خلاص ~أرجوك لوتسمح تراك بدنيتي منفي

بقلم : العين غرآمي



[ البـــارت _1_ ]

الجسد موجود والروح أرحلت !!
والزمن غدار لكني صبور ..
عيني الي من عنا الوقت ادمعت ..
حزنها ياخوي شيد له جسور ..
وحدي بدنيا بها روحي اطلعت ..
فاقد الاحساس ماعنده شعور !
الهوى مابيه انا روحي اشبعت ..
وش يفيد الجرح لو كلي كسور ؟

ظلام الغرفه يحوم حواليها ، تناظر عيونها سما دارها والضباب من دمعها يتكاثف !! بالها شارد !! تتذكر كل مامر بحياتها من حزن !!

تتذكر كل لحظه مرت عليها من وصلها خبر الحادث اللي تعرض له أخوها وولد عمتها ، الحادث اللي دمر الحديد ، ورمى جسد ذابل في طيات أجهزة العناية المركزة!!

الريم توها بعمر الزهور !! انسانه هاديه ، ما تحب تختلط بالناس وايد ، قلبها طيب ، وايد متعلقه بأخوها حمدان اللي يكبرها بثلاث سنين !!

قعدت الريم تفكر بأخوها وتدعي الله إنه يشفيه هو وولد عمتها اللي كان كل شي بحياتها !!
دموع عينها ذرافه ع خدها ، وعيونها تحيط بها السواد !! تردد بصوتها المبحوح وهي تناظر صورة اخوها :

عيني اللي من عنآ الوقت إدمعت !!
حزنها يا خوي شيد له جسور !!
عيني اللي من عنآ الوقت إدمعت !!
حزنها يا خوي شيد له جسور !!

وفجأه سكتت وردت تصيح بحراره ، تحس بحرقه ع خدودها من زود حزنها ، !!
يندق باب غرفتها ، أمها تنادي: الريم .. الريم يابنيتي فجي البآب .الريم!!

ولكن الريم عيت انها ترد من زود حزنها ، تحس ان الحروف تجمدت والسكون خيم عليها!!
تحاول تنطق لو بحرف !! تحاول انها تنش تفج الباب لأمها لكن دون جدوى !!

أم الريم خافت ع بنتها ! تمت تصيح وهي تزقر ولدها فلاح اللي يتولى ادارة شركة المرحوم أبوه !!
فلاح سمع صوت امه وهي تنادي ، فتح باب الغرفة وربع صوبها ودقات قلبه متسارعه !!

خير يا إميه عسى ماشر !!بلاج يا اميه ؟؟ ام فلاح بصوتها المتقطع لي يمليه الحزن : يآ ولديه ختك الريم من يوم ما سمعت بخبر الحادث وهي قافلة ع عمرها الباب !! صار لها يومين ما طاحت اللقمه حلجها !! يا أبويه شوف ختك لا تروح من بين يدينا،واعليه عليج يابنيتي وواعليه ع ولديه لي بين الحيا والموت . وردت أم فلاح تصيح .

فلاح : خلاص يا إميه لا تتعبين روحج ،انشالله حمدان بيقوم بالسلامه واذا على الريم خليها عليه ، أنا احين بسير لها ،بس انتي ارتاحي ، فلاح يقرب من أمه يمسح دموعها بحنان ،
وباسها ع خدها وروح .

وهو يركب الدري زقرته امه : فلاح !! رد عليها بابتسامه عذبه : لبيه يانور الأعيان .
أم فلاح مبتسمه :ربي يحفظكم لي ياعيالي . ابتسم فلاح وكمل طريجه.

عند باب غرفة الريم، فلاح يدق الباب بشويش : الريم ، الريم حبيبتي فجي الباب؟
ولكن الريم ماترد ، فلاح خاف على اخته ، تم يدق ويدق ، آخرتها يئس وطفح الكيل ، مالقى غير انه يحاول يكسر الباب ، أول ما تبطل الباب طاحت عينه على اخته اللي طايحه ع الأرض ، خصلات شعرها الناعم اللي بسواد اليمر ، طايحها ع ويهها ، والدموع عخدودها متناثره ،

ربع فلاح صوبها ، وخوفه على اخته يتزايد : الريم ، الريم حبيبتي نشي،شصارلج ؟ يهزها ولكن دون حراك !! مسح بيده ع خدها وهمس بنعومه ، الريم !! نشي دخيلج !!

ربع صوب غرفته خذا سويج سيارته ، ورد لاخته شلها فحضنه ودقات قلبه تتزايد ، وهو نازل من عالدري امه نشت تربع صوبه : بنيتي الريم.. فلاح بلاها ختك بلاها !!

فلاح رد بسرعه : إميه يلا لبسي عباتج وانا اترياج فالسياره ، دخيلج لا تتأخرين .
أم فلاح : انشالله.. انشالله ياولدي ، خذت أم فلاح عباتها وراحو بسرعه المستشفى .


[ مستشفى توام ]

فلاح : ها دكتور ، طمنا دخيلك ع ختيه شو فيها !!
الدكتور : والله يا ابني البنت دمها نازل آوي ، والواضح انهاا متضايقه من حاجه تعباها .
فلاح : هيه نعم يا دكتور ، دخلت أخوها المستشفى وايد أثرت فيها ، صارلها يومين هب راضيه تاكل .
الدكتور : أيوا بس دي حاجه بتأثر عليها كتير ، وخاصتن إنها مصابه بالأنيميا !
أنا إديتها شوية مقويات ، والمطلوب منكم انكو تهتمو فيها أكتر وما تزعلوها ، ومشافايه ان شاء الله والحمدلله ع سلامتها .
فلاح : الله يسلمك يا دكتور ، وامرره لا توصي ، الريم بعيوني ،امممـ أقدر أشوفها احين ؟
الدكتور : أكيد تقدر تشوفها بس ما تزعلوهاش.
فلاح : ان شاء الله يا دكتور ، فداعة الله .
الدكتور مبتسم : مع ألف سلامه .


راح فلاح وأمه يشوفون الريم ويتطمنون عليها ، دخلت أم فلاح وبسرعه صوب بنتها وهيه تحضنها وتصيح : الحمدلله ع سلامتج يابنيتي ما تشوفين شر انشالله .
الريم : الله يسلمج يا إميه ، انا بخير لا تحاتين .
فلاح : سلامات دلع .
الريم : احم احم اسمي الريم لازم بتدلع ، الله يسلمك يالداادووه [ الدبدوب ] .
فلاح وهو يأشر على أمه : دام هالزين أمج من وين ثرج بتيبينها الخقه . ونقع ضحك
أم فلاح تضربه بشويش ع جتفه : وياويهك الهرم ، أحينه انا خقاقه سواد ويهك .
فلآح : إلا شيختهم وربي .
ريمووه نقعت ضحك ع شكل امها وهي تسمعه وع ملاقة أخوها .
أم فلاح يونه زعلانه منه : روح روح هب منك تراه .
فلاح : فديت الزعلانين وربي ، ويطالع الريم ويكمل : ثره حتى الدلع من هالزين .
أم فلاح والريم يلسو يضحكون ع حركاته المليقه .

فلاح يرمس الريم : ها الريم ظنتي سمعتي شو قالج الدكتور ، لا تضيجين بعمرج وتغذي عدل واهتمي بعمرج .
الريم : انشالله يدي .
فلاح: يدووج خلال قولي آمين .
الريم : ههه ياحظهم دامنيه انا خلالهم ، غرام هاا .

فلاح يطالعها بغباء واونه سوالها طاف يرمس أمه : إميه عنديه لج بشاره . ويطالع الريم .
الريم تطالعه بشغف وجنها تقول له يلا ارمس غصصتبيه . ههه
أم فلاح : بشرني يا بوك من متى ما سمعناها البشاره .

فلاح يطالع الريم وهو يضحك ويرمس أمه : فديتج يالغاليه ، تعالي برع بخبرج .
الريم تصرخ بدلع : فلااااحووووه يالداادووه حرام عليك يلا قول .
فلاح : انزين انتي يالدلع بلاج اشتطيتي انا مارمستج .
الريم تضحك : ههه مادري بس أحس انه عن حمداني .
فلاح : فديت هالطاري والله ، هيه نعم عن حمدان ، ويطالع أمه : إميه حمدان ظهر من العنايه الحمدلله ، وجان تبين احين بنسير له ، بس هو راقد أحين .
ام فلاح ودمعتها ع خدها : بشرك ربيه بالينه يا ولديه ، لالا أبوويه بسيرله حتى لو راقد ، واعليه عليه مايسوى علينا هالحديد غربلاته . وتحرك يدينها يمين ويسار .
الريم وهي تقلد امها تلوح بيدها يمين ويسار : هيه والله مايسوى ، يلا يلا سرنا عنده .
فلاح ويعيد الحركه ويتمايع فالرمسه يقلدها : لا الشيخه الريم ، ماشي سيره دواج .
الريم : ماماتي قوليله بصيح .
أم فلاح : لا يا بنيتي ، انتي نشي بالسلامه وبتسيرين له ، وين تبين انتي وعصاقيلج بتنشين وبتطيحين علينا ، أحين بنييبلج شي تاكلينه وعقب برويحاتيه بوديج .
الريم وهي ماده البوز : ان شاء الله .
فلاح : رووووووح يالذراابه .
الريم صخت عنه محررجه .
أم فلاح : ما قلتلي يا وليدي وشحاله ولد عمتك ؟
فلاح : والله يا إميه بعده فالعنايه .
أم فلاح ربيه يشفيه ان شاء الله .
الريم تطالعهم وهي ساكته ، تحاول تخفي دموع تيمعت فعينها .

فلاح : يلا الريم نحن سايرين شي فخاطرج ؟؟.
الريم تهز راسها لانها هب قادره ترمس بمعنى لا .
أم فلاح : يلا عيل يا بنيتي بنيج عقب .

ظهروا عن الريم ، ومجرد ما ظهروا انهارت الريم بصياحها اللي ماقدرت تكتمه .


أم فلاح وولدها وهم ظاهرين تلاقو ويا عمتهم أم غيث وريلها بوغيث ، وبنتهم أسما اللي عمرها 18 سنه وهي كبر الريم وتوأم روحها ، و ولدههم غيث ربيع فلاح الروح بالروح ، غيث وفلاح بنفس العمر ، 25 سنه ، لكنهم معندين ومايبون يعرسون . وكل ماحد رمسهم قالو العمر جدامنا
الشباب سلمو ع بعض ،أم فلاح تسلم على أم غيث: مرحبا مرحبا يأ أم غيث ،
شحالج ربج إلا بخير .

أم غيث : مرحبابج زود يالغاليه ، الحمدلله ماشكي باس ومن جداج ؟
أم فلاح : والله نحمدلله على كل حال .
أم غيث :الحمدلله ع كل حال .
فلاح يسلم على عمته : شحالج عمتيه عساج بخير ؟
أم غيث : الحمدلله يابويه ، انت شحالك ؟
فلاح : أحمد الله .
غيث عقب ما سلم : خطفتو ع حمدان و هادف ؟
فلاح : لا والله احين سايرين صوبهم ، وكنا صوب ختيه هني بعد تعبانه ،طاحت علينا .
أم غيث : واعليه عليها ، بلاها الريم ؟
أم فلاح : شقولج ياوخيتي من طاح أخووها لا تاكل ولا شياته ، ودق بها العوق.
ام غيث: لا حول ولا قوة إلا بالله ، خطاها الشر .
أم فلاح : خطاج اللاش .
فلاح : ها العيايز مطولين يلا بنسير .
غيث يضحك : لا ابوويه هاييل محد يسويلهن سبب ، واحين بيسيرن هناك يباغمن ههه .
أم فلاح : عيز حيلك انت وياه ، يلا أشوف امشو وانتوو ساكتين .
غيث: آآخ فلاح ويهك ما عورك .
فلاح حاط ايده ع خده : إلا ما عورني هههههه .

أم فلاح وأم غيث يهزن روسهن ، ويحمدن ربهن ع نعمة العقل .

غرفة حمدان ( مستشفى توام )

حمدان توه يبطل عيونه .. يشوف الدنيا من حوله وحاس بصداع ...يتذكر اللحظات السريعه اللي وصلتهم لهالحال ،

كانو سايرين هو وولد عمته هادف بوظبي ، يحظرون مباراة العين ، وحفزانين بالقو ، مبطلين الجامات ، وصوت الأغاني تشل الامارات شل ، كانو يسمعون أغنية [ يا عاذلي ] :


يا عاذلي مالك ومالي وش لك بقلبي دام هو حب
عيناوي هب في العين غالي إلا بوسط العين والقلب
في خافقي له قدر عالي والحب ذا نعمة من الرب
والعين من أول و تالي عشقي وأنا اللي فيه معجب
عيناوي هو سعدي وفالي للسعد صار بدنيتي درب
كالحلم ساكن في خيالي معاه حققته ولو صعب
يا عاذلي جاوب سؤالي إن كان تعرف قيمة الحب
عمرك سمعت أن الليالي إن يت بعشقٍ تشاور الصب


حمدان داش فيلنج ويا الاغنيه ويغني ، وهادف إيبس ، عايشين الجوو .
وفجأه تظهرلهم شاحنه ، وتوديهم عالم اللآوعي !!


حمدان وهو يتنهد ويقول فباله : آآآخ والله ما بسامح عمريه لو استوى لهادف شي !! أنا السبب أنا السبب !! انا لي كنت أسووق ، ولو كنت منتبه ع الطريج ماكان صار اللي صار !!
وضرب بإيده ع الطاوله بقو !! وحس بألم كبير !!
يندق باب غرفته وتدخل أمه وعمته وفلاح وغيث وأسما!! حمدان أول ما شاف أمه دمعت عينه ونزل راسه !! يت أمه صوبه وخانتها دموعها : الحمدلله ع سلامتك يا وليدي ، ماتشوف شر يا غلا أمك !!
حمدان مسح دموع أمه : سامحيني يا إميه سامحيني !! عذبتج ويايه ،، سامحيني وباسها ع يدينها !!
أم فلاح : انت ظنايه يا حمدان ، وامرره مابغيك تفكر بشي أحينه ، نبغيك سالم ياوليدي انت وولد عمتك !!

حمدان كان يحب ولد عمته أسما ، اللي ما كانت تبادله أي مشاعر حب !!
أول ما دخلو تحرى أسما الريم لأنهم نفس الطول والجسم تقريبن ، كانت متغشيه ، فقال لها ها الريم ما بتسلمين عليه .؟

أسما منحرجه : الحمدلله ع سلامتك الشيخ .
انتبه حمدان انها هب الريم : وعرف انها أسما ، جان ينشق الحلج ، وبنفس الوقت تضايج لانها قالتله الشيخ ومازقرته باسمه ، فقال : اوه سمحيليه تحريتج الريم!! الله يسلمج يارب ,
أسما : ما عليه الشيخ بالحل .
حمدان فخاطره وهو محرج: يلعن يومه شيخج .

الكل سلم على حمدان وتحمد له ع السلامه !! وظهروا صوب هادف ، وتم فلاح شوي عند حمدان .


حمدان يطالع أخوه فلاح : شخبار هادف ؟
فلاح مبتسم : الحمدلله ، ربي يشفيكم انشالله يميع .
حمدان وهو يحاتي ولد عمته وتوأم روحه : نقلوه غرفته ؟
فلاح : لا يا أخوي ، هادف بعده فالعنايه !!
حمدان : آآخ كله مني انا السبب !!
فلاح : حمدان لا تقول جذا ، كل اللي صار مقدر من ربك !! ونحن ياما قلنالكم ودروا عنكم هالطيش لكن انتو الله يهديكم ما تسمعونها الرمسه!!
حمدان تم ساكت وهو يطالع الأرض ، متحسف ع كل شي ، يدعي ربه انه يشفي ولد عمته .
ورد يرمس اخوه : وين الريم عيل ؟
فلاح ارتبك : اممممـ والله الريم موجوده .
حمدان : عيل شعنه مايت وياكم اكيد زعلانه منيه ، عاد منو يراضيها دلع .
فلاح متردد : حمدان الريم هني فالمستشفى مرقده.
حمدان : شوووووووووووه ؟
فلاح بهدوء : حمداني الريم بخير لا تخاف بس لأنها كانت تحاتيك وماتهتم بعمرها ونزل عندها الدم ، والدكتور طمنا قال باجر انشالله بيرخصها، بس بيخليها اليوم عسب يراقبون صحتها .
حمدان متضايج من عمره : يلا الحمدلله .
فلاح ترخص من اخوه وسار يشوف ولد عمته ، وعقبها شل هله ووداهم البيت .

بنفس اليوم [ عقب صلاة العشا ] غرفة الريم

الريم تدوور فحجرتها تحاتي أخوها وولد عمتها ، تبا تسير عندهم ، تبا تطمن على أخوها وولد عمتها اللي لي أحين فالعنايه ، دمعت عينها وقالت انا لازم اروح احين ,
لبست شيلتها وعباتها ، تغشت وسارت الرسيبشن ، تخبرت عن غرفة أخوها وسارت صوبه .

دقت الريم الباب بشويش ، حمدان : إقـــــرب !!
الريم تفج الباب وتطالع اخوها بابتسامه عذبه : جـــــريب .
حمدان : مرحبا والله بشيخة الحريم ، مرحبا بدلع ,
الريم : فديت شيخ الغراشيب أنا .
قربت صوب أخوها وايهته ، وعقب يلست حذاله ميوده يدينه ، وقالتله بدلع : جيه تخليني احاتيك يالدرام !
حمدان : فديت خشمج انا أ... !!
وقبل لا يكمل تقاطعه الريم : حووووه انت لا تتفدا خشمي بس.. الاسلام نص ع المساواه ، تفداني كلي ، وضحكت بدلع .
حمدان : فديت هالضحكه يا ربـ.... !!
تقاطعه مره ثانيه : حووه انت يا خشميه يا ضحكتيه انت ما تفهم ههههه .
حمدان : صدق دلع انتي ، فديييييييييييييييت كلج انا .
الريم : هيه توووك ، يلا أحين كمل ، راضني .
حمدان : أسميج ، مابغي هب مراضنج ,
الريم : يالدااااااااااادووووووووه ماحبك .
حمداان يطالعها بنذاله : حلفي
الريم : مليييييييييييييق .

حمدان تم يضحك ع اخته وسوالفها ، حمدان وايد يحب اخته الريم ، وهي وايد متعلقه فيه ، وأما عن دلعها وحركاتها الطفوووليه فلا تعليق ،وتمو يسولفون ، عقب قالتله يلا عيل انا بترخص ، شكلي غلط فقسم الرياييل !
حمدان : انتي بكبرج غلط خخخخ .
قالتله : دادووووووووووووووووووه
قالها : عصاااااااقيل .

وتمو يضحكون ، عقب ظهرت عنه وفدربها يلست تفكر بهادف ، آآآآخ شكثر متولهه عليك ، ربيه يشفيك ويردك لهلك بالسلامه ، وكان خاطرها تسير له بس استحت لان من عاداتهم فالعايله ان البنات منقود يشوفن عيال عمامهم وعماتهم .

يوم وصلت عند باب حجرتها ما طاوعها قلبها ، وحست بنغزه ، دمعت عينها وأصرت تسير صوبه ، حتى لو تشوفه من بعيد ، وصلت صوب العنااية المركزه , طلت من الجامه عليه، دمعت عينه وهي تشوف ولد عمتها القوي بهالحال ، فجأه شافته من بعيد وكأنه يتنفس بالقو !! خافت عليه !! ربعت صووب النيرس تزقرها ، يو الدكاتره يتراكضون ، دخلو عنده !! شافو انه عنده ضيج بالنفس وهب قادر يتنفس !!حاولوو ينقذوونه !! والريم مترووعه تصيح بحراره ، وتدعي الله ان يشفيه !!



ليت الوجع بعروق قلبي ولا فيك !!
وليت التعب غلطان سآهي ولا جاك !!

لو الشفآ بضلوع صدري لدآويك !!
وأطحن ضلوع صدري فدآيآك !!

الله من شر المقادير يحميـــك !!
والله يحفظك يا حبيبي ويخليك !!


البـــارت _ 2 _

يوم وصلت عند باب حجرتها ما طاوعها قلبها ، وحست بنغزه ، دمعت عينها وأصرت تسير صوبه ، حتى لو تشوفه من بعيد ، وصلت صوب العنااية المركزه , طلت من الجامه عليه، دمعت عينه وهي تشوف ولد عمتها القوي بهالحال ، فجأه شافته من بعيد وكأنه يتنفس بالقو !! خافت عليه !! ربعت صووب النيرس تزقرها ، يو الدكاتره يتراكضون ، دخلو عنده !! شافو انه عنده ضيج بالنفس وهب قادر يتنفس !!حاولوو ينقذوونه !! والريم مترووعه تصيح بحراره ، وتدعي الله ان يشفيه !!

ليت الوجع بعروق قلبي ولا فيك !!
وليت التعب غلطان سآهي ولا جاك !!

لو الشفآ بضلوع صدري لدآويك !!
وأطحن ضلوع صدري فدآيآك !!

الله من شر المقادير يحميـــك !!
والله يحفظك يا حبيبي ويخليك !!

الكون شاحب .. دامس .. يدور بها .. تشوف الكل بحركه سريعه .. الضباب من حواليها .. الدموع غطت معالمها !! تشوف ولد عمتها وغلا قلبها بين الحيا والموت .. هب عارفه شتسوي .. وبدون سابق انذار طاحت الريم ع الأرض .. النيرس شافتها وربعت تزقر الدكتور .. يو وشلوها ودخلوها غرفتها .. شافوا ان أعصابها حيل تعبانه !! والدم نازل عندها .. ركبولها مغذي .. وخلوها ترتاح .

[العنايــة المركزه ]

الدكتور يلقي الأوامر . الكل يتحرك بسرعه .. يحاولون يردون النفس الطبيعي لهادف ..
النيرس وهي خايفه : دكتور دقات قلبه بدت تتناقص .
الدكتور طالعها وسكت .. أشر ع جهاز الصعقات الكهربائيه عسب يحاولون يردون النبض ..
هادف مابين الحيا والموت .. يصحى ويرد يفقد وعيه .. وكل مره ييلس يتذكر كل مامر بحياته .. من لحظات حلوه .. من حزن .. من فرح .. يتذكر ولد خاله حمداني .. يتذكر خبالهم وربشتهم .. يتذكر الريم .. ويحس بألم كبير .. عيونه دمعت ورد فقد الوعي .. والدكاتره على حالهم يحاولون ينقذونه ..

[ بيت بو غيث ]

بو غيث : يا أم فلاح هدي .. شو ياج . انشالله الولد مافيه شي ..
ام غيث وهي تصيح : يا بوغيث هذا ضنايه .. ماصبر عنه ..
بوغيث : يا ام غيث انشالله ماعليه شر .. دحري الشيطان وحطي الرحمن فصدرج .. قومي صلي لج ركعتين وادعي ربج إنه يكون بخير .. والرب يشفيه .. ترى الدموع ما تحيي ميت ..
أم غيث : انشالله يا يوغيث انشالله ..
بوغيث باسها ع راسها : يلا الغلا نشي بارك الله فيج .
أم غيث ابتسمت والدمع ع خدها ونشت تصلي لها ركعتين وتدعي الله .. وبو غيث وياها ..

يوم الخميس [ غرفة الريم ] مستشفى توام

بطلت الريم عيونها .. تحس راسها يدور .. تحس بتعب هاد حيلها .. تتلفت يمين يسار .. تحاول تتذكر شو استوى .. شافت المغذي ع يدينها .. حطت يدينها ع راسها لانها كانت حاسه بألم كبير .. يندق باب غرفتها ..
الريم : تفضـــل ,.
يدخل الدكتور ووياه النيرس مبتسمين : صبــاح الخير ..
الريم : مرحبا .. صباح النــور ..
الدكتور : إزي صحتك اليوم .؟
الريم : الحمدلله دكتور ..
الدكتور : الحمدلله .. يا بنتي يا ريم انتي عندك أنيميا .. وانت دي الحاجه عرفاها .. فمن المفروض انك تهتمي بصحتك .. وتتغزي .. إتفقنا ؟
الريم مبتسمه : إتفقنا .. انشالله دكتور .
الدكتور يبادلها الابتسامه : دي الوقت هيجيبولك الفطور .. لازم تفطري .. وبعد كده تاخذي الدوا .. على اساس ترجعي اللي فقدتيه ..
الريم : انشالله
الدكتور: طيب انا رايح .. عاوزه حاجه ..؟؟
الريم : امرره ياغير سلامة راسك ..
الدكتور : الله يسلمك .. ومعافايه ..
الدكتور وهو طالع . الريم تذكرت هادف .. صرخت .. :دكتوووور ...
الدكتور تروع صد صوبها : خير في إيه يا بنت .. ؟؟
الريم وفيها ضحكه ع خبالها وع شكل الدكتور وهو متروع : إسـ إسمحلي دكتور روعتك ؟
الدكتور : إيه ؟ روعتيني ؟ هي روعتك دي بتطلع إيه ؟
الريم فخاطرها لحول ابتلشت : دكتور يعني خوفتك خوفتك ..
الدكتور : أيوا خوفتك .. دنتو عندكو قاموس عجيب غريب ..
الريم : امرره فالك طيب تبغيني أعلمك ..؟؟
الدكتور : لالا شكرا .. طيب يا روعتك .. كنتي عاوزه إيه ..؟
الريم تضحك : هههههههه دكتور احم احم .. ماشي بس كنت بتخبرك عن ولد عمتيه هادف .؟ شو صحته؟
الدكتور: ما تخافيش يا الريم .. الدكتور عمار عمل اللي عليه .. والحمدلله هادف تعدى مرحلة الخطر .
الريم نقزت : احححححححححححلف .؟
الدكتور ربع صوب الباب : إيه إيه ؟ حصل إيه ؟
الريم ناقعه ضحك ع شكل الدكتور : آفسه .. أوه أقصد آسفه .. لا تلومني من الوناسه ..
الدكتور : يا ريم عندكو مثل هنا بيقول العقل زينه .
الريم بعبط : شو يعني ؟
الدكتور ما يعنيش حاجه ههه .. أنا طالع ..
الريم تمت فاجه حلجها والدكتور هز راسه .. ابتسم وظهر ..
الريم : العقل زينه .. فجأه نقزت .. توها مستوعبه .. عنلاااااااتك توني فهمت انا مينونه .. وتمت تضحك .. صدق خبله ..ههه

شوي إلا أمها وعمتها يايين .. دخلو سلمو عليها ..
الريم : مآآمآآيه ولهت ع البيت .. متى بيرخصونيه .؟
أم فلاح : لو الشور شوريه ما خليهم يرخصونج .. بخليج تخيسين هني .
الريم مبوزه وبدلع : مآمآيه حنااام .. ليش هالحقد ..
أم فلاح تضربها بشويش : حقد ها .. سواد ويهج يالهرمه ..
الريم تضحك : هههه فديت روحج .. فهمت فهمت ..انشالله بهتم بعمريه .. بس انتي خليهم يفكونا من هالصندقه .
أم غيث : وي يا بنيتي أي صندقه ؟
الريم : ههه عمتيه أقصد هالحجيره .. لا حس ولا خبر .. أبغي اكون حره ..
أم غيث : هييه .. والله يابنيتي ادريبها يلسة المستشفيات ما تنطاق .. ياغير شو بتسوين صبري ..
الريم تغني : لي سنتين أنا صابر قالولي بيجي باجر ..
أم فلاح : وي دي .. منو ها لي بيي باجر .. سود الله ويهج ..
الريم ناقعه ضحك :هههههههه امييه امييه هاي اغنيه .. يغنيها الجسمي .. وحليل حالاته متعذب ..
أم فلاح : منو ها بعد ؟ من وين تعرفينه ؟؟..
أم غيث تضحك : يا أم فلاح ها واحد يغني فالصندوق الأسود عندنا اسمه الجسمي ..
الريم : نعم نعم ؟ شسمه ؟ منو الصندوق الاسود هههههه
أم غيث : هذا التيلفزون ..
الريم ناقعه من الضحك : التلفزيون الله يهديج .. اونه الصندوق الاسود ههههه
ام فلاح : انزين الريم ولا قلتيلي متعذب .. جيه بلاه وحليله ؟
الريم : هيييييها يا اميه ثرج ماتعرفين شو ياه ..
أم فلاح : شو ياه يا بنيتي؟؟ .. خبريني .
الريم : هذا طولي بعمرج متعذب ..
أم فلاح : هاي عرفناها بس ليش ؟
الريم : انا بخبرج .. هذا متعذب ..
أم فلاح : عشان ؟
الريم تطفر بأمها وتحرك حياتها فوق وتحت : متعذب .
أم فلاح حرجت : يلا قولي سميتينا .
الريم تضحك : هههه صدق عيوز .
أم فلاح : عيز حيلج يالهرمه .. انا براويج .. صبري صبري ..


وتدق حق فلاح : مرحبا فلاح .
فلاح : مراحب الغاليه شحالج ؟؟
أم فلاح : جانك تبا حاليه .. تراني مستمه ,, وهب بخير .
فلاح : خير يا اميه شصاير ؟
أم فلاح : منو غيرها هاليعريه الريم .. والريم ناقعه ضحك ..
فلاح : اليعريه مره وحده .. ههه بلاها ؟
ام فلاح : يوونه تعرفلي واحد اسمه الجسمي ، يطلع فالصندوق الاسوود .
فلاح ناااقع ضحك وهب قادر يرمس .

أم فلاح : بلاك انت بعد .. عن تنطر من ضحكك .
فلاح : لا مابنطر .. ولا تعرف الجسمي ها ..
أم فلاح : هي يا وليدي .. يبالها أدب ..
فلاح : نعم يبالها .. عيل شو تبابه الريال تطالعه فالصندوق الاسود .
أم فلاح : لا وتقول انه متعذب .
فلاح : هههههه مسكين حاله .. صدق متعذب .
أم فلاح مصدقه : وي دي .. حتى انت دريت بسالفته انه متعذب ؟
فلاح يضحك : هههههه هيه دريت ..
أم فلاح : خبرني يابوك بلاه .. وحليله غمضنيه ..
فلاح : متعذب ..
أم فلاح : انزين من شوه .. شو صابه ..؟؟
فلاح : متعذب ..
الريم وام غيث ناقعين ضحك ..

أم فلاح : سود الله ويهك انت وختك .. يلا فارج ..
فلاح يضحك : سيري سئلي حمدان ..
ام فلاح : سير سير عني .. مالت ع ويهك انت وختك ..
فلاح : فديت خشمج انا ..هاتي أحبه ..
أم فلاح مستحيه : يلا يلا فداعة الرب..
فلاح يضحك : الرب حافظ ..

أم فلاح تطالع الريم ومتغصصه منها .. الريم كاااااااااااااااااااك << تضحك

أم فلاح : يالله بعقل .. وترمس أم غيث : قومي يا وخيتي سرنا صوب العيال.. أخاف استخف انا ان يلست عند راعية الصندوق الاسود .
أم غيث تضحك : يلا يا أم فلاح .
الريم : ماماتي بيي وياكم .
أم فلاح : صكيها الدعنه ..
الريم يونه زعلانه : انشالله ..

وروحن الحريم صوب عيالهن ..

[ غرفة حمدان ] مستشفى توام

ام فلاح وام غيث: السلام عليكم
حمدان : وعليكم السلام ورحمة الله .. مرحبا ملايين ..
ام فلاح : الله يرحب بك عفضله ..شحالك غناتي عساك أخير ؟
حمدان : الحمدلله اميه .. انتي شحالج؟
ام فلاح :الحمدلله يابوك ..
حمدان : شحالج عمتيه؟؟ ..
أم غيث: يسرك حاليه ياوليدي .. شو صحتك؟
حمدان : ترتوووب

أم فلاح : يابوك متى بيرخصونك .. ماقالولك ؟
حمدان : لا يا اميه ماقالو .. بس الدكتور قال صحتك طيبه .. انشالله جريب بنرخصك.
أم فلاح : انشالله ..

شوي إلا والدكتور داخل ..

الدكتور : السلام عليكو ..
الكل : وعيكم السلام ورحمة الله
الدكتور : كيف حالك يا حمدان ؟؟..
حمدان : الحمدلله دكتور ..
الدكتور : عاوز تطلع .؟
حمدان : آآخ يا ليت والله ههه
الدكتور مبتسم : عاوز تتخلص مننا .. الله يسامحك
حمدان : لا والله يادكتور .. ووقفتك مابنساها .. أفا عليك بزورك .. بس انت أدرى بيلسة المستشفيات..
الدكتور : ده واجبنا يا ولدي يا حمدان ..وهتخرج النهار ده
حمدان : تسلم يادكتور
الدكتور : اممممـ نسيت أخبركوو ...
حمدان : تفضل يا دكتور ..
الدكتور : انا جاي ابشركو .. إن صاحبك هادف ..خرج من العنايه النهار ده ..
حمدان طاير من الوناسه : بشرررك ربي بالينه ..

أم غيث دمعت عينها : تسلم يادكتور .. نقدر نشوفه ..؟؟
الدكتور : اكيد تقدروا تشوفوه .. طيب انا طالع .. عاوزين حاجه ..؟
حمدان : سلامة راسك الشيخ .. ومن جدانا ..؟؟
الدكتور : الله يسلمك..هتطلع النهار ده .. بس اهتم بنفسك..
حمدان : انشالله دكتور
الدكتور : مع السلامه .
الكل : الله يسلمك.

أم فلاح : الحمدلله ع سلامة ولدج يا ام غيث ..
أم غيث : الله يسلمج يا وخيتي ..
أم فلاح: يلا عيل سرينا نشوفه .
أم غيث : سرينا ..
حمدان : لحظه اميه بيي وياكم ..
أم فلاح : ارتاح يا وليدي عقب بتشوفه
حمدان : لا يا اميه بسير له .. خلاص ترى الدكتور رخصنيه .. ولي ما اييب ورقة الخروج .. بنسير صوب هادف..
أم فلاح: اللي تشوفه غناتي..
حمدان : تريوني شوي بس أرتب أموري ..
أم فلاح : خل كل شي عنك يا وليدي .. انت سير صوب الدكتور .. وانا برتب اغراضك لي ماترد ..
حمدان : خلاص يا اميه .. شورج وهداية الله ..
ام فلاح : الله وياك ..

ظهر حمدان وهو ظاهر دق حق فلاح يخبره انه بيرخصونه .. ويبشره بظهرة هادف من العنايه..

فلاح : مرحبا .
حمدان : مرحبابك زوود ، شحالك ؟
فلاح :احمد الله ومن جداك ؟
حمدان : عاااال العال دامنيه بظهر من هالمستشفى .
فلاح : احلللللللللللللللللف .
حمدان : ههه والله .. بنور البيت..
فلاح : ويا ويهك وايد مصدق عمرك ..هههه
حمدان : اسمي حمدان .. بين قوسين ..
فلاح: زخ عمرررك ههه
حمدان : ههه تعال بخبرك هادف ظهروه من العنايه الحمدلله ..
فلآح : بشرك ربيه بالينه .. الحمدلله يارب ..
حمدان : انزين يلا زول بسير صوب الدكتور ..ههه
فلاح : ههه زين عيل .. واتخبره عن الريم .. جان بيرخصونها .
حمدان : زين ذكرتني بنقز عندها بطفربها شوي ..
فلاح : الله يعينك ع حنتها صوتهااا مزعج يوم تحن خخخ
حمدان :هب ع ختيه حووه..
فلاح: مالت عليك انت وختك .. يعني انا ولد البطه السوده ..
حمداان : عند اميييه والله اخبرها .. السوده ها .. لا وبعد بطه هههه
فلاح : هههه يالهيس .. طاع كيف يفكر ..أقول تم فالمستشفى أبرك .
حمدان : يلا زول زوول ههه..
فلاح: بزول يالهرم .. يلا بآي
حمدان : أونه باي حليلك انت .. فداعة الله ..
فلاح : جب يالبدوي .. فداعة الرحمن ..

سكر حمدان عن اخوه وهو يضحك .. ووصل عند الدكتور ..خذا ورقه الخروج .. وعقب راح صوب الصيدليه .. خذا دواه .. وعقبها رد لامه وعمته شلو اغراضهم وخطفو ع هادف .

غرفة هادف [ مستشفى توام ]

هادف مغمض عيونه ويفكر .. يفكر بحالته .. يفكر بربيعه وولد خاله حمدان .. حمدان شحالك .. انشالله يارب تكون بخير.. والريم ؟؟ الريم قلبي ؟؟ فكرت فيني شرى ما فكر فيها احين !! تألمت للي صار لي ولا ما أهمها انا ؟ آآخ لو أعرف بس إذا تحبني شرى ماحبها ؟؟ الريم أحبج أحبج بس ليت تحسين ..آآخ

ودقة باب الغرفه قطعت له حبل أفكاره : إقــــرب !!
تدخل أمه وحرمة خاله ..
هادف : إمييييه !!
أم غيث وعيونها تدمع سايره صوبه : شحالك ياوليدي ؟ شي يعورك .. بشو تحس .. وردت تصيح
هادف يلوي عليها ويبوس راسها : اميه انا بخير لا تصيحين .. اميه ولهت عليج .. شحالج .. وشحال أسوم ؟
حمدان من سمع اسم أسوم انقبض قلبه .. ولهان عليها ..

أم غيث: الحمدلله يا أبويه انا بخير وأسوم بخير ..لا تحاتينا .. أهم شي تظهر من السلامه ..
هادف يمسح دموع أمه : اميييه خلاص عاد .. ترى بيردلي العوق ..ههه
أم غيث تضربه بشويش : بسم الله عليك..شهالفال ..
هادف : فديت خشيمج انا ..
الكل يضحك ,,

شوي ولا حمدان يدخل راسه من عند الباب .. هادف أول ما شافه بطل عيوونه . حمدااااااان يالهرم

حمدااان : هاااااادف يالهيس
هادف : يااااااالخبل
حمداااان: يالمينوووون
حمدان ربع صوووبه ويلوي عليه : هدوووفي يالخام مابغيت تصح,,
هادف : هيه يالأسود .. مابغيت ,,تعال انت هب جنك كنت ويايه أشوفك خيل’’ههه
حمدااان : لحووول حاسد حاسد .. هههه
هادف : وياويهك,’,
حمدان : يا حبيبي يا عمري أنا صحيت هب انت خايس اسبوع فالعنايه ..
هادف : شوي شوي أستحي .. هههه ..
حمدان : مالت ع فيسك ..
أم فلاح : صدق بغمان .. الحمدلله ع نعمة العقل ههه ..

حمدان : ويههي يعورني هدوفي ..
هادف : والله حتى انا ههههههه

أم غيث : تستاهلون دواكم .
أم فلاح وهي تضحك : ههه زين عيل .. يلا يا حمدان بنخطف ع الريم .. ونخليهم رواحهم متولهين ع بعض ..
هادف انقبض قلبه : الريم شفيها ؟؟
حمدان : ماشي بس من يوم الحادث طاحت علينا ..و احين هي احسن ..
هادف وحاس بألم : الحمدلله ..
حمدان : يلا نحن سايرين شي فالخاطر ؟
أم غيث : سلامتكم ..
حمدان : الله يسلمج عمتيه ..
هادف : سلمو ع الريم وتحمدولها ع السلامه ,,
حمدان : الله يسلمك,,انشالله سلامن يبلغ ,,

وظهرو حمدان وأمه سايرين صوب الريم .

غرفة الريم [ مستشفى توام ]

دخلو أم فلاح وحمدان عند الريم سلمو عليها وقعدوا يسولفون.

حمدان : هادف ظهر من العنايه ، يسلم عليج ويتحمدلج بالسلامه .
الريم مستانسه : الله يسلمه .. ظهروه ؟
حمدان : الحمدلله ,,نقلوه غرفته ,,
الريم : زين الحمدلله ,,
حمدان : احم احم انا بظهر اليوم رخصوني,,
الريم : قوووووول قسسسم
حمدااان : قسسسسسسسم
الريم : يالخاين قولهم يرخصونيه وياك والله لاعة جبديه ..
حمدان : لااااا خيسي هني,,
الريم: انزين انا صحيت شعنه مخليني,,حشا من يومين وانا هني,,
حمدان : أدبن لج ,,
الريم تصارخ بدلع : دااادوووووووه.
حمدان : معصصصصصصصفل,,

أم فلاح : انتو متى بتكبروون ..؟
حمدان : يوم يبيض الديج هههه
ام فلاح : سوود الله ويهك ,,
الريم : اميييه دخيلج روووحه أسووود هههه
حمدان : منو الاسود ؟ ها البيضه؟
الريم: محد اسوود كح كح
حمدان:اتحرى بعد .هههه

الريم تغير السالفه تبا تطفر بأمها : حمداااني تعرف الجسمي؟
أم فلاح تتحرطم : عنلاتج يالهرمه ..إلا أعرف سالفته ها .
حمدان : بلاه الجسمي؟
الريم وتغمز لحمدان : متعذب .
حمدان : هيه والله متعذب ؟
أم فلاح : حمدان يابوك .. فواديه يحرقنيه ؟ بلاه متعذب الريال؟ خوانك سموني ولا قالو؟
حمدان فهم السالفه : هيه الجسمي .. متعذب
أم فلاح : هيه ياوليدي بلاه ؟
حمداان : متعذب .
أم فلاح عصبت : مالت عليك انت وخوانك، وينه منصور علني فداه ،محد غيره مونسني..
حمداان : منصوور خليه ع صوب ههههه
الريم مبوزه: احين منصور أخير عني انا ..
أم فلاح : هيه نعم ,,هب شراتج انتي وخوانج طايحيلي متعذب ومتعذب ..
الريم ناقعه ضحك: هههههه خلاص يا اميه سيري لمنصور بيخبرج ؟
أم فلاح تطالعهم يونه زعلانه ماترمس .

حمدان : فديت الزلعانين انا ..
الريم : زخ عمرك انت ههههه

ويلسوو يسولفووون .. ويضحكون .. ومر الوقت وما حسو ..عقب اترخص حمدان من أخته وشل امه وراحو البيت ..

غرفة هادف [ مستشفى توام ]

جمـعيـني من \ شتـات \ الـوقت
واحسـاس ؛ الرتـابـه ؛ .. !!
و احضـنيـني ..
كـان بـاقي فـي / دفـا / صـدرك
بـقـيـه ..
؟ والسـؤال ؟ اللـي جـوابـه
[ صـعب ] بعـيـوني جـوابـه ..
نـاظـري لي .. بس
لا تقـسيـن
~ بالنظـرة عـليـّه ~ .. !!

هادف غرقان بتفكيره .. يفكر بكيف ان القدر جمعهم هو والريم فمكان واحد .. وتبعد بينهم خطوات .. يفكر بحبه الصامت لـ الريم .. الحب اللي ماتدري عنه.. ولا حست فيه ..

آآخ يالريم ولهان عليج .. ليت القدر يجمعنا ليت !! وليتج تحسين فانسان يموت بهواج !! آخ أنا لازم أروح لج أحين والله خاطري أناظر عيونج..خاطري اتطمن عليج من بعيد .. بس من بعيد ,,
بس لا ماقدر.. كيف أسير لها كيف !! آخ أنا بسير واللي فيها فيها

وفي الجهة الثانيه .. الريم يالسه وتفكر بهادف .. اللي تحبه من يوم هي صغيره لكن عمرها ما بينت لحد هالشي.. كانت دوم تكتم حبها .. تحب بصمت ,,تشتاق بصمت .. يلست تتذكر كل لحظه مرت عليها !!

قلبها عورها .. قعدت تصيح .. وتحس بحرارة الشوق ع خدها .. تحس ان الأيام صعب تجمعها معاه ,,
آآخ انا ليش أتعذب وهو هب حاس فيني ؟ ليش ؟ أنا أعرف ان الزمن محال يجمعنا !! آآخ

حست انه دموعها غرقتها .. تحس بألم كبير فداخلها .. يقطع حشاها ..
تبغي تروي ضما بداخلها .. حركت يدينها صوب الطاوله تبغي تاخذ كوب الماي .. تحس بعطش تبغي ترويه .. وبألم تبغي تطفيه ..حطت الكوب ع حلجها تبغي تشرب ,, طالعته وشافت ان الكوب مافيه ماي .. انهارت صياح ,, صرخت بشويش .. هادف أحبك ليتك تحس فيني ليت..ليت ياهادف ..ويلست تشل :

مسكت الكاس بيديني // اناظر صورتك وابكي ..
ولو تدري بكاسي كان فاضي

.. اخذت الكاس ابي اشرب .. ~

وكنت من العطش ميت

وساعتها \\ ~

.
. تذكرتك وبانت صورتك بالكاس .. تعبا الكاس من دمعي ..~

,وانهاارت الريم صياح .. وبدون ماتحس غفت ودموعها ع خدها ..


هادف وصل عند باب حجرة الريم .. سمع هدوء..بغى يدق الباب .. حط إيده يبا يدق !! بس تراجع .. حس هالحركه هب حلوه فحقه ولا فحق بنت خاله .. رد لغرفته وبداخله ألم كبير ..

الريم حست بوجود حد حذال الباب بطلت عيونها قعدت تناظر الباب .. ع طول نشت .. لبست شيلتها وظهرت تشوف منو لي كان هناك .. بطلت الباب شوي ..


شافت الريال مشي بس معطيها قفاها .. منو هذا .. هب غريب عليه .. الطول .. والعرض.. أبدن هب غريب عليه .. بس منو هذا .. منو !! انا حسيت بحركه جدام باب حجرتيه ؟؟

دخلت الحجرة سكرت الباب .. وتسندت عليه .. وهي تطالع فوق .. وغمضت عيونها..وطاحت دمعتها ع خدها ..

فجأه بطلتها وصرخت : هاااااآآآآدف!!

[ البارت _ 3 _ ]

الريم حست بوجود حد حذال الباب .. لبست شيلتها وظهرت تشوف منو لي كان هناك .. بطلت الباب شوي ..

شافت الريال مشي بس معطيها قفاه .. منو هذا .. هب غريب عليه .. الطول .. والعرض.. أبدن هب غريب عليه .. بس منو هذا .. منو !! انا حسيت بحركه جدام باب حجرتيه ؟؟ دخلت الحجرة سكرت الباب .. وتسندت عليه .. وهي تطالع فوق .. وغمضت عيونها..وطاحت دمعتها ع خدها ..

فجأه بطلتها وصرخت : هاااااادف !!!!

ع طول بطلت الباب .. تدور وين راح ,, هادف!! هادف وين رحت .؟؟.دخلت الحجره .. ويلست ع الأرض .. لوت ع المخده.. .. وتطالع الأرض .. هادف ؟ هادف ليش يا هني ؟ لالا .. انا أكيد أتوهم هذا هب هادف ..
أعوذ بالله من الشيطان الرجيم .. بس أنا متأكده .. هادف .. هذا هادف ..
وانهارت الريم صيآح .. ماتعرف شو السبب .. بس اللي تعرفه إن ودهآ تصيح وتطفي نار اللظى لي داخلها !!

اه يا جود الحزن وياي و في الفرحه شحوح
ضايعن بهمومي الغبرا بوسط المعمعه
اشتكي لوسادتي دنياه و اسمعها تنوح
كأنها بعضي و بعضي وين هو و من هو معه؟؟

الريم تحاول تنش .. بخطوات متثاقله ’’ وصلت عند دريشة حجرتها .. تناظر الدار من زاويه وحده ,, الأفكار توديبها وتييب ,, الدنيا ضايجه بها .. همست : أحـ .... !

بس الحروف خانتها,, تحس إن الصوت انقطع عنها .. تحرك شفايفها تبغي ترمس .. بس ماقدرت .. قعدت تصيح وهي تناظر الكون المظلم من حولها ..

عند هادف ,, الحال هب أحسن عن الريم .. يناظر من دريشة حجرته ,, وغرقان بتفكير يوصله للمجهول ..

لي متى ؟؟ لي متى ؟؟ لي متى بتم ع هالحال ؟؟ لاني ميت ولاني حي . آآخ لو ربيه خذ امانتيه كنت مفتك من هالعذاب .. آآخ استغفر الله رب العظيم ,, استغفر الله ..

تنهد هادف وهموم الكون كلها عراسه .. هادف يدرس بكلية الحقوق .. وهاي آخر سنه له .. ويفكر يسير يكمل دراسته فألمانيا .. هو وولد خاله حمدان .. لانهم بنفس التخصص وكلهم آخر سنه ,,

هـادف : بإذن الله بخبر حمدان بخصوص السفره هالعام .. خلاص انا ماقدر أتم هني أحس عمريه مخنووووق !! آآخ

ويلس هادف يشل بإحساس.. ودموعه تضوي فعينه ,, يحاول قد مايقدر يحبسها ويواجه تحديات هالزمن !!

شـليت روحي دخيلك رد لي الروح ..،
روح (ن) تـ ح ـبك دخ ـيلك لا تش ـقيهآاآ ..،

لو كنت م ثلي تقاسـي الهـم وكثر الـ نـوح ..،
إن كان روحـك ع ـليه ما تقـسـيها .. ،

ج ـيتك وزدت الـ ج ـروح في خ ـفاقي اجـروح ..،
وأنا احـسب انك ج ـروح الـ ق ـلب تـ شفيها..،

خ ـليتني كالـ غ ـريق اللي توس ـد لوح ..،
غ ـرقآاآن في مـوية الـ ح ـب وبلآويها ..،

بادلتني في المودة بالجفى والشوح ..،
وانا عطيتك حياتي وكل ما فيها ..،

إن كان مالك في حبي يالغلا مربوح ..،
ريحني ورد روحي لا تشقيها ..،

ومضت هالليلة .. ونامت كل العيون .. وبقت عين هادف .. والريم سهرانه !! كلن يعاني ولحدن درى بحال حبيبه !! هادف يحب بصمت ’’ والريم تحب بصمت !! ولحدن درى بشقى قلبهم وحراته ..

[ بيت بو فلاح ]

أم فلاح يالسه برويحاتها في الصاله .. تقرى قرآآن .. شوي وإلا فلاح نازل من ع الدري ..
حب راس أمه ويلس حذالها يترياها تخلص ..

أم فلاح : صدق الله العظيم..
فلاح : تقبل الله .. صبحج ربيه بالخير يا إميه ..
أم فلاح : صبحك ربيه بالنوور والسرور ياوليدي ..
فلاح : شو أصبحتي عساج مرتاحه .؟
أم فلاح : أحمد الله ياوليدي .. انت شحالك ؟
فلاح : الحمدلله .. أقول العيوز؟
أم فلاح : عيز حيلك يالهرم .. قول
فلاح يضحك : ههه فديت روحج ,, ماشي بس كرشتيه غاديه ديسكوو ..
أم فلاح متروووعه : وابوويه .. أحيده الدسك فالظهر شو يابه كرشتك .. وي ديه

فلاااح شوي وبيموت من الضحك

ام فلاح : وابويه ولديه غدى بغمه .. بلاك أبويه بسم الله ع مخيخك ..
فلاح يلتقط انفاسه يحاول يرمس .. هههه إميه إميه ههه ,, ديسكوو هب دسك ,, بالعربي يووعان ..
أم فلاح : أيواا قول جذا مالت ع ويهك
فلاح : ههه انزين آسف ,,
أم فلاح : هيه توك,,أخبرك وينه هاليعري لا يكون راقد ؟
فلاح : هيه نعم اليعري راقد خخخخ

حمدان نازل : منووو اليعري ان شاء لله ..
أم فلاح : كح كح هلا بالشيخ حمدان ,,
فلاح يغايظه : هلا والله باليعري ..ههههه
حمدان : عنلاتك زاد ,, قم مناك بسلم ع امييه .. ويبوسها ع راسها .. شحالج الغلا ؟
أم فلاح : الحمدلله بخير وسهاله .. انت شحالك ؟ وشو صحتك احين ؟ رقدت عدل أبوويه ؟

حمدان مفجج عيونه مسطل : اميه احين ع أي سوال أجاوب؟؟
أم فلاح تضحك : قم عني.. تعالو يلا تريقو ..
فلاح : هههههه واااااك ماتباك تجاوب ع شي .. يلا يلا القط ويهك وتعال ..
أم فلاح تطالع فلاح بعين .. : الحمدلله والشكر ... يوم انت البجر وجذا ..!!
حمدان : شفتي محد نافعنج غيريه ..
أم فلاح : فديت خشمك انا .. كلكم نافعينيه ,, بس يلا نشو تريقو وخلونا نخطف ع الريم تلاقونها ميته هناك .. غربلات عدوها يوم أقولها ببات عندج تحلف يونه والله ماتباتين .. سواد ويهها جنها عيووز ,,
فلاح : أحسلج يا اميه .. يلست المستشفيات بتعبج .
حمدان : ماعليك منها بنت السباع هاي ,,
أم فلاح : اذكر الله يالهيس ..
حمدان : ههههه عليج حركات انتي ..
أم فلاح تنهدت: وينك يا منصور .. ؟؟
حمدان وفلاح ويا بعض : طاااااااااااااااااااااااااااااااخ ..
أم فلاح : وابويه بلاكم؟؟؟
حمدان : هههههههه أحين نحن مانفعناج راعي الكوره بينفعج ؟؟
أم فلاح : علني فداه ولديه .. ان شاء الله بيخلص هالمعسكر وبيرد وبمليبه عينيه ,


منصور أكبر عن الريم بسنه يعني عمره 19 .. لاعب فنادي العين .. هالصيف عندهم معسكر فألمانيا..وبيتم شهر .. انسان ربشه بس قلبه طيب ..


فلاح اونه زعلان ميود يدين حمدان ويرمسه: حمدان حبيبي قوم سرنا ندوور لنا أم ..
حمدان ماد البوز : هيه والله ثرها إميه إلا لمنصور والريم ..
أم فلاح تضحك : ههه وي دي يا عياليه..ترانيه إلا أسولف وياكم ,, ولا كلكم سوى عنديه ,, وما أبدي واحد ع الثاني ..
فلاح : فديتج يا اميه ثرنا إلا نسولف ههه ..
حمدان : احم احم انا واثق أصلن إني شيخهم بعيونج ..
أم فلاح : تعالو ورايه أخير .. مادريبها الخقه من وين يايبينها ؟
حمدان يتحرطم : منج إلا .. من وين بنيبها يعني ههه
أم فلاح : سود الله ويهك ..
فلاح : حمداان إإإربع إإربع صووب المنظره .. ويهك غدى صخامه ههههههههههه

أم فلاح هزت راسها وروحت ,,

حمدان : بييك يالهرم .. وربع صوبه ههه

المهم عربانا تريقوو وغبشو صوب الريم في المستشفى .. وهم واصلين تلاقو ويا عيال عمتهم .. طبعا حمدان من شاف اسما .. قلبه طاح فبطنه .. واسما ولا ع البال .. لانها ماكانت تحس بأي شعور تجاهه ..
الحريم سلمن ع بعض .. والشباب بعد .. وعقب ساروا الشباب صوب هادف والحريم صوب الريم ..

غرفة الريم [ مستشفى توام ]

دخلت ام فلاح وأم غيث .. وأسوم أونها تبا تفاجيء الريم .. وتمت برع ,,

أم فلاح وأم غيث : السلام عليكم ..
الريم : وعليكم السلام ورحمة الله .. مرحبا مرحبا ..
أم فلاح : مرحبابج مليار يا بنيتي ، شو صحتج ؟
الريم : الحمدلله بخير ونعمه ومن جداج ؟
أم فلاح :عساه حالن مديم .. الحمدلله يابنيتي ..
الريم : عموتي شحالج ؟
أم غيث: الحمدلله يابنيتي نرقبج تظهرين وتفتكين من هالدختر وبلاويه ..
الريم : ههه ان شاء الله .. عيل وين أسوم . والله زعلانه منها امرره ماتتخبر ..
أسوم تدخل : فدييييت قلبها الزعلانه هههه
الريم : أسووووووووم انتي هني ..
أسوم : لالا هناك .. بظهر بظهر ..ههه
الريم : عنلاتج تعالي يالخبله ..هههههه
أسووم : ييت يا العاقله ..هههه

تيي اسوم صوب الريم وتلوي عليها ..

أسوم : يالدبه ولهت عليج .. مصختيها ..
الريم : مي تو يالخايسه .. ههه
أسوم : ههه نظيفه انتي .. الحمدلله ع سلامتج ..
الريم : الله يسلمج أسوم .. والله كبرتي!!
أسوم:لالا .. صدق ؟؟
الريم : ههه هيه غديتي عيوز ..
أسوم: عيز حيلج يالهيسه..
الريم:الهيس ريلج خخخخ
اسوم:احم احم حدوودج.
الريم : تقبضي هههه ..

أم فلاح وأم غيث يضحكن ع خبالهن ..

الريم فجأه صرخت : أسوووووووووووووووووووم
اسوم تروعت : شوه يالخبله روعتيني ..عنلاتج ..
الريم : هههه جنه نحن ثنويه عامه وخلصنا امتحانات من 3 أيام ..
أسوم : هيه جنا .. بس ناس ع طووول راحو يأجزوون فالمستشفيات خربو علينا فرحتنا ههه
الريم يونه زعلانه : ماعليه يالدبه احين انا أخرب عليج ..
أسوم : هههه أسولف ..
الريم : نقعي ..
أسوم : اوكي بس وين ..؟؟
الريم تحرك حياتها : فاقرب درام هههه
أسوم : سواد ويهج يالخايسه ههه ..
الريم : خل عنج ماطلعو نتايج السيبا عنلاتهم ؟
أسوم : لا والله . قسم بالله يقهروون .. اخبرج خل يولون من زين الدرجات يعني ..
الريم : والله حرام عليهم قلبيه فبطنيه هب حاسين فينا ..
أسوم : الحياه حلووه هههه ...
الريم /: قسم بالله انج بااااااارده ..
أسوم : كح كح والله اني متروعه من النتايج بس اوني اكابر خخخ ..
أم فلاح : ماعليكن يا بنياتي ان شاء الله انتن قدها وبتنجحن ..
أم غيث : هيه نعم .. والفال فيكن مايخيب ..

عاد الريم وأسوم مايحتاي .. يدورن اشاره يختقن ..

الريم : هيه هيه أكيد .. فديتنا دوم للعليا ..
أسوم تساسر ريموه : تقبضي هب جنا راسبات فالتقويم ..ههههه
الريم كاااااااااااااااااك .. تضحك ..
أم فلاح : وي دي يا بنيتي شيااج ؟

الريم هب قادره ترمس ..تضحك

أم فلاح : وابويه عليج .. أسوم شقلتيلها ؟؟؟..
أسوم ببراءه : مادريبها خالووه هيه جيه خبله ماتعرفينها ..
الريم : يالبرااااااااءه هههه ..
أسوم : جب جب هههه ..
ويلسن البنيات سوالف وضحك وحليلهن من متى ما استانسن.,.كله فالمستشفيات ..
والحريم ع صوب يسولفن ..

وعند الشباب فغرفة هادف .. حمدان ناقع ضحك ع شكل هادف .. الشباب طاحو عليه طيحه ضحك ومصخره .. وهاادف متفتف بالقوو ..ومحررج

حمدان يضحك : لالا بخبركم .. هاك اليوم سايرين المول وشالين ويانا منصور .. عاد منصور بالمصخره تعرفونه .. يعرف ان هادف مايداني يجبل صوب البنات لي فالمول .. جان تخطف وحده حذالنا .. جنها ظاهره من مصبغه هههه ..ويالسه تطالع منصور ... عااد منصور ماصدق .. يطالعني وويطالع هادف اللي مب منتبه ويضحك .. جاان يسير صوبها .. اونه مرحبا .. عقب قالها تشوفين هذاك يبغيج .. وع فكره تراه بالفلوس مبخبخ ..ووحليلها هي ماتصدق من شيفتها امبين .. جاان يأشرلي منصور عسب أيي صوبه .. يوم سرت .. قال لها عليج به .. ويلسنا نراقب الحدث هههه ..والاخ كان سرحان أول ما يلست حذاله قالت مرحبا .. المينوون قال اعوووذ بالله بصوت عالي .. البنيه شرردت ههههههههههههههههه

الشباب نقعوو ضحك .. وهادف يتوعد لحمدان .

هادف : والله شسويبه اخوك الخريش .. وعاد اللي اختارها لي ما تقصر !!عنبووها ماخلت لون ماحطته عويهها ويايتني رازه بالويه . عاد انا امبوني سرحان هههه ..
فلاح : هههههه والله منصور عجيب ..غيث شكلنا بنشله ويانا عسب يلعب ع سعوود ههه ..
غيث : والله يباله الهرم هههه ..

هادف : حمداني تحيد سواف يوم اإإنا نشله ويانا المول هههه ..
حمداان نقع ضحك : هههههههههههههه دخيلك لا تتخبر...
فلاح : منوو سواف .؟؟. لا يكون لي مايعرف بالمغازل موول ههه..
هااادف : علييييييك ليتات هوو ههههه .
فلاح : عنلاتكم شو سويتوبه ..؟؟
حمدان ناقع ضحك ..

هادف: هاك اليوم سرناله قلناله بتسير المول ؟ قال مافيني .. قلناله دخيلك الليله بس ..
جان يقول اوكي .. يوم وصلنا هناك .. قال له حمدان شرايك بهاييج ... غرام هاا ؟
جان يقول سواف ماشي حالها .. ههه .. جان نقول له عليك بها .. عاد تعرفونه هو ما يعرف بالمغازل .. رااح صوبهاا وفيدينه الرقم . ويتحرقص جنه حد بيخطبه ..
الشباب كلهم : هههههههههههه ناقعين ضحك ...

غيث : وبعدين شو سوا هالديايه .. هههه
هادف : هههه راح صوبها يود ايدينها ... حط الرقم قال حلفت عليج تاخذينه وشرد
الكل : هههههههههههههههههههههههههههههههههههههه
وتمو الشباب ضحك وسوالف ..

حمدان عقب ما التقط انفاسه عقب هالضحك .. : انزين عيل شباب بنسير عنكم ..
هادف : وين وين يالسين ..
فلاح : ماعليه يا هادف .. بنردلك و بنخرشبك ههه .. بس بنسير صوب الريم ..
هادف ابتسم غصب : آها .. حيكم ..
حمدان : وبك حي .. يلا عيل تامرنا بشي ..
هادف : مايامر عليك عدو ولا ظالم ..
حمدان وفلاح : يلا عيل الشيوخ فداعة الله ..
غيث وهادف : الرب حافظ ..

وظهرو الشباب صوب ختهم وقبلها خطفو ع الدكتور يتخبرونه عن حالة الريم ..

حمدان وفلاح : السلام عليكم ..
الدكتور : وعليكم السلام .. اهلا اهلا ..
فلاح : هلابك زود الشيخ .. شحالك ؟
الدكتور: .. نحمد ربنا .. انتو ازيكو ؟
فلاح وحمدان : الحمدلله بخير ونعمه ..
الدكتور : الحمدلله ..
فلاح : دكتور بغينا نتخبرك عن صحة المريضه الريم ..
الدكتور : الريم صحتها كويسه .. الحمدلله أحسن من الأول ..
فلاح مستانس : يعني تقدر تظهر اليوم ..
الدكتور : أيوا أكيد . . أصلي دي الوقت كنت رايح عندها اخبرها ..
فلاح : حيك والله .. اكيد بتستانس ..
الدكتور : لحظه هكتبلكو ورقة الخروج ..
فلاح : خذ راحتك ..

فلاح وحمدان مستانسين .. راحو صوب الريم .. وحمدان الخريش من خباله ووناسته نسى يدق الباب .. ونسى أصلن ان بنت عمته وعمته داخل ..

يا يربع وفج الباب : ريمووووووووووووووه ...
الكل لف صوب الباب ..واللي كانت ع الوايهه أسوم ..

