الاسم / سلطان بن عادي
العمر: 32
الاقامه : حفرالباطن
وهو شاعر غني باشعاره الجميله واحساسه الفريد بمفرده الشعريه

http://up.alhilalclub.com/uploads/public/2010/10/031903_b145.gif

http://store2.up-00.com/Dec10/Xtf70665.jpg

لي متي ياحنف ..!!
للهجوس رماح وسيوف بواتر
كسرت صندوق مكنوني وجمي
يالقلم لاتمتحن بيض الدفاتر
دامهارويت من احزاني وهمي
مؤتمن خلك على جرحي وساتر
بطوي اوراقي وماحولي و يمي
ليمتى لحساس ضايق ومتواتر
لي متى ياحنف وانامبلول كمي
ضقت من جوالمدينه والسناتر
وشوف بوق بين مدح وبين ذمي
جوهذا الليل محتاج لفلاتر
فلترلنبضي وتفكيري ودمي
ماتداول في عيادات الدكاتر
قدصرفها شاطح بالعلم امي
قال جهزلك من خفاف المواتر
وخاولك واحد على دينك وذمي
وانصلك دومن دونه سواتر
عندهاتلقى مصل عن كل سمي
خيرمن لامن هرج يركب كباتر
يعترضلك لانضح في ما يضمي
وجهه من المرجله والطيب فاتر
عوذبالله منه وامثاله وسمي
لدسايس محتزم يالله ياساتر
يحسب ان المرجله ثوب ومعمي

مذكراني يالموناليزاقتفيت
غرت المقفين لاكني ملم
وتدري اني يوم صديت استحيت
وفي شفاهالبوح يغتال الكلم
كنت شمسولي قمر لاكن طفيت
بعثرتك الريح قلي وش تلم
عادتي اعطي ..ولاعمري خذيت
اجمل سنيني واناكلي الم
بجمع انفاسي وتدري يوم جيت
احضن حروفي واواسيهاولم
اشعل المصباح واسحربس ليت
كان لك مصباح يسحرونثلم
كنت في قمة الم لاكن هويت
وما هويت الاومركوزعلم
مرحله اخرى وتوي ما بديت
مثل منهولابرى ولاسلم
القلم يشره وانا يا ما عطيت
لاتعريني كذاتكفى قلم
جاهروبالذنب وبجرمه جنيت
غرهمحلم الحليم الياحلم
عن منازل حيهم شمتوعزيت
يالقلم قله خلاص الياستلم
وقله ان الظلم يرجع حي ميت
ويظلم الظالم مدام انه ظلم

يامحمدالخالدلك الله يرتعن
مرتاع ..من وقف لهن رحايله
بالساحل الغربي لفنه واشلعن
بيبان صدره والهجوس تحايله
اليانتبه لهجوسه اللي لاشعن
شعيت قطيع ومن بعيدوحايله
مرن مواردهن وردن ورجعن
والشمس من قبل الغياب ومايله
تلافتن برقابهن ثم اربعـــن
والكل منهن جــت بيمنن طايله
كن الضلوع رقاق سمرولعن
من ميسمن قدلي زمان اشايله
لاكن دقات الخفوق الياسرعن
دقة سرايا اهل الجموع الهايله
مثل العقيداللي ترجل وانطعن
من كف صاحب والجموع تسايله
ولحدن يقول ظروف وقتي موجعن
الا/العفين اللي رداه يغايله
واناصروف الوقت لويمي سعن
درعي متين ..ولليالي شايله
يامفردات المدح في مثله طعن
اسمه شرف شاعرك في مثايله
كيلن له جزال المدايح واجمعن
من كل روض وفيه من خصايل
البيض ماجابن حليه وارضعن
ياعلني ماعتاض في بــدايله
لودارة الأفلاك والدنيامعــن
ركنه ذرى للي ركــــونه ايله
لطايله والمجد/له راسن يعن
اللي يفـــرج من حمة غلايله
علي صليب الراس في ضفه رعن
وضحن جديد/النبت في مسايله
الطايرات الياذكرته وقعن
همال جـــودوكل /..عين تخايله
ايمان في وقت اللوازم مفزعن
تفــــدى يمين اللي يمينــه طايله
كنازت المال الحمرماطلعــن
سمعــه ولاهمــه ياكـــودستايله
ياذان خلق الله توحن واسمعن
هذالصحيح وكل بدعه زايله

