من هو الشاعرسالم بن جلعان

ريح الفراق

..
.
يـا وجـودي روح العمـر وآشـوف النذيـر
في شعر راسي صباحـه غـزى ظلمـة مسـاه
يوم شفت العمـر مقفـي وانـا فاقـد خشيـر
نفسي بنفسي خذ الضيـق مـن صـدري مـداه
ضاق صدري من زماني ومـن حظـي الفقيـر
وغيبـة اللـي روح العمـر وآنـا فـي رجـاه
صاحب ٍ كاسي لـه الجـوف بالشـوق الوثيـر
ومنزلـه قصـر ٍ بقلبـي بنيتـه مـن غــلاه
قصر جدرانـه زبرجـد وفرشـه مـن حريـر
يتخطـى فـي جنوبـه ويرفـل فـي حـمـاه
صاحب ٍ كية فراقـه علـى الضلـع القصيـر
واستحيـت آصيـح بالصـوت ولا اقــول آآه
يا وجودي مـن فراقـه ومـن شوقـي الكبيـر
والوصـل مـا لاح برقـه ولا غيـم سـمـاه
وجد جاني ٍ مـن غريمـه يـدور لـه مجيـر
وساقتـه سـود المقـاديـر ليـديـن غـرمـاه
خانه انه مـا خـذ بنصـح أو شـور الشويـر
لين صار الموت منـه علـى مرمـى عصـاه
من وهـج رمضـا القوايـل تجـور بالسعيـر
يا وجـودي مثـل وجـده لقـى مـا لا هقـاه
واقف ٍ في صحصـح البيـن يلفحنـي الهجيـر
بين حلـم ٍ فـي وصالـه ويـأس ٍ مـن لقـاه
واقف ٍ ما بين يمكـن .. لعـل .. وقـد يصيـر
التقـي بـه قبـل لا المـوت تطحنـا رحــاه
واطلـب الله الــذي رد للشـيـخ الضـريـر
شوف عينه بعـد حـزن ٍ تسبـب فـي عمـاه
ورد يوسف بعد غربه .. وسجن .. وجوف بير
وكيد نسـوان ٍ .. وقـدَّت قميصـه مـن وراه
انه فـي مقبـل زمانـي يجـي منـه البشيـر
بالقميـص اللـي يـرجـع قتيـلـه للحـيـاه
وليت ماضي الوقت الأول جعـل يذكـر بخيـر
يرجع ويرجع حبيـب ٍ لمـن هـو فـي حـراه
يوم هـو لاعـب بقلبـي مثـل لعـب الغريـر
ساعـة ٍ يبغـى وصالـي وساعـه مـا بغـاه
إن بعـدت يصيـح بالصـوت عـوّد يالعشيـر
وان قربـت يـزم صـدره ويعطينـي قـفـاه
كنـه ياخذنـي ضمـان ٍ علـى ضفـة غديـر
ثم يعود بي وحلقـي يبـس مـا أروى ضمـاه
صاحب لو مـر حسنـه علـى ناظـر جريـر
ما التفت صـوب الفـرزدق ولا اهتـم وهجـاه
ان ضحك لي يضحك الـورد ويفـوح العبيـر
وان زعل ثم عض لولـه علـى جمـر الشفـاه
قلت صار الجمر ( جنه ) ... وهو بئس المصير
وأي شخص ٍ يحتـرق فيـه يـا كثـر حسـداه
سلهمته تقـول فـي تيـه كـم غيـرك أسيـر
ما فزع لـه قـو باسـه وعزمـه مـا حمـاه
ومشيته لا أدبر كحيلـه علـى الطبلـه تسيـر
وان تمايـل وأقبـل يسيـر قلـت انـه قطـاه
فيه فتنه تغـري السيـف فـي جـوف الجفيـر
وفيه حشمه تلهـم الصـب لا يسهـى الصـلاه
وفيه رغم الحسـن والتيـه عـذروب ٍ صغيـر
سامـح الله الحرامـي سـرق عقلـي مـعـاه
نوم عيني فـي عيونـه وانـا طرفـي سهيـر
وسلوتي لا قلت ابسلاه .. فيـه القـى السـلاه
وقلبـي اللـي فاقـده فقـدة صـواع الوزيـر
سارقه وان قلت شفته ؟ يجاوبنـي اب.. هـااه
وان طلبتـه رد قلبـي تـرى حالـي خطـيـر
قـال قلبـي قـد خذيـتـه ولا قلـنـا نـبـاه
مـا درى ان كلمتـه هـذي لهـا وقـع ٍ مثيـر
في خفوقـي وان خفوقـي بهـا يـدرك منـاه
وما درى ان العمر لو طال في الدنيـا قصيـر
لو درى خـذ مـن طراتـه قبـل يقبـل غثـاه
قبـل لا ريـح الفـراق العبـوس القمطـريـر
تجبـر المشتـاق يلقـى فـي الذكـرى عـزاه
ويتوجد كـل مـا طيـر لاحـا صـوت طيـر
يتوجـد مـن خفـوق ٍ نـوى خـلـه بــراه
يا وجودي مـن زمانـي ومـن حظـي الفقيـر
وغيبـة اللـي روح العمـر وآنـا فـي رجـاه

.

الله يلوم اللي على البعد لامك


يا للي مجلوى عن عيونـي وساكـن
في جوف قلبي كيف ابنسى غرامك ؟

وآنا أشوفـك فـي جميـع الأماكـن
وأقرا كلام الحب واذكـر كلامـك ..!

ويا كيف الومك وادري ان الغلا .. كن
فـي جوفـك وإنـي محـط اهتمـاك

اهيـم بـك ومجـدل الليـل داكــن
واسهر مـع طيفـك ولـذة غرامـك

نشعل فتيل الشوق والشـوق ماكـن
في من ينـزه عـن غيابـك مقامـك

لعـل خفـاق ٍ همـومـه تـراكـن
عليه .. يسلى عن شقاه .. ابـهيامك

مبعد وآنـا يـا لـذة العمـر راكـن
اني قنوتـك والدعـاء فـي قيامـك

وما دام روحك تعتبرنـي المساكـن
فالله يلوم اللـي علـى البعـد لامـك

ابعـد وآنـا ببعـد عشانـك ولكـن
حاول مع النسمات ترسـل سلامـك

مواكب الشوق


كرهتنـي بالقصايـد وانـت مـا تـدري
اني كرهت الشعـر جـدا ً علـى شانـك
أهديتك أعـذب قصايـد بعثـرت عمـري
مابيـن سكـر كـرزك وحلـو رمـانـك
وأهداب عين ٍ لما قالـت معـي تسـري ؟
سريت والمـوت تـوي يسكـن اجفانـك
وعيـن ٍ بحرهـا ينـوي موجـه بغـدري
ابحـر بهـا واتحـدى مـوج طوفـانـك
وصوت ٍ يـردد قصيـدي كنـه القمـري
الله ما احلى القصيد ان جا علـى لساانـك
وجديـل كنـه يصـب بكاسـتـي ......
لا مـن نثـره الهبـوب وداعـب امتانـك
واهديتنـي هجـر كنـه يمتحـن صبـري
يا كيف ابصبـر علـى بعـدك ونسيانـك
لو كنت تدري وش يخبي قفـص صـدري
يمديـه لان الحديـد الـلـي بوجـدانـك
مواكب الشـوق داخـل مهجتـي تسـري
متبختـره تستظـل بـوارف اغصـانـك
وخيل الغلا دكـت الخفـاق مـن بـدري
كـم فـاح مـن جريهـا فلـك وريحانـك
والحـب طفـل ٍ لسانـه يلهـج بشعـري
لعيون ضحكك / دلعك / افراحك / احزانك
ميدانـه عروقـي اللـي جوفهـا مبـري
من طـول وقفـة خفوقـي عنـد بيبانـك
طول غيابك وعـذرك مـا حشـم قـدري
وانا حبيبك // ولانـي باصغـر اخوانـك
رغم اني اهـواك وانـك دايمـا ً تطـري
مانـي مـقـرب قرابيـنـي لغفـرانـك
وكانـك مصمـم توردنـي علـى قبـري
حـذراك يمكـن كفوفـك تنسـج اكفانـك
واللي خلق هالغلا اللي في دمـي يجـري
انـي لخليـك تلعـن جــد هجـرانـك

الغول والعنقاء والخل الوفي !



