" كبرياء رجل وشذوذ إمرأه "
بقلم: *غروب*الشمس*


أبطال القصه( نبذه مختصره عنهم)
"
"
"
( عائلة بومسعود وهي عائله صغيره تسكن في الشرقيه
رحل عنها الوالد وأصبحت الأم هي اساس العائله... بعد
المشاكل الي صارت بينها وبين العمام بعد وفاة الأب
<<راح نتطرق لها بالتفصيل فيما بعد
والعائله مكونه من )
أم مسعود..أرمله تسعى لسعادة أبنائها
مسعود الأخ الأكبر في العائله موظف في الحكومه ومتزوج
من شيخه بنت خاله
وعندهم ثلاث أطفال ..محمد عمره 12 سنه..سعد عمره 10
سنوات...شهد عمرها 5 سنوات
"
مالك... وهو دكتور بيطري..أعزب
"
مرام..الأخت الخدوم المدبره ..فاتحه لها مشغل على القد
"
رغد..الأخت الصغرى والمدللـه
//
\\
الخال بوطلال..وهو الاخ الوحيد لأم مسعود وهو من وقف
مع أخته وقفه مستحيل تنساها وله من الأبناء
"
شيخه.. زوجة مسعود المضحيه ..لها وقفات جميله جدا
"
طلال ..وهو الإبن الوحيد ..يدرس في جامعة البترول آخر سنه
"
شيماء...البنت المزوح الي دمها مثل العسل
"
شمسه هذي أصغر البنات زنانه وحنانه كثير
//
\\
في الرياض ....
(عائلة بونواف.... وهو الأخ الأكبر لأبو مسعود ..وأبو
تركي..ولديه من الأبناء)
"
نواف...الإبن الأكبر..في دوامة الشركات وتنمية الأموال
"
صيته... وهي بنت رقيقه وحساسه ... تدرس حاسب
"
نوره... كيان البيت ومن يقدر يرفض لها طلب ..هي ومن
بعدها الطوفان بالنسبه للأغلبيه..
"
طارق... الإبن الأصغر في العايله ...وفاكهة البيت بالنسبه
لهم.
"
أم عبد الرحمن.... وهي جدتهم لأمهم (أم نواف) وهي مثال
الجده في كل بيت ...مصدر الحنان والحب
//
\\
( عائلة بو تركي....
"
تركي... الإبن الأكبر والمتحكم في الكل... وخالق المشاكل لهم
"
نوف.. البنت الجميله والحساسه.... صديقة صيته الروح
بالروح ومستودع أسرارها والمغلوب على أمرها
"
ميثه... ذات الشخصيه الحاده والطباع الهجوميه لكن مو على
الكل
"
صالح..الإبن الاصغر ..سنا وعقلا

&&&&&&&

البارت الأول

في الرياض وفي فيلا بو نواف بالذات
في الغرفة الباردة والإضاءة الحالمة كانت جالسه على
الكمبيوتر..عينها ما تقدر حتى ترمشها ...يدق جوالها
,,,,
نوره" هااااااي
سلوى" مراحب يا عسل
نوره بدلع" ليه تأخرتي ...لاتقولين لي ما راح تجين
سلوى" محتاره والله كثير
نوره" ليه خير وش صار
سلوى" سلامتك لكن تقولين الليله راح يجون لكم ضيوف
نوره" وش دخلك فيهم إنت
سلوى" أستحي يا بنت الناس... خلاص ما راح أجي
نوره" ما راح تجين؟؟ طيب بالبلى
تسكر نوره الجوال وترميه على السرير بدون إهتمام وتنزل
تحت ...لقت الكل شاط عمره يجهز ويرتب
,,
نوره تنادي" مامي..مامي
أم نواف" عيونها إنت
نوره" متملله كثير...خاطري أطلع
أم نواف" عيوني لك ...إنت تامرين يا قلبي
نوره بدلع" ثانكس مامي
أم نواف تلمها لها " من لي غيرك يا قلب مامي إنت
,,
فوق وبنفس البيت لكن في زاويه ثانيه كانت جالسه عند
المرايه تمشط شعرها الأسود وهي سارحة بعالم ثاني
وعلى وجهها ابتسامه ساحره
يدق الباب دقات خفيفه
صيته بصوتها الملائكي" أيوه
يفتح الباب بهدوء وتطلع من وراه إمرأه كبيره بالسن متعكزة
بعصا كبيره
صيته بابتسامه عريضة" ياهلا وغلا ومليون مرحبا
أم عبد الرحمن" هههه بالمهلي يا بعد هلي
صيته تقوم بسرعة وتمسك جدتها من يدها وتجلسها على
الأريكة إلي جنبها
صيته وهي تنفخ" تو مانورت الغرفة يا الغالية
أم عبد الرحمن" هههه أكثر من نورك مافي نور يا بنيتي
صيته"ههههه
أم عبد الرحمن" وش ذا الزين كله
صيته" أنا؟؟
أم عبد الرحمن" لا أنا
صيته بخجل"هههه مو أحلى منك
أم عبد الرحمن" هههه ضحكتيني وأنا ماودي
صيته بزعل" وليه يا الغالية وش مزعلك
أم عبد الرحمن تمسح دموعها" فراقك يا قمر هو الي مزعلني
تجلس صيته على ركبها وتبوس يد جدتها" والي يسمعك
يقول صار شي .... تونا بدري
أم عبد الرحمن" هههه وش بلاك مستعجلة هاااا
صيته وجهها أحمر" أنا ...لا والله
أم عبد الرحمن" هههههه
تفتح الباب أم نواف " يالله يمه الجماعة على وصول
صيته" إن شاء الله يمه
أم عبد الرحمن توقف" يالله شكلي أنا الي مأخرتها أقوم أمدد
رجيلاتي قبل لا يجوون
,,
في الصاله في بيت بو نواف
نواف" السلام عليكم
أم نواف" وعليكم السلام يمه ...هلا حياك
نواف يتأوه" آآآآآآآآه
أم نواف" بسم الله عليك من الآه يمه ...وش بلاك
رسم نواف على وجهه إبتسامه جميله" أبد يمه ...تدرين
الشغل كثير والله ما نلحق نشرب كاسة شاي
أم نواف بهدوء" وأنا أمك أبدى علينا صحتك يا ولدي
نواف" هههه لاتخافين علي يمه أنا قدها
وهم كذا تنزل نوره بكامل أناقتها كانت لابسه برمودا جنز
وبلوزه بيضه كت وفوقه حزام عريض كله كريستال وفارده
شعرها على ظهرها وحاطه لها مكياج خفيف
نوره" هلا بأخوي حبيبي
نواف" هلا بيك والله ...وش هالزين
نوره مبسوطه" الحلو حلو لو قاعد من نومه
أم نواف" ههههه والله إن هالبنت شايفه روحها بزود
نوره بزعل" ليش يمه موقدها
أم نواف" إلا قدها ونص بعد ...لو مو نوره تفخر بجمالها
منو الي يفخر بعدها
نوره بإبتسامه عريضه"إي أشوه
نواف يطالعهم ويضحك" ما تقولين لي بالله منهي العروس
اليوم؟؟؟
أم نواف" يوه وش بلاك وهذا إلي هو إنت تقول كذا
والعريس من جهتك
نواف" هههه شوفي نوره وش مسويه بحالها .....ما أنلام لين
شكيت
نوره بدلع " نو نو ...أنا معزومه عند صديقتي سلوى
نواف بإستغراب" متى؟؟
نوره "الحين السواق بياخذني
نواف معصب" مو بكيفك ..خليك ويا أختك
نوره بزعل" وش بسوي لها أنا
نواف" هي محتاجه يكون أحد بجنبها اليوم
نوره بتأفف " مالي خلق أبغي أطلع ...متملله
نواف بصوت عالي" ماأبغي كثرة حكي ...قلت لك روحي
فوق
أم نواف تتدارك الموقف وتغمز لنوره" روحي يمه وسمعي
كلام أخوك
نوره بضيق"أووووووووووووووف
صعدت نوره فوق وهي تتحلطم بس ما كان مفهوم شي من
الي قالته
أم نواف تلتفت على ولدها" وش بلاك كسرت بخاطرها
نواف عصب " وش بلاكم إنتوا يمه ....مو المفروض تكون
بجنب إختها بمثل هذا اليوم ... ولا نوره ما ينقال لها لا
ترك نواف أمه وراح صعد فوق
\\
//
في الشرقيه وفي بيت أم مسعود بالذات
شيخه" عنك عمه
أم مسعود" مايصير يمه كل شي عليك
شيخه" أنا مو لحالي .... العامله على وصول
أم مسعود" والله وش أقولك
شيخه" لاتقولين شي ....روحي إرتاحي
رغد" تبغون مساعده
شيخه" لا روحي راجعي دروسك إنت ثانويه عامه
ولا نسيتي
رغد" والله ما نسيت ... ودي أنسى لكن النسبه ما ترحم
شيخه" ههههه وهذا إنتي الممتازة تقولين كذا غيرك وش
يقول
رغد تتصنع البكي" تكفين قولي ما شاء الله ولا تحطين
عينك علي
شيخه" جعلك بالبلى يعني أنا راح أحسدك
رغد" هههه أمزح معك ...لاتزعلين
شيخه" روحي من خلقتي ...لا بالله أخليك عشا للضيوف
رغد" بسم الله علي....وبعدين ضيوف وضيوف
ما تقولون لي من؟؟
شيخه" هذا يا طويلة العمر صديق مالك الي كان يدرس
معه بجده... جاي يومين الشرقيه
رغد" بـــــــــــــــس؟؟
شيخه" إي بس وأخوي وأبوي
رغد" أها قلتيلي... على شان كذا ذابحه نفسك
شيخه" أقول ضفي وجهك عني دام النفس عليك طيبه
رغد" طيب طيب.... براحتك توفرين علي جهد
\\
//
في بيت بو نواف
أم عبد الرحمن " ياهلا والله ...نورتونا
أم سعيد" بالمهلي والله
أم نواف" ما عرفتينا يا أم سعيد
أم سعيد" هذي مرت ولدي سعيد.... وهذي بنتي أمل
أم نواف" ياهلا ومرحبا والله
الكل" هلا بيك
أم سعيد" وين عروستنا ..يا أم نواف
أم نواف " دقيقتين وهي جايه
,,
بعد ربع ساعه
نوره وصيته" السلام عليكم
أم سعيد" ياهلا والله وعليكم السلام
صيته بتموت من الإحراج" .........
أم سعيد" حياك يمه ... تعالي يا غالية
صيته ترفع راسها بس وش شافت؟؟؟؟؟
كانت أم سعيد طايره عيونها على نوره ومو دايره بال لصيته
أم عبد الرحمن وهي تأشر على صيته" هذي صيته يا أم سعيد
أم سعيد تطالع صيته" بسم الله ما شاء الله ....
أمل" مرحبا
صيته بابتسامة خجل" مراحب
أمل" ما عرفتينا بنفسك يا حلوه
نوره بدلع" نوره... ويدلعوني النور
أمل " الله يحفظك من عيون الناس
نوره" هاهاي لاتخافين علي أقرا على نفسي على طول
أم سعيد" هههههه والله جمال ودم خفيف بعد
صيته تطالعهم بدون ولا كلمه".............
أم سعيد"وكم عمرك يا الغلا
نوره تطالع صيته وتتكلم بثقه" بعد شهرين بكمل العشرين يا خاله
أمل" والله الي يشوفك يعطيك أقل من كذا بكثير
نوره" هاهاهاي من ذوقك...كثير يقولون لي
أم عبد الرحمن تطالعهم وحاطه يدها على قلبها"...........
أم سعيد" وإنتي يا بعدي مو مرتبطه
نوره تتصنع الخجل" ......
أم نواف " لاوالله يا أم سعيد للآن ما جا الي يستاهلها
أم سعيد تحوس بشنطتها وتطلع صوره كبيره لمحمد وتروح
تجلس جنب نوره " وش رايك فيه يمه
نوره إرتبكت".............
أم عبد الرحمن بحزم" إحنا كنا نفكر إن صيته هي المطلوبة يا ام سعيد مو نوره
أم سعيد" إي والله وصيته ما تتعيب لكن نوره دخلت لقلبي
بدون سابق إنذار وتمنيتها لولدي محمد
صيته لفت فيها الدنيا وما تكلمت وسحبت نفسها من عندهم
أم عبد الرحمن قامت والشر يتطاير من عيونها" يالله...يالله
ورونا طولكم
أم نواف منحرجة" يمه مو كذا
نوره تركتهم و الإبتسامه ما فارقت وجهها
أم عبد الرحمن"إحنا ما عندنا بنات للزواج
أم سعيد" وش بلاك يا أم عبد الرحمن ...الزواج قسمه
ونصيب
أم عبد الرحمن" هذا الكلام تقولينه لنفسك مو لي
أم نواف" يمه الله يهداك ... مو كذا
أم عبد الرحمن معصبه" أجل كيف .... على العموم أنا
أعرف من أكلم
راحت أم عبد الرحمن من جنبهم وخذت جوالها الي مافيه
غير ثلاث أرقام بس ... الي هم رقم نواف وطارق وصيته
دقت الرقم على نواف
,,
أم عبد الرحمن بحزم" الووووو
طارق يغني لها " ما إتصلتي .... ما سألتي .... ولا قلتي
فلان شخباره
أم عبد الرحمن" عسى يتصل عليك عزرائيل قول آمين
طارق" آآآآآآآآآآآآمين
أم عبد الرحمن" قول بسم الله علي يا الدثوي
طارق بحنان" وش بلاه القمر زعلان
أم عبد الرحمن" جعلك ما يطلع لك قمر غيره قول آمين
طارق بيموت ضحك" بسم الله علي يا الد....
أم عبد الرحمن" قولها قولها ... وليش ساكت
طارق" روقي يا عسل وش صار
أم عبد الرحمن تبكي" وين نواف
طارق إنزعج" خير يمه
أم عبد الرحمن " خيروك بين جهنم وبين عذاب القبر قول آمين
طارق بدون مايرد مع إنه بيموت ضحك سلم الجوال لنواف
الي هو بدوره من سمع جدته تبكي دخل لها داخل
,,
نواف" خير يا أم عبد الرحمن وش له البكي
أم عبد الرحمن "هذي أم سعيد الله لايربحها قول آمين
يوم شافت نوره إنهبلت عليها تقول مو شايفه خير وتروح
تخطبها لمحمد بدل صيته .... ليه يعني صيته ناقصها جمال
ولا ناقصها جمال... بعد عيني بنيتي
نواف مذهول "وصيته؟؟
أم عبد الرحمن تبكي" يا بعد هلي ... يوم سمعت كلامهم
صعدت فوق بغرفتها وما أدري وش حالها
نواف متأثر كثير" طولي بالك إنت الحين وأنا بروح أشوفها
أم عبد الرحمن" تكفى يا ولدي
نواف طبطب على كتف جدته يهديها وصعد فوق في غرفة صيته
,,
كانت قدام المرايه تطالع بحالها... قوام ممشوق مثل المليكان
طولها متوسط وشعرها أسود غليض للأكتاف وملامح ناعمه
مثل ملامح الأطفال كانت لابسه فستان كحلي قصير وفيه
حزام عريض فضي وكانت منتهى النعومة والجمال....
كانت تلف على نفسها وتقول بخاطرها .... وش ناقصك يا
صيته حتى يفضلون نوره عليك ...وهذي مو أول مره
صارت قبل كذا .....أنا ما أنكر إن نوره تنحب بسبب جمالها
وجاذبيتها ...وأنا وش يعيبني.... يمكن الخجول والهادئ
بهاليومين ما عادت الناس ترغب فيه.... ولا ايش
يدق الباب عليها... صارت تطالع نفسها بالمرايه وتحاول
تعدل من شكلها
صيته" أيوه
نواف" مساء الخير
صيته بإبتسامه" مساء الخيرات والليرات
نواف وهو يجلس بجنبها" هاا وش صار تحت
صيته تتصنع اللا مبالاه" عادي
نواف" عادي وجدتك مموته نفسها من البكي
صيته إنزعجت" من جدك؟؟
نواف" إي بالله
صيته قامت من جنبه لكنه مسك يدها
نواف" على وين
صيته" بشوف جدتي
نواف " ما راح تقولين وش صار
صيته تجلس جنبه" هههه عادي شافوا نوره وعجبتهم و....
بس
نواف" ذولا قليلين أصل .... وإحنا راح نرفضهم
صيته فتحت عيونها على الآخر" لابالله ما تسويها يا خوي
نواف مستغرب".........
صيته" لاتوقف بطريق نوره... ومثل ما قال الرسول الأكرم
"إذا جائكم من ترضون دينه ونسبه فزوجوه"
نواف يطالعها بإعجاب " هذا رايك
صيته" إي بالله
لم نواف صيته لحضنه وباسها بين عيونها" الله يجيب لك الي
يستاهلك
\\
//
في بيت بو مسعود
مالك" ياهلا وغلا والله ...تو ما نورت الشرقيه
ماجد" هلا بتوأمي ... والله لك وحشه
مالك" أشوفك جياتك كثيره ..لدرجه إني مليت مطالع وجهك
ماجد" مايكفيك تلفونات كل بين يومين لازم أدق عليك ..حتى
تجيني الفاتوره صلخ على ظهري
مالك" هههههههه...لايكون ما نستاهل
ماجد" أفا بس عيوني لك والله
طلال" وش هالزين نطلع منها إحنا يعني
ماجد إنحرج" إنتوا الخير والبركه
مسعود" نتمنى ما تكون آخر زياره لنا
ماجد" والله أنا ودي لكن تدرون جده بعيده إلا إذا...
مالك" ها إلا إذا وشووو ....
ماجد وهو يضحك" بتزوجني وحده من خواتك
مالك بهجوم" ما عندنا خوات للزواج
الكل إلا طلال" ههههههههههه
مالك" وش رايك تنقل هنا بالشرقية
ماجد" لا.... أنقل أنا الجامعة ما كملتها تقولي أجي هنا
مسعود" إلا صحيح و ليش ما كملت دراستك
ماجد" والله يا خوي أنا التجاره تجري بعروقي مثل الدم
مالي في شغل الحيوانات هذا
مالك" ههههههه إسكت بس لاتخليني أطلع فضايحك
ماجد" هههه تبيني أقتلك وربي
مسعود" وش فضايحه بعد
مالك" تخيلوا بالجامعة كان يجيب لنا عطورات إخته والشنط
الي تشتريهم يقولنا إخذوهم هدايا لخواتكم...ويبيعهم على
الطلبه
ماجد" هههه الله يرج إبليسك
مالك" ولا هذاك اليوم يوم تشوف الدكتور المصري متضايق
تروح تقوله أنا أضبطك بكم رقم ههههههههه ويقوم يشتكيك
للإداره ويفصلونك إسبوعين
ماجد" ههههه مالك تكفى بس الله يخليك
ظلوا كذا طول الليل والجلسه ما تنمل بينهم وبعدين ماجد
إستأذن مالك إنه يروح للفندق
مالك بزعل " أنا هذي أحسها إهانه في حقي.... ولا لأن
البيت مو قد المقام
ماجد تضايق" أفا بس المكان إلي إنت فيه يكون جنه وربي
مالك" أجل نروح الفندق ونجيب أغراضك وننام هنا راسنا
براس بعض مثل قبل
ماجد بابتسامه" صار يا الغالي ... تدري فيني ما أقدر فيك
مالك مبسوط" مشينا؟؟
ماجد ويده على كتفه" مشينا

البارت الثاني


مالك" أجل نروح الفندق ونجيب أغراضك وننام هنا راسنا
براس بعض مثل قبل
ماجد بابتسامه" صار يا الغالي... تدري فيني ما أقدر فيك
مالك مبسوط" مشينا؟؟
ماجد ويده على كتفه" مشينا
\\
//
في الرياض وفي بيت بونواف
كانت نوره جالسه على شاشة الكمبيوتر دق الباب عندها
نوره" أيوه
نواف" مساء الخير.... مانمت؟؟
نوره" مساء الخيرات.... بكره ما عندي محاضرات
نواف " وش جالسه تسوين
نوره" مثل ما إنت شايف على المسنجر
نواف" أهااا
نوره" خير؟؟ جيتك غريبه
نواف" مو عارفه السبب؟؟
نوره بثقه" ولو عارفه .... أبغي أسمع منك
نواف صدره ضايق مره" على هوا ما سمعت إن الخطاب
اليوم طلبوك إنتي بدل صيته
نوره بلا مبالاه" وإنت جاي تحط اللوم علي؟؟
نواف" هههه أنا؟؟
نوره"..........
نواف بهدوء" أنا جاي آخذ رايك
نوره بذهول" نعم ؟؟؟ في وشو
نواف يكلمها بجديه" في العريس طبعا
نوره تهز له يدها" إنسى إنسى
نواف" بس هو رجال محترم كثير
نوره" لو ملك... ماخذته وهو كان قاصد صيته
نواف بإستغراب" بس صيته ماعندها مشكله
نوره بدون إهتمام" لكن أنا عندي
نواف منصدم" يعني أبلغهم الرفض
نوره" طبعا... وبدون نقاش
نواف" براحتك... تبغين شي ؟
نوره بضيق" لا ... خلني بنام
نواف " تصبحين على خير
نوره" وإنت بعد
طلع نواف وهو الإستغراب مالي وجهه وكأنه مستغرب ردة
فعلها ...هي بدورها رجعت على الماسنجر

نوره" هلا وغلا أنا معك
سلوى " وين رحتي
نوره" أبد أخوي كان عندي
سلوى "أهااا.... الوسيم
نوره " لاتحلمين ....
سلوى" خليني أحلم ...الحلم ببلاش
نوره" سلوى دقيقه ...المحب دخل ... خليني أسلم عليه
سلوى" خلاص أنا بروح أنام .... وراي جامعه بكره
نوره" باااااااي
سلوى" باااااي
المحب"مساء الورد والياسمين
عشوق*نوره*" مساءك أحلى
المحب" وش هالتغلي يا الغاليه
عشوق " أنا هاهاهاي
المحب" تسلم لي الضحكة يا رب
عشوق " ما قلت لي من أي منطقه بالسعودية
المحب " أنا ؟؟؟من أبها
عشوق " الله خاطري أصيف فيها
المحب" والله تكون فكره حلوه حتى أشوفك
عشوق " هههه أكيد تحلم
المحب" عشوق ....من أي منطقه
عشوق" مهم تعرف ؟؟
المحب" إذا مو حابه بلاها..أنا إسمي خالد وعمري 25سنه
عشوق" ما أدري ليه كلكم تقولون إسمكم خالد
المحب" لا بالله هذا إسمي الحقيقي
عشوق" أحلى الأسامي
المحب" تسلمين لي يا حبي...وإنتي؟؟
عشوق" هاهاهاي أنا؟؟؟؟ أنا عشوق
المحب بوله" والله إنحفر بقلبي
عشوق" تدرس ...ولاااا
المحب" أنا أشتغل بالبنك
عشوق" اهاا حلو كثير
المحب" موأحلى منك يانبض قلبي
عشوق" ههههههههه
المحب" أحد يمك
عشوق بإستغراب" لا ليه؟؟
المحب " برسل لك شي ودي تشوفينه
عشوق بخوف" لايكون قلة حيا
المحب" أفا بس ...هذي صورتي
نوره صارت تضحك وتقول بخاطرها والله وطلعت وسيم
المحب" وش رايك
عشوق بثقه " لك بالوسامه القليل
المحب" وإنت وش مواصفاتك
عشوق" كل ما تحب فيني
المحب" خصصي
عشوق " وش قصدك
المحب" وصفي لي قوامك.... شعرك .... بشرتك
عشوق" بلاك إنجنيت؟؟؟
المحب" والله من زود ولعي فيك.... خاطري تكونين يمي
عشوق" صحيح قليل حيا
نوره طنشته وسكرت الماسنجر وسوت له حظر وقررت
إنها تروح تنام شوي ....
وكلام أم سعيد وأمل يرن بإذنها ونظراتهم ما عادت تروح
من خيالها
\\
//
اليوم الثاني.... بالشرقية
مالك" صباح الخير عمري
مرام" صباح الفل...والياسمين يازين الشباب
مالك" هههه صعبتي علي المهمه
مرام" أفا بس آمرني
مالك" إختي ...ما عليك أمر ضبطي لنا فطور على ذوقك
مرام " عيوني لك... تبغي شي معين
مالك" الي بتسوينه بناكله ... كل شي منك حلو
بس أهم شي النسكافيه...لأن خوينا ما يفتح ريقه إلا فيه
مرام " عطني ثلث ساعه ...ويكون كل شي جاهز
مالك يعطيها بوسه بالهوا " يسلموووووووو
راح مالك للمجلس الي كان ماجد نايم فيه
,,
مالك بصوت عالي" لحقونا يا ناس ...حريقه بنموت
فز ماجد من نومه" هااااااا وين وين
مالك" هههههههههههههه
ماجد تنرفز" صحيح إنك دلخ
مالك" تكفى ترجم
ماجد" إنقلع عن وجهي...قم بس قم
مالك" أفا يا الحبيب ....زعلت؟؟؟
ماجد" لا والله مجلسني صوت الكروان وما تبغيني أزعل
مالك"ههههههههههه... قوم غسل وجهك وخلينا نفطر وبعدين
أوديك الكورنيش تاخذ لك كم صوره
ماجد" ههههههه تفكرني جايك من عرعر...تراها جده مليانه
بحور
مالك" بس إحنا بحرنا غير.... دمامنا غير<<< يابعدي والله
ماجد" الله يهديك.... مخك ملحوس
مالك بإستعباط" ومنو الي لحسه دلني عليه
ماجد تنرفز" أقوم أغسل وجهي والعن ابليس
مالك" والله كفو ههههه
,,
جهزت مرام الفطور لمالك ونادته حتى يجي ياخذه
مالك" تسلم الأيادي مرايم
مرام " وأياديك... بس تخلص أكون جاهزه
مالك" ما ودك بيوم راحه؟؟
مرام " ما أقدر تدري كل شي على ظهري
مالك" براحتك يا عسل ...جهزي حالك هاااا تكفين لاتأخرينا
مرام " أنا جاهزه من الحين
مالك" خير إن شاء الله
\\
//
في الرياض وفي بيت بو تركي كانوا جالسين على طاولة
الأكل والكل ساكت << وكأن على رؤسهم الطير
تركي بحده" ومنو مسوي ذا البيض
الكل"...........
تركي عصب" يمــــــــه .... منو مهبب ذا الأكل
أم تركي مرتبكه"وش بلاه يا ولدي
تركي معصب" أنا سألت سؤال محدد
نوف بخوف" أنا يا ......أخوي
مالقت نوف إلا بصحن البيض يرميه بوجهها وصرخت ميثه
صرخه لكن بعد نظرات تركي لها جلست ساكته وما نطقت
بحرف
نوف حاطه يدها على وجهها ودموعها عيت توقف
تركي بإشمئزاز" كم مره قلت لك لاتحركين شي هاااا
نوف"...........
أم تركي" تركي الي تسويه ذا ما يرضي ربك
تركي معصب" ما يرضي ربي؟؟ كم مره قلت لكم هذي
المشوهه لاعاد تلمس أكلي ...تجيني لوعه بكبدي وودي
أستفرغ من أشوفها
نوف بعد كلامه أطلقت العنان لدموعها وصارت مثل السيل
على خدودها
ترك تركي السفره بعد ما رمى كاسة الشاي على السفره
وصعد فوق
في هذا الوقت لمت أم تركي بنتها لحضنها وصارت تبكي
معها
ميثه معصبه وتبكي" أيا الخسيس ...جعلك وجع ببطنك ...
جعلك بمرض خبيث يسري بدمك لين تموت
أم تركي بحده" جعل قص بلسانك ....لاتنسين إنه أخوك
ميثه تبكي " وش ذنب نوف هااااا
نوف تحاول تهدي نفسها" أنا مو زعلانه ..هذا شي واقع ليش
ننكره
ميثه " الي يسمعه من طهارته
تركي وهو نازل من على الدرج يصرخ" كأني سمعت شي
أم تركي تحاول تهديه" يمه إذكر ربك
تركي يصرخ" خليني أربيها بنت ال.....
وصار يضرب في ميثه لحد ما بغت تقطع النفس وأمه
تصرخ عليه لكنه ولاكأنه غير وحش ما يسمع لأحد
حطت نوف نفسها بينه وبين ميثه وصار يدوس عليها
برجوله لحد ما سمع صوت من بره
أبو تركي" كسر برجولك يا إبن ال........
وقف تركي ورجع لوراه والبنات تحته يتصارخون
أبو تركي" لعن الله اليوم الي انخلقت فيه
أم تركي تحاول تهديه" إذكر الله يا بو تركي
أبو تركي يبغي يضربه لكن نوف وقفت في وجه أبوها وهي
تبكي بحق" تكفى يبه على شاني
أبو تركي تراجع" إطلع من بيتي ....قلبي مو راضي عليك
إلى يوم الدين
تركي والدم يفور من راسه طلع وأمه تنادي عليه وهو مو
ماعطيها وجه
\\
//
طلع مالك وماجد السياره وكانوا ينتظرون مرام الي طلعت
وهي بكامل عفافها وإحتشامها ...وبعد ماجد ما تجرأ إنه
يرفع عينه لها وبعد ما دخلت السياره سلمت بصوت بالكاد
يكون مسموع وردوا عليها مالك وماجد السلام ... وصلوها
المشغل وراحوا لعند الكورنيش(الواجهة البحريه)
وقفوا السياره بعيد وصاروا يتمشون على البحر شوي
ويجلسون شوي
مالك" والله يا خوي عايشينها ... بالطول بالعرض عايشينها
ماجد" وبيت عمكم ما تدرون عنهم شي؟؟
مالك" لا والله من وفاة أبوي وإحنا ماندري عنهم شي
يعني لو أشوف ولد عمي يمشي يمنا ..صدقني ما راح أعرفه
ماجد" للدرجه هذي؟؟
مالك" هههه وأزود بعد... بالكاد أعرف أسماءهم
ماجد" ووشوا الأسباب الرئيسيه؟؟
مالك" يعني .... ورث وما ورث
ماجد" بس؟؟
مالك وقف وصار يطالع بماجد" لا ...
ماجد إرتبك" إذا ما ودك تتكلم مافي داعي
مالك يبتسم" لامو على كذا .... بس
ماجد يبغي يضيع السالفه وخصوصا إنه حس إن مالك
ماوده يتكلم" أقول يا خووووي
مالك" أمر
ماجد" يتراوالي المكان جديد علي
مالك" إي والله هذي الواجهة البحريه توهم مسوينها جديد
ماجد" والله حلوه كثير
مالك" هههههه ماقلت لك دمامنا غير
ماجد"هههه... بس ملاحظ أنا شي غريب هنا ....يمكن
مانشوفه عندنا
مالك" وشوووو
ماجد" ألاحظ التجمع كبير كثير ...وكأنهم أكثر من عائله
مالك" إي صحيح.... شوف يا ماجد ...شنو الدمام
ماجد" شنو يعني .... مدينه
مالك" إي قصدي إن الدمام ملتقى مدن عندنا يعني ماتشوف
ناس بالدمام يقولك أصلي دمامي ...مثلا... إحنا من الدمام
ولكن أصلنا من الرياض وكثير من الجنوب ساكنين هنا
وكثير من منطقة الأحساء بعد ... ومنطقة الأحساء أغلبيتهم
قروين والقروين تلاحظ فيهم إنهم يهتمون كثير بالعايله
فتلاقي حتى طلعاتهم سوا.... فهمت الحين
ماجد" ههههه فهمت يا فهيم
,,
وهم كذا ما شافوا إلا بنت تتحاجج مع شباب وصاروا
يطالعون بعض وبعدين راحوا ركض لها وعرفوا إنهم
يعاكسونها
مالك" خير ياختي ؟؟
البنت" هذول قليلين حيا ...يتحرشون فيني
ماجد يكلم مالك بصوت واطي" خلينا منهم مالنا دخل
مالك تنرفز وطالع البنت" روحي من قدامهم
الشباب" على وين... ياقمــــر
مالك بصرخه" في الي ما يحفظك يالنذل

عصبوا الشباب من مالك وصاروا يتضاربون معهم وما
شافوا مالك وماجد إلا الحلقه تكبر وتكبر عليهم وبعدين واحد
منهم طلع سكين بيضرب مالك لكن ماجد حط يده و تصوبت
... صرخ مالك صرخة عاليه من أثرها تفرقوا الشباب
وهربوا
مالك مفزوع" وش بك يا خوي
ماجد يحاول يهديه" بسيطه ....مومشكله
مالك يطالع يده ولاقاها تنزف ماحس بنفسه إلا وهو شايله
ويركض به... وقف سياره لأن سيارته بعيده وطلب منه
يوديه أقرب مستشفى وصلوا المستشفى ودخلوه الإسعافات
وضمدوا له جرحه وعطوه إبره ضد التسمم وطلبوا منه
يجلس عندهم يوم تحت الملاحظة... وبالرغم من أوضاع
مالك المادية إلا إنه طلب له غرفه خاصة وقرر إنه يجلس
معه..... لكن مالك تذكر مرام ودق على مسعود وخبره
بالي صار وطلب منه يروح يجيبها من المشغل
,,

بعد ما هدت الأوضاع
مالك" ها يا خوي عساك بخير
ماجد" ههه لاتخاف علي أنا حديد
مالك" إن شاء الله.... دوم يا رب
ماجد" والله الي صار من عينك
مالك بضيق" أنا ؟؟
ماجد " إي بالله إنت... ظليت تقولي وتصارخ دمامنا غير
و دمامنا غير ...لحد ما تأكدت إنها غير
مالك" ههههه أكرمنا بسكاتك ونام حتى ترتاح
ماجد" إي والله تصبح على خير ....
مالك " وإنت أغلى إنسان
ماجد بابتسامه" جلسني للصلاة...اوك
مالك" عيوني لك
ماجد" تسلم عيونك
,,
مسعود" الوووو
مرام " هلا والله ...إنت بره
مسعود" لا ... طلال بره رجعي معه
مرام مرتبكه " وليه؟؟
مسعود" شهد حرارتها مرتفعه وبوديها المستشفى
مرام " إي بس....
مسعود" لابس ولا شي... هو مثل أخوك... بياكلك يعني
سكر مسعود التلفون وما عطى مرام فرصه إنها تقول شي
,,
طلعت مرام وهي تجر رجولها جر وتخطي خطوه قدام
وخطوتين ورى... بس لقت شي طمنها كثير...
كانوا محمد وسعد أولاد أخوها معه
ركبت السياره من غير ما تتكلم بكلمه
طلال" وعليكم السلام
مرام بتموت من الخجل"...............
سعد" عمه ما دريتي وش صار
مرام ودها تعطيه كف على وجهه"..........
سعد يهزها" عمه ... عمه
مرام بدون ما تحس مسكت يده وعضته
سعد يصرخ"آآآآآآآآآآآآآآآآي
طلال " وش فيك يا سعد
سعد يبكي" عمه مرام عضتني
طلال بيموت من الضحك" ما هقيتها من القوارض
مرام بتموت من القهر بس مو قادره تتكلم"..............
سعد يبكي"طيب ياعميمه يا الشينه ما راح أقول لك إن
عمي مالك بالمستشفى
مرام بصدمه" أخوي ؟؟؟وش بلاه
طلال يتدارك الموقف" لا تخافين يا مرام هو بخير وعافيه
مرام وهي تبكي" طيب ليه بالمستشفى
طلال وهو قلبه عندها" خويه ماجد تعبان شوي
مرام" أكيد يا طلال
طلال إسمه يرقص على لسانها" إي بالله أكيد
مرام" طمنتي الله يطمنك
طلال وصل فيها البيت وهو مو حاس بنفسه مايدري عدى
على الإشارات وهي خضرا ولا كسر الإشارات الحمره

البارت الثالث

طلال وصل فيها البيت وهو مو حاس بنفسه مايدري عدى
على الإشارات وهي خضرا ولا كسر الإشارات الحمره
\\
//
\\
في اليوم الثاني.... وفي المستشفى
ماجد" تعبتك وياي يا خوي
مالك" أفا بس .... لاتزعلني
ماجد" يالله تامر على شي
مالك متضايق" وش بلاك ...أقولك إجلس عندنا يومين لحد
ما ترتاح..لكن إنت الله يهديك
ماجد" والله أنا ودي ...لكن تدري أنا مشغول
مالك وهو يلمه لصدره" خلينا نشوفك ... لاتغيب
ماجد يبتسم له" على خير إن شاء الله
\\
//
في الرياض وفي فيلا بو نواف كانوا الجماعة جالسين عند
المسبح ..وكانت أم عبد الرحمن جالسه تمشط شعرها
وتبلل المشط من موية المسبح وتدندن بإغنيه وكان طارق
يلاحظها وما شال عينه من عليها وبعدين صار يقول

طارق وهو يصفق " قاعده على الشط.... قاعده تمشط
..جاها الواوي قالها قومي ..قالت مابي
الكل "هههههههههه
أم عبد الرحمن حست فيه وما لقت قدامها غير شبشبها
..خذته ورمته عليه ...طارق صار يصرخ من الخوف
طارق" تكفين يا سحر بس
أم عبد الرحمن معصبه" سحرك جني بليلة ظلمه قول آمين
طارق" قولي قسم ....أوووه نسيت....بسم الله علي
أم عبد الرحمن صارت تبكي" الله يقصف عمرك وينتقم لي
منك...إهئ إهئ
طارق إنفجع يوم شاف جدته تبكي"............
نواف راح لها ركض"أروح فدوه لعيونك يمه
أم عبد الرحمن تطالعه وتغمز له "...............
نواف إرتاح كثير يوم عرف إنها مدبره لطارق مقلب وإنها
بخير بإذن الله.... صار نواف يطالع بطارق ... وطارق
وجهه ما ينعرف له لون ...وصار يأشر على نواف ..وش
الحل ...
نواف بحزم" تعال حب على راسها يمكن ترضى عليك
طارق متضايق على خايف " والله مو قصدي
أم عبد الرحمن تتبكبك" إنطم ...إلا قصدك وزود بعد
طارق راح يمها يحب على راسها"...........
أم عبد الرحمن يوم وقف يمها" جاك الموت يا تارك الصلاه
عرقلت له بعصاها وطاح بالمسبح ... وصارت تضحك من
قلبها لين كحت العافيه
طارق يضحك" ما هقيتك راعية مقالب يا شهرزاد
أم عبد الرحمن" شهر نقص من أشهرك ...يا الدثوي
طارق " هههههه مو بيدك....
أم عبد الرحمن" إنكتم ياحمار لايكون اجيك وأكسر راسك
طارق يضحك" هههه أتحداك يا عسل...
أم عبد الرحمن عصبت" تتحداني يا ملعون أوريك أنا ...
ترمي أم عبد الرحمن نفسها وراه بالمسبح
نواف صرخ" يمــــــــــــــه
أم عبد الرحمن تحاول تلقط النفس" لحقـــــــــــــــوني
ينط وراها نواف وطارق يمسكها ويرفعها ... وهي بدورها
ماخلت لعنه إلا لما قالتها له
\\
//
في الشرقيه وفي شقة مسعود
أم مسعود" ما وصلت فلوس الشؤون
مسعود" وش لك فيهم يمه ....إحنا مقصرين بشي
أم مسعود" ما وراكم قصور يمه ..لكن هذا حقنا
وإنت وأخوك لين إمتى وإنتوا تقصرون على روحكم
وتعطونا... الواحد يالله عمره
مسعود" أفا بس يا الغاليه....
أم مسعود تتنهد" الله يجازي الي كان السبب
مسعود يضيع السالفه وينادي شيخه " يا أم محمد وين
الشاهي
شيخه" هلا ...دقايق
شهد ترمي نفسها بحضن أبوها" بابا
مسعود" عيون بابا
شهد" أبغي أروح الألعاب
شيخه"لا حول الله....كل إسبوع الألعاب؟؟
مسعود بحنان" بكره يا بابا ..خلاص
شهد" أنا أحبك يابابا
مسعود" هههه روحي لعبي مع خوانك
أم مسعود تتحلطم "لما قلت لكم كلموا عمكم رفضتوا ...
وطاري الورث ما تحبون تسمعونه....
طيب آمنا بالله لكن الحين
الحكومه تخصص لنا شؤون.... ترفضون تاخذونه ليه..
الله ما يرضى
مسعود يتنهد" آآآآه ..إن شاء الله يمه
شيخه " بسم الله عليك ...هونها وتهون
أم مسعود تتحسب وتكتم " يمه أنا أدري إني بهدلتكم لكن ...
والله على شانكم...
إنت وراك عيال وزوجه ... وحبيبي مالك للحين ما
جمع نص المهر ...ومثل ما إنت شايف البيت صغير ...
وبنات هالأيام مايرضون بغرفه مع الملحقات ..إلا يبون شقق
وغيره
مسعود" هههه يمه إنت اتفكرين إن الشؤون بس بنروح لهم
بيرحبون فينا ...إلا كل واحد بيقطني على الثاني وقبل نهاية
الدوامات تلاقين ثلاث أرباعهم بره بما فيهم المدير
شيخه بلوم وهي تبتسم" يعني وليش إنت ما تطلع زيهم ...مو
إنت موظف حكومي؟؟؟
مسعود يبتسم" وش كبرها بحلقك ...موظف حكومي
...إداري في مدرسه راتبي صار لي الحين قريب العشر
سنوات وللحين ما تعدى 7000 ريال
أم مسعود" يا ولدي قول الحمد لله .... النعمه زواله
مسعود" الحمد لله ألف مره
\\
//
في الرياض وفي الغرفه المظلمه والي السكون يدب أنحائها .
..ولو ينرمى دبوس إنسمع صوته ...دق الجوال
نوف" الووووووو
صيته" السلام عليكم
نوف بإبتهاج" وعليكم السلام ...هلا بالجمال
صيته" هلا بيك ... وش فيه صوتك ..كنت نايمه؟؟
نوف تمسح دموعها" تقدرين تقولين
صيته" مالي دخل لازم تجون اليوم عندنا
نوف" عذريني يا الغلا ..ما أقدر
صيته" نوف... قسما بالله بزعل
نوف" أحس إني مدروخه شوي ومالي خاطر بشي
صيته بحزم" سمعيني زين إذا ما جيتوني أنا بجيكم
نوف تذكرت أخوها الي أكثر من مره يحرجهم" خلاص أوك
صيته بفرح" صحيح؟؟
نوف " ما نقدر فيكم.... خليني اروح أكلم أمي على شان
السواق
صيته" أوك باي قلبي
سكرت نوف الخط ونزلت تحت بالصاله
,,
أم تركي" ياهلا وغلا والله .... ها عساك أحسن
نوف وهي تبوس راس أمها" أنا بخير يمه
ميثه تروح لها وتلمها" عساك دوم يا عمري
صالح" أنا ما أطيق البنات ودلعهم
نوف" عن الكلام الماصخ.... وش أخبار الإختبارات
صالح " الواحد خاطره ينسى ...لكن إنتوا تبغون تعكننون
علي
ميثه" والله إحنا ما حصلنا نص الي حصلته ...مدرسين
وحركات ... وش عليك
أم تركي" والله من بلادته شوفوا طارق الله يحفظه بمثل سنه
لكنه ما شاء الله عليه ...عارف لنفسه
صالح" أيوه عطوه عين لاتقصرون فيه
ميثه"هههههههه
نوف" يمه بنروح بيت عمي بو نواف ...وش رايك
أم تركي " على راحتكم يمه .... ولا أقول لكم اروح أنا معكم
أغير جو
ميثه" لايمه تكفين... بتخربين علينا جلستنا
أم تركي " الله يحسر إبليسك وليه ما تبغيني
نوف وهي تغمز لميثه" تمزح معك يمه
ميثه"هههههه إي أمزح
\\
//
بالأستراحه تركي وسلمان
تركي" والله أنا مليت من حياة العزوبيه ...خاطري بمره
تغسل لي وتنظف لي
سلمان" وش لك بوجع الراس
تركي" تدري أنا كبرت ...ولازمني مره
سلمان" للحين خاطرك في بنت عمك
تركي" إي والله متولع فيها كثير ....لو أتزوجها يوم وأطلقها
بعد كذا ...المهم أحس إني ملكتها...أمسك خدها وأبوسه
سلمان" هههه للدرجه ذي
تركي" إييييييييييييييييه وأزود بعد
سلمان" الي ما يعدك ربح...لاتعده راس مال
تركي" خلنا من هالموضوع ماودك بسفره
سلمان بذكاء" والله ودي ..نفسي ضايقه..لكن ماعندي ولا
فلس
تركي" ومن طلب منك فلوس...رحلتك على حسابي
ها وش رايك
سلمان" ههههههه ما بعد رايك راي ...ياخوي
تركي" يالله إحجز لنا تذكرتين على أي بلد تختاره ... وأنا
رايح أجيب ملابسي من بيتنا
سلمان بفرح" على هالخشم
\\
//
وصلوا البنات مع أمهم بيت بو نواف وأهم داخلين ...تجي
سيارة نواف الي دخلها في الحديقه
نواف وهو نازل من السياره" السلام عليكم
أم تركي وقفت" وعليكم السلام ...شلونك يمه
نواف" بشوفتك والله ... وينكم عنا من زمان ما بينتوا
البنات دخلوا داخل وأم تركي وقفت بره تتساير مع نواف
,,
صيته" نورووو والله
البنات" هلا والله أخبارك
صيته" ماني طيبه... بس الحين صرت تمام
ميثه" وين إختك الدلوعه ...مو مبينه
صيته" تعرفينها ....على النت ماتشيل عينها منه
تدخل أم تركي" السلام عليكم
صيته" هلا والله ياخاله نورتينا
نواف" هااااااااا ..يالله ...صيتــــــــــه
صيته" نواف حياك.... تفضل
نوف منحرجه " دخلينا بالأول
نواف" كيف حالكم يا بنات عمي
ميثه" والله تمام نسأل عنك...إنت شلونك وينك مو مبين
نواف" سألت عنكم العافيه ... ونوف وش حالها
نوف" ...........
ميثه تتدارك الموقف" الحمد لله بخير...
نواف" ههههه أخليكم .. شكلي سحبت عليكم الأوكسجين
...لدرجة إنكم موقادرين تتكلمون
أم تركي بإحراج وهي تدق نوف " ههه لا عادي
نواف وهو يطالع جهة نوف" أنا بعد عندي شغل على
الكمبيوتر.... قلبي صيته.. خلي الشغاله تصعد لي عصير
ريقي نشف من الحر...وووومن الحر
صيته "ههههه يخسي الحر ...عيوني لك دقايق
صعد نواف ونوف مارفعت عينها من على الأرض
أم نواف" هلا هلا بوخيتي
أم تركي" بالمهلي يا بعدي .... وش أحوالكم
أم نواف" بخير والله
أم تركي" حياكم تفضلوا ....
صيته" سمحي لنا يمه إحنا بنصعد فوق
أم تركي" أخذوا راحتكم يمه
,,
في غرفة نوره
عشوق(نوره)" تدري ماعندي وقت؟؟
الساحر" عطينا نص ساعه كل يوم ولا ما نستاهل
عشوق" هاهاهاي إلا بس تدري الظروف
الساحر" تدرين تعلقت فيك حياتي
عشوق" هاهاي كذاااااااااااب
الساحر" تبغين دليل على كلامي؟؟
عشوق " هاااا وريني أشوف
الساحر" قطعت كل علاقاتي ببنات الشات وخصصت وقتي
لك...إنت لوحدك وماحد غيرك
عشوق" وليه تكلم بنات من الشات ....أي وحده وبس؟؟
الساحر" والله في بنات يكونون محتاجين أحد يتكلمون معه
ويفضفضون له...ويحل مشاكلهم
عشوق" هاهاهاهاهاي
الساحر" عساها دوم يا حبي
عشوق" حبك؟؟
الساحر " طبعا ... ملكتيني وملكتي قلبي
عشوق" صدقتك
الساحر" وليه لا....أنا صريح وواقعي ..وما أعرف الكذب
بس لو تكونين صريحه معي وتكلميني عن حالك..
عشوق" الوصف فيني مايوصفه اي انســـــان
والزين يخجل من طاري اسم نوره
##
كانك تبيني غلا ابشر بالاحسان
وكانه لعب ترى مااجيد لك دوره
##
ظنك تسلى بي والله انت غلطان
وشلون تتسلى بشخص وشعوره
##
انا تسليت بعلمك وباستئذان
للي شراتك يقول اليوم مين نوره ؟
للشاعره نور الكون
,,
سمعت نوره دق على الباب إرتبكت سكرت الماسنجر بسرعه...
نوره وهي تفتح الباب"طيب الدنيا ماهي بطايره
ميثه" ياهلا والله ...هااا كنك موحابه تشوفينا
نوره تقول بخاطرها الله لايجيب الغلا " هلا هلا ...وش
هالمفاجئه هذي
صيته بفرح" ها وش رايك ...كله من تخطيطي
نوره تضحك من غير نفس" ههههههههه إنت مو معقوله
الشغاله" مدام صيته...كل شي جاهز
نوف" وشوووو بعد
صيته" مفاجأه تنتظركم تحت
نوف بتردد" ونواف؟؟
ميثه تدقها من وراها وتهمس لها" فشلتينا وربي
صيته" لا تخافين ...بغرفته ...ونسيت عن أقول لك إن أخوي
مايعض.... وحبوب كثير
نوف".............
صيته" هههه ....هاااا تحت؟؟؟
البنات " يالله
,,
نزلوا البنات بس شافوا طاوله جنب المسبح وعليها كل ما لذ
وطاب من الشيبسات والحلويات والشكولاتات وغيره وغيره
البنات مندهشين" وااااااااااااااو
راحوا البنات ركض وجلسوا على الطاوله
نوف" اووووف وش هالدلع
صيته" ههههه الجمعه ماتحلى إلا بالأكل
نوره" هاهاهاي أنا ماراح آكل شي ...نسكافيه وبس
ميثه بإستخفاف" وليه يابعدي؟؟
نوره" أنا أبغي أحافظ على رشاقتي وأنوثتي
صيته بإحراج " كل واحد ياكل الي يحبه.... وإنت براحتك
يا نوره
ميثه تنرفزت" لا...لا...لا....لحظه لحظه شايفتنا براميل
قدامك ولا ناقصين أنوثه
نوف بحده" ميثه... بلاه هالكلام نوره ما تقصد
نوره بدلع" إلا أنا اقصد ...على العموم أنا بريحكم
...باييييييييي ...أمووووووووواه
راحت نوره والهوا يطير شعرها الحريري وصارت هي بعد
تهز براسها وكأنها تتعمد إنها تضايقهم
صيته منحرجه منهم" خلوها عنكم ....ماعندها سالفه
ميثه" آآآآآآآآآه خاطري اجيبها بكفين
نوف" والله عيب عليك الي تقولينه
صيته" هههههههه خليها براحتها.... وان صار ترا بساعدها
ميثه" إي والله ... ما أدري وش عليه شايفه حالها
نوف تضيع السالفه" إلا وش هالرومنسيه الي إنت فيها
صيته" كله على شانكم
ميثه" من حق... ولا جالسه تجربين فينا؟؟
نوف " ههههه الله يهديك
البنات" هههههههه
ظلوا البنات يتسايرون لين ما سرقهم الوقت وما حسوا بحالهم
,,
في الصاله كانوا البنات جالسين يتكلمون ويضحكون بصوت
عالي... ما حسوا إلا بصوت زلزلهم من مكانهم
نواف" يا الله....إحم إحم
راحوا البنات ركض كل وحده تخبت بمكان ...ميثه راحت
للمطبخ ونوف راحت ورا الستاره
جلس نواف يحسب إن ماحد موجود معهم بالصاله..وبعد الي
في الصاله ماخبروه إن نوف ورا الستاره حتى ما تنحرج
أكثر من كذا....
نوف ورا الستاره ودقات قلبها صعب تصيطر عليها وكل
مالها تزيد سرعه وحده بعد ما تسمع صوت نواف
نواف" وش علوم تركي ....ما يبين
أم تركي " طيب الحمد لله
نواف" صيتــــه ..كاس ماء حتى أمشي
أم نواف" وين يمه.... طول نهارك بره ...والحين بترد تطلع
نواف" وش أسوي .... مكتوب على جبيني الشقا
أم تركي" أجر وعافيه ...ياولدي
نواف" تسلمين يا.........
حس نواف بشي يتحرك تحت الستاره ...فتح عيونه على
الآخر ومن غير ما يتكلم بكلمه راح ركض على الستاره
مسكها وزاحها ماسمع إلا صرخة نوف وشافها منطويه على
نفسها لف عنها وسكر الستاره مره ثانيه
لحظة صمت من الكل ماعدا شهقات نوف الي تطلع من
ورى الستاره ...ونواف الي عيونه بتطلع من الصدمه ومن
صعوبة الموقف ... وما شافوه إلا صار يصرخ من راسه
نواف"الله لايبارك في إبليس
وطلع وصفق بالباب من وراه
خلاص بعدها علا صوت نوف بالبكي والكل راح لعندها
ويلمها ويحاولون يهدؤون من روعها ولو بالشي القليل

