سالم سيار
شاعر كويتي برز في الساحه الشعريه
و استطاع ان يحرر نفسه وشعره و يصبح مميز عن غيره
أستطاع خلال سنوات الماضيه ان يحتل مرتبه متقدمه بين نجوم الشعر الشعبي
ولكن الامر الذي يحسب للشاعر سالم سيار هو ملامسته لهموم مجتمعه بمختلف
انواعها فتنوعت قصائده الاجتماعيه واخذت طابعآ انسانيآ خالصآ يتسلل بين الناس
فيتذكر الابن العاق والدته فيقبل جبينها , ويتذكر الاخ اخاه فيصالحه ,
ولايزال سالم ينفض الغبار عن الشعر الرتيب الذي يحاصرنا ليخرج من خلال شعره
بريقآ انسانيآ جميلآ تلمسناه فأحسسنا بدفئه وحنانه وصدقه .

الجرآح






عسى مازعلتك البارح وزودت الجراح جراح ...

عسى ما مرت الدمعه على اهدابك من اسبابي ...

جرحتك من كثر شوقي وخليت الكلام رماح ...

ولا ادري شلون ياعمري طعنتك حيل بعتابي ...

بدون شعور صدقني ترى كثر الغلا ذباح ...

تعال وشوف بغيابك غلاك شلون سوابي ...

حرام تغيب من عمري وتعطيني الفراق اوشاح ...

حرام الدمع في عيني مناديله هي اهدابي ...

غيابك يشغل عيون الزوايا ويمتلي اشباح ...

وانا انثر صوتك بقلب المكان واشعل ابوابي ...

تلفت للامل دام الرجاء في عمري يلواح ...
ا
ناديلك ولو شرهت وصولك تقطع اعصابي ...

ابيك الجاي من عمري انا ما ابيك شي وراح ...

ما دامك اجمل واخر ما دامك اول احبابي ...

ابي ارتاح يا عمري انا ادري هم تبي ترتاح ...

تعال وقبل ما افرح ترى تفرحبك ثيابي ...

احبك احبك ...

يا بعد عمر الحزن والجرح والافراح ...

احبك احبك ...

كثر ما نامت عيونك داخل اهدابي ...

عساك بخير ..؟!!




عساك بخير.. ؟!


وش اول واخر جروحك

وش اخر واول فراقي.. ؟!

يقولوا..

يقولوا .. من المسا تلملم بقايا نبرتي وتروح ..!

على اول ذكرى بالشارع

نسينا كل سوالفنا عليه و كل مواجعنا

وصرنا فيه ندورنا..

ندور من ملامحنا ملامحنا ...!!!

تشتتنا .. تشردنا .. إلين إنا ندور في وجيه الناس


تصور ...!!


ولاقطره ب وجيه الناس تشبهنا وتشربنا ..!!

وأرد ضاميك وبعد مثلي ترد ضامي


وأقول إن المساء كاسك.. وأصب عيوني ل إحساسك ..!


وأنا أتكسر مع كل أغنيه تفتح هدبها وألمح عيونك ..!!


ياعون الله ...!!


تلاقينا .. تصور ب أغانينا تلاقينا ..!!


عساك بخير ..؟!!


وش أول وأخر جروحك


وش أخر وأول فرقاي ..؟!


يقولوا ..

يقولوا .. من المسا تلملم بقايا قمرتي وتموت ..!


نسيت أسأل ...!!

صحيح تموت ..؟؟!!

ليه ؟!! . .





هذا هو اللي تبيه .. ؟؟
اني ارحل من حياتك
واشعل عيوني ب ليه..!!
بس خلاص ..!!



هذا هو اللي قدرته ..؟
وقدرك ربي عليه ..
بذمتك هذا كلام ..؟
اني ارجع من جديد
ارجع افرش كل تعب
عمري وانام ..



زين لحظه..!!
لاسالوني الناس وينك ..؟
وان درو ضحكة عيونك
عن عيوني سافرت
ردت لعينك ..


بذمتك قول ..
وش اقول ..؟
قول قول قول قول
الله يخرب بيت بيتك
توني يادوبي بديت
بعت عمري واشتريتك
خطوه خطوه واشتريت
توني باطراف البدايه
مدري وشلون
انتهيت ..؟


ياخي حس ..!!
والله عيب اللي تبيه ..
اني ارحل من حياتك ..
واشعل عيوني ب ليه ..


لاجبينك شمس واحساسك مطر ..
لاعيونك شوق وشعورك دفا ..
جبت لك ب ايدي ..
ابتسامات العمر ..
ليه تكسرها على اطراف الشفا ..؟؟
شوف ..!!
بعثرني احتياجي بالنظر..
شوف ..!!
وجهي امتلا منك ب افا ..


ماتجي منك ..
ولكن يابشر ..
منت اول من طعني بالجفا
ابرا منك كل جروحي بالسهر
ولافكر من ورى قلبك شفا
ول ياقلبك ..!!
مايجيب الا القهر ..
ول ياعمرك ..!!
ماعرف طعم الوفا ..


والا انا ..!!
مثل النهر ابقى نهر..
من تحوسه ترجع تشوفه صفا ..!!
فيني والله احساس لامنه ظهر..
يشعل ضلوعك اذا قلبك طفا ..


هذا هو اللي تبيه ..؟!!
وهذا هو اللي قدرته ..
وقدرك ربي عليه ..


بذمتك هذا كلام ..؟؟!!
اني ارجع من جديد..
ارجع افرش كل تعب ..
عمري وانام ..


وين اروح ..؟؟؟
شلون اجيب لقلبي المجروح .... روح
هذا هو اللي تبيه ..!!

سآفرالخنجر !




سافر الخنجر في عمري من يديك ..!


طعنتك تذبح .. وأنا أستنزف رضاك ..!

والله قبلك جيت وبي ثأر يبيك


وأثر دمي .. ديته خنجر غلاك ..!


من يحبك ..!


من يحبك ..!


من يحبك ...!


مايحط حدك شريك


وأنا أحبك من هنا حتى الهلاك ..!!!

خلآص بتسآفر . .؟



لملمت إحساسك
عيونك ( و ) قلبك ..!
خ لاص
بتسافر ..؟؟!
زين إلتفت لحظه
عطني جروحك بس
خليها تسليني
ب غ يابك الكافر ..!وإخذ النظر مني
وخبه مع أشيائك ..!!
ماأبي أشوف الناس
وشلون أشوف الناس
وشوفي م ع ك
سافر ...؟؟!!

ممكنه




وقف ولا ترمي وداعك بالاعيان
محتاج أنا لذرة امل في سنيني

هذي تفاصيل العمر وسط الاجفان
صور واماكن في عيوني تجيني

والله من تطري وسط عمر الاحزان
كل الفرح من لون وجهك يجيني

مثل المطر يركض على الارض ولهان
هذا انت دايم بالوله محتويني

يكبر غيابك لو كبر وسط الاشجان
يكبر معه في شوق عمري حنيني

الماي في قلبي من الشوق كثران
صبيت دمعي وشفت قلبك بيديني

قلت احضنه في وسط يديني على شان
مايلمس أطرافه حزن من ونيني

حتى ولو اخترت فرقاك عنوان
يكفي بيديني قلب عمرك يبيني

ماهي حكاية انت رابح وخسران
او هي حكاية ياابيك وتبيني

المسأله روحين في داخل انسان
شفتك رحلت وشفت روحك في عيني

غمضت أرد الروح من خلف الأجفان
عشان أصدق كذبتي انك تجيني

السآعه . .



تلفي وتسأل ذهابي

وتقولي كم

كم الساعه ..؟؟

إذا ياعمري أشتقتي لصوتي وهزك الطاير

تطيح الدمعه من عينك .. تطيح او لا ..!

مو صح مثلي تطيح الدمعه من عينك إذا اشتقتي لصوتي وهزك الطاري ..؟

مو صح مثلي

مو صح مثلي

مو صح مثلي


مو بس اوله عليك وبس

معي حتى الوله يوله

اخذتي ضحكتي وعمري

بيديك وغبتي عن عيني

وعلي طول غيابك


كم الساعه

او تدرين

كم إنتي ..؟!!

كم إنتي دامني احسب عيونك واكسر الساعه ..؟!!

يبه شلوونك






يبة شلونك ..
أبي أتبلل بصوتك .. انا وخالد نبي نتبلل بصوتك ..

ياغيمه ظللت عمري ويمشي ظلالها وياك..

يبه.. لا تغيب عن عيني ... وش تسوى حياتي لو تغيب عني وش تسوى...

مو صح الكون يتفجر .. ولون الحنا في كفي يصير أصفر

يبه ...
يبه ... لا تجفف شفاهي من احلى كلمه بالدنيا

يبه ...

يبه .. ماقلت لك وش صار ..!!

يبه .. بنت صفي منيرة ...!!

ابوها ماااااات في حادث..

تكلمني ترى دايم .. دايم عنه تتكلم...

تقول افز من نومي أحسه بجنبي هو نايم

أحس بجنبي هو نايم

تقول دايم انا ارمي عيوني على الابواب .. اقول يمكن يلملمها باي لعبه من الالعاب..

