--------------------------------------------------------------------------------




البارت الأول
في ليله بارده من ايام الشتاء كالعاده الناس قاعده ببيوتها وكلن يحاول يتحاشا البرد
في هذيك الليله كان فواز راجع من الرياض الى الدمام بعد مخلص اشغاله في الرياض
وكان الوقت متاخر الساعه 2وهو داخل الدمام وعند وحده من الاشارات
الوضع سكوت على غير عاده الدمام الهدوء يعم المكان والانوار مشغله والبرد شديد برى
وكان يقول في خاطره (الله يزين هدوء الدمام والله يعين اهل الرياض على الزحمه كان ماشي بسيارته ويشوف
سياره موقفه عند بنت وكانت تصيح والشباب اللي في السياره يضحكون حاول واحد يسحب البنت للسياره
بس نزل فواز :هيه انت وش قاعد تسوي طبعا الشباب بس سمعوا فواز خافوا وظنته من الهيئه لان كان
مو محلق كان الشغل مانعه حتى يهتم بنفسه وبسرعه جنونيه راحوا
راح فواز للبنت اللي كانت تبكي بهستيريه وصوتها يقطع القلب سالها بصوت فيه نبره الشفقه على حالها:انتي وش تسوين هنا
ماردت عليه لانها كانت تبكي وترجف من البرد والخوف
ساعدها توقف وقالها: انا عندي شوية شغل بخلصه وانتي اقعدي بالسياره ادفي وخليني اوصلك للبيت هي قامت تبكي بزود وهو استغرب منها
سالها بفضول:وش مطلعك هالحزه من بيتكم ؟
وعرفت بسواله انه شاك فيها ماردت عليه وزدات بكى على حالها وعلى كلامه
ندم انه سالها وهو منكسر خاطره على شكلها وهي ترجف:دقايق بس انتظر هنا.
راح لكوفي قريب وجاب لها كوفي يدفيها وهي اثناء غيابه استندت على جدار وماحست بنفسها من التعب ونامت على الجدار
جاء فواز بالكوفي وقام يطالعها وقلبه يتقطع وفي خاطره الف سوال واستغراب من هالبنت اخذ الجكت اللي بسيارته وحطه عليها
هي فزت بخوف وقالت: الله يخليك
وطالعت في فواز وعدلت جلستها ونزلت راسها
فواز:لاتخافين خوذي الكوفي يدفيك طالعت فيه بخوف
فوازبابتسامه:ليه خايفه اذا من الكوفي خذي كوبي ومد له يده بالكوب اللي معه
كانت يدها ترجف وماهي قادره تمسك الكوب
فواز بكل حنان: لاتخافين ماراح اروح لبيتي الا لمن اطمن انك عند اهلك بس انتي قومي وانا بخلص شغلي على الكومبيوتر لمن ياذن الفجر واذا اذن تكونين هديتي وتدليني بيتك اوصلك
وقام من الارض :انا بروح الكوفي وانتي اجلسي بالسياره
حركت راسها بايجاب
وراح عالكوفي حست بامان ماتدري ليه لذلك فتحت باب السياره و جلست لمن حست انها دفيت وقررت تروح قبل لايجي اخذت قلم من درج السياره
وكتبت على المنديل :شكرا على كل شي انا مدينه لك بحياتي اللي مادري وش كان صار فيها
واسفه اني عطلتك وحطت معها قيمة الكوفي
انزلت من السيارة قبل لايشوفها وهو لمن اذن راح للسياره وفتح الباب بعد ماطق الدريشه عليها واكتشف انها راحت
وطاحت عينه عالمنديل اخذ يقراه وتنهد وانتبه وقتها للفلوس ابتسم من قلب وفي خاطره(وعزيزه نفس الله يحفظها شكل قصتها قصه )واخذ الجكيت يبي يلبسه
لان الجو بدء يبرد زياده واستغرب ان ريحته كانها ريحة الاطفال وابتسم وهو يلبسه وعقله عند هالبنت وش صار فيها ووين بتروح كمل طريقه لبيته وباله مشغول ؟
اعرفكم ببطل روايتي:
(فواز عمره 23سنه درس لمن سنه ثالثه بالجامعه تخصص اداره اعمال بس ماكمل السنه الاخيره له لان ابوه خلى
شركاته في يد فواز وسافر للعلاج مع ولده الكبير عبدالله
عبدالله وهو الاخ الكبير لفواز وعمره26سنه حبوب وخفيف دم بقوه شعاره لازاد فيني الحزن ادق سلف وافل>>خخخخخخخخ
امه طبعا مسافره مع ابوه وهو كان جالس بفلتهم مع عمته دلال وبناتها لانها زعلانه مع زوجها)
دخل البيت بعد ماصلى الفجر بالمسجد على الساعه 5الفجر وكان حيله مهدود من تعب اليومين اللي فاتوا
وطلع غرفته لان الكل كان نايم ونام
يوم جمعه
يوم اجازة فواز قام وقت صلاة الظهر ووضئ وراح للمسجد وهو نازل
كانت عمته وبناتها بالصاله :السلام عليكم
دلال : وعليكم السلام هلا الحمد لله على السلامه متى وصلت .
فواز:عقب الفجر عمتي رايح اصلي ماباقي وقت على الاقامه تامرين شي اجيب معي


دلال:لا مشكور
طلع من البيت وهو مستعجل يبي يلحق الصلاه
فواز ماكان يرتاح مع عمته كثير هي طيبه بس اوقات تقط عليه كلام يرفع ضغطه وهو كل شي ولاأحد يغلط عليه او يتحكم فيه بس كان يسكت احتراما لها ولابوه
دخل المسجد وهو يسبح الله دايم تفكيره لمن يشوف الناس مجتمعه يوم الجمعه بالذات كلن لابس وينتظر الاقامه وناس تقرا قران يحس بروح المسلم يحس المكان روحاني وبقوووه
قطع عليه سلسله افكاره الامام وهو يسلم عليه
الامام:حياك الله يابني كيف الحال؟.
فواز:بخير الله يسلمك كيفك انت ياشيخ؟
الامام:بخير جزاك الله الجنه فقدت اليومين الماضيه عسى المانع خير
فواز:كنت مسافر وتوي رجعت اليوم الفجر
الامام وهو يحط يده على كتف فواز:الله يطرح فيك البركه ويرزقك كل مافيه خير لك والحمد لله على سلامتك يالله يابني صل تحية المسجد والحقني ترتب مع اخوانك بالصفوف
فواز:تامر ياشيخ عن اذنك
الشيخ:ماشاء الله ونعم التربيه الله يجعلك من اهل الجنات وتوجه بعدها الى مكانه المخصص حتى يبدء الصلاه
بعد الصلاه قرأ سورة الكهف ودعى من كل قلبه للبنت اللي شافها بالفجر ولابوه اللي قرب موعد عمليته
رجع فواز للبيت وكانت دلال عازمه صديقاتها وهو محب يضايق عمته وضيوفها فقرر يروح للمزرعه اللي توه شاريها وكانت مفاجاته لاهله لانهم يحبون المزارع كان يفكر يزرعها ويعدل فيها اشياء كثير بشي يتماشى مع ذوقه الحلو والصعب
نبذه عن عايلة فواز:
ابوه مريض بالقلب تعب قبل 3شهور وهو بالشركه
(فواز كان داخل لابوه يوقع له على اوراق وكان يتكلم بعصبيه في التليفون بعد ماقفل
فواز:يالغالي هد روحك لاتنسى انك تعبان وماينفع لك العصبيه
ابوه:وين ارتاح وين ؟
وشوي بدء يفك ازارير ثوبه وباليد الثانيه ماسك قلبه
لانهم خبروا بعمليه اختلاس كبيره فقد منها جزء من اسهمه بالبورصه)
تعب وودوه المستشفى وتقرر له ضروره سفره للعلاج كان منظر مستحيل فواز ينساه او يروح من باله شكل ابوه وهو تعبان
فقرر بعد مرض ابوه ياجل السمستر الاول من السنه الاخيره وينتبه لشغل الشركه في غياب ابوه واخوه
صحيح انه يشتغل من اول بس بشكل جزئ الصباح في الجامعه والعصر بالشركه
طرت على باله فكرة المزرعه حتى تكون فتره نقاهته ابوه فيها بعد مايرجع له بالسلامه)

اخذ اللابتوب معه اللي يعتبر مخزن لاعماله الخاصه فيه واخذ ملفات لازم تكون خالصه يوم السبت
ركب سيارته وبعد نص ساعه وصل للمزرعه لبس الجكيت وطلب من العم شريف يسوي له شاهي
(العم شريف يشتغل عند ابو عبدالله من اول مانولد عبدالله يعني عشره وكان يحترمه وفواز ويعتبره ابوه مع انه
دايم يضحكون عليه اصدقاءه انه يسولف لهندي اللي معتبره قريب له اكثر من بعض اهله)
اثناء ماكان مندمج في شغله سمع شريف ينادي رفع راسه :خير شريف وش صاير
شريف:بابا هذا ولد وبنت كتير يبغى شغل مزرعه
فواز بكل استغراب:ولد وبنت خلاص روح انا جاي وراك
راح فواز يشوف اللي صاير انصدم بمجموعه اولاد وبنات يطلبون منه يشتغلون بالمزرعه مقابل
مبلغ بسيط وخلاهم يدخلون مع انه هالشي ممنوع ويحاسب لو اكتشفه احد
وطلب من شريف يعطيهم اعمال بسيطه ومايشغلهم كثير كان حزنان عليهم لمن يعرف وش قصتهم لانها حاجه غريبه جيتهم لهالمكان وطلبهم للشغل
واخذ ولد عمره 11 سنه وساله:انتو ليه جايين هنا احد ارسلكم؟
قال الولد:لا
فواز:ليه تشتغلون هنا ووين اهلكم؟
رد الولد بكل انكسار :ليه ياعم يضايقك وجودنا بنطلع؟
فواز وكان ندمان على سواله:لا حبيبي بس انا استغربت المفروض الحين تدرسون بكره عندكم مدرسه
رد الولد بضحكه:مدرسه..احنا زين ناكل تبينا ندرس
فواز سبحان الله فيه ناس ماتحس بالنعمه اللي حولها ومايقدرون المدارس
قاله:طيب مين اللي يوصلكم؟
الولد:الزعيم يوصلنا ونشتغل او نشحذ نسرق أي شي اهم شي توصله فلوس والباقي يكون لنا
فواز بكل استغراب:الشرطه تدري عنكم؟
الولد خاف وكان حاب يهرب بس فواز امنعه
فواز:الله يصلحك ماراح اخبر الشرطه بس انا ابغى اسال وبس بالعكس انا حاب اساعدكم
الولد:لا ولو مسكونا بنروح فيها (وبفرحه)صدق ياعم بتساعدنا ونزل راسه يبغى يبوس يد فواز وسحب فواز يده وضم الولد بحنان كان يتذكر لمن كان بالهسن وين كان كان بافخر وارقى المدارس واكله يوصله ومصروفه ماضطر يسوي اللي يسوونه علشان يعيش حمد ربه عالنعمه اللي هو فيها
الولد بكل فرحه :شكرا ياعم(وبتردد) بس ماتزعل اني اقولك ياعم لانك صغير ؟
ضحك فواز وقال:لابالعكس استانس
الولد بابتسامه :عن اذنك بروح لشغلي
وراح الولد يركض لاصدقائه يقولهم عن اللي قاله له فواز وانه ماراح يقول للشرطه عنهم
قرر فواز يساعدهم ويخليهم يجون المزرعه كل يوم جمعه يسون اشياء بسيطه علشان يعطيهم راتب
ويخليهم يشتهدون بدراستهم لانهم بيكونون اكيد مهملينها
ومر شهر والاولاد صاروا يجون كل جمعه يزرعون او يسقون مع شريف
كان يجيب شغله معه ويقعد يراجع حسابات الصفقات والمنتجات الوارده للمؤسسه
هو مو شغله بهالاشياء بس ماكان يثق باحد من الموظفين والمؤسسه امانه عنده
ودخل المزرعه وبدء يراجع في الحسابات واثناء ماكان مندمج في شغله سمع شريف يصارخ
وراح له يشوف وش صاير وانصدم ان فيه بنت من الاولاد اللي يشتغلون بالمزرعه طاحت ودخل
شوك النخل بيدها وانصدم انها هي نفسها البنت اللي شافها لمن رجع من الرياض
فواز:انتي؟
رؤى في بالها(انت لا اكيد بيتاكد من ظنه اني من الشارع بس هاذي الحقيقه )
فواز انتبه لسرحانها ويدها اللي تنزف:وشو ذا يدك كلها شوك شريف جيب شنطة الاسعافات
وبدء يطلع الشوك من يدها وهي تتالم
كان مستغرب ليه هالبنت مره ثانيه هل هو صدفه ولا قدر وكان يتمنى يعرف قصتها وزاد فضوله لمن شافها للمره الثانيه
انتهى البارت

البارت الثاني
(رؤى بنت جميله جدا جمالها بنعومتها ورقتها اللي زايده مره كانت ارق من نسمه الهواء بصوتها وبشكلها وبقلبها وطيبة قلبها محليتها جمالها اللي من داخل لبرى
هي متوسطه الطول بشرتها بيضاء وصافيه مره كانت مورده ودايم البنات يقولون لها عن وش اللي تستخدمه لبشرتها وكانت تقولهم انها طبيعتها بس مايصدقونها شعرها ناعم وبني لتحت كتفها بشوي جسمها روووعه قليله عليه كان خصرها حيل صغير وزايدها حلا تقريبا كانت ايه للجمال
قصتها طويله وبنشوفها لمن ترويها لفواز)
بعد ماحطت المعقم على يدها لانها رفضت ان فواز يحطه كانت كل ماحطته فزت من مكانها وفواز ضحك عليها
قال :خلي العناد ينفعك مو كذا ينحط واخذ القطنه منها وقام يحطه لها بحركه خفيفه
سحبت يدها وقالت :شكرا
وكانت تبي تروح قال فواز:وين؟انا ماصدقت على الله اشوفك اعرف منك وش سالفة ذاك اليوم
عيونها امتلت دموع وحس فواز بالذنب قالت بعيون تلمع من الدموع:لا ولاشي
فواز تركها لانه حس لو انه ييضغط عليها انها بتصيح وزادت حيرته في رؤى
قال فواز:طيب ماقلتي لي اسمك؟
قالت وهي رايحه:رؤى
قال:رؤى انتي شاطره بالرياضيات
لفت عليه بكل استغراب :ليه؟
قال: علشان اذا شاطره تساعديني بشغلي واوعدك براتب نفس راتب الموظف اللي عندي؟
بعد تفكير ردت:طيب وشلون اساعدك؟
قام فواز وفي باله(يسسس ) وصاريشرح لها كيف تتعامل مع الاوراق وعطاها ملف صغير يختبرها اذا كانت تصلح تساعده او لا وبعد وقت قصير جت رؤى لفواز ومن بعيد مدت له بالملف وبصوت اقرب للهمس قالت :هذا الملف خلصته
استغرب فواز واخذه منها وهو ماهو مصدق انها خلصت كل هالحسابات في وقت قليل
بس الصدمه كانت لمن راجع الملف ان حسابها دقيق اكتشفت اشياء ماكان بينتبه لها
فواز بعصبيه مصطنعه:بجد بجد ماينفع كذا وش الخرابيط اللي سويتي خربتي ام السالفه
رؤى باستغراب وبخوف :ليه؟
فواز ياربي على براءتها وبضحكه :لا امزح ماشاء الله عليك بسرعه فهمتي علي الموظف حقنا صار له سنه وماإشتغل شغلك إنتي بأي صف ؟
رؤى :المفروض ثاني جامعه هالسنه بس تركت الدراسه لاني ماقدرت اكمل.
فواز:ليه بالعكس الدراسه شي حلو وانتي ذكيه غريبه تركتيها؟
رؤى:تركتها وخلاص
جوا بنت وولد صغار ونطوا على رؤى وضمتهم رؤى
قال فواز وهو رافع حاجب :اكشخ طلع لك معجبين؟!.
رؤى :هاذولا إخواني
استغرب فواز :شلون اخوانك؟(لان رؤى بيضاء مرره وإخوانها بشرتهم سمراء)
رؤى:علشان مافيه شبهه هم مو إخواني جد بس من وهم صغار وانا معهم وبمثاية اختهم
فواز سند نفسه عالطاوله حط يده على خده وباهتمام :كيف؟
رؤى(ياربي ساعدني):سالفه طويله وتاخرنا الزعيم بيعصب علينا
فوازباستهزاء:من هذا بعد الزعيم ليكون جدك؟
رؤى(والله كلامه يضحكني )وبضحكه قالت:لا هذا المسوؤل عنا هو اللي يدبر لنا الشغل وتاخرت كثير مع السلامه
فواز:طيب مع السلامه بس الجمعه الجايه احسبي حسابك عندنا شغل كثير
رؤى:ان شاء الله
راحت وفي رأس فواز الف علامة استفهام عن رؤى (رؤى آآه وش هالصدفه بعد تحملين حلى اسم للبنات عندي وراك قصه واشتغل فضولي اعرفها ضحك على نفسه ماخبرت نفسي ملقوف )
ورجع فواز للبيت عالساعه 11ونص
دخل وسلم على عمته دلال
فواز:السلام عليكم
دلال :هلا عليكم السلام وينك ليه متاخر عن البيت مو من عوايدك
فواز(عوايدي او لا اتوقع انه من حريتي الشخصيه ): ليه بغيتي شي؟
دلال:ايه بغيتك بكره تمشيني انا والبنات في الخبر زهقنا
فواز:ماشاء الله ياعمتي كل يوم عند فلانه وبالليل عشاء عند فلانه ويوم بالمطعم الفلاني
قاطعتها دلال:ليكون حاسدني انا وبناتي
فواز(والله وهقه):لا والله ياعمه بس الشغل كله فوق راسي وماعندي وقت امشي نفسي
دلال:ايه مبين ماعندك وقت ..ايه على فكره دقت امك وتقول العمليه الثانيه لابوك يوم الجمعه
فواز:وشو الجمعه طيب ليه مادقت علي
دلال:ماهي فاضيه بتدخل مع ابوك مرافق وبتقفل جوالها اذا بغيت دق على عبدالله
فواز:الله يقومه لي بالسلامه
دلال:تعشيت ولا روح للمطبخ وقل للخدامه تحط لك عشاء
فواز:لا مابي بروح غرفتي
فواز وهو في طريقه لغرفته تذكر صديقه عمر انه لقاله 5مكالمات وكان يبي ياخذ تليفون البيت
سمع بنت عمته ساره تكلم
(عمته دلال عندها 3بنات ضي 4سنوات وفي9سنين وساره18سنه)
وتقول بس والله احبه واموت عليه زاد الفضول عنده ليعرف عن من تتكلم
وقاطعه صوتها وهي تقول:طيب وش اسوي صار لي يومين ماشفته مايجي للبيت مشغول بالشركه
انصدم باللي سمع هاذي ساره اللي مايعتبرها الا اخته
وبدت عنده مشكله جديده شلون ينسيها لانه كان متاكد انه حب مراهقه وانها صغيره على هالكلام
راح غرفته والتفكير شالغه
واخذ جواله ودق على صديقه ( لو اني من اول دقيت من جوالي كان ابرك)
رد عمر:اهلين زين طرينا على بالك
فواز:طيب سلام اول
عمر:السلام عليكم وينك وش تسوي وتعشيت؟
فواز:الله يعيني كل هذا تبي اجوبه طيب عندك اسئله ثانيه من مره علشان اكتب تقرير يرضيك طال عمرك؟
عمر : أي والله ياليت يكون احسن اقول بلاثقالة دم ميت من الجوع والوالده مسويه طبخه يجبها قلبك وتقول اعزم فوازوه هاه تجي تتعشى معي؟
فواز:الله يخلي لي خالتي يالله دقايق واكون عندك
عمر:الله ماعندك وقت طيب ارفض خلني احلف عليك
فواز:اقول افتح الباب جايك وبلاكثرة كلام
عمر:انتظرك لاتاخر علي
راح فواز لعمر
(عمر صديق فواز من ثالث ثانوي صحيح بعرفه من كم سنه بس كانه يعرفه من اول ماإنخلق
درس هو وفواز بنفس الجامعه وبنفس القسم
بس فواز اجل دراسته لمن يرجع ابوه بالسلامه وعمر كمل عمر انسان طيب جدا حنون
ابوه مات من 4سنوات وعند اخ اكبر منه متزوج وعنده عيال وهو ساكن مع امه ببيت رغم صغره الا انه فخم بكل ماتعنيه الكلمه
مع العلم بانهم بنفس مستوى فواز المادي ويمكن احسن بس اخذ هالبيت بالذات مايبي يتعب امه )
ام عمر كانت تعد فواز توأم لولدها عمر
فواز دق الجرس
ام عمر رفعت السماعه :مين؟
فواز:انا فواز
ام عمر: هلا يمه فواز ادخل المجلس عمر ينتظرك هناك
راح فواز المجلس ولقى عمر متمدد
فواز:اخس على الرجال اللي يستقبلون ضيوفهم كذا
عمر وهو منتبه مع المباره بالتلفزيون:اقول اجلس اخلص شكلها قول هالمره
بعدين عدل جلسته ولف على فواز :
بعدين اللي يسمعك يقول ضيف ماكنك مطيح عندي ليل نهار
فواز:والله اللي يسمعك انت يقول انك صادق..ايه صح جبت معي التمر اللي تحبه خالتي واستحيت اعطيها تشيله
وعندها هنا حمار
عمر:لا يافواز مايصير تقول عن نفسك حمار عزيز وغالي وانا اخوك
فواز بانفعال مصطنع:صدق انك ماتستحي اقول انقلع جب العشاء ميت من الجوع ..بزران ماتستحي على وجهها
واخذ الريموت وقام يدور قنوات للشعر
فواز:عمر وين قنوات الشعر اشوفك ماشاء الله فاتح التلفيزيون استريو كله اغاني
عمر وهو يقوم يبي يجيب العشاء:يوه ياخي يانك قديم وتصلح شايب قال شعر قال
يمكن تلاقيها ورى القناه 370
وبالصدفه حط قناه وجت قصيدة ابن فطيس ياقو قلبك ..
عمر وهو ينزل العشاء عالسفره:يوه جد دخل جو مع الشعر قم تعش
فواز:هاه ..ايه عشاء تصدق احسها قالها من جرح
عمر:لافواز مو طبيعي فيك شي ؟
فواز :تصدق مااحب اكل اكلات شعبيه الا عندكم فديت اهل نجد كلهم مادام خالتي ام عمر منهم
عمر وهو كاتم الضحكه:اقول لاتقعد تغزل في امي احترم نفسك
اما فواز قام يضحك وماقدر يوقف ضحك ومن كثر الضحك دمعت عيونه
عمر:انا ماقلت نكته وبعد ماشاف فواز ماقدر يقاوم وصار يضحك معه
فواز:الله يرج بليسك ياعمير خلني اتعشى لازم ارجع البيت وراي شغل بكره لمن قمة راسي
عمر:الانسان بيموت والشغل وراه ليه ماتاخذ يوم اجازه نطلع نتمشى تغير جو الاوراق والملفات ارحم روحك
حتى يوم الجمعه تشتغل مسوي فيها لازم يتاكد من كل حرف الحين انت ليه موظف الاوادم مايحتاج انت سو شغلهم
فواز:والله ياعمر المسوؤليه صعبه تعرف الحلال مو حلالي يعني امانه
عمر:فواز من جدك انت حتى راتب ماتاخذ يالله تاخذ حق البنزين واغراض البيت ماتدلع روحك شوي
فواز:اه ياعمر همي كبير شيبت في عقول العرب
عمر:بدء حامد زيد اقول مالك نيه تروح بيتكم ياخي ابي انام
فواز:عمير ووجع تطردني ..خلاص ابشر بكنسل العزيمه
عمر:أي عزيمه لا فواز انت حبيبي لو تبي اجيب لك فراش اهم شي رضاك طال عمرك
فواز:انا لو جلست بيصير لي شي يالله حبيبي تصبح على خير وسلم على خالتي وتشكرها عالطبخه
عمر:وانت من اهله
طلع فواز من عند عمر وهو كان يتمنى حياته نفس حياة عمر انسان مرح وماخذ الحياه بمرح
وقام يفكر برؤى استغرب من نفسه ليه طرت على باله معقوله لان اللي شافه بحياته مايعتبر عند اللي شافته شي
او لانه متعاطف معها
جاء صباح اليوم الثاني صحى فواز على صوت الجوال ..المتصل عبود(اخوه الكبير)
اخذ فواز الجوال بسرعه:الو
عبدالله:صباح الخير على فواز
فواز:اهلين صباح النور شخباركم وشخبار ابوي
عبدالله :لا ابشرك الامور تمام وبدء مفعول الدواء واحتمال نقدم موعد العمليه


فواز:الف حمد وشكر لك يارب وامي شخبارها؟ولهان عليها موت
عبدالله :والله بخير مغطيه على بنات لندن
فواز ضحك:الله يرج بليسك وينقال الكبير تصدق اني اعقل منك في بعض الاحيان
عبدالله:اقول احترم نفسك ياولد وانا دقيت اطمنك علينا لاني بدخل المستشفى وبقفل جوالي
فواز:اوكيه سلم على ابوي وبوس راسه وامي بعد وحاول تطلعها معك برء المستشفى وكلموني
عبدالله:ان شاء الله يالله انتبه على نفسك
فواز:عبدالله
عبدالله:نعم
فواز بلهجه مصريه:لااله الا الله
عبدالله مات من الضحك:محمد رسول الله
قام فواز بابتسامه وبدل ملابسه وهو متأمل من رجعه اهله قريب
دلال كانت تكلم بالتليفون وشافت فواز وهو نازل من الدرج
فواز:صباح الخير
دلال:هلا يمه صباح النور
فواز:انا طالع تاخرت تبين شي ؟
دلال:ايه ياليت توصل البنات بدربك السواق راح المطار يستقبل صديقتي
فواز:عمتي بس انا تاخرت
دلال:من بيوصلهم الله يرضى عنك وصلهم
فواز بينه وبين نفسه اللهم طولك ياروح:خلاص عمتي قولي لهم يجون بسرعه ماابغى اتاخر زياده
دلال :روح وبيلحقونك
فواز طلع وراح لسيارته وجت ساره وفيء
ساره+فيء:صباح الخير
فواز:اهلين صباح النور
ومشى فواز وكان طول الطريق ساكت
فيء:وصلني مدرستي اول مااحب اتاخر وبعدين وصل ساره
فواز:لا مدرسه ساره اقرب لي (وكانت العكس مدرسة فيء اقرب)
ساره كانت مقهوره منه وصلها على مدرستها وهي نازله :مشكور فواز عالتوصيله
فواز:لا شكر ولاشي بالتوفيق لك ان شاء الله
انزلت وهي طايره من الفرحه وفي بالها(واي ناسه يتمنى لي التوفيق فديته بس)
فيء:فواز انت ليه كذبت مدرستي اقرب
فواز استغرب من ذكاءها:قال بس اذا وصلتك بعدين هي بيبعد طريق شغلي فهمتي
في:ايه علشان كذا تصدق وحد من صديقاتي شافتك لمن وصلتني اخر مره وقالت ولد خالك يهبل
فواز وعلى وجهه ابتسامه:الله يرحم بنات اول بس
فيء:يوه فواز كنك شايب خلك كول
فواز ضحك:اقول انزلي يام الكول وصلنا
فيء:شكرا
فواز:العفو ياكوول
كان مستغرب هذا وعمرهم 9سنوات تفكيرهم كذا وصل الشركه وكان في انتظاره شغل يطول فيه التعب
ومر الاسبوع من غير مايحس فواز فيه كان يومه نفس الامس شغل في شغل
وجاء يوم الجمعه موعد العمليه اللي تاكدت ان ابوه بيسويها في ذاك اليوم
وراح للمسجد وقام يدعي لابوه ان العمليه تنجح وربي يقومه له بالسلامه ولمن صارت الساعه3ونص
راح المزرعه ومعه ملفات وصل الساعه4العصر
وكان عند كل حوض ولد اوبنيه يزرعون ورد ونعناع والاشياء الصغار والسهله
كان مبسوط من مساعدته لهم
وجاء شريف:اهلين فواز
فواز:اهلين شريف كيفك؟
شريف :الحمد لله
فواز:شوف شريف لمن يجون الاولاد المره الجايه قلهم يجيبون كتبهم ويذاكرون معد ابيهم يشتغلون اوكيه
شريف:حاضر يبغى شي تاني
فواز:لا
شريف :بابا فيه بنت يعطي انا ملف يقول انت انسى هو جمعه راح
فواز:يوه قلبت عليه المكتب الحمد لله ماهو ضروري بس وينها؟
شريف :شغل سوي ورد هذا بنت كتير كويس يعرف كل شي
فواز :وينها الحين؟
شريف :غرب مزرعه
فواز :خلاص روح كمل شغلك وانا بروح هناك اشوف وش يسون
راح فواز لغرب المزعه كانت جهه للبنات علشان يزرعونها
وجاء ورؤى مدنقه وتسقي بذور توها زارعتها
وقرب منها قال:وش تسوين؟
رؤى كانت تسقي ومن الخرعه طش المويه بوجه فواز
رؤى بربكه:اسفه والله اسفه بس خفت
فواز وهو يضحك:الدنيا برد وانتي ماقصرتي
رؤى وهي شوي وتبكي من الفشله :اسفه والله ماقصدت
فواز:بعد يمكن تكونين قاصده ترى جبت اليوم ملفات ياليت تساعديني فيهم وهم بالصاله اللي راجعنا
فيها الملفات الاسبوع اللي طاف
رؤى:اوكيه ببدء لمن تجي
فواز راح يبدل ملابسه لانها تغرقت بالمويه
وكان ينشف شعره وهو داخل رؤى انعجبت في شكله مره بس نزلت عيونها على طول
فواز:بديتي بالصعب
رؤى:احسن لاني نشيطه الحين وبنتبه اكثر
فواز:انتي قد اشغلتي بشركه
رؤى:لا ليه؟
فواز:ماشاء الله اجل شلون تعرفين كل هذا
رؤى اعرف وبس
فواز:كلك اسرار ..طالع بساعته ودق على جوال عبدالله بدون رد
كان خايف على ابوه وبعد ربع ساعه من الصمت
كانت رؤى تشتغل بالملف واخوانه جنبها ولاحظت القلق على فواز
رؤى بصوت شبه مسموع:عمي
فواز ضحك:من وين جبتي عمي بعد اسمي فواز
رؤى :ليه قلقان ؟
فواز:شلون عرفتي اني قلقان
رؤى:كل شوي تطالع بالساعه
فواز:ابوي تعبان بالقلب وبلندن والحين بالعمليات وخايف عليه مره
رؤى:مايفيد القلق ادع له ربي يقومه بالسلامة الله يعافيه ويشفيه
فواز:الله يسمع منك
وبعد ساعتين من الحسابات خلصت رؤى الملف وفواز باقي ماخلص الا كم صفحه
مع ان ملف رؤى اعقد واصعب
رؤى:خلصت ..
فواز:ماشاء الله بالهسرعه الملف يبي له يوم
رؤى :انتو تتبعون طريقه مطوله وصعبه يعني مثلا الفاتوره الاولى تضربون عدد الاكياس بحجمه
وبعدين تقسمون المبلغ الى عدد الاكياس وتسون لويه من ولاشي
عدد الاكياس اضربها بسعرها في السوق وقارن بين السعر الموجود بالملف وبس
فواز :والله انك صادقه ماشاء الله اشك انك متخرجه من جامعه
رؤى :ياليت
وقطعهم صوت جوال فواز المتصل عبود
رد فواز:هاه بشر ياعبدالله؟
عبدالله:فواز الحمد لله نجحت العمليه واذا ماصار شي ل24 ساعه بينزلونه الجناح
فواز:الله يبشرك بالجنه طمني اول باول
فواز سكر من عبدالله وسجد سجود الشكر
رؤى:الحمد الله على سلامته وانا ستاذن بيجي الزعيم الحين
فواز:وين تروحون عشاكم كلكم اليوم علي
رؤى :مادري الزعيم بيوافق
ماعليك انتي روحي لللباقين وقولي لهم يجون هنا علشان نتعشى وزعيمكم خليه علي
وراحوا اخوان رؤى يقولون للباقين عن عزيمة فواز لهم
الكل انبسط بس كانوا ينتظرون الزعيم لانه هو اللي بيقرر
دق فواز على المطعم وطلب اللي بيعشي قبيله كان طاير من الفرحه
لان عملية ابوه نجحت كانوا جالسين برى على طاوله وكانوا كل الاولاد موجودين كلن لاهي مع الثاني
فواز:رؤى
رؤى ناظرت في فواز لاول مره تحط عينها بعينه فواز اندهش من عيونها كانت مرسومه ولونها رمادي
تنح ورؤى نزلت راسها :ناديتني
فواز:هاه ايه اخوك شكله نايم في سابع نومه حطيه بالصاله ادفى له
رؤى:لا عادي متعود ينام وهو جنبي مابغى اخرب عليه نومته
فواز:رؤى ممكن اسال سوال؟
رؤى:تفضل عمي
فواز:يوه مره ثانيه عمي المهم ماابغى اسمعها مره ثانيه اتخيل نفسي شايب
رؤى:خلاص ابشر عمي
انتبهت انها قالت عمي وضحكت
فواز:انتي وراك قصه ممكن اعرفها؟
رؤى:يوه قصتي طويله
فواز :انا احب الروايات
رؤىبعد ماتنهدت: لمن كان عمري 4سنوات او5سنوات لقوني مضروبه ضرب مبرح ومرميه على طريق صحراوي
واخذوني للمستشفى بقريه متواضعه ودخلت بغيبوه لمده سنه ونص
لمن صحيت ماكنت اعرف ولاشي حتى اني ماتكلمت الا بعد ماصحيت بشهرين
كنت ناسيه تماما من انا؟ وللحين مو قادره اتذكر و ام فجر وخالد اخواني كانت ممرضه في هذاك المستشفى
طبعا من زمان مو مثل الحين يعني كنت نفس الابره بكومه قش وللاسف انا مساعدتهم
لان فاقده ذاكرتي تماما اخذتني عندها وربيتي لانها هذاك الوقت ماكان عندها عيال وكانت تتمنى الضني
وبعد سنتين حملت بفجر وبعدها بسنه حملت بخالد وكانت دايم تقول اني وجه خير عليها وان ظروفهم
تحسنت من اخذتني ومرت السنين وكنت عايشه مبسوطه مااحس نفسي الا مع امي وابوي واخواني
ماكان عمي بو خالد مقصر علينا بشي نروح لاحسن المدارس وناكل وكنا مثال للعائله المثاليه
بس كل شي انقلب قبل سنه
هنا دمعت عيون رؤى
فواز:اسف اذا تبين لاتكملين
رؤى لاعادي بس تذكرت امي ام خالد الله يرحمها
اكتشفوا عندها السرطان وكانت امكانيات عمي بوخالد متواضعه وكان بمنطقة الدماغ
يعني منطقه حساسه ولازم تسافر برى باسرع وقت بس للاسف ماقدر عمي يتدارك الوضع
لمن جت الدوله بتسفرها لقت ان المرض انتشر بكل جسمها وان العلاج بحالتها مستحيله اكتشفوهه وهو خلاص بمراحل متقدمه مايقدرون يسيطرون عليه
وبعدها باسبوعين ماتت وانقلب حال البيت
فواز:وابو خالد وينه الحين؟
رؤى بكل اسى وبصوت مبحوح :من يومها وهو سكران 24ساعه مافيه اطيب من قلبه بس من ماتت ام خالد وحالته مقلوبه
صاير يسكر ويضرب وانقلب علي وعلى عياله بشكل ماتتوقعه
وانا الحين اشتغل واحاول اصرف على عيال الحرمه اللي ربتني ابي ارد لها ربع الجميل
فواز سرح (كل هذا صاير لك ياه يالزمن)
فواز:الحمد لله على كل حال طيب وش سالفه ذاك اليوم اللي قابلتك فيه لاول مره وليه كنتي هناك بذاك الوقت؟
رؤى :كنت نايمه وسمعت ضجه طلع ابو خالد وصديقه كان عمي نايم وصديقه قام يطالعني
بنظرات تخرع حاول يدخل علي انا واخواني الغرفه بس سكرت عليهم وهربت
فواز:ليه مادخلتي معهم وقفلتي
رؤى: الباب بسهوله بنكسر ولاني خايفه عليهم مرره اما انا بالطقاق مايهم اهم شي مايخافون وانا امشي جت السياره وكملت الخوف اللي فيني
بعدين جيت انت صدقني ماراح انسى فضلك علي لو اموت لولا ستر ربي ولولاك مادري
الحين انا وين وكيف حالي
فواز:مو مبين عليك كل هالهم طيب ماتعرفين شي عن اهلك
رؤى:ماتذكر ولاشي واحتمال ماسترجع ذاكرتي الا بسن الاربعين يعني بعد مايفوت الاوان
فواز بكل اسى على رؤى اللي انصدم ان ورى هالبنت الرقيقه والناعمه كل هالاحزان:
طيب بسال سوال اخير واسف اذا ضايقتك
رؤى:اسال؟
في هاذي اللحظات جاء ولدين(فيصل+سعود) ينادون رؤى
فيصل+سعود:رؤى بسرعه الزعيم معصب منك بسرعه تعالي
فواز:لا قولوا له يتفضل يتعشى معنا
سعود:قلنا له بس هو عصب لمن درى ان رؤى قاعده معك
رؤى:ياويلي فجر بسرعه اسبقيني بشيل خالد واجي وانت يا سعود خذ فيصل وفجر واركضوا قبلي
لايعصب عليكم
راحت رؤى وهي تركض والخوف سكنها ولحقها فواز
وصلوا لعند الباب وكان الزعيم ينتظر رؤى عند الباب
انتهى البارت