البارت الرابع

طلع نواف وصفق بالباب من وراه
خلاص بعدها علا صوت نوف بالبكي والكل راح لعندها
ويلمها ويحاولون يهدأون من روعها ولو بالشي القليل
\\
//
\\
نواف هايم بالشوارع وجالس يستغفر ربه... ويلوم نفسه
ساعه ويلومهم ساعه
نواف يتسائل بينه وبين نفسه " وأنا كنت أعلم الغيب يعني
...ما أدري هذي البنت غبيه ولا تتغيبى.....صارت
الذكريات تمر من قدامه وتذكر مواقفهم مع بعض وصار
يضحك على حركاته معها ...وعلى سذاجتها
هههههه والله وما تغيرت أطباعك يا
نوف طول عمرك كنت خوافه وما تعرفين تتصرفين
لكنك كبرت كثير عن آخر مره شفتك فيها .....
آآآآآآآآآآآآآآآآآه يا قلبي آخر مره كانت صعبه كثير
رجع نواف بخياله إلى الورى وتذكر أصعب موقف
مر عليه هو ونوف من 8 سنوات
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,
كانت نوف مع صالح في بيت بو نواف
نوف" صيته أنا أبغي أروح البيت
صيته" لالالالالا ... حرام عليك ما جلسنا ظلي معي
نوف" لا بروح... إنت تعرفين اخوي تركي شلون يتصرف
معنا ...ويدور له سبب حتى يخانقنا فيه.... خليني أكلم أمي
ترسل لي تركي ولا السواق
صيته" لا وش له تخلين تركي يجي ياخذك ...نواف بيطلع
الحين أخليه يوديك
نوف" ليه هو يسوق؟؟؟
صيته" اوووف....صار له سنتين وهو يسوق
نوف" لا أخاف.....يمكن يسرع
صيته" نواااااااااف تعال إسمع صيته شنو جالسه تقول
نواف" خيرخير.... جالسين تحشون فيني
نوف بخوف" لالالالالالالالا
صيته " توصل نوف معك.... على طريقك
نواف" يالله بسرعه ...إن إتأخرت بمشي عنها
نوف" لا ماراح نتأخر....يالله يا صلوح
راحوا مع نواف بالسياره وكان يسرع كثير
نوف" تكفى نواف هدي السرعه شوي
نواف" والله؟؟؟؟ تخافين؟؟
نوف" أنااا ؟؟؟ لا ...
نواف " ليش ما جلستي جنبي ولا صرت غريب عنك... والله
وكبرتي يانوف
نوف تتجاهل كلامه لها" الله يخليك أنا أخاف من السرعه
نواف لف راسه لها" أنا فنان في السواقه لاتخااا
نوف " آآآآآآآآآآآآآآآآآآآآآآآآآآآآآآآآآآآآآآآآآآآه
,,
ما إنتبه نواف لنفسه إلا ونوف تنادي عليه من بره السياره
وهو فيها والسياره منقلبه فيه وجالسه تشتعل...نواف مو
قادر يطلع منها يحس بنفسه في عالم ثاني ...ما شاف إلا
نوف تاخذ من الرمل الي حوالينها وترميه على السياره حتى
تخمد نارها لحد ما التموا الناس عليه وطلعوه منها ..هو
صارت له إصابات كانت رضوض مع كسر بالساق ..أما
نوف فإحترقت إيدها اليمين ورضوض بساقها
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
نواف " بسم الله عليك ياقلبي ليتها كانت فيني...أموت وربي
ولا أشوفك تتأذين دقيقه وحده بسبتي
,,
في بيت بو نواف
صيته" هاااااا وش أخبارك؟؟؟
نوف ودموعها بعينها" أنا طيبه مافيني شي... يالله يمه خلينا
نروح البيت أنا تعبانه وبروح أنام
نوره بإبتسامه" خلونا ندق على نواف حتى يوديكم
ميثه" والله ترى المزح ما يلوق لك ...
نوره" ههه ومنو كلمك إنت ...أنا ما اتنزل لوحده مثلك
ميثه" أقول لمي لسانك بحلقك ..ولاعاد تتكلمين معي بذا الإسلوب يا...مغروره
نوره" هاهاهاي ... والله يلوق لي
أم نواف طالعت نوره بنظره خلتها تسكت ولا تنطق بعدها
صيته" وبعدين... ميثه الله يخليك على شاني
ميثه بحنان" على شانك أدوس على قلبي يا...قلبي
نوف فكتها" هههه والله انكم رايقين
صيته" الله .. وش قد الضحك يلوق لك اكثر
أم تركي" ماله داعي اصلا ذا الكلام أنا دقيت للسواق
والحين بيجينا
,,
وصلهم السواق للبيت وأول ما دخلوا لقوا تركي فارش نفسه
على الكنبه وجالس ياكل مكسرات والمكان ماينطاق من
الوساخه( تركي كان جسمه مليان كثير وبشرته سمره
وعيونه جاحظه...ومطول شعره الأكرد الى اكتافه ...)
تركي" توالناس.... كان نمتوا بره بعد
البنات".............
أم تركي" الناس يسلمون بالأول
تركي بحده" ميـــــــــــــــــثه
ميثه بخوف" نعم
تركي معصب" لاتقولين لي طالعه بذا اللبس
ميثه تطالع بحالها" إي وش بلاه
تركي يقوم مثل الثور الهايج ويمسكها من شعرها" طالعه
بفستان قصير يا قليلة الحيا...تستعرضين للناس
ميثه تبكي" شعري شعري...حراااام عليك
أم تركي" وش فيها يعني هي لابسه عبايه والعبايه مسكره
على الآخر ...إترك إختك وبلاها هالعصبيه
تركي يرمي ميثه على الأرض" والله عاد إذا تعدوا العالم
على شرفنا لاتصيرين تتبكبكين مثل العجز....هذا الي جنيتوه
على حالكم
أم تركي معصبه" بسم الله علينا ... وثانيا تشددك هذا ياليت
يكون على الكل نمو على خواتك بس
تركي" وش قصدك؟؟
أم تركي" أقصدك إنت هايم على حالك.... بالأيام مانشوفك
بالبيت ماأدري وين تطس فيه
تركي يتمسخر" ههههه أنا رجال وشايل عيبي عليك
بالحيوانات ذولا الي بيلعبون بسمعتنا
أم تركي " إنطم ...قص بلسانك ...يالله إنقلع ماشفنا من وراك
خير...الله لايرضى عنك
تركي" بيرضى غصب عنك ...يا أم البنات
ويطلع من عندهم ومعه شنطته وتصير أم تركي تبكي وتندب
قلبها..إلي من يومه ما تهنى
\\
//
في الشرقيه في بيت بو طلال
شيماء" يمه ماجاب لي طلال الملازم
أم طلال" إلا ..هناك يمك على المكتبه
شمسه" شيماء...شيماء
شيماء تطالع الملازم " أمممممم
شمسه" شيماء...شيماء
شيماء تصرخ " نعم نعم
شمسه" شيماء طالعيني
شيماء طلعت من طورها ورمت الملازم على الأرض
شيماء" أيوه خير ..هيييييييييييييييي أنا أطالعك ياهوووووو
شمسه" خاطري بآيس كريم
شيماء بقهر" وليش شايفه علي لوحه مكتوب عليها
ماكدونالدز ..أو باسكن روبنز
شمسه" لا...
شيماء " طيب ...وش تبغيني أسوي لك
شمسه" تهقين طلال يرضى لو نقوله
شيماء" ياألبي على البروووود بموت وربي
تركتها في الصاله وراحت لفوق
أم طلال وهي تضحك" دقي لي على شيخه أكلمها
شمسه" وليه...
أم طلال" كذا ...إشتقت لها
شمسه" أهاااااا ...وهي بالبيت
أم طلال" والله ما أدري...جربي كلميها
شمسه" وإذا ماردت؟؟
أم طلال بدت تفقد أعصابها" تكون مو بالبيت
شمسه تجلس بجنب أمها" وين تتوقعين راحت
أم طلال" بس خلاص ما أبغى أكلم أحد .... رحمينا يا
الحنانه
شمسه بزعل" وش قلت أنا......
\\
//
في شركة الإضاءه الساحره
بو نواف" لو سمحت جيب لي باقي الأوراق الي راجعها
نواف
بوصالح" على أمرك ...دقيقتين وهم عندك
بو نواف" تفظل.... وإرسل لي بو تركي
بو صالح " إن شاء الله...طال عمرك
,,
بعد خمس دقايق يدق الباب
نواف وهو ينفخ " مساء الخير يبه
بو نواف" وش بلاك ... وين طاس فيه
نواف " أنا يبه رايح أخلص معاملة الثريات تبع القصيم
بو نواف" وورى جوالك مقفول
نواف" ونا شمدريني يمكن الشبكات فيها شي
بونواف" إييي الشبكات ...إنزين إجلس شوي
نواف" يبه أنا تعبان ...ونفسي لخشمي
بونواف" ما أدري أنا وش ماخذ منك... روح كبر المخده
نواف ترك أبوه وهو وده ينفجر بالكل وصار يقول في
نفسه...على كل هالمجهود والتعب الي أسويه هم موعاجبك يا
يبه .... ما أدري متى بتقول لي يعطيك العافيه يا ولدي
وهو كذا سمع زمور عالي للسياره الي جنبه وما إلتفت إلا
ويلاقي صديق طفولته ....
وقف السياره على جنب ونزل منها
نواف" مشاري؟؟؟ياهــــــــــــــــــــــــــلا ومسهلا
مشاري" هلا بيك ...علومك يا الإخو
نواف" بأحسن حال... وإنت؟؟
مشاري" تمام والله ... ها وين رايح
نواف" رايح البيت والله حياك معي
مشاري" لامشكور ...أنا راس مالي يومين يدوب أقضيهم مع
الأهل
نواف" ليه ... وينك عنهم
مشاري" ههههه بالمنفى ...بحائل
نواف" الله.... وليه
مشاري" نحن المدرسون مطرودون من العاصمه هههه
نواف" والنقل؟؟
مشاري" إمحق نقل ...صار لي أطالب بالنقل أربع سنين
وما حد ملتفت لي أصلا
نواف" عطني أوراقك وأنا بإذن الله أخلص لك كل شي
مشاري مبسوط" لا والله ما ودي أتعبك
نواف" أفا بس تتعبني... أنا بالخدمه
مشاري" خلاص ...مشكور مقدما
نواف" لين أخلص أمورك يصير خير
مشاري" خلاص بكره أجيب لك الأوراق ...وين الآقيك
نواف يعطيه الكرت تبعه" هذي فيها كل شي...أوك
مشاري بفرح" تسلم والله
نواف" مع السلامه
مشاري" في أمان الكريم
\\
//
في بيت أم مسعود وبالذات بشقة مسعود... في غرفة النوم
شيخه" يالله قلبي المغرب أذن وإنت للحين نايم
مسعود".............
راحت شيخه وجلست على السرير وصارت تلعب بشعره
مسعود شال يدها عنه بعنف
شيخه بإستغراب" وش بلاك يا قلبي
مسعود"...............
شيخه إنفجعت من الي شافته" وش صار مسعود
مسعود ووجهه أحمر مثل الدم" بمووووووووووت
شيخه" ليــــــــــــــــــــــــــه وش تحس فيه
مسعود يتقلب على السرير" آآآآآآآآآآآآآه بموت جنبي هالكني
شيخه تبكي" كم مره قلت لك روح راجع لكن إنت مو راضي
مسعود" دقي على مالك يوديني ...تكفيـــــــــــــــــــن
شيخه بفزع" دقيقه..الحين بدق
دقت شيخه على مالك الي من سمع جاهم ركض
وأخذ أخوه ووداه المستشفى ... ومسعود يتقلب على الفراش
وحتى النفس صعب ياخذه
تلاحقوه الدكاتره وعطوه إبرة مهدئ لحد ما إرتاح
هناك عند الدكتور
مالك" خير يادكتور طمنا
الدكتور" من إمتى وهو بهذي الحاله
مالك " ما أدري لكن زوجته تقول من فتره
الدكتور" هو عنده تشوه خلقي بالكله من ولادته ماكانت
تشتغل غير وحده والثانيه صغيره كثير عن المعدل الطبيعي
يعني وجودها زي عدمه
ماللك" غريبه ماحد قاله عن هذا الموضوع
الدكتور" وظلت الكليه اليسار تشتغل لوحدها لحد ما....
مالك "إيييييييي
الدكتور" للأسف كليته تعبانه كثير وهو همل نفسه وما تعالج
من البدايه
مالك" والحل يا دكتور؟؟
الدكتور" مافي غير حل واحد.... تدورون له متبرع لكليته
مالك مبهور"............
الدكتور" إحنا بنسويله غسيل كله لحد ما تدبرون نفسكم
وتشوفون لكم متبرع
مالك" مشكور يا دكتور
ترك مالك الدكتور وهو حايس بنفسه .... وش الحل الحين
وأمي ؟؟؟ وش أقول لها ؟؟؟؟
,,
في البيت
أم مسعود" يالله يمه ما بتتعشين
شيخه وهي مرتبكه"لا ياعمه أنا بنتظر مسعود
مرام" إحم إحم ...من قدك
رغد" هههههه ينقال لها رومنسيه
شيخه فيها إلي مكفيها وما دارت لهم بال
سمعوا صوت مفاتيح ..على طول شيخه عدلت عبايتها
وصارت تطالع جهة الباب.... والي فجعها دخلة مالك لوحده
مالك" السلام عليكم
أم مسعود" هلا والله تعشيت يمه
شيخه مرعوبه " مالك وين مسعود؟؟
مالك" والله وش أقول لك.... نيموه بالمستشفى
شيخه " وشووووو
مالقوا إلا ام مسعود طاحت من طولها الكل راح لعندها
مالك وهي بحضنه" يمه وش بلاك
أم مسعود موحاسه بحالها" صالح مات صالح مات
مالك نزلت دمعته"الله يرحمه ويجزيه الجنه
أم مسعود تبكي" ماأقدر يمه فراق أبوك للحين بقلبي
وش بلاه دنيتي... مسعود وينه
مالك أعصابه زي الزفت" بخير يمه ...والله بخير وبكره
بوديكم عنده
شيخه تبكي" وليه نيموه بالمستشفى طالما إنه بخير
مالك تنرفز منهم وصار يصرخ" يطمنون عليه ...وبصراحه
هم قالوا له يرجع البيت لكن أنا أصريت إنه يظل عندهم حتى
نطمن عليه
أم مسعود" إحلف بربك
مالك ماوده بس مضطر" والله إنه مابه إلا العافيه
ارتاحت أم مسعود نوعا ما وظلت طول ليلها تتهجد وتدعي
ربها إنه يطلع ولدها بالسلامه
,,
وشيخه الي ماهنا لها نومها ولأول مره من 14 سنه تنام
لوحدها وما يكون راسها براسه
,,
أما في غرفة مالك ...كانت عيونه مورمه من البكي بعد
عمري يحس ان الدنيا كبيره عليه وهو مو حمل مصايب
أكثر من هذي ...لكن مانقول إلا الله يعينه
\\
//
بالرياض كان الليل مختلف تماما كان نواف جالس يتسامر
مع طارق وصيته
نواف" لا بصراحه اليوم الموقف الي إنحطيت فيه
ردي ..ما تتمناه لعدوك
صيته" هههههههه
طارق " إيييي قالوا لي
نواف" بالله يا طارق منو الغلطان برايك
طارق" بصراحه ....إنت
نواف صرخ" أنا؟؟
طارق بخوف" لااااا هم هم الغلطانين
نواف" ولا عاد أنا الي أجي آخذ راي واحد مثلك
صيته " إنت لو شفت البنت وش صار فيها
نواف قفز قلبه" هاااا ... ليه وش صار؟؟
طارق" نوافووو قول قسم ..... بس طارق الي يحب سوالف
الحريم هااااا
نواف" إقضب لسانك أو ورينا مقفاك
صيته" ههههههههه
طارق يطالعها" يا حبك للشماته
نواف" ما عليك منه قوليلي وش صار لنوف
صيته" والله بغى يغمى عليها وإحنا جالسين نهديها لكن أبد
ظلت تبكي لحد ما راحت بيتهم
نواف بغى يجن(نوف تبكي) صار يصرخ" والله الغلط
راكبها من ساسها لراسها وهم بعدين تجلس تحط اللوم علي
صيته بهدوء" ومنو الي قال إنها حطت اللوم عليك
نواف" أكيد مو حرمه ...أكيد بتحط اللوم علي ... ولا وش له
البكي
صيته" بالعكس يوم جلسنا نعتذر لها نيابة عنك ونحط اللوم
عليك صارت تقول
((نواف ما تجي منه العيبه أنا الي غلطانه المفروض من
البدايه ما نزعت العبايه من علي أما نواف بياض على وجهه
ولد أصل ومتربي أحسن تربيه))
نواف يوم سمع كلامها ماعرف يرد بولا كلمه
,,
صعد غرفته وصار يردد الكلام الي هي قالته ويحط إسمها
بدل إسمه ويقول
والله إنت إلي ماتطلع منك العيبه يا بنت الأجواد من يوم
يومك وإنت بلسم بالقلب..... ما عاش من بكاك
يا بنت الأصل والجود يا خيرة أهل الرياض

وتمنى ساعتها تكون نوف حليلة له حتى ياخذها بحضنه
ويمسح دموعها بيدينه<<< يسلم لي الحب والي يحبون

البارت الخامس

والله إنت إلي ماتطلع منك العيبه يا بنت الأجواد من يوم
يومك وإنت بلسم بالقلب..... ما عاش من بكاك
يا بنت الأصل والجود يا خيرة أهل الرياض
وتمنى ساعتها تكون نوف حليلة له كان خذها بحضنه ومسح
دموعها بيدينه
\\
//
\\
في اليوم الثاني...
فتح مسعود عيونه والدنيا حوله تلف لف ....كانت الممرضه
تغير له المغذي وطالع الجهة الثانية شافهم حاطين له دم
حس بخمول بجسمه وكل ما حاول إنه يقوم يغسل ويصلي ما
يشوف الا راسه غصب عنه على المخده ...بدون ما يشعر
سالت دمعته على خده ..وصار يكلم نفسه ويقول وين قوتك
يا مسعود ..طحت وما أدري بتقوم منها أو لا
مسعود" لو سمحت
الممرضة" كيفك مسعود كويس
مسعود " الحمد لله ...وين الدكتور؟؟
الممرضة " الحين يجي
شوي إلا بدخلة مالك و خواته وأمه وشيخه
مالك" سلامات يا خوي ما عليك شر
مسعود يبتسم" الشر ما يجيك
أم مسعود تبكي" وش فيك يا ولدي ...وش صار عليك
مسعود يضحك" ما فيني إلا العافية ..شوية تعب وبيروح
بإذن الله
شيخه بابتسامه" الله يعطيك العافية ....عساك دوم منورنا
مسعود" وش أخبار العيال؟؟
شيخه " طيبين والله ..يسألون عنك
مسعود" وليه ما جبتيهم؟؟
مالك" قلنا نشوف السبع وش جرا له وبعدين نجيبهم
أم مسعود" ها بشرنا عنك يمه
مسعود" والله بخير بس ما شفت الدكتور....كنت أبسأله عن
أوضاعي
مالك " خلاص انا بتصرف .... بروح أكلمه...
شيخه " طمنا تكفى لا تتأخر
طلع مالك .. وبدون تردد راحت شيخه جلست عند مسعود
تتطمن عن حاله ... في هذا الوقت كانت رغد تغمز لمرام
لكن مرام ما عطتها وجه
مرام" بعيد الشر عنك يا خوي
مسعود " هههههههه الشر ما يجيك ....أشوف اخذتيها
فرصه تطلعين إجازه
رغد" إي والله هلكتنا بالدوامات..أنا تعبت
مرام" آآآآآآه إذا إنت تعبت أنا وش أقول
مسعود تأزم يوم سمع كلامهم وحط بباله لو أنا يصير لي شي
ما أدري وش لون مالك بيقدر يغطي كل شي بنفسه وهو كذا
..إلا تخونه دمعته وتنزل
أم مسعود بغى يوقف قلبها" بسم الله عليك يمه ..وش له
البكي
مسعود يمسك يد أمه يهدأها" والله يا يمه الواحد صار يتمنى
إنه تعب من قبل حتى يعرف معزته عندكم
شيخه بعتب" يعني ما كنت تعرف معزتك إلا في هالوقت
رغد" ههه الله يعينك ياخوي راح تطلعك من المستشفى
ركض
الكل" هههههههههه
,,
عند الدكتور
مالك"طمني يا دكتور
الدكتور" والله ما أدري وش أقولك
مالك خايف" خير وش صار؟؟
الدكتور" الحالة متأخرة كثير .. وبصراحة التأخير مو
بصالحنا
مالك قلبه بيوقف " نسوي له العملية لو الحين
الدكتور" أنا أنصحكم إنكم تروحون المستشفى (.......)
بالرياض عندهم خبره كافيه في مثل هذي العمليات
مالك" مو مشكله ...خلص لنا الأوراق
الدكتور" خلاص إحنا بنكلم المستشفى يحجزون له سرير
مالك " على خير
\\
//
في الجامعة
سلوى" الله... لبسك اليوم غير ..بصراحة يلوق لك ألكحلي
كثير يطلع البياض المطلوب
نوره بدلع" أنا كل الألوان تلوق لي
سعاد" والله..والله لو تلبسين خيش بيطلع جنان
نوره بقرف " تخسين والله ويخسون أشكالك ...الخيش لك
سعاد بخوف" هههه أنا قصدي لو أي شي تلبسينه يطلع
حلوووو لأنك إنت إلي تحلين الملابس مو العكس وعلى
مايقولون ...القالب غالب
نوره بحزم" إي كذا صلحي كلامك ووزنيه عدل
سلوى" يا لله بلا كثره حكي المحاضرة بتبدأ
نوره" مالي خلق أنا روحوا إنتوا
سلوى" والمحاضرة؟؟
نوره" هاهاهاي المحاضرة بشتريها مثل غيرها
سعاد" وش عليك ....عيشي حياتي
نوره تلف عنها وما تعطيها وجه... وكل خطوه من خطواتها
تقول للأرض..يا ارض انهدي ماعليك قدي
سعاد وسلوى راحوا يلحقون على محاضرتهم
\\
//
في بيت بو نواف كانوا كلهم جالسين في الحديقة يفطرون
وكان الجووو حلوو كثير
طارق داخل عليهم" صباح الخير
نواف" هلا صح النوم ...تعبت وأنا أزهم لك ...
طارق وهو ياخذ الشاي" تدري يا خوي النوم سلطان
أم عبد الرحمن تلف بفمها" عفية على هالأجسام إلي ماتعاف
النوم ..... وانا بذى الليل أحارب بروحي والنوم يعيي يجيني
طارق وهو يغمز لها" أهااا ....سحوره ومين اللي كان يشخر
لنا سيمفونيات طول الليل
أم عبد الرحمن" أنا لو تفهمني وش قصة سحر هذي الي
شابطه بلسانك كنت ارتاح
طارق" كل ما أسئلك وش إسمك تعيين ..قلت أحط لك إسم
على ذوقي... هاااا وش رايك بذوقي
أم عبد الرحمن تنرفزت"وأم عبد الرحمن موجايزه لك ...إسم
وش طوله وش عرضه ...لكن إنت تبغي تطفشني
طارق " وش دعوه أطفشك بمدرسه إحنا
أم نواف بصرخة" طاااارق... وبعدين
طارق يتلفت" وش ذي الريحه الشينه ؟؟
نواف يرفع يده" والله مو أنا
التفتوا اثنينهم وبالصدفة جت عينهم على أم عبد الرحمن
أم عبد الرحمن" والله مو مني
الكل" ههههههههههههههه
أم عبد الرحمن تتبكبك" كلكم علي
طارق" وش بلاكم يا جماعه أنا مو قصدي الي فهمتوه
أم نواف" الله يرجك يا طويرق...هذي أمي حاطه حنا براسها
طارق ونواف بقرف" هااااااا حنا
طارق يطالع بنواف " إفلت
راحوا إثنينهم من جنبهم
أم عبد الرحمن ضحكت لين بينت لوزها"
هههههههههههههههه والله وعرفنا شلون نطيرك من قدامنا يا
طويرق ...من اليوم ورايح كل يوم حنا
\\
//
في جده ...
ماجد" يا حيالله هالصوت
مالك ببرود" الله يحييك
ماجد" ها ياعسل وش أخبارك.... عساك طيب
مالك وصوته بدأ يغلق" أتمنى ياخوي
ماجد وقف على طوله" خير يا مالك وش فيك
مالك يبكي" ........
ماجد بخوف" مالك.... مالك
مالك يحاول يتمالك نفسه" محتاج لك يا ماجد ...أبغيك حولي
ماجد" الحين أدق على المطار آخذ حجز ... والعصر أنا
عندك
مالك" لاااااا... أنا بروح الرياض ...و أبغيك بكره تجيني
ماجد باستغراب" خير يا مالك طمني
مالك" ماجد ما أقدر أواصل وياك ....بعدين أقولك طيب؟؟
ماجد وهو بحيره" خلاص براحتك
سكر ماجد الجوال وهو قلبه مولع نار مو عارف وش يسوي
أو يتصرف صديق عمره بهذي الحالة ...وش المشكلة؟؟؟
دلع" مجود ...الووووو نحن هنا
ماجد وعيونه ضايعة" نعم
دلع" وش ذي المكالمة الي عفستك كذا
ماجد"لااااا.... ماكو شي...إلا وين محمد
دلع تهز أكتافها" مادري والله من جتك المكالمة قام
ماجد" يا لله إذا سأل عني أبوي أنا بالمحل
دلع" اوك
\\
//
في المستشفى...
شيخه" ما يصير يودونه للرياض من غير ما يصير فيه شي
....هذا الي ما يصدقه عقل
مالك" شيخه وهذا انتي الي متعلمة تقولين كذا
شيخه تبكي" حتى المشاعر فيها متعلمة وغير متعلمة
مالك "أنا بقولك وأمري إلى الله ...لكن هااا لا تدري الوالدة
بشي
شيخه تبكي" تكفى مالك لا تخوفني
مالك تنرفز"لاحوووول ... والتالية وياك ...وش له البكي
شيخه تمسح دموعها" خلاص خلاص أسمعك
مالك" شوفي أخوي مسعود عنده فشل كلوي
شهقت شيخه ".........
مالك بهدوء" كل شي هين لا تخافين ...بيسوون له عمليه و
بيصير طيب
شيخه تبكي" من جدك ...ولا بس تصبرني
مالك وهو ضايق" قسم بالله مافيه غير العافية....
شيخه" وعمتي وش بنقول لها
مالك حط يده على راسه" هذي المشكلة ..أنا بروحي حاير
شيخه " خلاص طلع مسعود اليوم وقول لها إنك بتوديه
الرياض حتى تاخذون له فحوصات أكثر....
مالك ارتاح" إي والله جبتيها صح
رغد" مالك ...مسعود جلس من النوم
راحوا لعنده وأم مسعود تطالعهم بخوف وكأن قلبها حاسها
إن في شي ..
مالك بابتسامه" صح النوم ...شلونك الحين
مسعود " الحمد لله أحسن
شيخه" لاااااا أحسك اليوم غير.... أجر وعافيه يا بو محمد
مسعود يطالعها بابتسامه" وش لون العيال ...اشتقت لهم كثير
شيخه" وإهم والله دوم يسألون عنك....فرصه ترتاح منهم
يومين
مسعود إلتفت صوب أمه" أخبارك يمه
أم مسعود تحاول تتمالك أعصابها" بشوفتك طيبه
مسعود" وجهك أصفر ...لا يكون ما تاكلين
أم مسعود" منين تهنا لي اللقمه و إنت بعيد عني
شيخه ودموعها بعينها" هاااا عمه تراني غيورة
مسعود" ههههه ...مالك وش قال الدكتور
مالك إرتبك" اييي اليوم لك خروج
أم مسعود" الحمد لله رب العالمين ...سبحانك يا من لا تخيب
من رجاك
مالك وعيونه لمسعود" الحمد لك يارب
\\
//
في الرياض والكل جالس على طاولة الأكل ما عدا نوره
بو نواف" وين إختك يا صيته
صيته بهدوء" مادري
بو نواف يصرخ" كيف؟؟
أم نواف " نوره تقول ما تبغي غدا
بو نواف" صيــــــــته روحي ناديها بسرعة
صيته" على أمرك يبه
أم عبد الرحمن متضايقة من تصرفاته" ...........
نزلت صيته ونوره وراها
نورد بدلع" يا مساء الفل والياسمين
بو نواف تغير الحال " هلا والله بالغالية ... ورآك ما نزلت
نوره تجلس على الطاولة" والله أنا أسوي دايت
طارق يتمسخر" تسوين دايت... بعد بكره راح ندورك
مانحصلك يا الشابوره
نوره عصبت" أحسن منك روح طالع حالك بالمرايه يا اسود
طارق عصب "صحيح قليلة حيا
بو نواف" ههههه ..وليش تزعل وهذا الواقع .... وانت
ماخذته من غريب ...خوالك الله يذكرهم بالخير جرووو
لك لونهم
أم عبد الرحمن ولأول مره تصير بصف طارق" إن كنت
أسودا فلون الكعبة لوني
طارق تحول غضبه إلى نوبة ضحك غريبة" هههههههههههههه
أم عبد الرحمن تحاول تغيض نوره وأبوها" جعلها دوم
ضحكتك
نوره تنرفزت" عن إذنكم
بو نواف" ماكلت يبه
أم عبد الرحمن" الي ياكل على ضرسه ينفع نفسه
صعدت نوره غرفتها وبو نواف بعد قام وشدد على نواف إنه
ما يتأخر على المكتب... بعد ما مشى
بعد ما مشى بو نواف التفتت ام عبد الرحمن على طارق
وهي موصله على الآخر
أم عبد الرحمن" ايا الخكري ...الحين أنا أوقف معك تقوم
تضحك كل هالضحك...
طارق وهو يضحك" الله الله ...والله إنك جبتيها صح
أم عبد الرحمن تلوي بفمها" ترا لون الإسفلت أسود بعد
طارق يمسك بطنه" هههههههههههه... مو قادر بموت
أم عبد الرحمن" ضحكت من سرك بلى
نواف بعد بيموت من الضحك بس حاول يمسك نفسه وهو
يشوف جدته معصبه " الا أقول يمه
أم نواف" سم يمه
نواف "سم الله عدوك يا الغالية... كلمت أم سعيد
أم نواف" إيييي يمه هي دقت علي ...وبلغتها إن ما في
نصيب
صيته تواخذت شوي"......
نواف يطالع بصيته" وش رايكم نشوي الليلة بالحديقة
صيته" أنا ما عندي مانع
أم عبد الرحمن" إي بالله الجو حلو مره
طارق يكتم ضحكته" سحوره ..ماتبغين أجيب لك جراد
تشووينه
أم عبد الرحمن بجديه" إلا .... وجيب لك ضفادع بعد
طارق ماقدر يمسك نفسه من الضحك وصار يتلوى على
الأرض
أم عبد الرحمن" تململت على شوك قل آمين
طارق يضحك" تكفين سحوره ما أقدر
أم عبد الرحمن" سحروك بليله ظلمه ..وإنت بليا ثياب
الكل" هههههههه
أم نواف" بس خلاص..ما تشبعون مناجر
يرن التلفون ...
نواف" هلا والله
نوف" السلام عليكم
نواف " وعليكم السلام ورحمة الله
نوف" ممكن أكلم صيته
نواف"ومن يبغيها
نوف منحرجه" قول لها بنت عمك
نواف عرفها "وبنت عمها هذي ما عندها إسم
نوف تبغي تفض الموال" قولها نوف
نواف"هلا وغلا ببنت العم
نوف" هلا بيك... وين صيته
نواف " أنا آسف يا نوف على ذاك الموقف
نوف بتموت من الإحراج"...........
نواف" بس قسما بالله ما شفت شي
نوف بتموت"..........
نواف بحنان" بس يا ليتني شفت نورك
نوف عصبت" غبي
سكرت نوف الخط في وجهه وهو للحين رافع السماعة
انقهر منها كثير... وراح دق على بيتهم
نوف" الوووووو
نواف" هين يا بنت العم ... والله لأرد لك الصاع صاعين
وقفل في وجهها الخط
نوف بصراحة خافت من تهديده ...لكن قالت بينها وبين
نفسها..أنا ما غلطت ...أحسن حتى يعرف حدوده تمام
\\
//
طلع مسعود من المستشفى والكل كان مبسوط على الآخر
وام مسعود سوت عشا كبير ..وكانوا بيت أخوها بو طلال
موجودين ...كلهم يسولفون ويضحكون ماعدا مالك ..الي
كان شايل الدنيا فوق راسه
بو طلال" طلال تكفى جيبوا قهوة للضيوف
مالك" دقايق بس يا عمي
دخل مالك وصاح لمرام حتى تجيب القهوه
مرام" إدخل مالك شيخه موهني
مالك " يالله بسرعه القهوه
مرام"دقايق بس
,,
طلال" يا أم محمد
شيخه" هلا ...حياك
طلال" السلام عليكم
أم مسعود" هلا والله بوليدي حياك
طلال" تسلمين عمه المجلس كله رجال..
شيخه" بغيت شي
طلال" بومحمد يبغي الشنطه الي فيها الأوراق الخاصة
شيخه نغزها قلبها" إي تعال إصعد وياي فوق
صعد معها فوق شيخه تمسك يده" وش صار
طلال " ولاشي.... مسعود قالي جيب الشنطه ...جيت آخذها
شيخه" ومسعود وش أحواله
طلال" بخير والله
شيخه" الحمد لله.... شوف الشنطه فوق الدولاب إصعد جيبها
صعد طلال وأخذ الشنطه من فوق
شيخه" خلاص
طلال" بشوف... تعالي سوي لي طريق
شيخه" روح ما كو أحد البنات في غرفة النسا
طلع طلال من عندها بس شاف شي خلاه يوقف من غير ولا
نفس... بنت زي القمر ماعطته ظهرها وجالسه تتكلم في
الجوال قوام ممشوق كانت لابسه بنطلون جنز وبلوزه
مخمليه بلون التوت وشعرها مرفوع بشكل عشوائي
مرام" والله ما أقدر اجي بكره ...تعبانه كثير...... بحاول لكن
ما أوعدك ..اوك ..... يالله باي
التفتت مرام وطاحت عينها بعينه ...إنجن طلال من الي شافه
عيون مثل عيون المها وبشره ناعمه مثل الحرير وملامح في
غاية الجمال ...في هذا الوقت تطلع شيخه وتشوف طلال
ومرام يطالعون ببعض وملامح مرام كلها خوف أما ملامح
طلال مليانه عشق وهيام .... في هذا الوقت شهقت مرام
شهقه صحت طلال من غفلته وعلى أثرها طاحت الشنطه من
يده...............

البارت السادس

تطلع شيخه وتشوف طلال ومرام يطالعون ببعض وملامح
مرام كلها خوف أما ملامح طلال مليانه عشق وهيام .... في
هذا الوقت شهقت مرام شهقه صحت طلال من غفلته وعلى
أثرها طاحت الشنطه من
يده...............
\\
//
\\
تركتهم مرام وراحت من قدامهم لغرفتها ورجولها ماعادت
تشيلها... أما طلال قلبه مو معه راح وراها من غير رجعه
شيخه" طلال وش كنت تسوي
طلال ينتبه لحاله"هااااا... و...ولاشي
شيخه معصبه" قسم بالله لو مسعود أو مالك شافوك ...ما
أدري وش كان بيصير
طلال وهو يشيل الشنطه من الأرض" الي يسمعك أنا مسوي
شي غلط ...هي الي كانت بوجهي ..
شيخه تروح لعنده" طلال تكفى ...البنت مثل إختك
طلال يطالعها" شيخه ...تراني مو صغير عن إذنك
راح طلال من عندها .... على طول توجهت شيخه لعند
مرام ودقت عليها الباب .... لكن مرام ماردت....فتحت
شيخه الباب ودخلت ....لقت مرام جالسه على السرير
ووجهها أحمر
شيخه" مرام وش صار
مرام تطالعها وهي مرتبكه" ما أدري أنا كنت أكلم وما التفت
وراي إلا وط...طلال واقف
شيخه" لايكون غلط عليك بكلمه
مرام تهز براسها يعني لا".........
شيخه" تكفين مرام لا تجيبين سيره لأحد ...الي فيهم مكفيهم
مرام تهز راسها" اكيد
شيخه" يالله ننزل أكيد طلال نزل
نزلت شيخه تحت ومرام في راسها الف سؤال وسؤال
.....راحت لعند المرايه تطالع شكلها شلون صاير ..وصارت
تقول بنفسها ....عيونك قالت كثير يا طلال...
\\
//
في الرياض وفي غرفة نوره....وكالعاده على الماسنجر
الشفاف" الله صوتك حلو كثير
نوره" وش كنت تفكر؟؟
الشفاف" كنت متوقعه حلو لكن بصراحه ...فوق الوصف
وأكيد وجهك راح يكون كذا
نوره "هاهاهاي
الشفاف" يعني كلامي صحيح؟؟
نوره بدلع" يقولون
الشفاف" طيب وش إسمك؟؟
نوره بكل رقه" عشوق....
الشفاف " يا كل هلي والله ...يسلم لي هالإسم الي مبين انه
كذبه....بس بمشيها لك
نوره تبتسم " يالله خالد باي أكلمك بعدين
الشفاف " وش دراك بإسمي وأنا ماقلته
نوره" الحاسه السادسه هاهاهاي
سكرت نوره من عنده ...
نوره" أوف مليت أنا.... مافي شي نسويه غير كذا..... والله
أنا ادري عنهم انهم كذابين لكن ....هاهاهاي كلامهم يعجبني
مافي غير طلعه مع سلوى بكره نتواعد ونروح أي مجمع
حطت نوره راسها على المخده وكلام الشفاف يرن
بإذنها<<<إلى متى هذا الوضع يا بنات
\\
//
في اليوم الثاني بعد صلاة الفجر
أم مسعود" يالله يمه في أمان الكريم ... وبس توصلون
طمنونا
مسعود" على أمرك يمه
مالك" يالله ياخوي ...ما نسينا شي
مسعود" أبد والله الاوراق كلها عندي
شيخه ودموعها بعينها" ماتنسون الصدقه ..وخلوا آية
الكرسي على لسانكم دوم...ولاتتعدون السرعه المطلوبه
أم مسعود" الله يجيركم من الطريق
مالك" يالله في أمان الله
طلع مالك وراحت أم مسعود تلم ولدها لحظنها
مسعود" لاتنسينا من خالص دعاك يالغاليه
أم مسعود ماودها تتركه" الله وياك ياولدي
مسعود" ما أوصيك على العيال يا أم محمد
شيخه" لاتحاتي ..إنت دير بالك على حالك
مسعود" سامحيني يا بنت خالي لو أذيتك في يوم من الأيام
ترى معزتك بالقلب والله لو لساني قال لك شي ماينقال...
حطت شيخه يدها على فمه حتى مايكمل كلامه
...رفع راسه لعيونها لقاها مليانه دموع ...باس يدها ودمعته
تنزل
شيخه بعدها ماقدرت تتمالك نفسها وطاحت دمعتها من عينها
لكن مسعود تلقاها بشفايفه وقال لها بنرة عشق
مسعود" قطرات الندى بالحسره يا بنت الخال
رمت شيخه نفسها بحضنه وهي مو حاسه بحالها وتبكي
بصوت عالي وتطلب منه ينتبه لحاله.... وهي تصيح فيه
شيخه" أوعدني انك بترجع
مسعود" بإذن الله ....إدعي لي انت
لمها مسعود إلى حضنه وهو يفكر بوضعه ويقول
بخاطره يمكن هذي آخر لحظه أشوفك فيها(؟؟؟؟؟؟)
تحركوا من عندهم وعيونهم تمشي مع السياره بعدين أم
مسعود جلست على الأرض وسجدت لرب العالمين ترجوه
إنه يرجع أولادها سالمين ((((بعد هي مالها غيرهم
\\
//
في الرياض وفي بيت بو تركي
ميثه" صباح الأنوار
نوف" ياهلا والله صباح الخيرات
ميثه تطالع بنوف الي موجاهزه" مافي محاضرات اليوم؟
نوف بضيق" إلا بس محاضرتي الساعه 10 وما ني رايحه
من الحين
ميثه" أهااا ومنو الي بيوديك
نوف " والله مع صيته هي بتمرني
ميثه تضحك" نواف الي بيوديكم؟؟
نوف بحزم" لااا طبعا... طارق
ميثه" وش قلنا إحنا حتى تصرخين كذا ..الا اقول نوف
نوف بدون ما تعطيها وجه" خيـــــــــــــر
ميثه" اممممم .... وش بينك وبين نواف
نوف إنصدمت وبتطلع عيونها عليها" وش قصدك؟؟
ميثه" بسم الله علي ...ما أقصد شي لكن ألاحظ إنك مالك
خلقه
نوف ارتاحت نوعا ما " وش دخلني فيه أنا حتى يكون لي
خلقه او مايكون لي خلقه.... ولد عمي حاله حال طارق
ميثه " اوك باي قلبي.... للحديث بقيه
نوف" مو شكله عمري ...إنتبهي لحالك ولا تحتكين بنواره
ميثه تغمز لها" ما أقدر
نوف تضحك" هههه الله يرج إبليسك
,,
في مجمع المملكه كان جالس يحوس بهذا المجمع وهو
مو عارف وش يسوي أو وش صاير أصلا وكل مايدق على
مالك يشغل له الخط ..كان حايس بنفسه في المجمع كان
المجمع فاضي ماعدا القليلين الي جايين يفطرون فيه فكر إنه
يروح كوفي شوب ياكل له شي ويشرب كابيتشينوا يضيع
عليه الوقت.....
بالفعل جلس وطلب له تشيز كيك وجلس ياكل وهو للسرحان
أقرب ...
وهو كذا سمع ضحكه عاليه ...التفت لها بليا شعور بس وش
شاف؟؟؟؟
لقى ملاك بصورة إنسان بس الفرق إن الملاك مايلبس إلا
أبيض لكن هذي كانت لابسه عبايه سوده هي للفستان أقرب
.. ونقابها مبين جمال عيونها أكثر.... ما تمالك نفسه وصار
يطالعها وهي تتجاهله صار يتلفت حوله كل فتره لدرجة إنه
نسى الكابيتشينو لحد ما برد
هي كانت تنتظر منه المبادره ... ونظراتها له كانت أحد
وأجرأ من نظراته.... وهم كذا جا لماجد بلوتوث ..قبله بدون
تردد .... ولما فتحه لقاه منها
تراك من القمر أجمل ..... ومن البدو أأصل
ونظراتك صارت تاكلني.... كاني عجبتك خذ رقمي وكلمني
(عشوق)
ماجد التفت لها بنظره رضى وصارت هي تضحك بصوت
عالي ... ورسلت له رقمها وهو قبله ... وبدون ما يتردد
كلمها
ماجد" وش ذا الصباح الي كله نور
عشوق" هاهاهاي
ماجد " أخبارك يا الغلا
عشوق " طيبه
ماجد" إسمي ماجد....
عشوق" والنعم والله
ماجد " فيك والله... ما تشرفنا بالإسم
عشوق" هاهاهاي ..لسه بدري....إنت من وين
ماجد" أنا والله ضيف عندكم ... مو الواجب تكرمون الضيف
....ولا بتغيرين نظريتي لبنات الرياض
عشوق" أنا من كوكب ثاني ..... وما تدخل عندي سوالف
العرب
ماجد" عن إذنك عشوق ...عندي مكالمه
بدون ما يستنى الرد فتح خط مالك وصار يكلمه بصوت
متلهف وعالي
ماجد" الووووو ...إي معك معك ... وينك جننتني
وشووووو..... جايك الحين على طول
راح ماجد يركض ولا حتى التفت عليها أو ودعها
سلوى" ههههه والله مخبول
نوره" أصلا ماعنده ذوق
سلوى" بس شكله جنان .... شخصيه كثير
نوره تطالعها " لا تتعدين حدودك ...هذا لعبتي ...ولا وش
رايك
سلوى" ههههه ..إي أكيد أكيد
,,
في المستشفى (؟؟؟؟؟؟؟؟؟؟)
ماجد " إي هلا والله وينك بأي غرفه ...يالله جايك
دخل ماجد وإنصدم من الي شافه ..كان مالك ومسعود كل
واحد على سرير والأجهزه على مسعود ...
ماجد يسلم على مسعود" وشلونك عساك طيب
مسعود" الحمد لله أنا بخير
ماجد يروح لعند مالك ويلمه بحضنه" وش بلاك ...وش صار
مالك" أبد والله مافي شي بس مسعود تعبان
شوي إلا بدخلة الدكتور" السلام عليكم
مالك" هلا والله حياك
الدكتور" ممكن نتكلم برا شوي
مسعود بنبره ضعيفة" لايا دكتور ...أنا عندي خلفيه عن
حالتي وعارف كل شي
الدكتور يطالع بمالك" ........
مالك" صحيح يا دكتور أنا أقول له كل شي
الدكتور جلس" والله ... على هوا الأوراق الي جاتني من
الدمام أشوف إن الحاله صعبه كثير .... ونسبه نجاحها
ما تتعدى ال60% ...ولازم نسويها بأقرب وقت ....لو بكره
يكون أفضل
مالك منصدم كثير" بكره؟؟
ماجد جالس يطالعهم بدون مايتكلم"...........
مسعود بتعب" وكم راح تكلف العمليه؟؟
الدكتور" يعني لو نقول كافة الأدويه والجراحه والإقامه بعد
العمليه تقريبا 120 الف
مسعود إنصدم" مو كثير
الدكتور" لاتنسى يا أخ مسعود إنها تعتبر عمليتين ....بنشيل
الكله من المتبرع ونحطها فيك
مالك يقاطعه" مو مشكله إحنا مستعدين
الدكتور" على خير ... ومنو المتبرع؟؟
مالك بحده" أنا طبعا
مسعود وعيونه كلها دموع" لا.... لازم واحد منا يظل لو
الثاني ودع ممكن نروح إثنينا..... خليك إنت سند للأهل
مالك متنرفز" الحياه الي بعيشها من غيرك أنا ما أبغاها
لحظة صمت"..............
مالك" أنا أبغي اطلع ساعتين قبل العملية
الدكتور" مو مشكله.... إنت يا أخ مالك تقدر تطلع لكن لازم
ترجع لنا الساعه 8 بالليل حتى يشوفك دكتور التخدير...لكن
مسعود راح يظل عندنا ..حتى نسوي له تحاليل كفايه
مالك ومسعود"............
ماجد" على خير يا دكتور....مشكور
\\
//
صيته" إي نوف يالله ننتظرك بره
نوف " يالله جايه
بعد خمس دقايق... تطلع نوف وتركب السياره
نوف" السلام عليكم
الكل" وعليكم السلام
نوف" هلا صيته أخبارك ...
صيته" نقعتيني بذى الشمس حتى تركبين
نوف" وش أسوي لكم ...في أحد يشتري سياره بباب واحد
صيته" بعد حركات نواف وش تقولين
نوف" هلا طارق أخبارك..... عذرا لأني تأخرت
نواف بهدوء" مو مشكله ...تمونين يا بنت العم
نوف"؟؟؟؟؟؟؟؟؟؟؟؟
نواف" ها وين لسانك كلته القطه هههه
نوف"..........
نواف " على العموم أنا ما أقدر أجي آخذكم دقوا على احد
ياخذكم
صيته" لا تحاتي ..إحنا بنتصرف
وصلوا الجامعه .... نزلت صيته وحاولت تفتح الكرسي حتى
تنزل نوف لكن ما قدرت كان الكرسي ثقيل عليها
صيته" أوف نواف تعال ساعدني
نواف" ما أدري يمكن يكون إحراج لنوف
نوف ميته من الإحراج"..........
نواف" هاااا أنزل ولا وشو
نوف بصوت هادئ" إذا سمحت
نواف" وشو ...ما سمعتك
نوف وودها تضربه بشي من وراه" لو ما عليك أمر
نواف وهو مبسوط" وش دعوه ...إنت تامرين يا الغلا
نزل نواف وفتح لها الكرسي وكانت ريحة عطرها توصل
لقلبه قبل أنفه....وصار يطالع فيها حتى انها ما عرفت تنزل
نوف محتاسه بحالها تخاف لا تنفتح عبايتها قدامه
نوف بحده" لو سمحت
نواف بجديه يمد لها يده يبغي يساعدها لكن صيته تلاحقت
الموقف
صيته" عطها مجال يا نواف
نواف يسوي نفسه توه يفهم" أهاااااا...كان قالت
صد بوجهه عنها ...هي بدورها كانت مرتبكه كثير فنزلت
بصوره سريعه لدرجة إنها إختل توازنها وبغت تطيح
..فصرخة صرخه على أثرها وبدون شعور إلتفت عليها
نواف وتلقاها بيدينه ...الموقف كان صعب على الإثنين كثير
...نواف كان قريب منها لدرجة إنه صار يسمع نفسها وهذا
الشي كان مو طبيعي بالنسبه له
نوف بحده" بعد يدك عني
نواف توه ينتبه لحاله" أنا آسف ماكان قصدي
تركها نواف....هي بدورها راحت بسرعه للجامعه لدرجة
إنها نست ملازمها عنده
,,
خارج المستشفى كانوا ماجد ومالك يمشون في شوارع
الرياض والإثنين غريبين عنها
ماجد" مو قادر أصدق الي أسمعه ....وش صار لهذا كله
مالك تعبان حد الجنون" آآآآآآآآه يا ماجد والله لو تدخل بقلبي
بتلاقيه أسود من الهم
ماجد " بسم الله عليك يا خوي
مالك" أحس إن هذا اليوم آخر يوم لي .... أنا مو على شان
نفسي ...لكن خواتي وأمي الي مالهم أحد غيري وغير
مسعود...الدنيا تلف فيني والله مو عارف أفكر
ماجد بعد حيرته للسما" والحل الحين .... بتظل تندب حظك
لين متى ...لو الله كاتب لك الموت بتشوفه لكن الواحد لازم
يكون متفائل ...ما عهدتك كذا يا خوي
مالك" ونعم بالله....
ماجد" وين وجهتك الحين ؟؟
مالك "شركة عمي سعد....
ماجد إستغرب ..لكن مارد بكلمه
راحوا لعند الشركه الي رفضوا طبعا إنهم يدخلون مالك بدون
موعد ولكنه صار يصرخ فيهم وسوى بلبله في الشركه على
أثرها طلع نواف يستطلع الموضوع
نواف يطالع في بو صالح " خير
بو صالح" هذولي طال عمرك يبغون يدخلون عليك بدون
موعد
نواف صار يطالع فيهم " حياكم تفضلوا
مالك" أنا جاي أشوف سعد بن ...آل......
نواف بهدوء" حياك الله أنا ولده
مالك هدأ ودخل معه داخل
نواف" حياكم تفضلوا.... ممكن نتعرف
مالك" أنا مالك بن صالح آل.......
نواف وقف على طوله" ولد عمي صالح الله يرحمه....ياهلا
وغلا والله ..أخباركم
مالك إستغرب الترحيب" إحنا بخير والله....
نواف يروح يجلس جنبه" وينكم عنا من زمان
مالك بحده" من باعنا بعناه برخص التراب
ماجد يدقه" إنتوا المفروض بعد تسألون عنهم
نواف بذوق" ما تعرفنا على الأخ
ماجد" أنا ماجد.... صديق مالك
نواف" يا أهلا وسهلا...أنا نواف ..هاا وش تشربون
مالك بعنف" نواف إحنا مو جايين نتعرف
نواف باستغراب" هدي بالك يا ولد العم ما راح يصير الا
الي تطلبه
مالك" أنا أبغي عمي ...ضروري ...ماعندي وقت
نواف" طيب انا ما أنفع ..تقولي وش عندك
مالك هاج مثل البحر " لاااااا...ماحد ممكن يساعدني غير
عمي ...عمي الي نهب حلالنا وورثنا من أبونا ..وشرشحنا
عند الي يسوى والي مايسوى ...وخلى أمي تربينا لوحدها
...فاهم يعني وشو حرمه تربيك ...يعني لو إحتجت شي مهم
حالك حال الشباب الي بسنك ..ماتقدر تطلبه منها والي
المفروض إنك إنت إلي تأمن لها حياتها ...عمي الي حاول
إنه يعتدي على حرمة أمي ويمد يده عليها قدام الكل
لولا وجود خالي بجنبها على طول ..أبوك هدم كل شي
حلوا في دنيتي ...بلغه إن أولاد أخوه اليوم بيسوون عمليه
خطيره والله العالم بيطلعون منها ولا لا...وبلغه إن عندهم
بنات أخ وهم شرفهم في هالدنيا ما يحصلون على اللقمه إلا
لما يتعبون فيها ويشقون ...قوله إنه هدم بيت كامل بسبب
غروره وتكبره وأكله للحرام..... قوله....

ما قدر مالك يكمل وصارت دموعه تتسابق على النزول
و انهار لدرجة إن ماجد صار حاير بحاله بين مالك المنهار
ونواف المصدوم ...طلع مالك من الشركة وهو مو شايف
طريقه ...يتتبع قلبه الي نصه مسجون داخل المستشفى بين
الحياة والموت
,,
في اليوم الثاني
في المستشفى ووقت اللحظة الحاسمة كان مسعود مفوض
أمره لله ووصى أخوه بكامل وصاياه ...دخلوا مسعود غرفة
العمليات وبعده مالك بربع ساعه
ماجد" ها ..قوي عزيمتك يا خوي
مالك" ما أوصيك على خواتي وأمي يا ماجد
ماجد" أفا بس وش ذا الكلام؟؟
مالك" والله أحس إني ما راح أطلع منها
ماجد" سم بسم الله .... ولا تنسى أنا أنتظرك هنا
سحبوا مالك وماجد واقف يطالع فيه ....ثواني بس ويجلس
ماجد على كراسي الإنتظار ينتظر أخوه وحبيبه الي صار
الحين بين الحياة والموت ... وتحت يد رب العالمين
بعد أربع ساعات ...كان ماجد يلف حوالين نفسه وكل ما سأل
عنهم ما يعطونه أي معلومة.... شوي إلا ويجون مجموعه
من الأطباء ومعهم ممرضات شايلين أكياس دم ...حاول
ماجد يكلمهم لكن كان باين إنهم مستعجلين فما عطوه
وجه.......بعد نصف ساعه يطلع الطاقم الطبي من غرفة
العمليات ووجههم أبد ما يبشر بخير
راح ماجد ركض لواحد منهم يبغي يتطمن
ماجد" لو سمحت أبغي أسأل عن مالك بن صالح آل ......
الدكتور" إنت أخوه؟؟
ماجد" لا ...أنا صديقه
الدكتور"مالك عطاك عمره....ياليت تدق على أهله يستلمونه
ماجد مو مصدق " مالك مستحييييل ....أكيد انت متشكك
تركه الدكتور " الله يصبركم ...
سند ظهره على الجدار وأبد ما نزلت له دموع
...كانت المفاجأة أقوى من إنه يتحملها

تربيت على كبري بيد عانت وشافت***كنت أقوى من الدنيا
الي حطت فيك وشالت***رددت اليوم آخر يوم ...ماتوقت
المنيه حانت***تراها راحت ببعدك ضحكة طفل
وناحت***غريبه يادنيا من غير خلي تراها معزتك طاحت
*غروب*

البارت السابع

ماجد" لو سمحت أبغي أسأل عن مالك بن صالح آل ......
الدكتور" إنت أخوه؟؟
ماجد" لا ...أنا صديقه
الدكتور"مالك عطاك عمره....ياليت تدق على أهله يستلمونه
ماجد مو مصدق " مالك لاااااااااااااااااااااااا
\\
//
\\
الدنيا صارت تلف فيه مو قادر يستوعب هذا الكلام معقوله
صديقه يروح كذا بغمضة عين ....طيب ليه
راح ماجد ركض لغرفة العمليات ....لكنهم منعوه وقالوا له
إن مالك حطوه بغرفه ثانيه مخصصه للموتى ...حتى
يخلصون أوراقه وبلغوه إن الميت وهب أعضائه للمحتاجين
...ماجد مو قادر يصدق.... ماللك حبيبي في غرفة الموتى ؟؟؟؟؟
راح وهو وجهه مافيه نقطة دم
متوتر حد الجنون ...دخل الغرفه لقاه مغطى ...راح لعنده
وصار يبكي لحد ماقطع النفس ... كان يمنع يده انها ترفع
الغطا من عليه ...لكنها خانته وبدون ما يحس لقى نفسه يرفع
الغطى من عليه وكان كل تفكيره ان هذي
راح تكون آخر مره يشوفه فيها ...ولما طاحت عينه عليه ما
تمالك نفسه وطاح على الأرض فاقد الوعي
\\
//
على السفره في بيت بو نواف كان نواف جالس معهم بالإسم
بس ....جسده وياهم لكن روحه تدور الحقيقه .... معقوله
الكلام الي قاله مالك ولد عمي صح؟؟؟؟
أم عبد الرحمن" وش بلاك يمه
نواف ينتبه لها" هااااا ...ولاشي
أم نواف بفرح" الله يرزقنا ....شكل الولد عاشق
نوره" الله أخوي بيتزوج ...وإنا بسوي لي فستان فخم كثير
وبرقص وبتنطط..... يااااااااااااااااي
مالك يطالعها" هذا أهم شي عندك؟؟
نوره بثقه" لا عندي إهتمامات كثيره ...بس هذا منها
صيته بنعومه" أهم شي سعادتك يا خوي وإحنا راح نفرح
لفرحك
أم عبد الرحمن"هاااا يمه نويت
نواف تبدلت أفكاره يوم جا طاري العرس إبتسم"..........
أم نواف بفرح" أشر لي على أي وحده وأنا أخطبها لك من
عيوني
نوره" ليه في وحده ببالك؟؟
نواف" تقدرين تقولين
طارق" ماأقدر على حركات العشاق... عقبالي بس
نواف يطالعه" إكرمنا بسكاتك
طارق "على هالخشم ...بس إنت إعرس وإفتح لنا المجال
أم نواف" هاا يمه منهي الي حاطها ببالك
نواف مستحي شوي " والله يمه ...أنا ودي بنوف بنت عمي
أم نواف مصدومه" وشووووووو
نواف متفاجئ" وش فيها يمه... سامعه عنها شي مو طيب
أم نواف بصرخه" يكفيها الي فيها
نوره بقرف" يعععععع تبغي تاخذ وحده مشوهه
نواف يصرخ ويفز من مكانه " إنطمي ...ولاعاد تتكلمين
عنها بالشينه
أم عبد الرحمن" بصراحه البنت ما تتعيب ...لكن
نواف" لا لكن ولا شي ...الي صار لها هذا من منو هاااا
قولو لي ....منو السبب بالي هي فيه الحين
صيته بجديه" نوااااااااف إذا إنت تبغيها تكفيرا على الي
سويته فيها او مجرد احساسك بالذنب ..فأنا الي بوقف
بوجهك
نواف مو قادر يفهم" وش بلاكم إنتوا ...هذي بنت عمي وأنا
أحبها من وأنا صغير ...ما أعتقد حرق صغير يغير رايي
نوره بإشمئزاز" ومنو قالك صغير واصل لها للكف
نواف" قسما بالله الكف هذا بيجيك مني لو سمعتك حتى
تنطقين بإسمها...وهذا القرار أنا خذته حتى يكون عندكم علم
أم عبد الرحمن" والله إحنا ما راح نلاقي أحسن منها أدب
ونسب وجمال ...الله يهنيكم
نواف بهدوء" يمه بلغي أبوي ...حتى نروح نخطبها
أم نواف ".........
نواف يروح يحب على راس أمه" على شاني يمه إذا إتحبين
سعادتي.... ولا والله اظل اعزب طول عمري
طارق يروح لعند رجول امه" تكفين يمه لايكون يسويها
واتوهق انا
أم نواف إبتسمت له"............
طارق " الف الصلاة والسلام عليك يا حبيب الله محمد
كلولووووووووووش
نواف الفرحه بتطلع من عيونه" ههههههه والله جبتها صح
الكل " هههههههههه
\\
//
بعد اربع ساعات
ماجد يصحى من إغمائه ...ويطالع إلي حواليه شاف
الممرضه بجنبه
الممرضه" سلامات ...شلونك الحين
فز ماجد من عندها وما رد عليها طلع ولقى الإستعلامات
قدامه وسألهم عن مالك وقالوا له رقم الغرفه ...راح ركض
لعنده ولما وصل له رمى نفسه عنده وصار يبكي عليه
بصوت عالي ...
مالك ينتبه له" مااااجد... أنا بخير وانا اخوك
ماجد يبكي" سلامتك ياخوي والله فكرت إنك رحت مني
خلاص
مالك بصوت تعبان"لا الحمد لله إلا وش حال بو محمد ؟؟؟طمني عن حالة مسعود
ماجد مو عارف وش يقوله .... يقوله إن الي راح له
المشرحه وصار يبكي عليه هو أخوه ...وشلون يقوله إن
مسعود عطاك عمره
مالك بصوت كله تعب" ماااجد وين مسعود
ماجد يرفع راسه وعيونه مغلفتهم الدموع وما رد بكلمه
وقتها مالك عرف المغزى ...
مالك صار يصرخ" مااااااااااااااجد لا تطالعني كذا ...أنا
اسألك عن دنيتي ...طمني عليه تكفى
ماجد " هدي وأنا أخوك لاتسوي بحالك كذا
مالك" لااااااااا ...هذا خلف أبوي ماجد أنا ما أقدر أعيش
بدونه ...هذا الي مربيني هذا من كسر خبزته وعطاني آكلها
تكفى لاتقول الي فهمته من نظراتك ....تكفى ياخوي
ماجد منزل راسه" مسعود يطلبك الحل
مالك فتح عيونه على الآخر "؟؟؟؟؟؟؟؟؟؟؟
ماجد يبكي" ماراح تردها عنه ...هو عند الي أحسن مني
ومنك
مالك وكأنه راح فكره لمكان ثاني"..............
ماجد ميت من الخوف ودق الجرس على الممرضة تحسبا
للظروف المفاجئه
مالك والدموع متجمعه بعينه وصوته كله يرجف" وديني له
..أبغي اشوفه
ماجد " ما تقدر تشوفه بهذي الحاله
مالك يطالعه"حاله!!! إي حاله؟؟؟
ماجد يبكي"............
مالك بيموت" وش فيه أخوي... ماجد وربي مو متحمل
ماجد" مسعود إختار آخرته ووهب جميع اعضائه للمحتاجين
مالك" مستحيــــــــــــــــــــــــــــل
ماجد" هدي بالله
مالك غصب نفسه على القومه ...جاو له الممرضات
يتسارعان عليه ويحاولون يهدونه لكنه أبد معيي
الدكتور" أخ مالك وش جالس تسوي
مالك" أنا أبغي أشوف أخوي ....وش صار له
الدكتور" هدي شوي يا خوي
مالك" أبغي اشوف وش سويتوا بأخوي يا...... قسما بالله لو
ما وديتوني له لأزلزل لكم المستشفى بكبره وما همني احد فاهميني ولا لاااا هاااااااااا
ماجد" دكتور إذا ما وديتوه له انا بوديه أنا ما أقدر أشوفه
بذي الحاله
الدكتور" جيبوا له كرسي بسرعه
جابوا له كرسي وحطوه فيه وهو بطريقه للمشرحه كانت
ذكرياته تمر عليه وكأنها شريط ...تذكر وقتها كل لحظاتهم
الحلوه... ولما وصلوا الغرفه طلب منهم ما أحد يدخل معه
....لكن بعد إصرار ماجد دخل معه
وصل مالك للسرير وهو مو قادر يتمالك نفسه
رفع عنه الغطى وشاف شي أبد ما سره ...صار يبكي
وبعد كذا شرد شوي وتذكر موقف صار بينهم وهم صغار
مالك يبتسم ودموعه مثل السيل"ليه ياخوي تتبرع بكل