او ورده و أروح أركض وأخبيها بوسط كتاب

يبه ... عذروبك الشارع تسوق بسرعه مجنونه

يبه .. خلنا على بالك .. يبه طير الفرح لا تكسر غصونه
تجينا ... تجيناا.. يعني تجينا على موعد حبايبنا

ابيك تشوف احساسي

وورده بيضاء مغروسه وسط راسي...

وكم نجمه من الابله . تشب بليل كراسي..

وش تسوى حياتي لو تغيب عني وش تسوى ..

مو صح الكون يتفجر .. ولون الحناء في كفي يصير اصفر...


آآآلووو

آآآلووو

عفوا منهو وياي ..؟؟

انا خالد..!!

منهو وياي ...؟؟

تعالوا...


تعالوا ... استلموا الجثه


ابوكم

مات ..!!



مات في حادث

الأوراق




الليل هم وحزمة جروح وأوراق

وأنا أتناثر ب آخر الليل وأبقى

ما غير أولع كل تناهيد الأشواق

واللي بقى من الشوق دمعات حرقى

ما أقول ضاق الصدر لكن إذا ضاق

تنكسر ضلوعي على الروح وأشقى

وحدي وعيوني تمتلي وجيه وفراق

كان البكا فرقى ورى دموع فرقى

يا طيب! تاخذني على الناس بعناق

والحين أنا وياك والحزن نبقى

معقول ما مروا على بحر الأحداق

ولا شافوا دموعي من الشوق غرقى!

هذا انا من الليل واقف ومشتاق

وهذي كفوفي من الوله دوم عرقى

من ليل وإشراق الى ليل وإشراق

وارجع..أعيد حكاية الليل وأرقى

وأرقى انتظر بالليل نجمي إذا فاق

وأصاحبه حتى السما تصير زرقا

وأبقى وحيد ولا معي غير الأوراق

اكتب جروحي وسط الأوراق وأبقى

الوقت



حزين ومورقه عيوني دموع من على الاهداب
يهزهزني الجفا وتطيح دموعي من أخراهدابي

ذبل عمري ولا مرو على هذا العمر غياب
وتتساقط عيون اللي رحلو في داخل كتابي

مسكت اللي قدرت اكتب تفاصيله في وسط كتاب
مثل شوق المطر لما يعانق وحشة ترابي

اشم الدمع من ليل المواجع والسنين اعتاب
وعرفت ان الحنين الريح وجابت ريحة احبابي

وانا لا مرني لو هو عطر من ريحة الأحباب
ابتسمت وكل مافيني يطمن رعشة اصوابي

انا المطفي تحت سقف الحياه ووحشة الابواب
مادام ان الوله علق عيوني من على ابوابي

يجون وأكثري يشعل أمل من جمرة الاعصاب
يجون ولا لقيت الا الأمل معطوب بأعصابي

وجوني اغراب وراحو مثل ماجوني بعد اغراب
ارحلو من قبل لايطفي العطر بكفوف ترحابي

غريب الوقت او الناس الغريبه بكلمة الاحباب
اشوف الدمع فيهم مثل ماشفته على اهدابي

نعمة الشك





على هذا الشطر امشي واوازن عمري بالاحساس
يهزون الشطر حتى يطيح العمر واحساسه

وأناأمشي فوق جمرات الليالي وحملي الوسواس
أضل واهتدي أحيان من بالي ووسواسه

فتحت الريح كم مره وانا واقف على القرطاس
ركلت الحبر من شفت الصديق يفح خناسه

سكبت الخطوه في ضحك الزوايا المورقه من الناس
الين اشذرت في عمر الطريق وقلب جلاسه

لأصيله




انا من بين كفينك شعور يشبه الشعره
اقولك شي ترى فدوه حياتي لو قطعتيني

اخذت من الصبر لا لا اخذ مني الصبر صبره
مدام بغيبتك محد يجي مثلك ويحييني

تعالي يابعد روح الشعور ويابعد عمره
انا البارح لهذا اليوم ابد ماغمضت عيني

تنفستك شعور وفاح من صدر الغلا عطره
تنهدتك وشفت الضيق يتنهد عناويني

يضيق الكون بعيوني واشوف الكون ثقب ابره
واشوف الموت ياعمري مابين عيونك وبيني

كتبتك شوق من شفت الفراق بعمري ياكبره
مو مثل اللي يقول لاانتي ولا غيرك تذليني

مو انتي العز ولو ما انتي اقول انتي ترى وكره
اصيله والاصيله ماخلق الله توطيني

واذا ردت على العز الكريم ودورو صقره
انا ليه احلف وانتي تشوفينه بجناحيني

احبك ينثني هذا الكلام ويرتفع قدره
احبك يرتعش هذا النجم يتشكل بطيني

احبك نور في هذا المسى واقعد على بحره
احبك لاتخلين الفراق امواجه تمحيني

يالله وانتي بعيون المسى بهذا المسى قمره
قريبه حيل في اسود عيوني انتي تضميني

وبعض احيان تكوني داخل ظلوع الغلا جمره
وكل هذا الوله ماهب من عيونك حرقتيني

وبعض احيان تكوني داخل اشواق العمر زهره
عشان الزهره لو بتموت تموت وعطرها فيني

بغيت اقول شي لكن او انسي بس على فكره
هي الحريه اني اختار قيدك وادخل يديني

وانا اخترتك وخليني وسط كفينك الشعره
اقولك شي ترى فدوه حياتي لو قطعتيني

الظما





بعد لك وجه تجيني بعد ماذوقتني امرارك
ياعمي طير خلاص انسى ولاتفكر تطق بابي

اخاف بس صج تموت فيني اقول الا انت شخبارك
اقول فارق واخذ كذبة تموت فيني وتحيابي

طفى ضو المحبه وأنطفى في عمري مشوارك
وعرفت اقسى الطعون اللي تجي من خنجر اقرابي

خلاص الحين بس الحين عرفت شلون امطارك
تصب هناك لكل الناس وتنسى تروي ترابي

تعال وشوف برواز العيون وفيه انظارك
هو التذكار مدام انت النظر وتجمل اهدابي

اشوف بس أخذ الاشواك وغيري ياخذ ازهارك
ياطيبي كنت احسب الجرح منك حيل يزهابي

من اول تنشغل فيني وفيني تشغل افكارك
واشوف الحين ماتقدر تطيق تشوف ترحابي

عمت عين الظما ان كان الظما يترجى انهارك
وعمت عين الهوى ان كان الهوى بيشتت اعصابي

تخاف القلب لا اظلم غلاه يموت بأنوارك
أبد لاتخا ف متعود على طعنات أحبابي

مو مية نار تحرقني بقت هي بس على نارك
ابشرك مابقى اي شي تحرقه كفو اصحابي

تجيني ويعني وبعدين شسوي يعني لأعذارك
تصوبني وترضي كل غرورك من ورى صوابي

اقول اسكت ولا تكثر ترى مليت تكرارك
طلبتك لين ماجفت عيوني من ورى اعتابي

توكل ما بقى لك شي في عمري كود تذكارك
أو اسمع حتى تذكارك كسرته داخل أهدابي

هدير الماء




هدير الماء.. انا.. طيب علامك يالورق ظميان
ابي ترمي القلم وسط الصور وتبلل الحاني

انا ادري وجه كل هذي الصور ياصاحبي ذبلان
ولكن تلقى من باقي ملامحهم ورى اشجاني

تقضب في حبل هذا الغلا ولاتقطع الخلان
وحتى لو نسو صوت الحزن من رنة أوزاني

وزفير لانفثني رحت أولع صوتي البردان
وصور ووجيه من نار وجمر..فى داخل اجفاني

هنا بنت تبللهاالاغاني وتلبس الالحان
وهنا كنت ارقى من فم الدعاوي فوق شيطاني

وهنا لامرت الذكرى وسط بالي على جنحان
ادورني وسط عمري ولا القى فيني اغصاني

وهنا عشق يغنيني ويفرد للمسى أغصان
اجي طاير على هذا الغناء يكسر لي جنحاني!!

