أبطال قصتي خالدوأبرار شخصيه رائعه جدآ لهم أحداث جميله سأسردها لكم في سطوري_
***(بعض الأحداث مزيفه)
الشخصيات:
خالد ٢٨سنه متزوج عنده ولدين أحمد٥سنوات
أمين٣سنوات يشتغل بورشة سيارات هو صاحبها يكره زوجته لأنه يحب بنت خاله لكن للأسف ماحصل نصيب بينهم_عايش مع أهله أمه وأبوه وأخوانه وأخته منيره هي مفتاح أسراره.
أبرار هي بطلتنا ٢٠سنه هي قعدة أهلها مرجوجه تحب تغامر بس بحذر ماتحب الأجتماعات بس ماتبين لأحد عايشه مع أمهاوأخوانها٢والباقي متزوجين وأبوهامتزوج وعايش مع زوجته لهاصديقات تفضفض لهن عن تجربتها ،
(في شخصيات بس راح تطلع قريبآ)
في يوم من أيام الطفش عندأبرار حبت تسلي نفسها فتحت جهازالحاسب وضربت على الكيبورد تفحط بالمنتديات لين دشت الشات بأسم (المرجوجه)تسب هذا وتسطح مع هذا وتلع أبوهذا وتجنن هذا وماهي مخليتهم بحالهم لقت لهاواحد بأسم (أبوفلقه)
أبرار:سلام على أبوفلقه وش مسوي عشان تنفلق أكيد أنك راعي مضاربات_
أبوفلقه:هلاأختي المرجوجه والله اللقب دش فبالي وكتبته لاني مفلوق ولاني راعي مضاربات_
أبرار:خخخخ أقول وش عندك ماحدمعبرك من الشباب.
أبوفلقه:لاني تو دشيت ممكن تعبريني أنتي ونتعرف على بعض!_
أبرار:ياحليلك لاقل ضيفيني بالماسنجر هذا الي ناقص أقول يابوالشباب شكلك صارق كمبيوترالشركه وقاعد تدردش.
أبوفلقه:هههههه والله صدقتي يوم سميتي نفسك المرجوجه خخخخ:
أبرار:ضحكت بلاضروس إنشالله_
ابوفلقه:يالله عن الرجه خلينانفرفش ونبعدالطفش بالسوالف_
وبدت السوالف والضحك بينهم لين تعرفو على بعض بس موكثير يعني أسم وشغل وشهاده بأشياء تخصهم بعيدعن الأهل_وأتفقو أنهم يلتقون مره ثانيه بنفس الشات ونفس النكات_
يوم السبت الساعه ٨صباحآ وتحديدآ في الجامعه_
أبرار:صباح الخيرياحلوات_
البنات:هلاصباح الورد وينك يالغلالا الو ولا طق طق باب
ابرار:والله أشغال بالدنيا الا تعالو بقولكم عن أخر مغامره لي وربي ماراح تصدقون_
البنات: يالله شوقتينا وش عندك؟ _
وبدت ابرار تقولهم كل شي من طق طق لين السلام عليكم_
أبرار: وش رايكم فيني_
حصه: لاوالله انتي منتي بصاحيه صدق مجنونه مو مرجوجه_
ريم:أقول بس منتي قد هالمغامره_
أبرار: أنتم ماعرفتو شي هو مو من ديرتنا لا هو من أهل الحجاز_
(طبعآ أبوفلقه ماقال لها أنه متزوج وعنده عيال ولاقال لها أنه مو سعودي)
ابرار: بنات أناعندي عملي بعدالمحاظره راح أندش الشات ونشوفه سوا وأنتم بس شوفو كيف أسلوبي معه أوكي_
حصه،ريم: أوكي والله يسترمنك_
راحت أبرار لمحاظرتها وحضرت وهي مو شايله هم أحد أهم شي دراستها وتحقيق حلمها_
من جهه ثانيه بعيدعن ابرار والجامعه ونجد كلها_ بنسافرللحجاز ونشوف أبوفلقه
كان بالشغل ويصارخ على العمال__يعني الشغل ثقيل واصل لين راسه جلس بمكتبه يقلب الأوراق وتذكر المرجوجه وضحك على هبالها وقال في نفسه ياويل حالي عليها بس ياليتها بالشات الحين دش بالمنتديات وبنفس الشات وبنفس النك الي عرفهافيه بس مالقاها ترك الشات مفتوح وقام يكمل شغله_
أنتهت المحاظره وطلعت أبرار لصديقاتها بعدماجلسن في الكوفي حق المبنى فتحت أبرار جهازها ودشت الشات بأسم المرجوجه سوت بحث المتواجدين لقته بس مايرد طبعآ الساعه١١صباحآ وضلت بالشات لين طلع بس وش بعده بعدماأحترق الجهاز من كثرماتنبح بأسمه هاهاهاهاها
طبعآهذا كله جدام صديقاتها_
أبرار:وينك يابوفلقه داش الشات وماترد_
أبوفلقه:هلاوالله بالمرجوجه أعذريني تعرفين شغلي يتعب يالله عاد خلينامن الألقاب أنا اسمي خالد لاتقولين أبوفلقه_شقلنا
أبرار:ونعم وأنا أبرار
حصه وريم: يالمجنونه ليه تقولين أسمك قولي أي أسم
أبرار:بالله عليك هومافيه الا أنا بهالأسم أقول طسي أنتي وياها اللي يسمعكن يقول أني عاطيته نبذه عن حياتي ياشوفن ونتن منطمات ياأقلبن وجيهكن عني_
خالد: يناااااااااس ياهوووه وين رحتو أنتم معنا ولا لا_
أبرار: أي معك معك
خالد:أشوا أحسبكم ضعتو مع هالحوسه_
أبرار:هاهاهاهاضعنامره وحده
خالد:فديت الضحكه وراعيتها
بعدشهرعلى تعارفهم أبرار ضاقت من الشات بس ماملت من خالد لان أسلوبه أعجبها فدشت الشات ولقته طبعآ هي أضافته عندها بالماسنجر وقالت له أنهاملت من الشات وتبي تتركه بس ماقالت أي شي غير كذا
هوأنقهرلأنه حبهامن قلب وكان يشغل نفسه معها أذا كان متضايق من زوجته_ طلب منها تبقى بس رفضت قال خالص في طريقه أوفرمن كذا بعطيك رقمي هي بالأول رفضت بس هو ترجاها لين وافقت أخذت الرقم وقالتله موأكيد أدق عليك وطلعت من الشات_
بدت أختبارات الترم الأول ونست أبراركل شي صارمعهاهي وخالد جدت واجتهدت في مذاكرتهاومابقى شي على الأمتحان أسبوع بس نامت على السرير والكتب حواليها_
يوم الأربعاء٧صباحآ قامت أبرار وأخذت دش دافي وراحت عند التسريحه ترتب شعرها تذكرت خالدوأبتسمت
أخذت جوالهاودقت على ريم بس مافي رد ثم دقت على حصه_
أبرار:صباح الخير
حصه: هلاصباح النوروش عندك داقه من فجر الله كم الساعه
أبرار:هاهاهاالله يهديك الحين الساعه ٨وأنتي نايمه مومن عوايدك يابنت الحلال قومي صلي وأفطري وذاكري و....
حصه:بس بس الله يخليك صدعتي راسي أسمعي أذاعندك شي خلصي قولي تراي مانمت الابعدالصلاه
أبرار: مدام كذا خلاص يالله مع السلامه
حصه:طوط طوط
أبرار:مالت عليك ياشينك يالدفشه_
وبعدهذي المكالمه أبرار نزلت تحت
أبرار: غريبه وين الناس لقت الشغاله بالمطبخ_
أبرار:صباح الخيرمايا
الشغاله مايا: صباح نور
أبرار: في أحدمن الأهل قاعد ماما بابا
مايا:نو نو ماما في نوم وبابا في روح شغل وباقي في نوم
أبرار: أوكي شكرآ
أبرار:ياربي أناوش مصحيني بهالوقت أقول خلوني أروح غرفتي أبرك لي
وطلعت لغرفتها_
خالدكان نايم جته زوجته أمينه تصحيه
أمينه:خالدقوم عندك دوام مومن عادتك نايم لهالوقت
خالذ:أوووف منك وش تبين أنتي الشغل شغلي ولا شغلك أنتي وش دخلك ذلفي عن وجهي يالله
أمينه:ماقول غيرالله يهديك بس
خالدكان مطنشهاوسرح بفكره للي ملكة قلبه وروحه وهي ماتدري عنه
خالدبنفسه:ياربي ليش ماتصلت ليكون تلعب علي لالا موصحيح أبرار تحبني ولو أنهاماتحبني كان ماضافتني عندهابالماسنجر
تذكرخالدالماسنجروقف بكل طوله وشغل جهازه فتح الماسنجر بس مالقاها أرسلهارساله بالبريد وكان يقول فيها:
أشعلتني غيرة ..