أسوم من الربكه ماعرفت شتسوي . . بغت تتغشا ماعرفت . ارتبكت .. تم يطالعها بدون مايحس .. والكل يطالعهم ومستغرب .. عقب أسوم .. انتبهت تغشت وسارت صوب أمها .. ودخل فلاح دح حمدان ع ظهره .. حمدان انتبه : اوه سمحولي ,, وو .. والله ماقصدت ..آسف ..
وظهر من الحجره وويهه قافط ..

فلاح : السلام عليكم ..
الكل : وعليكم السلام ورحمة الله ..
فلاح سار صوب اخته سلم عليها .. عقب قالها : ريموه عندي لج بشاره ؟
الريم تطالعه تترياه يرمس ...
فلاح يضحك ع شكلها : احم احم .. شوفي هالورقه ..
الريم تفج الورقه .. : الللآآآآآآآآآآآآآآآآآآآآآي وناااسه ...
ام فلاح :خير يابنيتي ..؟؟
الريم : ماماتي رخصنيه الدكتور .. أف أخيراا ..هههه
أم فلاح: فديت قلبج يالريم .. والله البيت بلاج مايسوى ..
فلاح : الله يستر .. البيت بيظلم .. امييه بترخص بسير أشتري ليتات زياده ..هههه
الريم اونها زعلانه : شو تقصد يالدادووه..
فلاح : ههه ماقصد شي ..
الريم صخت عنه وماده البوز ..

فلاح باسها عراسها : فديتج والله متيننين لانج بتردين البيت .. والدليل حمدان .. ههه
الريم : هههه توني فهمت ليش دش جذا .. فديته حمداني ..

الكل تم يضحك ..
فلاح : انزين انا بسير أشووفه هالخبل ههه ...
الريم : انزين ازقره ..
أسوم تقرص الريم ..
الريم تصرخ : آآآآآآآآي يعوور ..
فلاح : بسم الله عليج بلاج ؟
الريم تطالع اسوم : منو غيرها هاي مادريبها شعنه قرصتنيه .. ههههه
أسوم ويهها قفط ..
فلاح بدون قصد قال اسمها : منو أسوم ؟ هههه ..

اسوم ماتت يوم سمعته يقول اسمها .. أسوم كانت تموت ع شي اسمه فلاح .. بس هو ماكان يكن لها أي مشاعر ..

الريم : هيه اسوم منو غيرها ..
فلاح يلس يضحك ..واسوم تتوعد للريم ..

فلاح : انزين عيل انا بترخص .. رتبي امورج وشوي وبييكم ..
الريم : ان شاء الله ..
فلاح : اميييه تامريني ع شي ؟
ام فلاح : سلامة راسك أبويه ..
فلاح : الله يسلمج يالغاليه .. يلا عيل فداعة الرب ..
الكل : الرب حافظ ..

من ظهر فلاح أسوم طلعت حرتها فالريم ..
أسوم تساسر الريم : عنلاتج ليش ترمسين .. لازم الفضايح ..
الريم تضحك : ههههه شسويبج .. ليش تقرصينيه ..
أسوم : والله بتشوفين .. دواج عنديه ..
الريم تضحك ولا معبره ..وأسوم محتره منها .,.

وعند فلاح وحمدان ..

فلاح : شفيك ظهرت يالخبل؟؟ ..
حمدان : لا والله تباني اتم .. والله اني مفتشل ..
فلاح يضحك:هههه انزين عادي تراك هب متعمد ..
حمدان : لا والله..احين شو بيقولون عنيه .. ماشي مذهب داش جيه ..
فلاح : امبونه ماشي مذهب هههه ..
حمدان محررج يطالع فلاح بعين ..
فلاح : انزين آسف خلاص .. قوم يلا سرنا صوب الريم .. تبغيك ..
حمدان محرج : والله ماسير .. سير روحك .. يلا انا رايح فداعة الله ..
فلاح : حمدان تعال شفيك ..
حمدان : اووه زول عني ..
فلاح : حمــ .... !! لكن حمدان ماسواله سالفه وخطف عنه ..
فلاح هز راسه .. وراح صوب هله ,

حمدان ظهر وهو محرج ... وكاره عمره ..
افف صدق اني غبي .. غبي .. مالي ويه أشوف حد أحين ,,
شوي إلا وفلاح داق له ، أوهوو شو يبا هذا بعد .. صدق متفيج ..
حمدان سكر فويهه .. وبند التلفون ’’!!

عند فلاح ,,
هالانسان أبد ما بيعقل ’,’ أنا ساير صوبهم وبزواله هذا..

يدق فلاح باب غرفة الريم ,,
أم فلاح : أقـــرب ..!!
فلاح يدش مبتسم : جرـــيب يالغلا ..
الريم : عيل وين حمدان ؟؟
فلاح : روح البيت .. يقول بيشوفج هناك ,,
الريم حست انه متضايج : آها اوك ,, خلاص بنشوفه هناك ’’
فلاح : ان شاء الله ..روحو قم عمتيه ؟
ام فلاح : هيه توهم ..حليلهم ماقصروا ..
فلاح: ربيه يعطيهم العوافي ’’ها جهزتو؟؟
الريم : أفا عليك اكيد ههه
فلاح : حفزانه اشوفج هههه ..
الريم : إلا ههههه ,,
فلاح : سرينا عيل .. يلا إميه ,,
أم فلاح : يلا ياعيالي ..سرينا

[ غرفة هادف ]

هادف طفران ويبغي يظهر ..
هادف : غيث ياخي سير تخبر الدكتور..والله كرهت عمريه بظهر..
غيث : هادف خلك هني شو وراك ,, أهم شي صحتك ,,
هادف : انزين انا بخير أحين ..
غيث : شو بخير وانت البارحه ظاهر من العنايه ,,
هادف : لحوول .. ربيه صبرنيه ..
غيث ابتسم : يلا ماعليه اصبر يا راجل هنجوزك .. ههههه
هادف يضحك : هههه عنلاتك مابغي اعرس...
غيث : عيني بعينك !!
هادف : جب جب ملييييق انت هههه
غيث يضحك ,,

هادف : امممممـ غيث بغيت أخبرك شي !
غيث : آمرني ؟
هادف : امممـ انا أفكر أسافر ألمانيا أكمل دراسه هالصيف !!
غيث مستغرب: بهالسرعه ؟!!
هادف : هيه نعم ,, ان شاء الله بشوف حمدان .. ومن أظهر بالسلامه بخبر الوالد .
غيث: والله مادري شقولك .. انت أدرى بمصلحتك ..وان شاء الله يستوي لي فيه الخير ..
هادف ابتسم : ان شاء الله ,,

غيث حس إن هادف ما اتخذ هالقرار من فراغ ,, أخوه ويعرفه ,, أكيد في شي خلاه يتخذ هالقرار بسرعه.. بس شو هو مايعرف ..

[ بيت بو فلاح ]

الريم أول ما دخلت البيت صرخت : اللآآآآآآآآآآآآآآآآآآي

أم فلاح : وابويه شو بلاج يابنيتي ..
فلاح : مخترشه تراها هههه ..
الريم : والله أحس من زماان مادخلت البيت ..ههه
فلاح : زخي عمرج إلا هن 3 أيام ..
الريم : ووويهك..عندك 3 ايام عنديه 3 سنين ..
فلاح : روووووووووح يالانتماء ههههه
الريم : يعيش يعيش يعيش هههههه ..
أم فلاح : الحمدلله والشكر .. سيري يابنيتي ارتاحي ..
الريم : ان شاء الله يا أميه .. والله ولهت ع حجرتيه ,,
أم فلاح مبتسمه : يلا يا بنيتي ..

الريم ركبت فوق .. أول ما وصلت حجرتها .. سمعت حس .. موسيقى هاديه ,,
فجت باب الحجره لقت دبدووب عود فوق شبريتها ..
وفوقه كرت مكتووب ..

[ الحمدلله ع السلاآمه دلع ]
[ حمداني ]

الريم فجت حلجها ويلست تطالع ..
عقب ظهرت من حجرتها وسارت تربع غرفة أخوها ..
دقت الباب .. حمدان : إقــــرب !!
الريم : جــــريب ..

ونقزت لوت على اخووها..

الريم :تسلم يالدادوووه والله انيه استانست ..
حمدان : فديتج تستاهلين أكثر.. انتي اختنا الوحيده ..
الريم مبوزه : كان المفروض أنا أييبلك هديه ..
حمدان : منو قالج بعفيج .. لازم تييبين لي هديه ههههه ..
الريم تضحك : دااادوه .. هههه عيل مابييب لك ..
حمدان : ويهج يالهرمه ..ههه

عقب سكتو ..

حمدان : الريم آسف ع الحركه لي صارت اليوم والله اني مفتشل ..
الريم : حبيبي والله عادي .. ندريبك هب متعمد ..
حمدان : أسوم ما قالت شي .؟؟
الريم : له هاي خريش عادي ..
حمدان : صدق ؟؟
الريم : هيه ماعليك منها ..
حمدان : زين عيل..بس اعتذريلها بالنيابه عنيه ..
الريم :فالك طيب .. امممم حمداني شي بخاطرك ؟
حمدان : الريم .. انا وهادف احتمال نسافر ..
الريم مستغربه : شووووووه ؟؟
حمدان : والله انا روحي مستغرب..هادف توه مبند عنيه .. وقالي هالخبر .. وان شاء الله بشاور اميه اليوم وبخبرخوانيه ..
الريم : بس حمدان كيف جــ... !! وقعدت تصيح ..
حمدان : ريماني خل عنج الصياح .. نحن سايرين ندرس ورادين ..
الريم تصيح ..
حمدان : ريمي لا تضيجين بروحج .. وبرمسج دووم لا تحاتين ..
الريم تبتسم غصب: ان شاء الله .. ربيه يوفجكم ..
حمدان : فديتج يالريم .. ان شاء الله ..
الريم : انزين حمداني انا بسر حجرتيه ..
حمدان:اوك ريموه .. أشوفج عقب ..
الريم : ان شاء الله ..

الريم ظهرت من عند حمدان وربعت الحجره تصيح ..

آآخ حمداني كيف البيت من دونك بيكون .. يسد أن منصور محد ..
وهادف .. هادف !! بيروح !! كيف!!
آآآخ يارب صبرني .. ويلست تردد هالأبيات .. ودمعها ع الخد همال :


وا عذاب العين من دمعه تهل تحرق الولهان في ليل(ن)طويل
ويا عذاب القلب من هم(ن) جتل فرحه الاشواق في الجسم النحيل
ساهر(ن) في ليل من عني سأل غارق(ن) في الهم والدمعه تسيل
حسرتي في البعد في صدري جبل ارتجي الاقدار تكتب لي جميل
مركب الافراح عن دربي رحل ومركب الاحسان يا عنا بديل
يا عذاب البعد خذ مني وخل لا تكون نديم في قلبي نزيل
طال همي صار قلبي في ملل كل حياتي هم فرحي مستحيل
تاهت الافكار شيبي قد وصل ضايق(ن) محتار وين القى الدليل
اصتبر لكن في نفسي وجل خايف من البعد يطرحني جتيل
لو حسبت ايام لعذري لي ذبل ما لقيت الفرح في يومي نزيل

لوت الريم ع الدبدوب لي يابه اخوها ويلست تصيح .. وما حست بعمرها إلا وهي راقده ..
شوي إلا وواصلنها مسج .. بس ماحست به .. ورقدت ..
وعند أسوم ..

كانت يالسه وتلعب بشعرها .. وتتذكر فلاح وهو يزقرها ..
جان تبتسم .. آآخ ربيه يوفقك يافلاح .. ويجمعنيه وياك ..
شوي إلا وواصلنها مسج: أول ماقرته !!
فججت عيونها وهي منصدمه .. تمت تطالع مب مصدقه ..وفجأه انهارت بالصياح ..

البارت _ 4 _..


وعند أسوم...كانت يالسه وتلعب بشعرها .. وتتذكر فلاح وهو يزقرها ..
جان تبتسم .. آآخ ربيه يوفقك يافلاح .. ويجمعنيه وياك ..

شوي إلا وواصلنها مسج: أول ماقرته !!
فججت عيونها وهي منصدمه .. تمت تطالع مب مصدقه ..وفجأه انهارت بالصياح ..

أسوم تطالع المسج وهب مصدقه ..تحس عمرها شوي وبتموت ..
تمت تصيح بدون ماتحس وتضحك!!
ههههه بلاني انا استخفيت !!

وتربع اسوووم تزقر أمهاا : .. أمييييييييه أمييييييييييييييه لحقي امييييييييييييه..

غيث كان فحجرته .. يالس ع اللاب..يرتب أمور الشركه..
أول ماسمعها تزاعق ترووع .. وربع صوبها..
وأم غيث.. من الرووع ظهرت ودموعها فعينها .. خايفه عبنتها..

غيث: أسووم بلاج؟ خير شو مستوي؟؟
أم غيث: أسوم يابنيتي بلاج ؟ فيج شي؟ شي يعورج؟

واسوم تصيح وتربع صوب أمها تلوي عليها..

أسوم وهي تصيح ..ولا تضحك ماتعرف: إمييييييييييه نجحت فالسيبا ..
أم غيث: مبرووووووووك مبروووووك يابنيتي تستاهلين..
غيث ومحتار يصفعها ولا يفرحلها: انتي حوه احين شو تبيني اسويبج؟؟
أسوووم ببراءه : ليييييييييييش؟؟
غيث: سويتيلنا مناااحه آخرتها [وهو يقلدها ] إميييه نجحت فالسيباا..
أسوووم تضحك : هههههههههههههه والله مستانسه..
غيث يضحك عليها: ههههه والله انتو يالبنات ماينعرفلكن.. ع كل شي بتصيحن .. باخذلي ريال..
أم غيث::هاااا ؟ شوقلت ؟؟ سواااد ويهك يالهرم...

غيث نااااااقع ضحك..

أسوم: هههه حلووه هااي.
غيث: دخييييييييلج لا تخطبيلي اياها ههههههه
أسوووم: سخييييييف انت ..

غيث فاج ذراعه بمشراعيه هع : تعااالي الوي عليج ..
أسووم بعبط : ليش.؟؟
غيث يتجدم ويلوي عليها: امبوونه الارسال دااون هههه ...مبروووك غناتي..
أسوم بعدها ماستوعبت صح : انزين ليش؟
غيث لاوي بوزه : يوم تستوعبين تعاليليه انا فحجرتيه ..
وروح عنها..
أول ماوصل عند باب حجرته .. صرخت أسووووم ..
أسوم : غييييييييييييييييييييييث احين عرفت ليش. هههههه
غيث: ها بشري ليش؟
أسووم: لانيه نجحت فالسيبا؟
غيث: صباااااااااااااااااااااااح الليل هههه
أسوووم : ويهك ههههه
غيث : من زينج .. يلا خليني اكمل شغليه ابرك..
أسوم:سيير عن يطيح نصك,,

غيث طالعها بعين وسوالها طاف..دخل الحجره ,,
أسوم مب مستوعبه تطالع

أم غيث: ايه يالخبله يلا تحركي شو موقفنج ؟
أسوم فاجه عينها : إميه جنه سكر الباب فويهيه؟
أم غيث: إلا سكره ..!! يلا سيري سيري..وتهزراسها ..
أسوم : هههههه انزين يلا بسير أشوف ريمان ..
أم غيث: سيري يا بنيتي .. وانا بسير صوب أخوج عسب يوديني عند هادف..
أسوم: اميه بيي وياج ..
أم غيث: يلا انقفضي عيل..
أسوم : ان شاء الله ..يلا ثواني..

عند الريم..


الريم راقده ولا عليها.. ولا تدري وين الله حاطها.. شوي إلا وأسوم داقتلها ..
الريم تشل الفون وهب حاسه بعمرها .. طالعته وردت ترقد ..
أسوم: اففف هاي وينها ..يبالها لعان ..
وترد أسوم تدق للريم ..
الريم شلت الفون وردت عليه وهي دهمانه : همممممـ
أسوم :ريمووووووووه الخايسه بسج رقاد خستي..
الريم بعبط هب مستوعبه : جذابه والله ماشم ريحه ,,
أسوم تضحك :ههههههه شكلج صدق مسطله .. ريمووه نشي..
الريم: انزين انزين احين بسير أتسبح فكينا ..مادل من ووين تشمين
أسووووم تصرخ: ريمووووووووووووووه يالخبله ظهروا نتايج السيبا ..
الريم تفزت : حلللللللللللللللفي..
أسووووم : صباح الليل ..
الريم : ويت ويت .. عيدي شقلتي..
أسوم وهي طفرانه بتذبح الريم : ظهروو .. نتايج .. السيبا .. اف اف اف
الريم : وانتي شدراج ؟
اسوم : طرشووولي مسج ماطرشولج ؟
الريم : شدراني انا راقده .. الله ياخذ عدوج شعنه ماخبرتينيه ..ويت ويت بشوف..
أسوم : اوك يلا فكينا..

الريم تفج المسج وهي متروعه .. أول مافجته غمضت عيونها ..من الخوف
وتسمع اسوم تصارخ :يلااااااااااااااااا
الريم : جب انتي والله متروعه أقراه
أسوم : الله لا يبلاني ..
الريم : خلاص خلاص أحين بقراه ..
أسوم :يلا عاد ريموه مصختيها..
الريم : اسوووووووووووووووووووووووووووووووووووم نجحت ..
اسوم : عنلاااتج كيف ؟
الريم : اصلا امبونه السيبا سهل انتو شعنه خايفين ..
اسوم لاويه بوزها : طاع منوووو يرمس ..
الريم : هههههه ..وبعدين شو كيف.. ترانيه نجحت ..
أسوم : هههه استهبل..انزين اخبرج انا نجحت ..
الريم: ادري..
أسوم :كيف دريتي..
الريم:مدري يمكن لاني انا ناجحه ههههه ...
أسوم لاويه بوزها : الله يعين ريلج ع خفة دمج الزايده ..
الريم : هههههههههههه حليله متحرقص يخافني ارفضه ..
اسوم : ههههه ويهج .. صدق الثقه انوااع ..
الريم : هههه انزين يالهرمه باجي القبول والنسبه الله يستر ..
أسوم : هيه والله .. الله يستر النتايج باجر ...
الريم : أووويه بمووت من الروووع ..
أسوم ببرود: تيكيت إيزي ..
الريم : ياااااااااااااربي باااااااارده انتي بذبحج ..
اسوم تضحك ع خبال ريموه : ههههههههه انزين زولي عني بسير صوب هادف ..
الريم انقبض قلبها : آها..خلاص برايج انا بسير أبشر إميه ..
أسوم : ااوووك عيل دبووه فداعة الله .
الريم : الرب حافظ غناتي ..

الريم نشت ويلست تطالع الدبدوب .. تذكرت سفر أخوها وولد عمتها ..
آآه .. تنهدت الريم ونشت سارت تتسبح .. عقب ظهرت فلت شعرها .. ويلست جدام المنظره تفكر ..

وصلك مثل غيم الربيع استخيله
وانا على باب المحبة رجاوي

حاولت قربك ما لقيت الوسيله
انا اشهد اني بالمحبة شقاوي

مالي على ما يجري اليوم حيلة
ولاني على بعد المحبين قاوي

يآرب .. يآرب لي متى بتم كاتمه هالحب !! آآخ إنا بديت أنهار ولا حد حاس فيني !! حتى أسوم !! حتى أسوم ماقدر أبوح لها بهالشي !! وكيف أقولها هالشي ؟ أقولها انا احب أخوج !! آآآخ كم بتحمل كم !! ربيه يحفظك ياخوي وين ما كنت ويحفظك ياهادف .. ويردكم بالسلامه ,,تندهت الريم .. لفت شعرها .. وظهرت من الحجره .. تدور أمها

الريم تزقر أمها : إميه .. إميه ..
أم فلاح : ها إميه .. تعالي انا هني فالصاله ..
الريم : صبحج ربيه بالخير يا اميه ..
أم فلاح : صبحج ربج بالنور والسرور ..
الريم : شحالج يا اميه ؟
أم فلاح : الحمدلله انتي شحالج ؟
الريم مبتسمه : الحمدلله يا اميه .. عنديه لج بشاره ..
ام فلاح مبتسمه : وصلتج .. يلا بشرينا ؟
الريم : احم احم نجحت فالسيبا ..
أم فلاح مستانسه تلوي ع بنتها : مبروووك مبروووك يا بنيتي ,,
الريم مستانسه : الله يبارك فيج يا اميه ..
أم فلاح : يلا عقبال ما نفرح بالنسبه ..
الريم : ان شاء الله .. ان شاء الله يا امييه ..

حمدان ايي من ورا الريم ويلوي عليها : مبرووووووك ,,
الريم تروعت : هههه انت من وين ييت ؟؟..
حمدان : المصباح السحري ههه ,.,
الريم : احلف انت بس هههه ..
حمدان : ها بشري اسوم نجحت ؟
الريم : أفا عليك .. دامنيه ناجحه أكيد ذيلي بينجح خخخخ
حمدان : ذيلج ها هههه .,
أم فلاح : ربيه يوفجكم ان شاء الله ...
الكل : ان شاء الله يارب ..

عند هادف ..

أم غيث : ها يا وليدي متى بيرخصونك ؟؟..
أسوم : هيه والله متى بيرخصونك .. هب حلو البيت من دونك وربي,,
هادف : علنيه فداكم ,, جريب جريب ..
أسوم : ربيه يصبرنا لهاليوم الجريب ههه ..
هادف : ههههه ان شاء الله ..
وقعدوا عربانا يسولفون .. بس امبينهم فكر شارد ..

هادف سرحان ويفكر بالريم .. يفكر بردة فعلها لو درت انه بسافر ؟؟
بتفرح .. بتحزن .. ولا شعورها بيكون عادي .. آآخ

قلبي معك لو كان جسمي مع الناس
ماغاب طيفك عن خيالي دقيقه
اجلس بوسط الناس سارح بهوجاس
لافي يدي حيله ولافيه طريقه
حبك بوسط القلب مبني على ساس
وان قلت اموت بشوفتك هي الحقيقه

أحبج يا الريم .. أحبج .. بس ليتج تحسين ..

أم غيث : هادف .. هادف .. وين شارد؟؟ ..
أسوم : لالا الريال رايح فيها هههه
أم غيث : وي دي بلاه أخوج مايرد ..؟
أسوم صبري انا براويج فيه .. وتصرخ : هااااااااااااااااااااااااااااااااااااااااااااااااا اااااادف
هادف نقز : يعععععععلج الروع ياربيه .. بلاج انتي ؟
أسوم تضحك ولا همها : ههههه متعذب انت .. بمنو تفكر من الصبح نزقرك ..
هادف : متى زقرتيني انتي وويهج ..
أم غيث: يا ولديه من متى وانا أزقرك وانت هب نشاد ..
هادف : سمحيليه يا اميه ماسمعتج ..
أم غيث : بالحل يا ولديه .. فيك شي غناتي ؟
هادف مبتسم : لا يا إميه لا تحاتين ..
أم غيث : علنيه فداك يا هادف ..
أسوم : احم احم نحن هنا ولا الحب كله لهدوووف الدب ..
هادف يضحك غصب : ههه
ام غيث : صه صه .. قطعيها الرمسه ..
أسوم يونه زعلانه : انشالله يا ام هادف ..
هادف : ام هادف مره وحده .. وينه غيث عنج ههه ..
أسوم : جب يا دلوع امك ماحبك ..
هادف : هيه ما تحبيني ,, عيل منو حاشرنيه متى بيرخصونك ...
اسوم تضحك : هههه الثقه انوااع ..

ام غيث : انزين عيل يا وليدي نحن بنترخص احين ..
هادف : وين يا اميه ماشبعت منكم ..
أم غيث : ماعليه يا وليدي .. أحين أبوك وغيث بيردون من الدوام .. ويباليه ازهب الغدا .. تعرفهم ما يدانون حط يطبخ غيريه ..

هادف : هيه نعم أدريبهم .. والله انيه ولهان ع طباخج .. عفت أكل المستشفى هاا ..
أم غيث : علني فداك .. امرره ما طلبت . من يزهب الغدا ,, تراه عندك ..
هادف : تسلم اناملج الغلا ..
أم غيث : انزين عيل ,,, يلا يا أبويه وهله هله بعمرك ..
هادف : ان شالله يا اميه ..
أسوم : يلا يالدلوع سي يا ,,
هادف : ههه يلا يالغياره ..
أسوم :هههه ..
أم غيث واسوم : فداعة الله ..
هادف : الرب حافظ ..

بو غيث وولده غيث ظاهرين من الدوام ..

بوغيث: يا بويه انا بسير صوب اخوك ماشفته البارحه .. غربلات هالشغل ,,
غيث : تبغيني ارابعك الوالد ؟
بوغيث : لا مايحتاي يا ابويه .. سير انت صوب امك وقولها ما بتأخر عن تحاتي ..
غيث : ان شالله يا بويه ..
بو غيث : بارك الله فيك .. يلا فداعة الرب .,
غيث : فداعة الرحمن ..

[ مستشفى توام ] غرفة هادف

هادف كان واقف صوب الدريشه يناظر البلاد ..
يقطع تفكره صوت الباب وهو يندق

هادف : تفضل ..
بو غيث يدخل : زااد فضلك يا ابويه ..
هادف ساير صوب ابوه يوايهه : مرحبا مرحبا مليوون شحالك أبويه ؟
بوغيث: الحمدلله يا ولديه .. انت شحالك ؟
هادف: الحمدلله يا بويه .. اقرب اقرب ..
بو غيث : جريب يابويه ..يلا شد حيلك نباك تظهر سالم باذن الله ..
هادف : أفا عليك يا ابوويه .. احم احم جنك تبغي تحرق المفاجئه ههه
بوغيث : أي مفاجئه يا ابوويه ؟
هادف : الدكتور توه ظاهر من عنديه .. يقول بيرخصونيه باجر باذن الله ..
بوغيث: حييييييك والله .. زين سووا .. بتفتك من ريحة الدخاتر هههه ..
هادف : ع العوق ها هههه ..
بو غيث: عيل ببشر أمك ..
هادف : لالالالا .. أبغيها مفاجئه يا ابويه لا تخبرهم ولاشي ..
بوغيث : ههه ان شالله من عيوني .
هادف : ههه ربيه يحفظك لي ان شالله ..
بو غيث: آآمين ..

هادف متررد : اممممـ أبويه بغيت أخبرك شي ..
بوغيث: خير يا ولديه ؟
هادف : انا وحمدان عزمنا نسافر نكمل دراسه هالصيف..
بوغيث: حيكم والله .. زين تسوون ..
هادف: يعني ماعندك مانع ..
بوغيث مبتسم : لا يا وليدي .. صح انكم مستعيلين شوي ,, بس هب مشكله دامكم قررتو هالشي وسايرين تدرسون .. امرره ماعنديه مانع ..
هادف: تسلم يا أبوويه ..
بو غيث: يسلمك الرب يا هادف ,, ان شالله تسيرون وترجعون لنا بالشهاده لي نفخر بها وترفعون راس بلادكم ..وربيه يوفجكم ..
هادف : ان شالله يا بويه .. وظنك فينا بإذن الواحد الاحد مايخيب ..
بو غيث : ان شالله .. يلا عيل يا ولديه بترخص عنك ,., وان شالله نشوفك باجر تضوي البيت ..
هادف مبتسم : احم احم عقب بصدق عمريه ..
بوغيث: صدق شو وراك ههه ..
هادف يضحك ..

بوغيث: يلا عيل يا ولديه ..مع السلامه ..
هادف : ربيه يسلمك .. فداعة الله ..

[ غرفــة الــريم ]

الريم منسدحه ع الشبريه وداقه سوالف ويا اسوم..

الريم : ههههههههههههههه والله انج .. بتشوفين يالخايسه ..
أسوم: عاد انتي النظيفه يلا منااك .ههههه
الريم : أقووولج أحين صدق باجر النتايج .. والله هب مصدقه ..
أسوم : انتي مصريه ما ينخاف عليج عاادي ..
الريم : اسووم .. سوال سوال .. انتي من وين يايبه هالبرود ؟
أسوم ناقعه ضحك : هههههههههههه بعد ربج ..
الريم : انا بمووت من الروع وانتي عادي عندج .. ليتني شراتج هههه ..
أسوم : افا عليج تعالي بعلمج ..
الريم : لالالالالا دخيلج انتي .. عاد منو يعلم منوو .. ههههه
أسوم : انتي الخسراانه هههه ...
الريم : وافتخر ..
أسوم :ع تفتخرين إلا ..
الريم : سيلاااانيه تراج ..
أسوم :قوولي والله ..
الريم : عيييب مايحلفوون هههه ..
أسوم : منو قال عيب ..
الريم : مادل هم جيه يقولون ..
أسوم : هههه خبله انتي ..
الريم : سئليني منو مرابعه بتعرفين ليش انا خبله .. هههه
أسوم بعدها هب مستوعبه : ليش يعني ؟ انتي منو مرابعه ..؟؟
الريم ناقعه ضحك: الارسال دااااااون نسينا ههههه
أسوم : لالا صدق ريموه ماحيدج مرابعه حد غيري ..
الريم : هههههه أسوم غناتي انا ببند عنج يوم تستوعبين دقيلي ..
أسوم : تعالي يالخايسه صدق منو مرابعه ..؟؟
الريم : بآآي بآآي هههه
أسوم : ريييييييييي ..... !!

لكن الريم بندت فويهها وهي ناقعه ضحك ..

أسوم محررررجه: عنلاتها الهرمه بندت فويهيه .. بتشووووف..
لحظه لحظه .. هاي شقصدها ؟؟
أصلن ريماني مب مرابعه حد غيري .. كل اللي مرابعتهم طماشه ههه ..
شوي إلا وهي فاجه عيووونها ...
صرخت: النذلــــــــــــــــــــــــــــــــــــــه توووووني فهمت قصدها ...

وبسررعه تدق حق الريم ..

الريم أول ماشافت رقم أسوم نقعت ضحك : هههههه شكله الارسال وصل ,,,
الريم : مررررحبا ,,,
أسوم : يااااااااااااااااااالنذله فهمت احين ..
الريم : ها بشري هههههه
أسوم : قصدج انا خبللللله ؟؟
الريم : علييييييييج ليتات هههه
اسوم : بتشووووووووووووفين يالهرمه والله ثم واللــ ......
الريم تقاطعها : اسوم اسوم سمعتي صوت قطار الامارات اليديد ؟؟
اسوم بعبط : لا ماسمعته ..
الريم : عيل سمعيه ..

وتسكر الخط ع ويهها ..

أسوم تسمع : طوووط طوووط طوووط طوووط .
هاي شو قصدها.. والله بتشوووف ..
نزلت أسوم تحت وهي محررجه ..

غيث: بلاج الشيخه محررجه ..؟
أسوم : غيث غيث .. بالله عليك الامارات فيها قطار ..؟
غيث: حووه انتي صاحيه .,
أسوم : هاي ريموه كنت ارمسها جان تقولي سمعتي صوت قطار الامارات اليديد ..
غيث : انزين وعقب ,,
اسوم :عقب قلتلها لا .. جان تقول عيل سمعيه ,, وبندت فويهيه ..
غيث نقع ضحك : هههههههههههههههههههههههههههه
اسوم محررجه : بلاك انت بعد ؟؟
غيث: الريم عجيبه الصراحه ... هههه
اسوم : لييييييييييييش؟؟
غيث: اسوم حبيبتي يوم الريم بندت ماسمعتي صوت يقولج طووط طووط طوووط..
اسوم : امبلا سمعت ..
غيث : هذا هو صوت قطار الامارات ..هههههههه
اسوم توها بدت تستوعب : عنلااااااااااتهاا والله بتشووف ..

وتربع اسوووم فوق تدق حق ريموه ..تناقرها ههه

غيث يهز راسه : هههه يالله بعقل ..



الثلاثاء | 3 – 6 – 2008 م |
نتايج الثانويه العامه

البلاد كلها محتشره.. النتايج ظهرت .. حد حزن .. حد فرح .. حد الحال معه مايفرق .. الكل مرتبش.. الاغلبيه موااصلين يحاتون النتايج وخاصتن البنات ههه ..

الريم : اسووم والله اني مترووعه اليوم النتايج ..
اسوم : عادي عادي.
الريم محررجه : اسووووووم والله بكفخج تراني ..
اسوم ولا ع البال : هههههههههههه انزين عرفنا اليوم النتايج ..
الريم : اففف يلا أبغي اسير اشوف نتيجتيه..
اسووم : سيري من احين .. عنبوو غابشه من الفير ..
الريم : جب جب والله مترووعه انتي هب حاسه ..والله بطني يعورنيه ..
اسوم: ههههه مسكين حالج ..
الريم : زوووولي عني بكفخج ..
اسوم تضحك : ههههههههههههه
الريم حرجت : افففففف منج ..وبندت فويهها ..
اسوم : هههههه طاع الخايسه بندت والله براويها ..

الريم من الساعه 6 وهي زاهبه من يت الساعه 7 ررررربعت شلت عبااتها وركيييييض عالمدرسه..

ولا أسوم ردت ترقد .. أمها تدق الباب : أسوم .. أسوم نشي ..اليوم النتايج..
أسوم : امييييييه ابغي ارقد لاحقه والله لاحقه
ام غيث: يلا يا ابنيتي خلصينا.. الكل محتشر وصاحبة الشان هب هامنها..
اسوم : ياربي.ان شالله ان شالله احين ناشه...

نشت اسووم تتسحب.. تسبحت ورتبت اموورها وظهرت .. ويا الدريول المدرسه تشوف نتيجتها...

في المدرسه

الكل محتشر .. الاداره ممزوره بنات ومعلمات ... اللي تصيح واللي تصارخ واللي مرتبشه .. واللي يالله يالله تفج عيونها..

الريم : افف وين اسوم اكيد بعدها راقده ومايت .. انا بسير أشوف نتيجتيه..

دخلت الريم .. شافت المكان ممزور بنات .. تمت شوي.. لين غايته!!
عطتهم اسمها والصف وقلبها فبطنها ..
المعلمه : مبروووك يالريم .. وعقبال الجمعه ان شالله..
الريم متروعه : الله يبارك فيج ان شالله ..والله اني متروعه.
المعلمه مبتسمه : افا عليج .. نسبتج 90 %
الريم فاجه عينها وهب مصدقه : حلفيييييي؟؟
المعلمه تضحك : ههه يمكن اجذب..
الريم ويهها قافط: لالا محشومه ..مشكووره أبله ماتقصرين ..
المعلمه : العفو يالريم..
الريم تطالع نتيجتها وهب مصدقه .. شوي وتمت تصيح ..

ولا عند اسوم .. وصلت وع طول قعدت تتنقد ع اشكال البنات وهن متروعات ..
يلست تدور الريم ما لقتها.. اوهووو هاي اكيد ردت البيت .. مصريه ههه..

دخلت عند المعلمه : مرحبا الساع شحالج ابله..؟
المعلمه : الحمدلله ومن جداج؟
اسوم :الحمدلله ..ممكن نتيجتيه؟
المعلمه :اكيد.. نسبتج 82 %
اسوم : الله حييييييهاا..طلعت شاطره وانا ماعرف ههه ..
المعلمه : مبروك يا أسما..
أسوم: الله يبارك فحياتج..

وروحت اسوم البيت تبشرهم .. وهي مستانسه ..

أول مادخلت البيت فجت حلجها ..

اسوم:هااااااااااااااااااااااااااااااادف!!!

هاادف : مررحبا مرررحبا بشررررري..

اسوم : انت كيف ييت هني..
هادف: بريووولي هههه مسولكم مفاجئه..
اسوم تربع صوبه : علني فداك ..اشهد ان البيت نوور..
هادف: النور نوورج..

ام غيث: ها بشري شو النتيجه ..؟؟
اسوم متفيجه تتنقد ع البنات : ههه والله لو تشوفون اشكال البنات..تقول بييهن اعصار هههه
غيث: يالمتفيجه عقب تنقدي ..احين بشرينا..
اسوم هي وارسالها الضعيف: بشو ابشركم ؟
غيث: اسوووووووووووم كم نسبتج..؟؟
اسوم تروعت : ها .. شسمه 82 والله 82
هادف ضحك ع شكل اخته : ههههه مبرووووك مبروووك
غيث: الف مبرووووووك..
ام غيث تلوي ع بنتها : مبرووووك غناتي ,,
اسوم : الله يبارك فيكم يارب.. وين الهدايا هههه
هادف ع طووول ماشي تفاهم .. ههه ..

وعند الريم ..

الريم داشه البيت تربع تزقر امها ..امييييييييه اميييييييييه

حمدان يربع صوبها :ها بشري ..
الريم : حمدااااني يبت 90 %
حمداان يلوي عليها: مبروووووك ريماني تستاهلين أكثر والله فرحتينيه..
الريم : الله يبارك فيك ان شالله ..
أم فلاح يايه من بعيد : ها يا بنيتي بشري ..
الريم تربع صوب امها : اميييه 90 . 90 ...
أم فلاح تلوي ع بنتها وتصيح : مبرووك يابنيتي مبروووك ألف مبروووك..
الريم تصيح : الله يبارك فيج يا امييه .اميه بسير عند اسوم ماشفتها.
وترمس حمدان : حمدااني دخيلك ودني عند اسوم ماشفتها وتلفونها مبند ..
أم فلاح : ماعليه سيريلها يابنيتي ..
حمدان: اوكي يلا ..
الريم : يلا سرينا..


حمدان وصل الريم بيت عمتها ووظهر ..

الريم من الفرحه دشت البيت وهب متغشيه تصارخ : اسوووووووم ووووينج يبت 90 يبت 90 ..

فجأه صرخت : هاااااااادف!!؟؟؟؟

لمني بشوق واحضني ..غرقني فبحر عينك
نسيني الالم كله تقرب والعتب خله
اغسل كل شقى سنيني..وامسح دمعتي بعيني
تراها جرحت جفني!
لمني بشوق واحضني ..سكن رجفة ظلوعي
كل خوفي من رجوعي
ولاتطري سنين الظيم ..ذكر فرقاك يرعبني
ولي لمني دفا حضنك وغفت عيني على صدرك
احلفك لا توقظني احلفك لاتوقظني

البارت _5_

حمدان وصل الريم بيت عمتها ووظهر ..

الريم من الفرحه دشت البيت وهب متغشيه تصارخ : اسوووووووم ووووينج يبت 90 يبت 90 ..

فجأه صرخت : هاااااااادف!!؟؟؟؟


لمني بشوق واحضني ..عرقني فبحر عينك
نسيني الالم كله تقرب والعتب خله
اغسل كل شقى سنيني..وامسح دمعتي بعيني
تراها جرحت جفني!
لمني بشوق واحضني ..سكن رجفة ظلوعي
كل خوفي من رجوعي
ولاتطري سنين الظيم ..ذكر فرقاك يرعبني
ولي لمني دفا حضنك وغفت عيني على صدرك
احلفك لا توقظني احلفك لاتوقظني

هادف كان روحه فالصاله يطالع التلفزيون .. أول ما شاف الريم ..فج عيونه ..
هادف على طول وقف .. هب مصدق .. الريم ؟؟؟
قعد يطالعها بدون مايحس .. نسى عمره .. نسى العالم .. نسى الكون لي يضمه ..
وبقى فعالم الريم .. الريم اللي خذت كل حياته ., وملكت كيانه ..

الريم تطالع هادف .. ماعرفت شتسوي .. ماقدرت تتحرك .. تبغي تحرك يدينها تتغشى ... تسوي شي .. بس هب قادره .. تبغي تظهر من البيت هب قادره .. تبغي تتحرك صوب أسوم هب قادره .. تحس ان أطرافها يبست .. تحس انها انشلت !!

قعدووا ع هالحال وولا واحد فيهم اتحرك !!

الريم انتبهت لوضعها ..

الريم مرتبكه : إســ . إسمـ ... محليه .. فداعة الله ..

الريم وهي ظاهره واصله عند الباب .. إيي هادف بدون مايحس زخها من يدينها ..
الريم لفت صوبه ويت عينها بعينه..هادف وهو يطالع عيون الريم الل تغشاها الدموع : مبروك يالريم ..

الريم ودمعتها ع خدها .. : الله يبارك فيك ..

و ع طول سحبت يدينها وراحت تربع برررع وهي تصيح ..
ماعرفت شتسوي .. تدق حق أسوم تخبرها انها هني ؟؟ لالا أنا شو بقول حق اسوم .. وكيف ادش بيتهم عقب الموقف لي صار.. آخ ماشي إلا أدق حق حمدان .. اكيد بعده جريب ..
لالا شو بيقول .. ليش ماسرت عند اسوم .. ليش رديت بسرعه !! آآخ

يلست الريم صوب الخيمه برع وهي تصيح .. ع طول دقت حق حمدان

الريم تحاول تخفي صوتها الدامي : ألو
حمدان : هلا ريماني..
الريم : تعال خذنيه ..
حمدان : بسم الله توج واصله ..
الريم ماتعرف شو تقول : هاا ؟ لا بس أسوم راقده وقلتلهم لا يوعونها .. وعمتيه ظاهره ..
حمدان : اها .. خلاص عيل احين ياينج ..
الريم : اوك اترياك ..فداعة الله ..
حمدان مستغرب : الرب حافظ

طول هالوقت .. هادف يطالع الريم وهو مستغرب.. بغى يروحلها .. يحس بألم كبير وهو يشوفها تصيح ..
لالا هب حلوه .. أحين بيي اخوها .. ولا واحد من خوانيه .. آآخ يارب صبرنيه ,,


وعند الريم ..

حمدان وصل وشلها ... الجو في السياره ساكن . مخيم عليه الصمت ..
حمدان يطالع الريم وهب عارف شيقول ..

حمدان : الريم فيج شي؟

الريم سرحانه .. ولا تدري بحمدان .. تطالع من الجامه وهادف شاغل كل تفكيرها ..

حمدان : الريم .. الريم بلاج ؟
الريم توها انتبهت : ها ..؟؟ لالا مافيني شي ..
حمدان : متأكده ان مافيج شي ..؟
الريم مبتسمه : هيه متأكده .. يعني شو بيكون فيني ..
حمدان مبتسم : احم احم شسوي ماروم اشوفج جيه
الريم : احين بس عقب بتي حرمتك بتنساني ..
حمدان : هههه ياحافظ من احين بدينا الغيره .. لا ابويه مابنساج انتي الريم ..
الريم : هههه يالمكر ..
حمدان : هههه ويهج يالخايسه ..
الريم : عن الجذب عااد توني متسبحه قبل لا نظهر هههههه ..
حمدان : اليوم هاا متأكده هب اليمعه .. ههههه
الريم : قالولك حمدااانووه ههه ..
حمدان : لا حمدانووه ..
الريم : ممممليييييييق..
حمداان ناقع ضحك عليها ..

حمداان : ريموه يمدحووونه الفروووج..
الريم : حبيبي حمداااان واااايد يمدحوووونه...
حمدان : هههههههه صدق بنت فقر..
الريم:حنااااام حمداااني ولله خاااطريه...هب من بعده شااارع خليفه..
حمداان:شااارع خليفه هاا ههههههههههه
الريم يونه زعلانه :خلاص مابغي مابغي ..
حمدان : علنيه فداج والله .. انتي الـ90 أييبلج الفروووج وعيوونيه لو تبغين ..
الريم : ههههه يلا عيل أشوف ع الفروج يلا ..
حمدان : هه هب عشانج عشان الـ 90 ..
الريم : هههههه يلا المهم ع الفروج ..
حمدان : هههه يلا يلا .. بس تعفيني عن الهديه ..
الريم : ههههههه لا حبيبي هذا روووحه شي ثاني ...
حمدان : ههه أسميج ماتقول لا ..
الريم : احم احم انا الريم بين قوسين ..
حمداان : زخي عمرج يالخقه ...
الريم : ههههه ويهك ..

حمدان استانس ان الريم نست الضيج .. ولو انه ما يعرف شو فيها ..
الريم تطالع اخوها وتبتسم ..

الريم : حمداان .. ربيه يصبرنيه ع بعادك ..
حمدان : علنيه فداج . ويصبرنا يميع ..

[ بيت بو فلاح ]

الريم وحمدان توهم واصلين البيت .. دشو وهم يضحكون ..

فلاح : مرررحبا مررررحبا بالــ 90 ..
الريم سايره صوب اخوها تلوي عليه ..: مرحبابك زوود .. هههه الـ 90 هااا ..
فلاح : مبروووووووووك مبرووووك أشهد انج رفعتي راسنا ..
الريم : الله يبارك فيك يالدااادوووه ..

فلاح يمسح ع شعر الريم ويبتسم : أبوويه كان يتمنى يشوفج فهاليوم .. ويباركلج ..
الريم تطالع اخوها وتبتسم وعينها غرقانه بالدموع : الله يرحمه ..
حمدان وفلاح : آآمين يارب ..
الريم تلوي ع فلاح وتصيح : ابووويه ويايه .. هو وعدنيه يكون ويايه ..
فلاح : هيه نعم أبويه ويانا فكل زاويه فهالبيت.. فكل مكان نمشي فيه .. أبويه هني <<ويأشر ع قلبه ..
الريم مبتسمه : أكيد .. يلا عيل عن اذنكم انا سايره حجرتيه ..

الريم أول ما دشت حجرتها فجت عيونها .. لقت هداايا فحجرتها ..

الريم مستانسه : اللآي منو يايب كل هالهدايا..؟؟

دشت وع طول نقزت صوب الهدايا .. وما انتبهت إنه فلاح و حمدان وراها يراقبون الحدث ههه ..

الريم ترمس عمرها بصوت مسموع ..

اللآآآآآي والله محتاره شو أفج .. احم احم بفج العووده قبل شكلها مغري .. هههه
لالا بفج الصغيروووونه عسب اكبر بشويش مافيني انفجر ههه .. صدق اني خبله


وحمدان وفلاح ماسكين ضحكتهم شوي وبينفجروون ..

الريم بسم الله والله اكبر .. ههه بذبح تراني ..
يلا .. فجت أول هديه صغيروونه .. فيها كرت مكتوب عليه ..


[ مبرووكـ يآ غلا أمج ]

وكانت الهديه سلسلة ذهب بس وايد كيوووت .. هاديه ..

الريم : اللآآآآآي كيوووت الصراااحه.. فديتج مآآمآآيه ..

وتفج الريم الهديه الثانيه.. أول ما فجتها لقتها مغلفه بغلاف ثاني ..
بس فوق الغلاف .. كرت مكتوب عليه ...


احم احم مبرووووك يا راعية الفروج ههههه.. وتستاهلين أكثر..
حمدااني..

ابتسمت الريم .. وقعدت تفج هديته .. أول مافجتها صرخت اللآآآآآآآآآآآآآآي ..
فديتك حمدااااااني حققتليه امنيتي مابغيت ههه ..

كانت الهديه الكيمره اللي الريم حفزانه تشتريها .. إلا بتموت لين ما تشتريها ..

شوي إلا وتفج الهديه الثالثه .. العوده .. أول مافجتها .. بققت عيوونها ...
اللآآآآآآآآي لاآآآب .. أخيرن بفتك من هاللاب المكحتر ماليه هههه ..
فديتك فلاح ..دب امبووونك بس هديتك طررر...

الريم كلهم يابوليه هدايا ...بس هالهديه العوده من منوووه ؟؟

الريم راحت صوب الهديه .. فجتهاا.. لقت مندووس عووود ..
أول مافجته لقت فيه عطوور غرآآآم .. ويا دهن عود .. وبخور ..
شوي إلا وتفج عيونها وتضحك ههههه ..
جان تشووف ع ينب كناادير بو تيله .. وصراويل دق .. وبراقع .. وحذاله .. طاسه ومرتعشه ..

الريم تمووت ع العيايز .. وتموت ع تراث الامارات .. وأيام قبل .. وكشخة قبل ..
أول ماشافت الهديه .. قعدت تضحك .. وركبت فوق الشبريه تناااقز ...
وهي تناقز صدت صوب الباب .. إلا وتشووف خوااانها خاشين رووسهم من عند الباب .. وامهم حذالها ..
فجت حلجها ويلست تطالعهم ..

هني ماقدرووا يزخوون عماارهم .. ونقعوووووو ضحك ..
ولا حمدااان امرره منسدح ع الأرض..ويضحك ههههههههه.

الريم شوي وتنقع ضحك : انتووو من متى هني !!!!

حمدان: من أول ما حطيتي ريلج ع إعتبة الباب ههههههههه
الريم : احللللللللللللللف!!
حمدان : قسماااا عظماااا هههههههه
الريم : ووووويهك ههههههه
حمدان : علني فدى خبالج والله ..
الريم تلوي على امها : مشكووره مامايه والله وايد استانست ع الهدايا ..
أم فلاح : علني فداج والله تستاهلين أكثر...
الريم صوب فلاح : الدب أخيراااا أنقذتوني من التكحتير .. ههههه مشكوور حبيبي..
فلاح: احم احم رأفتن بالقوارير .. ههه .. تستاهلين أكثر..
الريم : ههههه هب قبول
فلاح : وين يدتيه عنج هههههههههههه
الريم تتوجه نحو حمدان : يالهرم مشكووووووووووووور ..
حمدان وهو لاوي عليها : انا الهرم .. هب قبووول هههه ...تستاهلين أكثر..
الريم : تسلم حمداااني ..ولا الصراحه المندووووس وما يحتويه غراااااام وربي..
حمدان : ههههههه فكرتيه طولي بعمرج..ندريبج عووقج العيايز ..
الريم : ههههه علنيه فدى ثراهن والله ..
أم فلاح تضحك ع بنتها : ههه عيل بنيوزج واحد أمه عيوووز ..
الريم : عيل موافقه ههههه ...

وقعدت الريم سوالف ويا خوانها ...

عند أسوم

عنلاتها ريموه حتى مادقت بتشوووف الهرمه .. اووووووووووووه انا صاكه فووونيه أكيد احين بتنحرنيه ..
فجته ع طول .. لقت مسجاااات ع كيف كيفها .. سب وهزااب محترم هههه ..

أووووويه عيل بمقصاااب .. هههه وع طول تدق حق ريموه ..
الريم اول ما شافت الرقم .. والله مارد بتشووف .. عيل انا تحقرنيه جذا ولا تتخبر عنيه ..

أسووم لحووول عاد هاي شو بيرضيها .. الله يعينيه ع دلعها ..
وتدق اسوم مره ثانيه .. آآخر شي الريم ردت ..وتمت ساكته ..
أسوم : ألووووو ...
الريم : ..............
أسوم : ريماااني عاد رمسي..
الريم : .................
أسوم:ريموووووووووووووووه ..
الريم : هااااااااااااااا شو تبين...؟؟
أسوم : أخيرن نطق الحجر ..
الريم : الحجر ريلج الهرمه ..
أسوم : ههههه علني فداه ريليه ..
الريم : ملييقه..
اسوم : مقبوووله .. كم نسبتج بشري..؟؟
الريم : مايخصج..
اسوم:يلآآآآآآآ ريموه عاد ..فديتج والله حقج عليه ..
الريم : قووولي آآخر مره ..
أسوم : آآآآآخر مره هههههه
الريم : هيه توج هههه ..انتي قبل قولي كم ؟
أسوم : احم احم 82 %
الريم : مبروووووووووووك مبرووووووووك ..
أسوم : ههه ألله يبارك فحياتج..وانتي كم ؟
الريم : 90 طولي بعمررج..
أسووم: حلففففففففي؟
الريم : ههههههه والله ..
أسوم : عنلااتهاا المصريه .. احيدج فاشله .. اوه اوه السموحه نسينا العرج المصري لي نطر أيام الامتحانات ههههه ..
الريم: هههه لا تذكرينا .. من الخاطر بعد ..
أسوم : ههه أزمه وعدت ..
الريم : اسووووم وصلتنيه هدايا هههه ..
اسوم: مسرررع .. ههههه
الريم : والله مااادري منو من الصبح لين أحين مايدري عنيه .. لا مسرع ولاشياته ..
اسوم : ههههه فديتج والله
الريم : يلا مسامحه هالمره وعقب طراق ههه ..
اسوم : هههه .. ريمه تعالي بيتنا اليوم ..طلبتج ..
الريم ارتبكت : هاا؟ شسمه .. اسوم هب اليوم ..ان شالله يوم ثاني..
اسوم: الريم حراام عليج ..
الريم: انزين سمعي انتي تعالي اليوم واانا بييكم بااجر..
اسوم بنذاله : اوووووووك بس بشرط ؟
الريم:هههه وشو الشرط آمري..؟؟
اسوم: اممممممممم تباتين عندنا..
الريم : ههههه لا والله .. صكيها الدعنه ماشي امبيت..
اسوم : حراام ريمااان انا كله ابات عندكم وانتي ما تباتين..
الريم: أسووم انتي خوانج يطيعون انا تعرفينهم مايطيعون ..
اسوم:لحووول تعقيييد بالقو .. ماعليج انا بحاول بقنع خالووه...
الريم : ههه كيفج ..
اسوم : ههه .. انزين عيل ريمه انا ببند عنج احين ..
الريم : اوووك يالدبه ...
أسوم: يلا فداعة الله..
الريم : الرب حافظ ..


أسوم بندت عن الريم ونزلت الصاله .. وهي نازله تسمع أمها وهادف وغيث يرمسوون ..

أم غيث: وشعنه ياولديه تسافر.توك مامداك تخلص!!
هادف:يا امييه كل ما سرعنا بالسفر كان أحسن..عسب نخلص ونفتك ..ونجابل امورنا..
غيث:هيه يا اميه لي متى بيتمون ع الدراسه وبس..خل يخلصون ويرتاحون ..
أم غيث تصيح: اللي تشوفونه ياعياليه..
هادف يبوس امه ع راسها: .علنيه فداج يا اميه ترانيه إلا سايرادرس ورادلكم ان شالله..
ام غيث : ان شالله ياولديه ..

هادف لف صوب الدري .. شاف اسوم تصيح وربعت ع طول فووق..حجرتها..

هادف: لحوول..اسوم سمعت بالسالفه...يآآآالله..
أم غيث: عاد اسوم منو بيودها..
هادف: انا بسير أشوفها..
أم غيث: سير يا ولييدي..

هادف طلع صوب اخته .. يدق الباب على اسوم بس هي هب راضيه تفج له..

هادف: اسوم دخيلج فجي الباب خل نتفاهم..
أسوم تفج الباب وعيونها حمر من الصياح ..
هادف: تعالي يلسي يلسي..
اسوم يلست بس مانطقت بولا حرف..
هادف: احم احم لهالدرجه انا مهم هههه ..
اسوم تطالعه بعين ..
هادف: اسووم عاد .. يلا رمسي..
اسوم بصوت مبحوح : متى بتسـ ـ ـآفر؟؟
هادف: هيهااا بعدنيه مطوول ..شهر 10 .. يعني بتم هني 3 شهوور ع قلبج..
اسوم : وايد عليك
هادف: ههههه علنيه فداج
اسوم: هههه مليق..حمدان بيسافر وياك؟
هادف : هيه نعم..
اسوم:عز الله اختربتوو ..
هادف: ههههههه طايح من عينج..
اسوم : إلا ههههههه..
هادف:بخبره .. انزين انتي ماتبين هديه ؟
اسوم : بمووووووووتك .. هههههه
هادف : دخيلج لا..بييب بييب..فجيتي سدتج؟
اسوم : هااا؟؟ لا مافجيتها..
هادف: بنت فقر يوم اقولكم ههه ..
اسوم : ههه شسوي هالزعاله ريمه نستني كل شي..
هادف : حليلها..يلا سيري شوفي..
اسوم : اووك ..

راحت اسوم تفج السده .. جاان تشوووف كرت مكتووب عليه ..

[ من غلآك وكثر ماحبك حتى درب حجرتك حبيته ..اسوم يبالج لي ماتفهمين لان الارسال داون . هههه ع العموم مبرووووك النجاح .. هاادف ]

أسوم : ههههههه يالطفس ماعليه ..
هادف: محد غيرج طفس هههه ..
أسوم تفج الهديه .. بققت عيووونها .. اللآآآآآآآآآآآآآي وناسه كيمره .. بختق على ريموووه ههههههههه

هادف : مبروووك عيبتج؟
اسوم تسير تلوي عليه : وااااااااايد وربي. .. مشكوور هدوووفي..
هادف : العفوو أسوم .. وعقبال اتخرجج من الجامعه ان شالله..
اسوم : ان شالله يارب انا و ريموه ..
هادف:آآمين..

شوي إلا وغيث داش.. هوووووووووود ..

أسوم : هداا هداا..
غيث: الحلووه اسوم هني..؟؟
اسوم : هيه نعم هههه ..
غيث: عيل هالهديه لج .. وسمحيليه عالقصور..
أسوم : تسلم غيآآثي.. فديتك والله..
غيث: انزين شوفيها قبل ههه ..
أسوم : ان شالله ..

أسوم فجت الهديه .. لقت صندوق عوود ..فيه بدلات غرااام..ووياهن شنط وجواتي [عزكم الله ] كيووت ..

اسوم : اللآآآآآي طررررر الصراحه مشكووور غيااثي.. فديتك والله.
غيث: تستاهلين أكثر..
هادف: اممممم اسوم لبسي عباتج..
أسوم :ليش؟
هادف : انتي خلصينا لبسي ..اترياج تحت ..
اسوم : اوك دقايق..

نزلوو غيث وهادف.. اسوم تلبست .. وخذت عباتها ونزلت ..
ظهروو هي وهادف ..

اسوم : وين بنسير؟
هادف: اممممممـ ماعرف وين تبين ؟
اسوم : هههه شدرانيه ..
هادف: اوك بنسير المول ..
أسوم فاجه حلجها:اوك يلا..
هادف: هههه بلاج؟ ولا بعدج تستوعبين... خلاص استوعبي.. ههه
اسوم :وياويهك..هههه

وصلو المول .. تمو يتمشوون شوي فالمحلات .. اسوم خذتلها كم بدله .. وخذت ساعه للريم .. وبدله كيوووت ورديه .. وياها عطر خفيف وهادي.. وهادف .. خذاله شنطه ونعال وبدله من نفس النوع .. ووياهم عطر بناااتي غراام ... وخذاله ورده وحطه فالبوكس..ولفه وظهروو...

هادف: شرايج نسير نتعشا؟
اسوم :والله فكره ..خلاص اوك ..
هادف: هههه أكيد المخزن يغررد..
أسوم مب فاهمه : هاااا؟؟؟
هادف : اقول مشينا مشينا ههه ..
أسوم : وياويهك مابغي أول شي قولي شتقصد ؟
هادف: الكررشه الكرششه تغرررد تبا المؤوونه ههههه ..
اسوم : ههههههههههه يالهرم مابيي وياك مره ثانيه..
هادف : ههه انتي الخسرانه ..
اسوم:امش امش مالت ع ويهك ..
هادف ناقع ضحك عليها هههه ...

المهم تعشوو وعقب ظهرو من المول ..

هادف : ها وين إبها ؟
اسوم : مادريبك والله ..
هادف: شرايج نسير احين المبزرره .. حلاتها ع الساعه 12 غراام ...
اسوم : والله يبتها ههههه ..
هادف: اعيبج انا ههههه ..

ووصلو المبزره .. تمو يتمشووون شوي..
هادف يطالع اسوم وشكله ناوي ع شي..

هادف يبتسم ابتسامه صفرا : اسوم الماي حاار ؟
اسوم : ههه لا أحين دفاا .. لانيه من متى حاطه ريوليه ..
هادف: آآها..عيل بمشي شووي..
اسوم : اوك جرب..
هادف وقف جدام أسوم ويرشهااا بالماي:...رررررررررششششششش
اسوووم تروووعت وصرخت : هااااااااااااااادف يالنذل ..
هادف ناقع ضحك : ههههههههههههههههههههههههههههه
اسوم شوي وبتصيح : والله بتشوووف والله .. خايس انت مادانيك..
هادف : ههههه فديتج انا..آآسف آخر مره ..
أسوم : قوم عنيه مادانيك..
هادف: ههههه مشكله انتي..
أسوم :قم قم يلا سرينا...
هادف: ههههه اوك يلا..
اسوم : نذل..
هادف : هههههههههه
اسوم تمت تطالعه وعقب نقعت ضحك : ههههههههه..

المهم العرب شلو عمارهم وردوا البيت ..

اول ماوصلو ..

اسوم : مشكووور هدوووفي والله انيه استانست ..
هادف: علنيه فداج ..العفو..
اسوم :شو مابتنزل..؟
هادف:نزلي انتي شوي وبيي..
اسوم :اوك ..

هادف ظهر الهديه لي اشتراها..
اوهو احين ابتلشت كيف اوصلها للريم.. هب مشكله تراني اقوم بالواجب وبعطيها اسوم عسب توصلها للريم كهدية نجاح.. هادف خلا الهديه فالسياره ونزل..

اسوم اول مادشت حجرتها فججت عيوونها.. اللآآآآآي غراام..
لقت الأثاث كله مغيرينه .. هادي ..وطالع وايد كيوت ..
توها بتظهر من الغرفه إلا وتشوف أمها وأبوها ..

بوغيث: مبروووك يابنيتي.. وان شالله عيبتج الهديه ..
اسوم تلوي على ابوها : الله يبارك فحياتك .. فديتك يابويه والله ان الغرفه غاديه غرااام ماتوقعت ههه ..
بو غيث: تستاهلين اكثر..
اسوم تسلم على امها: مشكووره اميييه والله وايد استانست ..
ام غيث: العفو يابنيتي .. مالنا غيرج ههه ..
اسوم : فديتكم والله..ربيه يخليكم لي..
بوغيث: آآمين ويخليكم لنا يا عياليه ..


دخل هادف مالقى حد فالصاله ..طلع فوق..حجرته ..

بدل ملابسه .. عقب بند الليتات وانسدح ع الشبريه يطالع السقف..
يلس يتذكر شكل الريم اليوم .. الموقف اللي عمره ما بينساه..
بس ليش نظراتها لي كانت هالشكل.. حسيت بنظرتها حب !! حسيت بعيوونها ألم سنين .. آآآخ ليت يصدق شعوري ويكون فقلبج حب لي.. ليت تحسين بحبي لج .. علني فداج يالريم ماعرف ليش حسيتج تحبيني!!

آآخ يالريم والله احبج .. احبج ..

حس هادف بعوار فقلبه ..ويتذكر شكل الريم..ويشل..

عزّاه يا قلبٍ شفوقٍ ومشتاق متولّعٍ في حبّ زين الوصايف ..
عليه قلبي دايم الدوم خفّاق وينوح له في كل عالي ونايف ...

.خلّي عليه امن التّواصيف ما فاق ومن الغزال اللّي يربّ الجفايف ..
.عين العديم اللّي على الكفّ توّاق نادر وصقاره عطاه الخفايف "

آآخ .. ربيه يجمعني بج ان شالله على خير.. ويصبرنيه ع بعادج..



يوم الاثنين [ غرفة اسوم ]

اسوم ناشه وحاسه ضلوعها متكسرره .. اوووه نسيت انا مواعده الريم أيي صوبها..
أحين بتحتشر..كم الساعه ؟؟ اووووووويه الساعه 12 ولا حد وعانيه ..

اسوم تشوف فونها.. تلاقي عشرطعش مس كول من الريم..
اوووويه ..

نشت اسوم بسرعه تسبحت .. وتكشخت ونزلت تحت ..

لقت امها وهادف فالصاله ..سلمت عليهم .. وترمس اسوم امها

اميييه أبغي اسيرصوب الريم .. حليلها من امس تبغيني ايي عندها..هاشقلتي؟
أم غيث: سيري يابنيتي .. وانا بعد ابغي اسير اباركلها...
اسوم :فديتج يا اميه ..
أم غيث: هادف بتودينا ولا نقول حق الدريول..
هادف: أفا عليج ..انا موجود ..يلا انقفضو ..
أم غيث: علنيه فداك .. يلا..
هادف: يلا اسوم اذا تأخرتي برووح عنج هههه ..
اسوم : لالالا دخيلك يلا ثواني هههه ...

