http://www.okaz.com.sa/new/issues/20090903/images/a109.jpg


يعتبر الشاعر حمد بن ظافر العرجاني من أبرز الشعراء الذين برز تواجدهم في الساحة البحرينية حيث قدم العديد من القصائد المتنوعة في جميع المجالات .من قصائد الشاعر :

السـد لاتبديـه الكـل مـن جـاك
تراه ملكك لين تـدري بـه النـاس
والى درى به زيـد وعبيـد او ذاك
ياتيك يوم فيه تلطم علـى الـراس

============

اسمحوا لي لو بدا في الراس شيبه
ما نسـيت العـذب لبــاس القــلاده
كم سهرت الليـل ودموعي صبيبه
جـالـس والخـد عايـف للوســـاده

============

وهذه الأبيات أهداها المرحوم الى سمو الشيخ علي بن عيسى آل خليفة بمناسبة تعيينه وزيرا للديوان الملكي ..

للشيخ ابوعيسى علي الف مبروك
مني ومن ربعي نـزف التهانـي
بالمنصب اللايق بكم يوم ولّـوك
حيث الاميـر اختاركـم للمكانـي
لشؤن ديوان الاميري اختاروك
وزير كفـو ٍ ياعريـب المجانـي

رحمة الله عليك

فورملا ون ( 1 )


من توقع او بعد او كان ظن
من إنجاز ٍ تم في وقت ٍ قصير
في سباق ٍ صار للفورمولا ون
كلنا نفخر بما تم ويصير
من حضر من كل دولة ووطن
معجب ٍ بااللي يرى فكره يحير
في ابلاد ٍ كلها خير وأمن
مملكة بحريننا خير بخير
والتهاني للمك مني ومن
كل مخلص للملك صافي الضمير
عاهل ٍ حبه لنا سر وعلن
والتواضع فيه والخير الكثير
والذي يسهر ويتعب للوطن
للحكومه ريس نعم الشوير
ياخليفة لك مشاريع أطلعن
للبلد تنشاف ماتخفى البصير
مع ولي العهد الشهم الفطن
جعل ابوعيسى له المولى نصير
قايد ٍ مغوار للديرة حصن
دونها والجيش في أمره يسير
والشهادة حبكم والله سكن
في قلوب الكل من عود وصغير
قد تأخرنا والأبيات الحقن
للظروف احكام اوقات تصير

ياصانع الهاتف

ياصانع الهاتف عساك السلامه
لو كنت كافر جارك الله من النار
قربت صوت اللي حسين كلامه
من اول ما اوحيه الا بالاخبار
يخشى ايطرش لي مع احدٍ سلامه
وانا بعد اخشى من الناس الاشرار
اللي يحبون الحكي والنمامه
ويصورون الشي والشي ماصار
هذا الجهاز اصبح عليهم ندامه
ياويلهم من عقب كتام الاسرار

مظلوم شعر النبط

شعار يااللي لكم تقدير وإكرامي
في ساحة الشعر زدتوا الشعر تشريفه
ماظن من لاذ بالاكرام ينظامي
كل ٍ يحسبه اسواة الجار او ظيفه
مظلوم شعر النبط يبقي له محامي
يعطي محاميه مهما كان تكليفه
ناس ٍ تبي تجلبه في سوق ليلامي
ذولا افداً له ولايسوون تعريفه
تجهل معانيه لاتكتبه الاقلامي
وسط الجرايد اهزال الشعر وضعيفه
كم واحد ٍ يدعي مصيوب بوهامي
لو يدعي شاعر ٍ ما هو على كيفه
درب الشعر صعب مايسلكه من رامي
اصبر يا هذا الين يتم ترصيفه
بعض الشعر ينحكم عليه الاعدامي
بالمهمله ينحذف او يحرق ابليفه
شروا الصفر لا وضع يسار الارقامي
صفر ٍ من اشمال مايحتاج توصيفه
ماكل من دش بحر الشعر عوامي
موج البحر يجرفه ميت على سيفه

