مشاهدة النسخة كاملة : رواية القارب الوردي


نظرة الحب
08-06-2011, 04:24 AM
((أحداث الرواية))
مجموعة من البنات التائهات وسط بحر دون بشر..فهل سيسيرون بالقارب الوردي حيث الليل دامسهم والظلام كائبهم..؟
للكاتبة:miss endira ..~
عدد الفصول:
3 فصول


((الشخصيات))
كمـال:
شخصية أنيقة ونظيفة تحب الترتيب غير فوضوي أبداً عمرهـ 24
رامي:
شخصية خلوقة و رسمية جداً تعمل في الطيران على الهيلوكبتر يبلغ من العمر 23

أمـاني:
شخصية يا دوبها أنخطبت نعومة مررة وحساسة وخوافة جداً عمرها21
ابتسام:
شخصية مجتهدة جداً تعشق الحياة المدرسية ذكية وتطمح الوصول لمجال الطب..تبلغ من العمر 17 سنه
أمــل:
شخصية مزوووحة جدا تحب الصرقعة والوناسةhttp://forum.banat-style.com/images/smilies/mo13.gif وماخذه حياتها فلة عمرهـا17 سنه
سميــرهـ:
شخصية صغيرة تبلغ من العمر 16 سنة أهم شيء بحياتها الأكل باردة جداً تحب الوحدة وغير اجتماعية أبداً.








في انتظار الفصـل الأول من الرواية..

نظرة الحب
08-06-2011, 04:25 AM
((الفصـل الأول))





