http://na9er2002.jeeran.com/besm2.gif

هلا يالنجوم اعتذر للجميع لغيابي الطويل عن تنزيل روايه جديده

بس ان شاء الله القادم اروع

واخليكم مع الروايه السعوديه الخطيره **059<<<كل شي عندها خطير

هي روايه باللهجه الحجازيه وحاليا لم تنتهي الكاتبه من كتابه الروايه

لكن ان شاء الله راح اكون منتظمه معها بنقلها اليكم

نبذه قصيره عنها تتكلم عن بنات جده وسلوكياتهم فيها تركيز ع بنات الليل

اظهرت بعض من عادات اهل الحجاز وتقاليدهم لكن للاسف في نظري اظهرت السلبيات

لكن ماانكرر اثبت بان لكل بنت الفطره الحسنه

ماراح اخرب عليكم اتركم انتو تحكمون بنفسكم


******************************************


ابطال القصة
عايلة ابو محمد مكونه من
ابو محمد رجال طيب ومعروف انو محافظ على الصلاه واخلاقو طيبه دكتور وعندو عياده حالتو الاقتصاديه والاجتماعيه جيده
ام محمد انسانه طيبه وقلبها ابيض حبوبه من بين الناس تحب الضحك والفرفشه
محمد الولد الكبير متزوج من سلمى (راح نتعرف عليها خلال القصه)عمروا 27 لسا ماعندو غير ولد واحد اسمو عبدالله عمرو3 سنين
احمد ولد مره صايع وحق بنات متعب اهلو لسانو مره طويل عمرو 23 سنه يحب وحده اسمها لمياء ويكلم عشره غيرهاكان وسيم وجذاب مو طويل مره طولو حلو وابيض وعيونو عسلس وشعرو بني كاانو واحد اجنبي
لجين متزوجه وعندها ولد عمرو 3 شعرها قصير وبني وعامله خصل ثلجي وبيضه عمرها 25 سنه حلوه مليانه شويا مو طويله طولها حلو ومتزوجا وهيا حامل
لمى بنت مره حلوه معروفه بجمالها بيضه وشعرها بني طويل وناعم كل الناس معجبه بشعرها عمرها 18 تالته ثانوي علمي عيونها واسعه ولونها عسلي خشمها مره صغير بس لايق علو وجها فمها صغير بس شويا مليان مره وجهها طفولي الوحيده الي ماخده جمال جدتها التركيه محبوبه بين الناس ودلوعه عنداهلها وتحب المزح زي امها
عايلة ابو عبدالله
ابو عبدالله رجال طيب
ام عبدالله هيا اخت ام محمد تحب الضحك والفرفشه
عبدالله عمروا 23 يدرس مع احمد ونفس احمد حق بنات حلو ووسيم ودمو مره خفيف
رهف عمرها18 مع لمى في المدرسه والاتنين زي الاخوات اسرارهم مع بعض حلوه جمالها فلسطيني
هدى عمرها 24 لحد دحين مااتزوجت تشتغل مدرسة فني سمرها وشعرها اسود ومليانه بس قلبها ابيض
عايلة ابو مهند
ابو عمر صاحب ابو محمد ويشتغلو الاتنين مع بعض في متشفى حكومي رجال طيب
ام عمر مره طيبه وحالها حال نفسها ماتدري عتن شي
عمر متزوج وعندو ولدين
منار متزوجه وعندها بنت
مهند ولد مره حلو ووسيم جسمو مره خطيرر عضلات وطويل وعيونو بني وشعرو بني غامق ناعم وجهو اسمر على ابيض كاانو متشمس مره كان جذاب ومطيح البنات بجمالو
سوري طولت عليكم بس عشان نعرف ابطالنا كويس يلا نبدا


ام محمد: لمى وي انتي لسا ماقمتي بس كفياه نوم 24 ساعه نايمه
لمى :مامي بليز قفلي النور عيني عورتني حراام عليكي مانمت
ام محمد:هادا كلو ومانمتي يلا قومي البس رايحين
لمى :فين رايحين وليش ماقلتيلي من اول
ام محمد: رايحين ناكل سمك
لمى: تبغيني انا لمى البنت الكول اروح اكل سمك معاكم يلا مع نفسكم
ام محمد:وليش انشالله ماتجي
لمى: سوري مام بس المحل مو من مستوايا
ام محمد:وايش المحل الي من مستواكي يلا اقول قومي بلا دلع وبعدين رهف بنت خالتك جايا
لمى:اوكي طيب خلاص لاتصرخي بشويش
وخرجت ام محمد وراحت لمى تلبس ولمى يبغالها ساعه عشان تلبس لازم لما تخرج تتشيك وتحط ميك اب يعني انتو عارفين انها ببنت كوووووووول

في بيت ابو عبدالله
ام عبدالله: يلا يابنات ابوكم يستنى في الشارع
هدى: طيب خلاص اهوا نزلنا اكلتينا اعوذ بالله
ام عبدالله: وانتو ماتجو الا بالصراخ وفين اختك دي اتاخرت شافتنا سواقين نستناها
هدى: مدري عنها يلا انا بروح اسكت بابا
ام عبدالله تصرخ:ررررررررهف نستناكي في الشارع
ورهف كانت في غرفتها تدور على طرحتها
وبعد 5 دقايق لقتها
ونزلت جري ولا تصدم في احد وتطيح في الارض
:اسف اتعورتي ومد يدو
رهف: لاماتعورت واقدر اقوم لوحدي
احمد :الا فين اخوكي ليا ساعه استناه
رهف وهيا مستعجله:مدري عنو وراحت جري
واول مادخلت السياره
ابو عبدالله معصب :على بالك اني سواق تحت يدك
رهف: اسفه بس طرحتي ضاعت وجلست ادور عليها
ابو عبدالله: طيب لاتعيديها
وهدى كانت ميته ضحك وجالسه تقهر رهف
في سيارة ابو محمد
لمى : ماما
ام محمد: ها ايش تيغي
لمى:لجين جايا
ام محمد : دقيت عليها وقالت انها جايه حتى اخوكي محمد ومرته جاين
ابو محمد: اقول لمى دقي على خالتك شوفي اذا وصلو
لمى :انشالله دحين بدق على رهف
ومسكت الجوال ودقت على رهف
لمى: الو رهوفا
رهف: هلا بالقاطعه
لمى: قاطعه في عينك وانا امس كنت عندك
رهف: مدري بس دي الكلمه نفسي اقولها من زمان
لمى: وصلتو
رهف: لا بابا يقول اذا وصلتو احجزو مكان ودقو علينا
لمى: اوكي وقفلت
:يقولو انتو ادخاو وااحجزو
ودخلو وقعدو وبعد 10 دقايق وصلو بيت ابو عبدالله
واول مادخلو راحت رهف عند لمى وحضنو بعض كاانهم سنه ماشافو بعض
ام محمد:اقول بس يابنات لاتسوا نفسكم
لمى: انتي ليش تغاري مننا
ام محمد: مانقص الا دي
ام عبدالله: خلي البنات في حالهم دقي على بنتك شوفي فينها
والا تدخل لجين
ام عبدالله: بسم الله عمرك طويل دوبني نتكلم عنك
لجين :ايش تقولو عني
لمى : نقول عسا ماولدت في السياره
لجين: اقول انتي بس اسكتي لاتجيبي سيرت الولاده بطني تعورني
هدى: متى قالتلك الدكتوره انشالله راح تولدي
لجين: انشاالله بعد اسبوعين
رهف: واااو حماس اخيرا راح يصير عندنا بيبي في العايله
لمى : ايوا والله مااقدر استنى اسبوعين تعالوو نولدها دحين
لجين : اصلا مين قال راح اخليكم تمسكو ولدي
لمى: برضو عندك امل انك تجيبي ولد خلاص ارضي بقدرك حتجيبي بنت وزي القمر طالعه عليا
رهف: ايش راح تسميها
لمى: اكيد لمى
لجين: بس انتي ماخده مقلب في نفسك اني ميته عليكي
لمى: يلا بس اسكتي لااقوم اولدك
ام محمد: بس اسكتو تروحو تجيبو للبنت الولاده
والا تدخل عليهم سلوى زوجت محمد
سلوى: السلام عليكم
الكل : وعليكم السلام
لمى: وحشتينا يادبه
سلوى : دبه في عينك حراام عليكي نحفانه بسببك 3 كيلو(سلوى بنت مره طيبه والكل يعتبرها وحده من العايه مره صخبت لمى ورهف وهدى تعتبرهم زي اخواتها )
لجين: فين عبدالله مؤيد طفشني طول الطريق يسال عنو (عبدالله ولد سلوى ومؤيد ولد لجين اصحاب)
وقعدو هرج وضحك لحد الليل
ابو عبدالله : يلا ياام عبدالله
ام عبدالله : يلا يابنات خلاص قومو الرجال يبغو يروحو
رهف: لمى تعالي عندنا نامي
لمى: لا انتي تعالي
هدى: لا ماينفع نحنا اتنين
لمى:اوكي انا جايا معاكم

في الليل في بيت ابوغبدالله بالتحديد في غرفت البنات
كانو مشغلين الاغاني وجالسين يرقصو
وفي الصاله كان عبدالله واحمد راجعين من بره وجالسين في الصاله
احمد: ايش الصوت العالي دا
عبدالله: ولا شي بس اختك عندنا نايمه والبنات عاملين حفله
احمد: قوم نتطلع نقعد معاهم
يلا
وطلعو فوق عند البنات
وجلسو يلعبو
عبدالله :يلا قومو نلعب بلوت والي يخسر نحكم عليه موافقين
الكل : موافقين
هدى: طيب استنى لاتبدا بروح اجيب ليز والعصيرات لمى تعالي معايا
لمى: اوكي
وراحو المطبخ
وعبدالله كان يعد الورق مو فاضي
كان احمد طول الوقت يطالع في رهف
ورهف عينها على الارض
رهف(صدق قليل الادب قدام اخويا ويطالع فيا كدا على بالو اني من البنات الي يكلمهم ):هي انتا بس حتموت من الانسجام
عبدالله: لازم اتاكد انو الا وراق كامله
وجو لمى وهدى وجلسو يلعبو
واول واحد فاز احمد ورهف خسرت
جا الحكم على رهف واحمد الي احكم
هدى: خليها تدو ر البيت 5 مرات
لمى: خليها تشرب مويه وعليها كتشب
عبدالله: والله انكم تخوفو بعدين لما يجي دوركم انتو احكمو
رهف: حرام عليك انا وحده طيبه
احمد : طيب يلا ابغاكي اممممممممم
اممممممممممممم
اممممممممم وجلس 5 دقايق
الكل: يلا
احمد : طيب افكر
خلاص ابغاكي تعزمينا بكره الصباح على الغدا
رهف: كلكم وعلى فين انشالله
الكل: جافا
هدى: عندي فيلم مره خطير يلا نروح نتفرجوا
لمى: ايش افلم
هدى: ذا رينق the ring
الكل:يلا
وقعدو يتفرجو وطول الوقت احمد يطالع في رهف
رهف: يلا انا بطلع انام
لمى: استني الفلم يخلص
رهف :لا شفتو
وطلعت فوق غرفتها وراحت على طول انسدحت عل السرير
وجلست تفكر في احمد(والله مره اتغير وسار مره حلو يالله من انا صغيره وانا احبو وهوا ولا حاس فيابس هوا ليش يطالع فيا يمكن نذاله ويحب يقهرني اه يااحمد لو تعرف حبي ليك ياريتك بس تحس فيا)وجلست تفكر لحد مانامت
ولمى وهدى واحمد وعبدالله نامو في الصاله وهما يتفرجو الفلم

في بيت ابو عمر
مهند :امي انا رايح اليوم مع الشباب لاتقعدي تطفشيني راح اتاخر
ام عمر:فين رايح ومتى جاي ولازم ادق عليك اتطمن
مهند:ياامي نحنا خلاص كبرنا على التحقيق وانا راجع الساعه 3 الليل (مهند كان ولدصايع ومعلروف كل يوم يخرج مع بنات )
ام عمر:ايش اسوي احبك مستعده ارمي قلبي في البحر عشانك
مهند:بس ياامي بلا كلام الافلام يلا انا رايح تبغي شي
ام عمر :انتبه على نفسك
وهوا خارج دخلت اختو منار
منار: مهند خارج
مهند: ايوا يلا اشوف وقت تاني
منار:مع السلامه
مهند: في امان الله وطلع
ام عمر: منور فين بنتك
منار:مع الشغاله في السطوح تلعب مع عيال عمر
ودخلت عليهم منى زوجة عمر(بنت طيبه بس انها شويا منفتحه للحياه )
راحت سلمت على ام عمر
منى:هلا خالتي كيفك
ام عمر: تمام وانتي كيفك

في بيت ابو عمر
مهند :امي انا رايح اليوم مع الشباب لاتقعدي تطفشيني راح اتاخر
ام عمر:فين رايح ومتى جاي ولازم ادق عليك اتطمن
مهند:ياامي نحنا خلاص كبرنا على التحقيق وانا راجع الساعه 3 الليل (مهند كان ولدصايع ومعلروف كل يوم يخرج مع بنات )
ام عمر:ايش اسوي احبك مستعده ارمي قلبي في البحر عشانك
مهند:بس ياامي بلا كلام الافلام يلا انا رايح تبغي شي
ام عمر :انتبه على نفسك
وهوا خارج دخلت اختو منار
منار: مهند خارج
مهند: ايوا يلا اشوف وقت تاني
منار:مع السلامه
مهند: في امان الله وطلع
ام عمر: منور فين بنتك
منار:مع الشغاله في السطوح تلعب مع عيال عمر
ودخلت عليهم منى زوجة عمر(بنت طيبه بس انها شويا منفتحه للحياه )
راحت سلمت على ام عمر
منى:هلا خالتي كيفك
ام عمر: الحمدلله وانتي كيفك
منى : الحمدلله منار كيفك
منار: الحمدلله اقلك اولادك بهدلو بنتي
منى:هادا وانا من البيت مفهمتهم انهم مايقربو منها
ام عمر: انتي وبنتك الي عاملتلها قرنين بصراحه تجذب الصغار
منار:ايش اسوي هياالتسريحه الوحيده الي تقعد في شعرها
منى: ماشالله عليها بنتك كاانها ولد والله مره مافيها نعومه
منار: بكره تكبر وتضاربي عليها تبغي تزوجيها واحد من اولادك
ام عمر: منى ماتفكري تجيبي اخت لي اولادك
منى:لا مره ماافكر خلي منار تجيب
منار :لا وحده بنت ومتعبتني
ام عمر:حتى انتو تدلعو
وجلسوا يتكلمو عن العيال لحد الليل
وهيا جالسا في غرفتها الي تدل على شخصيتها شموع وريحتها فراوله ودبب على السرير وحوض سمك على الطاوله وجالسا تسمع اغنية وليد سماره فاتت سنه
فاتت سنه وكمان سنه بتضيع سنين من عمرنا
يعني الي كان بينا كلام وعملنا ايه
صعبان عليا نعيش كدا...........
...........
وجلست تفكر في حبها القديم كانت لمى تحب واحد بس طلع انو يحب بنت خالتو
كان يعتبرها صديقه وهيا تعتبروا حبيب وجلست تبكي وقررت انها تشيلو من راسها
دقت على صحبتها ساره
لمى: الو
ساره:هلا والله
لمى : وحشتيني
ساره: وانتي اكتر فينك ماسرنا نشوفك
لمى : وانا داقه عليكي عشان نخرج
ساره: اوكي انا اقل للشباب والبنات نطلع
لمى :اوكي خلاص نروح اي كافي
ساره: لا نروح روبي
لمى : اوكي
(لمى ورهف كانو بنات صايعين مره كانو عاملين قروب مكون من بنات واولاد وكل اسبوع يخرجوا مع بعض)
دقت لمى على رهف
لمى:الو
رهف:هلا
لمى :ترى اليوم بنخرج
رهف: الشله كلها في
لمى :يب بمر عليكي بعد العشا
ايش راح يسير في الكافي

راح مهند مع اصحابو يتمشو
وراحو شارع التحليه طول الوقت معاكسات وبنات

بعد العشا لمى اخدت شور وراحت لبست ونشفت شعرها وحطت ميك اب خفيف
طالع شكلها مره رووووووووووعه
وراحت مرت على رهف
وراحو سنسز
ودخلو وشافو الشله كلها متجمعه وراحو قعدو معاهم
لمى ورهف:هلا شباب بنات
الكل:هاااي
واحد من الاولاد الي في الشله كان معجب بالمى:ايش الجمال دا كلو ترى والله مانقدر على كدا
لمى كانت مبسوطه من الكلاام الي تسمعو(طبعا كل بنت تحب انو احد يمدحها :وهادي نقطة ضعف البنات)
لمى:يلا نلعب لعبه
ساره:ايش نلعب
لمى: حكم يلا هاتو علبة الشطه ندورها والي يجي عليه الغطا هوا الي يحكم
ودورو علبة الشطه وجا الحكم على فيصل(واحد من الاولاد)
ولمى الي تحكم
لمى: يلا احكم عليك انك تشرب ميرندا وحطت عليها شطه وملح
فيصل مو راضي يشرب
والكل:يلا اشرب يلا يلا(قلبو المكان بصوتهم الكل سار يتفرج)
فيصل كل مايقرب الكاسه يبعدها
لمى:يلا بس اشرب بلا دلع
وشرب فيصل وكلهم سارو يصفقو ويصرخو
ودوروالقاروره وجا الحكم على لمى وفيصل الي يحكم
فيصل: بلا دلع ها تقوليها ليا يلا خدي اشربي ودوقي
ولمى مقهوره اخدت الكاسه وشربت بسرعه
وجلسو لحد اليل وهما يلعبو
رجعت لمى الببت غيرت ملابسها ونامت على السرير تفكر (انا كل الي بسويه غلط في غلط الله يهديني )ونامت
رجع مهند في الليل ودخل غرفتو ونام
ولا يدف جوالو لقى وحده من البنات الي يعرفهم تدق اعطاها بيزي ورجع كمل نومو
بعد مارجعت رهف البيت سارت تفكر في احمد وحست نفسها خاينه وفي بالها(كيف اخونو وهوا اصلا مايحبني) وشالت احمد من بالها
وفي اليوم التاني لمى كانت جالسا في النت قاعدعلى المسن وكانت مع الشله حقها
كان اسمها في النت lama
lama:
مو لازم تتاكد اني بنت
mooody:
طيب بس افتحي الكام ابغا اشوفك
lama:
يلا مع نفسك
moody:
طيب افتحي المايك ابغا اسمع صوتك
lama :اوكي
وفتحت المايك وجلست تغني كان صوتها حلو مره والولد انبهر بصوتها وجلس يبغا رقمها بس هيا مااعطتو وجه
(كانت لمى ماتحب تقرب م ولد في كتير اولاد يعجبوها بس ماحاولتتقرب منهم واذا هماقربو هيا بتبعد خايفه من الحب كانت دايمن تتريق غلى البنات الي يحبو)
.................................
مهند كان في الجامعه (كان يدرس طب )
مهند:اف ياخي شكلي راح احول هندسه
فهد :يلا بقيلنا سنتين ونفتك
مهند:اقول يلا بس خلينا نروح نتغدا برا
فهد :الشباب كلهم راحو يتغدوا في ابل بيز ايش رايك نروح نتغدا معاهم
مهند:يلا خلاص نهاية الدوام نروح بسيارتي
.........................
ابو محمد كان يشتغل مع ابو عمر
ابو محمد:خلاص انهلكنا شغل
ابو عمر:اي والله الشغل كلو فوق راسنا المرضى مو راضين يخلصو
ابو محمد :تصدق اليوم جاتني مريضه عندها مرض غريب اطراف يدها تتفتفت
ابو عمر:تلاقي دا اعوذبالله عين من قلة التحصين
ابو محمد :الا اقول ولدك مهند متى بيتخرج
ابو عمر:باقي له سنتين
ابو محمد :مااشالله خليه يشتغل في العياده ويديرها
ابو عمر:اي والله وانا بعد اشوف كدا مو زينا عندنا عيادات ونشتغل في مستشفى حكومي
ابو محمد :يلا انا بروح خلص البريك عندي مرضى كتير
ابو عمر:يلا
................
لمى كانت في المدرسه وفي وسط الحصه
رهف رمت رساله للمى مكتوب فيها (خير ايش فيكي نمتي )
وارسلت لها لمى(في احد في دا الفصل مانام من كلام دي الابله الي مايخلص مو كاانها تشرح درس الاسبوع الي فات)
رهف رسلت(اصلا كل كلامها معاد ومن متى وهيا تقول كلام جديد)
وشافتهم الابله وهما يتبادلو الرسايل بس ما همها الابله ورجعت تكمل الدرس<<<<<ماتسكت
......................
ام محمد تكلم ام عبدالله
ام محمد : مدري اذا بتوافق ولا لا صراحه الولد ماينرد جمال واخلاق ومتعلم
ام عبدالله : وبنتك ليش ترفض تزوجو
ام محمد:مدري كل مااقلها في عريس جاي تقول لسا انا صغير

خلص اليوم الدراسي على خير
رهف:اليوم الاربعاء ايش رايك نروح نتغدا برا
لمى:اليوم احمد جاي ياخدني من المدرسه تعالي معايا نخرج معاه
رهف من يوم ماسمعت سيرة احمد وجهها اتغير :لا ماابغا خلاص
لمى:ايش فيكي ترى اخويا ماياكل
رهف: لا بس نظراتو ماتريحني
لمى تضحك:خلاص انا بقلو لا يطالع فيكي
رهف:لا خلاص ماابغا يوه والسواق كمان دا اتااخر
وبعد ساعه جا اسم لمى
لمى: رهف قومي تعالي معايا شكلو سواقك ماراح يجي
رهف: لا ماابغا
لمى: شوفي المدرسه سارت فاضيه
طالعت رهف ومالقت غير بنتين :خلاص بروح معاكم
وطلعو ولقو احمد يستناهم لمى ركبت قدام ورهف ركبت ورا احمد
احمد كان شكلو يجنن كان لا بس جينز لو ويست وتشيرت باربري مره طلع خطيرررررررررر
احمد طول الوقت يطالع رهف في المرايا ويبتسم
رهف جالسا تطالع فيه وسرحانه(وااااااااو شكلو خطير اليوم شكلي راح اروح فيها انشالله اليوم يعدي على خير اه يااحمد لو تعرف حبي ليك بس حس فيا )
واحمد كان يطالع رهف ويفكر (ياربي البنت دي فيها شي يسحرني ليش احس معاها بشعور مااحس فيه مع اي بنت شكلي راح اتعذب معاها )
وبعد صمت لمى اخيرا اتكلمت :احمد نبغا نروح نتغدا برا اليوم
احمد: فين تبغو تروحو
لمى: مدري اي مكان نشوف رهف
احمد :اي مكان تبغا تروحو رهف انشالله لو في المريخ
رهف وكان نفسها تقتل لمى:لا شكرن بس ابغا ارجع البيت
احمد ماهمو كلامها وراح وداهم تشليز
....................
مهند كان مع صاحبو فهد ومع الشباب
مهند :تعرف ايش نفسي فيه
فهد:ايش
مهند: نفسي احب وحده من قلبي واستقر معاها ماابغا غير بنت وحده تهتم فيا وتسال عني وتخاف عليا
فهد:ولقيت البنت دي
مهند: لا بس انا حاس اني راح القاها قريب
فهد: وايش الي خلاك تحس
مهند: امس حلمت اني قاعد اكتب شعر واسمع اغاني حب واقول والله اني احبك
فهد يضحك:ومن دي التي تحبها
مهند: تتضحك انتا ووجهك الشغله مو عليك على الي يفتحلك قلبو
فهد: طيب خلاص بلا كلام رومنسي
...................
اول مادخلو تشيلز قعدوا في طاوله
وطلبو
وطول الوقت احمد ولمى يتكلمو ورهف ساكته
احمد : رهف ليش ساكته
رهف ايش السؤال الاهبل دا اكيد منكسفه منك :لا مافي شي
وشافت لمى صحبتها صافي وفكرت انها تروح تقعدمعاها وتسيب اخوها ورهف مع بعض
لمى: انا بروح الحمام
رهف: وانا بجي معاكي
احمد: انتي ايش فيكي تهربي مني يلا مافي روحه الا لما تجي لمى
رهف ماقدرت تتكلم
راحت لمى الحمام وهيا خارج قعدت مع صحبتها صافي
واحمد ورهف كانو جالسين ساكتين وبعدها احمد تكلم
احمد: ممكن سؤال
رهف : اسال
احمد:انتي تحبي
رهف استغربت من سؤال احمد وماعرفت ترد وفي بالها ّ(كل الي اخرج معاهم حق لعب وصياعه وماقدرت احب احد لا انك انتا قلبي وعقلي وكل شي)
احمد:اسف على سؤالي شكلو زعلك
رهف:لا بس اتغربت يعني مين راح احب
احمد:يمكن واحد اعجبتي فيه وحبيته
رهف : مو كاانو لمى قاعدا هناك
احمد: الا هي
رهف:ماشالله قاعد مع صحبتها وسايبتنا
احمد: وانتي ايش فيكي ماتبغا تقعدي معاي
رهف انكسفت من نفسها وجلسو وهيا احمد يتكلمو وبدات تاخد عليه
.................
لمى كانت قاعدامع صحبتها صافي
صافي: والله احبو مني عارفه ايش اسوي
لمى تضحك: دايمن انصحك اقلك لاتحبي
صافي: مو بيدي خلينا نشوف لما تحبي
لمى: لا انا ماراح احب انتي ماسمعتي انو الحب عذااااااااب
صافي: لو شفتي الشخص المناسب راح تحبيه من غير ماتحسي الحب مانقدر نتحكم فيه راح نشوف وتقولي صافي قالت
لمى : نشوف
بعدها دق احمد على لمى
احمد: يلا اقول تراكي طولتي يلا ابغا اروح انام
لمى: طيب جايه بس لا تصرخ
راحت لمى ووصلو رهف بيتها ورجعو البيت
رجعت رهف البيت ونامت على السرير تفكر(اه يااحمد احبك اموت فيك متى بس تحس فيا )
..............................
في بيت ابو عمر رجع مهند البيت
ام عمر : مهند تعال ابيك في موضوع
مهند :هلا
ام عمر: لابس ابوك يقول مره عليه بكره الشغل يبعا يعطيك شي
مهند : انشالله
..............

لمى كانت نايمه وصحيت مفجوعه ودقت على رهف
لمى:الو
رهف:هلا
لمى:رهف حلمت حلم يخوف
رهف: دحين داقه عليا اخر الليالي عشان تقولي على حلمك
لمى: مااقدرت اصبر لبكره
رهف: وايش هوا الحلم
لمى: حلمت ان اهلي زوجوني غصب
رهف: ومبن تزوجتي
لمى: ماادري واحد مااعرف الا اسمو
رهف: وايش اسمو
لمى: نواف تخيلي كان بكره زواجي وانا جالسا ابكي خايفه
رهف: طيب الحلم مايخوف
لمى:الا مرعب والله حسيت بخوف بس الحمدلله انو حلم
رهف:يلا انابنام مو فاضيه حق احلامك يلا بااااي
لمى : باااي
وبعد ماقفلت حاولت ترجع تنام مااقدر ويدق جوالها
لمى بصوت كلو نوم :الو
فراس :هلا هلا مني مصدق اني جالس اكلمك (هادا واحد من الاولاد الي تعرفهم لمى )
لمى :لاصدق
لمى:ايش فيكي ماتردي علي
فراس : طول الوقت نايمه
لمى: ايه وانتا ايش عليك
فراس: طيب خلاص كلو ولا زعلك ياقمر وحشااااني موووووت
لمى:وانتا اكتر كدا كم يوم ماتكلمي(طبعا لمى ماكانت تحب فراس بس كانت تتسلى عليه)
فراس:انا ادق بس انتي نايمه
لمى: ماكنت بصحى من نومي
فراس:ليش ماوحشتك
لمى:لا لي انك كنت معايا في الحلم
فراس يصرخ ويصفر: وووااااااا منجد تحلمي فيا مااصدق
لمى :لا صدق
فراس : وايش حلمك
لمى: انا وانتا في شهر العسل
فراس: واااااي انتي اليوم ناويه علي
لمى: حبيبي خلاص اثقل شوي
فراس: عيدي الكلمه الي قلتيها
لمى:اثقل
فراس: لا الي قبلها
لمى:يوه فراس خلاص
فراس : اموت على الي ينكسفو
لمى: طيب انا برجع انام راسي يعورني
فراس:سلامت راسك حياتي فيا ولافيكي
لمى:خلاص ترى مااقدر على الكلام الحلو
فراس : اه ياقلبي والله احبك اموت فيكي اعشقك احبك خلاص مااقدر اعبر اكتر من كدا
لمى: يلا تصبح على خير
فراس: تصبحي على خير حبيبتي اتغطي كويس
لمى: انشالله تاملر على شي
فراس : سلامتك
ورجعت لمى نامت
.....................

فهد: هاه خلاص كلمتها
فراس:ايه تصدق البنت دي مدري ليه دخلت قلبي
فهد: لايكون تحبها
فراس:لا انا مو حق حب بس خلينا نشوف اخرتها مع البنت دي
.....................
راجت تصلي الفجر وتستعد عشان المدرسه
راسها يعورها من كتر التفكير تفكر في احمد الي تحبو وهو مو حاس فيها
ويدق باب غرفتها
رهف:مين
هدى:انا يلا امي تقول انزلي فطور
رهف :انشالله
وهيا نازله تحت سمعت اخوها يكلم جوال
عبدالله :خلاص حبيبتي اسف والله ماكان قصدي
سمعت كلام اختها ونزلت تضحك (العالم كلو بيحب)
هدى:ايش فيكي انتي اتجننتي ايش فيكي تضحكي
رهف: فرحانه ومبسوطه حرام
هدى: لامو حرام يلا بس تعالي افطري
وجلسو يفطروا الا هيا قاعدا سرحانه
ام عبدالله: رهوف حبيبتي ايش فيكي ماتاكلي
رهف:لا ولا شي بس مالي نفس
ام عبدالله: فيك شي حبيبتي قومي اوديكي الطبيب شوفي وجهك اصفر
رهف: لابس مع التعب والمزاكره
ام عبداللهّ: الله يوفقك يابنتي
........................
صحيت الصباح وافتكرت الحلم الي حلمتو وفي بالها(لا مستحيل اهلي يزوجوني خصبن عني )
ونزلت عشان تفطر
ام محمد:صباح الورد
لجين : انتي فلينك كم يوم مانشوفك(لجين كانت في الشهور الاخيره فقاعده في بيت اهلها )
لمى: من المزاكره والاختبارات
لجين وام احمد:الله يوفقك
لمى: لجين حاسا بشي
لجين:لا
لمى: مدري شكلك متغير
ام محمد:ايه يابنتي شكلو الولاده راح تجيك اليوم
لجين :لا بس اسكتو لاتخوفوني
لمى:الي يسمعك يقول اول مره تولدي
لجين: وهادا الي مخوفني اكتر اني عارفه ايش راح يسير
لمى:الله يسهلك يلا انا بروح المدرسه اتاخرت يدوب اروح احل واجب الاحياء
.......................
فهد:ايش رايك نروح نتغدا برا اليوم
مهند:لا اليوم بمر ابوي المستشفى الا انتا مس فين كنت
فهد: كنت مع فراس
مهند:فراس خوينا القديم
فهد:ايه
مهند:وايش جابو في بالك
فهد:امس دق عليا وخرجت معاه يشيخ دا الولد عليه خويه اسمها لمى دمااار عازمنا يوم الاربعاء مع القروب حقو
مهند: يلا انا بروح المستشفى تلاقي ابوي يستنى
فهد: يلا في امان الله
...............
رجعت لمى البيت بعد التعب كانت متفقه مع رهف انهم يخرجو
رجعت واخدت شور وخرجت نزلت لها لبس
ولبست بنطلون جينز ماسك على جسمها وتشيرت ابيض مرسوم عليه وحوش وحطت ميك اب خفيف بس حطت مسكر وبلاش وقلوس مره طلع شكلها خطيرررررررررر
وهيا خارجا سمعت صوت امها تصرخ راحت تشوف ايش فيه لقت امها تدور عبايت لجين
لمى:ايش فيه ايش الصراخ دا
ا ممحمد: اختك شكلها بتولد بروح اجيب عبايتها دحين زوجها جاي اقول دقي على ابوكي خليه يجينا على المستشفى
لمى جلست تدق على ابوها جوالو مقفل
لمى: جوالو مقفل
ام محمد : خدي السواق وروحي عندو المستشفى
لمى من غير ماتفكر اخدت السواق وراحت عند ابوها المستشفى
...................
وصل مهند المستشفى يدور ابوه مالقاه سال عنو طلع عندو عمليه راح قعد يستناه يخلص ولا يشوف بنت زي القمر ماقدر يشيل عنو منها باين عليها انها تدور شي
وجالسا تسال الناس
وجات سالتو :لو سمحت تعرف فين ممكن الاقي الدكتور عبدالله محمد ال*****
مهند : والله مدري
والا شويا يجي
ابو محمد:لمى انتي ايش جابك هنا
لمى : مدري امي رسلتني جوالك مقفل وبنتك بتولد
ابو محمد : طيب مااستنيتو لحد ماارجع تعلموني
لمى:مدري امي رجتني تقول هيا الي بتولد
ابو محمد:هههههههههه اي امك اعرفها تخاف على بناتها وبعدها لمح واحد قاعد
ابو محمد:مهند هلا كيفك
مهند: هلا عمي
ابو محمد:فينك من زمان
مهند: مشغال الدنيا وجلسو يتكلمو
ولمى كانت سرحانه تطالع فيهم تشوف مهند وشي في قلبها يتحرك(وااو يجنن الولد دا يارب مافي احد في بالو منجد يهبل الحمد لله ابوي يعرفو يعني اقدر اخد معلومات عنه )وهيا تطالع في مهند سرحانه في جمالو كان لابس جينز وتشيرت اسود ماسك عليه ومبنت عضلاتو باين عليه انو يلعب حديد لاانو جسمو رياضي وهيا تطالع سرحانه حست قلبها يدق وبدات تفتكر علاقتها مع الشباب ودمعت عينها وقطع عليها سرحانها
ابو محمد:يلا لمى السواق تحت
لمى:لا السواق راح
ابو محمد:ليش خليتيه يروح دحين مين بيوصلنا
لمى:ليه انت ماعندك سياره
ابو محمد: سيارتي في الورشه يلا خلينا ناخد تاكسي
مهند: تاكسي وانا موجود محد راح يوصلكم غيري
ابو محمد:لا ياولدي مانبغا نكلف عليك
مهند:خلاص انا الي راح اوصلكم ومااعطى فرصه لاابو محمد انو يتكلم
لمى كانت تسمع الكلام ومبسوطه يعني بشوفك اكتر
ونزلو وركبو السياره
ايش راح يسير بين مهند ولمى
راح نعرف في الفصل الجديد

ركب ابو محمد ولمى مع مهند السياره
ابو محمد:ها ياولدي كيف الدراسه معاك
مهند:الحمدلله بس مفكر احول هندسه
ابو محمد:لا تحول ايش خلاص فاضي ليك شوي وتتخرج وتجي تشتغل معانا
مهند: انشالله الله يسمع منك
ابو محمد: يلا شد حيلك ابيك ترفع راس ابوك مو زي اولادي كان نفسي احد فيهم يدرس طب بس انشالله املي كلو فيك يالمى
لمى كانت سرحانه وفي عالم تاني كانت تطالع في مهندكيف دخل قلبها وعقلها جلست تطالع في شكلو شعروا بني ناعم وجسمو معضل ولونو برونزي كاانو واحد من نجو هوليوود
ابو محمد:هاه ايش رايك في كلامي يالمى
لمى اتفشلت كانت سرحانه ومهي داريه عن ايش بيتكلمو:هاه سوري ماكنت معاكم

ابو محمد:نقول ايش رايك لو تدخلين طب
لمى:طب ايش يبغالو بنات دوافير وصعب
مهند:لا مو صعب بس المنهج طويل
ابو محمد:انتي بس ادخلي طب وانا مستعد افك لك عياده خاصه
لمى:خليني اجيب اول نسبه عدله
ابو محمد:خلاص ياولدي اهي المستشفى
مهند:بوقفكم عند الباب
ابو محمد :لا مايحتاج كفايه تعبناك
مهند: تعبكم راحه
ووقفهم عند الباب وخرج ابو محمد ولمى وهيا خارجه طاحت شنطتها وانكبت الاشياء الي فيها وجلست واقفه مهي عارفه ايش تسوي ابوها راح وخلاها والاشياء في الرض
مهند انتبه على لمى انها مهي عارفه ايش تسوي قام واخد العطر الي طاح في الارض
وانكب نصو
مهند:اتفضلي
لمى : شكرن
وقفو الاتنين ساكتين كل واحد يطالع في التاني وقعدو فتره هما يطالعو بعض لمى حست انها زودتها ابتسمت وراحت جري
مهند كان حيموت من ابتسامتها
.........................
رهف كانت قاعدا مع هدى
رهف:خلاص مااقدر استحمل اكتر من كدا
هدى:انهبلتي انتي
رهف:لا بس خلاص مااقدر اخبي الي ف قلبي اكتر من كدا
هدى:ايش بيقول الولد عنك
رهف:انتي ماتفهمي انا بحبووووووووو
هدى:طيب اتستني لما هوا يجي يقلك
رهف:متى متى راح يجي لي سنتين استناه يقولها وجلست تبكي
هدى:خلاص رهوف لاتبكي بكره بيجيكي الي احسن منو
رهف:ماابغا الي احسن منو ابغاه هوا
هدى:خلاص انتي بس امسحي دموعك دحين تجي امي وتشوفك تسويلنا سالفه يلا انا بنزل تحت انزلي لاتطولين
نزلت هدى تقعد مع امها
ام عبدالله:ها يابنتي كيف الشغل
هدى:اه بس لاتفكريني
ام عبدالله: ايش سار بعد
هدى:المديره بس متعبتنا طول الوقت تصرخ
ام عبدالله:بس لاتاخدي في قلبك عليها
ونزلت رهف وراحت باست راس امها وقعدت
ام عبدالله:هاه رهوف ايش اخبار ادراسه
رهف:تمام
هدى :الله يستر من التمام حقك
ام عبدالله:خلاص هانت بقي 3 اسابيع وتخلصو
رهف:اي مني مصدقه انها اخر سنه وافتك
هدى تضحك:لسا ياعمر وراكجامعه وتعب وقرف
ويدق التلفون ردت ام عبدالله:الو
ام محمد:هلا فينكم من اول اتصل ماتردو
ام عبدالله:مدري ايش فيه التلفون ماينسمع الا انتي فينك ايش الضجه الي عندك
ام محمد: انا في المستشفى
ام عبدالله:عسى ماشر
ام محمد:لجين بتولد
ام عبدالله:الله يسهل عليها خلاص ولدت
ام محمد:لا لينا 3 ساعات وهيا في غرفة العمليات
ام عبدالله :اذا ولدت دقي علينا طمنينا
ام محمد :انشالله يلا في امان الله
ام عبدالله :في امان الكريم
وقفلت السماعه
هدى:من هادي يمه
ام عبدالله:هادي خالتك في المستشفى تقول انو لجين بتولد
رهف: وااااااااااااااا حمااااااااااس يابختك يالمو
هدى:بس انتي هي تراكي عورتي اذني
ام عبدالله :سيبيها في حالها
..............................
كان في السياره جالس يفكر في لمى يفكر في جمالها الطفولي يتذكر عيونها الكبار الي فيها لمعه وبراءة حب يكلم صاحبو فهد مسك الجوال لقا عندو 5 اتصالات من ابوه افتكر انو كان حاتط جوالو على السايلنت
دق على ابوه
مهند:الو
ابو مهند:هلا ياولدي فينك مامريتني اليوم المستشفى
مهند:رحت مالقيتك بعدين شفت عمي بو محمد كان محتاج احد يوصلو المستشفى
ابو مهند:مستشفى عسى ماشر
مهند:اظن انو بنتو بتولد
ابو مهند:ايه صح بنتو حامل اقول تعال مرني دحين استناك
.......................
في المستشفى
كانو جالسين يستنو الدكتور يجي يطمنهم
لمى:مامي ايش فيها دي طولت
ام محمد: مدري اهوا الدكتور خارج
وراحو عند الدكتور
ابو محمد:هاه دكتور ايش الاخبار
الدكتور:الحمدلله ولدناها طبيعي
لمى:ايش جابت بنت ولا ولد
الدكتور:بنت قمر زيك (كان الدكتور شاب حلو )
لمى:تسلم
ابو محمد وهو مو طايق الدكتور جالس يتغزل في بنتو قدامو :ها متى نقدر نشوفها
الدكتور :تقدرو تشفوها دحين
لمى:طيب البيبي
الدكتور:بعد كم ساعه راح نجيبها لكم
وراحو عند لجين
دخلو لقوها نايمه ام محمد حطت القهو والشكلاته ورتبت الغرفه
ودقت على ام عبدالله تبشرها

لمى كانت في المستشفى مع اهلهاطفشت من الازعاج دقت عليها رهف
رهف:الو
لمى:هلا
رهف:من اول ادق ايش فيكي ماتردي
لمى:ها ايش تبين
رهف:يوه انتي لسا زعلانه على موضوع فراس
لمى:اجل تدقين على الولد وتقولي اني احبو ولا تتخلى عنها انتي ايش دراك اني احبه
رهف:يوه مو انتي تقولي انو طيب
لمى:قلت طيب مو احبه
رهف:والله ماقلت الا من خوفي عليكي شايفا انك بداتي تنسي نفسك
لمى:لاتخافي علي انا اعرف مصلحت نفسي
رهف:بس انا دقيت عليك عشان اباركليك
لمى:ايه اخيرا لجين ولدت
رهف:سار لينا 10 شهور نستنى
لمى:امدري عنها انسانه غريبه انا الي اعرفوا 9 شهور بس هادي 10 شهور وكانت راح تدخل في 11
رهف:الا ماسميتوها
لمى:لا لسا لجين نايمه بس انا في اسم في بالي
رهف:وايش الاسم
لمى:ماراح اقلك
رهف:بليز لاتسموها استنو نجي الليل
لمى:والله انا تعبت بروح البيت وبرجع الليل
رهف:اوكي سي يو ان ذا نايت
لمى :باااي
راحت لمى عند امها
لمى :مامي يابعد قلبي
ام محمد:ها ويش تبين
لمى:من الصبح وانا هنا خلاص تعبت تقولي انا الي بولد
ام محمد:بس لايكثر كلامك دحين ادق على احمد ياخدك بعدين الليل تعالي وخليه يجيبك
لمى:انشالله
ام محمد:ولاتنسي تقولي للشغالات يسو ثلاجات قهوه وجيبها معاكي وجيبي معاكي ملابس لي اختك
لمى:انشاله تامرين شي تاني
ام محمد:سلامتك
.....................................
في بين ابو عبدالله
ام عبدالله: يلا يابنات اتاخرنا
هدى:طيب خلاص نزلنا
رهف: انتو وين رايحين ومخلوني لوحدي
هدى:رايحين نشتري هديه حق البيبي الجديد
رهف شهقت بقوه
ام عبدالله:ايش فيكي
رهف:رايحين من غير ماتقلولي يمكن بروح معاكم
ام عبدالله:يلا روحي البسي بسرعه ولا نروح عليكي
رهف:دقيقه لاتروحون علي
....................................
مهند رجع البيت لقا امو واختو قاعدين
ام عمر:هلا بالغالي فينك يمه ماسرت تقعد معانا مو كانو عايش معانا
منار:اصلا هو ماخد البيت فندق
مهند:وانتي ماعندك بيت طول الوقت عندنا
منار:انتا احمد ربك اني جايا ازورك على الاقل اعطي البيت شويا من نوري
مهند:تزورينا 3 مرات بالاسبوع مو كل يوم اذا زوجك طلقك لاتلومينه
منار:باسم الله عليا
ام عمر:بس ياعيال مهند ليش واقف تعال اقعد
مهند:لا يمه بروح انام كم يوم مانمت
ام عمر:نوم العوافي
راح مهند غرفتو
فصخ التشيرت ورمى نفسوا على السرير وجلس يفكر ..يالله دي البنت عليها سحر مو طبيعي وتزكر ابتسامتها واخد يمسح وجهو بيدوا شم ريحتها تزكر انز العطر انكب على يده جلس يشم يده
راح دق على فهد
مهند:الو
فهد:هلا
مهند:اه يافهد شفتها
فهد:من هي
مهند:البنت ال اتمناها
فهد:كيف وفين ومن هي وايش سار
مهند:مدري يافهد شفتها واخدت قلبي وعقلي وراحت
فهد:طيب انت ماخدت رقمها ماعرفت اسمها
مهند:هي بنت صاحب ابوي شفتها اليوم باصدفه في المستشفى ووصلتها اهي وابوها
فهد:طيب انت كلمتها
مهند:لا بس ابوها صحاب ابوي من زماان
فهد:اذا كدا ابعد عنها عشان ابوها
مهند:مااقدر البنت دخلت عقلي بروح اخد معلومات من ابوي
فهد:بتخرج الليل
مهند:لا انا بنام
فهد:باااي
منهد:بااااي
..........................
لمى واقفه تستنى احمد دق جوالها
لمى:الو
احمد:يلا نزلي استناك تحت
لمى :اوكي دحين نازله
نزلت وراحت مع احمد البيت
..........
في السوق
ام عبدالله:بس يابنات رجولي عورتني خلينا نقعد
هدى:ايه خلينا نتطلع فوق المطاعم بموت من الجوع
رهف:لا بس خلينا نشتري داك الفستان
ام عبدالله:خلاص بس اخدتي السوق كلو
رهف:ايش اسوي مااقدر اقاوم طالعي كيف الفستان يزنن
هدى:ايه صدق يلاخلينا نروح نشتريه
راحوا وشروه
هدى:يلا خلاص نروح ناكل
رهف:بس انتي همك بطنك
هدى:حرام عليكي لي 10 ساعات مااكلت
رهف :بعد حاسبتها
هدى:وانتي ايش عليك اكل ولا مااكل
رهف:لا بس مااحب الناس يجرحوكي يقولون هي دبه واختها نحيفه كاانها عارضة ازياء
هدى:هههههههههههههههه من هي عارضة الازياء
رهف:طبعا انا
ام عبدالله:بس يابنات خلاص
رهف:اندري عن بنتك تغار مني
هدى:انا بروح اكل قبل مااحد يسمع صوت بطني واتفشل
...............................ز
وصلت لمى البيت وراحت جري على غرفتها
دخلت الحمام جلست تطالع في المراياّ(يالله يارب شكلي ماكان كدا )
وراحت اخدت شور وراحت على طول قعدت على السرير تفكر في مهند وفتحت المسجل على اغنية اصاله بين اديك

بين ايديك انا بنسى روحي بين ايديك
صعب اعيش في الدنيا دي الا بيك
بين ايديك انا بنسى روحي بسن ايديك
صعب اعيش في الدنياديا الا بيك
كل يوم بيفوت علياحبي ليك بيزيد شويا
كل يوم بيفوت عليا حبي ليك بيزيد شويا
جلست تفكر بمهند اتمنت انها معاه في دي اللحظه مرت عليها صوره وهيا معاه في الكوشه(ياربي انا ايش جالسا افكر مره وحده زوجتو تلاقيه هو حتى مايفكر فيني) قطع عليها تفكيرها صوت الجوال
لمى:الو
فراس:هلا باحياتي وقلبي وعيوني ودنيتي كلها
لمى:هلا حبيبي
فراس : وحشتيني موووت
لمى:وانتا اكتر طول الوقت وانا افكر فيك احاول اشيلك من راسي مااقدر اكيد عامل في سحر
فراس:انتي الي عامله في سحر اليوم من غير ماادري ناديت اختي مرتين لمى امي بدات تشك تقولي من لمى دي وايش حكايتك مع الاسم دا اتوهقت ماعرفت ارد عليها
لمى:جلست ساكت مارديت عليها
فراس:لا قلتلها اخت صاحبي الصغيره طول الوقت قاعده معانا
لمى:وصدقت
فراس: اكيد بتصدق بس تعالي والله وحشتيني ابغااشوفك ابغا اكحل عيني فيكي
لمى:الاسبوع دا مااقدر


فراس :ليش
لمى:اختي ولدت واكيد بيجي ناس وماما ماراح تخليني اخرج
فراس:يالله الله يعينني اسبوع كمان
لمى:خلاص حبيبي اثقل شوي
فراس:اثقل على كل البنات الا عليكي يالمى انا احبك احبك نفسي اروح اصرخ وادور جده كلها واقول للناس اني احبك
لمى:يوه منك يلا انا تعبانه بروح انام
فراس:سلامتك ياقلبي ماتشوفي شر
لمى:بااااي
فراس:مافي احبك ولا بوسه ولا شي
لمى سوت نفسها مكسوفه :يوه خلاص ترى اقفل في وجهك
فراس:اموت انا على الي يستحي
لمى:شكلك ماراح تخليني انام
فراس: لو علي اجي اسرقك ونعيش انا وانتي لوحدنا في عالم فاضي مافي الا نحنا
لمى:اموت انا على الرومنسبه
فراس:لسا ماشفتي شي انشالله حياتنا كلها تكون رومنسيه
لمى:شوف لو جا المغرب وماخليتني انام راح ادعي عليك ليل ونها
فراس:تصريفه حلوه يلا بس روح انخمدي انتي مو حق حب
لمى:فراس زعلت
فراس:لا يلا روحي نامي ماابغا ازعجك
لمى:والله حبيبي ماكنت اقصد
فراس:خلاص مازعلت
لمى: اوكي بحبك راح توحشني موت
فراس كان مبسوط اان لمى قالتلو احبك ماكانت تقولها كتير بس حب يسوي نفسو زعلان وهو بيموت م الفرحه:طيب يلا اتغطي كويس
لمى:مافي بحبك ولا راح توحشيني
فراس ماقدر يستحمل: بحبك ومااقدر على فراقك ومااقدر ازعل عليك انتي قلبي وعيوني وحياتي
لمى:اه ماتعرف كيف كلامك ريجني يلا دحيم بروح انام وانا مرتاحه
فراس:باااي حياتي
لمى :بااااي
قفلت لمى وهي في بالهاّّّّّ(اه يافراس لو تدري ان الكلام دا مو من قلبي ياريت اقدر احبك او احب غيرك لي مني قادره احب احد ) وجلست تفكر لحد مانامت
....................................
بعد ماقفل فراس :اه احبك يامى اموت فيكي
اسامه صاحب فراس ولمى:هي انت اتجننت ايش فيك تكلم نفسك
فراس:اه يااسوم البنت دي احبها بدرجه مو طبيعيه
اسامه:من حقك صراحه البنت دي من اول ماشفتها كنت راح ادوخ من جمالها
طالع في فراس لقاها يطل نظرات غضب
فراس:كمل ليش سكت مانقص الا تقول احبها
اسامه:ايش فيك عصبت ياولد الحلال
فراس:من اليوم حاول انك ماتتكلم عنها كتير
.............

