الســــــلام عليــــم و رحمة اللـــه و بركاته

اشحالكم :)
عــــسآكم بخيـــــر ،،

روايتي بعنوان يتامى بزمن ما يرحم
ابتعدت فيها عن الخيال و اندمجت بالواقع
و ابتعدت عن المبالغات اللي مالها لزوووم
و إن شاء الله تحوز الرواية على رضاكم أعزائي،،

تنبيه شديد اللهجة ( ممنوع منعا باتا وضع ردود تخدش الحياء العام )
و لا تخلو روايتي أو رواية غيري تلهيكم عن صلواتكم المفروضة






♣♣ الجـــــــــــــــــزء الأول ♣♣


فبيت عائلة فقيرة متوسطة الحال فبيت كله بنات ~>> مها و ميثة و ميرة و مهره و منال <<~
تخيلو معاي خمس بنات فبيت بسيط جدا ولية امرهم الوحيده هي يدتهم
يسكنون فبيت يتكون من صالة صغيرة و حمامين و ثلاث حجر نوم و فيه مطبخ على قد حالهم
القصة ابطالها خمس بنات لكن منو البطلة الرئيسية بشوركم ؟؟


انتو راح تابعون مجريات القصة و راح تعجبكم إن شاء الله لانها تخص البنات اكثر شي و راح تشاركونهم افراحهم و آلامهم و معاناتهم..
بالبداية راح اعرفكم على البنات عشان ما تلخبطون وايد من بينهم
عبيد علي الــ........ــي عنده خمس بنات.. عبيد متزوج من فاطمة

فاطمة زوجة عبيد علي توفت بمرض اللوكيميا (سرطان الدم) >> هالمرض كان عادي تتعالج منه لكنها اهملت نفسها الين ما انتشر المرض بكامل جسمها و تمكن منها و ماتت بسبته عندها خمس بنات :-

مها >> عمرها 25 >> مخلصة دراسة بتخصص ادارة اعمال
منال >> عمرها 20>> سنتين بالكلية لكن عقب ودرتها
ميثة >> عمرها 19 >> مخلصة ثانوية و ما تشجعت على انها تسير الكلية و خصوصا ان منال بعد ما كملت دراستها
ميرة >> عمرها 17 توام اختها مهره >> ثالث ثانوي ادبي
مهره >> عمرها 17 توام اختها ميره >> ثالت ثانوي ادبي
( ميرة و مهره توأم )


ابوهم عبيد علي >> متوفي من خمس سنين ( و لو تلاحظون ان كل اسامي بنات عبيد تبتدي بحرف الميم )


المهم..

ميرة و مهره كانن بالمدرسة بالحصة السابعه و ابلة الاحياء مب موجوده و تمن البنات بالصف
و ميرة و مهره طلعن من الصف و راحن برع عند الملعب عشان محد يشوفهن هناك
ميرة مغيظة على الاخر: شفتيييييييييييها هاللي ما تستحي على ويهها شفتيها
مهره تعدل نظارتها الطبية: بلاج انتي مفوله عليها حقريها الحقران يقطع المصران
ميرة وقفت مكانها و بدت عينها تنمزر بالدموع: الله و اكبر عليها و الله على الظالم
مهره بحنية: ميرة الله يهداج هذي زلة لسان منها طوفيلها هالمره و الله انها ما تستاهل دمعه من دموعج
ميرة بحزن: عيل حق شو هالمعاير ليش تعايرني انا شو ذنبي الله قدرلي جيه شو اسوي يعني شوووو يا ليتني..
مهره تقاطع اختها: بس يا ميرة انتي حالج احسن عن حال مليون انسان,, ماله داعي هالتذمر معقوله تعترضين على ارادة ربج انتي كنتي راضيه شو اللي غيرج معقوله كلام غيرج يحطمج بهالسرعه
ميره بقهر و تحط ايدها على حلجها و تصيح من الخاطرو بدت تشاهق و مهره زاغت وايد على حال اختها
مهره بخوف: بس ميراني الله يخليج بس كله و لا دموعج مب زين عليج تصيحين بسبة وحدة ما تستاهل كل هاا ( و بدت مهره تدمع عيونها )
ميرة: تذكرييييييين مهره تذكرين يــــ ــــــوم ( و بدت تشاهق و تصيح من الخاطر )
مهره بدت ترتجف: يا ويلنااا بس كفاايــــة بروحي احاول انســـــــــــــى لا تذكريـــــني
ميرة بدت تعصب و زاعجت: كــــــــــــــــــــله منه النـــــذل كله منه هو اللي وصلني لهالحالة هو اللي... ( وما قدرت تكمل ) آآه و الله بموووت مب قادرة اتحمل
مهره بدت تتذكر مجريات الاحداث اللي صارت لها و لاختها ميره لو ما صارت هالحادثة ما كانن البنات بيعايرن ميره على التشوه اللي بيدها اليسار اللي دوم تحاول تخفيه باكمامها







قبل سبع شهور بفترة الصبح راحن ميرة و مهره مع يدتهن لمحل يبيع الملابس المخورة و كان راعي المحل باكستاني و كان فهاليوم ماشي ناس زحمة يعني ينعدون على الاصابع المهم انهن اشترن قطعتين مخورات لكن المشكله اليده ما عندها كسر فراحت المحل اللي عداله عشان تييب كسر ( خردة ) و لحقها الباكستاني يساعدها و بعد ما راحت تمن ميرة و مهره داخل المحل يطالعن القطع على ما اتي يدتهم لكن اللي صار ما خطر على بالهم كان فيه واحد يلاحقهم من اول ما وصلو ولما شافهم بروحهم دخل بهدوء و مسك ميرة من وراها و هي فزت من الخرعه و تمت تصارخ و هو يحاول يتقرب منها اكثر لكن هي قاومته,, فمهره على طووووووول مسكت المدخن ( مال الدخون اللي فالمحل ) من الزياغ و فرته علييييييييييييه تدافع عن اختها
لكن هو انتبه و صد على الجانب الثاني و عقب راح يحاول يمسك مهره و مسك ايدها و من عقبها راحت ميرة لعند الجبريت اللي كان محطاي عند المدخن و ولعت على القطعه الجريبه منها و كانت تحاول تحرجه بالحريجه و هو كردة فعل منه حاول انه يتجنبها و رااااااااح على طووووول دزها فطاحت ميرة على الارض و القطعه اللي حرجتها طاحت على ايدها >> تخيلو يا ناس الالم الفظيييييع اللي حست فيه خلااااص حست انها بتموووت الفاعل شرد بسرعه بررع و ميره تصاااااااااااااارخ و تزااااعج و دموعها نهر على خدها و مهره تبكي و ايدها ترتجف و ريولها تتنافض و بسرعه طلعت برع و تمت تصارخ الين ما ردت يدتها و شافت المصيبه و بعدها التمو الناس بموقع الحادثة






في وقت الحادثة :-
ميرة خلاااص بتموت من الالم و الوجع و الدموع مبلله ويهها و يدتها لاويه عليها
ميرة تصيح بحرقة: آآآآآآه يدووووه بمووووووووووت و الله بموت ما اقدر اتحمل ليتني اموت و افتك من هالعذاب ااااه
اليده تبكي بالم و نكسار: حسبي الله و نعم الوكيييييييل حسبي الله و نعم الوكيييييل علييييه ( و حطت ايدها على راسها )
الشرطي ينحني لليدة و يمسك ايدها بحنية : خلاااص يا خالتي لا فات الفوت ما ينفع الصوت اللحين وصلت الاسعاف و بينقلونها للمستشفى
اليده بحزن: و بنتي يا وليدي و بنتي راحت ايدها رااااحت الله لا يبارك في اللي كان السبب الله لا يوفقه لا دنيا و لا اخره
الشرطي: ما عليه يا خالتي الحق بيظهر و بنتج بتتعالج يلااا تعالي ركبي معاهن الاسعاف و خلج اقوى من جيه عشان ما يضعفن لما يشوفنج جيه

في التحقيقات:-
الشرطة حاولت تتكلم مع مهره و يحققو معاها لكن ما قدروا بسبب الانهيار العصبي اللي ياها
أما ميره فحققو معاها باليوم التالي و قالت لهم عن كل اللي صار
أما راعي المحل الباكستاني طلع ماله ذنب بالحادثه أو انه مخطط لشي لهالحادثة يعني بريئ و خلوه بحاله
و الشرطه خذت وصف شكل الفاعل من ميره و من بعض الناس اللي شافوه لما يشرد من المحل و الرسام المختص اللي عندهم رسمله صورة تقريبيه منه عشان يتعرفون عليه اذا شافوه و جمعو كل ادلة الجريمة اللي بالمحل و سجلت هالقضية باسم ( محاولة اعتداء )
اما الفاعل شافوه بعد اربع اسابيع و القو القبض عليه

في المستشفى:-
ميرة تمت ثلاثة ايام بالمسشفى عقب طلعت
أما اختها مهره فتمت اسبوعين تعاني من الانهيار العصبي و عقب طلعت من المستشفى
أما اليده و البنات الباقيات فكل يوم يزورن خواتهن الين ما طلعن من المستشفى

و من عقب هالحادثة بكم من شهر مهره تخطت هالمرحله لكن كلما تذكرتها تقعد تصيح و صارت اقرب لربها اكثر من قبل اما اختها التوام ميره فالتشوه موجود فايدها اليسار عند المرفق الين ربع ذراعها تقريبا و هي تعاني من هالشي و تتحسس دوم من هالسالفه


[ وقفة: إن الشي الذي تعرضن له ميرة - مهره تعرضن له معظم الفتيات لكن بظروف أخرى مختلفة, و السبب في ذلك هو شهوة الشباب المحرمة و إليكم هذه الإفادة الصغيرة ]
[ الشهـــوات ] [ مقتبس من كتاب سموم اللذة ]
الشهوة أمر فطري وغريزي يعيشه الإنسان لتحقيق غايات شرعية نبيلة، فقد حث الشارع وندب إلى صرفها في النكاح والاستعفاف، فقال – عز قائلاً عليمًا: وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ [النساء: 3]، وقال سبحانه: وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ [الروم: 41]، وجاء في السنة من حديث ابن مسعود رضي الله عنه عن النبي صلى الله عليه و سلم أنه قال: «يا معشر الشباب من استطاع منكم الباءة فليتزوج، ومن لم يستطع فعليه بالصوم فإنه له وجاء»، وفي رواية «فإنه أغض للبصر، وأحصن للفرج»
[ إذن يجب الإستعفاف و الحرص على الزواج للإبتعاد عن المحرمات ]


نكمـــــــــــل مجرى القصة :-

نرد للحدث فمدرسة البنات:-
مهره تطالع ساعتها:- باجي نص ساعه و بيرن جرس الرواح وين نسير اخاف اييبولنا ابلة احتياط و يسجلونا غياب
ميره بضيج: انا ردة للصف مب رادة كانج تبين تروحين روحي
مهره بعتب: بلاااج انتي خلاااص قلتلج انسي اللي صار و عيشي يومج عادي و لا تنكدين على عمرج حرام عليج عاد
ميره تطالع اختها ببراءة: ما قلتيلي بتسيرين رحلة باجر ترا انا مب سايرة
مهره ابتسمت: وين ميرة القويه وينها وين البنت اللي ما تهاب شي وين البنت اللي تقط كلام الناس ورا ظهرها و تعيش يومها و كانه عادي
ميرة: عيل تبينا نسير و لا كانه شي صاير و معاير ريموه و شلتها لي على التشوه شوووو نسيتي
مهره: هـــــــــــــيه و ليش ما نسير لو ما سرنا الرحلة باجر بيقولون ان بنات عبيد منخشات و غابن لان ما لهن ويه يسيرن او انهن خايفات من شي لازم نحن نتحدى اللي صار لنا و نصير اقوى من جيه و ما نحسس البنات بشي
ميرة: بــــس
مهره: اوووووص لا بس و لا شياته و شو يعني لو سرنا ليش نخاف ترا ما بصير شي لنا الا اللي ربنا كتبلنا اياه و لا نسيتي كلام يدوه لما قالت لنا عيشو كل لحظة بلحظتها و اذكرو ربكم بكل الاوقات و لا تنسو تتوكلون عليه فكل شي و فوق هذا كله من عقب الحادثة كانت دوم تشجعنا على ان نبقى قويين و ما نتاثر بالحادثه و ما منعتنا من الطلعه ابدا يوم نسير مكان عشان ما نستسلم للخوف و ما نياس و لا تنسين بعد لما قالت لنا انتو صغار لا تدفنون سعادتكم بيدكم انتو الحمدلله ما صار لكم اللي بالي بالج ( تقصد الاعتداء ) اللهم بس الحرج اللي بيدج انتي ارضي باللي الله كتبه لنا و قطي كلام الناس ورى ظهرج و برد وعيـــــــد لج كلامي للمره المليون اقوله لج رديلنا يا مهره مثل ما كنتي قبل
ميرة ابتسمت: الله لا يحرمنا من بعض قولي امــــــــــين
مهره ردتلها الابتسامة: أميــــــــــن يا رب

شو رايكم,,
شو راح يصير لميرة و مهره فالرحلة ؟؟
من الشخص اللي بيشوفونه هناك ؟؟
و شو الحدث اللي بيقلب حالهم هناك ؟؟
خلونا نتابع الاحداث...



في بيت عبيد علي..
اليدة كانت قاعده على الحصير ريلها تعورها ما تقدر تمشي و عندها مها تسولف معها
اليدة ماسكة المسباح و قاعدة تسبح: عيل وينهاا منال و ميثة هالغبرات ما نشن من الرقاد
مها تصب لعمرها شاي: هههه هالغبرات على قولتج من زمان نشن بس انا وكلت كل وحده بشغله تقوم بها ميثة تكنس الصالة و منال تنظف المكتبة
اليدة: هيــــه جيه اباج كل يوم تكرفيهن
مها: يدوه
اليدة: امري بنيتي
مها: ما تراجعتي عن قرارج
اليدة تطالع من الجانب الثاني: لا ما بتراجع انتن بناتي و اللي راح اسويه لمصلحتكن قلت مدام ان راتب ابوكم التقاعدي مب مكفنكم راح ابيع الارض و افتك منها و استفيد من مبلغها لكم
مها بحسرة: بس يا يدتي هالارض يدي المرحوم شقا وايد عشان يشتريها و يحصل لها بيزات و لما هو راح و اشتراها انتي من عقبه ورثتيها تروحين تبيعينها حــــــــــــــــــــرام
اليده: هو كان يبا يزرعها من عقب ما اشتراها بس الله ما عطاه عمر و انا ما فيني شده اراكض بها و ادبر لها من يزرعها قلت ابيعها و استفيد من فلوسها ابركلي
مها: و جم قيمتها لما اشتراها يدي المرحوم
اليدة: عشرين الف
مها بققت عيونها منصدمه: بــــــس عشرين الف
اليدة : هيه عيل انتي جم متوقعه
مها: انا احيد الاراضي اسعارها ضووو يعني عاليه
اليده: بس الارض ما ترزا و بعدين هذاك زمن اول و الاسعار تبدلت و الاول تحول المهم نحن نستفيد من بيزاتها و من هالبيزات انتي راح تاخذين ليسن و تشترين سيارة على قد حالنا بسنا من متى و نحن نعتمد على اسماعيل راعي التاكسي
ابتسمت لها مها..







فمكان ثاني كله فوضى و حشرة..
ميثة كانت تكنس الصالة فحبت تستنذل باختها و راحت من وراها و حطت المكنسه على بيجامة اختها منال
منال تزاعج: مـــــــــــــــــــــــــــــــــــيثة خوزيها عني لا ارقعج بقوطي الكلينكس
ميثة تضحك و تخوز المكنسه عن بيجامة منال و قالت لها: هاتي راسج ببوسه لازم نعتذر منج اختي الكبيره لاا
منال تصدق عمرها و نافخه عمرها و تقرب راسها لاختها عشان تبوسها و ميثة الخاينه بدل ما تبوسها حطت المكنسة على شعر منال >>> ههههههه
منال عصبت و فولت على اختها: يااااااااااااااااااااا الخـــــــــــــــــــــــامة شعري بينقلع من راسي خوزيها عني
ميثه ناقعه من الضحك: ههههههههههههههههههههه اونه بينقلع واااااااااااااااااااههههههههههههههه
منــــــــال شوي و بتاكل اختها: يا السبااااااالــــــــــــة قومـــــــــــــــــيها عني من الله ما فيني الا شعرتين
ميثة بندت المكنسة و قعدت تضحك: ههههههههههههههههههههههههههههههههه و ربي ان شكلج تحفــــــــــــــــه
منال: لــــــــــــــــــا و اللـــــــه قوووولــــــي قسم انتـــــــي بس
ميثة: و قسم بالله ههههههههههههههههههههههههههه
منــــــال تمسك الطاسة اللي فيــــــــها الماي و تكبهــــــــــا على راس ميثة
فجاة كان تسكت ميثة من الضحك لكن فيه انفجار ثاني من الضحك
منال: وااااااااااااااااااااااااهههههههههههههههههههههههه
ميثة حرجت: ايا جليــــــــــــــــــــــــلة الحيـــــــــا >> و تسير تشغل المكنسة مرة ثانية و تبطل شعر اختها و تكنسه
و اللحين الثنتين ناقعات ضحك على بعض
منال: بــــــــــــــــــــــس و الله بـــــــــــــــــــس التوبــــــــــــــــــــــــــــــــة ههههههههههههههههههههههههه
ميثة: ههههههههههههههههههههههههههه عيل انا تجبين عليه الماي
طــــــــــــــــــــــــــــــــــــــــــاخ طــــــــــــــــــــــــــــــاخ >> لا لا تخافو هذا مب صوت انفجار >> هذي ضربة على راس منال و ميثة من مها
مها تزاعج: عنبوووبوكم من بنااااااااااااات كبر البغل ما تستحن ما تخيلن على ويوهكن و انتي الثانية بندي المكنسه لا بارك الله فيييييج و لا فالساعه اللي قلت لكم فيها نظفن
منال + ميثة ماسكات عمارهن بالغصب عسب ما يضحكن جدامها و هي نافخه عليهن
مها: بنات طول و عرض تقول بعير تتناقرن,, عندكن خمس دقايق و الله اذا ما رجع كل شي مكانه لتشوفن الويل مني فاهمات ياللاا اشووووف فزن من مكانكن و سيرن نظفن
منال و ميثة قامن بسرعه البرق و بدن ينظفن
و راحت عنهن مها بتطلع و بدن بالمناقر
منال : كله منج يا العقربه
ميثة: انا عقربه يا البومه
مها تطل عليهم و تصرخ: و بعديــــــــــــــــــــــــــــــــــــــــــــــ ـــــن معــــــــــــــــــــــــــاكم
ميثة و منال اتصلبن بمكانهن و ردن يشتغلن
و كل وحده ترسل نظرات نارية للثانية و فجاة نقعن من الضحك >> هالبنتين لسانهن طويل ههههه



ترا انا مثل ما ذكرت لكم ان البيت فيه ثلاث غرف..
الغرفة الاولى لليده و الغرفة الثانية لمها و مهره وميرة..
اما الغرفة الثالثة لمنال و ميثة..

المهم فغرفة منال بوقت العصر قاعده هي و اختها ميثة
ميثة: منال
منال: هممممم
ميثة تفر عليها المخده : همممممم ( تقلدها ) كنج بقرة مضيعه ثورها
منال تفر على اختها بدل المخده مخدتين: و يا هالويــــــــــــــــه
ميثة: هههههههه انزين خلاص خلاص
منال ردت انسدحت على سريرها: شو بغيتــــــــــــتي تقولـــــــــــي
ميثة بحزن: عمــــــــــــــــــــــــــي
منال بقرف : ويـــــــــــــــــــــــــــــــــــــــع عمي اونه
ميثة بضيج: وينــــــــــــــــه ما يسال عنا
منال: اوهـــــــــــــــــــــــــــــووووو عـــــــــــــــاد بتسويلنا فلم هندي منو بيسكتها اللحين
ميثة: ههههههههههه جب انزين
منال تنهدت:يالله البارحه كيف واجعتنا يدوه بس لان نحن سالنا عن عمنا اقول ميثة
ميثة: هلااا
منال: شورج مها تدري شي عن عمي عبدالله او عن مكانه
ميثة بحيرة: لا ما اظن لو كانت تدري كان راحت بنفسها له و شكتله عن حالنا
منال: لاااااااااا ويـــــــن مستحيل مها تسويها مها ما تشكيلنا تبينها تشتكي لعمي
ميثة: افففففف ما ادري و الله ما ادري - ترد تطالع اختها- ليش عمي جيه يسوي مب حرام عليه و لا كأن نحن عيال اخوانه يسال عنا
منال: ويـــــــــه نحن نحش بعمنا عبدالله ونسينا عمنا سلطـــــــــــان
ميثة: أيـــــــــهــــــي علينا نحن.. نذكر شي و ننسى شي.. انتي خلينا اول شي بالعم الاول و عقب يصير خير بالعم الثاني
منال بياس: ههههههه و لو تمينا نفكر اصلا مستحيل نوصل لحل
ميثة: ابـــــــوي هو السبب >> و بدت عينها تدمــــــع
منال: لا تصيحين ما عندنا الا قوطيين كلينكس نباهن للضرورة مب لسخافتج
ميثة: ههههههههههههههههه دفشه وحده عيل تعالي احضنيني
و سارت منال تحضن ميثة و ابتسمن لبعض
ميثة: يا ليت ابويه كان انسان طيــــــــب يا ليته حس فينا و لو مره
منال و انرسمت على ويهها ابتسامة حزن: ما لنا الا ربنا
ميثة تصيح: و امي اللي توفت اهملت صحتها و ابوي ما اهتم فيها لما كانت مريضة باللوكيميا يدتي هي الوحيده اللي اهتمت بالعايلة بكبرها
منال صاحت مع اختها: تصدقين بعدها ببالي صورة ابوي يوم ضرب مها ضرب اليهد بس لانها خشت فلوس لقوتنا خذتهم من ابويه بالدس عشان ما يعرف و عشان ما يسرفهم على السم اللي يشربه
ميثة تكمل: و نحن كنا داخل منخشين من الخوف و يدوه عند امي بالمستشفى تصارع ما بين الحياة و الموت
منال بياس: و الله الدنيا ما ترحم
ميثة بحنية: نحن مالنا فهالدنيا غير بعض
منال بحب: هيه و الله انا بلياكم كني ياهل مضيع كراسته
ميثة: هههههههههههههههههههه و حتى و انتي تصيحين تضحكين
منال: هههههه
ميثة: ويـــــــــــــــــــــــه نسيت اخبرج
منال باهتمام: شو
ميثة: تدرين ان ميراني و مهاري بيسيرون رحله
منال: ياااااااااااا حظهم بيغيرو جو - بحماس – الا ما قلتيلي وين بيسيرون
ميثة: خمني
منال: يلااااااااااااا عاد قولي
ميثة: بيسيرون صحـــــــــــــارى بالشارجه
منال: الـــــــــــــــــــــــــــــــــلـــــــــــه
ميثة: شفتي عاد يا وخيتي الا انا و انتي مالت عليج و على حظي المنحوس محبوسات بهالبيت
منال ترمس مثل العيايز: ويه يا وخيتي نحن شو لنا بالطلعات.. الحرمة مالها الا بيتها و تنكرف فيه و يلعن خيرها بالمطبخ
ميثة + منال : هههههههههههههههههههههههههههههههه


( ضحكتن يا ميثة و منال شوية لكن هل الدنيا بتكمل معاكم ضحك و لا شو )







طبعا لازم تركزو على الاتي:-
البنات عندهم عمين واحد اسمه سلطان و الثاني عبدالله >> يا ترى شو راح يكون دورهم بالقصة ؟؟
ميره و مهره تعرضو للاعتداء بس الحمدلله ما صابهم أي شي غير الانهيار العصبي و الحرج فايد ميره >> و لا ننسى ان فيه حدث يترياهم بالرحله بس شو هو ؟؟ راح تعرفونه ان شاء الله قريب
اليده مسؤوله عن البنات و تحاول انها توفر لهم عيشة زينه >> لكن يا ترى شو اللي راح يتغير على جدام ؟؟
و مها شو راح يصير لها >> راح تعرفون اسرار عنها اكثر بالمجريات و الاحداث القادمة
و طبعا مثل ما عرفتو عن ابو البنات كان يشرب و يضرب عياله و حتى حرمته المرحومه ما سلمت منه >> لكن يا ترى شو هو السراللي يمنع تواصل البنات لاعمامهن و ليش اليدة ساكتة للحين ما تقول السر ؟؟


نرد للأحداث..

علــــــى الساعة ست و نص الصبح

اليدة محتشرة: انتي ما شفتيهن هالغبرات لين الساعة ثلاث و يقرقعن الين ما رحت لهن و هزبتهن و انخمدن عنبو مب حلج عليهن
مها: هههه يدوه انتي متى تحيديين ميثة و منال يسكتن - و عقب طالعت خواتها و قالت لهن - ميره و مهره ما اوصيكن ديرن بالكن على بعض و عن اضيعن
ميرة تصب لها شاي: لا لا تخافين علينا مدام نحن بنبقى مع بعض انا و مهروه فخلاص لا تحاتين شي ما علينا شر صح مهاري
مهره ما انتبهت على اختها لانها تطالع ميثة و منال و قاعدة تتلفت عليهن
ميرة شافتهن و ضحكت هي و مها
اليدة بدت تهازب: ايييه انتي قومي قومي لعنبوج العين مغمضة و الشاي اللي ماسكتنه بيدج اكيد راح ينصب قومي اشوف و انتبهي على الشاي عن ينصب و يحرقج
منال تتثاوب و تفتح عينها ببطئ: تكلميني انا و لا تكلمين منو
اليدة: ايا بنت الذيــــــــــــــــــــــــن
مهره: ههههه يدوه تقولج انتبهي على الشاي اللي بيدج و انتي خبر خير
منال توها تستوعب: هــــــــــــــيه قولي جيه من الصبح
مها: و اللحين شو يا حظي المغرب و لا الصبح
منال: اف ما ادري تراكم سندرتو براسي
اليدة: و اشعنه الغبره الثانية ساكته غريبه - و تطالعها اليده بنص عين -
ميثة: هــــــا
اليدة: من قال ها سمع
ميثة: شو يدوه بلاج مطيحه علينا الصبح
اليده طبتها و اطالعت ميره و مهره: و انتن هالله هالله بعماركن هناك
مهره: من عيوني يدوه ما طلبتي شي
اليدة: انزيـــــــن وايد بتتاخرون يعني بالرحلة
ميره: يمكن نرجع على الساعة اربع او خمـــــــــــس
اليدة: لا لا لا عيـــــــــــــل ماشي سيره شو الين اربع و لا خمس ما عندنا بنات يتاخرن برع البيت
مها: ما عليـــــــه يدوه انا البارحه قلت مثل كلامج بس حرام هم ما يطلعون موليه فلا تحرمينهم من هالطلعه و اذا عن التاخير ترا انا بتصل لاسماعيل و بروح ايبهم لما يرجعون
اليدة: لا اله الا الله
مها: محمد رسول الله *ابتسمت*
ميثة و منال يتساسرن
اليدة بنص عين: ها الغبرات على شو ناويات
ميثة: ههه و لا شي * و راحت حبت راس يدتها هي و منال *
اليدة: لاااااااااااااااا
مها: هههههههههههههههههههههههههه اكيد عرفت شو بتطلبون
منال: ليــــــــــــش يدوه حرام و الله تعبانين
اليده تتحرطم: و انا اقول ما بيحبن راسي على الفاضي بس مصلحجيات
ميثة : و الله ان الرقاد واصل لقمة راسي الله يخليــــــــــــج يدوه خلينا نروح انام
اليدة: خلاص سيرن و فكني من الحشرة
ميثة و منال طيران على الحجرة عشان يرقدن
مها راحت تشل الريوق و ترجعه المطبخ بعد ما كانو فارشين الحصير فالحوش
و اليده تطالع مهره بحنية
مهره كانت تقرا القران بخشوع بزاوية بروحها و الراحه مبينه من ويهها و ميره دخلت داخل تمشط شعرها
و على الساعه سبع بيي الباص و بيسيرن المدرسة و منها للرحلة





الحدث المفاجئ و المهم بالرحله:-
بعد ما راحن البنات المتحف و خلصو منه راحو لصحارى بس قبل ما ينزلن قعدت الابلة توجه لهن بعض التوجيهات و غيره
ميرة تساسر مهره: شوفي شوفـــــــــــي
مهره: خير شو اشوف
ميرة: منو غيرها الحية هذي
مهره عقدت حياتها و اطالعت اختها: تقصدين ريم
ميره بقرف: و فيــــــه غيرها هالحية هي و شلتها الخايسة
تصد مهره و تشوف ريم و شلتها و تشهق
ميرة: شفتـــــــــــــــي العفيفة شو يالسة تسوي *و ابتسمت بمكر*
مهره: بــــس انا متاكدة اني شفتها بشيلة سادة يوم كنا بالمدرسه بس بعد مب زين جيه على الاقل لو تبا تطلع بشيلة عليها زينه برايها لكن مب شفافه لهدرجه
ميره بغيض: اصــــــــــــــلا متى لحقت تغيرها شكلها يايبه هالشيلة بالدس و اونها بالمدرسه شريفه و من تطلع منها تطلع على حقيقتها
مهره بحيرة: شورج الابلة بتخليها تنزل جيه
ميره: هذي ابلة مصريه و عادي اظن عندها اصلا بروحها ابلتنا مطلعه كشتها من جدام عافان الله
مهره: هههه هي مب بس الريم حتى شلتها يقلدنها و لا كأن البارحه قبل ما يعطونا اوراق الرحله منبهين علينا الاحتشام باللبس
ميرة تكمل عن اختها: هيــــــــه و الله صدقـــــــــــج فوق كل هذا يايات بعبايات تصلح بس للاعراس
مهره: ههه مب كنا بدينا نحـــــــــــش و نحن شو علينا منهن المهم نداري على عمارنا
سمعو الابلة لما تقول: اللي عندها موبايل تتصل على زميلتها تطمن عليها و ما تتاخروش كتير و انتبهو كمان للوقت اتفقنا
البنات بفرح: اتفقنا
ميره بحسرة: ويــــــــــه يا حسرة من وين لنــــا انا و انتي الموبايل الا تعالي مهاري لو بغينا نطمن الاهل كيف راح نتصل
مهره تطمن اختها: لا تخافي موزة قالتلي متى ما بغيت استخدم فونها اقول لها و عادي بتخليني استخدمه

بعد ما دخلن داخل صحارى راحن البنات كل وحده و شلتها يتمشون مع بعض
مهره: ميراني خلينا نتمشى مع شلة موزة مب احسن لنا
ميره: لا لااااااا ما ابغي ارز بفيسي معاهم هم لو يبونا كان نادونا برغبتهم اخاف نروح لهم ما يرتاحون لوجودنا معاهم
مهره تنهدت: هــــــــي صدقج عيل يلا خليــــــنا نمشي
و راحــــــــن صوب الملابـــــــــس النسائيــــــــــــــــــــة
ميره وقفت عند بلوزة حمرا و حطت ايدها على راسها مندهشـــــــــــة: يالـــــلــــــــــه بالستـــــــــــــر كان هالقطعة المقطعه بألـــــف و ثمانميه و اربعيـــــــــــــــن درهم
مهره: هههههههههههه و الله اللي يشوفج بيعرف انج بنت فقر
ميره من عقب ما سارت الجانب الثاني: مهروه لحقـــــــــــــــــي لحقــــــــــــــــــــي
مهره: هــــــــــــلا
ميره: شوفــــــــي يا محلات هالخاتـــــــــــــــــــــم روعـــــــه يا ربيه و الله انه خبال انتي بس شوفي لونه الاحمر عــــــــــــــذاب
مهره فهمت شو قصد اختها: ميره بـــس هالكريستال وايد غالي لا تنسي نحن ما عندنا الا سبعين درهم
ميرة بحزن: حـــــــــــرام و الله اني دخل فخاطري
مهره: مب بيدنا نسوي شي الاسعار هني غالية اقولج تعالي بنسير فوق
مهره سحبت ميره من ايدها و ظلت ميره عينها على الخاتم الين ما راحو عنه

على فكره المكان كان وايد فيه ناس و خصوصا الشباب و ميره الحبيبه تكــــــــــــــــــــــــــــره الشباب ما تحبهم خيــــر شــــر خصوصا من عقب الحادثة و يوم انها شافت المكان مزدحم فوق صوب المطاعم تمت معقده حياتها اونها معصبة عسب اللي يطالعا اونه يخاف منها و ما يعطيها ويه , وما يفكر يطالعها و مهره تطالعها و تضحك عليها المهم قررن يطلبن لهن عصير و يقعدن وين مكان الطاولات فراحن و طلبن عصير برتقال فكان من الجهه الثانية واحد يطالع ميره بكل اعجاب فلما كانت اختها صادة عنها ترمس الفلبينيه عن العصير يت على بال ميره فكره تعرفون شو سوت >> اطالعته بنظره حاده و عقب كان ُتحْوَلْ بعيونها اونها تبا تزيغه و الريال لما شافها جيــــــــــــــه نقع من الضحــــــــــــك اما ميرة فويهها استوى قوس قزح من الفشله هي كان قصدها تزيغه مب تضحكه خافت ان الريال فهمها غلط
و عقب...
يا الريال صوبهم اونــــــــه يبـــــا يطلبله و قعد يرمـــــــــــس الفلبينيه بالانجليزي
ميره صدت على مهره: امحـــــــــــــق انجليزي.. اونه ما يرطن عربي مع هالفلبينيه >> ما تدري ان الريال سمعها
مهره مستغربه: الحمدلله و الشكر بلاج تتحرطميبن
جاسم لما سمع رمسة ميرة مسك عمره عن يضحك جدامهم
ميره تمط طرف شيلة اختها: يــــــــلا متى بيخلص عصيرنا عنبو لو طالبين غـــــــــــــــوزي كان خلص من زمان - اطالعت الفلبينيه و قالت لها بانفعال – جلـــــــــــــدي كــــــــــــارو " يعني بسرعه خلصي" و عقب كان تقول ميره: اوووووووه نسيت هذي مب هنديه عسب اقول لها جلدي كارو اندوكم نسيت
جاسم ضحك من خاطره: هههههههههههههههههههههههههههههه و كان يصد على ميره مره ثانية شافها رافعه حياتها مستغربه منه كان يضحك زووووووووود عليها لان شكلها طالع كيوت و برئ
مهره مستغربه مب فاهمه شي و شلت العصاير و قالت: يلااا ميره نسير >> بس قبل ما يروحون
ميره قالت لجاسم: ضحكت بليا ضرووووس قول اميـــــــــــــــــــــن >> و عقب راحت واختها متفشله منها
مهره: شووووو سويتي
ميره: برايه يستاهل الخــــــــــــــــــام عيل ليش يضحك عليه
مهره حطت ايدها على خصرها: لا و الله كيف جيه>> و تمت ميره تخبرها السالفه و مهره تمت تهازب فيها



جاسم: هههههههههههههههههههههههههه
حميد: بذمتك قالت لك جيــــــــــــــــــــه اثاري ورى هالجمال الســـــــــــــــــان طويــــــــــــــل
جاسم دمعت عينه من كثر الضحك: بــــــــــــس و الله انها سوالف ياخي ودي الموقف يتكرر
حميد: هههههههه و الله انك حالة
جاسم تذكر شي: الا هذا وينه احمد ما يا للحين
حميد: اللحيــــــــــــــــــن بيـــــــــــي عطه خمــــــس دقايق و بيوصل حوووووووه انا من ارمس انت شو قاعد تطالع
و يصد حميد على جهة اليمين: ههههههههههههه بس عاد خلها بحالها
جاسم: ما شاء الله عليها ما ادري كيف اهلها يخلونها تطلع بدون غشوه حرام كل هالجمال يشوفه الساير و الراد
حميد يطالعه بمكر: اقول عد فيها قصيـــــــــــد بعد
جاسم سرحان فيها: و الله ان القصيــــــــــد ما يوفي حقها
حميد مندهــــــــــــــش: انت جسوم المغازلجي جيه تقول عن وحده لاااا لااا ما اصدق احيدك تقول انك ما تتنزل تمدح فيهن و لا و قمت تغار بعد على هذي و تقول ليش اهلها مخلينها تطلع بدون غشوة
جاسم مبهت بميره: فديـــــــــــــــت ميره
حميد مب فاهم: ميره منو ميره
جاسم: سمعت اختها ما ادري ربيعتها تقول لها ميره.( فجأة ). حميــــــــــــــــد حميـــــــــــــد صد صد وراك
حميد يصد ورا: عنبو هذي فكـــــــــــــل مكان نشوفها
جاسم طلع فونه: لحظـــــــــــــــــــة لحظــــــــــــــــــــة


........: الو
جاسم: مرحبا ملاييـــــــــــــــــــــــــــــــن
.......: هـــــــلا هــــــــــلا و الله.. تشققت من الوناسه.. وينك يا القاطـــع ما تولهت عليه
جاسم: لا ويــــــــــــــــــــن عاد انا اللي قاطع و لا انتي
........ بدلع: اكيـــــــــــــد داق متولـــــــه عليه
جاسم مالت عليج : و حد ما يتوله على الريـــــــــــم
ريم: هههه الا ما قلتلي انت ويـــــــــــن
جاسم: انا ابعد عنج بعشر خطوات
ريـــــــــــم بققت عيونها: انت وين يعني
جاسم وده يقولها عيونج عيون بقر ما تشوفين: شوفي جدامج على جهة اليمين
ريـــــم: ويــــــــــــــه شو هالمفاجاة الحلوة من متى و انت هني حبيبي
جاسم حبج برص: من ساعه تقريبا انتي شو تسوين هني
ريم: يايبينا رحله لصحارى و هني يايه مع الشله نرفه عن عمارنا
جاسم يت على باله ميره:اها اقـــــــــــــــــول ريم
ريم: هلا
جاسم: تشوفين اللي قاعده على الطاوله اللي عدالج
ريم تطالع ميره و مهره بقرف: هيـــــــــــه بلااااهن
جاسم: هن يايات معاكن و لا ما تعرفيهم
ريم ببرود: امبلاااا اعرفهم بنات صفي
جاسم: منو هذيـــــــــــــــــل
ريم: و انت شو تبا فيهن ان شاء الله
جاسم:اقولج تعالي هني برمسج
ريم: تخبلت انت ايي عندك هناك و اقعد اسولف وياك... بيشوفوني عقب
جاسم اونج شريفه عاد جدامهم: خـــــــــــــــلاص انزيــــــــــــن بس انا اباج بموضوع ضروري
ريم بفضول:عن شو
جاسم: قوليلي هذيل منو
ريم: انت معقولة بتنزل مستواك الراقي لمستوى هالبنتين بنات الفقارى
جاسم: و انتي شو لج انا سالتج سؤال و جاوبي و لا و الله لاسير لعندج و افضحج
ريم شهقت و زاغت بنفس الوقت: لااااااااااا لااااااااااااا لااااااااا خلاااص اللي تباه بقوله لك
و تم عقبها جاسم يتخبر عن ميره و عن عائلتها و ريم جاوبته على كل اسئلته








حميد: جاسم تخبلت انته انت اكيد مب صاحي
جاسم: لا صاحي و نص بعد و الله البنت دخلت مزاجي
حميد عصب: انت شو ما تستحي حرام عليك و لا يعني انت ولد عز بتستقوى على الفقيره المسجينه
جاسم يقاطعه: بلاك انته انا قلتلك اللي براسي بسويه خلااااص هالبنت عايبتني و لا انا اودر كل هالجمال و فوق كل هذا مب محطيه شي على ويهها من اللي يحطونه البنات و طالع كيف جميله تبارك الرحمن عليها
حميد: بس هالبنت غير مب نفس ريم و اشكالها هالبنت باين عليها حشيم
جاسم: لهسبب حطيتها ببالي اسلوبها غير جمالها غير حتى انها لما شافتني ما عطتني ويه عكس البنات اللي يركضن وراي
حميد: لاااا حـــــــــــول انت اللي براسك تسوويه و اللي تباه توصلـــه له و الغرور ذابحنك
جاسم يغير الموضوع: تاخر وايد احمد
حميد: الا اخاف يغازل من ورانا هههه و من جيه متاخر علينا
جاسم: ههههههههههههه لا لااا ما يسويها >> و رد عقبها جاسم يبا يكحل عينه بشوفة ميره لكن اتفاجا انها محد
جاسم: ويــــــــــــــــــــــــــــــــــــــــــنها
حميد: بسم الله الرحمن الرحيم سكنهم في مساكنهم انت بلااااااااك اليوووووم
جاسم ابتسم لان عنده شي يقدر يوصل لها بسهوله فسكت و تم يسولف مع حميد و يتريون احمد


مهره بخوف: الله يخليــــــــــــج خلينا نرجع مكانا انتي اكيد بتضيعيني لانج ما تعرفين مكان المسيد في صحارى
ميره و لا عليها من كلام اختها: لااااااا ما عليج انتي بلاج خايفه جيه انا ادله عدل وصف مكان المسيد مثل ما قالت لنا موزة
مهره: يا ربيه يا ربيه انا الخبلة اللي قلتلج انسير نصلي مع بعض لو رحنا مع شلة موزة رباعة نصلي مب احسن
ميره فعالم ثاني و مسويه طاف لاختها: مهره مهاري شوفي هناك الخدامه اللي طالعه بذيج الجهه هناك بيكون مكان المسيد
مهره ارتاحت: اشوا الحمدلله و الله حسبت عمري ضعت فهالصحارى
ميره: ويـــــــــــــــــه عيال فقارى نحن و لا شو يخصنا بالمولات و غيره
مهره: امـــــــــــــــــــيه بسرعه بسرعه امشي ما ابغي هذا يلحقنا شوفي كيف يطالعنا و ياشر
ميره: مسود الويه امشي بسرعه عيل
و سارن البنات بسرعه و دخلن داخل يصلن كان على الساعه وحده و نص
و عقب سارن الالعاب من بعد ما خلصن صلاة..
ميره: افففففففففففف يــــــــــــــــلا عاد مهره نحن ياييــــــــــــن نستانس بـــــــــلاج انتي
موزة: مهره دخيــــــــــــــلج ركبي و بناخذ صورة جماعيه الله يخليج وافقي
ميره: اصــــــــلا نحن ليش ناخذ رايها خلونا نركبها غصب
مهره تروعت: هــــــــــــــــــــــــــــــاه لاااااااااااااااا ينيتو انتو
ميره و موزة: مهــــــــــــــــــــــــــــــــــــــــره
مهره: انزيــــــــــــن انــــــــــــــزين
و ركبن مع بعض بس قبل ما يتحرك القطار صورتهن موزة كلهن و ردت تقعد حذال وحده من ربيعاتها
مهره تمت تصارخ شوي و تسكت شوي و ميره ميته من الضحك عليها و لما القطار وقف
قالت مهره لميره انها راح تطلع و تباها تسير وياها فظهرن من الالعاب و سارن عدال محل صغير يبيع ميداليات و غيره
فميره عكس مهره تنعجب باللي موجود حولها بالاشياء بسرعه فتمت تتنقا لها ميدالية بحرفها
مهره: ههههه عاد نحن و اخواتنا كلنا نبدا بحرف الإم
ميره: شفتي عاد هذا الشي الحلو فينا ان ابونا سمانا باسماء تبتدي بحرف الميم
مهره: الله يرحمه و يغفر له ذنوبه
ميره: هه ما اظن تنغفر
مهره عصبت: ميـــــــــــــــروه
ميره: انزين الله يرحمه و يغفر له و يغمد روحه الجنه اميـــــــــــــــــــــن يا رب ارتحتي اللحين
مهره: هيـــــــــــــه ارتحت
فجأة كان ايي ياهل صغير و يمسك عباة ميره من تحت و يمطها عسب تنتبهله ميره
الياهل: لو سمحتي
ميره اتشققت من الفرحه لانها تموت على اليهال: هلا حبيبي شو بغيت و نزلت لمستواه
الياهل: هذا لج و مد لها الكيس و ركض بسرعه و سار
مهره: شفتي اللي انا شفته
ميره مستغربه و قعدت تدور الياهل بس ما لاحظته موووووول
مهره: بسم الله بلاه هالياهل و شو فيه هالكيس
ميره تطالع اختها مبهته: اصلا كيف يعرفنا عسب يكلمنا
مهره: قصدج يعرفج انتي لانه كلمج انتي
ميره ببراءة: انــــــــــــــــا >> و انتبهت على الكيــــــــــس
و قالت: يا ربيه و هالكيس شو اسوي فيـــــــــــه
مهره: هو قال انه لج>> فتحيه بالاول خلينا نشوف شو فيه
شافت ميره اللي بالكيس وانصدمـــــــــــــــــــــــــــــــــت
مهره مسكت الكيس و شافته: اويـــــــــــــــــــــــــــه كيف جيــــــــــــــــه
ميره منذهله: ما ادري علمي علمج
مهره: يمكن حد من البنات سمعج و انتي تقولين تبين خاتم الكريستال و يابه لج
ميره: يا الخبله هذا قيمته عاليــــــــــــــه مستحيل حد من البنات تييب معها مبلغ بقيمة هالخاتم و لما كنت انا و انتي عند الخاتم البنات كانو محد
مهره: عيل منو يابه
ميره: لااااااااااااااااازم ارده هالكيس للياهل
مهره: بس اليااااااهل ويــــــــــــــــــــن



الياهل: عمـــــــــــي أحمد عمــــــــــي أحمد
أحمد: هـــــــــــا بشر شو سويت
منصور: عطيتها الكيس و رحت لها مثل ما انت قلتلي
حميد: انا اشهد ان محد اليوم فيكم صاحي و انت ما تقولي كيف تطرش هالياهل للبنيه
احمد: ههه عادي تيكت ايزي
حميد: تراااااااك خبلت فيني و انت و ولد عمك جسوووووووم ذاك معجب و انت ما ادري شو سالفتك مع البنيه عنبوكم بسكم بسكم من هالحركات
احمد: فذمتي ان هالبنت غير و الله ما فكرت فيها تفكير وسخ مثل اللي فبالك و انت تعرف اني ما احب سوالف هالخربطان مالت الشباب
حميد اطفر: ايــــــــــــــــــــــهـــــــــــي ياني هذا الثاني و قالي بعد غيــــــــــــــر انتو مللتو فيني اليوووووم افففففففف
احمد: هههههههههههههههههه شكله جاسم ماذينك >> "جاسم ترا طلع لان ابوه اتصل عليه و قاله يباه ضروري"
حميد: ما علينا تراني انا يوعان شو بتطلب لنا ترا على حسابك اليوم
منصور: عمي احمد انا ابغي باسكن روبنز
احمد: من عيوني حبيبي كم منصور نحن عندنا
منصور ببراءة و يحسب بيده: منصور واااحد
حميد: ههههههههههههههههه كشخه هذا ولد اخوك



فبيت عبيد علي..
ميثة بتهديد: منووووووووووووول و يهد خوزي ايدج من سماعة التلفون
منال تتوعد لاختها: انا سمعته قبلج هدي السماعه اقولج هدي لا اصمج بصفعه
مها تهازبهن: بس بس انتي و ياها ول خيبه مب لسان عليكن كأنكن ثيران عوذ بالله لا انتي بتردي و لا هي بترد انا اللي برد
منال و ميثة يطالعن بعض
مها: الـــــــو
مهره: حرام عليكم انا من متى و انا ادق بلاكم ماتشيلون السماعه
مها: مهاري زين انج اتصلتي يدوه تمت تحاتيكم وينها اختج عنج
مهره بتردد: هـــــــاه ميره هي ميره هني حذالي
مها بشك: فيكم شي
مهره: هيه ما فينا الا الخير بس انا حبيت ادق عليكم عسب اطمنكم ترا ما بنتاخر بنرد على الساعه ثلاث و نص تعالي خذينا عقب من المدرسه اوكيه
مها: خلاص حبيبتي و لو اني زعلانه عليج لاني وصيتج تاخذين الميه درهم اللي حطيتهم على المكتبه الصبح بس شفتهم فمكانهم ما خذتيهم
مهره ابتسمت: عادي اصلا الفلوس اللي عندنا كفتنا للاكل و شرينا سلسله و ميداليه لميروه
مها: زين زين المهم انكم تونستو يالله عيل ما بطول عليج ديري بالج على عمرج و انتبهي على اختج
مهره: ان شاء الله يالله مع السلااامة >> و سكرت عنها
مها تصد على خواتها: و انتن
منال و ميثه: خلصنا شغل
مها: ههههههههه ما كنت بسال عن شغل البيت كنت بهزبكن بس هونت مالي بارض اهازب حد
ميثة: ما قلتي لنا شخبارهم
مها ابتسمت: تمام باقي ساعه و نص و بيرجعون
منال: اونه عيل هن قالن بيتاخرن
مها: احسن انهم ما اخروهم يلااا بسير اطمن يدوووه على البنات من متى و هي قاعده تحاتيهن



ميره: بصــــــــــــــــــــــــيح
مهره: انا بروحي زايغه
ميره: وينه راح هالياهل و الله بديت اخاف ما ابغي ارد البيت و معي هالخاتم اكيد مها بتهازبني و بتسالني من وين لي قيمته يا ربيه شو اسوي
مهره: بس خلاص هذي يات موزة خلج طبيعيه
موزة مبتسمه: يلااا الاكل جاهز خلونا نسير ناكل
مهره: ان شاء الله تسلمين تعبناج
موزة: لا يالله عادي الا انا طلبت لكم الاكل يلااا تعالو اللحين بناكله عقب بيبرد مب حلو
ميره: يلااا مهره نسير ناكل
و سارن البنات ياكلن و وحده من ربيعات موزة قالت بتسير الحمام فراحت وياها مهره عسب تعدل شعرها لانها حست انه متبطل شوي
عقب ما خلصن البنات من كل شي راحن ركبن الباص خلاص بيروحن المدرسه و كل وحده بتتريا سيارتها و تروح البيت





في الباص البنات كانن حشرة و شلة ريم قاعدات يغنن ورا و البنات الباقيات يصقفن مستانسات اما مهره فما قدرت تقرا قران فسكرته و حطته بجنطتها السوده المتواضعه و التفتت على اختها و انصدمت لانها شافتها تصيح بهدوء خافت انها تذكرت الحادثة
مهره بخوف: بسم الله عليج حبيبتي بلااااج حد زعلج انا سويتلج شي قولي بس لا تمين جيه ساكته لا تخوفيني عليج
ميره تصيح بهدوء و تمد يدها لاختها: شوفي هالورقه حصلتها فصندوق الخاتم
مهره قرات الورقه الصغيره:-
السلام عليج ميره
ادري اللي سويته غلط بس ما ادري شو اللي حدني على هالشي
هالخاتم امانة عليج ما تهملينه
مهره حطت ايدها على حلجها مب مستوعبه اللي قراته و قالت: هذا اكيد واحد شافنا و كان عندنا يوم كنا عند الخاتم و عرف اسمج لما كنت اناديج صح و لا توقعاتي غلط
ميره هزت راسها بالايجاب و قالت: يا ربيه انا و الله مب من هالنوع قوليلي شو اسوي اللحين
مهره: اقولج ميره سمعيني زين اللي صار لا تخبرينه لمها ترا ان درت بتعصب و انتي تعرفينها عدل بس اباج تخشين هالخاتم بمكان ما تعرفه و نحن ما نقدر لا نرجع الخاتم لصاحبه لان صاحبه ما نعرف مكانه و لا نقدر نرميه لان قيمته عاليه فانتي بس خشيه عندج انزين و لا تصيحين مدام انا ابتعدنا عن هالشخص خلاص يعني ما بتشوفينه عقب لا تحطين ببالج مخاوف و غيره خلج عاديه انزين
ميره هزت راسها بالايجاب و ارتاحت لكلام اختها و خذت الورقه من عند مهره و قراتها للمره الالف و فرتها بكيس الخاتم







اللحين عرفتو الحدث اللي صار بالرحله:

احمد و جاسم عيال عم و هم من الطبقات الاجتماعية الراقيه يعني عيال عز شافو ميرة وحبوها و دخلت فخاطرهم بدون ما يدري احمد ان جاسم حاط بباله ميره و بدون ما يدري جاسم ان احمد حاط بباله ميره يا ترى شو راح يصير على جدام ؟؟
أحمد عمره 25 و جاسم عمره 25 سنة

♡♡الجـــــــــــــزء الثاني ♡♡



ميثة مندمجه على الاخير فالسالفه..
و ميرة تحكي لهم كل اللي صار هي و مهره..
و منال فاجه حلجها مندهشه..

منال: و الله لو تدري مها عن اللي صار انتو بتكونون خلاص بالمقبره
مهره خافت: هذا اللي صار و نحن الحمدلله كنا محتشمات و محترمات عمارنا هم اللي تعرضو لنا
و سارت يابت ميره الخاتم و راوته لخواتها
ميثة: يااااااااي رووووعــــــــــــــــــــه
منال: ما قلتيلي ميراني بتلبسينه
ميره: لاااااا مستحيل تبين مها تشوفه و تذبحني
مهره تطالع ميره و ميره فهمت عليها و سارت عنهم تييب الورقه
ميثة: وين راحت هـــــــــــــــــاي
منال: صبري انتي و بنشوف
يت ميره و حطت الورقه بيد ميثة و قرتها ميثه لمنال:-

السلام عليج ميره
ادري اللي سويته غلط بس ما ادري شو اللي حدني على هالشي
هالخاتم امانة عليج ما تهملينه
منال و ميثه يطالعن بعض بصدمه
منال: اويــــــــــــــــــــــــــــــه كيف عرف اسمها
و خبرتها عقب مهره كيف عرف
ميثة عصبت : المفروووض تحصلن الياهل من تحت الارض و تردن له الخاتم
ميره بدت عينها تدمع
مهره: بلاااااج انتي عصبتي قلنالج من قبل ترانا دورناه بس ما حصلناه شو نسوي بعد
ميثة تطالع ميره: ميرة
ميره: شو
ميثة بجدية: انتي شو موقفج من هذا كله
ميرة تفاجات من السؤال هذا هو الشي اللي كانت تتهرب منه: هـــــــــــ ــــاه ما ادري
مهره: خلاص انتو خشو الخاتم و الورقه المهم ما يطيحن بايد مها و السالفه صارت و نحن ما نقدر نسوي شي
منال: هههههههههههههههههههههههههههههههههه
كلهن صدن على منال مستغربات و ميره قالت: بلاااج تخبلتي
منال: هههههههههههههههههه خاطري اشوف شكلج لما قلتيلي انج حوليتي بعيونج جدام الريال
الكل: ههههههههههههههههههههههههههههههههه
مهرة: نحن وين و انتي وين
ميره: بس تصدقين و الله انه حلـــو ما شاء الله عليه
كلهن طالعنها باستغراب
ميره: هههههههههههه بلاكن حرام اعبر عن رايي
منال: اللي انحيده يا المكارة انج ماتحبين الرياييل
ميثة: هيه صح و شو اللي تغير الحين انسه ميرة
ميره صدت على مهره و نزلت راسها: كل يوم مهره تنصحني ارد مثل قبل و لما بدت حالتي تتحسن ما عجبكم شو اسويلكم يعني
حضنتها مهره: بالعكس انا مستانسه انج بديتي تردي مثل قبل و الله اشتقت لسانج الطويل
ميثة تطالع منال: يا الخايسة هم بشو احسن عنا يحضنو بعض و انتي ما تحضنيني
منال: ما صار موقف عسب احضنج
ميره و مهره: هههههههههههه
ميثة: مالت علييييييييج ما منج فايده
منال بصوت هامس عسب تشد اهتمامهم: اقول
كلهم: شوووووو
منال: هههههه شكلكم حلو و انتو جيه منتبهين لي
ميثة تقرصها: يلاااااا قولي شو كنتي بتقولين
منال: هههههه انزين اقولكم بلاها اليوم مها نامت من وقت مب العادة من خلصت صلاة العشا رقدت على طول حتى ما طاعت تتعشى معنا
مهره: ايوا انا اعرف ليش
كلهم صدو عليها
قالت لهم: طال عمركم اليوم عقب ما يابتنا من المدرسة نادتها يدتي و رحت انا عاد اسلم على يدتي و سمعت السالفه منهم ترا يدتي طرت اليوم سعيد
الكل: شوووووووووووووووووووووووووووووو
مهره: اصبرن بتيكن السالفه
مهره : اونه ندم على انه طلقها من عقب الملكة بشهر ونادم على اللي صار و ياي يتاسف و يرد يخطب مها مره ثانيه لكن مها تمت تصيح و قالت ما تباه و يدوه يلست تقنعها فيه
منال: نــــــــــــــــــــــــــــــــــــــــعم ترد لهالنذل لاااااااا و الف لااااااا
ميثة وقفت: هيه صح كلامها منال و اختي معاها حق على انها ما ترد له حرق قلبها و يبا يردها وياويهه
ميره تمت ساااااااااااكته
مهره: ما تقولي شي ميره بلااااج مويمه
ميره: ماشي بس تذكرت اللي صار هي تطلقت بسببنا بسببنا يا مهره بسببنا و بدت تصيح
منال عصبت: كفايــــــــــــــــــة الله يخليكم بس من الصياح اللي صار لكم مقدر و مكتوب لو هو كان صج يحبها و يباها كان ما اهتم لكلام الناس عن الحادثه اللي صارت لكم و كان بيتمسك بمها لكن هو نذل فكر بعمره و ما فكر بالمسجينه مها و انتو الحمدلله ما صار لكم شي من الناحيه الجسديه غير الحرق اللي بيد ميره و الانهيار اللي صاب مهره بس الناس دوم تحب تحط بهارات من عندها للسالفه عسب يتناقلونها و يشوهون سمعة الناس

ميثة: مهره و ميره انتن مالكن خص ابدا و لا تحطن اللوم على عماركن ابدا سعيد اكيد من عرف السالفه الصحيحه ياي يبا يرجع مهوي لكن حامض على بوزه محد قاله يصدق كلام الناس و يطلق مرته ترا اذا هو واحد و باعها فيه غيره مليون يتمنون اختنا مهوي

منال ابتسمت لخواتها : تذكرون لما ياها قبل شهرين واحد يخطبها اصغر عنها باربع سنين
الكل: ههههههههههههههههههههههههههههههههههههههه
ميثة تمسح دموعها: و كيف ننسى موقفها انتو تذكرون شو قالت ليدوه لما يت تسالها اذا تباه او لا
ميره تكمل: كان تقول انا هذا شو اباااااااااه ارضعه و لا اربيه عنبو ما يشوفني اكبر عنه باربع سنوات
الكل: هههههههههههههههههههههههههههههه
( يمكن انتو تستغربون ليش واحد و تجرأ وخطب وحده اكبر عنه باربع سنين >> السبب كان ان مها اللي يشوفها مستحيل يقول ان عمرها 25 و كانت من يوم و هي صغيره يشبهونها بزينب العسكري فكل شي تقريبا خصوصا شكلها بمسلسل عذاري شكلها قريب وااايد لمها >>





في اليوم التالي يوم الجمعه:
اليدة تنادي على مها: مها مها وينج يا مها
مها تطلع من المطبخ : هلااا يدوه امري
اليدة: فكرتي بموضوع سعيد
مها تضايجت: يدوه قلتلج البارحه اني ما اريد اردله شو ما يفهم انا عفته و الله عفته و من خاطري بعد
اليده: يا بنيتي هو شاريج و ما رد يطلبج مني الا لانه حس بغلطته و ياي يصحح اللي صار من بينكم
مها: هه يصحح شو يصحح حضرته نحن خلاص تطلقنا و مستحيل اردله مستحيل و من سبع المستحيلات بعد
اليده بجديه اكثر: ودري عنج هالسوالف انتي اللحين كبيره و عقلج براسج لين متى بتمين كابته على عمرج جيه عيشي حياتج و سامحي ترا الحياه اخذ و عطا
مها تبا تصيح لكن مسكت عمرها جدام يدتها: تبيني انا ( و تاشر على عمرها ) ارد لسعيد من بعد ما هدم اللي بينا من بعد ما سمع بسالفة خواتي و هو لا يسال عني و لا مهتم فيني عكسي انا اللي كنت اسال عنه و احاتيه و احاتي خواتي من صوب و هو خبر خير و فوق هذا كله ما قال هذي زوجتي بوقف معاها و بساندها و بخفف عنها و البليه الكبيره انه سمع كلام الناس عن اللي صار لخواتي و انا مالي ذنب بالموضوع مالي ذنب مالي ذنب و بدت تصيح و طلقني من عقبها
اليده حطت ايدها على راس مها و عقب مها حضنت يدتها: قوليلي انا شو اسوي قوليلي ؟؟ مليت و الله مليت ليش انا حظي جيه منحوس ليش ليييييييش
اليدة: يا مها انا كان خاطري فيج تتزوجين و تعيشين حياتج و تييبين عيال و ترتاحين مع سعيد لين متى و انتي شايلة هم البيت و البنات و همي انا,, خبريني لين متى بتمين تضحين بسعادتج لنا.. انتي مالج ذنب باللي يصير عيشي حياتج بهنا و خير و سعاده.. ليش ترفسين السعاده و هي بين ايدج انتي تملكين وايد اشياء تقدر من انها تحققلج نتائج ترضيج و اللي بين ايدج اللحين سعيد ليش ما تاخذينه هو شو ناقصنه ريال ما ينعاب شاريج و يحبج و يبيج و يوم طلقج ترااا قالي مب منه من امه السوسه هي اللي قالت له يطلقج لانها سمعة رمسات وايد عن اللي صار لخواتج فخافت على ولدها و انا ادري ان انتي مالج اي ذنب باللي صار و فوق كل هذا ترا امه خيرته يا يطلقج او انه ياخذج و هي مب راضيه عليه
مها تطالع يدتها و عيونها حمر و قالت بياس: و انــــــا يا يدوه و انـــــــــــــا
اليده بحنيه: انتي على العين و الراس ترا سعيد اليوم مكلمني ان امه راضيه عليه المسكين من يوم ما طلقج و هو يحاول بامه من انها ترضى عليه و ياخذج شوفي وحليله هو صبر و تحمل من امه اشياء وايد بس عشانج خذي قرارج على مهلج انا قلتله يصبر اسبوع و عقب بردله خبر على الموضوع
مها بدت تقتنع و تمسح دموعها بيدها: خلاااص يدووه بفكر باللي قلتيه بس انا خايفه خايفه وايد بعد ( تمسك ايد يدتها و تبوسها) يدوه الله يخليج لا تتركينا بروحنا بهالدنيا نحن ما لنا غيرج عسى ربي يطول بعمرج و يخليج لنا و لا يحرمنا منج يا الغاليه نحن بدونج نضيع بهالدنيا اللي ما ترحم
اليدة ابتسمت بحنان و حبت مها على راسها: انتي و خواتج كلكن بارات فيني بارك الله فيكن الله عوضني فيكم عن عيالي اللي كل واحد فيهم كان عاق عليه
مها بحزن و لمحت دموع بعين يدتها: يدوه شورج عمي سلطان و عمي عبدالله بيسالون عنا لو عرفو مكانا او رقم تلفونا
اليده و طاحت دمعتها من عيونها المكحله باثمد على خدها و تذكرت اللي صار قبل خمس سنوات لما سارت لسلطان و عبدالله فالشركه لكنها سكتت و ما خبرت مها و قالت لها انها بتروح ترقد تعبانه و قبل ما تدخل حجرتها لفت على مها و قالت لها بابتسامه: مها امايه لا تنسين تستخيرين ربج
مها بابتسامه حلوه: من عيوني و تاشر على عيونها >> و ترد تكمل شغلها بالمطبخ








طبعا ميثة و منال و ميره و مهره داخل المطبخ و لما دخلت لهم مها كلهن صدن عليها يطالعنها بنظرات تخوف
مها استغربت و عقب ضحكت: ههههههههههههههه بلاكن بسم الله
البنات ساكتات و مبهتات
مها: ههههههههههههههه و الله يبالكم صورة فوتوغرافية
منال رافعه حواجبها: انتي انتــي
مها: انتي شو كملي الرمسه
ميثة تكمل عن اختها: نحن كنا نسمع صوت صياحج و اللحين يايه لنا تضحكين
مهره تفسخ نظارتها الطبية: صج بلاج مها عسى ما شر
مها راحت الثلاجه تطلع طماط: طال عمركم السالفه و ما فيها ( و خبرتهم عاد السالفه بالتفصيل المملل )
البنات منصدمات
ميرة: لحظة لحظة حبه حبه علينا
مهره: صج تراج صدمتينا بموضوع سعيد ما توقعنا انج بتعيدين ترتيباتج من ناحيته
ميثة تاخذ نظارة مهره الطبيه و تلبسها: و لاااا و بعد طلعتيلنا بسالفة عمي
مها: انتو لو شفتو دموع يدوه كيف كانت تسيل على خدها آه و الله همتني
مهره تفسخ النظارة عن ميثة و ترد تلبسها: انزين ما قالتلج شي ليش ما يسالون عنا او شي
مها: لااا ما قالت
منال: و الله انا بروحي مستغربه لين متى يعني بنتم نحاتي هالسالفه و ليش اعمامنا ما يسالون عنا شوركم ابوي هو السبب مثل ما كانت يدوه تلمح لنا بالسالفه
ميرة: اكيد هو من غيره يعني اصلا لو كان عندنا اب مثل الخلق كان نحن بخير من زمان
مهره تلتفت على ميره: ميره لا تتسرعين يمكن مب هو
ميره سكتت
منال: انتو خلو عنكم سالفه اعمامي و خلونا بسالفة العروووس
مها استحت: ههههه لا ما عليكم صح تشوفوني مرتاحه اللحين بس عقب بقولكم رايي بالموضوع
منال: خيبه لين متى يعني
مها: ممم اسبوع تقريبا
ميثة: يالله يالله من قدج عرووووس مرة ثانيه
منال: و احلى عروس بعد
ميرة تغسل السكين من عقب ما قطعت سلطه خفيفه لهم: اقولج مها سعيد لو خذتيه بيخليج تشتغلين ؟؟
مها: ممم بصراحه اذكر على ايام ملكتي كان يقولي عادي اشتغل
ميره: انتي لو ما طلعتي من المكان اللي كنتي تشتغلين فيه كنتي اللحين احسن بوايد
طلهم صدو على مها
مها انعفس ويهاا: لاااااااا يالله الحمدلله لما طلعت منه ذاك الشغل المهم اني افتكيت من المدير الله لا عاده ان شاء الله
منال: و انتي شو عليج منه انتي عليج بشغلج و بس
مها تنهدت: و هي يت على المدير بس ترا مب هو الوحيد اللي كان يتحرش فيني حتى الموظفين
منال: هههههههههههههههه لا لا احلى شي لما كبيتي على ويه المدير كوب الماااااااااي
الكل ضحك,,
مها: ههههههههههههه ما ادري كيف تجرات و سويت جيه بس خله دواه محد قاله دوووم يتحرش فيني و هو عاد زادني فذاك اليوم لما كان عازمني على مطعم اونه للشغل و اونه بعد بنقعد نتريا ناس ثانيين بخصوص الشغل الا و الحبيب يقعد يتغزل فيني و ما ادري شووو بصراحه ما يستحي تخيلن انه بعد متزوج
البنات: شووووووووووووووووو متزوووووووووووج
ميره: مسود الويه
ميثة: صج ما يستحي طالع معاج على اساس ان شغل و بالاساس هو يبا يخلو وياج بمكان و يكلمج على راحته بمواضيع خارج الشغل
منال: و الله اللي مثل اشكاله انا اشمئز منهم ما ادري شو كان يحسب اختي الله يجازيه ان شاء الله على فعلته و لا و فوق كل هذا يطلع متزوج هذا لو درت زوجته عن فعلته كان ذبحته من زمان و اللحين هو بالمقبره
مها: يالله ما عليه المهم اني طلعت من هالشغل بس تصدقن بعدي اذكر رمسته و اضايج على اللي سواه دووم اقول حتى لو كان جمالي يجذب الواحد معقوله يفكر انه بيحصلني بسهوله و بطريقه غلط اخ لااااه شو هالتفكير الخايس للناس و عقدت حياتها
ميثة: ههههههههههه انزين انتي ما قصرتي فيه صبيتي تنكر ماي على ويهه
الكل: ههههههههههههههههههههه
مهره: يستاهل و هذا اقل عن يزاه
منال: نحن نسينا الحدث المهم
كلهن صدن على منال
منال: شو ليكون نسيتن يدوووه لما راحت تهزبه باليوم التالي و هو كان متلوم وااااايد
ميثة: و الله حظج رحتي و شفتي يدوه لما هزبته ليتني كنت معاكم انتي و يدوه
مها تطالع ساعتها: اوووووف وصلت الساعه 11 و نص يلاااا بنات وقت الاذكار و الادعية و القران يلااا ديهديه
منال: مهره بصراحه ما اقدر اقاوم صوتج بالقران ممكن تقرين لنا اليوم >> على فكره ترا مهره صوتها ما شاء الله رووووعه بالقران و اللي يسمعه عادي يصيح و بسرعه يخشع للكلمات
ميره: هيه و الله
مهره: من عيوني و لا يهمكن بس بروح اقرا شوي قران ليدوه و عقب برد لكم اوكي
مها: اخذي راحتج حبوبه
ميثة: اوييييييييييييييه نسيت الفحم
ميثة سارت تحط الفحم بالمدخن عسب تدخن البيت و منال و مها راحن داخل





اليوم على العصر

جاسم و أحمد يركضون صوب الكورنيش>> ثنيناتهم من اللي يهتمون بالرياضة و هالسوالف
جاسم بدا يمشي و احمد بعد مشى
احمد: بلاااك توك تركض ليش مشيت
جاسم: بعدها ببالي
احمد: اللي خبرتني عنها البارحه
جاسم: هيه و الله ما ادري ليش افكر فيها وايد يا ربي ما تطلع من راسي خلااااص ثبتت بكل ذرة فيني
احمد اه لو تدري اني مثلك يا جاسم و بعدين ابتسم لجاسم: ههه لهدرجه محتله نص تفكيرك
جاسم ابتسم و سكت ثانييتين و رد يرمس: يا ليتها احتلت نص تفكيري هي اصلا احتلت كل تفكيري
احمد وقف من المشي و وقف معاه جاسم و قال: جاسم انت من صدقك تحب معقوله ما اصدق
جاسم تنهد تنهيده عاليه و تم يطالع البحر و قعد على الرمل: بقولك شي,, شوووف انا صح اكلم بنات و صح شفت بنات ما شاء الله حلوات و غيره لكن هالبنت غير فكل شي عن البنات حسيت فيها اشياء وااايد و اهمها البساطه تعرف اني لما شفتها كانت عبايتها جدا عاديه و شيلتها ما لمحت فيها زينه لذاك الزووود و كانت متستره عدل و لا محطيه حتى جحال و قسم بالله و انا حلفت لك ان جمالها جمال رباني كل شي فيها تبارك الرحمن حلو ياخي انا منذهل اذا جيه و هي مستره و تذبح الواحد من جمالها عيل شو لو العكس و الشي اللي كبرها بعيني انها على طبيعتها ما تتخقق او تتدلع مثل غيرها ههههه بعدي اضحك على ردة فعلها لما ضحكت عليها و الله انها عجيبه الله يحفظها لاهلها ان شاء الله
احمد تم ساكت اصلا ما سمع و لا كلمه قالها جاسم لانه سرح بميره نفس البنت الللي يفكر بها جاسم >> و لا واحد يدري ان ميره نفسها اللي يفكرون فيها
جاسم انتبه على أحمد: أحمــــــــــــــــــــــد أحمـــــــــــــــد
أحمد توه انتبه على حاله: هـــــــــــــــلا
أحمد ابتسم: اللي ماخذ بالك يتهنابه
ضحك احمد
جاسم: الا احمد الساعه جم اللحين
احمد يطالع الساعه: خمس و نص
جاسم: اووووووووووووووف قووووم بسرعه سارينا يالله
احمد مستغرب: بلااااك ما كملنا اليوم حتى ساعه بالركض وين رايح
جاسم: عندي مشوار مهم
احمد: على وين ما شاء الله شكلك مستعيل
جاسم: تذكر البنت اللي كنت اقولك عنها
احمد باهتمام: هيه بلاها
جاسم: بسير لها عند بيتهم
أحمد: نـــــــــــــــــــــــــــــــــــــــــــــــــ ــــعم يا أخ جاسم انا ادري من انك تكلم بنات بس ما احيدك تسير لهن ببيوتهن
جاسم: بــــــــــــــــــــــل بــــــــــــــــــــــل بــــــــــــــل يا بويه اسسمعني بالاول
احمد: اسمعك قوول
جاسم: انا كنت بروح بيتهم مب عشان اشوفها هي بس عشان اشوف بيتهم وين مكانه بصراحه ياني فضول اعرف عنها اكثر
احمد: و انت شو بتستفيد من هذا كله قنا معجب فيها بس انك تلاحقها بصراحه ما يصيرخل البنية فحالها يا جاسم
جاسم: تدري يا احمد يوم رمست ريم البارحه قالتلي ان هالبنية تعرضت لحادثة اعتداااااااااااء
أحمد: شـــــــــــــــــــــــــــــــــــــــــــــــــ ـــــــــووووووووووووووووووو
( طبعا الخريطة ريم من غيضها على ميره و غيرتها الزايده قالت لجاسم ان ميره و اختها تعرضن لحادثة اعتدااااء و انتو مثل ما عارفين انهن كانو بيتعرضون للاعتداء يعني ما تعرضووو للاعتداء صج و القضيه كانت مسجله باسم محاولة اعتداء فقط)
جاسم التفت صوب البحر و قال بعد ما طلع تنهيده: تعرضت لاعتداء هي و اختها داخل محل
احمد: لا اله الا الله شو هالناس اللي ما تخاف ربها و تسوي جيه باعراض غيرها
جاسم: و لا و ازيدك من الشعر بيت طلع ابوها متوفي و يدتهم ساكنه معاهم و هي ولية امرهم و ما عندهم اخو و هم من عائلة فقيرة
احمد: الــــــــــــــــــــــــله يكون بعونهم ان شاء الله و الله انا منذهل من اللي سمعته تعال الا انت ما قلتلي ريم شو دراها بهالبنت
جاسم: تدرس معاها بنفس الصف
و تمو عقب جاسم و احمد يكملون سوالفهم بالسيارة عن عائلة ميرة





و عقب ما نزل احمد من سيارة جاسم و راح لبيتهم راح جاسم لبيتهم و على طووول خذ له شور على السريع و اتصل على ريم

طوط طوط طوط طوط
ريم ترددت انها ترد عليه لانها تعرف شو يبا منها: هلا..جاسم
جاسم كان مستعيل: هلا ريم يلاا جاهزة على اللي اتفقنا عليه
ريم يالله حتى اشحالج ماشي و عقب ترددت و قالت: بس...
جاسم قاطعها: شووووو ليكون هونتي يا ويلج مني تراا انتي عارفه انا شو اقدر اسويه
ريم: خلااص اوكي اللي تباه انا حاضر
جاسم ابتسم : هيه جيه اباج يلاا عطيني عنوانها
ريم:..........................
جاسم ابتسم: تمام خلاص سجلته عندي يلاااا باي >> ما عطاها فرصه تتكلم و سكر بويهها

و راح عقبها جاسم يدور على بيت ميره الين ما لقاه و وقف سيارة بعيد شوي عن بيتهم
و قعد منصدم من اللي يشوفه صح هو سمع من ريم انها قالت له ان ابو ميره متوفي و ترك لهم بيت بسيط بس مب لهدرجه
جاسم بنفسه: يالله نحن وين و هم وين وايد بيتهم جديم
فجاة شاف راعي الدكان وقف عند بيتهم و دق الجرس و طلعتله مها
انصدم من اللي شافه شافها مثل ممثله هو من قبل شايفنها و حاول يذكر اسمها لكنه فشل
و دخلت مها داخل عقب ما عطت الفلوس لراعي الدكان و شلت منه الاغراض
لكن فيه كيس تم برع نست مها تييبه فطرشت ميره تييبه
اما جاسم فتجدم اكثر من البيت بوايد فطلعت ميره عسب تييب الكيس اللي تم برع و تمت وحليلها تتحرطم
ميره: شووووو هااا كله ميره كله ميره عنبو ما في غيري بهالبيت
و تم جاسم يطالعها سارح فيها و مبتسم على سوالفها فبالحظة اللي لبس فيها جاسم النظارة رفعت ميره راسها عسب تشوف منو اللي بيخطف بس ما لمحت الا سيارة سودة فخمه و بسرعه شلت الكيس و انخشت داخل البيت بدون ماتعرف هذا منو
جاسم مات فيها و قالت بخاطره: الله يحفظج يا ميرة لاهلج بس بصراحه حبيت عفويتها ههههه..آآه يا ربي ما ادري شو اسوي و لا كيف احدد موقفي معاها بصراحة احسها بريئة وايد و ريم قايلتلي انها تعرضت لحادثة اعتــــــــــــــــــــداء و هذا ما يبين على ميره مووول و هذا اللي يمنعني من ميرة يعني لو انا مثلا حددت مستقبلي من اني اقضيه معاها مستحيل انســــــــــى ابدا من انها تعرضت لحادثة اعتداء اخاف ما اتوفق معاها بس و الله هالبنت ما تستاهل الا كل خير
بحـــــــــــــــــــــــــــــــــــــــاول انــــــــــــــــــــــــــــــساها






ميرة: تشوفوني اذاكر شله بعد تقولولي سيري يبي الكيس كان ناديتو هالبطاليه و تاشر على منال
و منال و لا عليها قاعده تعدل اظافرها
اليده تتحرطم: بيطيح منج النص اذا رحتي و يبتي هالكيس
ميره: عيل كان هزبتي هالقبسه اللي تعدل اظافرها
منال: ههههههههههههااااي حلوه هاي قبسه
ميره: هيههيهيهيهيهي هبله و تضحك
منال تعيب عليها لكن بصوت خشن شوي: هيهيههيهيهي هبله و تضحك
ميره: هههههه عاد انا صوتي نعومي مب جيه خشن
منال: ههههه ادري بس اغايضج
اليدة تسدحت و قالت: منال تعالي همزيلي ريلي
منال: ان شاء الله يدوه
منال تتمصلح: اقول يدوه فديتج
اليده: تفدتج ينيه
ميره: هههههههههه وييووووو لقطي ويج لقطي
منال: جب انتي..ترد تطالع... يدتها: مقبوله منج يدوووه مقبوله
اليده: ادريبج ما تقردنيني الا يوم تتمصلحين
منال: هههههه عارفتني و دارستني عدل !!
اليده: همزيلي بعد بهالمكان>> و عقب راحت ميره داخل تذاكر
منال: اوكي
اليده: اوكي بعينج يا الغبره ارمسي زين ولا تحيسين ببرطمج
منال: ان شاء الله ان شاء الله انزين يدوه بقولج
اليده: امـــــــــــري
منال دهان سير: ما يامر عليج ظالم و لا عدو ان شاء الله
اليده: خلصيني من دهان السير هذا و قوليلي شو تبين
منال: اموووت و اعرف انتي كيف تقرين افكاري
اليده: هاه الغبره ما بتقوليلي شو تبين
ميثة: يلااا عاد منال تكلمي
اليده: بسم الله الرحمن الرحيم و انتي الغبره الثانيه من وين طلعتي
ميثة: هـــــــــــــ ــــاه لا بس كنت ماره و سمعتكم و ييت
منال: يدوه بصراحه بدون لف و دوران طلبتج
اليده كالعادة تقفطها: رديتج
ميثة و منال طالعن بعض بياس و عقب
ميثه قالت : يدووووه انتي سمعينا بالاول
اليده : هيه اثاريكن متفقات على شي انا ادريبكن غبرات ما وراكن الا المشاكل خير شو تبن
منال:يدوه عقب ثلاث اسابيع من بعد ما تطلع اختنا العزيزه مها ليسن نبا نطلع طلعه جماعيه مع بعض و نحوط
اليده تطالعها بنظرة شوي و بتقوم تضربها: يعني السالفه و ما فيها سالفه طلعات و هوامه على الفاضي
ميثة: من جيه نحن كلمناج بهالموضوع قبل ما تاخذ مها الليسن عسب نقنعج بالطلعه نبا نطلع حالنا حال غيرنا الله يخليج يدووه وافقي نبا نغير جو نبا نرفه عن عمارنا خصوصا انا و منال مول ما نطلع على الاقل مها تروح تييب اغراض البيت كل شهر و ميره و مهره يروحون المدرسه الا نحن الغبرات ما نطلع موووول حشى بتينا حاله نفسيه
اليده تقوم و تاشر لمنال تصب لها قهوه: يصير خير لذاك الوقت
ميثة:يعني شو
منال: موافقة و لا
اليده: انزين انزين صدعتن براسي
منال و ميثة فرحن و راحن يحبن راس يدتهن اللي ابتسمت لهم






بعد مرور 3 اسابيع:-
يوم الاثنين فمدرسة ميرة و مهره اللي قاعدات بالساحه ياكلن
مهره تبطل العصير: بسج بسج يا الدحيحه حتى المصريه ما تذاكر مثلج حشى رحمي حالج
مهره عيونها على الكتاب و مطنشه مهاري
مهره: أيـــــــــــه من اكلم انا اللوح مثلا ردي عليه عاد
مهره ببرود و تقلب على الصفحه الثانيه: بلاج
ميره: طاع هاي اقولج ماما ترا اليوم يوم مفتووووووح تعرفين شو يعني يوم مفتوح الطالبات يشتركن اليوم بمسابقات يلعبن يسولفن ينظمن مع المعلمات و انتي عكس الدنيا قاعده تذاكرين
مهره بعدها ببرودها: لازم اجتهد بالعلم>> ميره تعصب و تسحب عنها الكتاب
مهره: حرام عليج الا كتاب علم النفس هذا احلى ماده عندي
مهره: ماشي مذاكره اللحين انا اذكر ان امتحان علم النفس يوم الخميس مب باجر ذاككريه عقب و اللحين سولفي وياي
فجاة سمعن على الميكرفون الطالبة ميره عبيد علي و الطالبه مهره عبيد علي تصريح خروج >> و عادو الكلام ثلاث مرات
مهره تطالع ميره مستغربه: بسم الله شو تصريح خروج
ميره: و انا بعد ما اذكر ان مها قالت بطلعنا من وقت من المدرسه
مهره: قومي قومي خلينا نروح اللحين نشوف
و راحن و عقب فعلا طلعت لهم منال صوب الادراة عسب تناديهم فراحن يابن شنطهن عسب يروحن
و انصدمن من سيارة النيسان اللي راكبه فيها مها و ميثة
منال متشققه من الوناسة: هذي سيارتنا اللي اشتريناها اليوم صح مستعمله بس راح تكفينا للطلعات
ميره و مهره مبهتات و يطالعن السيارة بغباء
و عقب ركبن
مها مستانسه: هاه شو ما بتباركولي على السيارة و على الليسن
ميره و مهره استانسن من الخاطر
مهره: و اخيرا حصلتي ليسن الف الف مبروووك تستاهلين الغاليه
ميره: مبروك اختي والله يكفيج شررها ان شاء الله
مها: الله يبارك فيكم >> عاد انا قلت مدام انكم ما بتدرسون اليوم مثل ما قلتولي البارحه خلني افاجأكم بالسيارة و نطلع مع بعض نفتر فيها شوي
مهره: عيل يدوه وينها ليش ما راحت معانا
مها: قالت ما تبا تسير تعبانه و قالت لنا نرد بسرعه المهم ما علينا شو رايكم بالسيارة
ميثة: كل شي حلوووووو فيها و على قدنا الحمدلله
منال: هيه و الله
ميره: اقول مها
مها: قولي اسمعج
ميره: ما تم شي من بيزات الارض
مها: ممم على حد علمي تم3500 درهم بس ليش تسالين
ميره: بس مجرد فضول
مها تطالع مهره اللي سرحانه على تطالع الاجواء من الجامه: اقول مهره
مهره ابتسمت و ردت على اختها: هلا مهوي
مها: تر ا كلمت يدوه و قلتلها انج بتعيدين الفحص الطبي لعيونج و بتفصلين نظارة طبيه يديده احسن عن اللي انتي لابستها اللحين
مهره: و الله زين من متى و انا كنت ابغي اغيرها
ميثة: احم احم و فيه مفاجاة ثانيه بعد
ميره و ومهره صدن على ميثة يبن يعرفن شو المفاجاة

ببيت بوفهد:

أم فهد رافعة حاجب و بصرامة تقول: و اذا انا قلت كلمتي وحدة و ما اغيرها
ظبية و دموعها على خدها: و الله يا اماية اني تعبت تعبت منه خلاص ما عاد اتحمل ( و بدت تصرخ ) انتي شوووو ما تفهمين قلتلج ما اطيقه الله ياخذه ان شاء الله و افتك منه و ما بردله يعني ما بردله
ام فهد لفت ويهها عليها و قالت بقسوة وبصراخ: جب ولا كلمة انتي بترجعين بيت ريلج بغصب عنج فاهمه ولااا لاء
ظبية و دموعها ماليه ويهها : حرام عليج و الله حرام ما في ام تسوي جيه ببنتها المفروووض توقفين معاي >>بدت تشاهق.. انتي السبب فكل شي انتي السبب قلتلكم بالبداية اني ما ابيه بس انتي غصبتيني عليه آآآآآآآآآآآه و تمت تصيح
امها محطيه ريل عل ريل و ما يهمها كلام بنتها و يدخل احمد البيت معصب: امايــــــــــــــــــــــــــــــه امايــــــــــــــه
ام فهد ببرود: انا هني شله تصارخ تحسبني صمخه ما اسمعك
احمد يصد ورا و شاف امه وراح لها: امايه شفتي هالجلب شوووو سوى بظبية
ظبية تركض لحضن اخوها و تصيح من الخاطر: قلتلك خله عنك هذا ما يهمه احد.. يحضن احمد اخته بحنان
ام فهد وقفت من مكانها: و ان شاء الله انت ليش تدخل من بينهم شو سويت بالريال قووووووووووووووول شو سويت
احمد: اللحين انتي تحاتين زوجها راشد هالنذل و لا تحاتين بنتج اللي بغى يذبحها من الضرب و هي حامل
ام فهد بقسوة: قوووووولي خلصني شو سويت براشد قوووووووووول
احمد بكره تجاه راشد: حتى الضرب ما يكفيه الود ودي اذبحه و اتخلص منه هالـ...
تقاطعه ام فهد: الرياااااااااال يبا يسنع مرته انت ليش تدخل من بينهم>> و تروح ام فهد و تمسك شعر بنتها و تمطه بقو
ظبية تصيح من الخاطر و تمت تصارخ و احمد فج امه عن اخته
احمد يصارخ: بـــــــــــــس خلااااااااص عنبو ارحمي بنتج ارحميـــــــــــــــــها بروحها منهد حيلها خلاااص قاضية البنت ما تم فيها شي صاحي >> كان يطالع امه بنظرة و قال : بس الله فوق يا امايه الله فوق
ام فهد بغيض عامي قلبها : خلني اربيها خلني بس الظاهر مب هي اللي تحتاج تربية حتى انت تحتاج تربية من اول و يديد بس هذي تستاهل الضرب مني و من راشد اللي سوته مب شويه بريلها >> و طالعتهم بنظرة قاسية و اشرت بصبعها عليهم و قالت: سمعوني انتو الاثنين انا كلااامي هو اللي راح يمشي و ظبيه ما ابيها ببيتي فاهمين و لا لااء و انتي>> تاشر على بنتها و قالت: ريلج بتردين له و راسج بالارض >> و عقب سارت عنهم بدون ما يفهمون شو كانت تقصد بكلامها
ظبية طاحت على الارض تكمل صياحها: شفتها ياااااااا احمد شفتها انا بنتها و ما اهتمت فيني ااااااااااااه و الله بموووت
احمد يخفف عنها و يقومها: بس الغاليه بس ما عاش من ينزل دمعه من دموعج قومي حبيبتي تعالي بوديج لغرفتج ترتاحين انتي تعبانه و لازم تاكلين لج شي
ظبية و عيونها حمر و مازالت تشاهق: بس انا ما اباه خلوووه يطلقني الله يخليك قول لهم اني ما ابيه خلااااااص كرهته كرهتـــــــــــــــــــــــــــــــــــــــه
بو فهد بصراخ: أحمــــــــــــــــــــــــــــــــــــــد
احمد هو و ظبية كانو يصعدون لفوق ولما نادى ابوهم على احمد احمد لف جسمه على ورى اما ظبية زاد صياحها و تمت متجمده بمكانها ترتجف و ما تحركت
بو فهد صك الباب الذهبي بقوة وراه و كان الشرار يتطراير من عيونه: انت من سمحلك تاخذ اختك و تييبها لبيتي
احمد رد باحترام: يا بويه راشد ضاربنها ضرب و هي حامل و مب راحمنها مووول و هي المسجينه متصله تبجي و ما هانت عليه اخليها كله ولا اختي
بو فهد علا صوته:اختك مثل ما طلعتها من بيت ريلها تردها لبيت ريلها خلها تتحمل نتايج فعلتها
ظبية نزلت من الدري ركض لابوها قعدت عند ريل ابوها و مسكت ايده و تمت تبوسه و كانت تبكي بهستيريا: لااااااااااااا لاااا ابويه الله يخليك لا تردوني له ما ابغيه والله ما ابغيه دخييييييييييييييلك يا بوووي دخييييييلك
بوفهد عصب زووود و شال ايده عنها بقوة و راح لعند احمد اللي عيونه بالارض اللي كان منقهر من راشد و ابوه و امه
بو فهد يتوعد لاحمد: شوووووف يا احمد و الله ثم و الله ان نامت اختك فهاليوم ببيتي لا تلوم الا نفسك فاهم
ظبية صارخت: انتووووو شوووووو حرام عليكم و الله حيلي منهد و انتو مب راضين ترحموني قلتلكم راشد ما ابغيه خلوووه يطلقني
بو فهد كان بينزل لها يضربها لكن احمد مسكه و قال: خلاااص ابويه برجعها بس لازم تعرف اللي انتو تسووه فيها الله ما يرضى فيه
بو فهد بصرامه: عيل اللي سوته اختك مسوده الويه يرضي الله
ظبية بققت عيونها و دموعها سياله على خدها و تاشر على عمرها: انا انــــــــــا شو سويت و الله العظيم ما سويت شي
بوفهد يطالعها بقرف: احمدي ربج ان راشد متفهم و ساتر عليج خسارة التربية فيج و الله الود ودي اعدمج من الوجود و ارتاح من فضايحج
احمد يطالع ابوه مستغرب: ابوي شو هالرمسه ظبيه شريفه شو تقصد من رمستك اللي قلتها
بوفهد: اسال اختك و اسال سعيد
راح بوفهد عنهم لداره و تمت ظبية تطالع اخوها: و الله و الله من يوم ما تزوجت و انا ما ادري شي عن سعيد لا تصدقهم هذا اكيد الجلب راشد قاص عليهم بالكلااام يبا يدافع عن نفسه آآآآآآآآآآه يا ربي الين متى بتم اعاني
أحمد يرفع عينه للسما و يقول: يالله يا رب عبدك ضاقت عليه دنياه يا رب ارحمنا يا رب ارحمنا>> و راح عقبها يودي اخته لبيت زوجها

راشد راح قال لابو فهد و ام فهد ان بنتهم تكلم سعيد من وراه دووووم يعني تخونه و ام فهد و ابو فهد كرهو بنتهم و السبه راشد و هم يحترمو راشد عسب يستر على بنتهم و ما يفضحها و تسود عقب سمعتهم و تهتز صورة عائلتهم جدام الكل,,طبعا انتو مثل ما عارفين ان ظبية بريئة ما سوت شي من اللي قاله راشد بس هو سوى جيه لانه ظبية كانت تحب سعيد و رفضته بالبداية بسبته و من جيه هو يكره ظبية




ظبية تصير اخت احمد و عمرها 22 سنه متزوجه من ست شهور و اللحين هي حامل فشهرها الثاني تزوجت من راشد اللي عمره 26 سنه و هو وحيد امه و ابوه و هو فاحش الثراء مثل عائلة بوو فهد.. ظبية ما كانت تبا راشد بس امها غصبتها عليه لانه على قولتها ما يتعوض و خصوصا انه غني وايد مثلهم و ظبية حاولت تقنعهم بعدم رغبتها براشد الا ان بو فهد و ام فهد ما اهتمو لكلامها و خصوصا لما يا و خطبها سعيد و هم رفضوه و هالشخص كان على علاقة بظبيه يعني كانو يحبون بعض واااايد و بوفهد رفض سعيد اللي خطب بنته من بعد خطبة بنته لراشد باسبوع لانه من طبقة فقيرة مب على مستواهم و ظبيه كانت متمسكه بسعيد لكن عائلتها تمسكو براشد و عطوه كلمة الموافقة و تزوجت ظبية راشد أما سعيد فحاولت انها تنسيه لكن ما قدرت
و من بعد الملجه صارت وااايد مشادات كلاميه من بين راشد و ظبية و عرف راشد عقب ان ظبية تحب سعيد و من ذاك اليوم و هو كارهنها زووود و مب مخلنها بحالها
سعيـــــــــــــــــــد اللي كان يحب ظبيـــــــــــــــــه تراااا هو الشخـــــــــــص نفسه اللي خطب مــــــــــــــــــــــها
سعيد بعد فترة من زواج ظبية ملج على مها اللي طلقها من بعد شهر و اللحين رد يخطبها مثل ما عرفتو من القصة
لكن اللي ما عرفتوه للحين هل مها رضت بسعيد مرة ثانية و لا رفضته؟؟ هذا اللي بتعرفونه من خلال المجريات و الاحداث التالية..