أماني:ماما متى رح تبدأ مِلكتي؟؟
الأم:اللـه واعلم تقريباً بعد 4 أسـابيع
أماني:أووف واللـه متحمسة مررة ودي تكون الحين.
الأم:هههههه..
أماني:أحمد وش رآيك بكرهـ نروح نشتري أغراض العرس والمِلكة؟؟
أحمـد أخ أماني بالرضاعة
أحمد:عادي ما عندي مانع
أماني:اوكي رح نروح بالعصر.
اليوم التــالي
أماني:بابا يلا مع السلامة
الأب:وين رايحة؟
أماني بروح أشتري أغراض المِلكة أتفقت أمس مع أحمد أخوي ووافق
الأب:اوكي يلا حبيبي أشوفك على خير
أماني:باااااي.
أحمد:يلا يلا أسرعي باقي معزوم
أماني:أوكي أوكي بس كنت أدور برقعي
وفي السيارة
أماني:قلتلي أنك معزوم؟؟
أحمد:أي معزوم بصالة البلياردو مع خويياي.
أماني:أكشششخ حظكم والله!
كمال بالتلفون:آلو
أماني بالسوق:آلوه... كمااال أهلييين
كمال:وحشتييني مررهـ
أماني:وحشتك العافية
كمال:شكلك مشغولة!!
أماني:أي والله أنا الحين بالسوق أشتري أغراض مِلكتنا مع أحمد
كمال:أي صح ذكرتيني عن الملكة لحد الحين ما سويت شي
أماني:لا عادي انتو يالرجال مايبغالكم شي اصلا
كمال:هههه...يلا سلميلي على حموود.
أماني يبلغ ان شالله...ورح ادق عليك لما ارجع البيت.
كمال:أوكي على خيـر
أماني يلا سلام
كمال: باي باي
أماني:أحمـد ترى كمال يسلم عليك
أحمـد:يسلمه ويسلمك
(ابتسام و سميرهـ وأماني يعتبرون بنات عم كلهم أما أمل فهيه صديقة ابتسام الروح بالروح وهما بنفس العمر و بمدرسة وحدة)
ابتسام:أمل ذاكرتي؟؟
أمل:لا واللــه مافتحت الكتاب
ابتسام:أيش؟؟؟؟؟؟؟؟؟؟
أمل:يمه وش بك تنحتي !!
إبتسام:يلا يلا تعالي بسمعلك
أمل:ماني فاهمة ولا مسألة
إبتسام:أوكي بعلمك ما عندي مشكلة
وبعد الانتهاء من الاختبارات
النتائج:
إبتسام:100%
أمـل:81%
عبد الرزاق:96%
سميره:96%
أما رامي و كمال وأماني كانو ولازالو بالجامعة.
أماني وصلت بالبيت:سلام ماما
أحمد راح صالة البلياردو
إبتسام وأمل وسميره:هابي بير ثدي تو يو هابي بيرثدي تو يو........الخ (أغنية ذكرى الميلاد)
أماني:وآآآآآآآآآآآآآآآآآآآآآآآآآآآآآآآآآآآآو ^_^
أهليـن هلا واللـه فيكم
(أماني تحضنهم كلهم فرحانة)
أماني: واللـه نسيت انه اليوم يوم ميلادي
الأم:أنا اللي جمعتهم تعرفين البيت فاضي وابغاكم تتونسون مع بعض.
أماني:يآآي تسلمين ماما
أمل:كل عام وانتي بخير
أماني:وانتي بألف خير حياتو
والله كويس أنه ابتسام جابتك
أبتسام:طبعا بجيبها صديقتي هذي..أمل ترى بنات عماتي يحب يتعرفون يعني عادي لا تستحين خذي راحتك
أمل:لا معليكم أنا مرتاحة والله وماخذة راحتي تسلمون.http://forum.banat-style.com/images/smilies/smile.gif
أماني:الا وين سميرهـ وين رآحت؟؟
ابتسام:تعرفين هيه تحب الوحدة تلاقينها الحين جالسة الحالها
أماني:لالا يلا بروح أجيبها
أماني تنادي:سميرهـ...سمييرهـ,...يا سميرهـ انتي وينك..
ابتسام:ههههههههههههههههههههههههههههههههههههه
أماني:بسم الله وش فيك ابتسام؟؟
أبتسام:شوفيهاا هذيك سميره قاعدة تآكل القاتو الكيك
أمل وأماني:ههههههههههههههه
ابتسام:سمميرهـ وين كنتي
سميرهـ:ههه...كنت هنا آشرب عصير وآكل قاتو وكيك
ابتسام:ههه أهم شي
ابتسام:سميرهـ أعرفك على صديقتي أمل
سميرهـ:أهليـن تشرفنا أموله والله كانت ابتسام 24 ساعة تتكلم عنك وتقول لنا وش تسوون بالمدرسة
أمل:هههههه..!!
أبتسام تكلم أمل:سميرهـ تعتبر بنت عمتي الله يرحمها
أمل:تشرفت فيك أهلين..بس هيه عندها حلة وفاة
سميرهـ:أيه أمي ماتت قبل 3سنوات تقريبا
أبتسام تدق أمل وتهمس لها:ليييش تتكلمين بهالموضوع الله يهديك؟؟
أمل:أووهـ والله ما انتبهت سوري
أبتسام:لاتتأسفي مني تأسفي منها
أمل:معليش سميرهـ ما قصدت أذ*** سوري حبيبتي