وهنا ام محاجرها أتشرب من فضا القرأن
قلبت عيوني بعيون العجوز وشفت قرأني

خليط القمح والماء السرابي من ورى الاجفان
أنا هذا الأنا ولا معايا واحد ثاني

اجوع وينكسر وجه الاماني واشبع الاشجان
ظما وهذا النهر يجري ويروي اطراف شرياني

اشوف بداخلي طلسم معاني وتمتة شيطان
وعلى الاوراق من امشي اكون بهيئة ايماني

انا من مر من فوق السراط المستقيم الأن
وبعد نشوة حبر تحت الشتايم روح تلقاني

أكون احيان في قلبي وفي عقلي بعض احيان
ولا ادري من يوديني ويوقفني على لساني

انا المفقود من عين السؤال شلون حال فلان
اغط عمري وسط ليل الحسافه بأه والقاني

اقول الدان تتهشم ضلوعي دان ليله دان
وغيري في ألم ليله يصبح من على داني

كتبتك ياتعب عمري ودور لك على انسان
يقط برده ويرميني في وسط البرد وحداني

فصل الفراق



الشتاء فصله يجي بعد الفراق
والحزن غيماته في جبد الوله

الرعد قلت الرعد هذا اشتياق
يضرب عيوني وتدمع مرحله

ليه راحو ليه جوني في نفاق
تقفي وجيه وجيه مقبله

صرت انا خارج مداهيل النطاق
ماسوى قلبي بيد يني احمله

رغم وسع الكون اشعر باختناق
كل وجه في ضلوعي اسعله

ليه كل شخص يسفرني بعناق
القى جرحي بالورق من منجله

شي يطاق وشي والله مايطاق
مهزله في مهزله في مهزله

طعم واحد في حياتك له مذاق
أسئله في اسئله في اسئله

الشتاء بقلبي يجي بعد الفراق
ليت في قلبي حديهم وأشعله

الطيف




تجيني طيف ياعمري على جنحان شوقي لك
أخاف أرمش من عيوني وأبعثر صورة وصالك

حبيبي لاتجيني قول .وين أنت..وأنا أجيلك
أبيك تقول..وين أنت وعلى عيوني أنا اسعالك

وربي فوق روس الشوك لخلي القلب يمشيلك
واخلي ظلالي يسبقني قبل يحضني منزالك

ثواني بس أبي اتهندم من عيونك وباهديلك
في عينك ضحكة حتي تكحل عين عذالك

يقولو الناس بغيابي تشب القلب ويضويلك
حنيني ومن وهج شوقه يميل القلب لامالك

قضى دمعي من عيوني أبي من عينك ابكيلك
ابنثر من ورى عيوني دموع عيون ترحالك

تعبت اهرب من الأشيا البسيطه من تفاصيلك
تعبت اسأل زوايا البيت عن اول واخر أحوالك

وحتى الشوق من صبح الدرايش قام يهديلك
عصافير الرضا ترفرف على بيبان مدخالك

هنا ترمي صباح الخير قبل لا تروح وأدعيلك
وهنا تضوي مساء الخير في عيني من هلالك

انا من الليل يقطفني شعوري لك واغنيلك
أنا من الصبح يليلني الحزن من لون موالك

حرام الليل ماهو ليل اذا ماكنت في ليلك
وحرام الصبح ماهو صبح اذا ما كنت بظلالك

تروح وقلت احط روحي على كفي واناديلك
نزعت العمر من شفت الغلا بالروح نادالك

بربك قول و ش سوى الفراق بوجه منديلك
تسيل الوان طيفي فيه الا من البكا سالك

حبيبي لايبكيك الفراق ولا يهد حيلك
أخاف الدمع من عينك يجفف صورتي فبالك

تعال احتاج اسولفلك عن الايام و أشكيلك
وافض غيم الحزن و انثر حنين الشوق بأقبالك

تعال وحط في قلبي هموم الفرقا وأشيلك
لأن القلب ماهو قلب اذا في نبضه ماشالك

وقف دمعي من عيوني ابي من عينك ابكيلك
أخاف ابكي على طيفك وأبعثر صورة وصالك

الدستور


فراق وكان له صوت يهز ويفتق المستور
يمر بين الحنايا ويجرح عروقي في زلزاله

انا المشطور في نصفي هنا وهناك بعد مشطور
وتحت هذا الركام اللي بقى هو قلب ب لحاله

انا كنت اكثرك كنتي اكثري يااكثري المهجور
وتتهاوى ضلوعي من صفير اليل وأغلاله

ورحتي والحزن يطحن تفاصيل الصور ويدور
ولكن مادرو مزن الصور في بالي هماله

يابنت اللا مدام أن النعم هي كلمة المجبور
قوليها والبحر يكسر شموخه من على جاله

الا ياليت هم يدرون عمر كل الحياه شعور
وان الحب بالعاشق تكون البصمه في باله

يحسبون الغلا قتل وجنازات المحبه سطور
مع أن الحب لو تقتل وصوله يزيد بأوصاله

أحبك والمدى أقرب من عيوني على العصفور
أحبك والجدار اللي أحتوانا طول ظلاله

أحبك ينتفض هذا المسى من أول يدين النور
احبك جوع يطفي حياتي ويشبع اشعاله

مثل حكي الندى لما يعانق بالحنين زهور
في قلبي شفت قطرات الوله في عين مواله

أنا قلت الفراق أطهر تراب داخل الديجور
وقلت أهدي من عيون الضوى دمعات ل هلاله

ونبت في داخل عيون المسى ضو من الممطور
وعرفت أن الوداع أزهر في قلبي قمرة أرحاله

الغيبوبه





بنادق مهجتي معبى فشقها والغلا نيشان
ابطلق روحي في قلب القصيدوانبض ابياته

ابذبح حزني من اقصى الشعور لأول الاخوان
وأسيل عمره وتشرب عيون العمر دمعاته

وحيد ولامعي الا اخويه بداخلي غفيان
ترفرف ضحكته واطلق نعاسي لصبح ضحكاته

في بالي يرقد وأدري حزين وشارد وبردان
وانا انثر برده من فوق الخيال وجمر سجاته

ينام واعقد بعين الاغاني جمرة التحنان
ينام واعقد بعين البدايه كل نهاياته

يدور القلب تتفتت ظلوعه يطحنه حرمان
يجوع القلب يحضني في جوعي واكل فتاته

واطل من الألم احضن حياة الشارع الولهان
يلملم حسرتي ويكسر وجودي بشوق أضاءاته

ياخي اقعد الدنيا رمت من تحتي النيران
وهذا العمر مايحمل بجوفي الا انكساراته

تعبت امليني طعون تصب من خنجر الخلان
تعبت استنزف عيوني دموع لعين طعناته

ياخي ليه تغيب وليه تتركني واناشفقان
لقرم يقلب جبال الهموم بعزة ثباته

أعرفه لاوصل كنه صقر من صفوة الويلان
يكش جلد السما ان شافت مخاليبه وهداته

رجال تربط حزام القبيله وتنفلت شجعان
واخويه يربط رجال القبيله حزام هقواته

كريم ماهو من يبني فعايل صيته الديوان
في صدره دلته وهيلهوفناجيله وتمراته

اذا كان الكرم حمس الهلا في مهجة الضيفان
اخويه من حمس قلبه لضيفه وصب فزعاته

وكم تكفى انرمت بين البشر ممزوعة الوجدان
اخويه قبل لاترمى عليه يقط نخواته

حزين السيف بكفوف الاوادم طافي ذبلان
بعد مانام دم اللي سقى فعله وومضاته

ياخي اقعد وقعد خضوعي بداخل الشريان
تنام ولابقى هم قطف من دمي غفواته

غريبه شلون يكسرك الغياب ويغلبك نسيان
ودفتر جيتك ياخي طوى من عمري صفحاته

يجيني مدري ولكن اعرفه لاوصل جيعان
قسم وان جاني لاانحرني لجوعه تحت خطواته

وصل زوله هذاك اللي وصل مايشبهه انسان
هذاك اللي وصل شايل عذاب العمر واهاته

وجيت الحين ياخيي بعد ماشالتك امتان
بعد ماودهم غسل الجسد عن كل نزواته

ابد لاينغسل هذا الشهم مغسول بالفرسان
أخويه من غسل روح الجسد في طهر نياته

أيا دفان دخيل الله لاتدفن ايا دفان
دخيلك خلني أدفن في بالي جمر بسماته

وأهف بسماته من هذا المكان لأخر الأحزان
وأنا اطحن موته في جوع الكلام واخبز سكاته

أنام شلون لاصار الاخو جايع وانا شبعان
اخوي اللي كسر قلبه لجوعي وجاع لحظاته

اخوي اللي يمزمزني معاليقه اذا عطشان
اخوي اللي ثنى عمره من اجل اطلع مسافاته

يدين القبر ضميني وسط حضن الاخو نعسان
ابرقد دام لي قلب دفن وياه نبضاته

اكيد انه وسط قبره سمع طق الخطاوي الان
الا ياليت انا المدفون وانا اسمع طق خطواته

خلف سيار




الوقت عتمه ودمك اليوم قنديل
من طيب دمك الف مجد شعلته

من قهوة جدودك ل هقوة هل الهيل
اركنت فعلك فوق اصلك وفحته

صبيت من روحك لمجدك فناجيل
ماقلت بس وكل عز شربته

اركزت فعلك في قلوب الأقاويل
في راس مجدك كل قلب نحرته

قسمت عمرك في عيون التهاويل
من يلمحك هول بعينك هولته

مطنوخ من طنخ النخاوي مع الخيل
مافيه صعب مانتخيت وكسرته

انا اشهد انك يالشهم تفضح الليل
وأنا اشهد انك للستر مافضحته

فززت مخلاب الوطن يومك تخيل
نصر شلعت بوسط نحره عطبته

شفت الوطن دايم يشيل الرجاجيل