رجعو رهف وهدى وام عبدالله من السوق
هدى:اه يارجولي جاني كساح وتكسح
رهف:يوه منك بالله اسكتي لحد يسمعك صدق انك عجوزه
هدى:افول بس سكتي
ام عبدالله:لا اله الاالله انتو ماتطفشو
:مايطفشو في ايش يمه
رهف وهدى:بسم الله الرحمن الرحيم
عبدالله:ايش فيكم كاانكم شايفين جني
رهف:صدق انك ملقوف تدخل نفسك عرض
ام عبدالله:بس يابنات سيبو اخوكم في حالو
هدى:اصلا انا طالعا انام وراحت
عبدالله:يمه اقول جيبو عصير احمد قاعد في الصالون
رهف من اول ماسمعت اسم احمد اتقلب وجهها كم لون وبدا الحزن يبان عليها :وانا كمان بطلع غرفتي ارتاح
ام عبدالله:اقول بس روحي حطي العصير في كاسه وخليه يوديه للولد
رهف ماتبغا تبين ان في حاجه:من عيوني ياحلى ام بالدنيا
ام عبدالله:انتي زايد حالك اليوم يلا انا طالعا وطلعت
عبدالله:انا بروح عند الولد واذا خلصتي ناديني عشان اخد العصير
راحت رهف المطبخ فصغت عبايتها مسكينه دوبها راجعا وكانت لابسا بنطلون جينز لو ويست وتشيرت ولادي شوي اسود وفيلو عضم وجزمه (الله يكرمكم)سودا <<<<<<يعني لبس سوق
في الصالون(المجلس)
احمد:ماعندكم بيرا
عبدالله:الا عندنا روح المطبخ خد قبل مارهف تسوي العصير
احمد من يوم ماسمع اسم رهف راح زي البرق
وقف عند باب المطبخ يتاملها جلس يطالع في جمالها كان شكلها طفولي وهيا جالسا تسوي العصير
رهف كانت تسوي العصير وجالسا تغني ومنسجمه مع الاغنيه :حاسس بخوف عمال بيبعد قلبي عنك معرفش ليه مابقيتش حاسس حاجه منك
وسمعت صوت من وراها :وكتير بكون انسان غريب وانا قوه حضنك
رهف مع الخوف طيحت الكاسه وانكسرت وجات تبغا تشيلها دخلت قزازه في يدها ونزل دم احمد لما شاف الموقف على طول راح عندها ومسك يدها
احمد وهو ياخد منديل ويمسح الدم:عسى ماتعورتي
رهف:لا بس جرح بسيط
احمد:استني خليني اخرج القزازه
رهف:مايحتاج انا اخرجها
بس احمد مااعطاها فرصه وبدا يخرج القزازه حست بالم لاكن ماقدرت تصرخ
احمد وماسك القزازه وكلها دم:خلاص خرجت اخيرا وطالع في عيونها وابتسم ابتسامه خطيرررررررره ماقدرت رهف تستحمل وجلست تطالع في ابتسامتو وابتسمت وسحبت يدها وراحت صاروخ على فوق
احمد جلس مو مستوعب الي صار (شكلك يااحمد راح تتعذب مع دي البنت اه يارهف لو بس تحسي فيني)
رهف طلعت على غرفتها جلست تفكر بااحمد وبحبها ليه فرحت لاانها حست اليوم انو ممكن يمون بينهم شي
.................................
كانت نايمه بتعب ومهي داريه عن الدنيا الا يدق جوالها
لمى بصوت كلو نوم:الو
ام محمد:انتي برضك نايمه
لمى:بليز مامي تعبانه ابغا انام
ام محمد:قومي بسرعه البسي الناس جو ومافي قهوه روحي خديها من الشغالات دحين احمد جاي ياخدك
لمى:انشالله دحين بقوم اروح البس تامرين على شي تاني
ام محمد:ّسلامتك
قفلت لمى وراحت اخدت شور ولما خرجت فتحت الدولاب وجلست تفكر ايش تلبس جا في بالها مهند فقررت انها تتشيك يمكن تشوفو صدفه
ولبست برمودا جينز عليه بلوزا طويله عريان سودا مبينه لون جسمها حلو كانت اليبلوزا ساده بس مديلها حلو مخسر لبست عليها اكسسوارات وحطت ميك اب ناعم طالع شكلها مره خطير
شوي دق جوالها
لمى:الو
فراس:صباح الخير ياعمري
لمى:اي صباح الخير ودحين بياذن العشاء
فراس:هاذا بتوقيتك انتي بصراحه حياتك غير منظمه
لمى:استناك تنظمها
فراس:اه يالمى بس لو اتزوجك ماراح اخليكي تحتاجي شي
لمى:فراس مااقدر اكلمك اخوي احمد يدق خليني ارد عليه
فراس:اوكي حياتي بس لاتحرمينا من صوتك
لمى:انشالله وردت على احمد
احمد:ايش فيكي ماتردي
لمى :كنت في الحمام
احمد:يلا انزلي انا تحت ولو اتااخرتي 5 دقايق راح اروح عليكي وشوفي من يوصلك
لمى خافت انو يروح عليها تعرف اخوها كم مره يسويها فيها راحت تجري وركبت السياره
.........................
في المستشفى
لجين :ايش فيها لمى تااخرت
ام محمد:مدري عنها ااتاخرت والا يدخل احد
:هاااااااااااااااااي قايز
ام محمد:حسبي الله عليكي من بنت
لمى:خير ايش سار
ام محمد:ماتعرفي الادب الناس اول يدقوا البا ب بالله لود دخلتي غرفه غلط
لمى:بس انا مادخلت غرفه غلط
احمد:اقول لجين ماجابو البيبي نبغا نشوفوا
لجين:انا ماشفتو يقولو الساعه 10 بيجبونها
ام محمد:ايش الاكياس الي شايلها
احمد:هادا الله يسلمك مقاضي بنتك العفيفه نشبه دورتني في السوق ولا مخليتني اشيل اشياءها بعد اهانه قويه
لمى:نشبه في عينك انشالله
ويدق باب الغرفه لمى راحت تفتح فتحت لقت رهف وهدى على طول راحت حضنتهم
:ايش فيكم اتاخرتو
رهف:ها عسى ماجبتو البيبي وسميتوها علينا
لمى:لا نستناكم
وراحو كلهم عند لجين
ام عبدالله:ها يابنتي كيف الولاده انشالله كانت سهله
لجين :الحمدلله
هدى:الا لجين ولدك فينو من زمان ماشفتو
ام محمد:كان هنا الصبح طفشنا طول الوقت ينطنط و يدخل غرف ناس يسلم عليهم
لمى:ياربي عليه
وتدخل عليهم زوجت محمد:السلام عليكم
الكل:وعليكم السلام دخلت وجلست تتكلم معاهم
رهف واحمد طول الوقت يطالعو في بعض ومره الاتنين طالعو في نفس الوقت وجات ينهم على عين بعض وضحكو
هدى:بدال نحنا كلنا هنا خلينا نتفق على اسم
لمى:الاسم عندي ومافيلو مناقشه
الكل اتحمس:ايش
لمى:اسمي بس زودو عليه حرفين
رهف: لمااااااااااار
لمى:شاطره
ام محمد:والله اسم مره نعوم
لمى:وكفايه انو يشبه اسمي
لجين:خلاص نسميها لمار اول مره يالمى تجيبي شي صح
لمى:حرام عليكي طول عمري وانا صح ودق الباب
لجين:مين بقى ماجا
اجمد راح يفتح الباب كانت الممرضا تجيب البيبي كلهم راحو هجموا عليها وجلسو يتضاربو
لمى شالت لمار في حضنها والضحكه شاقه وجهها
رهف:لمى عطيني ياها شوي بليز
هدى:انا اكبر وحده فيكم بس هاتوها لا تطيحوها
لمى:ولا احد انا لي 9 شهور استنى
ام محمد:بشويش على البنت
احمد:اقول بس هاتيها محد راح يشيلها غيري واخدها من لمىوناظر في البنت وابتسم وباسها:يلا انا رايح تامرون شي
لمى:هي استنى بتاخد البنت معاك هاتها
احمد:ايه صح وراح اعطاها رهف وابتسم لها رهف انحرجت موووووووووت الكل لاحظ انو في شي واكتر واحده حست انو في شي لمى بس ماحبت تكلم رهف تستناها هي تجي تكلمها
....................

بعد مرور يومين رجعت لجين البت وواول ماوصلت لمى تستناها عند الباب
لمى:اهلا وسهلا مانور البيت الا بطلتك
لجين:واوا كل دا عشاني
لمى:طبعا لا عشان لموره الحلوه
لجين:طيب ان ماوريتك ماراح اخليكي تمسكيها
لمى:حرام عليكي تبغي تحرميني منها وانا اكتر وحده فرحانه تبي تخربي سعادتي
ام محمدّ:يلا بس بلا افلام خلي اختك طلع ترتاح
لمى:مامي انا بطلع مع صحباتي دحين
ام محمد:دوبك تتكلمي
لمى:مني رايحه مكان بعيد رايحا ستار بكس الي عند البيت
ام محمد:طيب نص ساعه وتعالي
لمى على طول طارت واخدت السواق وراحت
طلعت لجين الغرفه الي مجهزينها لها واول مادخلت اتفاجئت من الغرفه كانت فيها شموع وريحتها فراوله ومزينه وكتوب لوحه فيها الحمد لله على السلامه ولقت هديه راحت لقت فيها كرت فتحوتو لقت مكتوبّ(الحمدلله على سلامتك يااختي وعلى فكره انا مقسمه الاوقات 12 ساعه لمار ليا في الصباح و12 ساعه في الليل ليكي وانشالله يعجبك الزينه الي في الغرفة مع تحيات اختك التي لاغننا عنها لمو) قريت الرساله وجلست تضحك على هبل ختها
...........................
في بيت ابو عبدالله
رهف وهيا تطالع الدولاب:يوه مني عارفه ايش البس
هدى:اي حاجه ولا اقول لازم تتكشخي يمكن نشوف بالصدفه حبيب القلب
رهف:يادمك خليكي ساكته احسن
هدى:يارهف انا اختك لازم تفضفضيلي
رهف:افضفض في ايه
هدى:في شي سار بينك وبين احمد
رهف:لا ويلا اطلعي برا ابغا البس
هدى:اصلا خارجا مايحتاج تطرديني
وراحت هدى بعدها اخدت الجوال ودق على لمى
رهف:هلا
لمى:اهلين قلبو
لمى:في السياره
رهف:ياخاينه فين رايحا لوحدك
لمى:انتي في كل مكان تبغي تجي معايا
رهف:ايش اسوي احبك ويلا عن الكلام الزايد وقوليلي فين رايحا
لمى:ستار بكس
رهف:لوحدك
لمى:لا
رهف:اجل مين معاكي
لمى:رايحا اشوف فراس طفشني لحد ماخلاني اخرج
رهف:وااااااو اشوف بداتي تحبيه
لمى:مدري ويلا بقفل
رهف:كلامي معاكي بعدين باي
لمى:باااي
راحت رهف ترجع تفكر ايش تلبس واختارت لها تنوره جينز قصير وفيها بنت مره كيوت التنوره وعليها بلوزه بينك رباطات من ورى مره كان لبسها فاضح وشعرها سابتو على طبيعتو وحطت كحل ومسكر اسود ولبست عدسات رمادي وحطت بلاش وقلوس بينك مره طلعت خطيره <<<<<<<<<<طبعا الشياكه دي كلها لي احمد
...........................
في بيت ابو عمر
ابو عمر:اقول نوره(ام عمر)
نوره:هلا
ام عمر:مهند متغير دي اليومين فيه حاجه
نوره:علمي علمك
ابو عمر:مدري ايش فيه طول الوقت سرحان
نوره:لا تشيل في خاطرك اذا في شي بيقولك
والا على دخلت مهند
مهند:السلام عليكم
ابو عمر ونوره:وعليكم السلام
نوره:تعالي حبيبي اجلس جنبي
ابو عمر:مين حبيبيك
نوره:مهند من غيروا
ابو عمر :دحين انا زوجك عمري ماقلتيلي حبيبي
نوره:لاانك ماتقولي حبيبتي
ابو عمر:خلاص حياتي من اليوم ماراح انديك الا حبيبتي وعمري وقلبي
نوره وجهها حمر
مهند:مانقدر على الي ينكسفوا
نوره:خلاص انتو ايش فيكم اليوم علي
ابو عمر :نوره باركتي لي امحمد
نوره:خير ايش سار بنتها لمى انخطبت
مهند من يوم ماسمع اسم لمى على طول صلح جلستو عشان يسمع مزبوط ومن يوم ماسمع انخطبت وجههو اتغير حس بالدنيا ضاقت عليه وكان يبغا يقوم بس حب يعرف مين خطبها
ابو عمر:لا بنتها لجين ولدت
مهند من يوم ماسمع ابوه حس بفرح كان بيقوم يبوس ابوه من الفرح الله يرجيك ياابوي زي ماريحتني
نوره:مبروك عليهم تصدق من زمان ماشفتهاحتى بنتها لمى من زمان ماشفتها على مكان عمرها 10 سنين بس سمعت الحريم يتكلمون عنها وعن جمالها
مهند كان يسمع كلام امو وفي قلبوا(حلوا وبس يمه الا تجنن قليله في حقها ):يلا انا بروح ارتاح
نوره:اصحيك على الغدا
مهندكان يفكر بلمى :لا مالي نفس
.............................
في ستار بكس
لمى اول ما وصلت دخلت الحمام تتضبط وحطت ميك اب وفكت شعرها جلست تزبطو ورشت نص قارورة العطر كان شكلها خطير ملفت ودق جوالها
لمى:هلا حياتي
فراس:هلا بقلبي
لمى:فينك
فراس:برا ادور عليك
لمى:طيب انا في الحمام دحين جايا
فراس:طيب لاتطولي
خرجت لمى من الحمام لقتو يستناها ابتسمت له (فراس شاب طيب وحلو ملامحو هادئه وباين عليه اطيبه عمروا 22 سنه يموت في لمى كان يحب وحده بس سافرت عشان شغل ابوها لحد دحين يحب حبيبتو القديمه)
فراس اول ماشاف لمى اوقف انبهر بجمالها وجااذبيتها وبنعومتها جلس يطالع فيها
لمى مدت يدها تسلم :هلا حياتي اتااخرت عليك
فراس وهوا ماسك يد لمى مو راضي يسبها:موت وقعد ماسك يدها
لمى:فراس ماودك تسيب يدي
فراس:ها ايش يدك وساب يدها
فراس:حرام عليكي ماتبغي تشوفيني
لمى:مين قال اني ماابغا اشوفك بس انتا عارف اختي ولدت ومشغولين
فراس:بس الله يصربني المفروض لو انتي تحبيني مافي شي في الدنيا يشغلك عني
لمى:الود ود اشوفك كل يوم بس اخاف تطفش مني
فراس بنظره كلها حب:وانا اقدر انا يالمو نفسي اسرقك واعيش انا وانتي في عالم لوحدنا مانتفارق
لمى:لا ايش دعوه طول الوقت لاصقين في بعض
فراس:لو الصق فيكي العمر كلو مااطفش منك ومسك يدها وباسها في يدها
لمى تبتسم:مين سمحلك تبوس يدي
فراس:انا سمحت لنفسي خلاص حياتي لاتخلي بيننا حواجز انا احبك واموت فيكي يا اااااا (كان راح يغلط ويقول مها حبيبتو الاولى)
لمى: يا ايش
فراس:ياعمري وحياتي وقلبي وكل شي
لمى:ترى مااقدر على الكلام انكسف
فراس:اموت انا على الي ينكسفوا وقام وجلس جنبها واخد يدها وحطوا عند فقلب
و :حسي بداقات قلبي وباسها في خدها
لمى:فراس خلاص
فراس يحاول يلمح للمى انها تركب معاه السياره :ماشفتي سيارتي الجديد
لمى:اشوفها وانا خارجا
فراس:ماتبغي ناخد دوره
لمى:فراس ابغا اقلك شي
فراس:اسف اذا زعلتك
لمى:شوف انا بحبك واموت فيك لاكن بليز لاتجبرني اسوي شي مني مقتنعا فيه حاول تتفهم موقفي لاتحاول ترمي نفسك كتير عليا انا راح اقرب منك شويا شويا
فراس:والله لو انا مااحبك ماكان طلبت منك الشي دا بس براحتك
لمى:يلا انا اتااخرت بيجونا ضيوف
فراس:بدري حياتي
لمى:عندنا ضيوف
فراس كان يبغا يبوس لمى بس ماقدر من الاكلام الي قالتو لمى لاحظت راحت لي عندوا وجلست جنبو ومسكت يدو:راح توحشني حياتي مدري كيف راح اصبر اسبوع مااشوفك وباستو في خدوا
فراس كان مستغرب من لمى اول مره تقرب منو جلس يطالعها بنظرات كلها حب وجلست تطالع فيه بنظرات غامضه مو قادر يفهم دي الانسانه حتى لمى مو قادره تفهم نفسها
لمى:ايش فيك وانا ماراح اوحشك
فراس:انا مااقدر كيف راح اقدر اعيش من غيرك يالمى انتي الوحيد5 الي في الدنيا الي مصبرتني على الحياة
لمى:يلا ماما بدق باي حياتي
فراس:باي قلبو
لمى راحت الحمام رفعت شعرها وحطت الطرحه وهيا خارجا دخلت السياره جاها فراس:لمو استني
لمى:خير ايش في
فراس:نسيت اعطيكي شي واعطاها كيس
لمى:ماكان له داعي
فراس:الا له داعي تستاهلي اكتر حياتي
لمى:اعتطو بوسه وراحت
في السياره
داني (السواق):مدام مين هادا ولد ترى انا في قول بابا انتا كل يوم روح مع ولد
لمى:والله لو ماسكت وانتا ايش لي امك اخرج مع ولد انا م مع ولد تسكت فاهم
داني:طيب
.................................................. .
في بيت ابو محمد كانو جالسين في غرفت لجين كانت كبيره جناج
كان فيها لجين وام محمد وسلوى زوجت محمد
سلوى:خالتي لمى فينها ماشفتها اليوم
ام محمد :راحت تشتري شي ودحين راجعا
لجين:وانتي بنتك بس تبغا تطلع ماتقدر تقعد في البيت
ام محمد:مراهقه وانتي لما كنتي في سنها كنت اخس منها
ودخلت عليهم لمى كانت لابسه جينز وبلوزه حمرا وفيها كتابه بالكرستال الفضي وحاطا قلوس احمر مطلعها جذابه
سلوى:ايش الجمال دا كلو ترى مانقدر
لمى:انتي هنا ايش جابك
سلوى:اعتبرها طرده
لمى:لا بس انتي قلتي جايا الساعه 10
سلوى:غيرت راي
لمى:محد جا
ام محمد:مافي احد ماجا
ويدق جرس البيت
لجين:هادي اكيد خالتي
لمى:واو رهف جات وراحت جري على الباب تحظم رهف
ام عبدالله:امك فينها
لمى:فوق تعالو ادخلو
طلعو فوق عند لجين بعد ماسلمو على بعض
هدى:يوه لجين انا داقا عليكي قلتليك لا تنوميها
لجين:البيبي في دا الوقت طول الوفت نايم
رهف:طيب صحيها
ام عبدالله:بس يابنات خلي البنت تصحى من حالها
هدى:ياربي عليها حمرا
لمى:انتبهي على راسها لسا لين
هدى:اقول تعالي علميني احسن
لمى:لابس هادا جزائي اعطيكي نصائح وعلى فكره ساره وروان جاين
(ساره صحبت رهف ولمى وروان من هما في الابتدائي ساره كانت نعومه وحلوه جسمها حلو وشعرها ناعم طويل اسود وعيونها جذابه وروان كانت سمرا وعيونها عسلي طويله ونحيفه كاانها عارضة اذياء كانو ساره وروان من العيل كل اسبوع يباتو عند بعض)
ام محمد:البيت بيتهم
ويدخلو عليهم روان وساره
ساره:من هما الي البيت بيتهم
لمى:وانتي ايش دخلك سلمي باالاول
روان:مدري ايش فيها اليوم قليلة ادب
ام محمد:فاكرين نوره زوجت صاحب زوجي
ام عبدالله:الي عندها مهند وعمر
ام محمد:ايوا عليكي نور
لمى افتكرت مهند وانو ولد صاحب ابوها على طول انقلب وجهها
ام عبدالله:ايش فيها
ام محمد::جايا عندنا اليوم
ام عبدالله:من زمان عنها
..................................
في بيت ابو عمر
ام عمر يلا يامهند
مهند:طيب جاي
ام عمر:يلا اتااخرت على الناس
مهند:يوه مامي احس مالو داعي اجي معاكي
ام عمر:لازم تجي تبارك للرجال
مهند:يلا بس خلينا نروح
...................................
في بيت ابو محمد
ام محمد:لجين طلعي مؤيد بره راح يعور راس اختو (مهند كان ينطنط في الغرفه ويجي عند راس اختو يبغا يضربها طبعا حركات الغيره)
رهف:هادا مدري ايشبو اليوم
هدى:مره ماينطاق
لمى:حرام عليكم مؤيد تعال حبيبي نروح الحوش
مؤيد:هييي يلا نروح نلعب كوره
وراحت لمى مع مؤيد
ايش راح يسير بين لمى ومهند؟؟؟؟؟؟؟
ولمى وفراس؟؟؟؟
ورهف واحمد.؟؟؟؟؟

في الحوش كانت لمى جالسا تلعب مع مؤيد كوره سمعت جرس اباب يدق والشغاله تدخل ناس مااهتمن وكملت لعب
فتحت الشغاله الباب ودخلت ام عمر ومهند
ام عمر:فين ماما ومستر
الشغاله سوارتي :ماما فوق اتفضلي انتا اتفضل في صالون دحين مستر يجي
طلعت ام عمر عند الحريم ومند دخل الصالون (المجلس)
نرجع لي مؤيد ولمى في الحوش
مؤيد:خاله لمو خلينا ندخل جوا نغني
لمى:اوكي يلا
دخلو في الصاله الي في الدور الاول كان فيها بيانو كبير كان هديه للمى ابوها جابو لها في عيد ميلادها ومدرس كوسيقى
جلست وجلس جنبها مؤيد جلس يلعب في البيانو
مهند كان في الصالون جالس سمع صوت راح يشوف كان واقف مصدوم من الي يشوفوا شايف لمى ومعها ولد قلبو وقف
مؤيد:خاله لمو غنيلي
لمى:من عيوني حبيبي ايش تبغاني اغنيلك
مؤيد:اي شي
لمى: اممممممممممم طيب بغني
وجلست تعزف وبدات تنغني

حبيتو بيني وبين نفسي وماقلتلوه على الي في نفسي معرفش أي بيحصلي
لما بشوف عنيه مابقتيش عارفه اقولو ايه مااعرفش ليه خبيت عليه
بضعف اوي وانا جنبو وبسلم عليه
كل حب الدنيا ديا في قلبي ليه
دنتا اغلى الناس عليا روحي فيه
كل حب الدنيا ديا في فلبي ليه
دنتا اغلى الناس عليا روحي فيك
دنت لو قدام عنيا اشتقت ليه
على بالي ولا انتا داري بالي قرالي
واليالي سنين طويله سبتهالي
ياانشغالي بكل كلمه قلتهالي
على بالي ولا انتا داري بالي قرالي والليالي
سنين طويله سبتهالي ياانشغالي بكل كلمه قلتهالي
وقطع عليها غنائها كانت تفكر فه وشافتو قدامها كان واقف يتفرج عليها قعدوا يطالعو في بعض
كان واقف يتفرج عليها وعلى غنائها كان صوتها كلو رقه ونعومه وحنان زاد حبها في قلبو لما شاف حنيتها مع مؤيد
وهيا من بعد ماشافتو ماعرفت ايش تسوي مهي مصدقه انو قدامها وقفت مع الخوف مو عارفه ايش تسوي
لمى :مؤيد حبيبي خلينا نطلع فوق
مؤيد:لا ابغا اقعد هنا فوق كل شويا يصرخو علي
لمى:محد راح يصرخ عليك
وطلعت بسرعه وطالعت على مهند لقتو واقف يطالع فيها ابتسمت وطلعت جري عند الحريم
دخلت لمى وكاانو احد يجري وراها
ام محمد:ايش فيكي كاانو احد مخوفك
لمى:ها لا ولاشي
وراحت قعدت
ام محمد:ايش فيك ماسلمتي على خالتك نوره
لمى:اسفه خالتي ماشفتك
نوره:لا عادي
وراحت لمى تسلم عليها
نوره:ماشالله يالمى كبرتي وسرتي عروسه ماشالله اخر مره شفتك وانتي ضغيره بس ماشالله عليك من يوم حلوه
لمى ماتعرف ترد على الكلام دا:عيونك الحلوه
ام عبدالله:الا يانوره ليش ماجبتي منار
نوره:والله كانت تبغى تجي معانا بس زوجها جا من السفر
ام عبدالله:خساره من زمان ماشفتها
نوره:وهي كمان نفسها تشوفك
ام محمد:انشالله في مناسبه تانيه
نوره:ها كيف يالجين
لجين :الحمدلله
نوره:كيف الولاده انشالله كانت سهله
لجين:الحمدلله بس ولادت مؤيد كانت اسهل
ام محمد:انا في ولادة لجين مره كانت صعبه
ام عبدالله:ايوا فاكره طولتي وانتي بتولدي
ام محمد:لجين مانزلت من راسها نزلت من قعرها عشان كدا الولاد ه كانت صعبه
وجلسو يتكلمو عن الولاده
ساره تهمس للمى الي بالها مو معاها:الي ماخد عقلك يتهنابو
لمى:محد ماخد عقلي
روان :اقول قومي خلونا نروح نقعد في غرفتك احسن
رهف:ايوا طفشونا بالولاده والله حسيت بالم في بطني كااني انا الي بولد
لمى :يلا قومو
وراحو غرفت لمى
.......................................
كان قاعد في الصالون ّ(المجلس) سرحان في الي شافوا وجالس يكلم نفسو هادي البنت كل مااحاول انساها تطلع في بالي ياربي عليها صوتها حلو وهيا حلوه كيف راح اجيب راسك يالمى وقطع عليه تفكيروا
ابو محمد:هلا بي ولد الغالي وانا اقول البيت منور
مهند:منور بوجدك
ابو محمد:اتفضل ايش تشرب
مهند:سلامتك بس حبيت اجي ابارك بدال الوالد تعرف مشغول بالعياده
ابو محمد:الله يعينه يلا انشالله انت بتتخرج وبتساعد ابوك وتشيل عنو الحمل
مهند:انشالله
.......................................
في عالم تاني عالم كلو ضحك وهبل وعدم تحمل مسؤليت احد عالم الشباب الي مافيه الا بنات وسيارات وفشخره
في الكباين (الشاليه ) كانو الشباب ماخدين فيلا وجالسين ضحك وفله
عبدالله:يلا شباب خلينا نخرج نشوف الناس
حسن واحد من الشباب:يلا من زمان ماشفت بنات خلينا نروح نرقم
عبدالله :خرجت الصباح وشفت بنات صواريخ
حسن:خاصة البنت البرونزاج خطيرررررره
احمد:وانتو ماعندكم غير بنات في بنات
عبدالله:وانت لاتسير واحد عجوز لاتكون تحب
احب وبس الا اموت في اختك:يوه وانتا تفكيرك على طول كدا
حسن:يلا خلينا نخرج
راحو السقاله وشافو طاوله وكراسي كانو مجموعه كبيره من الاولاد وكل واحد احلى من التاني ومعاهم جيتار وطبله جلسو يغنو قلبو الكباين كلها
.................................................. ...........
نرجع لغرفة لمى البنات كانو جالسين
رهف:يالدبا يالله اعترفي ايش سويتي مع فراس
روان :متى شفتي فراس
لمى:اليوم
ساره:من غير ماتقولي بس يلا قولي ايش سويتو
لمى:اه من فراس وماادراكم مافراس طلع شي تاني
رهف وهيا متحمسه :ايش سار
لمى:طلع واحد رومنسي وطيب وحنون وقلبو كبير بس
روان:بس ايش
لمى:مو قادره احبو
روان :ليش مو قادره تحبيه انشالله
لمى:مدري والله حاولت بس مااقدر
رهف:لمى حبيبي لاتضيعي الولد من يدك وصراحه ماراح تلاقي احسن منو
ساره:خلاص لاتصيري دلوعه
ودق جوال روان
روان :الو
فهد حبيب روان:هلا بحياتي
روان:هلا حبيبي
فهد:فينك
روان:عند لمو
فهد:ماشالله لحد دحين مارجعتي
روان:لا بقعد عندها للفجرفهد:لا دحين ترجعي مااحب حبيبتي ترجع بيتها الفجر
روان:فد اله خليك مني رايحه مكان
فهد:لا خلاص ارجعي البيت
روان :خلاص راح انام عندها
فهد:خلاص انا قلت لا يلا راح ادق عليكي بعد ساعه اذا مالفيتك في البيت يويلك
روان:خلاص طيب دحين برجع
فهد:ايوا خليكي كدا تمام
روان:باي
قفلت :يلا بنات انا رايحا
لمى:بدري
روان:لا بس فهد مطفشني ارجعي ارجعي
لمى:تستاهلي انتي اعطيتي وجهه
روان :ايش اسوي احبو
لمى:بس لاتخليه يتحكم عليك
ساره:استنى انا بروح معاكي
لمى:وانتي ايش وراك
ساره:عندنا عزومه عند بيت جدي
روان وساره وقفوا يلبسو عبايتهم
لمى:نبغا نخرج يوم مره طفشت
روان:خلاص بيننا تليفون
رهف:يلا لمى حتى انا بروح ماما تصرخ
لمى:يوه كلكم مره وحده
رهف:بكره من صباح الله وانا عندك
لمى :اوكي بااااي
راحو البنات وراحت لمى غيرت ملابسها وراحت انسدحت على السرير
.................................................. .......
في الكباين عند شروق الشمس الاولاد كانو مجهزين ملابس عشان ينطو في البحر
عبدالله:شوف كاتبين خطر ممنوع السباحه
حسن:كل الناس بتنط بس مدري ايشبو البحر معصب
عبدالله:يلا مين بينط اول واحد فينا
احمد:ننط كلنا مع بعض احسن
حسن :يلا
وقفوا كلهم مع بعض كانو 7 اولاد والناس تصفق وتشج ونطو كلهم ورى بعض
احمد لما نط اندق في صخره ونزل دم سار مو قادر يسبح البحر يجروا على جوا حس انو خلاص بيموت محد راح يقدر يساعدوا مو قادر يتنفس مر عليه شريط حياتو
بعدها كلهم طلعوا الا احمد في البدايه محد حس فيه
حسن:عبود فين احمد
عبدالله والخوف باين عليه:مدري
حسن:شوف هناك في دم
عبدالله والاولاد راحو بسرعه لعند الدم
يدورو عليه مالقو عبداللله:انا بغوص ادور عليه
خاص عبدالله يدور عليه لقاه جوت المويه
مغمض عينو والدم بينزل منو راح لعندو وسحبو من يدوا وخرجو
عبدالله:اهو معايا
الكل راح لعندو وخرجوا وحطوه على الرصيف
عبدالله: يلا بسرعه خلينا نوديه المستشفى مايتحرك
وراحو يودوه المستشفى
.................................................. .........
كانت جالسا طفشانه ماتعرف ايش تسوي تقوم وتقعد جلس تفكر بحياتها وجلست تدي ربها:يارب اهديني واغفرلي
راحت للبلكونه وكانت كاانها غرفه تطل على الحديقه والمسبح كان فيها كل ادوات الرسم(لمى كانت تحب الرسم وكل صيف تاخد دوره وابوها كان يشجعها عشان كدا عامل البلوكنه غرفة رسم
جلست تطالع شروق الشمس وترسم وكانت حاطه الام بي ثري على اغنية عمروا دياب خليك معايا وتفتكر مهند
دق تلفونها
لمى:الو
عبدالله والخوف باين عليه:لمى الحقي
لمى:عبود خير ايش فيه
عبدالله:احمد غرق علينا وهو بالمستشفى
لمى وخلاص مو قادره توقف :احمد ايش فيه
عبدالله :سار له ساعه جوا غرفة االعمليات
لمى وهيا تبكي:عمليات ايه
عبدالله:الضربة جات في راسو عشان كدا غرق
لمى:دحين جايا انتو في أي مستشفى
عبدالله:مستشفى ال ******* وخلي ابوك يجي يوقع اوراق
ايش راح يسير لي احمد؟؟؟؟؟؟؟؟؟؟؟؟
وكيف راح تتقبل رهف الخبر
كانت جالسا مهي عارفه<<<<<( ايش تسوي عقلها مو معاها راحت عند غرفة أبوها تدق الباب
لمى وتدق باقوى ماعندها:بابا
قعدت ساعة تدق جاتها لجين:لمو ايش فيكي حتكسري الباب
لمى:بابا وماما مايردوا
لجين تضحك:أيش فيكي نسيتو أنهم في مكة
لمى اتزكرت أنهم راحو عند خالتهم :ايوا صح لجين :ايش فيكي
لمى ماحبت تقول للحين عشان ماتخوفها :لا بس انا رايحا مشوار مره مهم
لجين:مشوار الساعه 7 الصباح
لمى:يلا بروح مره مستعجله لما ارجع اقلك
وراحت لمى قبل ماتعطي لجين فرصه ترد
راحت غرفتها اخدت عبايتها وراحت على المستشفى
..............................
رهف كانت قاعدا مهي عارفه ايش تسوي حاسه بضيقه
هدى:ايش فيكي
رهف:ولاشي بس قلبي يغزني
هدى:من ايش يغزك انشالله
رهف:مدري
هدى:يوه مني عارفه ايش البس اليوم
رهف:خير ايش عندك اليوم
هدى:ايش فيكي اليوم الدي جي حق دينا صحبتي
دق جوال رهف
رهف:الو
لمى وباين عليها الخوف:رهف الحقيني
رهف:ايش فيه
لمى:احمد اخويا
رهف من يوم ماسمعت احمد جلست تبكي:ايش فيه
لمى لما سمعت رهف تبكي جلست تبكي معاها:مدري يارهف احمد غرق وهو في المستشفى
رهف:انتو في اي مستشفى
لمى:انا في الطريق دحين رايحا مستشفى***************
رهف:دحين جايا
هدى شافت رهف تبكي:ايش فيه
رهف ومو قادره تتكلم :احمد بيموت
هدى:انتي ايش جالسا تقولي
رهف:مدري انا لازم اروح المستشفى دحين دقي على محمد (محمد السواق )خليه يجهز السيارة
هدى:انا بروح معاكي
راحت رهف لبست عبايتها وهدى دقت على محمد
رهف:يلا
هدى:استنى اقول لماما
رهف:راحوا مكه يلا خلينا نروح
لمى وباين عليها الخوف:رهف الحقيني
رهف:ايش فيه
......
اول مادخلت المستشفى دقت على لمى:احمد اخويا
رهف من يوم ماسمعت احمد جلست تبكي:ايش فيه
لمى لما سمعت رهف تبكي جلست تبكي معاها:مدري يارهف احمد غرق وهو في المستشفى
رهف:انتو في اي مستشفى
لمى:انا في الطريق دحين رايحا مستشفى***************
رهف:دحين جايا
هدى شافت رهف تبكي:ايش فيه
رهف ومو قادره تتكلم :احمد بيموت
هدى:انتي ايش جالسا تقولي
رهف:مدري انا لازم اروح المستشفى دحين دقي على محمد (محمد السواق )خليه يجهز السيارة
هدى:انا بروح معاكي
راحت رهف لبست عبايتها وهدى دقت على محمد
رهف:يلا
هدى:استنى اقول لماما
رهف:راحوا مكه يلا خلينا نروح
.........................................
عبدالله
لمى:الو
عبدالله والحزن باين عليه :ها لمى وصلتي
لمى :ايوا انتو فينكم
عبدالله :في الطوارئ
لمى :دحين جايا
راحت لمى لعندهم شافت اولاد قاعدين وعبدالله بيينهم راحت جري لعندهم
لمى:ها عبود احمد فين
عبدالله:في غرفة العمليات
لمى قلبها طاح وسارت تبكي:عمليات ايه
عبدلله:راسو أندق في صخره
لمى وهيا تبكي :من متى وهو هنا
عبدالله :ساعتين ونص
لمى:ياقلبي على اخوي ساعتين اكيد في شيوحظنها وباسها في راسها:خلاص لمو عبدالله شاف لمى منهاره حزن عليها ليش البكى دحين انشالله يخرج الدكتور ويقلنا مافيه الا كل خير
لمى:مااقدر اسكت الا لما اشوفوا قدامي مافيه شي
عبدالله :بتشفيه اشالله
مسك يدها وباسها
عبدالله:مو كاانو هادي رهف وهدى
لمى:ايوا انا دقيت عليها
عبدالله:ماكان له داعي تجو كلكم
كبير
جاتهم رهف وباين عليهاانها تبكي بس مسحت دموعها لما شافت عبدالله عشان لايحس:ها احمد ايش فيه
عبدالله:مافي شي انتو بس ادخلو فضحتونا ادخلو عند الحريم واذا سار شي بدق عليكم تطلعوا
هدى اخدت لمى ورهف عند انتظار الحريم
جلسو يبكو ولمى ورهف حاظنين بعض
رهف:لمى اذا احمد فيه شي قولي
لمى:ماادري ايش فيه حاسا اني بفقد اخويا ومني قادره اسوي شي
رهف زاد بكائها:بيموت لا مستحيل يموت ويخليني انا احبه
لمى طالعت رهف وشافتها بتموت من البكى :خلاص رهف حبيبتي انشالله احمد مافيه شي
رهف:دوبك تقولي بيموت لمى لاتكذبي عليا
لمى :مااكدب عليكي
رهف:قومي وماعلينا من عبدالله خلينا نقعد برا حاسا اني لو قعدت هنا بموت
لمى:يلا قومي
وراحو برا هدى كانت قاعدا تفكر واول ماشافتهم طلعوا خرجت وراهم على طول
عبدالله:انتو ايش جابكم الشباب كلهم هنا ماابغاهم يشوفوكم
لمى:ماهمنا شباب رجال حنقعد هنا حنقعد
عبدالله مايقدر يرد على لمى وسكت
بعد مرور نص ساعه خرج الدكتور الكل راح جري للدكتور
عبدالله:ها دكتور طمنا
الدكتور:الولد حالتو ماتسمح نحكم عليها دحين نحنا عملنا له عمليه وهو دحين في غيبوبه
عبدالله:غيبوبه
الدكتور:هادا شي طبعي بعد العمليه يقعد في غيبوبه اسبوع بس اذا طول اكتر من اسبوع الله يستر بس
عبدالله:دكتور لا تخوفنا
الدكتور:انا مااخوفكم بس كل شي راح نعرفوا بعد مايقوم
لمى ورهف ماقدرو يستحملو ا جلسوا يبكوا
عبدالله:يوه انتو بس خلاص رجيتونا
واحد من ااخوان اصحاب احمد وعبد الله :عبدالله وقعت على اوراق العمليه ولا اوقع انا
عبدالله :لا ماوقعت روح انت وقع
خالد:انشاللله
وهو رايح شاف هدى قاعدا لحالها وفي اولاد يضايقوها
خالد راح لهدى لا انو شافها مع عبدالله وكان يعرفها وهيا صغيره (لما كان عمروا 18 سنه كان يحب هدى بس هدى كانت تكرهوا ): انتي ايش مقعدك هنا
هدى:وانتا ايش دخلك
خالد:اسف مو قصدي بس هنا مليان اولاد
هدى:مليان اولاد مليان بنات انتا مالك دخل
وقامت راحت
خالد انقهر منها هادا جزائو انو خايف عليها
(خالد عمروا 25 سنه يشتغل طيار في الخطوط السعوديه ابوه غني حلو مره وسيم وجذاب اسمر وعيونو خضرا جسمو عريض مره الولد خطيرررررررر)>>>>>..عارفه انو بالكم مع احمدو مووقتي اوصف
راحت هدى عند رهف ولمى
هدى تكلم نفسها :يوه وجع من شايف نفسوا عشان يقومني
لمى:مين تكلمي
هدى:اكلم نفسي
لمى :هدى حبيبتي دقي على اهلي انا لو كلمتهم حااقد ابكي وماحسكت اخاف اخوفهم بليز هدى لاتخوفيهم
هدى:انشالله دحين اكلمهم
راحت هدى قعدت في مكان هدوء عشان تكلمهم دقت على ابوها
هدى:الو
ابو عبدالله:هلا هدى حبيبتي
هدى:هلا بابا
ابو عبدالله:كيفكم ناقصكم شي
هدى:لا مو ناقصنا شي بابا عمي وخالتي معاكم
ابو عبدالله:جالسين مع بعض في المطعم وامك طفشتني تبغا تكلم
هدى:طيب ابغا اكلم في موضوع روح مكان بعيد شويا
ابو عبدالله خاف وقام راح مكان بعيد :ها ايش فيه خوفتيني
هدى:بس احمد غرق في البحر
ابو عبدالله:هدى مو وقت مزحك
هدى:والله اتكلم جد
ابو عبدالله:لقيتوه
هدى:نحنا دحين في المستشفى ودوبو خارج من غرفة العمليات
ابو عبدالله:عمليات
هدى:yupطاح على صخره وهوا دحين في غيبوبه
ابو عبدالله :لا حول ولاقوة الا بالله خلاص دحين باقول لي ابوه ونرجع جده
بعد ماقفل ابو عبدالله راح يقول الخبر لاابو محمد
جا قاعد ووجهو متغير
ام عبدالله:ايش فيك حبيبي
ابو عبدالله:الاولاد مكلميني ويقولو انو احمد غرق وودو المستشفى
ام محمد شهقت بصوت عالي :احمد ايش فيه
ابو عبدالله :مافيه الا كل عافيه بس منوم في المستشفى شرب كمية مويا كتير
ام محمد:قوموا مااقدر استنى يلا نرجع
ابو محمد:هدي يابنت الحلال انشالله الولد مافيه الا كل خير
ام محمد:مااقدر ولدي في المستشفى وتبغوني اهدي
ام عبدالله:خلاص بس لاتبكي انشالله مافيه شي
ابو محمد:يلا شيلو الاشياء انا استناكم في السياره
وراحو على جده
................................................
في المستشفى
خالد شاف هدى قاعدا لحالها يوه ايش فيها دي تحب الوحده راح لعندها
خالد كان مره جريئ لو بنت تعجبوا مايسيبها: ممكن اعرف انتي ليش تحبي تقعدي لحالك
هدى مستغربه من وقاحتو :وممكن اعرف انت ليش ملقوف
خالد:/طبع فيا مااقدر اغيروا
هدى:ممكن تبعد من قدام وجهي لااصرخ واجمع الناس عليك
خالد خاف تصرخ حقيقي وراح عند عبدالله
عبدالله:فينك اتاخرت
خالد:كنت اوقع اوراق العمليه
في غرفة انتظار الحريم
لمى ورهف كانو حيموتو من البكي
رهف:لمى الله يخليكي قولي له لا يموت
لمى:رهف حبيبتي خلاص
رهف: مااقدر اعيش من غيره
لمى:دحين مين قال انو بيموت
جات هدى وحظنت اختها وجلست تسكتها
لمى دق جوالها
لمى وصوتها متغير :الو
فراس:هلا حياتي
لمى يالله مره مو وقتك:هلا
فراس:حياتي في شي
لمى ماقدرت تستحمل وجلست تبكي
فراس خاف عليها:لمو حبيبتي ايش فيك
لمى:احمد اخوي بيموت
فراس:لا حول ولاقوة الا بالله انتي بس هدي شوي
لمى:مااقدر اشوف اخوي بيموت ومااسوي شي
فراس:لمى حياتي الله يخيكي لا تبكي مااقدر على دموعك
لمى:فراس ماما جات يلا باي
فراس:باي
لمى اول ماشافت امها راحت حظنتها
ام محمد:اخوك في شي
لمى:احمد بغيبوبه
ام محمد وهي تبكي:ايش فيه ولدي
جات هدى وام عبدالله يهدوها
ابو محمد وابو عبدالله اول ماجو راحو عند الدكتور
.................................................. ............
بعد مرور اسبوع والكل عرف بحكاية احمد
احمد لسا في غيبوبه ورهف كل يوم تروح عنده وتقول له عن حبها
الكل كان مجتمع عند احمد
ام محمد:لمى رهف ماابغا اشوفم هنا انتو وراكم اختبارات لازم تشدو حيلكم خلاص اخر سنه
لمى:الله يعيننا
رهف كانت سرحانه جالسا تطالع في احمد وتدعي انو يقوم بالسلامه
دق عليهم الباب
ام محمد:لمى روحي افتحي الباب
لمى قامت فتحت الباب هلا خالتي اتفضلي
ام عمر:هلا لمى حياتي كيفك
لمى:الحدخلت نوره وجلست مع الحريم
لمى :يلا انا بروح البيت ورايا اختبار
رهف:وانا بجي معاكي
ام محمد:زاكرو كويس لا تفكروا انشالله احمد مافيه الا كل خير
هدى:وانا بروح معاكم اساعدكم اذا منتو عارفين شي
.................................................. .
في عالم تاني كان جالس يسمع اغاني وسرحان في جمالها من يوم ماشافها كل شي اتغير فيه حبها من غير مايعرف
ماسار يفكر غير فيها سارت كل حياتو
فهد: ايش فيك سرحان
مهند:ها
فهد:لا انتا مره مو معاي
مهند:عقلي راح معاها
فهد:مين
مهند:لمى
فهد:نفسي اشوف البنت دي
مهند:مو اكتر مني

فهد:تحبها
مهند:مدري
فهد:كيف ماتدري
مهند:عمري ماكلمتها ولا جلست معاها تقدر تقول معجب فيها ونفسي ادخل حياتها
فهد:اقول انت مامليت تلعب على البنات
مهند:ايش اسوي كل مااشوف بنت تعجبني اكلمها تتطلع وحده تانيه مو زي ماتخيلتها
فهد:انتا حاطط بنت في بالك
مهند:لمى بس لو تطلع زيا لي في بالي راح اسيب كل البنات الي اعرفهم والله لا احبها حب
فهد:يوه منك خلاص شيل البنت دي من بالك عندي لك بنت جناااااااان مره جيده
دق جوال مهند
مهند:هلا
ام عمر: هلا مهند فينك
مهند:في الكافي الي جنب المستشفى
ام عمر :تعال خدني
مهند:انشالله دقايق وانا عندك
ام عمر:يلا استنى
................................

