http://*******s.org/up/images/51156505780752928445.gif (http://www.7be.com/vb/t147905.html)


(( السلام عليكم ورحمة الله وبركاته ))
اسعد الله اوقاتكم بالخيـــر والرضــــــا و السعــــاده ..
لعشــــاق الشعر الحقيقــــي و محبـــي الاحســــــاس المرهــف
والكلمه العذبــــــه ستجدون هنا ديوان من تجميعــــي .. }}
اقدم لكم فيه هامـــــــه شعــريـــــه و شاعــر كبيـــــــر .. صاحب الكلمه العذبـــه ..
الشاعر المميـز // {{ مشعــــان البــــــراق }}

نجم سطع في سماء الشعر الشعبي .. نجم يحق للشعر ان يفتخــــر به ..

يعتبر علامه من علامات الشعر النبطي .. اثبت تواجده على الساحه الشعريه

لتميزه بالجزاله والقوه و روعة الكلمه .. حقق له مكانه شعريه في وقت قصير !!

اشاد فيه العديد من الشعراء على سبيل المثال وليس الحصر حبيب العازمـــــي وغيره ,,

نبذه عن الشاعر :
الاســم / مشعــــان محــارب البـــراق العتيبـــــــــــــــي
العمر / 32 سنه
الشهاده / بكالريوس
المهنه / معلم رياضيات
الاقامه / الدمام ..

واتمنى ان تستمتعــــون معي بالشعـــــــر الحقيقـــــــــــــــي والكلمـــه العذبــــه ... !!


.. ( مشعـــــــــــآان البــــــــــــــرآاق ) ..
.. شآاعر شآاب يستحق الكثير . شآاعر ( مرقآابي بـ تميز ) ..
http://*******.yieldmanager.com/ak/q.gif


و لأن لقلمه سحر مُختلف ، و نبض مُختلف ، و اتجاه مختلف ،
حروفه أنشودة سلام ، و تراتيل تشبه الأمان في ليل عتيم ،
حضوره ك الدعاء المستجاب ، كالنور والضياء ، كالإبتهاج ك البشرى السارة ،
عندما يبعثر الحرف في المدى ،
كل ماعلينا فعله الوقوف سعداء ك سعادة الأطفال في عيدهم ،
أننا برفقة قصائد لذاك الذي ليس ك قلمه أحد ،
و ليس ك روحه أحد ، و ليس ك حسه المجنون أحد ،
و اكتظاظ الفخامة بالحضور الراقي جداً ،
و الاطمئنان أن الحرف مازال يتنفس ، مازال يشدو ، مازال بخير و سعيد جداً ،
البراق / مشعان
ك نهر جاري يروي المتعطشين لحرف جميل ، و قصيدة ترتقي للأعالي و سموات الأدب .
ك الإبتسامة التي تثير الإبتهاج في نفوس مستقبليها ، ك السعد الذي يتسربل في وجوه المستبشرين ،
إذن كونوا معي http://www.7be.com/vb/images/smilies/w.gif (http://www.7be.com/vb/t147905.html)..















برب http://www.7be.com/vb/images/smilies/w.gif (http://www.7be.com/vb/t147905.html)

http://*******s.org/up/images/75079280221369861486.jpg





اقبلت لي :
مثلك مثل اي مخلوق ,
ما بيني وبينك : ( عهود ومواثيق ) ,

اقبلت غيم ٍفي مقاديمه بروق
وراه سر .. وفي خفاياه
[ تشويق ] ,
جيت
بشموخ وشفت منزلك
مرموق ,لكن عجزت القى
لـ جيّتك تعليق

وفجأه بديت
أشتاق, وآحن ,وآتوق ,واغفى ..
على وسادة ملامحك وافيق

تهب ريح , و ( قدّ طاريك )
ممشوق ,وألمح [ تفاصيل ٍ على جسمه ] تليق

مدري
هي الصدفه تسوق القدم سوق
والا أنها .. اقدار المحبه : توافيق !

