يامرحبا وياهلا والف هلا بكل زائر وزائره لديواني

يا مرحبا من قلب ولسان وحجاج
تعبير روقيٍ وفى عن شعوره


لاهوب مضهودٍ ولاهوب محتاج
لاشك ودة كل طيب يزوره





أرق وأجمل تحياتي
سعود الدهيمي

رحلي على مله ونفسي ملوله

لاعاد تسجع عـذب الالحـان ياطيـر
راحـت تغاريـد الصبـا والطفولـه
العام غير وهالسنـه وضعهـا غـي
رمنته مهيّـض قلـب منتـه بحولـه
العـام لاروجعـت شبـه المزاميـر
هيضت قلبي معك واسـرج خيولـه
واليوم جزت من الهـوى والغناديـر
ماعاد ابي من كاسهـن ربـع تولـه
طويـت حبلـي والنوايـا مصاديـر
وامسيت نفسي من خطاهـا جفولـه
من كثـر مامـرت علـي التعازيـر
في هالحيـاه ام الوصـوف المهولـه
اللي عطتني مثـل كثـح المعاصيـر
وماجـا مـن المولـى عليّـه قبولـه
بكيت فيهـا مـن فـراق المشاهيـر
الكـل منـهـم تنـتـورخ فعـولـه
وصبرت من عرض الرجال المصابير
وارخيت متني لين شلـت الحمولـه
يارب عظني فـي كبـار المخاسيـر
وحـزن النكـاده بالسعـاده تزولـه
ويـارب لاتفقدنـي اغلـى المناعيـر
الكل منهـم ونستـي شـوف زولـه
اللـي لياصكـت علـي الطوابـيـر
يقفون جنب سعـود والقـول قولـه
هم مكسبي ماهوب كسـب الدنانيـر
كنز الغناه وكسـب كـاس البطولـه
مادامهـم حييـن للعـمـر تقـزيـر
اقضيه لـو دنيـا النقايـص ختولـه
وانا بشر من كثر ما اطى المحاذيـر
رجلي علـى ملـه ونفسـي ملولـه
يصير مني بعض الاحيـان تقصيـر
وروابـعٍ عسـى ماهيـب محمولـه
ولا للخطـا منـي لياصـار تبريـر
الاّ الجهـل عقـب بركتلـي ذلولـه
يارب تجعلـيّ مـن الذنـب تكفيـر
ونفسٍ من ادران الذنـوب مغسولـه
عسى المقابيل ابـرك مـن المدابيـر
وعسى الهوى يجلى اختناق الطلولـه
للهـم فوجيـه الرياجـيـل تاثـيـر
لاحـاز ربّـانـه وسـبّـل ثعـولـه
يامن تقول الحـال جـا فيـه تغييـر
حتـى الـدول دولـه تغيّـر بدولـه
انا اقتنعن وعفـت بعـض المشاويـر
اللـي لهـا رجلـي منـوّل عجولـه
وفكـرت والدنيـا ماتحتـاج تفكيـر
مادامها تفنـا الخطـا ويـش هولـه
واخذت عبره مـن سهـوم المقاديـر
لـو وقعهـا ماينـسّـى بالسهـولـه
عرفت منها ان انتهـا رحلـة السيـر
شياً موكـد عقـب صولـه وجولـه
وان الحيـاه الفانيـه مابهـا خـيـر
الا بذكـر الله وطـاعـة رسـولـه

تسوقنا الدنيا علـى غيـر مشهـاه

تسوقنا الدنيا علـى غيـر مشهـاه

وتحدنـا الاشغـال مـنـا ومـنـا
عن صاحبٍ رغم البطـا مانسينـاه

لو راحت ايـام السنـه مااتصلنـا
ياصاحبي ياطيّب الصيـت والجـاه

العفـو منكـم والمعـاذيـر مـنّـا
حنـا بذلنـا جهدنـا اللـي قدرنـاه

ولاجت لنـا الدنيـا علـى مانتمنـا
اليا اعترض سيلٍ صغير وقطعنـاه

لاعقبـه السيـل الكبـيـر يتثـنّـا
ولاترانا صاحـب الجنـب نرفـاه

ماتنقّـل لـه هرجـة الشيـن عنّـا
نضيق من ضيقه ونرضى من رضاه

ولانعـده غـيـر رجّــال مـنّـا
طبعٍ لنا مـن روس اهلنـا ورثنـاه

وبنموت ماماتـت مذاخيـر اهلنـا
من يستحق مواصل الطيب نرعـاه

ونواصلـه حتـى ولـو ماوصلنـا
نقـدّر ظروفـه وندمـح خطايـاه

ونجاملـه ليـن يتـفـرّق ظعـنـا
اليا اتصـل لابـد نضحـك محيـاه

ونذكّـره بالطيـب كنـتـم وكـنـا
واليا انقطع من قوّ ظرفـه عذرنـاه

مانشغلـه ونقـول حـنـا وحـنـا
نبـا اليامنـا خطـانـا ارتكبـنـاه

وقفّـت بنـا دنيـا الشقـا ماذهنّـا
نجيـه باعـذار الوجيـه المسمّّـاه

ونقـول كـلٍ مـن ظروفـه معنّـا
ويقول معذوريـن والجـاه بالجـاه

ليـن يتقـرّب شامنـا مـن يمـنـا
شرواك يامن تكسب الطيـب يمنـاه

ياصاحـبٍ منـه المشاريـه جنّـا
قل اتصالي حدّ قلبه علـى اقصـاه

وغلاه نـادى هاجسـي لـه وغنّـا

عميان البصاير

طلـبـة الله فالقصـيـده ومبـداهـا
جعـل رب البيـت للخيـر يهديـنـا
والهـدايـه جعلـنـا لامسكـنـاهـا
نعتمدهـا ليـن الاقــدار تنهيـنـا
وجعل (لاالـه الاّ الله)اليـا نطقناهـا
عنـد مولانـا مـن النـار تنجيـنـا
وجعلنـا تبّاعـة المصطفـى طــه
وجعـل ربـي مايخيّـب مساعيـنـا
زينـة وجيـه الرياجيـل بلحـاهـا
جعـل ظاهرنـا علـى قـد خافينـا
يامسّريهـا علـى غيـر مسـراهـا
منـت مزعلنـا ولاانتـه بمرضينـا
الهـقـاوي بعضـهـا لاهقيـنـاهـا
قـد تخيّبـنـا وتـذهـب بامانيـنـا
كـم دفعناهـا سميـنـه وعفنـاهـا
والبـلا ماهـوب فيـهـا ولافيـنـا
البـلا مـن شيـن ماهـا ومرعاهـا
بعـد ماراحـت وطالـت دعاويـنـا
ودنّـــا بالطـيّـبـه ونتمـنـاهـا
مـار عميـان البصـايـر بتعميـنـا
ونظـرة اعيننـا البعيـده ومغزاهـا
عن مجاهـد حـول الاعيـن تقّدينـا
خدعتنـا زيلـة النـاس واسمـاهـا
واكتشفنـا قدرنـا عـنـد مغليـنـا
ياوجيـه الخيـر الايـام دعـواهـا
حبلـهـا ممـسـود والله يكافيـنـا
ان حديتوها علـى الطيـب سقناهـا
ليـن تبـرك زال ربــي معافيـنـا
وان حديتوها علـى الهـون بعناهـا
بيعة اللـي مايجمـرك مـن المينـا
والعلوم مـن اولتهـا الـى اتلاهـا
ماتضيّقـنـا وتبـحـث خوافـيـنـا
وان طرت لو كان مدري وش اطراها
استهضـنـا بالقصـايـد وغنـيّـنـا
والقصايـد لاستهضـنـا وقلنـاهـا
نطـرب الـذواّق ونغيـض شانينـا
مانجـي اذواد العـرب ونتهمواهـا
ذودنـا عـن بـاق الاذواد يغنيـنـا
خطو اباكيـرٍ تشـوّق مـن ادناهـا
منـوة اللـي عـاجـزٍ لايجاريـنـا
كـل بكـر عضادهـا فـوق يمناهـا
وسمنـا لاغـرّت النـاس اساميـنـا