ــــــــــــــــــــــــــــــــــــــــــــــــــ ــــــــ(3)
(الزعيم ولد اسمه معاذ عمره 27سنه مفتول العضلات عريض ودايم يشبهونه بمساري كان اسمر وعصبي
يسمونه الزعيم لانه مسوول عن 13 ولد وبنت يدبر لهم الشغل ويعطونه نسبه والباقي لهم)
رؤى:اسفه تاخرت
معاذ:لا والله تاخرت ومسك رؤى بيدها ولفها
وبدت شيلتها تطيح من على راسها:معاذ الله يخليك تعور
معاذ:لاوتناديني معاذ حاف وشد قبضه يده على يدها اللي حست انها تسمع صوت تحطيم عظمتها بين يده
فواز وهو يحاول يفك يده عنها:اخوي صل على النبي
معاذ وهو يدفه:وانت بعد الحبيب الولهان
فواز:استغفر الله انا فواز وهاذي مزرعتي وانا شغلتهم عندي واعطيهم مصروفهم ورؤى
كانت تشتغل داخل وماسمعت الباقين لمن نادوها
معاذ:ويدافع عنك بعد
رؤى وهي تبكي:الله يخليك والله يعور
معاذ:مسكينه اركبي بسسرعه ودفها على السياره وضربت بكتفها وراحت وهي تطيح وتقوم وركبت
فواز بصراخ :لو سمحت وش سوت هي لاتاذيها ترى مو في صالحك
معاذ:لا والله خرعتني ومشى وترك فواز وهو يكلمه
حاول فواز يلحقه بس ماقدر لانه ركب السياره وراح بسرعه جنونيه
فواز كان متضايق ويحس بالذنب انه سبب اللي صار
حاول ياخذ رقم اللوحه بس ماقدر
وهو يصارخ:شريـــــــــف..شريــــــــــــــــف
شريف:نعم بابا
فواز:تعرف كم رقم اللوحه؟
شريف:لا كل يوم يجي بسياره غير بابا
رجع فواز للمزرعه بعصبيه وهو محتار وش يسوي اخذ الملفات ولاحظ ان شنطة رؤى موجوده
اخذ الشنطه ولاول مره يتجرا ويمد يده على اغراض غيره
فتح الشنطه ولقى اشياء كانت تدل ان صاحبة الشنطه طفله مو شابه بعمر الزهور بس لقى شي لفت نظره
لوحه من الكرتون مرسوم فيها بالفحم كانت روعه بس مو كامله كان ثلث الرسمه بس
استغرب فواز واحتار في رؤى ليه تشيل هالكرتون ومن صاحبه الصوره
وكان الف سوال يخطر في باله رجع اغراضها مكانها واخذ الشنطه وطلع من المزرعه
ورجع للبيت وكان ناسي مايطمن عمته على ابوه
دخل البيت وهو متضايق من اللي صار لرؤى وحاس انه السبب واللي مضيقه زياده انه ماقدر يسوي شي
لانه لو حاول يمنع معاذ بيتاكد من الافكار السوداء اللي براسه وبيزيد بعذابه لرؤى
دلال:فواز
فواز:هاه هلا عمه
دلال :طمني عن ابوك عجزت ادق عليك
فواز:اسف عمتي نسيت اطمنك ابوي تمام الحمد لله واذا طلع من العنايه بيدق علي عبدالله بس انتي ادعي له
دلال:امين يرجعه لنا بالسلامه بس انت تعال بفهم وين تروح كل جمعه وانت باجازه
فواز:هاه لا مسوي مفاجاه وبقولها لكم اذا وصل الغالي بالسلامه
دلال باستهزاء:ليكون متزوج؟
فواز بغيض:الله يهداك عمتي انا وين والزواج وين؟الله يهيدك بس انا طالع ارتاح
طلع فواز وهو مستثقل خطوته كان حاس باحساس بالذنب
على الدرج حتى انه نسى جواله بالسياره وكان عجزان يجيب جواله بس تذكر الشنطه رجع مستعجل للسياره
دلال:وش فيك؟
فواز:لابس نسيت جوالي واخاف عبدالله يدق
راح فواز بعجله للسياره واخذ الجوال والشنطه بس كان حيران شلون يدخل فيها
وعمته بتفتح له تحقيق
ونادى السواق جاء السواق
السواق:نعم بابا
فواز:امش معي غرفتي؟
السواق :لا بابا انا ماهوبي نام مع احد في قرفه
فواز:مالقيت الا انت انام معك لابس ابغاك تاخذ ملفات وتحطها بالسياره
دخل فواز ومعه السواق وقام ينادي:عمتي ..عميمه
دلال:خير وش صاير
فواز:خذوا درب السواق بيدخل معي للغرفه ينزل ملفات
دلال:خلاص بس بسرعه بروح اشوف البنات
فواز كان راكب الدرج وعلى وجهه علامة النصر بانه دخل وماشافت عمته الشنطه
وصل جناحه
)كان فواز ساكن بجناح الضيوف علشان مايضايق عمته وبناتها )
فواز:راجو خلاص رح نسيت اني وديتها امس
راجو:ايش كلام وقام يتحلطم
فواز:والله اخر زمن بغى يصكني كف
دخل غرفته وجلس على سريره وكله امل يلاقي أي شي يوصله لرؤى
فتح الشنطه للمره الثانيه ويقول في باله:رؤى تكفين سامحيني اني بفتش بغراضك بس كله علشانك
طلع الكرتون اللي عليه الرسمه كان مستغرب من الدقه اللي فيها مع انها مرسومه بالفحم
كان مستغرب اكثر ان مبين على الرسمه قديمه بس ملامح البنت اللي فيها مو كامله
وقام يناظر بباقي الاغراض لقى مذكرات فتح الصفحه الاولى
لقاها كاتبه:
(القلم هو من لجات اليه واواني واونس علي وحدتي
الجميع تخلوا عني وسوف يتخلون عني الاخرين
ولكن لن يفي لي سواك ..ياقلمي.)
وكان ملصقه فله يابسه
وكاتبه تحتها اتمنى للي يطيح الدفتر بيديه انه مايقرا ولاحرف وماراح اسامحه لو قرا
احتار فواز هل يكمل قرايه الدفتر اولا؟ بس لمن فكر انها بتزعل سكر الدفتر وقرر انه مايقراه
مع إنه هو اللي بيكشف له رؤى وكل تفاصيل حياتها اللي كان عليها استفهام
رجع اللوحه ورجع الدفتر وسكر الشنطه وقطع على نفسه وعد بانه بيرجع الشنطه لرؤى طال الزمن او قصر
اخذ جواله ودق على جوال عبدالله بس كان مغلق
حط راسه وكله تعب وقام يمر عليه شكل رؤى لمن كانت تبكي عند معاذ
استغرب ليه يفكر فيها هالكثر معقوله كل هذا تاثر اخذ الشنطه وحطها بدرج اغراضه
ورجع وتمدد على فراشه والتعب مسيطر عليه وقام يفكر بحياته وبكل تفاصيلها ويفكر بابوه
وامه وحياتهم قبل مايمرض
ماحس على روحه الا لمن اذن الفجر قام وراح توضى ونزل تحت يبي يروح للمسجد
راح للمسجد وصلى الفجر وقام يدعي لابوه ويدعي لرؤى اللي حتى بحلمه كانت موجوده
رجع للبيت وانصدم بساره كانت بغرفته ودفتر رؤى بين يدها
فواز بعصبيه:ساره انتي وش تسوين هنا؟
ساره انصدمت برجعه فواز وحطت الدفتر وراها وبارتباك:هاه ولاشي بس سمعت صوت وقلت اجي اشوف وشو..
فواز بعصبيه مكتومه :ساره لو سمحتي عطيني الدفتر واطلعي برا
ساره ودمعتها بعينها:فواز الدفتر هذا حق مين؟
فواز:ماتوقع لك دخل بخوصصياتي
وسحب من يدها الدفتر
ساره ودموعها على خدها:انا شفتك امس طالع بالشنطه استغربت لانها ورديه والحين الاقي مذكرة بنت
وتقول خصوصياتي انت ليه ماتحس فيني ليه ماترحمني؟
فواز:ساره لو سمحتي امسحي دموعك واطلعي برا انتي الحين متوتره وماينفع الكلام
ساره:انا طالعه يافواز بس خلني على بالك انا ماراح اهدا الا لمن اعرف سالفة هالشنطه وهالمذكره
وطلعت ساره وهي تبكي
فواز ضرب بيده الدرج (اسف يارؤى افتحته يد غير يدك)
وحط الشنطه بخزنته الخاصه مع الملفات المهمه ودفاتر الشيكات
تضايق مره وحب انه يطلع من البيت يشم هواء قبل لايروح الشركه
وراح للبحر وكان الهواء بارد ونسمات الريح تحسس الواحد بالنشاط
وريحه المويه واصوات الموج كان جو كفيل بانه ينسي فواز شوي
جلس عالبحر وصار يراقب الامواج حس انه وده يكتب
(طبعا فواز كان شاعر بس انشغاله ماكان في الفتره الاخيره مايخليه يكتب)
كتب:
هـمي كبيـر ومالـقـيت اللي يواسينـي ..
محـد (ن) وفالـي بـ هالعمر قد دمعـاتي ..
دمعـاتي اللي لابكـيت بصمت تبكـينـي ..
تـرسم على وجنـاتي الغبـرا معـانـاتي ..
صحيـح تفـضحنـي ولكـن ماتخـلينـي ..
إحسـاسها الصـادق يخفـف ضـيم آهاتي ..
آهاتـي اللي من قـديـم العمـر هي فيني ..
إحسـاسهـا شعـري وأنفـاسهـا ذاتـي ..
أنـا جـروحي بـ هـالدنيـا تسـلينـي ..
فيهـا يتـلاقى بقايـا الشـوق وشتاتـي ..
فيهـا يتنفـس دمـي اللي في شرايينـي ..
فيها صدى الجرح يحكي بلسـان عبراتي ..
أنـا همومـي لـو نستني توقف سنينـي ..
توقف على حدود المشاعر بصمت وتحاتي ..
تجـرحني بنظـرة عتب وماتحـاكينـي ..
أتنـهد ومـن دون مـدري تهـل دمعاتي ..
همـي كبيـر ومالـقيت اللي يحس فيني ..
إلا دمـوعي والـورق واحساس كلماتي ..
حس بعدها بالبرد وانتبه على نفسه وكان ثوبه خفيف والهواء بارد
راح لسيارته وحس ان همومه وراه خلاها بين موج البحر وراح عنها حس براحه من زمان
ماحسها وزادت راحته لمن كتب كان يلاقي نفسه بالكتابه ويخفف عن خاطره الكثير
وصل للشركه ولمن كان نازل دق جواله المتصل (عبود)
رد :هلا والله وغلا
عبدالله:اهلين شعنده المتنبي رايق
فواز:هيه ترى مايحسد المال الا اصحابه بشرني عن ابوي
عبدالله:ابشرك اموره تمام وصحته كل يوم احسن من الثاني
فواز:الحمد لله يارب
عبدالله:فواز عندي لك بشاره كم تعطيني عليها؟
فواز:بشاره اعطيك عيوني لو تبي
عبدالله :وش ابي بعيونك ولا اقول تمشي مستشفيات لندن تطلب اعضاء للتبرع
وعيونك حلوه ذابحه البنات ولا تخليهم يعطوني وجه وانا معك يمكن لو شلت عيونك يعطوني وجه
خلاص انا موافق على عيونك
فواز:الله يالظالم هالمخطط الشرير وانا معك على الخط وبسم الله على عيوني لاصير أعمي
اقول وشي البشاره اخلص علي؟
عبدالله :بعد اسبوعين جهز نفسك ابي عيونك
فواز؟:بربك عبدالله جايين بعد اسبوعين قل والله
عبدالله:والله جايين بس لاوصيك وانا خيك بالمفاطيح ياني مشتاق لها لبى السعوديه
فواز:بس واحد الا عشره وربي فرحتني
عبدالله:دوم يارب خلاص من اليوم وايح بنفرح كفايه قومه الغالي وخذ امي تبي تكلمك
ماخلتنا بجونا الرومنسي اللي بيختفي اول ماشوفك
ضحك فواز وقال:والله اني داري ارسل ابوي وامي وانت اقعد والله هواء لندن خلاك ذرب وعطني امي بسرعه
عبدالله:هين فوازوه اصلا انا ذرب من زمان وهذانا بدينا هواش
وضحك وخذت امه السماعه من يده :فواز يمه
فواز:هلا وغلا بالغاليه الله لايحرمني هالصوت
ام عبدالله:هلا بك يابعد قلبي انتي شخبارك؟
كان عبدالله يصارخ ويقول لامه: لنا الله بس
فواز بضحكه:خليك منه شخبارك يالغاليه وربي وحشتيني موت
ام عبدالله:يارب يبلغني شوفك يمه شخبارك تاكل وتنام زين خبري بك اكيد مهمل نفسك مع شغل
الشركه
فواز:لا معليك يالغاليه كل شي تمام وبس انتوا تعالوا واصير بألف صحه وعافيه
ام عبدالله:ان شاء الله يالغالي تامر شي من هنا لان الحين وقت الزياره
فواز:سلامتك يالغاليه سلمي على ابوي
عبدالله:بس لاتبكي حبيبي
فواز:ياشين بعد زين يالله عبود ان ميت من البرد واقف من اليوم برا
عبدالله:يالله ربي يحفظك
فواز دخل للشركه وهو بردان وطلب له كوفي وبدء شغله
جاء وقت الغداء وحب فواز يروح للمزرعه يستعجل شريف بالشغل حتى اذا جاء ابوه
تكون المزرعه اوكيه
راح فواز للمزرعه وفتح شريف الباب نزل فواز وبابتسامته يطالع في اللي سوه الاولاد امس
شريف:اهلين بابا
فواز:اهلين شريف ..شريف استعجل بشغل مزرعه وجب العمال اللي تحتاج اوكيه
شريف:اوكيه بابا .. الحمد لله بابا فرحان اليوم؟
فواز:بابا جاي بعد اسبوعين هو كويس الحين الحمد لله
شريف بفرح:الحمد لله رب كبير ماينسى بابا ابو عبدالله>>>ههههه هندي جدي دايم يقولها
راح فواز للصاله اللي كان يجلس فيها مع رؤى كانت كبيره وجدرانها زجاج
كانت تبين المزرعه و بركة السباحه جلس عالكنبه وتمدد بتعب
جاء شريف: بابا
لقى فواز نايم راح لرؤى عند الباب قال: ماما فواز نايم
رؤى :لازم اشوفه ضروري روح صحه من النوم
دخلت رؤى تشوف فواز ودموعهاعلى خدها
لمن دخلت الصاله لقت فواز نايم استحت تصحيه بس لضروره الامر تجرات انها بصوت
شبه مسموع تناديه:فواز
مالقت من فواز أي رد
علت صوتها شوي ورجفه:فواز
لمن ياست قالت: شريف صح فواز بسرعه الله يخليك
شريف :حاضر ماما
نادى شريف فواز:بابا ..بابا
ولمن لمس فواز :اوه ماما بابا فواز كثير حار
لمست رؤى خده لقته مثل النار خافت :شريف بسرعه جب مويه بارده ومنشفه
راح شريف يجيب الماي وهي راحت تجيب لحاف
جابت اللحاف ولحفت فواز واخذت المويه البارده وبللت المنشفه وحطتها على راسه
فز فواز وبكل تعب فتح عيونه :..رؤى
رؤى:فوازانت تعبان ولازم ترتاح
فواز رجع راسه بكل تعب ماكان حتى قادر يتكلم وغمض عيونه ونام
رؤى كانت قلقانه عليه بس كانت ام خالد اللي ربتها ممرضه واستفادت منها كثير
شريف:ماما خليني اوديه مستشفى
رؤى:اذا مانزلت حرارته بنوديه..فيه صيدليه قريبه
شريف:ايه ماما
رؤى اخذت ورقه وكتبت لشريف ادويه يجيبها قالت له :بسرعه شريف لاتطول ارسل واحد من العمال
انت لاتروح خلك قريب
شريف :حاضر ماما
جلست رؤى تكمد فواز اللي كانت خدوده مورده من التعب وكنه طفل صغير بين يدينها
حست بألم برأسها تذكرت شي بس كانت مشوشه وخايفه ولاقدرت تركز وشو
رؤى:فواز انت تسمعني؟
فواز كان يان وينادي رؤى
رؤى:انا هنا فواز
فواز ظل ينادي رؤى
رؤى خافت ونزلت دمعتها وحست انها بتفقد امل انزع في طريق الياس اللي تمشي فيه:فواز
فتح فواز عينه وابتسم لرؤى
رؤى:فواز وش حاس فيه؟
فواز حاول يقوم بس رؤى منعته:انت وين رايح
فواز:هاه انا طيب لازم ارجع للشركه تاخرت
رؤى بحزم:فواز انت مريض ولازم ترتاح والشركه ماراح يصير لها شي اذا خليتها يوم
فواز:بسـ....
قطاعته رؤى:لابس ولاهم يحزنزن
فواز رجع وقامت رؤى جابت له وساده :خذ حطها تحت راسك
اخذ فواز الوساده :رؤى انتي ليه جيتي وش صار بعد امس
رؤى وتذكرت ليه جايه واكتئبت ملامحها(جايه أقولك عن أول المصايب اللي تجي من وراي معاذ ناوي يجي يطقك علشان أمس وانت مالك ذنب) انتبهت من سرحانها وقالت بسرعه:مو وقته اول ماتطيب بقولك بس انت ارتاح
فواز: اليوم رحت البحر وقعدت هناك ساعتين شكلي خذيت برد
رؤى بانفعال:احد صاحي ويورح البحر بهالبرد واكيد ماكنت لابس جكيت ؟
فوازضحك ضحكه باهته ورؤى لمن شافته استحت واستغربت من نفسها انها تجرات على فواز
جاء شريف واعطى رؤى الدواء:ماما هذا دواء ..ماما ..
رؤى:شريف وين المطبخ؟
شريف :من هنا ماما
راحت رؤى المطبخ وكان فاضي بس فيه في المزرعه خضار
راحت للحوض اللي فيه الخضار واخذت كم خضره منهم وسوت شوربه
جت رؤى واعطت فواز الشوربه :فواز انت لازم تاكل علشان تاخذ الدواء
فواز:يوه اكل ماشتهي
رؤى:مولازم تشتهي لازم تاكل
فواز ضحك:تذكريني بأمي ههههه
اخذ صحن الشوربه ولمن خلص اخذ الدواء وغط في نومه
رؤى لمست راس فواز حست ان حرارته نزلت
جلست تفكر في اخوانها فجر وخالد اللي اخذهم خالهم اليوم وهي بقت وحيده وتواجه ابو خالد وصاحبه من دون ماتشوف مصدر قوتها تنهدت من قلب وانتبهت للوقت
صارت الساعه 6المغرب
راحت غيرت موية الكمادات ولمن رجعت سمعت فواز يتكلم ويهذي
رؤى قربت تبي تسمع وش يقول انصدمت باللي تسمع
فوازكان يقول:لا رؤى رؤى وكان يكرر اسمها
حست بخوف ولاحظت تعلقها في فواز بس طردت هالفكره من رأسها
ولمست راسه لقت ان الحراره رجعت له لان مفعول الدواء راح
حطت الكماده على راسه وجابت كمادات وحطتها على صدره وعلى خدوده
كانت خايفه انه تستمر معه لانه لازم يتدخل المستشفى
راحت تصلي وتدعي لفواز انه يقوم بالسلامه
صحت رؤى فوازو صحى واخذ المسكن ورجع نام
كان تتامله لاول مره لانها كانت تستحي ترفع عيونها لمن كان يكلمها
وكانت تقول بخاطرها :سبحان الله فواز شاب حنون وطيب وحلو وهمه اكبر منه يارب انك
تخفف همه وتسعده باقي حياته
فتح فواز عينه وكانت رؤى سرحانه
فواز:في مين سرحانه
رؤى:هاه انت صحيت شلون تحس نفسك احسن
فواز:اكيد احسن وانتي شوي تحطيني بكرتون ثلج
ضحكت رؤى:لازم كذا
فواز:رؤى لو سمحتي ابي مويه عطشان
قامت رؤى وهي جايبه المويه تعثرت في الطاوله
قام فواز:رؤى فيك شي
رؤى:لا مافيني شي معليك( وهي كانت تتالم بس ماحبت تبين)
فواز كان شعره مبلل من الكمادات وتحت عيونه علامات الارهاق والتعب
كان شكله نفس الحلم قامت رؤى وابتسم فواز لمن شافها انها قادره تقوم
قامت وهي تتالم رجعت عبت الكوب واعطته فواز
فواز:بسم الله (و شرب المويه )
ورجع وحط راسه على المخده وغمض عيونه بس كان صاحي
رؤى :شريف..شريف
شريف:نعم ماما
رؤى :ارسل احد يجيب خبز وبيض وبرتقال وليمون
شريف:ان شاء الله
لمست رؤى خد فواز كانت حرارته نازله(كان وده يبتسم لانه تخيل انها تدري انه صاحي)
حست بفرحه وحست انها ردت له شوي من جمايله
اخذت رؤى الملفات اللي على الطاوله وبدت تراجعهم
جاء شريف:ماما هذا اغراض
راحت رؤى سوت العشاء لفواز وجهزت الدواء
رجعت تصحي فواز ومعها الصينيه حطتها عالطاوله
قام فواز وتعشى واخذ الدواء وقال:رؤى
رؤى:سم بربكه اقصد نعم
فواز:انتي شلون تعرفين الادويه اللي لازم اخذها هاذي نفسها الادويه اللي اخذتها اخر مره مرضت
رؤى:امي ام خالد كانت ممرضه وكنت اروح معها واشوف شلون وتعلمت كثير منها
فواز:اها ماشاء الله لكل شي تعرفين
رؤى:حرارتك مرتفعه
فواز:لمس راسه وقال مدري يمكن .لا
رؤى راحت لمست راسه وقالت :ايه للحين حرارتك عاليه لازم تريح نفسك وبكره مافيه شركه
فواز:رؤى
رؤى:نعم
فواز:وشو هذا اللي بيدك(كانت اثر ضربه وصايره خضراء)
رؤى:ولاشي بس طحت
فواز:هذا من الدفه على السياره صح؟
رؤى:فواز انت تعبان ولازم ترتاح
شافها ماتبغى تتكلم ماحب يضغط عليها
فكرت رؤى تروح للبيت بس لمين تروح للبيت اكيد ابوها واصدقاءه سهرانين هناك وخاصه ان اخوانها مو بالبيت قررت بس يطيب فواز تروح
وفكرت ان معاذ بيعصب لو يدري انها بالمزرعه لانها جت من دون علمه بس طنشت هالتفكير لانه بيتعبها
صارت الساعه 10 ونام فواز
اخذت رؤى الملفات وكملت وخلصت خمس ملفات وكانت الساعه 1 ونص
جاء شريف:ماما
رؤى بهمس حتى ماتزعج فواز:نعم
شريف:فيه رجال برى يبغى بابا فواز هذا نفر اللي يجي امس وياخذ كلو ولد وبنت
هنا طاح قلب رؤى تاكدت انه معاذ
تكلمت بخوف:وش قلت له؟
شريف:أنا قول بابا مو فيه مسافر هذا نفر مافي كويس
ارتاحت شوي:راح؟
شريف:ايوه ماما هو عصب كثير ويضرب سياره مسكين ويروح>>ههه والله انت المسكين
ابتسمت حست انه جبل وانزاح:طيب شريف خلك قريب يمكن يتعب فواز ونضطر نوديه المستشفى
بعدها حطت ميزان الحراره بفمه وانصدمت انها مره مرتفعه غيرت الكماده ونادت شريف
وخلته يطلب تكسي
لان ارتفاعها مايطمن وهو ماخذ الدواء من فتره قصيره
وصل التكسي وفواز كان مره تعبان
ركب شريف قدام ورؤى ركبت ورى وكان راس فواز على رجولها
كان راسه حار وطول الطريق كانت تدعي ان الله يشفيه تحس بالذنب وانها مسؤله عن مرضه مع ان مالها أي دخل
وصلوا المستشفى وجابوا النقاله
ودخلوا فواز العنايه
طلع الدكتور وراحت رؤى تركض
رؤى:تكفى دكتور طمني على فواز
الدكتور :انتي زوجته؟
رؤى بخجل:لا انا قريبته
الدكتور :انتي اعطيتيه اية ادويه
رؤى:ايه وقالت للدكتور عن الادويه
الدكتور:ماشاء الله انتي صغيره بالسن كيف عرفتي الادويه مره ساعدته لو ستر رب العباد كان تصعبت حالته اكثر
رؤى:طيب كيفه الحين؟وش معه بالضبط؟
الدكتور:الحمد لله بس لمن تنزل حرارته بنزله الغرفه عنده جرثومه بالرئه بس مع الادويه توقف نشاطها والوضع بسيط ومقدور عليه وماعليه شر ان شاء الله
رؤى:شكرا دكتور
الدكتور:العفو دكتورتنا
شريف:الحمد لله ماما ان شاء الله بابا فواز يصير كويس
رؤى:الحمد لله
انتظرت رؤى لمن نزلوا فواز للجناح ودخلت وهو كان نايم حطت باقه ورد بيضاء


وكتب الحمد لله على سلامتك وماتشوف شر رؤى
ولمن جت الساعه 8ونص الصباح صحى فواز
قام شريف:بابا انت كويس
فواز:وين انا؟
شريف :بابا انتا امس كتير تعبان وانا وماما رؤى جيب انتا مستشفى بالليل
فواز:وين رؤى؟
شريف :هي أول موجوده ولمن انتا انزل جناح حطت ورد وروح
فواز ناظر بالورده وابتسم واخذ الكرت وقراه وقال بخاطره
:الحمد لله ربي ارسلي رؤى ولا مادري وش كان صار فيني ولا من كان درى اني تعبان
وعنى فيني مادري شلون اجازيها وهي من عرفتها وانا اسمع اخبار حلوه
بس وين راحت وليش جت للمزرعه اكيد كانت تبي شي
جاء الدكتور:الحمد لله على سلامتك يافواز
فواز:الله يسلمك دكتور
الدكتور:الحمد لله كنت بتدخل في مضاعفات صحيه لولا ستر الله والادويه اللي اخذتها
انت عندك جرثومه في الجهاز التنفسي بس مع بداية نشاطها اخذت الادويه وقدرت تخليها تخمل
واحنا بدورنا بنزيلها باذن الله بس انت لازم تستمر على المضاد لمده اسبوع وترجع لي ضروري بكره
حتى ماترجع نفس الحاله معك وانت تقدر تطلع الحين واي ارتفاع في درجه حرارتك راجعني على طول
وسلم على قريبتك احساسي ان لها بالطب مستقبل عظيم
فواز:قريبتي
الدكتور :ايه سالتها من تكون قالت قريبته
فواز ابتسم :قال ان شاء الله شكرا دكتور الله يعطيك العافيه
الدكتور:ولو هذا الواجب عن اذنك
فواز راح للصيدليه وصرف الادويه وراح للبيت
دخل فواز وكله تعب
وشافته الخدامه وقامت تصارخ: ماما دلال ماما دلال فواز هنا
جت فيء:فواز وينك امي تسال عنك وخايفه مره
فواز:قولي لها انا تعبان وبطلع غرفتي
فيء:ان شاء الله
راح لغرفته وتمدد على سريره وكان يكح حتى حس ان حنجرته انجرحت
جت دلال:يمه في وين فواز
فيء:ماما فواز طلع فوق ويقول انه تعبان يبي يرتاح ودخل ووجهه مره شاحب ومعه كيسة دواء
دلال:دواء انا بطلع اشوفه
طقت دلال الباب:فواز افتح انا عمتك
فواز قام وهو بثقل يمشي فتح الباب:اهلين عمه
دلال:شفيك ليه مارحت الشركه؟
فواز:تعبت امس ونمت بالمستشفى والحين انا احسن بس لاحد يصحيني الا العصر
دلال:المستشفى طيب ماتبي تغدا
فواز:لا شكرا ماني مشتهي بس قوموني العصر للصلاه
دلال:خير ان شاء الله
فواز رجع لفراشه وتذكر رؤى وكيف بيرد لها اللي سوت
نام فواز وصار وقت صلاة العصر
جت فيء :فواز تقول ماما اصحى لصلاة العصر
فواز:طيب صحيت
كانت في رايحه قال فواز:فيونه
فيء:نعم
فواز:روحي خليهم يسون لي كوب عصير برتقال ويحطون عليه ليمون
فيء:طيب
فواز اخذ شور وغير ملابسه وراح للمسجد وهو بطريق الرجعه شاف جارهم ابو طلال
ابو طلال:هلا بفواز
فواز:هلا عمي شخبارك؟
ابو طلال:بخير الله يسلمك بس فقدتك امس بالمسجد عسى ماشر
فواز:الشر مايجيك ان شاء الله بس كنت مريض
ابوطلال:افا يبه سلامتك ان شاء الله اجر وعافيه
فواز:الله يسلمك انت بشرني عن صحتك؟
ابو طلال:الحمد لله ياولدي بس تعرف الكبر مايرحم
فواز:أي كبر ماشاء الله انت باقي بعز شبابك
ابو طلال ضحك وقال:أي شباب وانا عمك تعال الغداء وتراي ملزم
فواز:الله يخليك يارب وباذن الله نتغدا مع الوالد جميع لمن يرجع بالسلامه
ابو طلال:ماشاء الله راجع ابو عبدالله ياني ولهت على قعداته الله يبلغك فرحتك يبه
فواز:تسلم تامر شي
ابو طلال:مايامر عليك ظالم سلامتك انتبه على نفسك وانا عمك
فواز:ان شاء الله
رجع فواز البيت وشافته ساره :فواز
فواز:نعم ساره
ساره:الحمد لله على سلامتك
فواز:الله يسلمك عن اذنك بروح ارتاح
ساره:ماتبي تتغدا؟
فواز:لا شكرا ماني مشتهي
راح للصاله بجناحه وجلس عالكنبه وشغل التليفزيزن
وجلس على قناة فواصل
وجت قصيده قرم وفقير حامد زيد
أعشقه لكـن بـعـد ماتـقـهـره
ابتسـم لـه بـس لاشفتـه كسيـر
حـن لكـن حـن لاجبـت اخبـره
حـب لكـن خـل حبـك بالأخيـر

لو عطيته وجهك أعطـاك اظهـره
صد عنه ويتبعـك مثـل الضريـر
لاتـحـاول تكسـبـه ماتخـسـره
صير ثلج يصير لك مثـل السعيـر

ماتميـل الا الغـصـون المثـمـره
ومايسيل من الجـروح الا الغزيـر
من قبـل لاتنقهـر مـنـه أقهـره
قبـل لايستحقـرك خلـك حقـيـر

أسكنه حرك جموده بـعـثـره
اعشق،أكره،عاتب،أشره،حن،غيـر
أنثـره ،لملمـه ، لملمـه ، أنثـره
صد ،يـاخي، طير لـو تقـدر تطيـر

واندق الباب
فواز:مين ؟
فيء:امي ارسلت لك الغداء والعصير
فتح فواز الباب نزلت الخدامه الصينيه
فواز:لحظه تعالي شيليها ماابي اكل بس حطي العصير
فيء:ليه ماتاكل شلون بتشرب الدواء
فواز سرح وتذكر رؤى وهي تقول مو لازم تشتهي اهم شي تاكل
فواز بابتسامه:خلاص رجعي الصينيه
فيء:الحين صدقت انك مريض اول شي تقول مابي بعدين تضحك وتقول خلاص خليه
فواز ضحك من كلامها واسلوبها
فيء:فواز اقولك سر
فواز:قولي وبصير كول وماراح اقول لاحد
فيء:ساره اللي مرسله الاكل وانت لمن تذكرت انها موجوده قلت خلوا الصينيه
فواز:من قال انا تذكرت حبيبتي انها قالت لازم تاكل
فيء:حبيبتك وين هي ليكون سارونه
فواز:لامو سارونه وانا بقولك سر بس ماتقولين
فيء:وشو ؟
فواز:انا احب وحده واموت عليها بس ياخساره انتي ماتعرفينها هي حلوه
وبس تعرفينها بتحبينها
فيء:ليه انت بتجيبها البيت
فواز:اكيد لاني بتزوجها
فيء:الله وناسه ودي يصير عرس بس انا اول المعزومين
فواز:افا انتي اللي بتخطبينها لي كم عندي فيونه
فيء:يالله باي
فواز كان عارف انها بتوصل الكلام لساره ةعلشان كذا قال لفي هالكلام
جت فيء تركض:ساره بشاره وابي عليها 100 ريال
ساره بلهفه :وشو؟
في:فواز بيتزوج؟
ساره:وشو من سعيده الحظ؟
في :مادري يقول اني مااعرفها بس هي حلوه مره
ساره بعصبيه:في انتي صادقه؟
في :والله العظيم هو قالي كذا
ساره:عيدي من البدايه وش صار
في قالت لساره عن اللي قاله فواز بالحرف
ساره بصدمه:في هاذي بشاره انقلعي برا بسرعه
في:مالي دخل ابي 100
ساره :في اطلعي
طلعت في وسكرت ساره على نفسها الباب وكانت مره مصدومه من الكلام اللي قاله فواز
دقت على صديقتها نوره
ساره:نوير لحقيني
نوره:خير وش فيك؟
ساره:فواز..فواز يانوره
نوره:اهدي وقولي وش صاير؟
ساره قالت لنوره عن السالفه كلها
نوره وهي تضحك:يالمهبوله هو بس قال كذا يبي يختبر مشاعرك
ساره:لا احس انه صادق
نوره:لو كان صادق ماكان قال لفيء شغلي مخك شوي
هو عرف ان فيء بتقولك وماراح تخبي عنك
ساره:تهقين؟
نوره:وشو اهقى الا اكيد فواز يحصله سارونه ويطالع غيرها
ساره:واو نوير ريحتيني كنت بستخف
نوره:الله يشفيكم يالبنات انا اقول بلا حب بلاوجع قلب
ساره:انتي ماحسيتي بالحب ولاماكان قلتي كذا
نوره:لا مابي احب ولاانحب ابي اعيش حياتي على كيفي
ساره:اوكيه نتقابل بكره ترى انا بلبس الجكت الجنز البسي تبعك
نوره:اوكيه ..تشاو
ساره:تشاو
ساره في خاطرها والله صادقه نوره ليه عصبت بس ماتوقعت انه يحاول يحرني
بس ماحد راح ياخذك مني صدقني
انتهى البارت

تحيات (تفداك عيوني

البارت الرابعفي بيت ابو خالد
رؤى:عمي الله يخليك كلم خالي يرجع فجر وخالد
ابو خالد:رؤى روحي من وجهي تراي موب فاضي بعدين خليهم احسن صار البيت رايق
بدون صراخهم وخناقهم
رؤى ودموعها في عينها:انت ابو فيه ابو يكره عياله ومايبي قربهم غيرك
ابو خالد وهو نص واعي مسك رؤى مع شعرها وعطها كف:ماباقي الا انتي تعطيني درس بالابوه
يابنت الشارع انا اللي ربيتك وهذا الجزا اعمل الخير وقطه بحر
رؤى ودموعها على خدها:شوراع الله يسامحك ياعمي واخذت عبايتها وطرحتها وطلعت راحت لاخت ام خالد حصه
كانت طالعه من البيت تبكي وزعلانه على فرقا اخوانها وزعلانه اكثر على كلام ابو خالد اللي جرحها
(بيت معاذ بنفس حارة بيت ابو خالد)
شاف معاذ رؤى وهي طالعه من البيت قرب السياره لمن وقفت جنبها :رؤى وين رايحه؟
رؤى :بيت خالتي حصه
معاذ:وين كنتي امس؟
رؤى:كنت بالبيت تعبانه أي اساله ثانيه
معاذ وهو ينزل من السياره : تعالي بوصلك؟
رؤى وهي تمشي عنه :لا شكرا مايحتاج انا اوصل روحي والبيت موبعيد
معاذ مسك يد رؤى بقوه وتكلم من بين اسنانه :انا لمن اقول اوصلك تقولين حاضر مفهوم
رؤى كانت تتالم خلقه من ضرب ابو خالد ومسكته لها زادت ألمها وماقدرت الا ونزلت دموعها:حــ ــاضــ ــر
معاذ وهو يسحبها للسياره :ايه خليك كذا
ركبت رؤى بالمرتبه الثانيه من السياره
معاذ:ليه ركبتي ورى؟
رؤى:وين تبيني اركب يعني؟
معاذ بنظره ساخره:معي قدام
رؤى:وبأي صفه تبي أركب معاك قدام
معاذ:خطيبتي وزوجتي مستقبلاً و انا قد كلمت ابوك ووافق لاتخافين
رؤى بصدمه(مصدق عمره هذا):وشو تقول (وباستهزاء) خطيبي؟
معاذ بعصبيه مكتومه:ليكون موعاجبك ست رؤى يحصلك معاذ كنق زمانه؟
رؤى حاولت تفتح الباب وتنزل من السياره
معاذ ضحك ضحكه خرعت رؤى وقال بروقان :الباب مقفول وماينفتح الا اذا أنا فتحته يعني لمن ابي أنا
رؤى بصوت مبحوح:معاذ تكفى الله يخليك اللي فيني كافيني خلني أنزل؟
معاذ:وشو اللي فيك كل شي بيصير احسن لمن نتزوج
رؤى بعصبيه :نتزوج من قال انا مو موافقه عليك
معاذ عصب ووقف السياره على جنب ونزل وفتح باب رؤى وسحبها من السياره
معاذ:انتي وقحه ويبغالك تربيه
رؤى وهي تبكي:بتضرب اضرب وزواج ماراح اتزوجك لو اموت احسن
معاذ جن جنونه من كلامها وضربها لمن برد حرته فيها
رؤى وهي ماهي حاسه أي مكان يعورها لان كل جسمها فيه ضربات وكدمات بس ضلت ساكته بدون أي همس
معاذ:هاذي المره كذا المره الجايه بذبحك وانا زوجك غصبا عنك وأانا مسافر وبس أرجع بنتزوج فاهمه
ولاتفرحين لان كلها اسبوع وراجع
وداها بيت خالتها حصه
(حصه عمرها 33سنه عندها محمد11سنه وَهند 8سنوات وَسعد سنه ونص زوجها مسافر صاره له سنه في شغل ويجيهم في الاجازات بس بس هالاسبوع راجع)
مشت رؤى للباب وهي ماهي قادره تسند نفسها من الضرب اللي ضربها معاذ وابوها
دقت الباب وفتحت حصه رؤى بس شافت حصه طاحت
حصه بخوف وهي تمسكها :رؤى ..رؤى
سندتها ووصلتهاا للصاله وغسلت وجهها رؤى صحت واول ماشافت حصه قامت تبكي
حصه ضمتها وحاولت تهديها وبعد وقت هدت
حصه وهي ودها تبكي على منظر رؤى بس ماتبي تزيد عليها :رؤى من سوى فيك كذا؟
رؤى بملامح جامده وبروود:معاذ وابوي
حصه: من معاذ ليكون ولد ام سامي بس ليه وش له علاقه فيك يمد يده ؟
رؤى:معاذ هو رئيس الاولاد بحينا واهلهم معطينه الصلاحيه يسوي أي شي يبيه
لان يوفر لهم فلوس
حصه بحزن :لاحول ولاقوة الا بالله وابو خالد مامنعه
رؤى بحسره:ابوي ابوي من بدء بالضرب(وبغصه) وقال اني بنت شوراع
حصه:حسبي الله عليه الظالم يمه رؤى لايهمك بس وين اخوانك؟
رؤى:اخواني اخذهم خالي سعد
حصه:سعد
رؤى:ايه لانه خايف عليهم من ابوي لانه بس يسكر ويضربهم ويخليهم يشربون معه
حصه والعبره خانقتها:لاحول ولاقوة الابالله العلي العظيم وانتي يمه ساكته على كل هذا
رؤى:وازيد من الشعر بيت وهو يجيب اصحابه ويسكرون بالبيت وكم مره صديقه حاول يهجم علي وعلى اخواني بس كنت اسكر عليهم الباب واهرب
حصه:تهربين ليه؟
رؤى:لاني لو جلست بيقعد يضرب الباب ويخرعهم وهو يبيني انا كنت اخاف عليهم
حصه:استغفر الله وضمت رؤى وقالت:ياقلب خالتك انتي وشايله وساكته الله يرحمك يام خالد ماكنتي ترضين عليها من الهواء الطاير والحين بعد عينك يصير لها كل هذا انتي يمه نامي عندي هالاسبوع وبعدين تنحل
رؤى بس سمعت كلامها صاحت من قلب في حضن حصه بس حاولت تقوي نفسها وسالتها :زوجك متى جاي؟(كانت عارفه ان زوجها عصبي وماراح يرضى انها تعيش معهم)
حصه بارتباك:بعد اسبوع ان شاء الله
رؤى(هههه حظي المقرود متى قد تعدل)بس ابتسمت لحصه حتى تخفي اللي بداخلها واللي تفكر فيه
نامت رؤى ذاك اليوم عند حصه وصحت وهي مره تعبانه ورجلها ورمانه وخدها وعظامها تحسهم مكسرين
لمن طلعت من غرفتها لقت خالتها للحين نايمه غسلت وجهها وحضرت الفطور
بعد نص ساعه
حصه:صباح الخير ياوجه الخير
طالعت حصه السفره لقت رؤى محضره كل شي
رؤى:صباح النور والسرور والورد والفل اكمل ولاخلاص؟
حصه: ههههههه لاقلبو ماني قد الكلام الحلو بس يمه رؤى ليه تعبين نفسك ؟
رؤى:ولو تعبك راحه واحبك مهما تتعبني....... شف الغلا كيف سوى من التعب راحه
حصه ضحكت وقالت:يوه يوه انا مقدر عالكلام الحلو
رؤى بابتسامه :الحلو للحلوين
حصه:رؤى خدك ورمان مره تبين اوديك الطبيب
رؤى:لا مايحتاج الحين اصير احسن
رؤى كانت قايمه تجيب كوب بس صرخت من الالم في جنبها
حصه :رؤى وش فيك رفعت بلوزتها وانصدمت من اللي بجنبها
كانت ضربه كبيره وصاير لونها عالبنفسجي
حصه:رؤى وشو هذا
رؤى:مافيني شي
حصه بعصبيه :رؤى امشي بوديك الطبيب
رؤى:خالتي بروح احط كماده وبصيراحسن
حصه:وش هالوحشيه ليه هذا كله رؤى من سوا كذا ليكون معاذ
رؤى ودمعتها في عينها حركت راسها بالايجاب
حصه:اللي مايخاف ربه وش شايف نفسه ذا لازم نشتكي عليه شاف ماعندك احد قام
يطلع مراجله عليك
رؤى:خالتي
حصه :نعم
رؤى:انا خايفه يقول انه خطبني من عمي وانه لمن يرجع من السفر بيتزوجني وانا لمن قلت لا ضربني
حصه:لا هذا ماينسكت عنه الحين البسي عبايتك وامشي معي
رؤى بضغط من حصه لبست عبايتها وراحت المستشفى
انصدم الدكتور من اللي يشوفه بجسم رؤى وكان نفس الدكتور اللي عالج فواز
الدكتور:يابنتي مين اللي سوا فيك كذا ؟
رؤى ماردت على الدكتور بس حصه قالت له السالفه
الدكتور :حسبي الله ونعم الوكيل كان مبين عليه ولد ناس ويحبك
رؤى :لا يادكتور مو فواز
الدكتور:طيب فواز وينه عنك؟
رؤى:انا قريبته من بعيد
الدكتور:لازم نسوي محضر هذا شي ماينسكت عليه
سوا الدكتور محضر واعطى رؤى مغذي وخلاها تحت الملاحظه لمن الساعه 5العصر
حصه:رؤى من فواز؟
رؤى:سالفه طويله بعدين اقولها لك
في بيت فواز
رجع فواز للبيت بعد دوام الشركه وكانت الساعه3 ونص
تذكر انه اليوم لازم يراجع الدكتور وراح للمستشفى دخل عند الدكتور و بعد ماتطمن عليه الدكتور
كانت الساعه 5 قال:فواز انت لازم تنتبه على قريبتك شكلها يتيمه ومسكينه
فواز باستغراب:قريبتي؟!..
الدكتور:اللي جت معك الفجر للمستشفى
فواز:ليه؟
الدكتور:جت اليوم وكانت حالتها صعبه كانت مضروبه ضرب ماحد يتحمله وخاصه ان جسمها ضعيف ومايتحمل كل هذا
فواز وبصوت حاد وهو يوقف : ايشششش ضرب هي وينها الحين؟
الدكتور:تعال معي اهي تحت الملاحظه بس ان شاء الله نلحق عليها لان الحين وقت خروجها
فواز طلع مستعجل من غرفة الدكتور راحوا الطورائ لقى الدكتور ان رؤى طلعت
الدكتور:للاسف طلعت من 10دقايق مالحقنا عليها
فواز:دكتور عندك عنوانها اواي شي يدلني على مكانها
الدكتور:لحظه براجع ملفها (لقى عنوان خالتها حصه) بس فواز هاذي مسؤليه ترى
فواز:شكرا دكتور بس مين اللي ضربها ابوها
الدكتور:لا خطيبها واسمه معاذ
فواز بصدمه :خطيبها شكرا دكتور
راح فواز عالعنوان اللي اخذه من المستشفى وكله امل ان رؤى توافق تروح معه للبيت


ركب سيارته وتوجه للمكان اللي بالورقه معه ولمن وصل
فواز وهو يتامل الحاره ببيوتها البسيطه :اخيرا لقيت العنوان معقوله رؤى تعيش هنا
نزل من السيار ودق الجرس
حصه من الانترفون:مين؟
فواز:انا فواز من المستشفى بغيت رؤى لو سمحتي(كان يضحك على نفسه لانه ماعرف يكذب شلون مستشفى يجي للبيت خخخخخخ)
.(لانه أكيد مو معقول شاب يطلب بنت بهالسهوله وماله فيها علاقه فاضطر يكذب)
حصه عرفت انه فواز اللي قالت لها رؤى عنه وعرفت ليه كذب بعد :رؤى طيب لحظه.....رؤى .رؤى
رؤى:نعم ياخاله بغيتي شي
حصه:فواز عند الباب
رؤى بدهشه:فواز ... شلون عرف مكاني
حصه :مادري بس كلميه من الجرس تعب ينتظر مسكين
رؤى رفعت سماعة الجرس:فواز
فواز:اهلين رؤى
رؤى :ادخل المجلس حياك
اسلت رؤى خالد يفتح الباب
حصه:دخلتيه
رؤى وهي تمشي صوب المقلط :ليت كل الناس مثله
حصه:رؤى انا بجيب العصير اعطيه خالد يوديه واجي بقعد معك بالمقلط
رؤى وهي تلف شيلتها للاحتياط :اوكيه
رؤى طلعت صوت وقالت:اهلين فواز شخبارك ان شاء الله الحين احسن
فواز:انا الحمد لله انتي شخبارك؟
رؤى :بخير الحمد لله
فواز:رؤى انتي اكيد طيبه؟
رؤى :ايه
فواز: طيب ليه كنتي بالمستشفى ؟
رؤى بدهشه :شلون دريت؟
فواز:رؤى مو مهم شلون المهم اوعدك اخذ حقك من هالخسيس اللي يسترجل على حريم
رؤى بانكسار عذب فواز:فواز ماحد يقدر عليه
فواز:رؤى مابغاك تياسين ومافيه احد قوي بالهدنيا القوي رب العباد
رؤى:ونعم بالله
فواز:رؤى
رؤى:نعم
فواز:بطلبك طلب وخايفه ترديني
رؤى:افا وربي لسوي اللي تبي عمي
فواز ضحك:رؤى انا قلت عمي هاذي مابيها احس نفسي شايب
رؤى بضحكه:اسفه بس انت وش بغيت واذا قدرت والله مابقصر
فواز:اكيد انتي محروجه من زوج خالتك واكيد بعد اللي صار ماراح ترجعين بيتكم
رؤى: ................
فواز كمل لمن لاحظ سكوتها :وحبيت تجين معي بيتنا مع اهلي كوضع مؤقت والله لحطك بعيوني واوعدك محد يضايقك واذا بتقولين كرامتي ماتسمح لي
انتي بتشتغلين معي وبرسل لك شغلك بالبيت وبتسكنين بجناح خاص فيك يعني كل شي متيسر بس انتي فكري
رؤى انصدمت من كلام فواز:فواز انت مستوعب اللي تقول انا بأي صفه أجي معك البيت واسكن عندكم ماهي حلوه بحقي غريبه يافواز مافكرت بهالناحيه
فواز بسرعه :الا فكرت بقول انك اخت صديقي وانه صار له حادث وسافر للعلاج ومالك احد هنا وماتقدرين تسافرين معه وش رايك؟
رؤى:فواز انت صدمتني ماني عارفه اتكلم احسها صعبه وبقوووه
فواز:رؤى تكفين اوعدك اذا علي معد ادخل البيت واوعدك ادور لاهلك بتحاليل d.n.a
رؤى بنبره غير:اهلي معقوله في امل القاهم
فواز:رؤى ليه تقولين كذا اكيد فيه امل ان شاء الله بس انتي وافقي وان شاء الله لاأوصلك لأهلك وتكونين في هذا اليوم من السنه الجايه معهم وش قلتي؟؟؟
رؤى طالعت بحصه اللي كانت قاعده معها بالمقلط وكانت تسمع حديثهم كله
حصه:اللي تشوفينه مناسب سويه واذا بغيتي نصيحتي روحي شكله ولد حلال وبيساعدك واذا مارتحتي ارجعي عندي ووقتها نفكر بحل
رؤى:فواز
فواز :نعم
رؤى:خلاص انا بجي معك بس مو اليوم بعد يومين لمن تقول لاهلك تهيئهم مايصير كذا
فواز:خلاص انا بقول لاهلي ويوم الاربعاء الساعه 4العصر بجي مع الخدامه وبنت عمتي فيونه ناخذك
رؤى:فواز ماني عارفه شلون اشكرك انك بتساعدني الاقي اهلي
فواز:رؤى عيب هالكلام انا ظهرك بالهدنيا ومن اليوم ورايح مافيه خوف اتفقنا
رؤى بفرح:اتفقنا
فواز وهو يوقف :انا اترخص مع السلامه
رؤى:تعش معنا
فواز:مشكوره بس وراي شغل
رؤى:الله يحفظك
راح فواز ورؤى مستغربه شلون وافقت قبل لاتفكر ماهو طبعها تقول كلمه الا فكرت فيها من كل النواحي
حصه قطعت عليها تفكيره وبابتسامه اغمزت لرؤى:رؤى ليكون يحبك
رؤى وردت:أي يحبني مالقى الا انا وش شاف فيني هذا كله رحمة منه لانه طيب وحنون ولا هالشي مستحيل
حصه:يمكن ايه ويمكن لا بس الايام بتثبت
رؤى في بالهاكانت تضحك على كلام حصه انه يحبها وهي مافيها شي ينحب لااهل ولامال ولاكشخه
كانت تفكر بان قلبه كبير ويحن عالكل واكثر شي خلاها توافق انها بتشتغل يعني راح يكون لوجودها فايده شوي
دلال:والله يحليه مخلي كرته مع العصير
رؤى كانت سرحانه ماردت عليها
رجع فواز البيت دخل الصاله لقى عمته وفي وضي جالسين عالتلفزيون
فواز:مساء الخير عميمه
دلال باستغراب:مساء النور اشوفك احسن الحمد لله
فواز:لا الحمد لله رحت للدكتور ويقول اني تمام ولله الفضل والمنه
دلال:الحمد لله
فوا بتردد:اقول عمتي فضي الجناح اللي انا قاعد فيه وحطيني بجناح الضيوف حق الرجال اللي تحت
دلال:ليه؟
فواز:جاينا ضيفه بعد يومين وبيكون احراج لي ولكم
دلال بإستغراب:وشو ضيفه ؟
فواز:ايه ضيفه هذا صديق لي غالي علي صار له حادث امس ولازم يسافر برا للعلاج وماعنده احد الا اخته
وحرام مسكينه قلت له خلها تجي عندنا وعند عمتي لمن يرجع بالسلامه لانه صعب تسافر معه لانه على حساب الدوله طبعا الرجال ماعنده خيار ثاني مايصير يخلي اخته بالحالها بيتهم ووافق
عاد اللي يرضى عليك خلي الخدامه تجهزه بكره اذا رحت للشغل
دلال بنبرة حزن:يامسكين الله يشفيه ويعافيه وهي بعد والله مسكينه هالبنت بس وين امها وابوها
فواز:الله يرحمهم ماتوا بحادث من زمان
دلال :لاحول ولاقوة الابالله مسكينه شكلها شايفه كثير بحياتها
فواز:لاوصيك ياعمه ابغى ارجعها لاخوها وهي مبسوطه من قعدتها عندنا
دلال:ان شاء الله بس امك وابوك اذا جاو تتوقع عادي عندهم؟
فواز:ايه اكيد عادي والصديق ماهو الا وقت الضيق
دلال :أي والله وانا عمتك
فواز:انا طالع اتفرج عالتلفزيون ونام وري بكره شغل يومين
دلال :لا سلامتك
طلع مع الدرج وهو وده يضحك بصوت عالي على نفسه(والله وطلعت اعرف اكذب وحريف بعد خخخخخخخخ)
في لندن بالمستشفى
عبدالله وامه كانوا جالسين وينتظرون ابو عبدالله يصحى من البنج لانه صاره يومين يبنجونه حتى مايحس بالالم
ابوعبدالله فتح عيونه:عبدالله نجلاء
عبدالله نط من الكرسي :يبه الحمد لله على سلامتك
ام عبدالله(نجلاء):طالع من الشر يابو عبدالله
ابو عبدالله بصوت تعبان:الله يسلمكم ..عبدالله
عبدالله:سم يالغالي
ابو عبدالله:ماي وانا ابوك ماي
عبدالله نادى النيرس
النيرس:yes
عبدالله:my father went drink watter can you asked doctoers
>>ابي يريد ان يشرب الماء هل لا تسالين الطبيب؟
النيرسhttp://vb.ta7a.com/images/smilies/redface.gif (http://vb.ta7a.com/)k jaest menet plesse >>>اوكيه دقيه ارجوك
وبعد شوي جت النيرس:it is not problem can you drink >> لاتوجد مشاكل يستطيع الشرب
عبدالله:thank you >>شكرا
عبدالله شرب ابوه الماي
عبدالله:ابشرك يبه الاسبوع الجاي راجعين عالسعوديه ان شاء الله
ابو عبدالله:ان شاء الله وانا ابوك ربي يبلغني ريحة ديرتي
ام عبدالله:انت لازم ترتاح يابو عبدالله وتنام
عبدالله:يالله يبه انت نام وانا وامي بنروح نرتاح ونبدل ملابسنا وبنرجع
ابو عبدالله:روحوا ارتاحوا واذا جاء الليل تعالوا
ام عبدالله:تبي شي نجيبه لك معنا
ابو عبدالله :سلامتكم
في بيت حصه
حصه:رؤى تعالي تعشي
رؤى:لحظه خالتي هند تكتب واجبها نخلصه ونجي
دق جرس الباب ورفعت حصه السماعه :مين؟
رد:انا معاذ وين رؤى؟
حصه :معاذ ولك عين جاي رؤى مو موجوده وهي خلاص مالها رجعه ولاعد تحلم تشوفها
معاذ:راحت اقول بلا غلبت حكي خليها تطلع انا بنتظرها بالسياره
حصه:طاقها وتبيها تروح معك انت ماتخاف ربك تجي هالحزه تطلب رؤى تروح معك بالسياره
معاذ:اذا ماخليتيها تطلع بطلعها بالغصب فاهمه
رؤىجت:خير ياخاله
حصه :معاذ اقصر الشر وروح
رؤى اخذت السماعه من يد حصه:ولك عين جاي وتبيني اروح معك بهالليل ؟
معاذ:رؤى والله اذا ماطلعتي ان تنسين شوفة اخوانك
رؤى بس اسمعت طاري اخوانها انقلب صوتها:اخواني وانت وش لك علاقه فيهم؟
معاذ بخبث لانه عارف انها نقطه ضعف رؤى اخوانها:خالك سعد رجعهم لابوك وانا اخذتهم بيتنا
واحلمي تشوفينهم لو ماجيتي معي الحين.
رؤى:خالد وفجر انت كذاب وش يثبت لي انك ماتكذب؟
معاذ:بدق على بيتنا واحطه مايك وبطلب خالد يكلمني
دق معاذ على بيتهم وردت امه:هلا معاذ وينك ؟
معاذ:يمه وين خالد ابي اكلمه
ام معاذ:لحظه
بعد ثواني
خالد:نعم
معاذ:خالد حبيبي انت تحب رؤى؟
خالد:انا اموت فيها
معاذ:تبي تشوفها؟
خالد:ايه بس هي ماتبي اشوفها للحين ماجت تشوفني
رؤى من سمعت صوت خالد قامت تبكي اشتاقت لحسه هو وفجر كانوا عندها احلى شي بحياتها
معاذ:خلاص سكر الحين..هاه ست رؤى اقتنعتي
رؤى وهي تبكي :الله يخليك لاتسوي فيهم شي
معاذ:اذا ماجيتي اوعدك ينامون اليوم بالمستشفى او تسمعين خبرهم بالجرايد
رؤى وهي منهاره من البكي:الله يخليك لاتسوي فيهم شي انا الحين بجي
معاذ بخاطره (والله جبت راسك يارؤى واخيرابنتزوجك ههههههه)
رؤى طلعت حاولت حصه تمنعها بس ماقدرت خوفها على اخوانها أعمى عيونها عن أي شي ثاني وعن معاذ وعن كل شي
انتهى البارت