قبل ما ابدا بأحداث ثانية راح اوضح لكم امور تهمكم وايد:-

طبعا اليدة اسمها عائشة تزوجت بالبداية من ريال غني و يابت منه عيال الاول اسمه عبدالله و الثاني اسمه سلطان و عقب توفى زوجها من عقب اربع سنوات و خلف ثروة جدا هائلة و املاك كثيره و اليدة عائشة ما حبت تتصرف باي شي من هالاملاك الين ما يكبرون عيالها و بعد سنه ابو اليده ما خلاها على حالها زوجها لواحد فقير كبير بالسن لان على قولته حرام هي صغيره و ما تتهنى بحياتها المهم اليده يابت من زوجها الثاني ولد اسمه عبيد و طبعا سلطان و عبدالله ما كانو يحبون عبيد ابدا خير شر و لما كبرو استلمو املاك و حلال ابوهم المرحوم و اشتغلو بالتجارة و صار عندهم مؤسسات و شركات خاصة فيهم اما اخوهم عبيد فابوه توفى من بعد خمسة عشر سنة و تم عند امه وحيد بين اخوان يكرهونه..,,

تساؤلات:-

لكن يا ترى شو السبب اللي خلى سلطان و عبدالله بعيدين عن امهم ؟؟
و ليش امهم ما طالبت بحقها من الورث ؟؟
و ليش سلطان و عبدالله يكرهون عبيد اخوهم من الام ؟؟
و ليش وصلت حال عبيد من انه يستوي ضايع بدنياه ؟؟
و ليش سلطان كان عاق بامه هو و اخو عبدالله ؟؟
و ليش تمت امهم مع عبيد و ما تمت عند عيالها سلطان و عبدالله ؟؟
كل هالتساؤلات لها جواب لكن مب اللحين ,,







نرجع اللحين لبطلاتنا:
مييرة بوناسة باينه عليها: روووووعه هاليوووم هذي طلعه و لا بلااااش بصراحه حلوه المفاجاة
ميثة: هييييييييييي انتي مهره مهره مهروووووووه و صمه بلااااج ما تردين عليه
مهره بابتسامه حلوة على شفايفها: بلااااج ما تشوفيني اطالع الجو
ميثة: عداااال شويشوي على عمرج عن تطلعين برا الجامه
منال: ههههههاااي ميثووووووه ذكرتيني بشي
ميثة بلقافة: بشووو
منال: ههه تذكرين الزلمة اللي كانت تركب معانا الباااص ايام الابتدائية
ميثة: هييي تقصدين سيرين بلاااهاا شوو ذكرج فيها غباااااااااااار هذي
منال: تذكرين لما كانت تبا تقلد رمستنا بدل ما تقول سكرو الدريشة انا بردانه قالت سكرو النافذة انا بردانه عربي فصحى على لهجة اماراتية هههههههههه
الكل: ههههههههههههههههههههههه
مها: وحليلها اسميها هاي اللي اسمها سيرين خذت حسنات من ورى حشكم عنها
مهره مستاذيه من ميثه: اووووووه ميثوووه عاااد ردي نظارتي ما شووف عدل.. مها شوووفي ميثة
مها: ميثـــــــــــــــــــــــــــــة ردي نظارة البنيه يلاااا شـــــــــــــوف
ميثة: انزين انزين حشى كلتوني تفضلي انسة مهره
و عقب نزلو للحديقة اللي وعدتهم بها مها:
منال: تصدقون و الله كشخه هالحديقة و خصوصا انها حديقة بس للحريم بدون حشرة الرياييل و صدعة اليهال يا سلااااام و الله راحه
ميثة: قووووومي رقصي بعد
منال: لا و الله عيل قومي رقصي انتي
ميثة تحط ايدها على خصرها: جيييييييه حبيبتي شو شايفتني الرقص مخلف عليه
منال شهقت: مسووووووووووودة الوووويه يعني انا اللي مخلف عليه يا الخايسة
ميثة تشم عمرها: الحمدلله انا اليوم متسبحه و ريحتي زي الفل جان انتي خايسه ما ادري و الله
مها: لاااااا حول و لا قوة الا بالله العلي العظيم ما اقووووول الا الله يعين اللي بياخذكن
ميره: هذا اكيد واحد امه داعية عليه
مهره: هههه يمكن
منال تقعد فالمريحانه و بدفاشه تقول: ويــــــــــــنه عسااااه الماحي من متى و انا قاعده اترياااه اييني و لا ياني
ميثة: مو هذا
منال: ريلي بعد منوو
مها: مالت عليــــــــــــــــــــــــــــــــــج اونه ريلي.. تقلدها
ميثة راحت تركب مع اختها المريحانه و مها قاعده هي و خواتها الباقيات يالسات على الحصير ياكلن كيك
منال تشرب عصيرها: تصدقين مهوي خاطري اشووووف ويهه سعيد بعد رفضج له
مها ببرود: الله يوفقه مع غيري
ميثة: بس انا خفت يدوه تقنعج فيه
مها: هي قالتلي اصلي استخارة و انا صليتها اكثر عن مرة و ما ارتحت لسعيد و عقبها رحت ليدوه و قلتلها اني ما ابغيه و اني صليت استخارة و ما ارتحت له
مهره: انا تعيبني يدوووه لانها وايد لانها متفهمه و ما تغصبنا على شي نحن ما نبغيه
ميثة: هيه و الله نحن من غيرها نضيع
منال: الله لا يحرمنا منها
الكل: امين
شوي كان يرن تلفون مها
مها: هذي يدوه فديتها متصلة >> يرت منال التلفون من يد مها و ردت على يدتها
منال تستهبل: hello how is speaking?? ( مرحبا من المتحدث)
اليدة تطالع الرقم,, هو رقم مها و لا هي مغلطة و ردت حطت سماعة التلفون على اذنها: ويديــــــــه مها شله تحيسين لسانج بهالرمسة المخبقة
منال كانت محطية سبيكر و الكل ميود ضحكته: sorry, I cant understand you ( سوري ما افهم شو تقولين )
اليدة سكرت بويهها و البنات ناقعات ضحك
الكل:هههههههههههههههههههههههههههههههههههههههههه
منال: ههههههههههههههههههههه ردت تتصل ردت و تحط صبعها عند حلجها يعني تقولهم يسكتون
منال: الـ....
قاطعتها يدتها و بدت تهازب: وين بنتي مها ويـــــــــــــــــــــن سيري ناديها يا الحراميه شووو سويتي فيها هــــــــــــــــــــاه و الغبرات اللي كانن وراها وينهن ما اسمع لهن حس انتي اكيد وحده حراميه سارقه تلفون بنتي و شو سويتي بمهره و ميره وينهن يعلج الحووووووووووم قولي امين انتي اكيد وحده من هالعنقريز الخايساااات انفففف عليييييج
البناااااااااااااات خلااااااااص كلهن ميتات من الضحك على رمسة يدتهن :هههههههههههههههههههههههههههههههههه
مها قبضت التلفون و رمست يدتها: يدوه ههههههههه الو ههه
اليدة: مها امــــــــــــــاية فديتج رديتي وينج انتي
تقاطعها مها: ههه يدوه هذي منال كانت ترمسج بالانجليزي مب وحده حراميه ههههه
اليدة بدت تتحرطم: وينها وينها مسوده الويه بس وين بتروح عني هالغبره و انتن متى بترجعن البيت يلااا بسكن هوامه بعد ربع ساعه اباكن بالبيت تكونن موجودات يلااا
مها تطالع البنات: بس يدوه نحن تونا الا نزلنا الحديقة ما يدوبنا نستانس و نحن طالعين الظهر بس لانه ما فيه زحمه خلينا شوي نتم و عقب بنرجع
اليده: يا بنيتي انتي شوفي كيف الغيم ما شاء الله انا اخافها تمطر و انتن بعيد عن عيني ردن فديتكن اخاف يصيبكن شي لا تخلوني احاتيكن زوود
مها حنت لكلام يدتها: خلااص الغاليه اللحين بنرجع يلااا فديتج مع السلامة
اليدة: بحفظ الرحمن بنيتي و هالله هالله بالسواقه مب تسرعين
و سكرت اليده عن مها
منال: لاااااااااااا شووو هاااااااا ما تمينا الا ربع ساعه يمكن
ميره: حرام عقب بتحاتينا زوود يدوه خلونا نسير كفايه ان هي بروحها بالبيت
ميثة مسكت ايد منال و تجدمن عن الباقيات اما مها رتبت الحصير و ميره و مهره شلن الكيك و العصير بيكملن اكل بالسيارة




في بيت ريم
ريم: أخ يا القهر اخ بس شووو اقووول دوووم حظها يكسر الصخر
سارة:و انتي شعليج منها ميرة بصراحه حلوة حيل من حقه جاسم ينعجب فيها
ريم بقهر و حقد: بنت الفقر ما ادري شو شايف فيها
سارة وقفت و سارت حذال ربيعتها: و انتي من متى و تفكرين بجاسم تراج تكلمين الف غيره
ريم بغيض: بس هذي النتفه ما تستاهله
مريم : و انتي شو حارنج خليه عنج انتي عندج الف غيره و لاا عشان هو حليو و ولد عززز
ريم: حتى انا حلوة و بنت ناس و عز الحمدلله الله منعم علينا بالخير صح مب شرات عايلة جاسم بس بعد قهر يلتفتت لذيج و انا ما يهتم فيني
سارة: و الله ما عندج سالفة
ريم: بمووووووووووووووت من القهر
ريم تفتح شعرها الطويل الناعم و تلتفت عليها سارة: عيل هو ليش يتصل فيج للحين دامه عايفنج
ريم: هه عشان حبيبته المصون الشيخه ميرة مالت عليها
سارة استغربت: لا و الله و انتي شو اللي حادنج تنقلين له اخبارها
ريم: تخيلي انه هددني اذا ما قلتله عن ميرة راح يفضحني عند ابوي
سارة: و انتي شراح تسوين اللحيـــــــــــــــن
ريم: ما ادري يا سارة ما ادري بروحي تايهه بدوامه ما اعرف وين بتوديني
سارة: و انتي ريـــــــــــــــم الــ.........ــي معقوله تستهمين بسبب وحده كنتي دوووم تمسخرينها جدام الطالبااات
ريم: لو اذبحها اللحين ما بشفي غليلي منها تصدقين من القهر قلتله عن التشوه اللي بيد ميره تصدقين انه ما اهتم
سارة: ويــــــــــــــــه هذا صج يحبها
ريم: ويــــــــــع مشوهه شو يبا فيها
سارة: لاااا تبالغين انا شفت ميره فحفلت اليوم الوطني اللي كان بمدرستكم و شفت الحرج اللي كان بيدها اصلا مب وااايد و اللحين بدا لونه يخف عن قبل و على قلولتج هالتشوه ما غطى و لو ربع من جمالها ما شاء الله عليها كل شي فيها ينعد له قصيد هي و اختها ام النظارة الكبيره>> تقصد مهره هههه
ريم اللي بدت شوي تنسى جاسم و قالت: قصدج الدكتووووورة مهره
سارة: الا عطاري مهروه هذي البنت تذبحني بهدوءها
ريم: خليها هالثانيه تولي و قوليلي شو رايج لو صبغت شعري
سارة: شوووووووو تبين راشد يذبحج >> ترا راشد هو نفسه زووج ظبية لو تذكرونه
ريم تضحك بمكر: هههه
سارة: شله تضحكين بعد و فكرة الصبغ شيليها من بالج
ريم: اوووكي اوكيي خلاااص كلتيني ما بصبغه انا قلت شو رايج يعني مب اكيد
سارة: الا ما قلتيلي اليوم بتفتحين شعرج و لا تبينا نروح الصالون
ريم: مممم بصراحه يبالي اليوم اروح الصالون لازم افاجأ راشد بلوك حلو اليوم
سارة: خلاص عيل قومي اللحين نروح يبالنا ساعتين الين ما نخلص فالصالووون


ريم الـــ.......ـــي وحيدة امها و ابوها اللي دوووووووم لاهين عنها و عاطينها الخيط و المخيط تتصرف فكل شي على هواها و ربيعتها سارة و عمرها 20 اكبر عن ريم بسنتين











ردت ظبية بيتها و على طول حدرت قسمها قبل ما يشوفها راشد و يعرف انها ردتله البيت لكن هيهات راشد ما يدري اول ما هي دخلت البيت وقف راشد سيارته بالكراج بعد ما كان عند ابوها بالشركة و جذب على ابوها بجذبته عن سعيد و طبعا احمد راح قبل ما يشوف راشد,,
ظبية راحت داخل لقسمها و فسخت شيلتها و عبايتها و سارت تغسل ويهها و يوم يت تبا تطلع من الحمام شهقت و خافت لانها شافت راشد واقف وراها و يبتسم بمكر و مربع ايده و كان مستند على الباب بحيث ان هي ما تقدر تطلع
راشد: هاه عسى بس رحتي بيت اهلج و طلعتي حرتج و ييتي و لا ما لقيتي لج سند
ظبية عيونها بالارض و كانت حاسه بالذل و الهوان و بدت تصيح و قالت : خلني امر الله يخليك
راشد تقرب منها: على وين تبين تمرين تراج ان رحتي أي مكان مالج الا انا و بـــــــــــــــس
ظبية طالعته بعيونها و كانت خايفة: عندي اهلــــــــــــــــــــــــــــــي كلهم
راشد مسك ايد ظبية و هي كردة فعل زاغت و افلتت منه و طلعت من الحمام و سارت عند الكبت بتطلع لها ثياب و ردة تطالعه و شافته وراها
راشد وقف وراها و مسكها و قعد يشم شعرها اللي كان مبطل بطوله و قالت له ظبية: راشد خلك بعيد عني>> راشد و لا كانه حد رمسه فردت مره ثانيه تعيد له الرمسه: راشـــــــــــــد وخـــــــر عني انت شوو ما تفهم
راشد تركها و قعد على الكرسي اللي كان حذالها و قال : صدقيني كل اللي تسوينه فيني راح تدفعين ثمنه غالي يا ظبية سمعتيني غالــــــــــــــي >> و شدد على هذه الكلمة و طلع
اول ما طلع راشد رن تلفون ظبية و راحت على طول تشوف لكن اتفاجات ان الرقم غريب فما حبت ترد فخلته و دخلت الحمام تاخذلها شور


أما راشد فركب سيارته و راح للمكان اللي هو و ريم بيتلاقون فيه
أما سارة و ريم فطلعن من الصالون وركبن سيارة سارة الرنج,,
سارة: يا ويلي يا ويلي و الله طالعة قمر
ريم: هيــــه عاد ان شاء الله يملى بعين راشــــــــــد
سارة: لا لا ما عليـــــــج بيملى بعينه
و عقب ما وصلن المكان اللي راشد اختاره نزلن
و سارن عند راشد اللي كان صج صج كاشخ و من الخاطر بعد
ريم اول ما شافته استانست و رسمت على شفايفها ابتسامه حلوة
سارة اول ما وصلت ريم عند راشد غمزة لراشد بدون ما تلاحظ ريم و قالت: يلاااا عيل مدام انتو مع بعض انا بروح مشوار و برد بعد ساعه و نص
ريم خزت سارة بعيونها و قالت و هي تهمس لسارة: شو ساعه و نص وااااايد اخاف اتم معاه وايد هذا بروحه شري
راشد على الطاير فهمها: جيـــــــه بكلج انا تراني الا انسان مثلج قعدي اشوووف يلااا
و قعدت ريم على الكرسي و عقبها ابتسم راشد لسارة بخبث و سارة ردتله بنفس الابتسامة و سارت عنهم
راشد يطالع ريم: ما بتفسخين الشيــــــــــلة
ريم: هــــ ـــاه
راشد: شو لزمة الشيلة اصلا عليـــــــــج دام انها كاشفه نص شعرج يــــلا فسخيها
ريم بدون تردد فسخت الشيلة و العباية مرة وحدة و قعدت سوالف و ضحك مع راشد
و بعد فترة من سوالفهم
راشد سال ريم: الا ريماني ما قلتيلي وين السي دي اللي قلتيلي عنه
ريم: افا عليك موجود >> فتحت الهاند باك مالتها و طلعت السي دي و عطته راشد
راشد: عفيــــــــه عليـــــــــــج >> و طلع لابتوبه اللي كان يايبنه معاه و فتح السي دي و قعد يشوف الللي فيه
ريم: هـــاه شو رايك بالصور
راشد قاعد يدقق بالصور: هذيــــــــــل ربعج ؟؟
ريم: هيــــه بصحارى و هذيل كلهم من شلتي
راشد تم يفر من صورة لصورة الين ما وقف عند صورة بنيه تم مبهت باعجاب فيها طالعته ريم مستغربه و راحت لعنده تبا تشوف الصورة اللي وقف عندها
راشد: فديــــــــت عودها يا ربــــي كسرررررررررتيـــــــــــــم هالبنيه منـــــو هاي السمرة؟؟
ريم اضايجت: يا ربـــــــــي انا متى ربي يفكني من بنت الفقر هــــذي هي و اختها
راشد: بذمتج و الله,, ما يبين عليها انها بنت فقر من وين يايبه كل هالجمــــــــــــــــال انا اشهد انها ما خلت شي من الجمال للبنات كل الحلا فيها اقول اتصلي بربيعتج المزيونه هذي ابا اسمع صوتها
ريم باشمئزاز: بنت الفقر هذي وين لها موبايل عسب اتصل لها و بعدين تخسي تكون ربيعتي اصلا مب انا اللي مصورتنها هذي اكيد وحده من ربيعاتي مصورتنها و لا انا شولي فيها
راشد يدقق بصورة البنية بهيام و قال: انا ابغيها هالبنيه
ريم انصدمت: نـــــــــــــــــــــعم
راشد: اللي سمعتيه
ريم: لا حوووول انا افتك من ذاك و اللحين ايني هذا اونه يبا ام النظارة الكبيرة
راشد ما مهتم لرمستها كل اللي مهتم فيه بالبنيه اللي شاف صورتها و بس
راشد: الا ما قلتيلي شو اسمها هالحلوة
ريم بقرف: مهـــــره
راشد: مهره,, خلاص انا هالبنت حطيتها ببالي
( تذكرون لما قلت لكم ان ربيعة موزة كانت تبا تسير الحمام يوم كانو بالرحله و سارت وياها مهره عسب تعدل شعرها اللي كان شوي متبطل,, الصورة اللي شافها راشد شاف مهره و هي مبطله شعرها كامل عسب تعدله و وحده من ربيعات ريم مصورتنها بدون علمها و اللحين راشد حط براسه مهره و بنشوف شو راح يصير على جدام من الاحداث المعقدة شوي)

◊♥الجـــــــــــــزء الثالث◊♥

نرجع لبيت البنات:-
ميره: لا تحاولــــــــــــــــين
مهره: ميره يا ميره حرام عليــــــــــج لا تغصصين فينـــــــــــي قلتلج يلا سيري افتحيلج كتاب يلاااااااا
ميره: مليت من الدراســـــــــــــه
مهره: بس انا وانتي اخر سنه و لازم نييب نسبه عاليه و لا نسيتي اتفاقنا
ميره ببرود: لا ما نسيت
مهره منقهره من برود اختها: ميـــــــــــــــــــــرووووه نحن اللحين بشهر ثلاثه ما باقي الا شهرين ندرس فيهم و شهر سته نمتحن النهائي و خلاص,, انتي متى بتحسين هــــــــــــــاه>> و تسير و تبند التلفزيون عن اختها و تسير تيلس عدال اختها
ميره: لـــــــــــــــــــــــــــــــــــــا حرام عليج ليش بندتيه توهم بيطلعون اللقطة اللي كنت اترياها
مهره ترمس بجديه اكثر: نسيتي اللي نحن كنا مخططين علشانه
ميره: لا ما نسيت بس..
فجأة دخلت مها معصبة : شفتووووووووووهم اللي دوووووووووم تسالووون عنهم شفتوووهم شووو سووو بالفقيرة المسجينه
منل و ميثة سمعو صراااااخ مها و راحو يشوفن شو اللي صاير
منال بخوف: خير بلاااج تصارخين
ميثة: عسى ما شر طمنينا
و راحن ميره و مهره و وقفن حذال مها اللي كانن دموعها تعلن من انها تنهمر على خدها
مها تاشر على يدتها اللي كانت صوب المطبخ فارشه الحصير و قاعده هناك تسبح بالمسباح مالها
مها و مازالت تاشر على يدتها: شفوووو هالفقيره شوو سوو من وراها و هي المسجينه مب داريه عن شي >> بدا صياح مها يزيد شوي و دخلت داخل غرفتها
و البنات لحقنها داخل
مهره: خبرينا مها عاد شو اللي صار ليدوووه لا تخوفينا عليها شووو اللي صاير
مها منقهره و حدها معصبه: منووو غيرهم عمي المصون سلطان و عمي الثاني المحترم عبدالله رااااحو و كتبو بالجرايد ان امهم متوفية
الكل انصدم: شــــــــــــــــــــــــــــــــــــو
ميرة: كيف جيــــــــــــه
مها محترقه من الغيض: هـــــــــــــاج الجريده شوووفي هاللقاء اللي مسوينه عن مشروعهم التعاوني اليديد اللي ببوظبي و شوفي شو قالو عن امهم لما سألوهم عنها
مهره مسكت الجريدة و لبست نظارتها الطبيه و حددت لها مها وين مكتوب عن اليده و قرات لهم مهره و عقب عم السكوت لدقايق
منال مسكت الجريدة و قرات مرة ثانيه تبا تتاكد من اللي قراته لهم مهره
منال بغيض: مالـــــــــــــــــت عليهم باثنيناتهم صج هالعم ما يستحي كيف يقول عن امه انها متوفيه من زمان و ما حصل منها التشجيع اللازم لشغله لما سالوه اذا كانت تشجعه هو و عمي عبدالله على هذا المجال
لما قالت هالكلام و رفعت راسها شافت البنات يطالعن وراها صوب الباب منصدمات فصدت منال وراها و شافت يدتها وراها سمعت كل اللي قالته منال و كانت تصيح بهدوء
كلهم راحو عند يدتهم
اليده عيونها تتغرغر من الدموع: انا ولادي حشاشه يوفي يسوون فيني جذه ما كفاهم اللي سووه فيني و اللحين لما كثر خيرهم انكروني بالاول و اللحين توفوني
ميثة رفعت راسها بعد ما كانت دافنه عمرها بحضن يدتها: انكـــــــــروج كيف يعني انكروج
اليدة بدت تتذكرو قالت لهم باسى و حزن باين على ويهها: قبل خمس سنين لما توفى ابوكم الله يرحمه رحت لهم الشركه لاني ما ادل بيتهم رحت لهم عسب ادور معين لكم كنت خايفه عليكم اكثر من روحي كنتو دوووم تهموني فكنت ابغي حد من اعمامكم يهتم فيكم و يداري عليكم فقلت لنفسي اروح اسال عن شركتهم لانها معروفه فاكيد بيدلني حد على مكانها و يوم لقيتهم رحت لهم مكان ما يشتغلون و عقب شفت ولدي عبدالله و سلطان كانو طالعين من غرفه اسمها غرفه الاجتماع على قولة السكرتير اللي شفته و قالي ان عندهم ناس مهمين وايد بالنسبه لهم فأنا اول ما شفت عبدالله و سلطان وقفت من على مكاني و ناديتهم و قلت: سلطان يا وليدي.. تعرفون شو قال,, قال للي عنده: انا جم مرة قلت لكم الشحاتين ما يدخلون داخل الشركة.. و انا من سمعت كلامه قلت يمكن عبدالله يطلع اخير عنه فرحت لعبدالله و مسكت ايده فبعدني عنه و قال لجماعته شوو هالاشكال الوسخه الللي تدخل الشركة.. و امر حد من جماعته يظهرني برع الشركة و انا حالي ما كان حد يعلمبه غير خالقها كنت ابكي و دموعي على خدي لكن هم انكروني و سو اعمارهم ما يعرفوني,, ما يبون يعترفون فيني اني انا امهم جدام الناس اللي كانو عندهم..
البنات كلهم كانن يصيحن مع يدتهن لما كانت تحكي لهم اللي صار قبل خمس سنين و كانن صج منصدمات عل الاخر
تكمل لهم اليده: اخـــــــــــوهم اللي هو ابوكم لما توفى ما يوو حتى يعزونه >> و مسحت اليده دموعها بالشمد اللي كانت لابستنه ( الشمد يعني شيلة الصلاة)


لا تقـــــــــــــــــو لـــــــــــــــــــون هالاشيـــــــــــــــاء ما تستوي <<
>> إلا تستــــــــــــــــــــــــوي بالواقع و في حالات افضع من حال اليــــــــــدة





رد راشد البيت على الساعة ثمان فالليل و سار يدور على ظبية لقاها فوق قاعدة تشوف التلفزيون و قعد حذالها
راشد: مساء الخير
ظبية من ورى خاطرها : مساء النور
راشد: بـــــــــــلاج بعد مادة البـــوز
ظبية: ما فيني شي
راشد: لا فيج شي
ظبية: اففف غصب يعني تطلع فيني شي
راشد حط ايده على ذقنها و رص عليها شوي
ظبية: اااخ هدني راشد هدني
راشد: لما اكلمج تردين عليه باحترام فاهمه و لا لاااء
ظبية بعناد: لاااااء مب فاهمه شو بتسوي يعني
راشد مسك شعرها : انا ترادديني ياللي ما تستحين على ويهج >> عقب سمع صوت مسج من فونها هدها و راح لتلفونها و ظبية بدت تخاف و خصوصا ان راشد وايد شكاك
راشد فتح المسج و راح لها و مسك معصم ايدها بقوه و قال لها بحده و غيض: من منووووو هالمسج
ظبية ترتجف و بدت تصيح لانها تعرف ان لما يعصب ما يعرف اللي جدامه مووول: ما ادري
راشد: منو صاحب هالرقم 050 – 332****
ظبية: و اللــــــــــــه ما ادري والله
راشد و الشرار يطلع من عيونه: يعني ما بتقوليـــــــــــــــــن و لا شــــــــــو
ظبية بدت تصيح بشده لانها عارفة راشد عدل: قلتلك و الله ما ادري عن صاحب هالرقم و الله ما ادري
شوي الا و يسمع راشد رنه مسج مرة ثانية و تم يقرا المسج اكثر من مره عقب قراه لها و الشرار يعلن بالانفجار من عيونه
( ظبية حبيبتي انا سعيد ليش ما تردين على اتصالاتي )

ظبية اول ما سمعته يقرا المسج خلااااااااااص الخوف تملكها و ضربات قلبها زادت و انفاسها يالله يالله تتنفسها انصددددددمت حيل لانها ما كانت تتوقع من انه يكون سعيد
راشد تم يضرب ظبية ضرب اليهد ما كفاه الثلاث كفوف اللي عطاها ايااها لازم يبرد حرته فيها زوود تم يضربها بدوون رحمه و هي تصارخ و مب قادرة تشل بعمرها
راشد معصب على الاخر: ياااااااا الحثاااااالة يا الـ...... ايا اللي....... تخونيني جدام عيني يا الـ..... >> و تم يزيدها من الضرب و هي تصيح صياااح يقطع القلب
راشد مسكها من شعرها و سحبها للغرفة و ظبيةخلاااص ميته من الهلاك: راااااشد ابووووووس ايدك هدني هدني بموووووت الله يخليــــــــــــــك هدني ارحمني بموووووت آآآآآآآآه هدني الله يخليك ابغي اتنفس شوي آآآآآه
راشد بصراخ و بدون رحمة: جــــــــــــــــــــب اقووووووووووووووولج انتي اخر وحده تتكلمين انتي شكلج ما بتهدين سعيد الا اذا قتلته على ايدي يا الـ....
ظبية بحرقه الم": قلتلك من قبل اني ما ادري عنه أي شي من يوم ما تزوجتك و اللــــــــــــــــــــــــه ما ادري شي ما ادري شي دخيــــــــــــــــــــــــلك افهمني
راشد يصارخ اكثر: جذابــــــــــــــــــــــــــــــة انتي خـــــــــــاينه يا الـ.. بس و الله لراويــــــــــــج يا ظبية ان ما عيشتج بجهنم عندي و الله ما اطلع رااشــــــــــــــــد بتشوفين بعد بخليـــــــــــــج تكرهين كل شي حواليج و بنسيج سعيد على طريقتي و هالحقير الثاني مطرشلج مسج و ما ادري شو و لا و الحبيب يتصلج بعد و اونج عاااااااد انتي نسيتيه يا الجذابه بس مثل ما قتلج يا ظبية بخليج ذليلة عندي بمسح بكرامتج الارض يا الـ......
و عقب طرحها على الارض و سار عنها و تمت هي تصيح من خاطرها و جسمها خلااااص هلكان من الالام اللي فيه








بعد اسبوع فبيت بو فهد:

دخل فهد سيارته داخل كراج الفلة و سار وين ما كان ولده منصور اللي كان قاعد يسبح مع عمه محمد و احمد في المسبح الكبير,,
فهد ياي قبالهم و هو مبتسم: فديت منصور اناااا
منصور ياشر لابوه و كان مستانس من الخاطر: ابويـــــــــــــه تعال اسبح معانا
محمد: فهـــــــــــــد تعال تعال و الله وناسه و الجو حلو اليـــــــــــــــــــــــوم
فهد: ههه لا برايكم انا بروحي تعبان من الدوام بروح اريح احسنلي
منصور: ابويه لا ترقد اليوم من وقت عموه نورة طابخة لنا
فهد: اوه نورة داشة المطبخ لا لا اكيد صاير فيها شي اليوم
احمد: ههه و الله ما يندرى شو وراها
منصور: ليش تتكلمون عنها و هي محد انا عموه قالتلي ان حد قال عنها شي اروح اخبرها
محمد يمسك شعر منصور اونه بيمطه: و انت يا الرويتر متى اشتغلت هالشغله
فهد: بويه منصور ان قالت لك شو قلنا من وراها قول لها ان نحن قلنا عنها حمارة القايلة
احمد: ههههههههههههههه لا حرام عقب بتعطي منصور كف على ويهه
فهد: هيه قصورها تضربه كان تباني اكسر لها ايديها
يات نورة لهم: سمعت انكم تطرون ايد حد
محمد: لا كنا نقول تسلم ايد اللي سوى العشى اليوم >> يالخريط
نورة: انزين و شو اليديد يعني تراها الا كارينا كل يوم تسوي العشى
احمد: شميينا ريحة خبر انج داخلة المطبخ تطبخين
نورة بغرور: انــــــــــــــــا تباني ادخل المطبخ اطبخ لكم
محمد يقلدها يوم ترمس و يوم تعدل شعرها على ورى بخقة و يمط برطمه على جدام: انــــــــــــــــا تباني ادخل المطبخ اطبخ لكم,, عدال لا يطيح برطمج علينا و نتكسر
فهد: ههههههههههه و الله حاله بنات اخر زمن
نورة: عوذ بالله بلاااااكم كلكم جيه منهدين عليه احسنلي اسير داخل و احط كريم مرطب على بشرتي بعده احسن من مقابل ويوهكم >> سوت لهم مالت و راحت
محمد دوم يناقر باخته: من حلات ويهج يا الشيفة
نورة كانت سايرة عنهم لكن لما سمعت كلام محمد وقفت و صدت على ورى كانت تبا تناقره لكن فهد عطاها نظرة فخافت و كملت طريجها
احمد: ههههه و الله دلع البنات غير هالايام ما ينعرف له
محمد طلع من المسبح و قال و هو يقلد نورة: احسنلي اسير داخل و احط كريم مرطب على بشرتي بعده احسن من مقابل ويوهكم و سوى لهم مالت
الكل تم ناقع من الضحك: ههههههههههههههههههههههههه
منصور: عن منو تتكلمووون
احمد: عن عموه نورة
منصور ببراءة: هيـــــه يعني حمارة القايلة
الكل انفجر من الضحك: ههههههههههههههههههههههههههههههههههههههه
فهد: هههه هالولد حده عجيب فديته,, منصور حبيبي يلااا اطلع من المسبح انت و عمك احمد يلااا نسير داخل
احمد كان ماسك منصور فطلعه من المسبح فراح منصور نط على ابوه و هو مبتل بالماي
فهد يحب ولده وايد فباسه على خده: منصور مب جنك بللتني معاك
منصور: هههههه
احمد: خذ هالفوطة لولدك
مسك فهد الفوطة و لفها على ولده و راحو كلهم داخل


طبعا ظهرت شخصيات يديده منها نورة عمرها 19 تدرس بالكلية و اخوها محمد عمره 18 يدرس بالثالث ثانوي ( علمي ) و فهد زوجته متوفية من ثلاث سنين و كان اسمها دانة توفت مباشرة من ولادة منصور اصلا الاطباء حذروها من قبل ان الحمل خطر عليها وايد لكن هي ما سمعت كلامهم و خلت حملها الين ما ولدت بمنصور و ماتت و دانة تطلع اخت جاسم يعني بنت عم فهد و فهد مب راضي يتزوج مول من عقب وفاة دانة و امه دووم تحن عليه يتزوج لكن هو لا حياة لمن تنادي و اللحين هو عمره 29 سنة





مها و مهره و منال راحن العيادة الخاصة عسب يسوون فحص لعيون مهره و يفصلون لها نظارة يديده أما البنات الباقيات فتمن بالبيت مع يدتهن فميره ما يت وياهم لانها ما خلصت مذاكرة فيزيا فتمت بالبيت مع ان هي ما تفارق توامها مول اما ميثة فتمت تسوي لهم العشا..
منال كانت تطالع العيادة حوالينها اول ما دخلو: يا سلاااام شو هالعيادة الراقية
مها صدت لها: الناس تكره العيادات و انتي قاعدة تتمدحين فيهن
منال: شو اسوي بنت فقر خليني اشوف حواليني اشياء ارقى مني و اتمدح فيها
مهره تاشر على الممر: مها من هذا الصوب صح
مها: هيه يلاااا تعالي وراي
مهره و منال راحن وراها
و يوم وصلن لمكان الدكتور قالت لهم منال انها بتترياهن برع حذال الغرفة
منال كانت قاعدة على الكرسي اللي مجابل لباب الدكتور اللي خواتها دخلن عنده
و كانت تتلفت يمين و يسار تدور على الحمام فعقب راحت تدوره
فيوم هي كانت تمشي سيدة كانت لافه راسها على جهة اليسار يمكن تحصل لافتة الحمام النسائي لكنا و بدون سابق انذار دعمت بواحد طويل و عريض
و منال الملسونه على طول شبت ضوو و بدت تتحرطم: فتــــــــــــــــــــــح عينــــــــك زيـــــــن يــــا العَمَيْ
و كانت هي حاطه ايدها على يبهتها و منزلة راسها: أأأخخ عنـــــــــــــبو داعمه حديده انا
حمدان هزبها: هـــــــــــــــــــي انتي عنبوج مب لسان عليــــــــــــــج احمدي ربج اني ساكتلج من البداية محد قالج تبحلقين على البيبان اللي بالعيادة و ما تطالعين جدامج يا الحوووولــــــه
منال قلبها ما كان يقول دق دق دق لا كان يقول طاااااااااخ طاااااااخ طااااااخ البنيه صج خافت ما كانت محطيه ببالها انه بيطلع مواطن فرفعت راسها تبا تتاكد اكثر فهو ما شاء الله كان طويل وايد و هي رفعت راسها للقمة عسب تلمحه
و على طووول لما شافته عطته ريــــــــس و راحت ركض بعيد عنه و عبايتها كانت تطير وراها و هي وحليلها حدها مفتشلة
حمدان ضحك من خاطـــــــــــــرة على البنيه و على خبالـــــــها فراح طلع برع العيادة بعد ما حددله الدكتور العدسات الطبية المناسبة لعيونه
مها و مهره تمن حوالي عشرين دقيقة و عقب طلعن و طبعا خذو من الدكتور القياسات الطبية للنظارة و اللحين بيروحون لمحل النظارات عسب يفصلون نظارة مهره
يوم ركبن السيارة
منال كانت للحين بعدها زايغة
مهره: منال منـــــــــــال بلاااااااج مويمة
منال حبست دموعها بعيونها و ردت عليها: لا ما فيني شي
مها وقفت صوب محل اللي موجود فيه النظارات و العدسات
مها: يلااا انزلن
مهره نزلت لكن منال ما طاعت قالت لهم بتترياهن بالسيارة
عقب ما راحن مها و مهره داخل محل النظارات وقفت سيارة حذال سيارة قوم مها و بهاللحظة منال تراجعت عن قرارها و قررت انها تلحق خواتها داخل المحل فلما يت و فتحت الباب فتحته بدفاشه فدق على السيارة اللي حذالهم
منال شهقت و صج بغت تصيح اللحين
فالريال اللي كان بالسيارة طلع منها و هو نفس الشخص اللي دعمته بالعيادة
حمدان اتفاجأ بشوفة منال و قال بانفعال: انتـــــــــــــــي بعد شو ليكون ملاحقتني وين ما اسير
منال قلبها طاح فبطنها من الروع بس مب منال اللي تسكت عن حقها فقالت لنفسها ترد عليه احسن
منال: ليش ان شاء الله شو شايفني فاسخه الحيا عسب الاحقك من زينك اصلا يمكن انت اللي لاحقني مب انا
حمدان تفاجأ من جراتها فعقد حياته و قال لها: انا الاحقج شو ابا فيج لا حلاة و لا انوثة و لا شي فيج يجذب انتي على شو شايفه عمرج >> جذااااااب بس يبا يقهرها
منال طالعته بكل ثقة و كانت صج محترقه من كلامه فردت عليه: يكفي اني بنت و مالي مثيل و عن الكل مرتفع شاني ياللي ما تعرفني مالك الحق انك تحكم عليه لكن انا بنت اصول و ما برد عليك فمووووت بغيضك >> طاعته بتكبر و عقب سارت عنه داخل المحل عند خواتها
حمدان انصعق اول مرة جيه بنت ترد عليه بكل ثقة فالمجادله هو كان بيروح محل النظارات لعدساته غير عن اللي دخلو قوم مها لكن لما شاف ان منال دخلته قرر ان بعد هو يدخله
لكن قبل ما يروح اتصله اخوه
حمدان: هلا جسوم
جاسم: ويـــــــــــــــــــنك يلااا تعال تاخرت علينا وايد ما صار فحص عيون هذا
حمدان: هههه يلااا يلااا ياينكم عطني نص ساعة و بكون عندكم
جاسم: يلااا عيل بحفظ الرحمن
حمدان و عيونه على منال اللي طلعت و هي و خواتها من المحل: الله وياك
حمدان تحسف يوم شاف منال راحت عنه
مهره لمحت حمدان لما يدخل المحل قبل ماتركب السيارة وعلى طول يا على بالها الشخص اللي شافته صحاري اللي قالت عنه ميره لما كان يضحك عليها ( اللي هو جاسم )
مهره كانت قاعده ورى عند منال فهمست لها : منوووول منوووول لحقـــــــــــــــــي
منال: شوووفيج طيحتي قلبي
مهره: شفتي هذا اللي توه دخل المحل اللي نحن طلعنا منه
منال قلبها بدا يرقص من الخوف: بلاااه
مهره: يشبه الشخص اللي........ >> و خبرتها بالشخص اللي كانت تقصده
منال: بذمتــــــــــــــــــــــــــــــج
مهره: اقولج كوبي منه
منال حطت ايدها على حلجها: يا ربـــــــــــي شو هالصدفة الخايسة
مهره مستغربه: شو دخل الخِياس بالصدف
منال: عقب عقب بتعرفين
مهره: يمكن يطلع اخوه
منال: يمكن ليش لاااء






في غرفة نورة:-
نورة من بعد ما دخلت حجرتها سارت على طوووووووول تفتح لابها
و سيدة تدش على الـــــــــــــشـــــــــــات اللي ياما خرب الملااااايـــــــيـــــــن
طبعا نورة تحدر بنك خسفة و افتخر >> كانت تحب هالنك اونه عسب الشباب ما يفكرون بمغازلتها او لأي شي ثاني
و كانت نورة تحدر بس تسولف سوالف عادية و عقب تطلع منه
المهم دخلت كالعادة و شافت القروب اللي كانت دووووم تسولف وياه
لكن فيـــــــــــه وحده كانت ما تحب تشوفها بالشات نك نيمها "غرشوبة"
و كانت ما تطيق واحــــــــــد نك نيمه "أنا كيفي" و هو كان موجود و كانت تكرهه كره العمى لان البنات اللي
بالشات يموتن عليه و هو حده مغروووور و خقاق و مغازلجي من جذه هي ما تحبه موووول
يعني باختصار تحتقره
نورة يوم شافت أنا كيفي: ويــــــــــــــــــــــــــــــــــــــــــــــــ ــع خلني اطلع قبل ما يرفع ضغطي
أنا كيفي: ولكم اللوعـــــــــــــــــة و افتخر >> يحب يقهرها و يقول لها اللوعة
خسفة و افتخر: مب يسلموو يا الكريــــــــــــه
أنا كيفي: اقـــــــــــول الخسفة
خسفة و افتخر: جــــــــــــــــــــب لا تقووووولـــــــــــــي شي
انا كيفي: عنبــــــــــــوج خسفة و لسانج مطوله عيل لو ملكة جمال شو بتسوين يا اللوووعه
خسفة و افتخر: لـــــــــــــــــــوعة حرمتك السيلانية
انا كيفي: انتي حرمتي السيلانية
خسفة و افتخر: تهبي و الله هذا اللي ناقص اتزوجك انت يا البومـــــــــــة
انا كيفي: انتي يباااااااااااااااالــــــــــــج كف يعدل رمستج الخايسة مثلج عسب تتأدبين
نورة عصبت
خسفة و افتخر: هــــــــــــي انت ازم حدودك معاي بالكلام و بعدين تخســــــــــــــــي انت يا الردي تمد ايدك عليه
انا كيفي: والله عادي امد ايدي عليج لو كنتي حذالي لكن انتي بعيده عني و لا انتي يبالج حد يسنعج عدل
خسفةو افتخر: عداااااااال يا الأخ خليت السنع و الادب لك,, تعرف شوووووو انت اخر واحد ترمس عن الادب يا محترررررررم
انا كيفي عصب زووود: اقـــــــــــــــــول اطلعي من الشات عنبوج من ييتي يبتي لنا الضيج يـــــــــــــــــلاااااااااااا برااااااااااااا
خسفة وافتخر: كيفي بمزاجي بتم يعني بتم و اللي ما عاجبه بالطقاااااااااااااااااق اللي يطقه تفهم و لااا لااء
كان بيرد عليها لكن
حدر واحد نك نيمه "راعي الفتك " فما كتب شي
نورة استانست لما شافت راعي لانها بتقهر "كيفي" فيه
خسفة و افتخر: ولــــــــــــــــــــــكموووو ^ ^
راعي الفتك: يسلمووو
راعي الفتك: الســــــــــــلام عليكم و الرحمة
خسفة و افتخر: و عليكم و السلاااااام
كيفي انا: و عليكم السلام
خسفة و افتخر: يا مرحبا السااااااااااع شحالك راعي عسااااك بخير
راعي الفتك: بخير دامج بخير و من صوبج
خسفة و افتخر: يدوووم لك الحال انا الحمدلله بخير
كيفي تم منقهر من الخاطر منها ليش هو الوحيد اللي ما تعطيه ويه ففضل ان يتم ساكت و يشوف سوالفهم
راعي الفتك: خسفة ليش حادرة بهالنك
خسفة و افتخر: لانه يناسبني
راعي الفتك: هيه هيه على منو تقصين اصلا أي وحده تقول عن عمرها خسفه يعني هي حلوه و العكس
خسفة: هههههه الا انا ما اقووول الا الصج صدقني انا خسفة و من الخاطر بعد
راعي الفتك: يعني تشبهين مريم الغضبان
خسفة: ههههههههههههههههههههه لااااااااااااا
راعي: هههه عيل تشبهين منووووو
خسفة: اشبه عمري و بس
راعي: انتي شكلج افريقية و نفيـــــــــــــخه
خسفة: ههههههههههههههه شوووو هااا انت بسرعه تحكم عليه و بعدين ان مب نفيخه وحليلي ضعيفة
راعي: البنت اللي تقول عن عمرها ضعيفة يعني هي دبه مثل النفيخة كشفتج خلاااص
خسفة: هههه عكيفك شووووو
راعي:ههههههههه
خسفة: يلااا انا بطلع تامر على شي
راعي: وين يالسين
خسفة: مشغوووووله شوووي
راعي: يلااا عيل فمان الكريم و خلينا نشوفج
خسفة: مع السلاااااااامة ^^
"انا كيفي" صج صج صج اغتااااااض منها و بالحيل بعد لان تسولف مع أي حد و تضحك معاه الا هو
و هو صح يكلم وااايد بنات بس ما يحسب لهن حساب لان بالاصل ما مهتم فيهن و كان ما يحب اسلوب
خسفة و افتخر معاه هو يعاندها و هي تعانده
اما نورة طلعت و هي مستانسة لانها قهرت "كيفي انا"



في بيت بو فهد
ام فهد: منصووووروووه شو هالاسئلة البايخة
احمد و فهد و محمد يو و قعدو عند امهم تحت فالصالة
منصور: ابويه ابـــــــــــــويه
فهد حط منصور بحضنه: بلاااك حبيبي
منصور: يدوه ما تطيع تجاوبني على سؤالي
ام فهد: لا حشى ولدك مب صاحي اليوم ما ادري شو بلاااه
فهد: هههه بلاااه بعد اليوم
محمد: منصور اعترف شو مسوي
منصور: ما سويت شي
ام فهد: ما ادري شو فيه اليوم يسالني اسئلة غبية
منصور: انا ابويه قايلي يوم تبا تعرف شي اسال عنه صح ابويه
فهد: صح لازم تسال
احمد: منصور شو السؤال اللي سالته ليدوه
منصور: قلت لها ليش الحمار يحط كريم على ويهه >> ( ههه خربط بين نورة و الحمار )
كلهــــــــــــــــــــــــم نقعو من الضحك ما عدا ام فهد اللي مب فاهمه شي: ههههههههههههههههههههههههههههههه
ام فهد: بلاكـــــــــــــــــــــــم تخبلتو شــــــــو اللي يضحك اللحين
احمد و عيونه تدمع من الضحك: لاااا لااا هههههههه ما شي
محمد: ههههههههههههه منصور منصووور الا ما قلتلي هههههه الحمارة وينها
منصور ياشر بالطابق اللي فوق: يمكن هناكي فوق تحط كريــــــم
محمد: ههههههههه و الله انك ذيب
ام فهد: الحمدلله و الشكر بسير اجابل الطبخ عند الشغالات ابركلي
فهد: ههه منصور عيب لا تقول هالرمسة عن عموه نورة مرة ثانية انزين
منصور: انزيـــــــــــــــــــن
فهد بحنان: فديت ولدي انا
نزلت نورة و كانت كاشخه و لابسة مخور لونه احمر
منصور يزاعـــــــــــــــج: ابويـــــــة ابويـــــــــــــــــــــــه
فهد: شو بغيت
منصور: ليش قلتلي عيب اقول عن عموه نورة حمارة القايلة
نورة: نـــــــــــــــــــــــــــــــــعـــــــــــــــ م
محمد: نعامة ترفسج
نورة: منو حمارة القايلة هــــــــــــــــــــاه
محمد: و الله ولدك هذا فضايح
فهد ويهه تلون ما عرف شو يقول و احمد ماسك ضحكته بالغصب
منصور: هيه صح عموه نورة بخبرج شي ابويه قايلي اقوله لج
كلهم صدو على منصور و فهد قال الله يستر
منصور: ابويه قال اذا انتي سالتيني شو كانو يقولون من وراج قاللي اقولج انهم يقولون انج حمارة القايلة ( و عقب صد على ابوه ) و قال: خلاص ابويه خبرتها مثل ما انت قلتلي >> هههه اليهال بلوى لما يفهمون غلط
كلهم صخــــــــــــــــو و يخزون منصور بعيونهم شوي و بيضربونه الا فهد تم يضحك على عفوية ولده
فهد: ههههههههههههه نورة و الله هدي كنا نسولف و نضحك بس
نورة بوزت: عيل انا تقولون عني حمارة القايلة و تضحكون عليه
احمد ينقذ فهد من هالموقف: محشومــــــــــــــــة انتي شيخة البنات كلهن
نورة ارتفعت معنوياتها: هيه هالكلام الحلو اللي كنت ابا اسمعه
محمد: منصور تعال نسير المطبخ
احمد: ههه اقعد امي ما بتخليك تاكل شي قبل العشا
محمد: تراني ماخذ منصور عسب اتوسط فيه
فهد: هههه مسود الويه يا المصلحجي
بعد ماراح محمد و منصور للمطبخ
فهد يكلم احمد: باجر بسير لظبية و اباك تسير وياي
احمد: خلاص اوك اللي تشوفه تصدق من ثلاث ايام اتصل لها ما ترد
فهد مستغرب: و لا حتى على اتصالاتي و انتي نورة ما تكلمينها
نورة: لا و الله ما كلمتها بس انا رحت لها الجمعه اللي طافت و حالها مــــــــــــــــول ما يسر الواحد قلت لها بروح وياج المستشفى ما طاعت
فهد و احمد خافو على اختهم
فهد: شو فيها
نورة: الحمل متعبنها وايــــــــــد و غير ها كلــــــــــــه انا متاكدة ان راشد دوم يضربها
فهد عصب و قام من مكانه: الجلـــــــــــــــــــــــب دواه عندي
احمد حط ايده على كتف اخوه و قال: لا تعب عمرك هذا حتى الضرب ما ينفع عنده العوي يتم طول عمره عوي ما في الا حل واحد
فهد يطالع اخوه: قصدك الطـــــــــــــــــلاق
احمد: هيه
نورة: اصلا هي تبا الفكة منه اليوم قبل باجر بس هو ما يبا يطلقها مصر يعذبها و يتهمها بانها تخونه مع سعيد
فهد عقد حياته: بس سعيد انهينيا سالفته من زمان و ظبية يمكن نسته بعد
احمد: زوجها شكـــــــــــــاك وايد,, سعيد لما رفضناه عطانا كلمة من انه راح يترك ظبية فحالها مستحيل يرجع عن كلمته
فهد: احمد من باجر نحن لازم نتصرف نشوف حل لظبية
احمد: ترا قلتلك الطلاق ارحم لها مليون مرة من انها تعيش تحت ذمة انسان ما عنده رحمـــــــــــة














في بيت بو فيصل

ام فيصل: يــــــــــلا قومو ما صارت هذي ربع ساعة تتجهزون فيها
بوفيصل: لحظة شوي بعدي ما تبخرت
ام فيصل: الا نحن سايرين بيت بوفهد شله هالكشخه اللي مالها داعي
بوفيصل: و من متى و انا اطلع من البيت ما اكشخ
ام فيصل: و انا اقول جسوم ولدي من وين يايب هالغرور اثاري الا من ابوه
حمدان و فيصل نازلين من فوق,,
فيصل معقد حياته: يـــلا تجهزتو و لا بعدكم
و عقب نزل جاسم من فوق: لا شوووو تجهزنا بعدي ما تبخرت انا
بو فيصل: ام جاسم سيري شوفي الخدامه سوته و لا لااا
ام فيصل: ان شاء الله >> و عقب راحت


هذ عائلة بوفيصل,,
فيصل عمره 28 و هو انسان جاف جدا و اغلب الاحيان معصب و هو مب متزوج,,
حمدان سبق و ذكرته عمره 24,, و كانت لهم اخت اسمها دانه لكنها متوفية مثل ما ذكرت لكم
ام جاسم تصير اخت ام فهد ..

في بيت البنات:-
مها قاعدة تغسل الصحون بالمطبخ و مهره كانت عند يدتها تقرا لها قران قبل ما ترقد أما منال و ميثة و ميرة فكانن بالغرفة يسولفن مع بعض
ميرة فاجة حلجها متفاجأة: حلـــــــــــــــــــــــــــــــــــــــــــفي
منال بتوتر: و الله و الله شوووو تحسبيني اجذب عليـــــــــــــــــج مثلا
ميثة: سبــــــــــــــــــــحان الله شو هالصدف
منال: قصدج صدفة خايسة و يا ويهه الهيــــــــــــــــــــــس
ميرة: من صدقج يشابهه كوبــــــــــــــــي مرة مثل اللي شفته أنا
منال: بلاج مب مصدقة قتلج شافته بعد مهره و قالت لي انه يشبه الشخص اللي شفتوه بصحارى
ميثة: و انتي ليش كنتي تراددين عليه كان خليتيه يولي
ميره: هيه و الله مب من حقج ترمسينه
منال: اونـــــــــــــــــــج عاد انتي عدال ما كنج قفطي اخوه بصحارى
ميثة: يمكن مب اخوه
تدخل عليهم ميره: لا امبـــــــــــــــــــــلا اخوه لان وايد يتشابهون بس الفرق ان هو ابيضاني و طويل وايد
ميثة تطالعها بنص عين: بصراحه انتن كلكن ما تستحن و انتي مسرع ما حفظتي شكل الريال
ميره: لا يروح بالج بعيد بس حبيت ااكد لكم
منال: و اللـــــــــــــــــــــــــــــــــــــه انه يقهر.. و عقب قالت: كريــــــــــــــــــــــــه ما احبه
يوم قالت جيه كلهم صدو عليها
منال زاغت: بلاكم تطالعوني جيه.. شو اول مرة تشوفوني
ميثة تنغزها: و انتي منو عسب تحبينه او تكرهينه ان شاء الله
منال: هـــــــــــــــــــاه
مهره: من قال هاه سمع ايا العيارة انتي
منال تلحفت و قالت: أنـــــــــــــــــــــا برقد بندو الليت
ميثة تسحب اللحاف عنها: ما احيدج دياية تنامين من وقت
ميره: قولي انج تبين تغيرين السالفة و بس
منال : أي سالفة انتي بعد تبيني انا اعتبر هالحــــــــــــمسة سالفة يخسي الا هوو
مهره: خلاص انسيه تراج ما بتشوفينه مرة ثانية لشو هالكره بعد
منال تتحرطم زووود: فقته من خايـــــــــــس
ميثة: منووووووووووووووووول مبـــــــــــــــروك
صدت عليــــــــــــها منال مستغربه: على شو شيختي
ميثة: و الله و قمتي تحبين بــــــــــــــــعد
منال: طــــــــــــــاع الخامــــــــــــــه شو تقول,, و تمسك المخدة و تفرها على ميثة
ميثة: ههههههههههه ترا ما بعد الكره الا الحب
ميره: هيـــــــــــــــه و الله يمكن
مهره: الحمدلله و الشكر الكل يفسر على كيفه
منال: أأأخ بــــــــــــس لو يكون بين ايدي كان نتفته هالنتفه
مهره: هههههه اخاف العكس يصير
منال: طلــــــــــــــــــــــــــــــــعو بـــــــــــــــــــــراااااااااااااااا
ميثة: نــعم اختي عيدي ما سمعت
منال: كلام الملوك لا يعــــــــــــــــاد
ميثة سوت لها مالت و قالت: عــــــــــــــــــدال,, ترا انا طلعه مب طالعه لعنبوج غرفتي و تطرديني
منال: و انتن
ميره تاشر على نفسها و على مهره: تقصدين نحن
منال: هيــــــــــه انتو طلعن برا بكرامتكن احسن لكم,, كفاية ان هالغبره رافعة ضغطي
ميثة: ههههه طلعو عن ترتكب فيكم جريمة
مها تدخل متوترة
مهره: بلااااااااج متوتر
مها: يدووووووه
منال قامت من فراشها: شوووووووووو فيها
مها: و الله ما ادري شو اقــــــــــول
ميثة: خلصينا شصاير
ميره: انا بسير اشوفها
مها: لاااااا لا تسيرين لها هي مشغولة
ميرة عقدت حياتها: مشغــــــــــــــولة هي توها قايلة لمهره تقرا لها قران عقب بترقد شو اللي تغير
مها بدت تدمـــــــــــــع: بنات يدوه اليــــــــوم ما ادري شو صاير فيها كله تقعد توصيني عليكم و قالت لي انها....
منال: اوووووووه عـــــــــــــــــــــاد تكلمي خلصينا لا تخوفينا زود
مها: قالت ان احساسها بالموت قريب
الكل شهق منـــــــــــــــــــصدم
مها تصد على منال: لالالا تسيرين لها هي قالتلي انها بتكلم حد اللحين يعني مشغولة
مهره تصيح: انا حاسة بخنقة
مها: و انا بعد بمــــــــــــــوت من الخوف
ميثة تمسح دموعها: يدوه منو تكلم بهالوقت
مها: ما ادري ما ادري بس لا تسالوني بروحي متوترة هي قالتي اطلع من حجرتها بعد ما عطيتها التلفون


من الاحداث القادمة:-
يـــــا ترى شو هي الفاجعة الكبيــــــــــــــرة اللي تتريا بطلاتنا و بتغير حياتهم لحياة ثانية ما عاشوها من قبل؟؟
كيف راح يواجهون البنات الفاجعة اللي تنتظرهم على جدام و شو مصير كل وحده فيهم ؟؟
و شـــــــــــو بيكــــون مصير مهره من عقب ما حطها راشد بباله و راشد من المحال انه يخلي شخص فحاله ؟؟
و ريـــــــــــــم يا ترى شو مصيرها بعد ما تكتشف الشي اللي بيقلب حياتها جحيم ؟؟
و شــــو هو الشي الماساوي اللـــــي بيصير لظبية ؟؟
اشياء كثيرة راح تتوضح اكثر في الاحداث الياية و راح تتعرفون على اشياء كثيرة تهمكم
ان شاء الله راح ندخل بتفاصيل اكثر و احلى من الاحداث اللي فاتت..
بالأجزاء الياية

يـــــا ترى شو هي الفاجعة الكبيــــــــــــــرة اللي تتريا بطلاتنا و بتغير حياتهم لحياة ثانية ما عاشوها من قبل؟؟وفاة الجده
كيف راح يواجهون البنات الفاجعة اللي تنتظرهم على جدام و شو مصير كل وحده فيهم ؟؟عذاب واخفاء الضعف
و شـــــــــــو بيكــــون مصير مهره من عقب ما حطها راشد بباله و راشد من المحال انه يخلي شخص فحاله ؟؟مادري
و ريـــــــــــــم يا ترى شو مصيرها بعد ما تكتشف الشي اللي بيقلب حياتها جحيم ؟؟
و شــــو هو الشي الماساوي اللـــــي بيصير لظبية ؟؟مادري










روايه روعه وبارت اروع وانتظر البارت القادم

♪♪الجــــــــــــــــــــــــزء الرابع♪♪~




اتصلت اليدة على ولدها من بعد ما طلعت عنها مها من الغرفة
اليدة: ياللــــــــــــه يا ولدي و الله اني حنيــــــــــــــت لك وايــــــــــد يا ولدي تعال خلني اكحل عيني بشوفتك
سلطان:شو انتي تخبلتي عشان ايي لعندج شو تبين فلــــــــــــــوس
اليدة تصيح: ابغي اشوفك و اشوف عبدالله
سلطان يصارخ عليها: اففففففففف فكينا عــــــــــــــــــاد لا تشوفينا و لا نشوفج
اليدة بحرقة قلب: بــــــــــس انا امك
سلطان بتكبر: خســــــــــــــي انتي امي
اليدة بصوت مخلوط بصياح يقطع القلب: حـــــــــــــــرام عليــــــــك لا تقسى عليه بهالكلام تعال حبيبي تعال لامك و الله اني محتايتنك
سلطان: هـــــــــــــــي انتي شو حبيبي ما حبيبي انا ريال و لي مركز و منصب كبير بالدولة و يغنيني عن امثالج
اليدة بصوت يقطع القلب: و انا ما مستغنية عنك انت حشاشة يوفي
سلطان: انــــــــــــــــا شو اللي بلاني بهالعيــــــــــــــوز
اليدة تصيح و بدت تكح
سلطان: انتي ما تقولين لي متى بتموتين حشــــــــــــــــى من متى و انتي عايشة موتي و فكينا منج
اليدة ترتجف و خصوصا انها ضعيفة و هزيلة القوام و التجاعيد مغطية ايدها و ويهها
سلطان يكمل: شوفي يا عيوز النــــــــــــار بعطيج بيزات بس اطلعي من حياتي انا مب ناقص ناس حثالة توسخ حياتي
>>> تخيلو صوتها يا ناس و هي تصيح و هو مب مهتم
اليدة بتعب و دموعها على خدها: شوفتك انت و اخوك تغنيني عن فلوس الدنيا كلها
سلطان يرمسها باشمئزاز: انتــــــــــــي مكانج لازم يكون مصح عقلي يا المينونه بس ما اقول الا يا رب الموت يشلج و افتك منج و اذا ما متي يا عساج الهلاك اللي ما يخليـــــــــج لا تشوفيني و لا تكلميني و يلا اللحين لا عاد اشوفج تتصلين لي و لا لاخوي
اليدة: انا الموت بياخذني اذا مب اليوم اللي عقبه و انا بصراااحه خايفه على بنات عبيد يا وليدي ما يلقن لهن سند من عقبي عيني و ابـ... قبل ما تكمل رمستها سكرت سلطان التلفون بويهها بدون أي اعتبار او احترام
اليدة صاحت و من عقب هالمكالمة قررت تسوي اللي براسها
و اتصلت على المحامي و قالت له كذا و كذا و اتفقت وياه >> ان شاء الله عقب بتعرفون عن شو
و عقب توضت و صلت ركعتين و كانت تدعي بالسجود
بالدعاء اللي كل يوم كانت تفكر فيه ان البنات يلاقون
لهم سند من عقب موتها و بعد ما خلصت من صلاتها سارت على
السرير و مسكت المسباح و تمت تستغفر لين ما نامت







هيـــــــــــــــن يا راشـــد و الله ما اخليك بحالك بخرب حياتك مثل ما خربت حياتي
عيــــــــــــــــــــل انا سارة تخدعني بحبك قبل ما تتزوج هالنحيسة و تتركني
بسهوله و تقولي انك كنت تتسلى عليه
ما عليه يا راشد ما عليه ان ما سودت عيشتك على ايدي ما اطلع بنت ابوي
و الله لتشوف يا راشـــــــــــد
"هذا اللي كانت تفكر فيه سارة"


سارة ربيعة ريم كانت قبل سنتين تحب راشد وايد و هو وهمها بالحب و كان قاعد بس يتسلى عليها حالها حال البنات الباقيات اللي يرمسهن و يواعدهن و يلعب بمشاعرهن و اللحين سارة قامت تطرش و تتصل لظبية من تلفون ثاني ما يعرفه راشد و كانت تطرش لها مسجات على اساس انها هي سعيد و تتصل لها عدة مرات عسب توترها كل هذا تسويه بس عسب تخرب حياة راشـــــــد >> شوفو يا ناس لين وين وصلت الدناءة بالناس
يعني سعيد اللحين بريئ ما سوى شي لكن سارة هي اللي تبا تسوي مشاكل بين راشد و ظبية عسب ما يتهنون بحياتهم و تعذب راشد مثل ما عذبها و طبعاا هي جدام راشد يوم تشوفه كأنه شي عادي بس من وراه تحقد عليه موت
و طبعا راشد ما يدري بنواياها ابدا
و البلـــــــــــــــــية الكبرى انها قاعدة تتحكم بريم مثل الخاتم بصبعها و هي اللي خربت ريم و هي اللي دلتها على طريج الحرام بمواعدة الشباب و غيره و هي قاعدة بس تخدعها من جدامها ملاك و من وراها شيطان خبيث
و هي اللحين تتحكم بريم بس عسب تشبغ غرورها و تقدر تسيطر على انسان اقل منها حيلة عسب تحس بالقوة او انها توهم عمرها بالرضى عن نفسها



سارة كانت بغرفتها و ترتب لافكار جهنمية براسها و قررت ان تسوي هالشي اللحين اللي بينهي حياة ظبية..
و اتصلت على اللي بيساعدها بهالمهمه لكن يا ترى منو هذا ؟؟؟









في بيت بو فهد:
كان بو فهد و بو فيصل بروحهم قاعدين فالمكتب اللي داخل الفلة أما ام جاسم و ام فهد قاعدات بالحديقة و نورة عندهم و اما فيصل راح مع فهد و وياهم منصور عند الشباب الباقين وين كانو قاعدين فالصالة التحتية يسولفون معاهم
في مكتب بو فهد:-
بو فهد و بوفيصل كانو فاتحين الخرايط و يحددون عليها بعض المواقع الهامه و يخططون عليها لتنظيم مشاريعهم
بو فيصل يبا يكمل رمسته لكنه سمع دق الباب: ادخــــــــــــــــــــــــــل
فهد بعد ما دخل: ليش ما تطلعون معانا تسولفون انتهى وقت الشغل ريحو عماركم شوي
بو فهد لقاها فرصة: خلاص عيل انا و عمك اللحين بنحدر عندكم
فهد كان بيروح بس تذكر شي و قال: ابويه ترا انا بسير لظبية و بخليها تقضي يومها معانا
فهد كان بيكمل طريجة بس ابوه وقفه: فهـــــــــــــــــــــــــد
فهد لف على ابوه: خير ابويه
فهد: ظبـــــــــيـــــــــــــــة ما تدخل بيتي
فهد: يا بويه انسى اللي صار و لا تنسى ان هاي بنتك من لحمك و دمك
بوفهد حرج: انا ما عندي بنت اسمها ظبيــــــــــــــــة و لا اريد اسمع عنها شي و ان طبت بيتي بكسر راسها و تحملو انتو النتائج
بو فيصل: سلطان تعوذ من ابليـــــــــــــس
بو فهد مسح على ويهه و قال: عوذ بالله من الشيطان الرجيم
فهد تكلم بجدية و قال بهدوء: تاكد يا بويه اني ما راح اتخلى عن اختي لو شو مهما سوت و مردها فيوم من الايام بتطلق من هذا اللي اسمه راشد
بوفهد قاله بحده: انت ليش دايما تحاول تهدمني و توصلني للقاع و لا كاني انا ابوك
فهد ابتسم و قال بهدوء: ابوي على العين و الراس بس اني اشوفك تظلم غيري لا مستحيل اسكت عنك
بوفيصل يحاول يهدي الوضع: فهد سير احدر عند الباقين و نحن اللحين بنحدر عندكم
فهد راح عنهم و ترك بوفهد بحرته
بوفيصل: الين متى بتم جيه قاسي على عيالك
بوفهد: بو فيصل لو سمحت خلني فحالي و اسكت عني



نورة استاذنت من امها و خالتها و سارت فوق
و عقب حدرت غرفتها و شغلت اللاب
و دخلت الشات اللي ميه بالميه نهايتة دمااااااار
حدرت بنك خسفة و افتخر كالعادة
و تمت تسولف مع بنتين و كانو بعد موجودين ثلاث شباب
كل حد يسولف و يضحك و عقب حدرت عليهم " غرشوبه"
نورة: يت هذي بعد عنبو هذي معسسكرة بالجات شوو
الحب خالد: ووووووولكـــــــــــــــــــــــمــــووووو
غرشوبة: يسلموووو
غرشوبه: اشحالكم ؟؟
الطيف الغامض: ما نشكي باس,, من صوبج
غرشوبة: تمااااااااااااااااااااام و الله و انتي خسفووووه وينج ما تنشافين شخبارج
خسفه بدون نفس: بخير >> كثرت بالرد ههههه
غرشوبه: خسفة بغيتج بموضوع مهم
خسفة: نعم
غرشوبه: نعم الله عليج حبيبتي
خسفة: بدون حبيبتي لو سمحتي
غرشوبه: بـــــــــــــل بلاااااج شابة نار عليه
خسفة: انا بطلع يا جماعه حد يامرني على شي
غرشوبه: افا تطلعين قبل ما تشوفين انا شو ابغي
خسفة و افتخر: انتي وحده فاضية و انا بصراحه ما ابلعج>> هههه قويه يا نووورة
غرشوبه: انتي بالاول اسمعيني و عقب اذا ما تبين تكلميني برايج
غرشوبه حطت ايميلها
خسفة: و انا شو ابا بايميلج ان شاء الله
غرشوبه: ما يصير اكلمج بالموضوووع هني ضيفيني عندج و عقب بقولج موضوعي
خسفة: خلاص اوكي بضيفج اللحين بس ما اقدر اكلمج اليوم يا ليت تاجلينه
غرشوبه: ما عندي أي اشكال بأجل الموضوع اهم شي انج راح تسمعين موضوعي
و عقب حدر " أنا كيفي"
غرشوبه من شافته استانست: وووووووووووولــــــكــــــمـــووووو ووووولكــــمـــووووو
كيفي: يسلموو غرشوبه
خسفة بدت الحرب عندها: الحمدلله اني بطلع اللحين و لا اني اتم اشوف سوالف هالسم ترا على قولتهم اذا حضرت الشياطين فرت الملائكة
كيفي: و الله عاد اذا ما عاجبج بالطقااااااااق اللي يطقج و اذا معانده شربي من ماي البحر و يلااااااااااااااا قلبي ويهج مب ناقصين غجر هني
غرشوووبة: بلاااااااااااااااكم بلاااااااكم كله نجره و ضرابه هدووو يا جماااعه
خسفة: قولي للممل الكريه يسكت عني و لا ما بيشوف الخير مني
كيفي: هييييييييييييي انتي لا تهددين ترا و الــــــــــــلــــــــــــه اخليج تندمين
خسفة: زووووووووووووووووووووول عنيييييييييييييييي
و عقب طلعت من الشات معصبه










الساعة 11 و نص في بيت البنات
كــــــــــــــــــــــله صراخ و صيــــــــــاح و بأنـــــــــــين أليـــــــــم
سيــــــــــارة الاسعاف وصـــــــــــــــلت و صوت الونان واصل لاخر الدنيا
و الناس متجمهرة صوب الباب الرئيسي و فيه بعض من حريم جيرانهم داخل عند البنات يهدن الوضع
ميثة تصيح و تركض لحجرة يدتها و تقعد حذالها و تمسك ايد يدتها و تبوسها و تمت ترمس يدتها بصوت متقطع مخلوط بصياحها: يــــــ ـــــــ ــــــــدوه يــــ ــــــــ ـــــــــدوه و اللي يسلم عمــــــ ـــــ ــــرج قومـــــــ ـــــي قومي لنا’’ نحن من لنا غيرج بهالدنيااااااااا
ميره تحضن اختها ميثة و تصيح من الخاطر: لــــــــــــــــا لا لا يدوه ما رااااااحت عناااااااا هي قالت ما بتخلييييييينا هي اكيد بس نايمة و عقب بتقووووووم و تمت تبكي هي و اختها
مهره تصيح بهدووووء: إن لله و إن اليــــــــــه لراجعون
ميثة لفت على مهره و قالت: و الله ابـــــــــــــاها و الله
مهره تسير لعندها: ترحمي عليها يا ميثة ترحمي عليها,,, و عقب صاااااااااااااااااااحت مهره ما قدرت تمسك عمرها
منال خلااااااص حيلها منهد حست عمرها بذروة ضعفها و عيونها كانن غرقانات بالدموع حتى انها تمشي و ما تشوف اللي حواليها و تمت تهاذي بيدتها و فجأة طاحت على الأرض و تمت تصارخ و تصيح من قلب و الحريم راحن لها و مسكنها,,
منال بالم: دخيييييييييييييييييييلكم قولولي انها حية ما ماتت قووووووووولولي انها حيييييه ما ماتت الله يخليكم سيرولها و قولولها اني ابيها و الله ابيها دخييييييييلكم و تمت عقب تبكي بشكل هستيري
دخلو الاطباء داخـــــــــــل عسب يشيلون جثة اليــــــــــدة و يحددون سبب الوفاة
مها لما شافتهم راحت على طووووووووول لبست عبايتها و تمسك بسوييييجها بتلحقهم للمستشفى
و البنات استغلن الفرصه كانن يبن يشوفن يدتهن الين آخر لحظة فما حصلن وقت يلبسن عبيهم فركبن على طوووول السيارة بلبس البيت و بالشمد
و خــــــــــــــــــــــــبــــــــــــــــــــــــ ر وفــــــــــــــــــــاة الـــــــــــــــــيـــــــــــــــدة انتــــــــــــــــشر





راشـــــــــــــــــد دخــــــــــــــل البيت و الشرااااااااار يتطاير من عيونه و ظبية كانت نايمة و هو يا لعندها و مسكها على طول من شعــــــــــــرها
و هي وحليلها قامت زيغانه مب فاهمه شي
راشـــــــــــــد محرج على الآخر و يزاعج عليها: و اللــــــــــــــــــه يا بنت سلطان لانهي حياتــــــــــــــــج اللحــــــــين يا الجلبـــــــــــــــــــــــة يا الخايـــــــــــــــــــــــنة
ظبية تصااااااااااااارخ: آآآآآآآآآآآآآآآآآآآآآآآآآآآآآآآآآآآآآآآآه هدني اقووووووووووووولك هدني
و دمووووووعها نهر على خدهاااااا: و الللللللللللللللله ما سويت شي و اللللللللللللللللله
راشــــــــــــــد يدزها على الأرض و يمسك راسها و يدقه بالارض
ظبية خلااااااااااااااااااص بتموووووووووووت من الهلاااااااااااااك: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآه
و تم راسها يصب دم وايــــــــــــــــــــــــــــــــــد
راشد كان مثل الشيطان ما يعرف للرحمة طريج مسك ايدها و سحبها لبرا الغرفة
راشد: و اللـــــــــــــــــــــــــــــــــــــــــــه لادفعج الثمن غالي على فعلتج يا الـ............
ظبية ما قدررررررررررررت تنطق بحرف واااااااااااحد خلاااااااااااص دموعها تنهمر بغزارة و كانت تشوف الدنيا حواليها سوووودة و تمت تصااااااااااااااااارخ بهستيريااااااا
ظبية كانت بالارض تطالع راااااااااااااااااااااااااااااشد و تترجاه عقب ما فهمت شو بيسوي فيها: لاااااااااااااااااا لاااااااااااااااااااااا لااااااااااااااا ابووووووووووووووووووووووووووووس ريلك الا ولدي ما تسوى فيييييييييييييه شي لاااااااااااااااااااا خذ منيييييي اللي تبااااااااااااااه بس ولدي اللي فحشاشة يوووووووووووفي لا تأذيييييييييه بشيييييييي ابووووووووووووووووس ريلك ابوووووووووووس ريلك لاااااااااااااااااااااااا
رااااااشد خلاااص الرحمة انتزعت من قلبة تم يرفس ظبية ببطنهااااااااااا مرة مرتين ثلااااااااث عشررررررررررررر مرااااااااااااات
و ظبية ميييييييييييييييييته من الهلاااااااااااااااااك: آآآآآآآآآآآآآآآآآآآآآآآآآآآآآه آآآآآآآآآآآآآآآآآه آآآآآآآآآآآآآآآآآآآآآآآآآآآآآآآه ارحمني بمووووووووووووووووووووت
تمت انفاس ظبية تتقطع و الدم من كل مكااااااااااان يسيل من جسمهاااااااا
و راشد قبل ما يطلع من البيت حط ريييييييييييييله على بطن ظبية و رصصصصص عليها بقوة الييييييييييييين ما انهد حيل ظبية و عقب لما تاكد انها........ طلع من البيت