طلـبـة الله فالقصـيـده ومبـداهـا
جعـل رب البيـت للخيـر يهديـنـا
والهـدايـه جعلـنـا لامسكـنـاهـا
نعتمدهـا ليـن الاقــدار تنهيـنـا
وجعل (لاالـه الاّ الله)اليـا نطقناهـا
عنـد مولانـا مـن النـار تنجيـنـا
وجعلنـا تبّاعـة المصطفـى طــه
وجعـل ربـي مايخيّـب مساعيـنـا
زينـة وجيـه الرياجيـل بلحـاهـا
جعـل ظاهرنـا علـى قـد خافينـا
يامسّريهـا علـى غيـر مسـراهـا
منـت مزعلنـا ولاانتـه بمرضينـا
الهـقـاوي بعضـهـا لاهقيـنـاهـا
قـد تخيّبـنـا وتـذهـب بامانيـنـا
كـم دفعناهـا سميـنـه وعفنـاهـا
والبـلا ماهـوب فيـهـا ولافيـنـا
البـلا مـن شيـن ماهـا ومرعاهـا
بعـد ماراحـت وطالـت دعاويـنـا
ودنّـــا بالطـيّـبـه ونتمـنـاهـا
مـار عميـان البصـايـر بتعميـنـا
ونظـرة اعيننـا البعيـده ومغزاهـا
عن مجاهـد حـول الاعيـن تقّدينـا
خدعتنـا زيلـة النـاس واسمـاهـا
واكتشفنـا قدرنـا عـنـد مغليـنـا
ياوجيـه الخيـر الايـام دعـواهـا
حبلـهـا ممـسـود والله يكافيـنـا
ان حديتوها علـى الطيـب سقناهـا
ليـن تبـرك زال ربــي معافيـنـا
وان حديتوها علـى الهـون بعناهـا
بيعة اللـي مايجمـرك مـن المينـا
والعلوم مـن اولتهـا الـى اتلاهـا
ماتضيّقـنـا وتبـحـث خوافـيـنـا
وان طرت لو كان مدري وش اطراها
استهضـنـا بالقصـايـد وغنـيّـنـا
والقصايـد لاستهضـنـا وقلنـاهـا
نطـرب الـذواّق ونغيـض شانينـا
مانجـي اذواد العـرب ونتهمواهـا
ذودنـا عـن بـاق الاذواد يغنيـنـا
خطو اباكيـرٍ تشـوّق مـن ادناهـا
منـوة اللـي عـاجـزٍ لايجاريـنـا
كـل بكـر عضادهـا فـوق يمناهـا
وسمنـا لاغـرّت النـاس اساميـنـا

وهنا رد الشاعر مبارك ابن عيينان على قصيـدة
الـــــــبـــــــكــــــــره
وقد كان رد شاعر قوي بالفعل واستفـدت منـه

أعذب تغطراس القصايد عنـد بـاب الانصيـاع
اللـي تديـر لفكـر شاعرهـا علـى مادارهـا
مثل الدهيمي لاضرب ضربه على شوك النخاع
ضرب المشوّك في يمين(ن) ماتـزل اعيارهـا
ياسعود يافيصل خلاف الشعر في وقت النـزاع
بنـت الفكـر لبّستهـا الحشمـه وزاد وقارهـا
في ليل جمهورك قصيدك شمس وبيوته شعـاع
كنهـا تمـد أهـل الوجيـه النيّـره بانـوارهـا
وبنات فكرك من زمان(ن)فات للمعنـى جيـاع
واليا اشبعت من كرمة الهاجوس قص أثمارهـا
كنها تقول ان الثقيـل ان رزت يمكـن يستطـاع
هقوه وفي الهقوه مراكيـز الظنـون أبصارهـا
ولا يمكن انّه ينزل العالـي ابـو قلبـن رعـاع
لن الجبـال اطلوعهـا ماهـو مثـل محدارهـا
والزبد لامنه صلته الشمس فـوق القـاع مـاع
حكمة حكيمن مـن يميـن الجوهـره ويسارهـا
والحر لامنّه وكد بالطلع صـوب الطلـع فـاع
ماهيب شيهانـة جبـل تسبـر عشـا صقارهـا
وانا ادري انك في الشجاعه ماخذن كاس الشجاع
كريـم تهـدي طايـره ماينـوجـد طيـارهـا
ياطيب حظك ياسعود وطيب حظ أهـل السمـاع
وأبشرك اهل العمـار أطّـول منهـا اعمارهـا
ياسعود لـو ان القطـاع يفيـد رحنـا للقطـاع
ماكان تسبقنا على الروضـه وريـح أزهارهـا
واكبر غلط وسط الدفاعـات القويـه الاندفـاع
لاغرها كبـر البيـوت اللـي قصيـر جدارهـا
ماتدري انه في اليهود اعـراب بنـي القينقـاع
وكبارها يزرع سواد القلـب وسـط صغارهـا
قدلي وانا ودي بوضع الفصل في حكم المشـاع
حتـى الليالـي ماتغيـب الا تغيـب اقمـارهـا
واقول للـي مايـذاع انـك بعـد بكـره تـذاع
في اقصارها واطوالهـا واطوالهـا واقصارهـا
وعن مايغلّق صفوة الصافـي مداهيـل ومـزاع
أخير من نفضة هوى يعمـي العيـون غبارهـا
مالي على الجاهل مداعـه دام مالـي فيـه داع
وانّـا ترانـا بـدو ماتبـرد وتطـفـا نـارهـا
وكان الوسيمه بكرتن وضحا واذانيهـا اخـراع
حايل سنه عنـدي خبرهـا ميـر دوّر غارهـا
لنها تبا تتعبك فـي الـدوره وناتجهـا صـداع
واتلا العهد في بكرتك يـوم اقطعـت معبارهـا
وابشر وبشر بالعوض من خيرة الذود الطـلاع
مني عوضها بكرتـن شبـك المزايـن دارهـا
والعاقل اللي لاخصم نفسه وخـذ منـه انطبـاع
والله يخلـي للصغـار مـن الرجـال كبارهـا

قصيده موجهه للشاعر مبـارك ابـن عيينـان
مني علي البث المباشـر للهناديـب اجتمـاع
جلسة تصارح مغلقه ماحد(ن)يعرف اسرارهـا
تنتـج قصيـده فالمجالـس ماتمـل الاستمـاع
تنقال لامـارت شواعيـر العـرب باشعارهـا
وانا لياجيت النداوي جيـت قـدر المستطـاع
باجزل قصيده للرجال اهل العقـول اختارهـا
اتعب عليها قبل تنهش مـن مناويـب السبـاع
واديرهـا منـا ومنـا ليـن ازيـح ستارهـا
حتى تجي مثل الهنوف اللي نواعسها وسـاع
والزين تزهابه من اعلاها لـروس اظفارهـا
واليا استـوت قدمتهـا تقديـر والدنيـا متـاع
للـي لياجتلـه يقدرهـا عـلـى مقـدارهـا
اهل العقول من القصيد اللي بلامعنـى شبـاع
ياوين تلقـى لـك قصيـده تستحـل افكارهـا
مثل مبارك مايجي الا فـي منازيـل الرفـاع
رجـلاً يميزهـا ويعـرف سرهـا وجهارهـا
ابو محمد لاطرق قافه صعيب القـاف طـاع
قدامـه القيفـان لاغنـا تــدق ازوارهــا
يالهاجري ماللسفينه فالبحـر غيـر الشـراع
ولاتاصـل المـاد البعيـد الا بيـد بحـارهـا
ونا بدوي وافرح بطيب البدو في كـل البقـاع
البدو اراسلها وترسل لـي واحـب اشوارهـا
لاكن طرالي ماطرالي فالصحـاح وفالوجـاع
وارسلتها لـك وانـت ماتخفـاك يابيطارهـا
لاواحسوفه بكرتي راحت وهي وقـم الربـاع
وردتها للمـا لكـن افلسـت مـن مصدارهـا
وسمتها بالمطرقين اللي علـى حيـد الـذراع
واليوم راس الحول ماحتى سمعـت اذكارهـا
انشدك عنها وانت مالك ذنب واللي ضاع ضاع
لاكـن اظنـك يامبـارك سامـع ٍ باخبارهـا
هاك الليالي يوم كـان العلـم يشـرى مايبـاع
مرتكـم البكـره وشفتـوا فالتـراب اثارهـا
وانا تراني يامبارك محتمـل ذنـب الضيـاع
ياليتـنـي جودتـهـا بقيـادهـا وهجـارهـا
مير الليالي يامبـارك كـان ماطاعـت تطـاع
والعاقل اللي غلطته ينحـاش عـن تكرارهـا
لاوميت بالكف اليمين اعني تحيـات الـوداااع
وانا خلاص اوميـت للـي ماتلـد انظارهـا
تحسب خساره والخطا كله على خـط الدفـاع
ماتعرض السلعه على اللي مايعرف اسعارهـا
وصلت بالفكر الرزين اقصى حدود الاقتنـاع
فاللي تعب مدخالها اهون من تعب مظهارهـا
والثانيه حصنتها مثـل الحصـون ام القـلاع
مـاودي انـه كـل واحـد ينتبـه لاسرارهـا
*********
وسلامتك وسلامة الاخوان والاخـوات كلهـم
المطرقين وسـم قبيلـة الدهمه(للعلـم فقـط)