ــــــــــــــــــــــــــــــــــــــــــــــــــ ـــــــــــــــــــــــــ(5)
طلعت رؤى لمعاذ
معاذ:ياهلا برؤى
فتح الباب اللي قدام رؤى طالعت فيه بانكسار
معاذ:رؤى اخلصي عطيتك وجه وإلا والله لاخليك تركبين غصب
رؤى اخضعت للامر الواقع وركبت كانت حصه تطالع في رؤى من الشباك وقلبها يتقطع عليها
معاذ:ياهلا برؤى اللي ترفع علي دعوى بالمستشفى لاانتي ولاغيرك كفو تدخلوني السجن
ولو اذبحك واشهر فيك ماحد يتجرا ويفكر يدخلني السجن فاهمه
وقام يضحك ورؤى تبكي بمراره والم وتفكر في حظها اللي رماها على معاذ
اللي مافي قلبه رحمه واذا بغي الشي يجيبه يعني يجيبه لو كان باخر الدنيا
معاذ:شعنده القمر زعلان؟.. ارفعي راسك انتي مع معاذ زوجك ههههههههههههه
رؤى بحده :انا ماني زوجة احد
معاذ مسك يد رؤى بقوه حاولت تفلتها بس ماقدرت
معاذ:افا ليه معصبه احنا خلاص صرنا زوجين سعيدين خخخخخ
رؤى بعصبيه:لاتقول زوجين لان هذا شي مستحيل
معاذ ضحك وطلع ورقه من جيبه
معاذ:هاذي ورقه من المحكمه ماينقصها الا توقيعك شفتي اني اخاف عليك تتعبين جبت لك المحكمه لمن عندك
توقيعي وتوقيع ابوك وشاهدين يعني توقيعك بينهي المساله كنت بوقع عنك تعرفين حتى من القلم ابي اريحك بس لازم أخلي لك شوي قدر وتوقعين بنفسك
رؤى وهي تبكي:معاذ الله يخليك انا ماعمري فكرت اني بصير زوجتك ولاتكون بيوم بحياتي
معاذ والشرار يطلع من عيونه:من هذا اللي بحياتك غيري وتفكرين فيه وعلشانه رافضتني (وبصرخه)تكلمـــي؟
رؤى على بالها بكلامها بتطفي النار ماتدري إنها زادتها :واحد احبه ويحبني الله يخليك خلني اعيش حياتي سعيده اذا كنت جد تحبني
معاذ قام يضحك ضحكه تخرع ويطالع برؤى ومد يده على شيلتها وهي على طول وخرت يده
معاذ:اوله ليه نار انتي عادي حبيبتي
رؤى وهي لاصقه بالباب :انتبه تقرب مني مره ثانيه
معاذ:اموت انا على البراءه طيب على راحتك بس بكره بنروح الصباح للمحكمه ونوثق الورق مفهوم ؟
رؤى عرفت لو ردت عليه وهزئت ماراح يوصلها البيت ويمكن يحبسها بأي مكان واكتفت بالسكوت
معاذ:السكوت علامة الرضى مبروك عليك معاذ ولا انا وش مبروك علي ياحسره اصلا قلبي
مادري وش خلاه يتعلق بوحده مثلك (ولف على دربه وبخاطره الا أنا اللي محظوظ في هالملاك خخخخخخ)
وصلوا لبيت معاذ رؤى على طول نزلت لانها معد تحتمل ينقال لها أي كلمه زياده تحس بتنهار بأي لحظه
وفكرت معقوله ابوها موافق ومعقوله وقع لمعاذ بس فكرت انه صدق حست أطرافها بردت
نزل معاذ من السياره ونبهها من سرحانها وهو يقول :ليه مستعجله اخر مره تنزلين قبلي فاهمه
رؤى كانت ساكته ماحبت تبين له أي شي مشى قبلها ودق الباب فتح اخو معاذ
ودخلت رؤى تدور على خالد وفجر وطنشتهم
خالد:رؤى
رؤى اركضت لعنده وقامت ضمته وجلست تبكي وجت فجر
فجر:رؤى لعد تروحين وتخلينا احنا نزعل اذا انتي مو معنا
رؤى حظنتها وزادت بكى على كلامها
معاذ:انا مااحب الافلام الهنديه هاذي
رؤىماهمتمت لكلامه اخذت فجر وخالد وراحت للصاله
ام معاذ:هلا برؤى
رؤى:هلا خالتي
ام معاذ :والله يامعاذ انت شيخ الشباب مادري وش حدك عليها
معاذ وهو يطالع في رؤى ويبتسم :القلب ومايهوى يمه
ام معاذ:انا بخليها تبات مع الشغاله هي واخوانها
معاذ:افا يمه زرجتي تنام مع الشغاله
ام معاذ:ولايهمك يمه اخليها تنام بغرفة الضيوف
معاذ:يمه مابغى رؤى تروح من قدام عينك ولاتكلم تليفون ولاتبعد وتروح لمكان بروحها
ام معاذ:انت تامر يمه
(بيت معاذ بحي قديم وفقير وبنفس حارة رؤى بس كان بيته افخم بيوت الحاره وكان دور واحد بس واسع وكبير)
بعد وقت دق التليفون
ام معاذ:الو
حصه:الو مساك خير ام معاذ
ام معاذ:هلا مين؟
حصه:انا خالة رؤى اخت ام خالد
ام معاذ:اهلين بحصه من زمان عنك يالقاطعه
حصه:هلا فيك شخبارك وشخبار العيال؟
ام معاذ:بخير ربي يسلمك انتي كيفك وشخبار عيالك؟
حصه:بخير يامال الخير بس بغيت اكلم رؤى نسيت الدواء حقي أي واحد اخذ وبغيت اسالها
ام معاذ:ماتشوفين شر ان شاء الله بس رؤى فوق
حصه:اذا ماعليك كلفه ابغاها تعرفين لازم اخذ دواي
ام معاذ :طيب لحظه
(وبصراخ)رؤى رؤى وصمخ
رؤى:نعم ياخاله
ام معاذ:تعالي كلمي تليفون خالتك حصه
رؤى:خالتي....
واخذت السماعه: هلا والله بخالتي
حصه:اهلين يمه شخبارك؟
رؤى:طيبه انتي كيفك؟
طبعا ام معاذ كانت حاطته مايك علشان تسمع وش بيقولون
حصه كانت تعرف انهم بيراقبون مكالمة رؤى
حصه:يمه رؤى الدواء اللي امس بالعصر عطيتني اياه
لازم اخذه مره ثانيه؟كني اتذكر الدكتور يقول لازم استمر عليه يومين واجيه الساعه 4
رؤى فهمت ان هاذي اشاره من خالتها :خلاص ياخاله عرفته خذيه الساعه 10 ولاتتاخرين عنه
حصه ابتسمت وعرفت ان رؤى فهمت رسالتها:مشكوره يمه ولاتنسين انتبهي على نفسك وعلى اخوانك
رؤى:لاتخافين علي
سكرت رؤى وفهمت قصد خالتها بانها تقصد فواز لمن جاهم ولمن قال انه بيرجع بعد يومين الساعه 4
وفهمت انه بيجي ياخذها الساعه 10
لمن صارت 10 الا ربع
معاذ:رؤى لاتنامين الا لمن ارجع فاهمه>>.عايش الدور مالت عليه
رؤى:ان شاء الله
معاذ:ايه هاذي البنت السنعه اللي ماتعصى زوجها
رؤى:خاله ممكن منشفه اسبح اخواني
ام معاذ:قولي للخدامه تعطيك
رؤى اخذت منشفه وراحت للحمام مع فجر وخالد كان الحمام بالجهه الخلفيه من البيت
طلعت خالد وفجر من الشباك وطلعت وراهم وخلت الدش مفتوح
كان فواز بإنتظارهم برى
رؤى شافت سيارة فواز ركضت وركبت هي وخالد وفجر
فواز مشى بسرعه وبعد ماطلعوا من الحاره
فواز:اهلين برؤى يالله حياها هاه أحد انتبه لك؟
رؤى:لا الحمد لله وشكرا فواز كل يوم تزيد جمايلك علي وماني قادره ارد ولو شي بسيط
فواز:رؤى ان قلتي هالكلام مره ثانيه زعلت اتفقنا
رؤى:بس شلون عرفت خالتي رقمك
فواز:افا وأنا حاط الكرت ليه ؟علشان لو احتجتي لي المهم هي دقت علي و دريت بالسالفه ودبرناها
رؤى وهي تفكر( دايم يافواز انت تساعدني باللحظات الحرجه)
فواز:خالد نط اقعد جنبي
خالد وهو خجلان:عادي
فواز:ايه حبيبي عادي
خالد وهو مبسوط على دعوة فواز له :شكرا لو معاذ كان انا الحين مت
ونط وصار بالمقعد الأمامي جنب فواز
فواز ضحك وداخله الم على كلام خالد شلون ان معاذ متسلط على هالاطفال المساكين ومطيح الخوف بقلوبهم
فواز:رؤى سوى لكم شي معاذ؟؟
رؤى: يبيني اتزوجه غصب ويبي يوديني بكره الصباح للمحكمه نوثق الاوراق
لان الاوراق معه وعليها توقيعه وتوقيع ابوي وشهود بعد
فواز:مسكين مايصير يتوقع أي شي بدون حضور العروس هذا زواج مو لعب
كان يبي يجبرك تروحين معه ويخليك تخضعين للامر الواقع
رؤى:فواز لازم نروح بيت خالي سعد واقوله عن اللي صار لانه ماراح يرضى بفجر وخالد يعيشون معي
في بيتنا مع ابوي
فواز:رؤى انتي نسيتي الكلام اللي قلته لك
رؤى :لا مانسيت بس حسيت اني بكون عاله وثقل عليك وعلى أهلك
فواز:عاله انتي بتشتغلين وانا قلت هالنقطه بالذات انك تشتغلين علشان ماتفكرين هالتفكير
لا وازيدك من الشعر بيت: ابوي وامي واخوي جايين الاسبوع الجاي يعني لازم نجد بشغل المزرعه
رؤى:ان شاء الله الله يبلغك شوفتهم
وصلوا لبيت خالهم سعد نزلت رؤى واخوانها وفواز بقى بعيد من البيت حتى مايسبب مشاكل لرؤى
سعد فتح الباب:خالد فجر انتو وش تسون وانتي ليه جايه
دخلهم للبيت وفهم من رؤى السالفه واستغرب انه كان ظالمها لهدرجه دمعت عينه لمن شاف حالتهم وقال
:رؤى اعتبري هذا بيتك واخوانك حالهم من حال عيالي من اليوم ورايح
رؤى:فجر وخالد على مسؤليتك وأمانه بذمتك لمن أخذهم من عندك انا بروح ادور أهلي وبجي أخذهم و بمر على فجوري وخالد كل ماقدرت واتمنى تسمح لي بعد أزورهم ؟
سعد بكل ندم:لا يابنتي لمن طردتك المره الاولى ماكان قصدي بس الشيطان وسوس لي لاحول ولاقوة الا بالله
رؤى:خالي سعد المرحومه كانت تحبك كثير اتمنى تحافظ على عيالها واول مالقى اهلي راح اجي واخذهم
ضمت فجر وخالد وطلعت بسرعه لانه اكيد معاذ عرف انه هربت وبيجي يدور عليها ببيت خالها
ركبت السياره واهي تبكي وفواز كان ساكت ماقدر يتكلم وكان حاب يخليها تطلع اللي بخاطرها
وهم بالطريق فواز:رؤى خلاص اخوانك بتشوفينهم اوعدك الحين مسحي دموعك الحين بنوصل مابغاهم يشوفونك كذا قالت :طيب امم.
فواز:ادري وش بتقولين ليه نجيهم هالحزه بنقول جينا من المطار كانت رحلة اخوك الحين
رؤى:فواز مادري شلون اشكرك ...
فواز يقاطعها :رؤى ان قلتي كذا مره ثانيه ياويلك
رؤى:حاضر عمي اقصد فواز
ضحك فواز:ايه خلك كذا ولاعد تصيحين
رؤى:بشتاق لهم
فواز:رؤى خلاص قربنا وانتي تيكا ياويلك أحد يدري باللي صار اوكيه قولي لو أحد إسالك جينا من مطار
تيكا:حاضر بابا
رؤى كانت خايفه مووت اهي رايحه مكان جديد وناس جدد ماتدري يتقبلونها او لا كانت افكار كثيره تدور بذهنها بس انتبهت لمن وقفت السياره
وصلوا البيت اللي كان صدمه لرؤى لانها كانها داخله قصر توقعت فواز غني بس مو لهدرجه بوابه كبيره
انفتحت لهم وحديقه كبيره مره غير المكان اللي عاشت فيه كانت تحس انها تحلم وتحس اللي تمر فيه حلم
فواز وهو يفتح لرؤى الباب:تفضلي ولاتخافين خلي الامر ايزي وطبيعي اوكيه؟
رؤى بتوتر:اوك
دخلوا البيت من البوابه الفخمه الرئيسيه للقصر ومشوا لمن وصلوا الصاله الداخليه
فواز:عمتي.. عميمه
دلال:هلا فواز جيت؟
فواز: ايه عمتي توي واصل وهاذي بعد رؤى وصلت
دلال: اهلين يمه رؤى تفضلي البيت بيتك
فواز:طلع لجناحه حتى مايكون احراج لرؤى وحتى تأخذ راحتها
(طبعا عمته رفضت يطلع من جناحه لان امه وابوه اكيد بيزعلون حتى لو قالت لهم انها رغبته فعطت
رؤى غرفة فواز اللي تركها من وصلت عمته بطلب منه لمن رفضت عمته يطلع من جناحه)
دلال:اهلين يمه رؤى شخبارك ؟
رؤى بكل قلق وخوف:الحمد لله خالتي
دلال:الله يرجعه لك سالم غانم يارب
رؤى:امين ياخاله
دلال سولفت مع رؤى شوي دخلت ساره كانت توها راجعه من عند صديقتها
دلال:ساره ليه متاخره
ساره:يوه يمه والله خذتني السوالف
طالعت في رؤى:يوه عندنا ضيوف
دلال:هاذي رؤى اللي قالنا عنها فواز


تغيرت نظرة ساره قالت:ايه اهلين
رؤى:اهلين فيك
دلال: يمه رؤى اكيد تعبانه من طريق المطار وفرقا اخوك تعالي اوديك غرفتك ترتاحين
رؤى:تسلمين خالتي
طلعت رؤى مع المستخدمه ودلتها غرفتها(غرفة فواز سابقا)
فواز لمن صعدت رؤى جاء عند عمته :تكفين اخوها وصاني عليها
دلال:يوه فواز الله يصلحك وش بنسوي فيها بناكلها ولا نضربها
فواز:لا بس مابغاها تحس انها برى بيتها
دلال:ان شاء الله الا اقول وين شناطها
فواز ارتبك:هاه بكره بجيبها ان شاء الله
دلال:كان جبتها اليوم علشان تبدل ملابسها وترتاح الله يصلحك بس لاتنسى تجيبها بكره من الصبح
فواز:ان شاء الله تصبحين على خير
طلع جناحه وكله امل ان رؤى تقدر تنام براحه
رؤى دخلت غرفتها اندهشت بروعه الاثاث واناقته
المستخدمه:ماما هذا غرفه يبغى حاجه
رؤى:لا تسلمين روحي ارتاحي
المستخدمه:شكرا ماما تصبحين على خير
رؤى:وانتي من اهله قعدت رؤى على الكرسي بالغرفه تأملتها شوي وبعدين مسكت ورقه وقلم وهالشيئن مايفارقونها ابدا وكتبت كل اللي بخاطرها
ودمعت عيونها عالورق تذكرت اخوانها وانه يمكن ياذيهم معاذ تذكرت معاذ أكيد بيعصب وماراح يسكت عقب اللي سوته تذكرت كل شي مرت فيه وكنه فلم ينعرض قدامها من يصير لها شي ينعاد هالفلم
بعد وقت حست ان البكى ماراح يفيد بشي وهي لازم تفكر تأمن نفسها موب قاعده عاله عالناس طول عمرها لمن تلاقي أهلها مسكت المصحف تبي ترتاح من الضيقه قرت شوي وقفلته تمددت بتعب عالكنبه
جاء صباح يوم الاربعاء رؤى مانامت الا على وجه الفجر بس صحت بدري
لمن صحت رتبت سريرها وهندمت شكلها وعبايتها واخذت حجابها معها
نزلت مالقت احد الكل نايم احتارت وين تقعد وش تسوي
قعدت بالصاله اللي قعدت فيها أمس وقامت تفكر كعادتها لمن تقعد وحيده
دلال وهي مستغربه قعده رؤى مبكر :رؤى.. صباح الخير
رؤى:اهلين خالتي صباح النور
دلال:غريبه يمه صاحيه بدري ليكون مارتحتي بالنومه
رؤى :لا والله بالعكس بس أنا متعوده اصحى بدري
دلال :ماتدرسين ؟
رؤى:الا بس هالسنه اجلت لأني ماقدرت اكمل والجامعه لازم اشد حيلي فيها علشان انجح والحادث اثر علي ففضلت اأجله (بخاطرها:الله يسامحني ماتعودت اكذب ولاابي يارب ساعدني واغفر لي)
دلال:أي والله ماتنلامين يمه امشي افطري معي انا والبنات بيروحون المدرسه الحين
راحوا يفطرون قعدت رؤى عالطاوله:صباح الخير
ساره+في:صباح النور
فيء طالعت في رؤى:ماما من هاذي
دلال:هاذي اسمها رؤى اخوها سافر يتعالج وبتقعد عندنا لمن يرجع
فيء: اللللله ونااااسه كيفك رؤى؟
رؤى بابتسامه :بخير انتي كيفك وكيف الدراسه؟
فيء:انا بخير بس الدراسه لك عليها
رؤى:افا ليه؟
فيء:والله صعبه المدرسه مادري وش مقعدني فيها للحين؟
دلال :لا والله اجل اقعدي معي بالبيت
فيء:اه ياليت كان نمت للمغرب وسهرت طول الليل
رؤى:بالعكس الدراسه حلوه
ساره بنظرات غريبه:طيب ليه ماتدرسين باقي صغيره ماتوقع حتى للحين دخلتي جامعه؟
رؤى ارتبكت من سوال ساره:انا المفروض سنه ثاني جامعه بس اجلت
ساره:اها يعني اكبر مني بسنتين تقريبا
فيء:طيب علمي ولا ادبي انتي
رؤى:لا دراستي علمي
ساره:علمي مو مبين ابد
دلال عارفه بنتها لسانها متبري منها فحبت تقطع الحوار :ساره تاخرتي عالمدرسه السواق ينتظركم
ساره وهي توقف وتاخذ شنطتها :يالله ماما مع السلامه باي رؤى
رؤى :الله معك
فيء:باي ماما.باي رؤى
رؤى:باي في واذا جيتي بساعدك وانتي تدرسين اوكيه
فيء ضحكت:انا لو تحطين الكتاب بماي وتشربيني ياه ماعرفت
رؤى:خلاص اذا جيتي نشوف
فيء:اوكيه
دلال:يمه رؤى روحي ارتاحي شكلك تعبانه ولا تتقهوين معي بعدين نروح نرتاح
رؤى:اوكيه ماعندي مشكله
دلال:ياحظي جاني ونيس على قهوتي
رؤى ضحكت رجعوا للصاله ومسكت رؤى دلة القهوه بتصب
دلال:ليه يمه تصبين المستخدمه تجي وبتصب ارتاحي؟
رؤى:عادي كله واحد
عدت الفنجان على دلال ونزل فواز
(كانوا قاعدين بصالة التلفزيون كانت صاده عن الدرج وفيها بوابه منها عالصاله الكبيره اللي فيها الدرج)
دلال شافت فواز:فواز
فواز:هلا عمتي
دلال:تعال يمه
رؤى عدلت حجابها ونزلت راسها
فواز:صباح الخير
دلال:اهلين ياصباح النور
رؤى :صباح النور
دلال:لاتنسى الشنطه وكلمت صاحبة الحفلات علشان حفل استقبال اهلك
فواز:الحفل بيكون بالظهر وبالمزرعه
دلال:المزرعه أي مزرعه
فواز ضحك:يوه كشفت المفاجاءه سويت مزرعه قريبه وعدلتها للوالد يوسع خاطره فيها تعرفين قعدة البيت تضيق الخاطر
دلال:ماشاء الله تبارك الله من وراي وانا اقول الولد وين يغط
فواز:تبين تشوفينها ولاترسلينهم لها
دلال:لا أطوف على عمري شوفتها لامعليك بنروح انا وهم مع بعض بكره ولازم تفضى تجي معنا حتى تدلنا
فواز:اوكيه الساعه عشره الصباح انا فاضي
دلال:خلاص بكره ان شاءالله
فواز:توصون شي انا رايح
دلال :سلامتك يمه
تقهوا بعدين طلعت رؤى غرفتها وراحت دلال غرفتها
رؤى نامت لانها مانامت امس زين اندق الباب الساعه 10 ونص
رؤى بما إن نومها مره خفيف والبركه بابوها واصحابه صحت من النوم:مين؟
المسخدمه:انا تيكا ماما
فتحت رؤى الباب:نعم تيكا
تيكا:الحين قهوه ضحى تحت
رؤى:خلاص الحين نازله
نزلت رؤى وقعدت مع دلال وسولفوا شوي جت تيكا:ماما بابا فواز جيب شنطه ماما رؤى
دلال:دخلوها غرفتها
(رؤى استغربت أي شنطه يتكلمون عنها بس سكتت)
دلال:اكيد يمه تبين ترتبين اغراضك
رؤى:هاه ايه صح؟
دلال:خلاص اطلعي رتبيهم وخذي تيكا معك تساعدك
صعدت رؤى غرفتها وكلها استغراب
تيكا:هذا شنطه ماما(وهي تأشر على شنطه كبيره مره على السرير)
رؤى:خلاص تيكا تقدرين تروحين برتبهم بروحي
تيكا:شكرا ماما
فتحت رؤى الشنطه لقت شنطتها الورديه اللي نستها بالمزرعه على طول طلعت الصوره وضمتها
وشافت باقي الاغراض كان فواز مرسل لها ملابس فخمه وعطور وساعه استغربت كيف عرف مقاسها
كل الاغراض روعه ومقاسها مضبوط كانت تقول في بالها
(كثير اللي تسويه لي يافواز اولها سكنتني ببيتك والحين مرسل لي ملابس قلبك كبيير يافواز بس انا ماحب احد يشفق علي) بدت تنزل دموعها بس مسحتهم على طول لانها وعدت نفسها تكون افوى علشان اخوانها
انتبهت رؤى ان فيه علبه متوسطه كانت مغلفه تغليف انيق مررره
فتحتها لقت جوال وكرت كان جوال روعه وناعم وفيه ميداليه عليها حرف R ولو تقلبها تلقى fبس طبعا مو أي احد ينتبه الا اذا دققت فيها
كان مكتوب في الكرت(اتمنى انك مبسوطه من قعدتك عندنا وهذا الجوال هديه بسيطه قدام عمتي وبناتها
والملابس اتمنى اعجبتك وتكون على سايزك بتستغربين شلون عرفت مقاسك بقولك تجرات وفتحت الشنطه وشفت البلوزه اللي راسمه عليها داخل وعلى فكره الرسمه مرره حلوه .. ايه صح من يوم السبت يبدء الشغل ماعندي دلع انا (^_*) ..فواز)
رؤى ابتسمت واحتارت شلون ترد له اللي يسويه لها
دق الجوال بمسج فتحت رؤى المسج
المرسل فواز(نسيت اقولك ان فيه بوك بالكيس هذا راتبك وتعبك معي الايام الماضيه
وفتحت لك حساب بالبنك والبطاقه بعد بالبوك بنزل رواتبك فيها باذن الله فواز)
رؤى احتارت زود ليه فواز طيب لهدرجه وهي ماتستاهل كل هالطيبه معقوله شفقه مستحيل ارضى
انه ينظر لي بمنظار الشفقه لاني شلت كل شي شلت همي وهم اهلي واخواني وكنت قويه طول حياتي مابي احد يشفق علي قررت ترد
وردت عالمسج(شكرا الله يعطيك العافيه ماكان لازم تعب نفسك والفلوس بعطيها الخدامه
لانها فوق راتبي راتبي راح في الملابس واتمنى ترسل لي الملفات بسرعه رؤى)
في مكتب فواز
كان فواز باجتماع وبعد ماخلص الاجتماع اخذ يقلب باوراق الصفقه المعروضه عليه
صفقه ماتتطوف لانها ان انجحت ارفعت مستوى المؤسسه وخلتها على مستوى المملكه
بس فيها مخاطره جلس عالمكتب وكان يبي يدق على محامي الشركه يتاكد من امر هالصفقه
لقى مسجين
الاول كان من عبدالله (رحلتنا بعد يومين لاتنسى المفاطيح)
ضحك فواز حتى وانت بلندن ماتتوب عن شطانتك
الثاني من رؤى قرا المسج واستغرب من ردت فعلها توقع تنبسط بالفلوس عرف في هذيك
اللحظه انها عزيزه نفس بقوه و تظن انه شفقان عليها
فواز بخاطره(غلطت يارؤى بحقك يارب تسامحيني ماكان لازم ارسل الفلوس (
قطع عليه الباب
فواز:تفضل
السكرتير:استاذ فواز واحد يبيك برا يقول انه باحث
فواز:باحث.. ايه خله يتفضل
دخل جابر (جابر باحث بشوون الاطفال المفقودين وله محاولات ناجحه في اعاده
الاطفال الى اهلهم و فواز طالبه علشان يساعدهم ويلقى اهل رؤى زي ماوعدها )
فواز:اهلين استاذ جابر تفضل
جابر:اهلين فيك استاذ فواز
فواز:سوري استاذ كان ودي اجيك بس ظروف شغلي ماتسمح لي بزيارتك اتمنى ماتعبتك معي
جابر:ولو استاذ فواز هذا واجبنا والاهم عندنا الطفل
فواز:استاذ جابر انا ناديتك بخصوص رؤى رؤى هاذي بنت عمرها18 الى 19 سنه
كانت عايشه عند ناس وماتت اللي ربتها وتعرفت انا عليها وهي عندي بالبيت لمن سالتها عن
قصتها قالت لي ان الشرطه لقتها على رصيف في شارع بالبر وعمرها تقريبا 4سنين وكانت مضروبه ضرب مبرح
ودخلت المستشفى وجلست سنه ونص في غيبوبه وصحت وهي فاقده ذاكرتها شبه كلي كانت تتذكر اسمها وبس
اهتمت فيها ممرضه من المستشفى واخذتها بيتها وماتت قبل مده
حاولوا يلقون اهلها بس البنت ماساعدتهم والظاهر انها انرمت في مكان بعيد عن مكان سكن اهلها
فياليت تساعدني نلقى اهل رؤى الحقيقين
جابر بعد فتره صمت :القصه قديمه يعني المشكله شوي معقده لانها من زمن طويل
فواز:انا مستعد ادفع أي مبلغ اهم شي تلقى اهل رؤى
جابر:السالفه مو سالفة فلوس السالفه سالفة وقت
يبي لنا مده بس انا ابغى اقابلها ولازم نعرف فصيلة الدم ويجرى لها فحص d.n.aحتى يساعدنا في ان حنا
نلقى اهلها
بس هل تذكرت شي خلال الفتره اللي راحت
فواز:لا وحتمال ماترجع لها الذاكره الا بعد سن الاربعين
جابر:لاحول ولاقوة الا بالله خلاص اخوي فواز
نتقابل بعد يومين وياليت تجيب معك رؤى ونتائج الفحوصات حتى ابدا بعمليه البحث
فواز:ان شاء الله بجيك للمكتب بس بعد يومين اهلي جاين من لندن ياليت بكره
جابر:اوكيه مافيه مشكله بس تجي الظهر وياليت تلحق على المستشفى حتى تكون النتايج بكره جاهزه
فواز:شكرا استاذ جابر تعبتك معي
جابر:لا هذا الواجب استناكم بكره الساعه 1الظهر
فواز:ان شاء الله شكرا مره ثانيه
طلع جابر وفواز اخذ الجوال دق على رؤى
رؤى طالعت بالشاشه: غريبه ليه متصل
رؤى:الو
فواز سمع صوتها سكت كان متغير بالتليفون ومره يريح :رؤى
رؤى:سم
فواز:اجهزي بسرعه عندنا مشوار لاتطولين
رؤى:وين؟
فواز:اقولك بالطريق مايمدي الحين
رؤى:اوكيه
رؤى لبست عبايتها ونزلت لدلال:خالتي فواز يقول فيه مشوار ضروري لازم اروحه الحين عادي اخذ الشغاله
دلال:عادي بس لاتطولون
رؤى:ان شاء الله وباست راس دلال
دلال بتفكير الله يحفظك يارب عمر وحده من بناتي ماباست راسي قبل لاتطلع وانتي يالغريبه بستيه الله
يحفظك ويستر عليك
رؤى:تيكا تعالي معي
تيكا:حاضر ماما
طلعت رؤى لقت فواز ينتظرها ركبت هي وتيكا:السلام عليكم
فواز:اهلين وعليكم السلام
مشى فواز ورؤى كانت ساكته من ركبت عرف انها تنتظره يقولها لوين رايحين؟
فواز:رؤى
رؤى:لبـ....ااا
ارتبكت رؤى وكملت و قالت:هلا
فواز بابتسامه يالحياء اللي في هالبنت:احنا رايحين للمستشفى بنسوي لك فحوصات
رؤى:فحوصات بس انا مافيني شي
فواز:مو انا وعدتك تلاقين اهلك هذا انا وفيت بوعدي
رؤى سكتت
فواز كان يبي هي تسال بس لمن فقد الامل تسال:لازم تسوين تحليل دم وd.n.a علشان يتعرفون على اهلك منها اذا تطابقت
رؤى:يعني احتمال اشوفهم
فواز تقطع قلبه عليها حس انها تايه بعالم واسع ومايرحم تحس بالتيه والضايع وقال بحنيه:ان شاء الله
ويالله صلنا وان شاء الله مانكون تاخرنا
نزلت رؤى ومعها تيكا اخذت رؤى الفحوصات الازمه وسحبوا منها دم
ولمن طلعت كانت دايخه حيل كان فواز يستناها في اخر الممر
الممرضه:لو سمحتي انتظر هنا شوي
رؤى:لامايحتاج امشي تيكا تاخرنا على خالتي دلال
طلعت رؤى وكان فواز جاي عندهم بس رؤى داخت وطاحت

ــــــــــــــــــــــــــــ(6)فواز عجل بخطواته ورفع رؤى من الأرض:رؤى ..رؤى شفيك؟ ماشاف منها رد
شالها ودها عالسرير والممرضه طلبت منه ينتظر برا
تيكا:يقول نيرس انتظر بس ماما يقول لا إحنا تأخير ماما دلال
فواز:الله يصلحك يارؤى هاذي سواه توك ساحبه دم ولازم ترتاحين
الممرضه طلعت
فواز:شفيها رؤى
الممرضه:لا بس علشان سحب دم هي لازم يرتاح وياخذ مغذي نص ساعه
فواز اعطي تيكا فلوس:روحي جيبي عصير فرش من الكافيتيريا
راحت تيكا وفواز تردد يدخل او لا
دخل فواز ورؤى للحين ماصحت والسرير مرفوع وكانها قاعده
فواز:رؤى تسمعيني
رؤى كانت نايمه
فواز سبحان الله هالبنت فيها اشياء كثيره وغريبه جلس عالكرسي ونزل راسه بالارض
جلس يفكر برؤى وكيف رفضت الفلوس وكيف جابت الخدامه معها وماجت بروحها لاوتفكر في عمتي دلال لاتتاخر عليها كل هذا يدل انها مرباه تربيه صالحه
رؤى :صحت وشافت فواز جالس بالكرسي ومنزل راسه (فواز لو غيرك ماكان نزل راسه كل يوم
اكتشف فيك شي جديد وحلو)لفت الشيله عدل وتغطت حس فواز عليها
فواز:رؤى انتي بخير
رؤى وهي ماسكه يدها اللي فيها المغذيه:ايه بخير بس ناد الممرضه تفكه مابيه
فواز(ياربي عالبراءه وه بس):بس لازم تخلينه لازم لك راحه
رؤى: تكفى فواز مابغى تاخرت على خالتي دلال والبنات على وصول من المدرسه يعني يحتاجون تيكا
فواز ( للحين يارؤى تفكرين فيهم مافكرتي بصحتك):طيب ابشري
وضغط على الزر المخصص واستدعاء الممرضه ودقايق حتى جت الممرضه وفكته وكان على مسوليه فواز
تيكا:ماما انتا كويس
رؤى:ايه انا الحمد لله
تيكا:ماما خذ عصير بابا فواز يقول اشتري حق رؤى
رؤى:شكرا
ساعدتها تيكا بس رؤى رفضت وكانت مصره تبين انها بخير وماتبي تتعبهم معها زياده
ركبت السياره و فواز ماكان حاب يكلمها باي موضوع حتى ترتاح وخاصه موضوع الفلوس
وصلوا البيت وقبل لاتنزل:فواز اتمنى خالتي ماتعرف اني طحت بالمستشفى
فواز:ليه ابغاها تهتم فيك
رؤى: لاتقولها بعدين تنشغل معي او شي
فواز: ان شاء الله بس ارتاحي وريحي نفسك والشغل باجله لك لبكره وتجهزي
بنروح بكره للاستاذ جابر الساعه 12 الظهر
رؤى:اوكيه مع السلامه
فواز:في حفظ الرحمن
نزلت رؤى وفواز مستغرب من كل اللي تسويه وليه تفكر في اللي حولها دايم وماتفكر في نفسها
لهالدرجه طيبتها ماتسمح لها تفكر في نفسها
ورجع فواز للشركه
اما رؤى دخلت وباست راس دلال:السلام عليكم ياخاله
دلال:هلا والله وراكم تاخرتوا
تيكا بغت تتكلم بس رؤى سبقتها:المحكمه زحمه كانت اوقع توكيل لواحد يتولى شركه اخوي
تيكا طالعت في رؤى :ماما انا روح مطبخ
دلال:الله يرجعه لك يارب ويشفيه ويعافيه
رؤى:امين
دلال:ورى فواز مانزل على باله الشغل بيطير يانه متعب نفسه هالولد
رؤى:الله يعينه ان شاء الله
دلال:انتي تدرين ان اهله بيجون بعد يومين
رؤى:الله يرجعهم بالسلامه
دلال:انا بروح المزرعه بالعصر علشان نحضرها لحفل استقبالهم تروحين معي
رؤى:ان شاء الله خالتي تسمحين لي اروح ارتاح احس نفسي دايخه شوي
دلال:بسم الله عليك فيك شي اكيد بتدوخين مافطرتي ولا اكلتي شي وطلعتي بهالشمس
رؤى بابتسامه :بس ارتاح شوي بطيب
دلال:ادق على فواز يوديك المستشفى
رؤى ضحكت :لا خالتي والله بخير انتي تطمني بس
دلال:روحي يمه غرفتك ارتاحي وبقولهم وقت الغداء يصحونك
رؤى:تسلمين خالتي
راحت رؤى ولحقتها تيكا :ماما انت تعبان
رؤى ابتسمت:لا تيكا شوفي عطي هالظرف فواز اذا جاء اوكيه
تيكا:خلاص ماما
دخلت رؤى غرفتها وحطت راسها عالمخده وخايفه من بكره ماكانت تضمن وشو يخبيلها الزمن بعد
نامت وماحست الا على فيء تصحيها:رؤى قومي يالله ننتظرك عالغداء
رؤى صحت طالعت الساعه الساعه 3العصر يوه كل هذا نمته : فيونه حبيبتي روحي وانا لاحقتك
قامت رؤى ولبست بنطلون جنز سكني وفوقه بلوزه طويله وكمها طويل وحطت الحجاب على كتفها
كانت لامه شعرها بشكل معفس ونازله منه خصل بس كان شكله مره حلو لان لونه بني وناعم
نزلت لصالة الاكل وكانت شوي شاحبه بعد ماسحبت دم لانه عندها اصلا فقر دم
دلال:اهلين رؤى عساك بخير الحين
رؤى:الحمد لله تمام ..بنات شخباركم كيف المدرسه اليوم؟
ساره رفعت راسها وحطت عينها بعين رؤى وناظرت فيها باستخاف :الحمد لله
رؤى حز بخاطرها لانها ماتعودت تشوف هالنظره دلال انتبهت وحاولت تصلح الوضع:
:بنات تروحون معنا للمزرعه
ساره:أي مزرعه
دلال:فواز مسوي مزرعه لخالك اذا رجع من السفر
ساره:الله وناسه ليه ماقال؟
دلال:مسويها مفاجاه بس خربتها عليه
فَيء:رؤى بتروحين
رؤى ناظرت في فَيء وابتسمت:ليه؟
فيء:عندي امتحان بكره وابيك تساعديني اليوم عادي؟
رؤى:بس ان شاء الله اصلا انا بقعد من قال اني بروح
دلال ابتسمت لرؤى:طيب عندي فكره خذوا كتبكم وذاكروا هناك علشان اتطمن عليكم
فَيء:الله وناسه عادي رؤى؟
رؤى:عادي ليه مو عادي
طالعت رؤى في ضي كانت حيل هاديه وماتتكلم ودايم منزلها راسها ولاكنها موجوده
رؤى:ضي ماستانستي؟
ضي:استحت كانت خجوله بالمره
دلال:ضي عندها تاخر بالنطق ماتتكلم عدل
رؤى :عادي هي باقي صغيره وان شاء الله تتحسن مع التعليم لاتخافين عليها بكره تتمنينها تسكت
دلال بامل:امين يارب
رؤى:ضي تروحين معي انا وفيء نجهز نفسنا
ضي بحياء هزت راسها
رؤى خذت فيء وضي وراحوا يتجهزون للمزرعه
ساره:احس يمه هالبنت منافقه
دلال:حرام عليك باين عليها طيبه
ساره:مارتحت لها قاهرتني
دلال:ساره البنت ماسوت لك شي تراها مسكينه واللي فيها مكفيها الله يعينها
ساره سكتت وراحت لغرفتها تحضر نفسها ونزلوا للصاله ينتظرون فواز يجي
دلال:ماكان فواز تأخر؟
ساره:على وصول يوه ماني مصدقه بكره بيجي خالي وزوجته
دلال:الله يجيبهم بالسلامه
تيكا:ماما فواز برا
طلعوا للسياره وركبت دلال مع فواز والبنات ورى
فواز:كلكم موجودين
ساره:ايه كلنا
فواز:وين رؤى ؟
ساره بحقد وهي تلف وجهها للشباك:ماأدري..
جت رؤى وركبت :اسفه تاخرت بس فيونه نست كتبها
فيء:يوه صح نسيت اجيبهم
دلال:هاذي اللي طالعه تذاكر
ضحكوا على فيء وشطانتها واتجهوا للمزرعه
بعد لحظات من الصمت..
ساره:متحمسه اشوفها
فواز:اكيد راح تعجبك
ساره:اكيد وفيها قول
فواز انحرج وحب يغير السالفه
فواز:عمتي
دلال:هلا
فواز:شرايك تطلعون المزرعه بكره من الصباح
دلال:اكيد باقي يبغى لها تحضيرات ماتوقع اننا بنخلص اليوم
فواز:على خير ياني مشتاق لهم
فيء:رؤى شفيك
(كانت دايخه مررره وماهي قادره تسند راسها)
طبعا فواز انتبه :رؤى فيك شي؟
رؤى:هاه لا مافيني شي(انا غبيه ماكلت شي يعوض الدم اللي انأخذ مني)
ساره كانت تكره اهتمامهم في رؤى
فيء:فواز ابي ايس كريم
فواز:بس من طلب فيونه الحين اروح اشتري ايس كريم كم فيونه عندي وحده
وقفوا عند باسكن روبنز واشترى الايسكريم
واعطى كلن ايس كريم بالنكهه اللي يحب
فواز:رؤى
رؤى:هلا
فواز:انا ماعرف وشي النكهه اللي تحبين ونسيت اسالك رحت شريت لك زيي
رؤى:يعطيك العافيه
فواز:الله يعافيك
وصلوا المزرعه وكانت مفاجاءه للجميع ماتوقعوها بالهكبر وهالحلى
كان مزروع فيها نخل وانواع كثير من الفواكه والخضار
وفيها مسبحين وبيت صغير دورين وصاله بنص المزرعه جدرانها زجاج
دلال:ماشاء الله تبارك الله
ساره:واو فواز روعه
فواز:اعجبتكم صارلي اكثر من شهرين اشتغل عليها
دلال:بصراحه روعه ابوك بينبسط فيها اكيد
فواز:ان شاء الله تعجبه