راحت اسوم تجهزت وخذت عباتها ونزلت..وهي نازله دقت حق الريم تخبرها انهم يايين..

هادف : اسوم تعالي شوي ..
اسوم : هلا..
هادف: امممم
اسوم : بلااااك؟
هادف: شسمه .. انا خذت حق الريم هديه ..بمناسبة تخرجها..وانتو نازلين بعطيج اياها .. سلمي عليها وباركيلها بالنيابه عني..
اسوم مبتسمه بس طبعا مافكرت بشي لان الارسال ضعيف: ان شالله ..

وظهروا عربانا من البيت رايحين بيت خالهم ..

[ بيت بو فلاح ]

دخلو أم غيث واسوم البيت ..سلمو على أم فلاح ..

أم فلاح : قربوو قربوو ..
أم غيث: جرييب ياوخيتي..عيل وينها الريم..
أم فلاح : احين بتنزل..

شوي إلا والريم نازله ..الريم تسلم على عمتها :شحالج عموه ؟
أم غيث : الحمدلله يابنيتي انتي شحالج؟
الريم : الحمدلله بخير ونعمه ..
أم غيث: مبرووك مبرووك ع النسبه الغاويه ..
الريم : الله يبارك فحياتج يارب .
الريم تسلم على أسوم . :شحالج يالدبه؟؟ ..
اسوم :الحمدلله .. مبروووك مبرووك..
الريم: ههه الله يبارك فحياتج وانتي بعد بالبركه ان شالله ..
اسوم :الله يبارك فحياتج ..
الريم: تعالي سرنا فوق..
اسوم : اوك يلا..
الريم :عن اذنكم نحن بنسير فوق..
أم غيث : برايكن يابنيااتي سيرن ..
الريم مبتسمه : يلا عيل..


وراحن البنات فوق..ودخلن الحجره ..

اسوم : اممممممممـ ..
الريم: ها بلاج؟
اسوم: ماشي بس هالهديه مني لج ..
الريم: هههه علني فداج جيه عبلتي ع عمرج .. خخخخ اوني عاد ..
اسوم : هههه اشووفج..
الريم : هههه ..
اسوم : وهاي من عند ..
الريم مستغربه : من عند منوه؟
اسوم:امممم من عند هادف؟
الريم: هااادف؟؟
اسوم : هيه اونه بمناسبة نجاحج..
الريم مبتسمه وبنفس الوقت مستغربه.: مشكور مايقصر..
اسوم: دبووه اليوم تراج بتين ويانا..
الريم: ههههه مصره انتي..
اسوم : هيييييه مصره مايخصنيه..
الريم:الله يعيني عليج..
اسوم:عن الهذربان يلا نزلنا عند خالوه..
الريم: ههه حشا من احين..؟
اسوم: هههه هيه شوي وهادف بيينا ما بنتأخر اميه عندها أشغال اونها عاد هههه ..
الريم : ويا ويهج يلا..

نزلن البنات صوب أمهاتهن ...

أسوم تيلس حذال خالتها: اممممممـ خالوه فديت قلبج انا..
ام فلاح: ها شعندج أدريبه هالمكر هب بلاش هههه ..
أسوم : فديت لي تفهمنيه انا. هههه...أبغي الريم تبات عندنا..
أم فلاح: ههه والله ماعنديه مانع ..ياغير خوانها .
أسوم : دخيلج خالوه طلبتج رمسيهم ..احين احين..
والريم صاخه بريئه هههه ..

أم فلاح : ان شالله احين بدقلهم ..وتدق ام فلاح حق ولدها فلاح وتخبره ..


فلاح : هلا اميه ..
ام فلاح : اهلين ...شحالك ؟
فلاح : الحمدلله انتي شحالج ..
ام فلاح :الحمدلله .. اقولك ياولديه؟
فلاح: خير يا اميه ؟
أم فلاح: والله هني عنديه عمتك وبنتها..وطالبيني يبون الريم تبات عندهم الليله ..
فلاح: ههه اوك هب مشكله ..
أم فلاح: وليش ماتباها تبات .. انزين يلا يلا مع السلامه..
فلاح فهم السالفه : ههههه مع السلامه..

أسوم : افف ليش ماطاع ..
أم فلاح: سمحيليه يا ابنيتي..
اسوم شوي وبتصيح ..

ام فلاح : هههه ترانيه إلا اسولف وياكن .. امرره مرخصنها..
أسوم وريموه ينقززن : حللللللفي...
ام فلاح: هيه ترانيه اجذب..
أسوم : محشووومه ههههه يلا الريم انقفضي شلي قشارج ..
الريم : هههه قشاري ها..
اسوم :يلا يلا بلا كترة حكي ...

وتسحب الريم فوق والريم تضحك ع خبال اسوم وهب قادره ترمس..
المهم شلت الريم اغراضها.. شوي إلا وهادف يآي ..

الريم: الله يغربل عدوج ..مابسير انا استحي ..
اسوم : جب جب ركبي ولا ترمسين ..
الريم:افف منج ..
اسوم : ومنج...

ركبو السياره والريم ما رمست ابد ..

هادف: شحالج يالريم ؟
الريم قافط ويهها لانها ماسلمت : الحمدلله ..
هادف حسها منحرجه وصخ ...

اول ماوصلو ع طول راحو فوق ..

الريم : بتشووفين يالهرمه والله ويهي فقط..
اسوم : ههههه عادي إلأا هادف..
الريم: عندج عاادي انا استحي من خوانج ..
أسوم : امممم دريتي انهم بيسافروون ..؟؟
الريم اكتئبت : هيه دريت ..
اسوم قعدت تصيح : والله ريموه مادري كيف بصبر عن هادف..
الريم : ولا انا متعوده على بعاد حمداني وماصبر عنه لا هو ولا ... وسكتت الريم..
اسوم : لا هو ولا شووه؟
الريم: هاا؟؟ لالا ولا شي..
اسوم : ولا هادف؟
الريم : ها ..؟؟ لالا انا اقصد منصور.. علنيه فداه امس رمسته وفرحان بنسبتيه..
اسوم : تحبين هادف؟
الريم : لا عادي..
اسوم: حلفي؟ عيل ليش قلتي جيه ؟؟ واحس يوم طريته تضايجتي؟
الريم : ماحبه ماحبه .. ويلست تصيح..
اسوم : الريم حبيبتي ليش تصيحين ؟؟..

وفهالوقت هادف كان طالع فوق ..

الريم : اسووم انا احبه احبه بس هو مايحس..مايحس..

هادف اول ماسمع الريم تقول جيه جنه حد جب عليه ماي بارد..
تحبين غيري وانا لي اموت بثرااج..

هادف ماقدر يمسك اعصابه .. فج باب الحجره وصرخ : يالحقيــــــــــــــــــــــــــــــــــره!!


ايه انتهيتي ولاعدتي تهميني
وحبك اشوفه يموت اليوم بعيوني
ماعاد بك شي يجذبني ويغريني
الله يخليلي كل اللي يحبوني
عزالله انك تغيرتي وخسرتيني
وعزالله انك قتلتي حلم من دوني
الله يااول كنتي كبيره بعيني
لو توقف الناس عنك مايردوني
مدري وش اللي تغير بك وخنتيني
وصارت حياتك غريبه تتعب ظنوني
واليوم والله لاغير كل مافيني
واخون من هم من امثالك يخونوني

البارت _6_

اسوم : الريم حبيبتي ليش تصيحين .??.
وفهالوقت هادف كان طالع فوق ..
الريم : اسووم انا احبه احبه بس هو مايحس..مايحس..
هادف اول ماسمع الريم تقول جيه جنه حد جب عليه ماي بارد..
تحبين غيري وانا لي اموت بثرااج..
ماقدر يمسك اعصابه .. فج باب الحجره وصرخ : يالحقيــــــــــــــــــــــــــــــــــره!!


ايه انتهيتي ولاعدتي تهميني
وحبك اشوفه يموت اليوم بعيوني
ماعاد بك شي يجذبني ويغريني
الله يخليلي كل اللي يحبوني
عزالله انك تغيرتي وخسرتيني
وعزالله انك قتلتي حلم من دوني
الله يااول كنتي كبيره بعيني
لو توقف الناس عنك مايردوني
مدري وش اللي تغير بك وخنتيني
وصارت حياتك غريبه تتعب ظنوني
واليوم والله لاغير كل مافيني
واخون من هم من امثالك يخونوني

الريم وأسوم ع طول صدو صوب الباب ,, متفاجئين !! بلاه هادف !! وليش يصرخ .!!
هادف يطالع الريم وصرخات يوفه بعيونه تنبان ,, ولهيب القهر بيووفه يثور !!

الريم تطالع هاادف .. ودموعها ع خدها ,’ تطالعه وهب مستوعبه شي!! هادف بلاك !! هاادف !!
هادف : طلعي من بيتنا سيري عند هلج يالحقيره !!

الريم تطالعه وهب فاهمه شي .. تحس ان الكون وقف ’’ الاحساس ذبل .. العين انعمت ,
أسوم مستغربه وبنفس الوقت محرجه : إيه انت شفيييك !! ما تستحي ع ويهك يلا اظهر !!
هادف يطالع الريم : انتي مجرد حثاله !!

وظهر وهو معصب ,’, ظهر وشياطين الكون كلها فراسه ,, ركب سيارته وروح.. مايدري وين يروح ,, المهم يظهر من المكان لي جمعه ويا الريم !! آآآخ ليتني ما حبيتج يالريم !! ليتني ماحبيتج !!
هادف يسوق السياره بسررعه جنونيه !! آآآآخ يالريم بتندمين ,,’ ويضرب السكان بإيده بالقوو !!

وعند الريم واسوم ,

الريم بعدها على ماهي .. تطالع صوب الباب .. تشوف المكان اللي هادف كان واقف فيه !! مانزلت من عينها ولا دمعه !! يلست تتذكر شكل هادف وهو يصارخ فوقها !!
أسوم ترمس الريم : الريم .. الريم حبيبتي بلاج !! الريم رمسي !!

الريم صاخه ,, ومانطقت بولا حرف .. أسوم خافت ع الريم ويلست تهزها وتصيح ,’, أسوم تيود إيد الريم .. الريم دخيلج رمسي .. شوفيني .. الريم رحميني لا اتمين جيه !!
الريم صدت صوب أسوم وضغطت على يدينها والدمع ع خدها:اسوم انا شو سويتله ؟؟ شو سويت غير اني حبيته!! اسوم قلبي حبه أنا مالي ذنب!! اسوم ليش اخوج يكرهني!! اسوم ليش يزاعق عليه ..

وتمت الريم تصيح بحراره أول مره تحس فيها ..

أسوم ماعرفت شو ترد عليها ... شو تقول .. اسوم بروحها مستغربه من موقف اخوها.. ليش قالها حقيره ليش؟ ليش هزبها ؟ ليييييش سوى اللي سواه ..
الريم حطت راسها ع ريل أسوم وغضمضت عيونها .. تحس بألم كبير داخلها .. أسوم تطالع حال ربيعتها وتوأم روحها وهب عارفه شتسوي !!

عند هادف

هادف يمشي ع البحر وهب حاس بعمره .. الكون مظلم حوله .. الدنيا ضايجه به ..
آآآآخ ليش جيه ليش!! هذي يزاة قلبي اللي حبها !! قلبيه اللي صانها !! قلبي اللي وفالها من نحن صغار !! حبها بصمت .. عشقها بصمت ومحدن درى بعذابه !! آخرتها .. ههههه آخرتها أيي واسمعها تقول أحبه لغيري . آآآآآخ يا ظلم الزمن !!

كان يمشي ويردد هالكلمات .. والغصة خانقتنه !!


جلست بضيقتي وحدي افكر في بداياتي
على شاطى البحر جالس وكان اليوم بغروبه

على الشاطى جلست احسب جروحي وكل خساراتي
وكان الوقت حزتها مطر وقلوب...مرعوبه

بكيت وما لقيت اللي يواسيني بدمعاتي
وشكيت الجرح للدنيا ولا منهو لفت صوبه

يا دنيا بس خليني ابي ارتاح في ذاتي
انا كني على الدنيا خلقتني ربي اعقوبه

ابنسي واطوي الذكرى ابدفن كل حكاياتي
ابمشي وما أبي احد وهي توبه بعد توبه

ابقطع سيرتك واطلب من المولى بركعاتي
يصبرني على غيابك واعيش بدنيه محجووبه

وانا قلبي يا عمري تاب وعزم يجمع اشتاتي
واذا قلبي طلع مذنب ترى انتي اعظم اذنووبه

تنهد هادف.. ويلس يطالع البحر !! آآآخ يابحر ليتني ماحبيت !! أو ليتني ماكتمت هالحب !! ياما ييت وشكيتلك همومي يابحر !! وياما غرقت فأعماقك أسرار !!

آآخ خلاص انا ماتحمل أتم أكثر فالدار !! وصرخ هادف بصوت عالي تردد صداه بالكون : ماااااااااااااااااااااااااااااااااااااااااقدر !!!

ونزلت دمعة هادف ع خده !! للأسف خانته الدمعه !! اللي مر به هب شويه !! ياما كتم وكتم وكتم ويا اليوم اللي انفجر بسكاته !!
هادف يحس إنه مخنوق ... بدون ما يفكر دق لحمدان ..
حمدان وصوته امبين انه راقد : هممم الو
هادف: مرحبا
حمدان : ياخي انت شو عندك نبغي نرقد..??
هادف:عقب يومين بنسافر..
حمدان:هدووف والله هب متفيج لك ولخرابيطك خلني ارقد..
هادف: انا هب يالس أسولف وياك .. أنا جاد بالموضوع ..
حمدان نقز : شووووه انت مينون ..
هادف : حمدان شوف..انا عقب يومين مسافر.. جانك بتخاويني مرحبابك .. بتيي عقب ترانيه اترياك هناك ان شالله ..
حمدان : والله انك هب صاحي يا هادف .. انزين أبغي اعرف شو السبب ؟ ليش تبغي تسير بهالسرعه .. نحن اتفقنا نسير عقب 3 شهور.. انتم شوd ويا هلنا وربعنا ..
هادف: اووهوو خلاص كيفك انا بإذن الله باجر بحجز للسفر ورايح ..وانت كيفك
حمدان محرج:طبعا مابخليك بروحك...لانك هالايام مينون رسمي..
هادف: هيه انا مينون رسمي ..ومايخصك انت يلا زول

ويبند هادف ع ويه حمدان ..
حمدان حز فخاطره حال ربيعه وولد عمته .. لكن بنفس الوقت مازعل منه لانه يعرف هادف.. هادف في شي مضايجنه خلاه يتصرف هالتصرف..وانه لازم يراعيه !!

عند الريم وأسوم

يـا ( ربيـع العـمر ) والطيـف الجمـوح ..
ارفقـي بالليـل .. يشـكي .. من > أرق < ...
.. بعثـريـني ..
ما بـقى بالـروح روح ..
.. و اجمعـيني ..
ودي ارجـع .. واحـترق .. !!

الريم كانت راقده .. وفجأه فزت من رقادها متروعه .. وانتبهت انها راقده وراسها ع ريل أسوم .. طالعت أسوم شافتها تطالعها ..
ابتسمت اسوم : رقدتي ؟
الريم : انتي مارقدتي؟
أسوم : لا حبيبتي والله لي يشوف حالتج مايروم يرقد ولا يرد له جفن !!
الريم : اسوم كم الساعه ؟
أسوم : اممممم 3 الفير؟
الريم وفيها صيحه : وين هادف ؟
أسوم : مادري والله .. خليه يولي عقب بشوفه..
الريم: اسوم دخيلج دقيله شوفيه وين ؟ والله احاتيه ظهر محرج..
أسوم : خلاص ان شالله..

أسوم تدق وتدق.. وكله يظهرلها مغلق..
أسوم : لحوول مبند تلفونه..يقهرر والله قهر..
الريم تصيح : كله مني كله مني..
اسوم:الريم انتي شخصج نحن لي احين مانعرف هو ليش سوا هالشي؟
الريم : انا لو ما ييت بيتكم ماستوى هالشي ..ليتني مارمست ليت..
أسوم تهدي الريم : الريم حبيبتي لا تحاتين أحين بدقله وبسير أشوفه فالحجره ..
أسوم دقت له .. أسوم : حبيبتي ريموه يرن ..
الريم تطالع أسوم بشغف تتريا هادف يرد ...

أسوم : ألو
هادف: ها شو تبين؟
أسوم : انت وينك؟
هادف : فجهنم..
أسوم : هااادف رد البيت احسلك..
هادف:مااااابغي انتي شوتبين ؟
أسوم : نحن نحاتيك وانت بهالبرود .. نحن الغلطانين .. فداعة الله الشيخ..

وبندت اسوم الخط ع ويهه..

اسوم:اففففف منه يقهر .. والله بتشوف يا هادف..
الريم : اسوم بلاه ؟ وينه هو احين؟
أسوم:مادريبه ..يقهر هب طايع يرمس .. أقوله كلمه يرد عليه بعشره اف اف اف ..

الريم تمت صاخه .. عقب نشت وسارت صوب الدريشه . تمت واقفه ترقب هادف يرد وتطمن إنه وصل بالسلامه .. الريم تحب هادف .. ورغم اللي سواه فيها بعدها تحبه وتحاتيه ...
واللي يحب عمره ماكره .. وحب الريم الكبير لهادف خلاها تثبت ع حبه وتحاول تعرف السبب لي خلاه يسوي هالشي..
ولكن الريم بداخلها قهر كبير..ودها تفججه وتفجره .. تبغي تعرف السبب !!
حتى لو كان شي سبب .. هو حسسني بالاهانه .. بس لييييييييييش؟؟ ليش سوى جيه انا لازم أعرف..
أسوم : ريموه تعالي رقدي .. حرام عليج..
الريم: أسوم برايج رقدي انا مافيني رقاد ..
اسوم : لحووول عنيده .. برايج انا برقد..
الريم بعدها تطالع برع بس ترمس اسوم:نوم العوافي الغلا..
اسوووم : الله يعافيج .. افففففففففف تقهرون ..

الريم لفت طالعت أسوم وهي رافعه اللحاف ع راسها جنها متحجبه به .. ومتربعه ع الشبريه ..
يتها ضحكه ع شكلها .. وقعدت تضحك ههههه
أسوم : مالت عليج ضحكي ضحكي ... وطاحت ع الشبريه اونها بترقد ..
عقب ظهرت راسها من تحت اللحاف وهي تضحك وتطالع الريم : بس الضحكه عليج غرام ..هههههه
وتخش راسها وهي ناقعه ضحك ..الريم مفججه عيونها وتطالع الريم ..
جان تربع وتنقز فوق اسوم تدوسها فبطنها .. واسوم ناقعه ضحك .. هههه ..

الريم : صدق انج نذله .. يلاانخمدي يالدرام..
اسوم : هههههههه انزين انزين بس زولي عني..
الريم : ههه يلا رقدي ..

أسوم رقدت .. والريم تمت على ماهي عليه ..
شوي إلا ومأذن الفير .. راحت الريم الحمام [ عزكم الرب ] توضت .. عقب راحت تصلي .. وتدعي ربها إنه يرد ولد عمتها بالسلامه ..
الريم سايره صوب أسوم توعيها: أسوم .. أسوم يالدبه نشي صلي..
أسوم : شو تبين انتي؟
الريم : اسووووووووووووووووووووم صصلاآآآآآآآآآآآآآآآآآآآآآآه ..
أسوم : اف منجج اف .. ترى بصلي .. روحي عني..
الريم : ماشي أحين تسيرين يعني احين .. وها يلسه @@
أسوم : اف منج ها نشيت .. غاديتلنا شريفة مكه .. شو توج مسلمه انتي ههه ...
الريم تدح اسوم ع ظهرها : ويا ويهج يلا نشي جدامي أشوف..يلا ...

أسوم نشت وفرت الريم بالمخده ع ويهها : ها نشيت ..
الريم ناقعه ضحك ع شكل اسوم هي وكشتها ..
أسوم صلت ويلست تقرا قرآن حذال الريم .. من خلصن ..
الريم : اسوم بتردين ترقدين ؟
أسوم : اممممم ماظن مافيني رقاد ..
الريم : عيل شرايج نظهر نتمشى فالحوي حلاته الجو الفير..
أسوم : صدقج . يلا سرينا..

وهن نازلات من ع الدري سمعن صوت باب الصاله يتبطل.. أسوم وايقت جان تشوف هادف ..
أسوم : الريم هادف ربعي الحجره بيي فوق..
الريم : اووويه اوك يلا والشرده ..
أسوم يلست تتريا اخوها لين ما ايي .. أول ماوصل فوق عندها.. طالعها وخطف..
أسوم : وعليكم السلام .. الحمدلله ع السلامه الشيخ ..
هادف: اسوم تراها واصله عنديه صخي عني أحسلج ؟
أسوم : لا ما بصخ أبغي ارمسك ممكن؟
هادف: وانا ماليه خاطر أرمس..
أسوم :امبلا..
هادف : يا بوي ولي عني ..
أسوم : هب كيفك بترمس يعني بترمس..
هادف: أقول في حثاله فحجرتج يتريونج!!
وخطف عنها ..
أسوم تمت تطالعه وهي منصدمه هب عارفه شتسوي..
ربعت ورااه ودحت ع ظهره بقو ..
هادف طالعها : ايييييييه انتي بلاج ؟
اسوم : انت عديم احساس ..

هادف حزت فخاطره الكلمه .. وحز فخاطره لي يسويه فالريم .. الريم اللي حبها ..تم يطالع أسوم عقب ماعرف شو يرد عليها .. وخطف عنها ..

أسوم روحت الحجره أول ماوصلت لقت الريم عند الباب ودموعها ع خدها..
أسوم عرفت ان الريم سمعت كل شي..ماعرفت شو تقول للريم ..
الريم روحت صوب الدريشه ويلست تطالع الدار .. تحس بألم كبير داخلها وبقهر أكبر ... تمت الريم ع هالحال.. واسوم يالسه ع الشبريه وتطالع الريم..ولا حد يرمس.. الجو ساكن .. والغرفه يمليها السكون .. من أصبح الصبح .. الريم طالعت أسوم.. أنا بدق عقب حق حمدان اييني ..

أسوم:الريم لااااااا حرام مايلسنا ويا بعض.. بعدين انتي قلتي بتباتين يومين ..
الريم ابتسمت: أسوم ان شالله مره ثانيه .. وانتي بالحال أدرى..
أسوم : الريم آنا اعتذرلج بالنيابه عن هادف .. لو اني مالي عذر ..
الريم : اسوم لا تعتذرين مابينا شي .. وانتي مالج ذنب ..
أسوم : فديتج ريماني .. يلا عيل نزلنا نتريق..؟
الريم : امم والله مالي خاطر . بس فشله عموه تتريانا ..
أسوم : يلا عيل نزلنا..

نزلن البنيات .. لقن عمتهن فالصاله ..
أسوم تسلم ع أمها : صبحج الله بالخير يا اميه ..
أم غيث: صبحج الرب بالنور والسرور ..
الريم : صبحج الله بالخير عموتي.. شو أصبحتي؟
أم غيث: صبحج الرب بالنور .. والله الحمدلله يا بنيتي ..انتن شحالكن ..؟؟
الريم واسوم : الحمدلله ..
أم غيث : عيل يلسن تريقن ..يلا يا بنياتي .. غاديات جنكن عوال ..
اسوم : ههه عوال مره وحده ههه
أم غيث: هيه نعم .. إلا شوي عليكن ..
الريم : شوي بعد ههههه ..

يلسن البنيات يتريقن ويا أم غيث ..

الريم : الحمدلله ..
ام غيث: وي دي يا بنيتي ماكلتي شي..
الريم : الحمدلله عموه شبعت . تسلم يدينج ..
أم غيث: هذا انتن يالبنات احين ... يلستن تحفرن ونشيتن .. وابوي عليكن ..
الريم : هههههه حليلنا عموه طايحات من عينج ...
أم غيث واسوم يضحكن هههه ..
أسوم : يلا ريموه بنسير نتمشى فالحوي .. عن اذنج ماماتي ..
ام غيث مبتسمه: اذنج وياج .. سيرن غيرن جو ..
راحن البنات عقب ماتغسلن .. ظهرن فالحوي ويلسن يتمشن ويسولفن ..
أسوم : ريموووووه شرايج نتسابق لين هاييج الشيره !!
الريم : اسووووووم مافيني حيل.. وبعدين استحي حد من خوانج يظهر ولا شي..
اسوم : خل عنج .. وبعدين هاييل سهرانين يعني الرقااد لين الظهر خخ ..
الريم : ههههه مسكين حالهم .. يلا عيل ..
أسوم تعد : وااااااااااحد اثنييييييييين ثلااااااااااا .......!! لحظه لحظه ..
الريم : هههه بلاج ؟
أسوم : عقي نعالتج [ وانتو بكرامه ] عسب نركض عدل ..
الريم : هههه اوك يلا ..
أسوم : يلا احين .. وااااااااااااااااااحد اثنيييييييييييييييين ثلاااااااااااثه ..

ويشتغلن البنيات ركيييييييض .. شوي إلا تطيح الريم ع الأرض ..
آآآي .. آآآآآآآآآي...اميييييييييه ..
أسوم تصد صوب الريم .. وتشوف ريلها تنزف .. ربعت أسوم صوب الريم ..
الريم بلاج الريم . . ؟؟

الريم : أسوووم مسمار دخل فريلي .. الريم بمووت يعوور آآآآي..
الريم ماقدرت تتحمل لأن المسمار دخل فجأه وبقو .. وريلها تنزف بشكل كبير ,, تحس ريلها تشنجت ,,,

أسوم تربع صوب أمها هب عارفه شتسوي ..
الريم لانها فقدت وايد دم إغمى عليها .. وماحست بشي ..

أم غيث كانت يالسه ويا هادف فالصاله ..

اسوم تصيح : امييييييييه اميييييييييه لحقي الريم طاحت دخل فريلها مسمار ..
ام غيث: وي دي .. وينها ؟
اسوم : امييه برع .. تنزف وايد ..

هادف ما حس بعمره .. ربع برع بسرعه يشوف الريم .. وأسوم وأم غيث وراه ..
أول ما وصل شاف الريم طايحه ع الارض وشعرها طايح ع ويهها .. والدم ينزف .. هادف ماعرف شيسوي .. تم يطالعها ..

أم غيث: هادف دخيلك تحرك ودها الدختر .. انا بسير أييب عباتيه ..
هادف : أسوم خذي السويج بسرعه شغلي السياره ..
هادف ماعرف شيسوي إلا انه يشل الريم .. ربع حطها فالسياره .. واسوم سارت تييب عباتها .. ويلست حذال الريم..وام غيث جدام .. هادف يسوق بسررعه .. هب عارف شيسوي ..
أو ماوصلو المستشفى .. ع طول دشو طواري ..
ركبولها مغذي .. وطلعو المسمار ولفولها اليرح ..
أول ماظهر الدكتور ..
هادف : ها دكتور بشرنا شحالها الريم ؟
الدكتور : انت بتقربلها ؟
هادف: هيه نعم ولد عمتها ..
الدكتور : الحمدلله الريم حالتها كويسه .. لفينالها الجرح .. بس دي الوقت ركبنالها مغذي لانها فقدت كتير من دمها .. وان شالله بعد 3 ساعات تقدر تخرج من عندنا ..
هادف : مشكور يا دكتور طمنتنا..
الدكتور .: العفو ده واجبنا ... والحمدلله ع سلامتها..
هادف : الله يسلمك ..

ام غيث: ها يابوك طمنا؟
هادف: الحمدلله يا اميه .. بس بيخلونها هني 3 ساعات مركبيلها مغذي..
ام غيث: الحمدلله ..
هادف: جان بتسيرون تشوفونها سيروا .. ماعليه ..
ام غيث: هيه يا ولديه بنسير .. انت بتم ولا بتروح ؟
هادف : لا انا بسير عنديه كم شغله وبرد لكم .. ما بتأخر ان شالله ..
أم غيث: الله وياك يا وليدي ..
هادف: فداعة الله ..
أم غيث: فداعة الكريم ..

راح هادف .. ودشو أم غيث وأسوم عند الريم ..
أم غيث: الحمدلله ع سلامتج يا بنيتي ..
الريم والتعب هادها : الله يسلمج عموه ..
اسوم فيها صيحه: آسفه ريموه كله مني ..
الريم : بعطيج كف عشان يستوي منج .. هههه دبوه هذا مقدر ..
أم غيث: شو صحتج أحين ؟
الريم : والله الحمدلله عموه ..
أم غيث : عيل بدق حق أمج اخبرها ..
الريم : لالالالا أحين بتيلس تحاتي .. ان شالله من اظهر بنسير البيت روحي بخبرها..
أم غيث: والله يا بنيتي اللي تشوفينه ..

وعند هادف

هادف يدق حق حمدان : مرحبا
حمدان : مراحب.. شحالك؟
هادف : الحمدلله ومن جداك ؟
حمدان : الحمدلله ..
هادف : حمدان وين انت ؟
حمدان : إلا فالدار .. توني ظاهر بعدنيه ما تخطيت فلي هزاع ..
هادف: آها انزين أخبرك ارقبني بييك ..
حمدان : عيل خلاص برد برقبك فالبيت ..
هادف : احسن عيل. . يلا انا ياي..
حمدان : أرقبك ..

بند هادف عن حمدان .. وسار صوبهم ..أول ماوصل سلم على حمدان ..
حمدان : إقــرب هادف حياك ..
هادف : جريب ياخوك .. خلنا نظهر لاحقين ..
حمدان : خلاص براحتك يلا ..
ركب حمدان ويا هادف فسيارته وظهروا ..
حمدان : انزين ..
هادف : فاهمني ها هههه ..
حمدان : بخاويك ..
هادف ابتسم : اوك .. بنسير أحين نحجز عسب نرتب باجي الامور ..
حمدان : اوك بس لا تنسى نحن ماخبرناهم انا بنسافر..
هادف: ترانا قايلين لهم انا بنسافر ومابتفرق سواء سافرنا احين ولا عقب..
حمدان : انزين خبر ابوك قبل هب حلوه ..
هادف : اوك يلا..
هادف يدق حق أبوه : مرحبا الساع ..
بو غيث: وبك مليآآآر ..
هادف : شحالك يا بوغيث:؟
بو غيث: بخير وسهاله .. ومن جداك؟.
هادف: الحمدلله ..أبويه بغيتك بسالفه ..
بوغيث: خير يابويه ؟
هادف: أبويه انا وحمدان عزمنا نسافر عقب يومين ..
بوغيث: وليش بهالسرعه قررتو ..
هادف : والله يابويه نحن نشوف انه احسن نسرع بالسفر عسب نرتب امورنا هناك قبل..
بوغيث: والله ياعياليه انتو ادرى بمصلحتكم . وزين ما تسوون .. ويا عسى الرب لكم حافظ ..
هادف : سلمت يابويه .. يلا عيل برايك .فداعة الله ..
بو غيث: الله يحفظك يا وليدي فداعة الرب..
حمدان : هاا؟؟
هادف مبتسم : امرره مرخصنا..
حمدان : زين عيل .. بنسير نحجز احين ..
هادف : يلا .. حمدان الريم فالمستشفى!!
حمدان : شوووووه ؟؟؟
هادف : اليوم كانن هي واسوم فالحوي يتمشن ودخل مسمار فريلها .. وديناها المستشفى وهي احين بخير .. ياغير خلوها فالمستشفى 3 ساعات مركبيلها مغذي ..
حمدان : وشعنه ماخبرتنيه ..؟؟
هادف : تراني خبرتك احين والبنيه ما عليها شر..
حمدان : خلاص بنخلص امورنا وبنخطف عليهم ..
هادف :ان شالله ..
وهم فالدرب دق حمدان حق اخوه فلاح وخبره بالسالفه .. عقب ساروا حجزو حق السفر .. وخطفو ع المول .. خذو لي يحتاجونه ورتبو امورهم فالجامعه ... وعقب ردو فلي هزاع شل حمدان سيارته..وعقب ردو المستشفى ..

غرفة الريم [ مستشفى توام ]

حمدان وهادف دقو الباب .. : هووود هوود
البنيات تغشن بسرعه ..
أم غيث: قربو قربو يا عياليه..
حمدان وهادف : جريب جريب..
حمدان يسلم ع عمته : شحالج عموه عساج بخير ؟
أم غيث: الحمدلله يا بويه .. شحالك انت ؟
حمدان بخير ونعمه .. سمحولنا تأخرنا عليكم ..
أم غيث: لا ماعليه ماتأخرتو ولا شي..

حمدان ساير صوب اخته يسلم عليها ..

حمدان : مرحبا مليار بدلع .. شحالج ؟
الريم بصوت واطي : الحمدلله شحالك انت ؟
حمدان يقلد صوتها : الحمدلله هههههههه ..
الريم : داااااادووووه ..
حمدان : زخي عصاقيلج عيل ههههه
أم غيث: ححمدان إلا الريم مابغيك تقولها شي ...
حمدان : هيه اكيييييييد هاي دلع ..
حمدان توه تذكر ان اسوم هني .. فاستحى ع ويهه >< ..
حمدان : شحالج أسما ؟
أسوم : الحمدلله .. وصخت من المستحى
حمدان فخاطره : وحليلي انزين تخبروا عن حاليه بقولكم اني متعذب ..
وهادف طول الوقت ساكت مايعرف شو يقول .. وكل مايتذكر صوت الريم وهي تقوله [ أحبه ] يحس بغيض وقهر !!
هادف بدون مايحس بس من قهره : اميييه نحن بنسافر عقب يومين ..
حمدان استغرب من هادف .. الكل استغرب من سالفة السفر .. الريم واسوم تمن يطالعن خوانهن ..
أم غيث : يا وليدي كيف تسافرون احين ؟ انتو قلتو عقب 3 شهور ..
حمدان : عموه والله الامور صارت بسرعه .. وكل ماسرعنا كان أفضل ..
أم غيث: يلا ياعياليه ماقول غير الله يوفجكم ..
حمدان وهادف : ان شالله ..
شوي إلا والدكتور داش ..

حمدان : اقرب اقرب ..
الدكتور : اهلا وسهلا ..
حمدان يضحك ع رد الدكتور: ههههههههههههه هلا فيك ..
الدكتور : مالك يبني بتضحك ..؟؟
حمدان ميود ضحكته :لالا دكتور بس تذكرت سالفه ..
الدكتور ع نياته : ايوا .. طيب دي الوقت بتقدر مريضتنا تطلع ..
حمدان : مشكور يا دكتور ما تقصر ..
الدكتور : ده واجبنا .. والمفروض تهتم بنفسها اكثر ..
حمدان : سمعتي الريم ..
الريم : ان شالله ..
ترخص الدكتور عنهم .. عقب يت النيرس خوزت ابرة المغذي عن ايد الريم وظهرت ..
حمدان : ها عيل سرينا .؟؟.
أم غيث: يلا يا وليدي ...

يوم انهم وصلو برع ..

الريم : عمتيه انا بترخص منج برد البيت ويا حمدان اميه بتم تحاتي ..
أم غيث: ماعليه يا بنيتي .. بس ان شالله اتيينا مره ثانيه ها..
الريم مبتسمه : فديتج عمتيه .. ان شالله ..
حمدان : الريم خذي السويج انا بسير اشتري كم غرض من السوبرماركت وبييج ..
الريم :ان شالله ..
روح حمدان . وهادف شل هله وصلهم السياره .. الريم فجت باب سيارة هادف تاخذ أغراضها ..
هادف :شوي الشيخه ..
الريم استغربت ضكت عنه وتمت ساكته ..
شل اغراضها وقالها تعالي بوصلج سيارة اخوج ..
الريم مشت وراه بدون ماترمس .. شغل السياره ونزل ..
الريم : مشكور الشيخ ماتقصر..
هادف : اسمي هادف ..
الريم تمت ساكته وفيها صيحه .. ليش جيه يرمسنيه لييييييييش؟
الريم : عن اذنك ..
يت بتركب السياره .. زخها من يدينها ..
الريم وقفت وماقدرت تصد صوبه ..
هادف : الحمدلله ع السلامه .. وهله هله بعمرج ..
الريم ماقدرت تتحمل .. سحبت ايدها وركبت السياره ..
هادف شل عمره وروح صوب هله وراحو ..

الريم تمت تصيح .. ليش تسوي بي جيه يا هادف ليش؟ عذبتني .. تشد الحبل وترخيه ّ!! خلاص انا ماقدر ماقدر..
روح حمدان السوبرماركت اشترى عصاير حق الريم عشان ترد دمها .. واشترى كم غرض ورد .. أول ماركب السياره .. طالع الريم .. الريم ع طول صدت صوب الجامه تطالع برع .. عسب تخفي الحزن لي بعيونها ..

حمدان : الريم ..
الريم : هلا حمدان ..
حمدان : صدي صوبي..
الريم : ليش..؟؟
حمدان : انا ارمسج ..
الريم تصد صوبه ..
حمدان : ليش عيونج حمر؟؟؟ صايحه ؟
الريم : لالا بس حز فخاطريه سفركم ؟
حمدان : فديتج يالريم .. ان شالله بنييكم بين فتره وفتره ..
الريم ردت تصيح : حمدان دخيلك هب لازم تسافرون ..
حمدان : الريم غناتي نحن لازم نكمل دراسه .. ماتبينا نكمل ؟
الريم : امبلا بس تحيدني ماصبر عنك ..
حمدان : فديتج يالريم .. ان شالله الايام بتمضي..
الريم : ان شالله ..

روحوا عربانا البيت ..
أول ماوصلو لقو امهم وفلاح فالصاله ..أول ماشافو الريم استغربو ..
الريم تسلم ع امها واخوها ..
أم فلاح : عسى ماشر يا بنيتي اشوفج راده ..
الريم تدلع : يعني أرد ماشتقتيلي مامايه؟
ام فلاح : ههه فديتج يالريم إلا اشتقتلج ..
الريم : هيه اتحرى بعد ههه ..
أم فلاح : وي دي يا بنيتي بلاها ريلج ؟
الريم : امممم ماشي يا اميه بس كنا نتمشى انا واسوم فالحوي جان يدخل مسمار فريلي ..
أم فلاح : سلامتج يا بنيتي.. وشعنه ماخبرتونيه ..
الريم : انا قلتلهم مايخبرونج عسب ماتحاتين .. والحمدلله مافيني شي يا اميه ..
فلاح : اجر وعوافي ان شالله يالريم ..
الريم : الله يعافيك فلاح ..
ام فلاح : برايج يا بنيتي سيري ارتاحي ..
الريم : ان شالله يا اميه .. يلا عن اذنكم ..
ام فلاح : اذنج وياج ..

وام فلاح قبضت حمدان نقير ومناقر عسب سالفة السفر ههه ..
راحت الريم حجرتها .. بدلت ملابسها وعقت عمرها ع الشبريه .. تحس بتعب هاد حيلها ...آآخ ربيه يردكم بالسلامه ان شالله ..


[ موعد السفر ]

حان موعد سفرهم
ويل حالي بلاهم
يعل ربي يحفظهم
لي في قلبي غلاهم
كيف بسلى عقبهم
كيف بنسى هواهم
كيف البي زقرهم
دون مااسمع نداهم
ياخلاوة محلهم
لي به ايلس وياهم
وين دوسة جدمهم
وقت ولحظة لقاهم
وين بلقى مثلهم
لي شرى الماء صفاهم
والله اني احبهم
مااتحمل جفاهم

اليوم يوم سفر حمدان وهادف .. الكل فالبيت حزين .. ما كان ودهم بالسفر .. لكن لازم يسافرون عسب يكملون دراسه .. أم فلاح وفلاح والريم .. وبوغيث وام غيث وغيث واسوم ..
الكل رايح المطار يودع حمدان وهادف ..

حمدان يسلم على امه ..

حمدان: خلاص يا اميه لا تصيحين ان شالله بنييكم ونحن ترانا إلا سايرين ندرس..
ام فلاح :اشهد ان مكانك خالي يا وليدي..وين فيني اتحمل بعادك ..
حمدان : علنيه فداج يا اميه ..
ام فلاح :هله هله بعمرك..
حمدان :ان شالله يا اميه وانتو بعد ...
حمدان يسلم على اخوه .. وايي صوب الريم يسلم عليها ..
حمدان : ها دلع برمسج دوم ع المسن وبدقلكم .. وبنعفد هني عندكم بين فتره وفتره هاا .. ههههه ..
الريم بابتسامه عذبه تخفي وراها احزانها : ان شالله يا حمدان .. هله هله بعمرك ماوصيك ..
حمدان : ان شالله ماماتي هههه .
الريم : داااااادوه انت .هههه..
حمدان : فديتج .., ها ها مابغي دمووع ..
الريم : كيفي يلا سير عن يطيرن كتبك ..
حمدان .: ههه فديتج انا .. يلا فداعة الله ..
الريم : الله يحفظك ياخويه ..

وعند هادف..

هادف: يلا يا اميه وماوصيكم ع عماركم ..
أم غيث: ان شالله يا ولديه .. وانتو بعد ديروا بالكم ع بعض..
هادف : ان شالله يا اميه ..
سلم هادف على أبوه واخوه .. ويا صوب اسوم اللي تصيح ..
هادف : بس بس عبيتي البحر ههه ..
أسوم : ماحبك جب..
هادف: ههه مابتسلمين عليه ؟
اسوم تي وتلوي على اخوها : فديتك يا هادف .. ربيه يردك بالسلامه والله بشتاقلك ..
هادف : الله يسلمج يارب وانا بعد .. بس خلاص لا تصيحين ..
اسوم : ان شالله..
هادف : يلا فداعة الرب..
الكل : الله يحفظك .

هادف يطالع الريم وخاطره يسلم عليها .. يحس بألم كبير داخله .. بس هب قادر !! هي تحب غيري !! آآخ .. انا رايح يالريم وعساج تكونين مرتاحه وبخير وسعاده ..
راح هادف سلم على خالته وفلاح .. وجبل صوب الريم وحس بألم كبير ..
الريم تحس انها مخنوقه.. تحس الكون ضيج .. تناظر هادف وخاطرها تلوي عليه .. خاطرها تصرخ تقوله احبك .. بس ماتقدر.. وكل ماتذكر صرخاته عليها قلبها يعورها .. الريم ماقدرت تتحمله وقفته .. شلت عمرها وربعت صوب التواليت وهي تصيح ..

سافر
عسى ربي يحرسڪ ويرعاڪ ..!
هذا البخت !
عزاه وش في يديني ؟؟
[ يا شين باڪر ] يا حبيبي بلياڪ !
لا جاء وعدڪ .. / اللي بوقتـﮧ تجيني !
هذا وهو تــوڪ تطري بممشــاڪ !!
وشلون لي قفيت [ يـا نور عيني ]

البارت _7_

راح هادف سلم على خالته وفلاح .. وجبل صوب الريم وحس بألم كبير ..
الرم تحس انها مخنوقه.. تحس الكون ضيج .. تناظر هادف وخاطرها تلوي عليه .. خاطرها تصرخ تقوله احبك .. بس ماتقدر.. وكل ماتذكر صرخاته عليها قلبها يعورها .. الريم ماقدرت تتحمل وقفته .. شلت عمرها وربعت صوب التواليت وهي تصيح ..

سافر
عسى ربي يحرسڪ ويرعاڪ ..!
هذا البخت !
عزاه وش في يديني ؟؟
[ يا شين باڪر ] يا حبيبي بلياڪ !
لا جاء وعدڪ .. / اللي بوقتـﮧ تجيني !
هذا وهو تــوڪ تطري بممشــاڪ !!
وشلون لي قفيت [ يـا نور عيني ]

روحت الريم وبداخلها ألم كبير !! وأفكار وأسئله حارت بها ولا لقت لها جواب !! سآفر أخوها !! والانسان لي تحبه رحل بدون ما يسكن جروحها .. بدون ما يهدي روعة حيرتها !!

محد انتبه لغياب الريم إلا عين !! عين ما غاب نظرها عن مناظر الريم !! عين هادف !! هادف اللي حب الريم من كل قلبه .. ولكن غيرته وقفت هني !! وقفته للزمن اللي لازم يقسى فيه على الريم !!

هادف سار صوب أسوم ..

أسوم : الريم تصيح روحت صوب التواليت سيري شوفيها ..
أسوم بحزن : ان شاء الله احين بسير .. وهله هله بعماركم
هادف : ان شاء الله أسوم وانتو بعد .. فداعة الله..
أسوم : الرب حافظ يا خويه ..

روحو هادف وحمدان وقلوبهم خلوها فالدار .. الدار اللي احتضنتهم بكل ما فيها !! دارنا الامارات لي ما تعوضهآ كنوز قارون !!

أسوم روحت صوب الريم ولقتها تصيح ..

أسوم اول ما شافت الريم تصيح صاحت وياها ..
أسوم : فديتج يا الريم ان شالله بيردون بالسلامه ..
الريم : ان شالله .. ان شالله يا أسوم ,, بس والله بفتقدهم ..
أسوم : وأنا أشهد .. يلا غناتي قومي سرينا ومسحي دموعج يتريونا برع ..
الريم : ان شاء الله ..

روحو عربانا بيوتهم .. وطول الدرب الريم ساكته .. جسدها وياهم ولكن فكرها وقلبها وعقلها مول هب وياها .. تحس أفكارها متشتته .. تفكر بأخوها منصور إلا له شهر مسافر .. وأحين أخوها حمدان وولد عمتها هادف .. آآآخ ربيه يردكم لنا بالسلامه ..

يوم الثلاثا [ غرفة الريم ]

الريم راقده ولا حاسه بعمرها من التعب .. تحس ضلوعها متكسره .. شوي إلا تحس بشي يحجها ع خشمها .. همممممم شو ها .. تحج الريم خشمها وتصد الصوب الثاني .. رد مره ثانيه يحجها خشمها .. اوووووهووو شهالحاله .. تلحفت كامل وغطت وييهها .. شوي إلا حد يسحب اللحاف .. هني الريم حرجت نشت تصارخ ..

الريم :وبعـــــــــــــــــدييــ ....... !!!

فجأه صخت وتمت تطالع .. تحج عيونها هب مصدقه .. تغمض وترد تبطل عيونها مره ثانيه .. فجأه نقزت : منصوووووووووووووووور !!

منصور يلوي عليها : علنيه فداااج والله ولهت عليج ..
الريم تصيح : حبيبي والله انا بعد ولهت عليك يالهرم .. متى ييت ..؟؟
منصور: البارحه فالليل .. كنت مسولكم سبرايز .. احم احم
الريم تدحه بشويش ع جتفه : دااادوووه ماحبك .. والله منوور خيوو ..
منصور : أدري أدري ما يحتاي تقولين .. بندي الليتات يلا .. هههه
الريم : من يوومك خقاق هههه ..
منصور :شسوي .. ههههه ربج بعد ..

منصور أخو الريم .. شرى ماقلنا قبل أنه اكبر عنها بسنه .. يعني 19 سنه.. أصغر واحد من الشباب وكان مسافر ألمانيا معسكر .. منصور ملامحه وايد حلوه .. غير عن خوانه .. وايد حبووب وسوالف.. أهم شي عنده المقالب .. ههه .. وخقاق نمبر ون .. لكن خقته كانت بين ربعه والناس لي يحبهم .. يعني خقه مقصووده من تطلبات تغيير الجو ههه ..

الريم : أخبرك .. إنت من وين يايب هالطول ؟
منصور يضحك : هههه منج تصدقين ..
الريم : هههه تتطنز ويا ويهك .. مالت ..
منصور : علنيه فداج .. يختي مشتاق اتضارب وياج ..
الريم : طااااااعو حق شو مشتاق .. يلا مناك ههه ..
منصور يضحك : ههه ــ تصدقين ريمان ترى لين احين محد شافني.. ييت ع طول عندج .. وإميه جنها تحت نشي ويايه نزلنالها متروع ههه .. والله ولهان عليها..
الريم : هههههههههه جيه بتاكلك ..
منصور : لا يالغبيه .. بس هي ماتعرف اني هني .. يتندبق لو شافتني فجأه .. عاد تعرفين انا القلب بالنسبه لها ههههههههه ..
الريم : هههه زخ عمرك يالخقاق..
منصور : انزين يلا فكينا..
الريم : اوك بس بسير أتسبح وجيه وبييك ..
منصور : لالالالالالالالا انتي سبووحج عشرطعش ساعه يلا احين تظهرين ..
الريم : هههههههه عشر طعش مره وحده .. ماعليك بخلص انت ترياني..
منصور : اف منج .. يلا فكينا اترياج فحجرتيه ..
الريم : ههههههههه يلا يلا .. أفا عليك بخلص بسرعه والله ابا اداغشك ..
منصور : ههههههههه نحن فالانتظار ..
الريم تضحك : هههه اوك ..

ظهر منصور .. والريم مستانسه ربعت ع طول راحت تتسبح وتكشخت .. عقب ظهرت روحت صوب منصور ..

الريم تدق الباب بشويش : نصنوووص يلا فج ..
منصور يفج الباب : نصنووص ريلج هههه ..
الريم : هههه عن الغلط .. يلا نزلنا..
منصور : اوك يلا ..

الريم ومنصور يمشوون ع اطراف اصابعهم .. منصور ميوود إيد الريم وحاط ايده الثانيه ع حلجه .. والريم فاطسه ضحك ع شكله ..

منصور صد صوبها : صه صه مابغي اسمع ولا حس ..
الريم شوي وبتموت من الضحك حاطه ايدها ع حلجها : ههه انزين فكنا جنك حرامي...
منصور : ههه يلا نزلنا ..

منصور يوايق من ع الدري .. صد صوب الريم .: يا امييييييه ريموه اميه تحت هي وفلاح ..
الريم : اللآآآآآآي حلاته هههه يلا ابغي اشوف الفلم ..
منصور: ههه عنلاتج .. سمعي انتي نزلي وانا بنزل وراج ..
الريم : اوك يلا..

الريم نزلت .. وفيها ضحكه بس قابضتنها .. أول ماشافت أمها وفلاح .. تبا تسلم ماقدرت جان تنقع ضحك فويههم : ههههههههههههههههههه ...
أم فلاح : وي دي يا بنيتي بلاج سكنوووج عيال الين ..
الريم : ههههههههه لالا
فلاح: امييه شلي عباتج نوديها مستشفى الساد يتريونها ههههههه
الريم : دااادوه ماحبك . احم احم صباح الخير..
أم فلاح : صباح العقل ياربي ..

الريم مفججه عيونها .. وفلاح نااقع ضحك ..

فلاح: سلامي عليج يا اميييه ههههه
الريم يونه زعلانه يلست ومدت البوز .. شوي إلا تذكرت منصور .. جان تكح ...

منصور من سمع كحتها قال : افف مابغيتي .. ينزل منصور من فوق وهو يشل. :

أصدق شعور إنسان إذا حب انسان
أم تناظر عينها في ولدها

صدر الحنان وكلها عطف واحسان
والليل يشهد يوم طول سهدها

لا هان قدر الام يا ناس لا هان
رحمة من الله وللخلايق وجدها

إلها مع التاريخ سيره وبرهان
الايام تحكي كل ذا وبصددها

اغلى من الاعيان هي نور الاعيان
معنى للحياه وللحياه هي سعدها

فلاح مستغرب يطالع منصور وهب مصدق.. أم فلاح كانت تعطي الريم الشاي وأول ماسمعت صوت منصور .. ع طول صدت صوب الدري وهي تطالعه ودموعها ع خدها ..

منصور يطالع امه وهو يشل .. أول ماوصل عندها يلوي عليها ..

منصور : علنيه فداااج يا اميييه وربي ولهان عليج ..
أم فلاح تصيح : فديتك يا ولديه .. نورت البيت يا قلب امك ..
منصور : احم احم ههه فديتج يا اميه ..شحالج عساج بخير؟
أم فلاح :الحمدلله يا وليدي .. انت شحالك يابويه؟
منصور : أشهد من ريتج وانا بخير ..
أم فلاح : لا خليت منكم ياعيالي.. اقرب يابويه تريق..
منصور ويطلع لسانه يغايض خوانه : ان شالله يالغلا..
الريم: هيه هيه خلاص نحن نسيتينا..
ام فلاح تضحك : ههه لا ياعياليه كلكم سوى..ياغير والله متولهه عليه من متى ماشفته..
منصور : فديتج يا اميه .. بيلس هني ومابتحرك قرن كامل..
الريم: انت مابتتحرك هههههههه اشك..
منصور : كح كح ..هههه

قعددو العيال ويا امهم سوالف وضحك .. ويلس منصور يخبرهم عن سفرته .. وسوالفه هناك ..

بيت بو غيث


أم غيث: يا بوغيث مادق هادف؟
بوغيث: لا والله .. ان شالله اول ما يوصل بيدق انا موصنه ..
أم غيث: ان شالله ربيه يوصلهم بالسلامه ..
بو غيث : ان شالله .. عاد انتي تدريبها لندن هب العزبه ههه ..
ام غيث: ههه هيه نعم ادريبها ..

شوي إلا أسوم نازله ..

يلست بين أمها وأبوها .. : احبكم تدرون ؟ ههههه
بوغيث: علني فدى خشمج انا..
أسوم : بآآبآآتي بس خشمي ..
بوغيث: عن الدلع يسدج ..
اسوم بخبث: هااااااااا .. يسدني و لا عن بعض الناس يغارون _وتأشر على امها _ .. ههه
أم غيث: وابويه عليج لا اغار ولا شياته ..
بوغيث: اصلا مافيه مقارنه .. فديت ام غيث انا ماليه غنى عنها..
أم غيث مستحيه : وابويه يا بوغيث بلاك خرتها .. ههه ..
أسوم تضحك : هههههههههههه ..

شوي إلا غيث نازل .. أسوم نقزت تصارخ ورافعه يدينها فوق ..

اسوم : الغياثي لاآآآآآآآ المكان محظور لا تقترب بييك بييك ..

وتصد صوب أمها وابوها.. : تيك يور تايم .. ههه

بوغيث: وابويه ع البنات ههه ..
غيث فهم السالفه : هههههههههه علني فدى الشباب لي هناك بعيد
أسوم : يعيش يعيش يعيش هههه ..

تموو بوغيث وام غيث يضحكون ع عيالهم ..شوي إلا هادف داق,,

بوغيث: هذا شكله هادف,,
أم غيث: رد رد يابوغيث..
بوغيث: مررحبا...
هادف:وبك مليااااار يابويه شحالك؟
بوغيث: الحمدلله بخير ونعمه .. ومن جداك يابويه ؟ متى وصلتو؟
هادف : الحمدلله .. والله تونا واصلين الفندق..
بوغيث: حيكم يابويه .. وحمدان شحاله..
هادف: والله الحمدلله يسلم عليك..
بوغيث: الله يسلمك وياه من النار .. انزين يابويه هاك امك بترمسك ..
هادف : خلني اكلمها عيل .. توصي ع شي؟
بوغيث: امرره ياغير هله هله بعماركم وبدراستكم..
هادف : ان شالله يابويه..لاتوصي
بوغيث:بارك الله فيك. يلا فداعة الرب
هادف:الرب حافظ ..

بوغيث يعطي ام غيث التلفون ..هاج يودي هادف بيرمسج..

أم غيث تشل التلفون : مرحبا مرحبا بهادف..
هادف: مرررررحبتين كبار.. شحالج الغلا؟
أم غيث: الحمدلله ..انت شحالك عساك بخير؟
هادف:الحمدلله يا اميه ماشكي باس..
أم غيث: هله هله بعماركم ياولديه..
هادف : ان شالله يا اميه ..
أم غيث: يلا عيل ياوليدي وسلم ع ولد خالك ..
هادف:سلامن يبلغ ان شالله ..
أم غيث: فداعة الله ..
هادف:فداعة الكريم..

بند هادف عن امه ويصد صوب حمدان اللي كان واقف ع البلكونه ..

هادف: والله اني اتولهت للدار وهليه ياحمدان..
حمدان يتنهد : تصدق أحس عمريه خالي.. والله خاطريه ارد احين..
هادف: يلا ربيه يصبرنا..

نش هادف وقف حذال حمدان وقعدوا يناظرون العالم حولهم ..

حمدان : بدق حق هلي مادقيتلهم ..
هادف:زين تسوي..

حمدان يدق حق هله ..

حمدان : الوو مرحبا..
أم فلاح: مرحبا مرحبا غناتي شحالك؟
حمدان: الحمدلله يا اميه انتي شحالج وشحال خوانيه؟
أم فلاح : الحمدلله يابويه كلنا بخير..متى وصلتو؟
حمدان:والله من شوي يا اميه واصلين الفندق؟
ام فلاح : الحمدلله ع سلامتكم يا حمدان ..

الريم اول ماسمعت اسم حمدان فزززت ركيض صوب امها .. اميه هاتي برمسه..
أم فلاح: سميتيني صبري شوي ..
حمدان يضحك ههه

أم فلاح : برايك ياولديه هاي تباك .. وسلم ع هادف,,
حمدان : ان شالله يا اميه .. تامرينا بشي؟
ام فلاح: امرره ياغير سلامتك..
حمدان : الله يسلمج يا اميه.
أم فلاح : فداعة الله ..
حمدان : فداعة الكريم ..

ام فلاح تعطي الريم التلفون ..

الريم : حمدااااااااااااني
حمدان : حيه الله هالصوت .. ههه
الريم : شحالك يالدب والله ولهت عليك ..
حمدان : فديتج يالريم وانا اكثر...

هادف أول ماسمع اسم الريم صد صوب حمدان..وحس بألم كبير .
.
هادف: حمدان انا بنزل تحت السوبرماركت ..
حمدان : اوك ماعليه ..
الريم أول ماسمعت حس هادف عورها قلبها ..

حمدان : انزين يالريم وعلومكم بعد ..؟؟
الريم : علوم الخير.. شو تعبتوو فالطياره..
حمدان : إلا تجسحت ضلوعنا هههه
الريم : ههههه حليلكم ..يلا المهم وصلتو بالسلامه ..
حمدان : ههه الحمدلله ..
الريم: انزين عيل بخليك يالداااادووه خسرتنا ..
حمدان : هههه اونه خسرتها مالت ..
الريم : ع ويهك هههه
حمدان : هههه .. بلاه ويههي ها.. تتمنينه ..
الريم : حشا عليه ..ههه
حمدان: انزين عيل يآ ......

وينقز منصور يمجع الفون من عند الريم :الووووووووووووو
حمدان : بسم الله الرحمن الرحيم ..
الريم تدح منصور:يالدب حشا ماشي تفاهم اف منك..

منصور يطالع الريم : اكس كيوزمي لمي ثمج ههههه
الريم : هههههه بتشوف

منصور يرمس حمدان: مرحبا مرحبااا مليار..شو بعد بسم الله ينيتك انا
حمدان : ههه محشوم .. هالخبال هب غريب عليه ..
منصور: ههههههههههههه يالهرم انت..
حمدان : شحاااالك وصلت ماشالله ..
منصور : والله الحمدلله ومن جداك ..
حمدان : الحمدلله .. نورت الدار..
منصور: لا والله .. بس من سرت انت نورت روحها هههههه
حمدان : هههههههه مالت عليك .. يلا انجلع ..

شوي إلا هادف داش .. شاف حمدان ناقع ضحك ..

هادف :حووووووه انت بلاك ..
حمدان : ماشي ارمس هالخبل منصور..
هادف:هو رد الدار ؟
حمدان : هيه رد .. مجع الفون عن الريم إلا واسمع صوت وحش..ههههه
هادف: ههههههههههه
منصور : عنلاتك منوو الوحش هااا هههه
حمدان : ههههه زول يلا زول
منصور : مالت عليك .. عطني هادف برمسه ..
حمدان : اوك يلا زول...ههه
منصور : زلت يلا قووود لك ..ههه

حمدان يعطي هادف التلفون ..

منصور مرتبش جان يحط سبيكر ..

هادف يغني : مرحبا الساع بنظر عيني وقلبي هلا ..
منصور يرد عليه : عقب غيبه عاد صوته وقلبه عاد لي هههه ..
هادف: ححححححححيه منصور شحالك؟
منصور : بخير يعلك الخير ومن جداك ..
هادف : والله ولهان ع الدار ..
منصور: ههههههه توك فبداية الدرب..
هادف:ههه والله يعينا..
منصور: طلبتك..
هادف:وصلك ..
هادف:تشل ليه أحين شله ..
هادف:ههههه شو شلته بعد ..
منصور: ماعرف اللي ايي عبالك ويلامس شعورك هههه اوني عاد

هادف ماكان فعقله وفقلبه إلا الريم .. جان يشل:

نويت أرحل لجل أنساك وأنسى كل آلامــــي
أبي القى أحد غيـرك يحب ويعشق أيامــــي

كفايه ما جرى منــك كفايه ظلم يا قاســـي
بروح وببتعد عنـــــك كفايه جرح بإحساســـي

أنا قلبي تعب لجلـــــك ولجلك بعت أحبابـــي
وذقت الويل بأسبابــــك وغدرك زود أتعابــي

أبي أفرح بعد فرقــاك و أنهي قصة أحزانــي
وأنسى قصتي ويــاك و أعيش الفرحه من ثاني

الريم أول ما سمعته وهو يشل حست بألم كبير .. ماتعرف ليش !! حست إن الرمسه موجهه لها .. ع طول شلت عمرها بدون محد ينتبه .. أول ماوصلت فوق ربعت حجرتها وقفلت الباب ويلست تصيح ..

أحبك هادف .. والله احبك احبك .. بس عمري ما بنسى لي سويته فيني .. عمري مابنسى هالشي يا هادف ... آآآخ ياهادف جرحتنيه جرح مايبرى .. وليتك فهمتنيه شو السبب !!ليت يا هادف .. الريم مسحت دموعها .. فجت سدتها .. ظهرت الهديه لي هادف يابها لها .. زخت الورده لي كانت فالبوكس وعقتها ع الارضى وداستها ..

حاسه بقهر كبير داخلها .. ودها تفجر كل لي بداخلها من ألم وحزن .. الريم تمت تطالع الورده وهي ذبلانه .. عقب يلست وزختها .. تمت تطالعها .. وتحس حالها شرى حال هالورده الذبلانه .. ورده تعاني سكراتها ومرارة زمنها القاسي ..

شوي إلا وهي تسمع صوت تلفونها يرن ... نشت شافت انه اسوم تدق لها .. عقت الفون ع الشبريه وراحت صوب الدريشه .. مالها خاطر ترمس حد .. تبا اتم بروحها .. الريم تحس الكون ضايج .. ضاجت بها الوسيعه .. الريم من كثر حبها لهادف .. كانت يوم تيود فون اسوم تيلس تطالع مسجاته .. وتفج اللسته تطالع رقمه .. تحس بفرح ماتعرف ليش .. فترصخ هالرقم فقلبها .. وعقلها..

الريم وهي تتذكر هالشي.. حست بألم كبير .. بقهر .. بغيض .. آآخ كم حبيتك ورديت ليه هالحب .. بنكران .. يا حسافة حبي لك ياهادف .. انا لازم اعرف ليش تعاملني جيه .. لازم اعرف..

الريم تضغط ع اسنانها بقو من قهرها وبدون شعور روحت بسرعه صوب فونها وشلته .. تدق ع الرقم لي ترصخ فقلبها .. تدق بدون تفكير .. بدون وعي للي يالسه تسويه .. تدق بقهر ..وتحاول تكتم دموع تيمعت بعيونها وقهر وألم وعذاب سنين ..

