ديوان سمو المعاني


.. اليك ِ يا أغلى من نور عيوني

.. إليكِ يـــا حضناً يزخر بالعز

.. إليكِ يــا تــاجــاً من فوق جبيني

..أليك ياأجمـــل ما رأت عيني

اليكِ أنتِ فقط ...

°o.O (ياأمـــــــــــــــــــــــــــي) O.o°

11 / 7 / 1429 هـ
في هذا اليوم من هذا العام البائس ..
كتب الله لي أن يفارقني بالموت أعز إنسان في الوجود ..
كان الصمت المميت عزائي ورفيقي خلال هذه الفترة ..
حتى نَكَبَ الصبر والسلوان عن الطريق
وفاضت الروح بـ حِمامُها وانْصِرامُها
وأَيْنَعَتْ جراح حانَ قِطافُها..
:

:


وآيـقــت مـشــراف بــراســه تـهـفــيــت
والـريــح تـومــي بــي جـنــوب وشـمـالــي


أصـيـح بـأعـلـى الـصـوت يـا راعـي الـبـيــت
وأقـنــب قـنــيــب الــذيــب وآعـزتــالــي


الـيـوم مــات الـلــي بـحـيـاتــه تـهـنـيــت
شـيــخ الـقــروم مـعـدلــيــن الـمـيــالــي


مـات الـكـرم والـجـود يــا سـامــع الـصـيــت
"حــال الـلـحــد مــن دون" قــرم الـرجـالــي


عـلـيـه أجــر الـصــوت والـدمــع هـلـيــت
مـن مــوق عـيـنــي دمـعـهــا مــا يـزالــي


أبـديــت مــا كـنـيــت والـمــر سـفــيــت
وأونـسـت فـي كـبـدي مـن الـجـمــر صـالــي


عـيـا يـطـيــب الــزاد والـشــرب عـيـيــت
وعـيــا يـطـيــب الـنــوم وآسـقــم حـالــي


بـالـصـبـح أجـر الـصـوت والـقـلـب عـنـيــت
وأتـــل ونـــة خـافــقــي بـالـلــيــالــي


"مـن ونـتــي ون الـصـخــر يــوم ونـيــت"
وهـلّ الـسـحــاب دمـوعـهــا مــن خـيـالــي


يـا كـيـف مـبـكـي راعـي الـجـود والـصـيـت ؟
مـنـصـا لـقـومــه وآفـيــن بـالـفـعـالــي ..!


ذاك الـكـريــم أبــن الـقــروم الـعـنـاتــيــت
يـحـثـا عـلــى راســه حـصــاه و رمـالــي .!


ويــلااااه وآحـــراااه عـقــبــه تـشـقــيــت
عـلـيــه قـضـيــت الـثـلـيــل الـطــوالــي


رحــل وخـلــى لــي ونـيــن وتـنـاهــيــت
وحـمـل (ن) عـلـى مـتـنـي سـوات الـجـبـالــي


وآآآلـيــت يـفــدى بـالـدنـانـيــر وآآآالـيــت
عـهــدا لـحــط ل فــدوتــه حـــرّ مــالــي


مـيـر الـمـصـيـبـة بـالـصـبـر مـا تـسـلـيـت
أصـفـق مــن الـحــرّه يـمـيــن بـشـمـالــي


أنـشـهــد إنــي مــن عـلــوّي تـكـفــيــت
ونـكـسـت راسـي عـقــب مــا كــان عـالــي


قـدر وقـضـاء مـا نـعـتــرض يــوم غـنـيــت
أبـيـات مــن جــاش الـحـشــا مــا طـرالــي


أســلـــي الــخــاطــر وبالله تــرضــيــت
آمــنــت بـالـمـكــتــوب فـــأول وتــالــي


آمـنـت بـالـلــي جـامــع الـحــي والـمـيــت
بـيـوم الـحـشـر وأرجـيـه يـلـطــف بـحـالــي


يـا لـلـه يـا لـمـعـبـود يــا رافــع الـبـيــت
يـــا والـــي يـــا واحـــد ذو الــجــلالــي


يــا قــادرا يــا مـقـتــدر بــك تـعــزيــت
يــا سـامــع صــوت الـدعــاء بـالـلـيـالــي


تـرحــم عـزيــز بـالـمـقـابــر تـنـقــيــت
وتـثـبـتــه يــا لـلــه عـنــد الـســؤالــي


وتـنـبـت عـلـى قـبـره مـن الـورد تـنـبـيــت
ومـن كـوثــر مـحـمــد يـنــول الـمـنـالــي


وخـتـامـهــا عــد الــرمــل دوم صـلــيــت
عـلــى الـنـبــي إعــداد وبــل الـخـيــالــي