فنفس اللحظة اللي تعرضت فيه ظبية للحدث المأساوي هو نفس الوقت اللي توفت فيه اليده كان بعد بنفس الوقت اللي قوم بوفيصل بيطلعون من بيت بوفهد على الساعة 11 و نص بس قبل ما يطلعون وقفو بسبب صراخ احمد الفجائي
أحمد يتكلم بالتلفون و يزاعج على شغالة ظبية بالتلفون: شووووووووووووو تقوووووووليــــــــــــــن انتي رمسي عدل
البشكارة تصيييييييييييييييح و ترتجف من الخووووووف: مااااااااااااماااااااااا ظبية مووووووووووت تعال بسرعه
سكرررررر عنها أحمد و عيونه حمرررررر : ظبيــــــــــــــــــــــــــــــــــــــــة بين الحيااااااااا و المووووووووووووت بسبة الجلللللللللللللللللب راااااااشد
فهد طااااااااخ الكلااااس عنه و انكسر و بسررررررررررررررررررررعة طلع من البيت هو و احمد لظبيــــــــــــة
جاسم: فيـــــــــــــــــــــصل اتصل بسرررررررررررعه على الاسعاااااااااااااااااااف
حمداااااااااان و محمد و جاسم طلعوووووووووه بسرررعه يحلقووون فهد و احمد
نوررررة تصيييييح بالم و قهر: ابووووووووووووووووي خذ خذ السويييييييج يلااااااا خلوووونا نلحق عليييييييييييها
ام فهد: بسررررررررررررررعه بسررررررررررررعه الله يخليييييييييكم
عقب كلهم طلعوا بسياييرهم بسررررررررررررعة البررررق لظبية
و فيصل اتصل للاسعاف و عطاهم العنوان
و يوووووووم وصلووو للبيــــــــــــــــت
انصعـــــــــــــــــــــــــــــــــــــــــقوووو وووو كلهم من اللــــــــــــــــــــي شافــــــــــــــــــــــووووووه
شافوه بنت بعمر الزهوووووووووور مغطااااااااااايـــــــــــــة بالدم من كل مكااااااااااااااااااااااااان
نوووووووووووووووورة صرخت صرخة هزت اركان البيــــــــــــــــــــت و على طوووووول
سارت لاختها
و ام فيصل تلوي على ام فهد من صوووووووووووب اللي قاعدة تبكي و تحضن بنتهاااا
فهــــــــــــــد مسك ايدها يجيس النبض : حـــــــــــــــــــــــــــــية حــــــــــــــــــــــية الحمدلله لك يا رب الحمدلله الحمدلله
احمد: لاااااااااااااااازم اللحين ننقلها للمستشفى قبل لا ترووووح من ايدنا
محمد دخل البيت بسرعه و قال لهم و هو خايف: يــــــــــــــــــلا بسرعه هذي سيارة الاسعااااف يت
بوفهد دخل الاسعاف داخل الفلة و شلو ظبية لداخل السيارة
ام فهد و نورة داخل بالاسعاف عند ظبية و اما البقية كانو ورى الاسعاف يلحقونها بسياييرهم





سبـــــــــــــــــــــــــــحان اللــــــــــــــــــــه الاسعاف اللي شايلة اليدة و وراها سيارة مها تسووووووقها كانت عدالهم سيارة الاسعاف اللي فيها ظبــــــــــــــــــــــــية و وراها سيايير قوم بو فهد و بو فيصل و كان صووووووووووت الونان من السيارتين جدااااااااااا مرتفع يعلن عن حااااالات خطيييييييييييييييرة منها ما بين الحيا و الموووووووووت و منها من انسانه خذ الله روووحها و تركت وراها بناااااااات محتاجيييييييييييينها حييييييييييل فهالزمن القاسي
يعني كانن سيارتين اسعااااااااااااااف في الشارع حذاااااال بعض يحملن كل المآآآآآآآسي

معـــــــــــــــــاناة
صــــــــــــــــدمة
ألـــــــــــــــــــم
حــــــــــــــــــزن
غصـــــــــــــــــة
أعصـــــــــــــــاب مشدودة
أجــــــــــــــــواء متكهربة
مــــــــــــواقف عصيبة
هــــــــــــــــــلاك
مـــــــــــــــــــوت
عـــــــــــــــــذاب
لــــــــــــــــوعة قلب

الكـــــــــــــــــــــل يعاني من هالاشيـــــــــــــــــاء المرة

في سارة الاسعاف:-
ام فهد تلوي على بنتها و تصيح: بســــــــــــرعة دخيــــــــــــــلكم بسرعة
المسعف اللي كان داخل الاسعاف: ما عليــــــــــــــــش يا مدام ابعدي عنها شوي خليـــــــــنا نشوف شغلنا
ام فهد تاشر على عمرها: أنـــــــــــــــا امها تعرف شوووووووو يعني امهــــــــــــا
المسعف يحاول يهديهـــــــــــــا: ما تخافيش كتير بس وفريلها الهـــــــــــدوء اللازم و سيبينا نشوف ايه اللي نقدر نعمله
كان منظر ظبية يقطع القلب من الخاطر كانت تنزف وايد لانهاااااا بتفقد الجنين يعني راح يسوون لها اجهااااااض و باختصـــــــــــــــــــــار كان الــــــــــدم يخفي معظم ملامحها

************

مها كل ثانية تمسح الدموووع من عيونها و تمسك عمرها غصب و تلحق سيارة الاسعاف اللي تحمل اغلى انسان تعزه على وجه الكرة الارضية
ميرة بحسرة: مستحــــــــــــــــــــــــــــــيل لـــــــــــــــــــــــــــــــــــا يدووووووووووووه ما بتخليــــــــــــــــــــنا بروحنا لـــــــــــــــــــــــــــــا
منال و ميثة من سمعت ميرة تقول جيه زاااااااااد صيااااااااحهن اكثر و مهره و مها هن الوحيدات اللي يبكن بصمت
و مــــــــــــــــها مب متقبــــــــــــــــــــــــــــلة ان يدتها ماتت مووووووووووووول
منال بغصة و حرقة قلب: مـــــــــــــــــــــــــــــــــــــــاتت و خلتنا برووووووووحنــــــــــــــــــــــــــا بهالدنيا
مها صااااااااااااارخت علييييييييييييها: يــــــــــــــــــــــــــــــــــدوووووووووه ما ماتت سمعتي يدوووووووووووه ما ماتت
مهره و هي غرقانه دموع: قوووووووولـــــــــــــي الله يرحمها يا مهـــــــــــــا ترحمي عليها
مها: انتي شوووووووووووووووووووو ما تفهمين قلتلج يدووووه ما ماتت اللي يقوووووووول عنها ماتت يا ويــــــــــــــله مني سمعتوووووو
مهره بالم و انكسار: ان لله و ان اليه لراجعـــــــــــون


**********

ريم بعصبية: قلــــــــــــــتلج يا يمـــــــــــــــــــة هذا الحقير ما يدش بيتنا و لا و الحبيب الصبح لما كان ببيتنا يتصرف على راحته و الله لو ابوي كان موجود ما كان بتصرف و كأنه راعي البيت
ام ريم ( ابتسام) : اول شي قلتلج لا تناديـــــــــــــــني يمه قلتلج ناديني ابتسام و ثانيا هذا الحقير اللي ترمسين عنه انا ما اقدر اتخلى عنه و خصوصا ان هو سكرتيري الخاص للشــــــــــــغل
ريم لفت على امها محرجه: اففففففففففففف من هالنـــــــــــــــــاصر يعل ربي ياخذه و نفتك منـــــــــــــه و من بلااااويه اونه عااااااد ياي للشغل الا ياي يتحكم بكل شي نحن نملكه
ام ريم بصرامه: ريــــــــــــــــــــــــــــــــــــــــــــــــ ـــــــــــــــــــم هذا اللي ترمسين عنه احسن منج و من ابـــــــــــــــوج الف مرررررررررررررة
ريم: يمـــــــــــــه
ام ريم: و وجـــــــــــــــــــــــع,, قلتلج اسمي ابتسام انا مب كبيرة عسب تناديني يمــــــــــــــــة
ريم: و الحــــــــــــــــــــــل يعني
ام ريم: الحل من انج تنشعـــــــــــــمين و تاكلين تبـــــــــــــــــــــــــــــن و تنطميـــــــــــــــــــن و مالج شغل فيني باختصار لا تدخلين عمرج بشي ما يخصج
ريم ربعت بايدها و قالت بشمئزاز: لـــــــــــــــــــــا و الله و انتي اللحـــــــــــــــــين واثقة من هالناصــــــــــــر اللي اشك باحترامه لج من وراااااج.. صج انــــــج غشيمة و ينقص عليـــــــــــج
ام ريم بحدة و قامت من مكانها و قربت من بنتها و عطتهـــــــــــــــــــــــــــا كف حامي: انـــــــــــــــــــــتي جـــــــــــــــــــــــب و لا كلمة فاهمه و لا لاااء انتي اخر وحده تتكلميـــــــــــــــــــن عن ناااااااااااااصر و عن الاحترام يا بنت سالم
ريم دمعت عيووووونها و حطت ايدها على خدها الحامي من الكف: أنــــــــــــــــــــــــا انضرب على ايدج و لا و بسبة منو بسبة هالجلب اللي ما يتسمى
قطع كلامها رنة فووون مبايل امها
ام ريم بارتباك: الــــــــــو
ناصر : هلااا بحبيبتي هلاااا بالغلاااااا كله
ام ريم: احــــــــممممممم
ناصر: اها فهمت ليكون بنتج البغل عدالج و لا زوجج
ام ريم: ايــــــــــــــه
ريم انقهرت من امها بس ما عرفت منو تكلم فرااااااااااااحت بغرفتهااااااااا عنها
ام ريم سوت مالت لبنتها: اشـــــــــــواااااا راااحت
ناصر: ايه اللحين اقدر اخذ راحتي مع الحب
ام ريم: هههههه
ناصر: فديــــــــــــــــــــت هالضحكة و راعيتها اقووول بسومتي
ام ريم: امرني يا بعدهم كلهم
ناصر: خلينا اليوووووووم نطلع نتشاوف
ام ريم: تراك شايفني بالشغل اليووووم
ناصر: شايفنج فعل مااااااااضي انا ابغي اشووووفج اللحين ما قلتيلي ان ريلج ما بيرجع اليووووم مبجر خلااص بنطلع و لا تشيلين همه
ام ريم: ايه حبيبي بس تدري عاد الا اليووووووم ما اقدر اطلع معاااااااك اليوم الخميس تدري زحمة و عادي أي حد يشوفنا
ناصر: و نحن شعلينا منهم حبيبتي بنتعلث لهم بالشغل و غيره
ام ريم: لااا لااا لااا ما اقــــــدر يا ناصر اليووووم
و تمت عقب تسولف ويااااااااه
في غرفة ريم
ريــــــــــــم و الدموع على خدها و هي تكلم سارة بالتلفون: اكــــــــــــــــــــرهها و اللـــــــــــــــــــــه اكرههـــــــــــا
سارة: لاااااااااااااا لااااااااا بصراحة المفروض انج ما تسكتين عنها
ريم بانفعال و صياح: اقــــــــــــــــــــولج ضربتني كف على ويهي هاللي ما تستحي على ويهها
سارة تزيدها: حبيبتي هالايـــــــــــــــــــــــــــــام الامهات صايرات وغداااااااات المفرووووض تاخذين حقج منهاااااا
ريم: ما بيدي اسوي شي ابوووووووي عاطنها الخيط و المخيط و هي تتصرف على كيف كيفهااااااا و هالناااااااااصر الجلب يستغلهااااا اقـــــــــــــــــول تعالي اخذيني احس عمري مخنوووووووقة
سارة: آآآ... لاااا اليووووم ما اقدر اطلعج معااااي عندي شوية اشغاااال
ريم: خلاااااااااااص براااااايج عيــــــــــل بطلع بروووووووحي... باي
سارة تبتسم بخبث: باااااي

اول ما سكرت ريم عن سارة اتصل ناصر لسارة
سارة: هــــــــــــــــــــــــلا و الله
ناصر: هلا فيــــــــــــــج
سارة: بشـــــــــــــــــــــــــــــــــر شو سويت
ناصر: اقــــــــــــــــــــــــولج غبية غبية غبية لاخر درجة مصدقة عمرها ان هي حبيبتي
سارة: ههههههههههههه و حليلها عيووووز شوو تتريا منها
ناصر: بس حسافة ما قدرت اقنعها من انها تطلع معاي
سارة: ما عليـــــــــك اذا ما نفذنا اللي نباه اللحين بنفذه عقب لا تشيل هم
ناصر: بس انا ما مرتاااااااح لريــــــــــــــــــــــــم موووول احسها بتخرب عليــــــــــنا
سارة: هههههههههههه لا تخاف هذي ينقص عليها مثل امها بسررررررررعه غبية على قولتك
ناصر: ههه خـــــــــــــــــــــلاص عيل انتي توليها و خوزيها من طريج مخططاتي عسب ما تخرب علي أي شي
سارة بثقة: و لا يهمـــــــــــــــك هذي ريم مثل الخاتم بصبعي اتحكم فيها مثل ما ابغي
ناصر بخبث: و انا امها مسحووووووووووووورة فيني لو اقول لها قطي نفسج بالنااااااااااار عاااادي تقط عمرهااا عشاني
سارة: أهـــــــــــــــــــم شي انك تنفذ كل المخططات بدقة عسب ناخذ حلالهم بالكامــــــــــــــل بكل سهوله
ناصر بمكر: افا عليــــــــــــــــــــج انا ناصر ان ما وصلت للي اباااااه ما اطلع ريــــــــــــــــال
سارة: ههههه كفــــــــــو و اللـــــــــــــــه كفــــــــــــــــــو
ناصر: ههه كفــــــوووج.. اعجبج انـــــــــــــــــا... الا راشـــــــــــد ما قلتيلي شصار معاه ماياج
سارة تغير ويهها: ما يرد عليـــــــــــــــــه, فونه مغلق ما اعرف شصار معاه
ناصر: تعتقدين صدق كلامي عن ظبية
سارة بخبث:اكيييييد راشـــــــــــــــــــد شكــــــــــــــاك بدرجة كبيرة هههـــــــــــهه اللحين تلقاه يفتر بهالشوارع ما يعرف وين يقط نفسه من الحرة اللي فيه
ناصر: لهدرجة تكرهين راشد لدرجة انج تبين تخربين بينه و بين زوجته
سارة باندفاع: لا تنسى انك انت اللي رحت لراشد و تبليت على ظبية باشياء هي ما سوتها
ناصر: و الله لو يدري راشد اني انا اعرفج و اني مخطط معاج لهشي راااح نروووح وطي انا و انتي
سارة: لا لا تشيل بال لهسالفة ما عليك انت مدام انك سويت اللي عليك خلاااص لا تحاتي
ناصر: هـــــه شو عليــــــج سويتي اللي ببالج
سارة بحقد: خله يتعـــــــــــــــــــذب مثل ما عذبني هالنـــــــــــــــذل
ناصر: بس مب جنه الصور اللي انتي ركبتيهن عن ظبية مع واحد شوي قويه
سارة بكراهيه لراشد: اريد راااااشد يذووووق الويل ابغيه يموووت من الغيييض لو تخترب علاقته مع ظبية ما يهمني اهم شي انه ما يعيش مرتاح بحياااااته









نزلــــــــــــــــــــــــــــــن البنات من السيارة بسسسســـــــرعة يلحقن يدتهن اللي دخلوها الأطبة داخـــــــــــــل و وراهم على طـــــــــــــول أطبة ثانيين شايلين ظبية اللي بين الحيا و المووووووووت و كان صيـــــــــــــــــــاح نووووورة واصل لاخر الدنيا و امها من صووووب مب طايعة تهدى ابدا
دخلــــــــــــــــــو بســــــــــــــــرعة داخل الغرفة و ام فيصل قاعدة تهدي اختها ام فهد
و نوووورة من صوب قاعده تدعي لاختها تظهر لهم بخير و عافية
فهد و عيونه حمر: الشــــــــــــــــــــــــــرطه يا فيصل الشرطة
فيصل: انا بعد رايي من رايك بس اصبر الين ما نطمن على اختك
فهد: لاااااا انا ماراااح اصــــــــــــــــــــــــبر لازم هالحقير ياخذ يزااااااااااه
فيصل: خلااااااص اللي تشوووووووفه
شاف بو فيصل فهد يبا يروووح من مكانه
بو فيصل: على وين يا فهد
فهد اللي يحاول يمسك اعصابه: الشرررررطه يا عمي
بوفيصل قام من مكانه: لاااااااااااااااااااا الشرررررطه لااااااااااااا
فهد تفاجأ من ردة فعل عمه: شــــــــــــــــــــــووو
بوفيصل: مثل ما سمعت
فيصل: بس يا بويه اللي سواه راشد يعاقب عليه القانوووووووون اصلاااا الطبيب بروووحه بيبلغ الشرطه اذا نحن ما بلغنا
فهد: كلام فيصل صحيح هذي جريمه ما ينسكت عنها
بوفيصل بحزم: بنقول للدكتووور من انها طاحت طيحه قويه من على الدرري
فهد:عــــــــــــــــــــــــــــــــمي اذا انتو ما بتبلغون انا ببلغ
بوفيص عصب: تعصااااااااااااااااااني يا فهد
فهد: و حـــــــــــــــــق اختي يا عمي
بوفيصل: اكيد راشد ما سوى سواته الا اذا شاف من ظبية شي شايد و خطير
فهد: بس كل شي بالتفاهم مب بالضرررررررررررررب
بوفيصل: اذا بلغنا الشرررررررررطة بتستوي فضييييييييحه كبييييييييييييرة و سمعتنا بترووووح بالقااااااااااااااااااااااع
فهد: ما يهمممممممممممممم اهم شي اخذ حق اختي
بوفيصل: انت شووووووو ما تفهم لو ابووووك سمعك بيذبحك
فيصل: خلاااااااااص هدووو يا جماعة الخير انتو بالاول خلونا نطمن على ظبية و عقب يصير خير


جــــــــــــــــاسم انتبه على بنت تركض و دمووووووووعها على خدها و كانت تبا تلحق خواتها الباقيات
انــــــــــــــــــــــــــــــــــــــــــــصدم جاسم يوم ركز عدل و شافها ميـــــــــــــــرة كان حالها صج يهم الواحــــد
و هو استغرب اكثـــــــــــرمنها يايه المستشفى بدون عباية فقال جاسم اكيـــــــــــد في شي شايــــــــــد صاير لهم
لحقها جاسم اليـــــــــــــــــــن ما وصلت عند خواتها و طاااااحت وحدة منهن مغمى عليهــــــــا و تمن هن يلتمن عليها الين ما يت لهن دكتورة و حطوووها بغرفة بروووحها و هالبنت كانت ميثة
بو فهد: جاسم شو تسوى هني
جاسم صد وراه و التفت على عمه: هــ ــاه و لا شي عمي
شوي الا يشوفون الدكتـــــــــــــــور يطلع لمها و يسمعووون الحوار اللي من بينهم
الدكتور: عظم الله اجركم اختي
مها نزلت راسها و بدت دموووعها تنهمر على خدها من يديد
الدكتور: يدتكم المرحومه ماتت و هي ما في أي شي يعني صحتها كانت عال العال و الموت كان فجائي
مها صارخت: لااااااااااااااااااااا لااااااااااااااااااااا مسسسسسسسسسسسسستحييييييييييييل يدوووووه ما ماااااااااااتت لااااااااااااا آآآآآآآآآآآآآآه يا ربي.. و بدت تصيح بشكل هستيري و كانت محطية ايدها على حلجها و تشاهق
جاسم تفاجأ بهالخبر و صد عليهم و شاف الباب ينفتح و كانو الأطبة يطلعون اليدة من الغرفة و شاف شي خلى قلبه يتقطع من الألم و الحزن,, شاف ثلاث بنات من الغرفة اللي بالممر الثاني طالعات من عند اللي مغمى عليها و لما لمحن يدتهن مغطاية بالفراش الأبيض ركضـــــــــــــــــــــــــــــــــن لها بســــــــــــــــــــرعة و هن يصرخــــــــــــــن ويصيـــــــــــــــــــــحن
مها مول ما قدرت تتحمل نزلت علىى الارض من ضعفها ما قدرت تتحمل تشيل نفسها ابدا بعدهااااااااااااا مصدوووومه حييييييييل من وفاااة يدتها
ميرة تمت تلحق يدتها و تشاهق: يــــــــــــــــــــــدووووووووووه ويـــــــــــــــــــــــن رايــــــــــحه عنا ويــــــــــــــــــــن ردينا الله يخلييييييييييييييييييييييييج رديلناااااااااا لااااااااااااااااااااااااااااا
و منااااااااااااال تمت تمسك الطبيبة و تقول لهم يوقفووو و عقب كشفت عن ويه يدتها و حبتها على جبهتها و ترحمت عليها
و مهره حضنت مها بالــــــــــــــــــــقوووو و تمت تصيح بصمت و كانها خايفة من اللي بييهم من عقب ما توفت يدتهم
أمــــــــــــــــــــــــــا بو فـــــــــــــــــــــــــهد يوم كانت منال تلحق يدتها و تكشف عن ويهها انصــــــــــــــــــــــــدم
خــــــــــــــــــــــــــــــــــــــــلاص جســــــــــــــــــــــــــــــمه كلـــــــــــــــــــــــــه بدا يرتجفففففف
يدتهــــــــــــــــــــــــــــــــــــــــم هي امــــــــــــــــــــه هي اللي قبل جم من ساعة سبها و دعا عليها بالموووووووووت و الهلاااااااااااك و هي اللي كانت تصيييييييييح تترجااااااه اييها بس هووو قسى عليــــــــــــــها
بو فهد فتح الفصم اللي جدااااااام و بدا ويــــــــهه يتغير لـــــــــــــونه
جاسم بغصب عنه دمعت عينه من اللي شافه و يوم التفت على عمه مسكه عن يطيح
جاسم بخوف: عـــــــــــــمي
بوفهد ما رام ينطق بحرف واحــــــــــــــد
جاسم مسك بو فهد و وداه هناك عند ابـــــــــــوه لما شافه جيــــــــه تعبان



stop:-
اللحــــــــــــــين مثل ما عرفتو سلطان هو بوفهد
يعني بوفهد و بو فيصل هم اعمام البنات




يتبع

الدكتورة: حالتها جدا متأخره
ام فهد: يعـــــــــــــــــــــــــني شـــــــو يا دكتورة
محمد بخوف: طمنينا عليها شو حالتها اللحين
الدكتورة: هي فقدت الجنين لكن الضربه اللي براسها اثرت عليها بشكل سلبي جداا و هذا غير الكدمات اللي على بطنها
محمد: يعني اختي بخيــــــــــــــــــــر بتطلع و لاااااا شووووووووو
الدكتورة: على حسب ما اقدر احدد هالشي اللحين بنصبر عليها الين ما تستعيد الوعي و بنسوي عده فحوصات لراسها عشان نتطمن عليها اكثر
يا احمد لهم
نورة بلهفة: احمد احمد الحمدلله ظبية عايشه
احمد ارتاح جزئيا و قال: نقدر ندخل عليها دكتورة
الدكتورة: لا المريضة بعدها تعبانه نطرو بعد جم من ساعة و عقب بتدخلون لان اللحين هي محتاجه راحة
ام فهد: بس انا امها لازم ادخل اطمن عليها
الدكتورة: مقدره هالشي بس لو تبين مصلحتها لازم تخلينها ترتاح و ان شاء الله بنتج ما عليها شر بغيت اسالك اخوي ابو البنيه وين؟؟
احمد: راح يكمل بيانات دخول ظبية للمستشفى ليش دكتورة عسى ما شر
الدكتورة: ظبية تصير اختك صح
احمد: هيه نعم
الدكتورة: ظبية اختك تعرضت لحادثة ضرب و نحن واجبنا كأطبة يوم نشوف مثل هالحالات نبلغ الشرطة
أحمد: و هـــــــــــــــــــــذا اللي نحن بنسويـــــــــــــــه
الدكتورة: اخ احمد ممكن تدخل معاي المكتب
احمد: خلاص بروح انادي اخوي فهد و بييج
محمد قال لاحمد ان هو راح يناديله فهد و بيرجع بسرعه
نورة: اكيـــــــــــــــد ظبية فيها شي و هي ما رضت تقوله جدامنا
احمد: لا لا ان شاء الله ما فيها الا كل خير
ام فهد من عقب ما هدت نفسيتها ردت توسوس: عيل ليش ما رضت تقول جدامنا اللي كانت بتقوله لك
احمد: يا امايه بلااااج جيه متوتره ذكري الله
ام فهد: لا اله الا الله
و من عقب ما دخل فهد و احمد و محمد عند الدكتورة داخل مكتبها الخاص:-
الدكتورة: انا بغيت اكلمكم بدون الوالده الله يخليها لكم ان شاء الله لاني خفت اقول جدامها
محمد عقد حياته و احمد اعصابه مشدودة
فهد بانفعال: خــــــــــــــــــير دكتورة ظبية فيها شي
الدكتورة: هدي شوي يا خوي و صلى على النبي
فهد مسح على ويهه و قال: اللهم صلي و سلم عليه
محمد: دكتورة تكلمي ظبية شو فيها
الدكتورة: للــــــــأسف ما قدرنا نتحكم بالنزيــــــف ظبية قاعدة تفقد كميات كبيرة من الدم فإذا فقدت اكثر من اللي فقدته راااح راااح
احمد قام معصب: رااااااااااح شووووووو يا دكتوووووورة
الدكتور: راح تموت لا سامح الله
احمد قال بهمس و هو منصدم: شــــــــووووو
محمد بدا يصيـــــــــــح: دخــــــــــــــيلج دكتورة تصرفووو سوو أي شي بس لا تخلونها تروح من بين ايدكم
فهد و عيونه حمر لكنه لحد اللحين ماسك اعصابه: دكتورة و الحــــــــــــــل
الدكتورة: لازم نستأصل الرحــــــــم
كــــــــــــــــــــــــــــــــــــــــــــــــل هم حسوووووووو بسجاجيــــــــــــــن حادة تقطعهم ممن الداخل
محمد ما قدر يستحمل طلع برع و احمد يطالع اخوه فهد منصــــــــــــــــــــــــدم و فهد خلاااااص حـــــــــــــده
مضايج على اخته و كأنه الدنيا اظلمت من حواليه
فهد تنهد و تعوذ من ابليس: ما فيه غير هالحل دكتورة
الدكتورة: لااا للاسف ما شي و اللحين ابغيك توقع على هذي الاوراق عسب نسويلها العملية باسرع وقت قبل ما تروح من ايدنا و لازم
فهد جان يطالع احمد و عقب مسك القلم و وقع و بسرعه راحت الدكتورة و هي و طاقمها مع المعدات عسب يسوون العملية




من جانب ثاني:-
جاسم كان ماسك عمه بوفهد و دخل وين ما كان بوفيصل و الباقين قاعدين
بو فيصل وقف من مكانه و راح بسرعه لاخوه يشوف شو فيه
بوفيصل: خيــــــــــــر عسى ما شـــــــــــــــــــــر
جاسم: ما ادريبه شو اللي صار فيه جيه مره وحده
قعدو بوفهد على الكرسي و يابوله ماي
و عقب ما رد بوفهد يتنفس زين
بوفهد قال بصعوبه: يا عيال خلــــــــــــونا بروحنا انا و ابوكم شوي
كلهم طلعو و تمو بوفهد و بوفيصل رواحهم
بوفيصل: خير اخويه شو اللي خلى حالتك تنجلب جيه
بوفهد و ويهه غدا مزرق و بدا يبين العرق على ويهه و كان يحس بحرارة بجسمه
بوفيصل: تكلـــــــــــــــــــــم يا بوفهد شو اللي صاير تكلم
بوفهد: تــــــــ ــــ ــــو وو و فـــ ـــــ ـــت
بوفيصل قام مخترع: ظبــــــــــــــــــــــــية توفتتتتتتت
بوفهد هز راسه بالنفي
بوفيصل: عيــــــــــــــــــــــل منوووووووو ما تكلم ما تقووووووووولي منوووو
بوفهد و كأنه رافض الواقع: تذكر لما قتلك فالمكتب اليوم عن امنا اللي كانت تبا تشوفنا و انا صرخت بويهها
بوفيصل بدت اعصابه تتشتت: و شو دخل هذا فذااااااااااااااااك
بوفهد: هـــــــــــــي اللـــــــــــي توفت اليــــــــوم
بــــــــــــوفيـــــــــــــــــصل انــــــــــــــــــــــــــصعق و كانه حد صب ماي بارد عليه
بوفيصل يهز اخوه من اكتوفه: انــــــــــــــــــــــت شـــــــــــــــــــــــــووووووو تقـــــــــــــــــول ينــــــــــــــــيت تقول عن امنا انها مااااااتت
بوفهد بقسوة منزوووعه من الرحمه تماما: هــــــــه توك تذكرت انها امـــــــــــك من بعد ما نكرتها و لا تنســــــــــــــــــــى ان نحن قايلين بالجرايد اخر مرة لما سالونا عنها من انها متوفيه شوووووووووووووو نسيت
بوفيصل قال و هو متوتر حييل من اللي سمعه: لااااااا ما نسيـــــــــــــــت,,, شووو هالمصايب اللي تنحذف علينا من كل صوووب
بوفهد: اسمعني عـــــــــــــدل يا بو فيصل نحن امنا اللي نكرناها من سنين اعتبرناها ميته من زمان يعني لا تخلى هالشي ياثر عليـــــــــــــــــنا ابدا
بوفيصل: ما ادري ما ادري يا خوووووي احس عمري متشتت مب عارف شو اسوي او كيف احدد موقفي
بوفهد: و لااااا و شفت بــــــــــــــنات عبيـــــــــــد بعد لما كانن ملتمات على يدتهن اللي ماتت
بوفيصل: و تهقى منوووو بيرعاهن من بعد ما توفت عنهم و خلتهم
بوفهد: ما ادري يا عبدالله ما ادري انا بروحي محتار انا حاسس من ان هالعيوووز توفت و كانت مخططه لشي قبل وفاتها
بوفيصل: تقصد لما قالتلك عن البنات
بوفهد: هــــــــــــــذا اللي انا خايف منه,,,
و لا كـــــــــــــــــــــــــــــــأنه اللي يرمســـــــــــــــــون عنها هي امهم
بوفيصل: و ظبيـــــــــــة يا بو فهد
بوفهد: تدري عاد لو بلغنا الشرطه بتصيــــــــــــــــر لنا فضيحــــــــــــــــه و انا و انت اسمنا يهز هــــــــــــــز كبار التجااااااااااااار و أي غلطه صغيره علينا راح تنقلب علينا بشكل سلبي و راح نروووووح وطييي
بوفيصل: افهم من كلامك من انك ما راح تبلغ الشرطه
بوفهد: هيـــــــــــه مب ناقصين فضايح حنا






ام فهد تشل المستشفى بصياااااااحها: لاااااااااااااااااااااااااااااااااااااااااا حراااااااااااام عليكم بنتي صغيره ليش يصير فيه كل هذا ليـــــــــــــش يا ربي
ام جاسم: يا ام فهد حرام عليج اللي تقولينه ما يرضي ربنا استهدي بالله و احمدي ربج من انها بتم عايشه من عقب العمليه و بدووون هالعمليه رااااح تروووح من ايدنا
نورة اللي تصيح: بـــــــــــــــس ظبية رااااااح تنهااااااااااااااار يااااااااااا خالتي رااااااح تكره حياااااااااتها من عقب ما تعرف اللي صار لها
ام فهد: حسبي الله و نعم الوكيل عليك يا راشد حسبي الله و نعم الوكيل عليك يا راشد
محمد: بـــــــــــــــس عاااااااااااد بـــــــــــــــــــس اللي فينا يكفينا و غير هااا كله محد طلع من الدكاترة يطمنا شووو استواا على العمليه
احمد: اصبر اصبر يا محمد
جاسم: ذكـــــــــــــــــــــرو الله يا جماعه و ادعوولها تقوم بالسلااامة
حمدان راح لفهد: فهد اللي صـــــــــــــــــار ما ينسكت عنـــــــــــــه لازم نبلغ الشرطه
فهد و ويهه كان محمر من الغيض على راشد: و هذا اللي بيصير
فيصل: يلااااااا عيل شووو تتريووون
حمدان: نطمن على بنت العم بالاول و عقب يصير خير
فيصل: بس اخاف هالجلب يشرد
فهد بغيض: لو يرووووووح لاخر الدنيا بنييبه يعني بنييبه
حمدان: عمي ما يدري باللي صار لظبية
جاسم: لااا محد قاله
فهد مستغرب: هو وينه
جاسم: عند ابوي و قال لنا نخليهم بروحهم من عقب ما تعب علينا عمي
محمد: انا بسير اقول لابوي
و يا عندهم احمد: و لازم بعد نبلغهم من إنا نحن راح نبلغ الشرطه
و قامو الشباب يروحون لبو فهد و لبو فيصل
و من بعد ما خبرووووهم عن ظبية
بوفهد فتح عيونه على الاخير: مســــــــــــــــــتحيل يطلع كل هذا من راشــــــــــــــد
احمد: هذا واحد ما يخااااااف ربه لااازم نبلـــــــــــــغ الشرطه
فهد قام من مكانه: انا ساير ابلغهم اللحين
بوفهد: وقــــــــــــــــــــــــف مكانك
فهد بحده قال: مستحيـــــــــــــــــــــل نسكت عن هالنذل
محمد: معاه حق فهد لاااااااااااازم راااشد ياخذ يزاااه اللي سواااه مب شويه و بصراااحه ما ينسكت عنه
احمد: و انا بعد ساير مع فهد عسب نبلغ الشررررررررررررطه
و فجأة شافو شخـــــــــــــــــــــــــص كانو آخر شخص يتوقعونه يكون هني
فهد على طووووول راااااااااااااااااح له و هوووووووووو مفوووووووووووول على الاخير
بوفهد وقف متفاجأ من وجوووووووووووووووود رااااااااااااشد
فهد مسك راااااشد: و لــــــــــــــــــــــــك عيــــــــــــــــــــــــن يا الجلب اتيي هنـــــــــــــــي
فيصل: هده ياااا فهد هده المفروووووووووووووض نوديه على طوووول الشرررررررطه هذا ردي ما ينفع معاه الا الشرطه
راشد: هــــــه اتحداااااااااااااكم كلكم من اني ادخـــــــــــــــــــــــــــل السجن حسبالكم بالساهل راح تسجنوني
فهد: هدوووووووووووووووني علييييييييييييه خلوووووووووني اادبه هالنذل
فيصل و احمد مسكو فهد
راشد فررررر الصووووووور على فهـــــــــــــــــــــــــــــــــــــــــد
شاف فهد الصووور و تمنى الارض تنشق و تبلعه و لا يشوووووووووف اللي يشووووفه
احمد مسك الصوووووور و رد يشووووف راشد اللي كان يضحك بخبث
راشد بمكر و خبث: ان بلغـــــــــــــــــــتو الشرطه رااااااااااااااااااح افضح اختكم بهالصووووووووووور و انا الضرب اللي ضربت اياهاا و الله ما يكفيها المفروووووووض تمووووووووت على ايدي من اللي سوته هالخاااااااااااينه
بوفهد يا بسرعه لاحمد و خذ منه الصوووووور و لما شااااف الصوووووووووووووور
تيبس بمكانه
راشد: بنتك يا سلطان باجر بتوصل ورقة طــــــــــــــــــــــــــلاقها و اذا ما تحب الفضايح لا تبلغ الشرطه و ما بفضح بنتك
و عقب راااااااح بكل بروووووووود عنهم من عقب ما فجر عليهم عدة قنابل و هم ما قدروووو يسووون له شي لان الصووور حددت لهم اشياااء واااايد
بوفهد و الصور بايده و قال بكره: يا ليتها ماتت قبــــــــــــــــــــــل ما تفضحنا بهالصوووووووووووووور الخااااااااااااايسة حسبي الله عليها
فهد قعد على الكرسي و حط ايده على راسه اما احمد قال مستحيل اخته تسوي جيه و من سبع المستحيلات بعد
فقال لما تصحى ظبية راااح يستفسر منها اللي سوته


الصور طبعا من تركيب سارة و سارة كذا مرة شافت ظبية و كانت تصورها خفيه عسب ظبية ما تحس و كانت تحتفظ بالصور على قولتها لليوم الاسود و سارت حطت صورة واحد مع ظبية بحكم انها خبيرة بسوالف الكمبيوتر و التصميم و البرامج و غيره فعرفت تطلع الصور بصورة حقيقية تخدع الواحد و الصور كان عددهن ثلاث صور و ظبية من تقوم و تصحى راح تنصدم باشياء عده بالصور و بفقدانها للجنين و باستئصال الرحم الله يعينها الصرااااحه,,

مفاجئات يديدة تتريا أبطالنا بالجزء الياي..
تابعوني..

ஐஐ الجــــــــــــــــــــــزء الخامس ஐஐ


المختصر:-
مها + ميثة + منال + ميرة + مهره استمر عندهن العزا ثلاث ايام و الحريم ما قصروو فيهن وقفو معاهن و ساندووهن و رفعن من معنوياتهن و كانو قوم جيرانهم ما يخلونهم موووول يعني واقفين معاهم على طووول لكن المحامي طلع لهم فجأة و قال لهم ان اليده تركت لهم وصيـــــــــــــــــة لكن شرط عليهم ان اعمامهم يكونون وياهم و هو ما بيقول لهم الوصيه الا من بعد فترة معينة,,

ميره و مهره داون المدرسة من عقب وفاة يدتهن باسبوع و حاولن قد ما يقدرن من انهن يركزن بدراستهن و يشدن حيلهن
أما مها فكانت تتذكر قبل وفاة يدتها المرحومه لما كانت توصيها على البنات الباقيات و ان لازم ما يتشتتون ابدا
و بالنسبة لمنال و ميثة كل يوم بصلاة قيام الليل يدعن ليدتهن بالمغفرة و الرحمه و مها ما كانت تقصر كل يوم تتصدق
عن يدتها و لو بخيشة عيش صغيرة للمحتاجين,,

راشد طلق ظبية و خلااااااص ما عااد يهتم فيها ابــــــــــــــدا بس كل اللي براسه (( مهــــــــــــره )) لا تتوقعون ان نساها بكل سهوله لااا فهذا راشد مستحيل يبتعد عن شي هو انجذب له و وسيلته للوصول لمهره هي ريـــــــــــــــم اللي يستغلها هو من صوب و سارة من صوب و براس راشــــــــــد افكار جهنميه بس عشان يوصــــــــــــل للي ميت عليها و هو على فكرة سافر من بعد ما طلق ظبية.

أما ظبيـــــــــــــــــــــــــــــــــــــــــــــــ ة فيوم قامت باليوووووم التـــــــــــــــــالي يتها حاله هستيرية من الانهيـــــــــــار لما عرفت انها اجهضت و لكن الشــــــي الحلو انهم قدروا يسيطرون على النزيف بآخر لحظة فما استأصلو الرحم عندها فضطرو بعد اييبون لها طبيب نفساني ترا اللي ذاقته من رااشــــــــــــــد مب شويه و عقب اسبوعين و هي بالمستشفى بلغوها ان راااشــــــــــــــد طلقـــــــــها فإرتاحت جزئيا و بالاسبوع الثالث ياها فهد و احمد يواجهونها بالصـــــــــــور لان الاطبة قالو ان حالتها بدت تستقر و هي بدت تتجاوب للعلااااج و بالفعل لما واجهوها بالصور استغربت و طالعت اخوانها مستغربه

ظبية لفت ويهها لفهد و اشرت على الصور: و انت تصدق اللي بالصور
فهد: شو تبين تفهميني
ظبية: اول شي منووووووو هذا اللي بالصوور
فهد: تسالينا نحن
ظبية: لحظة خلني اكمل
فهد: قولي
ظبية: انا بهصورة هاللبس ما لبسته الا مرة وحده لما كنت بملجة ربيعتي و ما لبسته عقب كيف يعني رحت انا و طلعت فيه جدام هالادمي الللي محطينه بالصورة هذا شي و الشي الثاني
احمد قاطعها: يعني الصــــــــــــــــور مب صـــــــــــج
ظبية: ايه مب صــــــــج و بهالصورة الثانية انا مستحيل اتجرا و امسك ايد واحد بدون غشوة لحظــــــــــــــة تذككرت شي
احمد: شوووو
ظبية: تشووف طريقتي بمسك الايد انا بهالصورة كنت ماسكة منصور لما طلعنا بالحديقة و شوووف النمظر هني من وراااي يدل على الحديقة اللي انا كنت فيها وياكم قبل جم من شهر
احمد يشوف: فعلا هذي خلفية الصورة تماما مثل الحديقة اللي كنا فيها و هذا يدل على ان حد مصورنج و بدون علمج و مسح صورة منصور و حطا بداله صورة هالواحد
فهد: يعني رااااااشـــــــــــــــــد خدعنا بالصور
ظبية: قصدك انخدع بهالصور
فهد: و منو له مصلحه من انه يخرب علاقتج براشد
ظبية: علمي علمك يا خوي المهم اني ارتحت من هالمينون و طلقني ما قلتولي ابوي رضا ادخل البيت و لا
احمد: لااا تطمني اقنعته انا و فهد و قلناله و ين يعني تروحين و من قلنا له ان الناس شو بتقول عن بنتك اللي توها مطلقة و انت مب طايع تدخلها البيت فاكيد بيشكون ان فيه شي شايد صاير
فهد يكمل عن اخوه: و من جيه قال ابوي عيل خلااااص ماله داعي فضاااااايح و من كلامه فهمنا ان عادي تردين البيت عندنا
ظبية نزلت راسها و صاحت و قالت: الحمدلله لك يا رب يكفي ان سالفة الصور سالفة عائلية و ما انتشرت من بين الناس و صح اني كنت ابغي الياهل بس احس لما فقدته نعمة من ربي عسب ما يكون شي يربطني براشد
احمد يحضن اختها و يحبها على راسها: و عسى ان تكرهو شيئا و هو خير لكم
فهد: ان شاء الله ربي بيعوضج بالخير و لا تخافين حبيبتي ترا نحن كلنا يمج و انت خووووز عنها يا دوووري احضنها قــــم
احمد: ههههههه ترا اخووووج مثل ما هوو ما تغير
حضن فهد ظبية اللي سالته عن منصور: فديت منصور وينه ليش ما تييبونه لي ما شفته الا مرة وحده
فهد: بتردين البيت و بتشبعين منه

أما بالنسبة للشخصيات الثانية:-

جاسم من شاف ميره ذاك اليووووم و هي محتله كل تفكيره و جاسم دوووم يحاول يرفع من معنويات احمد و ما كان يفارقه مووول بوقت المحن حتى انه طلعه معاه بمشاويرهم المعتادة عسب ما يحسس احمد باليأس و كان يباه دوووم مرتاح بحياته
علاقة جاسم و احمد علاقة اخويه كبيرة صح بعد اغلب الاحيان يكون وياهم حمدان بس يظل جاسم اقرب واحد لاحمد,, اول واحد كان يدافع عن احمد هو جاسم اول مرة جاسم اهدى هديه اهداها لاحمد و اول مرة خذ فيها ليسن خذها مع احمد و اول مرة جاسم اضارب فيها اضارب عشان احمد بالايام المدرسة احمــــــــــد و جاســــــم و حمدان يداووومون بالشرطه و احيانا يرجعون مع بعض و غير هذا كله احمد ما يطلع مشوار الا و جاسم و ياه و لما كان حمدان يحاول يقنع اخوه جاسم من انه يسجل بقاعه الرياضة الخاصة بالرجال و يسوي رياضة و غيره عسب اونه يستويله عضلات شراته ما طاع جاسم فراح حمدان يقول لاحمد و يقنعه بالتسجيل للرياضة و وافق احمد و من عقبها وافق جاسم على طوووول و هم دوووم هالثلاااثة لما يركضووون يسيروون عند البحر احلى شي لكن احيانا لما يركضون حمدان ما يكون وياهم لان احيانا يكون عنده زااااام و على فكرة ترا حمدان لســــــــــــــــــــانه متبري منه و هذا الشي راح تتأكدون منه من مجريات القصة..



أما فيصل هذا واااااحـــــــــــــد غامض صعب ان الواحد يحاول يفهمه و خصوصا انه واحد مزاجــــــــي يوم جيه و يوم جيه
و مرررررة معند ما يريد يتزوج على قولة حمدان اصلا ما فيه خبلة ترضى باخووي المعقد,, امه ياما حاولت وياه لكن ما في فايده و فيصل يشتغل فالتجـــــارة هو و فهد وعندهم شركة وحده لكن فروووعها موجوده فعدة امارات أما فهد من بعد وفاة زوجته دانه اللي هي بنت عمه بنفس الوقت رفض الزواج من بعدها نهائيا لان برايه ان هو ما بيحصل وحده شرات دانه ابدا و فهد متعلق بولده منصوووووووور حيــــــــــل و يحاول انه يكون له الام و الابو بنفس الوقت منصور دوم يرقد مع ابوه و دوم قبل ما يروح الروضة يحب راس ابوه و دوووم يفرش اسنانه بالمعجون مع ابوه الصبح و دوووم يصب لابووه الشاي و كل مرة ابوه لما بيطلع الميالس منصور اول واحد يكون معاه و كل مرة لما يرجع فهد من الشغل منصور يطلع واجباته اللي حلها و يراويها ابوه..



نورة ما صارت تدخل الشات ابدا لان تحسه مضيعه للوقت و انها كانت تافهه لما كانت تدخلــــــــه و وايدين كانو يسالون عن وجودها خصوصا انها كانت راعية سوالف و حبوبه وااايد لكن البلوى اللي عند نورة انها ضافت هذي اللي اسمها غرشوبه عسب تعرف شو تبغى منها,, نورة قالت بتعرف موضوعها و عقب بتسويلها بلوك و دليت و بتفتك منها..
(( وحليلج يا نورة ما تدرين ان غرشوبه دماااار فدمااااااار ))
و اخوها محمد يموووت على الحواطه و يكره شي اسمه مدرسه و هو داش علمي يعني تقريبا هو كبر ميره و مهره و هو دوووم نقيره ويا نووورة و ضرااابه ويا منصووور و دووم لما بيطلع محمد الدكان منصووور يبركنله بالسيارة هههه الاخ استغلالي و محمد انسان حبوب و يحب الخير لغيره بس يكره دلـــــــــــع البنات و خصوصا دلع اخته نووورة وااايد يعلق عليها و يضحك عليها و هي دوووم تتواجع وياه ليل و نهار بس محمد يوم ما يروم يسوي بحوثه و مشاريعه يستوي مؤدب عند نورة و يقردنها و حالته حالة بس عسب تسويله اشغاله >> انزين صج بعض الاولاد جيه ما يحبون يسون بحوثهم فيعتمدون على خواتهم فهالشي و اذا خواتهم ما سوولهم اللي يبونه حطووو المعلووومات كوبي بيست من النت على قولتهم (( انسخ و لصق ))


ناصر و سارة الثنائي الخبيث بعدهم يخططون كيف يستولون على أمــــــــــــــــــــلاك قووم ريم و ريم يا غافلين لكم الله و ام ريم "ابتسام" للحيــــــــن مصدقة ان ناصر يحبها و كانت تكلمه كل يوم و غير هذا كله تشوفه دوووم بالشغل عندها و بو ريم مشغووول باشغاله و دوووم يكووون مع ربعه او مسافر و غيره يعني لاهي عن عائلته و لا يسال حتى عنها و ريم هي الضحية من بين امها و ابوها عايشه حياتها على هوى سارة اللي تتحكم فيها و اللي تعلمها طريق الفساد و الضياااع و غيره و سارة لما عرفت عن اللي صار بين راشد و ظبية فرحـــــــــت فرحـــــــة كبيره ما تنوصـــــــــــف و حست بلذة الانتصااااار بس اللي فاجأها ان رااااشد كان عايــــــــــــــش حيااااااااااااته من بعد طلاقه من مرته بس هي المهم عندها انها احرقت قلب راشد مثل ما حرق قلبها,,,





و منو بعد بقى تبون تعرفون عنه مممممممم هيـــــــــــه تذكرت (( بووفهد + بووفيصل ))
بعد تقريبا شهر و نص من عقب حادثة ظبية و موووت اليدة المرحومه اتصل المحامي اللي وكلته اليده من انه يقول وصيتها لعيالها:-

المحامي معضد: الوو..السلاااامـ عليكمـ و رحمة الله و بركاته
بووفيصل مستغرب : و عليكمـ السلااامـ..منو معاي
المحامي: معاك المحامي معضد طال عمرك
بوفيصل: خير شو بغيت
المحامي: المرحومه امكم تركت وصية بين ايدي و انا لازم اوصل هالوصية لك انت و اخوك و بنات اخوك
وقف بوفيصل من مكانه مستغرب: وصـــــــــــــــية انت شووو تقووول
المحامي معضد: هذا اللي قالته لي المرحومه و اللحــــــــــين انت و اخوك الاستاذ سلطان لازم تجتمعون مع البنات عسب اقول الوصيـــــــة
بوفيصل بلع ريجه: انزين ما ينفع بدون البنات
المحامي معضد: لا ما ينفع يا استاذ عبدالله باجر ان شاء الله على الساعة سبع بكون ببيت المرحومه و لا تنسى تاكد هالشي لاستاذ سلطان.. يلاااا مع السلااامة
بوفيصل: مع السلاااامــــة
و على طوووول من عقبها طلع بوفيصل على مكتب بوفهد اللي جريب منه تقريبا و راحله و خبره
بوفهد معصب: نــــــــــــــعم اشو وصيته بعد
بوفيصل: اللي سمعته يا خوووي
بوفهد: خلاااااص نرووووح و نشوف شو عنده هذا بعد
بوفيصل: و فووووق كل هذا بنشوف بنات عبيــــــــد علـــــــــــي
بوفهد: الله يستر من الياااااي الله يستر

~(( الوصية بتلعب دووور كبير في تحديد مصير البنات ))~






في بيت البنات:-
منال قالبة الدنيا فوق تحت: لاااااااا يعني لااااا
مها قامت من مكانها: انتي كله لا لا لا حشى ما يسوى عليج
منال لفت على مها: مب مستعده اقابل هالاثنين
مها: كلنا بنقابلهم و هالاثنين اللي تتكلمين عنهم هم اعمامي يا منال
منال: و انتي راضية باللي سوووه بيدوووه و حتى قبل ما الله ياخذ روحها مايو يستسمحون منها
مها: لا ما نسيت و ما بنسى انهم انكرو يدتنا المرحومه اللي هي تصير امهم
مهره: و بعدين انتو شدراكم يمكن لو دروو انها رااح ترووح من هالدنيا يمكن يستسمحون منها
مها: ما ظن و لا حتى يمكن,, انا لما اتصلت على مكتب عمي و كلمني و قلتله عن وفاة المرحومه هزئني و سكر التلفون بويهي
مهره: هذا أي عم فيهم
مها: عمي عبدالله اتصلت فيه من عقب وفاة المرحومة باسبوعين كنت ابغيهم يحسون بقيمة هالفقيرة المسجينه امهم اللي توفت لكن هم لا حياة لمن تنادي
عصبت منال: و انتي منو سمحلج تتصلين له و تشكين له الحاااااااال
مها: منــــــــــــــــــــــال لا تنسين اني انا اختج العوووووده و انا لما كلمت عمي كنت ابلغه بوفاة المرحومه مب اشكيله الحال بلاااج انتي جيه و ياليته بعد رد عليه
منال: آسفـــــــــــة بس انا تعبانه شوي >> و بدت تصيــــــــح
يت ميثة و لمتها لحضنها و قعدت تهديها
يات مها حذالها و قالت: يا منال يا حبيبتي انا ادري من انج منقهره من سواياهم بس نحن لاااازم نحترم رغبة المرحومه من ان كلنا نجتمع و نسمع وصيتها مع اعمامي
ميثة: هذا اللي انا افهمه لها من ساعه بس هي مب راضية تفهم
مها: خــــــــــــلاص يا بنات نحن لاااازم نصير اقويا عسب نواجه كل شي و لازم نكون ايد وحده
ميره: بس انا خايفة يا مها خايفه وايد بعد
مها: تعالي حبيبتي تعالي >> قعدت ميره حذال مها
مها: تذكرين اللي صار لج انتي و مهره >> تقصد حادثة الاعتدداء
ميره بضيج: ايه اذكر
مها: شو قالتلج يدوووه من عقب هالحادثة تذكري
قبل لا تكلم ميره قالت مهره: و انا بعد ذكرتج بكلام يدوووه يا مهره لما كنت اقولج انها قالت لنا عيشو كل لحظة بلحظتها و اذكرو ربكم بكل الاوقات و لا تنسو تتوكلون عليه فكل شي و فوق هذا كله من عقب الحادثة كانت دوم تشجعنا على ان نبقى قويين و ما نتاثر بالحادثه و ما منعتنا من الطلعه ابدا يوم نسير مكان عشان ما نستسلم للخوف و ما نياس و لا تنسين بعد لما قالت لنا انتو صغار لا تدفنون سعادتكم بيدكم انتو الحمدلله ما صار لكم اللي بالي بالج ( تقصد الاعتداء ) اللهم بس الحرج اللي بيدج انتي ارضي باللي الله كتبه لنا و قطي كلام الناس ورى ظهرج
ابتسمت ميره: صح كلام يدوووم لااازم ما نيأس و لا نخاف من المستقبل لازم نتوكل على ربنا
ميثة: و نحمد ربنا على كل شي
مهره: و نعم بالله يعني خلج قوية يا ميره مثل ما عهدناج
راحن كل البنات قعدن تحت و مسكن ايادي بعض بقووووووة و كانت كل وحده فيهن تبا تقول كلااام بخاطرها لكن اللمه و الحب و التآلف و التراحم اللي من بينهم عبر عن كل اللي بخاطرهم






في بيت بوفهد:-
منصور لما شاااااااف عمته ظبيه تدخل البيـــــــــــــــــــــــــــــــــــت سار لها صااااااااارووووووخ
منصور بفرح: عمـــــــــــــــــــــــــــوه ظبيــــــــــــــــــــــــــــــــــة وحشتيــــــــــــــــــــــــــــني
ظبية نزلت على مستوااااه و فتحت له ايدها بتحضنه: يااااا عــــــــــــــــــــمري انته و انته بعد وحشتني واااايد
منصور نقز نقزة على ظبية من كثر حماسه لها
فهد: ما عليـــــــــــــــــه يا منصور و انا ابوك توني داخل معاها ما عبرتني
منصور: هههه
احمد كان ماسك شنطة ظبية و الاكياس نورة كانت شايلتهم
نورة تدخل بالاكيااااس: فهد ما شاء الله دخل البيت و لا قال بشل عن اختي الاكياااااس
فهد: هههه انكرفي شو خانتج
نورة: و انتي ظبيووه ما شاء الله ما احيد ربيعاتج هالكثر عسب ايبون لج هالهدايا
ظبية: ههه شسوي بعـــــــــــــــــــد اقولهم لا تييبونلي هدايا ما يصير عيــــــــــــــــب
منصور: عموه ظبية ما يبتيلي العاب
احمد: حبيبي منصور هي طالعه من مستشفى مب من محل العاب
فهد: فديته متعود عليها دووووم تييبله العاب
منصور: عموه ظبية انتي خلاااص بترقدين ببيتنا
ظبيه: هيه حبيبي
منصور: عيل انا بنام عندج اليوم
فهد: ايا الخاااااين و انا منو بينام عندي
منصور: ابويه بس برقد عندها يوم وااااحد
فهد عفس شعر ولده و قاله: خلاااص مدام يوم واااحد مسموح لك بس عاد لا تأذي عمره ظبية تراها تعبانه
ظبية: لا تعبانه و لا شي خلاااص صرت عال العال صارلي شهر و نص تقريبا بالمستشفى شفيت الحمدلله
احمد و نورة سارو غرفة ظبية و حطولها اغراضها هناك
و ظبية راحت تفسخ عبايتها
و محمـــــــــــــــد كان راااااقــــــــــــد بغرفته
فحبت ظبية تغلس عليه مثل ما كانت تسويله قبل ما تتزوج راشد
دخلت على محمد الغرفة و كانت برد ثلـــــــج و هو كان متكور على اللحاف و صاكها بنووووومها عدله
راحت ظبية و تمت تحك له راسه
محمد يتقلب: همممم
ظبية ابتسمت و راحت تمطله اذنه بس شوي خفيف
محمد تضايــــــج: منصــــــــــــــوووووووووووور و قسم بالله اذا ما طلعت بصمك بكــــــــــف محترم ينطرك لحضن ابوووووك
ظبية كتمت ضحكتها و راحت بندت المكيف و ردت تقعد على السرير و هالمره مطتله شعره
محمد زااااااااااعج: بتتــــــــــــصفع تراااااااااااك يا الخاااااايـــــــــــس
ظبية ضحكت من خاطرها على اخوووووها
محمد سمع حسها و بقق عيوووونه مستغرب: ظبيـــــــــــــــــــووه
ظبية: ههههههه هيه ظبيوووه عيل منووو
محمد اتشقق من الوناسه: الحمــــــــــــــــدلله على السلااامة توه ما نوووووور البيـــــــــــــــــــت اسفرت و انورت
ظبية بابتسامه: اللــــــــه يسلمك و يخليــــــــــــك و بعدين حد ينام الين الساعه 11 الظهر بسك يلااااا قوووم
محمد: اليـــــــــــــــــوم بس عشانج بقـــــــــــــــووووم
نورة دخلت عندهم: و اخيرا هذا نــــــــــــش
محمد: جب انتي جب لا اصمج بكف
ظبية: هههههههه بلااااك انت على الكفووووف كله تبا تكفخ
محمد: شسوي خوانج ما ينفع معهم الا هالاسلوب
نورة: لا و الله و انا شووو قلت عسب تكفخني اخ محمد ما عليه بنشوووف منو بيسويلك بحث عربي
ظبية: ويــــــــــــــــه انتو بعدكم على المناجر ما تغيرتو هههه
محمد: و لا راح نتغير >> و عقب دخل الحمام يتسبح
نورة قعدت عند ظبية على السرير
ظبية مسكت ايد نورة و قالت: هاه شخبار الدراسة وياج ؟؟
نورة: الحمدلله شاده الهمه طال عمرج
ظبية: ...
نورة بتردد: ظبية
ظبية: امري حبيبتي
نورة: امي..
قاطعتها ظبية: رحت غرفتها قبل ما امر على محمد بس ما لقيتها وينها فيه ؟؟
نورة: امي تحت اللحين بالصاله,, صح لما كنتي بالمستشفى ما كانت اتيــــــــج بس اعذريها لان ابويه هو اللي اجربها على هالشي
ظبية تنهدت و اطالعت الصوب الثاني: يكفي انها كانت تتصل فيني ما تقصر
نورة: يعني انتي مسامحتها لما كانت تصد بويهج قبل طلاااقج من راشد
ظبية: و كيف ما تبيني اسامحها هذي امي ادري انها قبل كانت تصدني لان راشد وهمها اني كنت على علاقة مستمره مع سعيد حتى بعد زواجي منه بس هاللحين هي تعرف الصج و هذا اللي مريحني و سالفة الصور ابوي لما قاله فهد عن الحقيقه ما صدق بس لما قالو لامي صدقت و وقفت معاي و فوق كل هذا تيين و تساليني اذا مسامحتها او لااا
نورة ابتسمت و قالت بفرح: فديــــــــــــــتج ظبية و الله وحشتينا كلنا,,, اهم شي انج رجعتيلنا
و حضنن بعض و محمد كان وراهن
فقام و شل كلينكس من على التواليت ماله و يسوي عمره عاد اونه يصيح و يسمح دمووووعه
و لما صدن عليه ظبية و نورة تمن يضحكن على سوالفه
محمد ضحك: هههه ما ادري عنكم مسويلنا فلم هندي >> و رد عقب يرمس جد و قال: و انتي ظبية مدام انج ما شفتي امي للحين فنزلي و شوفيها تحت تراها دوووم تحاتيــــــــــج و كانت متندمه على انها اغصبتج على راشد
ظبية على طوووول نزلت تحت هي و محمد و نووورة
و تحت بالصاله كان فهد يلعب مع ولده منصور و احمد قاعد ياكل فواكه وحليله يوعان
و ظبية شافت امها يايه من المطبخ التحضيري و على طول راحت لها و سلمت عليها و ام فهد كانت من الخااااطر فرحانه و خصوصا انها خلاااص راح تشوف بنتها جدام عينها على طووووول..







سارة قاعدة عند ريم ببيتهم
ريم مستغربة : مســــــــــــــــافر
سارة تمسك موبايلها و ردت عليها: ايــــــه مسااافر من ثلاث اسابيع و اليوم فالليل راح يرجع
ريم: غريبه ما قالي ان راح يسافر
سارة صدت على ريم: اونج عادة ما تكلمينه يعني عسب ما تعرفين عنه شي
ريم ارتبكت: آآآ...
سارة: بلاااااج ؟؟ صاير شي بينج و بين راشد
ريم: لا ابدا مب صاير شي بــــس بــ ـــس
سارة عقدت حياتها: بس شووو
ريم: انا خايفة يا سارة
سارة: تكلمي قولي شو اللي صاير بينج و بين راشد زيغتيني
ريم مرتبكة: مـــــــــهره
سارة: اوووووه عاااد تكلمي عطيني جملة مفيده لا تكلميني بالقطارة منو هاي مهره
ريم: اخت ميره
سارة مستغربه: و مهره شو يخصها بسالفتج انتي و راشد
ريم بلعت ريجها: و الله ما ادري بشو ابدأ لج,, تراا راشد شاف صورة مهره بالسي دي مالي و و..
سارة وقفت مكانها و بققت عيونها: لا تقوليـــــــــــن ان سوى فيها شي
ريم: لااااااااااااا
سارة: اشوااااااا حسبالي بعد
ريم: بتيج السالفة بلاااج مستعيلة,, من بعد ما شاف راشد صورتها ملزم عليه الا يشوفهااااا و انا الشي الوحيد اللي راح يوصله لها
سارة: ايهي يا راشد اسميك وهقة انته بعد و ما شاف عاد ينعجب الا بام النظارة الطبية الكبيرة
ريم: و بصراحه من جيه انا ما اكلمه ابدا و حتى لو اتصل فيني ما ارد عليه
سارة: هـــه بعدج ما عرفتي راشد عدل هذا راشد لو يبغي المليون عادي يحصله فثانية وحده
ريم: صرفيني قوليلي شو اسوي عشان افتك من هالمصيبه
سارة: لا تحاولين راشد مستحيل يفج عنج الا لما يحصل اللي يبيه
ريم: بس هو صارله شهر تقريبا ما اتصلي يعني اكيد نسى سالفتها
سارة ابتسمت بخبث على غباء ريم: وحليلج انتي ما تدرين عن راشد كثري ما اعرفه انا حبيبتي راشد مثل ما قتلج من طلق زوجته سافر للخارج يعيد حساباته لمستقبله و مهره اكيد من اساسياته و اولوياته هالبنيه صح انها سمره و تلبس نظارة بس مع ذلك جمالها يفوق الوصف و مدام انها بهالقدر من الجمال اكيد راشد منبهر فيها فصدقيني مستحيل يتخلى عنها ابدا
ريم زاغت: يا ربيــــــــــه كيف اطلع من هالورطة
سارة بلا مبالاة: و انتي لا يكون خايفة عليها
ريم: لااااا ويــــــع انا اخاف على مهره اصلااا ما تهمني مووول
سارة: عيل ليش خايفة توصلينها لراشد مثل ما هو يحب
ريم خافت اكثر: لان هالبنية غير يا سارة و الله غير هالبنت هادية و فحالها و على نياتها انا صح ما احبها بس مع ذلك ما اريد اضرها
سارة: لا و الله اللحين راشد بيضرها
ريم: و انتي شدراج هذا عادي عنده كل شي
سارة: و انتي شعليج سوي اي شي يقدر يوصل مهره لراشد مثل ما هو يبغي و خلاااص عقب بيخليج بحالج
ريم بتردد: بس...
سارة: لا بس و لا شياته مب انتي افتكيتي من المره الاوليه من جاسم لما كان يسالج عن ميره
ريم: امبلااا
سارة: بس عيل تراج ان سويتي لراشد اللي يبغيه بيهدج بحالج
ريم: يعني هذا شورج
سارة: هيه و لا انتي شايفة حل غيره
ريم: لاا
سارة: مممم انزين مب حابة اليوم انسير نستقبله بالمطار
ريم: هـــــــاه لااااااا مستحيل
سارة: ريم و بعدين معااااااج
ريم: اخاااااااف منه
سارة: لا تخافين و لا شي هو آدمي ما بياكلج زهبي حالج الساعه تسع بيي باخذج نسير نستقبله بالمطار


يتبــــــــــــع

في بيت بوفيصل
ام فيصل شهقت: توووووووفـــــــــــــت من متى و ليش نحن آخر من يعلم
فيصل: يا امايه خلينا نكملج الرمسة و عقب..
قاطعته امه: يعني انت بعد كنت تدري
بوفيصل بشده: نسيتي ان نحن معتبرينها ميته من زمان
ام فيصل: انته شوووووو حراااااام عليك هذي امك تعررررررف شووو يعني امك
بوفيصل: اللــــــــــوم ما ينفع اللحين
ام فيصل و دمعتها بعينها: اللي سويته انت و اخوووووك ما يرضي ربنا يا بو فيصل حراااااام عليك صار على وفاتها شهر و نص تقريبا و انت ما رحت عزاها و لا حتى فكرت تستسمح منها قبل وفاتها
فيصل تدخل: يا امايه انتي فهمي السالفه الاساسية و عقب قولي اللي تبينه
ام فيصل بانفعال: انت ترضى انك تكووووووون عااااااق عليه ترضى قوووووول تكلم
فيصل: لا ما ارضى بس حالة ابوي حالة خااااصة غير عن حالتي انا مستحيل اكون عاق عليج
بوفيصل: فهمها يا فيصل فهمها
( ترا على فكرة ام فهد و ام فيصل و فيصل و فهد يدرون عن اليدة اما البقية ما يدرون ان كانت لهم يده حيه )
فيصل: يا امايه استريحي مكانج و خلينا نقووول الشي المهم لج
ام فيصل صدت بويهها للناحية الثانية تصيح: شووو بعد غير الشي المهم عن وفاة المرحومة الله يسامحك يا بوفيصل انت و اخوووك الله يسامحكم كيف هان عليكم تموت امكم و لا رحتو تستسمحون منها هذي امكم لو شو ما صار تبقى امكم و لا هالبنات المسيجينات اللي تمن بريحاتهن بالبيت و محد عندهن شو بيقولون الناااس عنهم بنات بالبيت بروووحهم من غير ريااال و اعمامهم ما يدرون عنهم شي عيب و الله عيب و فوق كل هذا ربنا ما يرضى بجيه
فيصل راح و حب راس امه و مسك ايدها و قال: ابوي بتقول لها وانا اقول لها
بوفيصل: اليوم يا ام فيصل انا بروووح للبنات
استانست ام فيصل: ودني معاااااااااااااك بطمن عليهم بشوووف شو يبون شوو ناقصنهم
بوفيصل: انا قصدي بروح بيتهم مع اخوي سلطان بس
استغربت ام فيصل: و ليش ما يصيرانا اروووح معاكم
بوفيصل: آاأ.. المحامي دق علي البارحه و قالي ان المرحومة تركت وصية و لازم انا و اخوي نروح بيت المرحومه بنجتمع هناك مع البنات عسب نسمع وصية اليدة
ام فيصل تمت منذهله: وصية
فيصل: هيه وصية اليوم ابوي و عمي بيروحون و بيشوفون شو السالفة
ام فيصل: انزين برووح معاكم و الله مب هاين عليه اخليهن بريحاتهن لازم اسير اطمن عليهم قلبي ناغزني عليهم
فيصل: ماله داعي هالخوووف يا امايه اقول ابوي لا تنسى ان انا و فهد بنروح معاكم
بوفيصل: ما عليه اللي يريحك
فيصل: يلااا عيل بصعد جناحي برتاح شوي ما توصون على شي
بوفيصل: سلاامتك رووح ارتاح و على المغرب بنسير لبيت المرحومه






في بيت ريم
من بعد ما راحت سارة عنها سارت ريم لغرفتها لكن قبل ما تدخل حجرتها سمعت اصوات بغرفة امها فراحت توايج على مصدر الصوت و عقب وقفت ورى الباب بمسافة شوي بعيدة
بو ريم: ok, don’t warry I will came to you at 11:00 don’t leave the home ( لا تخافي انا بييج البيت على الساعة عشر فلا تطلعين )
ريم استغربت منو ابوها قاعد يكلم و ليش هو معصب و متوتر
بوريم: oh my god, what happen to you I said to you don’t do any thing without me but you didn’t listen to me ( يا ربيييه شفيج ترا انا قايلج لا تسوين اي شي من غيري لكن انتي ما تسمعين الكلام )
ريم زادت حيرتها و قالت لنفسها: يا ربيه ابوي شكله وراه شي بس شو ما ادري خلني اتقرب اكثر عسب اسمع زين
بو ريم: norma don’t let me to be angry from you ( نورما لا تخليني اعصب منج )
ريم شهقت و رجعت على ورى و بسرعة راحت لغرفتها
ريم فنفسها: لا اكيد انا ما سمعت زين مستحيل ابوووي يخون امي لالالالا مب معقولة اووويه بس هو قال لها ان هو بييها على الساعة 11 انا لازم الحق ابوي و لازم اعرف ابوي شو ورااه اففففففف يا ربي انا من منو بلقاها من راشد و لا من امي و لا من ابوي








في بيت البنات:-
اغلقت مهره المصحف و حطته مكانه و سارت عند ميره اللي كانت سرحانه
مهره بابتسامه على ويهها: بلاج ميراني
ميرة معلقة عيونها على الساعة: و لا شي
مهره تمسك يد ميرة بحنان: تطالعين الساعة يعني تنتظرينهم
ميرة و محاجر عيونها تلمع بالدمع: قصدج اتريا اعرف شو بيكون مصيرنا
مهره: هذا المصير يخصنا كلنا يعني مب انتي بروحج فلا تخافين
ميره: آآآه الله يستر من الوصية احساسي يقول ان في شي شايد راح يصير
مهره: ميرة بطلي الوسوسة عنج و لا تسبقين الاحداث و عيني من الله خير
ميره تنهدت بعمق: الله يستر الله يستر
مهره: باجي جم من ساعة و بنشوف عمي عبدالله و عمي سلطان
ميرة: و الله ما ابغي اشوفهم مــــــــــــــــــــــووول حتى عزا يدوه ما حضروه
مهره: ما عليه ربنا فووووق
ميرة استسلمت لدموعها: و ما بنسى انهم انكروها لما كانت محتايه لهم ابدا ما راح انسى هالشي
مهره: الله يرحمج يا يدوووه
ميرة بدت تتذكر آلامها: فقدنا الأم و تحملنا و عشنا ايام سودة من بعدها و كانت المعاناة عنوان لكل يوم يديد يمر علينا,, و عقبها فقدنا الأبو و ما حسينا بفرقاه من كثر ظلمه و جوره علينا و عقبها فقدنا يـــــدوووه رحمة الله عليها لكن تعرفين شو العجيب ان نحن البنات عشنا من بعد وفاة يدتنا بنات قويات متعاونات مع بعضنا و فوق كل هذا نحب بعض وايد و نخاف على بعض تعرفين ليش ما عانينا وايد من عقب وفاة يدوووه لان هي عودتنا على ان نحن نكون اقوياء علمتنا كيف نتحمل المسؤولية و علمتنا ان الحياة مثل ما تاخذ منا اشياء غالية بالنسبة لنا فبيي يوم و الحياة تعطينا اشياء تخلي حياتنا فووووق السحاب




نورة دخلت على المسن مالها بتشوف اذا السير طرش لها الواجب على ايميلها و لا بعده
و دخلت هالمرة اون لاين على غير العاده لان قبل اغلب شي تدخل اوف لاين يوم ما تتفيج تسولف مع حد
و عقب شافت الواجب و شافت غرشوبه اللي هي كانت ضايفتنها
نورة: ويه انا هذي ليش ما حذفتها احسلني افتك من شرها و افتك منها مثل ما افتكيت من الشات
و توها يايه بتحذفها - غرشوبه طرشت لها : مرحبااااااا مليووون ^^
||¦☼ж−ـ‗_شمُوخ_‗ـ−ж☼¦||: مرااااااحب غرشوووبة اشحالج
۩۝ணدلع√المدلعة√دلع√على√غير√سنعண۝۩: أنا بخير الحمدلله من صوبج انتي
||¦☼ж−ـ‗_شمُوخ_‗ـ−ж☼¦||: تمام و الله
۩۝ணدلع√المدلعة√دلع√على√غير√سنعண۝۩: وينج عنبو ما بغيتي تحدرين
||¦☼ж−ـ‗_شمُوخ_‗ـ−ж☼¦||: ما اكووون متفيجة للمسن مشغولة بالدراسة
۩۝ணدلع√المدلعة√دلع√على√غير√سنعண۝۩: ليش انتي تدرسين
||¦☼ж−ـ‗_شمُوخ_‗ـ−ж☼¦||: و انتي شو يخصج
۩۝ணدلع√المدلعة√دلع√على√غير√سنعண۝۩: بعدج على اسلوبج الجاف
||¦☼ж−ـ‗_شمُوخ_‗ـ−ж☼¦||: ليش في اعتراض
۩۝ணدلع√المدلعة√دلع√على√غير√سنعண۝۩: لا مب قصدي جيه بس اقولج غيري اسلوبج معاي للاحسن عسب اعرف اكلمج
||¦☼ж−ـ‗_شمُوخ_‗ـ−ж☼¦||: اقولج لا تطولينها و هي قصيرة انتي قلتي بتكلميني بموضوع قولي يلااا شوو عندج
۩۝ணدلع√المدلعة√دلع√على√غير√سنعண۝۩: اوكي راح اقولج السالفة بس بالاول قوليلي انتي جم عمرج
||¦☼ж−ـ‗_شمُوخ_‗ـ−ж☼¦||: و ليش هالتحقيق ان شاء الله
۩۝ணدلع√المدلعة√دلع√على√غير√سنعண۝۩: لا حول بلاااج انتي جيه جبريت ما تتفاهمين مووول
||¦☼ж−ـ‗_شمُوخ_‗ـ−ж☼¦||: عيل لااا تساليني عن اشياء شخصية مووول
۩۝ணدلع√المدلعة√دلع√على√غير√سنعண۝۩: بس لازم على الاقل لازم اعرف عمرج و اسمج لو سمحتي يعني
||¦☼ж−ـ‗_شمُوخ_‗ـ−ж☼¦||: اسمي نورة و عمري 20 سنة
۩۝ணدلع√المدلعة√دلع√على√غير√سنعண۝۩: العمر كله يا نورة
||¦☼ж−ـ‗_شمُوخ_‗ـ−ж☼¦||: و انتي منو و جم عمرج
۩۝ணدلع√المدلعة√دلع√على√غير√سنعண۝۩: أنا فاطمة عمري 23 سنة
||¦☼ж−ـ‗_شمُوخ_‗ـ−ж☼¦||: زين فاطمة يلااا خبريني شو تبين
۩۝ணدلع√المدلعة√دلع√على√غير√سنعண۝۩: ممممم
و خبرتها بالسالفة >> طبعا انتو راح تعرفون عقب مب اللحين..