خانونـي الخـلان والدنيـا قسـت
ما عاد به يا غربتـي خـل ٍ وفـي
(اقلوبهم ) لاعذب مشاعرهم نسـت
وأشواقهم تذبل / تمـوت وتختفـي
ذيك المشاعر كيف جفـت ويبسـت
وانا من أشواقـي اولـع وانطفـي
وذيك الشفاه اللي بالاشواق همست
.كيف بممات الحب راحت تحتفـي !
على ضريح الحب مـرت وجلسـت
مذبـوح بيديهـا وعيـت تكتفـي
في دَمْه داست / استحمت وارجست
.واسقت قلوب ٍ في غرضها قد يفي !
ذيك القلوب اللي من الغدر اكتسـت
محـال اخليهـا تلطـخ معطـفـي
لني وطهر الحـب مركبنـا رسـت
على سؤال ٍ حار في جوفـي خفـي
في غربة ارواح ٍ من الغدر احتست
بالله وين القاك يالصـدر الدفـي ؟
والمستحيل ولو ظنوني وسوسـت
الغول والعنقـاء والخـل الوفـي !

حبيب الشمس



يا وجـد عيـن ٍ فارقـت مهتويهـا
وجد الهنوف اللي اكتست للحـدادي

علـى عشيـر ٍ لابـتـه يحتميـهـاي
ـوم العجـاج وثايـرات الزنـادي

واصبح ضحى عرسه وبكفوف اخيها
مغدور تبكيـه الحضـر والبـوادي

حنـا فرحهـا طبعتـه فـي يديهـا
وثيـاب فرحتهـا عليهـا جــدادي

مابيـن حسرتهـا وزفـرات ابيهـا
اضحت مثل غصن ٍ عصفه الجرادي

من وجدهـا تقطـر مدامـع ذويهـا
عقب البيـاض موشحـه بالسـوادي

يا وجد عينـي بعدكـم يـا صبيهـا
وجد ٍ ترق إلـه الحيـود الجمـادي

محبـتـك ظنيـتـنـي بنتسـيـهـا
وظنيتها فـي مهجتـي شـي عـادي

والبارحـه لامـاك ويلـي عليـهـا
شوقي بعد روحتـك قطـع فـؤادي

كن في المحانـي جمـرة ٍ تسطليهـا
من جمر حـر ٍ مـا يهبـي رمـادي

ساهر ونفسي من لظـى مـا يجيهـا
حطت عيوني تحت نـاب السهـادي

كني ( حبيب الشمس ) رحت احتريها
ارقب متـى يفلـت سناهـا رقـادي

واضحيت وعيونـي تقـول يحديهـا
عن نومها من ثايـر الشـوق حـادي

يا بـري حالـي لـرض ذي كلبيهـا
ما توسع اشواقـي وصافـي ودادي

لعيونك اللي صـرت منهـا واليهـا
وكن رمشها لا ابعدت عنهـا ينـادي

تعال ياللي سبتـي ( رحـت فيهـا )
عن سطوتي بالله وين انت غـادي

كم كلمة ٍِ قالت لمن قالها دعني ...!!


يـاالله لا اطيـح فـي قـوم ٍ تمنـانـي
اطيـح وسيوفهـا مسلـولـه لطعـنـي
وجيه تضحك بوجهـي ضحكـة اخوانـي
وكفوفهـا للـبـلا بـالـدس تدفعـنـي
كنها مـن الضيـق والصكـات تدرانـي
ولو يستـوي غاربـي للقطـع تقطعنـي
اطعونهـا بالخفـا مـاهـي بتخفـانـي
وماغرني لـو بوجهـي انهـا تلمعنـي
وانا اعرف قدر نفسـي واعـرف شانـي
وادري بـ( خل الفهاني ) صعب ينفعنـي
واللي قصـر عـن كلامـه وان تقفانـي
هرجـه يسبعـه وافعـالـي تسبعـنـي
ابرك لـه يصـون نفسـه ويتحاشانـي
( كم كلمة ٍ قالت لمـن قالهـا دعنـي )
والشعر لو هـو رصيـدي بيـن خلانـي
ومـا يصدقـه فعـل للعليـا يطلعـنـي
نذر ٍ علـي نـذر لقطـع بيـدي لسانـي
لني ما ابا غيـر فعلـي شـي يرفعنـي
ولا الشعر مـن كـلام وحكـي مجانـي
شي ٍ سجعتـه وشـي ٍ كنـه يسجعنـي
الشعر ما هـو حصيـل لفعـل ذرعانـي
لكنـه الهـام فـوق الطـرس يطبعنـي
الله عطاني .. له الحمـد انـه اعطانـي
مـن سلسبيـل القصايـد مـا يمتعنـي
ويمـتـع الذائـقـه لـلـي بيقـرانـي
اللي للاحساس يدري الشعر وش يعني ..!
شعـر ٍ حشمتـه يلينـه رز نيشـانـي
في المرقب اللـي بـه الشعـار تتبعنـي
ولا حسـودي سلاتـي عنـه سلـوانـي
باللي بكـف النـوى والبيـن يصفعنـي
الصاحـب اللـي تحريتـه ولا جـانـي
ولقيـاه عنـدي تشبعنـي / وجوعـنـي
ما يدري ان شوفته فـي ناظـر اعيانـي
عن سكرة المـوت والحرمـان تردعنـي
وان غيبته هي شقـاي وقمـة احزانـي
وان حوت همي لما انـه غـاب يبلعنـي
اللـي لعينـه اجـر الصـوت وحدانـي
باعذب قصيـدي لعلـه بـس يسمعنـي
يسمع قصيد ٍ رسم من نبـض وجدانـي
لوحة شقا الروح فـي بعـد ٍ مجرعنـي
كاس السهر وانسكابـة دمعـة اجفانـي
في جوف ليـل الغيـاب اللـي يروعنـي
ولا خيالـي رسـم لـي عالـم ٍ ثـانـي
فيـه التقـي بالحبيـب اللـي مطمعنـي
ياتـي بليلـه وبيـده يقطـف اشجانـي
واقطف ثمر صبر فـي فرقـاه موجعنـي
ليلـه بهـا البعـد والحرمـان ينهـان ِ
والكون من فرحتي مـا عـاد ياسعنـي
بـدر السمـا يفـرك ايـده ويتحـرانـي
ما الـوم كـل الكواكـب لـو تطالعنـي
لا اقبل وفـل الجدايـل فـوق الامتانـي
قالت كفوفـي بليلـه جـازف وضعنـي
وان قلت خايف ضياعـك قالـت امانـي
للموت لاجـل انسكـاب الليـل ذا بعنـي
ابغى انثره فـي مهـب الريـح بالعانـي
حتـى علـى كـل خصلاتـه توزعنـي
واهيم فـي منحـر ٍ لـو يمـن العانـي
ما جيت عاني ورحت آقول مـا اقلعنـي
واعانق العين واحـذر رمشهـا الجانـي
اللي يترقب متـى اغفـل عنـه يجبعنـي
كسووول .. لكن فـي الطعنـات متفانـي
وسلهامتـه لعنباهـا كــم تلوعـنـي
لو بيـن ثوبـه وصـدره يدفـن الفانـي
ما اصد وابعد قبل لا الرمـش يصرعنـي
وازور مبسـم كمـا خاتـم سليمـانـي
شفتـه كـن توتهـا بالمـوت يشفعنـي
وانـا لـي الله حلمـي مـره اغـرانـي
شربـت كاسـه وذاك الكـاس ضيعنـي
في صوته السحر.. ( ميت فيه واحياني )
لا ابعدت ناوي الفـراق بحـرف رجعنـي
من زين نطقه لو اعطي بـس شيطانـي
فرصه / من الفسق والعصيان رصعنـي
ان مال .. سلِّم على غضات الاغصانـي
من ليـن قـده بعـذري يـوم طوعنـي
و ان سار في غنج رد الشيـخ علمانـي
يمسـح بدقنـه ورمقـاتـه تشجعـنـي
ابيـع عمـري لعيـن اللـي يتهجانـي
فـي كـل بيـت اكتبـه ويقـول دلعنـي
انا اعشقك واحترق لك شـوق واعانـي
واقول وانا احبك .. بس هه يعنـي ...!!
ويضمني وانثر اجمـل طيـف باحضانـي
وليا انتثر .. قال تكفـى سالـم اجمعنـي
رحت اجمعه واطلـب الرحمـن ياقانـي
نـار المفـارق ولا انـه فيـه يفجعنـي
اللي كما الـدم يجـرى وسـط شريانـي
اخـر بشـر آتمنـى انــه يودعـنـي
اشهـدك يـارب لــو راح وتنسـانـي
انـه معـي ليـن ذكـرانـا تشيعـنـي

