يا أخي الشاعر

للتحميل (http://www.movn.net/voices.php?action=save&id=3212)
أضغط كليك يمين وأختار (حفظ الهدف بإسم)

ياخي الشاعر ترى ما فوق رأسك ريشـه
مــا تحـتـك الا ظـلالـك ترمـحـه و تـهـبـده
ما يهم تسب تمدح شخص تطلب عيشه
المـهـم إن المشـاهـد يـعـرفـون الـزبــده
تتقـي و تبـيـن كـنـك تلـعـب الخشيـشـه
المشاهـد تحـرق أعصابـه و تدبـل كـبـده
المـزاج المنـجـرف و الانـفـس الطنيـشـه
ما تسّمع في السديس و لا محمد عبده

سعد بن جدلان

الجهالة في بني آدم

للتحميل (http://www.movn.net/voices.php?action=save&id=3211)
أضغط كليك يمين وأختار (حفظ الهدف بإسم)


الجهاله في ابن ادم توليه الدبور
لوطريقه غادي يحسب انه متجه
عنده ان مامثل شوره مع الاشوارشور
مادرى انه له مزاج وللناس امزجه
يمكن ان تلقى مزاج يبادلك الشعور
لو على فلم الشطاره وفلم الدبلجه
واخر المشوار لا حصلت مافي الصدور
كل زور فيه شوراليا فاق اهرجه
القمر والشمس كنها تسلف منه نور
والجبال اتصير تحته خيول مسرجه
يحسب ان معه افضليه توليه (http://www.alhnuf.com/195/)العبور
ان لقاءالملح ازعقه ون لقاءالحلواسمجه
السماء عجزت تنوشه جناحين الطيور (http://www.alhnuf.com/195/)
ماوصله الامحمد ابليلة معرجه
يا ابن (http://www.alhnuf.com/195/)آدم (http://www.alhnuf.com/195/)يلعن الله مختال فخور
من تواضع تحت ربه يعليه ادرجه
لجل ماتدخل جهنم على شان الغرور
للعرب حاول تواضع وتعطيهم وجه
من لقا عذب المشارب ومثمرة الزهور
ما قعديغرف من البحرويسوق احدجه


سعد بن جدلان

موجز النشرة

للتحميل (http://www.movn.net/voices.php?action=save&id=3210)
أضغط كليك يمين وأختار (حفظ الهدف بإسم)




بعدالأمل تتعب دونه النـاس ماوصلـوه
حتى تجتمع فى ساعةالحشر منحشـره
الوجه المشبب كلمتـه مالهـا مسفـوه
والأقشر يواجه قشرالأنصاد من قشـره
تلقى مبغضين الآدمي كثر مـن حبـوه
على وجه سابعة الأراضيـن منتشـره
والدنيا تمد النـاس بالخيـر والمكـروه
في خيراتها شتّى وفي شرّهـا خشـره
و سمات البخت لا شافوا النور ما غطوه
واقوى رابطة في الزاد والملح والعشره
واللي يجهل المشروه لا يلحق المشروه
ورجّــــــال تعـداه المشاريـه لا يـشـــــره
والألباب لآمر الكـلآم المفيـد أوحـوه
وتفصيل الخبر يكفي عنه موجز النشره

سعد بن جدلان

ودّنا بالطيب


للتحميل (http://www.movn.net/voices.php?action=save&id=3209)
أضغط كليك يمين وأختار (حفظ الهدف بإسم)



ودّنا بالطيب بس الدهر جحّاد طيب
كل ماتخلص مع الناس كنك تغشهـا

يدك لامدت وفا لاتحرى وش تجيب
كان جاتك سالمه حب يدك وخشهـا

كل ماشـبـيت نار المحّبه مع حبيب
قام يسحب فـي مشاهيبهـا ويرشهـا

كل ماواجهت لك في الزمن وجه غريب
مثل ما قـــال المثل دام تمشي مشها

وذمةٍ ماهيب تندان للحق المصيب
جعل قشاش الحطب لاسَرح يقتشهـا



سعد بن جدلان

المصيبه
(يايبه)
(الصورة اليوسفيه)


