حقيقة لم أجد بالشبكة العنكبوتيه ما يعطي للشاعر الغنائي عبد اللطيف البناي
حقه وقدره لما قد قدمه للشعر العامي ... وهو من أغني المكتبات الشعرية
بأعذب الكلام وأجمله ... أحببت أن أجمع بعضا مما يتوفر من شعره
بالشبكة العنكبوتيه .... فمن وجد شيء قد غفلت عنه وغاب عني
فليضيفه الي هذا الموضوع مشكورا
للجميع احترامي وتقديري

الصوت الجريح


أجر الصوت من جرح براني ..
.. ألا والجرح أكبر من زماني
ومنين أبتدي يا جرحي الندي ..
.. حسبي على الأيام والحظ الردي
كانت معي .. طول العمر .. عين وهدب
كانت معي .. من الصغر .. حب أنكتب
واليوم أنا عندي خبر علم أكيد
حبيبتي في قلبها حب جديد
آه .. آه ..
على حبي اللي كان .. يا زمن ما بك أمان
حبيبتي .. ضافت على جرح العمر .. جرح جديد
حبيبتي .. لا هي صدقت باللي وعدت ..
ولا صدق حلمي البعيد
آهين ..
آه .... على وقتي اللي مضى
وآه ....على عمري اللي راح

وداعية

وداعية يا آخر ليلة تجمعنا .. وداعية أعز الناس يودعنا
ليلة ويا عساك تعود ... عسى الله يصبر الموعود
أنا بعدك عمر مفقود ... دنيا بلا معنى .. بلا معنى
لحظة يا بقايا الليل لحظة ... لحظة ما بقى بالحيل لحظة
بالهدا يا ليل .. ما بقى بي حيل
حسيت إني با نحرم شوفي ... ما اقدر أوادع قطعة من جوفي
ليلة ويا عساك تعود .. عسى الله يصبر الموعود
أنا بعدك عمر مفقود ... دنيا بلا معنى .. بلا معنى
قال الوداع قال ... لحظة وداع قال
وهلت الدمعة وسال .. الكحل فوق السواطر
كل دمعة من عيونك ... أشتريها بألف خاطر
إنت غربة وأنا بدروبك محطة ... آه يا حظي ما وصل يمي وخطّه
قال الوداع قال ... قال الوداع

جمر الوداع

جتني تودعني بصمت وسكوت ... يا وقت لا تمشي بسرعة وتفوت
أيدي بكت في إيدها نار وجمر ... وعيني سكنت في عينها وقالت صبر
وأنا من الفرقا ... أحيا وأموت
إهيه وأنا ما بين صمت وانتظار ... إهيه وأنا وكيف نبدي بالحوار
حبيبتي وش حالها قبل الرحيل..
أشوف أنا بعيونها دمعة وراء دمعة تسيل
كلمتها.. طمنتها.. وعدتها أبقى لها
وراحت قبل ما أنهي الكلام ... وراحت تخنقها عبرة في الزحام
وأنا من الفرقا أحيا وأموت
من بعيد عيني عليها من بعيد ... ومن بعيد تومي بيديها من بعيد
تلتفت صوبي وأنا .. أحتضن حزني وحزنها
وأتساءل ويا نفسي .. كيف با صبر لحظة عنها
حارت الكلمات ما بين الشفاه ... ما بقى بالجوف غير آه وآه
ناظرتني .. وادعتني .. وأنا من الفرقا أحيا وأموت

شخبارك

وين أنت وشخبارك ... يا مغرب عن ديارك
أنا كل يوم أكحل ناظري بدارك
أتمشى تحت ها لسور ... وأناظر بيتك المهجور
وينك يا فنر ها لبيت بعدك أنطفى العالم
وما بقى للشوارع نور وين أنت .. ؟؟؟
حبيبي أذكرك بالخير
وأشوفك روضي الأخضر
وأشمك ريحه النوير
ذبل هالورد ... بعد ما فارقه الساقي
من يرويه .. ؟؟
تعال أرجع .. وإذا بعمري بقى باقي
بشوفك فيه !!
أنتهى العام .. وأبتدا العام الجديد ...
وأنت ناسينا أكيد
الله ... الله .. ما كن في هالدنيا ورق ولا بريد
وأنـت بعـــيد ..تاحش الســــكة وأنا فيـــــها الوحيد
واللي بقى .. باب حــــزين وسـور غطاه الجريد