وأطفيتني حيرة ..
جمعتني شوق
ونثرتني بذوق ..
ترفق بي شوي ؟
ذبحتني حب ..
وش أنت يارب ؟
أنت أم ..
أو أب ..
قلي ولاهنت ..
من تكون أنت !
جنون ..
ما أضنك تكون !
أكثر من انك جنون ..
نصفه الثاني حنون ..
إنت تسكن بالعيـــون
لاتغيرك الظنون
صاحبك بالحب وافي
وإنت له صدرحنون
أنتظرلحظةلقــاك
ليتني طيربسماك
يابعدكل القوافي
كيف ابين لك غلاك؟
لوتفرقناالظروف اوتعاندناالحروف
إنت تدري عن غلاتك
وحدك بفكري تطوف.
أيه "أحبك" قلتها والصدى غطى المكان وألتفت من كان حولي مندهش من كلمتي
ثم جلست أردد الكلمه إلى وقت الأذان
ثم ذكرت الله وهللت وبديت بدعوتي
ربي أحفظ من ملكني حبه طول الزمان
ربي أكتب كل خير بدربه وبخطوته..
تخيل حبيبي كل يوم
اسأل،،نفس السؤال؟!
ليه احبك" ؟!
ليه احتاجلك ليل ونهار؟ ليه <<انت>>اللي من بين كل هالبشريحتويني
بكل حنااااان" ؟!
ليه اضحك لاصرت عندي قريب؟!
ليه إذا إبتعدت تظلم الدنياوتغيب ؟!
<<رد علي بالله قلي>>
ليه احبك كثر حبات الرمال؟!
وكثرالصحاري والجبال ليه قلبي يحتريك؟!
وإن تباطا قام يناديلك تعااااال،،
تكفى قلي وجاوب على قد السؤال؟!.
ليه احبك"
ليه اضمك فوق صدري واحس الدنيا معاي؟!
ليه بوجودك انسى دنيتي وأرضي وسماي
ليه ادور مايسرك واحس
إني بخيل في عطاي
<<فكر معي>> وقلي،، ليه احبك"
ليه اذوب في غيابك وإن شفتك زادت اشواقي علي ؟!
ليه اتوه وانت بعيد وإن حضرت صارت الدنيا بيدي ؟!
تصصصصصصدق !!
عجزت ألقى إجابه للسؤال ؟!
تدري حبيبي المهم إني
{{((احبببببببببببببببببك))}}
وهذا اهم من السؤال..
وأرسل الرساله للي خذت عقله بأسلوبها
صح هو ماشافها ولا سمع صوتها بس أعجب بأسلوبها طريقة تفاهمها عطفها فصاحتها_
طلعت ابرار لغرفتها تبي تشغل نفسها بالمذاكره فتحت كتابها ولقت شي في مقدمة الكتاب قالت في نفسها:
يالله شلون نسيت ليه أناكذا لهادرجه نسايه يارب وش أسوي
وش تتوقعون أبرار لقت وهالشي هذا وش راح تسوي فيه
خالدكان ينتظر رد من أبرار بس للأسف ماحصل قال في نفسه برسل وحده ثانيه وأمري لله
شفت البشر لو كلهم يرخصونك
الله عليك بداخل القلب مغلاااااك
أشتقت لك وأشتقت لأسمك ولونك
أشتقت لمعاندك وأشتقت لخطاااك
لو قلت لك وش صار جن جنووونك؟؟
يمكن تقول أني مبالغ بفرقاك
ودك تعرف وشلون عايش بدوونك ؟
لو قلت لك يمكن تجيني من أقصاك
تبي تعرف وشلون؟؟
ودقت أبرار وبالأخير رد
( _): نعم
أبرار: السلام عليكم
(_): وعليكم السلام نعم
أبرار: أسفه أذا أزعجتك بس بغيت خدمه
(_): تفضلي وش عندك
أبرار: هذا جوال خالد
(_): أي نعم مين معي
أبرار: طيب شكرآ بس حبيت أتأكد
خالد: لحظه ___
طوط طوط
خالد:
والله ناس فاضيه _ ياربي شفيهاماترد على المسج
أبرار _كانت متشققه من الوناسه لأنهاسمعةصوته بس هو ماعرفهاكان ناسي أنه عطى أبرار الرقم.
أبرار: شكله مؤادب مايحب يكلم بنات أسلوبه معي غير خلوني أشوف البريد حقي بس فتحت البريد وأنصدمت من الي شافته خالد يرسلي بالبريد يارب ليش أنامومعبرته :
مسكت جوالها ودقت مره ثانيه
أبرار:ألو
خالد: نعم
أبرار:الله ينعم عليك
خالد:وش بغيتي
أبرار: خالد شكرآ على الرسايل الي أرسلتهالي عبرالبريد
خالد مصدوم: أنتي أأأأبرار صح
أبرار: أي
خالد: ليش تركتيني
أبرار: خالد شخبارك
خالد: تعبان بس ليش تركتيني
أبرار: عن جد تعبان سلامتك ماتشوف شر بس أعذرني لان عندي أمتحانات وع
قاطعهاخالد: أمتحان ماقلت شي بس مو لهدرجه تنسيني وماتدقين علي تطمنين
أناوربي حبيتك .صدق أني ماشفتك بس دخلتي قلبي والحين أنتي ملكتيه
أبرار: خالدأنت شكلك صدق تعبان وش فيك
خالد: تعبان لانك بعيده عني
أبرار:خالد أنت صدق تحبني ولا تلعب في مشاعري
خالد: أبرار وربي الي خلقني أحبك أنتي لوتشوفين وش داخل قلبي كان مالمتيني
أبرار: خالد بليز قلي وش فيك أنا أسمع لك
خالد: أبرارتكفين لاتتركيني وربي أني مومثل الشباب الي تعرفينهم
أبرار: عاد حدك أناماعرف أحد غيرك
خالد: أسف بس أبي أوضحلك قصدي .تكفين أبرار لاتتركيني أذا بتقولين أمتحانات أناماعندي مانع بخليك لين تخلصين أهم شي نكون مع بعض تكفين أبرار
أبرار: أوكي بعد الأمتحانات
خالد: أبرار
أبرار: سم
خالد: سم الله عدوك أنا أحــبــــك
أبرار: وأنا
خالد: وشوأنتي
أبرار: زي ماقلت
خالد: وش قلت
أبرار: خالد يالله عادعن الهبال
خالد: هاهاهاهاهافديتك والله يعني تستحين مني.
أبرار: يالله عاد ترا طولنا وأذن الظهر.
خالد: بس حنا ماذن عندنا
أبرار،خالد:هاهاهاهاها
بعد هذي المكالمه كلهم كانو مستانسين لانهم سمعو أصوات بعض.
ونزل خالد لأهله
خالد:مساءالخير ياريحة الجنه
أم خالد: هلا والله بوليدي شلونك ياقلبي
خالد: بخيرعساك بخير
أم خالد: أشوفك مستانس غير عن دايم ياعلهادوم
خالدفي نفسه والله أبرارقلبي مونستني .
أم خالد:شفيك سرحت ياوليدي
خالد:لاأبدسلامتك بس لاني ما داومت اليوم وأخذت الوقت نوم
ام خالد: وليه ماتاخذ أجازه وترتاح ولأتاخذ زوجتك وعيالك
تمشون لجده
خالدوبدايعصب: يمه أذا تبيني أخذالعيال أيه أخذهم بس أمهم لا
أم خالد:ياوليدي وش فيك يعني للحين تكرها
خالد: أي أكرها أناقلت لكم بس مارضيتو زوجتوني غصب وأناجاهل الحين تحملو ذنبها
أم خالد: بس الحين أنت كبرت وتعلمت وعرفت الصح من الغلط
خالد: صح كبرت بس ماحبها
يمه ممكن تصكين الموضوع لايجي الوالدويكمل تراموناقص
أبرار أه ياأبرار ماتدرين وش مخبي لك الزمان قاعده تخططين لمستقبلك ولشهادة الماجستيروالدكتوره والبعثه كان هذا أهم شي عندها أنهاتدرس برا المملكه.
وهي في أنهماك شديد بكتابها وبين
أوراق
ونماذج
وقراطيس الماده طاح شي عندها وفزة بتشوف وش الي طاح لقته
جوالها أخذته بس ياليتها ماخذته لانه صك عليهاباب المذاكره.
أبرار: يحليلك ياخالدوالله فيك شي بس ماتبي تقوله
فتحت جهازها وسوت أنشاء رساله وكتبت فيها
وقتي معك ماينحسب بالدقيقه وقتي معاك بفرحة العمر محسوب
بسمعي لصوتك تنفرج كل ضيقه ؟ ولاشفت زولك مابقى بعمري كروب
وصلك يبلل خافقن جف ريقه ؟ حرام لو هو معصيه ماأشبع ذنوب
وكتبت أخر شي.خالد أحبك.