للتحميل (http://www.movn.net/voices.php?action=save&id=3209)
أضغط كليك يمين وأختار (حفظ الهدف بإسم)





المصيبـة لا تصــــادم أصـــــول مـع وصــــــول
الوصـول تواصلـه و الأصــول تجنـبـه
و الله مدري وش أسوي و لا أدري ويش أقول
و الحقايـق تيقـظ آخـر سباتـي ينتـبـه
البهـى الفتــــان يخلـــف مـــوازيـن العــــــقـول
و الغلا يثر علـى النفـس لومـه و اعتبـه
يـا يبـه الصــــــورة اليوسفــــيـة و القــــــبـول
يا يبـه مـن لهفتـي و اشتياقـي يـا يبـه


سعد بن جدلان

الا يالله
كرمت ودمت


للتحميل (http://www.movn.net/voices.php?action=save&id=3205)
أضغط كليك يمين وأختار (حفظ الهدف بإسم)





الا ياالله ياللي تحـت هيبـة سلطنتـك اسلمـت"
"لك المسلم يسبح لك بحمـدك ولـك الاسلامـي
احمدك واشكرك واثني عليك بما علـي انعمـت"
"تزودني وفا قـدر العشيـر ووصـل الارحامـي
ولجك الفجر ياليل الذهول اللـي علـي اضلمـت"
"يعرضك واقع الماضي بعيني عـرض الافلامـي
ولهتك يالنديم اللي على صافي وفـاك اضرمـت"
"بصفحة ذكريات العام واللـي مـن ورا العامـي
بعد تقرير مشوار التجـارب نجحـك واجزمـت"
"بان السيف سيفي والعصـا والمحـزم احزامـي
عطتني عزلة اخلاصي معك نسيان مـن نادمـت"
"كتبتك وانطوت صحفي عليـك ورفعـت اقلامـي
اباهـي لا ابالـي واتبيسـط كــل ماقـدمـت"
"اشـب النـار قـدام العـرب واشيـد اخيامـي
نهاري حر شمسه يستحي منها لسـان الشمـت"
"وليلي ترقب نجومـه ملامـة كـل مـن لامـي
على ضو الكلام اللي كشف عنا ستـار الصمـت"
"عرفت اني تحت برق الامل في روض الاحلامي
احسب انك تيمم با اتجاهـي ويـن مـا يممـت"
"واثر ما انت بورايه في الطريق ولانـت قدامـي
مصيبه لاتدنت قيمتك فـي عيـن مـن قيمـت"
"يشوفك بالسهل وانته تشوفـه بالسمـا السامـي
كثر ماحن قلبي للونيـس وكثـر مـا درهمـت"
"فجر صدري حنينـي واتعـب الاقـدام درهامـي
عيون الصد وعيون التجافي حول مهما اكرمـت"
"تشـوف المجتهـد كسـلان والبنـاي هدامـي
مدام ان جانبك شام لجنابي وانت عنـي شمـت"
"كثر خيـرك وانـا مانيـب لاجايـع ولاضامـي
اشوف انه علي واجـب ليـا مريتكـم سلمـت"
"مرور اكرام تربطـه الكرامـه عنـد الاكرامـي
على شان الخفوق اللي على عرشه قعدت وقمت"
"حجب عنك الدجى لين اشرقت لك بيض الايامـي
ختام السالفه ياطيـب العشـره كرمـت ودمـت"
"هذا حقك علي وحق شرهاتـي علـى اوهامـي
مصير الوقت يشرح لك دروسه وان غفلت ونمت"
"يصحيك الزمان اللي يصحـي كـل مـن نامـي
تذكرني لامنها خابـت اوهامـك فمـن وهمـت"
"وشفت الفرق في حب الخشوم وحـب الاقدامـي