طاحت قلاعك مابقى شي من شي
ازرع واراضي حبناكلهابور
مقفي تباهى في مطيحي واناحي
مطيح فارس بين الاجناب مغدور
انا انا لازلت وانتي مهي هي
راحت هذيك الفاتنه وانطفى نور
الفاتنه كانت شعور وبحر غي
وللفاتنه كانت بساتين وقصور
وكانت وكانت ضي يافاقدالضي
وشلون تطعني وانا حامي السور
يامحرك اشيائي عبث ردهالي
ماتدري اني كلي احساس وشعور

يازائري...
يكفي فضول
تستغبي اصحاب
المعرفه
ياعذاب
اهل العقول
يازائري شفت الظلام
اللي يودي للظلام
ماهو ظلام
بس المسافه موحشه
ماتقبل انصاف
الحلول
ابسئلك .
ممكن سؤال..
وردلي ..
,,,,,
عن هالظلام اللي تشوف؟؟
اصدق.
وله عندي
قبول!!


مخــ خ ـــرج
العقل اخره الشرود
واقصر عمر عمر الورود
يستجدي الغيمه
مطر...
والغيم
ماكله
هطول
[ يازائر البارح ]
تعال..
اقرى تفاصيل السطور
بين الغرابه والذهول..!!

ياجبينه!








لنحبس معنى ومعنى وانخنقت وداخلي



صيحه وصيحه









منك يا ذاك اللي بعيداللي تباهى



من غلاه مسامحهوالله يبيحه



وانا من مثلي ياويحهايه ياويله ويحه




ياجبينهجيتك وروحيجريحه



ورحت منك




وشوفها



روحي جريحه




تدري اني يوم رحت



ماتركة الا سوى ياكودحاجه




بس



حاجه تدري وشي




قلي وشي



ادري انك كنت دالهمالمحت بحرفي



الطفلوذبيحه

ايه طفل وطفل غير

لبتسم تشرق بي الدنيا

ويطردكل هم واستريحه واستريحه
/

لسان قلبي لك صريح
سقته وجالك واقبلـه
بنساك اقدر واستريـح
هوبه احدينسى هلـه
هذالكلام اللي صحيح
كل شي بعيوني ملـه
متنطح الليل وجريـح
لاهوبـرى ولادلـه
من يدفن القلب الذبيح
اليانصهركله ولـه
ساري ولاكنه طريـح
يعقر له الليل جملـه
مبايحـه والله يبـيـح
طفل الهوى يوم اقتله
حطيتله فيني ضريـح
قلبـي مقـره ودهلـه

يالصمت فك القيديالصمت ابابيح
قبل ايتفجرهاجسي لـك شضايـا
ارقابة المعنى بـروس اللحاليـح
اليالمـس معنـاه قلـب وخلايـا
بعض المعانـي للمعانـي مفاتيـح
تملى عيونك لـو عيونـك ملايـا
انفاسهاقيصوموحروفهـاشـيـح
قلايدالمعنـى كنـيـن الخفـايـا
ماجات تطلب للمشاعرتصاريـح
سوت بناماتشتهـي مـن سوايـا
نقطة لقامعنىوهمسـة مجاريـح
ميعادهامالـه مكـان ونحـايـا
يامستفزالصمت مـال التفاريـح
نظرت فرح للي جروحه عرايـا
ادميت بالمعنى على مدت الفيـح
هـذي جواديهاوانـاوش جدايـا
جداي لانامت عيـون المشافيـح
استقبـل هجوسـي سراياسرايـا
ماجيت للمعنى لكسـب المرابيـح
اعطي ولاطلب غيرربي عطايـا
جيته على المعنى بعيدالمساريـح
معـه اتنهـت واحتفـظ بالبقايـا
واعودلدراجي ويبال لـي سيـح
قريت بحساسي وبيـض النوايـا
لاباس ياللي مـع تنهاتـه ابيـح
اقبل مروري مع جزيـل التحايـا

أنت وينك ..؟؟؟
انت وينك


اتصور




في غيابك




طلتك.




