بسم الله الرحمن الرحيم

http://majles-oman.com/vb/images/smilies/f0000.gif

اسمـــــه // نايف بن صقر بن مرزوق بن حمدان بن مسعد الدلبحي الروقي العتيبـــي
مكــــــان الميــلاد // هجرة عين البــــراحه
يعمـــل في فوج ابن محــيا بحــــائل

جده حمدان بن مسعد له شداد عند الدلابحه .
كان جده مرزوق أمير عين البراحه وبعد التسميات الحديثه استلم رئاسة المركز عمه محمد بن مرزوق بن مسعد .
نايف نشأ متنقل بين الكويت والسعودية حيث كان والده صقر بن مرزوق يعمل هناك ولكن نايف استقر به المقام مؤخرا في المملكة العربية السعودية .



http://majles-oman.com/vb/images/smilies/f0000.gif

( حبيبي )

للتحميل (http://www.movn.net/voices-action-save-id-1295.htm)

اضغط كليك باليمين واختار (حفظ الهدف بإسم )





حبيبي لا تعذر ما على صدق الحبيب جدال
رضت عنك العيون وهاك قلب فز بأعشابه

على وعدك تجيني يا حبيبي صاخب الميصال
عليك من اليدين وناسها هرجه وسبابه

هلابك وين ما يشرق نظرك الناعم القتال
هلابك وانثنى غصن الزمان وطار باسرابه

عذاريبك قليلة يا حبيبي كايد العذال
ولكنك بقلب من سكنته حارسك بابه

عيونٍ شافتك عن قرب قرب يهمها تختال
على بعض العيون وكل طير يحب مرقابه

انا اللي سلمك قلبه دلو عشق وغلاك الجال
وتليته بحبل من جفاك وضاق بأسبابه

فداك اللي تبي هاك الجمل والحمل والجمال
جلب تلك السنين وكل سوق وطيب مجلابه

يا الطف من طيوفك في عيونٍ للسهر مدهال
لجني خايفات وكل طيف احلى من ثيابه

احبك كثر ما ينسى زمانه مستريح البال


واحبك كثر ما قلب المسافر حنّ لترابه

شبيه الشمس لو مالك مثل شمس السنين ظلال
ترى كلن يموت الا قصيدٍ يبكي احبابه

وانا ليلي قصايد او قصيدي ليل لا تحتال
هذا بعض الغلا باقصى خفوقي جاك باعشابه
الشاعر\نايف صقر

صحية جمره


للتحميل (http://www.movn.net/voices-action-save-id-1294.htm)

اضغط كليك باليمين واختار(حفظ الهدف باسم )





كل الشوارع تمرك يالحرير الحر
ياتل قلبي على لاماك من تالي

صحية جمره وذاب الشمع والسكر
وشلون ماذكرك وتمر في بالي

في بسمتك يضحك الرمان للمرمر
بعد يغار الشهد من ريقه الحالي

ويحق لك ياصغير السن تتكبر
الأعلى إلى يحبك يابعد حالي

ياكثر حبك بقلبي والغرام أكثر
وتخيل وش كثر حبك وأنت غربالي

ياخلطة المسك واليشموم والعنبر
الريح تستاذنك ياالطيب الغالي

والعاشق يعلم الصبار يتصبر
على الظمى لتغطرس وأشهد إلا لي


الشاعر\نايف صقر

حبيبتي


للتحميل (http://www.movn.net/voices-action-save-id-1296.htm)


اضغط كليك باليمين واختار ( حفظ الهدف باسم )