مشتريه

مشتريه بماي عيني ومدلله
مثل الطفل يخطي علي واتحمله
ما حيلتي طبعي السماح
اكثر من العمر اللي راح
عشرة عمر وسنين .. اتحمله
مشتريه
ابتسم له حتى في لحظات الغضب
ابتسم له حتى في كلمات العتب
بإقتداري اجفي ... واعاند بالمثل
بإقتداري اعامله برد الفعل
حبيبي يا حبيبي
كثر ما شفت من الآم من افراح
حبيبي يا حبيبي
معاك انته صدقني انا مرتاح
احبك يا كل العمر
احبك وتامر امر
ما حيلتي طبعي السماح
اكثر من العمر اللي راح
عشرة عمر وسنين .. اتحمله
مشتريه

ياناس احبه واحب اسمع سواليفه
صوته يشتت هموم عايش فيها
يامر وينهي وانا دايم على كيفه
ارجي ورود الهوي تنبت بارضيها
لاغاب عنيى يعيش الفكر مع طيفه
وان صار عندي حياة الحب الاقيها
مسكين قلب شكى غيبة مواليفة
عزى لعله تعذر من يداويها
ظل ظليل على وغصونه مريفه
شمعة حياتي عسى الله ما يطفيها
ان سل من نظرته لاهل الهوى سيفه
ويطيح قلبي من عصون نبت فيها
لامن ضحك لي خذت قلبي تواصيفه
ولا من زعل عفت الدنيا وما فيها
لجل ان احبه واحب اسمع سواليفه
صوته يشتت هموم عايش فيها

دقت الساعة وبانت الأسرار
يوم الله راد بين حقايقها
جابتني صوبك رحمة الأقدار
شفتك وراها تمشي تلاحقها
تحكي لها عن زحمة الأقدار
وانك تحبها وانت عاشقها
توصف لها انك تعيش بنار
وانك ... فلا تقدر تفارقها
هذا الحكي اللي تقولها بإستمرار
من الكتب ... كم كلمة سارقها
لي شفت وحده تنعمي الابصار
وعينك تزوغ على مشارقها
مع الاسف ... اني احب غدار
روحي العزيزة هوه سارقها
سهله عليك انك تحط أعذار
صعبة علي إني أصدقها

كلّما دقّيت في أرضٍ وتد.....من رداة الحظ وافتني حصاة

كنت أنا ويّاه روحٍ في جسد.....مرقده روحي وهدب عيني غطاه

وليه يا دنيا حبيبي إبتعد.....هل أنا قصّرت في شيئ معاه

من قبل عامين معطيني وعد.....للأسف اليوم ينكر ما حكاه

هو عطاني الشمس والقمره بيد.....هو عطاني الحب وبالتالي خذاه

عافني مره ولا حتّى نشد.....كلّ ذاك الحب مسرع ما نساه

ليتني ما زلت طفل بالمهد.....لاهي ساهي عن الهم وبلاه

أنا بين الناس كمالة عدد.....ولا أنا بالروح فارقت الحياة

هلا بالطيب الغالي ؛؛؛ عزيز وشوفتك منوه
ترى ماجى على بالي ؛؛؛ اشوف اعيونك الحلوه

هلا يا مطول الغيبه ؛؛؛ من اقليبي أهلي به
يطير الطير بالعالي ؛؛؛ ومرد القدره إتجيبه

رقص من شوفتك قلبي ؛؛؛ بصدفه ساقها ربي
بلى ميعاد يا حبي ؛؛؛ تلاقى قلبك وقلبي

ومن شفتك تناظرني ؛؛؛ تغير كل ما فيني
لا عاد اكثر تحيرني ؛؛؛ ترى ما فيني يكفيني

صغير وخله يدلل ؛؛؛ احبه ولازم أتحمل
يقول أنه يخاصمني ؛؛؛ وينوي القول ولا يفعل

ولا يخفى عليك خافي ؛؛؛ احبك يا ذهب صافي
ولو تأمر على روحي ؛؛؛ ترى بحقك ما هو كافي