مــا أدري أن تعذيـبـك يخـلـي الـ/ مانـسـى ينـسـاك
................. وانا اللي ماقدرت انسى وطحت بعشقتك كلـي
.
لـو انـك ماتجـي يمـي احــس انــك مـعـي والـقـاك
............. ي/ ساكن في وسط صدري وتلازمني مثل ظلـي
.
أمـوت آمـوت واحيابـك / أمــوت ان مـرنـي طـريـاك
............ أموت آموت من صمتك / واموت ان قلت لك قلـي
.
لأنـي مـاأبـي بلحـظـه تـعـرف انــي انــا اتمـنـاك
.............. ابيك انت الـ/ تجي يمي وانا الـ/ أقبل أو آخلي

البارت _ 8 _

انا لازم اعرف ليش تعاملني جيه .. لازم اعرف.. الريم تضغط ع اسنانها بقو من قهرها وبدون شعور روحت بسرعه صوب فونها وشلته .. تدق ع الرقم لي ترصخ فقلبها .. تدق بدون تفكير .. بدون وعي للي يالسه تسويه .. تدق بقهر ..وتحاول تكتم دموع jيمعت بعيونها وقهر وألم وعذاب سنين ..

مــا أدري أن تعذيـبـك يخـلـي الـ/ مانـسـى ينـسـاك
................. وانا اللي ماقدرت انسى وطحت بعشقتك كلـي
.
لـو انـك ماتجـي يمـي احــس انــك مـعـي والـقـاك
............. ي/ ساكن في وسط صدري وتلازمني مثل ظلـي
.
أمـوت آمـوت واحيابـك / أمــوت ان مـرنـي طـريـاك
............ أموت آموت من صمتك / واموت ان قلت لك قلـي
.
لأنـي مـاأبـي بلحـظـه تـعـرف انــي انــا اتمـنـاك
.............. ابيك انت الـ/ تجي يمي وانا الـ/ أقبل أو آخلي

الريم ع طول بندت قبل لا يرن .. يلست تطالع الفون .. تطالع رقم هادف وفيها قهر!! عقت الفون !! خلك ياهادف .. خلك ع قساوتك !! دامك بغيت هالشي انا راضيه به !! وعسى الله يهنيك !! لكن إلا الاهانه آسفه مارضابها .. الريم ع طول ظهرت من الحجره .. ماتبا اتم فيها .. تبا تظهر من البيت ..تحس عمرها مخنوقه .. تحس انها منهاره .. ظهرت الريم كاتمه دموعها .. ما سمحت بو لا دمعه تنزل ع خدها .. سارت صوب أخوها منصور لقته ظاهر .. افففف وينه منصور .. خلاص بسير صوب فلاح .. راحت حجرته مالقته ... خلاص بنزل الصاله بشوفه .. نزلت الصاله ما لقت غير أمها ..

الريم رايحه صوب أمها : إمآيه وين فلاح و منصور؟
أم فلاح : والله منصور راح صوب ربعه تحيدينه من زمان هب شايفنهم .. وفلاح مداوم !!
الريم : هيه صح ،، انزين اميه خل نظهر من البيت ..
أم فلاح : وين تبين تسيرين يا بنيتي ..
الريم : ماعرف اميه .. أي مكان. أي مكان أي مكان .. المهم اظهر مليت من يلسة البيت ..
أم فلاح : فديتج يا بنيتي .. بتسيرين صوب اسوم ..??
الريم : فديتها اسوم من متى ماشفتها. خلاص بسير صوبها ..وشرايج نشلها هيه وعموه نسير السوق ..
ام فلاح : زين عيل .. سيري خبري الدريول .. وتجهزي..
الريم مستانسه : فديييتج مامايه .. يلا دقايق..
أم فلاح:بارك الله فيج ..

ام فلاح تدق حق ولدها فلاح : مرحبا
فلاح: وبج مليار شحالج اميه ؟
أم فلاح: بخير ونعمه ربيه يسلمك .. ومن جداك ؟
فلاح : الحمدلله ..
أم فلاح : انزين ياوليدي ترانا نحن بنظهر بنخطف ع عمتك وبنسير السوق ..
فلاح : اوك عيل .. هب مشكله..
أم فلاح : يلا عيل ياوليدي .. فداعة الله
فلاح مبتسم : الرب حافظ ..

أم فلاح بندت عن فلاح .. وسارت غرفتها تبدل .. وشلت عباتها وظهرت ..الرييييم .. يلا ا بنيتي خلصتي ..
الريم يايه تربع من فوق.. : هيه هيه امايه خلصت ..
أم فلاح مبتسمه : شوي شوي يا بنيتي عن تندبقين احين ..
الريم : هههه ان شاء الله ..
أم فلاح والريم ظهروا ..

الريم : اميه بدق حق اسوم بشوفها جان بتخاوينا مايندرابها..
ام فلاح : زين تسوين ..

الريم تدق حق اسوم..

أسوم : ألو
الريم : مرحبا مليار ..
أسوم : وبج زوود يالدبه ..
الريم : خخخخ بلاج ..
اسوم : شعنه ماتردين ..
الريم : اممممم ماكنت حذال الفون ><
أسوم : اها ..
الريم : أسآآآآآآآآمي..
أسوم : عيوونها شو بغيتي..
الريم : علنيه فدى عويناتج .. انا واميه يايين صوبكم.. ويعني يعني نبغي مخاوتكم .. بنسير السوق.,
اسوم : اللآآآآآآي من متى ماسرنا ويا بعض هههه
الريم : هههه انزين عيل شوفي امج .. نحن احين يايين فالدرب..
أسوم : اوك يلا سي يو ..
الريم : سي يآآآ


أم فلاح : ها شقالت ؟
الريم : احين بتتخبر عموه ..
أم فلاح : زين عيل..

[ بيت بو غيث ]

ام فلاح والريم توهم واصلين .. أم غيث كانت فالحوي تشوف الزراعه ..
أم غيث: مرحبا مرحبا بأم فلاح ,,
أم فلاح توايه أم غيث : مرحبابج زووود يا أم غيث..شحالج؟
أم غيث: بخير ونعمه .. انتي شحالج وشحال العيال؟
أم فلاح : والله الحمدلله محدن يشكي باس..
أم غيث توايه الريم : مرحبا بشيخة الحريم ..
الريم مبتسمه : وبج مليار عموتي..
أم غيث: علوومج ؟
الريم : علوووم الخير ومن جداج عموتي؟
ام غيث: الحمدلله .. قربو قربو ..
أم فلاح : جريب ..

دخلو الحريم البيت .. الريم ع طول ربعت عند اسوم فوق ..

وبدون حيا ولا دستور فجت الباب : بووووووووووووو
أسوم كانت تسحي شعرها ..تروعت صدت صوب الباب : دبووووووووووووووه زيغتيني ..
الريم ناقعه ضحك سارت صوب اسوم تلوي عليها : هههه فديييت لي زيغتها .. شحالها؟
أسوم :الحمدلله .. انتي شحالج ؟
الريم : تماااااامووو ..
اسوم : زخي عمرج هههههه
الريم : ههههه شدرانيه هم جيه يقولون يحوسون لسانهم ..
اسوم : ماشي شغله تراااه .. تمامو يسلمو ومادل شوه .. عنلاتهن
الريم : هههههههه معارضه بشده
أسوم : جب جب هههه..
الريم : بلاها الكشه طايره ووووووووكككككك
أسوم : ريمووه بجلعج احين تراه صخي عني .. يوم انج بتعطيني شعرج هالحرير رمسي..كل الشعور شرات شعرج .. مالت ..
الريم : ههههههه فديتج .. شعرج حلو انزين ..
اسوم : هب شرى شعرج ..
الريم : احم انا الريم بين قوسين ها ..
اسوم : ياااااااااربي ع الخقه .. هههه قومي سرنا تحت بسلم ع خالوه ..
الريم : هههه يلا ..

نزلن البنات .. وهن نازلات داقات سوالف ماشي شغله ..
أسوم سايره صوب خالتها : السلام عليكم ..
تنش خالتها تسلم : وعليج السلام ورحمة الله وبركاته ..
أسوم : شحالج خالوه عساج مرتاحه ؟
أم فلاح : الحمدلله يا بنيتي انتي شحالج ؟
اسوم : بخير ونعمه .. استريحي خالوه استريحي ..

عقب يلسن البنات ع صوب يسولفن والحريم رواحهن ..
اسووم : ريييييموووووه ..
الريم تاكل فراويه : شعندج انتي ما تخليني اتهنى..
اسوم : ههههه امرره احين انتي ما بتتهنين إلا بالفراوله ..
الريم : هههههههه عاد انا مايخصنيه ماحب الاكل إلأا هالأشيا
اسوم : مالت عليج .. انزين تعالي ظهرنا ابغيج بسالفه ..
الريم تاكل ووتطالع أسوم بعين .. : الله يستر منج انتي ..
اسوم : ههههههه يلا يلا خلصينا..
الريم : ابا اااااااااكل ههههههههه
اسوم: عقب عقب اف منج بالوووعه [ عزكم الرب ] ..
الريم : وووووويهج هههه ...يلا نشينا طابت نفسيه ..
اسوم : ههه فديتج بنخطف ع المطبخ ..
الريم : لالا خلاص مابغي ..

اسوم : ماماتي .. خالوتي نحن بنسير نحوس فالبيت .. ههههه
أم فلاح : ههه سيرن حوسن سيرن ..
أسوم : ههه عن اذنكم ..
ام فلاح وام غيث مبتسمات ..: اذنكم وياكم ..

ظهرن البنات ويترابعن شرات اليهال ..
الريم : والله نحن خبول متى بنكبر ههههه .
اسوم : ههههه الله يعين رياييلنا ..
الريم : هههه ماعليه منهم انا .. بربع لو صكيت الميه ..ههههه
اسوم : ههههههه ناويه تعمرين ..
الريم : حسووووود حسووود .. هههه ..
اسوم : مالت ع فيسج ..
الريم تحرك حياتها فوق وتحت : تتمنينه هههههههه
اسوم : مالت .. هههه ...

راحن البنات يلسن فالحوي ...
الريم تطالع اسوم وصاخه ..تترياها ترمس تقول شعندها..

اسوم تضحك : هههه بلاج تطالعينيه جذا..
الريم : يلا خل عنج الاستهبال ارمسي..
اسوم : هههههههههه فاهمتنيه ها..
الريم : يااااااربي يلا قولي..
أسوم : اممممممممممم حاطه فخاطرج ع هادف ..
الريم : ليش انتي سخيفه..؟؟
اسوم مبوزه : حناااااام
الريم : اممممم ماعرف.. عادي مايهمني..
اسوم : بس الريم انتي تحبينه ..
الريم : احبه هيه .. لكن هب ع حسابيه !!

اسوم سكتت ماتعرف شتقول .. مفتشله من اللي سواه اخوها..

الريم حست بشعور اسوم : اسوم حبيبتي لا يهمج .. عادي والله ..
أسوم تطالع المكان لي طاحت فيه الريم : ريماني...
الريم : هلا..
أسوم : تتذكرين هالمكان شو صار فيه؟
الريم تطالع ريلها : هيه اذكر ..
اسوم : تدرين منوو لي وداج المستشفى؟
الريم : امممم ماعرف والله ما كنت بوعي .. اممم لا يكون ...
اسوم : هيه ..
الريم مفججه عيونها ..
اسوم : انا بصراحه يوم طحتي وشفتج وايد تنزفين ماعرفت شسوي .. خاصتن يوم اغمى عليج .. ع طول ربعت الصاله لقيت امايه وهادف .. ريموه اول ماقلتل هم هادف ما تريانا ع طول ربع برع قبلنا .. وقالي اشغل السياره وشلاج حطج فالسياره ..

الريم منصدمه .. ومستحيه .. ماتعرف شتقول .. هالشي اول مره تعرفه
الريم : كـ ,. كيف جيه ..؟؟
اسوم : مادري بس انا لي مستغربه منه اول مره اشوف هادف جيه ..
الريم :لشو تبين توصلين ؟
اسوم : ماعرف ماعرف.. احس هادف يحبج
الريم : لا مستحيل.. مستحل هادف يحبني .. قومي نشينا اسوم ..
اسوم : ريـــــ .... !!

الريم نشت وتقاطع اسوم وتبتسم : خلاص اسوم .. اللي صار صار .. مانقول غير ربيه يحفظهم وين ماكانو ..
اسوم مبتسمه : ان شاء الله ..

نشن البنات يتمشن فالحوي .. ظهرن ام فلاح وام غيث..

أم فلاح : يلا يا بنياتي جان بتسيرن السوق..
الريم واسوم : اللاآآآآآآآآآآآآآآآآآآآآآآآي يلا سرنا ..
ام غيث: ههه العقل زينه ..
أسوم : ههههه احم احم .. يلا انا بسير أخذ عباتيه وبييكن ..

راحت اسوم ووياها الريم .. شلت اسوم عباتها ونزلن تحت . لقن امهاتهن يترينهن فالسياره .. ركبن وع طول راحن المول..

شركة بوغيث

بوغيث معصب ويرمس ولده غيث ..
بوغيث: وكييييييف جيه صار .. كيف؟؟
غيث: والله ما دري يابويه .. مادري كيف هالمناقصه تسربت ..
بوغيث: هاي اهم مناقصه عندنا .. اهم مناقصه .. وين المسؤوول .. ازقرليه اياه احين ...
غيث: ان شالله .. ان شالله ياابويه .. بس انت هدي هب زين ع صحتك ..
بوغيث: بقت فها صحه .. خليتو فيها صحه ..
غيث: علنيه فداك يابويه .. استريح لا تتعب عمرك انا بتفاهم وياهم ..
شوي إلا والمسؤول داخل ..
بو حامد : خير يابوغيث بغيتني..
بو غيث: هيه نعم بغيتك .. ممكن تخبرنيه هالمناقصه كيف تسربت لباجي الشركات .. كيف؟
بو حامد ارتبك : هاا؟؟ ممــ ., ممأأعرف يا بوغيث
بوغيث عصب : إذاااااا انت ماتعرف منو يعرف يا مسؤووول منوووه قولي؟
بو حامد : شدراني انا .. تراه صار اللي صار..
غيث: خلاص يا بويه دخيلك هدي انا بحل السالفه ..

بوغيث يلس ع المكتب.. يفج معاقم كندورته .. يحس بخنقه .
.
غيث خاف على ابوه .. : خلاص يا بوحامد انت روح احين وعقب بزقرك ..
غيث يعطي ابوه ماي: خذ يابويه .. هدي دخيلك ..ارتاح ..
بوغيث: ساكت ومايرمس .. خذ الماي وشربه بدون مايرمس ..
غيث يطالع ابوه ع هالحال وهب عارف شيسوي ..
فيلس حذاله حاول يهديه ..

عند بو حامد ..

الله ياخذك يا بوظاعن .. كله منك .. كله منك .. ولا انا وين وهالسوالف وين ..
يو حامد يدق حق بو ظاعن : ألووو ..
بو ظاعن : مرحبا مرحبا..
بو حامد : لا مرحبا ولا مسهلا .. شفت شسويت ..
بو ظاعن : شو بعد شسويت ؟ شو اللي سويته ان شالله ..
بو حامد : يعني اونك ماتعرف بسالفة المناقصه ..
بو ظاعن : هههههههههه لا تنسى يا حبيبي انك ويايه بالطبخه..
بو حامد : انت السبب .. انت اللي شحنت عقليه بهالافكار. خليتني مافكر إلا بالفلوس ووصخ الدنيا..
بو ظاعن : تووك تذكرت .. توك تذكرت انها وصخ دنيا. . بس لا تنسى آثار الجريمه تنبان ع الجباه ..
بو حامد عصب من اسلوب بو ظاعن فالرمسه .. حس انه هب ناوي ع خير.. بند فويهه .. حس عمره ضايع .. الله يغربلك يا بو ظاعن .. بتخرب بيتي .. وبتخسرنيه شغليه لي هو المكسب الوحيد لي ولعيالي.. ليتنيه ماطاوعتك ولا سربت المناقصه ..

بو حامد كان انسان ع قد حاله .. كان موظف عادي عند بوغيث.. عقب بوغيث رقاه وخلاه مسؤوول .. وبوظاعن انسان طماع .. ونفسه خايسه .. وكان يحسد بوغيث ع رقيه ونجاحه .. فحاول بكل ما بيده انه يكسر هالنجاح .. وقص ع بو حامد لين خلاه يطاوعه بالشر..
بو حامد آآآخ انا لازم اخبر بوغيث .. واللي يصر يصير..لالا ماقدر ماقدر .. يلس بو حامد ع الكرسي وزاخ راسه .. هب عارف شيسوي..

عند الحريم

أم فلاح : ها خلصتو اموركم ولا بعدكم ..
ألريم : هيه اميه خلصنا .. ههه بس دخيلج بنسير نشتري حلاوه مايصير مانشتري ..
أم فلاح : يهال يهال انتن هههه ..
راحن الحريم .. اشترن الريم واسوم حلاوه .. ماخلن حلااو ما اشترنه .. ومن خلصنه ع طول ظهرن ردن البيت .. خطفو ام فلاح واسوم البيت وردن بيتهم ..

لندن

هادف وحمدان كانو يتمشون .. عقب خطفو ع مطعم يتعشون ..
حمدان : ههههه الصراحه اليوم ونااسه ..
هادف : ههههه اصبر باجي شهر وتبدأ الدراسه .. الله يستر بس ..بتشوف الوناسه ع اصول..
حمدان : ههههه صدقت .. خلنا نتفجج احين ..
هادف : هههههه يبالنا والله ..
حمدان : حليلهم هناك شيسوون ..
هادف : غمض عيونك بتعرف ههههههه
حمدان : سخيف انت تعرف
هادف: لا والله ما حصل ليه الشرف هههه ..
حمدان : ههههههه طاعو خفة الدم انتوو ..
هادف: اقول .. شوف شغلك وابلع احسن .. غادي لي عواااله يابسه ..ههههه
حمدان : ههههههه تغار انت شو ..
هادف: احم احم انا هادف اغار من حمدانوه .. هههه
حمدان : وياويهك .. بس بصخ عنك انت .. ادريبها الرمسه وياك ضايعه ..
هادف : ههههههه جيه بتيوزني انت..
حمدان : لالالالالا دخيلك . مانبا حرمتك تستخف شراتك .. رأفتن بالقوارير ههه
هادف: ههههههه امررره طايح من عينك ..
حمدان : ههه إلا ..
ويلسو الشباب ضحك وسوالف ولا عليهم ..

بيت بو فلاح

الريم وام فلاح توهم واصلين البيت ..
الريم : فديتج ماامااتي وايد استانسنا..
ام فلاح : ههه فديتج عسى دوم مستانسه ..
الريم مبتسمه : انزين مامايه انا بسير ابدل ..
ام فلاح : وانا بعد .. سيري يا بنيتي ..
الريم روحت فوق ..
أول ما دشت الحجره شافت الورده لي عقتها فالارض.. يلست الريم تطالع الورده وتتذكر .. تتذكر اللحظات اللي جمعتها وياهادف وهم صغار .. ابتسمت بحزن .. آآآخ ليت هاييج الايام ترد .. يوم إنا صغار.. قلبنا صافي .. مانحاتي لا الم ولا مراره ..
الريم تنهدت وشلت الورده من على الارش.. فجت البوكس لي يابه هادف .. حطت الورده فيه وسكرته .. خشت البوكس.. وتنهدت .. وهي تردد أبيات منعت عيونها من انها تذرف دمعه لعيون هادف !!

باستأذنك لازم ..اروح..
ما اقوى على باقي".. الجروح.."
انت معي ~غامض كثير~
طبعي ::الوفـا:: طبعي الوضوح
اللي يصير [بعدي ] يصير !!
ما يخاف أبد | صافي الضمير|
يوم الليالي تستدير..
يفرح.. و حساده تنوح..
استأذنك لازم ( ا ر و ح)


عند هادف وحمدان [ لندن ]

هادف وحمدان توهم ظاهرين من المطعم .. ركبو السياره ..
هادف حط ايده ع مخباه :اووووه حمدان نسيت البوك داخل ترياني ..
حمدان : اوهوو ... انزين بسرعه نبغي نلحق ع الفلم ..
هادف : اوك اوك ثواني احين ياي ..
هادف يربع .. اول ماوصل عند باب المطعم دعم بنيه كانت ظاهره من المطعم .. هادف ويهه قفط ماعرف شيسوي .. ع طول يودها عن تطيح .. بدون مايحس ..

البنيه كانت وايد حلوه .. هادف اول ما طاحت عينه ع عينها سكت ومارمس..سرح بعيونها . مايعرف شو جذبه لعيونها.... البنيه ملامحها وايد حلوه .. وامبين انها خليجيه ..

من ڪهرب ڪفوفڪ تڪهربت
لامست في يمناڪ تيّار
انا اشهد اني يالغلا ذبت
من لمستڪ والقلب محتار
مصيوب من عينڪ تصوّبت
ياآبوجبين يشع بنوار



البارت _9_

هادف يربع .. اول ماوصل عند باب المطعم دعم بنيه كانت ظاهره من المطعم .. هادف ويهه قفط ماعرف شيسوي .. ع طول يودها عن تطيح .. بدون مايحس ..

البنيه كانت وايد حلوه .. هادف اول ما طاحت عينه ع عينها سكت ومارمس..سرح بعيونها . مايعرف شو جذبه لعيونها.... البنيه ملامحها وايد حلوه .. وامبين انها خليجيه ..

من ڪهرب ڪفوفڪ تڪهربت
لامست في يمناڪ تيّار
انا اشهد اني يالغلا ذبت
من لمستڪ والقلب محتار
مصيوب من عينڪ تصوّبت
ياآبوجبين يشع بنوار

هادف تم يناظرها .. وهي على نفس الهيئه .. هادف حس بألم فقلبه ..
هادف : سمحيلي الشيخه ,, فداعة الله ..
البنيه : مسموح اخويه بالحل ..

روح هادف .. اول ماوصل عند الطاوله لي كانو يالسين عليها .. دمعت عينه .. حس انه ريله تيبست .. حس ان ريله هب شايلتنه . . ع طول يلس فالكرسي وحط يدينه ع راسه ..
هادف يلس يتذكر اللحظه اللي التقى فيها ويا الريم .. يوم كانت يايه تبشر اسوم بنتيجتها .. عمره ما نسى هاك اليوم اللي جمعه بالريم ..أول مره .. من بعد سنين من كانو صغار ..

هادف حط راسه ع الطاوله .. آآخ يالريم .. هب قادر انساج .. وين ماروح احسج بكوني .. بكلي.. في رووحي وكياني كله .. حتى الهوى لي اتنفسه يذكرنيه بالريم..
شوي إلا ويحس إيد ع جتفه ..ع طول رفع راسه .. إلا يشوف حمدان واقف ويطالعه ,, هادف طالع حمدان وع طول نزل راسه ..
حمدان : هادف اخوي فيك شي؟
هادف مبتسم : لا يا حمدان مافيني شي .. قوم مشينا..الفلم بدى ونحن بعدنا..
هادف يا ينش ... حمدان يضغط ع جتفه عسب ما ينش .. هادف طالع حمدان بمعنى بلاك ؟؟
..
حمدان : عمره ما كان الفلم أهم من الخوي وتوأم الروح ..
هادف نزل راسه وحس بألم كبير:حمدان خلاص قلتلك مافيني شي .. قوم سرنا..
حمدان: هادف..انا خويك..واعرفك عدل..صارلي فتره حاس بك شي.. بس سكت عنك .. قلت روحه بيرمس..بس ياهادف احس ان حالتك كل يوم للأسوء..
هادف تم ساكت ومارمس..
حمدان قدر موقف ربيعه وتنهد:براحتك ياهادف..ومتى مابغيتني تراني جدامك..
هادف: علنيه فداك يا حمدان .. أشهد انك ماتقصر.,
حمدان مبتسم : انزين عيل يا هادف..سرينا..
هادف:يلا سرينا..

ظهروا حمدان وهادف .. ركبو السياره وطول الدرب ساكتين..حمدان كان يسوق وهادف يطالع برع وباله هب وياه أبد .. حمدان هب عارف شيسوي..صعب عليه يشوف ولد عمته بهالحال.. لكنه تم ساكت احتراما لهادف..والافكار توديبه وتييب..

شركة بوغيث

بو غيث هب في حاله .. رايح راد يفكر بالمصيبه لي صابت الشركه .. غيث يالس وهب عارف شيسوي.. مل من كثر مايهدي ابوه .. وابوه هب راضي يهدى..شوي إلا يدق يو ظاعن حق بو غيث.. دق له ونوايا الشر كلها بقلبه .. بو غيث ياي بيرد ..

غيث:خله عنك يابويه انا برد ..
بوغيث:لا يابوي..انا برد ارتاح انت..

غيث يهز راسه ..محتار ضايع..قال احسن شي يظهر ويشوف فلاح يمكن يلاقي عنده حل لهالمشكله ويهدون ابوه..

بوغيث يرد ع التلفون :مرحبا
بوظاعن:مرحبتين كبار..شحالك يابوغيث؟
بوغيث اول مادرى انه بو ظاعن حس انه ماوراه خير:الحمدلله انت شحالك؟
بوظاعن:والله يابوغيث من دريت بسالفتكم وانا هب ع حال..
بوغث منقهر من بوظاعن :شنسوي بعد ماقول غير الحمدلله ع كل حال..
بوظاعن : ههههههه مسكين حالك يآ ... يآآآ المعزب..

بوغيث حرج من اسلوب بو ظاعن فالرمسه : الشيخ بغيت شي منيه ولا مضيعة وقت كالعاده؟
بو ظاعن : عن الغلط يالمعزب..وع فكره اللي شفته شويه هههه ..
بوغيث:شقصدك يآ أخ؟
بوظاعن : أنا اللي شيست المسؤول بو حامد عليكم .. وخليته يسرب المناقصات الخاصه بكم.. ولاه ازيدك من الشعر بيت .. بيدي اكثر واكثر..

بو ظاعن انصدم .. معقوله !! معقوله بوحامد يسوي جيه ؟؟ بو حامد !!

بوظاعن وصل للي يباه : مصدوم هاا ههه .. يا المعزب جان تبا تتأكد سير شيك ع الفايل رقم 34 عند بو حامد .. وهو نفسه الفايل لي تعاملت وياه ويا بوحامد والشركات الثانيه .. وبواسطته تسربت المناقصه...
بوظاعن حرج .. ماصار يشوف جدامه غير السواد .. عق سماعة التلفون ..ظهر من المكتب وهو محررج .. رايح صوب بو حامد .. والظيم كله فصدره .. غيث وهو يرمس فلاح انتبه على ابوه وهو ظاهر محرج من المكتب..

غيث:فلاح عقب برمسك ابويه محرج مادل بلاه ..
فلاح: خلاص عيل وطمني ها..
غيث:ان شالله ان شالله ..ربي يحفظك
فلاح:الرب حافظ

بوغيث أول ماوصل مكتب بو حامد فج الباب بقوو بدون مايدقه .. بوحامد نش من ع مكتبه وقلبه يرتعش من الخوف..آآآخ أكيد بوظاعن له ايد بيية بو غيث عنديه..
غيث يلحق ابوه ويدش مكتب بو حامد لي يسوده الصمت : أبوويه ابويه بلاك؟

بوغيث مطنش غيث ويرمس بو حامد : وين الفايل رقم 34؟
بو حامد وهو يرجف: هـ .. هــآآ؟؟؟
بوغيث: ظنتيه سمعت شو أقول .. وينه بسرعه...
بو حامد يناظر الارض وبعده على صمته ..

بوغيث هني تاكد من الرمسه لي قالها بو ظاعن ..يلس يطالع بو حامد بقهر وظيم ..

بوغيث: أفاا .. أفا والله يابوحامد..عمررريه!!عمررريه ماتوقعتها منك !!تخون خويك يابوحامد!!

بوحامد تمنى الارض تنشق وتبلعه .. تمنى يموت ولا يوقف هالوقفه جدام ربيعه لي ظمه وستر عليه وعلى هله .. تم ساكت .. ماله ويه يرمس بعد اللي سواه ..
غيث مافهم شالسالفه بالضبط .. بس لي فهمه إن بو حامد له ايد بالسالفه.. ما سأل ابوه لان ابوه بحاله حرجه ..بوغيث واقف ويرص على ايده من الغيظ والقهر .. ويناظر بوحامد نظره تمليها الندم والحسافه ..شوي إلا بو غيث يطيح !!

.. بوحامد رفع راسه .. يطالع بو غيث وهو طايح ..طريح ع الارض..

غيث يربع صوب ابوه يصارخ: أبووويه .. أبووويه نش يا ابوويه .. بسرررررعه يابوحامد دق حق الاسعاف..
بو حامد هب قادر يتحرك يحس بألم كبير.. غيث يصرخ:بسررررررررعه يابوحااامد..

بوحامد ع طول ربع .. يدق حق الاسعاف.. والحسره والندم تاكله اكل..يو الاسعاف بسررعه .. شلو بوغيث..وغيث لحقهم بسيارته وهو طالع يشوف بوحامد بنظره :والله بتندم يابوحامد لو صار لأبويه شي..
بوحامد ماعرف شيسوي .. ركب سيارته .. آآآخ انا السبب .. انا السبب .. كيف طاوعني قلبي اخون خويي كيييييييييف؟؟ لحقهم المستشفى ... وهو يتوعد لأبو ظاعن ..
غيث ع طول دق حق فلاح ..
غيث:فلااااح الحق؟
فلاح:خير يا غيث.. شصاير؟؟
غيث:ابوويه .. ابوويه يافلاح طاح علينا .. واحين الاسعاف شالينه..
فلاح : وين توام؟
غيث:هيه ..
فلاح: خلاص انا ياي .. فداعة الله

غيث يبند عن فلاح .. والالم ذابحه .. يضرب ع السكان بقووو .. هب عارف شيسوي.. سرعته نااار.. يضرب هرررنات : يلالا امشووووووووو .. ليش هالبطئ يلالالالا

من كثر مب خايف على ابووه .. يحس الكون داير حوله ... وصل غيث المستشفى .. غيث يشوفهم وهم شالين ابوه .. يركض صوبهم بسرعه : أبوويه .. إصبر .. أصبر يابويه دخيلك..
ع طول دخلووه الرياييل.. والدكتور دخل وراهم .. غيث حاط راسه ع اليدار ..مخنووق هب عارف شيسوي.. شوي إلا وفلاح ياي..

فلاح : غيث بشر شخباره عمي؟
غيث يطالع فلاح وعيونه تجول بها الدموع:والله لي احين ياخوي ماشي خبر عنه..
فلاح حاط ايده ع جتف غيث: ادعيله يا غيث وربيه قومه بالسلامه..
غيث:امين..ربي يسمع منك يافلاح..

غرفة الريم


الريم كانت يالسه ع اللآب .. ماشي شغله تحووس فهالنت تنزل صور للتصاميم وشلات ..تضيع وقتها..يااربي اللاب ممزوور ماشي بقعه فاضيه فيه .. خل أمسح احسن..

قعدت الريم تبطل الفايلات وتمسح اللي هب ضروري..وهي تمسح فجت فايل كانت تكتب فيه خواطرها .. قعدت تقرأ وهي متحسفه ع هاييج الايام لي كانت تحب هادف فيها..الايام اللي نورتها بيوم تتلاقى فيها روحها ويا روح هادف.. لكن الزمن عيا ينور كونها..من هي صغيره تسافر من حزن لأكبر!! وكل هالاحزان ما تعوض فقدان أبوها.. آآآخ يابوويه تمنيتك تعيش معايه طول العمر..تباركليه بتخرجيه .. ابويه انت كنت نور هالبيت.. يوم اشوفك وانامضايجه احس حزنيه يسافر عني ببسمتك لي ما انساها ..بسمتك لي تغمرنيه بالحنان والطيبه..آآخ واليوم حتى الانسان لي تمنيته رحل عني !! وماظن بيوم راح أرجع له .. خلاص الكون بي ضآآآآآآآق .. ضآآآآآآآق..

آدرٍِرٍِيُ .. آنكٍِ صرٍِتُ ضمنٌ المٍِسْتحٌيلٍِ ~
بسُ قلبُيْ رغمٍِ بعآإدكٍِ مـآإنْسُـآإكٍِ ..×
وآإدرٍِرٍِيْ آإنْيُ منٍِكْ ضيُعْتٌ الدليٌلٍِ
وٍِالسبْبْ لآشُكٍِ كثُرٍِةْ غـلآإكٍِ ]]
وآإدرٍِِرٍِيْ آإنْيُ منْ سُببٌ بعٌدكٍِ عليٌلْ
آللهٌ آكبرٍِرٍِ صـآإرٍِ حبٌكٍِ ليٌ هـلآإكٍِ
وآدرٍِرٍِيٌ آنيٍِ ممكنٌ آلقـآإكٍِ بديٌلٍِ
بــسْ ويٌُنْ الليٍِ يسُـآإوٍِيكٌ بغـلآإكٍِ ..


الريم وهي غرقانه بتفكيرها .. يقطع تفكيرها صوووت المسن وهو يرج ههه .. جان تشوف انه حمدان من متى حادر ويرمسها وهي هب منتبهه..هه فديتك حمداني اووييه ما انتبهت

|محال ذى الحب ينطفي نوره |says:

مرررررررحبا مليووووووووووون حمداني

|تمنيت الزمن تذكار نسافر فيه على كل حال |says:

تووو الناااس جااان مارمستي


|محال ذى الحب ينطفي نوره |says:

هههههههه فديتك انا .. شحالك؟

|تمنيت الزمن تذكار نسافر فيه على كل حال |says:

بخييييير ونعمه انتي شحالج وشحال الاهل والديار؟


|محال ذى الحب ينطفي نوره |says:

حووووووه انت شوي شوي .. ههه الحمدلله محدن يشكي باس..

|تمنيت الزمن تذكار نسافر فيه على كل حال |says:

هههه جنج مستووويه دفشه؟

|محال ذى الحب ينطفي نوره |says:

طااع هاا.. الدفشه حررررررمتك هب انا


|تمنيت الزمن تذكار نسافر فيه على كل حال |says:

احم احم عن الغلط .. علنيه فدى حرمتيه امرره ما تنعاب..

|محال ذى الحب ينطفي نوره |says:

هههههههه ويلي انا..لا يكون معرس من ورانا..

|تمنيت الزمن تذكار نسافر فيه على كل حال |says:

ريموووه دخيلج لا تخبرين حد ترى محد يعرف إلا انتي هههههه

|محال ذى الحب ينطفي نوره |says:

من عيوووني افا عليك .. بير بير طال عمرك هههه

|تمنيت الزمن تذكار نسافر فيه على كل حال |says:

الله حيه هالبير.. عساه بس غني بالمياااه يا اختاه هههه

|محال ذى الحب ينطفي نوره |says:

هههههه ويهك..تعال احيدك رايح لندن لازم تحوس لسانك هب ترمس فصحه ..

|تمنيت الزمن تذكار نسافر فيه على كل حال |says:

هههههه يختي من شفت هاييل يحوسون لسانهم حسيت بجيمة اللغه يوم وقفت جدامهم شرى الاطرش فالزفه ..قلت الله حيج يالعربيه هههه

|محال ذى الحب ينطفي نوره |says:

ههههههههههههه انت تحفه ..

|تمنيت الزمن تذكار نسافر فيه على كل حال |says:

فأي متحف؟ ههههههه


|محال ذى الحب ينطفي نوره |says:

حمدانووووووه صدق انك مليق هههههه

|تمنيت الزمن تذكار نسافر فيه على كل حال |says:

ههه يابوج الغربه تسوي .. لحظه هادف يرمسنيه ..

|محال ذى الحب ينطفي نوره |says:

اهاا ..تيت يالغجرري..ههه


هادف: أقولك منوو ترمس؟
حمدان: منو غير هالخبله هههه ..
هادف: هههه الريم؟
حمدان:هيه خبلتبي..ههه
هادف:والله أشك .. هههه اكيد انت مخبلنها ..
حمدان:احم احم برئ ههه
هادف: هههه ..انزين اخبرك متى بتسير الجامعه عسب نرتب امورنا ونفتك؟
حمدان:اممممم والله ماعرف شوف انت وخبرني...
هادف:بكفخك ترااه يالسبال..
حمدان:قبلت الزواج بك قبلت هههههههههه
هادف يكفخ حمدان ع راسه: ههههههه ويا ويهك صدق سخيف..الله يعين ختك الله يعينها..رمسها انا بسير ابرك..
حمدان :هيه والله ابرك هههههه
هادف:بتشووف انزين ههه ...سلم ..
حمدان:يبلغ..

|تمنيت الزمن تذكار نسافر فيه على كل حال |says:

الوو انا ييت روح هادف..

|محال ذى الحب ينطفي نوره |says:

هههه احين بدل هالخريطه كلها .. قول باك وفك عمرك..

|تمنيت الزمن تذكار نسافر فيه على كل حال |says:

ههههه صبري تونا داشين الميدان ..

|محال ذى الحب ينطفي نوره |says:

هههههههه مسكين حالك..انزين انا بظهر تعلم انت ههه ..

|تمنيت الزمن تذكار نسافر فيه على كل حال |says:

هههه يالنذله ..اوك يلا ..صح يسلم عليج هادف..

|محال ذى الحب ينطفي نوره |says:

الله يسلمك وياه من النار ..رد عليه السلام..

|تمنيت الزمن تذكار نسافر فيه على كل حال |says:

ان شاء الله يبلغ ..

|محال ذى الحب ينطفي نوره |says:

يلا عيل فداااعة الله يالدااادوووه..

|تمنيت الزمن تذكار نسافر فيه على كل حال |says:

الدادوه ريلج .. ههه ..الرب حافظ

ظهرت الريم عن حمدان .. ويلست ترتب أغراضها ..




مستشفى توام

الممرضات داشات .. ظاهرات .. وغيث وفلاح على اعصابهم .. يحاتون بو غيث .. شوي إلا والدكتور ظاهر ..غيث ساير صوب الدكتور : دكتوور بشر ابوي شحاله ؟
الدكتوريهز راسه يمين ويسار : ما بخبي عنكم عنده جلطه .. بس بنحاول ننقذه قد مانقدر ...والباجي على الله ..
غيث فاج عيونه منصدم : يآآآرب يآآآآرب..
فلاح يلوي عليه : خلاص يا غيث هدي دخيلك خلاص لا تسوي جيه ..انا بدق حق الاهل عسب ايون ..
فلاح يدق حق امه : مرحبا اميه..
ام فلاح وحاسه انه في شي:مرحبيتين كبار..
فلاح : ام..اميه ريل عمتيه فالمستشفى ..
أم فلاح : خير يابويه بلاه ..
فلاح: تعبان يا اميه .. ماعرف شقايل اخبر عمتيه انتي سيري وخبريها..
أم فلاح : ربيه يشفيه ان شالله .. خلاص انا بخطف عليها وبني رباعه ..
فلاح : نرقبكم ..فداعة الله..
أم فلاح : الرب حافظ ..

أم فلاح بسرررعه شلت عباتها.. الريم نازله من فوق : اميه ع وين ؟ شصاير؟
أم فلاح : يا بنيتي خالج بوغيث فالمستشفى تعبان..
الريم :شووو ه ؟؟ اميه بيي وياج دخيلج ..
ام فلاح : يلا انقفضيي انا سايره اخبر الدريول يوصلنا..
الريم: ان شالله ان شالله ثواني..
الريم ربعت بسرعه شلت عباتها وسارت صوب امها .. راحو بسررعه بيت بوغيث..نزلت أم فلاح .. والريم تمت فلسياره ..
أم فلاح : هووود ..هوود..
أم غيث :هداا هداا ..قربي يا فلاح ..
أم فلاح :جريب.. شحالج يا أم غيث؟
أم غيث:بخير وسهاله ومن صوبج..
أم فلاح :نحمدالله ..
أم فلاح تحط ايدها ع جتف ام غيث : يا أم غيث .. بوغيث فالمستشفى..
أم غيث:شوووووووووه؟؟
أم فلاح : يا ام غيث لا تحاتين الريال بخير.. احين العيال دقولي .. وانا يايه آخذج ويايه ..
أسوم واقفه ع الدري منصدمه ... أم غيث ع طول سارت تاخذ عباتها : اسوم يابنيتي شلي عباتج ولحقينا يلا ..
اسوم وام غيث خذن عبيهن وسارن ويا أم فلاح المستشفى بسرعه..

مستشفى توام .

الحريم توهن واصلات .. أم غيث تمشي بسرررعه خايفه ع ريلها ..
أم غيث: غيث .. غيث ياولدي طمني وشحاله أبوك ؟؟
غيث: والله يا اميه لي احين ماعرف شي.. الدكتور بعده داخل ماظهر .. ادعيله يا اميه ..
أم غيث : يالله يارب تلطف به وتشفيه .. يآالله تشفيه لنا وترده بالسلامه ..

أسوم لاويه ع الريم وتصيح ،، الريم تحاول تهديها ماتعرف كيف .. الريم حاسه بشعور أسوم .. يلست تتذكر اليوم اللي توفى فيه أبوها بحادث.. آآآخ يابويه .. مصعب فراقك .. ودمعت عينها..
شوي إلا ومنصور ياي : فلاح طمني شخباره خالي بوغيث؟
فلاح: منصور مانعرف شي بعدهم داخل . آآخ ربيه يشفيه ..
منصور : خير ان شالله .. آآمين يارب..
شوي إلا والدكتور ظاهر وشكله ما يطمن .. غيث والشباب بسرعه راحو صوبه : دكتوور طمنا ..الكل يناظر الدكتور .. يتريونه يرمس ..
الدكتور:البقى بحياتكم يا عيالي ..

يا أبوي لو إني من العام أرثيك وشعري يسجل بالكتب والجرايد
ماوصلت كل المعاني معانيك ولا ظنتي تكفيك جزل الفرايد

شعري وحرف يا أبيض الوجه يبكيك وينزف قصيدي في رثاكم قصايد
ودموع عيني كل ساعه تناديك تذرف دموع فوق خدي شرايد

ما هو لحالي يا بوغيث أنعيك غالي وفقدانك على القلب كايد
يا كثر من بالناس يالغالي يغليك وفقدتك صارت عليهم فقايد

عسى الوالي بجنة الخلد يجزيك ويثيبك إلاه على الناس سايد
ومن كوثر الجنه عسى الله يسقيك وعلى الارائك تتكي والوسايد

يابوي لو إني أخذ سنين وأرثيك ما ظنتي تطفي بجوفي السهايد
هذي قصيدة شوف عيني تعزيك وينزف وريدي ف رثاكم قصايد

البارت _10_

الدكتور ظاهر وشكله ما يطمن .. غيث والشباب بسرعه راحو صوبه : دكتوور طمنا .

.الكل يناظر الدكتور .. يتريونه يرمس ..
الدكتور:البقى بحياتكم يا عيالي ..

يا أبوي لو إني من العام أرثيك وشعري يسجل بالكتب والجرايد
ماوصلت كل المعاني معانيك ولا ظنتي تكفيك جزل الفرايد

شعري وحرفي يا أبيض الوجه يبكيك وينزف قصيدي في رثاكم قصايد
ودموع عيني كل ساعه تناديك تذرف دموع فوق خدي شرايد

ما هو لحالي يا بوغيث أنعيك غالي وفقدانك على القلب كايد
يا كثر من بالناس يالغالي يغليك وفقدتك صارت عليهم فقايد

عسى الوالي بجنة الخلد يجزيك ويثيبك إلاه على الناس سايد
ومن كوثر الجنه عسى الله يسقيك وعلى الارائك تتكي والوسايد

يابوي لو إني أخذ سنين وأرثيك ما ظنتي تطفي بجوفي السهايد
هذي قصيدة شوف عيني تعزيك وينزف وريدي ف رثاكم قصايد

لحظة صمت غطت المكان .. كل واحد يناظر الثاني .. الظلام يسود بعيونهم .. هب مصدقين اللي صار ..
غيث يصارخ : دكتووور دخيلك قول أي شي بس لا تقول أبوويه رآآح .. دخيلك يادكتوور..
الدكتور يحط يدينه ع جتف غيث: ترحمله يا ولديه .. أحين ما بينفعه غير الدعاء..

غيث يلس ع الارض ويضرب بيده عليها بقو .. ودمعته بللت محجره ..فلاح ييلس حذال غيث ويلوي عليه ..

فلاح :غيث لا تسو بعمرك جيه .. ترحمله يا غيث ترحمله ..

أم غيث ما قدرت تتحمل ع طول طاحت عليهم .. أسوم دموعها كست خدها .. والضباب بعيونها .. تيلس حذال امها الطريحه ع الارض..تهز امها وتصرخ .. امييييييه اميييييه ابوويه راااح راااح يا امييه ؟؟؟.. ابووويه مابيرجع ؟؟ اميييه ردي عليه .. ابوووويه مابيرجع .؟؟

.أم فلاح تربع صوب غيث وفلاح تزقرهم عسب يشلون ام غيث .. ويلست تهدي اسوم اللي انهارت من الصياح ...

الريم واقفه مكانها ..تطالع اسوم .. وهي بهالحاله .. وهب قادره ترمس .. ترد على ورى .. وبعيوونها يمر شريط ذكريات .. يمر فبالها اللحظات لي رحل فيها أبووها بو فلاح .. بو فلاح الانسان الطيب لي ضم عياله وعيال اخته بدون مايفرق امبينهم .. بوفلاح اللي ما ينذكر اسمه الا بالطيب .. الريم يلست ع الزاويه وهي تصيح بحراره .. امهاا يت عندها تحضنها ..خلاص يالريم .. خلاص اهدي..

الريم تصيح : امييه ماقدر..اميييه خالي بوغيث انا اعتربته ابوويه بعد ماراح ابوويه .. كنت اشوف فيه طيب ابوويه .. واحين تيتمت مرتين يا اميييه .. تيتمت مررتين ..
ام فلاح ما قدرت تتحمل رمسة بنتها.. لوت عليها ويلست تصيح وياها .. غيث لاوي ع اخته ويحاول يهديها رغم الحزن لي بدااخله ..فلاح يحاول يهديهم كلن فصوب.. عقب راح يتطمن على ام غيث ..

فلاح : دكتور شحالها ام غيث؟
الدكتور: الحمدلله يا ولديه لا تخاف.. ام غيث بخير .. بس اغمى عليها ..وها رد فعل طبيعي لحرمة فقدت ريلها .. لا تخاف ..وماتشوف شر ان شالله
فلاح:الشر ماييك .. تسلم يادكتور..فداعة الله ..
الدكتور : الرب حافظ ..

فلاح راح صوب غيث : غيث يا خوي اصبر .. وادعي لخالي بالرحمه ..
غيث بحزن : الله يرحمه ويغمد روحه واسع جناته ..
فلاح: هادف وحمدان ؟
غيث:لازم نخبرهم مايصير مايحضرون الدفن ..
فلاح : خلاص انا بخبرهم .. انت سير شوف امك وختك تراهم بحاجه لك ياخوي..
غيث يبتسم بالغصب: ان شالله يا فلاح ..
فلاح ابتسم وراح عن غيث عسب يدق حق خوانه ,,
فلاح يود الفون .. ومتردد يدق .. هب عارف كيف يخبر هادف وحمدان ,,دق الرقم وبند ع طول .. لحوول .. خلاص انا بخبر حمدان وهو بيقدر يخبر هادف بطريقته .. فلاح يدق حق حمدان ..

حمدان كان يالس هو وهادف يطالعون فلم فالصاله .. أول مادق فلاح ..حمدان كان مندمج وما سمع صوت الفون يوم انه يدق .. فلاح حرج ..ياربي وينه ها بعد .. رد فلاح يدق مره ثانيه ..

هادف انتبه .. : حمدان تلفوونك ..

حمدان : اووووه فلاح والله ما انتبهت .. هههه
هادف:لازم ما بتنتبه ..هههه زين رد ..
حمدان ابتسم لهادف ورد : ألوو
فلاح: مرحبا ملايين ..
حمدان : وبك زود .. شحالك ؟
فلاح : نحمدالله ..
حمدان : فلاح بلاه صوتك فيكم شي .. حد مستويبه شي؟

هادف صد صوب حمدان يسمعه شو يقول يبغي يتطمن ..

فلاح : والله مادري شقولك ياخوي..حمدان خالي بوغيث عطاك عمره ..
حمدان ماعرف شيقوول .. تم ساكت ويطالع هاادف .. عيوونه ملتها الدموع لي حاول يحبسها ..
فلاح: الوو .. حمدان .. حمدان رد عليه بلاك ..
حمدان وهو بالغصب يرمس : سمحليه فلاح .. يلا بخليك احين ..
فلاح : شكله هادف حذالك .. خبره يا حمدان وحاول تهديه وتخفف عنه .. وحاولو اتون بأسرع وقت ..
حمدان : ان شالله ياخوي .. فداعة الله ..
فلاح:الرب حافظ..

هادف بسرعه: حمدان شصاير ؟
حمدان مرتبك : لالا .. ولا شي..
هادف يتقرب من حمدان : حمدان حد من هلنا صاير به شي..
حمدان إيود هادف ويطالع الارض : هادف..البقى فحياتك ياهادف..خالي بوغيث عطاك عمره ..

هادف نش ودز حمدان وهو منفعل :انت جذاااب .. حمداانووه لا اتم تمزح احين والله هب متفيج ..

حمدان وهو ينش من ع الارض بعد مادزه هادف : هادف ياخوي هذا قدر.. خالي محتاي لدعواتنا .. ادعيله ياهادف واترحمله ..
هادف يرمس وعيونه دمعها مدرار : حمدااان .. حمدان ليش تجذب .. حمدان والله الجذب حرام .. كم بعلمك ..
حمدان عوره قلبه وهو يشوف حال ولد خاله بهالحال : هاادف دخيلك ارحم حالك .. لا تسو جيييه ..
هادف يضحك ويصيح : حمدااااني..دخيلك حمدااني قول ابووويه ما مات .. حمدااني .. ليش ؟ ليش؟ حمدااني ابووويه زايد راااح .. وتيتمت !! أبويه بوفلاح رااااح وتيتمت .. واحين أبويه بوغيث رااح .. حمداان دخيلك قولي انك تمزح دخيلك حمدان ..قولي انك تمزح قوووول

حمدان ماقدر يتحمل شكل هادف وانهياره ..راح صوبه وهو يلوي عليه : هادف خلاص يا هادف .. خاليه توفى ربيه يرحمه .. وان شالله نحن بنكون قدها وبنكمل مشواره .. هادف لا توقف هني .. دخيلك يا هادف .. الايام جدامنا..
هادف لاوي ع حمدان ودمووعه خرست كندورة حمدان .. تم ساكت .. الافكار توديبه وتييب .. عقب رفع راسه وهو يطالع حمدان ويرمس بالزور: حمدان أبويه توفى .. بس بيبقى هني .. وهو يأشر ع قلبه ..
حمدان : أكيد .. اكيد يا هادف..

هادف يمشي فالصاله .. وقف .. حاس ان الدنيا تدور به .. وعيونه انعمت .. سادها الضباب . . يلس ع إركبه وهو يتذكر كل لحظه مرت به بحيات ابوه .. يلس وهو يردد هالابيات ودموعه ع خده:

رحت وجروحي تصوت جرح .. جرح ..
رحت ماخليت فيني اي فرح
المشاعر في غيابك ذاب فيها كل صوت..
والليالي من عذابك ..عذبت فيّه السكوت

رحت .. رحت يا أبووويه رحت .. آآآخ يابويه ..ربيه يرحمك ..

حمدان ساير صوب هادف : آمين .. آمين يا هادف .. يلا تعال يا خوي ارتاح .. وانا بسير أحجز حق السفر .. بحاول ألاقي اقرب أحجز ..

هادف : تسلم يا حمدان ..
ححمدان : علنيه فداك .. سير انت ارتاح ..
هادف :آآخ .. ان شالله ..
حمدان ابتسم لهادف وروح ..

حمدان ظهر ... وراح يحجز من خلص .. دق حق هادف تطمن عليه ..

هادف: مرحبا
حمدان:مرحبابك زود .. شحالك؟
هادف : حاليه على ماهو عليه ...نحمد الله..
حمدان:الحمدلله ..حمدان ترى مالقيت حجز الليله .. بس حجزت لرحله بتكون باجر الفير بإذن الله ..
هادف:هب مشكله يوم إلا جيه .. انا برتب أغراضنا عيل..
حمدان :خلهم عنك يوم برد برتبهن..
هادف يبتسم : امرره احين يعني يت ع هالقشار مابروم ارتبهن ..
حمدان : ههه اوك براحتك .. ياينك انا لا تشرد هه ..
هادف يضحك غصب: ههه ان شالله .. أرقبك .. فداعة الله
حمدان : فداعة الكريم..

مستشفى توام

أم غيث تبطل عيونها .. وحاسه بصداع .. تحاول تتذكر هي وين .. وشو استوالها .. فجت عيونها .. تشوف بنتها أسوم ميوده يدينها وتطالعهاا .. ومن الصوب الثاني الريم وام فلاح ..

أم غيث تطالع لي حولها : وين انا ؟ شو يابنيه هني !!

أم فلاح : تستاهلين السلامه يا ام غيث ..

أم غيث بدت تتذكر .. وفجأه دمعت عينها وهي تناظر بنتها أسوم وتبتسم : آآآه يا بنيتي شكثر تشبهين أبوج ..

أسوم تبتسم بالغصب : ربيه يرحمه ان شالله ..

أم غيث ميوده يدين بنتها : آمين يارب..
الكل : آمين ..

أم غيث: عيل وينه غيث؟

أسوم : إميه غيث برع عند الدكتور هو وفلاح ومنصور .. يبون يخلصون باجي الاجراءات..

أم غيث تتنهد : زين عيل..انتي شحالج يابنيتي؟ كلتي شي ..؟ويهج مصفر..

أم فلاح: والله يا ام غيث بنتج امرره ما حطت شي فحلجها..عنيده..

اسوم : والله خالوه مالي خاطر ..

ام غيث: يابنيتي لازم تاكلين هب زين..

أم فلاح: هيه نعم لازم .. وانتي يا ام غيث بعد يلا احين بييبون العيال الاكل وتاكلن ..

أم غيث تبتسم بالغصب: ان شالله يا ام فلاح .. ماتقصرون ..

أم فلاح : علنيه فداج ..

أسوم تصد صوب الريم اللي كانت واقفه حذال الدريشه وسرحانه .. هب قادره تنسى شكل اسوم وهي تصيح .. وشكل غيث.. تتذكر لحظة وفاة ابوها.. تفكر بهادف شو الحال عليه أحين .. آآخ ليتنيه يا هادف قريبه منك واخفف عنك همك ..

أسوم تزقر الريم والريم سرحانه ماترد .. أسوم راحت صوب الريم ويودت ايدها :الريم حبيبتي شبلاج؟
الريم صدت صوب اسوم ولكن خانتها دمعه ذرفت ع خدها وماقدرت تيودها: ممآآشي..
أسوم :شو ماشي؟ عيل ليش دمعتج ع خدج !!
الريم تبتسم غصب :كنت أتذكر خاليه ..ربيه يرحمه..
أسوم ترد الابتسامه : آمين يارب..
الريم:تعالي أسامي نتمشى برع فالحديقه نغير جو..
اسوم مبتسمه :اوك يلا..

ظهرن اسوم والريم الحديقه العامه يتمشن .. وقابضات يدين بعض..والصمت فهذاك الوقت كان أبلغ .. أسوم والريم وايد متعلقات فبعض.. وكل من شافهن يتحراهن توم وخوات..طبايعهم ...تصرفاتهم .. طيبة قلبهم ..

أسوم : تعرفين ريماني لين احين هب مصدقه ان ابويه توفى..
الريم دمعت عينها: ولا انا يا اسوم.. من توفى ابويه كنت أشوف ابوج فيه .. واحين احس ابوويه ما ت مرتين . وانا مت بالحيا وياهم ..
اسوم تطالع عيون الريم:فديتج يالريم.. ابويه علمنيه ما أيأس وحاول اكون قويه فأصعب اللحظات لي ينكسر فيها الكل ..آآخ ..ربيه يرحمهم ان شالله ..
الريم مبتسمه : آمين ..

شوي إلا وفلاح داق.. :مرحبا الريم..
الريم : مراحب..
فلاح: يلا يالريم تعالو ... بنروح..
الريم: ان شالله يايين ..

بندت الريم عن فلاح وترمس اسوم :ها فلاح يقول بنسير..
اسوم :اها..يلا عيل سرينا..

راحو البنات .. والشباب كل واحد منهم شل هله .. غيث شل امه واسوم .وفلاح شل امه والريم وكان وياهم منصور..

[بيت بو غيث ]

غيث وهله توهم واصلين البيت .. اول ما دشو .. ام غيث تطالع البيت : آآخ يا بوغيث أشهد ان مكانك خلي..
اسوم دمعت عينها ..وغيث سار صوب امه : يلا يا اميه سيري ارتاحي..باجر وراج نشه من الصبح ..نخلص اجراءات الدفن والبيت مايحتاي..ممزور حريم..

أم غيث تتنهد : ان شالله ياوليدي..

ام غيث سارت حجرتها ترتاح .. واسوم وغيث نفس الشي .. راحو وكلن فقلبه هم كبير... وخاصتن غيث.. لي بيكون عليه حمل كبير .. وهو مسؤولية هله .. والشركه وغيره وغيره ..

المطار [ لندن ]

هادف وحمدان .. الساعه 3 الفير سروا المطار .. خلصو كل اجراءاتهم ..يالسين فقاعة الانتظار ..

حمدان: متى الدفن؟
هادف: والله توني مرمس غيث قال ع الساعه 10 ان شالله نلحق...
حمدان : ان شالله..

يوم الاثنين [ مطار دبي ]

هادف حمدان توهم واصلين الدار ..خلصو امورهم وع طول قبضو خط ع العين ..أول ما وصلو أبدن مارتاحو لا قروا .. تلاقو ويا غيث وفلاح ومنصور .. سلمو عليهم وراحو يكملون اجراءات الدفن .. خلصو الدفن .. وقبضو العزى فبيت بوغيث ..

ميلس الرياييل ممزور .. الناس داشه .. ظاهره .. شوي ومن بين هالعالم كله .. يدش واحد .. السواد مغطي معالم عيونه .. وجسمه ذابل..

الريال: السلام عليكم ورحمة الله
غيث أول ماصد يطالع الريال شاف انه بو حامد ..نش يبا يكفخه.. يبا يظهر الغيظ لي فيه ..
فلاح يوده من ايديه : غيث نحن فعزى..تعوذ من الشيطان ..
غيث ماسك اعصابه : اعوذ بالله من الشيطان الرجيم..

بوحامد يسلم ع بوغيث : عظم الله اجركم
غيث يطالع بوحامد وتم ساكت ..
فلاح:اجرنا واجركم ان شالله ..

بوحامد قفط ويهه .. حس بألم كبير. آآخ انا السبب .. انا السبب باللي صار.. ااخ ندمان ..بس بعد شووه ...بعد شووووه !!

ميالس الحريم

الحريم هب مقصرات .. وكل ماوحده دشت يلست تصيح .. أم فلاح:سيري ارتاحي يا ام غيث.. انا يالسه هني..
ام غيث: ماعليه يا وخيتي .. انتي روحج تعبانه ..
ام فلاح : هب مشكله سيري انتي ..
ام غيث: لا برايه عقب ان شالله..
ام فلاح :براحتج ..

الريم واسوم قايمات بالواجب.. كل وحده فيهم تحاول تخفي دموعها .. اسوم راحت تيلس حذال وحده من ربيعاتها والريم سارت تشوف امها وعمتها..وقفت حذالهم ..عقب ماقدرت تتحمل ..ركضت ع طول برع .. وسارت ورى المطبخ .. يلست وغطت ويهها بيدينها وقعدت تصيح بألم وحراره .. ماقدرت تكتم دموعها .. وهي تصيح يلست تشل .. لانها تعودت تشل فوقت حزنها .. يلست الريم تشل بصوت يكسر الحجر من حزنه ..

فقدتك يا أعز الناس فقدت الحب والطيبه
وانا من لي في هالدنيا سواك ان طالت الغيبه

رحلت ومن بقى وياي يحس بضحكتي وبكاي
وحتى الجرح في بعدك يغزيني واهلي به

تصدق قد من حنيت اشوفك في زوايا البيت
واسولف معك عن حزني واحس ان انت تدري به

شسوي بالالم والآه ولكن البقا لله
يصبرني على بعادك وذا حظي وراضيبه

فهالوقت هادف كان ظاهر من الميلس ساير صوب المطبخ يخبرهم اييبون القهاوي وجيه .. وهو يقرب .. سمع صوت يكسيه الحزن وورى المطبخ .. وقف ماقدر يتحرك .. حس هالصوت فالصميم .. الريم .. الريم !!
بدون ما يحس بدى يمشي صوب الصوت..ريله توديه .هب قادر يوقفها..شاف الريم يالسه بس معطتنه قفاها وتشل ودمعها ع خدها..تسند ع اليدار ..وصاد صوبها ..يناظرها والدموع ع خده ..الريم أول ماخلصت .. صدت وراها إلا وتشوف هادف على هيئته واقف وبناظرها.هادف متى يا الدار؟ متى؟؟.الريم أول ماشافت هادف.. حست شوي براحه ..وهادف بعده ع هيئته ماتحرك .. ردت راسها ع اليدار من التعب .. وتحس راسها داير .. همست بألم :هاددف؟؟؟

يَآ بٍعٌد عٌمًريَ
دخًيَلَڪَ لَآ تٍبٍآڪَيَنيَ
نعٌمً لَآ تٍحًآتٍيَ آطًمًن
تٍرآنيَ حًيَلَ مًجُنوٌنڪَ
يَآ آنتٍه يَآ قُمًر هآ آلَڪَوٌن
وٌآنتٍه مًنيَ وٌفٌيَنيَ
و ربٍيَ مًآ آتٍخًيَلَ يَوٌمً
آعٌيَش لَحًظه بٍدوٌنڪَ








::
::

البآرت _ 11 _


فهالوقت هادف كان ظاهر من الميلس ساير صوب المطبخ يخبرهم اييبون القهاوي وجيه .. وهو يقرب .. سمع صوت يكسيه الحزن ورى المطبخ .. وقف ماقدر يتحرك .. حس هالصوت فالصميم .. الريم .. الريم !!

بدون ما يحس بدى يمشي صوب الصوت..ريله توديه .هب قادر يوقفها..شاف الريم يالسه بس معطتنه قفاها وتشل ودمعها ع خدها..تسند ع اليدار ..وصاد صوبها ..يناظرها والدموع ع خده ..الريم أول ماخلصت .. صدت وراها إلا وتشوف هادف على هيئته واقف وبناظرها.هادف متى يا الدار؟ متى؟؟.الريم أول ماشافت هادف.. حست شوي براحه ..وهادف بعده ع هيئته ماتحرك .. ردت راسها ع اليدار من التعب .. وتحس راسها داير ..

همست بألم :هاددف؟؟؟

يَآ بٍعٌد عٌمًريَ
دخًيَلَڪَ لَآ تٍبٍآڪَيَنيَ
نعٌمً لَآ تٍحًآتٍيَ آطًمًن
تٍرآنيَ حًيَلَ مًجُنوٌنڪَ
يَآ آنتٍه يَآ قُمًر هآ آلَڪَوٌن
وٌآنتٍه مًنيَ وٌفٌيَنيَ
و ربٍيَ مًآ آتٍخًيَلَ يَوٌمً
آعٌيَش لَحًظه بٍدوٌنڪَ

الريم حاسه بفراغ كبير .. فراغ ما يمليه إلا الحزن .. هادف من سمع اسمه على لسانها .. قعد يناظرها . . هب قادر يرد .. هب قادر يرمس.. هب قادر يتحرك يروح .. أو يصد وما يناظرها.. يبغي يرمس هب قادر .. هز راسه بمعنى هيه ..