عينك .




جبينك.




انت وينك




ليلة البارح وعدت




قيد صمت وخوف من




( مجهول)




(القدر)




بيني وبينك.




انت وينك




انت وينك




انت ياسجاني اللي ماترفق




شوف جلاد السهر يفتك




(سجينك)




يعزف غيابك بصدري واتنهت




بالحروف




اللي على




ضلمك تدينك




كان ودك تحرق اعصابي




تأكد




كيف انا حر




ورهينك




انت




وينك والله اني




عليك اخاف




واكثر.




بس طمني ويرحم




والدينك.




ليه.




ليه.




ليه ماهزك حنينك !




ليه ماهزك حنينك!

العين كن السهر بابن وحارسته
وعيون غيري تناود من تنعسها
واعيني اللي دموع الغيض حابسته
والعين الأخرى قهرها طال واعمسها
لوترجم العكس رجالن بوسوسته
تبقى المعاني لهلها عند حارسها
لاوندق الليل والهاجوس هوجسته
حيلن بقلبي قبل (هوجاس) حابسها
لجن بصدري وقلب الصب يبسته
في غيهبن عن جميع الناس هاجسها
اسرج من الفكر قافن عقب ماقسته
بنات فكرن من الالماس نلبسها
ازكا من المسك لامني تنفسته
وقلوب غيري على المعنى يلامسها
له مع هل الصنف والدنيا مدرسته
وهل المعاني لياجاها يدرسها
ابعد نظرلا نزف شعره وهندسته
من حيرتن في كنين الروح موجسها
لو المعاني تفيد بكل مونسته
لاكان سردار بيض الطرس يدبسها
ياوجد حالي على اللي يوم خامسته
غرون معاليق قلبي قام يحمسها
وجد اللذي شافها عوجى ولابسته
والقوم ببناه بينتن مفارسها
عودن بمجلاه والدنيا معومسته
والقوم وش عذرها للي منومسها
في غيبته شرعو بالبيت وحمسته
حوافر الخيل بالرفه مداوسها
عليك يابو هدب عينن بغلمسته
غيرك من الناس عيني من يونسها
ناقوس ذكراك لامن دق بجرسته
كن المعاليق بالدمام يرجسها
ماترحم الحال جرحي منك موجسته
يافاخر الورد كاديها ونرجسها
حضن الجفى ماعتق حين بلولسته
مادام خله سيوف الهجر غارسها
كمن طريقن بليلن دامسن دسته
ودروب ياطولها للي يقيسها
يومي بقلبي هوى الغربي بنسنسته
اوماي غيدن لهيب القيض ميبسها

شرهت قلم والصمت؟


فيني بدى


التجريح!


يابالي العمسان.اليامتى


عمسان.بالله


تكفا سيح.


وضعي معه محتاج.


و


انابعد محتاج.محتاج


لتصحيح


جيتك قلم من نور.


وبرحل قلم مكسور


برحل بلا تصريح


سمه رحيل احباب


في عالم الغياب


ماهو


فقط تلميح


واخر.كلامي جاك


لارحت انا لهناك


لاتلتفت اخاف.


اليا اللتفت اطيح


واليا نطحك الريح لاتنثني,


لـ/ريح


ماراح .راح ولا يرد


ودك تأكد صيح..!!


ودك تأكد صيح..!!