وش جابني

جابتني هبات النسيم

والذكرى

والحي القديم

حلم الصغار

طفلين في عيون النهار

نركض تحت في الجدار

من كان يقول هالحلم يمضي للزوال

وهالحب .. يصبح يتيم

وش جابني

جيت ادور عن بقايا وعن أثر

وليل .. وعيون .. وسهر

وسكة بللها المطر

الله .. الله .. لى نسنس الغربي حزات الغروب

الله .. الله .. وأطراف الجدايل يداعبها الهبوب

آه لو تحكي الدروب

في هالمكان

ابتدأ الحب اللي كان

في هالمكان .. كفي حضن كفك زمان

تذكر ؟! .. والا نساك الزمان

يا ما وسط عيني غفيت .. وغطيتك برمش العيون

خايف اصحيك وتفز .. وخليتك بقلبي الحنون

لكني ابدا ابدا .. ما دريت ان الزمن له ألف لون

للصحبة عز وقدر واخلاص في العشره *** صاحبتني يا اخوي ماهو لوجه الله
تظلم صديق صدق وياك كل عمره *** الله على الظالم و المظلوم له الله


شلتك في عين الغلا من عسره لليسره *** ما مره فيك اخطيت تذكر يا عبد الله
اللي اشتراك بعمر هذا اهو قدره *** الله على الظالم و المظلوم له الله


تشرب غدير الماي وانا اشرب المره *** هذا المثل بالأمس قالوه خلق الله
جلد مهوب جلدك على الشوب جره *** الله على الظالم و المظلوم له الله


احمل في قلبي جرح من عشرة مره *** طعنتني بالغدر ارحم وخاف الله
انت يدك بالماي وانا على الجمرة *** الله على الظالم والمظلوم له الله

هلا في غايبن ماغاب
عليه ان غمض الاهداب
فديتك لاتطق الباب
تفضل قلبي مشرع
اشوفك فيسما الدنيا
ملاك وطفله متحنيه
مناي ومنيتي منيه
لحكي الناسلاتسمع
سولف يالذيذ الهمس
حبنا للأحبه درس
من يقدر يغطي الشمس
وخل اللي ماسمع يسمع
رذراذ المطر والجو
وجودك بدا يحلو
اشوفك وشفيها حبيبي
لوتعلن حبنا وتطلع

مرمر زماني ..... يا زماني مرمر
قلبي تولع في هواك ياأسمر
مرمر زماني ..... يا زماني مرمر
مرمرتني لابد ما تتمرمر

محدن في هادنيا غير ومتعبني
ليتك ربع ما أحب سيدي انا اتحبني
عزاه يا نفسي اقليبي المنسي

عطني خطا شفتة أو ذنب سويته
قلبي عطاك الود وبالغش جازيته
ويلاه من حبك ويلاه من قربك

حسبي على يوم انا عرفتك فية
وجرح غدى فيني ونفسي أشوفك فيه
ويلاه من ظلمك ويلاه من غدرك

حط النقاط فوق الحروف....... خلنانشوف خلنا نشوف
حط النقاط فوق الحروف
كانت تحاسبني الخطا ...... أخطائك انته بالألوف
خلنا نشوف خلنا نشوف
واضح انا كل الوضوح ..... ابعد وروح ابعد وروح
واضح انا كل الوضوح
منك عذابي ولوعتي ...... وانته سبب كل الجروح
ابعد وروح ابعد وروح
غصب علي لازم أقول ....... مالك قبول ما لك قبول
غصب غلي لازم أقول
تبغى احبك بالغصب ...... ما حس انا لبحك ميول
مالك قبول ما لك قبول
هذا هوه الحل الوحيد ..... خلك بعيد خلك بعيد
هذا هوه الل الوحيد
يكفيني ما شفته خلاص..... لاترجع الماضي وتعيد
خلك بعيد خلك بعيد
هذا هو الحل الوحيد
خلك بعيد خلك بعيد