مرحوم يا مكتوم




بلفين وسته يوم رابع يناير
شفنا على التلفاز ينعون مكتوم
فاجأتنا ياعام والكل حاير
تبدّلت لفراح والكل مهموم
بأول قدومك بادي ٍ بالخساير
فقد الكريم وطيب الراس شغموم
ماهي خسارة مال ولا عماير
خسارة اللي راح مايرجع اليوم
شيخ ٍ بفعل الخير يامر وشاير
والله وهبه الطيب والطيب مقسوم
تنعيه سبع ٍ دمع اهلها نثاير
والمملكة مع عاهل الدار وعموم
أمر ٍ من المولى مقدر وصاير
لعمار بيد الواحد الحي قيوم
مرحوم يامكتوم تجزي البشاير
بجنة ٍ فيها الصحابه ومكروم
نعم الخلف ايسير ماكنت ساير
بوراشد محمد له الطيب مرسوم
ذكره كما نور القمر للبصاير
في نصف شهر والسماء مابه غيوم
نفرح بحكمه بالجهر والسراير
حر ٍ تعلى للعلى دايم يروم
تسلم لشعبك والاهل والقصاير
والله يعظم اجركم يال مكتوم

الدنيا بخير




عارفك لو كان لأسمك تستعير
واشكرك لأخفاك أسمي لا يبان
لاتزال الناس والدنيا بخير
دام فيها من حفظ سده وصان
وانت عندي منزلك والله كبير
مالنا غيرك اذا جار الزمان
قول فينا ما بدى لك ياخبير
ردنا لك عشت يانور الاعيان
ماحصل من بيننا خله ببير
لاتشمت حاسد والا جبان
باتعذر منك انبني الضمير
ابقي اشوفك وحدد لي مكان
باعترف لك والذي تامر يصير
والحكم عندك ابقسوة او حنان
والقضية حلها عندك يسير
مثل هذي ماتبي كوفي عنان

الصدف

الصدف تاتيك تارهب
عضها شي ٍ عجيب
والبعض تكويك ناره
آه من ذاك اللهيب
الحدث عند الإشاره
وقفت مني قريب
واشرت على الإطاره
وصوتت لي يالحبيب
صلحه ماكو شطاره
الرجا قبل المغيب
قلت لها والله ابشاره
لمركم انا مجيب
العرق صب بغزاره
صابني شي ٍ رهيب
اتهموني بالعياره
راعي الشخصي وجيب
خالكم اخذوا بثاره
يالعتيبي يا العريب
دام في جسمه حراره
ربما جرحه يطيب

بعض الصدف




بعض الصدف فيها الشقا والسعادة
للي جرالي يا العتيبي تعنيت
جيت الطبيب اللي فتح له عيادة
من وصفته ما فادني لو تداويت
شفت الحبيب وفي يدينه ضماده
وقفت واشر بالحواجب وصديت
حوله هله واهل الحكي والقرداه
اللي بعضهم التفت يوم مريت
ابقي اعرف اللي جراله وصاده
اخاف واخشى من هله لو تحاكيت
طال انتظاري بالصبر والجلاده
ما رحت لين انه خرج يبقي البيت
رجعت للدكتور ابقي الافاده
شنهو جرى للي اوده وحبيت
مما شرح لي زاد همي وزاده
شوف الاشعه واضحه خلفها الليت
ياليت كتفي حق راسه وساده
واشوف زوله كل ما اصبحت وامسيت
تكفون يا اللي ناويين بعاده
انا بذمتكم سوى حي او ميت

ذي عادتك




صدك يبشرني بوصل قريبي
ذي عادتك ياطيب القلب وياي
ترى الوصل عقب الهجر ياحبيبي
شروا الذي عطشان ويحصل الماي
يطفي لظى نار ابصدري لهيبي
اعوذ بالله حرها داخل حشاي
زادي ونومي عقبكم مايطيبي
حزين ما اسمع للاغاني ولا الناي
عني خيالك لا حشا مايغيبي
عيني تخيل صورتك جالس احذاي
من هجركم دمع المولع صبيبي
الله اكبر منكم يحصل أزاي
يازين ما ينفع اسواتي طبيبي
واصبحت افكر وانتظر منك الراي
انت السبب واقول هذا نصيبي
مريض عجل يااريش العين بدواي
واسلم عدد نجم هوى للمغيبي
واعداد ايام مضت والذي جاي

ودك




بمناسبة زواج سمو الشيخ سلطان بن زايد آل نهيان ..