ديــ delete ــليت

ياللي اتبجح في قساك ومـا دريـت انـي نسيـت
آنـا نسيتـك وأنـت وفـر يـا حلـو قسـاوتـك
ما عاد يعنيني زعل مثلـك ولا اهتـم ان رضيـت
ولا تضايقنـي الهمـوم ان كــدرت صفـاوتـك
وابشـرك ذكـرك يمـر اذنـي ولا عنـه دريـت
وما عدت أفز ان جابوا اسـم مقـارب ٍ لسماوتـك
نسيت // يعني شاطبك بالخط الاحمـر مـا حييـت
وان كـان تفهـم يـا ذكـي لا تختبـر ذكـاوتـك
حذفت رقمك من جهـازي وان توهمـت وهقيـت
انـه بيبقـى لـك ذكـر فاعتـب علـى غباوتـك
يوم آحذف رقمك وربـي كلمـا اضغـط ( ديليـت)
كني من اعماقـي مـع اسمـك آحـذف غلاوتـك
معذور يوم احْذِفْك لاني صـادق وبالصـدق جيـت
عاشق وعشقـي عاصفـه جـت تقتلـع هداوتـك
علمتك اسـرار الغـرام العـف تـوك مـا حبيـت
وغاغيتـك بكلمـة احبـك والمشاعـر خـاوتـك
واول خطاويك بـدرب الحـب لـو تذكـر مشيـت
على رمـال جفـون عينـي اللـي اليهـا آوتـك
وعلمتـك فنـون البرستيـج ومعانـي الايتكيـت
وانـت اتعـذر بالظـروف وصغـرك وبـداوتـك
وكبرت تحت يدي شوي شوي ليـن انـك جريـت
داخـل شراييـن ٍ تـذوب لليـنـك وطـراوتـك
واسرجت في نحرك خيول الشعر وبليلـك سريـت
شاعـر ويغرينـي دلعـك وضحكـك وشقـاوتـك
الله بلانـي بالغـلا مـن جـد لا قيـل ابتلـيـت
استغفـر الله ان نفسـي بالغـلا مــا سـاوتـك
ومن بعد ذا كله تخـون ويـدك تهـدم مـا بنيـت
يا حيـف والله واتمـدح بـان جروحـي داوتـك
( اعلمك فن الرمـي واليـوم يـوم انـك رميـت
صوبت قلبي قلت خذ منـي // جـزاء حفاوتـك؟ )
اتخونني وتقول عااادي !! أي عااادي !! او عنيت
انـك غبـي خليـت الاهبـل يعـبـث بنقـاوتـك
يعامللـك كنـك موظـف والمرتـب شطـر بيـت
مبرووووك // غـدره ترقيـه وخيانتـه علاوتـك
بكره بتدري من خسـرت وتتعبـك كلمـة ياليـت
وانا وش اللي باخسره يـا هـووه مـن عداوتـك

تدري وش اللي خذت منك غير حب اهل الكويت ؟
ان اعـذب اشعـاري يغلفهـا طـعـم حـلاوتـك
ولا انت عااادي لو تلين وعاااادي ان رحت وقسيت
انـا نسيتـك وانـت وفـر ليـنـك وقسـاوتـك

تــمر النبـــوت


.
الرجل ما لـه فـي الشدايـد محـزم الا لابتـه
مع عاءه في صلاتـه فـي سجـوده والقنـوت
وانا استحي من يام لا اقـول الطعـون الثابتـهفيني
سبايبها هدب حارس علـى عنقـود تـوت
ما ودي انعتهم واصيـر اللـي طـرف سبابتـها
قفى بشوفه وانت شوفي يا بعـد كـل النعـوت
لنهـم رجاجيـل ٍ ذليـل اللـي غـدوا حرابتـه
لابه يدكون الوغى لو جاهـم الداعـي بصـوت
لكـن دعيـت الله وادعـي وانتظـر اجابـتـه
يجمعني بمن ريقه احلى من طعم تمـر النبـوت
اللـي حسبـت انـي نسيتـه وابـن آدم عابتـه
اخطاءه اللي تفرح العـاذل ويرقبهـا الشمـوت
لو كنت ناسي كان قلبـي مـا تفيـض شعابتـه
بالشوق لا طروه واروي بالشعر حلق السكـوت
وما كان حالي يشبـه لـذا النـون قبـل إنابتـه
سريت في طرد الهوى لاجله وبت بجوف حوت
عشق ٍ ظننتـه ذنـب ذاقتـه العـروق وتابتـه
واثره مطر وعروقي اضمى له من تراب الخبوت
وطاريـه اللـي كلمـا سجيـت عنـه جابـتـه
بنات فكري لين اصيغه في القصايـد والبيـوت
ما هو بحيـا الله طـاري الا غصـون ٍ نابتـه
ومتشابكه في جوف صدري مثل عش العنكبوت
كنت احسبه نـاوي بهـدم الحـب فـي غيابتـه
اثره يشيد له قصور ولو هـدم بعـض البيـوت
وكنت احسب ان الحب ميت واثر قلبـي كابتـه
للي غلاه بداخـل عروقـي مخلـد مـا يمـوت
كأن لـه شـي ٍ عظيـم عـروق قلبـي هابتـه
يصفق بقلبي مثل صفق الموج في جنب اليخـوت
حب يشابـه مـن تمكـن مـن نحـر طلابتـه
لو فات عرق ٍ بالخطا منه فالآخـر مـا يفـوت
مـن يعشقـه ويقـرر فراقـه فبقعـا صابتـه
ما فيه عاقل يشتـري للمـوت بايدينـه كـروت

.

رثاء خادم الحرمين الشريفين


بسم الله الرحمن الرحيم ..

يا آيتها النفس المطمئنة ارجعي الى ربك راضية ً مرضيه
فادخلي في عبادي وادخلي جنتي *

صدق الله العظيم

رحم الله الفهد ... كان خير مليك ٍ لخير شعب

واعز الله الملك .. عبدالله بن عبدالعزيز واعانه

ونصر حكام هذا البلد الطاهر على من تربص بهم

انا لله وانا اليه راجعون ...










يا الـه الكـون يـا ربـي سالنـاك الثبـات
لا تزيغ قلوبنـا يـارب مـن عقـب الفهـد
ثبت قلوب الخلايق يوم زاغـت فـي شتـات
من الذهول / من الفجيعه والوجيعـه والكمـد
القلوب تذوب من هول المصيبه يـوم جـات
والرقاب تقول علقت في شنـق حبـل المسـد
ما كأن الله خلق في الكون غيـرك يالسكـات
والدموع اللي بحـر الجمـر وبجـود البـرد
راح فهد العرب / فهد خزام خشم المعضـلات
فهدنا اللي لطمتـه تصلـم رؤوس ميـة اسـد
خادم البيتين حامـي الديـن ومقيـم الصـلاة
راح والدنيـا عليهـا اسمـه مخلـد لـلأبـد
مخطي ٍ من قال مات / الفهد باقي في الحيـاة
مخطـي ٍ مليـون الا مخطـي ٍ وبـلا عـدد
كيف مات وكيف مات وكيف مات وكيف مات
والله انـه حـي فينـا لـو يواريـه اللـحـد
اسمـه تهلـه غيـوم وينبتـه صـدر الفـلاة
ويتظلـل بـه فقيـر ٍ ويتقـوى بـه جـهـد
وذكره يدك الحصون ويرعب قلـوب الطغـاة
وان سمعه به مارق ٍ يبست عروقه ثـم هجـد
الشجاعه والكـرم والطيـب وأفعـال الدهـاة
اوشكت بانها تمـوت بموتتـه بـس الصمـد
حطها بعده بأخيـر مـن تعلـى المسرجـات
مروي السيف المذهب في مصاديـق الوعـد
والامانه لو تهـز اعتـى الجبـال الراسيـات
ما تهز القرم ابو متعـب سـوا قـام او قعـد
حاكـم ٍ تهتـز الارض لخطوتـه والنايبـات
تدري انه رجلهـا وانـه مـن اصلفهـا ورد
عظـم الله اجركـم يـا سيـدي والمفـردات
عاجزه توصف عظيـم الحـزن لكـن البلـد
لا بسه بجنوبها من حزنهـا الطاغـي عبـاة
ولك تناظر عينها في عز يـا صقـر الهـدد
وبسم يام وبسـم همـدان الرجاجيـل الثقـات
وباسم شعب ٍ للفهد يـا مـا دعـا الله وسجـد
لك نبايع بالولا اللي مـا تزعزعـه الوشـاة
لك يا بـو متعـب ولانـا وانتمانـا والعهـد
والعهد لك نحفظـه حفـظ النبـي للمعجـزات
حن مع صبعك بروق وحن مع صوتك رعـد
والولا بعـدك لسلطـان الفخـر والمكرمـات
والله انه ما كـذب مـن لقبـه وجـه السعـد
ويا اله الكـون يـا ربـي سالنـاك الثبـات
لا تزيغ قلوبنـا يـارب مـن عقـب الفهـد