سميرهـ:لا عادي خلاص تعودت
(سميره قبل وفاة امها كانت نشيطة مررة تحب تلعب تحب تاخذ الحياة بجدية بس بعد ما ماتت صارت وحيدة وباردة وغير اجتماعية..مع أن أبوها ما يقصر ما شالله)
أماني توزع القبابيع:أمل تبغين أي لون..لا تستحين تراك الحين تعتبري اختنا
أمل منحرجة:ههه ..أبي لون قباعة زرقاء
أماني:وانتي يا سمسمة(سميره)
سميره:أعطيني لون أحمر
أماني:اسووم تبغين قباعة ولا لا
أبتسام:عطيني حمرا
أماني : يلا نقطع الكيكة الثانية.....................................الخ
وبعد الانتهاء من الحفلة.
(البنات جالسين يسولفون وش يسوون بكرة؟؟)
أمل:بنات أنا بابا يشتغل مدير صناعة السفن والقوارب..وش رايكم نسوي لنا واحد خاص فينا..!
أماني منفجعة:لا لا لا لا أنا ما أحب البحر أبدا وأخاف منة
أمل:سمسمة تخافين من البحر
سميرهـ:عادي مو ممره
أمل:وأنتي اسوم؟؟
ابتسام:لا بالعكس احبه
أماني:بكيفكم تبون تروحون روحو أنا مو جاية أبدا
(وبعد اقناع شديد من امل وسميره وابتسام لأماني انها تروح معهم)
أماني:اوكي اوكي بس بشرط لازم البس جكيت وبلونة ويكون الموعد بعد 3 ايام
سميره وامل وابتسام:اوكي اوكي عادي مافي مشلكة
أماني:طيب بس بكرة رح نروح مكان؟.؟
ابتسام:وش رايكم نروح الراشد (مجمع كبير في الخبر)
سميرهـ:لالا ما أحب الطلعات الي فيها ناس وجماعة كبيرة
أمل:تكفييين سمسة الله يخليك تعالي..طيب بس جربي
سميرهـ:مدري بس أختي طيف رح تكون لوحدها محد معها الا الشغالة.
(طيــف طفلة عمرها 6 سنوات و عندهـا ظروف صحية في مرض التوحـد)
اماني:طيب ابوك بكرة رح يطلع مكان!!؟
سميرهـ:مدري واللـه أنا رح أتأكد أولا
ابتسام:اوكي اوكي ارسلي مسج بكرة وتطمني على اختك ويصير نروح الراشد اذا كان ابوك معها.
سميرهـ:على خيـر ان شالله
ابتسام وسميره وامل:يلا أشوفك على خير أماني..مع السلامة..باي باي...الخ
أماني:ويين بدري ليش العجلة
ابتسام:روحي كلمي خطيبك كمال الحين هو يستناك
أماني منفجعة:يممة كيف عرفتي؟؟ مين علمك انه رح يكلمني بعدين؟؟
إبتسام:أحمـد أخوك علمني
أمانيhttp://forum.banat-style.com/images/smilies/redface.gif_oاييييييش؟؟ وش دخله فيك
إبتسام:لا ولا شي بس تقابلت معه بالبلياردو قبل
وحكالي القصة وبس..
أمل:بسووم لا يكون تحبين؟؟
أبتسام:ههههههههه لا وييين.؟
أماني تشك:الا الا يلا اعترفي عشان اقوله ترى ابتسام تحبك
ابتسام منحرررجة وتصرف:أوهـ يلا يلا باي الساعة صارتhttp://forum.banat-style.com/images
(وبعد ما راحو)
سميرهـ وصلت ببيتها:سلاااام
سميرهـ:طيوووفة وينك وين رحتي؟؟
(طيف تعتبر أخت سميرهـ الصغرى)
طيف:سميييرهـ وين كنتي أنا خايفة محد معي غير موري (الخادمة)
سميرهـ:ليش تخافين بابا معك وأنا معك ليش تخافين؟؟...بعدين موري ما سوت لك شي
طيف:الا يوم رحتي طفت الكهربا علية وبابا كان برى
سميرهـ:أيييييييييييييييييييييييش؟؟
...طيب أنا أوريها الحيوانة..؟
(سميرهـ ما يهمها بهالحياة غير اختها لان امها قبل لا تموت اعطتها وصيتها لاختها طيف)
سميرهـ:مووووري.؟؟؟؟؟ليش طفيتي الكهربا وقت ماكنت برى
موري:أنا ما في طفي هادا كهربا
سميرهـ:اسمعي كويس لاني ما رح أعيد كلامي انتي الحين وش تسوين بهالطفلة البريئة الي ما عمرها أذتك بشي أبد يختي خافي الله كفاية حالة المرض الي عندها تزيدين تكرّهينها بحياتها..لو يصير بطيف شيء رح تندمين ورح يتم ارسالك للمكتب على طول وبدون تفاااهم..!َ
موري:كلاص كلاص أنا هبّي هادا طيف أنا مافي سوي حاجة مو كويس لطيف
سميرهـ تقول في بالها:شكلي رح اتصل على ابوي واقوله وش صار عشان بكره اروح المجمع وبابا يقعد مع طيووفة وينتبه لها.



