ودك ان الشعر في مثلك يقال
في مثل سلطان ينقال القصيد
ياولد زايد وياذرب الافعال
الكرم والطيب أصبح لك رصيد
بالنعم مذكور لا جابو مجال
في جنابك حيث نظراتك بعيد
من الآه العرش اطلب لك وسال
بالسعادة والهنا عرسك سعيد
والختم مبروك واعيد المقال
في مثل سلطان ينقال القصيد

مهرة قبا

ترى سلام العيد ماهو كفاني
ابقي بداله رشفة من شفاياك
اللي بداخلها مثل لقحواني
ولا البرد اللي نزل يوم شفناك
ثالث نهار العيد وقت اضحواني
لونه وحباته تشابه ثناياك
علي لاتبخل تراني تراني
لازلت ابقي وصلكم واترجاك
حبي لكم سابق مضى له زماني
وانته بحبي داري ٍٍ لاعدمناك
الى متى طال الصبر والتماني
والقلب يبشرني قريب ٍ بلقياك
باصبر على وعده بحزم وجناني
عساه صادق واترجا عطاياك
يامهرة ٍ قبا وابوها دهماني
بنت لكحيله والحلايا حلاياك
مادام في الكفين سير لعناني
ماهمني هذا وهذا وهذاك
واقول للحاسد بعظمة لساني
عيش بنكد والنار تصلاك تصلاك

صبري تعدى

للشاعر محمد العتيبي..

صبري تعدى يامحمد حدوده
قبلي تقول السيدة ام كلثوم
على الذي انكر وبانت اصدوده
ويقول مالي عنده اليوم مقسوم
مدري بلاه الشيب بين اشهوده
والا الثنايا يوم صارت بها ثلوم
من اول اقول شكه ابزوده
لي من دخلت السوق اشري ولا اسوم
واليوم سوقي بادي ٍ به ركوده
ايش الحول ياطيب الراس والقوم
عتبان يوم الحرب شبة وقوده
عدوهم مايرقد الليل مهموم
افزع الخالك لايبيح اسدوده
ما دام سده بين الاضلاع مكتوم
ارجوك يامشكاي عجل اردوده
ترى حمد عن لذة النوم محروم

الظبي


الظبي اليوم محلا طيحته
من يمين الشيخ يوم انه رماه
من يسار وفوق عضده صادته
حلله انور وودي للطهاه
الشحم شفته مغطي كلوته
يرتعي من كل عود ٍ اشتهاه
في رياض حوار طالت مدته
غير جنسه مامعه ناقه وشاه
من سحاب الوسم هلت وسقته
زاف عشبه والفقع كل جناه

ياحمد مبروك


الى حمد بن علي الكعبي بمناسبة تعيينه سكرتيراً لسمو الامير المفدى بدرجة

وكيل وزارة مساعد ..

ياحمد مبروك منصبك الجديد
من سموّ اميرنا نعم الامير
الثقه في شخصكم عنده تزيد
حيث يدري انكم ابها جدير
عند سماعي للنبأ فرح ٍ سعيد
والذي يعرفك مسرور ٍ كثير
من سميك ياصلك نظم القصيد
مخلص ٍ منزلك عنده كبير
بالسعادة دوم والعمر المديد
من كريم ٍ عالم ٍ باللي يصير

برقية

ابيات كتبها الشاعر بعد رحيل المغفور له سمو الشيخ عيسى بن سلمان آل خليفة

وهي رد على برقية صاحب السمو الشيخ خليفة بن سلمان آل خليفة

برقية جتني على صدري وسام
من بوعلي راعي الوفى والجماله
رئيس حكومة ذا البلد نسل الاكرام
خليفة اللي يعرفه من عنى له
نظرة سموه للبلد دوم قدام
ينصح ويسمع نصح من هو صفى له
لين البلد صارت بها خير وانعام
الله يدوم الخير واللي سعى له
لميرنا الراحل على طول الاعوام
عون يلبي بوحمد لادعى له
الله يرحم بوحمد عون الايتام
عيسى الذي شعبه جعلهم اعياله
ياما عنى عيسى الى الخاص والعام
منهم انا وىلاف مثلي عنى له
بفراحهم وحزانهم قدر وكرام
فيه التواضع والكرم والعداله

صوب ناصر


بمناسبة سباق القدرة الكبير..