لوان جده تحتضن ضايق البال
والبحرالاحمريغسل احزان جده
ماظاقت الدنياعلى عين رجال
ولا تفجر هاجسي يوم ارده
دورتلي نايف على كل الاقذال
واليم متعبني بجرزه ومده
قبل السفرشفته واناماعرف احتال
وبيبان قلبي بين وصله وصده
قلت اروني ياطيب الجدوالخال
شوفك ضماي برحلة مجرهده
وقف واناصمتي معاني وموال
والباب من دونه ولافيه قده
الموت من علمن لفاني بجوال
علم وكاد وميت النار عده
البارحه يلعب وانامن ورى الجال
واليوم يطعني ويطعن بشده
من عادتي لقفيت قفيت بالحال
والطير لو طلعه لهم مانهده
ياماعطيت من الوفاوالغلاسال
في وادي مايمري الريف خده
ابعد مدى مهما لعب جرهد ولال
نرقى سما ونجومنا مستعده
مانثني لو تنثني كل الامال
عاداتنا تبقى كذا مستمده
وش حيلتك لاصرت وافي وبك مال
حي ترجيته وهو من توده
يافهيد هاك من المعاني والامثال
اخر حروفي والمعاني ترده
انته من العجمان ياطيب الفال
هل الفعول الطيبه والأشده
وانامن المطران حماية التال
ساعة رخا قدام ولا بشده

ياراكب فـوق مـن تتعـب منافستـه
دفع رباعـي مطباتـه مـا توجسهـا
من مصنعه جيب توه فـي منوفستـه
دغري لبن سيـف واسياتـه مكيسهـا
ماتفرقه عـن جنـاح الليـل ودمستـه
غراب ليلـن يتخثـع فـي غطالسهـا
يفهـق لـك الليـل لا من دقـت اجرستـه
كنك علـى ايـام تمـوز واشامسهـا
لادق سلفه رهيـم حصـان بعطستـه
ولا مضارس فحولن فـي تضرسهـا
رنجن خطوط الجلد كلـت ممارستـه
والياتخثـع طموحـن فـي تهندسهـا
أعجوبة الغرب لأهل الشرق كرستـه
على تضاريس جـل اللـي مجنسهـا
هجوبهـا عريبيـا والغـرب ابالستـه
حتى غـدا سالفـت بـدون بمجلسهـا
اليا نقل نمرته مـن عقـب ريوستـه
وشيش رقطـا قبـل تقـرص تنفسهـا
مركب هل الطيـب يامكثـر مقدستـه
وأجواءه لأهل نجد مصنوعن يمارسها
سواقه اللي ظروف الوقـت لاحستـه
وسليتره سبت فـي رجلـه وكابسهـا
ظـروف وقتـه معاكسهـا وعاكستـه
وسلـوم ربعـه مجنبهـا وموكسـهـا
ملفاك للـي فعـول الطيـب نومستـه
اللي عليه اسنـد الدعـوى وانكسهـا
طلقن حجاجه لا ضاع الراي بعمستـه
تـاج المواجـيـب لا والله ريسـهـا
جبار مـن لاعتـه بقعـاء وكركستـه
ذيبـن بوقتـن تعـوابـه هجارسـهـا
يمناه للجود تجـذب طيـب وترستـه
يـوم ان غيـره دنانـيـره يكدسـهـا
قل ياعلي جاك من يشكـي بهجرستـه
كفك ندى جـود وجهـودك تكرسهـا
العين كـن السهـر بابـن وحارستـه
وعيون غيـري تنـاود مـن تنعسهـا
وعيني اللي دموع الغيـض حابستـه
والعين الأخرى قهرهـا طال وعمسهـا
لوترجم العكـس رجالـن بوسوستـه
تبقى المعاني لأهلهـا عنـد حارسهـا
لاوندق الليـل والهاجـوس هوجستـه
حيلن بقلبي قبـل هوجـاس حابسهـا
لجن بصدري وقلـب الصـب يبستـه
في غيهبن عن جميع النـاس هاجسهـا
أسرج من الفكر قافن عقب ما قسته
بنات فكـرن مـن الألمـاس نلبسهـا
ازكـى مـن المسـك لامـني تنفستـه
وقلوب غيري من المعنـى يلامسهـا
لامحلـى الصنـف والدنيـا مدرستـه
وأهـل المعانـي لاجاهـا يدرسـهـا
أبعد نظر لانـزف شعـره وهندستـه
من حيرتن زاد في صدري تحسسهـا
لو المعاني تفيد في كـل مـا ونستـه
لاكان سلطان بيض الطـرس يدبسهـا
ياوجد حالي على اللي يـوم خامستـه
غرون معاليـق قلبـي قـام يحمسهـا
وجد الي ذي شافهـا عوجا ولا بسته
والقوم ببناه بينتن مفارسهــا
عود بمجلاهـ والدنيـا معومسته
والقوم وش عذرهـا للي منومسهـا
في غيبته شرعو للبيت واحمسته
حوافر الخيل بالرفه مداوسهـا
عليك يابو هدب عين بغلمسته
غيرك من الناس عيني من يونسهـا
ناقوس ذكراك لامن دق بأجرسته
كن المعاليق بالدمام يرجسهـا
ماترحم الحال جرحي منك ماوجسته
ياباخر الورد كاديهـا ونرجسهـا
يابشه احسن ياملحه وريستـه
البيض من حضرتك ملعون مترسهـا
لا تترك الصب في هجرك ولولستـه
وانت سيوف الجفـا والصد غارسهـا
كم من طريق بليل دامسن دستـه
ودروب ياطولهـا للي يقيسهـا
يومي بقلبي هوا الغربي بـ نسنسته
وما يغيد لهيب القيض ميبسهـا
اقبل تحيات من دنياه جلستـه
على شفا جال والدنيـا يعاكسهـا