سعد بن جدلان

الشعر كسرة وهمزة

(للتحميل) (http://www.movn.net/voices.php?action=save&id=3206)
أضغط كليك يمين وأختار (حفظ الهدف بإسم)


ياللـي تقـول الشعـر هـمـزة وكـسـرة
يقول فكرك مقـدي وأنـت مـا اقديـت
اسرح نهارك وإن ضوى ليلك أسره
وتعود من بحر الشعر مثل مـا جيـت
أحلـى بيـوت الشعـر سهلـه وعسـره
عسره على الإبداع سهله ليا أوحيت
يضرب بها هوج الدواوين جسره
ماهوب لا جاب بيت سقط بيت


سعد بن جدلان

قصيدة في الشيخ مبخوت بن هذّال المسعري

(للتحميل) (http://www.movn.net/voices.php?action=save&id=3204)
أضغط كليك يمين وأختار (حفظ الهدف بإسم)


يالله لا إله إلا أنت يالقادر المتعال
عبدته جهر وأمنّت به قبل ما آشوفه

أنا في ذراه و من ظلاله علي ظلال
وهبني رجاه وشد قلبي على خوفه

أعوذ بجنابه من مقام الصغير الذال
ومن شمسٍ تبين اليوم والصبح مكسوفه

وعسى شايعتنا في عيون الرجال جلال
وعسى عايبتنا خافية غير مكشوفــــــة

أنا والليالي كل يوم لنا مــــــوّال
موالٍ ينبيني عن الوقت وصدوفـه

أسوق الرجاوي لين تآقف على الأطلال
و من وصّل حدود اليأس ما الحقته حسوفــه

ما كلٍ يسد الحال تشرح له الأحوال
العربان بالعربان ماهيب مكلوفـــــــــــــــة

أمّا يشرح الرجال ظرفه على رجال
و لاً يسكت الرجال لا يشرح ظروفــــــــه

عسى الله يبيّض وجه مبخوت إبن هذّال
عز الله العزيز إنه ملكني بمعروفـــــــــــه

لا ضاقت نصيت المسعري مكرم الهشّال
طويل الذراع اللي تباشر به ضيوفــــــه

حميد النبا زين الطبيعة وسيع البال
يشيل الجناب الدمث في راحة كفوفـــه

شرهات المدايح رايمات الجناب العال
قدم الزايدي مثل البعارين مصفوفــــه

إذا ان المكارم عند ربي لها منزال
فهي بينه وبين الكريمين منصوفـــــه


سعد بن جدلان

رسالة الى صديق
قال ابن جدلان

(للتحميل) (http://www.movn.net/voices.php?action=save&id=3203)
أضغط كليك يمين وأختار (حفظ الهدف بإسم)