أعضائك ليــــــــه ...كان خليت عيونك حتى أشوفهم وأتكحل
بجمالهم.... نسيت هذاك اليوم يوم ضربتني امي وجلست
ابكي وش قلت لي....تذكر؟؟؟ قلت لي
((( كل شي عندي ولا اشوف دموعك ياخوي ...تفداك
عيوني الي جالسه تحرسك)))
ما تقولي وش لون اعيش انا بدون عيونك هاااااااا .... يالله
ياخوي ان كنت تمزح معي حتى تعرف غلاااااك .... ترى
وربي ما حبيت في هالدنيا كثرك ...يالله قوم ووريني جمال
طولك
ماجد حاول يصبره"((إن لله وإن اليه راجعون)) ياخوي
الحين ماتجوز له غير الرحمه إقرا له سورة الفاتحه وإطلب
من ربك إنه يغفر له
مالك بصرخه" إتركنـــــــــــــــي ....ماحد له شغل فيني
....انت وش حسسك بالجمره الي بقلبي ..انا اليوم جسد من
غير روح ....مسعود كان كل دنيتي .... ومدامه راح فدنيتي
مالها طعم
مالك اختل توازنه من المرض والهم وماقدر يمسك نفسه
وطاح على الأرض ...
\\
//
وقت صلاة الفجر...في الشرقيه وفي بيت أم مسعود بالذات
أم مسعود" إستغفر الله العظيم .... ما أدري وش فيه قلبي
يعورني...خايفه والله على إخوانك قومي دقي عليهم
مرام" يمه الجوالات مقفوله يمكن في المستشفى مانعين
الجوالات
إلا بجية شيخه" السلام عليكم ..وش لونك عمه
أم مسعود" بخير والله .... وش لون العيال
شيخه " الحمد لله يقبلون أياديك
أم مسعود" متى كلمت مسعود؟؟
شيخه ماهي عارفه شتقول لها لكنها بغت تطمنها" كلمني
البارح ويسلم عليك كثير
أم مسعود" الله يهديه كان إتصل علي يدري فيني وسواسيه
شيخه" يقول ممنوع عندهم ...المستشفى كبير وكله أجهزه

وهم كذا دق الجرس ... الكل استغرب ؟؟؟
مرام " منو بيجينا بذا الوقت؟؟
أم مسعود " روحي يمه شوفي من بالباب
شوي إلا بدخلة بو طلال عليهم وعلى وجهه هموم الدنيا كلها
أم مسعود تحييه" ياحيا الله أخوي تفظل
بو طلال" هلا فيك يا إختي شلونك؟؟
أم مسعود" والله وش أقول لك ...الحمد لله الذي لايحمد على
مكروه سواه
بو طلال حس إن المساله صعبه كثير" يبه مرام ...سوي لنا
كاسة شاااي
شيخه مرتبكه" يبه وش صار ....جيتك بذا الوقت غريبه
بو طلال" تعالي يبه جلسي يمي...
أم مسعود ميته من الخوف تحس إن الموضوع يخص
أولادها ...لكنها ما تكلمت بكلمه ....تنتظر منه يتكلم
شيخه بخوف وتردد" خير يبه في شي؟؟
بو طلال يرفع عيونه لها " ما أدري وش أقول يبه
أم مسعود" عيالي فيهم شي يا خوي؟؟؟
بو طلال غصب عنه تطلع الكلمات" طلبي لولدك الرحمه
أم مسعود مو قادره توقف" منـ..... منووووو
بو طلال" بو محمد تحت رحمة الله
شيخه مصدومه" .............
أم مسعود تصرخ" ولدي ؟؟؟ وش صابه ؟؟؟؟ ليش؟؟؟
توه كان زين
بو طلال" أمانه يا أم مسعود وردت لراعيها
أم مسعود صرخة صرخه زلزلت فيها الدنيا... صرخه
طالعه من قلب أم ربت وشالت وعانت على شان ضناها...
طاحت ...ما تلقتها إلا الأرض بعد ما راح أعز الناس لقلبها
تحول بيت أم مسعود إلى مكان يكسوه البكي من القلب على
مسعود الي راح وتركهم في دوامة هذي الدنيا
,,
شيخه كانت على غير المتوقع منها كانت جالسه بزاوية
البيت تبكي بحراره على زوجها وحبيبها وشريك حياتها وفي
داخلها نار تسعر من القلب وحامله فوق راسها هم أولادها
وشلون تربيهم لوحدها ...وصارت تكلم مسعود بخاطرها
...شلون هنت عليك يا ولد العمه تروح وتتركني في هذي
الدنيا الي مالها امان
,,
مالك بعد رجع من الرياض وهو شاد على قلبه لازم يطلع
هو القوي قدامهم حتى يصبرهم ...كان الشي الي يعزيه انه
وهب اخوه جزء من جسمه ...وهذا الجرح بالتأكيد اصبح من
اجمل شي بجسده ...لأنه ذكرى حبيبه وأخوه.....
مالك حاول إنه يتمالك نفسه ...خصوصا إن وراه هناك أمه
وخواته وزوجة مسعود وعيالها ....مسؤليه لها أول ما لها
آخر... كان يشد على يد أمه ويطالبها بالصبر....وأهم
مايدرون انه آخر الليل يدخل غرفته ويطلق العنان لدموعه
ويتأوه من قلبه بعد ما إمتلى بالأحزان الي ماتطفيها مياه
البحر كلها
,,
عدت الأيام على خير ماجد كان ونعم الصديق لمالك معه
حرف بحرف ...ما تركه لوحده ولا دقيقه وحده
بو طلال طلب من شيخه إنها تتحول ببيتهم لكنها رفضت
وأصرت إنها تجلس ببيتها ...لأنها ما تبغي تحرم أم مسعود
من عيالها
,,
كانت أم مسعود جالسه بالصاله مع مالك ومرام ورغد
...والمكان يعمه الهدوء كل واحد منهم يبغي يكون القوي قدام
غيره ... وهم كذا والصمت يعم المكان يدق الجرس
أم مسعود" مالك ... لاتفتح الباب ...مالي قلب أشوف أحد
مالك" مايصير يا الغاليه
تحرك مالك من عندهم وراح يفتح الباب ... ولما فتح الباب
تفاجأ كثير من الضيوف الي جايينهم يعزونهم
نواف" السلام عليكم
مالك" ياهلا والله وعليكم السلام
نواف" عظم الله أجوركم ..والله أنا ما سمعت إلا أمس
مالك" أجرنا وأجرك...حياك الله
نواف" مالك هذا أخوي طارق
طارق يسلم على مالك" البقاء لله
مالك" تسلم والله ...حياكم تفضلوا
دخلهم داخل وأستأذنهم شوي... نواف متفاجئ من الي شايفه
بيت متواضع جدا بالنسبه لهم
طارق" شكل أوضاعهم الماديه مرررره ضايقه
نواف يطالعه بحده" اشششششششش
مالك" ياهلا والله فيكم
نواف " بالمهلي والله ... ها وش لونك بعد العمليه عساه
الجرح طيب
مالك يبتسم له وهو يعطيه قهوته" الحمد لله ...الجرح يبرى
يا ولد العم لكن القلب لين إنجرح صعب إنه يبرى
نواف بضيق" جعلها آخر الأحزان بإذن الله
مالك" الله يسمع منك
جاهم صوت من بعيد " السلام عليكم
مالك" هذي الوالدة يا نواف
نواف" وعليكم السلام هلا والله
أم مسعود" شلونك يمه نواف ...
نواف" عظم الله إجوركم مرة عمي شلونكم عساكم طيبين
أم مسعود" الحمد لله الي ما يحمد على مكروه سواه ...
وشلون الوالدة عساها طيبه
نواف" والله بخير تسلم عليك ...وكان ودها تجي لكن تدرين
الظروف... وجدتي بعد أم عبد الرحمن تبلغك سلامها
أم مسعود" الله يسلمها يارب ...وإنت بعد بلغهم عني سلام
نواف" يبلغ بإذن الله
أم مسعود" عن إذنك يا ولدي
نواف " حياك يا خاله
طارق" مالك... ما عندكم أخ بعمري
مالك" هههه لا والله الي قدك بنت
طارق " من جدك ؟؟؟ وش اسمها
نواف بحده" إنكتم وبلا كثر حكي... معلش مالك هو يحب
المزح كثير
مالك" هههه مو مشكله
نواف" يالله نستأذن
مالك" لا ما يصير ...ما قمنا بواجبكم
نواف" تسلم والله ...تدري ورانا طريق
مالك" مشكورين على جيتكم ....وإعذرني على الكلام الي
قلته لك...ما كنت بشعوري
نواف" لا أبد إحنا أهل....وأوعدني انك تزورنا عن قريب
مالك" بإذن الله بالأفراح
نواف" مع السلامه وبلغ سلامي للكل
مالك"يوصل.... في امان الكريم
\\
//
في الرياض وفي غرفة نوره
نوره" ماشفناك دقيت ...قلنا ندق إحنا
ماجد" والله الجوال نور..وعذرينا على التقصير
نوره" هاهاهاي
ماجد بحنان" للقلب تسري ضحكتك
نوره" تتكلم جد؟؟
ماجد باندفاع" وجد الجد بعد
نوره" هاهاهاي ... ماجد وينك الحين
ماجد" أنا في المحل
نوره" محل .. جالس تتسوق ولا ايش
ماجد" لااا أنا صاحب محلات ***** لأدوات المكياج
نوره " كذاب
ماجد" قسما بالله ما أكذب
نوره بتنجن" واااااااااااااو ....صحيح؟؟
ماجد" وش بلاك ... والله صحيح وإذا ودك إختاري كل الي
تبغيه وأنا مستعد أخلي مندوبتنا تجيبهم لك لحد البيت
نوره" هاهاهاي والله إنك مجنون
ماجد" أفا بس ...أنا
نوره" مجودي ...لاتــــــــــــزعل
ماجد" أفا بس ...أنا أزعل منك..
نوره" تدري كلامك حلوووو
ماجد" لكن إنت أحلى
نوره تتصنع الخجل"..........
ماجد" عشوق
نوره" لبيه
ماجد" أموووووووت أنا...... بتخليني أسميك عشوق على
طول
نوره" طبعا لا ... في الوقت المحدد بقولك إسمي ...يالله باي
ماجد" لاااا وين رايحه
نوره" مامي تناديني
ماجد" اوك باي أكلمك الليله ؟؟
نوره بدلع" إذا إشتقت لك أنا بدق
سكرت نوره السماعه في وجهه
دق الباب
نوره" ايوه ...مين
صيته" هلا والله...وينك
نوره" هنا ....خير ودك بشي
صيته" لا والله ...بس من زمان ما جلسنا نتكلم سواااا دوم
وجهك بذا النت ....ما تملين؟؟؟
نوره تنفخ" لاااااااا ما أمل ..... وش تبغين فيني ...أجلس
أقرأ زيك ...أنا مالي بهذي السوالف
صيته" لا مو شرط تقرئين ....ليه ما تنزلين تجلسين معنا
....تراها جدتي ماخذه على خاطرها منك ... وتقول انك
تتجاهلينها
نوره" أوووووووووووووف مالي خلق لسوالف
هالعجايز...وبعدين جدتي ماتحبني ...وكل ما تشوفني
تعطيني كم كلمه من كلامها السم
صيته" حرااااااااام عليك .....لاتقولين كذا
نوره" اوووووووووووه مللتيني خليني اروح آكل ابرك لي
صيته"............
وعلى طول نزلت تحت كانوا العايله مجتمعه ماعدا نواف
وطارق
بو نواف" أيا الخسيس... وشلون يروحوون من غير ما
يعطوني خبر
أم عبد الرحمن تبغي تستفزه" إي صحيح المفروض يقولون
لك ...مهما كان هذا ولد اخوك والمفروض إنت الي تروح
حتى تاخذ العزى فيه
بو نواف" ايييي والله ولد أخوي وأنا ما أعرف حتى
شكله...عمرهم ما فكروا في عيد إنهم يجون يسلمون علي
شرتهم حصوه وحطتهم تحت جنحانها...وهاذاك صويلح
الدلخ بيعها الي وراه والي دونه
أم نواف" أذكروا محاسن موتاكم يا بو نواف
بو نواف" إنطمي إنت ... مو على آخر عمري جايه تعلميني
الصح من الغلط .. والحلال من الحرام
نوره" روق يا بابا ترى شكلك مو حلو وإنت معصب
بو نواف يبتسم لها" ومنو أنا مهون علي عيشتي غيرك يا
الغلا هاااا
أم عبد الرحمن تلوي فمها" تربيتك يا بو نواف والله.... كلها
عليك حتى طباعها
بو نواف مبسوط" والله أنا حلو كذا
نوره" لا بابا أنا ما اشبهك
بو نواف" إنت جمالك رباني ...مو لأحد
نوره بدلع" هاهاهاي
وهم كذا إلا بدخلة نواف وطارق
نواف" السلام عليكم
بو نواف" الله لا يسلمك ... ما تقولي وين كنت
نواف متضايق" أنا رحت أعزي بولد عمي
بو نواف" بدون ما تاخذ الإذن هااااا
نواف" يبه أنا كبرت .... إلى متى وأنا بطلب الإذن
بو نواف" لا والله كبرنا وصرنا نطول لسانا بعد
نواف"إستغفر الله العظيم .... أنا آسف يبه
بو نواف" إيييي إخذني على قد عقلي
نواف عصب" وش أسوي لك يبه ..كل شي أسويه ما يعجبك
...إذا ناقشتك ماعجبك وإذا إعتذرت هم ما عجبك ...قولي
وش الطريقة الي تبغيني أكلمك فيها
بو نواف رفع يده وضرب نواف كف على وجهه
الكل؟؟؟؟؟؟؟؟؟؟؟

البارت الثامن

نواف عصب" وش أسوي لك يبه ..كل شي أسويه ما
يعجبك
...إذا ناقشتك ما عجبك وإذا اعتذرت هم ما عجبك ...قولي
وش الطريقة إلي تبغيني أكلمك فيها
بو نواف رفع يده وضرب نواف كف على وجهه
الكل...............
\\
//
\\
في لبنان ..... كانوا تركي وسلمان ماخذين مأخذهم من
الرفاهية و الوناسه ...مو مقصرين عن حالهم أي شي...
وتعصب تركي على خواته وخوفه على شرفهم ..اليوم هو
إلي جالس يحط سمعتهم بالتراب...من بنت لبنت ومن ملهى
إلى ملهى ....عايش في دوامة التيه والضياع
تركي" يسلم لي ها لجمال
سلاف" هههههههه عن جد إنك فظيع
تركي مبسوط" ههههه إي أنا فظيع....دايم يقولون لي
سلاف" يالله بستأذنك بدي روح
تركي" لالا ما أقبل .... تبغين تسرقيني وتروحين
سلاف" شووووو أنا سرئتك ؟؟؟عم شو بتحكي؟؟؟
تركي يأشر على صدره" سرئتي ألبي يا عسل
سلاف" ههههههههههه
تركي "سوسو تكفين خليك الليله بجنبي
سلاف" لا يا حبيبي إنت غلطان بالعنوان ... لايكون تفكرني
من البنات إياهن
تركي" لا يا ألبي .... ولا فكرت هيك
سلاف بدلع" إيي بحسب ... على العموم بدي شوفك بكره
تركي" من عيوني والله
راحت سلاف وهو مدروخ على الآخر
سلمان" وش ذا الرومانسية إلي خلتك تحكي لبنيني
تركي معصب " ما يخصك بشي ...ولا تجلس تراقبني سامع ولا لا
سلمان بخوف " أنا أمزح معك بس
تركي يرمي جواله على الطاولة بعد ما رن الجوال
تركي" أوووف ما أدري متى برتاح من ذا الأهل
سلمان" غلطتك والله ... ليه ما خذيت لك شريحة هااا
تركي يشرب " ايي لازم والله ...من بكره...أبغي ارتاح ياناس
\\
//
نواف حاط يده على خده والكل ساكت مو قادرين يتكلمون
بحضور بو نواف
بو نواف" والله يا حيف على تربيتي
نواف و الحسره بقلبه" أنا آسف يبه مو قصدي
بو نواف" الله لا يبارك بعمري يوم تزوجت ها لملعونه
الكل"..............
تركهم بو نواف وصعد فوق بعد ما طلب من أم نواف تلحقه
أم عبد الرحمن تروح لنواف" كسر بيدينه هالكلب
طارق" والله لوما إنه أبوي كنت رديت له الكف
أم عبد الرحمن" و ليش ما سويتها يالجبان
طارق" قولي قسم
نواف" لا تحاتين يا أم عبد الرحمن ...أنا طيب هههه تعود
خدي على يده وقسوتها
أم عبد الرحمن تمسح على خده" قليبي إنت
صيته انهارت وصارت تبكي" حرااام الي جالس يصير
ليه العذاب هذا ...أنا تعبت والله تعبت
نواف يروح لها" له له له الناس بكفه وإنت بكفه ...
وبعد دموعك ما أبغى أشوفها فاهمتني
صيته تحاول تلطف الأجواء " الحين بس ....بعدين بس تاخذ
نوف بتنساني
نواف والدمعة حايره بعينه" تهقين ؟؟
صيته بابتسامه " وليه لا تراها نوف قدها وقدود
نواف ودموعه بعينه" لا خلاااااااص
أم عبد الرحمن مفزوعة" خلاص .... وش تقصد؟؟؟
نواف " تهقون أنا قد الزواج وأبوي للحين يمد يده علي
أم عبد الرحمن معصبه" أنا الحين سكت له بس قسم بالله لو
عاودها ما يشوف مني طيب
طارق" سحوره قولي قسم .... بصراحة يا مالك سحوره
هذي حطها على يمناك
أم عبد الرحمن رفعت عصاها وهاتك ياضرب في طارق لين
قال ..الله حق
نواف يطالعهم و الابتسامة ما فارقت فمه ....لكن الله العالم
إن قلبه معصور عصر <<<<هونها وتهون يا بعدي
\\
//
في الشرقية وفي بيت الغالي
أم مسعود كانت جالسه والقرآن بيدها ...ومرام جالسه تجهز
العشا ...وشيخه طبعا في العده ومن دخلت شقتها بعد ما
عتبت بابها
رغد" يمه .... يمه
أم مسعود" صدق الله العظيم...إي يمه
رغد" يمه محتاجه .....
أم مسعود " وش بلاك سكت ... وش محتاجه
رغد" يمه أبغي 100 ريال
أم مسعود" والله يا رغد ...إنت عارفه حالتنا يمه ....
رغد مقهورة" يمه... أنا وش طلبت كلها 100 ريال
أم مسعود" من اليوم ورايح شي ماله داعي ...لا عاد تجيبين
لي طرواه
مرام" لا تحاتين يمه أنا بعطيها إياهم
مالك بصراخ" تعطينها وشوووو هاااا
رغد ميته خوف "............
أم مسعود " ما عليك منهم يمه
مالك" مرام .... وش صار
مرام" والله يا خوي ....رغد محتاجه فلوس ...وأنا قلت لها
بعطيها إياهم
مالك رفع حاجبه" ليش ؟؟؟ مافي رجال بالبيت ؟؟؟ ولا
مفكريني مت أنا بعد هااااا
أم مسعود تبكي" الف بسم الله عليك .... تكفى يمه ما فيني
عافيه للكلام هذا
مالك معصب" أجل وش ذا الكلام ...من اليوم و رايح من
أحد يحتاج شي يجي يقول ....سامعين
يرمي عليهم 300 ريال ويتركهم ويروح غرفته
,,
في الغرفة كان مالك تعبان كثير وجالس على المكتب ويبكي
مثل الأطفال .... يارب ترحمنا ولا تخلينا نحتاج لأحد
وينك يا مسعود ...والله ماني حمل كل هذا على راسي
...كنت دائما تشيل عني ...والله والله لولا الملامه كان رحت
ذبحت عمي ..إلي حرمنا من نعمة العيش المريح
صار مالك يرمي بكل شي على الأرض ووده يقوم يرمي
حاله تحت أي سيارة حتى يموت ويرتاح<<< الله يفرجها
,,
فوق في شقة مسعود كانت شيخه جالسه على الأرض وسانده
راسها على السرير ....هذا السرير إلي إنحرم يشم ريحتها
من توفى مسعود ... صار مكانها المعتاد في غرفة شهد
الدموع تعيي توقف .....كانت جالسه تتذكر كلامه لها لما
تحس بتعب أو ضيق ...كان دوم ياخذ بخاطرها وما يخليها
تنام زعلانه .....لكن الحين ومن بعده وش حالها ؟؟؟؟
كانت تتكلم بصوت مسموع......وش حالك يا قلبي ؟؟؟
ياترى مرتاح هناك ولا جالس تحاتينا .... ما أدري صلاتي
ودعائي إلي يوصلون لك باسمي ما محاني من ذاكرتك ....
هنيا لك ياغلااااااااااي ....إرتحت من شقا الدنيا ....لكن
تركتني لمن؟؟؟
أنا بدونك مثل النبته من غير ماي .... تكفى يا ولد عمي
سامحني لو مره خطيت ....كنت دوم الهادي والحساس
...وكنت دوم ذويق وراعي شيم ... وحق ربي أحبك حب
مجنون .... ما ينمحي بفرقاك.......
حطت راسها بين ركبتها وصارت تبكي ...وصورته أبد ما
فارقت خيالها
شهد" ماما ...ماما
شيخه تمسح دموعها" عيونها انت
شهد" ماما ليه تبكين
شيخه تبتسم" لا يا ماما ما أبكي بس في شعره دخلت بعيني
شهد" ماما ليه شعرك منكوش؟؟
شيخه" هههههه برتبه الحين
شهد" اييي رتبيه بسرعه قبل لايجي البابا ويشوفك كذا
....دوم يقولي يا شهد روحي تحممي حتى تصير ريحتك حلوه
شيخه دموعها على خدودها" تعالي يمه بحضني
شهد" هنا؟؟؟
شيخه " يا هلا بك يا عمري.... شوفي يا ماما .... بابا ما
راح يجي ...بابا راح فوق في السما
شهد" إلا بيجي هو قالي بيوديني الألعاب
شيخه" لا يا عمري ....بابا فوق عند الله سبحانه وتعالى وعنده بيت كبير ... وبرك وشجر وكل شي حلو
شهد تبكي بكا يقطع القلب" لااااا انت تكذبين علي .... بابا ما يروح ويخليني ...
شيخه تبكي وتلمها لصدرها"..........
شهد تبكي بقلب" بابا تعال انا انتظرك حتى نروح الألعاب سوا وتشتري لي لعبة باربي ...اتركيني فكي يدي
شيخه" وين بتروحين؟؟؟
شهد تركض وما ردت عليها .... شيخه بروحها مو طايقه
حالها <<< الله يصبر القلوب

\\
//
في اليوم الثاني ... وبالذات في غرفة النور
نوره غرقانه بالنوم" الوووووووو
ماجد" حرام عليك والله ..إنت نايمه وتاركتني سهران طول
الليل أفكر فيك
نوره مبسوطة" صباح العسل
ماجد" يا صباح القشطه يا فله
نوره" هاهاهاي حلوه فله هذي
ماجد"بصراحه إحترت ماظل إسم ما قلته لك و إنت تقولين لا
نوره" تكفى مجودي خليني أقوم أغسل وأكلمك بالليل
ماجد" لا والله ...كل يوم تقولين بتكلميني واظل أنتظرك
طوال الليل وبعدين ماحد
نوره ملت وقفلت الخط بوجهه.... وقامت غسلت وجهها
ونزلت تحت... لقت الكل جالس يفطر
نوره" صباح الخير
الكل " صباح النور
طارق يدخل عليهم" هلا صح النوم
نواف" صح الله بدنك ....تأخرت هااا
طارق" عادي ....إلا وين سحر
نواف " والله جدتي تعبانه شوي
طارق" قول قسم
نواف" يالله عن إذنكم
راح نواف... وطارق من جده مذهول
طارق" يمه .. وش بلاها جدتي
أم نواف متضايقة" والله تعبانه شكلها جايها برد
طارق تضايق" لا بسم الله عليها ..
تركهم وراح غرفتها .... ودق الباب عليها
طارق" جدتي ....جالسه؟؟؟
صيته" حياك طارق
دخل طارق ولقى جدته صحيح تعبانه" لااا بسم الله حولك
يمه .... ما عليك شر
أم عبد الرحمن" وش ها لذرابه .... لا يكون خايف علي؟؟
طارق" أفا يمه بس... كل شي ولا أم عبد الرحمن
ام عبد الرحمن" يا لله ورني مقفاك ...خليني بنام
طارق" قولي قسم ...
صيته تقوم وتمسك أخوها من يده" يا لله نخليها ترتاح
طارق ما وده ... لكنه إستسلم
\\
//
في بيت بو طلال كانوا جالسين على الفطور
شيماء" يمه وش حال شيخه إختي
أم طلال " آآآه الحمد لله رب العالمين ...يعني وش بيكون
حالها ..من سئ إلى أسوء
شمسه" يوه ...وش فيها إختي هااا
شيماء" الله يكون بعونها تدرين وضعها الحين بعد موت
مسعود
شمسه" بـــــــــــس ... والله فكرت في شي كبير
طلال عصب" قومي قومي ... والله إنك بلشه ...الله يكون
بعون الي بتكونين مرته
شمسه" ياليت أتزوج حتى ترتاحون مني وتريحوني
شيماء" ههههههههه صحيح قليلة حياااا
أم طلال" يمه طلال .... ياليتك تكلم إختك تجي هنا تجلس
عندنا .... والله قلبي ماكلني عليها مو قادره وهي بعيد عني
طلال " عجزت وربي حتى لساني نشف من كثر ماقلت لها
.... بس هي معنده
شيماء" طيب يمه ليه ماتروحين وتجلسين عندها
أم طلال " والله أبوك مو راضي يقول لي كيف تتركين
البيت
شيماء" يمه أنا مستعده أجلس بالبيت ... وإنتي روحي جلسي
معها
طلال" إيي يمه وأنا بعد رايي من راي شيماء
أم طلال " خلاص بكلم أبوكم وأشوفه وش يقول
\\
//
في مكتب الإضائة الساحرة
نواف" أيوه بو صالح ..مشاري؟؟ خليه يتفضل
نواف يقوم من مكتبه ويفتح الباب له" هلا هلا
مشاري " هلا فيك والله ... علومك
نواف"بخير والله .... مبروك
مشاري فتح عيونه على الآخر" من جدك ... نواف تكفى
نواف" ههههه ... إي بالله صحيح ...بس يبغالك تروح كم
يوم لحد ما يخلون طرفك
مشاري" والله من جد مو عارف وش أقول لك
نواف" لا تقول شي ... هذا واجبنا ياخوي
مشاري يقوم يوقف " الله يعطيك العافيه
نواف " الله يعافيك ... حياك الله
مشاري" مع السلامة
نواف" في أمان الله

\\
//
في الشرقية.... في شقة مسعود
مرام" هلا حمود ....وين ماما
محمد" ماما تصلي ...وقالت لاحد يدخل عليها
مرام" خلاص .... روح جيب لي مويه
محمد وهو مشغول على البلاي ستيشن" عمه روحي إنت
البيت بيتك
مرام ابتسمت ... وتركته وراحت المطبخ تشرب
محمد" ماما ...عمه مرام في المطبخ
شيخه" حياها الله .... مرايم
مرام تبوسها" هلا قلبي ... وش لونك
شيخه تخونها دمعتها" الحمد لله ...طيبه
مرام" شيخه بتظلين على ها لوضع كثير
شيخه باستغراب" أي وضع؟؟
مرام " حابسه حالك هنا وما تنزلين حتى تحت
شيخه تبكي" هذا إلي الله كاتب لي إياه ... ولا نسيتي إني بالعده
مرام" إي بس إنت تدرين إن مالك أغلب أوقاته في الشغل
فيا ليتك تنزلين تحت تغيرين جو
شيخه" آآآآآآآآآه يا حبيبي ... رحت وكرهتني بعيشتي
مرام تبكي" رحمي حالك يا قلبي...
شيخه تبكي" والله والله لو الانتحار مو حرام كنت قتلت
حالي وراه .. من بعدك يا مسعود مالي وجود
مرام " وعيالك ذولا منو يربيهم غيرك ....إنت إلي
المفروض تكونين قويه قدامهم تسوين بحالك كذا
شيخه تبكي بلوم" ماحد حاس فيني ..إنا عايشة بدوامه
...قلبي معصور عصر ...الهوا محسوب علي ...إنتوا
تشوفوني صابرة لكن مو حاسين فيني ...ماحد متصور وش
عيشتي بعده
مرام تنهار" لا يكون مفكره إن مسعود غالي عليك
وحدك....لا تنسين إنه أخونا لحمنا لحمه ودمنا دمه ...عشنا
معه أجمل لحظات العمر ...كان هو الي يلبي طلباتنا
...ويمسح دموعنا ... كان هو بدل الوالد الله يرحمه
شيخه تلمها لها وتمسح دموعها" عذريني يا قلبي ...أنا كنت
أنانيه لكني تعبانه كثير ...وربي الدنيا تلف فيني
صاروا الثنتين يبكون وكل وحده تحاول تصبر الثانية ....لكن
للأسف الجرح أعمق من إنه ينسى بكم يوم
,,
مالك" يا مرحبا والله
ماجد" هلا بغلاي
مالك" هلا فيك ... صوتك يبشر بخير
ماجد" خير بس؟؟؟إلا قول كل الخير
مالك" هااا سمعنا الأخبار الطيبة ...من جد محتاجينها كثير
ماجد" إنت وينك الحين بالسيارة
مالك" إي والله
ماجد" جنب شوي ...الكلام الي بقوله يبغى له تركيز
مالك" لحظه شوي... تدري إني تحمست
ماجد" هااا ... خلاص
مالك" هههه ..إي بشر
ماجد" أنا بتزوج
مالك بفرح" إحلف
ماجد يضحك" هههه ورب البيت
مالك" ومنهي هذي سعيدة الحظ
ماجد" البنت الي قلت لك عنها
مالك مستغرب" من جدك إنت؟؟؟
ماجد" إي بالله ...هذي البنت سحرتني موت ... أحبها وربي
مالك" كيف تحب وحده ما تعرفها
ماجد ما عجبه الكلام" كيف ما أعرفها
مالك" إي ما تعرفها...منهي هذي البنت من بيت منو؟؟؟
ومنو أهلها ؟؟؟ وشنو اسمها؟؟؟
ماجد" مالك ..تكفى كل شي في وقته
مالك" طيب متى؟؟
ماجد" أووووووف ...يالله مع السلامه
مالك " ماجد لحظه شوي
ما انتظر ماجد وقفل السماعة في وجهه وما عطاه فرصه إنه
يتكلم... مالك بعد بدوره ما حاول إنه يتصل عليه وتضايق
كثير من ردة فعله
\\
//
نواف" يا هلا وغلا .... والله بشارة خير الغالية جالسه على السفره
أم عبد الرحمن" تدري فيني يا ولدي مالي حمل على الرقده
صيته" أنا سويت لك شوربه حتى تدفيك يمه
أم عبد الرحمن" تسلم يمينك يمه
نوره" هااا ياجدتي شلونك الحين
أم عبد الرحمن" بدري والله
نوره" تدرين أنا مشغولة كثير وعندي محاضرات
أم عبد الرحمن" وليه صيته ما قالت مثل ما قلتي ..وتغيبت
حتى تقعد معي
نوره بتذمر" والله صيته غير عني ...لو تغيب اسبوع ما حد
خذ باله منها ...لكن أنا ...
أم عبد الرحمن" اييييي ... مو فالحه غير انا وانا
نوره ما عجبها الكلام وقامت من على السفرة
نوره بصوت عالي" ميري... صعدي لي الغدا فوق
أم عبد الرحمن " بالبلى إلي يبليك
أم نواف" يمه الله يهديك لا تحطين دوبك بدوبها ..
أم عبد الرحمن بضيق" ولا تهمني أصلا
طارق من بعيد" ياهلا نورووووو...
أم عبد الرحمن تلوي بفمها" كملت وربي
طارق" وشلونك سحوره..كنك أحسن؟
أم عبد الرحمن" سحرتك يهودية وتزوجتك
طارق يمسك ضحكته" أفا بس وهذا إلي أنا جايب لك هدية
السلامة
أم عبد الرحمن وعينها على الكيس" ما نبغي منك شي
طارق ببرود" قولي قسم ....يعني أعطيها أمي
أم عبد الرحمن ودها بالكيس" حلال عليها
طارق" لااا وأنا أقدر....تفضلي جدتي
أم عبد الرحمن" وشو ذا ...
طارق".........
أم عبد الرحمن ترمي بالكيس على الأرض وتصرخ"
آآآآآآآآه أيا إبن ال.....
نواف يصرخ فيه " وش صار ... وش جايب إنت
طارق وهو يبتسم"؟؟؟؟؟؟؟؟؟؟؟؟؟؟؟؟؟؟؟؟؟؟؟

فوق في غرفة نوره
نوره" هلا
ماجد" هلا بقلبي وحياتي
ماجد" علومك؟
نوره" مو طيبه
ماجد" أفا بس ... بيعيني بالسوق
نوره" هاهاهاي ...يا واثق...تفكر بتجيب شي
ماجد" لو ما أجيب يكفي إني خليتك تضحكين
نوره تبتسم" ايي صحيح
ماجد" عشووووق
نوره" أمر
ماجد " ما راح تقولين لي اسمك... بجد دوختيني يا بنت
الناس
نوره بحيرة" وش يهم الاسم يا ماجد...
ماجد" خليني أعرف مني هذي البنت الي صوتها حارمني
من النوم
نوره" هاهاهاي .... يا رومانسي
ماجد بلهفه" أحبك وميت فيك وربي
نوره" .......
ماجد" عشوق.... تحبيني؟؟
نوره" ما أدري....أنا تعلقت فيك ...لكن حب؟؟
ماجد" لو سؤالي محرج لا تجاوبيني ... ولا تزعلين مني
نوره" أنا ما أزعل منك أبد
ماجد بشوق" يا حبي لك....أنا راسم لك صوره في مخيلتي
نوره" وشنو هذي الصورة
ماجد" أنا أعطيك 22 سنه وأتوقع إن بشرتك شفافة البياض
وشعرك لونه أسود وطويل وحريري مررررره
نوره" هاهاهاي .... مدري
ماجد" إلا ... قولي أي
نوره بدلع " أممممم .. بصراحة وكأنك شايفني وجالس
توصفني
ماجد" ياويل قلبي ويلاه .... طاح ومحد سم عليه
نوره" هاهاهاهاي
,,
تحت عند طارق ومصيبته
نواف" وشو هذا؟؟؟؟؟ أيا الخبل
أم عبد الرحمن تكورت على الكرسي " الله لا يبارك فيك
يا لأملح....هين علي
طارق يضحك" وش صار .... والله فكرتك تحبينه
نواف" ما أدري إنت مجنون ولا إنجنيت
طارق" هههههههه قسم بالله ما أدري إنك تخافين منه
أم عبد الرحمن" خوفك عزرائيل وهو يمصع
روحك.....يمييييييي شيلوه من يمي
صيته إلي كانت على الطاولة" طارق تكفى شيله ارميه بره
طارق" طيب طيب ....صحيح خوافين ...كلها ضب صغير
تناقزوا إلي على الطاولة والي حاضنه الكرسي
أم عبد الرحمن" عساه ياكل خشمك يا الدثوي
طارق وفي يده الضب" سحوره وش ها لرشاقه .... لا بالله
أراهن إنك تدربتي عند هيفا..( ماإلك إلا هيفا)
أم عبد الرحمن" يمـــــــــــــــه شيله بره
طارق باستعباط" عندك أم عايشه وما قلتي لي؟؟
نواف وهو يضحك" لا بالله إنك مو صاحي ...طلعه بره
طارق يغمز له" وش رايك نشويه وناكله
نواف بصرخة" طااااااارق.... صحيح مقرف
استسلم طارق وحط الضب بالقفص وصار نواف يهدي في
ام عبد الرحمن وهي ماضل فيها ولا نفس
\\
//
في بيت أم تركي
أم تركي" هلا والله شلونك يا خوي ...عساك طيب
بو راشد" هلا بإختي وش أحوالش
أم تركي " وش دعوه يا خوي وش هالغيبه الطويلة هذي
بو راشد" والله ياختي لو بعدت الدروب تراها القلوب
موصوله
أم تركي" إي بالله اكيد...بس بعد نبغي نسمع صوتك
بو راشد" سامحينا يختي والله مقصرين
أم تركي" ترى العتب على قد المحبة
بو راشد" إي والله ....إلا أقول
أم تركي " آمرنا يا الغالي
بو راشد" ما يامر عليك عدو ..... هذي تراها زهور زواجها إسبوع الجاي
أم تركي" لا بالله ..خلصتوا عليها ...ومنو بياخذها
بو راشد" والله بياخذها جاسم ولد ال.... من أصل طيب وهو
نعم الرجال
أم تركي " الله يبارك لها ... ويبلغك في راشد وطروب وحمد
بو راشد" وإنت معي يا ختي.... هاااا لا تخلون
أم تركي" لا أفا عليك جايين أكيد
بو راشد" ولا تنسين بيت بو نواف بعد ..
أم تركي" إن شاء الله يبلغ
بو راشد" في أمان الله
أم تركي" الله يحفظك
سكرت ام تركي من عند اخوها وهي تتحسب وتدعي على
تركي الي كان مسمى لها لكن بعد تصرفاته هذي...مافي
وحد عاقله بتقبل فيه
\\
//
في بيت بو نواف...
أم عبد الرحمن" آآآآآه يا يمه ...بغى يموتني ذا الخبل
نواف" هههه بسم الله عليك يمه
أم عبد الرحمن" والله لولا إنت و اختك و امك ...ما كنت
جلست بذا البيت ....يبغي يموتني هالحمار
أم نواف" لا يمه لا تقولين كذا ...إنت الخير والبركه
صيته" ههههه والله يا جدتي هذا طارق يحبك كثير بس
تدرين عنه مزوح
أم عبد الرحمن" مزح معه ملك الموت قول آمين
أم نواف" يوه يمه بسم الله على ولدي
أم عبد الرحمن بنظرة استصغار" يعني تفكرين حالك تحبينه
أكثر مني ؟؟؟ ما أدري منو مربيه على كتافه ....بس هو الله
يهديه يبغي يجنني وغصب عني اطلع من طوري
طارق يدخل عليها وهي باعترافها الخطير
طارق يصفر" يلعن على الرومانسيات
أم عبد الرحمن تلوي بفمها" ليتني طريت الجنة
طارق بنبره رومانسيه"ومتى بينصلح حالنا يا بعد الروح
أم عبد الرحمن توها بتدعي عليه مثل عادتها يقاطعها نواف
نواف" هدنه الله يخليكم نبغي نرتاح
أم عبد الرحمن " أقول يمه اليوم بروح مع امك ...نطلب لك
نوف... لازم ناخذ شي بيدنا ولا كيف؟؟
نواف اعتفس فوق تحت" لا يا جدتي مو وقته
الكل تفاجأ من ردة فعله؟؟
صيته" وش صار؟؟؟ غيرت رايك؟
نواف" لاااا بس أجلت الموضوع
أم عبد الرحمن باستغراب" وليه؟؟
نواف بيتركهم من غير ما يرد عليهم...لكن امه مسكته من
يده.. صار يطالعها بعيون حايره
أم نواف" وش صار يمه؟؟ وش ها لتغير المفاجئ
نواف بنبره حاده" وش تبغون مني هاااا ....أتزوج وأجيب
عيال حتى عيالي وزوجتي يشوفوني أنضرب من الوالد
قدامهم
طارق بحنان" لا تكبر الموضوع وانا اخوك
نواف" أي أكبر الموضوع ...أنا اليوم عمري 28 سنه وأبوي
جالس يمد يده علي .... والله خوش أنفع اصير مسؤول وأفتح
بيت ...هااااا
تركهم نواف وصعد غرفته وحالته حاله صاروا الكل
يطالعون ببعض ...تركتهم أم نواف وراحت المطبخ ...
صيته تبكي" مسكين أخوي حبيبي
أم عبد الرحمن بحده" مو بكيفه ...لين يصير كل شي على
هواه.... دام انه يحب نوف والله والله لآخذها له
طارق" لا بالله سحوره قولي قسم ....أجل بكيف منو؟؟
أم عبد الرحمن بحنان الأم المفقود بالنسبة لطارق" ولدي
حبيبي....عيوني انت
طارق بذهول" هاااااا
صيته تحول بكاها لضحك" ههههههههه
أم عبد الرحمن تتحايل عليه وتمسح على شعره" إلا أقول ...
طارق يتصنع التوتر" سحر أنا طارق مو بو عبد الرحمن
صيته تنزل دموعها من الضحك" هههههه
أم عبد الرحمن" الله يرحمه ...من خلف ما مات ...
طارق يطالعها وهي تترجاه ويتصنع الخوف" لا يكون
تفكريني نواف تراه صعد فوق يا سحر
أم عبد الرحمن" إنت ونواف واحد ....إثنينكم عيالي
طارق" وش له التمصلح سحوره
أم عبد الرحمن" أبغيك بشغله ...إذا مافي مانع
طارق يجلس ويحط رجل على رجل" والله ما أدري أشوف
جدولي شلون عندي شغل او فاضي وأرد عليك
أم عبد الرحمن ترجع لإسلوبها بعد ما نرفزها طارق
وتضربه على كتفه" لين قالت لك ام عبد الرحمن شي قول
تم.... سامع ولا لا
طارق يفز واقف " على هالخشم والله
صيته" ههههههه
\\
//
في بيت بو تركي
أم تركي " والله تو ما نور البيت يا خالتي
أم عبد الرحمن" ههههههه هذا نورك والله
أم تركي" وراها أم نواف ما جت
أم عبد الرحمن" والله تدرين عنها .... بو نواف دوم يتطلب
...وهي ما تقدر تخليه خصوصا في العصريات
أم تركي" إييييي بالله....إلا أقول
أم عبد الرحمن" سمي
أم تركي " سم الله عدوينك...هذا اخوي بو راشد دق علي
...يقول زواج زهور اسبوع الجاي وقالي اخبركم
أم عبد الرحمن" بالبركة ...والله يهنيها يا رب ...لكن روحه
والله ما اقدر ..رجيلاتي ماتشيلني
أم تركي" يوووه تبغين بو راشد يزعل منك تدرين إنت خالتنا
الوحيدة... والله يزعل لو ما تروحين
أم عبد الرحمن" خلينا ندرس الموضوع مع العيال ونشوف
ام تركي" على خير
نوف و ميثه" السلام عليكم
أم تركي" هلا والله ببناتي ..شلونكم
ميثه " طيبين والله ...وليه البنات ماجوا يا خالتي
أم عبد الرحمن" تدرين نوير ماعاد نشوفها ... وصيته بعد
عمري شاطه عمرها في العشا
نوف تجلس" ههههه وش جاها اليوم بتسوي عشا
أم عبد الرحمن " ههههه والله أنا قلت خاطري بثريد على
العشا ...قالت لي بتضبط لي الامور وبتسوي لي عشا على
الكيف هههه والله يستر بس
ميثه" يووووه والله بيجيكم تسمم
الكل" هههههه
أم عبد الرحمن" يالله كل وحده تقوم تشوف لها شغله...
وخلوني اجلس شوي مع نوف
الكل"؟؟؟؟؟؟؟؟؟
أم تركي" خير يا خالتي
ام عبد الرحمن " خير خير ...كل خير بس طلعوا منها انتوا
أم تركي" يالله بقوم أسوي لنا قهوه
\\
//
في الشرقية
مرام " والله من زمان ما تجمعنا
شيماء" ايي بالله وين ذيك الأيام
مرام " تدرين الأوضاع كلها مكهربه من بعد موت مسعود
شيماء" ايي والله الله يصبركم ....ويصبر اختي بعد
هذي أمي بعد خاطرها كثير ان شيخه تجي عندنا البيت
...تقول انها تحاتيها
مرام" لا تكفون لا تغلطون ها لغلطه ...كان تبغون امي
تروح فيها..يكفيها موت مسعود ....وحالة مالك
شيماء من جا طاري مالك فز قلبها من مكانه" ليش خير وش
به مالك؟؟؟
مرام" والله يا شيماء لو تشوفينه ما راح تعرفينه .... ما هو
مالك الاولاني حاله متغير
شيماء وكل تفكيرها فيه" الله يكون بعونكم
,,
في شقة مسعود
أم طلال" والله يا يمه ما اقدر أشوفك بذي الحالة
شيخه تمسح دموعها" غصب عني والله هذا شي فوق إرادتي
أم طلال" وموضوعنا
شيخه" مستحيل ...تبغين عمتي تنجن؟؟
أم طلال" يا بنتي الشي صعب بالبدايه لكن بعدين خلاص
شيخه" لا يمه تكفين ....ولا عاد تجيبين لي هالطاري
,,
يدخل مالك على البنات في الصاله
مالك" مرام....
مرام إيي لحظه لحظه
شيماء تتغطى بسرعه وقلبها يدق مليون دقه
مرام" حياك هلا والله
مالك" السلام عليكم
الكل" وعليكم السلام
مالك" مرام جيبي لي شاي الغرفه
شيماء" شلونك مالك ....عساك طيب
مالك مرتبك" هلا فيك والله
مرام " هذي شيوووم يا مالك نسيتها؟؟
مالك ببرود" هلا فيها .... بسرعه لا تتأخرين
مرام" بإذن الله
راحت مرام تجيب الشاي لمالك .... وشيماء دموعها متجمعه
بعينها ....بسبب طريقة مالك في السلام ورده الحاد
في غرفة مالك ....
مالك" هلا والله
ماجد" هلا فيك .... وش هالغيبه
مالك" أدري عنك ؟؟ شوف وش شاغلك عنا
ماجد" هههه ماحد يشغلني عنك
مالك " وش أخبار البنت؟؟
ماجد" أي بنت؟؟
مالك يمزح" الي بدون اسم
ماجد تضايق" مالك... لا تتدخل بشي ما يعنيك
مالك بضيق" أفااا أنا؟؟
ماجد" أنا عارف حركاتك هذي إنت خايف إني أرتبط
وانشغل عنك بحياتي
مالك" هههه أنا ....ياحبي لسعادتك
ماجد" هذاك اول اليوم إنت غير...
مالك تنرفز" وش قصدك؟؟
ماجد" دوم تحاول تنفرني من البنت ...لا يكون تغير منها
مالك" صاحي إنت ؟؟
ماجد" ..........
مالك" لا يكون بنت من الشارع تفرق بيننا وبين علاقتنا
ماجد تنرفز" إكل تبن ولا عاد تجيب طاريها بالشينه
مالك بذهول" ماجد؟؟
ماجد متندم" عذرا بس ...لا تغلط عليها
مالك متضايق كثير" يالله الله يهنيك.... مع السلامه
ماجد حس بغلطته" لا تسكر ما سمعت اخبارك
مالك بقهر" أخباري ؟؟؟ ممتازه الحمد لله ....يالله اشوفك
على خير
ماجد"...........
سكر مالك الخط وصفع الجوال على الجدار ورمى نفسه
على السرير وراح في سابع نومه
\\
//
أم عبد الرحمن" تعالي يمه يمي
نوف" ههه خير خالتي
أم عبد الرحمن تمسح على شعرها" كبرتي يا قمر
نوف"...........
أم عبد الرحمن" انا جايه أخطبك لولدي
نوف بذهول" نع.... نعم
أم عبد الرحمن" نعم الله عليك.... أقولك نواف يبيك عروسته
نوف فزت من مكانها" نوااااااااااف
أم عبد الرحمن تمسكها من يدها وتجلسها" إييي نواف....
وش رايك يمه
نوف".............
أم عبد الرحمن" والله يابنتي مو على شان نواف ولدي بس
لو صيته يجيها واحد مثله ما ترددت دقيقه عليه
نوف الدموع متجمعه بعينها" أنا ما ابغي اتزوج
أم عبد الرحمن" وليه يا بنيتي ...في بنت ما تبغي تتزوج
نوف إنهارت" إييي أنا ....وبالذات من نواف
أم عبد الرحمن بإستغراب" والسبب يمه؟؟
نوف تبكي"...........
أم عبد الرحمن " أنا ما بعتمد الرد .... بخلي لك مجال
تفكرين ... ولما توصلين لقرار بلغيني ...إتفقنا
نوف منزله راسها" إي بس....
أم عبد الرحمن" لا تبسبسين..... قولي صار
نوف بهدوء " صار يا خالتي
\\
//
نواف" وينك فيه .... سيارتي متعطله بالشارع...تعالي ولا
أرسل لي راجو
طارق" أنا ما أقدر أجيك الحين بودي جدتي البيت ولما
اوصلها امرك..
نواف" وينكم انتوا بعاد.... ما اقدر أنتظر في الشارع شكلي مو حليو
طارق" إحنا جنب بيت عمي الحين بنروح البيت
نواف إنقبض قلبه" وش تسوون هناك؟؟
طارق " هاااا ما أدري قالت لي سحر ودني ...ووديتها
نواف متضايق على الآخر" الوعد بالبيت
\\
//
على السفره ...كانت ام عبد الرحمن جالسه وحاطه يدها على
خدها وما نطقت بكلمه من رجوعها من بيت بو تركي
صيته" يمه هذا العشا الي طلبتيه ....وش بلاك ما تاكلين
أم عبد الرحمن تقوم من السفره" مالي خاطر بروح انام
الكل".................
يدخل نواف بسرعه" السلام عليكم
الكل" وعليكم السلام
نواف" وين جدتي
صيته"تريح بغرفتها ...خير؟
نواف يتركها ويروح لعند جدته ويدق الباب
نواف" يمه ....إنت نايمه
أم عبد الرحمن" لا يمه حياك
نواف" خير يمه وش فيك؟؟؟ لا يكون تعبانه
أم عبد الرحمن مو راضيه ترفع عينها بعينه" لا انا بخير
نواف" وين كنت يمه مع طارق
أم عبد الرحمن"............
نواف بحده" سويتي الي خاطرك فيه هااااا
ام عبد الرحمن تعطيه ظهرها" أنا ابغي سعادتك
نواف تضايق كثير" سعادتي؟؟؟ تخطبين لي من دون علمي
.... وتدبسيني بالموضوع
أم عبد الرحمن تطالعه" لا تخاف ما تدبست بشي ....
نواف متفاجئ" وش قصدك؟؟
أم عبد الرحمن" مافي نصيب
نواف مو مصدق " وشوووووووووووو

البارت العاشر

أم عبد الرحمن تطالعه" لا تخاف ما تدبست بشي ....
نواف متفاجأ" وش قصدك؟؟
أم عبد الرحمن" مافي نصيب
نواف مو مصدق " وشوووووووووووو
\\
//
\\
في لبنان...
سلاف" يا صباح الورد والياسمين
تركي وهو فاتح فمه على الآخر و يتثاوب" صباح الحب
والجمال
سلاف" شووو حابب تفطر حبيبي
تركي" أي شي تطلبينه راح آكله
سلاف" هلأ بدق على الريسبشن وبطلب لنا احلى فطور
تركي" تسلمين لي يا الغلا
يدق جوال تركي
تركي" الووووووووو
سلمان" هلا هلا ...صباحيه مباركه يا عريس
تركي" هههه الله يبارك فيك
سلمان" والله إني ضعت بدونك البارح... شكلي بحجز على
أول طائره للرياض
تركي " والله تسوي خير
سلمان" ههههه وش عليك ...بايعها
تركي" يا لله ضف وجهك وما ابغي أشوفك إلا بالرياض
سلمان" ههههه خير خير .... يا لله تامر على شي
تركي سلامتك" بس هاااااا ما يحتاج أوصيك لسانك هذا
ربطه
سلمان " أفا عليك.... مربوط من زماااااااااان
تركي " يا لله سلام
سلمان" سلام
سلاف" شووو ما راح تقوم تغسل
تركي " هاا وصيتي على الفطور
سلاف" لا هلأ بدق
تركي" خليك من الفطور ... وتعالي خلينا ننام شوي
سلاف" شوووو ما تعبت من النومه
تركي" أحد يشبع من النوم وإنت معه؟؟؟
\\
//
في الشرقية.....وبالذات في غرفة مالك
كان جالس يتفرج على البوم الصور وقت ما كانوا صغار
ويشوف مسعود شلون كان يحرص عليه على طول ... وكل
صورهم كان مسعود لامه في حضنه وكأنه يبغى يحميه
وبعدها صور الجامعة مع ماجد .... وباين تلائمهم مع بعض
.... وحبهم الواضح من عيونهم .... كانت صورته مليانه
حياه مع انها مجرد صوره بعكس صورته الحين الي جالس
يطالعها با لمرايه وكأنه إنسان ميت بدون مسعود ...وبدون
ماجد إلي فضل البنت عليه ...ما حس بحاله إلا ينزع ملابسه
من عليه ويدخل تحت الشاور ويفتح الماي البارد ...وكأنه
يتمنى إن الأفكار الشينه تنزل مع الماي أو إنها تتجمد براسه
وما يعود يحس فيها مع برودة الماي الي جمد راسه مع
برودة الجو
,,
في الصالة ...كانت مرام جاهزة حتى تروح المشغل
مر من جنبهم مالك ..من غير ما يلتفت لهم ولا حتى يقول
لمرام تلحقه ..فصارت تناديه وهو كأنه بعالم ثاني ..وما
التفت لها أصلا
أم مسعود تبكي" يا لله بحقك...أنا مالي غيرك يارب
مرام وعيونها مليانه دموع" يمه ...وش فيه مالك ..مو مالك
الأولاني متغير كثير
أم مسعود" إلي صار يمه يفتت حتى الحجر ...فما بالك بمالك
الرقيق الحساس
تدخل عليهم شيخه بصوره مفاجئه....
شيخه" السلام عليكم
أم مسعود" وعليكم السلام يمه
شيخه متوترة" عمه ؟؟ تروحين مع طلال المستشفى ....شهد
تعبانه كثير
أم مسعود" يوه ...بسم الله عليها خير يمه
شيخه" شكلها نزله معوية ...ما نمت البارح معها
أم مسعود" لا حول الله.... تروح مرام معها
مرام ارتبكت" لا ..أنا ما أروح
أم مسعود".............
مرام تبعد نظرات أمها عنها" يمه عندي عرايس اليوم لازم
أروح المشغل .... ما أقدر أتأخر
أم مسعود تطالع بشيخه" متى بيجي طلال
شيخه" الحين يا عمه
أم مسعود" يا لله أنا بروح ألبس ....و انتي مرام جهزي
حالك ..حتى نوصلك
مرام؟؟؟؟؟؟؟؟؟؟؟<<< ما في مهرب..رايحه رايحه
\\
//
أم عبد الرحمن" ما في نصيب
نواف مو مصدق " وشوووووووووووو
أم عبد الرحمن" الحمد لله جات منها ...كان فشلتني
نواف مصدوم" نوف ..رفضتني؟؟ ليش؟؟
أم عبد الرحمن"مدري عنها .... بس لا تشيل هم عطيتها
فرصه تفكر فيها
في هذا الوقت شرد نواف وراح راسه لبعيد وصار يدور
براسه الف سؤال وسؤال يبغون تفسير ....
معقولة يا نوف ؟؟؟
ولييييه كل هذا .....لا يكون تفكر بأحد ثاني ....يصير ليش
لاااا ....
أنا ولا مره حاولت إني المح لها ...أو أصرح بحبي
كانت على طول المشوار تفسر اهتمامي فيها انه نوع من
أنواع الهزل وإني أحب اتغشمر معها ..
يصير نوف تحب واحد ثاني يصير؟؟؟؟
أم عبد الرحمن شافت نواف شقد انه مصدوم وشارد
...حاولت إنها تلم الموضوع
أم عبد الرحمن" لا تخاف يا ولدي أنا قلت لها تفكر مره ثانيه
وأكيد بتغير رايها
نواف مصدوم" لا ثانيه ولا ثالثه ....وزي ما قلتي الحمد لله
إن الرفض جا منها ...لأني لو كانت موافقة كنت بدق عليها
وبقول لها إني ما أبغاك
أم عبد الرحمن" أسمع كلامك أصدقك أشوف أمورك
استغرب.....وريني عيني بعينك أشوف
نواف مرتبك" إنتوا يا لشياب تصرفاتكم متهورة وغير
مدروسة وما تحسبون لها حساب...تكبرون وتخرفون
أم عبد الرحمن متفاجأه" أنا خرفت؟؟ والله لو جا ذا الكلام من
طارق ما زعلت لكن منك؟؟؟
نواف يعض على شفته وعيونه مليانه دموع" عذريني
يا لغالية والله طلعت غصب عني
أم عبد الرحمن"..............
نواف يبوس يدها" تدرين الصاحب السوء ...طارق أثر علي
أم عبد الرحمن تبتسم له"..........
نواف يبتسم لها" مو زعلانه؟؟
أم عبد الرحمن" مشكلتي ما أقدر لو أقدر كان زعلت
نواف يبوس راسها" يا بعدي والله
أم عبد الرحمن "هههههههههههه
,,
في غرفة النور...
ماجد"يا بعد هلي والله
نوره" هاهاي أقول .... إنت متهور صح
ماجد" والله مو مني من إلي فيني
نوره" إلي فيك؟؟؟ خير
ماجد بحب " حبك يا بعدي صار يسري بدمي ...ونشف لي
عروقي
نوره" هاهاهاي لا يكون تفكرني آكل من ذا الكلام
ماجد" والله والله ...إني أحبك بشكل لا يوصف
نوره بمكر" والقصد؟؟
ماجد بصدق" قصدي شريف ورب الكعبة....عطيني إسمك
وسكنك.... وغلاتك أهلي ثاني يوم يجونك خطاطيب لعيونك
نوره" إنســـــــــى
ماجد بخوف" ليــــــــه؟؟
نوره" أعرف حركاتكم تبغي عنواني حتى تشهر فيني....إنت
تدري ان البنت ....
ماجد يقاطعها" وربي ما فكرت بذا التفكير ...إنت بالنسبه لي
أغلى من الروح
نوره" أنا أهلي متعصبين ...ولو صدق تحبني لا تجيب لي
ذي السيره...على الأقل الحين ...لين أتأكد من شعورك
ماجد" طيب على أمرك.....إذا كان كذا مو مشكله
بس ممكن طلب؟؟
نوره بضحكتها المعتاده" هاهاي آمرني ياعسل
ماجد" آآآآآآآآآآه بتموتيني وربي..
نوره الفرحة مو سايعتها" بسم الله عليك
ماجد طاير في سما العشق" إسمك يابعدي....بس أبغي
تطرب إذني بإسمك إلي الكل يسميك فيه ...لكن أنا طايح بذي
العشوق
نوره تفكر".............
ماجد زعلان" خلاص براحتك ....إذا مو واثقة فيني
نوره باندفاع" اسمي .....أنا....أنا صيته<<<؟؟؟؟؟؟؟؟؟؟؟؟؟
ماجد بفرح" يا بعدهم كلهم والله
نوره" يا لله باي
ماجد بعشق" في حفظ الكريم يا صيته
نوره سكرت الخط وصارت تعض على شفافها ....ليش قلت
له إسم صيته ....لا يكون يسوي لي مشكله ولا شي
يالله على الأقل لو إنكشفت تاكلها صيتوه
....نواف يحبها وما راح يزعل منها لو صارت وانفضحت
...تطالع نوره با لساعه لقتها الساعه 9 قامت بسرعه لسريرها
بكره عندها محاضرات كثيرة..وما فكرت بصيته إلي تكون
ممكن طاحت بمشكله لها أول مالها آخر
\\
//
في الشرقية....
شيخه" يا لله يا عمه ...طلال بره ...وقولي للدكتور إنها
تطرش وما حطت شي بحلقها من البارح ..وإنها يدوب كملت
الخمس من شهر ... وعندها فقر بالدم وووو....
أم مسعود" بس يمه خلاص ....مية مره قلتي ذا الكلام
شيخه تبكي" خايفه عليها يا عمتي ....لا يكون يصيبها شي
والله أموت... مالي غيرهم بعد أبوهم
خذت أم مسعود شيخه بحضنها وصارت تبكي معها
...ومرام تحاول تفك بينهم ....
مرام" ما يصير الرجال بره ...وشهد تعبانه ...لين تطيب
سوو الي تبغونه
أم مسعود " لا تحاتينها يمه وهي معي .... تراها بنت الغالي
خذت مرام شهد ولفتها با لبطانية وحملتها ...وطلعوا بره .
..وكانت مرام مو قادرة تسيطر على قلبها إلي صار يدق
بشكل غريب...
لما شافهم طلال جايين نزل من السيارة يبغي
يشيل شهد لكن لما شافها عند مرام رجع لمكانه والتوتر
غالب عليه
أم مسعود" شلونك طلال
طلال" هلا عمه ...أنا طيب انتوا شلونكم
أم مسعود" آآآآآه الحمد لله يا وليدي...ربك ما يترك أحد
طلال يطالع بالمرايه" وشهد شلونها
أم مسعود" إن شاء الله طيبه .... والله هذا هي بهدلت أمها
معها
طلال يطالع با لمرايه" شلونك رغد <<<< مسوي حاله إنه
ما عرفها
أم مسعود" هذي مرام يا طلال .... نبغي نوديها المشغل
طلال" نوديها ليش لا ...
مرام صارت من خوفها تلم شهد لها أكثر ...يمكن تحس
بالأمان معها