الريم تنش بصعوبه .. تبغي تروح داخل .. بس هب عارفه شقايل تخطف .. هادف واقف ومسكر عليها .. ياربي .. كيف بخطف احين .. الريم مشت باتجاه هادف ...

انا بمشي وهو بيوسعلي روحه .. مشت الريم أول ماوصلت وين هادف واقف . . بغته يتحرك بس هو ما تحرك .. تم واقف ع هيئته ويناظرها .. هادف أول مره يطالع الريم عدل من هم صغار .. شاف بعيوونها ألم عمره ما شافه بانسان .. آخ يالريم .. عيونج شرى ماهن من نحن صغار . ماتغيرن .. بريق الحزن لي بعيونج بعده يعيش..

الريم : عظم الله اجرك يا هادف..
هادف وهو بعده يناظرها : اجرنا واجرج ..
الريم : السموحه منك الشيخ بخطف ..
هادف عقله هب وياه أبدن .. الحزن لي مر به .. حاجته للريم .. خلاه يتصرف بدون شعور ..
الريم شوي وبتصيح: هادف .. شوي وخر بخطف ..
هادف وهو يتذكر صوت الريم وهي تقول أحبه .. أحبه ..

قال حق الريم بدون شعور : ليش ؟؟ ليش يالريم سويتي جيه ؟

الريم استغربت من رمسة هادف.انا شسويت ..الريم تهز راسها بمعنى شسويت !!

.. هادف بدون مايحس عطاها كف انطبع ع خدها .. ودمعه تصلب بعيونه .. الريم حطت يدينها ع خدها .. يلست تطالعه وهب مستوعبه شي.. دمعت عينها .. دزته وخطفت تربع فوق .. مروحه حجرة اسوم .. دخلت الريم حجرة اسوم ويلست تصيح .. تصيح بألم .. ليييييييييييييش؟؟ ليييييييييييييييييييييييييييش ؟؟ ليش يا هادف ليييييييييش؟؟ الريم يلست تصيح وماحست بعمرها إلا وهي راقده ..

عند هادف ..

بعد ما راحت الريم .. هادف تم واقف مكانه .. هب مستوعب شي .. يلس يطالع يدينه لي مدها ع الريم ... يلس يطالعها وتوه بادي يستوعب اللي سواااه .. انا شسوييييييت ؟؟؟ شسووووووووووويت .. يآآآآرب .. يآآآرب .. انا شسويت .. كيف قدرت امد يدي عليها كييييييييف ؟؟ سامحيني يالريم .. سامحيني .. آآآخ انتي يالريم عذبتيني .. واللي سويته كان غصبن عنيه .. والله احبج يالريم احبج ..

هادف ماقدر يتم فمكانه .. ع طول شل سويجه وظهر بسيارته صوب البحر .. ظهر والالم كله بعيونه .. والحزن يلف كونه .. وشريط ذكريات الطفوله تمر جدام عيونه .. ومرارة الحاضر تعصر قليبه .. آآآآخ ليتنا تمينا صغار ولا كبرنا .. ليت !! الريم .. ماقدر اعيش بدوونج لو حاولت أهرب منج .. ومن حبج .. ماقدر ماقدر لو مجرد تخيل اني اعيش بعيد عنج يالريم .. آآخ ..

ميلس الرياييل [ بيت يو غيث ]

حمدان يرمس منصور : منصور وين هادف .؟؟
منصور : ماعرف والله قال بيسير يخبرهم اييبون القهاوي..وتأخر اشوفه..
حمدان : منصور ياخوي دقله .. لا يكون صاير له شي.. وانا بسير صوب الرياييل..
منصور : ان شاء الله ياخوي..

منصور يدق حق هادف .. بس كله يظهرله مغلق .. لحووول .. بلاه مبند تلفوونه .. ها وقته يا هادف؟ بيرب ادق ع رقمه الثاني.. يااهي ساااااااالفه .. بعد مبندنه ..
ظهر منصور برع يشوف هادف..بس مالقى سيارته .. استغرب منصور.. يعني وين بيسير هادف؟؟ مايشوف ان الميلس ممزور رياييل .. كيف يخلي العزى ويروح . .
منصور راح صوب حمدان ..يأشرله إيي صوبه ..
حمدان : ها وينه ؟
منصور:والله مادري .. كل تلفوناته مبندهن .. وسرت اطالعه برع مالقيته ..سيارته هب موجوده ..
حمدان مستغرب: وين يعني بيكون رايح .. والله هالانسان ابدن هب طبيعي..
منصور : أما بهاي صدقت ..
حمدان : انزين اسمعني .. انا احين بسير داخل .. وانت سير شوفه .. وحاول تدق له مره ثانيه ..والله خايف عليه ..
منصور : امرره تامر امر ياخوي..لا تحاتي..سير انت وتوكل ع الرب ..
حمدان مبتسم : بارك الله فيك ..

روح حمدان .. ومنصور روح يشوف هادف وين سار .. يدق ويدق بس ماشي منه
.. الريال بعده مبند تلفونه .. آخر شي منصور طفر ..

منصور :خلاص بدش عند الرياييل وعقب يصير خير ..

عقب العشا . بيت بو غيث بدى يفضا .. شوي إلا والكل مرووح بيته ...
ام فلاح : يلا يا ام غيث .. سيري ارتاحي من الصبح وانتي ع هالحال ..
أم غيث: والله ياوخيتي حتى انتي .. اليوم بطوله واقفه ع ريلج .. أشهد انكم ما قصرتو يا أم فلاح ..
أم فلاح : أفا بس يا أم غيث نحن اهل .. وبوغيث ربيه يرحمه كان أبو لعيالي وعمره ماقصر فيهم ..
أم غيث: علنيه فداج يا ام فلاح.. عسى الرب لا يفرقنا ..
أم فلاح : آمين يارب

ام فلاح تصد صوب اسوم : عيل وينها الريم عنج ؟.
أسوم : مادل والله أحيدها تعبانه ظنتيه راحت حجرتيه .. بسير اشوفها..
ام فلاح : زين تسوين ..
أسوم ابتسمت وراحت فوق تشوف الريم ..


أول مادخلت الحجره شافت الريم راقده ع شبريتها .. والدمع ع خدها والسواد مغطي عيونها .. يلست اسوم حذال الريم .. آآخ يالريم من عرفتج والحزن يبرق فعيونج ..

اسوم زخت المصحف ويلست حذال الريم ..تقرا قرآآن .. ودمعها ع خدها.. الريم نشت ع صوت اسوم وهي تقرا .. يلست تطالعها وهي ساكته .. وتسمعها وهي تقرآ قرآن ..
اسوم : صدق الله العظيم
وترفع يدينها تدعي : يآآآرب .. يآآرب ارحم ابووويه وغمد روحه فسيح جناته ..
الريم : آآمين يارب..
اسوم تطالع الريم : نشيتي حبيبتي ؟
الريم مبتسمه بحزن : هيه من متى .. يالسه اسمعج وانتي تقرين ..
اسوم تردلها الابتسامه : علنيه فداج .. نشي كليلج شي؟
الريم: لا مالي خاطر اسوم .. روحو العرب؟
اسوم : هيه روحو . . شو مالج خاطر يلا نشي بنسير ناكل لنا شي..
الريم : اسوم والله مالي خاطر اكل.. عقب عقب..
اسوم : براحتج ..

الريم ابتسمت تمت تطالع اسوم اللي فيها شبه كبير من ابوها .. صدت الصوب الثاني ودمعتها طاحت ع خدها ..
اسوم حطت يدينها ع جتف الريم : فديتج يالريم ..
الريم تمت ساكته ..
اسوم نشت ووقفت عند الدريشه .. وهي سرحانه .. تفكر بأبوها والايام لي مرت بحياتها ويا ابوها ..فديتك يا ابوويه مكانك خلي فالدار بكبرها .. آآخ ..وهي تطالع شافت فلاح ومنصور وحمدان وغيث..يلست تطالع فلاح .. وعيونها امتلت دمع .. ربيه يجمعنيه وياك يافلاح ..

عند لشباب ..

غيث محرج : يعني وين بيرووح .. ها بلاه جيه .. امرره هب طبيعي..
فلاح: غيث خلاص هدي احين بيي..
غيث:لا وبعد مبند تلفوونه ..
حمدان :: خلاص ياخوي كلن وله ظروفه .. هدي انت ..
منصور:خلاص انا بسير اشوفه ماعليكم ..
حمدان :وانا بدق حق ربعه والله متروع عليه ..
فلاح: بلاكم انتو هادف هب صغير..
غيث:لوو صغير ماحاتيناه جيه .. لكن ولد خالك مينون ..
فلاح يهز راسه وتم ساكت ..منصور وحمدان توهم بيظهرون إلا وهادف داش بسيارته ..
منصور : هكوو هادف يا ..

لفو الشباب صوب السياره يتريونه ينزل .. هادف نازل من السياره وساير صوب البيت .. حاط غترته ع جتفه .. وكندوورته خرسانه ماي .. وويهه ذابل والسواد مغطي معالم عيونه ..

حمدان يربع صوب : هادف انت وينك ؟
هادف يطالع حمدان وهو ساكت ..
غيث: انت وينك .. شهالسنه عندك ؟
فلاح : صبروا انتو بلاكم جيه .. ماتعرفون تتفاهمون ..
غيث: هو خلا فيها تفاهم..من متى نحن نحاتيه ..
هادف ساكت ولا يرمس يطالعهم بس..
حمدان :هادف انت وين ياي؟ بلاك شي صاير؟ ليش جيه شكلك ..
هادف مشى عنهم .. الكل تم يطالعه مايعرفون هالريال بلاه .. حمدان ماتحمل حال ربيعه .. ربع ووقف جدامه وهو يصارخ : هاااااااااااادف..
هادف يطالع حمدان بمعنى شوه ..
حمدان : هادف دخيلك قول شبلاك ؟ انا كم سكت عنك بس اليوم اسمحلي ماقدر..
هادف يهز راسه بمعنى مافيني شي.. وتوه حمدان بيرد عليه ..إلا وهادف طايح ع الارض اغمى عليه ..
حمدان صرخ : هااااااااااااادف ..
ام فلاح وام وغيث من قوة الصرخه ربعو برع الحوي يشوفوون .. واسوم صدت وين هم واقفين وشافت هادف يالس .. صرخت :هاااااااااادف..
الريم تروعت .. ربعت صوب الدريشه .. تشوف هادف طايح ع الارض.. هاااادف شفيييييك .. هااادف بلاك شصارلك ..
اسوم ع طوول ربعت تحت .. حطت شيلتها ع راسها وتربع ..
الشباب كلهم راحو صوب هادف.. حمدان يعطي منصور السويج : منصور شغل سيارتيه ..
منصور ع طول راح يشغل السياره ..
أم غيث : وي دي .. بلالالاه ولديه ..شصارله ؟
حمدان : لا تحاتين عموه لا تحاتين .. مافيه شي بس لانه ماكل شي ..
أم غيث تصيح وام فلاح تهديها.. حمدان ياي يبغي يسند هادف يوديه السياره .. إلا واسوم ظاهره . ماكانت متغشيه .. لابسه شيلة صلاه وسايره تربع صوب هادف وتصيح : هااااااادف بلاه اخوويه بلاااه ؟؟

حمدان ماعرف شيسوي .. انصدم اول ماشاف أسما .. آآآخ من متى ماشفتها.. ويوم اني شفتها اشوفها بهالحال .. حمدان رراح ع صوب هو وفلاح ومنصور..

غيث سار صوب اخته ويلس يهديها..
غيث يرمس امه : امييه شلي بنتج ودخلن داخل ...هادف ماعليه شر..
ام غيث تهدي اسوم ويدخلن داخل .. والشباب ع طول خذوا هادف وودوه المستشفى..

وطول هالوقت الريم تطالع من فوق وهي منصدمه هب عارفه شتسوي.. في قلبها ألم وهي تشوف الانسان لي حبته طريح ع الارض .. وبنفس الوقت فيها جرح منه عمره مايبرى .. الريم حطت ايدها ع خدها .. ع المكان لي انطبع فيه كف هادف .. بس كتمت اهاتها.. ومنعت دمعها انه يحدر.. آآآآآخ ياهادف عذبتنيه !! عذبتنيه !!


اناعيني بدت تدمع واشوف الدمع مو عادي
اشوف الدمع لون احمر
واحس القلب يتوجع وانت بطبعك الهادي
وقلبك حييييييل متحجر
اذوق المر واتألم وأقول يهون واتبسم
لكن قلبك القاسي صدمني وبعثر اوراقي
ارمي الورد في دربك
وترمي الشوك في دربي
رجيتك لا تعذبني رجيتك لا لاتهجرني
حس بحالتي ارجوك وبادلني الغلا مرة

البآرت _ 12 _

الريم حطت ايدها ع خدها .. ع المكان لي انطبع فيه كف هادف .. بس كتمت اهاتها.. ومنعت دمعها انه يحدر.. آآآآآخ ياهادف عذبتنيه !! عذبتنيه !!

اناعيني بدت تدمع واشوف الدمع مو عادي
اشوف الدمع لون احمر
واحس القلب يتوجع وانت بطبعك الهادي
وقلبك حييييييل متحجر
اذوق المر واتألم وأقول يهون واتبسم
لكن قلبك القاسي صدمني وبعثر اوراقي
ارمي الورد في دربك
وترمي الشوك في دربي
رجيتك لا تعذبني رجيتك لا لاتهجرني
حس بحالتي ارجوك وبادلني الغلا مرة

حمدان والشباب ع طول ودو هادف الطواري.. فمستشفى توام .. دخلوه ع طول عند الدكتور .. أول ماظهر الدكتور من عنده .. راحو الشباب صوبه ..

غيث: ها دكتور بشر بلاه هادف؟
الدكتور : انت شتقربله ؟
غيث: أخوه ..
الدكتور : تفضل ويايه المكتب..
غيث : ان شالله ..

راح غيث ويا الدكتور : ها يادكتور تفضل؟
الدكتور : امممم هادف تعبان نفسيا .. وهالشي وايد مأثر ع صحته .. ومخلنه ما يتقبل أي شي.. وامبين عليه انه ماياكل ولا يهتم بنفسه .. وللأسف هالشي خله دمه ينزل ..ونفسيته تتعب زود
غيث: والله يادكتور الوالد البارحه متوفي.. وهالشي أكيد كان له أثر فنسفيتنا يميع ..
الدكتور : الله يرحمه ان شالله .. عظم الله اجركم ..
غيث: آآمين .. اجرنا واجرك ..
الدكتور: نحن بنرخصه هادف اليوم . ان شالله ماعليه شر.. بس لازم يهتم بعمره .. وحاولو انكم تظهرونه من العزله وتحاولون تونسونه وتعرفون شفيه .. بس بدون ضغط !!
غيث: ان شاء الله يا دكتور .. بنحاول قد مانقدر.. يلا عيل بترخص عنك..فداعة الله ..
الدكتور مبتسم : فداعة الرحمن ..

ظهر غيث عن الدكتور وراح صوب الشباب طمنهم .. دشو عند هادف ،

غيث يرمسه : شحالك هادف احين ؟
هادف يبتسم بالغصب : الحمدلله ..
حمدان : علنيه فداااك وفدى ويهك ها المصوفر تقول بيضه مرقعه ههههههههه

الشباب كلهم يضحكون ..هههههههههه


هادف : هههه دواك عقب ان شاء الله ..
حمدان : عيل ارقبه ههه ..
غيث: يلا عيل ظهرنا .. شو بتباتون عند الدكتور ..امرره وايد حابينه المستشفى .. كل يومين واحد ناقز هني ..
فلاح: ههه أما بهاي صدقت .. يلا عيل ربعوو لا يزخونكم ويرقدوونكم ..

هادف يتلفت يمين ويسار .. يرفع كندوورته ويتلثم اونه عاد :ربعوووووووو شباب .. ويظهر خاري وهم ناقعين ضحك عليه ..

حمدان : انت مريض انت .. هههههههه
هادف: قل اعوذ برب الفلق..يلا مناك .. هههه
حمدان : يلا يلا يالدلوع ..هههههه
هادف اونه مبوز : كيفي.. هههههههه
منصور : لالا متقن الدور ماشالله ههههه ..
هادف :تبغي اعلمك ..؟؟
منصور:ههههههههههههههههه ضحكو ضحكو .. منووه يعلم منووه ..
حمدان : القط ويهك هااادف ههههههههه
هادف :هههه مالت عليكم يلا سرينا..
غيث: الله يعينكم .. يلا جدامي..
فلاح يرمس غيث: نحن عقال والحمدلله هههه ...
غيث: وانا اشهد ههه ..

الشباب ظهروا .. حمدان لي كان يسوق وحذاله غيث..وورى فلاح ومنصور وهادف .. كلهم يايين بسياره وحده ..

هادف: حوووووه انتوو جتلتوني..هب جسم عليكم جثه جثه ..
حمدان ناقع ضحك : ههههههههههه انت ياحيك .. الله يعين هالسلق لي حذالك منصور ..

منصور يكفخ حمدان ع راسه : منو السلق يالجثه هااا ..

الشباب كلهم ناقعين ضحك ..هههههههههههه

عقب كل واحد تم ساكت .. حمدان وهو يسووق .. يلس يتذكر شكل اسوم وهي ظاهره .. ماشالله عليج يا اسوم والله وكبرتي..وغديتي احلى عن قبل.. لو بس هالفلاح يعرس ويفكناا وانا اخلص هالدراسه واشتغل جان انا بخير..بس ماعليه إن مانقزت بيتكم أول ماشتغل ماكون حمدان هههه ..

ولا هادف .. من التعب ماحس بعمره .. حط راسه ع جتف منصور ورقد .. ولا حس بشي.. وغيث يفكر بالشركه واهله والمسؤوليه لي ع راسه .. والامانه اللي لازم يتحملها ..

الشباب توهم واصلين بيت بوغيث الله يرحمه .. منصور يطفر بهادف اونه يوعيه :

منصور : هاادف..هدووووفي .. هدف.. go0o0ol هههههههههه ..يلا نش..
هادف:همممممممممم .. بلاك انت خلني ارقد ..
منصور : يالهرم شو ترقد فالسياره !! خلك خيس.. كسرت ضلوعيه هب راس عليك .. كرشة بتاني ههههههههه ..
هادف مسطل : ليش نحن وين .. ؟؟
منصور يطالع حمدان بنذاله : اصبر انا بعلمك وين نحن ..
هادف: اوك يلا وين ؟

منصوور يسند راس هادف ع الباب .. وينزل من الصوب الثاني .. يأأشر حق حمدان عسب يدق هررررن.. وحمدان ناقع ضحك يعرف ان منصور وراه شي..

منصورر يأشر بيده واااااااااحد .. اثنييييييييين .. ثلاااااااااثه ..

أول ماقال ثلاثه .. حمدااان يدقها هرن .. ومنصور يبطل بآب السياره لي هادف كان حاط راسه عليه وراقد .. إلا وهادف طايح تحت ..وإيي غيث ويزخه قبل لا يصقع راسه ع الارض..هههههه

هادف تروووع نش وهو زايغ .. ويهه غادي استفهام هههه .. ولا منصوور طايح ع الارض ..ميووود بطنه ويضحك .. شوي وبيموت .. وحمدان نفس الحاله ناقع ضحك ..

فلاح محرج : هييييييييييه انتو احين لو انفلع شو بتسوون ..؟؟
منصور: هههه ماشي بنصووور .. بلوتوووث ههههه ..
حمدان : والله انك يا منصور..عليك حركات ..ههههههههه
منصور:هههههه ياخي الحياه حلوه .. لازم مانوقف عند الحزن .. لو نبغي بنتخطاه .. شوف كيف خليتهم يضحكون ههههههههههه ..
فلاح:يلا عاد منصور وخقته منو يسكته ..هههههه

الكل ناقع ضحك .. وهادف محررج ..توه بادي يستوعب هههه ..

أول ما وصلو عند مدخل البيت . .

فلاح : غيث ياخوي ازقر الاهل قولهم بنروح تأخرنا!!
غيث:ياخوي خلاص باتو عندنا.. كلكم تعبانين ..
فلاح : لا ياخوي.. هب مشكله .. ترى البيت هب من بعده .. إلأا فرة حصاه ..
غيث مبتسم : يلا براحتك فلاح ..


غيث داخل ومسند هادف عليه ..أم فلاح وام غيث كانو فالصاله يتريونهم .. ام غيث اول ما شافت ولدها ربعت صوبه :هادف غناتي بلاك شياك ؟
هادف مبتسم : ماشي اميه ..انا بخير لا تحاتين ..
غيث: يا اميه ولدج سبع .. بس لانه ماياكل.. عليج به هههه ..
أم غيث: وي دي.. انا براويه ها.. عليه لأكلك بيدي اراويك شقايل ماتاكل..
هادف: ههههه الله يعيني..
أم فلاح : سلامات يا ولديه ماتشوف شر ..
هادف: الله يسلمج خالوه ..الشر ما اييج ..
غيث: خالوه فلاح يرقبج برع .
ام غيث: يا اميه باتو عندنا..
ام فلاح : هب مشكله ياوخيتي انتو رواحكم تعبانين..وتعرفينهم العيال ما يحبون يباتون برع البيت ..
أم غيث : عيل الريم خليها برايها..
أم فلاح : خلاص عيل هب مشكله ..

هادف اول ما تذكر الريم تضايج : عن اذنكم انا ساير حجرتيه ارتاح ..
أم فلاح : الله وياك يا ولديه ..

هادف رووح .. وام فلاح ترخصت من أم غيث وظهرت .

فلاح : عيل وينها الريم ؟
أم فلاح : برايها يابويه بتبات عند اسوم .. اكيد محتايتنها بهالوقت ..
فلاح : زين ماسوت عيل..
حمدان : ها مشينا؟
أم فلاح: يلا يا ولديه ..



مرت الليله ع خير ... بعد هالتعب كله .. كل واحد غمض عيوونه والالم مازال بداخله .. ..أيام العزى مرت وانقضت .. بوغيث رحل .. ولكنه باقي فكل زايه فالبيت .. وذكراه الطيبه على كل لسان ..

يوم السبت [ بيت بو غيث ]

أم غيث: ها يا وليدي باجر بتداومون ؟
غيث: ان شاء الله يا اميه . من 3 ايام ما ندري عن الشغل.. لازم نسير نشوف الامور والاوضاع ..
أم غيث: ربيه يوفجكم ان شاء الله .. وتكونون قد المسؤوليه ياعياليه ..
غيث : إن شاء الله يا اميه ..
أم غيث: خوانك بعدهم رقود؟ .. حشاا هب رقاد هااا لي احين ..
غيث: ههههه ترى ماوراهم شغله ..وتعبانين
أم غيث: قوم قوم وعيهم خل عنهم هالمنكر ..
غيث: ههههههه امررره ماطلبتي ..

غيث نش رايح فوق يوعي خوانه .. يدق الباب على هادف: هااااااااااااااااااااااااااااااااااااااااااااااااا ااااااادف نش..

هادف طاااف ولا يدري بالسالفه .. غرقان برقاده .. غيث يصارخ وماشي منه .. الريال مخدر ههه .. اسوم من سمعت صريخ غيث وهو يوعي هادف نشت .. بدلت وظهرت .. إلا وتشوف غيث بعده ع هيئته ..

أسوم مبتسمه: صباح الخير..
غيث: يآآآ صبآآح الانوار..
أسوم : انت بعدك هني..حشا صميتني ماخليتني ارقد ..
غيث: ههههه شسوي بهالثور اخوج .. عنبوو لو بعير نش..
اسوم : هههههههه حرام عليك .. خله يرقد ..
غيث يحب بعاند : لا مايخصنيه بووعيه يعني بوعيه ... واللي قاهرني انه قافل الباب .. انا براويه ..
اسوم : ههه والله انك .. اقول وين امييه.؟
غيث اونه يدور فمخباه : صبري شوي الغلا بدور..احين مخبايه منقطع شكلها بالغلط طاحت هناك ..ههههههه
اسوم تطالعه بعبط .. طبعا الارسال داون : انزين ماسرت تخيطه ؟؟
غيث: هههههههههههههههههههههههههههههههههههههههههههههههههه ه
اسوم :بلاك انت حوووه ؟
غيث راح صوبها ..يودها من ايديها موصلنها صوب الدري: نزلي نزلي بتلقينها هناك .. الله يعينج لين ماتستوعبين .. ههههههههه ..

اسوم تطالعه بعبط وتنزل..أول ما وصلت آآخر دريه .. استوعبت ..طالعت فووق ونقعت ضحك .. جان تربع فوووق مره ثانيه ..

أسوم:غيااااااااااااثي فهمت السالفه .. تتمصخر عليه اونه اميه فمخبااك ..هههههه
غيث يطالع اخته ويحمد الرب ع نعمة العقل.: سيري سيري الله يعطيج عقل..هههه
اسوم : هههه دب .. يلا زول..
غيث: زولي انتي يازوله ..هههه


اسوم نزلت .. وغيث إلا يوعي هادف..يلس يدقدق ويغني .. وحالته حاله .. آخر شي هادف نش محررررررررج !!

هادف فج الباب ويطالع غيث: حووووووووووه انت بلاك . صميتنا؟
غيث: هههههههههه طاع شكلك تقول ديايه محروقه ..
هادف : سخيف انت تدري..
غيث: لا مادري.. علمني .. هههه
هادف : انزين احين شو المطلوب .. أضحك ؟
غيث قفط : ههههههه لا اميييه تقولك بسك رقااد ..
هادف لاوي بوزه : انزين زول زول..بيي ..
غيث: والله ان ماييت بردلك وبخليك أصمخ صدق..
هادف تم يطالع غيث.. وبند الباب فويهه ..طاااااااااااااااااااخ ..
غيث يطالع بعبط : ههه ماعليه برااويك يالهرم ..

نزل غيث صوب أمه واسوم .. ويلس يسولف وياهم شوي .. عقب ظهر عنده شغل فالصناعيه ..طبعا الشباب مخاوينها الصناعيه هع هع ..



بيت بو فلاح


الريم وامها ومنصور يالسين في الصاله .. وطبعا كالعاده منصور يالس يتمصخر عليهم ..
منصور : ريموه تعرفين أمسات وانا راد من الصلاه . شفتج واقفه جدام باب الصاله .. انا الصراحه بغى يغمى عليه ؟
الريم :ههه ليش ؟؟
منصور : مادري يالريم بس بصراحه فيج شي غير عن كل البنات ..
الريم مختقه : احم احم .. فديتنيه شيخة الحريم ..
ام فلاح : امبونها بنيتي غير عن البنات ..
منصور:زين ماسئلتوني شو اللي غير ؟
الريم : ها شو اللي غير؟
منصور: الغير اني انا اللي اعرفه ان البنات كلهن فيهن عيون ..
الريم تطالعه بعبط و تقاطعه : وانا شو مافيني ان شاء الله ..
منصور: لالا .. بس البنات فيهن عيون يغرمن .. ولا انتي .. كشاافااات ههههههههههههه ..

الريم عيونها كبار ووساع ...وآيد حلوات عيونها .. وخوانها يوم يبون يطفروبها يقولولها كشافات .. مع انه عينها تعيبهم .. بس يعني حركات شباب ههه ..

الريم تطالعه بعين : قول انك تغار قوول..
ام فلاح : تراه يغار شو بعد ..
منصور:هههههه ماشي شغل اغار من عيونها هاييل..تقول كشافات ..هههههههه..
الريم : جب جب..ماحبك يالدادووه ..
منصور:هههه علنيه فداج وفدى عيون الريم ..
الريم : ههه هيه توك ..
منصور: ههههههههه خقاقه ..
الريم : طالعه عليك هههههههههه ..

شوي إلا وحمدان نازل ويغني :


أبي من زود حُبي .../ أربكك !
لمَّا تسألني أحبك ..؟ قلت " أموت " !!
إنت مثل " الحلم " ولمَّا أمسكك
أدري إنِّك واقع / وتطري البيوت ..
يا عيون الريم وشلون أشبكك ؟!
من يشوفك قال : ما شا الله توت ..!

اول ما خلص .. الريم نشت .. اونها عاد مختقه : شكراا شكرااا .. شحنتوو غروريه .. اوووه اقصد اخجلتم تواضعي هههههههههه ..
حمدان : صدق خقااااااقه .. شو يقربلج منصور؟. هههههه
الريم تطالع منصور:مادري سمعتهم يقولون اخوويه هههه..
منصور : ههههههه خااشمج ..
الريم تنش وتوايه اخوها..أم فلاح تطالعهم وتضحك ع خبالهم .هههه.

قعدوا الريم وخوانها يسولفون وجيه .. عقب الريم نشت عنهم وسارت حجرتها .. أول ما دشت الحجره عقت عمرها ع الشبريه .. وتنهدت .. فديتها اسوم من متى ما رمستها خل ادقلها . الريم تدق حق اسوم .. وفهالوقت اسوم كانت يالسه ويا خوانها.. أول مادقت الريم ،

اسوم نقزت مستاانسه : اللآآآآآآي ريمووووووه !
هادف وغيث صدو صوبها .. ويضحكون ع خبالها ..
ام غيث:العقل زينه هههه ..
غيث: وانا اشهد ..
هادف ابتسم وتم ساكت ..

أسوم راحت تتمشى فالحوي.. ترد ع الريم وهي تضحك : مرررررررررحباا ملياار ..
الريم : وبج زووود دبووه .. شحالج .. علومها داارج ...؟؟
اسوم : بخيييير ونعمه من سمعت صوتج ..
الريم : هههههههههه حيهم بدوو ..حضر .. غجر ..
اسوم : ههههههههههه اسميج انتي وهالجمل من وين تييبيهن ماعرف..
الريم : الله يخلي هالكور ما يظهر غير الدرر .. ههههه ..

أسوم والريم يلسو يسولفون ويا بعض.. شوي إلا هادف ياي صوب أسوم .. يرمسها ..

اسوم : ريموه شوي بس..
الريم : اووك ..

اسوم ترمس هادف : شو بغيت ؟
هادف:ترمسين الريم ؟
اسوم : هيه ليش؟
هادف : أبغي أرمسهاا..
اسوم : شووووووووه ؟؟ انت مينون .. رووح رووح..
هادف: يختي هاتي كلمتين ورايح ..

الريم سمعت رمستهم : خلاص برايج اسوم عقب برمسج !!

اسوم تبا ترد ع الريم .. هادف سحب التلفوون عن اسوم ..وراح ع صوب ..واوم فاجه عونها وتطالعه بعبط

هادف : مرحبا ..
الريم ساكته : ,,,,,,,,,,,,,,,,,,
هادف : شحالكم شخباركم .. عساكم مرتاحين .. سمحولنا جان غلطنا .. والله مانقصد .. ومايهون علينا زعلكم ..
الريم ساكته : ,,,,,,,,,,,,,,,,,,,,
هادف : الريم .. ممكن أسمع منج كلمة مسموح .. بالحل .. أي شي..
الريم : فداعة الله ..
هادف: انا آآسف..
الريم : عطني اسوم .. فداعة الله ..

هادف حرج .. ليش مسووتلي طاف

هادف: هب منج انتي .. من اللي يعتذر منج ويحاتيج .. سيري يعل عيني مارتج ولا قلبج عذرنيه ..

الريم صخت عنه وماقالت شي.. هادف عق الفون ع اسوم وظهر وهو محرج ..

اسوم :سمحيلي ريموه والله ماحسيتبه إلا ساحب الفون ..
الريم :لا عادي ريموه انتي مايخصج ..انزين انا بخليج ..
اسوم : اوك ريماني.. وسمحيلنا..
الريم : فديتج انا..يلا ربيه يحفظج ..
اسوم : ويحفظج فداعة الله ..


الريم بندت عن اسوم وهي محرجه من هادف .. خاطرها تدوسه فبطنه تسوي أي شي .. اففف قهررر ..


وهادف من الصوب الثاني ظهر محرج .. اف منج ... عنيييده .. ليش جيه تسوين ..ع كثر ما تعذبيني أموت بحبج .. بس ليت تحسين ليت .. عذبتينيه يالريم .. حبيبتي غيريه وانا لي اموت بثراج .. اعتذر منج وتصديني وتسويلي طاف!! انا بشو غلطت . شو العيب لي فينيه .. شو اللي شفتيه فاللي تحبينه وما لقيتيه فيني شووووووه !! آآخ يالريم رغم كل هااا .. أحاول أبعد عنج .. أكرررهج .. بس قلبيه مايطاوعني !! أرد لج خاضع .. آآآخ يالريم .. ليش تجبريني ع جرحج لييييييييييش!! أدري جرحتج بس انتي السبب .. انتي السبب !!



أنا عقلي على درب الجروح فـ غيبتك سايب ..!
______ أنا فيني التعب عايش من رجولي إلين الراس !!
قوي قلبي ,, ولكني أحس / بـ غيبتك هايب !
______ تخيَّل كل ما أصبر على غيابك , تضيق أنفاس !!!
أتوب شلون عن حُبك وغلاك بداخلي شايب ..؟
______ أحبك كل يوم " أكثر " وفيني لك كثير إحساس !
حضورك كان في قلبي جميع الوقت يا غايب ..
______ أنا من وين ما أطالع , أشوفك إنت كل الناس !!

هادف ظهر .. وحاس روحه تعبان .. جسده خالي من الحزن .. آآخ تعبآآآآآن !!

شوي إلأا وحمدان داق لهادف..

حمدان:مرحبا الساع ..
هادف:وبك مليار..
حمدان:شحالك شو صحتك احين ؟
هادف:زفت ..
حمدان : أفا شعنه ؟
هادف: ماشي ماشي.. انت شحالك ؟
حمدان : بخير ونعمه ربيه يعافيك.
هادف: عساه حالن مديم ..
حمدان :وياك يارب..هادف بغيت أتخبرك ..متى ناوي ع السفر؟
هادف:والله مادل يا حمدان .. انت تعرف باجي شهر .. ولازم نخلص امورنا بسرعه ..
حمدان:هيه انا بعد قلت جيه .. شرايك ع الاسبوع الياي؟
هادف: هيه اوك..وفهالوقت نقدر نتطمن ع الاحوال هني..مايصير نخلي كل شي سايب ع ظهر فلاح وغيث..
حمدان : هيه ترى عسب جيه ..
هادف:عيل توكل على الله .. واليوم بنخبر الاهل ..
حمدان :خير ان شاء الله .. شي فخاطرك؟
هادف: سلامة راسك .. ومن جدانا؟
حمدان : الرب يسلمك .. سلمت شيخي..
هادف:الله يسلمك .. ربيه يحفظك..
حمدان:الرب حافظ ..


حمدان بند عن هادف.. مروح البيت .. أول ما وصل . . توه بيدخل الصاله .. إلا ويسمع صوت أمه وفلاح يرمسون ..

فلاح : يا اميه لاحق انا ع العرس..يوم انيه بعررس بخبرج ..
أم فلاح : لا يا اميه .. انت كبرت ولا زم تعرس.. خلنيه اشوف عيالك قبل لا اموت ..
فلاح: لج طولة العمر يا اميه ..لا تقولين جذا..
أم فلاح : شسويبك ياوليدي ..من متى نتحايل عليكم وانتو امرره هب معبرينا..إلا ع الشغل وخاطفين ..
فلاح مبتسم : فديتج يا اميه .. امررره حاظرين .. دوريلي؟ ولا انتي حد فخاطرج ؟
أم فلاح : تبغي الدق يا وليديه .. هيه يا اميييه حد فخاطريه ..
فلاح يضحك : هههههههه اما انتو يالحريم .. يلا عيل خبريني منوه ؟
أم فلاح : أسوم بنت عمتك !!

فلاح انصدم ما توقع امه تختار له أسوم حرمه له !!.. وحمدان مع كل شي !!حمدان وقف فمكااانه .. ماقدر يتحرك !! شوووووووووه .. اسوووم .. الله يساامحج يا امييييييييه ..مالقيتي إلا أسوم !! أسوم لي احبها ولي تمنيتها حليلتيه ..!!!

ظهر حمدان وهو محررررج .. حاس بألم .. بقهرررر .. بغيييييظ .. ليش !! ليش البنت لي حبيتها لييييييييييش؟؟
ومنوو ياخذها ؟؟ اخووويه !! اخووويه لي من لحميه ودميه !! آآآآآخ يالدنيآآآ كيف تلعبين فينا !!آآخ !!


الله من ليل سهرته لحآلي ,,
يوم السمآء غيمه يغطي نجومه ,,
نآمت عيون اللي ../
من الهم "خآلي" ,,
مآهو بمثلي يحترق فـ "همومه" ,,
هم يهدم نآيفآت الجبآلي ,,
الليل طوّل وأزعجتني حلومه ,,
مآيسهر إلآ من فقد شوف
" غآلي "
يرعى خيآله طول ليله ويومه ,,

شركة المرحوم [ بوغيث ]

غيث توه واصل الشركه .. يلس ويا المحامي يرتبون أمور الشركه بعد وفاة الوالد .. عقب ما خلصو .. غيث يرمس السكرتيره : الشيخه زقريليه يو حامد ..
السكرتيره : طيب يآ أستاذ ..

بو حامد أول ما خبروه ان غيث طالبنه ارتبك .. ماعرف شيسوي.. غيث شو يبغي منيه !! آآخ نهايتك قربت يا بوحامد .. بو حامد راح مكتب غيث.. إللي استلم أدارة الشركه بعد وفاة ابوه ..

بو حامد يدق الباب..

غيث: تفضل يا بوحامد ..
بو حامد يدخل : زاد فضلك ..
غيث يطالع بو حامد وفيه قهر منه كل ماتذكر ابوه : شحالك؟
بو حامد : انت ادرى بالحال ..
غيث باستهزاء ياغير من القهر : نجتل الجتيل ونمشي بجنازته ..

بو حامد حزت فخاطره رمسة غيث : غيث قبل لا تقوليه اللي عندك بغيت أقولك رمسه فخاطريه ..
غيث: تفضل..

بو حامد : انا مانكر انيه غلطت .. وانيه خنت خووييه بو غيث.. وربيه الشاهد اني آآكل صبوعيه ندم .. بس بعد شوووه !! بعد ماراح بو غيث .. لين يومك وانا هب قادر اسامح عمريه .. ولو انك طردتنيه مالي حق ارمس ! وانا استاهل .. انا بغيت اقدم استقالتيه لانيه هب قد هالمكان ..

غيث: يا بوحامد .. انت روحك قلت ان ابوويه كان خويك .. يا بو حامد بقولك شي بتنصدم منه !! تدري انه ابوويه فوصيته وصابك ؟؟!!

بو حامد منصدم هب عارف شيقول ..

غيث: هيه نعم .. أبووويه مايبغينا نظهرك من الشغل .. لانه الله يرحمه كان يدري انك قد هالشي !! يابو حامد .. نحن عمرنا ما ردينا الاساءه بالاساءه .. لا أيدادنا ربونا ع جيه .. ولا المرحوم أبويه زايد علمنا ع هالشي.. يا بوحامد انت بتستمر في شغلك .. وان شاء الله هالشي لي صار مهما كانت قساوته فيه خيره .. وان شاء الله تكون تعلمت من خطأك ..

بو حامد منزل راسه هب عارف شيسوي .. بو حامد كان ناوي من الاساس ع بوظاعن .. واول ما عرف ردة فعل عيال بوغيث بعد كل اللي سواه .. حس بقهر .. استحى ع ويهه .. حس عمرره صغير ..

نش بو حامد وهو محرررج : غيث .. والله لانتقم من بو ظاعن ..!!

ظهر بو حامد والشيطان بين عيوونه .. يبغي ينتفم لبوغيث..بو غيث الانسان الطيب.. غيث يربع ورى بوحامد

غيث : بو حامد .. الله يهديك وقف .. وقف يا بو حامد ..

بو حامد يمشي ولا عليه .. ركب السياره وشخطها.. ساير صوب بو ظاعن ... وهو فالسياره .. ظهر مسدس .. يطالعه بقهرر .. صدقني بتبااات فقبرك الليله يا بوظاعن .. صدقني بتبات فقبرك !!


غيث ركب سيارته مسرررع ورى بو حااامد .. أفكاااره مشوووشه هب عارف شيسوي .. يدق حق بو حامد وبو حامد هب قادر يسيطر ع عمره .. مسررررع صووب بو ظاعن .. ونواايا الانتقام لبو غيث فقلبه .. وصورة بوغيث وهم شالينه المستشفى طريح . تمر بين عيونه !!

البارت _ 13_

بو حامد يمشي ولا عليه .. ركب السياره وشخطها ساير صوب بو ظاعن ... وهو فالسياره .. ظهر مسدس .. يطالعه بقهرر .. صدقني بتبااات فقبرك الليله يا بوظاعن .. صدقني بتبات فقبرك !!

غيث ركب سيارته مسرررع ورى بو حااامد .. أفكاااره مشوووشه هب عارف شيسوي .. يدق حق بو حامد وبو حامد هب قادر يسيطر ع عمره .. مسررررع صووب بو ظاعن .. ونواايا الانتقام لبو غيث فقلبه .. وصورة بوغيث وهم شالينه المستشفى طريح . تمر بين عيونه !!


عند حمدان

حمدان مايعرف شو استواله عقب لي معه من أمه واخوه .. ع طول ظهر .. راح البدع .. حاس بقهر والم .. يعفد ع العراقيب .. يظهر الظيم لي بداخله ..!!

يآآآرب !! يآآآآ رب شو اللي يصير لي !! آآآآخ ليش اللي حبيتها لييييييش!! آآخ استغفر الله العظيم ... استغفر الله العظيم !!

حمدان وقف سيارته .. ويلس فوق العرقوب ... يفكر بحالته !! آآآخ صحيح اني حبيتج يا أسما !! بس هالحب انا لازم انساه !! آآخ يا أسماااا آآآآخ !! الله يرحم حبي ويرعاه !! بتم احبج واحبج !! لكن مستحيل هالحب يفرق بيني وبين اخوويه !! كل شي يهون إلا الاخوه !! انا برضى بواقعيه المر !!

بيتم حبج بقلبيه !! الحب اللي رويته سنين وعاش ويايه !! بكتمه فدااخليه .. وعمريه مابنساااه !! والله ماقدر أحب غيرج .. قلبيه تحطم !! وتناثرت بقاياه !! قلبيه تشتت وماعادت به حيااه آآآآخ !!

حمداان من الألم لي فيه عق عمره ع العرقووب ..حزنه بعيوونه يبرق وهو يردد :

الصمت ثوبيے والمواجع عباتيے ..
والحزن كلهـ وسط قلبيے مقرهـ ..
لو استعيد بـ واقعي ذكرياتي ..
أحيا وأموت في الثانيهـ ألـ 1000 ـف مرهـ ..
هميے يجينيے من جميع الجهاتيے ..
تجاوز حدود الفلك والمجرهـ ....!



عند أسوم ..

أسوم ناشه من الرقاد .. وحاسه بضيج ماتعرف شو سببه !!

اففف ضييييج ياربي!! بدق حق ريموه بسولف وياها ..

تدق أسوم حق الريم : مرحباا
الريم : مرااحب شحالج غناتي؟
اسوم : أحمدالله ..انتي شحالج؟
الريم : الحمدلله بخير ونعمه ..
اسوم :الحمدلله ..
الريم : اٍآآسآآمي فيج شي؟
اسوم : مادل والله ريموه بس حاسه بضيج .. بمووت..
الريم: من شوه انزين؟
اسوم :والله يالريم ماعرف...
الريم:سلامتج أسوم من الضيج..ربيه يهدي سرج..
أسوم : الله يسلمج ..اامين ..
الريم : امممممم تبين أيي صوبج؟
أسوم فرحانه: تسووووين خيرهههه
الريم: طااعو هاي ماصدقت ..مابا مابا..مابيي.
اسوم : نذله ماحبج ههههه ..
الريم : عن الخررريط عاده..عيل شعنه داقتلي دامج ماتحبينيه..هههه
اسوم : احم احم مادل بس أقضي وقت خخخخ
الريم : ويهج عيل..
اسووم :ويهج انتي..
الريم: هههههه سخيفه انتي...يو نو؟
اسوم بعبط :هاااا ؟؟!!
الريم : ههههههه الله يعين ريلج ..
اسوم : هههههه فديته انا..
الريم :حووووه انتي عيب ما يتفدوون مني والدرب..منقوود..
اسوم : طااع..اتفدى ريليه بلاااج..
الريم بنذاله :اسووووووووووووووووووم!!
اسوم : هاا شفيج؟؟
الريم :يالخايسه معرسه من ورى هلج ..ان ماخبرت ماكون ريماني..هههه
اسوم : هههههههه محد خايس غيرج انتي وهالتفكير..
الريم: ههههههه فديتج انا..ادري مابتعرسين بدون ماتخبرينيه..
اسوم :: هههه الثقه انواع ..ريماني انا وياج بناخذ واحد ..ههه
الريم : هههههه لا والله..
اسوم : هيه ما نبا هالرياييل يفرقونا..بناخذ واحد انا وياج ...ولا إنا ناخذ توم شرايج ..؟؟
الريم: ههههههه والله فكره ..
اسوم : يوم اقولج عقل هههه ..
الريم: جهنميه انتي هههه ..

اسوم والريم يلسوو يسولفون وخذاهم الوقت ..

عند هادف ..

هادف كان ساير المول هو ومنصور .. منصور لابس كندووره سوده وسفره حمره .. وشكله غرااام .. يتمشى ويا هادف ويسووولف,,عاااد منصوور يوم يسووولف صوته يوصل اخر الدنيا.. ولازم يحرك يدينه ههه ..وهادف ناقع ضحك ع سوالف منصور ..

هادف: منصوور طاع هاييج شقايل تطالعك ..
منصور : خلها تولي شو ابالها..
هادف: هههه اندوكم الذرب..زين شوفها..
منصور: هههه يالخايس.. مابغي خلها تولي..

هادف يحاول يغري منصور ..يطفربه

هادف: بس تصدق حلوه ؟
منصور يتمصخر : احلللللللف؟
هادف: ههههههه والله..
منصور يحرك حياته فوق وتحت : عيل مابشووفها هههه ..
هادف: هههههههههه والله انك ..

يلسو يكملون سوالفهم .. وهم ماشين هادف مره وحده نقع ضحك :هههههههههههههههههههههههه

منصور : بسم الله شفيك انت ؟
هادف : طااالع طالع هاييج شقايل تطالعك هههههههه ..
منصور: ههههههه انت ماوراك شغله ؟؟
هادف: منصور دخيلك لا تكشخ روحك ماشالله غرشوب..هههه
منصور بتواضع: هههه لا هب زود ..
هادف : والله انك غرام .. خاصتن بهالكندووره .. وهاللووك تف تف عن عيون الحسود ..هههه
منصور : مالت هههه ..
هادف : حلفتك الله تشووف دخيييييلك .. ههه
منصور يصد صوب البنيه .. وفططططس ضحك :وووووووووكككككككككككككككككككككك

البنيه كانت متسنده ع الطاوله وحاطه يدينها ع خدها وتطالع منصور .. ههههه ذايبه ..
منصور إيود هادف .. وسحبه يمشون .. وهو ناقع ضحك ..

هادف: اسميك معذبنهن البنات .. ههه
منصور : ههههه هن مفلعات شسوي انا ..
هادف:عيل صيدلي وحده ..
منصور يطالع هادف بعين : اقوووول امش امش احسن ..
هادف : ههههههههههه

منصور يطالع اثنين بتااان .. وضحك ويت فكره فباله ..

منصور يرمس هادف: أخبرك تعال شوي .
هادف: ع ويييييين ..؟؟
منصور: صوب هالبتان ..تعال وبتعرف
هادف: هههههه تخبلت انت ؟؟..
منصور:تعال وانت ساكت ..
هادف : هههههههه الله يستر ..اوك ..


منصور يرمس البتاني: سلاممي عليكم والله..
البتاني: أليكم السلام ..
منصور: انته غرشوب تدري؟
البتاني يطالع بعبط هب فاهم .. وهادف ناقع ضحك ..ههههه

البتاني:شو يقول انته ..؟؟
منصور: هههه انا بفهمك .. اسمع يا ريال .. انت يريد فلووس؟
البتاني: لازم انا يريد .. هزا فلوووس..
هادف : هههههههههه عنلاته.,
منصور: حااضرين لأعطيك انت وربيعك 500 .لكل واحد بس بشررط ..
هادف: يالبطرااان 500 ههههههه
منصور:جب جب من كثرهن ...هههه
البتاني: شو هزا شرط؟
منصور هب عارف شو يقوله : اسمع بنتبادل بالملابس.. بس ربع ساعه .. ويساسر هادف:الله يعينا ع ريحة الخياس.. هههههه

هادف:ههههههههه يالهرم..

البتاني: اوكي مافي مشكله .. انته يريد ملابس مال انا فدوه حق انته ..
منصور يساسر هادف: فدوه بعد !! شكله مغازلجي ههههههه
هادف: اما بهاي صدقت ..هههههههههه

منصور يرمس البتاني: فديت خشمك هالهيس .. يلا عيل .. احين ..
البتاني :اوكي يلا..

راحو الشباب ويا البتان وتبادلو بالملابس.. واتفقوا عقب وين يتلاقون..

هادف: هههههههه الله يغربلك شو ها مابغي..تسدك الريحه
منصور: ههههههه خلنا نستانس.. تعال بنتمصخر ع العرب..
هادف : الله يخسك .يلا..هههه

منصور ظهر وشكله هو وهادف يفطس ضحك ... شافو شيبه ..ساروا صوبه ..

منصور: السلام عليكم بابا..
الشيبه : وعليكم السلام ..
منصور: بابا هذا اخو مال انا.. واااااجد مسكين .. بس مافي كفيل.. انا يريد انته سوي كفاله حق اخو مال انا..
الشيبه : وانت شعنه يايبنه هني وابويه عليك..
منصور: بابا والله انا محتاج واخو مال انا محتاج ..
الشيبه وحليله طيب: انزين خلاص..عطني رقمك ..
منصور اونه يحب يدين الشيبه :مشكورر بابا مشكور ..
الشيبه : استغفر الله ..ماعليك انت ..

منصور يطالع البنيه لي حذال الشيبه .. ويبا يطفر بالشيبه ..عاد اونه يساسر الشيبه : بابا ..
الشيبه : لبيه
منصور:انا مافي زواج ..
الشيبه : انزين والمطلوب..اشوفلك حرمه ؟
منصور: لالا بابا..انا مافي تعب انته زياده ..هذاا حرمه موجود..
الشيبه : عيل سير اخطبها..
منصور: بابا أنا يريد بننت مال انته .
هادف نقع ضحك : هههههههههههههههه ..

الشيبه ماشي تفاهم عنده ـ شخط منصور بالعصا ههههههه . ومنصور طاح ع الارض وناقع ضحك ..
هادف شررد ماقدر يزخ عمره .. وإلا منصور يربع وراه ..والشيبه يزاعق...طاحبهم طيحه .. هههه ..

الشيبه : تعااال تعااال يالهرم برااااويك .. انننننف عليك


هادف : هههههههههه يالهرم مقواك ..
منصور: ههههههههههههه وحليلك يالشيبه ..
هادف:قوم قوم سرنا فضحتنا علنيه بلاك .. هههه ..
منصور وهادف عقب ماخلصو خبالهم ظهروو ..وهادف متوعد لمنصور هههه


عند بو حامد


بو حامد يسرع . وغيث وراه..غيث دق حق فلاح عسبة يخبره بالسالفه.. فلاح أصر انه ايي.. ماطاع يخلي غيث روحه .. .. وصل بو حامد شركة بو ظاعن .. يدخل بسرررعه وخط ع مكتب المدير .. دش شاف السكرتيره ..صرخ فويهها : ووووين بو ظاعن؟

السكرتيره تروعت ..نشت : امممم .. مابعرف انته شو بتريد؟
بو حامد محررج :قلت لج وووينه؟
السكرتيره : هووون هوون .. بس هلى هوه عندووو اجتماع ..

بوحامد طنشها وسار صوب مكتب بو ظاعن ..

السكرتيره تربع وراه : يا أخ ما بيصير المدير عندووو اجتمااع ..

بو حامد يصرخ فويهها :جــــــــــــــــب خوزي عن ويهيه..

السكرتيره وقفت مكانها وهي متروعه .. بو حامد دش مكتب بو ظاعن ..ويلس يطالعه بغيظ وقهرر وهو ميوود الباب..بو ظاعن استغرب.. الموظفين لي عنده تموو يطالعون بوحامد وساكتين ..

بو ظاعن يرمس الموظفين : ماعليه انتوو روحوا احين .. عقب بنكمل الاجتماع ..
الموظفين ترخصوا وظهروا .. أول ماظهروا بو حامد بند الباب بقووو ساير صوب بو ظاعن ..

بو ظاعن وهو يالس فمكانه : أظن يا محترم لي يدخل مكان يستأذن..
بوحامد يطالع بو ظااعن وهو ساكت .. يطالعه بقهرر..وهب شايف شي جدامه .. غير الثأر..

بو حامد : انت السبب .. انت السبب ..
بو ظاعن : انا السبب في شووو ..؟؟
بو حامد :انت السبب في موت بوغيث .. ويتدفع الثمن غالي..
بو ظاعن يضحك باستهزاء: ههههههه لا تنسى يا شاطر انك ويايه باللعبه !!
بوحامد : انا الغبي .!! انا الغبي لي تبعت شورك وشور الشيطان ..
بو ظاعن : محدن ظربك ع يديك ..

بو حاااامد يلس يطالع بو ظاعن ..وبهالوقت دخل غيييث ..

بو حااامد صررخ وهو يطالع بوظاااعن : انت حقييييييييييييييير جبااااااااااااااااااان!!!

بو حامد توه يظهرر المسدس من مخباه..

غيث إيي صوب بو حامد .. لآآآآ لاآآآآ يا بوحامد ..

بو ظاعن هب عارف شيسوي واقف مكانه .. بو حااامد هب شايف شي جدامه .. همه انه يجتل بو ظاعن ويثأر لبوغيث ربيعه .. بو حااامد توه بيضرب بو ظاعن إلا وفلاااح داااش ..فلاح أول ماشاف المسدس بيدين بوحامد ..يا يربع ووقف جداام بوحامد.. صررخ :لااااااااا يا بوحاامد !ّ!!


لكن للأسف بو حامد ضررب الرصاصه .. ودخلت فصدر فلاح .. فلاح يطالع بو حامد بعيونه اللي حمرت من شدة الالم .... وينزف!! بو حااامد يدينه ترتعش.. يطااالع فلاح وهو ينزف ويطالع المسدس لي بين يدينه .. غيث صرخ :لاآآآآآآآآآآآ ...

ويربع صوب فلاح : فلاااح ..فلااااااح دخيلك نش...فلااااااااح دخيلك ..

بوظاعن ع طول يطلب الاسعاف .. وبوحااامد يلس ع ركبه وحاط يدينه ع الارض وساكت .. هب عارف شو يقووول.. عيوونه تذرف..غيث يطالع ربيعه .. وولد خاله .. وهب عارف شيسوي.. حط يدينه ع صدر فلاح .. والدم خرس يدينه وكندورته ... وهو يصيح ويصارخ : دخيييلك .. دخيلللك يافلاح اصبر !! فلاح ارجوووك لا تخليني روحي..انا خويك يا فلاح.. دخيلك .. !!

فلاح هب قادر يرمس من شدة الالم .. مغمض عيوونه .. هب قادر يتحمل .. الضربه يت صوب قلبه .. فلاح حط يدينه على ايد غيث لي كانت ع صدر فلاح .. وضغط عليها بقووو .. ودمعت عينه !!

غيث يطالع فلاااح .. ودمووعه بللت محجره ... فلاح يحاول يرمس وهب قادر..

غيث صرررررخ : دخيييييييلكم ييييبوو الاسعاف .. .. بسررررررعه تحركوووو !!

فلاح يرص على ايد غيث ويرمس بصعووبه : غ ... غيث ياخوي.. مايحتااي..غيث هلي اماانه.. امانه بين يدينك !!

غيث يصيح بحراره : فلاااااح لا ..لا تقول جيه .. دخييييييييلك لا تقول جيه !!

فلاح يطالع غيث ويبتسم: .. غ .. غييث.. انت أغلى انس.. إنسان عليه !! ومافي حد أقدر أأمنه ع هليه غيرك بعد وفاة ابويه.. رجيتك.. اوعدني!!

غيث يطالع فلاح ويصيح :فلاااح دخيلك اسكت .. اسكت ..

فلاح: اوعدني؟

غيث :اوووعدك .. اوووعدك ...

فلاح ابتسم .... ودمه صبغ البقعه !! غمض فلاح عيونه وهو مبتسم !! وساد المكان الصمت .. غيث يطالع ربيعه .. مبطل عيوونه !! دمووعه وقفن !! هب مصدق .. يهز فلااح ..

فلالالاح نش.. دخيلك يا فلاح نش.. فلاآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآح !!


ليه تبعد ليه ترحل ليه تتركني وحيد
،،،،، ليه ترحل من حياتي وليه عن عيني تغيب

ليه عذبت الخفوق وليه نشفت الوريد
،،،،، وليه ترضالي اعيش بجرح لا يمكن يطيب


البارت _ 14_

فلاح ابتسم .... ودمه صبغ البقعه !! غمض فلاح عيونه وهو مبتسم !! وساد المكان الصمت ..
غيث يطالع ربيعه .. مبطل عيوونه !! دمووعه وقفن !! هب مصدق .. يهز فلااح ..

فلالالاح نش.. دخيلك يا فلاح نش.. فلاآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآح !!

ليه تبعد ليه ترحل ليه تتركني وحيد
،،،،، ليه ترحل من حياتي وليه عن عيني تغيب

ليه عذبت الخفوق وليه نشفت الوريد
،،،،، وليه ترضالي اعيش بجرح لا يمكن يطيب

غيث بحالة انهيار. هب قادر يشووف ربيع عمره بهالحال.. كان معاني من ضغط نفسي بعد وفاة ابووه .. والمسؤوليه لي عليه .. وأحين انفجر ..وفجر كل ما به !!

رياييل الاسعاف توهم داشين .. بسرررعه صوب فلاح ... يبون يشلوونه .. وغيث هب طايع يتحرك يبا يتم حذال فلاح ..

الريال: يا أخي إذكر الله .. وخلينا نشوف شغلنا ..

غيث هب طايع يهد فلاح .. ويصيح .. يو الشباب شلوه بالغصب ع ينب..رياييل الاسعاف شلو فلاح .. وغيث ركب وياهم ..

الشرطه يت وقبضوا ع بوحامد .. و بو ظاعن لي حاول يهرب بس ماقدر !! والتحقيق بدى وياهم !!



[ سيارة الاسعاف ]

الريال يجيس نبض فلاح ..يرمس ربيعه : فيه نبض لكن نبضه وايد ضعيف. . لازم نسررع ع المستشفى..

الريال يركب أكسجين لفلاح .. ويحاولون يسعفونه .. أول ماوصلو المستشفى نزلووه و ع طول دخلوه الانعاش ...

غيث منهار تماما .. متسند ع اليدار ويصيح .. عمره ما صاح هالصياح !! واليوم فجر كل آلامه !! ي

دق غيث حق حمدان : حمدااااااااان !!
حمدان تروع .. بلاه غيث: غيث بلاك شصاير..؟؟
غيث وصوته متقطع : حمداان فلاح..فلاح فالمستشفى صابته رصااصه!!
حمداااان: شوووووووووه !! فأي مستشفى انتو؟
غيث: تواام.. لا تتأخر دخيلك يا حمدان دخيييلك..
حمدان: دقايق وانا عندك..فداعة الله ..



غرفة الانعــاش

الدكتور يحاول يرجع النبضات الطبيعيه لفلاح ..

النيرس: دكتووور نبضاااته بدت تضعف زياده !!
الدكتور يتحرك بسرعه : ييب جهاز الصعقات الكهربائيه .. !!

المساعد إييبه .. نبضات قلب فلاح تزيد وتضعف !! حالته جدا خطيره !!

الدكتور : نحن لازم نسوي له عمليه جراحيه احين !! حد من هله هني ؟
المساعد : هيه هني واحد يقربله ..
الدكتور: دقايق عيل..
الدكتور ظاهر صوب غيث..

غيث ربع صوبه: ها دكتور بشررر!!
الدكتور: نحن لازم نسوي له عمليه !!
غيث: ليييييييش؟
الدكتور: ياخوي هالشي ضروري.نبضات قلبه وايد ضعيفه وحالته حرجه. بس بعد لازم موافقتك !! خلنا نخلص الاجراءات ..

غيث هب قادر يقرر.. لكن بنفس الوقت العمليه لازم تصير.. فلاح فحاله حررجه !!


غيث: خلاص يادكتور .. سوو اللي عليكم ..
الدكتور : تعال ويايه ..

غيث راح ويا الدكتور .. الدكتور خلى غيث يوقع على اجراءات العمليه ..

الدكتور يكلم النيرس:جهزوا غرفة العمليات ..
ع طول راحو جهزوا غرفة العمليات .. بكامل معداتها ..


[ غرفة العمليات ]

الدكتور : لازم نظهر الرصاصه .. بس مكانها وايد حرج ..
الدكتور الثاني يهز راسه : هيه ..
الدكتور : يلا توكلنا على الله ..

بدو الدكاتره بالجراحه .. وحمدان توه واصل.. شاف غيث متسند ع اليدار وحاط يدينه ع راسه ويصيح ..

حمدان : غيث شخباار فلاح .. شو اللي صار؟
غيث: مااعرف..ماعرف..احين دخلوه الجراحه .. العمليه صعبه يااحمداان آآآخ ..
حمدان : وشو اللي صار شووه؟
غيث: بو حااامد ..بوحااامد راح يبغي يجتل بو ظاعن .. وفالوقت لي بغى يضرب به بو ظاعن بالمسدس .. دخل فلاح ووقف جدام بو حامد عسب يوقفه!! آآآخ بس ليته ماوقف..
حمدان يطالع غيث وكله قهر والم : والله ليدفعوووون الثمن غالي..
غيث وهو منهار: انا السبب .. انا السبب.. ليتني مادقيت لفلاح .. ليتني ماخبرته !! لييييت


حمدان يلوي ع غيث ودموعه بعينه يحاول يكتمها : خلاص يا غيث اذكر الله .. هالشي مقدر .. لا تقول جيه .. ادعيله ادعيله يا غيث..
غيث: يآآآرب .. يآآآرب قومه لنا بالسلامه .. يآآآرب...

حمدان حاس عمره تعبان .. يلس ع الكرسي وحط يدينه ع راسه .. آآخ فلاح .. دخيلك خلك قوي .. لا تروح عنا.. نحن محتاجينك يا فلاح .. محتاجينك كلناا ...!!!

حمدان دق حق منصور اخوه لي كان ويا هادف وخبره .. منصور وهادف ع طول يو المستشفى ويابوا أم فلاح والريم وياهم ..

أم فلاح اول ما عرفت بالموضوع انهارت صياح .. والريم نفس الشي ويو ع طول المستشفى.. الكل واقف جداام غرفة العمليات .. الثواني تمر بعيونهم دهر !! كل واحد حالته هب احسن عن الثاني ..

غيث .. مابين حزنه وخوفه ع ربيعه وما بين ندمه !!

حممدان .. تولفت فقلبه كل الاحزان .. من كل جهه حزن!

منصور .. اللي البسمه عمرها مافارقت محياه .. حتى لو هو متضايج .. يبتسم عشان هله وناسه !! الحزن كسى معالمه وغطى كونه !!

أم فلاح لاويه ع الريم وتدعي الله يقوم ولدها بالسلامه .. والريم تصيح والتعب هد حيلها.. تظهر من حزن وتدخل في غيره .. !!