...

يا ليتنا من حجنا سالمينا



الليـل وعيونـك وأنـا والثريـا
يا ما تسامرنا ويـا مـا حكينـا
أحكي لهم بغيابك اشصـار فيـا
ويبكون ويقولـون بـس اكتفينـا
وكلما ذكرتك وانت تنطق بحيـا
قالت ضلوعي راعـي الله فينـا
رحنا ورحتوا وانطوى العمر طيا
والشوق نفس الشوق عيـا يلينـا
شبنا ولا خذنا مـن الحـب شيـا
( يا ليتنا من حجنـا سالمينـا )
او ليت وان بعض الظروف اتهيا
والقاك مـره والعـرب غافلينـا
لقيا لو ان وجه الزمن بـه حميـا
ما كـان خلانـا عليهـا بكينـا
لقيا تخيلها / لـو الوقـت عيـا
تخيل انا / لـو خيـال / التقينـا
وآجي لك اجري وانت تجري اليا
وكنا نطير من الفرح لا جرينـا
يديك مفتوحه وانـا افتـح يديـا
يلين فوق صدور بعض ارتمينـا
ودموع فرحتنـا تساقـط جنيـا
لا اهتزت جذوع الوله في دمينـا
ونعصر من الاشواق كأسا ً هنيا
واروى وتروى من بعد ما ضمينا
في وقتها لا مـا عليـك وعليـا
لو قامت الدنيـا حبيبـي علينـا
لحظات من شمس الفراق انتفيـا
بظلال حلم ٍ مـا تنوشـه يدينـا
حلم ٍ / وفرقانـا تلـوّح ابـهيـا
ويا ليتنا من حلمنا مـا صحينـا
يا ليتنـا نبقـى حبيبـي سويـا
حتى نرجع فرحنا اللـي نسينـا
تبعد واشيلك وسـط تيـا وتيـا
يا مركب ٍ عيني بحر له ومينـا
تبعد وتبقـى يـا حبيبـي هنيـا
دايم معي حتى ولو ما ( التقينـا )

ثقال النفوس

.

يالله جارك من هل نفوس ٍ ثقال
نبني لها بالطيب عرش ٍ وتهدم
ثقل النفوس اثقل علي من الجبال
آنا واهلها في صراع ٍ محتدم
ياللي بخل بريال لا يجري اتصال
بعدك غنيمه واشهد ان قربك ندم
ابذهن صافي ما يشوشه انفعال
قدرك نزل من/ نجم / ليبطن القدم
ما نفخر بقرب الرجاجيل الهزال
نفخر بمن ليكبرت الحجه قدم
والشعر يا ذيبان ما عز الحثال
الشعر قول ٍ ينظمه حتى الخدم
وحنا فحول افعال جزلين المقال
اعزاز نفس / اجواد نعطي من عدم
نحرص على كسب القروم من الرجال
وكنت احسب انك قرم يامال السدم
اكبر خساره يوم احسبك راس مال
سلامتك يا راس مال اسلم ودم
هقيت باني ناصي ٍ روس الطوال
اثرك مغير شوي رمل ٍ وانردم
والله ما يوجع كريمين الخصال
الا ان بعضهم في مثيلك ينصدم

الى روح مي


فمان الله يا اطهر وجه لامـس راحـة يدينـي
فمان الله يا اطهر روح سالت مثل قطـرة مـي
فمان اللي رجيتـه فـي وداعـك مـا يخلينـي
فمان اللي السما والارض مطويـه بكفـه طـي
مراويـح المفـارق قلـت لا يمكـن تعنيـنـي
يلين فراقنا لاحت بروقـه يـا زجاجـة ضـي
بكى قلبي ودمعه سـال حـزن ٍ فـي شرايينـ
يرثاك بكل نبضه والالم في جـود حاتـم طـي
بكى من فاضت انفاسك قبـل لا انهـا تدفينـي
بكى واذبل عروق ٍ لك فرشها مـن ورود وفـي
رحلتي ما تركتي غيـر حلـم ٍ عطـر سنينـي
سماه من الامل وارضه يسير بها الغلا في غـي
وعطر ٍ في كفوفـي كـل مـا اشمـه يسلينـي
يا ليتك بس شفتيني وانا اشمـه شـوي شـوي
وكيف احبس دموعي خايف ٍ لا امسـح بكفينـي
دموعي ويغسل دمعي بقايا عطرك مـن ايـدي
دفنتك في الثرى لكـن وربـي شالتـك عينـي
ما بين جفونها تبقيـن حيـه دام ( بابـا ) حـي
( يا بابا ) لو حبسها الموت / صداها حي يحييني
ويلج بخافقي رجع الصدى لبيييه لبـا ( مـي )
الا لبيه لك يا اللي جرت مجـرى دمـي فينـي
يا لبا من موادعهـا وسـم بيـن الحنايـا كـي
يا لبـا اللـي براءتهـا كأنهـا قالـت ارثينـي
( يا بابـا ) لا تخلينـي وانـا والله مالـي زي
غشاها السندس ومالت بكـاس الوجـد تسقينـي
الا وجدي عليها وجد يلوي جـوف قلبـي لـي
فمـان الله يـا مـن خلـت الفرقـا تبكيـنـي
وخلت كل هذا الكون بعيوني مـا يسـوى

