http://upload.wikimedia.org/wikipedia/ar/thumb/d/de/Talal-alrasheed.jpg/180px-Talal-alrasheed.jpg (http://ar.wikipedia.org/wiki/%D9%85%D9%84%D9%81:Talal-alrasheed.jpg)



الشاعر السعودي:


طلال الرشيد والملقب بالملتاع


سعودي الجنسيه وولد في العراق(الموصل)



توفي رحمه الله في الجزائر



تحديدا في
جبل أبو كحيل الموافق 28 نوفمبر (http://ar.wikipedia.org/wiki/%D9%86%D9%88%D9%81%D9%85%D8%A8%D8%B1)2003 (http://ar.wikipedia.org/wiki/2003)

حنا بدو


حنا ولا مـن قلت حنـا تحنا
كل الكلام بعطر تاريخ الاجداد






المجد هم وهام فينا وغنا
حتى علينا من على روس الاشهاد






يا كبر حـظ الـي نخانا وثنا
نشد له فوق الفخر سـرج وشـداد






ان هلل التاريخ غطـرف وطنا
وان سولفو عنا رجاجيل واجـواد






وان بان لك شمس ترى ذيك حنا
نشرق مدام الظلم ظلمـاو حساد






يا بنت يمي كان رمشـك تمنا
اشق لك ثوب السماء جود وعناد






واشدلك زملً جفن المعنا
واسري بوجهك لاغشى وجهي سهاد






يا حلو قدك يوم قدك تثنا
محدا تغنى فيك من خوف الالحاد






حنا البدو يابنت هـذا لحنا
نحبك اكثر لاغدى حبك جهاد






وحنا البدو يا بنت لامـن نخنا
بناتنا يثالث العـيد الاعـياد






وحنا البدو يابنت وان قلـت حنـا
فاح الكلام بعطر تاريخ الاجداد



تحميل (http://www.dwaihi.com/poem/29tl16.ra)

عيون الحب

عيون الحب لا يمكن تناظر
عيوب الخل لو هو عيب كله

تماري فيه وبوصفه تكابر
ترى من فوق خلق الله محله

رفيق الليل في الشباك ناظر
واثاري الليل شباك لخله

حفظ أحلى الكلام وصار شاعر
بصبر ينتظر .. والصبر مله

حبيبٍ عشت في دنياه عابر
حسب قوله ويا شعري فقله

أنا ضحيت له وارجى وصابر
واذا عيا أقول الله يحله

على اللي ينتظر يا بعد باكر
يبي السلوان والذكرى تضله

عيون الحب في قلبي تناظر
تشوف اللي عيوني ما تدله


تحميل (http://www.dwaihi.com/25tl11.ra)

اخر حب

كنت احسب اني عرفت الحب قبل اعرفك
وعشقت قبل اعشقك واشتقت قبل التقيك

وكنت احسب اني لقيت احباب قبل اوصلك
واثري توهمت في غيرك وانا كنت ابيك

تعال نعطش وتشربني وانا اشربك
تعال قبل الوعداجلس معي نحتريك

تعال شفني وانا استناك .. كم اشبهك
يطري علي ألف راي وراي واحتار فيك

اجي مكان الوعد والا اسبقه انطرك
والا اخذ الموعد اللي يحتريك واجيك

يااخر الحب ذقت الحب في اولك
ويااول الشوق اقصى الشوق ماينتهيك

علمتني كيف اعرفك لين صرت اجهلك
ضيعتني في متاهاتك وكنت ارتجيك

حبيب الاحلام يابعدك ويامقربك
حرام يكفي تبعثرني وانا احتويك

ان شفتك بحلم صدقته وانا اتوهمك
وان شفتك بعلم كذبته الين انتشيك

اخاف اغمض عيوني وإن رمشت افقدك
واخاف افتح وتصبح حلم ولا التقيك

تحميل (http://www.dwaihi.com/poem/29tl2.ra)

العواذل


حبيبتي كل العواذل تشابه
قلبٍ ظلام ووجه يشبه للأصحاب

ولا ما غدى لك صاحبٍ ينحكى به
لا تسمعي أن كان لك قلب وأحباب

إلى مشيت الدرب يلهث سرابه
وإلى سكنت الدار ناداني الباب

وشلون أنام وهم قلبي صوابه
والشوك ينبت بين جفنين وأهداب

تعبت امني .. الأسئلة بالاجابة
وانطر شروق الشمس والشمس بغياب

وتعبت أناظر والمعنى عذابه
أنك بعيده والملا دونك حجاب

اجمع كلام وما أعرف الإجابه
وعندي شعور صدق والوقت كذاب

كل النجوم اللي امطرت من سحابه
حبيبتي دمعك جرح قلب واتراب

واللي وقف ما بين بابي وبابه
قلبٍ ظلام .. ولابس ثوب الأصحاب


تحميل (http://www.dwaihi.com/poem/29tl7.ra)

ياطاهره


كلي عيوب وما قوت تخجلني ظنونك واتوب* يا بنت انا ماني كذا وظنونك تكذب عليك
واعشق معك الفين وجه ويمتلي صدري قلوب *اكذب عليك ودوم اخونك والبس الابيض واجيك
يوقف على شفاهي معك مراهق صب لعوب *احلى الكلام اقوله لك لوقلته البــــــــارح لذيك
اخاف من صدق الحقيقه في الهروب من الهروب* اكذب ولا ادري ليه اكذب اعشقك ما ارتجيك
ولكنها هـــــــــــذي الحياة تعلمت من الذنوب *والله احبك واعشقك واعرف زمان اني ابيك
في السجن خيال وفي في الصدر رجال كذوب* العين عجزت تعتقك القلب عيا يـشـــــــــــتريك
وانا الذي انقظ وضوء الغيم والماء والهبوب* هذي الحقيقه ما يجي في الكون اطهر من يديك
وبــــــــــاكر تبسملي وجيه لك يعبسها الشحوب* انقل عيوبي فوق متني وانتي لعيبك شريك
يمكن يجي يوم يجي نخجل من ظنوك*...نتوب يا طــــــاهرة حنا كذا والمظهر يكذب عليك

تحميل (http://www.dwaihi.com/poem/29tl23.ra)

ذكرى الفراق

اليوم ذكرى الفراق ومرت أول سنه
اليوم لي عام متغرب وحيد وحزين

اليوم انا ضيف جرحي جيت بطمنه
اني جمعت الدموع وجبت امانة امين

ما يجرح الصادق الا غدر من يامنه
لا جت من احباب قلبك لا تلوم السنين

مليت من هالاماني دام هي مو ممكنه
لاهي تحقق وانا ياسي بوجهي يبين

الوين انا وانت مثل الشمس والازمنه
مع كل صبح يجددني لشمسك حنين

لا قلت احــبك .. احبـــك كنها دندنه
او كنها وردةٍ مابين اصابع جنـيــــن

يا اجمل الـناس لك بين الملا هيمنه
كثير غيرك ولكن مين مثلك وويـــــن

ياعــاذلي خذ عيوني يمكـــن تثمنه
تشوف عيبه وانا اشوفه ملاك حسين


تحميل (http://www.dwaihi.com/25tl8.ra)