ون ابن جدلان من لايعٍ لاعه
كن في كبدي دوافير صناعي
العب المنكوس واحب روباعه
ممنٍ في الوقت والوقت خداعي
مادريت ان ضحكة الوقت خداعه
شفت مدخالي ولا شفت مطلاعي
لا بغيت اسج والا انبصط ساعه
دق قلبي من ورا حدب الاضلاعي
كن من بين الضلوع آلة طباعه
تشتغل لانمت واقوم مرتاعي
هم قلبي ما يفرق تجمّاعه
غير جر الصوت والناس هجاعي
فاقدٍ لي سلعةٍ واكبر أبضاعه
سلعةٍ تشرا ولاهيب تنباعي
رفقة الطيب ليا غير اطباعه
اشهد انها كيةٍ توجع اوجاعي
راكب اللي صممه صاحب أصناعه
جمس بيك اب من حديثات الانواعي
الغريب الي جديدٍ من انواعه
حوض رفرف مايبي شد وشراعي
لا أنس البنزين عجلٍ تفرقاعه
مخطرٍ من سرعته يقلع اقلاعي
لا تحرك شفت في القاع مشلاعه
والتواير تظهر الما من القاعي
ينعش القلب الحزين ابتهملاعه
لامشا قام يتهملع تهملاعي
لا وطى الارض العتش كن تهزاعه
بنت شيخٍ طامحٍ من ولد راعي
في رجا الغايب تحرا لمرجاعه
تنقد العشاق وتطق الاصباعي
نفسها من جملة الناس منصاعه
ماتبي الا واحدٍ ذكره ايشاعي
ينحر اللي ياخذ الطيب بذراعه
الصديق الصافي الصامل الواعي
الوفا والطيب ساسه ومنباعه
يوم بعض الطيب تقليد وصناعي
لا وصلتوا فأخبروني عن اوضاعه
واخبروا راعي السمارا عن اوضاعي
انشدو ويش السبايب بمهزاعه
لاعلي ناقص ولا أبيه فزاعي
ودّنا نرضيه ونحاول اقناعه
كان بن مهمل بعد يسمع الداعي
كان يبغا حق للحق قطّاعه
نقنعه والحق ماعنه مجزاعي
وكان مبغضٍ في الرياجيل بتّاعه
لايجي ناقد ويلحقني ارياعي
لصديق نخلي النفس خضاعه
مانوريه الجفا والتمطّاعي
الصداقه عندنا ذخر وطماعه
صحبةٍ ماهيب صحبه تمتاعي
حد جدتها على البرق لمّاعه
وان خذت يومين مفعولها ضاعي
فإن تليمنا على العز والطاعه
وان تفرقنا فجوج الله اوساعي
ماأطرد المقفي ليا صفط شراعه
مخبل اللي للمقفين تبّاعي
من يحط اذنه على كل سماعه
جاه فرقاً مابعدها تجمّاعي
والزباد اختام هرجي ومطلاعه
يدفعه من ريحة المسك ذعذاعي


سعد بن جدلان

أنا مايطيب لي السمر

(للتحميل) (http://www.movn.net/voices.php?action=save&id=3202)
أضغط كليك يمين وأختار (حفظ الهدف بإسم)



انا مايطيب ألي السمـر ويهـدا ويزيـن
الين ابيع واشري في مشاريع تسريحه
لا منه حضر ثلث الدجا وانهزم ثلثيـن
وانكفـت زولتـه وابرهـزت مصابيحـه
يجيني ضيوفن ماتسيـر علـى السلايـن
ملفـاهـا معنـيـن الـزمـان ومجـاريـحـه
ضيوفن علي لمبتدا الشهر لا عشرين
ولها مع حلول الشهر للصدر تلوحيه
لها مجلس وسط الحشا حطته روتين
تنزل وسط جا شكر ضيف ومفاتيحه


سعد بن جدلان

أوف يا كبر الأحلام

(للتحميل) (http://www.movn.net/voices.php?action=save&id=3201)
أضغط كليك يمين وأختار (حفظ الهدف بإسم)




أف ياكبر الاحلام اللي على طاري وشفي
وأخ ياراسي من التفكير في من لا يشونه
وأح ياحر انتظاري للقبول من المقفي
وآه ياحب عطيته لناس مايستاهلونه


سعد بن جدلان

سيّد أخوانه
سيّد اخوانه


(للتحميل) (http://www.movn.net/voices.php?action=save&id=3200)
أضغط كليك يمين وأختار (حفظ الهدف بإسم)