فيء:الله فيها ارانب وعصافير؟؟
فواز:وبجيب خيل بعد
رؤى:واو خيل وناسه
استغرب رؤى من نفسها لمن تكلمت بس كانت تحب الخيل والفروسيه
فواز: ان شاء الله خيل وبحاول اجيب ابل
ساره ضحكت: من جدك
فواز بابتسامه وبانت غمازاته: ليه لا ...عمتي متى بيجون حقين الحفلات؟
دلال:قلت لهم يجون بكره من الصباح واليوم احنا نشوف وش الناقص ونقول لهم
فواز:على خير ان شاء الله
دلال بضحكه :بيجون شغل البوفيه والدجيه بكره وبشوف اذا باقي شي يحتاج بقولهم يجون
فواز:ان شاء الله بس لازم دجيه ماتوقع له لزوم
دلال:ليه؟
فواز:الدجيه بيسوي ازعاج وابوي مايتحمل
دلال:والله مافكرت فيها خلاص بكنسله
ساره:يوه قهر نبي الدجيه
دلال:خالك يبي له هدوء نجيب دجيه وبعدين بنحط ديجيه بحفله الحريم يوم الاربعاء
راحت ساره وهي تتحلطم لانهم بيكنسلون الدجيه كانت تحب الرقص والطقاقات كثير
فواز ودلال رحوا يشوفون الشغل اللي سوه في المزرعه وضي راحت تتمشى مع ساره
ورؤى راحت تذاكر لفيء رياضيات بالصاله اللي بنص المزرعه
وفيء كانت مستوعبه للي تقوله رؤى وفهمت كل شي مو فاهمته
جت دلال وفواز للصاله
فيء:ماما وناسه اول مره افهم الرياضيات اوكيه ياليت رؤى مدرستي
دلال:زين يعني علامه زينه هالشهر
فيء:اتحدى ما تلاقيني اكله الكتاب
دلال ضحكت: لا لاتاكلين الكتاب ان شاء الله الدرجه الزينه (ولفت على رؤى) الله يعطيك العافيه تعبتك مع فيء
رؤى:عادي خالتي واذا تبيني ازعل قولي كذا مره ثانيه
فواز:اصلا رؤى ماسكه حسابات شركتهم وتوصلها الملفات بالبيت
دلال:ماشاء الله عليك يارؤى
رؤى استحت :انا بروح اشوف ساره
راحت رؤى تدور بالمزرعه تدور ساره
ساره كانت تكلم وماكانت رؤى قاصده تسمعها بس سمعتها تقول:نوره بوريها اجل
فواز يهتم فيها وقدامي وربي قهرتني وصوت مستهزئ:نسيت كتب فيونه
اه بس ودي اني طاردتها من البيت بس مقدر
رؤى انصدمت باللي تسمع وعرفت من كلامها انها تحب فواز واهتمامه فيه بيخلي ساره تكرهها
رؤى سوت نفسها توها جايه وقامت تنادي :ساره ..ساره
ساره:خير
رؤى:لابس طولتي وانشغل بالي عليك
ساره:اموت عالحنونه
رؤى:ساره
ساره:خير
رؤى:ساره انا بفهم ليه كارهتني
ساره:سبحان الله يعني تعرفين انك كريهه زين الاعتراف بالحق فضيله
رؤى:ساره انا اوعدك ان اللي بقعده عندكم فتره بسيطه واوعدك انه مايتغير شي عليك ابد من جميع النواحي
تركت ساره وراحت ودمعهتا في عينها وصارت تتذكر كل اللي صار معها وتتحسر على حظها
ساره حست بتانيب ضمير صح انها لسانها طويل بس قلبها ابيض وبعد وقت قررت تشوف رؤى وتعتذر لها
لمن جت لقت ان رؤى تركب لمبات بحوش المزرعه وجاء فواز مسك لها السلم وهو يبتسم
طبعا الموقف نسى ساره ليه جايه علشانه وراحت عندهم :وش تسون فواز انا بمسك السلم
ومسكته بقوه وتهزز السلم وطاحت رؤى
فواز:رؤى فيك شي
ساره:اسفه ماكان قصدي
رؤى كانت تتالم بس بينت انه ماصار لها شي:لا مافيني شي
فواز:اكيد
رؤى:اكيد
ساره:اسفه رؤى ماكان قصدي
رؤى:عادي ماصار الا الخير
قامت وراحت للحمام راحت تبكي من الالم ولحقتها ساره كانت تبغى تشوف ردت فعلها
انصدمت انها قاعده تبكي وتمسك رجلها
ساره (معقوله يارؤى تالمتي وبينتي العكس طيب ليه معقوله علشان مايهزئني فواز وامي يوه شكلي كنت ظالمتها اوووف ) ورجعت مكانها وهي تفكر محتاره في رؤى وقررت تكسبها
علشان تكسب فواز لانه مبين عليه يعزها حيل
دلال وه تنادي بصوت عالي:فـــواز.ســــاره.رؤوووى
جوا كلهم وهم مستغربين ليه دلال تصارخ
فواز:عمتي فيك شي؟
دلال:لابس شوفوا
وطفت الاناره وشغلت الاناره اللي عالنافوره واللي عالاشجار وبالارضيه
رؤى صحيح شافت المزرعه كثير بس اول مره تشوف هالمنظر الرروووووعه كانت عيونها تقيم المكان باعجاب وماهي منتبه للعيون اللي تراقبها (فواز بخاطره:وربي كنها طفله يالله الحياه احرمتك اشياء واجد يارب اقدر اعوضك ...انتبه وانا باي صفه اعوضها سرح في النقطه ومانتبه للي حوله ابدا)
ساره:واو مره نايس بس الحفله بتكون في النهار
دلال:مو شرط بكره احنا ماراح نفضى من المعازيم واكيد بنسوي حفله حريم نهايه الاسبوع
ساره:أي والله بس خطيره
فواز انتبه من سرحانه :يالله عمتي نرجع البيت تاخرنا وراي اجتماع بكره مبكر
دلال:أي والله والبنات عندهم بكره مدارس
ساره بضيق :لاتذكريني
فيء:انا متحمسه اروح اختبر
ضحكوا عليها ورجعوا للبيت

ــــــــــــــــــــــــــــــــــــ(7)
صباح اليوم الثاني
وقت رجعه البنات من المدرسه
كانت رؤى ودلال قاعدين بالصاله ويتابعون برنامج ويعلقون عليه
دلال كانت مرتاحه بالكلام مع رؤى وتكلمت معها عن مواضيع كثيره
اعرفت من خلالها حكمه وعقل رؤى كانت تتمنى ان رؤى بنتها مثل ماساره بنتها
وكانت زعلانه عليها لانها تحس فيها حزن وخاصه لمن تسرح وتلمتي عيونها بالدموع
بس لمن تنتبه ترجع لها ابتسامتها
دخلت فيء وهي تركض ونطت على رؤى وقعدت تبوس فيها
رؤى ماتت ضحك ودلال تهاوشها تقوم
فيء:بجيب كامل بجيب كامل وربي احبك ياحلى رؤى اليوم اختبرتنا لدرجه المشاركه وبكره تبع الشهر يسسس بكره بعد بجيب كامل مره سهل(كانت تتكلم بحماس ) امري تدللي وش تبين اجيبه لك او اسويه اسويه
دلال ماتت ضحك على شكل فيء وهي تتكلم
قالت رؤى:جد أي شي أي شي؟
فيء :أي شي أي شي
رؤى: ابي تجيبين 50 من 50نهايه الترم صعبه؟
فيء وهي تحوس ملامح وجهها وبعدين غمضت عين ورفعت حاجب:ماكنه صعب شوي الطلب
رؤى ودها تضحك على شكلها قالت بابتسامه:انتي قلتي أي شي وهذا طلبي... دكو؟
فيء:مع اني ماعرف وش معناها بس دكو
ضحكت رؤى وقالت:معناها اتفقنا
فيء:والله انس بنتن كشخه لو عندي ولد زوجتك اياه
هنا ماتوا ضحك دلال ورؤى على اسلوبها وملامح وجهها
دلال:الله يقطع ابليسك روحي بدلي ملابسك وتعالي للغداء
فيء:ابشري انبسطي ياماما اليوم كله بسمع الكلام
وراحت وهي تكلم نفسها بصوت عالي
ابتسمت دلال لرؤى وقالت:شكرا رؤى من زمان ماشفتها مبسوطه كذا
رؤى:افا هذا الهرج لي فديتها البنت ذكيه بس يبي لها شويه فهم وصدقيني بتكون بعدين عندها اسهل ماده
دلال:طيب
بعد ثواني من الصمت دق تليفون البيت
ردت دلال:الو
.....:الو السلام عليكم عمتي
دلال:هلا والله فواز
فواز:عمتي رؤى عندك ادق على جوالها ماترد
دلال :ايه ثواني
دلال:رؤى فواز عالخط يبيك
رؤى حمرت وتلعثمت وقامت ومسكت السماعه وردت بهمس:الو
فواز سكت شوي
وردت تكلمت:الو
فواز تنهد بداخله:هلا رؤى كيفك؟
رؤى:تمام
فواز :رؤى اجهزي دقايق واجي بنروح للباحث اللي قلت لك عليه امس دقيت على جوالك بغيت اقولك بس ماتردين
رؤى:حاضر واسفه عالجوال موب عندي
فواز: اوكيه لاتتاخرين الله يرضى عليك مع السلامه
رؤى :مع السلامه
قامت رؤى:خالتي دلال عادي اخذ تيكا فواز يقول فيه مشوار بيوديني له علشان المحكمه(الله يسامحني يارب اغفر لي كذبي على دلال بس وربي غصب عني)
دلال:الله يحفظك ولاتستعجلين زي امس خذي راحتك المستخدمه الثانيه موجوده يعني عادي
رؤى وهي تبوس راسها:تسلمين خالتي مع السلامه
دلال:بحفظ الله
طلعت رؤى لفواز بعد مالبست عبايتها
ركبت بهدوء مع تيكا وقالت بهمس:السلام عليكم
فواز:وعليكم السلام والرحمه
وبعد مرور 5دقايق
تكلم فواز :احنا الحين رايحين للباحث جابر اللي طلب مننا التحاليل ويبغى يتكلم معك ويشوف تقارير المستشفى عن فقد الذاكره
رؤى:بس مو معي التقارير
فواز:معليك وصيت واحد وجاب لي اياها بس اتمنى مهما يقول لك يبقى املك قوي زي ماعرفتك
رؤى:ان شاء الله
والتفت للشباك وفي بالها الف فكره
كانت تفكر باشياء كثير ومن ضمنها هل معقول بتشوف امها واهلها من جديد
بعد وقت حست وهي توقف السياره
فواز:يالله وصلنا انزلوا
نزلت رؤى وكان المبنى اللي دخلوه كبير وحلو ومرتب مررره
دخلوا المصعد وضغط للطابق الثالث
انفتح المصعد واخذوا الممر الايسر ودخلوا المكتب الثالث
دخل فواز عند السكرتير:استاذ جابر موجود؟
قام السكرتير وسال:انت استاذ فواز؟
فواز:ايه
السكرتير وهو يفتح الباب :ثواني ابلغه
وبعد ثواني قالهم يدخلون وانه بإنتظارهم
دخل فواز ورؤى معه كانت ميته خوف ماتدري ليه
فواز:السلام عليكم
قام جابر وصافح فواز ورحب به وقالهم يقعدون اما تيكا قعدت بطرف بعيد من المكتب الكبير
فواز:رؤى هذا استاذ جابر استاذ جابر هاذي رؤى اللي كلمتك عنها
ابتسم جابر لرؤى وقال:اهلين بنتي رؤى كيفك؟
تنحنحت حتى تقدر تسترجع صوتها اللي راح وهذا طبعها لاخافت:الحمد لله
جابر:فواز قالي اشياء كثير بس حاب اسمعها منك(مع العلم ان جابر طبيب نفسي بالاضافه لمهنته للبحث)
ولف على فواز:جبت التقارير؟
فواز وهو يمد الملف:هذا هي كامله
جابر وهي يحطها قدامه بعد مالقى نظره سريعه ولف على رؤى وبدء يسالها عن اشياء كثير وبعد نص ساعه تقريبا من الاسئله الكثيره الموجهه لرؤى سالها:
طيب يارؤى ماجاك أي تهيئات امم صداع لمن تشوفين موقف تحسين بالم براسك أي شي من هذا القبيل
رؤى:انادايم وانا نايمه احلم ويمكن اكثر من مره بنفس اليوم تجيني احلام تخوف بس فيه حلم دايم يتكرر ولمن يجيني اقوم منه مفزوعه وفيه وحده تقولي لاتتاخرين ياماما كنت كل ماقوم احاول كل ماصحى اتذكر شي من هاذي الحرمه وارسمه بس من وقت طويل ماقدرت ارسم الا شي بسيط
مرات اذا احد مرض قدامي يالمني راسي واحاول اتذكر بس ماقدر( وبدت دموعها تنزل) ماقدر اتذكر اهلي او أي شي
جابر بدء يهديهاويكلمها حتى هدت ووعدته ماتفقد املها
اما فواز سرح لبعيد (تتالم رؤى ولاترتاح حتى بنومها الله يصبرها ويفك همها يارب)
وبعد ماخذ جابر كل المعلومات من رؤى وتكلم معها شوي حتى يعرف عن امل عوده ذاكرتها
قاموا بعد ماقالهم باقرب وقت باكلمكم وياليت تجيني مره ثانيه
فواز وهو يقوم:مشكور ياستاذ وجزاك الله خير
راحت رؤى لمن وقفت جنب تيكا اللي زهقت وهي تنتظر
فواز:ابسال سوال فيه امل عوده ذاكرتها
جابر:بتكلم بصراحه الامل بالله موجود وحسب توقعي لازم تتعرض لصدمه قويه حتى تستعيدها وهاذي الصدمه انها تشوف اهلها وان شاء الله بدرس حالتها اكثر وبيكون خير
فواز:ماتقصر ومشكور عن اذنك
جابر: اذنك معك
طلعوا من عند جابر رؤى حست بامل كبير بكلام جابر لها ان فيه اطفال لقوا اهلهم بعد مرور وقت بس لازم يصبرون
فواز من ركبوا كان ساكت وفي الاخير قرر يقطع الصمت:رؤى
انتبهت رؤى من سرحانها :هلا
فواز:شرايك اوديك مكان احبه وبالمره نشتري سندويتشات
رؤى بخجل:انت تعبان ولازم تروح البيت تريح قبل ترجع الشركه
فواز :بالعكس روحتي لهمكان بتريحني اكثر اتمنى يعجبك
مر على مطعم وجبات سريعه واخذ له ولرؤى ولتيكا>>.مانسيتها خخخخخخ
ووقف عند البحر مكان بعيد عن الزحمه الناس اللي بالشاطئ مرتفع شوي عن مستوى البحر
نزلوا وقال فواز وهو يمد يده قدامه :وشرايك هو مكان بسيط بس يريح
رؤى سكتت هي تعشق البحر ومن زمان ماراحت استانست كثير بالمكان
قعد فواز على السياره من قدام وفرش وجبته قدامه اما رؤى وتيكا نزلوا عالبحر بوجباتهم
بعد ماتغدوا وتمشوا شوي رجعوا للبيت
وكان يوم مشرق وكله امل لرؤى
وفواز انبسط من لانها انبسطت بعد كلامها مع جابر ولان بكره يوم وصول اهله اللي ينتظره من زمان
اليوم المنتظر لفواز
فواز كان مره متحمس يشوف اهله اللي اشتاق لهم موت
طبعا نزل بعد صلاه الفجر وراح للمطار من الفرحه عالعلم انهم ماراح ينزلون الا 7الصبح
دلال على سفرة الفطور:فيء ساره بسرعه تاخرتوا الساعه 6ونص
رؤى:صباح الخير
دلال:ياصباح النور والسرور
رؤى:وين البنات ابغى اعطي فيء شي
دلال:جايين الحين ودي يوم ينزلون مبكرين
رؤى:الله يعينهم قومه الصبح مو هينه
دلال:هذا انتي ماعندك مدرسه تنزلين قبلهم لابسه مصليه ورايقه بعد وهم كلها مريول والوحده بوزها متر الله يصلحهم بس
رؤى بضحكه:امين
فيء:صباح الخير
دلال +رؤى:صباح النور
فيء:يارب اجيب كامل صار لي اسبوع اذاكر
رؤى:خذي هالتمارين حليهم وان شاء الله تاخذين كامل يارب>>كانت فيء متعقده من الرياضيات وتحس انها مستحيل تجيب الفولمارك
ساره:صباحو
رؤى+دلال:اهلين ياصباح النور
ساره:متحمسه اليوم خالي بيجي
دلال:فواز ياقلبي عليه رايح من بعد الفجر الله يقر عينه بشوفتهم
كان الكل فرحان ورؤى صح فرحانه بس كانت متخوفه شوي من ردة فعلهم بوجودها
دلال:رؤى بنروح الساعه سبع للمزرعه تبين تجين معي ولاتنتظرين البنات للظهر
رؤى:لاخالتي جايه معك يمكن افيدك بشي بدال القعده
دلال:خلاص روحي بس ترى بيجون خوال فواز من الرياض واهلنا بالدمام والجبيل وبيجي اخوي من الجنوب.
رؤى:كلهم بيجون اليوم ؟
دلال:ايه يالله همه رؤى
رؤى:ان شاء الله
(راحت رؤى افتحت الشنطه اللي جابها لها فواز لقت بدله مره نعومه وروعه
بنطلون مخمل شامواه اسود سكني وعليه فستان ذهبي فاتح صوف ماسك من على الرقبه وماسك من تحت كان مره انيق
وعليه جكيت شامواه اسود ورؤى محتاره تلبس او تجلس بالبيت لانها حست ان وجودها ماله لزوم بين العايله اليوم).
دق فواز على رؤى استغربت رؤى اتصاله رؤى ردت بخوف :الو
فواز سكت لمن سمع صوتها كان مبين فيه الخوف بعدين قال:بسرعه البسي البدله ترى بتجين(طبعا كان داق عالبيت وردت عليه تيكا وقالت له انها مطلعه البدله وقاعده تطالع فيها خخخخخخ)
رؤى استغربت كنه كان معها في تفكيرها:هاه ان شاء الله
فواز:رؤى ممكن خدمه ادق عالبيت وعلى عمتي ماترد(ابوك يالنصب ههههههه)
رؤى:امرني وانتبهت على نفسها ورجعت قالت بربكه هلا وش بغيت؟
فواز وهو كاتم ضحكته من براءة اسلوبها وعفويتها:فيه جكيت بغرفتي عالسرير ياليت تجوبونه معكم
رؤى:ان شاء الله تبي شي ثاني
فواز:سلامتك
رؤى:فواز
فواز:هلا
رؤى:ادري منت فاضي بس ياليت شغلي يبدا يوصلني من بكره
فواز:اول مره اشوف موظف مستعجل على رزقه اخاف مره ثانيه تكلمين تقول لاعد تجيب
رؤى بضحكه:لا ماراح اقول يالله عطلتك
فواز:لاعطلتيني ولا شي الطياره باقي علها ربع ساعه وانا الحين انتظرهم
رؤى:الله يوصلهم بالسلامه يارب
فواز:امين يارب بس عادي اسال سوال؟
رؤى:تفضل
فواز:ليه رجعتي المبلغ اللي حطيته لك هذا تعبك معي الايام اللي طافت
رؤى:اتوقع الملابس قيمتهم تكفي وزياده
فواز:طيب اعصابك ليه تعصبين ؟خلاص الراتب الجاي خصم علشان انكسر خاطري
رؤى ضحكت:خصم مامدى اداوم الا تخصم اوكي شكلي عطلتك
فواز(فديت اللي يستحون):لا عادي بس انتي شكلك مشغوله
رؤى بارتباك :تقريبا
فواز:اتركك تلبسين و بنات خوالي شوي مغرورين لاتزعلين من كلامهم لك لو ضايقوك اوكي
رؤى:اوكي مع السلامه الله حافظكم
فواز:باي
سكر فواز وهو يفكر (رؤى احلى قدر في حياتي من دخلت حياتي وانا احس اني مرتاح
مدري من اسمع صوتها اروح عالم ثاني قلبي يدق احسه بيطلع من صدر شكلي حبيتها وانا ماحسيت على عمري وابتسم )
في بيت ابو عبدالله
رؤى كانت تفكر بكلام فواز عن بنات خواله يارب انك تعطي قلبي القوه والحيل ودخلت تقيس البدله
اللي كانت كنها مفصله لها دخلت تيكا:ماما ماشاء الله كثير حلو انتا ماشاء الله
رؤى حمرت خدودها:نعم تيكا وهي ترفع شعرها من على وجهها>>دايم يطيح على وجهها لانه ناعم وخاصه اذا استحت ونزلت راسها
تيكا:ماما قول بعد شوي روح
رؤى:اوكيه قولي لها نازله
رؤى:لمت شعرها ذيل حصان ولبست باليه مخمل اسود وفيه فيونكه صغيره ذهبيه ولبست عباتها ونزلت
وهي بالدرج تذكرت جكيت فواز وراحت غرفته كانت خايفه كانه جالس فيها دخلت واوجهتها ريحه عطره واخذت الجكيت بسرعه ونزلت
دلال:وش هالزين ماشاء الله تبارك الله سمي على روحك يمه
رؤى بكل خجل:من بيحسدني ياحسره
دلال:من بيحسدك اوعدك تكونين محط انظار الكل
رؤى استحت ونزلت راسها
دلال:ياويلي لاتختفين ماقلت شي يالله السايق ينتظر برا وراحوا ووصلوا المزرعه اللي كانوا منسقين الحفلات قبلهم
وراحوا للمزرعه كانت مزينه عالتوب البالون والمسبح كان مزين والصاله الزجاج كانت احلى شي وخاصه منظر المسبح منها مره روعه
رؤى:خالتي لو نحط شي غير كل هالحوسه بالطاولات
دلال:شي مثل شنو؟
رؤى:ورد
دلال:ياحبي لك يارؤى طلعتي رومنسيه بعد وتحبين الورد مثلي
وقامت تضحك ورؤى ضحكت معها
دلال:وفيه احلى من الورد بس ماامدى اليوم خليها يوم الاربعاء في حفلة الحريم
رؤى:اوكيه رايحه اشوف استعداداتهم بالمطبخ
راحت رؤى للمطبخ وقالت
دلال بخاطرها(الله رزقني ببنت مثلك يارؤى من دون ماتعب عليها يارب انك تيسر لها القعده عندنا والله اني حبيتها)
رؤى جت لتيكا:خلاص كل شي اوكيه
تيكا:ايه ماما
رؤى:الله يعطيكم العافيه ارتاحوا واشربوا عصير بتتعبون اليوم الله يعينكم
تيكا:شكرا ماما والله انتا كتير طيب
رؤى راحت وابتسمت لكلام تيكا وبقلبها خوف من اليوم ومن يوم الاربعاء
جاء اخو دلال وابو عبدالله وكان اول الواصلين كان واصل من الجنوب امس هو وولده فهد
(عبدالعزيز وخالد اخوان ابو عبد الله واختهم الوحيده دلال خالد اصغر منه وعنده بنتين وولدين كلهم صغار وعبدالعزيز اكبر من ابو عبدالله عنده نايف 27و حصه 25 و فهد 23و مي 19 وصالح وتركي توام بالمتوسط 15)
دلال:هلا والله وغلا بابو نايف
ابو نايف:هلا فيك وسلم عليها وباست فوق راسه وسلمت على فهد
دلال:يالله حيهم منوره الشرقيه كلها
ابو نايف:منوره باهلها وبابو عبدالله كيفكم ياختي وكيف زوجك ؟
دلال:الحمد لله كلنا بخير(ماكان يدري عن مشكلتها مع زوجها) والله وكبرت يافهد كل مالك تطول مدري وين بتوصل
فهد ضحك:والله ياعمتي مدري... ماجاء فواز للحين؟
دلال:جايب ابوه على وصول كلها ربع ساعه ارتاحوا
ابو نايف:والله هالفواز مبدع وش هالزين بهالمزرعه ماشاء الله مساحتها كبيره وبمنطقه حلوه عرف يربي ابو عبدالله
دلال:ايه مسكين بس والله تعب عليها صار له شهرين مو مرتاح نفس الناس
ابو نايف:الحمد الله ربي عوض اخوي بعيال يشيلونه لو بغى يطيح
دلال:وانت الصادق الله يحفظهم
فهد:احم
دلال ضحكت:عاد لاجينا نبي نمدحك يروح الكلام
فهد:يلوموني ليه احبك؟
دلال:متاكد ان تحبني علشاني ولا علشان بعض الناس
(فهد كان يحب ساره من وهم صغار بس هي ماكانت تعطيه فرصه لانها تحب فواز)
انحرج فهد ومقدر يرد
ابو نايف:والله ياختي يادلال انشبوا فيني العيال الا يبون يجون معي كلهم
دلال:كان جبتهم يغيرون و هاليومين واكثر ماكثر ربي الطيارات
ابو نايف:والله صعبه كلها يومين ماتسوى المشوار
دلال:أي والله وانت الصادق
رؤى اعرفت بوصولهم فجلست بالبيت ماطلعت للمزرعه وقعدت بالصاله وتذكرت فواز لمن مرض
وصارت تبتسم وتتذكر كل موقف صار لها مع فواز وموقف المويه اللي كل ماتذكرته احترت من الحياء
تيكا:ماما رؤى جاء بابا ابو عبدالله
رؤى زاد خوفها حاسه بقلبها مقبوض وتحس انه بيصير شي
في المطار فواز استقبل ابوه وامه واخوه بكل حفاوه كانت الدنيا مو واسعته من الفرحه
وكان ينكت طول الطريق وقالهم ان فيه مفاجاه منتظرتهم
كان ابو عبدالله تعبان من الرحله لانها طويله من لندن لمطار الدمام
لف فواز من طريق مايودي للبيت
عبدالله:فواز من الفرحه نسيت الطريق
فواز:لامانسيت صدق انك مو وجه مفاجاءت
عبدالله:هيه توي جاي احترمني
ام عبدالله:خله يسوي اللي يبي يودينا المكان اللي يبي
عبدالله:اوله يمه ياطول الزمن اللي خلاني اشوفك توقفين معه ضدي معليه يانجلاء
الكل ضحك ووصلواعالمزرعه
فواز:تفضل يبه ياغلى ناسي اتمنى تعجبك هديتي والحمد لله عالسلامه وضم ابوه وباس راسه ويده
ابو عبد الله كان فرحان :والله وكبرت يافواز وصرت رجال ضم ولده وحس في ذيك اللحظه ان تربيته ماراحت خساره
دخلوا والكل مبسوط
ام عبدالله:ماشاء الله لا اله الاالله
عبدالله:فوازوه وعرفت تشتري ماشاء الله مره حلوه
فواز:هاه يالغالي اعجبتك
ابو عبدالله اكتفى بابتسامه وطاحت دمعه من عينه
فواز:لا يالغالي وباس فوق راسه وسنده لمن وصل للصاله
كان ابو نايف ودلال وفهد بانتظارهم وكان استقبال خالطه دموع بس كانت دموع الفرح
الكل كان مبسوط لان الشمل التم وتشافى ابو عبدالله
دلال:مو ناقصنا الا خالد
ابونايف:الحمد لله عالسلامه يابو عبدالله
ابو عبدالله:الله يسلمك وين الباقين ماشوفهوهم
وقاموا يتكلمون استاذنت ام عبدالله وفواز اخذ امه يوريها البيت
وهم طالعين
فواز:يمه
ام عبدالله:هلا يمه
فواز:بتشوفين وحده داخل اتمنى تحطينها بعيونك
ام عبدالله بكل استغراب:وحده من هي؟
فواز:هاذي اخت صديقي مالها احد واخوها سوى حادث وراح يتعالج برى وتكفلت فيها
ام عبدالله:الله يجزاك الجنه يمه ايه الصديق وقت الضيق وانا امك وابشر بخليها بعيوني
دخلت ام عبدالله ورؤى قاعده
رؤى قامت وخافت ماقدرت تتكلم اكتفت انها تناظر ام عبدالله
ام عبد الله وهي تسمي بداخلها على جمال هالبنت:السلام عليم يمه
رؤى بكل خوف ورجفه:وعليكم السلام هلا خالتي وراحت باست فوق راسها
رؤى:الحمد لله على سلامتكم
ام عبدالله :الله يسلمك يمه اقعدي ليه خايفه؟
جت دلال:ام عبدالله تاركتنا وقاعده مع رؤى بس والله مالومك رؤى بنت تنحب
ام عبدالله ابتسمت لرؤى:والله انها دخلت قلبي شخبارك يمه؟
رؤى بكل خجل:الحمد لله بخير
دلال:هاه بشري ياأم عبدالله كيف السفره وكيف وضع ابو عبدالله؟
ام عبدالله:لا الحمد الله العمليه الاخيره نجحت والسفره والله تعبنا فيها
دلال:اجر وعافيه ان شاء الله
ام عبدالله:ان شاء الله يادلال اوانتي شخبارك وين البنات؟
دلال:الحمد لله طيبه والبنات بالمدراس بيجون بعد شوي ذكرتيني اكلم السواق
وراحت دلال ورؤى كانت مره مستحيه من ام عبدالله
ام عبدالله ابتسمت:ليه خايفه وترجفين
انتبهت رؤى لرجلها ترجف :هاه لا وشي تبين تروحين الغرفه ترتاحين
ام عبدالله:لا مرتاحه بشوفه فواز كنهم عطوني الراحه بيدي من شفته
رؤى:الله يخليه لك ان شاء الله
ام عبدالله:امين يمه ويفرحني فيه
رؤى سكتت واكتفت بابتسامه
رؤى وهي قايمه:عن اذنك خالتي بروح المطبخ اشوف الحلا جاء
ام عبدالله:وش نبي بالحلا وانتي موجوده
كانت متعمده تحرجها
رؤى حمرت ونزلت راسها:تسلمين يخاله
وراحت ودموعها تنزل من كثر ماستحت
تيكا:ماما يجي محل كيك هو برى
رؤى طلعت وقابلت العامله تبع المناسبات جايبه الكيك
رؤى:احد عطاه الحساب
المستخدمه:لا
رؤى طلعت بوكها وكانت تبي تدفع
فواز:حلوه ذي
رؤى طالعت بخوف :فواز
فواز :اسف خوفتك بس وين تصير وش يقولون عني العرب يقولون فواز يخلي
وسكت لحظه وارتبك بعدين كمل: رؤى تدفع
وراح دفع وهو في خاطره
(اه يارؤى بغيت اغلط واقول حبيبته فواز ودي اقول لك انت قلب وروح فواز بس خايف لاقلت لك معد اشوفك
وتضنين اني شفقان عليك اه بس)
رؤى:انتبه فواز لايطيح الكيك
فواز لاحظ انه حاسب الكيك ورجع وهو مو منتبه اعطى تيكا الكيك
رؤى ضحكت :شفيك الفرحه اثرت عليك وراحت
فواز في باله(محد ماخذ عقلي ولاماثر علي كثرك اه يارؤى عرفت اني احبك وانا ماني داري عن نفسي أعشقك يابنت الناس بس كيف افهمك آآآآآآآخ)
عبدالله صارخ ورى فواز وفواز خاف
فواز بعصبيه وخوف:انت اشفيك ؟
عبدالله وهو يضحك:اللي ماخذ عقلك يتهنى به تصدق ماكنت ادري انك تحبني لهدرجه سرحان فيني وانا جنبك
وراح يركض يبي يضم فواز بقوه وهو يكره هالحركه بعبدالله لانه يطلع روحه مايضمه خخخخخخ
فواز بعد بسرعه قبل يوصله عبدالله ومشى وهو يقول:اقول ورى مانروح للمجلس
عبدالله:فواز من البنت الموجوده عندنا اول مره اشوفها
فواز التفت بحده :وشو شفتها؟
عبدالله:ايه
فواز:متى ؟ووين؟ وكيف؟؟
عبدالله:اعصابك ماشفتها بس قالوا لي انها موجوده لمن بغيت ادخل المطبخ
فواز:ايه اشوى
عبدالله:من هي وليه عصبت
فواز قال السالفه اللي قالها للكل كان خايف لو يقوله الحقيقه يطلعون رؤى من البيت

عبدالله:اها ومتى بيرجع اخوها
فواز:متى ماكتب الله الشفاء يالله كانبي يجون الناس وحنا مو قدامهم
ورحوا عالمجلس وبعد ساعه جاو اهل الرياض اللي هم
(اخت ام عبالله صباح وعندها عادل 23ونور 21 وسامي 15وزوجها محمد )
(سعد اخو ام عبدالله عنده سكون 11وغرام 7سنوات وزوجته ندى)
وبعض قرايبهم من الجبيل والدمام
طبعا الحريم كانوا بالبيت والرجال بالصاله الزجاج
فواز:هلا والله ياحيا الله من جاء
محمد زوج صباح:الله يحيه
سعد كان يطالع في فواز ويقلد صوته:الله يحيه
(كان سعد مره ميانه مع فواز وعبدالله وكانه من عمرهم مع انه اكبر منهم بكثير)
سلموا على ابو عبدالله وعبدالله وقعدوا يسولفون مع ابو عبدالله عن سفرته وعلاجه
عند الحريم
جت صباح وحضنت اختها وسلمت بعد على ندى اللي تعتبرها زي اختها
وسلموا على دلال ورؤى
جلسوا وقاموا يسولفون مع ام عبدالله والبنات طلعوا فوق يتعدلون
رؤى كانت حاسه باحساس مو حلو كانت مره متضايقه وحاسه انها فضوليه ومالها داعي قاعده
فقامت وطلعت برا وقامت تتمشى باخر المزرعه وطرت في بالها خالتها حصه
دقت عليها وماردت ودقت مره ثانيه وردت
كان صوت حصه كله تعب :الو
رؤى:الو خاله حصه
حصه بفرحه:هلا وغلا بهالصوت
رؤى ودمعه عاندتها ونزلت على خدها :اشتقت لكم مره
حصه:اه يارؤى شخبارك ان شاء الله مبسوطه؟
رؤى:خاله انا ميته وانا عايشه
حصه:لا يارؤى مايصير اللي تقولينه انسي كل شي وابدي حياته جديده
رؤى وهي تبكي:شخبار اخواني
حصه:والله بخير ومبسوطين وتوي شايفتهم امس
رؤى دموعها بدت تنزل على خدودها بغزاره :هم بخير محد مضايقهم؟
حصه:خالهم حاطهم بعيونه وكل البيت يحبهم ويحب وجودهم وقريب مشعل بيجي انتي بس تطمني
رؤى :معاذ (ماقدرت تكمل كانت تبكي)
حصه:رؤى حبيبتي من ذاك اليوم ماشفناه ولا تعرض لاحد من اخوانك بس انتي انتبهي على نفسك
رؤى: تكفين جيبي اخواني عندك ودقي علي اجي اشوفهم الله يخليك
حصه:ابشري يمه بكره بعد رجعة المدرسه بيكونون هنا
رؤى:اه لو مانتي في حياتي وش اسوي؟
حصه:لازم اقفل سعد يبكي
رؤى:اوكيه بس تكفين لاتنسين
حصه :من عيوني وقفلت الخط
كانت رؤى تبكي من كل قلبها وكانت تحاول تقصر صوتها حتى محد ينتبه عليها
جاء فواز للمطبخ من الباب الخارجي
فواز:تيكا وين القهوه خلصوا والحين بيجي الغداء لاحد يطلع خلهم يركبون البوفيه
تيكا:الحين قهوه خلاص كلوه موجود بس رؤى برى
فواز:رؤى برا خلاص انتي جهزي القهوه وانا بناديها
راح فواز يدور رؤى وتذكر انها دايم عند الحديقه اللي باخر المزرعه عند مسبح الحريم
كانت قاعده ومو لابسه عباءه ولا حاطه شيله كانت تبكي وتضم صور اخوانها اللي بالميدليه المعلقه بنحرها دايم
فواز:سمع صوتها ولمن جاء لقاها تبكي
فواز:رؤى
رؤى بردت مكانها من الخوف وحطت راسها على ركبتها
رؤى بصوت مبين فيه البكى:فواز ممكن تروح
كان فواز يبي يعرف ليه تبكي :رؤى ليه تبكين
رؤى بجديه:فواز لو سمحت رح
فواز انتبه وقتها انها منحرجه لانها مو حاطه الشيله كان شعرها يحركه الهواء وهي حاطه راسها على ركبتها وتبكي
فواز:اوكيه اسف بس الحين تبع البوفيه جاين ادخلي من البرد وراح
رؤى زاد بكاها وتقول في خاطرها(اه يافواز محد قد اهتم فيني ولاسالني ليه ابكي اللي انت


فواز اخاف انك شفقان علي ومستحيل ارضى بالهشي ومستحيل اضل على هالحال لازم اطلع من البيت
وجودي بيزعجه وانا مابغى أي شي يعكر حياته بعد ماتعذب الشهور اللي طافت على اهله لازم افكر في كل شي اخواني محتاجيني ومعاذ لازم القى له حل الهروب مو حل) ورفعت راسها من على ركبتها كانت كلها هموم
كانت تفكر كثير بنت برقتها متحمله هالحمل كله وساكته ماكان فيه الصدر اللي تحط راسها عليها قامت رؤى ومسحت دموعها وحاولت ترسم ابتسامه على وجهها ورجعت للبيت
فواز كان مره متضايق وحيل زعلان (اه يارؤى ليتني مت ولاشفت دموعك ولا كنتي زعلانه وجيت وزدت عليها اه بس )
عبدالله:فواز وش فيك مكشر اخاف تحسفت ان حنا جينا
فواز:لا ولاشي
عبدالله حس ان فيه شي:فواز صار لك شي داخل
فواز:اصلا مادخلت اخذت القهوه من الباب الخارجي
عبدالله :اجل وش فيك
فواز بنبره حاده:عبدالله مافيني شي وراح وخلاه
عبدالله عرف انه صار معه شي
جاء الغداء وبالليل جاو باقي معارفهم المقربين واهلهم
وكان يوم حلو خالطه دموع الفرح مع دموع زعل رؤى وخوفها

ــــــــــــــــــــــــــــ(8)

رجعوا للبيت لان الجو كان بارد وابو عبدالله تعب من الرحله
بقى في المزرعه ابو نايف ومحمد زوج صباح وفهد وفواز وعادل ولد صباح خالة فواز
والحريم بقى دلال وبناتها ورؤى وندى وبنتها سكون البقاي راحوا البيت
ندى:رؤى أي سنه تدرسين
رؤى وهي ترفع شعرها:هالسنه اجلتها لظروف وبكمل السنه الجايه ثاني جامعه
ندى:ماشاء الله حلو بس يمه شعرك ماشاء الله ناعم ويطيح على وجهك عذبك لميه
دلال:وين تلمه ماشاء الله مافيه فايده يرجع يطيح
ندى:لاقوه الا بالله الله يهنيك ليت عندي شعرك مثلك انا وقرعتي
رؤى ضحكت:لابسم الله عليك وش حلاته شعرك مره روعه ويضبط فيه التسريحات
ندى:بذي صدقتي الله يجبر بخاطرك وضحكت
دلال:رؤى نادي البنات برى وتيكا بتكمل عنك
راحت رؤى تنادي البنات
رؤى:نور ساره يالله رايحين
ساره:طيب
نور بكل غرور:هيه تعالي
رؤى:انا
نور :ليه فيه احد غيرك هنا
رؤى قربت بكل حياء
نور:انتي تدرسين؟
رؤى:ماجله هالسنه
نور:غريبه قاعده هنا مالك صفه رسميه والله عيب
رؤى كان كلام نور نفس الصاعقه
رؤى بغصه:ننتظركم بالسياره
وراحت وهي تركض ماكانت حابه احد يشوفها تبكي كانت تبي تدخل المطبخ من الباب الخلفي
كانت تبكي بحراره وخوف كانت تفكر وقتها باشياء كثير كان فواز طالع من المطبخ معه شنطه لم فيها اغراضه اللي بالمزرعه لانها راح تكون مفتوحه للكل
رؤى ماكانت ماكله من يومين وعندها فقر دم شديد كانت منهاره نفسيا بعد كلام نور فتحت الباب بقوه وصقعت الشنطه براسها من غير ماتنتبه ماتحملت حست الارض تدور فيها وطاحت
فواز رمى الشنطه:رؤى رؤى
دلال جت تركض:وش فيها
فواز:مدري صقعت بالشنطه وطاحت
دلال كانت تحاول تصحيها:رؤى رؤى وتغسل وجهها بس رؤى كانت مره صفراء
فواز:عمتي يالله ناخذها الطبيب
حست رؤى وراسها كان بحضن فواز
فواز :عمتي مره راسها حار
دلال:شيلها يالله بسرعه
رؤى فتحت عينها
فواز:رؤى ؟
رؤى حاولت تقوم :مافيني شي
فواز:رؤى وين رايحه ؟
رؤى:ابي اروح البيت قامت ورجعت تعثرت وطاحت
دلال وهي خايفه:رؤى ارتاحي
فواز كان مره خايف عليها :رؤى وش فيك
رؤى رجعت قامت وماكانت تسمع لهم
فواز سندها وبعدت يده :اقدر امشي انا بخير
مسك يدها بقوه :رؤى وقفي
رؤى ماحست على نفسها الا بالمستشفى
فتحت عينها كانت دلال وندى عندها
ندى:دلال صحت
دلال:هاه يمه رؤى شخبارك الحين
رؤى ماكانت حاسه بشي ورجعت نامت
دلال:ياويلي ليكون انا السبب من امس وهي تشتغل معي
ندى:ماشفتها تغدت
دلال:ياحياتي مانتبهت لها لو صار لها شي بموت بحسره
طلعت نتايج التحليل
فواز:تكفى دكتور طمني
الدكتور:وش تقرب لها
فواز تنح بعدين قال:ولد عمها
الدكتور:فين والدها او والدتها؟
فواز :الله يرحمهم
الدكتور:ممكن اعرف اخر مره كلت فيها امتى؟
فواز :مدري
الدكتور:البنت كانت حتروح فيها عندها فقر دم شديد
فواز:فقر دم طيب وش نسوي اتبرع لها
الدكور:لا ماينفع فصيلتها نادره لازم نحاول نزيد الهميجلوبين بالدم
فواز:يعني هي بخير
الدكتور :ان شاء الله بس اذا استمرت كذا ماعرف وش يصير
فواز:بسم الله عليها لا مافيه الاالخير
الدكتور:هي مصره تطلع الحين وعلى مسوليتها
فواز(انتي للحين عنيده ):اوكيه دكتور ماعندي مشكله
الدكتور:انتبه عليها البنت شكلها تعبان وياليت تبقى بعيد عن الزعل
فواز:ابشر عن اذنك
الدكتور:اتفضل
راح فواز (ياترى وش صار ليه كانت دموعها على خدها ليكون انا السبب ياربي قومها بالسلامه)
فواز:عمتي دلال
دلال طلعت له برى:نعم
فواز:طلعتها على مسوليتي ماتحب المستشفيات بتتعب اكثر
دلال:ايه من اليوم تحن علي يالله الحين نطلع
رؤى:بنطلع
دلال:ايه قومي استندي علي
رؤى:لا بمشي لحالي
ندى :يمه خليها تساعدك
رؤى :والله اني بخير واقدر امشي
مشت رؤى للسياره بصعوبه كانت تبين انها بخير وهي مره تعبانه
ركبوا رؤى وندى ودلال
فواز:الحمد لله على السلامه رؤى
رؤى بصوت كله تعب:الله يسلمك
دلال:خلاص يمه امش البيت
رؤى حطت راسها على كتف دلال وماحست الا ودلال تصحيها تنزل البيت
رؤى:بدخل من باب اخلفي مابي احد يشوفني كذا
ندى:الكل ينتظرك وخاصه ام عبدالله خوفتينا
رؤى دمعت:اسفه ماكنت اقصد
دلال حست ان فيها الصيحه:لا يمه بس دلع البنات على قلوبنا عسل وأحد يعلمني فيه
دخلوا وكان الكل في انتظارهم
ندى +دلال+رؤى:السلام عليكم
الكل :وعليكم السلام والرحمه
ام عبدالله:رؤى وامسكت يدها وقعدتها عالكنبه: شخبارك الحين؟؟
رؤى وججها اصفر وصوتها مبحوح:الحمد لله طيبه
ساره ونور يتهامسون ويضحكون
رؤى حست انها منهاره وماتتحمل أي حركه من أي احد
ندى:رؤى قومي معي غرفتك لازم ترتاحين
قامت رؤى بكل تعب
ندى فتحت غرفتها وحططتها عالسرير :ارتاحي رؤى تعبتي اليوم كثير
رؤى بكل تعب وحيلها مهدود:ان شاء الله خاله دلال؟
دلال التفت:هلا قلبي محتاجه شي؟
رؤى :اسفه ماكنت ابي يصير كذا واخرب عليكم
دلال:يالله يابنت نامي والمرض مايعرف اسف ولا لا يالله اشوف نامي ترى ماعندي دلع بنات (وضحكت)
غفت رؤى ومدى تنام وحلمت حلم خلاها تصحى بكل خوف
صار لها نص ساعه نايمه رسلت لفواز:لو سمحت ابغى الملفات بكره الصباح
رجعت نامت كان واضح عليها التعب والارهاق
فواز سمع المسج وفتح جواله حس بقلبه بيطير من مكانه لمن قرى رؤى
قرى الرساله مرتين وثلاث (اه يارؤى حتى وانتي تعبانه ماتتخلين عن اللي براسك
اه حطيتيني بين نارين اعرف انك اذا مارسلت الملفات بتزعلين وشلون ارسلها وانتي تعبانه)
قفل الجوال وتنهد بصوت مسموع
ابوعبدالله:يالله ياجماعه تصبحون على خير بروح اخذ الدواء واريح
الكل:اذنك معك
الكل توجه لغرفهم بجناح الضيوف اللي بالحوش ومعزول عن البيت وعبدالله وفواز طلعوا مع ابوهم لفوق
ابوعبدالله راح لغرفته وفواز وعبدالله راحوا جناح فواز لان البيت مليان وماحب عبدالله يروح لغرفته ويحرجهم
فواز بكل تعب رمى نفسه عالسرير
عبدالله:والله تعبنا اليوم
فواز(اه بس رؤى الحين وش تسوي وكيفها)
عبدالله انتبه ان فواز مو معه ابدا وصارخ فواااااااز
فواز انتبه:هاه خرعتني
عبدالله:اللي ماخذ العقل يتهنى به
فواز:لا من الفجر صاحي يالله تصبح على خير
عبدالله:وانت من اهله وراح للسرير الثاني