خالد كان جالس مع أمه يسولفون دق جواله يعلن قدوم رساله جديده
فتحها
وقراها
حرف حرف
وأبتسم ولو أمه مو عنده كان حب الجوال
أرسلها مسج.
مات الحكي وأحرجني الموقف إحراج،،
وعجزت أعبر عن هواي إعذريني!!
ما غير جملة حطها القلب بسياج:
(قلبي يحبك حيل لا تتركيني)
نطقتها أخـــشــى أسبب لك إحـراج ولـولا الـغلا ما قلتها صدقيني.
وكتب أخرشي (وأنابعدأحبك موووووووووووووووووت)
أم خالد: أشوف وجهك يبشر بخير وش بها الرساله
خالد:أبد سلامتك بس واحد من الشباب خطب (يكذب)
أم خالد:ياعله مبروك أنشاءالله
في بيت أبرار وبالتحديد في الصاله
أبرار: سمي يمه وش بغيتي
أم أبرار:سم الله عدوك أبيك تسوين لي شاي أخضر ولاتحطين سكر هالخبله(تقصد مايا)جابت لي الظغط بسبت السكر
أبرار: بس
أم أبرار: أي بس
أبرار: ههههههههههه ماطلبتي شي دقايق بس
وراحة للمطبخ تسوي الي أمهاقالت لهاعليه
أبرار: وهذا الي طلبتيه .وصبت لمها
أم أبرار: الله يوفقك ويسترعليك ويزوجك أنشالله
أبرار:آمين بس الزواج لنشألله
أمها:هاهاههه ليه ماتبين العرس
أبرار:لاني صغيره
أمها: بس أنتي عمرك ٢٠يالله عن الدلع عاد
ــــــــــــــــــــــــــــــــــــــــــــــــــ ـــــــــــــ
يوم السبت وياثقل د م السبت الكل مرتبش وخايف واللي يشوفه يقول شايل هم الدنيافوق راسه صح هذا أنتم أيام الأمتحانات
(هههههههههههههههههههههه)
المهم هذا حال أبرار طبعآ مانامت اليل كله قاعده تذاكرلين وصلت الجامعه الساعه٨ كانت لابسه تنوره ميد أسود وبلوزه جبنيز أبيض محدده جسمها ورافعه شعره يعني مسويته
ذيل حصان طالعه واااااوك جنان
دخلت البوابه ولقت حصه وريم سلمت عليهم وسيده مسكت الكرسي وقعدي ذاكري
حصه: شفيها هذي مو لهدرجه عاد ماذاكرت
ريم :أقول أسكتي أبرار طموحه أهم شي دراستها
حصه:أيه مومثلنا!! الا ماسألناهاعن ابو فلقه
ريم: ههههه الله ياخذ بليسك أسمه خالد
حصه: أي هذا خالد
ريم: بنسألهابعد ماتطلع من الأمتحان
حصه: الله يسترمن الي بنسمعه
ريم: أناواثقه فيهم
حصه: عاد هي راسها يابس أهم شي تبربر لنا وحنا نسمع بس مانتكلم كنا طرمان
ريم: هاهاهاهههه وش فيك أنتي قلبتي عليها
حصه: والله وأنا صادقه تذكرين ذاك اليوم يوم قلنا لها ليش تقولين أسمك قالت شوفن ونتن ساكتات والله كان ودي أرد عليها بس سكت لان لي مصلحه عندها
ريم: هاهاهاها والله أنك مهبوله حرام عليك أبرار حبيبه وطيوبه وعمرها ماتقصر بس أنتي هاهاهاها مدري وش فيك عليها
حصه: ضحكتي بلاضروس أنشألله أقول ذاكري بس ماتشوفين صديقتك الدافوره وشلون تذاكر مو حنا مالة علينا
ريم: بسم الله الرحمن الرحيم خافي ربك البنت ماسوت لك شي
حصه: أي أي بس أسكتي
أبرار ماكانت تدري عن شي كل همها الأمتحان
وخالد كان ينتظر على أحرمن الجمر متى تخلص أبرار عشان يحس بوجودها كان يعد الساعات والأيام
أنتهى الأمتحان على خير وبدت أجازت نصف السنه وأبرار من جت حطت راسها وراحت في سباااااااااااات عمييييييق
وخالد قاعد يهاوش زوجته من حر مابه وهي ماتدري وش الي يخليه يقلب عليها مومثل أول كان عادي بس الحين وصلت فيه أنه يفشلها جدام أهله بس هي تسكت
خالد:أنا كم مره قايل لك حطي الشيشه بالحوش موبالصاله
أمينه: بس أنت لك يومين تشرب بالصاله
خالد: حطيهابالحوش وسويلي شاي بسرعه
أمينه:أنشألله.وهي بنفسها تقول الله يهديك
وراحت وهي تدعيله بس هومايدري عنها
أم خالد وهي معصبه:
أنت وش بلاك منت بصاحي شارب شي
خالد: أي شارب
منيره: يايمه الله يهديك خالد ضايق من الشغل بس
أم خالد: لاوالله ماهومن الشغل في أحد قاعد يفر راسه يمين وشمال
خالد وهو يضحك على أمه:
ههههههه يمين وشمال ياحليلك يايمه والله ضحكتيني وأنا مالي خلق.
وقام حب راس أمه.دليل على علامة الرضاء
أم خالد:والله وأنا صادقه مره تكون وش حلوك ومره تكون أقـشر
الكل: هاههههه
جت أمينه:خالدالي طلبته جاهز
خالد: تسلم يدينك(قالهابدون نفس)
يوم الخميس ١٠صباحآ.
صحت أبرار من النوم
أبرار: يالله راسي ثقيل وش فيه ٠
طالعت للساعه وشهقت
أبرار: صدق أني مهبوله نايمه من أمس الصبح وتو أقوم أعوذ بالله
مسكت جوالها ولقت
١٥رساله
و
٤٠مكالمه وكل هذا حق يومين
فتحت أبرار المكالمات لقت
ضوا الدنيا٢٠مره!طبعآهذا خالد
وريم وحصه بعد!
وبعدها الرسايل وأخذت وقت تقرا هذي نصها سوالف ونصها رسايل من ضوا الدنيا
وأرسلت له مسج
آسف على الغيبه ماكنت
ناســـــــــــــــــي
آسف على التقصيرإذا كنت قصـــــــــــــــــرت
رجعت لك حاضرماني
بماضــــــــــــــــي
أبعتذر يمكن عليك
تأخـــــــــــــــــرت
حطيت في غيبتك الحب
قاضـــــــــــــــــي
وحكم علي أرجع لو
ماتبصــــــــــــــرت
رجعت لك قانع بحبك
وراضــــــــــــــــي
ماحد جبرني يوم أرسلت واشتقـــــــــــــــت
وكتبت أخرشي (صباح الخير ياضوا الدنيا)وأرسلتها
خالد كان نايم وزوجته هم كانت نايمه دق الجوال بس كان على الصامت
ثم دقت أبرار بس مارد وتوقعت أنه زعلان عليها خافت بس أرسلت له رساله وكتبت فيها.