ياراكب اللي يسمى سيد اخوانه
بافخم وكالات عاصمة السعوديه

بنزا يصبه خبير المان بالمانه
العولمه بالصناعه مانتجت زيه

اثنا عشر بستم نايم وصخانه
ولكل بستم ابخاخه و بوجيه

كنها على الجاذبيه شفط بيبانه
والكمبيوتر على طاقات شمسيه

و ليا اشتغل وازن اسياته وسكانه
كنك على رحلة السفن الفضائيه

بالخط تزجل تقول ازجال شيهانه
شيهانتة من طيور الشام بحريه

الخط كنها على مافيه زعلانه
وان شفتها كنها خدره سحاويه

وهي تمثل عروس البحر و(ديانه)
لاقلطت نجمة الروس الثلاثيه

خواتها بالوكاله تطلع ذنانه
ما تصدر الا لمركب كل شخصيه

منصاه لرماح و لفراج عنوانه
شيخ من سبيع اهل نجد الحداريه

اسماء على طبلة التاريخ رنانه
وله على مقدم الذروه وموليه

منصاك شيخ معي ذكره وحسبانه
في حسب الاعتبار وله اهميه

لاصك بعض العرب صدره وبيبانه
في عزلة الذات واحراج الانانيه

يضحك سنا للمراجل بين حجانه
قسمه من المرجله وهبه الاهيه

اللي بقا من مدوحه عندي ميانه
و اللي مضى ماتعادل وقفته ليه


سعد بن جدلان

سلبي وإيجابي


للتحميل (http://www.movn.net/voices.php?action=save&id=3199)
أضغط كليك يمين وأختار (حفظ الهدف بإسم)


لا إلـه إلا القديـر المعطـي الوهـابـي
الخضـوع لسلطنتـه وكبريـاه ونوفـه
كل ما تحته على وجه التراب .. ترابـي
المعـزه والمذلـه مـن رجـاه وخوفـه
تب علي وأنت الـودود الغافـر التوابـي
وأحمني من كل زلـه منطـقٍ مزهوفـه
في السوالف والقصايد سلبـي وإيجابـي
وفي ردود أفعالهـا محمـوده ومأسوفـه
والطبايع فـي الأوادم للحيـاة أغرابـي
والتصادم في مفاهيـم العـرب مسلوفـه
في طرفها المرء لا يسعـد ولا يرتابـي
والمنافـع والضررعفويـه ومهـدوفـه
يعني ما تحكم على الصادق من الكذابـي
من عدم صدق النوى والغاية المكشوفـة
أحداً ما يدخل الحسبـان بـأي حسابـي
وأحدٍ يؤخـذ كلامـه وصفـةٍ موصوفـه
والسهوله للنفوس أقرب مـن الصعّابـي
والطبيعية مداهـا أبعـد مـن المزيوفـه
طارق أبواب العرب تفتح عليـه أبوابـي
من فتح باب الضيافة يكثـرون ضيوفـه
وفالنفوس اللي لا تشبع بي ولا تروا بي
ليل هقواتي طويل وشمسهـا مكسوفـه
كل ما ضنيت ضنـاً فـي كنفهـا خابـي
عندها أوهامي ضحاياها ضحايا الكوفـه
أحسن أجيها زهابي في ظهـور اركابـي
لا تكلفني وهـي عنّـي ماهـي مكلوفـه
لأجل ما يسبب قلق فكري وحرق أعصابي
وإنشغالي من قوييـن الدهـر وضعوفـه
والوفاء والصـدق للصدّيـق والخطابـي
والظفر لإبن الوليـد بعزوتـه وسيوفـه
والجناب اللي وداده جهر ماهـو غابـي
تصلح ضروف الدهر والا تشين ضروفـه
من وجودي يسفهّل .. وينشغل بغيابـي
كل منّا غايتـه مـع صاحبـه معروفـه
فيه بسطي الأحمديـه إمتـداد إرحابـي
والطموح الماجـدي والفطـرة المألوفـه
الإنبساط والإنسجـام وقمّـة الإعجابـي
والله أن كنّـه يقدمهـا علـي بكفـوفـه
تكثر أصحابي علي والا تقـل أصحابـي
المهم إن مانـي بمرتـاح ليـن أشوفـه


سعد بن جدلان

سرى برقه


(للتحميل) (http://www.movn.net/voices.php?action=save&id=3198)
أضغط كليك يمين وأختار (حفظ الهدف بإسم)

سبحان واليك ياليلٍ سرى برقه
أراقبه والعرب في نومها غرقا
ماصدّت من شوفك الاّ الهم والحرقه
بعض الملاقا تعوّضني به الفرقا
حبٍ مع حبّ غيري ماظهر فرقه
غديتّ كنّي شفيع وحبّه الزرقا