يا شتـات العمـر ياكـل المراحـل
يامراحل من وقف في العمـر راحـل
أنتـي أنتـي ماتغيبيـن بعيـونـي
ياعيون اللي زهـى دعجـه مكاحـل
ان رحت والا جيت في هجسي وفكري
مستكنـن بيـن هذيـك النـواحـل
مبحرا فـي بحـرك اللـي لا تنهـت
ضيع جسـوم الموانـئ والسواحـل
كـم توجدتـك بنـات افكـار خلـك
لين غنوا بـك طروبيـن الرواحـل
من ربيع العمر لـي حتـي خريفـه
أنت مرباعه لـو أن الوقـت ماحـل
والله أني عارف أنـي بـس مـدري
وش بعد باقي وراء ذيـك المراحـل

يهزني حبـه كمـا هـزت العـود
عود(ن)تقفتـه الهبايـب ومـالـي
عليك ياللي في عيوني لك شهـود
زود السهـر ومنادمـي لليـالـي
عاين ومثلك يفرق البيض والسـود
عايـن بحالـك ثـم عايـن بحالـي
ضربتني درب المتاهـات والكـود
وانت البعيد وحاسبـك راس مالـي
ارقب على رجم العشاشيق واعـود
واشيـل حمل(ن)ماتشيلـه اجبالـي
ادري حصيلي منك يالترف مجحود
مجحودفي حبـك مـن اول وتالـي
لا شـك قلبـي ماتبـرى ومعقـود
حتى النصيحه ما عطاهـا مجالـي
اقول له عنـدي مواثيـق وعهـود
بالذات لاهبـت هبـوب الشمالـي
معاهـده لاهـب مـن صوبهانـود
الاطف انفـاس الشمـال بسؤالـي
لي في منا فيهـا مواسـم ومـؤود
حلم(ن) غدى بين الرجا والمحالـي
تشابه ايامي والاحـزان فـي زود
وتـل قافـي ( لرفـيـق المـوالـي )
وشعاد لوقالو لـي النـاس مفقـود
بالقاف سلواني وهـاك ارتجالـي
اعن له واسراب شوقي مع النـود
يمـه تودينـي وهـو فـي خيالـي
غربة هوانـا مالهـا حـد وحـدود
مشكاي ماغيرك ذكـرت وطرالـي
وان صحت يامشكاي مشكاي محمود
صيحت خفا منهـا الحنايـا هيالـي
مايقتلك بالحـب ياعاشـق الجـود
الا طعون فراق مـن كـان غالـي
يابن العواجي ياذرى كل مضهـود
وريث شيخ ونايـف(ن) بالرجالـي