لمى وهدى ورهف خارجين من المستشفى وكل وحده بالها مو معاها
رهف كانت تفكر بااحمد وتفكر بدراستها كيف راح تقدر تزاكر
وهدى كانت تفكر باخالد
لمى كانت في عالم تاني تفكر بحياتها واخوها وجدها (لمى كان عندها جد مريض يتعالج في المانيا كانت تعتبروا زي ابوها وتحبو اكتر من ابوها كان في غيبوبه سنه كانت كل اجازه تسافر عندوا )
وهيا في عالم تاني لفت مالقت رهف ولاهدى وفي ولد كان مطفشها بس يطالع فيها ويضحك وجوالها كان استقبال جلست تكلم نفسها:يوه دولا فين اختفوا ناقصتهم انا مو كفاي هالا انا فيه وبدات تنزل الدموع من عينها ماقدرت تمسكها اكتر
سمعت صوت احد من وراها : السلام عليكم
لفت شافت مهند في وجها جالس يبتسم ماعرفت تبكي من الفشله الي هيا فيها سمعها تكلم نفسها ولا تبتسم انها شافتو
مهند:خير ايش فيكي تبكي
لمى جلست ساكته زادت دموعها
مهند:اسف على سؤالي مو لازم تردي
لمى شافت رهف وهدى على طول راحت تجري لهم
مهند كان واقف يتفرج صدق انها بنت شايفه نفسها وعلى ايه انا كل البنات يتمنو كلمه مني فايق لي امها دحين
دق على امو
مهند:الو
ام عمر:هلا
مهند:يلا انزلي انا تحت وعلى فكره معاي فهد في السياره
راح مهند لفهد الي يستناه في اسياره
دخل مهند السياره
فهد:مهند ممكن سؤال
مهند:اتفضل
فهد:مين هادي البنت الي كنت تكلمها
مهند ابتسم :هادي هيا لمى
فهد قعد مصدوم مو قادر يصدق معقوله مهند يحب لمى مو مصدق انها دي لمى:متاكد انو دي لمى
مهند:ايش فيك
فهد :تعرف انتا مين هادي
مهند:مين يعني
فهد:هادي خوية فراس
مهند قاعد مصدوم :وانتا ايش دراك
فهد:شفتهم مره مع بعض وبعدين دايمن فراس يتكلم عنها
مهند:فهد انت متاكد
فهد:ايو
مهند:خلاص اسكت امي جات ماابغا تحس بشي
........................................
في بيت ابو عبدالله
كانت رهف ولمى جالسين يزاكروا
لمى:رهف فاهمه شي
رهف:لا شكلي بعيد السنه
لمى:لا بيز يلا خلينا نزاكر
رهف:مو قادره عقلي مو معايا
لمى :ممكن سؤال
رهف:اتفضلي
لمى :انتي مين متى تحبي احمد
رهف:صح انو احمد قدامي طول عمري بس عمري ماحسيت فيه كنت اعتبروا زي عبدالله
لمى من يوم ماسمعت عبدالله قلبها سار يد ق كانت تتوقع انو مايهتم بمشاعر احد بس تصرفوا في المستشفى:وايش الي غير مشاعرك
رهف:ماادري لي 4 شهور احبو يمكن لما سمعتو يكلم بنت اتغير في نظري حسيت انو نحنا كبرنا وفي احتمال انو نتزوج
تخيلت انا وياه متزوجين وعندنا اولاد وعيد ميلاد ولدنا وجالسين نلعب كنت سرحانه فيه شويا شفتو قدام عيني يبتسم لي من داك اليوم اتغيرت مشاعري
لمى حست بدموع مهي قادره تمسكها ماكانت تبغى تبكي قدام رهف بس دموعها كانت اقوى منها : سوري رهف بس مني قادره امسكها
رهف راحت حظنت لمى وجلست
دخلت عليهم هدى لقتهم يبكوا :يوه انتو وراكم اختبار يلا زاكروا والي تبكي راح تنضرب
جلست هدى فوق راسهم تجيب لهم عصير وحلويات وقعدت فوق راسهم
لمى كم يوم ماترد عل فراس مالها نفس تكلمو مسكت جوالها لقت 130 مكالمه و10 مسجات مافكتها لاانها عارفه من مين
.................................................. .............
دخل غرفتو معصب ومهو طايق الدنيا كل احلامو معاها ضاعت كل مشاعر حب عندوا اتحولت لكره حس بالخيانه وجرح كبير في صدروا مو عارف يحدد مشاعروا معاها وباين من كلامو معاها اليوم انو انا مو في بالها وانها تحب فراس افتكر موعدوا مع فراس وانو لازم يحاول ياخد معلومات منه
راح لبس عشان يستعد
دق جوالو
مهند:الو
فراس:هلا
مهند:هلا بااابو عبود
فراس:فينك
مهند:في السياره دحين جاي
فراس:استناك
وصل مهند ستار بكس دخل لقا فراس قاعد
راح قعد معاه
فراس:هلا باابو عبود والله لك وحشه
مهند:عارف
فراس:بس ياواثق
مهند:باين من البنات الي مطيحهم
فراس:يوه بالله كم بنت تكلم
مهند:اممم 6 او 8
فراس:صدق انك لعاب
مهند:ماتبغا وحده منهم
فراس:لا الحمدلله انا احب
مهند اتمنى انها ماتطلع لمى :ومين هيا اعرفها
فراس:لا وحده اسمها لمى
مهند حس بقهر :وكيف اتعرفت عليها
فراس:من ال face book وبعدين نقلنا على الايميل وبعدها الجوال
مهند:تحبها
فراس:اموت فيها اعشقها بس اسمع صوتها اتلخبط ومااعرف ايش اسوي ولما اشوفها قلبي يدق دقات مو طبيعيه اخاف يسير فيا شي
مهند:للدي الدرجه تحبها
فراس:واكتر
مهند:الي يسمع كلامك لما مها سافرت ويشوفك دحين بصراح هانا قلت مستحيل تحب بنت
فراس:ماانكر انو مها لسا في قلبي بس مني قادره انساها احس بيني وبين لمى حاجز حاولت اشيلو بس مها في بالي وانا محتاج كلام من لمى ينسيني مها بس كل مااقلها الكلام دا تزعل
مهند خايف يسال السؤال دا وتطلع الاجابه تزيد همومو :هيا تحبك
فراس جلس يفكر بالسؤال عمرو ماسال نفسودا السؤال باين من كلامها انها تحبني بس عمرها مافتحت لي قلبها :ماادري كلامها غيروافعالها غير
مهند:ليش
فراس:في حاجز بيني وبينها واكتر شي يعجبني فيها غرورها بس هو الي مخرب علينا علاقتنا
مهند: تحب وحده مغروره وانتا دايمن تنصحني ابعد عن البنات المغرورين
فراس:ايش اسوي احبها بس غرورها مستحيل تتخلى عنو
مهند اتحمس يقعد مع لمى ويحلل شخصيتها :تصدق نفسي اشوفها
فراس :مو اكتر مني مدري ايش فيها كم يوم ماترد عليا
مهند خاف عليها لانو عارف ضروفها وشافها تبكي:يمكن عندها ضروف
فراس :يمكن تعرف اختبارات
.................................................. ....
.................................................. ....
كان يوم الجمعه واليوم الي بعدوا عندها اختبار مهي عارفه تزاكر ولا تسوي شي الساعه 11 الليل مهي قادره تزاكر جلست تبكي على حبيبها وعلى نفسها رمت الكتاب مهي قادره قررت انها تروح المستشفى تقعد تزاكر عند احمد يمكن
لما تشوفوا تطمن شويا اخدت كتبها ولبست عبايتها ونزلت
راحت الصاله عند امها
رهف:ماما
ام عبدالله:هلا
رهف:بروح عند روان ازاكر في اشياء كتير مني قادره افهما
ام عبدالله:طيب روحي وزاكري كويس
رهف :انشالله
وراحت المستشفى عند احمد

اول مادخلت الغرفه سحبت الكرسي وجلست جنب السرير جلست ومسكت يدوا حست ببروده طالعت فيه وجلست تكلمو وتبكي كان نفسي تعرف اني احبك مو بس احبك الا اموت فيك حرام عليك الي تسوي فيا تعبتني معاك دراستي مو قادره اركز فيها حست بيدو تشد على يدها طالعت فيه بدا يفك عينو وبدا يصحى
احمد والتعب باين عليه:ماابغاكي تعيدي السنه عشاني
رهف قامت حظنتو وباست راسو جلست تبكي
احمد:كل دا حب فيا
رهف:كدا كنت بتروح وتسيبني
احمد:وانا اقدر
رهف والدموع في عينها مهي راضيه توقف
احمد رفع يدوا ومسح دموعها :خلاص حياتي ايش فيكي تبكي يلا زاكري قدامي ماابغاكي ترسبي
رهف مسكت الكتب :انشالله
احمد:اذا في شي ماتعرفيه قوليلي
رهف:طيب مااروح انادي الدكتور
احمد:لا خلاص هوا بكره بيجي دحين ماابغا اشوف غيرك
رهف:دحين ماراح تخليني اعرف ازاكر
احمد:لا خلاص بسكت
ابتسمت له رهف وقعدت تزاكر
احمد كان جالس يطالع فيها ومو مصدق اخيرا الي اتمناه سار رهف تحبه
رهف:يوه ايش فيك تطالع فيا كدا
احمد:اكحل عيني
رهف:لا بليز مااحب احد يطالع فيا كتير
احمد: خلاص بطالع في الممرضه السوريه على الاقل اشوف الجسم العدل
رهف كشرت وقامت بتروح :ايش قصدك انا جسمي مو حلو
جات بتروح لكن احمد مسك يدها وسحبها وجلسها على السرير قام قعد ومسك شعرها يلعب فيه: ايش فيكي سرتي زعوله
رهف ساكته مااتكلمت
احمد باس يدها : خلاص حياتي ترى راسي يعورني لما اتكلم كتير
رهف خافت عليه:اروح انادي الدكتور
احمد:لا انا الالم ماراح يروح الا بشي
رهف:ايش اجبلك مويه
احمد:لا بس اعطيني بوسه
رهف وجها اتغير مليون لون (ياحليلها تنكسف) قامت شالت كتبها وراحت
احمد:على فين
رهف:اتاخرت بروح البيت
احمد:والبوسه
رهف قررت تعطيه عشان تعمي عينو عن الممرضات راحت لعندوا وجلست على السرير ومسكت يدو وقربت منو وباستو في خدوا
احمد كان بيطير من الفرحه مو مصدق
راهف راحت جري وخرجت
احمد قعد طول الليل يفكر فيها
.................................................
ايش راح يسير بين رهف واحمد ؟؟؟
ولمى ومهند ؟
وهدى ممكن تبدا تحس بالحب؟؟

.............................................
الفصل الخامس
طلع صباح يوم جديد الكل شايل هم هادا اليوم واكتر وحده لمى راحت صلت الفجر وهيا في السجود جلست تدعي انو ربنا يوفقها
خلصت صلاة ونزلت الصاله
لمى:.صباح الخير
ام محمد:صباح النور تعالي افطري
لمى:لا مالي نفس
ام محمد:لازم تاكلي عشان تقدري تركزي
لمى:لا انا بروح المدرسه بدري عشان اراجع مع البنات
ام محمد:الله يوفقك وينجحك بنسبه ترفع الراس
لمى:امين يلا انابروح
ام محمد:الله يحفضك يابنتي
راحت لمى المدرسه وكان قلبها يدق خايفه من الاختبار وخايفه على اخوها
............................................
صحيت الصباح وهيا حاسه براحه اول مره تحس فيها ماكانت شايله هم اختبارات كانت مرتحاه انها شافت حبيبها بخير
دخلت عليها هدى:انتي لسا قاعدا في السرير
رهف:لسا بدري
هدى:خالتي دوبها دقت وقالت انو لمى راحت من اول وعلى فكره قلتلها انو احمد صحي من الغيبوبه
رهف:احلفي ايش قلتي لها
هدى:لا تخافي بس قلت انو امس دق علينا يبغا يكلم عبدالله
رهف:طيب يلا انقلعي برا ابغا البس
هدى خرجت من غير ماتتكلم تعرف لسان اختها
نزلت قعدت في الصاله

قعدت تشرب عصير برتقال
شافت رهف خارجا
هدى:رهف ماتبغي تفطري
رهف:لا ماابغا
وراحت خرجت
قعدت طفشانه مهي عارفه ايش تسوي جامعه وخلصتها جلست تشوف حالها لا شغل ولا زوج وعيال اكتر صحباتها متزوجين وعندهم عيال
راحت غرفة الرسم وجلست ترسم وكانت فاتحه المسجل على اغنية تامر حبيبي وانتا بعيد
مشتاق للمسة ايد من غير ولا همسه

غمض ومد ايديك اول ماافكر فيك حتحس بالمسات
حبيبي وانتا بعيد مشتاق للمسة ايد من غير ولاهمسه
غمض ومد ايديك اول ماافكر فيك حتحس بالمسات
بتقول لوحدك اه وبقول لوحدي اه وبتتسمع وحدك
تبكي عنيا عليك تبكي عليا عنيك ايام ودموع واحزان
عارفك وحاسس بيك وبشوف عنيك بعنيك وكاني بين حضنك
وسعت عيوني كتير تبكي عليك من غير حزني ولا حزنك
حبيبي وانتا بعيد مشتاق للمسة ايد
جلست تسمع الاغنيه وجا في بالها خالد افتكرت قبل كم سنه لما جا يكلمها قبل مايسافر
لما كانت جالسا في الصاله ودق على البيت وردت عليه
خالد:هلا
هدى :اهلن
خالد:هلا هدى كيفك
هدى:الحمدلله بخير
خالد:هدى ابغاك في موضوع ممكن اشوفك
هدي:مافي بيننا مواضيع
خالد:بس في شي مهم لازم اكلمك فيه
هدى:خلاص فين تبغا اشوفك
خالد:استناكي في مونتا روزا الكافي الي جنب بيتكم
هدى:نص ساعه وخارجا
ولما راحت الكافي شافتو قاعد متوتر راحت لعندوا
اخدت كرسي وجلست
هدى:خير عسى ماشر
خالد :لا مافي شي
هدى:ايش هو الموضوع
خالد:الموضوع دا كان نفسي اقلك عنو من زمان بس كنت خايف
هدى:خايف من ايش
خالد:من ردت فعلك
هدى:ممكن اعرف الموضوع
خالد:بصراحه انا راح اقصر الموضوع كلو في كلمه هادي الكلمه هيا الوحيده الي تقدر تعبر لك عن شعوري بصراحه هدى انا احبك
هدى قعدت مصدومه مهي عارفه ايش تقول وا ايش تسوي
خالد:والله اني مو بس احبك انا اعشقك
هدى:لو سمحت ياريت تقفل عل دا الموضوع وابعد عني احسلك انتا اخر واحد في الدنيا ممكن افكر فيه
قامت وراحت خالد مالحق يقول كلمه وبعدها خالد سافر وماشفتو الا في المستشفى
جلست تفكر انو لو الزمن انعاد وشافت خالد ممكن تقول نفس الكلام ولا راح يكون ردها غير
جلست تقرا رواية حب واتمنت انها تجرب الحب نفسها تروح لخالد وتقولو انا بعد احبك
.......................................
في المدرسه بعد الاختبار البنات كلهم خرجو وكل وحده جلست تقول للتانيهه عن اختباره
كان شكلها غريب مو طبيعي خارجه من الاختبار ووجها متغير
جاتها رهف وسارا وروان
رهف:لمى ايش فيك وجهك متغير شكلك ماحليتي كويس في الاختبار
لمى ابتسمت ابتسامه غامضه :لا الحمدلله حليت الا انتو ايش سويتو
روان :انا زفت كل الي زاكرتو ماجا في الاختبار في كم سؤال ماحليتو شكلي راح اجيب العيد يويلي من فهد امس يقولي زاكري وانا اقول خلاص مزاكره مايحتاج
سارا:بصراحه الاسئله صعبه
رهف:حسبي الله ونعم الوكيل فيكي ياابله نشميه >>>>>>>(بصراحه هادي ابلة الرياضيات حقي ابغا انزل حري فيها خخخخخخخخخخ)
روان :عساها الموت انشالله ماتبغانا ننجح
سارا:تخيلي نعيد السنه ونستحملها سنه زياده
رهف:يوه مو مصدقه انها اخر سنه وراح نفتك
روان :الله يارب تمر ايام الاختبارات بسرعه ونجيب علامات حلوه
سارا:يارب انا صراحه مني طماعه ابغا اجيب نسبتي بس 90
رهف لا حظت هدوء لمى مو طبيعي: لمى
ماسمعتها لمى:لمى فين راح بالك
لمى:ولا مكان
رهف:ايوا صح ماقلتلك
لمى ببرود:ايش
رهف:احمد ا خوكي صحي من الغيبوبه
لمى والفرح باين عليها:منجد كيف ومتى
رهف قالت لها على الحكايه كلها
لمى:وااااااااااا ياحياتي خلاص صرتي حبيبة اخوي وانشالله زوجتو
رهف:الله يسمع منك
لمى ابتسمت لبنت خالتها واختها وصحبتها :الله يوفقكم انا بعد المدرسه بروح عندوا
رهف:تعالي معانا عبدالله جاي هوا وهدى ياخدوني من المدرسه وبعدها بنروح عند احمد
لمى من يوم ماسمعت عبدالله انقلب وجهها من يوم ماتسمع اسموا كل شي يتغير دقات قلبها تفكر بفراس وحاسه انها ظالمتو معاها وبمهند الي تحس احساس غريب معاه قلبها جلس يدق حست بضيق في قلبها جلست تدعي انو ربها يهديها وتسيب كل علاقاتها
.................................................. ......
نزلت من الطياره جلست تطالع في المطار وتشوف الناس اخدت نفس عميق وابتسمت مهي مصدقه انها رجعت لبلدها جلست تطالع في الناس يالله كم سنه ماشافت احد لابس ثوب خرجت للشارع جري جلست تطالع في بلدها
مها:منجد جده غير
ابو مها:خلاص انشالله ماراح نعيش في غيرها
ام مها:اخيرا جاك النقل ورجعنا عند اهلنا بدال الغربه
مها تزكرت لما كانت عايشه في جده جا على بالها فراس شالتو من بالها:بابا ممكن جوالك ابغا ادق على صحباتي
راحت دقت على بنات خالاتها وصحباتها
.......................
بعد مرور اسبوعين خلصت الاختبارات واحمد رجع من المستشفى
رجعت من المدرسه وهيا مبسوطه خلاص خلصت اختبارات وارتاحت بس خايفه على النتيجه لا انها ماكانت مهتمه بدراستها
راحت عند الدولاب وفتحتو جلست تطالع ملابسها مهي عارفه ايش تلبس اليوم مهم بالنسبه لها لازم تتطلع ملكة جمال
دق جوالها اغنية تامر انتا حياتي
لو عندي اغلى من روحي ...............
رهف:هلا حبيبي
احمد:هلا بقلبي وعيوني
رهف:ليش داق لسا دوبي قافله منك
احمد:.وحشتيني
رهف:وانتا اكتر
احمد:الله يصبرني لليل اه اليوم راح اسويلك مفاجئه
رهف:ايش
احمد:ماراح اقول مفاجئه
رهف:حمودي بليز
احمد كان بيموت من دلعها عليه مايقدر يخبي عليها:لا بعدين ماتسير مفاجئه
رهف:طيب انابروح لبيتكم ونخرج مع بعض
احمد:ليش انا ماامر على بيتكم
رهف:لا ماما تشوفك وراح تشك ايش نسوي انا وانتا لحالنا
احمد :اوكي حياتي
..........................
كانت قاعدا طفشانه مهي عارفه ايش تسوي نفسها تروح عند امها وتقعد تبكي في حضنها مسكت جوالها شافت مسجات من فراس قلبها حن عليه وققررت انها تدق عليه
فراس من اول ماشاف جوالو لقى حياتي تتصل قعد ساكت يطالع الجوال
مهند:ايش فيك رد
فراس:طبعا برد
فراس رد:اهلن قلبي
لمى بكل برود:هلا
فراس:كدا حبيبتي تسيبيني كم اسبوع ماتكلميني خوفتيني عليكي
لمى قلبها عورها على فراس نفسها تسيبو من اول لكن كانت خايفه تجرحوا بس شافت انو هادي الفرصه الوحيده انها تسيبو بس اليوم عندها عذر انها تسيبو من غير ماتجرحوا :فراس ابغا اقلك شي بس اخاف تفهمني غلط
فراس:اتفضلي
لمى:فراس انا عارفا انو انتا قلبك متعلق بغيري
فراس:لمو حياتي انتي الوحيده الي في قلبي
لمى:فراس خلا ص انا عارفتك وفاهمتك انتا مافي في قلبك غير مها
فراس:لمى بليز قفلي على دا الموضوع
لمى:لا ماراح اقفل خلاص اليوم لازم نقطع علاقاتنا
فراس:نقطع علاقتنا
لمى:فراس انا كلمت مها وهيا بتحبك وانتاب تحبها خلاص مافي بينكم حواجز
فراس:انا مستحيل اسيبك
لمى:بليز فر اس افهمني
فراس:انتي الي افهميني انا مستحيل اسيبك
لمى:بليز فكر في كلامك لو اتزوجنا وبعد كم سنه شفت مها باايش راح تحس
فراس جالس ساكت مو عارف ايش يقول
لمى:انا اقلك حتحس بالندم فراس انا ماانفع لك خد رقم مها ودق عليها تستناك ***********
فراس:بس انتي
لمى:انا ماراح يسير فيا شي بالعكس حكون مبسوط هاني جمعت بينكم
فراس:مو عارف ايش اقلك غير انك ملاك
لمى :عارفه
فراس:ههههههههههه واثقه
لمى:مره يلا بس روح دق عليها لاازعل
فراس:خلاص بيننا مسجات
لمى :انشالله
قفل فراس من لمى
كان قاعد مبتسم مو عارف يفرح لي حبو الاول الي رجع ولا حبو التاني الي ضاع مو قادر يحدد مشاعروا
مهند:ايش فيك الضحكه شاقه وجههك
فراس:مها لسا تحبني
مهند انقهر منو مو كفايه عليه لمى:طيب ولمى
فراس:خلاص علاقتنا انتهت
مهند ابتسم اتغيرت مشاعروا للمى سار يشوفها حالها حال أي بنت:الله يوفقكم
فراس:يلا بدق على مها
دق عليها
مها دق جوالها رقم غريب عرفت انو فراس لاانو لمى قالت لها انها حتكلمو قلبها سار يدق بسرعه نزلت دموع من عينها من زمان عنو
مها:الو
فراس مو مصدق انو يسمع صوتها :مها
مها:ها
فراس:وحشتيني
مها :وانتا اكتر
فراس:انشالله مارحت عن بالك
مها :ولا يوم كل يوم افكر فيك واتخيلك معايا
فراس:لما سافرتي روحتي واخدتي قلبي وعقلي معاكي
مها:خلاص انشالله محااسافر بقعد عندك
فراس:احبك موت
مها :وانا اموت فيك
فراس:بصراحه لما سافرتي ماحبيتي احد
مها:لا لي انك في قلبي مو زيك على طول حبيتلك وحده
فراس:انا لمى عمري ماحبيتها بس كنت اقول احبها عشان اقنع نفسي بس والله قلبي مافيه غيرك انتي
مها:نفسي اشوفك كيف فيك شي اتغير
فراس:لا زي ماانا انتي اتغيرتي
مها:ماادري كلهم يقولوا تغيرت
فراس:ابغا اشوفك اليوك
مها:خليها بكره
فراس:مااقدر اتحمل لبكره
مها:يوم ماتقدر تصبر
فراس:خلاص ماسار عندي صبر
مها:اوكي حبيبي اشوف الليل
فراس:خلاص جيلاتو الي في شارع التحليه
قفل منها لقى مسج من لمى(فراس انا بصراحه حبيتك وكانت بيننا ايام حلوه وايام حزن بس شكرن انك اعطيتني قلبك بس دحين انا اعتبرك اخ وصديق واذا محتاج أي مساعده لاتنساني وبليز لاتفتكرني الا بكل خير)
ارسل لها:: (وانا ابغا اشكرك انك كلمتي مها وانا كنت احبك وانشالله ماانساكي وصدقيني اذا ابغا مساعده ماراح اتردد)
.................................
قلبها اعورها انها ضيعت احد كان يهتم فيها شالتو من بالها قفلت المسج ودقت على روان
روان :هلا لمو
لمى:هلا حياتي
روان:وحشتيني
لمى:وانتي اكتر فين رايحا اليوم
روان :رايحا اتعشى مع فهد تعالي معانا
لمى:فين رايحين
روان :جيلاتو الي في التحليه
لمى:اوكي خلاص بجيكم الليل
.......................
في الليل خرجت من الحمام ونشفت شعرها وحطت ميك اب روعه كحلت عينها البنيه وركبت رموش سار شكلها مره خطيررررررر عيونها جذابه وحطت بلاش احمر وقلوس احمر
راحت لبست تشيرت مشجر طويل احمر واصفر ولرتقالي وعليه جينز وصندل (الله يكرمكم)احمر واكسسوارات صفرا
دق بابا الغرفه
رهف:مين
هدى:انا
رهف:دقيقه
راحت فتحت الباب
هدى وقفت تطالع فيها:اوووووووووو ايش الحلاوه دي يااااااي شكلك مره روعه
رهف:عارفه
هدى بنظرات خبث :كل هادا عشان حمود
رهف:اذا مااتكشخت لحبيبي اتكشخ لمين
هدى:يلا ترى احمد دق على البيت قال خلي رهف تتجهز
رهف:يوه لسا ماخلصت
هدى:هادا كلو وماخلصتي ايش بقي كمان
رهف:اللمسات الاخيره
هدى:ماشالله
راحت رهف للدولاب وخرجت عباية الزواجات وعطرتها كانت عبايتها مره ملفته قماشها حرير طبيعي وفيها جزام بالكرستال الاحمر وعليه زيا الربطه الحمرا من التل
لبستها
دق جوالها
احمد:هلا حبيبتي
رهف:هلا حياتي
احمد:اسمعي تعالي على الشموع الحمرا استناكي
رهف:ليش مو قلت حتجي البيت
احمد:لا شفت سيارة عبدالله عند البيت ولو شافنا مع بعض بيسوي تحقيق
رهف:خلاص حياتي نص ساعه وانا عندك
احمد:لا تتاخري
رهف:اوكي باي
احمد:باي
سكت من احمد واخدت شنطتها وراحت طياره
...........................
جالسا قدام المريا تعمل ميك اب
حطت عدسات رمادي وكحل اسود وكترت ماسكرا طلعت عيونها جناااان عيونها جذابه وخشمها وفمها الصغير شكلها مره خطير ولبست برمودا ابيض وبلوزا فوشي مفتوحة الصدر ولبست سلاسل بيضه وصندل (الله يكرمكم ) رباطات فوشي واساور فوشي
اخدت عبايتها عشان تلبسها وهيا خارجه
نزلت بشويش عشان لحد يشوفها بالميك اب وهيا في طريقها
لجين:لمى
لمى التفتت على لجين:ها
لجين:فين رايحا بالشكل دا
لمى:رايحا دي جي
لجين:طيب لاتتاخري طفشانه ابغا اقعد معاكي
لمى:انشالله 1 الليل وانا عندك
لجين:ايش لون العدسات الي حاطتها
لمى:رمادي
لجين:تصدقي احلى عليكي من الزرقا مبينتك حلوه
لمى:اصلا انا من غير شي حلوه
لجين:لا جد شكلك كاانك ممثله اوربيه تعالي اقرا عليكي
لمى:تصدقي نسيت مااقرا المعوذات
لجين:تعالي انا بقرا
لمى:فين لموره
لجين:نايمه
لمى:جيبيها ابغا ابوسها قبل مااروح
لجين:لا بليز خليها امس طفشتها ورميتها عند ماما مدري ايش راح اسوي الاسبوع الجاي
لمى:خلاص بتروحي بيتك
لجين:ايوا خلاص خلصت النفاس
لمى:حتوحشيني
لجين:وانتا اكتر
لمى:يلا انا اتاخرت باي
لجين:باي حياتي
............................
كان النوار خافته والمكان رومنسي في الشموع الحمر دخلت رهف تدور على احمد لقتو جالس
راحت عندوا :hi
احمد:hi baby
رهف:سوري اتااخرت
احمد:لا عادي
جلس يتطالع فيها ويتامل جمالها على قد مايشوف بنات بس رهف غير فيها سحر غريب :ايش الي عاملاه في نفسك تبغي تموتيني
رهف ابتسمت
احمد مسك يدها:وحشتيني
رهف:وانتا كمان
احمد حط يدو على وجها :احبك وااموت فيكي
رهف:وانا احبك
احمد:ماشالله اليوم طالعا قمر
رهف:عشانك
احمد جلس يغنيلها :اغنية تامر عنيا بتحبك
احمد:كل سنه وانتي طيبه
رهف فرحت انو احمد افتكر عيد ميلادها:وانتا طيب
احمد:عقبال 100 سنه
رهف:لا تسعين تكفيني
احمد:ايوا صح متى نتجيتك
رهف سوت نفسها زعلانه:بس كدا
احمد:ايش هوا الي بس كدا
رهف:عيد ميلادي
احمد:ليش ايش تبغي كمان
رهف:مدري اشياء كتيره لو منجد تحبني كان عرفتها
احمد:طيب ليش مستعجله على عمرك
رهف:لا بس شفتك سكت يعني كنت متوقعه شي تاني بس منجد طلعت مافيك رومنسيه
احمد: عادي اتعلم منك
رهف قربت منو ومسكت يدوا:خلاص ماابغا منك شي كفايه انك معايا هادي احلى هديه في حياتي
احمد:انشالله اكون هديت كل اعياد ميلادك
رهف:ترى الكلام كان مجامله لا يكون على بالك تعيدها وما تجبلي هدايه
انطفت الانوار في المطعم واشتغلت اغنية تار كل سنه وانتا طيب
ورهف شافت كيكه كبيره جايا ناحيتها حطها الرجا اللبناني وراح
الكيكة كانت كبيره فيها صورة احمد ورهف وهما صغار كانو ماسكين يد بعض
احمد:قلتلك لاتستعجلي على عمرك
رهف:وااااااااااااااو احمد الكيكه مره كيوت شكلي لزوز
احمد:وانا كمان
رهف تضحك ههههه:كنت صلعه
احمد:ايام ماكانت امي تتحكم فيا
رهف راحت باستو:مشكور حياتي على احلى مفاجئه
احمد :ماتبغي هديه
رهف:يعني لو تجيب يكون كرم منك
احمد طلع علبه من جيبو وفتحها كان فيها خاتم الماس :تتزوجيني
رهف صنمت مع الفجعه كانت حتبلع لسانها مصدومه ماجا في بالها الشي دا كان اكبر من احلامها قعدت مصنمه وتحاول تستوعب الموضوع الدموع نزلت من عينها مع الفرحه نفسها تصرخ جلست تتخيل وجهه لمى وهدى والبنات لما تقلهم قعدت 5 دقايق ساكته مهي عارفه توافق بس هيا لسا ماتفكر في الزواج خايفا توافق وتندم
احمد لما شاف لما اتاخرت عن الرد ودموعها تنزل حس انو اتسرع شويا :اذا ماتبغي عادي قولي اقدر اتفهم
تتوقعو ا رهف توافق على احمد؟؟؟
ولمى تقدر تستحمل انو فراس يكون لغيرها؟؟؟؟

الفصل السادس
كانو جالسين في الطاوله
فهد جالس جنب روان ومهند قاعد قدامهم
فهد:وحشتيني مره
روان :وانتا اكتر
فهد يغمز:ماشالله كل مره اشوفك تكوني احلى من المره الي قبلها
روان منكسفه من مهند وجالسا تبتسم
فهد مسك يدها:اموت انا على الي ينكسفوا
روان ساكته
فهد:احبك
روان ا خيرا نطقت :وانا بعد
فهد:فكي شعرك ابغا اشوفوا
روان كرهت فهد بعد الكلم هال قالها عرفت انو مايحبها وانو مايغار عليها حبت تقهروا فتحت شعرها والعبايه وجلست تتدلع :حبيبي
فهد:عيوني
روان بدلع:احبك
فهد انقهر من اسلوبها معاه تتطالع في مهند وتتدلع :طيب طيب
في الشارع
دخلت جيلاتو وهيا في قمت الاناقه كانت فاكه شعرها البني الطويل وفاتحه العبايه وتمشي ولا تطالع على الي حولينها كانت مغروره بمعنى الكلمه تمشي والناس منبهره بجمالها والاولاد يرمو كلام الي يصفر ويصرخ
طلعت فوق لقت روان جالسا
راحت عندها :هااااااااااااااااي
روان :هااااااااااااااااي
وراحو حظنو بعض
لمى:وحشتيني يادبه
روان:وانتي اكتر
لمى:من زمان عنك
روان :كيف حياتك من غيري
لمى:ماشي حالها الا انتي ايش عامله بفراقي
روان:مبسوطه
لمى ضربتها:وجع
جات لمى تبغا تجلس شافت في الطاوله الي قدامها فراس مع مها قلبها عورها وحست بدموع بتنزل بس حاولت انها ماتبين ضعفها
فهد:هلا لمى كيفك
لمى:تمام انتا كيفك
فهد:ماشي الحال فينك من زمان
لمى:مشغال
فهد:ايش اشغال
لمى:اشياء تافه مو لازم تعرفوها
روان:برضك تلعبي يوغا
لمى :ههههههههههههههههههه يب
روان:صراحه حاجه تطفش
لمى:بس تريح الاعصاب
روان :والله انها تطفش
لمى انتبهت انو في احد جالس معاهم في الطاوله لفت وجها لقت مهند جات عينها في عنو اعطتو ابتسامه عذااااااااااااااااااااااااب:هلا مهند كيفك
مهند كان بيموت من ابتسامتها :الحمدلله وانتي اخبارك
لمى:تمام
روان:لمو لا تنسي بكره
لمى:ايش في
روان :النتائج
لمى:اف نسيتها
روان:منجد زاكرتك زي العجايز
لمى:طلبتو
روان:لا نستناكي
جا المغربي حق المحل ياخد الطلبات
كلهم طلبو عصيرات
روان:لمى ايش تبغي
لمى:معسل تفاح
مهند كان يحسب لمى مؤدبا بس شكلها وحده مره داشررره وشالها من بالو لاانو يكره النوع دا من البنات
فهد وراون جالسين يتكلمو مع بعض
لمى فتحت الشنطه وطلعت علبة سجاير اخدت وحده وولعتها
روان:من متى تشربي سجاير
لمى:من اليوم
روا ن موعاجبها شكل لمى مره ملفت :لمو حبيبتي اشربي في الحمام شوفي كل الناس بتطالع فيكي شكلك ملفت
لمى كانت تطالع على فراس:خليهم يطالعو ماهمني ايش يقولو عني
روان:براحتك
لمى:شوفي فراس
روان: هادي مها الي معاها
لمى:يب
روان :ماشالله عليها حلوه
لمى حست بغيره شويا :بس مو احلا مني
روان :هههههههههههه بدئنا حركات الغيره
لمى:لا غيره ولا شي
روان :ترى انا اعرفك الكلام دا مو عليا العبيها على غيري
فهد: بس لايقين على بعض
روان :شكلهم مره كيوت
مهند:الله يوفقهم
لمى تسمع كلامهم وتحس بنار في قلبها مهي مصدقه انها بتحس باغيره فراس كان عندها كم سنه عمرها ماحست فيه بس لما راح لغيرها حست بالخساره:خلاص بليز احترمو مشاعري
فهد: خلاص حنسكت
لمى:بعد ماجرحتو مشاعري
روان:اموت على الي عندهم مشاعر
لمى:ايش تحسبي
فهد:من متى وانتي تحبيه
لمى:من قال احبو
روان:بس حركاتك
لمى:لا كلها مزح منجدك انا فراس ماقيد اعتبرتو اكتر من صديق
روان:طيب اعطيني المعسل شويا
فهد اعطى روان نظرات :جربي بس
روان :خلاص ماابغا
فهد:مهند شوف حبك الاولي
واشر على بنت مره شكلها بيتش عامله تسريحه وميك اب اوفر مره وجالسا تدلع مع كل الولاد
مهند:هههههههههههه شوف كيف تطالع
فهد:روح عندها قبل ماعيونها تطير
مهند:خليها شويا
روان :رايحا بكره الدي جي
لمى:يب وانتي
روان : انشالله
فهد:ومين قال انك بتروحي

روان:ليش
فهد:لا بعملك جلسه رومنسيه
روان :لاحقين على الرومنسيه انا ابغا حماااس
فهد:حماس ولا طالبان
روان :حزب الله
مهند:ههههههه تستخفو بدمك
لمى:ايش الفل هدي
مهند:مره استفلال
لمى طالعت على ورى لقت البنت لسا بتطالع في مهند وشويا وتجي تقعد معاهم:مهند روح للبنت حرام شويا حتطير عيونها
مهند:البنات دي ماتنعطى وجهه
لمى يعني انا ماانعطى وجهه مافي فرق بيني وبينها بس يلا خليني فري:طيب بس روح شويا
مهند:انتي ايشبك اذا ماتبغيني قولي
لمى:لا بس مبسوطه عشان في وجه معجبه فيك
مهند:لا الحمدلله يامكتر معجباتي
لمى:مدري ايش يشوفوا فيك
مهند:قولي ايش مايشوفو فيا
لمى:لا تدكدب على نفسك كدبه وتصدقها
مهند:يالله بس روحي طيري ليش غايره
لمى:مانقص الا اني اغار منك
مهند:بالله روحي غايره عشاني احلى منك
لمى:اعطيك نصيحه لاتسير واثق مره عشان لاتجيك كلمه تحطمك
مهند:اقوم اقعد مع البنت احسلي من وجههك
لمى :فهد دا الشي لاتجيبو معاك مره تانيه
مهند:واذا في خرجه فيها البنت دي مني رايح
فهد:بس انتو قطعتو عليا الجلسه الرومنسيه
.................................................. ...
كانو الاتنين جالسين ساكتين كل واحد يفكر اذا اتخد القرار الصح
احمد حس انو اتسرع يمكن رهف مشاعرها بس اعجاب مو مستعده تعلق حياتها معايا :رهف فكري على راحتك
رهف:احمد بس لسا بدري
احمد:انتي بس وافقي انا انشالله حشتغل بعد 3 شهور واذا اشتغلت اجي اخبك من ابوكي
رهف:انا ماافكر بالزواج
احمد:بس خطوبه
رهف تخاف ترفضو يفهما غلط و توافق وتندم هيا لسا متعرف احمد وماتعرف شخصيتو لمى كانت تقول انو مغرور ومايغبر احد حتى امو بس الي تسمعوا غير والي تشوفو غير :احمد انا احبك بس اسفه مااقدر اوافق
احمد:براحتك
رهف حست انو احمد زعل :احمد انا رفضتك بس انا بحبك بس لسى ماافكر بزواج والزواج مسؤليه كبيره انا مااقدر اتحملها
احمد:بس كان اخدتي الخاتم وانا اجي اخطبك حتى لو بعد كم سنه بس ابغا اتطمن انك ماتكوني لغيري
رهف:انتا بتشك في حبيبي فيك
احمد:انا ماقلت اشك
رهف:بس ايش يعني كلامك
احمد:ولا شي يالله تبغيني ارجعك البيت
رهف فهمت انو مايبغا يقعد معاها قلبها عورها انو ماقدر يفهمها :طيب انا بروح الحمام شويا
احمد:استناكي في السياره
.................................................. .............

لمى جالسا تعسل والمعسل كان قوي حست بصداع في راسها بس جلست تعسل تروق شويا سارت تحس برجفه وانها دايخه نفسها تنام
روان:لمو ايش فيكي ساكته
لمى:مافيا شي بس مروقه
فهد:شوفوا البنت الي مع مهند بالله
روان:هههههههه حتموت على الولد
لمى:اكلتو بعيونها
فهد:تطالع بنظرات وله
لمى:مسكين الولهانه
روان:ههههههههه يالله صاحبك دا شايف نفسوا
روان :حرام عليكي الولد بصراحه حلو
مهند كان لابس جينز وتشيرت لويس فيتون وعامل شعروا كاانو طبيعي وابتسامتو خطيرررررررررره كل مايمر البنات عيونهم حتطلع عليه الولد خطير
فهد:هي بليز لاتعيديها مااحب تعلقي على اولاد
روان عصبت ايش فيه دا كل شويا يصرخ فيا:طيب
لمى حست بصحبتها:بس تراك ذوتها خف على البنت شويا
فهد:ايش اسوي احبها واغار عليها
لمى (يابختك ياروان عندك احد يحبك):بس مو لدي الدرجه
روان:على قلبي زي العسل
رجع مهند من عند البنت:اف بنت تجيب المرض
فهد:باين عليها
لمى:خلاص شيلو المعسل من عندي جبلي الصداع
روان اخدتو ونادت الرجال يشيلو هوا والسجاير
لمى:لا خلي السجاير
روان:لا خلاص كفايه عليكي
لمى:لا ابغاها
فهد مسك يد روان ووقفو
مهند:خير على فين
فهد:حناخد دوره بالسياره
لمى:وتسيبوني لوحدي
فهد:معاكي مهند
لمى:مايسوي حاجه مايحتسب
مهند:يلا على بالك اني انا الي ميت عشان اقعد معاكي
لمى بكل غرور:يابختك ي ناس يتمنو كلمه مني
مهند:اقول انتي شايفه نفسك
لمى بغمزا :من حقي
مهند: اعطيني علبة السجاير
لمى مستغربه دوبو كان ولد مؤدب ايش غيروا مدت يدها واعطتو :اتفضل
مهند اخد من السجاير ولمس يدها من غير مايحس حس بنعومتها وانوثتها رجعت مشاعر الحب بس هوا ماهمو الشكل اهم شي الخلاق (والله لا اادبك يالمى اذا اهلك ماعرفوا انا اعرفلك )
مسك علبة السجاير ورماها
لمى:ليش
مهند:بس كدا عناد
لمى:انتي ماتبغى تفكني
مهند:للاسف مكتوب عليا اقعد قدام وجههك اليوم
لمى:يابختك
مهند:بالله روحي موتي
...............................................
خرجت من الحما م وحست بدموع بتنزل افتكرت انو يستناها في السياره نزلت عند الباب شافتو جات بتروح عندوا
جات يد ومسكة يدها بقوه وشدتها طالعت شافت واحد ولد كانت تلعب عليه
(سعيد كان يحب رهف بس هيا كانت تلعب عليه وخلتو يموت فيها وبعدها غيرت رقمها ولا كلمتو)
سعيد:رهوف
رهف بخوف:سسسعع
سعيد :ايوا سعيد
رهف:ايش تبغا
سعيد:ابغاكي
وقربها منو لحد ماسارت لاصقه فيه :وحشتيني ليش الحركه البايخه الي سويتيها
رهف حاولت تطلع كدبه:سعيد الله يخليك افهمني بالاول
سعيد:ايش تبغيني افهم خلاص حركتك كانت واضحه
رهف تطاع في احمد خايفه يشوفها:افهم بابا عرف اني اكلمك واخد الجوال وبيزوجني ولد خالتي الله يخليك روح انا جايا مع زوجي
سعيد:اسيبك سبتك مره ومستحيل اعيدها
اخد وخرجها من الباب الخلفي عند المواقف كان ليل والشارع فاضي كان ماسكها بقوه سارت تضرب فيه بس هوا كان اقوى منها مسكها من شعرها:لو ماسكتي راح تشوفي شي
رهف:خاص انا متزوجه انتا ماتفهم
سعيد اعطاه كف بااقوى ماعندو من كتر الضربه خدها حمر
رهف سارت تبكي
شدها وركبها باسياره كانت تصرخ بس مافي احد يسمعها خلاص رهف تعبت مع الخوف ماعرفت ايش تسوي(ياربي خلاص انا ضعت ياربي ساعدني)
دخلها في السياره ودخل
رهف:ايش حتسوي فيا
سعيد قرب منها ورهف قعدت تبعد حاولت تفك الباب بس كان قافلو من عندوا سارت تضرب فيه وهوا يقرب منها فتحلها العبايه وقرب واعطاها بوسه في خدها <<<<<<<<(سوري على الالفاظ هادي بس هوا دا الواقع )
رهف حاولت تبعدو عنها ماقدرت جلست تبكي بصوت عالي:الله يخليكي ابعد عني انتا ماعندك قلب اعتبرني وحده من اخواتك
سعيد:لاتقارني اخواتي فيكي
رهف خلاص حست انها بتموت سعيد قرب منها وبدا يفسخ لها ملابسها
...
احمد كان جالس يستنا رهف لف لقا واحد كان يشدها للباب راح جري عندها وصل للمواقف مالقى احد جلس يدور سمع صوت طالع من احد السيارات حاول يدور على السياره شاف سياره سوده تطلع منها اصوات راح لعندها
شاف بنت بتضرب الولد دقق في البنت طلعت رهف راح عندهم بيفتح الباب طلع مقفل
سعيد اول ماشاف احد قام وشغل السياره من الخوف ماعرف يشغلها
احمد لما شاف انو بيشغل السياره وانو مافيا مل يفتح الباب شاف خشبه اخدها وكسر قزاز السياره ودخل يدوا وفتح الباب اخد رهف من يدها وخرجها
احمد بكل عصبيه:اقعدي هنا
راح عند سعيد واعطاه كف من قوتو طاح سعيد على الارض
مسك العصايه وسار يضرب فيه كان معصب على الاخر
رهف خافت لما شافت احمد معصب شافت الدم حست احمد بيقتل سعيد:احمد خلاص يكفي
احمد:انتي لاتدخلي
رهف راحت لعندوا ونزلت عل رجولو:ابوس رجلك سيبو
احمد ماهانت عليه رهف مسكها من يدها وجرها :يلا بس اوصلك بيتك
رهف ماتبغا ترجع معاه ماتقدر تواجهو هاد الموقف اكبر منها:لا برجع لوحدي
احمد بكل عصبيه مره مو فايق لدلعها :رهف محد راح يوصلك غيري
ومشي عنها راحت تجري وراها خافت
.................................
دق جوالها
لمى:الو
روان:لمو حبيبتي سوري بس شوفي احد يوصلك
لمى:ليش
روان:مااقدر
لمى فهمت روان انها بتقعد مع فهد:اوكي
روان :سوري حياتي
لمى:لا عادي
روان:اشوفك بكره
لمى:باي
قفلت من روان ودفت على ساره
لمى:الو
ساره :هلا
لمى:فينك
ساره:في البيت نايمه
لمى:يوه يعني ماتقدر توصليني
ساره:لا ماما اخدت السواق عشان كدا ماخرجت
لمى:انا سواقي مسافر
ساره:تبغيني اشوفلك احد
لمى:لاخلاص انا بدبر نفسي
ساره:باااي
لمى:باااي
مهند شاف لمى حايسه حب يسوي نفسو شهم:محد حيوصلك غيري
لمى كانت مستنيه منوا لكلمه دي بس تبغى تسوي انها ماتبغى:لا مايحتاج
مهند:لا تخليني احلف يلا قومي بس
لمى:لا ماابغا
مهند مسكها من يدهها وقومها:يلا بس بلا دلع
لمى يااست منو :براحتك
نزلت تحت معاه لقت سيارتو كانت كشف (ياااااي حماس بس مااقدر افتح شعري يحسبني احاول اغريه )
ركبت السياره معاه كان لازم تركب قدام انكسفت منو شويا (يوه انا من متى انكسف من الاولاد)
دخلت حست نفسها قريبه منو وهوا حس نفس الاحساس حتى انو ريحة عطرها وصلت لعندو (ريحتها جنان البنت دي )
مهند:سوري بس بروح اديت مع وحده 5 دقايق
لمى:فين
مهند:في هارديز بس 5 دقايق
لمى:اوكي
مهند ابتسم لها وهيا ردت له الابتسامه
...............................