هادف .. يالس حذال حمدان يهديه .. والحزن امبين فعيونه .. يحاول يصبر ويصبر هله .. يطالع الريم من بعيد .. هب قادر يتحمل شكلها وهي بهالحاله .. آآآخ يارب فرج همنا يميع !!

الريم تصيح .. وحاطه راسها ع حضن امها .. يت عينها بعين هادف .. وبدون ما تحس حطت يدينها ع خدها وصاحت زوود .. هادف تذكر الموقف لي صار له ويا الريم ..!! آآآآخ ليييش!!

هادف يأشر للريم تمسح دموعها .. وابتسم غصب.. الريم استغربت من حركة هادف.. ابتسمت له غصب وهي تحرك راسها بمعنى ان شاء الله .. الريم مسحت دموعها .. حاولت تكتم ألمها.. يلست تدعي لأخوها والحزن كساها.. هادف ابتسم للريم يوم شافها تمسح دموعها.. طرشلها مسج بدون مايحس .. بدون مايفكر .. طرش للرقم لي ترسخ فذاته !!

غريب الوقـت في طبعـه يعـانـدّ .. ابيـه يطـوِيه ولكنْه طـوانيّ
حبيبي فـارق عيـونّي ولا جـا .. تقلـب صـورته فيني مواجِـعِِ

وكاتب تحت ..

الريم خلج قوويه !! لا توقفين جدام هالعقبه !! خلج شرى ماعرفتج قويه .. وابتسمي
هادف

الريم أول ماوصلها المسج .. ماكانت بتفجه .. طالعت الفون وردت تصيح فحضن امها.. تحاتي اخوها .. هادف يطالعها يترياها تقراه .. يحاول يخفف عنها مايعرف كيف!!

مادري يالريم ليش احسج تحبيني !! بس انا بإذني سمعتج تقولين أحبه !! آآآخ بس!!

الريم صدت صوب هادف من ألمها.. شافته يأشر ع الفون!! الريم مافهمت شو يبا .. لا يكون هو صاحب المسج !! بس من وين ياب رقميه !!

الريم تفج المسج أول ماقرته .. طاحت دمعتها.. وبنفس الوقت استغربت ..
ماتعرف شو اللي خلاها ترد عليه بمسج !!

عظمـ الله اجر قلب[ن] ذبحتهـ ..
جوني على موتهـ هموم [ن] يعزون ..!!

هادف أول ما قرى المسج فج عيونه !! استغرب .. ليش الريم طرشتله جذا .. لا يكون!!!
ضيعتيني يالريم وماقدرت أفهمج !! ليش كل ماقرب تبعدين ليييييش؟؟

الريم غمضت عيونها وهي ترمس أمها : إميه ..فلاح بيعيش!!
ام فلاح : إن شاء الله يا اميه ان شاء الله ..
الريم : اميييه هذا ابوويه .. امييه مابغي افقده يا اميييه مابغي ..وتصيييح
أم فلاح نزلت دمعتها غصب : آآخ يا بنيتي ربيه يقومه بالسلامه ..
الريم : آآمين آآمين يا اميه ..



بيت بو غيث

أم غيث اول مادرت بالخبر يلست تصيح .. وتدعي لفلاح انه يقوم بالسلامه .. وطبعا ماقدرت تظهر صوبهم لانها فالعده .. ومن صوب اسوم ... فهي منهاره تمااماا.. اول مادرت بالخبر ربعت فوق وقفلت ع عمرها الباب وتصيح ..

فلاآآآح..فلاااح دخيلك لا تروووح عني فلااااح .. يآآآرب .. يآآرب اشفي نظر عيني ياارب.. يا رب رجييتك لا تحرمنيه منه..

اسوم يالسه وتتذكر كل لحظه وموقف مرت بحياتها ويا فلاح من هم صغار !! صح ان فلاح ما يكن لأسوم أي مشاعر ويعتبرها شرى اخته .. ولكن اسوم وايد تحب فلاح .. من هي صغيره!!
يلست اسوم تصيح ولاويه ع دبدوها.. تدعي الله ان يقومه بالسلامه . وحالتها لا يحسد عليها.!!

مستشفى توام

شوي إلا والدكتور ظاهر .. الشباب سارو صوبه بسررعه ..

الدكتور مبتسم: الحمدلله العمليه نجحت .. !!
غيث هب مصدق : الحمدلله .. ألف الحمدلله والشكر .. ويلوي ع حمدان ...
حمدان : الحمدلله يارب الحمدلله ..

الشباب مستانسين .. والريم تضحك وتصيح من الفرحه .. هب عارفه شو استوالها.. تلوي على امها .. امييييه اميييه فلاح حي يا امييييه .. فلاح حي !!
ام فلاح تصيح : الحمدلله ..الحمدلله يارب..
منصور ياي صوب أمه والريم : تستاهلوون سلامته يا امييه<< ويحب راسها..
ام فلاح :الله يسلمك ياولديه ..
منصور: ياربي .. انتو بلاكم تصيحون ... يعني زعلانين لانه بخير أفاا هههه ..
أم فلاح : علنيه فدااه .. هاي دموع الفرح ياوليدي..
منصور مبتسم :يلا يا اميه ما نبغيها الدموع ..


غيث يرمس الدكتور: دكتور نقدر نشوفه ؟
الدكتور: أحين لا .. لان المريض تعبان ومحتاج لراحه .. ان شاء الله عقب ساعتين بنسمح لكم تشوفونه !!
غيث: دخيلك يا دكتور لو من بعيد دخيلك ..
الدكتور: اممم .. تعال ويايه ..

راح غيث ويا الدكتور .. يلس يطالع فلاح من بعيد ...ودمعت عينه يوم شافه : سامحني يا فلاح سامحني !!

حمدان ياي صوب غيث .. غيث صد صوب حمدان ..

حمدان يرمس غيث: لا تقول جيه يا غيث.. فلاح الحمدلله بخير.. لا تلوم بعمرك وان مالك دخل ..
غيث: ان شاء الله يا حمدان ..
حمدان ابتسم :يلا سرنا صوب الاهل..
غيث : ان شاء الله . بس بطمن اميه ..
حمدان : اوك ..

غيث يدق حق امه ماترد .. دق حق اسوم .. أسوم اول ماشافت رقم غيث فزززت: الوو
غيث: مرحبا اسوم
حمدان اول ماسمع اسم اسوم ... انقبض قلبه .. ابتسم بحزن ويرمس غيث: غيث انا ارقبك هناك ..

أسوم أول ما سمعت حس حمدان .. عرفته !! حست بألم بس أبدا ما كانت تدري ليش؟

غيث: اوك عيل..
اسوم : ها بشر شخباره ولد خالي؟
غيث: ابشررج .. فلاح نش بالسلامه ..
اسوم مستانسه : احللف..!!!!
غيث استغرب >< : والله ..
اسوم : علنيه فداك ..يلا بسيرابشر اميه ..
غيث يضحك :ههه اوك فداعة الله..
اسوم : الله وياك ..

بندت اسوم عن غيث. وركييييض صوب امها تبشرها : اميييييه اميييييييييه...
ام غيث صدت صوب اسوم : بلااااج يا اميه شصار؟
اسوم : اميه فلاح نجحت عمليته . نجحت يا امييييييه !!
ام غيث مستانسه تلوي ع بنتها : الحمدلله الحمدلله ..




مستشفى توام

حمدان يرمس امه : اميه شرايج تردون البيت ترتاحون .. ان شاء الله عقب بنييبكم تشوفون فلاح ..
أم فلاح : لا يا وليدي خلنا .. نبغي نتطمن عليه وانا امك ..
حمدان : بس يا اميه احين الزياره ممنوعه ويلستكم ما منها فايده..
ام فلاح : ماعله ياوليدي خلنا ..
الريم : هيه دخيلك حمدان خلنا... والله مابنقر لو رحنا البيت .. بنيلس نتحرقص..
حمدان مبتسم : اووك ع راحتكم .. عناااد هههه ..
الريم: هههه حرام عليك ..

يلسو الشباب يسولفون .. والريم وامها يالسات ع ينب ..وعقب الدكتور سمحلهم بالزياره .. بس انهم ما يطولون .. عشان صحة المريض...


أم فلاح دشت ودمعتها ع خدها : علنيه فداك يا ولديه .. ماتشوف شر..
فلاح يرمس بصعوبه : الشر ما اييج يا اميه..

وتصيييح...!!

حمدان : بس يا اميه لا تصيحين .. ترى الدكتور قال هب زين ع شان صحة فلاح ..
ام فلاح : ان شاء الله .. ان شاء الله ..
الريم يايه تسلم على فلاح : علنيه فداك ياخوي..ماتشوف شر..
فلاح مبتسم : فديتج الريم .. الشر ما اييج ..

حمدان : إميه هادف وغيث يبون يسلمون ع فلاح ..
أم فلاح :وي دي ..خلهم يدشون ماعليهم ..

الريم راحت ع صوب.. ودشو غيث وهادف..

غيث ساير صوب فلاح : تستاهل السلامه يا فلاح .. ماتشوف الشر..
فلاح مبتسم : الله يسلمك ياخوي..
هادف يسلم ع فلاح : سلامات سلامااات فلاااح ..
فلاح: حييييييك والله .. الله يسلمك..
هادف: يلا خل عنك الدلع شد حيلك هههه ..
فلاح : ههه ان شاء الله أبويه..

الريم كانت تلعب بالفون .. وهادف انتبه بس ماقال شي.. مع انها ماكانت تسوي شي بس تطالع لكن بسبب شكه فكر بأفكار خايسه ..الريم أول ما سمعت اسم أبويه .من قالها فلاح .. حست بألم .. تذكرت ابوها.. وتخيلت لو فلاح رحل عنهم شو بتكون حياتهم..ظهررت ع طول ودموعها ع خدها..محد انتبه إلا هادف لي كان يناظرها من بعيد لبعيد ..!!

ظهرت الريم .. وهي تصيح .. وحاطه يدينها ع ويهها وتمشي بسرعه .. وهي ظاهره بسررعه دعمت ريااال ووكانت بتطيح فهو يودها عسب ماتطيح بس ماقصد شي..

وبهاللحظه هادف كان ظاهر من الغرفه .. ترخص منهم بحجة انه عنده شغل.. وهو كان يبا يشوف الريم بلاها!!

أول ماشاف الريال وهو زاخنها !! تيمعت كل الشياطين بين عيونه !! صوتها وهي تقول أحبه أحبه بس هو مايحس !!! صورتها وهي تصيح !! وقفتها وهي تلعب بالفون وفجأه صاحت !! ليش صاحت !! أكيد هو قالها شي .. أكيد راحت تلاقيه مواعدتنه !! هادف ماخلى فكره مايابها فباله !!


هادف يسير صوب الريم ويزخها من ايدينها ..

الريم : وودرني ووودرني شو تبغي انت !!
الريال تحرى انه مايقربلها : ايييييه انت شو تبغي حق لبنيه .. هدهااااااا !!
هادف يطالع الريال بعين : انت لو تستحي ما رغت بنات الناس..
الريال استغرب من رمسة هادف.. والريم فجت عيونها: تشششك فيني ؟؟
هااااااادف: هيييييييييييييييه أشـــ .... !!

وقبل لا يكمل إنطبعت كف الريم ع خد هادف .. !!

لي الله صرت لطعوني ( هَدَفْ ) ولطيبتي الرامـي
أنا [ لا طاعني هذا الزمـان ] ولا بعـد طعتـه !!

حبيبي صَعبه أتحَمَّـل جُروحـي وعظَّـة إبهامـي
قضى صبري وكل حَـلٍ عشـان الحُـب ؟ جرَّبتـه

البارت _ 15_

هادف يسير صوب الريم ويزخها من ايدينها .. الريم : وودرني ووودرني شو تبغي انت !!
الريال تحرى انه مايقربلها : ايييييه انت شو تبغي حق البنيه .. هدهااااااا !!
هادف يطالع الريال بعين : انت لو تستحي ما رغت بنات الناس..
الريال استغرب من رمسة هادف.. والريم فجت عيونها: تشششك فيني ؟؟
هااااااادف: هيييييييييييييييه أشـــ .... !!

وقبل لا يكمل إنطبعت كف الريم ع خد هادف .. !!

لي الله صرت لطعوني ( هَدَفْ ) ولطيبتي الرامـي
أنا [ لا طاعني هذا الزمـان ] ولا بعـد طعتـه !!

حبيبي صَعبه أتحَمَّـل جُروحـي وعظَّـة إبهامـي
قضى صبري وكل حَـلٍ عشـان الحُـب ؟ جرَّبتـه

هادف اتفاجأ من حركة الريم .. حط يدينه ع خده ويطالعها وهو منصدم !! والريال مستغرب.. وقف يطالع وويهه قافط .. الريم ما عرفت شتسوي.. تمت تطالع هادف تحاول تكتم دموعها وربعت صوب التواليت !!

الريال هب عارف شيقول : اممم .. اسمحليه الشيخ . .فداعة الله ..
روح الريال.. وهادف مارد عليه .. بعده ع هيئته !!
هادف ع طول شل عمره وهو منقهر .. ركب سيارته وظهرر محرررج !!

الريم يالسه وتصيح .. تطالع يدينهاا.. آآآخ انا كيف قدرت اسوي هالشي كيف كييييف !!
بس هو يستاهل !! يعني يشك فيني .. ليييييش!! كل شي إلا الاهانه يا هادف..
يمووت الحب وتظل الكرامه !! اسمحليه ياهادف بس انت .. انت لي جبرتنيه !!

وَدّعـْتـَهْ .. / وأَخـّفـِـيْت عـَنّه دُمُوعِـيْ ..!
خـَايــِفْ يـِْحسْ بـِحَسْرتٍـي واِلْــتٍـياعِـي ..
وَدّعـْتـَهْ ../ والـْقَـلبْ مـِنّيْ جـَزُوع ِ .!
جـًزَعْ مـِنْ الـْفُرقـَا قـَلِـيلْ الـْمًساعِـيْ ..


الريم غسلت ويهها .. وظهرت سايره صوب هلها.. دخلت غرفة فلاح وهي مبتسمه ..
تحاول تبين ان مافيها شي !!

أم فلاح: وين سرتي يا بنيتي ..؟؟
الريم : لالا ماشي هني إلا ..لي مايظهرون عيال عموه ..
حمدان : هههه والله ماتعرفين تخرطين..
الريم: ليش؟
حمدان ابتسم لها يعرف انها متضايجه من شي وامبين عليها : فديتج ماشي..
الريم ابتسمت له وسارت حذال فلاح : شحالك حبيبي احين ؟
فلاح مبتسم: الحمدلله ريماني .. أحسن لا تحاتين ..
الريم ودمعتها ع خدها : فديتك يا.. يآ أبويه ..
فلاح ابتسم : فديتج يابنيتي.. ليش الدموع ..أبوج بخير..
الريم تحبه ع راسه : ان شاء الله تقوم بالسلامه ..
الكل : ان شاء الله ..

يدش الدكتور وعقب ماسلم ..يرمس فلاح : شحالك فلاح احين ؟
فلاح: الحمدلله يا دكتور أحسن .. بس احس بألم بسيط ..
الدكتور : االحمدلله .. ومن ناحية الالم .. لا تخاف ها شي طبيعي .. ان شاء الله بيزول عنك .. لا تنسى هاي رصاصه!!
فلاح اول ما تذكر تضايج .. ابتسم للدكتور ..

شوي إلا ويندق الباب ..
حمدان راح يشوف منو .. لقى الشرطه ..

الشرطي : مرحبا اخويه شحالك ؟
حمدان : الحمدلله ومن جداك..؟؟
الشرطي : الحمدلله بخير ونعمه ..
حمدان : آآمر ياخوي..
الشرطي :والله ياخوي نحن يايين نحقق ويا فلاح .
حمدان: اممم .. اوك هب مشكله..تفضل ..
حمداان : درررب ..درررب..

الريم و ام فلاح راحو ع صوب .. ودش الشرطي عند فلاح ..
عقب ظهرن الحريم .. وحمدان والدكتور..
وتم فلاح رووحه ويا الشرطي يحققون وياه ..

وحمدان استدعووه للمركز عسب يحققون وياه ..
شل هله وداهم البيت عقب سار المركز..

الشرطه حققوا بالقضيه .. وحولوها للنيابه ..
وبعد التحقيق.. المحكمه أصدرت قرار بحبس بو ظاعن وبو حامد .. عشر سنين ... بالاضافه انهم وقفوا التداول لشركة بو ظاعن وقفلوها بالشمع الاحمر ..

""

""
مرن أسبوعين من الحادثه .. فلاح قام بالسلامه ورخصوه من المستشفى .. مرت هالاياام .. كانت كلها بين المستشفى والمحاكم .. والطفره والضيج والعذاب ><

يوم الاحد [ بيت بو فلاح ]

حمدان نازل الصاله ع الساعه12 . . امبين ع ويهه التعب .. من امس مارقد لويه الفير..
حمدان يحب امه ع راسها :شحالج اميه؟
ام فلاح:الحمدالله ياولديه انت شحالك..بلاك توك ناش عاد ظهر..
حمدان ابتسم ويسلم ع خوانه ..

منصور يطفر بحمدان : طااعو انتوو شكله تقول ويه عيووز باعو بوشها هههه ..
الريم نااقعه ضحك ..وحمدان مبتسم وساكت .. توه ناش مافيه حيل.. ويسده التعب

أم فلاح : حوووه انتوو هب ع ولديه .. عاده كله ولا حمدان ...
فلاح : دخييييييييلج انتي .. من زينه هههه ..
الريم اونها زعلانه : مامايه وانا ؟
ام فلاح : وي دي..شو انتي بعد ؟
الريم : شو كله ولا حمدان .. وانا شو بنت البطه السووده ؟..

حمدااااااان وفلااح ومنصور ناقعين ضحككككك كااااااااااااااااااااااااااااك

أم فلاح : ها يالهرمه شقلتي .. منو البطه السوده ؟
الريم توها انتبهت : هههههه فديتج ماماتي والله أسووولف انا..
أم فلاح يونه زعلانه : هيه هيه حتى انتي وياهم ..
الريم تنش تلوي ع امها : فدييييييييتج مامايه والله ..احببببج موووووووت ..
ام فلاح مبتسمه : فديتج يالريم ..
منصور: أقولك وين الكيمره ؟
فلاح : شعنه ؟
منصور : صووور صووور فلم هندي ماتشوف.. ماناقص إلا شاروخان هههه ..
فلاح : صدقك والله ههههههههه
الريم : مالت عليييييكم داااااادوبين ..
منصور : دادوووبين = جمع دادووه .. ههههههههه
الريم : ملييييييييييييييييييييييق والله
فلاح : رسمي ها ههههههههه
الكل يضحك ..هههههههههههههه

أم فلاح : يلا يافلاح شد حيلك بتعرس..
حمدان تضايج .. والريم فجت عيوونها : لالا تقولييييين !!
فلاح يطالعها بعين: ليش هب ريال يعني ويا راسج ..؟؟
الريم :هههه محشوم .. إلا شيخ الرياييل ..بس انت اخر واحد اتوقعه يعرس من متى معارض..
فلاح : هههه الله يخلي الوالده .. خلاص ان شاء الله عزمت ..
منصور : ومنووو سعيدة الحظ ..؟؟

حمدان ساكت اونه يلعب بالفون وماعلق ع شي..حاس بألم كبير..

فلاح: هههه والله ماعرف لي احين ..بعدنيه ماقررت منو ..بس اميه حاطه في بالها وحده ..
الريم : منووووووووووووووووو ؟
أم فلاح : أسما بنت سلطان .. بنت عمتكم ..
الريم ومنصور فاجين عيونهم وبإحباط : هاااااااااااا !!
أم فلاح : هيه نعم .. البنيه امررره ماتنعاب .. بنت حمووله .. وعليها جمال واخلاق..

حمدان ساكت .. مقهور هب عارف شيقول ..

فلاح : بس يا اميه !!
أم فلاح : بس شو يا ولديه ؟
فلاح : ماعرف ماعرف اميه .. بس يوم اني فكرت بالسالفه حسيت اسوم صغيره عليه !!
أم فلاح : وي دي .. شو بعد صغيره عليك ..؟؟

حمدان هد التلفون من يدينه ووصد صوبهم يسمعهم بإهتمام ..

فلاح يرم بجديه : يا اميه .. اسما امرره ماتنعاب وماعليها شي.. بس أنا اعتبرها شرى الريم .. من هن صغار وانا الاعبهن واوديهن واييبهن .. ماتخيل عقب تكون حرمتيه . والله هب شي..
الريم : هيه والله يا اميه ..حتى انا استغربت من قلتي اسما حق فلاح ..ههههه ..
أم فلاح : والله مادريبكم .. وانت يا حمدان شرايك ..؟؟
حمدان : هااا ؟؟
أم فلاح : شو ها بعد ؟
حمدان : لالا ماشي.. براحتكم سوو لي تبونه .. والبنيه ماتنعاب..
أم فلاح : هيه والله ياولديه ماتنعاب.. قولهم فههم ..
حمدان ويكتم مابه من الم : هيه يافلاح خذها مافيها شي..شو يعني شرات ختك ؟ عقب كل شي بيتغير ..

حمدان يقول هالرمسه وقلبه يتقطع .. بس ماهانت عليه امه وهي خاطرها إن ولدها ياخذ اسما.. !!

فلاح حس بوجود شي فخاطر حمدان ناحية اسما : لالا يا اميه .. انا فكرت بالسالفه وما ارتحت لهالشي.. وماعليج انتي دوريلي حرمه .. انا معزم اعرس..
الريم : هههههههه علنيه فداك مابغيت ..
ام فلاح : ماعليه ياوليدي اللي تشوفه .. وان شاء الله بدورلك ع العروس لي تملي عينك وتسعدك ..
فلاح مبتسم : ان شاء الله يا اميه ..

الريم نقزت : اممممممم اميييه تعرفين ربيعتيه رووويض؟
ام فلاح : هيه ادريبها ..ماشالله عليها هي واهلها ناس طيبين .. وماينعابون ..
الريم : هيه والله يا اميه .. الصراحه هالناس اوك..اخلاق وجمال .. ماعليهم رمسه .. ورويض عندها اخت أكبر عنيه بسنتين .. يعني كبر حمدان ..
فلاح : هاا ام خماس.. غاديه خطابه.. شقصدج ههههه ..
الريم :هههه ويا ويهك .. الصراحه البنت اوك .. ووتتمناها انت اصلن ..
فلاح : علنيه فداج .. عاد ان شاء الله تكوون شي شي..
الريم : حووه انت رايحين السوق نحن ههه ..
ام فلاح : أخبرج .. نحن بنسير صوبهم وبنشووفها البنيه وهلها..
الريم : هيه والله يا اميه .. يبالنا..عاد روحي ولهانه ع روييض بسير وانتي ويايه شوفي العرب وشوفي عليا اخت رويض مره وحده ..
فلاح : هييييييه لقيتي سبه تروحين صوب ربعج .. ولو انه منقود .. بس عشان حرم فلاح ههههه ..
الريم: ههه من احين هاا..
فلاح: تصدقون والله حفزتونيه ع العرس .. حمدان يلا شد حيلك ..هههه
حمدان مبتسم : بعييييييد بعييييييييد ..
منصور : احم احم لنا الله
فلاح : انت خلك بعيييد خل النادي ينفعك ههههه
منصور: ههه وياويهك .. جيه بعرس بكوره انا هههه
حمدان : هب بعيده هههه
منصور: ههههه وياويهك ..
حمدان : ويهك ابيض هههه

فلاح : اوك عيل خلكم انتو يالخطابات ..منصور ماوصيك بهم.. حمدان تعال ابغيك ..
حمدان : ان شاء الله .. عن اذنكم ..

راح حمدان ويا فلاح يتمشون فالحوي ..

فلاح : امممم حمدان !!
حمدان : آآمر ياخوي؟
فلاح بدون مقدمات: انت تبغي أسما بنت عمتيه ؟
حمدان استغرب من سوال فلاح:هااا ؟؟
فلاح : حمدان انا اخوك .. واعرفك عدل..حسيت انها فخاطرك .. صح ولا؟
حمدان مرتبك: والله مادري شقولك ياخوي.. هيه والله البنيه فخاطريه من زمان ..
فلاح : هههه علنيه فداك والله .. وشعنه مارمست .. لو انا خذتها احين ..
حمدان : والله ياخوي ماعرف.. بس من دريت انك تبغي تاخذها صح تضايجت وايد.. بس مابغي حرمه تفرق بينيه وبين اخووويه ..
فلاح : علنيه فداك يا حمدان .. مابغي شي يتم فخاطرك مره ثانيه .. وانا الصراحه امبوني ماعرف انك تبغيها.. بس مارتحت اخذها.. واليوم يوم كنا نرمس وانت ساكت .. حسيت بك شي.. حتى وانت تقولي البنيه ماتنعاب وجيه .. حسيت بك نبرة الم .. وانت اخوويه وادريبك ..
حمدان ويهه قافط : هههه
فلاح : ان شاء الله أسما تكون حليلتك يا خوي..
حمدان مبتسم : ان شاء الله يارب..اممم فلاح ؟
فلاح : يا لبيه ..
حمدان : لبيت في منى .. بس بغيت اخبرك ان انا وهادف بنرد لندن عقب يومين .. تدري مابقى شي ع السنه ..
فلاح : هيه والله زين تسوون ... الظروف يت مره وحده وضدنا...
حمدان : هيه والله .. عسب جيه بغينا نسافر احين ونخلص امورنا..
فلاح : زين ما سويتو .. يلا ربيه يوفجكم
حمدان : آمين يآآرب ..

عند هادف..

هادف يالس برويحاته فالحجره .. حاس بضيج والم .. مايبغي يظهر .. شوي إلا وحمدان يدق له ..

هادف: مرحبا..
حمدان : مراحب شحالك ؟
هادف:الحمدلله ومن جداك؟
حمدان : بخير ونعمه ربيه يعافيك ..وين ديارك ما تنشاف..؟؟
هادف:والله موجود ..بس ماليه خاطر أظهر مكان ..
حمدان : أفا ليش؟
هادف:ماعرف بس جيه ماليه خاطر..
حمدان : ربيه يهدي سرك .. انزين اخبرك ..
هادف:خبرني؟
حمدان : انا رمست فلاح عن السفر.. وافضل انا نحجز اليوم ..
هادف: زين تسوي..خلاص بنسير اليوم ..ولو تحصل حجز باجر زين ..
حمدان:بااجر ههه ..
هادف:هيه باجر مصخناها..
حمدان : اوك خلاص بشوف..
هادف : بارك الله فيك ..
حمدان :تعرف شو تحسسني..
هادف:شوو؟
حمدان : جني ارمس شيبه حبتين والقبر ههههههههه
هادف:هههه حرام عليك .. هرم انت ..
حمدان : ايوا جيه اضحك ..شرايك تيي صوبنا..؟؟
هادف: لالالا انت تعال مافيني..
حمدان : اوك خلاص يالشيبه ياينك..
هادف: أرقبك عيل..
حمدان: فداعة الله ...
هادف: الرب حافظ..

هادف انسدح ع الشبريه وحاس بصداع وتعب.. وشوق للريم .. بس بنفس الوقت يتألم كل ما يتذكر الريال لي زاخنها .. واللحظه لي انطبعت كفها ع خده .. آآآآخ ع كثر ما انا مشتاقلج يالريم .. مستحيل أسامحج مستحييييييل !! محتاجلج.. ولكن مستحيل اخضعلج .. وبتدفعين ثمن هالكف غالي..!!


عند الريم

الريم رقدت ع العصر.. وحاسه بتعب وحراره .. يت امها صوبها.. لقت حرارتها وايد مرتفعه ..
وي دي يا بنيتي بلاج .. غاديه نار ..ضووو ... واعليه عنج ..

الريم : لا تحاتين يا اميه .. حراره وبتخف..
ام فلاح بخوف: لا يا اميه .. لازم نسير العياده .. بشوف فلاح احيده هني..

الريم هب قادره ترمس حاسه عمرها تعبانه ..

أم فلاح راحت زقرت فلاح .. ووداها العياده ع طول..لقو حرارتها وايد مرتفعه .. وبلاعيمها طايحات من الالتهاب..

ردت من العياده وهي امرره مدوخه .. حاسه عمرها بتموت.. يت امها عطتها الدوى وخلتها ترتاح ..
فلاح داش عندها: ها الريم شحالج احين؟؟ ..
الريم بتعب: الحمدلله يا خوي..
فلاح: شدي حيلج لا تخلين اخوج يسافر وهو يحاتي..عاد تعرفينه كله ولا انتي..؟؟
الريم:هاا؟؟ حمدان بيسافر..؟؟
إلا ومنصور داش: هيه بيسافر. بتسافرين وياه؟؟ هههههه ..
الريم بحزن: ما قال لي عيل..
منصور يتمصخر:هههه هيه تراج حرمته ..
الريم محرجه صدق: منصور عن السخافه هب متفيجتلك ..
منصور: آآآي ويههي هههه .. ان شاء الله بصخ .. دلللللللع مشكله ..
الريم : كيييييييفي..
منصور : ماالت ..
الريم مسويه له طاف وترمس فلاح : متى بيسافر؟
فلاح : والله قالي عقب يومين .. وتوه مرمسني يقول باجر الساعه 12 فالليل ..
الريم : بااااااااااااااجر عااد بهالسرعه !!!
منصور: هيه يالريم هم وايد تأخروا..
فلاح : هيه والله مابقى شي وتبدأ السنه ..
الريم بضيج : ربيه يوفجه ..
فلاح : آمين ..
منصور:حوه انت عيبتك اليلسه خل نظهر خلها ترتاح ..
الريم مبتسمه بحزن : عادي خلكم هب مشكله ..
منصور:لالا لازم ترتاحين .. يلا فلاح ..
فلاح ينش: يلا الريم تبين شي؟
الريم :سلامتك ياخوي..
فلاح : الله يسلمج ...

ظهروا فلاح ومنصور.. والريم منقهرره وحاسه بضيج .. تضرب بيدينها ع الشبريه بقو وتصيح.. آآخ يا حمدان.. دخيلك خلك هب لازم تسافر.. وهادف !! آآخ ياهادف ماقدر أخبي وانكر اني اموت بهواك .. أحبك أحبك .. بس انت لي سويته فيني هب شوي..أبغيك يا هادف أبغييييييييك .. وتصيييييح !!

في عز ماكنت محتاجك تخليني
هذا جزاء الطيب والمعروف يالغالي

تدري في قربك تموتني وتحييني
اليوم بالذات تكفى لا تجافيني

محتاجك اكثر واكثر من نظر عيني
الله يعلم وش اللي صاير فيني

ابيك تجمع حطام اللي انهدم فيني
انا دخيلك علي ضاقت احوالي

""

""
بيت يو غيث

هادف ساير صوب امه يخبرها بسالفة السفر وجيه..

أم غيث: يلا ياوليدي ربيه يوفجكم ..
هادف: امين يا اميه .. اممم اميه حمدان احين بيي ..
ام غيث: حياه الله .. عيل يابوي خبر اسوم تشوف الميلس وتبخره ..
هادف: ان شاء الله يا اميه .. انا بسير اتسبح ..
ام غيث: سير ياوليدي ..ماعليك ..

هادف سار خبر اسوم .. وراح فوق يتسبح ..
وقبل لا يتسبح دق حق حمدان وخبره يدش الميلس ع طول .. لانه بيتأخر شوي لين ما يتسبح ..
اسوم رتبت الميلس وخبرتهم يحطون القهاوي.. وعقب راحت تبخر الميلس.. وهي تبخره يالسه تغني :

كل منا قلبه على الثاني ..
لو ضحك واحد .. " فرح وتبسم الثاني "
ولو انجرح وحزن واحد مننا صرخ ..
آآآه يعلني فدى نصفي الثاني ..
احنا ترى غير البشر !!!
احنا ترى " تومين "
الواحد مننا روحه وحياته رهن للثاني

وبهالوقت حمدان كان توه واصل.. راح صوب الميلس .. أول مادخل شاف أسما.. ماعرف شيسوي .. أسمااا؟؟


أسوم حست انه حد دخل صخت ع طول وصدت صوب الباب إلا وتشوف حمدان ..
اسوم متروعه: ح.. حمدآآآآآان؟!!


¨•¨.¸¸.[ أبي تعلمني ].¸¸.¨•¨

أبـي تعلمنــي حبـنا ويـن يـوديـنا
أبــي تكلمنــي عـن أحـلى أمـانـيـنـا
حبـيـبـي قـول تـكلـمـ لا تخلـيني
يـا خوفـي الدنيــا تـضحكـ لـي و تبكـيـني
أنا ودي معـاكـ العمـر بـس يبـقى
انا مـا قدر مثــل حبـكـ بعـد ألقـى
و لا ظـن مثـلكـ أحـد يستـاهـل أشـواقي
و لا قبـلكـ و لا بعـدكـ أحـد باقـي .

البارت _16_

وبهالوقت حمدان كان توه واصل.. راح صوب الميلس .. أول مادخل شاف أسما.. ماعرف شيسوي .. أسمااا؟؟
أسوم حست انه حد دخل صخت ع طول وصدت صوب الباب إلا وتشوف حمدان ..

اسوم متروعه: ح حمدآآآآآان؟!!


¨•¨.¸¸.[ أبي تعلمني ].¸¸.¨•¨

أبـي تعلمنــي حبـنا ويـن يـوديـنا
أبــي تكلمنــي عـن أحـلى أمـانـيـنـا
حبـيـبـي قـول تـكلـمـ لا تخلـيني
يـا خوفـي الدنيــا تـضحكـ لـي و تبكـيـني
أنا ودي معـاكـ العمـر بـس يبـقى
انا مـا قدر مثــل حبـكـ بعـد ألقـى
و لا ظـن مثـلكـ أحـد يستـاهـل أشـواقي
و لا قبـلكـ و لا بعـدكـ أحـد باقـي


حمدان ما رمس .. روحه منصدم !! وويهه قافط !! يلس يطالعها وهو ساكت ما قال شي.

.آآآآخ من متى ماشفتج يا أسوم .. ليت ربيه يجمعني بج ع الخير ليت وتكونين حليلتيه !! واسوم نفس الشي ما عرفت شقايل تتصرف.. عقب انتبهت !! وراحت تربع حجرتها.. وهي فالدرب شافت هادف توه ظاهر

هادف يرمسها : حمدان وصل؟
أسوم : ها؟؟
هادف:اوهوو انا منو أسأل بسير أشوفه روحي ..
أسوم : هيه هيه هني..سمعت البشكاره تقول لإميه .
هادف:آها زين عيل..

نزل هادف واسوم ربعت حجرتها ويلست تصيح.. يآآربي !! أحين لو هادف درى بيذبحني .. يارب يارب ما يخبره !! لالا اكيد مابيخبره .. شو بيقوله انا دخلت ع اختك الميالس.؟. لالا ماتوقع .. يآآربييييي ..اف اف ..

اسوم راحت غسلت ويهها .. وعقب عقت عمرها ع الشبريه !! يلست تتذكر الموقف لي استوالها!! صوره حمدان وهو يطالعها ما خازت عن بالها .. نظرات عيونه غير.. تذبح !! حسيت نظرته لي هب عاديه !! اوووهوو انا بلاني أفكر فيه حشا .. بقوم اسويلي أي شغله أبرك !!

اسوم سارت فجت سدتها جان تشوف صوره جماعيه لها هي وخوانها وعيال خالها لي هم الريم واخوانها.. اول ماشافتها نقعت ضحك .. كان فلاح حاط ذراع وحده ع إرقبة اسوم وذراعه الثانيه ع رقبة الريم .. يونه يخنقهم .. وحمدان ورى اسوم يسوي حركات عبط .. وهادف ومنصور رافعين ريولهم فوق .. جان تنقع ضحك !! هههههههه والله أشكالنا تحف !! وبدون ما تحس يلست تطالع صورة حمدان وتبتسم .. فجأه حست بعمرها!!


وي بلاني انا .. لا يكون أحبه .. لالا انا احب فلاح شخصه حمدان بالسالفه.. ههه شكله عشان الموقف لي صار اليوم ... ولا الحب ماشي منه .بعيييد بعيييد ..

خل أدق حق ريموه أتطمش أحسن .. وتدق اسوم حق الريم..

الريم وامبين عليها التعب : ألوووو..
اسوم : ياويل حااااااااليه لو ريلج سمعج ذاب ههههههههه ..
الريم مبتسمه : دبه انتي مايخصج تغارين ..
اسوم:ههه فديتج لا ماغار .. شحالج؟
الريم : الحمدلله .. انتي شحالج؟
اسوم : ويت ويت ويت .. متأكده انج بخير؟؟
الريم : شعنه ؟
اسووم :صوتج امررره ميته ..تعبانه ؟
الريم: فديتج هب تعبانه بس شوي..
أسوم : بسم الله عليج شياج ؟
الريم : والله مادري طاحتبيه حمه ودق بي العوق في البلاعيم ؟.عاده فلاح ودانيه العياده .. والحمدلله احين أحسن .. الحمه تروح وترد ..بس أحسن عن قبل لا تحاتين ..
اسوم : فديتج ريماني ماتشوفين شر..
الريم مبتسمه : الشر ما اييج دبوه ..
اسوم : شو يالسه برويحاتج ؟
الريم : هيه توهم خوانيه كانو هني وظهروا ولا حمدان مادريبه وين ..
اسوم : خخخخخ حمدان مطيح الميانه هني عندنا..
الريم يونه زعلانه :هيه لازم بيطيح عندكم .. ثرى السفر باجر ..

اسوم منصدمه بعدها هب مستوعبه لان محد طرالها قبل وكل شي صار بسرعه ..

اسوم : هييييي انتي اي سفر؟؟؟.. شكلهاا الحمه طاحتبج طيحه ..
الريم : لا حبيبتي هب الحمه ..توه فلاح ظاهر من عنديه ومخبرنيه .. قال كل شي صار بسرعه . والسفر الساعه 12 باجر ..
اسوم بعبط: ليلا ولا صباحا..؟؟
الريم : ههههههههههه علنيه بلاج ذكرتينيه بأبلة العربي.. ليلا ليلا مادل بس هم يقولون الساعه 12 عباره صباحا ولا؟
اسوم :اخبرج انتي هب لاقيه حد تسئلينه ؟
الريم : هههههههه هيه والله .. ولا انا منو قالي اخبرج انتي ..
اسوم ببراءه :ريمووووووووووووه ماخبرتج؟
الريم تروعت : علنيه بلاج .. شعندج تصارخين انتي.. اف منج ..
اسوم : ريماني يا ويلي اليوم استوالي موقف غبي غبي ..
الريم اشتغل عندها الفضوول : شوووووو قووولي؟

أسوم تبا تقول إلا وأمها تزقرها..

أم غيث: أسوم تعالي أبغيج تساعدينيه أرتب لاخوج بيسافر..
اسوم لاويه بوزها : اميييييه احين احين ؟
ام غيث: هيه احين وابويه عليج انا..يلا انقفضي..
اسوم تتحرطم : انزين فشلتينيه تهزبينيه جدام هالهيسه ..
ام غيث: ها شقلتي منو فشلآج ؟
اسوم : لالالا ماشي..تامرين امر..دقايق ويايه .
ام غيث: ماشي دقايق احين تبندين يلا اشوف..

والريم ناقعه ضحك ..هههههههه

اسوم : انزين بيي امايه بيي..
ام غيث: ماشي احين يلا اشوف..
اسوم يونه محرجه : انززززين ..حوه انتي عقب برمسج ..
الريم : هههههه لا تكفخينا.. عاد انتي ماترومين تخشين سالفه ..
اسوم : هب منج مني انا اللي ماروم اخش شي عنج بالهرمه ..

ام غيث: مطووووله انتي شووه ؟

اسوم : ها خلاص والله خلاص..يلا انتي يالثوره بآآي..
الريم : انا ثوره يالعنز .. بآآيآآآت

أم غيث: انتي يالخبله يلا نشي..
الريم : وووووووووووكككككككككككك
اسوم : ماعليه ضحكي بتشوفين .. وتبند الخط ع ويه الريم .. والريييم ناقعه ضحك ..هههههههه

اسوم راحت صوب أمها ولاويه بوزها : هاا ييت ..
أم غيث: وابويه .. وشعندج لاويه برطمج ؟
اسوم : اميييه انتي تهزبيني جدام ريموه عاد هاي تدور سبب تزخه عليه ..
ام غيث: تراج قلتيها ريموه .. وريموه بنيتيه امرره ماستحي منها ..
اسوم : حراام كله تهزبيني كله تهزبيني زعلت ..
أم غيث: زعله بلا رضوه ..صه صه .. قطعيها الرمسه اشوووف..
اسوم منقهره تتحرطم : حشا هالعيوز ماشي عندها مجامله ..دلع ..شي ..
أم غيث تزخها من اذنها : ها شقلتي ؟
اسوم تضحك: ههههههههه ولا شي ولا شي..
ام غيث: عيز حيلج يالهرمه احينه انا عيووز ..؟؟
اسوم تحب امها ع راسها: علنيه فداااج يا اميه .. زينة الحريم انتي..ههه
ام غيث: هيه توج حرمه ..
اسوم تتحرطم :ليش شو امبوني؟ ههه
ام غيث تطالع اسوم بعين .. اسوم تروعت :اسفه اسفه .. وتربع ورى امها ههههه ..

عند هادف وحمدان [ ميلس بوغيث ]


هادف : والله مادري شقولك ؟ بس متضايج من سالفه..
حمدان : هادف تراني ادريبك انك متضايج ولا ما سئلتك ..
هادف يبتسم: حمدان علنيه فداك يوم اني بستعد اخبرك تراني بخبرك .. والسالفه ماتسوى..
حمدان : إن شاء الله .. بصبر عليك .. ياصبر ايوب..
هادف يضحك ع شكل حمدان : ههههههههههههه تحفه انت ..
حمدان : جب جب ههههههههه ..
هادف : حيك والله ..
حمدان : أقول دام ان السفر باجر.. قوم افترينا فالعين .. والله بتوله عليها..
هادف: آآخ لا تتخبر.. وين فيني عنها العين انا..
حمدان : ههه عقب عد القصيد ..قوم سرينا.؟
هادف: ههه سرينا .. لحظه بخبر اميه إنا ظاهرين عن تحاتي.
حمدان : اوك ارقبك فالسياره ..
هادف:اوك ..

هادف سآر صوب أمه وحمدان شل عمره وركب سيارته .. يلس يرقب هادف .. حمدان كان وايد مستانس .. ماتوقع إنه يشوف أسوم ! صح إنه انحرج من الموقف لي صار !! بس المهم إنه شافها قبل لا يسآفر!! آآخ يآ اسوم لو تحسين بيه بس !! ليت تحسين بيه !!

حمدان شغل أغنية ميحد \ أحبك يا نظر عيني..


احب يا نظر عيني غناتي...وأحب للأرض لي تمشي عليها..

وأحبك حتى أكثر من حياتي..وأسوم الروح لأجلك وأشتريها..


معي ذكراك له ذوق وحلاتي..يشافي القلب و الروح يحييها..

اداوي به جروح مخفياتي..فلا يقدر طبيب يعتنيها ..



لأطبعها بعاصوف الشراتي...وخلي مويها يطمي عليها...

وخلي يكون لي في الكايناتي..ويقول الناس هذا مدعيها...


حمدان داش فيلنج ويا الاغنيه .. يطالع بآب الميلس ويبتسم !! يتذكر اللحظات اللي مرت بسرعه بشوف الانسانه لي حبها .. أسوم !! آآخ يا أسوم ربيه يصبرنيه ع فرقاج ويجمعنا بأقرب وقت ع خير !!

حمدان سرحان وعايش الجو ويا ميحد .. ولا يدري بالدنيا .. هادف يا ويرمس حمدان .. وحمدان طااااااااف . هب وياه موول ههه .. هادف فجأه صرخ : حمداااااااااااااااااااااااااااااااااان

حمدان تروووع نقز : بسم الله شو صاير .. شو بلاك ؟
هادف: هههههههههههههههههههه عاشق الاخ شو .. من متى أزقرك ؟
حمدان : ههه فعينك .. متى زقرتنيه .. ماسمعتك ..
هادف يحرك حياته بنذاله : معلوووم ما سمعتنيه هههه ..
حمدان فيه ضحكه ويحاول يخشها يونه محرج : أأقول اركب اركب احسلك..لا أشخطها واروح عنك..
هادف: هيه هيه معلوووم القلب يخليك تشخطها وتشخط ابوو يدها هههه ..
هني حمدان مارام إيود ضحكته زوود : وووووووووووووووووووووكككككككك

هادف: هههههههه والله مشكله لي يحبوون ..
حمدان : بتركب هدوووف ولا شووه؟
هادف: ولا شوووه هههه ..

حمدان يرد ريوس ,, وهادف ناقع ضحك هههههههه.. شل نعالته فيده ويصفق بها .. يربع ورى السياره : حمداااااااانوووه عاشق حمداااااااانوووه عااشق ..

أسوم سمعت هادف يوم يقول جيه .. ع طول راحت توايج من الدريشه .. حست بألم .. بس ليش ماتعرف!! اووهوو انا ليش تضايجت .. عادي هو ما يعنيلي شي ! افف

حمدان وييهه قافط .. نزل من السياره وربط كندوورته وعق سفرته ويربع ورى هادف .. وهادف نااقع ضحك .. هب قادر يرمس..طاح ع الأرض وووووووووووككككك ..

حمدان إيي ويدوسه فبطنه .. حمدان كان حنطاوي .. وعيونه كبار وخشمه سيف !! كان مطول شعره شوي !! وهو يداغش هادف طاحت خصلتين من شعره ع يبهته .. وكان شكله غراام !
اسوم اول مره تدقق فملامح حمدان وتسمع صوته !!
حست باحساس غريب بس شو هو ماتعرف؟؟!!

هادف ينش وهو ناقع ضحك .. يروح صوب المغاسل لي برع .. جان يلاقي غرشة ماي.. عباها ماي ويربع صوووب حمدان يبغي يرشه .. وحمدان ناقع ضحك .هههههه. يشرد عن هادف وهادف وراه ..

حمدان : هاادف هاادف..دخيلك لا ترش لا ترش هب احين بنظهر ههههه ..
هادف ما سواله سالفه ويررررررررررررش..

حمدان كندوورته وشعره وويهه !! كله تخررس ماي وشكله غدى تحفه صدق ههه ..
شاف ان الغرشه فيها شوي ماي..يربع صوب هادف ويمجعها من ايده ويرش هادف ههه ..

أسوم ناقعه ضحك عليهم .. شوي إلا وام غيث ظاهره من سمعت صريخهم ..
أول ماظهرت فجت عيونها : وابويه شو مستويلكم ؟

هادف وحمدان واقفين حذال بعض وكل واحد يطالع الثاني ومظهرهم حدث ولاحرج ..!!ولا اليهال ههه

ام غيث: منو مسوبكم جذا؟
هادف: هههه اميه رواحنا .
حمدان : والله عمووه هو .. محد قال له يداغشنيه هههه ..

أم غيث: ما عليه يالرغود انتوو .. انا بعلمكم شقا تتداغشون ..
حمدان وهادف ناقعين ضحك : وووووووووووككككك ..
هادف : إميه خلي البشكاره تظهرلنا ملابس لي ولحمدان الفقير ههه .. نبغي نظهر ..
حمدان : هيه والله عموه .. فشله نظهر جيه ..
أم غيث: والله والله .. أدبن لك انت وياه يا تظهرون جذا..
هادف وحمدان فجو عيونهم : هااااااا؟؟؟

أم غيث: ماشي ها .. يلا ظهرووا اشووف..
حمدان :خلاص عموه مابنظهر بنيلس هني ..طابت النفس هههه ..
أم غيث: لالا ماشي.. تظهرون يلا اشوف.. صبروا صبروا ..

حمدان وهادف يطالعون أم غيث يبون يشوفون شو بتسوي؟

أم غيث تدق حق أسوم ..

أم غيث: مرحبا إميه ..
اسوم : ههههه مراحب..شكلج طحتيبهم ..
أم غيث: هيه نعم . اخبرج ..
أسوم :آمري؟
أم غيث: انتي ماتبغين تخلصين امورج حق الجامعه ؟
اسوم : امبلا بس منوه بيوديني غيث عنده شغل والاخ باجر مسافر..
أم غيث: عيل غايته .. دقي حق الريم وقوليلها تخبر امها وخطفو عليها وسيروا المول خلصو اموركم ..
اسوم مستاانسه : اللآآآآآآآآآي صدق اميه ؟
أم غيث: هيه نعم صدق.. ها اخوج هادف بيوديج احينه ووياه حمدان ..
أسوم : هاا..؟؟

هادف وحمدان يطالعون بعض,,يحاولون يستوعبون !!

ام غيث: يلا انقفضي بسررعه .
اسوم : ههه اوك اوك .. بس اميه استحي حمدان ويانا..
أم غيث: عيل ماشي انتي يوم تستحين من هاليعري حمدان ..

حمدان قفط .. يقول فخاطره ..الله يسامحج عموه مالقيتي إلا اسوم تفشلينيه جدامها..

أسوم مبتسمه : حليله .. يلا عيل أحين بدق حق الريم ..
ام غيث: يلا الدهديه ..

وتبند ام غيث عن اسوم وتطالع هادف وحمدان ..
هادف: امييه احين من صدقج؟
ام غيث: هيه نعم من صدقيه عيل من جذبيه .. يلا اشوف .. انقفضو ..

حمدان : آمنت بالله ورسوله ..
هادف: هيه والله ياخوي..حكم القوي ع الضعيف..ههههههه

أسوم دقت حق الريم وقالتلها انهم بيخطفون عليها.. الريم امها وافقت بس قالت دام حمدان وياكم مالي حايه انا اسير هب قادره .. سوالف عيايز ههه ..

اسوم نازله ومستحيه .. أمها جدامها سايره صوبهم ..

أم غيث: يلا أشوف ركبو شو تتريون ..
حمدان : ان شاء الله ان شاء الله ..

حمدان ركب وهو قافط وهادف ركب حذاله .. مفتشل بالقووو ..
اسوم ركبت ورى.. وظهرووا ..

حمدان : شحالج اسما :؟
اسوم : الحمدلله ومن جداك ؟
حمدان : الحمدلله ..

هادف : كله منك يا حمداان كله منك..
حمدان : ههه مني انا خل المداغش ينفعك ؟
هادف: ههههه تووبه يالعاشق ..
حمدان : حرمتك العاشقه .. ههههه ..
هادف : عليه بالطلاق لــ ...!!
حمدان :حوووه حووه اقص عليك هب عاشقه .. ههههه
هادف ناقع ضحك : هههه هيه اتحرى ..

اسوم ناقعه ضحك ع سوالفهم العبيطه !!

وصلوا بيت بو فلاح .. الريم توها تركب السياره : السلام عليكم ..
الكل : وعليكم السلام ورحمة الله ..

حمدان شغل السياره وروح ..

أسوم تساسر الريم : الصراحه هالاثنين مفلع الله يعينا..
الريم : هههه ادريبهم يابوج ..

حمدان : احم احم لا يتناجى اثنان دون الثالث ..صح هادف ؟
هادف يلعب بفونه : هيه والله يالعاشق هههههههه ..
الريم فجت عيونها وبدون ماتحس : هآآآآ عاشق؟؟
حمدان : ههه كله منك ياهادف.لالا هب عاشق..
الريم صخت .. وهادف من سمع صوتها صخ ومارمس ..

هادف: حمدان وين سي دي ميحد؟
حمدان : مادل .. إلا بتلقاه فالسده شووف ..
هادف : اوك ..

البنات ورى صاخات هب عارفات يسولفن .. وناقعات ضحك ع سوالف حمدان وهادف ..

هادف يشغل السي دي .. ويحطي أغنية ميحد ..القلب !!


القلب ماهو لعبتن في يدينك ..ياللي المشاعر كلهـــا عنــــدك اوهام


الفرق واضح صار بيني و بينك..مثل اليقين و مثــل طــــريات الاحلام


ما عاد ينفع لو يردك حنينك .. خطاك هاك اكبر من اســف حبــر الاقلام


حتى الرسايل في هــوانا تدينك.. عنوانـــها كـــــذب و خـــيانات و الام

بنساك بنسا كل زينك و شينك.. جرحن جديد و زاد على جروحن قدايم


سدد من ايام الشقا بعض دينك.. واللـي يسوم النـــــاس لا بد ينســام


كنــــا علــى كــــل الخطا عاذرينـــك .. لا نستمــــع باللي فيــك لوام

واليـــــوم قلبي و الفكر رافضينك .. هيهات يرجع حبن ميت من العـــام


هادف يوم انه حطه كان قاصد به الريم .. ومتعمد هالشي.. يعرف انها بتفهم !!
الريم ع طول حست بهالشي.. صدت صوب الجامه .. وحاسه بغيظ والم !!

أسوم زقرتها .. وهي تصد صوب أسوم .. كان هادف يطالعها من المنظره .. ويت عينها بعينه !! الريم طالعته بنظره فيها تحدي !! وبنفس الوقت ألم كبير !! وصدت عنه ..
هادف حس بهالشي !! أنا براويج يالريم .. بتدفعين الثمن غالي !!

الريم ترمس اسوم : آمري؟
اسوم : ماشي..بلاج صاده .. فيج شي؟
الريم : ههه لا ماشي.. بس جيه سرحت !!
اسوم : بشوو ها ههه ..
الريم : مليييييقه ولا شي..فيج تصدقين ..
اسوم : احم احم استحي .. هههه
الريم : ههه فديتج والله ,,

وصلوا عربانا العين مول .. وكان وايد زحمه ..


حمدان : الله يغربل عدوك يا هادف .. زحمه ونحن خرسانين ماي..
هادف: هههههههههههه الله لو نلاقي ربعنا هني..
حمدان : الله يستر .. سرينا يلا..

دخلو الشباب وويههم قافط .. يحسون كل العربان يطالعونهم هههه لا حول ولا قوه هالقدر

حمدان : أحين وين تبون تسيرون !!
الريم : بنسير نشتري نعوول وشنط وجيه .. هالسوالف..

هادف : يلا عيل ..

راحوا الريم واسوم ووياهم هادف وحمدان .. خذولهم كم نعال وشنط وجيه .. وطول الوقت حمدان وهادف يعلقون عليهم .. كل مايشترون شي.. وهن امررره متفتفات .. ههه ..

يوم خلصوا ساروا يشترون تنانير وقمصان .. عاد هني الريم عووقها.. تحووس ساعه عشان تحصل شي اوك.. ماتبغي أي شي !! أسوم خذت لها كم بدله .. والريم بعدها تحوس..

حمدان : ريموه حشا كل ها ماعيبج ؟
الريم : افف عيبتنيه هالتنوره .. بس ماشي قميص اوك .. وهالقميص عيبنيه بس ماشي تنوره اوك ..
هادف: سمحيلهم مايعرفون ان الشيخه الريم بتي..
حمدان : ههههههه زين يلا اختاري..

الريم حرجت وراحت عنهم وهي منقهره .. ماعليه والله يأتأخر حتى لو لقيت ..

الريم لقت تنووره لونها عينااوي بس شوي غريب .. حلو لونه .. وعليه شك وايد نعووم ذهبي.. ولقت له قميص وايد حلو بعد عيناوي وذهبي !!

حمدان : اوووب اووووب ع العيناويه ... الصرااحه غرااام ..
الريم : احم احم الريم طال عمرك ما آخذليه أي شي ههه ..
حمدان : خقاااقه هههه ..منصور اخوج؟
الريم : هيه وافتخر هههه ..

حمدان يرمس هادف يتمصخر عليه : هادف ماتبغي بدله .. شي؟
هادف: ههههههههه تتمصخر حضرتك ..لا تخلني ألبسك تنوره وقميص صدق ههه ..
حمدان : لالا آآسف..يسد اشكالنا قسم بالله ويهيه قافط ..هههههه
هادف: هههه شنسوي بعد ..

الريم ترمس الريم : اسووم شو احلى هالتنوره ولا هاي؟
اسوم : اممم ماعرف والله كلهن حلوات ..
الريم : اسوووم .. انزين شو احلى؟
اسوم : هاي البنيه ..
الريم : امممم وايد حلوه بس كلهن عايباتنيه هب عارفه اختار..
اسوم : انتي بطرانه احين كم وحده خذتي ههه ..
الريم : مايخصنيه .. هالمفلع بدفعهم طيب غصب ..اف منهم ..
اسوم : هههههههه عنيده ..

الريم ماخلت شي ماخذته .. ومن خلصن سارن صوب الشباب .. دفعوا وظهرو..

حمدان : ها تبون شي بعد ..
الريم تساسر حمدان : انا يوووعاانه ...
حمداان : لازم بتيوعين ههههههه من هالحوامه ..
الريم: دااادووه ماحبك .. هههه

هادف يسمع صوت الريم وهي تدلع .. آآخ يالريم والله احبج !! بس بس شسوي !!

حمدان يرمس هادف: يلا سرنا المطعم؟
هادف:يلا ههه بيموتون علينا عقب هاليواعه ..
حمدان : هيه والله ..
الريم تتحرطم وتطالع هادف: افف مليق ..

هادف سمعها .. واونه يرمس حمدان : حمدان يقولون اني مليق صدق؟
حمدان : هههههههه إلا ..منو قالك ؟
هادف : ناس أكرههم ..

هني الريم حز فخاطرها بغت تصيح ..

حمدان :اوووب اوووب تكرههم مره وحده هههه ..

الريم ترمس حمدان : حمدان يلا نروح البيت ..
اسوم تساسرها : حووه لا انا يوعانه ..
الريم محرجه : يعني البيت مافيه اكل.. اف منج ..

حمدان سمع رمسة اسوم : انزين الريم بنسير بس بنتعشا وبنظهر ..
الريم لاويه بوزها: زييين ..

راحو الشباب المطعم ..

هادف : خلهم هم رواحهم ونحن رواحنا.. عسب ياخذون راحتهم ..
حمدان : هيه جيه اوك ..

يلسو البنات فطاوله .. والشباب في الطاوله المجابله !!
وكان حمدان مجابل أسوم ... يعني يقدر يطالعها ..

طلبولهم ويلسو يتعشون ..

اسوم : انتي بلاج حرجتي فجأه شو صار؟
الريم : ماشي ماشي بس جيه ..
اسوم لاويه بوزها : انزين ليش تحرجين عليه ؟
الريم تبتسم بالغصب: فديتج والله اسامي.. سمحيليه ماقصد ..
اسوم مبتسمه : عادي حبيبتي..
الريم : تعاالي ماخبرتيني شو استوى اليوم؟
اسوم : هييييييييييييييييه ههههههههه ..
الريم: ههه شو ..؟؟
اسوم : والله ان ويههي قافط من حمدان ..
الريم : حمدان ؟ وشخصه ؟
اسوم : اممم اليوم وهو ياي صوب هادف.. كنت أبخر الميلس. ووو .. !!
الريم مندمجه: وووشووو ؟ دش عليج .؟؟.
اسوم : امممم هيه .. والله ويهي قفط ..<<<وتخش ويهها بيدينها هههه
الريم : هههههههه اونه .. طافني عيل..
اسوم : ويهج يالدبه ههههه ...
الريم : انزين وعقب شصار؟
اسوم : ماشي انا الخبله يلست اطالعه وهو بعد .. عقب انتبهت جان اربع حتى ماسلمت ماقلت شي..ههههههه
الريم : ههههههههههه فلم هندي الصراحه ..
اسوم : جب جب اونه فلم هندي ..ولا طاحه .. ههه
الريم : حركات والله انتوو ههه مبرووك مبروووك ..
اسوم : هههه مالت عليج ..


اسوم وهي ترمس الريم .. حست حد يطالعها.. يوم رفعت عيونها لقت حمدان يطالعها .. وكانت تشرب عصير جاان تغص .. هني حمدان مارام يمسك عمره ههههههههههههههههههههههههههه

اسوم قفط ويهها

الريم : بسم الله عليج شفيج ؟
اسوم :ماشي ماشي.. <<وويهها غدى احمر ..

رفعت راسها شافت حمدان يسولف ويا هادف بس كل شوي يطالعها .. جان يبتسم لها .. هني اسوم ماقدرت .. استحت ع طول ويهها غدى طماطه ><..

اسوم : ريموه يلا سرينا..
الريم : وين ماكلتي .. وحاشرتنا باكل وباكل..
اسوم ابتسمت : بش شبعت ..
الريم : هههه غريبه ..
اسوم : ويهج ههه ..

اسوم تدق حق هادف : ألوو ..
هادف : مرحبا ..
اسوم : يلا هادف سرينا..
هادف: خلصتو اكل ؟
اسوم : هيه الحمدلله ..
هادف : يلا عيل .. انقفضو ..

هادف بند عن اسوم .. يلا يبون نروح ..

حمدان تلوم حس ان اسوم ماكلت .. بس غصبن عنه ..هههه

المهم عربانا شلو عمارهم وراحو .. راحوا بيت بوغيث يخطفون هادف واسوم ..
هادف : حمدان لا تروح بييب لك الفايل لي فيه اوراقنا عسب تطرشهم ع البريد فدربك ..
حمدان : ان شاء الله ..خلاص برقبك ..
نزل هادف.. والريم نزلت عسب تيلس جدام .. واسوم توها بتنزل..
هادف زقرها : أسمـــآآآ !!


من كثر خوفي عليك الخوف يمحني
وأفقد شعوري واشوفك غاية مرادي

ان غاب صوتك انادي الليل واوني
واتخيلك واتذكر هامة بلادي

مديون لك بالغلا والحب مشكلني
يا مستحل الفؤاد العاشق الغادي

من يشبهك في البشر ياذوقي وفني
ياراحتي وبسمتي موتي وميلادي



البارت_17_

نزل هادف.. والريم نزلت عسب تيلس جدام .. واسوم توها بتنزل..
هادف زقرها : أسمـــآآآ !!


من كثر خوفي عليك الخوف يمحني
وأفقد شعوري واشوفك غاية مرادي

ان غاب صوتك انادي الليل واوني
واتخيلك واتذكر هامة بلادي

مديون لك بالغلا والحب مشكلني
يا مستحل الفؤاد العاشق الغادي

من يشبهك في البشر ياذوقي وفني
ياراحتي وبسمتي موتي وميلادي

أسوم ع طول صدت صوبه بس بدون ما ترمس !! حمدان ما عرف شو يقول !! أصلا هو ما يعرف ليش زقرها !!


حمدان : سمحيليه ع اللي صار اليوم .. وهله هله بعمرج !!

أسوم تمت ساكته ما تعرف شو تقول ..وبهالوقت الريم ركبت السياره !! حست إن فيهم شي ..

أسوم : عن اذنكم .. فداعة الله ..

حمدان والريم : الرب حافظ ..

أسوم راحت بسرعه حجرتها.. هادف نزل عطا حمدان الفايل .. وروحوا !!

الريم ترمس حمدان وهي مترردده : امممم حمدان شي صاير؟
حمدان : ها؟ لالا ..
الريم : حمدان أنا اعرفك .. واسوم خبرتنيه باللي صار اليوم ..

حمدان ويهه قافط ..ابتسم وماقال شي ..

الريم : انت تبا أسوم صح ؟
حمدان : ماعرف ريموه ماعرف..
الريم : شو ماتعرف .. قول تباها ولا لا..
حمدان : تبين الصدق؟
الريم : لالا الجذب دخيلك ..
حمدان : ههههههههههه سخيفه ..
الريم : ههه طالعه عليك .. يلا قول ..
حمدان ابتسم وهز راسه بمعنى هيه ..