بس الاكيد ,
آمسيت وآصبحت
مسروق
آثر الذهب .. ما تحتميه الصناديق ,

خلاص
ما أنت بـ صورة ٍ تسكن :
الموق
نزلت مع موقي ..
وجيت المعاليق

وطار آلك قلب ٍ ,عنك ؟
ما عايقه عوق
فكيته .. وفكيت معه ( المسابيق ) ,

خذ راحتك ,
لا صرت لـ الروح :
معشوق
تقدر تعدّي كل الاضلاع وتويق ,


من قال ؟
ماللشعر في وصفك
حقوق ,ونظرة عيونك
.. تستثير الطواريق ,

إن ما تغنت فيك
طاروق
طاروق
ماني لـ أميرة قصر الابداع / عشّيق ,

الحب : مثل المسك
رغبة هل الذوق
إن طال عمره ؟ عتّق الشوق .. تعتيق ,

نفس الحياه اللي ملت شارع :
السوق
( الفوضويه منك من غير تنسيق ) ,

لكن هدوءك ؟
ما يخليني آروق
مثل الهوى الساكن بـ [ روس الشواهيق ] ,

فرحت بـ أني كنت
ماني بمسبوق
عليك , وانت اقصى طموح العشاشيق ,

وبعد بزغ نجم ( الرحيل )
ولمع فوق
بدا المكان : يضيق ,ويضيق ,ويضيق

الحلم : مظلوم ٍ للاعدام
مسيوق

ماهو بـ لا فاسق .. ولاهو بـ زنديق

لو مات
في حبل المقادير
مشنوق
يبقى غرامك شامخ ٍ .. كنه طويق

وتبقى حضاراته وهي :
دم وعروق
أشبه ما أشبهها [ حضارات الاغريق ] ,

مثّلت لي بسمه
ولا قلت منطوق
( هنا ) : تحملت الالم فوق ما آطيق ,

ودعتني حسره
وودعتني شوق
وكنك معك .. خذيت ( كل المخاليق ) ,
ماني مصدق : كل مطرود ملحوق
وأنت السراب وعاشقك ناشف الريق



http://www.7be.com/vb/images/smilies/icon26.gif هنآ (http://www.7be.com/vb/a.php?ref=http://www.4shared.com/audio/FocNoq78/__online.html) http://www.7be.com/vb/images/smilies/icon26.gif






الادمـي .. كتلـة مشاعـر واحاسـيـس
أعلّـمـك .. وانــا آدمـــي يـــا آدمـيــه
ان كــان لـجـروح المحـبـه مقايـيـس
تـــرى جـروحــي عـــدّت الـجـاذبـيـه
تضرب على اوتار الغرام الهواجيـس
واشـتـاق لــك فالجـلـسـه الشـاعـريـه
اقري وش اللي في صدور القراطيس
وتـرفـقـي يـابـنــت الاجــــواد فــيّــه
تهشّـمـت كــل الـضـلـوع المـقـاويـس
عـلــيــك يـالـرعـبـوبـه الـغـشـمـريـه
اذكــرك لاهـبـت هـبــوب النسـانـيـس
وانتـي .. ومـيـلات الليـالـي علـيـه !
يعني فـراق / اعـوذ بالله مـن ابليـس
بالله اجـل .. وش هـو لـه العنجهـيـه
من كثر حبي لـك عرفـت الوساويـس
سـجــه وطـــاروقٍ عـلــى الشـاذلـيـه
ليتـك وليتـك مثـل ليلـى عـلـى قـيـس
انــا الـمـلـوّح .. وانـتــي العـامـريـه
كانـك مـن اللـي ملكهـم ملـك بلقـيـس
ومتـابـعـيـن الـبــوْرصــه الـعـالـمـيـه
انــا مــن الـلـي لـلـغـداري مقـابـيـس
حــمّــايــة الـمـيــقــاف فـالـجـاهـلـيـه
آهـل الوفـاء وآهـل النقـا والنواميـس
نـآرد .. ونـورد فـوق حـوض المنيـه
ماهوب عيب نصيـر خلـف الكواليـس
الـعـيـب .. تـــرك سلـومـنـا الاولـيّــه
يـامـتـرفـه مـاكــدّرتــك الـكـوابـيــس
نومـك هنّـي .. وايـام عـمـرك هنّـيـه
حلـمـك رومنسـيـات لـيـل المعـاريـس
وتستوحـشـيـن اللـيـلـه الخـرمـسـيـه
وغيـرك ياكـم ذاق العنـا والتواعيـس
والـصـبـر يـامــرّه عـلــى المكـرهـيـه
ماقـد عرفتـي وش حـيـاة العواكـيـس
الــفــرق واضــــح بـيـنـنـا يـابـنـيّــه
صيفـك بواشنـطـن ولـنـدن وبـاريـس
وانـا احرقتنـي سـمـوم نـجـد العـذيـه
واذا بغيت اسـج رجلـي علـى الكيـس
صـيّـفـت لـــي يـومـيــن فالسـالـمـيـه


http://www.7be.com/vb/images/smilies/icon26.gif هنآ (http://www.7be.com/vb/a.php?ref=http://www.4shared.com/audio/XNpx1tN2/_online.html)http://www.7be.com/vb/images/smilies/icon26.gif






رفعت كفي .. ماقدرت ارفـع الصـوت
لو كـان فالخاطـر .. كـلام ٍ كتمتـه



لحظه وداع / وكنهـا سكـرة المـوت
ضاع الطريق .. اللي من اول رسمتـه


ضاع الطريق وصرت في الدرب مبهوت
مدري وش اللي فاتني مـا اغتنمتـه !