أبرار:
خالد تكفى ياقلبي رد علي وربي موقصدي أطنشك بس أمس يوم رجعت من الجامعه نمت ومادريت عن الدنيا تو صحيت تكفى رد علي
أنتضرت ٥ دقايق بس مافي رد
وضلت تدق لين تعبت ياحرام تحسبه متعمد ماتدري أنه نايم
بعد محاولات يائسه نزلت تحت عشان تاكل وتشوف أهلها
نزلت بس مالقت أحد وقعدت تاكل
قام خالد على الساعه ١١ونص
ولقى المكالمات والرسايل وأنجن يوم درى أنها أبرار
سيده طلع برا ودق مره مرتين ثلاث بس مافي رد
أبرار كانت تاكل والي يشوفها يشفق عليها من شكلها
وخالد كان على أعصابه مايدري وش يسوي
صحت أمنه من النوم ومالقته توقعته راح للشغل مأتدري أن أبو عيالها والي تحملته كثيييير قاعد يخونها مع حبيبته اللي ماتدري وش اللي بعالمه
خلصت أبرار من الأكل وطلعت لغرفتها ومسكت جوالها يوم شافت المكالمات ضحكة من كل قلبها
أبرار:هههههه هاهاها والله أني نسيتك يحرام شكله يحسبني زعلت هاهاها
دق خالد وهوماسك نفسه
لايعصب وأبرار ماسكه نفسهالاتضحك : الو
خالد: صباح الخيرياقلبي والله أسف كنت نايم
أبرار: هلا يادنيتي مشتاقه لك مووووت شخبارك
خالد:الله على الصوت وربي ذبت بخيردامني سمعت صوتك
أبراربدلع: حبي أسفه اشغلتني الأمتحانات
خالد: حبيبتي أهم شي أنك بخيرومبسوطه
أبراربدلع:بس معك أنبسط
خالد:حياتي ربع ساعه وأدق عليك
أبرار: ليييييش
خالد:لاني بالبيت وماني ماخذ راحتي
أبرار: أوكي ناطرتك
دخل خالد وشاف أمنه
أمنه: صباح الخير
خالدمن دون مايطالعها:هلاصباح النور
أمنه: أبوأحمد
خالد:نعم
أمنه:ودي نطلع سوا اليوم لأي مكان
خالد: ليش شايفتني فاضي
أمنه :طب متى بترجع للبيت
خالدعصب:وأنتي وش دخلك بكيفي أرجع مثل ماأبي
أمنه: خالدبس أنت نسيت أن
~~~~~طلع خالدوهي ماكملت كلامها جلست على الصوفى تبكي وتدعي له بالهدايه
طلع خالدمن البيت وهومتشقق من الفرحه لأنه خلاص راح يكلم أبرار وعلى طول دق عليها
خالد:هلا قلبي هلا حياتي شخبارك
أبرار: شدعوه كل هذا تومسكرمني مامداك تشتاق
خالد:حبيبتي أنا لوأني أكلمك أشتاق لك
أبرار: خالد ودي أسألك سؤال
خالد:أسألي
أبرار:أنت خاطب ولا
خالد: ولا أيش
أبرار:متزوج
خالد:هاهاهالاني خاطب ولامتزوج ولامطلق ليش السوال
أبرار: لابس حاسه أنك خاطب
خالد:وش الي يخليك تحسين أحد قايلك شي عني وأنامادري ولاشايفته بوجهي
أبرار: طب قلي كم عمرك بصراحه
خالد: ٢٥
طبعآ ماقالهاأن عمره أكبرمن كذا كان خايف أنهاتتأكد أكثر
وعلى طول سكرالجهازوطلع الشريحه ودسهافي بوكه وراح لمحل الأتصالات وطلع رقم جديد بس ماعطاه أبرار
أبراربعدماسكرت الخط
أمها:وش فيك
أبرار:مافي شي بس هذي حصه تقول تعالي عندي قلت لهااليوم لا
أمها:وليه لاماوراك شي
أبرار:الاوراي طلعه معك!
أمها:أنا!!!وين؟
أبرار:نبي نطلع نتمشى
أمها:خليه وقت ثاني والله رجليني ذبحني
أبرار:خلاص وقت ثاني
بعدالعشاء
صلت أبراروطلعت فوق بعدماتأكدت أن أمهاتعشت وأكلت دواها ونامت.
مسكت جوالهاودقت على خالدبس مغلق عرفت أنه زعلان
أرسلت له مسج وقالت فيه:
(خالدوربي أمي كانت عندي وكنت خايفه تحس أني أكلم شاب عشان كذا ماقدرت أكلمك.!أذا لقيت رسالتي كلمني)
وأرسلتها
وأنتظرت
وأنتظرت
لين ملت من الأنتظار وأرسلت له مسج ثاني.
¤¤.آسـفه ممكن أزعـجـتك .¤¤
ألاقيك تضحك وأنا [] أفكر فيك []
أبد لاتحسبني ناسيك"!!
ماتدري إن قلبي عليك"!!
حتى لو تفكر فيني عندك من يلاهيك"!!
الوقت يروح وأنا بالي عليك"!!
حس فيني مثل ماأحس فيك"!!
وقلبي سلمته بين يديك"
ياعسى الله يخليك"
أحبك ياعمري وأغليك
تكفى¤تعاااال¤وناظر عيون مغليك
حتى تعرف اللي يحبك ويهوااااك"
يامن على مر الليالي أناديك'
ارجي وصالك وانت هايم بدنياك!!
ماقلت انا ياشوق ماني مدانيك'
خالدكان جالس مع أصحابه وكل منهم يتكلم عن حبيبته وأنه شافها وطلع معها إلا خالد كان خارج السالفه كان يسمع بس مايتكلم
فكر يكلمها بس تذكر موقفها يوم سكرت من دون ماتطيب خاطره بكلمه
تعب من التفكيرواستاذن طلع للبيت
خالدبينه وبين نفسه:ياربي وش أسوي أكلمها لالا ماراح أكلمهابخليهالين تتأدب وتعرف قدري
وصل البيت ودخل غرفته تفاجاء من اللي يشوفه مايدري هوحلم أوعلم
ياترى وش شاف خالد يوم دش الغرفه راح نشوف بعدماأصحي من النوم أنشألله.
(تصبحون على خيرأبي أنام.)http://forums.graaam.com/images/smilies/graaam%20(106).gifhttp://forums.graaam.com/images/smilies/graaam%20(106).gifhttp://forums.graaam.com/images/smilies/graaam%20(106).gifhttp://forums.graaam.com/images/smilies/graaam%20(106).gifhttp://forums.graaam.com/images/smilies/graaam%20(106).gif
وصل البيت ودخل غرفته تفاجاء من الي يشوفه مايدري هوحلم أوعلم
شاف الغرفه كلهاشموع والورد مرمي على
الأرض والسرير
وفي طاوله عليها
قاتوعلى شكل قلب مزين بالشوكولاوالشموع
وفجأه طلعت أمنه بكامل أناقتها
رافعه نص شعرهاومسويه مك اب ناعم ولابسه فستان أحمرهادي وعطرها اللي سرق قلب خالد
قربت منه
وسلمت عليه
وأخذت بيده للطاوله
وهوكان مثل الأطرش بالزفه
مايدري وش الطبخه
همسةأمنه بذنه: حبي هذا بمناسبة مرور9سنوات على زواجنا
كان المفروض يكون الأسبوع الي فات بس أنت كنت تعبان ومنت فاضي.
خالديطالعهابدهشه:أناأسف لاني كنت ناسي
وحط راسه على كتفهاوماقال بعدهاأي كلمه
ــــــــــــــــــــــــــــــــــــ
أبرارقامت من نومهاالصبح ٨ونص ودقت على خالد بس مافي ردالجوال مغلق حاولت بس مافي فايده أنقهرت منه
أبرار: ليش يعاملني كذا أناصادقه يمل مني ويهددني بصوري )طب أناليش ماأنهي علاقتي معه مره وحده(لامقدر لأني أحبه أحبه)
وضلت تبكي لين داخت ونامت
مسكينه أبرار ماتدري أنه متزوج ماتدري أن عنده أولاد ماتدري عن أي شي بخصوص حياته أبدآ أبدآ
خالد كان في أحلامه الورديه مرتاح وماهو شايل هم أحد نسى سالفته مع أبرار ونسى كل شي حصل بينهم
صحى على صوت ولده أحمد
أحمد: بابا قوم طلع الصبح
خالد:يا بابا رح وراك ماني فاضيلك
أحمد:باباشوف أمين طقني أمس
خالدوالنوم بعيونه:لييييش
أحمد: يقول ماتروح مع بابا بالسياره
خالد:_____
أحمدبصوت عالي: بابااااااااااااااااااااااااااااا
خالد بفزع:وش فيك
أحمد:مافي شي
خالد ضربه بالمخده وقعد يلحقه بس ماقدريمسكه لأن أمنه طلعت بوجه خالد
أمنه: شفيكم
خالد: خرعني وأنا نايم حسبي الله على بليسه
أمنه: حبيبي لاتنسى عندك دوام
خالد:يووووه راحت علي نومه كم الساعه الحين؟
قومي طلعي ملابسي؟
قعديلبس ويكشخ وراح مستعجل لشغل
أمنه كانت مبسوطه لان خالدكان طبيعي معهايسولف ويضحك مو زي أول بس يصرخ عليهاقررت أنهاتغير من روتينها وتخلي وقتهاله أذاكان موجود
وصل خالدشغله ولقى العمال يشتغلون جاه واحد من العمال وقاله:باباالورشه يبغى زيت وتصليح جهاز
خالد:خلاص أنابروح أكلم صديق يجيب زيت ويصلح جهاز
العامل:شكرآ*بابا أنامن أمس في دق بس جوال في قفل
خالد ناسي أنه طلع رقم ثاني: أناجوالي مقفل
العامل:أيوه بابا مقفل
خالدولقد رجعت له الذاكره:
أي صح صح تذكرت شكرآ يلله روح شوف شغل
على طول دخل المكتب وطلع الشريحه وجته رسايل أبرار قراهالين نزلت دموعه
خالد: ليش أناقاسي على أبرار هي صادقه معهاحق خايفه على نفسهاوأكيدأول مره هي تعرف على شاب يارب وش أسوي أدق عليها وإلا أتركها تعذب لا لازم أدق عليها وأراضيها
دق خالدعلى ابرار بس ماحصل رد لأنها نايمه أرسلهامسج كتب فيه.
صباح الخير.حبي مشتاق لك بس سامحيني وربي أحبك صدقيني ماني مثل الشباب الفاضيين وربي أني أحبك بس عطيني فرصه عشان أثبت لك مدى حبي لك تكفين أبرار.
