعيها—

ينزل لمستواها يناظر يمين ويسار يتاكد المكان فاضي...

يشيلها ويروح فيها









يرن جوالها يصحيها من اللي تتذكره اذا صارت فاضيه..

تناظره وترد:-هلا معاذ

معاذ:-يلله ياقلبي اطلعي انا جيتك

دنيا تشيل شنطتها وتناظر مايا وتبتسم:-الى اللقاء مايا اراك وقت اخر

مايا:-الى اللقاء..



تركب دنيا وتبتسم:-هلا حياتي كيف كان شغلك؟

معاذ وهو يحرك السياره:-والله انتي عارفه لازم اخفض لهم الاسعار يظنون كل شي سهل

دنيا:-ياحياتي معاذ الله يوفقك

معاذ يبتسم:-وياك حبيبتي....

دنيا تتنهد:-حبيبي للحين انت مقرر اروح وياك ما ادرس لوحدي ابي اجواء تريحني

معاذ:-اترك لك شغلي واجلس وياك مو مشكله

دنيا:-لا لا حبي الا شغلك اهم شي شغلك انتبه عليه بجي وياك مو مشكله

معاذ:-حبيبتي المانيا مو امان مثل ما ابي لو كنت بالسعوديه عادي والله

دنيا بحزن ورضا :-مو مشكله مو مشكله عادي..

معاذ:-حبيبتي لاتزعلين مني

دنيا:-مازعلت بس المحاضره تطفش اليوم وانت عارف طب وتخصص قلب

معاذ:-فديتك لاتنسين تتخررجين وتعالجين قلبي

دنيا تششششششششششششششششهق:-فيك القلب؟؟؟؟؟؟؟

معااذ:-هههههههههههههههه لا لا لانك اخذتيه رجعيه

دنيا تتنهد:-خوفتني يالدب

معاذ:-الله لايحرمني منك

دنيا:-ولا منك فديت قلبك بس.....وتبوس خده

معاذ:-يهووه خليني انتبه لطريقي..

دنيا:-هههههههههه من عيوني....







╗◄ رواية :- صبر جميل والله المستعان ►╔







الليـــــــــــــــــــــل

جمانه منسدحه على فراشها واختها جنبها نايمه..

عشان مدرستها

انقهرت من اللي تشوفه قدامها

انقهرت ان مافيه شي ريحها

لاوظيفه جاتها

ولا بيت زين عاشت فيه هي واهلها

ولا صديقه متواضعه بتقدر ظروفها

كل شي حولها مقفل

كويس رضا امها

كفاها..

جمانه حنطيه البشره عسليه العيون ومدوره شعرها بني لحد خصرها ونعومته طبيعيه..

كثير تجنن بس بتخرب على نفسها من مماشاتها لخوله..

تناظر اختها جهينه وتمسح على شعرها..

جمانه:-اتمنى ماتدورين بنات متكبرات مثلي او تتكبرين زي خوله خلي الناس يحبونك بطبيعتك وتواضعك

جمانه تحاول توقف هالتفكير بس ماقدرت

يرن جوالها ..

تناظره وترد:-الوووووو هلا خوله

خوله:-اوووه مانمتي للحين كويس هههههههههههههههه

جمانه مالها خلق خوله:-لا مانمت بغيتي شي؟

خوله:-اممممم لا والله بس حتى انا طفشانه وماقدرت انام

جمانه:- انا الحين ابي انام تبين شي..

خووله كشرت:- قولي مالك نفس تكلميني وانتهينا

جمانه:- لا بالعكس بس ابنام ولله دقيتي علي وانا توني بحط راسي على المخده

خوله:-طيب طيب مو مشكله يلله مع السلامه..

جمانه:-فيه طلعه باكر ولالا

خوله:-لا حلا هو دلعتك عاد بعدين بقرر وين اروح

جمانه:-اوكي تبين شي؟؟

خوله بدلع مالاق عليها:-لا ياعيوني باااااااااااااااااي

جمانه تقفل بوجهها وتناظر الجوال وتتفل عليه وكانها تناظر خوله..

وتنسدح وتنام..







╗◄ رواية :- صبر جميل والله المستعان ►╔







أحمد وهو داخل الغرفه بعد ماحطت فرح بنتها بالسرير الصغير حقها وتغطيه..

احمد:-ليه ماقلتي لي انك رحتي لاهلك

فرح تناظره:-لانك بتستشير امك وبترفض وبتسحب علي ولا رح تخليني اروح

احمد عصب:- عمرك مارحتي لهم الله والقصر اللي هم فيه خرابه طلعتي منها

فرح:-اذا ماعجبتك الخرابه تراك ماخذ بنتهم

أحمد:-فرح وبعديييييييين؟؟؟

فرح تتقدم وتناظره تعلق عيونه بعيونه:-احمد ماحد جبرك علي اذا امك طار عقلها ووقع بعد ماتوفى ابوك

احنا قبل كنا ايش نملك وماتوقعنا بيروح منا ولا كانه كان عندنا الترف كله..ترى والله ماجبرتك يا احمدعلي

انت اول ماكنت تهتم لحكي الحريم والحين كل كلمه والثانيه تنقلها لي؟؟؟؟؟؟؟؟؟؟؟

احمد ذاب بعيونها الخضرا والحكي .نساه وطار مايدري وش يقول

فرح:- احمد؟؟؟؟؟؟؟؟؟؟؟؟؟؟؟

احمد:-................