صوب ناصر جاو اخوان ٍ كرام
احمد او حمدان نعم ٍ بالأثنين
فارسين جاو فارسنا الهمام
والنعم به والنعم بالفارسين
عند ناصر لال مكتوم مقام
والملك والده وبوهم إخوين
كلهم ايكن ود ٍ واحترام
صوب لآخر والنعم بالطيبين
خوة ٍ طافت مئات ٍ للاعوام
مع جدود ٍ ارحلو والحاضرين
شوفها تزداد عام ٍ بعد عام
بين محمد او حمد المخلصين
من مدح لثنين والله ما يلام
كالحيا قالوه والطيب يبين
مملكتنا مع دبي الى الامام
في ازدهار ٍ دوم في مر السنين
شاعر ٍ يهدي لكم ازكى السلام
والعذر ان كان حنا مقصرين

جاني خبر

مرثية في الشيخ خالد بن محمد يرحمه الله ...

جاني خبر وانا بدولة الأمارات
وارتعت يوم اني قريت الجريدة
قالوا توفى صاحب السمت والذات
الشيخ خالد سعد من هو عضيده
ابومحمد وافي في المهمات
كريم تنصاه الضيوف البعيده
له مجلس ٍ مفتوح في كل الاوقات
ماناش من دنياه تنفقه إيده
سمح الجناب ولاتجي منه زلات
عزالله انه للعشيره فقيده
ماينّسى خالد سواحّي او مات
ماينّسى راعي الفعول الحميده
يالله يالمطلوب رب السماوات
تعيضه الجنه وعفوك يزيده
قولوا آمين والف الصلوات
على النبي ختام هذي القصيدة

ماجور ياسلطان


الى صاحب السمو الملكي الامير سلطان بن عبدالعزيز آل سعود بمناسبة خروجه من المستشفى ..

ماجور ياسلطان يابن السلاطين
ماجور ومعافى ونطلب الرحمن
يحفظ سموك ياحبيب الملايين
يافاعل الخيرات يالقرم سلطان
ياكافل الايتام عون المساكين
لله تعمل مافعلته من إحسان
كل رفع كفه الى الله داعين
لك بالشفاء ياسيدي نور الاوطان
ياالنائب الثاني ودرع الميادين
تسلم يابوخالد ترى الكل وجعان
والحمد للمعبود عدل الميازين
جات البشاير خير والكل فرحان
من كل صوب او فج جاووك ناصين
وانت الذي تنحب يا اطيب انسان
في مملكة بحريننا لك منادين
لاباس ياسلطان واسلم للاخوان
العاهل اللي خادم للحرامين
وايضا ولي العهد واخوه وعمان
واللي لكم اخوٍ وضد المعادين
مما جرى لك حارب النوم سهران
جلالة العاهل حمد قولة آمين
بعد الدعى لك من كريم ٍ ومنان

بحرين




بمناسبة العيد الوطني ..

بحرين ياللي لهذا اليوم ولهانه
سادس عشر من ديسمبر جاك بافراحه
عيد الوطن فيه واهل الدار فرحانه
واعلامها رفرفت عالي ولواحه
من فضل رب ٍ كريم ٍ عالي شانه
ثم يرجع الفضل للي باني اصراحه
حمد حميد السجايا الجود عنوانه
يسلم امير البلد وتدوم افراحه
مبروك لميرنا وايضا لعمانه
والى ولي العهد يمناه وسلاحه
واخوانه اللي اعضوده دوم واعوانه
وانجاله اللي الى العليا طماحه
مبروك للشعب والمخلص لأوطانه
دون الوطن حاضر يفديه برواحه
ازدانت الدار بالفرحه وجيرانه
عبر المحطات بالافراح وضاحه
عيد ٍ سعيد ٍ بأذن الله سبحانه
على بلاد ٍ يها الامان والراحه
دره ابوسط الخليج ايقال او دانه
تسلم بلدنا من الارهاب واشباحه
ويدوم شيخ مشرع باب ديوانه
للي به الوقت بعد اليسر قد طاحه
ادى ديونه وولا عنه ديانه
واصبح طليق الاسر والنفس في راحه
انا احدهم غمرني الشيخ باحسانه
فضله يشافي اسير العسر واجراحه
نطلب العيسى من الرحمن غفرانه
روحه عسى في جنان الخلد مرتاحه

سر ياقلم

الى سعادة الشيخ سلمان بن عبدالله بن حمد بن عيسى آل خليفة ..