بس انت شفتك يابن الاجواد شلته

وشفت السما عذرى تطش الهلاهيل
وشفت العلم رجال بيدك رفعته

المجد يالعالي يجيلك تساهيل
من طول اصلك كل علو قصرته

ايقنت انك يالشهم تشبه السيل
وايقنت صعبك لا وطيته جرحته

خلها تسيل الارض فعل وتماثيل
خلها تذكر دام فعلك ذكرته

جيتك وانا انبض من عيون الفحيحيل
يوم قلبك وسط صدري نبضته

الشعر ليل ويسكن بداخله ليل
لكنه اقمر يوم صيتك قمرته

جيتك عرفت ان الوطن بالرجاجيل
من يوم شفتك يابن الاجواد شلته

الطيب



تضحك تظن الحزن انك دفنته
اخفيت حزنك صح لكنه بانك

ظنك طعنك العمر والله طعنته
من قبل يكونك موت كونت كانك

ساكنك جوع وجوع غيرك سكنته
ماعشت نفسك يوم مره عشانك

الطيب صنته لكن البخل خنته
ماصنت نفسك لكن الطيب صانك

تبي الصراحه كل هالكون عنته
اسمك يسافر فيه وانت بمكانك

ماتنعوج بانذال والطيب صنته
لو تنعوج بانذال عدل شانك

لاماسجنك الطيب والله سجنته
اطلعت كفك قبل يطلع لسانك

الطيب صنته واعرفك كيف صنته
أن خان كفك قالو الطيب خانك

لا يالقصيده



معقول ما اقدر اكتب اليوم بيتن
ولا من الطعنات روحي جريحه

ماكني اللي كان بين المحبين
يرقى الهقاوي لارقت من مديحه

ولاكني اللي كان بين المعاديين
يرمح يصيب قلوب ناس شحيحه

الله واكبر كيف قلب الموازيين
شهرين ما فاض القلم من قريحه

يعني انكسار المجد بالذات تبغين
ولا يموت المجد من دون صيحه

كنتي الظما وتروين ناس كثيرين
كنتي المضيق وتمنحين الفسيحه

كنتي الهوى وقت الأغاني تضمين
قطرة ندى تزلق من عيون شيحه

كنتي على جال المشاعر تشبين
صوت الوطن لاهب بالعز ريحه

والحين ماودك طلوع المياديين
ماخفتي الله من عيون الفضيحه

ان كان ودك من عيوني تطيحين
طيحي مع موتي اذا فيها طيحه

حفيف الجرح




اشعر بعض احيان عقلي ب مجنون
واحيان انا ألقى عاقل في جنوني

وأحيان أقول يدين عمري هي غصون
وقت المصافح شفتهم يقطفوني

دايم أردد وسط بالي يمونون
بس هاه.. ماعمري نطقت بعطوني

أرمي المراجل ياعسى فيهم تكون
ولا قد لقيت الا طلبتك تكوني!!

واثر المراجل هم لها وجه وعيون
ماتعيش في شخص ....ودوني

هذا حفيف الجرح من هبت شجون
ولا سقوط وجيههم من عيوني

معقول فوق الجرح دايم يغنون
ولافيهم اللي شاف زرقة طعوني

هذا انا من العام طايح ومطعون
لاالوقت وقتي ولا القصايد لحوني

الحر مكسور الجناحين ومغبون
فوق الكسر مرو علي وألعنوني

يعني أعيش بمثل ماهم يعيشون
لاطعم لا ريحة ولا اللون لوني

الناس صارو اشباح فيني يمرون
يسحبني الأول وعشره اقطعوني

قلت اتعلق بالاغاني على هون
حتى أيتقطع وصلهم في جفوني

الزبرجد




اذا هالقلب ماينبض معاليقه على الميعاد
أنا وشلون روحي في دروب المجد أصعدها

مشيت ولا معاي ألا جروح بالدروب جداد
ومعايه شيمة ترقى على ضلوعي تهودها

صحيح الروح مكسوره ولاتقوى تشيل شداد
ولافكرت أحط روحي على روح تسندها

رقيت جروح وخليت الصبر فوق الجروح ضماد
أنا لاقلت أضمدها أنا أعرف كيف أضمدها

تثور الخيل من قلبي وأقول ان الهقاوي جياد
وأشوف القلب من دم الجدود يفور يلكدها

يا أما موت من سيف الشعر يحييني للميلاد
يا أما النفس في صمت الشعور تموت وأغمدها

أنا البارح يناديني النعاس ولا يجيني رقاد
سهرت أنوم القمرى على عيوني وأقعدها

من بلاد قلايدها النجم في جيدها وقاد
وعرفت أن السما تلبس من بلادي قلايدها

وضوى هذا السهر يمشي على هذا الجفن بركاد
يموجني الغلا ويطيح من جفني على يدها

وأشوف الليل يترامى تحت عمري ويصير رماد
وأشوف الضوء يغتال الظلام اللي يسودها

هي الفضه من اللولو على هذا الفضا تزداد
أم أن هذي الرمال اللي ولدتها من زبرجدها

وكاد انها ضوت عمر القصيد ورحلت القصاد
وأجيب أقمار من دمي على فمي وتقصدها

وأصب النبض في قلب البلاد وينبض الأنشاد
ويطيب القلب ويتنفس شعوري من قصايدها

يوديني غلاها وجيت من أقصى الغلا وراد
عليها وجيت أخذها علي ورحت أوردها

أحبك ياعطر عمري وطلعة عمري بالأعياد
أنا همت أكسر ضلوعي في عيدك جيت موقدها

وأقول العيد فيك بخير لأنك خير كل بلاد
وأجيب أيام خير سنين عيدي وفيك أعايدها

لأنك دنية الدنيا ومنك ترتوي الأوراد
لأنك أرض كل الأرض ولا غيرك يوردها

وحتى الغيمه من تلمح يدينك تحضن الرعاد
تبي تنزل عليك من الوله تروي تنهدها

ألا يادار يابنت الهقاوي وهقوة الأجداد
ألا يابنت من روحه فدى عيونك يبددها

عفيفه لاقعد وجه الفجر من خشية العباد
يطيح الليل لارتفعت بذكر الله مساجدها

هي الرفعه من شموخ السجود وجبهة السجاد
أبوها لو يسجدها لوجه الله سجدها

يرتبها الفجر في فوضة طيوره ويبكي بعاد
ويتنهد على شمس تجي من أصبع تشهدها

وتفوح الشمس أذا قلب المدارس يحضن الأولاد
وبنت ترمي تلويحة وداع بعين والدها

صباح الشمس يا أرض العزاوي وعزوة الأسياد
صباح الأرض يانور الصلاه بروح ساجدها

يهيلها الكرم من صدر أهلها طيبين أجواد
يشبون الهلا للي يمر والطيب يوقدها

تشوف العز بعيون النشامى يلتفت هداد
شلع لارفرفت كلمة (كفو) يطلع ويظهدها

ألا يادار يابنت الهقاوي وهقوة الأجداد
ألا يابنت من روحه فدى عيونك يبددها

عزيزه حره ماترضى تلامس يدها الأصفاد
تحط الموت في روح الكفوف اللي تقيدها

عنيده لاركبت راس الحرايب تلتهب بعناد
تمر مثل الحرايق في هشيم الحرب ترمدها

أصيله مضمره بالمجد تقود المجد ما تنقاد
تمر مثل الوميض ولا قدرت عيني تجودها

مثل ما مرت وشبت عيوني بداخل الميعاد
انا قلت أشعل ضلوعي من عيوني وأعايدها

عساك بخير

عساك بخير


.
.


عساك بخير
وش أول وأخر جروحك
وش أخر و اول فراقي
يقولو من المسى
اتلملم بقايا نبرتي وتروح
على اول ذكرى بالشارع
نسينا كل سوالفنا عليه
وكل مواجعنا
وصرنا فيه ندورونا
ندور من ملامحنا
ملامحنا
ندور من تشتتنا
تشردنا
ألين أنا ندور في وجيه الناس
تصور
ولاقطره بوجيه الناس
تشبهنا وتشربنا
وأرد ضاميك
وبعد مثلي
ترد ضامي
وأقول ان المسى كاسك
وأصب عيوني لأ حساسك
وانا اتكسر
مع كل اغنيه تفتح
هدبها
وألمح عيونك
ياعون الله تلاقينا
تصور......
بأغانينا تلاقينا
عساك بخير
وش أول وأخر جروحك
وش أخر و اول فراقي
يقولو من المسى
أتلملم بقايا قمرتي وتموت
نسيت اسأل
صحيح تموت ؟
.

.

البرزخ



.
.
.
.


مسافرين كلنا
اي والله انا كلنا مسافرين
الموت ميناء
ايامانا
ميناء
وبحرها المقبره
بحر من عظام وكسور
نرسي وترسي حمولنا
وابحار للقبر الحزين
بأمواج كف احبابنا
سفينة الموت الحزين
تابوت
نترك سيول العاطفه
تجرح مواطي النظر
كل ماذكرتنا دور
نترك سواد ايامنا
للمغفره والنور..
نترك مووايل الحزن
تطحن بنا وتدور
يمكن نستنا اشجار
ويمكن بكتنا دور.
يمكن
ويمكن
ويمكن
ماتنفعك "يمكن"
لاصرت وسط قبور
لاصارت الدنيا اهل
واحباب فوقك بالسما !!
وانت بقبر
واغلى عزيزنك وفا
يملون عينك
بالتراب !!
ماتعتبر
ياويلنا ياويلنا
اذا التئم عظامنا
ياويلنا ياويلنا
اذا اطفحت اعمالنا
من فينا مات
ونيته باطله
ومن فينا مات
ونيته طاهره
ياويلنا ياويلنا
من شقق
ثياب الحلم
من لبس
الطفله وهم
منهو نسى
طفله يموت
وسط الحياه
القاسيه
منهو جعل
سفن الذنوب
داخل ظلوعه
راسيه
مسافرين
كلنا اي والله
انا كلنا مسافرين
على الاخوه المسافرين..
على الرحله رقم
واحد
ورى
واحد
ورى
واحد
ورى
واحد
الرجاء
ربط النزاوي المرهبه
وفك اللسان بالادعيه
.