\\
//
في شركة الإضائه الساحرة
وعلى المكتب ...موجود ومو موجود.....
صار يكلم نفسه معقوله ماحسبتها صح يا نواف ؟؟؟؟ يصير
نوف ما تكون من نصيبي ؟؟؟ معقولة نوف أحد يلمسها
غيري ؟؟؟استغفر الله وش ذا الكلام ...ما أدري جنيت أو
بجن ؟؟؟
أنا لازم أكلمها حتى أعرف وش صار ...وليه رفضتني
...معقوله ما تحبني وتتمنى أحد غيري ...آآآآآآه يا نوف
...تكفين يا لغلا تكفين
,,
..... ويــــــــــــنك نايم
نواف يتروع من الصوت" يبـــــــــــــــه
بو نواف" لا خياله.....لا يكون تفكر إن الشركة جايتنا هديه
ولا منحه من الحكومة هااااا
نواف متضايق" وش له هالكلام
بو نواف" صار لي ساعة أدق عليك وما ترد ...وأقوم واعني
نفسي و أجيك ...وأصوت لك ...وأبد لا حياة لمن تنادي
نواف" آمرني يبه
بو نواف" بكره بإذن الله في عندنا طلبيه لجده و أبغيك إنت
بنفسك إلي تروح تخلصها
نواف متملل" على أمرك... شي ثاني
بو نواف يطالعه من غير نفس" لااا ارجع نام ثانيه
ويطلع بو نواف ....ونواف فتح فمه على الآخر ...وصار
يفكر برحلة جده المفاجأة ...وصار يقول بحاله...أي زواج
وأي بطيخ يا نواف ...خليك عزوبي أحسن لك
\\
//
في الجامعة....
ميثه" ياربي ...متى تخلص الإختبارات
نوره" هاهاي يا مجده
ميثه" والله....أحسن من غيري ...إلي يشترون كل شي
بالفلوس حتى أصدقائهم يأجرونهم با الفلوس
نوره" هاهاي على الأقل يقدرون يأجرون لهم صديقات
...عليك بالي ما عندهم صديقات أصلا ....والكل يتنحش
منهم
ميثه متنرفزه" منو تقصدين بالله ؟؟؟؟هااا
نوره بهدوء" هدي أخلاقك يا بنت الناس لا يكون تفكريني
ولد ....حتى أقدر عليك يا مسترجله....أصلا منو إنت حتى
اعني نفسي علشانها
ميثه قامت قيامتها على نوره" إكلي تبن ...لا بالله يبغي لك
تربيه من جد وجديد .... انا مسترجله هااا
نوره تصرخ" آآآآآآي ...يا ولد إنت
الكل صار ملتم عليهم ويفككون بينهم ...وهم شعورهم
متطايرة... والحمد لله جت صيته وبعدت البنات عنهم
وصارت... تفكك بينهم لكن هيهات جتها ضربات مو هينه
منهم .... وبعدين جات الإدارية وبلغتهم إن العميدة تبغي
تشوفهم...طبعا نوره ولا اهتمت عدلت شعرها وراحت ...أما
ميثه فكانت ميته من الخوف ...و يا حرام جروها جر
للعميدة<<< ههه يا بعدي والله
\\
//
في بيت بو نواف وعلى سفرة الأكل
أم عبد الرحمن" شلون يمه منو بيروح معنا للإمارات
نواف ساكت".........
طارق" أنا ما عندي مانع.... خلينا نغير جووو
أم عبد الرحمن ولا كأنها تسمعه" نواف.... وين سرحان فيه
نواف يتنهد من قلب" أنا ماني رايح
نوره" لا بالله عليك ما تخرب علينا رحلتنا
نواف بنظره حادة" وش دخلني فيكم أنا .... إلي يبغي يروح
مع السلامة والقلب داعي له
نوره بفرح" اييييي الحمد لله
صيته" لا تكفى نواف الرحلة مو حلوه بدونك
نواف يتذكر رفض نوف له" مالي خلق اطلع برى الرياض
.... وثانيا انا عندي شغل بجده
نوره باستفزاز" يعني جده بالرياض
نواف بملل" والله مالك دخل فيني
نوره قامت من على السفرة" اوك
أم عبد الرحمن" تدري فيني يا ولدي انا ما أعرف بدونك
نواف" طارق موجود وفيه الخير و البركة
طارق مبسوط" قول قسم .... شفتي سحوره هذا جتك شهادة
لي....لا و مو من أي أحد... قلت شي انا
الكل"..............
يدخل بو نواف" سلام عليكم
الكل" وعليكم السلام
بو نواف" ها وين أكلي
أم نواف " دقيقه الحين يسخن وأجيبه
بو نواف " هااا بتروحون الإمارات؟؟
أم نواف" والله للحين ....إنت ما بتروح معنا
بو نواف باحتقار" أنا ؟؟؟ وش يوديني ...وثانيا إنت بعد مالك
روحه
أم نواف بزعل" براحتك يا بو نواف
نواف" يبه.... متى تبغيني أروح لجده
بو نواف" جده؟؟؟ إيييي ذكرتني ...لالالالا خلاص
نواف" ليه يبه
بو نواف" لأنك بتروح الإمارات
أم عبد الرحمن تطالعه بابتسامه وعلى كرهها لأبو نواف في
ذيك اللحظة كان ودها تاخذه بحضنها وتبوسه
نواف" ومنو قال إني بروح؟؟؟
بو نواف"؟؟؟؟؟؟؟؟
نواف بصوت واطي كله احترام " قصدي إني ....ما أبغى
أروح ... وإذا على خواتي وجدتي .....طارق معهم
بو نواف يطالعه" لا إنت بتروح....لأن بو تركي ما يبغي
يروح وتركي مسافر ... فقال يبغاك تروح معهم
نواف" يبه ...أنا مالي خلق ...أساسا جو الإمارات مثل جونا
...يعني اطلع من السعودية حتى أروح الإمارات... نفس
الناس ونفس الجو وووو.....
بو نواف" لا يكثر بس..... انت رايح بدون نقاش.... وحجزنا
لكم على طيارة الساعه 3 المسا فاهم
نواف بدون كلام ووجهه مليان غضب وحزن ....تركهم
بيصعد غرفته ...
رن التلفون ...لكن نواف تجاهله ولا كأنه يسمعه
بو نواف" ما انت سامع التلفون
نواف" إلا يبه
بو نواف" وليه بالله ما ترفعه...ولا لو الواحد زعلان من شي
يصب غضبه على إلي حواليه
نواف" ماهو لي إلي يبيني بيدق لي جوال
وقف التلفون .... وبو نواف سكت...بيصعد
نواف إلا ويدق التلفون مره ثانيه ..من غير ما يسمع نواف
كلام يسم بدنه فيه رفع وكلم
نواف" الووووووو
نوف بتردد" السلام عليكم
نواف عرفها ومو راضي النفس يصعد ...يبغي يرد السلام
لكن ما قدر...حس بقلبه ضايع ولقى الحين الي يدور عليه
,,
هاجس العشق

في هاجس با لحشا يصيح بلهفه ويلوم
يشكي زماني لي خيب بقلبي الضنون
ابكي عيون طيرت من عيني النوم
هو حبني يوم وأنا جنيت به جنون

*****
كل ما غفل عقلي ما نست عيني وجودك
تنفس با لهوا قلبي وصمتك للأزل عنوان
تمنيت الزمن يوقف وابوسك بين عيونك
يمكن لهفتي تهجد وترحم بقايا إنسان

******
لو يسمعوني بكلمتي ودمي ما يرحموني
بس هذي مصيبتي إن حبيت عميت
وبعدت كل البشر عن ناظري ما يهموني
لو أبي أعشق أعشق ولو موتي دريت

*****
كلمه قبل لا يغيب ناظرك عن عيوني
كلمة أحبك ما تليق فيك وحبك سكني
ولو قلت إني أعشقك ما وفت شجوني
انت مثل كاس الخمر كل ما كثر هلكني
تعالي أرشف شفافك وأرضي جنوني
والتمس خدك بيدي وأبوس نحر سلبني
يمكن هذي منيتي وصولك آخر شجوني
*غروب*
,,
نواف"........
نوف بضيق" أكلم صيته لو سمحت؟؟
بدون ما يرد يطالع بصيته " تلفون لك
صعد إلى فوق وهو يحس إن نظراتهم بتاكله أكل
دخل غرفته وأخذ شاور ....
وبعد كذا حط جسمه المتعب على سريره الدافي وصار يتذكر
صوتها .... وطريقة كلامها ....جلس يلوم حاله على
شخصيته المتساهله ... ولا وش صار إذا قال لأبوه انه
ما يبغي يروح الإمارات
و مو صحيح انه رافض الإمارات بحد ذاتها هو رافض فكره
إنه يشوف نوف قدامه لمدة إسبوع...نوف حلم جميل وصار
لازم يصحا منه<<<عين العقل
\\
//
في المستشفى ...كانوا طلال وأم مسعود ومرام ...عند
الدكتور.. وطبعا شهد تمسكت بعمتها وعيت تتركها فهذا
الشي خلى مرام تستسلم لرغبتها وتروح معهم المستشفى
الدكتور" البنت عندها نزله معوية شديدة وجفاف
أم مسعود" يا لله.... وش السبب
الدكتور" شي طبيعي من الجو ...لكن لازم نحط لها مغذي
...وإذا ما صارت أحسن ...راح ننومها عندنا
طلال" على خير ... سوو الي تشوفه
مرام" خلاص أنا بجلس عندها ... و إنت يمه روحي البيت
ارتاحي انت ما تقدرين على جلسة المستشفى
أم مسعود" يوووه ما يطاوعني قلبي ..وش أقول لأمها لما
أدخل بدونها ...والله تنجن
طلال بعصبيه" و منو قال إني بتركك هنا في المستشفى
لحالك هااا
مرام إنحرجت"............
طلال يصلح الموقف" يمكن تحتاجون تحاليل وروحه وجيه
...بعدين تتبهدلين معها
أم مسعود" اييي أحسن ننتظر ونشوف وش يصير
\\
//
في بيت بو نواف
نواف معصب على الآخر " يا لله وبعدين صيته نوره
صيته" يالله احنا جاهزين بس بروح أجيب وشاح جدتي
واجي
نواف" و إختك بالله وينها ..
نوره نازله من على الدرج" يا لله خلاص أنا جهزت
نواف" لا بالله خليك شوي ....لا يكون مفكره انك الأميرة
وإحنا الخدم عندك
طارق داخل عرض" قول قسم ....هي قالت كذا؟؟
نواف يزفر"أووووووووووف للحين ما خلصت ويا كشتك
انت بعد
طارق" هذا جل حركات للشعر
نواف" ما تقولي الى متى ؟؟ تدري الحين احنا الساعه 12
و ورانا مشوار للمطار و انت بتروح لبيت عمي
طارق يعدل بدلته" ما صار شي شوفني خالص ...الحين
اروح لسيارتي وحــــــــــــــــــن ...أشغلها وثواني أكون
عندهم
نواف يرمي حاله على الكنبة" الله يطولك يا روح
تطلع صيته مع الجدة واهم جاهزين
نواف "هاااا خلاص ولا بعد
أم عبد الرحمن" خلاص يمه
نوره" لحظه بس بلبس جزمتي ((يكرم السامعين))
نواف مل من كثر الانتظار وراح وجلس بالسيارة وتركهم
,,
عند بيت أم تركي
كان واقف طارق وصالح بره ينتظرونهم يطلعون حتى
يحركون للمطار...وطبعا نواف سبقهم
مع الجدة وصيته ونوره.... كان الوضع طبيعي وما فيه أي
سوء و با لنسبه لأهل نوف محد يدري عن قصة الخطبة لأن
أم عبد الرحمن طلبت منها تكتم الخبر لحد ما تتم الموافقة أو
الرفض ...لأن ولو درى بو تركي راح يرغمها على الموافقة
وهذا طبعا إلي كان صعب انه يصير.... وصلوا المطار
وكان نواف مجهز كل شي ومتابع العفش وطبعا ما يحتاج
إني أقولكم شقد كميه الشنط المهولة إلي ما خذينها البنات
معهم
\\
//


في جده وعلى السرير الخشبي إلي ما ضل فيه لا مفرش ولا
مخدة كلهم على الأرض وفوقهم ماجد...
أي مو قادر ينام بسبب الخبر إلي خبرته فيه نوره
عن رحلتها مع أهلها وإنها ما تقدر تكلمه بذي الفترة

شنو يعني إسبوع با لنسبه لمرتاحين البال
لكن با لنسبه لماجد فــــ إسبوع كثير كثير ...
إسبوع جدير بأنه يزرع الشيب برأسه <<<الحب وما أدراك

البارت الحادي عشر

في جده وعلى السرير الخشبي إلي ما ضل فيه لا مفرش ولا
مخدة كلهم على الأرض وفوقهم ماجد...
أي مو قادر ينام بسبب الخبر إلي خبرته فيه نوره
عن رحلتها مع أهلها وإنها ما تقدر تكلمه بذي الفترة

شنو يعني إسبوع بالنسبة لمرتاحين البال
لكن بالنسبة لماجد فــــ إسبوع كثير كثير ...
إسبوع جدير بأنه يزرع الشيب برأسه <<<الحب وما أدراك
\\
//
\\
في المطار .... وفي زحمة العالم ..ما حد جالس ببيته هذاك
الوقت
أم تركي" الحمد لله كل شي تم بسهاله
أم عبد الرحمن" الله يحسر ذا البنات هدوا حيل نواف من جا
وإحنا ما شفناه ...ماعدا ها لأملح يروح و يجي علينا
حتى صالح أخذه معه
نوره" يعني وش تبغين منا نروح بدون ملابس ؟؟
أم عبد الرحمن" الحين انتي يا مال البلا ..كم شنطه حاطه لك
نوره" كلهم شنطتين وعلبة مكياج و الاب توب تبعي
أم عبد الرحمن" اهاااا ...قلنا شي إحنا
ميثه بقهر" أفا عليكم الليدي نوره تبغونها تروح بدون بهرجه
ما يصير
نوره بدلع" أقول انتي ...لا يكون انكش كشتك زي امس ....
الظاهر ما كفاك حرمان من الجامعة ثلاث أيام
ميثه" انت أصلا ... ولا أقول إذا خاطبك الجاهلون فقل
سلاما
نوف" يا لله .... تونا اليوم أول يوم و انتوا كذا ...شحالنا بعد
يومين
صيته" مالك فيهم إحنا ناخذ غرفة نجلس سوا وهم براحتهم
ميثه تتصنع الخوف" تكفون ... وربي اصبر خدامه لكم
...والي تبغونه بيصير لكن لا تخلوني معها
البنات " هههههههه
نوره" اووووه أبركها من ساعة وربي
ميثه" ومن قال والله
ربع ساعة وما يشوفون إلا نواف جاي لعندهم وكان بكامل
وسامته وأناقته( كان شاب وسيم وملامحه مرسومه ...
عيونه واسعه وسوده ... وكان لابس شماغ وثوب رمادي )
نوف ودها تطالعه لكنها تعرف إن الأنظار عليها ...وبعد
الرفض وش حال نواف...
نواف" السلام عليكم
أم تركي" هلا وغلا والله.... شلونك يمه
نواف ببرود" الحمد لله... يا لله جاهزين ..الحين بينادون
أم عبد الرحمن" ايي يمه إحنا جاهزين بس تكفى ..بروح
دورة المياه بالأول
طارق جن جنونه" دورة المياه هالحزه.... هي في آخر الدنيا
وانتي تزحفين زحف... الحين بنركب الطائرة وروحي هناك
.... وش دعوه ما تقدرين تمسكين حالك ... تكفين جدتي
نواف بزعل" طارق .... وبعدين
أم عبد الرحمن..(ساعتها مباركه) "ظلت تصرخ بذا المطار
ما خلت هنود ولا أجانب ولا عرب إلا وصاروا يطالعونها
صيته تركض لها" جدتي تكفين خليه يولي ...نواف بيوديك
أم عبد الرحمن" خليني بربيه ها لتيس ... بقولي تحملي ...ما
أدري..؟؟؟؟؟؟؟؟
طارق بجد زعل هالمره" براحتكم وعساها تروح الطائرة
...وش لي شغل أنا
أم عبد الرحمن تطالع بطارق وهي تصرخ " طارت روح
ذا الطيار قبلها روحك.... ترانا دافعين فلوس إحنا مو دافعين
حصى .... يقول تمشي؟؟؟أجل خليها تمشي وأنا اوريك
...والله لأرفع شكوى للأمير
طارق يبتسم ويتمتم " الله عاد الأمير إلي فاضي لك
أم عبد الرحمن تتلفت لهم " شيقول ها لدثوي ؟؟
ما لقت رد عليها " تقولي رجال يالأملح ورني أشوف تخاف
منخش تحت ذا البنات و تتساسر
نواف تعبت نفسيته ...ما ينلام الكل صاير يطالعهم ...والكل
عرف إن ام عبد الرحمن تبغي تروح دورة المياه
بعد عنهم وجلس على الكراسي وحط يده على راسه ...
أم عبد الرحمن ترفع غطاها على جنب وطالع طارق"
اتفوووو عليك الله لا يربحك إن شاء الله ...لابس لي بدله
ها لأملح ... ينقال له بيكشخ ذا البنقالي
نوف" خلاص خاله على شاني شوفي شلون نفسية نواف ...
أم عبد الرحمن تلتفت على نواف" أعوذ بالله من شرك يا
بليس... كله من ذا اليهودي
طارق مو ما عطيها وجه" ويلتفت على خواته ... ما قلتوا
لي وش رايكم بكشختي مو صحيح البدله راح تنطق من
جمالي
نوره بدلع" إنت اصلا وسيم ... وش عليك منها ...ولا كأنك
تسمع..طنش تعش تنتعش
طارق ما عجبه كلامها و عطاها نظره سنعه" ضفي لسانك
اقول
أم عبد الرحمن تطنشهم وتروح لعند نواف" يالله يمه ....
خلاص انا ما ابغى اروح... أتحمل وشدعوه ...بزر انا
نواف يطالعها وعيونه حمره" بعد ايش؟؟؟؟وذا العالم الي
جالسين يطالعونا؟؟ خليتونا فرجه وربي
أم عبد الرحمن بصوت عالي" ما عاش من يسويك فرجه ...
وينهم خليني اشمخ عيونهم
نواف يقوم من مكانه" تكفين يا لغاليه .... يا لله ..يا لله
أم عبد الرحمن" على الله يا ولدي
\\
//
في لبنان ...
سلاف بزعل" لا مابدي ... تروح وتتركني لحالي
تركي" أروح فدوه لعيونك قلبي... بس لازم اروح السعوديه
سلاف" ايييي وأنا التلك لا تروح .... لكن انا بدي روح معك
تركي" يا قلبي " لازم اروح وأبلغ أهلي بالأول .. حتى
يستقبلونك أحلى استقبال.... شي يلوق فيك
سلاف" بتكزوب علي ... بدك تروح وتئول عدولي
تركي يلمها له" أفااا وأنا اقدر.... روحي عندك وربي
سلاف بدلع " اييي بس أجلها شوي منشان خاطري
تركي ضاع " صار يا حبي ..أأجلها وش عندي انا
سلاف تضحك" تئبر لي البي
تركي" هههه يا لله قومي لبسي خليني اوديك احلى
كبريه(إكملت)
\\
//
في المستشفى ....
الدكتور" أنا آسف لكن لازم ننومها ...ما يصير فقدت كيلو
من وزنها في خلال 3 أيام
أم مسعود" طيب قول لنا وش نسوي لها بالبيت وإحنا نرعاها
طلال" ما عليك منها يا دكتور سو إلي تشوفه مناسب
الدكتور" منو إلي بيتنوم معها....
مرام" أنا يا دكتور
الدكتور" خلاص يا خوي انت خلص الأوراق وخليهم
يصعدونها للتنويم
بعد ما خلص طلال من الأوراق....
ام مسعود" هااااا حرصي يمه لا يكون تطرش و انت نايمه
و مو حاسه بحالك
مرام " يوه ...كيف ما احس بحالي ...لا تخافين انتي
طلال رجع ومعه الأوراق" هااا جاهزين
أم مسعود" ايي جاهزين
طلال" مرام تبغين شي اجبيه لك....
مرام بخجل" لا مشكور
ام مسعود" تعال معي أنا برسل لها ملابس وأكل وإنت جيبهم
لها
طلال" خير إن شاء الله
\\
//
في جده...
دلع" خير .... مو عوايدك تجلس بالصالة...
ماجد متملل" بكيفي ... أجلس بالصالة بالغرفة والله براحتي
دلع " بسم الله علي .... كلتني بقشوري
ماجد" ما دري عنك.... تدورين متى الواحد يكون متضايق
حتى تكلمينه
دلع" اممممم ..... طيب آسفين
ماجد" تعالي وين؟؟
دلع" بروح غرفتي..... خير تبغي شي
ماجد" ايي .... تعالي هنا
دلع" مالي خلق بروح
ماجد بحده" قلت لك تعالي
دلع" طيب ... وهذي قعده
ماجد" بقولك سر .... و اياني و اياك تفضحينا
دلع بفرح" سرررر ...أفا عليك ... في بير
ماجد بعشق" أنا تعرفت على وحده
دلع" اييييييي
ماجد" ووو....أحبها كثير
دلع" وهي ؟؟؟
ماجد" ما اعرف بس شكلها تحبني...بس ما قالتها صريحة
دلع مبسوطة" أكيد ما بتقولها .... إذا بنت ناس ومتربية
ماجد متحمس" اييي والله كثير
دلع" طيب من وين هي ... ومن أي عايله؟؟
ماجد" إلي عرفته إنها من الرياض ... واسمها صيته
دلع" يا عيني على الدلع... وش ناوي عليه
ماجد" والله مختبص حدي ...أنتظرها لما ترجع من السفر
وأحط حل للموضوع
دلع" اممم هي مسافرة؟؟
ماجد" ايي والله تقول بتروح فرنسا اسبوع مع أهلها
دلع" اهااا وهذا إلي مزعلك؟؟
ماجد" تخيلي اسبوع ما اسمع صوتها ولا اعرف أخبارها
...أحس إني بنذبح
دلع" الله الله... و انت متأكد من مشاعرك
ماجد " مليون بالميه...
دلع" اذا كذا اتكل على الله .... وأنا بساعدك
ماجد يلم أخته" يا حبي لك يا قمر
ماجد حس براحه كبيره خصوصا إن دلع عاقله وفاهمه
وسابقه سنها ...يعني لما ما تعارضه على شي يحس انه
بالتأكيد صح
\\
//
في الطائرة ....كان نواف يتصنع النوم ...من دخلوا وهو
حاط نظاره سوده على عيونه ... وطارق ما غير يفرفر
بها لمجلات ...والي يشوفه يقول الثقافة موصله حدها ....
وبجنبه صالح نايم وفارش حاله عدل ولا كأنه إلا بس هو إلي
جالس على الكرسي
طبعا النور من جلست على كراسي الطائرة شالت لثامها من
على وجهها وقعدت تسمع موسيقى ...
أما نوف فكانت جالسه بجنب صيته والسوالف ماكلتهم على
الآخر ...
أما ميثه كانت جالسه بجنب أمها إلي كانت نايمه ومو حاسة
بالدنيا ...
أما أم عبد الرحمن فما هنا لها جلسه بذي الطائرة ...جالسه
تحوس وكل شوي تحاول تفتح الحزام تبع الطائرة وما تقدر
طارق يطالعها ويرفع لها حواجبه " وش فيك يا لغلا
أم عبد الرحمن ولا كأنها تسمه"........
طارق حب يتسلى معها شوي" أم عبدوووو ...وش بيك
أم عبد الرحمن تتحقرص وودها ترد عليه لكن خايفه على
نواف بعد عينها يكفي إلي سوته فيه بالمطار وبصراحة
نواف ما يستاهل
طارق" أقول يا حلووو .....من وين القمر؟؟
أم عبد الرحمن ترفع يدينها لربها وتدعي وتتحسب لكن
بدون صوت
وطارق طبعا بدوره ميت من الضحك" ممكن نتعرف
ياحلووو؟؟
نواف وهو حاط راسه على الكرسي" طارق ...ما تركد
طارق" مو أنا هذي جدتك الي جالسه تعرك بذا الكرسي
نواف رفع نظارته من على عيونه والتفت على جدته
أم عبد الرحمن ما صدقت انه التفت عليها وصارت تأشر له
نواف راح لها على طول" خير جدتي علامك
أم عبد الرحمن" ذا الحزام الله يحسره ...بلشونا فيه حاطه لي
مية واحد ..
وليه مسوينه مقاس صغير...ما يدرون إن إحنا بلد
الخير ..كان حطوا مقاسات ...إعنبوا ها لعالم ما يحسون
نواف يبتسم" طيب يا لغالية وش تبغين الحين؟؟
أم عبد الرحمن " شيل عني ذا الحزام خلني اتحرك
نواف" ما يصير يمه ... لازم يخلونه على شان السلامة
أم عبد الرحمن" يا مال البلى إلي يبلاهم ...
أي سلامه ؟؟؟ليش هم بيردون عنا شي كاتبه لنا ربك...شيله
بس شيله
نواف وهو يفتحه" على أمرك يمه وهذا فتحته ...شي ثاني
يا لغلااااا
أم عبد الرحمن" إيييه...الحين الواحد ارتاح الله يوسع لك في
رزقك يا وليدي ...
نواف ابتسم في وجهها ...وما رفع راسه إلا وطاحت عينه
بعين نوف ..إلي كانت تراقبه في كل حركه سواها من يوم
ركب الطائرة ...انتبهت فيه وعلى طول غطت نقابها ...طبعا
نواف تحولت الإبتسامه الجميلة إلي على وجهه إلى هم كسا
وجهه وكأن واحد شاف مصيبة قدامه ...رجع على طول
وجلس على الكرسي وغطى عيونه وتصنع النوم ....ومع
رجاء طارق له انه يجلس يتسامر معه ..إلا إن نواف ما
عطاه وجه ولا كأنه يسمعه
\\
//
في الشرقية....تدخل أم مسعود البيت وهي في حيرتها ..
وش بتقول الحين لأم محمد عن بنتها.... تلقتها شيخه
وصارت تطالعها ...
شيخه" عمه وين شهد ... وش قال الدكتور
أم مسعود" والله يا شيخه لما شاف الدكتور شهد .. قال لازم
تتنيم..لأن وزنها ناقص
شيخه صرخت" بنتي ...وي علي ...لا تقولين شهد صابها
شي والله أموت
أم مسعود" سمي بسم الله يا بنيتي... بنتك ما بها إلا العافية
شيخه" مستحيل ... أكيد صابها شي ولا مستحيل تخلونها
وتجوون
يدخل طلال وينقذ الموقف" وش بلاك يختي ...البنت زينه
شيخه" طيب أروح أشوفها
أم مسعود" ما يصير يمه انتي بالعدة
شيخه" أي عده يا عمتي ... وأنا قايله لك بروح عرس ...أنا
بروح اطمئن على بنتي
أم مسعود" بنتك بحفظ الله وهذي مرام معها ...وهي بتراعيها
شيخه" مالي دخل أروح أشوفها ...ولا تبغونها تموت وأنا
ما شفتها مثل أبوها
أم مسعود عصبت" لا تدعين على البنت ... الله لا يقوله
طلال" عمه خليها تروح تشوف بنتها دام هذا يريحها
أم مسعود" لا ما يجوز ..إلي بالعدة ما يصير تطلع برا البيت
طلال مستغرب" إنتوا بعدكم على حركاتكم ...أي شرع يقول
كذا ...تحبسون إلي ميت زوجها وتحكمون عليها بأشياء
ومعتقدات غريبة
أم مسعود" والله هذي عاداتنا من زمان ...أنا يوم مات بو
مسعود حتى الحوش ما اطلع فيه
طلال" إن لله معكم إنتوا.... شوفي حالتها وش لون صايره
ام مسعود كلها شهرين وتطلع من العدة
شيخه تبكي" ما اقدر إلا أشوف بنتي
طلال تضايق" عمه ...
أم مسعود" دق على مرام و عطها إياها تكلمها
شيخه وهي تبكي" إييييي تكفى يا خوي ...لو أسمع صوتها
\\
//
في احد المزارع....
مالك" أوووف ...إن لله
بو عبد الله" خير يا خوي وش فيها المهرة
مالك" والله المهرة .... ولادتها متعسرة
بو عبد الله" لا يكون يصير فيها شي
مالك" إن شاء الله مابها إلا العافية ..... بحاول فيها
بو عبد الله" والله لو قامت بالسلامة راح أعوضك على تعبك
معها
\\
//
في الإمارات .... مع وصول الطائرة تعطلوا العالم كلهم
على حساب نزلة أم عبد الرحمن من الطائرة ... ورجليها
إلي تجمدت فيها الدم من جلستها من غير حركه.....
,,
نواف" على مهلك يمه
أم عبد الرحمن" أفا عليك تفكرني عجزت ...أنا والله لولا
الكولسترول وألم المفاصل إلي برجلي وها لسكر إلي كل
ماله يعلى وما ادري وش السبب وضغطي إلي يرفعه أخوك
بكل حزه كنت اركض بذا المطار وما حد يوصل لي تخسي
المهرة توصل مواصيلي
نواف" ههههه الله يعطيك العافية
طارق" نواف ... أروح أنا للشنط وانت تجلس مع الحريم
نواف بحزم" لا ...تعال امسك جدتك وأنا بروح
طارق" على راحتك
يمسك طارق بيد جدته إلي عيت في البداية تعطيه إياها<<<
حركات يا بعدي
طارق يطالعها" هلا بالشحرورة
أم عبد الرحمن تقول بخاطرها ..شرحوك بجهنم".....
طارق" وش بلاه القمر زعلان مني.... وهذا إلي أنا جاي
وحاط يدي بيدك .... نسيتي عشرتنا
أم عبد الرحمن" الله لا يجيب الغلا .... افتح لي الجوال
أشوف
طارق" قولي قسم.... هذا وقته الحين يمه
أم عبد الرحمن" احتياط ... يمكن تضيعني بذا المطار ...
على الأقل اقدر أدق على نواف
اخذ طارق منها الجوال بدون ما يرد عليها"........<<<
وكأنه يؤيدها هههههه
البنات كانوا في دوره المياه وكل وحده جالسه تعدل بحالها
.... طبعا نوره لفت الغطا شكل بس أما صيته ونوف وميثه
فتلثموا
نوره تطالع بالبنات" هااا خلاص جاهزين؟؟
صيته " لا يكون بتطلعيين كذا؟؟
نوره تطالع بحالها " وش فيني؟؟
صيته بضيق" على الأقل غطي شعرك.... نواف لو يشوفك
كذا ما راح يصير لك طيب
نوره تنفخ" أوووووف ... عقد
\\
//
مالك" الحمد لله على سلامتها يا بو عبد الله
بو عبد الله" ههههه الله يسلمك يارب... والله ما قصرت
مالك" هذا واجبنا ...
يدق جوال مالك " عن إذنك يابو عبد الله
بو عبد الله " خذ راحتك
مالك" يا هلا والله
ماجد" ما بغيت ترد .... من أمس وأنا أحاول اتصل عليك
مالك ببرود" مشاغل والله
ماجد"من متى تنشغل عني؟؟؟ على العموم أنا ابغي أشوفك
مالك" حياك ...أهلا وسهلا
ماجد" لا أنت تعالي جده ...غير جو
مالك " لاااا .... تدري فيني ما اقدر اترك الأهل بروحهم
ماجد" خلاص أنا بجيك ....طيب
مالك" على خير وانتبه لحالك
\\
//
في المطار كان راشد ينتظرهم .... كان واقف في الاستقبال
وكان أنيق كثير لابس ثوب إماراتي وغتره وعقال وكان
ملتحي .... وملامحه ناعمة
طارق" الحين انتوا تعرفون شكل راشد
أم تركي"إي بالله نعرفه
صالح" يمه مو كأنه هذاك إلي ينتظر لوحده
أم تركي" إييي بالله هوو ....راااشد
انتبه راشد فيهم وجا لهم يركض ...وسلم على عمته وباس
راسها
أم تركي" هلا والله بالغالي ولد الغالي .....كبرت يمه
راشد" شحالك عمتي ..نورتي ديرتنا
أم تركي" دار زايد دوم منوره بأهلها
راشد يلتفت على ام عبد الرحمن" هلا خالتي شحالك
...عساك بخير
أم عبد الرحمن" والله طيبين ...أبوك شلونه وأمك
راشد" كلهم بخير ويحترونكم
صالح" هلا والله بولد خالي
راشد" هلا فيك والله كبرت عن آخر مره
صالح" أفا عليك ...أعجبك أنا
نواف" مساء الخير...أنا نواف وهذا اخوي طارق
راشد" يا مرحبا فيكم .... نورتونا ..حياكم تفضلوا
راحوا الكل معه ولقوا سيارتين ينتظرونهم وركب نواف مع
جدته وراشد وأم تركي وفيصل في سيارة... وطارق والبنات
في سيارة ثانيه ....
\\
//
في الشرقية
شيخه تبكي" هلا مرام ...بشريني عن شهد
مرام" والله طيبه ما بها إلا العافية
شيخه" أكيد ؟؟؟ ولا أقولك عطيني أكلمها
شهد" ماما شخبارك
شيخه" هلا بقلبي والله...شلونك انت كويسه
شهد" اييي يمه بس حطوا لي ابره بيدي ...توجعني
شيخه" ماعليه يمه لاتخافين بس هم بيطمنون عليك
شهد تهز براسها يعني اييي".......
\\
//
في الإمارات ...وفي سيارة راشد بالذات
راشد"يا حيا لله من سير علينا...أقبلتكم الديار بخير
نواف" الله يحيي أصلك ... الواحد يشوفك يتعلق فيك وربي
أم عبد الرحمن" الله يسلم يد ربتك يمه ....
راشد" الله يسلمك يا خالتي ....
أم تركي" وش أخبار العروس؟؟
راشد" والله شاطتن حالها تقولين ما حد بالبلد تزوج غيرها
ههههههه
أم عبد الرحمن" بالعافية عليها خلها تفرح وتستانس ...جعلها
تنسعد وتترس بيته بالذرية الصالحة
نواف " اللهم آمين
أم تركي" وانت متى بتقول يا هادي ... وبدور لك عروس
راشد" ههههه إلي اعرفه إن نواف اكبر مني إذا سواها لحقته
ولا وش رأيك يا بو الشباب
نواف"؟؟؟؟؟؟؟؟؟؟؟؟؟؟

البارت الثاني عشر

أم تركي" وانت متى بتقول ياهادي ... وبدور لك عروس
راشد" ههههه الي اعرفه ان نواف اكبر مني اذا سواها لحقته
ولا وش رايك يا بو الشباب
نواف".....................
\\
//
\\
في شقة مسعود
طلال"والله يختي ذي موب عيشه....
مع إنها عمتي لكن ما يجوز لها تحبسك حبس العبيد
شيخه" وش تبغيني أسوي ؟؟
تدري هذي عاداتهم ،،وما اقدر أقول لها لا
طلال" إلا تقدرين ....
شيخه وسعت عيونها عليه" صاحي انت؟؟
طلال" وش رايك إنت؟؟ شوفي يا عمري أنا أدري إن
الموضوع صعب كثير لكن إنت شايفه الوضع
شيخه" إييي أنا معك لكن العدة ما بقى لها غير شهرين
طلال" ايي عارف شهرين مو شي قليل
شيخه" ............
طلال" هااا وش رايك ؟؟؟
شيخه تطالعه" شوووو
طلال " خلاص يختي ما اعتقد وجودك له داعي هنا
شيخه دمعت عيونها".......
طلال يهديها " قلنا نفكر بعقلنا... هااا وش قلتي؟؟
شيخه بهدوء" إللي تشوفه
طلال" خلاص لا تجيبين سيره ...بكره أروح اطلع شهد من
المستشفى وبعد كذا أجي ألاقيك جاهزة طيب؟؟
شيخه خانتها دموعها" اييي بس
طلال" لا ما في بس ....رتبي أغراضك بكره بس هاااا
...ملابسك وملابس الجهال وبس
شيخه تبكي وتهز راسها يعني ايي "..........
طلال بفرح يبوس راسها " يا لله في أمان الله
\\
//
راشد" ههههه إلي اعرفه إن نواف اكبر مني إذا سواها لحقته
ولا شو رايك يا بو الشباب؟؟
نواف".....................
راشد" هاااا شو فيك ساكت ؟؟؟ لا يكون خالص وأنا
ما ادري
أم عبد الرحمن" ههههه قريب بإذن الله
نواف " الله كريم
وصلوا للبيت قبل طارق ...
راشد" الله حيهم ..تفضلوا،،
نواف" ما شاء الله .... وش ها لزين
راشد مبسوط" والله من ذوقك.....
يـدتي.. ام عبد الرحمن
ما نزلتي ..وإلا ما عيبج المكان؟؟
أم عبد الرحمن بعصاها على صالح" وهاااا لجثه .... الله
رحمني من طويرق هالدور ذا الخبل
نواف" ههههههههه صالح يا لله قوم
صالح مفزوع" خير وش صار بالله؟؟
نواف" ولا شي ...طارق يزهم لك
طارق " مرحبا بنا في سما دبي هههههههههههههه
دخلوا البنات داخل و ام عبد الرحمن تتعكز بعصاها
طارق يصرخ" الشحرووووووووووووووره وش رايك بسما
دبي
ام عبد الرحمن" تجنن بصراحة بس تدري أكيد بتصير
أحلا من كذا لو تضم جسمك تحتها
نواف" جدتي دخلي تكفين!
طارق يسوي حاله متنرفز" لا خلها أبغي أعرف وش قصدها
أم عبد الرحمن" والله لولا إحترامي لهذول إللي واقفين كنت
خليت ها لعصا تلعب بظهرك يا لأملح!
راشد يروح لطارق وهو متأزم" لالالا عيب ما تقول ها الكلام
نواف" ههههههه لا تاخذ عليهم دومهم كذا
راشد" بالله عليك؟!
طارق يضحك" ههههه ايي والله ياما أكلت ضرب منها...
بس داخلها تحبني وتموت فيني ...ودوم تصحى من نومها
تزهم باسمي طاااااااااااارق طااااااااااااااارق
ام عبد الرحمن وهي تدخل" لا والله ناقصني خبال أنا
....وعلى فكره بتآكل ضرب لين تقول الله حق دومك
ما غيرت طبايعك و ظليت كذا
الكل " هههههههههههه
,,
داخل الفيلا
بو راشد" مرحبا الساع ...مرحبا ملايين..
أم تركي " هلا بخوي ...إشلونك عساك بخير
بو راشد "طيبين بشوفتكم والله
نوف تبوس راس خالها" هلا خالي شلونك؟
بو راشد" توها انورت البلاد هلا فيج ياامي،،انتي نوف هاا؟
نوف تبتسم له " ايي خالي أنا نوف
بو راشد "عيل وين أم لسان ميثوه؟؟
ميثه" هههه هلا خالي شلونك
بو راشد" هلا بدلوعة خالها اشحالج غناتي؟
ميثه" أنا طيبه الحمد لله
بو راشد" و منو ها المزاين؟
أم تركي" هذيلي بنات بو نواف
بو راشد "يا لله حيهم، هلا بكن،، واشحالكن؟
صيته ونوره" هلا عمي شلونك ؟
بو راشد" بخير بخير ...إلا وين خالتي لا تقولون مايت؟
أم عبد الرحمن" إلا جيت بس على ما اصعد ذا الدرج الي
يبس رجيلاتي
بو راشد" هلا والله بريحة امي .مرحبا بالغالية....اشحالج يا خالتي؟
أم عبد الرحمن" توك تذكر ان لك خاله من زمان ما شفتها
...وينك عنا من خمس سنين ما زرتنا بالسعودية
بو راشد" تدرين رزقنا هنا ....خلاص صارت دبي دارنا
...الواحد وين ما صار رزقه سار وراه
أم عبد الرحمن" إييي انا معك دار زايد ما تنمل....لكن وأنا
خالتك بعد بلدنا من خيرة البلاد
أم راشد" هلا والله باللي يانا
ام عبد الرحمن" با لمهلي والله.
سلمت ام راشد عليهم والبنات بعد تعرفوا على بعض
وانقسموا إلى ثلاث مجموعات الرجال في الحديقة ....
والحريم في غرفة الضيوف....والبنات بالصالة إللي فوق
نوره"واااو بصراحة بيتكم عجيب ...حلو كثير
زهور" مب احلى منك والله ...
طروب" الله ..أنا مبسوطة كثير بصراحة ييتكم وسعت
صدورنا
نوف" هااا زهور متى عرسج؟
طروب" هههه بكره بالليل العرس
صيته" يا لله أكيد تحاتين صحيح؟؟
طروب " هههههه ذابحتنا والله
ميثه" طروب ....لا تتكلمين عنها أعتقد إن لها لسان وهي
تتكلم عن حالها
طروب" وش أسوي لها مسويه نفسها تستحي
نوف" خلاص لا تحرجوها أكثر
نوره بدون اهتمام لمشاعر غيرها" زهور في نت عندكم؟؟
زهور متفاجئه" طبعا.... تعالي معي اطلع لك الاب توب
نوره" لا مشكوره عندي الاب توب تبعي ...أنا من النوع الي
ما احب استخدم اشياء غيري
ميثه بتجن"طروب وريني غرفتك
طروب" انزين،، يا لله تعالي
زهور" خلاص افتحيه ...مو مشكله.
نوره" لا أنا أبغى مكان هادئ
زهور تواخذت شوي لكن بسرعة" هيه،، مب مشكله تعالي غرفتي
نوف" زهور أنا وصيته ننتظرك تحت.
زهور" لا مب لازم تتريون،، أنا برجع لكم بسرعة.
نوف تبتسم لها " طيب خير
نوف قامت وقفت وصارت تطالع بهذي الفيلا الرائعة إلي كل
شي فيها ينم عن ذوق مو طبيعي...وشافت نافذة كبيره كثير
فصارت تتطلع منها لقت الشباب جالسين بره ...وباين عليهم
انهم مبسوطين كثير وشكلهم توالفوا بسرعة مع بعض
صيته" نوف....وش جالسه تسوين؟؟
نوف" ههههه أتفرج.... الحديقة حلوه كثير
زهور " هااا شو رأيكم ننزل تحت؟؟
نوف مرتبكه" لااا مستحيل
زهور" ليش لا..
نوف" الشباب تحت
صيته" ههه طيب .... وش علينا منهم إحنا ..كل واحد
بصوب
نوف " لاااا ما احب
صيته خلاص نجلس هنا أحسن ....الجو حلو كثير والجلسة
ممتعه
زهور " براحتكم...إلا يا نوف بسألج سؤال بس مستحية
شوي
نوف حطت يدها على الحرق وتغير لون وجهها لكنها
حاولت تتصنع الهدوء
نوف" قولي ...لا يردك إلا لسانك
زهور" شو أخبار تركي؟؟
نوف" تركي ؟؟؟ طيب ليه
زهور " هههههه ....ولا شي بس تدرين انه كان عشيقي قبل
صيته تضحك" وشوووووووووو
زهور" ههههه أي والله كنت أفكر إني أحبه ...لكنه الله يهديه
ما عطاني فرصه هههه
نوف"حمدي ربك.....إنت الكسبانه
زهور" ههههه يعني
صيته" ما شاء الله عليك ..... عادي يعني
زهور" ههههه هذا الكلام و احنا صغار يعني كلام يهال
البنات " هههههههههههههه
بعد العشى إلي كلفوا حالهم فيه بيت بو راشد
تحركوا البنات وقتها الى غرفهم وناموا واهم هلكانين من
التعب ....وطارق صعد فوق مع حمد وصالح..لكن نواف
رفض انه يدخل داخل البيت وفضل انه ينام بالمجلس
....طبعا هم احترموا رغبته ...
ومجاراة للوضع نام راشد معه
\\
//
في المستشفى وشهد نايمه
مرام " الووووووووو
طلال" السلام عليكم
مرام قلبها يحترق" وعليكم السلام
طلال بشوق" هااا لا يكون اتأذيتي معها ؟؟ انا اعرفها متعبه
مرام بخجل" لا الحمد لله ...شهود تحبني وتسمع كلامي
طلال بوله" والله ؟؟ ما شاء الله عليك في كثير غير شهد
يحبوك وهذا دليل على جمال روحك
مرام تحس إنها بتموت" نعم أخوي طلال بغيت شي؟؟
طلال ينتبه لحاله" لا والله مشكور
مرام بحده" ليه متصل؟؟
طلال" اييي ...تبغين شي أجيبه معي وأنا جاي
مرام" ليه انت راح تجي لوحدك؟؟
طلال" لا طبعا أكيد عمتي بتجي معي....
ترا إحنا نعرف الأصول زين
مرام" خلاص إذا بغيت شي بدق عليها
طلال حس بالإحراج" آسفين يا بنت العمة لو ضايقناك
باتصالنا
مرام خافت على زعله" لا ما في مشكله بس تدري الاتصال
غلط في حد ذاته
طلال بحب" هذا الشي يخليني أحبك أكثر وأتمسك فيك لآخر
العمر
مرام بخوف" إنت وش تقول؟؟
طلال" أنا متيم بحبك يا بنت عمتي
مرام بخوف" طلال .!!!..انجنيت؟؟
طلال بحب " عيوني انت أنا مو هدفي العب لا سمح الله أنا
أحبك وابغيك حليلة لي
مرام ماتت من الخوف وسكرت الجوال ورمته وهي تحس
بحر شديد وصارت تدور بالغرفة رايحه جايه
\\
//
في الإمارات
كانوا البنات في غرفة زهور ماعدا نوره كانوا يساعدون
زهور في ترتيب أغراضها
زهور متضايقة" ياويل حالي ما ادري وين الطرحة
نوف" يمكن خليتيها عند أمك؟؟
زهور" لاااا أنا كل الأشياء عندي ماعدا هي ما ادري وينها
ميثه" طيب روقي و جلسي فكري
زهور تبكي"أفكر شو؟؟؟ أنا كل تفكيري كيف أطلع الليلة
وما عندي طرحه
صيته" طيب صلي على النبي و بتلاقيها
زهور" ألف الصلاة والسلام عليه ....ما في حل إلا إني أقول
لراشد يييب لي غيرها لو أجار
طروب" ايييي راشد ...أكيد عند راشد بالسيارة
زهور" صحيح فكره خليني أدق عليه أشوف
,,
في مجلس الرجال
راشد" والله يا نواف كلامك عين العقل ...
يعني لو الواحد يحفظ كرامته وكرامة أهله ما حد تجرأ عليهم
نواف" اييييه والله....الله يعينا على ها لدنيا
طارق يتثاءب " والله متملل..قوموا نطلع شوي
صالح" إيي والله وأنا بعد
راشد" حمد.... خذ الجماعة وسيروا لكوفي أو وديهم يشوفون
دبي أنا ما أقدر أروح وأخلي البنات يمكن يبون شي
طارق" إيييي تكفون ترى الدنيا بدون أم عبد الرحمن ملل
....طلعوني يمكن أنسى بعدها
نواف" أنا بظل جالس معك ... بصراحة هرجنا سوى أحلى
من الطلعات والتمشيات بصراحة انت كنز
راشد" والله انت إلي معرفتك فخر لي
طارق متنرفز" وبعدين بتظلون كذا ؟؟؟
يرن جوال راشد" هلا والله بالعروس.... هيه أتوقع عندي....
انزين،، هدي، هدي...خلاص بشوفه وبييبه
لك....على ها لخشم والله....وداعة الله.
يسكر راشد الجوال" ههههه فديتها ....
هذي العروس ...دقيقه وراجع!
نواف" خذ راحتك...
\\
//
في الشرقية
مالك" كيــــــــــــــــــــــــف؟؟؟
أم مسعود" إلي سمعته والله ....
بس اليوم أنا بروح مع طلال نجيبهم في خروج لهم
مالك" وليه طلال بالله
أم مسعود" لا مو ضروري طلال ...أي واحد يكون فاضي
يودينا
مالك" يا لله جهزي حالك نص ساعة وراجع لك
أم مسعود" بعون الله يا ولدي
,,
في المستشفى
مرام كانت تفكر بكلام طلال وكيف هي ردت عليه بهذا الرد
القاسي ....هي صحيح تحبه لكن ما توقعت انه راح يتجرأ
عليها ها لقد....صارت تلوم حالها مره وتعاتبه ألف مره
شهد" عمه ليش تأخروا
مرام متضايقة" ما أدري ...على كلام أمي إنهم بالطريق
مالك" السلام عليكم
شهد بصرخة" عمو مالك
مالك يلمها له" هلا وغلا ....وش رأيك بهديتي
شهد" اوووو جيم بوي ...أنا أحبك يا عمو.. خلاص ما راح
ابكي حتى البابا يرجع لأنك انت تجيب لي كل شي
مالك يلمها لصدره أكثر ويترحم على اخوه.... تركهم حتى
يخلص الأوراق في هذي الأثناء يدق جوال ام مسعود
أم مسعود" الوووووو..
طلال" هلا عمتي أنا بره انتظرك
أم مسعود" يوه وين بره
طلال" بره البيت بجنب الباب ....حتى نروح نطلع شهد
أم مسعود" ههههه لا ما يحتاج أنا الحين عندهم ومالك
بيخلص الأوراق وبنجيكم
طلال ميت قهر" براحتكم أنا انتظركم عند شيخه
أم مسعود" زين
طلال" مع السلامة
أم مسعود تسكر الجوال" هههههه يا حليه طلال ...والله انه
رجال ينشد الظهر فيه
مرام تغيرت ألوانها ..وحاولت تغير الموضوع حتى ما تنتبه
لها أمها
\\
//
في الإمارات يدخل راشد الصالة وبيده طرحة زهور... وهو
يدندن يا معيريس عين الله تراك والقمر والنجوم تمشي وراك
ما ينتبه إلا للملاك إلي جالس قدامه وقف راشد مذهول من
جمال المنظر....انتبهت له نوره وبابتسامه عريضة وبحركة
بطيئة جلست تعدل شيلتها ..... انتبه راشد لحاله وعطاها
ظهره
راشد" احم احم يا لله
نوره بصوتها الناعم" هلا راشد شلونك؟
راشد" الحمد لله يا بنت العمة بخير
نوره" أنا نوره أخت نواف
راشد" والنعم والله بنواف وفيج...إلا أقول
نوره" هلا آمرني..
راشد" ما عليج أمر بس إذا ممكن تودين الطرحة للعروس.
نوره" اييي ليش لا...و عقبال ما نفرح فيك
راشد يبتسم" تسلمين والله
طلع راشد من عندها وهو يذكر النبي عليها وعلى ادبها
وجمالها
وصلت الكوافيره وابتدت رحلتها مع البنات وهي جالسه تحط
لمساتها الساحرة عليهم إلي زادتهم نور على نورهم وجمال
على جمالهم
\\
//
في الشرقية وبالذات في بيت ام مسعود ...
طلع طلال بسرعة وشيخه دخلت على ام مسعود
أم مسعود تشوف شيخه لابسه عبايتها وغطاها" على وين
يمه
شيخه تبكي" بروح بيت أبوي
أم مسعود تبغي توقف لها مو قادرة" ليش يمه إحنا آذيناك
بشي .... سمعتي كلام على لسانا أذاك لا سمح الله
شيخه تروح لحضن أم مسعود وهي تبكي" ما عاذ الله يا
عمتي
إنت مثل أمي لكن تدرين ما في شي بعد مسعود يربطني بذا
البيت
أم مسعود باستغراب" وإحنا يمه مالنا نصيب فيك ؟؟
وعيال مسعود ليه تحرميني منهم
شيخه" ماراح أحرمك منهم أنا بجيكم كل وقت وانت بعد
خليني أشوفك
أم مسعود ما ردت بكلمه".............
مرام تبكي" ليه كذا يا شيخه ليه
شيخه تمسح دموعها" هذا إللي المفروض يصير من أول ،
يا لله أشوفكم على خير
مرام راحت لحضنها وصارت تبكي معها ...
\\
//
في الإمارات
راشد" هيه يا لله إحنا زاهبين بعد..... يا لله نتريااكم
نواف" هااا خلاص؟؟
راشد" إيي بالله ....بس أقولك
نواف" سم
راشد" سم الله عدوك...
أنا باخذ العروس،، وانت اخذ البنات ،،وألحقني لاهنت.
نواف" والسائق؟؟
راشد" لا خله هنا مالنا فيه
نواف" يا لله صار
طلعوا البنات ونواف في السيارة وصاد بوجهه عنهم حتى
تاخذ العروس راحتها
ركبت العروس وطروب وميثه مع راشد
ونوره وصيته ونوف في سيارة نواف
صيته" هلا والله بالقمر.....
نواف" هلا فيك والله ...هااا خلاص؟؟
نوره" كل شي اوكي،، اتكل على الله
نواف" على الله ...وجدتي راحت؟؟
نوره " إلا ما تروح أكيد من الساعة 7ونص هم بالقاعة
ولوا عليهم ودهم كان ناموا هناك بعد
نواف" ههههه يا حليلهم والله
صيته"وينك اشتقنا لك
نواف" والله مو حاس بالوقت....مبسوط كثير تدرين راشد
ينشرا بماي الذهب
صيته" إيي والله الله يوفقه يارب ويشوف له بنت الحلال
نوره تبغي تغيض نواف" هههه يمكن لقاها وخلص ..ولا
وش رأيك يا نوف؟؟
نواف بدون ما يحس صار يطالع بالمرايه ما كان عارف إن
نوف معهم ولا ما كان خذ راحته ها لقد"......
صيته" نوره اتركي نوف بحالها تراها مو قدك
نواف متضايق" صحيح هو ولد خالها وأولى فيها من الغريب
نوف قهرها رد نواف رمت الخجل وراها" والله يا ولد عمي
راشد من خيرة الرجال وألف وحده تتمناه
جن جنون نواف ولو هي جنبه كان الله العالم وش صار فيها
نواف ضغط على أعصابه" الله يوفق الجميع
وكملوا طريقهم ونواف ما نطق بعد كلمته كلمه ....نوف
تندمت كثير على كلمتها له لكن اسلوبه هو إلي دفعها تقوله
كذا
,,
في القاعة ...كانوا البنات ملتمين حول زهور إلي كانت
فرحانة كثير وجالسه تاخذ صور كثيرة مع أهلها وصديقاتها
وكانت بالفعل من أجمل ما يكون... في دخلتها كانوا البنات
مرتبين كل شي معها دخله رومانسيه على الموسيقى
الكلاسيك و الإضائه الحالمة كانت زهور تمشي بسعادة
خصوصا إن الحفلة كانت نوعا ما خاصة ما فيها ناس كثيرة
...لما وصلت للمنصة صعدوا البنات لها وهم يرقصون لحد
ما وصلوا لعندها وسوو حلقه صارت زهور بالوسط والبنات
حواليها....وبعد ما شبعوا البنات من الرقص أعلنوا دخول
المعرس إللي دخل معه أبو العروسة وإخوانها ونواف
وطارق وصالح ....وطبعا طارق وصالح وحمد ما بطلوا
رقص على المسرح والحمد لله إن طارق ما أصر على لبس
ألبدله واقتنع بكلام نواف وخلاها ثوب ولا كان صار
علوم...
تمت الحفلة على خير و العروسة زفت لزوجها وأخذها راشد
ووصلها مع زوجها للفندق...
أما البنات فرجعوا وكلهم فرح بالي صار ....ماعدا طروب
إللي كانت تضحك شوي وشوي تبكي ... والبنات جالسين
يعلقون على الزواج وعلى زهور وزواجا....لحد ما سمعوا
صوت الشباب بالحديقة فراحت نوره تتسمع عليهم وعلى
كلامهم.....
,,
راشد" آآآآآآآآآآآآآه الله يوفقش يا زهوره...والله انك بنت حلال
وتستاهلي كل خير
طارق" والله عرسكم مثلنا ... وأنا إلي توقعت بشوف شي جديد
راشد" لااا مو مثلكم شفت الرقصة الإماراتية مالتنا .... والله
إنها عجيبة
طارق" اييي حلوه بس مو أي احد يعرف يسويها
وقف طارق وجلس يقلد وحمد يغني له....
نوره نادت البنات وتراكضوا للبلكونه....
الكل" هههههههههههه
راشد" وش بك يا خوك ..... ما انت بعادتك
نواف" لا عادي أنا طيب
راشد" ما أدري أحسك متملل ..لا يكون زهقت من ديارنا
وودك تعود
نواف" ههههه لا والله عادي
طارق" أنا عندي فكره حتى نكسر حاجز الصمت والملل
صالح" خير وش عندك
طارق" نلعب لعبة صراحة وأمر
الكل أيده وخصوصا نواف؟؟؟؟؟