صلي لحالش وانا بصلي لحالي


يا بنت ليجيت اصلي ما لـش ومالـي
لا اجيب لي عيـد لا بعـده ولا قبلـه
صلي لحالـش وانـا باصلـي لحالـي
اخاف قلبي هدب عينـش يوجِّـب لـه
واضيِّع اللـي نويتـه بـاول وتالـي
وتصير عيني الامام وعينـش القبلـه
وش عاد تنفع صلاتي وانتـي قبالـي
لا قلت بدل الله اكبـر حـي ذا القبلـه
واعيد فرضي عشر مرات لـو جالـي
وفي كل مره هدب عينش يعرقـب لـه
اللي لقتـل الشجـاع يسيـر مختالـي
وان قيل له كم بتاخذ ؟ قال وش هبله !!
ما انلام لو قيل جـن وصابـه هبالـي
وانتي جميع الخلايـق فيـش منهبلـه
تدرين وانتي بعيـده / كنـش ظلالـي
طيفش يدورج وعيني بس ترقـب لـه
ان قلت بنساش واعقد دونـش حبالـي
أقبل وقطـع حبالـي ثـم عقـد حبلـه
كنه حلف ويـن مـا الـد يتهيـا لـي
ولا حلف قال طرفك والله لانشب لـه
اجلس مع النـاس لكـن دالـه ٍ سالـي
ولي عين كنها علـى السلهـام منجبلـه
وجيه تملا المكـان وناظـري خالـي
وان سولفوا تحلف ان اذني بـلا طبلـه
الا لما جابوا اسمـش لحـت بعقالـي
وفزيت فـز بـدوي ْ لسارقيـن إبلـه
وليشفت نظراتهم تبحث خفـى احوالـي
وكنها مـن الشـك والتنغيـز معتبلـه
سويت كنـي ازبـط وضـع دسمالـي
وان قالوا اشفيك قمت الـف واستبلـه
ادراش عـن ناقليـن القيـل والقالـي
ما ابغاه يدري بش اللي ما يحطب لـه
وابعد عن الناس خوف عيـون عذالـي
العـاذل اللـي سببـه الكبـد مندبلـه
في خايع ٍ فيه كـن ذكـراش همالـي
وما غير طيفش معي من ربلـه لربلـه
كنـه ايتمايـل مـع دنـدان مـوالـي
ويرد ما قلت وانـا ارد واطـرب لـه
وقلبي من الشوق لا ميل معـه مالـي
وليتثنـى يفـز القلـب يلعـب لــه
من بن شوقـي مبهـر لاجلـه دلالـي
والشعر مثل القدوع اللـي يقـرّب لـه
اجمع غرامش من عروقـي بفنجالـي
واسقيه فنجال دون الخلق يسكـب لـه
يلعب على رمش عينـي ويتثنـى لـي
وليتعب يفترش جفنـي واطبطـب لـه
وليسرى شب ضو الشوق فـي بالـي
يدفى على جمر حر ٍ مـا هـو بعبلـه
من كبر حبش غدى كنه اصغر عيالـي
ما اغير اداريه واراعيه واحسـب لـه
كتبت لش في غيابش مـا بـرا حالـي
يا كيف لو شفت زولش ويش بكتب له
كيف الشعر لا انتثـر يشبـه لشلالـي
روح بقلب ٍ شجاع ٍ كـم تزهـب لـه
ولا الجمر كيف يحمي المبسم الحالـي
اللي هماجه رحيق النحـل ينسـب لـه
ويا كيف برق الثنايا يشعـل اشعالـي
هو بس يقدح وشعـري ينهمـر وبلـه
وكيف الزهر من عبيره ينتشي الخـال ِ
اللي يحرس الزهر لا احد ٍ ( يهوب له )
ويا كيف عود ٍ مـع النسنـاس ميالـي
من قال بان لش شبيه يقول يا خُبلـه !!
يا كوثر الحب يا ياقـوت يـا غالـي
يا كيف انا في يمينش ما احسد الدبلـه
ويا كيف اوفي الصلاه وترفع اعمالـي
وانتي قبالي وجفنـش مرخـي ٍ نبلـه
صلي لحالـش وانـا باصلـي لحالـي
يا بنت شوفتش لعبـت فينـي السبلـه

سكين اجودي



شيب عيني يوم شفتش رايحـه
وكحلتش من فوق خدش سايحه

وكن دموعش حربة ٍ في مهجتي
من وجعها جر قلبـي صايحـه

والله ان فرقاش سكين اجـودي
العـروق وخافقـي ذبايـحـه

ناجف ٍ روحي وناحر خاطـري
وما سمع صوت الحنايا النايحه

فارتكى جفني بمعكـاز الصبـر
خايف ٍ لا تنهمـر فضايحـه

رحتي وعينش تناظـر ماقفـي
وكن نسم صدري دلال ٍ فايحـه

تحسبين ان روحتش بي ما اثرت
لا ورب البيـت لا يـا نايحـه

بري حالي يومها كيف اصبحت
حالتي وانتـي بوجهش شايحـه

وكيف لحظتهـا تملكنـي العنـا
وكن شرايينـي غـدت منايحـه

صدق انا وقفت حابس عبرتـي
بس روحي تو عينـش طايحـه

حبـال الصـد


مطايا المحبه ضامها السير في رمضـاك
طريقك طويل وصدك يزيد مـن طولـه
يعنّي سماريهـا المشـي ودهـا تلقـاك
على درب عذر ٍ منك ما قـدرت تنولـه
تحرتك تمطر وصـل وتعلـك وتـرواك
ونوّختها فـي واهـج القيـض معقولـه
قطع كبدها حادي الضما يا الشحيح بمـاك
ولفـح الجفـا طالـت لياليـه وفصولـه
بغت تعتذر لك منك عن صدك وجفـواك
تحمل الخطا عنك ولا هـي بمسئولـه!!
وصديتها والصد في عيـن مـن يهـواك
فرى جوفه بخنجر من الغبـن مصقولـه
بعد جريها لك يا المقفـي بوقـع خطـاك
علي انكفت من لطمـة الصـد مذهولـه
وشكت لي وبكّت ساجعات ٍ بغصن الراك
بكت يوم طاحت بَكْـرَة الحـب مقتولـه
بعد كل ذا تجزاني الصـد يـا مااقـواك
بعـد كـل ذا نيتـك للحيـن مجهـولـه
انا لو بغيت اجزي بفعلك فانـا بجـزاك
بصـد ٍ ومـدات ٍ شحيحـه ومغلـولـه
ولا ني بناشد ليه صديت ولا اش جـاك
كفانـي حبـال الصـد بايديـك مفتولـه
تعبت ازعِل الدنيا وانا ما كسبت رضـاك
تعبت اغفـر ذنوبـك بكلمـات معسولـه
مدام انك تبذر صد فاللـي نبـت فرقـاك
الا شين بذر الصـد لا بـان محصولـه
تبا تجني الفرقا فـراس الوصـل يفـداك
وشـي استحـي منـه لعينـاك باقولـه
اذا ما انت تبغاني فانا اقول لك ما ابغـاك
ومواثيق حبـك عنـدي اليـوم محلولـه
وكانك على عهدي فحيـاك عـد خطـاك
تعال اشرح الهجران والصد وش هو له ؟
وانا لك علي أجفاك يا صاحبي وأنسـاك
إلا إذا أعــذارك سميـنـه ومقبـولـه

ميداااااالية .... مفاااتيحهاااا




قـد لا تجـدي الوعـــود ... المقطوعه ...
ولا العهــود المرفوعــه ...
ولا الاشـواق الممنوعــه ...
لنهي القلوب المخدوعه .....



بعد ما الهجر خـلا القلـب قـاع ٍ محـال
....................... ونـوة الهـم جـادت فــي مراويحـهـا
مـرت الترفـه آيـه / تقتـرب للكـمـال
....................... ورج قلبـي مــن القـذلـه وتسريحـهـا
وارتجف ثم تشهـد ومـدري اش زاد قـال
....................... المـهـم ان عـروقـي لــج تسبيحـهـا
قلـت يـا قلـب عودنـا لطبـع الهـبـال
....................... بعـد مـا ذاب جوفـك مـن تباريحـهـا
وبعد ما قلت لاجل اللـي يخـون الوصـال
....................... وعـد لانسى الهـوى وآزيد تجريحـهـا
وسقت ذيك الحلـوف اللـي تهـد الجبـال
....................... ان تزيـح الغـلا اللـي كـان وتزيحـهـا
ويوم مرت ولينك باثر ( سـت الجمـال )
....................... رحت حافـي / وموجـع يـدك تلويحهـا
قلب !! عادت حليمه ؟ / قال .. وبلا جـدال
....................... قلت وجروحهـا اللـي .. ؟ قـال بابيحهـا
المجاريح ( شوف / ونبض عرق / وخيال )
....................... والعفـو طبعـي وشيـمـة مجاريحـهـا
قلت تدمح خطا اللي شاف ذبحـك حـلال؟
....................... قـال مسموحـه ومـن دون توضيحـهـا
قلت ما قـد نسينـا ؟ قـال هـذا المحـال
....................... ذيـك كـذبـه وانــا زودت تمليحـهـا
كيـف ابنسـى وانـا والله رب الـجـلال
....................... مثل يعقوب / لو غابـت ( اجـد ريحهـا )
ذايبه فـي اليميـن وذايبـه فـي الشمـال
....................... وكـل عـرق ٍ تمـره يغمـره شيحـهـا
في الحنايـا لهـا ضحكـات غنـج ودلال
....................... كنهـا طفـلـه اضلـوعـي مراجيحـهـا
قلت بقـول لـك حاجـه وطعنـي تعـال
....................... فيـه حاجـه وحــان الان توضيحـهـا
قـم نـدور بدلهـا يـا خفوقـي غــزال
....................... قـال .. مـا دمـت مـا تفهـم بتلميحهـا
من لقى الشمـس مـا دور لوجـه الهـلال
....................... وذي شرايينـي اسمـع جـاك تصريحهـا
رح ودور ( بدالي ) * قلـب يابـن الـحـلال
....................... ولا انـا صــرت ميدااالـيـة مفاتيحـهـا