في مهب الريح ودروبه نثرت
حلم ماغيره ولجله ماحييت
اشهد انك قاسي(ن)يومك هجرت
واشهداني في محبتكم وفيت
مانسيتك حتى اقول اني ذكرت
ولاسليتك حتى اقول اني سليت
كل ماسجيت بعيوني حضرت
عايش(ن)في قلبي اللي به ربيت
جيتني من بعدماغبت وضهرت
والأماني بين حي وبين ميت
كيف ياخلي على قلبك قدرت
طاوعك قلبك علي ولا نسيت
انتظرتك وانتظرتك وانتظرت
ويوم ضاع العمرقلي ليه جيت
ياكثروقتن على شانك هدرت
وانت لاهي ياحبيبي مادريت
وياكثرمانامت الناس وسهرت
مع خيالك ياحبيبي كم سريت
كم وكم دورت لك عذروعذرت
والمعاني تنتحربي بيت بيت
ايه مازلت اعشقك لاكن صبرت
والدليل اني على شانك عزيت
وكل ماطروك صديت وزفرت
وقمت اجاوب ونتن معهابكيت

مع السلامه يالعشيق اللي تنكرللعشيق
اناتحمل غلطتي وجه الزمن مافيه دم
ماهي مشاريه وعتب الاكلام مايليق
ابنيله قصورالغلاوالحبويديه تهدم
وانانبيل وعادتي باقي على العهدالوثيق
نفسي عزيزهلويضيع اميرورعاهوخدم
مايجذب افواج النحل للوردياكودالرحيق
الوردينقص والنحل يزدادوالورد انعدم
لوكثرت اعلوم العرب نصدعن مالانطيق
مانلتفت للمبغضه والحاسدين من السدم
اللي يبي يبني خبريبنيه لاكن لايضيق
واللي تخيل مشكله تبقى معه لوهي عدم
اللي جهل معنى الصبرلابدلهيوم ويفيق
يفيق لاكن وش يفيدان فاق والوضع احتدم
هذي رساله واقرهاياكهرمان وياعقيق
سيل تحدرمن غلى جاك ورجعلي وارتدم
جعل القصايدللحريق اللي يودي للحريق
الله ولادرب المذله يامشاوير الندم
ياليتني عن عنوتي رجعت من نص الطريق
ولاتعب ساقي ولاعنيت لك قلب وقدم
القلب ذاك اللي تخبره في بحرحبك غريق
منك تعلم من كثرما جاه منك وانصدم
واللي يبي ينزل كذايرضى على مالايليق
ماينفعه لوينتبه كثرالحسايف والندم

طافي

الوعد

ولا..وطافي

طافي

طافي

كل لون عقبكم باهت وطافي

مرحله اخرى كبيره ؟

الاوالله دائرة حزن ومواجع

مع خماسين الهبوب تذرسافي

وهذارابع يوم عقبك مرقدامي وطافي

طافي

طافي

الضياوالنورياقمرايعقبك ليه طافي

وليه طافي؟

يسئلوني والثرى يجبرعليك ولاجبر

كسري عليك وباح خافي

والعزى في دفترحروفي وقافي

والمراكب حزن وانايالمراكب لك ضفافي

بس كافي

بس كافي

يارتجاف الحزن منه وفيه مايكفي من الحزن

ارتجافي

يالثرى ياكبرحضك !

جاك ضيف يضيف ضيوفه ولاذكر

يوم ضافي!!
يالثرى ياكبرحضك
واحضنه بشويش لنه لاهمس

يذكرحبيبه اذكره لاجى يناديني بهمساته وغافي

يالثرى ياكبرحضك
انت بس اللي تشوفه

والاغيرك لو طلب مره محال


انه يشافي

:
اذكر انه قال :شفت الشمس ذيك
قلت :ايه!!
قال: طلت الشمس ياغالي وكافي
وقلت كافي
وقلت كافي
:
:

قال مثل الشمس غيرك من يطوله
------ قلـت مقبولـه ياغلـى ماقبلتـه
ليت قبل اليوم كنت قريب حولـه
-------- ولاتركنـي للغيـاب وماصملتـه
مابقـى شـي يستاهـل واقولـه
--------- كل شي يستحـق القـول قلتـه