سر ياقلم واكتب ابصفح السجله
سجل على الصفحة من الشعر قيفان
في مدح ابوخالد وهو في محله
سمح الجناب وقصدي الشيخ سلمان
لو طالت المده معه ماتمله
بخلاقه الحسنة ومنطوق للسان
ذكره جميل ٍ ما تجي منه زله
امشاهده يبعد من الهم وحزان
يسلم اسواته والردي فدوة ٍ له
يفداه منه دايم الدوم زعلان
ابوه عبدالله حوى الطيب كله
جده حمد والجد لكبر اكحيلان
عيسى حماء داره ابسيف يسله
ارخص بنفسه والجسم فيه نيشان
كريم لا جاء الظيف ينصا محله
صيته ظهر مابين حضر ٍ وبدوان
يعطي اغروس ٍ مثمرات امظله
وهجن ٍ كما العفري وخيل ٍ وتفقان
عسى له الجنة من الله جزاً له
وختامها صلوا على خير عدنان

افرحت الكويت

بمناسبة فوز الشيخ ناصر بن حمد آل خليفة..

افرحت الكويت بالعيد المجيد
جعلها تعداد هذا كل عام
صادفت اعيادها عيد سعيد
فوز ناصر بالبطولة ياسلام
في سموالشيخ باقول الفصيد
والتهاني له على اخذ الوسام
ولسمو الشيخ فيصل والعضيد
نائبه واخوه خالد في المهام
في بطولة الفهد نعم الشهيد
في سباق اللي اتكسر للجام
سمي القدرة وله ميد بعيد
يقطعه من كان عنده له ازحام
والبطولة ذي ماهي بالجديد
كم كسب امثالها ابن الكرام
كلنا نطلب لناصر بالمزيد
في طموحاته الى اعلى مقام

شعر النبط

مجاراة للشاعر ضيدان بن قضعان العجمي

شعر النبط او بعد سموه بالشعبي
يحوي كما تحوي الفصحى من الطرفه
شعر ٍ قريته وقام الشوق يلعبي
ذكر زمان ٍ مضى ما كني اعرفه
نقض غرام ٍ ابوسط القلب متخبي
منه ادموعي على الخدين منذرفه
لامن ذكرت الذي صادفت في الدربي
اللي نظرته ايوايق من على الغرفه

من ساعته مادريت اش حل في قلبيوالعين تنظر ولا بيدي بعد صرفه

جاريت قاف ٍ لابن قضعان ينحبي
وهدية للمنتظر شمسه من الشرفه
يامطوع القاف عسر ٍ كان او صعبي
انا وغيري لبن قضعان معترفه
بالمختلف زوّد القرا بالعذبي
نظم ٍ كما الدر غالي السعر في صرفه
يشفي الذي عجز الدكتور والطبي
نفسه عن الزاد قبل اليوم منحرفه

في الأواخر


في سعادة الشيخ خالد بن احمد بن سلمان آل خليفة بمناسبة زيارته في شهر رمضان ..

في الأواخر من عشر شهر رمضان
زارني شيخ عسى عمره طويل
خالد بن احمد وفيّ ٍ من زمان
طيب ٍ والله ما انسى له جميل
ذا شرف لي يوم جاني في المكان
بالخليفي فرحتي مالها مثيل
زاده الله عز مع فخر ٍ وشان
والسعادة والهنا صبح واصيل
افتخر به عند ربعي والاخوان
والعدو ايشب في صدره غليل

يامحمد

الى الشاعر محمد عبدالعال العتيبي ..

يامحمد من سأل يعطى الجواب
والجواب اليوم منّك نرتجيه
انت لي مرجع كما وصف الكتاب
الجواهر والادب نلقاه فيه
دايما ً بالحق تنطق بالصواب
من سمع شورك ورايك مايتيه
خالكم مالذ له زاد وشراب
والسبب هجران من قلبي يبيه
هل اجازيه الهجر لو هو عذاب
او اوسط بالرضا من هو يجيه
ربما يسمح ويرسل لي جواب
لايصدق هرج كذاب وسفيه
ساعي بالشين جعله للخراب
مرتشي هذا وهذا يرتشيه
ماحلا عقب الهجر سمع العتاب
الهجر ماعاد والله نشتهيه
من تولع في هوى تلع الرقابك
كنه المجنون او هو له شبيه