ديـــرة التوحيـــد


الا يالله يـا رب السمـا يـا الـواحـد المعـبـود
طلبتـك يالكريـم اللـي جميـع النـاس يرجونـه
طلبتـك وانـت كفـك للخلايـق بالعطـا ممـدود
تغفر ذنـوب عبـد ٍ لا ذكـر ذنبـه عبـس لونـه
وترخي ليل نو ٍ فيـه شعـف وفيـه حـن رعـود
وبرقـه يذهـل السـاري وقدحـه يشعـل مزونـه
تسوقه من علـى ديـره لديـره مسرجـات النـود
ولا يتـرك محـل الا سقـاه وفـجـر عيـونـه
يسيل السهل منـه ويختلـط وبلـه بصفـق بـرود
ويخضر الشعيب البكـر منـه وتزهـر غصونـه
من حدود الشمال يسـوق وبلـه ويغشـى الاخـدود
ومن مكه رزيمه قصـف ليـن الشـرق يرعونـه
وتروى نجد منـه وتنقلـب صحـرا النفـوذ ورود
ويطرا بـدو فـي الصمـان والخرخيـر يردونـه
تعلـه ديـرة التوحيـد مربـاع الكـرم والـجـود
بلاد ٍ / كنهـا .. دره / بجـوف البحـر مصيونـه
منـار الكـون قبلـه للخلايـق والوفـود شـهـود
وتشهـد طيبـه وبيـت ٍ ضيـوف الله يحجـونـه
بـلاد ٍ رافـع الله شانهـا سبحـانـه المحـمـود
ومـن يرفعـه ربـي فالخلايـق مـا يوطـونـه
لو تحاول جمـوع ابليـس بيـن مهبـل ومقـرود
وكـل اللـي عليهـم لـف حبلـه وانثنـوا دونـه
فلا هزوك يا ماكـر حـرار ويـا عريـن فهـود
وانتـي حاميـة الاسـلام وانتـي امنـع حصونـه
متى هز الرواسي هـب نـود ٍ مـا تحـرك عـود
متـى الاسـلام كـان قنـاع للـي يهـدم ركونـه
على قرعة طبـول إبليـس صفـوا للهلاك حشـود
واخذ منهـم بليـس العهـد بانهـم مـا يخونونـه
عطاهم عهده ورضيوا !! متى الشيطان صان عهود
وعدهـم بالبقـا فنـيـوا !! فـنـاء ٍ يستحقـونـه
تجنوا .. فجروا .. ذِبْحوا .. ومن يسلم قضى مطرود
نهايـات ٍ شنيعـه .. يزرعـون المـر يجنـونـه
بري مقتـول بيديهـم .. وطفـل ٍ طايـح ممـدود
كتـب طهـره دمـه بثيـاب فزاعـه يشيلـونـه
وبيـت ٍ هدمـه فاجـر تحتـه شويبـة ٍ مفـقـود
بناتـه راعهـم علمـه وشقـوا الثـوب يرثـونـه
اذا هذا هو الاسـلام !! كيـف نكفـر النمـرود ؟؟
نسمي ذبحنـا اسـلام !!.. لابـو اللـي يلوكونـه
بري الاسلام مـن قـوم ٍ شريعتهـم مـن التلمـود
بـري يـا ديـرة ٍ مـا هزهـا فحـش ٍ يسوونـه
الا يا كيـف تنهزيـن وانتـي فـي يميـن العـود
فهدنـا اللـي ملـوك الإنـس والجِنـه يهابـونـه
وفي جنبه مثل سيف ٍ صقيـل ٍ مـا يكـوده كـود
ابو متعب لما انه صـك خصمـه مكـن طعونـه
وسلطان الحروب اللي مرسها مـن جـدود جـدود
يخططهـا ويقلبهـا علـى مـن يخلـف ظنـونـه
ونايف نايف ٍ لطمته مـا تخطـي الوجيـه السـودا
ثرهـا مـا يواريـه القنـاع الـلـي يحطـونـه
هل الفعل وهل العدل الملوك ومن سوى آل سعود ؟
كفـو / يـا اليعربيـه / رسنـك الغالـي يتلونـه
حزام ودرع في وقت الشدايد وان شكـا المضهـود
حموه وسيفهـم يقطـر مـن دمـا مـن يعادونـه
وحن يا ديرة التوحيـد مـن كـل الخبـوت جنـود
وكان الموت لترابك يا هـون المـوت يـا هونـه
لما ثـار الوغـى والعـج ثـار وخالـط البـارود
وكن تحـت السنابـك راس نيـم ٍ تكلـخ سنونـه
ومن وجف الحوافر مختلـط عـج الرمـك بحيـود
وعكفـان المخالـب حايمـات ٍ ترقـب المـونـه
وللرمـح الردينـي زرقـة ٍمـن مفتـلات زنـود
وكن للروس طحـن ٍ والسيـوف تقـول طاحونـه
نهار ٍ فيه جت رقـاب كـن فيـه الثيـاب لحـود
بننحـر كـل ملعـون ٍ ونسبـي كــل ملعـونـه
ونشبع فاردات الريـش منهـم مـن لحـم وكبـود
ونشبـع ضاريـات البيـد والجـوان مشحـونـه
ونرفـع رايتـك يـا ديـرة التوحـيـد زود وزود
بمـان الله .. والارهـاب نبتـر راس فرعـونـه

الموت سارق يقطف الارواح من دون انتباه


قصيده تنسجم مع قدسية الشهر الفضيل



.........
......
...


يا الله لا ضاقت علـى الارض مـن كـل اتجـاه
--- وغطت ضلوعي يا إلهي ضيقـة ٍ مثـل الجبـال

من لي سوى وجهك لما صديت عن كل الجبـاه
---واقبلت زاهد عن عطايا الخلق يـا رب الكمـال

وأصبح حدود الكون في عيني مكانـي للصـلاه
--- ويممت وجهي صوب وجهك بالدعاء والابتهـال

وجفون عيني كل جفن ٍ فاض من خشيتـك مـاه
--- ورفعت لك كفي وانا في جوف غـدرات الليـال

ارجيك يالله وأنت رب ٍ مـا يخِّيـب مـن رجـاه
---والجا لبابك وأستجيرك مـن ذنوبـي والضـلال

يا رب أنا البارح سريت بليل يضني مـن سـراه
--- آعدّد ذنوبي وكان أهـون علـي عـد الرمـال

كلما تعدى ذنـب يقبـل ألـف ذنـب ٍ مـن وراه
--- وآعد وأغلط في العدد وأصفق يمينـي بالشمـال

لكن يهونها علـي انـك المجيـب لمـن دعـاه
--- اللي غفر للساحـر ذنوبـه ،، وسكنـه الظـلال

أذنب ولكني أخافـك خـوف مـا يِـدرَك مـداه
--- وادري بعلمك عن إساءاتـي الدقايـق والجـلال

يا رب أنا الغرقان في اللـذات وأيامـي وشـاه
--- والعمر مقفى والممات اقبل يبي شـرب الـدلال

الموت سارق يقطـف الأرواح مـن دون انتبـاه
--- والخلق يا عـزاه منشغليـن فـي قيـل ٍ وقـال

الموت حق وسنتك في الخلق ..( وآخرة الحيـاه
--- للي جهـل ) ،، لكنْـه للعاقـل بدايـة إرتحـال

طريا ارتحالي في عيوني اصبحـت مثـل القـذاه
--- ما هو بخوف الموت ، إلا خوف منكر والسـؤال

يا كيف أسوي يا إلهي وسـط قبـر ٍ فـي فـلاه
---- ما حولي إخوان ٍ ولا أعمام ٍ ولا حولـي خـوال

ما غيرانا والبز الابيض والعمل وابغـى النجـاه
-----وهيهات ثم هيهات الاقي دون عفوك لي مجـال

