عيونك بعمري


ترى العمر كله علشانك يهون

ياللي تساوي عندي أيام عمري

يا أحلا من العالم و يا أحلا من الكون

في ذمتي أنك ساكن ( ن) وسط صدري

ما تشوفني و شلون أحبك شلون

و كل البشر يدرون بأمرك و أمري

صرنا أنا وياك ليلى و مجنون

قصة غرام (ن) كلها حب عذري

أسهر طوال الليل ما غمض جفون

ساهر افكر فيك و الليل يسري

و لما يشق الصبح نوره على هون

يطيب بوحي يا أجمل أبيات شعري

يسعد صباح أحلام هذيك العيون

يا أجمل عيون صاحيه الصبح بدري

هذا العمر كله علشانك يهون

يا إللي عيونك أفتديها بعمري

حلاة الحب تتعذب علشاني



قلت أعشقك و أنت يا الزين تجفاني

قال ذا طبعي و لاني مغير طبوعي

أصلاً حلاة الحب تتعذب علشاني

و بالأخص ليا عشقت إنسان من نوعي

قلت الله أكبر عليك شلون تقواني

أموت فيك و ما ذبحني يالغضي جوعي

شوف لعيونك كيف قلبي يتحداني

لأجلك طلع يا وليفي من تحت طوعي

قال أنت مجني عليك و ما ني الجاني

و أن كان ماهو بعاجبك غيرت موضوعي

يا أخي خلاص أنسى هواي و تناساني

و ش يجبرك في هواي تحن و تلوعي

قلت أدري أنه سهل عليك تنساني

لكن عليه صعب أطفي شموعي

يا كيف أبنسا و كل الحب يصلاني

قطع عروقي و كسر باقي ظلوعي

خلاص أبرحل و با فكك من أحزاني

لكن عليك الله بس و دعوة دموعي

بعت المحبة ( هكذا) بالساهل




سويتها فيني و أنا ما أستاهل

و أنت الذي أقسمت ما تسويها

صدقت كذبك و أدري أنك جاهل

عرفت أولها و ذا تاليها

ياهيه أنا ماهو عليّ بالساهل

أنسى المحبة (هكذا) و ألغيها

باهلت عيني و الخفوق يباهل

عيني تشوفك و الهوى معميها

رضيت حكمك يوم صرت العاهل

وقويت صداتك و أنا ما أقويها

بعت المحبة ( هكذا) بالساهل

و أنت الذي أقسمت ما تسويها

إمتعلق بواحد


لا صار قلبك إمتعلق بواحد

و الشخص هذا ما درى شكثر تغليه

تسهر عشانه طول ليلك تهابد

على فراش السهد ساهر تناديه

تلعن ابو الحظ الردي ليه قاعد

يوم أن كل ( ن ) قام حظه يلبيه

و ش حيلتك لا صار حظك يعاند

أرضى و خل القلب متعلق فيه

و أطلب من الله بالدعا و أنت ساجد

عسى لك الله صاحبك ذاك يهديه

يمكن بيوم أن كان حظك يساعد

تسنح لك الفرصة و ثم تلتقي فيه

و أعلم بأن الحب بركان خامد

لا ثار محد ( ن) يقدر أنه يطفيه

حط الأمل في وسط بالك و جاهد

لا يخيب ظنك و الرجا لا تخليه

إن كان قلبك إمتعلق بواحد

يمكن بيوم يحس و شكثر تغليه

أغفر لي الحب



أغفر لي الحب دام أن الهوى زله

و أغفر لي أحساس صادق دامه ذنوبي

ماني نبي الله لا و الله لا و الله

يوم أطرقتني عيونك تاهت دروبي

العلم عندي و عيا العلم لا أهله

لا شفت زولك تهيا مقبل (ن) صوبي

تاهت حروف الكلام و أحرف العله

و ضيع لساني الحكي لو كان مكتوبي

و أغفر لي الجرح و أن طال الزمن خله

يدمي الخفوق و يكمل جملة عيوبي

أنتي عندي مثل بكره


أنتي عندي مثل بكره... أنتظر شوفه و أخافه

أنتي حلمٍ عشت لأجله.. و أخشى يفلت من إيديني

أيه أحبك حب محدن في زمان العشق شافه

حب صادق من فؤادٍ أنقسم بينك و بيني

عندي قلبٍ يا حياتي.. يعشقك عشق الخرافه

يعشق كثر الثواني كثر دمعاتي بعيني

أنتي بحر الحب ،، و أنتي يا بعد عمري ضفافه

جيتك و قلبي سفينه طالبك تنجي سفيني

ما عرف طعم السعادة من حسن عينيك طافه

و البحر لو شاف زينك من كثر شوقه يليني

الله أكبر يا جمالٍ فيك لا يمكن وصافه

هو بهالدنيا هناي و هو سبب ما صار فيني

يا متى تسمح ظروفك ضاعت أيامي حسافه

ثانيه بأقضيها جنبك تعدل بعيني سنيني

لما يناديني


هذي تحيه ( ملؤها ) الأحترام

للصاحب إللي يدري أني أحبه

ويدري علشانه لو يكفي الكلام

لأقول عنه كل ما يعجب به

أشبهه بالورد لا و الله حرام

