(عقد احجاجه)
.
.
ياصغيّر السن قدرك طاحت أبراجه=الجرح خلى الصخر ينطق ونطقني
خلاص ماعاد تعنينـي ولا حاجـه=رح جعل ربي يوفقـك ويوفقنـي
من بعد ما كنت نور العمر وسراجه=اليوم صرت الظلام اللي يطوقنـي
عطيتك أكثر من اللي كنت تحتاجه=أسرفت فـالحب لين الحب وهقنـي
خلاص مالي ومال الحب وإزعاجه=مالي ومال الدروب اللي تضايقنـي
تعبت أضم البحر واهدي أمواجـه=تعبت أجامل وأشوف الوقت يسرقني
شكواي للي عليه الضيق وافراجـه=اللي إذا شاء يرحمنـي ويرزقنـي
أما انت يابو جبين عقّـد احجاجـه=لاعاد تسأل علامك منت طايقنـي
الناس كلٍ علـى دربـه ومنهاجـه=وأنا عن الناس مابه شـي يفرقنـي
إلا اني دايم أحب الصدق وأواجـه=مخلوق والله على هالوضع خالقنـي
حتى رفيقي ضماد القلب وعلاجـه=على كثر ما أتمسك فيـه صدقنـي
لو ادري انه مرافقني على حاجـه=لاامسّكه حاجتـه وأقـول فارقنـي

( يشمومها)
.
.
.


يانديم الجرح واللـي وصتـك بارقامهـا=عارف انك ماتعرف الا شذى يشمومهـا
لا تعلمني عن اخـر ماحصـل بأيامهـا=من رسالتها عرفت اليـوم كـل علومهـا
ادري ان الوقت شمّر عن يديه وضامهـا=وادري ان الحظ الاقشر صار مثل هدومها
وادري ان الهم وقف في طريق احلامهـا=لين صار الحزن اثرها والشقى مقسومهـا
بس تستاهل هي اللي طاوعت من لامهـا=وباعت اللي كل ذنبه مادخل في سومهـا
خلهـا تدفـع ثمـن غلطاتهـا مادامهـا=هملت قلبي وراحت واسرفت في حومهـا
ويبتعد مع كل خطوه صوت وقع اقدامهـا=وتقرب الضيقه وتصحى دمعتي من نومها
لين غابت عن عيوني وانجلـى هندامهـا=ليلة تغفى على صـدر الظـلام نجومهـا
كنت احس بشي والله ماتشيـل عظامهـا=لو تحس بشي منه يمـر وسـط حلومهـا
كنت احس ان الضلوع العوج مثل ايتامها=واشعر ان القلب نبضه منتهي من يومهـا
والحياه اللي تدور شهورهـا واعوامهـا=وقفت واليـوم دور رماحهـا وسهومهـا
ياكثر ما اغرقت نفسي في بحور اوهامها=ويكثر ماضعت بين اوهامهـا وهمومهـا
ماجداي الا احلـم انـي واقـفٍ قدامهـا=واتخيلهـا تعاتبـنـي واروح الومـهـا
يانديم الجرح خلـك مـن علـوم ايامهـا=مابقى في القلب رغبـه يلتفـت لعلومهـا
والرساله ردهـا للـي زمنهـا ضامهـا=وقلها كلمـه وتفهمهـا حسـب مفهومهـا
والله ان اقص كفـي قبـل ادق ارقامهـا=والله ان اشيل قلبي قبل اشيـل همومهـا
.

(صوتك... وحشني)
.
.
.
الباب هذا بـاب بيتـك بـس مايفتـح عليـه=الباب هـذا لـو فتحتـه تنفتـح لـيّ الحيـاه
وأنا وراه احـس كـن الدمـع تخنقنـي يديـه=احس كنـه حـد منفـى والوطـن كلـه وراه
صوتك وحشني ياوطن واحترت وين القاه فيـه=وامسيت اغني به وأنا اللي كنت اغني له معـاه
وحشني صوتك ياوطن وامسيت اغني ليه .. ليه=ليه الكلام اللي نقول يموت فـي سكـة صـداه
ليه الدواير تنتهي مـع دربهـا اللـي تبتديـه=ليه الشوارع ساكته والنـاس كـل فـي هـواه
ليه اليدين تصـد عـن شـي تبيـه وتشتهيـه=يوم العيون تسابق الجايع علـى لقمـة عشـاه
علمتني في صف أول حبـك ان اكبـر سفيـه=اللي إذا حسّ بغـلا خلـه يفـرط فـي غـلاه
طيب علامك كل مازدتـك غـلا تـزداد تيـه=آهات والله ياوطن .. حتى ولو مـا قلـت : آآه
.

سكوتك.......!
.
.
.
اللـي بقالـي فـي غيابـك سكوتـك=واللـي فقدتـه مـن غيابـك حنانـك
عذرك معك لـو خبرونـي بموتـك=وحقي عليك إن كان عـذرك زمانـك
ماكان موعد .. وأعذرك لـو يفوتـك=أنا انتظـرت العمـر كلـه عشانـك
غبت ورضيت .. وبعدها غاب صوتك=وابطيت اكذب مـن يقولـون خانـك
بالله كيف تحـس فـي طعـم قوتـك=لامن ذكرت إنسـان خنتـه وصانـك
ماكـن قلبـه واحـد مـن بيـوتـك=من تحت سقفه كـم شعـرت بأمانـك
وراك خليتـه .. لعتـمـة سكـوتـك=وأنا مـغيـر اعشمـه فـي حنانـك
في غيبتك ياكم تمنيـت موتـك ؟!!!=اقل شـي ارتـاح واعـرف مكانـك
.

- إيمانيه -
.
.
.

تطيح دمعه واسلّـم للفضـا موقـي=وارفع يدين الذنوب وتظلم أعماقـي
اشوف قبري يمر بوحشتـه فوقـي=وتصير كل الحياة أضيق من أخلاقي
يانفس طالت ليالـي غينـا فُوقـي=كم قلـت يالله وقلتـي تونـا باقـي
ياالمزنه اللي تحـن لغيهـا نوقـي=تعبت أخيلك وأقول نياقـي نياقـي
تعبت ياما تعبت وضاعت احقوقـي=ياما ندمت وردمت الذنب فـأوراقي
ياما سكت وتركت البوح لعروقـي=أخاف اسولف واخيّب هقوة الهاقـي
أخاف أبوح ويخون الصمت منطوقي=وأقول شيٍ يحـث النـاس لفراقـي
يالله وأنت الملاذ إن مس بي عوقـي=وأنا ذنوبي جهت من راسي لساقـي
يالله تغفر خطاي وترحـم وتوفـي=عظمي نهار الحساب وتقبل إعتاقـي
.