فرح تعلي صوتها وتهز كتفه:-هييييييييه احمد

احمد:-هلا ياعيون احمد

فرح:-انت مافهمت ولا كلمه هاه؟؟طيب طيب خلك مع امك خلك معاها ياروح امك بس لاتعاتبني

وتروح وتنسدح على السرير وتغطي نفسها باللحاف وتنام

احمد يقرب منها:-فروحه اسف ماقصدي اجرحك بكلامي بس ليه تطلعين بدون ماتستاذنين

فرح مغطيه نفسها وتبكي ماتبي تفك وجهها له

احمد:-فرووحه عيوني ردي علي ليه بس؟؟؟

فرح تمسك دموعها وتتنهد بقوه

تفك اللحاف عن وجهها وتناظره:-قلت لك يا احمد بتروح تقول لامك وهي مالها دخل بيني وبينك

احمد:-خليها تخلص عدتها والله اوديها حمله وانا وانتي نروح نستانس بمكان ثاني

فرح:-احمد انسى خلاص اذا بتضل تقول لامك مابي – وتعطيه ظهرها—

احمد:-عيوني فرح خلاص والله ماعاد اقولها خلاص

فرح تجلس على حيلها وتناظره وتتكتف:-اكيد اكيد؟؟؟ مو تستهتر فيني والقا حكينا باكر واصل لها

احمد:-اوكي اكيد

فرح:-وياويلك لو تجيني تقول انتي رافعه صوتك على امي ترا انا ما ارفع صوتي عليها فاهم

احمد:-خير كنك تتشرطين؟

فرح:-ايه اجل تبي تكسر ظهري بهالبيت الكبير والخدامه جايبينها ليه؟؟؟؟

احمد يتنهد:-تاسفت لك وشكل ماتبين

فرح:-مو اول مره تسويها

تنسدح وتعطيه ظهرها وتنام

احمد يتنهد بقهر

مايدري من الصح من الخطا

امه او فرح

لانه مايشوفهم وهم يتناجرون

احمد بياس:-فروحه فرح

فرح:-.................

احمد:-فرح لاتسفهين..

فرح:-...................

احمد يفك اللحاف وانصدم لما لقاها تبكي..

احمد:-وش يبكيك..

فرح تقوم:-مالك شغل فيني رح نم عند امك يلله

احمد:-قصري صوتك احنا مو لحالنا

فرح:-لحالنا ولا مع بعض قلت لك مالك شغل فيني اوكـــــــــــي؟

احمد يتمالك اعصابه:-فرح خلاص اذكري ربك

فرح بعناد:-تشوف يا احمد تشوف...

وتفتح الدولاب تاخذ مفرش ومخده وتحطها على الارض وتنام...

بكت بنتها

تقوم وتاخذها وترضعها وتنومها جنبها وتنام..

احمد يتنهد بصبر..







╗◄ رواية :- صبر جميل والله المستعان ►╔







دنيا وهي مندمجه مع المذاكره

وتركت كل المسدسات

والاسلحه بانواعها

واهتمت فقط بدراستها

تخصص قلب

وشي يبيله شده حيل وهمه

وبعدين وراها تطبيق..

مهم

يكلف حياتها

لو فشلت عملية وحده او اول عمليه جايه لها

رح تخسر كل شي

هالسنه سنة تخرجها

وسنه شغلها

وبداية كفاحها وتعلمها للحياه بشكل افضل..

دنيا بعد ماخلصت مذاكره للمره يمكن الخامسه

تتنهد وتنزل نظارات القراءة وتتسند بالكرسي المريح..



دنيا:-اوووووووووووووف خلصت ولله الحمد

معاذ وهو مندمج بتركيب المسدس..:-بالتوفيق لك حبيبتي..

دنيا:-بتوظف بالسعوديه ان شاء الله

معاذ:-مو قبل ماتتعلمي الكاراتيه

دنيا بملل:-معاااااااااذ وبعدين وياك خلصنا من المسدسات جيت للكاراتيه

معاذ يترك اللي بيده ويناظرها:-حبيبتي كلها دفاع عن نفسك لحساسيه شغلي واهميته مابي افقدك

او اضرك يوم ماتستفيدين..