فواز(لازم اتطمن عليها والله ماقدرت اغمض عيني اتذكر شكلها وهي بين يدي وحرارتها نار
بس مع كذا بعدت عني كل يوم يعجبني فيك شي جديد يارؤى)
فواز قام من فراشه
عبدالله:وين رايح
فواز:جاي نسيت شي
فواز راح للمطبخ لقى تيكا
فواز:تيكا تعالي
تيكا:نعم بابا
فواز:شخبار رؤى وينها؟
تيكا:وجه هي مره تعبان هي نوم من يجي الى الحين والله مسكين
فواز راح وترك تيكا وهو غرقان بالتفكير
طلع من المطبخ
ام عبدالله:فواز يمه للحين مانمت
فواز:هاه هلا لاكنت جاي اشرب مويه
ام عبدالله:كان قلت يطلعونها لك
فواز:حرام تعبوا اليوم خليهم يريحون
ام عبدالله :دايم قلبك حنون عالكل بس يمه رؤى
فواز بكل اهتمام:فيها شي
ام عبدالله:والله تكسر الخاطر احسها مره تعبانه لازم بكره نوديها الطبيب ياخذ فحوصات كامله عليها حتى نتطمن
فواز:بكره من الصبح ان شاء الله
ام عبدالله:الله يقويك
فواز انتصر انه بيشوفها بكره بعد راح ونام بعد يوم طويل وحلو وصعب بمرض رؤى

ـــــــــــــــــــــــــــــ(9)

رؤى فتحت عيونها بتعب :يوه من امس نايمه طالعت الساعه 7وربع استغربت من نفسها للحين نايمه
صحت واخذت شور ولبست تنوره ميد لونها ابيض و قميص نيلي كمه لتحت الكوع ضيق من فوق ويوسع من تحت ديزاين فرنسي
ام عبدالله كانت صاحيه هي ودلال وندى يتقهون تحت
رؤى:صباح الخير
الكل:صباح النور
دلال:استغربت لمن صحيت مالقيتك اهم شي نمتي وارتحتي
رؤى ابتسمت:الحمد لله
ام عبدالله:شخبارك اليوم يمه؟
رؤى بحياء:الحمد لله بخير
ندى:من قدك انسحب عالكل ماسالت أي احد شخباره الا انتي
ام عبدالله:تغارين كيفي بسال على رؤى حبيبتي وش حشرك
الكل ضحك ورؤى وجهها قالب الوان
دلال:الله يصلحكم شوفوا وجه رؤى من الحياء شوي وتدخل في الكنبه
ام عبدالله:تيكا
جت تيكا:نعم ماما
ام عبدالله:حضري الفطور لرؤى وسوي لها عصير فرش
رؤى وهي تقوم :لا خالتي انا بقوم احضره
ام عبدالله:لا يمه انتي ارتاحي والله لو يدري فواز انك بتقومين تسوين شي من امس يوصي
رؤى ماقدرت تقول ولا حرف نزلت راسها ووجهها غبته بين شعرها
ندى:أي مسكين امس خاف عليها مره شكل اخوك يارؤى عزيز عليه مره
دلال حست باحراج رؤى :يالله رؤى نروح نفطر
ندى:بتفطرين مره ثانيه
دلال:والله يمدحون الفطور ويقولون انه صحي
الكل ضحك وقامت دلال مع رؤى يفطرون

في الشركه
فواز على مكتبه وقدامه اوراق وملفات كثيره لانه امس ماداوم
اندق الباب
فواز:تفضل
عبدالله:السلام عليكم استاذ فواز
فواز:هلا والله بالعم عبدالله تفضل
عبدالله قعد بقوه وحط رجل على رجل: بسرعه القهوه لعمامك
فواز:يالدب الاثاث جديد مو متحمل اوزان ثقيله ينفع له ناس خفاف
عبدالله:خلينا الخف لك يالمسواك
فواز:عدال يافرخ الفيل
عبدالله بغى ينط على فواز يكفخه ولكن دقت الباب انقذت فواز من عبدالله
فواز بضحكه:اتفضل؟
عبدالله بهمس:والله ماخليك يالمسواك
السكرتير:استاذ الملفات اللي طلبت نوصلها للبيت جاهزه
فواز:خلاص وصلوها وشيك على اوراق المسودع 4وصلت او لا؟
السكرتير:ابشر
عبدالله:عن اذنك يالمسواك
فواز باستهزاء:افا ماشربت قهوتك
عبدالله:بروح الحق على مكانتي السياسيه والاجتماعيه بالشركه
ضحكوا كان فواز مره مبسوط برجعه عبدالله واهله بس باله مشغول على رؤى
في حديقه بيت ابوعبدالله
رؤى قاعده بزاويه الحوش فيه طاوله وكراسيها وفوقها مظله من الاشجار
كان الجو رايق وتنتظر الملفات
رؤى تطالع بالساعه 8ونص(يالله يافواز تاخرت بالملفات)
تيكا:ماما رؤى
رؤى:هلا تيكا
تيكا تمد الملفات:هذا من بابا فواز
رؤى:شكرا تيكا
تيكا:ماما وجهه انت اصفر كتير
رؤى بابتسامه باهته:لا مافيني شي روحي انتي معليك
راحت تيكا ورؤى بدت بالملفات
وبالمجلس كانوا ابوعبدالله وابونايف ومحمد وفهد يتقهون
ابو نايف:ابوعبدالله
ابوعبدالله:سم
ابو نايف:حنا جينا انا وفهد نسلم عليك ونتطمن على صحتك والله كان ودي نقعد معكم بس رحلتنا اليوم بالليل
ابوعبدالله:مايصير يابو نايف اجلها لبكره
ابو نايف:تعرف الاولاد والدوامات اليوم الخميس وبكره الجمعه يعني الواحد يالله يمديه يرتاح ويقضي اشغاله
ابوعبدالله:مافيه امل تقعد للاسبوع الجاي عالاقل
ابو نايف:ودي بس انت بتجي قريب ان شاء الله تغير عندنا جو الجوبالجنوب يرد الروح
ابوعبالله:وانت الصادق هواء نظيف الا وش اخبار العقار يقولون مرتفع
فهد في هالاثناء كان متضايق من الجلسه فواز بالشركه وابوه وعمه دخلوا في الشغل وشاركهم محمد
فهد:عن اذنك يبه داخل لعماتي
ابوعبدالله:روح يبه البيت بيتك
فهد:طلع من المجلس على باب المطبخ بعدين يروح للصاله
دخل المطبخ ولقى تيكا
فهد:هيه روحي قولي للحريم فهد بيدخل
تيكا:طيب
راحت تيكا ونور وساره توهم صاحين من النوم
دخلت ساره للمطبخ
فهد فز قلبه(معقوله ساره)
ساره مانتبهت انه واقف ودخلت وطاحت عينها بعينه كانت لابسه برمودا جنز وتيشرت اصفر وشعرها سايح على ظهرها
فهد نزل عيونه:هلا ساره شخبارك؟
ساره طلعت من المطبخ ولاردت عليه
فهد (اه ياساره لو ادري اني كل ماجيت بشوفك كل عشت بالرياض علشانك متى تحنين علي يابنت العمه)
تيكا تكلم فهد وهو سرحان بعد مانتبه:هاه
تيكا:ماما دلال يقول ا دخل
وراح لدلال بالصاله
ساره لمن شافت فهد ركضت وراحت عند نور كانت ماتقدر تتنفس من الركض
نور:وشفيك ؟
ساره بتعب:لحظه اخذ نفس
نور:وشو تحمست
ساره:تخيلي دخلت المطبخ ابي اقول لتيكا تجيب الكوفي من شفت
نور تغيرت نظرتها :ليكون فواز
ساره:لا مو فواز فهد
نور باطمئنان:فهد تغير شكله؟؟ من زمان عنه
ساره:اسكتي شوفي لبسي
نور تضحك :يحصله نظره منك
ساره:بس يحليله نزل عيونه
نور:بعد ماقز وخلص ههههههههه
ساره:بس والله احلو عن اول والطول في تزايد مستمر ماشاء الله
نور في بالها(لانتي ولا رؤى تستاهلون فواز اذا مانسيتك ياساره اسمه ماكون نور)
نور:ايه صح امشي نطلع
ساره:وين امي ماتخليني
نور:يوه بزر باقي تستاذنين
ساره:ايه اكيد مستحيل اطلع من دون ماقول لأمي
نور:طيب روحي شوفي ترضى نروح نتغدى
ساره :طيب

في الصاله
فهد كان يسولف مع دلال وام عبدالله اما ندى وصباح راحوا يرتاحون بغرفهم
ساره:ماما
فهد كل ماسمع صوها فز قلبه(اه ياسارونه اشوفك واسمع صوتك يابختي )
دلال:نعم وش تبين
ساره:تعالي شوي
راحت دلال
دلال:نعم وش تبين؟
ساره:بنروح انا ونور نتغدا بالراشد تكفين يمه
دلال:انتي انجنيتي كيف تروحون بروحكم ولا اليوم خميس يعني زحمه لا انسوا
لا يعني لا
ساره:يوه يمه وش تقول عني نور
دلال:لاوالله تقول اللي تقوله طلعه مافيه تبين بقول لفهد يوديكم
ساره وهي مقطبه حواجبها :وشو فهد وش نبي به
دلال:بتطلعون يوديكم فهد غير كذا مافيه
ساره بطفش ورجلها تضرب الارض :طيب
ماكان عندها حل ثاني تبي تثبت لنور انها تقدر تطلع بالوقت اللي تبي
دلال:يمه فهد البنات يبون يرحون المطعم بالراشد تروح معهم
فهد كان يبي أي فرصه يشوف ساره ويتكلم معها:اكيد بس خليهم يجهزون بعد الصلاه بنطلع
راحت ساره لنور
ساره:نور
نور:هاه وافقت
ساره:ايه بس بيروح معنا فهد
نور وهي رافعه حاجب:نعم نعم فهد وش يبي ذا
ساره وهي تتنهد :شرط امي ان حنا مانطلع الا فيه
نور :اللهم طولك ياروح يالله نجهز وبنلاقي لفهد حل
خطرت على بال نور فكره
نور بنظره غريبه:سارونه
ساره تدور ساعتها:نعم
نور:وش رايك ناخذ رؤى معنا
ساره طالعت فيها:انتي من جدك انا ابي افتك منها تودينها معنا
نور قربت من ساره وحطت يدها على كتفها:يالذكيه نبيها تلهي فهد عنا نبي نتمشى وهو بصراحه شغل قروايه وغيوروخرابيط اخاف يفشلنا
ساره كان يدخل كلام نور باذنها واي شي تقوله هو الصح
ساره:طيب بروح اقولها تجهز
راحت ساره وهي نازله من الدرج
دلال:ساره معد بتروحون؟
ساره:الا بس قلنا ناخذ رؤى معنا مسكينه تغير جو
دلال:أي والله يمه زين تسون هاذي بنتي الحنون
ساره(والله ماتدرين ليه ماخذينها):ايه ماما بس هي وينها
دلال:هي بالحديقه
طلعت ساره الحديقه(الله يقرفها احد يقعد بالحديقه هالوقت) كانت رؤى قاعده ومنهمكه بالملفات صارت الساعه 12 الاربع
ساره:صباح الخير رؤى
رؤى :اهلين سارونه صباح النور والسرور
ساره:رؤى انا ونور بنطلع نتغدا ونبيك تروحين معنا
رؤى بتردد:لامعليه حبيبتي اطلعوا وانبسطوا
ساره: يالله رؤى بنروح وننبسط سوى يلا ولد خالي فهد ينتظرنا من وقت
رؤى:مقدر عندي شغل
ساره:يالله كلها ساعه ماراح نطول
رؤى:وخالتي دلال وش قالت؟
ساره(اللهم طولك ياروح):هي قالت خلوها تنبسط وتغير جو
رؤى:اوكيه اخلص اللي بيدي واجي دام خالتي دلال قالت عادي بس فشله من فهد
ساره:لا هو عادي وفري
رؤى بتردد:اوكي دقايق وجايه
راحت ساره ورؤى خايفه من اهتمامها المفاجئ وخايفه من الطلعه اللي قلبها مو مرتاح لها
راحت رؤى لدلال بغرفتها دقت الباب ودخلت لقت ان دلال تصلي قعدت على كرسي باخر الغرفه
حتى ماتشتت انتباه دلال من الصلاه
خلصت دلال من صلاتها
رؤى:تقبل الله صالح الاعمال
دلال:منا ومنك يارب هاه يمي رؤى بغيتي شي اومحتاجه شي
رؤى بخجل:ساره قالت لي اروح معهم اتغدا عادي؟
دلال:ايه يمه روحي وسعي صدرك وتمشي بعدين ارجعوا ماراح تطولون
رؤى باست فوق راسها:يالله مع السلامه خالتي
دلال:مع السلامه يمه انتبهوا لبعض
طلعت رؤى ودلال تدعي لها ان الله يحفظها ويسعد أيامها
رؤى راحت صلت و لبست عبايتها وراحت لنور وساره


رؤى دقت الباب :بنات انا خلصت
نور :طيب انتظري تحت الحين نازلين
رؤى ماكان قلبها متطمن بس حبت تغير جو لانها تعبانه نفسيا وجسديا
بس طلعت رؤى ضحكت نور:وش ذا ولاحاطه مكياج الحمد لله والشكر حشى رايحين عزاء بس بنت اللذين تقولين لبنانيه حلوه بدون مكياج تتوقعين لون عيونها طبيعه ولاعدسات؟
ساره:معليك منها امشي يالله اكيد زحمه الحين
ركبوا السياره كان مكان السايق السواق وجنبه فهد لانه مايدل بالخبر كثير
فهد:خلاص
نور تهمس لساره(ياشينه وتضحك)ساره دقت نور وقالت:ايه خلاص
رؤى كانت تقرا الاذكار اللي تعودت باي طريق او وقت فراغ تقولها وهذا شي تعلمته من ام خالد
ماسولفت ساكته طول الطريق بعكس ساره ونور اللي ضحكهم كان منرفز
فهد قدام
فهد(اه ياساره والله اغار عليك لو اقولك قصري صوتك بتعصبين بس من الثالثه اذا هاذي نور وساره اه تذكرت شكلها اخت صديق فواز ماشاء الله شكلها محترمه ماسمعت لها حس)
وصلوا بعد نص ساعه كانت الدنيا زحمه والشوارع مليانه بالناس فرحانه بالويكند من المدرسه والداومات اللي طول الاسبوع
ساره:فهد
فهد(كل مافيني يقول لبيه ):نعم
ساره:اكيد مستحيل تقعد معنا على طاوله فاحنا بنطلع وخلك قريب
فهد(مستحيل اللي اسمعه تبيني قريب):ان شاء الله
نور تهمس لساره(والله ينفع يتزوجك شكله مطيع)
ساره(انتي انجنيتي مستحيل غير فواز يسكن قلبي وعقلي مستحيل)
ضحكوا على فهد وعلى هدوء رؤى اللي كان ينبع من الخوف والتعب
كانت ساكته وتحس بالتعب يتخللها بس كانت تقاوم بكل مافيه وتصبر نفسه(رؤى جاك اكبر من كذا وتعبتي اكثر من كذا مانتي قادره تتحملين شويه زكمه وفقر دم)
فهد كان مستغرب من هدوءها ومشيها ورى البنات بكل هدوء
طلعوا للمطاعم وطلبوا الغداء
فهد قعد على طاوله جنبهم
ونور ورؤى وساره على طاوله ثانيه
نور:رؤى ليه ساكته ؟
رؤى:هاه مافيه شي
ساره وهي لافه على نور:بس نتغدى نبي نتمشى
نور :اوكيه
كانوا شغالين ضحك وتعليق على الرايح والجاي ورؤى قاعد بدون همس
فهد كان يراقبهم من بعيد وزاد فضوله عن رؤى وليه ساكته معقوله انه الهدوء ماقبل العاصفه وكل هذا غرور منها
جاء الغداء وتغدوا
نور:سارونه امشي الحمام اعدل الميكاج واغسل يدي
ساره:يالله
اشروا لفهد انهم رايحين للحمامات القريبه(الله يكرمكم)
وفهد حرك راسه لهم
نور:اما ولد خالك ذا تحفه
ساره:يالله امشي بسرعه
رؤى كانت تفكر بكل شي وتفكر بخالد وفجر وتفكربإن معاذ بيقدر يأذيهم دمعت عيونها
وفهد منتبه لكل حركه تسويها شافها تمسح دموعها
فهد(شكل هالبنت وراها قصه ليه الحزن ذا كله )
بعد مرور ربع ساعه ماجاو ساره ونور
خاف فهد ومر من جنب رؤى:انا رايح اشوفهم
رؤى قعدت بروحها كانت خايفه من المكان زحمه وخايفه على نور وساره
راح فهد يمشي ويتلفت يدور بعيونه عليهم وصعق باللي شافه
كانوا واقفين جنب شباب ونور تفتح الجوال وتضحك
راح فهد بعصبيه ومسك يد ساره:امشوا
نور ارتبكت والشباب من شافوا فهد راحوا
راحوا البنات وفهد انصدم باللي شافه(معقوله هاذي الانسانه الطفله البريئه اللي حبيتها)
راحوا للسياره والوضع متكهرب ومشوا ناسين وراهم رؤى من عصبيه فهد وخوف ساره ونور منه
رؤى تنتظر ومرت عشر دقايق ومحد جاء
كانت تنقط عليها كلمات وتسوي نفسها ماتسمع مسكت الجوال تبي تدق
عالبنات ولكن للاسف ماهي حافظه الا رقم فواز وخالتها حصه
احتارت وترددت تدق او لا
بس لمن تجرا واحد وقعد عالطاوله:الحلوين ليه بروحهم
رؤى وقفت ودموعها تنزل بروحها
وراحت بخطوات سريعه لمن وقفت عند محل دقت على فواز
فواز كان مع عبدالله والشباب يبون يتغدون
دق الجوال المتصل(رؤى )
فواز ابتسم:اهلين
رؤى وهي تبكي:فواز البنات راحوا وخلوني وفهد لحقهم ولا جاء للحين
فواز قام من عند الشباب:رؤى لاتخافين وفهميني السالفه
رؤى وهي ماهي قادره تتكلم من الخوف:طلعنا نتغدا وراحوا البنات للحمام ولحقهم فهد وللحين ماجاو
فواز بعصبيه:مخلينك بلحالك؟
رؤى:تكفى دق عليهم ليكون صار فيهم شي
فواز :انتي وين؟
رؤى:بالراشد
فواز:اوكيه انا جاي خلك مكانك
فواز دق على فهد وهم بالسياره اللي الجو فيها مشحون بهدوء ونور وساره مايقدرون يقولون أي كلمه يبررون فيها موقفهم
فهد بعصبيه :نعم فواز
فواز:وينكم
فهد :راجعين البيت ليه؟
فواز بعصبيه:البيت ورؤى وينها؟
انتبه فهد:هاه رؤى الحين نرجع لها
فواز:لاخلاص انا هناك وبجيبها معي
وقفل مانتظر حتى جواب فهد
فهد بصوت عالي وعصبيه :كله منكم نسينا البنت بلحالها (وتنهد وهو يتعوذ من ابليس حتى يهدى ومايذبحهم )
نور(الله ياخذ فهد وياخذ هالسوسه رؤى)
ساره كانت منصدمه من اللي سوته وماهي مستوعبه ولا انتبهت لنور وهي تكلهما
نور(ساره ماتسمعيني)
انتبهت ساره: هاه الا مسكينه اكيد خايفه
نور :ماقول الا الله ياخذك معهم
ساره في حالته صدمه ان ولد خالها اللي يحبها شافها ومنصدمه انها قدرت تسوي كذا
.........
فواز :شباب عن اذنكم وراح مسرع
كان بمطعم قريب ساق بسرعه جنونيه
وصل للراشد نزل بخطوات سريعه
دق على رؤى
رؤى بكل خوف:هلا
فواز:انا تحت لاتخافين خلك معي عالخط انتي عند المطاعم؟
رؤى :ايه
كانت تتلفت تدور فوازبعيونها اللي صار لها طوق النجاه من كل موقف
طاحت عينها عليه بابتسامه خايفه قفلت الجوال
فواز لمن شافها ارتاح (اه يارؤى اكيد خايفه ودي اضمك وامسح عليك ماحتمل نظره الخوف بعيونك)
فواز بنظره مافهمتها رؤى:انتي بخير؟
رؤى ببحه:ايه
فواز ابتسم حتى يطمنها:اجل يالله رؤى نمشي
رؤى وعيونها تدمع للحين راحت ورى فواز كانت خطواتها ثقيله من التعب والخوف لاول مره تروح مكان عام زي كذا ولحالها
ركبوا السياره كانت رؤى بحال اسوا من الحال اللي راحت عليه كملت سكوتها مع دموع الخوف والحسره
كانت تفكر بانها كذا حظها مو زين دايم تطيح بمشاكل مالها ذنب فيه
كانت منزله راسها اللي ماتقدر ترفعه من التعب
فواز كان خايف عليها :رؤى
رؤى :لبيه اقصد نعم
فواز(للحين تستحين مني ):انتي بخير اكيد
رؤى (اه يافواز لولا وجودك في حياتي اشكرك ياربي على وجوده ):ايه مشكور فواز
ونزلت رؤى للبيت كانوا فهد والبنات ينتظرونهم برى حتى مايبينون أي شي
دخلوا مع بعض كل وحده راحت لامها تحظنها ولا كأن أي شي صار اما رؤى طلعت لغرفتها
لانها حاسه بالتعب خافت تطيح قدام احد
دلال:غريبه رؤى مو من عوايدها تدخل ماتسلم
نور بارتباك:لا شكلها تعبت لعبنا وانبسطنا واكيد راحت ترتاح
دلال:يمكن
رؤى تحاول تفتح باب غرفتها كان التعب مسيطر على جسمها الضعيف وحرارتها مرتفعه
فتحت الباب وطاحت على السرير
نامت بعابيتها من دون ماتحس وغطت بنوم عميق
فتحت عينها لقت الساعه 5 العصر
جسمها مكسر وراسها يعورها تذكرت الظهر ونزلت دمعه على خدها
قامت تصلي العصر اللي تاخرت عليه ماحد صحاها
صلت وقامت تدعي(يارب انا عبدك الفقير اليك يارب ان همي كبير وقلبي مهموم فارحمه يارب العباد
يارحمن يارحيم اللهم فرج الهموم وازل الكروب واسعد صافين النفوس يارب اجمعني باهلي عاجلا غير آآجل يارب امنع عني شرور الناس و ابناء الحرام وبناته يارب تثبتني على الحق والدين وعلى رضاك يارب انك تحفظ عمي ابوعبدالله وتلبسه ثوب العافيه كما البسته ايوب وفواز تسعده باقي ايامه وتقدر له الخير يارب)
لبست تنوره جينز ازرق غامق وبلوزه بيضاء اكمام طويله بوف وفلات ابيض ناعم مره لمت شعرها ذيل الحصان اخذت دواها وحطت الحجاب على كتفها
ونزلت وهي دايخه شوي بس كانت تكابر
لقت الكل مجتمع بالصاله تحت الحريم ونور وساره
رؤى ناظرت نور وساره بنظره غريبه
رؤى:السلام عليكم
الكل:وعليكم السلام
ندى:صح النوم يارؤى
رؤى ابتسمت ابتسامه صفراء:صح بدنك
صباح ماكنت تحب رؤى ابد فقالت:ام عبدالله الاربعاء الجاي اكيد حفله لابو عبدالله
ام عبدالله:ايه ان شاء الله اكيد بتجون
صباح:والله بنحاول ماتوقع نقدر الاسبوع الجاي بعد
ام عبدالله:لا مايصير بيجون ناس مهمين وكثير وابيك تكونين جنبي
صباح :والله بنحاول
مر يوم الخميس وسافر ابو نايف وفهد كان فهد شايل معه صدمته بساره صدمته بالانسانه اللي يعتبرها بعيونه كامله(والكامل الله) ويتخيلها زوجته في يوم من الايام ماحد درى عن السالفه الا فواز بعد الحاح قوي منه على فهد وطلب منه يتكتم نهائي عالموضوع
ويوم الجمعه المغرب راحوا اهل الرياض ومابقى غير دلال وبناتها مع اهل فواز
رؤى كعادتها بالحديقه ماكانت تفارقها مع ان الجو بارد
كانت تايهه في دوامه التفكير وخوفها على اخوانها وخوفها من هدوء معاذ اللي اكيد ناوي على نيه
انحطت يد على كتفها وطاح جزء من الوشاح اللي عليها ارتعشت رؤى من بردوه اليد على كتفها
طالعت وابتسمت:فيونه ليه يدك بارده تعالي
وحطت فيء في حضنها ولفتها معها بالوشاح وقامت تدغدتها وتلعب معها
ضي كانت تلحق فيء باي مكان تروح له انتبهت رؤى لوجودها
رؤى:ضيونه تعالي معنا علشان مانمرض
بخجل تقدمت خطواتها ناحيه رؤى مسكتها رؤى وقعدتها جنب فيء بحضنها
رؤى تدفيهم وتلعب ضي اللي لاول مره تتاجرا وتقعد بحضنها
دلال وهي تصعد عتبات الدرج للجلسه اللي قاعده فيها رؤى :ماصدق ضي قاعده معك
رؤى وهي تضحك على ضي وهي تدغدها طالعت بدلال :اصلا ضي صديقتي صح ضيونه
ضي بخجل حركت راسها بالايجاب
دلال:يوه شلون متحملين البرد ادخلوا خلقه يارؤى انتي تعبانه
رؤى: ان شاء الله
شالت رؤى ضي وفيء غارت منها كانت رؤى تتمنى لو ترجع بسن ضي كانت بتكون مع اهلها وبتعرفهم
كانت بتكون نايمه وهي دافيه بحضن امها هزت راسها تبي تبعد هالافكار اللي تتعبها وكملت مشي بممر الحديقه وهي تضحك فيء
دخلت سياره ورؤى ودلال وبناتها عند الباب الرئيسي للفله
التفت رؤى لصوت السياره طلع فواز وعبدالله بداخلها
نزلوا وهم يضحكون ويتضاربون
رؤى بس شافتهم لفت حجابها ودخلت مستعجله البيت
عبدالله:غريبه وشفيها ساره ؟
دلال وهي للحين واقفه مادخلت مع رؤى :هاذي رؤى
عبدالله ناظر في فواز وابتسم بخبث:اها رؤى
فواز حس ان عبدالله بيجيب العيد :والله برد خل ندخل
دلال:انت لابس وبردان وماصارلك دقيقه رؤى من العصر بالحديقه ولبسها خفيف الحين اثبتت صحة النظريه ان قوه تحمل المراه اقوى من تحمل الرجل
عبدالله لف يد دلال يبي يطيحها
دلال تصارخ:انت وش تسوي
وعبدالله ميت من الضحك عليها:والله ياعمه انك دبه يبي لك رجيم
دلال بعصبيه:اهجد الحريم اذا رحت لهم يسالون وش الدايت اللي امشي عليه وانت تقول سوي رجيم الله يعينك يامي يابنت اخوي على ذا الخبل
عبدالله وهو يمسك مكان قلبه بطريقه مسرحيه :فديت من طريتي وفز لها خفوقي تقولين عارضه ازياء من نحفها يالبى بس
دلال:اثرت فيك لندن مالت بس امش ادخل
دخلت عبدالله ودلال وهم يتهاوشون بمزح
فواز اللي سرح في رؤى وكيف انها قاعده بالبرد بلبس خفيف ليه اكيد متضايقه من البيت مالومها اللي صار امس مو شويه الله يقدرني يارؤى اني انسيك
فواز دخل كانوا امه وابوه بالصاله ودلال وعبدالله قدامه باقي يتناقشون
هي تدافع عن الحريم وهو يسبهم يبي يغيظها
فواز:السلام عليكم
ابوعبدالله +ام عبدالله:وعليكم السلام
فواز:كيفك يالغالي اليوم ؟
ابوعبدالله:الحمد لله من زمان مارتحت هالراحه وانا بين عيالي وببيتي
فواز:الله يخليك لنا يانور البيت
ام عبدالله:احم احم
فواز باس فوق راسها وهو يقعد على مسند الكنبه اللي هي عليه:انتي الخير والبركه يالغلا
عبدالله لف على امه :يمه بالله من يتحمل اكثر انتي ولاابوي
ام عبدالله بابتسامه غرور :اكيد انا
ابوعبدالله وهو يضيق عيونه :افا لا مايصلح هالكلام
ودخلوا بالنقاش مع دلال وعبدالله
فواز استغل انشغالهم
فواز:فيونه تعالي معي عندي لك شي
في:وشو
شالها على كتفه ووداها معه للصاله التلفزيون
فواز:فيونه تحبين رؤى؟
في:انا اموت عليها بقولك سر وقربت من اذنه
فواز بضحكه على برائتها:وشو؟
في:احبها اكثر من ساره
فواز ضحك بصوت عالي
في بعصبيه :لاتقول لاحد هذا سر اتفقنا
فواز وهو يحاول يكتم ضحكه:اتفقنا
في باله(اه يارؤى حتى فيء وضيء تعلقوا فيك من حلاه قلبك لاتلوميني لو حبيته وتعلقت فيه>>انا وشفيني يارب دلني على الصدق يارب لاتخليني اظلم رؤى آآآخ)
انتبه لفيء وهي تناديه:فواز
فواز:نعم
فيء:انت ليه تسال؟
فواز صار وجهه الوان:هاه لان .....وانتي وش دخلك وصار يعفس شعرها ويدغدغها
رؤى رجعت للحديقه وهي في حاله كائبه يانها تراجع الملفات او تسرح
انتبهت لفي جايه صوبها مسحت دموعها وابتسمت
في:رؤى الى متى بتقعدين بالحديقه امي قالت ادخلي والله موت برد شلون متحمله
رؤى في خاطرها(صعب اعيش عليهم حمل اكثر من كذا كثرت عليهم حتى بيتهم مايرتاحون فيه)
رؤى بابتسامه:حلو المكان
فيء :جاء فواز وراي
رؤى انحرجت مره وهو جاي صوبهم عدلت حجابها وجلستها
فواز وهو يحط يده على صدره وهو مكتفها :يوه برد ليه قاعده هنا
رؤى وهي منزله راسها:بالعكس حلو الجو
فواز:رؤى
رؤى طالعت فيه :نعم
فواز(من زمان ماشفت عيونك كل ماشوفها اتوه رؤى ودي اقوم واشيلك وادخلت البيت غصب بس اتوقع تذبحني)
فواز كان يضحك على اللي يدور في بالها
رؤى باستغراب :فواز فيك شي؟
فواز:هاه لاتذكرت شي ممكن طلب
رؤى:عيوني وانتبهت للكلمه وقالت:ايه
فواز(للحين يارؤى كل مافرحتيني بشي يحسسني بحبك ترجعين وتقفلينه علي)
فواز:ادخلي داخل هنا مره برد
رؤى:ان شاء الله
فواز:رؤى
ورفع رجله وضمها وحط راسه على ركبته
رؤى:هلا
فواز:ادري انك تفكرين انك محرجتنا وقاعده بالبرد ومتحمله علشان كذا صح؟
رؤى:...............(يارب شلون يعرف وشو افكر فيه)
فواز:صح يارؤى؟
رؤى بصوت متهدج :فواز يكفي اللي سويته بعد تبي اكون سبب احراج لك ولاخوك مستحيل ارضاها
فواز انتبه لنبره صوتها ولمن طالع فيها انصدم بانها تمسح دمعتها
فواز(لا يارؤى تكفين لاتبكين دموعك تعذبني تكفين)
فواز:سوال ليه تبكين انا شكيت احد قالك شي؟
رؤى:هذا شي بديهي تبون تطلعون وتروحون على كيفكم في بيتكم
فواز:طيب غرفتي مو عاجبتك تراني احبها موت لو غيرك ماخليته يقعد فيها ثانيه بس تطمنت انك فيها احسها تهتم فيك بدالي وانك ترتاحين فيها
رؤى:................
فواز:رؤى لاتسكتين جاي ابيك تتكلمين
رؤى تبي تتهرب لانه مهما قالها بيبقى هذا شعورها تجاه قعدتها معهم:فيء نامت لازم اوديها
جت بتقوم وقف فواز بروح معكم
رؤى بخوف:وين ؟
فواز:المكان اللي بترحون له ؟
رؤى:بوديها غرفتها البنت نامت بالبرد
فواز:معترفه انه برد وقاعده فيه ؟
رؤى:فواز نسيت ذيك الليله لمن اول مره شفتك نمت في البرد للصبح بدون لحاف ولمن طلعت من بيت ابوي نفس الشي مشيت فيه تذكر ليله هربت من بيت معاذ اتظرت ذيك الليله بعد في البرد
رؤى بانهيار:تبيني ابعد عن شي عشت عمري فيه وبردت ومرضت فيه واخواني فجر وخالد حسوا فيه ومقدرت اسوي شي غير اني احضنهم واحاول ادفيهم طول الليل وانهارت رؤى تبكي
فواز بكل استغراب ساكت ويطالع في رؤى اللي قعدت على الكرسي تبكي وتضم في وهي نايمه
فواز(في خاطره ياقلبي انتي شياله وساكته عايشه هالعذاب وساكته عايشه الخوف وبعد ساكته )
فواز:حط يده الدافيه على كتف رؤى ارتعشت رؤى لمن حست بدفى ايده رفعت راسها ودموعها تنزل
فواز بصوت خلى رؤى تزيد بكي:رؤى
رؤى قامت وبيدها في:عن اذنك
ومشت راجعه للبيت فواز من وراها بنبره خلتها توقف تسمعه:رؤى
رؤى بدون ماتلف عليه:هلا
فواز:رؤى انا احبك
رؤى انصدمت وحست رجلها ماهي قادره تحركها

ـــــــــــــــــــــــ(10)

فواز:والله يارؤى اني صادق من اول مره شفتك فيها رؤى ادري بتقولين متسرع بس هذا احساسي لك من اول ماشفتك هذاك اليوم رؤى بس نتزوج....
هنا رؤى ماتحملت لفت عليه ووجها دموع صدمت فواز:مستحيل يافواز مستحيل اخلي نظره الشفقه في عيونك انت ماتحبني انت شفقان علي واعرف هالنظره فواز اصحى تعرف من انا ومن وين جايه وش يحدك علي غير الشفقه انت الف وحده تتمنى ظفرك
فواز بصوت واثق ويحمل القوه:انا مابي الالف ابيك انتي وانا مو شفقان عليك(وبنبره غير) انا حبيتك يارؤى والله حبيتك
رؤى ماتحملت زياده وحست انها بتنهار كانت اشبه بالغافله عن الحياه حست ان كلامه جرحها ماريحها
فواز قرب منها حسها بتطيح اخذ فيء من يدها
رؤى طالعت فيه ومسحت دمعه عاندتها طالعت فيه بنظره ألم وراحت بخطوات سريعه للبيت
فواز:ياربي انا وش سويت انا وش قلت ياربي تسرعت غبي انا غبي (وهو يضرب برجله الارض)
دخل فواز البيت وهم غافلين عن الاذن اللي سمعت اللي دار بينهم وسمعت كلام رؤى و اعتراف فواز لرؤى
مر فواز بالصاله وهو معصب من نفسه وفيء شايلها بين يديه
دلال:فيونه نامت
مارد عليها وطلع الدرج بخطوات سريعه حتى يوديها غرفتها
دلال تطالع ام عبدالله باستغراب
ام عبدالله:وشفيه ؟
عبدالله وهو عارف انه كان عند رؤى :قايم اشوفه
فواز حط فيء بسريرها بلطف ولحفها وسكر الغرفه كانت جنب غرفة رؤى طالع الباب بالم
فواز في خاطره(انا السبب في هالدموع والالم انا السبب)
ومشى بعصبيه لجناحه ودخل غرفته وسكر الباب ورمى نفسه عالسرير
اندق الباب
فواز:من ؟
عبدالله فواز ممكن ادخل؟
فواز:تفضل
عبدالله قعد على القنفه جنب السرير وهو يطالع بفواز منسدح عالسرير بالعرض وحاط ذراعه على عيونه :وشفيك اول مره اشوفك كذا
فواز وهو يزفر بضيق:مافيني شي متنرفز من شي
عبدالله:السالفه فيها إن ولاماكان صار فيك كذا
فواز: لاإن ولاهم يحزنون عبدالله لاتضغط علي
عبدالله:انت ماطلعت من البيت وجوالك معي اكيد كلمت ساره او ....
فواز قعد و طالع في عبدالله:او مين؟
عبدالله:اخت صديقك
فواز:رؤى
عبدالله بابتسامه خبث:احلف ان اسمها رؤى مو انت تحب هالاسم اكيد انت مسميها (وصار يضحك وهو يبي يغير مود اخوه)
فواز بعصبيه من استهزاء وضحك اخوه:عبدالله ممكن انام؟
عبدالله حس انه زودها:فواز وش فيها وش صار ؟
فواز حس ان وده يتكلم وده يفهم وش يسوي وقاله السالفه كلها من اول ماشاف رؤى لمن الموقف بالحديقه
عبدالله:فواز
فواز:نعم
عبدالله:لازم تطلع من البيت
فواز بصدمه:وشو؟انت انجنيت؟
عبدالله:لا بنتظرك تجن امي لو تدري وش تتوقع يصير
فواز:عبدالله تكفى لاتستهبل تكلم جد
عبدالله حس باخوه وانصدم من ضعف فواز اللي عمره ماهزه الا الاشياء القويه تهزه بنت؟
عبدالله:فواز انا من رايي تنسيها هالسالفه وتتعامل معها عادي لو انا مكانها بفكر بنفس تفكيرها فواز البنت زي ماقلت مرعليها كثير ماتوقع تتحمل شي زياده والله تكسر الخاطر
فواز:حاولت بس شلون بالموت قدرت اكلمها بالصدفه كانت بالحديقه وقدرت اتجرا واروح لها والنهايه جرحتها
عبدالله:مو هي تشتغل معنا ؟
فواز باهتمام:ايه
عبدالله:ارسل ملف انت كاتببه قول اللي تبي فيه وخلها ترد عليك فيه وحده من ذا القصايد الزينه اللي تكتبها(وغمز له)
فواز:تتوقع بترد
عبدالله :اكيد
فواز:تصدق اول مره ياثر فيني شخص كذا
عبدالله بخبث وهو يرفع حاجب:الحب عذااااااااااااب
فواز قام عليه ويركضون بالغرفه وعبدالله ميت ضحك وفواز وراه
في غرفه رؤى
رؤى بتعب حاطه راسها عالمخده ماهي قادره ترفعه تحس جسمها مكسر وماهي قادره تتنفس عدل كانت دموعها تنزل عالمخده وهي تفكر بكلام فواز (ماتوقعته يشفق علي ماراح اسمح يافواز انك تنظر لي بشفقه وماراح اسمح لنفسي اكسر قلبك انا لازم اختفي من حياتك للابد للابد يافواز)
غرقت بالتفكير وغفت عينها اللي ماوقفت دموع
ومر الاسبوع على رؤى اللي كل يوم تتعب اكثر من اليوم اللي قبله بس كانت تقول لنفسها انها زكمه عاديه
صباح يوم الثلاثاء
البنات راحوا المدرسه وبكره حفله استقبال ابوعبدالله
ام عبدالله وابو عبدالله ودلال وفواز وعبدالله قاعدين بالصاله ويتقهون ويسولفون
فواز وهو بنزل فنجانه عالطاوله :تاخرت عالدوام
ابوعبدالله:فواز يبه خلك شوي وجهك مو عاجبني ارتاح اليوم ورح بالعصر
فواز:مقدر يالغالي وراي شغل ماينتهي
عبدالله اللي نغز فواز:ايه يبه عنده شغل كثيييييييير الله يعينه
فواز الله يعيني على لقافته:عن اذنكم
ابوعبدالله:الا وينها رؤى ؟
فواز من سمع طاري رؤى قعد:عمتي ابي فنجان قهوه قبل لااطلع
دلال:ان شاء الله
عبدالله طالع في فواز وهو ماسك الضحكه
فواز بادله نظرته بنظرة تهديد
ام عبدالله:والله يابو عبدالله البنت حالها مو عاجبني تعبانه ودمعتها ماتفارقها كل ماسرحت واذا شافت احد ارجعت تبتسم ولاكانه صاير شي
ابوعبدالله:فواز هي تكلم اخوها؟
فواز بارتباك:كل يوم
ابوعبدالله:مايصير كذا وانا ابوك مايصير ترجع لاخوها وهي تعبانه هو ماوصاك عليها الا وهو واثق فيك
عبدالله حس انه جت فواز فرصه:يبه خل فواز يطلعها من البيت يوديها الاماكن اللي كانت تروح لها مع اخوهها يمكن تتغير نفسيتها وتتحسن
فواز في خاطره(يالبى عبود )
ام عبدالله:البنات يحبون فره السوق والمطاعم
دلال:هي ماتحبها تضايقت زود من راحت مع البنات
فواز تذكر الموقف وعصب في داخله
ام عبدالله:اللي قاهرني انها تشتغل بملفات شركتهم وتقعد بالبرد من الصبح لليل لا وتشتغل مع تيكا تقول حرام
دلال:وتذاكر لبناتي وهي اللي مسويه ترتيبات الحفله اللي بكره
ابوعبدالله بحزم:فواز الواحد اذا انعطى امانه يحافظ عليها
فواز:وش اسوي؟
ابوعبدالله:يبه خلها تكلم اخوها وطلعها اليوم حافظ عالامانه وانا ابوك
فواز في خاطره(هي بقلبي قبل عيوني ):ان شاء الله يالغالي انا استاذن
طلع للشركه وهو حالف ان ابوه مايداوم هو وعبدالله الا بدايه الاسبوع الجاي
رؤى في غرفتها ممده على سريرها بتعب كانت تكح بقوه
رؤى (وش فيني ماني قادره اوقف على حيلي )
سمعت صوت الباب يندق
رؤى بتعب:تفضل
دلال ادخلت :صباح الخير
فتحت الستاره وانصدمت من شكل رؤى
دلال ركضت لعندها ومسكت يدها:رؤى فيك شي؟
رؤى وهي تحاول تبان طبيعيه:هاه لامافيني شي
دلال :رؤى خدودك مورده وعيونك تعبانه ومدت يدها على راس رؤى
دلال:روووووووووووووى انتي نار؟
رؤى لمن حاولت تقوم من السرير فقدت الوعي
:عبـــــــــــــدالــــــلــــــــه
عبدالله سمع صوت عمته
ركض عبدالله الدرج وراح لعمته كانت واقفه عند باب رؤى:وش فيك ياعمه؟
دلال بخوف:رؤى بتروح من بين يدي البنت نار وفقدت الوعي شكلها كذا من امس
عبدالله:انتظركم تحت بالسياره بسرعه لاتطولون
لبست دلال عبايتها ولبست رؤى اللي كانت اشبه بالجثه الهامده
ام عبدالله:دلال شوي شوي عليها
دلال:الله يستر الله يستر
راحوا المستشفى كانت حالتها سيئه كثير
وصل فواز بسرعه جنونيه بعد ماتصل فيه عبدالله
فواز بخوف:بشر وش صار؟
عبدالله:الطبيب عندها داخل
فواز:شلون كذا كيف طاحت؟
عبدالله:ماطاحت لقتها عمتي على سريرها وكانت مره تعبانه(مايبي يخوفه عليها زود ويقولها فقدت وعيها)
فواز في داخله(الله ياخذ من عمري ويعطيها رؤى لو صار لك شي ماراح اسامح نفسي طول حياتي تكفين رؤى طيبي تكفين)قطع تفكيره خروج الدكتور
فواز :هاه بشر دكتور؟
الدكتور:من قريبها فيكم
فواز:انا ولد عمها
الدكتور ممكن تتفضل معي
راح فواز وكله خوف جلس على الكرسي بغرفه الطبيب
الدكتور:ارتفاع الحراره نتيجه وجود فايرس بالجهاز التنفسي في مراحل متطوره كثير
فواز:فايروس يروح يادكتور؟
الدكتور:الفايرس مقدور عليه بس ونزل راسه
فواز بصراخ:وشفيه؟
الدكتور :فيه ورم براسها وشاكين ان عندها الخبيث
كانت صاعقه على فواز مستحيل رؤى حبيبه يصير فيها كذا انهار ماهو قادر يتحرك من مكانه
الدكتور:احنا للحين شاكين بس من باب الشفافيه حاب تكون معي اول باول احنا بنسوي لها طبقي محوري وان شاء الله تكون شكوك ويكون ورم عادي مافيه أي خطوره
فواز:بتنام هنا
الدكتور:اكيد على الاقل لمن تنزل حرارتها
فواز طلع من الدكتور يجر رجله كان يتمنى انه مات ولا سمع اللي سمعه
عبدالله :فواز وش صار؟
فواز بجمود حط راسه على كتف اخوه :انا السبب انا السبب
عبدالله:فواز وشفيك وش صار؟
جلس عبدالله بحزن جنب فواز بعد ماسمع وش قال الدكتور لفواز
فواز:عبدالله انا السبب
عبدالله:فواز اصحى اللي تسويه مايصير وبعدين في امل لانه باقي مجرد شك بكره يتوضح كل شي
المهم الحين ماحد يدري وخاصه رؤى نفسها
فواز حرك راسه بنعم
طرت في بال فواز فكره بتخفف كثير عن رؤى ابتسم وقام
عبدالله باستغراب :بسم الله عليك وشفيك؟
فواز قل حماسه نسى وجود عمته دلال
فواز:صرف عمتي دلال ولاتخلي الوالد والوالده يجيون
عبدالله باستغراب:وش ناوي عليه
فواز:انت بس سو اللي قلت لك عليه وبقولك بعدين
طلع فواز من المستشفى وبعد ساعه تقريبا اندق الباب على رؤى
رؤى بصوت متعب:تفضل؟
كانت ترتقب من اللي عند الباب ابتسمت ونزلت دموعها وقامت من فراشها