لكن يا ترى ليه نواف كان متحمس للعبه وهل لما يلعبها
بتريح أعصابه أو بتوترها أكثر؟؟

البارت الثالث عشر

راشد" وش بك يا خوك ..... ما انت بعادتك
نواف" لا عادي أنا طيب
راشد" ما أدري أحسك متملل ..لا يكون زهقت من ديارنا
وودك تعود
نواف" ههههه لا والله عادي
طارق" أنا عندي فكره حتى نكسر حاجز الصمت والملل
صالح" خير وش عندك
طارق" نلعب لعبة صراحة وأمر
الكل أيده وخصوصا نواف؟؟؟؟؟
\\
//
في الشرقية وصل ماجد وكان لقاءهم ممتاز لبعضهم ولا كأن
فيه شي ومالك بعد ما جاب له سيرة البنت حتى ما يعكرون
على بعض
مالك" هههههههههههه والله انك عجيب
ماجد" آآآآآآآآآه يا قلبي والله كل ما اذكر العميد وشكله أموت
من الضحك
مالك" لا والله انت كنت شي ... ما تخاف من أحد أبد؟؟
ماجد"والله كنت ميت خوف ....لكن إلي قدامك إذا شاف في
عيونك الثقة ...مهما كان ...لازم يكون موقفك أقوى
مالك" إيييي بالله
ماجد بهدوء" إلا أقول...
مالك" هلا ...
ماجد"وراك السيجارة ما تطيح من فمك... ما كنت كذا؟؟
مالك وهو ينفخ " أممممم حسيت في وقت إني محتاج أحد
يرافقني ...وما لقيت غيرها
ماجد بأسف" الله ....إلى هذي الدرجة صرت أنا بعيد عنك
مالك يوقف ويتوجه جهة البحر" انت إلي بعدت نفسك يا ماجد
ماجد" مهما كان ومهما صار ....ترى معزتك بقلبي ما تغيرت
مالك براحه"أكيد؟؟
ماجد"ما يعني إني حبيت وحده إني أتخلى عنك ....قلبي بستان
ورود وانت مآخذ نصه
مالك بحيرة" ماجد
ماجد" سم
مالك بتردد" يقول المثل يا خوي....اخطب لبنتك ولا تخطب
لولدك
ماجد بذهول"وش قصدك؟؟
مالك" أنا أبغيك تكون نسيبي ....وما راح ألاقي أحسن منك
لأختي مرام وش رأيك؟؟
ماجد مصدوم"!!!!!!!!
\\
//
في الإمارات بوسط الحديقة الرائعة والجمعة الحلوة كانوا
جالسين على طاوله و ملتمين على بعض
و حاطين وسطهم علبه فاضيه ومحتارين منو إلي يسأل قبل
البنات كانوا يطالعونهم من البلكونه .... وبعد نوف كانت معهم
وخجلها ما منعها هذي المرة إنها تجلس مع البنات في مكان
مكشوف ولو واحد من الشباب رفع راسه راح يشوفهم أكيد....
لكن في دافع يخليها تجلس بدون ما يطرق الخجل بابها
,,
راشد" شو فيكم ما يحتاي النقاش هذا كله ...نواف أكبر واحد
فينا يبدي هو
نواف يبتسم" تراني أكبر منك بكم شهر لا تشوف حالك علينا
راشد" ههههه... والله بتتنحش أنا ابدي ما عندي خلاف
نواف يمسك العلبة " لا أنا ببدي
حرك نواف علبة الماي وصارت جهة طارق وهذا أزم نواف
كثير ...
طارق" قولوا قسم....آيييييييي يبا يا لله إسئلني
نواف ماله خلقه " وش تعني لك الحياة ....يعني وش
أهدافك؟؟
طارق فتح فمه" إلي فاهم يفهمني ... هههه بصراحة أنا للحين
ما بعد أذوق صعوبة الدنيا ادرس وعايش مرتاح مع أهلي
...يعني في من يصرف علي وفي من يخدمني وش أبغي بعد
طارق يحرك العلبة" اووووه.... نوااااااااااف حبيبي
صالح" لااااااا مؤامرة هذي
طارق بدون اهتمام" ما هو أصعب موقف مر عليك حبيبي
نواف يضحك" ههههه ....وش جالس تسوي فيني انت ؟؟؟؟
صادوووه ههههه ...شف في مره كنت بملعب .....كنا جالسين
نلعب على بطوله أولاد الحي هههه...
المهم إني بحذف الكره طارت جزمتي و انتوا بكرامه ....من
حماس اللعب ما في وقت أدورها وصرت اعارج بدونها لين
ما خلص الشوط ...وبالأخير خسرنا هههههه
الكل " ههههههههههههه
نواف " أووووه.... بعد طارق مالي خلق أسأله
راشد " يا لله هي لعبه
نواف بملل" وش أكلت البارح؟؟؟
طارق"قول قسم..... هههههه بيتزا وببسي
طارق يحرك العلبة" يا لله راشد ...
راشد" هههه يا لله أنا مستعد
طارق يحك راسه" اممممم بطاقتك الشخصية؟؟
نواف ميت قهر على السؤال لكنه كتم في قلبه وسكت
راشد" هههه الاسم راشد آل.... السن 27 سنه....مدير عام
أعزب .... أهوى السباحة والشعر
صار دور راشد " نواف الدور عليك
نواف يبتسم"......
راشد" منو منا ما عاش فترة حب ولو كان وهو صغير
مرت عليك مرحله في عمرك حبيت فيها؟؟؟
<<جيت على الجرح يا راشد
نواف بحيرة " أنا وأنا صغير كان يتهيأ لي إني حبيت وحده
لكن لما كبرت وعقلت عرفت إنها كانت مجرد لعب عيال
...يعني كنت بزر خالي من المسؤليه والحمد لله إني عرفت
هذا الشي قبل فوات الأوان
البنات كانوا جالسين يسمعون له وصارت صيته تطالع بنوف
إلي تغير وجهها فجأة
نواف يضحك" الدور عليك يا راشد
راشد" حلوووووو يا لله وريني
نواف" أنا بسألك نفس سؤالي
راشد" ههههه والله أنا حبيت وحده من أهلي وأنا صغير وإلى
الآن أكن لها مشاعر بقلبي لكن الدنيا تغيرت والحال صار
غير الحال ....لكن أتمناها تكون من نصيبي
راشد" يا لله صالح.... وش تفكر فيه لما تجي تنام؟؟
صالح" والله أنا بصراحة ما أفكر بشي ....بتقولون لي ليه ؟؟
لأني لما أحط راسي على المخدة أكون مو شايف قدامي من
التعب ...فبكذا ما أفكر بشي
صالح" يا لله طارق نفس السؤال
طارق" بصراحة أنا ثلث تفكيري بجدتي أم عبدووو والباقي
استغفر ربي على إلي أسويه فيها ....بس والله مو مني من
حبي لها
طارق" يا لله حمد ....شو إلي خاطر ببالك الحين؟؟
حمد يضحك" ههههه والله خاطري بصينية حلى وفنيان قهوة
الكل ضحك ماعدا نواف إلي مآخذ اللعبة تحقيق يبغي يعرف
فيه كل شي وما يبغي الوقت يضيع كذا
حمد" دورك يا ولد الرياض
نواف بصوت عالي" والنعم والله بالرياض وأهلها
حمد" والسبعة أنعام بعد ....لا تاخذها جد وأنا أخوك
المهم ....ممكن تعتدي على حرمة أي بلد ثانيه و تأخذ وحده
من بناتهم حليلة لك ولا تفضل بنت بلدك؟؟
نواف" لا بصراحة ....أنا متعصب لبلدي وما أبغى آخذ إلا
وحده سعوديه ميه بالميه ههههه
نواف" راشد الدور عليك .....نفس السؤال
راشد ههههه" انت حطيت ملح على جرحي .... لا والله أنا
أبغي إلي آخذها سعوديه ...مو لأنهم أفضل من بنات بلدنا
لا والله.... فكل بلد منهم عين في راسي ....لكني إلي أنا حاط
عيني عليها بنت السعودية....ولو ما حصلت لي بدور غيرها
من بلد الخير ....دار زايد
نواف" ؟؟؟؟؟؟؟؟؟؟؟؟؟؟؟؟؟؟؟؟؟؟؟
البنات بدورهم صاروا يضحكون بصوت عالي وهذا الشي
لفت انتباه الشباب إلي حسوا بوجودهم
حمد" طروووووووووب تعالوا يلسوا معنا بدل ما تتصنتون
علينا من فوق
نواف بحده" حمد.... لا تنسى إن إحنا سعوديين
راشد بضيق" وش قصدك يعني؟؟
نواف تواخذ" لا بالله ما قصدي شي...أنا ما قصدت إني انزل
قيمتكم بشي لكن يا خوي انتوا متفتحين أكثر منا ...والبنات ما
راح يرضون ...هذا قصدي والله
راشد" ما يحتاي تتأسف ما صار شي
طارق بيلطف الأجواء" قولوا قسم ....بتتخانقون؟؟
حمد" لا الله لا يجيب الزعل ...و الاختلاف في الرأي لا يفسد
للود قضيه
طارق" طيب وش رايكم نروح للشعر
كل واحد يقول بيت من الشعر والي ما يقدر يكمله ينسحب
وبالتالي إلي يقدر يوصل للأخير يقولنا لمنوا يهدي أبياته
حمد" اييي والله بس شوف مو شعر يعني خواطر
راشد" إييي لا تخاف إحنا مو يالسين بأمسية يعني كل واحد
يقول شي خطر بباله ما هي مشكله
نواف" بشرط.... ما تقولون لي أبدي أنا
راشد" لا أنا ببدي ويمشي الدور باليمين
نواف" خلاص موافقين .... وش قولة الشباب
الشباب" عند قولك والله
&&&
راشد" علمتني أبحر بعيونها من غير مرسى
طارق" ما دري من أي معدن قلب المحب أمسى
نواف" كل ما تلذذ ذا القلب بتعذيبي أنسى
صالح" من ألاقي منها ذكرة عهد ؟؟؟؟؟ ما أعرف اكمله
راشد" صالح ....تنحى ما قدرت تكمل البيت
حمد"غاب طيفها عن خاطري وقتها أيام
راشد" حمدت الله يومها... ببعدها بيهدا قلبي وينام
طارق" آثاري عشقها أمسى حفيد الظلام
نواف" وغزا حبها قلبي لين صرت أشوفها بالأحلام
حمد" من يوم يومها تعذب القلب لين ؟؟؟؟؟؟ اووو عذرا
راشد" خلاص اخوي تنحى
راشد"حينها تعوذت من رب البشر والعباد
طارق فرحان بحاله" وصورت نفسي بصورة الأجواد
نواف بغصة" ودقيت بابها خاطب لبستني ثوب السواد
راشد" كل ما قلت أنسى غزت عيونها خاطري بالعناد
طارق" وخاطبتها عيوني قولي قسم؟؟؟؟؟ هههههههه
راشد" ههههه تنحى بلا ضحك
نواف" طلعت أدورها بعيون تطلبها وترجاها
وتمنيت لو لحظه أعرف فيها وش نواياها
راشد" غدا كلام حبيبتي مثل طعن السيوف
وما رحمت دمعه جرحتني وما وزنت الحروف
نواف" من أتذكر يوم كنت أحضن همومها واسليها
تخالجني صورة دمعها وهي تنزل على خديها
راشد" كلمه تجرح قلبي قبلها قلبها تهنيني
تعتبرني مثل أخوها ولا ترحم دمع عيني
نواف" كذبت الزمن يبعدنا وقلت له اليوم يومي
ما دريت انه ظلمني وهزمني وزاد هم على همومي
راشد" تمنيت الزمن يمضي وأشوفها عروسي
وألمها بين يديني وأترحم ؟؟؟؟
راشد" خلاص نواف انت الرابح
طارق يصفق" واااااااااااو مبروك يا خوي
راشد ما قلت لنا لمنو تهديها
نواف ضاقت فيه الوسيعه " ما أقدر أقول اسمها ...لكنها كانت
لي مثل الوردة وبعد هجرها لي صارت لي أشوااااااااااااك
وأحب أقولها آخر كلمه
ما صادفت سنيني في الحلى احلي من حلاها
وما تهنت عيوني بنظرها ولا ذاقت شفافي شفاها
*غروب*
الكل صار يصفق له" واااااااااااااااو
,,
فوق عند البنات
نوره" آآآآآآآآآآآآه وش ها لعشق هذا ....لكن للأسف يا خوي
هي ما تستاهل نصه
نوف ساكتة والدمعة بعيونها وصيته بعد ما عقبت بعد كلام
اختها بكلمه
ميثه" والله إلي ما ترضى بنواف هذي عقلها صغير
طروب" بالله نوره كلميه عني يمكن يجيني عريس
نوره " ههههه ما راح نلاقي أخير منك والله
طروب" ههههه ..كنت أموت اكون زوجة الوسيم ياااااااي
نوره" شدي حالك ها ليومين وخليه يتعلق فيك <<<موكل
الناس زيك يا نوره
صيته " ههههه ما سمعتيه يقول ما يبغي غير سعوديه
طروب" هههه عارفه بس كلموه يمكن يقتنع بكلامكم
الكل ماعدا نوف" ههههههههه
\\
//
في الشرقية...وعند ماجد ومالك
مالك" أنا أبغيك تكون نسيبي ....وما راح ألاقي أحسن منك
لأختي مرام وش رأيك؟؟
ماجد مصدوم"!!!!!!!!
مالك " وش فيك ....لا يكون إحنا مو قد المقام
ماجد" ما عاذ الله يا خوي لكن؟؟؟
مالك" لكن شوووو؟؟
ماجد" شوفي اخوي أنا يشرفني إني أكون نسيبك وإختك
تراها ما تتعيب لكن لو أوافق أكون أخدعها وأخدعك
مالك مذهول يطالعه"................
ماجد بخجل" أنا ميت بهوا صيته ولو أخذت اختك ببهدلها
معي ... لان صيته عايشه بداخلي وبكياني .... ما أقدر إني
أنساها ...كيف أنساها وهي تجري مني مجرى الدم
مالك بصعوبة" تبيعني على شانها؟؟
ماجد ودموعه بعينه" أنا ما أبيعك ...أشتريك بدمي لكن ما
أقدر أخدعك انت معزتك الجبال ما تقدر تحملها
مالك يبتسم" والله لو كنت وافقت على عرضي كنت قطعت
علاقتي فيك ...لكن الحين أنا أقدرك أكثر
ماجد بذهول" وش قصدك؟؟
مالك" كنت أفكر علاقتك فيها شي عابر وانك انصعت ورى
قلبك من غير ما تفكر....ضايقني انك تبيعني على شان وحده
أي وحده كانت ...وعن طريق علاقة غير صحيحة علاقة
تحمل في طياتها الغموض...هذا الشي إلي ضايقني لكن لما
شفت ردة فعلك ...احترمتها كثير وتأكد اني ما كنت راح
اعرض اغلى أخت في العالم عليك ولو كنت اعز أصقائي
ماجد يلمه له " والله انك ما تتخير بملك الدنيا كلها
مالك" هههه يا بختي فيك وعلى العموم خلينا نرجع البيت
وبكره بإذن الله راح اكلم بو عبدالله وهو يطلع لك اسم صيته
بالكامل و وين بيتها ونروح نترجاهم يعطونك إياها
ماجد ودموعه في عيونه" يلوموني فيك يا خوي والله انك
أغلى من روحي
مالك" لا لا تبكي .... والله تراني ببكي معك
ماجد "ههههههه
,,
بعد ساعة ..
مالك" السلام عليكم ....للحين صاحية
مرام مرتبكة" إييي والله يا خوي
مالك" خير وش فيه وجهك أصفر
مرام " أمي يا مالك تعبانه كثير
مالك مصدوم" وشوووووووو
مرام" لا تخاف الحين صارت أحسن
مالك" وش السبب ...و وينها الحين هي
مرام " توها نامت ...وكل شوي تقوم مفزوعة من فراشها
مالك" بالله عليك .... وش السبب طيب
مرام" امممم ما أدري وش أقولك ....بس شيخه اليوم تركت
البيت وراحت بيت خالي
مالك باستغراب" تركت البيت ؟؟؟ ليه؟؟ إنتوا متخانقين
معها؟؟
مرام تبكي" لا والله بس أعتقد إنها مو مرتاحة .... وأمي من
يومها وهي تبكي على فراق عيال مسعود....إنت عارف
ضربتين على الراس توجع يا خوي
مالك متنرفز" لما يصير بكيفها
مرام تهديه" لا تعصب ...الله يخليك تصحى أمي
مالك" طيب أوريك أنا فيهم بكره ...وإذا هي ما بترجع بالبلى
إلي يبليها لكن عيال مسعود ما يتربون غير ببيته...وها لكلام
لازم تفهمه زين....بعد كذا
طلب فراش لماجد وطلب منها إن محد يدخل المجلس وكان
عقله طاير من التفكير
\\
//
في اليوم الثاني في الإمارات
كانت أم عبد الرحمن وأم تركي وأم راشد يتقهوون بغرفة
الضيوف...
صيته" صباح الخير
أم عبد الرحمن" هلا والله ببنيتي .... قولي مسا الخير
وش ها لنوم صار الحين الظهر وانتوا نايمين...
كأنكم من أهل الكهف
صيته" هههه والله يا جدتي المكان هادئ كثير
طارق من بعيد" هاااا يا لله
أم راشد" حياك يا وليدي تعال ما في حد
طارق يفرك بشعره" اووووه وش حلو جمعتكم
أم راشد"تفضل يا ولدي تقهوى
طارق يا خذ من الحلى بيحطه بفمه .... لكن لما لاحظ أم عبد
الرحمن ابتسم لها ومد الحلى ناحيتها
أم عبد الرحمن " خير وش تبغي بها ليوم الأغبر
طارق يغمز لها " منقولة يا قمر
أم عبد الرحمن باشمئزاز" لين أكون خرفت اقبل من عندك
طارق" قولي قسم... وليه ...لا يكون شايفتني ....
أم عبد الرحمن تقاطعه " لا أشوفك ولا تشوفني ...يعني توك
صاحي من النوم ....والله العالم أين باتت يدك
طارق يبتسم" والله إني متوضي ومصلي
أم عبد الرحمن " ما علينا اليوم تفضون لنا حالكم
طارق يقعد عندها ويبوس يدها" آمر وتدلل يا غالي
أم عبد الرحمن تلوي بوزها عليه" ما ادري متى الله يريحني
منك وتطيح في كبد أي وحده
طارق" إييييي تكفين يا لغلى شوفي لي عروس
أم عبد الرحمن" موجودة يا خلف أبوي
طارق فرحان"قولي قسم.... صحيح يا سحر
أم عبد الرحمن" عيون سحر انت ....بصراحة جولي ما تنتعيب
طارق متعجب" جدتي وش بلاك تبغيني آخذ روسية ؟؟؟هم
صحيح يطيحون الطير من سابع سما لكن مستحيل آخذ وحده
منهم...لا أنا ابغي وحده سمره شوي حتى نتماشى مع بعض
في الألوان ....ولا بعدين يطلعون عيالنا مرقطين من مزج
الألوان هههههههه حليب بالشكولا
أم عبد الرحمن" لا تستعجليا ولدي أنا نقيتها لك نقوه
....جولـــــــــــــــــي
الكل "هههههههه
طارق يطالع مستغرب"قولي قسم.... هي يعني هنا موجودة
جولي(الشغالة)" نعم ماما
أم عبد الرحمن" جولي طارق يبغيك.....
طارق يقاطعها وهو مرتبك " جولي كاس شاي لو سمحت
جولي " إن شاء الله بابا
راحت جولي وطارق متواخذ " والله مردودة لك يا سحر
وقولي طارق قال
راح طارق وأم عبد الرحمن تصرخ بعالي الصوت
أم عبد الرحمن" أيا الدرو تهددني؟؟ أعلى ما في خيلك اركبه
يا تيس..... شاهدين عليه ....سمعتوه زين..أوريك وربي
الكل " هههههههه
\\
//
في الشرقية وفي بيت بو طلال على الغدا
أم طلال بفرحه" اييييي يمه الحين أنا ارتاح قلبي
شيخه تبتسم"...........
شيماء" والله البيت منور بوجودك يا ختي
شمسه" إيييي منور أكيد انت نمت على سريرك مرتاحة أنا
إلي انقص ظهري من نومه الأرض والحلوة فارشه روحها
على سريري
شيخه تواخذت"...........
شيماء معصبه" صحيح قليلة حياااا بصراحة انت ما عندك
ذوق
شيخه بغصة" لا والله شمسه عندها حق ...أنا البارح ما
غمضت عيني ..لأني في غير بيتي ..ودام إني ما برتاح ما
عندي مشكله نمت على السرير أو نمت على الأرض
شمسه مبسوطة" والله عين العقل يا ختي
أم طلال" انكتمي أحسن لك ..... أصلا أبوك اليوم بيروح
ياخذ غرفة نوم لاختك و بتجلس فوق مع عيالها
شيخه تبكي" لا يمه تكفين والله أزعل الشقة لطلال وعروسته
لا تحسسوني إن جيتي بتقلب الموازين كلها
طلال داخل عليهم" اسمع اسمي ....خير وش تحشون فيني؟؟
أم طلال" هذي شيخه رافضه إنها تنتقل لشقتك
طلال يجلس عندها ويمسك يدها" خير خير... ليش يا قمر
....كل هذا لأنك ما تطيقين تشمين ريحتي ؟؟؟
مو مشكله بجيب لك شركة الإيباده تنظف لك المكان كامل
...هاااا وش رأيك بعد
شيخه تضحك" هههههه ....ما تجوز من حركاتك
طلال" إييي كذا نوري البيت بضحكتك ...وإذا علي بس أفكر
إني أتزوج يا كثر الشقق إلي حوالينا... يعني إحنا الحين أهم
شي نفكر براحتك
شمسه" يعني أنا الليلة بنام في سريري؟؟
شيماء" الحمد لله رب العالمين على نعمة العقل
,,
بره في السيارة ....كان مالك واقف مع ماجد
مالك يكلم" إييي هلا وغلا والله... شلونك يا عمي بو
عبدالله.....تسلم والله....إييييي بالله إحنا مقصرين لكن تعرف
الارتباطات.....لا بالله لازم أمر اشوفها لك خلال ها
ليومين....والله تمام بس بغيتك بخدمه لو ما في مانع....تسلم
والله...عندي رقم أبغيك تجيب لي كل شي عنه ممكن؟؟ إييي
×××××.... إيوه رقم مميز ..... مشكور طال عمرك
....أنتظرك أنا في أمان الله
ماجد" هااا طمني
مالك" يقول كلها ثلاث ساعات وكل شي عندنا
ماجد براحه" الحمد لله
مالك " يا لله...
ماجد" ما أدري يا خوي ....أحسها مو حلوه ....لا تتهور
مالك" ما تبغي تنزل اجلس انتظرني بالسيارة ...أنا ما غصبت
عليك
ماجد" إييي تكفى أحسها أمور عائليه مالي أنا فيها
مالك ينزل" براحتك
ماجد" طلبتك يا خوي لا تتهور
نزل مالك ودق الجرس وطلع له طلال ورحب فيه كثير
ودخله المجلس ...وطلب منه مالك انه يشوف خاله وأولاد
مسعود ...دخل طلال وراح عند غرفة أبوه وجلسه وهو رايح
للمجلس
طلال" شيخه هذا مالك جاي يبغي يشوف العيال
شيماء ارتبكت"..........
طلال" شيوووم سوي لنا شاهي بسرعة
شيماء فزت على طولها " دقايق يا خوي
,,
في المجلس...
بو طلال" يا لله حيهم هلا هلا بالغالي ولد الغالي
مالك" هلا فيك يا خالي ....شلونك عساك بخير؟؟
بو طلال " الحمد لله إنا بأحسن حال...و الوالدة شلونها
مالك بزعل" الحين توكم تسألون عنها ..... بعد إلي سوته
شيخه والي سواه طلال معها
بو طلال بضيق " خير وش صار؟؟؟ طلال انتووا شو
مسوين لعمتكم؟؟
طلال بهدوء" والله ما سوينا شي وأصلا ما نقدر نسوي لها
شي هذي عمتنا وتاج راسنا
مالك" تدري ان أمي الحين على الفراش كله بسبة ترك شيخه
للبيت
بو طلال متأزم" ............
طلال بهدوء " والله يا مالك هذا إلي المفروض انه يصير
ومهما صار ترى الأولاد محد يقدر يمنعهم عنكم
هناك شيماء واقفة بالشاي لكنها حبت تسمع صوت حبيبها إلي
صار لها فتره ما تصادفت معه
لحظة صمت للكل"..............
مالك بتردد" يا خالي أنا جايك ولا تردني
بو طلال" لو أقدر من عيوني .....لكن لو ما أقدر بتسمح لي
مالك" لاااا بإذن الله انك بتقدر
طلال بحده" شوف يا مالك شيخه مالها رجعه لبيتكم بعد ما
طلعت منه فاهم ولا لا ....ولا تحاول تقنع أبوي لان الحرمة
رافضه ووجودها ببيتكم بعد وفاة مسعود ماله لزوم الإلحاح
مالك يا خذ نفس عميق" حتى لو دخلت البيت وهي زوجتي
على سنة الله ورسوله
بو طلال وطلال "؟؟؟؟؟؟؟؟؟؟؟؟؟
شيماء شهقت وطاحت الأكواب من يدها
!!!!!!!!!

البارت الرابع عشر

طلال بحده" شوف يا مالك شيخه مالها رجعه لبيتكم بعد ما
طلعت منه فاهم ولا لا ....ولا تحاول تقنع أبوي لان الحرمة
رافضه وجودها ببيتكم بعد وفاة مسعود ماله لزوم الإلحاح
مالك يا خذ نفس عميق" حتى لو دخلت البيت وهي زوجتي
على سنة الله ورسوله
بو طلال وطلال "؟؟؟؟؟؟؟؟؟؟؟؟؟
شيماء شهقت وطاحت الأكواب من يدها
\\
//
\\
في الإمارات
أم راشد"ألف الصلاة والسلام عليك يا حبيب الله محمد
كللللووووووووووش

زهور تبكي" شلونج يمه اشتقت لج
راشد" ههههه يا محلى الصياح و انت مبسوطة ...أحس انه
موب وقته
ميثه بصوت عالي" يا خوي يا راشد وش له وقفتك هنا
....عطنا فرصه نسلم عليها
راشد" ههههه الله يقطع لسانج ...وأنا ميودنج تعالي سلمي
عليها ...ولا ميثوه تغيرت وصارت تستحي؟؟
ميثه" سمعتي يا خالتي يقولي ميثوه ....تدري إني كبرت مو
مثل قبل ....صار عمري 22 سنه وانت تقولي ميثوه؟؟
راشد" هههه ايي يصير كبر سنج بس عقلج ما اضن
زهور" بس بس انت وياها ....راشد اطلع خليني اسلم عليهم
راشد" تكرم ألف عين لجل عين يا حلوو
طلع راشد بره... وتجمعوا البنات على زهور الي تسلم عليها
والي تسألها ....وما خلوا شي ما عرفوه خصوصا ان زهور
بتسافر الصباح وما في مجال تشوفهم غير هذا الوقت
\\
//
في مطار لبنان ....
سلاف تبكي" شووو هاد ...مر الوئت وما حسينا بحالنا أحس
انو ما راح اشوفك تاني مره
تركي" لالالالا يا عمري لا تئولي هيك أنا ما بقدر استغنى
عن جمالك ..وبعدين معك ابن خالتك سمير هو إلي بيدير باله
عليك
سلاف تمسح دموعها" ايي لكان ....لازم توصيه عليي... انت
عارف إني بخاف لوحدي
تركي" شووو حبي أنا حطيت لك مصاري بالبنك وعطيت
سمير كمان ....يعني بإزن الله ما راح تحتاجي شي
سلاف تبكي" راح إشتئلك حبيبي
تركي قلب سعودي فجأه" إنا لله ...وش اسوي بعمري
أنا....والله إني أموت فيك لكن لازم أروح السعودية حتى
أسوي أوراقك...ولازم موافقة الوالد على شان الدعم المالي
...ولا ايش؟؟
سمير" يا لله تركي ...الطيارة بطير وانت واقف هون
تركي " يا لله في أمان الله عمري
سلاف" باي حبيبي ...إنتبه لحالك تؤبرني
راح تركي وعيونه ما فارقت سلاف ...وجالس يلوح لها بيده
والي يشوفه يقول ذابحته الرومانسية
سمير" شوووو البتيها دراما ...خلاص فكيها هو راح وترك
النا المصاري حتى نتنعم فيهن
سلاف" هههه على اولتك يروح... إن شاء الله تحترق الطيارة
إلي هو فيها ....ها لكلب الجربان ...والله إني اتحملتوا غصب
عني ها لدب
سمير" يا لله مشي حبيبتي نلعب با لمصاري لعب....
سلاف تلمه لها " هههههههه
\\
//
مالك يا خذ نفس عميق" حتى لو دخلت البيت وهي زوجتي
على سنة الله ورسوله
بو طلال وطلال "؟؟؟؟؟؟؟؟؟؟؟؟؟
شيماء شهقت وطاحت الأكواب من يدها
فز طلال بسرعة وراح جهة الباب ..لاقى شيماء مرتبكة
طلال" وش صار؟؟
شيماء منبهرة" عذرا أخوي
طلال" لا ما كو شي بس لا يكون اتاذيتي ؟؟
شيماء تلم يدها إلي مليانه دم لصدرها" لا ما كو إلا الخير
لمت شيماء باقي الأكواب وحملت الصينية ودخلت بها داخل
...وطلال متفاجئ من إلي صار وصار يسأل نفسه ألف سؤال
بو طلال ينادي" طلال ...وش صار؟؟
طلال يرجع" لا خير خير
مالك قلبه يدق كثير" ما قلت لي يا خال وش رأيك
بو طلال" والله فاجأتني يا ولدي ما أدري وش أقول لك
مالك بغصة" قولي مبروك
بو طلال" عطني فرصه أسأل شيخه وأرد عليك
مالك يوقف" على بركة الله ..... يا لله استأذنك يا خال
بو طلال " في أمان الكريم
طلع مالك من عندهم والهم يكسوا قلبه ...وركب سيارته
وصار يسرع فيها .....وماجد يترجاه انه يتكلم لكنه في عيونه
غضب غريب خلى ماجد يسكت وينتظره يقوله لأنه مستودع
أسراره ...
وقف مالك عند البحر المكان إلي دائما يجتمعون فيه لأنه
المكان الوحيد إلي الواحد يأمن يرمي أسراره وما يتلقاها غير
البحر الصامت
طلال بتردد" مالك خير وش بلاك
مالك يطالعه وعيونه جمر" أنا ما عاد لي عيش في ها لدنيا
طلال بذهول" وش تقول انت ؟؟
مالك ينزل من السيارة بسرعة ويتجه للبحر وطلال يلحقه
بسرعة ويناديه ...لكن مالك الحين في وقت الشيطان لاعب
بعقله ما يسمع غير صوته...
رمى مالك حاله بالبحر ولحقه ماجد والحمد لله انه لحقه
وصار يحاول انه يثنيه عن إلي بباله لكن أبد وكأن مالك
بغيبوبة ما يدري شنو إلي صاير
....ما حس ماجد بحاله إلا انه صار يصرخ من راسه
ويضرب بمالك لين انهاروا طلعوا من وسط البحر
وثيابهم مليانة ماي ورموا حالهم على الرمل...وكل واحد
منهم ياخذ النفس بصعوبة !!!!
,,
في بيت بو مسعود....
رغد" شلونك يمه اليوم؟؟
أم مسعود" أنا الحمد لله ...لكن ما أدري قلبي يوجعني
رغد" لا بسم الله عليك
أم مسعود" لا أنا أحاتي عيال أخوك وعمهم .... دقي لي اطمن
عليهم
مرام" يمه ...بإذن الله ما بهم غير العافيه ..بتظلين كذا إلى
متى هاااا ...شوفي كل هذا على حساب صحتك
أم مسعود" والله ربي بلاني بها لقلب إلي ما يرتاح...ما أدري
متى أموت وارتاح من عيشتي
مرام بحده" يمـــــــــــه ....لا تقولين مثل هذا الكلام
أم مسعود" آآآآآآآآآآآآآآه يا قلبي....ما أدري أنا وش سويت في
دنيتي حتى الله يعاقبني كذا
مرام" بالعكس يمه ...ما يبتلى إلا المؤمنين ...لأن ربي يبغي
يشوفهم يصبرون أو لا
أم مسعود" ونعم بالله .....الحمد لله على كل شي
رغد تبكي على صدر امها" وإحنا تخلينا لمن
أم مسعود" وأنا شو متعبني غيركم ..الله يرزقكم بعيال الحلال
إلي يصونونكم
,,
عند البحر....
ماجد بحده" إنت وش كنت ناوي تسوي بحالك هاااا
مالك يبكي" أبغي أرتاح ....أبغي أموت
ماجد متضايق" الله خير متلهف على موتك ....وش سويت
لآخرتك هاااا؟؟؟ وش عندك تقابل ربك فيه ؟؟؟ تقوله انا قتلت
نفسي لأني ضعيف وما أتحمل المسؤليه؟؟؟
وأخواتك وأمك تتركهم على من ....وين عقلك يا مالك وين؟؟؟
بالكاد انك جنيت
مالك يضرب راسه"ما أدري وين عقلي ....إييي انجنيت
مالك يوقف على طوله ويلف حوالين نفسه ....شفتوا واحد
مثلي ....
أنا أتجرأ على حرمة أخويييي أناااااااا أناااااااا
طاح مالك على الأرض وهو يبكي وماجد مو عارف وش
القصة.....لمه ناحيته وصار يهدي فيه
ماجد" اذكر الله يا خوي وقولي وش فيك
مالك يمسح دموعه بكمه" فيني البلى .... فيني الموت
ماجد"؟؟؟؟؟؟؟؟؟؟
مالك يطالع بماجد ودموعه تنزل على وجهه" تتخيل إني
خطبت مرت أخوي
ماجد مذهول" ايششششششششششش
مالك يهز براسه" إيييييه...تعديت على أملاك حبيب عمري
...ما تقولي كيف بعيش معها تحت سقف واحد ؟؟؟
ما تقولي كيف بحط عيني بعينها وأقولها أحبك؟؟؟
ما تقولي كيف أحط يدي عليها وأبوسها؟؟
ما تقولي كيف يا صديق عمري ما تقولي كيف ؟؟؟ تكفى
دبرني...
ماجد مبهور" وليه كل هذا ؟؟؟ليه .....
مالك يبتسم والدموع بعينه" تبغيني أشوف عيلتي تروح من
تحت يدي وأنا ساكت
وهبت روحي لأخوي وراحت روحه ....حتى روحي تعييي
إنها تريحني...والحين أمي تعبانه من فراق أولاد
أخوي...وحالتها حاله ...أخليها تموت من فراقهم ....ضربتين
بالراس توجع يا خوي ...وهي مو حمل كل هذا
ماجد بهدوء" وإنت بتحل كل هذا
مالك" أنا أبيع روحي لروحها ....أنا أكون مداس لرجولها
...أنا أقتل حالي وهي تعيش ....هذي أمي يا ماجد أمي إلي ما
ظل لي غيرها
ماجد لم مالك لحضنه بدون ما يتكلم بكلمه"..................
\\
//
في الإمارات ...قرروا الجماعة إنهم يطلعون يتعشون بره
يغيرون جو ....لكن أم عبد الرحمن عارضتهم وطلبت إنها
تروح تسير على أهلهم إلي صار لها مده ما شافتهم
أم راشد" وش رأيك يا خالتي إن إحنا نأجل طلعتنا لبكرة
أم عبد الرحمن " لا وألف لا...قلت أطلع اليوم يعني أطلع
اليوم...وثانيا إحنا بكره بنرجع بلدنا
نوره بصوت عالي" اووووووووووووووف والله إنكم
ما عندكم سالفة جالسين تأخذون رأيها ...لو بتضلون أنا بروح
مع السائق
أم عبد الرحمن" ساقوك بجهنم و انت متفحمه بنارها يا قليلة
الحيا...
صيته" خلاص جدتي...لا تأذين حالك أنا بروح معك
أم عبد الرحمن" انتوا طلعوا عن هنا ودقي لي على نواف
عمري هو إلي يريحني
وبالفعل دقوا على نواف وقال لهم انه بمجلس الرجال وان
ما في احد غريب عنها ...خليها تطلع لهم
بالفعل هي ما كذبت خبر .....ومع إن المسافة بعيده إلا إنها
أصرت تروح وصارت تتعكز على عصاها ولما قربت فزوا
لها راشد ونواف وكل واحد ساندها من جهة
أم عبد الرحمن وهي تنفخ" يعني الحين المجلس لازم يصير
بأخر الدنيا حتى يصير مجلس كشخه
راشد" ههههه بسم الله عليج من التعب يا أمي
أم عبد الرحمن" كله من نواف يقولي تعالي فكرت المكان
قريب
نواف" ما ادري حسيتها مو حلوه ادخل الفيلا يمكن البنات
ما خذين راحتهم
أم عبد الرحمن" بس عاد ها لملتزم تكلم
راشد" وش بلاك يا يدتي خير
أم عبد الرحمن" أبد أنا أقول ابغي أروح ازور قريباتي إلي
بدبي وها لبنات معيين
نواف" وش لك فيهم يا لغالية ...أنا بوديك
أم عبد الرحمن" اختك نوير هذي الله يقصفها مبهدلتني
نواف إنحرج"..............
راشد"يدتي ما عليج منهم أنا اتولاهم ....نواف يروح معج وأنا
أسير بالبنات وين ما يريدون
أم عبد الرحمن" لالالالا أنا أبغيك تروح مع نواف حتى تدليه
هو ما يدلي
راشد" خلاص أنا إلي أروح معج ونواف يودي البنات
أم عبد الرحمن" لا وألف لا ....تروحون معي اثنيناكم
نواف طالع راشد وغمز له"................
راشد يأشر على عيونه" من ها لعين قبلها ها لعين يا لغالية
أم عبد الرحمن وهي توقف بارتياح وباين عليها الفخر إنها
سوت شي كبير يكفي إنها مشت كلمتها
راشد" هااا ...تريدين شي ثاني
أم عبد الرحمن"لا أنا الحين أروح البس وانتووا جهزوا
السيارة
نواف" بإذن الله يمه
طارق جاي من بره" هلا هلا والله با لشحروره....يا لله حيهم
أم عبد الرحمن" حياك عزرائيل بتحية اكبر منها
يقرب منها طارق ويجلس بجنبها
طارق يغمز لها" قولي قسم .... بذمتك أهون عليك
أم عبد الرحمن" لا والله ما تهون علي .....لأنك حاطلي عين
غطى وعين مخدة
طارق يهمس لها " أفااااا بس يا قمر أنا
أم عبد الرحمن"أولا ما يلوق لك الدلع ...ثانيا لا تتفشخر
قدامهم ....والله كلهم عارفينك زين ...ما في أحد غريب اكشف
قناعك و ورهم سواد وجهك
طارق يتصنع الزعل" قولي قسم سحوره....على العموم أنا ما
راح ازعل منك ....لأني مو أنا إلي سودت وجهي ...
هذي خلقة رب العالمين..
وأنا فخور بكوني اسود ...لأنه مثل ما قلتي إن لون الكعبة
اسود....فكم أحب اللون الأسود
أم عبد الرحمن تواخذت" استغفر الله العلي العظيم ...طبعا أنا
ما اقصد استهزئ فيك والله العالم
طارق بهدوء" لا تخافين أنا ما ازعل منك وربي
الشباب جالسين يطالعونهم ولا كأنهم إلا يطالعون مسرحيه
أم عبد الرحمن" هههه اييي كذا خلك آدمي ...وبطل تتحرش
فيني ....ولين قلت لك شي نفذه
طارق" قولي قسم ...شفتي رقبتي هذي مداس لرجولك...يا لله
أمريني انت وشوفي طارق قد قوله أو لا
أم عبد الرحمن" صحيح والله ؟؟
طارق يهز براسه " جربيني يا سحوره
أم عبد الرحمن تلتفت على نواف وتقوله بخبث" خلاص يمه
انت روح مع البنات وين ما يبغون وأنا حبيبي طرووووقي
بيروح معي
طارق فز من مكانه" سحوره انت شو تقولين
راشد" هههه خلاص أنا أروح معك أدلي طارق
أم عبد الرحمن" لالالالا يمه إحنا بنروح مع السائق
طارق بذهول" جدتي تتكلمين جد؟؟
أم عبد الرحمن وهي تمشي" مو انت قلت جربيني ....هذا أنا
جربتك وانت طلعت تبيض الوجه رغم سمار بشرتك
طارق يطالع بنواف يترجاه....نواف يرفع له أكتافه وهو
يضحك...طارق مو قادر يصدق وظل متحير وساكت ...وكان
مترجي إنها تكون مزحه من أم عبد الرحمن<<<ههههه
\\
//
في بيت أم مسعود
يدخل مالك عليهم" السلام عليكم
الكل" وعليكم السلام
مرام"للحين ماجد معك يا خوي
مالك تعبان" ايييي بالله عليك اختي سووي لنا عصير وشي
بسيط ناكله
مرام" دقايق وكل شي جاهز
مالك بحده" رغد روحي ذاكري
رغد بدون ما تناقش راحت على طول
أم مسعود" وش بلاك يمه حالك مو عاجبني ....
مالك يحك راسه" لا يمه أنا بخير
مسعود ودموعها بعينها" الحمد لله انك عندي يا ولدي ....أنا
اليوم بقايا إنسان لكنك انت إلي بتصبرني على ها لدنيا
مالك يجلس عندها ويبوس يدها" أنا ما يرضيني تقولين لي ذا
الكلام
أم مسعود"أخوك راح مني وعياله بعد....ما تقولي وش تبغيني
أقول؟؟؟ يا ليتك يا ولدي تشوف لك بنت الحلال ...
ما أدري وش بقى بالعمر يا ولدي ترى إلي باقي بالعمر مو
كثر إلي راح........أنا ابغي أشوف عيالك
مالك تخونه دمعته " يمه كل شي تبينه بيصير
أم مسعود" أتمنى والله...مو بس كلام تسكتني فيه
مالك يبتسم غصب" عيال مسعود بيرجعون في اقرب وقت
...وأنا بعد بتزوج وش رأيك الحين
ام مسعود بفرحه" كيــــف؟؟
مالك على وجهه ملامح صعب تتفسر" أنا خطبت شيخه....أم
محمد وانتظر رأيهم
أم مسعود" شلوووووووووووووون؟؟؟
,,
في بيت بو طلال وفي غرفة شيماء بالذات
كانت شيماء على سريرها تبكي دهرها ....يعني مو كافي إن
حبيبها إلي حبته من صغرها مو حاس فيها ....والحين بعد كل
ها لحب يجيهم ويدق بابهم خاطب ....بس خاطب منو؟؟؟
خاطب اختها حبيبتها
تدق شيخه الباب" شيوووووم....وش جالسه تسوين؟؟
شيماء تفتح الباب وعيونها متنفخه" هلا حياك
شيخه تطالعها بخوف" وش صار عمري
شيماء تبكي " يدي تألمني...
شيخه تشوف يد اختها ملفوفة" يوه بسم الله عليك .....خير
عمري وش صار
شيماء تمسح دموعها" لا أبد ما في شي....بس تدرين إني
أخاف من الدم
شيخه" وريني الجرح يمكن يحتاج غرز
شيماء تضيع الموضوع" وين شهد ؟؟ ابغي العب معها
راحت شيماء وشيخه مستغربه من تصرفاتها لكنها ما لقت
تفسير غير إن الألم متعب نفسيتها...تركت الموضوع على
جنب وراحت ترتب ملابسهم لأن الغرفة بيروح طلال
يختارها اليوم
,,
أم مسعود" لا يمه هذا الكلام ما راح يصير
مالك متضايق" خلاص يمه كل شي انتهى ....أنا خطبتها
وخلاص
أم مسعود" ايييي يمه بس ما يصير بينك وبين شيخه ما يقارب
5سنوات
مالك بغصة" بالعكس هذا شي من صالحي...شيخه وحده
ناضجة وعارفه زين للحياة
أم مسعود بحده " بس أنا ما أرضى انك تهدم مستقبلك على
حسابنا... وش فيك انت حتى تأخذ أرمله ...ولا بعد أرملة
أخوك...كلامك مو كلام صحيح
مالك" وش رأيك آخذها أنا وألم عيال اخوي ببيتهم ولا يأخذها
واحد غريب ويعيشهم بجحيم
أم مسعود" لا شيخه ما تسويها وتنسى أخوك
مالك" يمه وإن سوتها؟؟؟
أم مسعود" ما أدري لكن ما أرضى لك بعد انك تضيع
مستقبلك
مالك بغصة" وحتى لو قلت لك يا يمه إني أحبها
أم مسعود باستغراب" كيف؟؟
ملك ينزل راسه" إلي سامعتيه يمه ....وإذا كلمك خالي بلغيه انك موافقة
أم مسعود" ...........
يدق جوال مالك....إستأذن أمه و طلع
مالك" هلا هلا والله....يا لله حيهم......بخير جعلك بخير
المهرة شلونها ....هههه بلغها سلامي بعد.....الله
يسلمك.....ايييي موضوعنا؟؟؟ اهااا..... وشووووووو
وش قلت يا بو عبدا لله؟؟؟
\\
//
البنات مجهزين و الفرحة مو سايعتهم ....وصيته قررت
تروح مع أم عبد الرحمن ....وطارق بعد مسكين استسلم
للأمر الواقع وقرر انه يروح معها مع ان قلبه وياهم ...جا
يركب
أم عبد الرحمن" وش ذا ذا
طارق بدون نفس" خير وش صار
أم عبد الرحمن" الحين انت بتروح بذي البدله ؟؟؟
طارق " إييي ليه
أم عبد الرحمن" بسلامتك... والله مانت برايح فيها لا تفشلنا
أقول
طارق بحده " مو عاجبك؟؟ قولي من الحين حتى أبطل ما
أروح ....أنا طلعه بثوب ماني طالع ....وإذا مو عاجبك فأنا
اسلم عليك يا مس سحر
أم عبد الرحمن " لالالالا براحتك اركب اركب ..وإذا أحد
سأل عنك نقولهم هذا سائقنا جايبينه محرم ههههههه
طارق ما رد عليها بكلمه وحده وجلس قدام مع السائق وحاط
بإذنه سماعات mb3وجالس يغني وكأنه مو هامه شي وقلبه
وارم من القهر ....وأم عبد الرحمن مبسوطة كثير بحالها وكل
شوي تضحك على طارق وحركاته لكنها تكتم ضحكتها حتى
ما يحس فيها أحد ...لكن كيف ما يحسون وهي ترتج بذي
السيارة <<<يا بعدي والله حركااات
,,
البنات بعد تجمعوا مع الشباب وراحوا لمجمع الوافي سنتر
من أول ما صاروا هناك كلم راشد طروب وقال لها انهم
يتسوقون على راحتهم والشباب راح ينتظرونهم فوق في
المطاعم .....طبعا كانوا البنات في أوج سعادتهم وش يبغون
هم أكثر من هذا ...وطبعا نواف وراشد صعدوا فوق عند
المطاعم وحمد راح يلف بصالح المجمع
بعد ساعتين رجعت طروب ومعها ميثه وصاروا واقفين
ينتظرون نوره ونوف ....
ميثه" بالله خلونا ندخل هنا
صالح" بلاك جنيتي ....هذا بيت الأشباح وش لك فيه
طروب" ههههه اييي ماشي لأنج ما تعرفين وشو داخل
ميثه" يعني وش بيصير ....كل ها لأشياء حركات بس يبغون
يخوفونكم
راشد" الله ...أحـــــــــــلى يا لشجاعة بصراحة يبغى لك وسام
والله
ميثه" وسامي إنكم تخلوني ادخل
صالح" لاااا أنا ما أحب ادخل ..تلوع كبدي من مناظرهم المقرفه
راشد" ههههه لا قول انك خايف ...أفا بس لا يكون البنات
يصيرون أرجل منا
صالح" إذا انت بتدخل أنا بعد بدخل معكم
ميثه بفرح" تكفين طروب تعالي معنا
طروب " لا هههه مستحيل ادخل أنا أخاف
راشد" هااا ميثه من جدج تبغين تدخلين أروح أحجز لج؟؟
ميثه" طبعا ....احجز لي تذكرتين أبغي أدخلها مرتين
راشد" انت على طول مستعجلة انت دخلي وإذا عجبج اجز
لج مرة ثانيه وشو رايج
ميثه بحماس" الشور شورك دوم انك بتدفع لنا
راشد" هههههه
حجز راشد لهم ودخلوا لبيت الأشباح
كل هذا صار ونواف واقف معهم بالاسم بس ...كان يتلفت
للبنات إلي تأخروا ...وكل ما دق لنوره تعطيه مشغول
بعد ربع ساعة رجعت نوره لوحدها
نواف مستغرب" في أحد ناقص؟؟
طروب" إيييي وين نوف؟؟
نوره " ما أدري عنها
نواف بضيق" كيف ما تدرين عنها ليه هي مو معك
نوره بدون اهتمام" لا
نواف" دقي عليها طيب
نوره" ما عندي رقمها
طروب" ولا أنا ما عندي رقمها
نواف بيطير عقله" حمد خلك معهم خليني أدورها
وإذا رجعت دقوا لي
حمد" خير إن شاء الله
صار نواف يدور ...في كل مكان ..خايف عليها كثير ....قلبه
مو مرتاح....لا يكون حبيبته فيها شي...
فكرة إنها تكون تعرضت للخطر ضيع نواف ....خلاه ينسى
رفضها له وبعدها عنه
نواف الحين ما اعتقد انه يبغي شي غير انه يشوفها بخير ولو
صارت لغيره ...لأن حبه لها أكبر من الأنانية
دقايق ولمح وحده متلثمة وكأنها هي لكن كيف يتأكد
....الشنطه شنطتها ونفس طولها
طالعت هي فيه ...وبعد كذا التفتت للشاب إلي كان واقف لها
وكلمته وراحت صوب نواف ....في هذا الوقت ما لاحظت
غير نواف جاي مسرع جهتها وبدون أي كلام ...إلا يمسك
الشاب إلي واقف معها ويضربه يبغى يقتله... لحد ما التموا
حوالينه الناس ...ونوف كانت تصرخ فيه بصوتها ....نواف
حراااام
فككوا بينهم الناس راح هو مسرع وحالته حاله ومسك نوف
من يدها وصار يجرها جر وراه....لحد ما فكت يدها منه
بالغصب وصرخت فيه
نوف" لا يكون تفكرني جاريه عندك؟؟
نواف في قمة العصبية"والله يا نوف ....لو ما تجين معي لا
تشوفين شي ما يسرك ..... و لك عين بعد؟؟
نوف تطالعه" لا والله...ليه وأنا وش سويت ...انت إلي
تصرفك مو منطقي...وفيه همجيه
نواف بحده" لا المنطق إني أشوفك تتكلمين مع شخص غريب
وأوقف لك أحييك على تصرفك؟؟وإذا على الهمجية فهذا مو
جديد في عايلتنا فأخوك أستاذ فيها
نوف ودموعها بعينها" أنا؟؟ وش قصدك ؟؟؟ يعني تبغى تقول
إني جالسه أتسامر مع الشاب؟؟؟؟ بلاك ما عرفتني ...أنا مو
أي وحده يا نواف
نواف بصراخ" وش يفرقك عن غيرك...كنت قبل غير لكن
بعد ها للحظه بعد ما شفتك بعيني خلاص
نوف بحده" إلي يفرقني عن غيري إني مشوهه يا نواف يعني
أي احد بيمسك يدي بينقرف يا نواف فاهمني أو لا
نواف ما حس بنفسه غير انه صفعها كف على وجهها
نوف وقتها شهقت وطاحت عينها بعينه
؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟



كبرياء رجل وشذوذ إمرأه

البارت الخامس عشر

نواف بصراخ" وش يفرقك عن غيرك...كنت قبل غير لكن
بعد ها للحظه بعد ما شفتك بعيني خلاص
نوف بحده" إلي يفرقني عن غيري إني مشوهه يا نواف يعني
أي احد بيمسك يدي بينقرف يا نواف فاهمني أو لا
نواف ما حس بنفسه غير انه صفعها كف على وجهها
نوف وقتها شهقت وطاحت عينها بعينه
\\
//
\\
في بيت الأشباح كان هناك واقف مرشد يبلغهم وش صاير
بهذا البيت إلي كان مكركب على الآخر.... ميثه كانت واقفة
مفتحه عيونها على الآخر مو قادرة حتى ترمش وكأنها تندمت
على إصرارها إلي ما كان له داعي .... وخصوصا إن
طروب حذرتها منه
المرشد" هنا كان يقيم رجل مع زوجته ...الزوج كان في غاية
القسوة على زوجته.... وفي يوم من الأيام علت المرأة صوتها
على زوجها .... وعلى أثرها غضب الزوج منها حتى الجنون
...فذبحها وقطع أوصالها
ميثه خافت" وييييه عليها .... راشد خلاص غيرت رآيي
ما عاد لي خلق
راشد بيموت ضحك لكنه ما عطاها وجه وسكتها
راشد بدون ما يطالعها" اششششش
المرشد" بعد ما قتل الرجل زوجته توزعت روحها في كل
مكان ...وللأسف إن في قطه رأت هذا المشهد الشنيع ومن
يومها وهو يدور عليها يريد قتلها حتى لا يكون في شاهد عليه
ميثه مفزوعة " راااااشد خلاص بطلع
راشد"........
ميثه بخوف" راشد... وين صالح؟؟
راشد " فلت الجبان .....والله انك يا بنت خالتي أشجع منه والله
والنعم فيك
ميثه تبلع ريقها" كله أشياء وهميه صح؟؟
يهز راشد لها راسه.... بعد كذا سمعوا صوت القطه
المرشد" الآن اهربوا حتى لا يجدكم الرجل القاتل فهوا يقتل
من يشاهده في وجهه
بعد ما خلص المرشد كلمته صار راشد يركض و ميثه
تركض وراه .... وماسكه ثوبه حتى ما يفلت منها ....كانت
تصرخ من راسها ...وراشد يركض وهو يضحك عليها
....والرجل القاتل خطواته تقرب ليهم ....وهم ما يقدرون إلا
إنهم يركضون لحد ما وصلوا بره ....ولكن؟؟ما حال أبطالنا هههههه
ميثه طلعت ووجها اصفر" بسم الله الرحمن الرحيم كاس ماي تكفون
طروب" هههههه وش صار .... خفتي؟؟
راشد معصب" لا ما خافت بس يودتني من ثوبي ودوست
على ريولي لين قطعتهم
صالح" ههههههههههههههههه
ميثه معصبه" وش له الضحك أنا ما أشوف في شي يضحك
صالح يأشر لهم على راشد
الكل" هههههههههههههه
راشد يطالع بحاله ....ما شاف إلا ثوبه مكرمش على الآخر
ميثه شهقت وصدت بوجهها عنه من إحراجها
راشد" الله يهديج ...يعني بتموتين على اللعبة أنا قلت هاي
البنت ما في مثلها في الشجاعة أثاريج خوافة كثير
ميثه منحرجه "..............
راشد" هييي ميثوه .... بس نرجع للبيت تاخذينه وتكوينه بيدج
عقابا لج على الي سويتيه فيني هاااا
نوره" بصراحة يا راشد اللوم عليك إلي تعطيها وجه .... ولا
البنات إلي كذا الواحد ما ياخذ على كلامهم لأن لهم كل يوم
كلمه
ميثه" والله أنا أفضل منك بكثير والكل عارف .... وبصراحة
لولا إني متربية ولا كان وريتك شغلك زين
نوره " آآآآآآآآآه تكفين لا تخوفيني ....هه اسمحيلي انت مو
قدي يا ولد
راشد يطالعهم باستغراب".........
صالح" ميثوووه بس عاد
ميثه سكتت بس بقلبها غصة من نوير ومن صالح هذا إلي
جالس يتمرجل عليها
راشد بكل هدوء " والله ميثه تستاهل لو الواحد يضحي
بحاله مو لبيت الأشباح لو بقفص الأسود
ميثه ابتسمت ابتسامة رضى ونزلت راسها وكلها فخر بكلامه
راشد" يا لله خلونا نروح للبيت بعد ما اقدر
ايلس هنا أكثر ....إلي يشوفني يقول متعارك مع أحد
صالح" إلا وين نوف؟؟؟
\\
//
في الشرقية.....
مالك" هلا هلا والله....يا لله حيهم......بخير جعلك بخير
المهرة شلونها ....هههه بلغها سلامي بعد.....الله
يسلمك.....ايييي موضوعنا؟؟؟ اهااا..... وشووووووو
وش قلت يا بو عبدا لله؟؟؟ انت متأكد ....اممممم خير
خير....يا لله سامحنا يا عم والله تعبتك كثير ....تسلم والله هذا
العشم فيك...في أمان الكريم....مع السلامة
ماجد متحمس" هاااا وش صار
مالك بقهر" تدري الخط لمنو؟؟؟
ماجد بخوف" منو؟؟
مالك بحده" لقليلين التربية
ماجد بحده" تكلم لا تجلس ترمي رموز .... باسم منوا الخط
مالك يطالعه وعيونه كلها شرار" الخط بإسم نواف ولد عمي
ماجد بذهول " كيف يعني؟؟
مالك" ما يبغي لها ذكاء يا خوي...معناه إن صيته تصير بنت
عمي بو نواف
ماجد" والله؟؟ بصراحة أحلى خبر سمعته
مالك معصب " كيـــــــــــــــف؟؟
ماجد بفرح" الحمد لله إن صيته من عائله طيبه ....والله أنا
الفرحة مو سايعتني ...
مالك" بلاك جنيت...
ماجد بذهول" ليه.... كون ان صيته بنت عمك هذا من
صالحك وصالحي
مالك" والله ...... فهمني يا فالح
ماجد" أولا أنا الحمد لله إني تطمنت إن حبيبتي بنت أصل
وجود ...وثانيا ممكن صيته تسوي إلي الكل ما قدر يسويه ؟؟
مالك يفتح عيونه على الآخر" كيف؟؟
ماجد" بسيطة ...صيته تحبني كثير وأكيد لما أتزوجها بقدر
أوصل لها كيف إن عمك أخذ كل حلالكم من غير وجه
حق وبكذا بتواجهه وبيعطيكم كل حلالكم
مالك يبتسم" والله انك طيب وعلى نياتك
ماجد" اسمعني طيب....
مالك بدون اقتناع" ما أتوقع ...الحريم ما يجي منهم غير وجع
الراس...وليه ما تفكر إن صيته راح تضمك لأهلها وتخليك
تقاطعنا مثلهم وسنين عمرنا كلها تروح مع الريح
ماجد" أفا بس ...وكأنك ما تعرفني؟؟
مالك" أنا؟؟ أعرفك أكثر من نفسي.... لا تشك لحظه في ثقتي
فيك.. لكن الزن على الآذان أمر من السحر
ماجد" خلينا نخطو الخطوة الأولى بعد رجوعهم من السفر
مالك" ليه هم مسافرين؟؟
ماجد" إيييي بالله هم رايحين فرنسا ...ولما يرجعون نروح لهم
خطاطيب...هاااا وش قلت؟؟
مالك" ما أدري سو إلي تبيه ....لكني أجي معك ..إنسى
ماجد عصب" لا بالله ما أروح إلا لما تجي معي
مالك" يا خوي ...وجودي عبئ عليك
ماجد" وليه بالله؟؟
مالك" انت تدري علاقتي مع عمومتي ....فوجودي ممكن
يسبب لك المشاكل وممكن الرفض فأنا من رأيي إن بعدي
أفضل...لما كل شي يتم على خير
ماجد يطالعه" من رآيك
مالك" إييي بالله
ماجد باقتناع" شورك وهداية الله
\\
//
نواف ما حس بنفسه غير انه صفعها كف على وجهها
نوف وقتها شهقت وطاحت عينها بعينه
نواف بحسره" يا لله قدامي من غير ولا كلمه
نوف نزلت راسها ومن غير ما تتكلم راحت وراه....نواف
يمشي قدامها وقلبه ينعصر عصر وهو يسمع شهقاتها إلي ما
تنتهي...ووده يلتفت لها ويعتذر لكن وش يقول بعد إلي سواه
....كانوا يمشون وكأن على رؤوسهن الطير إلى أن وصلوا
إلى الجماعة...
صالح معصب" وين كنت هااااا ...وش أسوي فيك الحين
نواف بحده" صالح ....بعدين تفاهم معها ...يا لله مشينا
راشد" خير وش صار؟؟
نواف مرتبك" ما صار إلا الخير ....
صار نواف يمشي والكل يمشي ورآه ونوف خطواتها اقل من
غيرها ....وهذا الشي إلي ثار تساؤلات البنات وخصوصا
نوره ...لكن محد يقدر يتكلم بعد كلام نواف ...وطالما أمرهم
بالسكوت فكلهم منصاعين لكلمته
وصلوا للسيارة وكلم نواف راشد كلمتين وبعدها وقف تكسي
وراح .....
ميثه الخرعه للحين ملازمتها وهذا الشي خلاها
ما تنتبه للي يصير حواليها ...والحمد لله إنها ما فتحت
الموضوع لنوف لأن الله العالم وش كان صار
ركبوا البنات في سيارة راشد .... والشباب ركبوا في السيارة
الثانية....
,,
في الجهة الثانية من دبي كانوا الحريم يدخلون ويطلعون من
بيت لبيت .... وطارق يظل واقف لهم بره مثل السكرتي
...كان يعيي يدخل معهم بحجة انه مو جاهز انه يقابل احد
بدون ثوب.... طبعا أم عبد الرحمن كانت دوم تحن وتزن
على راس طارق وتلومه انه ما طاوعها ولبس ثوبه وانه
متنكر لأصله وأصل أجداده وان مو البدله هي إلي بتسويه
رجال....
بعد ما خلصوا آخر بيت ركبت أم راشد وأم تركي وصيته
طارق " هاااا خلاص
صيته" لا جدتي لسى ما وصلت
طارق متنرفز" قولي قسم ...و وينها بالله
صيته" في دورة المياه
طارق تذكر موقفها في المطار وصار يضحك
بعد نص ساعة دقت عليه جوال ...وبعد فتره رد عليها
طارق بملل" هلااااااا
أم عبد الرحمن" تعال...
طارق" قولي قسم؟؟؟ وين؟؟
أم عبد الرحمن" تعال هنا أبغيك ...التفت وشوفني
طارق يلتفت ويشوف جدته واقفة على الباب .... نزل من
السيارة وراح لها
طارق باستغراب" خير سحر وش صاير...
أم عبد الرحمن" ما فيني شي .... بس بغيت أقولك تجيب لي
عصاتي طاحت مني
طارق " بس؟؟ أنا خفت قلت لا يكون أحد متحرش فيك....
أم عبد الرحمن في خاطرها كثير بس ساكتة .....
طارق يدور" وينها؟؟؟
أم عبد الرحمن" شوفها هنا ...بين الشجر
طارق يطالعها" قولي قسم سحوره ....وش دخلها داخل؟؟
أم عبد الرحمن مرتبكة" هاااا ما أدري هي طاحت مني
طارق بينبط...لكنه راعى وصية نواف له وإنه طلب منه انه
يطول باله عليها
طارق" من عيوني يا الحلا ....مو انت تآمرين
أم عبد الرحمن بابتسامة رضى" يا لله طلعها
طارق صار يحاول لكن وش صار؟؟؟؟ كانت العصا داخل
الشجر وحاول كثير انه يجيبها ..لكنه كان متخوف إن يصيبه
شي
أم عبد الرحمن عصبت" دخل يدك يعلها الكسر ....
طارق" قولي قسم .... وبعدين الشوك يدخل ويجرحني؟؟
أم عبد الرحمن تستهزئ" إييي حبيبي من حقك تخاف على
يدينك ....صحيح أيادي نانسي حرام تتشوه
طارق " ههههههههههههه الله يا سحر والله انك خيااااااال
....الله يقطع شرك
أم عبد الرحمن" لا والله قول قسم ؟؟
طارق" طيب وش دخلها داخل ؟؟؟ هااا لا يكون تكونين
متقصدتها.....
أم عبد الرحمن متوا خذه" اخلص بس وجيب العصا بسرعة
طارق دخل يده داخل الشجر وبالموت طلع العصا وطبعا ما
طلعت العصا إلا بعد ما تبهدلت يده من الشوك لكنه تحمل وجا
على نفسه وسكت..وأم عبد الرحمن طبعا كانت بتموت من
الفرح ....ولو جاها شي اليوم من الضحك ما بتلوم أحد ؟؟؟
,,
بعد ساعة رجع نواف بيت بو راشد بعد ما تعب من اللف في
شوارع دبي ....قرر انه يرجع لأن ما في فايده من الهرب
فكل شعره في جسمه تكرهه ....
عرف انه لازم يتكلم مع أحد يفهمه ويفهم نوف .....
(صيته) ما في غيرها هي وبس تقدر تطمنه وتهدي نفسيته
دق عليها وخبرها انه ينتظرها بالحديقة
نزلت له بسرعة وهو كان مرتبك حد الجنون .... يبغي
أخبارها ...ولو إنها ما تسر
نواف" هلا عمري
صيته" خير اخوي وش فيك صوتك خوفني
نواف يجلسها يمه في الحديقة"هاا وش قالت لك نوف
صيته باستغراب" نوف؟؟؟ ليه وش بلاها؟؟
نواف منحرج"يعني ما قالت لك شي؟؟
صيته" بصراحة أنا شفتها متضايقة وسألتها وش فيها قالت لي
إن راسها مصدع من السوق
نواف متأزم" بس؟؟
صيته" هذا إلي قالته ...ليه وش صاير ؟؟
نواف يقوم يوقف" آآآه يا ختي ..... بموت في نار بصدري
صيته توقف له" يوه بسم الله عليك يا خوي...
يعني انت امتى بتنسى ؟؟
يا خوي في كثير بنات بجمال نوف وأخلاقها ...والزواج يا
خوي قسمه ونصيب و انت ألف وحده تتمناك...رجال والله
والنعم فيك بس انت عزم وشوف منو اخطب لك
نواف يتأفف" وش جالسه تقولين ؟؟؟ يا ليت القصة على كذا
ما كان هذا همي أنا تعودت ...أو جالس أجبر نفسي على إنها
تصدق كلامك إلي قلتيه ...لكن إلي صار اليوم قلب كل
الموازين ...صرت أكره حالي والله.... إلي تجرأت عليها
صيته فاتحه عيونها عليه" ليه وش سويت انت ؟؟؟
قال لها نواف على قصته معها وكيف إن وجودها مع شخص
غريب فجر كل العواطف والغضب من رفضها له وحطه
بهذاك الشاب ...
حاول نواف انه يحط اللوم على نوف حتى يبري ساحته
صيته بحده" لا والله بالكاد انك جنيت...
وش ها لتصرفات الغير مدروسة منك يا نواف ....ما كنت كذا
نواف بصراخ" لا عاد تحطين اللوم علي ...ما تقولين لي وش
كانت جالسه تسويه مع الشاب هاااا
صيته" أي شي تسويه مالك حق انت فيها لا انت أخوها ولا
أبوها ولا حتى خطيبها
نواف بصمت"......
طبعا كلمتها دقت على الوتر الحساس وهزت نواف من داخله
صيته" نواف...إلي سويته غلط وانت أكثر شخص عارف
طبيعة نوف وأخلاقها ....إلي ما تقدر ترفع عينها فيك
...بتوقف مع شاب وتتسامر معه ...لااااا هذا جنون
نواف متضايق" طيب والحل؟؟
صيته تنفخ" ما أدري إلي سويته مو شي هين يا خوي
نواف" اختي قولي تم...
صيته" هاااا خير
نواف " تكفين كلميها وخليني اتطمن عليها وبلغيها إني ندمان
في إلي سويته فيها
صيته بحيرة" يمكن نامت
نواف" لااااا حاولي تكفين
صيته" طيب بحاول...
\\
//
في الشرقية......
شيخه" هلا يبه ...وش فيك ....خير
بو طلال" حياك يبه تعالي
شيخه تروح لعند أبوها وتجلس جنبه .... وكان طلال جالس
عندهم بعد ....لكن ما حاول ينطق بكلمه دوم أبوه جالس معها
بو طلال" وش رأيك يا شيخه بمالك
شيخه" مالك؟؟؟ منو مالك؟؟
بو طلال " مالك ولد عمتك بعد منو
شيخه" هههه مالك من خيرة الرجال والله والنعم فيه
بو طلال" يعني هذا إلي تشوفينه ؟؟
شيخه باستغراب" يبه جالس تسألني عن مالك وكأنه غريب
عنكم ...إنت ناسي انه ربى وسطنا وببيتنا
بو طلال" لا مو ناسي يبه... كيف أنسى؟؟
شيخه " ليه يبه في شي؟؟
بو طلال" إيييي يبه هذا مالك اليوم جانا خاطب
شيخه بابتسامه" والله ؟؟؟ هذا أحسن خبر سمعته
طلال مستغرب" يعني انتي موافقة يا شيخه
شيخه ودموعها بعينها " كيف ما أوافق وكانت هذي من أمنية
مسعود الله يرحمه ....انتووا خبرتوا شيماء
بو طلال" شيمااااااااااااء؟؟
شيخه تطالعه" ايييي
طلال عارف قصدها " لا يا أختي مالك جاي خطيب لك مو
لشيماء
شيخه تحس إن الدنيا تدور حواليها" وشووووووووو
\\
//
صيته " هلا قلبي....
نوف وصوتها مبحوح من البكي" هلا فيك قلبي
صيته" نايمه؟؟
نوف " لا والله ...تعالي وينك؟؟
صيته" نوف وش فيك صوتك مو عاجبني .....كنت تبكين؟؟
نوف تمسح دموعها " لااااا أبد ما فيني شي
صيته" نوف ...هذا نواف جنبي وخبرني بكل شي ويترجاك
ما تزعلين منه
نوف"............
صيته" الوووو نوف وينك؟؟
نوف تبكي "......
صيته " الووو الوووو نوف لا تبكين
نواف بيموت" وش فيها ؟؟؟
صيته بزعل" الله يهديك ...البنت منهارة قفلت الخط
نواف بضيق" كانت تبكي؟؟
صيته تدمع عيونها" اييي قطعت قلبي ...أنا بروح لها
نواف" لا بالله ما تروحين وتخليني بناري
صيته بحده" النار هذي انت إلي حطيت حالك فيها
نواف" تكفين اختي دقي عليها
صيته" لا بروح لها ....
نواف يمسكها من يدها ويسحب من عندها الجوال ويدق على
نوف وقلبه ينعصر عصر
نوف بصوت مبحوح" هلا قلبي
نواف ضاع بسما العشق ...خياله عايم في بحر الأشواق
....خاطره يلمها له ويقولها بكل أحاسيسه أنت إلي قلبي
وروحي ووجداني
نوف بهدوء" أنا آسفه يا عمري زعلتي مني؟؟
نواف" نوف....
نوف ساكتة منبهرة من إلي تسمعه معقولة هذا نواف إلي
جالس يكلمها ولا من عشقها له صارت تتخيل صوته بين
الأصوات
نواف" نوف...أنا آسف
نوف بصوت مخنوق من العبرة" ما هقيتك قاسي يا ولد عمي
نواف كانت هذي الكلمة له أقسى من صفعته لها إلي علمت
على خدها الحريري الجميل
قفلت نوف الخط حاول كثير انه يتصل فيها يبين وجهة نظره
لكن هيهات البنت منهارة مو قادرة تنسى بها لسهوله بعد ما
يئس نواف منها كتب لها مسج وأرسله
,,
في غرفة زهور كانت شهقاتها تعلى وتعلى من تحت بطانيتها
الناعمة إلي اشتبه علي منو إلي لام الثاني أكثر ....
وبعد دقيقه وصل المسج لها ....فتحته وطالعته بعيون مليانه
دموع
*****
أهلكك الله يا قلب خان العشق بلحظه
ما تعرف تميز بين الخطا والصواب
ترى عمر الغيرة ما صلحت أي غلطه
بدل ما تعمر بيوت تراها تدمر أبواب
*****
يا يد ارتمت على خد الأحباب
كيف عشتي عيشة ملوك المدينة
وكيف قدرت بعد ما لامست الأطياب
تتركين الحراير وتعوفينها حزينة
*****
يشهد الله إني بالعشق راحت روحي
ولولا الملامة كان ضميتك بين ضلوعي
يمكن تبرد حرتي وأنسى جروحي
أو تتفتت بالعشق ويكثر للهوى نوحي
*غروب*
نوف صارت تلم الجوال لصدرها وزادت بشهقاتها
\\
//
شيخه بزعل" لاااااااا مستحيل ...أكيد مالك جن
بو طلال" فكري يبه مالها داعي ها لعصبيه
شيخه تبكي" تبغون تجننوني ...أنا أتزوج بعد مسعود ؟؟؟
ليــــــه ؟؟
و منو آخذ آخذ مالك إلي دخلت بيتهم وهو توه صغير
.....معقولة ها لكلام
طلال" شوفي يا قلبي.....انت ما راح تظلين على ها لحاله
طول عمرك
شيخه تطالعه" أي حاله بالله
طلال مرتبك" يعني أكيد بترجعين تتزوجين و بتعيشين حياتك
...الدنيا ما راح توقف لحد موت مسعود
شيخه تصرخ" لااااااااا ..... با لنسبه لكم ما توقف ...لكن أنا
خلاص عفت الدنيا بكبرها ..... أنا عايشه في ها لدنيا بس
حتى أربي عيالي ....وإن كان وجودي بدأ يربكم ويثقل عليكم
أنا ارجع لبيت مسعود وبيت عياله أحسن لي ولكم
بو طلال متأثر" لا يبه محد متأذي من وجودك ولا شي
...وطلال يبغي راحتك
شيخه تبكي" راحتي إنكم ما تضغطون علي بشي ....ومالك
هذا اذا ما وقف عند حده أنا أعرف أتصرف معه
راحت شيخه وبو طلال مو قادر ينطق بعد قولها قول
طلال" والحين يبه؟؟
بو طلال " ما في مشكله أنا أبلغ مالك بالرد
\\
//
في الإمارات
صيته تدخل على نوف إلي كانت تعبانه ومنهارة كثير
من إلي صار
نوف" تكفين لا تفتحين النور
صيته " طيب ما راح افتحه ...بس ممكن نتكلم شوي
نوف" صيته والله إني تعبانه وبديت أروح في النوم
صيته" ما راح آخذ كثير من وقتك بس أبغي أعرف شو
إلي صار
نوف ترفع البطانية وتجلس" إلي صار إن نواف مد يده علي
صيته شافت خدها وشهقت" يا لله ...خدك أحمر
نوف تبكي" مو مهم خدي .... لكن قلبي يا صيته انجرح
صيته" والله إن نواف يحبك يا نوف وجن فيك جنون ....
وهو كان خايف يكون صاير لك شي وبعدين يلقاك جالسه
تكلمين شاب
نوف تمسح دموعها" أنا كنت ضايعه وشفت الشاب وسألته
عن مكان المطاعم وهو مسكين رد علي بكل احترام وبعد ما
التفت لقيت نواف واقف وشكرت الشاب وتركته ....بس نواف
الله يهديه هاج عليه ومد يده علي
صيته " إن لله .... أنا عارفه إن نواف غلطان وأنا واجهته
بغلطه وحذرته من انه يتمادى معك أو انه يكلمك أصلا
نوف باهتمام" وهو وينه الحين؟؟
صيته " جالس بالحديقة ماله خلق يشوف أحد
قامت نوف ولفت شيلتها على راسها وراحت صوب النافذة
وشافته جالس هناك ولكن باين عليه انه شارد في دنيا ثانيه
,,
تحت في الصالة
راشد" اييي طروب وينج....هااااا يا لله
طروب" اييي هلا ...خذ هذا ثوبك
راشد" الحين انتي ترسلين لي الشغالة وايي وأترياج ربع
ساعة حتى تقولين لي اخذ ثوبك
طروب " اييي لأن ميثه هي إلي طلبت كل هذا
راشد" هههههه ميثوه ....وش لونها الحين عقب الروعة
طروب" هههه بخير لكنها حرمت تدخل المجمع بكبره
راشد" ههههه يا حليلها.... وينها الحين هي...ناديها خليني
اضحك عليها شوي
طروب تغمز له وتكلمه بصوت واطي" هي جالسه تسمعك
الحين لا يكون تزعل منك
راشد" اهاااا ...طيب والحين؟؟
طروب" ميثه غسلت الثوب ....وكوته لك بيدها مثل ما طلبت
منها
راشد" لا والله
طروب" صدقني ...وهي منحرجه منك ومن إلي سوته فيك
ببيت الأشباح ووسطتني أبلغك سلامها
راشد بفرح" سلمي لي عليها وقولي لها إن لحظاتي معها في
بيت الأشباح من أجمل لحظات عمري .... وبلغيها إن الثوب
ما راح البسه إلا لما أجيهم زاير مع أبوي وأمي لعند بيتهم
طروب" وشو تعني من كلامك
راشد " هي فاهمتني ولا ....لا
ميثه من بعيد تسمعهم"؟؟؟؟؟؟؟؟؟؟؟؟؟؟؟؟؟؟؟؟؟؟










كبرياء رجل وشذوذ إمرأه

البارت السادس عشر

طروب" صدقني ...وهي منحرجه منك ومن الي سوته فيك
ببيت الأشباح ووسطتني أبلغك سلامها
راشد بفرح" سلمي لي عليها وقولي لها إن لحظاتي معها في
بيت الأشباح من أجمل لحظات عمري .... وبلغيها إن الثوب
ما راح البسه إلا لما أجيهم زاير مع أبوي وأمي
ميثه من بعيد تسمعهم"؟؟؟؟؟؟؟؟؟؟؟؟؟؟؟؟؟؟؟؟؟؟
\\
//
\\
فوق عند نوف وصيته كانت نوف سانده راسها على النافذة
ونظراتها ما تبرح عن نواف
صيته" انت تحبينه صح؟؟
نوف تطالعها وتبتسم" والله صحيح؟؟
صيته" والله ولو حلفتي يمين إنك ما تحبيه ما راح أصدقك
تدرين ليه؟؟ لأن كل هذا باين من ملامحك
نوف تسكر الستارة" اسمحيلي أقولك إن ما عندك سالفة
صيته بحده" ليه تكابرين ؟؟؟ ولا لأنك شايفته ذايب فيك ذوب
تسوين انت كذا
نوف بدون رحمه" أخوك تعلم على إن كل شي يطلبه يجيه
لحد عنده فأكيد تأزم لما شافني رفضته ...وصارت صدمه با
لنسبه له ...معقولة هاي المشوهة ترفضني
صيته بزعل" التشوه مو بالجسم.... التشوه هنا بعقلك
تركتها وطلعت ونوف حايره بكل إلي يصير حواليها وتفكر
بحالها مئة مره ليه أنا بالذات هااا
,,
على الدرج تركض .....
صيته" الله يقطع شرك وش جالسه تسوين ؟؟
ميثه بفرح" بموت بموت
صيته" خير وش صار .... شكلك طقمتي الجنان مع أختك
ميثه بفرح" تخيلي انه يحبني
صيته بابتسامه " منو؟؟
ميثه تنطط" راشد يا صيته راشد
صيته" اوووف ممتاز....بس انت وش درآك
ميثه" سمعته يكلم اخته .... وقال بيجي يخطبني لما نرجع
صيته" مبروك يا قلبي ....والله تستاهلين كل خير
ميثه " ما أدري وش حسيت فيه كان خاطري رحت له و
لميته وقلت له إني أنا إلي أموت فيه
صيته" هههه والله انك مخبول وما تنلام نوره لو اتخانقت
معك دوم
ميثه" مو مشكله مخبولة مهستره أهم شي آخذ راشد
صيته" المهم لا تتكلمين لأحد لما يصير الموضوع رسمي مو حلوه بحقك ..
ميثه" بجد؟؟
صيته" إي بالله يمكن يغير رأيه ولا شي
ميثه مفزوعه" كنت أقتله
صيته" هههههههه
\\
//
في الشرقية.....
شيخه" ممكن أدخل ؟؟
شيماء" إييي أكيد حياك قلبي
شيخه" تعرفيني ما عندي مجاملات والي في قلبي على لساني
شيماء بخوف" خير يا شيخه شو صار؟؟
شيخه" بكيك البارح من شووو؟؟
شيماء" هااا أنا ؟؟
شيخه تطالعها وتهز لها راسها"............
شيماء " أنا قلت لك كانت يدي تألمني
شيخه" لا مو هذا الكلام الصحيح
شيماء ودموعها بعينها" أنا سمعت كلام مالك لأبوي
شيخه" انت تحبينه يا شيماء؟؟
شيماء ترمي نفسها لصدر اختها وتبكي" روحي فيه بعد يا
اختي ..أحبه كلمه قليله بحقه
شيخه " لا تبكي يا قلبي ..... مالك من خيرة الرجال وطلبه
يدي هذا يدل على طيب أصله مو لأنه يبغيني لشخصي
شيماء تطالع بإختها" يعني إنت بترفضينه
شيخه تمسح دموع شيماء" موضوعنا انتهى
شيماء زادت من البكي لكن هالمره من الفرحة
شيخه تلم اختها لها ومتحسرة عليها لأنها هي وسعود إلي
حطوا ببالها مالك ....وكيف إنها له من صغرهم
لكن السؤال مالك يهتم لأمرها ولا لااااا؟؟؟؟؟
\\
//
في الإمارات ...ليلتها أبطالنا يتقلبون على جمر الشوق
الإمارات وما أدراك..... حددت لنا مصير أربعه من أبطالنا
,,
في تلك الليله كان راشد يتخيل ميثه وجمال روحها إلي ما
تغيرت بتغير السنين... وبراحة قلبه لما باح بحبه لها ولو كان
عن طريق غير مباشر
,,
ونواف إلي كان بجنبه وهو يتصنع النوم ....إلى الآن يسمع
صوت نوف وشهقاتها... وبعينه ما غابت عيونها لحظه .
..وجالس يفكر شلون يجبرها إنها تسامحه ولو إنها مو من
نصيبه... ولكن يتمنى إن تكون بينهم فكره طيبه عن بعض
,,
ميثه إلي كانت نايمه مع الملائكة وابتسامتها ما تخلت عن
خدودها حتى وهي نايمه
,,
أما نوف ليلتها ما نامت ...مو قادرة تصدق إن نواف يعاملها
بهذي القسوة ..و مو قادرة تصدق بعد ردها عليه وكيف إنها
ما عطته مجال انه يتكلم ..لكن رسالته وش تعني ؟؟
,,
في صباح اليوم الثاني ...
حان وقت الوداع .... أبطالنا اليوم بيرجعون لديارهم وكل
واحد منهم شايل بقلبه ذكريات جميله كانت أو قاسيه لكن
بالنسبة لهم هذي الرحلة كفيله بأنها تعلم في خيالهم المشبع
بالأحداث
كانت أم راشد وطروب مسوين مناحة ...
أم عبد الرحمن" يا لله ما أوصيكم لازم نشوفكم إحنا تعودنا
عليكم
أم راشد" من غير ما تقولين ..... إحنا تعودنا عليكم والله
,,
طلعوا البنات ...
راشد ما شال عينه من على ميثه لدرجة إن نوره حست فيهم
ونوف طلعت وهي مغطيه كامل وجهها ما أدري حتى ما
يشوفون صفعتها ولا حتى ما يشوفون عيونها المتورمة من
البكي.....
قربت بتدخل السيارة ...بدون ما يتحكم نواف بمشاعره راح
لعندها وفتح لها باب السيارة ... وقفت نوف لحظات وراحت
لعند الباب الثاني ..... وهذا الشي اثر على نواف كثير إلي
كان يطاردها بعيونه.....
وهو كذا جت نوره بسرعة وركبت مكانها ...
نوره حابه تغيضه" ميرسي حبيبي
نواف بهدوء" إحنا با لخدمه يا قمر
ركب نواف مع راشد ...وترك طارق مع السائق والبنات
طبعا ما حسوا بالطريق وأهم يتكلمون مع بعض ....
يبغون يستفيدون من كل دقيقه لهم مع بعض ...
ولما وصلوا لعند المطار
نواف يروح لعند راشد ويلمه له" راح نشتاق لك والله
راشد" تكفى يا نواف لا تقول ها لكلام ترى الدموع واصله
حدها...لا تفشلني وتخليني أصيح
نواف يضحك" ههههههه نتريا زيارتكم لازم تسيرون علينا
راشد" إلا أقول تعلمت لهجتنا بسرعة .....وش رأيك أختار
لك عروس
نواف يغمز له" والله شكلي بعتمد عليك
راشد" هههه عند ويهك ...يشرفنا وجودك والله إنت آمر بس
....وعلى العموم إحنا يا يينكم قريب
نواف" تشرفونا بأي وقت ....يا لله نترخص تآمر على شي
راشد" في وداعة الكريم يا خوي.....وما أوصيكم على حالكم
تحركوا من مكانهم ..... وراشد للحين واقف من بعيد يسلم
عليهم ...ويتابع خطوات ميثه إلي ما غابت عن عينه
نواف وصى طارق ها لمرة إنه يدير باله على الشنط ....وهو
راح يصير مع الحريم ...بحجة أم عبد الرحمن
طبعا أم عبد الرحمن الفرحة مو سايعتها نواف معها أخيرا
راسها بيرتاح من طويرق وحركاته
نوف عايشه بدوامه كانت تتصدد له بظهرها لأنها مو قادرة
تشوفه .....
على عكس نوف كان نواف يتصدد لهم ...ويسألهم إذا
خاطرهم بشي أو يبغون يروحون السوق الحرة أو أو أو طبعا
كله على شان خاطر نوف ومنوا استغل ها لفرصه غير نوره
<<<إثقل يا نواف مو طبعك
في الطائرة ...
كان نواف واقف على الكراسي ومو معطي أحد مجال انه
يقرب من البنات ....طبعا نوف دخلت بجنب النافذة
وقف المضيفة وطلب منها إنها تجيب لهم بطانيات لأن جو
الطائرة بارد..
وما ان نواف جلس إلا ويسمع صوت طارق يرتفع
التفت عليه لقاه جالس يتكلم بحده مع شاب ...راح يركض له
نواف بضيق" خير خير؟؟
طارق يصرخ " جالس ولا عليه وفارد الكرسي على البنات
ولما كلمته يقول لي مالي دخل
المضيف" ما صار شي يستحق كل هذا
طارق " وبعد توقف معه تقول ما صار شي ؟؟؟
نواف بحده " طارق ...أنا أتفاهم معه
طارق متأفف" براحتك
نواف بهدوء" لو سمحت يا خوي ....ما يصير ها لكلام مو إن
إحنا نرتاح على حساب غيرنا
الشاب ساكت".........
نواف" المدة قصيرة خلينا نتحمل بعض ...تكفى
الشاب " أنا آسف لكن أشوف هذا إلي جاي هاجم علي ويقول
لي بيعلمني الأدب ....قلت بشوف وش يقدر يسوي
نواف " معلش امسحها فيني يا خوي
الشاب " حصل خير
نواف يروح لعند صيته" هااا خلاص
صيته"خلاص يا خوي الله يخلي لي الذوق وأهله يا رب
راح نواف لمكانه ونوف زاد إعجابها فيه .... وفي تصرفاته الحكيمة والمدروسة ....بس كانت مستغربه ليه لما كان معها
كان إنسان ثاني؟؟؟؟
وراحت في دنيا الخيال وصارت تتذكر يوم جاتها أم عبد
الرحمن وهي تخطبها كيف مدحت فيه وفي أخلاقه ...
ولكن تصرفه فيه شي من الغموض ..
نواف إنسان ما عنده ثقة بالي قدامه ...يقرأ أفكاره وبس
صارت تردد
موتي مو بيدي
كل ما بقول أقبل ينتشل لساني وينفي
ويعيي لفظ الهوا لو موته بكفي
ما بقى لي غير نظرة عشق ويكفي
لو كان حبي مثل طفل بالهوى يشفي
فهوا حبه مثل سفينة نوح تنجي
******
تركت العشق من التهبت بالغدر كفي
وصرخت برب السما منو يشفع لخدي
كل ما أقول تيسرت لعب الهوا بجدي
تعب حال المحب لي شاف الرفض جدي
وباع فكرة عشق ممكن للسما تودي
*****
دام الفعل له ردة فعل عندي
راح أعشقك لين ينقطع في الهوا كبدي
لا بارك الله بقلب يهوى وللقبر يودي
ويكفيني أعرف إنك ليومك ما خنت وعدي
*غروب*
,,
بعد نصف ساعة
أم عبد الرحمن مو مستقره " بس بس
التفت لها نواف" خير يمه خاطرك بشي؟؟
أم عبد الرحمن " امممم نادي لي طارق
نواف مستغرب التفت على طارق وناداه" طارق
طارق " هلا ....
نواف فيه ضحكه" جدتي تبغاك
طارق متأزم"قول قسم ؟؟؟لا بالله ما راح أقوم ...يقولون
ممنوع الحين أفك الحزام
نواف ابتدئ يعصب" التفت ليها شوف وش تبغى لا يكون
تفضحونا مثل الأسبوع إلي فات
التفت طارق عليها وصار يأشر لها وش تبغى
أم عبد الرحمن بنفس اسلوبه صارت تأشر له انه يروح لها
طارق يأشر لها على اللوحة يعني ممنوع انه يتحرك
أم عبد الرحمن افتحت غطاها وصارت تخز فيه "...
طارق فتح حزامه وقام لها لا يكون تسوي لهم مثل هذاك
الموقف
طارق واقف عندها" خير يا سحر؟؟
أم عبد الرحمن " خير خير ....بس الله يهديك نعالي ما أدري
وينه ؟؟
طارق" إن لله وإن إليه راجعون .....جايبتني من هناك حتى
أشوف لك نعالك وينه ...وبعدين معك ؟؟
أم عبد الرحمن " لا مو كذا بس حبيت أهنيك على موقفك إلي
سويته من شوي
طارق مبسوط" قولي قسم.....من جد عجبتك؟؟
أم عبد الرحمن " إييي بالله وش ها لنخوة إلي عندك وغيرتك
لا بالله غيرة رجال
طارق متكي على الكرسي" لا بالله ...قولي قسم ؟؟
أم عبد الرحمن " قسم بالله ....إنك رجال
طارق" زين جدتي بروح أشوف لك نعالك وينه
أم عبد الرحمن " إييي تكفى يا ولدي
طارق ما مداه يتحرك إلا اختل توازنه وطاح
عندها أم عبد الرحمن فزعت الدنيا وصارت تصرخ من
راسها طارق مات طارق مات؟؟؟؟؟
\\
//
في الشرقية .....
مالك جالس لوحده في عيادته ...بعد ما راح ماجد فضت عليه
الدنيا كان يفكر بحالهم بعد موت مسعود ....
والخطوة الجريئة إلي سواها وأكيد إنه راح يتندم عليها طول
عمره ....وفكرة ماجد إلي بترجع لهم حلالهم إلي أنأخذ منهم
عنوه من عم ظالم ما يرحم وما يخاف من ربه
وهو كذا جاه مسج قرر إنه يفتحه
*****
اخوي الغالي مالك ....
اشتقت لكم كثير ....
وجودي معكم كان من أسعد أيام حياتي
حياتي إلي انتهت من زفينا مسعود للحده
أنا مستحيل أقدر أزعل منك ومن تصرفك ....
كنت زمان الشخص الهادئ الشفاف الذي ألجأ له في شدتي
كنت أنت الوحيد من بعد مسعود إلي أرتاح معه واشكي له
همي..... أين مالك اليوم ؟؟
اليوم إنت بشخصيه جديدة ومغايره علي ....
خذلني تفكيرك وتفاجأ عقلي جحود قلبك.....
كيف سمحت لنفسك إنك تتعدى على أملاك مسعود
انت ضيعت لي فرصتي الوحيدة إلي أقدر أقنع أهلي إني بعد
العدة أرجع لبيتي ....
لا يكون تفكر إني ممكن أفكر بالعرض إلي طلبته
معقولة ....أهون عليك تبيع وتشتري فيني كل هذا خوف علي
وعلى أولاد مسعود؟؟
أو عدم ثقة منك لي إني أصون اسمه وأحترم عدم وجوده
اخوي مالك ....
بالرغم من كلامي القاسي لك وبالرغم من موقفي معك
أنتظر منك تبرير لموقفك وبعد كذا تأكد إنني سأنسى هذا
الموضوع وكأنه لم يكن
تحياتي واحترامي ....أختك أم محمد
****
كان هذا المسج كفيل ببث الحياة في قلب مالك من جديد
وقرر إنه يكتب لها مسج كرد على رسالتها
****
أختي أم محمد ..... رسالتك لي كانت كمن يبث الروح بجسد
أصبح يخلو منه
عباراتك كانت قاسيه على قلبي .... ولكنها كانت كما المصباح
الذي أنار لي دنيتي من جديد
انت معزتك بقلبي مثل معزة مرام ورغد .... والله العالم شقد
كنت بعراك مستمر بين قلبي وعقلي
لكن برسالتك هذي رجعت لي الأمل من جديد
احترامي لك وليد ربتك ....
أخوك الميت الحي .....مالك
****
\\
//
نواف كان يمشي بشكل سريع ....ما يبغي احد يلحق عليه
كانت صيته تناديه لكنه ما يرد عليها
أم عبد الرحمن " الله لا يوفقك .... لو انك ميت كنا ارتحنا
منك
طارق وهو ماسك كتفه" لا بالله قولي قسم ؟؟ صار الخطأ
مني الحين
أم عبد الرحمن" الله لا يبارك فيك ما جبت نعالي ومخليني
أمشي حافية وغير كذا زعلت نواف مني يا لدرو
طارق" والله ما تجي المصايب إلا منك
أم عبد الرحمن " إنطم ونادي لي نواف ....بسرعة
طبعا نواف راح يطلع الشنط من المطار وهم واقفين
ينتظرونه بره .... والكل كان متواخذ وساكت بسبب زعل
نواف من الموقف إلي حطتهم أم عبد الرحمن فيه وهي جالسه
تصرخ وتنعي طارق إلي طاح من طوله بسبب راسها اليابس
نواف نادى صيته" يا لله انتوا تعالوا معي وطارق خليه يودي
بيت عمي
صيته" مو مشكله بس إنت روق يا خوي
نواف" يا لله بلا كثره كلام .... جننتوني وربي وما راح
ترتاحون إلا لما أموت
أم عبد الرحمن" جعل الموت لطويرق إلي فشلنا
طارق"هاااا قولي قسم ؟؟؟ أنا الي فشلتكم ؟؟؟
وانتي ما عندك غيري تحطين أخطائك عليه؟؟
نواف ينفخ" أنا با لسيارة إلي بيلحق ولا بمشي
راحوا البنات ركض لعنده وأم عبد الرحمن بالموت ركبت
السيارة ....
وطول الوقت هي تتكلم وتدعي على طارق ونواف ساكت
....لأنه يحس إنه لو بيتكلم راح يزعلها ....فخليه ساكت
أحسن<<<<ههه أموت بروحك يا سحوره
,,
وصل نواف البيت وصعد فوق على طول من غير حتى ما
يسلم على أمه ..
دخل غرفته وأخذ شاور وجلس يصلي ويستغفر ربه ....يحس
على صدره هموم كفيله بذبحه
,,
طارق وصل بيت عمه...وما إن نزلوا البنات إلا راحت ميثه
للتلفون تبلغ طروب إنهم وصلوا
وتبغي تخبرها إنها إشتاقت لها بمجرد فراقها ها لكم ساعة
دقت لبيت خالها
راشد" الووووو
ميثه بخجل" السلام عليكم
راشد" وعليكـــــــــــــم الســـــــــلام هلا والله با لغالين
ميثه" تسلم والله .... وين طروب؟؟
راشد" هههه تبين طروب؟؟؟
ميثه" إييي والله
راشد" قولي لي وش تبين أقولها وأنا بقول
ميثه" ههههه وش دخلك انت شي بيني وبينها
راشد" يعني ؟؟ هذا رايج
ميثه خافت على زعله" لااا تكفى لا تزعل
راشد " هههه يهمج زعلي؟؟
ميثه" إيييي أكيد
راشد" يا بعد عمري والله
ميثه إنحرجت "..........
راشد" لا تسكتين ....أنا بناديها لج بس ببلغج إن البيت اشتاق
لج ولشوفتج
ميثه بخجل " ههههه إشكر لي البيت وبلغه ....
ما لقت إلا إلي واقف ورآها ومسك السماعة من يدها
تركي" منو تكلمين بالله هااااا
ميثه بخوف" هاااا محد
تركي" الوووو
راشد" الووو منو معي؟؟
تركي " أنا من ...ولا انت يا قليل الحيا هااا
انتبه تركي لميثه إلي حاولت إنها تهرب منه وتصعد فوق ..
صاح باسمها وترك السماعة وصعد لها ومسكها من شعرها
وصار يضربها بدون رحمه وما لقى إلا نوف تطلع لهم
وتسمع صوت اختها وهي تصرخ وهو يضربها برجوله من
غير رحمه
صارت نوف تضرب فيه وتصرخ لين ما زاح عنها وراحت
ميثه لغرفتها وقفلت عليها الباب وهو يضرب الباب عليها
برجليه ويصرخ فيها بكلمات ما تنقال ...
وقتها كانت نوف واقفة تطالعه وهي تبكي التفت لها ...شافته
جاي ناحيتها تركته وراحت لغرفتها جن جنونه وصار يصرخ
والبنات كل وحده بغرفتها وخايفة كثير
,,
نواف نايم على سريره ...النوم مجافيه ...
الكل زعلان منه ...نوف وجدته وأمه بعد إلي صعد من غير
ما يفكر انه يسلم عليها حتى
فكر في نوف يا ترى لو يكلمها وش راح يصير ؟؟؟
ويا ترى هي بتتقبل مكالمته لها؟؟
كانت نوف في الغرفة جالسه تبكي على أريكتها ودق عليها
رقم غريب ....ما ردت عليه لكنه دق أكثر من مره
فقررت إنها ترد
نوف وصوتها مخنوق" الووو
نواف"..............
نوف" الووو ...الوووو
نواف" أخبارك نوف؟؟
نوف من سمعت صوت نواف ما قدرت تتمالك نفسها
وصارت تبكي....
نواف" الووو ...نوف وش فيك؟؟
نوف تبكي"............
نواف" تكفين يا نوف لا تجننيني
نوف " مخنوقة يا نواف ...تعبانه كثير
نواف بيموت" ما عاش التعب يا بنت عمي ....
نوف تبكي".................
نواف" خير يا بعد عيني طمنيني
نوف" ما أدري وش صار يا نواف أنا بالغرفة سمعت صوت
صراخ طلعت بره الغرفة ما ألاقي إلا تركي واقف بكل ثقله
على ميثه يبغي يقتلها ...والحين أبغي أتطمن عليها مو قادرة
خايفه منه
نواف جن جنونه" أخوك هذا مو صاحي ...هي وش سوت
له؟؟؟
نوف مرتبكة" ما أدري ....ما أدري
نواف بحده" لا يكون بس مد يده عليك؟؟
نوف بخوف" كان بيجي يضربني بس أنا دخلت الغرفة حتى
ما يوصل لي ...وظل يرجف باب الغرفة
نواف" تبغيني أجيك الحين؟؟
نوف" إنت جنيت تبغيه يذبحك؟؟
نواف بعشق" وكيف ما أجن وحبيبتي بكاها قطع قلبي
نوف"..........
نواف" أنا أعشقك يا بنت الناس ....حسي فيني تكفين
نوف" أنا ما أدري كيف تجرأت أشكي لك
نواف" وش قصدك؟؟
نوف" انت مثله ....كلكم مثل بعض
نواف" أنا ؟؟؟
نوف تبكي" نواف ضربتك للحين أثرها على خدي
نواف بحده" عسى يدي الكسر يا بنت عمي ...أنا أدري إني
غلطت لكن مو مني والله
نوف " من منو يعني ؟؟ إنت ما تقدر تسيطر على أعصابك
نواف" اييي معك حق بس تدرين ليه أنا كذا هااا ؟؟؟
لأن حبك جنني ....إنت جالسه تتلذذين بكوني تعبان من حبك
يا نوف ...
المشكلة إن قلبي مو قادر ينسى حبك حتى بعد الرفض ...
إلا بالعكس أنا جالس أتعلق فيك أكثر إنت تدرين إني وصلت
لمرحلة إني لما أشوفك ما أقدر أتمالك نفسي وأتمنى أصرخ
بالعالم إني أحب ها لبنت لحد الجنون
تخيلي يكون خاطري المك لحضني وما يهمني وش يقولون
الناس
انت شمعة حياتي ....انت النور إلي بداخلي
كنت سر سعادتي لكن الحين ....
نوف كانت تسمع لنواف ودموعها على خدها"كنت؟؟؟
نواف تخونه دموعه".........
نوف بحنان" والحين بطلت تحبني؟؟
نواف وهو يبكي " أنا ما راح أبطل عن حبك لين أتوسد
الثرى ....
إدعي لي يا بنت عمي إني أموت حتى أرتاح تكفين
نوف تبكي" بسم الله عليك يا بعد قلبي .... لا تقول كذا
ليت يومي قبل يومك
نواف مو مصدق" نوف إنت شو تقولين؟؟
نوف "..............
نواف" ممكن تعيدين لي الكلام الي قلتيه ؟؟؟
نوف بهدوء" أقول إني موافقة لو ما غيرت رأيك
؟؟؟؟؟؟؟؟؟؟؟؟؟؟؟؟؟؟؟

...........