ليه !!




ليه !!

.

.

.

.




هذا هو اللي تبيه .. ؟؟
اني ارحل من حياتك
واشعل عيوني ب ليه..!!
بس خلاص ..!!





هذا هو اللي قدرته ..؟
وقدرك ربي عليه ..
بذمتك هذا كلام ..؟
اني ارجع من جديد
ارجع افرش كل تعب
عمري وانام ..





زين لحظه..!!
لااسالوني الناس وينك ..؟
وان درو ضحكة عيونك
عن عيوني سافرت
ردت لعينك ..




بذمتك قول ..
وش اقول ..؟
قول قول قول قول
الله يخرب بيت بيتك
توني يادوبي بديت
بعت عمري واشتريتك
خطوه خطوه واشتريت
توني باطراف البدايه
مدري وشلون
انتهيت ..؟




ياخي حس ..!!
والله عيب اللي تبيه ..
اني ارحل من حياتك ..
واشعل عيوني ب ليه .

.
.
.


لاجبينك شمس واحساسك مطر ..
لاعيونك شوق وشعورك دفا ..
جبت لك ب ايدي ..
ابتسامات العمر ..
ليه تكسرها على اطراف الشفا ..؟؟
شوف ..!!
بعثرني احتياجي بالنظر..
شوف ..!!
وجهي امتلا منك ب افا ..
ماتجي منك ..
ولكن يابشر ..
منت اول من طعني بالجفا
ابرك أدفن كل جروحي بالسهر
ولاافكر من ورى قلبك شفا
ول ياقلبك ..!!
مايجيب الا القهر ..
ول ياعمرك ..!!
ماعرف طعم الوفا ..




والا انا ..!!
مثل النهر ابقى نهر..
من تحوسه ترجع تشوفه صفا ..!!
فيني والله احساس لامنه ظهر..
يشعل ضلوعك اذا قلبك طفا ..


.
.
.



هذا هو اللي تبيه ..؟!!
وهذا هو اللي قدرته ..
وقدرك ربي عليه ..




بذمتك هذا كلام ..؟؟!!
اني ارجع من جديد..
ارجع افرش كل تعب ..
عمري وانام ..




وين اروح ..؟؟؟
شلون اجيب لقلبي المجروح .
روح
هذا هو اللي تبيه ..!!




.
.
.

جمرة الثلج



هي قصه حقيقيه .



.لأنسان لم يحصل على الهويه العربيه/ الجنسيه
وأكثر من تجاهل هذا الوطن..أقرب الناس له .
حكاية الظل الذي نبه اليتيم من طعنة عمه الاخيره ..
فقد تحمل هذا الولد طعنات كثيره من عمه ومن الوطن
ولكن بعد الطعنه الأخيره
رحل الى مكان لايعلم به احد وفي قلبه ثلاث اطفال ..
يقتسمون الجوع كل ليله مع ابيهم...
ولطيفه هي الانسانه الوحيده التي تراسله..
وهي من اقرباءه



.
..


.
.
هذي منك ؟
.
.
اقسى من طعنة عدوي..
اقسي والله حيل اقسى..
حيل تعبانه يدينك..
يقدح الخنجر واشمك..
هيل وجروح وأغاني..
عاد تدري.
شفت ظلك !!
ياما نبهني عليك..
كنت اكذب..
ظل وافي.
كان خارج..
من خياناتك..علي
أيه اعرفك
احضن الخنجر وأشمك
دمع وعيون واماني..
بس انا وياك والله
مو مع الطعنات ضدك !!
حتى شوف..
وش كثر أشره عليك
وانا مطعون بيديك
كان من اول تقول
وانا أطعن نفسي عنك
.
.
.
أأأأه عنك
.
.
......

راح ..اروح
.
.
.

واحضن ظلالك..وأصب فيه الجروح..

ماتعودت الشموخ..

الا من اجل الشموخ..

ودنيتك فيها الفقارى وخبزة التيه..

السؤال /وأنحناء الذات/

وضحكة النفط وجوابه..

في ملذات الشيوخ.

من يوصلني.. سوى يديني..

ليديني !!..من يرجعني عليه

حتى ياخذني عليه..

وانا ماعندي

سوى هذاالمغيب ..وريحة أمي

كل ما شميت

اول/اخر/أطراف الملافع/صرت اضئ..

واكتب النور../المعتق بالوفا..

وجروح جدي/ من عقيق..

صرت أنا امحي

أكتب

أمحي

وأشعل الليل العتيق..

كنت أقول الحب رمح..يخترقنا...

حتى نفقد كل توازنا ونطيح..

حتى شفت الأرض

../كل الأرض.. أنسان جريح..

وين قلبي

خفت أطيح

راح اروح...
.
.
.

يا لطيفه

كل ما الشمس

اتشرب بالسما شفة مغيبك..

انطريني..


وانا ادري

ما معاي الا الاماني/الاغاني..

وكلمتي لك انطريني

.وما معاي الا صداها...

أ

ن

ط

ر

ي

ن

ي
!!
.
.
.

يا لطيفه

ليه أضيع

هذا حنا..

موتنا..هو فينا منا..

الحسد ورثت يدينا

وان حسدنا ..ماحسدنا..

الا واحد من حدينا..

وانتي ياخذك النعاس ..وانا بعيوني سهر..!!

الحزن منا وفينا..

ومن يدينا الحزن

ياخذنا نتسول في عيون الأخرين

كل صدر طارقينه..مالقينا..

غير هم حاضنينه

الف صدر فيه دين

والف صدر فيه نار..

أول الدينار دين/واخر الدينار نار..

ليه اضيع..

وحنا والله مسلمين..

والف طفل يحضن عيون الشوراع ..

ثم يبيع..

وحنا والله مسلمين..

والاراضي اللي توقد في مسى الغرب

.. وتميع..!!

وحنا والله مسلمين..

في صلاة الجمعه بس..

حنا والله مسلمين !!

صوت الشمس


أعوذ بالله من الشيطان الرجيم
((ثم جعلناك على شريعة من الأمرفاتبعها
ولاتتبع أهواء الذين لايعلمون انهم لن يغنو عنك من الله شيئا
وإن الظالمين بعضهم أولياء بعض والله ولي المتقين ))

صدق الله العظيم
.
.
.
.




للأسلام ولأجيال الأقصى وللشعر
حديث بين المأذنه وطفلة الأقصى
القراءه بالفصحى ولهجة طفله فلسطينيه

.

.

.


الحمدلله رب العالمين

وأشهد ان لاإله إلا الله ولي الصالحين
وأشهد ان محمد عبد ورسوله
لاتزال طائفة من أمتي
على الحق ظاهرين لعدوهم قاهرين
لايضرهم من خذلهم ولا من خالفهم
أين هم يارسول الله
قال في بيت المقدس
أما بعد
يا أهل بيت المقدس
كونو كما كنتم
رافعين لأصواتكم
حتى لاتصيبكم النجاسة من الصمت الذليل
، فأن الصمت جبان
لايحيي صمت الجبن الا نبض اصواتكم
الا نبض حجارتكم
الا نبض ايمانكم
فكيف لا وانتم ممتلؤون بكتاب الله واياته
فكيف لا وانتم جيل قرأني
فكيف لا
وانتم تكسون عورات المسلمين بأفعالكم
، انتم جيل قرأني
عروق تصعق الدنيا
وحجارة تتشكل سجيلا
ما سألتم اليل عن النور وانتم النور
ما سألتم عن السلام
وانتم النابضون باللهم انت السلام
ومنك السلام
وماتهيبتم من الموت
وانتم الصاعدون به كدعاء متدفق صاعد
، كنشيد متحرر صاعد،
الموت ف بلاد الله لاتحيا
الا من موت الاحرار،
ثورو بأسم الله الاكبر
ثورو اشلاء اشلاء اشلاء ،
اشلاء تستجمع وطنا.
نعم كونو كما كنتم
مأذنة للأقصى الطاهر،
للأطفال، للأعراض،
للأسلام، لرمح الدين،
للغيرة في دم علي،لأذان بلال،
لسيف صلاح،للرايات
قوما في صدر واحد
رمحا واحد
كدعاء في يوم الجمعه
وما ادراكم مايوم الجمعه
ان الرحمة تنزل فيها
وأدعو الله
النصر النصر
ان النصر بإذن الله ،
والله لاينصر قوما إلا بصدق النيه
والشمس
والشمس
والشمس تموت
وتحتاج دماء تبعثها حيه

.