رحنا من الدمـام غصـبٍ علينـا
ولاّغلا الدمام فـي قلـب مغليـه
غلاه ماجا لاجـل ساحـل ومينـا
غلاه والله من غـلا واحـدٍ فيـه
اللي معه باحـلا الغـرام ابتدينـا
مبدٍ على عـز وطهـاره وتنزيـه
صفت لنا غبـر السنيـن وهوينـا
وكلٍ شرب من منبع الحب صافيه
وذقنـا ملـذات الهـوى واهتنينـا
قلبـه يدارينـي وقلبـي يداريـه
وخذنا على حسب الوصول وعطينا
يرجي مقابيل الليالي وانا ارجيـه
خانـوا محرّفـة الغـرام ووفينـا
وقمناعلى قصر الهوى الذرب نبنيه
لين ارتفع جدره ووسطـه ربينـا
الطهر فرشـه والكرامـه تفييـه
ولاقد على فرش الدناعـه وطينـا
كلٍ على فرش الطهـاره مواطيـه
نثني المـزوح الطاهـره لاغوينـا
ماهوب مزحٍ بالخفـا فيـه مافيـه
واليا زعلنا مـن بعضنـا رضينـا
اعذارنا تمسـح وجيـه المشاريـه
واليـا تباطينـا بعضنـا عنيـنـا
كلٍ يبـا يسبـق حبيبـه ويرضيـه
ودارت علينـا الدايـره مادرينـا
الاّ وكـلٍ لـه طريـقٍ بيعطـيـه
قمنـا وحاولنـا ورحنـا وجيـنـا
لين انقطع حبل الرجا من عراويـه
واليوم من عقـب الـوداد انتهينـا
وهذا الزمن لاشان ماحـدٍ يقاويـه
لـو البكـا ينفـع بعضنـا بكينـا
وكلٍ قعد يشكي للاخـر مشاكيـه
لاكـن تمنعنـا الشيـم لانويـنـا
وكم عاشقٍ زيد انحرم من مناويـه
وعقب اقتنعنا بالظـروف وقضينـا
كـلٍ دعـى للاخـر الله يهنـيـه
وكـان الهنـا مايقبـل الاّحديـنـا
جعله هنيٍ في حياته وانـا افديـه
هذا جزاء اللي يـوم رحنـا يبينـا
مير الزمان احتدني عنـه لاجيـه

رحنا من الدمـام غصـبٍ علينـا
ولاّغلا الدمام فـي قلـب مغليـه
غلاه ماجا لاجـل ساحـل ومينـا
غلاه والله من غـلا واحـدٍ فيـه
اللي معه باحـلا الغـرام ابتدينـا
مبدٍ على عـز وطهـاره وتنزيـه
صفت لنا غبـر السنيـن وهوينـا
وكلٍ شرب من منبع الحب صافيه
وذقنـا ملـذات الهـوى واهتنينـا
قلبـه يدارينـي وقلبـي يداريـه
وخذنا على حسب الوصول وعطينا
يرجي مقابيل الليالي وانا ارجيـه
خانـوا محرّفـة الغـرام ووفينـا
وقمناعلى قصر الهوى الذرب نبنيه
لين ارتفع جدره ووسطـه ربينـا
الطهر فرشـه والكرامـه تفييـه
ولاقد على فرش الدناعـه وطينـا
كلٍ على فرش الطهـاره مواطيـه
نثني المـزوح الطاهـره لاغوينـا
ماهوب مزحٍ بالخفـا فيـه مافيـه
واليا زعلنا مـن بعضنـا رضينـا
اعذارنا تمسـح وجيـه المشاريـه
واليـا تباطينـا بعضنـا عنيـنـا
كلٍ يبـا يسبـق حبيبـه ويرضيـه
ودارت علينـا الدايـره مادرينـا
الاّ وكـلٍ لـه طريـقٍ بيعطـيـه
قمنـا وحاولنـا ورحنـا وجيـنـا
لين انقطع حبل الرجا من عراويـه
واليوم من عقـب الـوداد انتهينـا
وهذا الزمن لاشان ماحـدٍ يقاويـه
لـو البكـا ينفـع بعضنـا بكينـا
وكلٍ قعد يشكي للاخـر مشاكيـه
لاكـن تمنعنـا الشيـم لانويـنـا
وكم عاشقٍ زيد انحرم من مناويـه
وعقب اقتنعنا بالظـروف وقضينـا
كـلٍ دعـى للاخـر الله يهنـيـه
وكـان الهنـا مايقبـل الاّحديـنـا
جعله هنيٍ في حياته وانـا افديـه
هذا جزاء اللي يـوم رحنـا يبينـا
مير الزمان احتدني عنـه لاجيـه

ياوجودي وجد من ضاع عزه عقب جاه
ارتدى حظـه ومالـت عليـه المايلـه
عقب ماظلّى منوّل ملاذ لمـن نصـاه
صار يشحذ فالمساجد بكـرت العايلـه
وياوجودي وجد من لارحم بطنٍ غـذاه
من مشى في رغبة انثاه وامـه عايلـه
حطها بدار الرعايـه وعرضهّـا قفـاه
ويوم تاب وجا ليا ان المصيبـه هايلـه
قالوا امك دوب ماتت وهيّـه فالصـلاه
ترفع يديهـا لـرب الخلايـق سايلـه
وياوجودي وجد من جا يسوقنه خطـاه
فالطريق الضيق للنـاس قدمـه ظايلـه
يوم جاهم كنه اونـس بقلبـه مـازواه
حادثٍ مفجـع وتـوه هـذ ّي اوايلـه
قام يفهـق كـل رجـال ويعايـن وراه
ولادمـي اخـوه قـداّم عينـه سايلـه
ثم عطاله طول بطنه بصيحه من بـلاه
يندبـه ويصيـح ويخمخمـه ويحايلـه
امسكوه وعذلّوا عنه واوصوه بوصـاه
قالوا اصبر كل دنيـاك هـذي زايلـه
وقام ينحب ويتوجـد ولايقطـع بكـاه
ويتعيـن فالسمـا للنـجـوم القايـلـه
والوجود يحرّك القلب لو انـه حصـاه
غير قلـبٍ مامنـه فـود للـي شايلـه
مااتوجّد وجد خايب على خابـة جـداه
اتوجّـد لـي وجـودٍ معـي دلايـلـه
مااتوجّد فالمحبـه علـى لامـا فتـاه
الهوى بلـوى لكـن ماوراهـا طايلـه
ولا اتوجّد لي على مال في طرد الغناه
ظامنٍ رزقـي لياقسـم ماحـدٍ نايلـه
واهني اللي لامنه بغـا النـوم ارتهـاه
وانا يدنو الثلث الاخيـر وانـا احايلـه
شايلٍ لي همٍ اثقل من جبـال السـراه
كل مانام اجوف القلـب قمـت اكايلـه
اتوجّد كل ماجيـت اعايـن فـي قنـاه
لليهود بمسجـد الله الاقصـى صايلـه
صالوا وجالوا وعالوا وحنا هاااه هاااه
اليهـود الفاعلـه واليهـود القايـلـه
ذاه عودٍ يسحبونه على حوض الذكـاه
وذاه ورعٍ في يديـن اليهـودي غايلـه
وذيّ عذراً تلها النذل لفـراش الدنـاه
وامها تبغـا الستيـره مغـار تحايلـه
وذاه بيتٍ يهدمونه علـى روس نـزلاه
وذاه حقلٍ شيول الدفـن عانـه جايلـه
وننحسب حييـن!! والله مـاذيّ بحيـاه
كل بارق صيف يبرق مغار نخايلـه!!
يامتى القدس يتطهر من يديـن الطغـاه
ويامتى نصدع بكلمـه بـدون محايلـه
ويامتى نجلا اليهودي ونهتـج عمـلاه
الكلاب اللي ماتمشـي بـدون مذايلـه
ويامتى تحرير بغداد نشرب نبـع مـاه
لين يجزى الصاع بالصاع للي كايلـه
العراق ارض الحضارات بذ الله خفـاه
عقـب ماطاولتـه العلـه المتحايـلـه
كان صدام الذريعه وقـص الله رشـاه
وامرحت بالشوم عذراً صبـح متفايلـه
القلوب اشتات والناس كلٍ فـي عمـاه
والرمال من آخر الغرب جت متهايلـه
يالله انك تجمع الصف وتوحـد قـوااه
وتنصر الاسلام وانـك تعـدّل مايلـه