في انتظـار الفصل الثاني ............

نظرة الحب
08-06-2011, 04:26 AM
((الفصـل الثاني))

(أمل وسميرهـ وابتسام بالمجمع)
ابتسام تدور أمل بالمجمع:أووف وين راحت هالسمكة؟؟
أمل بعييده تنادي:ابتساااام اسووووووم انا هنا
ابتسام:وهـ أخيراً لقيتك
سميرهـ:سلام
أمل وابتسام:أهليييين
سميرهـ:كيفكم بنات؟؟
أمل:تمام الحمدلله
أبتسام :الا صح وين اماني لا يكون باقي ما وصلت
سميرهـ:رح أرسل لها مسج احنا بالكافيتيريا
(سميره وابتسام وامل بالكافتيريا)
أمل:هاه سمسمة ردت اموون
سميرهـ:لا بس اكيد الحين بتلاقونها
سميرهـ:رح أدور عليها
ابتسام:لا تتأخرين ولا تضيعين..انتبهي.؟!
سميرهـ:اوكي
ابتسام:أمل أنا رح أروح أشتري كروسان وكوفي تبين أشتريلك
أمل:لاتسلمين حياتو
ابتسام:عطني واحد كروسان وكوفي
العامل:اوكي
ابتسام :آآآآآآآآآآآآآآآآخ (وشوية صقعت بواحد وطاح الكوفي على ثوبه)
ابتسام:أوهـ أوهـ معليش والله ما كنت قاصدة
عبدالرزاق:لا لا عادي اختي
ابتسام تمسح ثوبة:معليش اخوي ما قصدت
(الولد متعمد يصقعها)
عبدالرزاق:بروح أشتري كوفي لك
ابتسام:لالا عادي اصلا اصلا انا الحمدلله
عبدالرزاق:لا عادي وش فيها هذي غلطتي
(عبدالرزاق شخصية عنيدة جدا ويسوي الي براسه)
عبدالرزاق:تفضلي الكوفي
ابتسام:مشكور وماقصرت ومعليش آسفة ما شفتك
عبدالرزاق: لالا عادي
سميره تدور أماني:اووه واخيرا لقيتك
اماني:هههه وين كنتو؟؟
سميره:كنا بالكافتيريا
اماني:اوكي يلا جاية للبنات
ابتسام متورررطة:اوووف يا امل لو تشوفين وش صار لي مع ذاك الولد
امل:أيشش؟؟؟؟ولد..مو انتي مع احمد اخو امووونه
ابتسام:يووه كرهت هالسالفة يختي فكينا انا ماني مع احد
امل:اوكي وش الي صار اشوفه يضحك لك
ابتسام:صقع فيني وانا كنت مفهية وطاح الكوفي على ثوبة مسكين..بس وجا اشترالي كوفي
أمل:أحلى أحلى يا بسووم انتي..!
أماني:سلام بنات
أمل:أهلين ما بغيتي تجين
سميرهـ:لقيتها تحت مو فوق
أبتسام:والله انك تحفة يأ اماني
أماني:وش اسوي مالقيتكم
أبتسام:ما وصلك مسج سميره
أماني: لا والله انا ناسية جوالي
أمل:هههههههه...اي على فكرة تراك مخطوبة والمخطوبات مستحيل ينسون جوالاهم
أماني:احم حم وش تقصدين
أبتسام:تقصد كمال..خطيبك..من زمان ما كلمتيه
أماني:ووووجع..والله كلمته أمس وسألت عنه وعن أخبار أهـله
سميرهـ:اي صح الا امل هاه وش سالفة الطلعة
أمل:أي طلعة
سميرهـ:طلعة البحر
أمل:آييه صح ذكرتيني.رح تكون بعد بكرة
ابتسام:اي مثل ما اتفقنا علية..أمووونه يا ويلك لو ما تجين ترى هذي طلعة صديقتي
أماني:والله اخاف من البحر وش اسوي
سميرهـ:ما علينا اتفقنا احنا على كذى
أماني:اوكي اوكي على خير ان شالله
أمل:بنات أنا قلت لبابا انوه نسوي فكرتنا قارب بحري بسيط للبنات يعني احنا نسوية لوحدنا
ابتسام:وآآآآآآآآآآو أم الفلة الي رح تجي واحنا نتمشى
سميرهـ:والله رح تكون رحلة تجنن..!^.^
ابتسام:مـن جد