صوت الشمس 2



وشبابيك البلد ماتت
وفيها أطفال حارتنا
على الشباك ذبلانين ..
منسيين
ونتكسر
وتتكسر أغانينا ،أمانينا ،خطاوينا
وحكاية جدتي عن أرض
نزلها الموت
وكان الصاعد فينا
ونتكسر
مثل مافينا تتكسر
بلاد ومدرسه وتاريخ
وأماني معلقه بسور المدارس
بعثرتها الريح
مثل ما أمي تحطبها اليهود
بكلمة أستيطان
أنا أمي مثبته بالأرض
قويه جذور عزتها
أنا أمي خضرااا
وطويله
مثل أشعار أمتها
.
.

هذا القلم حبره من قلـوب الاحبـاب
وشلون مايكتب من الطيـب للطيـب

انتـم تصبـون المحبـه بـالاهـداب
وطشيت انا دمعـي بعيـن المكاتيـب

وشلون ادور من ورى شعري القاب
وانتـم تشبـون المحبـه تراحـيـب

قلت القلم وان طاب منكـم اذا طـاب
وانا علي اسمو بجنابه عـن العيـب

مدام هذا الطيب انتـم لـه اصحـاب
ودايـم تمـدون الهـلا والمواجيـب

أنا عرفت ضيوفكم لـو هـم اجنـاب
من طيبكم صـارو عليكـم معازيـب

اهلي واشوف الارض تنبت بالاعشاب
اهلي واشوف العز منهم هو يطيـب

مشوار شعري لو تجي فيه الانشـاب
اطحن ظلـوع انشابهـم بالمخاليـب

المجد حطيتـه علـى راس مرقـاب
رغم انهم يخفـون عنـي المراقيـب

وان رددو ان الشعـر فيـه انـيـابانياب
هم من فعـل شعـري معاطيـب

تجمعو يبغون راسـي بـلا اسبـاب
وانا اغنـي للوطـن يومـه صويـب

تجمعو في وصف تلعـات الارقـاب
وانا في وصف الام عنـدي اساليـب

وان كانهم فوق المنابـر هـم ذيـاب
شفني على المنبر انا بروحي الذيـب

جنبت انااسفاف الشعر لأجل الاشناب
وقلت احشم المعنى من اجل الرعابيب

مدام اجي واحسب لكم ميـة حسـاب
والله مايلحـق قصيـدي عـذاريـب

الشعر له فعـل وتواريـخ وانسـاب
يصيب هقوات السنافـي ولا يخيـب

وهذا الشعر ادري له حضور وغياب
وبقلوبكم مثلي حضر لو هـو يغيـب

ودام القلم حبره من قلوب الاحبـاب
لابد انا اسمو في جنابه عـن العيـب

غريب تبيعني وقلبـي فـداك بنبضـه وعمـره
وتتركني بشموس الويل وتاخـذ منـي ظلالـي

افا ماكنت احسب انك تخـون الملـح والعشـره
ولا فكرت يجيني يـوم وتتركنـي انـا لحالـي

تروح وتترك بقلبي طعـون الوقـت والحسـره
واداري جرحي عن عين الشماته وعين عذالـي

عطيتك من حلا ايامي وشربت من الوصل مـره
عشان اليا لفـت سـود اليالـي توقـف قبالـي

عطيتك حب في شريـان قلبـك صافـي نهـره
ولا بين في عينك يا ضعيـف النفـس والحالـي

نعم بغيابك اتشكـل مـن الاوهـام الـى جمـره
واحرق اللي بقى فينـي مـن الاحـلام وامالـي

هنا بحرق من اوراقي وهم مستقبلـي وقصـره
واحرق طيوفك بزفرة اسف مـن نـار موالـي

خلص كل الوفى بهالوقت ما فـي وافـي سـره
حبيب يبيع كل عمـره عشـان يعيـش للغالـي

وش اللي يجني هالطيب في هذا الوقت من صبره
ماغير الشوك وجروح اليـال وضيـم غربالـي

بوقف قلبـي روح العـب بعيـد وانقلـع بـره
اقص الراس لو مثلك يمر لو مـره فـي بالـي

بوقفني واقـول انهـا ضريبـة وافـي قـدره
بذرة الصدق ولا اتحسف على نكـران الانذالـي

نعم مجروح ولكن ما يطيح القلـب مـن كبـره
مثل ما اخطيت انا بحالي بوقفنـي انـا لحالـي

شفت ابيض عيونك من الحب يبرق
في اسود عيونك وتشطرني ليليـن

الاسـود يعانـق بياضـك وتفـرق
عن يومنا وعيونك تصيـر يوميـن

مغيب عينك يرتمي بحضن مشـرق
هذا لانك كـون جمعـت الاثنيـن

طالبك تدخل وسط ليلـي وتحـرق
كل الظلام وعلق بعمـري فجريـن

ينام صبح في جفونـك ويشـرق
بعيونك الثنتيـن احلـى صباحيـن

وانا اذا جيتك اجي بليـل ابسـرق
من محجر عيونك قصيد ونهاريـن

حا/ءك تسافر بي الى الباء/ واشرق
حب/ واطل للناس منك في شمسين

لعملك والزمان اللي رمانـي لـك يعلمنـي
اعز النفس وبصبر الشموخ بدمـي ارويهـا

حسبتك من جروح الوقت والايـام ترفعنـي
وتحط روحي على كفيك في عز وتداريهـا

حسبتك راس اكيد الراس للامجاد ياخذنـي
ولا فكرت مثلك للوطـى عيونـه يمشيهـا

تبي ذلي تهبى لاانت ولا هالوقـت يذللنـي
عيونك للوطى وعيني على القمرا اضريهـا

صحيح الشوق لأرواق الرصيف المر يدفعني
وتفاصيل الحنين هناك فـي بالـي اناديهـا

ولكن توصل لنشـوة غـرورك ماتقدرنـي
تحسب اني ارد باشواق عمري لك واهديهـا

غريبه كنت احسب انك مع الايـام تعرفنـي
مع انك تدري اني لابغيت اعميها(ن) اعميها

صحيح احساسي ضيعني وطيبي حيل بهذلني
ومعك لا ينفع الاحساس والطيبـه ومعانيهـا

واذا في يوم اشواقي تبي عنـدك توصلنـي
ومن كفوف الوله تاخذ يدينـي لـك توديهـا

يمين الله ولا لك غيـر يميـن الله تحلفنـي
اذا نفسـي توصلنـي لمثلـك والله لأفنيهـا

تعال ارسم بقايا الحلم وكمل باقـي الصـوره
وعلقها على قلـب يشوفـك حلـم يهنـى بـه

وعلي اترك سواد الوقت والويلات وكسـوره
وتعال بشوفي واتغطى عن أية ريـح بأهدابـه

لشيلك عن ظلام خذ شعاعي واهتنـي بنـوره
واذا بك جرح حي الله راعي الجرح ومن جابه

همومك هاتها فينـي احبـك يعنـي مقـدوره
احبك تنمحي همومك ولا لك هـم تشقـى بـه

انا لك من هنا حتى مغيـب العمـر وزهـوره
الى مشرق مشيب العمر ليـن يغيـب بترابـه

نويت اخذك واعطيك الخفوق وباقي شعـوره
حلالك دمر وعمر حبيبـي انـت اولـى بـه

تظلل بالحنان ولك غيـوم الشـوق ممطـوره
ولا تفكر بأي لحظـه يمسـك قلبـي بعتابـه

واذا عاتب انا احشه حبيبي لك مـن جـذوره
واحبك فيك من قلبك هو اطهر قلب اسمى بـه

حبيبي بس تعال ارسم وكمل باقـي الصـوره
وعلي الباقي لاتحاتي جروح الوقـت وانيابـه

ذبحني الحب وكم شخص ذبحه الحب ولى وراح
وكم قلب يعيش بحـب ولكـن بالهـوى مذبـوح

اذا هاليل يجي عندك وياخذ من شعـرك وشـاح
اكيد القمرى لاشافت حضورك تختفـي وتـروح

قمر قلبك مـن عيونـك تمـده للفضـا وان راح
يفل النجم وانت تفل كل ضوك وسـط هالـروح

تمر ارض القصيد بكل عطر تتبختـر ومرتـاح
بعدها كل سطر وده يضمك بس عشـان يفـوح

اذا ترضى ااكون افراح اذا تزعل اكون اتـراح
نعم اتقاسمك بيـن ابتسامـات الهـوى والنـوح

انا سلمتك القلـب النقـي وفـي يـدك مفتـاح
تعال ادخل وسط بيتك وعمر بالحنايـا صـروح

رضا عمري اذا تزعل اشوح العمر لك ملـواح
ولك كلمة تعال ولاتجي في صوتي كلمـة روح

فديتك لاتحاتـي لـو تجينـي منـك أي جـراح
ابيها لجل اوصلك واغنـي لخاطـرك مسمـوح

انت بزينك بطولك فـي شكلـك سيـدي ذبـاح
ياعم أجرح ولا تقصر وحط جروح فوق جروح

يهون الجرح لا صارت رموشك كل ابوها رماح
ولا اكابر عشان اطلع انا من عيونـك المذبـوح

http://www.n6xt.net/up/uploads/images/n6xt_net_be48bcbf31.jpg (http://www.n6xt.net/up/view.php?file=be48bcbf31)