رفعت الصوت أغنـي
و قلبـي شال فنه
و يوم أقبل حبيبـي
رفعت الصوت أغنـي

سمعنـي و انا أغنـي
و هو وياي غنى
و له صوتٍ عجيبـي
رفعت الصوت أغنـي

قصد بيتين عنـي
و قلت أبيات عنه
يحاورني و أجيبـي
رفعت الصوت أغنـي

حبيبـي صار منـي
و أنا يا ناس منه
و هو حظـي و نصيبـي
رفعت الصوت أغنـي

تذكر من أنا
أنا حبيبك المنســــــــــي
تذكرني أنا
تذكر صوتي و همسي
و مهما تحاول النسيان
أنا أعرفك مثل نفسي
و أنا اللي صرت لك كل شي
فـي ليلك ضي
فـي صيفك فـي
و أنا اللي ما بخلت بشي
تذكر من أنا

و أذكر بعد ذاك الزمان
إللي أبتعد
إحتجت لـي
مديت لك قلبـي الحنون
و قلــــت لك
يا سيدي الفاضل تــمون
و مهما تحاول النسيان
أنا أعرفك مثل نفسي
و أنا اللي صرت لك كل شي
فـي ليلك ضي
فـي صيفك فـي
و أنا اللي ما بخلت بشي
تذكر من أنا

و أذكر بعد ذيك الجروح
إللي بها عـذبتنـي
و أذكر بعد ذيك الـوعود
اللي بها عشمتنـي
أملتنــــي تبقــــى معـــــــــــاي
توهتنـي وسط الزحام
ومن الأماني و اللي صار
ما خذت أنا غير الكلام

اربع سنين

اربع اسنين انتطالع بالعيون
اربع سنين و حكينا بالعيون
لا هو يعرف من اكون ولا اعرف من يكون
بس بالعيون.. وهذا حال من المحال لا تستغربون
على هالحال تجمعنا الصدف امرار
ليالي طوال و بالخاطر حكي و اسرار
حتى المكان اللي جمع ما بيننا
مل وتعب والله تعب من صمتنا
لي متى صمتي و صمتك يا حبيبي يطول
لي متى نحبس حكينا و ما نقول
كلمه و بكل بساطه من هو اللي يبديها فينا
والله لو عندي الجراءه انا قبلك ابتديها

قول أحبك

هذه آنا وهذا جرحى بين ايديك
اشتكى لك علني اصعب عليك
آنا ما حبيت غيرك يشهد بهذا ضميرك
والله ما حبيت غيرك يشهد بهذا ضميرك
قول احبك قول قول
وما أبى اكثر كثر الله ألف خيرك كثر الله ألف خيرك
يا ابن آدم آنا مثلك بشر واحساس
يا ابن آدم آنا مثلك بشر واحساس
خذنى بعيد بعيد بعيد خذني من كلام الناس
أحبك أحبك وانت جارحنى
أحبك أحبك وانت ظالمنى
بليا ذنب وهم أقول سامحني
قول احبك قول قول
وما أبى اكثر كثر الله ألف خيرك كثر الله ألف خيرك
أنادي جرحي الخافي ينادي أنادي والصدى يجرح فؤادي
أنادي
اعتبرني غربه فى هذا الزمان
اعتبرني طفله ينقصها الحنان
قول احبك قول قول
وما أبى اكثر كثر الله ألف خيرك كثر الله ألف خيرك

عمري رحل

آه على وقت مضى آه على عمر قضى
عمري رحل ببلاش مع واحد غشاش
كنت أحسبك صافى الذهب ودنيا ما مرها التعب
أمنتك عمر ما جاسه الغربال ولا شاف السهر ليله
عمر طفله خذاها الليل والترحال وتاهت فى غرابيله
آنا وآنا آنا ألوم الوقت اللي عرفني على أمثالك
آنا وآنا آنا ألوم الوقت اللي وطيحنى على يالك
وطيحنى على يالك وعرفني على أمثالك
عمري رحل ببلاش مع واحد غشاش
آه آه على وقت مضى آه آه على عمر قضى
مو هذا إنت اللي أعرفه رحمه على أهل الوفا
علمته يحب علمته الإخلاص غريره وطيبه نياتى
تاليها اصير آنا حجى للناس عقب ماهو نكر ذاتى
آنا وآنا آنا ألوم الوقت اللي عرفني على أمثالك
آنا وآنا آنا ألوم الوقت اللي وطيحنى على يالك
وطيحنى على يالك وعرفني على أمثالك
عمري رحل ببلاش مع واحد غشاش
آه آه على وقت مضى آه آه على عمر قضى