في بيت بوفهد:
ام فهد: شــــــــــــــو تقوووول انت
بو فهد: اللي سمعتيه يا ام فهد
ام فهد: و انت فهد بلاااااك ما تقوووول شي فهموني شو السالفة
فهد وقف مكانه و رفع واحد من حياته و قال: شو تبيني اقولج زوووود يا اماية يدتي توفت و انا اليوم اعرف و لا واحد فينا راح العزا قلنا عاد حلفتو علينا ما نزورها بس عاد مب لدرجة انكم ما تخبرونا بخبر وفاتها الا بشكل متاخر
ام فهد: و انت قاعد تلومني حضرتك ترا انا الا مثلك ما دريت الا من ابوك اللحين
بوفهد بحده: و انت لا تسويلي فيها الحساس على موت يدتك هي ماتت و خلااااص و افتكينا منها
فهد مستحيل يسكت عن شي اسمه حق حتى و لو هالشي بويه ابوه: الحساس اللي ترمس عنه يعرف يفرق بين الظلم و الحق و انت هالانسانه ظلمتها يا بوي انت و عمي وااااايد و فوق كل هذا ما استسمحتو منها قبل وفاتها و لا تنسى يا بوي ان الله فوق يمهل و لا يمهل
بوفهد عصب و قام من مكانه: انت كيــــــــــــــــــــــف تتجرأ و تقولي هالكــــــــــــلام ؟؟؟
فهد يواجه ابوه بجراة: مع احترامي لك يا بويه لكن انا الحق دووم على الساني و بعدين انت ليش عصبت اذا انت واثق من عمرك
بوفهد على صوته: شووو قصدك بهالكـــــــــــــــــــــــلام
ام فهد قامت تهدي الوضع: فــــــــهد اصعد جناحك و سير اطمن على ولدك احسنلك من هالكلام
راح فهد لجناحه بهدووووء و ترك ابوه بغيضه
ام فهد: انا سايرة وياك اليوم
بوفهد: لا مالج لزمة لشو السيرة بعد
سكتت ام فهد لان ظبية يات لهم
ظبية خافت لما شافت ابوها خصوصا انها من يوم ما رجعت من المستشفى دوووم تتهرب منه
ظبية سارت و حبت راس ابوها و قالت: اشحالك ابويه
بوفهد قام من مكانه: و حــــــــــــد يشووف ويهج و يكون بخير
و عقبها راح بوفهد على طووول لجناحه و سارت وراه ام فهد تهديه و ظبية تمت لحالها
و هي بشكل لا ارادي تمت تصيـــــــــح من ردة فعل ابوها
ظبية تحاول تبني حياتها من يديد بس ما تعرف كيف لانها وايد خاااااايفة
و لما تتذكر وحشية راشد تمووووووت الف مرة بالثانية و وااايد تتضايج من سالفة انها ماراح تتزوج
نهائيا لانها خلاص تحس بالضعف و بعدم الامان اذا تزوجت مرة ثانية و تخاف ابوها يغصبها مرة ثانية على واحد هيث ما تبيه
بس هي كل اللي تعرفه انها تكــــــــــــــــــــــــره راشـــــــــــــــــد كــــــــــــــــره العمــــــــــــــى
لان هو السبب باللي هي فيــــــــــــــــــــه
نورة كانت نازلة و ماسكة منصور من ايده
منصور: عموووووه ظبية عمووو ظبية
ظبية: مسحت دموعها و لفت عليه: هلااا حبيبي شو بغيت
منصور: ليش ابويه محرج
ظبية طالعت نورة مستغربة: شو قصده منصور
نوره: علمي علمج ما ادري شبلااه و لا وفوق هذا كله ابوي محتشر ما ادري شو فيه و شكله بيطلع على الساعة سبع
ظبية : غريبة وين يعني بيروح بهالوقت
نورة: ما ادري و الله انا حاسه ان في شي صاير لما رحت و سالت امي صارخت بويهي و ما عرفت منها السالفة
ظبية: يا ربي شو هالغموض بهالبيت
منصور: حتى ابويه بيروح ورى يدي
ظبية و نورة صدن عليه
نورة: و انت شو دراك
منصور: انا قلت لابويه بنروح نسبح بالمسبح خلاف بس ما طاع و قالي ان هو راح يطلع مع يدي
نورة: ما قالك وين
منصور: لااا و ما خلاني بعد اروح معاهم
شوي و دخل عليهم محمد
محمد: الســــــــــــــلام عليكم
الكل: و عليكم السلااااام
محمد معقد حياته: منصـــــــــــــــــــــور انا شوووووو قايلك
منصور راح ورا عمته ظبية: انزين انا ما رووووم
محمد: مسود الويه لكن شوووو اقووووووول ما منك من ابوووك اللي مبطرنك
ظبية: بلااااك على الولد شااااااااااب بوويهه
محمد: انا قايله قبل ما كنت بطلع من انه يبعد درااااجته من على الباب الرئيسي لكن عاند فيني و ما خوزها
و راح عقبها و مط اذن منصوووووور
منصوور: أأأأخ هدني يا العوووووووووي
محمد بقق عيونه: انا عووووووووي منوووو معلمك اياااها
منصور: هذي عمووه نووورة تقول عنك جيه
نوره شهقت: حسبي الله على ابليسك يا الرويتر
محمد: نـــــــــــــــورة يا السخلة يا البــــــــــــومة مرة ثانية احترمي عمرج و لا ترمسين من وراي
نورة: سخلة و بوووووووومة حرمتك يا الهيــــــــــــس
محمد: حرمتي تااااااااااااااااااج على راااسج
نورة: تـــ...
قاطعتها ظبية: بـــــــــــــــــــس بـــــــــــــــس لعنبووووووووووكم متى بتعقلوووووووووون و تفكونا من حشرتكم
منصور: هذا العوي و هذي البوووومة هم اللي يسووون حشرة
محمد: منصــــــــــــــــــــــــــــــــــــــوووووور منـــــــــــــــو العوي يا العوي
منصور خاف: ماحد ماحد
نورة رن مبايلها و راحت شوي بعيد عنهم و تكلم ربيعتها
ظبية: و انت متى بتفتح كتبك
محمد: لا حوووووول انتي من صووب و احمد من صوب و امي من صوووب بس و الله لوعتي بجبدي بشي اسمه كتب
ظبية بجدية: ما علينا متى بتذاكر
محمد: يوم الله بيكتب
ظبية ترمي قوطي الكلينكس عليه: و حضرتك ما عندك نية يعني تذاكر
محمد ببرود: بفكر بالمذاكره قبل ما ارقد لا تخافي
ظبية: محــــــــــــمد
محمد: انزين انزين كليتي فوادي بذاكر عقب بس مب اللحين لان اللحين انا بروووح آخذلي شور









قامت ابتسام( ام ريم) من مكانها
ناصر: على وين و لا ما عجبج الموضـــــــــــوع
ام ريم بتوتر: هــ ــــاه
ناصر بمكر: اللي سمعتيه
ام ريم: بــس
ناصر قاطعها: بس شو يا ابتسام نحن نحب بعض فليش ما نكون لبعض
ام ريم: بس مـــــــــــوضوع الزوااااج شي كبير
ناصر: انزين و يعني,,, يا حبيبتي انتي ليش مكبرة الموضوع
ام ريم: وو الله ما ادري
ناصر: و شو اللي ما تدرين عنه
ام ريم: ما ادري كيف ابدأ افكر او كيف اتصرف
ناصر: مب انتي قلتيلي انج ما تحبين سالم ( بو ريم )
ام ريم: ايه
ناصر: خلاص عيل انفصلي عنه و ارتاحي منه و عقب بتكونين لي
ام ريم: و ريــــــــــــم
ناصر: و اللحين تذكرتي ان عندج بنت
ام ريم: انا اقصد ان ريم راح تعارض على فكرة زواجي منك من بعد ما اطلب الطلاق من زوجي
ناصر: لا ما عليـــــــــــــــج منها ريم صغيرة و ينقص عليها بسرعة
ام ريم: و كيف بعيش حياتي معك و هي موجودة
ناصر: حبيبتي وجود ريم او عدمه وااااااااااااااااحــــــد
ام ريم ابتسمت: خلااااص عيل تم





اتصل فيصل على فهد
فهد: الـــــــو
فيصل: هــــــلا بالفهد شو هباتك
فهد: و الله ما ادري شو اقولك يا فيصل مالي ويه اسير مول اريد اهون عن السيرة معاكم لكن ما اقدر
فيصل: و انت بعدك على موقفك يا بويه المرحومه توفت و خلاااااص
فهد: و انت بعد استويت مثل ابوي يا فيصل
فيصل: مب قصدي بس انا قصدي ان لازم نعيش الاحداث اللي تصير اللحين و نخطط لها مب نحاسب عمارنا على شي فات اوانه و ما نقدر نصحح فيه شي
فهد: امري لله خلااااااص بتوكل معاكم
فيصل: خلاص الغالي عيل بلغ ابوك من ان نحن راح نروح اللحين
فهد: اللـــــــــــــحين
فيصل: هيه لاززم نسير بيت المرحومه قبل وصول المحامي معضد
فهد: و بالمرة ابوي و عمي يتفحصون الوضع عند البنات
فيصل: مثل ما قلت نقيس الاوضاع قبل وصول المحامي
فهد: يلااا عيل برايك بسير ابلغ الوالد و بنلحقكم
فيصل: يلاااا نشوفك هناك ان شاء الله
فهد: فمان الله
فيصل: الله وياك



الحــــــــــــــــــــــــــــــــــدث المــــــــــــهــــــــــــــم :-
البنات كلهن كانن برع قاعدات بالحوش على الحصير و يسولفن
ميثة بصوت عالي: خـــــــــــــــــــــــــــــااااااايفة يا ناااااااااااااس
منال: صمختيـــــــــــــنا ويا ويهج انجبي
ميثة: خليني اعبر شوي من احاسيسي حرام شووو
مهره كانت تذاكر أحياء درس الوراثة
ميره تطالعها بنص عين: و الله انج متفيـــــــــــجة على الاخر الناس على اعصابها و انتي مجابلة هالكتاب
مهره كانت لابسة نظارتها و مندمجة بالدرس
ميرة فجت حلجها: حــــــــو منوووو ارمــــــــــس انا
مها: ههههه وحليلها غرقانة ببحر المعلومات خليها تستفيد ابرك لها
ميثة: ويـــــــــــــــــه مهروووووه و الله يبالج طراااااق يعدلج عيل حد يذاكر فهالظرووووف
مهره: انا بعيش حياتي عادي سواء بوجود اعمامي او بدونهم و لو ذاكرت ترااا لمصلحتي بالنهاية
ميره: يعني لازم تييبين نسبة تصك على الكل
مهره: طلب العلم واجب و النسبة تحدد مستقبلي
منال: بس بس الله يخليج مب ناقصين محاضرة بروحنا زيغانين
ميثة: مهــــــــا
مها: خير
ميثة: بلااااج متوترة
مها رفعت كتوفها: ما فيني شي كاني جدامج اضحك و اسولف
ميثة: لا اقصد يعني هادية واااايد
منال: و لا تعتقدين من انج اذا ضحكتي جدامنا يعني انج مب خيفانه من اللي بيصير على جدام
مها: بغصب عليه احاتي والله مب بيدي
ميرة: هذا معضد المحامي متى بيشرف بيتنا
مها: سبع او سبع و نص تقريبا
منال: فهالساعة بنشوووف اعمامنا تصدقووووووون خاطري اطلع غيضي فيهم
مها حرجت: منوووووووووول انا شووو قلتلج
ميره: صدقها مها خلج عادية و لا تتواجعين معاهم ترانا مب ناقصين هم على همنا
مهره: بلاااااكم عينو من الله خير
شـــــــــــــــوي و يسمعووون البنات حد يدق باب بيتهم
كل البنااااااااااااااات وقفن و قعدن يطالعن بعض و كأن كل وحدة تستفسر من الثانية منو اللي ياينهم هالوقت
و رجع الخوف لكل وحده فيهن
ميرة خافت: لا يا رب ان شاء الله مب هم
ميثة: يا ربي شو الصرفة اللحين
و عقب التفتن على مها اللي عيونها معلقة على باب البيت
مهره: بناااااات لبسن الشيل بسرعة ترااا في حد بطل الباب
مها استجمعت قواها و تجدمت البنات


الـــــحــــــــــــد الفاصــــــــــــــــــــــل بالقـــــــــــــــــــــصــــــــة


يتبــــــع

أول واحد دخل هو فيصل و كان صج هيبة كان لابس كندورة لونها بيج و السفرة اغمج بشوي و شعره طالع من ورى الغترة و هو ما شاء الله عليه ابيضاني>> و هو احلى واحد من بين اخوانه و عيال عمه
أول ما دخل فيصل وقف فمكانه و بعده دخل فهد اللي سار و وقف حذال فيصل
بوفهد و بوفيصل اول ما دخلو تمو يطالعون نظرة شاملة على البيت اللي صج صج يبين عليه انه شوي عتيج
فتجدم بوفهد و بوفيصل و وقفو حذال النخلة و وراهم كان فهد و فيصل اللي من الخاطر انصدمو من هالمكان الجديم
و البنــــــــــــات كلهن ورى بعض و فاللحظة الحاسمة وصلن صوب اعمامهن
و لا وحدة منهم تنطقت بكلمة مووووووول
بوفهد طالع البناااااااات كلهم بنظرة سريعة و عقب وجه نظره لمها >>
بوفيصل مب متقبل الوضع مووووول
بوفيصل اخيرا رمس: اشحــــــــــــالكم بنات عبيد ( قالها باستهزاء )
ميرة رصت على ايد مهره
و منال تطالع عمها بنظرة نارية
و ميثة توجه نظراتها لمها و كانها تقول لها ردي عليه يا مها
مها بكل ثقة ردت على عمها: نحن بخـــــــير يا عمي ما نشكي باس
بوفهد يطالع صوب مطبخهم اللي شوي و بيتكسر من عوامل الجو و قال لهم بتكبر:و كيف عايشين بهالمكان اللي حتى فار ما يتنزل يسكنه
منال ام لسان بدت الحرب عندها و طالعت عمها بوفهد بنظرات تخلي الواحد ينقهر منها: و الله البيت اللي تكلم عليه يا عمي لمنا انا و اخواتي و عشنا فيه معززات مكرمات عن العواذل
بوفيصل: و شوووو تقصدين من كلااامج يعني
منال: ان البيت بيتنا و بنتصرف بداخله مثل ما نبي
بوفهد بصرامة: قصري حسج لا اقص لسانج
مها همست لمنال و قالت بحدة: يا ويلج مني عقب انا ما قلت لج قصري الشر
منال و لا همها حد موووول بس صج كانت مقهورة من عمها
و عقب طالعت عمها و فيصل بنظرة احتــــــــــــــــــــقااااااار
فيصل: هـــــــــــي انتــــــــــــــــــــي احترمي نفسج لا اسنعج على ايدي و خفضي صوتج يوم بترمسين
ميثة تموووووت و لا تشوووف حد يهزأ منااااال
ميثة: انت اللي احترم نفسك و لا تنسى انك ببيتنا
فيصل كان رايح لها بس ابوه وقفه
بوفيصل: خلها يا فيصل خلها هذي تربية عبيد الردي لهم
مها: ترحم عليه يا عمي بدل ما تسبه
بوفيصل: و ابوج خلى فيها شي تراااا الا واحد خماري و ما عرف يربي بناته
ميثة: الا عـــــــــــــــــــــاد عن التربية ما اسمحلك تشككنا فيهااا
بوفهد: و الله ولكم السان يا بنات عبيــــــــــد لكن و الله دواكن عندي بس مب اللحين صبرن عليه
فهد: بس يا جماعة الخير هدووو ما يصير جيه لازم نتفاهم و نقعد و نتريا الشخص اللي نحن يايين علشانه
ميرة صج كانت خيفانه و كانت لصقة بمهره اللي عيونها بالارض تستحي تطالعهم و بنفس الوقت متوترة
منال رفعت حاجبها و قالت بغرور: و ليش ان شاء الله اصلا انتو خليتو فيها تفاهم على طووول شبيتو علينا
فيصل: انتي تسنعي و خلي لسانج بحلقج لا اقص لسانج من حلجج
فهد: خــــــــــــــــــــــــلاااااااص كفاية فيصل اسكت عنها لا تزيد النار حطب
فيصل: عيل انت ما تشوووفها مسودة الويه هي و اختها هذي ( و كان ياشر على ميثة )
ميثة: هـــــــــــــــــي انت على شووو شايف نفسك
منال: خليـــــــــــــــــــــه يولي لاااااااه السكوووووووت عن السفيه صدقة
فيصل قال بغصة من ميثة بالذات: صدقيني انتي لو كنتي بيدي و الله كنت ذابحج من الضرب ( كان يقصد ميثة )
مها: لاااااا حووووووول ترا و الله ما يصير جيه نحن لاااازم نهدا شوي,
فهد قال لمها: ممكن ندخل داخل
مها: تفضلوووو معاااي
و عقب سارو الرياييل كلهم داخل الصالة الصغيرة على فكرة ترا بيتهم ما فيه ميلس
اول ما دخلو داخل شافو ان البيت جدا بسيط ما فيه كراااسي موول كله نفس القعدة الشعبية و التلفزيون محطاي على طاولة خشبية صغيرة و على الجانب اليسار للتلفزيون فيه صورة اليدة
و المكتبة الصغيرة عليها مزهرية شوي كبيرة و اليدار لونه ازرق سادة
فيصل قعد: كيف عايشين بهالمكان ما ادري
فهد: صدقك حليلهن اكيد يعانن من مكان عيشهم
فيصل: بيني و بينك يستاهلن هالفقر اللي هم فيه
فهد: فيصل انت و بعدين معاك ياخي هدي شوي بلاااج جيه جبريت
بوفهد: نحن لازم نتكلم عند اكبر وحده فيهم
بوفيصل: هيه ذيج عاقل تفتهم بسرعة
بوفهد شاف مها تدخل و و بيدها دلة القهوه و وراها دخلت مهره اللي كانت ماسكة الفوالة
مهره حطت الفوالة و الغسول حذالهم و سارت بسرعة برع
صبت مها القهوه لعمها بوفهد: تفضل عمي
بوفهد مد ايده و خذ القهوه
و صبت للبقية
و على فكرة ترااا مهاااا من جد كانت مرعووووووووبة على الاخر حتى ايدها كانت تتنافض لما كانت تمد لهم فنيان القهوه
بوفهد: انتي ليش متغشية ترا انا مب غريب
بوفيصل: بطلي الغشوة نحن لازم نعرفكن كلكن
فيصل يهمس لفهد: شكلهم مخططين لشي ولا شو رايك
فهد: ما اقول الا الله يستر
كشفت مها عن ويهها و كانت منزلة راسها تحت فاللحظة بالذات حست عمرها تبا تصيــــــــــح من كبر المسؤولية اللي عليها و من موقفها مع اعمامها
فيصل يهمس لفهد: ول عليهن بنات الفقر كل وحده احلى من الثانية خصوصا هذيج ام السعف و الليف ( يقصد ميثة )
فهد: فيصل انت و بعدين وياااااااك بسك طنااازة شو بنات الفقر بعد هاااي
فيصل: اشوفك تتعاطف معاهم
فهد: و الله يكسرون الخاطر عنبو خمس بنات ساكنات بروحهن بدون ريال و فوق كل هذا ببيت خرابة الله ما يرضى بجيه
بوفهد: انتي البجر صح
مها: هيه نعم عمي انا البجر
بوفهد: و شو اسمج و اسماء خواتج الباقيات
مها قلبها يدق بالقوو من الزيااغ: انا مها و اللي عقبي منال
قاطعها فيصل: ليكون هذي ام لسان
مها: السمووحه منك ولد عمي على زلتها هي و ميثة تراهم ما يقصدووون
فيصل كان بيقول شي بس فهد ما خلاااه
بوفهد: و البنات الصغار منوو
مها: قصدك التوام وحده اسمها ميره و الثانية مهره
فيصل قال لهم ان راح يتصل على المحامي فطلع برع يرمسه
و كانن البنات كلهن قاعدات بالمطبخ و ميثة كانت بتدخله لكن
فيصل لمحها فحب يستفزها
فيصل بابتسامة فيها خبث: ميــــــــــــــثة
ميثة وقف قلبها
و صدت على ورى تشوووف منو اللي يناديها بهالصوت الجهوري
و يوم شافت ان فيصل انقهرت و خصوصا ان هو يبتسم باستهزاء بويهها
فميثة حطت ايدها على خصرها و قالت: نـــــــــــــعم فيه شي
فيصل: سلاااامتج ما فيه شي ناديتج عسب اتاكد انتي ميثة و لا منال
ميثة بكل جراة: حسبالي عندك سالفة و يا هالويه
و يوم شافت ان فيصل ياي صوبها صاااااااااااااااااااارووووووووخ رااحت على المطبخ و سكرت الباب
و اما فيصل يوم شافها راحت ضحك و عقب تذكر ان لازم يدق على المحامي و يشوفه وين عسب ايي لهم اللحين
اما بالداخل مع مها فتم عمها يسالها وااايد اساله و هي تجاوبه
و عقب دخل عليهم فيصل
بوفيصل: هاه وينه هالمحامي
فيصل: بالطريـــــــج و قال ان لازم كلنا نكون موجودين
بوفيصل: حتى البنات اللي اصغر من مها
فيصل: هيه
بوفهد: خلاص عيل مها سيري ناديهن
مها: ان شاء الله
و سارت مها و دخلت المطبخ
و كل البنات ساااااارن حواليها
ميره: هاااااااااااااااا شووو صااار
مها متوترة: لا تسالوني اللحين تراااا عمي طرشني اناديكم كلكم
منال: بدا بعد هذا يتامر
مها: لان المحامي على وصووووووول فلااازم نكوووون كلنا موووجوودين
مهره: و اخيرا يات هاللحظة
ميره: هيه و الله و اخيرا
ميثة: هم لو يطلعوووو ذااااج بو الكندورة البيجية كان نحن بخير
مها: تقصدين فيصل
منال: انتوووو بسكم من الكلااام و خلونا اللحين نسير ندخل داخل
ميرة: يلااا توكلنا
و طبعا لازم ميره تمسك ايد مهره و منال و ميثة ثنائي قوي و مها هي اللي تسيطر على وضع البنات
و اول ما دخلوووو فيصل سيدة عيونه على ميثة يطالعها بقرف
ميثة فجت عيوووونها بكبرها مستغربة من نظراته و انتبه عليها فيصل و رفع حاجبة الايسر و قال بتكبر: بلااااااج تطالعيني جيه مب شايفه خير
ميثة احترقت غييييييض منه: انت يبالك واااحد يصمك....
تبا تكمل رمستها لكن مها رصت على ايدها عسب تسكت
منال همست لميثة: ما عليج منه الهيــــــس خليه يولي ترا الحقران يقطع المصران
بوفيصل انتبه عليهن: بشووو قاعدات تتساسرن شاركونا بكلامكم
منال: عمي ما قلنا شي حشى ما نرمس يعني >> قالتها بعفويه
مها بتموت غصة من اسلوب ميثة و منال
بوفهد: توقع اي شي منهن يا بوفيصل هذيل بنات عبيد
بوفيصل: غير طولة اللسان شو اتوقع منهم
فهد: لا تنسو من ان نحن يايين للوصية فماله داعي كل هالمشاحناااات
منال: انتو ما ادري شفيكم علينا
مها طالعت منال بنظرة حادة و عقبها منال سكتت
مها: ما عليه يا عمي امسحها بويهي
بوفيصل كان بيرد لكن سمعوا الجرس فقام فهد يفتحه
و دخل المحامي لهم




ام فيصل سارت عند اختها ام فهد
ام فهد ترحب باختها اللي توها دخلت: يا مرحباااااا مليوووون باللي لفانا حيااااج حياااااج
ام فيصل: الله يحييج الغاليه اشحالج عساج بخير
ام فهد: بخير الله يعافيج الا انتي شخبارج و شخبار العيال
ام فيصل: ما نشكي باس يا ام فهد
ام فهد: حشى انتي وينج من اسبوع ما شفتج عنبووو شو هالقطاعة
ام فيصل: ههه ما عليه اعذريني
ام فهد: ما علينا تفضلي انتي هني الين ما اروح للشغالة و اخليها تييب العصاير
راحت ام فهد المطبخ و دخلت ظبية و نورة عند خالتهم
ظبية: و انا اقوول ليش بيتنا منووووور اثاريها الغاليه هني
ام فيصل: ههه يالله علني ما اخلى منكم
نورة: اشحالج خاااااالوووووه
ام فيصل: بخير و نعمة و من صوبج انتي و اختج
ظبية بابتسامة حلوة: دام ان نحن نشوووف هالويه الحلووو فاكيد نحن بخير
ام فيصل: تعالووو قعدوو يمي
نورة: عيل وين جسوم و حمدان
ام فيصل: اللحين بييوون ترااهم الا سايرين البر مع اخوانج حشى ما ادري كيف طالعين جيه بالبرد
ظبية: لا خلاااص خالووه خف البرد وايد عن قبل
نورة: و هذاااك اللي دووومه مبوووز بعد وياهم
ام فيصل: ههههه فيصل راااح مع ابووه
نورة: الا وين راااحووو و شوو هالمشوار المهم عندهم
ام فيصل طبعا تدري ليش بس ما حبت تقول: اذا يوو ساليهم بنفسج
ظبية: اقوووول خالووه ذووقي من هالحلاوة ترا انا مسوتنها بيدي
ام فيصل تمسك عن ظبية: تسلم ايدج حبيبتي بعدج شاطرة بالطبخ تعلمي منها يا نووورة
نورة: انزين شوو اسوي ما احب اطبخ
دخل محمد و منصور اللي كانو يايين من برع: و اللحين عاااد خالوه ما شفتي الا هالعيوووز الساحرة تدخل المطبخ
نورة: انت سلم اول و عقب قووول اللي بتقوله
محمد: مسلم عليها خالوه قبل ما تدخل البيت انا و منصور
منصور: يدووووه بتي حفلتنا
نورة: ايهي يا منصووور انت ما خليت حد و ما قلتله عن الحفلة
ام فيصل: حفلة شوو يا منصور
منصور: بنسوي حفلة بالكي جي يوم الخميس تعالي انزين
ام فيصل: حبيبي انته انا اكيييييييييد بيي
ظبية: منصور لزم عليه انا و امي و نورة من ان نحضر هالحفلة اللي قاعد يسويلها دعاية من اسبوع
ام فيصل تحضن منصور و تحبه على خده: فديته هذا من ريحة الغالين ولد دانه المرحومه لا ترفضون له شي
منصور: يدوووه
ام فيصل: قول حبيبي
منصور: ماما يوم سارت عند الله ليش ما شلتني معاها
ام فيصل: لان يوم الله ياخذ حد يشل واحد بس
منصور: و انا متى بشوفها
ام فيصل: منصور حبيبي يوم بتكبر بتعرف كيف بتشوف ماما انزين
دخلت ام فهد و بيدها العصاير
و سارت قعدت صوب ظبية على جهة اليسار
ام فهد: بسم الله بلاكم مويمين
ظبية ما قدرت تستحمل فراحت غرفتها ( لان دانه كانت من اعز ربيعاتها بغض النظر عن انها بنت عمها و بس )
نورة تنهدت: تذكرنا المرحومة زوجة فهد
ام فهد: الله يرحمها و يغمد مثواها الجنه
ام فيصل كان ايمانها بالله قوي و تحاول تمسك عمرها قد ما تقدر: آآآآمين يا رب
و عقب حبت نورة تغير الموضوع: الا محمد وين سار
ام فهد: بعد وين تحيدين بوقت تجهيز العشااا دوومه ينط المطبخ شو طابخين تقول قطوو مب آدمي
امم فيصل: ههه حليله
منصور نط من حضن يدته: عيل انا بعد بسير وياااااااااه
ام فهد: انزين بشوي شوي عن تطيح و انت تركض
و عقب دخلو الشباب أحمد و جاسم و حمدان
حمدان و جاسم: السلااااااااااااام عليـــــــــــــكم
ام فهد: يا مرحبابكم تفضلووووو تفضلووو
حمدان و جاسم راحو يسلمون على خالتهم
جاسم: الله حيبج خالتي اشحااااااالج
ام فهد: ما اشكي باس اشحالك انت
جاسم: الحمدلله بخير
حمدان من عقب ما سلم على خالته راح و قال لنورة: هلاااااا هلاااا باللمبة المضيئه فهالقصر الكبير >> ترااا على فكرة حمدان دووم يتصرف على طبيعته و مسولفجي فنان و عفوي
نورة: ههه اسميك سالفة انته اشحالك
حمدان: عفريت و الله ( يقصد انه بخير ) و انتي شحالج و شو هباتج بالدراسة
نورة: الحمدلله و الله كل شي تمام
و عقب دخل احمد: السلام عليكم و الرحمة
الكل: و عليكم السلااااااام
راح احمد و حب راس خالته: اشحالج الغاليه عساج مرتاحه
ام فيصل: دامكم بخير انا اكيد بخير وينك ما تنشاف موووول
احمد: السمووووحه منج تدرين الشغل ياخذ اغلب الوقت
ام فيصل: الله يوفقك و يوفق كل اخوانك ان شاء الله
حمدان: هيه هيه بدينا بالتفرقة اللحين شمعنى ما قلتي الله يوفقني انا بعد
ام فيصل: ههه انت عادة ما يحتاااي كل يوم ادعيلك بالخير
حمدان خذله موزة و قال: ما عليج منها خالتي ترااا جدامج طبية و من ورااااج تطلع لنا شياطينها
جاسم: ههههههههههههه تقصد سالفة البارحة
حمدان: هههه و في غير هالسالفة
ام فيصل عصبت: انت بعدك على ذااااااااج المووووووضوووع
حمدان: شسوي انزين هي حلوووووووة طررررررر
ام فيصل: ام فهد روووحي و ييبيلي الملاااااااااااس عسب اجربها على ظهره مسود الويه
نورة: اويـــــــــــــــه حمدان ليكون سويت اللي قلته ذاااج اليوووم
حمدان: هههه شفتي عاااد بس الوالدة مب موافقة
ام فهد: شو السالفة فهموني
احمد: انا بقولج السالفة تذكرين لما قلتيلي يوم الخميس اروح اييب نورة من الكلية و انا بطريجي
ام فهد: هيه و شو يخصه هذا بالسالفة
احمد: صبري بتيج السالفة و عقب عاد انا رحت لنورة اييبها من الكلية و كان معي حمدان
و لما قعدنا نتريا حضرة البرنسيسة نوووورة شاف حمدان وحدة عجبته اونه حلوة
فقام الحبيب و راح لها و قال لها انتي مخطوووووووبة ؟؟
ام فهد: حمــــــــــــــــــــــــداان وااابوي عليــــــــــــــــك
حمدان يضحك و لا عليه من شي: هههههههههه خذي الحياة بسهوله خالتي
احمد: المهم و عقب ما قالها انتي مخطوبة و لا لااء فقالت له ليش بتخطبني
ام فهد مندمجة بالسالفه: هيه و شو ردت عليه هاللي ما تستحي
حمدان: قلت لها بخطبج انا اذا ما مخطوبة هههههه الا و الاخت صدقت عمرها و قالت لي تعال تقدملي عند ابوي فقلت لها اتري سبع سنين على الاقل فشردت عني و سارت
الكل: هههههههههههههههههههههههههههههههههههههه
ام فهد: اشوووو بعد متفق معاهااااا اشوفك
حمدان: هههههه كنت اتمصخر عليــــــــــــــهااااا خالتي مب جاد بكلامي و عقب ييت اقول لامي تخطبها لي بس عسب اشوف ردة فعلها ههههه
ام فيصل: نورة منوو هذي البنت اللي يقصدها هالهيس
نورة: ههههه ما اعرفها دووم اشوفها بس ما عرف اسمها و لا اعرف عنها شي
ام فهد: الا ظبية وينها
نورة: راحت فووووق
احمد: روحي ناديها مب زين تنغلق على عمرها
نورة: ان شاء الله



الجزء السادس إن شاء الله رااح يكون تكملة للجزء الخامس..
ترقبوني قريبا..

هــــــــــــــذا البـــــــــارت لعيونكم




۩۩الجــــــــــــــــــــــزء السادس۩۩



في بيت البنات
الكل متفاجأ محد توقع إن الوصية فيها كل هالأشياء
مها عيونها غرقانة بالدموع ما كانت متوقعة ان اللي بالوصية راح ياثر على مستقبلها و مستقبل البنات بشكل شامل
ميثة و منال مب متقبلات الوضع كل شي بالنسبالهم غامض و كأنهم مب فاهمين شي من حواليهم
مهره استغربت وااااايد من الوصية و ميرة كان حالها مب احسن عن حال خواتها الباقيات
فهد و فيصل يطالعون بو فهد و بو فيصل و كانهم يتريون ردة فعلهم
و المحامي من بينهم قاعد يفهمهم كل شي
و خبرهم المحامي كيف اليدة اتصلتله و قالتله على الوصية
و يوم راحتله المكتب قبل ما تتصله و تفهمه كل شي
بو فهد و ويهه مزرق من الحرجة: و اذا ما نفذنا اللي بالوصية
بوفيصل: هذي وصية يا بوفهد شو تنفذها و لا ما تنفذها
المحامي معضد: يعني الوصية انتو ملزومين فيها و لازم تنفذون محتواها
بوفهد: بـ ـ ــ ـس ليش جيــــــه ليش
المحامي معضد قاعد يرتب اوراقه و قام من مكانه: لازم ترتبون اموركم من اليوم و البنات لازم ينتقلون ببيت بوفهد و لا بو فيصل باسرع وقت
ميثة طلعت برع تصيح و لحقتها ميرة و منال
كلهم مب متخيلين او متوقعين هالشي
المحامي معضد يكمل كلامه: و طبعا مثل ما انتو عارفين المرحومة عائشة ما سوت هالشي الا عشان تضمن ان بناتها بامان و مب يعيشون بروحهم بهالبيت






في بيت ريم
سارة حطت ايدها على خصرها: حلفي انتي بس
ريم بلاا مبالاة: و الله
سارة: بس نحن متفقين من قبل على الروووحه
ريم: بس انا مابي اشووووفه غصب يعني
سارة: و ليش ان شاء الله آنسة ريم
ريم: و الله ما ادري شقولج انا خايفة و تايهه يا سارة ما ادري شو اسوي
سارة: و شصاير بعد
ريم: امي من صوب ويا هالنتفه نصوووور و راشد من صوووب بيضغط عليه بسالفة مهروووه و ..
سارة: كملي شوووو تبين تقولين
ريم: ( خبرتها عن سالفة ابوها )
سارة مستغربة: خير وين يبا ابوووج هذا بعد
ريم: ما ادريبه و الله شو سالفة بالضبط مع هالنورما اللي طلعت لنا فجأة
سارة: و انتي شو ناوية تسوين
ريم: لازم الحق ابوي و اشوف منو تطلع نورا هذي
سارة: باي وقت هو راح يطلع
ريم: سمعته يقول لها على الساعة 11 فليل
سارة: حلووووو عيل بنسير نلحقه انا و انتي عقب ما نطلع راشد من المطار
ريم: شوووو راشد مرررة ثانية نحن ما خلصنا من هالسالفة و قلتلج اني ما اريد استقبله و الله اخاف
سارة: لا تشيلين هم اول شي بنروح لراشد و بنطلع من عنده على الساعة 10 و نص تقريبا و بنسير عقب نلحق ابووووج هاها شوو قلتي
ريم: خلااااص اوكيي
سارة: خلااااص عيل بسير الصالون انا اللحين و عقب بيي لج و بتصلج رنه و على طووول نزلي تحت
ريم: مثل ما تبين







سارة ركبت سيارتها و على طوووول اتصلت لناااااااصر
ناصر كان نايم: الـــــو
سارة: هلاا ناااصر اقوووول ناصر قوووم اصحى يلااا بسرررررعه
ناصر: اووووه تراااج متفيجة
طوووط طووط طوووط
سارة: يمال الويعه سكر بويهي خلني اتصله مرة ثانية
و اتصلت له تقريبا خمس مرات و فالسادسة رد
ناصر محرج: خيـــــــــــــــــرررر
سارة: اقوووووولك قوووووووم عندنا فرررصة المفرووض ما نضيعها من ايدنا يلاااا اصحى
ناصر: آســــــــــــف جدا ما اتنزل اصحى من النوووووم كل شي عندي يهووون الا نووومتي
سارة بخبث: و اذا قلتلك النوووم يهووون عسب نستولى على الحلاااال باسرع وقت
ناصر قام من سريره: شــــو تقصدين
سارة: و اخيرا توصلنا للحبل اللي بيدمر علاقة ام ريم ببو ريم
ناصر: قـــــــولي شو عندج لا تتكلمين بالالغاز
سارة: اليووم ريم اختصرت لنا الطريق وااااااااااااااااااايد يا ناصر ,, قالتلي ان ابوووها اليووم مكلم وحده انجليزية اسمها نووورما
ناصر: و خير يا طير و يعني,, يمكن سكرتيرته و لا وحده بزنس وومان
سارة: لاااا اصبر بتيك السالفة,, اذا على قولتك خير يا طير عيل ليش يقول لهذي اللي اسمها نورما بييج على السااعه 11 فليل
ناصر: اهــــــــــــآآآ عيل جيه السالفة
سارة: هههه و اخيرا يا فهيم فهمت
ناصر: انزين يا ام الخطط قوليلي شو دوري بهالموضوع
سارة: سير لابتسام ( ام ريم ) و قووول لها ان ريلها يخوووونها مع وحده اسمها نوورما ,, شووف انا و ريم تراا منلحقة يوم بيروح لنورما و عقب يوم بعرف المكان بتصلك و بقولك و انت خبر ابتسام عن خيانة زووجها و خلها اتيي و تشوووف بعينها هالشي و عقب اكيد راح تطلب منه الطلاااق و بتكووون ابتساام لك و بتقدر تتزوجها الين ما تعطيك توكيل عام على حلالها و ذيج السااعه رااح تقطها بالشارع و انا وانت بنتقاسم الحلااااال
ناصر: انتـــــــــــــــــــــي داااااااااااااااااهيـــــــــــــــــة يا ســـــــــــلااام و الله ما تخيلت ان السالفة بتسهل علينا بهالطريقة
سارة: هههه بعد ربك ريمووه كل اسرارها عندي و كل هالاسرار تخدم مصالحي






في بيت بو فهد:

أم فهد: هههههههههههه الله يسلط على ابليسك يا حمدان
حمدان دق تلفونه: آحــــــــم عن اذنكم
ام فيصل بنص عين: منــــــــــــو اللي داق عليك
حمدان: فديتها خطــــــيبتي متصلة
الكل: ههههههههههههههههههههههههههههههه
ام فيصل فرت الكلينكس صوب حمدان بس حمدان تم يضحك و شرد عنها
و راح يكلم اللي متصل عليه
أم فيصل: ما ادريبه متى بيتوووب هالآدمي
أحمد: الله يهديه مثل جسوووم
ام فهد: احســــــــــنلك و الله يا جاسم بس شو اللي خلااك تتوب من هالشي
جاسم تذكر ميره و قلبه عوره يوم تذكر شكلها بالمستشفى: آأآ و لا شي بس جيه من نفسي قررت هالشي,, لان بالنهاية ما بستفيد شي ليش العب على عواطفهن و اقص عليهن,, و بعدين ما بنسى ان كما تدين تدان و بصراحه انا اغار على اهلي كلهم و ما مستعد اشووفهم يتدمرون و السبة فعايلي مع بنات الناس
احمد: و غير هذا كله بنات هالايام اللي ترمس واحد بالفون و اللي توااعد و اللي تسير تغاازل و الله بنات استغفر الله ما ادري شقول عنهن
ام فيصل: امف عليهن ما ادري وين اهلهن عنهن
ام فهد: البنيه اللي ترمس شباب و غيره تراااها وحده رخيــــصة و منبوووذة بالمجتمع
نورة خـــــــــــااافت من جد و قامت من مكانها تبا تروووح لانها تذكرت اللي هي سوته فما حبت تسمع كلامهم زووود
احمد: على وين نووورة تمي معانا هني نحن نزلنا ظبية تقومين انتي تصعدين
نورة: آآ لا بس كنت برووح اشرب ماااي
ام فيصل: الماي هني على الطاولة تعالي اشربي من هنيه
نورة ارتبكت و راحت تشرب الماااي اللي محطاي على الطاولة و عقب يااا لهم حمدان و قعد و بعد خمس دقايق
دخل البيت بوفهد و بو فيصل و كانو محرجين و عقبهم دخلو فهد و فيصل
سلمو على الوجودين و قعدو
بوفهد صد على بوفيصل: قوووول لهم يا بو فيصل
بو فيصل: بس يا...
بو فهد قاطعه: لاا خلاااص قووول عن الوصية
ام فيصل و ام فهد طالعن بعض
بو فيصل: اسمعوني زين يا عيــــــال نحن خبينا عليكم شي انتو مب دارين عنه خير شر اللي هو ان يدتكم عايشة كانت حية لكن هي ما ماتت الا قبل جم من شهر
نووورة و ظبية شهقن منصدمااات
ظبية: كانت حيـــــــــــــــــــة
بو فيصل يكمل : محد كان يعرف انها كانت حيه غيري انا و اخوي بو فهد و ام فهد و ام فيصل و فهد و فيصل
حمدان و جاسم و احمد و محمد يسمعون السالفة و هم مبهتين مب فاهمين شي
بو فيصل: توفت من جم شهر و تركت وصية
بو فهد يكمل عن اخووه: و هالوصية مضمونها ان بنات عمكم راااح يعيشون معنا
ام فيصل استانست عكس ام فهد
ام فهد: اشــــــــــــووو هذاا اللي ناقص بعد بنات عبيد الخماري يسكنون عندنا
نووورة زايغه: منووو عبيد و منوو بنااات عمنا فهمووونا شو السالفة
محمد: ابووووي دخيلك وضحلنا السالفة شصاااااير و اي بنات عم تتكلمون عنهم نحن ما عندنا عم غير عمي بوفيصل
منصور رااح فحضن ابوووه
فهد باس منصور و قال: ترااا نحن لنا عم اسمه عبيد ولد يدووه من زوجها الثاني و هالعم عنده خمس بنات توفت بالبداية عنهم امهم و عقب ابوهم و اللحين توفت عنهم يدتهم و هاليده ضمنت بوصيتها ان البنات يا يعيشون عندنا او عند عمي فيصل
جاسم: عيل ليش ما قلتولنا ان عندنا عم و يدة كانت حيه
حمدان: و ليش بعد هم بعيدين عنا
ام فيصل: قصدك نحن اللي بعدناهم عنا
بو فيصل: ام فيصل بـــــــــــس خلاااص.. كان لمصلحتنا من ان نحن نبعدهم عناا
بو فهد: عبيد ما كان الا مصدر للمشاكل و البلاااوي من جيه بعدناه عنا
احمد: بس مب لدرجة انكم تبعدونا عن يدتنا
بو فهد: بس هي اللي اختارتهم و تركتنا نحن
ام فيصل: لااا مب جيه السالفة
بو فيصل: ام فيصل مسكي لسانج
اصلاا لو تكلمت ام فيصل رااح تبين حقائق ثانية و فضايح لا لها و اول و لا تالي من جيه سكتها زوجها بو فيصل
بو فهد: و انا قررت من ان البنات يسكنون عندي هني بالبيت عسب اقدر اسيطر عليهم
ام فهد: لااااا و الف لااااا مستحيل يسكنون ببيتي
بو فهد وقفت معارضة: عقب بتفاهم وياااج يا ام فهد تراا اذا سكنو البنات ببيتي بيخدم مصالحنا صدقيني
ام فيصل: انا اقول لو يسكنون عندي بالبيت احسن بحطهم بعيوني
بو فيصل: لا ما يصير يسكنون عندنا نحن بيتنا كله شباب اما بيت بو فهد على الاقل فيه نورة و ظبية
بو فهد: معاه حق بو فيصل
نورة: و هم وينهم عنا من زمان
فهد: هم فقارى على قد حالهم و الله لو شفتي حالهم انتي بس
فيصل تذكر ميثة: و كل وحده السانها اطول من الثانية
فهد: فيصــــــــــــــل و بعدين معاك
فيصل: خلاااص سكتنا
ام فهد: و متى ان شاء الله بيووون حضراتهن
بو فهد: باجر ان شاء الله انا قلت لهم قبل مااطلع من بيتهم يزهبون عمارهم على العصر و بخلي الدريول ياخذهم
ظبية: عطونا فكرة عنهم جم عمارهن
بو فهد: اكبر وحده يمكن عمرها 23 و لا 24 تقريبا و اصغرهن توام اصغر عن نورة بسنه او سنتين
ام فيصل: ما شاء الله عليهم الله يحفظهن
حمدان و احمد و جاسم و محمد اللي يشوووف اشكالهم بيحسبهم مندمجين بمسلسل على التلفزيون مب بحديث عائلي
ظبية استانست حيل لان بيتهم رااح يستوي مليان بنات يعني راااح تقضي وقت حلوو معاهم












سار حمدان و جاسم و أحمد و محمد عند الكورنيش يغيرون جو
حمدان: و الله بعدي مب مستوعب شي
محمد: اصلا فيه اشياء وااايد ما خبرونا عنها
حمدان: صدقت و الله اصلاا كلامهم كله غموووض
محمد: يعني ليش يدووه سكنت مع عمي عبيد و ليش كان يشرب خمر و ليش ما خبرونا عن يدتنا انها كانت حية
حمدان: ايه اشياء وااااايد يبالها تفسيرات
جاسم: شوركم كيف بيكون باجر
احمد: ما ندري و الله اصلا كل شي بيفاجأنا
جاسم: سمعتو شو قال ابوي
احمد: شو
جاسم: قال نحن اللي لازم نرووح نييبهن
احمد: غريبة هو مب قايل ان الدريول راح اييبهم
جاسم: لا عقب غير رايه و قال نحن لازم نييبهم
حمدان: و العنوان عندي فيصل عطاني ايااه
جاسم: عيل ليش ما يروووح فيصل لهم
حمدان: اونه مب فايج لهن
احمد: يعني باجر انت و جاسم بتروحون تييبونهم
حمدان: هي و بنشل ويانا امي ان شاء الله
محمد: بس مب جنه بيتنا بينترس بنات بيستون سبع بنات
حمدان: بس ما يندرى حلوات و لا لأ
جاسم: بـــــــس هذا اللي انته فالج فيــــــــه ترااا الحلااة مب كل شي
حمدان: ترا يمكن تعجبني وحدة و اخطبها
الكل: اوووووووووو هوووووو
حمدان: ههههههههه خلاص خلاااااص كنت اسووولف بلاااكم
جاسم: انت كل بنت تشوفها تبي تخطبها عنبوووك لو الشرع محلل عشر انت اول وااحد بتتزوج عشر
حمدان: لاااا ول خيبة بتسدني وحده شو ابابهن عشـــــــــــــر الا يرفعن الضغط اهم شي ان حرمتي المصون تكوووون حلوة
احمد: ترا الجمال مب كل شي
حمدان: الا كل شي عيل شو ابا بوحدة جيكرة ما تتشاهد و عقب ابتلش فيها انا ابا وحدة حلوة حيل لاني بستمر طول العمر معاها يعني بقابلها اربع و عشرين ساعة ولازم عاد تكووون مزيووونه
احمد: ذكرتني بجاسم كان مثلك بالضبط مغرور ويا ويهه لكن اللحين اصطلب
حمدان التفت على اخوه جاسم: امووووووووووت و اعرررف ليش ما تكلم بنات اللحين
جاسم: ههه و لا شي بس جيه من نفسي تغيرت
احمد طبعا يعرف ليش جاسم تاب,, بسبة البنت اللي رمسه عنها لانه حبها صدق و الحاجز اللي بينه و بين البنت هو ان ميرة تعرضت للاعتداء و هذا اللي مخللي جاسم متردد بحبها
احمد: و عقبال ما ربي يهديك يا حمدان
حمدان: انزين انا شو اسوي حليو و البنات لصقة فيني و الله اذا انا ما تصلت لهن هن يتصلن
محمد شهق و وقف بمكانه
حمدان: بلااااااااك زيغتنا
محمد: باجر امتحان جيولوجيا السم و لا ذاكرته
احمد: يا الفااااااااااااااالح انته
حمدان: اذكر ايام الامتحانات انا كلـــــــــــــه ابرشم
جاسم: هههههه سلط الله على ابليسك يا جسوووم انت استاذ البراااشيم و الغش
محمد: و فوق هذا كله كان ادبي و دفش ما فالح بشي
حمدان: مالت عليك انته يا بو العلمي اونك عااد شاطر مقطع الكتب تقطيع
محمد: عيل شوو قالوولك قوم الادبي الكسالى >> )سامحوني قوم الادبي(
حمدان هو الوحيد اللي بالعايلة داااش ادبي اما البقية كلهم عملي و السبب ان حمدان شاطر لكن ما يحب يذاكر و دش ادبي لان الادبي اسهل له و نسبته كانت 90%
حمدان:عـــــــــداااااااال يا نيووووتن بنشوووف اذا بتييب نسبة عاليه يا الفاااالح و بعدين تعااال شو فيهم الادبي هااه ترااكم انتو يا قوم العلمي يا الفالحين لو كنتو شطار عيل ييبو درجات عالية مثل الناااس عاد اونكم داخلين علمي اصلاا نصكم دفوووش ما تفتهمون شي >> )سامحوني قوم العلمي(
محمد: بل بل بل عليــــــــــــــــــــــــــــــك لا تسويلي فيها الشاطر اللي يايب نسبة 99.9%
حمدان: لا اصلا انا ما يبت هالنسبة عسب ما يصكوني بعين
جاسم و احمد: اونك عاااااااااد




عقب ما خلصت سارة من الصالون سارت لبيت ريم و وقفت حذال البيت و اتصلت لريم رنه
عسب تنزل لها و ريم فهالحزة كانت تلبس شيلتها العنابية و ما بقالها الا تتعطر و تلبس عبايتها
و عقب ما خلصت نزلت لسارة عسب يروحون لراشد
ريم: هــــــآآي بيبـــــــــــــــي
سارة: ههه اشوفج مروقة على قولت السعوديين
ريم: بدلت المووود شوي عسب استانس و لو دقايق
سارة تلبس نظارتها: يلااا عيل توكلنا
و عقب ما وصلن المطار
كان راااشد لابس بدلة سووودة ضيقة على جسمة مطلعته ضخم شوي و كاان مبيض وااايد
ريم: شوفي شوفي مب جنه محلو بزيادة عن قبل
سارة: خذيه لج ترااا خلاااص طلقها حرمته
ريم: مب قصدي جيه و يا ويهج
راشد يا صوبهم
راشدو الابتسامة شاقة حلجه: الســـــــــــــــــلام عليكم
سارة سلمت عليه: و عليكم السلااام و الرحمة الحمدلله على السلامة
راشد: الله يسلمج اشحالج الريم
ريم: الحمدلله بخير الحمدلله على السلامة
راشد: الله يسلمج
ريم: من طول الغيبات ياب الغنايم
راشد: انا اللي ابغي منج الغنايم
ريم على طووول فهمت قصده فنزلت راسها تحت
سارة: هاه شو السفرة كانت
راشد: و لا اروووووووع
سارة: الا ما قلتلي منو اللي كان عندك قاعد
راشد: ربيعي يايبلي السيارة و قلتله يرووووح
سارة: انزين عاد انا و ريم عازمينك على عشااا قبل ما تروووح بيتك ترتاح
راشد: اوكي ما عليه الا ريم بلااااج ساكته
ريم: هاه و لا شي ما عندي شي اقوله
راشد: اشحالها
ريم ارتبكت: هــــاه
راشد: مهره ربيعتج شحالها
ريم: خسي مب ربيعتي و لا شي
راشد: اوكي ربيعتي انا خبريني اشحالها و هي وينها فيه
ريم صج صج زاغت: راشـــــــــــد غير الموضوع
راشد طالعها بنظرة ذبوحية و قال: بغير يا حلوة لكن بوقت ثاني بتكلميني عنها,, خلاااص انا بسير بسيارتي و انتو بسيارتكم و ان شاء الله بنتلاقى بالمطعم
و عقب ما سار عنهم راشد
ريم: و الله بصــــــــــــــيح
سارة: شفتي شو قلتلج راااشد مستحيل ينسى شي هو متعلق فيــــــــه
ريم: و الصرفة اللحين
سارة: لبيله اللي يبيه و بتفتكين من حنته و يلااا اللحين خلينا نسير نسبقه للمطعم يلااا بلاااج ماتتحركين
و سارن عقب للمطعم
و بعد ما وصلو حجزو طاولة خاصة لهم
و سارة ياها اتصال من ناصر فراحت بعيد شوي عنهم عسب تتكلم على راحتها
راشد يشرب عصيره: بلااااج خايفة
ريم و عيونها تحت: و لا شي
راشد: انتي فيـــــــج شي
ريم: ابد ما فيني شي
راشد: اقول ريم شو رايج من باجر تييبين مهره لبيتي
ريم قلبها طاح فبطنها: شووووووووووو
راشد: الللي سمعتيه
ريم: راااشـــــد هالبنت مب مثل غيرها هالبنت ملتزمة
راشد: عيل ليش كانت مبطله شعرها بالصورة
ريم: صورتها ربيعتي بدون علمها و هي قاعدة تلف شعرها و تعدله
راشد: آآهـا,, بس انا هالبنت داشة مزاااجي خلااااص يعني اباها
ريم: شو يعني تباها انت ينيت قلتلك هالبنت لا يعني لاااا
راشد: ريـــــــــــــــــــم انتي مالج خص بشي بس دليني عليها او ييبيها لي و عقب برااايج
ريم تنهدت بخوف: بس يا رااااشد هالبنت لا تضرها بشي
راشد: ليش تهمج
ريم: لا مب قصدي جيه بس اقصد ا هالبنت ما ضرتني بشي فما ريد شي يضرها
راشد: و الله انتي ما ينعرفلج,, انزين المهم خبريني عنها
ريم: هالبنت رزينه و هادية و فحالها و شاطرة بالدراسة و دوووم تساعد غيرها
راشد: فديتهــــــااا يا ربيه فوق كل هالجمال اخلاااق يا سلااام عليها
ريم غارت و مدت البووز شبرين و عقب يت لهم سارة و قعدوا يتعشوون و من بعدها دفع راشد الحساب
و سار يسلم على امه و ابوه قبل ما يرد بيته يرتاح








في بيت البنات:-
مهره: انا بعدي مب مستوعبة شي موووول يا ربيه شووو اللي قاعد يصير لنا
ميره: و انتي مها اول مرة اشوفج ما تعرفين تتصرفين مع حد و خصوصا مع عمي سلطان و عبدالله
مها تعض شفاتها: شو اقولج يا ميرة ان كل الافكار كانت توديني و تييبني و تضرب براسي اشياء تخوف و كل ما شفت اعمامي اتذكر سواياهم تجاه يدوووه الله يرحمها و فوق كل هذا انا اول مرة اشوفهم من جيه كنت مرتبكة
منال: معقووووووله اللي يصير لنا معقولة
مهره: شنسوي هذا اللي يفرضه علينا الواقع
منال: و نحن شو موقعنا من الاعراب و كيف بيكون حالنا
مها: ما يندرى يا منال بس ان شاء الله كلنا نسكن مع بعض و لا يفرقونا
ميثة: شوووو نفترق لاااا و الف لااا مستحيل استغنى عن وحده فيكم لو شو ما صار
مها: عمي سلطان احسه متسلط شوووي علينا الله يستر منه
ميثة: اخافهم يظلمونا
مها: مدام نحن بنتم ايد وحده فلا تخافي حبيبتي ان شاء الله كل شي يتيسر
مهره: انزين بنات و بيتنا شو راح نسوي فيه
مها: و لا شي بنخليه على حاله سبحان الله يمكن نحتاجه بيووم
ميثة: قصدج نرد نسكن فيه
مها: الله اعلم
مهره: و لا تنسون لازم نرتب من اللحين اغراضنا
مها: هيه صدقها مهاري لازم نبلش من اللحين نقفض اغراضنا
منال: انا ما اقدر صعبة عليه اهد هالبيت و الله
ميثة: سبحان الله كيف تبدل حالنا من بيت فقر الى بيت فلة
مها: فــــــلة لا يا حبيبتي قصدج قصـــــــــر
ميثة: و الله بطني يعورني من الزياااااغ
مهره: ميرة تعالي معاي بنرتب اغراضج مع اغراضي بشنطة وحده
ميره: مب هاين علي
مهره: يلااا عااااد تراا هذاا الواقع و ما تنفع احاسيسنا بهالوقت
مها: معاها حق مهره هذا واقع و لازم نتقبله
منال: اوكيه ما عليه ما قلنا شي بس الاشخاص اللي بنعيش معاهم كيف بيكونو
ميثة: اذا كانو كلهم مثل هالفيصل عز الله تدمرنا
مها: عينو من الله خير تراا مب الكل مثل الشي
ميثة تنهدت بعمق: يلااا عيل قووومووا كلكم ديهديه الين ما نرتب الاغراض





STOoOp :-

حمدان شو بيكون موقفه يوم بيشوووف مناااااااال ؟؟ و يا تراا هل مازال الكره من بينهم و لا بيصير العكس ؟؟
و ريم كيف بتستدرج مهره عسب توصلها لراشد ؟؟ و شو الشي اللي بيدمر مهره و بيخليها تعيش مظلومة ؟؟
و ميره منووو بتحب ؟؟ و أحمد و جاسم لما بيكتشوا انهم يحبون البنت نفسها شو رااح يصير ؟؟ و فيه مفاجأة راح تصير و العم سلطان شو بيسوي مها ؟؟ و كيف راح يظلمها ؟؟
و فيصل و ميثة بشوو رااح ينصدموو ؟؟
و نورة شو المشكلة المستعصية اللي بتتعرض لها ؟؟ و كيف رااح تتطور هالمشكلة عندها ؟؟
و ظبية شو محلها من الاعراب و شو اليديد اللي بيستوي لها ؟؟
و ريم كيف حياتها بتضيع ؟؟ و شو السبب اللي بيشتت بعائلتها و يخليها تنهار ؟؟
سارة و ناصر هل بيحققو مرادهم و لا لأ ؟؟ لكن كيف ؟؟
الاسئلة كلها الغاز لكن راااح تعرفون اجوبتها
من خلال المجريات و الاحداث القادمة..


و اللحين بحط لكم البارت السابع

▩▩الجــــــــــــــــــــزء السابع▩▩


عند بيت قوم ريم
سارة قالت لريم قبل ما تطلع من السيارة: اقول ريامي
ريم لفت صوبها و فسخت نظارتها: هلااا
سارة: اممم ابــــوج آأ
ريم: لااا ما نسيت بشوفه اذا طلع بلحقه
سارة: عيل انا بوديـــــــــج
ريم: اخاف اثقل عليج
سارة: ما من بينا هالرسميات خلاااااص انا و انتي بنسير نشيك على الوضع
ريم: عيل شو تتريين يلاااا انزلي معاااااي لما يطلع ابووي بنروح نلحقة و نطمن على الوضع
سارة تتطالع من بعيد: ريم ريم شوووفي هذاااج مب ابـــــــــــووج
ريم تطالع وراها صوب الباب: هيه و اللـــــــــــه هو بس بلاااه جيه معصب
سارة: اقـــــــوووول ركبي السيارة ركبي بسرعه
ركبت ريم بسرعه و شيلتها طايحه على الجتف و شعرها كانت رافعتنه باهمال
ريم متضايجه: قلبي ناغزني حاسة بشي شايد راااح يصير
سارة مسكت فونها و طرشت لناصر من انه يستعد و يرووح لام ريم
ريم: انا منوو اكلم يا حظي
ساره: هاه معاااج حبيبتي بس طرشت مسج ضروري لربيعتي هاه طلع ابـــــــوج
ريم: هــــــــــيه طلع بس صبري خليه يتجدمنا شوي و عقب بنسير وراه
سارة: اوكيه ما عليه
ريم: الله يستر الله يستر
سارة:شو فيـــــج تيكت ايزي
ريم بانفعال: قلتلج حاسة بشي شايد راح يصير
سارة: زين زين يا بوووج بشوي شوي عن تضربيني
ريم متوترة: يلااااا تحركي تحركي






في بيت البنات
كل الحجر معفوسة فوق تحت
ميرة تزاعج: مها مهاااااوي
مها: خير خير ما تشوفيني مشغولة
ميرة: مفتاح المستودع ابغيه ضروري
مها: هااااج مسكي بس شو تبينه توني قافلتنه انا
ميره: فيه اغراض ضروريه اباها من هناك لازم اشلها
مهره: و اغراض المطبخ مهاوي شو بتسوين فيهم
مها ابتسمت بتعب: ما عليج بنتصدق بهم عقب ان شاء الله
مهره كانت رافعه اكمامها و ترتب ثيابها و ثياب ميره بالشنطه
ميثة تدخل عليهم: ماااااا كفت الشنــــــــطة
مها رفعت راسها من بعد ما كانت ترتب اللي بالادراج: يعني من كثر الثياب اللي عندج عشان ما تسد الشنطة
ميثة: و الصرفة اللحين
مها: ما عليه خذي شنطتي و حطو باقي الاغراض اللي تبونها فيها
ميثة راحت تشل الشنطه و قبل ما تطلع قالت: ثــــــــــانكس
مهره: خلـــــــــــــــــــــــــصت و لله الحمد
مها: عيل تعالي رتبي معاي هالاوراق و حطي الجوازات بالشنطة الصغيرة مع الصندوق الصغير اللي فيه ذهب امي
مهره: ان شاء الله اقووول مهاا
مها: امري
مهره: تصدقي اني رااااح افتقد هالبيــــــــــــــت وااااايد
مها تنهدت و رفعت راسها فووووق و قالت: يالله يا رب تجمعنا انا و اخواتي ببيت واحد مثل ما انجمعنا بهالبيت البسيط
مهره: لا ان شاء الله ما يفرقونا بصراحه اانا بدون توامي ما انام فكيف لو تركتم انتو
مها: شفتي عاااد بس ان شاء الله يترحموو بنا







فسيارة سارة:-
ريم لمعت بعيونها دمعه خووووف و شك و حيرة بنفس الوقت
سارة: يلااااا نزلنا
ريم: احس ريلي تمنعني من المشي ما اقدر
سارة: شوفي تراا ما فينا نضيع وقت لاازم من اللحين نتبعه
ريم: آخرتها بشقة يا بووووي بشقه عاااد
سارة: يمكن يكووون متزووووج
ريم و كأنها مب متقبلة الوضع: متزوووووج على أمـــــــــي لا ما اعتقد
سارة: رياييل هالزمن كل شي جايز منهم يعني توقعي أي شي يلااا نزلي قبلي و انا بلحقج
ريم: عيل لا تتاخريــــــــــن بروحي زايغه
و عقب ما نزلت ريم تمت سارة بالسيارة و اتصلت على طووول لناصر
ناصر: الو
سارة بصوت خفيف: اقوووول ناااصر ترااا ماشي وقت تعال فالمكان..( و عطته العنوان عسب ايي ) يلااا لا تتاخر و ييب ابتساموووه معاااااك بسررررررررررررررعه لا تضيع هالفرصه
ناصر: يلااا يــــــــــاي يــــــــــــاي انا و وياها بس مشكلتها مب مصدقتني تماما
سارة: ما عليك منها انت ييبها تتاكد بعيونها يلااااا بســــــــرعه
ناصر: اوكي اوكي يلاااا بااااااي
سارة: بااااي
و عقب نزلت سارة تلحق ريـــــــــم
و اشرت لريم من انها توقف عسب تلحق عليــــــها
ريم تصيح: طلع ابـــــــــــــــوي دوووم ايي هني توني سالت مسؤوول العمارة و تاكدت
سارة: خلج قوية و يلااااا نسير نشوووفه





بو ريم متزوج وحده اجنبية راح اكتب الحوار بالفصحى
بو ريم (سالم): قلت لك لا اقدر على تطليقك الا تفهمين ذلك سببك غير معقول لتطلبين الطلاق
نورما: و لماذا انت لا توافق ما السبب بالله عليك
بو ريم: لانك حامل بتوامين و انا لست قادرا على ترك ابنائي مهما حدث و السبب الاقوى هو انني احبك حبيبتي فكيف لي ان اتركك
نورما: اخبرتني من قبل ان لديك ابنه و انت لا تهتم بها بتاتا فما المختلف الان لو كان ابنائي
بو ريم: ريم شيئا اخر و ابنائي منك انت يعتبر شيئا اخر ارجوك لا تجادليني بالامر
نورما: انت السبب بكل شي قلت لك بامكاننا العيش بامريكا لوحدنا لكنك رفضت ذلك و انا بصراحة تامة لا اطيق العيش بالامارات فانا لا اعيش بحرية مثلما اعيش بامريكا بالله عليك سالم دعنا نذهب هنالك لنعيش مع بعضنا سعداء
بو ريم: سببك ليس مقنع آآه منك طلبت الطلاااق فقط لاني رفضت ان نعيش معا بامريكا
و تم عقب بو ريم يحاول يقنع نورما من انها تعيش بالامارات معاه احسن من امريكا و باللحظة هذي كانت ريم و سارة ورا باب الشقة
ريم مترددة: خايـــــــــــــفة ما اقـــــــــــــدر افتح البــــــــــاب
سارة حرجت: صار لنا ربع ساعة واقفيــــــــــــــن هني اذا انتي ما بتفتحين انا بفتحه و بدخل
و بعد شوي وصل مسج لسارة و كان من ناصر يقول لها انه هو و ابتسام قريب و بيوصلون فطرشت له رقم الشقة عسب يدشون مباشرة
سارة التفتت على ريم: يـــــــــــــــلااا ريم دقي الجـــــــــــــرس
ريم اطالعت سارة و هي مبهته و حطت صبعها على الجرس و دقته
بو ريم التفت صوب الباب: هل واعدتي صديقاتك بهذا الوقت نورما
نورما: لا ابدا دعنا نذهب لفتحه
بو ريم: ابقي انت هنا و انا سوف اذهب لأرى عديم الذوق الذي ياتينا بهذا الوقت
ريم كانت اعصابها مشدودة و كانت صج صج تعبانه و كارهه نفسها و شيلتها مـــــــول ما عدلتها بعدها على كتفها و الجحال بدا يسيح من اثار الدمووع
اول ما فتح بو ريم البــــــــــــاب شاف...





ناصر: ما اقدر حبيبتي انزل معاج و الله ما اقدر هالشي يخصج انتي و ريلج
ابتسام: انزين انت متاكد ان هو يسكن بالعمارة
ناصر: ايه متاكد و رقم الشقة قلتلج اياه فاستغلي الفرصة و شوفي ريلج مع منو قاعد
ابتسام كانت متخوفة شوي: معقــــــــــــولة يخوني
ناصر يقول بنفسه يخونج مثل ما تخونينه معي شو الفرق يعني: انتي سيري و تاكدي بنفسج
ابتسام (ام ريم) لبست النظارة و نزلت من السيارة رايحة للشقة اللي قال لها ناصر عنها



ريم اول ما فتح ابوهااا البااااب تم ابوووها متصنم بمكانه
بو ريم منصدم: ريــــــــــــــــــــــــم
ريم و الدموووع نهر على خدها: ايه ريـــــــــــــم و لا كنت متوقع اني راح اكشفك
سارة: اأا ريم انا رايحة السيارة بنطرج هناكي
و سارت عقبها سارة بسرعه داخل سيارتها و عسب بالمرة تشوف ناصر من بعد ما ينزل ابتسام
ريم خوزت ايد ابوها من على الباب و دخلت داخل تركض مثل المينونه و شعرها تبطل و ساح على كتوفها
و اول ما سارت صوب المطبخ التحضيري شافت وحــدة طويلة جميلة بمعنى الكلمة و شعرها كستنائي ناعم يوصل لنص ظهرها و كان بطنها منتفخ شوي (حامل) و لابسة فستان أبيض واسع قصير لحد الركبة
نورما طالعت ريم مستغربة دخولها الفجائي: من انت و لم دخلتي فجأة
ريم و بعدها تصيح: من انت من ؟؟ اجيبيني من
بو ريم دخل و صــــــــرخ على ريـــم: ريـــــــــــــــــــــــــــــــــــــم
ريم التفتت بشكل سريع على ابوها: منوووووووووو هذي قوووووول منوووووو
بو ريــــــــــــــم: لا يرووووح بالج بعيد هذي زوجــــــــــــتي ( و شدد على هذه الكلمة و عقب قال ) زوجتي على سنة الله و رسولة
و عقب سمعوااا صووت اقرب للهمس من وراهم
............: زوجـــــــــــــــــــــــــتك ( و عقب اشرت على نورما مستنكرتها )
بوريم صد على ورى مصدوووم اكثر و اكثر: ام ريـــــــــــــــــــــــــم
ام ريم بكره: هيه نعم ام ريـــــــــــــــــــــــم انا تتزوج عليه و من وراااي بعـــــــــــــد يا بووو ريم
بو ريم: منج انتي و من اهمالج عمري ما حسيـــــــــــــت فيج الزوجــــــــــــــة اللي يتمناها كل زوووج
ام ريم : و ليش ان شاء الله ليكووون شفت الزوووجة الوفية و المطيعه من هالمفسخة اللي جدامك
بو ريم راااح صوب ام ريم و مسكها من معصم ايدها بقوة و قال:هذي اللي تتكلمين عنها احسن عنــــــــــــج بمليــــــــــــــــون مرة
ام ريم بطلت ايدها من ايده: هــــــــــــي انت اسمعني عدل مب انا اللي تقارني بالحثالة فاهم و لا لأ
ريم منهارة: بااااااااس بااااااااااااااااااااااااااس كفاااااااااااااااااية خلااااص,, عقب ريلها ما قامت تشيلها فنزلت تحت تصيح من الخاطر
نورما: عزيزي ما الذي يحدث و من هؤلاء و ما الذي يدور حولك
و راحت عقب نورما تمسك ايد بو ريم خيفانة من اللي تشوفه
بو ريم: فيما بعد ساشرح لك كل شي
ام ريم: هـــــــه اثاريه الحبيــــــــــب ما كان يسافر للشغل كان يسافر لهذي النتفة
بو ريم بصرامه: طلعـــــــــــــــــــي بررررررررع انتي و بنتج يـــــــــــــــلااا
ام ريم ببرود: أي بنت انا ما عندي بنت
ريم بهتت بامها منصدمة على الاخر: و انا عيـــــــــــــــل منووو
ام ريم عطتها نظرة احتقار و قالت: طلــــــــــــــــــــــــــقني
بو ريم: بهالسهوووووووووله
ام ريم: قلتلك طلقـــــــــــــــــــــني
بو ريم: يعلج بستين الف داااهية روووحي و انتي طالق طالق
ريم تزااااااااااااااااااعج: لاااااااااااااااااااااا
بو ريم: طالـــــــــــــــــــــــــق
ام ريم: اسمعني عااااااد ورقة طلاااااقي من باجر توصلني و البيت ما تطبه مووووووووول و لا تراويني رقعة ويهك مرة ثانية و بنتك خلاااها عندك انا مب متفرغة لهـــــــــا
ريم خلااااص منهاااارة و كانت تصـــــــــــيج شرااات اليهال لانه كان عندها امل من ان و ابوها و امها تتحسن علاقتهم مع بعض لكن هالحلم قام ينهدم جدام عينها
مدت ريم ايدها الثنتين لامها و كانت تصيح بشدة: امــــــــــــــــــــــاية تعالي و الله ابــــــــــــــاااااج اباااااج
ام ريم و لا هامتنها بنتها موول: خذي كل اغراضج من البيت و تمي على جبد ابوووج خليييه يحس شوي بالمسؤولية
و عقب رااحت ام ريم و طلعت و هي تحس بنار شابة بصدرها
ريم كانت من و هي صغيرة ما ذاقت طعم الحنان من امها و لا ذاقت العطف من ابوها و لا شافت الاهتمام فيها
صح كانت ريم ترادد على امها ببعض الاحيان بس كل هذا تسويه و كانه ردة فعل على معاملة امها السيئه لها
كانت وايد تغار من البنات اللي عندهم اهل يحاسبوهم و يخاون عليهم
اما ريم ما حصلت اللي يحاسبها ابوها و امها لاهين عنها عطوووها كل شي بس عسب يفتكون من حنتها و
عسب تتحمل المسؤولية برووحها
نزلت نورما على مستوى ريم بعد ما عرفت انها بنت زوجها: لا تقلقي عزيزتي فانا معك ( نورما تعاطفت وياها لانها شافت قسوة امها عليها )
ريم صارخت عليها: ذلـــــــــــــــــــــــــفي انتي عن ويهي ذلفي
بو ريم مسك نورما من ايدها و بعدها عن بنته
بو ريم يرمس جد: ريم اخذي كل اغراضج و تعالي عيشي معاي هني
ريم قامت من مكانها و هالمرة الشيلة مب على الكتف لاااا كانت مرمية على الارض ولا افتكرتها موووول
و رااااحت على طووول تركض بتطلع و سيدة بتروووح لسارة






في بيت بوفهد
نورة كانت تسوي البروجكت اللي عليها خلال الساعة 1 و نص بالليل و كانت شوي و بترقد على اللاب من كثر التعب و الارهاق و المشكلة هالبروجكت تسليمه باجر فمجبورة تكمله اليوم
نورة: ااااافففففف يا ربيه متى يخلص هالبروجكت و افتك
دق تلفونها بعد خمس دقايق و استغربت منو اللي داق عليها هالوقت فخذت فونها تشوف منو اللي متصل شافت الرقم الغريب فارتبكت
نورة: هذا و بعدين معااااه يحسبني يعني ما بعرفه كل ساعه و طالعلي برقم ثاني بس عسب ارد عليه
هذا كله من النحسة فطــــوووم ( تقصد غرشوبة ) حسبي الله عليها من بنت و انا هذا شو يفكني منه اللحين
يا ربيه شو اسوي بعده يتصل بس عاد خلاااص سكر شو هالمصيبه اللي طحت انا فيها و الله بلشة
كــــــــــــــــله مني انا الغبيـــــــــــــــــة اللي كنت احدر الجاااات و لا ما كنت بعرف فطووووم هالصايعه
اللي بهذلتني و قصت عليه لكن الله فوووووق و يا ويلها منه
انزين لو عرفو اخواني بسالفة هزاع اللي دوووم يتصلي ( تقصد اللي كان نك نيمه كيفي اكيد تذكرتوه ) لالالالالا بعدين بزيد الطين بلة
اكيد بيقول لهم انا اعرفها اختكم و متعرف عليها من الجات اكيد هالجذاب بيقول جيه كله من هالخايسة فطووومووه هي اللي خبرته عني كل شي لكن انا الغبية اللي وثقت فيها بالاخير
لكن هذا شكله الانتقام اللي وعدني اياه هزاع ( كيفي ) قبل آخر مرة حدرت فيها الجات
يالله يا رب انت تعرف اني انا مظلومة فيااا رب استر علي و فكني من هالمصيبة
و بدت نورة تصيح بصمت من خوفها على نفسها من هذا اللي اسمه هزاع
و كملت نورة كلامها الباطني: يا ربي كيف انا كنت غبية و صدقت قصتها هالجذابة كيـــــف كيف كييييييييييييييييف ؟؟؟
و عقبها راااحت تناااام عسب تنسى و خلت البروجكت يولي الين عقب


و جيه كان حال نورة اللي انخدعت بسالفة فطوووم اللي قالت لها انها تعاني من ظروف صصعبة و محتاجة صديقة تسمعها
فعاد شو سوت فطووم عطت الرقم لنورة و قالت لها اتصلي عسب تقدرين تتواصلين معاي و ها الرقم اصلا مب رقمها رقم (كيفي) اللي هو هزاع و طبعا كل هذا خدعة مدبرة من هزاع و فطوم بس عسب ينتقم هزاع من نورة مثل ما توعد لها..
و كان اول اتصال لما اتصلت نورة على رقم فطووم اللي هو اصلا مب رقمها:-
طــــــــووط طــــــووط طـــــــــــووط
تم الفون يرن و يرن و يرن و محد يشله فدقت مرة ثانية
طــــــــووط طــــــووط طـــــــــــووط
هــــزاع: الـــــو
نورة خافت حسبت الرقم غلط و لا شي: الو السلام عليكم
هزاع: و عليكم السلام و الرحمة منو معاي>> عرف انها نورة بس حب يتاكد اكثر
نورة: آآ ممـــــكن اكلم فاطمة لو سمحت
هزاع: انــــــــتي نورة
نورة تجمع الدم كله براسها و حست انها بتنفجر من الخوف: هــــ ـــاه
هزاع: وصلتلج أخيرا,, ترا قلتلج انتي مب قد التحدي فليش تتحديني و ترادديني دوووم بالكلام
نورة ايدها بدت ترتجف: انــــــ ـت مـــــــــــ ـــ ــنو
هزاع بخبث: تعرفيـــــــن حد اسمه انا كيفــــــــــــــي
نورة انصـــــــــــــــــدمت حيـــــل: هـــــاه
هزاع: ههه معاج هزاااع يا نورة يا بنت سلطان
نورة بلعت ريجها بخوف و تمت ساكتة و دموعها بدت تنهمر على خدها
هزاع: مستحيل اخليــــج بحالج حطي هالشي زين ببالج و راح ابهذلج عسب تندمين على كل حرف كنتي تقولينه لي
و هذا غير الفضيحة اللي بسويها لج
نورة سكرت الفــــــــــــوووون بويهه و تمت بعدها تتنافض خــــــوووف اول مرة يمر عليها موقف مثل هذا عمرها ما كانت تتوقع ان الجات راح ايبلها مشاكل لهدرجة كانت تحسب الجات بس سوالف و تطلع منه بس طلع هالجات ما وراه الا الخراب و الدمار و الناس اللي فيه معظمهم خبيثين و الاشخاص اللي مثل نورة هم الضحايا










على الساعة خمس ضبط الفجر مها وعت خواتها كلهم للصـــــــــــــلاة
و بعد نص ساعة كل وحدة ردت ترقد الا مهره و مها
مها دخلت بدلة الشاي و حطته بالصالة و ردت مرة ثانية المطبخ تييب الخبز و البيض
و يوم دخلت الصالة تحط الاكل لاقفت مهره اللي توها مخلصة قراءة القران
مها بابتسامة حلوة على شفايفها: صباح الجوري
مهره ترد لها الابتسامة: صباح الورد
مها: ما شاء الله عليج دوووم انتي الوحيدة النشيطة من بينهم اكيد ردن يرقدن صح
مهره: صـــــح الا اقووول مهاوي
مها و تحط البيض صوب اختها: امري
مهره: ميرة شكلها اليووم ما تبي ترووح المدرسة
مها عقدت حياتها: ليش ان شاء الله
مهره: تقول انها ما ذاكرت امس الاحياء عدل بسبة اللي صار
مها: عيل بيفوتها اذا ما راحت
مهره: هي لو راحت اليوم المس اكيد راح تجبرها على الامتحان بس لو غابت بتمتحنها المس بيوم ثاني بتكون هي مذاكرة الوحدة المحددة للامتحان
مها: خلاااااص ما عليه,, يعني انتي اليوم بتروحي بروحج
مهره: هيه و امري لله
مها: الله يوفقج حبيبتي
مهره: اجمعين يا رب





ريم كانت واعية بهالوقت اصلااا ما قدرت تنام من الصداع و الصياح طوول الوقت
و عقب انتبهت على الساعة 5:45 فقامت تاخذ لها شور على السريع
هذا اخر يوم لها ببيت امها و عقب قررت تروح تسكن مع ابوها مثل ما قال لها
ريم بنفسها: انا لو تميت بالبيت بمووووت من الغصة خلني اروووح المدرسه على الاقل افتك من جو البيت الكئيب
فسارت بعدها تلبس مريول المدرسة و زهبت شنطتها اللي ما تفتحها موول الا بس يوم ترتب الكتب اللي عليها كل يوم
و عقب راحت صوب غرفة امها كانت تبا تدخل لكن لقت الغرفة مقفولة
فردت حجرتها و بعدها راحت تتريق تحت برووووحها
و بشكل لا ارادي ردن الدمووع بمحاجر عيونها
تحس بالنخنقة لا ابو يداري عليها و لا ام تلجأ لها
و من كثر غصتها ما قدرت تبلع شي فعلى طول قالت للخدامة تروح تقول للدريول عبدالكريم يتجهز لانها بتروح المدرسة
و بعد ما وصلت المدرسة سيدة دخلت الصف بدون ما تروح الحمام و تتعدل كالعادة اليومية
و على الساعه ثمان كان وقت الطابور و ما طلعت كانت حاطة ايدها على خدها و ضايجة من الخاطر
و بعد ثلاث دقايق تقريبا دخلت مهره الصف لان باصهم يا متاخر اليوووم
على فكرة تراا مهره غير عن الكل كانت لابسة حجاب ابيض و مع النظارة الطبية الكبيرة كانت
طالعة صج دكتورة و مريولها سادة و قميصها ابيض متناسق عليها
مهره دخلت الصف: السلااام عليـــــج ريم
ريم طالعتها بنظراااات ألم لانها تذكرت راشد: و عليكم السلااام
سارت لها مهره و هي تبتسم ومدت لها ايدها: اشحـــــالج اليووم و كيف اصبحتي
ريم يالله كيف متفيجة هالبنية: تمااااام
مهره: يلااا ما بتنزلي معاي الطابور
ريم: مالي نفس اطلع ممكن تتركيني بروووحي و تطلعي
مهره: ريم قبل ما اطلع انتي فيـــــــج شي صـــح
ريم كانت بتصيح لما قالت لها مهره جيه لكنها حبست دموعها غصب: ما فيني الا الخير خليني بحالي لو سمحتي
مهره: كيف اخليج بحالج و انتي تعبانة شوفي ويهج كيف شاحب و السواد اللي تحت عينج لو ارتحتي اليوم بالبيت كان احسنلج
ريم صدق تاثرت لان و لا وحدة من شلتها سالت ليش متضايجه او ليش زعلانه و تعبانة عايشين حياتهم بشكل عادي من غيرها و مهره اللي تعتبرها عدوتها هي اللي سالت عنها
ريم نزلت راسها تحت و قالت: اذا ما بتطلعي عني انا اللي بطلع
مهره: لا عيل برايج ارتاحي انا اللي بروووح بس انصحج تردين البيت لان حرام انتي وااايد تعبانه و شكلج مب متريقة فلاااازم تاكلين لج شي قبل ما تنتكس صحتج زوووود,,, يـــــلااا عن اذنج انا راايحة الطابور قبل ما يخلص
اول ما طلعت مهره من الصف طاحت دمعة محبوسة من عين ريم بس مب على امها هالمرة على مهره لانها
متاكدة ان راشد مستحيل يهون عن مهره مهما صار و هي تخاف من انه يضرها بشي لا سامح الله
مهره كانت الطالبة المثالية فالصف الكل كان يحبها لانها تساعد الكل و ياما بنات راحوا لها و يفرغون لها كل اللي بخاطرهم بس لانها عاقلة و تعرف تفرق بين الصح و الغلط و كان مهره دوووم من الأوائل نسبتها ما تقل عن 94% و صح هي و اختها ميره توام بس مع ذلك فيه مميزات واايد بمهره تخليها تختلف عن ميره
ريم خلاص كانت تعبانة من الخاطر ما تعرف شو تسوي
فنزلت الطابور بس عسب تشم هوااء يمكن يخليها شوي تنتعش


في الحصة الأولى كانت حصة اللغة العربية و كان على مهره برسنتيشن ( عرض تقديمي )
مهره: و الآن بعد انتهائي من عرض موضوعي من تجيبني عن الآتي:-
ما هو الشيئ و اللاشيئ
و عن الدين الذي لا يقبل به الله غيره
و عن مفتاح الصلاة
و عن غرس الجنة
و عن أربعة فيهم الروح و لم يركضوا في أصلاب الرجال و أرحام النساء
و عن رجل لا أب له
و عن رجل لا أم له
و عن قبر جرى بصاحبه
و عن بقعة ظهرت فيها الشمس مرة واحدة لم تطلع على قبلها و لا بعدها
و عن شجرة نبتت من غير ماء
عن شيئ له روح و لا يتنفس

و عقب عرضت الاسئلة اللي كانت بالبور بوينت
و البنات صارن يناقشن بعض للبحث عن الاجوبة
موزة رفعت ايدها
مهره ابتسمت: تفضلي يا موزة
موزة: مفتاح الصلاة هو الله أكبر ,, و غرس الجنة هي قول لا حول و لا قوة الا بالله ,, و عن رجل لا اب له هو عيسى عليه السلام و الرجل الذي لا ام له هو آدم عليه السلام ..
مهره: ممتازة يا موزة بارك الله فيك اجاباتك صحيحة لكن من تكمل اجابة بقية الاسئلة
المعلمة هند: سأجيب أنا على بعض الاسئلة
مهره استانست لما شافت تفاعل من الابلة: تفضلي يا معلمتي
المعلمة هند: القبر الذي جرى على صاحبه هو يونس عندما كان ببطن الحوت أما الشجرة التي نبتت من غير ماء هي شجرة اليقطين التي انبتها الله لآدم و حواء بعد نزولهما على الارض و أما الدين الذي لا يقبل الله غيره هو لا اله الا الله محمد رسول الله أما عن أربعة فيهم الروح و لم يركضوا في أصلاب الرجال و أرحام النساء هم آدم و حواء و كبش اسماعيل و ناقة صالح
مهره: اجابات صحيحة اشكرك يا معلمتي على هذا التفاعل المثمر
المعلمة: اسئلتك مميزة طرحت بطريقة مشوقة لكن هلا أجبتنا عن الاسئلة المتبقية
مهره: أما عن الشي فهو الماء لقوله تعالى ( و جعلنا من الماء كل شيئ حيا ) و أما عن اللاشيئ فهي الدنيا أما البقعة التي اطلعت عليها الشمس مرة واحده فقط هي بطن البحر حين انفلق لسيدنا موسى عليه السلام أما عن الشيئ الذي له روح و لا يتنفس فهو الصبح لقوله تعالى ( و الصبح إذا تنفس )
البنات كانن صج مندمجات مع مهره
مهره: و الآن قلن لي ما رأيكن برجل لا يرجو الجنه و لا يخاف من النار و لا يخاف الله و ياكل الميته و يصلي بلا ركوع و لا سجود و لا وضوء و يشهد بما لا يرى و يبغض الحق و يحب الفتنة و يفر من رحمة الله و يصدق اليهود و النصارى
البنات: هــــــــذا اكيــــــــــــد كاااااااااااافر
مهره: لا بل من أولياء الله تعالى
المعلمة استغربت و البنات اعترضن و تمن يسألن كيف جيه و سون حشرة و جدال
المعلمة تسكت البنات و مهره تكمل : لا يرجو الجنه لانه يرجو رب الجنة و يخاف رب النار و ليس النار بذاتها و لا يخاف من الله ان يجور عليه او يظلمه و ياكل ميتة السمك و الصلاة هي صلاة الجنازة و الصلاة بدون ركوع و لا سجود هي الصلاة على النبي صلى الله عليه و سلم و يبغض الموت و هو حق ليطيع الله و يحب الفتنة اي المال و البنون و هو حلال و يفر من الرحمة و الرحمة هنا مقصود بها المطر
البـــــــــــــــــــــــناااات تعجبن و زادن تركيز على كل كلمة تقولها مهره
المعلمة : ما شاء الله عليج يا مهره عندج اسلوب و طرح مميز بالإلقاء و المحاضرة تساهلين درجة كاملة عندج بعد اضافات ثانية
مهره: لا خلصت
المعلمة : استريحي بمكانج و صقفن لها يا بنات
البنات صفقن بحرارة لها لان مهره عندها اسلوب مشوووق بالعرض
سارت مهره و قعدت على كرسيها
ابلة هند: بنــــــــات انا بسير الادارة عندي شوية اشغال ما باقي عن الحصة الا ربع ساعه الله يخليكن و لا وحدة تطلع
البنات: ان شاء الله ابلة
موزة لفت على مهره
موزة: يا خطـــــــــــــــيرة انتي
مهره: ههه تسلمين
سلمى: لا لا جد انتي من منو متعلمة اسلوب الالقاء
مهره: بروحي
سلمى: ما شاء الله عليج كان حلووو
مهره: من ذوقج حبوبة
مهره سارت ورى الصف تعدل شعرها لان الابله قايلة لهم ما يطلعون برع الصف فما قدرت طبعا ترووح الحمام
ريم انتبهت على ان مهره تعدل شعرها فتذكرت صورتها لما كانت تعدل شعرها بصحاري فحست بغصة بداخلها
مهره حطت الكليب الصغير على شعرها و لفت الشيلة عدل
و عقب سارت عند ريم اللي كانت سرحانة
و شايلة كل الهموم فوق راسها
مهره قعدت حذالها: ريــــــم ريــــم
ريم انتبهت ان حد ناداها
ريم من غير نفس: خير
مهره بحنية: ليش شايلة هموم الدنيا فوق راسج
ريم: هالهموم تخصني ما تخصج انتي رجاء لا تتدخلي بشي ما يعنيج
مهره ابتسمت بسماحة: بقولج شي قبل ما ارووح ممكن
ريم نزلت عيونها تحت و بدت تدمع : قولي خلصيني
مهره: انا لو يبت جزر و البن (القهوة) و بيض و كل واحد حطيته بجدر و غليته بماي شو راح يصير
ريم ابتسمت باستهزاء: انتي تستخفين بدمج معاي
مهره: حشى عليه بس اباج تجاوبيني
ريم تجاريها بالرمسة: الجزر بيستوي لين و البيض بيستوي صلب و البن بتستوي قهوه
مهره: عليـــــــــــــج نووور يعني كل واحد تفاعل مع غليان الماء بطريقة مختلفة و طبعا انا وفرت لهم نفس الظروف يعني يا ريم مهما صعبت عليج الامور و الظروف خلج مرنة بالتعامل معاها يعني احيانا لازم تكونين لينه اوشديدة بالتعامل مع الوقف بس عسب تنهيها بس هذا اللي حبيت اوصله لج
ريم اتفاجأت من حكمة مهره و كأنها تعرف عن كل ظروفها
و عقب راحت مهره عن ريم





في بيت بو فيصل:
ام فيصل دخلت غرفة حمدان
ام حمدان: يالله عنبــــــــــــو الغرفة ثلـــــــــــــج و راحت عقب و بندت المكيف
ام فيصل تهز كتف حمدان: حمــــــــــــــــدان حمــــــــــــدان قوووووم
حمدان و لا حياة لمن تنادي
ام فيصل بتهديد: قـــــــــــــــــــــووووووم و لا ما بتشووووف خير منــــــــي
حمدان فاتح نص عين: لحـــ ــظة بس اكمل نهايـــ ــة الحلم
ام فيصل و الشرار من عيونها: قوم يلااااااا ورانا شغلة مهمــــــــة يلااا اماية تحرك قووووم
حمدان: لحظة بس بشوووف هالمزيونه شو بتسوي آخر الحلم
ام فيصل فولت: حـــــــــــــــــــــــــــــمدان
حمدان قاااااااااااام بسرعه: هههههههه اسولف اسولف
ام فيصل: انا محد بيجلطني بالبيت غيرك انت و هالخايساااات
حمدان: فديـــــــــــــــــت رووووحج يا امااااااااااية فذمتي ان هالخايسات على قولتج ما يسون ظفر منج
ام فيصل: هيه بس هذا اللي فالح فيه التقردين
و عقب دخل جاسم اللي صج كان تعبان و يبا يكمل نومته
حمدان: حوووه الاخ سكراااااااان بلاااك تمشي شرق و غرب
جاسم ياشر على امه: الله يهديها مووول ما مخلتنا نستانس باجازتنا موعتنا من الغبشة ( الصبح )
ام فيصل: لاااازم اوعيكم عسب بنروووح نييب البنات
جاسم: شووووو من صباح الله خير بس انتو قايلين العصر
ام فيصل: ابوك و عمك غيرو رايهم و قبل نص ساعة ابوك متصلي يقولي سيرو هاتوهن اللحين
الا و شوي تسمع ام فيصل فيوووووزات الشخير عند حمدان
ام فيصل: حمدانووووووووووه و ويعه ان شاء الله بتقووووووووم و لا شووو
حمدان فز من شبريته: عنبووو جبريت مب ام فيصل ههه
ام فيصل: يلااا انا برووح البس عباتي
حمدان: بعدي بتسبح و بكشخ و بتريق و عقب بنسير
ام فيصل: يلااا عيل عندك نص ساااعه عجل لا تتأخر
طلعت ام فيصل من الغرفة
و جاسم بعد بيطلع
حمدان: على وين
جاسم: بتريق
حمدان: ترياني ما احب اتريق برووحي
جاسم: عيل لا تبطى







في بيت البنات:
ميره مرعوبة من الخاطر: لا دخيلج لا تقولين ان كلامج صج
مها تلبس عبايتها: يعني اجذب عليج مثلااا يلااا انا رايحه اييب مهاري من المدرسة
ميثة: بطني يعورني من الخوف
منال: و انا حالي مب احسن من حالج
قبل ما تطلع مها لفت عليهن
مها: بلااا هذرة زايده و كل وحده اللحين تجهز عمرها ترا ما باقي الا ساعه و بنسير بيت عمي بو فهد
ميره قامت من مكانها: شووووووو بيت عمي بو فهد هذا بروحه جبريت
مها: عيل انتي لو سمعتيه كيف كان توه يكلمني الا شوي و بياكلني
ميثة: انزيين هم قالو العصر بنرووح ليش غيرو رايهم
مها: ما ادري ما ادري يلااا مع السلامة برووح اييب البنيه من المدرسة
منال: نحن لازم نكوووون اقوى من جيه
ميثة: آه الله يعينا على فراق دارنا
منال: و فراق دار الغاليين اللي فيها ريحة الغاليين
ميرة: معقولة ما بسير اذاكر مرة ثانية تحت النخلة و لا بنطالع انا و مهاري اليهال و هم يلعبون برع
منال تنهدت: و فوق كل هذا ما بنشرب من دلة الشاي اللي كانت دوم يدووه تشرب منها
ميثة: و لا راح نتصل للدكان كل يوم عسب اييب لنا صمون او عصير
منال: يلاا بنوتات خلونا نسير نطلع الشنط بالحوي و نلبس العبي
ميره: بدري
منال: لا شو بدري خلينا نتجهز بسرعه احسن اخاف الا اللحين يطبون بيتنا
ميثة: هيه و الله الا بس ما قلتولنا منو بيشلنا
ميره: ما ندري اصلا