سعد بن جدلان

ياهلا


(للتحميل) (http://www.movn.net/voices.php?action=save&id=3196)
أضغط كليك يمين وأختار (حفظ الهدف بإسم)

يا هلا وامية هلا يا رحب وامية رحـب
الرحب تنقل رحب والهـلا تنقـل هـلا
لين تاصل غاية مناك يا اغلى من نحب
أن سلا قلبك هو يحب .؟ ولا ما سلا ؟؟
شوفتك عندي بساتين وأطلال وسحـب
وحشتك يوم أبتعد عنك يا دفع البـلا


سعد بن جدلان

ياجميله

(للتحميل) (http://www.movn.net/voices.php?action=save&id=3195)
أضغط كليك يمين وأختار (حفظ الهدف بإسم)

كل دارٍ ارجعت وانا سنـاوي
عزتي للي سواتي عزتـي لـه
زادت الحمى ورحنا للمـداوي
والمداوي زود الحمـى مليلـه
ياجميله قام يطوي الحال طاوي
والله ان كبدي على شوفك غليله
والله ان قلبي على الاما شفاوي
غير مافي يدي ولا فيدك حيلـه
سجليني في علم حبك فـداوي
انا مجنونك عقب مجنون ليلـى
يارقبت الخشف ياعين النداوي
ياسراجيف الذلول المستحيلـه
يامناةٍ تنقصر عنهـا المنـاوي
ياخيار الدهم يالقـب الاصيلـه
لعنبوك انتي مكاسر عود جاوي
ملبسك سندس شرابك سلسبيله
لو تمرين الشيوخ اهل الفتاوي
عودو مثلي يجـرون الطويلـه
من عشق شرواك والا لايهاوي
التقيد من بعض الاشياء فضيله


سعد بن جدلان

ياسعود
الغيبة

(للتحميل) (http://www.movn.net/voices.php?action=save&id=3194)
أضغط كليك يمين وأختار (حفظ الهدف بإسم)





يا سعود وضعي توتر ويش اسوي به
مع صاحبن من وراء عشرين طلابي
من أول حولنا وتجي مناديبه
واليوم لا عاد لاذكر ولا نابي
خلي بعيد عن الشكات والريبة
وانا مقامي رفيع عند الاجنابي
ان جيت بجيه شافوني معازيبه
وان جيتهم ما قدرت اقول وش ابي
عز الله انها على اللي مثلي اصعيبه
اجي معزز وادور لازم غابي
وسوالفه عقب فرقى الشمل والغيبة
ألذ من سكر في در حزابي
فالحب من ذاق خمره من رعابيبه
والله ان يكد النواصي بيض ما تأبي

سعد بن جدلان

يكفكف شنوقه


(للتحميل) (http://www.movn.net/voices.php?action=save&id=3191)
أضغط كليك يمين وأختار (حفظ الهدف بإسم)

ياراكب اللي تقـول ايكفكـف اشناقـه
حواف قـوم علـى مهجدادهـم نـاوي
ابيـض خطـوط الوكالـه فيـه لهاقـه
لا اضحى الضحى كنها تنعومة النـاوي
حـر تعـلـق بـكـدر اول اطـلاقـه
قبلـه مذيرهـن الشبـوط والــواوي
وكن اختفاقـه مـع الجويـان وادعاقـه
ادعـاق ذيـب يـدور غـرة الشـاوي
لازل ثلثيـن ليـلـه قــام سـواقـه
خلا اتجاهـه لنجـم سهيـل شرقـاوي
الليـل ومخافـت الهـوج وتونـداقـه
ونفث المحرك تقـول قرايـة مـداوي
لازاح جنح الظـلام الصبـح بااشراقـه
فوق الشفق شفت قرص الشمس متساوي
اقلـط بقصـر لـه الخطـار تـواقـه
احد من اضيوفه امصبح واحد ضـاوي
قصر جعفر بن جمل بن شري واشقاقـه
قصـر يـذري ذراه ويهجـي الطـاوي
به مجلـس فيـه نـار السمـر شعاقـه
وفواصل البن الاشقر وازرق الجـاوي
النعم والبيض لـه فـي كـل شوهاقـه
الصـدق مالـه نطيـح ومالـه مقـاوي
كان النعـم يربطـه بااصحابـه علاقـه
مـع جعفـر ذابـح الغـرم ومخـاوي
شرهات الامجاد فـي طاريـه منساقـه
الامداح هويانـة مدحـه وانـا هـاوي
بنات فكـري تعشـق الطيـب عشاقـه
الله يصح الصحيـح ويغـوي الغـاوي
شره الروابـع علـى الامـداح سباقـه
والا ضعاف الروابـع نجمهـا هـاوي
مطلق عمس خطر الضيفـان بااخلاقـه
وجه التقي الرضـي المفتـي الـراوي