العمر مرّ .. وراح مع فايـت الفـوت
صحيح ضعت .. وضاع حلـم ٍ حلمتـه


الا انت ياللي قربـك لروحـي القـوت
لو غبت / يبقى وسمك اللـي وسمتـه


يبقى كما نقش ٍ على الصخر منحـوت
حفظتـه .. بشكلـه ولونـه وسمتّـه


مهما الفراق اوجـاع والبعـد ممقـوت
اصبح مصير ٍ من غـلاك / احترمتـه


دمع النصر لو طاح من ( عين جالوت )
( عين العقل ) دمع ٍ تكنّـه / حشمتـه


ذخرت لك يافرحـة العمـر .. تابـوت
فيـه الغـرام اللـي بديتـه / ختمتـه


يبقى الغصن لو مابقى فالغصـن تـوت
تحـرك انسـام الذعاذيـع .. صمتـه


سكّت .. وانا مـن موادعـك مكبـوت
شي ٍ تجاهلتـه .. وشـي ٍ فهمتـه !


حبل الرجاء من جور الايـام مفلـوت
ياليت قلبـي عـن غرامـك عصمتـه


ياما .. بنيت بيـوت وبيـوت وبيـوت
اليوم .. كـم بيـت ٍ بنيتـه .. هدمتـه


http://www.7be.com/vb/images/smilies/icon26.gif هنآ (http://www.7be.com/vb/a.php?ref=http://www.4shared.com/audio/4LTj46tN/__online.html)http://www.7be.com/vb/images/smilies/icon26.gif







برب http://www.7be.com/vb/images/smilies/w.gif

http://*******s.org/up/images/81584715094874287289.jpg


ليتك قبل لا انتفارق / طحت من عيني
عشان لامن نسيت .. انساك بـ المـرّه
لكنك اقرب لـ( دمي ) من شرايينـي
وغلاك له في ضلوعي كـرّه و فـرّه
اصارحـك .. لان مايعنيـك يعنينـي
واعاتبك .. وانت لـ عيون الغـلا قـرّه
خابرك مهما افترقنا ما انت ناسينـي
وانا اتذكـرك فـ اللحظـه 100 مـرّه
اسمك لحاله عن اللي جاي مغنينـي
منقوش فـ القلب نقش ٍ في صفا الحرّه
الله يسامـح خطـاك و لايخليـنـي

ان كان الاحساس ماعندك منه ذرّه !
وشلون يـ اللي مصافينـي // تجافينـي
عـزالله ان الليـال السـود مفتـرّه
لكن وش اقول و الا ويش في يدينـي
مدام عهد المواليف انكشـف سـرّه
من ضيقة الصدر فيني مـا يكفينـي
تعـيّـن ! زرار ثـوبـي يـ الله ازرّه
ان كان ماجيتنـي يابهجـة سنينـي
غديت مثل الشهيـد محمـد الـدرّه
ما أظن تبقـى عناوينـي عناوينـي
يموت فيّ الغرام بـ( خيره و شرّه )
مجبور في واقع ٍ ماهوب مرضينـي
هذا مصير ٍ عليه النفـس مضطـرّه
خذ همي و شوقي و جرحي و سكينـي
لـ( عالم ٍ ) ينتظرك .. ودربك يمرّه
شف عاد قلب ٍ قسمته بينك وبينـي
عانه تقفّاك .. واقتصّك على الجـرّه
الله يوفـقـك .. والله لايعنـيّـنـي
الحب .. ماعاد ابي بحـره ولا بـرّه



http://www.7be.com/vb/images/smilies/icon26.gif هنآ (http://www.7be.com/vb/a.php?ref=http%3A%2F%2Fwww.7be.com%2Fvb%2Fa.php%3F ref%3Dhttp%3A%2F%2Fwww.4shared.com%2Faudio%2FMyXTU _80%2F___online.html) http://www.7be.com/vb/images/smilies/icon26.gif