لكل حاكم وطن لكن يابـو متعـب لـك الاوطـان
ضوى قلبك يمر ديـار خلـق الله وتشـرق لـك

دعاء وحـب وعيـون تـرف وشوفهـا شفقـان
لشوفك وانت كل طيب العيـون يفـز وينظرلـك

صدى صوتك تمكن واستقر في داخـل الوجـدان
تطمن شعبك وحنـا مـع هالشعـب نسمـع لـك

سماع قلوب ونتهجـى تفاصيلـك مـن الاحـزان
تقول بخير وحنا هم بعد فـي خيـر مـن اجلـك

وبعد ماوجهك اتبسم وهو المنـور مـن الايمـان
بعدها كل عرق مـن لمـح وجهـك تبسـم لـك

لاصرت الخير وافعالك شموس تضـوي البلـدان
اجل لابارك الله في شعر مايجيـك ويكتـب لـك

ولا صرت انت الوحيد اللي يكون الحب لك عنوان
تجي قبل الرياض ديار اخو مريـم تبـارك لـك

وتتحمدلـك بكـل السلامـه يارفـيـع الـشـان
وفرح دار الصباح يطير يم عينـك يرفـرف لـك

لانك وجهنـا المشـرق مـن الإسـلام للاديـان
ولان كل الخصـال الطيبـه منـك وتقـرب لـك

واذا ردت على الاحسان كثير الخيـر والاحسـان
كفوف من هنا حتى حـدود الصيـن تدعـي لـك

نحمد الله على كل حال وانـت الحـال والخـلان
ويكفي قبل كل هذي العيون قلـوب تصعـد لـك

وتدعي لك عساك بخير يا ارحـم قلـب للانسـان
وصدق العين يتعانق مـع الدعـوات ويدمـع لـك

عسى الله يطول بعمرك يابو متعب ترى من شـان
وصل كل الرجوله يطول عمره سيـدي بوصلـك

لانك من شعـل عمـر المهابـه واوقـد التيجـان
بشموخ نزل علوم الطويلـة بعـز وتخضـع لـك

تزيد اصلك فعل وتزيـد فعـل وتكمـل النقصـان
ولا به نقـص الا مكتمـل مـن فعلـك واصلـك

تفاصيلك ماهي الا كتـاب الصحـراء والفرسـان
وتهاويلك في وسط عقول خلـق الله تشهـد لـك

تواصيفك يابو متعب اذا احتـارت بهـا الاذهـان
ابي تعذر خيـال لـو يشـح ولا وصـل كلـك

ترى وصفك يجي بسنين ماهو فـي قلـم والـوان
بمعنى سنيـن خلـق الله اذا توصـف ماتوصلـك

واذا ردت علي وصورتك مـرت علـى الاعيـان
اقول انك من سيوف الامـام وسيفـه يشبـه لـك

محيط المرجلـه الهـادي ولكـن للعـدا طوفـان
ياعلـك مثـل مـا انـت بشموخـك دوم ياعلـك

تزوم تقزم اعـداءك وتهـدي شعبـك المرجـان
تحل الصعب وكل صعب مايقدر يوصـل لحلـك

حفظك الله كثر ما اهديت لبيـوت البشـر قـرأن
وحفظك الله كثر ما قلوبنا في حـب تنبـض لـك

وحفظك الله كثر ماتمر شعبـك داخـل الشريـان
وفينا يكتمل وصلك يصيـر الشعـب وحنـا لـك

لانك غير ولا غيرك توحـد فـي غـلا الانسـان
ولأن في قلبك نعانق معاني الحـب ونكتـب لـك

ولان مالك وطـن واحـد تكـون لكلنـا اوطـان
تجي قبل الرياض ديار اخو مريـم تبـارك لـك

* جميع هذه القصآيد تخلو من الموسيقى , مُجرد تأثيرآت بشريه !


نبدى ,





إستمآع (http://www.salemsayar.com/web/without-music/kbret5.ram)


شاعر و تنبض خلوته طهر و صلوات و عباد
ماقد تميع حشمة ٍ للي هدته قيادها


شامخ و ربي مانفتح صدره لك الا يالجياد
وماخلقت كفوف ٍ تدق في ظله عفن اوتادها


من لابة ٍ هي نارها تزفر و لا تنجب رماد
وشلون تطفي ياخبل لابه حطبها حفادها !!


غبت أتشرد ب الورق أبني من جروحي بلاد
مثل العزاوي لاحرقت دم الهقاوي جدادها


في ناس تمشي بيننا فقر ودقايقها جهاد !
أف من شعور ٍ مافتح عينه وشاف جهادها


و في ناس نور وجيهها هو سر طاقتها السواد
ب/ الوجه نور و ب الصدر جثه عتقنا حدادها ..


و في ناس نور وجيهها من الرحم حتى المهاد
ما ترضع الظلم العفن لو الدهر جلادها !!


أشوف من فينا عثر و يقول اهي كبوة جواد !!
ابك الأصايل ما كبت إلا برداة أسيادها


لو الأوادم مثله و متعاند باثم العناد
كان القبايل ما سقت رحمه بصدر أحفادها


أشعل قصيده ب المسى و أشم خيانات العباد
و أطفيها في جوع النسى و أبكي على أولادها


/










إستمآع (http://www.salemsayar.com/web/without-music/alzbrjd.ram)



اذا هالقلب ماينبض معاليقه على الميعاد
أنا وشلون روحي في دروب المجد أصعدها ؟!


مشيت ولا معاي ألا جروح ٍ ب الدروب جداد
و معايه شيمة ٍ ترقى على ظلوعي تهودها ..



رقيت جروح وخليت الصبر فوق الجروح ضماد
أنا لاقلت أضمدها أنا أعرف كيف أضمدها


تثور الخيل من قلبي وأقول ان الهقاوي جياد
وأشوف القلب من دم الجدود يفور يلكدها


يا أما موت من سيف الشعر يحييني للميلاد
يا أما النفس في صمت الشعور تموت وأغمدها


أنا البارح يناديني النعاس ولا يجيني رقاد
سهرت أنوم القمرى على عيوني وأقعدها


من بلاد ٍ قلايدها النجم في جيدها وقاد ..
وعرفت أن السما تلبس من بلادي قلايدها ..,


و ضوى هذا السهر يمشي على هذا الجفن بركاد
يموجني الغلا و يطيح من جفني على يدها !


و أشوف الليل يترامى تحت عمري ويصير رماد
وأشوف الضوء يغتال الظلام اللي يسودها


هي الفضه من اللولو على هذا الفضا تزداد
أم أن هذي الرمال اللي ولدتها من زبرجدها


وكاد انها ضوت عمر القصيد ورحلت القصاد
و أجيب أقمار من دمي على فمي وتقصدها


وأصب النبض في قلب البلاد وينبض الأنشاد
ويطيب القلب ويتنفس شعوري من قصايدها


يوديني غلاها وجيت من أقصى الغلا وراد
عليها وجيت أخذها علي ورحت أوردها


أحبك ياعطر عمري وطلعة عمري بالأعياد
أنا همت أكسر ظلوعي في عيدك جيت موقدها


وأقول العيد فيك بخير لأنك خير كل بلاد
وأجيب أيام خير سنين عيدي وفيك أعايدها


لأنك دنية الدنيا ومنك ترتوي الأوراد
لأنك أرض كل الأرض ولا غيرك يوردها


وحتى الغيمه من تلمح يدينك تحضن الرعاد
تبي تنزل عليك من الوله تروي تنهدها


ألا يادار يابنت الهقاوي وهقوة الأجداد
ألا يابنت من روحه فدى عيونك يبددها


عفيفه لاقعد وجه الفجر من خشية العباد
يطيح الليل لارتفعت بذكر الله مساجدها


هي الرفعه من شموخ السجود وجبهة السجاد
أبوها لو يسجدها لوجه الله سجدها


يرتبها الفجر في فوضة طيوره ويبكي بعاد
ويتنهد على شمس ٍ تجي من أصبع تشهدها


وتفوح الشمس أذا قلب المدارس يحضن الأولاد
و بنت ٍ ترمي تلويحة وداع بعين والدها


صباح الشمس يا أرض العزاوي وعزوة الأسياد
صباح الأرض يانور الصلاه بروح ساجدها


يهيلها الكرم من صدر أهلها طيبين أجواد
يشبون الهلا للي يمر والطيب يوقدها


تشوف العز بعيون النشامى يلتفت هداد
شلع لارفرفت كلمة ( كفو ) يطلع ويظهدها


ألا يادار يابنت الهقاوي وهقوة الأجداد
ألا يابنت من روحه فدى عيونك يبددها


عزيزه حره ماترضى تلامس يدها الأصفاد
تحط الموت في روح الكفوف اللي تقيدها


عنيده لاركبت راس الحرايب تلتهب بعناد
تمر مثل الحرايق في هشيم الحرب ترمدها


أصيله مضمره بالمجد تقود المجد ما تنقاد
تمر مثل الوميض ولا قدرت عيني تجودها


مثل ما مرت وشبت عيوني بداخل الميعاد
انا قلت أشعل ظلوعي من عيوني وأعايدها

/






إستمآع (http://www.salemsayar.com/web/al6eb/al6eb_without-music.ram)


تضحك تظن الحزن أنك دفنته ..؟
أخفيت حزنك صح لكنه بانك..