الريم صرخت : اللآآآآآآآآآآآي يعني أسوومي بتي بيتناا..كشخه هههه ..
حمدان : حوووه انتي .. صباح الليل شحالج شخبارج !! بابا ترى ماصار شي..
الريم : هههههههههههه ويا ويهك..
حمدان : بصراحه هي من زماان فخاطريه .. بس انا مارمست لان توني ماكونت نفسي ولا اشتغلت ..
الريم مبتسمه: علنيه فداك .. حسيت فيك اليوم ..
حمدان : ههه اونه ..
الريم : هييييي يا بو حركات .. عيب عيب استح شوي واثقل..هههه
حمدان : ههه حرام عليج ما سويت شي..
الريم : مووووول بريء ههههههه ..
حمدان : ههه ،، انا اليوم رمست فلاح !!
الريم : يآآ لبييييييييييه .. وناسه صدق صدق..
حمدان :امممم تتوقعين توافق تاخذنيه !!؟
الريم : هآآآ؟؟ قصووورها بعد ترفض شيخها حمدان ..
حمدان : احم احم والله ظهرت شي.. هههه
الريم : أكيييد أفا عليك .. مب انت اختك الريم هههههههه..
حمدان : والله انتي خقاقه مادل طالعه ع منووه ..
الريم: فديتنيه والله ههه ..
حمدان : انزين جب ترى محد يعرف..لا تخبرين حد ..
الريم : أفاا عليك .. ما بخبر بس اسوم حراام هههههه ..
حمدان: طاااع هالخبله .. يلا مناااك .. ههه ..
الريم : فديتك والله ..احين عزمتو باجر تسافرون ؟
حمدان : هيه نعم ..وقصينا التذاكر تبين تشوفينهم ههه ..
الريم : لا مابغي حق شو حق الغيظ والقهر
حمدان : ههههه طاعي شكلج ..

الريم فيها ضحكه وتطلع لسانها ع اخوها ..

حمدان : ههههههههههههههههه عبيطه انتي..
الريم : ويهك يالدادووه .. هههه ..
حمدان : اقووول يلا وصلنا نزلي اشووف..
الريم : لآآآآآآآآآآآآ والله .. ع وين ان شاء الله ..
حمدان : بسير صوب اسوم ههههههههه ..
الريم : هههههه من احين ..
حمدان : بنزل وياج شو بعد ..
الريم : هيه تووك .. اتحرى بعد .. ههه

الريم وحمدان نزلو وكل واحد فيهم راح حجرته ..

عند أسووووــمـ

أسوم تتجلب ع فراشها .. تحاول ترقد هب قادره !! حمدان مول ما راح عن بالها !! كل شي صار اليوم !! تحاول تنساه !! تحاول ما تفكر فيه بس ماقدرت !!

يآآرب .. يآآرب بلانيه انا اليوم !! هالانسان مول ما راح عن باليه !! ماعرف ليش !! في شي فيه جذبنيه بس والله ما عرف شوه !! حسيت بنظراته حب !! بس !! بس أانا ليش افكر فيه !! لا يكون أحبه ؟؟ لالا مستحيل .. انا عمريه مافكرت بحمدان .. ولا بفكر فيه !! اففففف افف خلاص ..


وتعق اللحاف وتنش صوب الدريشه ,, تطالع القمر وتتذكر كلمات حمدان ونظرته : هله هله بعمرج .!!

اسوم تضايجت من تفكيرها .. تبا تنسى تبا تسوي أي شي !! فجت اللآب وحدرت المسن .. ما لقت حد حادر .


. اف شوها .. خل ألعب بالنك .. من سنة يدي ما غيرته ههه ..
امممم .. شو أحط شو أحط .. يت فبآلها ابيات وحطتها نك .. ما تعرف ليش ؟
أسوم غيرت نكها وحطته :

[ كذآ من ربي حبيته صدفه يوم لآقيته ]

هههه أنا بلاني حطيت هالنك.. والله اني خبله .. يلا هب مشكله تراه إلا نك .. شوي إلا ريموه حااادره ..
اسوم استاانست : ريماااني حدرررت فديتها والله .. وع طوول ترمسها


[ كذآ من ربي حبيته صدفه يوم لاقيته ] say :


مرررررحبا الساااااع

[ مآ عآد في قلبنآ ذكرى نسينآكم ] say :

وبج مليآآآآآآآآآآآآر .. عصقووولتيه شحالج ؟؟ هههههه

[ كذآ من ربي حبيته صدفه يوم لاقيته ] say :

هههههههههه ويا ويهج .. الحمدلله .. انتي شحالج دبوووتي ؟

[ مآ عآد في قلبنآ ذكرى نسينآكم ] say :

دامج بخير ترانيه بخير. هههه يآآ لبييييييه ع النك .. حبينا هاا هههههه

[ كذآ من ربي حبيته صدفه يوم لاقيته ] say :

هههه لآ والله .. لالا بعييييد بعييييد ..

[ مآ عآد في قلبنآ ذكرى نسينآكم ] say :

هههههه لالا .. واضح واضح .. طاعي النك انتي...لالا والحب فررش بعد .. ههه

[ كذآ من ربي حبيته صدفه يوم لاقيته ] say :

هههههههه نذله .. شو بعد تراه إلا نك ...

[ مآ عآد في قلبنآ ذكرى نسينآكم ] say :

هههههههه فديت اللي تحب انا ..

[ كذآ من ربي حبيته صدفه يوم لاقيته ] say :

ماعليه يالخايسه .. اكرهج .. زولي عني ..


أسوم ماتعرف ليش حرجت .. ظهرت ع طول بدون ما تتريا الريم ترمس !!
افف شو أحب !! والله يا ريموه بتتصفعين !! انا ما أحب ما أحب !!
اففف شو ها .. لحظه انا ليش حرجت هي تسولف ! أويييييه لا يكون !!

شوي إلا ريموه داقه ..أسووم اول ماشافت الرقم عقت الفون وماردت .. محررجه ع ريموه .. والريم معانده . تدق وتدق ولا عليها ..ماتروم ع زعل أسووم وتوأم روحها..

أسوم آخر شي ماقدرت جان ترد .. ويونه زعلانه : ألوو
الريم : ما بغيتي تردين .. بلاج ظهرتي ؟
اسوم : انتي تطفريني ..اونه تحبين وما تحبين ..
الريم : ههههههههههههههههههههههههههههههه
اسوم فجت عيونها : بلاج تضحكيييييييين ؟
الريم: ههه اسوم حياتي.. يعني لو كنتي ما تحبين ما كنتي بتحرجين صح ولا لا..
اسوم : هآآآ ؟؟؟
الريم : ههه فديتج اسوم .. انتي يوم ظهرتي أكدتيليه انج تحبين ..

أسوم مستحيه ماقدرت ترمس ..

الريم : الوووو .. ها وين وصلتو هههه ..
اسوم : انزين شو يعني.. انتي بعد تحبين هادف !!
الريم : هههه انزين تراني قتلج اني احبه .. يلا انتي قوليلي منو تحبين؟؟ههههه ..
اسوم: هآآآ أنا احب ؟؟
الريم : ههه اسوم لا تعوريلي راسي.. يلا ..

اسوم ماتعرف.. هي تحبه ولا لا .. أبد ما تعرف. في بالها فلاح لي هي تحبه من هي صغيره .. وايام المراهقه وحمدان لي ظهرلها احين !!

الريم تبا تطفرها : يلا بسررعه قووولي...
اسوم : شوووو ماعرف..
الريم اونها ترمس بسرعه : يلا يلا ماشي وقت .. منوو منوو ..؟؟
اسوم بسرعه شوي وبتصيح: ماعرف ريموووه..
الريم : هيه صح هو هذا.. منووه منوووه .. يلا وراااج جلب اسووووم ..
أسوم من الروع والربكه : حممممممدان ..
الريم فجت عيونها ..: هآآآ؟ ؟؟
أسوم هب مستوعبه شي موول: هآآآآ؟؟
الريم : حمداان ؟؟
اسوم : حمداان ؟
الريم : منوو حمداان ؟
اسوم بغباء هب مستوعبه شي: منوو حمداان ؟
الريم : أسووووووووووم عن المصاخه ؟
اسوم توها تستوعب : هآآ شوو ؟
الريم : عيدي عيدي منو تحبين ؟
اسوم : منو قالج أحب ؟
الريم : اسووووووم هب وقت استيعابج البطيء احين .. ركزي شوي ..
اسوم تفج عيونها: اوك اوك بركز .. يلا..
الريم : انتي تحبين ؟
اسوم بعبط : هيه ..
الريم : منوو ؟
اسوم : حمدان ..
الريم : منو حمدان ..؟؟
أسوم : ريلج.. اووه اقصد اخوج ..
الريم صرخت : هآآآآ..!!
أسوم و الروع : هآآآآآآآآ !!
الريم نقعت ضحك : هههههههههههههههههههههههه
أسوم حرجت بتصيح: ليييييييش تضحكين ..
الريم : ههههه فديتج والله ثرج تحبين حمدان وانا ماعرف..
أسوم مستحيه : جب جب ههههه ..
الريم : فديتج انا .. حتى هو !!
أسوم : هآآآ؟؟
ألريم تذكرت ان حمدان ما يباها تعرف: ها؟ ماشي ماشي ..
أسوم نزلت راسها تحاول تخفي نظراتها ودموع تيمعت فعينها: قوليله لا يسافر!!
الريم بحزن : فديتج اسوم .. ان شاء الله كلها سنتين وبيردون .. ربيه يصبرنا..
اسوم وفيها صيحه : آآمين يارب..

شوي إلا يأذن الفير !!

الريم : انزين اسوم برايج احين .. خل نسير نصلي ونرقد .. هب راقدين .. وورانا سيره المطار عقب..
اسوم : هيه والله .. يلا عيل.. تقبل الله ..
الريم : منا ومنكم صالح الاعمال .. فداعة الله ..
اسوم :آميـــن .. الرب حافظ ..

أسوم بندت عن الريم وقلبها يعورها !! ما توقعت انها تحب حمدان !! حاسه انها ضايعه هب عارفه قلبها وين وداها !! هب متأكده تحبه ولا لا !! بس كل شي يقول انها تحبه !!
بعدين ريموه شو تقصد حتى هو ! لا يكوون يحبنيه !! اففف بس خلاص !!

أسوم راحت تمسحت .. وصلت .. عقب عقت عمرها ع الشبريه ورقدت بدون ما تحس .. والريم نفس الشي راحت ترقد ..




بيت بو فلاح \الساعه 12 الظهر ..

أم فلاح وفلاح ومنصور يالسين فالصاله ..

أم فلاح : وينهم عيل حمدان والريم . لي احين مانشو ؟
منصور: هيييهاا هاا.. بعدهم مطولين .. مادل متى ضاوين البارحه ..
أم فلاح : وابوويه عليهم .. سير صوبهم خل ينشون ..
منصور : إن شاء الله ..

منصور طالع الدري وحمدان نازل ..

منصوور : مرحبا والله تو الناس..

حمدان ابتسم هب متفيج يرمس توه ناش..

منصور: هههههه الله يعينك .. سير سير اميه تترياك ..

حمدان نزل صوب أمه ومنصور راح يوعي ريموه ..

منصور يدق الباب ع ريموه .. ريمووه نومها خفيف ع طول نشت ..فجت الباب : همممم؟
منصور : حووووووه انتي شو هالرقاد . عاد ظهر احينه ..
الريم : منصووور خلني ياخي ارقد عن المصاخه..
منصووور : مااااااشي رقااااد يلا اشوف.. ويهج جنه طماطه خايسه هههههه ..
الريم : مللللللللللليق يلا برررع ..
منصووور : ههههههههه طاعوو تطرد بعد ..
الريم : هههه يلا يلا..
منصووور : انتي بتردين ترقدين ؟
الريم : هيه عيل..!!
منصور : اوك بخليج ترقدين بس تريي ..
الريم : انزين يلا فكنا ..

الريم مسطله حطت راسها ع الباب وغمضت عيونها .. منصور شاف فالصاله لي فوق غرشة ماي.. يآآبها وسار صوب الريم يحاول يمسك ضحكته .. أول ما وصل حذالها : ررررررررررررش..

الريم ترووعت .. تحاول تفج عيوونها.. تخررست ماي من فوق لي تحت !!

منصور : ههههههههه يلا ردي رقدي ..
الريم شوي وبتصيح : والله بتشووف عند امييه. منصور شو هالحركات والله انك ماصخ ..
منصور:هههههههههههه يلا يلا نزلي الصاله ..
الريم تصيح : والله بتشووف والله ..

وتربع وراه ..

وهو ينزل من ع الدري وناقع ضحك وهي ورااه .. كانت لابسه بجامه مرسوم عليها دباديب.. ورابطه شعرها مسويه ذيل حصان .. وشكلها ياهل بالقوو ..

منصوور يضحك ساير صوب أمه ..
حمدان وفلاح أول ما شافو شكل الريم فطسوو ضحك .. صدق امبين انها ياهل ..ههههه

أم فلاح : بلاكم انتووو تترابعون جنكم صغاريه ..؟؟
منصور: ههههه اميه هاي بنتج وعيتها جان تحررج وتستوي ثور هائج هههه ..
الريم وهي تصيح : والله اميييه جذاب.. رشنيه بالماي.. طاعي تخرست ماي.. والله بيشوف..
منصوور: هههههههههههه

أم فلاح : وابوي عليك .. انا قلت لك توعيها ولا تضاربها يالهرم ..
منصور: عاد انا جيه اسلوبي هههه ..
حمدان ساير صوب الريم : فديتج والله خلاص سكتي انا براويج فيه ..
الريم وهي تمش دموعها : انت لا تسافر ها بيذبحنيه بحركاته الخايسه ..
فلاح : افاا وانا وين سررت ..
الريم : ههههه ..
فلاح : زعلت زعلت انا ..
الريم : لالالالالالا انت باباتيه لا تزلع حراام ..
فلاح : ههه فديتج والله ..
الريم تطالع منصور بعين ..

منصور يرد لها نفس النظره : شوي شوي ع عيونج ..
الريم : جب انت ما يخصك .. دب
منصور بحنيه : خلاص ريمووتي لا تزعلين ما كان قصديه ..
الريم امبوزه: مابا ماحبك لا ترمسنيه ..

منصور يطالعها بنظره وشكله ناوي ع شي ..

الريم : شفيك جيه تطالع ؟

منصور يربع صوب الريم .. شلهاا ويربع بها فوق.. والريم تصارخ نزلني نزلني .. ومنصور يضحك .. وحمدان وفلاح وام فلاح ناقعين ضحك عليهم ..ههههههه.

منصور عقها فوق شبريتها : يلا رقدي هههههه ..
الريم : ههه سخيف خلاص طار الرقاد ..
منصور: هههه فديتج والله . منو قال بخليج ترقدين .. رديتج توصيل مجاني.. عسب تبدلين ..وتغسلين هالويه .. ههه
الريم تطالع عمرها فالمنظره : ههههههههه اويييه فشله .. كله منك ..
منصور: ههههههههههه
الريم: ههه زين يلا اظهر ببدل...
منصور: عادي ما بشوف. هههه ..
الريم: هههه مالت ..
منصور: عليج ... هههههه ..

ظهر منصور والريم يلست تطالع شكلها وناقعه ضحك .. عقب بدلت ونزلت تحت تيلس ويا هلها ..

اليوم مر بسرعه .. وماحسو فيه .. ويا وقت السفر!!

"
"

مـا كان ودي بالسفر لكن ظروف
تحكم على الانسان بأول وتالي

"
"

حمدان وهادف جهزوا عمارهم .. وظهروا .. ووياهم هلهم .. لكن أم غيث تمت فالبيت لان بعدها فالعده !!

وصلو المطار وخلصو كل الاجراءات .. سلمو ع بعضهم وكلن في قلبه شايلن حزنه !!

حمدان يزقر الريم: الريم تعالي شوي ؟
الريم: آآمر !!
حمدان : امممم .. سلمي ع اسوم .. وقوليلها تهتم بعمرها !!
الريم مبتسمه : ان شاء الله .. لا توصي ..اممم حمدان..
حمدان : يا لبيه ؟
الريم : البارحه رمست اسوم .. اممم اكتشفت انها تحبك .. وقالتليه اقولك لا تسافر !!

حمدان قلبه عوره ..ع طول صد صوب اسوم ويت عينه بعينها !! جان تصيح وراحت صوب التواليت ..

حمدان : فديتج ريماني.. يلا عيل وهله هله بعماركم ..
الريم: ان شاء الله وانتو بعد..شدو حيلكم ..
حمدان : ان شاء الله ..

حمدان ماعرف شو يسوي .. سار صوب التواليت ومحد انتبه !! .. دخل لقاها تصيح .. حست ان حد دخل .. ع طول صدت صوب الباب وانصدمت !!

حمدان وهو يبتسم ابتسامه عذبه : اممم سمحيلي بس ماقدرت اسافر بدون ما اسلم عليج ..

اسوم دمعت عينها ..

حمدان خلاص هب متحمل: اسوم دموعج غاليه لا تصيحين دخيلج ..

أسوم ودموعها الحاره ذرافه ع خدها :

ادعي علي بالموت ولا سمني .. بس لا تفارقني دخيل الله واموت
طاري السفر يا عمري همني .. ..!!!

وما قدرت تكمل يلست تصيح !!

حمدان ما قدر يتحمل قالها هله هله بعمرج وظهر ع طول !!


الريم يدون ما تحس طالعت هادف .. وبنفس الوقت هو طالعها .. الريم حست بألم كبير .. آخر مره تشوفه !! بتسافر يا هادف وبتخليني !! وقساوتك بها تجرحني !! ربيه يحفظك وين ماكنت !!

هادف ماعرف شو يسوي .. كان خاطره يسلم عليها بس ما باليد حيله !! ونفسه ما تسمحله يخضع لها. طالعها بنظره قاسيه وصد عنها !!

الريم راحت صوب خوانها وبداخلها ألم ..

راحو حمدان وهادف .. ولوحت ألأيادي مودعه !!

الشباب شلو اهلهم وردو العين .. الريم طول الدرب ساكته .. تفكر بهادف .. آآخ لي متى بنتم ع هالحاله لي متى !!

خلاص يا هادف انا مليت ... مليت مليت . ودمعت عيونها !!

حزين ومامعي شمعه
تعال وشوف
هو باقي على رمشي اثر دمعه.؟
تعبت احن واشتاقك
تعبت ازرع لك اشواقي ولا تزهر بي اشواقك
تعب اكذب احساسي
اقول انه

يبي يرجع
يبي يرجع
يبي يرجع


نهاية البارت _17_

ترقبوا البارت _18_









البارت _18_

الريم طول الدرب ساكته .. تفكر بهادف .. آآخ لي متى بنتم ع هالحاله لي متى !!

خلاص يا هادف انا مليت ... مليت مليت . ودمعت عيونها !!

حزين ومامعي شمعه
تعال وشوف
هو باقي على رمشي اثر دمعه.؟
تعبت احن واشتاقك
تعبت ازرع لك اشواقي ولا تزهر بي اشواقك
تعب اكذب احساسي
اقول انه

يبي يرجع
يبي يرجع
يبي يرجع

الريم بين نارين !! ترضي قلبها لي حب هادف بصدق !! و وفى له ولا فكر يخونه !! ولا عقلها وكرامتها لي ما تسمحلها تخضع لهادف!! آآخ يا هادف مابقى عنديه أمل برجوعك !!


عند أسوم

أسوم وخوانها توهم كانوا واصلين البيت .. كل واحد راح حجرته يرتاح !! أسوم دشت حجرتها وحاسه بضيج !! بخنقه !! خاطرها تصيح بس هب قادره !! يلست تطالع هدية هادف اخوها وصورته .. آآخ يا هادف ربيه يصبرنا ع بعادك .. أشهد إن الكون عقبك خلي !!

مرت في بالها صورة حمدان وهو يودعها !! علنيه فداك يا حمدان !! عمريه ماتوقعت إني أحبك !! وأحين حبيتك !! آآخ ليتنيه ما حبيتك ولا تعذبت بفرقاك ..

أسوم ماقدرت تسيطر ع عمرها.. عقت عمرها ع الشبريه ولوت ع المخده ويلست تصيح !! لين ما تعبت ورقدت !!



الأبآآم تمر تمر ولا حدن حاس بها !! الكل مشغول بأموره ودنياه !!

أم غيث ظهرت من العده الحمدلله .. الريم واسوم هب ملحقات يحاولن يخلصن أمور الجامعه وهالسوالف !! غيث قدر يرد أوضاع شركة بوغيث شرى ما كانت وأحسن !! وفلاح مول ماقصر وياه .. كلن سعى واجتهد !!
منصور كالعاده يجهز عمره للمعسكر !! وأم فلاح زاخه فلاح زخه من رقبته ههه :

فلاح : ههههه إميه رحميني..
أم فلاح : ماشي ماشي. أنا باجر بخطب لك بخطب لك ..
فلاح : انزين وحمدان محد.. شقايل بخطب واخويه محد ..؟؟
أم فلاح : لالا امرره ما عليك انا رمسته حمدان ..مووول ما قال شي .. مرخصنك ,,
فلاح: هههه ثرج هب هينه يا اميه ..
أم فلاح مبتسمه : هيه عشان تعرف بس.. باجر إن شاء الله بنسير نخطب..

الريم نازله من فوق : اووه اوووه أسمع صوت دق ههههههههه
فلاح : ويا ويهج لحقتي هههه ..
الريم : هيه والله حفزانه ابغي ارقص ههههههه ..
أم فلاح : ولا يهمج .. بترقصين وبتشبعين رقص بعد
فلاح : هههه وانا مابرقص؟
الريم : هههههههههههههههههه اتخيل..
أم فلاح : تعال تعال براويك شقايل ترقص يالهرم..
فلاح: هههههههه أسولف إميه ..
أم فلاح مبتسمه: أدريبك .. ها شقلت أحين ؟
فلاح مبتسم : ااممممم توكلووو على الله .
أم فلاح مستانسه : ربيه يوفقك يا وليديه ان شاء الله ..
الكل : آمين يآ رب ..


عند هادف وحمدان [ لندن ]

حمدان وهادف توهم ظاهرين ..سايرين الجامعه ..

حمدان : والله هالدكتور غلس ماداني كلاسه ..
هادف : هيه والله .. مادل شقآيل يشررح .. خاطريه ألعنه بكس ع عينه ..
حمدان : ههههههههههههه أتخيلك ..
هادف: ههههههههههههه لالا .. لا اتعب عمرك وتتخيل... بعطيه اليوم بكس ع عينه وانت شوف هههه .
حمدان :حفزان ههههههه

شو إلا يآي صوبهم مشعل ربيعهم من الكويت .!!

مشعل : قووه شباب..
حمدان وهادف: الله يقويك ..
مشعل : شلونكم ؟
حمدان : لونيه أخضر ولا هادف ماعرف شو لونه هههههههههه ...
هادف: هههههههههههههه أما إنت ..
مشعل: هههههههههههههههه انا بوريك ..شنو تبيني أقول ؟
حمدان : اممممم قول شحالك؟
مشعل : هههههههههه مافي غيرها..؟
هادف: عاد احين من صعوبتها هههه ..
مشعل: شحالك ؟
حمدان : ههههههههههههه حيهم بدووو حضر غجرر
مشعل هب مستوعب : هآآآ ؟؟
هادف: ههههههههههههههههه ابتلشت

حمدان يطووف : الحمدلله بخير انت شحالك ؟
مشعل: الحمدلله زين ..
هادف: يلا عيل سرينا تأخرنا ع الكلاس..
حمدان : أووووووبس والله ما انتبهت ع الساعه .. ها بيسويلنا سالفه ..
مشعل : أدري فيه .. آبسنت وخلاص.. ما يتفاهم ..
هادف: لالالالالالالا نحن هب ناقصين .. يلا ربعووا باجي عشر دقايق يبالنا لي ما نوصل ..
حمدان : يلآ عليها ..هههههههههه

ووووووووووووووووركييييييييييييض !!

أول ما وصلو الشباب مالقوا حد فالكلاس ..كل واحد فج عينه ويطالع الثاني!!

هادف: وينهم هااييل حتى هالحمر محد !!
حمدان : لحووووووووووول لا يكون شي تدريب عملي..؟
مشعل: لالا ما اعتقد .. كااهوو مصطفى خلنا نسأله ..

هذا مصطفى وياهم فالكلاس .. مصري.. بس غلس وخقه بالقووو ..

حمدان : اووووووهووو هاللي قاصر مالقيتوا إلا مصطفى !!
هادف: افف..خلنا نسأله شنسوي بعد !!

مشعل والشباب سايرين صوبه ..

مشعل: قوووه !!
مصطفى: الله يقويك ..
مشعل بدون نفس : أقولك وين السير والشباب؟
مصطفى طالعهم بنظرة احتقار: ههه شكلكو ما بتعرفو همه فين لانكو ما شيكتوش ع الايميل كالعاده ..
حمدان محرج : حووووووه انت..لا تيلس تتمنن علينا لانا سئلناك ... جاوب ع قد السوال..
هادف: خلاص حمدان هد أعصابك ..
حمدان : هو خلى فينا اعصاب ولد الـ .. !! ولا اقول اسكت احسن لي <<ويطالع مصطفى من فوق لتحت ,,
مصطفى متروع هب عارف شيقول ..

هادف يرمس مصطفى : انت بعد ارمس خلصنا ..

مصطفى : أ أ .. أصلو السير مش جاي النهار ده .. عندو أشغال..
مشعل: طاح الذهب.. يلا انجلع .. خقه ع شو ماعرف..
هادف: خلاص خلوه يولي.. مشكور الشيخ ..

مصطفى طالعهم بنظره ولا رد عليهم رووح ..

حمدان : أصفعه ها أحين؟ . علنيه بلاه ..
هادف: ههههههههه خلاص خله يولي..
حمدان : والله إذا ما إتأدب أنا بأدبه ..
هادف: إن شاء الله يدي ههههه ..
حمداان : هههههههههههه يدوووك خلال يالهرم
الشباب : ههههههههههههههه

مشعل: خل نروح الكوفي..
حمدان : هيه والله زين ..
هادف: عيل سرينا ..

راحوا الشباب الكوفي .. يلسوو ضحك وسوالف ولعب ..

حمدان : أما صدق موووقف لا يحسد عليه هههههههههههه
هادف : هيه والله .. عاد لو شفت شكل الدكتور يوم تبند عليه بآب الكلاس.. بغى يمووت هههههههههههه
مشعل: والله ما في أحد قال له .. يستاهل ههههههههه
حمدان : هيه والله .. بس الصراحه غمضنيه .. هههههه

شوي إلا تيهم وحده .. لابسه بنطلون وقميص وفاجه شعرها ..عيونها كبار .. وبشكل عام وايد حلوه ..

البنيه : مرحبا !!
الشباب : وبج مليار..
البنيه : ما عرفتونيه ؟
مشعل : امبلا انتي شوق .. اللي معانا فالكلاس..
شوق مبتسمه وتطالع هادف : هيه نعم ..
حمدان : من الامارات شكلج ؟
شوق : هيه وانتو بعد صح ؟
مشعل ابتسم : إلا انا من الكويت ..
شوق:مرحبابك والله .. <<

وتطالع هادف : شحالك هادف ؟

هادف استغرب أصلن ماكان معطنها ويه .. ويطالع فونه : هاا؟ الحمدلله بخير انتي شحالج؟
شوق : الحمدلله انا بخير..
هادف مبتسم : عسى دوم .. <<ويرد يطالع فونه .. هني شوق انقهرت تبا ترمسه ماتعرف كيف..
شوق: امممم هادف ؟

الشباب استغربوا بلاها هاي؟ حتى هادف استغرب..

هادف: لبيه ؟
شوق: لبيت في منى..امممم ماتذكر انك شايفني قبل؟
هادف: اممم ماعرف أحيد بس شفتج فالكلاس؟
شوق تضايجت :اممم لالا قبل..
هادف: لا والله ما ذكر ..
شوق: اممم أنا مره شفتك فالمطعم صدفه ... تداعمنا انا وياك عند الباب.. يومها انت كنت ياي مسرع . .. وو !!
هادف يقاطعهايباها تصخ: هيه هيه ذكرت ..
شوق استانست : حيك والله ههه
هادف : الله يحييج ..بغيتي شي الشيخه؟

شوق قفطط ويهها .. حست ان مكانها غلط : آسفه ازعجتكم .. يلا باي..
الشباب: فداعة الله ..

شوق روحت وهي متضايجه .. حرام عليك يا هادف ليش انت جاف جذا .. ليييييييش ؟؟ انا احبك والله احبك ..


وعند الشباب ..

حمدان ومشعل يطالعوون هادف ويضحكون .

هادف : حووووه انتوو بلاكم ..
حمدان حرك حياته : بلاكم هااا ؟؟ ههههه
هادف فيه ضحكه وخاشنها: حمدااانوه اصطلب شو عنندكم ؟
مشعل: شكلها تحبك ههههههههه
هادف: حبتهاا يااعده قووول آمين
حمدان: هههههههههه ياعده مره وحده ..
هادف محرج : انا بظهر شوي ..
حمدان:وين وين بلاك نسولف..
مشعل : يا ريال اقعد..

هادف مبتسم : لالا ادريبكم تسولفون ..بس انا فخاطريه اسير البحر !!
حمدان : زين عيل بنرابعك ..
هادف: حياكم ..

الشباب شلو عمارهم وراحوا .. أول ما وصلوا هادف نزل .. مشعل ياي بينزل .. حمدان زخ يدينه

مشعل :إشبلاك؟
حمدان : شكله متضايج خله شوي بروحه ..
مشعل مبتسم : خلاص اوك .. بس لازم نعرف شوفيه ..
حمدان : ان شاء الله عقب..بس احين اعرفه هادف ما بيرمس..
مشعل : خلاص عيل..
حمدان : قم بنتمشى..
مشعل: اوك يلا..

نزلو الشباب يتمشون .. وهادف واقف روحه وحاس بألم .. عمره ما حس فيه !! ألم .. قهر .. غربه .. شوق .!! كل شي مثور براكين في صدره !! هادف تضايج يوم كانوا ربعه يرمسون عن البنيه !! لانه عمره ما فكر يخون الريم ولو من بعيد !! آآخ يالريم .. انا اتعذب يالريم .. ليتج حذاليه !! ليت اشوفج لو من بعيد !! إقسي عليه سوي اللي تبين !! رديلي الكف ألف .. بس خليني أشوفج !! هادف ماقدر يتحمل همومه .. حبس دمعته فعينه وتنهد !!

يلس هادف يشل يإحساس .. أول مره يشل هالشكل !!

طال انتظاري والوله يحرق الجوف..
والصبر ما يطفي من البعد ناري ..

اكتم شعور الشوق واصارع الخوف..
وفي داخلي نهر من الهم جاري..

اضحك ولحن الحزن بالصدر معزوف..
ودمعي حبسته لا يبين انهياري..

سكت هادف .. حس إنه لو رمس زياده بينهار !! آآآخ لي متى بتم اكتم !! ليتنيه صارحتها باللي فخاطريه !! ليتنيه قلتلها لش سويج جيه !! ليش خنتيني !! انا حبيتج من صغري .. انا وفيت لج !! ليييييييييييت قلت لها هالكلام ليت !!

هادف حالته أبدن ما تسر !! ومول هب قادر يتحمل !!


عند الريم [ العين ]

الريم كانت يالسه تسولف ويا اسوم وفجأه قلبها عورها ..حست بضيج !!

أسوم : بلاج ريماني؟
الريم : هآآ ؟؟ لالا ماشي..بس حسيت بضيج !!
اسوم : ريماني صار شي؟
الريم : لالا .. بس مادل ليش هادف يا فبالي ..
أسوم : اشتقتيله ..؟
الريم بحزن: آآخ يا اسوم .. أجذب ان قلت ما اشتقت له .. بس انا هب قادره اسامحه !!
أسوم : والله يالريم انا روحي هب فاهمه شي .. بس انا متأكده إنه في سبب خلاه يسوي كل اللي سواه .. هادف اخويه واعرفه .. دوم لي تضايج من شي .. يحررج عليج وما يواجهج .. وها عيبه !!
الريم : انزين يا اسوم . حتى لو .. هالشي هب زين !! وبعدين انا شسويت غلط .. ماحيدنيه غلطت عليه !! ليش يسويبي جذا لييش؟؟
أسوم : ريموه حبيبتي.. مصيرج بتعرفين .. لا تضيجين بعمرج !!
ألريم : اسوم بس الايام تفوت !!

أسوم حز فخاطرها حال اخوها وبنت خالها : ربيه يفرجها عليكم ويصبرج ريماني..
الريم تبتسم بالغصب : إن شالله ..

أسوم تحاول تغير السالفه : تعرفين ريمووه ههه .. هب مصدقه ان هالاسبوع بنداوم فالجامعه ..
الريم : هههه هيه والله مفلع نحن ..هب ويه جامعات ..
أسوم : ههههههه الله يستر ..
الريم : ما خبرتتتتتتتتج !!
أسوم : شوووووووه ؟
الريم : فلاحووووه اخويه ..
اسوم : ههه بلاه فلاحووووه اخوج؟
الريم : بيخطب.!!
أسوم : هآآ؟؟
الريم : شو هاا بعد ..
أسوم : هههههههه ماشي كنت أبرمج المعلومه .. مبروووك منو يبا ياخذ..؟؟
الريم : عليوووه اخت رويض..
اسووووم : اوووووونه .. هههه وايد يناسبون بعض.. مفلع ع رزين هههههه
الريم: هيه والله .. ههههههه
أسوم : متى بيخطبون ..؟
الريم : مادل سمعتهم يقولون باجر.. واميه كانت ترمس امج .. تشاورها..
اسوم : هييييه وانا اقول شعنه العيوز طردتنيه هههههه ..
الريم : هههههههههه توه وصل الارسال ..
اسوم : ههه حرام عليج ..

يلسن البنات سوالف وضحك ومر الوقت ..


يوم الخميس بيت بو فلاح

فلاح مرتبش .. جنه أول واحد فالدنيا يخطب .. وغيث مبتلش به !!

فلاح : انزين شو ألبس أي كندوره .!!
غيث: فلاااح إالبس كندوره بيضا شو بعد ..
فلاح : انزين اي وحده هاي ولا هاي..
غيث: هههه أسميك .. البس العربيه .. وين تبا انت ...
فلاح : انزين أي سفره ألبس ومن أي عطر اتعطر !!
غيث: هههههههههههه والله انك مبتلش وانا ابتلشت فيك ..
فلاح شوي وبيكفخ غيث: اوووهووو منك .. غياثي لا اتم تتمصخر..
غيث: هههه اوك اوك ..

غيث تم يشوف العطور والسفر وظهر لفلاح .. وفلاح امررره هب عايبنه شي . .. آخر شي اقتنع ..
غيث ظهر عن فلاح .. روح بيتهم عسب يتجهز .. فلاح شل عمره صوب الحلاق ..

عقب رد البيت كشخ وظهر صوب هله ..

فلاح : ها إميه خلصتو ؟
ام فلاح : هيه يا ولديه بس يشلون القهاوي السياره !!
فلاح : يلا امييييييه تأخرنا ع الجماعه ..
أم فلاح : ههههه بلاك انت حفزان . اصبر!!
فلاح : وينها ريموه ؟
ام فلاح : هاي بعدها ..
فلاح : لحوووووووووول ..

راح فلاح صوب الدري ويزاعق من قمة راسه : ريموووووووووووووووووووووووه خلصي تاخرنا..

الريم نازله : هههه بلاك انت .. ها خلصت ..حشا محد خطب غيرك ..
فلاح :هههه بصفعج تراه ..
الريم تطالع اخووه باعجاب : يه يه يه .. شهالزين ههههه
فلاح مختق: احم احم
الريم : يا لبييييييييه خقاق .. ههههه
ام فلاح : تعال يا ولديه اقرى عليك ..

فلاح نافش ريشه ويطالع ريموه يونه يقهرها ..ساير صوب امه .

الريم : ههههههههه مالت ع الخقه ..
فلاح : وعليج هههه ..
منصور : يلا انتو بعدكم ..
فلاح : يلا احين ظاهرين .. يلا اميه ..

ظهر فلاح وشل هله .. وتلاقو ويا قم عمتهم وراحو صوب الجماعه ..

فلاح كان وايد مرتبك .. وحاس عمره طاير من الفرحه .. ههههه يا لبيه انا بعرس .. الصراحه شي شي ..


الخطبه تمت ع خير ..الكل كان مستانس .. وقالولهم بيردون عليهم عقب أسبوع !!


في السياره فلاح محتشر : اميييه متى بيردون لازم أسبوع يعني !!
ام فلاح : هيه يا ولديه لازم يشاورون البنيه ..
منصور :هههههه طاعو اللي ما يبا يعرس شو سوى .. عيل انا شو بسوي ههههه ..
الريم : انت اخافك تخطف البنيه وتربع هههههههه
فلاح : هيه والله تسويها ههههههههههه
منصور : ويا ويهكم ههههه

شوي إلا حمدان داق فلاح رد وحط سبيكر : مرررحبا الساع بالمعرس..
فلاح : مرحباابك زووود والله
حمدان : مبروووووووووك مبرووووووووك ..
فلاح : ع شو .. عنلاتها بعدها ما ردت هههههههه ..
حمدان : ههههههههه حفزان ومن احين يسب ههه
فلاح : ههههههههههههه ويا ويهك ..

أم فلاح : عطني عطني أرمسه ..

فلاح : هاك اميه بترمسك ..
حمدان :عطني اياها ..

فلاح يعطي أمه الفون ..

أم فلاح : مرحبا مرحبا براعي لندن..
حمدان : هههه وبج مليار..شحالج؟
أم فلاح : بخير علنيه فداك .. انت شحالك وشحال هادف؟
حمدان : والله كلنا بخير تنقصنا روياكم ..
أم فلاح : علنيه فداكم .. يلا إن شاء الله الايام بتمضي.. وتردون البلاد رافعين روسنا..
حمدان : ان شاء الله يارب..

أم فلاح ترمس فلاح : عنبو صمني هالتلفون .. بلاك محطي سبيكر..
فلاح: هههههههه اوووه تعرف السبيكر ..

حمدان : هيه اكيد عيالها يدرسون فلندن ههههه ..
أم فلاح : وابوي عليكم .. صه صه قطعوها الرمسه ..وانت اسمعني لا اتم تطالع هالحمر .. زخ عمرك ها..
حمدان : هههههههه أفا عليج مابا غير بنت البلاد ..

الريم : حمداااااااااااني ولهت عليك..
حمدان اول ما سمع صوتها استانس : علنيه فدى هالصوت ..
منصور: وانا بعد هني ..هههههههه
حمدان : ههههههه اتحراك حذاليه ههه ..

أم فلاح : عطني أرمس هادف أبويه..

حمدان : اممم اميه هادف تعبان شوي راح يرتاح ..

الريم تروعت .. تحرت فيه شي !!

أم فلاح : واعليه عنه شو بلاه ؟
حمدان: مابلاه شي .. بس تعبنا اليوم من هالدوام ..
أم فلاح : واعليه عنكم .. ربيه يعينكم ..يلا عيل ياوليدي..وماوصيكم ع عماركم .. وسلم ع ولد عمتك..
حمدان : ان شاء الله يا اميه ..
أم فلاح : يلا عيل .. فداعة الله ..
حمدان :الرب حافظ اميه ..

حمدان راح يرقد .. وراهم دوام الصبح وهادف بعد .. مرت الليله .. الشباب من أصبحوا .. غبشو عقب ما صلوا ..تريقوا وراحو الجامعه .. مايبون يتأخرون!!عقب ما خلص الكلاس حمدان ومشعل راحوا عند الدكتور فالأوفيس .. وهادف قال بيترياهم فالكوفي ماله بارض يسير صوب السير!!



وهادف كان روحه يالس ع طاوله فالكوفي .. تعبان ومنهد حيله .. يالس ويفكر بحاله !! والله انيه حنيت للدار وهلها !! يآالله تصبرنيه ..وتمر هالسنتن بسرعه !!

هادف غرقان بتفكيره لديار ما يعلمها غير الرب ّ!! إلا ويقطع حبل أفكاره صوت يناديه !!!!!

اول ماصد لقى شوق !! لحووول هاي شو تبا لاحقتنيه لي هني !!

شوق مبتسمه : هادف بلاك يالس برويحاتك ؟
هادف:بس جيه انا احب ..
شوق: اممم ممكن أيلس وياك ؟
هادف وفباله الريم رد وهو محرج: ع أي أساس ان شاء الله ؟
شوق ودموعها فعينها : ليش جيه ترمسنيه ..؟؟

هادف حس انه غلط وابتسم : آسف هب قصدي بس انا متضايج شوي !!
شوق بحزن : شو مضيجبك؟
هادف مبتسم : اممم ماشي ..سالفه ..
شوق: انزين قولي إياها ؟
هادف: هب وقته احين..
شوق: عيل متى وقته ؟
هادف مستغرب من جراتها:اممم انتي تبين شي ؟
شوق ويهها قافط : لا بس!!
هادف: بس شوو؟
شوق: ماعرف ماعرف..

هادف:اممم انتي روحج هني؟
شوق: اممم تقريبا..إميه متوفيه وأبويه يشتغل هني بس بعيد شوي..اشوفه فالويكند يعني..
هادف: آها .. وماعندج ربيعات؟
شوق: اممم في بنات عربيات ويايه وبنات من داريه بس ما ارتاحلهن .. بس انت ارتحتلك..
هادف: هيه بس انا ريال..

شوق ماعرفت شتقول خاطرها تقوله انها تحبه اف ها مايحس..
هادف يطالعها يرقبها ترمس ..

شوق وهي متردده وبصوت مبحوح : هادف!!


غيبتك لو هـي دقيقـه تعتبـر صـدّه
الوقت دونك سجن وغيابـك اسياجـه
غالي وتبخـل علـي وتطّـول الصـدّه
الله يسامح غـلاك ويلعـن الحاجـة




::


::



البارت _19 _


شوق ماعرفت شتقول خاطرها تقوله انها تحبه اف ها مايحس..
هادف يطالعها يرقبها ترمس ..

شوق وهي متردده وبصوت مبحوح : هادف!!


غيبتك لو هـي دقيقـه تعتبـر صـدّه
الوقت دونك سجن وغيابـك اسياجـه
غالي وتبخـل علـي وتطّـول الصـدّه
الله يسامح غـلاك ويلعـن الحاجـة


هادف يناظرها .. يرقبها ترمس .. هادف: لبيه ؟
شوق : لبيت في منى .. اممم !!
هادف يهز راسه بمعنى شوه ؟

شوق فخاطرها .. اف انا بقوله اني احبه واللي يصير يصير !!

شوق توها بترمس : هآدف أنا ... !!

ويقاطعهم مشعل توه ياي هو و حمدان من الاوفيس ..

مشعل : قوووه شباب ..
شوق وهادف : الله يقويك ..
حمدان : شو متيلسين اشوفكم ..
هادف : هيه والله ماشي شغله ..

حمدان : شحالج شوق؟
شوق: الحمدلله بخير .. ومن جداك ؟
حمدان : بخير ونعمه ربيه يعافيج ..
شوق مبتسمه : دوم يارب..
حمدان : يميع ان شاء الله ..
مشعل بنذاله : سمحولنا خربنا عليكم .. برايكم عيل نحن بنسير..
حمدان يقهر هادف: هيه والله .. يلا سرينا..
هادف مقهور : لا انا ياي وياكم ..
حمدان : يلا عيل..

هادف يرمس شوق: يلا الشيخه عن اذنج ..
شوق: اممم بشوفك عقب..؟؟
هادف مبتسم : ان شاء الله .. فداعة الله ..
شوق طايره من الوناسه : إن شا الله .. ربيه يحفظك ..

الشباب روحووا ... وطوول الوقت حمدان ومشعل يطفرون بهادف وهادف هب معطنهم ويه ..

حمدان : ماشالله بدينا نلعب بذيلنا ها هههه ..
هادف: ههه ويا ويهك .. والله العظيم ماشي منه .. بس هي مادل شو تبغي..
مشعل: والله انك ماتحس.. واضحه ما يبيلها البنت تحبك ..هههههه
هادف: لالا ماظنتيه ..
حمدان :تبغي الصراحه .. هيه تحبك امبين ..
هادف: اممم انا مالاحظت الصراحه .. وبعدين حتى لو ..ها شي راجعلها..
مشعل: هههه حرام عليك ..
هادف:دخيلك يا الرحوم .. هب كل من حبك ربعت وراه ..
حمدان : وانا اشهد ههههههه ..
مشعل: انتوو تشوتون النعمه ههههه ..
هادف: ههه ربيه يرزقك عيل..
حمدان: آآآآآآمين هههه ..
مشعل يطالعهم بعبط : اقول خل نروح احسن هههه ..
الشباب : يلا..



العين [ كلية التقنيه ] طلاب ..

منصور : عنبوو مله متى بنخلص من هالتقنيه ...
سيف: ياريال مابقى شي.. كلها سنه سنتين ونخلص..
منصور : ربيه يصبرنا والله هلكت ..
سيف: هههه هيه امبونك انت بس فالح فالنادي..
منصور : آآآخ ع العوق ههههههههه
سيف: انزين دام عندنا بريك خل نظهر مالي خاطر اتم..
منصور: ومنو قص عليك قال ما بنظهر ههههه .
سيف: ههه اوه نسيت ان منصور لي ويايه ..
منصور: ههه وياويهك ..
سيف : يلا عيل ظهرنا..
منصور :يلا..

راحوا الشباب المول .. يلسو يتمشون .. وكالعاده منصور شال المول شل بسوالفه وضحكه ههه ..وهم يمشون منصور شاف بنيه صغيره تصيح !!

منصور : سواف طاع هاييج البنيه ..وين هلها عنها؟
سواف: مادل والله شكلهم مضيعينها ..
منصور: تعال بنشوفها ..
سيف: يلا سرينا..

منصور ساير صوب البنيه .. يلس حذالها وهي تصيح ..

منصور يود يدينها : بلاج باباه ليش تصيحين ؟
البنيه : هاي حواري حلتني ولووحت ماعلف وين .. <<وتصييح,,
منصور: خلاص حبيبتي احين بدور حواري لج .. لا تصيحين ..
البنيه تصيح : هاي كل يوم تخليني ماحبها .. اضربها انزين ..
منصور وفيه ضحكه : انزين افا عليج بكفخها انا ..هههه
البنيه مستانسه : ههه أحسن ..
منصور: يلا تعالي بشتريلج حلاوه وبندور حواري ..
البنيه : اللآآآآي حلاوه ..
منصور: هيه حلاوه ههه .. انتي شو اسمج ؟
البنيه : انا إثمي حصوووه الحلوه ..

منصور وسواف يضحكون ههههه ..

سواف: انزين حصوه الحلوه نرووح احين ؟
حصوه : انت ثااااااب محد رمثك ..(جاب )
منصور: هههههههه إلقط ويهك ...
سواف: هههه ملسونه ماشالله عليها..يلا يالرحوم شلها ..
منصور: ههه...يلا حصوه الحلوه روحنا..

حصوه تيود ايد منصور: يلا حبيبي..
منصور وسواف: ههههههههههههههههههههههههههههه
سواف: يلا يا حبيبها..هههه ..
حصوه : هيييييييييه انته لا تضحك ع حبيبي..
سواف: هههه ان شالله ان شالله ..
حصوه : احين انته شاطر.. يلا حبيبي نروح ...
منصور وميود ضحكته : يلا حبيبي..

منصور شل حصوه واشترالها حلاوه .. عقب تمو يتمشون يدورون اهل حصوه .. شوي إلا اتي بنيه .. وايد هاديه وحلوه .. بيضا وعيونها كبار .. وطويله شوي..

حور يايه تربع صوب حصوه .. خايفه عليها.. نست ان غشوتها طايحه .. كل همها تلاقي اختها..

حور بخوف: حصوووه !!

منصور أول ما سمع الصوت ع طول صد صوبه بدون مايحس.. ماعرف شو ياه .. يلس يطالعها وعقب انتبه جان يغض بصره ..

حصوه ماده بوزها: روحي عني ماحبج ..
وترمس منصور: حبيبي هاي حواري اضربها..

منصور : ههه فديتج ..سيريلها يلا..
حور توها انتبهت جان تتغشى: مشكور اخويه تعبناك ..
منصور مبتسم : لا أفا ..ماسوينا شي ها واجبنا..

حور تمت تطالع منصور وهو مبتسم وساكته ..

عقب انتبهت : يلا حصوه بنسير..
حصوه : لالا أنا بتم عند حبيبي .. <<وميوده يدينه ..
منصور: حبيبتي بشوفج مره ثانيه انزين ..
حصوه ببراءه : انت تعرف بيتنا؟
منصور: ههه لا ماعرفه ..
حصوه وهي تأشر بعيد : نحن بيتنا هنااك ..
منصور: ههه هناك .. هي عرفته ..
حصوه: يلا وين ؟

حور: حصوه حبيبتي خلي الريال فحاله..يلا روحنا..
حصوه : انتي ثاااااااااب<<جب..

حور ويهها قفط ..

حصوه : يلا حبيبي قول وين بيتكم ..
منصور: بيتنا في فلي هزاع..
حصوووه صرخت : هاااااااااااااااااااااااا؟؟
منصور: بلاج ؟
حصوه : نحن بعد في فلي هجاع ..
منصور: الله عيل بيي أشلج بوديج الحديقه انزين ..ههه
حصوه : انزين .. ترى انت وعدتني لا تجذب..

سواف: ههه توهقت منصور..
منصور: ههه ان شالله ..
حور: يلا اسمحلنا الشيخ .. فداعة الله ..
وتيود ايد حصوه ..

منصور: بالحل الشيخه .. فداعة الله ..
حصوه شوي وبتصيح :حبيبي تعال لا تنسى انزين ..
منصور: ههه ان شالله ..
حصوه تضحك مستانسه : بآآآآي حبيبي ..
منصور مبتسم : بآآآي

سواف: ههه عايش الدور ها..
منصور: علنيه فداها والله ليت عندنا ياهل فالبيت ههه ..
سواف: لا تنسى وعدتها ههه ..
منصور: ههه وانا شدراني فبيتهم .. بس ان شالله بوفي بوعديه شو تتحراني خراط هه ..
سواف: مني والدرب بتدش بيت الناس..هههه
منصور: ههه ربك بعد .. يمكن أشوفهم صدفه مره ثانيه ..
سواف: هيه تراه كل يوم العيد هههه ..
منصور: هيه كل يوم ههه .. يلا سرينا..

الشباب تمشوو شوي .. عقب تغدو وردو الكليه ..

عند الريم واسوم [ جامعة الامارات ]

الريم : اسوووم تعبت حشا.. شهالجامعه طفرره ونكد ..
اسوم : هههه توج اول اسبوع وجذا ..
الريم : هههه وين فيني انا ع الحوامه ...
أسوم : فديتج ريماني .. ههه ..

شوي إلا فون الريم يدق..

الريم صرخت : حمدااااااااااني..

وترد : ألو..
حمدان : مرحبا الساع والله ..
الريم : مرحبابك زوود .. شحالك حمدااني..؟؟
حمدان : بخير ونعمه .. انتي شحالج وشحال الاهل..؟؟
الريم : الحمدلله كلنا بخير..اشتقنالك والله ..
حمدان : وانا بعد اشتقتلكم.. ها وين ديارج ..؟؟
الريم : افف لا تتخبر..
حمدان : ههه ليش وينج ؟
الريم : فالجامعه علنيه بلاها ..
حمدان : ههه وامبونج حفزانه عليها..من متى مداومين؟
الريم: امممم صارلنا اسبوع .. ههه ..
حمدان : اللي يشوفج يقول من دهور وانتي مداومه ههه ..
الريم : هههه ربك بعد ..
حمدان يتحمحم: احم احم اممم شحالهم ؟

الريم وتطالع اسوم وتستهبل ع حمدان : منوو هم ؟
حمدان : هههههه ريموه بصفعج..
الريم : هكم حذاليه شوي وعيونهم بتطلع ههههه ...
حمدان : هههه حليلها..سلمي ..
الريم ترمس اسوم : يا عبله يسلم عليج عنتره هههه ..

اسوم تقرصها.. مستحيه ..

الريم: آآآآآآآآآي..
حمدان : ههه بلاج ؟
الريم : منو غيرها هالشريه قرصتنيه هههه ...
حمدان : فديتها احم احم
الريم : شوووووووووووووووه؟؟ ههههههه
حمدان :ها ماشي ههههه ..
الريم تبا تقهر اسوم : لو تسمعك احين ههههه

اسوم تأشر حق الريم بمعنى شو يقول ..؟

الريم: ههههههههه يونه يبون يعرفون شو تقول..
حمدان : ههه اسميج مفضوحه ..
الريم : هههه فديتنيه ..
حمدان : يلا عيل سلمي ع الاهل كلهم ..
الريم مبتسمه : ان شالله سلامن يبلغ ..
حمدان : فداعة الله ..
الريم : الرب حافظ ..

الريم اول ما بندت أسوم طاحتبها: يالخايسه والله انج ماتستحين ..
الريم: ههههههههههههههه شسويت .؟؟.
اسوم : حليييييييلج انتي بريئه مووول ماسويتي شي..
الريم:ههههه حياتي انا حاسه بشعوركم خليني أفرحكم ..
اسوم : ههههه مالت عليج ..
الريم :تعرفين شو قال؟
اسوم : لا
الريم : هههه عيل هب قايله ..
اسوم : هههههه نذله انتي..
الريم :عاد احين صدق مابقول..
اسوم : لالا خلاص التوبه ..يلا قولي ..فديتج والله ههه ..
الريم : قااال.. قااااااااااال..أقول؟
اسوم : يلا خلصينا..
الريم :احم احم كم تدفعين ههههههههه
اسوم :خلاص مابغي اعرف..
الريم: ههههه خلاص بقول..

اسوم تطالع الريم بعين ..

الريم: ههه قال ياطويلة العمر فديتها..
اسوم فاجه عينها: هآآآ؟؟
الريم: هههه يلا يلا الكلاس بيبدا أحين ..
اسوم مستحيه: ههههه يلا ...


البنات راحن الكلاس .. عقب ما خلصن دقن حق الدريول وردهن البيت ..




بيت بو فلاح


فلاح توه داخل البيت .. لقاهم كلهم يالسين في الصاله ..

الريم : امييه امييه دخيلج لا ترمسين .. انا بخبره ..
أم فلاح : هههه الله يستر منج..
الريم : بس خلاص خلكم حزينين ههه ..
منصور: انزين فكينا ..


فلاح: السلام عليكم ..
الكل : وعليكم السلام ورحمة الله ..
فلاح : بسم الله بلاكم جيه تقول حد ميت عليكم ههه ..
أم فلاح : والله يا فلاح العرب ردو علينا ..
فلاح حفزان : ها بشرووا.. شو قالو؟
الريم : فلاح ترى كل شي قسمه ونصيب..
فلاح :يعني رفضوا .. !!

الكل تم ساكت .. ويطالعون بعض ...

فلاح : عن اذنكم انا رايح حجرتيه ..

فلاح توه يقووم إلا الريم تربع ورااه تلوي عليه .: مبروووك فلاح البنيه وافقت ..

فلاح هب مصدق: حلفيي؟
الريم : هههه والله ..
فلاح مستانس: وشعنه مخليني ع اعصابي ههه ..

أم فلاح تنش تسلم ع ولدها : يلا بالبركه ان شالله ..
فلاح : الله يبارك فيج يا اميه ..
منصور : له له اخوويه معرس.. <<ويوايهه ..
فلاح : ههه شفت عاد ..
أم فلاح : يلا مابقى إلا تحددون يوم الملجه ..
فلاح : هالخميس مررره ..
منصوور: هههههه حشا ماشي تفاهم ..
الريم : وين تبا انت البنيه يبالها لي ما تتزهب ههه ..
فلاح:ههه مشكلتها مايخصنيه ..
أم فلاح : خلاص عيل بخبرهم وان شالله ربك يتمم ع خير ..
فلاح : هي بس بشوف حمدان و هادف قبل..
أم فلاح : هيه زين تسوي.
فلاح : ويت بدق له احين ..
الريم:هههههه حشا ..
فلاح : هههه جب انتي..

فلاح يدق حق حمدان .. حمدان كان راقد عندهم ليل ..وفلاح يدق ويدق.. آخر شي حمدان رد وهو دهمان : همممم..

فلاح : حوووووه راقد شووه ..؟؟
حمدان فز من سمع صوت اخوه: هههه ها نشيت بسبتك ..
فلاح :هههه اتحرى بعد ..شحالكم ..؟؟
حمدان : الحمدلله مانشكي باس ولا لوعة ياس.. ومن جداك؟
فلاح : انا عااااااااال العال هههه ..
حمدان : ها اشوفك مستانس شعندك؟
فلاح : احم احم الحرمه وافقت ههه
حمدان: له له هههههههه مبرووووك ..
فلاح : الله يبارك فيك ..ههه ..انزين اخبرك..
حمدان : آآمرني يالمعرس..؟؟
فلاح : الصراحه انا حفزان .. وابغي املج ههه .. اممم نفكر نملج هالخميس شرايك ..؟
حمدان : والله شي طيب.. توكلو على الله .. ومن صوبنا لا تحاتون .. ماعليكم .. تدري نحن هالفتره مشغولين نستعد حق الامتحانات .. يعني ماظن نقدر نيي الامارات ..
فلاح: يلا ربيه يعينكم .. مرخصنيه يعني..؟
حمدان: ههه مينون انا مارخصك..اخاف تموت علينا..
فلاح: ههه وياويهك ..
حمدان: يلا عيل بالبركه ..
فلاح: الله يبارك فحياتك ..عقبالك .. احم احم ..
حمدان:ههه علنيه بلى فضايحك .. استر يا ريال ههه .
فلاح: هههه ان شالله ..يلا عيل كمل رقادك ..فداعة الله ..
حمدان : ههه اوك ..الرب حافظ ..

بند فلاح عن حمدان وهو مستانس..

فلاح : مرخصنا..يلا اميه دقي حق العرب.. ههه ..
ام فلاح : اسميك ياوليدي ههه ..باجر ان شالله ..
فلاح : شو يصبرنيه انا..؟؟
الريم : ربك ههه ..
فلاح : ههه يلا الرب يصبرنيه ..
الكل يضحك ع فلاح ..

منصور ينش : انا بسير حجرتيه عن اذنكم ..
الكل : اذنك معاك ..

منصور روح حجرته .. يلس يتذكر حور.. ماشالله عليها هالبنيه ذربه .. آخ لو تكون من نصيبي.. ههه ولا حصوه بتبناها انا هههه ..
منصور يالس يحوس بأفكاره .. عقب يلس ع النت يسولف ويا ربعه ..



يوم اليمعه [ بيت بو فلاح ]

ام فلاح محتشره .. عازمه يارتها وعيالها ع الغدا .. توهم منتقلين فلي هزاع ..

أم فلاح : الريم سيري شوفيهم خل ينظفون الميلس ويحطون القهاوي والفواله ..
الريم : ان شالله يا اميه ..

فلاح سار السوق يشتري ذبايح وباجي الامور .. وأم فلاح تعابل فالطبخ .. عقب صلاة اليمعه كل شي جاهز .. الريم راحت فوق عسب تبدل وتتسبح ..

الريم : خل ادق حق اسوم قبل..

تدق الريم حق اسوم :الوو ..
اسوم : مرحبا شحالج ؟
الريم : الحمدلله ومن جداج ؟
اسوم : الحمدلله بخير ونعمه ..
الريم : اسوم يلا متى بتون..؟؟
اسوم: ههه احين بطرش عباتيه صوب البشكاره تكويها ..ذلتنيه بارده ..
الريم: ههه امبونها بشكارتكم عبيطه ههه ..يلا انزين لا تتأخرون ..
اسوم : ههه ان شالله ..ادريبج لانج تستحين تدخلين روحج..
الريم: ههه محد فاهمني غيرج ..
اسوم: احم احم ههه ..
الريم: ههه يلا عيل فداعة الله ..
اسوم :الرب حافظ ..

الريم راحت تسبحت وكشخت .. وطالعه غراام .. شوي إلا أسوم تييها .. يلسو يسولفون عقب يت البشكاره تزقرهم لان العرب يو ..

الريم واسوم نازلات .. راحن الصاله يسلمن ..

الريم واسوم :السلام عليكم
الكل : وعليكم السلام ورحمة الله وبركاته ..
أم هزاع تسلم ع الريم : مرحبا مرحبا بنتيه شحالج ؟
الريم : الحمدلله ..انتي شحالج خالوه ؟
ام هزاع : الحمدلله بخير ونعمه علنيه فداج ..

أسوم تسلم ع أم هزاع وعقب سلمن ع بنتها ويلسن ..

أم هزاع ترمس أم فلاح : عيل هاي بنتج ؟
أم فلاح : هيه نعم هاي بنتيه الوحيده الريم ..
أم هزاع : ماشالله عليها ربيه يحفظها..وهاي بنتج أم غيث؟
أم غيث: هيه هاي بنتي أسما.
أم هزاع : ماشالله عليهن ..<<وترمس البنات .. : صف كم انتن ؟

الريم مبتسمه : خالوه نحن هالسنه مخلصين .. احين نحن اول سنه فالجامعه ..
ام هزاع : ماشالله عليكن عيل شرى حور بنتيه ..

حور مبتسمه ..

الريم ترمس حور: اوونه عيل ماشوفج ..
حور مبتسمه : هيه حتى انا اول مره اشوفكم ..
اسوم : عيل خلاص بنتلاقى فالجامعه دوم ان شالله ..
حور: ههه ان شالله ..

الريم : منو هالبنوته الحلوه ..
حصوه : اناا حصوووه الحلوه ..
الريم: ههه فديتج والله .. تعالي عنديه ..
حصوه : بتعطيني حلاوه بيي..
الريم: ههه تعالي بعطيج..

حصوه مستانسه وسايره صوب الريم..

الريم تشلها وتحطها ع ثبانها : يلا حبيني ..
حصوه تحب ريموه ع خدها..

الريم: ههه فديتج والله ..
حصوه : انتي شو اسمج ؟
الريم : اسمي الريم ..
حصوه : انتي حلوه احلى عن حوواري ..

الكل يضحك عليها ههههه

الريم : لا حتى حواري حلوه . ههه
حصوه : لالا .. هب حلوه ..
الريم : ههه فديتج ..

أم فلاح : يلا عيل قربو تغدوو ..

الحريم شلو عمارهم وراحو يتغدون ... عقب الغدا يلسو فالصاله سوالف وضحك ..
حصوه : ماماتي ابغي مااي..
أم فلاح : الريم سيري خليهم اييبون ماي..
أم هزاع : لا ماعليه .. حور بتسير .. قومي يا اميه ..
حور : ان شالله ..
ام فلاح : الله يهديج يا ام هزاع .. هناك المطبخ يا اميه [وتأشر ] هاك الصوب..
حور مبتسمه : هيه خلاص عرفته ..

حور سايره المطبخ ..وكانت متحجبه بس .. دخلت المطبخ وما انتبهت انه حد موجود .. وفجأه بطلت عيونها منصدمه .. منصور حس بحركه وراه صد : حووووووووووور ؟؟؟

طويلــهـ قصــهـ عيونــكـ وانا عمريـ بها موجــود
تعيشنـــي الأمل " لحظــــه " وتكسر حاجز الواقع
يقولون من قديم الوقت (( من سافر مصيرهـ يعود ))
وانا سافرت بــ عيونــكـ ولا ادري متى راجــــــــع

البارت _20_

حور سايره المطبخ ..وكانت متحجبه بس .. دخلت المطبخ وما انتبهت انه حد موجود .. وفجأه بطلت عيونها منصدمه .. منصور حس بحركه وراه صد : حووووووووووور ؟؟؟

طويلــهـ قصــهـ عيونــكـ وانا عمريـ بها موجــود
تعيشنـــي الأمل " لحظــــه " وتكسر حاجز الواقع
يقولون من قديم الوقت (( من سافر مصيرهـ يعود ))
وانا سافرت بــ عيونــكـ ولا ادري متى راجــــــــع

حور ما عرفت شو استوالها .. يلست تطالع منصور !! ومنصور يناظر فعيونها وهو ساكت ..!!