دنيا:-الله يهديك علمني الاساسيات مو اتعمق

معاذ:-من عيوني بس انا خلاص بكمل هالعفش بكره يلله حبيبتي نروح على البيت

دنيا:-يلله – وتبدا ترتب كتبها وتحطها بشنطتها مع اقلامها ونظاراتها وعفستها—

وتبدل ملابسها وتطلع وياه



دنيا بالطريق:-معاذ حبيبي

معاذ:-هلا دنيتي

دنيا:-حبي انا ابي اممممممم ابي اطفال

معاذ يتنهد ويتمالك اعصابه ويسكت شوي:-ان شاء الله عيوني

دنيا:-ايه اتكلم جد والله انا ابي اطفال وش اسوي بتخرج وبخلص ورح اروح اشتغل هناك يكونوا عندي اطفال بجنبي

معاذ:-حبيبتي قفلي الموضوع هذا

دنيا:-حبي انت عقيم؟

معاذ يحاول مايعصب عليها:-لا بس موضوع اطفال انسيه

دنيا:- معاذ ليه عشان انت اسود ترى والله راضضيه فيك

معاذ:-مو على السواد بس انسي موضوع الاطفال وبس

دنيا:-يوووه معاذ من جدك انت وش انساه هذي هاه؟؟؟؟

معاذ:-حبيبتي اسكتي احسن لك

دنيا تتافف وتناظر الشارع..

معاذ مايبيها تفتح موضوع الاطفال

عشان مايكونوا نقطه ضعفه ضد العصابه .. لما يتخلص منهم بيقرر هالامر...



معاذ:-حبيبتي لاتزعلين

دنيا:-ما ازعل وانت تبي تحرمني من الامومه

معاذ:-والله ما اقصد احرمك من امومه بس انا فيه شي لما انتهي منه في شغلي والله اقرر بموضوع الاطفال..

دنيا:-لا يامعاذ لا انا قلت لك ابي اكون ام وبس

معاذ:-حبيبتي انسي اطفال اوكي؟؟؟؟

دنيا:-ليه النذاله ليه..عشاني كنت حامل واجهضت لما اغتصبت يعني..—وتتجمع دموعها—

معاذ:-والله مب هذا قصدي والله كل قصدي اني انهي موضوعي واشوف نهايتي كيف بتكون معاهم بعدين

نجيب اطفال ونكون اسره

دنيا:-انساهم انت بقلبي ولي خلاص يامعاذ كل مافاتحتك بموضوع شخصي يخصنا تجيب طاريهم..

معاذ:-شغلي مو بسيط عشان ما اجيب طاريهم

دنيا:-انساهم لو يوم وابقى وياي بعالم العشق والحب..من تزوجتك للحين وانت تجبرني على حبوب منع الحمل

معاذ:-لاني ما ابي يعذبوني بعيالي وفيك افهمي يادنيتي

دنيا:-نروح السعوديه ودور لك شغل هناك واترك كل شي هنا وبس

معاذ:-مو بالساهل ياقلب معاذ

دنيا انقهرت وطفشت وسكتت..



اول ماوصلوا بيتهم..

تنزل وتبدل ملابسها

تفرش سجادتها زي كل مره وتدعي ربها...



تخلص من هالامر وتروح تبلس بجامه مريحه وتنسدح وتعطي معاذ ظهرها..

معاذ:-دنيتي حبي

دنيا:-..................<ساكته..

معاذ:-حبيبتي خلاص لاتزعلي مني كلها وقت قريب واكون ساعتها مكونين عائلتنا

دنيا:-.................<مارضت تحكي

معاذ:-دنيتي بكره لاتجين معاي ادرسي هنا على راحتك اوكي؟؟

دنيا:-.....................

معاذ ماحب الاصرار:-تصبحين على خير

وينام......



دنيا حست بقهر ودموعها تنزل والسكوت يعمها لكن البركان ما انفجر بداخلها

ومسكينه فعلا =(







╗◄ رواية :- صبر جميل والله المستعان ►╔





إنتــــهـــــى...

تسلمين
لج مني كل ود
واحلى ورد
http://www.gsaidlil.com/vb/images/icons/rose.gifhttp://www.gsaidlil.com/vb/images/icons/rose.gifhttp://www.gsaidlil.com/vb/images/icons/rose.gif

هلافيك
نورتي ...،

http://forums.hawalive.com/storeimg/Hawa_1339900767_854.gif

يسلمو قلبي عالطرح الرائع

وربي مايحرمنا من تواجدك وجديدك الراقي

بُوْرِكَ الْجَهْدَ وَالْقَلْبْ
ول ِروحكْ هَذِهْ http://www.aljsad.net/images/smilies/flow.gif

http://im3.gulfup.com/2011-06-06/1307381285301.gif

وصوف
http://im3.gulfup.com/2011-06-06/1307381285301.gif

300
روعه بجد هالروايه

http://center.jeddahbikers.com/uploads/jb13176693132.gif

روعه ي قلبي ان شاء الله

http://center.jeddahbikers.com/uploads/jb13176693132.gif

http://www.gsaidlil.com/vb/mwaextraedit4/extra/55.gif

http://center.jeddahbikers.com/uploads/jb13176693132.gif