كبرياء رجل وشذوذ إمرأه

البارت السابع عشر

نوف تبكي" بسم الله عليك يا بعد قلبي .... لا تقول كذا
ليت يومي قبل يومك
نواف مو مصدق" نوف إنت شو تقولين؟؟
نوف "..............
نواف" ممكن تعيدين لي الكلام الي قلتيه ؟؟؟
نوف بهدوء" أقول إني موافقة لو ما غيرت رأيك
\\
//
في الإمارات ....
كان راشد واقف وماسك السماعة
طروب" خير يا راشد شووو صار؟؟
راشد يطالعها" ما أعرف كانت ميثه زاهمه والحين محد
طروب بدون اهتمام" يمكن قطع الخط
راشد" لا ما يصير أنا سمعت زعيق وواحد كلمني وهو
يصرخ... لا يكون ميثه ابها شي؟؟؟
طروب" لا لا تخوفني ما بها إلا العافية
راشد" تسلمين لي اختي تعالي كلميها شوفي شو بيها
طروب" على أمرك .... إنتوا تحبون وأنا أتورط
راشد" اسم الله عليج من التورط يا عمري
طروب تضحك له وترفع السماعة وتدق على ميثه لكن كان
الجوال مغلق ....غصب عليها راشد إنها تكلمها على تلفون
البيت...ولكنها كانت متردده
راشد" يا لله ولا ترى ما في تروحين بيت ربيعتج والله ما
أوديج
طروب تتنفخ وتدق بدون نفس" الوووو
تركي" خيــــــــر
طروب بخوف" السلام عليكم.... هذا بيت بو تركي
تركي بحده" آمريني ....نعم
طروب" لو تسمح أكلم ميثه
تركي بصراخ" لا والله ما أسمح
طروب بهدوء" منو وياي على الخط؟؟
تركي" وائل كفوري
طروب" إنت تركي؟؟
تركي ينفخ" إيييي آمريني بتخطبيني ولا أيش؟؟
طروب " أنا طروب بنت خالك بو راشد إلي بالإمارات
تركي بحده" الله لا يجيب الغلا وش تبغي هااا
طروب خافت وقفلت الخط بوجهه
راشد" شو صار؟؟
طروب معصبه"هذا المينون خرعني
راشد" منو ؟؟؟ تركي
طروب" إييي والله خوفني كان يصرخ وايد أنا خايفه لا يكون سوى بميثه شي
راشد متأزم" ؟؟؟؟؟
\\
//
في بيت بو نواف.....
ماجد" هلا بقلبي والله
نوره" هلا بيك
ماجد" آآآآآآه يا قلبي تو رجعت روحي
نوره" هاهاهاي اشتقت لي؟؟؟
ماجد بعشق" الشوق جنني يا صيته
نوره متفاجئه" ماجد؟؟
ماجد" عيونه انت
نوره" ناديني عشوق ولا راح أقفل الخط
ماجد" لا لا تكفين ...لكن ليه بالله
نوره بعصبيه " كذا ...وبعدين لا تصير ممل
ماجد" صيته ...أنا ما أحبك تكلميني بهذي الطريقة
نوره معصبه" أصلا إنت تحمد ربك إني أكلمك
ماجد بحده" صيتــــــــــه
نوره تتصنع البكي".............
ماجد بندم" اووو عشوق ليه البكي .....خلاص أنا آسف لا
تبكي
نوره" أنا زعلانه منك ...ورقمي هذا لا عاد تتصل لي عليه
فاهم أو لا
ماجد بحب" حبيبتي ...الووو الووو
قفلت نوره الخط في وجهه ..تضايق ماجد كثير على زعلها
وحاول أكثر من مره إنه يدق عليها لكنها كانت تعطيه مشغول
على طول <<إييي لازم تربيه هذي نوره
,,
نواف" ممكن تعيدين لي الكلام إلي قلتيه ؟؟؟
نوف بهدوء" أقول إني موافقة لو ما غيرت رأيك
نواف مصدوم"!!!!!!
نوف بارتباك" نوااف
نواف بعشق" يا بعد عين نواف ويا بعد روحه بعد ...تكفين يا
بعد هلي قوليها لي
نوف محرجه" يا لله نواف باي
نواف" هههه أموت في الخجل وأهله بعد.... يا لله حبيبتي
الحين اكلم ابوي أشوف متى نجيكم اليوم
نوف تبتسم" مع السلامة
نواف" في وداعة الله يا قلبي
نوف قفلت الخط لكن نواف للحين واقف وحاط الجوال بإذنه
وكأنه يسمع للحين صوتها ....قلبه ذايب عليه
ما يدري إلي صار الحين حقيقي ولا بس كلام...ما حس بحاله
إلا إنه راح يركض لصيته وهو يصرخ
نواف" صيـــــــــــــته
صيته تطلع من غرفتها مزعوجه" نواف ؟؟؟ خير وش
صار؟؟
نواف يطالع بصيته" تدرين إن نوف وافقت ؟؟
صيته حاطه يدها على صدرها وغمضت عيونها".........
نواف " وش بلاك كأنك مو فرحانة
صيته" فرحانة والله بس موتتني
نواف بلوم" وأنا فكرت فيك أول وحده حتى تفرح معي
صيته تبتسم وتلم أخوها لها" مبرووووووووك والله
نواف" ههههه إيييي كذا أنا أحس إن الدنيا فرحانة وياي
صيته" هههههه تستاهل يا وااااااد
نواف" تدرين أنا رايح للوالد حتى نروح لهم الليلة
صيته" الله يهنيكم ... تستاهلون الفرح
نوره" خير وش بيكم؟؟
صيته" نوره باركي للعريس
نوره" مبرووووك ومنهي العروس
نواف باستغراب " ليه نواف يا خذ غير نوف؟؟
نوره" هه مبروك
تركتهم نوره ودخلت داخل قفلت عليها الباب ونواف وصيته
عيونهم لها
صيته" ما يهمك أحد .... روح مين قدك؟؟
نواف" إييي بالله مثل ما قلتي ....هههه سلام
راح نواف ....لكن شنو حال صيته ؟؟
كانت دموعها على خدها من الفرحة ومن كثر ما تمنت
لأخووها هذي الفرحة
\\
//
في جده.....
دلع "هلا والله بها لنور
ماجد" خلصي وش تبغين ؟؟؟
دلع بزعل" أفا وش قصدك؟؟؟
ماجد" أعرفك ما يحلى عندك الكلام الحلو إلا لي بغيتي شي
دلع بدلع" طيب خلاص روح وين ما تبغي
ماجد " هههه يا لله قولي
دلع" لا أنا زعلت
ماجد يمسك خدها" مشكلتي ما أقدر على زعلك
دلع" هههه هذا أحسن شي ....
ماجد" هااا ...خلصينا
دلع" بموووت مللل ...خلينا نروح أي مطعم
ماجد يطالعها بنص عين " والله ما ودي ...لكن ما أقدر أقول
لا...ودي أعرف السر إلي يخليني أطاوعك
دلع بثقة" وش أسوي مشكلتي أنحب على طول
ماجد" خلصيني لا أروح وأتركك
وقتها دلع صرخت صرخة فرح وراحت ركض تلبس وماجد
ميت ضحك عليها
\\
//
في الشرقية .....
مالك وأمه وخواته عند بيت خاله ...
طلال" هلا والله حياكم تفضلوا
مالك" يا هلا فيك والله .... خالي موجود؟؟
طلال " إييي بالله هنا ....عطيني يدك عمتي
أم مسعود" لا الحمد لله أنا للحين ما عجزت
طلال" الله يعطيك الصحة ...شلونكم يا بنات
مرام ورغد" الحمد لله
دخلوا داخل .....
شيخه تروح ركض لعمتها وتلمها لها " إشتقت لك يا عمتي
أخبارك طمنيني عن حالك
أم مسعود ودموعها بعينها" مو طيبه والله
مرام" عمري شيخه شو أخبارك ؟؟
شيخه" الحين أنا طيبه والله... تعالي تعالي أبغيك فوق
راحت مرام مع شيخه فوق ...وأم مسعود جلست تحت مع
الشباب وأبو طلال وأم طلال والعيال طبعا إلي كانت رافضه
إنهم يروحون من عندها حتى لو للعب
شيماء كانت بالمطبخ تجهز العشا ومعها رغد وشمسه
شمسه" الحين يعني إنتوا ليش ما قلتوا إنكم بتجون حتى
نحسب حسابكم في الأكل
رغد منحرجه" لا إحنا تعشينا والله
شيماء تدقها" ههههه تمزح معك وثانيا إنت تعرفين إن لسانها
متبري منها
شمسه بزعل" وش قلت الحين أنا ؟؟
شيماء " بلا كلام فاضي ....روحي شوفي شيخه بتنزل تحت
تتعشى ولا نصعد لها عشاها مع مرام؟؟
شمسه " ما ني رايحه روحي إنت
شيماء بدون ولا كلمه هي عارفه إختها زين...راحت شيماء
بتصعد فوق لكنها بعد ما سمعت صوت مالك صار قلبها يدق
بشكل جنوني .... وحبت إنها تسلم عليه
شيماء" السلام عليكم
الكل" وعليكم السلام
شيماء بنعومة" شلونك مالك ؟؟ عساك بخير
مالك" الحمد لله بخير
طلال متضايق من تصرف إخته بس ما حب إنه يبين
مالك" شلون المدرسة معك؟؟
شيماء" أنا شيماء يا مالك مو شمسه
مالك" إيييي هلا والله عذريني بس أصواتكم تتشابه
شلونكم عساكم طيبين؟؟
شيماء بضيق" الحمد لله يا ولد عمتي
,,
فوق عند شيخه..........
مرام" الله الغرفة حلوه كثير .... بس هذا شي ما يبشر بخير
شيخه " ليه؟؟
مرام بهدوء" شيخه ما راح ترجعين للبيت ؟؟
شيخه بضيق" أنا ودي والله لكن خليك عارفه إن مو بيدي
مرام" ليه وش إلي يمنعك؟؟
شيخه الدموع تتجمع بعيونها " العادات.... والتقاليد.... والناس
كل هذولي يمنعوني
على أي أساس أنا أرجع البيت هاااا ...شكلي مو حلووو
وخصوصا يوم مالك يطينها ويجي يخطبني
مرام" تأكدي إن مالك كان قصده خير
شيخه تبكي" أدري و متأكدة بعد ....لكن شو الحل برأيك
هااا؟؟
مرام" ما أدري ...إنتوا بعد تحطون حواجز وتحسبون حساب
لكلام الناس ...والله الناس ما راح تتركم بحالكم لو شو ما
يصير ...ولو تدفنون حالكم با لحيا
شيخه" الحل إن مالك يتزوج ....في هذا الوقت أقدر أجي
بدون ما حد يتكلم
مرام" والله؟؟
شيخه" إييي والله
مرام" سهله شيماء ومالك من وهم صغار مسميين لبعض
ومالك وش له ينتظر دام عروسته جاهزة وبكذا تنحل كل
المشاكل وترجعون للبيت لأن هذا بيت محمد وإخوانه
شيماء تسمعهم من بره وتعمدت تسوي حركه حتى تبين لهم
إنها موجودة....في هذا الوقت شيخه تغمز لمرام إنها تقفل
الموضوع
شيماء" هااا شو أخبار الأميرات ...أجيب عشاكم فوق أو راح
تتكرمون وتجلسون معنا
شيخه" هههه لا نازلين ...بس خلي عشا الرجال في المجلس
شيماء بفرح" عيوني لك يا عيوني
وقتها البنات عرفوا إن شيماء سمعتهم وصاروا يطالعون
ببعض ويضحكون
\\
//
في الرياض ....
طبعا نواف كلم أبوه إلي ما كان عنده مانع أبد وعطوا بو
تركي خبر إنهم جايينهم بعد كم ساعة ....
نواف راح للصالون وطلب من الحلاق إنه يضبطه وقاله إنه
عريس ...وطالما الميزانية مو محدده صار الحلاق يبدع في
نواف حتى يطلعه بأجمل صوره<< والله ما يحتاج لك ها لقد
خلص نواف وراح أخذ إسوره الماس لها .... وكان خاطره
ياخذ لها طقم كامل لكنه قال ياخذه مره وحده مع الدبل ليلة
العقد
رجع نواف البيت والفرحة مو سايعته
نوره تروح له تلمه لها" مبروووووك يا عريس
نواف" عقبالك والله
نوره بدلع" هههه أستاهل والله
صيته تصفر له" وااااااو .... وش ها لزين
نواف يبتسم" من جدك ....تغيرت ؟؟
صيته" إلا تغيرت إلا وجهك يشرق .... بصراحة عجيب
نواف" ههههه وخري خليني أروح أجهز حالي ما في وقت
صيته" أيووه مين قدك حبيبي ؟؟
نواف" جهزوا حالكم مو بعدين تأخروني ...والله الميك أب
وما أدري وشووو
نوره بلا مبالاة" أنا ما راح أروح
نواف يوقف ويطالعها" وليه بالله ؟؟
نوره" كذا..أحس إن عندي صداع
نواف بحنان" لكن أنا اليوم أتمنى إن كلكم تكونون معي
صيته " مو مشكله نوره بتروح معنا أكيد
نوره بلوم" صيـــــته
نواف" إذا كانت تعبانه خليها ترتاح أفضل.. أهم شي عندنا
راحتها...راحتها أهم
صيته ما ودها تكسر بخاطر أخوها" لا يا عمري حبتين
بندول وكاس عصير وتكون أحسن
نواف يلتفت ناحية نوره ....طالعته بابتسامه صفرا ..من
فرحته فيها راح لها وباسها بين عيونها
صاحت فيه صيته" أخرتنا يا نواف
راح نواف ركض للدرج" يا لله يا لله كونوا جاهزين
نوره وصيته" هههههههههههه
,,
بعد ساعتين .... نواف جالس يطالع بساعته
نواف" يمه غريبه أبوي محد
أم نواف" والله مدري دق عليه شوفه ليه تأخر
دق نواف على أبوه " هلا يبه..... إييي بس بشوف ليه
تأخرت....إييي موعدنا الحين ....
نواف تغيرت نبرته وهذا الشي خلى صيته تروح لعنده
نواف" إن شاء الله يبه..... خير خير ....مو مشكله نلتقي هناك
مع السلامة ...في أمان الكريم
نواف بضيق" جاهزين؟؟
صيته" خير وش صار؟؟
نواف بهدوء" تخيلي أبوي يقول نروح وبعدين يلحقنا
صيته تفرك شعره" طيب .... فكرت في شي
نواف" مو حلوه يا صيته ندخل بدونه
صيته تبتسم له" مو قلنا اليوم يوم الفرح ؟؟؟ ما نبغي شي
يعكنن علينا فرحتنا ...وخاصة إن اليوم بتشوف العروس
نواف يضحك من قلب"..........
طارق" قول قسم؟؟ أنا أبغي أعرف وش قلب حالك كذا
سكر فمك شفنا ضرس العقل
أم عبد الرحمن جايه من غرفتها" وش لك فيه خليه بحاله ....
يمه خليني أقرأ عليك المعوذتين
طارق" أوف أوف .... وش ها لحلا يا سحوره
أم عبد الرحمن" قول قسم؟؟؟ وكأن الزين ناقصني
طارق " لا بالله إنت الحلا كله بس مو من ها لحمره إلي مآكله
نصها ...لكن من السكر إلي يجري بدمك ههههه
أم عبد الرحمن" بلاك ربي بمرض أقسى منه يا لحمار
نوير.... مسكيه لي خليني أجي أكسر راسه
نوره ترفع يدينها" سوري سحر لكني ما أبغي أخرب شكلي
أم عبد الرحمن" سحروك مجنونه يا قليلة الحيا
طارق" لالالالا كيف ترضين لها تكلمك بهذي الطريقة؟؟
أم عبد الرحمن" العن من رباك يا شيفة إبليس
نوره تتركها وتروح للمطبخ"......
أم عبد الرحمن" خايفه يا لملعونة ... تعالي أوريك ...لا
تفكرين إن دلعك الماسخ هذا علي يا لمغرورة
نوره من بعيد" ما راح أرد عليك باين إن اليوم حلمانه
بكابوس
أم عبد الرحمن" حلمانه بكشتك إلي مليانه قمل
نوره بنظرة كبر" هه
ترمي أم عبد الرحمن عصاها على نوره الي أخطأتها
طارق يصفق" أحلى أحلى .....سحوره والله إنك قويه
أم عبد الرحمن" قواك ربي على سنينك ولحقك بزبانيه جهنم..
نواف بضيق" جدتي .... شووو بتضايقيني في ليلتي؟؟
أم عبد الرحمن" شفتووو أقولكم إن طويرق يبغي يفرق بيني
وبين غناتي نواف وكأنه ما يقصد
طارق" أفاااااا لفيتي علي الحين؟؟
أم عبد الرحمن " إكل تبن يا ولد اللذين
نواف يصعد الدرج" إذا خلصتوا مناقشاتكم نادوني
أم عبد الرحمن تطالع بطارق وتتوعد فيه" خلاص تراضينا
انزل...
نواف يطالعهم" أكيد؟؟
طارق" قولي قسم؟؟
أم عبد الرحمن تغمز له "........
طارق يروح لها ويحضنها " بعد عيني جدتي
أم عبد الرحمن بصوت واطي" راحت عينك قبلها روحك
طارق ميت ضحك ...حملوا روحهم وراحوا لبيت عمهم ....
طبعا نوره وصيته صعدوا على طول لبنت عمهم
صيته"كلووووووووووش
نوف تلتفت عليهم وهي تبتسم" هلا والله
نوره" مبروك يا عروس.... بس ليه وجهك ما عليه شي؟؟
نوف نزلت راسها" لأن نواف بيشوفني ..
صيته" طيب مو مشكله كنت حطيتي شي خفيف
نوره" هههههه أحسن خليه ينصدم فيك من البداية
الكل"..............
نوره" هاهاهاي أمزح والله
ميثه" تعالي يا نوره أبغاك بموضوع
نوره تضحك" هاهاهاي وش فيها عينك ؟؟
ميثه" عادي عادي بس تركي موقع عليها تدرين دايم معجب
فيني بلوه ها لحب وش أسوي بحالي
نوره شهقت" تركي هنا؟؟
نوف" هههه وش بلاك ....لا تخافين هو يوقع على المحارم
بس..حمدي ربك إنك حرام عليه
الكل ماعدا نوره" ههههههههههه
ميثه تسحب نوره معها" تعالي تعالي أبغيك بشغله
طلعت ميثه ونوره ...عندها التفتت صيته لنوف
صيته" آآآآآآآه وأخيرا
نوف" هههههه الحمد لله
صيته" لو تشوفين نواف ....بصراحة بيطير قلبك
نوف" ليه؟؟
صيته" متأنق على الآخر ....بصراحة طالع يجنن خيال خيال
من العصر وهو في الصالون .... يسوون له غسيل وتنظيف
ههههه
نوف" حبيبي .... هو حلو من غير ما يتعب حاله
صيته" ايوووه يا عيني عــ الحب
نوف انحرجت ونزلت راسها
,,
تحت بمجلس الرجال كان جالس نواف على أعصابه وتركي
جالس جنبه .... ويدخن وينفخ عليه وكأنه متقصد إنه يخرب
أناقته
طارق بيكسر حاجز الصمت" حيا الله ولد عمي .... إلا وين
كنت؟؟
تركي" والله ...كنت أشم هوااا بدل جوكم إلي يخنق
صالح" والله يا خوي هوانا حلو كثير بس للي يفهم له
تركي بعصبيه" وش تقصد؟؟
صالح مرتبك" يعني طالما الواحد يشغل مكيفات بيجيه الهوااا
الزين
تركي طالعه بنظره مو حلوه " إلا يا نواف ....للحين انت
تشتغل مع الوالد؟؟
نواف ما وده بس مضطر يجاوب" إيي
تركي" وش تشتغل يعني؟؟
نواف" أي شي با لشركه
بو نواف وبو تركي " السلاااااااام عليكم
كلهم فزوا وردوا السلام
بو تركي" وين الشاهي والقهوة .... صالح قوم فز جيبهم
صالح" على أمرك يبه
بو نواف" يا بو تركي ...إحنا جايينكم اليوم بناخذ بنتنا نوف
لنواف.... وش رايك
بو تركي" هههه رايي إنها بنتك وأولى فيها مني ...
بو نواف" أصلا إلي إحنا نسويه اليوم شكليات بس وإلا إحنا
ما بينا رسميات ولا وش رايك يا خوي
بو تركي" كلامك عين العقل ... ونواف والله والنعم فيه
نواف الفرحه مو سايعته" الله ينعم بحالك يا عمي ...الله يطول
بعمرك يا رب
تركي" إييي بس مو تسأل البنت ؟؟
بو تركي" إيييي قوم نادي لها هنا حتى يشوفها ولد عمك بعد
تركي باستغراب" وش قصدك يبه ؟؟ لا نوف مالها نزله هنا
قبل العقد أبد
نواف بجنون" كيف يعني ؟؟
تركي بحده" كذا
نواف ضغط على أعصابه ...خلاص إسألوها وإذا وافقت
أبغي أشوفها شوي
تركي" لا ....أنا قلت إن نوف ما تشوفها إلا لما تكتب العقد
نواف تنرفز" إييي لكن هذا من حقي ....ولا لا؟؟
تركي" صحيح ...لكن إحنا ما عندنا إن بنتنا تنكشف على أحد
وإذا مو عاجبك إحنا على البر.... ولا وش رايك يا عمي؟؟
بو نواف" لا من حقكم وأنا أبوك .... عين العقل كلامك
نواف قلبه ينعصر جالس يطالع أبوه...ويمسكه تركي من كتفه
تركي باستفزاز" هااا ما سمعت قولك يا ولد عمي أروح
أسألها ولا مو عاجبك كلامي
نواف يشيل يده من عليه" لا عاجبني يا ولد عمي عاجبني
صعد تركي وأخذ الموافقة من عندها .....وهو طالع سمع
ضحك نوره بغرفة ميثه...
تركي" ميثووووه
ميثه تطلع له بسرعة" خير يا تركي
تركي" روحي بسرعة جهزي قهوة
ميثه باستغراب" إيييي لكن توني سويت
تركي بصراخ" إييييي قهوتك باردة.... روحي سوي غيرها
بدون كثرة كلام
ميثه بدون ما ترد راحت تحت ...صار تركي يتسحب للغرفة
ودخل ...ما لقى إلا نوره جالسه على الاريكه والآب توب في
حضنها كانت مندمجة فيه كثير ... وخصل شعرها جايه على
وجهها ومو باين منه إلا ابتسامتها العريضة إلي كلت عقل
تركي المريض
تركي يدخل لها" والله زمااااان يا قمر
نوره شهقت وطاح منها الجهاز"..........
تركي" اششششش ولا صوت
نوره خايفه وحاطه يدها على فمها ومتكومه على حالها
تركي" كل مالك وتحلوين أكثر
نوره تبكي" تكفى يا تركي ....لا تلمسني
تركي" ما راح ألمسك بس أبغي أتملى من جمالك يا حلوه
نوره بخوف" تكفى روح عني
تركي" ما أقدر أتحرك من غير ما توعديني.....
ميثه تنادي" تركـــــــــــــــي
تركي فز من مكانه وراح جهة الباب ورمى بوسه طايره
بالهوى لنوره... وهو طالع من الغرفة شاف ميثه بوجهه ...
تركها ونزل وهي كانت ملامحها تبين استغرابها من الموقف
إلي قدامها
,,
في المجلس.......
تركي ينفخ" مبروك يا جماعه... العروس موافقة
الكل فرح بالخبر كثير وخصوصا نواف مع إن نوف عطته
الضوء الأخضر بس بصراحة كان خايف كثير من ردها
طارق يلم أخوه" أوووووووو... مبروك يا عزيزي
نواف يضحك" قول قسم ؟؟ هههههههه الله يبارك فيك
بو تركي" ومتى تآمرون العقد؟؟
بو نواف ما عندنا مانع ... متى ما تصير العروس جاهزة
نواف بهدوء" تكفى يبه بعد إذنك....أنا أبغي العقد بعد اسبوع
تركي بحده" اسبوع قليل
نواف بحده أكبر" أنا أبغيها بالفستان إلي عليها ... وهذا الشي
ما يبغي له وقت ولا وش رايك؟؟
تركي بلا مبالاة" براحتك
استأذن نواف .... يبغي يمشي كان الكل معارضه لكنه يحس
إن روحه من الغيض بتطلع ففضل إنه يستأذن ...وقفوا معه
الجماعة حتى يسلمون عليه ...
نواف" صالح .... يا ليت توصل هذي الهدية البسيطة لنوف
تركي بفضول" وشنو هذي بالله؟؟
نواف فتحها" إسوره ألماس .... شي بسيط ما يليق بنوف
تركي يضحك" هههههه
نواف متنرفز" وش إلي يضحكك ...لا يكون ذوقي ما
عجبك؟؟
تركي " إلا ذوقك لا يعلى عليه لكن أنا محتار بصراحة
نواف بلا مبالاة" وش إلي محيرك يا تركي؟؟
تركي بصوت واطي" يا ترى بأي يد راح تلبسها نوف في
اليد المشوهة أو اليد السليمة
نواف تضايق كثير ورمى تركي بضربه من يده... حاول
تركي إنه يقوم ....لكنه رجع ضربه في ظهره
تركي صرخ من قمة راسه"آآآآآآآآآآآآآه
نواف ودموعه بعينه" حتى تفكر تمس نوف بأي حال من
الأحوال .... ومن اليوم نوف تخصني وخليني أسمع إنك هنتها
فاهم؟؟
طلع نواف وترك الكل في حيره من أمرهم وخصوصا أبوه
إلي كان متضايق من نواف كثير .... وكان يتوعد فيه لما
يرجع البيت.







كبرياء رجل وشذوذ إمرأه

البارت الثامن عشر

طلع نواف وترك الكل في حيره من أمرهم وخصوصا أبوه
إلي كان متضايق من نواف كثير .... وكان يتوعد فيه لما
يرجع البيت.
\\
//
\\
في بيت بو تركي .... بالذات فوق كانت ميثه مدهوشه من
شكل تركي لما شافها وكيف كان مرتبك .... دخلت لنوره
لقتها كانت تبكي
ميثه تروح ركض لنوره" خير نوره وش فيك
نوره تمسح دموعها "ولا شي ...
ميثه باستغراب" وش كان تركي يسوي هنا ؟؟
نوره مرتبكة" هاااا .... وأنا وش يعرفني
ميثه" منو يعرف ؟؟ تركي شكله كان غير يوم شافني ... لا
يكون سوا لك شي ؟؟
نوره بثقة مصطنعه" ليه هو وش يقدر يسوي لي ؟؟
ميثه " ما أدري بس أقول يمكن
نوره توقف قدام المرايه تضبط مكياجها إلي تبهدل من
دموعها
نوره " أبد ما كان يدري إني كنت بالغرفة ولما شافني صد
عني لكنه شافني فزعت ارتبك
ميثه سكتت مع إنها مو مقتنعة من كلامها
نوره" هاااا وش بك قرونك الإستشعاريه وش فيها مو مقتنعة
ميثه" ههههه ...أسمع كلامك أصدقك أشوف أمورك أستعجب
نوره" هاهاهاي صدقي صدقي يا ماما ...أنا لساني ما ذاق
طعم الكذب
ميثه"............
,,
بغرفة نوف ....
دق نواف على صيته ....صارت صيته تبتسم
نوف قلبها بدى يدق بسرعة ....خايفه من ها للحظه على قد
شوقها لها
نواف ينفخ " الوووو
صيته" هلا بالعريس هاااا أنزل نوف الحين
نواف" لاااا ...أنا مشيت
صيته بخوف" مشيت؟؟؟ ليه
نوف"؟؟؟؟؟؟؟؟؟؟؟
نواف معصب " رفض تركي إني أشوفها وطبعا عمي وأبوي
أيدوه... وخلوني بيزه ما أسوى ولا كأني إلا ولد طايش عمره
18 سنه
صيته تطالع بنوف" طيب مو مشكله لا تعصب إنت
نواف" كيف ما أعصب أنا كان ودي بهذي اللحظة أقتله
وأشرب من دمه بعد .... تخيلي يتكلم عن نوف ولا كأنها إخته
أبد
صيته" خلاص يا عمري العصبية الحين مو بمحلها ..
وطلعتك في هذا الوقت مو حلوه بحقك لو ترجع أحسن
نواف بحده" جنيتي إنتي ؟؟
صيته" طيب روح البيت مو حلوه مشيك وانت معصب لا
يكون يصيبك شي
نواف " والله بقلبي نار تسعر ...محد حاس فيني
نوف خايفه مره مو عارفه شو الموضوع
صيته" إذكر الله ... وهذي نوف يمي وخايفه كثير
نواف" له له له تكفين يا صيته كل شي ولا نوف ....ريحي
قلبها تكفين
صيته تبتسم" أروح فدوه للحب والي يحبون
نواف" ههههه عقبال ما أشوفك وإنت ميتة بالعشق موت
صيته" هههه بسم الله علي
نواف" يا لله أسلم عليك
صيته" انتبه لحالك فاهمني
نواف" على خير .... سلامي لأحلى عيون
صيته تطالع بنوف وتبتسم" يوصل يا قلبي
\\
//
في الشرقية بعد العشا ..... إلي شيماء ما ذاقته بس جالسه
تقطع في الخبز بأسنانها ولا كأنها إلا عصفوره
شيخه" يعني الحين إنتي أكلتي
شيماء" هاااا..... إيييي الحمد لله
أم مسعود" مو عاجبتني يا شيماء أحسك مو بطبيعتك
....لا يكون تعبانه
شيماء انحرجت"........
شيخه تلم الموضوع" إيي والله تقول راسها يوجعها ها ليومين
شمسه" هههه الله يساعدك
شيماء" ممكن تقومين تشيلين معنا السفرة ... لو تتكرمين
شمسه" أوووف مو لو جايبين لنا شغالة عن ها لتعب إلي إحنا
فيه ... بعد مو نشيل روحنا ...لا ضيوف بعد
أم طلال بحده" قومي فزي بلا كثرة حكي يا طويلة اللسان
شمسه قامت ترفع في الصحون بدون نفس والبنات بيموتون
عليها من الضحك لأن بوزها وصل لآخر البيت
,,
في المجلس ...كان محمد يصب لهم القهوة ومالك يطالعه
وقلبه عليه ... صار رجال في أربع شهور
تعود إنه يعتمد على حاله ...
يدق جوال مالك " هلا والله .....يا لله حيهم ....الله يسلمك
...إييي ليه ...والله تشرفون حياكم الله .... لنا الشرف والله
الله يطول بعمرك....إييي هو يمي راح أبلغه.... تسلم تسلم....
أنتظركم على الساعة ثمان بإذن الله.... خير خير .... في أمان
الكريم
سكر مالك الخط وعلى وجهه ابتسامة رضا ....
مالك" هذا يا خال بو عبد الله الــــ .... تعرفه؟؟
بو طلال" إييي أعرفه و منو ما يعرفه هو غني عن التعريف
مالك بهدوء" يقول يبغي يجينا بكره هو وولده عبد الله ويبغي
يشوفك معنا
طلال قلبه صار يدق بصوره غريبة".........
بو طلال" حياه يشرف ....البيت أوسع له من العين
مالك" لا يعمي هو بيجي عندنا بالبيت
بو طلال" ما في فرق هنا أو هناك يا ولدي
مالك" إييي كلامك صحيح يا خال لكنهم ها لمره جايين
خطاطيب...
بو طلال" والله؟؟؟؟ طالبين من؟؟
مالك يبتسم" مرام يا خال
طلال وقف على طوله "........
\\
//
كانوا الحريم جالسين تحت بالصالة ....
أم عبد الرحمن" طيب وين العروس ...ما بتنزل نبارك لها؟؟
أم تركي" ههههه توني زهمت عليهم قالوا بينزلون
من فوق صوت الزغاريد تتعالى .... وطبعا الحريم بعد
صاروا يزغردون معهم ...نزلت نوف من على الدرج وهي
مرتبكة كثير وما شالت عينها عليهم ....هذا ونواف ما راح
يشوفها... كيف لو إنه بيشوفها ؟؟؟؟
صيته" الف الصلاة والسلام عليك يا حبيب الله محمد كلللللللوووووووووش
أم عبد الرحمن" كللووووووووووش
راحت نوف لها وباست راسها ويدها
أم عبد الرحمن تدمع عيونها" الله يهنيكم يمه .... الله يجعل
حياتكم كلها سعادة
نوف تبتسم" الله يسمع منك يمه
حطت ميثه المسجلة و إبتدت نانسي تغني
أطبطب ودلع ... وميثه ونوره يرقصون مصري ببراعة
وصاروا يتحدون بعض وكل وحده تقول الزود عندي من
الجسم والأناقة .... لكن هالشي طبعا ما عجب أم عبد الرحمن
وصارت كل وحده تجي يمها وهي ترقص تضربها بعصاتها
.... لكنهم كانوا مكملين .... وما همتهم أم عبد الرحمن ولا
عصاتها ... طبعا ها لشي خلاها تأشر لصيته إنها تشيل
المسجل عنهم .... وطبعا صيته ما تقدر ترفض لها طلب
نوره" اوووو ليه كذا؟؟
أم عبد الرحمن" مزااااااج ... وش لك عندي؟؟
نوره توجه كلامها لنوف" شفت إنهم مو راضين تصير ليلتك
شي ...مو تقولين بعدين صارت الخطبة سكيتي
أم عبد الرحمن" سكتي بسكتة قلبك قولي آمين ....يعني ها
لحين تبغين تطيحيني معها هااا ...
نوف منزله راسها وما انطقت بكلمه
صيته تروح تكلم أم عبد الرحمن بإذنها" يمه لا يكون يسمع
نواف ويزعل
أم عبد الرحمن فتحت فمها على الآخر " هااااا
نوف ابتسمت"..............
أم عبد الرحمن" يا لله أم تركي عطينا من أغاني أول إلي ترد
الروح ... وخلينا نفرح مع نوف ونواف
البنات" هههههههه
أم تركي " هههه والله محد صوته حلو غيرك وبعدين وينا
وين أغاني أول نسيناهم وطوى عليهم التاريخ صفحاته
أم عبد الرحمن" أقول يا بنيتي قديمك نديمك والي ماله أول
ماله تالي .... آآآآه يا زين أول وأغاني أول
صيته متشجعة" تكفين جدتي غني لنا وحده من أغانيكم
أم عبد الرحمن بانت ضروس الذهب " هههه يا بنات لا
تغصبوني
نوف بنعومة" تكفين جدتي ...على شاني
أم عبد الرحمن مبسوطة" يوووه غالي والطلب رخيص يا
قمر نواف انت ...
احم احم .... عاد ساعدوني هااا
أم نواف" إحنا معك بس بدي إنت
أم عبد الرحمن "يا غزال البر يا غزال البر ليش ما ترعى
حبيبي فوق عشب البر
البنات متفاجئين وجالسين يطالعون فيها
أم عبد الرحمن " وش ذا أسمع صفقتين بس ؟؟ وين أياديكم هااا
البنات "..............
أم عبد الرحمن " يا لله ولا ماني بمغنيه
يا غزال البر يا غزال البر ليش ما ترعى حبيبي فوق عشب
البر فوق عشب البر
يا ليتني ساعة يا ليتني ساعة وأدور بذراعه حبيبي فوق عشب
البر فوق عشب البر
يا ليتني عقاله يا ليتني عقاله وأدور براسه حبيبي فوق عشب
البر فوق عشب البر
يا ليتني خاتم يا ليتني خاتم وأدور بصبوعه حبيبي فوق عشب
البر فوق عشب البر
يا ليتني كحيله يا ليتني كحيله وأدور بعيونه حبيبي فوق عشب
البر فوق عشب البر
يا ليتني بشيته يا ليتني بشيته وأدور بكتوفه حبيبي فوق عشب
البر فوق عشب البر
طبعا البنات كانوا متجاوبين معها با لبداية لكن لما شافوها
استرسلت في الأغنية صارت كل وحده تلتهي بحالها إلي
تضبط مكياجها والي ترفع شعرها والي بتموت من الضحك
بس ماسكه روحها غصب<<أموت بالشحرورة
\\
//
في الشرقية.....
مالك يطالع بطلال إلي تغير فجأة
بو طلال "خير يبه وش فيك؟؟
طلال بحده" إنتوا ناسيين يا يبه إن مرام سميتي من وإحنا
صغار؟؟
مالك"!!!!!!!
بو طلال" إيييي يبه بس إنت ما قلت إنك تبغاها قبل ها لوقت
طلال" إيييي صحيح أنا ما تكلمت .... لكني أعتبرها خطيبتي
مالك بهدوء" وعلى أي أساس تعتبرها خطيبتك؟؟
طلال تأزم" وش قصدك يا مالك؟؟
مالك" قصدي معروف .... ما تقيس على كلام أهلك وانت
صغير .... وأنا أعلم الغيب يعني؟؟؟
طلال بضيق" يعني شووو ...
مالك" يعني الوقت غير الوقت والحال غير الحال ... وإذا
خالي وأبوي الله يرحمه قالوا إنكم لبعض هذا ما يعني إنكم
مرتبطين..صح ولا لا
طيب هم قالوا عني وعن شيماء إن إحنا لبعض هل هذا معناه
إن شيماء تكون خطيبتي؟؟
طلال جلس على الأرض ومو عارف وش يقول"!!!!!!!!
مالك" أنا ما أقدر أربط مصير أختي بكلام وإحنا صغار و با
لنسبه لي أنا أعتبر إن شيماء مثل إختي ... فكيف أعرف إن
إنت نظرتك لمرام غير؟؟
بو طلال بضيق" خلاص وأنا خالك اعتذر من الجماعة وقول
لهم إن البنت مخطوبه
طلال ارتاح بكلام أبوه لكن رد مالك جا مثل الصدمة إلي
زلزلته من الأعماق
مالك" لا يا عمي ...أنا ما راح أعتذر من أحد .... بو عبد الله
بكره بيجي مع ولده وأنا عطيتهم كلمه ....
وبعدين لا تنسون مرام ...أنا أقول لها وهي حرة التصرف
وما غيرها إلي يختار شريك حياتها ...
وأنا ما عندي مانع سواء إختارت عبدالله أو طلال
طلال كان متضايق كثير .... وفضل إنه يطلع ويترك المكان
لا يكون يتصرف تصرف يندم عليه طول حياته ...
وطالما في أمل راح يتمسك فيه حتى لو كان أمل ضعيف
\\
//
نواف جالس بالبيت .... متملل وأهله تأخروا كثير
كان رايح راجع في الصالة .... وكل شوي يدق على جوال
طارق ويشوفه مغلق .... تضايق كثير وكان متوعد فيه
شوي إلا ويسمع صوت السيارة جايه .... جلس على الكنبة
ومسك جريده والي يشوفه ما يقول إنه جالس يحترق من
داخله وإنه كان ينتظرهم بشغف ماله حد ....كيف ما يكون كذا
وخواته بيجيبون له كل شي عن نوف وش كانت لابسه ووش
قالت ومتى ابتسمت وكل نفس متى تنفسته ...
وجدته أم عبد الرحمن بعد راح تخزها زين بعيونها مثل ما
يسوون كل الجدات الحريصات بأن ولدهم يأخذ أحلى البنات
وأقوى البنات وأشطرهم
دخلت صيته ونوره وأم عبد الرحمن وطارق ولقوه جالس
طارق" أصلي .... وأسلم ....عليك ....يا حبيب
....الله....محمد.....كلللللللوش
صار يصفق ويغني له والبنات يساعدون طارق وأم عبد
الرحمن تضرب بعصاها على الباب يعني تطبل لهم ....
وخلوا نواف في وسطهم وهم يدورون عليه .... وهو
الإبتسامه ما فارقت وجهه وكان يطالعهم وهم بقمة سعادتهم
وكان خاطره يرقص معهم لكنه مسوي حاله ثقيل
شوي ويدخل بو نواف وهو يصرخ " خيــــــــــر
لحظة صمت با لنسبه للكل وهم مستغربين من ردة فعل أبوهم
....هي فترة وبعدين انتبهوا على حالهم و بو نواف الشرار
يتطاير من عيونه
صعدوا البنات فوق في غرفهم .... وطارق مسك يد نواف إلي
كان يطالع بــــ أبوه ومستغرب من تصرفه
بو نواف يطالع بنواف " وش له هـــ الاحتفال هااااا .... لسواد
وجهك ؟؟
نواف عارف أبوه وش يقصد .......
أم عبد الرحمن " اذكر الله على شوووو ها لنفخه
بو نواف" اسألي ها لدثوي وش مسوي؟؟
نواف بضيق" وش سويت أنا بالله ؟؟؟؟ ما أعتقد إني سويت
شي يسوى كل ها لزعل
بو نواف باستغراب " لا ما سويت شي يا قليل الحيا ....
في أحد يروح يخطب يسوي إلي سويته انت؟؟
نواف بحده" يستاهل أكثر .... مثل ها لخنزير حتى الذبح قليل
عليه... لو موته بيدي ما خليته على وجه الأرض
بو نواف عصب كثير وراح لنواف" الخنزير إنت يا ملعون
يا بن الملعون ما تدري إنك بظفره
رفع بو نواف يده يضربه كف .... لكن طارق تصدى له وجاه على وجهه
في هذا الوقت زاد ضيق نواف وصار يصرخ بوجه أبوه
ودموعه مجمعه بعيونه
نواف" اضربني اضربني ...
إييي معلوم أنا للحين نواف البزر إلي ناقص تربيه
بو نواف" انكتم وترفع صوتك علي يا لنذل
نواف بحده" إلي تدافع عنه هذا يهين نوف قدامي ...تبغيني
أسكت له ؟؟؟؟والله ما أسكت له لو على موتي
بو نواف" اطلع من بيتي يا لله ...ولا توريني وجهك هنا يا لله
الشرهة مو عليك الشرهة علي إلي ما عرفت أربيك
نواف ترك المكان وكان طارق يلحق فيه يبغي يوقفه لكنه أبد
ما كان يسمع إلا كلام أبوه وإهاناته له وهو صاير في طوله
طبعا أم نواف كانت قاتلتها دموعها لكن ما تقدر تقول كلمه
وهو موجود ....
أم عبد الرحمن مو قادرة تمسك نفسها وانفجرت فيه
أم عبد الرحمن" هيييييييي إنت وش شايف حالك عليه هاااا
ما تقولي وش استفدت الحين يوم فضلت خوي إبليس على
ولدك هااا .... بس ما أقول إلا يا حيف على إلي ما يعرف
قدرك يا ولدي.... هذا إنت تسمع
والله لو يصير بنواف شي وهو طالع على وجهه الحين إني ما
راح أرحمك...لا يكون تفكر إن إحنا ساكتين عليك يعني
يرضينا إلي إنت جالس تسويه بها لفقير
بو نواف ينفخ في وجهها ويروح عنها..........
أم عبد الرحمن تبكي" الله يرحم بحالك يا ولدي ترى الطيب
ماله حظ بها لدنيا
\\
//
في الطريق مالك كان يفكر بكلام طلال .... وكيف إنه رد
عليه وضرب عصفورين بحجر ...خليهم يعرفون إن شيماء
ما
تعني له شي .... ومرام بعد معقولة تاخذ غير عبد الله إلي
بالتأكيد حياتها معه بتكون وافره ومريحة
يدق الجوال عنده ......
مالك" هلا با لغلا .... وينك يا وسيم؟؟
ماجد" هلا بيك إنت
مالك" وينك إنت ؟؟ وش صار على الخطبة
ماجد" أنا كلمت الأهل وهم ما عندهم مانع ... قلت بكره بدق
على نواف آخذ منه موعد
مالك" حلوو والله
ماجد" يا لله أسلم عليك
مالك"لا تنسى تخليني با لصوره
ماجد" أكييييد ...يا لله سلام
مالك " سلام
وصل البيت وبعد ما دخلوا داخل نادى مالك مرام ...وطلب
منها إنها ترفع عبايتها وتجيه بغرفته ...بالفعل هذا الي صار
فوق بغرفة مالك...
مرام تدخل عليه وهو سرحان ويفكر
مرام بهدوء حتى ما يفزع" مالك
مالك يلتفت لها ببرود" هلا هلا حياك
مرام تروح تجلس جنبه" خير يا مالك وش بغيت؟؟
مالك يبتسم لها" والله وكبرتي يا لغلا وصاروا الخطاب
يجونك من كل مكان
مرام انحرجت ونزلت راسها"...........
مالك" ههههه أموت في الخجل.... لا تقولين لي إن قلبك ما
يرقص من الفرح
مرام تطالعه وهي تبتسم" والله؟؟
مالك " هههه المهم الليلة بيجون لك بيت ال.... يخطبونك
وأهم من عيله كبيره أصل وفصل
مرام مستغربه" منو؟؟
مالك" ولدهم عبد الله موظف ببنك وأبوه من كبار الشخصيات
وعندهم مزرعة كبيره كثير فيها كل شي
مرام ساكته"..........
مالك" وش رايك .. وليه ساكتة؟؟
مرام مو عارفه وش تقول" إنت سألت عنه؟؟
مالك متشجع" أقولك إنه خوش رجال يعني تفكريني برميك
لمين ما كان ؟؟
مرام متأزمة" ما أدري خليني أفكر
مالك متحير" ما عندي مشكله لكن بكره بيجون أبغي ردك
يكون جاهز....طيب؟؟
مرام تبتسم له" يا لله تصبح على خير
مالك " و إنت من أهله
راحت مرام غرفتها وهي تفكر بطلال إلي كان يقولها شقد
إنه يحبها ... وش ينتظر أكثر ؟؟
مالك بعد كان مبسوط من ردة فعل إخته وردها هذا يدل على
إنها ما بينها وبين طلال أي علاقة وكلامه إلي قاله جايبه من
راسه ومرام مالها علم بالموضوع لا من قريب ولا من
بعيد<<<لكن ليه ما كلمتها عن طلال يا مالك؟؟
\\
//
في بيت بو نواف كان الكل حوالين أم عبد الرحمن إلي جالسه
تبكي وتنعي نواف ....
مو جاي لها قلب تنام وهو بره البيت ..كيف دعاه قلبه يروح
ويتركها وهو عارف إنها لما تصبح بوجهه يكون يومها كله
مليان تفاؤل وحب للحياة ...
أم نواف كانت جالسه جنبها وحاطه يدينها على راسها
وصيته بعد الدموع ما فارقت عيونها ...
لكن نوره ولا على بالها جالسه تلعب بالجوال ووجودها بينهم
ديكور لا أكثر ولا أقل
يدخل طارق بحبة بندول وكاس عصير ويقدمهم لأمه
أم نواف تاخذه من يده " تسلم لي يمه
أم عبد الرحمن تبكي" جيب لك شيله وتملفع فيها وتعال إجلس
جنبي على السرير
طارق يستعبط" من وين أجيبها
أم عبد الرحمن زاد بكاها" آآآآآه يا يمه يا ليتك ما جبتيني كنت
إرتحت من ها لدثوي إلي بيجنني
طارق " قولي قسم ؟؟ بعد ما قضى ثلاث أرباع عمرك
تندمتي إنك إنولدتي ....ههه والله إنك عجيبة
أم عبد الرحمن وقفت من البكي وصارت تطالع فيه ووجها ما
فيه ولا أثر لأي دمعه حتى لو بالغلط
أم عبد الرحمن" ما تقولي شو يجلسك بيناتنا
طارق" أواسيكم يا سحوره
أم عبد الرحمن" قول قسم ؟؟؟ ما تروح إنت ووجهك تدور
على أخوك وين راح .... لا تبط كبدي أقول
طارق" والله إنكم عجيبين ...سحوره لا يكون تفكرين إن
نواف بزر ولا مراهق هايت وما عنده ولا فلس بجيبه
أم عبد الرحمن تطالع فيهم " يعني من جدكم هذا تعدونه بني
آدم علينا ؟؟؟
طارق ساكت ويتلفت عليهم يبغي أحد يرد متلهف يشوف وش
رايهم فيه ....لكنه تفاجأ بصمت الكل
طارق" أفا بس ما هقيتكم سلبيين كذا قدام الطاغية
أم عبد الرحمن " طغى عليك إبليس ولحس عقلك وبعدك عن
ربك قول آمين
طارق بعناد" ماني قايل وش تقدرين تسوين ؟؟
أم عبد الرحمن" تبغي تعرف وش أسوي هااا
وهم كذا إلا ويسمعون فتح الباب كلهم قاموا ركض ومن
ضمنهم أم عبد الرحمن ....ولقوه نواف صرخوا كلهم باسمه
نواف واقف يطالعهم مستغرب من جلستهم ها لوقت
نواف " خير ؟؟ وش مصحيكم ها لوقت؟؟
أم عبد الرحمن تتبكبك" ومنو يجيه نوم وإنت للفجر ما رجعت
البيت
نواف" إييي جدتي بس أنا مو بزر حتى تخافون علي
طارق ينفخ" والله قلت لهم ها لكلام مليون مره بس منو يسمع
هااا
أم عبد الرحمن تخز فيه " إسمعك...
قاطعها طارق" سمعني عزرائيل بليلة ظلمة وأنا بليا ثياب
....حفظناها عندك شي ثاني؟؟
أم عبد الرحمن تروح لنواف تبكي" كذا تروح وتتركني
بالبيت لحالي مع ها لعاصي
طارق يستعبط" ههههه عاصي الحلاني؟؟
نواف" طارق ممكن تصعد فوق الحين
أم عبد الرحمن ترز روحها مو قادره تسيطر على مشاعرها
طارق" قول قسم ؟؟ أنا فدى ها لعيون أصعد ليه لا
أم عبد الرحمن طايره من الفرح" عساني ما أنحرم منك يا
لغالي
نواف يجلس ويجلسها جنبه " يمه أنا جاي أتروش وآخذ
ملابسي وأطلع من هنا
أم نواف" لا بالله تمزح
نواف" لا يمه أنا ما أمزح ...إنتي راضيه بالي يسويه فيني
أبوي يهزئني على الطالعة والنازلة أنا خلاص مليت عيشتي
معه ما أدري ليه يكرهني ها لقد؟؟
أم عبد الرحمن" أنا أقولك يا ولدي ليه أبوك يكرهك
نواف"!!!!!!!!!!!!!
أم عبد الرحمن" أبوك يكرهك لأنك طالع نسخة طبق الأصل لعمك صالح .... في أدبه ورزانته
عمك صالح يا ولدي كان ونعم الرجال .... رجال حقاني وما
يرضى بالغلط ...وإنت طلعت مثله ومثل ما بهدل عمك وموته
ناقص عمر يبغي يكملها فيك
نواف متفاجئ بس مو قادر ينطق بكلمه".........
أم عبد الرحمن "قول تم يمه
نواف بضيق" لا جدتي لا تحرجيني أنا جلسه بالبيت ماني جالس
أم عبد الرحمن" طيعني يمه ...إنت ساير الوضع الحين لحد ما
تملك على نوف وبعدين اخذ لك بيت وإجلس بره ...
لا تعانده وإنت محتاجه ...لأنك عارف أبوك زين
نواف ساكت"...........
أم عبد الرحمن" قوم يمه ...اصعد فوق وخزي الشيطان وفكر
بنفسك ولا تخلي إبليس يلعب عليك
نواف فهم جدته صح وعرف إن كلامها عين العقل ....لازم
يهدي الوضع الحين ولما يتزوج لازم ياخذ نوف ويسكن بره
لأن الأمور ابتدت تسوء أكثر
باس يد جدته واستأذنهم وصعد فوق ....



....

كبرياء رجل وشذوذ إمرأه

البارت التاسع عشر


أم عبد الرحمن" قوم يمه ...اصعد فوق وخزي الشيطان وفكر
بنفسك ولا تخلي إبليس يلعب عليك
نواف فهم جدته صح وعرف إن كلامها عين العقل ....لازم
يهدي الوضع الحين ولما يتزوج لازم ياخذ نوف ويسكن بره
لأن الأمور ابتدت تسوء أكثر
باس يد جدته واستأذنهم وصعد فوق ....
\\
//
\\
مر اسبوع اليوم وتطورات كثيرة صارت
عبد الله زارهم مع أبوه وتمت خطبة مرام ... وهذا طبعا كان
صدمه با لنسبه لطلال إلي ظل يصرخ في خواته إلي ما
كلماها عنه وكيف انه يذوب فيها خصوصا إن شيخه عارفه
ها لكلام ... وعلى طول قدم أوراقه وطلب نقل ما يقدر يجلس
بنفس المكان إلي هي فيه ....
,,
مرام يا غافل لك الله.... هي ما تدري عن طلال لأن مالك ما
كلمها عنه وعبد الله رجال طيب مثل ما قال لها أخوها وما
ينتعيب ..ليه الرفض وهي بتريح أخوها من همها ...
وبصراحة زواج البنت ستره
,,
مالك ما يدري انه حرم حبيبين من بعضهم هو كان قصده انه
يطمن على اخته ما يدري انه باعها وذبح طلال إلي ابتدت
دوامته تدور بشكل جنوني بعد ما فقد مرام
,,
تركي ما يبطل اتصالاته على سلاف ..... زوجته إلي تاركها
وكل ما كلمها تجلس تتشكى له من بعده وإن الدنيا ما تسوى
شي بدونه ....
لكنه حياته عند نوره وزاد شوقه لها بعد ما شاف جمالها وإنها
كبرت كذا فجأة بالنسبة له ....ومنو ما يعشق النور ؟؟
كان يتمنى إنه يتزوجها لو يوم واحد بس المهم انه ينفرد فيها
ويطفي نار شوقه ؟؟
,,
ماجد مو قادر يصبر على فراق حبيبته إلي ما عطته وجه
وغير كذا غيرت رقمها حتى ما يقدر يتصل عليها .... هو
بدوره دق على نواف وقاله انهم جايينهم زيارة خاطبين
...طبعا نواف رحب فيه ولكنه طلب منهم انهم يجونهم بعد
عقده بيوم حتى يكون متفرغ لهم ....
وما فضل انه يتكلم لأحد حتى يجونهم بشكل رسمي ..
,,
نوره ما كانت عارفه نواياه ...هي عارفه إنه ذايب فيها ذوب
.... وهي بس بتربيه حتى مره ثانيه يعرف منهي نوره وشنو
تقدر تسوي...
تركي كان بالنسبة لها مثل فلم الرعب إلي كل ما تذكرته
تصير ترجف مكانها ... خايفه منه كثير حتى لو إنها في
غرفتها مو تاركها خوفها....
وجوده بالبلد يحرق كل كروت الأمان بالنسبة لها تركي هو
الوحيد إلي يشكل خطر بالنسبة لها؟؟
,,
أم عبد الرحمن .... وما أدراك
بهدلت طارق ...طالبه منه يشتري لها جلابية للعقد وكل ما
جاب لها وحده ما عجبتها ... وكان يترجاها توصي البنات هم
أدرى بها لشغلات لكنها أبد مستحيل ترضى ...
لحد ما صار موعدها عند طبيب السكر ....أخذها ووداها
المجمع حتى تختار ...طبعا هي رفضت لكنه وعدها انه
بيشتري لها آيس كريم ومو مهم عنده لو طق السكر عندها
600 المهم انه يرتاح من ها لمهمة الصعبة
والخلاصة انها فشلت طارق وحرجته قدام الناس ...
وبهدلت راعي المحل من كثر ما تنزل في السعر والي
يسمعها يقول قل فلوس عندها ... لدرجه إن صاحب المحل
قالها تاخذها بأي سعر تبغاه ... بعد ما تفاهم طارق معه انه
يعطيه من وراها كل إلي طالبه ...
,,
نوف اسبوع واحد ما يكفيها لكنها ما حبت إنها تزعل حبيبها
.... ما في شي بالدنيا يسوى زعله ....جهزت حالها بسرعة
وطبعا ميثه وصيته ما تركوها لوحدها ....وجهزوا كل شي
معها
,,
نواف الشوق كل ماله ويزيد عن قبل .. ذابحته الرومانسية
وجالس يكتب فيها أشعار لأنه لو ما تكلم وش بداخله يمكن
يجن ....
,,
الليلة العقد وبيت أم نواف مدووشين على الآخر ....
كان هذا الشي جديد عليهم .... فعطوا الموضوع أكبر من
حجمه ... الكل كان مبسوط وفرحان بفرحة نواف إلي ما
تنوصف ...أم عبد الرحمن ما خلت شي ما سوته .... قرت
عليه لين قالت بس .... وطلعت صدقه بإسمه ....
\\
//
في الشرقية....
شيخه" كلامك مو معقول
طلال يطالعها بضيق" وش قصدك ؟؟
شيخه" وش يعني تروح بعثه ؟؟
طلال بدون اهتمام " عادي..أنا بروح شغل
شيخه" إييي بس انت شايف إن ابوي بروحه ما وياه أحد
كيف تتركه لوحده وهو محتاجك؟؟
طلال" إلي صار ...وثانيا كلها ستة شهور وأنا راجع
شيخه" الكلام معك ما يفيد
تركها طلال وراح من عندها
أم طلال تبكي" الله يسامحك يا مرام ...
شيخه" يمه مو تحطي اللوم على مرام .... هو الرجال ليه ما
تصرف ؟؟
أم طلال" انزين يمه حاولي معه
شيخه" شو أحاول يمه ... شوفيه شلون ميبس راسه
راحت شيخه من عند أمها وهي قلبها معصور عصر
\\
//
في الرياض .... وفي بيت أم تركي بالذات
غرفة ميثه ما تبان من كثر الفوضى إلي فيها .... تدخل عليها
نوف وتلاقي الزحمة عندها ....
نوف" وش جالسه تسوين ؟؟
ميثه" أرتب حالي ....شغلتيني معك والحين بتفرغ لنفسي
نوف" وش ها لغرفه ...لو أحد يدخل هنا وش بيقول؟؟
ميثه بلا مبالاة" ومنو بيتكلم هااا ؟؟ ومنو بيدخل أصلا ؟؟إنت
ناسيه إن الخطوبة بالمزرعة ؟؟
نوف" لا مو ناسيه بس شكلك انت إلي نسيتي إن بيت خالي بو
راشد جايين من الإمارات
ميثه متفاجئه" شووووو؟؟
نوف" يعني ما تدرين ؟؟
ميثه وعيونها مليانه دموع" لا ما دريت
ميثه تطالع بالغرفة ... وبعد كذا صارت تبكي وجلست على
الأرض
نوف بحده" وش له البكي ؟؟ الحين راح يسيح المكياج
ميثه" لو تدخل مرت خالي غرفتي وتشوفها كذا وش بتقول
عني هااا.... بعدين بتروح لراشد وبتقوله عني إني وسخه
نوف" الحين نادي الشغالة ترتبها لك
ميثه بصدمه" هاااا ... من جدك سيتي ما راحت المزرعة
نوف تبتسم " لا
ميثه صارت تصرخ باسمها .... وهي بقمة سعادتها
\\
//
في الشرقية....في بيت بو طلال
يدق التلفون ...
طلال" الوووو
مرام بهدوء" السلام عليكم
طلال صوتها ذبحه " وع...وعليكم
مرام بنعومة" شلونك يا طلال ؟؟
طلال ودموعه بعينه" أنا ؟؟ ممتاز ....في أحسن حالاتي
مرام قلبها صار يدق كثير" عساك دوم
طلال بحده" مبروك يا بنت عمتي .... تستاهلين الخير
مرام ودها تلومه انه بيوم من الأيام وعدها لكن الحين وين
مرام" مشكور ما تقصر
طلال مو قادر يستمر معها"مرام
مرام " هلا
طلال" انت طالبه منو؟؟
مرام وكأنها ما سمعته " صحيح بتروح بعثه ؟؟
طلال مو قادر يتكلم" ايييييييه
مرام " وليه تترك إلي يحبونك وتروح
طلال خاطره يقول لها انت السبب يا مرام انت إلي بعتي حبي
...انت و محد غيرك
طلال" الرزق يا بنت عمتي الواحد لازم يحسن من مستواه
مرام" الله يرزقك ... انتبه لحالك يا ولد خالي
طلال خانته دموعه وترك السماعة وصار ينادي لشيخه حتى
تجي تكلمها
\\
//
في المزرعة .... كانت أم عبد الرحمن وأم تركي وأم نواف
أول الواصلين
كانوا جالسين يرتبون ... ويجهزون الشاي والقهوة و الحلى
للضيوف ... مع إن الجلسة عائليه لكن البنات لزموا إنهم
يدعون صديقاتهم وأمهاتهم
شوي إلا بجيه أم راشد وطروب وزهور ... كانت فرحتهم
فيهم ما تنوصف
تجمعوا الضيوف والبنات للحين ما وصلوا .... طبعا نواف
طلب من طارق انه يروح يجيب نوف حتى ما تتعرض
للحيوان تركي .... فأهم شي بالنسبة له إنها ما تتكدر الليلة
بأي حاله من الأحوال
وبالفعل .... وصلت العروس وكان زمور السيارة تبع طارق
ضاجة بالمزرعة لحد ما حس نواف إن روحه بتطلع لكن
تركي كان له بالمرصاد .... وكان جالس على قلبه وكل واحد
يطالع في الثاني ويتمنى إن الصبح ما يطلع عليه ....
لكن أم عبد الرحمن علمت نواف كيف يتعامل معه ويغيضه
وهو ساكت <<< ههههه مدرسه يا بعدي
وصل الشيخ .... وأخذ موافقة نواف إلي كان من فرحته يسبق
الشيخ بكلامه ... وبعد كذا طلب من بو تركي انه يآخذ
الموافقة من البنت ويخليها توقع في الدفتر الخاص
,,
داخل بالمزرعة كانوا البنات يتكلمون مع نوف إلي كانت
طالعه ملاك يمشي على الأرض ....
شو حاسة وشنو آخر طلب تطلبه قبل ما تدخل عش الزوجية
وكل وحده من البنات يقولون لها تدعي لهم إنهم يكونون بعدها
.....طبعا هي كانت الإبتسامه ما تفارق وجهها مع حمرة خجل
البنات كانوا يتنافسون بالجمال والأناقة وكل وحده تقول الزود
عندي بالذوق
,,
ميثه... كانت لابسه فستان تركواز داخل معه الأصفر ....كان
بالحرير الطايح مره ....وحاطه لها ربطه على شعرها ...إلي
مخليته على راحته مكياجها نوع ما جريء لكنه كان متناسق
وحلو ...كانت بجد ناعمة كثير
,,
صيته .... كانت لابسه فستان أحمر حريري ...فيه قطعة فرو
بالصدر مليانه بخيوط اللؤلؤ وفيه فتحه للركبة .... وكانت
رافعه شعرها بشكل عشوائي وحاطه فيه كريستاله كبيره
ومنزله لها غره ناعمة على وجهها زايده على جمالها جمال
و مكياجها كان ناعم كثير ...
,,
طروب.... كانت لابسه فستان باذنجاني قصير ... وكانت
لابسه بوت طويل.... وشعرها مخليته على راحته وحاطه فيه
تاج ناعم كثير يدل على نعومتها وأناقتها
,,
زهور العروس .... كانت لابسه فستان ليموني طويل وكانت
لابسه فوقه صدريه مثل المشد بارز فيها جمال قوامها ...
وشعرها قصته فراوله ومخليته على راحته
,,
نوره.... كانت لابسه فستان مخملي أسود مطعم بكريستالات
صغيره على الصدر .... كان عبارة عن بلوزه وتنوره .
...التنوره حاشيتها مليانه كريستالات .... وحاطه ورده كبيره
على صدرها فضيه ووحده ثانيه على شعرها إلي كانت
رافعته كريزي .... والوردة ضايعه فيه ...مكياجها كان ناعم
كثير لكنه بارز ملامحها الجميلة ....كانت ملكه وكانت أشيك
وحده بالبنات
,,
دخل بو تركي لعند البنات بعد ما طلعوا زهور وطروب من
يمهم .... وكانوا البنات يزغردون ويذكرون الله ورسول الله
بو تركي " شلونك يبه
نوف" الحمد لله طيبه
بو تركي " نوف الشيخ طلب مني أجي آخذ رأيك إذا كنت
موافقة على نواف أو لا
ميثه"إيييي يبه موافقة ...أكيد هي بتحصل مثل نواف؟؟
بو تركي يطالعها بنظره زعل" ميثه .... روحي هناك عند
بنات خالك
نوره حاطه يدها على فمها " هه
ميثه تطالع بنوره وودها تقتلها" إن شاء الله يبه
بعد ما طلعت ميثه ...
بو تركي " هاا يا نوف ما سمعت موافقتك
نوف تنزل راسها " إلي تشوفه يا يبه
بو تركي " أنا أسألك انتي .... انتي موافقة عليه أو لا
صيته تدقها بكتفها
نوف بصوت واطي " إييي يبه
بو تركي يسألها مره ثانيه" انتي موافقة على نواف يا يبه
نوف بدون تردد" إييي يبه موافقة
بو تركي يبتسم ويعطيها الدفتر حتى توقع عليه
بعد ما وقعت تعالت الزغاريد في الغرفة ...أخذ بو تركي
نوف لحضنه وباسها بين عيونها ... وكانت عيونه تلعب فيها
الدموع لكن ما حب انه يبكي ويخرب عليها فرحتها
طلع بو تركي من عندها التموا عليها البنات إلي يزغرد والي
يرقص فرحانين بقلب لنوف ونواف
,,
في مجلس الرجال .... دخل بو تركي ووجهه أحمر كان شكله
غريب ... مال تركي لنواف وهمس له
تركي" شكل العروس انكبت فيك يا ولد العم
نواف فز واقف وراح لعندهم .... ما وصل لعندهم إلا بعد ما
بلغهم بو تركي بالموافقة ... عندها طالع الشيخ بنواف إلي
جاي جهته ...
الشيخ" الله يبارك لكم يا ولدي .... الله يجمع بينكم بخير ...
الف مبروك
نواف عندها ما لقى قدامه غير الشيخ أخذه لحضنه من فرحته
وصار هو إلي يقول للشيخ مبروك
طبعا تركي كان يطالعه بنظره حاقدة مو عاجبه ها لوضع ....
راشد" مبروك يا ولد عمتي عقبالك إن شاء الله
تركي ما نزله راشد من زور" اييي يصير خير
راح عنه وتركه وهو يطالع فيه ومستغرب من تصرفه معه
...وصار يكلم حاله معقولة عرف إني أنا من كلمت ميثه ؟؟؟
,,
داخل عند البنات كانوا البنات يجهزون البوفيه .... والمسجلة
على الآخر والعروس ما نزلت ...لأن البنات قالوا لها الأفضل
إنه يدخل وبعدين انت تنزلين من فوق ويصير الاهتمام كله
عليك
صيته كلمت نواف وقالت له يدخل لأنهم منتظرينه و ما يبغون
يتأخرون حتى يفتحون البوفيه
وبالفعل .... دقايق وهو عندهم .... وقفوا البنات بجنب الباب
ينتظرون دخلته .... بالفعل كان وسيم كثير كثير .... الثوب
والشماغ كأنهم مفصلين له و ما يلوق لأحد يلبسهم غيره....
نواف كانت حصته بالوسامة الشي الكثير
دخل نواف وقامت الزغاريد تعلوا بكل مكان والريحان
والحلاوة في كل مكان .... كانت ضحكته عجيبة تدل على
مدى سعادته .....
طبعا أم عبد الرحمن راحت له ولمته بين يدينها .... ما أقول
لكم إنها عفست الدنيا ...إلا جابت عاليها واطيها
بهدلت الشماغ والعقال لكنه أبد ابتسامته ما تركت خده ثانيه
وحده
بعد ما فكت من عنده أم عبد الرحمن راح لأمه وباس راسها
ويدها ... وراح سلم على عمته أم تركي
وبعدين البنات حطوا له أغنية راشد الماجد
أطالع جمالك وعيني تشوف ولا شفت مثلك في عيني محال

أحبك وحبي بقلبك شغوف سحرني جمالك وذاك الدلال

صاروا صيته ونوره يرقصون بجنب أخوهم وفرحتهم ما

تنوصف ..... وهو بعد كان فرحان فيهم كثير ... ونظراته

تتحول لأمه وجدته يبغي يشوف مدى فرحتهم ....إييي أكيد

يحبهم يفرحون معه

شوي إلا وتتحول الاغنيه إلى أغنية نانسي

إحساس جديد ....بقلبك بيزيد....
تحسه كل ما تتطلع فيي ...
انك على طول فييي مشغول...
كثير بتشتاق لي وتموت عليي
أنا مابدي تقولي كلام ...
يذوب قلبي حنين وغرام...
يكفيني إني بحبك هذي الكلمه بتقتلني

تحولت الإضاءة إلى جهة الثانية الكل حول نظره هناك لعند

الضوء طلعت من عنده ملكة القلوب .... صار نواف يدقق

النظر يبغي يشوفها ... كانت تمشي بخجل ملاحظ

كانت ملاك بصورة بشر ...

(كانت لابسه فستان أحمر ومطعم بالأسود .... كان عبارة عن

تنوره وبلوزه .... البلوزة صدريه مليانه كريستال ... وبارزه

جمال الجسم ... وبعدين التنوره كانت ضيقه كثير لحد الركبة

وبعدين فيه جيبونه كبيره ... وكانت حاطه تاج كبير على

جانب شعرها ولافه خصل شعرها عليه وكان كل شعرها

جهة التاج .... مكياجها كان بارز عيونها أكثر ... وحاطه

روج أحمر محول شفايفها وكأنه قطعه كرز .... وحاطه قفاز

على يدها اليمين )

كانت تمشي جهته ورأسها منزلته وخصل شعرها على وجهها

...وصايره تمشي وترفع الجيبونه كانت كبيره كثير بالنسبة

لجسمها الناعم

نواف كان فاتح عيونه على الآخر مو قادر يرمش يخاف إنها

ترفع راسها وما ينتبه لها ...لما قربت منه مسكته صيته

وأخذته لها .... عندها نوف صارت تخطي خطواتها للورى

... كان متفاجئ وهو يطالعها ... ما لقى إلا أم عبد الرحمن

تروح من وراها وتسحبها له ... في ها لوقت تحول خجلها

إلى ابتسامه عريضة ...انعكست على شفايف نواف .... سلم

عليها وباسها بين عيونها ...عندها رفعت نوف عينها فيه ....