في المدرسة سارت ريم للحمام
و كالعادة طلعت فونها اللي تييبه بالدس عسب ما يفصلونها من المدرسة
و سكرت باب الحمام الرئيسي بحيث انها تاكدت ان محد بالحمام معاها الا هي و بس
و عقب اتصلت على سارة لكن ما ردت عليها حاولت مرة مرتين ثلاث لكن مافي فايده
و عقب اتصلت على بيتهم و بعد محد شله
و اخيرا قررت تتصل لراشد
طــــــــــــوط
طــــــــوط
طــــــــــــــــوط
راشد: مرحبا الساع ريامي
ريم: مرحبتين
راشد: شو متصلة من الصبح شو هالنشاط
ريم: انا بالمدرسة اللحين
راشد: بلاااه صوتج جيه انتي مضايجه
و عقب بدت ريم تصــــــــــييح
راشد كان بغرفة التمارين الخاصة بالفلة مالته حط التلفون على اذنه من بعد ما كان مخلنه سبيكر
راشد: ريماني بلاااج فيج شي
ريم بصوت متحشرج: ابغـــــــي اطلع من هنيـــه
راشد: اوكيه بسيطة اتصلي على دريولكم
ريم: ما يرد
راشد: ايــــــــــيج مثـــــــلا
ريم: يا ليت
راشد: و شو اقول للادارة ان شاء الله
ريم: قول انك اخوي و طلعني و انتهت السالفة
راشد: يلااا ياي ياي مع السلامة
ريم: مع السلامة
يتبع

ღღالجــــــــــــــزء الثامنღღ


بعد ما خلصت الحصة الثانية
دخلت الشغالة و عطت ورقة للابلة
الابلة: مهره عبيد علي و ريم سالم تصريح خروووج
مهره مستغربة: انا تصريح خرووج
الابلة: هيه انتي و ريم
مهره راحت سلمت ورقة امتحانها
الابلة: راجعتي زين
مهره: هيه ابلة
ريم كانت تحط كتبها بالشنطة باهمال
الابلة شلت الورقة من عندها و من عند باقي البنات
الابلة: يالله مع السلامة و طلعت الابلة من عندهم
موزة: حــــــــظج مهاري بتطلعين
مهره: ههه عيل انا اقول حطج انتي لانج بتدرسين
موزة: انتي عاد دحيحة موتج و حياتج الكتب
سلمى: و بتفتكين من حصة الرقاد
موزة: قصدج حصة الفيزيا
سلمى: و فيه غيرها هالحصة المملة
مهره تدخل المقلمة بالشنطة: يلااا حبيباتي مع السلااامة
سلمى و موزة: مع السلامة
سلمى: اقوووووول ما تبينا نوصلج لباب الادارة
مهره: هههه قولي انج بس تبين تطلعين
سلمى: ههههه يلاااا باي باي بنشوفج باجر
موزة: و بتصلج انا اليوم و بخبرج اللي فاتج
عقب ريم طلعت من الصف و هي مبوزة
حتى شلتها مع عطتهم سالفة مع انهم نادوها بس ما ردت عليهم
أول شي طلعت مهره من باب الادارة و وقفت تدور مها
و منووووووو تتوقعوو شافهااااااا
اكيــــــــــــــــــــــــــــــد راشــــــــــــــــــــــــــد
راشد اول ما انتبه عليــــــــــــــــهاااااااااااا
تم مبحلق فيها حيل و يتفحصها من فوق الين تحت
راشد: مب معقوووووووله هالبنية مب معقوووووووولة شووو هالحظ الحلووو اللي خلاني اشووووف القمر من الصبح
مهره شافت الاخصائية بالدرب
الاخصائية سلامة: بعدج ما رحتي يلااا شو تتريين
مهره: بس سيارة اختي مب موجودة
الاخصائية اشرت على سيارة سودا و قالت لها: ركبي هذيج السيارة لان الشخص اللي فيها هو اللي طلب تصريح خروووج لج
مهره: بس انا ما اعرف هالسيارة >> و عقب اذكرت مهره و قالت لنفسها يمكن عمها مطرش حد اييبها توقعت اي شي منه هالعم
مهره: خلاااص بسير اللحين
و عقب دخلت الاخصائية
اصلا مها اتصلت على المدرسة و قالت ان راح تطلع مهره من المدرسة عسب يكونو على علم و تاخذ موافقتهم بتصريح الخروج مرة وحده و بنفس الوقت حضر راشد و سوى عمره اخو ريم و قال لازم ياخذها المستشفى ضروري
فالاخصائية لخبطت من بينهم لان كل شي صار بنفس الوقت و يوم شافت الاخصائية السيارة السودا حسبتها لمهره مب لريم
و البلية الكبيرة ان السيارة الفخمة السودا فيها راشــــــــــــــــــــــــــــد
اول ما انتبه راشد ان مهره يايه صوبه فج حلجه منصدم
و عقب بطلت مهره باب السيارة اللي ورا بهدوءو دخلت
مهره موخية راسها: السلام عليكم
راشد لف وراه مبــــــــــــــــــــــــــــهت فيها باعجاااااااااااااااااب و ما يعرف كيف دخلت جيه بسهوله لعنده
مهره خافت و خصوصا ان محد رد عليها السلااام و شمت ريحة عطر رجالي مركز
و بعد شوي راشد قال بصوت قريب للهمس: مـــــهره
مهره ارتبكت و رفعت راسهااا الين ما شافت ويهه مباشرة
شهـــــــــــــــــــــــــــــــقت متخــــــــــــــــرعة منوووووو هذااااااا
راشد هايم فيها: شو فيج فديتج >> عاد راشد يحسب ان ريم مسويتله مفاجاة و يايبه له مهره لعنده بالسيارة
مهره بدت تصيـــــــح و ترتجف و كانت تبااا تتطلع من السيارة لكن راشد
قفل كل البيبان
مهره دار راااسها و حست ان فيها حمى فجائية و جسمها ثقيل من الخووووف اللي فيها
راشد بعده يطالعه من فوقها لتحتها
مهره تصارخ عليه: بطــــــــــــــــــــــــل البااااااااااااااااااااااااااااب بـــــــــــــطل
ريم دقت الجامة على راشد
و راشد التفت لها و لما شافها بطل لها الباب و تفاجات لما شافت مهره داخل
ريم: مهـــــــــــره شو تسوين هني
مهره صاااااااحت زووووووود لما شاااااااافت ريم
راشد: مب انتي اللي يابتنها
ريم: شوووووووووووو
مهره: طلعوووووووووووني من هنيييييييييي طلعووووووووونيي
ريم بطلت عنها البااااااااااااااب و ركضت مهره بسرعة و هي من الخااطر خيفااااااااانة
ريم: شوووووو سويت لهااااااااااا قووووووووول
راشد: انا بروووووحي مب فااااهم شي
ريم: اوووووووه قول لي عاااد شو سويت لهااا و كيف يات لعندك هني بالسيارة
راشد: علمي علمج شفتها تكلم وحده من ابلواتكم و اشرت لها على سيارتي و هي ياتني
ريم: و اكيد هالابلة لخبطتها و يت ركبت معاااك
عقب يات سيارة مها
و وقفت حذال مهره
راشد: شوووفي ركبت ذيج السيارة
ريم دققت عدل بالسيارة: ايه هذيج اختها يايه تشلها
الا و شوي راااااشد يعطي ريس و يلحق سيارة قوووم مها
ريم شهقت: انت شووووو تسوى
راشد: سكتي عني انا لازم اوصل لهالبنية
ريم خاقت صج: راشد لاااا لااا دخيلك لااااااا ما نبي مصايب زووود غير مسااارك اللحين يلاااا
راشد مسولها طااااااااف و قعد يلحق بسيارة قووم مها


فسيارة مها
مها: و الله ما يسوى عليج تصيحين عسب امتحان
مهره بعدها تصيح: الاسئلة كانت معقده و مب واضحه من جيه ما حليت عدل
مها: هونيها و تهون بتعوضي بالامتحان الثاني ان شاء الله
مهره بدت تهدي عمرها عسب محد يشك بشي
مهره تمت حيرانه منوو هذا و كيف عرفها و ليش قال لها فديتج
و شوو يقرب لريم معقوله اخوها لااا لاااا لااا اذكر ان سلمى و موزة
خبروني ان هي وحيدة امها و ابوها
مها: مهره مهره
مهره: اسمعج قولي
مها: بعد نص ساعة بنرووح بيت عمي
مهره: شوووو
مها: بعد العم يوم يغير رايه نحن لازم ننفذ اللي يباه و نسير من الصبح مثل ما طلب


فسيارة راشد
ريم من غصتها بكل الاحداث اللي تصير لها اليوم وامس تمت تصيح
راشد: ابا افهم ليش هالصياح اللي ما له اي معنى
ريم: انت مب فاااهم شي فخلني فحالي و ودني البيت و خلى هالعلة فسبيل حالها
راشد: انت اللي اتصلتيلي فستحمليني عاااد
ريم كملت صياحها بقهر و الم و غصة من كل اللي يصير حولها
و بعد ربع ساعة من عقب ما وصلت مها بيتهم راشد اهم شي عرف وين مكان بيت البنية و عقب ساار و وقف بمكان محد فيه
راشد: بس خلااااص من الصياااح سندرتي برااااسي
ريم: انت انسان عديم الذوووووووووووووووق و قلييييييييييييييل حيااااااااااا تعرف شووووووو يعني هالكلااااااااااام و لااااا لاااااء
الا و شوي رااااشد يعطي ريم كف حاااااااامي على وييـــــــــــــــــــــــــــــــــــــهااااااا
ريم شهقت منصدمة من ردة فعله و تمت تبقق بعيوووووووونها عليييييييييييييه
راشد بتهديد: شووووووووفي عااااااااااااد ان رفعتي صوووووتج عليه مرة ثاااااااانية بزواااااااااالج فهمتي و لا لاااااء
ريم قلبها طاااح من الخوووف فتمت ساكته و تبكي بصمت و هي صج منقهره منه و حاقده عليه بهاللحظة
و عقب وصلها البيت و نزلت منه و راحت داخل >> ما تدري انها من تطلع من بليه رااح تدخل بريولها لبلية اشد من اللي قبلها
دخلت الفلة و اتفاجأت ان امها متكشخة حدهااااا و قاعده مع ناصر تضحك و تسولف و لكنها مطلقة من البارحه
امها اول ما لمحتها قالت لها: خيـــــــــــــر وين يايه انتي
ريم: يايه بيتي
ام ريم: يلااااااااااا عطيني مقفاج و سيري لبوووووووووووج يلاااااااااااا
ريم بدت تصيح مرة ثانية
ام ريم: اقووووووولج يلاااااا ما تفهمين
ناصر: اظاهر ان بنتج صمخة ما تسمع
ريم تمنت المووووووووووت و لا انها تعيش هالايام السووووودا
ريم : أصصـــلا منو قال اني بتـــ ـــ ـــم اعيش معااج هنـــــ نـــ ـــي بس نصيحة احترسي حيل من هالنذل تراااه يلعب عليج و يقص عليج
ام ريم وقفت و قالت بانفعال: حدج عاااد لهني و بس هذا اللي تتكلمين عنه بيصير ريلي يا بنت ابوووج
ريم: ريــــــــلج
ناصر: و لا مب عاجبج ياا حلوة
ريم صعدت غرفتها و هي تركض و دمووعها نهر على خدها جهزت كل اغراضها و خذت حتى سيارتها اللي ماخذتنها من شهرين و عقب يت الخدامه تشل وراها شنطها و اغراضها الباقية
ام ريم لما لمحت بنتها بتطلع قالت: سيرة بلااااااااا ردة اقوووووول ما ابغي اشوووووف رقعت ويهج هني لا انتي و لا الردي ابووووووج و عيشي بالفقر مع ابووووووووووووج و لا تفتكرين من اني بعطيج فلس واااااااااحد
ريم مسكت الباب و طلعت منه و سكرته بقووووووووووووة من بعد ما سمعت هالكلام اللي يغث الواحد





في بيت بوفهد
ظبية: بل بل بل من اللحين شابة ضووووو علينا الله يستر بس
نورة: بس نحن مالنا اي ذنب
ظبية: سكتي سكتي هذي يت
ام فهد يت و قعدت على الكرسي الهزاز بعصبية: لعنبووووو هو مب قايل العصر بييبهم شله من اللحين يترززون بويوهم من صباح الله خير
ظبية: انزين انتي هدي حصل خير يعني هذا اللي مضايقج من انهم راح يسكنون ببيتنا
ام فهد تزاعج: سنيتياااااااااا سنيتيااااااااااا
سينيتيا يت لها ركض: نعم مدام
ام فهد: زهبتي الغررررف و لا بعدج
سينيتيا: لا بعده غرفة باقي
ام فهد: و انتي و سونيا شو تسون من مسااااعة يلااااا عجلن
سينيتيا: اوكي مدام >> و راحت عقب
ظبية: انزين اذا ما زهبن غرف البنات اليوم يقدرون ينامون معي او مع نورة مؤقت
نورة: معاها حق ظبية
ام فهد: لاااا شوووو نحن مب عيااال فقر عسب ثنتين و لا ثلاث ينامون مع بعض شرااات الفيران الا تعاااااااالي انتي و اخوووج محمد شله مب مداومين
نورة: هاااه
ام فهد: اللي سمعتيه يلاااا تجهزي و سيري على كليتج و وعي اخووج الهيس يتلبس و على مدرسته يلااا
محمد يااا لهم و هو بملابس النووم
محمد: المدرسة من عقب الساعة ثمان ما يفتحون الباب لحد
ام فهد: بس هذاااااا اللي انت فااالح فييييييييييه الاعذاااار
محمد حب راااس امه و قال: بلااااج شابه ضووو من صباح الله خير
ام فهد تهز لريلها بعصبية: من الحالة اللي نحن فيها
ظبية همست لمحمد: انت يوم الريوق كنت بتسير المدرسة ليش ما سرت
محمد: من سمعت ان ابوي بيخلي بنات عمي عبيد اييون بيتنا من الصبح غبت عسب اشهد الاحداث بكبرها
ظبية: ملقوووف و يا ويهك
ام فهد انتبهة على ولدها: انا جم مرة قلت لك لا تنزلي بملاااااااااااااابس النووووووم بالصالة اللي تحت قووووم يلاااااا فزز طوووولك و غير ملابسك يلااا
محمد ببرود: مااااا روووووم
ام فهد: محمـــــــــــد قوووووووووم
محمد: خمس دقايق و عقب بروووح
نورة تكلم ظبية بهمس: و الله وناااااااااااسة بنصير سبع بنات بالبيت
ظبية: هيه و الله و اخييييرا بنحصل لنا ونيس بالبيت
سمعو تلفون البيت يرن
ظبية راحت ترد عليه
ظبية: الو
فهد: صباااحج عسل اختي
ظبية ابتسمت: صبااااح الفل و الياسمين و الجوري
فهد: ههههه متفيجين انا و انتي
ظبية: هههه شفت عاد
فهد: اقوووولج ظبوي ترااا بنات عمي عقب نص ساعة بيكونون عندنا
ظبية تشققت من الوناسة: صــــــج و اخيرا
ام فهد تاشر لها شو السالفة
ظبية: هذا فهد يقول ان بنات عمي عبيد بعد نص ساعة بيون يلااا فهد بخليك
فهد: لحظة لحظة قبل ما تسكرين مب جني اسمع صوت نورة و محمد يتناجرون
ظبية: هيه كالعادة
فهد: مب المفروض يكونون بدواماتهم
ظبية: لا اليووم اونه مأجزين على كيفهم,, اخوانك مشكله
فهد: عيل ظلمو ولدي حرااام رايح الكي جي من الصبح و هذيل مب رايحين
ظبية: ههههه لا فديته منصور راااح لانه شاطر
فهد: ههه يلااا عيل بخليج الغاليه مع السلامة
ظبية ابتسمت: الله يحفظك







عند عيال بو فيصل
حمدان: اماااااااااااااية امااااااااااااااية
ام فيصل: خير خير شو فيك تزاعج
حمدان: صبيلي شااااااااي
جاسم يطالعه بمكر: صب برووووحك ايدك ثرها محناية شوووووو
حمدان: لااا الشاي من ايد امي غيرررررر
جاسم: برايج اماية انا بصبله
حمدان: لاااا انا ابغي من ايد ناعمة مب من ايد خشنة
جاسم: حميييييييييدان عن البزااااااا
ام فيصل يت لهم تضحك: هههه انتو لو يطوف عليكم يوم من غير نجره كان نحن من زمان بخير
حمدان: على الاقل نحن ارحم من فيصل الفلفل
جاسم: هههههه اسكت لا يسمعك
حمدان: خله يسمع و يعني
ام فيصل تمد كوب الشاي لولدها حمدان
حمدان: تسلميلي يا احلى ام فهالدنيااا كلها
جاسم: يلاااا اشرب و خلصنا و رانا درررررب
حمدان: اقوووووول اماية
ام فيصل: قول و يا كثر ما تقول
حمدان: شو اسمائهن بنات عمي عبيد
ام فيصل: مها و التوام ميره و مهره و بنات اكبر عنهن بشوي منال و ميثة على ما اظن
جاسم يوم سمع اسم ميره فززز قلبه و حس بشي بس ما قدر يحدده
حمدان: سبحان الله اسمائهن كلها تبدا بحرف الميم
ام فيصل: اكيد امهم المرحومة فاطمة هي اللي سمتهن
حمدان يوقف من مكانه: يلااا تحرركنا
ام فيصل تعدل برقعها : يلااا سريننا
جاسم بيروح بسيارته و حمدان بيروح بسيارته عسب كل حد يشل حد من البنات و تكفيهم السيايير









ريم توقف صوب باب شقة ابوها مترددة تدخل و لا لاااء
و عقب قالت لنفسها يعني وين بتروح اذا ماراحت لابوها
و تمت تدق الجرس و عقب ظهرت لها نورما زوجة ابوها
نورما تفاجات من وجود ريم
ريم: مرحبا
نورما: مرحبا بك تفضلي تفضلي
و عقب دخلت ريم داخل
و تذكرت احداث امس بس مسكت دموعها
نورما تاشر لها على الكرسي: تفضلي بالجلوس اتشربين شيئا
ريم هزت راسها بلااا
ريم: اين ابي
نورما: انه بالعمل ااتصل له كي تكلميه
ريم: يا ليت ذلك
نورما راحت و دقت لها على الرقم
ريم مسكت سماعة التلفون
بو ريم: الو
ريم صاااااااحت ما قدرت تتمالك بعمرها
بو ريم: منوووو اللي يصيح
ريم بانكسار: ابووووي
بو ريم باسلوب جاف: ريــــم
ريم: ابوووي انا خلاااص بسكن معاااك امي امي.. >> تبا تكمل رمستها لكن ما قدرت من الصيااح
بو ريم: خلااااص خلاااص لا تصيحين تراج بتعيشين معي يلاا بخليج انا عندي شغل وايد مب فاضي اللحين
ريم سكرت عنه بدون ما تقوله مع السلامة
نورما خافت من شكل ريم لما عصبت
نورما: اتريدين ان ترتاحي
ريم: اين اجد غرفتي
نورما: هناك بالممر الذي على اليمين
و عقب سارت ريم بذيج الغرفة و و حطت ثيابها باهمال داخل الدرج الكبير
ريم بنفسها: اكرهكــــــــــــــــــــــــــــــم اكرهكــــــــــــــم كلكـــــــــــــــم و اللــــــــــــــه لسوي كل اللي يعجبني و محد له خص فيني و بخلي كل واحد فيكم ذلييييييييييييل عندي
و بعد ربع ساعة اتصلت لها سارة
ريم بعصبية: ما بغيتي تتنزلين و تتصلين لي
سارة: بل بلااااااااج شبيتي بويهي سلمي بالاول
ريم: سلاااااام
سارة: عوذ بالله شو هالنفس الخايسة اللي عليج
ريم: ما علينا انتي وين
سارة: بالشقة بروووحي و توني قاعده من النووم
ريم: ترا انا خلاااص انتقلت اسكن مع ابوي
سارة: من متى
ريم: بلاااج متفاجأة ترااا قلتلج البارحه من عقب ما طلعت من عند ابوي اني راح انتقل عنده امي ما تباني عندها
سارة: بيني و بينج احسنلج عند ابوووووووج على الاقل افتكيتي من العلة امج
ريم: هه عيل سمعي هالعلة شو قررت
سارة: شوو
ريم: بتتزوج اللي ما يتسمى
سارة: قصدج ناااااااااااصر
ريم: و فيه غيره
و تمت عقب ريم تحكي لسارة عن راشد و مهره
سارة: اقووووولج شي
ريم: شوو
سارة: اقطعي علاااقتج مرة وحده فيه
ريم: ما اقدر اكيد بيتم يلااحقني بسبة مهره
سارة: بس هو خلاااص دل بيتهم شو يبا بعد منج
ريم: ما ادري ما ادري انا برووحي مشتته من بين كل شي حتى بديت اخاف من اللي بيصير باجر
سارة: لا يا حبيبتي خلج شجاعة و مدام انا معااااج فلااا تخاااافين








فسيارة جاسم
ام فيصل: لف يمين اللحين
جاسم مبهت بامه لان هالمنطقة بالذات فيها ميره و قال: من هالناحية قصدج
ام فيصل: هيه يلاا تحرك سير و اسال هذا الباكستاني اللي واقف على جهة اليسار عن بيت عبيد علي
و عقب ما سال الباكستاني طلع بيت عبيد علي صوبهم سيدة ما عليهم الا يتعدو ثلاث بيوت و بيوصلون له و عقب ما سارو
حمدان وصل قبلهم و بقق عيونه و هو بسيارته و قال بنفسه: نحن وين عنهم من زمااااااااااااان ليش خليناهم يسكنون بهالبيت الخرابه الله يعينهم كيف كانو مستحملين
ام فيصل: فديتهن حرااام كان انهن ساكنات بهالبيت الموحش
و عقب حمدان نزل من سيارته و ام فيصل نزلت من سيارة حمدان لكن جاسم ريله مب قادرة تمشيه موووووول حس كأنه متخدر
حمدان ياشر على جاسم: يلااااا جسوووم انزل
جاسم انتبه على اخوووه و عقب نزل بكل صعوبه
و بلع ريجه
جاسم بنفسه: معقووووووله انتي ميره نفسها بنت عمي معقووووولة يا ربيه شووووو هالصدف لا لا ما اصددددق
ام فيصل لفت على ولدها: يلااا جسوووم بلااك جيه بطيئ اليوووم
حمدان دق الجرس
البنات كانن داخل و كل وحده مخلصة اشياءها و لابسات عبيهن
مها: خلاااص يا بنات مثل ما وصيتكن اوكي
منال بعناد: يصير خير عاد انا لساني ما اقدر امسكه
ميثة تايدها: و انا بعد مثلها
ميره: هيه و الله هم على حق ترا ان اغلطو علينا بشي لازم ندافع عن حقنا
مهره: الله يهديكن
مها: اقووول بما انكن ما منكن فايده و الكلام معاكن ضايع وحده منكم تسير تفتح الباب
منال: انا بروووح تعالي معاي ميثة
ميثة: اوكي يلااا
و عقب سارن يفتحن الباااب




و منال هي اللي فتحته بالبداية و شافت بويهها حمدان
حمدان تفاجأأأأأأأأأأأ حـــــــــــــــــييل لما شاااااااااااافها
و منال تيبست بمكانها و كأنها حد جب عليها ماي بااااااااااااااارد ثلج
حمدان اشر عليها و قال بعفوية: انتي ام لســـــــــــــــــــان تطلعين بنت عمـــــــــــــــــي مب مصدق اناااااااااا
ميثة الف علامة استفهام على راسها مب فاهمه شي
اما منال مب قادرة تستوعب شي مووووول
و تمت مرتبكة و نزلت راااسها
و عقب دخلت ام فيصل
ام فيصل: السلااام عليكم
ميثة ردت: و عليكم السلاااااام و الرحمة
ام فيصل سلمت على منال بالبداية و الابتسامه ما فارقت محياها: اشحالج بنيتي عساااج بخير
منال بصوت خفيف: بخير ما نشكي بااااس
و عقب سلمت على ميثة: و انتي فديتج اشحالج
ميثة: الحمدلله بخير خالتي
ام فيصل: و شخبار خواتج الباقيات
ميثة: تمام و الله
ام فيصل: وينهن عيل ما اشوووفهن
ميثة: هن داخل اللحين
ام فيصل ابتسمت لها: ممكن تاخذيني لهن
ميثة: اكيد تفضلي
ام فيصل لفت على ولدها و قالت: حمدان انت و جاسم تمو هني خمس دقايق و بني انا و البنات
حمدان: ان شاء الله اماية بس لا تتاخرووون
و عقب تجدمن ميثة و ام فيصل منال اللي تمت طوول الوقت ساكتة
بس قبل ما تتحرك منال شو تتوقعو صااار


حمدان ما قدر يتمالك عمره مسك منال من ايدها
منال شهقت
حمدان سوى هالحركة بس حب يغلس فيها و يخوفها
حمدان: اقول وينه لسانج بو اربع و اربعين
منال تجمعن الدموووع بعيونها لانها صج خافت اصلااا هي بعدها ما كانت
مستوعبة ان الشخص اللي اضاربت ويااااه يطلع ولد عمها
حمدان لمح عيونها تلمع بس مع ذلك رص على ايدها و ذكرها بالكلام اللي قالته له : اقول تذكرين لما قلتيلي يكفي اني بنت و مالي مثيل و عن الكل مرتفع شاني ياللي ما تعرفني مالك الحق انك تحكم عليه لكن انا بنت اصول و ما برد عليك فمووووت بغيضك
منال استجمعت قواها: اقــــــــــــوووول بطل ايدي احسنلك و لا ما بتشوف مني خيرررر
حمدان رص على ايدها زووود: و شو بتسوين يعني
منال: آآآي بطل ايدي
و عقب منال وطت ريله بريلها بقووو
حمدان: آآآخخ و عقب فلتت منه منال و سارت ركض للصالة
حمدان بصوت عالي: براااااااااااااااويــــــــــــــج يا بنت عمي
منال ما اهتمت له و سارت عنه
حمدان: ان ما كسرت غرورها على ايدي ما اطلع انا حمدان
و عقب سار لجاسم برع من بعد ما كان بنص الحوش
جاسم: هاه شووو صار
حمدان: لا تستعيل بتشوف كل شي بعيونك
جاسم: و اماية وين
حمدان: اللحين بتي مع البنات



منال دخلت داخل و حست انها بتمووووووت من غيضها منه
قلبها كان ينبض بسرعه و ريلها مب قادرة تشيلها من خوفها
ميثة راحت لمنال: و الله انها طيبة مرة عمي عبدالله تعاملنا و كان نحن بناتها صج
منال مب وياها مووول
ميثة: هي انتي وين وصلتي
منال:.....
ميثة: هييييييييييييه تعااااااالي تذكررررت ليش ولدها حمدان قال انج ام لسااان و كان يرمس و كانه يعرفج او شايفنج بمكان
منال: تعرفين اللي........
ميثة: لااااااااااااااا تقوووووووووووووووووووووووولين مستحييييييييييييييل
منال: و لا انا مب قادرة استوعب موووووووووووووول
ميثة: اللحين الشخص اللي تضاربتي ويااااه و كنتي من ذااك اليووم كله تفكرين فيــــــه يطلع ولد عمنا اووووووويه
منال ضربت ميثة على راسها: و انتي كيف تسيرين عني و تخليني هاااه اقوووولج مسك ايدي بقوه و رص عليهن بغى يكسرني هالهييييييييس
ميثة حطت ايدها على حلجها: اووووويه ما يستحي شووو هااا
منال: و عقب ما وطيته و فلت من ايده هددني
ميثة: اللــــــــــــــــــــــــــــه يستر منه هذا على شو ناوي
منال: هيه و الله حتى ان قلبي يدق طبووول اللحين من التوتر و من هالمفاجأة الخايسة
ميثة: بس امه عسسسسسسسل ما شاء الله شوفيها كيف تضحك مع خواتي
مها التفتت عليهن و هي تبتسم لانها ارتاحت فعلا لام فيصل: يلااا منال و ميثة اللحين بنطلع
ميره اللي خذت على ام فيصل مرة وحده و تعود عليها: آآه و الله يا خالتي مب هاين عليه اترك هالبيت و لو انه خرابه لكن فيه كل ذكرياتنا مع اهلنا اللي تركونا و خلونا بهالدنيا لحالنا
ام فيصل لمت ميره لحضنها و البنات من جد استانسو من رحمة هالام: لا يا بنيتي لا تقولين جيه انتي اذا فقدتي امج الحقيقة فاعتبريني انا امج الثانية
ميره استانست من الخاطر: تسلمين خالوووه الله لا يحرمنا منج
ام فيصل اتذكرت بنتها المرحومه دانه: و الله من طيبتكن كاني اشوف بنتي المرحومة دانة
الكل: الله يرحمها
مها: الله يغمد روحها الجنه و عقب راحت و حبت راس ام فيصل و قالت لها: و انتي اذا فقدتي بنت فاللحين عندج خمس بنات ما شاء الله ههههه
ام فيصل: ههه فديتكن الله لا خلاني منكن
منال: اللحين بنرووح خالوه
ام فيصل: هيه حبيبتي اللحين بنسير انا الود ودي تسكنن ببيتي لكن عمكن بوفهد يبغيكم ببيته
و عقب حمدان اتصل على امه يستعجلها >>> اصلا بس يبا يشوووف منال
و بعد ما طلعن البنات كانت ميره مع ام فيصل
و البنات وراهن


جاسم كان قاعد يطالع الباب
فاول ما لمح ميرة حس بقلبه بيطير من الفرررح
عمره ما توقع ان البنت اللي حبها تطلع بنت عمه
جاسم تجدم هو و حمدان و سلمو على البنات
و ميره كانت منزلة راسها فما شافت جاسم لكن لما يا دورها و مد
لها ايده بيسلم عليها رفعت راسها له بتشووفه
اول ما شافته عقدت حيااااتها منصدمـــــــــــــــة منه لانه هو الشخص نفسه اللي ضحك على خبالها بصحارى بالشارجة تمت مبهته فيـــــــــــــه
و هي كردة فعل نزلت ايدها بسرعه عنه فما سلمت عليه و هو توقع ردة فعلها جيه فابتسم
ام فيصل: برايها يمكن تستحي فديتها ميره انتي تعالي اركبي معي فسيارة ولدي جاسم
ميره بنفسها: اسمه جـــــــــــاسم و يطلع ولـــــــــــــد عمي لاااالالالالاالالا شوو هااا
و عقب ميثة تذكرت شي فهمست لمنال: منوووووول منووول لحقي
منال: شووو
ميثة: مب حمدان لما شفتيه انتي و مهره صوب محل النظارات مب يشابه الشخص اللي شافته ميره بصحارى
منال بدت تستوعب: هيـــــــــــــــــــــه و الله شوفي اخووه الثاني فعلا يتشابهوووون اويـــــــــــــــــه شو هالحاله و انا اقول ليش نزلت ايدها بسرعه عنه و لا سلمت عليه لما شافته يعني عرفته
ميثة: صبري صبري بنادي مهره
ميثة: مهاري مهاري تعالي شوي تييبين وياي الاغراض
راحت لها مهره و قالت بلهفة لهم: اويـــــــــــــــــــــــه ما توووووقعت ان هالاشخاااص هم عيال عمنا
منال و ميثه سحبوا مهره بعيد شوي عن البقية
قالت منال: و لا احنا ما توقعنا هالشي مووول
مهره: عيل انا شوو اقوووول لما كنت اسلم عليهم من جد كنت مبهته مب عارفه ريلي من راااااسي و الله اني خفت
ميثة: يا سبحااااان اللــــــــــــــــــــــــــه من جد صدفــــــــــــــــة غريبة
مها تاشر لهن يعجلن بسرعه
مهره ركبت فسيارة حمدان مع ام فيصل و اختها ميره و كان جاااسم ميت بميرة و خصوصا انها محلووووة وااااااايد اكثر عن قبل و اما ميره فكانت مستحية و ام فيصل تمت تسووولف معاها هي و اختها و هي ترد على قد السؤال
أما مها و ميثة و منال فركبوا بسيارة حمدان اللي من اول ما ركبو و هو داااق سوالف ويااهن و لا عليه شي الاخ
و منااااااااال ميته غصة منه
حمدان يكمل سوالفه و يقول لمها: و انتي اول ما طلعتي زيغتيني
مها: ههههه ليش
حمدان: اول ما شفتج حسبالي الممثلة البحرينية زينب العسكري قلت هذي شو تسوي ببيت عمي
مها: هههههه هيه كلهم يشبهوني فيها و لو اني ما احس بالشبه اللي بينها و بيني
حمدان: اقووول مها هذي اللي على يسارج مبوووووزة و مادة البوز شبرين شو اسمها
مها: ههه اسمها منال
منال دزت مها
حمدان: سبحان الله اي وحده اسمها منال لازم تطلع خسفه >>> يوم اقول لكم لسانه متبري منه
منال عاد ما استحملت: خسفة حرمتك ام الصيبان
مها: عيب منووول
منال: عيل انتي ما تشوفينه شو قاعد يقول
حمدان: ههه حليلج انتي طلعتي ما تحبين الصراااحه هاه
منال: اسكت عني لاااااااه لوعة جبد من الصبح اففففف
حمدان: ههههههههههه هذي اكيدد فهرموناتها فلفل كله محرجة عنبووووه
الكل ضحك ما عدا منال
ميثة تطالع منال بنص عين و قالت: اقوووووووول
منال: خير شو تبين انتي بعد
ميثة تمت ترفع حواجبها و تنزلها: شوو رايج بضحكته
منال: ويـــــــــــع شرات ويهه
ميثة: انتي قبل قلتيلي انه هو حليوو يعني ضحكته حلوه ايا المكارة انتي
منال احمرت: انتي بتسكتين و لااا
حمدان: منوو هذا اللي ضحكته حلووووووة
منال و ميثة بققوا عيونهم كيف سمعهم
ميثة: هاه و لا حد
منال: و انت ما تستحي تتسمع الكلام
حمدان: و منو هذا اللي من قبل شفتيه ان هو حليو و يعني ضحكته حلووة هاااااه
منال عيونها طلعت على برااا هذا كيف سمعهم
ميثة: ما شاء الله اذنك مثل آذان الفيل
حمدان: ههههه حتى جسوووم جيه يقولي









بعد ما وصلن البنات لبيت عمهن سلطان و نزلن من السيارات
نادت ام فيصل على الخدم يودون الشنط فووق بغرفهم
و فسيارة حمدان كلهم طلعوا ما عدا منال اللي قعدت تعدل شيلتها
و عقب دخل حمدان السيارة يعني خلااص بيرووح
انتبه على منال و عطاها نظرة حادة
منال خافت عوذ بالله بلااه يطالعني جيه خلني انزل احسنلي و يوم
كانت تبا تطلع قال لها حمدان : لحظة
منال تيبست: نعم
حمدان بصرامه: منو هذا اللي كنتي ترمسين عنه
منال: و انت شو لك
حمدان: جاوبيني على قد السؤال منووو هذا اللي ترمسين عن ضحكته
منال: انت مالك شغل فيني فاااهم و لااا لااء يوم بتصير ابوي و لا اخوي ذيج الساعة تعال حاسبني
حمدان عصب: لي خص فيج و نص بعد و اللحين ابااااااااج تقوليلي منووو هذااا
منال: للمرة الالف اقولك ما لك شغل فيني انت ما تفهم شووو
حمدان: لا ما افهم و انتي بنت عمي و كيفي اسويبج اللي اباااه عندج مانع
منال: هيه عندي مااااااااااانع
حمدان يطالعها بتكبر: اتحدااااااااج ترااا انتي ماراح تقدرين علي و لا تحطين راسج براسي و لا ما بتشوفين خير مني
منال صج من هاللحظة كرهته و طلعت عنه و خلته بحاله
و عقب هو سار ورى اخوه جاسم البيت من بعد ما وصلوا البنات
و بعد ما نزلت منال
ميثة: وينج انتي سنة الين ما تطلعين من السيارة
منال: كنت اعدل شيلتي
ميثة: منووول شوووفي هالقصر اللي جداااامج شووووفي
منال صد براسها بتشووووف: مااااا شاااء اللـــه ما توقت ان عمي غني هالكثر
مها يت صوبهم : بس بس من الهذرة الزايدة خلونا ندخل اللحين
ميثة: ندخل بروحنا لا انا اخااااااف
منال تاشر صوب ام فيصل: شوفن شوفن هذيج خالتي ام فيصل و حد معاها
ظبية كانت ياية ويا خالتها هي و اختها نورة
ظبية بابتسامة حلوة على شفايفها: يا مرحبا الساااع حيااااااكم توه ما نوووور البيت يا هلااا فيكم
اول وحده سلمت على ظبية هي مها و عقب قعدت تسلم على البقية بحفاوة و نورة طبعا ما
قصرت بالترحيب كانن صج من الخاطر فرحانات ان لهن بنات عم
نورة قعدت تسولف مع ميثة و منال
نورة: ونـــــــــــــــــاسة و اخيرا حصلت حد على قد عمري
منال: ههه شفتي عاااد
ميثة: و احنا لنا الشرف من انج بنت عمنا
نورة: و انتو اكثر و الله
ظبية تاشر لميرة و مهره: انتو اكيد التوام
ميره: هيه صح نحن التوام كيف عرفتي و نحن مب متشابهات
ظبية: ههه ربج بعد عندي الحاسة السادسة
ام فيصل من بعد ما كلفت الخدامات بشغلة ردت للبنات
ام فيصل: يلااا الغاليات تفضلن البيت بيتكن حياااكن
كل البنات راحن ورى ام فيصل و نورة على طول انهدت بالسوالف
مع بنات عمها و خصوصا ميثة و منال

في المؤسسة:-
بوفهد: لا من الصبح احسن عسب لما ارجع من البيت و اتغدى اشوفهن جدامي
بوفيصل: شورك يعني
بوفهد: و يكون احسن لو تتغدون معانا اليوم
بوفيصل: بس البارحه متعشين عندكم
بوفهد: و من المستحسن من انكم تييون اليوم بعد عسب البنات يتعرفون على الكل
بوفيصل: خلاااص عيل بنكون ببيتكم فحزة الغدى
بوفهد: اقول بوفيصل
بوفيصل: قول اسمعك
بوفهد: شو رايك بخالد الـ....
بوفيصل: اووووف اسكــــــــت لا تتخبر عنه موووول
بوفهد: خير بلااه الكـــــــــــل يتكلم عنه
بوفيصل: تعرف مشروع الــ...... اللي فدبي هذا هو مسونه و الأرباااااح اللي حققها تتكلم عنها معظم الجرايد
بوفهد: غريبه مع اني ما شفت له مقابلات باي جريدة
بوفيصل: لان هذا هو طبعه ما يحب المقابلات الصحفية موووول
بوفهد: و هو كم عمره اظني صغير صح
بوفيصل: تقريبا 33 سنة
بوفهد: اسميه داهية بهالعمر مع هالارباح اللي حققها يدل على ذكاءه بالشغل
بوفيصل: شو ناوي تشتغل معاه
بوفهد: يا خوي نحن لازم نوقع معاه عقد اشتراكي
بوفيصل: و الله ما ادريبك انت شو تشوووف
بوفهد: انا بصراحة مرتاح له من ناحية الشغل
السكرتير دخل عليهم: عفوا على المقاطعه استاذ عبدالله بس المدام ام فيصل متصلة تسال عنك
بوفيصل: حولها لي
السكرتير: ان شاء الله
و عقب ما حولها لبوفيصل
بوفيصل: هلااا ام فيصل... بشري يو البنات و لا بعدهن
ام فيصل: يبناهم و اللحين هم ببيت سلطان
يوفيصل: زين زين.. ترا اليوم غدانا ببيت بو فهد
ام فيصل: خلاااص ما عليه عيل لا تتاخرون فحزة الغدا
بوفيصل: ما عليه بنحضر على الموعد
ام فيصل: يلاا تامر على شي بعد
بوفيصل: ابد سلامتج يلااا فمان الله
ام فيصل: الله يحفظك






راشد كان يتصل على ريم بس هي حاقرتنه ما ترد عليه و
عقب طرش لها مسج
" ردي و لا ما بتشوفين الا الشر مني "
خاااافت ريم منه فاتصلت له لا يعطيها بعد كف ثاااااااااني هي مب ناقصه
راشد: يعني ما ينفع معاج الا التهديد
ريم: خلصني شو تبغي مني
راشد: انتي تعرفين شو اللي انا اباه
ريم: آسفة ما اقدر
راشد: انا مب ياي اخـــــــــــــذ شوووورج انا أأمرج بهالشي
ريم باسلوب تحدي: و اذا ما سويته
راشد: اقدر اسوي فيـــــــــــــج أي شي موول لا تستبعدين عني أي شي
ريم فاجه حلجها: بــــــ ــ ـــ ـــس ليش اناااااا ليــــش
راشد: لانج انتي اللي ببالي و انتي اللي راح تنفذين كل اللي اباه
ريم بياس منه: و انت اللحين شو تبا مني
راشد: سمعيني عدل هالبنت باين عليها وااايد ملتزمة يعني مب من النوع السهل و انا اباج تستدرجينها بالاسلوب و التعامل يعني خلج لينه معاها الين ما تثق فيج
ريم: و انت حضرتك بشو راااح تستفيـــــــــــــد من هالشي
راشد: بستفيد وااايد لان عقب اباها تطلع معاااااج
تكمل عنه ريم: و اسلمك اياهاا صح
راشد: عليــــــــــــــج نوووور اللحين انتي تعجبيني
ريم: بس اوعدني انك ما تلمسها و لا تضرها مووول
راشد: انتي ما يخصج بشو اسوي فيها بس عليج تنفذين اللي انا اباه و بس يلااااا بخليج انا بااااي
ريم: باااااي
ريم: يا ربي شكثر أعاني راشد مع مهره و امي و طلاقها من ابوي و ابوي اللي مب حاسس فيني و هالاجنبية العلة و سارة اللي مب معاااااي و اللي بدل ما تهديني تزيدني الا جاســــــم ما قام يتصــــــــــــل عليه موووول هذا وينه خلني اتصل فيه يمكن يونسني








دخل جاسم البيت قبل حمدان و راح شرب كوبين ماي من زوووود هالاحداث اللي فاجئته
حمدان بصوت عالي: جسووووووم إلحـــــــــــــــق
جاسم اشترق و تم يكح
جاسم: كح كح كح
جاسم: ههههه سوري ما كان قصدي
جاسم: كح و يا ويهك روعتني كح كح
حمدان: لا تلومني من اللي شفته اليوم قولـــــــــــــــــــــــي بشو انا اتفاجأت اليـــــــــــوم
جاسم: انا بروحي اليوم بعد متفاجأ
حمدان سار و قعد: تذكر البنت اللي قلتلك عنها الحولة اللي دعمتني
جاسم عقد حيلته: هيه اذكر اللي كنت تقول عنها ام لسان
حمدان: طلعت بنت عمي
جاسم و كانه حد جب عليه ماي بارد: شـــــــــــــــــــــــــوووووو
حمدان: اللي سمعته انا بروحي مب مصدق تصدق بعده لسانها طويل هذي محد بيأدبها غيري انا جاسم جااااااااااااااسم
انا اكلم منووو
جاسم: حمدان متاكد انها البنت نفسها
حمدان: متاكد و نص
جاسم: سبحــــــــــــــــــــــــــــــــــان الله
حمدان: الا ما قلتلي انت بشو اتفاجأت
جاسم: بإختها
حمدان ما فهم: ما فهمت
جاسم: ماشي ماشي انسى الموضوووووووع
حمدان: قول ليكون حاط عينك على وحده
جاسم فر اخوه بمخدة الغنفة: و يا ويهك وين راح فكرك
حمدان: ما ادري عنك قلت يمكن بعد وحدة خذت قلب اخوووووي و هن صراااااااااحة صاااااااااارووووخ ياخي من وين لهن هالجمال
جاسم: انت ما تقولي متى بتوب
حمدان: و انا شو قلت اثاريني
جاسم: تتغزل ببنات عمك و تقول شو قلت اصطلب عاااااااااااااااد
و من عقب ما خلص كلامه تلفون جاسم رن
جاسم شاف الرقم كان رقم ريم و استغرب يوم شاف رقمها
جاسم: الو
ريم: الو السلام عليكم
جاسم: و عليكم السلااااام و الرحمة
ريم: وينك ما تتصل يالقاطع
جاسم: بل اول شي اساليني اشحالك شخبارك و عقب عاتبي
حمدان ياشر له بس جاسم مسويله طاف
حمدان بصوت خفيف: ايا المكار اونك ما تكلم بنات حركات انته بعد
جاسم ياشر له يسكت
ريم: اشحالك جاسم شو هباتك
حمدان: علومي طيبة طاب حالج من صوبج
ريم: بخير عايشة بهالدنيا
حمدان يسير و يحط اذنه على فون اخوه
و جاسم متغصص منه
جاسم: لحظة ريم
صد على اخوه: و انت و بعدين وياك
حمدان: و اسمها ريم بعد انزين يا جسووووووووووم و اونك ما ترمس بنات ان ما خبرت عليك احمد
جاسم: و انا عند كلمتي ما اكلم بنات بس هذي حالة استثنائية
حمدان يحرك حواجبه: ايا العيااااار
جاسم: هلااا ريم
ريم: شو مشغول
جاسم: لا بس كنت اكلم اخوي ريم
ريم: هلاا
جاسم: تذكرين ميرة
ريم اطفرت: نــــــــــــــــــــــــعم
جاسم: ههههه شخبارها
ريم: افففففففف يا ربي
جاسم: بل بلاااااج كارهتنها هالكثر
ريم: لاني ما ابلعها
جاسم يحاول يسحب الكلام منها: المفروض تتعاطفين معاها لانها عانت وايد باللي صابها
ريم ارتبكت: بس هي ما تعرضت له بشكل فعلي
جاسم: شوووو
ريم: هيه ما تعرضت له بشكل فعلي
جاسم: كيف يعني
ريم: انا جذبت عليك هي ما تعرضت للاعتداء بشكل فعلي اللي صار ان واحد حــــــاول يعتدي عليها هي و اختها لكن هالواحد ما قدر
جاسم عقد حياته و بنفس الوقت استانس: و الحرج اللي بيدها بعد موجود و لا كنتي تجذبين بعد
ريم: الحرج بسيط و اللحين قام يخف عنها
جاسم: ابا افهم شي واحد
ريم: شو هوو
جاسم: ليش جذبتي علي
ريم ما قدرت تعترف له و تقوله انها كانت تغار منها: آآأ...
جاسم: برايج اذا ما بتقولين اهم شي انا عرفت الصج
ريم: احسن بعد
جاسم بجدية و حدة: ريم سمعيني ميرة ماباج تتقربين منها خير شر
ريم استغربت من كلامه: اصلا انا ما واطنها بعيشتي فما اكلمها حتى
جاسم: المهم انج ما تكلمينها او تقربين صوبها
ريم: و ليش هالامر ان شاء الله
جاسم ما بغى يقول لها ان ميره بنت عمه و يخاف عليها من ريم و اشكالها: انتي نفذي اللي انا قلته و خلاااص و رقمي مسحيه من فونج ماباج تتصلين علي موووول
ريم: جاسم شو فيك
جاسم يرمسها بقرف: و لا شي
ريم: و ليش بعد ما اتصلك
جاسم: لاني ما ارمس اشكالج
ريم ما قدرت تقول شي حست باحراااااج و سكرت بويهه
جاسم: احسن
حمدان كان مندمج : منوووو ميرة و شو سالفتها مع ريم و ليش ما تباها تسير لميرة شو علاقتك انت بالموضوع
جاسم: بل عليك هالكثر اسئلة
حمدان: ما علينا يلاااا قولي السالفة
جاسم قعد يقول له عن ميرة يوم شافها بالمول و عن اللي صار لها من محاولة اعتداء
حمدان منصدم: انت تمــــــــــــزح صح
جاسم: يا ليتني امزح
حمدان: بنات عمنا تعرضن لمحاولة اعتداء و نحن وين كنا عنهن
جاسم: صار و خلاااص نحن ما كان بيدنا نسوي شي لانه بوقته ما كنا نعرفهم
حمدان: اللـــــــــــــه ستر يوم انهن ما تعرضن لشي الله ستر
جاسم: هيه و الله الحمدلله على كل حال
حمدان: يالله شووووو هالصدف ام لسان تطلع بنت عمي و اللي شفتها انت بالمول تطلع بنت عمي بعد يا سبحان الله صج الدنيا صغيرة
جاسم: صغيرة و دوارة بعد المهم خلى هالكلام من بينا ما يطلع لغيرنا



أول ما دخلن البنات داخل الفلة سيدة ودتهن ظبية صوب الصالة الزجاجية الكبيرة اللي تطل على الحديقة
ام فهد كانت يالسة على الكرسي بدون ما تتحرك للبنات و ترحب فيهن و ام فيصل اتلومت من اختها
ميره شهقت: مهاري شوفي حرمة عمي كيف تطالعنها شوي و بتصفعنا
مهره: اشششش سكتي و عيني من الله خير
ميرة: خيبة تخيب العدو بلاااها مفولة
مهره: ميرة و بعدين وياااج يلااا تجدمي بنسلم عليها
مهره اول وحده سارت حبت راس ام فهد و ام فهد مثل ما هي جامدة
و من عقبها مها سارت و سلمت عليها و من عقبها باقي البنات
مها: اشحالج خالتي عساااج بخير
ام فهد: انا بخير قبل ما تيوووون
انصدمن البنات و نورة و ظبية انحرجن حيل من اسلوب امهن
ام فيصل: هي قصدها انها كانت ما تعاني من اي صداع لكن اللحين ياها صداع هذا اكيد من قلة النوم
البنات ما اقتنعن مول بكلام ام فيصل عرفو ان ام فهد مب متقبلة وجودهم هني بالبيت
منال تهمس لميثة: بلااااها هذي متكبرة علينا عشتوووو شو تحسب عمرها
ميثة: و لا مب هذا بس شوفي لبسها كيف فخم و كانها تقول لنا ان نحن ولا شي جدامها بسبب فقرنا
منال: عافان الله منها عقربة شكلنا ما بنسلم من شرها
ظبية: جودي جــــــــــــــــودي
جودي: يس مدام ظبية
ظبية: جهزتي اللي قلتلج عليه
جودي: يس مدام كلو جاهز
ظبية: يلااا بنات عمي تفضلن للضيافة
ام فهد تاشر لمهره و كانت ترمس بصوت عالي: هييي انتي خلي الشنط من ايدج سينيتيا اللحين بتاخذهن
البنات مول مب عايبنهن اسلوب ام فهد
و ام فيصل مب عارفة شو تقول
نورة: يلااا حبيباتي تفضلو البيت بيتكن
و راحن عقب البنات
و ظبية كانت تسولف مع مها و مووووول ما تركتها و صج من الخاطر استانست عليها و ارتاحت معاها حيل







فتحت ريم دفترها الجديم اللي كانت تكتب فيه خواطرها
امي يابنضي الساكن في صدري
ياقطرة حلوة تشفيني من سقمي
ياضمة حنونه تبعد عني هلعي
يانسمة اشتاقها تهب طول العمر

امي قد جمعتك في اشتات اعماقي
لعلي أسقيك بروحي
شوقي وحنيني وخضوعي
حبي وسعدي ونبوعي

تاهت حروفي ياأمي.. فلم أجد
غيرك للحب دليلي
خطوتك هي سبيلي ونظرتك هي يقيني
وعمرك حياة سنيني
( الخاطرة منقولة )



قطعت ريم الورقة و هي تصيح من الخاطر كرهت كل شي حواليها حتى نفسها
هذي الكلمات ريم كتبتها لما كان عمرها 13 سنة كانت توهم عمرها بعبارات
حلوة عن امها لكن للاسف هالكلمات راحت هباءا منثورا
قعدت ريم تندب على حظها و تصيح من الخاطر صج كرهت عمرها
ريم صارخت: آآآآآآآآآآه حتى أنت يا جاسم حتى أنت أنا كنت محتاجة حنــــــــــــــان تعرفون شو يعني حنان
كنت أبغي اللي يواسيني اللي يهتم فيني اللي يداريني اللي يحبني و يخاف علي و اللي يحاسبني على افعالي لكن
للاسف انتو كلكم خونه شتتوني و خليتوني اضيع بدنيا دنية
أكرهكم كلــــــــــــــــــــــــــــــكم أكرهكم يعلني أمـــــــــــــــــــــووووووووووووووووت عسب ترتاحون منــــــــــي
آآآآآآآآآآآآآه
نورما سمعت حس ريم العالي و صريخها و خافت و كانت تدق عليها الباب بس ريم ما تفتح
ريم : آآآآآآآآآه ابغي ارتــــــــــــاح و الله أبا ارتاح ابغي حضن أم يلمني و أبي اهتمام أب يكملني و أبغي أم تداريني و
أبغي أب يشجعني و أبغي حب أنا انــــــــــــسانة أنا انســـــــــــانة ليش ما تفهمــــــــــــون آآآه
نورما تدق الباب على ريم بقو: ريم افتحي الباب ارجوك ما الذي حدث لك افتحي كي اطمئن عليك و الا اخبرت والدك
راحت ريم صوب المزهرية و فرتها على الباب بقوووووووة حتى ان المزهرية انكسرت
نورما خافت من صج و ابتعدت عن الباب
ريم بصوت عالي: ذلفــــــــــــــــــــــــــي عن ويهي لا اكسرلج راســــــــــــــج خلووووووووني بحالي بلااااااااااكم انتو حسووو فيني حسووو فيني آآآآآآآه

ღღالجـــــــــزء التاســــــــــــــعღღ


في بيت بو فهد
فوقت الغدا
دخل بوفهد و بوفيصل البيت و كان وراهم بودي قارد ثلاثة >> هذيل يكونون معاهم بالشركة اربع و عشرين ساعه و هالمرة نزلوا معاهم بالفلة
كل البنات وقفن من مكانهن احتراما لعمومتهن
بو فهد بكل هيبة: الســـــــلام عليكم
الكل: و عليكم السلام
راحت مها تبا تسلم على عمها لكن قال
بوفهد اشر لها بيدها: اقعدي محلج
كل البنات تمن يطالعن بعض مستغربات
مها انحرجت من عمها و نزلت راسها و ظبية مضايجة من اسلوب امها و ابوها
نورة تهمس لظبية: عنبو مرة امي و اللحين ابوي كملها و لا حتى عمي عبرهم
ظبية: حرام عليهم و الله
ام فهد كانت محرجة من الخاطر و حذالها ام فيصل تهون عليها او بالاحرى تحاول تقنعها بتقبل البنات ببيتها
بوفيصل صرف كل البودي قارد لبرع و عقب قعد حذال اخوه
بوفيصل يطالع البنات: هاه شخباركن بنات عبيد علي
محد من البنات جاوب
ام فيصل: كلهم بخير و يعلهم دوم جيه >> دومها هالحرمة تحاول تصلح الموقف
بوفيصل: اظن اني سألت يا بنات عبيد و ابي الجواب و لا ما تعلمتو كيف تجاوبون على الغير
ميثة محترقة من الغيض و منال اشد منها
مها: نحن بخـــ ـــ ير يا عمي
بو فهد: انتو من اليوم و رايح خلاص راح تسكنون عندي بهالبيت و كلمة ام فهد هي اللي تمشي عليكم فاهمات
مها: ان شاء الله عمي
منال خلاص وصلت حدها و اغتاضت ليش مها ترد عليه و تسايره بالكلام
ام فهد استانست حيل معناتها ان بوفهد عطاها الضوء الاخضر بنوعية تعاملها مع البنات
ميرة طول الوقت منزلة راسها تحت
و مهره كانت حذالها
مهره ترمس نورة بصوت خفيف: ظبية
ظبية: هلا حبيبتي
مهره: اقول انا نسيت شنطتي الصغيرة بغرفة الضيافة مالتكم
ظبية: عيل قعدي بخلي جودي تييبها لج
مهره: لا انا بروح اييبها محطية فيها بندول احس بصداع رهيب >> اكيد بتحسين بصداع رهيب من اللي شفتيه اليوم مع عمج و راشد
ظبية: سلامتج حبيبتي
مهره: الله يسلمج الا وين مطبخكم عشان اشرب ماي على الحبة
ظبية: سيري سيدة و عقب لفي يمين و عقب خذي على ايدج اليسار بتشوفين ملحقات المطبخ كاملة هناكي
مهره: بيتكم متاهات الله يعينا اذا بنسكن فيه
ظبية: ههه شفتي عاد
و عقب راحت مهره
ميرة: وين راحت هذي
ظبية: تقول بتاكل حبة بندول و بتشرب ماي
مييره: اكيد بسبة الصداع يحليلها من عقب ما ردت من المدرسة و هي تحس بصداع الله يعينها




مهره راحت عند شنطتها و طلعت
حبة البندول و عقب راحت المطبخ
عسب تشرب ماي
لكنها شافت نورة تتكلم بالفون و هي تصيح
مهره احتارت هل انها اتم بمكانها ام انها تروح
نورة و هي ماسكة الفون بيدها و الايد الثانية على حلجها
نورة تصيح بصمت: حسبي الله و نعم الوكيل عليك
هزاع يضحك بخبث: ههههه بعدج ما شفتي شي مني
نورة: انا ما سويت لك شي خلني بحالي
هزاع: عشان تعرفين مرة ثانية ما ترادديني بالكلام
نورة: بس اللي سويته انت غلـــــط ما يرضي ربنا
هزاع: و الله انتي اللي يبتي الغلط لعمرج مب انا
نورة:.... تصيح
هزاع: لو انتي مثل ما كنتي تقوليلي بنت ناس و عرب ما كنتي بتحدرين الجات و تسولفين مع الشباب و غيره
نورة بانفعال: بس أنا غيــــــــــــر ما كنت احدره عسب اتعرف و غيره
هزاع: لا و الله يعني تبين تبينين انج شريفة لا يا حبيبتي لااا البنت اللي تحدر الجات من ورى اهلها و بدون علمهم معناتها خافية من انهم يعرفون عنها لان هالشي اللي هي قاعدة تسويه غلط و مثل ما قلتلج انتي اللي يبتي الغلط لعمرج
نورة: خاف ربك فيني خاف ربك
هزاع: هههه و لا تحاولين
نورة: دخيلك الا الصـــــــــــور يا هزاع الا الصور
هزاع: تصدقين ما توقعتج حلـــــــــــوة تشبهين السوريات بياض و حلاة و شعر أسود قصير و خصر..
نورة: بـــــــــــــس يا الخسيس يا النذل يا الحقيـــــــــــــــر انت شوووووو ما تستحي تهكر على لابي و تاخذ الصور
هزاع: هههههههه كيفي اللــــــــــــــي اباه بسويه و لو مب عاجبج بالطقاق حبيبتي و صورج راح انشرها و بتشوفين
نورة: آآه قولي شو تباني اسويلك عسب تترك الصور
هزاع: ابا اشووووفج
نورة: شــــــــــــــــــــووووووووووو
مهره كانت تسمع و هي مب مصدقة اللي قاعدة تسمعه
فتجدمت مهره جدام صوب نورة و نورة اول ما شافتها سكرت الفون بسرعة و راحت تحضن مهره و تمت تصيح حييييييل

مهره مب مستوعبة مووول: نورة فهميني شو السالفة ليش تصيحين
نورة: هالنذل الحقيــــــــــــــــر الخسيـــــــــس بيوطي سمعتي بالقاااااااااااع آآآآآآآآه
ظبية يات و سمعت اخر جملة قالتها نورة
ظبية بخوف: منوووووووو هذا شصاير فهميني
نورة تاشر على عمرها و تصيح: انا و الله ما كنت اعرف ان الجات بيوديني بستين الف داهية و الله ما قصدي صدقيني
ظبية: شات شوووووووو و داهية شوووو و شو اللي ما تقصدينه قولي لا تخرعيني
مهره راحت و يابت ماي لنورة
شربت نورة الماي و هدت جزئيا
مهره: حبيبتي نورة شصاير فهمينا الموضوع عسب نقدر نساعدج
نورة: اللحين حــــــــ ــ ــزة غدا ما بيدوبني اقول لكم السالفة لكن عقب الغدا بقولكم بس دخيلكم لا تتركوني بروحي
ظبية حضنت اختها و قالت لها: لا تخافين حبيبتي مهما صارج فانا بوقف معاج






فهد كان توه مدخل سيارته بالكراج و كان معاه منصور
على فكرة فهد احيانا هو اللي يسير و ييب ولده من الكي جي
و اول ما يطلعه يوديه معاه الشغل او يوديه باسكن روبنز او الالعاب
على حسب طلبات الشيخ منصور
فهد: سكرت باب السيارة عدل حبيبي
منصور: هيه سكرته زين
فهد: هههه منصووور وين الشنطة
منصور: اوووه نسيتها داخل
فهد: وابوي عليك نسيت الشنطة و لا نسيت كيسة الحلويات
فتح فهد الباب مرة ثانية و طلع الشنطة لولده
منصور: عمي احمد وصل
فهد لف وراه: شكله توه ياي من الشارجه
بركن احمد سيارته و راح لهم
احمد: مساء الخير
فهد بابتسامة حلوة: مساء الانوار
احمد راح لمنصور و نزل على مستواه و باسه: شخباره البطل اليوووووم
منصور: انا بخير و شجاع
احمد: ههههههههههه فديتك انته,, يالله يعل ربي يرزقني بولد مثلك
فهد: آآآآآآآمين
منصور: لاااااااااااااااااااااااا
احمد و فهد: هههههههههههههه
فهد: بدت الغيرة تشتغل عنده.. عندك خبر ان البنات عندنا
احمد: لاااا تقووول
فهد: هي و الله الوالد غير رايه و قال اين الظهر احسن عسب نتوالف مع بعض بحزة الغدا
احمد: عيل انا بدخل من الباب الثاني بغير ملابسي و بنزل لكم




ظبية: شو ناويين اتمون بالعبي
مها: ههه شكلنا جيه
ظبية: تعالن انسير غرفكن و كل وحدة تفسخ عبايتها
و راحن البنات بعدها يفسخن العبي فوووق
و احمد دخل فجناحه الخاص و غير ملابسه و كان يبا يروح غرفة نورة
و اول ما وصل دق الباب
بس محد جاوبه
و ميره كانت بغرفة نورة معاها فارتبكت يوم سمعت دق بالباب
و خصوصا ان نورة بالحمام بعدها ما طلعت
احمد فتح الباب و دخل
أول ما طاحت عينه بعيــــــــــــــــن ميرة تيبــــــــــــس بمكانه
ميره تلومت ما عرفت كيف تتصرف
و خصوصا ان هالشخص اول مرة تشوفه >> يحليلج يا ميرة لو تعرفين ان هو الشخص اللي هداج الخاتم
أحمد من الخاطر منصدم و ميرة منحرجة زووود من نظراته
أحمد انسان متواضع وايد و حبوب و الكل يحبه صح هو عادي ما فيه الجمال نفس اللي عند جاسم ولد عمه لكن مع ذلك يمتاز بطيبة قلب و الاخلاق الرفيعة
احمد يحاول يتمالك عمره: أأ.. السموحه منج ما كنت اعرف ان فيه حد بغرفة نورة
ميره بصوت خفيف: مسموح
أحمد مات عليها
و عقب على طووووول راااااااااااااح
أحمد شاف ظبية بتروح الغرفة الثانية اللي هي غرفة مها
ظبية: هلاااا و الله احمد وينك من الصبح مختفي
احمد: كنت بالشارجة عندي بعض الاشغال
ظبية: ترا بنات عمي هني
احمد: آأا يعني اللي شفتها انا توي بغرفة نورة هي بنت عمي
ظبية ابتسمت: تقصد ميره هيه هذي بعد بنت عمنا يلااا عن اذنك برووح اشوف مها اختها
احمد قعد على اقرب كرسي حذاله صج ما توقع انها تطلع بنت عمه
أحمد استــــــــــــــــــــانس حيــــــــــــــل حيـل منها ما مر يوم ما فكر فيها و اخر شي تطلع بنت عمه شووو هالصدف
و على طول اتصل على جاسم
جاسم: مرحبا الساع ببو شهاب
احمد و هو مستانس حده: احبـــــــــــــــــــــها يا جاسم احبـــــــــــــها
جاسم: بسم الله الرحمن الرحيم انت صاحي و لا مريض
احمد: جاسم انا مب مصدق اللي احبها جدااااااااااااام عيني
جاسم: ما فهمت وضحلي
احمد: تذكر لما كنا... و قعد يحكيله السالفة
و جاسم كأنه عرف منو يقصد
جاسم تم ساكت بدون ما ينطق بحرف واحد
احمد: و عقب خليت منصور يوصلها الخاتم عسب ما تعرف ان الخاتم من عندي و تخيل ان هالبنت هي بنت عمي
جاسم و هو حاس بتوتر فضيع: منو هي
احمد: ميـــــــــرة
جاسم اسودت عليه الدنيا حس ان قلبه انقبض و حس ان انفاسه مكتومه
أحمد يكمل: و الله اسرتني حيـــــــــــل هالبنية تخيل انها احتلت كل تفكيري و كياني و من يوم ما شففتها و انا طعم النوم ما اذوقه الا اذا فكرت فيها و اصحى و القى طيفها حواليه
جاسم يحب احمد وايد و يعــــــــــــــزه أكثر من نفســـــــه و مستعد ان يضحي بس عسب يشوووف الفرحـــــــــــة بعيون احمد
هذا احمد تعرفون شو يعني احمد بالنسباله
احمد هو اللي كان يشجع جاسم على كل شي بالدراسة و عقب بالشغل و هو اللي يسير المسيد وياه كل يوم و هو اللي ينصحه دوووم لمصلحته احمد انسان مثالي بحياته
جاسم تمالك نفسه و استجمع قوته و قال: الله يجمع في ما بينكم بالخير ان شاء الله انت انسان طيب ما تستاهل الا وحده طيبة مثلك يا بو شهاب
احمد: آآآآه يا جاسم و الله الحب له طعم خـــــــــــــــــاص و مميز يا محلاته و الله
جاسم: اللـــــــه يوفقك يالغالي معاها
احمد: الله يسمع منك الا انت متى بتي يلااا باقي نص ساعة و بنتغدى
جاسم: اتريا حضرة الشيخ حمدان الين ما يلبس و يخلصني
احمد: هههه المهم لا تتاخرون يلاا ارقبك على الغدا مع السلامة
جاسم: مع السلامة
و سكر جاسم عن احمد و هو يحس ان الضيق متجمع بفؤاده و مب قادر يواسي عمره
جاسم لنفسه: آآخ شو هالحظ معقولة انا و اعز ربعي اللي هو ولد عمي نلتقي صدفة ببنت عمنا و نحبها بدون ما ننتبه على عمارنا





منال: يا سلام ميثااااني شوفي محلات لون الفرش
ميثة: هيه و الله كشخــــــــــة ما اصدق من ان نحن بنسكن هني
منال: الا صدقي و نص و اخيراااا صار عندنا بلكــــــــونة و لا بقبال الحديقة بعد صج وناسة
ميثة: اقول منال
منال: هـــــلااااا
ميثة: بنــــــام عندج
منال: ليش
ميثة: شو ليش انتي بعد انا مب متعودة انام بغرفة بروحي مدام سريرج كبير خلاااص عيل بيسدنا انا و انتي
منال: اللي تبينه اقــــول
ميثة: قولي
منال: ام فهد صعبة وايــــــــــد
ميثة: و عمي اخس منها
فجأة منصور دخل عليهن
و هن فاجات حلوجهن مب عارفات شو السالفة
منصور: السلام عليكم
ميثة و منال بعدهن فاجات حلوجهن
منصور راح لهن و مد يده بيسلم
ميثة و منال سلمن عليه
منال: انت منو حبيبي
منصور: انا منصور
ميثة: منصور بس ما احيد ان ظبية رمست عنك انت من وين طلعت
منصور ببراءة: طالع من بطن امي
منال: ههههههه عجيب هالولد
منصور: لا انا شجاع
منال: انت ولد منو
منصور: ولد ابوية
منال: ههه ادري بس شو اسمه
منصور: انتي ليش ملقوفة
ميثة: ههههههههههههههه و يعرف يرادد بعد
منال: منصور بتقول انت ولد منو و لا شو
منصور: ابويه يقول لا ترد على الملقوفين و انتي ام اللقافة
منال: طالعي هذا كيف يرد عليه
ميثة: هههه دواج
منال: خلاص يا بوك ما نبا نعرف انت ولد منو
منصور: انا منصور فهد سلطان الـــ.....ـــي
ميثة: و النعم و سبعة انعام
منصور: انتو البنات اللي بتسكنون عندنا
منال: هيه
منصور: انتي ليش كله تتكلمي خلي هذي ( ياشر على ميثة ) ترمس
ميثة: ههههههه كيوت هالولد منظره برئ لكن لسانه طويل الله يحفظه يا رب
منصور: شو كيوت ما كيوت انا مب بنية تقوليلي كيوت انا ريال
منال: عاش الريال عاش
ميثة: وناسة هالولد رمسته كشخه
منصور سمع صوت محمد: محــــــــــــــــــــــــــــــــــــــــــمد
منال: هي انت منو محمد و ليش تناديه
منصور: عشان ايي يسلم عليكم
ميثة: يالله انك فشلة قول البسن شيلكن و عقب نحن بنطلع انسلم
منصور: محــــــــــــــــــمـــــــــــد و صمة
منال: طاع هـــــــذا اكيد محمد على قده من جيه مستقوي عليه
منصور: لا هو اكبر مني
منال: جم عمره
منصور: انتي وايد ملقوفة تبيني ازوجج اياه مثلاااا
ميثة: ههههههههههههههههههههههههههههههه لقطي ويهج لقطي
منال احمرت: انت لسانك بقصه لك
منصور: ما ترووووومي مـــــــــــــــــــحمد الحق هذي تبـــــــــــــــا تقص السانــــــــــــــي متوحشـــــــــــــــة
منال: يالفشلة يالفشلة اسكت لا تصاااااااااااارخ
محمد عرف ان منصور عند بنات عمه بس ما دخل لانه عيب
منال و ميثة قررن يطلعن لا يفشلهن منصور زوووود




و شافو فالصالة اللي فوق محمد مع خواته و خواتهن و تفشلن صج لان منصور لما كان يرمس و ينادي عمه كان بصوت مرتفع و اكيد سمعوه
منال: السلام عليكم
محمد: و عليكم السلام و الرحمة حيبة بنت العم اشحالج
منال: الحمد لله بخير عساك بخير
ميثة: اشحالك محمد
محمد مد يده يسلم عليها: طيب طاب حالج
منصور: محمد
محمد راح و مسكه من اذنه
محمد: منووووو هذا اللي كنت تناديه و قلتله و صمه
منصور: هههه هذي الملقوفة قالتلي اقولك صمة
منال: اللــــــــــــــــــــــــه و أكبـــــــــــــر يالخريط متى انا قلت
منصور: و كانت بعد تسالني كم عمرك
ميثة: يالفشلة
فهد يا صوبهم: السلام عليكم
الكل: و عليكم السلام
فهد سلم على البنات: نورتوا البيت يا بنات عمي اشحالكم عساك بخير
مها: نحن بخير دامكم بخير
فهد: يعله دوووووم يا ربيه
منصور: ابوية انا يوعان متى بنتغدى
محمد: يابوك اصبر بعدهم عيال عمي ما يوو
فهد: اصبر حبيبي نص ساعة و بنتغدى
محمد: ابا اعرف انت يالعيار من بعد كل هالحلاوة اللي كلتها ما شبعت
فهد: هب هباك قول بسم الله عليه بروحه هيكل عظمي
محمد: ما قلنا شي بس ولدك البارحه عافد على ثلاجتي اخذ الاولي و التالي
فهد: هههه فديته برايه حلال عليه
ميرة & ميثة مبهتات بمنصـــــــور
ميره: بصـــــــــــــــــــــــيح مهروووه لحقيني
مهره: يا ربيه شو هالامـــــــــــــــــور المعقدة انا مب مصدقــــــــــة مـــــووووول
ميرة: يا رب بس منصور ما يذكر بان هو اللي عطاني الجيس بصحاري يا رب ما يذكر
مهره: تتوقعين جاسم هو اللي قاله يعطيج الخاتم
ميره: ما ادري و الله ما ادري يالله حاسة بخـــــــــوف
منصور التفت عليهن بس بعده ما تذكرها
منصور: انتو خوات الملقوفة ؟؟
فهد: عيـــــــــــــــب منصور
منصور: بس هي ملقوفة
منال بهمس: هالولد فضحني اليوم
ميثة تمسك ضحكتها: تستاهلين
فهد: عيب باباتي لا تقول جيه انزين





بعد ربع ساعة وصل فيصل و اخوانه مع بعض
و قعدوا بالصالة التحتية يسولفون مع الشواب
و عقب الكل تجمع بغرفة الأكل
الكل كان يرتب نفسيته
مها الوحيدة المسالمة من بينهم و متقبلة الوضع تقريبا >> الله يعينها من اللي بييها جدام من عمها
ميثة و منال لسانهن سلاحهن
ميثة الله يعينها على فيصل اللي ما راح تسلم منه
و منال متغصصة من حمدان و هو مستحيل يتركها بحالها
ميرة من يوم ماتت يدتها و هي ما تتكلم وايد إلين متى يا ترى هل بترد مثل قبل مرة ثانية
احمد و جاسم يحبوها بدون علمها و احمد ما يدري ان جاسم يحب نفس البنية اللي هو يحبها
لكن يا ترى هل بتتقبل ميره احمد و لا كيف
مهره تعبت وايد اليوم نفسيا و جسديا اللي صارلها مب شوية مع راشد >> حليلج يا مهره ما تدرين ان راشد بيدمرج على جدام الله يستر بس
نورة خايفة حدها من هذا اللي اسمه هزاع >> الله يعينها
ظبية البنت الهادية المظلومة مثل شخصية مها تقريبا >> يا ترى كيف راح تتغير شخصية ظبية على جدام





الكل على طاولة الاكل ياكلون و يسولفون
فيصل كل دقيقة يطالع ميثة و هي ميته غصة منه
و عقب طالعته بنظرة اشمئزاز و هو لقط هالنظرة فرفع حاجبة الايمن مستنكر نظرتها
و هي خافت فنزلت راسها
بوفهد: فيصل
فيصل: هــــــلا عمي
بوفهد: شخباره خالد الــ.....ــي
فيصل: الحمدلله شو اللي يابه على بالك عمي
بوفهد: تذكر المشروع اللي موقفينه من اسبوعين الين ما حصلنا ترخيص
فيصل: هيه اذكره بلاااه
بوفهد: بنوقع عقد اشتراكي مع خالد الـــ...ــي
فيصل: زين ما اخترت عمي هالانسان كفوو شغل
ميثة كانت تلاحظ ان فيصل له هيبـــــه كبيرة و الكل يحسبله الف حساب بس تكره تكبره و غروره
ليش ما يكون مثل فهد و احمد ما شاء الله عليهم متواضعين
بوفيصل: الا هو وين مسافر اتصلنا عليه ردت علينا سكرتيرته قالت مسافر
فيصل: مسافر ألمانيا
ام فهد تكلم ام فيصل: حشى شله ما ياكلون بنات عبيد مثل الناس
ام فيصل: يمكن يستحون خليهم على راحتهم
ام فهد: الله يعيني عليهم
ام فيصل: قصدج الله يعينهم عليج
ام فهد: ام فيصل شو قصدج
ام فيصل: قصدي واضح يا ام فهد تراا هالبنات فذمتج انتي و بو فهد لازم تعاملوهن زين تراهن يتامى تعرفين شو يعني يتامى
ام فهد: و الله اللي يشوفهن يقول مقوي
ام فيصل: حرام عليج و الله طيوبات لا تسيئي الظن فيهن
محمد: اماية لحقي عليه بماااااي
ام فهد: خذ فديتك خذ
محمد: حشة بلاااه المرق اليوووم فلفل حااار
منصور: يــــدي اليوم بنسير المزرعة انزين
بوفهد: بلاااها اليوم يا منصور اتريا الاسبوع الياي ان شاء الله
منصور: بس انا ابا اتسبح هناكي بالمسبح
بوفهد: عندك المسبح اللي هني شله ما تسبح فيه
محمد يتنازع على منصور: منصــــــــــــوووروه يالعله منو سمحلك تاخذ من صحني
منصور: ابويه شوف محمد العلة ينازعني >> لسانه متبري منه
فهد: بس يا بوية من النجيرة ما يصير كل يوم على هالحالة >> و عقب رد يسولف مع فيصل
جاسم مول ما رفع عينه على ميره ابدا و احمد كان ياكل و يسولف معاه عادي
احمد ما كان يبا يحسس ميره بأنه يعرفها من قبل و كان يمثل كأنه يتصرف عادي
مهره & ميرة كانن ساكتات موليـــــــة
منصور التفت عليهن و كأنه تذكر شي
منصور نزل من على كرسيه و راح صوب السلطة اللي محطاية صوب ميره
منصور بصوت خفيف: ممكن سلطة >> الله عليك يا منصور و انت مؤدب
ميره مرتبكة: ان شاء الله حبيبي
و حطتله و عقب قال بإذنها: خذتي الكيــــــــــــــس
ميره كانت تشرب ماي حزتها و لما قال جيه اشترقت
ميرة: كح كح كح
كلهم التفتو صوبها
عقب منصور راح مكانه و كان مبتسم
احمد عمه تم يطالعه يموت الا يعرف شو قال لها
احمد: منصور تعال بعصرلك ليمون على السلطة
راح منصور لعند عمه
همسله احمد: شو قلت لها
منصور قلتها: خذتي الكيس و لا ؟؟
احمد: شووو منصور انا ما قلتلك لا تفتح هالموضوع لحد هذا سرر
منصور بصوت قريب للهمس: خلاااص ما بقول وعد





منال: ياختي ما اعرف آكل انا
نورة: ليش
منال: نحن ببيتنا نفرش صماط و نحط صحنا و نضرب بالخمس >> قالتها بشكل عفوي
نورة: ههههه الله عليكم هني نظامنا الاكل كله على الطاولات و امي تتنازع اذا شافتنا ناكل على الارض
منال: اسمحيلي اقولج ترا امج ما تنبلع
نورة مسكت ضحكتها: عيل الله يعينج عليها ترا امي عسرة شوي
ميثة قرصت ايد نورة
نورة: آآي بلاااج
ميثة: فيصل بلااه جيه يطالعني باجرام ما عرفت آكل حشى
نورة: هيه انا لاحظت انه يطالعج من يوم ما قعدتي تاكلي لا يكون اسرتي قلبه
ميثة: لااااا ويـــــــــــــــع الا هــــــــــــذا اخر واحد افكر احبه
منال: ههههه اخاف عقب يصير العكس
ميثة دزت اختها: منووووووول ويعه انا اقوووول
منال:ههههههه
نورة: اقوووول ما تلاحظون شي ( كانت تطالع ظبية و مها اللي توهن قامن )
منال: قصدج مها و ظبية اربع و عشرين ساعة عند بعض
نورة: هيه كنهن بيحلن قضية الشرق الاوسط
ميثة: هههه يمكن
منال: انا بسي الحمدلله بلحق بظبية و مهاوي عن اذنكم
نورة: اذنج معاج حبيبتي





اول ما قامت منال حمدان راح وراها
و كانت هي سايرة صوب المغسلة
و كانت تحسب محد وراها فقعدت تغني اغنية لليازية محمد
حمدان صفق و قال: الله على اليازية محمد الله
منال وقف قلبها و لفت على طووووول
منال: انت ما تستحي
حمدان: لا ما استحي
منال: ويهك لووووووووووح و الله
حمدان: يعلج تفدينه هالويه
منال: نعـــــــــــــــــــــــــــــم
حمدان: نعم الله عليـــــــــــــــج
منال: بتخبرك انت بلااااك تلاااحقني
حمدان: انا الاااحقج خير ان شاء الله شو ابا فيــــــــج لا جمـــــــــــال و لا فيج شي من الانوثة يجذب عسب اركض وراج
منال انجرحت و نحرجت من كلامه بس مب منال اللي تسكت عن حقها
منال: تعرف شـــــــــــــــــوووو اخيس شي بحياتي إنك انت ولد عمي
حمدان: و تعرفين شو اخـــــــــــــس شي بحياتي انج انتي للاسف بنت عمي
حمدان راح عنها و خلاها بمكانها تحترق
منال قالت بحدة: الهيــــــس ما احبــــــــه و يا راسه الغبـــــــــي





ظبية و مها راحن يقعدن على الكراسي اللي فالحديقة
ظبيــــة و الدمعة بعينها: و اللـــــــــــه أنا ضعيفة حيل
مها تقطع قلبها على حال بنت عمها: معقــــولة ضرب و اهانات و شك و طلاق و كانوا على وشك استئصال رحم لكن الله ستر انتي شو تقولين فيه اشياء وايده معقدة بحياتج
ظبية صاحت زووود: و ابـــــوووي ما يكلمني مـــــول يكرهني ما يحب اقعد معاه بمكان واحد كله يقولي انا السبب و مب راضي يفهم
مها: و هو ليش ما كان مقتنع بإن الصور مركبة ليــــــــــــش
ظبية: انتي ما تعرفين ابوي عدل كثري ابوي عنيد و راسه يابس و الللي يباه يسويه و محد يقدر يغيره بين يوم و ليلة
مها: لا إلــــــه إلا اللــــــــه
ظبية: ضاع كل شي من بين ايدي خــــــلاص ابوي و امي هم السبب باللي صارلي الله يسامحهم بس امي بدت اللحين تلين وايد علي احسها بدت تتغير من عدة نواحي للاحسن
مها: انتي تلومينهم لانهم رفضوا الانسان اللي انتي حبيتيه
ظبية بألم: قصـــــدج رفضو الفقــــر اللي هو عايش فيه ما درو ان ريال شهم ينضرب فيه المثل و هو احسن بمليون مرة من راشد
مها: انزين هو لو كان يبيج كان لازم يصر عليــــج الين ما تكونين زوجته
ظبية تصيح: ابوي اهانــــــه بالكلام وايــــــد و كرامته ما سمحتله من انه يرجع يخطبني اكثر عن ثلاث مرات
مها: ما عليه حبيبتي لا تصيحين و عسى ان تكرهو شيئا و هو خير لكم
ظبية: آآآه الحمدلله على كل حال,, الا انتي ليش ما تزوجتي ما شاء الله عليج اخلاقج عاليه
مها: الله ما كتب
ظبية ابتسمت بالخفيف: اكيد انخطبتي من قبل
مها: بس انخطبت مرتين
ظبية: ان شاء الله تتزوجين قريب و تاخذين احسن الرياييل
مها: اللــــــــــه يسمع منج حبيبتي و نكون انا و انتي بعرس جماعي
ظبية: انا اتزوج هه ما اظن
مها: لا تيأسين من رحمة ربج شو دراج يمكن تتزوجين
ظبية: و منو بيرضى بوحدة مطلقة
مها: ربـــــــــــج كريم لا تيأسين من رحمته
ظبية تنهدت: و نعـــــم باللــــــــه

و عقب يات نورة و باقي البنات عندها
نورة قعدت على المريحانة و عيسارها ميثة و منال أما ميرة و مهره قعدوا على الكراسي
و يت الشغاله حطت لهم الشاي و راحت
نورة و عيونها بالارض
نورة: أنا عندي كلام لازم اقول لكم كلكم و ياليت تسمعوني عدل و تتفهمون وضعي
ظبية: قصدج على السالفة اللي صارت قبل الغدا
نورة: هيه
مهره: تكلمي و تأكدي من ان نحن راح نكون بصفج
نورة: انا بقول السالفة جدامكن لاني انا بريئة بالسالفة و بنفس الوقت ضحية
ظبية: قولي حبيبتي نسمعج
نورة ما قدرت تتكلم فصاحت و ظبية و مها راحو لها و مها حضنتها
مها: حبيبتي لا تصيحين نحن معاج
ظبية: نورة تكلمي دخيلج شصاير
نورة بصوت مخلوط بالصياح: و الله انا مالي ذنب و الله.. دخيلكم ساعدوني
ظبية: خرعتيني تكلمي عاد انا حسبت السالفة صغيرة
نورة: يا ليت السالفة صغيرة و تنحل بسرعة لكن اللي صار عكس توقعاتي
ظبية بانفعال: خير شصاير
نورة:..... ( تمت تحكيلهم من يوم ما حدرت الشات و يوم خذت ايميل غرشوبة و ضافتها و خدعتها و عن هزاع اللي يهددها دوووم )
ظبية: انتــــــــــــــي شــــــــــــو تقوليـــــــــــــــــــن
نورة زاد صياحها
منال: و هالجلــــــــــــــب من متى و هو يهددج
نورة تصيح: من فترة مب وايد طويلة
ظبية: نحن لازم نتصرف
مهره: بس بدون شوشرة
مها: نورة حبيبتي خلاص لا تصيحين تعرفين يوم هو يهددج بالصور بس يبغي يخوفج و لا يكون حسبالج يوم قالج يبي يشوفج اول شي و عقب بيخلييج عادي بسبيل حالج لا حبوبة لا.. هالاشكال يحبون يبتزون الطرف الثاني لانهم يتلذذون بهالشي و هو مستحيل يهدج حسباله انتي لعبة بين ايده
ميره: يا جماعة خلونا نحل السالفة من جذورها
مهره: ميرة معاها حق تعرفون شو اول شي تسوويه نورة
مها: شو
مهره: او شي لازم تغير رقمها و تغير ايميلها
ظبية: معاها حق نحن لازم نسوي هالاشياء
ميثة: نورة هو يعرف عنوان البيت
نورة: يعرف اسمي كامل فاكيد بيسأل عن بيتنا و بيعرفه
ميثة: تبون مشورتي يا جماعة
ظبية: قولي الله يخليج
ميثة: هزاع هذا شكله خبيــــــث نحن بنات و عادي يستغفلنا و يستهين فينا فلازم نخبر حد من خوان نورة يتصرف معاه وجها لوجه عسب يوقفه عن حده
نورة: لااااااا مستحيل
ظبية: ليش لاااا انتي ضحية بالسالفة مالج أي ذنب و اذا خبرنا فهد او احمد اكيد بيتفهمون
نورة: اخاف السالفة توصل لابوي
منال: انتي عيني من الله خير و لا تستعيلي الاحداث
ظبية: انا من رايي نخبر احمد و فهد
نورة: بــــــس انا خايفة
ظبية: يا ليتج ما حدرتي هالشات و لا دريتي عنه
مها: ليش حدرتيه ما تعرفين ان هالشات خراب في خراب و ما يحدرونه الا الناس الفاضية و اللي نيتهم سودة
نورة: بس انا ما كنت اعرف ان راح اييبلي هالمشاكل كلها








بالصالة الشباب كلهم راحو يطلعون برع مع ربعهم الا فيصل و فهد سارو الميلس
يرتبون لشغلهم
فيصل: هيـــه متاكد من قراري
فهد: بس شهر وايـــــد عليك
فيصل: قلتلك لا تشيل هم عندك انت منصور كيف تبا تسافر و تخلاه شهر
فهد: اوكي انزين على الاقل انت اسبوعينو انا اسبوعين
فيصل: و لا حتى شهرين
فهد: على راحتــــــك ما بضغط عليـــــــك الا متى بتسافر شهر ستة و لا سبعة
فيصل: على حسب و الله اذا رتبت اموري بسرعة راح اسافر شهر ستة و اذا يا ممثل شركتنا من سفرته بخليه يحل مكاني
فهد: هو مطول ببريطانيا
فهد: على حسب الاوضاع و الشغل هو قالي اذا خلص بيسافر بدالي عادي فلا تشيل هم
منصور دخل عليهم: ابويـــــــــــه
فهد ابتسمله: يا رووووح ابـــــــــــوك انته
منصور: برووووح الملعب مع محمد انزين
فهد: لا تبطى حبيبي
منصور: انزين مع السلامة
فهد: مع السلامة بوية
فيصل: فهــــــد ممكن سؤال
فهد: قول
فيصل: كيف تتعامل مع ولدك اذا سألك عن أمه
فهد نزل راسه: صح منصور صغير بالعمر لكن أنا اجاوبه على اسئلته بكل وضح مثلا اذا قالي ليش اماية ما تكون عندي فحفلتي بالكي جي ارد عليه : امك عند الله خلاص ما تقدر ترجع بس هي وايد تحبك و تباك تكون شاطر بدونها و تسمع كلام الصح و تنفذه
فيصل تنهد: الله يرحمج يا دانة
فهد: و يغمد مثواها الجنة
فيصل: آآآآمين يا ب العالمين
( على فكرة ترا دانة كانت وايــــد طيوبة و متدينة وايــــد ما كانت تسمع اغاني مول و دوم الاستغفار على لسانها و فهد يوم عن يوم كان يزيد حبه لها من يوم ما تزوجها و على فكرة هي ما كان فيها جمال لذاك الزود لكن اخلاقها رفيعة جداو الكل كان يحبها من الخاطر و خصوصا ظبية اللي كانت تعتبر دانة من أعز ربيعاتها ) و من جيه ما رضى فهد يتزوج من عقب زوجته لانه يدري ان ما راح يلاقي وحدة شراتها ابدا بالاخلاق..