عيد ميلادك
.
.
.
حبيبي جيت أقدم لـك هديـة عيـد ميـلادك=وأنا متأكد إني لو نسيتـك مانقـص قـدري
ولكن قلـت أدور أي شـي يناسـب أعيـادك=تفحصت الهدايا لين ضاق بشوفهـا صـدري
أبي شـي يجملنـي معـك لافـاح رينـادك=ما ابي شي أمده والخجل من فوقـي وحـدري
وقلت أشوف بعض الناس قبل يحل ميعـادك=وش اللي من هداياهم يليق بوجهـك البـدري
بعضهم جاب ورد وشفت كل الورد مافـادك=وأنا أصلاً اعتبر من جاب ذاك الورد ما يدري
لان الورد لو ما زاد بيـن ايديـك مـا زادك=تركت الورد وأعجبت بثلاثٍ جوك من بدري
هديتهم قفص وطيور .. قلت فـعيد ميـلادك=اسوي مثلهم وأهديك طيرٍ في قفص صـدري
.

قالوا.......!
.
.
.
.
ياصاحبي لاتجي وتقـول لـي قالـوا=لو قلت .. ماقلـت غيـر الله يجازيهـم
لاشفت بعـض الاوادم للـردى مالـوا=نفضتهـم مـن عيونـي قبـل اخليهـم
يكفيني القـدر نلتـه يـوم مـا نالـوا=إلا .. أو أقول .. ما ابغى أجيب طاريهم
ما أقول غير انت لامن حطوا وشالـوا=تعـوذ برحمـة الله مــن اساميـهـم
وذكرهم إن الأعمار إن طالت وطالـوا=الخالـد الذكـر وإلا المـوت قافيـهـم
أما انت ياقلب إن صالوا بـك وجالـوا=خلك مثل ما انت لاتشره علـى ايديهـم
النـاس مـن خلقـة الدنيـا ومازالـوا=عيـال رجـال لكـن فيهـم وفيـهـم
ذولاك من عرض ناس مالي إن مالـوا=إلا اني اسكـت وأقـول الله يجازيهـم

........ الدلوعه............
.
.
.
.

إيه اعرفك بنت عز وكلمتك مسموعـه=وادري انك من خلقتي في ظلال وفيّـه
مالعب فيك الزمان ولا قرفتـي جوعـه=ولا وقفتي من همومـك وقفـة محنيّـه
ادري ورب اليتيم اللـي يهـل دموعـه=مابعد هلت دموعك في ضحـى عيديّـه
بين حضن أمك وأبوك وردةٍ مزروعـه=طول عمرك مافقدتـي لمسـة الحنيّـه
إيه اعرفك واعرف إن الناس لك متبوعه=وادري إن امرك مجاب وحاجتك مقضيّه
بس أنا من فضل ربي هامتي مرفوعـه=ورث أبوي وراس مالي عزوة جبريّـه
ما انحنيت إلا لمخافة ربي المشروعـه=ولا بعد دفقـت دم الوجـه أمـد ايديّـه
بدويٍ ماعرفت الضحكـه المصنوعـه=احمد الله من خلقـت وطيبتـي فطريّـه
قانعٍ في حكمة الله ماشـيٍ فـي طوعـه=ماحسبت حساب دنيـاً ناسهـا طرقيّـه
إيه أنا يا ام الترف قلبي إذا موضوعـه=الفراق اللي بلا رجعـه وطـاري جيّـه
بس روحي سايري قلبك وهدي روعـه=واعذريني .. وإلا .. عادي ازعلي عليّه
دامها وصلت لـذل النفـس يالدلوعـه=والله إن يعيش راسي ما انحنـى لبنيّـه

........ المراسيل............
.
.
.
.


أقول يمكـن تنفـرج فـالمقابيـل=ولا ادري إلا الأرض تحتي تهايل
وبعد التعب والهم والحط والشيـل=توي عرفت إن البخت كان مايـل
مع ذاك أبو ذيك الرموش المظاليل=ذاك الغريب اللي عمل بي عمايـل
جتني مراسيلـه تشـب القناديـل=ومعها سـؤالٍ جاوبتـه النحايـل
يقول كيف الحال بعـد المراسيـل=وأقول مثل الحال قبـل الرسايـل
عمر الكتابه ما تجيب المواصيـل=ريّح مكاتيبك تـرا الشـك زايـل
إن ما حصل همس وحنان وتعاليل=وأعاتبك لين المـح الدمـع سايـل
واجلس واسولف عن زمان البهاذيل=وانسى السوالف لا نسفت الجدايـل
كذا يصير الحب والوصل والليـل=وكذا ادري انك ما نسيت الجمايـل
إما كذا وإلا اتـرك الحـظ للميـل=واتركني فوق الأرض تحتي تهايل

........ تهذريبي ............
.
.
.
.
ياعين هلي دموع الوجد وانهمـري=محتاج لي دمعتيـن تعيـد ترتيبـي
نويت دمر الزمان اللي نوى دمري=بايعك ياطيبتي شاريـك ياطيبـي
والدانه اللي تغنـج كنهـا القمـري=أمنتكـم بلغوهـا يــا مناديـبـي
لاعاد تشفق على نخلي ولا تمـري=ولا عاد تشره علي في قل ترحيبي
إن كان ربي عطاها لونها الخمري=الله بنفسي عوضنـي فقـر جيبـي
أمنتكم الله بلغوها تحتـري جمـري=مادام مافاد معهـا حسـن تهذيبـي
إن عشت والله لـأمشيها تحت أمري=وأحس فيها تعـذب كثـر تعذيبـي
هذريت فيها ثلاث سنين من عمري=وان قالها الله لـأخليهـا تهذريبـي

........ المدينه ............والغريب
.
.
.
.

جاء يشوف الحال كيفه بعد ما هزه حنينـه=وقبل يسألني سألته كيف حالـك يالحبيـب
قال أنا كني غريبٍ ضيّـع أدروب المدينـه=قلت أنا كني مدينه تنتظر رجعـة غريـب
قال اجل وش فيك تكره سيرة الحب وسنينه=قلت اجل وشلون ما اكره سيرته دامك تغيب
أنت لامن غبت حتى مرايتك صارت حزينه=كيف ما تبغاني احزن وانت لي حظ ونصيب
الهدايـا والرسايـل والمكاتيـب الثميـنـه=والليالي والقمر والريح والكـون الرحيـب
كل ما تبعد تجيب ليّه الشعـر مـن يدينـه=وتقعد جروحي تودي فـالطواريق وتجيـب
يابعد كل القصيـد ونـزوة إحـداه وأنينـه=لاذكرتك لاح بيت وطاح ورد وفاح طيـب
وان نسيتك مانساني صوتك المبحوح لينـه=ياخذ لجرحي بثاره من خطايـاك ويطيـب
وبعد هذا جاي ترمي ذنبك بوجـه المدينـه=ما دريت إن المدينه كلهـا شمعـة غريـب

لا تسافر ............
.
.
.
.