الورد يعشق أصبعه يلعبه

حتى القمر في ليلته بدر التمام

لا من لمحه يقول لبى قلبه

و أنا بما ( أحمل ) بقلبي من غرام

و عيوني إللي تعشقه و تحبه

أقول له لبيه يا عطر الكلام

لما يناديني و أجيه إمسّبه

ياللي علشانك قطعت المسافات


ياللي علشانك قطعت المسافات
ولا عنيت بطول درب و مسيرة

أجيك لو عني بعيد و سهلات
البعد ماهو في الخطاوي الكثيرة

أشتاق لك شوق أشتعل كل الأوقات
حتى و أنا وياك زايد سعيره

يا ويل حال إللي بكم حي مامات
لو مات كان أرتاح منكم ضميره

و لأجلك عيوني بالسهر و التنهات
و الدمع يجري و الخواطر كسيره

أشوف وجهك في نجوم السموات
و أشم عطرك و أعرفه من عبيره

الحب فيه عيوب بس فيه ميزات
إليا أنجرحت أقول يا عل خيره

حبك ملك قلبأً يحبك و ساعات
لا زاد حبك ياقف القلب حيره

قد قلت له يا قلب ليه هو بالذات
جاوب لأني مقدر أحب غيره

و أنا علشانك قطعت المسافات
و لا عنيت بهجر مليون ديرة

توك تذّكرت


الحين يعني بس توك تذّكرت
و توه طرت ذكراي فجأة ف بالك

يا خي غريبة حرت و ياك و أحترت
و ضاع العمر و أنا أتحرا و صالك

حطمت قلبي بين ايديك و أنكرت
و قلبي خبل للحين يعشق جمالك

و قلتي لي سامح خطاي و تعذرت
و هذي أقولك ما تطابق فعالك

يا خوي أنا مليت منك و تكدرت
و ما في يدي حيلة أموت بدلالك

تدري لو أقدر أتغير تغيرت
و أحب غيرك لو ألاقي بدالك

و لو في يدي أختار شرواك ما أخترت
المشكلة أني عشقتك لحالك

أبسألك بالله في يوم قصرت
و لا سالت بيوم شلي جرالك

عذبتني و ياك ياخي و كثرت
و كثرت جروحك قلت كيفك حلالك

ضاع العمر و اقول بيصير ما صرت
و أنا بحبك شفت منك المهالك

مليت من صبري عليك و تصبرت
الله يصلحك و يصلح أحوالك

تسألني شكثر اعشقك و شكثر صرت
و مدري شجاوب كيف أجاوب سؤالك

أنا الذي لأجلك من الشعر سطرت
أحلا البيوت و عذبها في مجالك

و مشيت في دربك و لا أظني أبصرت
أمشي بعتمة ليل و الليل حالك

العنيد

كنت احسب اني عنيد و خافقي صعبة يلين
............................................. و اتحداها تلين خافقي أجمل مره
و أستهين بجنس حوا و أتلاعب و استهين
...................................... و كل قلب (ن) من غروري أسحقه و ادمره
ما هقيت القلب يخضع و يتواضع للحنين
..................................... و لا هقيت ان فيك شعري ينحني للمحبره
من عرفت العشق يسجد في خيالي سجدتين
....................................... و من عرفتك صرت أحجك للهوى و أتعمره
كان بيدي العشق لعبة و صار بك م الحاكمين
............................. ........... لعنبوه العشق كانه بك أملقيني اظهره
لا تسلهمتي بعيونك تذبحين الناظري
.................................. قعدتك في البيت أحسن من جنون المسكره
من عرفتك صار قلبي منكسر كسر الرهين
............................. ........ و صار نبضه في ضلوعي ما يليق بمظهره
أنتي إللي ظالمتني بين كل المسلمين
........................... ............. أرحميني كن يومي يقترب من مقبره
في الجفا لك ألف باع و بالوصل مالك يمين
............................. .......... من عرفتك دوم و أنتي حانقة متذمره
و الله أنك لو بغيتي كل عمري و السنين
............................ ... في هواك اليوم يرخص ورد عمري و أشجره
و أن بغيتي تستهيني مثل ما كنت استهين
.................................. ........... لي كرامه ما أتنازل تنحني للمصخره
و لو يجيني يوم (ن) أغبر ينحني فيه الجبين
.............................. .. و الله إللي جاعلك لا أحط راسي و أكسره
كنت أحسب أني عنيد و لي خفوق (ن) ما يلين
....................... ............. ما هقيت أنه بيخضع بعد عزته إلمره