ظنك طعنك العمر / والله طعنته ..
من قبل يكونك موت كونت كانك ..!


ساكنك جوع و جوع غيرك سكنته
[ ماعشت نفسك يوم مره عشانك ]


الطيب صنته لكن البخل خنته ,
ماصنت نفسك لكن الطيب صانك ..


تبي الصراحه كل ه الكون عنته
اسمك يسافر فيه و أنت ب مكانك


ماتنعوج ب أنذال و الطيب صنته
لو تنعوج ب أنذال عدلك شانك


لاماسجنك الطيب والله سجنته
أطلعت كفك قبل يطلع لسانك


طيبك و صنته .. أعرفك كيف صنته
أن خان كفك قالوا الطيب خانك


/




إستمآع (http://www.salemsayar.com/web/Ya-bshr/ya-bshr-without-music.ram)



بعنا فينا واشترينا ولا درينا بالثمن ..
الغدر منا وفينا لاتقول من الزمن !!


ماتصير الناس ناس لارحل عنها الضمير ,
ماتصير الناس ناس لا طغى فيها الكبير ..


الوهم يكبر و نكبر داخل الاوهام هم ..
الالم يكبر و نكبر .. داخل الالام غم !


ليه كل كف جبرتنا لملمتنا و كسرت ؟
ليه كل كف حضنتنا شتتنا و ارحلت ؟؟


يعني هذي هي الحياة و لا يعني هذا حنّا
لارحل عنّا الضمير نهدي الايام .. آآآه ؟


من هدم نفسه بنفسه مابنى عمره صحيح
و الضعيف من النفوس يهدي عمره لا يريح ..!


لا اتلفت لا تنادي لا بشر حولك ولا حولك مبادي ..
لك مصير من المصير و لك جروح من الجروح ..


ولك حياة من الحياة ومن نصيب الآه .. آآآآآآه


ماتصير الناس ناس لارحل عنها الضمير ,
ماتصير الناس ناس لا طغى فيها الكبير ..


\



إستمآع (http://www.salemsayar.com/web/without-music/3sak-b5er.ram)

عساك بخير ..

وش اول واخر جروحك.. وش اخر واول فراقي ؟!

يقولوا .. يقولوا من المسا تلملم بقايا نبرتي و تروح..
على اول ذكرى بالشارع نسينا كل سوالفنا عليه و كل مواجعنا..

وصرنا فيه ندورنا ندور من ملامحنا ملامحنا ..
تشتتنا تشردنا.. الين انا ندور في وجيه الناس..

تصوّر..

ولا قطره بوجيه الناس تشبهنا وتشربنا..
وارد ضاميك.. و بعد مثلي ترد ضامي..

واقول ان المسا كاسك.. و اصب عيوني لإحساسك..
وانا اتكسر معَ كل اغنيه تفتح هدبها والمح عيونك..

يا عون الله تلاقينا..

تصوّر ..

ب أغانينا تلاقنيا..

عساك بخير..

وش أول واخر جروحك وش آخر وأول فراقي؟؟
يقولوا من المسا تلملم بقايا قمرتي وتموت..

نسيت أسأل ..


صحيح تمووت ؟؟!!

\




إستمآع (http://salemsayar.com/web/leeh/leeh_without-music.ram)


هذا هو اللي تبيه و هذا هو اللي قدرته و قدّرك ربي عليه ..!؟
إني ارحل من حياتك و اشعل عيوني ب ليه ؟

بذمتك هذا كلام ..؟

اني ارجع من جديد ارجع افرش كل تعب عمري وانام ..
بس خلاص هذا هو اللي قدرته و قدّرك ربي عليه ؟

زين لحظه..!!

لا اسالوني الناس وينك ..؟
و ان درو ضحكة عيونك عن عيوني سافرت ردت لعينك ..!
بذمتك .. بذمتك قول ..وش اقول ..؟

قول قول قول قول الله يخرب بيت بيتك
توني يادوبي بديت بعت عمري واشتريتك

خطوه خطوه واشتريت ..
توني باطراف البدايه مدري وشلون انتهيت ..؟

ياخي حس ..!!

والله عيب اللي تبيه اني ارحل من حياتك ..
و اشعل عيوني ب ليه ..


لاجبينك شمس و احساسك مطر .. لاعيونك شوق و شعورك دفا ..
جبت لك ب ايدي ابتسامات العمر .. ليه تكسرها على اطراف الشفا ..؟؟

شوف بعثرني احتياجي ب النظر..
شوف وجهي امتلىا منك ب افا ..


ماتجي منك و لكن يا بشر .. منت اول من طعني بالجفا ,
ابرى منك كل جروحي بالسهر .. و لاافكر من ورى قلبك شفا

ول ياقلبك ..!! مايجيب الا القهر ..
ول ياعمرك ماعرف طعم الوفا ..


والا انا مثل النهر ابقى نهر.. من تحوسه ترجع تشوفه صفا ..!!
فيني والله احساس لامنه ظهر .. يشعل ضلوعك اذا قلبك طفا ..


و هذا هو اللي تبيه ..؟!!
و هذا هو اللي قدرته .. و قدّرك ربي عليه ..


بذمتك هذا كلام ..؟!!
اني ارحل من حياتك و اشعل عيوني ب ليه ؟

وين اروح ..؟؟؟
شلون اجيب لقلبي المجروح .... روح

.
.

هذا هو اللي تبيه ..؟!!

/








إستمآع (http://www.salemsayar.com/web/aljera7/aljera7-without-music.ram)


عسى مازعلتك البارح وزودت الجراح جراح ...
عسى ما مرت الدمعه على اهدابك من اسبابي ...


جرحتك من كثر شوقي وخليت الكلام رماح ...
و لا ادري شلون ياعمري طعنتك حيل بعتابي ...


بدون شعوور صدقني ترى كثر الغلا ذباح ..!
تعال وشوف بغيابك غلاك شلون سوابي ..,


حرام تغيب من عمري و تعطيني الفراق وشاح ..
حرام الدمع في عيني مناديله هي اهدابي ...


غيابك يشغل عيون الزوايا و امتلي اشباح ..
و انا انثر صوتك بقلب المكان واشعل ابوابي ..


تلفت للامل دام الرجاء في عمري الملواح ..
اناديلك و لو شرهت وصولك تقطع اعصابي ..


ابيك الجاي من عمري انا ما ابيك شي وراح ...
مدامك اجمل و اخر مدامك اجمل احبابي ...


ابي ارتاح يا عمري انا ادري هم تبي ترتاح ...
تعال و قبل ما افرح ترى تفرح بك ثيابي ...


احبك احبك .. يا بعد عمر الحزن والجرح والافراح ..
احبك احبك .. كثر ما نامت عيونك داخل اهدابي ...


/




إستمآع (http://www.salemsayar.com/web/without-music/al6ef.ram)



حبيبي لا يبكيك الفراق ولا يهد حيلك
أخاف الدمع من عينك , يجفف صورتي ف بالك


تعال أحتاج اسولف لك عن الأيام واشكي لك
تجيني طيف ياعمري على جنحان شوقي لك


أخاف أرمش من عيوني و بعثر صورة وصالك
حبيبي لا تجيني قول وين أنت و أنا أجيلك


أبيك تقول وين أنت و على عيوني أنا أسعى لك
وربي فوق روس الشوك لخلي القلب يمشي لك


و أخلي ظلالي يسبقني قبل يحضني منزالك
ثواني بس أبتهندم من عيونك وبهدي لك


في عينك ضحكةٍ حتى تكحل عين عذالك
يقول الناس بغيابي يشب القلب و يضوي لك


حنيني و من وهج شوقه يميل القلب لا مالك
قضى دمعي من عيوني أبي من عينك أبكي لك


أبنثر من ورى عيوني دموع عيون ترحالك
وحتى الشوق من صبح الدرايش قام يهديلك


عصافير الرضى ترفرف على بيبان مدخالك
هنا ترمي صباح الخير قبل لا تروح و ادعيلك


و هنا تضوي مساء الخير في عيني من هلالك
أنا من الليل يقطفني شعوري لك و غني لك


أنا من الصبح يليلني الحزن من لون موالك
حرام الليل ماهو ليل أذا ماكنت في ليلك


و حرام الصبح ماهو صبح أذا ماكنت ب ظلالك
تروح وقلت أحط روحي على كفي و أنادي لك


نزعت العمر من شفت الغلا بالروح نادى لك
بربك قول وش سوى الفراق بوجه منديلك ؟


تسيل ألوان طيفي فيه إلى من البكى سالك
حبيبي لا يبكيك الفراق و لا يهد حيلك


أخاف الدمع من عينك يجفف صورتي ببالك
تعال .. تعااال أحتاج أسولف لك عن الأيام و أشكي لك


و فض غيم الحزن و أنثر حنين الشوق بقبالك
تعال وحط في قلبي هموم الفرقى و أشيلك


لان القلب ماهو قلب أذا في نبضه ما شالك
قضى دمعي من عيوني أبي من عينك أبكي لك


أخاف أبكي على طيفك و ابعثر جيت وصالك