ياوجودي وجد من ضاع عزه عقب جاه
ارتدى حظـه ومالـت عليـه المايلـه
عقب ماظلّى منوّل ملاذ لمـن نصـاه
صار يشحذ فالمساجد بكـرت العايلـه
وياوجودي وجد من لارحم بطنٍ غـذاه
من مشى في رغبة انثاه وامـه عايلـه
حطها بدار الرعايـه وعرضهّـا قفـاه
ويوم تاب وجا ليا ان المصيبـه هايلـه
قالوا امك دوب ماتت وهيّـه فالصـلاه
ترفع يديهـا لـرب الخلايـق سايلـه
وياوجودي وجد من جا يسوقنه خطـاه
فالطريق الضيق للنـاس قدمـه ظايلـه
يوم جاهم كنه اونـس بقلبـه مـازواه
حادثٍ مفجـع وتـوه هـذ ّي اوايلـه
قام يفهـق كـل رجـال ويعايـن وراه
ولادمـي اخـوه قـداّم عينـه سايلـه
ثم عطاله طول بطنه بصيحه من بـلاه
يندبـه ويصيـح ويخمخمـه ويحايلـه
امسكوه وعذلّوا عنه واوصوه بوصـاه
قالوا اصبر كل دنيـاك هـذي زايلـه
وقام ينحب ويتوجـد ولايقطـع بكـاه
ويتعيـن فالسمـا للنـجـوم القايـلـه
والوجود يحرّك القلب لو انـه حصـاه
غير قلـبٍ مامنـه فـود للـي شايلـه
مااتوجّد وجد خايب على خابـة جـداه
اتوجّـد لـي وجـودٍ معـي دلايـلـه
مااتوجّد فالمحبـه علـى لامـا فتـاه
الهوى بلـوى لكـن ماوراهـا طايلـه
ولا اتوجّد لي على مال في طرد الغناه
ظامنٍ رزقـي لياقسـم ماحـدٍ نايلـه
واهني اللي لامنه بغـا النـوم ارتهـاه
وانا يدنو الثلث الاخيـر وانـا احايلـه
شايلٍ لي همٍ اثقل من جبـال السـراه
كل مانام اجوف القلـب قمـت اكايلـه
اتوجّد كل ماجيـت اعايـن فـي قنـاه
لليهود بمسجـد الله الاقصـى صايلـه
صالوا وجالوا وعالوا وحنا هاااه هاااه
اليهـود الفاعلـه واليهـود القايـلـه
ذاه عودٍ يسحبونه على حوض الذكـاه
وذاه ورعٍ في يديـن اليهـودي غايلـه
وذيّ عذراً تلها النذل لفـراش الدنـاه
وامها تبغـا الستيـره مغـار تحايلـه
وذاه بيتٍ يهدمونه علـى روس نـزلاه
وذاه حقلٍ شيول الدفـن عانـه جايلـه
وننحسب حييـن!! والله مـاذيّ بحيـاه
كل بارق صيف يبرق مغار نخايلـه!!
يامتى القدس يتطهر من يديـن الطغـاه
ويامتى نصدع بكلمـه بـدون محايلـه
ويامتى نجلا اليهودي ونهتـج عمـلاه
الكلاب اللي ماتمشـي بـدون مذايلـه
ويامتى تحرير بغداد نشرب نبـع مـاه
لين يجزى الصاع بالصاع للي كايلـه
العراق ارض الحضارات بذ الله خفـاه
عقـب ماطاولتـه العلـه المتحايـلـه
كان صدام الذريعه وقـص الله رشـاه
وامرحت بالشوم عذراً صبـح متفايلـه
القلوب اشتات والناس كلٍ فـي عمـاه والرمال من آخر الغرب جت متهايلـه
يالله انك تجمع الصف وتوحـد قـوااه وتنصر الاسلام وانـك تعـدّل مايلـه

من طمعتي فاللول ما اعشق غيـر لـول
لو يرتكز مـن دون لولـي كـل مـوج

فالحـب ماتقنعنـي انصـاف الحـلـول
يحـن قلبـي بالغـلا حـن الخـلـوج

واصبر على الفرقا ليـا قامـت تطـول
ورجـواي بمنـزّل تبـارك والـبـروج

يامرحبـا ياناعـس الطـرف الخجـول
كانك مثل منـت بعلـى خبـري غنـوج

في غيبتك ماقلـت انـا طبعـي ملـول
صبرت لاجلك والريـاح الهـوج هـوج

والله لكافـحـت المنـافـق والـعـذول
مكافـح الصحـاف لاعـلام العـلـوج

واليـوم جيـت تفـز يالظبـي الجفـول
وحللت وسط القلب في عالـي البـروج

وفرشت قلبـي قبـل ميعـاد الوصـول
بالورد والازهـار واشعلـت السـروج

شخصيتـك فالقلـب تحظـى بالقـبـول
ترقص لها افواج المشاعر فـوج فـوج

قلبـي يرحّـب بـك ونبضاتـه تقـول
اللافتـات تسـد عـن كثـر الهـروج

على المداخل كتب(مسموح الدخوووول)
وعلى المخارج كتب(ممنوع الخرووووج)

اختلف طبع الحبيب ولااختلـف منزالـه
منزله بين الضلوع وصورتـه محميـه
في علـو القلـب حبـه بانـيٍ تمثالـه
والبنا ثابت علـى سيسانـه المطويـه
قد بذرنا الـود بـذر ولاذبحنـا آمالـه
لانمـا عـوده نفييلـه مـن الماويـه
وان ظما يسقيه فيض القلب من شلالـه
لين حتى انه قوى عـوده وجالـه فيـه
ود من عيني تتـوق لشوفتـه واقبالـه
وهو يبادلني شعوره والمشاعـر حيـه
آصله في كل لحظه واشتهـي لوصالـه
وهو يسابقنـي اليـا ماجيتلـه بالجيـه
ذاك ود العـام وده هالسنـه يرثـالـه
تنقصر من دون بيته خطوتـي جبريـه
كثرت الرديان حوله صعبّـت ميصالـه
اربضن لي فالطريق الداب جنب الحيـه
واكثـر النعمـه كلتهاالآفـه الاكـالـه
والبعيـر الآركـي والناقـه الجرمـيـه
ان سكت اليا السكوت اخس واردى حاله
وان هرجت محرفين الهرج شكوا فيـه
ولاّ انـا خابـر عذولـي نيتـه بطالـه
لايدانيـنـي ولا ادانـيـه بالكـلـيـه
ينقض الحبل الطويـل ويوهـم الفتّالـه
ويتضاحـك بالسنـون وعلتـه مخفيـه
كل ماشفتـه ذكـرت مسلسـل الحيّالـه
لاقعد يظهر طرف هـذي ويخفـي ذيـه
البلا انه لاوقف قدمـي تزيـن اقوالـه
ولااختفى عني يحيـك النيـه الملويـه
وصاحبي يسمع كلامه مايشوف افعالـه
غشّه الغشّاش بالضحكـه وسّـوّ النيـه
ياحبيبـي لاتسمّـع فـي كـلام العالـه
الكذوب تبين لك فـي هرجتـه ماريـه
والله اني مخلصٍ لـك والوفـا مشتالـه
ولو يدور الوقت قلبي ماتحصـل زيـه