أرسل الرساله وكله أمل أن أبرار راح ترد عليه ظل ينتظررد منها
أبراركانت نايمه بس حست بأن جوالهادق فتحت بس بنص عين ولقت رسالةخالدبس للأسف مافرحت زادحزنها وأرسلت له.
ليه " نبكي " على شي قد رااااااح ..!؟
وإحنا قتلنا ( الحب ) من دووون رحمه .. ..
المشكله " جيتك " .. وبي ( حب ) يجتااااح ..!؟ " جيتك طفل " ..
محتااااج من الوقت ( ضمه ) ...!؟
" جيتك وله " ..
و.. أشواااق ..و.. الشوووق فضااااح ..!؟
رد الصدى يا " صااااحبي ..صاحبك" راااااااااااح !
ومن يومها كل..الفرح.. صاااار صدمه ..!؟
(خالدأنسى كل شي وكل منا يروح في طريقه أذا أسلوبك معي كذا)
وأرسلتها بعدهاقفلت الجوال وكملت نوم.
وصلت الرساله وهي حامله معهاكل أنواع الألم نابعه من قلب أبراركيف لاتحمل كل هذا العتاب وقدالمهاخالدقبل عدة أيام دون أن يترك لهاسبب
فتح الرساله قراها وأنصدم من عبارتها!
(خالدأنسى كل شي وكل منى يروح في طريقه أذا أسلوبك معي كذا)
أبرارماكانت نايمه كانت تبكي قهرعلى خالدوليش طلب منهاكذا قطع حبل أفكاره وبكاهاصوت تلفون غرفتها٠ردت أبرار بعدماهدت نفسها
أبرار:الو
ريم:صباح الخير
ابرار:هلاريم شخبارك يالغلا
ريم:أنابخيرأنتي شخبارك وش مسويه
أبرار: الحمدلله كل شي تمام
ريم:أبرارتقدرين تجين عندي اليوم
أبرار:والله ودي بس تعرفين ماقدرأخلي أمي بروحهاوأخواني طول الوقت طالعين
ريم: خلاص أجل أنابجيك شقلتي أبرار
أبرار: أوكي حياك الله البيت بيتك
ريم :تسلمين يالله أشوفك اليوم باي
أبرار:باي
سكرت ريم من أبراروهي كلهاتساؤلات ماتدري وش فيهاأبرارهي حاسه أنهاتبكي بس ماتدري ليش قالت :في نفسهااليوم راح أسألهاأكيدقوت علاقتهامع خالدأي أنامتأكده أنه خالدهوله دخل بالسالفه
أبراربعدماسكرت من ريم قامت لدولابهاوطلعت لهابجامت بيت وأخذت دش سريع ونزلت لأمها وقتهاكانت الساعة٢الظهرطبعآعندهاالوقت بدري،
أبرار:لاه لاه ماصدق ياسرولدأخوي عندنا
قام ياسروسلم على أبرار
ياسر:هلاوالله بعمتي هلاوالله بالغاليه بنت الغاليه
أبرار:هاهاهايعيني عليك لوأنك صدق مشتاق كان كل يوم عندنا
ياسر:لاتلوميني ياعمه تعرفين بالنهارجامعه وباليل شغل ومن خلصت أخذت وقتي نوم وتلفزيون
أم أبرار:الله يوفقك ياوليدي ويرزقك بنت الحلال الي ماتخليك
ياسر:أمين الله يسمع منك
أبرار:أقول ياسربعدمانخلص الجامعةشرايك نروح بعثه
ياسر:وين؟ وبعدين أناتخصصي غيرعن تخصصك
أبرار:أقول يابوالشباب كلنانفس المجال بس أناأداره ماليه وأنت هندسه معماريه
ياسر:أقول وش جاب الأداره للهندسه أناوين ونتي وين
أم أبرار:والله دبلت كبدي بالمانياوالفرنساوبوش
ياسر:وشو بوش
أم أبرار:هي تقول المدينه الي بهابوش مدري وشي أي أي عرفتها أمريكي
ياسر،أبرار:هاهههههههه هاهاها
الأم: ليه تضحكون أناوش قلت
ياسر:جدتي أسمهاأمريكا موأمريكي
ضلوسوالف وضحك وهبال لين أذن العصر
كل منهم راح يصلي
(أنامابي أطيل عليكم بشخصيات كثيره بس بحاول أختصرلكم عشان أجيب أحداث قصة بعثة المانيا)
بنرجع للحجازوتحديدفي مكه
خالدكان يفكربأبراركيف يوصل لها دق عليهالين تعبت يده قررأنه يصارحهابكل شي عن حياته بس كان يتردد كان خايف أنهاتتركه
أبرار طلعت لغرفتها ولماشافت جوالها مسكته وفتحته جتها رسايل موجود عرفت أن خالد كان يتصل عليهامن قفلة الجوال نزلت دموعها لأنهارفضةطلبه وهي تحبه بس ماتبي منه يطلب هذا الطلب
دق خالدوكان كله أمل أن أبرار راح ترد عليه دق جوال أبرار وسمع خالد الصدى يقول
ويلاه
ضاق الصدر
وماذكريسأل علي ويلاااه
قساه طول الهجر
ولا الزمن من قسوته قساه
ماصااااااااااااااااااااااارمني خطاغيرالعطاء والتظحيه
تقطع قلب خالد من هذي الأغنيه بس أبرارماخلت الصدى يكمل ردت بس ماتكلمت
خالدبصوت مخنوق:أبرارأناأسف ياقلبي
أبرار: ____
خالد:تكفين لاتعذبيني
أبرار:____
خالد:حياتي خلاص ماعادأطلب منك شي بس خلينانرجع لبعض وربي ماراح أطلب منك الا أذا أنتي أرسلتي
أبرارياقلبي ردي سمعيني صوتك مابي دموع وربي أحبك وأموت فيك
أبراربصوت باكي:طب ليش سويت كذا ليش تقفل جوالك شفت اللحظه اللي أنامريت فيها حبيت أنك تمرفيهاحتى أنت موبس أنا
خالد:حبي قطعتي قلبي خلاص ماعادأطلب منك شي بس خليك معي لاتتركيني سوي فيني أي شي بس لاتتركيني
أبرار: خالد
خالد:ياعيون خالدسمي
أبرارتبكي:أحبك بس لاتعذبني
خالد: أناماعذبتك أناأحبك وعشان كذا طلبتك أبي حبك يزيدفي قلبي بس خلاص أهم شي وجودك معي وأناأحبك ياأمل عمري وبسمت شفاتي
أبرار:____
خالد:أبرار
أبرار:سم ياروح أبرار
خالد:وين رحتي
أبرار:قلي وش صارلك
خالدبفزع:وش صارلك بغيابي
لاتخبين شي عني تك ــــــ
قاطعته أبرار:موبغيابك بوجودك ذبت بكل كلمه نطق بهالسانك ذبت بكل حرف طلع من بين شفاتك ذبت بالعسل الي حطيته على قلبي ياقلبي
خالدوقدأنجلاالفزع عنه:
الله على الكلام الي طيب جروحي تسلمين يالغاليه ويني عنك من زمان
أبرار:ويني يعني فبيتي
خالد:هاهاهاالله ياخذبليسك
عدت الليله على خيربين أبرار وخالدونسوالحزن الي بينهم
مرت سنه على تعارفهم وهم مبسوطين وماحدكشفهم من الأهل بس خالد خبر أخته منيره هي بالأول زعلت عليه وعصبت بس يوم شاف موقفهاقالها خلاص أنابتركهاعشانك
منيره صدقت ماتدري أن خالديحب أبرار ومستحيل ينساها
ويوم من الأيام حبوأنهم يتصارحون بكل شي دق خالدعلى أبرار
أبرار:هلا بحياتي
خالد:هلافيك شخبارك
أبرار:بخير وانت
خالد:أنابخيردامني معك
أبرار: تسلم حبي
خالد:أبرار أناودي أصارحك بكل شي بس أخاف تزعلين مني
أبرار:أزعل ليش أزعل وأنت بتصارحني بكل شي
خالد:أول شي عطيني وعدأنك ماتزعلين
أبرار:وعد
خالد:أناموسعودي أناكويتي بس مولودبالسعوديه وعايش فيها
أبرار:بس
خالد:أدري أنك زعلتي لأني ماصارحتك من البدايه
أبرار:بالعكس مازعلت هذا شي طبيعي بعدين مافي فرق بين سعودي وكويتي
خالد:يعني مازعلتي من صراحتي
أبرار:لا
خالد:في شي أعظم من كذا
أبرار:قول
خالد: بس خايف عليك
أبرار:خالدوبعدين يالله قول
خالد:أنا متزوج وعندي ولدين بس ما
أبراربمقاطعه: قول أمزح هذا شي ماصدقه
خالد:وربي أني صادق بكلامي بس زوجتي ماحبها أكرها
أبرار:أكيدأنا السبب الي خليتك تكره زوجتك صح
خالد:لاوالله أنتي مالك دخل أنامن تزوجتها وأنا أكرها
أبراربحزن:ليش توتقولي
خالد:خفت أنك تتركيني
أبرار:خالد تصبح على خير
خالد:حياتي تكفين لاتزعلين وربي أحبك مووت تكفين لاتتركيني
أبرار: خالدخلاص ممكن أسكر
خالد: بس أول شي قوليلي أنك موزعلانه
أبراربيئس: موزعلانه
خالد:أوكي بس قبل ماسكرهذي بوسه آمممووواح
أبرار:تصبح على خير،
سكرت من خالدوهي تبكي بقهر وتقول لنفسها ليش ماصارحني من البدايه ليش يقولي الحين بعدماتعلق قلبي فيه ليش ياخالدتسوي فيني كذا لييييييييييييييييييييييييييييش
دق جوالهايعلن قدوم رساله جديده
نبضات قلبــــــي فيك ماخيبتني..