كانت جالسا في البيت مهي عارفه ايش تسوي جلست في الصاله
رن التلفون
راحت لعندوا
هدى:الو
خالد:الو
هدى عرفت صوتو :اهلن
خالد : هلا هدى كيفك
هدى:ماشي حالي وانتا ايش عامل
خالد اتلخبط في كلا مو :الحمدلله
هدى:خير نبغى شي
خالد انتبه انو اتصل عشان عبدالله:عبدالله موجود
هدى:لا خرج
خالد :اها طيب شكرن
خالد ماكان يبغا يقفل كان بس يبغى يسمع نفسها وهدى نفس الشي جلسو ساكتين هدى تستناه يقفل بس خالد ماقدر يخبي مشاعروا اكتر
خالد:هدى
..................................................
في هارديز الي في التحليه كان عند الباب مليان اولاد
خرجوا من السياره وجوا بيدخلو باب العوائل لمى كانت سابقه فراس وجات تبغى تدخل لفت وراها مالقتو
وقفت تستناه اجتمعو عليها الاولاد
الولد الاول:شفت الصاروخ الي جنبي
الولد التاني:عذااااااااااااااب
الولد الاول:عليها فم خطيرررررررررررر
الولد التاني:مو بس فم وجسم كمان
لمى كانت تدعي على مهند انو اتااخر عليها شويا شافتو اول مره تفرح بشوفتو :يوه فينك اتااخرت
مهند:اقفل السياره ايش شكلك اخدتي كم رقم
لمى:وع انا اخد من دولا لما جيت اول مره افرح بشوفتك
مهند طالع فيهم :مو لدي الدرجه الاولاد خدم
لمى:انا مايعجبوني الاولاد ابو طواقي مرفعه
مهند ابتسم لها :يلا بس ادخلي
مهند هوا داخل سمع ولدين يتكلمو
الولد 1:القمر الي كانت فيه طلعت مع الولد دا
الولد2:يابختو انا لو عندي البنت دي مااطالع في غيرها
مهند كان يسمعهم وحس بغيره مو عارف ليش مع لمى بيحس بااشياء هوا مو عارف معناها
دخل عندها وجلس معاها في الطاوله
لمى:فين البنت الي جاين عشانها
مهند:مافي بنت جايه
لمى:اجل
مهند:كنت امزح معاكي كدا بس ابغا اقعد معاكي اكحل عيني فيكي
لمى كانت تحس مهند مايهتم فيها وانو بس كان يحب يلعب بي اعصابها
لمى مستغربه: فيك شي
مهند:لا ليش
لمى:لابس ايش غيرك
مهند:بس ابغا اتعرف عليكي
لمى:تتعرف على ايش
مهند:اشياء
لمى:زي
مهند:عن شخصيتك وحياتك طبعا اذا ماعندك مانع
لمى:طيب اسال وانا اجاوب
مهند:ايش برجك
لمى:الحوت وانتا
مهند:القوس طيب نروح على السؤال التاني كم مره حبيتي
لمى ماتعرف ترد على دا السؤال :اممممم ولا مره
مهند:يعني الحال وحده
لمى اتحمست انو في احد زيها مايحب بسرعه :ايش صفات البنت الي تبغاها
مهند: بنت ناس ومؤدبه وتقدرني وانها تحبني
لمى:وحلوه
مهند:لا الشكل مو مهم بس اذا كانت حلوه يكون احسن وانتي ليش انشالله ماحبيتي يعني أي وحده تعيش زي حياتك لازم تحب
لمى:انا الحب عندي شي كبير مو أي ولد يجي اقدر احبو ولحد دحين ماجا الولد الي يدخل دماغي
مهند:ليش دماغك ايش طلباتو
لمى:اهم شي عندي الولد يكون طيب وحنون ويحطني في عينو ويقدرني وبصراحه ابغا واحد يسمع كلامي
مهند:تتحكمي فيه يعني
لمى:لا بس اذا يخرج يقلي ومايخبي عني شي تعرف انا مره غيوره مااحب احد يسوي شي من وراي
مهند:يلا اخيرا طلع فينا صفه مشتركه
لمى:ايش هيا
مهند:الغير ه انا البنات الي مااحبهم اغار عليهم كيف لو وحده احبها تعرفي انا مره نفسي احب
لمى:طيب ايش يمنعك
مهند:بس مافي بنت دخلت قلبي
لمى:انشالله تلاقيها
لمى حست بشعور اول مره تحس فيها شي بيدخل جو قلبها وكل شويا يكبر الشعور دا شعور حلو وفي نفس الوقت متعب نفسها ترتاح منو (شكلو الشعور دا راح يتملا جسمي)طالعت مهند بنظرات محد قادر يفهما حتى هيا مو قادره تفهما
مهند كان يشوف نظراتها ويحاول يفهما (البنت دي تخبي ورا وجهها البريء اسرار ياريت اكون شي كبير في حياتك)
مهند كان حاسس براحه معاها عمروا ماحس فيها:يلا شكلي طفشتك
لمى كانت تحس بصداع معاها :لا عادي
مهند:بروح اجيب شي وارجع اقعدي هنا
لمى:اوكي
................................................
خالد:هدى
هدى:هلا
خالد:مااتغيرت مشاعرك ليا
هدى ماعرفت ايش تقول خافت تقول انها تحبه وتطلع انها اتسرعت وتفول انها تكرهو وتندم طول عمره جمعت قوتها وقوت قلبها:يعني
خالد كان متوقع اجابه تانيه :كيف هدى انتي عارفه اني احبك وانا سافرت ورجعت ومشاعري ليكي ماتغيرت انا ماابغا اسمع ردك دحين حااقفل واسمع جوابك بكره
هدى:اوكي باي
خالد :بااااي حياتي
..........................................
في السياره كان هدوء فيها محد راضي يتكلم
احمد كان معصب يخاف يتكلم يجرح رهف بكلمه
رهف حست نفسها بتموت جالسا ترتجف من الخوف كل ماتفتكر الموقف تحس بخوف يمشي فيها تحس بدوخه وبدا ينزل منها عرق مسحتو بيدها تبغا تبرا نفسها قدام احمد بس مهي قادره الكلام مو راضي يخرج منها
اخيرا جمعت قوتها واتكلمت :احمد
احمد:نعم
رهف:اسفه على الي صار
احمد:انا بس ابغا اسالك سؤال وابغاكي تجاوبيني
رهف:ايش
احمد:بس لو عرفت انك تكدبي ماتلومي الا نفسك
رهف خلاص عصبت:طيب قول السؤال بالاول
احمد مسك يدها بقوه:اقول رخي صوتك ولاتحاولي ترفعيه انا بس ابغا اعرف اذا كان بينكم شيء الولد شكلو يعرفك ونحنا رايحين سمعتو يناديكي والولد شفتو مره مع واحد من اصحابي وااقدر اعرف منو كل شي بس انا ابغا اسمعو منك
اذا في بينك شي قولي
رهف خلاص مالها الا انها تعترف :كنت بكلموا زمان وبس انتهت علاقتنا
احمد: لسا بتحبيه
رهف:احمد ايش السؤال البايخ دا
احمد بعصبيه:بتحبيه
رهف عصبت:ايوا مو بس احبو الا اموت فيه
احمد كان نفسوا يموتها مسك نفسو لا يضربها وسار يشد يدوا بقوه
احمد:كم مره خرجتي معاه ولا تكدبي لااني راح اعرف
رهف قررت تقول الحقيقه والي يسير يسير:5 او 6 مرات
احمد خلاص وصلت معاه
ماصدق الا وصل بيتهم
رهف على طول خرجت من السياره وراحت جري على بيتها
دخلت البيت وراحت جري على غرفتها دخلت وقفلت الباب وطاحت على الارض تبكي بحرقه من قلبها سابها محتاره مهي عارفه اذا علاقتهم انتهت ولا في امل احمد يحن عليها(حتى لو حن عليا انا خلاص محااعطيه قلبي بدال مايعاملني بحنان وهدوء بعد الموت الي شفتو يزيذ همي انا لازم مااضعف وانساه الحمدلله اني عرفت حقيقتو من البدايه)حاولت تقنع نفسها انو مايستاهل دموعها بس ماقدرت احمد الي كان كل حياتها وتفكيرها ضاع احمد حبيبها راح منها جلست تبكي والميك اب ساح والكحل وصل لفمها بكيت لحد ماتعبت ونامت
.........................................
كانت جالسا تستناه يجيها شعور غريب لما يبعد عنها تحس باراحه معاه شافتو طول وفي حريم طفشوها بس يطالعو فيها
(ا ف دا فينو احسن لي اقعد برا )
خرجت الشارع واول ماطلعت خافت شافت كلو اولاد جاه ولد
الولد:السلام عليكم
لمى ساكته
الولد :السلام لله
لمى (اف الولد دا شكلو عله )
الولد:والله من اول ماشفتك دخلتي قلبي ودقيت على امي تخطبك
لمى برضوا ساكته
الولد جاب ورقه وجلس يكتب فيها لمى اتوقعت انو يكتب الرقم جا ومدلها الورقه:وقعي عقد الزواج
لمى ابتسمت له وبدلع اخدت الورقه وكتبت رقم :هادا رقم ماما
الولد:مافي رقم بابا
لمى طالعت فيه وابتسمت
الولد طالع في عيونها ومو قادر يشيل عينو منها جلس يتامل جمالها وبراءتها
في دا الوقت جا مهند لقى لمى واقفه مع ولد حس بغيره يموت ويعرف مين معاها (وانا ليش لي دي الدرجه مهتم)
راح عندها والولد لما شاف مهند جاي :معاكي
لمى:اخويا
الولد على طول راح تقول مركب صاروخ مو رجول<<<<<<<<<<<<خوافين
مهند :مو انا قلتلك لاتخرجي
لمى:طفشت
مهند سمع ولد يقول لي صاحبو :روح حط الرقم في أي مكان تشوفوا والتاني يطالع في لمى طالع في لمى لقاها متضايقه من نظراتو قرب من حتى انها حست ببروده وقشعره في جسمها ماتعرف ايش يسير فيها لما يقرب منها ومسك يدها وقربها منو سارت قريب حتى انها لاصقه فيه جات يدها على جسمو حست باانو الولد الي تتمناه طول عمرها عضلات وجمال واخلاق ورجوله
مهند:تعالي بس عشان يبعدوا
لمى حمر وجهها ماتعرف ليش تنكسف منو :اوكي
مهند:يلا خليني اوصلك
لمى راحت معاه وركبت السياره
.................................................. ..
كان معصب ومو عارف فين يروح حاسس بضيقه (معقوله رهف تطلع زيها زي أي بنت وانا الي كان على بالي انها اخلاق ا ف انا ايش جالس اقول اصلا هيا ماتستاهل اني افكر فيها انا لازم اشيلها من بالي ) جلس يدور باسياره
لحد ماوصل لي طريق بعيد في البر
وقفت عليه السياره
احمد:يوه مو وقتها ايش بي امها وقفت
طالع لقى البنزين مخلص
احمد:كيف ماجا في بالي اعبي بنزين
خرج من السياره يدور على احد بس الطريق كان فاضي ومافي سيارات تمر
جلس 3 ساعات يستنى جوت السياره احد يمر
بعد انتظار طويل جات سياره
خرج من السياره بسرعه وراح يوقفها
:هييييييييييي
وقفت السياره خرجت منها بنت
احمد واقف مصدوم من الي يشوفوا :انتي
.................................................. ...........
وصلها البيت وطول الطريق كانو يتكلمو
وقف السياره وقبل ماتطلع:اسفه تعبتك معايا
مهند:تعبك راحه ياريت لو كل يوم تتعبيني
لمى :لا بس لاتخاد وجهه
كان واقف عند البيت يدور على احمد
شاف لمى جايا مع واحد وجالسا تضحك معاه (مين هادا الي معاها )
راح لعندها
لمى اول ماشافتو اتلخبطت وانفجعت :عبداللله

ايش راح يسير بين رهف واحمد ومين البنت الي شافها احمد؟؟؟؟؟؟
لمى ومهند ممكن تبدا بينهم علاقة حب؟؟؟؟؟؟؟؟؟
وعبدالله ايش ممكن يسوي لي لمى ....؟؟؟؟ هل حايحس باغيره وحب لها ؟؟
وروان ايش خلاها تدق على لمى وتعتذر؟؟؟

الفصل السابع
لمى :عبدالله
عبدالله:ايوا عبدالله
مهند شاف عبدالله واقف كان يحسبو اخوها حس بالموقف :طيب سلميلي على ابوكي
لمى لسا خايفه:انشالله
مهند:مع السلامه
لمى :مع السلامه
عبدالله كان واقف يشوف ومايعرف من دا
بعد ماراح مهند
عبدالله بعصبيه: مين دا
لمى جالسا تفكر كيف ترتب الكلام
عبدالله:لمى
لمى اتلخبطت حبت تضيع الموضوع :طيب خلينا ندخل بالاول
عبدالله:لمى لا تضيعي الموضوع
لمى:يوه ايش اضيع الموضوع
عبدالله:يلا انطقي
لمى:هادا ولد صاحب بابا
عبدالله:طيب ايش دخلو يجي معاكي
لمى:مالقيت احد يوصلني
عبدالله:برضوا مالك حق تخليه يوصلك
لمى بطفش:يعني بالله تبغاني اقعد لين الفجر ادور احد يوصلني
عبدالله حس بغيره(يوه وانا ايش دخلني خليها تروح وتجي مع الي تبغاه ): طيب ليش مادقيتي عليا
لمى(شكلو مو مطمن للموضوع عله استغفراللله):ماجيت في بالي خلاص خلصت تحقيق
عبدالله مضايق من اسلوبها :يلا بس ادخلي
لمى دخلت وهيا داخله حست بشي في قلبها واسلوبها مع عبداللله ماكان له داعي(يوه ايش خلاني اكلمو كدا)
كان رايح لللسياره بيدخل السياره شاف لمى راجعا (ايش عندها دي جايا )
لمى:عبود
عبدالله من غير نفس:ها
لمى:اسفه
عبدالله:لا عادي ماسار شي
لمى:سوري بس تعبانه ونزلت تعبي فيك
عبدالله:سلامتك
لمى:الله يسلمك تعال اسهر معايا
عبدالله:لا خلاص احمد مو فيه
لمى مره طفشانه تبغا احد يواسيها ويقعد معاها :عبود بليز اقعد معايا
عبدالله حس انها فرصه يقعد مع لمى من زمان ماسمع اخبارها :طيب ادخلي وانا داخل وراكي
..............................................
كانو جالسين في السياره كان يستناها توافق بس
فهد :ها حبيبتي ايش قلتي
روان :لا اخاف
فهد:ماراح يسير شي بس نروح الشقه نسهر وارجعك البيت
روان :لا
فهد مسوي نفسو زعلان :طيب
روان:نروح نقعد شويا ونرجع
فهد راح صاروخ للشقه
...................................
كان واقف مصدوم من الي يشوفوا قدامو
احمد:انتي
:ايوا انا
احمد:كيف متى جيتي
مها :قبل كم يوم
احمد:وليش ماسالتي عني
مها:شوفاا الصدفه والقدر رجعتنا لبعض لازم تعرف اننا مالنا غير بعض
احمد: دحين جايا تقولي دا الاكلام فينك لما كنت ميت عليكي خلاص انا ماسار عندي مشاعر ليك
مها:بس انا احبك
احمد:فين حبك يوم ماكنت احبك رحتي اخترتي فراس خليه دحين ينفعك
مها بدموع :انا فراس مستعده اسيبو عشانك مستعده احارب الدنيا كلها عشانك
احمد:للاسف اتاخرتي
مها تبكي:بعد ماحبيتك تسيبني كدا ببلاش
احمد:انا ماسبتك انتي الي سبتيني عشان واحد خلاص انا ماافكر فيكي
مها :بس
احمد:لا بس ولا شي خلاص مها انسيني
مها نادت السواق عشان يعطي احمد علبة بنزين ودخلت السياره
وراحت وهيا في الطريق جلست تتفتكر قبل ماتساقر لما دق عليها احمد
كانت جالسا ترتب اغراضها ودق عليها
مها:الو
احمد:هلا حياتي
مها:هلا احمد دقيقه ودق دحين جالسا ارتب اشيائي
احمد:خلاص حتسافري بس انا احبك ولو انتي تحبيني كان وقفت قدام اهلك عشاني
مها:مين قال اني احبك انا قلبي مافي غير فراس كلمة احبك ماراح تخرج الا لي فراس
احمد:تبعيني عشان واحد عرفتيه كم شهر وانا احبك سنه
مها:سوري احمد بس انتا لازم تدور على غيري
احمد:مااقدر بعد ماحبيتك تقولي الكلام دا ليش مااتكلمتي من اول
مها:اول ماكان فيه فراس دحين غير
احمد:ايش غير
مها:احمد بليز اذا منجد تحبني خلاص لازم تسيبني وتتمنى ليا الخير مع فراس
احمد:مها انتي ايش جالسا تقولي
مها:باي
وقفلت قبل ماتسمع ردوا وجلس يدق عليها 30 مره في اليوم ويرسل مسجات
جلست طول الطريق تفتكر ايش سوت فيه(ياربي ايش خلى مشاعري تتغير بس احمد اتغير قبل كم ساعه كنت افكر بفراس وحبو ودحين احمد سار كل تفكيري ياريتني ماشوفتك اه يافراس لو تدري بس اني بدات احس بمشاعر لي احمد )
..............................................
كانت جالسا فوق السرير تبكي تحس الدنيا مظلمه عليها ماتعرف اذا الغلطه دي ايش حتعمل فيها حتغير حياتها ولا حتكون سبب في موتها وعذابها بداية باب عذاب لروان (ياربي ايش خلاني اسوي كدا ماقدرت اصبر لحد مااتزوج انا خلاص ضعت مستقبلي راح طيب لو فهد مارضي يتزوجني انا ايش جالسا اقول لازم يتزوجني مو بيكيفوا انا لازم احافظ عليه )
فهد بي اعصاب بارده:خلاص حبيبتي ماسار شي
روان ودموعها تنزل:ايش ماسار شي انتا عارف ايش بيسير فيا انتا اخدت شي غالي عليا انا شرفي ضاع
فهد:ليش خايفه بعد ماارجع من السفر اخطبك
روان :متى راجع
فهد:شهر
روان:لا شهر كتير تبغاني اقعد في العذاب دا لوحدي
فهد:ياربي انتي ايش فيكي
روان:انتا ليش مو حاسس بالمصيبه الي نحنا فيها لو ماسار نصيب بيني وبينك
فهد:انتي مو واثقه اني اجي اتزوجك
روان :الا بس
فهد:بس ايش
روان بدموع:اذا لا سمح الله موت
فهد حس بالمصيبه الي هوا فيه (يوه انا ماقدرت اصبر على مااتزوجها) حس بخوف روان وراح لعندها وطالعها بحنان :بس شهر انتي غمضي عينك وفتحيها حتلاقيني قدامك خلاص حياتي امسحي دموعك
روا ن حست براحه من كلامو (يوه مني عارفه ايش حسوي اذا سافر الله يعدي الايام على خير)
.................................................. ..
كان جالس يستناها يلعب بمفتاحوا ويطالع الساعه
اخيرا نزلت شافها نازله من الدرجه كاانها ملاك كان شكلها طفله والبراءه في وجهها
عبدالله:كان نمتي فوق
لمى:سوري بس رحت ابوس لموره من زمان ماشفتها
عبدالله:لجين لسا هنا
لمى:يب
عبدالله:طيب تعال اقعدي جنبي ابغا اهرج معاكي شويا
لمى راحت لعندوا :ها ايش اخر الاخبار
عبدالله:من ناحية الصياعه ولا الدراسه
لمى:كلو
عبدالله:شوفي والله دحين مافي أي بنت في قلبي
لمى:ودانيا
عبدالله:دانيا انتهت علاقتي معاها من زمان
لمى:ليش
عبدالله:شوفي لمى نحنا الاولاد مهما نكون مؤدبين داشرين لعابين كلهم مايحبو الا البنت المؤدبه حتى لو وحده كان لها ماضي انا مايهمني اهم شي انها تتخلى عنو عشاني
لمى:ايش سوت دانيا
عبدالله:انتي عارفه انها معروفه في كل مكان ودايمن تطلع في اللسته قلت عادي اقدر اادبها بس طلع مافي فايده
البنت داشره مره مافي منها فايده
لمى دق جوالها اغنية تامروانا عيني في عينك
لمى:هلا سوسو
ساره :هاي لمو فينك
لمى:في البيت
ساره :5 دقايق وانا عندك
لمى:خير ايش عندك
ساره :ولا شي بس طفشانه مني عارفه ايش اسوي قلت انام عندك
لمى:احسن شي سويتيه يلا استناكي
ساره:اوكي
قفلت منها
عبدالله :اذا في احد جايكي انا استاذن
لمى:لا خليك بس صحبتي جايا
عبدالله جا يبغا يقوم :يلا انا رايح
لمى:عبود بطل دلع
عبدالله:طيب اقول انتي وحده قليلة ادب
لمى:ليش ايش سويت
عبدالله:ليا ساعه وانا هنا ماسالتيني بالكدب ايش تشرب
لمى:سوري نسيت
عبدالله:مره تانيه لاتنسي
لمى:اوكي ايش تشرب
عبدالله:ولاشي سلامتك
لمى:مو بكيفك
لمى راحت جابت حلويات وليز وشكلاتات وبيرا تفاح ورمتها فوق الكنبه
عبدالله:دا كلو لينا
لمى:يب
دق جوال لمى
لمى :الو
سارا:يلا افتحي الباب انا في الشارع
لمى :اوكي
قفلت منها ووقفت :دقيقه صحبتي جات افتحلها واارجع
عبدالله:اتفضلي
راحت لمى تفتح لساره الباب
واول مادخلت حظنو بعض
ساره:لمو يادبه وحشتيني
لمى:وانتي اكتر
ساره:جيت عندك عشان بكره نواسي بعض اذا طلعت النتيجه
لمى:لازم تفكريني
ساره:اقول لمو حتخليني عند الباب
لمى:اتفضلي نورتي البيت
ساره: رهف وروان فين
لمى :مدري رهف ماشفتها كم يوم وروان اليوم كانت معايا
ساره:وحشوني
لمى:يلا بس ادخلي
كان قاعد يستنى لمى تجي جلس يلعب بجوالو سمع صوت ضحك طالع لقاها قدامو زي الملاك حس بشي يلعب بقلبو كانت حلوه ونعومه وواقفه تبتسم جالوا احساس انها البنت الي يبغى يعيش معاها طول عمروا كان يطالع في عيونها وبدا يحس بشي اتجاها (معقوله كل دا بنظره)
كانت هيا واقفه وتحس بنفس المشاعر كانت جالسا تطالع فيه كان شكلو فيلو كل شي تتمناه في الولد الي في خيالها
اخيرا ساره حست بنفسها ابتسمت (يوه ايش فيني صنمت) وراحت عند لمى:لمو انتو عندكم احد
لمى:لا
ساره:بس في واحد قاعد في الصاله
لمى افتكرت عبدالله:ايوا عبود ولد خالتي
ساره تبغا تاخد معلومات من لمى:اخو رهوف
لمى:يب يلا تعالي نقعد معاه
ساره بخوف:لا ماابغا
لمى:ليش
ساره:انكسف
لمى:تعالي عادي مافيها شي ولبسك محتشم
ساره:طيب بس اجيب طرحتي واجي
لمى:يلا استناكي هناك
لمى راحت عند عبدالله
عبدالله :فينها صحبتك
لمى:دحين جايا
عبدالله:ليش ماقولتيلي انها صاروخ
لمى:ماجا في بالي شوف والله يويلك اذا قلتلها كلمه
عبدالله:يعني ايش بقلها
لمى:كلام غزل ولا شي يفشلها اعرفك لسانك ماتعرف تتحكم فيه
عبدالله :انشالله اقول بالله غيري الفلم دا
لمى:ايش تبغا
عبدالله:ابغا فلم رومنسي
لمى:لا بالله مافي ا لا فيلم مرعب غير كدا تحلم
عبدالله:هاتي اشوف ايش عندك افلام عدله
لمى:كلها عدله
عبدالله :لمو مو كاانو صحبتك اتاخرت
لمى:استنى عليها تنكسف منك
عبدالله :طيب روحي شوفيها
في دا الوقت دخلت ساره وعيونها في الارض جات وجلست جنب لمى
عبدالله جلس يطالع في جمالها وخدودها المحمره(ياقلبي عليها تنكسف):وعليكم السلام
لمى تعرف حركات عبدالله :عبود
عبدالله:ها
لمى:ولاشي
عبدالله:لا ايش كنت تبغي تقولي
لمى:خلاص ولا شي
عبدالله:مو منك من الي يقعد معاكي
عبدالله يطالع في ساره شافها حتموت من الحيا اخيرا قرر يرحمها :يلا انا رايح
لمى :بدري
ساره كانت ساكته حتموت من الحيا ارتاحت لما قرر يروح (يوه لمى مو وقتها تزن فوق راسو يارب ينقلع)
عبدالله:عندي شغله لازم اروح البيت
لمى:براحتك
عبدالله خرج من الغرفه
واول ماخرج ساره شهقت بصوت عالي
لمى :ايش فيكي
ساره: مو راضي يروح الا بعد ماطلع روحي وولع خدودي
سمعت صوت لفت لقتو وراها خلاص مهي عارفه فين تودي وجهها (ياربي فشله )مهي قادره تطالع فيه
عبدالله:نسيت مفتاح سيارتي
لمى :اهوا فوق الطاوله
وطالع في ساره :ترى كنت خارج من اول ماجيتي
ساره ماقدرت غير انها تبتسم (كمان ليا وجهه ابتسم بعد الي قلتو)
عبدالله ردلها الابتسامه
بعد مااتكدت انو راح :شوفتي الفشله
لمى:عادي ماعليكي منو
ساره:ايش ماعليا منو يوه فشله
لمى:ماسار شي تعالي قولي ايش اخبار الصياعه
ساره: اه نزلت طاقتي كلها في الدوران في الكافيهات والمولات
لمى :دقيقه اجيب الاب توب
ساره:عندي ايميل ولد خطيرررر في المسنجر
لمى:من فين جبتيه
ساره:فاكره الولد الي في المنتزه الي كان يبغا يتزوجني انا وانتي
لمى صرخت :الي شكلو لبناني
ساره باابتسامه:ايوا
لمى:يا نصابه من فين جبتي الايميل
ساره:لما قلتلكم رايحا الحمام
لمى:والله طلعتي سوسه منتي هينه
ساره:ايش تحسبي
لمى:طيب امسكي الاب توب وفكي ايميلك يارب يكون اون لاين دقيقه اروح اجيب عصير
راحت لمى ولما رجعت
ساره:تراه اون لاين
لمى:كدابه
ساره:والله
لمى:وخري ابغا اكلمو
ساره:مافي حقي
لمى:بليز سوسو انتي عندك كتير لاكن انا ماعندي بوي فرند
ساره:تعالي امسكي بس لاتبيني للولد انك ميته عليه
لمى:تعلميني في شغلي
ساره:ههههههه لا بس شايفتك ميته عليه كاانو عمرك ماشوفتي ولد
لمى:لا داك غير تعرفي اول ماشفتو حسيت بشي يرقص في قلبي
ساره:ههههههه لا يكون هوا دا الحب
لمى :هههههه انا اخر وحده في الدنيا افكر اني احب
ساره:وانا معاكي ليش نعذب نفسنا الرجال مالهم امان
لمى:منجد ايش الفايده اعطيه قلبي وفي الاخير قلبو يكون لمليون وحده غيري
ساره:اه بس انا ابغا اتزوج واحد فرنسي
لمى:اولاد بلدنا مليانين وانتي تروحي لبرا
ساره:ايش اسوي انا ادور على الرومنسيه
لمى:اه نحنا البنات غلبانين محد مودينا في داهيه الا الرومنسيه
ساره افترت عبدالله وحست بخوف :لمو ايش رايك في الحب من اول نظره
لمى:مدري عمري ماجربتو يلا سوسو فارقيني حبيبي جا
ساره:ايش قلك
لمى:يعني ايش يبغا يقول اكيد Hi
مهند مو قادر ينام جلس يتقلب في السرير كل مايغمض عينو يشوف صورت لمى قدامو (ياربي من دي البنت مهي راضيا تخرج من بالي)كان نفسوا يكون جنبها ويكلمها ومايفارقها يبغا يقعد معاها على طول نفسوا يدخل قلبها وعقلها
(معقول احبها وليش مااحبها البنت جنان بس انا احب مستحيل انا مو من الناس حق الحب والخرابيط دي انا البنات عندي لعب وبس طيب انا ليش جالس افكر فيها ) حاول يشيلها من راسو مو قادر يحس نفسوا بيموت لو ماكلمها
مسك جوالو يدق على فهد عشان ياخد رقمها(يوه من غبائي قاعد معاها كم ساعه ومااخدت رقمها )
دق كم مره بس فهد مارد(ايش فيه دا اخر مره ادق اذا مارد انسى لمى )
دق ودي المره رد فهد
مهند:الو
فهد وصوتو متغير :هلا
مهند:فهود ابغا طلب
فهد:خير
مهند:بصراحه مني قادر انام
فهد ايشبي انا الي قادر انام:ليش
مهند:مدري افكر بلمى
فهد:لا يكون رجعت حبيتها
مهند:شكلي مني قادر اسوي شي كل مااروح مكان تجي في بالي
فهد فرح لصاحبو:وايش اقدر اسوي عشانكم
مهند:بس رقمها
فهد:اخاف تزعل
مهند:لاتخاف اكلمها مره اذا ماعجبها محاادق عليها مره تانيه
فهد:طيب خد **********
فهد:يلا بس روح دق عليها وخليك حنون معاها مو زي اليوم تقعد تسبها
مهند:ايش اقلها
فهد :كلام غزل وخليك رومنسي البنات يحبو الكلام دا يعني ماشالله لمى حلوه وتقدر تكتب عن عيونها اشعار
مهند :اه من عيونها مااقدر اتطالع فيها بس لما تجي عيني فيها اضعف قدامها والكلام يطير من بالي مااقدر اني اطالع في عيونها دا شي اكبر مني
فهد:انتا مو بس تحبها الا بتموت في التراب الي تمشي عليه
مهند:بس صراحه خايف
فهد:من ايش
مهند:انها ماتحبني لاانها لو قالتها ليا انا ممكن اموت انجن خليني قاعد في اوهامي واحلامي ولا اني اروح عندها وتقول انها متحبني
فهد:خليك واثق لمى انا اعرفها وروان دايمن تقولي عنها وكم مره شفتها مع ولد بس صدقني النظرات الي بتطالع فيها للاولاد غير النظرات الي بتطالعك فيها
مهند:ممكن تكون نظراتها نظرات حب
فهد :ممكن بس خليك طيب وحنون وهيا على طول حتحبك وخليك ثقيل

مهند :حااحاول يلا شرن على النصحيه
فهد :باااي
مهند :باااي
بعد ماقفل مهند جلس يطالع في الرقم (ادق عليها ولا لا بس دحين ليل ايش بتقول عني اذا دقيت يلا الله يعني واصبر لبكره )راح لسرير يرجع ينام بس مو قادر
خرج للصاله شاف امو ومنار جالسين
ام عمر:مهند
مهند:هلا
ام عمر:تعال حبيبي
مهند راح عندهم وجلس
ام عمر:فينك ماتسال عن امك
مهند :بس امس كنت معاكي
ام عمر:برضوا مايكفي المفروض كل يوم تقعد معايا كم ساعه
مهند:انشالله
طالع في منار وابتسم :منور كيفك
منار:الحمدلله وعلى فكره انا زعلانه منك
مهند:افا ليش
منار ماتزورني اصلا بيتي مادخلتو غير كم مره
مهند:طيب انتي ماتعزميني
منار:مو لازم المفروض تجي كم مره في الاسبوع
مهند :طيب انشالله وفين عيالك
منار:نايمين
مهند:من زمان عنهم
ام عمر :منار ايش رايك في عنود بنت عمه مريم
منار:والله البنت حلوه ونعومه وكفايه اخلاقها
ام عمر:طالعي في مهند بالله مو تنفع له البنت
منار:أيوا لايقين على بعض
مهند (انا ماابغا الا لمى لو جايبين ملكة جمال الكون محااختار الا لمى ):هي انتو انا ماابغا اتزوج بهادي الطريقه
منار:اجل كيف
مهند:انا الي ابغا اختار عروستي بنفسي
ام عمر:الله يستر من زوقك
مهند (زوقي انتي بس شوفي لمى وبتعرفي):احلى من ذوقكم
ام عمر:انتا بس شوف عنود دي ماشالله عليها عيني عليها بارده
مهند كان ساكت يفكر بلمى
منار:خلاص بكره نخطبها
مهند :مين قال الني وافقت
ام عمر:السكوت علامة الرضا
مهند:لا انا اصلا ماافكر بالزواج دحين
.................................................. ..........
رجعت البيت وعلى طول راحت غرفتها رمت نفسها على السرير وجلست تبكي (انا ايش
سويت خليني الشهر الجاي حيمر عليا جحيم )على طول ومسكت الجوال تدق على فهد تحس انها بس تبغاها معاها ماتبغا تفارقو تخاف يضيع منها ولا يسير فيه شي وتروح في مصيبه وقتها وخافت انو احد يلاحظ انها متغيره
حاولت تكون طبيعيه (انا ليش خايفه خلاص كلها شهر ويجي يخطبني )
دقت
فهد:هلا حياتي
روان :فينك
فهد:في البيت وانتي ليش مانمتي
روان :مو راضي يجيني نوم
فهد:برضك خايفه حياتي
روان :يعني احسن من اول
فهد يبغا يطمنها:انشالله بكره بكلم اختي عنك وتقابلك
روان:ايش بتقلها انا غلط مع وحده
فهد:لا بقلها في وحده ماخده عقلي ورحي وتفكيري واموت فيها ومااقدر اعيش من غيرها ومن كتر حبي ليها مني عارف كيف توصف حبي كلامات الدنيا كلها ماتقدر تعبر بالي في قلبي
روان حست براحه:الله يخليك ليا ياعمري
فهد:تعرفي مين دق عليا قبل شويا
روان خافت على نفسها :لا يكون وحده من البنات الي كنت تعرفهم
فهد :لا انتي تفكيرك راح لبعيد مره مهند الي دق
روان :ايش يبغا
فهد :يقتل لمى
روان شهقت :ليش في شي سار
فهد:لا بس الولد حبها
روان:كنت حاسه طيب هوا كلمها
فهد :هوا دق عليا عشان ياخد رقمها ويكلمها
روان : متى بيكلمها
فهد :مدري عنو
روان :طيب فهود انتا دحين لازم تسافر
فهد :لازم اخد كورس عشان الشركه الي بيوظفوني طالبين يكون عندي عدة دورات
روان :بس حتوحشني
فهد:والله حياتي لو بيدي كان قعدت ولا اخدتك معايا

.................................
احمد اخيرا قرر يرجع البيت يحس بصداع في راسو مو قادر يفكر
دخل البيت طالع في الصاله لقى لمى قاعد وساره نايمه في الكنبه طلع غرفتو يحس نفسوا تقيل جلس يجر رجولو جر في الدرج دخل غرفتو وقفل الباب(ياربي رهف ايش جالسا تسوي دحين )
شالها من بالو وجلس يفكر بمها ّ(مو وقتها تطلع بحياتي )حس بمشاعر بدات ترجع لمها بس شالها من راسو (مها جرحتني مره ومستحيل اخليها تحاول تجرحني مره تانبه )
غير ملابسو واخد بندول وراح لسرير اول ماقفل عينو راح في نومه
........................
كان يحس الدنيا مو شايلتو من الفرحه اخيرا شاف حبيبت عمروا قلبو مليان حب لها جا في بالو لمى بس على طول شالها من بالو حب مها استولى على كل قطعه في جسمو سارت مها محفوره بقلبو سار يشتاق لها بسرعه
على طول مسك جوالو ودق عليها
مها بصوت كلو نوم :الو
فراس:هلا بعيوني
مها:اهلن حبيبي
فراس:ايش نايمه
مها:ايو
فراس:طيب ادق عليكي وقت تاني
مها:لا واحشني ابغا اكلمك اصلا دوبك جيت في بالي
فراس:كيف جيت بالك وانتي نايمه
مها:قصدي كنت احلم فيك
فراس:اذا كدا كملي نومك واحلمي فيا زي ماتبغي
مها :ايش تبغاني احلم ترا اقدر اتحكم بااحلامي
فراس:حبيتي بعدين تسير احلام اليقظه ابغا الحلم يجيكي من نفسوا
مها:ام ماتبغا تعرف ايش كنت احلم
فراس:اذا الحلم حلو قولي
مها :مو بس حلو الا جنان
فراس:خير ايش هوا الحلم الي مخليكي مبسوطه
مها:انا وانتا في شهر العسل بس انتا الله يهديك اتصلت وقطعت عليا شهر العسل
فراس:ولا يهمك اعوض عليك شهر العسل في الحقيقه
مها حست بحب بيزيد في قلبها :انشالله
.................................................. .................
كان فجر والكل نايم وهيا قاعد قدام الاب توب جالسا تكلم
So amazing girl
هاااي
Bisho
هاي ياقمر ايش عامله
So amazing girl
تمام وانتا
Bisho
Good
So amazing girl
Doomz
Bisho
Thx so your name??
So amazing girl
Lama
Bisho
Nice name
So amazimg girl
Thx and your name??
Bisho
بشار لمى انتي فاكرتني
So amazing girl
Yup
Bisho
اها طيب كويس
So amazing girl
بس مو انا الي اخد الايميل منك انا صحبتها
Bisho
انتي القمرالي كنتي معاها ؟؟
So amazing girl
يب
Bisho
مااصدق انك تكلميني
So amazing girl
ليش
Bisho
بس اول ماشوفتك قلت يريتها تكون حبيبتي بس الحمدلله حلمي اتحقق بسرعه
So amazing girl
حبيتك مره وحده
Bisho
حب من اول نظره ايش اسوي
So amazing girl
اوكي انا رايحا بكره النتائج حقي
Bisho
توجهي
So amazing girl
Yup
Bisho
الله يوفقك وهادارقمي اذا مالقيتيني في النت بكره دقي ولا تنكسفي
So amazing girl
Ok bye
Bisho
Bye and t.c
قفلت منو وراحت نامت في الكنبه جنب ساره
.......................................
مهند حيقول لي لمى عن حبو ليها؟؟
رهف ايش حيكون ردت فعلها لما تصحى من النوم ؟؟
احمد ممكن يحن على رهف ويرجعلها ولا قلبو يحن على مها؟؟
عبدالله ممكن يكون يحب ساره؟؟
وايش دور بشار في حيات لمى ممكن لمى تدق عليه وتحبو؟؟

الفصل الثامن
صحيت الصباح تحس بصداع مهي قادره ترفع راسها تحسو ثقيل لقت نفسها نايمه في الارض ولسا لابسه العبايه فسخت ملابسها وراحت اخدت شور غسلت وجهها بمويه بارده تحاول انها ماتفكر في شي لاانو عقلها ماراح يستحمل فراق احمد
راحت عند السرير وفتحت درج التسريحه اخدت بندول ونامت على السرير طالعت في جوالها شافت مكالامات ومسجات حست بفرحه انها ممكن تكون من احمد يعتذر لها فتحتها طلعت من لمى (خلاص ايش فيني انا افكر فيه احمد مالي حياة معاه بعد اليوم )نزلت دموع غصبن عنها ماقدرت تكتمها حست بتعب في قلبها مهي قادره تتنفس تبغا تقول الي في قلبها بتموت اذا مااتكلمت نفسها تروح عند احمد وتصرخ فيه وتنزل الحزن والتعب الي فيها (اه شلت لك حب في كم شهر سوا فيا كدا بس انا ليش احبك وانتا ماسويت شي عشاني ) حست انها بتموت لو قعدت لوحدها جا في بالها تنتحر (استغفر الله انا ايش جالسا افكر)
قامت من السرير ولبست الصندل (الله يكرمكم ) فتحت الباب وخرجت راحت عند هدى فتحت الباب
ودخلت لقت هدى جالسا تكتب
رهف:هدو
هدى:ها
رهف:ممكن شويا
هدى مستغربه :ايش الادب الي نزل عليكي
رهف ساكته وباين عليها التعب
هدى :رهوف ايش فيكي ايش سار امس مع احمد
رهف:انا واحمد ماننفع لبعض
هدى:كدا بكل سهوله تنتهي علاقتكم
رهف:هيا بدات عشان تنتهي
هدى:ايش حصل
رهف ماتبغا تقول لهدى عن كل شي بس تحس انها بتموت لو مااتكلمت :كان كل شي ماشي تمام ومن احلى مايكون بي
وسكتت
هدى:بس ايش
رهف:بس عرض عليا انو يتزوجني وانا رفضت
هدى مستغربه:مو انتي تحبيه ليش رفضتي
رهف:انا لسا مو مستعده بعدين بصراحه خفت
هدى:من ايش
رهف:كل شي الزواج مسؤليه اكبر مني
هدى:رهوف احمدي ربك انو الولد طلع جدي ومايحب الخرابيط ويبغا يتزوجك
رهف:عارفه بس انا ماابغا اتزوج الا لما احس اني مستعده وحتى لو وافقت فجوابي حيكون من قلبي
مو من عقلي
هدى:الاشياء دي لازم تمشي ورى قلبك لاانو عقلك هوا الي حيوديكي في داهيه
رهف:بس اخاف اوافق يطلع احمد غير الي اتوقعتو والي حبيتو احمد صح ولد خالتي واعرفو من زمان لاكن من يوم ماحبيتو احس اني مااعرف شي عنو الكلام الي كانت لمى تقولو غير والي كنت اشوفوا غير
هدى:طبعا لازم تكون معاملتو للمى غير وانتي غير
رهف:انشالله مااندم على القرار الي اتخدتو ولازم اشيل الفكر هدي من راسي
هدى افتكرت خالد:رهف حبيبتي لا تعاندي نفسك ترى الندم شي صعب مو مثل ماانتي متوقعه
رهف عرفت قصدها:هدى انتي لسا بتفكري بخالد
هدى:ايوا مني عارفه اعطيه قلبي ولا لا اخاف احبو ويجرحني انا مااقدر على العذاب
رهف:بس الولد باين عليه انو يحبك لو احد غيروا كان نسيكي وانتي عارفه انو الحب عذاب
هدى:عارفه بس زي ماقلتلك ماابغا انجرح واتعذب وخالد لازم يحب غيري
رهف افتكرت الساعه الحلوه الي عاشتها مع احمد:الحب شي مانقدر نتحكم فيه يدخل جو قلبك ويزيد غصبن عنك ماتقدري تنسيه بسهوله ولا انك تعطيه لي أي احد قلبك هو الي يختار صح انو عذاااب بس صدقني مافي شي في الدنيا احلى من انك تكوني جنب حبيبك بس شوفتو تخليكي تحسي انك مبسوطه حتى لو كان الوضع مايساعد انك تفرحي
ولما حبيبك يكون بعيد عنك تحسي بفراغ بقلبك بس نفسك تكوني جنبو ماتبعدي عنو والسعادة ماتجي الا بعد عذاااب
هدى :خلا دحين اتاكدت
رهف مستغربه :من ايش
هدى وتغمز لها:انك تحبي احمد
رهف (مو بس احبو الا اموت فيه بس انا ماابغا افكر فيه احمد مايستاهل اعطيه مشاعري واحساسي لازم حبو مايكبر في قلبي اذا هوا ماقدر مشاعري انا محااقدر مشاعروا )
هدى:هيه انتي
رهف سرحانه
هدى:رهوف
رهف انتبهت :ها
هدى:في أي صفحه وصلتي
رهف:لا صفحه ولا كتاب
هدى:اذا تفكري بااحمد انتي لازم تنسيه
رهف:مو بالسهوله دي اقدر انساه
هدى:لازم تحاولي اجل بتقدي طول عمرك تفكري فيه
رهف:مااقدر انساه
هدى:طيب قومي ننزل نغير جو و نقعد مع ماما
.................................................. .........

كانت جالسا تكلم جوال وتبكي
:خلاص يعني مصر
فهد:حبيتي لازم اسافر اليوم
روان:كانت الاسبوع الجاي ايش خلاها اليوم
فهد:مالقيت حجز غير اليوم
روان:اذا انتا ماتبغاني وجالس تتهرب قول
فهد زعل من كلامها:واذا انتي ماعندك ثقه فيا قولي
روان :الا عندي بس
فهد :اذا انتي منجد تحبيني لازم مايكون عندك أي شك فيا
روان :انا ماكنت اشك بس حركاتك دي تخليني اشك
فهد:وانا مقدم الرحله عشان اخلص بدري واجي اخطبك مو هادا الا تبغيه ومعوره راسي فيه
روان حست بنفسها(الولد يسوي فيا خير وانا مسويا زعلانه):ايوا بس بصراحه خايفه عليك
فهد:من ايش
روان :كل شي
فهد:زي
روان :خلاص كل شي
فهد:لا قولي
روان تحس بغيره (يوه دحين البنات الشقر قدام عينو طول الوقت خلاص انا رحت فيها):يعني من البنات ومن اشياء كتيره
فهد يبغاها تعترف انها تغار عليه :اها طيب قولي كدا من اول انك تغاري عليا
روان :ميين قال اغار انا قلت اخاف عليك منهم
فهد:يعني انتي ماهمك اذا حبيت وحده تصبرني على الغربه هناك
روان :نعم نعم انتا بس جرب تطالع غيري
فهد:مو انتي ماهمك
روان عصبت منو:وانتا ترضى اني احب احد غيرك
فهد:اذبح بس الي يفكر انك ممكن تكوني له
روان:تحبني
فهد :اموت فيكي
روان :مو اكتر مني
فهد:رورو حبيبتي انتي تحبيني منجد
روان:تكون غبي اذا كان عندك أي شك في حبي لك
فهد:طيب بتغاري عليا
روان :مو بس اغر الا اموت من الغيره اذا وحده بس فكرت تطالع فيك
فهد :ياقلبي والله احبك من كتر حبي ليكي مني عارف ايش اسوي عشان ارضيكي
روان:ماابغا منك غير انك ترجعلي بالسلامه وبسرعه
وروان كانت قاعده في احد دخل عليها
روان اول ماشافتها اتلخبطت وخافت :طيب لمو خلاص اليوم موعدنا
فهد فهم انو في احد معاها :اوكي قلبي بااي
روان :باااي
بعد ماقفلت
روان :هلا ماما ايش فيكي واقفه
( فاطمه ام روا ن عصبيه شويا وماعندها تفاهم تحب المشاكل بعيده عن روان مايقعدوا مع بعض كتير لاانها طول الوقت في الاسواق وحفلات )
فاطمه:مين كنتي تكلمي
روان (من متى همك مين ا كلم مره مو لايق عليكي دور الام ):كنت اكلم لمى بنخرج اليوم مع بعض
فاطمه : وفين تبغو تروحو
روان :ماادري
فاطمه :اها بس لاتتاخروا
روان (لو انام برا البيت محاتحسي اذا انا فيه ولا لا ):انشالله
خرجت فاطمه من الغرفه على طول روان مسكت الجوال ودقت على لمى
روان :الو
لمى بصوت كلو نوم:هاااي
روان :هااي لمو شو عامله
لمى :مني عامله شي
روان :قصدي كيفك
لمى ضحكت على غبائها :هههههه الحمدلله وانتي
روان :ماشي حالي اقو لمو فين بنروح اليوم
لمى :مدري بشوف رهوف ونحدد انتي منتي طالعه مع فهد
روان حزنانه على فراق فهد:لا فهد بيسافر اليوم
لمى:فله يسير اليوم بس بنات مانبغا اولاد
روان:اوكي بس انتو اتفقو وقولولي
سمعت صوت ساره :لمو جيعانه ماعندكم اكل
لمى :الا استني انا بطبخ لك
روان :ياخينه سارونه عندك وماتقولي
لمى:جات الليل وماكنت ابغا ازعجك الا اقول خلاص تعالي عندنا اعلمك انتي والهبله الي جنبي الطبخ
روان :اوه تطبخي ايش الحركات دي من متى
لمى:من زمان
روان :ماشالله تبغيني اجيب شي معايا
لمى:روحي الحلقه وجيبي كيلو خيار وكيلو طماطم بعدين روحي السوبر ماركت وجيبي كيلو لحمه
روان :منجد تبغيني اجيبلك خضار ولحمه
لمى :لا اقول بس تعالي بطولك عندنا كل شي
روان :اوك قلبي ساعه واكون عندك
لمى :انا في الانتظار
.................................................. .....
سار مدمن على صوتها ماتمر ساعه الا ويدق عليها مايبغا يفارقها بس يبغا يكلمها يحبها حب مو مصدق انو احلامو بدات تتحقق وانو حبيبت عمروا معا ه زي العسل فكر انها لو بعدت عنو ايش حيسير فيه اكيد بيموت من بعدها مالو حياة من غيرها وحشو صوتها مسك الجوال ودق عليها
فراس:الو
مها :هلا حياتي
فراس:هلا بروحي وقلبي
مها وعندها صوت ضجه :حبيبي مايسير كل 5 دقايق تدق اهلي بداو يشكو كل شويا جالسا اكلم
فراس:ايش اسوي تحوشيني
مها ومره ازعاج عندها:وانا بتوحشني اكتر بس مو كل شويا تدق
فراس مستغرب من الاصوت الي عندها (فين تروح دي من صباح الله ):مها حبيبتي انتي فينك
مها:في التحليه سنتر
فراس حس بزعل :اها مع مين
مها:مع بنات خالاتي
فراس:طيب ليش ماقولتيلي
مها:ماجا في بالي
فراس:حبيبتي من اليوم لازم تقوليلي كل شي فين رايحا وفين جايا
مها :لييش بتجي يعني
فراس:يمكن
مها :منجدك
فراس:لا بس انتي لازم قبل ماتخرجي تستاذني مني
مها (طيب تعال اخطبني وريحني تعبت وانا المح ):بس انتا لسا ماسرت زوجي
فراس:انشالله عندي كم مشكله مع اهلي اخلصها واجي اخطبك
مها :فراس عيوني انتا بتعرف كل شي عني وايش بيسر معايا ومع اهلي بس انا مااعرف شي عنك انتا ليش ماببتكلم عن نفسك كتير سرت احس اني مااعرفك
فراس:ماابغا اتعبك بمشاكلي
مها :حبيبي تعبك راحه ومين قال اني اتعب باعكس انا حاافرح لما بتقولي بالي في قلبك وتخليني جزء كبير من حياتك
فراس:اصلا انتي حياتي كلها واذا تبغيني اقلك ايش بيني وبين اهلي من عيوني
مها:يلا اتكلم
فراس:بصراحه اهلي يبغو يزوجوني بنت عمي عشانها مطلقه ولها كم سنه ماانخطبت وعشان كدا خايقين عليها تعنس وييبغوني اتزوجها
مها حست بخوف انو فراس ممكن يضيع منها :وانتا موافق
فراس:لا طبعا انا محااتزوج غيرك لو ايش يسير
مها:بس انا ماابغاك تضارب مع اهلك عشاني
فراس:مين قال عشانك انا مستعد احاربهم عشان قلبي
مها:طيب فراس مني حاسه انك بتحبني
فراس:حياتي شيلي دا الاحساس من بالك لااني مو بس احبك الا اعشقك ومااقدر اعيش من غيرك ولو بعدتي عني او رحتي لغيري انا ممكن اموت
مها جا في بالها احمد وبدا قلبها ينبض بقوه (انا لازم اشيلو من عقلي وقلبي ):بعيد الشر عنك حياتي انا محااكون غير لك لو ايش يسير
فراس :عيوني انتي
وجلسو يقول كلام غزل لبعض
.................................................. .