ذبت فيك


ذبت فيك و كان قصدي أجعل فيني تذوب
و ذاب قلبي و أنعطب يمك و خاب

و لا بقا لي زرع حي و لا بقا زهر (ن) خضوب
شاخت ايامي و شيب مفرقي و الحلم شاب

أدري يوم أنك تواعدني تجي زعمك كذوب
بس أصدق فيك كذبك و أنت أشبه للسراب

صدق أني كل ليله حاف (ن) عنك أتوب
و لين أغمض أستشفك بين عيني و الهداب

تدري أني حيل أحبك و أنت يالغر اللعوب
تدمي جراحي و تفتح للمواجع ألف باب

ما يهمك لو تحطم في يدك أعتى القلوب
و لا عنيت بجرح قلب و لا عنيت بقلب طاب

و ما يهمك لو يضيع مثلي بحبك دروب
كونك أجمل من خلقه الله على و جه التراب

جيت أعاني فيك و أعني بك و أنا كلي ذنوب
و تكثر ذنوبي لو أني قلت عنك القلب تاب

أيه أحبك كل ليلة فيك أسهر بك طروب
و كل ليله فيك أعانق نجمتي فوق السحاب

صرت أعايش بك نهاري طيف و أسعى للغروب
لأجل أشوفك في منامي حلم و أحلامي عذاب

ما أدري حبك لي طموح (ن) او من الواقع هروب
و أنت أصل (ن) كل مجدي فيك أطلال و خراب

بس أحبك رغم أنك أجهرت فيك العيوب
و أنتساوا في هوانا دام حظي فيك عاب

من متى كان الغرام أحنى من الجرح العطوب
مثل ما و بل المدى فيه الشقا أحلا ثياب

و متى كان النهار أشهى هدف يم الغروب
ومن متى ذا الشمس ترضى للقمر تحني رقاب

و أنت محبوبي لغيرك ما أبي أسلك دروب
راضي (ن) بك رغم أنه فيك كل الظن خاب

ما اعرف المنه


أموت من الضما و الجوع و ما أخذ من إيدين بخيل

تمن و في عطاك الله خلقني ما أعرف المنه

أنا ياما عطيتك قبل تبدى مثل نجم سهيل

تذكر ما مضى حضرة جنابك غافل (ن) عنه

تراني حي هجرك ما ذبحني يا قوي الحيل

نصيحة : خل عنك البعد بعدك و ش تبي منه

غرورك لا يغرك لا تنحى عن طريق السيل

بعد بكرة يجيك القيض تعرف لاهب الكنه

حسافه ضاع طيبي مثل حبه و سط نهر النيل

ترا الرجال لا غير كلامه يختلف ضنه

و أنا ماني بخيل و ما يشرفني أشوف بخيل

أموت من الضما و الجوع لكن ما أعرف المنه

شيب عيني



يا شيب عيني من إللي شافته عيني
من واحدأ ساحر عيوني تغناجه
قبل ألتقي به زماني كان مشقيني
كانت حياتي كيئبة قبل نتواجه
مافيه قبله و لا بعده ملا عيني
يزهى به الحسن عندى لابس ن تاجه
كل الطرق و المسالك له توديني
هو شمعة العاشق المفتون و سراجه
لا ضاق صدري و شفته قلت يكفيني
أسعد بشوفة حبيب تضحك حجاجه
لا واحسافة على إللي مر يا سنيني
كنت أندب الحظ فيها و العن أبراجه
ماكان للحب ورده في بساتني
أيضا و بحر الهوى تلعب بي أمواجه
مالي حبيب ن و لا خل ن يسليني
و لا طبيب يداوي الجرح بعلاجه
و اليوم أشوفه مفارقني و ناسيني
ياليت يدري بقلبي شكثر محتاجه
و أنا من أول ترى مال الهوى فيني
و لا من أول لقلبي في الهوى حاجه