بعد يومين:-
بو ريم: حبيبتي ارجوك تحمليها من أجلي
نورما بضجر: لكن ابنتك حقيقة لا تطاق فهي عنيدة جدا
بو ريم: اخريني ماذا افعل اذن اتريدينني ان القيها بالشارع كي ترتاحين
نورما: انا لم اقل ذلك لكن على الاقل حاول ان تتفاهم معها وان تحسن تصرافاتها معي
بو ريم: حسنا حسنا
و عقب دخلت ريم و كانت لابسة جينز اسود و النظارة رافعة فيها شعرها اللي على جدام و الشيلة على الجتف من غير فايدة و العباية كانت عادية و مفتوحة>> ريم مب من النوع اللي يهتم بالعبايات
ريم: ســــــــــلام
بو ريم مستنكر: شو مسوية بشعرج
ريم: هذي الموضة و لا انت شو تشوف يعني
بو ريم: قاصتلي شعرج مثل الولد و تقوليلي موضة
ريم: مب مثل الولد عاد انا قاصته لنص رقبتي
بو ريم: و المدرسة اليوم ليش ما رحتيها
ريم: مالي خلق اروووح مدرسة
بو ريم : سمعي عاد من باجر ابغيج تداومين ما عندج عذر ما باقي عن المدرسة الا نص شهر و بتخلصون
ريم: يصير خير
بو ريم: شفتي امــــــــــج هاللي ما تخيل على ويها شو مسوية
ريم: بلاهاااا بعـــــــــد
بو ريم: الكل قام يتكلم عنها و عن سواياها و لا كأنها مرة مطلقة سايرة طالعة مع هذا اللي اسمه ناصر بكل وقاحة
ريم: ليش انت ما دريت
بو ريم: ادري عن شو
ريم: هذا اللي اسمه ناصر راح يكون بعد جم من شهر زووووجها
بو ريم: شــــــــــــوووو
نورما: ما الذي تتحدثان عنه عزيزي
بو ريم: طليقتي ستتزوج قريبا
نورما: و ما شأنك أنت فلتفعل تلك المرأة ما يحلو لها
بو ريم: معك حق يجب علي ان لا ابالي بها ابدا







عند راشـــــد:-
راشد انسان عايش حياته على هواه
و ينزله الراتب يشكل شهري حتى و لو ماداوم
بشركة ابوووه لان ابوه مخلنه على راحته
راشد اتصل على ريم
ريم: الـــو
راشد: يلااا وينج
ريم: اللحين واصلة
راشد: يلااا حياااج و عقب سكر عنه
و بعدها رن جرس فلته و سارت الخدامة تفتح الباب
ريم دخلت
راشــــــد صفر باعجاب: شووو هالزين كله مسوية تغيير لوووك
ريم: هههه شفت عاااد اعجبك انا
راشد: قعدي استريحي
ريم: و هذي قعدة و قعدناها
راشد: يـــــلاااا شو المفاجأة اللـــــي كنتي تبين تقولينها لي
ريم: يخص مهره
راشد: بذمتج
ريم: هـــــــــــيه
راشد: يلااااا عيل قولي اسمعج
ريم: طال عمرك البنت اللي انت تحبها طلعت بنت عم زوجتــــــــــــك اقصد طليقتك
راشد وقف من مكانه: شــــــــــــــــــــووووووو مستحيل شقاعدة انتي تخربطين
ريم: ههه لا و زيدك من الشعر بيت و هي و خواتها حاليا يسكنون ببيت طليقتك
راشد معقد حياته و مب مستوعب عدل: كيـــــــــــــــــف جيه و متى طلعت بنت عمها
ريم: انا بصراحه هذا اللي سمعته من ربعي اللي بالمدرسة اليـــــوم اتصلت لي وحدة منهن و خبرتني ترا السالفة انتشرت اللحين و الكل عرف ان هالبنات عمهن بو فهد و من توفت يدتهن تركت وصية بيانها ان البنات يسكنون ببيت عمهن
راشد مسح ويهه بيده: معقــــــــولة تطلع بنت عم ظبية معقـــــــــولة و هم وينهم عن هالبنات من زمان
ريم: علمي علمك ما ادري.. شو ليكون هونت عن مهره تدري احسنلك و الله
راشد: هــــه اهون عن مهره مستحيــــــــل و من سابـــــــع المستحيلات بعد و اللي عرفته عنها ما يمنع من تنفيذ مخططنا
ريم: يعني ملزم خـــــــــــلااااص
راشد: هيه ملزم بس خليها تخلص من امتحاناتها و عقب يصير خير
ريم: يعني انفذ المخطط فنص شهر ستة
راشد: راااح اصبر عليها ما باقي الا اربع اسابيع تقريبا و تكون ملكي انا و بس
ريم ابتسمت بخبث: خلاااااص تم





ريم خلاص ضاعت نهائيا و خصواصا ان راشد و سارة يستغلونها... من بعد ما طلعت من عند راشد سارت على طول لسارة
ريم تدخل على سارة بالشقة: مساء الخير
سارة: مساء الورد و عقب رفعت راسها
سارة شهقت: يالخايــــــــــــــــــــــــــنة متى قصيتيه
ريم و هي تضحك: حلوووو ؟؟
سارة: وايــــــــــــد حلووو رهيب من وين لج هالقصة
ريم: شفتها بمجلة و قلت ابا مثلها
سارة: ما تنغلبين و الله الا اقول ريم
ريم: هلا
سارة: شخبار امج
ريم: لا تقولين امج قولي ابتسام هذي مب امي
سارة: انزين شخبارها ابتسام
ريم: تسير بستين الف داهية لا تسأليني عنها
سارة: أيه ليش عاد
ريم: كرهتهااااااااااااا
سارة: ههه و لا تزعلين شخبار عمتج نورما
ريم: وووووووع تخــــــــسي هذي تكون عمتي
سارة: هههههههى هي امريكية صح
ريم: هيه الله يخسها تخيلي حامل بتوووم
سارة بققت عيونها: توووم مرة وحدة
ريم: شفتي عاد
سارة: و انتي شدراج
ريم: سمعتها لما كانت تكلم ابوي
سارة: يا سلاااااااام بيكونون عندج اخوان شقر
ريم: وووووع الله يخليج لا تلوعين بجبدي اللي يقوووول بعترف فيهم يعني و على فكرة ترا ما بيطلون شقر
سارة: لــــــــيش ما تقولين امها امريكية
ريم: هيه بس هي شعرها كستنائي
سارة: اكيد حلوة طرررر
ريم تفتح فونها: شوفي هذي صورتها بالمطبخ تسوي عشا لبويه اونها عاد
سارة: خيــــــــــــــــــــــــبة تخيبــــــــــــها محلااااااااااااااتهاااااااا يالله كان زين تعطينا شوي من جمالها ما الوم ابوووج يوم خذها
ريم: فكينا من هالموضووووع الا بغيت اخبرج انا خلاااص بكنسل رووحت الموول باجر وياج
سارة: ليــــــــــــش نحن مخططين نرووح الصبح
ريم: خلاص برد اداوم المدرسة
سارة: اونج عاد
ريم: خليها على الله بس ما باقيلي الا كم من اسبوع بداوم و عقب الامتحانات النهائية و لازم ادرس
سارة: حليلـــــــــــــــــج انتي اونه بدرس
ريم: حبيبـــــــــــــتي انا لازم اييب نسبة عالية
سارة: والله انا ما حاسدتنج الا على الانجليزي عنبووو بلبل فيــــــــه
ريم: هههه مفعول الافلام الانجليزية شفتي عاد

( لا تستغربون من ريم صح اخلاقها داون لكنها ذكية ما شاء الله عليها و هي مول ما تذاكر الا بالاوقات الحاسمة مثل الامتحانات النهائية و نص السنة و الكل يستغرب لما تييب نسبة عالية يقولون هذي ما تذاكر كيف تييب هالنسبة )
تصير عند وايد ناس..

ღღالجـــــــــــــــزء العاشــــــــــــــــرღღ



بعد اسبوع في بيت بوفهد الصبح
ميرة & مهره نزلنن تحت يفطرن
ميره& مهره: صبـــاح الخير
الكل: صباح النووور
ميره و مهره قعدن على الطاولة
محمد كان فاتح عين و مسكر عين
محمد: اقــــول بنات الأدبــــــي
ميره ابتسمت: خير يا ولد العلمي
محمد: نزلو جدول امتحاناتكم بالنت البارحة انا شايفنه.. شله بعد ما ينزلون جدول امتحانات العلمي مع ان العلمي اولى من الادبي
ميرة: صج و الله نزلووو جدولنا
محمد: هيه و اول لوعة جبد عليكم رياضيااااات
ميرة تشائمت: لا تقـــــــــــووووول
مهره: ممكن تعطينا نسخة من جدولنا
محمد: من بعد ما ارجع من المدرسة راح اعطيج اياه
مهره: انت ليش اليوم مسطل ههه
محمد: البارحة نايم الساعة ثلاث الفجر
مهره: شــــــوو و حضرتك مب قايلي ان عليك امتحان البارحه و لازم تذاكره و عقب ترد تنام و تراجعه الفير
محمد: ما ارووووم مليـــــــــــــت من المذاكرة انتي مشكلتج تبيني استوي دحيــــــــــح مثلج
مهره: هههه لمصلحتك و الله
ظبية و مها نزلوا
مها: صبــــــــاح الخير
محمد: صباح البصـــــــل و الورد
مها: ههههه شو هالتناقض بصل و ورد
محمد: كله عشانج يا زينب العسكري
مها: هههه نحن ما خلصنا من زينب العسكري
محمد: شسويلج بعد طبق الاصل منها
مها: لا عاد لا تبالغ
ظبية: يلااا انت خلص ريوقك بسرعة و لحق على مدرستك
محمد: يصير خيــــــــــر
ظبية: تعال وين منصوووور
محمد: دووووووكم نسيته قالي بيسبح و بينزل و تاخر الحبيب
ظبية: بروووح اشووووفه
الا و شوي منصور ياي: صبــــــــحكم الله بالخيــــــر >> يقلد محمد بهالعبارة بصوت خشن شوي
الكل: صباح النور
محمد: هههه تعال انته تعال
راح منصور و قعد حذال محمد
ظبية: ليش تاخرت
منصور: ما عرفت ابند الماااااي
ظبية: ليكون رحت حمام محمد
منصور: هيه
ظبية: الا هالحمام كم مرة قلتلك لا تسبح فيه
مها: ليش
ظبية: حمام محمد بكبره تعقيدات
محمد: شو دراج انتي هذي التكنولوجيا و التطور
ظبية: منصور حبيبي مرة ثانية تسبح بحمام غرفة ابوك انزين
فهد و نورة و ميثة و منال التمو معاهم
فهد: بلااااه ابو منصور عنبو حتى الصبح تحشون فيني
ظبية: ههه لا ماشي كنت اوصي منصور يسبح بحمام غرفتك
فهد: منصور حبيبي تعال اقعد حذالي
منصور: انا قاعد آكل خبزتي لحظة شوي
محمد: يلااا يا جماعة انا رايح توصون على شي
منال: و شو بالله بنطلب منك و انت رايح المدرسة
محمد: اصلا حتى لو قلتي تبين شي نشاد عنج اييبلج
فهد: سير الله يحفظك و عن السرعة
ميثة: يا جماعة انا بروووح انام
نورة: ههههه توج قايمة من النووم
ميثة: كله منج انتي وعيتيني من نص حلمي كنت ابا اشووف نهايته
نورة: هههه ما يسوى عليج... جـــــــودي جـــــودي
سنيتيا يات: جودي برع يسقي الزرع
نورة: خلاااص عيل عطي سويج سيارتي لكريم عسب يشغل سيارتي الين ما اسير
سنيتيا: اوكي ماما
نورة: و انت منصور يلااا ما خلصت ريوقك انا بتحرك اللحـــــين
راح منصور و حب راس ابوووه
فهد: فديتك انا هالله هالله بعمرك و اسمع كلام الابله انزين
منصور: ان شاء الله... سنيتيا يبيلي شنطتي
نورة قامت و شلت شنطتها و ناولتها منال شنطة اللاب من صوب
ظبية: ما كليتي شي
نورة: يكفي الشاي... يلااا يا جمااااعة مع السلااامة
الكل: الله يحفظج
نورة: يلااا منصور انسير انسلم على اماية قبل ما نطلع




في بيت بوفيصل:-
فيصل يا و قعد بدون ما يقول شي غير: صبولي شاي
حمدان: عافان اللــــــــــه من ولدج انا اقوووول،، الناس تقول صباح الخير و هذا يطلب من صباح الله خير
فيصل: خير مب عاجبك يعني >> فيصل دومه جيه من يقوم الصبح ماله نفس يتكلم مع احد
حمدان: اللــــــه يعين النحيـــــــــــــسة اللي بتاخذه
ام فيصل: حمدان و بعدين وياك خلى اخووووك بحالة
حمدان: انتـــــــــــي السبب
ام فيصل: انا
حمدان: هي انتي في حد غيرج.. اكيد يوم حملتي فيه وايد كلتي فلفل من جيه قام الفلفل يلعب دوووم بهرموناته
فيصل متغصص من اخوه و صدعته: ايـــــــــــــــهــــــــــي يعني الواحد ما يرتاح بفطووووره
حمدان: شفتي اماية كيف يشب حريجه بسرعه
ام فيصل: هههه الله يسلط على ابليسك يا حمدان
فيصل: انت ليش مب مداوم من البارحة و تفكنا من صدعتك
حمدان: اللحــــــين برووح مع احمــــــــد
ام فيصل: بوية فيصل فكرت بالموضوع اللي قلتلك عليــــــــــــــه
فيصل عقد حياته: أي موضــــــــــــوع
حمدان: اللـــــــي عن ميثــــــــة
فيصل: لا ما فكرت
ام فيصل: و شعنه ما فكرت
حمدان: يا اماية حرام تظلمون البنية مع هذا ( عقب قال بصوت خفيف) عديم الاحساس
ام فيصل: حمدان نحن نرمس جد
حمدان: و انا ارمس جد بصراحه البنية رقيقة و فيصل دفــــــــش
فيصل طالع حمدان بنظرة تخرع
حمدان: هيه لا تم جيه تطالعني جنه بقرة شايفة حريجه >> دومـــــه حمدان يتناقر مع فيصل
فيصل: اماية بردج اليوم بخبر لا تحاتين وايد
ام فيصل: خير ان شاء الله بس اعرف ان هالبنية ما تتعوض و هي بنت عمك و انت اولى فيها
حمدان: ابصم بالعشر انها راح ترفــــــــــــض
ام فيصل: ميثة فديتها عاقل ما تسويها و ترفـــــــض ولدي
فيصل: يلااا عن اذنكم انات طالع
ام فيصل: الله يحفظك وليدي










ميره راحت فوق تنزل شنطتها و شنطة أخـتها التوأم
فكانت قاعدة تدور مذكرة الفيزيا لان اليوم راح يحلونها مع الابلة دام انهم خلصوو الكتااب
و عقب تذكرت مجريات امس ان هي و أحمد و اختها و نورة قعدوا مع بعض يسولفون
و عقب احمد خذ المذكرة يقراها و تم يناقش بعض الامور فيها مع ميره
ميرة بنفسها: آآآه يا محلات البارحة يا ربي و اللــــــــــه ما شفت مثل الانسان فحياتي
حنــــــــــــــون بدرجة فضيعة و الله محد ردلي الحماس للدراسة غيره هو اللي شجعني بالقو
بس اللحين كيف اتصرف مذكرتي اكيد كانت معاه و عقب ما ادري وين حطاها و هو للحين ما
طلع من غرفته اخاف يكون مريض (فديته) شوووو أنا شو قلت ليش تفديته لالالالالالالا انا ما تفديته اكيد قلتها بالغلط
يا ربيــــــــه شو اسوي بحالي هذا ليـــــش قلب كياني فوق تحت معقولة اللي قالته مهره يكون صح
و عقب تذكرت اللي قالته لها اختها

ميرة بحيا: ما ادري و اللــــــــــــه ما ادري كيف أوصف شعوري
مهره: هههه اللــــــــــه عليـــــــج قولي و لا تستحين انا توأم روحج
ميرة مسكت ايد مهره: من أشـــــوفه تردلي الروح و من يضحك احس اني بطير من الوناسة من ينصحني احس اني اذوب بكلامه من يخاف عليه احس اني ابا اهديه عيوني من يشجعني على دراستي احس اني ابغي اييب نسبة 99 بس عسب اشوف فرحته لي
مهره بفرحة: فديـــــــــــــتج ميراني تحبيـــــــــــنه انتي
ميره سكتــــــــــت و احمرت
مهره: هههههههه كل شي باين من عنوانه شمعنى انتي يسألج اذا تغديتي او لا و ليش دايما لما يشجعج على دروسج ايي و يراجعلج بنفسه و هو مستانس ليش دايما قبل ما تنامين يوصيج على صحتج و على نومج او أي شي ثاني ليش ما يرضى يبدا بالعشا الا اذا شاف اللقمة بحلجج و عقب هو بياكل.. أشياء و أشياء كثيرة وايد صارت تدل على محبتكم لبعض
ميرة: اللـــــــــه لا يحرمني منه يا رب
مهره: و يخليه لج يا رب
ميره: مهره عااااد
مهره: هههههه
مهره: و الله أنا من خاطري فرحانة لج لان احمد ريال عن عشرة رياييل الكل يحبه ما شاء الله عليه و الله انكم لايقين لبعض
ميرة: أحــــــــــــــــــــــبه يا مهره و الله أحبــــــــــــه لو يبغي روووحي فداااااااااااه
مهره: الله عليـــــــــــج الله
نورة دخلت عليهم فجأة: أكيـــــــــــــــد تقصدين أحمد
ميرة شهقت: انتي من وين طلعتي
نورة: ههههههههههههه من الباب
مهره: اقول نورة شو رايج باللي يصير من بينهم>> و عقب غمزت لها
نورة: كل شي واضح و مبين ان احمد يحب ميره و ميره تحب احمد
ميره مول ما قدرت تتحمل على طووووول طلعت
مهره: استحت هههههههههه
نورة: ههههههههههههه
فجأة سمعت ميرة صوت رجالي قطع عليها حبل افكارها
أحمد: أحــــــــــم
ميرة عدلت شيلتها عدل و ابتسمت من الخاطر
أحمد: صباح الفل ميرة كيف اصبحتي
ميرة: صباااح الياسمين أنا بخير دامك بخير
أحمد: يعل الخير دووووم بطريقج مب يووم قولي امين
ميره استحت: آميــــــــــن
أحمد: تدورين على مذكرتج صح
ميرة كانت منزلة راسها: هيه
أحمد: تفضلي الغالية و كتبتلج ملاحظات عن درس الاقمار الصناعية بالورقة الثالثة
ميرة: مشكور احمد ما تقصر تعبتك معاي
احمد: تعبج راحة الغالية
منال يت لهم و تمت تحرك حواجبها لاختها: هاه ما خلصتو سوالف و لا عاجبتنكم الوقفة
ميرة: هاه اصلا انا اللحين برووح
منال: يلااا عيل نزلي ترا الدريول كريم تحت يتحرطم لانج تاخرتي
ميرة: يلااا مع الســــــــلامة
احمد & منال: الله يحفظج
احمد: ميـــــــــرة مــــــــــــيرة
لفت ميرة وراها
احمد: ما تبين تاخذين شنطتج و شنطة اختج ههههه
منال ماسكة الضحكة بالقو: اصلا هي من تشوفك تتلخبط ما ادري ليش
ميرة استحت حيل لما قالت منال جيه فخذت الشنط و راحت ركض تنزل عسب تسير المدرسة
منال: اقول روميــــــــــــو انزل تريـــــــق تحت
احمد: هههه يلاا اللحين بنزل الا حمدان يا و لا بعده
منال: و شله هالنحس يصبحنا من صباح الله خير
احمد: اموت و اعرف شو سبب العداوة اللي من بينكم لا انتي تطيقينه و لا هو يطيقج
منال: هو دووووم اللي يبدا بالنجرة مب انا
احمد: ههههه الله يهديكم




احمد نزل تحت و منال بعد
أحمد: صباح الخير أعزائي
الكل: صباح النور و السرور
فهد: وين مبايلك يا ريال هذا حمدان متصلي يقول تأخرت وايد عليه
أحمد: اللحـــــــين بروووح بخذلي سندويش و كوب شاي
ظبية: جودي جودي ييبي كوب شاي ثاني
احمد: ماله داعي صبولي بهالكوب مب لازم كوب نظيف ( يعرف ان هالمكان دوم تقعد فيه ميرة و هالكوب اللي بمكانها يعني مالها )
منال: يعيني يعيني شمعنى كوووب ميرة يعني هااه
الكل: ههههههههههههه
احمد: هههه يلااا صبولي شاي بهالكوب و بسير لا ينفجر حمدان برع
فهد: لو داومتو البارحة ويا جاسم كان احسن لكم
احمد: هذا الا جاسم دوووم مستعيل
احمد: يلااا يا جماعة تامرون على شي قبل ما اطلع
ظبية: لا فديتك بس هالله هالله بعمرك
احمد: يلااا عيل مع السلااامة و بوسولي منصووور لا تنسوو
فهد: ههه ان شاء الله
و عقب راح احمد يسلم على امه و طلع لحمدان بيداومون مع بعض





فيصل كان بمكتبه سارح لبعيــــد يفكر بميثة
فيصل بنفسه: ياللـــــــــه أنا طول عمري رافض فكرة الزواج و اللحـــــــــين لما أمي كلمتني عن ميثة تباني اوافق اخذها
بس هذي صغيــــــــرة و أنا ما أحب دلعـــــــــها الماسخ,
عقب تنهـــــــد بعمق
و غير هذا كله لسانــــــــــها طويــــــل بس هذا مب عائق عسب ما افكر اخذها لأني أقدر أأدبها لما اتزوجها ليش انا حاسس بتـــــــــــردد ليـــــــش,,
دخل عليه فهد: الســــــــــــــلام عليــــــــــــــك استاذ فيصل
فيصل و اخيرا ابتسم و كيف ما يبتسم لاعز ربعه: و عليكم السلاااااااااااام
فهد: شخبارك اليوم
فيصل: بخير دامك بخير
فهد: دوووم ان شاء الله اقول فيصل
فيصل: آمـــــر
فهد: ابوي موصني يباك تتصل على خالد الــ....ـي برقمه الخارجي
فيصل: زين ذكرتني الله يذكرك بالشهاده و لا انا كنت ناسي
فهد: و انا بسير الشارجــــة
فيصل: بتكمل الاتفاقيات مع الجماعة
فهد: هيه.. و الله ييسر الامور يلااا فداعةالرحمن
فيصل: اللـــــــه يحفظك





في مدرسة البنات
كانن البنات في الحصة الثالثة فاضين ابلة الانجليزي محد
و شلة موزة قاعدين ورى و فارشين حصير و عاد بما ان اليوم يوم الخميس اللي تييب
الشاي و اللي تييب المعكرونه و اللي تييب صمون و كاكاو و كل البنات ياكلن مع بعض
و عاد نص بنات الصف اغلبهن ورى قاعدات يسولفن و ياكلن و يضحكن
موزة: هههههههههههههه بعد وحده بعد
سلمى: اوكي سمعو سمعو هالنكتة
كل البنات صخن
سلمى: كان جحا راكب حماره و يوم مر على جاره قاله جاره و هو يمزح معاه تصدق يا جحا اني عرفت الحمار و لا عرفتك رد عليه جحا هذا شي طبيعي ترا الحمير تعرف بعضها
البنات: هههههههههههههههههههههههههههههههههههههههههههههههههه هه
ميرة: ههههههههههه حلوووووووة
موزة: عيل لعيون ميره سمعونا نكتة ثانية يا جماعة الخير
سلمى: اوكييي انا بقوووووول
موزة: يلااا سمعينا عيل
سلمى: مرة فيه استاذ عربي قال لتلاميذه انتم ابطال الغد انتم مصابيح المستقبل و عقب اشر واحد من التلاميذ على رفيجه النايم بنص الحصة و قال استاذ اللمبــــــــة اللي حذالي محترقة
الكل: ههههههههههههههههههههههههههههههههههههههههههههههه
موزة: حدها عجيبة هالنكتــــــــــــــــة ههههههههههههه
سلمى: اقــــــــــول بنات
الكل: قـــــــــولي
سلمى: بصراحة أنا اشتقت اقرا روايات بس ماسكة عمري لان الامتحانات قربت
موزة: أأأخ يا قلبي لا تذكريني بعد انا بروحي ماسكة عمري و اخوي محلفني ما اقرا روايات الين ما اخلص من امتحاناتي
ميرة: شو من الروايات تقرون
سلمى: انا احلى رواية عندي و للأيـــــــــــام قرار آخر
البنــــــــات احتشرن اللي تقول هي بعد احلى قصة عندها و اللي تقووول انها قصة مؤثرة و اللي تقول ما شافت احلى من هالرواية
موزة: بس حرام عليها هالكاتبة خلت النهاية حزينة
ميرة: كيف يعني
سلمى: خلت آخر شي البطل يموت و الله قلبي تقطع على سعيد اللي حب روضــــة
موزة: بس بصراحة الكاتبة "أحبــــك انت" أبدعـــــــــــــــت بالروايـــــــة
ميرة: شوقتوني اقرا روايتها انزين و بعد شو تحبون من الروايات
موزة: قصـــــــــــــة لا خوي و لا مخاوي و لا لقيت اللي اهتويت
سلمى: بس حـــــــــــــــرام آخر شي ماتت عليا و اللــــــــــــه همتني
موزة: هيه و الله تعرفون اني قريت هالرواية يمكن ثلاث مرات و بعدي مغيضة على هزاع ريل عليا
سلمى: هيه و الله انتي بعد مثلي انا من اقرا الجزئية اللي توفت فيه عليا اقعد اسويلهم مناحة بالبيت
ميرة: منو الكاتبة
سلمى: غرشوبتي
ميرة: أنا شكلي عقب الامتحانات بقرا روايات
موزة: انصحج عيل تقرين قصة قمر خالــــــــــــد حدها عجــــــــــــــــيبه هالقصة
ميرة: اللـــــــه حلو عنوان هالقصة شكلها روعه
موزة: الا طرررررر
( و عقب البنات قعدن يرمسن شو بيلبسن فحفلة تخرجهم و كيف بيرتبون جدول امتحاناتهن و غيره من اهتماماتهن )




مـــر اسبوع كامل على الطلبة و هم يراجعون دروسهم استعدادا لامتحانات نهاية السنة
و في بيت بوفهد
مها على راس خواتها ميره و مهره مشدده وايد عليهن بالدراسة
و ظبية فوق راس محمد اللي متغصص منها و هي اللي تذاكرله
كيميا و فيزيا لانه ما يحب هالمادتين خير شر
نورة باقيلها شهر و بتخلص
منال و ميثة مسويات جو بالبيـــــــــــت و
في الصالة اللي تحت ما كان موجود فيها الا
ام فهد و ميثة و منال
ميثة كانت تطالع قناة حواس مطلعين فيه فرقة دبي الحربية
و كانت هي مندمجة اما منال فكانت سرحانة تتذكر قبل ثلاث ايام شو صار و شو اللي اكتشفته بحمدان
صدق هالانسان مغــــصص فيها
منال بنفسها: انزيــــــــــــن انا ليش افكر فيه خله يولــــــــــي هالمغازلجــــــي بس قلبي و عقلي مب راضين يساعدوني على نسيانه حشى محتل كل تفكيري اكرهه الغبي
قبل يومين البنات سارن بيت بوفيصل يزورن ام فيصل
و حمدان كان بالحديقة و كان يضحك بصوت مسموع فقبل ما تدخل منال معهم البيت راحت بخطوات هادية تبا تعرف حمدان منو يكلم و مستانس جيه
و يوم وصلت انصدمت باللي سمعته ما كانت تعرف من قبل انه مغازلجي
حمدان: فديـــــتج أنا,, أكيـــــد حبيبتي و هو اصلا انا اقدر
منال بشكل لا ارادي دمعت عيونها ما تدري ليش
حمدان: شيــــوم غناتي لا تعطي هالسالفة بال
منال حطت ايدها على حلجها مب راضية تصدق اللي تسمعه و حست حرارة بجسمها
حمدان راح يتمشى على جدام صوب النافورة و تم يكلم هذي اللي اسمها شيوم
منال راحت قبل لا يشوفها
و ام فيصل لاحظت عليها انها مويمة فقالت منال ان غبار دش بعينها
و مشى هالشي على ام فيصل و عقب ساعة راحن البنات عن خالتهن


ام فهد تركت المجلة و لاحظت ان عيون منال تلمع بدمعة
ام فهد معقدة حياتها: بـــــلاج منال تعبانة فيـــــج شي
منال صج كانت حاسة بضيــــج: ما فيني شي خالتي
ام فهد: لا فيج شي تبيني اوديج المستشفى
منال: لا ما فيني شي >> عقب سارت غرفتها بسرعه لان دموعها تعلن على وصول
ميثة تعرف شو السبب بس سكتت
ام فهد: بــــلاها اختج
ميثة: ما ادري خالتي
ام فهد: روحــــــي شوفيها يمكن فيها شي
ميثة: ان شاء الله خالتي
و عقب سارت ميثة تشوف اختها >> اللحـــــــين ام فهد بدت تلين وايد مع البنات لان البنات مووول ما يأذنها بشي و خاصة منال و ميثة اكثر البنات اللي كانو يسولفون معاها فحبتهن عقب صدق لانهن طيوبات و اخلاقهن عالية و صارت تعاملهن بطيب و تخاف عليهن مثل بناتها..




اللحين شهر ستــــــة
فيصل وافق من انه يخطب ميثة و خبر ابوه و امه بهالشي و ام فيصل طايرة من فرررررح
و حمدان يطنز على فيصل و يدعي ان الله يكون بعون ميثة اذا بتوافق عليه
أما عن حمدان فقام يسير بيت عمه و لاحظ ان منال مووول ما تعطيه ويــــــه و لما يقعدون بمكان واحد هي بسرعة تشرد
و هذي وحدة من مواقفهم اللي وقف فيه حمدان منال عند حدها:-
حمدان دخل بيت بو فهد و هو بلبس الرياضة ماله يتريا احمد ينزل عسب يسيرون رباعة يسوون رياضة
و محد كان بالصالة تحت غير منال
جودي: ماما منال هذا بابا حمدان يجي
منال: خليه يقعد بمكان غير عن المكان اللي انا قاعدة فيه
حمدان سمعها: و اذا انا ابغي اقعد هني
منال ما عبرته مووول و الرمووت كان بيدها و تسوي عمرها مندمجة بالمسلسل
حمدان: حوووو انا اكلم منووو
منال: نعم اخ حمدان بغيت شي
حمدان: سويلي عصير
منال: نعــــــــــــــــم
حمدان: اللـــــــــــي سمعتيه يالعيوووز
منال: عيوووز حرمتك الخامة
حمدان: يعلج تفدينها حرمتيه
منال: مالت على اللي بتاخذها
حمدان: تــــــراج انتي حرمتي
منال بققت عيونها
حمدان: بلاج تطالعيني جيه
منال: منووو قال لحضرتك اني بكون زوجتك تخسي انت اخر واحد انا افكر آخذه
حمدان ببرود و هو مبتسم: انتي حمدي ربــــــج اني باخذج اصلا لج الشرف من اني اكون زوجج يا حلوة
منال: لا تلوع بجبدي و تقولي زوجج يا حلوة محد بيغصبني على شي انا ما ابيه تفهم
حمدان: اقـــــــــــــوول لا تنكري انج تموتي فينــــــــــي
منال مستنكرة: وع و وعتين انا اموووووت فيك انته شووو قلو الرياييل عسب اموت فيك انته
حمدان: اقول انا ما احب اللف و الدوران بالكلاااام انتي تحبيني و بس
منال: أنــــــــــــــــــــــت ليش ما تفهـــــــــــــــــم عربي يا بني آدم قلتلك إني ما أواطنك بعيشتي و لا احب طاريك تفهم و لا لاااء
حمدان: لا ما فهمت
منال: علك ما فهــــــــــــــــــــمت
حمدان و هو كاشفها: كيف تبيني افهم كلام متناقض,, تقوليلي شي بلسانج لكن عيونج و سلوكياتج يقولون شي ثاني
منال ما عرفت شو ترد عليه يا ربيه لهدرجة انا شفافه عسب يعرف اللي بداخلي
عقب نزل احمد و هو يركض
احمد: يلااا انا جاهز
حمدان: يلاااا عيل نسير
تجدم احمد جاسم و عقب سار جاسم لمنال
و شل عنها الرمووووت و بدل بشكل عشوائي و طلعت له ممثلة لبنانية
حمدان يمثل عسب يغصص على منال: شـــــــــــــــوووووف محلاتها
منال فولت: يعلها الحــــــــــــــــــــووووووووووم
حمدان :ههههههههههههههههه
منال ما تدري ليش قالت شي و ما تعرف ليش غاااااارت
حمدان راح صوبها
أما هي فقلبها طاااااااح فبطنها فقامت بسرعه بتشرد عنه
حمدان مسك ايدها قبل ما تـــــــــــــروووح
منال: هد ايدي هد خلى هالخايسة تنفعك
حمدان بصوت حنون: تغاريــــــــــــــــن
منال بانفعال: تهـــــــــــــــبي الا هـــــــــــي و اللــــــــه انا احلــــــــــى عنها بلميار مررررررررة
حمدان: و انا اشهد
منال احترق ويهها من الاحرااااج: هد ايدي
حمدان: منال
منال: اول هد ايدي شو ما تستحي انت ترا هالشي حرام
حمدان: و اذا انا قلت لاااا
منال: اللحـــــــــــــــين لو حد دخل علينا شو بيقولون اكيد بيفهمون غلط
حمدان بابتسامة : عادي حرمتي
منال: شـــــــــــــوووو انت تخبلت
حمدان: و حد يشوفج و لا يتخبل
منال:... ما عرفت بشوو ترد
حمدان بطل ايدها و قال: شيـــــــــــــــووووم تسلم عليـــــــــــــج
منال انصدمت و فجت عيونها على وسعهن
( بيتصفع هذا حمدان صج ما يستحي ) المهم خلوني اكمل لكم الاحداث
منال ما تعرف وين تودي عمرها خلاااااص تاهت فشي اسمه حمدان
حمدان: تراني لمحتج ذيج المرة لما كنتي تبين تعرفين انا اكلم منووو
منال ساكـــــــــــــته
حمدان: انا كنت اكلم احمد بالفووون و لما لمحتج قلت اسوي فيج حركة نذالة و اكلم احمد على اساس ان وحده من البنات
منال بدت عيونها تدمع: ايا النذل بسبتك اسبوع كامـــــــــــــــل ما عرفت انام من ضيجتي منك
حمدان بحنية: شفتي انج تحبيني
منال صخـــــــــــــت
احمد صااارخ عليهم: هيـيي انتووووووووو خلصو من السوالف و يلاااا انت سرينا ماشي وقت
و عقب رااااح حمدان مع احمد يركضون و عقب بيلعبون كرة طائرة صوب البحر مع ربعهم
منـــــــــــــــــــــال طيران على غرفتها تخبر اختها شووووو اللي صار لها و هي حيل مستانسة

و طبعا انتو تذكرون سالفة نورة مع هزاع
اللي صار حاليا ان نورة غيرت رقم فونها و غيرت ايميلها بعد و مسحت كل صورها من اللاب
و عن سالفة الصــــور و التهديدات قررن ظبية و نورة يفاتحن فهـــــــــــد بهالموضــــــوع
و هن كلمن فهد قبل أربعة أيام بخصوص هالشي و هذا اللي صار

فهد دخل الحــــــــــجرة
فهد: مرحبا
ظبية: مرحبتين تفضل اخويه
فهد قعد على الكرسي: خير عسى ما شر شو الموضوع اللي بغيتوني فيه
ظبية: تحبين انا اقوله و لا انتي
نورة صاحت ما قدرت تتمالك عمرها خاف فهد عليها و سار قعد صوبها و حضنها
فهد: نواري حبيبتي ليـــــــش تصيحين فيج شي حبيبتي
ظبية: انا بقولك يا خوي ( و تمت تقوله السالفة من الالف الى الياء )
و نورة زاد صياحها
و فهد رد مرة ثانية و حضنها و باسها على راسها >> طول عمره هالاخ حنون على غيره
فهد و ويهه محمر من الغيــــــــض من هذا اللي اسمه هزاع
فهد: احســـــن شي سويتيه انج غيرتي رقمج اقول عندج رقمة
نورة: هيـــــ ـ ـــ ـــــ ـه
فهد: عطيني اياه
ظبية: شو راح تسوي يا خوي
فهد: اول شي ما ابغي هالسالفة توصل لابوي و لا لامي
ظبية: ان شاء الله
فهد: و هذا هــــــزاع شغله معاي و انا راااح اتصرف معااه
نورة: فهد
فهد: هلااا
نورة: سامحني يا خوووي
فهد: انتي غلطتج حدرتي هذا اللي اسمه شااات و الباقي من الاحداث انتي ضحية فيها و لا تخافين حبيبتي انا بتصرف و اعتبري الموضوع انحل
نورة قامت و حبت راس اخوها: اللــــــــه لا يحرمنا منك يا رب و الله انك ريحتني حيـــــل
نورة صج من بعد ما تكلمت مع اخوها حست براحه و تمت مستانسة حيـــــــل




فيصل مثل ما تعرفون ان وراه سفرة و هالشهر راااح يرووح عسب يكمل اشغاله بالخارج و بعد شهر بيخلص و اذا خلص بسرعه بيرد بنص شهر ستة
و ابوه قاله ان راح يخطبله ميثة و هو قال كيفهم
و ام فيصل حليلها مستانسة لانها وايد تحب ميثة
و بنفس الليلة اللي سافر فيها فيصل سار بوفيصل و زوجته يكلمون بوفهد عن موضوع ولدهم البجر
سنيتيا و جودي كانن بهاليوم مسويات حلويات
فقامن و حطنة على طاولة الاكل و يت جونيا و حطت العصاير و راحت
ام فهد: تفضلو على طاولة الاكل خلونا نحلي سوالفنا بالاكل
ام فيصل: هههه على قولتج نحليها بالاكل
و بعد ما قعدوا على الكراسي
بو فيصل: يا بوفهد انا اليوم ياينك بموضوع
بوفهد: قول يا خوي شعندك
بوفيصل: انا اليوم ياي افكك من وحدة من بنات عبيد
بو فهد و ام فهد استغربو
بوفيصل: بتيك السالفة لا تستغرب يا سلطان
بوفهد: خير شو فيه
بوفيصل: فيصل ولدي طالب ايد ميثة
ام فهد و بو فهد تمو يطالعون بعض تفاجأو صج من الموضوع
بوفهد: و اللـــــــــــه هذي الساعة المباركــــــــة يا بوفيصل
ام فهد بصراحـــة استانست بس شوي خافت على ميثة من فيصل: بس فيصل مب جنه كبير عليها
ام فيصل: المهم بالريال اخلاقه مب بعمره يا ام فهد
ام فهد: بصراحه ميثة ما تستاهل الا الخير لكن بعد الشور شورها
بوفهد: نحن موافقــــــــــــين و مب لازم ناخذ رايها
ام فهد: يا بو فهد نحن ما نبغي نكرر تجربة ظبية زوجناها واحد هي ما تحبه و اخر شي تطلقت منه
بوفهد: و انا كلمتي وحده ميثة ما بتاخذ غير ولد عمها و بــــــــــس و لا تناقشيني بالموضووووووع
ام فهد تضايجت حيل من كلام زوجها
بوفيصل: خلاص عيل يا بو فهد بلغو البنيه عن الموضوع و ترا فيصل مستعيل على الزواج
بوفهد: متى تبون العــــــــــرس
بوفيصل: بنخلي الملجة و العرس بيوم واحد بشهر سبعة شو قلت
بوفهد: بصراحه الشور شور فيصل يشوف الوقت المناسب و يبلغنا
بوفيصل: عيل على بركة الله







ميثة كانت برع بالحديقة مع منصور ومنال و نورة
ميثة: و الله صج خرعني عنلاته الهرم ( تقصد البودي قارد )
نورة: هههههههههه
منال: و لا فوق هذا كله هزبها بعد
منصور: انا دوووم اضارب وياا حمدي (يقصد البودي قارد) بس و لا مرة خبر عليه يدي
ميثة: لانك انت ياهل بس انا بنية شب بويهي كل هذا بس لاني فريت على راسه الكورة بالغلط المفروووض هذيل يتمون بالشركة مب هني يرزون فيسهم
نورة: هههههههههههه و الله تحفة شكلج لما صارخ عليج
منال: الا اقول شعندهم عمي و خالتي ام فيصل يايين العاده يوم بيون ايون يوم الخميس و لا الجمعة
ميثة: شكله في شي شايد صاير
نورة: لا تتشائموا بلاكم انتو
و ش و يرن فون فهد
نورة: هلا فهد
فهد: هلا.. نورة متأكدة ان الشخص اللي رمستينه عنه كان اسمه هزاع
نورة: هيه متاكدة ليش شصار
فهد: طلعت بيانات عنه هني بالاتصالات و طلع هالشخـــــــص مب اسمه هزاع او انه مسجل الرقم باسم حد ثاني
نورة: هيه كمل
فهد: يعني اسمه الحقيقي هو غيث راشد الـــ....ـي
نورة: شـــــــــــــووو
فهد: و هذا الشخص انا اعرفــــــــــــــه
نورة شهقت: ربيعـــــــــــــــك
فهد: لا يخسي الا هو يكون من ربعي اعرف بس معرفة من بعيد لبعيد يعني كنت اسمع عنه
نورة:....
فهد: هذا طال عمرج راعــــــــــــي مشاكل و آخر مرة مســــــــوي فضيحة لبنت عائلتها معروفة
نورة خافت: شــــــــــووو يعني انا بروووح فيها
فهد: لا تخافين دامي انا معاج بالموضوع و طال عمرج صارت مشاكل له و دخل السجن ثلاث شهور و عقب حد من اهله طلعه بكفالة
نورة: يا ربيه شو هالبليــــــــــــــــــــة
فهد: و هذا اللي اسمه غيـــــــــــــــــث انا راح اتصرف معاه بسياستي الخاصة و كوني متاكدة اني راح انقذج منه لا تخافين حبيبتي
نورة: مشكـــــــــــــــــــوووور مشكـــــــور وايد وايد يا خووووي تعبتك معاااااي
فهد: افا عليــــــــج تعبي لج كله يهون يـــــلا بخليج اللحين
نورة: مع السلامة
فهد: الا قبل ما تسكرين ميثة درت بالموضوع >> ترا فيصل خبره من قبل ان راح يخطب ميثة
نورة: أي موضوع
فهد: يعني بعدكم ما دريتو
نورة: خير شصاير
فهد: بتيكم العلوم بالبيت لا تخافون يلاا فداعة الرحمن
نورة: الله يحفظك
منال: بشري شصار على موضوعج
نورة:................... ( خبرتهم السالفة )
ميثة: الحمدلله يوم الله عطاج اخو حكيم و متفهم مثل فهد
نورة: الا تعالي ميثة انتي مسوية شي
ميثة: لا ليش
نورة: ما ادري قبل ما اسكر قالي فهد مثية درت بالموضوع
ميثة عقد حياتها: أي موضوع
نورة: ما ادري و الله
منال: يا خبر اليوم بفلوس بكرة يصبح ببلاش
نورة: هيه هو قالي بتيكم العلوم من البيت
منال: منصـــــــــــــــــــــــور منصـــــــــــــــور تعال
منصور هد لعبته و راح لها: شو تبيـــــــــــــن
منال: سير صوب جودي و قول لها ييبيلنا الايس كريـــــــــــم هني
منصور: اوكي بخليها تييب بنكهة الكاكاو








مهره & ميرة & محمد ما باقيلهم الا ثلاث ايام و يبدون امتحاناتهم و يفتكون
محمد راح لغرفة مهره و دق الباب
مهره تحجبت: تفضل
محمد: اقـــــــولج الدحيحة تعالي تحت بالحديقة
مهره عقدت حياتها مستغربة: ليـــــــــش
محمد: طلي من بلكونتج و بتعرفين
و سارت عقب مهره تشوف
مهره: هذيل متى توالفووا
محمد: توهم يوو احمد و عيال عمي و لا يفوتج ترا الشغالة يايبة ايس كريم قومي لا يفوتج الجو ترا ظبية و مها الحراس بعد نزلوا
مهره: هههههه خلاص اوكي اللحين بنزل
و عب ما نزلو محمد و مهره على الجماعة اللي تحت كان صج ربشــــــــــة
منال تتضارب و يا حمدان و
منصور نقز على عمه محمد
و أحمد و جاسم يسولفون و يضحكون على البنات
و نورة تاكل الايس كريم و مندمجة معاهم بالسوالف
و عقب مها و ظبية يو لعندهم و حطولهم الكيك
حمدان: يا ســـــــــــــــلام هيه هذا هو الاكـــــــــــــــل
محمد: كيكة الككاو بالكريمة حقي انا و منصــــــــــــــور
أحمد مسك الصحون و قعد يحط لهم كيك و اول وحدة سالها هي ميره
أحمد: ميراني شو تبين
محمد: بذبحج ان قلتي كيكة الكاكاو بالكريمة
احمد: اختاري حبوبة اللي يعجبج ما عليج منه
ميرة بمستحى : ابغـــــــي هذي اللي فوقها فرولة
احمد يناولها اياها و يعطيها العصير
احمد: هنا و عافية
ميرة تمسك عنه الكيك: تسلم
ظبية: منصور تعال خذ كيكتك انت و محمد و اختار لكم عصير
منصور: محمد شو رايك عصير برتقال و لا مانجو
محمد: ييب برتقال
مها: منو بعده ما اخذ
حمدان: نحن كلينا و قلنا الحمدلله و انتي و ظبية توزعون و احمد السبال سال جولييت و نسانا
الكل: ههههههههههههههههههههههه
احمد: ههههههه ياخي خلها تاكل ماتشوفها يلد على عظم
ميرة استحت و تمت ساكتة و تاكل بهدوء
جاسم: انزيـــــــــــــــن يا جماعة سمعو البارحة أحمد كتب قصيــــــــــدة عن ميرة حدها عجيبة و كلها احساس شو رايك تسمعنا اياها بوشهاب >> جاسم يحب أحمد حيــــــــــــل و مستعد يضحي عشانه و يوم حب ميرة ما حقد عليه لانه يدري ان احمد ريال طيب ما يستاهل الا وحده طيبة و من جيه هو واثق من أحمد و انه راح يحط ميرة بعيونه و من هو مطمن على أحمد و ميرة بنفس الوقت
الكــــــل: يلااا بو شهاب سمعنا
و تمو يحتشرون عليه
و ميرة عاد دوووروها ماتت من المستحى
محمد: يــــــــــــلا يا جماعة الخير صخو خلونا نسمع الشاعر بو شهاب
أحمد طالع ميرة و قال :


طلتك نور يا فتان واكثر من النـــــــــور

منك القمر يستمد نوره ونجم الليالــــــي

انت شمسي مع الآ قمار يا سيد الحــــور

وانت قطر المطر والغيم يا كل غالــــــي

وانت في حسنك النادر مميز ومشهــــور

مملكة حسنك الفتان في طور عالـــــــــي

انت سلطان عرش الحب مترفع الطـــــور

حاكم زما نك على مر السنين الطوالـــــي

يا ذهب يا فصوص الماس مرصع ومنثور

له بريق يخطف الأ بصار لما يلآ لــــــــي

صار عقلي معك ها يم متيم ومأ ســــــــور

والفوأد انتهب يا مالكي بالكمالـــــــــــــــي

من نسيمات انفاسك نفح عود وعطـــــــور

عَطر الزهر والآ حباب يا حلو حالـــــــــي

الجناين ترحب بك وتفتح لك الــــــــــــدور

تستمد عطرها منك ســـــــمو المعالـــــــــي

والزهور تحتضن باهي محياك ع الفــــــور

والنداء يرسل النسمات لك ع التوالــــــــــي

زارنا النور حل السعد والكل مســـــــــرور

فيك ضيف الهناء ذي جيتنا من عوالــــــــي
( للشاعر المتألق ذو احساس رائع : الحريبي )

محمد صفـــــــــــــــر باعجاب: لا لاااااا نحن لاااازم نزوجك بميرة اليــــــــــــوم قبل باجر كلماتك طررررر
الكل: صــــــــــــح لسانك شاعرنا
أحمد و عيونه ما فارقت عيون ميرة: صح بدنكم
ميرة خــــــــــــــــلاص ذابـــــــــــــــت حيل من كلمات أحمد و احرجها زود كلام محمد
جاسم: هههه رايح فيها يالهايــــــــــــــــم
أحمد: ههه شفت عـــــــــــــــاد
نورة: يالله منووو قدج ميرة
ميثة: بس بس سكتوا عنها شوفو كيف احمر ويهها






و بعد ساعة تقريبا بوفيصل و ام فيصل راحــــوا
و حمدان و جاسم راحو من بعدهم بربع ساعة
و منصور راح يرقد يوم دخل ابوه البيت
و نورة و منال و ميثة سارن يلعبن بالنت
أما مهره فسارت تقرا قرآن و عدالها اختها ميرة سارحـــة بحبيب القلب
و أحمد سار ينام لان اليوم ناش من الفجر و من الخاطر تعبان
أما مها فسارت و يا ظبية بالمرسم مالها >> ترا ظبية رسامة
و في غرفة بوفهد
بوفهد: هي وينها فيه
ام فهد: بغرفة نورة
بوفهد: تعالي عيل نسير نبلغها
و عقب سارو لغرفة نورة
نورة استغربت وجودهم و لما لمحت ابوها دخل عدلت من يلستها هي و البنات
و البنات خافن شي صار و لا مب من عادة عمهن اييهن هني
بوفهد: وين ميثة
ميثة ارتبكت: هلا عمي آمر
بوفهد: اليوم عمج بوفيصل ياني و قالي ان فيصل يباج على سنة اللــــــــه و رســــوله
ميثــــــــة اتصنمت بمكانها
نورة و منال فاجين حلوجهم
بوفهد: و شهر سبعة بيكون العرس و من باجر راح اسويلج حساب بالبنك و بحطلج كل مهرج فيه عسب تزهبين عمرج
ميثة بشكل لا إرادي صاحت بصمت كيف عمها يزوجها واحد هي ما تطيقه و لا وياي يبلغها بعد بدون ما يشاورها
و عقب راح بوفهد و تركهم لحالهم
ام فهد ما عرفت كيف تتصرف فراحت لميثة
و لوت عليها
ميثة تصيح و تاشر على عمرها: انا كيف تبوني اخذ فيصل انا ما أبــــــــــــاه ما أبـــــــاه عموووه ابوووس ايدج قولي لعمي اني ما ابغيه
ام فهد: و الله حاولت معاه يا بنيتي و قلتله خذ بشور البنيه لكنه رفض و انتي ليش مب راضية بفيصل يمكن يطلع زين
ميثة: لا مب زين ( و تمت تصيح مثل اليهال ) انا ما احبه هالشخص دخيلكم سوو اي شي لي بس لا تزوجوني هالشخص ماباه مااااااباااه
منال يت و حضنت اختها
ميثة: منال لحقي علي عرسي شهر سبعة ماباقيلي الا شهر آآآآآآه حرام عليهم حرام عليهـــــــم
مهره و ميرة يو لاختهم من بعد ما سمعوا صياحها
مهره اول ما شافت اختها ركضــــــــت لها بسررررررعه
مهره: ميثة حبيبتي شو فيــــــــج
ام فهد: خطبها فيصل بس هي ما تباه
ميره: مب مشكلة ترفضه
ام فهد: بس عمج ملزم تاخذه
ميره: يعني بيغصب اختي على فيصل
ميثة: أنا ما ابااااااه
مهره: بس حبيبتي بس لا تصيحين يمكن فيصل ريال طيب بس انتي ما تعرفينه زين
ميثة: اناااا لااااازم اروووح لعمــــــــــــي و افهمه اني ما ابغي فيصل لاااااازم
نورة: ينيــــــــــــــــتي شووو
ميثة تصيح زوووووود: ما يخصني انا هذا فيصل ما اباااااااااااااه
و راحت عقب ميثة طلعت من الغرفة و الكل تبعها و شافت بوفهد قاعد بالصالة اللي فوووق
ميثة و عيونها كلها دموووع و راحت قعدت تحت عمها اللي كان قاعد على الكرسي و مسكت ايده: دخيــــــــــــــلك عمي فيصل انا ما ابغيـــــــــــــــــــــــه دخيـــــــــــــــــــــــــلك
بوفهد نفض ايدها من ايده و قال: بتاخذينه غصب عنج و انا ما عندي غير هالكلام
مها و ظبية طلعن و شافن الحدث و خبرتهن نورة ان فيصل خطب ميثة و هي ماتباه و بوفهد غاصبها عليه
ظبية تذكرت انها سوت نفس الشي لما خطبها راشـــــــــــد و بدت بشكل لا ارادي تصيــــــــح اكثر من ميثة لانها تذكرت كل آلامها و جروحها فتجرأت و تجدمت جدام ابوها: إلا ميـــــــــــــثة يا بوووووووي لا تغصبها على واحد هي ما تبيه الله يخليـــــــــــــك يا بويه و انا اترججاك لا تغلط هالغلطـــــــــــة مرة ثانية مثل ما غصبتوني على راشـــــــــــــــد
بوفهد صارخ عليها: راشــــــــــد هذا انتي اللي خنتيـــــــــــه و انتي اللي ضيعتي من ايدج و لا كان هو ريااااااااال شهم
ظبية يزيد صياحها: بـــــــــــــــس يا بووويه
بوفهد: لاااااااا تقوليــــــــــــــــــــن ابووووويه انا مب ابووووووج و انتي ببيتي بس عشان خاطر امــــــــج و لا انا ما اتشرف ببنت فاضحتني جدام العرب
ظبية انهارت و طاحت تحت تصيح و مها يت و لوت عليــــــــها و هي تصيح
ميثة قالت بكل جرأة: أنــــــــــــــــا هذا اللـــــــــــــي اسمه فيصل ما راااااااح اخذه لو شووو ما صاااااااااار
بوفهد يطالعها بحقد: و اذا انا قلت بتاخذينه
ميثة: ورني انزييييييييييييين شو يعني بتسويلي اذا ما اخذت ولد اخوووووووك
بو فهد عفد على ميثة و ضربها ضـــــــــــرب اليهد و منال راحت تحيز عن اختها لكن ما فيه فايده
كان بوفهد اقوى عنها و ام فهد تحاول تهدي بو فهد لكنها ما قدرت لانه اذا عصب بوفهد محد يقدر يوقفه
احمد ما قدر ينام بوسط هالازعاااااج هو و فهد فطلعو و شافو كيف ابوهم يضرب ميثة
احمد مســــــك ابووه و فهد على طوووول بعد عنه ميثة
احمد: خير شو فيكــــــــــــــــــم
فهد: ما تتكلمووووون
بوفهد: شوووفي يا بنت عبيـــــــــــد فيصل رااااح تاخذينه حتى لو ما رضيتي و يعلج ما رضيتي و العرس راح يكون بعد اسبوعين من اليووووووووم
و عقب رااااااااح بوووفهد و الكل تم ساااااااكت
ميثة كانت هلكانه حيل و يت منال سترت على شعرها بشيلتها اللي كانت طايحة بالارض
احمد: ظبيـــــــــــة بدل هالصياااح روووحو دااااوو البنية يلااا بسرعة
و عقب دخلو ميثة بالغرفة و تمو يداوون الجروح اللي فيها و فهد راح لابوه يتفاهم معاه لكن ماشي فايدة
و ميثة بعدها تصيح و منال بعد تصيح على حال اختها
و ام فهد راحت لزوجها





ظبية مـــــــــــول ما سكتت فعلا كانت تصيح اكثر من ميثة
فمها ما عرفت كيف تتصرف فراحت تنادي على فهد يحاول يهدي اخته
و اول ما دخل فهد على اخته سااااااارت ظبية و حضنته بالقووووو
و تصيح بشكل هستيري
فهد خاااااف على اخــــــــــته و تم يهديها الين ما نامت
فهد تنهد بعمق و عقب حب ظبية على راسها و لحفها و سكر عليها الباب
و طلع
مها: هاه شحالها
فهد: خلاص اللحين سكتت و نامت
مها: حليلها الله يكون بعونها بصراحه انا ما الومها اللي شافته من زوجها وايد
فهد: الله يكون بعونها تصدقي اني خفت ان الانهيار رجع لها
مها: الحمدلله كل شي هدا تقريبا
فهد: مها
مها: هلا
فهد: ممكن اكلمج بموضوع ميثة
مها: طبعا تفضل
فهد: شوفي مها انا عارف فيصل عدل و هو راح يحط ميثة بعيونه اذا هي قدرت تغيره
مها عقدت حياتها مستغربة: كيف يعني
فهد: فيصل شخصيته شوي جامد ما يحب المزح وايد اغلب وقته جدي و هو مزاجي فبامكانها ميثة تغيره بشطارتها و تعيش وياه احلى عيشه
مها: معاك حق هي رافضته لانه وايد تشوفه معصــــــب و هو مب مقصر معاها من يشوفها يعصب عليها باقل الاشياء
فهد: هي لازم تتقبل فيصل باي طريقة لان حالتها هذي ماراح تنفعها موووول و خصوصا ان عرسها بعد اسبوعين انا رحت لابوي حاولت فيه ياخر شوي لكنه رفض و اتصل على فيصل و خبره اذا يبا العرس بعد اسبوعين فوافق فيصل لان ما عنده اشكال و ابوي حلفني ما اتصل لفيصل و اقنعه بتاخير العرس
مها: يعني اللحين كل شي ضدنا و ماشي غير ان ميثة تتقبل الوضع
فهد: عليج نووور فانا ابغيج تكلمينها لما تهدا و حاولي تتفاهمين وياها
مها: خلاااص ما عليه

ღღالجـــــــــــــــزء الحـــــــادي عشـــــــر ღღ


بعد مرور يومين
في بيت بوفهد

مهره عافسة حجرتها فوق تحت بالأوراق و الكتب و المذكرات و الملخصات و بالدفاتر
و ميرة كانت تذاكر انجليزي ويا أختها
مهرة: يــــلا خذي الــessay مالــــي و صلحيـــــــلي أخطائي
ميرة: هــــاتي بقراه و خذي انتـــــــي اقري مــــــالي
مهره تلبس نظارتها و تمسك قلم بنفسجي: هاتـــــي اشوف,, ياللــــــه كان كبرتي الخط كيف بصلحلج عن شو كاتبة
ميرة: عن The basic information of Blue whale

ميرة قرت الـ essay بصوت مسموع:

There are many interesting " blue whale facts " that will be surprised to know. Blue whale can reach lengths up to about 27 meters ( 90 feet ) long. The average sized whales may wigh 63 000 kg ( 142 000 pound ). The females are larger than the males. Blue whales are found in all oceans of the world. As you may have guessed, their common name " blue whale " refert to the color. The blue whale heart is the size of a small family car. The blue whale need 8 000 pound of seafood everyday to called as well fed. I hope you have gathered enough blue whale facts through this article.

مهره: تـــــــــــمام و اللــــــه عيل شوفي الــpragragh الثاني التابع عن الـ Blue Whale
ميرة تاخذ القلم عن اختها و تحدد على فقرة مهره: انتــــــــــي عن The social behavior and sound التابع للحوت الأزرق
مهره: هيـــه شوفي الـ spelling صح عندي و لا فيه شي
ميره تقرا الموضوع:


The blue whale usually travel in very small groups, often traveling alone. Also it can swim very quikly, sometimes reaching speeds of up to 30 miles per hour. Blue whale can dive for up to an hour, going to depth of 350 feet ( 105 m ). Whene blue whale swimming normally. The sounds emitted are generally low frequency. The echoes from these sounds provid infoamation about the seafloor. A recent theory suggest rhat very high intensity focussed sounds may be used to pisorient prey in hunting.

ميرة ابتسمت: خذي ها صححتلج المطلوب و معلوماتج كانت حلوة الصراحة
محمد دق الباب
ميرة: ادخل محمد
محمد دخل: بل كيف عرفتيني
ميرة: فيه حد غيرك يدخل علينا هالايام ههه
محمد: المهـــــــم عطوني ملخص الــGrammer بذاكره اللحــــــــين
مهره مدت له المذكرة: تفضل خذ
محمد: thanks sis
مهره: welcome bro
و عقب راح محمد يكمل مذاكرته
ميرة فسخت الشيلة و تنهدت: تعبـــــــــــــــــت فكريا
مهره: يالله عليــــــــــج يلااا قومـــــــي بعدنا ما كملنا درس The part of speech
ميرة غيرت الموضوع: تعتقدين ميثة بتغير رايها
مهره: علمي علمج ما ادري الصراحة
ميرة: بصراحة اللـــــــــه يكون بعونها اذا وافقت على فيصل طباعه كله عصبي و ما يعطي ويه و اكثر الاوقات يكون جدي عكس ميثة المرحة و الحبوبة اللي تحب المقالب و السوالف و الضحك و الفرفشة
مهره: بس يمكن يكون فيصل خير لها
ميره تنهدت مرة ثانية: ما يندرى و الله
منصور دخل عليهن: ويـــــــــــــــــــــوووو وحليلكم بداوومون باجر و أنا خلصت من الكي جي
ميرة: ما عليــــــــــــه يا منصور ما عليه
مهره: هههه تعال حبيبي تعال
منصور: شو تبين
ميرة شهقت: تــــــــــــــــذكرت شي
مهره: بسم الله شفيج
ميرة: منصور منوووو اللـــــــــــــــي عطاك الكيــــــــس اللي بصحاري
مهره: يمكن جاسم
ميرة: لا ما اعتقد.. جاسم يتعامل معاي كاني اخته و ما يبين عليه ان هو اللي عطاني الخاتم
منصور: انا ما بخبرج
ميرة: بعطيك اللــــــــــــــي تباه بس خبرني
منصور: لا عمـــــــــــــي أحمد قالي ما اخبر حد و انا وعدته >> و عقب راح عنهن
مهره و ميرة قعدن يطالعن بعض >> يالذكي يا منصور انت اللحين كنك قلت لهم ان الخاتم عند أحمد
ميرة: أنــــــــا بيــــــــــن
مهره: يعني حتى أحمــــــــد كان بصحارى
ميرة نقزت من مكانها: يـــــــــــــااااي الخاتم من أحمــــــــــــــــد >> و راحت عقب طلعت الخاتم
مهره: و الله انج حالة اقول عيل عرف يمثل علينا احمد بأنه يوم شافنا اول مرة سوى عمره ما يعرفنا مووول
ميرة ببتسامة: شفتي عــــــــــــاد





ظبية كانت بغرفتها تقرا المــــــــوضوع اللـــــــي وصلها بالبريد..
و تمت تقرااااه يمكن عشر مــــــــــــراااات و كان مضمون هالموضوع إن إذا انتي تبيـــــــن من الله يحققلج أي حلم راح يحققه لج بس لازم تتبعين الشــــــــروط الأربع..
أو بمعنى آخــــر نحن ندعي الله وايد لكن نلاحط إن الله ما يستجيب لنا الدعاء على كثرة دعاءنا لكن فهالموضوع الشيخ عبدالكريم حدد أربع طرق نطبقها أكيد و عقب بإذن الله راح يتحققلنا اللي نباه حتى لو كان مستحيل..
و هذا هو الموضوع:-

بسم الله الرحمن الرحيم


السلام عليكم ورحمة الله وبركاته


أخواني أخواتي أنا إنسانه ما أحب التشويــق في الطرح أحب الصدق في كل شي وطرحي هذا صادق بإذن الله وراح تتزوجون أو راح يتحققلكم اللي تبونه بعد هذا الموضوع يااخواني ويا اخواتي وكل شي بعد إذن الله ولانقول إلا إن شاء الله...
أول الموضوع كتبته لكم بعد ماسمعت محاضره اليوم للشيخ عبدالكريم المشيقح جزاه الله خير وراح اقولكم شو قــال فيهــا.. وسأبدأ معكم ما أنوي أن أفعلــه بإذن الله بعد ماسمعت محاضرة الشيـــخ:-

اليوم على قنـاة بداية شفت محاضره للشيخ المشيقــح ويتكلم عن عدم قبــول الله للدعـــاء على كثرة دعائنا .. اللي تدعي تتزوج واللي يدعي بوظيفــه وغيرهـا من الدعوات وقال كم بند لقبــول الدعــوه وقــال اللي يمشي عليهم راح تقبـل دعوته لامحـــاله وعشان تفهمون الخطوات بقولكم عن المرأه اللي كلمت الشيخ وقالت له:-

ياشيخ أنا تزوجــت من شخــص إكتشفت انــه راعي سفــــر وبعد فترة نقل اليّ مرض خطير(وللأمانه لم يذكر الشيخ انه الإيدز) لكن أكاد أجزم انه الإيدز لأنه قال مرض خطير جداً وذهبو لكل بلدان العالم للعــلاج وصرفـــو مليون وخمس مائة ألف على العــلاج ولم ينفع معهم ولا أي علاج وقال لها الشيخ وش تبين مني؟؟
قالت له ياشيخ أبغاك تدعي لي ... قالها بعطيك خطوات استمري عليها وأنا وآثق انها راح تنفع معك قال لها:-

1- خليك انتي وزوجك دائمــاً على طهــاره ( يعني توضو لكل صلاة وإن احدثتو توضو و و لا تنسو قبل النوم توضوا )
2- لا تاكلون ولا تلبسون شي حرام خلو كل مأكلكم وملبسكم من مال حلال مع ترك المعاصي
3- تصدقوا يوميا ولاتخبروا أحد >> إذا صعبة عليكم خلو عندكم ظرف كل يوم حطو فيه درهم و بالأخير عطيه لشغالة أو محتاج
4- قالهم أكثرو من مدح اللــــه مثل قول ( لاإله إلا الله وحده لاشريك له لهُ الملك ولهُ الحمد وهو على كل شي قدير ) وقول ( لا إله إلا أنت سبحانك إني كُــنت من الظالمين )
5- كثرة قول سبحان الله و الحمدلله و لا إله إلا الله و الله أكبر

وقالهـــا بهذي الخطوات تكونون تقربتوا من الله كثيـــراً حينهــــا أدعوه بالشفــــــــاء لكم
يقول بعد يومين اتصلت عليّ قالت لي ياشيخ أنا مره مرتاحه نفسيتي وحسيت اني قريبه جدا من الله قالهـــا استمري.. حلف وأقسم الشيخ ان بعد خمس أيــام اتصلت عليه وقالت ياشيخ توي جايه من الدكتوره أنا وزوجــــي وقالـــت الدكتوره انتم سليمين ونسبة المرض عندكم 0% مع انه كــان خطير وخطير جداً
والله ياأعزائـــي اني كدت ابكي عند سماع القصـــه شايفين ربنا كيف قريب منــا ويجيب الدعوات بسرعه وحنــا مو فاضيين كل همنــا الأغاني والشتم والغيبه والنميمــــه والأكل بأعراض الناس


ظبية استانست حيل: صـــج أنا وين كنت عن رحـــمة ربي >> و عقب بغت تتأكد أكثر من الموضوع دخلت قوقل و كتبت الطرق الأربع لعبدالكريم المشيقيح و ظهرها قصص وايد منها:-


القصة الأولى:-
امس كلمت الشيخ عبدالكريم المشيقح.. المهم قلت له ياشيخ ابي احوالي تتغير انا ماعندي وظيفه ولاني متزوجه وابي الخير والرزق الكثير.. قالي الشي: بقولك على اربع اشياء تسوينها تسوينها تسوينها: قلت زين..
أولا :- ارضي الله مهما كان و اكثري من مدح اللـــه مثل قول ( لا إله إلا الله وحده لا شريك له له الملك و له الحمد و هو على كل شيئ قدير )
ثانيا:- دايم كوني على وضوء..دايم على وضوء.. قالي الايه" ان الله يحب التوابين ويحب المتطهرين"
ثالثا:- رددي دايم سبحان الله والحمدلله ولا إله إلا الله والله اكبر.
رابعا:- مهمه إن كل يوم تتصدقين و لو بريال او بكسره خبزه

تخيلوا قالي انتي سويها لوجه الله واذا ارضتي الله راح يرضيج... قالي راح تشوفين التغير...وقالي يمكن امورج تتعسر وتحسين بضيق بس قالي معليه كملي لأن هذا الضيق معناه إن الخير بجي لج.. والضيق هذا من الشيطان لأنه مايبي تسوين خير..
المهم اللي خلاني ادق على الشيخ لاني سمعته في قناه البداية قال في بنت كلمته عندها مشكله او زي تسذا..المهم هي مو متزوجه..الشيخ قال لها التزمي هالاشياء الاربع اللي فوق.. يقول التزمتها وسوتها يقول في اقل من مده بسيطه اتوقع اسبوع.. يقول كلمتني قالت ياشيخ انا خطبتي هالاسبوع من رجل أعمال سعودي..من اكبر تجاااار الخليج..



القصة الثانية اللي قرتها ظبية:-

سبحان من لا يعجزه شيئ
فقط يقول لشئ كن فيكون.. لايريد سوا الايمان واليقين..
لا اطيل عليكم احبائي....لقد كنت في هم وضيق لا يعلم به غير رب العباد...
ايماني بالله قوي ...وأملي به كبير....أن يفرج عني ماحل بي....
وفعلا يا أحبابي....حصل لي ما أريد في أيام قليله...لم تتجاوز الخمسة ايام...
عزمت على اتباع طريقة شيخنا الفاضل المشيقح..
وهي كالتالي...
1- ان اكون على طهاره طيلة اليوم كل مااحدثت اجدد الطهاره...
2- ان اقول سبحان الله والحمدالله و لا اله الا الله والله اكبر
3- مدح الله في كل مجلس تجلس به
4- الصدقه يوميا
والله ياحبائي.. من أول يوم احسست بشعورغريب لقد بدل الله ماكان بي من هم الي راحه وطمئنان...
بعد ثلاثة أيام توصلت لمن لديه حل لمشكلتي وفي اليوم الخامس انتهت المشكله كما تمنيت
فما كان مني الا ان أسجد شاكرة لعظيم شأنه سبحانه....
فأين انت يامن تريدين الابناء ...واين انت يامن تريدين الوظيفه...اين انت يامسكين.. أين انت يامهموم...

( أي حد من القراء يريد يعرف زود عن هالموضوع و يستفيد يكتب بمحرك قوقل الطرق الاربع لعبدالكريم المشيقيح أو يتابعها على قناة البداية لأني سمعت إنها تنعاد أكثر عن مرة ببرنامج اسمه محبة الله و اصلا موجود برنامجه على اليوتيوب) ^^


ظبيــــة تأثرت حيل و تمت تصيح بصمت وين هي عن رحمة ربها من قبل ليش ما شكتله الحال من قبل
و عزمت ظبية على اتباع الطرق الأربع عسب ترضي ربها و يحققلها اللي تباه
و اللـــي تباه ظبية هو إن ابوها يرضى عليها و يكون لها مركز اجتماعي راقي بالامارات و تكون مشهورة خليجيا
بنشوف هل بيتحقق هالشي لظبية و لا لأ..
راح نعرف هالشي من خلال أحداث القصة

فراحت ظبية و علقت على سريرها ورقة مكتوب عليها:-
قال الله تعالى:- (وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ) [البقرة: 186]
و هالآية تنص على أن الله سيستجيب لدعائنا إذا استجبنا له أي القيام بالأعمال الصالحة لوجه الله تعالى

(إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا وَكَانُوا لَنَا خَاشِعِينَ) [الأنبياء: 90]
و هذه الآية تنص على أن الله سيستجيب لدعائنا إذا سارعنا بفعل الخيرات له و ندعوه خوفا من النار و رغبة بمغفرته و أن نكون له خاشعين



) عاهدت ظبية نفسها بتطبيق كل الخطوات لوجه الله اولا و كانت نيتها لاتباع كل هالطرق مب بس لتحقيق احلامها الا عسب ترضي ربها و تحصل رحمته اولا و آخراً و اللي يتبع هالطرق بهدف تحقيق الاحلام مستحيل يتحققله اللي يبيه يعني لازم اول شي يخلص النية لله تعالى و يكون هدفه تحقيق رضا الله اولا و من ثم اهدافه)


و عقب فتحت ظبية دفترها و كتبت:
قصة معاناتي مع قلمي..
في ليلة من الليالي الحزينة و في ركن من أركان غرفتي المظلمة مسكت قلمي لأخط همومي و أحزاني فإذا بقلمي يسقط مني و يهرب عني ..
فسعيت له لأسترده فإذا به يهرب عني و عن أصابع يدي الراجفة..
فتعجبت و سألته..
ألا يا قلمي المسكين أتهرب مني أم من قدري الحزين ؟؟
فأجابني بصوت يعلوه الحزن و الأسى..
سيدي تعبت من كتابة معاناتك و معانقة هموم الآخرين..
ابتسمت له و قلت له يا قلمي الحزين..
أنترك جراحنا و أحزاننا دون البوح بها..
قال اذهب و تكلم بما في أعماق قلبك لإنسان أعز لك من الروح..
بدلا من تعذيب نفسك و تعذيب من ليس له قلب و لا روح..
سألته ؟؟
و إذا كان الجراح بسبب إنسان هو لي اعز من الروح.. فلمن اتكلم..
فتجهم قلمي حيرة و اسقط بوجهه على ورقتي البيضاء..
فأخذته و تملكته و هو صامتا فاعتقد أنه رضخ لي..
و سيساعدني في كتابة خاطرتي..
فإذا بالحبر يخرج من قلمي متدفقا..
و نظرت إليه قائلا.. ماذا تعني..
قال سيدي إنني بلا قلب و بلا روح..
أرتريدني أن أخط أحزان قلبك و لا أبكي فؤادك المجروح..
فمسكت قلمي و كتبت..
مسكت القلم لكتابة همومي.. فبكى القلم قبل أن تبكي عيوني..

( من كتابة انسانة عزيزة على قلبي صديقتي: M )

و عقب ابتسمت ظبية ابتسامة أمل و سكرت الدفتر و راحت تشوف شو سوت مها مع ميثة







في غرفة ميثة و منال
مها: ها شو قلتي
ميثة: بـــس أنا مب متقبلتنه مـــــــــــوول
مها تنهدت: ميثة ترا فيصل مب كله عيـــــــــــوب يعني فيه محاسن حلوة
ميثة لفت بويهها بالناحية الثانية: ما اظـــــــــــــن
منال: بصــــــــــراحة ماشي حل غير ان نحن نتصل لام فيصل و نقول لها ان ميثة مغصوبه على فيصل
مها: منال لا تزيدين النار حطب ترا لو قلنا لام فيصل مب بيدها تسوي شي لان بوفهد و بوفيصل كلمتهم فوق كل حد
ميثة: أنا خايـــــــفة
مها: من منو بعد
ميثة: من فيصــــــــل انا يالله يالله ابلعه تبوني اعيش معاه ببيت واحـــــــد
منال: اللـــــــــه يعينج اذا خذتيه,, تعرفين ميثة انتي لازم تحاولين تغيرينه يوم بتتزوجون
ميثة: أخــــــــــــاف منه و اللــــــــــــه
منال: شوفي رفضج اللحيــــــــــن ما ينفع أبدا فلازم تحاولين تتقبلين الوضـــــــع و لا تنسين اليوم تراااج بتروحين تتشرين للزهبة
ميثة: ما ابغــــــــي و الله ما ابغـــــي
مها راحت و حضنت ميثة: ميثـــــة انتي اللحين عندج مسؤولية كبيرة ليش تتهربين منها
ميثة: أنا ما تهربت بس انا مب متقبلة الحالة هذي
مها: ما يصير هالكلام حبيبتي انتي اللحـــــــين بتتزوجين بتصيرين زوجة فيصل يعني خلاص فكري بعقلج قبل احساسج
منال: و لو يدتي الله يرحمها موجوده ما كانت بتتقبل اللــــي انتي تسوينه
ميثة: اوعدونــــــــــي انكم ما تتخلون عني لو شو ما صار
مها: اكيد ما راح نخليــــــــــج
ظبية دخلت: مساء الخيــر
الكل: مساء النـــــــور
قعدت ظبية حذال ميثة
ميثة ابتسمت: ظبية ممكن اكلمج بخصوص حياتج القبلية
ظبية: تفضلي حبيبتي اسالي
ميثة: حياتج اللي عشتيها مع زوجج السابق هل تعتقدين اني بعيش مثلها
ظبية حطت ايدها على خد ميثة بحنية و قالت: لا حبيبتي هالتجربة اللي مريت فيها انا ان شاء الله ما بتعيشينها لان مب كل الرياييل مثل الشي و راشد كانت شخصيته من النوع القاسي و فيصل اكيد له شخصية غير عن راشد
ميثة طالعتهم كلهم: خــــــــلاص أنا بتقبل الوضــــــــــع و بحاول اني اقنع نفسي بفيصل
منال: الله يوفقج حبيبتي
ظبية & مها: آميـــــــــــــــــــــــن
دخل منصور عليهن: لحــــــــــــــقووووو علي
ظبية: خير شــــــــــــو فيك تزاعج
منصور: قناة MBC3 ما طاعت تشتغل تعالو طلعوها لي بسرعه قبل ما تخلص رسوم shun the sheep
مها: الله يهديك طيحت قلوبنا من الزيعة قلنا يمكن الولد طلع فيه شي و اخر شي طلعت القناة مب موجودة
منصور: يــــــــــــــــلاااااا بسرعه تعااااااالوا طلعولي MBC3
ظبية: يلاااا يايه اللحيـــــــــــــن
و عقب طلعت ظبية لمنصور
و دخلت ام فهد
ام فهد: ميثة لا تنسين من الساعة ثلاث بنطلع
ميثة: شـــــــــــــووو بعده الظهر
ام فهد: لا تنسين عرسج بعد اسبوعين ماشي وقت
نورة دخلت و لابها بيدها: ميثـــــــــــــة شوفي شوفي الفساتين
منال: اللــــــــــــــه كشخه
ميثة: روووعــــــــــــه الفستان الثالث بس احسه ثقيل
ام فهد اتي صوبهم: شو رايج بالفستان هذا
ميثة: يـــــــــــاااااي تصميمه راقي
ام فهد: هذا تبع أي محل
نورة: محل حراير للفساتين
ام فهد: مب هذا اللي فبوظبي
نورة: هالمحل له فروع فخمس امارات بنروح اللي بدبي اقرب لنا
منال: و اللــــــه حلووو شكله راقي هالمحل
نورة: و نحن البنات اليوم بنروح محل falnteena عسب نختار الفساتين
ميثة: لااااا عيــــــــــل انا منو بيروح معاي و بيساعدني باختيار الفستان
ام فهد استانست شوي حست ان ميثة تقبلت الوضع: ما عليه اذا ما سارن معنا اليوم اللي عقبه اختاري أي وحده تبينها تسير معاج
ميثة: و الله يا خالتي لولاج انا ما كنت اعرف اتصرف
ام فهد: هذا واجبي حبيبتي.. و اليوم راح اتعبج وايد بالمشي لان لازم نختار معظم الاغراض اليوم
نورة: و الذهب متى
ام فهد: ان شاء الله باجر و هذا غير الهدايا اللي بيبها فيصل من برع
ميثة: ما ابغي منه شي
مها: نحن شو قلنا
منال: هههه شكله مسوي لها رعب من الخاطر
الكل ضحك
نورة: انا بسير اشوف البنات خلصن مذاركرة و لا بعدهن
مها: قوليلهن لا يخافن بيختارن الفساتين و بعد ساعتين بيرجعن يكملن دراسة
نورة: افا عليــــــــــــج انا مبلغتنهم قبل ما ابلغج و مهره اقنعتها بعد مووووت
منال: هي عاد هذي تموووت على الووورق و الكتب
ام فهد قامت: يلااا عيل انا بروووح
ميثة: وين يالسين خالتي
ام فهد: بسير اشوف الخدامات زهبن كل شي
نورة: ليش منو بيي
ام فهد: ابوج عازم خالد الــ.....ــي عندنا بالبيت
مها: انا بقوووم اساعدج خالتي
ام فهد: زين تسوين
و راحت عقب مها و ام فهد المطابخ يشرفن على الغدى و على التجهيزات الثانية
شو تعتقدون الشي اليديد اللي بيصير بقصتنا ؟؟
خاونا نتابع الأحداث..





