الوقت رمحه سطا فالصدر وانساب
و وقاتنا لو نرخصها ثمينه .

والفقر ياناقدي لو طال ماعاب
العيب من نفسه وذله يهينه .

. والرزق له باب مهما ينقفل باب
الرازق الله / ولا أنتم مانعينه .

. ومدينتي لا غدت لي قهر وانشاب
ارحل واحاول أكون لي مدينه .

. لاضجت بداخلي لوعات وعتاب
ارض الله الواسعه فيها سكينه .

. شديت حيلي وحملي جهد واتعاب
واجهت موج البحر عزم وغبينه .

. صبرت والجرح ينزف مابعد طاب
وفي بر الآمان وصلت السفينه .

. أضحك تعجّب ولاهي ضحكة اعجاب!
واستنكر الضحك فالنفس الحزينه! .

. وين العدل ! لا أمتثل للعدل كذاب ؟
وين الادانه وحقي من يدينه ؟ .

. يضيع حق ٍ وراه انسان طلاّب
لاصار ماهو ب/الايمان الأمينه .

. خسرت لكن أسرت اصحاب الألباب
وعن هزل غيري تصيدت السمينه .

. اكون للي جهلني صفحة اكتاب
وكتاب صدري عناوينه / كنينه .

. أحد ٍ لو تجيب روحه قال وش جاب؟
وحّد ٍ ولو تبتسم بيّن بعينه .

. باعوني الناس وقبل الناس / الاقراب
ظلم وخطا بغض واجحاف وضغينه .

. واقفيت اسوي عذر وآدوّر اسباب
لقيتهم شوك وطيبي ياسمينه .

. احد ٍ دموعه ترسب بين الأهداب
وحّد ٍ على طول تنزل دمعتينه .

. عن حكي من يشتم ويكذب ويغتاب
حطيت في ذي طين وذي عجينه .

. بعض البشر فعله بكلمه وترحاب !
والبعض فعله يجيبه من يمينه .

. كم شيخ ماينفع اقرابه والاغراب !
وكم ولد لاش ٍ ولاتقصر يدينه .

. سمو ذاتي قتل حاسد وكذاب
وطيبي خلق لي علاقات ٍ متينه .

. الليث ياصاحبي ماهاب / ينهآب
ينهآب حتى لو يفارق عرينه .

http://center.jeddahbikers.com/uploads/jb13176693131.gif

إبـــــداااع

تسلميـــن ..

http://center.jeddahbikers.com/uploads/jb13176693133.gif (http://center.jeddahbikers.com/)

. سمو ذاتي قتل حاسد وكذاب
وطيبي خلق لي علاقات ٍ متينه .

. الليث ياصاحبي ماهاب / ينهآب
ينهآب حتى لو يفارق عرينه . (http://www.gsaidlil.com/vb/search.php?do=finduser&u=11260&starteronly=1)


لاهنتي يالغلا

وصح لسانك ولسان شاعرها

http://www.gmrup.com/d3/up13248343101.gif

http://www.mshgl.com/uploadcenter/uploads/11-2011/PIC-816-1321055952.gif

http://center.jeddahbikers.com/uploads/jb13240387821.png (http://center.jeddahbikers.com/)