رؤى وهي تضم اخوانها:فجر خلودي
خالد:رؤى انتي وحشتيني كثير وشريت لك ورده
فجر:وانا شريت لك شوكلت
رؤى وهي تحاول تمسح دموعها حتى ماينتبهون اخوانها ويحسون بتعبها
رؤى:من جابكم ؟
خالد:عمي فواز
رؤى(دايم تعرف وش يونسي اه يافواز اهتمامك يذبحني مابي اكون سبب لشي تحزن عليه مني )
قعدت رؤى وهي تضمهم ماهي مصدقه اسبوعين كانهم سنين
بعد ربع ساعه اندق الباب
فواز من خلف الباب:السلام عليكم
رؤى:هلا وعليكم السلام تفضل
فواز دخل وكانت الستاره بينه وبين رؤى:رؤى شخبارك الحين؟
رؤى:طيبه الحمد لله
فواز:رؤى ياليت يطلعون فجر وخالد جايبهم من عند خالتك حصه من دون مايدري خالهم
رؤى وهي تبوسهم:انتبهوا لانفسكم زين؟ولاتقولون لاحد انكم شفتوني علشان اقدر اشوفكم مره ثانيه
كان فواز يسمعها وطرا في باله بيت شعر
(ليتني لفحه هواء تمر و تلفح خدك الناعم ولا ليتني قلب نبض وعاش بين حناياك)>>بقلمي
راحوا ورؤى اللي فرحتها تمت لدقايق معدوده واختفت نفس السراب بالصحراء ورجع لها الهم والزعل والخوف
جاء اليوم الثاني
وقت خروج رؤى من جهاز الطبق المحوري بعد ماصار لها نص ساعه فيه
كان فواز يدعي من كل قلبه انها طيبه في النتايج اللي بتطلع بعد ساعه بطلب من فواز
جلست رؤى بالممر بعد ماطلعت من الجهاز وجاء لعندها فواز ومعه كروسون وكوفي مد يده لها
وخذته منه وكلها خجل من كرمه الزايد معها:شكرا
فواز:عفوا لاشكر على واجب
مرت الساعه على فواز سنين واخيرا طلب الدكتور شوفته وراح لعنده
فواز:بشر يادكتور؟
الدكتور:انت وش قرابتك لها
فواز انحرج من كل دكتور يصادفه ويساله نفس السوال كان وده يصرخ باعلى صوته ويقول هاذي الانسانه اللي ملكت عقلي وقلبي وكل مافيني ولكنه بعد لحظه صمت قال:ولد عمها
الدكتور:ابوها او امها موجودين؟
فواز باسى:الله يرحمهم
الدكتور بنظرات حاده:الحمد لله شكوكنا بوجود ورم تبددت بس الإنتفاخ من ضربه قويه عالراس وبعد فحصها البنت متعرضه لضربات مختلفه بدرجات متفاوته بجسمها كله وبعضها صاير عليه شهور وللحين الاثر موجود ممكن تفسر لي انا للحين مابلغت شرطه المستشفى لاني ابغى اسمع منك وش سبب ضرب بنت بعمرها لهالدرجه لانها يتيمه يعني يطبق عليها انواع العذاب والله حرام اللي اشوفه
فواز بصدمه:من شهور ضربات ؟
استغرب الدكتور من صدمه فواز :انت عايش معها بنفس البيت؟
فواز استدرك صدمه:هاه توها من اسبوعين ناقله عندنا كانت عايشه مع خالتها
الدكتور:يابني الأنفُس امانه بيد البشر يحافطون عليها ربي ارسلك لها تحميها من الظلم اللي تتعرض له ماتتعرض لها أي بنت بعمرها لانه مبين عليها مغلوب على امرها
فواز(هين يامعاذ هين):حاضر دكتور بس بتصرف للكدمات ادويه؟
الدكتور:اكيد وفيتامينات لان فقر الدم عندها حاد وخايفين يتطور عندها اتمنى تعتني بصحتها لانها متدهوره وكمان نفسيتها الظاهر عليها الحزن والضيق
فواز:ان شاء الله
الدكتور:لها موعد الاسبوع الجاي اتمنى تجي ؟
فواز:اكيد يادكتور راح تجي شكرا على كل شي
وصافح الدكتور وراح لعند رؤى وكان جبل انزاح من عليه بس يبقى عتبه على رؤى انها ماقالت له ع أي شي
قواز:رؤى
رؤى :هلا
فواز:نقدر الحين نروح البيت
رؤى قامت من دون رد كانت تبي تحضن وسادتها وتشكي لها همها وحيرتها اللي حطها فيها فواز بكلامه لها
وهم بالطريق دق ابوعبدالله على فواز ولمن قفل من ابوه كان على وجهه ابتسامه
فواز:اكشخ يارؤى ابوي شخصيا داق يتطمن عليك
رؤى انحرجت من كلام فواز واكتفت بالصمت اللي حسس فواز باحراجها
وصلوا البيت طلعت رؤى غرفتها وفواز غرفته كان البيت فاضي لانهم بالمزرعه اليوم الاربعاء حفله استقبال ابو عبدالله
حطت راسها عالقنفه بغرفتها مددت اطرافها بتعب وطالعت بالساعه 1الظهر
تسابقت الافكار لراسها ودموعها لعينها وحيرتها غفت عينها
حست الساعه 4ونص فزت من نومها طافها فرض العصر راحت ركض وضت وصلت وقامت تدعي ربها لانها مايعلم بحالها ولايقدر عليه الا هو
اندق الباب كانت تيكا
رؤى:تفضل
تيكا:السلام عليكم ماما
رؤى بابتسامه:وعليكم السلام غريبه مو المفروض انتي بالمزرعه
تيكا:الحين يرجع بس ماما ام عبدالله يقول انا يجي علشان انتا يلبس ويروح سوا سوا مزرعه
رؤى :ياربي المزرعه والله خايفه
تيكا:نعم ماما
رؤى:لا ولاشي
فكرت رؤى بانهم محتاجين احد يساعدهم بالزحمه اللي بتصير وان ام عبدالله مرسله لها تيكا فماحبت تكسر بخاطرها وقامت لدولابها تدور شي مناسب لهالمناسبه دارت عيونها مالقت جلست عالقنفه وهي محتاره قررت تاخذ شور
وبعدها تقرر اخذت رؤى شور سريع ونشفت شعرها
اندق الباب ودخلت تيكا:ماما هذا ثوب انتا يجي من مغسله
رؤى بكل استغراب:مغسله
تيكا وهي تحط الثوب على السرير:ايه ماما يجيب بابا فواز
طلعت تيكا وراحت رؤى للثوب فتحت الكيس وانصدمت باللي تشوف فستان حفله طغت عليه الفخامه والانوثه كان فستان من ماركه Diorلونه بنك ضيق من الصدر وسوسع من الخصر لتحت الركبه وله جكيت ابيض وفيه نفس نقشه الفستان بالبنك
كان مبين عليه سعره الغالي واناقته وعلى ذوق اللي اختاره
انتبهت لمسج جاي افتحته
(رؤى اتمنى الفستان يعجبك لانه ذوقي لاول مره اشتري فستان كذا يعني مادري وين ربي قاطني خخخخخخ عجبني وتذكرت هاليوم انك لازم تلبسينه واعتبرييه هديه بمناسبه سلامتك الف الحمد لله على سلامتك واتمنى يعجبك
المرسل فواز)
ابتسمت رؤى (دايم يافواز تنقذني من أي موقف اطيح فيه )
ردت رؤى
(شكرا عالفستان الروعه اهنيك على ذوقك وهالمره بس الهديه بتنقبل بعدها كل شي بحسابه وترى مانسيت اني اهملت اليوم وامس بالملفات راح توصلك بكره ان شاء الله واسفه عالتاخير بس مو بيدي
المرسل رؤى)
فتح فواز الرساله وارتسمت عليه ابتسامه انها مازعلت لمن جابه لها (حتى وانتي بعز الزحمه والتعب تفكرين بالشغل اللي تاخر اه بس)
لبست رؤى الفستان كانت محليه الفستان فوق حلاه لبست بوت ابيض من الجلد الناعم لنص الساق>>طبعا فواز مانسى الاكسسوار والبوت >>يقول مايعرف خخخخخخ
وتعطرت وانهت لمساتها من المكياج اللي كان هديه لها من ندى بمناسبه تعارفهم ورؤى اهدتها اسوار من الخيوط بصنع يدها
نزلت تنادي تيكا وراحوا المزرعه
كانت الساعه 7مساء
دخلت رؤى وتطمنت انه للحين محد جاء غير صباح اخت ام عبدالله
قابلت رؤى دلال
دلال بابتسامه اعجاب :لاقوه الا بالله من يقول هاذي رؤى اللي امس وش هالحلا لو عندي ولد كبير كان ماخذ غيرك
ضحكت رؤى من بخجل:تسلمين وين حلوه وانتي الحلا كله ماشاء الله عليك
دلال:ياناس عاللي لسانهم عسل الله يسعدك رفعتي معنوياتي ترى بنفخ ريشي واقول رؤى قالت اني حلوه
رؤى ضحكت على اسلوب دلال معها
دلال:لو دريت انك بتضحكين من اسلوبي كان استهبلت من زمان يالله ندخل ام عبدالله مشغول بالها عليك
دخلت رؤى وسلمت عليها ام عبدالله وهي معجبه مره برؤى وشكلها :الحمد لله على سلامتك لاماشاء الله احسن؟
رؤى:الحمد لله تسلمين ياخاله اسفه تعبتكم معي
ام عبدالله:ان قلتي كذا مره ثانيه بزعل وتعالي اقعدي خليني احصنك عين الله عليك
رؤى بخجل:هاه مايحتاج
ام عبدالله:االا يحتاج وقعدتها وصارت تقرا عليها المعوذات وتحصنها
رؤى لمن خلصت ام عبدالله قامت وباست راسها:مشكوره خالتي
ام عبدالله:الله يهني اللي بياخذك
رؤى اختبص وجهها الوان من كلام ام عبدالله وماقدرت ترد الا بإبتسامه ونزلت راسها
شافتها ساره وهمست لنور(واااااااااااو والله طالعه خطيره مره كيوت)
نور بحقد حبت تجاري ساره:ايه صح
كانت نظرات تنم عن حقد وكرهه وغيره لشي في نفسها قامت لعندها ومدت يدها
نور:هاي رؤى.
رؤى بربكه من معاملتها لها ابتسمت ومدت يدها:اهلين
نور:طالعه نايس صدق للمكياج فعايله
رؤى بابتسامه يخفي وراها الخوف من اسلوب نور:شكرا
ساره :اهلين رؤى يالدوبه خوفيتينا عليك
رؤى :تسلمين اسفه والله
نور:هاذي حالتك كل شوي طايحه شكلك ماتاكلين سارونه عطوها تاكل
رؤى والوضع بدا ينرفزها وحبت تكسر اللي يصيربهدوء عكي اللي داخلها :عن اذنكم بروح اشوف خالتي دلال
ساره بعد ماراحت رؤى:الله يرجك وش ذا حرام عليك تراها حبوبه
نور ناظرت لها :ليكون حتى انتي بصفها خلاص حبيبتي روحي وانبسطي معها وانسي فواز
كانت ساره من تسمع ان فواز لغيرها تعميها مشاعرها وماتهتم باللي تسويه ولاتفكر فيه
ساره بخوف:اكيد لا
نور:ايه حبيبتي هي تضحك عالكل لاتضحك عليك معهم
ساره وكلام نور ينحفر وتسمعه بالطريقه اللي حبت توصلها فيها نور
ساره:مستحيل اسمح لها اوعدك
ارتسمت ابتسامه خبيثه على وجه نور على كلام ساره
كانت رؤى تحت تاثير الابره حتى حست انها بخير ومسترده عافيتها
صارت تتنقل من مكان للثاني من الدجيه للمطبخ للصاله للبوفيه وتساعد الكل وينطلب رايها من الكل
نور لساره:والله شايفه نفسها كانها وحده من العايله
ساره:خليها تاخذ جوها وتتمتع هالايام
ريح كلام ساره غرور نور وخلها تتطمن من وجود ساره اللي بيكون بديل لوجودها بغياب نور عن الدمام
دلال:رؤى عيوني ارتاحي توك طالعه من المستشفى
رؤى بابتسامتها اللي ماتفارقها:لا اذا قعدت بتعب خليني مابي استسلم للتعب
دلال:على راحتك بس لاتجهدين نفسك
بدو الناس بالحضور وعالساعه 9كان تقريبا اغلب المعازيم حاضرين بدء الدجيه وبدء الحفل
كان مرتب ومنظم ورايق وكل مافيه مبذول عليه جهد
ام عبدالله كانت تستقبل المعازيم كانوا شخصيات مهمه نساء وزراء ورجال اعمال واصدقاءهم اللي كانوا معهم برى في بدايه زواجها من ابو عبدالله عاشوا بامريكا 6سنوات و غير قروب الجمعيه وغير الجيران والاهل
الكل مبسوط والرقص والوناسه حاضره برجعتهم للسعوديه
كانت رؤى ماشيه وابتسامتها مافارقتها رغم تعبها اللي تكابر عليه
تشغلت اغنيه القوس قوسك ورقصت عليها ام عبدالله ودلال وكان تصفيق وتصفير والوناسه سيدة الوضع
بعد دقايق طلعت ام عبدالله من المسرح وهي تضحك لان دلال سحبتها وانحرجت ترجع
رؤى وهي تضحك جات عندها ام عبدالله لايقل ضحكها عن ضحك رؤى
ام عبدالله:الله يصلحك يادلال احرجتني وكملت تضحك
رؤى:ماشاء الله ياخاله والله لو ماعرفك اقول بالعشرين ربي يحفظك يارب
ام عبدالله بخجل:تسلمين لي ياعمري الا ليه ماترقصين انتي
رؤى وجهها تصفق:هاه ماعرف
خطرت في بال ام عبدالله فكره وبس طلعت دلال من المسرح راحت لها تعرض عليها الفكره
نور وساره مابقت اغنيه الا مارقصوا عليها جتهم دلال
دلال:بنات الاغنيه الجايه اسحبوا رؤى ترقص
ساره:ليه؟
دلال:مارقصت تقول ماتعرف وانا متاكده انها تكذب
نور والشر موجود في داخلها بابتسامه نصرلانها بتحرج رؤى:ابشري ياخاله
بدت الاغنيه الثانيه اغنيه خاف الحسد لوليد الشامي وكانت رؤى قاعده مع ندى على طاوله قريبه من المسرح
واثناء ماكانت نور ترقص نزلت عن المسرح وسحبت رؤى عليه
رؤى حست بخوف واحراج وتمنت الارض تنشق وتبلعاها
في البدايه وقفت وعلى وجهها صدمه وشافت دلال وام عبدالله يصفقون لها ويضحكون
شافتهم حست شوي بالامان وكان مفروض عليها ترقص قدام الناس حتى مايكون الاحراج اكبر
رقصت رؤى وكانت صدمه لنور كان رقصها غير عن اللي توقعت حركات متقنه ومناسبه للحن كانت في قمه الرقه والنعومه انتبه لها الكل وهالشي زاد من توترها كان ودها تقعد بس انصدمت انهم قعدوا واتركوها بروحها وهالشي حسسها باحراج كبير انها تقعد كملت رقصتها وكل العيون عليها تسمي وتذكر الله عالملاك اللي يرقص
خلصت الاغنيه وقعدت رؤى وجهها احمر من الاحراج وجاتها ندى وسحبتها تقعد جنبها بعد ماسلمت عليها لانها حست رؤى بتموت من الاحراج
ندى:والله مانتي بهينه يارؤى رقصك جنان
رؤى بخوف:صدق والله من زمان مارقصت احس اني كنت غبيه
ندى:استخفيتي الكل قعد والكل قام يطالعك
رؤى :ياويلي ابو الفشله مالومهم رقصي يضحك وحطت يدها على وجهها
ندى:منتي بصاحيه رؤى الكل اعجب برقصك والله اسمع الحريم اللي بالطاوله اللي ورانا يسمون عليك
رؤى وهي تندب حظها جت ام عبدالله
ام عبدالله:بسم الله عليك وين مخبيه هالرقص
رؤى وزاد احرجها من ام عبدالله
ندى:تخيلي متفشله وتقول معد بتقوم من الطاوله
ام عبدالله وهي تضحك:ياناس عالحياء وقامت قرصت خد رؤى
رؤى حست روحها بتطلع ووجهها انصبغ احمر
دلال:ام عبدالله خفي عن البنت شوفي وجهها
الكل:ههههههههههههههههههههه
بعد وقت نادوا عالعشاء اللي كان بوفيه عالمسبح كان فكرة رؤى
انتهى اليوم بعد تعب اسبوع وعالساعه 2 المعازيم راحوا
رجعوا عالبيت وكلهم تعب وكل واحد يدور فراشه

___________________(11)
بعد الحفله قبل الفجر:
ابوعبدالله وفواز وعبدالله كانوا قاعدين بالصاله الداخليه
دخلت عليهم ام عبدالله :السلام عليكم
الكل:وعليكم السلام ورحمه الله وبركاته
ام عبدالله:ابوعبدالله خذيت الدواء
ابوعبدالله:أي الحمد لله
عبدالله ضرب فواز كوع:اكشخ يانجلاء ولابنت 14 بالهفستان شكل ابوي بيصير له شي اليوم ويمكن نرجعه لندن يسوي عمليه ثانيه لقلبه
ام عبدالله بعصبيه:بسم الله عليه حسبي الله على عدوك من ولد
الكل كان يضحك على ام عبدالله
ابوعبدالله:وش هالكشخه ؟
ام عبدالله استحت واكتفت بابتسامه
عبدالله:فوازوه يالله بكرامتنا نروح قبل لايطردونا
فواز باستهبال:لا انا بقعد ومنكم نستفيد
ابوعبدالله كان فواز جنبه وضربه على كتفه:استح ياولد
فواز:عبود ابو الشباب غار
عبدالله وفواز :هههههههههههههههههههههههههههههههه
ام عبدالله:مادري متى بتعقلون عن قله الحياء
عبدالله:وين عمتي ابي اعلق عليها
ام عبدالله:طلعوا ينامون تعبت هي ورؤى بالتحضير الله يجزاهم الجنه حلفوا علي ماسوي ولاشي
فواز من سمع طاري رؤى قط اذنه عند امه وابوه
ابوعبدالله:والله اني ارتحت لهالرؤى
ام عبدالله:والله اني ماقد شفت مثلها بين البنات بحياها وذوقها وابتسامتها طالعه ورده اليوم والكل يسال عنها
عبدالله وفواز كانوا مبينين انهم مو مع امهم وابوهم وام عبدالله مكمله اللي صار لابوعبدالله
عبدالله يهمس لفواز:خخخخخ امك استخفت على البنت
فواز بينه وبين قلبه(وحد يلومها):عيب ياولد استح هاذي محارمنا
عبدالله وهو يضحك:محارمنا هاه وكمل ضحكته

ام عبدالله تسولف لابوعبدالله:ولا قومتها دلال الله يهداها ترقص لو شفت البنت بغت تموت من الحياء مانكر ان الفكره فكرتي بس ماتوقعت البنات يحرجونها لهالدرجه ويقعدون ويخلون المسرح لها
ابوعبدالله:حرام عليكم
ام عبدالله وهي تضحك:بس ماشاء الله عليها خلت الكل غصب عنها يطالع فيها الله يحفظها والله خفت عليها
فواز كان كل كلمه تدخل في باله وعبدالله اللي كان يسولف له لاحظ عليه انه قاط اذنه ومو معه وفصارخ فوااااااااااز
فواز بخوف:هاه
ام عبدالله:قوموا ناموا انت وياه تقومون لصلاه الفجر لو صحيتكم
فواز ونظراته تهديد لعبدالله وعبدالله يضحك ويطلع لسانه لفواز وركض مع الدرج :ان شاء الله تصبحون على خير
ام عبدالله+ابوعبدالله:وانت من اهله
(عبدالله ماتكلمت عنه كثير عبدالله انسان مرح مررره مستحيل يبين ضيقته مهما كانت متفائل على قولته من عرف عمره واحلى كلمه على لسانه(مي) بنت عمه اللي يعشقها من الطفوله دبدوب شوي يعني مليان بس موب دب طويل ابيض مسوي ديرتي فيس له غمازه نفس غمازه فواز بخده اليسار وهاذي وراثه من امهم خطب مي من خلصت الثانوي وقريب بيملك عليها ومن تخلص الجامعه بيتزوجها نرجع لمحور حديثنا)
فواز كانت رؤى مستحله تفكيره وكلام امه عنها خلاها تملك كل تفكيره
في غرفه ساره
كانت تفكر هل تقول لنور عن اللي سمعته بين رؤى وفواز بالحديقه او تسكت وتفكر هي من نفسها
ساره:نور


نور وهي تشيل المناكير :هاه
ساره بتردد:بتنامين الحين؟
نور:اكيد بنام ولاتبيني اطالع بوجهك تصدقين قهرتني الحيوانه بحركتها طلع رقصها حلو
ساره:احنا اللي خلينها بروحها الغلط غلطنا لمن خلينها بروحها
نور:وش دراني على بالي ماعندها سالفه بس والله لاردها لها
ساره وفي داخلها صراع بانها تقول السر اللي ورى رؤى او تسكت
بعد لحظات صمت من ساره:نور
نور:وجعاه
ساره ترددت تتكلم فقالت :انا بروح للمطبخ اشرب و بجي
نور:طسي انا بنام
طلعت ساره بعد ماقررت انها تفكر وتقرر من دون مساعده نور اللي واضح انها تكره رؤى وبتقلب كل شي عليها وهي للحين مافهمت كل شي
مرت ساره من غرفه رؤى وشافت اللمبات شغاله وطرى على بالها انها تدخل وتشوفها
اندق الباب
رؤى وهي ماسكه المصحف طالعت الباب بخوف و ببراءه تلمع بعيونها>)يعشق فواز هالنظره منها) (من بيدق الحين اكيد فيه شي صاير ابو عبدالله)
رؤى بصوت خايف:مين؟
ساره:انا ساره
فتحت رؤى الباب وكلها استغراب من وجود ساره
ساره وهي تشوف رؤى بحجاب الصلاه والمصحف على الطاوله يقلبه الهواء من الشباك
ساره بعد لحظه صمت :ممكن ادخل ؟
رؤى بكل ترحيب:اكيد تفضلي الغرفه غرفتك
ساره :يوه مره برد الغرفه ليه ماتشغلين الدفايه
رؤى بابتسامه صادقه من وجهها اللي كله نوروفرحه بوجود ساره بغرفتها : احب البرد
ومد يدها لساره بشال صوف
اخذت ساره الشال :رؤى خطيره ريحه العطر وشو عطرك؟
رؤى :عطري خليط عطور فرنسيه من وحده تبيعيهم
ساره:من هاذي؟
رؤى وهي تتذكر الموقف للعطر(انها شافت حرمه كبيره بالسن تبيع تحت شمس الصيف والرطوبه اللي تتميز فيها الدمام بالصيف في المحطه اللي باخر الطريق المؤدي للحاره اللي تعيش فيها كانت توها مستلمه فلوس اللي جمعتهم من شغلها بتدريس طالبات من المتوسط دروس خصوصيه
اشترت منها كل العطور اللي معها وقامت الحرمه تدعي لها مع انها عارفه ان معاذ ماراح يرحمها لانها ماجابت الفلوس وبالفعل ضربها ذاك اليوم لدرجه ماتعودت عليها بالقسوه بس تحملت ضربه وهي فرحانه انها ساعدت الحرمه وواجهته بانها شرت العطور )
كانت محتفظه فيه بشنطتها الورديه بدمعه نزلت من عيونها لمن تذكرت بس مالحظتها ساره لانها مسحت دموعها بسرعه و ابتسمت :مدري وينها الحين كان عندي رقمها بس العطر مايغلى عليك
ساره باحراج من تصرفات رؤى معها:تسلمين بس
رؤى بابتسامه جلست بالقنفه اللي جنب ساره:بس وشو
ساره:اسفه عالموقف اللي حطيناك فيه انا ونور اليوم
رؤى حست باحراج الموقف بداخلها ورغمها ابتسمت لها:عادي بس خفت اطيح واصير نكته
وضحكت رؤى بكل براءه تبي تغير الجو وتحاول تنسي ساره إحراجها
ساره وهي منزعجه من نفسها عاللي سوته مع رؤى :اكيد ؟
رؤى :اكيد
ساره:طيب اسفه جيت بالهوقت وانتي بتنامين؟
رؤى:لا اصلا باقي ربع ساعه عالاذان بصلي وبعدها بنام
ساره جلست تسولف مع رؤى ومع كل كلمه تلوم نفسها كيف قست على انسانه زي رؤى بطيبتها وبراءتها وعفويتها وكان ندمها اكثر على تفكيرها اللي مخططه عليه بس الشي الوحيد اللي ريحها انها ماقالت لنور عن سر رؤى كانت تحمد ربها من داخلها
رؤى وساره سولفوا شوي عن الحفله وعن الترتيبات وعن المعازيم
اذن الفجر معلن للقلوب عن راحتها ووقت رجوعها الى ربها بعد نومها أوسهرها
رؤى سمعت الاذان وصارت تكرر معه وعلامات الدهشه على ساره اللي ماتعرف عن رؤى شي
ساره صارت تردد الاذان مع رؤى ولمن خلص
ساره وقفت :يالله رؤى اسفه عالازعاج وبكره اول ماصحى بجي عندك عادي؟
رؤى براحبه صدر:في أي وقت تبين لو تبين نسهر لبكره
ساره طلعت من غرفه رؤى وتانيب ضميرها خلاها تصحى على اشياء كثير غفلت عنها وصارت تعيد حسابتها من جديد توضت وصلت ودعت ان الله يغفر لها ويسامحها على كل شي سوته برؤى حطت راسها عالمخده براحه ونامت
فتحت عينها على صلاة الظهر صلت وقامت بنشاط غير معروف عنها
دلال:ياصباح الورد شعندها صاحيه الحين غريبه؟
ساره وهي تبوس راس امها:صباح اللوز والورد وكل شي وصارت تضحك
دلال تمسك راسها:ليكون مصخنه قايمه بدري وتبوسين راسي اخلصي وش تبين روحه للسوق مافيه
ام عبدالله:ياويلي منك يادلال خلي البنت وهي رايقه
ساره:والله ماني مصخنه ولاشي بس اكتشفت اني احبك وضمت امها
دلال:ياقلبي على بنيتي استخفت
ساره وهي تضحك:الشرهه مو عليك الشرهه علي اعبر لك عن مشاعري الجياشه
دلال وام عبدالله ضحكوا على ساره اللي راحت للمطبخ
ساره:صباح الخير تيكا
تيكا وهي فاتحه عينها:صباح النور
ساره:وين رؤى؟
تيكا:في الحديقه
راحت ساره لرؤى اللي كانت حاطه راسها عالكرسي والملفات مسكره قدامها
حبت ساره تخوفها وراحت ورى الكرسي وبصراخ:رؤؤؤؤؤؤؤؤؤؤى
فزت رؤى خايفه وساره ميته من الضحك عليها
رؤى:خوفتيني والله
ساره:وش تسوين؟
رؤى :شويه شغل وداخله وانتي غريبه صاحيه؟
ساره وهي تقعد عالكرسي وتشرب كوفي:وش فيكم علي شعندك صاحيه ياناس شبعت نوم
رؤى بضحكه:طيب ولاتعصبين صح النوم
ساره وهي تضحك:صح بدنك
بعد لحظات من الصمت
ساره:رؤى
رؤى :لبيه
ساره:ممكن اسال سوال؟
رؤى تركت الملف وحطته على جنب :تفضلي
ساره باحراج:وش يعني لك فواز؟
رؤى تغير لونها وحست بحراره جسمها ترتفع من انطرى اسمه:هاه
ساره:وش فيك سوال عادي فواز ولد خالي المصون عرفتيه؟
رؤى باحراج:فواز انسان طيب وخلوق والله يرزقه على قد نيته
ساره وهي تضحك:تراني قلت اسم ماهو هنا وكملت تضحك
رؤى:لاعادي
ساره بضحك:بالله شوفي وجهك شلون احمر
جت فيء وهي تركض وراحت لرؤى وباستها:صباح الخير
رؤى وهي تجلسها على الكرسي:ياهلا وغلا ياصباح الفل
ساره:هيه ام عنقوص انا هنا
فيء بعصبيه :من ام عنقوص انا؟
ساره:رؤى ولابسه حجاب وانا لامه شعري ومافيه الاانتي بعنقوص
فيء:مابي اقولك شي كيفي
رؤى وهي حابسه ضحكتها من تصرف فيء:فيونه قولي صباح الخير لسارونه
فيء:بس هي تقولي ام عنقوص؟
رؤى وهي تبتسم:طيب وش فيه عنقوصك يجنن
فيء:صدق؟
رؤى :ايه اصلا انتي غلطتي المفروض لمن تجين لاحد تقولين للكل صباح الخير
فيء وهي تبوس رؤى:اسفه رؤى ماأعيدها(ومن دون نفس) صباح الخير ساره
رؤى وهي حاسه باحراج من فيء وفيها الضحكه على نبره صوتها وهي تسلم على ساره :ايه شاطره كذا
ساره مستغربه من تصرف فيء وشلون سمعت كلام رؤى على طول وهي عنيده وماتسمع لاحد:صباح النور
فيء:امي تقول ادخلوا داخل بالصاله
رؤى:يالله نروح ساره؟
ساره:يالله انا بصعد اصحي نور لانهم بيروحون بعد الغداء لعمتهم نوره بالخبر.(الخبر تبعد عن الدمام ربع ساعه وبالزحمه نص ساعه>>خخخخ مداخله )
راحت ساره ومشت رؤى وفيء كانوا بيدخلون من الباب الرئيسي بس انتبهت لفواز وهو يوقف سيارته لفت رؤى تبي تروح من الباب الثاني وقفها صوت فواز:رؤى
رؤى :هلا
فواز:ليه هربتي؟
رؤى وودها ان الارض تنشق وتبلعها:هاه لا كنت ابي...
فواز وهو يضحك:طيب خلاص تبين تهربين بس تجهزوا انتي والبنات بمشيكم لمن تدوخون
رؤى:بس
فواز يقاطعها:لا بس ولاشي الوالد معطيني اوف من دوام العصر خصيصا امشيك من قدك والله لو اموت مايعطيني اجازه واليوم علشان تتمشين اجازه والبطاقه الذهبيه
رؤى حست بشي في داخلها لمن قال اموت هو خوف انها تفقد الانسان الوحيد اللي حسسها بالامان اوحب وهذا اللي ماكانت تبيه مشاعرها مختلطه ماهي قادره تحددها :ان شاء الله
فواز:فيونه بنروح الالعاب
في:ورؤى ؟
فواز:مدري هالبنت دلخه على مين وانا من اليوم وش اقول؟
فيء:خلاص دام رؤى بتروح انا بروح
فواز وهو حاب يحرج رؤى:علشان رؤى بس؟
فيء ببراءه:ايه
رؤى حست بانها خلاص ماهي قادره تتحمل احراج استذئنت وراحت من الباب الخلفي
فواز(اه بس ليتني اقدر اوديك القمر بعد والله وديتك )
جاء الغداء وتغدوا وراحت صباح ونور للخبر
العصرالساعه 4م
كانت رؤى قاعده بغرفتها ترسم دخلت عليها ساره
ساره:رؤى فواز ينتظرنا تحت ؟
رؤى:جد للحين مالبست اوك دقايق وجايه
ساره:طيب بروح اجيب فيء وضيء من غرفه الالعاب ونطلع للسياره
بدلت رؤى ملابيسها ولبست جنز سكني وعليه تيشرت طويل اسود حتى يكون مريح لها ولبست عبايتها ونزلت مستعجله وهي تقول في بالها(ياويلي فشله اكيد تاخرت )ولمن اركبت السياره لقت ان ساره والبنات ماجاو للحين حست باحراج من فواز ونزلت على انها نست شي
ودخلت الفله وراحت لدلال وام عبدالله بالصاله وشافت لو يبغون شي وطلعت لقت البنات ركبوا
طول الطريق كانوا هادين معدا في وضي يتهاوشون على من اللي يجلس جنب رؤى
ساره:وجع انتي وياها وانا بنت الغسال يعني
رؤى ضحكت من قلب وفواز يسمع ضحكتها (جعلها دوم هالضحكه و ماتفارق مبسمك)
رؤى:فيونه حبيبتي اقعدي قدام مع فواز وضيء خليها جنبي وش رايك؟
فواز:ايه ورى ماتقعدين جنبي وانا كني سواقكم
الكل ضحك على فواز بعدها
راحت فيء قدام وضيء ضلت جنب رؤى وصلوا للحكير وكان ابو الوناسه والهبال
لعبوا في البدايه ساره لعبت لحالها ورؤى لعبت فيء وضيء في العاب الاطفال
فواز:رؤى
رؤى:هلا
فواز:ليه ماتلعبين ؟ليكون خايفه؟
رؤى:لا بس اول بلعب البنات
فواز: خلاص ساره تكمل عنك سارونه تعالي
جت ساره :هاه
فواز امسكي فيء وضيء شوي
ساره انقهرت من حركه فواز اللي ترك فيء وضيء معها واخذ رؤى لعبة المقص
فواز:انا بركب بجهة الرجال وانتي بجهة البنات اوكيه
رؤى وهي ميته من الخوف:بس
فواز:يابتلعبينها يابتعلبين قطار الموت اختاري
رؤى وهي تشوف قطار الموت يتقلب ويلف:لا خلاص هاذي
ركبوا في نفس المستوى رؤى بجهة الحريم وفواز بجهة الرجال
وبدت اللعبه في البدايه خافت رؤى بعدين كملتها صراخ وضحك
ولمن نزلوا من اللعبه كان فواز ميت من الضحك على رؤى اللي تمشي وهي تترنح
جت ساره:والله لو تشوفون اشكالكم نكت
رؤى وهي تضحك:اه والله تقلب الواحد
كملوا لمن العشاء ولعبوا رؤى وساره وفواز اخذ البنات كانوا مره مستانسين
بعدين اخذهم فواز على محل ايس كريم وتمشوا شوي عالبحر بعدين راحوا مطعم فخم وتعشوا هناك
رؤى ماكلت شي خجل من فواز اللي معهم عالطاوله وفواز انتبه لصحنها انها ماحركت فيه شي
فواز:فيونه البنت اللي ماتاكل كيف تصير؟( وهو يقصد رؤى)
فيء بحماس :تصير نحيفه وماهي قويه وتمرض
فواز وهو ياكلها:شاطره فيونه
وصلت رؤى رساله فواز وابتسمت واخذت فطيره حتى تبعد الاحراج
طلعوا من المطعم وكانوا رؤى وساره يسولفون ورجعوا عالبيت بعد يوم متعب وممتع اللي كان من احلى ايام حياة رؤى

فتحت عيونها وفرحتها مرسومه على وجهها طالعت الساعه لقتها 9ونص استغربت من نفسها
ولاول مره من كم شهر تنام نوم متواصل ومريح تذكرت خالد وفجر وطاحت دمعه واختفت ابتسامتها
اخذت شور سريع ولبست تنوره طويله رمادي فاتح فيها تعرقه سوداء ماسكه من الخصر وفضفاضه من تحت
ولبست قميص اسود لون رقبتها رصاصي فيه نفس التعريقه اللي بالتنوره لفت حجابها بشكل حلو على رسمه وجهها المورد اكتفت باللوشن وماحطت مكياج او عطر لانها تعرف ان الكل الشباب وابوعبدالله مجتمعين تحت
نزلت وقعدت بصاله التلفزيون والكل كان قاعد بالصاله المفتوحه
مرت دلال وشافت رؤى حاطه برنامج الصباح وتقرا الجرايد
دلال:صباح الخير
رؤى:اهلين صباح النور
دلال:ليه ماجيتي تقعدين معنا بالصاله
رؤى:لا مرتاحه هنا
مانتظرت دلال رفضها وامسكتها من يدها وسحبتها معها
الكل التفت للصوت اللي جاي كان صوت رؤى تترجى دلال تتركها
ابوعبدالله:رؤى يبه تعالي وش فيك؟
حست رؤى بالدم يوقف في عروقها واستسلمت ليد دلال جلست على اول كنبه ووجهها بالارض
وبهمس:صباح الخير
الكل:صباح النور
دلال:تخيلوا قاعده بروحها بصاله التلفزيون وتقول مرتاحه
ام عبدالله:ليه رؤى ليكون عبدالله وفواز مضايقينك بخليهم يروحون المجلس؟
رؤى بربكه:لا لا ورجعت نزلت راسها
فواز كان يحب يسمع صوتها فكان مبتسم بعكس عبدالله اللي عصب من كلام امه ويمثل الزعل:
الله يالدنيا صارت رؤى الحبيبه واحنا عيال الطباخ
الكل ضحك ماعدا رؤى اللي نزلت راسها زياده من الاحراج
فواز بيلطف الجو عليها لانه حس باحراجها:بالعكس احس رؤى ترتاح معنا ولا لا يارؤى؟
رؤى حمرت خدودها وردت :ايه
ابو عبدالله:هاه يبه رؤى انبسطوا امس ولا بخل عليكم فواز بشي؟
رؤى:لا عمي كثر الله خيرك وماتقصر.
فواز: الحين انا اللي افتر راسي وانا امشيكم وتكسرت رجولي وعشيتكم وفي النهايه الجميل والشكر والعرفان
كله لابوي احتج (ورفع يده كنه بمظاهره)
الكل صار يضحك لان عبدالله قال بدون نفس لان طبعه لو صحى من النوم مايحب احد يكلمه الا بعد ساعه:نزل ايدك واشرب قهوتك واسكت
ام عبدالله تكلم فواز :يمه كليت البنت بقشورها تعالي يمه معليك منه اقعدي جنبي.
رؤى بغت تموت من الحياء:هاه لا خالتي مرتاحه هنا لانها كانت بطرف الصاله وبعيده عنهم شوي
ام عبدالله:افا ماتبين تقعدين جنبي؟
رؤى:لا مو كذا بس.
ام عبدالله:لا خلاص زعلت
قامت رؤى وهي تجر رجولها لعند ام عبدالله من الحياء وباست فوق راسها:اسفه خالتي ان زعلتك.
ام عبدالله وهي تقعدها:وين ازعل ومنك ؟
طبعا صباح خاله فواز موب عاجبها الوضع ابدا بس بما انها كانت متغطيه علشان زوج اختها فمحد انتبه لها
فواز:عندي لكم مفاجاه!
عبدالله:وشي؟
فواز:يالقافتك ياخي قبل شوي ماتبي تسمع صوتي وبعدين انا اقول مفاجاه تقول وشي؟
ام عبدالله:الله يستر من مفاجئتك.
فواز وهو يمثل الزعل:افا يالغاليه قد فجائتكم بش شين؟
ابوعبدالله وهو يتذكر المزرعه:لا ياولدي والله لو توديني القبر بنبسط
نقز فواز عند ابوه وباس راسه:سلامة عمرك يالغالي جعل يومي قبل يومك
كانت رؤى تغبط فواز ان عنده اهل وتتمنى ان الله يخليه لهم ويخليهم له
نزلت نور وساره ولقت رؤى من نور نظره ماقدرت تفسرها حست بالخوف من نور بسبب نظرتها الغريبه
نور+ساره:صباح الخير
الكل:ياصباح النور
رؤى قامت بتروح غرفتها ترتب الملفات وتعطيهم فواز
ام عبدالله:وين يمه؟
رؤى:بطلع غرفتي بعد اذنكم.
ام عبدالله:براحتك يمه.
نور:ماما بنروح الصاله انا وساره ناخذ راحتنا اكثر
صباح:روحوا يمه براحتكم
رؤى كانت طالعه من الصاله ونور وراها على طول
نور بهمس تسمعه رؤى:أولها طالعه من البيت وعايشه عند ناس مو محارمك وبدون محرم ابي افهم امك وابوك قبل لايموتون ماعرفوا يربونك ولاشكلك تعودتي مع كل رجال تقعدين ومشيه الوضع
حست نور بكف على وجهها وكان من رؤى قالت بحده والدموع تنذر بوصلها وبشفايف مرتجفه :أهلي لهنا وماأسمح لك
طلعت رؤى فوق وهي تبكي بقوه
الكل انتبه لهم لانهم كانوا قريب من الصاله
صباح:خير و ش صاير
نور وهي تتحسس وجهها وتمثل البكي:يمه ضربتني
صباح وهي تحضن بنتها وتوجه كلامها وصراخها لفواز :ماسمح لبنت من الشارع تجي وتضرب
بنتي قدام الكل بدون ماتحترم وجودي
فواز:وانا ماسمح تسبينها وبدون ماتحترمين وجودي (وجه كلامه لنور) انتي وش قلتي لها؟
نور وهي معصبه من فواز:وتدافع عنها بعد اعرف المحترمه اللي تتكلم عنها من تكلم وتسهر معه نصايف الليل
وبعدين اعرف تكلم؟
ام عبدالله بصراخ:فــــواز.
فواز كان وده يعطي نور كف ثاني يربيها فيه وهو فاهم قصدها انها تبي تشككه في اخلاق رؤى
صباح:مالي قعده ثانيه وحده بهالبيت
ام عبدالله قامت تهدي اختها بس ركبت صباح راسها وراحت تجههز اغراضها
رجعت ام عبدالله لفواز:فواز ممكن افهم ليه رؤى عطت نور كف وباي حق خلها تجي تتاسف من اختي وبنتها
فواز كان متاكد ان لتصرف رؤى مبرر قوي:يمه انا بفهم منها ليه بعدين احكمي
طلع فواز غرفه رؤى وطق الباب مع ان باب الغرفه كان مفتوح شوي
محد رد عليه نادى فيء وقالها تشوف رؤى وتقولها انه يبيها
طلعت فيء:مافيه احد؟
طلع الحديقه للمكان اللي دايم تروح له وهو متاكد انها هناك
كانت قاعده ورى الفله بزاويه بعيده تبكي بشكل هستيري وضامه رجولها لها وتمتم بينها وبين نفسها
:ليه يالغاليه تركتيني يمه والله حرام عليكم ليه مادورتوا عني ليه ماتطمنوني عنكم ابيكم ابي اعرف انتو وين
كملت وهي تشاهق:ليه ..ليه؟
فواز كانت يسمع وش تقول وده يضمها ويهديها ويمسح دمعتها وده يشيل عنها همها ويعطيها
كل فرحه وابتسامه بعمره كان وده يقولها انها صح من غير مايعرف شي وان اكيد نور غلطت عليها :رؤى.
رؤى من دون ماتلف وهي على وضعها وتشاهق :خلااص اسفه وانا غلطانه ماقدرت تكمل كلامها من رجفتها
فواز بكل حنان:رؤى انا اللي اسف اني شي من طرفي زعلك اكيد نور قالت لك شي كبير كبير يارؤى
وخلاك تسوين كذا من دون شعور
رؤى انصدمت كيف فاهمها وزادت بكى لان بتفكيرها اللي ببالها راح يزعل ويتضايق
استغرب فواز انها انهارت زياده وحب يخليها تهدى شوي
بعد لحظات قالت رؤى :فواز
فواز :هلا
رؤى:الله يخليك لاتزعل مني ابد والله ماسويت لها شي اسفه سببت لك مشكله مع اهلك وخالتك
هي شككت بتربيه اهلي اللي ماعرف عنهم شي هي طعنت بشرفي وكرامتي بكلامها
وصارت تشاهق وكملت:ابوي وامي اللي تخلوا عني وماسالوا ابوي وامي اللي مدري حيين ولاميتين
موجودين بالاساس ولا لا
فواز انا مابي شي انا ماوراي الا الهم فواز انا معد ابي انكد حياتك انت الوحيد اللي حسسني بوجودي في هالدنيا وبالامان خوفك حرصك اهتمامك فيني هو احلى شي مر علي بحياتي كلها يمكن ودي اعطيك كل فرحه عمري ولاتزعل مني فواز انا لازم اطلع من حياتك يكفيك الهم اللي جاك مني
فواز بحزن من كلامها اللي جرحه:وانا؟
رؤى صدمها السؤال:انت الشي الوحيد اللي ماني حابه اخسره وهو الشي الوحيد الحلو اللي انوجد بحياتي
ومابي افقد هالشي من حياتي واكون سبب ضيقته .. ساره تحبك يافواز ما..
فواز بحده قاطعها:رؤى ليييه؟ليه يارؤى انتي بكلامك تجرحيني كثير اذا بتتركيني بلحظه اوعدك
اترك حياتي وعمري علشانك رؤى تكفين حسي فيني
وقف رؤى بصدمه وفواز واقف وراها ويبعد عنها كم خطوه بكل ألم :فواز تكفى افهمني وجودي بيخرب عليك حياتك
ومشت بس فيه يد مسكتها ولفتها ناحيتها
رفعت عيونها الرماديه وطالعت في عيونه كانت تحكي لها الكثير أغناها عن كل الكلام اللي ينقال كانت بعيونها دمعه نزلت
مسح فواز دمعتها وظل يتامل عيونها
كانت لغه عيونهم تحكي اللي بخواطرهم وتوصله للثاني نفس ماهو بقلوبهم تاهت بعيوونه في الحنان والحب اللي فيهم
فواز بهدوء:رؤى دمعتك معد ابي اشوفها ابد انتي ارتاحي والكلام اللي قلتيه انسيه يارؤى انسيه .
رؤى نزلت عينها ومشت من عنده بسرعه
وقف مكانه يتابعها بعيونه لمن اختفت من قدامه تنهد :رؤى الى متى ؟
رجع للبيت واعتذر من خالته حتى يداري خاطر امه ونفس الشي رؤى اعتذرت من صباح
لخاطر ام عبدالله اللي ماشافت منها غير الحنان اللي فقدته من وفاة أم خالد
صباح بغرور:هالمره يانجلاء بسامحها بس والله ان شفت شي ثاني ماني براحمتها
نور بخبث وبدلع مصطنع:علشانك ياخالتي سامحتها ولا وجه الفقر ماتستاهل الا الطق جعل يدها الكسر عورتني
وفي خاطره(والله يارؤى ان مادفعتك ثمن هالكف غالي )وارتسمت على وجهها ابتسامه تخفي وراها من الشر الكثير