لاعـاد ياقلـب الشقـا تشـقـى وتشقـيـك الظـنـون
اصبـر مـادام ان النفـوس بـهـا الحـيـاه مثـابـره
تـرى الصعـاب بهـا الحيـاه ان قـدّر المولـى تهـون
وتطيـح لـك فالقـاع روس خـشـوم قــوم مكـابـره
انتـه ماشفـت اللـي منّـول يسـرحـون ويمـرحـون
اليـوم قــدّام البـشـر تحـثـى الوجـيـه الغـابـره
مـن عقـب ماكانـوا مـنّـول بــالاوادم يضحـكـون
الـيـوم يـاكـاف الـبـلا جتـهـم دبــوراً دابــره
ياقلـب لاتشمـت تـرى مانـي مـن اللـي يشمـتـون
الله يعافـيـهـم ولايـبـلـى الـعـبـاد الـصـابــره
وجـه الزمـان اللـي مخفـى بــان قــدّام العـيـون
طـاح القـنـاع وكــل واحــد بالنـواظـر سـابـره
وبانـت سـدود اللـي مـنـوّل يقطـعـون وينطـلـون
والعـظـم لامـنّـه تهـشّـم ويــن تلـقـى جـابـره
اليـوم مـن كثـر الفتـن ينصـاب عقـلـك بالجـنـون
ومـن لاتوقـع تاقـع الضربـه علـى اعلـى صـابـره
ياقاتـل المقـتـول لاتبـكـي عـلـى مـوتـه بـهـون
وتغسـلـه وتكفـنـه وتـقـول انــا الـلـي قـابـره
ماعـاد نـدري منهـم عيـال الظهـور مـن البـطـون
كـلاً تلبّـس لـه لـبـاس بشـبـر غـيـره شـابـره
القلـب يشتـال البـلا والـوجـه بالضحـكـه حـنـون
واللـي علـى وجهـيـن جـعـل الله يقـطـع دابــره
انا اعـرف اصحـاب الرخـا وقـت التراخـي يكثـرون
وفالضيـق ياجابـر خواطـر خـاطـرك مــن جـابـره
اليـوم ماتقـدر تقـول انـك عـلـى غـيـرك تـمـون
حتـى خويّـك مـا يجيلـك مـثـل مـاانـت بخـابـره
دنيـاً تجـارب والتـجـارب تنـفـع الـلـي يفهـمـون
والعاقـل اللـي يتعـظ مــن كــل عـبـره عـابـره

بعـض المجالـس مايهـزك لـهـا الـشـوق
تـصـد عــن مدخالـهـا قـبـل تـنــلام

ماتجـمـع الاّ كــل داشــر ومـطـفـوق
والـلـي مجالـسـهـم مـنـافـق ونـمــام

كلامهـم ثــوب الحـيـا عـنـه مشـقـوق
وتغّـرك الزيـلـه لـيـا شـفـت الاجـسـام

وان جيـت مجلسهـم تبـا تكـسـب الـعـوق
خطـوتـك خسـرانـه ومجلـسـك هـــدّام

حتـى ولــو جابـتـك الاقــدار مسـيـوق
العـاقـل الـلـي لاكــره مجلـسـه قــام

قّــدام تـسـمـع هـرجــةٍ مـالـهـاذوق
وتقول انا مـا اوحـي النصيحـه مـن العـام

امّـا تعـارض هـرج جـاهـل ومصـفـوق
ولاسكـتـت وقـيـل خـايــف ومـنـظـام

والبعـد عـن رزقـي ومــرزق ومــرزوق
اخيـر لـك مــن مجـلـسٍ كـلـه آثــام

اقطـع وصـال النـذل مـن غيـر مفـهـوق
لاتجلّـه مـاهـوب مــن قـطـع الارحــام

الطيبـيـن انظـارهـم شبـحـهـا فـــوق
والخايبـيـن انظـارهـم تـحـت الاقـــدام

ولاهـوب صـح(ان كـل مطـرود ملحـوق)
ماحـداً لحـق مـن طـول الايــام الايــام

عزي لقلبـاً بـراه الـود وابرانـي
وانا منوّل عن اهـل الـود الّوذبـه


منوّل اشره على العشاق من دانـي
واضحك براع الهوى واقول ياكذبـه


واليوم ربي بمـا سويـت حافانـي
صحيح الانسان ماسـوّى يواخذبـه


ياناعم الصوت طول الصمت شقواني
وانا الكـلام الحلـو منـك اتنقذبـه


لاوحيت هرجك بدون شعور يشعاني
والله مغير ارخـي اذنـي واتلذذبـه


والله مايبرد لهب من جاك ظميانـي
الاّ ليا شرب من ماء الجمه العذبـه


والياقفاني قليـل العـرف واوذانـي
طيبه اليا اقفيت فالعرقوب بالشذبـه


ماالدّ فيه النظـر لاصـرت تبغانـي
العمر سجـه نبـا ندلـه وناخذبـه


وان كان نيتك فيهـا واحـداً ثانـي
حذف الرشا في مجم الماء ولاجذبه


وجهي عزيز وعن المنقود يحدانـي
بامر الله اموت يالمجمول ماشحذبـه

ياعديل الروح لاقلت الك هرج افطن له
ماهرجت اللاّ من اللي كاويٍ وجدانـي
قمت قلبي كـل ليلـه بالغـرام اتّلّـه
وكل ليل تشبّ في وسطه من النيراني
كل ماقلت الك ابا اظنك تـداو العلـه
زدت علتـك القديمـه علـةٍ بالعانـي
وكل ماقلت الك مخطـي قلتلـي لابالله
البلا انك لاغلطـت تعدّنـي غلطانـي
لاتزل وعهـد منـي ماتجيـك الزلـه
الزلل ياغايتي شقرة عصـا الخلانـي
الله اللي حط حبك فالحشا شغـلٍ لـه
لين حبيتـك محبـة عاشـقٍ ولهانـي
والله اللي جمّلك وانت الحلا كفوٍ لـه
والحلا لوماانت كفوٍ له ماجيتك عانـي
كل ماناحرت قمت اذكر عليك اسم الله
وكل ماقفّيت قمـت اعـوّذ الشيطانـي
وكل خدٍ تنزله يفرش رضاً لـك زلـه
ويتحفوابك على عشبه بصـدرٍ حانـي
ياجميـلٍ حاويـاً دق الجمـال وجلّـه
اشتهت عيني لشوفة عودك الرويانـي
لاتطّـول فالغيـاب وخافقـي محتلـه
خافقٍ حتى بطـا ليلـه ماعـاد يدانـي
رد نص القلب ولاّ هـاك قلبـي كلـه
لاتخليني بنـص ومعـك نـصٍ ثانـي