بوفهد دخل الميلس و لقى الخدامة بعدها تبخره
و فهد و بوفيصل يتكلمون عن فيصل
بوفيصل: خلاص انا قلتله مدام ممثل شركتكم بيرجع يسير بدال فيصل و فيصل يرجع يتابع امور زواجه
فهد: هذا هو الشور الزين يا عمي و الله يوفقه مع بنت عمي
بوفيصل: آمين يا رب
بوفهد: متى بيرجع الليلة و لا باجر
بوفيصل: هو بيرجع الليلة إن شاء الله
فهد: يالله الله يتمم الأمور على خير
و عقب دخل خالد الـ......ـي و الخدم فتحوا البوابة الرئيسية عسب يدخل سيارته
وقف خالد سيارته و أول ما نزل شاف بوفهد يستقبله
بوفهد: حياك خالد حياك
خالد يمد ايده يسلم عليه: الله يحييــــــك اشحالك بوفهد عساك على القوة
بوفهد: بخير و نعمة انت شحالك و شخبارك
خالد: الحمدلله يسرك الحال
بوفهد: تفضل تفضل
و دخل خالد مع الجماعة داخل و سلموا على بعض و قعدوا يسولفون عن الشغل
و التجارة الدولية و غيره من هالامور




ام فهد: منصـــــــــــــور و بعدين وياااك بتييـــــــــــب الفلفل و لا بهالمـــــــلاس على راسك
منصور: لا ما بعطيج اياه ابويه قال الفلفل مب زين
مها: منصور حبيبي هات الفلفل و سير طالع التلفزيون يلاااا لازم نحطه بالغدى
منصور: لااااااا ما برجعه لكم
منصور قبض الباب الخارجي للمطبخ و طلع
ام فهد: ســــــــــلط الله على بليسك يا منصور اللحيــــــــــــن كيف بنسوي البرياني بدون فلفل
مها: ما عليه خالتي انا بسير ادوره و بحاول ارجع الفلفل
و عاد اللحين الساعه وحده الظهر و بوفهد و جماعته راحو يصلون و توهم كانوا راجعين
و خالد استأذن منهم بيطلع فونه من السياره و بيلحقهم
فمنصور أول ما شافه راح له
خالد ابتسم له (يموت على اليهال): هـــــــــــــــلااااا هــــــــــــــــلااا بمنصور فهد
منصور سلم عليه: انته كيف تعرفني انا ما اعرفك
خالد: مرة شفت صورتك ببرواز معلق بمكتب ابوك و هو عاد خبرني عنك انت شو شال بيدك
منصور: هذا فلفل أنا خاشنه عن مها و أمي يبون يحطونه بالغدى و نحن نبتلش فيه و نحترق
خالد ضحك : هههههههههههههههههههه اسميك شيطان
مها كانت تدور منصور فسألت عنه عند جودي فقالت لها ان منصور صوب الكراجات بس الشغاله ما خبرتها ان خالد بعد هناك فسارت مها هناك تدوره
و أول ما طلت على منصور بدت تهازبه بس ما انتبهت على خالد
مها: منصـــــــــــــــــــــــووووور يا ويلك مني.. حرام عليك تميت احوس بالحديقة كاملة و اخرتها انت هني بالكراجات يلاااا ييب الفلفل
منصور: لاااااااااا ما بعطيـــــــــــــــــج الفلفل هذا حـــــــــــــار مب زين
مها: و انت شعليك يلااا ييبه عسب نخلص الغدى اللحين
خالد مبهت بمها و هي مب داريه
خالد عرف ان اللي سواه غلط و لازم يغض البصر فلف ويهه بالجهه الثانية سوى عمره مشغول بالفون ماله
منصور: اذا شليتي عني الفلفل بخبر خالــــــــــــــــد عليج
مها: بلاااااا خالد بلاااا بطيخ و بعدين منووو هذا خالد
منصور ببراءة و بكل برود لف و اشر على خالد اللي كان واقف شو بعيد عنه و قال: هذا خالــــــــــد
مها فتحت عينها بوسعها و قلبها كان يدق بقوووو فعلى طووووووول صد و ركضت داخل منحرجة من اللي صااار
منصور: هههههههههههه ويــــــــــــــــــــــوووو محد قدر ياخذ الفلفل عني
خالد نزل على مستوى منصور باسه و قال له: ههههه شكلك مطلعلهم قروووون بالبيت
منصور: هههه يلاااا انا بسير ألعب بلااايستيشن
خالد: ههه برايك رووح بس الفلفل عطه للبنت انزين
منصور: بعطيه لمها بس ما بعطيه ليدوه اخافها تنازعني
خالد عرف اسم البنية و عقب راح عنه منصور و دخل خالد داخل الميلس

مها صعدت دارها و ويهها كان محمر من الاحراج راحت لها ظبية مستغربة منها
ظبية خوزت ايد مها من على ويهها و قالت: اشواا حسبالي تصيحين بلااه ويهج محمر
مها: يا فضيــــــــــــــــــــحتي يا ظبية
ظبية مستغربة: أي فضيـــــــــــحة
مها: شافني شافني..
ظبية: اوووه تكلمي عدل
مها: خالد شافني و انا اهازب منصور صوب الكراجات و تخيلي عاد كيف كان موقفي
ظبية: ههههههههههههههههههههههه
مها فجت حلجها: شـــــــــــــو فيـــــــــــــــــج تخبلتي
ظبية: هههههههههههههههه لا بس تخيلت شكلج
مها مسكت المخده و فرتها على ظبية
ظبية: ههههههههههههه الا منصور شووووو سوى
مها: الله يسامحه ما خبرني بوجود خالد الا يوم اشرلي عليه
ظبية: هههههه و انتي شو تبين بمنصور تلاحقينه
مها: كنت ابغي اشل الفلفل من ايده و نحطه بالغدى
منصور دخل غرفة مها بكل برود و لا كانه سوى شي و قال: خذي الفلفل ماباه خلاااص خالد قالي رجعه للبنت
مها: شـــــــــــــــــــــــــــــــــــوووووووو
منصور يحسبها ما سمعت فكرر الكلام: خالد قالي رجعه للبنت
مها: يا فضيحـــــــــــــــــتي
ظبية: هههههههههههههههههههههههههه حرام فاتني المشهد
منصور مثل ما دخل بهدوء طلع بهدوء >> فنتكة هالولد ههه
مها: شسوي اللحيـــــــــــــــــــن أخافه يخبر علي
ظبية: منو خالد
مها: و منو غيره يعني
ظبية: لا ما اظن يخبرهم لان هالريال وايد فهد يمدح شهامته يعني اخلاق هالريال ما اظن تسمحله بالرمسة عنج
مها: و الله احس بالاحرااااااااااج
ظبية: انزين هو كان يطالعج
مها: هـــــــــــــــاه... صح تذكرت هو كان صاد بالجهة الثانية جنه يكلم حد بالتلفون
ظبية: يعني صح بيكون سمع صوتج لما كنتي تهازين لكنه ما شافت انتي كصورة
مها: ياللــــــــــــه على الاقل جيه ارحم و اهـــــــــــون قومي بنسير نرجع الفلفل لخالتي
ظبية بابتسامة: يــــــــــلاااا







في اليوم التالي الصبح بمدرسة البنات:-
بدت اللجنة و الطالبات دخلن
و كل وحدة تطالع شلتها و تأشر لها تذكرها على الاتفاق
و ريم مسكت مهره قبل ما تدخل اللجنة
ريم: ممكن شوي اكلمج
مهره: اظن ان اللجنة بدت
ريم: باقي عشر دقايق على الامتحان هم دخلونا من وقت عسب يرتبون البنات فقط لا غير
مهره: و انتي شو تبين اللحين
ريم: ليش تكلميني بهالاسلوب
مهره: و كيف تبيني اكلمج من بعد اللي سويتيه فيني
ريم: لحظة لحظة تقصدين راشـــــــــــد
مهره: و اسمه راشد بعد ما اقول الا الله يستر عليج
ريم: بس هذا عمي
مهره: عـــــــــــمج و يعرف اسمي و يقولي فديتج
ريم توهقت: أآ.. هو يعرفج من قبل و بعدين اذا عن سالفة "فديتج" فاعرفي ان عمي دايما هالكلمة على لسانه يعني قالها بدون قصد
مهره: ليــــــــــش تجذبين
ريم: انا ما جذبت بس عمي لما شافج ركبتي سيارته حسباله انج بتروحــــين البيت معاااي فهمتي
مهره ما اقتنعت بكلام ريم و قالت: ممكن ادخل اللجنة
ريم: اكيد ممكن
و دخلن هن الثنتين اللجنة
و بدوا البنات يمتحنون و كل ساعة ورقة طايرة و ورقة رادة
و كل دقيقة وحده من البنات تحمحم تتريا مساعدة طارئة
و اللي تدز ريل الثانية اللي قاعدة جدامها تتريا استقبال
المعلومة اللي ما عرفت تحلها
الصف متعاون على الغش الا خمس بنات و منهن مهره
ابلة بخيته: هــــــــــــــــي انتي لشو تأشرين لها
سلمى ارتبكت: لاااا ابله اسلم عليهااااااا
البنات: هههههههههههههههههههههه
موزة: ابلة ابغي مســـــــاحة
ابلة بخيته: ميره ممكن تناولينا المساحه
ميرة تعطي موزة المساحه
و موزة تستغل الوضع و تفتح اللفافة اللي على المساحة و تنقل الاجابات مالت الاختياري a,b,c,d
و عقب موزة ردت المساحه لميرة و كأنه ما صار شي
مريم: ابـــــــــــــــــــــــــــــــلة لحقـــــــــــــــــــــي وراااااااااااج طيطــــــــــــــــــــــــــــــار (سحلية)
ابلة بخيته زاعجت و ربعت على جداااااااااااااام
و البنات شغالات غـــــــــــــش و لا كأنه امتحان كأنه ورقة عمل يحلونها جماعي
مريم: اوووووه ابـــــــــــــــــــلة مب طيطار... هذا شي مفرور تحت حسبالي طيطار
البنات: ههههههههههههههههههههههههههههه
ابلة بخيته: حسبي الله عليكم من بنااااااااااااااااااااااااات يلااااااا كل وحده عينها بورقتها و تحل

قال رسول الله صلى الله عليه و سلم : من غشنا فليس منا ~






فهد اتصل على نورة
نورة: هلا فهد
فهد: هلااا نورة اقول بدا كلاسج و لا بعده
نورة: لا بعده ليش
فهد: عيل طلعيلي اللحين لازم اكلمج بسرعه
نورة: يالله يايه
و عقب طلعت نورة برع الكلية صوب البوابة الرئيسية و فعلا شافت فهد واقف هناك اشر لها تركب
ركبت نورة السيارة
نورة: هاه شو فيك خرعتني
فهد حرك السيارة
فهد ابتسم: ابشـــــــــــرج خلصتج من هذا اللي اسمه غيث
نورة: صـــــــــــــــــــــج و لا تمــــــــــــــزح
فهد: لا امـــــــــــزح... يعني بذمتج مطلعنج من الكلية عسب شووو الا عشان ابشرج
نورة: مشــــــــــــــــكوووووور مشــــــــــكور اخوووووووي الله لا يحرمني منك يا تاج راسي و الله ان فرحتـــــــــــــي ما تنوصف فهاللحظة هذي
فهد: يالله عساها دوووم هالفرحه الا ما تبين تعرفين شو اللي صار
نورة: اكيد ابغي اعرف قـــــــــــــــول الله يخليك حمستني للسالفة
فهد: غيث عنده أخت تشتغل عندي بالشركــــــــــــــــة
نورة: و الله
فهد: لحظة خليني اكملج السالفة لما كنت اقولج اني اعرفه من بعيد كان قصدي اني اعرف اخته لان اساميهم مثل الشي و تاكدت لما رحت باليوم التالي و شفت CV مالها و طلعت اسمائهم مثل الشي هو اسمه غيث عبدالله حسن و هي عائشة عبدالله حسن فعقب رحت لها و سألتها جان عندها اخو اسمه غيث قالتلي هيه نعم عندي اخوه اسمه غيث و على فكرة هي وايد محترمه عكس اخوها و بعدين قلت لها عن سالفتج كاملة و هي عرفت انج بريئة لان اخوها سواها مرة و فضح بنية و غير هذا كله هو راعي مشاكل و تمت هي متلومة مني وايد و انا طمنتها و قلت لها ما بياثر على شغلها عندي الا اذا نفذت شروطي
نورة: و شو هالشــــــــــروط
فهد: ههههه قولي الا خطة
نورة: يلاااا قووول عقب اضحك
فهد: قلت لها اول شي مسحي كل صور اختي من على لابه فقالت لي ان لابه مقفول بكلمة سر هي ما تعرفها فقلت لها بسيطة ييبيلي لابه و انا راح اسويله فورمات فوافقت و يابته لي بنفس اليوم و بديت اخبرها عن الخطة اللي لازم نسويها هي بصراحه كانت متعاونه معاي و الخطة كانت ان هي تسير لاخوها و تقوله اني انا ماخذ صورها و اني راح افضحها اذا ما طلعت معاي نفس اللي كان يبي يسويلج اياه فوافقت و طبعا انا ما اخذت الصور بس مجرد خطة
نورة: و انت شو كان هدفك من هالخطة
فهد: هدفي من الخطة اني اقابلة لاني ان اتصلت له و قلت له اني اخو نورة تعال ابغي اكلمك ما بيرضى لانه بيخاف و بطريقة خطتي انا و عايشه اكيد راح يواجهني
نورة: انزين كمل
فهد: و عقب اتصلت عايشة جدامي على اخوها و قالت له كذا و كذا مثل اللي نحن اتفقنا عليه و عاد هو حرج و طلعت شياطينه فقال لها وين هذا الشخص و فقالت راح تشوفه بالمكان الفلاني و عقب عاد انا رحت المكان اللي راح اقابله فيه
نورة: الا متى صار كل هذا
فهد: البارحه بالليل و كنت اريد اخبرج لكنج كنتي بدبي تشترين فستان ما ادري شو تسوين
نورة: انزين كان تريتني و خبرتني
فهد: كنت تعبان و رحت انام و الصبح ما لقيت فرصه اكلم لانج كنتي مع امي تفطرين و ما حبيت اقولج جدامها
نورة: المهم كمل و خبرني شو اللي صارلك مع غيث
فهد: انزين.. اقولج شفته و كان ياي معصب و عقب أنا واجهته و قلتله اني اخوج و خاف حليله و تمت يلخبط بالكلام و يتلعثم وما عرف كيف يتصرف انا سويت هالشي و قلتله اني اخوج عسب يعرف ان فيه ريال وراج و قلتله عن فعايلة و ان كما تدين تدان و قعدت اهدده بالســــــــجن و ان بإرادتي انا محد يقدر يطلعه بكفاله حتى... و صح انتي غيرتي رقم فونج بس انا خذت عنه الفون و مسحت رقمج الاولاني عسب ما يكون هناك اي أثر لج معاه و قلتله ان انا ما عندي اي صورة لاخته واني ما اعرفها الا عن طريق الشغل و بس و انا ما يخصني فيها مووول و قلتله اذا ما فارجت عن اختي و حلفت له اني راح اراويه الويل وما بتصرف بهدوء مثل هالمرة
نورة: و هو شو سوى
فهد: قعد يعتذر و يقوووول التوبه ما رااح يعيدها لا معاج و لا مع غيرج و وايد كلام دار بيني و بينه بس ما اذكره عدل
نورة: الحــــــــــــــــــــــــــــــمدلله لك ياااااااااااااااااااااا رب
فهد: نورة اوعديني ما تحدرين الشات
نورة ابتسمت: تووووووووووبة احدره مرة ثانية خلاااااااااص ما بعيد هالشي مووووول
فهد: هيه جيه ابااااج ترا الشات ما منه منفعه و انتي غنية عنه
نورة: يااااااااااااااااااااااي وناااااااااااااااااااااااسه اليوووووووووووووووم
فهد: هههههه و ازيدج بعد.. قوليلي اي مطعم تبيني اوديـــــــــــــــــــج
نورة: ما ادري اللي يعجبك وداني له
فهد: فالج طيب






ظبية كانت بغرفتها
صارت كل يوم تقرا جزء من القرآن و تحس نفسيتها فووووق السحاب
اللحين مول ما تحس بالضعف و خصوصا انها صارت تحافظ على صلاة قيام الليل
مثل ما نصحتها مهره
و غير هذا كله صار لسانها متعود على الأذكار و كل مرة تكون فيه فاضية تستغل الوقت و تذكر ربها
و كل يوم صارت تطبق الشروط الاربع من:-
وضوء و طهارة على مدار الساعه... و مدح الرحمن... و انها تقول سبحان الله و الحمدلله و لا اله الا الله و الله أكبر.. و الصدقة كل يوم كانت تنفذها..
و كان هدفها هو رضا ربها و رغبة برحمته و كانت تسعى من ورى هالشي لتحقيق مرادها
و اللي هو كان إن ابوها يرضى عليها و يكون لها مركز اجتماعي راقي بالامارات و تكون مشهورة خليجيا
و كانت على ثقة ان بيوم من الايام راح يتحقق هالشي
مها دخلت عليها
مها ببتسامه حلوة: خلصتي قراءة القران
ظبية بادلتها الابتسامه: هي خلصت بنشوف منو بيختم القران اول انا و لا انتي و لا مهره
مها: هههه من هالناحية كوني اكيده انها مهره
ظبية: هههه حليلها الله يوفقها بامتحان اليوم هي و توأمها
مها: آمين يا رب
ظبية: اقول مب جني سمعت صوت ابويه
مها: الا على طاري ابـــــــوج اليوم راد مبجر من الدوام اصلا ما كملت خمس ساعات الا و هو راد البيت و لا فرحان بعد
ظبية: صج
مها: هيه و نادى على خالتي و قال لها يبيها بموضوع ضروري
ظبية: تتوقعين شو اللي صاير
مها: اكيد شي حلو و لا ما كان عمي جيه فرحان







ام فهد: لا حول و لا قوة الا بالله
بوفهد: هذي فرصة بعد ما تتعوض و الله و طلع منهن فايدة بنات عبيد
ام فهد: بس بالنهاية هن بنات اخوك يعني خاف الله فيهن و معقولة بتزوجها لواحد عشان تزيد علاقتكم اكثر عن ناحية الشغل
بوفهد: مها عاقل و ما اظن انها بترفض خالد و بعدين بتزيد علاقتنا فيه اكثر اجتماعيا و تجاريا
ام فهد: و خالد متى شاف مها
بوفهد: هو صارحني بكل شي و قالي ان هو شافها البارحة بدون قصد و بغاها على سنة الله و رسوله يعني ما فكر فيها تفكير حرام
ام فهد: ارد و اقولك خاف الله فهالبنات لا تزوجهن غصب
بوفهد: عاد خالد مول ما يطوف و لو كان لبنتي نورة كانت فرحتي تسوى مليون حزتها و هذي مها تحمد ربها انها حصلت واحد مثل خالد
ام فهد: الا تعــــــــــــــال تذكرت
بوفهد: خير
ام فهد: هذا متزوج
بوفهد: و يعني
ام فهد: لا و الله
بوفهد: الشرع حلل اربع
ام فهد: مستحيل مها توافق على واحد متزوج
بوفهد: اقول انا خالد ما راح اسمح لمها بانها ترفضه و هو قالي اشاورها و ارد عليه بس انا بعطيها الخبر بدون رايهها و باجر برد عليه بالموافقة و هو قالي ان هو متزوج و زوجته ما تييب عيال يعني الريال عنده عذر
ام فهد: و الله ما ادري شو بيكون موقف مها
بو فهد: سيري ناديها لي
ام فهد: ان شاء الله
و راحت ام فهد تنادي مها
و مها لما درت ان عمها يبيها ارتبكت
و ظبية طمنتها و قالت لها ما تخاف دام هو اليوم فرحان
دخلت مها لعمها
مها: بغيتني عمي
بوفهد: ايه قعدي
مها قعدت
بوفهد: اليوم ياج واحد و خطبج مني
مها رفعت راسها من بعد ما كانت منزلتنه و استغربت و قالت: انخـــــــطبت
بوفهد: لواحد حتى فالاحلام ما حلمتيه
مها: منو
بوفهد: خالد الــ....ـي اظن انج شفتيه البارحه هو من شافج يباج على سنة الله و رسوله
مها بققت عيووونها منصدمة: عمي انت شو تقول
بوفهد: اللي سمعتيه ترا خالد ريال ما يتعوض و هو متزوج و زوجته ما تييب عيال
مها قامت من مكانها بس حافظت على هدوئها: و يبيني انا عسب ايييب عيال
بوفهد: هو ما اختارج انتي الا لانج عجبتيه و هو راح يحطج بعيونه... اقول قعدي مكانج
ردت مها و قعدت بمكانها: أنا ما ابغي واحد متزوج
بوفهد: انتي يا مها بتخسرين ثروة من بين ايدج لو رفضتي خالد لان هالريال هيبة و مشهور باخلاقه فلا تخلي العائق لزواجج منه ان هو متزوج من قبل هذا مب عذر لان الشرع حلل اربع و انا ما ابغيج ترفضينه و انتي مب صغيرة
و انتي من بين كل خواتج انا ارتاح لها لانج عاقله و فاهمه و لو مب كنتي جيه كنت بصارخ بويهج لما قلتي انج ما تبينه
مها: اللي تشــــــــوفه عمي سواه
و عقب مها طلعت من الغرفة و هي تصيح بهدوء
و على طوووول دخلت على ظبية و رمت نفسها بحضنها
ظبية: بسم الله عليــــــــــــج حبيبتي شو فيج
مها تصيح بصمت: خالد خطبني
ظبية: صـــــــــــــــــــــــــــــج مبروووووووووووووووك
مها: بس هو متـــــ ـ ـــــ ـــزوج
ظبية: لا تقــــــــــــولين... و انتي شو رديتي على ابوي
مها: قالي كلام اقتنعت فيه تقريبا و قلتله اللي تشوفه سواه
ظبية: بس هذا متزوج
مها بعدها تصيح: بس زوجته ما تييب عيال
ظبية: بس تعرفين جيه اهون يعني لو كانت زوجته تييب عيال صعبه عليج تاخذينه بس مدام الريال يبي عيال عيل عنده عذر مها حبيبتي مسحي دموعج و خلاص من الصياح و فكري بالايجابيات و تركي السلبيات و لا تنكدي على عمرج
و اللحين ابغيج توقفين
مها: ليش
ظبية: انتي نفذي كلامي و بس
مها وقفت: هاه وقفت
ظبية: و اللحين ابتسمي
مها ابتسمت
ظبية سارت لها باستها و قالت: ألـــــــــــــــف ألــــــــــف مبروووووووك منه المال و منج العيال
ميثة صارخت: يااااااااااااااااااااي منوووووووووووو مهااااااااااااا و اخيـــــــــــــــــــــــــــــــــــرااا
مها:هههه انتي متى طلعتي
ميثة نادت على منال: مناااااااااااااااااااال تعالـــــــــــــــــي تعالــــــــــــــــي
و عقب دخلت منال: شوووو
ميثة: مها انخطبت
منال: و الله مستحيــــــــــــــــــــــل و اخيرا
و عقب منال سارت و حضنت اختها بالقو: مبروووووووووووووووووووك
مها: هههه أأخ خنقتيني هههه الله يبارك فيج
ميثة يت و باست اختها على خدها: مبروووك مبرووووك و اخيرا ما بغيتي
ظبية: هههه الله يا سلاااام على هالفرحه يالله يعلها دووووووووووم
الكل: آميـــــــــــــــــــــــــــــن
منال: يلااا منوو سعيد الحظ اللي بياخذج
مها خبرتهم عن خالد و قالت اللي صار لها البارحة معاه
ميثة: بس صعبة و هو متزوج و حتى لو كان ما عنده عيال
منال: و اكيد زوجته شريرة ما بترحمج
ظبية: خلاص يا جماعة ربكم كريم و محد يدري شو بيصير على جدام
مها: انا ادري ان و لا وحده تحب حد ياخذ ريلها عنها بس هذا محروم من العيال يعني فيه عذر ادري بتقولون بعد صعبه على زوجته الاولى انها تتقبلني بس انا بوكل امري لربي و هذا هو نصيبي
ظبية: هذا هو كلام العقل




و على الغدا الكل درى بموضوع مها و قعد يبارك لها
و باليوم التالي بلغ بوفهد خالد بالموافقة و خالد فرحته كانت ما تنوصف
و محمد مضــــــــيج من فترة الامتحانات و هو مب متعود على حكرة البيت
يبا يطلع شوي يشم هوى لكن الدراسة مانعتنه و يوم خلص
الحمدلله عدا امتحان كيميا بسهوله عليه لكن فيزيا تضايج منه لان ما حل عدل و
خصوصا ان الامتحان وايد صعب و يباله تفكير و عصار مخ
أما مهره و ميرة عدو الامتحانات كلها بسهوله الا امتحان فيزيا
و ميثة تقريبا خلصت نص اغراضها
و فصيل رجع بعد اسبوع من سفرته و ميثة متوترة حيـــــــــــل
و نتائج الثانوية العامة يوم الثلاثاء
و محمد ما صدق يخلص امتحانات سار العيـــــــــــن مع ربعه >> على فكرة أنا أموت على العين و أهلها :)
المهم نرجع لمحور قصتنا
احمد و منصور سارو اييبون كناديرهم اليداد
جاسم و حمدان يساعدون اخوهم بترتيبات الفله
على فكرة ترا بالبداية ميثة بتسكن ببيت بوفيصل مؤقتا الين ما يخلص بيتها اليديد







.........: كله منــــــــج انتي يا عيــــــــــوز النار انتي اللي وشوشتيه عليه
.........: قلعتج تستاهليـــــــــــــــن و الله و لا هو شو يبغي بوحده لسانها متبري منها
.........: إن ما خليــــــــــت حياته سوده مع حرمته اليديده ما اكووووووون شيخه
ام خالد: سوي اللي تبين تسوينه ما يهم اهم شي انه قرر بالزواج اخيرا
شيخه: بتشوفـــــــــــــين يا ام خالد تراج الا مثلهم حقوده و قلبج اسووووود
ام خالد: أنا قلبي اســــــــــــــــود و لا انتـــــــــــــي ياللي ما تستحين و لا تخيلين على ويهج
شيخه: اقـــــــــــــول قولي اللي تبين تقولينه ما يهمني و هذي اللي اسمها مها راح اخليــــــــــــها تعوووف حياتها من اليوم اللي راح تسرق فيه ريلي مني
ام خالد: قصــــــــــــــــورج تسوين فيها شي.. البنية ترا ما لها اي ذنب و يا ويل ويلج ان سويتي فيها شي و انا موجودة
شيخه: هه بنشـــــــــــوف تراج ما عرفتيني عدل
ام خالد: الا اعرفج اكثر عن نفسي بعد.. بسج يا بنت النااااااس من الحقد و ودري عنج الانانية زوجج طالع غيرج لانه مب بس يبي اييب عيال الا لانه عااافج و كره تصرفاتج اللي مالها اي داعي
دخل خالد البيت
شيخه سوت عمرها تصـــــــــــيح و سارت لخالد
شيخه: شفت شفت امك شو قاعده تسوي فيني قاعده تعايرني لاني ما اييب عيال
خالد: شيـــــــــــخة ودري تصرفات اليهال تراني مالي خلقج ياي من الشغل تعبان و ابي ارتاااااح
و عقب ودرها و راااح جناحه
و ام خالد ميته من الفرح و شيخه بتمووووت من الغيض اللي فيها
و عقب رد خالد و قال لامه: السموووحه منج امايه ما شفتج
ام خالد: ما عليك مني الغالي المهم راحتك
خالد: و لا تنسين اليوم بنروح نخطب رسمـــــــــــــــــي
شيخه: سير يعلها تكــــــــــــــووووووون ليلة سووودا ان شاء الله شووو حسبالك انت تهمني بالطقاق والله اصلا لو تاخذ عشر فوقي ما بتلاقي احسن مني
خالد طبها و قال لامه: انا بسير اريح و انام
ام خالد: و الغدا
خالد: ما مشتهي
و عقب راح خالد فوووق يرتاح
ام خالد: زين جيه سديتي نفسه عن الاكل
شيخه: انتي جب ما يخص فيني
ام خالد: جب يجبج حمار يحبج >> هالمرة كوميديه و راح تعرفون عنها اكثر خلال الاحداث الياية
و الله يعينج يا مها على حياتج اليديده
و الله يستر من الياي
نتابع الأحداث...




حمدان & جاسم ساروا بيت عمهم
جاسم: الســـــــــــلام عليج ميره
ميره: و عليكم الســـــــلام و الرحمه حياكم حياكم
حمدان: اشحالج ميرة
ميره: بخير الله يسلمك
جاسم: يالله بلاااه البيت فاضـــي
ميره: البنات راحن الصالون و ما في غيري انا و مهره بس و الشباب فوق
جاسم: عيل اذا ما عليج امارة سيري نادي أحمد و محمد
ميرة: ان شاء الله
و عقب ما نادتهم نزل محمد و هو يتثاوب و معاه أحمد
أحمد: السلام عليكم
جاسم & حمدان: و عليكم السلام
محمد بعده يتثاوب
حمدان: اللحين المغرب شله تتثاوب استهدى
محمد: يابوك قايم من الصبح اكرف
أحمد: هههه أمي اليوم ما رحمته
جاسم: عيل النتائج متى
محمد: الثلاثا
حمدان: الله يستر من نتيجتك
محمد: هيه و الله
حمدان: قدمت اوراقك البارحه على الجوية و لا بعدك
محمد: هيه البارحة بس الله يستر من نتيجة هالامتحانات
حمدان: لا ان شاء الله خير
جاسم: يـــــلا يا جماعة خلونا نروح اللحين ما عندنا وقت
حمدان: اللحين انا و محمد بنتريا أثاث الصالة الين ما ييبونه و راح نشرف عليهم
أحمد: و انا و جاسم بنروح نشوف اذا وصلت أغراض المطبخ و لا بعدها
محمد: بعد اخوكم خقاق شله اييب أغراض المطبخ من ايطاليا ما عنده سالفه و الله
أحمد: هههه هو عليه المخاسير نحن ما يخصنا
جاسم: و إلين عاد ما يسكنون بالبيت اليديد يباله شهرين زيادة
و تمو عقب يسولفون شويه و كل واحد راح مع الثاني يكملون اشغالهم






و عقب ربع ساعه من روحة الشباب وصلن البنات البيت
من بعد ما كانن بالصالون و عقب راحوا المول يكملون باقي الاغراض
و عاد هن بسرعه طلعن على غرفة ميثة و قامت كل وحده فيهن تبطل شعرها
ميثة قصت شعرها نفس قصة الفرولة و كانت طالع عليها حلوو
و مها ما خلوها تسوي شي بشعرها قالولها يوم بيقرب عرسج قصيه مب اللحين
و ظبية صبغت شعرها بلون بني غــــامج مثل اللمعه على شكل خصل
فطالعه صج كيــــــــــــــووووت و كان منظرها يجذب الواحد
أما منال ما طاعت تقص شعرها موووول لان شعرها طويل
بس سوت ترطيب لبشرتها و نورة مثلها
مها: لاااااااا بصراحه ما نقدر علـــــــــــــــيج يا ظبية شووو هالجمال
ظبية: هههه عن المبالغة بصدق عمري عقب
منال: لا و الله وايد حلوة ما شاء الله عليج
مها: يــــــــــلااا ميثة نبغي نشوووف شعرج
ميثة: هههه اخاف تزيعون و لا ترقدون الليل
البنات تمن يحتشرن عليها الا تفتح
ميثة: اوكي اوكي ههههه كلتوني
و بطلت شعرها
منال: خبـــــــــــــــــــــال عليج جناااااان
ظبيـة: تبـــــــــــــارك الرحمن
نورة: يحمد ربه فيصل دام بيظويج
مها: يا ســـــــــــلااام عليــــــــج جميلة عيل بليلة العرس كيف بتكونين
ميثة غطت ويهها بيدها: بـــــــس دخيلكم و الله استحي
ميره و مهره دخلن عليهم
ميره: يالله ما تنغلبن يا ظبية و ميثة كشيـــــــــــــــــخاااااااات
مهره: خصة ظبية طالعه كيووووت
و تمن عقب يسولفن عن تخطيطات العرس و غيره





سارة اتصلت على ناصر
ناصر: الو
سارة: انت وينك عن تلفونك من متى و انا قاعدة اتصلك
ناصر: سوري حبيبتي نسيته بالسيارة
سارة: انزين قولي شو سويت
ناصر: ابشرج ان البيت باسمي
سارة: صــــــــــــــــــــج ريحتني الله يريحك
ناصر: افا عليج حبيبتي انا كم سارة عندي
سارة بدلع: وحده و اللي هي انا
ناصر: انزين غناتي فكرتي بالموضوع
سارة: و بعدين وياك ناصر قلتلك اجل هالموضوع عقب
ناصر: بس انا ابيج
سارة: لاحقين على الزواج إلين ما نكوش على حلال ام ريم
ناصر: لا تشيلين هم ابتسام تراها تمووووت فيني و مستعده تعطيني الحلال كله بس انتي صبري علي
سارة: طمنتني زود حبيبي
ناصر: انزين اقول
سارة: قول
ناصر: اليوم انا بيــــــيج الشقه
سارة: لاااا تحمل اتيني اليوم ترا ريم بتكون موجودة عندي
ناصر: اوووهوووو انتي هذي متى بتفتكين منها
سارة: لا ما اقدر ابعدها عني لازم استغلها
ناصر: ما تنغلبين
سارة: هههههههههههه شفت عاد







أم فهد دخلت على البنات
ام فهد: يــــــــلااااا بنات ما باقي الا ساعة تجهزوا
مها: ليش
ام فهد: اشوو بعد ليــــــــــش خالد اليوم بيتقدملج رسمي و انتي ظبية يلا مسكي بنت عمج و سيري عدليها بسرعه
ظبية ابتسمت: افا علــــــــــــــــيج ما طلبتي شي يالغالية و انتي يلااا جدامي
مها: ليش
ظبية: لا البنية مب على بعضها
الكل: ههههههههههههه
ام فهد: المهم لا تضيعون وقت و حاولوا تخلصو اموركم بسرعه
ظبية مسكت مها و راحت تساعدها بالميك اب و باللبس
و باقي البنات تجهزو و خلصوا خلال نص ساعه الا مها بعدها ما خلصت
راحت منال و ميثة لهم
منال: هاه ما خلصتووو
ظبية: هذي اختج مب راضية تلبس هالفستان
ميثة: وايد ناعم هالفستان الذهبي لبسيه بيطلع عليج طررررر
مها: بس انا مب متعوده
ظبية: لا يا حبيبتي من اليوم و رايح راااح تلبسين هالاشياء
مها: اوكي بروح غرفة تبديل الملابس و انتو انتظروني هني بتحكمون عليه
طبعا مها كانت مسوية حركات بسيطة بشعرها و الباقي خلته مفتووووح
و الميك اب كان خفيف على عيونها
و لما طلعت لهم بالفستان
منال صفرت باعجاااااااااااااااب: مســــــــــــــــــــتحيل انتي مهاااااااااااااا
ميثة راحت و حضنت اختها: و الله و صرتي عرووووووس
ظبية: اصلاااا لو شافج خالد اليوم بيقول اليوم بيروح المحكمة يعقد القران فيج
مها: خل عنكم الكلاااام و قولولي الصج انا حلوة و لا اخرع
منال: الا قـــــــــــــــمر و تهبلين
ظبية: للأمانة انتو بنات عمي عبيد بصراحه ما ادري من وين لكم هالجمال المميز ( لا يروح بالكم بعيد و تحسبونهم ملكات جمال )
مها ابتسمت لها: تسلمين حبيبتي
و عقب دخلت جودي و يابت الدخون و قعدو البنات يدخنن بعض





الشباب يوو و ساروا على طووووول ياخذولهم شور و تلبسوا و عقب على طووول
ساروا الميلس يتريون خالد و أمه
و طبعا قوم بوفيصل بعد عزمهم بوفهد عسب الكل يشارك بالفرحة
ام فيصل دخلت الفلة و سارت سلمت على الكل
و مدحت مدح بجمال ميثة حتى ان ميثة تمت مستحيه منها طووول الوقت
و الشغالات كانن سايرات و رادات و منصور يخرب عليهن شغلهن
إلين ماياه ابووه و شله معااه الميلس
و بعد نص ساعة وصلو قوم خالد
و بدى شعل الترحيب و الاستقبال و الكل كان مستانس فذاك اليوم
كل البنات سلمن على ام خالد
الا مها اللي بعدها ما نزلت
ام فهد: يا حيالله من يانا نورتينا الغالية تفضلي استريحي البيت بيتج
ام خالد: ما تقصرين فديتج
ام فيصل: ظبية روحي نادي العروس
ظبية: ان شاء الله خالووه
ام خالد تمسك القهوة اللي مدتها اياها ام فهد
ام فهد: شخبارج بعد يا ام خالد
ام خالد: بخير يعلج الخير ما شاء الله بيتج مليان مب عحظي الردي بيتي انا فاضي
ام فهد: هههه هذي ظبية و نورة بناتي اما الباقيات فديتهن بنات عمهن
ام خالد: الله يحفظكن يميع ان شاء الله
ام فيصل: آمين ان شاء الله
ام خالد: الا ما شاء الله انا سمعت ان عندكم عرس بالجمعه هذي
ام فهد: هي الغالية عرس ميثة اللي قاعدة هناكي ( اشرت على ميثة ) و هذي اختي ام فيصل ام المعرس
ام خالد: مبروك حبيبتي و الله يوفقكم يا بنتي
ميثة: الله يبارك فيج خالتي و تسلمين الغالية على هالدعوه الحلوة
ام خالد: يالله وين العروووس ليكون نايمة و نست ان اليوم خطبتها
الكل: ههههههههههههههههه
منال: ما عليه خالتي هي شوي تستحي و راحت ظبية تنزلها
و عقب دقيقة نزلت مها بفستانها الخفيف الذهبي
مها: الســــــــلام عليكم
ام خالد قامت لها: و عليكم السلاااام يا هــــــــــــلاااا و الله
مها راحت تقربت زود من اللي بتصير عمتها و حبتها على راسها
ام خالد: يالله شو هالزين اللي بيظوي عليها ولدي بسم الله عليج ما شاء الله
مها استحت و عقب قالت لها ام خالد: تعالي قعدي حذالي
قعدت مها حذالها و قالت لها عمتها: شخبارج مها عساج بخير
مها: الحمدلله أحوالي تسرج عمووه
منال تحرك حواجبها لمها و تهمس لميثة: شكلها البنية مستعيلة على الزواج من اليوم تناديها عموووه
ميثة: هههه شفتي عاد بصراحه ام خالد تنحب بسرعه
ام خالد: مثل ما تدرين يا مها ولدي متزوج و انتي وافقتي عليه و هو بصراحه شاريج و يبيج و مب مستعد يتخلى عنج
ظبية تكلم نورة: هههه شوفي مها كيف مستحية
نورة: هههه من قدها اليوم
ام خالد تكمل رمستها: و هو بصراحه ما بيلاقي اللي احسن منج جمال و اخلاق مكملة و الكامل الله
ام فهد: و نحن لنا الفخر بربط النسب فيكم
ام خالد: تسلمين فديتج
ام فيصل: ما ازيدج قهوة يا ام خالد
ام خالد: لا الغالية مشكورة بمد ايدي على هالعنب الطيب و بسي
و عقب تموا يسولفون و يضحكون و مها ارتاحت لعمتها حيل
و عقب دخل محمد تحمحم و سارت له امه
محمد: لازم مها اللحين تشوف خالد النظرة الشرعية
ام فهد: يالله ما عليه بدخلها الميلس الصغير و خله ايي من الباب الخارجي
محمد: اوكي ما عليه
و عقب سارت ام خالد و مها و ام فهد و ام فيصل للميلس الصغير
و دخل خالد على مها و هي عاد كانت لابسة عباتها و شيلتها لان حرام تطلع له بزينتها
خالد : السلام عليكم
مها بصوت يكاد ان الواحد يسمعه: و عليكم السلام
مها ودها الارض تنشق و تبلعها صج استحت من الخاطر
و رفعت راسها اخيرا بتشوفه و لما شافته حسته
هيبة من الخاطر و طويل وايد
و غير هذا كله تحدد العرس بعد شهر و نص تقريبا
و الملجة بعد اسبوعين
و لعلمكم ان مها عمرها 25 و خالد 34 سنة يعني فرق تسع سنين






عقب ساعه روحوا قوم خالد و فالسيارة
ام خالد ما وقفت مدح بمها و خالد هايم فيها
و هي محتله كل قلبه
ام خالد: و لا جمالها هذا خله على صـــــــــــووووب إلا شــــوف أخلاقها ما شاء الله عليها
خالد: عيل معذور قلبي يوم اختارها
ام خالد: الله يوفقك معاها يا رب و هي بصراحة اخلاقها عالية و حسها ناعم مب مثل اللي عندك بالبيت
خالد: ههههه لا حرام عليج لا تطرينها بالسوء
ام خالد: عيل تسير تقول للخدامة تحرق عباتي هذي وين عقلها
خالد: ما عليـــــــــــج منها و انتي عندج بدل العباية اكثر عن وحده
ام خالد: ايه الله يعينا على حسها يوم بنرجع البيت
خالد: انا بوديج البيت و عقب بسير
ام خالد: يالله بالستر وين بتروووح
خالد: عندي شغل
ام خالد: يالله ترحمنا برحمتك يا رب و ليش ما تأجل شغلك لبعدين
خالد: ما اقدر يا اماية عقب بيتراكم عليه و انا اللي عقب ببتلش
و بعد ما وصلت ام خالد البيت
استغربت ما شافت شيخة موجودة بالصالة
شيخه من وراها: هاااااااااااه ييتي
ام خالد زاغت: بسم الله الرحمن الرحيم اللهم سكنهم في مساكنهم انتي من وين طلعتي
شيخة: كنت وراج يالعمية
ام خالد حرجت: عمى بعيـــــــــــــــــنج بلى قووووووووولي آمين >> حدها عجيبة هالمرة تعطي كاش بالويه
شيخة: اقوووووووووول
ام خالد: لا تقوليـــــــــــن و لا تبربرين.. بل مب مرة الا حمارة القايلة
شيخة: اذا انا حمارة القايلة فانتي ام السعف و الليف انزين ترا محد احسن عن حد ( لا تستغربون من ردها فيه حريم اشد منها ) نكمل الاحداث
ام خالد: تفوووو عليــــــــــج يالمقرودة حمدي ربج ولدي صابر عليج و الله لولاه كنت بشوووتج برى البيت
شيخة: تخسين الا انتي
ام خالد: افففففففففف الكلام معاج ضايع و انتي بروحج ضايعه وخري عن طريجي وخري
شيخة: هــــــــــي وين رايحه خبريني شصار عسى الجماعة بس رفضوكم و ليش فهد ما يرد على تلفوناتي
ام خالد: انا ما اعرف شي سإلي ريلج عقب
و تركتها عقب ام خالد و سارتن غرفتها ترتاح من لسان شيخة
شيخه صارخت على ام خالد اللي ركبت الاصانصير و قالت: بتشـــــــــــــوووووفين يا ام خالد ان ما خليت حياة ولدج سوووده ما اطلع بنت امـــــــــي

ღღالجـــــــــــــــزء الثـــــــــــاني عشـــــــر ღღ




فاليوم الحاسم (يوم الثلاثاء) هو يوم نتائج الثانوية العامة
ريم كانت قاعدة بالبيت مع زوجة ابوها شوي و بتموت من
كثر ما تريت نتيجتها
بوريم دخل البيت: هاه بشري
ريم: ما ادري ما ادري خليت سارة تشوفها لي على النت و هي بتبلغني
بو ريم: و شعنه ما اطلعينها انتي
ريم: يا بوي انا بروحي اخاف من جيه خليت سارة
بو ريم: يلاااا عيل اتصلي لها خلها تبشرنا
ريم: لا لا يوم هي بطلعها بروحها بتتصل
نورما حطت العصير و الكيك على الطاولة
و عقب رن التلفون
ريم راحت ركض لفونها: الــــــــــــــــــــــــووووو هاه بشري
سارة: يالجـــــــــــــذابة و تقولين بترسبين بعد
ريم: انزين قوووووووولي جم و الله بموت من الخوف يلااا عاد
ساره: هههه مبـــــــــــــــــــرووووك يبتي 83.4%
ريم تشققت: بذمــــــــــــــــــــــــــــــــــــــتج
سارة: هي و الله و اذا مب مصدقتني طالعي بالنت
ريم صاااااااااااارخت و بندت عن سارة و على طول شافت جدامها نورما و حظنتهااااااا
ريم: باركووووووووووووولي باركوووووووولي
بو ريم: هـــــــــــــاه قولي جم
ريم دمعت من الفرحه: اول مرة بحياتي اييب نسبة مرتفعه مثل هالنسبة
بو ريم استانس: ايه يعنـــــــــــــــي جم
ريم: 83.4%
بو ريم: معقـــــــــــــــــــــــوووولة
ريم: معقولة و نص
بو ريم: لج مني اللـــــــــــــي تبينه اطلبي بس انتي
ريم: يـــــــا ســــــلاااااام اول مرة اذاكر من الخاطر جيه و الحمدلله ما راح تعبي ببلاش
بو ريم: نورما ابنتي حصلت على على نسبة 83.4%
نورما: مبروك آنسة ريم تستحقين النجاح عزيزتي
ريم: شكرا لك نورما يلاااااا أنا طالعه
بو ريم: وين
ريم: برووووووح عند سارة احتفل و ببشر العالم كله بنسبتي
بو ريم: روحي بس لا تتاخرين
و عقب طلعت ريم
و تم بو ريم مع نورما ياكلون كيك و يشربون عصير
نورما: اشكرك على تغيير معاملتك لها للاحسن هكذا اريدك دائما
بو ريم: اني احبك و لهذا نفذت لك ما تريدين
نورما: لكن الا تعتقد ان حريتها تتعدى الحدود
بوريم: ماذا اصبحت تغارين منها
نورما: لا اقصد ذلك لكن بعد اعتناقي للاسلام وجدت ان سماحة الدين الاسلامي اعطى للمرأة حقوقها لكنني لا
أرى أن ريم تلتزم بحقوقها بل هي تتعداها
بو ريم: دعيها تفعل ما يحلو لها فأنا لا اريد ان اضغط عليها.. لم تخبرينني متى تبدأ دورتك اليوم
نورما: سأذهب للدورة في الساعة الخامسة عصرا
بو ريم: هل تريدينني ان اسجلك بدورات اسلامية غير هذه
نورما: لا عزيزي بل الافضل ان اركز على هذه الدورة فقط كي لا يتوشوش ذهني
بوريم: انا فعلا فخور بك نورما






فبيت بوفهد الكل معتفس
و الكل نشيط و الكل مفعم بالحيوية
و الكل ينتظر تحديد المصير
و مهره و ميره و محمد على اعصابهم
و عقب يدخل البيــــــــــت أحمد
و على طوووووووول محمد راح له: هااااااااااااااه شوووووو
أحمد: 66%
محمد قلبه طاح فبطنه: خل عنــــــــــــــــــــــــك
أحمد: ههههههههههههه شكلك و الله تحفة و انت خايف
محمد: قووووووووووووول يلاااااا خلصني بروووحي على اعصابي
و بعدين الكل يا صوب أحمد
و بدا الازعاج و بدا الكل يحتشر على أحمد
أم فهد: أحمد قول دخيلك و ريحنا
أحمد: محمد إنت يبت 87.3% مبـــــــــــــــــــــــرووووووووك الغالي
محمد اول ما سمع هالنسبة طار من الفرح
و امه على طول يت و حضنتــــــــــــــــه
و الكل يا صوبه و تم يباركله
و عقب دخل حمدان و هو متشقق من الوناسه
حمدان: اشحالكـــــــــــــــم يا جماعة
ام فهد بوناسة: كلنا بخير و فرحانين و مبسوووووووطين
حمدان: احم احم بما اني كنت واثق من شطارة محمد حققت حلمه و شريتله السيارة اللي كان يحلم فيها
محمد: لااااااااااااااااا تقوووووووووووووووووول
حمدان: هههه و الله ما اتمصخر و عقب ناوله حمدان صندوق صغير
و يوم فتحه محمد شاف فيه سويج سيارته اليديده
محمد طيران طلع بــــــــــــــــرع للسيارة
و استانس حيل عليها
و طبعا اكيد اكيد اكيد حاوط فيها و طبعا بوجود منصور اللي ما يتفجج
مول عن محمد
و بعد نص ساعة وصل ابوه و باركله
محمد: ابووووووووي ابووووي باركلي
بوفهد: هههه و الله وسويتها يا محمد و يبتها النسبة اللي ترفع الراس
يا محمد لابوه و حبه على راسه: تراني محمد سلطان قدها و قدوووووود بعد
بوفهد: هاه بتخبر الجماعة عن المفاجأة و لا انا اقول
محمد: لا خلاص انته قول
بوفهد: البارحة بالليل ياني محمد و قال ان خلاص ما يبغي الجوية و ان هو يبغي يرووح يكمل دراسته بالخارج و سفرته راح تكون بعد شهرين و نص اذا ما تغير شي بيروح على امريكا ان شاء الله
ام فهد حست بالفخر بولدها و حتى انها صاحت و تاثرت حيل
و البقية تمو يسولفون مع محمد و يسالونه عن قراره
ظبية نزلت لهم
ظبية: طيـــــــــــــب يا جماعه و انا توني شفت نتائج البنات
ميره صاحت حتى قبل ما تسمع نتيجتها من الخوف و مهره ماسكة اعصابها
ظبية ابتسمت لميرة و قالت: ميرة يابت 90% و عقب لفت على مهره و قالت: و مهره بنسبة 93.1%
ميره شهقت و وقفت مستانسة: مســـــــــــــــــــتحيل
مهره بعد صاحت من الفرحه و كانت مب عارفة كيف ترد عليهم و هم قاعدين يباركولها
و صج صج فهذي اللحظة الكل بدى يرتبش
و الكل يهني الثاني و غير هذا كله
ام فيصل و بو فيصل يو لعندهم
يباركوا للكل و محمد و تلفونه ما وقف مووول
و ام فهد مستانسة حيل بهاليوووم
و نورة تمت شوي مضايجه لان اخوها عقب بيسافر
و هي ما تستغنى عنه و عن لسانه الطويل
فهد و فيصل و جاسم يو و كملوا الفرحة و تم الكل مستانس و قررت العائلتين
فهاليوم يسيرون المزرعة اللي بالذيد بيقضون وقتهم هناك
و غير هذا كله بوفهد قال لفهد يتصل لخالد و يعزمه








شيخة: اقــــــــولك اللحـــــــين تعال خذني من هنــــــــي
.......: استهدي بالله هذا زوجــــــــــج ما يصير تطلعين من البيت من غير شوره
شيخه: سعيد و الله اذا ما ييتني اللحين راح ايي بتاكســــــــــــــي
سعيد: لا حول لله انزين انزين اللحــــيـــــــن بييج
شيخه: يلا لا تتاخر ترا لاعت جبدي منهم و عقب سكرت عنه
( تذكرونه سعيد و لا بعدكم >> ترا هو نفسه اللي خطب ظبية و عقب مها )
ام خالد تطالع التلفزيون و تاكل مكسرات: و أخيـــــــــــــراا بنقدر نتنفس فهالبيت
شيخه: شقصدج يعني
ام خالد: قصــــــــــدي واضح
شيخة: كرميني بسكوتج احسن لا اشـــــــــــب بويهج فاهمه و لا لااااء
ام خالد سوت لها مالت: ترا اللــــــــــي ما تطوولينه بلسانج طوليه بايدج
شيخه: مالت عليـــــــــــــــج و على شكلج لكن هين بتندمين و بتشوفين
ام خالد: اوووه تراااج صدعتي رااســـــي يــــــلااا متى بتفكينا و تروحين لامج النســــــــــــرة
شيخه شهقت: أنـــــــــــــــا أمي نســـــــــــــــــــــــــــــرة
ام خالد: و انتـــــــــي مثلها بعد
نزل خالد لهم
خالد: خير بلاااه صوتكم واصــــــــل لنهاية العالم عنبو الواحد ما يرتاح ببيته
ام خالد: هذي ام السان من قلتها عن سيرتنا للمزرعة زعلت و مدت البوز شبرين و اتصلت على اخوها سعيد ايي ياخذها
خالد: و انتي سعيد دايما تورطينه معااااااااج كفاية عاد عذبتي الريال.. و بعدين اذا تسيرين لامج تردين البيت الساعة تسع
شيخه: اشــــــــــــــــــــــووو الساعة تسع انا اصلا مب راااادة
خالد: و الله اذا ما شفتج بالبيت بييـــــــــــج و بمطج من شعرج و بروحي بييبج
شيخه: اشوفها قامت و اشمخت يا خالد و لا من خطبت خلاص مالي قيمة عندك و قمت تصرخ علي جدام اللي يسوى و اللي ما يسوى
ام خالد طبتها و قالت لولدها: خالد خلاااص خلها تولي و تروح عند امها اسبوع
خالد: لااا انا قلت اليوم ترد و على الساعة تسع تكون موجودة بالبيت
و عقب رن الجرس و على طووووول شيخة لبست شيلتها و عبايتها و سارت لسعيد
ام خالد تنهدت: الله يعينه سعيد على امه و على اخته ما توفق بحياته ما اقول الا الله ييسرله كل اموره ان شاء الله
خالد يلس عند امه: هيه و الله صدقتي سعيد ريال و النعم فيه و ما يستاهل الا كل خير






في بيت سعيد:-
أم سعيد: اشــــــــــــــــــــوووو و انتي كيف تسمحيلها تسبج و انتي ساكته عنها
شيخة: و انا اقدر اصلاااا اسكتها عيوووزز النار هذي كل ما قلت لها شي نطلي خالد بويهي
سعيد: من فعايلج جيه يستويلج محد قالج ما تصونين بيتج
شيخة: و انا شو ذنبي يعني بس لاني ما اييب عيال
سعيد: خالد صبر عليج سبع سنين و ما خلى علاج ويااااج ما سواه بس ما نفع و هو مستعد يتحمل اكثر لكن سلوكياتج و تصرفاتج تنرفزه وخلته يطالع غيرج
ام سعيد: و انت دومك بصف خالد عنبو هذي اختك و انت سندها المفروض توقف معاها و تمنع زوجها من انه يتزوج عليها
سعيد: من حقه الريال يتزوج اربع اذا زوجته ما صانته و بنتج ما صانته مووول و دوم لسانها متبري منها من جيه الريال عافها
شيخة تصارخ: لو يبغـــــــــــي يتزوج برااااايه نفاااد ما يهمني اصلا هو ما يبيني من البداية لأني ما املك الجمال و ما اييب عيال
سعيد: غلطانه يا شيخه تراج ما عرفتي خالد عدل هو ما طالع الجمال و لا طالع العيال كثر ما يطالع اخلاق الوحده لو كنت خلوقة و محافظة على بيتج كان بيصوونج لانه بيحترمج مثل ما احترمتيه لكن للاسف انتي ضيعتي زوجج بسبب استهتارج
ام سعيد: بيشوووف خالد ان ما عاش حياته سوده مع مرته اليديده ما اكون انا ام سعيد
سعيد: كفايه عااااااااد الريال حر باللي يبي يسويه انتو ما لكم خص
ام سعيد صدت على شيخه: الا تعالــــــــــي انتي ما خبرتيني منو هذي النحيسة اللـــــــي بياخذها
شيخة: وحده اسمها مــــــها
ام سعيد: مها شوو
شيخه: اعتقد اسمها مها عبيد علي هذا اللي سمعته من ام خالد
سعيد لف على شيخه: جــــــــــــــــذابة
شيخه: شووو جذابه انا ما جذبت
ام سعيد: بذمتج مها عبيد ماغيرها بنت هالخماري
شيخه عقدت حياتها: و انتي تعرفينها
ام سعيد: يا الفالحة هذي اللي كانت زوجة اخوج و طلقها عقب شهرين و انتي كنتي مسافرة مع ريلج للعلاج
شيخه شهقت: و اللـــــــــــــــــــــــــــــــه
سعيد طلع البيت بسرعه تفاجأ يوم درى ان مها هي نفسها اللي كانت طليقته
شيخه: حسبي الله عليهاااااااااا من سراااقة الرياييل اول حومت على اخوي و اللحين ريلي ما عليه ان ما راويتها الخايسه
ام سعيد: خيبة تخيبها انا اقووول عاد ريلج ما لقى الا هذي
شيخه: انا لااااااازم اتصل لخالد اللحين و ابلغه انها كانت زوجة اخوي من قبل
ام سعيد: و يا حظي شو تتريين يلاااا اتصلي
شيخة مسكت فونها
و اتصلت على ريلها
خالد: الو.. هلا شيخه
شيخه: هلااااا خالد
خالد: شو نسيتي شي
شيخه: لااا بس حبيت اتأكد من شي و عقب اطالعت امها
خالد: تتأكدين من شوو
شيخه: تدري ان خطيبتك المصونه كانت مطلقه
خالد: هيه ادري لانهم خبروني يوم رحت خطبتها
شيخه: شووووو تدري انها مطلقه و تبي تاخذها ينيت انته
خالد: و شو فيها يعني مطلقة تراها الا ملجت و عقب شهرين تطلقت
شيخه: و عاد انت ما شفت الا طليقة اخــــــــــــــووووي
خالد: شووووووووووو اي طليقة انتي بعد
شيخه رفعت واحد من حياتها: مها عبيد علي مب هي خطيبتك
خالد: امبلااا هي
شيخه: هذي اخوي طلقها عقب شهرين تعرف ليـــــــــــــــــــــــــش
خالد: معقوله تصادف انها تكون طليقة اخوج انا ما اصدقج
شيخه ببرود: تبي تتاكد عند سعيد اتصل له و اتأكد منه
خالد سكر بويهها
و اتصل على سعيد مرة و مرتين و ثلاث و فالرابعة رد عليه سعيد
سعيد: مرحبا خالد
خالد دخل بالموضوع بسرعه: سعيد انت شو اسم طليقتك
سعيد عرف ان شيخه اكيد خبرته: هذي شيخه قالتلك صح
خالد تنهد: هيه
سعيد: اسمعني خالد بقولك شي ترا مها انا تزوجتها لان الوالده اختارتها لي من عقب ما خطبت البنية اللي كنت احبها و رفضوني اهلها و عاد امي اختارت مها لي عسب انسى البنت اللي كنت احبها و انا قلت مدام انها تزوجت خلاص برضى بأي وحده تخطبها لي أمي و عقب ما خطبتها تمت الملجة بعد اسبوع و تمينا شهرين مالجين على بعض بس عقب تطلقنا
خالد: و شو السبب
سعيد: صارت سالفة لخوات مها محاولة اعتداء
خالد: انت شـــــــــــــــــو تقول
سعيد: لحظة اسمعني انت بالاول
خالد: اسمعك قول
سعيد: خواتها ما تعرضن بشكل فعلي للاعتداء لاااا هن الحمدلله ما صابهن من هالشي مووول و عقب انتشرت سالفة خواتها بمنطقتنا و امي تأثرت بكلام الناس و خلتني اطلق مها و لا ما بترضى علي و عقب انا طلقتها و لما شفت ان امي هدت قلت بحاول ارجع مها لانها خلوقه ما شاء الله عليها و امي وافقت بس قالتلي اذا تزوجتها لا تسكنها ببيتي اسكنو ببيت بروحكم و رحت بعد اسبوع ارد اطلب ايد مها بس ما وافقت و انا رضيت عادي
خالد: شو اللي خلاك تخطبها مرة ثانية و انت اصلا ما تحبها مثلا ما تحب الاولى
سعيد: و الله شو اقولك يا خالد انا خطبتها لانها بنية حبوبة و متفهمه و قلت يمكن تنسيني اللي انا كنت احبها خالد ممكن اقولك شي
خالد: تفضل
سعيد: لا تهون عن مها تراها و الله بنت اصوووول و انا متاكد انها راح تناسبك لانكم تقريبا مثل الشي و لا يغرك كلام غيرك تزوجها و توكل على الله و الله يكتبلكم السعاده ان شاء الله
خالد: و الله ريحتني الله يكثر من امثالك يا سعيد لو واحد ثاني ما كان بيطمني جيه
سعيد: انت تستاهل كل خير الا تعال يدت قوم مها متوفية و اذا انت تزوجت مها منو بيكون مسؤول عن البنات
خالد: عمهم
سعيد استغرب: عمهم.. بس عمهم بعيد عنهم ما يعرف عنهم شي
خالد: لا من عقب وفاة يدتهم عمهم سلطان الــ.....ـي سكنهم ببيته
سعيد انصـــــــــــــــــــدم
خالد: بلاااك سكتت
سعيد: سلطان شووو
خالد: سلطان فهد الــ...ـي
رد الجرح لسعيد مرة ثانية و حس بغصة بقلبه
خالد: بسم الله شووو فيك سعيد
سعيد وقف سيارته على صوب: سلطان فهد هو ابو البنية اللي انا كنت احبهااااا
خالد: مــــــــــا اصدق
سعيد يرمس بقهر: منعوو عني اللي حبيتها عني تدري ليييييييش لاني ولد فقــــــــــــــــر و الله حرام عليهم زوجوها لواحد هي ما تحبه و حرموها منـــــــــي و الله اني مب مستوعب اللي يصير اللحين مها تطلع بنت عم ظبية أأخ بس على قسوة و ظلم هالناااااااس
خالد: اذكر ربك يا سعيد اذكر ربك
سعيد مسح ويهه بيده: لا إلـــــه إلا الله يلااا انا بخليك اللحين
خالد: فداعة الرحمن
و عقب بند سعيد عن خالد و رد البيت و على طووول سار حجرته و هو متضايج
و يتذكر ظبية و يتذكر كيف كان يحبها و تذكر اهانه بو فهد له







ام سعيد اتصلت على بيت قوم خالد تبا تكلمه
ام خالد ردت: الو
ام سعيد: وين خالد
ام خالد: وع هذا انتــــــــــــي يا القبسه
ام سعيد: و الله محد قبسه غيرج انتي و ولدج وينه ساااااار هذا و شله ما يرد على مبايله
ام خالد: هـــــــــــــــــــــي انتي لزمي حدودج و لا ترفعين صوتج تراني اسمعج و بعدين شو تبين بولدي يا عيووووووز خـــــــــــــــيبر
ام سعيد: انتي بتسكتين عني و لا شوووووو تراني وايد عاطتنج ويه
ام خالد: من حلات ويهج اللحين
ام سعيد: انتي تراااج عله و بعدين ويااااااااااااج
شيخه: اوووووووه يا اماايه ترااااج اذيتيناااا انتي و هي سكري بويهها و خلااااااااص
ام خالد سمعت شيخه يوم قالت جيه فعلى طوووول سكرت السماعه قبل ام سعيد عسب ما تتقفط و تقفط ام سعيد
ام سعيد: ايا بنت الذين سكــــــــــــرت بويهي يعلها الماااااااااااحي
شيخه: انتن الثنتين من تجتمعووووون تقوم حرب البسووووس

دخل خالد بيته
خالد: السلام عليكم
ام خالد: هلا هلا بوليدي هلااا
خالد: اشوفج مستانسة اليوم
ام خالد: و كيف ما استانس و اليوم بشوف مرة وليدي
خالد: هههه يعل هالفرحه دوووم ان شاء الله
ام خالد: لا يكون رديت على عيوز خيبر
خالد عقد حياته مستغرب: اي عيوز خيبر
ام خالد حاست بوزها: منوو غيرها ام سعيد
خالد: بصراحه شفتها يوم اتصلتلي بس ما رديت ما فيني على ويع الراس انا برووح انام الين العصر
ام خالد: و لا تقول بعد هالمرة ما تبي تتغدى
خالد: هيه و الله ما لي نفس بالاكل خلاص بروح انام و عقب وعيني يوم بياذن العصر و بعدين على طول بنروح المزرعة
ام خالد: سير الغالي نوم العوافي ان شاء الله




قررت العايلة تروح مزعة قوم بوفيصل لانها اوسع و احلى
و الكل من بعد الغدى ارتبش يرتب شؤونه
و في غرفة ميثة و منال:
ميثة: نعم حبيبتي نعم عيدي ما سمعت
نورة: قلتلج ما تسيريــــــــــــــــن
منال: لا لالالا شو ما تسير انا ما استغنى عنها
نورة: بس ما يصير عقب بيشوفها فيصل
ميثة: و يعني..
نورة: يعني المفروض يا حلوة ما يشوفج الا يوم العرس فهمتي
ميثة: روووووحــــــــــــــــــــي زين انا بسير استانس و انتي تبيني احبس عمري هني بالبيت لا و الله ما تميت
منال: الا تعالوا متى بنسير اللحين استوت الساعة 2:45
نورة: ما ادري و الله
منال: انا بنزل تحت بسال حد منهم و برد لكم بخبر
و عقب نزلت منال تحت
و ما شافت حد فسارت برع صوب الحديقة بعد ما شافتهم فاستغربت لكنها شافت منصور يلعب بدراجته
منال اشرت لمنصور يوقف
منصور: شو تبين
منال: و ين الشباب راااحو
منصور: كلهم طلعوا
منال: محد تم
منصور: بس حمدان هناكي صوب المريحانه >> اليوم حمدان كان متغدي عندهم
منال صدت و شافته
و راحت عقب له هي و منصور
و هو يوم شافها بند التلفون بسررررعه
منال بنص عين: بلاااك سكرت التلفووون
حمدان: كلمت الريال و خلصت بعد شو ابا فيه
منال: ريال و لا بنية
حمدان: شو تقولين انتي
منال: عطني فونك بشوووووووف
حمدان حرج: و انتي شو يخصج انا امي ما سويلي هالحركات الماصخه تبيني اعطيج الفون انتي
منال: و تقولي انتي و كأني بنت الييران
حمدان: لا تكبرين السالفة و هي ما تسوى
منال: انا ما كبرت السالفة انت اللي قاعد تتهرب
حمدان: تراااج وايد شكاكه
منال: تعرف شووووو.. زووووووووووووووووووول عن ويهي
حمدان: انا ما بتحرك من مكاني تبين انتي زووووووولي عن ويهي
راحت عنه منااااال و هي محرجه و ماسكة دموووعها بالقوو و حمدان ما سوالها سالفة لان يكره حد يشك فيه او حد يستفزه
و اول ما وصلت الغرفة صاااااااااااااااحت
ميثة و نورة سارن لها
ميثة: منااااال منووووول حبيبتي شووو فيج بسم الله شصاير قووولي
نورة: لا يكون تواجعتي مع حمدان
منال بانفعال: اكــــــــــــــــــــــــــرهه النذل الخاااااااااااااااايس الخااااااااااااام لا تطرين اسمه جداااااااامي
نورة: يعني السالفة فيها حمدان
ميثة: و اصلا هم متى اجتمعو على خير كله الله يهديهم يتواجعون
نورة: انزين منال حبيبتي شصار هالمره شو سوالج
منال: لما سرت له شفته يكلم حد بفونه و لما شافني بنده بسرعه و ييت انا سالته منووو قالي واحد انا ما صدقته قلتله هذي اكيد وحده مب واحد و لا ما كنت بتسكر عنه لما شفتني و عقب تمينا نتواجع و اخر شي قلتله زووول و هو غيض فيني و قالي زولي انتي جان تبين انا مب متحرك من مكاني و الله كرررررررررررررررررررررهته بذيج اللحظة و تمت عقب تصيح
ميثة: خلاااص حبيبتي يمكن صار سوء تفاهم بينج و بينه و عقب ان شاء الله بتتصلح الامور ما عليج انتي
نورة: و محد يسوى دمعه من دمووعج فلا تصيحين بسبته تراا ما يستاهل
منال: خايــــــــــــــــــــــــــــــــس
نورة: هههههه درينا ان خايس بس خلاااص لا تسبين
منال: براويه الخاااااااااااام بيشووووووووف بس يصبر عليه
ميثة: عيل الله يعينك يا ولد عمي





في غرفة مهره&ميره
ميره: و أنا أقولج خليهاااا عنج و اتركيها و لا تيين صوبها
مهره: بس حرام هي قالت تبا مساعدتي و تبا من يوقف معاها و ينصحها
ميره: و اللحين انتي ما شفتي الا ريم تساعدينها ترا هذي راعية مشاكل ابتعدي عنها
مهره: لا ما اقدر انتي ما سمعتي حليلها كيف كانت تتشكى من معانتها من بعد طلاق امها و ابوها
ميره: هذي وحده منافقة استغفر الله دخيلج ابتعدي عنها و قوليلها مرة ثانية ما تتصلج خليها تولي
مهره: تبيني استوي نذله يعني لا مستحيل انا ما احب اسوي جيه بحد اساعده بالبداية و عقب اتخلى عنه
ميره: و الله انا من يوم يومي ما ارتحت لريم
مهره: يمكن تغيرت اللحين
ميره: هه تغيرت فعينه و لا نسيتي فعايلها السوده
مهره: لا ما نسيت
ميره: تراج يننتيني مهاااااااري يعني انتي تعرفين سمعتها كيف و مع ذلك تصرين تساعدينها
مهره: هيه بساعدها بعد شوو
ميره: و بشو يا حظي ان شاء الله بتساعدينها
مهره: بكل اللي اقدر عليه
ميره: شوفي يااا مهره فكري بكلامي عدل و ابتعدي عن هالانسانه ترا ما وراها الا الخرااااب و هذي وحده ما تخاف ربها
مهره: بحاول انزين من اني اغيرها مدام انها بدت تلين معاااي
ميره: اااففففففف انتي الكلام ما ينفع معاااااج





راشد: سويتي اللي قلتلج عليه
ريم: ههههههه لا تذكرني المسجينه اونه تبا تساعدني و اللحين هي مصدقتني بكل شي
راشد: تمام.. يعني بدت تثق فيج
ريم: طبعاااا
راشد: انزين و بيتهم
ريم: عاد بيتهم الجديم يخرع ياخي خله ببيتك احسن
راشد: لا لا ما بغير رايي انا ابغي ببيتهم الجديم هناك ابغي اشوفها لان فذيج الحارة محد فيه ناس وايدين
ريم: هو صح بيتهم الجديم منعزل عن الناس شوي لكن دخيلك تحمل
راشد: لا تخافين اقدر ادبر كل شي الا ما قلتيلي هي متى قالت لج بيطلعون كل شي من بيتهم
ريم: قالتلي يوم السبت بييون عمال و بياخذون كل اللي بالبيت لجمعية خيرية
راشد: يعني تقريبا من بعد يوم السبت بيكون بيتهم الجديم مفتوح و محد بيسكنه
ريم: و كيف اللحين بالله اقول لها تعالي بيتكم الجديم و متى اييبها
راشد: شوفي.... ( و يلس عقب يخبرها كيف تييب مهره )






بعد الساعة ثلاث و نص تحركت عائلة بوفهد و بوفيصل للمزرعه بيتعشون هناك مع قوم خالد و عقب الكل بيروح
و بعد ما وصلوا هناك الكل ارتبش الا منال اللي صج مضايجة من حمدان
أحمد سار صوب البنات من بعد ما نزلوا من السيايير
أحمد: احـــم بما ان اليوم طلعت نسبكم و كانت تبشر بالخير و رفعتن الراس أنا يبت لكل وحده فيكم هدية خاصة
نورة: عيل انا اشوف ايدك خالية
أحمد: بلاج مستعيلة... اصبروا ساعة و بتشوفين كل شي بعينكم
مهره: حمستنا الصراحه
ميره: هيه و الله حمستنا خبرنا انزين شو الهدايا
أحمد: لا لا ما بقول اصبرن و بتشوفن
ميره ابتسمت: خلاااص بنصبر ما ورانا شي
يا جاسم صوبهم
جاسم: يلااااااا أحمد انسير
أحمد: وين
جاسم: كالعادة يفقد الذاكرة من يشوف بنت عمه
الكل ضحك: هههههههههههه
احمد: ههه لا صج على وين
جاسم سار و همس باذنه
أحمد: لا و الله صــــــــج انا حسبالي عقب مب بهالسرعه
جاسم: يلااا يلااا انزين لا تضيع الوقت انسير
و عقب سار أحمد و جاسم
كانت مزرعه بوفيصل كبيــــــــــــــــــره اللي يدخلها ما يقول عنها مزرعه بيقول حديقة

ركزوا اللحين على حوار مها و ظبية بتكتشفون أسياء يديدة بالرواية :)

مها و ظبية راحن يتمشن صوب المكان اللي زارعين فيه توت و قعدن هناك
تحت الشير بدون كراسي
و كل وحده كانت تشرب عصير فراولة
ظبية: انزين ما خبرتيني انتي شو موقفج من هذا كله
مها: تبين الصراحه
ظبية: و في شي احلى من الصراحه
مها: انا تفاجأت لما شفتج راسمه صورة للانسان اللي انتي حبيتيه و طلع نفسه اللي خطبج و خطبني
ظبية تنهدت: كنت دايما اضم صورته اللي انا راسمتنها ورى لوحاتي بالمرسم عسب محد يشوفه لكن انا ارتحتلج و راويتج صورته و اخر شي طلع نفسه سعيد
مها: و الله وايد فيه اشياء ببالي ابا القى لها جواب بس مب محصلة تعتقدين ليش خطبني من عقبج
ظبية: تعرفين لو وحده ثانية غيري كانت بتتضايج لكن انا ما تضايجت تدرين ليش
مها: ليش
ظبية: لاني فاهمه سعيد عدل و كنت واثقة من حبي لها و من حبه لي و لما خطبني من ابوي و رفضه اكيد امه هي اللي قالتله يتزوج تراج ما تعرفين امه الله لا يراويج كيف شريه
مها: فهذي معاج حــــــق امه شرِيَه وايد تعرفين هي سبب طلاقي
ظبية: و الله
مها: هيه و الله تذكرين لما قلتلج عن حادثة خواتي
ظبية: هيه اذكر
مها: من ذاك اليوم و سعيد ما يكلمني و من بعد شهرين طلقني و السبب ان امه تاثرت بكلام الناس عن خواتي و خلته يبتعد عني الين ما طلقني يا سبحان الله شوفي كييف ربنا راد اني اتطلق من سعيد عسب اكون عقب زوجة خالد يا ترى شو هي الحكمة من هالشي
ظبية: سبحان الله ارادة ربنا فوق كل شي و حكمته تفوق الخيال
مها: يالله الحمدلله على كل حال الا ما قلتيلي انتي كيف عرفتي سعيد
ظبية: هههههههههههههه
مها: ليش تضحكين
ظبية: لا ابد بس تذكرت شي يوم عرفته اول مرة سمعي
مها: حمستيني الصراحه يلاااا قولي
ظبية: اول مرة شفت فيه سعيد كان بالمستشفى
مها: هيه و بعدين
ظبية: كان منصور مريض و عمره ثلاث سنوات و عاد انا كان علي فذاك اليوم وايد اشغال و كنت مضايجه حيل ابا اخلص كل شي بوقته و منصور يبكي من صوب و انا مضايجه من صوب و الدكتور طفر فيني ما طلع لنا بعدنا كنا بالانتظار و عقب عاد انا فولت و صرخت بويه منصور و هو كان مريض لان ازعجني بصياحه بصراحه هو كان يبالغ يعني كان يبكي على الفاضي هو ما كان فيه غير زجام و بلااااعيم و عقب ما صرخت عليه حرج منصور و سار عني و انا قعدت ادوره و خفت عليه و اللحين يا دوري انا اصيح و ما خليت حد من الدكاترة ما سالتهم عن منصور
مها: يالله و بعدين كيف تصرفتي
ظبية: و عقب لمحت الكاب مالت منصور مفرورة بالممر فرحت ركض هناك قلت اكيد بشوفه جريب من هالمكان و يوم وصلت شفت ان هالمكان غرفة الانتظار للرجال و كان بصراحه فاضي لاني لمحته من جهة اليمين لكن لما ييت ابا ألمح الغرفة من ناحية اليسار شفت منصور داق سواااااااااالف مع واااحد و لا كأنه مساع يبكي من العوار هالعيار و عاد انا حرجت و ما اعرف كيف يتني الجرأة و رحت صوب منصور و الريال اللي عنده
مها: اويـــــــــــــــه و عقب شصار
ظبية: اول ما قربت صوبهم هزبت الريال بدل ما اهزب منصور و قلتله و انا بعدي كنت اصيح: انت شوووووو ما تستحي تيلس عند الولد و انا ميته زياااااغ عليه و قاعده ادوره بكل مكان و اخر شي يكون عندك و عقب لفيت على منصور و قلتله: و انت يالعله يلاااااااا جدااااااامي اشووووف.. و اقولج الريال كان ساكت ما قال شي و عقب منصور لف على الريال و قاله: شفت كيف عموه ظبية تنازعني هي ما تحبني و انا ما احبها انا بتم عندك
مها: هههههههههههههه و الله منصور فله كملي كملي
ظبية: و انا عاد تنرفزت زووووود و قمت اسحب منصور من ايده و صاااااح بزياااده و الريال اللي عنده صرخ بويهي
مها: شووووووو قاال
ظبية: قالي انت بشوي شوي على الولد برووحه مريض يايه تزيدينه فوق ما هو مريض و بعدين انا ما أخذته انا شفته حليله صوب الممر يصيح و ييت عنده ابا اشووف شو سالفته عسب ما يخاف يتم بروحه صج خير تفعل شرا تلقى
و عقب قام الريال و طلع و منصور الله يسامحه مب طايع يبلع لسانه فقمت وديته شريت له حلاوة من المحل اللي بالمستشفى عسب يسكت و عقب وديته عند الدكتور و طلعنا من المستشفى و انا صج كنت تعبانه و يوم ييت ابا اشغل السيارة ما طاعت تشتغل مع انه فيه بترول بس ما طااااااعت مووووووول تشتغل و تلفوني نسيته بالبيت ما يبته معاي عسب اتصل لحد فشافنا الريال و عرف ان سيارتي مب طايعه تشتغل و منصور اول ما شافه صرخ عليه يناديه
منصور: سعيـــــــــــــــــــــد سعيـــــــــــــــد >> و عقب طلع يركض صوبه
و قاله ان السيارة مب طايعه تشتغل و أنا كان خاطري اذبح منصور هالفضيحه هذا
سعيد: اختي ممكن تطلعي من السيارة و تخليني اتصرف و اشوف وين المشكلة
عاد انا طلعت وويهي كان معتفس من احداث هاليوم
و بعد دقيقتين عرف سعيد يشغل السيارة و انا استانست و اخيرا
سعيد: خلاص اختي اشتغلت السيارة بامكانج اللحين تسيرين
منصور: انته عمي صح
سعيد: ههه لا حبيبي نادني سعيد بس
منصور: لا انت قلت لعموه ظبية اختي يعني انت عمي
و انا شوووو اقولج يا مها انحرجت حييييييييل
و سعيد تم يضحك على منصور
منصور: انت ليش سرت عني عموووه ظبية تمت تنازعني يوم انت سرت
يا الله منك يا منصور كيف فشلتني مع الريال
سعيد نزل على مستوى منصور و قال: منصور حبيبي هي كانت تخاف عليك لانك سرت عنها
منصور: خلها دواها هي بروحها تمت تنازعني
سعيد: لا عيب لازم تحترم عمووه انزين
منصور: ظبية سمعي اونه انتي عمته و مساع اخته انا ما عرفت لك
سعيد تم يضحك يا مهاااااا و انا ويهي استوى طمااااااااطمه يالله يا مغباك يا منصوووووور
مها: هههههههههههههههههههه فديت منصور و الله
ظبية: و انا عسب انهي كل شي قلت لسعيد مشكور و ما قصرت اخوي تعبتك وياي
سعيد: تعبج راحه اختي هذا واجبي يلااا مع السلامه منصور
منصور: لااااااااااااااااااااا لاا ترووووووح
مها: اويـــــــــــــــــــــــــه ههههههههههههه صج فضيحه
ظبية: اقولج ركبت منصور السيارة بالغصب و تم بزياده يصيح و انا مستحملتنه
مها: و الله انك يا منصور سوالف
ظبية: و عقب تقريبا شهر رحت مثل المستشفى و تخيلي شووو شفت
مها: اكيد سعيد
ظبية: صح اني شفت سعيد بس انا انصدمت من شي ثاني
مها استغربت: شي ثاني
ظبية: شي يقطع القلب
مها: قووووولي شو شفتي
ظبية: شفت بنت معااقة مقعده عمرها 10سنين تقريبا كان قاعد معاها بالحديقة مالت المستشفى اقوووووووولج و الله لو شفتيه كيف كان حنووووون معاها بشكل ما تتصورينه حتى عيني ادمعت و حتى نسيت اني كنت يايه ازور ام ربيعتي اللي كانت بالمستشفى
مها: بنت معاقة.. ما احيد سعيد كلمني عن بنت معاقة
ظبية: تبين الصدق انا رحت للدكتورة و شفت الملف الشخصي للبنية
مها: و عادي خلوووج تشوفينه
ظبية: انا سرت للدكتورة جذبت عليها و قلت لها اني خالة هالبنية و لازم اشوف ملفها الصحي فعطتني الملف
مها: و شو شفتي
ظبية: طلعت صج اخته و هو دووووووم ايي يزورها و تخيلي شو سمعت من الدكتورة
مها: شوووو قولي عورتي قلبي على سالفة هالبنيه
ظبية: قالتلي يا مدام اقنعي اختج اتيي تزوور بنتها لان حراام البنية كل يوم تسال عنها و امها رافضة تزورها بشكل نهائي
مها: حـــــــــــــــــــــراااااااااااام يا قلبي عليهاااااااااااا
ظبية ادمعت عينها: و عقب لما لفيت ورايه شفت سعيد و شكله عرف اني سالت عن البنية لانه اكيد سمع كل شي و انا ما ادري جيه بشكل تلقائي من نفسي رحت على طوووول صوووب الحديقة ادور هالبنية متجاهله سعيد و ما حصلتها و سالت عنها و قالولي انها باغرفتها رقم ***
مها: و رحتيلها
ظبية صاحت لانها بدت تتذكر كل شي: رحت و يا ليتني ما شفت اللي شفته
مها: قوووووووولي شوو صاااار يلااا
ظبية: شفت سعيد حاضن اخته اللي كان اسمها غلا و هي كانت تصيــــــــــــــح حيل عند اخوووووها و عقب ظبية وقفت
مها: دخيلج قولي خرعتيني كملي يلااا
ظبية: كانت غلا تصيح و تصيح و اخوها كان حنووووووووون وااااايد عليها تم يحضنها و يهديها
غلا تصيح و تشاهق: ماما ما تحبني
سعيد: لا حبيبتي ماما تحبج لكنها اللحين تعبانه ما تقدر تييج
غلا: لا لا لا انا ابا ماما آآآآهي
سعيد: غلا حبيبتي أنا منووو
غلا شوي بدت تسكت: أنت بابا سعيد
مها: حليلها كانت تناديه بابا سعيد و الله قطعت قلبي
ظبية: عيل انتي سمعي شو قال لها ( و تروي لها اللي صار )
سعيد: مدام أنا باباتج عيل ليــــــــش تصيحين شو أنا ما اسد
غلا: أنا أحب باباتي
سعيد: فديتج أنا يالله حبيبتي خلينا نسير نرد الحديقة نلعب
غلا: لا أبا شبس
سعيد: اللحين برووح ايبلج تمي هني و بردلج بعد دقايق انزين حبيبتي
غلا ببراءة: لا تسير عني بعدين رد أنا ابااك
مها بدت دموعها تنزل و ظبية بالغصب تطلع الكلمات من حلجها يوم تحكي لمها السالفة
مها: و عقب شصار
ظبية: عقب انا وخرت على ورى و رحت بمكان ما يشوفني فيه سعيد عسب ما يعرف اني سمعت كل شي و يوم تأكدت ان راح على طول دخلت على غلاا و تميت اسولف وياها و اضحك معاها و شفت ان اخوها طول فخذت راحتي معاها و حتى اني عشقتهاااا و حبيتها و هي تعلقت فيني فباللحظة اللي يا فيها سعيد انا كنت احضن غلا قبل ما اطلع
سعيد استغرب مني و تم مبهت بالموقف اللي شافه
و انا ارتبكت فتلعثمت و ما عرفت شو اقول و كنت بطلع
و فجأة تتوقعين شو صار
مها: شوووووووو
ظبية و دموعها على خدها: غلااا مسكت ايدي و قالت مــــــــــا مــــــا أنا أحبــــــــــــــــج >> و عقب ظبية صاحت بصوت شوي مسموع و راحت لها مها تهديها
مها: يا حبيبتي يا ظبية و كيف ما تبينها تقولج ماما و انتي كلج حنان
ظبية تصيح: ما عرفت شو اقووووول ما عرفت كيف اتصرف كانت غلا فرحانه حيــــــــل و تمت كل ساعه تردد ماما أنا احبج و انا ما قدرت استحمل و ما همني وجود سعيد رديت لها و حظنتها و صحت تخيلي يا مها غلا بنت معاقة و فوق كل هذا مقعده و بعد فاقده حنان الام و ابوها متوفي و تعتبر اخوها سعيد الله يحفظه ابوها و يوم تناديه كله تقوله بابا وانا صارت تقولي ماما
مها ابتسمت: شي حلو و الله انتي الام و سعيد الانسان اللي حبيتيه هو الاب و كأنكم متزوجين و عندكم هالبنية
ظبية زادت صياح لما سمعت ظبية تقول جيه: آآآآآآآآآآه يا مها و الله اني تعبت حييييييييييييييل ما قادرة اتحمل ما قادرة و الله خليهم يرحموووووووني
مها: انتي المفروض تستانسين و تقولين الحمدلله يوم كسبتي حب غلا و فوق كل هذا استويتي ام لها شوفي الانجاز العظيم اللي انتي سويتيه
ظبية ابتسمت وسط دموعها: و الله حبيتها وايد هالانساانه و اشتقت لها حيل
مها: و اكيد طبعا قمتي كله تزورينها و تصادفين بعد وجود سعيد و بشكل لا ارادي حبيتو بعض صح
ظبية: صح كلامــــــــــــــج.. كنت دوم ازورها و احيانا كان يصادف وجود سعيد لكن عمره ما تحرش فيني و لا فعمره ضايجني مووول ما كان يكلمني الا بس يوم يسلم
مها: عيل كيف عرفتي بحبه لج
ظبية: سعيد و أنا كنا نحب بعض بس بدون ما نعترف لبعض
مها: ههههه الله على الحب الصامت
ظبية: ههههه و عقب عدة اشهر قالي ان راح يكلمني بموضوع و كان هالموضوع هو موضوع الزواج و فذاك اليوم اعترف انه يحبني و انا كنت من خاطري ابغيه بس مثل ما انتي تعرفين ابوي رفضه لانه من طبقة فقيره
مها: و البنيه من عقب زواجج من راشد قطعتيها
ظبية: بغصب عني و الله لان راشد بدا يشك فيني بكل صغيرة و كبيرة و انا قطعت كل شي يخص سعيد عسب اصون بيتي لكن راشد بسبة شكوكه هدم حياتنا و انا من عقب ما تطلقت من راشد ما فكرت ازروها لاني اخاف اشوف سعيد هناك
مها: انزين ما تفكرين اللحين تزورينها
ظبية تمت ساكته و ما ردت و مها احترمت سكوتها و خلتها على راحتها






من عقب صلاة العصر
محمد نادى على ميره لان المفاجأة اللحين بتوصلها
و ميرة مستانسة و خصوصا ان الهدية من أحمد
و بعدين الكل طلع ينتظر أحمد و مفاجأته
بعد خمس دقايق بالضبط شافو أحمد و معاه...
و ميــــــــــره شهقت : اووووووووووويــــــــــــــــــــــــــــــه و اخيرا تحقق حلمـــــــــــــــــــــــــــي
مهره: هههه و الله انك ما تنغلب يا أحمد
نورة: اللــــــــــــــــــــــه لوووووووووونه كشخـــــــــــــــــــه
مهره: و ابيــــــــــــــض مثل ما تباه ميره
أحمد يا لهم
أحمد و هو ياطلع ميره و يبتسم: هذا الحصــــــــــــــان لج و مبرووووووك عليـــــــــــــــــــــج
ميره: مشكــــــــــــــــــــــــوووووووووووور وايد أحمد و اخيرا تححــــــــق حلمي روووووووووعه الحصان تسلم
أحمد: تساتهلينه و ما يغلى عليـــــــــــــــج
ميره على طول راحت للحصان و الكل عقب التــــــــــم عليه و
منصور احتشر عليهم يبا يركب الحصان
بس احمد ما خلاه قاله اول شي تركب ميره و عقب هو لكن منصور هددهم اذا ما ركبوو بيخبر مهره عن المفاجأة اللي بتوصلها فليل فاضطر احمد و جاسم يركبونه قبل ما يقول شي >> ما منك حيله يا منصور هههه
و الكل تم مرتبش و عقب يا دور ميره تركبه
أحمد: يلااا ميراني ركبي
ميره: يعني ما بيطرحني
أحمد: دام انا اللي بمسكه لج فلا تخافين ما بيصير لج شي
ميره: خلاص عيل بركب
ركبت ميره الحصان بهدوء و الكل تم يطالعها و عقب أحمد مسك الحصان و تم الحصان يمشي بميرة و هي مستانسة من قدها
و بعد ربع ساعه ودوا الحصان بالاسطبل مع باقي الاحصنه
أحمد: ما اوصيج هالله هالله بالحصان
ميره: افا عليك دام انه منك انت فاكيد بحافظ عليه
أحمد ابتسم لها: و اذا تبينه يتم بمزرعه عمي برايج بس لو ما تبينه بامكاني اني انقله لج بمزرعتنا
ميره: لا عيل انقله لي عقب بمزرعتكم احسن
أحمد: هيه صدق احسن بعد عسب احط حصانج مع حصاني >> و عقب غمز لها
و ميره: ههههه يكون احسن بعد
منصور: يلا بلا رمسة زايده خلونا نسير مع الجماعه
احمد: ههههه ما غير يبي يضارب محمد





و عقب على الساعة خمس و نص يو قوم خالد
و شو الربشه اللــــــــــي صارت مع الشباب و الحريم الكل تم مستانس فذاك اليوم
منال و ميثة و نورة و ميرة و مهره سارن صوووب الشير يتمشون
و يا لهم منصور بدراجته و عقب وقف دراجته و نزل منها و كان بيده زجاجة كبيرة شوي
نورة: شو شال بيدك
منصور: زجاجة
نورة: و شو فيها
منصور: ضفدع
مهره: شووووووووووو ضفدع وينه وينه
نورة: الله يسم عدوك شو تباا بهالقرف
منصور: تبون تشوفونه
مهره: لاااااااااااااااااااااااااااا
منصور: ضفدع كيوت ( كيوت اونه هههههههه فديت اليهال و الله )
مهره: ووووووووععععع
ميثة: هههههههه عاد مهره تكره الضفادع
منال: منصور منصور
منصور: شوو
منال: سير فر الضفدع على حمدان
الكل: لاااااااااااااا
منال: سير سير ما عليك منهم سير فر عليه الضفدع و اشرد عنه و قول له ان هذي هديه من عند منال
منصورركب دراجته: انزين اللحين بسير
نورة: مناااااااااااال يا الخبلة
منال: خليه عسب مرة ثانية يتأدب يوم يرمسني هالهيس
نورة: و هالخبل منصور ما يصدق عاد يوم حد يقوله يسوي آكشنات
ميثة: هههه اتخيل شكل حمدان و الضفدع بحضنه ( الشباب ما يخافون من هالاشياء كثر البنات )



منصور يزاعج: حمـــــــــــــــــدان
حمدان صد عليه: شوووو ما تشوفني اشرب شاي مع الشباب
منصور: تعال اباك شوي
شوفو اللحين منصور الخاين شو بيسوي
حمدان: ها يييت لك شو تبا لا تقولي دراجتك اخترب فيها شي و تباني اصلحه لك
منصور: لا لااااا مب جيه السالفة
حمدان: عيل شو السالفة
منصور: منال
حمدان فز: شووووووو فيها
منصور: قالتلي افر الضفدع عليك و اشرد و اقولك ان الضفدع هديه من عندها و انا ما بسوي هالشي لاني احبك >> و اشرله على الزجاجة اللي فيها الضفدع
حمدان: اياااااااااا الخااااااااااااااينه يا منوووووووول تبين تنتقمين هاااااااه بس ما عليـــــــــــــــــه
و عقب صد على منصور و قال: منصور تعال وياي
منصور المؤدب: ان شاء الله
راح حمدان سيارته و طلع البوكس اللي كان ربيعه محطي فيه عطر هديه لحمدان و قام حمدان خذ الضفدع و حطه بالصندوق و قال لمنصور......