(وبعــد يومين)
أمل بالتلفون:رشيد أبغاك تودينا اليوم الصبح ..أوكي؟..!
(رشيــد سائق قريب من حيهم)
رشيد:إنشالله مدام ..بس وين.؟
أمل:عند الميناء الثالث
رشيد: طيب طيب مدام
(وبعد ما تجمعو البنات لونو قارب بسيط مخصص لهم بلون وردي مطلي برسمة كتاكيت وقرابع حلوة)
ابتسام:يآآآآآآآآآآآآآآآآآآآآآآآآآآآآآآآآآي مررررهـ خقه
أماني:من جد والله يهبل
سميرهـ متحمسة: يلا يلا متى نركب عاد
أماني:الصرآحة أشوف في الصبح بـرد شوي ولا هاه أموول..!
أمل:والله لكم الحرية أنتو اختارو
أنا أحس أنه بالصبح أنسب
سميرهـ:بس يبغالنا نروح البيت ناخذ الشنط والاحتياطات
ابتسام:لالا ما في داعي أصلا احنا بس بنفرفر ولاّ ..؟
أماني:بس والله أخخاف أروح الحالي بدون محد أكبر مني
أنتو تعرفون أنا أكبركم فأكيد لو صآر شي أنا المسؤولة لأني بتحمل المسؤولية فيكم
وأصغركم سميررهـ عمرها 16 والله ما يصير ابدا الا لو كان معنا عامل يسوق القارب محد يعرف فيكم.؟
ابتسام:الا انا اعرف تدربت عليه يوم رحنا بماليزيا أنا واهلي
أماني: لالا ما ني متكلة أبدا
أماني:المهم لازم نروح ناخذ شنطنا ونحط فيها شوية احتياطات لانه جوالي بالبيت سرعة بنات قرب يأذن الظهر شمس
سميرهـ:خلاص دامنه شمس أقترح نروح النهار بالعصر
أمل: يب يب صح أحسن تعالو بنات بابا عندهـ بهالمكان شقتين مفروشة الشقة الأولى بابا فيها والشقة الثانية فاضية
أماني وابتسام:أي والله مشتهيات نروح نستريح شوي بقيلولة وبعدين نفر بالقارب
أمل:أوكي..بس المفتاح عند بابا, بنات رح أروح مع رشيد أجيب المفتاح لأنه الحين في العمل ورح يرجع بعدين الشقة
سميرهـ:طيب أنتظي أبوك على بال ما يجي هنا والله ما يصير تطلعين الحالك خايفين عليك الصراحة
أبتسام:لالالا الا الخوف ترى أمل هذي انا أعرفها من اول ابتدائي هع كانت جريئة موررهـ وتعصب بسررعة وما تخاف بالعكس كانت تظرب من يظربني وانا الهبلة منطمة وما همتني غير الدراسة
تذكير بالشخصياتhttp://forum.banat-style.com/images/smilies/frown.gifأمل:شخصية ماخذهـ الحياة صرقعة واللي بمزاجها تسوية) (ابتسام:شخصية تحب الحياة المدرسية مجتهدة وطموحة)
سميرهـ وأماني:ههههههههههههههههههههههههههههه..أهـم شي..!
ابتسام:أمل انتظريني جاية معك
أماني:وانا كمان
سميرهـ:هيه بنات وش فيكم لا يكون نسيتوني
أمل:عز الله كلكم جيتو
ابتسام:هههههههههههههه الله يعين سيارة السواق ما تكفي
أماني:امممم ...سميرهـ دامنك أصغر وحده فينا أركبي قدام عند السواق<<ههه
سميرهـ منفجعة:أيييييييييييييييييييييييييييييش والله ما أركب
امل تمزح على سميرهـ:سميرهـ انتي دبى مررة ما يكفي غير الرشيقات
(أمل من النوع النكوت والمزاح والي ما خذ حياته لعب وبسط وصرقعة)
سميرهـ زعلت شوي:ههه..أوكي
أمل مستغربة:أفااااا...اركب قدام ولا تزعلين
ابتسام:طييييب أمول ليش تسوين لبنت عمتي كذا؟؟؟
أماني:ترى ما نقبل أبدا تسوين لبنت عمتنا كذى<<يجاملون فقط
أمل:أووهـ سوري
سميرهـ:لو سمحتو خلو المجاملة وبعدوها من راسك أعرف افكاركم كلها لا تحسبون اني بزرة تراني ب،3متوسط
أمل:خلاص بنات بروح الحالي
البنات:افف لي متى رح نستناها عشان تجيب مفتاح الشقة بأذن خلاص معد يمدينا ناخذ قيلولة عالأقل
ابتسام:لا معليكم امل اعرفها تحسن الامور شوي
أماني:أحلى يا صديقة..ّ!
أمل:اسرع يا رشيد
رشيد:طيب ماما
(وفي العمل..)
أمل عند المدخل:لو سمحت ممكن أسم مشاري محمد الكاثري
عامل المدخل:معليش أختي ما نقدر ندخلك مشاري مشغول شوي وعنده اجتماع
أمل:لو سمحت أبغى ابوي مشاري باخذ منه غرض وارجع شوي
عامل المدخل:أنا الي عليه أطبقة ماااا أقدر اقولك
أمل أنفجرت صراخ:لو سمحت ترى هذا مو حبيبي عشان تقولي ما تقدرين تدخلين هذا ابوي ابووووي باخذ منه حاجة واطلع وسلامتك
(وعلى دخلة رامي للعمل سمع صراخ أمل تطلب المفتاح من أبوهـا والعامل ما رضي)
(تذكير بالشخصية)رامي مدرب محترف في طيران الهيلكوبتر رسمي وخلوق جداً
رامي:السلام عليكم
عامل المدخل:أهلا حبيبي رامي كيفك
رامي:تمام الحمدلله..خير عسى ما شر وش اللي صاير
أمل قاطعت العامل:ذالمجنون عيا ما يدخلني جوى بآآخذ من ابوي غرض وارجع والمصيبة صديقاتي بالميناء يستنوني
رامي:أدخلي أختي أدخلي عند أبوك
أمل طايره فرح:مشكوووور ما قصرت رامي
رامي:أيش تعرفين أسمي..؟ من متى أنا الصراحة دوبني أشوفك ولا عمري مريت ببنت كذى