تأبين الازهار
مراكب حزن ليام ترسي وانارسيت
مهوطوع لاكن رغم مابيه واجباري
من الحزن مايكفي قبيله ولا/صديت
جداي التنهاته على درب محداري
لوان المسافه باقيه ياقدر/لارضيت
ولاراح مني من حفضته بالأسراري
انالحزن ياذا/الصبح جاني واناماجيـت
على غرت مني فجعنـي يبـي ثـاري
اذا/استوطنت لحزان قلبي وحزن ارهيت
طلبت العليم الواحدالخالق الباري
عسى الله يرحم من بكيته وله ناديت
لوانه على بالي ولاغاب تذكاري
بكينا فراقه حي واليوم نبكي ميت
عسى الله يبيحه كل ماحل له طاري
نحاني زماني وادري اني عليه ابطيت
واناشايله بين الحنايا وله شاري
اجوعه نظر/مدري عطش بس لاسجيت
تصور/بعيني عنـد حلـي ومسفـاري
لوان القدر/يرحم رحمني كثر ماحفيت
قدم ساق رجلي فالغداري وانا ساري
رعى الله عهد/معرب الجد راع الصيت
كثرمابكيته حي واليوم انا داري
الا/ويش ينفع يام فيصل اليارديت
وانالصوت يخنقني ولافيه معباري
خبريذبح المخلوق وانا/بشر واخطيت
لوانه خطى الاقدار فقداري اقداري
تمنيت قربه كثرفرقاه يوم اخفيت
عن الناس سري واختلاقي للأعذاري
رعى الله عهده والمعاني وقاف وبيت
ونظرات مستقبل واسامي للأحراري
رحل يالثرى /لويالثرى تدري شسويت
وانابصبح سبت وفيه تأبين الأزهاري
لوان الثرى يدري/فلايالثرى واريت
هك الصبح من دوني ولاطال مشواري
ولو/ان الثرى يدري فلايالثرى هليت
على اللي جبينه تقتبس منه الأنواري
بكيناك حي ونبكي اليوم يوم اقفيت
وذا/جرحي العاري تنقض وهو/عاري
وبكيناك حي وعقبك الدمع فيه اصخيت
وبكيناك ميت ويجرح الصوت الازواري
وبكيناك حي وقلت يالحزن لا/حييت
وبكيناك ميت وجاري الدمع لك جاري
فلاعاد/لي عقبه سوى جرت التنهيت
ولاعادلي /خاطر بتدوين الاشعاري

ايه ابرحل!
روح وارحل
ارحل ارحل
في امان الله ارحل
ايه ابرحل!!
بس تذكرني بخير
حنا(اغراب )
وجمعنانبض وأكثر
اكثراكثر بس صار
النبض غير؟
ولاتحيردارت الدنياواخذناكف قاسي
وانت ياكف الزمن تعطي كثير
ولاتلمح في وداعي منك نظراتي تحير
انثنى غصن وتمايل ومن تمايل!
طارطير
وطاح طير... وطاح طير
من خلقنانفقدالغالين لحظه
ايه لحظه!!
تجمراكبود ضماها
ومن ظماهاماكفاهممن فقدناهم وكنا
من صقرلي زمهرير
ولاتحير
ايه واذكرني بخير
ولاتحير
ولاتحير
ولاتحير
:
:
صاحت حروف القصيد.......... ومنت يمي !!
وصرتلي ذاك البعيد...........وطال همي!!