قالت:
حنونه،طيبه،كلها
"ذوووق"...
وأشواق قلبـــــــــي بالغلا أتعبتني..
تقول:
هذي غير عن كل "مخلوق"..
أبراربكت من قلب وأرسلت له مسج
الاقي في عيونك شي شخصي شي حزين
بس مااقدر أتجرا واسألـك لانـي معـاك
لاني أبدا في لقاك وأنتهـي بكـف اليميـن
لارفعت ايدك تلوّح في وداعـي بارتبـاك
صدق أزورك في خيالي واهتني بك لحظتيـن
بس أشوف الموووت لامن قام قلبي ومالقاك
وكتبت أخرشي(كنت حاسه من قبل أن وراك شي بس أنت أنكرت تذكرلما سألتك وضحكت من سؤالي هذي الأيام ثبتت كل شي)
وأرسلتهاوهي تبكي
وصلت خالد يوم فتحها عرف من كلامها أنها زعلانه
وأرسل لهامسج
*حياتي كنت خايف عليك وثانيآ خفت أنك ماتصدقيني وبعدهاتتركيني وأنا أحبك،بليزلاتزعلين
وأرسلهابس أبرار ماردت لأنهانامت وهي تبكي
الصباح الساعه ٦أول ماصحى خالدأرسلهامسج
لك في نظر عيني عظيم التصاوير
وأسمى المشاعر تنبض بقلب مفتون
من يوم ماربي جمعنا على خير ماسمعت بك واشى ولا اللي يلومون
وأنا لعينك جيت كلي معاذير لان الحياه تهون الا انت ماتهون،
وكتب صباح الوردلأحلاابراربالدنيا،وأرسلهابوسه،
أبرارسمعت المسج وقامت قرته وترددت هي ترسل ولا لا وبالأخيرقررت أنهاترسل وتنسى كل شي ولاتشيل بقلبهاعليه أرسلت له مسج
تنساني الدنيا إذا قلت ناسيك. . .
ولا طرا للقلب يوم يتناساك .
أزعل على غيرك من الناس وأرضيك. . . .
واللي زعل واللي رضا من فداياك .
حتى عيوبك في عيوني تحليك . . .
بأمر الغلا ربي على الكل علاك ...!!
(صباح الحب ياحبيبي أنشألله بخير)وأرسلتها
خالدماصدق وصول الرساله فتحها وأنجن من كلامها
طلع برا الغرفه ودق عليها
خالد:صباح الحب
أبرار:هلاصباح الشوق والوردوالخير
خالد: آموواح حبيبتي ياليت أنت زوجتي مو الخبله الي عندي
أبرار:تضحك حرام عليك ليش تقول عنهاكذا
خالد:حبي وربي أني ودي أخطبك من أهلك بس أنتظري لين أحقق مستقبلي وتربح الورشه
أبرار:تضحك تخطبني من أهلي
خالد:أي أخطبك
أبرار:ياليت بس ماضني أهلي يوافقون
خالد بخيبة امل: ليش مايوافقون
أبرار:لانك متزوج
خالد:أذاهذا قصدك أطلقها
أبرار:لالا حرام بس أعتبرني زوجتك الثانيه
خالد: ياليت يازوجتي العزيزه حياتي أنابروح أجيب بضاعه من جده
أبرار: حبي أنتبه لنفسك من الطريق
خالد:حياتي تامريني بشي
أبرار:أي
خالد:شنو
أبرار:أني أكون في بالك لين ترجع وماتنساني من أتصالك
خالد:فديتك ياروحي أنتي
أبرار:حياتي مابي اطول عليك أدري أن وراك شغل يالله حبي باي
خالد:باي أنتبهي لنفسك
أبرار:أنشالله
سكرت أبرارمن خالدوهي مبسوطه
وقررت انها تحمل اي شي يجي منه لانها خلاص تعلقت فيه ولانه اول حب لها...
نهاية البارت الاول:
*أبرار تنتظرتخريجهامابقى عليه غيرالقليل
*وخالد شغله ماشي وأسلوبه مع أبرارمثل العسل
*حصه من شدةحقدهاعلى أبرار تركتها
*ريم رفيقت درب أبرارمستحيل تتركها
*ياسرولدأخوأبرارنفسيته زفت مثل أبرارينتظرصدورتخريجه
جاءاليوم الي تنتضره أبرار وبدا أعلان التخريج وطلعت أبراربمرتبت الشرف على دفعتهابالمركزالثاني كانت الفرحه ماتوصف عندها
توجهت لخشبت المسرح والقت كلمتها قائله:
الحمدلله والصلاةوالسلام على رسول الله أحب أشكركل من ساعدني ووقف بجانبي أخص بالذكروالدتي حماها الله اللتي تقف اليوم أمامي فخوره بي وأنني أهديها اليوم تخرجي ومستقبلي الذي كافحت بكل جهدحتى أصل ألى ما أرادت أمي أن أصل اليه كما أخص بالذكرأبن أخي الذي في نفس سني فهواليوم ينتظرماكنت أنتظره فلقدشجعني حتى وصلت الى هذا المكان بفضل الله ثم بفضلهم وشكرآ)
نزلت أبرار وهي غرقانه بدموعهاتوجهت لأمهاوباست رجولهاويديهاوراسها كان الكل ينظراليهاوهم يبكون فرح بها
لأنهاأنسانه تستحق التكريم .
من جهه ثانيه ياسرطلع الأول على دفعته مع مرتبت الشرف كان حاله مثل حال أبرار وهم القاءكلمته وخص عمته أبراروجدته وتمنى أن أبوه كان موجودعنده بس للأسف أبوه ماكان مهتم غيربالشغل ومنصبه والا ولده ماهمه الله يسامحه
خالدكان يدق على أبرار بس جوالهاكان مغلق هويدري أن اليوم تخريجهابس كان ينتظرأتصالها وأخيرآ دق جوال خالد.أمل عمري.يتصل بك
خالد: بشري حياتي
أبراربفرح:نجحت وحصلت على مرتبت الشرف
خالد: الف الف مبروك ياقلبي الله يسترعليك ويوفقك
أبرار: آمين حبيبي أناالحين بالجامعه وأبي أردالبيت أشوفك بالليل أوكي
خالد:أوكي ياقلبي تراني أنتظرعلى أحرمن الجمر
سكرت أبرارمن خالد طبعآهم صارلهم سنتين كامله على تعارفهم وهوماشافهابس هي تشوفه عن طريق صوره بالرسايل وبس
مرأسبوع على تخرجهاوقررياسرأنهم يروحون بعثه لألمانيا طبعآ هو على طول جاب موافقه بس هي أبوهارافض توسلت له بس مانفع ترجته بس رفض نهائيآ وبالأخيرأكتبت معروض للأميروالأب الحنون/سلمان حفظه الله .شرحت أبرارفيهامعانتهامع أبوها وأن هذي أمنيتهاوتحققت بس تبي تاخذ الماجستيروالدكتوره تبي ترفع راس أمها.وصل المعروض للأميروكتب لهاموافقه منه نيابة عن أبوها وصلها الرد بالفاكس ولماقرته طاحت مغشي عليهامن الصدمه
وبعدماصحت قالت لهم: ان الأميروافق نيابه عن أبوها وانهابتصيرحره الكل بارك لها وانبسط معها وأستعدت لهذه الرحله التي قد تدوم لأكثرمن سنه فستودع خلالها
أمها
وأخوتها
وأهلهاكلهم
والدارالذي أحتضنهامع والدتها
والوطن الذي حماهاورفع من شأنها
وحبيبهاخالد الذي المه بعدهاعنه
وستترك لهم علم يرفرف بأسمها حامل معه سلاح العلم والمعرفه وسوف تأتي اليهم حامله لهم المزيد
أبراركانت بغرفتهاتفكربخالد تبيه ينساها ماتبيه يحبها أكثرعشان مايترك زوجته وعياله عشانها وتكسب ذنبهم وكانت تخاف أن يجي يوم ويخونهازوجهامع وحده غيرها وهي ماتدري جتهافكره تمنت أنهاتنجح فأرسلت له رساله:
(خالدسامحني على كل شي ماقدرأكمل قصة حبنا لان الوقت أنتهى*وجاءمن يوقفه وهوولدخالتي خطبني وأهلي وافقوعليه)وأرسلتها
وصلت الرساله لخالد قراها وأنصدم من كلامها بس أرسلها رد:
(حبيبتي ماحديقدريوقف حبناحتى لوأنتي طلبتي مستحيل أنساك ماينسيني حبك الأ الموت أبرارلو تزوجتي مستحيل أنساك مهما كان أعذريني ماقدرأوقف طريق حبي لك حتى لوتزوجتي بتظلين أنتي زوجتي ودنيتي وراح تظلين أنتي كل سعادتي أبرارأحبك وأموت بالأرض الي تمشين عليها)
وصلت أبرارالرساله وبكت حزن وندمت أنهاتعرفت عليه موكره لابس خوف عليه وعلى مستقبله خوف على مستقبلها مع الشخص الي راح ياخذها
أرسلت له مسج:
(حبي لاتعذبني خفف من حبك لي شوي أنامابيك تعذب معي أناماأستاهلك أنابتزوج وأعيش بعالم بعيدعنك)وأرسلتها
أنقهرخالدبس ماكرهاحس أن أبرار فيهاشي بس ماتبي تقوله،_
أرسلها:
(أنابسوي الي طلبتي بخفف من حبك شوي بس بشرط !