حبيبتي ياوجه أعرفه قبل أعرفه وأجهله
جيتك سنيني ترتجف لأحلى مواعيدي حضرت



جيتك خطاوي شوق لأحلام السنين المقبله
لأكثر مسافات الطريق اللي يقربك أختصرت




أمشي وسابق خطوتي حتى الزمان أستعجله
واليوم بــ وصفلك شعوري يوم شفتك ماقدرت



عيني تبي تسبق زغاريد الرموش بــ هلهله
ولا فوائدي تدري أنك فيه ساكن لو ذكرت



يدفعني لـ شوفك عذاب ارض السنين الممحله
لو شفتني قدام وجهك صلب قاسي ما أنكسرت



من غاب عن عيني بدون أسباب كيف أستقبله
بـ عاتبك يانور لــدروبي تعنيت وظهــرت



هاك الشقا مليت أشيله في عيوني واحمله
أخاف يسرق ضحكتي وايام عمري ماشعرت



هـاك السهر عن قصتي وياك تقدر تسأله
لجلك رضيت برفقته يوم انت غافل ماسهرت



فدوه سنيني من عرفتك بالجروح مسربله
وإذا شكالي منك جرحي عنك بالدمع أعتذرت



فدوه لو ان اصغر جروحي من غرامك مرجله
انا اشهد اني عن بلوغ اهداف عمري ماقصرت



فدوه ياعمري كان قلبك عزتي هي مدخله
اموت ياعمري وانا داخل عيونك ماصغرت



إنسان انا عمري مراحل وانتي اشهى مرحله
فيها العذاب استعذبه واقول رابح لو خسرت



حبيبتي...صبري على بعض المواجع مهزله
جيتك سنيني ترتجف ولاحلى مواعيدي حضرت








الشاعر \\ نايف صقر

( آه )

للتحميل (http://www.movn.net/voices-action-save-id-1293.htm)

اضغط كليك باليمين واختار (حفظ الهدف باسم )


ياحبيبي والبكـاء ..... هـم المحاجـر
بالدمـوع ابــرد مناديـلـي كويـتـه

آه مـن صـوت تـرك كـل الحناجـر
وأنتثـر فـي دفتـري شعـر وقريتـه

كل هذا ... وأنت قاسي قلب هاجـر
ما هـداك الله وأخـذت اللـي عطيتـه

صاحبك لين الحشا و الحسن فاجر
من لمحتـه قلـت جـاك اللـي بغيتـه

من غرامك في غلاك ارحـل واهاجـر
وإن ضواني ليـل مـن يمـك سريتـه

لا تزيـد طعونـي أوجعـت الخناجـر
مابقـى عـرق بقلبـي مــا ثنيـتـه

لو عيوني غيم وأهدابك محاجـر
ما ظمـا رمشـك تحـت دمـع بكيتـه






الشاعر \\ نايف صقر

( ليت لي ذود )

للتحميل (http://www.movn.net/voices-action-save-id-1289.htm)

اضغط كليك باليمين واختار (حفظ الهدف باسم )






ليت لي ذود يدك البيد واحداله لحاله
كان ماوالله علي خلاف في نجد العذيه


جفت اقلام الغرام وطول المحبوب باله
والله اني ماهقيت ان الغضي يقسي عليه





وش خطاي الا المحبه وش رجاي الا وصاله
وش يبي غير الموده والغلا والمقدريه


دللوه اللي ربوه صغير واسرف بي دلاله
ليت لي قلب يطيق الصبر وعيون خليه


والغضي لو لاعه التحنان وبقلبه عداله
ماغذت من دونه القيعان جردٍ جرهديه


وان تشره قايد الغزلان ماله بي جماله


لعنبو من خان خلانه وجنب عن خويه


عن جنوبه والوله والشرق يغنيني شماله
صد ياقلب الجفا لاصد وضاح الثنيه


ماانت ياالخفاق عبد له ولا انت اصغر عياله
انت خفاق الضلوع العوج والخيره خفيه






الشاعر نايف صقر

يقولون الشعر

للتحميل (http://www.movn.net/voices-action-save-id-1287.htm)

اضغط كليك باليمين واختار (حفظ الهدف باسم )








يقولون الشعر وصل القلم والصفحه الطرقى .:. وانا اقول الشعر قدح الخيال ونار صوانه




حبيبي والبحر سور التراب ودفتر الغرقى .:. لو اني ماكتبتك لامني ملحه ومرجانه




حبيبي لاهمت حبر العروق الغيمه الزرقا .:. على رمل الورق دمي سحاب هل هتانه




حبيبي كل ماذعذع جفاك وناحت الورقى .:. يتل البال قلبي واهدي السجات جنحانه




حبيبي وانت مرقاب الشجون وهاجس المرقى .:. ترى كلٍ يموت الا الوفي بعيون خلانه




حبيبي والجروح اللي سببها ليلة الفرقا .:. ضما يدها الوصال اليا ظما المحروم حرمانه


حبيبي لو يسامحك البحر وتبيحك الغرقى .:. أنا ما اسامحك لو لامني ملحه ومرجانه



الشاعر \نايف صقر