ماجـانـي مـنــك يـاربــي رضـيـتـه
وقانـع فــي عـطـاك الـلـي عطيـتـه
احمـدك وأشكـرك والشـكـر واجــب
ولاغـيــرك لـيــا ضـاقــت دعـيـتــه
يـاربـي وانـــت تـعـلـم بالـسـرايـر
وعــن عـلـم ٍ عــن العـالـم كنـيـتـه
تذكـرت السنيـن الـلـي مـضـت لــي
وبـيـت ٍ .. كـــل ماحـنّـيـت جـيـتـه
تركـه اللـي تركنـي مــا انتظـرنـي
وانـا يامـا عـلـى الــدرب احتريـتـه
لـكـن الـيـاس مــن دونــه ودونــي
الـيــن الـهــم بـعـتــه واشـتـريـتـه
لــو انــه عـنـي ابـعـد مــن ديــاره
يحـسـب انــي نسيـتـه / مانسـيـتـه
يـبـي يبـقـى غــلاه الـلــي يـخـبـره
وغــلا الغالـيـن مــن حـيّـه وميـتـه
وغلا ارض ٍ قد وطت رجلـه عليهـا
لــو انــه بـعـد قـفّـى مـــا رجـيـتـه
مقـامـه مــن وراء نـجــوم الـثـريّـا
ومن بيـن الضلـوع العـوج .. بيتـه
مـلّــك فــــيّ الـمـشـاعـر كـلـبـوهـا
وقلبـي عــن هــوى غـيـره نهيـتـه
علـى رجـم الـهـوى كلّـفـت نفـسـي
وعنّـيـت الـقـدم .. حـتـى اعتلـيـتـه
احسبه راحـةٍ لـي .. وأحسـب انـي
ابـسـتـانـس لــيــا مــنــي بـديـتــه
والا يالـيـتـنـي ريّــحــت روحــــي
وقصـرت خطـاي عـنّـه مــا رقيـتـه
وطـانـي مـاوطــى مـجـنـون لـيـلـى
ودينـي مـن زمـانـي مــا اقتضيـتـه
يـالـيـتـه قــبــل لاتـقـفــي ركــابــه
تذكـر وش مــن ايـامـي عطيـتـه !
ياليتـه حـسّ فـيّ .. وشـاف حالـي
وهـــو يـــدري فــراقــه مـاقـويـتـه
ياليـتـه قـــال لـــي مـــع الـسـلامـه
ياليـتـه ثـــم يالـيـتـه ثـــم يالـيـتـه
ابـسـمـح واتـــرك دروب الـمـحـبـه
وابـهـدم كـــل شـــي ٍ قـــد بنـيـتـه
ولـكـن جـعــل فـالـلـي راح خـيــره
هـذا المقسـوم مـن سـعـي ٍ سعيـتـه
هـذا المقـسـوم والمقـسـوم حـاصـل
ومكتـوبـي عـلـى وجـهــي قـريـتـه
لـو انـه تحـت الارض اظنـي اســلا
واسـلـي خـاطــري لامـــن رثـيـتـه
لكـنـه حــي .. وعـلـومـه تجـيـنـي
وطيفـه ويــن مــا أوجّــه .. لقيـتـه
يادنيا : انتي من انتي له يادنيا !!
حـصـلّـي مـنــك شـــي ٍ ماهـقـيـتـه
سمحـت مـن الهـوى خيـره وشــره
يكـفـيـنـي مــنْــه شــــي ٍ خـذيـتــه
مـعــوّض خـيــر يالـقـلـب الـمـعـنّـا
هـذا قسمـك لـو انـك مــا اشتهيـتـه
حلـمـت وضـاعــت الاحـــلام مـنّــي
وهـذا الـلـي مــن احـلامـي جنيـتـه
يـاكــم وقّـفــت لـسـهــوم الـمـنـايـا
وكــم مــن راس داب ٍ قــد وطيـتـه
وكــم نـاديــت بـأسـمـه ماسمـعـنـي

وكـــم لــيــل ٍ عـلـشـانـه سـريـتــه
عـن العالـم .. مكانـه فـي عيـونـي
وقـــوس الـحــب لعـيـونـه بـريـتـه
علـى وضـح النـقـا / والـحـب الاول
لـو امحـي ذكرياتـي .. مـا محيـتـه


http://www.7be.com/vb/images/smilies/icon26.gif هنآ (http://www.7be.com/vb/a.php?ref=http://www.4shared.com/audio/7nIW0RD2/___online.html) http://www.7be.com/vb/images/smilies/icon26.gif