أذا زوجك ماهوعندك تدقين علي)
وافقت أبرار وضلت تفكركيف أنهاتنسيه الحب هو ماهوراضي يارب هذا وهي كذبه شلون لو أني متزوجه صدق كان مايخليني_
غابت عنه أبرارتقريبآشهرونصف وطول هذا الشهرمارسلت ولادقت عليه مقفله جوالها يعني سوت كأنهاتزوجت وبعد ماقضت شهرين فتحت جوالها ولقته مرسل لهامسجات أغلبهاكلام وسوالف وبعدين صارت ترسله على الخفيف بس هو لا يدق ويرسل مثل مايبي وهي تحاول قدماتقدرأنه يمل منهابس مافي فايده أستمرت على هذي الحاله تقريبآ٥شهور وبعدها قالت له أناحامل تبيه يتركها بس مارضاء وضل يكلمهاويرسلها لين صارلهاسنه وهي على هذي الحاله وبالنهايه أكتشف أنهاكذبه بس ماتركها أنقهرت لان الخطه مانجحت كل هذا تبيه يقلل من حبه لها بس هوموراضي بالأخير زعل عليها بس هي مازعلت *
قبل سفرتهابأسبوع أتصلت على خالدليل نهارتبي تودعه الوداع الأخيربس للأسف ماكان يرد لين حان وقت اقلاع طائرتها الى المانيا مع ولد أخوهاياسر
لاكن لم تحصل على رد من حبيبها أغلقت هاتفهاوفوضت أمرهالربها صعدت طائرتها وهي تكتب كلماتها لحبيبهاقبل رحيلها
حبي لك كلماتي وسطوري أعلم أنني بعيده عنك لاكن ومازال قلبي ينبض بحبك وعايش بذكراك أتذكركل كلمه وكل موقف وكل شي في الأيام التي أمضيتهامعك بحلوهاومرهامازلت أذكرملامح وجهك
شفتيك
عينيك
وجنتيك
كل شي أصبح من المستحيل نسيانه فلوأنني أستطيع الرسم لابدعت برسمك ولكن أطلب منك السماح سامحني عن خطأي وسوا تصرفي __
هاهي كلمات أبرارالتي أرادت توجهها لحبيبها خالدقبل أن تبتعث لألمانيا لاكن للأسف لم تستطيع الوصول اليه لانه لايجيب على هاتفه__
انا وشلون ابتغلا وكل اللي معي يفداك..!
وانا وشلون اناديلك ومثل الروح تسكني..!
وصفتك للخيال وفز من طوله يبي لقياك..!
حبيبي وين ادورلك شبيه بس في طرياك..!
وانا ياوين القالك كلام بك يجملني..!
ابسكت دام كل اللي بقوله لك فز وجاك..!
تصورهالكلام شلون من حبك هرب مني..!
اعزي هالنهار اللي رحل فجأه ولامساك..!
ورحمت البدر بوجودك حشا ماهوب متهني..!
تصدق لودرى هالنحل عن طعمك وملفاك..!
ترك كل الزهور وجاك وخوفي انه يشاركني.!
تعال ابجمع الحسبه وبحلف بالذي سواك..!
اذا موتي علي ايدينك انا طالبك تمهلني...!
*أبرار:درست الدكتوره مع ياسربس تفكيرهابأمهاوخالد
*خالد:جته بنت وسماها أبراربس هوزعلان على أبرارمايدري كيف يوصل لها
*حصه: تدشرت مع بنات ضايعات
*وريم: تزوجت وصارت موظفه بالأداره الماليه
*أمنه: مبسوطه بالبنت وأن خالد قلت قسوته لهابعدماجتهم البنت
*أحمدوأمين:دخلوالمدرسه وخالديشجعهم.
طب وش راح يصير أذا رجعت أبرارلديرتها هل خالد راح يتزوجها أم لا
وش راح يصيربينهم هل يستمرالحب أم سترا أبرارأن حبهم سراب ليس له هدف راح نشوف في البارت الثاني قريبآ.
تحياتي لكم الكاتبه /ملاك الشوق**
انتظروني في البارت الثاني
(هند بنت اخو ابرار اصغر منها بسنه تقريباً وياسر ولد عمها راح نعرف شخصيتها من خلال الاحداث)
راحت أم أبرار تشوف بنتها الي صارلهاسنه وأكثرمن شهر ماشافتها. .وليش هي جت
أبرار كانت نايمه بدارها
نامت وهي مرتاحه مبسوطه برجعتها
لديرتها
وأمها
وأهلهاكلهم
...وحبيبهاخالد....
نامت وهي تحلم بيوم جديد حلو بين أحظان أهلها وريحت شمعة البيت الي هي أمها أرجعت وهي كلها
وله
وشوق
وحنين
لأهلها....و....حبايبها
دخلت أم أبرار الدار وشافت بنتها وكأنها أول مره تشوفها دمعت عيونها هي ماكانت تشوف وجهاها لان أبرارعاطيتهم ظهرها
قربت أمها وجلست جنبها وباست جبينها
مسحت على شعرها وكأنهاطفل صغير
أبرارحست بيد أمها وفتحت عيونها شافت الي ولهت عليه وأشتاقت له أكثرمن أي أنسان
شافت أمهافزت أبرار وضمتها
حبتها
شمت ريحتها
دفنت عمرها بالحضن الدافي الحنون الي فقدته سنه
ناظرت فيهاأمها
أم أبرار:شلونك يابنيتي
أبرار:(وهي تبوس يدأمها)
أنابخيروالحمدلله أنتي شخبارك شلون صحتك
أمهاودموعهاتنزل:
الحمدلله بخيروصحه وسلامه
أبرار:شكثرمشتاقه لك ولخواني وخواتي
هند:يالنذله وأناماشتقتي لي يالأجنبيه
أبرار،أمها:هاههههاهاهاهاها
أبرار:بسم الله أنتي قاعده
هند:الاقولي أنتي الي جايبه أمي
أبرار:أهاه يعني أنتي الي خربتي المفاجأه ياهندوه،
أنزلت أبرارتحت وأفطرت
وقعدت بحضن أمها تقولها عن أخبارهاوحياتها بالغربهاكيف
بعدهاجاء ياسروفاجاء جدته وأنبسطو وحلفت أنهاتسوي لهم عشاءخاااص مع أهلهم
الساعه 9باليل
دخلت أبرار الديوانيه عشان تسلم على أخوانها وعيال أخوانهاوعيال خواتها
أبرار:السلام عليكم
الكل:وعليكم السلام هلاوالله بأخرالعنقود
الكل بدا يسلم عليها ويضمها الي يبكي والي يضحك والي مكشر لشوفتها
ابرار كانت مبسوطه مع أهلهاوكانت أتسلم عليهم واحدواحد ولا أنتبهت للي جالس بصدرالمجلس ومكشرلها بعدماخلصت سلام
ياسر:عمتي
أبرار:سم
ياسر:سم الله عدوك في شخص جالس بينناماسلمتي عليه
أبرار أخترعت وبدت تدوربعيونها تبي تعرف الشخص الي ماسلمت عليه
وطاحت عينهاعلى شخص جالس وكأنهاموموجوده شالت أبرار عمرها وهي كلها خجل وفشيله وراحت صوب الشخص
من هذا الشخص الي أبرار مانتبهت له؟
وماهي صلت القرابه بينهم؟
وش راح يصير لأبراروالشخص نفسه؟
شالت أبرار عمرها وهي كلها خجل وفشيله وراحت صوب الشخص
وأنحنت له وسلمت عليه بس كان سلامه لها بارد!