قدّام شهـر الحـج ينقـز هلالـه
مابـاقـي الاّ ليلتـيـنٍ ويـنـزال
جرى لدمعـي فالعيـون اجتوالـه
والدمع من يوقف مسيلـه لياسـال
وكتمت لي بين الضلـوع انفعالـه
واونستلي تحت المعاليـق زلـزال
من حالةٍ عقب اذّن العصـر حالـه
وقفت منها عاجزٍ ما اقـدر احتـال
وشربت من بـراّد حزنـي بيالـه
واخذتلي من دلـة الغبـن فنجـال
على فـراق اللـي كـرامٍ سبالـه
اللي لضيفـان المواجيـب مدهـال
موقف فراق ابـوي يانـاس يالـه
من موقفٍ مثّر وانـا منـه مهتـال
طيّب ويسألنـي واجـاوب سوالـه
وفجأه تـردّت حالتـه ياللأهـوال
وانا انصدمت وخفت ممّـا جرالـه
ادعي ودمعي فوق الاوجان همّـال
وتليّمـوا حولـه وكـلاً عـدالـه
كل الدكاتر جالهـا اقفـاي واقبـال
وشالوه من فوق السريـر بعجالـه
واوزوه في قسم العنايه على الحال
وبعـد شويـه علمـوّنـا بحـالـه
قالوا توفّى ابا المكـارم والافعـال
وانهل دمعي قبـل لااوحِ المقالـه
الله ولافـالٍ يجـي مثـل هالفـال
اهبّـي دنـيـاً تاليتـهـا حثـالـه
تسقيك كاس المر عقـب التبهـلال
مير احمد الله يـوم ماجـاه عالـه
وجت موتته سهلـه بليّـا تغلغـال
صبرت ولصبـري عليّـه جمالـه
لين الغطا شاله عن الوجـه شيّـال
واسفر بوجـهٍ زاد نـوره جمالـه
تقول يضحك ضحكةٍ كلها اجـلال
ساعـة لمحتـه قلـت ياعزتّـالـه
وارخصت له من غالي الدمع شلال
يالله لاتقطـع عــراوي حبـالـه
وتحط له في جنة الخلـد منـزال
ويالله تجزى خير من جـا وشالـه
ثم غسّله لوكـان ماهـوب غسّـال
ثم طيّبه من طيبـه اللـي حلالـه
ثم صارله فالقبر ماقـف ومحـوال
ويالله عسـى نـواً تزبّـر خيالـه
يبـرق ورعّـاده غدالـه تجلجـال
يرخي على الثقبـه مقاديـم فالـه
ويركد ويسبل فوقها وبلـه اسبـال
ويسقي ثرى قبراً يضـم الشكالـه
ويبرّده ربي مـن الجـال للجـال
يالله عسـى قبـره مقيمـاً ظلالـه
تحته رياض وفوقه ابراد وظـلال
وتسقيه مـن خمـرٍ لذيـذٍ زلالـه
حيثه توفّى ماشرب خمر الانـذال
بحسناك يامن كـل خلقـه تسالـه
يامنزلٍ سـورة تبـارك والانفـال
اليـوم ماعنـدي ياكـود الدعالـه
ولاّ البكـا مـارد فانيـن الاجيـال
ياعيـن دمعـك مايفيـد انهمـالـه
كفّي وعزّي فالبطل كـل الابطـال
كفّي وعـزّي فـي وفاتـه عيالـه
لاهم بمن عالوا ولاهوب من عـال
وعزّي بني عمه رجـال الجزالـه
وعزّي بنيخٍ كنهـم حسبـة عيـال
وعزّي عموم بقومنا فـي زوالـه
والآد داهم خـص رجّـال رجّـال
وعزّي سبيع اهل المكارم خوالـه
آل القريشـي متعبـة كـل خيّـال
وعزّي الشجاعه حيثها راس مالـه
يكعم بها خشم المعادي ليـا عـال
وعزِ الكرم حيث الكرم من خصاله
في ذمتي ماني بمـا قلـت دجّـال
وعزي عويّـد ثـم عـزي دلالـه
وعزي نفاد المال ف منفّـد المـال
وعزي من اللوعه سلالـة شعالـه
ذلوله اللـي مالهـا عنـده امثـال
عزي ترى بعض المصايب جلالـه
تبلابها الاجـواد والحـزن قتّـال
وابويه اللي شـد واقفـت رحالـه
ياليتني قبله علـى القبـر منشـال
عنـد اللقـا يثبـت بقالـه وطالـه
ياعنك ماجنّب عـن وجيههـم ذال
ريف الضعيف وفزعة اللي عنالـه
ومتن الرفيق اللي لما ثقـل شيّـال
وابـوي ماجيـاً لـي ابـواً بدالـه
ولاكن في عيني عقب زوله ازوال
والله لاموت وكنّي اسبـر خيالـه
وطيفه يراودني بممسـى ومقيـال
وان قيل تدله قلـت مانـي بدالـه
لاوحيت لي عزّام جابه على البـال
وشلون بانسى ابوي عقب ارتحالـه
وانا تذكّرني بـه افعـال واقـوال
والله للاي اخشى انّي احيي الجهاله
لاشق ثوب الستر وابدي فالاقـذال
لاكن ذا امر الـرب جـلاّ جلالـه
سبحان رباً في يده حتـم الآجـال
لعـل صبـري ماتزعـزع جبالـه
والحمد للمولى على كل الاحـوال

ياصاحبي طال الرجا فـي ملاقـاك
عـز الله انـك للهقـاوي مخـيّـب
عامين وانـا بيـن بعـدك ولامـاك
تمسي جري والصبح وانت متهيّـب
تنشد واقول الحـال ماعـاد يخفـاك
يكفيك عـن ديـوان حالـي كتيّـب
واليانشدني غيـرك اجحـد كوايـاك
لوماش طيب اليا نشـد قلـت طيّـب
فيما مضى فاعلى عرى القلب مركاك
ولاغيـرك احـدٍ طبّهـا يالحبـيّـب
واليوم كنّـك مخلـفٍ لـي نوايـاك
اجي علـى الميعـاد وانتـه تغيّـب
ماتدري اني يوم اجيلـك ولا القـاك
مغيـر ابهبـه كـن عقلـي مغيّـب
لاوالله الاّ راح قلـبـي بيـمـنـاك
مـرواح ذودٍ مقتفـيـه الصلـيّـب
حداه اخو هبسا على درب الانهـاك
وابعد مرسّـه عقـب ظلـى قريّـب
ولاوالله الاّ هـدّت العـزم فرقـاك
واصبحت منها نص راسي مشيّـب
يابـو جديـلٍ لاستهـل وتغرشـاك
كنّّه علـى نـابِ الـردوف يتسيّـب
ان كـان تبغانـي فانـا والله ابغـاك
والله لاحبك ليـن اهـذري واشيّـب
لاكن تعال اكمل على العز ممشـاك
ونموت ماناطـى الطريـق المعيّـب
ولاانت قنّعنـي واعاهـدك لانسـاك
مهوب انا اللـي للهقـاوي مخيّـب

هيـد ياراسـاً مـن العـام مبلشـك العـمـاس
صبّّـت الــك الشاذلـيـه واخــذ فنجالـهـا
ليـن تركـد وتهـدابـي ويـهـدن الـحـواس
والقصايـد مايجـي مـنـك غـيـر جزالـهـا
كني اوحي فيك من عصـر لجلاجـة حسـاس
قـوم صبّّحـهـا المصـبّـح وشـيّـن فالـهـا
وانـت لاجايـك هزيعـه ولالاحـقـك بــاس
مـيـر ذاه مــن المحـبـه وذيّ افعـالـهـا
اعمستـك اللـي مـن الزيـن كاسيهـا لبـاس
لـو تجـي فـي وسـط زيلـه تقـول لحالهـا
جـادلاً تنعـم لهـا بيـن زيـن وطيـب سـاس
مايغّـطـي زينـهـا الاّ فـعـول رجـالـهـا
كـل مالـدّت بعـيـن ٍ يخالجـهـا النـعـاس
لـد مـن قلـبـه هــواوي وجــا يبرالـهـا
لا القمـر كنـه مـن الوجـه كاسيـه اقتبـاس
طلتـه ماتـكـره العـيـن زيــن اطلالـهـا
لادقـاق ولا جلالـه لــو النـظـره مـقـاس
عـودهـا مـوسـط دقاقيـنـهـا بجـلالـهـا
مهرة ً تمشـي علـى القـاع لاكـن باحتـراس
كــل ماشـافـت لـهـا زول زاد جفـالـهـا
عفـة ً ماتقبـل العـرض بالهـرجـه يــداس
وطبعهـا هــاذاه عـنـدي رفــع منزالـهـا
والفـواد اللـي مـن الوقـت طاويـه اليبـاس
مالـت اغصانـه وطـيـر الـهـوى غنّالـهـا
عقـب حلّّّّـت فيـه بالـود مدقـوقـة لـعـاس
ثــم سمّّّّتـنـي وانــا جـاحـداً غربالـهـا
كـل ليـل يجيبهـا الحلـم ليـن اقـوم حـاس
واثنـي الترحيـب مــن فرحـتـي باقبالـهـا
فرحـة ابـو دبـاس ليلـة يبشّّّـر عـن دبـاس