احـتــاج لـــك فـــي ضيـقـتـي لاتضـايـقـت
واشـتــاق لـــك والـشــوق غـــلاب دايــــم
تبي الصحيح ! .. اشتقت واشتقت واشتقت
اقـطــع مـــن الضـيـقـه فـجــوج الـخـرايـم
محتـاج افضـفـض لــك .. بـعـد ماتطـرّقـت
ل ( طعونـي ) الـلـي عـنـد غـيـري غنـايـم
يـمـكـن عـشــان انــــي بـحـبــك تـعـلّـقـت
وعـن غيـرك مــن البـيـض قـانـع وشـايـم
لا تـحـسـب ان المـسـألـه مـسـألــة وقــــت
انـــا كـــذا جـــوي مـــن سـنـيــن غــايــم
اضـحــك وانـــا لاراق جــــوي ولا رقــــت
واسـهـر وكــلٍ فـــي حـــلا الـنــوم نـايــم
مــن صـكـة اقــدار الـزمــن مـابـعـد فـقــت
فــي داخـلـي مــن جـــور وقـتــي هـزايــم
شـفـت انكسـاراتـي بعيـنـي .. ماصـدّقـت !
وأخفـيـتـهـا عـــــن لابـســيــن الـعـمـايــم
يـالـيـتـنـي فـالــلــي تـــعـــدّى مــادقــقّــت
مـــاكـــان لــلــوّنــه تـــهّـــب الـنــســايــم
لـكـن عــزاي .. امـــوت شـامــخ مـادنـقّـت
لـــو لامـنــي فـــي غيـبـتـي كــــل لايــــم
وان وفـــــق الله يـالـحـبـيــب وتــوفــقّــت
ل ( مـولـد ) افـراحـي .. ذبـحــت التـمـايـم


http://www.7be.com/vb/images/smilies/icon26.gifهنآ (http://www.7be.com/vb/a.php?ref=http%3A%2F%2Fwww.7be.com%2Fvb%2Fa.php%3F ref%3Dhttp%3A%2F%2Fwww.4shared.com%2Faudio%2FYUtne 0u6%2F_____.html)http://www.7be.com/vb/images/smilies/icon26.gif



برب http://www.7be.com/vb/images/smilies/w.gif

http://*******s.org/up/images/17091799543197312761.bmp





لو اقدر آصلك يانجـم ٍ لمعـت بسمـاي
.............الارض ما أظـن تعرفنـي ليـا جيتهـا




من دونك الجاذبيه .. والنجـوم بفضـاي
.............اكثر من وجيه ناس ٍ ماظهـر صيتهـا !


ياليتها من علـوم ٍ مثـل هـذي وجـاي
.............كان الفرص يـوم جتنـي .. ماتعديتهـا


بلاي من شرهة ربوعي وفرحة اعـداي
.............هذي هي الساعـه اللـي مـا تمنيتهـا


آثرك مثل السراب اللي مايقطع ضمـاي
.............لو انـي اتعبـت رجلينـي .. وعنّيتهـا


درّ في مدارك وانا ادّرج مكانـي اخطـاي
.............بعـد اوقفـت خطّـر ايامـي وداريتهـا


والا طموحي ! بعيد ابعد من اخـر مـداي
.............ولو انهـا بالعـزوم / عزومـي ابليتهـا


لكن يآسي غلب علـى حقيقـة رجـاي
.............وهزيمتي مـن مرارتهـا .. اسلتذيّتهـا


وعلى كثر مانسفت مـن الحقايـق وراي
.............تموت الاحلام لكـن مـا انهـدم بيتهـا


مدري خطاك انت والا الحظ والا خطاي !
.............سـؤال .. منـه الاجابـات استشفّيتهـا


علوم .. والونّه المتفجـره فـي خفـاي
.............غفت على وسادة ضلوعـي وصحيّتهـا


http://www.7be.com/vb/images/smilies/icon26.gif هنآ (http://www.7be.com/vb/a.php?ref=http://www.4shared.com/audio/iO9Dv-OE/___online.html)http://www.7be.com/vb/images/smilies/icon26.gif









وختامها مسك مع هالقصيده http://www.7be.com/vb/images/smilies/icon26.gif هنآ (http://www.7be.com/vb/a.php?ref=http://www.4shared.com/audio/boYQ2p82/_online.html) http://www.7be.com/vb/images/smilies/icon26.gif
واتمنى انه يعجبكم هالديوان للمعلويه الشاعر مشعان
لايوجد له ديوان صوتي في الاسواق



وبالتوفيق ان شاء الله للجميع http://www.7be.com/vb/images/smilies/w.gif