قلبي له اليوم .. ثالث يوم موجعنـي=وعيني لها اليوم ثالث تجمع طيوفـك
والبال كنه على دروبـك يوزعنـي=ولساني ماكنـه إلا خلـق لحروفـك
لا النوم نافـع ولا التفكيـر نافعنـي=أنام واصحى على الباقي من وصوفك
بالله قلي شعوري هـذا وش يعنـي=طمني الله يطمـن همـك وخوفـك
بيني وبينك ترا اللي صدق ضيعنـي=إن انت بآخر لقا شارح لي ظروفـك
مدري وش أقول لكن تدري اسمعني=خابرك وافي وأبيك اتّـم معروفـك
إن كنت نـاوي تسافـر لاتودعنـي=بس انتبه لاتسافر قبل مـا اشوفـك

اسمع مايلي ............!
.
.
.
.
أسمعك ياللـي تنادينـي يابـو قلـبٍ خلـي=بس أنا ماني خلي القلب لجل اسكت واجيـك
الخلي ماهـو بقلـبٍ مـن هيامـك ممتلـي=الخلي قلـب آدمـيٍ شافـك ولا هـام فيـك
انت زعلان لجفاي ومـا دريـت إن زعلـي=يوم قلبـك مايبينـي قـد مـا قلبـي يبيـك
حتى لو عيت همومك فـي غيابـي تنجلـي=كل هذا ما يسـاوي لهفتـي يـوم احتريـك
وكان ما صدقت هرجي .. طيب اسمع ما يلي=ياحبيبي ياعسـى ربـي يحفظـك ويهديـك
جايز انك في غيابـي تقلـب الدنيـا علـي=بس أنا من قبل أعرفك قالب الدنيـا عليـك

.

سر حبك ............!
.
.
.
.




من بغى الفرقا .. لقى له عـذر وأسبـاب ودليـل=خل عنك العـذر والأسبـاب دام الحـب ضـاع
كان ودك بالفراق ابشر عسـى عمـرك طويـل=لاتردد وأنـت لـك كلمـه ولـك أمـرٍ مطـاع
لـي عليـك انـك تبـت بكلمـه تشفـي الغليـل=ولك علي إني لـأوقف وقفـة الرجـل الشجـاع
لاتجاملنـي مخافـة قـال مـدري خـوف قيـل=عمر هرج النـاس مايسمـن ولا يغنـي جيـاع
كان قصدك سر حبك اوعـدك لـأصبـح بخيـل=واحمل أسرارك معي للمـوت قـدر المستطـاع
بس قلها .. قل ما احبك .. وابشر بصبرٍ جميـل=لاتحسب إني مثـل مـن طبعهـم لـوي الـذراع
صاحبك ماهو كـذا .. ياصاحـب القـد النحيـل=صاحبك طبعه غريب وغربتـه غربـة اطبـاع
فالهـوى مايقبـل الحـل الوسـط ولا القلـيـل=مثل ماهو لا شرا يشـري اليامـن بـاع بـاااااع
ثابتٍ لـو هـي تميـل الأرض حـدره مايميـل=يـدري إن الفقـر ماهـو عيـب والدنيـا متـاع
ماعشـق لـذة حياتـه كثـر عشـق المستحيـل=ولا كره حتـى مماتـه كثـر كـره الانصيـاع
كم تعلمت من شديد البـدو وش معنـى الرحيـل=وكم تعلمت من غروب الشمس وش معنى الـوداع
وكم تعلمت من سحاب الصيف وش معنى الحصيل=وكم تعلمت من ليال البرد وش معنـى الضيـاع
إيه .. أنا هذا .. طريقي موحش وصعب وطويـل=وانـت لامنـك تعبـت العالـم فجوجـه وسـاع
اعتبرنـي فـي بدايـة سكتـك عابـر سبـيـل=ورح وأنا قلبي معك من ويـن وجهـت الشـراع
يكفـي إنـي لاذكـرت بسالفـة عشـاق قـيـل=عاشر احبابه شجـاع وفـارق احبابـه شجـاع

.
.

قيمة عيوني ............!
.
.
.
.
صوّت حبيبي وقبـل أقـول ياعونـك=شكا جروحه ورحت اشكي له اطعونـي
يقول ما اقدر أعيش اليوم مـن دونـك=وأقول حتى ولو ماعشت مـن دونـي
يمكن أنا أكون اعز إنسـان فـعيونـك=بس انت والله كـل النـاس فـعيونـي
لاصرت ربعي .. وداري فيّة اجفونـك=وش دخّل الناس خل النـاس يجفونـي
يكفيني إن انت لامـن قلـت وشلونـك=تطيب كل الجـروح ويختلـف لونـي
وان كان منت بـمصدقني على هونـك=تعال طالـع ادروبـك ويـن ودونـي
اصبحت اجامل اعداي اللـي يحبونـك=واكره مشاهد اعـداك اللـي يحبونـي
ومن كثر ما أحب واكره عنك واصونك=اصبحت دفتر مشاعر وأنت مضمونـي
إن غبت عني شعـرت بلـذة طعونـك=وان شفت زولك شعرت بقيمة عيونـي

ماعاد يعنيني............!
.
.
.
.
اللي تركني وأنا في عـز غربالـي=بعد الشدايد وش اللـي ذكـره فينـي
يبغى زماني يعود ويرجـع الغالـي=وشلون يرجع بعد ماطاح من عينـي
لا الوقت وقته ولا له شي في بالـي=أنا نسيتـه مثـل ماكـان ناسينـي
أنا تمنيت نظـره منـه فـي حالـي=ياما تمنيـت صوتـه لـو ينادينـي
وأقول لأظلم علـي الليـل بلحالـي=الله يجيبـه يشتـت غربـة سنينـي
من كثر ماكان طيفـه دايـم اقبالـي=أحيان أحسه معي وتضمـه ايدينـي
ولامن تنبهت ليـن وجيـه عذالـي=كلٍ علـى ماطـرا بالـه يسمينـي
ليته تركني بعـد هـذا علـى فالـي=زي ماتركته بعـد قتلـه بساتينـي
من بعد ماصار جاء بلسانه الحالـي=يبغى يرجّـع زمـانٍ بينـه وبينـي
قولوا له إني ما أحبه كثـر ترحالـي=أو لا .. حرام يتضايق وإلا يبكيني؟؟
قولوا له إني أحبه .. بس من تالـي=إن راح وإلا رجع ماعـاد يعنينـي

يبه............!
.
.
.
.





يبه وأنا بعد (( 12 )) عام حسيـت=انـي قـدرت أقـول شـيٍ كتمتـه
ابطى قصيدي ما أنكتب فيك وابطيت=اجر صوتي وارجع اجـر صمتـه
ما ودي اكتب بيت واندم على بيـت=ماهو بشعر .. الشعر كاني زهمتـه
الشعر كانه ما انحنى لي مـا جيـت=إن ماعـزم مرثيتـك مـا عزمتـه
إن ماكتبته بأزرق الدمـع وأبكيـت=كل الجروح المبطيـه مـا رحمتـه
يبه وأنا من بعـدك أبـو التناهيـت=مـا مـر طعـمٍ للحـزن مانهمتـه
يبه .. (يبه) كلمه وأنا كل ما أوحيت=كلمة يبه ((صديت والوقت لمتـه))
يبه .. (يبه) كلمه وأنا كـم تمنيـت=اهدم بها وابني بهـا اللـي هدمتـه
يبه وأنا لاضقت رحـت وتهجيـت=ركـون بيـت ضـم حلـمٍ حلمتـه
يومـك تعلمنـي ولامـن تحاكيـت=درس الحياه اللي كبـرت وفهمتـه
هنـاك كانـت دلتـك لاتقهويـت=وهناك كان يسـاق طيـبٍ حشمتـه
وهناك إيه اذكرني .. هناك خليـت=طفلٍ ملـى بالدمـع دربٍ رسمتـه
هناك جاني علمـك انـك توفيـت=وهناك خاويـت الشقـا واحتزمتـه
واليوم قلت اليـوم يومـي ومديـت=كف القصيد وطاح شعـر ونظمتـه
لكن بعد صمت (( 12)) عام حسيت=اني عجـزت أقـول شـيٍ كتمتـه

.