منصور سار عند البنات من عقب ما كان عند حمدان
منصور: منال منال
منال: هاااااااااااه بشر شو سويت
منصور: ما فريت عليه الضفدع
منال: ليـــــــــــــــــــــــــــــــش
نورة: احسن ما سويت
منصور: لان يوم انا رحت عند حمدان ناداني و انا رحت له و كان يبيني اسويله شي و نسيت افر الضفدع عليه
منال: و شو بالله كان يباك
منصور: كان يبيني اعطيج هالصندوووق
و منال راحت و تقربت من الصندوق و كان هالصندوق على شكل مربع و صغير و شكله وايد حلووو من برع
نورة و البنات الباقيات تمن مبهتات بالصندوق
ميثة: شو تعتقدون فيه
ميره: فتحيه منال
منال: اللحين معقوله حمدان ايبلي هديه
نورة: شفتي عاد شكله شي حلووو لان الصندوق شكله كشخه
راح منصور و عطى منال الصندوق و رجع على ورى شوي
منال: افتحها اللحين ؟؟
نورة: عيل متى باجر مثلا
منال خوزت الشريطة
و فتحت الصندوق و نــــــــط بويهها الضفدع: آآآآآآآآآآآآآآآآآآآآآآآآآآآآآآآآآآآآآآآآآآآآآآآآ أأأأأامـــــــــــــــــــاااااااااااااااااااااااا يه لحقي علـــــــــــــــــــــــــــــــــــــي
و البنات اول ما شافو الضفدع كل وحده شردت بمكاااااااااااااااااااااان و الضفدع بروحه تخرع و شرررررررررد
حمدان طلع من ورااااااهن و هو ميت من الضحك: هههههههههههههههههههههههههههههه
منال حرجت من الخاطر: و ياااااااااااااااا هالويــــــــــــــــــــــــــــــــــــــه يا الردي
حمدان مب رايم يسكت عمره: ههههههههههههههههههههههههههههههههههههههههه و الله اشكر فنك يا منصوووووووووووووور و الله انك كفووووووووووووو
ميثة: طيحت قلووووووووبنا الله يسامحك
مهره و ايدها على قلبها: كان بيغمى علي و السبة انته
حمدان: هههههههههههههههههههههههه اشكالكم كااااااااااااااااانت تحفة ههههههههههههههههههه
ميره: هههههه هيه هيه اضحك شو عليك مب انت اللي كلت المقلب نحن اللي كلناه
منال عصبت و راحــــــــــــــــــــــت و تموا ينادونها و هي مسويه لهم طاف
نورة: شفت زعلتها انت اللحين
حمدان: تستاهـــــــــــــــــل قلعتها
نورة: حرام عليك و الله
ميثة: بروحها كانت معصبه منك بعد تزيدها
حمدان: تولي و الله هي اللي يابته لعمرها





و عقب البنات دخلن داخل يسولفن مع ام خالد
ام خالد: يا حيج و الله عيل بتصيرين حرم فيصل
ميثة: شفتي عاد خالتي
ام خالد: الا هذا ولدج يا ام فيصل بلااااه دوووم مبوز وحليلها ميثة دوم اشوفها تبتسم مب مثل ريلها
ام فيصل: هههههههه و الله شو اقولج يا ام خالد هو من يوم يومه جيه طبعه ما تغير
ام خالد: ما عليه يا ميثة انتو حلوة المعشر فأكيد بيتغير على ايدج
ميثة ابتسمت: ان شاء الله الله يسمع منج خالتي
ام فهد: الا اقول ام خالد
ام خالد: هلااا الغاليه
ام فهد: ممكن اسالج عن مرت خالد
مها ارتبكت و الكل كان يسمع ام خالد و ام فهد
ام خالد: هيه اسالي اللي تبينه و انا برد عليج
ام فهد: هي شو اسمها
ام خالد: اسمها شيخه
ام فهد: عاد ما اوصيج يا ام خالد حطو مها بعيونكم و هالله هالله فيها عن تسوي شيخه فيها شي
ام خالد: المها بنحطها بعيونا قبل ما نحطها ببيتنا و من اليوم اللي بتدخل في بيتها راح تعيش فيه مثل الملكة ان شاء الله هذي الغالية تراها ما تهون عليه و لا على خالد
استحــــــــــــــــــــت مهاااا
ام فهد: ريحتيني الله يريحج يا ام خالد و ترا مها لو تلفو دور بهالدنيا كلها ما بتلقى اللي احسن من خالد ولدج
ام خالد: الا على طاري خالد مأذني بيغي يعرس اليوم قبل باجر
ام فهد: انا سمعت من بوفهد انهم يتشاورون على العرس من انه يكون آخر شهر ثمانية
ام خالد: الله يتمم على خير ان شاء الله
ام فيصل: اميــــــــــــن يا رب و يرزقهم بالذرية الصالحه
ام خالد: هيه و الله خاطري اشوف عيال ولدي قبل ما امووت
مها: بعد عمر طويل عمووووه
ام خالد: امايه مها بغيتج شوي تعالي نسير مكان غير هالمكان
و عقب ما طلعوا بمكان ثاني عن الباقين



ام خالد: مها انتي غالية علي و طيبه و على نياتج و انا ابغي اقولج شي و ما بخبيه عنج عسب ما اظلمج
مها: خير عموه صاير شي
ام خالد: لا مب صاير شي بس حبيت انبهج على شي
مها ابتسمت: قولي الغالية اسمعج
ام خالد: ترا مرت خالد مب هينه و شريه و دووم تسوي مشاكل و انا ربي يشهد علي اني حبيت ابلغج هالشي عسب تراجعين قرارج مرة ثانية و تاكدي اني ما بزعل لو رفضتي خالد لاني وايد اعزج و انتي تراج بتسكنين معي و مع خالد و مرته ببيت واحد يعني بتقدرين تستحملينها و لا ما بتقدرين
مها: مدام انتي عمتي فاكيد انا بتحمل على شانج و مستعده اسوي اي شي بس اشوف خالد مستانس و ان شاء الله انا ما راح ادخل بشي مع شيخه عسب ما تستوي مشاكل
ام خالد: ريحتيني الله يريحج تراج انتي حسبة بنتي و تاكدي اني دوم بكون معاج اذا بغيتيني بشي
مها ابتسمت: ما تقصرين عموووه









و على الساعه ثمان وصلت هدية مهره
شو برايكم يابولها
خلونا نشوف
محمد: بنات تعالن تحت يلاااا نزلن بسرعه
البنات كلهن نزلن
مهره: يلااا شو المفاجأة حمستوني
مها و ظبية طالعن احمد و اشرن له
أحمد يا صوبهم
مها: هاه بشر و مفاجأتنا نحن اللي خططنا لها وصلت
أحمد: هيه موجودة المفاجأة بسيارة جاسم
ظبية: تسلمون انت و جاسم تعبناكم
احمد: و لو افا عليج واجبنا و مهره و ميره يستاهلون
و من الجانب الثاني
ميره: يااااااااااا ســـــــــــــــــــلااااااام
مهره: هههههههههه شوفووووو محلااااااااااااااااته كيف يلعب
جاسم: شو رايج بالارانب
مهره: ياااااااااااااااااي كيــــــــــــــــــــــــوووت شكلهن
محمد: هههه بشو يشوي عن طيحين
مهره: عادي اطلعه من القفص
ميثة: هيه هيه طلعيه بنلعب فيه
مهره: لاااا شو تلعبين فيه اخافج تموتينه

( قرروا عقب يخلون الارانب بعد بالمزرعه لان ام فهد ما تحب الحيوانات ببيتها )





استوت ربشه عند الكل و محمد تم محتشر عليهم
محمد: يــــــــــــــــــــلاااا اللحين دووور مفاجأة ظبية و مهاااا يلاااا خلونا نشوووفها
ميره: صج بعد فيه مفاجآت
مهره: وناسه اليووووووم
جاسم: لحظة اللحيـــــــــــــن بسير اطلعها من سيارتي
ظبية: بشوي شوي عليها
جاسم: لا تشيلين هم
و عقب سار جاسم و طلع معاه كرتون كبيـــــــــــــر
مهره و ميره عيونهم كانت معلقة على الكرتون
منصور: اللـــــــــــــــــــــــــــــــه كيكه
ميره و مهره انصدمن بشــــــــــــــــــــي
و بعدين صدن على مهاااااااا
مهره: انتـــــــــــــــــو من وين يبتووووو هالصورة
ميره: هذي صورتنا أول ما انودلنا أنا و توأمي مهره على الكيكه مااااااااااا اصدق نايس و الله
ظبية: عاد انا رحت و قلت لمها تييب لي صورة لكم و انتو صغار و عطتنا هالصورة و وديناها مع جاسم عسب يسوون مثل اشكالكم على الكيكه
منصور ارتبش: قصوووووووووووولي عيووووووون مهره انا ابغي عيوووووون مهره
الكل ضحك: هههههههههههههههه
محمد: و انا ابغي رااااااااس مهره عسب استوي ذكي شراتها
الكل: هههههههههههههههههههههههههههههههه
مهره: هههههههههههه يالله ما يسوى عليك
و عقب الكل بدى ياكل كيك و عطوا بعد ام فهد و اختها و ام خالد عسب الكل يشارك بالفرحه الحلوة













في بيت قوم سعيد
ام سعيد: سمعيني زين يا شيخه و حطي كلامي بعين الاعتبار و نفذيه
شيخه: قولي اسمعج
ام سعيد: ابغيج اليوم من عقب ما تردين البيت تتكشخين و تتعدلين لريلج
شيخه: نشاده عنه اتعدله شو ما شي شغله
ام سعيد: انطمي و اسمعي كلاامي للآخر
شيخه: يلااا هاه اسمعج
ام سعيد: و عقب ما تتكشخين بآخر كشخه ابغيج تستقلبين زوجج بأحلى ابتسامه و خليه يذوب من حلاة رمستج
شيخه: اماية ترااااج متفيجــــــــــــــــــــــه و الله
ام سعيد: لا تقاطعيني
شيخه: انزين و عقب هالفلم الهندي شو اسوي
ام سعيد: و عقب هذا كله ابغيج تقولين لزوجــــــج انج حــــــــــــــــــــــامل
شيخه وقفت: شــــــــــــــــــــــــوووووووو حـــــــــــــــامل مرة وحده
ام سعيد: ايه حامل
شيخه: و كيف بالله اقوله حامل و انا مب حامل أصــــــــــــلاا
ام سعيد: قوليله انج من اسبوع رحتي المستشفى معاي و سويتي فحص و طلعتي حامل و اليوم اتصلوا فيج و بلغوووج
شيخه: و آخرتها شو من هالجذبه تراا بيشوف ان بطني ما كبر فبيعرف اني مب حامل
ام سعيد: أنا اباج تسوين جيه عسب اذا خذ عليج مها أو ما خذها ما ينساج مووول و يتم دووم مهتم فيج و بالنسبة لين الحمال هو ما بيكشفج بالبداية لكن لما توصلين الشهر الثالث بيلاحظ ان ما لج بطن فعاد انتي حزتها قوليله ان التحليل اللي طلع كان مب لج لوحده ثانية و هم لخبطو بينج و بينها فهمتي يا فهيمه
شيخه: و اللــــــــــــــــــــــه انتي ما منج حيله يا اماية
ام سعيد: هيه عسب ما يهملج و يطالع دوووم مها انا قلتلج جيه بس عسب زوجج يحطيج بعين الاعتبار
شيخه: ايه ما عليه يا خالد بنشوف انا و لا انت

ღღالجـــــــــــــــزء الثــــــــــالث عشـــــــر ღღ



في بيت ام ريم
ناصر: ألــــــــــــف ألـــــــــــف مبروووك يا أحلــــــــــى عروووس شافتها عيني
ام ريم ( ابتسام ): الله يبارك فيـــــــــــــك انت مستانس
ناصر: و حد ياخذ هالقمر و ما يستانس
ام ريم: يعني ما بتقول انا كبيرة عليك او انك تعايرني
ناصر: و شووو يعني عااااادي حبيبتي غيري سواها و عايش احلى عيشه يعني يت عليه انا
ام ريم: الله لا يفرقنا عن بعض قول اميــــــــــــن
ناصر: امين يا رب
ام ريم: و لا انت زعلان لان العرس سكاتي
ناصر: لا ابد مب زعلان حبيبتي
ام ريم: عيل عن اذنك بروووح اغير ملابسي
ناصر: اذنج معاج حبيبتي
و استغل ناصر روحتها و اتصل على سارة
سارة: الو
ناصر: هلا هلا و الله
سارة: شخبار شهر البصل معاك
ناصر: امرة لا تخبرين كل شي ماشي بالتمام
سارة: اقول خلك ذكي و العب دور الزوج المحب عسب تلهف عنها كل شي هي تملكه و عقب شوتها برع البيت
ناصر: و عقب انتي بتصيرين زوجتي مثل ما نحن اتفقنا
سارة: صح بس لا تنسى اول شي املاكها و عقب تطلقها و عقب انا و انت بنتزوج
ناصر: اقول خلاص اكلمج بعدين هذي رجعت
سارة: خلاص برايك.. باي
ناصر: بايات






في بيت خالد من بعد ما رجع من المزرعه
خالد دخل البيت قبل أمه
و عقب هي دخلت
أم خالد: يا سلاااام هيه هذي هي القعده اللي تونس
خالد: هيه و الله صدقتي ناس طيبين و ينحبون بسرعه
شوي الا تطلع لهم شيخة و كانت مبتسمة و كاشخة آخر كشخة
ام خالد: يالله بالستر أم الدويس بنصايف الليالي
خالد تم يطالع مرته من فوق لتحت و قال: غريبه كاشخه
شيخه: و في وحده متزوجه مثلك و تبيها تكشخلك
ام خالد استغربت: تكشخين له.. انتي اكيد وراج شي
راحت شيخه و مسكت ايد زوجها: هاه حبيبي عسى استانست
خالد مبهت مب عارف شو يقول
شيخه: شو فيك يا عمري ساكت
خالد: آآ لا و لا شي
شيخه: تعشيت و لا
خالد: هيه تعشيت و انتي
شيخه: تبي الصراحه ما قدرت اتعشى
ام خالد: اونج عاد عيارة وحده
شيخه اصلا ودها تذبح ام خالد بس مستحملتنها عسب خطتها تنجح
شيخه: شو فيج عموه عليه اذا انا زعلتج انا آسفة و لا تزعلين
ام خالد بققت عيونها: لا مرتك اكيد ناوية على شر
خالد: هههه حليلها.. ما قلتيلي ليش ما تعشيتي
شيخه قالت بدلع: جبدي كانت لايعة
ام خالد تقلدها: جبـــــــدي كانت لايعه
خالد: اماية الله يهديج شو فيج عليها
شيخه: ما عليه يا بو سيف خلها على راحتها
خالد و ام خالد طالعووووا بعض
ام خالد: بو سيـــــــــــــف و وينه هالسيف يا حظي
شيخه: ببطـــــــــــــــــــني
محد استوعــــــــــــــب موووووول
خالد حط ايده على بطن شيخه: سيف ببطنج
شيخه بدموع التماسيح: ايه حبيبي و اخيرا أنا حــــــــــــــــــــــامل
خالد تشقق: و اللـــــــــــــــــــــــــــــــه انتي حااااااااامل
شيخه ابتسمت: من جيه انا ما قدرت اكل شي
ام خالد بحده: و انتي شدراج انج حامل
شيخه: اليوم سرنا أنا و امي نشوف التحاليل بالمستشفى اللي كنت مسوتنها من اسبوع
خالد: و انتي حبيبتي ليــــــــــــــــــــــــــــش واقفة قعدي مب زين لج الوقفة
شيخه قعدت: ما عليه حبيبي لا تحاتيني رووح انت نام و انا بدبر عمري
خالد: شووووو لا مستحيـــــــــــــل اخليج بروووحج من اليوووم ابغيج ما تتحركين موووول و ابغيج تحافظين على اكلج و لا ترهقين عمرج مووول و اللي تامرين عليه حبيبتي انا حاضر
شيخه: فديتك انا الله لا يحرمني منك
خالد: و لا منج حبيبتي و اللحين عشان خاطر هالبيبي اللي ببطنج ابغيج تاكلين شوي و لو كان خفيف و لا اقولج انا اليوم بأكلج بيدي
شيخه: اوكي عيل خلنا نروح بغرفتنا احســـــــــــن
خالد: من عيوني فديتج ما طلبتي شي
شيخه و خالد قبل ما يروحون صدت شيخه على ام خالد و قالت: ما باركتيلي على حفيدج
ام خالد من غير نفس: مبروك
شيخه: الله يبارك فيج عموه
و عقب مسك خالد ايد مرته و ساروا غرفتهم
و ام خالد تمت متشككه: معقوله هذي شيخه تكون حامل لا لا انا ما اصدق اكيد هذي وراها شي و لا من متى حملت اصلا الله يستر منها الله يستر الا انا اخاف يهون عن مها و لا يتزوجها بسبة هالساحره لكن يا ويله خالد ان هون عن مها يا ويل ويله مني





اليـــــــــــــــــــــــوم يوم الجمعـــــــــــــــــة عرس ( ميثة & فيصل )
ميثة و فيصل اليوم الصبح عقدوا القران عليهم بالمحكمة و ميثة للحين متوترة
و اللحين بفترة العصر يت راعية الصالون تعدلها
ميثة: بمووووت منووووووول بمووووووت
منال: للمرة المليون اقولج لا تكبرين السالفة
ميثة: عيل فيه واحد بيوم عرسه يكون مبوز حتى كلمة مبروك ما قالي و الله بصيح
راعية الصالون: و في حدا عندو هالملاك و مو مبسوط
ميثة: سكتي انتي الله يخليج انا اشكي الحال بس لمنال
راعية الصالون: هههههه مثل ما بدك مدام ميثة
ميثة: اويـــــــــــــه منال صرت مــــــــــــدام تصدقين توني انتبهت
منال صدت عليها و ابتسمت: و انتي ما تلاحظين انج بالعة راديو من الصبح سكتي ريحي لسانج شوي
ميثة: لا خليني شوي ابربر عقب عند فيصل اكيد بكون مثل الصنم ما بتكلم
منال: ههههههههههههه يالله يهالفيصل اللي مسببلج عقدة
ميثة تنهدت: الله يعيني علـــــــــــــــيه منوووووول فديتج و الله بشتاقلج
منال: اقول انطبي بروحي ما ابغي افكر بهالموضوع سكتي عني لا اصيح
ميثة: حرام هناك بكون بروحي
منال: نسيتي ام فيصل
ميثة: لا ما نسيت بس بعد غير يوم انتي معاي
منال: عيل انتي بعد شهرين او شهر بتطلعين ببيت بروحج شو بتسوين
ميثة: شو رايج تييين عندي
منال: و شو رايج انا و انتي ننام بغرفة بروحنا و فيصل نقلعه بغرفه بروحه
ميثة: هيه و الله فكرة
منال: انتــــــــــــــــي تخبلتي شوووو.. يا ميثة يا حبيبتي انتي خلاااص صرتي حلال فيصل بلااج مب متقبله الوضع
ميثة: انا متقبله لكن فيصل هو اللي يخليني اخاف من كل شي عيل الكل يباركلي و الكل مستانسلي الا هوو ما عبرني بكلمة حلوة مول الله يعيني عليه




مهره و ميرة و نورة
نورة: و الله هامتني وايد فديتها
مهره: و البارحه بالليل كانت تصيح يالله يالله سكتتها منال
نورة: منال و ميثة ما يفترقون موول يا ترى شو بيكون حالهن يوم بيفترقون
ميره: يالله كيف الايام تركض اذكر لما كنا صغار كانن ميثة و منال يسيرن الدكان و انا و مهره نلحقهم و يوم نرد البيت امي و يدووه كانو يهزبونا هزاب ههههه بس لان كنا نشتري حلاوة وايد و هي مضرة لنا
مهره: و لا تذكرين بعد يوم كانن بالروضة ميثة ضربتها بنية و سارت بالفسحه لين منال تخبرها و عقب سارت منال و شلت دبتها و ترستها رمل و راحت للبنت و صبت الرمل كله على راسها
نورة: هههههههههههههههههههههههه صج اويه
مهره: و فيه بعد موقف مرة منال شافت واحد بالروضة شل دبة الماي مالت منال بالغصب كان تسير ميثة و فلعته بدبتها على راسه اونه يالحرامي شله تشل دبتها بالغصب
نورة & ميره: هههههههههههههههههههههههههههههه
مهره: مب جنها تأخرت الي بتعدلنا
نورة: انا اتصلت لها.. ربع ساعة و بتكون بالطريج.. هو اهم شي ان اللي بتعدل ميثة واصلة الحمدلله لانها العروس و اهم وحده
دخلن ظبية و مها
ظبية: بنات اللحين الساعه خمس و عقب الساعه سبع بنطلع اوكيك ما في وحده تنسى شي
ميره: و ميثة متى بتتحرك
مها: ميثة بييها الليموزين على الساعه ست
نورة: شووووو مب جنكم مستعيلين وايد
مها: عمي عازم ناس من اخر الدنيا و هم بيووم و لازم يباركون للمعرس و العروس من وقت لان وراهم درب و ثانيا لازم ميثة تسير تتصور و هذا يباله وقت
ظبية سمعت صوت الجرس و قالت: يلااا هذي شكلها جوانا مع طاقمها يووو انتو تعدلوو و انا بسير شوي اقرا قرآن و عقب برجع
مها: بس لا تتاخرين اوكيك
نورة: و انا بسير اخلي الخدامة تييبهم هالحجرة





راحت ظبية غرفتها
قبل ما تفتح الدرج اللي فيه القران راحت للدرج الثاني و طلعت
صورة غلا و تمت تصيح بصمت
و تذكرت هالموقف
غلا ماسكة الدبدوب و طاح عنها
راحت ظبية و يابته لها
غلا: ماما
ظبية: هلا قلبي شو تبين
غلا: أنا ليش ما اقدر امشي من يوم ما طاحت السيارة علي
ظبية:غلا حبيبتي أنتي قوية صح
غلا: هيه أنا قوية لانج انتي ماما تحبيني و لان بعد بابا يحبني
ظبية حضنتها: يا بعد عمري عيل مدام انتي قوية بتمشين يوم الله بيكتب
غلا: عيل يوم بمشي ابغي هدية كبيرة حقي انزين
ظبية: من عيوني يا بعدهم كلهم حبيبتي انتي و الله احبج
غلا باست ظبية على خدها و ظبية باستها بعد
دمعت عيون ظبية لما تذكرت غلا
ظبية قررت و قالت: اوعدج يا غلا من انج راح تشوفيني قريب اوعدج و راح تمشين بعد مرة ثانية و انا راح اكون معاج
ظبية طلعت القرآن و قرت لها خمس صفحات من الجزء السابع اللي هي واصلة لعنده و بعد ما خلصتهن تمت تستغفر و راحت عقب تاخذ لها شور و عقب عاد راحت عند البنات





أم سعيد: لا يعــــــــــــــــــــــــــني لاااااااا
سعيد: بس غـــــــــــــلااا ياهله ما لها ذنب
أم سعيد: و أنا قلتلك ما ابغيها ببيتي تفهم و لا لاااء
سعيد: حرام عليـــــــج يا اماية ترا مهما يكون هذي يتيمة
أم سعيد: صدقني ان يت بيتي ما برحمها
سعيد: لا حول و لا قوة الا بالله العلي العظيم
ام سعيد: انت ما تقول ان عادي يخلونها بالمستشفى خلاص عيل خلها هناك تكمل علاجها
سعيد: بس يا اماية هم قالوا لو كانت من بينا بتكون احسن
ام سعيد: هذا اللي ناقص بنت زوجة ابوك تكون ببيتي
سعيد: بس مهما يكون تظل غلا اختي و تكون بنت زوجج اللي هو ابوي
ام سعيد: و الله عاد انا ما يخصني
سعيد: حرام اللي اتسوينه يا اماية و الله حرام ترا ربنا ما يرضى بالظلم
ام سعيد: يعني انا الظالمة
سعيد: و انتي شو تسمينه هذا
ام سعيد: و الله من حقي لو قلت اني ما ابغيها ببيتي
سعيد: بس عاد يا اماية ارحمي حالها تراها فقدت الام و الاب و محتاجه رعاية و اهتمام
ام سعيد: قلتلك انا مب مسؤوله عنها و ما ابغي اشوف رقعت ويهها هالمعاقة بعد ناقصة انا هالاشكال تدخل بيتي
سعيد: الله يسامحج يا اماية الله يسامحج







في بيت بو فهد
اتصلت ام فهد على البنات و قالت لهن على الساعه ست لازم تتجهز ميثة للتصوير
و البنات كلهن تجهزن بس باقيلهن لبس الفساتين
و منال و مها دخلن مع ميثة يساعدنها بلبس الفستان مالها
فستان ميثة كامل أبيض يتخلله لمعات ذهبية و الذيل كان
طويل و بعدين فيه كريستالات تشد الفستان
و الفستان من تحت خصرها كان منفوش شوي مب وايد و الطرحة كانت شفافه يتخللها
بعد لون ذهبي و طبعا راعية الصاون ثبتت لميثة الطرحة بشعرها
و لبستها ظبية طقم الألماس كامل و آخـــــــــــر شي طلعت ميثة للبنات
ميثــــــــــــــــــــــــــة كانـــــــــــــــــت آيـــــــــــة من الجمــــــــــــــــال >> ( شي طبيعي تكون كل عروس حلوة و مميزة بليلة عرسها )
نورة: اويــــــــــــــه انتي شو ناااااااااااااوية على فيصل بيتخبل و اللـــــــــــــــــــــــه
ميثة استحت
ميره: ميثـــــــــــاني و الله انتـــــــي قـــمر
مهره: ما شاء الله عليج الله يحفظج
ميثة بصوت خافت: خلاص بصيح و الله
منال مسكت ايدها: انتــــــــــــــي اليوووووووم خبااااااااااااااااال
ميثة: منال بس عاااااااد
منال: هههههههههه الله عالمستحى
مها: منال هذي ام فيصل اللحين بتدخل و ابغيج تسيرين مع ميثة و لا تهدينها عن تشرد من العرس بعد
الكل ضحك: ههههههههههههههههههههه
دخلت ام فيصل و طاحت عيونها على ميثة: بســـــــــــم الله اللهم صلي على النبي ما شاء الله ما شاء الله الله يحفظج يا رب عيني عليج باردة و راحت عقب حبت راس ميثة و باركت لها و ميثة حبت ايدها و كانت من الخاطر مستحية
ام فيصل: تبارك الرحمن يا ميثة عيل شو خليتي للبنات من الجمال كان انتي ظويتي عليه كله
ميثة: ههه عموه بس بروحي استحي لا تزيدوني و الله استحي دخيلكم
ام فيصل: و وينها بنتي الثانية ( تقصد منال )
منال: انا هني عموووه
لفت عليها ام فيصل: يلااا عيل فديتج انسير و خلج مع اختج لا تروحين عنها بروحها تستحي
ميثة: انزين اذا ياها فيصل يتصورون انا وين اروح
ام فيصل: في غرفة خاصة انا بدليج عليها لا تخافين بس اقول اماية
منال: هلا فديتج امري
ام فيصل: ليش فاله شعرج بياكلونج البنات بالعرس
منال: لا جيه احلى خالوه انا ابغيه جيه... اقول نورة عندج عبايه احسن عن هالعبايه اللي انا لا بستنها
نورة: صبري بييبلج من غرفتي اللحين
و عقب سارت نورة و فسخت منال العباية
و شافتها ام فيصل: انتــــــــــــــــــــي لا يكون بتطلعين جيه جدام الاوادم
منال: هيه عادي
ام فيصل: عيل خلي الشال عليج على طووووول لا تطلعين بدونه جدام الاوادم
منال: و الناس شو لها خص فيني
ام فيصل: منال اماية وين الشال مال الفستان
منال: بس انا ما اريد اشله
ام فيصل سارت لها و عطتها الشال مالها اللي كان مفرور على السرير: لا لازم تلبسينه و لا تخوزينه مول بالعرس لان مثل ما قلتلج الناس بتاكلج بالكلام ما بيخلونج بحالج كفاية انج بعد فاتحة شعرج
منال: بس عشان خاطرج
مهره كانت صوب البلكونة: اللحين هالليموزين لميثة
ام فيصل: بعد فيصل هالخقاق قال لازم ليموزين و لا هو عادي اي سيارة و خلاص و يلاا منال عجلي لبسي عباتج و انتن بنات لا تتاخرن عقب انزين
مها: ان شاء الله خالتي






و بالسيارة تمت ام فيصل تقرا المعوذات على ميثة
و ميثة تمت ساكتة و منال ما حبت تكلمها عسب ما توترها و
خصوصا انها راح تتصور مع ريلها بعد شوي
و بعد ما وصلوا ودوا ميثة بالغرفة الخاصة للتصوير
دخلت ام فهد
ام فهد: لا اله الا الله لا اله الا الله قل اعوذ برب الفلق
ميثة ابتسمت: يعني ما ازيغ خالوه
ام فهد: لا فديتج و الله الحلا و الجمال كله فيج الله يحفظج ان شاء الله
ام فيصل: فديت مرت ولدي و الله
ام فهد: يلااا عيل خلونا نطلع ترا فيصل اللحين بيدخل عليها بيتصورون
منال سارت للمصورة اللبنانية و قالت لها
منال: اقول ما اوصيج خليهم يسوون حركات من الصح ههه
المصورة: ايه لا توصي حبيبتي اكيد بيعملو هيك حركات
منال غمزت لها و طلعت
دخل فيصل على ميثة
فيصل أول ما طاحت على عيون ميثة تم فترة جيه يطالعها
فيصل سار عندها و باس راسها و قال: مبـــــــــــروك ميثة
ميثة قلبها طاااح من الخوووف حست بشعور غريب لما حست بقربه ما عرفت بشو توصفه
فيصل مسك ويهها بيده: عنبــــــــــوووج من وين لج هالجمـــــــــــال ما احيدج جيه
ميثة انصدمت ما توقعت هالكلام من فيصل و تمت ساكتة
ميثة عيونها وساع و لونهم عسلي فاتح و بشرتها كانت حنطاوية صافية و على شكل دائري صغير
فيصل خوز الخصلات من على عيونها و هي ساكته
مووووووول ما تقوووول شي حست عمرها ذايبـــــــــــة و خايفة و ميته من المستحى بنفس الوقت
و يت على بالها هالكلمات الشعرية

المقطع الاول

قمــري طل على داري بنوره يمدنــي
يسري نوره بعروق شوقي و يعانقني

يهنيني على معشوقي و بالود يدعيلي
مــزج حنيني مع جنون حبي يداعبنـي

نفض الغلا و لذة الدفا و سلمها لقلبي
بليلــة زفافــي بغناوي الغرام يهنينــي

المقطع الثاني


غــرد الطيــر لشيــخ الرجــال يزفنــي
بتغريدة هـوى الغــرام و حــلا مجـدي

زفوني لحبيبي و بألحان الود عزفولي
مـع طرب الأحباب على الأوتار غنولي

بليلـة زفافـي لغنـاة روحـي سلمونـــي
مسـك ايـدي بحنيـة وترك ويله يدثرني

المقطع الثالث

أحبك يا سيد الغـلا و انت بشوفتـك تحيينـي
أحبك لأنك عيونـي اللي ابصـر بها دروبــي

تعال حبيبي لحضنـي برويــك من ود حنانـي
لأن جنتـــي بيــدك و أنا لك فــدوى بعيونــي

بخدمك باخلاص الحب و بأنفاسي لك بضحي
بقلـب لك وفي و ودود بزمن الغدر يـا حبيبي
(هالشعر من كتاباتي: نية صافية) :)



فيصل كل ساعه يهمس شي بأذن ميثة و هي تحس عمرها بتمووووت من الحياااا عاد ما ادري شيخرط عليها
ميثة حست ان قلبها يدق بقووو و حست ان ودها تملك فيصل و تسعده

بهاللحظة تمنت انها لو حبت فيصل من زمان
ميثة عفيفة ما حبت الا زوجـــــــــها صح كانت خايفة منه بالبداية بس من شافت ردة فعله اليوم استانست و
طارت فررررررررررح ودهاااا تعلن للعالم كله بانها فرحانه حيل
فيصل قرب منه ميثة و همس لها: اقــــــول ميثة
ميثة: همم
فيصل: ليش حارمتني من صوتج ما ترمسين
ميثة سكتت
فيصل: انتي مب مستانسة
ميثة باندفاع: لااا مستانسة حيل
فيصل: هههههههههههههه
ميثة طالعته بعيونها: تضحك علي
فيصل: هههههه
كملو التصوير
و المصورة: خلاص باقي صورة نهائية






راشد: ريموووووه لا تخبلي فيني
ريم: قلتلك ما اقد و الله صعبة
راشد: لا بتقدرين
ريم: راشد و بعدين وياك
راشد: الا هي صورة وحده بس
ريم: كيف تباني اصورها بالعرس و الله ما بطيع
راشد: انا ابغي اشوف صورتها و انتي عاد تشطري و شوفي مهمتج
ريم: اصورها يعني من غير ما تعرف
راشد: هيه عادي
ريم: يا ربي انا ليش قلتلك ان هم عندهم عرس
راشد: انتي اللي بلشتي بعمرج
ريم: الله يعيني عليك




في بيت خالد
أم خالد: مرتك اذا راحت العرس اخافها تسوي شي بخطيبتك
خالد: لا ان شاء الله ما بيصير الا الخير
أم خالد: عاد مرتك راعية مشاكل و انا مب مرتاحه لسيرتها ويانا للعرس
خالد: اماية فديتج تفائلي بالخير
ام خالد: اتفائل بالخير و شيخه مرتك اللي من يوم ما حملت و مسويه عمرها ملاااااك
خالد: فديتها البارحه تعبت بغيت اوديها المستشفى بس ما طاعت
ام خالد: ما فيها شي الا بزاااا و بطرة
خالد: حرام عليج اماية لا تسيئين الظن فيها عطيها فرصة و الله انها طيبة
ام خالد: فعينها الغبره كان هذي طيبه
شيخه يات لهم
شيخه: اقول حبيبي
خالد: امري فديتج
شيخه: شو تبا السفرة البيج و لا البيضه
خالد: البيج فديتج
شيخه: خلاااص فديتك بكويها لك عسب تلبسها
خالد: لا خلي الشغالة هي اللي تكويها انتي ارتاحي
شيخه: ما عليه حبيبي اللي تشوفه
و عقب راحت شيخه
ام خالد: ترااااااااااك ان وحرمتك لوعتووو جبدي و الله.. مسويلي فيها روميو مع جووولااااا ما ادري منوو كل ساعه يتغزلون ببعض حبيبي و فديتج و يا عمري و ما ادري شووو عافان الله
خالد: هههههههههههه
ردت شيخه لهم
ام خالد: هه ردت ام البرطم المحمر
خالد: ههههههههههه اماية شفيج
شيخه: اقول عمري
ام خالد: شفت ما قلتلك لوعتو بجبدي كل ساعه يا عمري و يا عمري افففففففف بسير اتلبس واتجهز ابركلي
خالد: هههههههه.. هاه فديتج شو بغيتي
شيخه: شو رايك البس هالفستان و لا هالفستان
خالد: لبسي العنابي احلى
شيخه ابتسمت: خلاص اللي تشوفه







في القاعة
عند الرياييل يايبين لهم فرقتين و
غير هذا كله ما تم حد مايا العرس يعني كان زحمة من الخاطر
و حمدان و محمد بصرااااااااااحه مسكتين الكل باليووووووله و بالربشه و جاسم و أحمد عقب يوو و شاركووهم
و فهد حليله طاير من الفرح لفيصل اللي و اخيرا تزوج و افتك
البنات تأخرن و سارن القاعه على الساعه ثمان تقريبا
و ظبية أول ما شافنها ربيعاتها شلنها
من الخاطر اشتاقولها لانها مول ما تظهر من البيت من عقب اللي صار لها
و اللي تمت تتخبر عن احوالها و اللي تمت تعابها ليش انها قطعتهم
و ظبية كانت مستانسة وسطهم حست انها اشتاقت لايام قبل
و نورة و منال ارتبشن بالمعازيم و غيره و مهره و ميره
كانن مستانسات مع هالاجواء
نورة: منال منال
منال: هلااا
نورة: شو رايج نصعد الاستيج
نورة: عيل متى بنروح لميثة
نورة: يا بويه لا تخافين بنروح بس مب اللحين يلااا تعالي
منال: يلااا يايه يايه
نورة مسكت ايد منال: يلا بنرقص
منال: نعم
نورة: بنرقص
منال: لا و الله
نورة: ههههه هيه و الله يلااا عاد منال و الله الاغنية ربشه لا تفوتينها
منال: لا انا استحي شو ماشي شغله ارقص
نورة: انزين بنرقص رقص عادي مب اللي بالي بالج
منال: اوكي عيل دام جيه
مها كانت مع ام فيصل و ام فهد و شوي يتهم ام خالد و مرت خالد
شيخه بققت بمها من فوق الين تحت و قالت فنفسها: خيبه تخيبها لا من حلاتها عسب يتزوجها يا ربيه صدقت امي لما قالت انها تشبه زينب الممثله لكنها عادية مب حلوووووووووووة افففففف منها لو اذبحها
الكل سلم على الثاني و أخر شي عرفتهم ام خالد بشيخه مرت خالد
مها ارتبكت و بان هالشي عليها
و ام خالد تلومت ما عرفت شو تقول
ام فهد و ام فيصل عسب ينقذون الموقف تمو يسولفون عادي و لا كأنه شي صار
مها قامت بتروح الحمام بتعدل مكياجها و عقب بتسير صوب ظبية احسن لها
و لما كانت بالحمام تفاجات بوجود شيخه
مها كانت بتروح لكن شيخه وقفتها
شيخه: وقفي
مها وقفت بس ما صدت صوبها: بغيتي شي
شيخه: انتي ما تستحين على ويهج
مها تفاجأت من هالهجوم: و انا شو سويت لج
شيخة: اقول يا سراقة الرياييل لا تسوين عمرج بريئة و لا كأنج تعرفين شي
مها: انتي عن شو تتكلمين وضحي
شيخه: سعيد تذكرينه و لا لاااء
مها استغربت: أي سعيد هذا
شيخه: ليش انتي جم سعيد تعرفين
مها تذكرت: طليقي
شيخه: عليــــــج نور
مها:و انتي شو تبين به سعيد
شيخه: سعيـــــــــد يطلع اخووووي يا محترمه
مها شهقت: ما اصدق
شيخه: صدقتي ما صدقتي نفااااد ما يهمني اول شي مل منج اخوي و طلقج و عقب ييتي و سرقتي مني ريلي
مها قاطعتها: لو سمحتي احترمي نفسج
شيخه: انتي اللي احترمي نفسج و حاسبي عمرج الف مرة خالد انسان متزوج و انا زوجته ليش تيين انتي و تخربين علينا يا خرابة البيوت
مها خافت: انا ما كان قصدي اخرب بين اثنين
شيخه: هالاثنين اللي تتكلمين عنهم هم زوجين كانوا مرتاحين لكن من ظهرتي انتي بطريج زوجي خربتي حياتي
مها تشجعت: لو انتي كنتي صاينه عمرج كنتي بتقدرين تصونين ريلج لكن انتي ما فلحتي
شيجه: ايا جليلة الحياااا
مها: لو سمحتي حاسبي على الفاظج
شيخه: سمعيني عدل ابتعدي عن طريج ريلي احسنلج و اذا تزوجتي ريلي صدقيني بتطلقين باقرب وقت و قد اعذر من انذر
مها: انتي شقاعده تقولين
شيخه: اقول هالشي لان لمصلحتج و لمصلحتي
مها: و مصلحتج من انج تهدمين سعادة زوجج
شيخه: لا فديتج جريب ان شاء الله بييب لزوجي ولدي سيف اللي بيسعد فيه
مها اتفاجأت: ولدج سيف
شيخه: تراني حامل شو ما خبروج
مها: انتي حامل لا ما خبروني قالولي انج ما تييبين عيال
شيخه: غلطان من قالج هالكلام و بعدين لا تفتكرين ان خالد بيتزوجج لانه يحبج لا يا حبيبتي لا هو بيتزوجج بس عسب جمالج اللي بصراحه انا اشوفه جدا عادي و عقب لما يمل منج راح يطلقج فهمتي و لا افهمج زوووووود
مها رااااحت عنها و هي معصبة و مضايجه و كل كلام شيخه كان يدور ببالها

ريم يات العرس على الساعه تسع
و يوم دخلت لمحتها مهره و سارت لها
ريم فجت حلجها اول مرة تشوف مهره كاشخه و محلوة جيه
كانت لابسة فستان ذهبي مخصر و حلوة طالعه >> العاده كانت بنظارتها و بحجابها المدرسي ( حتى انا يذكرني بايام المدرسة ههه )
مهره بابتسامه عذبه: يا هلا و الله بريم
ريم: اهلين فيج حبيبتي اشحالج
مهره: الحمدلله بخير اشحالج انتي علومج
ريم: و الله طيبة دام اشوفج مستانسة
مهره: حياج حياج
ريم: وين بنقعد
مهره: تذكرين شلة موزة و سلمى
ريم: هم يايين
مهره اشرت عليهم: هيه يايين حياج بنقعد نسولف معاهم
ريم عاد ما تبلع هالشلة خير شر و لا هم بعد بس اضطرت ريم توافق من انها تروح
المهم انها تييب صورة مهره لراشد







البنات كلهن على الساعه تسع و نص دشن لميثة
ميثة: لااااااااااااا و الله كان ما ييتن بعد
منال: ههههههه سوري خذتنا الاجواء و الله
نورة: ههه اول مرة اشوف عروس تصارخ بليلة عرسها
ميثة: هاه شو الاجواء برع
منال: رقــــــــــــــــيص كل شي حلووو
ميثة: الله شوقتوني اطلع
ميره: اقول ميثاني كيف كان وياج فيصل
ميثة: آآآه لا تذكريني
منال: هههههههههههه لا البنت رااايحه فيهااا
نورة تحرك حواجبها: اقول شو كان يقولج
ميثة احمرت: جب ما يخصج هذا كلام ازواج حق العزابية ما ينقال لهم
ميره: ههههههه ما عليه يا الخاينه
منال: ههه اهم شي انها ارتاحت لفيصل و لو شوي على الاقل
ميثة: مها مهااااااا
مها التفتت لها: هلا حبيبتي
ميثة: بلااااج مويمة
مها: لا فديتج ما فيني شي
ميثة: حاسه انج مب على بعضج
ظبية: لا ما فيها الا العافيه >> مها خبرت ظبية بالموضوع و ظبية هدتها شوي
ميثة: مستعدين للتصوير معاي
نورة: طبعااا جاهزين
مهره اتصورت جم من صورة و عقب طلعت عنهم
و فطريقها لربعها صادفت ريم
ريم: على وين مهاري
مهره: كنت سايرة عند الشلة اقعد معاهم
ريم: تعالي بنقعد بروحنا خاطري اسولف معاج على انفراد
مهره: خلاص مثل ما تبين







ميثة: انا متضايجه من الكعب
منال: استحملي الليله عرسج
ميثة: و الفستان ثقيل ضيج فيني
منال: استحملي الليله عرسج
ميثة: اوووهووو هو كل مرة انا اللي استحمل
نورة: ههههه استحملي الليله عرسج
ميثة: هههههه رفعتو ضغطي
في الجانب الثاني بالغرفة
كانن مها و ظبية يرمسن
ظبية: ينيــــــــــتي انتي
مها: ما اقدر اهدم حياة اثنين
ظبية: هم قالولنا ما تييب عيال و انتي على طول صدقتيها
مها: كانت ترمسني و هي واثقة
ظبية: و الله عجيــــــــــــب تصدقين رمستها بدون ادلة و لو طلعت بعد اخت سعيد شو فيها يعني
مها: ما ادري و الله ما ادري
ظبية: لا تخلين عواطفج تتغلب عليج
مها: احس اني بظلم الكل معاي اذا خذت خالد
ظبية: و منو بالله اللحين بيخليج ترفضين خالد ابوي مستحيل يسمحلج بهالشي
مها: هي صح ذكرتيني عمي مستحيل يوافق اذا رفضت خالد يا ربي شسوي اللحين
ظبية: توكلي على ربج و ان شاء الله خير
مها صدت صوب العروس و ابتسمت
مها: يالله يعل حياتها تكون كلها سعاده بسعاده
ظبية: آميــــــــــن يا رب العالمين
دمعت عيون مها: و الله و صارت عروس و عقب بتصير ام
ظبية ابتسمت: الله يوفقها ان شاء الله و يرزقها بالذرية الصالحه
مها: شوفيها كيف فرحانه و الله محلوة بزياده
ظبية: اكيد فيصل عاملها بطريقة حلوة و من جيه ارتاحت نفسيتها يالله كيف قلبج كبير يا ميثة
مها: اخافه عقب يقسى عليها و لا شي ترا ميثة من النوع الحساس
ظبية: لا ان شاء الله ما بيسوي فيها شي
مها تنهدت: الله يسمع منج






يت الساعه عشر و نص
و العروس اللحين بتطلع
و حطولها بالبداية شعر مسجلينه بصوت منصور و كان ممزوج بموسيقى رومانسية و ميثة طلعت و هي شوي مررتبكة
لان كل العيون عليها
أول شي نزلت العروس عن طريق الأصانصير اللي كان شفاف و كان وراها المصورة و تحت كان فيه بعد مصورة و
اشتغلت الزفة الخاصة فيها اول ما وصلت تحت
الكل كان يطالع ميثة اللي كانت نازلة و على فكرة ميثة كان مكياجها خفيف مب ثقيل مثل ما يسون عرايس هالايام على قولة ميثة ما ابغي خريطة العالم على ويهي هههه

ام فهد و ام فيصل فرحتهن ما تنوصف بهاليوم و الكل كان مستانس حده
كان الاستيج مثل الزجاج تقريبا ممزوج بلون الأحمر و الذهبي و الاسود طالع خيااااال و الورود كانت بكل مكان
ميثة كانت ماسكة مسكة الورد بطريقة حلوة و كان شكلها مندرجة الين تحت على شكل مثلث و كان أغلب الالوان اللي
عليها لون أحمر و عنابي و عليهن لمعة حلوة و كان عليهم كريستالات منثورة بشكل مرتب و حلو
و في وسط هالربشة يت بنية لمنال
........: السلام عليكم
منال استغربت: و عليكم السلام
.......: انتي منال اذا ما خاب ظني صح
منال: هيه نعم انا منال بس منو انتي ما عرفتج
.......: انا اللحين مضطرة اطلع لاني تأخرت بعطيج رقمي و ضروري تتصلين علي
منال: اتصل لج ليش
.......: اتصلي الله يخليج اباج بموضوع ضروري مسكي هالرقم ( و عطتها الورقة اللي عليها الرقم )
منال مستغربة من هالبنت عطتها الرقم و راحت بسرعه يا ترى منو هذي
منال: نورة نورة
نورة: هلاا
منال: تعالي بسرعه تعالي
يت لها نورة: شو بغيتي كنت آكل و الله يوعانه
منال: اقول تشوفين البنت اللي تلبس عبايتها بالجهة الثانية
نورة: اي وحده
منال: هذي اللي لابسة احمر شكلها بتروح تلبس عبايتها
نورة: لا ما اشوفها
منال: اففففففف ما منج فايده خلاص راحت
نورة عقدت حياتها: خير شصاير
منال: بروحي ما اعرف في بنية عطتني رقمها تبيني اتصل لها ضروري ما اعرف شو سالفتها
نورة: يمكن وحده من ربيعاتج بس انتي ما تذكرينها
منال: لا ما اعتقد
نورة: بسيطة تراج بتتصلين لها و بتعرفين كل شي
منال: هيه و الله صدقتي
نورة: يلاا عيل برايج برد آكل
منال: اقول لا تكثري اكل ترانا يوم بنرجع للبيت بنطلب من المطعم
نورة: خيبه نحن بنرد البيت ثنتين و لا ثلاث انا ما اقدر استحمل
و عقب ساعه و نص تقريبا دخل المعرس
و بو فهد و بو فيصل بعد و منصور وياهم بعد
منصور حليلة انصدم من اشكال البنات يخرعن على قولته
منصور: ميثة شو هاا على ويهج
ميثة: هههه و انت شو تشوف غير الالوان
منصور: وع طالعه ساحره
ميثة: ههههههه حرام عليك مع اني مب مكثرة ميك اب وايد
فيصل: منصور يلاااا اقلب ويهك مع عمي و ابوي
منصور: لاااا ما بروووح ابغي اسمعك شو بتقول حق ميثة
فيصل: مســــــود الويه لاحق على هالاشياء لاحق
منصور: ميثة اذا سوى فيج شي فيصل خبريني بخبر عليه ابويه
ميثة: هههههههه
فيصل: قم انته قم من هنا خلني شوي مع حرمتي عنبووو لصقة
منصور: هههههه انزين انزين بسمع كلامك بس لانك معرس و لا انا مب نشاد
فيصل: هههههههههه السانك هذا انا بقصه لك
منصور: يلااا خشمك خشمك يالمعرس>> يقلد ابوووه
خاشمه فيصل: ههههههههه ما منك حيله طبق الاصل من ابوك






ريم طلعت من القاعه
من بعد ما صورت مهره من غير علمها
و اتصلت على راشد تبلغه
راشد: الو
ريم: هلا راشد
راشد: سويتي اللي قلتلج عليه
ريم: هيه سويته بس
راشد: بس شو
ريم: حاسه بالذنب
راشد: و ليش تحسين بالذنب خلج عادي كول
ريم: احس بالذنب لان مهره و الله انسانه طيبة ما تستاهل اني اسوي لها هالشي
راشد: انزين انا ما بضرها لا تخافين
ريم: بس هي اكيد ما تحب حد غريب يشوف صورها
راشد: لا تكبرين السالفة و هي ما تسوى قلتلج انا ما بضرها انتي هاتي الصورة و خلاص
ريم: انته وين
راشد: انا بالبيت
ريم: اييك هناك يعني
راشد: هيه اترياج لا تتاخرين
ريم: اوكيك باي
راشد: باي
و بعد ربع ساعه وصلت ريم بيت راشد
و شافته بالحديقة قاعد و نادى عليها و عقب راحت له
راشد: استريحي
ريم: و هذي قعدة و قعدناها
راشد: هاتي الصورة
ريم: ليش مستعيل
راشد: بتيبين الصورة و لا بتذلينا
ريم: لحظة بطلع الفون
راشد طلع فونه: طرشي الصورة على فوني
ريم: اوكي لحظة بطلع الصورة اول
و عقب وصلت الصورة لراشد
راشد صفر باعجاب من بعد ما طالع الصورة: بذمتـــــــــــــــج هذي مهره
ريم: هيه شفت عاد
راشد: مستحيل هذي امها تكـــــــــــــــون مواطنة و لا و بعد سمرة و حليوة
ريم: لا امها كانت مواطنة
راشد: أنا بمـــــــــــــــوت اذا راحت هالبنت من ايدي
ريم: شو ناوي تسوي اللحـــــــــــــين
راشد بخبث: بنوي على اللي خططنا له






على الساعه ثنتين خلاص الناس روحت من العرس
ميثة اول شي سارت بيت عمها بوفهد بتبدل و عقب بتطلع
على بيت ريلها
منال: و الله مب هاينه علي ميثاني فديتها خلاص بتروح عنا
مهره: هيه و الله بنفتقدها
ام فهد: لا تخافون ان بغيتو تشوفونها تراكم تدلونه بيت عمكم و هي بعد بتزوركم بين فترة و فترة
منال دمعت: بس هذي طبقتي ما ادري كيف بعيش بهالبيت بلياها
ام فهد: تراج الا مثلها بييج الريل و بتسيرين ببيت بروحج
منال ابتسمت بحزن
طلعت ميثة من غرفتها
مها: يالخبلة ليش مسحتي الميك اب
ميثة: غسلته بعد شوو بسه خاااس على ويهي من متى محطتنه
منال بشكل لا ارادي راحت و حظنت اختها و صاحت
و بدن ميره و مهره بعد يصيحن
أم فهد: شو فيكم يا جماعه عينو من الله خير هي الا بتطلع على بيت ريلها
منال: بفتقدج وايــــــــــــــــــــد يالدبة
ميثة قرصتها على خدها: و أنا أكثر حبيبتي
و قبل ما تسلم ميثة على خواتها الباقيات راحت اول شي تسلم على ام فهد
و حبتها على راسها: مع السلامه خالووووه
ام فهد: حبتج العافية غناتي ما اوصيج هالله هالله بريلج و ديري بالج على عمرج زين
ميثة: من عيوني يا الغالية
و عقب قعدت تسلم على خواتها الباقيات و بنات عمها
محمد يا لهم
محمد: لا حول لله يلااااااااا اخرتووونا فيصل مستعيل
ميثة: يصبر هو شو ورااه
ظبية: من اولها يصبر عيل الله يعينه
محمد: هههههه بلاكم مويمين اقوووول لا تكثرووو صياااح مب ناقصين نغرق
نورة: متفيج
محمد: جب انتي ام عيون منفخه >> منتفخه من الصياح
دخلت ام فيصل لهم
ام فيصل: يلااا وينها العروس
ميثة: انا هني فديتج البس عباتي
ام فيصل: يلا خلصي فديتج فيصل ماكل فوادي
منال راحت لميثة و همست لها: لا تنسيني
ميثة: مستحيل انساج اصلا الود ودي كل يوم ايي عندكم
منال: هههه
و حبن بعض مرة ثانية و راحت عقب ميثة ببيت عمها
و كل وحده من البنات راحت غرفتها تريح و بعد نص ساعه محمد طلب لهم
من المطعم لان البنات يوعانات


و خلـــــــــص عرس ميــثاني و عقبال كل البنوتات بالزواج الناجح يا ربيه :)



عند فيصل و ميثة
فيصل فسخ عقاله و حطهم على السرير
و ميثة قاعده على الكرسي ساكته
يا فيصل و قعد حذالها
فيصل: يوعانه؟؟
ميثة تذكرت انها ما كلت شي من الظهر فهزت راسها بالايجاب
فيصل: وين لسانج
ميثة: هاه
فيصل: بلاااج
ميثة: ماشي
فيصل: تعالي انسير ناكل
تجدم فيصل عنها و هي راحت وراه
ميثة بنفسها: بلاااه هذاا معصب انا ما سويت شي
و عقب سارو ياكلون
و ميثة مرتبكة وايد ما تعرف ليش فيصل تغير
فيصل قال فجأة: سمعي أنا ما احب حد يدخل بشؤوني الخاصة أبدا سواء كانت بسيطة أو كبيرة
ميثة: ليش
فيصل طالعها بنظرة حادة: بدون ليـــــــــــش و يا ليت لما أتلكم ما تقاطعيني
ميثة: انت بـــــــلاك تكلمني جيه
فيصل: أنا هذا اسلوبي بالكلام و ابغيج بعد ما تقولين لاي حد شو اللي يصير من بينا فهمتي
ميثة هزت راسها
فيصل قال بصوت عالي: بلاااااااج تهزين راسج تكلمي قولي ايه و لا لااء
ميثة فزت مخترعه: خلاص خلاص اللي يريحك
فيصل: و الله يا ميثة ان عرفت انج مسوية شي من وراي بتشوفين الويل مني و دلعج الماسخ هذا انا ما احبه و السانج ان طول مب بقصه لج الا بقصبج
ميثة تفاجأت من هالكلام و بدت تخاف و الارتباك بان على ويهها فتمت ساكته مب عارفة شو تقول
فيصل: و اعرفي اني يوم رضيت اتزوج بس عشان خاطر امـــــــي من كثر ما تحن على راســـــي و انتي عندي مجرد زوجـــــه بالاسم و بس
ميثة انصعقت هذا شو يقــــــــــــول
ميثة قامت بتروح قبل ما تصيح جدامه
فيصل بحده: قعـــــــــــــدي
ميثة بصوت يكاد ينسمع: بروح انام
فيصل: اقولج قعدي كملي اكلج و عقب روحـــــــــي يلااا قعدي
ميثة قعدت و نفسيتها انسدت عن الاكل فقعدت تشرب العصير و هي مويمه
و عقب راح فيصل ياخذله شور
و هي استغلت الفرصه و قامت بتروح تبدل
و لما يت بتدور شي زين تلبسه ما حصلت
ميثة: الله يخس ابليسكم يا نورة و منال ياللي ما تستحن انا متاكده اني حطيت ملابس نوم ساترة وينهن اكيد هن طلعنهن انا مستحيل البس جدام فيصل هالمفســـــخ من سبع المستحيلات بعد
بروحها اصلا هي ما كانت تبا تشتري هالاشياء لكن منال و نورة و ظبية نازعوها و عقب عاد شرت القمصان اللي ما منهن فايده على قولة ميثة
ميثة: يا ربي شسوي اللحيـــــــــــن و الله ما لبست هالقمصان هذا قصير و ذاك ضيق و هذا شفاف وووووع شووو هااااا و الله لراويكم يا نورة و منال بتشوفون يا ربيييييه و الله بصيييييييح
و عقب سارت ميثة و بطلت الكبت اللي محطاي فيه الجلابيات فاختارت جلابية جدا عادية و راحت غرفة تبديل الملابس لبستها و طلعت تبا ترقد
ميثة بنفسها: اشوا دبرت عمري بهالجلابية و لا كنت بلبس القمصان اللي ما تستر شي
شافت فيصل قاعد ينشف شعره بالفوطه
ميثة تضايجت لما تذكرت كلامه و حست عمرها مخنوقه تبا تصيح لكم ما تقدر جدام فيصل
فيصل: سيري هاتيلي مشطي
ميثة: بس أنا ما ادري وين محطاي
فيصل صارخ عليها: دوريــــــــه بالادراج اللي هنـــــــي
ميثة خلاص الصيحه بعيونها بس حابستنهم عسب ما يطلعن
ميثة راحت و ناولته المشط
و بعد ربع ساعه راحوا ينامون







على الساعه تسع الصبح
ام فيصل مرتبشة ترتب الفطور للمعاريس و عقب عاد
بتخلي الشغالات يودوه لهم فوق
ام فيصل: يلاا ديهديه سونيا ودي هذا بعد يلااا تحركي و انتي الثانية بدال هالوقفه سويتي الحمص و لا بعدج
ميلسا: يس ماما انا في يسوي
ام فيصل: عيل ودي هالصحون للمغسلة
دخل حمدان: يالله يالله ما يسوى عليج كل هالحشرة عشان فيصل و ميثة
ام فيصل: هيه فديتهم يستاهلون اللي يخدمهم
حمدان: و نحن عيال البطة السودا ما دلعينا شراتهم
قعد حمدان على الطاولة و سرق له صحن حمص و شل الخبز من الطاولة الثانية و قعد ياكل و قبل ما تسير سونيا تودي للمعاريس اشر لها اتيي صوبه و اخذ عنها صحن صغير فيه سلطه و عقب راحت
ام فيصل: هههههه مسود الويه تحسبني ما اشوفك سير غرفة الاكل بتشوف الريوق و تريق
حمدان: لا انا ابا مال المعاريس يمكن مالهم احلى
ام فيصل: هههههه اسميك عيار
دخل جاسم و هو مورم
حمدان: عوذ بالله منو مصفعنك
جاسم: جب انته مب متفيج لك انا من صباح الله خير
ام فيصل: ويه حليلك يا اميه ليش قايم من اللحين بروحك تعبان
جاسم: صبولي شااااااي
حمدان: اخيــــــــــه لا يكون تحولت لفيصل مثل النفسية الخاسية على الصبح
جاسم: انته شوو تقول
حمدان: هههههههههه مسطل ولدج
ام فيصل: جسووم اماية رووح غرفة الاكل هناك تريق قووم فديتك قوووم
حمدان: هيه هيه الدلع لناس و ناااس الا انا حليلي
ام فيصل: قوم انته قوووم ود اخووك وياك و تريقوو هناك
حمدان: جســـــــــــوووم قوووم يلااا
جاسم قام و خذ صحن السلطة ياكلها بالدرب وياه
و عقب يتهم هناك امهم و ابوهم بعد
بوفيصل: هاه شخبار المعاريس مالهم حس
حمدان: أنا يا خوفي يطلع فيصل ماكل ميثة
جاسم: ههههههههه ما اتخيل
حمدان: و اخيرا ضحكت
جاسم: يا بويه مالي نفس تعبان لاني ما نمت زين
بوفيصل: انزين روووح نام شو اللي حادنك على القومه من صباح الله خير
جاسم: عندي شغل لازم اخلصه الصبح
ام فيصل تسال ريلها: تبغيني اصبلك شاي و لا عصير
بوفيصل: ابغي شاي
ام فيصل: بالحليب و لا بالزعتر
بوفيصل: بالزعتر.. يالله اليوم ما مخليه شي ما مسوتنه
حمدان: كل هذا لان فيصل عرس و اللحين هي تدلعه و لو مب عرس حامض على بوزنا تسوي كل هالاكل
جاسم: عيل انا يوم بعرس بشوف شو بتسوين
ام فيصل: هههه انت عرس بالاول و عقب يصير خير
بوفيصل: الا بعده فيصل مصمم انه ما يبي يروح يسافر مع حرمته
حمدان: مــــــــــــووول عنيد مب طايع يروح شهر عسل حاولت اقنعه قبل يومين بس ماشي فايده
جاسم: هذا إلين متى بيتم جيه لازم على الاقل يقدر ميثة و يسفرها شهر عسل حرام يخرب عليها
ام فيصل: و الله يا اميه انا قلتله بس قالي ظروف شغله ما تسمحله
جاسم: ولدج عيار الشغل يقدر يمسكه عنه فهد لكن فيصل الله يهداه عنيد
بوفيصل: مدام ان عذره الشغل خلاص عيل برايه و الحرمه مب مستلغثه على السفر







ميثة قامت من النوم قبل فيصل و راحت تاخذ لها شور على السريع
و حست باليوع لانها البارحه ما كلت الا شوية
لفت صوب فيصل شافته راقد و مب مهتم مثلها هي حليلها تمت
تحاتيه و ليش تغير عليها فجأة مع ان يوم التصوير كان معاها
و لا اروع بس شو اللي غيره شووو
ميثة سحبت عمرها للحمام و هي تحس بثقل بجسمها
و عقب ما طلعت شافت فيصل قام من نومته
و راح على طول الحمام
ميثة بنفسها: خيبه حتى ما عبرني و لا قالي صباح الخير هذا شو فيه مبوز بعد الله يعيني عليك يا فيصل
ميثة كانت تبا تتصل على منال لكنها تذكرت ان فونها ما يابته وياها
ميثة: يا ربيه شو اسوي اللحين و الله خايفة كيف اتصرف.. خلني اسير اكشخ على قولتهم تراني عرووووس
راحت ميثة و لبست و اكشخت و حطت ميك اب خفيف و جحلت عينها و فتحت شعرها
و سارت صوب صالتها الخاصة شافت الريوق محطاي هناك
بصراحه هي استحت تبدي ريوقها قبل فيصل فقعدت تترياه إلين ما ايي
فيصل اول ما طلع من الحمام دور على تلفونه عسب يدق على فهد
دق التلفون مرة و مرتين و فالثالثة رد عليه فهد
فهد: هـــــــــــــلا بالمعرس
فيصل قعد: هـــلا فهد بشر شصار
فهد: انا مب قايلك لا تحاتي
فيصل: بغصب عني يا فهد و الله بغصب عني هذا ولدي تعرف شو يعني ولدي
فهد: لا تخاف ولدك عبدالعزيز بخير و ما فيه شي و ابشرك بعد حالته استقرت
فيصل: قلبي قابضني عليه أنا لازم اروح له
فهد: لا لا لا شو تروح له انت معرس المفروض تقضي وقتك كله مع حرمتك
فيصل: نفـــــــادها الحرمة ما تهمني اهم شي ولدي
فهد: فيصل نحن على شوو اتفقنا انا مب قايلك لا تهمل حرمتك حرام ترا ميثة ما تستاهل الا الخير
فيصل تنهد: يصير خير.. و مشكور تعبتك وياي و خليتك تروح المستشفى من بعد العرس لولدي و غثيتك
فهد: افا عليك نحن ما بينا هالكلام و هالرسميات هذا واجبي و عبدالعزيز ترا حسبت ولدي
فيصل: يلا الغالي بخليك اللحين
فهد: فمان الله الغالي
فيصل: مع السلامة
و راح عقب فيصل الصاله شاف ميثة تلعب بالخاتم اللي بصبعها
فيصل: صباح الخير
ميثة توه الناس: صباح النور
فيصل: ليش ما تريقتي
ميثة: اترياك
فيصل قعد صوبها: قربيلي الخبز
ميثة قربت له الخبز و صبت له شاي
و تموا عقب ياكلو و هم ساكتين
فيصل يفكر بولده و ميثة تفكر بزوجها و ليش تغير عليها







في بيت بوفهد
ظبية كانت بغرفتها ترتب سريرها
و طلعت عقب دفترها و شافت مخططاتها و عقب سكرته و
سارت لغرفة مها
ظبية دقت الباب
مها: تفضل
ظبية دخلت: صباح الخير يا عسل
مها ابتسمت بحزن: صباح النور
ظبية: شفيه الحلو زعلان
مها: بعدي ما نسيت اللي صار البارحه
ظبية: خلج أقوى من جيه و تحدي الظروف
مها: أنا خايفة يا ظبية خايفة
ظبية: انتي ما قلتي انج صليتي استخارة و ارتحتي لخالد
مها: امبلا
ظبية: عيل خلاص توكلي على الله و مدام انج ارتحتيله يعني فيه خير لج
مها: صح كلامج
سمعوا دق بالباب
مها: تفضل
دخلت منال
منال: رجعــــــــــــــوووووها لي و الله ما عرفت انام من غيرها
مها: هههه اللحين هي بالعسل شو تبا فيج
منال: قلبي يعورني حاسه ان فيها شي
ظبية: ويه بسم الله لا تتشائمي
منال: صدقوني فيها شي انا حاسه
مها: منول شو هالكلام ميثة ما فيها الا كل خير
منال: ما ادري ما ادري بس قلبي ناغزني عليها حتى ما عرفت انام مووول و يوم ييت اتصل لها لقيت فونها بالغرفة نست تشله معاها
مها: هي بروحها بتتصل لج لا تخافين
منال: الله يستر
و عقب راحت منال و تلحفت على سرير مها
مها: اللحين تفيجتي تنامين
منال: هيه شسوي بعد و لا تسويلي صدعه بليز و لا اقولكم يلاااا من غير مطرووود
ظبية طالعت مها: شفتي اختج تطردنا
مها: هههه يلااا قومي طلعنا حرام ما نامت مول
ظبية و مها طلعن يتريقن تحت مع البقية







عند ميثة و فيصل
ميثة شافت فيصل يتغتر و يتعطر: وين رايح
فيصل التفت عليها و قال بحده: و انتي شلج فيني
ميثة: حشى و انا شو قلت عسب تشب بويهي جيه
فيصل: ابلعي السانج لاني مب طايق اسمع حسج سمعتي و لا لااء
ميثة تمت منقهره و كانت تبا تصد تروح عنه
مسك فيصل ايدها: انا يوم اكلمج لا تصدين عني
ميثة: و الله يوم بترمس مثل الناس بقعد اسمعك لكن لما تقول كلام يلوع بالجبد انا بصد عنك عسب ما اسمعه
رص فيصل على ايدها بقوه و قال: بغصب عنج بتسمعيني رضيتي و لا ما رضيتي
ميثة تحاول تفج ايدها: أأخ بطل ايدي.. لا ما برضى على اللي انت تسويه زيــــــــــــن
فيصل: علج ما رضيتي و عقب فلت ايدها بقو و راح عنها طلع
ميثة حست بالقهر و بالضيج ودها تصيح لكنها تكابر
فيصل نزل الصالة و ما شاف الا جاسم و حمدان يتناجرون
جاسم: هلا هلا بالمعرس
حمدان: صبحك الله بالخير
فيصل مر مرور الكرام و طلع من الباب بدون ما يلتفت لهم
حمدان: لا حول ولا قوة الا بالله هذا و بعدين معاه و وين رايح عن حرمته
جاسم: انا ادري عنه ما اقول الا الله يعينج يا ميثة
حمدان: ياخي يا ليت ميثة دفشه عسب تعرف تأدبه
جاسم: حليلها وين هذي بتقدر عليه
سار فيصل المستشفى لولده و اغلق تلفونه
عسب يفتك من حشرة الاتصالات
اول ما وصل المستشفى طيران راح لولده عبدالعزيز
عبدالعزيز كان نايم
فيصل دخل عليه و باسه على راسه و قعد على الكرسي
يطالع ولده و هو مستهم عليه

( طبعا انتو مستغربين من وين طلع عبد العزيز.. فيصل قبل ست سنوات كان يحب وحده كانت تدرس معاه بالخارج وهي بحرينية اسمها زينب كانت تحبه و هو يحبها لكن لما يا فيصل و قال لاهله ان راح يتزوجها امه كانت من اول المعارضين ما كانت ترضى ان ولدها ياخذ بحرينية كانت تبغيله وحده من اهل الامارات و تم فيصل يحاول يقنعهم لكن ماشي فايده فبعد ثلاث سنين سار البحرين و تزوج زينب بدون علم اهله و الوحيد اللي كان يعرف هو فهد.. و تم كل مرة فيصل يسافر لزوجته بحجة الشغل بس عسب ما يثير الشكوك حوله.. و في مرة من المرات صارت مشاحنه كبيرة اول مرة تصير ما بين فيصل و زينب و السبب ان زينب تبا فيصل يخبر اهله بزواجهم بشكل علني لكن هو رافض إلين ما يرتب اموره عسب ما تصير مشاكل فطلعت زينب من البيت و هي معصبه سايرة بيت اهلها و لما يت بتعبر الشارع دعمتها سيارة و تمت فغيبوبة لمدة شهرين و عقب ماتت و من ذاك اليوم و فيصل حاسس بالذنب و تغير حاله للأسوأ و تبدلت شخصيته و صار جدا عصبي و مزاجي و ما يحب الا الجد و عانى فيصل وايد من بعد وفاة زوجته زينب ما تخيل انه بين يوم و ليلة يفقد اعز انسانه على قلبه.. و بعد تقريبا خمس شهور من وفاة زوجته بدا ولده عبدالعزيز يتعب وايد و لما وداه المستشفى يشوف شو فيه قالوله الدكاترة ان ولدك يعاني من سرطان الدم"اللوكيميا" )
عبدالعزيز فتح عيونه: ابــ ـــويه أنـ ــ ــا عطشـــ ـ ـان
فيصل: من عيوني.. شل الدبة الماي اللي حذاله و سقا ولده
فيصل: بسم الله عليك حبيبي ( باس راسه )
عبدالعزيز صاح: ابويه انت وينك البارحه ليش ما ييتني
قلب فيصل بدا يتقطع لان كلام و عيون عبدالعزيز يذكره بأمه
فيصل يمسح على راس ولده: خـــلاص فديتك أنا موجود لا تخاف شخبارك انته اليوم احسن
عبدالعزيز: أنا البارحه كنت تعبان و انت ما كنت معايا
( على فكرة عيون عبدالعزيز مايلة لـــلون الرمادي مثل عيون أمه المرحومه )
مسح فيصل على شعر ولده بحنية و قال: فديتك انا سامحني حبيبي سامحني
عبدالعزيز: ابوية إنت مضايق ؟؟
فيصل ما قدر يستحمل مول لان طريقة كلام ولده يذكره على طول بزينب فنزل راسه على تحت بدون ما يرد على ولده
دخل فهد عليهم: السلام عليكم
فيصل رفع راسه مستغرب: و عليكم السلام انته هني
فهد: ايه انا هني اتصلت عليك شفت تلفونك مغلق و اتصلت على بيتكم قالولي انك طلعت قلت اكيد راح لولده
فهد راح لعبدالعزيز: اشحالك حبيبي
عبدالعزيز: بخير
فهد لاحظ ان فيصل تعبان و مضايج و لا كأنه معرس أبدا و لا حتى يبين عليه
فهد: فيصل استهدى بالله و اذكر ربك
فيصل تنهد و رفع راسه ببطئ: لا إله الا اللـــــــــــه
فهد: عزوز حبيبــي شخبار صحتك اليوم شي يعورك و لا اليوم احسن عن البارحه
عبدالعزيز ابتسم و قال ببراءة: انا بخير يوم اشوف ابويه
فيصل راح لولده و حضنه
و عقب فهد تم يسولف وياهم و غير الموضوع و تموا يضحكون مع بعض إلين ما غيروا جو الكآبه

و الله و طلعت حنون يا فيصل،،





في بيت ام ريم
ناصر: و انتي ما عرفتي شو السبب
ام ريم: ما ادري يا ناصر شقولك أنا شيكت على الحسابات أكثر عن مرة
ناصر: انزين جان سألتي الموظفين
ام ريم: سألت بس محد قدر يفيدني بشي
ناصر: معقوله حد يتلاعب عليج من وراج
ام ريم: أخ يا القهر 550.000 يروحن بغمضت عين انا لازم ابلغ الشرطة
ناصر: و لا يمكن انتي ما حسبتي صح
ام ريم: لا انا متأكدة ان في حد سرقهم يعني صار اختلاس
ناصر: خلاص فديتج خلاص لا تشيلين هم على هالسالفة
ام ريم: عيل فلوسي تروح من بين ايدي و تباني اتم ساكته
ناصر: قلتلج خليني أنا المدير بس انتي الله يهداج مصره تعورين راسج بالشغل
ام ريم: انت بروحك الوكيل و الشغل فوق راسك و بعد تبي تستوي المدير لالالا اخاف تتعب
ناصر: لا حبيبتي أنا الشي اللي يكون فيه خدمة لج ما احس بتعب مووول تدرين ليش
ام ريم: ليش
ناصر: لانج حياتي و عمري و دنيتي كلها
ام ريم: يا بعد عمري يا ناصر
ناصر: هاه شو قررتي
ام ريم: خلاص امري لله من باجر بسلمك مكان شغلي كمدير بشكل رسمي و بفك عمري من الصدعه
ناصر: هيه هذا هو القرار الزين حبيبتي
و بعد ما تموا يسولفون نص ساعه عن الشغل و غيره و بعد نص ساعه راح ناصر لسارة فشقتها
سارة: تفضل تفضل حياك
ناصر: اللــــــه يحييــــــج
سارة: شو تحب تشرب
ناصر مسك ايدها و باسها و قال: كل شي من ايدج الحلوة
سارة: هههه لحظة عيل بييبلك عصير فواكه
قعد ناصر على الكرسي و مسك الريموت و تم يطالع إلين ما تي سارة
يت سارة وحطت عداله العصير: من طول الغيبات ياب الغنايم
ناصر: ابشرج يا سارة ابشرج
سارة: قــــــــول و فرحني
ناصر:من باجر أنا بصير مدير شركة التصنيع
سارة: و الله صــــــــــــــج لا تتمصخر
ناصر: و ابشرج بعد تراها ما اكتشفت ان السرقة اللي صارت بشركتها اني انا اللي سويتها
سارة فرحت: كفوووووو عليـــــــــــــــــــــك و الله ايه هذا هو الشغل الزيـــــــــــــــــن
ناصر: شو رايج بهالمناسبة الحلوة نتعشى اليوم برع
سارة: لاااااا
ناصر: لييييييييييييش
سارة: لا تستعيل خلى كل شي بوقته







في بيت بو ريم
ريم: هههههههههههههههههههههههههههههههه مرة ثانية دخيلج مرة ثانيه ابا اضحك
بو ريم: عيب ريــــــــــــم بسج طنازة
ريم: لا لا خلها بعد تتكلم يــــــــــلااا نورما قولي بالاماراتي كيف حالــــــــــــج حجيه
نورما تعلمت جملة دوم تقولها لريم: انتي ما تستهــــــين
ريم: ههههههههههههههههههه تستهين قولي حرف الحاء عدل و الله جنج سيلانية تتعلم اللغة العربية
نورما: يهديــش الله
ريم: وااااااااااااااااااااااهههههههههههههههههههه يهديـــش مرة وحده قولي يهديـــــج بالجيم مب بالشين
بو ريم فر على ريم قوطي الكلينكس: قصري حسج و لا تضحكين جيه صمختينااا
نورما: بو ريم
ريم: شمعنا اسم ابوي عرفتي تنطقيه صح
بوريم: انتي بتيوزين عنها و لا شووو
ريم: خلاص خلاص انزين ما بضحك الا ما قلتلي ابوي نورما لشو تغير اسمها
بوريم: من دخلت الاسلام و هي تبغي تغير كل شي بحياتها
ريم: عاد شو بتسمي عمرها
بو ريم: ما الاسم الذي تريدينه يا نورما
نورما: انا محتارة بين اسمين
ريم: ما هما هذان الاسمان
نورما: اسم عائشة مثل زوجة المصطفى عليه الصلاة و السلام أو اسم فاطمة الزهراء مثل اسم بنت الرسول عليه الصلاة و السلام
بو ريم مسح على شعر زوجته: أنا أفضل اسم فاطمة ما رأيك
ابتسمت نورما: كما تشاء يا بو ريم
ريم: و متى ستلدين توأمك
نورما: بقي خمس شهور
ريم: يالله كل هالانتفاخ و تقولين باقي خمس شهور اللي بيشوفج بيقول باجر بتولدين
بوريم: انتي ما بتيوزين عن حرمتي و لا شو
ريم: زين زين سكتنا الا اقول ابويه
بو ريم: قولي
ريم: انا ابغي مفتاح الشقة الاحتياطي
بوريم: ليش ان شاء الله
ريم: لاني انا بصراحه كل يوم بتاخر و محتاجة المفتاح
بو ريم: بسويلج اليوم نسخه و فكينا من الصدعه