ـــــــــــــــــــــــ(12)

بعد يومين هدت اوضاع البيت ورجعت صباح للرياض ورؤى ندرت نزلتها لتحت
دلال :نجلاء
ام عبدالله:هلا
دلال:والله حال رؤى لايسر عدو ولاصديق ؟
ام عبدالله بأسى:دلال انا عارفه بنت اختي زين اكيد قالت شي كبير لرؤى خلاها تتصرف كذا بس مقدر اوقف معها ضد اختي
دلال:اه بس عمري مارتحت لذا البنت ابد(تقصد نور)...اطلعي طيبي خاطرها وخليها تنزل تتغدا معنا
ام عبدالله:بروح اشوفها واصلي الظهر وبجي
راحت ام عبدالله لغرفه رؤى ولقت الباب مفتوح بشكل بسيط فتحت الباب بهدوء
لقت رؤى على سجادتها تناجي ربها وتمسح دمعتها
طلعت صوت باالباب حتى تحس رؤى بوجودها
رؤى بحركه سريعه امسحت دموعها ولفت عالباب وابتسمت:هلا خالتي تفضلي.
دخلت ام عبدالله وهي تناظر بالغرفه :والله ان الغرفه تغيرت كثير احسها محلوه عن ايام فواز فيها ماشاء الله يارؤى حتى لغرفه حطيتيها احساس فواز لمن كان فيها من كثر مايحبها ماكان يدخلها الا وقت النوم يحافظ عليها وضحكت
رؤى بابتسامه وهي باقي بحجاب الصلاه:استغليتها في وجوده مسكين.
ام عبدالله:اقعدي يمه ليه واقفه ابي اتكلم معك؟
رؤى فكت حجابها ورجعته مكانه وقعدت على القنفه مقابل ام عبدالله
ام عبدالله تنهدت:رؤى والله يابنتي اللي صار مع صباح ماني براضيه عنه وانا متاكده انك سويتي كذا لان الموقف يستاهل لااا ويستاهل اكثر من كذا بس ماقدرت اقولك شي او اوقف معك ضد اختي اللي مالي غيرها وزعلها ماأتحمله
رؤى قامت وقعدت جنبها ومسكت يدها وباستها:للحين تفكرين باللي صار انا نسيته ويشهد ربي ان مافي خاطري على احد شي ابدا حتى نور
ام عبدالله ضمت رؤى :الله يكملك بعقلك ويسعدك قلبك ويرجع لك اخوك بالسلامه
دمعت عينها على رؤى وكيف هالقلوب البيضاء نادر وجودها بهالزمن
رفعت راسها وهي تداري غصتها من حضن نجلاء
تكلمت نجلاء وهي تقوم :يالله يمه ننزل عند دلال عمك والعيال على وصول ونبي نتغدا جميع
ابتسمت رؤى :من عيوني بس دقايق ابدل لبسي
كانت لابسه بنطلون بني شامواه وبلوزه ثقيله ورديه
غيرت البلوزه ولبست بلوزه بيج صوف هاينك طويله لعند الركبه وباكمام طويله
بعد الغداء كان الكل بالصاله ام عبدالله وابو عبدالله يسولفون وساره ورؤى مع بعض ودلال وعبدالله مع بعض وفي وضي يلعبون عندهم
فواز :احم .احم.
الكل انتبه له:اليوم ياجماعه عندي مفاجاه لكم المفروض من زمان بس تاجلت كم يوم لظروف
ساره:وشي؟
عبدالله:ياخي ازعجتنا كل يوم عندي لكم مفاجاءه عندي لكم مفاجاءه
فواز وهو يعطي عبدالله نظره بمعناة اسكت :اتمنى من الكل يقوم يبدل ملابسه ويلبس شي ثقيل وينزل بسرعه
كلن يلتفت للثاني وفواز وده يضحك على اشكالهم:شكلكم ماتبون يالله بسرعه ماراح اخطفكم؟
ابوعبدالله:يبه وين بتودينا؟
فواز وهو يساعد ابوه يقوم :مفاجاه بتعجبكم كلكم
الكل قام يستعد ووده يعرف وش هالمفاجاه بعد ربع ساعه كلهم نزلوا وهم مستعدين
طلعوا من البيت وانقسموا بسيارتين فواز وابوه وامه ورؤى بسيارة فواز
وعبدالله اخذ الباقيين
بعد ثلث ساعه وصلوا للمزرعه وانفتحت البوابه ودخلت السياره
نزل فواز وفتح الباب لابوه ونفس الشي رؤى فتحت الباب لام عبدالله كانوا بنفس الجهه ابتسم فواز لرؤى
وهي ردت له الابتسامه وبعدهم بدقيقتين وصل عبدالله والباقين
فواز :امشوا معي
مشوا وهم مستغربين من فواز ويبون يعرفون سر حماسه
راحوا لغرب المزرعه مكان واسع وبعيد عن البيت والصاله والمسبح
فواز :وش رايكم؟
كان مجهز لهم اسطبل فيه خيل وغنم وابل ودجاج وارانب وعندها جلسه شعبيه بالسدو الاحمر
الكل انبهر بالمكان بجد كانت مفاجاه حلوه للكل خاصه ابوعبدالله لانه يحب هالاجواء ورؤى تعشق الخيل بجنون
ابوعبدالله وهو مبتسم:الله لايحرمك سعادتك يبه
وراح صوب القعده وفواز مبتسم ويمشي مع ابوه
دلال وهي تطالع بالمكان :والله يانجلاء ولدك مو بهين
ام عبدالله :الله لايحرمني منه دايم يسعدنا الله يسعده ويطول بعمره واشوفه معرس
رؤى كان ودها تركض للخيل وتلمسهم وتركب عليها
ساره:واو بجد فواز ذويق
رؤى:تصدقين ودي اطير من الفرح واخيرا بركب خيل حلمي من زمان
عبدالله كان وراهم وهو يضحك:من جدكم مستانسين بالزريبه (الزريبه =المكان اللي تعيش فيه الغنم وموب حلوه ريحته خخخخخخخ )
ساره لفت عليه بعصبيه:مالت عليك انت سو زيه بعدين تكلم ولفت وهي تتحلطم :قال زريبه قال.
عبدالله:يمه منك اكلتيني بقشوري امزح اصلا اعجبتني مالت عليك والله اني خايف
وهو يمسك قلبه:بسم الله عليك حبيبي
رؤى انفجرت من الضحك على هبالهم
قعدوا بالجلسه وفواز ورؤى وساره وعبدالله راحوا صوب الخيل
مسك فواز خيل كانت احلى وحده فيهم بيضاء ومن الخيول الاصيله النادره
فواز:هاذي الخيل لرؤى
رؤى انصدمت ووقفت مكانها:لي
فواز:ايه لك
ساره:واو رؤى رووووووعه الهديه من قدك فواز من متى يوزع هدايا * وهي تغمز لرؤى
رؤى قلب وجهها الوان وفواز صار يضحك خجل من كلام ساره
عبدالله:انا بركب ذي لمن حاول يركبها بغى يطيح والكل ضحكوا عليه
فواز:رؤى ماودك تمسكينها
رؤى خذت لجام الخيل(اللجام الحبل المربوط بالخيل) وهي خايفه مسحت عليها لمن شافتها هاديه انبسطت وقربت منها اكثر
فواز:تبين تركبينها
رؤى وهي تفكر شلون وقدامهم :هاه .لا
فواز:ادري مستحيه منهم بس ماعليك باخذك للجهه الثانيه
رؤى:اوكيه
راحوا للجهه الثانيه مع نور وانبسطوا مع خيل رؤى الجديد وبعد يوم متعب من اللعب والهبال رجعوا
صارت رؤى تروح تقريبا كل يوم مع دلال والبنات للمزرعه تشوف خيلها لانها تعلقت فيها كثير
اما ساره انشغلت بالاختبارات وكانت رؤى دايم تساعدها

بعد اسبوعين اختبارات لنهايه الفصل الدراسي الاول
كانت جايه ام عبدالله صديقه قديمه لها ورؤى بتروح مع ساره للمزرعه لان ساره عازمه صديقاتها هناك بمناسبه انتهاء الاختبارات
ســـاره لبست فستان رمادي لفوق الركبه بشوي كان ماسك وروعه عليها معطيها انوثه زايده ولبست معه بوت اسود طويل رولت شعرها القصير وحطت قلوس احمر وكحل اسود
واصرت على رؤى تروح معها
لبست رؤى تنوره لنص الساق زيتيه وفوقها بلوزه هاينك ابيض جبانيز ومعها جكيت زيتي نفس قماش التنوره وهذا الطقم كان ذووق ام عبدالله لها لمن راحت معها السوق تختار معها هديه لوحده من قرايبها
لبست باليه زيتي نفس القماش ساده كان مبين بياض رجولها وطالعه مره كيوت سرحت شعرها كلاسيك بسيط و ماتكلفت فيه واكتفت بالمسكر الزيتي والكحل الاسود من داخل العين وقولس لحمي وبلاش مشمشي
كانت نازله بسرعه من الدرج لانها تاخرت على ساره اللي احرقت جوالها
لفت للصاله لقت ام عبدالله معها حرمه
ام عبدالله:رؤى يمه هاذي خالتك ام عمر(عمر صديق فواز تذكرونه)
راحت رؤى لها تسلم بس من شافتها تضاربت داخلها اشياء كثير خوف دهشه ويغلبهم الالم اللي في راسها
حاولت تتوزان وتسلم على ام عمر دقات قلبها سريعه وماهي قادره تحس بشي حولها غير صرير قوي باذنها
سلمت عليها وضمتها ام عمر بقوه وكان ودها تطلع من المكان قبل لاتطيح حست بان قواها خارت
رؤى بابتسامه باهته:عن اذنكم تاخرت عن ساره
راحت رؤى وحاولت تتسند على الطاوله اللي بالمدخل لمن حست انها شوي احسن وصارت تمشي بثقل للسياره تبي توصل تسند راسها على شي
لانه بينفجر من الالم
كانت ساره تصارخ على رؤى:رؤى وينك تاخرتي؟
رؤى ماردت وسندت راسها على مقعد السياره بهدوء وهي ماتتكلم مكان فيها طاقه حتى تتكلم
ساره استغربت من رؤى انها ماقالت شي وتكلمت بخوف:رؤى فيك شي؟
رؤى مدت يدها ليد ساره واحطت راسها بحضنها
ساره وهي بتبكي :رؤى وش فيك؟
فواز لف عليهم وبصوت كله خوف:رؤى وش فيك؟
رؤى كانت تسمع اصواتهم وكانهم بعيد مررررره و ماهي قادره تركز وش يقولون تحس انها تحلم غمضت عينها وهي تضغط على يد ساره
ساره بصرخه :رؤى ..وبدت تضرب وجهها رؤى
فواز نزل وراح جهة رؤى وفتح الباب قعدها وساره ساندتها وكانت مهي حاسه فيه كان بيقفل الباب ويحرك للمستشفى بس رؤى مسكت طرف كمه
:فواز انا بخير ودنا المزرعه
فواز:رؤى طلبتك خلني اخذك المستشفى
رؤى بتعب :فواز الله يخليك ودنا المزرعه
فواز قفل الباب ورجع ركب قدام
فواز:رؤى متاكده صرتي احسن؟
رؤى بهمس :ايه
رؤى همست لساره :ابي انام لمن نوصل
ساره وهي مستغربه من رؤى كيف انقلب حالها وهي كانت في قمه نشاطها قبل تنزل يعني في 5دقايق انقلب حالها
مشى فواز وهو باله عندها وكل شوي يطالعها في المرايه
ساره:فواز؟
فواز:نعم
ساره بهمس:توها كانت بخير
فواز:والله ماني متطمن ساره تكفين انبهي عليها ولو تعبت مر ثانيه دقي علي بدون ماتسالينها اخذها المستشفى
ساره:ان شاء الله
وصلوا المزرعه وصحت ساره رؤى وقامت
فواز بلهفه:ها رؤى الحين احسن؟
رؤى ببحه :الحمد لله بس لاتخافون صداع بسيط وخلاص خف كثير
ساره:رؤى اكيد
رؤى:أي والله هذا حلفت خفيت
نزلوا البنات ونزل معهم فواز لمن يجي المغرب يروح لانه مايصير يقعدون بروحهم وخاصه ان دلال
ماراح تجي الا وقت العشاء علشان البوفيه اللي سوته ساره للبارتي
نزلوا وراح لمكان البارتي اللي هي الصاله الزجاجيه
كانت ابدااااااع مو طبيعي من الالوان للديكور للاضاءه لكل شي
(كانت الالوان الاحمر الخمري مع الليموني والنيلي والابيض تقريبا اغلب الوان الطاووس و بمكان الديجيه والرقص زوليه(فرشه) خاصه للرقص كانت بالوان الطاوس وغالب عليها الاحمر الخمري والطاولات بيضاء مع الاكسسوار النيلي والورد الاحمر الجوري مع الاكواب الكبيره المتوسطه الطاولات وفيها كور مائيه بالليموني والنيلي والابيض والاضاءه اللي معطيه المكان شي ثاني وطبعا مع طاوس كبير عند المدخل من ورى علاقه عبايات والتمثال نفسه معلق عليه كور صغار مزينه بلمعه ذهبيه تخلي الواحد يوقف وهو يتامل روعتها
وهي كانت عباره عن هدايا للمعازيم طبعا )
دخلوا بعده ساره ورؤى بخمس دقايق لانهم راحوا للمطبخ يحطون صحون الشوكولاته اللي كانت معهم
فواز:بجد يابنات مبدع اللي سوا هالقاعه رووووعه
ساره:هاذي رؤى وانا ساعدتها شوي وساعدتنا صديقه ماما في التركيب
فواز:بجد رؤى انتي ؟
رؤى بخجل :ايه بس افكار من مجلات يعني انا بس جمعتها ماسويت شي الا كم فكره بسيطه والكل ساعدني كثير
فواز : بجد ايداع
ساره:انت ماشفت قاعه الاكل احلى بواجد لانها ناعمه مره لان هاذي شوي اوفر
فواز :وين قررتوها
ساره:بالمجلس الكبير اللي بالبيت
راح فواز وتفاجاء انها احلى واحلى كانت كلاسك ورايقه مره اللون السماوي الفاتح كان غالب
كانت طاولات الاكل منظمه ومرتبه والاكسسوار وطريقه التزيين في المجلس روعه
فواز:لا بجد رؤى مبدعه من وين تعلمتي هالاشياء؟
رؤى:مدرسه الفنيه حقتنا مره مبدعه ونمت عندي حب الزينه والاكسسوار للحفلات
فواز: شي حلو والله طيب الحين اذن المغرب اخاف يجي احد وانتو ماستعديتوا ولي يارؤى تحقيق عن هالموهبه لانك تقدرين تنمينها وتسوين مشروع ناجح باذن الله
رؤى:اوكيه
فواز:عن اذنكم
ساره +رؤى:اذنك معك
راحوا البنات صلوا بالغرف اللي فوق وعدلوا مكياجهم وشعرهم
ساره:رؤى ترى حط فواز حارسين عند الباب
رؤى:ايه زين والله كنت خايفه؟
ساره لفت على رؤى وسكتت
رؤى:ساره وشفيك ؟
ساره :رؤى طالعه تخبلين ؟
رؤى انقلبت حمرا:على بالي عندك سالفه وين حلوه والله بيجون البنات وتعرفين الحلا صح؟
ساره:لا وربي طالعه خوقاق
رؤى:وانتي احلى قلبو يالله ننزل نشيك عالصاله وعالدجيه نشوف وصلت
ساره:يالله
بدو المعازيم يجون وكانت ساره تستقبلهم بصراخ وهبال ووناسه
مدى تطالع في ساره ونوره صديقتها وهم يضمون بعض:الحمد لله والشكر الي يشوفكم يقول ماكنتوا بالمدرسه مع بعض اليوم
ساره :غيرانه ؟
مدى:لا وليه اغار الا احمد ربي عالعقل
ضحكوا كلهم
ساره:نسيت اعرفكم على رؤى صديقتي بنتكون معها بالجامعه السنه الجايه
نوره وهي تسلم عليها:سوسو من جد ذي رؤى
ساره:ايه
سلمت نوره على رؤى ورؤى تحس انها مره منحرجه لانها ماهي متعوده على صديقات ساره
مدى:من الحين اضمن طابور معجبات وراك وانا اولهم ومدت يدها تسلم على رؤى
رؤى ضحكت:تسلمين
نوره وهي تهمس لساره:سارونه وربي انها خقاق ذا الرؤى اش نعومه احس اني رجال جنبها
ساره ضحكت ومسكت يد رؤى :يالله ماودكم ندخل
دخلوا البنات وجوا الباقين وبدت الحفله والوناسه واشتغل الدجيه
كانت رؤى تطالع البنات وهم يضحكون وهم يرقصون
كانت تفكر ياترى هل هم مبسوطين من قلب ولاعندهم هموم
( اللي مبسوطه يارب ماشي يغير عليها)
قطع حبل افكارها
:رؤى
رؤى لفت:اهلين مدى
مدى:ليه ماتقومين ترقصين ؟
رؤى:هاه لا ماعرف
مدى :علي هالكلام؟
رؤى بربكه:لاجد ماعرف
مدى :بتقنعيني ان هالجسم المنحوت مايعرف يهز
رؤى خافت من اسلوبها ونبره صوتها:لو اعرف كان قمت ارقص صدقيني
مدى راحت وسحبت ساره:سارونه رؤى تعرف ترقص
ساره وهي تغمز لرؤى:قولي وش ماتعرف ترقص عليها رقص بيخلي البنات يقعدون
رؤى:لا معليك تمزح معك
ساره وهي تضحك:ترى قالت كذا بحفل استقبال خالي وسحبناها انا ونور وش رايك نسحبها الحين؟
مدى :يالله
رؤى وهي تضحك ومن داخل خايفه ماتدري ليش:بنات اعقلوا
مانتظروا ردها وقامت ترقص معهم وهي تجامل
ساره راحت لصاحبه الدجيه ورجعت لهم وقفت الاغنيه وراحت رؤى تبي تقعد مسكت يدها مدى
مدى وهي تطالعها :ووين ؟الحين الرقص بيبدا
تشغلت اغنيه بلغ للجسمي
البنات الموجودات صاروا يفرون ويصفقون
وقاموا مجموعه بنات يرقصون
مدى :هاه رؤى بتكسرين بخاطري؟
ساره:يالله رؤى كلنا بنات يعني عادي
رقصت رؤى مع البنات اللي يرقصون بس كانت بينهم غير رقصها احلى بكثير منهم
قعدوا وبقى معها ثنتين لمن خلصت الاغنيه سلموا عليها اللي رقصوا معها ورجعت تبي تقعد
بس انصدمت من مدى وهي تبوسها على خدها وتقول:فديت اللي يستحون
رؤى بعدت عنها بقرف:تسلمين
وراحت تقعد وهي معصبه من حركه مدى لان مالها داعي
جت ساره ومعها بنت
ساره:رؤى هاذي منال صديقتي
رؤى وهي تصافحها بابتسامه:اهلين كيفك؟
منال بدلع:تمامو رقصك جنان
رؤى بخجل:تسلمين من ذووقك
وتشغلت اغنيه وراحت ساره مع منال يرقصون
جت مدى قعدت جنبها:والله يارؤى عليك رقص جناااان
رؤى:شكرا من ذووقك
مدى:ليه متضايقه
رؤى في بالها(سبحان الله مارتحت لها ):لا ولاشي عادي
مدى:بس هالوجه مايصير يزعل ابد
رؤى اكتفت بابتسامه
جت دلال حست رؤى براحه من شافتها سلمت على البنات وجت عند رؤى
دلال:ماشاء الله يارؤى وش هالزين في تزايد مستمر
رؤى:وين زين وانتي الحلا كله؟
دلال:تراك تنفخين ريشي واصير الطاؤوس بدل ذا التمثال اللي عند الباب
رؤى ضحكت على دلال:هاه بتروحين تشوفين البوفيه
دلال:ايه
رؤى:اجي معك
دلال:براحتك بس اخاف تبين تقعدين مع البنات
رؤى:لا بالعكس انبسطت من شفتك لاني ماعرفهم
راحت رؤى مع دلال يشوفون البوفيه ويتاكدون من كل شي
دق جوال رؤى ودلال دخلت للمجلس
ردت رؤى:الو
فواز (لبى الالو):الو مساء الخير
رؤى:مساء النور
فواز:شخبارك؟
رؤى :الحمد لله بخير
فواز:اكيد؟تبين اجي اوديك للمستشفى؟
رؤى:لا مايحتاج بس صداع خفيف وراح
فواز:مشغوله؟
رؤى:امم يعني عادي
فواز:والله اني مدري وشلون افكر في حفله اكيد مشغوله؟
رؤى بضحكه:عادي
فواز(ياويل قلبي ):اوك انتبهوا على انفسكم واذا رجع الصداع دقي علي لاتستحين
رؤى بخجل :اوك
قفل فواز وراحت رؤى لدلال تشوف اذا فيه شي تساعدها فيه

في بيت ام عبدالله بعد ماطلعت رؤى
ام عمر:من ذي ؟
ام عبدالله:هاذي رؤى
ام عمر بلهفه:رؤى من بنته؟
ام عبدالله:بنت واحد من اصدقاء فواز مسكينه ابوها وامها ميتين واخوها سوى حادث وجت تقعد عندنا لمن يرجع اخوها من السفر باذن الله
ام عمر بعد ماقلت لهفتها:الله يرجعه لها سالم بس لاقوه الا بالله تدخل القلب بسرعه
ام عبدالله:ايه ماشاء الله عليها
ام عمر سرحت (ليه قلبي عورني من شفتها ياربي تساعدني بس تشبهها تنهدت وهي تحاول تبعد الافكار من راسها)
>>ابطال جدد بالروايه تعمدت اتاخر احطهم حتى تكونون ركزتوا وعرفتوا اللي قبل
في جنوب المملكه مكان مايسكن عم فواز- ابو نايف-(عبدالعزيز)
(اذكركم فيهم عبدالعزيز انسان صريح وطيب ويحب الشغل وخاصه العقار له هيبه معروفه عنه بكل مكان
عنده نايف 27و حصه 25 و فهد 23و مي 20 وصالح وتركي توام بالمتوسط 15ونور13 مرجوجه البيت وهي مره ميانه مع التوام
زوجه عبدالعزيز انسانه الطيبه بحقها شوي همها بحياتها زوجها وعيالها وعمتها ام زوجها اللي تعتبرها امها
نايف موظف متزوج وربي ارزقه بولد اسمه ضاري
حصه معلمه حبوبه مره وسمرا وسمارها مره محليها متزوجه وحامل ب4شهور
فهد يدرس بالجامعه باخر سنه مره طيبوب وحنون ومعروف عنه عشقه لساره من وهي صغيره
مي خطيبه عبدالله اخو فواز انسانه حياويه مره تستحي من ظلها تدرس سنه ثاني جامعه حالمه ورومنسيه
التوام تركي وصالح عشق امهم تحبهم ويسمونهم فرحه البيت نكته تمشي حبوبين ودمهم مره خفيف ودايم يعلقون علي مي لانها تقلب حمرا اذا استحت
نور رفيقه التوام مرجوجه مره وتحب الفله والوناسه والضحك ومملوحه مره بشرتها برونز و مره محليها
الجده وهي ام عبدالعزيز انسانه ملقوفه ولكن يغفر لها طيبه قلبها وحبها لايام الخوالي والشباب وهي موضع من مواضع تعليقات التوام )
ابو نايف:يالغاليه ورى ماخذتي ابره السكر اليوم؟
الجده:والله ياولدي انها غثتني كل يوم وانا بخير الحمد لله مافيني شي؟


ابو نايف:ولو يمه لازم تاخذينها ولانسيتي اخر مره وش صار؟
الجده:لا يمه بس ربك الحامي والاعمار بيد الله
ابو نايف بضيق لانه مل يقنع امه باهميه انتظامها على ابر السكر:الله يطول بعمرك
دخل فهد وهو متضايق من شاف ساره وحاله منقلب
فهد:السلام عليكم
الجده+ابو نايف:وعليكم السلام
فهد:وين امي؟
ابو نايف:بالمطبخ نادها يبه خلها تجي تقعد تريح من الصباح وهي متعبه نفسها
الجده:الله يرزقها ويفرحها بعيالها زي ما هي مريحتني
ابونايف بابتسامه رضى من كلام امه :انتي الخير والبركه
جت ام نايف:اسمع سيرتي خير ان شاء الله؟
فهد:الحقي يمه سبوا لمن شبعوا
ابو نايف:شف الولد ماعليك منه مدري وش يهرج ؟
ام نايف تقعد جنب الجده وتناولها كوب الحليب:اصلا انا واثقه من زوجي انه مستحيل يسبني لا وبوجود خالتي مستحيل انسى اصدق
فهد:الله الحين طلعت انا الشين وابوي الزين
الجده:قوم بلا هذره وحكي فاضي ازهم اخوانك للعشاء(ازهم يعني ناده قله يجي اللي تبون)
فهد:من عيوني
طلع فهد لغرفته ومر حصه اللي قاعده عندهم لان زوجها عنده دوره بجده 3شهور
فهد دق الباب:هاي صبايا
حصه:اهلن اهلن باخو اخته
ضحك فهد:والله جديده وينها مي ؟
حصه وهي ماسكه بطنها وتضحك:تبكي
فهد باستغراب :تبكي؟.
حصه:قالوابنروح لعمك ابو عبدالله بالاجازه صارت تبكي وكملت ضحك
فهد ابتسم على حياء اخته من طاري عبدالله وراح يطق عليها باب الحمام:مي ؟
مي بصوت مبحوح:دقيقه
طلعت وهي حمراء من الحياء ضحك في نفسه على اخته:مي وشفيك ؟
مي وهي منزله راسها:ولاشي

ضحك فهد وهي رفعت راسها تطالعه مستغربه
فهد وهو يمسح دموعه من الضحك:لحظه بالله
وطلع جواله وحطه مايك وبدء يدق على شخص
طالعوا فيه مي وحصه بكل استغراب
فهد جاه صوت عبدالله:مساء الخير يالنسيب
عبدالله انبسط من كلمه النسيب:ياهلا والله مساء النور والسرور باخو الغوالي
هنا مي بغت تموت بغت تطلع بس مسكها فهد :اقول عبود
عبدالله:هلا
فهد بضحكه:انت تاكل لحوم بشر؟
عبدالله:يمه بسم الله علي على بالك زيك اللي اكل الذبيحه قاعده
هنا انفجرت حصه من الضحك وفهد سكر المايك وحطه باذنه:وجع ان شاء الله قول بسم الله عليك
عبدالله:على وشو ياحسره اخاف بس تاكل اكل البيت والاقي مي ميته من الجوع وتطلع ماكل اكلها
فهد:اه ياعبدالله حالتها لاتسر صديق ولاعدو
عبدالله وهو بيبكي من خوفه عليها :بسم الله عليها فهود قولي وش فيها؟
فهد هنا ماقدر يتحمل ومات من الضحك وعبدالله عصب
عبدالله بعصبيه:ضحكت بلاضروس تفاول عليها هاه ليتك عندي؟
قهد وهو يحاول يتكلم:مدري عنك وعنها من قلنا لها اننا بنجيكم بالعطله وهي قالبه فرواله ومعد تقعد معنا
عبدالله براحه وبخاطره (ماذبحني الا حياها):فهود بعد قلبي
فهد بخبث:خير وش تبي هالدلع وراه شي
عبدالله:فهود خلني اكلمها امانه بس شوي هي خطيبتي وخلها تتكلم قدامك اذا مرره الوضع متازم عندك يعني؟
فهد طالع في اخته اللي حرارتها ارتفعت من الحياء وقال بخبث:خذها معك عالخط وحط الجوال باذنها
مي ماتت من الحياء خلاص وبدت دموعها تنزل
عبدالله بنبره مايتكلم فيها الا مع مي : مساء الخير
مي:................
عبدالله:مي افا ماتردين علي؟
مي:..................
عبدالله:مي اذا ماتكلمتي بسوي حادث واموت؟
مي بهمس:بسم الله عليك
عبدالله طار من الفرحه :واخيرا سمعت حسك يالله لاتحرمني منه
مي بقت بالغرفه بروحها لان حصه وفهد طلعوا من عندها وحست بان خجلها خف شوي
مي بهمس:تسلم
عبدالله اللي ذاب بحياءها حتى على السماعه:مي وربي ماني مصدق ادري انك منحرجه مني بس ابشري اول ماتجين ببوس راس عمي املك عليك واكلمك براحتي.
مي ذابت بملابسها دوروها ماتلاقونها:............
عبدالله وهو حاس فيها انها خلاص بتموت من كلامه :انا بقفل يكفي علي سمعت حسك وعرفت ردك مع السلامه
مي:ربي حافظك وقفلت
عبدالله انبسط اكثير ماتوقع هالمكالمه اللي خففت عنه هم الشغل وبدء بالملف اللي بيده بكل جديه وابتسامته على وجهه
مي نزلت للعشاء وبيدها جوال فهد مدت له الجوال وهي متنرفزه من حركته بس ماتنكر في قراره نفسها انها انبسطت اكثر من عبدالله بهالمكالمه:شكرا
فهد بخبث وهو يرفع صوته:ان بغيتي مره ثانيه تكلمينه لاتستحين عادي !
لف ابوها وابتسم عرف انها كلمت عبدالله من احراجها ولونها القالب على احمر
قال :وشخبارهم يمه ؟
مي :الحمد لله بخير عن اذنكم وطلعت غرفتها ركض
ام نايف:فهد حرام عليك احرجتها
فهد:اخاف اذا قلت مي تستحي والله دلع وش فيها لو كلمته قبل لايكون خطيبها فهو ولد عمها
جدته وهي تقرص اذنه:الحياء يزين البنت
فهد وهو يبعد يد جدته وهو يضحك:حاضر حاضر
في المزرعه بالشرقيه
الحفله مستمره ومن اروع مايكون
صارت الساعه11 وصار وقت العشاء
طبعا فضت الصاله الزجاجيه بقوا المستخدمات يرتبون الحوسه بعد البنات حتى يكملون سهرتهم
كانت رؤى طالعه من المطبخ بالبيت ورايحه صوب المجلس حست باليد اللي تسحبها على ورى
وتحطها بزاويه ظلام من الصاله الداخليه بالبيت بحيث محد يشوفها هناك
:والله وطلعتي احلى مما توقعت بووووووواجد
صدم رؤى الصوت وتكلمت بقوه:مــــــــدى
مدى بابتسامه:عيون مدى
رؤى وهي تفك يدها:وش تبين مني
مدى:اوه اوه ليه العصبيه بس بغيت نكون فرند
رؤى بدت ترجف وهذا حالها من تخاف:شكرا مابي فكيني
وبغت تمشي بس انصدمت من اليد اللي تنحط على خصرها
بعدهتم رؤى بقوه وتكلمت بتهديد:واقسم بالله ان مابعدتي عنــ..
قطعت مدى كلامها:مو قلنا مانبي عصبيه ولا انتي متعوده تعصبين على خالد وفجر
رؤى من سمعت الاسماء وعيونها تعلقت بمدى اللي راسمه على وجهها ابتسامه خبث
:من وين تعرفينهم ؟
مدى:اعرفهم وتوي مسلمه عليهم وصورتهم بالجوال يحليهم حبابين مره
رؤى برجفه:وش عرفك فيهم؟

مدى وهي مستانسه انها حققت المهمه :اعرفهم اكثر مماتعرفينهم هذولا عليهم توصيه من الزعيم
هنا رؤى حست انه انكب عليها مويه بارد من الصدمه كل شي توقعته الا ان معاذ يوصل لها بهاليوم وبهالطريقه
رؤى وعيونها غرقت من الدموع:هم بخييير؟
مدى حست انها ماشيه تمام في خطه معاذ وقالت بخبث:هم بخير تبين تشوفينهم؟
رؤى حست بالخوف على اخوانها قبل نفسها معاذ عرف كيف يمسكها من يدها اللي تعورها وبقلب قوي:لا
انصدمت مدى من ردها :متاكده؟
رؤى وهي خلاص حاسه ان الدنيا قدامها نقطه حاسه بالضيق اللي يكبت على نفسها:ايه
ومشت تبي تروح بس وقفها اللي خايفه منه
مدى :اذا تبينهم يتمون بخير فردي الساعه 12 على الرقم اللي بيجيك
رؤى ماقدرت تتكلم او ترد باي شي :ومن يقدر ياذيهم
مدى:انتي عارفه ان الزعيم اذا عصب مايعرف امه
رؤى وهي تتذكر كل لحظه عاشتها تحت سلطته وقسوته كل كف وكل همسه صحيح حسسها بالامان بلحظات ولكن كل الباقي عذاب وذل لها اخوانها مالهم ذنب معاذ يبيها هي مايبي اخوانها يعذبهم علشانها وهي هنا مبسوطه يضربهم لانها هربت من عنده وماكملت معه شي هو يبيه
ردت وهي تحس قلبها ينزف:وش يبي مني بالضبط؟؟
فرحت مدى انها بتحصل على رضى معاذ اللي تعشقه وهو ماعشق ولاحب غير رؤى كانت مدى تكره رؤى وتحقد عليها لانه مايعطيها وجهه والسبب هي :تردين على الرقم بالوقت اللي قلته وتعرفين ساعتها
رؤى ودموعها على خدودها:طيب بس ..
مدى:وشو؟
رؤى:اخواني ابي اشوفهم الله يخليك؟
مدى هنا ضعفت بس بسرعه بدلت نظره الرحمه الى الانتقام والقسوه:انتظري الرد من المكالمه ووقتها بتعرفين اذا بتشوفينهم او لا.
مسكت مدى وجهه رؤى :اسمعي انتي حلوه وتجننين بس جمالك ماسوى لك شي غير انه وداك بدواهي منتي قدها ؟
رؤى قعدت على الارض ماهي قادره تتحمل اكثر نقطه ضعفها عرفها معاذ ومستغلها بشكل صح
راحت مدى تاركه وراها رؤى اللي حست ان لحظه موتها قربت حاسه بكل معاني الذل والخوف وكانت تلوم امها وابوها انهم تركوها وماسالوا عنها ولا دوروها كانت تبي تصبر نفسها بعتابها وهي اول وحده عارفه انها هي وهم ما لهم ذنب باللي صار وان الله كاتب لها كذا من قبل تنوجد على هالدنيا اللي ماذاقت فيها غير الخوف والتعب الدايم
وقفت وهي تبي تفكر بشي يحميها من معاذ فكرت على طول في منقذها دايم فواز فكرت انه هو الوحيد اللي يعرف قصتها وهو الوحيد اللي بيساعدها بس خوفها عليه ان معاذ ياذيه استبعدت من تفكيرها انها تلجا له او تقوله على شي
جاها مسج وفتحته ويدها ترجف(هاي ياحلوه لاتنسين 12 ان مادقيت ورديتي اوعدك 12ودقيقتين مقطه تعذيب فجوره وخالد عندك ايه نسيت اقولك شي الحيوان اللي عندك ان درى بشي اوعدك انه اخر مره تسمعين صوته فيها زوجك معاذ)
كان متعمد يكتب لها هالكلمه
معاذ في نفسه(هين يارؤى هين انا تهربين مني وتروحين وتسكنين عند واحد غريب وتطلعين معه بعد والله لاخليك تندمين على الساعه اللي هربتي فيها من عندي )
في بيت ابو خالد (اللي ربى رؤى)
كان مرمي على الارض والقوارير(الغراش) من حوله رفع نفسه بثقل وهو يحاول يتذكر اللي صار
(ايه كنت انا وابو راشد هنا ونشرب بعدين نمت ايه صح وتذكر اللي خلاه يشرب فوق العاده السبب اللي خلاه يشرب لين فقد وعيه هو صحيح يشرب ولكن قليل بس اللي صار امس كفيل بانه يخليه يشرب اكثر واكثر
تذكر كل كلمه من ابو راشد صديقه اللي سحبه لهالطريق )
ابوراشد:ابو خالد عندي لك صفقه اجباريه
ابو خالد باستغراب:صفقه واجباريه؟
ابو راشد:بما اني اجيب لك المزاج لعندك وحقه اخذ منك الربع بس مو لسواد عيونك
ابو خالد:اجل
ابو راشد بخبث:ابيك تجيب بنتك لي؟
ابو خالد بصدمه:بنتي؟.
ابو راشد:ايه رؤى بنتك وخلال هالاسبوع والا ...
ابوخالد:والا ايش ؟
ابو راشد:والا قوول لعيالك وللمشروب باي للابد لانك بتخيس بالسجن ؟
ابوخالد ضحك بشكل هستيري:يالاخ نسيت ان حنا اصحاب واللي يجري علي يمر عليك قبلي؟
ابوراشد بابتسامه واثقه قام وشغل الدفي دي وانصدم ابو خالد باللي يشوفه
ابوراشد:تدري وش اللي كنت ابيك توصله ذاك اليوم للرجال (كان يعرض له مقطع من شهرين تقريبا وهو يوصل كرتون لواحد من اصحاب ابو راشد وطبعا ماكان كرتون خالي كان فيه مخدرات بس ابو خالد كان يحسبه امانه زي ماقال له ابو راشد)
ابو خالد بصدمه:وشو؟
ابو راشد:7كيلو حشيش صافي يعني اعدام وضحك
ابوخالد:خسيس
ابو راشد بحاله سكر:اششش لالا مايصير تقول كذا بعدين اصير زعلان ومو كويس ازعل
واناالحين رايح ومثل هاليوم ابي بنتك هنا تستناني فاهم
راح وقفل باب البيت بقوه تارك وراه ابو خالد في صدمه (ماوفيت لوعدي لك يالغاليه وعدتك احافظ على رؤى والحين هذا اللي سويته طردتها مع اخوانها من البيت ولاأدري وينهم والحين بوديها لواحد واطي بيدي الثنتين بيدي)
قعد يبكي كانه طفل وينادي ام خالد ويعاتبها ليه تركته وتركت عيالها