لا بكيت............!
.
.
.
.









صعب لامنك فشلـت وصعـب لامنـك لقيـت=إن من يكره نجاحك يـدري انـك مـا نجحـت
امس ضقت ورحت اقلـب ذكرياتـي وانتهيـت=عند صورة طفل صوته مثل صوتي لا انجرحت
وش مثل ؟؟ لا والله إلا هذا أنـا يـوم ابتديـت=انطق حروفٍ تلعثـم فـي لسانـي لا انمدحـت
هذا أنا يوم الحيـاه فـنظرتـي عشريـن بيـت=ومسجدين ومدرسه من طين كم فيها اصطبحـت
هذا أنا .. وأصبحت أتمتم .. (هذا أنا) حتى بغيت=اختنق بس القدر عيّـا علـى موتـي وطحـت
وصاح صوت الطفل فيني انت من وين ارتميت=قلت أنا المستقبل اللي فيه كـم همـت وطمحـت
امس كنت أبيك تكبـر بـس والله لـو دريـت=اني اللي عشت لجله مـت عنـدك واسترحـت
لو دريت إن الزمان يجـر رجلـي مـا عديـت=ولو دريت إن البحور بلا موانـي مـا سبحـت
كان دربك لي طويـل وكـل ماشفتـك هويـت=قلت لك كبوة جواد ومـا كبيـت إلا وجمحـت
ليـه تسمعنـي وتمشـي آه ليتـك مامشـيـت=وآه ليتك من كثـر عثـرات الأيـام انتصحـت
ضاعت احلامي وضل الحزن فينـي واهتديـت=للطريق اللـي يودينـي علـى دمعـي ورحـت
يالحزن ليتـك مثـل دمعـي وتنـزل لارقيـت=بس أعرفك لو مسحت الدمع تبقى ما انمسحـت
كان حلمي في وجـود إنسـان يبكـي لابكيـت=وصار حلمي في وجود إنسان يفـرح لافرحـت
كنت اشوف الناس مثلي كل ما جعت وضميـت=ما دريت إن الاوادم ناس فـوق ونـاس تحـت
آآآه يا أول ذكرياتي خذني فـحضنـك نسيـت=لأسألك عن وجه ابوي اللي معه يامـا سرحـت
خذني فـحضنك ابغفى .. ياااااه مبطي ماغفيـت=وان لمحت دموع عيني سو نفسـك مـا لمحـت
خذني فـحضنك وبعثر في جروحي وان قضيت=هزلي كتفي وقلي : عيـب تبكـي لـو سمحـت
اضحك وعلم زماني من أنا .. ومن وين جيـت=طق باب الحزن واصرخ فـيّ لامنـي فتحـت
وضمني يمك .. وكمل ضحكتك لامـن بكيـت=ودي اذكر كيف كانت ضحكتي لامـن فرحـت

.

ياصاحبي............!
.
.
.
.








ياصاحبي جيتك اشكيلك من أحوالـي=جيت ومادامك رفيقـي ليـه أطوّلهـا
العلم وما فيه يـا أول وآخـر أمالـي=عندي رساله ولا ادري كيف أوصلها
للي سبتني وأنـا مـن قبلهـا سالـي=أبيك توقف معي .. وتروح وتسألهـا
وش فيها تفتح علـي أبـواب عذالـي=وتحمّل النفـس حاجـه مـا تحملهـا
وش فيها رغم الوفا تتركنـي لحالـي=وأنا لجفاها تركـت الدنيـا بأكملهـا
إن كان هذا زعل .. علمهـا يالغالـي=ما كان قصدي ورب البيـت ازعلهـا
علمها واللـي يخلـي قلبـك الخالـي=عن ضيقتي وين وصلت من تجااااهلها
علمها كم لي وأنـا ماشلـت جوالـي=كله علشـاااان مـا اقلـب رسايلهـا
وعلمها وشلون لامرت علـى بالـي=أروح وأضـم صورتهـا واقبلـهـا
وعلمها كيف انشغل عن كثرة أشغالي=واسرح واغمض عيونـي واتخيلهـا
علمها عني وعـن همـي وغربالـي=علمها عن كل حاجـه فـي تجهلهـا
وان شفتها دنقت تبكي علـى حالـي=انسى الكـلام وتذكـر كلمـه وقلهـا
قل شاعرك يعتذر ويعاهـدك تالـي=انـه يرتـب حساباتـه مـن أولهـا
ويقول حتى القصيد اللي علـى بالـي=والله ماعـاد اكتبـه كانـه يزعلهـا

جريح الضماير............!
.
.
.
.



يـاغـايـبـه وان كــــان فـيــهــا جـمــالــه=تـجـمـلــي يـــــا ام الــحـــلا والـظـفـايــر
بالله شـوفــي صـاحـبــك كــيــف حــالــه=شوفيـه فـي غيبتـك وشـلـون صـايـر ؟؟
صــارت حيـاتـه ضـيـق خـلــق وبـطـالـه=هــم وسـهـر واوراق شـعـر وزقـايـر !!
يعـنـي حبـيـبـك .. صـــار حـالـتـه حـالــه=مـابـاقــي الا انــــه يــــدن الـعـبـايــر !!!
الله لامــنــه ذكــــر مــــا مــضـــى لـــــه=قــبـــل الــدوايـــر مــاتــجــر الـــدوايـــر
يــــوم الـطـفـولـه والـشـقــا والـجـهـالـه=يـــوم الصـغـايـر فـــي عـيـونــه كـبـايــر
ايـــــام كـــــان مـعــانــده راس مـــالـــه=ويـسـوق .. لهـبـال .. الشـقـاوه بـشـايـر
يـامـا امـتـلـى بـالـحـب والـطـيـش بـالــه=ويـامـا امتـلـت مــن شخبطـتـه العـوايـر
يـكـتـب علـيـهـا .. عـاشـقـك للثـمـالـه ..=ويـخــط توقـيـعـه : جــريــح الـضـمـايـر
يـامـا اشتـكـاه ابــوك فــي بـيــت خـالــه=ويـامـا تـحـصّـل فـــي هـــواك الـعـزايـر
مــــره حــلــف انـــــه يـبــطــل هـبــالــه=وقـبــل يـكـمـل .. فـــك اخـــوه السـتـايـر
ثــــم طــالــع الـشـبــاك لـيـنــك اقـبـالــه=وفـي اقـل مـن لمـح البصـر جـاك طايـر
عـلــى صــغــر ســنــه مـمـيّــل عـقـالــه=كـاشـخ ونـاسـي لا يـصــك الـزرايــر ؟؟
لا شــافـــك يـتـمـتــم لـحــالــه بــحــالــه=لعـيـون هالشـوووفـه تـهـون الخسـايـر
ولا شـــاف زول ابـــوك حـــذّف نـعـالــه=الـحــب جـايــر .. لـكــن الـعــود جــايــر
(( طفلٍ يتيمٍ )) .. ورغم الاحزان داله ..=مـايـدري ان حـظـه مــع الـوقــت بـايــر
كـنــتِ طـمـوحـه كـنــتِ اغـلــى حــلالــه=كـنـتِ وصـرتــي بـــس يـــا ام الظـفـايـر
طـفـلٍ زرع مــن ضحكـتـك فـــي خـيـالـه=لـيــن اثـمــرت شـعــرٍ هـزالــه حـرايــر
لاتـتـركـيـنـه فـــــي غــيــابــك لــحــالــه=بالله شـوفــي كـيــف هـالـطـفـل صــابــر
وحـــده بـوحــده كـــان عـنــدك عــدالــه=اتبـطّـلـي غـيـبــه .. وابــطــل زقــايــر !!