ماتـسـاوي فـرحـة القـلـب فاستقبـالـهـا
عنـدي انـه كـن ماغيرهـا فـالارض نـاس
لـو تصـف البـيـض بالوانـهـا واشكالـهـا
اترجـى الله واعـوذ ابـه مـن شـر الفـلاس
واترجـاهـا ولاسـقـت رجــوى الا لـهـا
والرجـا لاحـال مـن دون حلـوه مـر يـاس
راحـت افـراح المحـبـه وجــا ولوالـهـا
يالله اجعـل زينـة الوفـق مـن دون العكـاس
والنفـوس الممّّلـه خـيـر تحـيـي آمالـهـا
الكحيلـه تسبـق الخيـل وصعيـبـة مــراس

سعـد ابـو منـهـو بيمـنـاه شــد حبالـهـا

الدموع انواع والعيـن منبـع كـل نـوع
دمـع للرجّـال ذلّـه ودمعـاً يكـرمـه
دمعةً في طلبة الله على وقـت الخشـوع
جفن راعيها عـن النـار ربـي مكرمـه
لاتقبّـل وجـه ربـه وطـوّل فالركـوع
دمعته تغني عـن المـال واللـي يردمـه
واهني اللي ذرفهـا وخلـق الله هجـوع
مايشوفـه غيـر ربـه لعلّـه يرحـمـه
ودمعةً تذرف على موت ذربين الطبـوع
يرخص الرجّال دمعـه لموتـة محزمـه
لاكواه العلم الاقشر على حـد الضلـوع
هل دمعه فـوق خـده ووجهـه غمغمـه
خص كان الميّت ابـوه ولاّ اخـواً بتـوع
ولاّابن عمـاً ليـا حـس ضيقـه يزهمـه
دمعته تشتب فالعيـن مـن بـد الدمـوع
دمعـةً ماهيـب دمعـة غـرام وسلهمـه
عزتي للي ذرفها مـن القلـب الجـزوع
ماذرفهـا غيـر عينـه عليهـا مضرمـه
ودمعةً تذرف من الغبـن قـدّام الجمـوع
من ضعيفِ حزة الهـوش كـلاً يدحمـه
يوم خصمه جوه ربعه على العزوه فزوع
التفـت مقـهـور مـاجـاه حياًيدعـمـه
اقهروه صعاب الاريا وطاوع غصب طوع
من فحوس الغبن ماعـاد يرفـع برطمـه
والغبينه تجعل الرجـل فـي ذل وخنـوع
قـد تعـوّذ سيّـد الخلـق منهـا بكلمـه
ودمعةً ينزل بها الرجل من عقب الطلـوع
يلحقـه منهـا نقـاده وتنقـص باسهمـه
الفروع اللي ليا اقفت تقول انـي فـروع
مايهـل الدمـع لفراقهـا غيـر رخـمـه
لن دمعـاً ينتثـر لاجلهـا ذل وخضـوع
ومن يهيـن النفـس للنـاس كـلاً يتهمـه
روّحي ياشيخـة الغيـد والفرقـا تلـوع
قالها اللي يحتمي كـل كلمـه مـن فمـه
مايبكيّنـي مفـارق ولااعـاف الرجـوع
والقلوب من المعزّه تمـوت مصمصمـه

اصحابنا الغاليـن شنّـوا حملـه
وسمّوا جزيل المفـرده تقليـدي
وانا ادري انه ماتبـور العملـه
الاّ اليا عجـزت تطـول الايـدي
ولاّ القصيد اللـي يـرددّ كملـه
عيّا على طول السنيـن يبيـدي
من فكـرةٍ فـي داخلـه مكتملـه
وقوة بيـوتٍ تقطـع الحديـدي
رسّامـه اللـي ماقعـد يرسملـه
يصيد بافكـاره خيـار الصيـدي
واليوم نـص النـاس ماتفهملـه
ويقول انا (ابن المنهج التجديدي)
(والــــشــــعــــر)
((تـــجــــديــــده))
مــــايــــفـــــرق
شــــمـــــلـــــه
الاّ اليـا عوبـث بـه البليـدي
وخالف ركاب القوم يشعب زملـه
ويقول كل البيـد هـذي بيـدي
واعطـاه ربـي عالـمٍ تخدملـه
وتـرددّ اللـي ينطقـه ترديـدي
يقطع وكلٍ مـن طـرف يلزملـه
الين راح الشعر (شمّـة زيـدي)
امّا انت ترقد فوق جحر النملـه
وتقول وش هالمعجزه ياسيدي!!
ولاّ من اللـي تسمعـه تنقملـه
ثم اعرف انك صدق جبت العيدي
تبشر بحـربٍ ضاريـه محتملـه
من شلة التصفيـق والتمجيـدي
اللـي تزيّـن فالثيـاب الهملـه
حتىغدى الغاوي قليـل الفيـدي
لاقلت وش تقصد بتلك الجملـه؟
قال انت وش دراك ( يالتقليدي)

يانفس عمّا فات جـوزي وتوبـي
ترى الصيام اكبر سجن للشياطيـن
توبي عسى المعبود يستر عيوبـي
في ساعةٍ فيهـا تحـط الموازيـن
ولادنى الحناجر يبلغـن القلوبـي
وكلاً يواجه فعله الزيـن والشيـن
الناس عريـا والعـرق للجنوبـي
وبعض المخاليق بعرقهم مغطّيـن
وانا بحالي عن غثا الناس دوبـي
ماني بحال الاصدقـا والمظانيـن
الخوف كله من منشّي النصوبـي
حتى ملوك الارض مثلي مساكين
وكلاً عرف درب الخطا والوجوبي
ولادون نفسه قدم ربـه محاميـن
لو كان انا بالعيب ماانشـق ثوبـي
ولاسقت رجلي مع دروب المغوّين
على علوم الطيب هبّـت هبوبـي
راس بدوي راباً على فطرة الديـن
لكنني ماقدر على اصغـر دنوبـي
لنيّ بشر واساس تكوينـي الطيـن

عـلــى مـهـلـكــم يـامـفــســرة الاحـــلام
عـلــى تـمــر بـرحــي وفـنــجــال دلـــه
بـرق الـيـمـن مـايـنـتـثــر مــاه فـالـشــام
والـعـلــم بـيّــن وصـــف دقـــه وجــلــه
غـشـتــكــم الاوهـــام ودعـــاة الاوهــــام
الـلــي تـســب الـديــن فــي كــل مــلــه
والـديــن يـبــرى مــن دنـافـيــس الاقـــزام
عـلـة نـحـر جـابــت مــن الـغــرب عـلــه
الـغــرب دس الـنــا الـدسـايــس والالــغــام
وارســل ورى الـشـلــه ثـمـانـيــن شــلــه
يـبـغــون ربــط الـديــن فـانــواع الاجــرام
ويـحــاولــون يـلـصــمــقــون الادلــــه
مـن حـقـدهــم بـيـشـوهــون اســم الاســلام
ويـحـرفّــون افـكـارنــا الـمـضـمـحــلــه
وحـنـا عــرب ونـشــوف فـبـركــة الاعــلام
ونـعــد فــي رجــوى الــســلام الاهــلــه
وهـمّـه يـهــود يـدبـلـجــون الـنــا الافــلام
ولايـسـفـطــون الـنــا يــكــود الـمــذلــه
ضـحـك الـسـنــون وروفـعــة راس الابـهــام
تـبــدى لـنــا لــكــن مـاهــيــب لــلــه
الـحـرب مـشـنـونـه عـلـيـنــا مــن اعــوام
وكـتـابـهــا مـدســوس مــاحــدٍ يـفــلــه
خـطــة يـهــود تــدار بـاتـقــان واحــكــام
سـيــفٍ عـلــى غــر الـمـسـالــم تـسـلــه
الـعــام قـالــو بــس بـنـشــيــل صـــدام
والـيــوم دولـــه كـامــلــه مـسـتـحــلــه
حـتـى الـضـعـيـف الـلـي يـخـرّب مـن الـعـام
أغــووه مــن ضـعـفــه يـخــرّب مـحـلــه
لــو ان لــه تـفـكـيــر واحـســاس والـهــام
ولاّ عــلــى مـاقــيــل رشــــدٍ يــدلـــه
مـاطــاع فـــي داره مـعــبــدة الاصــنــام
اهـل الـقـلــوب الـلــي عـلـيـنــا مـغـلّــه
يالله يــامــجــري ذعــاذيـــع الانـــســـام
يـامـن سـجـدنـا فـالـبـسـيـطــه رضــاً لــه
تـعـز ديــن الـنــور مــن عـقــب الاظــلام
الـلـي بـعـث سـيــد الـبـشــر شــارحٍ لــه
وتـحـفـظ وطـنــا مــن عـبــث كــل هــداّم
وانــك تـديــم الامـــن فــوقــه يـظــلــه
وان لاتـفـقـريـنــا عـقــب حـلــو الانـعــام
وان لانــشــوف بـــدار الاســـلام خــلـــه
وتـعـز مـن سـنّـو عـلـى الـشــرع الاحـكــام
وتـعـيـنـهــم بـالـنــور والــحــق كــلــه
وخـتــام مـاقــولــه عــلــى روس الآنـــام
والـلـي عـقـد حـبــل الـمـشـاكــل يـحـلــه
الله يـعــز الــلــي يــبــا عـــز الاســـلام
ويــذل مـــن يـبــغــى لــلاســلام ذلـــه