يا كيف أسوي والصحايف ضمت الذنب / وجـزاه
---- ( وآنا الضعيف ابن الضعيف ) يفوق حد الاحتمال

ولا قربوا الميزان لأعمالي يا ربـي شالسـواه ؟
--- والوزن بالقيـراط وذنوبـي ثقـال ٍ فـي ثقـال

والخلق يوم الحشر مفجوعين ،، والعالم عـراه
--- كلا ً يدور للنجاه .. وما حـد ٍ عـن حـد يسـال

والنار تلهث والحطب فيهـا الجبابـرة العصـاه
--- والكل يرقب وش طريقه! ويـن بيحـط الرحـال

في جنة الفردوس أو خاسي مع جمـع الطغـاه
---- في وسط نار ٍ كل ما فيهـا نكـال ٍ فـي نكـال

يا الله دخيلك يومها اغفر لمثلي ما جناه
---ولا تجعل الامال في رحمتك من ضرب المحال

واغفر لأبي يا رب وأمي وارحـم لمثلـي نـداه
--- ولا تضيعنـي دخيلـك يـوم تضييـع العـيـال

ويارب في ماضي زماني أغفـر لقلبـي خطـاه
--- والهمه مع مقبل زمانـي درب ذربيـن الفعـال

وأمنن بحسن الخاتمه يـا الله لا جـات الوفـاه
--- وذكر يغشاه الطيب والناموس ما بيـن الرجـال

وذكرني إن دنيـاي زيـف وإن بهارجهـا فنـاه
---وإن كل ما في الكون من زخرف زوال ٍ في زوال

أنـا بشـر نسّـاي يتبـع كلمـا يغفـل هـواه
--- ونفسي تراودني وشيطاني يصـوت لـي تعـال

وآصد والقى في بحور الشعـر سجـات وسـلاه
--- لا شافها ضاقت بعيني رف لـي جفنـه ومـال

وانا ادري ان الشعر جمه ذنب ،، وان راسه وطاه
--- الا بعضه اللي بعيـد مـن السفاسـف والهـزال

فيا الله أعني لا كتبتـه ينتفـع بـه مـن قـراه
---عنـي علـى رد الهزايل والتحـرى للجـزال

واعنّي على سجادتي مـا دامهـا عـز ٍ وجـاه
--- عندك ،،، ولا ابغى عند غيرك لا حرام ولا حلال

وارحم دعائي يا اله الملك يا للـي فـي سمـاه
---وبقبضة ( إيده ) كل ملكوت السماء يا ذا الجـلال

قلت انا داخـل عـلى الله ثم علـيك

....
..
.
كنت احلم ليـن طاولـت السحـاب
وكنت اروي الحلم من شوقي اليـك
رشفـه برشفـه يليـن القلـب ذاب
ذاب مـنـك وذاب وده يرتـويـك
ذاب وانت اخترت ما لـذّ وطـاب
مـن نبيـذه مـا يرطـب شفتـيـك
ترتشف كاسي وتعصرنـي عـذاب
ورغم ذلك كنت أحس انـي مليـك
ملك كسرى لا لمست ام الخضـاب
قمت احسه تحت رجلـي ينتخيـك
أملك الدنيـا وآمـر فـي الرقـاب
لكـن انـي عنـد رمشينـك هليـك
لا تنصتنـي الوسـاع ام الحـراب
قلت انا داخل علـى الله ثـم عليـك
خبني مـا بيـن صـدرك والثيـاب
أو ببستـان الزهـر فـي وجنتيـك
لا تخليـنـي فريـسـه للـذيـاب
والحميا ورث مـن جـدك لابيـك
كيف ما احسب للطعون(امية) حساب
وانت كن همـدان تحـرس مقلتيـك
كنت لا من طال في عيني الغيـاب
اتبع اثرك ليـن اشوفـك والتقيـك
ولو يضيع اثرك ويخفيـه التـراب
في بداية دربك اجلـس واحتريـك
كنت اجيك من الف سكه والف باب
لاطلبت اجيك تـدري انـي بجيـك
كنت اجيك بقلب ٍ اسود مـا يهـاب
من صناديـد ٍمثـل عمـك واخيـك
وكلما تنطق ( هلا بك ) قلت خاااب
ظن عذالي هـلا مليـوووون بيـك
كنت لازليت واخطيـت الصـواب
قلت قصده( ذِيْ ), ما يقصد هذيـك
آتعذر لـك لـو ان قلبـي مصـاب
ومن غلاك ان قلت هيك آقول هيـك
ولا أنا.. اقسم لـك بـرب الكتـاب
ما آعرف انطـق سـوا تيـا وتيـك
اذكـر إنْـك بيـوم زودت العتـاب
دون داعي واثـق انـي مشتريـك
ورحت عني وأصبح العالم ضبـاب
والمشاعـر كلهـا تصـرخ تبيـك
وغبت لك كم يوم كن النـور غـاب
عن عيوني والعمى أصبـح وشيـك
وصرت اسولف سالفه تلوي الرقاب
عن حكايه اسمها ( آمـوت فيـك )
وتاليتهـا جـاي تعلـن الانسحـاب
دون ذنـب إلا غـرور ٍ معتريـك
لاجل هذا شوف , راعي الذنب تاب
وحـرم يحبـك وحـرم يشتهـيـك
صد قلبـه عنـك والصـده جـواب
للغـرور اللـي بثوبـه مكتسـيـك
وان بغيت الجد , مـا فيهـا كـذاب
رح توكل صار بُعدك لـك شريـك
ولو أحبك بعدها يا( بـو الشبـاب )
لا تصدقني , وربـي مـا أهتويـك
كنت احلم ليـن طاولـت السحـاب
وكنت ابني الحلم من شوقـي اليـك
يا حسافه ما ارتويـت الا السـراب
انهدم حلمـي .... تخيـل وبيديـك

العــــيد


يا صاحبي مدري هو يجيبك العيـد

.......... ولا يجيـب غيابـك العيـد فينـي


ياليتها تصـدق معانـا المواعيـد

.......... وتصبح نهار العيد حاضن يدينـي


وابدأ اتسكع بيـن حلـو العناقيـد

.......... وآفل ليلـك والرمـوش اتحمينـي


واخذ من علوم الخـدود المواريـد

.......... ومن كاس حبك ارشف اللي يهنيني


وتفرش دروب الحب ورد وزغاريد

.......... وتعيّد بصـدري وتَقطـف حنينـي


غيري يقول العيد فرحـه وتجديـد

.......... وآنا اقول العيـد مـا مـر عينـي


عيدي بدونك غابه مـن التناهيـد

.......... كن الشقا مكتوب لي فـي جبينـي


اسمع بطاري العيد من زيد وعبيد

.......... لكني اعيشه حشى يـا ظنينـي !!


الخلق في فرحه وانا حزني يزيـد

.......... من دون شوفك غربتي تحتوينـي


وش حيلتي والشوق ظالم وعربيد

.......... والوقت فرق غصب بينك وبينـي


بعد المسافه قيـد وظروفنـا قيـد

.......... والدرب موحش وانت وينك وويني


تعال .. ياتي العيد يا سيـد الغيـد

.......... عيدي بدونك مـا تعرفـه سنينـي


وان كان ما تقدر فدى يا اتلع الجيد

.......... في العيد .. خل العيد دينه ودينـي


وتعال لي من دون موعد وتحديـد

.......... ويصبح نهار العيد يومـك تجينـي


تعال خطوه بس واطوي لك البيـد

.......... واجيك قلبي فـوق راحـة يمينـي


باقي على خبرك .. مولع وصنديد

.......... صابر وبعدك حربة ٍ فـي كنينـي


تكفى تعال وهات بحضورك العيـد

.......... لالا يجيـب غيابـك العيـد فينـي

جـفـن السـهــر


البعـد ينحـت وســط جـوفـي والسـوافـي مذهـلـه
والشوق جمرة ميسمه طاحت على الضلع القصير

يـا سيـدي درب الـغـرام الـلـي بديـنـاه ( ابـ/ ولــه )
خطـيـر .. لـكــن قـــل مـعــاي الله يتمـمـهـا بـخـيـر

يا من غرس لي في ضلوع الشمس بـذرة سنبلـه
وحصـدت زرعـه فـي ضلوعـي جمرتيـن ونفـح كـيـر