صحي الصباح وهوا حاسس بتعب وارهاق غسل وجهو ومسحو بالمنشفه
راح قعد على الكنبه و كان مسند راسو عليها (انا ايش فيني زعلان ومتعب نفسي هادا كلو عشانها وانا ايش علي منها خليها تحب الي تبغاها انا خلاص ماهمني لا مها ولا رهف بس رهف انا احبها لاخلي سعيد ينفعها )
شاف جوالو جلس يدور على رقم أي بنت لقى رقم ليماء
(زكرت لمياء في بداية القصه بس حااعيد لمياء كانت حبيبت احمد بعد مها )>>>>>>>>>>>>>يامكتر حبيباتو

دق عليها
احمد :الو
لمياء بدلع مهي مصدقه انو احمد رجع يعطيها وجهه :اهلين
احمد:هلا الا القمر ايش عامل
لمياء:ماشي الحال والقااطع أيش اخباروا
احمد:تمام بسماع صوتك
لمياء :باين فينك اختفيت فجاءه خوفتني عليك
احمد:غصبن عني كان عندي ضروف
لمياء بزعل :ايش الضروف ال تمنعك عني لو انتا تحبني ماكان سويت الحركه دي معايا
احمد (يوه مو وقتك تتغلي وتسوي نفسك زعلانه):حياتي لو اقلك انو كل الي كنت بسويه عشانك
لمياء:عشاني
احمد:ايوا اهلي كانو بيزوجوني وخطبولي بس الحمدلله قدرت اقنع البنت انها تسيبني
لمياء رضيت شويا:ومين خطبولك
احمد:رهف بنت خالتي
لمياء:هادي البنت من اول ماشفتها ماارتحتلها سوسه تسوي نفسها طيبه قدام امك عشان تخطبها لك
احمد زعل من كلامها مهما تسوي فيه رهف مايحب احد يتكلم عنها كدا:لميا حياتي تراها بنت خالتي
لمياء:والله مالي كانت تبغا تخطفك مني وتبغاني اسكتلها
احمد:خلاص ماسار شي ترى مره وحشتيني يابنت
لمياء بدلع :وانتا اكتر
احمد:اه لو تدري بالعذاب الي كنت اتعذبوا عشانك كنت كل يوم ابكي عند اهلي عشان مااتزوجها
لمياء بحنيه :ياحياتي
احمد:ابغا اشوفك اليوم ولا تااجلي اكتر اذا ماشوفتك اليوم ممكن اموت
لمياء:جعل يومي قبل يومك
احمد(امين ):ياعمري يلا متى اشوفك
لمياء وكاانها ماصدقت:دحين انا فاضيا
احمدhttp://forum.te3p.com/images/smilies/frown.gifول ماصدقت يلا تسليني ):فين تبغيني اجيكي
لمياء:نروح جافا ولا اقول بعيد عنك
احمد:حبيبتي لو انتي في المريخ اجيكي خلاص جافا جافا
لمياء :ياعيوني خلاص ساعه واكون هناك
احمد :اوكي
................................................
كان جالس سرحان عقلو مو معاه بس يفكر فيها مو قادر يشيلها من بالو يحس نفسوا مجنون في حبها وهيا ماتدري عنو
يبغا يدق عليها بس خايف ترفضو وتجرحوا أي كلمه منها لها معنى تاني (معقوله كل دا حب في لمى )
فهد:هي انتا ايش فيك ساكت
مهند:ها ولاشي
فهد:دقيت على لمى
مهند:لا
فهد:اجل ايش تستنى دق عليها
مهند:ساعه وادق عليها
فهد:برضك تفكر فيها
مهند:ماراحت عن بالي لحظه
فهد:من متى وانتا تحبها
مهند:من اول ماشفتها قدامي حبيتها وماقدرت اشيلها من بالي
فهد:عدل حب من اول نظره
مهند :ا ه انا مو بس احبها احس اني سرت مجنون فيها لوتقولي نط من السطوح انط
فهد:هادا وانتا ماتعرف اذا تحبك ولا لا
مهند:مني عارف ايش حيسير فيا لو طلعت ماتحبني
فهد:انتا لازم تحط في راسك أي جواب منها انك لازم تتقبلو
مهند:عارف بس متى اقلها الي بقلبي واشيل الحمل دا عن صدري
فهد :مااقول غير الله يعينيك
مهند:الا اقول صدق انك مسافر اليوم
فهد يفكر بروان قلبو مايطاوعو يسيبها:لو عليا مااسافر بس تعرف الفرصه ماتجي غير مره وحده في العمر ومااقدر اضيعها بس ممكن ابطل منها
مهند باستغراب:ليش
فهد:قلبي مايطاوعني ارو ح واسيب روان
مهند يبتسم:روان محاتطير تقدر تستنى شهر
فهد(داك اول بس دحين المفروض اني ماسيبها ياربي انا ايش سويت ببنت الناس):مدري الفترة دي اتعلقنا ببعض مره
مهند:فين مسافر
فهد:مدري كل يوم يطلعو بلدة بس انا مسافر كندا وهناك يشوفوا فين يحطوني
مهند:الله يوفقك
.................................................. .......
في بيت ابو محمد
روان :وهادا الي سار
لمى بعتاب :مجنونه اذا خليتيه يسافر
روان :حاولت معاه بس انا ماابغاه يضيع مستقبلو عشاني
ساره :بس يابنت ماتخيلتك جريئه لدي الدرجه
روان بحزن:انا ماكنت حاطه في بالي اني ممكن اسويها هوا بس عرض عليا انو نسهر في الشقه
لمى:الشيطان قوي
روان :منجد مره ماحسيت بنفسي بس تعرفي سرت مااقدر احط عيني في عين فهد مدري حاسه بندم وبخوف مني قادره اتحملو
لمى:هوا صح شعور يخوف بس اذا انتي تحبي فهد انشالله محايسير شي
روان :انا احبو بس
ساره بتهديد:بس ايش
روان :انا بصراحه فكرت لو اني ماغلط معاه وجا خطبني حوافق ولا لا
لمى:وايش طلع
روان :اني محااوافق
لمى :ليش
روان : يعني بحس اني مااحبو
ساره:ايش
روان :احبو بس مني عارفه كيف اوصف شعوري
لمى من غير ماتحس:منتي ميته فيه
روان :هوا دا ماادري كنت اتمنى اني اتزوج واحد وانا ااموت فيه
ساره تفتكر عبدالله (اف ايش جاب دا في بالي): كيف يعني تموتي فيه
روان :لما يبعد عنك كم ساعه تشتاقيلو موت ماتقدري تبعدي عنو تحسي معاه بالامان والحب وانك مستعده تسوي أي شي عشانو لما تشوفيه تذوبي من الشوق ولما يقرب منك تحسي بقشعره وبفرحه
لمى تسمع كلام روان (هادا الشعور بحسو مع مهند معقول انا احب مهند ومو بس احبو الا مجنونه بحبو ياربي انا ايش جالسا اقول )
قطع عليهم كلامهم احمد خارج
احمد:السلام عليكم
الكل :وعليكم السلام
احمد:لمو قولي لي امي انا حااتاخر
لمى :انشالله
وخرج احمد
ساره:ايش فيه اخوكي متكشخ
لمى:مدري اول مره اشوفو متشيك لدي الدرجه
ساره:شكلو رايح يديت
روان :مدري ليه لما اشوفو افتكر رهف احسهم يناسبو بعض
ساره:الا رهوف دي فينها
لمى اخدت جوالها وقامت :دحين بروح اكلمها
راحت لمى تكلم رهف دقت عليها
لمى :الو
رهف:هلا لمو
لمى: رهوف فينك مالك لاحس ولاخبر
رهف :مشاغل الدنيا
لمى:هههههههه حسستيني انك وحده عجوزه يلا بس بلا يكلام عجايز وتعالي عندي البنات متجمعين
رهف :لا مااابغا اجي
لمى:ترى احمد فيه
رهف بحزن :ايش يعني احمد فيه ترى مايهمني
لمى:اها سيبنو بعض ليش انشالله
رهف:بس كدا بس كانت فترة حب غبي بينو وبيني
لمى :طيب اطمنك احمد خرج وقال انو حيتاخر
رهف:بس اخاف يرجع بصراحه مافيا اشوف وجههو
لمى:لا تخافي محاتشوفيه يلا بس تعالي
رهف :اوكي
ساره:ها رهوف جايه
لمى:ايوا هيي انتي ايش فيك يسرحانه
روان :ها لا ولا شي
ساره:يعني حتكون سرحانه في ايش
روان :لمو مين حيقلنا النتيجه
لمى:اختي لجين تقول انو اخت زوجها تقدر تطلعها انشالله دحين بتجي وتقلنا
ساره:يالله قلبي يدق 12 سنه وانا ادرس عشان الشهاده دي
روان :مافكرنا ايت جامعه ندخل
لمى:نفكر بعض النتيجه عشان لانحط شي في بالنا ونتحطم بعدين
ساره:كلوا لا التحطيم
لمى:روان ماقلتلك
روان:خير
لمى:فاكره الولد الي شكلو لبناني الي دايمن نشوفو في المنتزه
روان:العذااااااب
لمى:يب
روان:ايش فيه
لمى:عندي رقمو
روان صرخت:ياخاينه وماتقوليلي
ساره:هي انتي ترى الولد يبغاني ياانا يالمى
روان:هوا لو شافني ماكان طالع فيكم
لمى:هههههههه هادا كلو ماشافك وانتي طول الوقت رايحا وجايا من قدامو
روان : ماانتبه لو انتبه ماكان طالع فيكم
ساره :انشالله
لمى:لا تصدقي نفسك المهم ادق عليه
ساره اعطتها الجوال :يلا
روان :يلا حطي سبيكر
لمى مسويه نفسها منكسفه :لا انكسف قدامكم
ساره:يلا عن حركات البنات الي مالها داعي
لمى:طيب هاتي
اخدت الجوال ودقت ورد عليها
بشار :الو
لمى بتموت من صوتو (اه عليه صوت ):هلا
بشار:هلا مين معايا
:لمى
بشار يصفر:اهلن اهلن وانا اقول ايشبو جوالي نور لما دقيتي
لمى: هههههه الجوال منور بصوتك
بشار بيموت من ضحكتها :تسلملي الضحكه الحلوه
لمى تطالع في ساره وروان تلاقيهم ميتين ضحك عليها اخدت الجوال وراحت
بشار:لمو فينك
لمى :معاك
بشار:ايش فيكي سكتي
لمى:اسمع صوتك عاجبني
بشار:تبغيني اغنيلك
لمى:ههههه يلا براحتك
بشار:ايش تبغي اغنيه
لمى:أي شي على ذوقك
بشار: هادي اغنيه تفكرني فيكي اول ماشفتك

لمى:يلا
بشار مسك القيتار: وغني اغنية عمروا دياب(ضحكت)
ضحكت يعني قلبها مال وخلاص الفرق مابنا اتشال
يلا ياقلبي روحلها يلا
قلها كل الي بيتقال
ضحكت يعني قلبها مال وخلاص الفرق مابنا اتشال
يلا ياقلبي روحلها يلا
قلها كل الي بيتقال
مستنى ايه بعد الضحكه دي الضحكه فتحاها بسكه
مش هيا دي الي انتا عشقها
وبقلها ياما شاغله البال...............
:خلاص هيا دي الاغنيه الي تفكرني فيكي
لمى معجبه بصوتو:الله الاغنيه جناااان وصوتك محليها كمان
بشار:تسلمي يلا دحين دورك
لمى:اممم يلا اختار اغنيه
بشار:أي اغنيه منك حلوه
لمى :طيب
اممممممممم
بشار:يلا ايغا اسمع صوتك
لمى :غنت اغنية الين خلف (بعدك على البال)
بتغيب وتقول مشغول على طول
بتغيب وتقول مشغول على طوووووول
بعدك على البال
على بالي بحبك موال
يحلالي شي مره سؤال ياغالي حالي شو صااااااار
قلبي مشتاق صدقني ونار الاشواق حرقتني
كيف قادر هيك تتركني وبقلبي الناااااار
كيف بدي كفي عمري وانتا غايب ياعمري عن عنيا
ا ه انتا الي حبيتك لما عشقتك حسيتك مني وفيا
بتغيب وتقول مشغول على طول
بتغي وتقول مشغول على طووووول
بعدك على البال على بالي بحبك موال
يحلالي شي مره سؤال ياغالي
حالي شو صار
قلبي مشتاق صدقني ونار الاشواق حرقتني
كيف قادر هيك تتركني وبقلبي الناااااااااار........
بشار يصفر ويصفق:لااااااااااااا اموت انا على الصوت الحنون
لمى انكسفت :احسن منك صح
بشار:ايش جاب صوتي لصوت الملاك
لمى شافت احد بيدق على جوالها:بشار اكلمك بعدين
بشار زعل:ليش
لمى:في احد يدق
بشار:اها بس لا تطولي
لمى:انشالله يلا باااااي
بشار :بااااااي ياقمر

بعد ماقفلت لمى حست بفرحه وشعور حلو وحست انو بشار يناسبها (يالله الولد خطير من اول مره اكلموا خد عليا اه منك بس كنت حاسا اني حااحبو من اول مااشفتو الله حب من اول نظره )وابتسمت طالعت جوالها لقت رهف تتصل
لمى:هااي
رهف:لمو اشتريت اشياء وانا جايا انا عند الباب يلا تعالي ساعديني مااقدر اشيلها كلها
لمى:اوكي
لمى راحت الصاله عند روان وساره
روان :ها ايش سار
لمى:خير اقول سوسو رهف جابت اشياء انتي لبسك ساتر البسي طرحه واانزلي الشارع جيبيها
ساره اخد طرحه وحطتها :يالله رهف وحشتني
راحت الشارع وهيا خارجه شافت رهف شايله كيكه كبيره ومو باين وجهها
ساره راحت عندها وحضنتها بقوه :وحشتيني يادبه
رهف بتتخنق من ساره :سوسو مو دحين التسليم اودي الكيكه وبعدين سوي فيا الي تبغيه
ساره:في اشياء بره
رهف:روحي عند الشارع تلاقيها
راحت ساره الشارع شافت كيكه تانيه عند الباب (يحليلها كم كيكه جايبا ) اخدت الكيكه وشالتها
الكيكه كانت تقيله وشالت معاها الايس كريم
وهيا ماشيه السواق كان مغسل الحوش والارض مبلبله ماحست برجولها واتزحلقت رجولها جات تبغا تطيح كانت خايفه على الكيكه رفعتها عشان لما تطيح مايسر لها شي كانت مغمضه عينها تستنى انها تطيح وتصقع في الارض بس حست بيد من وراها مسكتها بقوه ووقفتها
كانت مصنمه تبغا تطالع تشوف من مسكها بس مهي قادره مصدومه
لفت راسها عليه
طالعت فيه وصنمت (لااااااااااااااااااااااا كلوا لا الولد دا )
:عميه ماتشوفي الارض مبلبه
ساره متفشله:ماانتبهت
عبدالله:بعدين فتحي عينك مضبوط
ساره حطت الكيكه في الارض وجات تبغا تروح
بس حست بيدو مسكتها وسحبتها:ايش فيكي مستعجله
ساره:خير في شي
عبدالله:لا
جلس يطالع فيها ويتامل جمالها ويطالع في عيونها
وهيا جلست تطالع في عيونو
كان مابينهم غير نظرات لها معاني كتيره نظرات فيها كلام محد قادر يقولو للتاني
هيا كانت تستناه يبدا بكلمه حلوه
وهوا يبغا يقلها شي بس يحس لسانو ينربط قدامها والكلام يضيع منو
ساره حست بنفسها:تبغا شي
عبدالله ابتسم ابتسامه خطيره:سلامتك
ساره(حرام عليك شكلك ناوي علي اليوم ) جات تبغا تاخد الكيكه
عبدالله:لا خليها انا بدخلها
راحت ساره ودخلت البيت واول مادخلت جلست عند بابا المطبخ واقفه
شالت الطرحه بقوه وانفتح معاها شعرها وطاح على وجهها كانت تحس بحر والم في راسها
حطت راسها على الجدار وشهقت وشالت خصلات شعرها عن وجهاا وغمضت عينها
وجلست تفكر حست انو في احد يطالع فيها
فتحت عينها لقتو قدامها
عبدالله :هادا كلو مني
ساره مااعطتو أي اهتمام ودخلت جوا
واول مادخلت كانت مكشره
لمى:ايش فيكي ماده بوزك شبرين
ساره:لا بس كنت حطيح
لمى:انتي متى تبطلي من العمى حقك
رهف:لمى روي افتحي الباب صوت الجرس ازعجني
لمى راحت فتحت الباب
لمى:لموووووووووره
لجين وهيا شايلها لمار:شيلها عني بسرعه
لمى اخدتها وحضنتها:ياقلبي مره وحشتني
مؤيد غار:وانا ما وحشتك
لمى حظنتو :انتا اكتر واحد وحشتني
مؤيد:خاله لمو ماما تقولي اذا ماقعدت عاقل حتعطيني ابره
لمى :طيب اقعد عاقل عشان ماتخدها
مؤيد:اصلن انا عاقل من ربنا
لجين:يلا بس ادخل وعن طولت اللسان
لموره كانت نايمه ولمى ماسكتها
لمى تطالع في لمار وجالسا تبوسها :ياربي عليها تزنن
لجين:يلا اقعدي عشان اذيع النتائج
لمى قلبها طاح:معاكي
لجين :لا تخافي كلكم ناجحين
لمى:قولي والله
لجين:والله يلا في البنات
لمى :في الصاله استني لاتقولي شي اودي لموره غرفتي واجي
لجين راحت الصاله
لجين :هاااي بنات
الكل:هااااي
لجين :كيفكم
روان :بعدين اسئلي نبغا النتائج
لجين:ماابغا اقلكم هيا في الليل
رهف:بليز لوجي قوليها دحين
روان :صدق ماسار عندي اعصاب استنى
ساره :يلا
لجين :اوكي لما لمى تجي
روان :فينها
لجين:دحين جايا
ساره:طيب النتائج ترفع الراس ولا تسود الوجهه
لجين:امممممممممممممممممم مدري
جات لمى الصاله
روان :هييييييي اهي لمى جات يلا قولي
لمى على طول راحت قعدت:يلا
لجين معاها ورقه:مستعدين
الكل :ايوا
شويا يسمعو صوت حريم جاين دخلو :السلام عليكم
طالعو لقو سلوى وام محمد وام عبدالله جاين
لجين:بسم الله فين كنتو
ام محمد:في الصالون
رهف:بعدين يلا اتكلمي
لجين طالعت الورقه الي معاها:روان
روان بخوف:لا خليني اخر وحده
لجين:لا بقول اذا ماقلت دحين ماحااقول بعدين
روان :خلاص ماابغا اعرف النتيجه
لجين:دوبك كنتي ميته عليها
ساره:يلا بس قولي مو لازم توافقك
لجين :اوكي نسبتك يارورو 89%
روان صرخت وقامت تنطنط من غير ماتحس:احلفي
لجين :والله
روان :لا هادي يبغالها عزيمه
لجين:لا ذبيحه
رهف:يلا لجين ترى قلبي طاح من الخوف
لجين :اوكي اختي العزيزه فينها
لمى وترفع يدها :هنا
لجين :اممممممم خساره ماتطلعتي شاطره زيي
لمى قلبها طاح :لا تقولي خلاص ماابغا اعرف
لجين:لا يابنت الحلال طلعتي اشطر مني 91%ماشالله
لمى راحت وحظنت لجين :كدابه
لجين :ايش فيكم اليوم منتو مصدقيني
واعطت لمى الورقه:اهوا اتاكدتي
لمى:ايوا والله ماتكذبي
وطالعت على امها:ماما جهزي الهديه الي نفسي فيها
ام محمد:انا مالي دخل الاشياء دي ابوكي متكفل فيها
لمى:لا اصلن انتي هديه وبابا هديه وسلوى هديه ومحمد هديه
ساره:لمو بعدين انا ابغا اعرف نتيجتي
لجين :من جد انانيه عرفتي نتيجتك وارتحتي دحين دور غيرك يلا مين ساره
ساره :انا
لجين :مبروك :89 %
ساره راحت عند روان وحظنتها:وااااااو زي بعض
روان :استغفر الله في كل شي تقلديني حتى في النتيجه ياماما خلي عندك شخصيه ولاتقعدي تقلدي
ساره :ههههههه ضحكتيني مين يقلد التاني وطول وقت الاختبار تدقني في ظهري تبغا اجابة السؤال المدري كم
روان :لا كنت ابغا اشوف اذا برضك مقلدتني عشان اغير
رهف كانت خايفه مره (يارب نتيجه حلوه احمد ورسوب انا كدا مااقدر):يلا بنات ابغا اعرف نتيجتي بعدين اتضاربو
لجين تبغا تلعب بااعصاب رهف:رهوف لا كدا مايسير
رهف:لا تقولي راسبه
لجين :حرام عليكي
رهف ميته خوف:كم
لجين :93%
رهف صرخت بصوت عالي نزلت كل الي في قلبها :لجين لا تكذبي
لجين اعطتها الوقه:خدي اتاكدي
رهف اخدت الورقه :واااااااااااااااا اليوم كلكم معزومين على حسابي
روان :لا حبيبتي انا عازمتكم قبلك
رهف:وااااااا حماااس انا اشطر وحده شعور حلو
لمى:هييي انتي لاتفرحي ترى مافي فرق بيني وبينك كتير
رهف:لا تحاولي برضي اشطر منك
سلوى :لمو حبيبتي محمد يستناكي تحت يبغا يباركلك
لمى اوكي انا بروح عندو ولما ارجع ابغاكم تفكرو ايش حتجيبولي هدايا
سلوى:يلا بس انقلعي حماد يستناكي تحت ترى مااحب زوجي يستنى زي السواق
لمى:عشتو تسوي نفسك
سلوى:ايوا اسوي نفسي ويلا روحي ولا مافي هديه
لمى:لا خلاص حياتي
لمى راحت الصاله عند محمد
شافتو واقف يستناها
(محمد اخو لمى مااتكلمنا عنو كتير ولد طيب ويموت في سلوى وحنون لمى مره تحبو اكتر من احمد بس حنتعرف عليه اكتر من خلال القصه لاانو حيكون له دور كبير فيها )
ولمى والابتسامه شاقه وجهها :حماده
محمد:لمو يادبه وحشتيني
لمى راحت وحظنتو : فين هديتي
محمد :بعدين اعطيكي هيا اول اعرف كم نسبتك عشان اقيم الهديه
لمى بغرور :91
محمد يحب يقرها :بس
لمى:اجل كم تبغاني اجيب
محمد:مو اقل من 94
لمى:والله هادا عقلي لحد هنا تفكيروا ايش اسويلو
محمد:لو كنتي تسمعي كلامي وتزاكري وتبطلي من الغياب الزايد
لمى:بس خلاص الله يخليك فكنا من المحاضرات تراني كبرت
محمد يطالع اختو (من جد كبرت وسارت عروسه):كم عمرك
لمى:عيد ميلادي ال19 بعد شهر يعني لاتنسى الهديه
محمد:ماشالله سرتي عروسه خلاص العريس خليه عليا
لمى:لا انا بختار واحد على زوقي
محمد:لا انتو البنات ماتفهمو في دي الاشياء بس شفتو واحد حلو سرتو ميتين عليه
لمى:ليش انشالله تبغا تجبلي واحد شاكوش (شاكوش يعني معفن )
محمد:بس اخلاق واصل
لمى:لا انا بختار لنفسي شكرن
محمد:خلاص اتاكدت انك مو حق زواج
لمى:وي ليش د وبني كنت عروسه
محمد:لاانو ليا ساعه واقف ماقلتيلي اجلس اجل اذا اتزوجتو بتتعبي ولد الناس
لمى :واه سوري ماانتبهت اتفضل البيت بيتك يااخوي

في الصاله
لمى كانت ناسيه جوالها فوق الطاوله كان جالس يدق
روان شافتو يدق راحت لعندو طالعت لقت رقم مهند (هادي لمى فينها اكيد الولد داق عشان يقلها انو يحبها)كانت تبغا ترد وتقولو الجوال مو مع لمى بس مالها حق ترد سابت الجوال
ساره:قومو بنات نتطلع فوق
رهف:يلا قومو
راحو البنات الدور الثالث وهما في الطريق شافو لمى
لمى:على فين
رهف:فوق
لمى:لا نروح غرفتي
ساره:أي مكان
راحو غرفت لمى واول مادخلو جلسو كلهم على السرير
روان:بنات نبغا نخرج
لمى:بعد المغرب انشالله ومانبغا اولاد نبغا نعمل girls party
ساره:من زمان ماقعدنا نحنا البنات لحالنا
لمى: انا اليوم ابغا اعدل دماغي سجاير ومعسل لحد يكلمني
رهف:حتى انا
روان :حتى انتي ايش
رهف:ابغا اعدل مزاجي
روان:من متى تشربي الاشياء دي
رهف (من اليوم مني حارمه نفسي من شي ):من دحين
ساره:يابنت عيشي حياتك وفليها
لمى كانت سرحانه
ساره:الا ماخد عقلك يتهنا به
لمى :محد ماخد عقلي غيرك
ساره:هههههه ترى مو عليا يلا قولي ايش سار مع بشار
رهف:و اااا دا واحد جديد
لمى:تعرفي انا اطفش لازم اغير كل شويا
ساره :يلا قولي كيف اول مكالمه
لمى:والله ارتحتلو الولد دا حسيتو ينفعلي
روان قلبها يعورها على مهند لاانها تعرف انو يحبها: لمى ترى جوالك دق من رقم غريب
لمى تطالع جوالها لقت رقم
روان :محاتدقي
لمى:اذا احد يبغاني في شي ضروري حيرجع يدق
رهف:طيب بنات اذا شفتو ولد مملوح لاتنسوني عاد
ساره :وانا كمان تعرفوا انا ورهوف singal
روان :اه صراحه مافي زي الحب
رهف :انتي الوحيده الي تحبي فينا
ساره:طيب رورو اوصفي شعورك عشان نعرف اذا نحب ولالا
روان باابستامه:شعوري كلمات الدنيا كلها ماتوصفو
ساره تصفر:اموت انا على الي يحبو
روان :ايش تحسبي
لمى جوالها دق طالعت الرقم لقتو نفسوا حق اول اترددت ترد ولا (ارد بس اخاف يطلع احد عله بس يمكن يطلع بشار داق من رقم تاني)فرحتا ا نو ممكن يكون بشار
راحت الحمام وردت
لمى:الو
:اهلن
لمى (هادا مو صوت بشار بس الصوت دا مو غريب عليا ):اهلن مين
مهند:انا مهند
لمى ماجا في بالها مهند مره :مين مهند
مهند قلبو عورو (مره ماجيت على بالك بس يلا نجرب ماورانا شي):قريب كنت معاكي
لمى اول ماعرفتو جاتها رجفه وقلبها سار يدق بسرعه الكلام ضاع منها (انا ليش يسير فيني كدا لما يكلمني ):اهلن مهند
مهند:افتكرتيني
لمى:وانا اقدر انساك
مهند ابتسم :دوبك كنتي ناسيتني
لمى:لا بس مااتوقعت انك تدق عليا
مهند:اها انا دقين عشان
اتردد مهند يقلها ولا لا
لمى:عشان ايش
مهند مايبغا يتسرع ويقلها في الجوال :عشان اشوف اذا فاضيه اليوم نخرج مع بعض
لمى من غير ماتفكر :لو مشغوله افضالك
مهند:يعني اعتبرها موافقه
لمى:ايوا
مهند:فين تبغي تروحي
لمى افتكرت البنات:انا والبنات رايحين فندق وستن
مهند:خلاص اشوفك الليل
لمى (الله يصبرني لليل ) وهيا متعوده انهاا تكلم الناس بحب:اوكي حبيبي
مهند سمع الكلمه ومو مصدق الي يسمعو اخر وحده يفكر انها تطلع منها دي الكلمه هيا لمى
كان يبغا يقلها كل الي في قلبو خلاص لمى فكت الحاجز الي بينهم :ممكن تعيدي الكلمه الي قلتيها
لمى حست بنفسها وجهها حمر (يالله كيف نزلت الكلمه دي مني بس ليش عجبتني الكلمه لما قلتها )كان نفسها تعيدها بس ماتحب ترمي نفسها على أي ولد :سوري طلعت بالغلط بس متعوده اقولها
مهند(وانا مصدق نفسي):اف خوفتيني على بالي حبيتيني
لمى منكسفه :لاتصدق نفسك
مهند:ماصدقت
لمى:طيب بس لاتفكر
مهند :اوكي حياتي باااي
لمى:اخاف انتا الي حبيتني
مهند:لاتحلمي
لمى:يلا من زينك
مهند مايقدر يقول الي بقلبو دايمن يقلها كلام من ورى قلبو :تتمنيني
لمى قفلت في وجهههو
مهند يطالع الجوال لقاها قافله في وجهو :فين تروحي مني بس
لمى راحت عند البنات والضحكه شاقه وجهاا
روان عارفه مين كانت تكلم
لمى:سوري بنات في تغير في الخطه اليوم
ساره:ايش هوا
لمى:حيكون معانا ولد
ساره:لا مو انتي قلتي مافي اولاد
لمى :بليز بس ولد واحد
ساره:واه اشوفك ميته على الولد دا
لمى:لا بس اعطيتو كمه ومااحب اتفشل

روان:ومين الصباح راجتنا مافي اولاد
لمى:خلاص بنات
رهف:ومي ندا والولد
لمى:مهند صاحب فهد
روان :الولد لزوز يجي منو
ساره:طيب خلينا نلبس لمى اعطيني ملابس من عندك
لمى :تعالو نختار ملابس
راحو عند الدولاب في غرفة الملابس كان محل ملابس مودلاب
لمى اخدت فستان ناعم برتقالي كان عريان وقصير فوق الركبه ولبست عليه صندل ذهبي (الله يكرمكم)
واكسسوارات ذهبي
وموجت شعرها وحطت أي شادو ذهبي وكحلت عينها بالاسود طلعت عينها البنيه بالذهبي خطيررره وحواجبها البني حطت بلاش وردي وروج وردي
وروان لبست بنطلون جينز وبلوزه فضي ولبست صندل فضي (الله يكرمكم) واكسسوارات فضي و
وحطت كحل ازرق واضاءه فضي وبلاش
برونزي وروج فوشي
ساره لبست تنوره جينز وبلوزه صفرا مطرزا تطريز قديم ولست اكسسوارات ذهبي وصندل رباطات ذهبي (الله يكرمكم)
وحطت ميك اب ناعم بس كحلت عينها من تحت ولبست عدسات بني
رهف لبست فستان وردي وازرق كان شكلها خطير بالفستان
حطت أي شادو وردي وكحل ازرق ولبست عدسات زرقه وحطت بلاش وردي وقلوس وردي
ساره:لمو اعطنيي عطر
لمى:تلاقيه فوق التسريحه
ساره راحت التسريحه واخدت العطر
وحطت نصوفي العبايه
روان :يلا بنات اتاخرنا
لبسو عباياتهم واتعطروا
لمى:بنات لازم نخرج من الباب الي ورى عشان لحد يشوفنا ونحنا كدا
رهف :يلا
خرجو البنات
زنزلو الحوش كان فيه 3 سارات بي ام ولكزس وهمر
لمى:بنات ايت سياره تبغو
ساره :لكزس
لمى تاشر علة السواق:الكزس
ركبو السياره وراحو على فندق وستن
....................................
كان جالس في السياره يستناها عند جافا
دق جوالو
فر اس:الو
مها :فينك
فراس :عند الباب
مها :ايو خلاص شفتك
اشرت له مها
خرج من السياره وراح عندها
مها شافت فراس حست بفرحه راحت عندو:سوري حياتي اتاخرت عليك
فراس:لا عادي بس يلا ندخل
مسكها من يدها ودخلو
كانت مبسوطه ماسكه يدو بقوه حاسه بدفء وحنان معاه قربت منو
طلعو الدرج كانو يدور على طاوله فاضيه
كانت تدور شافت شي خلاها تصنم وقفت رجولها ماكانت تشيلها شافت احمد مع صحبتها القديمه
حست بنار في قلبها دمها كان يغلي (ايش فيني انا غايره عليه منها خليهم الاتنين يتحبحبو براحتهم )
فراس انتبه شافها تطالع مصنمه طالع شاف احمدولمياء كان يعرف احمد شاف مره صورتو في جوال لمى (اه لمى من زمان عنها البنت دي صدق لها وحشه)
فراس: حياتي ايش فيكي
مها انتبهت وابتسمت :مافيا شي
فراس:يلا نروح نقعد
وعلى حضها مالقو طاوله الا جنب احمد ولمياء
قعدو الاتنين في الطاوله
فراس قعد جنبها ومسك يدها :وحشتينيييييي
مها وعينها على احمد:وانتا اكتر
فراس نادا الرجال عشان يطلبو
مها فتحت الشنطه وطلعت علبة سجاير
فراس:سوري حبيبتي بس ماابغاكي تدخني
مها ابتسمت وطفت السجاير :من عيوني حبيبي
فراس انتبه لنظراتها :تعرفيهم
مها :ومن فين حااعرفهم
في الطاوله التانيه
احمد:خلاص حبيبتي
لمياء:مااقدر تقهرني هادي البنت
احمد قلبو عورو(ماكان له داعي احطها على رهف):هيا مالها ذنب اهلي الي كانو يبغو يزوجوني
لمياء:اشوف انك حبيتها
احمد ميك يدها:وانا اقدر احب غيرك
لمياء (انا اوريكي يارهف ان ماخليتك تندمي على اليوم الي فكرتي فيه انو احمد ممكن يكون لكي): اوكي حبيبي
لمياء شافت مها :دقيقه حمودي
راحت عند مها في الطاوله :مها وحشتيني يادبه
مها مع الفجعه قامت :وانتي اكتر
راحت لمياء وحظنتها:ليش ماقلتيلي انك رجعتي
مها ماعرفت ايش تقول :تعبت وانا ادور على رقمك
لمياء عارفه انها كدبه بس متعوده كل الناس تكدب عليها:اها طيب خدي رقمي ***************
مها تسوي نفسها تسجل الرقم :انشالله ادق عليكي الليل
لمياء:طيب اعطيني رقمك عشان اعرفوا تعرفي طول الوقت تدق عليا ارقام غريبه
مها ماتبغا تعطيها بس اطرت تعطيها:*************
لمياء:اوكي حياتي see you soon
مها :باااي
راحت لمياء وقعدت مها وبرضها تطالع في احمد وهوا يطالع فيها
فراس عرف الحكايه افتكر لمى لما كانت تقولو انو اخوها يحب وحده اسمها مها :ليه تكذبس عليا وتقولي انك ماتعرفيهم
مهاساكته
فراس كان معصب منها:مها اتكلمي
مها:انا هادي الاشكال نسيتها وشلتها من حياتي
فراس مو مطمن للموضوع ماكان يبغا يخرب عليهم السهره :طيب قلبي اذا المكان مو عاجبك قولي
..........................................
في فندق وستن بالتحديد في الكافي
دخلو 4 بنات كل وحده احلى من التانيه
كل وحدها رافعه راسها
طلعو الكافي كان كلو رجال اعمل عجايز واولاد اغنياء وبنات ليل
دخلو وجلسو في طاوله
روان :ايش فيهم الاولاد يطالعة فينا كاانهم ماشافو بنات
رهف:طبعا اكيد ميتين في جمالنا
ساره:بس لاتسيري واثقه
رهف:من حقي
لمى:شوفو العجوز داك كيف يطالع فيا
رهف:اكيد سايب زوجتو في البيت وقايل لها عشاء عمل
ساره:والمسكينه جالسا منزله له ثوب وشماخ والبخور جالسا تبخروا
رهف:ولا هوا خارج جالسا تدعي انو الله يوفقو
روان كانت سرحانه جات في نص الهرجه:مين هيا
ساره:زوجتو
روان :وانتو ايش دراكم
رهف :اكيد هادي حركات كل الرجال
ساره:لمو اتحداكي انك تاخدي رقمو
لمى:نتحدى على ايه
ساره:اممم بوسه مني
لمى:ماابغا خليها ليكي
ساره :ليش خايفه تخسري
لمى:لو ابغا كان ماطلعت بس رقموا لا خليتو يتزوجني خلال اسبوع
ساره:مانبغا يتزوجك بس نبغا رقمو
رهف:يلا لمو
لمى طفشانه تبغا تسلي نفسها كانت تستنى مهند على نااار وتبغا تضيع الوقت :اوكي
روان وساره ورهف يشجعوها ويصفقو لها
لمى قامت وطالعت في الرجال وابتسمت راحت عند الباب حق الكافي ورمت نفسها الجدار جلست تلعب بشعرها شافت العجوز جا وراها طلعت علبة سجاير من شنتطتها وطلعت سجاره حطت السجاره في فها وجلست تسوي نفسها تدور على الولاعه
جاها العجوز وولع لها السجاير
لمى بدلع فضيع :شكرن
وغمزت له
العجوز كان بيموت عليها دايمن يشوف بنات من جميع الاجناس بس لمى جذبتو
طلع من جيبو كرت :هادا رقمي اذا احتجتي أي مساعد
مدت يدها واخدت الرقم وابتسمت
الرجال راح من عندها بعد مااخدت الرقم
لمى شهقت :وع
طالعت لقتو جالس يتفرج عليها كان بتموت من القهر انو شافها وهيا بتلعب على الرجال (يالله دحين يحسبني لعابه)
راحت لعندوا
لمى مدت يدها :هاااي
مهند مااعطاها وجهه
لمى حست انو زعلان منها:من متى وانتا هنا
مهند:من يوم ماكنتي تحاولي تغري الرجال
لمى (لااااااا ايش المواقف دي ):اها
مهند (وانا ليش شايل في قلبي انشالله اقدر اادبها واربيها بس يبغالها وقت)ابتسم لها:ماتبغي تقعدي
ومد لها يدو
لمى مسكت يدوودخلو مع بعض
في الطاوله
روان :سوسو شوفي لمو جايه مع مين
ساره:قلنالها العجوز مو القمر دا
روان :ياغبيه هادا مهند
رهف:وااااااااااو مره ماتخيلتو خطيررررررر
ساره:فضيع الولد مره جنااااان من جد تحطيم
رهف:بس هوا ليش ماسك يد لمى
روان :هوا يحبها بس هيا ماتدري يويلكم لو قلتولها
ساره:وانتي ايش عرفك
روان :انتي نسيتي انو صاحب فهد
رهف:اهم جوا خلاص يلا نغير الموضوع
جو مهند ولمى قعدو في الطاوله
مهند:السلام عليكم
الكل:وعليكم السلام
مهند يطالع في لمى :ماقلتيلي انو معاكي احد
لمى:مافي احد غريب روان وتعرفها بس رهف بنت خالتي وساره صحبتي
مهند يبتسم :اهلن
ساره:ها ايش سار على التحدي
لمى اعطتها الكرت من تحتها الطاوله :ماقلتلك انا قدها
رهف:ماشالله بسرعه
لمى:ايش تحسبي
روان كانت جالسا تدق على فهد:ايش فيه هادا مايرد
مهند:يمكن طلع الطياره
ساره تاشر لي لروان ورهف انهم يقومو :دقيقه انا رايحا الحمام
رهف:وانا كمان بروح معاكي
روان :وانا معاكم
لمى فهمت حركتهم (انا اوريكم اللله يلعنكم من بنات حرااام عليكم انكسف اقعد معاه لحالي)
راحو البنات ومابقي في الطاوله غير مهند ولمى
لمى على حظها دق جوالها وكان بشار
اطرت انها ترد ماتبغا بشار يضيع منها
لمى:هلا بيشو
بشار:هلا باقمر وحشتيني
لمى:وانتا اكتر
بشار :ليش مارجعتي دقيتي
لمى:سوري ياقلبي انشغلت
بشار :طيب بس ياحياتي لاتعيديها
لمى:طيب بيشو انا مو في البيت لما ارجع اكلمك
بشار:اوكي
لمى:باااي
بشار:باي قلبو
مهند كان جالس يسمع الكلام ونار كانت تغلي في قلبو (البنت قدامي ومو قادر اقلها اني احبها وانا ليش اخبي مشاعري بس شكلها مشبكه واحد يلا شكلي حستنى كم سنه )
لمى:مهند ايش فيك
مهند يبتسم :مافيني شي
لمى (ّحرام عليك كلوا لا ابتسامتك مره مااقدر عليها):ايش فيك طول الوقت مبتسم هادا كلو عشان شفتني
مهند:اكيد هوا في شي في الدنيا يفرحني غير شوفتك
لمى كانت تحس كلامو حقيقي:اما قد كدا شوفتي تفرحك
مهند:واكتر مما تتخيلي
لمى:ايش تحس لما تشوفني
مهند مسك يدها
لمى ماكانت فاهمه ايش يسير مهند كان شويا يكرها وشويا يقلها كلام غزل مهي عارفه هوا ايش يفكر
مهند :اذا تبغي تعرفي ايش احس امسكي
سحب يدها وحطها على قلبو
كان قلبو يدق بسرعه
لمى مستغربه (ايش فيه قلبو يدق كدا):مهند مني فاهمه شي
مهند:يابنت افهمي انا احبك
لمى زي المويه البارده الي انكبت في وجهها مهي فاهمه الموضوع (مهند يحبني يحبني انا مو معقول بس طلع انا وياه مشاعرنا وحده يعني انا احبو وهوا يحبوني ):بس كيف تحبني
مهند مو مصدق ان الكلمه طلعت منو:عادي احبك
ومو بس احبك تراني ميت فيكي وبصراحه ابغا اعرف مشاعرك لمى انا ايش بحياتك
لمى (مااقدر اخبي حبي اكتر من كدا لازم اقول الي بقلبي):انتا كل حياتي
مهند مو مصدق الي يسمعو لمى طلعت تحبو زي ماهوا يحبها:احلفي
لمى:والله
مهند:لا قولي انا احبك
لمى :انا احبك
مهند بيموت من الفرحه الكلمه دي كان يتمناها من لمى من زماااان الكلمه اثرت فيه :لمى الي جالس اسمعو حقيقي
لمى:انا بسالك برضو الي جالس تقول ودا من قلبك
مهند :والله من قلبي ومن عقلي ومن روحي ومن كل شي
لمى:لا بس انا اخر شي اتوقعتك تحبني
مهند:والله انا حبيتك اول ماشفتك بس كانت مشاعري ببتغير طول الوقت
لمى:وانا اول ماشوفتك اعجبت فيك بس بعدها نسيتك وطلعت مره تانيه في حياتي ورجعت احبك وكم مره انساك بس كنت تطلع مدري من فين وارجع احبك
مهند راح عند لمى وجلس جنبها:استني انا مني مصدق الي جالس اسمعو
لمى:وكيف اقدر اخليك تصدق
مهند:اعطيني بوسه
لمى دفتو من جنبها:خلاص مو لازم تصدق
مهند:لا ايش فيكي قلبتي
لمى:لااانو انتا واحد مستعجل لسا نحنا في البدايه يعني لسا بيننا حواجز
مهند:بس انا ماعندي دا الكلام اذا نحنا بنحب بعض خلاص مافي حواجز بيننا
لمى :بس انا كدا هادي قوانيني
في الحمام
ساره:بنات كيف شكلي
روان :قمر
رهف:بنات خلاص لينا نص ساعه في الحمام اكيد خلصو كلامهم
ساره:يلا نخرج وعلى الطريق خليني اشوفلي ولد
رهف :حتى انا
خرجو البنات من الحمام وهما رايحين على الطاوله كان في اولاد واقفين عند الباب كانو اولاد حلوين
ساره تغمز لرهف
رهف:انتي اول
ساره راحت عند احلى ولد وسوت نفسها تمشي وتصقع فيه وتطيح الشنطه والاشياء الي فيها
ساره بدلع:سوري ماانتبهت
الولد يبتسم :لا عادي ماسار شي
نزلت ساره تلم اشياءها
الولد جلس يساعده بعد ماخلص اعطاها الشنطه
ساره رمت اسورتها
وهيا ماشيه
الولد انتبه للااسوره واخدها وراح جري عند ساره:لو سمحتي
ساره بدلع :هلا
الولد يطالع الاسوره كان مكتوب فيها حرف االاس
الولد:اس يعني
:ساره
الولد : طيب ياسوسو هادا رقمي لو كنتي طفشانه دق عليا
ساره اخدت الرقم وابتسمت
راحت البنات كانو ميتين ضحك عليها
رهف:والله وطلعتي شي
ساره:اعجبك
رهف:خطيررررره الحركه
روان :يلا بس نروح عند لمو قبل ماتجي تموتنا
رهف :لا شكلو عاجبها الوضع
ساره طالعت لقت مهند جالس جنب لمى وماسك يدها وجالسين يضحكو
روان:بنات جيعانه مره
رهف:حتى انا
ساره:لا انا ابغا اشرب معسل
روان :me 2
راحو عند لمى ومهند
لمى :هادا كلو حمام
روان:اخدنا كم لفه في الطريق
ساره :طلبتي
لمى:لا استناكم
روان :احسن شي
قعدو البنات وكل وحده طلبت معسل
لما جا الرجال وحط الاشياء
لمى اخدت المعسل وبدات تزبطو
مهند بهمس:سوري حياتي اذا انا حاامشي على قوانينك لازم تمشي انتي على قوانيني
لمى :وايش هيا قوانينك
مهند يااشر على المعسل :تسيبي الشي دا الي معاكي
لمى مقهوره (كلوا لا المعسل )
مهند يبغاها تغطي شعرها بس مايقدر يقلها قوانينو مره وحده :ايش كاانو مو عاجبك
لمى سابت المعسل :تبغاني اسيبو اسيبو
مهند :ايوا خليكي كدا تمام
ساره :رهف شوفي داك ايش يسويلك
رهف تطالع تلاقي واحد يسوي لها اغراءت بشفتو :ههههههههه قال عامل اغراء
ساره:حرام ابتسمي له فمو اتقطع من الحركات الي يسويها
روان كثرت من المعسل وتحس بصداع :يلا بنات نرجع البيت
ساره تحس برضوا بصداع :يلا
مهند يهمس للمى:بدري
لمى:خلاص اتااخرنا
مهند:هما يروحوا وانتي اقعدي انا ارجعك
لمى :لا اخاف احد يشوفنا
مهند افتكر عبدالله :ايوا من الولد الي شافنا اول
لمى :اخو رهف عبدالله
مهند :اها طيب باااي حياتي
مهند قام يبغا يروح وقرب من اذن لمى:برضوا ماتبغي تعطيني بوسه
لمى دفتو :مو كنت رايح
مهند راح بكرامتو
..............................

في احد المطاعم الي على البحر
فوزيه :هههههههه تخيلي
هدى :هههههههه وااا فشله
فوزيه :صدق مني عارفه فين اودي وجههي اليوم لما صحي الصباح استخبيت في المطبخ لحد ماراح الشغل
هدى:وانتي ماتنتبهي ترفسي وانتي نايمه
فوزيه:اه انا كنت متعوده على حياة العزوبيه محد يحس فيا لو عملت مصارعه في السرير
هدى:اه على حياة العزوبيه وانتي كمان استعجلتي على الزواج
فوزيه :هههههههه انا اعتبر اني كبيره بالنسبه لااهلي
هدى:ليش كم تتزوجو
فوزيه :16 سنه
هدى :لا حرااااااام لسا بزوره
هدى طالعت عند الباب
شافتو وصنمت من الخوف
هوا كمان شافها وكان بيموت من الفرحه راح لعندها في الطاوله
:السلام عليكم
هدى بخوف وفرحه في نفس الوقت :وعليكم السلاام
فوزيه تطالع في هدى ومهي عارفه مين الي واقف معاها
:ممكن اقعد
هدى نفسها تقوم وتشرد :اتفضل
..................................................
فراس بعد ماوصل مها بيتها راح ستار باكس ياخد كوفي
دخل المحل وطلب وقعد في الطاوله
جلس يفكر قلبو مو متطمن للمياء ونظرات مها لي احمد تقهروا يحس انو في شي حاول يربط الاشياء ببعضها (انا ايش فيني بس ابغا اطلع مها تحب احمد بس اسنا لما سالتها تعرفيهم قالت لا بس يمكن كلامها صح وهيا حاولت تنسى لمياء لاانو باين عليها ثقيلة دم )
طالع قدامو شاف بنت من اول تطالع فيه اتضايق من نظرات البنت
البنت ماقدرت تقاوم جمال فراس كانت حتموت عليه كان لابس تشيرا اسود مبين عضلاتو وبنطلون جينز من ديزل
جات عندو وقعدت في الطاوله
البنت بدلع ماينطاق :ممكن اجلس
واخدت الكرسي وقعدت
فراس مو طايقها:بس ماقلتلك اتفضلي
البنت :مو لازم
فراس اخد الكوفي وخرج من المحل
في بيت لمياء
كانت جالسه مع صحبتها دالين
(دالين بنت ملعون هزي لمياء يحبو المشاكل وانهم يفضحو في خلق الله )
لمياء:اكرها مااطيقها تقهرني
دالين :اصلا من اول ماشافتها ماحبيتها
لمياء:من اول وهيا حاطه عينها على احمد مالقت غير احمد حبيبي تاخدو
دالين :بس ميمو لاتاخذي على قلبك ورهف دي خليها عليا
لمياء بخبث :ايش حتسوي
دالين :شي حايعجبك
لمياء :زي
دالين :بعدين تعرفي
لمياء:ابغا اشوفها منهاره وقيمتها ماتسوا جزمه (الله يكرمكم )عندي
دالين :ولا يهمك شقة خالتي مسافره كم شهر وسايبتها فاضيه
لمياء تضحك بخبث:ههههههههه والله احبك
............................................
في بيت ابو محمد
رجعو البنات البيت بعد ماوصلو روان بيتها لاانها كانت تعبانه
في غرفة لمى
لمى:خلاص بليز نامو عندي اليوم
رهف :سوري حبيتي عندنا اشغال بس بكره الصباح اول ماتصحي حتلاقيني قدامك
لمى:بس بليز اليوم خايفه ماابغا انام لوحدي
ساره:روحي نامي عندك امك زي دايمن
لمى :اف منكم صحبات على الفاضي
ساره:رهف استناكي في السياره
نزلت ساره السياره
رهف :بكره ابغا التفاصيل
لمى :أي تفاصيل
رهف :الي بينك انتي ومهند
لمى ضربت رهف:يلا روحي بيتك وعن اللقافه الزايده
رهف:حسابك معايا بكره
لمى:يلا انقلعي بيتك
رهف نزلت وجوالها يدق ساره تدق (يوه هادي البنت رجه ) وهيا نازله الدرج رجولها اتلوت
رهف:أي رجولي
سمعت صوت من وراها :ايش فيها
رهف طالعت في وكانت حتبكي بس من شوفتو (ياريتني نزلت مع ساره ايش البلوى دي ):مافيها شي
فسخت الصندل ومشيت حافيه وهيا رايحه عند الباب
احمد :رهف
رهف صنمت ووقفت
مين الولد الي قعد مع هدى ؟؟؟
ولمياء ودالين ايش ناوين على رهف؟؟؟؟؟؟
واحمد ايش بيقول رهف ؟؟؟ممكن انهم يتصالحو ؟؟؟