أمل منحرجة:ههه لالا بس سمعت عامل المدخل يناديك رامي
رامي:أها
(وبعد ما وصلت للميناء وعطتهم مفتاح الشقة)
أمل:وهـ وهـ تعبت وكله من ذالعامل
البنات:هههههه قسم انك تحفة
أمل: يلا يلا بنات أفف ابي برد جوى الشقة ودام ان بابا بالعمل نقدر نروح شقته أو الشقة الفاضية
أماني:لالا عادي أحسن نروح الشقة أحس الصراحة أتعبناكم وبزيادة
أمل:لا والله ما اتعبني غير ذاك العامل
(وبعد ما دخلو الشقة وتكيفوا مع البرد والهوى )
أمل:بنات تخيلو وش صار معي
سميرهـ:وش صار؟؟
أمل : كويس أنكم ما جيتو معي كان صارت مشكلة مع هالعامل ,المهم عيا ما يدخلني وغصبته اني ادخل جوى وفجأة وأنا أصارخ عليه جا واحد لابس ملابس جيشية كذا أظنها حقت الطيارة ..المهم جا وقال خير وش فيه وبعدين دخلني جوى بكل راحة آآهـ ليت انه معي كل يوم لذالدرجة يحترمونه...!
أبتسام:أحللللللى يلي عايشة جو
(وبعد مرور 3 ساعات على أذان الظهر قامو البنات يتجهزون للرحلة ويبدؤن)
أبتسام تتثائب:آآآآهـ والله متحمسة
أماني خايفة:والله اني متوترة
سميرهـ:ليش؟؟
أماني:ما معنى أحد و الشنط مو موجودة وما في احتياطات و و و.................................الخ
ابتسام:يوووهوو عادت للموال
يختي خليها على الله بالعكس اشوفه فلة بنات مع بعض نقدر نروح بعيد ونفتش نسولف الحالنا بدون راكب يسوق ونصيد يآآآآآآآي بس جو والله.
سميرهـ:فللللللللللللللللللة
(المهم راحو البنات بالقارب وما اخذو ولا شي معهم غير الجاكيكات البحرية بس كانت أماني خوافة لانها حساسة جدا وتحس بالمسؤولية وهيه أكبرهم عمرها 21)
أمل تسوق:وآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآو الموية تنطش ..يلعن أووم الفلة
أماني تصرخ:يممممممماااااااااه لا لا لا تسرعين تكفييين
أمل:وواو
أبتسام :أمل فحطي
أمل:ههههه ومين الي يفحط بالقوارب يالفالحة
سميرهـ:ههههههههههههه
أمل:يوه بنات شفت سمكة صغيرة نطت
سميرهـ:روحي روحي يلا نصيد بس
ابتسام:شوفي اموول هذي الخبزة اماني وش رايك تصيدين معنا
أماني مرتجفة خووف:لا لا أنا رح أكلم كمال
ابتسام: مافي جوال يا حلووة
أماني تبكي:اهي اهي اهي اوووووف
سميرهـ:أماني بلا سماجة والله انك تبالغين حرام عليك هذي اسمها طلعة
أماني:طيب لو صار فينا شي
لو ننقلب بالقارب
لو نطيح
لوتاخذنا قرش
لو نضيع
لو نبعد
لو ما نرجع بخير
لو
لو
لو
لو...........الخ
أمل:آآآآآآآآآآآآخ بس ليتنك ما كنتي معنا افف سميرهـ وابتسام لا يكون بنت عمتكم أماني كذا
أماني:ايوة انا كذى والكل يعرف اني رقيييقة جدا وخوافة
امل:الله يعينكم عليها
سميرهـ:أموول حبيبتي عفية عطيني بسوق
أمل:تفضلي يا قمر
سميرهـ:يآآي من جد وناااااااسة
(وبعد وقت طويل..بدو البنات يتبادلون في السواقة على القارب وبدوا يبعدون من مكان الأصلي الميناء أكثر و بدون ما يحسون ويضحكون ويفرفشون واماني لوحدها خايفة ومو مرتاحة وحاسة شي بيصير)
أماني:بنات انا رح آخذلي غفوة انتبهو على نفسكم لا تضيّعون
ابتسام:بنات ابي الحمام
امل:يووووهـ لا لا لا لا..لاتخربينها
ابتسام :بنات انا والله من جد حشرانة
امل:طيب فكيها هنا
أمل:والله صعبة نرجع ذيك المسافة كلها عشان حمام
سميرهـ:اي صح من جد
ابتسام:طيب وش اسوي مثلا
امل:انزلي بالموية
ابتسام منفجعة:هآآآآآآآآه؟؟؟؟؟؟؟؟.والله ما انزل
امل:بسم الله علينا اوكي اوكي بوديك مكان ما في اسماك عشان ترتاحين نفسيا
سميرهـ:أمل لا تودينها اي مكان..وش دراك انه مكان خالي من اسماك
امل:اشوف من تحت ما يبغالها
ابتسام:طيب فيه شرشف لاني رح اتغرق
امل:شوفي فيه منشفة على أمووونه
ابتسام:اوكي يلا وديني
(بعد ما ودت أمل وسميرهـ ابتسام)
سميرهـ:ابتسسام يلا انزلي واحنا وامل رح نمسكك
ابتسام:لالا الصراحة مو مستعدة
أمل:بسومة اتكلي على الله وبعدين كفاية انه عندك جاكيت بحر كمان
ابتسام خايفة:وهـ وهـ اوكي بسم الله..
..آآآآآآآخ ايش هذا بنات الموية باردة مررررة
سميرهـ :ههههههههه
أمل:ابتسام يلا سرعة..
(ابتسام كانت ايدها تربط الجاكيت كويس وانفلتت من ايد امل)
ابتسام تصرخ بقوة:آآآآآآآآآآآآآآآآآآآآآهـ أمل أمل امسكيني والله ما عرف أسبــح؟؟؟
أمل:يوووهـ بسوم انجنييتي انتي ليه فكيتي ايدي
أماني تصحى من النوم:آآآه ابي أنام
سميرهـ:أماني تكفين ساعدينا
قومي قومي صحصحي
أماني:آه خير وش صاير؟؟