يوه يا يوه

يوه يا يوه شد الهوا حبلي
يوه يا يوه عسى الله يفرجلي
حبيت حبيت اللي ما يستاهل
حبيت حبيت واثره بعد جاهل
حبيته وما ادري عن الخافي
حبيته وحسبالي عسل صافي
وانا اليوم مجروحه وهذا سبب جرحي
عذبني وتيهني على دروبي
عذبني ويا ويله من الحوبه
عزيته على عمري ولكن ما عرف قدري

سفر سفر

سفر سفر سفر..تعبت من السفر
الغربه هدّت حيلي و أنا كلّي اغتراب
نهاري كله و ليلي و انا دربي سراب
أمطارٌ و ضباب..غيومٌ و سحاب
مشتاقه للخليج..للمسك و البخور
وأهلي الكرام..لهم منّي سلام

تبرى حبيبي مني تبرا..اعزي الحال واشكي واعليّه
نسى انه تحت فيّي تدرا..وهنيْ الزاد وكّلته بيديّه
الم كنار سدرتنا واصرا..واقدم له اذا اقبل هديه
وعلى نفسي أنا جد ما ابرا..واخلّي دنيته الدنيا الهنيه
عقب هذا صفيت اليوم برا..جميع الناس تتشمت عليه
انوح الليل وسط الجوف حرّا..الا والحال حال الراعبيّه
ارددها و اقول الفين مره..توافيقي في هالدنيا رديّه
واظن عقبي ترى محدٍ يسره..ولا هالناس يحسبها سويه

خلاص بعد اليوم مقدر أجامل..بيني و بينك فرق في كل التعامل
أعاملك بالطيب تعاملني بجفا..لي متى هالتعذيب لا بالله كفا
بالامس يا حبيبي كنت انا غريبه..والايام علمتني اشياء كثيره
لي متى بصبر عليك..ماني خاتم بين ايديك
عشرتك مره..وايامك عسيره
طول انا صبري أكثر من اللازم..لي متى اتصبر بس قلي يا ظالم
يا حبيبي مو حرام..عيني تسهر ما تنام

لا تون ولا تشكى
العشق ما منه فكه

ليتني ما قد عرفته
لا و لا أمنته قلبي
ليتني أول ما شفته
مقبلٍ غيرت دربي
أما ترضى في نصيبك
و لا باب العشق صكه