وطاحت عينها بعينه ...همس لها نواف بكلمه وعلى وجهه

ابتسامه جميله ما ميزتها من خجلها نزلت راسها ... مسكها

من يدها وصعد معها على المنصة....وقفوا شوي للتصوير

إلي ميثه ما خلت لقطه ما خذتها لهم .... كل هذا ونوف منزله

راسها ونواف صاير يختلس النظر لها وكأنه مو مصدق حاله

إنه واقف معها... ما وقفوا البنات رقص قدامهم ... وكان

ساعة يطالع بخواته ويبتسم لهم وساعة يطالع فيها .... سحبت

صيته نوف لعندها وصارت ترقص معها طبعا كانت نوف

منحرجه .... وخصوصا إن نواف ما ترك يدها وصايره بين
مد وجزر

بعد نص ساعة .... طلبت أم عبد الرحمن إنهم يدخلون

العرايس الغرفة الثانية حتى يلبسها الطقم....

بالفعل دخل معها الغرفة وكانت نوف ماسكه صيته بيدها

نواف يبتسم لصيته" يا هلا والله بحبيبة أخوها

صيته" مبروك بصراحة الحفلة روعه وانتوا أروع

نواف يغمز لها بعينه يبغيها تطلع .... لكنها تأشر له إن نوف

ماسكتها ...عندها مسكها نواف بيدها الثانية ... وراحت صيته

ونوف كانت متابعتها بنظراتها وكأن إلي طلعت أمها وهي

وحده صغيره مو قادرة تتصرف

نواف يطالع فيها " حبيبتي انت

نوف تنزل راسها بخجل"...........

نواف يجلس ويجلسها بجنبه ....

نواف" يطالعها بحب" وأخيرا يا عمري

نوف تبتسم ".........

نواف " مبروك علي انتي يا قلبي

نوف تطالع نواف" أنا بعد مبروك علي انت

كان نواف يطالع في نوف وهايم ببحر حبها كان جالس يدقق

بملامحها .... وهي بعد كانت تطالعه بشوق

قرب منها نواف وباسها ....حس نواف تغير مود نوف كثير

كانت هي متوترة بشكل مو طبيعي

ودموعها متجمعة بعينها .... ولو يكلمها راح تبكي أكيد

نواف يطالع بيدها الي فيها القفاز ...تذكر كلام تركي وكأن

أحد مسك قلبه وعصره عصر

مسك نواف يدها وحاول يسحب القفاز منه ... عندها سحبت

نوف يدها منه وقامت وقفت وعطته ظهرها

نوف" تكفى يا نواف...........

نواف يوقف لها ويكلمها بهدوء" نوف .... طالعيني

نوف صارت تبكي ومو قادرة تطالع فيه" ...........

نواف يمسكها من بين أكتافها ويلفها له ... ويلمها لصدره

وقتها نوف حست بجسمها كله يرجف مو قادره تسيطر على

أعصابها

نواف بحب" نوف .... طالعيني

نوف تحاول تمسح دموعها " أنا آسفه ...غصب عني

نواف يطالعها" ليه ؟؟

نوف مو قادرة تتكلم تدري لو تكلمت بتنفجر بالبكي

نواف" تدرين إني أعشقك بعدد النجوم؟؟

نوف تمسك منديل وتمسح دموعها"...............

نواف " طيب ما راح تلبسين الطقم ؟؟؟ ولا أرجعه؟؟

نوف تبتسم "...........

نواف بحب" يسلم لي الوجه الملائكي

يمسكها من يدها ويجلسها على الكنبة ويجلس عندها

نواف" شوفي يا قلبي ....إنا جايك على وجهي مو بعدين

تشتكيني عند أهلي وتقولين ما يعرف يلبسني

نوف تضحك" ههههه

نواف" آآآآآآآآآه يا قلبي .... تكفين رحمي قلبي

نوف بعشق" بسم الله على قلبك

نواف يقرب منها " من جدك؟؟

نوف تبعده شوي عنها " شكلك ما بتلبسني الطقم ودك ترجعه ؟؟

نواف" هههه والله انك مو هينه تعرفين تتهربين

نوف تبتسم وتنزل راسها ....هي عارفه مغزاه

قرب منها نواف ولبسها العقد ... وكان ملاصق لها لدرجة إنه

صار يسمع دقات قلبها إلي صارت تتسارع كل ما قرب منها

أكثر ... لبسها الحلق بمساعدتها طبعا ....ولما جى دور

الإسوره صار يطالعها مدت له يدها اليسار .... لكنه مسك

يدها اليمين وصار يطالعها ....استسلمت لرغبته مع إنها كانت

في موقف لا تحسد عليه وتمنت لو إن الأرض تنشق وتبلعها

مسك يدها ورفع القفاز عنها ....لما شاف يدها حس بقلبه

وكأن أحد طاعنه فيه ....تصنع الا مبالاة ...ولبسها الإسوره

فيها وقربها لعنده وباس يدها ...وهذا الشي خلاه يكبر في

عينها أكثر ... صار يطالعها نواف ويبتسم

نوف تطالعه" ذوقك كثير حلو

نواف" أكيد مو أنا مختارك؟؟

نوف" ههه محد يغلبك بالكلام

نواف" تدرين منو أحسد أنا ؟؟

نوف تطالعه تنتظر الرد

نواف" أنا أحسد خصلة شعرك إلي راميه حالها على خدك

نوف تبتسم وهي عيونها بعيونه".....

نواف يزيح خصلة شعرها ويبوسها ... كان يحس انه بعالم

ثاني ... صار يقول بخاطره


يا من تطلب السعادة تجيني
من زودها أحس با لمنيه تجيني
وقلبي بتوقف دقاته وهم ما يجيني
لأن حبها من الموت ينجيني
****
سمعت الصوت من زادت ونيني
وضميت العشق يوم انها تهنيني
قبل حبها حاشاه القلب يسمع حنيني
اليوم يوم قلبي وبالعشق اشجيني
عشقت سهام عينك لو بنظري تصيبيني
****

تكفون كتبوا وصيتي ولا تجيبوا خبرها
كل ما قلت أعشقك صابتني بنظره من نظرها
رحت بالعشق ميت وأقدم روحي مهرها
منو يقدر يقول عاقل وأنا مجنون بقمرها
****
مسكت يدها بقربها ولجبينها بقبلها
خانت يدي لمسها ومالت على كتفها
وشفّتي اليوم خانت حياها وخجلها
يكفيني بس ألمها وأسمع بإذني نفسها
*غروب

كبرياء رجل وشذوذ إمرأه

البارت العشرون
\\
//
\\

البنات متجمعين على البوفيه وجالسين يتكلمون ويضحكون
أكثر من إنهم ياكلون .....
ميثه ضبطت صحن من البوفيه وقدمته لخالتها أم راشد
ميثه" نورت الرياض يا خاله
أم راشد ترفع يدها " الله يبلغني أجي خطبتج
ميثه تبتسم "..........
أم عبد الرحمن" الله يهنيهم ويفكنا منهم ....هم البنات للممات
صيته تقدم صحن لأم عبد الرحمن " والله جدتي ؟؟
أم عبد الرحمن" لا إلا انت انت حبيبة جدتك
صيته تلمها لها " يا بعدي والله
نوره" ههههه تقصدني أنا مو انت يا صيته ريحي حالك
أم عبد الرحمن تتجاهلها " إلا وش أخبار أم حمد يا أم راشد
أم راشد" والله كلهم بخير وبلغوني أوصلك سلامهم
أم عبد الرحمن" الله يسلمهم والله إنهم من خيرة الناس
ميثه" صيته خلي أخوك يطلع اشتقت لأختي
صيته" من جدك انتي ؟؟؟ ما خذ لهم نص ساعة
نوره" هههه إلا ماخذتها الغيرة ...أقول لما يجي دورك
بنشوف وش بتسوين
ميثه بدلع" والله أنا لو جى صاحب النصيب ما راح تشوفوني
أصلا
البنات" هههههه
نوره باستفزاز " هه لما يجي مع انه مو باين في صاحب
نصيب كلش
طروب"وشوو ؟؟؟ صاحب النصيب جاهز بس يستنى إشارة
ميثه تدعي الخجل".........
نوره باستغراب" شلون يعني ؟؟
زهور" ميثه ....روحي تطمني على نوف لا يكون صابها شي
ميثه " إيييي والله بروح أودي لهم عصير حجه حتى أدخل
عليهم
البنات " هههههه
,,
عند نوف ونواف ... كان جالس بجنبها وماسك يدها
نواف " يعني بس أبغي أعرف كم يبغي لك وقت حتى
تتعودي علي
نوف ووجها أحمر " عادي
نواف بعشق " على قد ما أقول انك قمر ما أعطيك حقك
نوف منزله راسها "عيونك الحلوة حبيبي
نواف" آآآآآآآه كلامك يذبحني ...والله أنا مو مسؤل عن أي
شي أسويه بعد إلي قلتيه
نوف تبعد عنه" والله لو تقرب أنادي لك تركي
نواف يبتسم " يعني تهدديني ؟؟
نوف تطالعه وفي عيونها خوف " لا
نواف شافها ارتبكت استغل الموقف " إلا كلامك يقول كذا
نوف تلتفت له" والله مو قصدي كنت امزح معك
نواف يتصنع الزعل ووقف" يا لله مع السلامة
نوف تركض وراه" نواف حبيبي ...
نواف ولا كأنه يسمعها" ......
نوف الدموع موصله حدها وتمسكه" نواف والله امزح معك
لا تطلع بأول ليله لنا و انت زعلان
نواف يطالعها " نوف ... لا تدقين على الجوال لأني بقفله
وبكره ما راح اقدر أجي عندي شغل
وقتها نوف ما قدرت تمسك نفسها وراحت عنه وصارت تبكي
...وقتها نواف تفاجأ من ردة فعلها ما توقع إنها بتاخذها جد
كذا .... راح لها على طول وجلس عندها
نواف باستغراب" نوف...
نوف ترمي حالها في حضنه وهي تبكي" والله ما كان قصدي
إني ازعلك كنت أحاول إني امزح لكن المزح ما يلوق لي
صدقني ما راح أعيدها بس سامحني انت
نواف مبسوط إن نوف تهتم لزعله ها لقد ومبسوط أكثر إنها
مرميه في حضنه برغبتها وانه يسمع صوتها الناعم في إذنه
.... بعدها نواف عنه وصار يمسح دموعها
نواف" أثاريك زعول ...أنا كنت أمزح معك
نوف تطالعه مستغربه ".......
نواف" يعني تعتقدين إني اقدر ازعل منك؟؟؟
أنا مستحيل ازعل بهذي الليلة إلي تمنيتها طول عمري ....
وجودك معي بهذي اللحظة هي أمل عمري ...هي فرحة
أيامي وسنيني ...وجودك يعني لي الكثير ....يكفيني اطالع
بعيونك والمس خدك بيديني
نوف بزعل" يعني كنت تلعب بأعصابي ؟؟
نواف" كنت بشوف وش بتسوين
نوف" انبسطت يوم خليتني ابكي وو....
نواف يبتسم لها " انبسطت أكثر لما لميتيني .....
تدرين ان حضنك مليان عشق وكل دقه من دقات قلبك تنادي
بإسمي ؟؟
نوف عصبت منه وقامت وهي تمسح دموعها " طيب يا
نواف أنا اوريك
راحت من عنده ....وقتها مسكها من يدها وسحبها جهته
وصار يطالعها بوله عندها ما قدرت نوف إنها تطالع غير
بعيونه إلي خذتها لعالم ثاني عالم مليان بأعذب الألحان
وهم كذا يدق الباب .... وقتها فزعوا ثنينهم وكل واحد جلس
بجهة وصارت نوف تعدل بحالها ونواف يطالعها وهو مبتسم
من ورى الباب صيته ونوره" ممكن ندخل
نواف يبتسم" حياكم
دخلوا البنات ...عندهم وهم منحرجين
نواف" هلا هلا بهادم اللذات ومفرق الجماعات
صيته" هاااا نطلع ؟؟
نوف " لاااا وش ها لكلام حياكم
نواف يبتسم" والله تسوون خير
وقتها نوف طالعت بنواف إلي غمز لها ...وقتها سمعت
ضحكة البنات إلي ما شالوا عينهم من عليهم
بعدها ما أقدرت ترفع عينها بعينه وبعين خواته
نواف كان مبسوط على الآخر عاجبته نوف بكل ما فيها
...خجلها وطيبتها وبساطتها وكل شي فيها حلو ....
\\
//
في جده وعلى صوت الموسيقى
كان جالس على السرير ...يقلب في جواله يتفرج على
الرسائل إلي جاته من عشوق ويتخيلها
شوي إلا يدق الباب
ماجد يجلس " أيوه .... ميييين
دلع تطل براسها " نايم؟؟
ماجد" ههههه اييي نايم وبكلمك هااا
دلع " هاااا أخبار النفسية؟؟
ماجد " بموت ...أحس ان الوقت بطيء مو راضي يمشي
دلع" أبوي يبغيك تحت ...إنزل كلمه وبعدين نام حتى يضيع
الوقت عليك
ماجد" لا بالله؟؟
دلع" إييي والله ...
ماجد " على أساس بيرجع بكره من مصر
دلع" يقول حصل حجز الليلة
ماجد" يا لله أروح أشوفه
نزل ماجد تحت لقى أخوه محمد وأمه جالسين في الصاله
وأبوه مو موجود ...فهم إنه مقلب من دلع
ماجد بحده" دلــــــــــع
بو ماجد طالع من غرفته " هلا يبه شلونك ؟؟
ماجد يبتسم يوم شاف أبوه" هلا وغلا تو ما نورت البلاد
بو ماجد" هذا نورك يا بو مالك
ماجد" هاا وش أخبار أم الدنيا معك
بو ماجد" والله .... من رحت وأنا أشتغل ما في وقت إني
أروح مكان
أم ماجد جايبه القهوة" لا تصدقه يا بو مالك ..تلاقيه طوى
شوارع مصر طي
بو ماجد يلتفت لها وعلى وجهه ابتسامه" وش أسميه كلامك يا
أم ماجد ؟؟
دلع من فوق" غيره يا بابا
أم ماجد تمد له القهوة" وليه ما أغير وعندي أحسن رجال
بالدنيا ...يحق لي أخاف تروح مني
بو ماجد يطالعها بابتسامه " ليه وأنا شفت وحده أحسن منك
بها لدنيا كلها وما خذت؟؟
ماجد" والله ؟؟ أقول تصبروا علي بروحي أبغي أخطب حتى
أسمع الكلام الحلو هذا
دلع تجلس جنبه" آآآآه خسارتك يا قمر في الزواج
ماجد يطالعها " لا بالله ؟؟
محمد من بعيد " اللـــــــــــــــــــــــه قوووووووووووووول
دلع بضيق" يوووه بسم الله علي
ماجد" الحين انت ما تقولي وش يخليك تترك جلستنا الحلوة ؟؟
محمد" انتوا لاحق عليكم لكن المباراة ما تتفوت
بو ماجد بجد " التفت لي يبه
ماجد" هلا يبه أنا معك
بو ماجد" خلاص رتبت مع الجماعة؟؟
ماجد" إييي بالله ...كلمت أخوها وعطاني موعد بكره بعد
صلاة العشا
بو ماجد" الله يوفقك يبه .... بس متى حجزت؟؟
ماجد" على الظهر يبه
بو ماجد يطالعه باستغراب" مو بدري يا بو مالك ؟؟
أم ماجد" لا والله يا بو ماجد .... تعرف نبغى نروح نرتب
روحنا بالأول .... وبما إنها أول مره نشوفهم لازم نروح لهم
وإحنا بشكل لائق
ماجد وقتها حس إن الموضوع جد ... وصار هايم في بحر
شوق صيته وجلس يكلم حاله
الله يكتب إلي فيه الخير ويكون بكره أول سعادتي يوم أكون
بجنبك وما بيني وبينك غير كم متر يا بحر شوقي
؟؟؟؟؟؟؟
\\
//
في الرياض وعند نوف ونواف
نواف " يعني شووو بتظلون جالسين عندكم ولا ايش؟؟
نوف تهمس لصيته" لا تطلعين ولا أقتلك
نواف يبتسم ويطالع بصيته" بالله وش يهمس لك القمر
صيته تطالع بنوف" ههه أقول؟؟
نوف تفتح عيونها على الآخر" لااا
نواف" من جدكم ؟؟ يا لله نوف سمعيني وش قلتي لها
نوف تبتسم" ......
نوره" أقول لا يتناجى إثنان
نواف" خليهم عنك أنا أعرف كيف أخليهم يتكلمون
صيته" هههه أنا مالي دخل إذا نوف بتقول لك براحتها لكن أنا
ما يخصني
نواف يلتفت لنوف وعلى وجهه ابتسامه ساحره" لا بالله ....
نوف بتقولين ولا؟؟
نوف تبتسم له " ولا
نواف عجبه إن تكون نوف مرتاحة ها لقد قرب منها وهمس
بإذنها ...كانوا البنات مفتحين آذانهم عدل يبغون يسمعون شي
.... لكن لما شافوا رد فعل نوف وكيف إن وجهها امتلى دم
من الخجل فضلوا إنهم يطلعون من جنبهم لأن نواف جريء
والله العالم وش قال لها
نواف " هههههه هاا بتقولين ولا شووو
وهم كذا ما سمعوا إلا صوت دق خشن على الباب وصوت
تركي من بره مثل الزلزال ...عندها فزوا البنات وراحت
نوره لنواف تتحامى فيه وكلها خوف عندها نوف تلاحقت
الموقف وصاحت فيه
نوف" لحظه جايه تركي لا تدخل
نواف على وجهه علامة تعجب لكنه كان خايف كثير على
نوره إلي كانت مثل العصفور الجريح تحته صار يلمها
ويطمنها إنه ما راح يدخل وش له الخوف كله
بره عند تركي
تركي" لا بالله ؟؟ لا يكون ولد عمك بينام هنا ؟؟
نوف بخوف" لا أكيد بيمشي
تركي" خبريه يطلع الحين ماله داعي حركات العشاق هذي
نوف بضيق" لا ما أقدر أقوله يمشي
تركي يزيحها من طريقه " ما بتقولي له أنا بخبره
نوف مفزوعه" لالالا ...أنا بخبره
تركي" ربع ساعة لو ما أشوفه عندنا ما راح يصير طيب
فاهمه؟؟
نوف منزله راسها " إيييي فاهمه
تركي" والحين انتوا وش ناويين عليه بتنامون هنا
بالمزرعة؟؟
نوف " اييي الظاهر كذا
تركي طيب خلصينا بلا لعب عيال انت معه
نوف بغصة" إن شاء الله
تركي بقرف" هه صايره لي مهرج على غفلة تفكر نفسها
هيفاء وهبي الله يرحم بنات لبنان على الجمال والدلال مو
انتوا يا خياش
نوف تركته ودخلت داخل من غير ما ترد عليه ظلت واقفة
ورى الباب ومنزله راسها
كان نواف يطالعها ينتظرها تخبرهم شو صاير أو على الأقل
تجي تجلس عندهم .... صيته شافت حال نوف عرفت
السيناريو ...مسكت نوره من يدها وطلعوا بره ....عندها
نواف راح لعندها ... ورفع راسها بيده
نواف" خير يا عمري
نوف تصد عنه" خير حبيبي ما في شي بس....
نواف" بس شووو
نوف" تركي .....
نواف يقاطعها بحده " والله لو أذاك بكلمه لأقتله
نوف بضيق" تكفى نواف بروحي تعبانه
نواف متأزم " نوف .... تبكي؟؟
نوف تمسح دموعها " لا لا بس ما أدري وش دخل في عيني
نواف يمسك خدينها بيدينه ويرفع راسها" وريني عينك
رفعت نوف عيونها فيه" حبيبي خلاص ما في شي
نواف يبوسها بين عيونها " ما أبغى أشوف دموعك مره ثانيه
لو على شان من كان ....
ما حد يستاهل تنزلي دمعه من دموعك على شانه فاهمتني ؟؟
نوف تبتسم له وتهز براسها يعني إيييي
نواف" يا لله حبي بروح أنا تبغين شي ؟؟
نوف " سلامة عمرك حبيبي
نواف بشوق" راح أعطيك ساعة تغسلين مكياجك وتبدلين
وأبغي أسمع صوتك .... ما أبغي أنام الليلة غير لما أسمع
صوتك ...طيب؟؟
نوف"من عيوني
نواف" تسلمين لي يا بعدي.... أقول قلبي
نوف" هلا
نواف بعشق"ما في شي على الماشي ؟؟
نوف" هههه لا
نواف بوله" تكفين بوسه بس
نوف بداخلها فرحه لا توصف" إن ما رحت ببكي
نواف يبتسم لها" والله عرفتي كيف تمسكيني من يدي إلي
توجعني
طلع نواف وهو متعلق فيها أكثر من قبل ...راح جلس عند
الرجال وهو في عالم ثاني ...موجود معهم بجسمه بس لكن
روحه هناك مع حبيبته إلي تملكته بكل مشاعره من أول ما
انتبه للدنيا ...نوف ومن غيرك في قلبي؟؟
,,
داخل عند البنات ...طبعا استلموا نوف وهاتك يا تحقيق
...وش قلتوا وكيف طالعك وش رديت عليه ....
لكن نوف كانت تتحفظ على كلامها وما تقول لهم كل إلي
صار لأنهم أكيد بيلومونها على تصرفاتها وعلى خجلها الزايد
إلي اليوم قليل من البنات محافظه عليه
الجلسة كانت ولا أحلى ....طبعا البنات اهتموا كثير بأكل نوف
لأنها من الصبح ما حطت شي بحلقها ... وهي لازم تتغذى
زين وتحافظ على جمال جسمها وحيوية وجهها لأن الزواج
بعد ثلاثة شهور
شوي إلا نادى نواف على أهله إنهم يطلعون .... وهذا الشي
خلى نوف تروح ركض لغرفتها يدوب تمسح مكياجها
وتتروش حتى يكون ما عندها شي لما يكلمها نواف
\\
//
في الشرقية وفي بيت أم مسعود
رغد تأشر على مرام ...تخبرها إن عبد الله على التلفون
لكن مرام ما عطتها وجه ولا كأنها تسمعها ...وهذا الشي خلى
رغد ترتبك وتتحجج لعبد الله وتقول له إن مرام نايمه
بعد ما قفل عبد الله الخط راحت رغد لعند مرام وهي معصبه
على الآخر من الموقف
رغد" هيييي انت مره ثانيه ردي على الرجال ...حرام عليك
صار له اسبوع يحاول يكلمك وانتي محد
مرام بحده" وين مفكر حاله هو إلي يبغيني اكلمه .... ينتظر
إلى بعد العقد
رغد" لكن هو استأذن مالك ومالك ما أبدى أي مانع
مرام بضيق" خلاص خليه يكلم مالك
راحت مرام غرفتها ورغد متضايقة كثير على حالها
أم مسعود" يا رغد روحي جلسي مع اختك شوفيها وش فيها
....مالها خلق تكلم أحد وحتى المشغل ما تروحه
رغد" اوووف يمه تعبت وأنا اكلمها لكنها تردد علي إن ما
فيها شي .... وأنا أحس العكس ما ادري يمكن ما تحب تقول
لي ...خليها براحتها
يدخل مالك عليهم
مالك" السلام عليكم
أم مسعود ورغد" وعليكم السلام
مالك يروح لامه ويبوس يدها وراسها" بشريني عنك يا لطيبه
أم مسعود" دومك بخير أنا بخير
مالك يبتسم لها ابتسامه صفره" الحمد لله رب العالمين الله
يخليك تاج لراسنا
أم مسعود" العالم عندي بكفه وانت بكفيه يا ولدي ...
مالك " تسلمين لي والله
أم مسعود بتردد " يمه مالك اختك ما أدري وش فيها ها
ليومين مو عاجبني حالها كلش
مالك يطالع برغد" منهي ؟؟؟ مرام؟؟
أم مسعود بضيق" ومنو غيرها يمه ؟؟؟ لا أكل حالها حال
العالم ولا حتى تطلع حابسه روحها بالبيت ما أدري وش
صار فيها
مالك يهز راسه بألم " طيب يمه أنا بروح أشوفها
راح مالك لعندها ودق عليها الباب
مرام" ايوووه
مالك من ورى الباب " أنا مالك
مرام تركض للباب" هلا والله حياك ....ادخل
مالك يدخل غرفتها ويطالع فيها كانت جميله بكل المعاني
صحيح إن الأثاث مو ذاك الزود لكن النظافة تشع منها ....
ولمسات مرام الناعمة فيها ...ابتسم مالك وهو يفر براسه في
الغرفة وبعد كذا جلس على فراشها إلي بالأرض وصار
يتحسب على عمه بقلبه وطالعها بأسى
مالك" ما ودك بسرير ؟؟
مرام تبتسم وما ردت عليه
مالك يطالعها" هههه صحيح نسيت انك كلها كم شهر
وبتروحين بقصر
مرام بغصة" أنا غرفتي هذي بالنسبة لي أحسن من القصر
مالك فاهم قصدها ...لكن غصب عنه هو يبغي مصلحتها
مالك بهدوء" مرام ليش انت رافضه تكلمين عبد الله ؟؟
مرام باستغراب" غريبه
مالك يلتفت ليها" وش الغريب في الموضوع
مرام" مالك إحنا لولا الضروف إلي غيرتك وعفستك على
الكل حتى على حالك ...
مالك يقاطعها" أدري وش تبغين تقولين...لكن انتوا مو
عارفين إن إلي جالس يصير غصب عني ..أنا تعبان يا مرام محد فاهمني
مرام نست موضوعها" مالك تدري انت وش محتاج له؟؟
مالك يطالعها بنظرات باردة" شووو؟؟
مرام بجرأة" انت ناقصك وحده تقاسمك اللقمة وحده ترمي
همومك عليها ...وحده تحسسك انك مو لوحدك في ها لدنيا
مالك يلمها له ويبوسها براسها" انتوا بالنسبة لي كل شي
انتي ورغد أحلى ما بحياتي بعد الوالدة الله يطول بعمرها
مرام" أمي تعبانه لتعبك ....ريحها يا خوي وخليها تشوف
عيالك .... ودام العروس موجودة وش له الانتظار؟؟
مالك " عروس؟؟؟أي عروس
مرام" شيماء سميتك من وانتوا صغار ولا نسيت
مالك بحده" مثل ما انتي وطلال نسيتوا أنا بعد نسيت
شيماء مجرد بنت خال لا أكثر ولا أقل ...وهذي آخر مره
تكلميني بالموضوع هذا ....وبكره بيجي عبد الله يشوفك
ويجلس معك يبغي يتعرف على شخصيتك
مرام مستغربه" كيف؟؟
مالك يطلع من الغرفة" إلي سمعتيه وما في نقاش
راح مالك وترك مرام بحيرة وش لون تجلس مع رجال
غريب معقولة هي تخجل من نفسها ليه كذا يا مالك ليه؟؟
\\
//
في الرياض ...وصلوا الجماعة للبيت
على طول نواف بيصعد فوق في غرفته....لكن صوت أم عبد
الرحمن وقفه
أم عبد الرحمن" على وين يا عريس؟؟
نواف يطالعها بابتسامه ساحره" ببدل ملابسي
أم عبد الرحمن" أنا أدري الحين بتصعد وبتقعد قرقه على
التلفون وما بنشوفك تعال اجلس يمنا شوي
طارق بصراخ" يا هوووو رحمي الرجال ...والله لو أنا منه
كنت انذبحت صايره بتكس فكي شوي يا سحوره
أم عبد الرحمن " انطم أقول يا ليهودي ...قسم بالله لو ما
تسكت لأخلي نعالي يقرقع عليك
طارق" قولي قسم ؟؟
أم عبد الرحمن" اقسموا عليك أهل الجنة والنار انك تظل
معلق بجهنم لين أرضى عليك
طارق" ههههه أنا بس أبغي أعرف من وين لك ها لمعجم في
الدعاوي ...غريبة انت والله
أم عبد الرحمن " مالت بس أقول على أم ربتك
أم نواف بضيق" يوووه يمه لفيتي علي ؟؟
أم عبد الرحمن معصبه " اييي الله لا يبارك فيك ... ومالت
علي يوم إلي جبتك لو ادري انك بتجيبين ها لاملح كنت
بركت عليك وارتحت منك
طارق يستفزهم" يمه وتسكتين لها ؟؟؟ والله لو أنا منك ما
اسكت وش معناه كلامها هاا؟؟
أم نواف" معليه يمه أنا الحيطة الهبيطه بذا البيت أنا إلي مالي
حظ بها لدنيا الكل علي حتى الزمن ... بس ما أقول إلا الله لا
يخليني لين بكره ليتني أموت وارتاح
أم عبد الرحمن كلها الحسف" اجل وش أسميه أنا ها لكلام
.....تسمعين ولدك يطول لسانه عليّ وما تأدبينه
أم نواف تبكي "...........
طارق متأزم كثير ما توقع إن المسائل بتوصل كذا .... ونواف
نزل بسرعة لأمه يهديها ....وأم عبد الرحمن تطالعها على
جنب وتتحسب على طويرق إلي مورطها دوم
أم عبد الرحمن" يعني وش أسوي ....انتوا إلي تطلعون الواحد
من طوره
طارق يزيد الطين بله " ايي بس يا سحر المفروض الواحد
يصير أكثر تحكم بحاله ...لالالا ما يصير كذا يبغي لك
كورس في تربية النفس
أم عبد الرحمن جن جنونها" رباك شارون وتمثلت بأخلاقه يا
ليهودي
أم نواف بحده" طارق حب على راس جدتك واصعد فوق لــ
والله ما أجلس لكم بذا البيت
طارق بيروح لها يحب على راسها ما شافها إلا رافعه له
العصا بتبرد حرتها لكنه سحب روحه بسرعة والله ستر ولا
كان راح الراس
,,
في المزرعة كانت نوف جالسه على السرير وتنشف شعرها
شوي إلا بدخلة ميثه عليها
ميثه بضيق" ما في حس للموضوع
نوف بلامبالاة" أي موضوع ؟؟
ميثه" أي موضوع بعد ...موضوع راشد
نوف" اييي ...هم جالسين يومين انتظري شوي
ميثه" أوف وليه انتظر ليه ما كلم أبوي ... ملل
نوف عصبت" صحيح قليلة حيا ... وش عليه مستعجلة ...لا
يكون تروحين تقولين له ليه ما خطبتني
ميثه بغباء" اييي والله فكره .... تهقين عادي ؟؟
نوف تطالعها وهي معصبه" طلعي من وجهي لا أقول لتركي
يعطيك طراقين يصحونك
ميثه" اوووووف
طلعت ميثه ونوف تضحك على تصرفاتها ... وبعدين صارت
تطالع حالها بالمرايه وتكلم نفسها
ما ادري عجبتك يا نواف ولا لا ؟؟
,,
في بيت بو نواف
بعد نص ساعة وبعد ما هدأت الأمور صعد نواف لغرفة
صيته ...دق عليها الباب كانت صيته على السرير لكن لما
شافته انبسطت كثير وأصرت انه ما يطلع وإنها لاحقه على
النوم
صيته بفرح" هااا وش رايك بالعروس؟؟
نواف" آآآآآآه تجنن
صيته " صحيح والله ؟؟
نواف بعصبيه" ليه عندك شك؟؟
صيته " لا ابد بس أنا أتكلم عن شخصيتها ... وطريقة كلامها
وها لشغلات
نواف" وش أقول عنها ... بصراحة الله يحبني يوم كتبها لي
الحمد لله رب العالمين على ها لنعمه
صيته بتموت فرح وكأنه يتكلم عنها " الله وناسه
نواف يبتسم" نروح للموضوع إلي أنا جايك له
صيته باستغراب "أي موضوع؟؟
نواف " جايك عريس
صيته بخجل " هااا
نواف" اييي بالله ولا مو أي عريس...ولد ناس ومحترم وأبوي
يعرف أبوه ويقول إنهم من خيرة الناس
صيته محرجه".............
نواف" هو شاب وسيم كثير وطويل وعريض وعنده
بكاليريوس لكنه يشتغل أعمال حره وعنده شركة....من أكبر
شركات التجميل ...أهله عايشين بجده
صيته" بجده؟؟
نواف" اييي وش يصير الله يخلي الطائرات متى ما اشتقت لنا
تعالي ...أو تلفون وإحنا نجيك
صيته ضايعه " ما ادري والله
نواف" صيته الرجال ابن ناس وإحنا سألنا عليه وهو نعم
الشباب وما فيه شي ينتعيب ...وتقريبا أنا وأبوي موافقين لكن
يظل رأيك هو الأساس
صيته" خليني أفكر
نواف يقوم" على خير على العموم أهله جايين الليلة
صيته ساكتة ... راح نواف لعند الباب وقتها نادت عليه التفت
عليها لقاها تفتح الدرج وتطلع منه ظرف ....
صيته بابتسامه" هذا لك
نواف مستغرب " شووو؟؟
صيته افتحه وشوف
فتح نواف الظرف وارتسمت على وجهه ابتسامه جميله جدا
....غمز لها وراح غرفته
جلس على سريره وبيده الظرف إلي كانت فيه صوره لنوف
...غابت الدنيا عن خياله وارتسمت فيه صورة نوف ....وما
حد غيرها
تبسمي خلي زماني يغني
ويحلى بوجودك الطرب والتمني
كل ما أشوف ابتسامة عيونك
أحس بجفوني ترقص بشوقك
عيونك مثل سهام رماها رامي
صوبت بقلبي وخلته اليوم ضامي
انت ينبوع العشق وللقلب سلوى
من يلامس اطيابك ابد ما يتروى
*غرووب*

كبرياء رجل وشذوذ إمرأه

البارت الواحد والعشرون
\\
//
\\
مرت الليلة على أبطالنا بحلاها و بمرها
نواف بالفعل دق على نوف وعن يده صورتها ما شالها من
قدام عيونه وكان يتكلم معها وهو يطالع بالصورة .....
نوف بدورها كانت مبسوطة كثير وما حست بالوقت إلا لما
دقت عليها ميثه حتى تجلسها للصلاة عندها بالغصب سكروا
من بعض بعد وعد نوف لنواف إنها تطلع معه يوم ثاني
,,
صيته بعد كان النوم مجافيها .... معقولة الخطبة تكون بهذي
السرعه ومعقولة يكفيها يوم واحد تفكر بالرد ؟؟؟
,,
ماجد نايم بالأحلام مو متصور قلبه انه خلاص كلها كم ساعة
ويصير كل شي رسمي ويصير قريب من حبيبة قلبه عشوق
,,
مرام بدورها كانت مخدتها غرقانه من دموعها ... طلال
خلاص مو من نصيبها بعد بكره بيمشي على كندا بيروح
والله العالم بتقدر تشوفه مره ثانيه أو لا ...
وعبد الله هذا إلي طلع لها فجأة وملك قلب مالك ونساه اسمه
,,
مالك الحرقة بقلبه ... مو قادر يتحمل يشوف غلاه مرام
بهذي الحالة ... معقولة هو يسوي بقلبه كذا يبيعها وهي تحب
واحد ثاني ... لكنه مقتنع إن إلي جالس يسويه هو لمصلحتها
...ولو الحب فيه خير كان انسعدت أمه ؟؟؟
\\
//
في اليوم الثاني وعلى الغدى في بيت بو تركي
ميثه" هاا يا بنات وين خاطركم تروحون ؟؟
زهور" هههه براحتج انت بس ما اوصيج نبغي نشوف أحلى
ما بالرياض
ميثه " لا والله الرياض كلها حلوه ... بس قولي لي تبغين
تروحين تتسوقين ولا تروحين تتمشين
زهور" لا ابغي أتسوق تدري بشتري لزوجي شي ...
ميثه" آآآآه ما اقدر على الرومانسية ...خلاص انتع ديتي ها
لمرحله ...تزوجتي وخلصتي
نوف" بالعكس الزواج يعزز الحب
طروب" ههههه بعد كلام نوف ما في كلام
ميثه" هه هذي ما ينقاس على كلامها توها بالعشق توها
زهور " مالي شغل فيكم ...مسكين حبيبي يكفي اني تركته
على شانكم
نوف" ما تقصرين يا عمري ... بإذن الله نجيكم بالأفراح
أم راشد" جريب يمه راشد معزم على الخطبة ...
ميثه بتموت فرح" الله يوفقه
نوف بتقطع السالفة لا تفضحهم اختها " يمه اليوم أنا بطلع
مع نواف إذا ما في مانع
أم تركي" يمه اسألي أبوك أنا ما لي دخل
نوف" مو مشكله بروح اسأله
راحت نوف نادت على أبوها واستأذنته طبعا هو ما أبدى أي
مانع وقال لها إن نواف زوجك الحين ولو يبغي ياخذك لبيته
ما عندي مانع
نوف انحرجت من كلام أبوها مع إن كلامه زرع السعادة
بقلبها أكثر ...نواف ملكي مثل ما صرت أنا ملكه
,,
في بيت بو نواف كانوا جالسين على الطاولة يتغدون
الكل كان ساكت ...أم نواف عيونها مورمه من البكي وأم
عبد الرحمن قلبها يألمها ما ودها يصير بينهم إلي صار
....أما نواف كان ياكل ومو حاس إن في شي ...كل عقله
وتفكيره في نوف وانه يدوب يروح لها حتى يمسك الوقت من
أوله<<منو قدك يا عريس؟؟
طارق" قولوا قسم ؟؟
لكل التفت عليه واهم ساكتين
طارق" ما يصير كذا ها لوضع ما يعجب احد
صيته تسكته" اطلع منها انت وكل شي يكون بخير
أم عبد الرحمن" استغفر الله ...
طارق" لا لا لا شوفوا كيف بوزها شكلها زعلانه
أم نواف" أمي قلبها طيب ومستحيل تزعل علينا
أم عبد الرحمن تتحلطم" اييي بدون مشاعر ...كيس فحم أنا
مو بشر
طارق" ههههه حلوه يا سحوره.... ولا شرايكم ؟؟
أم عبد الرحمن بتنفجر قامت من على الطاولة ...مسكها
نواف من يدها
نواف" على وين ما كلتي ؟؟
ام عبد الرحمن " منو يحلاله الأكل و ها لمسخ جالس معه
على السفرة
طارق بيموت من الضحك " أحلى الكلام العلمي منو قدك
والله ونتعلم منك كثير يالغلا
نوره ببرود" ترى يا جدتي طارق يعتبر وسيم لولا انه اسمر
شوي
أم عبد الرحمن" أي شوي انت بعد.... ما تشوفين حطي لك
نظاره حتى يكمل الدلع
طارق" قسم بالله إني صرت أحب حالي كثير وأشوف إني
قمر من كثر ما تتكلمين عني
نواف بزعل" يعني تفضون ها لسيره ولا شلون ؟؟
أم عبد الرحمن" ايييه عدل ...زين تسوي فيهم هذا إلي يبغى
لهم ....أحد يأدبهم
نواف" يمه ... بلغك ابوي اليوم على الضيوف إلي بيجون ؟؟
صيته عندها قام قلبها يدق بجنون"..........
أم نواف" لا والله ما خبرني
نواف مستغرب" معقولة؟؟
أم عبد الرحمن" ليه منو إلي بيجي ...ما حنا فاضيين اليوم
بنروح نسير على أم تركي ما شبعنا من شوفة أم راشد
نواف يتكلم بجد" لا يا جدتي ما يصير ...اليوم بيجون خطّاب
لصيته..
أم عبد الرحمن" يووه الله يقدم الخير
نوره تبتسم" مبرووووك يا عروس
صيته انحرجت وقامت من على السفرة"..........
أم عبد الرحمن " وهو شلون رجال زين ؟؟
نواف" ايي والله يا جدتي ونعم الرجال ... وأهله بعد ينشرون
بماي الذهب
أم عبد الرحمن مرتاحة" الله يهنيها تستاهل الخير بنيتي
أم نواف" الله يوفقها إن شاء الله.... ويكتبه من نصيبها لو
بيسعدها
نواف يلتفت لطارق" لازم تكون موجود هااا ...لا تغيب
طارق " قول قسم ؟؟أكيد بجدي تلاقيني أول واحد موجود
نواف يطالعه وهو مبتسم" ومتى انت بتقول يا هادي؟؟
طارق يضحك" هههه والله مو باين يا أخوك ...لكن انا بخلي
سحر تختار لي على ذوقها
أم عبد الرحمن " هه ما أدري مني هذي ها لمصفعه إلي
بتوافق عليك أصلا ...خلها على الله
طارق" والله أنا عارف ...بس نواف الي يسأل
نواف يطالع بطارق وأم عبد الرحمن ويقول بقلبه ...ما أدري
متى بتعقدون هدنه ويتم الصلح ؟؟؟؟
,,
في بيت أم تركي كانت ميثه واقفة بالمطبخ وتجهز عصير
للرجال ...طبعا جالسه تتفنن وتسوي حركات ....
عصير كوكتيل طازج ... وفوقه آيس كريم وحاطه فيه
ماصه
دخل تركي عليها وهي تغني بكل نعومه
تركي" هااا ما خلصتي ؟؟
ميثه شهقت وتباعدت عنه"..........
تركي يعفس وجهه " إيييي معلوم تخافين ...شايفه عزرائيل
يمك
ميثه تصد عنه وبخاطرها تقول أكثر والله ..عطته العصير
...سحب الماصات منها وشال المناديل وأخذ الكاسين في يده
كذا من غير شي وصار يشفط فيهم ....ميثه روحها بتطلع
على ها لتعب يروح عا لبارد يضيع كل شي ...تركت
المطبخ وراحت بتصعد فوق ... وهي كذا إلا بنزله نوف
نوف" ميثه بروح أنا الحين تبغين شي أجيبه لك ؟؟
ميثه بصراخ" لا ما أبغي شي بس فكوني انتوا ...وش ها
لعيشه في ها لبيت؟؟؟ موت وربي
نوف عارفه إنها زعلانه ما حبت إنها تشغل روحها معها
ففضلت إنها تتركها لما تهدأ وهي بنفسها بتجي لعندها تشتكي
لها من إلي مزعلها
نزلت نوف تحت شوي إلا يدق جوالها
نوف بنعومة" حبيبي
نواف" بعد عينه انت ... جاهزة؟؟
نوف" ايي خلاص جاهزة ولابسه عبايتي بعد
نواف" افتحي لي لباب حتى أبوس يد الوالدة إلي ربت أحلى
إنسانه بها لوجود
نوف مبسوطة" دقايق قلبي
سكرت من عنده وراحت جهة الباب وفتحته
نواف بعشق" من وين الشمس طالعه اليوم؟؟
نوف" هههه من ذوقك يا قلبي
نواف" شفتي لي الطريق؟؟
نوف" ايي أكيد
نواف" يا لله بسرعة حتى ما نضيع وقتنا بموت ابغي أجلس
معك على راحتنا
نوف تبتسم " حياك تفضل
من بعيد تركي" هلا والله تو ما نور البيت
نوف ونواف"؟؟؟؟؟؟؟؟؟؟؟؟
\\
//
في الشرقية.....في غرفة مرام إلي ما طلعت منها اليوم كله
يدق الباب
مرام بعصبيه" خييييير
رغد" مرام أنا رغد
مرام" حصل لنا الشرف أهلا وسهلا
رغد ما بغت تطولها" مالك يقول لك عبد الله تحت ...
بتنزلين ولا شووو ؟؟
مرام ".........
رغد" مرام مرام
مرام تروح تفتح الباب بسرعة " إن شاء الله روحي وأنا
بلحقك ... مو إحنا صرنا بزمن الاستعباد
رغد تطالعها ومو عارفه شترد عليها ....فتركتها ونزلت
مرام حايره لكنها في الآخر لبست عبايتها ونزلت
مالك ينتظرها تحت" هلا والله يا لله عمري لا تخلين الرجال
ينتظر أكثر
مرام بغصة" مالك أنا أسوي كذا حتى أرضيك لكني مو
مقتنعة
مالك بهدوء وهو يمسح على راسها " بكره راح تدعين لي
وتقولين مالك كان عنده حق
مرام بدون ما ترد بكلمه صارت تمشي وراه ....لحد ما
وصلوا مجلس الرجال ...دخل مالك ومرام كانت مرتبكة
كثير لكن مظطره
مالك" حياك يا مرام
دخلت مرام وهي منزله راسها مو قادرة بتموت من الحيا
تقدم لها عبد الله ومد يده " هلا مرام اخبارك؟؟
مرام بدون نفس" أنا بخير
راحت من قدامه وجلست ولا كأن أحد يبغي يتكلم معها
مالك تضايق من ردة فعلها ولكن ما علق وفضل انه يروح
ويتركهم ربع ساعة يتفاهمون
عبد الله بدوره جلس بعيد عنها" أنا حاولت أكلمك أكثر من
مره لكنك ما كنت ترضين تكلميني
مرام" بصراحة أنا ما أحب ها لحركات ... كل شي بوقته
حلو ...لشو الاستعجال الدنيا ما بتطير
عبد الله متفاجئ" كلامك صحيح لكن الدنيا تغيرت
مرام تلف عليه وتطيح عينها بعينه" إيييي صح لكن أنا
تفكيري تفكير أهل أول وما أحب الكلام الفاضي إلي ماله
داعي
عبد الله ما همه كلامها بعد ما شاف عيونها إلي سحرته
مرام بعد حست من نظراته بشي غريب فصدت عنه مره
ثانيه ...وظلوا خمس دقايق ساكتين
عبد الله" مرام انت دارسه ؟؟
مرام " اييي ثانوية عامه بس
عبد الله" وليش ما كملت
مرام" كذا دلع بنات ...أنا ما أحب الدراسة
عبد الله" وأنا بعد أحب الزوجة الغير عامله ...
أفضلها أكثر من غيرها
مرام لقت مخرج" عبد الله أنا لو صار نصيب المشغل ما
أقدر اتركه
عبد الله سكت شوي وبعدين" ما عندي مانع
مرام" انت عندك شقه ؟؟
عبد الله " ايي الفيلا مو ناقصها غير لمساتك
مرام ببرود" ما ابغي أصير بعيده عن أهلي
عبد الله " اييي بس
مرام توقف " لا بس ولا شي .....هذا شرطي والله عجبك
ولا براحتك
راحت مرام ركض ودموعها بعينها وعبد الله يناديها لكنها
أبد ما تسمع له ...مرت على مالك وبيده العصير لكنه شافها
مرتبكة ناداها مرام راحت و ما عطته وجه
راح مالك لعند عبد الله لقاه منزل راسه
مالك" خير عبد الله وش صار ؟؟
عبد الله بضيق" ما أدري
مالك "مرام كأنها معصبه
عبد الله يقوم يوقف له " مالك انتوا غاصبينها علي ؟؟
مالك مصدوم" لااا منو قال ؟؟
عبد الله " محد ... لكنها جالسه تعطيني شروط تعجيزيه
...أحسها مالها خاطر فيني لا يكون أحد في قلبها
صرخ مالك فيه" أقول يا عبد الله إحنا ناس على قد حالنا
صحيح لكن عندنا شرفنا تاج من الماس فوق راسنا
عبد الله يهدي الوضع" والنعم فيكم والله وإحنا لو مو عارفين
ها لشي ماجينا نطلب القرب
لكن اختك شكلها مو مرتاحة لي ...يمكن العيب من عندي
.... على العموم اجلس انت معها واعرف شو فيها ورد علي
....وتأكد سعادتها كل اهتمامي
راح عبد الله ومالك في حيره من أمره مو عارف يروح
يدوس ببطنها ولا يقتلها ويرتاح من همها
\\
//
في الرياض
تركي " يا حيا الله النسيب
نواف من غير نفس" هلا فيك
تركي " وين بالله ...داخل ولا أحد هامك
نواف بدخل اسلم على مرة عمي ولا عندك مانع ؟؟
تركي" لا أبد البيت بيتك
نوف بضيق" حياك نواف
تركي " الحين انت يا مال البلى ليه لابسه عبايتك هاا
نواف" لأنها بطلع معي
تركي" وبأمر من هاا ؟؟
نوف بخوف" أنا قلت لأبوي وما عنده مانع
تركي " نوف مالك طلعه من البيت مع نواف إلا لبيته
نواف بيجن " تركي ...صاحي انت ؟؟
تركي يصرخ بنوف" دخلي داخل
نوف عيونها مليانه دموع ...راحت ونظراتها لعند نواف
نواف كان يضغط على أعصابه يبغي يهدأ لأنه لو يمسك
تركي يذبحه
تركي " حياك ما بتدخل تسلم ؟؟
نواف بهدوء" ايي بس شوف لي طريق لا يكون نوف كاشفه
عن شعرها ولا شي
تركي " هههه لا مو لهذي الدرجة
دخل نواف داخل كانوا جالسين في الصالة ونوف جالسه
ومنزله راسها
نواف" السلام عليكم
أم تركي توقف له" هلا والله بوليدي ....شلونك يمه ؟؟
نواف" أنا بأحسن حال بعد الهدية إلي هديتيني إياها ...
أم تركي" هديه؟؟
نواف يطالع بنوف وهو يبتسم " ايي أكيد.... نوف أجمل
الماسه بالكون
عند كلمته ارتسمت البسمة في شفاه نوف أخيرا
أم تركي " ههههه الله يوفقكم
نواف" ما أشوف ام راشد وراشد ؟؟
أم تركي " والله رايحين زيارة لمعارفنا
نواف" على خير ...بس أقول عمتي
أم تركي " خير ؟؟
نواف" الزواج بعد شهر بإذن الله ماله داعي التأجيل
هذا طبعا بعد اذن عمي وتركي
تركي بلا مبالاة " براحتك لو أسبوع الجاي حدي بلبس
الثوب وبدق بالعشر
أم تركي " اييي يمه بس نوف ما يمديها تجهز حالها
نوف توقف" بعد إذنك يمه أنا موافقة
نواف ابتهج يوم سمع كلامها
أم تركي اذا الكل راضي براحتكم
نواف يوقف" يا لله في أمان الله
تركي وقف معه" أبغيك دقيقه يا ولد عمي
نواف " مو مشكله .... نوف
نوف بحنان" نعم
نواف" جهزي حالك من اليوم يدوب هااا
نوف بابتسامه" إن شاء الله
طلع نواف بره وتركي وراه وهو خاطره يمسكه من رقبته
ويطلع روحه
تركي " تعال نجلس في المجلس
نواف " لا أنا مشغول خير وش عندك ؟؟
تركي يتصنع الذرابه" والله يا خوي أنا خاطري بنوره من
زمان مثل ما انت عارف
نواف باستغراب" بس هي رفضت على علمي
تركي" اييي أنا عارف ...ومن رايي انك تكلمها مره ثانيه
وشوي مدح فيني وشويتين ضغط عليها كل شي بيصير بإذن
الله يا لنسيب
نواف يبتسم له وياشر له على عيونه" من ها لعين قبل ها
لعين ....بس هذا إلي تطلب
تركي بيموت من الفرح" تسلم والله هذا العشم
نواف" ايي لكن مو الحين بعد زواجي
تركي معصب " ليه بالله
نواف"والله ....حتى أتفرغ للموضوع عدل ولا ايش رايك؟؟
تركي مو مبسوط بس ما في حل ثاني " خلاص شورك
وهداية الله
نواف يطالعه ويبتسم وهو في داخله يقول
حريمتك نوره يا تركي ....لو تحج مئة حجه ما راح تطول
منها شعره
\\
//
في الشرقية كانت مرام مقفلة عليها بابها ومالك يرجف عليها
الباب ويصرخ فيها
مالك" والله لو ما تفتحين الباب يا مرام لأكسره فوق راسك
فاهمتني أو لا
مرام تبكي" ما راح افتح يا مالك وسو إلي تبغاه
مالك " طيب أنا بشوف أنا أو انت يا مرام ....طلعه من
البيت ما في ...وجوالك أنا بفصله وأشوف كيف بتعيشين
حياتك
راح مالك من عندها وهي تبكي بجنون
أم مسعود" حرام عليك يمه إذا هي ما تبغاه لا تغصب عليها
مالك بيجن" يعني شووو تبغين الناس يقولون انها عاشقه ؟؟؟
ولا لأن ما في احد كبير في عينها تسوي إلي تبغاه
رغد كانت تبكي ...خذت التلفون من عندهم ودخلت فيه
داخل بتكلم شيخه
رغد تبكي" الووو
شمسه" الووو ...من؟؟
رغد" وين شيخه
شمسه" وش لك فيها هااا
رغد " يا لله بسرعة عطيني إياها ولا بذبحك
شمسه تجلس" ما راح أناديها لين تقولين لي وش له البكي
ووش تبغين فيها
طلال عصب عليها" منو تكلمين انت بالله ؟؟
شمسه" هذي رغد تبغي شيخه وجالسه تبكي ومو راضيه
تعلمني وش تبغي منها
طلال سكت شوي وبعدين نادى" شيخه تعالي تلفون
شيخه من بعيد" أنا جالسه أحمم شهد قولوا لها مشغولة
طلال يمسك السماعة من عند شمسه" الووو
رغد تبكي" وين شيخه ؟؟
طلال" شيخه تحمم شهد ....خير وش صاير
رغد " هااا ... لا ما في شي بس قولها تكلمني لما تخلص
طلال ابتدى يتوتر طلب من رغد تنتظر شوي وراح نادى
لها بنفسه وقال لها إن رغد تبكي لا يكون صاب عمتي شي
شيخه بسرعة" الووو ....اييي رغد وش بلاك ؟؟
رغد" لحقي مالك صاير يخوف وجالس يرجف الباب على
مرام لكنها مو راضيه تفتح له وهو بيجن
شيخه باستغراب" وليه كل هذا ؟؟ وش سوت مرام
طلال سمع اسم مرام ما قدر يوقف وجلس على الكنب
شيخه" طيب أنا جايه الحين بس انتوا حاولوا انكم تهدون
الوضع طيب
سكرت شيخه السماعة وهي بعجله طلال يا لله شغل السيارة
طلال بخوف" خير وش صار؟؟
شيخه " بقولك بالطريق
طلال؟؟؟؟؟؟؟؟؟؟
\\
//
في الرياض وفي غرفة صيته
كانت صيته جالسه تحط لها روج ...وتقول بينها وبين حالها
ما أدري هذا نصيبي ولا بيصير مثل غيره
نوره تدخل عليها" أخبار العروس؟؟
صيته" ههه أي عروس ...بدري على ها لكلمه
نوره" لا خلاص روحي فتحي لي المجال
صيته تبتسم ".........
نوره " اووووه راح تلبسين الفستان الموف
صيته" اييي والله احترت وش ألبس فقلت خليني البسه ولا
تحسينه كبير على الجلسة؟؟
نوره" لا أنا برأيي انك تلبسين الفستان البحري القصير راح
يطلع جمال جسمك
صيته" ايي صحيح لكن الفستان الموف أفخم
نوره" أنا اشوف إن الناس تغيرت صارت تميل للنواعم
صيته تبوس نوره" على رايك يا عمري
بعد ساعة
,,
أم عبد الرحمن " يا لله يمه الناس تحت
صيته مرتبكه" ياااربي أحس إن ودي ابكي
أم عبد الرحمن تروح تلمها لها " الله يبارك لك يا عمري
ويهنيك
صيته بزعل" لا بجد ببكي
أم عبد الرحمن " يا لله عاد حركي رجولك
صيته" كم وحده جايه؟؟
أم عبد الرحمن " ثنتين بس ...أمه واخته على قدك تقريبا
نوف بخوف" وش لون تشوفيني ؟؟
أم عبد الرحمن " قمر .... وربي بيتهبلون عليك
راحت هي وأم عبد الرحمن حتى ينزلون تحت ... ودقت
صيته على نوره الباب فبلغتها إنها جالسه تلبس وخليها هي
تنزل وبعدين نوره تلحقهم
نزلوا تحت
دخلت أم عبد الرحمن " هذي العروس ...تعالي صيته
دخلت صيته كانت بقمة الجمال والهدوء
لبست الفستان البحري إلي أقنعتها نوره فيه وكان فرنسي
ناعم وعلى الخصر حزام كبير ابيض ولابسه بوت ابيض
وحاطه مكياج خفيف وشعرها مخليته على راحته وكان
رووووعه
أم ماجد" ما شاء الله تبارك الرحمن
راحت صيته وسلمت على أم ماجد وباست راسها وراحت
لدلع الي لمتها في حضنها
وهذا الشي إلي خلى صيته تستغرب منه
دلع" هلا والله بصيته ...أخيرا شفتك يا قلبي
صيته" مشكوره حبيبتي ...حصل لي الشرف
أم نواف" تو ما نورت الرياض يا أم ماجد
أم ماجد" منوره بأهلها والله
أم نواف" انتوا من الأصل بجده ولا كيف؟؟
أم ماجد" لا والله إحنا من مواليد الرياض وعشنا فيها لما
صار عمر ماجد خمس سنوات ...عندها قرر بو ماجد انه
يشتغل في السوق وصرنا من مكان إلى مكان وبالموت
استقرينا بجده
أم عبد الرحمن" والله جده شحلوها إحنا لين رحنا مكة
والمدينة لابد نمر عليها
أم ماجد" اييي والله ...بس المرة الجايه ما نبغيكم تنتظرون
لين تروحون مكة ...نبغى جيه خاصة لنا
وهم كذا تدخل نوره ..إلي خذت أنظار الكل وخصوصا
صيته لأنها تفاجأت إن نوره لبست الفستان الموف
نوره" السلام عليكم
الكل" وعليكم السلام
كانت نوره لابسه الفستان الموف كان فستان طويل وفيه
ربطه تحت الصدر ورديه وحاطه لها عقد ناعم من الألماس
ومجعدة شعرها ورافعته ومخليه كم خصلة على وجهها كانت
بالفعل جميله كثير
أم ماجد" وهذي بنتك القمر يا أم نواف
أم نواف تبتسم " اييي يا أم ماجد ..هذي نوره اصغر من
صيته بسنتين
دلع" ما شاء الله عليك انت ذوق كثير فستانك جنان
نوره كانت تبتسم وتقول بخاطرها يا ارض اتهدي ما عليك
قدي
نوره بدلع" والله من ذوقك ...أنا من النوع إلي أحب الموضة
كثير واطلع على كل شي جديد
صيته منزله راسها وما أبدت أي تعليق
أم عبد الرحمن بإستهزاء " اييي صح كلامك ....
وما يحتاج تقولين لأنه باين يا يمه
أم ماجد تكلم دلع بصوت واطي" يمه نوره احلى من صيته
أنا أشوف إن إحنا نخطبها لماجد
؟؟؟؟؟؟؟؟؟؟؟