(( حبيت اوضح لك ))
.
.
.
.
.
.
في عز ماكنت أهوجـس فيـك وافتـح لـك=قــلــبــي خــذتــنـــي رجـــلــــي لــبــابـــك
وجيتك وأنا مااذكـر إنـي كنـت رايـح لـك=بــس اذكــر انــي كـــذا لاطـــول غـيـابـك
يامـا تــرددت مــدري كـيـف بـشـرح لــك=أجيـك وارجـع .. أبيـك تقـول وش جابـك
يـاابـن الأوادم تــرى ملـيـت ألـمــح لـــك=أنـا أعـزك .. وأحبـك .. واعشـق ترابـك
لاضقت اضيق .. ومتى ماتفرح أفرح لك=ولاغبـت أمـوت ومتـى ماشفتـك احيابـك
ان كـــان ودك ترسـيـنـي عـلــى كـحـلـك=لميـت عمـري وخاويـتـك عـلـى أهـدابـك
لـكـن قـبـل تنـجـرف حبـيـت أوضــح لــك=مستقبلـي فـي يدينـك .. واعمـل حسـابـك
لـوضـاع مستقبـلـي مانـيـب سـامـح لــك=يكفينـي الماضـي الـلـي ضــاع بأسبـابـك
.
.
.

(( يبكون الحبايب فراقي ))
.
.
.
.
.
.





ياقـلـب طـالـت قسـوتـك وانــت لـيّـن=في قسوتـك ياقلـب ويـش انـت لاقـي
الـلـي تـعـدى عـمـر مـاهــوب هـيّــن=والعـالـم الله كــم مــن العـمـر بـاقـي
يمكـن يطـول ويمـكـن الـيـوم اعـيّـن=مـوتـي ويـبـكـون الحـبـايـب فـراقــي
وش عاد اسوي وسط قبـري وازيّـن=لاجفت عروق .. وعيون .. وسواقي
لاعــاد بــه فـرصـه عـشـان اتـحـيّـن=ولاعــاد بــه زفــره وافــك اختنـاقـي
بـاكــر وكـــل الـلــي سـتـرتـه يـبـيّـن=وانـا علـى هالـحـال مـيـأس وهـاقـي
مـــدري مـتــى يهـديـنـي الله واديّـــن=واكف عـن بعـض المشاويـر ساقـي
.

(( سكة الذكرى الحزينه ))

.
.
.
.
.
.




مرنـي طيفك..وطيفـك صاحبـي مــا أدري عــدوي؟!=جـايـبٍ صوتك..وصـوتـك سـكـة الـذكـرى الحـزيـنـه
قــال: انــا جـــوي تكدر..قلـت:مـاهـو كـثــر جـــوي=قال:فـرقـانـا غبينـه..قـلـت: واكـثــر مــــن غـبـيـنـه
قال:انا ب..أموت من غيبتك،قل لي ويـش اسـوي؟!=قلت:أنا ابغي الموت في غيبتك، قل لي بس وينـه؟!
قـبـل تـرحـل كـنــت أقول:بـيـسـرح أيـــام ويـضــوي=مـثـل ماعـودنـي الـيـا اشـتـقـت لـــه جـابــه حنـيـنـه
بــس ه..الـمـرة ثـمـان شـهــور وضـلـوعـي تـــدوي=كـل يـوم أشـتـاق لك..يعـلـن أبــو الـشـوق وسنيـنـه
كــل ماعـشـمـت قلبي..قال:ياضـلـوعـي تـقــوي..؟!=ورحــت أنــا ويــاه نـرقــب رجـعــة الـلــي فاقـديـنـه
نــوب أقول:الـيـا رجــع بـكـون فــي قـمــة هـــدوي=ونــوب أقــول: إلا بزعل..وأتـلـى مابيـنـي وبيـنـه
كل يوم اجلـس علـى جـال البحـر وأقـول: تـوي=لاسألـنـي: مافـقـدت الـحـلـم فـــي لـمـسـة يـديـنـه؟!
مـادريـت إن البـحـر مـاقـال لأمـواجـه تـــروي=ومادريـت إن الغرق هـو حجـة غـيـاب السفيـنـه
مادريت..أومابغيت أدري..ولا أدري وش ب..أسوي=لـو رجعـت وشفـت طيفـك فـي الممـرات الحزينـه؟!
وين ابنسى؟!..وأنت طيفك(صاحبي مأدري عـدوي)=مارضـي يتـرك لغيـره شبـر واحـد فــي المديـنـه...!

.
.
.

(( القرايا ))


.
.
.
.
.
.



القـرايـا ساكنتـنـا لـــو سـكـنّـا فـــي المـديـنـه=ياكثـر مـافـي المديـنـه نــاس تسكنـهـا قـرايـا
مثـل انـا لامـن شعـرت أنـي بحاجـه للسكينـه=رحـت يـم القريـه اللـي قـدرهـا بـيـن الحنـايـا
قريتـي والـيـوم جيـتـك شـاعـر ٍ هــزّه حنيـنـه=للـوجـيـه وللـبـيـوت ولـلـسـوالـف والـحـكـايـا
قريتـي انـا فهـد .. فهـد .. فهـد ماتذكريـنـه =أسألـي عنـي بيـوت الطيـن ونقـوش الـزوايـا
ياسقـى الله قبـل اسافـر عنـك يالـدار الثمينـه=يـوم انـا طفـل يشـوف عيـوب جدرانـك مزايـا
يـوم انـا طفـل ٍ يمـر الـيـوم مـاشـاف الغبيـنـه=الضحى وسط المدارس والشفق بين المطايا
ياسقـى الله يـوم كنـت الريـح والدنيـا سفيـنـه=قبـل مالدنيـا تكـون الـريـح والسـفـن البـرايـا
يــوم ابــوي الله يبيـحـه كــان ياخـذنـا بيديـنـه=يـم ذاك المسجـد اللـي فيـه مـن ريـحـه بقـايـا
ياسقـى الله او بـلاش ازيـد هـذا الطيـن طينـه=لـي هنـا والعمـر مابـه متسّـع لـاهـل الرزايـا
قريتي مانيب انا اول من رجع لك وسط عينه=دمعـتـيـن ٍ كـنـهـا لبـيـوتـك ونــاســك مــرايــا
القـرايـا سالـفـة اهــل القـرايـا فــي المـديـنـه=والمدينـه سالفـة اهـل المديـنـه فــي القـرايـا

.
.