ليه أنا أتعب وأضحي
وايا واحد ما يحبني
الحزن حتى في فرحي
من كثر ماهو جرحني

كل ما حاولت أنسى
ألقى زوله في عيوني
والعمل وايا حبيبي
يا أهل العشق أنصفوني

للصــبــر آخــر خــلاص عــافــك الـخاطـر خــلاص


حــاولـت اسامح ولــكــن مــانــي بــقــادر خــلاص عــافــك الـخـاطـر


روح بــطـريـج وأنـا بـطـريـج خـلـنــي عـلـى جـرحـي الـعـتـيـج


خــلاص .. عــافــك الـخـاطــر


تـذكـر يـوم صـرت أنـا حـديـث الـنـاس


ومـن مـنـه مـنـك يـا أعـز الـنـاس


الـيـوم أقـدم لـك عـذر


إن كـان لـي عـنـدك قـدر


مـحـبـتـي إقـطـع مـن رجـاهـا الـيــــاس


روح بـطـريـج و أنـا بـطـريـج خـلـنـي عـلـى جـرحـي العـتـيـج


خـلاص عـافـك الـخـاطـر


هـذا الـقـرار الأخـيـر و اعـتـبـرنا مـنـتـهـيـن


لا تـنـتـظـر لـحـظـه حـنـيـن هـذا الـقـرار الأخـيـر


مــا أحبك وبقنـــاعه قلتــها


أنـتـهـى الـحـب أنـتـهـى

الـتـهـلـى الـقـلـب التـهـى


هـذا الـقـرار الأخـيـر

روح بـطـريـج و أنـا بـطـريـج خـلـنـي عـلـى جـرحـي الـعـتـيـج


وخـلاص عــافــك الـخـاطـر خـلاص عــافـك الـخــاطــررر

جمر الوداع
------

جتني تودعني بصمت وسكوت
يا وقت لا تمشي بسرعة وتفوت
أيدي بكت في إيدها نار وجمر
وعيني سكنت في عينها وقالت صبر
وأنا من الفرقة أحيا وأموت

إهيه وأنا ما بين صمت وانتظار
إهيه وأنا وكيف نبدي بالحوار
حبيبتي وش حالها قبل الرحيل حبيبتي
أشوف أنا بعيونها دمعة ورا دمعة تسيل
كلمتها.. طمنتها.. وعدتها أبقى لها
وراحت قبل ما أنهي الكلام
وراحت تخنقها عبرة في الزحام
وأنا من الفرقة أحيا وأموت

من بعيد عيني عليها من بعيد
ومن بعيد تومي بيديها من بعيد
تلتفت صوبي وأنا
أحتضن حزني وحزنها
وأتساءل ويا نفسي
كيف باصبر لحظة عنها
حارت الكلمات ما بين الشفاة
ما بقى بالجوف غير آه وآه
ناظرتني .. وادعتني
وأنا من الفرقة أحيا وأموت

محال محال محال
عمر المحال ما يصير
محال محال محال
أعيش أنا حب خالي من التقدير
فكرت أنا فكرت .. قررت أنا قررت
أنسى أنا حبك هذا بعد تفكير

عانيت وكم عانيت
وأصغيت لك طول العمر
ضحيت وكم ضحيت
والروح أتعبها الصبر
آن الأوان إني أحدد موقفي
وآن الأوان أوضح الجرح الخفي
ومن العذاب ومن الجراح أنا أكتفي
فكرت أنا فكرت .. قررت أنا قررت
أنسى أنا حبك هذا بعد تفكير

آه يا أنا يا أنا آه يا أنا
ويني أنا كل هالسنين
آه يا أنا يا أنا آه يا أنا
نبهني صمتي للحنين
عيش الحزن عيش الألم وحدك
وخلني أعيش دنيا الهنا بعدك
ما أنتظر رد وعذر
ما عاد يهم بالنسبة لي ردك
فكرت أنا فكرت .. قررت أنا قررت
أنسى أنا حبك هذا بعد تفكير

رحلتي و تركتيني شماته. . تركتيني شماته و حشوة بلسان البشر
و جهلتي من فدى عمره و حياته . . من فدى عمره و حياته و حاشى غربان و سهر
أتاري كل ما قلتي كلام في كلام . . ياويلي ما بقى صاحب و على الدنيا السلام
أتاري كل ما قلتي كلام في كلام. . ياويلي ما بقى صاحب و على الدنيا السلام
على الدنيا السلام . . . على الدنيا السلام
صحيح انني لمست الجرح و عانيته , عانيته
و صحيح اني بطول الصبر داويته , داويته
و لكن ما وطى راسي و لا احساسي ترجى فيه
و لا في عزتي و ناسي طويت بحاضري ماضيه
أتاري كل ما قلتي كلام في كلام . . ياويلي ما بقى صاحب و على الدنيا السلام
تعبت و أنا أسامح فيك في كل حزه . . في كل حزه
و لي عزه مثل ما انتي لك عزه
عرفت الناس و الدنيا ,الناس الناس و الدنيا نادر الوفى فيها
عرفت النار النار ما تحرق إلا اللي يواطيها
أتاري كل ما قلتي كلام في كلام . . ياويلي ما بقى صاحب و على الدنيا السلام