وفي انتظـار الفصل الثآلث من الرواية..

نظرة الحب
08-06-2011, 04:26 AM
بســم اللــــــه الرحمن الرحيــم


تــم تنزيل رواية القارب الوردي الفصل الأخير على خاطر أختي (بنت رجــة بس رزة)








(الفصــل الثـالث)







أمل:امووون اسحبي معي أنا وسميرهـ ابتسام (ابتسام كانت بالبحر تقضي حاجتها)
أماني منفجعة:بسم الله الرحمن الرحيم وش ودا البنت برى القارب انتو مجانين شفتو اني قلت لكم بتصير مشكلة
ابتسام:بنات أنا ارتجف برررررررررررررررد بسرعة شلوني تكفون
أماني:الله واكبر عليكم يا عديمات الاحساس البنت ثلجانة وما ساعدتوها
سميرهـ:طيب يلا بسررعة شلي بسووم معنا
(سميرهـ وأمل وأماني يحاولون يشلون بسوومة بس ما يقدرون لأن القارب مرفوع شوي وما يقدرون بعد ما حاولو )
أمل:بسووومة حاولي تتمسكي بالقارب كويس وتتمسكي فينا كمان
ابتسام:اوكي اوكي بحاول
(بعد المحاولات الألف)
ابتسام تبكي:آاآآآآآآآآآآآآاآآآآآآآآآآآآآآآا ابي امي ابي ابوي اهيء اهيء اهيء
أمل:بسومة أكيد رح تطلعين
أماني:بنات عندي فكرة
أمل فضولية تبي تعرف:وش وش؟؟
أماني:ابتسام نزلي راسك تحت واعطينا رجلك لحتى نسحبك بس طبعا الجكيت يطلع لانه ما تقدرين تنزلين راسك واذا فيك شي عطينا علامة..هاه اش قلتي
ابتسام متردة:لالا ما اقدر يمه
(جاء الليل ولحتى الحين ابتسام رافضة فكرة اماني)
ابتسام:بنات
البنات:هلا..نعم..
ابتسام:خلاص بطبق فكرتك اموون
اماني:والله وهـ اخيرا اقتنعتي
ابتسام:بس ياويلكم لو يصير فيني شي
امل:لالا اتكلي
يلا بنات 1 2 3
(وصلت ابتسام القارب ودخلت فيه بعد ما طبققت فكرة اماني جزاهـا الله الخير بس المصيبة انه.{ليييل} وظلام..)
ابتسام وأماني:يمممه ظلام ما في نور غير نور القمر
بنات وين انوار الميناء عالأقل
لايكون ضعنا؟؟
أمل:يمه بنات لا تخوفوني بكلماتكم الشنيعة
سميرهـ ندمانة:أفففف ببنات ما في نور احنا وين بالضبط
أماني تبكي:يا ألله علينا ما في ولا وسيلة انقاذ والمصيبة ما عندنا لا جوالات ولا كشاف ولا حتى أي محرم يساعدنا بهالمشكلة الي ناشبين فيها
(استمروا البنات يومين لوحدهم يخاطرون بحياتهم وهم يحاولون ويحاولون بس بدون أي أمل رغم أنهم وسط بحر لحالهم وكلهم عبارة عن 4 بنات تحت الـ30)
(شك والد أمـل أنهم في خطر أنتظر بنته ووصل البيت وتفاجئ بعد ما لقى ولا أحد بالبيت )
الأب في العمل صباحاً..
رامي يدخل غرفة والد أمل:السلام عليكم
الأب منزل راسه:أهـلين وعليكم السلام
رامي:خير يا ابو أمل وش صاير
الأب:لا والله سلامتك تعرف البنات لما يغامرون يغامرون عاد بنتي عزمتهم على موعد في رحلة بالبحر بقاربهم الي صبغوهـ ولونوهـ
وضاعت واليوم اتصلت عالشرطة البحرية بس ما في جدوى..والمصيبة ما اعرف هيه بأي ميناء الله يقلع الشيطان رغم اني اعرف وظروف الشغل عندي في العمل خلتني اجاوب بسرعة لها من دون ما أعرف تفاصيل الرحلة
رامي مبسوط:يا طويل العمر بنتك الغالية ما رح ترجع الا بيدي
الأب:وضح لو سمحت..؟
رامي:أمل قبل 3 أيـام كانت تقول لعامل المدخل انها تبغا تجي عندك وشرحتلي قصتها من كثر ما عصبت من هالعامل
دام اني مدرب هيلكوبتر انشاء الله وباذن الله ندور لهم رح اجيب قوات من الابحات لتتعاون معي بالحث عنهم
الأب مندهش:الله يوفقك ويوفق من رباك ونعم التربية ما شاء الله ربي يفتح عليك وينور لك مثل ما نورتلي نفسي وخاطري
رامي:ما تقصر اخوي وهذي خدمتنا نحو المجتمع
(راح رامي في مغامرة ثانية ويبحث عن البنات المفقودات برفقة زملائه)
(أما كمال وأهل أماني كانو قلقانين بدرجة فظيعة)
كمال يتكلم مع والد أماني:الله يهديك يا عمي الحين كيف الاقي خطيبتي كان ما سمحتلها لو انك رفضت بس وبعدين انا اعرف اماني خوافة مررة
الوالد:انتبه يا ولدي ترى لو تفتح عمل الشيطان بعدين مصيرهم يرجعون بالسسلام انشالله.
كمال:مدري ياعم بس اني متوتر وقلقان لا يصير فيها شي حتى العرس باقي ما سويناهـ
الوالد:على خير انشالله على خير
(أما رامي مدرب الهيلوكبتر استمر بالبحث حتى لقاهم وسط البحر لحالهم)
أبتسام:بنات بنات شوفو يااااي هيلوكبتر
أمل تصرخ:وآآآآآآآآآآآآآآآو تعالي تعالي بلييييييز
اماني:وهـ اخيرا جت وحدة انقاذ
سميرهـ:بنات بس انا ودي ارجع وآكل مرررررررررة جيعانة
البنات:ههههههههههههههههه
(نزل رامي وكانت المفاجئة العظيمة الكبرى الفظيعة يوم شافته أمل تذكرته وقت ما راحت عند أبوها بالعمل)
أمل منفجعة:يييييييييييه بنات بنات هذا واحد زميل ابوي بالعمل
البنات:طيب وش فيها عاادي
أمل:اي بس ..بس هوه الي خلاني ادخل غرفة ابوي يوووه والله مالي وجه اطالع له
(ركبوا البنات كلهم الا امل كانت منحرجة يشوفها وهوه باقي ما عرفها)
رامي:أختي تقدرين تركبين احنا الحين بنروح
أمل داسّة وجهها ومنحرجة: ههه اي اي
ابتسام:أمل يلا بلى غباء امشي
سميرهـ:لايكون تبغين القارب رح يرجعونة
أماني:والله غريبة هالأنسانة لهالدرجة ما تبي تفكة(تقصد القارب)
المدرب رامي:أختي أحنا الحين رح نروح تقدرين تتفضلين تركبين
(ركبت أمل بعد ما طاح وجهها وشافها أما رامي قعد يضحك وما صدق انها مستحية لذالدرجة)
تحكي أمل لنا وتقول:
بعد ما ركبت الهيلوكبتر كان بابة مو مسكر بأحكام وكنت على وشك اني اطيح صقعت بالباب وحضنّي رامي بقوة كان أقوى لحظات حياتي الي مريت فيها كنت وقتها منحررررررررررررررررجة مرة وهوه يبتسم ويطالع لي.
تحكي سميرهـ لنا وتقول:
بعد ما ركبت الهيلوكبتر كان بطني يطلع أصوات غريبة وحسيت اني كائن غريب بينهم (ههههههههههههه)
ما عرفت وش اسوي وقمت اغني عشان ما يطلع الصوت اما البنات فكانو فاهمين قصدي ويضحكون تذكرت أختي طيف الي غايبة منها 3 أيام واااو وربي وحشتني هيه وبابا