(( صمت المكان ))


.
.
.
.
.
.



كل ماطابت هجوسـي رحـت اسولـف للزوايـا=عن فتـاة ٍ كـان يملـى صوتهـا صمـت المكـان
عـن فتـاةٍ غيـر كـل اللـي قرينـا فــي الحكـايـا=صمتها طيش وقصيد وطيشهـا صمـت وأمـان
باقـي ٍ فيـهـا مــن الـلـي فــي طفولتـهـا بقـايـا=شيطنة ضحك وسوالف .. رقة شعور وحنـان
كــم تزاعلـنـا وكـــلٍ ينـتـظـر دمـــح الخـطـايـا=كـم سكتنـا والزعـل مـن بينـنـا مـثـل الـرهـان
ليـن ماتنـهـي زعلـنـا ضحـكـة ٍ بـيـن الشفـايـا=ضحكـة ٍ غابـت ولـكـن شانـهـا مــازال شــان
مـاذكــرت الا عـيــوب ولاتـركــت الا مــزايــا=ســوّد الله وجــه حـظـي واللـيـالـي والـزمــان
راحــت وخـلّـت دلعـهـا صــورةٍ بـيـن المـرايـا=ويـن مالدّيـت فيـهـا شـفـت ضحـكـات الثـمـان
وشفت شامه فوق جمره سوّت بقلبـي سوايـا=آه ياهالحـال منـهـا كـيـف صــار وويــن كــان
بـس يـاذاك الخفـوق اللـي تلـجّ أبــك الحنـايـا=شـــد حـيـلـك لاتـخــاذل مايـطـيـح الا الـجـبـان
مالـك الا ذكريـاتـك وأنــت مــن بـيـن الهـدايـا=حـول ذاك الـورد ابـو عطـرٍ يـهـز الشمـعـدان
كــل ماخـلّـت وراهــا غـالـي ٍ ريـــم الصـبـايـا=حتى والله من غلاها .. رحت وأغليت المكان

.
.

(( بنت الشعر ))




.
.
.
.
.
.

ياقصيـدي شـد حيلـك وأخـذ مــن جــورك عـدالـه=وأنـفـض غـبـارك وطــوّح باللـحـون السـامـريـه
أبـشـر بعـلـم ٍ تـسـرّ الـبـال رشـفــه مـــن زلالـــه=أبـشــر بـعـلـمٍ يـجـيـب أقـصــاك ويـــردك عـلـيّــه
أبشر بـ( ريف الضلوع العوج ) جت منها رساله=رجـعــتــنــي لـلــحــيــاه وذكــرّتــنـــي بـالـمـنــيــه
أكتبت فيها : (( من سهول الشمـال ومـن جبالـه=لأرض الأحبـاب وبـلاد الحـب .. إلـى نجـد العذيـه
مـن صبيّـه عـاث فيهـا الوقـت وأعياهـا أحتمالـه=للحبـيـب الـلــي يـطـيـح فـغيـبـتـه دمـــع الصـبـيـه
يالحبيب أن مرّك أسمي في الرساله وأنـت دالـه=أعتـبـر هــاك الرسـالـه طـيـش بـنــت ٍ نرجـسـيـه
وأن قريـت أسمـي وطاحـت دمعتـك قبـل الكمالـه=كمّـل السطـر الأخيـر وبـلّـغ الشـعـر الوصـيـه ))
وأكتبـت لـي فـآخـر سطـور الغـلا سـطـر ٍ لحـالـه=بشّـرت فـي القصيـد وجــت تـسـوق الشـعـر لـيّـه
ياقصيـدي وأنـت عــم القـلـب وجـروحـي خـوالـه=لاتــــردّى مـاخـبـرتـك يــاولـــد راعـــــي رديّـــــه
أقـــدح الـشـعـر وتـوّلــم مـانـبـي لـأحـــدٍ جـمـالـه=مالـهـا غـيــر الـمـسـاري والـحــروف الأبـجـديـه
دامـهـا لعـيـون بـنـت الشـعـر والحـسـن ودلالـــه=والله أن يـقـال فـيـهـا الـشـعـر وتـسـوقـه حـمـيّـه
الـعـنـود الــلــي تــذّكــر واحــــدٍ مــاغــاب بــالــه=بالـقـصـايـد والـرسـايــل وأسـمـهــا والـمـقـدريـه
كيف تسألني عن أسم ٍ هـزّ لـه غصـن وحـدا لـه=شاعـر ٍ مـن طــول صمـتـه ماهقـيـت ألـقـاه فـيّـه
ليتهـا تسـأل جنـوب القلـب عـن صحـراء شمالـه=كــم بـقـت رغــم الهبـايـب فــي قـفـاريـه الخـلـيّـه
وأن بـغـت تـسـأل قصـيـدي جـعـل يفـداهـا خيـالـه=تـقـلــط هـنـيّــا وتـبـشــر بـالـسـعـد والـشـاعـريـه
القصيـد أن كـان ماانصـف شاعـره لاجـا مجـالـه=وش نـبـي بــه يــوم نكـتـب فـيـه ونحـطـه قضـيّـه
.
.
.

(( برد وأيام واحباب ))


.
.
.
.
.
.



هب الشمال وطاح بين المحاديـب=طفل ٍ على خدّه مشاريه وعتـاب
والبرد شبّع جـرد الأيـام تعذيـب=وأنا ضحية بـرد وأيـام وأحبـاب
ياليل مالي غير حضنك معازيـب=خلك معي لاشحّت وجيه الأصحاب
ماعاد هي لحية غـرام ومكاتيـب=لاوالله الا قرّبت صـوب الأهـداب
يابنت ياأم الضحكه أم المعاطيـب=لاماك ذنب وشاعرك مابعـد تـاب
مرّت ثلاث سنين ياأغلى الرعابيب=والريح تشكي للشبابيـك والبـاب
مرّت ثلاث سنين بيـن المراقيـب=عدّيتها يابنـت مرقـاب مرقـاب
في ذمّتي ماعـاد أودي ولااجيـب=حتى الشعر ماعاد ودّى ولاجـاب
يابنت عندي كلمةٍ تقطـع الجيـب=بـاقولها لو ماحسبتي لها حساب
طرد المقّفي مثل طـرد العذاريـب=وأنا تعبت أبلع مشاريه الأعـراب
أما تعالي وأقطعـي دابـر الريـب=والا انسي أني كنت انا وانتي أحباب
.
.
.
.
.
.