شـف حالتـي وانـا ارقـب إنْـك تصيـر راعــي الأولــه
لكـن تعاندنـي ظروفـي .. وأنـت تبـعـد !! مــا يصـيـر

تـذكـر اجـابـه فـــي عـيـونـك تستـبـيـح الاسـئـلـه؟
كـانـت بـدايـه للـجـنـون الـقـاسـي الـحـلـو الـمـريـر

مــا تـذكـر انـهــا كـيــف كـانــت حـايــره متملـمـلـه
واجـمـع خـيـوط أطرافـهـا وتــرف عيـنـي ثــم تطـيـر

والله تـعـبـت الـقــى اجـابــه للـسـنـيـن المـقـبـلـه
والنفـس تـرفـض امــس والحاضرعـبـوس ٍ قمطـريـر

يـا سيـدي طـال الغيـاب .. طالـت سنيـن البهـذلـه
مــا نــام جـفـن ٍ للسـهـر ... وابــرد لياليـنـا هجـيـر

يـــا ســيــدي دام الـلـيـالـي فهـمـتـنـا الـمـسـألـه
فاغرس صباحـك فـي جبيـن الليـل وعيـون الضريـر

والـلـي بينـبـت لا رويـتــه مـــن عـروقــي باكـمـلـه
عـــده حـلالــك بــــس راع الله فـيـنــي والـضـمـيـر

والله عيـونـي خايـفـه .. والقـلـب عـنــك مـــا دلـــه
فيـهـا احـتـمـالات الـــوداع الـلــي تـثـيـره يالمـثـيـر

تـعـال لــي جيـتـك غـريـب (ن).. رد وعيـونـك هـلـه
خذ مسبحة شوقي وعطنـي نظرتيـن وريـش طيـر

إحصائية العضو






إقرأني هنا

0 جدة الدحيمي في ذمة الله ...
0 صوت وصداه مع ابن مدران ...
0 عتبك على راسي من فوق ...
0 بالصوت .. جيتك
0 جيِّتك ( ديـره )!







ما يفـــــوت


انـت تـوك تـدري إنـي قـلـت احـبـك
يوووه لـو تـدري احبـك كيـف سـوت

وكيف فكـري فـي شرايينـي يصبـك
ليـن فـاض الشـوق وحبالـه تـطـوت

وكيف خطواتـي تهـادى فـوق دربـك
غصب عني في دروبك جت وهـوت

كـل درب امشيـه ياخـذنـي لجنـبـك
والمشاعـر جتـك عميـا .. مـا تـروت

آآآه لو ان دافـي اشواقـي لعـب بـك
أو علـى فكـرك هواجيـسـي تـلـوت

وليـت وان لاهـب تناهيـدي يشـبـك
وان ضلوعك من لظى جمـره تكـوت

كان تـدري كيـف صـار الحـال سبـك
وكيف فجعة غيبتك في الصـدر دوت

وليـت وإنـي مـن معاليـقـي أجـبـك
واردع أطيـاف ٍ علـى ظلمـي تقـوت

البلا ان لي قلب لا من عفـت قربـك
كـل نبضـه فـيـه كنـهـا لــك تـصـوت

قلت له وش لك بشخص ٍ مـا يحبـك
شخص ما يسقيك وأغصانك تموت!!

رح وخلـك منـه قــال اقـسـم بـربـك
مــا أفــوت واحــد ٍ مــا هــو يـفــوّت

شخص ٍ مضيع حاجته عند بيتك


***
**
*
اغيب عنك وانت ما غبـت عنـي
من وين ما لديـت عينـي رأيتـك

*
وشلون احسك كنك مخلـوق منـي
وتقول في نفسك , قسيت ونسيتـك
*
أنساك واشواقي لعينـك طونـي ؟؟
اسأل نسانيس الفجر كـم طريتـك
*
يا للي على كيفي .. وشفي وضني
بعت الخلايـق كلهـا , واشتريتـك
*
كل الدروب لبـاب بيتـك خذنـي
ومن غيرما اشعر , كلمارحت جيتك
*
كـن الخطـاوي قاصـده تمتحنـي
في ظني ابعد عنك, واثري نصيتك
*
اجيـك كـل شـوي وآدور كنـي
شخص ٍ مضيع حاجته حول بيتـك
*
اجي واروح وكل ما رحت أمنـي
نفسي اقول ارجع ؟ وتهمس ياليتك
*
ترجع لعيـن اللـي فتنـك وفتنـي
وارجع ضمان لشوفتك ما ارتويتك
*
شارعك لعيونـك غرامـه سكنـي
يا ما سريته .. يومني ما سريتـك
*
الشعر بغيابـك يجـي ويحضنـي
و بيموت شعري كان به ما كسيتك
*
يا سيدي ما قد ضحك يـوم سنـي
من قبل اعرفك لين طحت وهويتك
*
عمري بدى من يوم قلتي لي انـي
بدايتـك وانـا انثنيـت .. وبديتـك
*
لو في يد المحـروم غيـر التمنـي
ما فارقت عينـي عيونـك فديتـك
*
ولو ضاع باقي العمر عادي لانـي
يكفيني اني .. في حياتـي لقيتـك

***
**
*

مجنووووووووووووون


مجنـووون فيـك اقولهـا وانـت غايـب
واسمع صداها في المدى ( فيك مجنووون )
ويـردهـا صــدر السـمـا للهبـايـب
ويجرهـا الرعـاد اهـازيـج ولـحـون
وسهيـل ( يشِّـر ) للجـدي ذاك طاايـب
مسكين صابه ( يالجـدي ) لوثـة جنـون
والجـدي قـال اسكـت وخـل النشايـب
له خـل مـن شفتـه وانـا فيـه مفتـون
ياخـوك مـا غيـره / لمثلـه بجـاايـب
عيون خله غيررر ... مـا ذيـك بعيـون
والله ما اطـرا ( مـي ) لـو بالغصايـب
لو شاف رمشه يـا سهيـل ابـن لعبـون
السكـر اللـي فـي الشرايـيـن ذايــب
مدري الحياه بـدون مثلـه وش تكـون ؟؟
ان كـان خـلـه راح عقـلـه ذهـايـب
معـذور يـدرا لا القـرايـب يحـسـون
قلـت البـلا مـا هـو بخـوف القرايـب
انا لعينه مـا آحسـب راس فـي الكـون
شاعـر واسـوي بالقصـيـد العجـايـب
ارفع بـه اشنـاب ٍ واوطـي بـه دقـون
لكنـه جاعـل فـي قصيـدي الغـرايـب
اكتب عتب !! ما يطلـع البيـت مـوزون
وان قلـت للفرقـا بـسـوق الركـايـب
قال القصيد .. تسوقها وانت محزون ...!!
وان قلت انا رجـل ٍ مـن الحـب تايـب
يكتـب حـذاري / كـل كـذاب ملعـون
وان قلت ما لي فـي الهـوى والمصايـب
خليـت درب الحـب والـلـي يحـبـون
قـال انـت تـوك تطلـب ان السحايـب
تسقـي ديـاره مـن هماليـل ومــزون
بتخلـي القمـرا .. وشقـر الـذوايـب ؟
يا شيخ انا اتحدى .. واراهـن بمليـووون
لا تـطـري الفـرقـا بلـيـا سـبـايـب
وانـت بهـدب عينـه معلـق ومـرهـون
تـوك شبـاب وبكـره تمـوت شـايـب
واسمه بصدرك بيـن الاضـلاع مدفـون
مجنـون فيـه .. ومـا لمثلـك طبـايـب
ومهمـا تـداري كـل هالخلـق يــدرون
ان الجنـوون ان كـان ديـن وطلاااايـب
فانـت اكثـر العالـم بهالكـون مـديـون
وان كـان غـاب فبكـره يجيـك آيــب
قل له تعـال اعتـب تـرى مثلـك يمـون
اعتـب مــادام ان العـتـب للحبـايـب
يـا شـوق ولاده بعيـن ابــن زيــدون
مـن يزعلـك ملعـون جـد وصـلايـب
لا تكثـر الشـرهـه طلبـنـاك بالـهـون
مجنـوون .. عقلـي راح بيـدك نهايـب
بالله ( تشره ) لك على شخص مجنـون ؟؟