"أحسب إن البشر مثلي" بطيبي والوفاء ظلّـي
وأثاري الناس تضحك لي وهي بالجوف مغبونه


أمدّ الطيب بوصالـي وأشـدّ الحبـل وأهلّـي
وأثاري صاحبي يقطع حبال الوصـل بسنونـه


أنا جيته وفـاء صـادق وبالإخـلاص متحّلـي
وهو يقفي وأرقع له ثيـاب أعـذار مردونـه


بغيتـه يتصـل فينـا يعلمنـا خـطـا زلّــي
على المرسال نرسل له وهـو يغلـق تلفونـه


بعد ما طق لي صدره وقال أفديـك انـا كلّـي
وبرخص حالي ومالي وأشيل الجرح وطعونـه


أثـاري بعدهـا قفـى حلايـا البـوم متخلّـي
وانا كنت أحسبه حـراً أصيـل يفـرق بلونـه


حشى ما أرجيه حال ومال ولاني شخص متسلّي
أبي لا غاب أدق أنشد ب كيف الحال وشلونه ؟


وأدور صاحباً وافـي يعـرف الطيـب ويدلّـي
على دلة وفاء نشرب دلال الصـدق موزونـه


وانـا مانـي بتابـع مقفـي صـدّ وتنكـلّـي
ولاني براجيه صاحب يصك الباب مـن دونـه


وكان انه بغى فرقاي ولابه مـن خطـأ زلّـي
ف انا بنت العبيه قد وسمْـت الذيـب بعيونـه

فزْعة قصيد





القصيد إليا فزع لا ضـاق صـدري
سيّاف كنـه مـن شغاميـم العيالـي


وانـا لا منـي نخيتـه مـا تحـيـر
أصيل عرقه مـن قديمـات السلالـي


حي القصيـد اللـي لفانـي ياهلابـه
"مخروف" يسقى من جذوره بالجزالي









الوداع



الوداع الموت الأحمر للخليـل=وآعذاب اللي موادع وآعذابـه
ساهرٍ بالليل وعيونه تخيل =ويستهيض الجرح ويزيد إلتهابه










صدّ وتنكر



(صد وتنكر وأنشغل عنـك لاهـي)=ياللي تحسب أنه على الدوم مشتاق
قوّ الفؤاد وخلـك اليـوم ساهـي=خلك عزيزالنفس يا نسل الأعـراق










يـــا بــحـــر



لا يابحر مالي على الشدّة متون = ولا عدت أنا أقوى شيل حملٍ في يديه
ولا عادت ضلوعي تحمّل من طعون = وفي حياتي طابت النفس الشقيه






