http://www.arb-up.com/files/arb-up-2008-6/2fU90999.jpg (http://www.arb-up.com/)

:
جديدهـ [ لعبتك ] هذي ..
رجُوعك , ليه أبي أفهم ؟!
ترى ما جيت فـي وقتِك / أنا مُو حاسِب حسابك

نسيتك أو تناسيتك .. ( دخيل اللـه ) لا تهتم
وأبشرك .. وجه أحزاني ضحك لي , وإنقفل بابك

وبسيطه جات مِن صالح حياتي .. طعنتك , للعلم
قريتـك وإستفد قلبي مِـن المضمون .. بكتابك

تَعَلَّم قلبي مِنْ إيدك علـى كِـل ما مضى [ يندم ]
زرعتِك شُوق .. أتحرى حضورك , وأثمر غيابك

تِحَمَّلتِك / ولكنـه .. جُبرنـي الجـرح : أتكلم
خيانـه شِفتهـا مِنِّك .. عِطِـرهَا , تارس ثيابك

[ بنيتِك ] حُب في قلبي وإنتَ .. حضرتِك .. تهدم
كرهتِك حيـل صدقنـي .. وكِل هـذا مِن أسبابك

تقول : آسف ..؟! يا خلف الله !!
بقى بـ ( وجه ) التسامح / دم ...؟
أسامح كِل شي إلا الخيانــه , ونشوة إعجابك

أنا .. يا لِكْ أجـي واحد يساوي في عيونك كم
وإلا ما أجـي عنـدك وأغيِّـر , ناتِج أحبابك

تجيني .. والندم واضح ولا أقدر أقولك : سم
لأن الجرح من شافك تضايق قال : وش جابك

وإذا تحسبني برجـع لِك .. بلاش تفكِّر وتحلم
لأنـي مُـو مثـل أوَّل أحقق , رغبـة أهدابك

قديمه لعبتك هذي .. وكفايـه .. ما أبي أفهم
[ رجاءاً ] ..
إبتعِد عنَّي أنا مُـو ناقص ألعابك

للشاعر..احمد الصانع..

صح لســــــانك ولســـــان شاعرهــا

يعطيك العافيه ع الإنتقاء الرائع

بإنتظار جديدك ..

صح لسانك ولسان الشاعر

مشكورة على ما طرحتي

يعطيك العافيه على الطرح الرائع

وإذا تحسبني برجـع لِك .. بلاش تفكِّر وتحلم
لأنـي مُـو مثـل أوَّل أحقق , رغبـة أهدابك


صح لسانك ولسان شاعرها ..!!
ألف شكر لك أختي على الطرح الرائع !!
تحيتي

تالق متصفحي بحضوركم اعزائي..

كل الشكر..

تجيني .. والندم واضح ولا أقدر أقولك : سم
لأن الجرح من شافك تضايق قال : وش جابك

اقتبست الكلمات التي تعتبر هي الجرح

صح لسانك
نقل جميل

صح لسانك ولسان قايلها

طرح جميل وموفق اختي

تسلمين

اليتيمة ..عود الليل..

سعدت بهذا الحضور الرائع..

لكم شكري..