هدى :اتفضل
خالد ابتسم :هلا كيفك
هدى :الحمدلله وانتا كيفك
خالد :تمام بشوفتك
هدى تطالع في فوزيه وتبتسم مره مكسوفه
فوزيه حست فيها وقررت تقوم وتخليهم لوحدها:دقيقه بروح الحمام
هدى (مو وقتك تسوي ذوق وتسيبيني لحالي):اتفضلي
راحت فوزيه الحمام
خالد:هدى انتي ايش فيكي تتهربي مني
هدى (تحاول تبرا نفسها):اتهرب منك
خالد :لما قلتلك ابغا اسمع ردك اليوم التاني كم مره ادق وانا عارف انو انتي الي كنتي بتردي عليا وتقفلي في وجههي
هدى(يوه هادا دحين ايش اقولو):عشان انا لسا مافكرت
خالد :انا مو مستعجل خدي وقتك في التفكير لو كم سنه تفكري كمان عاادي بس اذا كنتي شايلتني مره من راسك قولي من دحين عشان لانضيع وقتنا
هدى :انا اشوف انو نحنا ماننفع لبعض وروح شوف غيري
خالد بهدوء يبغا يعقلها:انتي مره فكرتي فيني بطريقه مختلفه عن كل الاولاد
هدى من غير ماتفكر:انا عمري ماحطيتك في بالي او فكرت فيك غير انك واحد زيك زي غيرك
خالد يحس كلام هدى زي السكين بقلبو مو قادر يستحمل الكلام دا منها فك ازرار الثوب وقام من الطاوله من غير ماينطق ولا كلمه
هدى انقهرت من حركتو صافها ولا قلها كلمها(ايش بيقول بعد الكلام الي قلتو )
فوزيه اول ماشافت خالد راح جات طياره على الطاوله
فوزيه :بنت من الولد الحليوه دا
هدى:هادا هو خالد
فوزيه مستغربه منها:ليش ماقلتيلي انو جناااان
هدى:عادي مافيه شي
فوزيه :وايش يبغا
هدى:زي دايمن يبغا يعرف اذا ابادلو نفس الشعور ولا
فوزيه :وايش قلتيلو
هدى :زي دايمن اني ماافكر فيه
فوزيه :بس انتي تفكري فيه
هدى :مدري لما اشوفوا اتلخبط والكلام يضيع مني
فوزيه :انتي الخسرانه
هدى والدموع متجمعا في عينها :عارفه
فوزيه :بس هدوا لاتبكي
هدى:مدري ايش خلاني اقول كدا
فوزيه :خلاص انسيه
........ ..................................
في بيت ابو محمد
احمد بتردد:رهف
رهف صنمت وقفت مكانها وبصعوبه دارت وطالعت فيه معقوله احمد يبغا يصالحني ياترى ايش في بالك ياحمود فرحت من قلبها احمد منجد وحشها نفسها تروح عندو وتحضنو لو يرجع فيها الزمن كانت وافقت انها تتزوجو من غير ماتفكر كانت تحسب انها راح تكرهوا من حركتو بس حبو بيزيد فيها يوم عن يوم مهي قادره تتحكم في مشاعرها:هلا
احمد :اسورتك طاحت ماتبغي تاخديها
رهف اتحطمت بعد الكلمه الي قالها رجعت دنيتها تسود في وجهها كانت من الناس الي ماتحب المشاكل تبغى الحياه تمشي براحه ماتقدر تستحمل الضغط الي عليها
(صدقني انا مو قد زعلك مني)
الاسورة كانت حق ساره مكتوب فيها حرف الs
احمد طالع في الاسور شافها وجا في بالو سعيد (لدي الدرجه ميته عليه لابسه حرفو في كل مكان انا مافكرت فيا )
كان معصب ومقهور منها مره موطايقها طالع في رهف بااستحقار
ورمى عليها الاسور وراح
رهف مفجوعه من الحركه الي سواها نزلت دموعها من غير ماتحس(انا ايش سويت عشان يسوي فيا كدا حرام عليه مايدري انو حركاتودي تموتني)
ضاق عليها التنفس حست بكتمه في صدرها وقفت بهدوء وسكتت بس الدموع كانت تنزل لوحدها اخدت نفس طويل وراحت السياره
في غرفة لمى
كانت خايفه تنام لوحدها ومافيها نوم مهي عارفه ايش تسوي راحت غرفت امها
دخلت لقت امها تقرا كتاب وابوها يقرا قران
لمى راحت عند ابوها :بابا
ابو محمد :هلا بقمر البنات
لمى راحت حضنت ابوها
ابو محمد حضن لمى :هلا بعيون ابوها
لمى :مابركتلي على نجاحي
ابو محمد :مبروك يااحلى بنت في الدنيا
لمى :الله يبارك فيك ويلا فين هديتي
ابو محمد:هديتك بتجيكي بس قولي ايش تبغي
لمى :ابغا سياره
ابو محمد مستغرب منها :البنات دحين يطلبو عروسه او باربي وانتي سياره
لمى :امزح ماابغا شي بس ابغا اسافر المانيا عند جدوا
ابو محمد :هديتك غير والسفره شي لازم اليوم كنت ابغا اكلمك انو انشالله رحلتنا انا وانتي الخميس
لمى :بس انا وانتا
ابو محمد:ايوا امك واحمد بيسافروا بعدين
لمى :اها
ابو محمد :يلا قولي أي جامعه تبغي تدخلي
لمى :خساره نسبتي ماتدخل طب
ابو محمد :اذا انتي نفسك في طب خلاص اعتبري نفسك مقبوله
(ابو محمد كانت عندو علاقات بين رؤساء وامراء وشخصيات وكان معروف انو دكتور حق الاغنياء كان كل اصحابو في الدوانيه من الاغنياء )
لمى :لا ابغا ادرس صيدله
ابو محمد:خلاص ولايهمك خليها علي
لمى :طيب انا بروح اعبي شنتطي مابقي غير 4 ايام
في غرفة احمد
اول مادخل فسخ التشيرت ونام على السرير مقهورررر مو عارف ليه (وانا اشلي فيها انا خلاص نسيتها خلي سعيد ينفعها )مو قادر على فراقها بينجن منها بس كان قلبو يعور على الحركه الي سواها معاها برضوا بعد كل شي ماتهون عليه نفسوا يرروح يعتذر منها بس كان كل شي يسويه من ورى قلبو
حط الام بي ثري وجلس يسمع اغنية تامر (صوتك)
صوتك متغير كدا ليه في حد جنبك ولاايه
خلااااااااص فهمت وحااقفل بس قبل مااقفل
سلميلي عليه
وقليلوه ياخد بالو منك زي ماكنت انا بخاف عليكي
ويحاول على قد مايقدر يحميكي ويحافظ عليكي
وقليلوه ياخد بالو منك زي ماكنت انا بخاف عليكي
ويحاول على قد مايقدر يحميكي ويحافظ عليكي
ليه عملتي كدا مع واحد حبك كدا
كان كل ذنبو انو اداكي
كل ماعندو خلاكي اغلى ماعندو في الاخر
تبقى نهايتو كدا
فرحانه بالي جنبك طبعا مهو زيك وشبهك فعلا بكره
حيعمل فيكي زي ماعملتي كدا
وقليلوه ياخد بالو منك زي ماكنت انا بخاف عليكي
ويحاول عل قد مايقدر يحميكي ويحافظ عليكي

حزن من قلبو بعد الاغنيه شال الم بي ثري وغير ملابسو يبغا ينام
حط راسو على السرير دق جوالو لمياء جالسا تدق
احمد لما شاف رقمها (يوه هادي مو وقتها بس اخاف تزعل واقعد طفشان )
لمياء:هلا بحمودي
احمد (مو لايق عليكي الدلع):هلا بعيون حمودي
لمياء:ياقلبي وحشتنييييييييي
احمد :وانتي اكتر حياتي
لمياء تحب تسوي نفسها انها بنت اخلاق :ايش فيك حبيبي
احمد :مافيا شي
لمياء:الا فيك شي انا حاسا
احمد (بالقوه تبغا تطلع فيا شي بس يلا خليها تعيش الدور شويا ):حبيبتي قلتلك مافيا شي
لمياء:اذا ماقلت حاازعل شكلو اهلك مزعلينك لايكون رهوف رجعت لحركاتها
احمد :ايش دخل رهف بالموضوع
لمياء:هيا راس البلا تبغا تخطفك مني بااي طريقه كل حركاتها دي تخطيط عشان توصل لك
احمد:ياميمو ياحياتي البنت مالها دخل اهلي هما الي يبغو يزوجونا حتى هيا ماكانت موافقه
لمياء:اشوف بدات تحبها
احمد(اه مو بس احبها الا اموت في التراب الي تمشي عليه ):احبها انتي من فين تجيبي الاشياء دي حياتي شيلي الفكره دي من راسك
لمياء:حبيبي تعرف انا اغار منها انتا حبيبي انا وبس ماابغا احد يشاركني فيك والي يفكر انو يحط عينو عليك راح اخلي حياتو جحيم
افتكرت الخطها الي حتسويها في رهف وضحكت ضحكة خبث
احمد:تسلملي دي الضحكه بس قوليلي ليش تضحكي
لمياء:مافي شي بس مبسوطه
احمد (عساها ماتدوم ):انشالله دوم
لمياء:اا اشك انك عامل فيا سحر كل مااروح مكان افكر فيك
احمد :مو اكتر مني......
وجلسو يتكلمو للفجر
في غرفة لمى
كانت جالسا طفشانه تبغا تدق على مهند بس تستحي تبغاه هوا الي يدق في البدايه ماتبغا تبين انها ميته عليه (وليش ابين غير الي في قلبي)
نامت على السرير تفكر (انا كل شي بعملو غلط استغفر الله العظيم الله يهديني بس ) قلبها يعورها بسبب البعد عن الله هيا متعود انها تصلي صلاة الليل راحت الحمام اتوضت وصلت وجلست تدعي في السجود (يارب اهديني ووفقني في حياتي ) خلصت صلاه وقريت سورة الكهف
بعد ماخلصت اخدت الاب توب وافتكرت السي دي الي اعطتها ياه زوجت الامام حق المسجد اخدتو وفتحتو
كان فيه سورة البقره بصوت الشيخ مشاري العفاسي
سمعت نصو وقفلت راحت السرير تبغا تنام
حطت راسها على السرير مو راضي يجيها النوم جلست تسترجع احداث اليوم جا في بالها مهند يدها كانت تحكها نفسها تمسك الجوال وتدق عليه
بعدت الجوال عنها ورجعت تحاول تنام
بعد 5 دقايق قامت وراحت الدولاب تطلع ملابسها وتعبي شنطتها دق جوالها لقت my love))call
ماصدقت وردت عليه
لمى:هلا
مهند :اهلين عيوني
لمى :وحشتنييييييي
مهند مو مصدق الي يسمعو ماكان متخيل انو اليوم جاه الي يسمع الكلام دا من لمى :ياكدابه لو وحشتك من جد كان دقيتي عليا
لمى :خفت تكون نايم
مهند :عادي اصحالك انا كم لمو عندي
لمى مبسوطه عمرها ماحست بالاحساس دا :طيب ليش انتا ماتدق
مهند :ماابغا اطفشك من البدايا
لمى تتغزل فيه :وانا اقدر اطفش منك
مهند :شكلك ناويه علي اليوم
لمى طاح منها العطر وطلع صوت
مهند :لمو ايش جالسا تسوي
لمى :اعبي شنطتي نسيت اقلك اني مسافر بعد 4 ايام
مهند انصدم من كلامها:مسافره على فين
لمى:بنروح انا وبابا المانيا بس اسبوع نزور جدي
مهند :اسبوع حرام عليكي وانا ايش اقعد اسوي انا حياتي ماتسوى من دونك شي مااقدر استحمل اعيش اسبوع من غيرك
لمى:مشكلتك لازم تتعود لااني ازورو كل اجازه
مهند :لا الكلام دا ماينفع انا رايح معاكي
لمى :فين تروح معايا
مهند :بسافر معاكي انا مااقدر اخليكي تسافري لوحدك
لمى مستغربه منو :مولوحدي رايحا مع بابا
مهند :ايش فيكي كاانك ماتبغيني
لمى :لا طبعا ابغاك بس مالو داعي تجي
مهند :الا لهو داعي
لمى راسها يعورها :اوكي حبيبي انا بروح انام تصبح على خير
مهند :تصبحي على خير حياتي اتغطي كويس
لمى الكلمه دي فكرتها بفراس (وحشني الولد دا ):باااااي
مهند :بااااااااااااي
بعد ماقفل مهند راح عند ابوه في الصاله كان فيه اخوه عمر وامو
مهند دخل الصاله:السلام عليكم
الكل :وعليكم السلام
مهند جلس
ام عمر:حبيبي تبغا تتعشى
ابو عمر:عشا دحين
ام عمر:مو انتا مهند
ابو عمر:ايش التحطيم دا
مهند :بابا
ابو عمر:ها
مهند :الشباب مسافرين بعد كم يوم المانيا وانا انشالله مسافر معاهم
ابو عمر:متى
مهند :بعد كم يوم بس قاعدين اسبوع
ام عمر:دوبك تقلنا
مهند جالس يدعي على لمى دحين ايش يفكوا من امو بس يحبها ايش يسوي لازم يكون زي ديلها وراها في كل مكان :والله الاولاد يبغودا الوقت
ام عمر:ويهون عليك تسيبني اسبوع
مهند:ماما ايش فيكي دي مو اول مره اسافر لوحدي انا طول الوقت مسافر
عمر:والله انا افكر اطلع معاك
مهند :لا مابغاك الاولاد مايبغو متزوجين دي بس رحلة عزابيه تجي انتا حيكون شكلك غلط
عمر :افا اصلا يحصل لك الشرف اني معاك
ام عمر:حتى انتا تبغا تسيبني
عمر:امي الله يهديكي ايش فيكي اليوم حساسه
...................................
في بيت ابو عبدالله
بعد ماوصلت ساره بيتها وجلست ساعه ماسكه دمعتها
دخلت البيت لقتو فاضي عبدالله مافي والباقي نايمين
طلعت غرفتها في الظلمه كانت تطلع الدرج وكل ماتطلع درجه تنزل من عينها دمعه دخلت غرفتها
وفسخت ملابسها وهيا تبكي بحرقه دم ماكانت متعوده احد يعاملها بهادي القسوه نظرات احمد لها كانت تجرحها والحركه الي سواها معاها خلت قلبها يموت خلاص احمد يكرها مالها عيشه في دي الدنيا من غيروا كاانو هم الدنيا كلو فوق صدرها مالها غير دموعها تواسيها وتخفف عنها ضاق عليها التنفس حست بقلبها يوقف ويدق ببطئ اخدت نفس قوي وشربت مويه :استغفر الله العظيم
الالم في قلبها كان اكبر من انها تقدر تتحملو حاولت تلهي نفسها بالم اقوى من الي عندها
راحت المطبخ واخدت سكينه وطلعت غرفتها
رجعت لحالة الياس الي هيا في كانت لابسه بلوزه عريان
طالعت في يدها واخدت السكينه تجرح في نفسها ماكانت تحس باالم كان الدم ينزف كثير جرحت نفسها بقوه ماكانت تحس بنفسها قطعت على عرق في يدها والمها اخيرا حست بالي جالسا تسويه
انفجعت لما شافت الدم كان سريرها كلو دم جابت منشفه توقف الدم بس المنشفه اتعبت والدم ماوقف حست بدوخه لاانها فقدت دم كتيرمهي قادره توقف راحت خبت السكينه وراحت زحف لغرفة هدى كانت تمشي ومليانه الم جسدي ونفسي وصلت لغرفة هدى حاولت تصرخ بس فيها غصه في حلقها مهي قادره تتكلم رفعت يدها بصعوبه وفتحت الباب هدى كانت صاحيه اول ماشافت رهف وكلها دم قلبها طاح مهي عارفه ايش تسوي راحت لعندها على طول وحطتها في السرير:رهوف حبيبتي ايش فيكي
رهف تتكلم بصعوبه :طحت في الحمام واتجرحت يدي
هدى :رهف لازم نوديكي المستشفى مره بتنزفي كتير
هدى راحت عند ابوها وعلى طول ودو رهف المستشفى
............................................
فراس كان قاعد مع امو
ام فراس:ياولدي اسمع كلامي وريحني ابوك حالف مايزوجك غيرها
فراس:بس انا مااحبها
ام فراس:الحب يجي بعد الزواج
فراس:لا انا ماابغاها
ام فراس:الله يخليك مو فاضين مشاكل مع ابوك
فراس:بس انا ماابغاها حرام عليكم تعبت وانا اقول ماابغاها
ام فراس:ليش ايش فيها دالين ماشالله عليا زي القمر
فراس(بس انا ما في عيني قمر غير مها ):ماتعجبني احس كل شر الدنيا فيها هيا وحده ماعندها احساس اكرها مااطيقها
ام فراس :حتى انا مااحبها بس انتا لازم تطيع ابوك والله مالي نفس لمشاكل
(ابو فراس كان تفكيروا قديم وماينطاق يحب يتحكم في غيروا يحب اخوانو ومن كتر حبو ليهم وافق انو يزوج بنتهم دالين الي مشهوره من بين الناس انها بيتش )
(ام فراس مسكينه على نياتها غلبانه وتحب عيالها تحاول على قد ماتقدر تحافظ على عيلتها)
دخل عليهم ابو فراس وبكل هيبه : السلام عليكم
الكل :وعليكم السلام
ام فراس تصب القهوه
فراس بخوف :ابويا
ابو فراسّ:نعم
فراس :يبه انا قررت ماابغا اتزوج دالين
ابو فراس :غصبن عنك مو بكيفك
فراس:بس انا مااحبها
ابو فراس:بتاخدها ولا لاانتا ولدي ولاانااعرفك
فراس راح غرفتو قبل مايقول كلمه ويندم عليها
دخل غرفتو مخنوق كان يكره ابوه مره دايمن كان يوقف في وجهو كان يبغا يدرس محاسبه بس ابوه خلاها يدرس ادارة اعمال وفي اشياء كتيره (لمتى وهوا يتحكم في حياتي)
دق جوالو مها كانت تتصل
(انتي اليى مصبرتني على الدنيا)
مها:هااي حياتي
فراس:هلا حبيبتي
مها :ايش فيك مااتصلت فيني اليوم
فراس يحس بتعب :كنت مشغول
مها موعاجبها حالو دي الايام :مشغول حتى عني
فراس بحب :غصبن عني
مها :حبيبي ايش فيك
فراس :مافيا شي
مها :برضوا عندك مشاكل مع ابوك
فراس:اشياء تافها
مها بحزن ماتبغا فراس يتعذب معاها جلست تبكي:خلاص اسمع كلامو وااتزوجها
فراس:مجنونه لو جا في بالك يوم اني اقدر اسيبك انتي حياتي وعيوني مااقدر ابعد عنك انا اعيش في الدنيا دي عشانك
مها ّ:وانا بعد احبك بس ماابغا اعذبك
فراس:حلال عليكي اتعذب عشانك انا مستعد اذبح نفسي عشانك
مها:والله حبيبي لو اقدر اساعدك صدقني محااتاخر في شي
فراس:حياتي انتي لاتحطي في بالك شي هادي مشكلتي وانا اقدر احلها
مها :بس مايهون عليا اشوفك تتعذب عشاني واسكت
فراس:بليز عيوني خلاص انسي
..................................
كانت جالسا طول الوقت تدق عليه مو راضي يرد عليها خافت عليه وعلى نفسها دموعها وصلت لرجولها
(ايش فيه مايرد علي لايكون هرب )شالت الفكر هدي من بالها (خليني استاهل كلو من الغباء حقي )جلست تدق من دون يااس
اخيرا رد عليها
:الو
روان مهي مصدقه رد عليها :انتا ايش فيك ماترد عليا
فهد :كيف ارد عليكي وانا دوبني خارج من المطار حتى اهلي ماكلمتهم
روان (ايش فيني هجمت على الولد):اسفه بس خفت عليك
فهد :ماتبغي تقوليلي الحمدلله على السلامه
روان :الحمدلله على السلامه
فهد :الله يسلمك حبيبتي
روان :يلا اسيبك ترتاح
فهد :بس انا ابغا اكلمك ماابغا اارتاح
روان :اكلمك في المسن بعدين انتا اول ماتدخل ارسلي مسج
فهد:براحتك
روان :انتبه على نفسك حبيبي
فهد :u2 baby
روان :باااي
فهد :بااااااااي
بعد ماقفل فهد منها حس انها زعلانه منو
كان دوبو خارج من المطار كان يطالع يدور على السواق الي راسلينو الشركه
قعد يدور اسمو لقى وحده شايلة اسمو مو مصدق الي يشوفوا كان متوقع سواق بس شاف ملاك مو انسان وحده زي القمر شعرها طويل وشديد السواد وعيونها السوده الكبار وخشمها الي زي السيف كانت ملامحها عربيه
كان جالس يطالع فيها وهيا تطالع فيه
جاتو البنت :استاذ فهد
فهد :هلا
البنت :انا سايقة الشركه
كان كلامها شويا مكسر
راح فهد معاها وهوا معجب فيها (ياربي انا ايش جالس اسوي من بدايتها اخون روان استغفر الله العظيم )
في السياره
البنت :انتا من فين استاذ فهد
:ياريت تقولي فهد بس انا من السعوديه
البنت : يعني نحنا عيال بلد وحده
فهد مستغرب :انتي سعوديه
البنت :نعم بس امي كنديه وانا ليا 10 سنين عايشا معاها
فهد سرحان في جمالها :الشقه قريبه من الشركه
البنت :ايوا في نفس العماره الي انا ساكنه فيها انشالله انا كل يوم بوصلك الشركه
فهد الله يعنني عليها :اها
البنت وقفت السياره :اهي هيا دي العماره
فهد اخد الشنط وهوا طالع لف عليها:سوري مااتعرفنا على اسمك
:ديما
فهد يطالع فيها بااعجاب:اوكي اشوفك بكره
......................................
ام صالح جالسه تصحي بشار عشان يروح الشغل :بشار يابشار هيا الى العملي بشار يابشار هيا الى العملي
بشار كان مره تعبان ومو فايق لي حركات امو التافه :مني رايح الشغل ماخد اجازه
ام صالح :وليش ماخد اجازه
بشار :تعبان
ام صالح خافت على ولدها :وي بسم الله عليك من التعب ايش تحس فيه حبيبي تبغا شي محتاج شي ايش تبغاني اسويلك حياتي
بشار :بس ابغاكي تخرجي من الغرفه وتقفلي اللمبه وتشغلي المكيف وتقفلي الباب
ام صالح وهيا خارجه:طيب طرده محترمه لاكن مردوده
بعد ماطلعت ام صالح بشار حاول يرجع ينام بس جات في بالو لمى وحشتو ماكلمها كتير مو عارف ليه هادي اول بنت يتعلق فيها بالشكل دا
مسك جوالو ودق عليها
لمى كانت نايمه ودق جوالها قامت تشوف من يتصل لقت بشار احتارت ترد ولالا (ارد عليه ولا مهند حرام يلا خليني ارد عليه )
لمى بصوت كلو نوم:الو
بشار بحنيه :صباح الورد والفل والياسمين
لمى تطالع الساعه وتلاقيها 5 الفجر:صباح الخير بس لسا ماطلع الصباح
بشار :ماقدرت استنى الصباح وحشتيني
لمى :وانتا اكتر وحشتني
بشار :انا عندي امنيه ومحد غيرك يقدر يحققلي ياها
لمى:ايش هيا
بشار :اتمنى اني اشوفك اليوم
لمى طفشانه وحشتها ايام الصياعه الي كل يوم مع ولد :ابشر من عيوني في امنيه تانيه
بشار:لا مااعتقد في شي اتمناه اكتر من اني اشوفك
لمى تلعب بشعرها دخلت جو مع الولد
................................

في المستشفى
هدى وابو عبدالله كانو قاعدين على نار الدكتور له كم ساعه جوا في غرفة العمليات
ابو عبدالله :نفسي اعرف كيف اتعورت
هدى:تقول انها طاحت في الحمام واتجرحت في حافة البانيو
ابو عبدالله :الله يستر بس
خرج الدكتور
على طول راحو لعندو
ابو عبدالله :ها دكتور بشر
الدكتور :مافي وقت محتاجين احد يتبرع لها بالدم بسرعه
هدى :انا دمي زي دمها
هدى راحت مع الدكتور
دق جوال ابو عبدالله
ام عبدالله خايفه على بنتها :ها ايش سار ايش فيها بنتي
ابو عبدالله : لسا ماخرجت من غرفة العمليات
ام عبدالله :اذا خرجت طمني بالله اول باول
الدكتور كان يستنى يجيبو الدم
ابو عبدالله :طيب دكتور قلي بنتي ايش فيها
الدكتور :في عرق في يدها انقطع ونزفت دم كتير انشالله مانطر اننا نقطع يدها
ابو عبدالله :تقطعو يدها
الدكتور :انشالله مانحتاج بس خلي الخيار دا في بالك
راح بعدها الدكتور
ابو عبدالله خاف على بنتو لو عرفت انهم ممكن يقطعو لها يدها كيف بنتو تعيش من غير يد ايش حيكون حالها
هدى سمعت الكلام الي الدكتور كان جالس يقولو حزنت على اختها لو قطعو لها يدها كيف حتعيش مو كفايه عليها الي هيا فيه
ابو عبداللله قام وراح عشان يوقع على اوراق انو يقطعو يدها في حالة الخطر
الدكتور شاف ابو عبدالله متردد:تفقدو يدها احسن من انكم تفقدوها
ابو عبدالله :لازم نقطع يدها
الدكتور :حتى لو ماقطعناها يدها ماراح تتحرك يعني مالاها داعي ولو سبناها ممكن تلتهب وينتشر في كل الجسم
ابو عبدالله :امرنالله
الدكتور دخل غرفة العمليات
....................................
قاعده على النت تستناه يدخل بس مادخل :بدايتها مايعبرني
تحس بدوخه من كم يوم مهي عارفه من ايش حست انها بترجع
راحت تجري للحمام وتتطلع
بعد ماخلصت طالعت نفسها في المرايا شكلها اتغير نحفت ووجها كان شكلو انها مانامت من زمان
راحت نامت على السرير طالعت على الطاوله لقت تقويم طالعت التاريخ وشافتو
قامت بخوف وصرخت وحطت يدهل على فها عشان محد يسمعها (يالله موعد الدوره الشهريه اتاخرت اسبوع وايش الصداع والدوخه الي احس فيها ليكن )انتبهت على الكلمه الي كانت بتقولها نزلت دموع من الخوف الي عايشه فيه(معقوله اكون حااااامل لااااا لاااااااا انا ايش جالسه اقول يامصيبتي ايش حيقولو الناس عني حتى فهد محايرضى يكلمني بدا من دحين يسيبني بس انا مو متاكده )افتكرت جهاز اختبار الحمل الي عند امها
مسحت دموعها وفكت شعرها وطالعت المرايا وخرجت من غرفتها راحت على غرفت امها سمعت صوت امها في الصاله ارتاحت
دخلت جلست تدور عليه في الدولاب مالقتو تحس نفسها حتنجن من الخوف راحت تدور في ادراج التسريحه لقتو اخدتو وهيا رايحا غرفتها سمعت صوت امها
ارتبكت على طول خبت الجهاز
فاطمه :ايش تسوي
روان :كنت اشرب مويا
فاطمه :وايش صحاكي
روان :كنت عطشانه عن اذنك بروح اانام
راحت صاروخ على غرفتها
قريت التعليمات وسوت الاختبار كانت تستنى النتيجه
الجهاز طلع صوت انو طلعت النتيجه
راحت لعندو وهيا مغمضه عينها
......................................
الساعه 7 الصباح
اخدت شور وحطت مسكرا وبلاش وقلوس ولبست العبايه
وراحت وهيا خارجه شافت سنارتي
لمى:سنارتي اذا ماما صحيت قوليلها اني رحت عند روان
سنارتي :طيب مدام
لمى :ميس مو مدام
وراحت على ستار بكس
دخلت لقتو يستناها طالع فيها وابتسم
شالت النظاره طالع في عينها كان يحس بالراحه معاها معجب فيها من اول ماشافها مو مصدق انها قدامو
لمى :صباح الخير
بشار:صباح النور
لمى :سوري اتا خرت عليك
لمى كانت تطالع فيه ميته عليه كان شعروا البني وخدودو لونها بينك وفمو الاحمر كان كاانو ملااك

لمى:ايش فيكي تطالع في كدا
بشار :اكحل عيني بوشفتك
لمى:كحلها كويس لاانك محتشوفني بعدها
بشار:افا ليش تبغي تحرميني من اني اتمتع بشوفت القمر وهوا عايش على الارض
لمى :بس مسافره كم اسبوع
بشار:حتسالني عني لما تسافري
لمى :حسال عنك قبل مااسال عن نفسي
بشار :ياحياتي انتي
لمى كانت تسمع صوت احد تعرفوا
(هادا الصوت مو غريب عليا )كل مالو الصوت يقرب منها
بشار :لمو ايش فيكي
لمى طالعت لقت مهند جالس يطلب شهقت بصوت عالي قلبها طاح حست انو شافها (لا ماشافني لو شافني كان جاه عندي ):لا ولاشي عن اذنك انا اتاخرت لازم اروح
بشار :ايش فيكي حياتي مستعجله
لمى قامت من قبل ماترد عليه
بشار يطالع فيها زي الملاك الي نزل عليه وراح
لمى كانت ميته خوف يشوفها مهند كانت جالسه تدور على السواق مهي لاقيته (خلاص مهند بيكشفني)
جالسا تدور عليه
جاها صوت من وراها :لمى ايش جالسا تسوي هنا
ايش حيسير في رهف اذا عرفت انها بتعيش من دون يد؟؟
احمد ايش بيسوي لما يعرف عن رهف؟؟
روان هل حتطلع حامل وفهد يسيبها ؟؟؟او يطلع كل دا اوهام؟؟؟؟؟؟؟؟؟؟
مهند حيكتشف خيانت لمى له؟؟؟

الفصل االعاشر
في الصباح في المستشفى رهف عملت عمليتها
بس لسا موعد عمليتها الجايه بعد كم يوم
كانت نايمه مهي عارفه ايش يستناها والزمن ايش مخبي لها
فتحت عيونها وهيا مهي فاكره من الي سار لها امس بس تفتكر انها كانت حزنانه طالعت على الطاقه شافت الشمس حست براحه بس من فين حتجيها الراحه من الخبر الي حتسعمو طالعت في يدها وحده لافينها ووحده حاطين فيها المغذي افتكرت ايش سار فيها نزلت دمعه من عينها
ام عبدالله انتبهت لبنتها راحت لعندها وشافت دموعها اخدت منديل ومسحت دموعها :ليش الدموع دي من الصباح
رهف اكتفت انها تبتسم بس
ام عبدالله:ايش فيكي حياتي
رهف:ماما انا ايش فيني
ام عبدالله ماتبغا تقلها انو حيقطعو يدها بس لازم تعرف لاانو العمليه ماتسير الابموافقتها
ام عبدالله :مافيكي الا كل عافيه
رهف بتعب:متى حتطلع من المستشفى
ام عبدالله قررت تقول لبنتها على الحقيقه:بس في عمليه بسيطه يسويلك هيا وبس
رهف تحس في كلام امها شي هيا متاكده انها فيها شي يدها ماكانت تحس فيها تحس راسها تقيل :عملية ايش
ام عبدالله:حبيبتي رهوف انتي دحين ارتاحي وبعدين لكل حادث حديث
رهف:ماما بليز قولي كل شي
ام عبدالله :رهوف حبيبتي يدك ملتهبه وخايفن انو يااثر فيكي
رهف:so
ام عبدالله بتوتر:لازم يقطعوها لكي
رهف ماسار يهمها شي بعد احمد جلست ساكته مهي عارفه ايش تسوي تبكي ولاتصرخ ولاتنتحر مهي عارفه كيف تخرج الي بقلبها سكتت وخلت مشاعرها لها ماتبغا تكلم احد عنها
ام عبدالله استغربت من سكوتها كانت متوقعه ردة فعل تانيه دمعت عيونها وراحت جلست في السرير ومسكت يد رهف:رهوف حياتي ايش تحسي
رهف ساكتها لو اتكلمت حتنزل دموعها وهيا ماتبغا تضعف حياتها اتغيرت من اليوم لازم تغير نفسها رهف القديمه راحت رهف ماااتت
طالعت في امها ببرود:ممكن تخليني لوحدي
ام عبدالله ماتبغا تضغط على بنتها
خرجت من الغرفه
..................................
في االصباح كانت الشمس دوبها طالعه كانت جالسا في احد المطاعم الي على البحر جالسا تفكر وتطالع البحر ونور الشمس يعكس على وجهها كانت قطعه من القمر كل ما احد يمر لازم يطالع فيها مهي عارفه ليش طفشانه عندها كل شي بس عندها فقدان حنان ابوها طول الوقت مشغول عنها وامها يافي عرس او حفله او مسافره مع صحباتها لو مارجعت البيت كم يوم محد داري عنها
نفسها احد يجي معاها ويواسيها وتبكيلو وتنزل الي في قلبها كانت صابره على حياتها لحد امس لما رجعت البيت بعد ماغابت عنو كم يوم ولااحد سال عنها حست بااحد جالس يراقبها مااهتمت له سمعت خطوات احد جاي ماقدرت تطالع لاانو الشخص جا واخد كرسي وقعد معاها كانت مصدومه من الي جالسا تشوفه اخر واحد كان تتوقع تشوفو كان نفسها تقوم ماتبغاها يشوفها وهي حزنانه ماتبغاه يشوف البنت الي الكل متعود على ابتسامتها مكشره جلسو ساكتين جات تبغا تقوم بس يدو كانت اسرع منها وجلسها
:ايش فيكي منتي طايقتني
ساره:ها لا مافي شي بس اتاخرت
عبدالله:سوري على لقافتي بس ايش تسوي لوحدك
ساره:اتفرج على البحر
عبدالله :طيب ليش ماتنادي احد يتفرح معاكي
ساره:ماابغا اقعد مع احد
عبدالله :ليش
ساره :بس ابغا اصفي ذهني واافكر لحالي
عبدالله جا يبغا يقوم :سوري شكلي معطلك عن التفكير يلا انا رايح اقعدي فكري لحالك
ساره ماكانت تبغاه يروح تبغا تقعد معاه طفشانه اليوم تحس نفسها مخنوقه وبتموت لو مانزلت دموعها ّ عينها كان فيها دموع محبوسه(بليز لاتقوم اقعد محتاجتك تجلس معايا بس انا ايش ابغا في الولد خليه يروح)
عبدالله :يلا في امان الله
ساره زادت فيها الخنقه الي تحس فيها ومن غير لاتحس:لاتروح
عبدالله مو مصدق اخيرا بدات تحن عليه وتتقرب منو طالع في عيونها لقاها مليانه دموع شويا وبتنفجر راح و
قعد جنبها :خير سوسو في شي
ساره كانت منكسفه منو لانوا لاصق فيها جلست تطالع الارض بس ماقدرت ونزلت دمعه
عبدالله شاف دمعتها تنزل مسك وجهها ورفعو ومسحلها دموعها :ليش الدموع دي
ساره جالساه تمسح دموعها :مافي شي
عبدالله :جالسا تبكي وتقولي مافي شي
ساره :لا بس متضايقه شوي
عبدالله :من ايش متضايقه
ساره /شي تافه مو لازم تعرفو
عبدالله :مع اني مو عارف الشي دا بس صدقيني مافي شي في الدنيا يستاهل دموعك
ساره كلام عبدالله كان محيرها مهي عارفه هوا بيحبها بس ليش ساكت ومايقول الي في قلبو
عبدالله:عارف انو مو وقتي بس ممكن طلب
ساره :اتفضل
عبدالله :ممكن رقمك
ساره ابتسمت :اكيد
بعد مااعطتو رقمها دقت على سواقها بس مايرد عليها ساره خافت (يوه دحين ارجع مع مين موقتو مايرد)
عبدالله انتبه انها حايسه:خير في شي
ساره لازم تقولو ولا محتلاقي احد يوصلها :السواق مايرد
عبدالله:وليش داقه عليه
ساره متوقعه انو يعرض عليها انو يوصلها:اتاخرت ابغا ارجع البيت
عبدالله مايبغاها تروح من عندوا :اها
ساره تستناه يقلها انا اوصلك بس شافت انو مافيه امل قامت
عبدالله :على فين
ساره :بروح ادور السواق
عبدالله :واذا مالقيتيه
ساره طفشت منو ومن بلاهتو :بنام هنا
عبدالله قام يبغا يروح :بدال ماتدوري خديلك تاكسي احسن
ساره عصبت وبدات دموعها ترجع من القهر(هادا الي ربي قدرك عليه بدال ماتوصلني تبغاني اخد تاكسي لا والله سويت شي وجبت فكره ):لا بدق على احد يجيني
عبداللله خلاص حن عليها :قومي معايا محد حيوصلك غيري
ساره(بدري عليك دوبك تعرف الاخلاق):لا ماابغا اتعبك
عبدالله :لا مافيها تعب ولاشي
ساره بتردد:اكيد
عبدالله :ايش فيكي شكلك ماتبغي تقومي معايا
ساره :لا مافي شي
قامو ونزلو الشارع كان شكلهم مره كيوت لايقين على بعض مره كانت تمشي جنبو مبسوطه اتخيلت نفسها زوجتو وهو جالس يقلها كلام حب وماسك يدها ساره انتبهت على نفسها طالعت فيه (مدري ليه احبك )وصلو السياره
عبدالله :خلاص وصلنا
ساره قامت من الحلم الي هيا فيه جات بتفتح الباب الي ورى
عبدالله :انشالله بتقعدي ورى وتخليني قدام لوحدي زي السواقين
ساره من غير لاتتكلم سكت الباب وفتحت الباب الي قدام وركبت
عبدالله استغرب كان متوقع انها حتعل قلبو عشان توافق
في السياره
كانت ساره ساكته تفتكر كلام عمتها الي عور لها قلبها
كانت قاعده في امان الله جاتها تطالعها بااستحقار
ساره :هي انتي ايش فيكي تطالعيني كدا
عمتها:اطالع بالطريقه الي تعجبني
ساره:انتي ايش فيكي علي
عمتها :اسالي امك الي فرقتنا عن اخوي
ساره :ماما فرقت بابا عنكم مو فاهمه شي
عمتها :امك الي فرحانه فيها خلت ابوكي يكرهنا
ساره :كيف
عمتها :كانت تتقرب من عمك وترسلو مسجات حب وهوا يرسلها وفي يوم ابوكي شاف مسجاتو في جوال امك
ساره مصدومه من كلام عمتها :وبعدين
عمتها :امك بنت الاصل والفصل قالتلو انو عمك هوا الي كان يتحرش بيها راح ابوكي عند عمك في نص اليل وكان بيذبحو وامي الله يرحمها لما شافت الوضع ماقدرت تتحمل وجاتها سكته قلبيه وماتت
ساره زي المويه بارده الي انكب في وجهها معقوله امها تطلع حقيره لدي الدرجه جدتي اغلى الناس على قلبي الي كنت اعتبرها امي الحقيقه الي ماكنت اقدر اخبي عنها شي تموت بسبب امي حست بحقد على امها بس هيا مهي متاكده من كلام عمتها بس هيا كل ماتسال امها وابوها كيف مااتت جدتها يرتبكو
ساره :حرام عليكي انا بنت اخوكي
عمتها :الله يعلم أي اخو فيهم
نزلت من عينها دموع ومسحت بيدها
عبدالله كان طول الوقت يطالع فيها مستغرب منها اليوم مره مهي طبيعيه طول الوقت ساكته نفسو يشيل الحزن منها مايبغى يشوفها الي وهيا مبتسمه مو عارف كيف يسعدها اول ماشاف دموعها وقف السياره وطالع فيها
ساره :ليش وقفت
عبدالله :بس ابغا اتكلم معاكي
ساره :تقدر تتكلم وانتا تمشي
عبدالله:لدي الدرجه تبغي تفتكي مني
ساره ّ:لا بس تعبانه ابغا اروح البيت
عبدالله نفسو يعرف ايش فيها بس خايف تفهمو غلط
وساره كانت تحبوا ول مره في حياتها تحس بحب قوي اتجاه احد بس دا شعور غريب عليها مهي متعوده تحب احد ماتعرف اذا لازم هيا تقلو انها تحبو ولاتستناه يقولها احبك
دق جوال عبدالله ورد عليه
ساره كانت تطالع على الطاقه وبعد ماخلص طالعت فيه لقت وجههو اتغير مره حست بخوف
ساره :مستعجل
عبدالله :بوصلك وبروح عند رهف المستشفى
ساره مستغربه رهف في المستشفى وهيا امس كانت معاها:رهف ايش فيها
عبدالله :ماادري دحين اروح واعرف
ساره :بروح معاك
عبدالله :لا انتي تعبانه روحي ارتاحي بعدين يسير خير
ساره بعناد :تر اذا ماوديتني بدور على غيرك
عبدالله شاف انو مافي فايده من الكلام معاها :اوكي
...............................
كانت ميته خوف وهيا شايفتو قدامها جسمها كلو يرتجف (ّاكيد شافني انا رحت فيها انا ايش خلاني اجي هنا)
مهند معصب :انتي ايش تسوي هنا
لمى بخوف : جايا اشتري كبتشينو
مهند :وليش ماقلتيلي
لمى تضيع الموضوع :طيب انتا ليش ماقلتلي انك انتا خارج
مهند :دقيت عليكي كم مره ماتردي وارسلت مسج
لمى افتكرت انها حاطه جوالها على السايلنت طالعت في الجوال لقت المسج :سوري جوالي كان سايلنت وماانتبهت
مهند :انتي هنا لوحدك
لمى برعب:ايوا
مهند يطالعها من فوق لتحت كان شكلها مره كيوت مره كان عاجبو شكلها:وراكي شي
لمى :لا
مهند :طيب تعالي معايا
لمى :فين
مهند يمسك يدها ويجرها على سيارتو :انتي تعالي بس
لمى ماقدرت تسوي شي وراحت معاها
..................
كانت اللحظه دي اخوف لحظات حياتها شعرها وقف وقلبها سار يدق بسرعه ودموعها تنزل زي الانهار مهي قادره توقف رجولها ماتشيلها
(انا حااامل ياحسرتي على نفسي ايش بيسير فيا اذا احد عرف بيذبحني انا ضعت ضاعت حياتي انا حامل بس انا مو متزوجه )جلست في زاوية غرفتها ضامه رجولها وتبكي زي الصغار كان في يدها جهاز اختبار الحمل مهي مصدقه الي تشوفه بتتجنن (البنات الي كنت اسمع عنهم اطلع انا منهم انا في بطني ولد حرام فهد خدعني من بدايتها مايبغا يكلمني انا محااقلو دحين الا لما يرجع بس لو هرب وسابني انا ايش حسوي وقتها )وزاد بكائها(انا فين كان عقلي اليوم داك) حست بخنقه راحت الحمام وفتحت الدش على مويه بارده وقعدت تحتو بملابسها المويه البارده تنزل عليها تحاول تصحي نفسها وتقنع نفسها انها في حلم بس هادي حقيقه اكبر من انها تصدقها طول عمري احلم اني احمل واجيب عيال بس مو كدا كنت ابغا زوج يموت من الفرحه لما يعرف اني حاامل نوقف انا وهوا ويقعد طول الوقت يطمني جلست تضرب بطنها بقوه تحاول تنزل البيبي
المتها بطنها خرجت من الحمام وهيا تنقط مويا طالعت المرايا لقت ميك اب سايح على وجهها وحالتها حاله
غيرت ملابس ومسحت وجهها ولبست عبايتها وخرجت مهي عارفه فين تروح راحت البحر وجلست تمشي لوحدها تفكر بمستقبلها لسى ماذاقت العذاب رحلة تعذيبها دوبها ابتدت فكرت ايش ممكن تسوي للبيبي تنزلواو انها تولد ومحد يدري عنها وترميه بعدها
طالعت على البحر جاتها بنت افغانيه صغيره تبيع اللبان روان طالعت فيها ودمعت عيونهاّ(ممكن يكون ولدي بياع لبان زيها كيف اقدر ارميه في الشارع مهما كان هادي روح بريئه مالها دخل بغلطه انا ارتكبتها)طالعت في البنت وابتسمتلها
جات البنت تعطيها لبان روان جلست تكلمها
كان في شلة اولاد مضايقه روان ماكانت فايقه لهم كانت تكلم البنت وحضنتها
واحد من الولاد يقول للبنت :ياريتني مكانك
روان اول ماسمعت قامت تمشي
والاولاد انواع التعليقات بس واحد منهم مو عاجبو الوضع كان يطالع في روان وعارف انها حزينه
الاولاد جالسين يصفروا :ايش فيك يامشاري منتا معطينا وجهه
الولد التاني:عامل فيها ثقيل
روان فهمت انهم يقصدوها قامت وسارت تمشي بسرعه
مشاري:بس خلاص شباب البنت متضايقه دورو على غيرها
الاولاد شافوا شلة بنات يطالعو فيهم ماصدقوا بنات يبتسمو لهم
مشاري كان يكره حركات الترقيم كان بالو مشغول بروان شافها وهيا تمشي طاح منها
الام بي ثري راح وراها عشان يعطيها ياه اخدوا وجلس يناديها كانت تسمعو بس صافتو مالها خلق اولاد
مشاري :لو سمحتي
روان عصبت وطالعت فيه جات تبغى تصرخ عليه بس اول ماطالعت شافت فارس احلامها الي كانت تتمناه
عيونو السوده وحواجبو المرسومه وخشمو الي زي السيف وفمو البينك
كان شكلو كاانو فارس عربي
مشاري نفس الشي طالع فيها وسرح كان فيها كل شي يتمناه اعجب بنظراتها الي تذبح بس حس انو فيها شي كان الهوا يطير شعرها على وجهها
روان انتبهت انهم جالسين ساكتين :خير اخوي تبغى شي
مشاري يبتسم ابتسامه خلت روان تذوب مد لها الام بي ثري :اظن انو ليكي
روان اخدتو وابتسمت :مشكور
جات تبغا تروح
كان يشوفها تبعد عنو وهوا واقف مو قادر يسوي شي (يلا روح الحقها ايش مستني روح ياغبي البنت جالسا تطير منك)يبغا يروح وراها لكن رجولو خانتو مهي راضيه تتحرك بعد ماقرر يلحقها جا يمشي يدور عليها بس مالقاها سار يطالع يمين وشمال يدور عليها مالقاها حس بخيبة الامل
روان وهيا تمشي كانت تستنى كلمه منو تستنى يقلها اوقفي لاتروحي خليكي معايا كل مااتتذكروا تبتسم
بس بعدها روان رجعت لعالم الواقع افتكرت انها حامل بولد حرام رجعت دموعها تنزل (ولا ابغا الولد يجي ورايا عشان احبو وبعدها يعرف عني كل شي ويسيبني هوا انا ناقصه عذاب)
راحت ستار بكس وجلست دقت على فهد
مارد عليها بس فين يروح منها دقت عليها مره تانيه مارد راحت طلبت ورجعت دقت عليه اخيرا المر هدي رد
روان بلهفه وخوف وشوق وعتاب وحب مافي كلمه ممكن توصف شعورها :وحشتني
فهد :خلاص بس شهرين وانا عندك
روان :شهرين مو كانت شهر
فهد :سوري حياتي بس الكورس يبغالها شهرين عشان اخلص
روان خلاص ماتنفع دموعها ولا انها تترجاه يرجع مافي شي حينفعها الا قوتها :شهر شهرين مو مهم اهم شي ترجع بالسلامه
فهد :يعني انتي مو زعلانه

روان :مافي شي يزعل حياتي بس صدق مشتاقتلك
فهد :والله انا بعد حياتي
روان :طيب حبيبي انتا ايش عامل تنام كويس تاكل كويس
فهد :لاتخافي عليا انا كل شي عندي تمام انتي شو عامله برضك خايفه
روان (اكتر من اول اه بس لو تعرف ايش القنبله الي تستناك تشعلها بس):كنت خايفه بس لما سمعت صوتك ارتحت
فهد :خلاص بدق عليكي طول الوقت
روان :صدق
فهد:ايه صدق حياتي يلا تبغى شي
روان :سلامتك يلا باااي
فهد :على طول كدا باي مافي انتبه على نفسك احبك بوسه
روان :سوري انتبه على نفسك
فهد :u2 I love you
روان :I love you 2
قفلت روان الجوال وجلست سرحانه تفكر
عند مشاري
فيصل:الي ماخد عقلك يتهنى به
رائد :انا عارف مين ماخد بالو
فيصل :بيونسي الي دوبها كانت فيه
رائد :عاذرك اه عليها عيون عذااااااااب
مشاري طالع في رائد نظرات
فيصل :سوري نسينا اننا نغير
رائد :اموت انا على الي يغاروا بس لسا مامدانا نحب
مشاري صفهم راسو يعورا:شباب نروح ستار بكس
رائد :يلا سرينا
راحوا عند ستار بكس راحوا قسم الشباب
جوا يبغو يدخلو مشاري لمح روان راح عندها من غير مايفكر
كانت جالسا تطالع في الجوال حاسه انو في واحد واقف جنبها مافيها ترفع راسها
مشاري:ممكن اقعد
روان رفعت راسها وباا بتسامه جذابه خلت مشاري يروح فيها :اتفضل
قعد وجلس فتره ساكت جالس يتامل فيها بعدها مد يدوا :انا مشاري
مدت يدها بعد فتره (ياربي انا ايش جالسا اسوي):روان
مشاري:متضايقه اني جالس معاكي
روان :عادي
مشاري:اكيد
روان تبتسم :تسكت ولا اقومك
مشاري :لا خلاص اسكت
مشاري يطالع فيها ويبتسم
روان مستغربه منو :ايش فيك مبتسم
مشاري:بس كدا فرحان
روان :فرحني معاك
مشاري :لابس انبسط اول ماشفتك
روان :الابتسامات دي كلها عشان شوفتي
مشاري :لا مدري ايش فيه قلبي يرقص فرح
مسك يد روان وحطها في قلبو :حاسه
روا ن مبسوطه نسيت مشكلتها ورجعت الدنيا تتقتح في وجهها :ايش فيه يدق كدا
مشاري :مااقلك يرقص من الفرح من اول ماشفتك
روان دق جوالها
روان :هلا سوسو
ساره :فينك
روان :في ستار بكس
ساره :معاكي لمى
روان :لا ليه
ساره :ليا كم ساعه ادق عليها جوالها مقفل
روان :يمكن نايمه
ساره :لا دقيت على البيت مهي فيه
روان :في شي مهم
ساره :رهف تعبانه في المستشفى
روان وقفت من الخوف:ايش فيها
ساره تحاول تهديها :مافي شي بس تعبانه
روان :أي مستشفى
ساره :مستشفى ال *********
روان :دحين جايا
وقفلت منها :بااااااي مشاري اشوفك على خير
وراحت من غير ماتستنى جواب منو
مشاري افتكر انو مااخد رقمها زي السندرلا راحت واخدت قلبو معاها
..............................