(( غربه ))



.
.
.
.
.
.


أي و الله أن شوفتـه تستاهـل عنـادي=اللـي عشانـه تركـت الـدار والتربـه
ما اقول لـك شوفتـه نستّنـي بـلادي=لكنّـهـا يافـهـد نستّـنـي الغـربـه
وش عاد لو قلت عني ضايـع وغـادي=وش أبركه مـن ضيـاعٍ دلّنـي دربـه
تبغاني ارجع ! وأنـا ياصعـب معـوادي=مـادام همّـي نسانـي وأنقلـع سربـه
الهم هاللي تشـوف انـه علـيّ بـادي=ياليتك تشوف كيف يصيـر فـي قربـه
الله يحـرم ... عيونـي لّـذة رقــادي=أنّي معه .. مااعرف حزني ولااشعربـه
هرجك فـوادي وأنا ياخـوك فـي وادي=الله يخلّـيـك ... حـالـي لاتعّـذربـه
راضي بحالي كذا ... واللي يجي عـادي=لعيون منهو ركـز فـي قلبـي الحربـه
بصوته , شقاوته , مزحه , طبعه الهادي=يملا عليّ الفضا .. من شرقه لـغربـه
يكفيني أنـه غـدا هـو شربـي وزادي=أو تقدر تقول أنـا اللـي زاده وشربـه
ياخي أذا الحب عيب ! فـشفني آنـادي=:سجل ..... أنا من عرف عيبه وجاهربه
وسجّل هنـا كلمـةٍ تستاهـل عنـادي=بقولها قبـل أسافـر وأتـرك التربـه :
والله ماأقسى من الغربه عـن ابـلادي=الا .. شعوري وانا فـبـلادي بالغربـه

.
( (تهديد) )


.
.
.
.
.
.

والله وصرت تمون يامايـس القـد=من قلت احبـك والحكـي ماتـرده
لا .. لاتغرّك طولة البـال والسـد=القلب شكلـه قـرب اليـوم سـده
انا عزيز النفس لا جيـت لالجـد=واللي تمادى يقضب اليـوم حـده
صحيح صعبه ابني الحـب واهـد=لكن ترى والله لاضقت والله لا اهده
مهوب انا اللي يرفع بوجهك اليـد=ولا عاش من يرفع على بنت يـده
لكن بـاروح ولو غشى دمعك الخد=بـاقول : وينه غايـبٍ فيـه مـده
يوم الوصل من بيننا حبـل ممـد=ترخي وانا ارجي منك يومٍ تشـده
بعد المذلـه جيتنـي اليـوم بتشـد=خلاص انا فكيـت حبـل المـوده
مادام به ناس عـن الديـن ترتـد=وش يضمن انه مايجي منـك رده


.
.
.
.
.
.
(الحصاد)
.
.
.
.
.
.
كل ماجبت كبوه .. قلت كبوة جـواد =وطال كبو الجواد .. وطال معـه العـدي

كنت أجمّع قروش ٍ بيض لجل السواد =ويوم ساد السـواد أنشـلّ معصـم يـدي

آه ياهي غروسي طوّلـت بالحصـاد =يوم نوّخت حلمـي عنـد بـاب الجـدي

يالحبيب الكبْر ماخلْـق لجـل العبـاد =خلق للي ينـادي : ( يالعبـاد أعبـدي )

جيت مثل الغريب .. وكنت مثل البلاد =وقمت أباهي وأصـوّت يابْلـدي يابْلـدي

أحسب أني كسبت الكسب يوم الجهـاد =وجبت راس العنيد وشلت حمْل ( ابعدي )

وأثر كسبي عيون ٍ ماتـذوق الرقـاد =وشاعر كـل ماضاقـت عليـه يحـدي

هيه ياللي بديت بشـي مثـل الوكـاد =وأنتهيـت بظنـون ٍ حاربـت مـرقـدي

أعتبر كل عمري معك كبـوة جـواد =وألف شكرا على أني صرت اعرف آعدي

.
.

(( سحابه ))

.
.
.
.
.
.




جف الكلام ومـدّت يدينهـا لـفـوق=اخترت هذي .. وانت شف لك سحابه
قلت ويديني تحتضنهـا مثـل طـوق=اخترت هذي .. هـذي اكثـر رحابـه
هذي دفا صوتٍ من البـرد مخنـوق=هذي سؤالٍ نصـف عمـري جوابـه
هذي هي اللي عرفتني على الشـوق=هذي قدر ماكنـت حاسـب حسابـه
قطعة حزن في جيب بالي ومشقـوق=ومضة فرح في عيون نـاسٍ غلابـه
ان سولفت في ثغرها لمعـة بـروق=وان سرحت في عيونها صمت غابـه
واليا ضحكت : نور من الفجر مسروق=واليا بكت : تحـزن عليهـا الكآبـه
حبي لها لو ادري ان فيـه مخلـوق=قـد حـب مثلـه قلـت : ياللغرابـه
هالادمي من وين له قلـب وعـروق=والصبر هالمسكين من ويـن جابـه
وانـا اتكلـم ردّت عيونهـا لـفـوق=ثم تمتمت من هي هالاكثر رحابـه ؟؟
قلت ويدينـي تحضنهـا مثـل طـوق=في ذمتي ما اشوف غيـرك سحابـه
.
.
.
.
.
.

(( القصايد والغلا ))

.
.
.
.
.
.




لعنبو بعض القصايد كـان مافيهـا حـلا=ماتـروح الا وتتـرك للحنايـا جلجلـه
تبتدي مثل المزون اللـي تسولـف للكـلا=ولاخذت قامت ترزّم مثل شهـب منزلـه
فوق صدر الشاعر اللي عن طواريقه جلا=لين شافت اخت القصايد بالقصايد مقبلـه
ياهلا بـاخت القصايد كثر شوقي ياهـلا=اقلطي بين الحنايا وافهقـي جمـر الولـه
كل ضلعٍ من ضلوعي حافظ درس الولاء=مثل حفظك للعفـاف وللشـرف يامذهلـه
سولفي كذا السوالـف تنسمـع والا فـلا=وان بغيتي اسولـف .. اسألينـي اسئلـه
اسأليني وابتديها .. بالنهـار اللـي تـلا=ليلة ان الجرح يقرا في الضلوع البسملـه
واسأليني عن زماني كم شرب فيّ وكـلا=انتهي من مشكله والقـى وراهـا مشكلـه
المشاكل بهذلتنـي فـي غيابـك والبـلا=مالقيت اللي احط السـر عنـده وازهلـه
كل ما اسمع كيف حالك ينقبض جفني على=دمعةٍ تبغى تقول الحـال دمـع ومهزلـه
وابلع العبره واقول : بخير والهـم انجـلا=وآخر الهرج اتلعثم فيـه وانقـض اولـه
ليه غبتي .. ليه غبتي وانتي اللي ما مـلا=عيني الا همس صوتك في زمـان البلبـه
يااااه شفتي وين راح البال بالشعر وسـلا=قمت اعاتب فيك وانتي فـالضلوع مـدلله
لنّي ماصدقت نرجـع للقصايـد والغـلا=بعد ذاك اليوم يوم اجنبت وانتـي مشملـه
ايه ماصدّقـت لكـن ياعسانـي ماخـلا=اقلطي بين الحنايا وافهقـي جمـر الولـه

.
(( كذبه كبيره ))
.
.
.
.
.
.