معاني الشوق

تعبت من كثر القصايد والأشعـار
تعبت من دنيـا النكـد والتعازيـر


تعبت من طول السهر لين الأسحار
ياليتنـي طيـراً بجنحانـه يطيـر


مالي جدى والقلب كنه على النـار
يالله زبنتك مـن سهـوم المقاديـر


لوعه وصكات وتعازير وأخطـار
والسعْد وين السعْد؟مالـه تعابيـر


الوجه من سقم الحشا فيـه تغيـار
وأسمع بقلبي مثل جـر المناشيـر


يالله ياللـي كاتـبٍ كـل الأقـدار
يالله ياللي عالمـن كـل تقصيـر


أسكنتي دنيا بهـا ضيـم وأمـرار
تجعل جزا صبري جنان و تباشير


وصلاة ربي عد ماهلـت أمطـار
على النبي اعداد مارفرف الطيـر


مـعــانــي الـــشـــوق

سهرت الليل وعيوني سهيره ماتعرف النـوم
نجوم الليل تسبرني تحرضني علـى المسـرى


الا ياساريه ماني على المكـروه بـك ملـزوم
شربت المر والعلقـم بكبـدي كنهـا جمـرى


ومالي في كفاح القـوم لامعطـي ولامحـروم
أخذت العز من ساسه عليهـم كنـي القمـرى


وانا ياكثر ماجاني من سهوم البشـر والقـوم
وأصد عنها ولا ودي تسامرني على السمـرى


تحداني سنين الوقت تسقيني غضب وغمـوم
تزايد بالشقا همي واقاسـي لوعـة الحسـرى


عزيزة نفس اعز النفس من صغري الين اليوم
وماني من بنات اللي مع اليعبـوب ياشقـرى


انا بنت الذي قـاد العبيـه فـارس وشغمـوم
ولي في الخيل سُبّقها فوقت اليـن والعسـرى


حكمت العقل في عسر السنين اللي تزيد هموم
وانا عندي امل بالله يجي من بعدهـا يسـرى


على رجوى وعد باكر يرد الغايـب المسقـوم
ألا ياقلـب لاتحـزن وحنـا فالـزمـان أدرى


مــعـــانـــي الــــشـــــوق

البارحـة حلـم الليالـي طـوانـي
ياليـل ياليـل الشـقـا والمعـانـاه


أبكي ودمـع العيـن حـرق وجانـي


يحرم علـيّ النـوم والعيـن تشنـاه
سهـرت ليلـي بالتفاكيـر أعـانـي


وأجر صوتي من عنا الوقـت عـزاه
لقيت داب(ن) فـي منامـي دهانـي


داب (ن) عظيم ماحسبت أنـي ألقـاه
والله وثلاث أيمـان يعجـز لسانـي


في وصف داب (ن) بالحروف المسماه
ويوم انعطف لي بالنظـر مرهفانـي


أيقنت بانـي واحـداً مـن ضحايـاه
أصارعـه والمـوت يمـه دعـانـي


ياضعف عزمي معـه ياقـل جـدواه
ثـم نهشنـي نشـهـةً ماخطـانـي


زعـاف سمـه بالشراييـن مجـراه
من مرقـدي فزيـت والهـم جانـي


محتار فكـري كـل هاجـس تـوراه
هو زين وإلا شيـن وإلا أمتحانـي ؟


وإلا مع الهاجـوس فكـري تعنـاه !!
أدخل على الله من صروف الزمانـي


فـي حلـم ليـلاً بالليالـي حلمنـاه
مــعــانــي الـــشـــوق

هذه مساجله وردتني من الشاعر والأعلامي : غازي الرسمان
لقصيدتي ( مرت نسيم الليالي البيض عجلانه )

:



معاني الشوق فيك اليوم طربانه = أحلا القصايد معاك اليوم نلقاها


رسمت حرفن ومضمونه وعنوانه = أحلا القصايد وشنهي اليوم مغناها


معاني أبيات الشعر فيك ولهانه = أحلا القصايد نلقاها ونقراها


الشعر بيتك وبيتي فيه ميزانه = أوزن حروفي قبل لـتجيك بلواها


قريت حرفك وفكري جر قيفانه = وكل المعاني نلاقي فيها دواها


سميت نفسي غريب الدار بحزانه = أدري غريبه ولاأدري ويش معناها

ياعين هلي دمعـك اليـوم هليـه
واطفي لهيبً داخل القلـب وقـاد


وان قلت لك كفيـه لا لا تكفيـه
فينا ومنا دمعـك اليـوم يـزداد


النوم عافك واجب انـك تعافيـه
من كان مثلك مايبي نوم وارقـاد


هاتي عزيز الدمـع بالله هاتيـه
وأخفي المدامـع لاتبيـن لحسـاد


الفرح ياعيـن الشقـى لاتحريـه
هلي دموع الحزن مافيـه منقـاد


وكحل العذارى لاتقوليـن تبغيـه
لانك شقيه والعنـا شـي معتـاد


لاياشقيـه لـو بيـدي اسـويـه
آخذك يـم الصيـن وإلا فبغـداد


وإلا فقبراً يـم شخـص توديـه
وأقول ياحزن العنا مالـك قعـاد


مالي جدى والقلب نيران تشويـه
والصبر مامن صبر والجرح شداد


ماعاد عندي غيـر دمـع تهليـه
يطفي لهيبً داخل الصـدر وقـاد

:

هذا الرد على قصيده القدير :أبو ماجد
في ديوان سمو المعاني
وله كل تقدير واحترام

حي القصيد اللي على الكيف تواق = ريح الخزامى والنفل واقحواني


يامرحبا واعداد مالاح براق = برق تجلى من طشاشه سقاني


واعداد ماهبت نسانيس الاشراق = واعداد من صلى وصام ارمضاني


بك ياعريب المجد يانسل الاعراق = راع الكرم والطيب جزل المعاني


شاعر ويزهى بالقصايد والاذواق = يسمو الفتى بالروح لاشي ثاني


تمت وأصلي عد منبوت الأوراق = على النبي اعداد دق الثواني


معاني الشوق

قصيدة يــاطـيـر نـغــري..!




واتل قلبي تل دلواً مـن البيـر
يوم عرض لي طير يطرب بفنّه


ياطير (نغري) بالفلا دايم تطيـر
ذكرتنـي شـي مضالـي أكنّـه


ذكرتني باللي لهم عز وتقديـر
اللي لهم بالطيب مذهب وسنّـه


أذكر منازلهم بها حسن تصوير
ونجرا يدن الصوت هيلا وبنّـه


وريح العدامى يقعد الراس تفكير
في مربعا وبل السحايب سقنّـه


قلبي تشطّر من عنا البعد تشطير
ويكن هم فـي حشايـه يكنّـه


مايجبره دمع على خـدي نثيـر
مجروح منهو يبعد الجرح منّـه


ياطير جفني موقد به تساعيـر
والجرح ثاوي طير النوم عنّـه


الله لايجـزاك يانغـري بخيـر
ذكرتنـي شـي مضالـي أكنّـه