في فندق الهلتون
احمد يبوس يد لمياء :وحشتيني
لمياء : وانتا اكتر
احمد امو ارسلتلو مسج عشان يوديها المستشفى عند رهف
من اول ماسمع اسم رهف اتلخبط قام و مو عارف ايش يسوي
احمد ّ:سوري حبيبتي لازم اروح
لمياء:ايش فيك زي المجنون فين رايح
احمد :بنت خالتي في المستشفى
لمياء:رهف صح
احمد :ايوا
لمياء :طبعا روحلها مو انا مااهمك يلا روح ايش تستنى حبيبة القلب تعبانه
احمد خسرها وراح
لمياء زاد الحقد في قلبها على رهف
.................
في احدى الفلل الي في البحر الباب الي ورى كان يفتح على البحر
لمى اول مادخلت قلبها كان يدق بقوه من الخوف
مهند كان جالس يطالع فيها ويبتسم
كان جالس يقرب منها وهيا بتبعد لحد ماوصلت للجدر
قرب منها بزياده ماقدرت تتحرك وتبعد عنو كان قريب منها تحس باانفاسو كان جالس يلعب بشعرها
مهند زي أي ولد بنت من احلى ماخلق ربي قدامو في مكان لوحدهم
لمى كانت ميته من الخوف اول مره يلصق فيها لدي الدرجه انها تسمع كل دقه في قلبو
مهند حس فيها يسمع قلبها يدق بسرعه
قرب من واعطاها بوسه في خدها زادت ضربات قلبها بتموت من الخوف
مهند :في شي حبيبتي
لمى اخيرا اتحركت بعدت عنو :لا بس خلينا نخرج من هنا
مهند راح وفتح الباب وخرج عند البحر جلست لمى تطالع فيه كان شكلو يجنن في الصباح افتكرت اول مره شافتو ايش سوا في قلبها كان يطالع فيها ويبادلها الابتسامات ومد يدو لها يناديها راحت لعندو كان المكان فاضي مافيه أي مخلوق الهوا كان دافئ وصوت البحر والدنيا مغيمه المكان كان رومنسي بزياده بس ناقصوا شموع مهند جلس يطالع فيها
لمى اتضايقت من نضراتو :ايش فيك تطالع فيا كدا
مهند :معجب
لمى ابتسمت ونزلت راسها
مهند رفعلها راسها :احبك
لمى مكسوفه خدودها ولعت من الخجل
مهند :واااا مين دي بسم الله حياتي فيكي شي
لمى :لا ليش
مهند :سرتي حركات تنكسفي بالله من علمك
لمى دفتو وراحت قربت من البحرجاها من وراها وحضنها وجلس يشم شعرها :زعلتي حياتي
لمى :لا مافي شي يزعل
مهند :مونفسك تسبحي
لمى :لا
مهند فسخ التشيرت ومدو للمى :امسكي بس اسبح شويا واجي
راح مهند ونزل الجيت(دباب البحر) حقو البحر :ماتبغي
لمى :لا
راح مهند يدور دوره بالجيت لمى تعبت واقفه شكلو مهند مبسوط قعدت على التراب تلعب بيدها وملابسها اتوسخت رفعت الجينز من تحت وجلست تلعب بالرمل تفتكر ايام ماكان هيا ورهف وعبدالله واحمد يلعبو
جاها مهند وهيا سرحانه :لدي الدرجه تحبي التراب
لمى :يعجبني ملمسوا
مهند قعد وسار يلعب بالتراب معاها:ابغا العبك لعبه بس بشرط
لمى :اول اعرف ايش هيا اللعبه
مهند :نص ساعه نسوي جبل والي جبلو اكبر يفوز
لمى :والشرط
مهند :اذا انا فزت تعطيني بوسه
لمى :واذا انا فزت
مهند :اممممم انا اعطيكي بوسه
لمى :لا ماابغاها ابغا هديه
مهند يسوي نفسوا زعلان :اصلا بوستي تساوي مليون هديه
قام مهند بس لمى قعدتو :سوري بس انا اخاف يسيرفيا شي اذا بستني
مهند :لدي الدرجه تحبيني
لمى ندمت على كلمتها وخدودها رجعت تولع لمبه حمرا
مهند ّ:حبيبتي لاتتعلمي الحركه دي كل ماقلتلك شي خدودك تولع
لمى :سوري مااقدر اتحكم فيها
مهند ّّّ:لالازم لاانو شكلك يطلع جناااااان
وقرب منها وعند اذنها بهمس :بعدين اخاف ارتكب فيكي جريمه تعبت وانا ماسك نفسي
لمى بعدت عنو :لا خلاص بتحكم فيها
مهند :لاتضيعي الموضووع ماجوبتيني انتي تحبيني
لمى كلمة احبك ماتوصف الي في قلبها تحببو بكل قطعه فيها :احبك اكتر مماتتصور
مهند اتغير بعد مااتعرف عليها ساب كل البنات الي يعرفهم وماسار يخرج كتير :بس مو اكتر من حبي لكي
لمى ابتسمت
مهند :طيب نلعب وجهزي البوسه
لمى ومهند جلسو يلعبو بالتراب ولمى كل ماتسوي جبل يطيح عليها انتهى الوقت ومهند فاز :يلا ابغا البوسه
لمى مقهوره انو فاز عليها ماتحب تخسر تحدي طالعت في يدها كان كلها ترب
قربت منو وهوا كان متحمس للبوسه بس مسكت خدو بيدها وسار كلو تراب
مهند :بدانا حركات النذاله
مسك التراب وحطو في شعرها
لمى تنزل التراب من شعرها :لا حرام كلوا لا شعري
اخد ت تراب :نزل راسك لازم احط في شعرك مالي
مهند :تحلمي
لمى :لا مايسير كدا غش
مهند :هههههه مين الي يغش فينا خلاص وحده بوحده
لمى :طيب مافي البوسه
مهند :لا خلاص حطي في شعري ولو تبغي تحطي في وجهي حطي
لمى قربت منو وحطت التراب في شعروا
مهند :ليش مو البوسه اول
لمى :يلا انقلع تحلم
مهند :ياغشاشه
لمى تطالع في شعرها :دحين كيف حرجع البيت كدا ايش حيقولو اهلي
مهند :عادي قولي حبيبي طيحني في التراب
لمى :بالله عشان ماما تصكني بكم كف
مهند :ماتقدر وانا موجود
لمى : ايش تقدر تسوي
مهند :بتزوجك ومحد يقدر يمد يدوا عليكي غيري
لمى والفرحه بتموتها (الحمدلله يفكر فيا كازوجه مستقبل مو بنت وتعدي):ليش انشالله ناوي تضربني
مهند :والله على حسب اذا كان الموضوع يستاهل والله اسطرك مو بس كف
لمى :لا اصلن مااهون عليك
مهند :واثقه
لمى تطالع في شعرها وتحاول تنزل التراب :ايوا
مهند يطالع فيها (انشالله تنكسر يدي ولا امدها عليكي في يوم )كان يطالع فيها كانت حلوه بدرجه مو طبيعيه وناعمه خايف انو يمسكها ويخدشها من نعومتها
مهند:اذا تبغي تغسلي شعرك تر ى في حمام
لمى خافت من فكرتوا وتنكسف منو
:لا خلاص رجعني البيت اتاخرت
مهند :لسى بدري
لمى :مره تانيه
مهند بطفش:اوكي يلا
لمى لمت اشياءها وراحت بيتها
.........................
في المستشفى الكل كان عند رهف بس محد قادر يدخل عليها الغرفه
ساره ماهمها كلام احد ودخلت عليها
ام عبدالله كانت خايفه من ردت فعل رهف وعبدالله كان نفسوا يسطر ساره
دخلت لقت رهف صاحيه تطالع في الطاقه
ساره باابتسامه ترد الروح :صباح الخير
رهف لما تشوف صحباتها ترتاح :صباح النور
رهف :ايش جابك
ساره :رجولي جابتني
رهف :اها
ساره: سوري ماجبت هديه
رهف :هديه على ايه على حياتي الي سارت جحيم ولا على نفسي تخيلي شكلي من غير يد بس حيكون ناقصني اشحت في الشارع عندي حاله نفسيه وبدون يد
ساره :رهوف تسكتي ولا اصمك كف يسكتك
رهف :خليني اصحي نفسي من الحلم الي انا عايشاه
ساره ّ:حبيبتي اهلك يقولو انو ممكن الدكتور يكون غلطان بيودوكي مستشفى تانيه عشان يتاكدو
رهف :لا يتعبو نفسهم خلاص انا راضيه بالي بيصير
ساره قعدت جنب رهف :رهف انا اعرفك الكالم دا مايطلع منك فيكي شي
رهف نفسها تخرج الي عندها كل شي كانت تقولو للمى بس هادا اخوها ماتقدر تقلها :اه ياساره احس نفسي اني بموت من غيروا حياتي ماتسوى شي وهوا مو معايا شفتو كم مره مع لمياء رجعلها بس سكت لكن انو يحقرني ويكرهني يسوي كل شي يخونني مع مليون وحده بس انو يكرهني دا شي اكبر مني
ساره شافت رهف تبكي مسحت لها دموعها
:قولي الحمدلله لا تسوي بنفسك كدا عشان شي مايستاهل
رهف :مايستاهل انا اعيش في الدنيا عشانو كل دقه بقلبي تدق بحبو وهوا كدا يعاملني
ساره :اسمعني واحكمي اذا مشكلتك تستاهل الي بتسويه
رهف ساتكته تسمع
ساره :قبل كم سنه دحموني اخويا الله يرحمو كان تعبان في اليل رحت لعندوا كنت جالسا اسمعو وهوا ينازع الموت رحت عند ماما عشان تسوي شي بس رحت غرفتها سمعتها تتكلم مع احد وبابا كان مسافر بعدها تعرفي مين شفت خرج من الغرفه
رهف :مين
ساره :عمي كان خارج من غرفتها وهوا يضحك بعدها رحت عندها اقولها دحموني بيموت تقلي وخري مو وقتك اخويا مات وهيا قاعده مع عمي
رهف :وليش ماقلتيلي من قبل
ساره :هادي مشاكلي ومااحب اطفش احد فيها
رهف :بس انتي طول السنين دي شايله دا كلو لوحدك
ساره :انا بعد دحموني مايهمني اذا تخون بابا مع مليون واحد بس انا كنت صابره لحد ما عمتي فوقتني من الحلم الي عايشه فيه تخيلي شاكين اني بنت حرام مهم عارفين اذا انا من عمي ولا من بابا وجدتي ماتت بسبب امي
رهف حضنت ساره وجلست تبكي وساره دموعها تنزل زيا لانهار: خلاص بس مسحي دموعك
رهف :مسحي دموعك انتي بالاول
ساره ورهف مسحت دموعهم
ساره :انادي اهلك يدخلوا تراهم خايفين عليكي
رهف باابتسامه :اوكي
ساره راحت عند رهف وباستها :يلا اشوفك على خير
رهف حضنتها :الله لايحرمني منك
ساره :ولا منك
ؤهف :اذا في شي مضايقك قوليلي
ساره :اوكي ياعسل باااااااي
رهف :باااااااااااي
خرجت ساره من الغرفه وكان اهلها كلهم متجمعين عند الباب
ام عبدالله :ها برضها ماتبغا تكلم احد
ساره تبتسم :لا تقدري تدخليلها دحين
ام عبدالله :الله يوفقك ويخليكي لااهلك
ساره (هوا انا عندي اهل بالاول)
راحت تبغا تروح بس في احد جاه يناديها من وراها وصلت عند باب المستشفى تبغا تخرج بس وقفها ومسكها
عبدالله :على فين هاربه
ساره :تعبانه ابغا ارجع البيت اتااخرت
عبدالله مايبغاها تروح خايف مايشوفها بعد كدا ومن غير مايحس:لسى ماشبعت منك
ساره مستغربه ليش يقلها كدا مو فاهمتو مره يكون ثقيل دم ومره مافي احلى منو:نعم
عبدالله :لا ولاشي بس ممكن اكلمك عى الجوال
ساره :في شي ضروري
عبدالله :ايوا بس دحين مو الوقت المناسب بعدين اقلك
ساره :اوكي وراحت
عبدالله يشوفها وهيا رايحا وكانت ريحة عطره في يدوا جلس يشم ريحة يدوا وقلبو يصرخ (احببببببببببببببك)
في غرفة رهف الكل كان فيه حتى احمد رهف كانت بتموت لما شافتو ماتبغا تطالع فيه لاانها حتضعف جلست تزيف ابتسامات طالعت في الكل الا احمد خايفه تطيح عينها عليه وتضعف قدامو وتنزل دموعها حاولت تكابر وتخلي الموضوع مو هامها
ام محمد :الحمدلله على سلامتك
رهف باابتسامه :الله يسلمك
ام عبدالله :بكره بننقلك مستشفى تانيه
رهف سكتت وامها مستغربه منها دوبها كانت رافضه مهي عارفه ايش سوت فيها ساره كانت ام عبدالله تحب ساره وتفكر تخطبها لعبدالله
ام محمد تدق على لمى واخيرا فتحت جوالها
ام محمد :لمو حبيبتي فينك
لمى خايفه :دحين راجعا البيت
ام محمد :لا تعالي على المستشفى البيت مافيه احد
لمى :ليش مين فيه
ام محمد ":بس بنت خالتك مريضه
لمى :ايت وحده
ام محمد:رهف يلا تعالي مستشفى *****
لمى :اوكي
لمى كانت مع مهند في السياره
لمى :سوري حبيبي ممكن توديني مستشفى ال**** بنت خالتي تعبانه
مهند :من عيوني كم لمو عندي
لمى كانت خايفه على رهف مهي اعارفه ايش فيها
مهند وصل المستشفى ونزلت لمى وجلس يطالع فيها لحد ماتدخل
عند باب المستشفى لمى شافت عبدالله خافت انو يكون شافها لاانو المر ه دي حيتاكد انو في شي
راحت لعندو :عبود
عبدالله :ها
لمى :رهف ايشبها
عبدالله :مافيها شي بس تعبانه شوي
لمى ارتاحت طالعت في عبدالله كان شكلو متغير :فيك شي
عبدالله :يب
لمى :خير
عبدالله :انا احب
لمى مع الفرحه راحت وحظنتو :مبرووووك
عبدالله :لسا هيا ماتعرف
لمى :طيب انا اشوف رهف وبعدها ليا هرجه معاك
عبدالله :اوكي
لمى راحت
من بعيد مهند كان يشوف كل شي وعصب من لمى انها حضنت عبدالله كان فاكروا وعارفوا الغيره بتموتو من القهر (تسيبني وترحلو يكون احسلها)ّ
في الغرفه كان فيه روان جات
الحريم خرجوا وقعدوا البنات
لمى جالسا جنب رهف :ساره فينها
روان :قالتلي وجيت مالقيتها
رهف افتكرت ساره وحمدت ربها انها جات :جات وتعبت وراحت
لمى :رهوف ايش فيكي
ررهف :لا بس جالسا اتخيل نفسي وانا مقطعه
لمى :رهف
رهف :خليني اعيش الواقع بالله عليكي مين حيتزوجني وانا كدا يعني حقعد عانس
جاها صوت من وراها :وانا فين رحت
رهف كانت عارفه الصوت ماتنساه بتموت من الكلمه الي قالها اخيرا اتكلم بس لا (لا ياااااحمد ماابغا حب شفقه شفقتك خليها لي غيري انا مو محتاجتلك انتا كدا بتموتني )
لمى اخدت روان وخرجوا
مابقي في الغرفه غيرهم
احمد :انا مستعد اتزوجك
رهف بتبكي بس حبست دموعها:شكرن مو محتاجه شفقتك
احمد :هادي مو شفقه انا جالس اثبتلك اني احبك مهما يسير
رهف :بااين بس شكرن ماابغا حبك خليه للمياء
احمد : بس انا احبك
رهف :وانا اكرهك
احمد مسك يدها :انا اسف والله كنت غبي يوم ماسويت فيكي شي بس احبك وماابغاكي تكوني لغيري ماابغا احد يشاركني فيكي اموت اذا شفتك مع غيري بليز حاولي تسامحيني
رهف ساكته
احمد نزلت دموعوا : لا تسكتي قولي شي سبيني صرخي في وجههي اضربيني بس لاتسكتي
رهف سحبت يدها
احمد :بليز وافقي المر ه دي
رهف بكل قوه مانزلت دمعه من عينها :ماوافقت وانا احبك تتوقع اوافق وانا اكرهك
احمد : حبيبتي بليز انا مستعد اسوي أي شي
عشانك
رهف :شكرن ماابغا منك شي ويلا ممكن تخررج تعبانه ابغا اناااام
احمد نفسوا يموت ولا يشوف نظرات الكره في عيونها :اوكي براحتك بس لو غيرتي رايك انا موجود
وقرب منها وبهمس عند اذنها: مهما تسوي فيني حاافضل احبك واموت فيكي انتي كدا بتعلقيني فيكي اكتر ولو كنتي تحبيني صدق ماكنتي تكرهيني لاانو الي يحب مايكره
راح احمد
رهف جسمها قشعرها لاانها حست باانفاسو قريبه منها وريحت عطروا
بعد ماخرج احمد رهف دموعها نزلت انهار من عينها (ليش تسوي فيا كدا انتا عارف اني ضعيفه مااستحمل دموعو )كانت تكرهوا وفي نفس الوقت تموت في التراب الي يمشي عليه بس كرامتها ماتسمح لها انها ترجعلوا (لازم اخلي كرامتي فوق كل شي)
في مكان تاني في المستشفى
كانو لمى وروان قاعدين
روان قاعده ساكته مهمومه
لمى انتبهت انها متغيره:روان فيكي شي
روان :قولي ايش مافيا
لمى :صاير شي
روان تبكي :خايفه يالمى خايفه
لمى قعدت جنبها :خايفه من ايش
روان :من المستقبل
لمى :ليش
روان :لمى بليز ساعديني لاتتخلي عني انا محتاجتلك توقفي معايا

لمى : لا تخافي انا معاكي في كل شي بس ايش فيه
روان وتشاهق بصوت عالي :انا ااانا
لمى :انتي ايه
روان ودموعها تنزل :حااامل
لمى سكتت مصدومه من الي تسمعو
راحت حضنت روان :انتي متاكده
روان :عملت اختبار حمل في البيت
لمى :بس يمكن يطلع غلط
روان :لا اكيد كل شي يدل على اني حامل
لمى مسكت روان واخدتها
روان :فين حتوديني
لمى :نروح نتاكد
راحو لمستوصف
لمى دقت على وحده تعرفها
لمى :الو
خلود :هلا عاش من سمع صوتك
لمى :هلا خلوووود وحشتيني
خلود :وانتي اكثر
لمى :بنت ممكن خدمه
خلود :اتفضلي
لمى :المسوتصف الي تروحيه حق الولاده
خلود :ايش فيه لاتكوني سويتيها
لمى :لا بس وحده اعرفها المهم ايش اسم الدكتور
خلود :دكتور عبد الحكيم اعطيه 10 الاف يعملك اجهاض من غير عقد زواج
لمى :شكرن
خلود :عفوا ولاتقطعينا من صوتك
لمى:انشالله
قفلت منها
لمى :دكتور عبدالحكيم 10 الاف الجهاض
روان :مين فين اقدر اجيب الفلوس
لمى :لاتشيلي هم خليها عليا
روان :ايش حتقولي لي اهلك هيا دي المشكله
لمى :قلتلك خليها عليا
روان :طيب الدكتور يسال على عقد زواج
لمى :لا
راحو وقطعو موعد عند الدكتور
في صالة الانتظار كان كلو بنات بس طبعا كلهم مغطين وجههم
وحده جنبهم تكلمهم :انتي برضك اتخدعتي
روان :ايوا
البنت :اه من الاولاد من جد زئاب
روان :ليش
البنت :تخيلي خطيبيي بعد الملكه جا ياخذني لشقتو بس انا مارضيت بس طمني انو مابقي شي على زواجنا وبعد مااخد مني كل شي ارسلي ورقة طلاقي وابويا مره شديد لو يدري اني حامل بيموتني والله
روا ن حست البنت مهمومه
نادا اسم روان طبعا كانت متنكره بااسم تاني
دخلو هيا ولمى عند الدكتور
الدكتور عبد الحكيم :خير صبايا بشو ممكن اخدمكم
لمى اتكلمت عشان روان خايفه :اختي حامل وتبغا تجهض
الدكتور:يعني عملية اجهاض
لمى :بس لسى نحنا مو متاكدين انها حامل
الدكتور:اوكي نسويلها تحاليل ونتاكد
اتفضلي مع الممرضه وبعد ساعه تعالي عشان النتائج
عملت روان التحاليل وجلست تستنى النتائج لمى كانت ماسكه يدها مرت ساعه وبعدها راحت تشوف النتائج
الدكتور يطالع في الورقه :انتي من فين عرفتي انك حامل
روان :من جهاز اختبار الحمل
الدكتور يبتسم عارف انها على علاقه محرمه :لا الجهاز نتائجو مو صحيحه الف مبروك انتي مو حامل
روان تطالع في لمى والفرحه في عينها جات تبغا تقوم بس لمى قعدتها
روان استغربت بعدها لمى اتكلمت :دكتور طيب نبغا نحجز لعملية تانيه
روان تطالع لمى بااستغراب مو فاهمه شي
الدكتور:عملية شو
لمى :نبغا نرجعها بنت قصدي نسكرها
الدكتور :اوكي العمليه دي بتكلفكم 15 الف اغلى من الاجهاض
لمى :المبلغ مو مهم بس ابغا اعرف العمليه مضمونه
ادكتور:100 % عمليه سهله جدا بس راح تنام عندنا يومين وتراجعنا كل اسبوع بعدها لمدة شهر
لمى :اوكي من فين اخد موعد للعمليه
الدكتور :روحي عند الممرضه
راحو عند الممرضه
لمى :بعد اسبوعين العمليه لما ارجع من السفر عشان نخطط مضبوط
روان خايفه ومبسوطه في نفس الوقت :اوكي
حجزوا موعد بعد ماترجع لمى من السفر
راحو بعد ماخرجوا من المستشفى لمطعم
لمى :مبروك خلاص ارتحتي
روان :اه ماراح ارتاح الا لما ارجع بنت بس خايفه من العمليه وخايفه احد يكتشف
لمى :لازم نخطط من دحين
روان :امي بقلها اني بنام عندك اسبوع
لمى :وماما ماتدخل غرفتي خير شر
روان :والفلوس
لمى :لاتخافي بابا في رصيدو في البنك ملايين محاياثر الكم الف الي ناخدها
روان :واذا اكتشف
لمى :عادي بقولو اني اتبرعت محايقول شي اصلا هوا متعود
روان :اوكي

ايش ممكن يسوي مهند للمى ؟؟
رهف حيحن قلبها على احمد ؟؟؟
روان عمليتها حتعدي على خير ولا ممكن يسير شي ؟؟
ومشاري هل حيكون له دور في حيات ابطالنا؟

االفصل الحادي عشر
نقلو رهف مستشفى تانيه عملوا لها تحاليل
رهف نايمه وصحيت لقت اهلها كلهم متجمعين سارت تدور بعينها على احمد خايفه تبغاه يكون جنبها (ليش مااقدر اكرهوا)
ام عبدالله انتبهت على بنتها ّ:تدوري على شي
رهف ّ:لا
لمى راحت عندها :صباح الخير
رهف :صباح النور غريبه لمو صاحيه بدري
لمى :ايش تحسبي دحين انا سرت حركات
رهف :لا باااين ماشالله
لمى دق جوالها اغنية (خليني معاك )لرامي عياش
لمى ابتسمت ورهف غمزت لها :روحي كلميه
لمى خرجت من الغرفه
لمى :هلا حياتي
مهند من غير نفس :هلا
لمى :ايش فيه صوتك متغير
مهند :مافي شي
لمى وصوت الضجه عندها :اكيد
مهند : فينك
لمى :في المستشفى
مهند :وليش ماقلتيلي انك خارجه
لمى :ماما كانت معايا ماقدرت اكلمك
مهند :لو انا اهمك كان رسلتيلي مسج بس اكيد مشغوله مع حبيب القلب
لمى مستغربه من كلامو :مين حبيب القلب
مهند :انتي ادرى
لمى :سوري مافهمت
مهند :ولد خالتك الي كنتي جالسا تحظنيه امس
لمى :اها طيب انتا ليش مزعل نفسك عادي ولد خالتي واحظنو
مهند انقهر من كلامها :لا بالله اجل انا اقعد ابوس واحظن بنات خالتي يكون عادي عندك
لمى :لا انتا بس جرب و لاتقارن انا عبدالله زي اخويا
مهند :سوري حبيبتي بس دحين غير ماابغاكي تقعدي معاه وابغاكي تغطي منو
لمى بطفش:طيب في اوامر تانيه
مهند :حياتي ماابغاكي تزعلي انا بقلك كدا عشاني احبك واغار عليكي
لمى :مين قال اني زعلانه
مهند : بس صوتك اتغير
لمى :هوا انا اقدر ازعل منك
مهند :وحشتيني
لمى :كداااب لسا امس كنت معاك
مهند :شكلو انا ماوحشتك
لمى ّتكذب:بصراحه ايوا لسا امس شفتك
مهند :يابكاشه هيا احلفي اني ماوحشتك
لمى :والله انك وحشتني
مهند بوله :وانتي اكتر حياتي ابغا اشوفك اليوم
لمى :لا
مهند :عارف انك تقدري بس ايش فيكي ماتبغي تشوفيني
لمى :بس ابغاك تشتاقلي
مهند :مين قال اني مو مشتاقلك
لمى شافت اختها لجين جايا:حبيبي خلاص مااقدر يلا باااااااي
مهند مسوي زعلان :حلوه التصريفه
لمى :لا مو لدي الدرجه بس اختي جايه
مهند :بااااااي
لمى قفلت منو وهيا تبتسم جاتها لجين
سلمت عيها
لجين :مااما فين
لمى :جوا
لجين :وانتي ليش قاعده هنا
لمى :كنت اكلم جوال
لجين :داخله
لمى :لا بكلم عبدالله شويا
لجيت دخلت عند رهف ولمى راحت قعدت مع عبدالله
عبدالله يبتسم :هلا لمو
لمى قعدت :يلا نكمل موضوع امس
عبدالله :ياربي على اللقافه
لمى :مقبوله منك بعد ماتقلي الموضوع ارد عليك
عبدالله :خلاص قلتلك اني احب
لمى :ايوا قلي مين هياو كيف حبيتها
عبداللله :امممممم وحده تعرفيها
لمى :يعني اعرفها من قريب ولامن بعيد
عبدالله :وحده من صحباتك انتي ورهف
لمى على طول عرفت :ساره
عبدالله :مشالله كيف عرفتي
لمى :زكيه
عبدالله :اه يالمى مو بس احبها الا اموت فيها
لمى :ياعيني على الي يحبو
عبدالله :ايش تحسبي بس لمو ابغا منك خدمه
لمى :عيوني
عبدالله :ابغا اعرف رائيها فيني
لمى :امممم اول كانت تكرهك دحين مدري بسالها
عبدالله :ياريت
لمى :يلا بروح دحين نتائج تحاليل رهف تطلع
عبدالله :اوكي
لمى راحت الغرفه عند رهف
الكل كان قاعد يستنى الدكتور يتكلم
الدكتور :المستشفى الاولى ايش قالت لكم
ابو عبدالله :يقولو يدها ملتهبه لازم يقطعوها ولا ينتشر في كل الجسم
الدكتور يطالع في ورقه :لا مايحتاج نقطعها بس لازم ننظف الجرح ونخيط مكانو
الكل فرح من كلام الدكتور جلسوا يطالعو في بعض مهم مصدقين الي يسمعوه لمى طالعت في رهف لقتها عادي كاانو مو ساير شي
لمى :رهوف سمعتي كلام الدكتور
رهف ببرود :ايوا
لمى :طيب ليه مو فرحانه
رهف باابتسامه :الا فرحانه
ابو عبدالله :ها رهف متى تبغي العمليه
رهف:أي وقت
ابو عبدالله :ايش رايك اليوم
رهف:اوكي
ابو عبدالله :يلا اسيبك تستعدي
الكل خرج من غرفتها بس بقيت الممرضه تكشف عليها
رهف ماكانت حاسه بالي حوليها تفكر مستغربه انو ماجا مهي فاهمه لو هوا صدق يحبها ولا يلعب عليها نفسها تشوفو وتعرف ردة فعلو اذا عرف انها مافيها شي بيظل يحبها ولا كان حب شفقه افتكرت قبل سنه في المدرسه
رهف :احبه مني عارفه ايش اسوي
مرام تبكي
رهف:مروم ايش فيكي
مرام :بس فكرتيني لما كنت احب ولد خالتي
رهف:ولد خالتك اول مره اعرف
مرام /اه يارهف مو بس احبو الا كنت اموت فيه
رهف:ايش سار
مرام :كان يحبني واحبوا ومره خرجت معاه وداني شقه وقال لي لاتخافي اناحااتزوجك
رهف:ايش سويتي
مرام :صرخت فيه وقلت له انو اذا يحبني ماكان يرضى عليا وانو ولد خالتي المفروض يحافظ عليا تعرفي ايش رد عليا
رهف :ايش
مرام :قال لي ترى انتي زيك زي أي بنت تانيه مو بس عشانك بنت خالتي يعني اني اكون صادق معاكي في كل كلمه انتي زي كل بيتش اعرفها
رهف مصدومه :الحقير الواطي بس مروم حياتي الحمدلله انك عرفتيه على حقيقتو
رهف سرحانه مهي داريه عن الدنيا جات الممرضه تكلمها اخيرا حست بنفسها
رهف مسحت دموعها (ايش ممكن اسوي لو احمد طلع زي ولد خالت مرام)
الممرضه المصريه :ماتخفيش العمليه بسيطه
رهف تمسح دموعها وتبتسم
غيرت ملابسها وحطو لها ابرة البنج وهيا دايخه كانت تنادي احمد وامها
الممرضه :انشالله بعد العمليه نقبلك احمد
نامت رهف وهيا طول الوقت احمد في بالها
...............................................


وسط عزومه كبيره كان صوت الاغاني في كل مكان
في صالة الرجال
كان قاعد بطفش مو عاجبو الوضع
جا خالد :ايش فيك ساكت
فراس :مقهور
خالد :من ايش
فراس :ابوي يبغا يزوجني اخت الدب ماجد
خالد : اصلا طالع فيه جاي العزومه سكران
فراس:غريبه محد منتبه
خالد :وانتا موافق
فراس :طبعا لا
خالد :عشان مها
فراس :ايوا مني عارف ايش اسوي اذا ماتزوجتها بيزعل ابوي
خالد :والله مني عارف ايش اقلك غير الله يعينك
فراس:طيب غير الموضوع ماجد جاي
ملاحظه :خالد ولد عمت فراس
ماجد سكران :هاااااااي قايز
فراس وخالد :هااي
ماجد :انتو ايش تسوا هنا
فراس بهمس:يعني ايش نسوي
خالد دق فراس يعني اسكت :نحنا جاين عزوومة ابوك
ماجد :هادي عزومة ابوي وانا احسب عزومه عمي
وجلس يضحك
فراس:انا بروح الحوش اولع سجاره
وقرب من خالد :الله يعينك على ثقالة دمو
راح فراس الحوش يدخن
كانت صالت الحريم فيها طاقه تطل على الحوش
دالين وهيا طفشانه
لمياء تدقها:دولي
دالين بطفش :ها
لمياء:شوفي مين قاعد بره
دالين طالعت شاقت فراس:يويل قلبي شكلو يجنن وهو يدخن
لمياء :روحي له
دالين :ايش اقلو
لمياء :سوي نفسك ماكنتي تعرفي انو فيه
دالين راحت لمرايا تكثر الميك اب
دالين :كيف شكلي
لمياء :يجنن
دالين :اخاف ماااعجبوا
لمياء :لا صدقيني بتعجبيه
دالين راحت الحوش بلبسها الفاضح كانت لابسه تنوره قصيره مره حتى لما تجلس كل شي يبان وتشيرت عريان يبين البطن كانت حاطه حلق في بطنها >>>>>اح يعور
رااحت الحوش
فراس كان قاعد يدخن سمع صوت من وراه
دالين عرفت انو انتبه لها وابتسمت
دالين :هااااي فراس
فراس مو طايقها :هاااي
دالين :انتا هنا لوحدك
فراس :ايوا
جلس ساكت حتى ماطالع فيها
دالين :ماسالتني عن اخباري
فراس:سوري نسيت
دالين :عادي مقبوله منك
فراس ساكت
دالين مقهووره منو باين انو مالو نفس يكلمها :ايش تسوي هنا
فراس جاتو فكره :ابغا اكلم حبيبتي
دالين وجها حمر مع القهر الدموع اتجمعت في عينها والغصه في حلقها :ااانتا تحب
فراس ببرود:ايوا
دالين:اها وحده اعرفها
فراس :مااظن
دق جوالو وكانت مها كان حاط لها اغنية اكمل (انت الحب)
فراس:هلا بحياتي ونور عيني وقلبي وروحي
مها :كل دا مره وحده ترى مااقدر
فراس:احبببببببببك مني عارف كيف اوصفلك حبي
مها:عارفه مو لازم توصف انتا في البيت
فراس:لا لسا ماخلصت العزومه
مها :اوكي حبيبي صحباتي خارجين ممكن اروح معاهم
فراس:فين رايحين
مها :تشليز
فراس:اوكي انتبهي على نفسك ولاتتاخري
مها ّhttp://cooolgirls.com/images/smilies/redface.gifk u 2
فراس:وغطي وجهك
مها :لا
فراس :ايش لا
مها : ماابغا اغطي
فراس:ايش ماتبغي تغطي
مها :لسا انا صغيره على الغطى
فراس انتبه لدالين الي قاطه اذنها معاهم:طيب حبيبتي نتفاهم على الغطى بعدين بس غطي وجهك في السياره عشان الاولاد لا يضايقوكي
مها :اوكي حياتي باااي
فراس :باااااااي
قفل منها
دالين القافه حتموتها باين في عينها :ها انشالله كل شي ماشي تمام
فراس:الحمدلله
دالين :ترى اذا ماسمعت كلامك وغطت تكون ماتحبك
فراس(ياربي على اللقافه):لا تحبني انا واثق فيها
دالين قربت منو وهمست في اذنو :اذا عرفت الي بقلبي حتعرف الحب
راحت دالين وفراس جلس ساكت مصدوم معقوله تطلع تحبو كان عندوا امل انها ماتوافق بس شكلها لاصقه فيه
خرج خالد :يلا دورك ادخل اقعد مع العله وانا بدخنلي سجاره
فراس راح دخل
خالد ولع سجاره وجلس يفكر بكلام هدى (بعد السنين دي كلها تقلي دور على غيري ليش انا افكر فيها وهيا حتى ماتدري عني ادور على غيرها احسن )
........................................
كان نايم دقت الساعه
قام من النوم وراسو يعورو يفكر بكلامها طول الوقت مانام من كلماتها القاسيه
طالع في الساعه وقام اتوضا وصلى الظهر راح يشوف اهلو بس مالقى احد في البيت
دق على لمى
احمد : فينك
لمى:في المستشفى
احمد :عند رهف
لمى :يب عمليتها اليوم
احمد ماكان يدري بالاخبار الجديده لسا يحسب انو حيقطعو يدها :متى العمليه تبدا
لمى :قول متى تخلص
احمد قلبو يدق :طيب دحين انا جاي
لمى:على فكرة غيرنا المستشفى
قالت له لمى على المستشفى وبس وراح لها على طول
في المستشفى
ام محمد وام عبدالله قاعدين مع بعض ولجين وهدى قاعدين يتكلمو
لمى قاعده لوحدها تلعب بااظافيرها جالسه تطالع في الناس لمحت اكتر بنت في حياتها تكرها ابتسمت لها البنت وجات قعدت عندها
لمياء :هاااااي
لمى :هاااااي
لمياء :كيفك
لمى :ماااشي حالي
لمياء :هيا رهف ايش فيها
لمى :مافيها شي
لمياء: كنت في عزومه واول ماسمعت انها بتسوي عملية جيت
لمى تكلمها من غير نفس : ام عمليه بسيطه وانشالله تقوم بالسلامه
لمياء (يارب ماتقوم بالسلامه وتموت وتريحني ):انشالله
لمياء لمحت احمد جااااي من بعيد
قامت بسرعه :اوكي اشوفك على خير
وقامت من غير مااحمد يشوفها
احمد راح قعد مع الرجال وقالو له على الخبر بس برضوا كان خايف عليها من العمليه البسيطه
من بعيد لمياء كانت تراقب احمد (طيب يااحمد تسيبني وتروح لها رهف الي شايفها ملاك نهايتها قربت على ايدي ان مادفنتها وهيا حيه ) كانت مقهوره من لمى انها كلمتها من غير نفس (يلا مقبوله بس لازم احسن علاقتي معاها بعد اختو وامري لله )
راحت ودقت على احمد ماتبغاه يقعد مع رهف تبغاها تصحى وماتلاقيه قدامها
رد عليها من غير نفس:خير
لمياء :بس ابغا اشوفك دحين
احمد :مو فاضي لك دحين
لمياء :اكيد مو فاضي لي بدال معاك حبيبة قلبك تقابلني ليه
احمد :الحمدلله انك عارفه مايحتاج اقلك
لمياء : طيب خليك رجال وقول انك ماتبغاني في وجهي
احمد انقهر منها :فينك
لمياء اتفقت معاه على المكان
................................
مهند ارسل مسج للمى (حياتي انا طالع مع اصحابي لا تدقي الا في اليل )
راح معاهم شارع التحليه يدورو بالسياره
وقفوا عند كوفي شوب
كانوا قاعدين
فيصل :انتا يالحبيب سمعنا انك تحب
مهند :ماشالله من فين وصلت لك الاخبار
فيصل :من مصادري السريه
رائد :انا شاك انك تلعب على بنت الناس
مهند :وايش سبب شكوكك
رائد :فين الي كان يقول شعارنا لا للحب
مهند :هادا اول لما كنت جاهل
فيصل :بالله اوصف لنا شعورك
مهند :شعور ايه
فيصل ّ:ّالحب عشان نعرف اذا نحب ولا
مهند :في واحد فينا اشك انو يحب من اول ساكت وسرحان ايش حكيايتك يااخي
فيصل :مدري من يوم ماقعد مع البنت كم دقيقه اتغير
طالعهم مشاري:تصدقوا اني حبيتها
مهند : اف هادي حكايه جديده مدري عنها
رائد :الاخ حب وحده مايعرف فين طريقها
فيصل :تعبنا ونحنا نقولو انساها
مشاري:حاولت بس البنت دخلت دماغي صعبه اني اخرجها
مهند :حاسس فيك هيا البنت لما تدخل الدماغ ماتخرج
مشاري:بدال حاسس فيا قوم ندور عليها
مهند :فين ندور عليها
مشاري:عند البحر هيا قالت انها تحب البحر
مهند :لا انتا حالتك صعبه
فيصل :رائد
رائد :هلا
فيصل :قوم ندور على بنات خلينا نجرب الحب
رائد :لا ياحبيبي الحب عذاب خلينا كل اسبوع بنت
فيصل : بس الي شايفو انو الاخ مهند مبسوط
مهند :قول ماشالله لاتصكني عين
فيصل :افا ايش قصدك انا عيني حاره
مهند :بعد حكايت السياره سرت اخاف من عينك
الكل جلس يضحك
فيصل :لا حق السياره صدفه
مهند :انا بروح اطلب
فيصل :جيب لي معاك موكا كراميل
مهند :اوكي
راح مهند يشتري وكان في بنت تطلب قبلوا
جلس يستناها تخلص البنت شافت مهند وراها سارت تدلع وتتاخر
البنت :ايش فيك مستعجل هدي شوي
مهند :وانتي ايش دخلك
البنت طاح وجهها وراحت عند صحبتها
:فشلني الله يلعنو بس فين يروح مني انا رفال بنت ضاري يقلي انتي ايش دخلك
لميس :ايش بتسوي
رفال :حااخد رقم سيارتو وان ماخليتو يترجاني عشان اكلمو
لميس:هدي حياتي لاتعصبي
رفال:اه قهرني شايف نفسوا
لميس:من حقو يجنن
رفال (يجنن وبس الا يموت )بس سوت فيها ثقيله : عادي مافيه شي زود عن الولاد الباقين

...............................
احمد معصب :خير ايش فيكي انتي راجتني
لمياء ببرود:وحشتني
احمد :لمياء بطلي استهبال انتي عارفه ليش انا جاي
لمياء:لاني وحشتك
احمد :عشان اقلك في امان الله والله يوفقك في حياتك
لمياء مقهوره كان اخر شي كانت تتمنى تسمعوا من احمد وكل يوم يذيد حقدها على رهف :ايش الي قلبك علي هيا صح
احمد :وفي احد غيرها
لمياء :تحبها
احمد :وانتي ايش دخلك
لمياء :بس ابغا اعرف السبب الي خلاك تسيبني
احمد :ايوا احبها
لمياء ساكته مهي عارفه ايش تقولو جالسه تفكر بخطتها
احمد حزن عليها و يحسبها زعلت مايدري على الي في بالها :اسمعي يابنت الناس انا عمري ماحبيتك ليش اخدعك وااخدع نفسي ونعيش في كذبه انا قلبي مافيه غير رهف وانتي الله يوفقك في حياتك وتلاقي الشخص الي يسعدك
لمياء نزلت دموعها :بس انا ماابي الا انت
احمد (اللهم طولك ياروح):مو كل شي تبغيه لازم يجيكي
لمياء طالعت الساعه (حلو تلاقيها خلصت عمليتها دحين خليها تقوم وماتلاقيه عندها):اوكي خلاص انشالله حنسى يلا روح عندها
احمد قام بسرعه وراح عندرهف
...........................................

في المستشفى
بعد ماخلصت عمليتها وطمنهم الدكتور انها حاتتنوم يومين فاقت و دخلوها غرفه
فتحت عينها لقت اهلها كلهم عندها حمدت ربها انها قامت بالسلامه وطالعت في اهلها لقتهم جمبها (الله لا يحرمني منكم )
ام عبدالله :الحمدلله على السلامه
رهف بتعب :الله يسلمك
ام محمد :ماتشوفي شر حبيبتي
رهف:الشر مايجيك
رهف كانت دايخه (مهو فيه اكيد مايبغا يحاول يعتذر مره ثانيه )بعدها رجعت نامت
ام عبدالله :لمى انتي وهدى روحوا انا بقعد عندها محاتصحى الا بكره
ام محمد :يلا بنات نروح البيت وبكره من الصباح نجي عندها
دق الباب
راحت هدى فتحتو
هدى :اهلا احمد اتفضل
دخل احمد وهو شايل باقة ورد
احمد :السلام عليكم
الكل :وعليكم السلام
ام محمد :جيت في وقتك يلا عشان توصلنا البيت
احمد يطالع في رهف لقاها نايمه يبغى يكحل عينو بيها مايبغا يروح :غريبه بتروحوا بدري
ام محمد :مايحتاج نفعد رهف محاتصحى الا بكره
احمد :اوكي يلا
قامو خرجوا
احمد وهوا خارج :سلميلي عليها اذا صحيت
ام عبدالله :انشالله
في السياره
طول الوقت مهند يدق على لمى وتعمل بيزي ارسلت له
(حبيبي مااقدر اكلمك انا في السياره مع اهلي)
هدى ولجين جالسين يتكلمو
لمى :هي انتو اعطوني وجهه شويا ولا كااني جالسه معاكم ماسمعتو حديث الرسول لايتناجى اثنان دون ثالثهم
احمد :اوه حركات من حفظك ياه
لمى :ابلة ناديا
لجين :نتكلم في اشياء كبار
لمى :اف وانشالله اولادك عندنا في البيت
لجين :ايوا وحاانام عندكم وبالذات في غرفتك
لمى :اجل ماما انا اليوم حنام عندك
لجين :لا حبيبتي انا موزعه لموره تنام عند امي
لمى :اجل احمد شكلي بنام عندك اليوم
احمد :مااحب احد يضايقني في السرير
لمى :اجل انا أي احد اصلا تحمد ربك انو
لمو القمر حتنام في غرفتك
لجين :انتي ليش ماخده مقلب في نفسك
لمى :بالله مو من حقي
لجين :تحزني تكذبي على نفسك كذبه وتصدقيها
احمد :أي والله لمو غرفتي مظلمه مدري ايش فيها مهما اركب لمبات ماتنور
لمى :ولا يهمك اليوم ادخلها واعطيها شويا من نوري
بعدها وصلو البيت ونزلو
دخلو ولبسو ملابس نوم
لمى دخلت الحمام ولبست بيجامه فيها عظام ووحوش ورفعت شعرها ديل حصان ولبست شبشب (الله يكرمكم)فيلو وحوش
وكانت تعبانه جهزت نفسها للنوم
فتحت الباب ووقفت مصدومه
مؤيد ينطنط فوق سريرها ولمار تبكي ماتبغا تلبس البيجامه ولجين تصرخ وهدى تضحك
لمى :ماشالله مشالله
لجين :لمو انتي نامي في الكنبه عشان اولادي مايعرفوا يناموا لا في السرير
لمى :من عيوني عمتي
مؤيد جا يمسك يدها :خاله لمو يلا نتفرج تلفزيون
هدى :اتفرجوا بره نحنا نبغا ننام
لمى :والله غرفتي وتطردوني بس يلا ايودي
نروح نتفرج
مؤيد :يلا
راحو يتفرجوا مؤيد مسك الرموت وحط على m b c 3
لمى:ايودي غير ترى والله طفشت
مؤيد :ماابغا
كان فيه فيلم كرتون الفسحه
قامت لمى مسكت جوالها وراحت البلكونه
دقت على مهند
مهند ّ:هلا بعمري
لمى :اهلن حبيبي
مهند :وحشتيني
لمى :وانتا اكتر
مهند :فينك صرفتيني ولا رجعتي دقيتي
لمى :مني قادره اسوي شي اهلي طول الوقت لاصقين فيا
مهند ّ:الحمدلله على سلامت رهف
لمى :الله يسلمك
مهند :ايش فيكي حياتي
لمى:ولا شي ابغا انام بس العيله الكريمه كلها في غرفتي عاملين ازعاج
مهند :لا دقايق واجي عندك
لمى :ايش بتسوي
مهند :باخدك عندي تنامي
لمى :يعني انتا الي محاتزعجني
وجلسو يتكلمو طول الليل ونامت بعدها وهيا تحلم احلام خياليه
في غرفة ام محمد
احمد :لا
ام محمد :ليش ياولدي
احمد :بس انا ماافكر اتزوج دحين
ام محمد :ليش جامعه وخلصت ووظيفه وتشتغل ايش مستني
احمد ّ:لسا انا ماافكر ارتبط دحين ولو فكرت حااقلك
ام محمد :فكر عدل وفاء بنت صالح بنت ناس وعمرك مابتلاقي زيها ولاتطول عليا اخاف البنت تضيع مننا والله اني نفسي افرح فيك انتا ولمى
احمد :انشالله بفكر وبقلك
.............................................
في كندا
فهد :الله المكان هنا حلو
ديما: احب اجي هنا لما اكون طفشانه صوت الشلالات يجيب الراحه
فهد يطالع فيها وماينكر انجذابوا ناحيتها :ممكن اعزمك على العشا
ديما تبتسم :اوكي بس لانتاخر بكره ورانا دوامات
فهد :اوكي
وراحوا مطعم قريب
بعد ماطلبو
ديما :هههههههههههههه
فهد :دوم الضحكه يارب
ديما :تصدق وحشتني السعوديه
فهد :حتى انا
ديما :لسا ماامداها توحشك
فهد :ممكن سؤال
ديما باابتسامه :اتفضل
فهد :يعني انتي عايشه هنا لوحدك مافكرتي تحبي
ديما :كنت احب واحد في السعوديه كنا نحب بعض من احنا صغار بس الضروف خلتني اسافر مع امي وليا 5 سنين مااعرف عنو شي
فهد :طيب ليش ماتحبي غيروا
ديما :اذا لقيت الشخص المناسب
فهد :عندي فليم the ring 2ايش رايك نروح نتفرجوا مع بوب كورن وكاسة عصير احسن من الزحمه هنا
ديما :اوكي
بعدها راحوا الشقه
وجلسو يتفرج وفي مقطع يفجع مع الخوف داليا من غير ماتحس راحت وحظنت فهد
فهد يمسح على شعرها :ماقلتيلي انك خوافه
ديما انحرجت بعدت عنو :سوري مااحب المقاطع الي تخوف
فهد افتكر انو روان برضوا تخاف من الافلام المرعبه حس انو جالس يخونها بس مو قادر يمنع نفسو من انو ينجذب لديما
.....................................
بعد كم يوم رجعت رهف البيت وعملو لها بارتي
في غرفة رهف
رهف لابسه فستان ازق مفتوح من الظهر وقصير وحطت كحل ازرق وعدسات خضرا :لمو كيف شكلي
لمو تصفر :اموووووووووت انا على الازرق
رهف ضربتها :بطلي هباله وقولي كيف شكلي
لمى ":تجنني بس طبعا مو احلى مني
رهف :حرام عليكي تقارني لمو القمر فيا
لمى :ايوا صح مره ايش جاب لجاب
رهف بااستهزاء:اقول لمو ماشالله عليكي حلوه ليش ماتروحي ميس لبنون
لمى :تتريقي انتي ووجهك مو منك من غبائي جالسا اضيع وقتي الثمين في تفاهتك
رهف :حبيبتي انا استاهل تضيعي حياتك كلها عشاني
لمى :with your self
رهف :بالله روحي خالتي تناديكي
لمى :مايحتاج تصرفي انا كنت نازله
رهف :استني كيف يجيكي قلب تنزلي من غيرك
لمى :اقول رهوف حبيتي فيكي شي
رهف:اف منك بس تعرفي مااحب ادخل على ناااس لوحدي
نزلو تحت الصاله
جلسو يسلمو على الحريم وراحوا لغرفه التانيه عند البنات
ساره :رهف العمليه مدري ايش سوت فيكي واحلويتي
رهف تدق لمى :اتعلمي كيف تردي
روان :سوري رهف هديتي مره بسيطه بس انتي عارفه انو الهدايا مو بي قيمتها بالي جابها
رهف :ماكان له داعي تجيبي هديه
لمى :عادي اذا ماتبغيها انا اخدها
ساره :واه ياحياتي اترايكي ميته على الهدايا
روان /متى حتسافري
لمى :بعد 4 ساعات
الكل :تروحي وترجعي بالسلامه
ساره :ولاتنسي الهدايا
لمى :ياحبكم للخساير
رهف راحت تجيب لنفسها مويه لمحت احد داخل بسرعه راحت عند البنات وهيا وجها متغير والدموع في عينها


مين الشخص الي شافتو رهف ؟؟
فهد ممكن يحب ديما ؟
ايش حيسير في سفرة لمى ؟
الفصل الثاني عشر
:هااااي بنات
الكل :هاااي
رهف جلست تطالع فيها وقلبها مليان حقد عليها
لمياء:عارفه اني جايه من غير دعوه بس حبيت اطمن على رهوف
رهف (اعوذ بالله من النشبه الله يستر منها ):تسلمي حياتي اتفضلي ليه واقفه
لمى يدق جوالها
لمى :hi dad
ابو محمد :يلا لمى انزلي استناكي في السياره
لمى :اوكي
قفلت منو
لمى :يلا بنات اشوفكم على خير
رهف حضنتها :حتوحشيني
ساره :وخري عنها دوري
ودفتها وحظنتها
ساره :تروحي وترجعي بالسلامه
لمى :ماتبغو اجيبلكم شي معايا
روان :سلامتك
وجات حظنت لمى
لمى بهمس:ترى موعد العمليه زي ماهوا ماغيرتوا
روان ابتسمت :اوكي
لمى راحت لي امها وخالتها تودعهم
وخرجت
رجعت رهف قعدت تحس بصداع في راسها
لمياء:سلامات حياتي خوفتينا عليكي
رهف :الله يسلمك
ساره :رهف عندك عطر
رهف:اطلعي فوق غرفتي تلاقيه في التسريحه
ساره :اوكي
طلعت ساره
رهف :اف نسيت
روان :ايش نسيتي
رهف :نسيت اقول لساره انو عبدالله في غرفتي عشان مكيف غرفتو خربان
روان :اكيد حتشوفو وتنزل
لمياء جات تنبرش (يعني تتدخل ):رهف حياتي مشغوله بكره
رهف بعفويه :لا
لمياء تبتسم بخبث:اجل انا عازمتك على العشا بكره ولو رفضتي حزعل
روان :ونحنا محنا معزومين
لمياء:ولو انتي اول المعزومين بس انا سمعت انك وساره رايحين زواج بكره
روان :برضو مايبرر
لمياء:انشالله يوم تكونو فاضين اعزمكم كلكم ها رهوف ايش قلتي تجي معايا
رهف (البنات كلهم مشغوليني يعني بكره اقعد لوحدي )خافت على نفسها تقعد لوحدها وتسوي لنفسها شي :اوكي
لمياء والابتسامه مقطعه وجهها :اوكي حمر عليكي الساعه 9
رهف قامت تودعها ومهي عارفه ايش ناويه عليه :انا في انتظارك
لمياء وهيا خارجه :يلا بنات سلاااااام اشوفكم على خير
روان بهمس :من فين يجي الخير وهيا فيه
رهف قرصتها :اسكتي ترى مافي احد غيرها يقعد معايا بكره
في الدور التاني
دخلت ساره غرفت رهف وجلست تغني