أبرار:شخبارك يبه أعذرني العيال ماخلولي مجال أنتبه
أبوها:أيه أكيدمايخلون لك مجال من قدك جايه من المانيا كان رحتي لولي أمرك الي أستاذنتي منه عشان تسافرين قبل ماتجين
عندناوأنا أسحبي علي كاني موموجود أوميت
أبرار:أسم الله عليك أنت ولي أمري وهو أبوي الثاني!(قصدها الأميرسلمان بن عبدالعزيز حفظه الله)
أبوها:أي كان سافرت لباريس ولبريطانيا بموافقته!
وكان طلبتي منه مصرف!
أبرارمصدومه ومعصبه بنفس الوقت:يبه أناأهم شي عندي مستقبلي وماحد يردني عن شي أنا أبيه بعدين أنا ماقد طلبت منك ريال
تبيني أروح أطلب من الأمير يكفي أنه عطاني موافقه ويكفي أنه أمن لي سكن ومقعد يكفي أنه يتصل على السفاره يتطمن علي ويشجعني
يكفي أنه واقف معي بكل خطوه أخطوبها
أم أبرار:أجل خلاص بعدالعشاء البنات يطلعن فوق والعيال يدخلون كلهم
وفعلآ بعد العشاء طلعآ البنات فوق ودخلوالعيال كلهم الأ أبوها طلع لبيته الثاني
وماحد جاب السيره الي صارت للحريم وبالذات للجده عشان ماتضايق
الساعه2باليل الي رجع لبيته مبسوط ومستانس والي قعدعند جدته والي يفكربحال أبرارومومصدق موقفها صدق ماتنلام بحياتي ماشفت
أبو بهالقسوه
دخلت أبرار دارها وهي ماهتمت لأي شي وأستسلمت لنوم
الخميس10صباحآ
صحت أبرار ونزلت تشوف أمها لقت ياسروأنوروهند بنت أنور
طبعآياسريصيرولدعم هند
أبراروهي تبوس أمها:صباح الخير
أمها:هلاصباح النورهاه شبعتي نوم
أبرار:أي يمه!شخبارك أنور أنشألله طيب
أنور:يسرك الحال
ياسر:أقول عمه أناأبي أروح للأتصالات وش تبين أجيب لك جهاز
أبرار:ماله داعي هي كلهاشهروراجعين لألمانيا أشترلنفسك
أمها:وين ترجعين يايمه للحين ماخلصتو دراسه
أنور:يعني أنتم طالبين أجازه
ياسر:لاعمي هم عطونا وزين أنهم خلوهاشهرولاكان ماشفتونا
أمهابأسى:وبعدالشهرهذامتى نبي نشوفكم أنشألله
أنور:يمه أنشألله يتخرجون ويتزوجون و
قاطعته أبرار:أقول زوج ولدك بعدين زوج الي تبي أنا أبي أمي
الكل:هاهاهاهاهاها
أشترا ياسرجهازين وشريحتين له ولعمته.
أبرار أول ماخزنت أمير قلبي
من تتوقعون
أكيدتعرفونه
وبعدها خزنت الأهل
الساعه 4العصر.
أخذت أبرارجوالها ودقت على الرقم بس مافي رد
دقت مره ثانيه عطاها مشغول أرسلت له مسج..
أحبك ويشهــــــــــــد علي الله ماطيق فرقاك
وما أنساك أنا لوقيل قلبك نسانـــي
ماتسوى الدنيا بعيني بلياك
والله ولاتسوى شبر من مكانــــــــــي
هذا الغلا اللي رسمته بيمناك
وهذا الكلام اللي نطق به لسانــي
وصلت الرساله لأميرقلبي عرفتوه
أيوه خالد...
فتحها....
قراها....
صك الجهازوحطه بجيبه وكمل شغله
أنتظرت أبرار رد منه بس مارد
دقت عليه وقبل لايقفل الخط رد
خالد:آلو.
أبراروكلهاشوق:شخبارك
خالد:مين
أبرار:أفااا أمداك تنسى صوتي أمداك تنسى حبنا
خالد بدهشه:أبرار صح
أبرار:أي صح
خالدبفرح:شخبارج حياتي وين ودتج الدنيا ليش تركتيني
أبرار:أنابخير دامني أسمع الصوت وأناأمس جيت من المانيا أنت الي ليش تركتني
خالد:أبرارسامحيني يوم كنتي تدقين علي قبل ماتسافريت كنت بعزاء
أبرارمخترعه:منوالي مات
خالد:أمنه عطتك عمرها
أبرار منصدمه:شنو آمنه ماتت متى وش سبب المرض
خالد:بنفس اليوم الي أنتي سافرتي فيه توفت وأكتشفنا أن فيها ورم براسها وكنت مصدوم وبنفس الوقت كنت خايف على عيالي
ومابغيت أقولك ماكنت أبي أخرب فرحتك
أبرارتبكي:وأنت شخبارك أكيد تزوجت
خالد:أنابخير ولوأفكربالزواج أتزوجك أنتي
أبرار:خالدعن الغشمره عاد شخبارعيالك وأبرارالصغيره وين أنت حاطهم
خالد:كلهم بخيروقاعدين عندأمي وبصراحه تعبت منهم كل يوم يقولون أبي ماما
أبراربحزن:الله يرحمها خالد أنا أسفه بصراحه أنصدمت من الخبرودي أقولك شي ماكان ودي أقوله ولاكانت ناويه عليه
خالد:قولي الي بخاطرك خليني أسمع الصوت الي يريحني.
أبرار:خالدخلاص يكفي أني حرمت أمنه منك وهي حيه مابي أحرمهاوأخونهاوهي بقبرها خلاص أنساني وكل منا يشوف نصيبه.
خالدمصدوم:أبرارهذاموكلامج
أبراروهي تبكي:خالدأناخايفه من المستقبل وخايفه يجي يوم وتخوني وحده مع زوجي خالدخلاص هنا وبس كل شي يتوقف وكل منى
يروح بطريق حنامولبعض
خالدعصب:بكل سهوله تقولينها.
أناقلت كل شي حق أمنه قبل تموت قلت لها أنا أحب وحده أسمها أبرار وعشان كذا سميت بنتي على أسمها.وطلبت منهاتسامحنا وقبل
تموت قالت لأختها وصلي لخالد أني مسامحته ومسامحه أبراروأذا يبي يتزوجها خليه ينتبه لعيالي تراهم أمانه برقبته
أبرار:خالدلاتكذب أمانه آمنه قالت جذيه
خالد:أي هي قالت لأختها وبصراحه صدمتني ماتوقعتهاتقول كذا
أبرار:خالد أبي أسكرأذن المغرب
خالد:أبرار أنتي زعلانه مني
أبرار:خالدمع السلامه
وسكرت الخط قبل تسمع صوته
ورمت نفسهاوقعدت تبكي
دق جوالهايعلن قدوم رساله جديده
من:أميرقلبي
قبل نتفارق سطرت لك يميني
اخر رسالة حب اودعك فيها
هذا قدرنا بالهوى صدقيني
الايام ما تمشي على ما نبيها
ودعتك الله وان قسيت اعذريني
وعيوبي اللي تعرفين استريها
وان كان عذبتك معي سامحيني وانسي ذنوبي الاوله واغفريها
ابذكرك دايم وان رحلتي اذكريني
وابيات شعري عن هواك اكتبيها
ابي اذكر انك كنت احلا سنيني
وايامي الحلوه معاك اذكريها
الايام ياروحي لها جرح فيني
ليا ذكرتي حبنا صارعيها
هذا وداع اخير بينك وبيني
يامن حياتي كلها في يداها
هذي حروفٍ سطرتها يميني
قبل نتفارق قلت اودعك فيها
(أحبك أبرارفكري عدل قبل أنتفارق)
زاد صياح أبرار وتمنت أنهاماجت من المانيا تمنت أنهامادقت عليه تمنت أنهاماسمعت الخبر.
خالدبعدماأرسل الرساله ندم أنه قالهاالخبروتمنى أنه سكت.
مرأسبوع على السالفه الي صارت بين خالدوأبرار ووقتها ماحدأرسل لثاني شي
قرتها أبرار وأتأكدت أنه يكذب إذا زوجته قال عنها توفت أكيد بيقول عن الباقي أي شي خلاص أبرار أغسلت ايدها منه عرفت أنه
كذاب وماردت عليه
أخريوم لأجازت أبرار أرسلت له مسج:خالد أنابكره بسافر لألمانيا بس المره هذي أسافروأنا ماذكرمنك شي الا صوتك الي أول
ماوصلت سمعته!وأشكرك على جفاك لي وتطنيشك الزايد أنا مسامحتك عن كل شي لأني خلاص ماعاد أشوفك! وهذي اخر مره
ارجع لسعوديه واحط عندك خبر بوجودي لاني مليت من اعذارك!