( طواريق المعاني )
قال الذي حـــده على بدع الالحان
واشرف على بنات فكره وندبها
يذب صوته بين سجــات واذعـــان
على طواريق المعاني سحبـــها
يتل قلـــبه بالمعاليـــــق شريـــان
تلة يمين تلهــــــــا ثم كربـها
في ساعة فيها غفت كل الاذهان
ماحس فيها كود منهو حسبها
شوارد المعــنى ثقيـــلات الاوزان
يشدها هاجـــوس فكر سكبها
شاب الورق من ما بقلبه ولا لان
ارهى على الجزلات حتى كتـبها
في سولــته ياقل مافــيه ســـلوان
باسباب من قل السبب في سببها
الي تسبب لي بهجر من الاعيان
جعله وقود الـــنار واول حطبــها
ترف الصبا عذب اللما مطلق البان
ميــاس قد وكم قلـــوب عطــبها
سبحان من صور جماله وسبحان
ان اشهد ان الي عطـــاها وهبها
لاجيت اقارنها مع البيض شتان
شتان مابين النـــحاس وذهبها
واليا وقف رمح على راس مابان
واليا مشى درج القطى ماعجبها
ارواه ربه والبهـــى فيه ريـــــان
قام يتغطرس بالعـــيون وهدبها
فريد جنسه مانخلق مثله انسان
كبر حـــظ الي ولاه وكســــبــها
تبقى لها ذكرى على مر الازمان
بنت الرجـــال الي رفيع نسبــها
ادمنت حبه لين عديت الادمـــان
والارض ضاقت لو وســــــيع رحبها
قم يانديمي بالملازيم والشان
حملك ورق وانا علـيه تعــــبها
اركب على نتق مواريث الالمان
بالكاش مشراها مارجي طلبـــها
من وارد الناغي ماهي بحوش عمان
ياكم عيون لياتحلت رهبها
ان قلت صنعها ماهو بانس من جان
فوق المواتر صاغها ثم نصبها
ياكنها عذرى تماري بالاوجــان
بالمعلبه ماحولها من هزبها
من فوق فل اوبشــــــن بيلان
لرابح الي جابــــها من نجبـــها
تنزع من الباطن وتسري مسيان
وتقوي اللي للمسافه ركبها
بي ام سبعميه وخمسين حصان
بين المواتر ماذكـــــر من غلبـــها
من شيشة ابن سرور والا عبيلان
فول وقود النار واوزن حدبها
ثم تلها تلة شفوق وحدمـــــان
بالي هوا بـــــاله تنحى جنبــــــها
ياكنها دعجاء هوت بين عقبان
شيهانة من جـــا عشـــها مارعبها
اسرح مساريح القطى يم نجران
ديرة رجال فعلها ماحجــــبها
واضح محله مايبي وصف عنوان
تلفي علــــى الي ماتغره رتبها
قله ترا ذا الخط من يم سلطان
وانتم تحلون البلش من نشـــــبها
لا ياعوض ياصاحبي ياكحيلان
انته عوض نفس تزايد غضــبها
انته شبيه الذيب والذيب سرحان
عدى على روس الطوال ورقبها
تبذل يمينك ماتغاليت الاثمان
يمنى على فعل المــــارجل طربها
يمناك عدت بك ولك كم برهــان
ماجور ياعــــــود جذبك وجذبها
روسان ياجاهل عن افعال روسان
حموله ماغــاب عنها شـببها
اشكي عليك الحال من كاين كان
مسروجة وا شيب قلب رغبها
مانساه لو تنسى بني يام شيبان
ولو ينقل الباطن وعوجاه بابها
ولو ينتقل لدبي سنجار وأبان
وبرج العرب والعين عندي عزبها
ولو تنكر المطران عرفا وعوجان
والصلب والصمان واقصى هضبها
والشمري يزهق بحايل وبرزان
ويترك معاميله عقب ماخضبها
ولو يطردون الضيف طلقين الايمان
والضيف مايلقى القره في عربها
ولو تنتقل وايل ورى ضلع شمران
ولو تنزل بعرعر ناس ماهي بشعبها
ولو يقطنون السيف صبيان قحطان
وتترك تهــلاهـــا وتنزع ودبها
ولو يتركون اهل الحسا كل بستان
ويجنـــــبون نخيلها مع رطبها
واهل البحر تنزح من السيف بدوان
وتارد على لينه وتملى قربها
مانساه دام الروح في وسط الابدان
مادام روحي ربها ماســـــلبها
اخيلها ماخـايلوا غر الامـــزان
واون ونـــــات تكــــسر عتبها
هذا ولك مني تحـــيه وعرفان
يامن فناجـــــيل المراجل شربها