ما اكب الهوى ومطـارد الشـرد ليـن اشيـب
مـادام القـدم تمشـي والاشـواق تنخـانـي
انا فـي عيونـي مخطيـات الغـرام تصيـب
الـي قلـب يامرنـي والـي عقـل ينهـانـي
مـودب ولايسحرنـي الا هــروج اديــب
ولـو هـي سـلام ومرحبـا شانهـا شـانـي
ولا اشكي وانا ادري ان مالشكوى الغرام مجيب
يـاكـود الله المعـبـود عــلاّم مـاكـانـي
اغيّـب عـن الانظـار ليـن ابتعـد واغيـب
واعالج جـروح الحـب واحـد ورى الثانـي
مغيـر العيـون اقـول هاتـي وانـا باجيـب
تهامل وانـا اصـدّد عـن النـاس مـا ادانـي
واصدّد عن الاسواق واسلـى زمـن واطيـب
ويركـد عقـب كثـر المباهيـش شيطـانـي
الين اني آخذلي علـى السـوق سنحـة ذيـب
امــرّه وانــا مـرتـاح واروح سقمـانـي
واقابـل مـن الازوال مـن لاتبعهـا صـيـب
تمخطـر بملبـوس الدلـع لـيـن تشعـانـي
وانا فيّ امل ليـن انـي اشـم ريـح الطيـب
بعـدهـا تـدوّرنـي ولاعـــاد تلـقـانـي

ما اكب الهوى ومطـارد الشـرد ليـن اشيـب
مـادام القـدم تمشـي والاشـواق تنخـانـي
انا فـي عيونـي مخطيـات الغـرام تصيـب
الـي قلـب يامرنـي والـي عقـل ينهـانـي
مـودب ولايسحرنـي الا هــروج اديــب
ولـو هـي سـلام ومرحبـا شانهـا شـانـي
ولا اشكي وانا ادري ان مالشكوى الغرام مجيب
يـاكـود الله المعـبـود عــلاّم مـاكـانـي
اغيّـب عـن الانظـار ليـن ابتعـد واغيـب
واعالج جـروح الحـب واحـد ورى الثانـي
مغيـر العيـون اقـول هاتـي وانـا باجيـب
تهامل وانـا اصـدّد عـن النـاس مـا ادانـي
واصدّد عن الاسواق واسلـى زمـن واطيـب
ويركـد عقـب كثـر المباهيـش شيطـانـي
الين اني آخذلي علـى السـوق سنحـة ذيـب
امــرّه وانــا مـرتـاح واروح سقمـانـي
واقابـل مـن الازوال مـن لاتبعهـا صـيـب
تمخطـر بملبـوس الدلـع لـيـن تشعـانـي
وانا فيّ امل ليـن انـي اشـم ريـح الطيـب
بعـدهـا تـدوّرنـي ولاعـــاد تلـقـانـي

ياذيب فاهل الضحك لاتحسن الظن
تلفيقـة الضحكـه هلايـام سهلـه
اضحك بسنّك قدم ضحّاكـة السـن
واللـي بقلبـك لاحـدٍ ينتبهـلـه
من لايروف براعي القـرب لاون
نقـادة اهـل المعرفـه تتجهـلـه
وراع الوفا يجزى عن الين مية ين
والمشتبـه يلقـى حـدٍ يشتبهلـه
لاتنخدع لاقام يضحك معـك هـن
طيّب لكـن طيبـه يغطيّـه جهلـه
عليك يرقمها بقيمـة دبـل صـن
لو انها آخذهـا بقرشيـن مهلـه

يامرحبـا يابـا العيـون النواعيـس
يامن خفوقـي مـن محلـه سلبتـه

لاجيت من قلبي طردت الوساويـس
وقربّـت اناساتـه وبعـدّت كبـتـه

يصير لك روضٍ خضر مابعد ديـس
تـوّه دبـق عقـب الهماليـل نبتـه

وان غبت عن عيني جرالي تواعيس
من طول وقتٍ يااريش العين غبتـه

في غيبتك ياما اعترضلي عواكيـس
وياما الهوى من حرّ مابـي شجبتـه

وياما خشيت اكون ضمن المفاليـس
وياما ويامـا معـك حظـي ندبتـه

ذكرت ظلم العامريـه علـى قيـس
وماجاب قيس مـن التوجّـاد جبتـه

ولولايه اخشى من كلام الجواسيـس
من يـوم قلبـي بالمظاليـل صبتـه

لافرج عن اللي في عيوني محابيـس
واكشف عن اللي في ضلوعي حجبته

اسمك على حيد الضلوع المقاويـس
كنك براس اصبعـك الايمـن كتبتـه

يابيت صيتك صيت وامجادك امجـاد
وماضيـك يشفـع لليـال الجديـده
حضارتك فيما مضـى مثـل بغـداد
سـادت حضارتهـا سنيـنٍ عديـده
ياما عمارك غـاض حاقـد وحسّـاد
وباغي دمارك جعـل ربـي يبيـده
وياما تحت سقفك جلس روس واسياد
اهـل العقـول النيّـرات الرشيـده
وياما جلس معهـم عـوارف ونقّـاد
تعطـي تلاميـذك دروسٍ مفـيـده
عوارفٍ منهـم سنـا علمنـا انقـاد
راحـو ولاخلّـو لنـا الاّ شـريـده
ومن عقب ماراحو بديـت التوّجـاد
ياوجد حالـي يالحصـون الجويـده
ماعاد به في فيّـة العصـر مقعـاد
لاقـام شايـب قـام عقبـه قعيـده
وحنا على هالدرب سـرداد مـرداد
نوعـد ونوفـي مانخـون الوعيـده
ولولا غلا راعيـك يابيـت يـزداد
ونجـي علشانـه لـك الله ولـيـده
كان ابتعدنا قبـل الامـراض تـزداد
وعشنـا سعـادى فالحيـاه السعيـده
يابيـت لامنّـي تذكـرت الاجـداد
اعاف مـن بـاق الحيـاه الزهيـده
اليا ذكرتـك يـوم كـان ابـك رواّد
وعاينت فيك الحين صدّيـت سيـده
كثـرت بجدرانـك شخابيـط الاولاد
اولاد لافـــادت ولامستـفـيـده
اعداد لاكـن مانبـي كثـر الاعـداد
نبغى الرجال اصحاب الاريا السديده
كم واحدٍ لاشبع بطنـه مـن الـزاد
ينقص محـل اهـل الوفـا مايزيـده
وانا مااعم الناس لاصـرت قصّـاد
اخـص مخطيـن السنـع والعقيـده
اللي لياجو فيـك عاثـوا بالافسـاد
وحطّـوا لناالدنيـا القريبـه بعيـده
لاجت سوالفهـم اليـا كلهـا ابـداد
ملفوقـةٍ مـن كـل ديـره بـديـده
واللي يجامل ناقص الهـرج هلبـاد
بليـد يضحـك للقـلـوب البلـيـده
يابيت انا اغني على روس الاشهـاد
وهـرج القفـا للّـي يبيـه ويريـده
لولا الرجا في حلو ماضيـك ينعـاد
ماسقت من حزني عليـك القصيـده