وهنا حمّلها بأداء الشيلة (http://www.5ymah.net/inf/voicesm/3565.ra)



سعد بن جدلان

الكفيفة
(للتحميل) (http://www.alsh3r.com/mirror/1771/voice/download/(1).rm)



كل شبر بهالوسيعه ملك ربي تعلمين
واعلم ان اللي خلقني هو خلقلك هالعيون
لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون
لو سمحتي عاد سمعي وحتى لو ما تسمحيـن
المهـم اللـي بقولـه تسمعينـه ويسمعـون
ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون
الركادة عاد زينة والحياء فـي البنـت زيـن
وفيـك آزم لا ركـادة ولا حيـاءٍ يـذكـرون
تعرفينـي أعرفـك؟ مذكـر إنــا ملتقـيـن
لا أعرفك من تكوني ولا تعرفي مـن أكـون
وإطمأني أن كان قصدك بس فينـي تشبهيـن
ما هـو أنـا إلتعرفيـه والبشـر يتشابهـون
مـا دريتـي يخلـق الله مالتشابـه أربعيـن
وأعرف أربع يشبهنك بـس والله يستحـون
وإن كان قصدك شي ثاني عاد قولي وش تبين
خايف إنا نصير فرجة وإلماشتروا يتفرجـون
وإذا ع البال عاجبتنـي لا يحوشـك تحلميـن
صج ربعي من جمالك فيـك صـار يمدحـون
بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون
ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون
وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون
إنتـي خرسـا أسألـك ولا مانـك تسمعيـن
قالوا ربعي ذي كفيفـة قلـت لا تكذبون
لين شفتك يوم رحتـي يمسكونـك ماليديـن
ما دريت إلا عيونـي أربـع أربـع يذرفون
آه ياني منه مشهـد يـوم شفتـك ترحليـن
جيت اشوف عيون ربعي لقيت كـل يدمعـون
قلت سنّـة هالحيـاة وحـن ترانـا مؤمنيـن
الله اللـي مسيّرنّـا بيـن كاف وبيـن نــون
وكل أبونا نختلف مع إننا مـن أصـل طيـن
وتدري عادك يالكفيفة حن تراى متشابهيـن
وإن ما عمت أبصارنا لقلوب أهـم إليعتمـون
يالكفيفة يالعفيفـة إن قلـت آسـف تقبليـن
يغفر الله ذنوب عبده ليا خطا وهـل تغفـرون
سبحان يلي مصورنا ولله في خلقـه شـؤون
يعني حنا كل أبونـا عـاد إسمنـا بنادميـن
وليا قضى ربك أمر وقـال لـه كـن فيكـون
فينـا يلـي رازقنـه خيـر رب العالمـيـن
وفينا يلي هو لعطفه بحاجة القلـب الحنـون
وفينا يلي مـا شكـى مـن علـةٍ كالآخريـن
صـمٌ وبكـمٌ وعمـيٌ فـهـم لا يفقـهـون
بس قليل عـاد فينـا للنعـم هـم شاكريـن
والله يرزق هالخلايق من حيث هم لا يعلمون


سالم البدوي