تحكي لنا أماني وتقول:
بعد ما ركبت الهيلوكبتر كنت مررررة مشتاقة لحموود (أخ أماني من الرضاعة)
وكنت مشتاقة لكمال (خطيب أماني) وماما وبابا وكنت وقتها عطشانة مررررة

تحكي لنا ابتسام وتقول:
أنا كنت غييييييييييير عن صديقاتي أماني الي كانت مشتاقة لأهلها وخطيبها وغير عن سميرهـ الي كانت مشتاقة تاكل ومشتاقة لابوها واختها طيف وغير عن أمل الي كان شعورها بعد ما خاف عليها رامي وحضنها
كنت مررررة متشوقة ارجع البيت البس نظارتي وابدأ أذاكر آآآآخ ياناس مافي شي أحلى من الحياة المدرسية والله الله لا يفرقنا عن بعضنا وهـ وهـ...


(وصلوا البنات فرحانين بأهاليهم بعد ما أخذوا تهزيأة عظيمة (هع) )



بـعد 4 سنوات



(دخلت ابتسام في مجال الطب وتحقق حلمها أخيرا وبعد ما صار عمرها 21 انخطبت مع أحمد الي صار عمرهـ 22)
(بعد انتهاء العرس لكمال وأماني وبعد مرور 4 سنوات صار لهم بيبي سمّوهـ على اسم والد كمال عبد الرزاق)
(انخطبت أمل على يـــد رامي وصارو هيه وابتسام الآن في شهر عسل وفي أجواء ثانية)
(تحقق حـلم سميـرهـ على أختها طيف المصابة بمرض التوحد شفيت والحمدلله وصارت الآن في أتم الصحة والعافية)





كلمة الكاتبة:

كانت رواية القارب الوردي ختامها مسك ونهايات سعيدة
وبإذن الله ترون كل ما هو جديد مني على تأليف الروايات
فلنلتقي لنرتقي...





والسـلام عليكم ورحمة اللــه بركاته

جنــــون
08-06-2011, 09:05 AM
رآقني كثير طرحك
يديك ربي العآفيه
لا خلا من وجودكhttp://www.vb-4.com/vb/images/smilies/047.gif

عـــودالليل
08-06-2011, 03:08 PM
100

طرح جدا راقي
بارك الله فيك واتمنى الاستمرار
على هذا المنوال
http://www.g55g.org/uploads/images/g55g-9ebf9e8f2f.gif

الف شكر

نظرة الحب
08-06-2011, 09:21 PM
شاكره مروركم العطر