اتعبتنـي عيونـي قـد ماهـي بصـيـره=واتعبتهـا يدينـي قـد مـاهـي جـفـول
قلت خيره .. ولكن وينهـا وويـن خيـره=لاعيونـي تكـف ولا يديـنـي تـنـول
هيه .. وين انت ياللي كان مافيـه غيـره=يفهم اللـي اقولـه قبـل حتـى لا اقـول
رحت ادور حبيب مثلك ابغـى استشيـره=واثـر مـاكـل زولٍ يتـعـوّض بـزول
جيت ناس تـزود حيـرة القلـب حيـره=قلت اطيـع الزمـان وكـل شـده تـزول
قالوا : العمر يكبر .. قلت : كذبـه كبيـره=عمر الانسان يصغر كـل ماهـو يطـول
قالوا : الشعر بيت .. وقلت : الشعر ديـره=اعقل اللي سكنها فيـه .. طيـش مهبـول
قالوا : اللي فقيـر يحـب وحـده فقيـره=قلت : واللي يحب .. يحب وحـده خجـول
قالوا : تحب هذي وانـت عنـدك اميـره=قلت ما ادري .. أو ادري بس ما ابغى اقول
.
.
.
.
.

(( يوم الشعر ))
.
.
.
.
.
.
يـادلال ان ضـاع صوتـي لايضيـع اللـي بـقـى=لاتضيـع الصـوره الـلـي فــي خيـالـك يــادلال
يابـعـد طــول المسـافـه والكـلافـه والـشـقـى=يابـعـد كــل الـحـيـاة وكـــل مـاجــاب الـخـيـال
مــاورى ســود الليـالـي والـفـراق الا الـلـقـا=وش تبيـن بهالدمـوع الـزرق يابنـت الـحـلال
اتركـي عنـك الدمـوع وخلـي الـحـزن يهـقـى=ان مـالــه فالـقـلـوب الطـيـبـه ايــــة مــجــال
كلـهـا جــرح ونـشـوف الـلـيـل لامـنــه بـقــى=في جلال الصبح جعـل الصبـح مايلقـى جـلال
اقبـلـي قـبـل انتـفـارق والـوصـال ابــو النـقـا=ودي آخــذك بيديـنـك والنـقـا ولـــد الـوصــال
اقبلـي واليـوم .. يـوم الشـعـر كـانـه مـارقـى=يــم ذيــك الغيـمـه الـلـي كنـهـا طـلـبـة تـعــال
لايـجــي بـاكــر يـغـنـي يـاسـقـى الله وسـقــى=كـل شـي ان طــال زال الا القصـايـد مـاتـزال
لعنبـو ذكـرى القصايـد كـان ذكـراهـا امحـقـا=كــل بـيـت وذكريـاتـه فــي ملامحـهـا ســـؤال
وينها اللـي كنـت انـا والصبـح ويديهـا شققـا=أي فـال الـلـي رمـانـي فــي خيـالـك أي فــال
آآه كان الشعر راح .. ورحتي انتي وش بقى=مابقى لي غير اجر الصـوت واسـري يـادلال

(( فقيد الرجوله ))


.
.
.
.
.
.





فقـيـد الرجـولـه ويــن حـطـت بـــك الاقـــدام=انــــا ماتخـيـلـتـك تـــــزور الـلــحــد قـبــلــي
عقيـد الطنـايـا شـيـخ شـمّـر ذرى المنـضـام=حفـيـد الجـنـاز بـلــوة الـلــي بـــلا المبـتـلـي
عقـيـدٍ لقـومـك بــس تـبـكـي عـلـيـك اقـــوام=من الساحـل الشرقـي إلـى الساحـل القبلـي
انـا لاذكـرتـك طــاح راســي عـلـى الاكـمـام=اسولـف لقلبـي عنـك وابـكـي عـلـى مهـلـي
اسولـف عــن اول مــرةٍ جـيـت قـبـل الـعـام=وشفـتـك بعيـنـي مـثـل ماكـنـت فــي عـقـلـي
امـيـر وعظـيـم وشـاعـر وفــارس ومـقــدام=سجـلّ البيـاض اللـي بنقـش الـذهـب مطـلـي
سنـافـي شـهـم فــزاع .. لاقــام يعـنـي قـــام=يغـيـث الضـعـوف ولايـقــول الـوبــل وبـلــي
طــلال الشهـامـه نكّـسـت عـقـبـك الاعـــلام=الا مــن قـتــل خـيّــال وش نـفـعـه الـرجـلـي
طــــلال .. الاوادم كـلـهــا لــحـــم وعــظـــام=تـعــيــش وتــمـــوت تــالـــي ورى مــتــلــي
عداك انت يامن عشت عمرك عظيم اشمام=( وقفت فـمماتك تنتخي ) : من نوى قتلي ؟
رحيلـك بنـى للـحـزن وســط القـلـوب خـيـام=ووداعـك جعـل كـف الثـرى بالـدمـع ممـلـي
عسى من لبست لخشيته فـرمضـان احـرام=( ودعيته ) .. يارب اكرم نهار الحشر نزلي
يعّـوضـك عــن دنـيــا بـهــا حـاســد ونـمــام=ويرفـع مقامـك عـن مقـام الـبـرى السفـلـي
.
.
.
.
.
.


(( خنت العيش ))


.
.
.
.
.
.





هــذا انــت خـنـت العـيـش والمـلـح يـامـن=تـســب نـــاسٍ خـانــوا الـمـلـح والـعـيــش
كنت احسبك .. وش احسبك ؟ كنت ضامن=انــك تــداري خـاطـري لــو عـلــى ويـــش
مـاكـنـت اظـنــك قــاســي الـقـلــب لامــــن=ضاقت علي وجيت لك .. قلـت لـي : ليـش
وش ليـش .. انـا مابـي لـك ايــة تضـامـن=مـــابـــي الا ضــحــكــة كــلــهــا طـــيـــش
مــابــي لــــك الا ضـحـكــه لــــو تــزامــن=مــع ضيقـتـي طــارت هـمــوم وخفـافـيـش
ارقـــد بـهــا مـــن غـــدر الايـــام وآمــــن=واحيا بها .. ما ادري بهـا امـوت واعيـش
واســج فـيـهـا عـــن هـــوى كـــل طـامــن=واروي بهـا عــروق .. عليـهـا معاطـيـش
بـس انـت .. خنـت العيـش والمـلـح يـامـن=تـســب نـــاسٍ خـانــوا الـعـيـش والـمـلــح


.
.
وفي الختام اتمنى تكونوا استمتعتوا مع هذا الشاعر العملاق ..

تقبلوا خالص تحياتي ..

الولد اللطيف ..