منصور : سمحيليه الشيخه .. فداعة الله ...

منصور ظهر من المطبخ وحور شوي وبتصيح ويهها قافط .. يآآالله شو السالفه وين ما روح اشوفه !! يآآربي ليش يستويلي جيه لييييييش !!

حور خذت ماي وشلت عمرها وراحت صوب الحريم .. عقب الريم واسوم شلوها وياهم فوق ويلسو يسولفون فحجرة الريم ..وخطف الوقت وماحسوبه

منصور ظهر سار صوب الرياييل .. يالس وياهم بس فكره مول هب وياه .!!

عقب ماروحوا العرب منصور دش الصاله لقى الريم روحها يالسه تطالع التلفزيون..

منصور : شو الاخت اشوف ماشي عندج شغله هههه
الريم: ههه والله ماشي شغله .. عاد اليوم منهد حيليه .. بس الصراحه استانسنا..
منصور : حلوو والله ..
الريم : ماشالله عليهم صدق ينحبون .. تصدق بنتهم ظهرت كبريه اول سنه فالجامعه ..
منصور: ماشالله ..شي طيب والله .. الله يعينها عليج ههه ..
الريم: هههه وياويهك... هاي يزاتيه اني فكرت أخطبها لك ..
منصور: ههههه زخي عمرج عن تخطبين لي..
الريم : هههه هيه والله ..البنيه ظهرت مخطوبه وهالاسبوع ملجتها..


منصور: شووووه؟؟
الريم: بلاك منصور..؟

منصور ساكت هب عارف شيقول..

الريم: منصور شفيك انت .؟
منصور: لالا ماشي..
الريم:منصور عن الخريط انا اعرفك عدل..
منصور: تبين الصدق يالريم ؟
الريم:هيه..
منصور: انا الصراحه شفتها قبل..كنا سايرين المول انا وسواف جان نشوف بنتهم الصغيره ضايعه .. شليناها وعقب يت اختها تاخذها .. ومن يومها وهي داشه خاطريه .. حسيتها وايد ذربه ومحترمه ..

الريم فاجه عيونها هب مصدقه : علنيه فداك ياخوي ان شالله مليون غيرها..ولو ان البنيه ماتتعوض..
منصور: هيه والله عمريه ماشفت بنيه جيه شراتها أدب واخلاق ورزانه ..مع انيه ماشفتها قبل بس امبين عليها ..
الريم:هيه والله حتى انا وايد ارتحتلها. يلا ماعليه يامنصور..لا تضيج بعمرك..
منصور مبتسم : ان شالله .. يلا مب مشكله انا توني بأول الدرب.. وزين انج قلتيليه من احين ..
الريم : علنيه فداك .. انا بخطبلك رووويض ههههههه ..
منصور: هههههه لا دخيلج إلا هااي..
الريم : حرام عليك والله ههه..
منصور:حرام فالدرام .. ههه ..انزين انا بظهر احين ..
الريم: ههه اوك عيل.. هله هله بعمرك.
منصور: ان شالله اميه ههه ..فداعة الله..

الريم يلست تضحك ع اخوها .. عقب ظهرت تتمشى فالحوي تغير جو ..





لندن [ غرفة حمدان]


حمدان يالس هو وهادف يسولفون .. شوي إلا يدق رقم غريب ع فون هادف..

هادف: رقم منوه ها.. ؟
حمدان:انزين رد وشوف..
هادف: اوك ويت ..


هادف يرد: مرحبا..
البنيه : مراحب..
هادف: منوو ويايه؟
البنيه : هااادف؟
هادف: لبيه ؟
البنيه : اممم ماعرفتنيه ؟
هادف: لا الشيخه منو .؟
البنيه : أفأأ .. انا شوق..
هادف : آهاا.. حي الله شوق..
شوق : الله يحييك ..شحالك؟
هادف: الحمدلله بخير ونعمه .. ومن جداكم ؟
شوق: الحمدلله ..
هادف:دوم..

هادف سكت وشوق تمت ساكته ..

هادف: بغيتي شي الشيخه ؟
شوق: اممم بس حبيت اسلم عليك..
هادف: تسلمين الشيخه..

شوق اف ليش جيه جاف: الله يسلمك ..هادف؟
هادف: نعم!
شوق: اممم ممكن اشوفك اليوم ..؟
هادف بعبط: أوك متى؟
شوق مستانسه : اممممم أي وقت براحتك..
هادف: اممم .. اليوم انا وحمدان ظاهرين المول لي حذالنا..جان بتين انتي وربعج حياج ؟
شوق: امممم مايصير روحك؟
هادف: اممم ماعرف والله..في شي ضروري؟
شوق:امممم تقريبا..
هادف: اوك خلاص وين تحبين نتلاقا؟
شوق: اممم المطعم لي حذال الجامعه .. اوك ؟
هادف: خلاص عيل اشوفج عقب ساعه ..
شوق: ان شالله .. متولهه ع هاييج اللحظه بالقو ..

هادف سكت ..وشوق تمت ساكته ..

هادف:انزين عيل الشيخه فداعة الله..
شوق: اممم .. اوك الرب حافظ..

هادف بند عن شوق ويطالع حمدان بعبط .. وحمدان ناقع ضحك..هههههههههه

هادف: انت بعد بلاك تضحك؟
حمدان : ههههه سلامتك ..
هادف: هههه يالهرم ..
حمدان:سير اكشخ باجي ساعه ..
هادف: هههههههه جيه ساير اخطب..بتسير ويايه تراك..
حمدان: لالالالا بتاكلني بعيونها هههه ..
هادف: ههه اوك عيل..خلك .. انا ساير..
حمدان: موووفق خيووو هههه ..
هادف: هههه زول..

هادف بدل ملابسه وروح خطف ع السوبرماركت .. ووداهم الشقه .. وتداغش شوي ويا حمدان وظهر ساير المطعم ..

أول مادخل شاف شوق يالسه ع الطاوله ترقبه .. ع طول شافته وأشرلتله ..

هادف سار صوبها : مرحبا الساع ..
شوق كانت متضايجه ..ابتسمت من سمعت صوته : وبك زود ..
هادف ييلس : شحالج ؟
شوق: الحمدلله انت شحالك؟
هادف: الحمدلله بخير ونعمه ..
شوق: دوم يارب..
هادف : اممم أطلبلج شي؟
شوق: اممم لا مشكور..
هادف:لا مايصير .. عالاقل تشربين شي ؟
شوق: اممم ماعرف شراتك..
هادف:ههه شو شراتيه انتي تعرفين شو ابغي؟
شوق: هههه لا ماعرف.. بس انت اطلبلي شراتك وخلاص..
هادف: ههه اوك ..

هادف يأشر للجرسون ..

هادف: اكس كيوزمي 2 اورنج جوز ..
الجرسون :اوك ..

هادف: كيفج ابتلشتي انا ماحب غير الفرش ههه ..
شوق: حلاته والله ههه ..

هادف مبتسم ..

شوق: اممم هادف .. في شي مضايجنيه..
هادف: خير ان شالله .. عسى ماشر؟
شوق شوي وبتصيح : هادف أبويه !!
هادف:بلاه ابوج؟
شوق: أبويه من يوم عرفته عمريه ماحسيت بحنانه كأب.. كل همه الشغل وبس.. وكل ما قلتله شي طرشليه فلوس وقال سوي فيهن لي تبينه ..همه الفلوس وشغله وبس..ماعرف شسوي بعمريه والله ماعرف..
هادف: شوق لا تضيجين بعمرج .. ان شالله كل الامور بتتصلح .. حاولي ترمسينه ..تتفاهمين وياه!!
شوق: هاادف انا ياما حاولت .. اناقشه بهالموضوع..اتقرب منه .. وهو يتقرب بالفلوس بس..انا مابغي فلوس ابغيه هو .. ابغيه هو ..<<وتصيح

هادف هب عارف شيسوي : خلاص يا شوق لا تصيحين ..
شوق: أبوويه يبغي يبيعنيه لفلوسه يا هادف لفلوسه !!
هادف مستغرب: كيف يعني جيه ؟
شوق: يبغي إيوزنيه ربيعه ..
هادف: ربيعه ؟
شوق: هيه يا هادف ربيعه .. ربيعه شايب ويبغيني آخذه عشان الفلوس وعشان مستقبل شركته .. كل شي لجل الفلوس كل شي كل شي.. عمره مافكر فيني..

هادف ماعرف شيسوي وبدون مايحس حط يدينه ع يدين شوق لي كانت ع الطاوله : خلاص يا شوق لا تصيحين ..

شوق استغربت من حركة هادف.. طالعت يدينه لي بعدها ع ايده .. وتصيح ..

هادف: شوق دخيلج خلاص لا تصيحين ..
شوق تمسح دموعها وتهز راسها بمعنى ان شالله ..

هادف مبتسم : لكل مشكله حل .. وان شالله بنلقى حل لهالمشكله ..
شوق ترد له الابتسامه وترمس بالغصب: إن شالله ..
هادف: يلا يا آنسه شوق ممكن أحين تشربين العصير .. ولا تخسرينيه ع الفاضي هههه ..
شوق: ههه لالا بشربه ..
هادف : هيه جيه ابغيج ..ضحكي.. لا تستسلمين بسهوله .. انتي قويه يا شوق..

شوق تهز راسها بمعنى ان شالله وتبتسم .. هادف انتبه ع ايده ع طول شلها .. يآآرب انا شسويت .. والله ماقصد شي ..

هادف: يلا عيل ظهرنا؟
شوق: بتروح ؟
هادف: امممم انا لازم اروح احين شوق..وان شالله برمسج عقب..
شوق: وعد؟
هادف مبتسم:وعد ..بتمين ولا؟
شوق: اممم هيه بتم ..حابه ايلس روحي..
هادف: اللي يريحج ..يلا عيل شي فخاطرج ؟
شوق: سلامتك هادف..
هادف يدفع الحساب..وينش: الله يسلمج ...فداعة الله ..
شوق: فداعة الكريم ..

هادف توه بيروح ..شوق تزقره : هااادف!!
هادف صد صوبها : لبيه ..!!
شوق: هالله هالله بعمرك ..
هادف ابتسم : ان شالله ..

روح هادف وشوق يلست تفكر بهادف.. تفكر بحالها وشو بيستويلها.. تحاول تدور حل لهالمشكله لي ظهرتلها.!! آآخ ماعرف شسوي .. لو لا هادف انا ميته ميته !!

جامعة الامارات

اسوم : يالله وين ريموه تأخرت نبغي نخلص البروجكت ..
حور: والله ماعرف .. خل ندقلها ..
اسوم : اوك ويت ..

اسوم تدق حق الريم وكله يعطيها مغلق..

اسوم : شهالحاله لا يكون صارلها شي..
حور: لا ان شالله لا تفاولين عليها..ان شالله ماعليها شر..

شوي إلا ريموه يايه تربع : آسفه تأخرت عليكم ..
أسوم شوي بتصيح : ريموه انتي وينج ؟
حور:يلسنا نحاتيج ..
الريم يالله يالله تتنفس : آسفه .. آسفه والله بس منصور بنجرن عليه التواير. . وتأخرنا..

حور قلبها عورها ..

أسوم : آها.. سلامتكم عيل..
الريم تمت تصيح : الله يسلمكم ..
اسوم وحور تروعن : ريموه بلاج تصيحين ..؟
الريم : ماشي ماشي ..
اسوم : ريموه شو ماشي وانتي تصيحين ..
الريم تمسح دموعها : ماشي بس تروعت ع منصور ..وكنا بندعم .. وخليتكم تحاتون ..
حور تلوي ع الريم : خلاص ريماني حبيبتي ما صار شي..
اسوم : يلا فديتج سرنا..خل عنج ..الحمدلله ماستوى شي..
الريم : فديتكن..يلا سرينا...

البنات سارن يخلصن البروجكتات ماليلهن عسب يسلمونهن ..

الريم : اف اخيرا خلصنا ..
اسوم : هيه والله مابغينا..
حور كانت مضايجه وابتسمت ..

اسوم: غيث احين ياي بترابعنيه ؟
الريم : لا انا قايله حق اخويه اييني ..برايج ..
حور: والله انا من الصبح ادق محد يرد .. برايكن سيرن بدق بعدنيه ..
الريم : لا والله ما ادقين..ترى بيتكم حذال بيتنا تعالي ويايه ..
حور: ريموه .. !!
الريم: خل عنج ريموه .. بتسيرين .. جب ولا كلمه هههه ..
حور: ريموه استحي اركب ويا اخوج ..
الريم: جيه تستحين ترانيه وياكم ..
حور: ماعرف والله ..خلاص اللي تشوفينه..
اسوم:اوك عيل هذا غيث يدق شكله وصل .. تامرونيه ع شي..
الريم وحور : سلامتج ..
اسوم : فداعة الله ..
البنات: الرب حافظ ..

راحت اسوم .. والريم وحور يلسن فالريسيبشن يرقبن منصور اييهن ..
الريم : حواري تجهزتي حق الملجه ؟
حور: امممم يعني..
الريم : ههه شو يعني..باجر الملجه
حور: ماعرف والله ماعرف..
الريم :حواري فيج شي..من يومين وانا احسج موول هب ويانا ومضايجه ..
حور دمعت عينها: ماشي ريموه ..
الريم :حواري بلاج ؟
حور: ريموه انا مابغي هالريال لي خاطبنيه ؟
الريم : ماتبغينه ؟
حور: هيه مابغيه ..
الريم : عيل شعنه توافقين ..
حور: ريموه انا مول مارتحتله .. ولد عمي واعرفه.. عمري مارتحتله ..مغازلجي بالقو .. ويوم اني رفضت أبوويه حرج عليه .. وقالي انتي ما بتيلسين تتنقين فالرياييل ..
الريم : هيه بس انتي ماتبينه .. ليش جيه ..؟
حور تصيح : ماعرف ريموه ابويه امبونه شديد ..ولي حط شي فباله خلاص..
الريم : فديتج حواري لا تضيجين بعمرج ..ان شالله ما بيستوي إلا الخير..

شوي إلا منصور يدق..
الريم : هلا..
منصور:اهلين ..يلا ظهري انا برع ..
الريم .اوك يايين ..

الريم: يلا حواري ظهرنا..ولا تضيجين بعمرج غناتي..
حور مبتسمه : ان شالله ريماني..

الريم ظهرت ووياها حور..

حور ركبت وهي مووول مستحيه : السلام عليكم ..
منصور: وعليكم السلام ورحمة الله ..شحالج ؟
حور: الحمدلله ومن جداك ؟
منصور :الحمدلله بخير ونعمه ..

تمو عربانا طول الدرب ساكتين ومنصور كان يحاول يكابر ويبين انه خلاص نسى البنيه !!!.. عقب خطفوا حور بيتهم وروحوا ..

حور أول ما دخلت البيت لقت ابوها وامها واخوها هزاع ..

بوهزاع : مرحبا مرحبا ببنيتيه !!
حور توايه ابوها: وبك زود ..شحالك ابويه ؟
بوهزاع :بخير يعلج بخير..وشحال عروستنا ثرها باجر الملجه ..
حور ودموعها فعينها: أبويه !!
بوهزاع : آمري يا بنيتي؟
حور: ابويه انا مابغي الريال..
بو هزاع محرج: هب كيفج .. ولد عمج وأولابج من الغريب..
هزاع : يابوي دامها ماتبغيه خلاص.. ترى ها مستقبل هب لعبه ..
بوهزاع : انت اسكت ومالك خص..
هزاع :لا يا بوي..هاي اختيه وليه خص ..
بوهزاع وهو محررج : جب ولا كلمه .. اقطعها الرمسه اشوف..

هزاع ظهر محررج من البيت ..

بوهزاع : وانتي باجر ملجتج طيب غصب بتاخذينه بتاخذينه !!
حور تصيح : ابوييه مابغييه ماابغيييه !!

بو هزاع ينش وويطبع كفه ع خد حور لي كساه الدمع والقهر !!

سقى الله يوم انآ طفله !!
أنام ولاحدن قدي !!
ولا أحاكي هموم اليوم ولا انطر امل بكره !!
تداعب امي شعراتي وتمسح يدها خدي !!
ونومي هادي وساكن رعانا الرب في ستره !!
تداعب يدي الدميه وعندي هالزمن وردي
همومي لعبتي ضاعت وعندي همي شكبره
كبرت وزادت همومي واحس ان الزمن ضدي
كبرت ونظرت الطفله تعيش بداخلي فطره !!


البارت _21_

حور تصيح : ابوييه مابغييه ماابغيييه !!

بو هزاع ينش وويطبع كفه ع خد حور لي كساه الدمع والقهر !!

سقى الله يوم انآ طفله !!
أنام ولاحدن قدي !!
ولا أحاكي هموم اليوم ولا انطر امل بكره !!
تداعب امي شعراتي وتمسح يدها خدي !!
ونومي هادي وساكن رعانا الرب في ستره !!
تداعب يدي الدميه وعندي هالزمن وردي
همومي لعبتي ضاعت وعندي همي شكبره
كبرت وزادت همومي واحس ان الزمن ضدي
كبرت ونظرت الطفله تعيش بداخلي فطره !!

أم هزاع تنش صوب بو هزاع : لآ يا بو هزاع لا !!
حور منصدمه .. حاطه يدينها ع خدها وتطالع الأرض.. بوهزاع راص ع يدينه ويطالع حور !!
حور ما قدرت تتحمل الموقف ربعت حجرتها ويلست تصيح من الخاطر !!
آآخ يابوي ليش انت قاسي جيه ؟ ليش يابوي !! انا شسويت يا بوي .. شسويت !!

حور بحال لا يحسد عليه !! تحس عمرها مخنوقه .. وصورة أبوها فهاييج اللحظه لين احين تمر امبين عيونها !!
حور زخت دفتر مذكراتها ويلست تشخبط عليه بقهر .. ودموعها خرست الأوراق وتخالط الدمع ويا الحبر !!!

حور ع طول دقت حق الريم وهي تصيح ..

الريم : حواري بلاج .. ليش تصيحين ؟
حور : الريم ابوويه .. ابوويه بيذبحنيه .. مابغي اعرس مابغي..ماااااابغي يا ريم
الريم : فديتج حواري.. انا بسير اخبر اميه جان بتخليني أيي صوبكم أوك ؟
حور: ليت يالريم ليت .. آسفه ضيجتبج ..
الريم : أفا ياحور .. لا تقولين جيه نحن ربع ..
حور: فديتج ريمان..
الريم: خلاص حور انتي هدي وانا احين يايه ..فداعة الله..
حور: ان شالله.. الرب حافظ ..

الريم بندت عن حور .. وراحت صوب امها تخبرها..

الريم : إميه !
أم فلاح : ها يا إميه ؟
الريم : اممم اميه ابغي اسير صوب حور ..
ام فلاح : وشو عندج هناك ؟
الريم : ماشي اميه بس حليلها حور مضايجه قلت بسيرصوبها..
أم فلاح : واعليه عنها هالبنيه .. خبرتنيه امها عن السالفه .. سيري يا اميه زين تسوين ..
الريم : حد هني يوصلنيه ..

فلاح توه نازل : هيه انا هني وين إبها؟؟
الريم : صوب حواري بنت ييرانا..
فلاح : اوك عيل انا ظاهر بخطفج فدربي بس بسرعه انقفضي ..
الريم : علنيه فداك .. اوك دقايق..

فلاح يلس حذال امه يسولف وياها ..

أم فلاح : فلاح !!
فلاح : يالبيه!!
أم فلاح : لبيت في منى يا ولديه .. ترانيه رمست العرب..
فلاح مستانس : ها بشري..!
أم فلاح مبتسمه : امررره موافقين .. هالخميس ان شالله بتملج ..
فلاح مستانس يحب امه ع راسها : بشررج ربيه بالينه يا اميه ..
أم فلاح : علنيه فداك .. يلا عاد شد حيلك .. لازم تخلصون اموركم بسرعه ..متى فاضي نسير ناخذ الشبكه وهالسوالف !
فلاح : امررره اليوم ان شالله .. ع المغرب لان تدرين عنديه دوام ..
أم فلاح : هيه .. يلا عيل ان شالله المغرب نسير ..ونخلص امورنا..
فلاح : ان شالله يا اميه ..

الريم نازله : يلا فلاح انا خلصت ..
فلاح : يلا عيل اميه شي فخاطرج ؟
ام فلاح : هله هله بعماركم .
فلاح والريم : ان شالله .. مع السلامه ..
أم فلاح : ربي يحفظكم يا عياليه ..


لندن [ الجامعه ]

الشباب توهم مخلصين دوامهم وبيظهرون من الجامعه .. يالسين يتمشون وضحك وسوالف!!شوي إلا اتيي شوق!!

شوق: مرحبا شباب..
الشباب يصدون صوبها : مراحب ..
شوق وهي تطالع هادف : شحالكم ..؟
الشباب : الحمدلله بخير ونعمه ..
شوق: عسى دوم ..
هادف: شحالج شوق..؟
شوق مبتسمه : الحمدلله بخير.. شو ظاهرين ؟
حمدان : هيه والله .. تونا مخلصين ..
شوق وهي تطالع هادف جنه شي فخاطرها: حيكم .. انا احين عنديه كلاس.. عن اذنكم ..
هادف: شوق متى تخلصين ؟
شوق: امممم 12 ونص..
هادف: آها.. عيل أرقبج فالكوفي..
شوق طايره من الوناسه : امممم اوك خلاص..
هادف مبتسم ..
شوق: يلا عيل فداعة الله ..
الشباب : ربي يحفظج..

شوق روحت عن الشباب وهي مستانسه .. والشباب ظهروا يتمشون !


[شركة بو غيث الله يرحمه ]

فلاح قبل لا يروح دوامه قال بيخطف ع غيث يسلم ويشوف امور الشغل وياه ..

فلاح توه يدش المكتب : السلام عليكم ..
غيث رفع راسه .. اول ما شاف فلاح نش يوايهه : وعليكم السلام ورحمة الله .. مرحبا مرحبا..
فلاح : وبك زوود .. شحالك ربك إلا بخير ؟
غيث: الحمدلله بخير وسهاله .. انت شحالك ؟
فلاح : بخير و نعمه ربيه يعافيك..
غيث: عساه حالن مديم .. اقرب اقرب ..
فلاح : جريب طال عمرك ..ها شو الشغل وياك ؟
غيث: والله تمام .. الحمدلله الاوضاع وايد اوك احين..
فلاح : الحمدلله .. يلا ربيه يوفجك ان شالله ..
غيث: ان شالله .. اشتشرب؟.
فلاح : لالا طولي بعمرك انا رايح بس خطفت اسلم ..
غيث: لا مايصير يا ريال..
فلاح : حلفت عليك والله رايح انا مستعيل..وصح اخبرك ..الملجه هالخميس ان شالله ..
غيث: مبروووك مبروووك هههه اخيرا..
فلاح: الله يبارك فيك ههه ..
غيث: حيك والله ثرني بلحقك غرت ههه ..
فلاح : ههههه ارقبك عيل..زين عيل غيث.. تامرني ع شي؟..
غيث:سلامة راسك شيخي..
فلاح : الله يسلمك .. فداعة الله .
غيث: الرب حافظ..


[ بيت بو هزاع ]

الريم توها وصلت ظهرت لها البشكاره .. ودخلتها.. الريم لقت أم هزاع روحها فالصاله .. راحت صوبها تسلم ..

الريم : السلام عليكم ..
ام هزاع : وعليكم السلام .. مرحبا بالريم ..
الريم : شحالج خالوه ؟
أم هزاع : الحمدلله بخيروسهاله .. ومن جداج ؟
الريم : والله الحمدلله ما نشكي باس..
أم هزاع : عساه حالن مديم .. يايه صوب حور ..
الريم : ههه هيه والله خالوه .. وينها عيل راقده ؟
أم هزاع : والله مادريبها احيدها فحجرتها.. بسير ازقرلج اياها..
الريم : ماعليه خالوه لا اتعبين عمرج انا بسيرلها.
أم هزاع : برايج عيل يا بنيتي سيريلها ..
الريم مبتسمه : ان شالله ..

الريم سارت صوب حور فحجرتها .. دقت الباب ..

حور : تفضل..
الريم فجت الباب وابتسمت : زاد فضلج ..
حور نقزت تلوي ع الريم : رييماني فديتج .. شحالج ؟
الريم : ههه الحمدلله .. انتي شحالج ؟
حور مبتسمه : احمدالله ع كل حال..قربي ريموه..
الريم : جريب..
حور: والله استانست بييتج ..
الريم : فديتج والله ..خير حور شصاير خليتيني احاتيج .؟
حور : أبويه جبرنيه آخذ الريال .. وباجر الملجه يالريم باجر !!
الريم ماعرفت شتقول : واخوج وامج مارمسو؟
حور: إميه حليلها ما بيدها شي.. أبويه حالف عليها بالطلاق لو تدخلت .. وهزاع رمس وابويه حرج عليه وظهر من البيت .. آآآخ يالريم احس عمريه ضايعه ضايعه <<<وتصيح..
الريم : فديتج حواري خلاص لا تتضايجين ان شالله ما يتسوي إلأا الخير..
حور: خلاص يالريم انا باخذه مابغي اخسر هليه عشان ريال خلاص خلاص..

الريم تلوي ع حور وحور تصيح .. الريم يلست تهديها لين ما هدت حور ورقدت من زود التعب والصياح !!

وتحت فالصاله هزاع توه داخل .. سار صوب امه : مرحبا اميه ..
ام هزاع : هلا يا اميه .. وين سرت يلست احاتيك..؟
هزاع : هالبيت ضيج سرت افتر بالسياره ابرك ..

أم هزاع حز فخاطرها وسكتت ..
هزاع : شصاير يا اميه ؟
أم هزاع : والله ياولديه ابوك معند .. وامرره هب معطي البنيه فرصه .. حور اللي عمرها ما انضربت .. طبع كفه اليوم ع خدها واعليه عنها..
هزاع محرج : شووووووووووه !!
أم هزاع : خلاص ياوليدي هدي.. مهما كان ها ابوها..
هزاع : الابو عمره ما كان بالهقساوه .. انا ظاهر صوب حور..

أم هزاع تبغي توقفه ما قدرت .. يلست تصيح ع حالها وحال عيالها ..

هزاع سار صوب اخته وامره هب شايف شي.. هزاع الولد الوحيد ووايد يحب خواته حور وحصه .. أول ما وصل الحجره .. دخل ع طول بدون ما يدق الباب !!

هزاع انصدم .. ماتوقع ان حد عند حور.. مايحيد ان حد ايي عندها.. شاف الريم يالسه ع الشبريه وحور راقده ..الريم ع طول صدت صوب الباب ..

هزاع : آآ .. آآآسف سمحيليه ..
وظهر هزاع .. والريم منصدمه هب مستوعبه شي !!

هزاع ماعرف شيسوي ويهه قافط .. دخل حجرته وهو محرج وبند الباب !!



لندن [ الجامعه \ الكوفي ]

شوق من خلصت ع طول راحت الكوفي .. لقت هادف يرقبها .. ابتسمت وسارت صوبه !

شوق: تأخرت عليك؟
هادف مبتسم : لا عادي..

شوق يلست وتمت ساكته ..

هادف : ها شو سويتي اليوم ..؟؟
شوق: والله ماشي هالدكتور غلس هههه .. ماصدقت خلص..
هادف: ههههه .. حيج والله ..شوق!!
شوق: آمر؟
هادف: شستوى بالسالفه !!سويتي لي قتلج عليه ؟
شوق: هيه أمس عقب ما بندت عنك ع طول دقيت لأبوي وتفاهمت وياه ..
هادف مبتسم : ها بشري..!!
شوق: الحمدلله .. اقتنع .. والله يا هادف انا مادري شو كنت سويت بدونك..
هادف: أفا ها واجبنا ..كلنا عندنا مشاكل .. ونحتاج دوم لحد يوقف ويانا..
شوق: هادف .. متى بتخبرني انت شفيك؟
هادف: اممم ماعرف والله ..
شوق: دخيلك قولي احين .. والله من متى وانا احاتيك..
هادف: امممم بقول بس بشرط ؟
شوق: هههه بعد يتشرط ..
هادف: هيه شو تتحرين هههه ..
شوق: آمر انت..
هادف: امممم خبريني..من فتره كنتي تبين تقوليلي شي عقب قلتي عقب.. شو كان هالشي ؟
شوق ارتبكت ..يلست تطالع حولها ..

شوي إلا فون هادف يرن ..

هادف: سمحيلي شوي شوق..
شوق: بالحل شيخي.
هادف يبتسم لها ويرد ع الفون : مرحبا مشعل..
مشعل: هادف انت وينك .؟
هادف: هني فالكوفي ليش؟
مشعل: تعال ياخي حمدان طاح عليه حرارته وايد مرتفعه ونحن احين فالمستشفى..
هادف بخوف :خلاص انا ياي احين ..

ويبند عن مشعل : سمحيلي شوق انا بسير احين ..
شوق: خير هادف شصاير.؟
هادف: ماشي بس حمدان تعب مادل شفيه .. حراره ظنتيه ..
شوق: آها سلامته ان شالله ..
هادف: الله يسلمج .. أشوفج باجر اوك؟
شوق: اممم خلاص..
هادف: فداعة الله..
شوق : الرب حافظ ..

هادف ع طول دقها سلف ورايح صوب حمدان .. كانت حرارته وايد مرتفعه .. ركبوله مغذي كم ساعه عقب ردو الفندق.. وكانت صحته احسن عن قبل الحمدلله ..وطاحوبه الشباب طيحه الدلوع والدلوع هههه ..



[ يوم الخميس ]

اليوم الخميس .. بيت بوهزاع ربشه وبيت بو فلاح بعد !! اليوم ملجة حور ع ولد عمها محمد وملجة فلاح ع عليا .. المناسبه فرح !! والنفوس حيرانه !!

هل فلاح ماشالله عليهم الكل مستانس بملجة ولدهم !! وبيت بوهزاع مخيم عليه الحزن ..

أم فلاح وعياالها ناشين من الصبح .. يرتبون امورهم يالله يالله يلحقون ..
الريم من أذن الظهر قالت بتخطف تشوف حور هي واسما عقب بيسيرن الصالون ..

أسوم : حليلها حواري والله إنها غامضتنيه ..
الريم : هيه فديتها .. يلا ان شالله الريال يظهر اوك .. وترتاح فحياتها ..
أسوم : ان شالله يارب ..

الريم واسوم توهن واصلات بيت بوهزاع .. نزلن سلمن ع أم هزاع وسارن صوب حور ..
دشن عليها الحجره يونه يخوفنها : بووووووووووو
حور كانت منسدحه ع الشبريه وسرحانه : بسم الله الرحمن الرحيم ..

اسوم والريم نقزن صوبها ع الشبريه ويضحكن ع شكلها ..

الريم : جيه شايفه ينيات ههههه
اسوم: شكلها.. يلا روحنا.. هههه
حور: هههه فديتكن والله .. استانست وين تروحون ..بس روعتونيه ههههه ..
الريم : فديتج والله .. شحالها العروس..؟

حور واختفت ملامح الفرح فويهها وبابتسامه حزينه : الحمدلله ..
اسوم : حواري حبيبتي لا تتضايجين .. ان شالله ربي مكتب لج الخير فهالشي..
حور : ان شالله يارب..

الريم تغير الجو : ها متى بتخربطين ع و يهج .. ولا تبين نخربطلج .. ههههه
حور: هههههه اتخيل..
اسوم : افا عليج .. بنخليج احلى عروس هههه ..
حور: فديتكن والله .. بتيني حرمه تعدلنيه عقب شوي..
الريم : حيج والله .. انا كنت ابغي حرمه تيني بس هالعنز اسوم ماطاعت تبا تسير الصالون هههه ..
اسوم : منو العنز يالبقر هههههههه ..
حور: ههههه والله انكن .. مووول ماتعقلن ..
الريم : خووزو عنها العاقل تراج الا شراتنا ولا بتعرسين خلاص.. هههه
حور: ههههه يمكن ..

اسوم والريم يلسن ويا حور شوي .. سوالف وضحك .. حور حست شوي براحه .. واستانست .. عقب ترخصن عنها وراحن الصالون ..



[ ملجة فلاح ]

الريم كانت وآيد حلوه وكيوت .. كانت لابسه مخصر وردي هادي.. وفاله شعرها ومسويه بف خفيف من فوق .. ومكياجها وايد هادي بعد .. واسوم لابسه مخصر عنآبي وعليه كرستال صوب الخصر. ومسويه تسريحه ع فوق شوي.. ماشالله عليهن كانن وايد حلوات .. ومشتغلات رقص ماشي شغل هههه .. وحليلهن مستانسات ..

الريم : ههه بس اسوم تعبت ..
اسوم : ماشي يلا .. صبري بزقر رويض العبيطه هههه ..
الريم : هيه والله مشغلتنا من الصبح وهي متيلسه يونه هههه ...
اسوم تزقر رويض: رووووووويض تعالي..
روضه : هههه شو عندج؟
اسوم : يلا اشتغلي..
روضه : ههههه شوه ؟
اسوم :يلا رقصي واقفه جيه جنج لوح .. ههههه
روضه : هههه مابا استحي...
اسوم : والله ترقصين <<< وتسحبها ترقص غصب..

تمن البنات رقص وجيه مستانسات .. شوي إلا يدخلون العروس ..ماشالله عليها كانت وايد حلوه .. يلست شوي .. صوروها وجيه .. عقب قالو بيدخلون المعرس

أم فلاح : بنات المعرس بيدخل ..

البنات والحريم تسترن ودخل المعرس..

عليوه من النوع اللي وايد يستحي.. اول ما دخل المعرس..يدينها ترجف .. فلاح دخل حبها ع يبينها .. وقف حذالها .. لبسها الدبله .. ويلسو تصوير وما تصوير .. وفلاح كل شوي يصد يطالع عليوه .. وعليووه مووول مستحيه هب عارفه وين تودي عيونها ..

فلاح : أقوووول..
عليوه فخاطرها من اولها يتحراني واحد من الربع : لبيه ..
فلاح : آآآخ .. هههه طالعيني!

عليوه مستحيه وتطالع الارض...

فلاح : لالا انا بظهر ..
عليوه ع طول صدت صوبه ..وفجت عينها..

فلاح ناقع ضحك : ههههه اخيرا.. لو ادري من زمان قتلج بظهر هههه .. فديتج والله .
.
عليووه استحت ع طول صدت يونه تلعب بالدبله ..



[ملجة حور]

اللي تعدل حور متلعوزه .. كل ما تحطي الجحال حور تصيح وتخربه .. آخر شي حور استحت وزخت عمرها .. لين ماخلصتها الحرمه .. وأحين الوقت لي بينزلون حور فيه !!

الصاله ممزوره حريم .. حور متروعه .. أمها يايه عندها: يلا يا بنيتي يرقبونج ..
حور تطالع امها والدموع فعيونها : اميه مابغي مابغي..
ام هزاع : فديتج يا اميه لا تعذبيني زود ..
حور تحب امها ع راسها : يلا يا اميه .. .نزلنا..
أم هزاع : علنيه فداج يا بنتي.. ربيه يهنيج ..
حور مبتسمه : آمين ..

حور تنزل من ع الدري.. والحريم من اول ما نزلت وهن يذكرن ربهن ع جمال حور !! صدق ماشالله عليها اسم ع مسمى !! نزلت حور والحيا مغطيها .. يلست بهدوء.. شوي إلا المعرس داخل ..

حور حست بألم .. هب قادره تشوفه حتى .. وهو ولا ع البال !! دش سلم عليها ووقف .. عقب لبسها الدبله .. ويلسو يصورون .. محمد كان يحاول يرمسها بس هي ترد بكلمتين وتسكت .. هب قادره ترمس ولا تطالعه ..


خلصت الملجه ع خير!! الكل بارك لهله وعياله ... فلاح مستانس ولا حدن قده .. وعليوووه ميته من المستحى بسبته !! وحور حاسه انها بسجن مؤبد مستحيل تظهر منه .. أول ما خلصت الملجه .. سلمت ع خوها وابوها ولا قدرت تحط عينها بعينه وهو ولا ع البال !! راحت ع طول الحجره ويلست تصيح !!

لندن [ عند هادف وحمدان ]

هادف توه مبند عن شوق ، ظاهر يرمس حمدان لي كان متسدح يطالع التلفزيون : حمدان انا ظاهر؟
حمدان : ها وين؟
هادف: ماشي الكورنيش لي حذالنا شوق بتي..
حمدان : أشوف كثرن طلعاتك ويا هالشوق..
هادف: هههه وياويهك .. لا تخاف ما امبينا شي..
حمدان : ههههه ادري انزين .تعال شصار بسالفة ابوها..؟
هادف: الحمدلله حلو المشكله ..
حمدان : زين والله لو انا دفنت ابوها هههه ..
هادف: وياويهك ههه .. يلا انزين انا ظاهر..
حمدان : الله وياك سلم ..
هادف: يبلغ..

ظهر هادف الكورنيش ولقى شوق ترقبه .. سار صوبها سلم ويلسو تمشون !!

هادف: صح يسلم عليج حمدان الطفس..هههه
شوق: هههه الله يسلمه .. شخبار صحته احين ؟
هادف : الحمدلله بس شوي بلاعيمه ..
شوق: الحمدلله ..
هادف : يلا ما قلتيلي...
شوق :شو ماقلتلك..؟؟
هادف: مشكله العيايز ههههه ..
شوق : وياويهك منو العيوز ها ههههه ..
هادف: يدوه هههه يلا نسيتي الشرط .. ولا ها مابقول؟
شوق: لالالالالا خلاص خلاص بقول..
هادف: هيه توج حرمه ههههه ..
شوق: لا والله .. عيل شو كنت هههه ..
هادف: هههه رياله ..
شوق: مابا زعلت لا ترمسني..
هادف: ههههه لالا خلاص التوبه ..
شوق : هيه احين انت اوك..هههه
هادف: ههه .. يلا عيل شواقي قولي شو فخاطرج ؟

شوق استحت اول مره يقولها شواقي: امممم ماعرف..
هادف: لحوول.. يلا صدق قولي..
شوق: هادف !!
هادف: لبيه !!
شوق وهي مستحيه ومتردده : هادف أنآ.. أنآآ .. أحبك !!

اي والله ~ احبك ..
وحبي لك شريف / !
ماهو{ بحب اهل ..
المصالح والكلام ،
انا نظيف ~ ولا احب ..
إلا النظيف .. !
عز الله / ان له قلبي .. }واسمى احترام .. !
ياما { تقاسمنا على ’,
قطعة رغيف ..
وياما / تقاسمنا الهوى ~ !
قطعة غرام / !
بس ان وضع الحظ ..
بيدينا / ضعيف ..
ماعاد " باقي منه "
ياكود العظام !

البارت _22_



شوق: هادف !!
هادف: لبيه !!
شوق وهي مستحيه ومتردده : هادف أنآ..أنا,,, أحبك !!

اي والله ~ احبك ..
وحبي لك شريف / !
ماهو{ بحب اهل ..
المصالح والكلام ،
انا نظيف ~ ولا احب ..
إلا النظيف .. !
عز الله / ان له قلبي .. }واسمى احترام .. !
ياما { تقاسمنا على ’,
قطعة رغيف ..
وياما / تقاسمنا الهوى ~ !
قطعة غرام / !
بس ان وضع الحظ ..
بيدينا / ضعيف ..
ماعاد " باقي منه "
ياكود العظام !

هادف هب مستوعب .. يطالع شوق .. مايعرف شيقول !! شوق ارتبكت .. ما عرفت هي شقايل ظهرت هالكلمه !! يآآآرب انا كيف قلتها كيف !!

الكل ساكت !! والصمت مخيم عليهم !!

شوق: آسفه هادف ..
هادف طالعها وابتسم : آسفه ع شو؟
شوق ودمعتها ع خدها: ماعرف ماعرف..
هادف : بس ياشوق !!

شوق تطالعه وهب قادره ترمس.. تطالعه بنظره تقوله فيها بس شوو !!

هادف: شوووق انا اعتبرتج اخت لي مب اكثر !!

شوق نزلت راسها ما عرفت شتقول..

عقب طالعته وابتسمت : هادف خلاص انسى لي قلتلك اياه .. انت وعدتني تخبرني انت شوفيك؟
هادف: امممم بصراحه يا شوق ماعرف شقولج ..
شوق: امبلا بتقول.. انت وعدتنيه !!
هادف: ماعرف ماعرف شوق.. انتي جيه صعبتي عليه ..
شوق: صعبت عليك شو؟
هادف: خلاص شوق انسي السالفه !!
شوق: هادف لا.. انت وعدتنيه !
هادف: شوق!!
شوق: خلاص شكلك ما تبا تقول عن اذنك ..

شوق توها تنش .. هادف زخها من يدينها : شوق خلج !!

شوق يلست بهدوء وهي تطالع الارض..

هادف: شوق انا بخبرج السالفه !
شوق: وانا ارقبك ترمس يا هادف..
هادف: شوق أنا .. أنا احب يا شوق !!

شوق مب عارفه شتقول .. يلست تطالع هادف.. تطالعه ودموعها تتراقص بعيونها.. تحاول تزخ شي ماتبغي تفقده !!

شوق بصوت مبحوح ومتقطع : انت تحب؟
هادف وهو يطالع يدينه : هيه يا شوق أحب ..
شوق: تحب منو؟
هادف: أحب بنت خالي..

شوق مبتسمه بالغصب: ربي يهنيك ان شالله .. والله اني اتمنالك السعاده .. وان شالله ربي إيمع امبينكم ولا يفرقكم ..
هادف بحزن: الامور امبينا موول هب اوك ..
شوق بحزن اكبر : أفاا ليِش؟

هادف: انا هالمشكله لي كنت أبغي ارمسج عنها.. الريم يا شوق اخت حمدان .. عسب جيه انا ماقدر اصارح حمدان بمشكلتيه مع انه هو ربيعيه الروح بالروح .. بس بصارحه بشوه.. يساعدنيه بشووه ؟.. أقوله انا احب اختك !! حتى لو حبي لها بصمت هب حلوه !

شوق: كلامك صح .. بس انا لي اعرفه ان انتو ماتشوفون بنات العايله ولا ترمسونهم..
هادف: هيه يا شوق.. ماغلطتي .. بتيج السالفه ..
شوق تطالعه بلهفه تبغي تعرف السالفه: قول يا هادف.!!

هادف يلس يخبر شوق بمشكلته ويا الريم !! الحب اللي يموت مليون مره ولحدن درابه !! حب يذوق الحيا والمووووت فنفس الوقت !! حب ما عرف غير التعاسه !!


[ عند الريم ]

الريم يالسه روحها فحجرتها !! تحس عمرها مخنوقه !! هب عارفه ليش !! وكل ما تتذكر هادف تضيج زود !! لي متى بكابر لي متى .. وانا ادري اني اموت بثراه .. لكن آآآخ مشكلتيه يهون كل شي عنديه إلا الاهانه !! إلا الاهانه !! آآآخ ياهادف!!

الريم يالسه وتشخبط ع الأوراق .. حاسه بألم كبير ودمعها ع خدها همال ..الريم سرحت بأفكارها.. وهب حاسه بعمرها .. عقب طالعت الورقه لي تشخبط عليها انتبهت ان الورقه كلها امتلت بإسم [ هادف ] !!

اف اف خلاص انا كرهت عمريه كرهت عمريه .. الريم يلست تقطع الاوراق لي فيدها .. تقطعها وهي منفعله وتصيح ..زخت الورده الذابله لي يابها لها هادف .. وودموعها تزيد وتزيد .. يلست تردد بصوت مبحووح ..متقطع !!

تَعَالْ شفني ..
كُتله من الأحزان بغيابك . .
تَعَال شِفْني
شف وش اللي صار بأسبابك .!
ولاّ تدري .. !
لاتجي !
عادتي لغير " حزني " ما التجي . . !

الريم سكتت .. ويلست تطالع الورده.. وتتذكر كل لحظه مرت بها ويا هادف !! والالم يعصر قليبها وشوقها لهادف ذبحها !!




عند شوق وهادف [ لندن ]

شوق: يا هادف بس انت لي سويته غلط ؟
هادف: ادري..ادري يا شوق .. بس غصبن عني ماقدرت اتحمل !!
شوق: انت كان لازم تواجهها هب تسولها جيه وهي هب فاهمه السالفه !! انت جرحتها ..جرحتها يا هادف!!

هادف مضايج .. هب عارف شيسوي .. نش وربع صوب البحر .. وشوق تلحقه : هاادف ..هادف وين ساير ...؟؟

هادف يمشي ع البحر .. والماي غطا نص جسمه .. وهو هب حاس بعمره ودموعه ع خده من الالم ! الوقت كان ليل .. وهادف استغل الليل لجل يخبي معالم حزنه ودمعه !!

شوق تطالع هادف من بعيد وهب عارفه شتسوي .. الحمدلله اني عرفت انه يحب من احين .. لكن هادف ياما وقف ويايه .. انا لازم اساعده واوقف وياه لازم !!

شوق تطالع هادف .. هادف فعالم محد يدريبه !! آآآخ ليتج يالريم حذاالي لييييييييييت .. ليت يالريم !!

حَآوْلتَ أكَونْ أقوىّ مِنْ الليَ تَشوفه ,,
حآولْتَ أسَويْ كَلّ شيً أقولّــه ..
" لـكَـنْ " فـرقآكـَ ْ هدّ بـ الْقِلبَ ركْنينَ
واللّـه سترَ .. ماطاحَ قَلْبّيَ بـ طولـَهْ !



"
"
"


الأيام مضت بسرعه .. يا وقت الجد !! الامتحانات ع الأبواب !! الريم واسما وحور هالكات عمارهن بهالدراسه !! هادف وحمدان نفس الشي !! الكل يالس يستعد للامتحانات .. فلاح يجهز لعرسه .. خلاص مابقى شي ع العرس !! وعليووه مرتبشه فلاح وايد مستعيل ع العرس ومطفربها .. عاد هو وحركاته لي ما تخلص وانتي يا عليوه موتي من الحيا هههه .. غيث طبعا غيران من فلاح ربيعه .. غيث خطب رويض اخت عليووه وملج عليها .. والعرس ان شالله بيكون فنفس اليوم !!

الريم : اسووم والله اني متروعه من هالامتحانات ..
اسوم : هيه والله حتى انا ههه .. احس عمريه موووول مابييب غير f
الريم : هههه لا ان شالله .. بنييب A نحن قدها .. ولو مايبنا نييب B+ هههههه
اسوم : هههه انتي ماينخاف عليج الخوف عليه انا..
الريم : جب جب انتي ماشالله عليج شطوره بس اونج عاد ..
اسوم : هههههه فديتني والله .
الريم : طااعووو تتفدى عمرها ..
اسوم : ههههه تغارين ؟
الريم : لا حشا.. هب شراتج هب لاقيه من يتفداني قمت اتفدى عمريه هههههههه
اسوم : ويا ويهج .. درسي درسي احسن ..هههه
الريم : هههه يونه ادرس.. والله قاصات ع عمارنا يونه ندرس ... منو يولفنا نحن ..
اسوم : هههه صدق ريموه خلاص انطمي بندرس.
الريم : هيه والله جب .. يلا بندرس ماعرفج ..

اسوم سكتت يونه تدرس .. والريم بعد .. ما مرت إلا خمس دقايق إلأا وترفع الريم عيونها وتطالع اسوم .. وبنفس الوقت اسوم رفعت عيونها وطالعت الريم .. وو ينقعن ضحك .. هههههههههههههههههههههههههههه ..

اسوم : آآآخ بطني بطني.. ههههههههههه
الريم : هههههههههههه والله هب لايق علينا يونه ذربات ..
اسوم : اقولج ريموه ظهري ظهري درسي مكان ثاني..
الريم : ههه ويهج.. ها بيتكم .. انتي سيري اي مكان ..
اسوم : والله ماسير انتي سيري ..
الريم : اففف وين اسير؟
اسوم : سيري حجرة ريلج مسافر مابيي ههههههههههه ..
الريم: هههههه وياويهج يونه ريلج .. اوك بسير يلا بآآآي ..
اسوم:بآآآآيآآآت ..

اسوم ماصدقت ريم ظهرت يت بتدرس إلا وتفج ريمووه الباب : اسووومي درسي عدل هههههه ..

اسوم : هههه علنيه بلا خبالج اوك يلا زولي..

الريم راحت وناقعه ضحك واسوم نفس الحاله .. الريم اول مادشت حجرة هادف.. يلست تطالع كل زاويه فيها .. جان تلقى دفتر ع الطاوله .. مكتوب عليه عنوان بخط اليد : [ غرآمــــي ]

الريم ياها فضول إلا تقراه ..راحت صوبه توها بتقراه إلا تدش عليها اسوم ..
الريم تروعت ع طول عقت الدفتر ..وصدت صوب الباب ..

اسوم : هاااا شتسويييييييين اعترفي؟
الريم : هااا؟؟ لالا ماشي..
اسوم وتحرك حياتها : عليناا هاا ههههه
الريم : نذله ماحبج .. قومي ظهرنا..
اسوم : ههه فديتج والله .. يلا حاطين العشا..
الريم: امممممممم يوعانه والله هههه ..
اسوم : امبونج يالمصريه .. من يقولون امتحانات .. قلتي اللهم لك صمت ..
الريم: ههه استغفر الله .. احين انا جيه ..
اسوم : ههههه عيل شوتسمينه ها.. مووول ماتاكلين ..
الريم: هههه شسوي من الروع ..
اسوم : مالت ههه ..
الريم تدز اسوم برع : يلا يلا ظهرنا..

نزلن البنات تحت .. راحن يتعشن .. عقب يلسن شوي يسولفن ويا أم غيث.. وردن فوق يدرسن .. عقب دق فلاح حق الريم يخبرها إنه ياي.. عاد الريم ترخصت عنهم وروحت ..

فلاح : ها درستو ؟
الريم : هيييييييه امرررررره .. ههههه
فلاح : هههه والله انكن ... احيده باجر الامتحان ..
الريم : ههههه لا افا عليك درسنا..
فلاح : حيكن خلكن شرات عليوه علنيه فداها..
الريم : طاااع ها.. نحن احسن عن عليووه . ههه ...

فلاح يتمصخر ع الريم .. وقف السياره عينب : يلا نزلي..
الريم بعبط : ووووين ؟؟
فلاح : عيل تتمصخرين ع حرمتيه .. يلا يلا نزلي اشوف.. يلا..
الريم شوي وبتصيح : حووه انت بفش توايرك ترااه ..
فلاح : هههههههه فديتج والله اسولف.. بس ترا مارضى ع الحرمه ..
الريم : هههههههه فديتها عليووه ..
فلاح : وانا ..؟؟
الريم: وانت كله وانا ههههه
فلاح : الغيره يابوج .. ههههه ...
الريم : حيك والله هههه

فلاح والريم يلسو يسولفون فالدرب لي ما وصلو . ومن وصلو كلن راح حجرته ودقها رقاد !!




لندن [ الجامعه ]

هادف وحمدان ومشعل توهم ظاهرين من الامتحان ..

مشعل: افف بصراحه الامتحان صعب ..
حمدان : هب وايد صعب عادي..
هادف : ها انت يالدحيح هههه ..
حمدان : حرام عليكم .. ههه
مشعل: افف والله اني متفتف..
هادف: يلا خير ان شالله .. المهم خلصنا الامتحانات .. افف مابغينا ..
حمدان : هيه والله .. عاد هالسنه الصراحه بسررعه مرت ولا حسينابها..
هادف: صدقك.. سبحانه تونا إلا يايين لندن ههه ..
حمدان : آآآآخ ياني متووووله ع الدار ..
هادف: موووول لاتتخبر..
مشعل: هههههه عيل شنو تقولون عني انا اللي من كم سنه خايس هني..
حمدان : هههههههه يوم انت فاشل مشكلتك هههه ..
مشعل: هههههه حرام عليك .. وياويهك ...
هادف: هالاجازه بتردون البلاد ولا بتاخذون كوورس ..؟
حمدان: لالالالالا ماباخذ .. بعدين لا تنسى عرس غيث و فلاح ..
هادف: هيه والله .. يسد إنا ماحضرنا الملجه .. وانت مشعل بترد الكويت؟
مشعل : اممم ماعتقد ..
هادف: تعرف خاطريه تسافر ويانا أعرفك ع هلنا..
مشعل: ههه والله من كثر ما تتحجون عنهم ودي أشوفهم ..
حمدان : يا ريال انت معزوم ع العرس.. ودامك ما بتسير صوب هلك مالك عذر ..
مشعل: والله مادري شنو أقول لكم ..
حمدان : لم ثمك .. وبترابعنا هههههه
هادف: ههههه ما ايي الا بالعين الحمره ..
مشعل : هههههههههه علنيه بلاكم ..
هادف: ههههههههههه له له قام يرمس مواطن هههه
حمدان : خله يرمس.. يلا كمل كمل ..
مشعل : لا والله .. شنو تبيني اقول ؟
هادف: ههههههه خلاص ماشي .. لا تحوسلي لسانك تخرب اللهجه هههه ..
مشعل يكفخ هادف: انا بوريك هههههه ..
الشباب ناقعين ضحك ..





[ جامعة الامارات ]

البنات ظاهرات من قاعة الامتحان وهن متفتفات ..

الريم : اف شو ها والله صعب صعب..
اسوم : ههههههه والله سهل..
حور: هههههههه انا عادي حسيته نص نص..
الريم شوي وبتصيح : انا بروح فلاح يرقبنيه باي..
اسوم : ريموووووه تعالي .. حبيبتي لا تضيجين بعمرج .. ان شالله ناجحين ..
الريم : ان شالله بس ماعتقد ..
حور: لا تقولين جيه ريموه ..

الريم مبتسمه بالغصب..شوي إلا يدق محمد حق حور ..حور اول ماشافت الرقم عفست ويهها ..

اسوم :بلاج حورووه ..؟
حور: محمد!!
الريم : انزين ردي.. ولا تبينا نسير هههههه ..
حور : لا عادي.. بس مالي خاطر ارمسه ..
الريم : حواري لازم ترضين بهالشي وتحاولين تتقبلينه وتحسنين علاقتج وياه .. لمصلحتج حواري..
حور : ماعرف ريموه ماعرف.. والله موول مارتاحله ..

الريم واسوم سكتن ماعرفن شو يقولن .. آخر شي حور ردت : ألو
محمد : مرحبا مليوووون ..
حور: مراحب..
محمد : شحالج غناتي؟
حور: الحمدلله وانت ؟
محمد : الحمدلله دام الحور بخير..

حور تمت ساكته ...

محمد : شو الامتحان .؟
حور: زين ..
محمد : زين ولا نحوول ... ههههه ..

حور شوي وبتبند الخط ع ويهه ..

محمد :انتي بعدج فالجامعه ؟
حور: هيه ..وانت ؟
محمد : والله ماشي.. فالمول اغازل ههههههه ..
حور محرجه : اوك انا ببند احين ..
محمد : أفا ما تبين تسمعين صوتي مليتي..؟؟
حور: لا محمد بس ممنوع نرمس هني.. يوم بظهر برمسك ...
محمد : انزين حور أخبرج ..
حور: لبيه ؟
محمد : بخبرج منوو محمد راعي البقاله ؟
حور: لا..
محمد : عيل رمسيني عدل.. يونه محمد ..
حور: انزين شو تبغيني اقول ترى اسمك محمد ..
محمد : قولي حبيبي .. غناتي.. شي جيه ..
حور: ان شالله .. يلا عيل برايك ..
محمد : اوك يلا زولي..

حور ماقدرت تتحمل بندت وع طول يلست تصيح .. والريم واسوم يحاولون يهدونها وهب عارفين السالفه !! وحور غرقانه بدموعها !!

صَرْت مآ أحْسَ بــ عيْوني ..
مِنْ كَثٍر مآ أنَا بكَيْت !!
ومِنْ كَثّرَ مآدَسْتِ شَوكِكَ
صرْتَ مآ أحِسْ بـ ألَمْ !~

"
"

"
"



[ بيت بوعليا .. ]

عليا ورويض مرتبشات بالقووو .. خلاص ما بقى شي ع العرس.. يالله يالله يخلصن امورهن ..
توهن داشات البيت يايات من السوق ..

عليا : السلام عليج اميه ..
أم عليا : وعليكم السلام ورحمة الله ..
رويض: آآآخ يا اميه ضلوعيه تكسررت .. مايخلصنا هالعرس هههه ..
عليا : لو يسمعج غيث احين ههههههههه ..
أم عليا : فديتكن يا بناتي.. مالي غيركن فهالدنيا ويوم انكن ظهرتن وعرستن .. ظهرتن عنيه ويا بعض مره وحده .. وخليتونا انا وابوكم رواحنا ..
عليا : علنيه فداج يا اميه .. نحن مالنا غنى عنكم وان شالله بنزورج دوم وبتملين منا بعد ..
رويض: ههههه هيه حتى بنبات عندج هههههه ..
ام عليا : هههه فديتكن يا بناتي..ربيه يسعدكن ان شالله ..
البنات مبتسمات : آمين ويحفظكم لنا ان شالله ..
أم عليا: يلا عيل يا بناتي.. سيرن بدلن ونزلن الدهديه .. أبوكم توه ياي من الدوام تعبان .. انا بسير اغرف الغدا..
رويض : ان شالله يا اميه ..

راحن البنات حجرهن يبدلن .. وعقب نزلن سلمن ع ابوهن ويلسن يتغدن ..رويض من خلصت شلت عمرها وراحت حجرتها بترقد .. توها تحط راسها ع المخده إلا يدق غيث..

رويض نقزت مستانسه و ترد : ألوو ..
غيث: مرحبا مليااار والله ..
رويض مستحيه : وبك زووود شيخي ..
غيث: علنيه فداج .. شحالج ؟
رويض : الحمدلله بخير ونعمه ومن جداك ؟
غيث: دامنيه أسمع هالصوت عاااااال العال ..

رويض سااكته مستحيه ..

غيث: ألوووو يا قوم نحن هناا ههههههههه
رويض تضحك .: ههههه
غيث: هههه بلاج صخيتي ؟
رويض : ها؟ ماشي..
غيث: هههه فديت لي يستحون .. خلاص عيل بخليج ترتاحين توج يايه من السوق..
رويض لا اراديا: عادي حبيبي..
غيث: هآآآ ؟؟؟

رويض من المستحى بندت الخط ع ويهه .,, ياربي انا شوقلت .. ههههه ..
غيث يدق ويدق وهي مستحيه ترد . . آخر شي طرشلها مسج ..

رووووويض ردي احسلج ولا ازعل انا ..

روووويض ع طول دقتله .. وتمت ساكته ..وغيث عناد ساكت ..

رويض بهدوو : ألووو ..
غيث : ..................................
رويض : غيآآثي شعنه ماترمس ؟
غيث : ....................................
رويض : غيث يلا عاد ارمس .. لا تعذبني ...
غيث يونه زعلان : عيل تبندين الخط فويهيه ؟
رويض: فديتك غياثي.. آسفه ..
غيث: لا تحاولين انا زعلان .
رويض: غياثي خلاص عاد .. انزين شو يرضيك .. ؟
غيث: امممم أبغي اسمعها ؟
رويض مستحيه : شوووه ؟
غيث: مايخصنيه تعيدينها لي .. ولا مارضى..
رويض: هههه انزين عقب عقب.. بطرشلك مسج ..
غيث: لا والله .. مابغي مسج .. عادي المسج تعودت تقوليلي بس بصوتج غير..
رويض بدلع : غيااثي عاااد ..
غيث: مآآبآآآ ..
رويض : حبيبي انته ..
غيث: آآآخ هههههههههه .
.
رويض ساكته مووول ما رمست ووويههها غادي طماطه ..
غيث: فديتج خلاص عيل شكلج انتهيتي .. ههه
رويض: يالدب هههه ..
غيث: لا تخليني احين ايي بيتكم ؟
رويض : ههههه جان زين ..
غيث: لالا ماروم انا هههه .. يلا عيل غناتي.. فداعة الله .
رويض : ربيه يحفظك حبيبي ..

رويض بندت عن غيث وهي مستاااانسه بالقو .. يلست تفكر برمست غيث وطيبة قلبه .. وعقب رقدت ..

عند الريم واسوم ..

أسوم : جربي دشي مره ثانيه يمكن نزلووهن .؟
الريم : اافف اسوم والله طفرت مابغي خلاص اخااف..
اسوم : هاتي انا بجرب ..

اسوم تدخل الموقع وتدخل رقمها عسب تشوف النتيجه .. فجأه صرخت : رييييييييييييموووووووووه !!
الريم تروعت يت صوبها : شوووووو ؟
اسوم : نجحت ريمووووه نجحت .. يبت B+
الريم : حللللللللفي ..
اسوم : والله .. الحمدلله يارب..
الريم : مبروووك يالدبه وتقولين صعب .. خل نشوف مالي والله متروعه ..
اسوم تفج حق ريموووه : يالزلممممممممممه يبتي A
الريم تناقز : ههههههههههههه اوووووووووووف كيف جيه .. الللآلآي اهم شي ماينقص معدلنا هههه ..الحمدلله ..
اسوم : خل ندق حق حور نتخبرها..
الريم : هيه والله دقيلها..
اسوم تدق حق حووور .. : ألووو
حور : مرحبا أسوم .. شحالج ؟
اسوم : الحمدلله .. ها دبووه طمنينا عن نتيجتج ؟
حور : ليش نزلووووهن؟
اسوم : هيييييه توووه ..
حور : اووووونه .. عيل شوفوو درجتيه ..

حور عطتهم رقمها .. دخلووه ..

اسوم : مبرووووووووووووك حوووروووه ؟
حور: هااا ؟؟
اسوم : يبتي B+ شراتيه هههه ..
حور : الحمدلله هههههه
اسوم : زين عيل دبووه برايج احين ...
حور: هه اوك .. يلا فمان الله ..

حور بندت عن اسوم .. إلا ويدقلها محمد ..

حور : مرحبا..
محمد : مراحب ..شحالج ؟
حور: الحمدلله ..
محمد : شتسوين ؟
حور: ماشي والله يالسه فالحجره برويحاتيه ..
محمد : حيج .. عيل تلفونج كان مشغول ..؟
حور: هيييه من شوي ربيعتيه كانت داقه ؟
محمد : منووو ربيعتج ؟
حور: أسما ..
محمد : أسماا ولا ؟
حور : ولا شوو شتقصد ؟
محمد : والله مايندرابج يمكن ترمسين واحد مني مني..
حور بقهر: انت حقييييييير ..

وتبند حور الخط ع ويهه وتصيح .. آآآآآخ لي متى بصبر عليك يا محمد لي متى .. هذا ونحن بعدنا ما عرسنا .. ومابقى ع العرس غير شهر .. آآآخ يا أبوووويه شوف وين عقيتني شوووف ..

حور خلاص هب قااادره تتحمل محمد أكثر .. تحس انهااا وحييييده بهالكوون .. والحزن كساها !!والدمع بلل محاجرها !!

تعبت أحمل من الذكرى على المتن النحيل حمول ,,
وأنا نفسي وهي نفسي وربي ما تحملهـــــــــــــــا ..
لأني كل ما أقرب أشوف أن الطريق يطــــــــول ,,
وهو صعب علي أرجع والأصعب كيف أكمّلهـــا ..
أخاف أرجع والاقيني على هاك الــ ( هنا) مقتول ,,
وأخاف أمشي لأخرها وأشوفه يشبه أولهـــــــــــا ..