اغنية اصاله لاتخاف
لاتخاف من الزمان الزمن ماله امان
خف من اللي كل امانك في يديه ودام له
لو حبيبك ما وفالك لو حبيبك فيك خان
ايش ترجي من زمانك النتيجه باينه
........................
نكتشف مر الحقيقه بعد مايفوت
الاوان قلت لك لاتندفعله قلت حبي صاينه
وينه اللي صان حبك مااشوفه يوم بان
قلبك اللي هو قلبك لا تحسبك ظامنه
........................
لا اتعذر بحتياجك كلنا ناقص حنان
كلنا طفل(ي) ايتمى اي شخص يحضنا
نبني الدنيا وحنا نوقف بنفس المكان
للاسف ينقص وفانا مع مرور الازمنه
وجلست تبخ العطر وتصلح نفسها في المرايا
سمعت صوت من وراها واحد يصفر :بس ايش الجمال دا ترى مااقدر
ساره وقف قلبها وشعر راسها من الخوف
بكل هدوء دارت وشهقت
عبدالله:بشويش لاتموتي علينا
ساره ساكته قلبها يدق بسرعه
عبدالله :فيك شي
ساره هدئت شويا :لا بس خوفتني
عبدالله قفل الباب وجلس على السرير :سوري ماكان قصدي
ساره رجعت خافت مره تانيه وقلبها يدق مهي عارفه توقف من التوتر:ط يب ا ناااا رايحا
وبلعت ريقها
عبدالله باابتسامه :بدري
ساره :من عمرك
وراحت عند الباب
عبدالله :لسا ابغاكي في موضوع
ساره (موضوع في غرفة النوم مره مع نفسك ياويلي لو جا احد شافني لا يذبحوني )
عبدالله :لاتخافي محااكلك
ساره :طيب انا رايحا دحين عندك رقم جوالي دق وقولي الموضوع
عبداللله :بس الموضوع ماينفع بالجوال لازم اشوفك
ساره :بكره معزومه
عبدالله :بعدوا
ساره :اوكي
عبدالله :انا الي امر عليكي
ساره :لا مايحتاج
عبدالله بعصبيه (ايش فيها دي قافله معاها مره ):انا قلت انا الي اوصلك
ساره خافت لاانو قرب منها (يروح يضربني احسلي اوافق):اوكي
وعلى طول جري على الباب خرجت
عبدالله يطالع فيها ويبتسم يحبها لازم يقسى عليها
نزلت ساره الصاله
ساره معصبه ووجها محمر :رهف ليش ماقلتي لي انو في احد في غرفتك
رهف تضحك:ههههههههه التعصيب دا كلو عشان اخويا عبودي
ساره :طبعا ماعشتي موقفي
روان :يلا انا رايحا سوير تبغي تجي معايا
ساره :يلا جايا
روان وساره :باااااااي
رهف :بااااااي

خرجو وطلعت رهف غرفتها لقت عبدالله خارج
رهف :على فين
عبدالله :خارج مع اصحابي
رهف :اوكي
دخلت غرفتها وحطت راسها على السرير
دق جوالها
راحت تشوف من دق انصدمت بالي شافتو (ايش يبغا دا )احتارت ترد عليه ولالا
قررت اخيرن انها ترد
ردت وقعدت ساكته
احمد :الو
برضها ساكتها
احمد :عارف انك زعلانه وماتبغي تكلميني وعارف اني كنت غبي لما غلط وشكيت فيكي بس والله ندمان
ماردت عليه
احمد :رهف حياتي بليز قولي كلمه قوليلي أي شي
رهف اخيرا نطقت والدموع تنزل من عينها :ايش تبغاني اقول
احمد :انك مسامحتني عشاني انسي كل شي فات وخلينا نبدا من جديد
رهف تعبت من فراقو (ليش ماانسى واسامحو ) بعد سكوت طويل:بشرط توعدني انك ماتعيدها
احمد ومو مصدق :اوعدك ياقلبي وانتي كمان اوعديني انك ماتسبيني
رهف :اوعدك ويلا اقلب وجهك تعبانه وابغا انام
احمد :ماتبغي احد يجي ينام معاكي
رهف انكسفت وقفلت في وجهو
احمد خاف من حركتها (لا يكون زعلت انا ماصدقت على الله ترضا)
رسلها مسج
(سوري حياتي مو قصدي وعلى فكره ترى قصدي شريف متى تبغيني اكلم امي تجيكم )
رهف شافت المسج والابتسامه شقت وجها
ارسلت له (ابغاااااااااااااااااااااااااااااا انام ترى الدكتور وصى اني اريح نفسي )
قام ارسلها ( اذا وصى اجل ايش مصحكي لحد دحين )
ارسلت له (انتا )
اول ماشاف المسج ابتسم وارسل (تصبحي على الف خير حياتي)
شافت المسج ورجعت تنسدح على السرير وفتحت اغنية (يارب )
انتي بعدك حلوة و صرتي احلى
شو ما صرتي مافي احلى
وقلبي شوفيك ياما استحلى
قوليلي كيفيك انتي

انت بعدك انت و ما بتتغير
محيرلي قلبي و محير
و بعدو قلبك طفل صغير
طمني كيفك انت

مشي نتذكر ع دروب
و يمرجحنا الغرام
ليش بعدنا و كيف قدرنا
ننسى هاكي الاحلام
يا لليل لبعدو ناطرنا
ع مفارق هل الايام

يا رب تدوم ايامنا سوا
و يبقى ع طول جامعنا الهوا
يا رب تدوم يا رب تدووم

يا رب نعيش هل الحب يلي كان
و احلام كتيير و الماضي كمان
يا رب نعييش يا رب نعييش


بحبك بحبك عيونك لما بتحكي
و كيف بترسم هاكي الضحكة
خلي راسك فوقي يبكي
ومنملك هل الدنيي كلها

بحبك ومارح انسى اليوم و بكرى
اشتقتلك ما عندك فكرى
صعبة بعمري تصافح ذكرى
يلي من الدنيي اغلى

ونامت وهيا مبسوطه
....................
حست نفسها مخنوقه ومتضايقه راحت تتمشى شويا
فكرت تقعد قدام البحر شويا اكتر مكان في الدنيا تحس براحه فيه
الجو كان بارد خشمها سار احمر من البرد وعيونها تدمع
جلست تفكر بحياتها (ليش احس بضيق دايمن ليه مو قادره افرح معقوله اطلع مااحب فهد بس كيف اعرف الحب وانا ماجربتو غير مره وحده بس ليه مااحس براحه معاه ليه كل مااشوفو قلبي يدق واحس بخوف )قطع عليها تفكيرها صوت من وراها
:السلام عليكم
طالعت وصنمت في مكانها اخر انسان كانت تتوقع تشوفو ينقلب حالها لما يكلمها
ردت بصعوبه :وعليكم السلام
:ممكن اقعد
روان :اتفضل
مشاري:كيفك
روان :الحمدلله
ورجعت تطالع في البحر
مشاري:كنت متوقع اني الاقيكي هنا
روان:هوا في مكان احلى من البحر تصفي افكارك فيه
مشاري:بس تصدقي انا زعلان منك
روان :هوا انا اعرفك عشان تزعل
مشاري :اخر مره شفتك رحتي من غير ماتودعيني صح انو انتي تشوفي الحركه دي عاديه بس ترى تاثيرها علي كبير
روا ن حست براحه معاه بس طبعا لازم تسوي نفسها ثقيله :سوري ماكنت اعرف
مشاري : ايش رايك اعزمك على العشا
روان :اتعشيت قبل شوي
مشاري:طيب على عصير
روان :لا شكرن
مشاري:اول مره اعزمك وترديني
روان :كيف تبغاني اقبل دعوتك وانا مااعرف عنك شي حتى اسمك مااعرفوا سوري بس طلبك صعب
مشاري:عادي نتعرف
روان ا تضايقت ماتبغا ترتبط بي احد في الفتره دي (اه لو يدري عني بس لا يكرهني ولا يفكر يتعرف عليا)
مشاري :ممكن اقلك كلمتين
روان :اتفضل
مشاري:بصراحه انا من يوم ماشفتك مدري ايش سار فيا ارتحت لك وسرت اتخيلك في كل مكان مني قادر اشيلك من مخي وكل مره تروحي عني اندم اني مااخدت الرقم منك ممكن المر ه دي ترجعيني من غير مااندم
روان (لااااااا اسكت ماابغا اعذبك معايا واخليك تحبني بعدها تعرف حقيقتي):سوري مااقدر واتااخرت وابغا اروح
وقامت بسرعه تبغا تروح
:مشاري
روان طالعت وراها تبغا تشوف ايش يبغا ويريتها ماطالعت كانو شكلو يجنن شعروا يتحرك مع الهوا وخشمو وفمو احمر مع البرد وعيونو فيها لمعه البنت دابت لما شافتو اول مره ولد يجذبها لدرجه دي
:نعم
:اسمي مشاري
روان ماتبغا يضيع منها تحس بغموض بينهم وقربت منو :اذا شفتك المره الجايه صدفه اوعدك اني حااعطيك رقمي
وراحت
ابتسم مشاري وقرر انو كل يوم يجي البحر يدور عليها
..........................


دالين :هههههههههههههههه والله انك خطيره
لمياء:لسا ماشفتي شي
دالين :ماقلتي لي على خطتك
لمياء :انتي دقي على سعيد وخليني اكلمو
دقت دالين على سعيد
دالين :الو
سعيد :هلا والله مانور جوالي الا بصوتك
دالين :انا مو داقه عشان اسمع منك الاكلام دا
سعيد :طيب جاملي شوي
دالين :خد كلم ميمو تبغاك
لمياء:الو
سعيد :هلا بالعمه ميمو
لمياء:اخيرا بيتحقق حلمك
سعيد :أي حلم
لمياء :في غيرها
سعيد :رهوف حبيبة قلبي
لمياء:ايوا اسمع راح احطلها منوم في السياره واجيبها على الشقه واحطها في غرفه النوم
سعيد :اموت فيكي انا ياقلبو المطلوب مني
لمياء:تجهز نفسك ياشاطر لليله رومنسه واهم شي لاتنسى الكاميره
سعيد :من عيوني حبيبتي
لمياء:اشوفك بكره
سعيد يبتسم بخبث:استنى بفارغ الصبر
وقفلت منو
دالين :والله اتريكي منتي هينه
لمياء:هههههههههههههههههههههه لسا ماشفتي شي ان ماخليتها تموت نفسها من القهر وتموت بحسرتها ههههههههه الله ويبقى لي احمد يشوف البنت الي سابني عشانها كيف تخونو
..................................

في كندا
ديما :ههههههههههههههههه
فهد مسوي زعلان :اضحكي مو انتي الي اتهزئتي قدام خلق الله
ديما :محد قلك تتاخر منتا عارف انو الدكتور دا عصبي وجامد
فهد :ايش اسوي امس طول اليل مانمت ولما نمت راحت عليا نومه
ديما:وايش الشي الي قعدك سهران عشانو
فهد :افكر
ديما باابتسامه:في ايه
فهد :في الحب
ديما :انتا تحب
فهد يبتسم :ايوا
ديما انقلب وجهها وراحت ابتسامتها وقامت تبغا تروح
فهد عرف انها زعلت وهنا اتاكد انها تحبو:ماسالتيني من هيا
ديما وهيا تبلع ريقها :حياتك الشخصيه وانا مالي دخل فيها
فهد يبتسم :ممكن تساعديني
ديما :اساعدك سوري مااقدر ماابغا ادخل اكتر من كدا
فهد :بس انتي الوحيده الي تقدري تعرفي اذا هيا تحبني ولالا
ديما :انا ايش يدخلني في وحده مااعرفها
فهد يقرب منها :تصدقي شكلك يجنن وانتي معصبه
ديما تبعد عنو :سوري ماابغا افرق بينك وبين حبيبتك
فهد :انتي ليه فهمك بطيء المفروض تطالعي في عيوني وتعرفي اني احبك ماكان يحتاج اقلك
ديما صنمت :الي تحبها هيا انا
فهد يهز راسو
ديما رجعت ابتسامتها
فهد :ماعرفت الجواب اذا تحبيني ولالا
ديما خدودها حمرت ونزلت راسها
فهد :ممكن اعزمك على اول عشا بيننا
ديما ساكته
فهد :افهم انو السكوت علامت الرضا
ومسك يدها :بس قولي لي احبك
ديما بصوت راخي بالقوه ينسمع:احبك
فهد يسوي نفسو داخ :لا مااقدر عل كدا
ديما :فهد قوم فشلتنا
فهد :اول مره اعرف انو اسمي حلو
ديما رجعت خدودها تحمر
فهد :هيا رجعت خدودها تولع
ديما دفتو ومشيت
وراح يجري وراها يغنيلها
وراحوا تعشو وقعدوا اليل كلو مع بعض ولا كاانو كان يحب وحده اسمها روان
...................
فراس:سلامات حياتي ماتشوفي شر
مها :الله يسلمك
فراس:كيف اتعورتي
مها :كلو منك
فراس:وانا ايش دخلني
مها :لو مادقيت ماكان اتعورت
فراس:دحين انتي بالقوه تبغي تدخليني في الموضوع
مها :مو انتا دقيت والجوال كان بعيد قمت جريت ابغا ارد عليكىلا وسار الي سار
فراس:ياقلبو كل دا الجري عشان بس تسمعي صوتي من اول عارف انو عاجبك
مها :لاتصدق بس كنت ابغا منك شي
فراس يبغا يحرجها:ايش هوا
مها ماعرفت ترد :مع الطيحه نسيت
فراس:طيب حبيبتي لما ادق مره تانيه لاتجري لاانك لو مارديتي مره اكيد حرجع ادق هوا انا اقدر اعيش من غير مااسمع صوتك
مها :مو انتا صوتك ماكان عاجبني ونسيت اسالك ايش سار معاك
فراس:ماسار شي كل يوم نفس الكلام متى تجي تداوم في الشركه مر اليوم سلم على جدك والكلام الفاضي حقو
مها :معليش هادا ابوك مالك غيروا لازم تستحملو شويا
فراس:لحد دحين مستحملوا بس شكلي حااتهور قريب
مها :اصبر شوي
فراس:مستعد اصبر على أي شي بس انو يبغا يزوجني من غيرك دا مستحيل
مها اتغير وجها وبدات تضايق من الموضوع دا:فراس انا مابغا اسبب مشاكل بينك وبين ابوك خلاص ريح نفسك وروح اتزوجها
فراس مستغرب من كلامها وبدا يعصب:وانتي
مها :انا مع الوقت بنساك واهم شي عندي سعادتك حتى لو كانت مع غيري
فراس:بس اذا انتي نسيتيني انا مااقدر انساكي انتي كدا بتحسيسيني انك ماتحبيني
مها :انا ماقلت اني مااحبك بس احسك جالس تقلل من قيمتي
فراس :لو تبغي بكره اجي اخطبك من اهلك ولاهمي ابوي
مها :لاتستعجل خليه لحد مايرضى
فراس مسك يدها وباسها :طيب سيبيني من ابوي خلينا فيكي وحشتينننني
مها تبتسم :وانتا اكترررر
..................................

في المانيا
لمى بعد ماشافت جدها راحت الفندق ترتاح
دق التلفون ردت عليه
مهند :هلا بحياتي
لمى بصوت نايم :اهلن
مهند :وحشتيني
لمى :كداااب دوبني شايفتك
مهند :مو انتي ساحرتني بس تبعدي عن عيني لحظه توحشيني
لمى :طيب ماتبغا تنام
مهند :لا بدال ابوكي نايم ايش رايك اخرجك ساعه وارجعك من غير مايحس
لمى :مو اليوم تعبانه وابغا انام
مهند :طيب بس عشاني
لمى :مانروح بعيد
مهند :اوكي استناكي في اللوبي
لمى :باي
وقفلت وراحت تلبس
لبست بنطلون جينز وتشيرت طويل لون فوشي وفيلو كلام بالاسود وصورت بنت ولبست عليه حزم اسود وجزمه (الله يكرمكم )سوده
ورفعت شعرها ديل حصان واخدت شنطه فوشي ونظارتها وحطت ميك اب خفيف
كان جالس في اللوبي يستناها
لابس بنطلون جينز وتشيرت ابيض من ارماني وشعروا كان كدش اول مره يعمل افرو
لمى نازله من الاصنصير شافتو (اللون الابيض عليه يجنن)
وصلت لعندو مسك يدها بقوه ومو راضي يفكها
لمى :ايييييييي بس عورتني
مهند يذيد:ماوحشتك ها
لمى :مين قال
مهند :انتي
لمى :لا كنت اكب عليك
اخيرا فك يدها وباسها :انشالله ماعورتك
لمى دفتو :كسرتلي يدي وتقول ماعورتك
وراحو يتمشو ا ورجعها مهند في الوقت الي وعدها فيه
....................

" الفصل الثالث عشر

صحيت تحس بالم فضيع في راسها فتحت عينها استوعبت انها في مكان غريب جلست لقت نفسها من غير ملابس طالعت لقت ملابسها جنبها على طول قامت لبستها تبغا تستوعب الي سار تحاول تفتكر الي سار امس قطع عليها تفكيرها صوت
:صباح الخير
لفت عليه انصدمت صنمت مكانها دموعها سارت تنزل انهار مهي مصدقه
:ايش فيكي خايفه
رهف تبكي :ايش سويت
سعيد :الي كان لازم اسويه من زمان
رهف :انتا ماتخاف ربك ايش سويتلك عشان تسوي فيني كدا
سعيد :انتي لعبتي معايا وهادي نهاية الي يلعب معايا
رهف تبكي بصوت عالي:ايش سويت فيا
سعيد :أي شي ممكن يسويه واحد ووحده في غرفة النوم
رهف حست نفسها حتنهار حست نفسها رخيصه عندو اخد منها اغلى شي عندها :انتا كدا ضيعتني وضيعت نفسي
سعيد :اصلا انتي ضايعه من زمان وحبيب القلب الي كان يدافع عنك خليه يشوف حبيبتو من وراه ايش تعمل
رهف حست من صوتو انو ناوي على شي سارت تبكي اكتر :خد مني كل شي الااحمد
سعيد :ههههههههههه خلاص مالك امل تاخدي احمد ولا غيروا
قرب منها :انتي دحين سرتي لعبه سرتي حاجه مستعمله محد ممكن يفكرك فيك غير انك واطيه ومنحطه
رهف بتموت من القهر والخوف دفتو وجات تبغا تتطلع
بس سبقها ووقف قدام الباب :فين رايحا
رهف:خلاص اخدت مني الي تبغاه سيبني
سعيد :هههههههههه ماتبغي تقعدي اكتر ترى مابقي شي تخسريه
رهف وصلت معاها كلماتو كانت زي السكين في قلبها سارت تصرخ :بس ااااااااااااااااااسكت
وراحت تجري ولكن ماسابها وراح يلحقها وصل عند الباب
دالين ولمياء سمعو سعيد :امسكوها لاتخلوها تخرج
قامو ومسكوها
سعيد :على بالك بتروحي كدا من غير شي
مسك حبل وربطها
سعيد :حطوها في المطبخ
وحطوها في المطبخ ورهف مع الصراخ تعبت سارت تبكي بصمت
سعيد يطالع دالين ولمياء يعني اطلعو وهما طالعين
رهف نطقت وهيا تطالع لمياء:ليه
لمياء تاشر على قلبها :عشان دا
وخرجو
سعيد رجع لها
:تبغي تروحي من دون أي علامه
واخد سكين من الدرج وقرب منها
رهف قلبها سار يدق بسرعه:ايش حتسوي
سعيد :دحين حتشوفي
مسك السكين واخد رجلها وسار يجرحها بالسكين
السكينه كانت حاده رهف كانت تحس بالم جلست تصرخ بصوت عالي لاكن من يسمعها
في الصاله
دالين :خلاص ميمو ارحموها وفكوها
لمياء:مبسوطه لاتنكدي عليا اسمعي صوتها كيف يرد الروح
دالين :اعتقد كدا اخدتي حقك وبذياده خلااص سيبوها
لمياء:يوه انتي ليه قلبك ضعيف
دالين قامت ماقدرت تستحمل
راحت المطبخ لقت سعيد جالس يقطع رجولها وياخد الدم ويمسحوا في وجها
سعيد :تصدقي كدا شكلك احلى ولااقول نحط شوية احمر على الخد التاني
رهف جالسه تنزف دم كتير
دالين اتدخلت اخيرا :سعيد
لف عليها :خير
دالين :سيبها شوفها كيف تروح تموت علينا ونروح في مصيبه
سعيد اخيرا قام وقف وطالع فيها نظرات استحقار :عرفتي مستواكي ياواطيه
رهف كانت الكلمه تاالمها اكتر من الجروح الي فيها حاولت تقوم بس ماقدرت ماتحس برجولها
دالين حزنت جات تبغا تقومها بس رهف دفتها :شكرا ماابغا شفقه
اخدت نفس وقامت وهيا تتالم جلست تضغط على اسنانها من الالم ودموعها تنزل بالقوه قدرت انها تمشي وهيا تعوج وهيا خارجه من الباب شافت لمياء تطالعها وتضحك ماقدر تتحمل على طول خرجت
نزلت لقت الدنيا صباح ماتقدر تخرج خافت من الفضيحه لو احد شافها وكلها دم لو احد شاف ملابسها المقطعه ايش ممكن يجي في بالو
سمعت صوت حاولت تستنجد فيه شافت غرفة فيها صوت راحت تزحف لها كان الدم ينزل منها انهار بدات تحس بدوخه
كان فيها حرمه عجوزه وولدها
الحرمه العجوزه اول ماشافت رهف خافت راحت على طول عندها رهف جات تبغا تتكلم بس اغمى عليها من الالم
الحرمه :سعود يمه قوم نودي البنت المستشفى
سعود خاف من المنظر شافها كلها دم مافي مكان في جسمها الا فيه دم
على طول اخدوها المستشفى
دخولها قسم الطوارئ
اول ماشافوها دخلوها غرفت العمليات
الحرمه كانت مع رهف في السياره وسمعتها تان من الالم عشان كدا جلست في المستشفى على اعصابها
سعود :بس يمه هدي الله يخليك
ام سعود :ماشفت شكلها كيف وجها مصفر وكيف تتالم ياحياتي تلاقي اهلها خايفين عليها
..............................
في بيت روان
روان تدور في الفساتين :طيب ايش رايك البس دا
ساره :اممممممممم لا البسي الااسود احلى
روان :بس انا ابغا البس الصندل دا ماابغا غيروا
ساره :وايش يعني الصندل دا
روان :بس كدا عاجبني
ساره :او البسي الفستان الاصفر
روان :اقول سارونه ماكلمتي رهف
ساره :لا
روان :طيب دقي عليها شوفي ايش سوت امس
ساره اوكي مسكت جوالها تدق عليها
روان :ماردت
ساره :شكلها نايمه جوالها مقفل
روان :قومي نروح نشتري اكسسوارت
ساره :اوكي يلا
لبسو وخرجو
في سوق البساتين
روان :سارونه
ساره مشغوله مع الااكسسوارات :ها
روان :مو كاانو داك اخو رهوف
ساره من يوم ماسمعت سيرتو على طول سابت الي في يدها :فين
رون :الي واقف هناك ماشالله عليه حليوه شكله حلو بالنظارت
ساره حست بالغيره :ها اشوفك معجبه فيه
روان :لا معجبه ولا شي بس جالسه ابدي راي
ساره :اها
في دا الوقت عبدلله انتبه لهم
كانت لابس جينز وتشيرت اسود مكتوب عليه D&g
ونظرات برضوا مكتوب عليها D&g
وعامل شعروا كدش وعامل ديرتي فيس مره شكلو كان يجننننننننن راحت فيها البنت
روان :شكلو انتبه لنا شوفي جاي علينا
ساره كان شكلها كيوت مهي حاطه غير بلاش بينك خفيف وقلوس بينك :لا قومي نهرب
روان :ليه
ساره :شوفي وجهي فاضي خليني احط ميك اب
روان حست بشي :لا شكلك يجنن ياقلبي هادا وجهي ان ماداخ عليكي ويلا اسكتي اهوا جاي
عبدلله .:هلا والله بصحبات رهوف
ساره (بس صحبات رهوف مالت عليك )
روان :هلاا
عبدالله :كيفكم وحشتوني
روان تبتسم :نحنا نقعد معاك عشان نوحشك
عبدالله يطالع في ساره ويبتسم :مجامله بس
روان :ايش جابك هنا المكان كلو بنات
عبدالله يبغا يلعب بي اعصاب ساره ويشوف اذا تغار عليه ولالا:سالتي ورديتي على نفسك
روان :يالي ماتستحي وتقولها قدامنا وانشالله كم رقم جمعت
ساره وجها انقلب جلست ساكته مانطقت ولاكلمه
عبدالله فرح اكتر :كتيررر
روان :طيب يلا روح كمل ترقيم ونحنا نكمل شغلنا
وراحت
جات ساره تبغا تروح
عبدالله :على فين
ساره ماردت
عبدالله :برضوا ساكته بس لاتنسي موعدنا بكره
ساره:يمكن مااجي
عبدالله :ليه
ساره :ضروف
وجات تبغا تمشي بس مسكها من يدها ورجعها :ايش فيكي مستعجله
ساره :ورانا اشياء كتير
عبدالله يطالع فيها وبيدوخ من جمالها :شكلك كيوت اليوم
ساره مافهمت نظراتو كان يطالعها بنظرات غريبه مهي قادره تفهما كان في لمعه في عينوا ول مره تشوفها في عين ولد صح انها واعدت اولاد كتير لاكت تحس انو غيرر :لاتحاول عارفه انك تبغا تكمل على كل البنات وتاخد رقمي
عبدالله يبتسم ابتسامه ناوي يدوخ البنت :لا عندي رقمك ابغا شي تاني
ساره اتفشلللت وحاولت تضيع الموضوع : ايش تبغا
عبدالله :ابغا قلبك
ساره :ايه
عبدالله قرب منها :ابغا يكون لي مكان في قلبك
ساره تطالع فيه ّ(انتا موبس لك مكان انتا ليك قلبي كلو):يلا اتاخرت
وراحت
عبدالله :لاتنسي بكره
وراحت وهيا تبتسم عند روان
روان :اعترفي
ساره :على
روان :تحبينه
ساره :من قال
روان :باين ولاتحاولي تكذبي تراني كاشقتك من زمان
ساره :اه مو بس احبه الا اموت في التراب الي يمشي عليه
روان :متى لحقيتي
ساره :من زمااااان
روان :كل دا من ورايا ياخاينه
ساره :وانتي ليه ملقوفه حياتي الخاصه مو لازم تعرفي عنها شي
روان :اقول روحي بس لا يجيكي داك الكف
..................................

في المانيا(في الكفتريا الي في المستشفى)
مهند ياخد منها الشكلاته :بس خلاص انتي ناقصه تخن
لمى :مهند رجعها
مهند :خلاص يكفيك
لمى :بليز اعصابي متوتره اعطيني
مهند :من ايه
لمى :ماادري احسي في شي
مهند :اقول لاتبداي حركات الحاسه السادسه
لمى مسكت جوالها ودقت على امها
ام محمد :هلا والله
لمى تصرخ :مااااااااااااما وحشتيني
ام محمد :وانتي اكتر كيفك وكيف جدك وابوكي
لمى :الحمدلله وانتو كلكم كيفكم
ام محمد :الحمدلله
لمى :وخالتي وعيال خالتي
ام محمد :ايش فيكي قلنالك كويسين
لمى :طيب يلا باااي بس كنت ابغا اشيك على كل العيله
ام محمد :انتبهي على نفسك
لمى:u2 bye
مهند :خلاص ارتحتي
لمى تهز راسها وبعيدن افتكرت شي وضربتو
مهند مسك مكان ماضربتو :خير ايش سويت كمان
لمى :تقلي مو ناقصه تخن وتبغاني اسكت لك
مهند :ههههههه كنت ادور مصلحتك ومصلحتي
لمى :مصلحتي يمكن بس انتا ايش دخلك
مهند : زوجتي
لمى تبغا تلمح عشان يخطبها :من متى
مهند يبتسم :من دحين ويلا بقي وسع عشان ورانا عيال ماابغاكي تخدعيني كم شهر نحيفه بعدها اكتشف شي تاني
لمى :ترى عطيتك وجهه بذياده
مهند :عادي امون ايش رايك نطول السفره
لمى :ليه
مهند :بس عاجبني الحال اني كل يوم اشوفك ولا غرفة نومي جنب غرفة نومك ايش رايك اليوم نسهر مع بعض وتجي تباتي عندي
لمى عدلت نفسها وسوت نفسها جديه :تحلم
مهند :ليه
لمى :بليز حبيبي كل شي وله حدود خلينا كدا واذا اتزوجنا سوي الي تبغاه
مهند :يعني منتي واثقه فيا
لمى :الا واثقه فيك بس مني واثقه في الشيطان ولو رجعنا راح اغير اسلوبي معاك
مهند :اذا للاحسن ماعندي مانع
لمى :هو بالنسبالي للااحسن بس لك ماادري عنك
مهند :طيب قولي وانا اشوف
لمى :انك ماتقرب مني حدك 2 متر ومافي خرجات مع بعض
مهند :اجل كيف اشوفك
لمى :من بعيد لبعيد حتى ماتكلمني بطريقه مباشره
مهند :ليش قلبتي عليا مره وحده
لمى :ماقلبت بس خلينا كدا احسن
مهند قرب منها وباسها : لسا مابدانا النظام الجديد
وغمز لها
لمى نفسها تصفقو مو راضي يفهم انها تبغا تبطل دي الحركات :مهند بعد لاتخليني ابدا من اليوم
مهند بعد منها :ماقلتي ايش رايك نطول
لمى :مااقدر لازم اسجل في الجامعه
مهند :ايت جامعه
لمى :ماادري يمكن اسجل معاك
مهند مسك يدها :شوفي لمو حياتي بصراحه انتي اول بنت احبها في حياتي صح اني كلمت قبلك كتير بس انتي غير عنهم انتي دخلتي قلبي من اول ماشفتك وانا ماابغا احد يشاركني فيكي ولاابغا احد يطالع فيكي كان نفسي من زمان اقلك غطي وجهك بس لحد دحين مالي أي حكم عليكي بس انتي عارفه اني اغار عليكي ومستحيل ارضى انك تشتغلي مع رجال
لمى :بس انتا عادي
مهند :انا رجال وفي فرق كبير بين الولد والبنت وصدقيني دا الشي ممكن يكثر المشاكل الي بينا
لمى تفكر بكلامو من زمان وهيا تحلم تسير دكتوره يمكن عشان تشوف ابوها وهوا مثلها الاعلى في الحياه كان نفسها تثبت انها قد المسؤليه مو بس البنت المدلعه الي أي شي تبغاه يجيها مهي مصدقه انو ولد قدر يااثر فيها لدرجة انها مستعده تتخلى عن أي شي تتمناه بس عشان تكون معاه
مهند يطالعها ومو عاجبوا سكوتها :شكلو كلامي ماعجبك
لمى تبتسم :اذا انتا تشوف كدا خلاص الله يخلي جامعة عزوز
مهند حضنها بقوه مو مصدق انها اقتنعت بدي السرعه :تعرفي اني كل يوم احبك اكتر
وبدا يغني لها
لمى :بس خلاص فكني تراك خنقتني
مهند يطالع فيها نظرات مليانه حب :احبك
لمى ابتسم ووقفت:يلا لازم اروح
مهند :بدري
لمى :من عمرك حياتي
مهند :موعدنا الليل
لمى :لا خليها بكره
مهند :ليه
لمى :عشان تشتاقلي
مهند :احد قلك اني طفشان منك تعرفي لو قعدت اطالع فيكي سنه كامله مااطفش
لمى :اتاخرت باي
مهند يبتسم ابتسامه خبث:مانسيتي شي
لمى عرفت ايش ناوي:لا
مهند :نسيتي شيئين
لمى تبتسم :احبك
مهند :والشي التاني
لمى:خلاص مابقي شي
مهند وقف وراح عندها :بوسه وحده
لمى :لا
مهند :وحده
لمى :مهند ابعد لاالم الناس عليك
مهند :ايش بتقوليلهم صرخت بس عشان حبيبي يبغا يبوسني ترا نحنا مو في السعوديه عارفه مو بعيده عليهم يشتكو حقوق الانسان
لمى لو قعدت معاه محيخليها تروح
كان جالس يتكلم ويتفلسف ونسي حكاية البوسه
لمى قربت منو واعطتو بوسه طويله في خدوا :بااااااي
مهند وقف مصنم ومصدوم اول مره تتجرا وتبوسوا كدا حس بشي غريب وان فكرتها انو يبعد عنها احسن لاانو لو قعدا معاها لوحدوا ممكن يسوي فيهاشي بعدها حس على نفسو (استغفرالله انا ايش جالس افكر لااناخاطبها خاطبها)
راحت لمى عن جدها
لمى:والله وحشتننني
وتطبع بوسه في خدو
الجد عبدالله :وانتي اكتر ها بشري كيف النتيجه
لمى :تمااااااام
الجد عبدالله :ايش تبغي تدخلي جامعه
لمى :ماادري بعيدن اشوف
الجد :انشالله نشوفك دكتوره
لمى تفتكر مهند وتبتسم :شكلو لا
الجد :ليه
لمى :بس بطلت
الجد :الله يوفقك مكان ماتروحي
وجلست لمى تكلمو على رهف وهدى والعيله كلها
.................................
في بيت ابو عبدالله
ام عبدالله:غريبه رهف لحد دحين نايمه
هدى:لا مهي فيه
ام عبدالله شهقت:فين راحت من صباح ربي
هدى تقلب في المجلة :اصلا مارجعت من امس
ام عبدالله :ايه في راحت ايش مارجعت من امس ليكون سار فيها شي
هدى :هدي بس امس دقت تقول انها نعسانه وشكلها نامت عند صحبتها
ام عبدالله :متاكده
هدى:يب صحبتها دقت تقول حتنام عندنا
ام عبدالله: وانا على بالي نايمه
هدى:ماما ايش رايك في دا الفستان
ام عبدالله :لونو بايخ
هدى :فين المجلة الي فيها تصاميم الي صعب
ام عبدالله :في الصالون
هدى قامت :دقيقه بروح اجيبها
راحت الصالون معاها علبة بايسن ولابسه شورت جينز وتشيرت مرسوم عليه وحوش مره شكلها كيوت
دخلت الصالون لقت اللمبات مولعه (غريبه اللمبات مولعه)
دخلت وماانتبهت على احد جالس جلست على الارض تدور في المجلات
سمعت صوت من وراها
:احم احم احم
هدى طالعت وراها ولقت واحد يطالع فيها قفلت المجله بسرعه ووقفت :من متى وانتا هنا
خالد :من زمان
هدى جات تبغا تخرج
خالد :لدي الدرجه كارهتني حتى متبغي تطالعي في وجهي
هدى :لا
خالد :عادي خلاص لقيت كم وحده غيرك
هدى صنمت مااتوقعتو يسويها كانت تحسب انو ممكن يستناها العمر كلو دموعها بدات تنزل وتبتسم :فين كلامك حستناكي طول عمري
خالد :وماكدبت استنيتك بس انتي رفضيني
هدى : قلت اجرب صبرك
خالد وقف:افهم انك تحبيني
هدى برضها تكابر:كنت احبك بس دحين مااظن
خالد :ماكان له داعي تجربي صبري انا صبرت عليكي كتير لو علي استناكي طول العمر
هدى :خلاص بطل كدب دوبك تقول لقيت غيرك
خالد قرب منها :والله اني احبك واموت فيكي وماابغا وحده غيرك تكون ام عيالي بس انتي رافضتني مااقدر استناكي اكتر من كدا تراني طفشت 3 سنين امي واخواتي وكل من شافني يقعد فوق راسي يبغا يزوجني
هدى بدات توقف بكى:يعني دا السبب الي مخليك تفكر في غيري
خالد ابتسم لاانها اورل مره تكلمو كدا بدا يحس انها حتوافق:والله انك في قلبي ومني قادر انساكي
هدى تبتسم :تحبني
خالد مو قادر يوقف من الفرح :برضوا تسالي مايحتاج طالعي في عيوني وانتي تعرفي انا اموت فيكي بس ابغا اعرف اذا انتي تحبيني
هدى وجهها حمر مع الخجل وابتسمت
خالد :مو لازم تقولي احبك بس قولي موافقه
هدى طالعت فيه شافتو حيموت من الفرح مستني منها بس كلمها ندمت على كل شي سوتوا فيه وعلى كل مره كانت ترفضوا فيه ماقد حست انو يحبها قد اليوم:موافقه
خالد يبتسم ويحاول يستوعب الي يصير
هدى على طول خرجت حاول خالد يوقفها بس ماقدر
وجلس ويحاول يركز بعد 3 دقايق دخل عليه عبدالله :سوري اتااخرت عليك
خالد :لا عادي بس يلا مشينا احمد بره
خرجوا الشارع
احمد كان يستناهم في السياره
وركبو وراحو فدركرز
في المطعم
احمد طول الوقت يفكر برهف يبغا يدق عليها بس خايف يصحيها :عن اذنكم دقيقه
خالد وعبدالله :اتفضل
راح بعيد في الحمام
جالس يدق على جوالها بس مقفل
جلس يفكر فيها ويخطط لمستقبلهم مع بعض كان يبغا ترد عشان يقلها انو خطبتهم تكون اليوم بس جوالها مقفل (اكيد نايمه ادق عليها بعدين)
في الطاوله
خالد :عبدالله
عبدالله :سم
خالد :صراحه انا ناوي اطلب القرب منكم
عبدالله :والنعم فيك بس أي وحده
خالد :الكبيره اعطينو رايكم وبعدها انشالله بجيب اهلي ويسير كل شي رسمي
عبدالله :والله انك رجال والنعم فيك ولو علي كان زوجتك ياها من زمان بس انتا تعرف البنت وابوي لازم اول اخد رائيهم
خالد :خد والوقت الي تبغاه
................................

في المستشفى
صوت القران مالي الغرفه
كانت ام سعود فاتحه سورة البقره بصوت مشاري العفاسي وجالسه تقرا قران عندها
رهف بدات تصحى
ام سعود على طول قامت :الحمدلله على السلامه حبيبتي
رهف :ابغا مويه
ام سعود قامت تشربها مويه وتمسح على شعرها :اتفضلي وسمي بالله
رهف :بسم الله
ام سعود :ها حبيبتي كيفك انشالله احسن
رهف تطالع في الغرفه مو فاهمه شي ماتبغا تتذكر لاانو مجرد ماتتذكر تتعذب
ام سعود :عارفه انك حيرانه انا بقلك على كل شي واذا تبغي تقولي ايش سار هادا شي براحتك
رهف ّ(ايش تبغيني اقلك ماسار عندي شي ينقال )
ام سعود :والله اول ماشفت عند البيت وكلك دم عل طول جبناكي
رهف ساكته سرحانه
ام سعود حست انو فيها شي بس ماحبت تضغط عليها عشان تتكلم :تبغي تكلمي اهلك دقيقه اجيب جوال وارجع
خرجت ام سعود
رهف رجعت لي افكارها سارت تبكي (خايفه ادق عليه واقلو الي سار بس مااقدر اقلو اصلا مالي وجهه اخاف يفهمني غلط ) بدا يزيذ بكاءها (فينك ياحمد محتاجتك تكون معايا مااقدر اعيش من غيرك )
قطع عليها تفكيرها صوت ام سعود:خدي يا بنتي الجوال كلمي اهلك وانا بخرج عشان تاخدي راحتك
اخدت رهف الجوال :تسلمي
احتارت تدق على مين طبعا ماتقدر تدق على اهلها اكيد بيسوا فيها فضيحه ممكن يذبحوها احتارت اذا تدق على احمد ولا
مسكت الجوال ودقت عليه
احمد :الو
رهف وباين عليها التعب وانها كانت تبكي:هلا احمد
احمد :مين رهف
رهف:ايوا
احمد :فينك حياتي تعبت وانا ادق عليكي جوالك مقفل
رهف:كنت نايمه
احمد :حياتي فيكي شي صوتك متغير
رهف :لابس تعبانه شويه
احمد :سلامتك حياتي من ايه تعبانه
رهف ّ(من الدنيا ومنك ومن حياتي ومن نفسي):بس امس ماقدرت انام
احمد :عيوني عارف انو مو وقتي بس كنت ابغا اقلك انو نخلي خطوبتنا اليوم بس اذا تعبانه ناجلها عادي
رهف قفلت في وجهو والجوال طاح من يدها
وقفت مصنمه ماينزل منها الا دموع
(اتمني دا اليوم من زمان ولما يجي ماافرح لو ماخرجت مع لمياء كان انا دحين اسعد انسانه في الدنيا مااقدر اقلو الي سار اكيد بيكرهني)
الجوال كان طول الوقت يدق
اخيرا اتشجعت ومسحت دموعها :هلا احمد سوري فصل الخط
احمد :لاانتي فيكي شي
رهف :مافيني شي
احمد :ماجاوبتيني على الخطبه
رهف (لو عليا كان خليتها دحين ):احمد اسفه على الي بقولوا بس انا مو موافقه
احمد صنم مااتوقع انها تقولوا بدا :رهف انتي بعقلك كل يوم لك حاله تراك طفشتيني
رهف:سوري احمد مااقدر اتزوجك
احمد بعصبيه :طيب ممكن تفهميني ليه
رهف تصرخ :خلاص قلتلك مااقدر وانا لي اسبابي
احمد :انتي اكيد مو صاحيه لسا دوبنا كنا سمنه على عسل ايش الي قلب الموضوع
رهف:انا فكرت وعرفت اننا مانصلح لبعض
احمد :رهف مااحب الناس المزاجين
رهف :خلاص احمد انساني والله يوفقك مع غيري
احمد بدا يدمع يحس الدنيا قفلت في وجهو بعد ماكنت منوره له :راح اكلمك بعد ماتهدي
رهف :خلاص قلتلك ماابغاك بالغصب
احمد :مو لما تقولي شي ينفهم
رهف :احمد اكرهك واكره اليوم الي عرفتك فيه واابغاك تبعد عني
احمد ماقدر يسمع اكتر من كدا تقول الي تبغاه بس الا انها تكرهوا قفل في جهاا ودموعوا ماليه وجهو
رهف سارت تبكي وتقطع شعرها وتضحك على حالها في نفس الوقت
بعد كم دقيقه هدات وحست بنفسها (انا دحين محتاجه اني اكون قويه لازم اقوى عشان اقدر اعيش الضعف هادا مو ليا )نادت ام سعود
جاتها :هلا يابنتي تبغي شي
رهف :اتفضلي جوالك
ام سعود :ها في احد جاي ياخدك
رهف :عندنا مشاكل بس ممكن توقعو لي خروج عشان الاهل مشغولين
ام سعود :انشالله يرضوا بس اكيد مستوصف صغير راح يقبل انشالله
بعدها وقعوا لها خروج
وراحت بيتها
حمدت ربها انو كان فاضي على طول طلعت غرفتها واخدت حبة بندول وانسدحت على السرير
اكيد مانامت اصلا من فين يجيها النوم بعد الي سار لها
....عند احمد .........
كان يدور بالسياره مو عارف فين يروح مقهور يحس انو المر هدي رهف طارت منو
(ليه البنت الوحيده الي حبيتها تسوي فيني كدا هادا جزائي اني ماابغا العب عليها) مو داري فين يروح وفجاءه لقى نفسوا قدام بيتها
دخل وفتحت له الشغاله
احمد :في احد في البيت
مادلين :لا بس ميس رهف نايم فوق
احمد فرح لما سمع انها لوحدها في البيت :طيب تعالي معايا
طلع فوق عند غرفتها :مادلين دقي الباب واذا سالت مين ردي وروحي اوكي
مادلين :اوكي
دق الباب
رهف مالها خلق احد وبصعوبه قدرت تتكلم :مين
مادلين :انا
واشر لها احمد وراحت
رهف قامت تجر رجولها جر تحس راسها تقيل مو قادره تشيلو
فتحت الباب ودخلت مع التعب مانتبهت انو الي دخل احمد قفل باب الغرفه
رهف استغرب طالعت وشافت احمد وقفت مع الخوف وسارت تطالع فيه مستغربه ايش الي جابو وايش الي يبغاه منها
احمد كان معصب حتى مالاحظ انو شكلها متغير :فهميني انتي ايش جالسا تسوي
رهف :احمد اخرج وبعد عني
احمد :تحلمي انا مو لعبه عندك
رهف :خلاص قلتلك اني اكرهك ماتفهم
احمد :كدا من غير سبب
رهف سكتت ماعرفت ايش ترد عليه
احمد عصب من سكوتها :ردي ليه ساكته طبعا لاانو مافي شي تقوليه قريب كنتي تحبيني ودحين ايش قلبك عليا
رهف مانزلت ولادمعه :كنت العب عليك ماتفهم
احمد صنم اخر شي كان يتوقعوا منها وقرب منها :حبيبتي انتي متاكده من الي بتقوليه
رهف لو كمل كلامو بدي الطريقه يمكن تضعف :خلاص لحد هنا كفايه بعد عني ماابغا اشوفك مره تانيه
احمد يحبها ويبغا يتزوجها غصبن عنها :ترى اقدر اتزوجك غصبن عنك
رهف :لو على اهلي ماتقدر عليهم
احمد قرب منها ومو عارف ايش جالس يسوي بس عارف انو دي الطريقه الوحيده الي ماتخليها تضيع منو :ترى البيت فاضي
رهف فهمت ايش ناوي عليه من نظراتو بدا قلبها يدق بسرعه بتموت من الخوف رجعت على ورا
بس كل ماترجع كان يقرب منها اكتر بدا يمسكها ويلعب بشعرها واعطاها بوسه في رقبتها
رهف اخيرا نطقت وسارت تدفوا بس ماقدرت كان ماسك فيها بقوه :احمد بعد
احمد يطالع فيها وفي عيونها الي ياما سحرتوا حس انها بدات تبكي مو عارف هوا ايش جالس يسوي
رهف قلبها يدق هيا ناقصه الي سار فيها عشان يجي لها احمد
احمد بدا يفسخ لها ملابسها
هنا رهف خافت وماقدرت تستحمل وخانتها دموعها :احمد بليز بعد طلبتك روح عني
احمد من اول يستناها تضعف عشان يقدر يكلمها:برضك مصره على رايك
رهف تحس بدوخه وعينها بدات تفتح وتقفل مهي قادره تستحمل اكتر من كدا بدوخ :خلاص قلت لك عندي اسبابي
احمد يطالع ومستغرب اليوم من حالها شافها تبغا تدوخ قام على طول مسكها وجلسها على السرير
احمد يمسح على شعرها :رهف فيكي شي
رهف دايخه وبالقوه تفتح عينها تبغاه يروح عشان ترتاح :لا بس روح عني
احمد يبوسها في راسها :والله مو قصدي اخوفك بس انتي جالسه تجبريني على دا الشي
رهف قامت من حظنو واتكلمت بجديه :روح والله يوفقك
احمد :انتي عارفه انو لو خرجت محاتشوفيني مره تانيه
رهف :في امان الله
احمد :ترى محااصبر عليكي اذا خرجت من هنا على طول بخلي امي تزوجني
رهف كانت بتموت لما سمعتو بس مسكت نفسها ووقفت :مع السلامه
قام احمد وهوا يبكي اول بنت في حياتو نزلت دمعه من عينوا وخرج
واول ماخرج رهف انهارت
ودق جوالها التاني اغنية حسين الجسمي سنين عمري
يا سنين عمري كفايه حزن يا سنيني
خلاص راح الذي يستاهل احزاني
لمي جروح ويكفي دمع يا عيني
رديلي زهره حياتي وباقي الوان
وشذكرك بالهوى اللي كان ناسيني
والحزن الللي هو بدى يوم
وشذكرك بالليالي ليه تبكيني
والجرح الاول وصوت الناي والحانك
ياسنين عمـــري كفايه حزن يا سنيني
يا سنين كفي عن الذكرى وخليني
ماعدت انا اقوى على حزنك واشجانك
ماتحمل اكثر من اللي بيني وبينك
جفت عروقي وانا صابر على شانك
حاولت اداري على الحزن اللي عايش فيني
حاولت اداري الحزن اللي عايش فيني
نضحك ونصبر بوجهك
لكن حزن الليالي بان في عيني
واقول يالسنين هذي اخر احزاني
ياسنين عمــــــــري كفايه حزن يا سنيني
يا سنين عمري كفايه حزن يا سنيني خلاص راح اللي يستاهل احزاني
لمي جروح وكفي الدمع يا عيني ردي زهره حياتي وباقي الوانك
منسجمه مع كلمات الاغنيه وتحسها مناسبه الوضع الي هيا فيه
احمد من بعد ماخرج من عندها كان يحس بالقهر والندم والحسره على نفسو راح بيتو وعل طول راح عند غرفة امو يبغا يكلمها عشان تخطب له مهو عارف اذا الي يسويه صح ولا لا
دق باب الغرفه
ام محمد :هلا حماده
احمد باس راسها :هلا فيكي
ام محمد :خير فيك شي
احمد سرح يفكر اذا يقلها ولا يستنى بس شال رهف من بالو
ام محمد : حماده تبغا شي يمه
احمد :

اتمنى ان تنال اعجااابكم

http://center.jeddahbikers.com/uploads/jb13176693131.gif

500

http://im15.gulfup.com/2011-12-02/1322848828341.gif

http://center.jeddahbikers.com/uploads/jb13176705561.gif (http://center.jeddahbikers.com/)

روايه تستحق القراءه

تستحقين الشكر وطرحك راقي

http://center.jeddahbikers.com/uploads/jb13176705561.gif (http://center.jeddahbikers.com/)

http://up.fr7.com/uploads/images/fr7-c68de1e510.gif

http://center.jeddahbikers.com/uploads/jb13176705561.gif (http://center.jeddahbikers.com/)