في المزرعه
رجعت رؤى للبنات وهم يتعشون ووجهها مقلوب لاحظت دلال عليها:يمه رؤى فيك شي؟
رؤى كانت بعالم ثاني ماهي حاسه بشي ولا حاسه باحد مشت بدون وعي مهي عارفه ليه ولوين؟
قعدت برى بروحها جنب المسبح من الجهه الخلفيه حطت راسها بثقل على رجولها ضمت نفسها
وخلت دموعها تنزل براحه على خدودها الناعمه
صارت الساعه 12 حست رؤى بالجوال يدق رفعت راسها تشوف الرقم لقت انه رقم غريب
وقف الدم بعروقها من الخوف وبدت ترجف مهي عارفه وش تتصرف فيه
ردت بكل خوف على اخوانها ردت وهي مقرره تنفذ اللي يبيه معاذ بدون تردد ردت وهي ناويه تحافظ على اخوانها زي ماحافظت امهم عليها ردت وهي تبي ترد جزء من اللي سوته لها ام خالد وبعد لحظات تكلمت:الو
معاذ مايدري وش الاحساس اللي راوده من سمع صوتها راحت ملامح القسوه والانتقام من وجهه لتجي الابتسامه :هلا وغلا برؤى
رؤى بدت دموعها اللي وقفت من ثواني بدت تنزل من جديد حست انها انتهت الى هنا وخلاص انتهت حياتها معد بقى لها شي حست انها حتى نفسها فقدتها
معاذ ماعجبه صمتها وبحده:رؤى اتكلم انا؟
رؤى بصوت مبحوح:هلا معاذ
معاذ بدون مراعاه حتى للتعب بصوتها:هلافيك كيفك؟
رؤى:بخير
معاذ:هذا المهم انا دقيت اقولك شي لا ماقوله الا ابلغك فيه يعني بالاصح ماشاورك؟
رؤى :وشو؟
معاذ بضحكه:بعد3ايام تجين هنا عندي ؟
رؤى بحده :وشو؟
معاذ:اللي سمعتيه انا ماتركتك هناك 3ايام زود لسواد عيونك لا حبيبتي اصحي وافهميني ابيك تنفذين اللي اقولك عليه والا اخوانك انسيهم والله لأنفيهم ولاتقدرين توصلينهم لو تلفين الكره الارضيه ما تلاقين لهم شعره .
رؤى وهي تبكي:اهم بخير
معاذ:تبين تشوفينهم؟
رؤى:ايه
معاذ:اهم عندي جبرت ابوك ياخذهم من خالك وقلت له ان امي بتهتم فيهم واذا تبين تشوفينهم نفذي اللي بقولك عليه بالحرف وتعالي اقعدي معهم مو بس تشوفينهم ؟
رؤى :وش تبي؟
معاذ:ابي مليون ريال
رؤى بصدمه:مليون من وين اجيبهم ؟
معاذ:لاتقاطعيني الحيوان اللي عندك كاش يعني جيبه مليان فلوس وانا بساعده يصرف فلوسه
رؤى بغضب:اولا هو مو حيوان ثانيا نجوم السماء اقرب لك انت مجنون تبيني اسرق؟
معاذ باستهزاء:لا لا مقدر عالحب تدافعين عنه بعد(وبعصبيه خوفت رؤى) انا ماأخيرك لان هذا اللي بتسوينه برضاك او بدون؟
رؤى بصوت مقهور :انت حقير
معاذ ضحك ضحكه عاليه وكمل:تو تو حقير ترى حسابك ثقل معي
رؤى:................
معاذ:اسرقي سوي اللي تبين المهم المليون يكون عندي مفهوم يالله باي وموعدنا بعد3ايام بدق عليك زي هالوقت سلام ياحلو
سكر معاذ وهي وقفت بثقه:مستحيل يافواز اسوي اللي قاله مستحيل
راحت لهديه فواز لها اغلى واروع هديه حلم حققه لها فواز خيلها تشكي له ركبت خيلها بعد ماتدربت عليه كثير وركضت فيه كانت تسابق الريح ولاول مره تكون بهالسرعه تبي تفرغ اللي داخلها كان ودها انه يوديها مكان بعيد
مكان مافيه معاذ مكان يكون فجر وخالد مرتاحين فيه مكان يبقى معها فواز فيه
الساعه 1الفجر
كان داخل المزرعه يبي ياخذ البنات ودلال لان الوقت تاخر قرر يروح يتطمن عالخيل قبل ودق على دلال وقالهم يجهزون شافها من بعيد ماكانت حاسه باحد كان يراقب كل تصرف اول مره يشوفها على طبيعتها بدون حجاب كانت ملاك على حصانه من شعرها البني الحريري اللي يلعب فيه الهواء البارد مع تفصيل جسمها المنحوت وبياض وصفاء بشرتها كان حاس انه يحلم معقول هاذي رؤى البنت اللي ملكت قلبه باحساسها بس والحين بروعتها وبرائتها وكل شي فيها
نزل راسه حاس انه غلط انه يناظرها لانه بدون علمها بس اللي فكر فيه ان هاذي مو من طبيعه رؤى اكيد فيها شي وشي كبير يخليها تركض بهالشكل بالخيل وبدون حجاب
رجعت للإسطبل الصغير ورجعت حصانها اللي تعلق فيها مرره ولايسمح لاحد يركبه غيرها مسحت دموعها حست انها ارتاحت شوي بعد البكاء اللي بكته وبعد ماشكت لخيلها اللي ماقدرت ولابتقدر تتكلم وتشكي الا له طلعت وسكرت باب الاسطبل وراها
:رؤى
التفتت للصوت اللي تعتبره امل تعتبره كل شي لها الشخص اللي يمثل لها السعاده
رفعت حجابها بسرعه اللي كان على كتفها لانها كانت خايفه يكون احد عند الخيل لفت عليه وهي مرتبكه كيف فواز يشوفها بالهلبس اللي مبين تفاصيل جسمها بس اللي صدمها حركته بانه معطيها ظهره ويطالع لبعيد :هلا
فواز:وش تسوين هنا مو المفروض بالحفله
رؤى بربكه:جيت اتطمن على الخيل قبل لانروح
فواز:ادخلي الدنيا برد وقولي لهم اني انتظرهم بالسياره
رؤى :ان شاء الله
مشى للجهه ثانيه علشان تقدر تروح من دون مايحرجها
دخلت البيت وبلغت دلال وساره بان فواز وصل وقالهم يطلعون
ساره:وينك اختفيتي البنات كانوا يبون يودعونك
دلال:اكيد عند خيلك صح؟
رؤى بابتسامه:ايه
دلال:يالله يابنات لانتاخر على فواز
راحوا يجمعون اغراضهم علشان يروحون
فواز بعد ماتطمن عالخيل وهو راجه لسيارته انتبه للجوال اللي على طرف المسبح راح واخذه وكان فيه مسج
استغرب لان رؤى ماتعرف احد كان الفضول بيذبحه بس خاف رؤى تزعل بس بدون مايدري ضغط على فتح الرساله توهق وكان بيقول لرؤى انه فتحه بالغلط بس ماقرى بس جذبه الرقم انه مو مسجل قرى المسج(نسيت اقول للحلوه فجر وخالد يسلمون عليك كثير هههههههههههههههههه زوجك معاذ)>>مسج من معاذ يضغط على رؤى فيه
انصدم من المسج وعرف انه من معاذ من اسلوبه ولانه كاتب زوجك معاذ فتح المكالمات ولقى ان له مكالمه الساعه 12 ضلت 8دقايق
بدى الشك يدخل براسه وهو يسال نفسه(رؤى معقوله تكلم معاذ لازم افهم منها )
ركبوا السياره كان الوضع هدوء دلال جنب فواز وساره ورؤى بالمقاعد الخلفيه
كان السكوت هو الجو العام فتح المسجل وكان الصوت هادي
كانت نهايه اغنيه وبدت اغنيه ثانيه من سمعها فواز رفع عالصوت


نسيني الدنيا نسيني العالم
دوبني حبيبي وسبني أقلك أحلى كلام
لو الف الدنيا لو الف العالم
مش ممكن زي غرامك إنت ألاقي غرام

لو أقلك إني بحبك الحب شوية عليك
لو ثانية أنا ببعد عنك برجع مشتاق لعينيك
ضمني خليك ويايا دوبني ودوب في هوايا
تعالى نعيش أجمل أيام

كان أجمل يوم في حياتي يوم ما قبلتك يا حياتي
مقدرتش أتحملمن غير ما أفكر لحظة
لقتني بدوب في هواك
خدتني من كل الناس عشت فأجمل إحساس
ونسيت يا حبيبي الدنيا معاك

لو أقلك إني بحبك الحب شوية عليك
لو ثانية أنا ببعد عنك برجع مشتاق لعنيك
ضمني خليك ويايا دوبني ودوب في هوايا
تعالى نعيش أجمل أيام
لو أقلك

أنا شايلك جوة عينيا والدنيا دي شاهدة عليا
أنا جنبك وبحبك مش ممكن أقدر يا حبيبي فيوم أنساك
بتمنى العمر يطول وأفضل أحبك على طول
دنا ياما حلمت أكون وياك
لو أقلك
تعالى نعيش أجمل أيام.
كان يقصد كل كلمه فيها
دلال:اوه وش هالرومنسيه
فواز استحى من كلام عمته وبانت غمزاته:اه ياعمه الحب عذاب
دلال :الله الله يافواز كل ذا يطلع منك طلعت تحب
فواز تكلم بكل حالميه يبي رؤى تحس فيه:اعشق كل شي فيها بس ليتها تحس علي بس
دلال:مقدر انا منهي خلني اقول لها عن حالتك الصعبه
فواز:خلها تحس فيني مابي احد يقولها...
رؤى كانت عارفه ان هالكلام موجهه لها وخاصه الاغنيه لمن رفع عالصوت رفع نظره للمرايه وعدلها على جهتها ونزل عيونه بسرعه وكانه تنبيه لها
اما ساره حست بالنار داخلها وتكلمت بحقد:من سعيده الحظ اعرفها
فواز:ايه تعرفينها بس مو حيييل
ساره كانت متامله يقول انها هي المقصوده او يلمح لها الفتت على رؤى اللي كانت منزله راسها وفواز يبتسم الغيره دبت فيها والحقد والانتقام انرسم بعيونها لرؤى
دلال:والله ان امها داعيه لها بليله القدر
ضحك فواز:ترى بصير مغرور
دلال:يحق لك
وقف فواز عند البيت وتعمد يدق من جواله على جوال رؤى حتى تبقى تدوره
دلال:يمه رؤى وين جوالك يدق؟
رؤى وهي تدور بالشنطه:مدري
نزلوا ساره ودلال وهي بقت تدور الجوال مد لها فواز يده بالجوال
اخذته بحياء:اسفه نسيته عند المسبح و..
فوازيقاطعها :آسف فتحت مسج بالغلط وانتظر منك تبرير له بما اني اعتبر نفسي مسوؤل عنك
ماقدرت تقول ولا كلمه وهي تقرا المسج (وش اقول اقول معاذ يبيني اسرقكم اسرق الناس اللي اهتموا فيني وحموني منك وفتحوا بيتهم لي )
بعد فتره صمت وبصوت كله الم وهي تحاول تاخذ نفس:فواز اذا تغليني انسى اللي قريت
نزلت بسرعه من السياره وهي تبغى تختلي بنفسها تبي تفكر كيف تنقذ اخوانها ونفسها من معاذ(اه يامعاذ والله حرام عليك ارحمني خلااااااااص)كانت تصرخ بداخلها تحس قلبها ينزف بس مين اللي بيداريك ياقلبي
وصلت غرفتها رمت نفسها على السرير بكت بألم بكت بإحساس القهر حست انها مسجون يودونه للمشنقه وهو مظلوم بكت مع انها عارفه ان دموعها ماراح تطفي النار اللي داخلها تركت دموعها تنزل براحه
حست انها عاجزه تواسي نفسها زي كل مره او توقف دموعها اللي حفرت لها طريق على خدودها
اما فواز بالسياره مانزل انصدم من كلامها والالم والنبره اللي بصوتها وتاكد وقتها انه فيها شي وشي قوي كلامها اكد له هالشي ان رؤى تتعرض لتهديد من معاذ وساكته حس باحساس غريب انقبض قلبه حس انه بيفارقها قريب بعد هالافكار ونزل وهو مصمم ماينام الا لمن يعرف معاذ وش قال لها وش يبي منها؟؟؟
دخل البيت وسلم على امه وباس راسها :السلام عليكم
ام عبدالله بجفاف:وعليكم السلام
فواز باستغراب:غريبه يالغاليه سهرانه للحين؟!
ام عبدالله بعصبيه:فواز تكلم رؤى من بنته؟
وقف كان احد اعطاه كف كانت امه هي الوحيده اللي مايبيها تعرف عن رؤى شي لانه متاكد بانها بتطردها من البيت
فواز تكلم ببرود:شلون يعني من بنته؟
ام عبدالله مدت له الظرف اللي بيدها :تفضل شوف بنت الناس المحترمه اللي فتحت لهم بيتي شف اخت صديقك.

اخذ الظرف كان فيه صور لرؤى عند باب بيت ابو خالد معها خالد وفجر وابو خالد وصور لها مع الاولاد وهي تبي تركب سياره معاذ المحمله اطفال صدمه فوق مايتحملها كل شي يتحمله الا ان رؤى تطلع من حياته وبهالطريقه
ام عبدالله بصراخ:هذا الظرف وصلني ووحده كلمتني وقالت لي عن كل شي رؤى ياستاذ هاربه من اهلها وهي من الشارع يعني عايشه بالشارع (وكملت وهي تشوف صدمه فواز) يعني بنت شوارع
صدمه خوف من فقدان الحبيب خوف من جرح مشاعر من عشق من دق لها قلبه
من استعد ان يضحي بكل شي لاجلها
فواز بانكسار:تكفين يمه اسمعيني بس ابي افه...
قاطعته امه بحده:مابي اسمع شي ولاافهم شي كل اللي ابيه بيت يخلي من بنت الشوارع اكيد لاعبه عليك ولا ساحرتك ولا انت يافواز عمرك ماتحب الغلط
فواز كل ماقالت بنت شوارع يحس بسكين تجرح قلبه وتدميه
تكلم بجديه:ان طلعت رؤى من البيت اعرفي اني طالع معها
وترك امه وصعد غرفته تاركها بصدمتها :وش مسويه بنت ابليس بولدي عمره ماعاندي ولا وقف بوجهي والحين معاندني علشانها انا اوريها
طلعت غرفه رؤى ودقت الباب بطريقه خرعت رؤى فزت من الخوف ومسحت دموعها واخذت حجاب الصلاه اللي كان جنبها وحطته على راسها وفتحت الباب بخوف:خالتي فيكم شي؟
رمت ام عبدالله الظرف بوجهه رؤى:لاعاد تمثلين دور المحترمه تفضلي يانسه يامحترمه
قعدت حست اطرافها معد تشيلها سحبت الظرف بهدوء من الارض وفتحت الظرف وكانت الضربه القاضيه
على رؤى ارفعت عينها لام عبدالله وكانها تنتظر لحظه موتها
ام عبدالله :تفضلي من غير مط...
:ام عبدالله
لفت عالصوت :ابوعبدالله تدري ان..
ابوعبدالله:يقاطعها وبحده:خلاص
ام عبدالله طالعت في ابوعبدالله بصدمه وهو كمل كلامه:نجلاء خلاص نتفاهم بكره عالموضوع خلي رؤى ترتاح الحين
ام عبدالله:مالبنات الشوراع قعده في بيتي.
كانت كلمه قاسيه على رؤى قلبها الرقيق معد يتحمل شي زياده جرح ام عبدالله كبييير نزلت دمعه حاره على خدها دمعه عتب على اهلها اللي خلوها دمعه كره لمعاذ دمعه صدمه صعب من كان حضن دافي لها يجرحها
ابوعبدالله مسك يد ام عبدالله:نجلاء تعالي معي
واخذها لغرفتهم باخر الدور الثاني وقبل مايروح نزل لمستوى رؤى اللي قاعده عالارض بكل صدمه وتكلم بحنان فقدته من سنين حنان الاب الصدر الدافي اللي تحتمي فيه كل بنت من كل شي يعكر حياتها حضن ابوها مسح على راسها:خلاص يبه لاتبكين ارتاحي الحين والصباح يحلها ربك قومي ادعي ربك يفرج همك ويساعدك قومي يبه
هزت راسها من بين شهقاتها ودموعها تنزل بسرعه من دون ماتعبر على خدها
راح ابو عبدالله وهي على وضعها عند باب غرفتها ماكان لها سند الا دموعها (من بقى معي غيرك لاتتركيني)
في غرفه ابو عبدالله
ام عبدالله:انت عارف من قبل؟
ابو عبدالله:يانجلاء الله يهديك صلي عالنبي واقعدي خلني افهمك
ام عبدالله وهي تقعد:اللهم صلي وسلم عليه
ام عبدالله:بس مهما كان بتطلع من بيتي
ابو عبدالله تنهد:اول اسمعيني بعدين قرري
وقالها كل شي يعرفه
فواز كان رايح غرفة رؤى يبي يشوف امه قالت لها شي ويبي يفهم سالفه المسج
انصدم من شكل رؤى اللي قاعده على الارض عن الباب ومنزله راسها
قرب منها بصوت حست حنان الدنيا فيه وبهمس:رؤى ليه قاعده هنا
كان ودها تضمه ودها تبكي على صدره ودها لو تقدر تقوله عن اللي في قلبها
رؤى وهي ماهي قادره تتنفس هي مريضه وللحين صدرها تعبان بصوت مبحوح:مافيني شي
فواز قعد عالارض وصار بمستوى رؤى:رؤى ارفعي راسك وفهميني
رفعت راسها شاف دموعها على خدودها
فواز كانت دموعها عذابه:رؤى ان لي خاطر عندك تكلمي وقولي وش صاير؟
رؤى والنار اللي بقلبها تحرقها خوفها عليه منعها تقوله او تبرر له الرساله وتكلمت ببرود عكس النار اللي بداخلها وهي تمسح دموعها:ولا شي

ام عبدالله بعد مافهمت من ابوعبدالله حبت تعتذر من رؤى وراحت لها غرفتها وسمعت فواز يتكلم وصوته من الممر اللي فيه غرفه رؤى
فواز انقهر من برودها وكذبها عليه وبحده:رؤى انا مو بزر تكذبين علي تكلمي معاذ وش يبي منك
تعلقت عيونها بعينه وصار يتامل عيونها فواز بداخله(عيونها تحكي الكثير فيها زحمه كلام وش سر هالالم والعذاب وش سر هالحزن وهالنظره)ضل يطالع عيونها يبي يفهم مايدري هي ثانيه دقيقه ساعه ضاع بعيونها الرماديه كانت تاسره وتكلم بهمس:رؤى
رؤى نزلت دمعه كانت واقفه في عينها حست مافيه قدامها الا الضباب ماهي قادره تركز ابتسمت ومال جسمها مثل الورقه الذابله حست مافيه حولها الا السواد وبعدها انقطع تفكيرها
كانت يد فواز قريبه منها مسكها قبل تطيح على الارض سندها وهو يصرخ رؤى
كانت ام عبدالله رايحه لغرفتها تبيهم يتكلمون على راحتهم وسمعت صراخ فواز وهو يحاول يصحي رؤى
رجعت ركض وشافت رؤى ذابله بين ايد فواز
رفع نظره لامه:يمه
ام عبدالله ماتحملت منظرها حطت راس رؤى بحضنها وصارت تحاول تصحيها ضربت خدها بخفيف
ام عبدالله بخوف:فواز جيب عطر كولنيا أي شي
فواز :هاه ايه دخل غرفته رؤى واخذ عطر من على التسريحه
اخذته ام عبدالله وصارت تحاول تصحيها بدون فايده
ام عبدالله:تيكـــا تيكا
جت تيكا:نعم ماما
ام عبدالله وهي ترفع راس رؤى:بسرعه جيبي عباتها
ولفت على فواز :وانت بعدك هنا روح شغل السياره بسرعه
راح فواز ركض شغل السياره وقربها لباب البيت نزل يسند رؤى مع امه
ركبها ورى مع امه وطار فيها عالمستشفى
فواز وحاس ان دموعه بتخونه :يمه وش صار لها
ام عبدالله بصوت مخنوق:انا السبب
فواز بصدمه:قلتي لها شي
نزلت ام عبدالله راسها
زاد فواز من سرعته يبي يبرد اللي بخاطره وصل عالطورائ وقالهم يجيبون نقاله وبسرعه اخذوها ودخلوها
فواز:اذا صار فيها شي ماراح اسامح نفسي


ام عبدالله ماتدري تطمن نفسها ولا ولدها :اذكر الله ان شاء خير
دق جوالها وكان ابوعبدالله:هاه بشري؟
ام عبدالله بصوت هامس:للحين ماصار شي بس يطلع الدكتور بكلمك
قفلت من ابو عبدالله وهي تشوف ولدها رايح جاي في الممر ماهو قادر يقعد وام عبدالله تراقبه وفي بالها(معقوله تحبها يافواز)
انفتح الباب بعد مرور ربع ساعه وطلع الدكتور وراح لها فواز ركض:بشر يادكتور فيها شي
الدكتور:انتو اهل المريضه رؤى
فواز:ايه
الدكتور ممكن تتفضل معي للمكتب
راح فواز وقعد وعيونه كلها لهفه يبي من الدكتور يقول هي بخير ومافيها شي وخذها معك:وش فيها؟
الدكتور: هي متعرضه لانهيار عصبي قوي يبي لها مده لمن ترجع لطبيعتها بس مع العلاج والراحه ان شاء الله تتحسن وتصير احسن من اول
فواز بصدمه:انهيار
الدكتور:الحمد لله جت على كذا الظاهر تلقت خبر زعلها او شي قوي اثر عليها اتمنى تبعدونها عن الزعل قدر المستطاع والراحه التامه والف سلامه عليها
فواز:شكرا دكتور بس اقدر اشوفها؟
الدكتور:تقدر بس ياليت ماتطولون وهي بتظل عندنا فتره لمن تهدى اعصابها
فواز راح لامه بالممر اللي مواجه لغرفه رؤى
ام عبدالله :هاه بشر يمه
فواز :انهيار عصبي
ام عبدالله: انهيار لاحول ولاقوه الا بالله طيب يمه نقدر نشوفها
فواز :ايه
راحت ام عبدالله وفواز كان وراها:هاه يمه وين رايح
فواز:يمه تكفين ابي اتطمن عليها
تنهدت :مايصير يمه ماإنت محرم لها
فواز برجاء:تكفين يمه غطيها بس ابي اتطمن
حنت على ولدها :خلاص انتظر هنا دقيقه بعدين ادخل
دخلت ام عبدالله لقت رؤى نايمه بسلام ملامحها كلها براءه وجهها ذابل واصفر قربت من عندها وباست راسها اسفه يمه انا اللي ضغطت عليك وحملتك ذنب مانتي قادره عليه عدلت حجابها على راسها ودخل فواز
كان خاطره يمسك يدها ويبوس راسها ويهمس في اذنها ويقولها سلامه عمرك ليته فيني ولا فيك
راقب شكلها جهاز النبضات عليها والاكسجين بحكم الالتهاب اللي برئتها وللحين ماطابت منه والمغذي بيدها الصغيره
عوره قلبه كيف يشوف حبيبه قلبه بالهالحاله
مسكت ام عبدالله يده:يالله يمه بكره نرجع لها
فواز:يمه تظل بروحها
ام عبدالله:هي نايمه الحين وماراح تصحى الا بكره واوعدك بكره من الصبح انا عندها
طلع فواز وهي حاس ان طلع جسد بدون روح
(حطيت قلبي وروحي عندك يدارونك لمن ارجع لك)
مشى بهدوء وصل للبيت نزلت امه :يمه منت نازل
فواز:لا يمه برجع بعد صلاه الفجر لاتحاتين
ام عبدالله طالعت بساعتها:بس باقي عالصلاه ساعه
فواز:عندي شغله اخلصها واجي
ام عبدالله :الله يحفظك وانتبه يمه لاتسرع
فواز :حاضر
حرك سيارته والدنيا ضيقه بوجهه قرر يروح البحر اكثر مكان يفهمه ويرتاح فيه
وقف قدام الشاطئ والموج ثاير تنهد يبي الضيقه اللي فيه تروح
وقام ماهو قادر يتحمل رجع للمستشفى وقعد بالكراسي اللي قبال الغرفه
وحط راسه بين كفوفه ويفكر بموقف رؤى اذا صحت وكيف بتكون حالتها مصيرها بحياته وشو؟
اذن الفجر راح فواز للمسجد اللي بالمستشفى توضئ وصلى وبعد الصلاه قعد اخذ قران يبي يهدي نفسه من وسواس الشيطان اللي خلت الافكار تروح وتجي بباله
بعد ماخلص توه طالع من المسجد الساعه 7الصباح لقى محل الورد توه يفتح اخذ باقه كبيره وروعه قليله عليها
وماحط معها كرت حتى محد يشوفه قرر يرسل مسج اذا جابت امه جوالها
اخذ الباقه وكان ناوي يدخلها لها مع انه عارف انها بتظل نايمه للساعه 9 من الابره
انصدم بان الغرفه عندها حركه ممرضات مو طبيعيه عجل بخطوته وصل عند الباب وكان فيه دكتوره واقفه
فواز بخوف:وش فيها
الدكتوره الحين هي كويسه بس كان فيه مشكله في النفس
فواز:بدخل عندها
الدكتوره: بس هي نايمه مابتحس باحد
فواز:يطالع بالباقه اللي بيده:بس بعطيها هاذي
الدكتوره:اها طب من اول قول انها حبيبتك وعاوز تروح لها قبل اهلها وضحكت
ابتسم فواز بخجل:ممكن ادخل
الدكتوره:اكيد وانا حاساعدك كل شي في طريق الحب بساعدك فيه وضحكت
فواز في باله(شكلها غرقانه لشوشتها ومحد عطاها وجهه وضحك في نفسه)
فواز:شكرا
دق الباب بهدوء كانت نايمه مثل الملائكه حط الباقه عالطاوله قبالها
ابتسم وطلع لانه مو من حقه يدخل ويشوفها بس قلبه ماطاوع عقله ودخل
راح للشركه وكلم امه بالطريق وقالها تروح لرؤى
دخل على ابوه المكتب:صباح الورد يالغالي
ابوعبدالله:هلا يبه فواز وينك يابوك امك ماخلتني انام تحاتيك
فواز وهو يبوس راس ابوه:ابد بس تعبت رؤى ووديتها انا وامي المستشفى وعقب ماووصلت امي للبيت رحت المزرعه ونمت هناك وهذا انا جيت
ابوعبدالله:شخبار رؤى الحين؟
فواز بضيق:الحمد لله
ابوعبدالله:يبه والله ماني راضي على حالها شف كيف تذبل عندنا بدون مانقدر نسوي شي انا قررت مع نفسي اكون مسوؤل عنها بعد رب العباد يابوك البنت مسكينه والدنيا مو راحمتها
فواز:انا افكر بشي الحين بس بما اني اجازه عندي فكره
ابوعبدالله :قول وشي
فواز:بروح عند عمي سعد وخالتي ندى رؤى مره تحب و ترتاح مع خالتي ندى
يومين ونرجع علشان رؤى تغير جو المفروض رايحين من زمان بس الحفله حقت ساره اخرتنا وش رايك
ابوعبدالله:وانا ماعندي مشكله بس انا اللي باخذها مع امك نروح نغير جو
فواز:لا يبه انا بوديها
ابوعبدالله:بصفتك وشو لا انا اللي بروح وباخذ امك معنا
فواز:فرضا مرضت ماكون موجود يعني؟
ابو عبدالله ضحك على ولده:اوله يافواز كل ذا تحبها
فواز بضحكه:مثل ماتحب امي انا احبها
ابوعبدالله:اجل انت ميت فيها
فواز:اوه اوه وينك ياأم عبدالله تسمعين
ابوعبدالله:يالله يابوك عندي اجتماع الحين وانت كمل اجازتك واستانس واحجز لنا انا وامك ورؤى بكره
فواز وفي باله فكره:من عيوني الا اقول ليه مانروح كلنا مع عمتي دلال وعبدالله يضل بالشركه
ابوعبدالله:والله لو يسمعك عبدالله بعدين ماتقدر تصبر يومين عن رؤى قولها من الاخير
فواز ضحك ضحكه عاليه ودخل عليها عبدالله
عبدالله:اوه اوه اخوي فواز يضحك وش السبب ياترى
ابوعبدالله:فواز اقول ليه تضحك؟
فواز:لا لا خلها له مفاجاه
ابو عبدالله:الا مفاجعه
فواز+ابوعبدالله:ههههههههههههههههههههههههههه
عبدالله يمثل الزعل:ايه يبه اصلا انت تحب فواز اكثر
ابوعبدالله:الله يخليكم لي ماعندي غيركم بالهدنيا بس بنروح الرياض نغير جو يومين
عبدالله:الله وناسه طيب حجزتوا
فواز:ومن قال انك بتروح انت بتقعد بالشركه
عبدالله يتخصر:لا والله
ابوعبدالله:ايه انت 6شهور بدون شغل لازم نمرنك شوي
عبدالله:ماتسوى علي وكل هال6شهور قضيتها بالمستشفى وبعدين لي شهرين مكروف كرف الحمير وساكت
ابوعبدالله:بتقنعني انك ماحللت شوراع لندن ولا نسيت سوزي
فواز:اوله سوزي ان ماعلمت نواف يعلم اخته هالمسكينه عليك ماكون فواز
عبدالله:لا لا وش سوزي اصلا تقابلت معها بالصدفه وكرجل عربي شهم ساعدتها بمشكله وبعدين انا كنت اطلع من المستشفى (وهو يغمز لابوه)افضي لك الجو مع نجول
ابوعبدالله:اقول اطلع لاصك راسك بالملف يالله وراي اجتماع وقام
عبدالله وهو يضحك:يحليله ابوي يستحي
فواز:اكيد دامك ولده
عبدالله مسك شعر فواز: ان مانتفت خيوط الحرير هاذي وخليتها اسلاك ماكون عبود
فواز بحركه متدرب عليها فك نفسه وصار مكتف عبد الله وماسك يده وراه يعني مايقدر يتحرك
فواز:اشوف نتفته
عبدالله:فكني لايشوفونا الموظفين يالمسواك ويقولون امحق مدير تنفيذي وامحق نائب
فواز:فكه وراح لباب وهو يضحك:لاوصيك بالشركه باااي
وطلع وراح لشركه الطيران بنفسه انه بيسافر مع رؤى وحجر له مع رؤى وابوه وامه وعمته دلال وبناتها وتاكد الحجر اليوم بالليل بعد المغرب
راح البيت واخذ له شور ولبس ثوب اسود وتحته قميص ابيض حوافه بربري وتسبح بعطره مثل عادته وطلع كان شكله خقق
لبس شماغه الابيض وشوز اسود لامع وطلع لقى عمته دلال بالصاله اللي بالدور الثاني
فواز:السلام عليكم
دلال:هلا والله وش هالزين
فواز نط من ورى لمن قعد بالكنبه:احم طول عمري كذا
دلال:اوله وش هالرضى والبسطه جعلها دوم
فواز:ايه ترىاليوم بعد المغرب بنسافر كلنا ماعدا عبود
دلال:وين؟
فواز:للرياض نغير جو ورؤى ترتاح نفسيتها شوي يومين ونرجع
دلال:أي والله وانت الصادق الله يجزاك الجنه على هالفكره
فواز:اوكيه انا بروح اجيب امي من المستشفى وبطلع رؤى على مسوليتي
دلال:لا فواز خلها ترتاح توها للحين تعبانه
فواز:راحتها هنا والمستشفى بيخليها تفكر اكثر وتتعب اكثر يالله بالاذن

ــــــــــــــــــــــــــ(14)

ساره توها صاحيه من النوم وقابلت فواز وهو بينزل:هاي فواز
فواز:اهلين روحي لامك تقولك شي بيفرحك باي ونزل وهو يركض
ضحكت ساره على شكله(وه فديته شكله مبسوط)
وراحت لامها:صباح الخير مامي
دلال:أي صباح الله يهديك الا قولي ظهر الخير
ساره:يمه اليوم اربعاء خلنا ننبسط وبعدين الحفله هدت حيلي
دلال:والاربعاء معناتها نغيب عن المدرسه
ساره:يمه كنت تعبانه بالصباح
دلال:هالمره بعديها بمزاجي بس المره الجايه ياويلك المهم جهزي نفسك بنروح اليوم بالليل الرياض نتمشى يومين ونرجع
ساره بفرحه:الله وناسه من فكرته
دلال وهي تقلب بالتلفزيون:فكره فواز علشان رؤى تغير جو
هنا ساره انقلبت ملامحها (علشان رؤى هين انا اوريكم)وراحت غرفتها ودقت على نور وقالت لها انهم بيجون وانها تبي شي يرفع ضغط رؤى فيه ويكره فواز فيها
فواز وصل المستشفى وطق باب غرفه رؤى
ام عبدالله:تفضل
دخل فواز:صباح الخير ياوجيه الخير
ام عبدالله:هلا فواز ياصباح النور
فواز طالع رؤى :شخبارك رؤى اليوم خرعتيني عليك؟
رؤى بدون ملامح ووبرود:الحمد لله
استغرب فواز من اسلوبها وطالع امه وامه ردت له نظره انها ماتدري وش فيها
فواز:رؤى
رؤى بدون ماتطالعه:هلا
فواز:تبين تطلعين من هنا
هنا رؤى لفت عليه:فواز تكفى ابي اطلع
فواز صار يطالع بعيونها متناسي وجود امه عيونها تعبانه وفيه شي شاغل بالها دمعتها كانت بعينها ونزلت على خدها تم يطالع فيها وقت وهي استحت من نظراته لها (اه يافواز ماقدر احط عيني بعينك بس اليوم طالع غير طالع شي مع لبسه وش اخربط انا خلني بالمصيبه اللي انا فيها)
فواز انتبه على عمره:خلاص جهزي اغراضك بطلعك على مسوليتي لان بعد المغرب بنسافر
ام عبدالله:نسافر
فواز:ايه كلنا بنسافر نغير جو
وبابتسامه:ولا رؤى ماتستاهل نطلع علشانها نغير جو
رؤى نزلت راسها
ام عبدالله:بابتسامه الا وليه لا اعذريني يمه عاللي صار امس بس انا اذا عصبت ماعرف اتحكم بنفسي
رؤى رفعت راسها فوق ماتبي دموعها تنزل:مسموحه يمه البنت ماتزعل من امها مهما صار (جرحي ياخالتي اكبر من اللي صار وخوفي وهمي مايجي شي جنب اللي قلتيه صحيح جرحني بس مو قد اللي فيني)
تنهدت:وماله داعي تكلفون على نفسكم علشاني
فواز :حتى وان قلت انها هديه من امي لك
رؤى سكتت ماعندها رد دايم يخجلها بكرمه معها وحنانه
ام عبدالله:لا معليك منها يمه انت روح خلص اوراقها وهي بتجهز علشان نروح نريح قبل مانروح المطار ورانا فراره بالاسواق هناك وضحكت
فواز:الله يعنيك يافواز جبتها لروحك
ابتسمت رؤى وفواز طار من الفرحه انها قدرت تضحك
فواز:يالله بروح اخلص الاوراق وانتو اجهزوا وبعدين بجي اخذكم
جهزوا وفواز طلع رؤى على مسوليته رجعوا البيت والكل تحمد لها بالسلامه وهي نامت لمن بعد صلاه العصر وبعدها جت تيكا وساعدتها تجهز شنطتها وتوجهوا كلهم للمطار
رؤى كانت مشغول بالها مره مع اخوانها قررت تدق على خالتها حصه توصيها وتقولها وش قالها معاذ
كانوا في كوفي بالمطار يستنون موعد اقلاع الطياره استاذنت انها بتروح الحمام
بعد ماقامت
فواز شافها لمن قامت وهو كان عند الكاشير للكوفي يطلب لهم قرر يروح لها يسالها وش تبي موكا ولاكابتشينو
ردت خالتها حصه بعد 4رنات
رؤى:الو
حصه:اهلين هلا وغلا بهالصوت
رؤى صوت حصه رجع لها ذكريات اليمه وبغصه تكلمت :خاله حصه شخبارك؟
حصه:بسماع هالصوت بخير رؤى شخبارك ؟
رؤى مسحت دمعه خانتها وردت:بخير شخبار فجر وخالد خالتي والله وحشوني
وهنا ماقدرت الا وبكت
حصه:لا يارؤى والله هم بخير بس انتي تطمني
رؤى:خالتي تكفين انتبهي لهم من معاذ تكفين
حصه:ليه صاير شي؟
رؤى وهي تشاهق:يبي يبي
حصه:رؤى اهدي وفهميني؟
رؤى قعدت على كرسي :خالتي يبي مليون ريال من فواز وانا اللي يبيني اوصلهم ولا بيخفي اخواني ويذبح فواز
وضلت تبكي
حصه:رؤى انتي هدي انتي وين؟
رؤى:حنا مسافرين يومين ولمن اجي يكون الموعد خلص وبعدها بياذيهم
حصه:رؤى اهدي وانبسطي واخوانك معليك بالحفظ والصون خالهم مشعل جاي بكره بالفجر من كندا وانت اعرف وحده بمشعل وحبه لام خالد وعيالها وبعدين ليه الدنيا فوضه
رؤى بفرحه:جد بيجي اخيرا اه الله يريحك انا واثقه فيه بيقدر يحميهم من معاذ بس انا الحين بقيت خايفه على فواز
حصه:رؤى تحبينه؟
رؤى:خالتي الله يخليك قولي وش اسوي بعد شوي الطياره بتجي؟
حصه:انتي سايريه كلميه وخليه يمهلك يومين زود وتجيبين مبلغ اكبر وريحي بهاليومين وبنفكر بحل اوكيه؟
رؤى وهي تمسح دموعها:الله لايخليني منك مدري وش اقولك
حصه:انبسطي وعوضي فواز لو تحبينه عن الايام اللي طافت
رؤى:باي خالتو الطياره شكلها وصلت


كان فواز سامع كل المكالمه كان يعتقد انها بتكلم معاذ
فواز(ياروح وقلب فواز الحين كل هذا فيك وتخبين من خوفك علي اه ياقلبي )
رؤى قامت للحمام (الله يعزكم)غسلت وجهها وحطت لها ماسكرا حتى تبين انها طبيعيه عدلت حجابها وطلعت
فواز كان قاعد مصدوم من كل اللي سمعه (ياترى بجد تحبني ليه مضحيه بعمرها علشاني والله لادفعك يالحيوان ثمن كل دمعه نزلت )
رجع فواز للكوفي واخذ الطلب ورجع لهم عالطاوله
كلهم اخذ لهم كابتشينوا الا رؤى
فواز:رؤى هذا موكا ذوقيه ماحد يعجبه ذوقي في الكوفي خلني اشوف يعجبك انتي ؟
رؤى باحراج:شكرا
بعد دقايق نادوا على طيارتهم
ساره:قهر لان الرحله مفاجاه مالقوا الا طياره صغيره
رؤى:عادي اهم شي طياره بس مدري ليه انا مبسوطه
ساره:وانا والله من زمان ماسافرت طياره اخر مره كانت مع بابا(قالتها بحزن)
رؤى لاحظت تغير صوتها وغيرت الموضوع:انتي وين تحبين تقعدين ؟
ساره:احب الشباك
رؤى:اوكيه نقعد جنب بعض وانتي اقعدي عند الشباك وش تبين بعد
صعدوا الطياره وكان ترتيبهم ام عبدالله وابو عبدالله بكرسين بروحهم
وجنبهم في وضي ودلال
و وراهم بمقعدين كان فيه 3كراسي ساره عند الشباك بعدها رؤى بالنص وفواز جنبها بالكرسي اللي عالممر
رؤى كانت مره مستحيه انها جنب فواز وكانت بتبدل مع في
ساره:اقول بلا سخافه عادي ش فيها
رؤى:مدري احس فشله
ساره :لافشله ولا شي اعتبريه واحد كان حجزه جنبك
رؤى:طيب اا بقعد عند الشباك
ساره: كان ودي اخدمك ( وهي ترفع حاجب ) بس مستحيل استغني
سكتت رؤى بعد ماشافت فواز جاي
اما فواز كان طاير من الفرحه انه جنب رؤى وكان وده يبوس راس ساره لانها تحب المقعد اللي عند الشباك
جلس فواز:بنات سكروا جوالتكم
ساره:ياشيخ جبت شي جديد يعني
فواز:يمه اكلتيني بس اذكركم
(هو تعمد يقول كذا لانه كان متاكد بان رؤى اول مره تسافر )
بعد 5دقايق انقال دعاء السفر واقلعت الطياره
بعد دقايق استقر وضع الطائره بالجوو بدوا بتقديم العصر للركاب
ساره كانت حاطه الايبود باذنها وفواز كان يسالها وهي ولاهي حوله تغني وترقص مع نفسها
رؤى ماتت من الضحك ودزتها حتى تنتبه
رؤى وفيها الضحكه:أي نوع عصير تبين
ساره:الحين مخربين جوي علشان عصير شكرا مابي ورجعت السمعات
ورؤى رجعت تضحك
فواز مره كان مبسوط انه انقلب مزاج رؤى من بعد مكالمتها لحصه
فواز(واخيرا عرفت السبب واخيرا بس نذل يهدد هالمسكينه باخوانها وفيني حقير بس بوريه من يكون فواز)
رؤى كانت مستحيه تقول لفواز انه قعد على طرف عبايتها بعد ماقام ياخذ العصير كانت مشدود لنحايته
وهو مره سرحان بعد ماحست انها شوي وتطيح بحضنه
رؤى بهمس:فواز
ولاانتبه لها وعلت صوتها شوي:فواز
فواز:عيوني
استحت رؤى وهو يلعن نفسه لانه خلاص معد يقدر يتحكم بنفسه او كلامه:هلا رؤى بغيتي شي
رؤى اشرت له عالعبايه هنا فواز مات من الضحك والتفتوا له الكراسي اللي جنبهم
فوازفك العبايه وحطها جنبها
رؤى:شكرا
فواز(ياناس فديت الذوق والله كانها مودمزيل ارقى طبقات المجتمع )وقام يبتسم(اما على تفكير واسلوب خخخخ)
بعد 45 دقيقه وصلوا مطار الرياض
ابوعبدالله:الحمد على السلامه
ام عبدالله:الله يسلمك
فواز:اوكي انتوا اطلبوا من المطعم اللي هناك عشاء لمن اجي بروح اشوف الشنط
ساره:ماما ابي اروح مع رؤى محل العطور اللي قبال المطعم تكفين
دلال:روحوا ولاتطولون نبي نروح الفندق نريح
ساره:اوكيه يالله رؤى نروح
رؤى كانت مره تعبانه لان جسمها للحين ضعيف بس ماحبت تكسر بخاطر ساره وقامت معها
دخلوا المحل وساره بدت تختار بالعطور رؤى حست نفسها دايخه فقررت تقعد عالكرسي لمن تخلص ساره
طلعت جوالها تفتحه وشافت مسج من حصه:انبسطي لاتنسين
ابتسمت بس انتبهت لاحد يناديها ورفعت راسها
:فديت العيون الرماديه انا
نزلت رؤى راسها وطنشته
:وانا اقول الليله ليه مظلمه اثر القمر منزل راسه
رؤى خلاص ماتحب هالمواقف وتخاف منها قامت لساره ومسكت بيدها
ساره:رؤى وش فيك ؟
رؤى بهمس:ساره شنطتي فيها دواء الربو بسرعه
راحت ساره بسرعه لفواز
ساره:فواز وين الشنط؟
فواز باستغراب:هذا هي
مسكت ساره شنطه رؤى وفتحت الجيب وطلعت دواء الربو
فواز:رؤى فيها شي؟
ساره:مدري
راحت وراح وراها فواز لقت رؤى واقفه عند طاوله لعرض العطور ومتسنده عليها
ساره:رؤى هذا هو
رؤى فتحت غطاها وكان لونها متغير وبدت تاخذ نفس
وبعد دقايق رجع لها لونها
ساره:رؤى انتي بخير
رؤى:معليك والله بخير بس لان الجو غبار يصير لي كذا دايم معليك (كانت اول مره تجيها هالحاله بس ماحبت تخوف ساره)
فواز:رؤى اكيد مافيك شي؟
رؤى هنا انتبهت لفواز :والله بخير يالله نرجع لهم المطعم
راحوا للمطعم وتعشوا وبعدها راحوا للفندق
كان فواز بغرفه بروحه وام عبدالله وابو عبدالله بجناح بروحهم
اما دلال وبناتها مع رؤى اخذوا جناح فيه 3غرف دلال بوحده ورؤى وساره بوحده وفي وضي بوحده
الكل توجه لفراشه كانوا تعبانين لان الرحله جت مفاجاه
رؤى تقلبت على فراشها ماقدر تنام قامت للصاله برى عن الغرف حتى ماتزعجهم
وقفت عند الشباك اللي بالصاله كان على منظر روعه لحديقه الفندق اللي يتوسطها نافوره وجزء من الشارع والسيارت الرايحه والجايه وقفت رؤى قدام الشباك ولمن لمست الشباك كان مره بارد ضحكت لانه خوفها
رؤى(ياترى معاذ بيقتنع باللي بقوله له وفواز كان ودي اقوله بس سلامته اهم مني بس معقوله اني احبه لالا ماتوقع لانه مايحبني اكيد شفقان علي لان ماعندي اهل وبس بيقلى اهلي برجع لهم وهو بينساني ودي اساله اذا لقى عنهم خبر )
فواز كان يكلم عمر صديقه
عمر:طيب كان قلت كان شفتني قبلك بالمطار ابي اروح اغير جو معك
فواز:والله جت مفاجاه
وبعد لحظه صمت:عمر
عمر :هلا فواز
عمر ودي اقولك شي صاير معي وابيك تساعدني فيه
فواز ماكان يخبي عن عمر شي ابدا وقاله عن سالفه رؤى كلها :والحين تتوقع تحبني او لا؟
عمر باستفسار:عند أي باحث وديتها
فواز:عند جابر وحولني لماجد اللي جاء مره وعطانا محاضره بالجامعه ليه فيه شي؟
عمر:هاه لا لا بس اللي اشوفه واتوقعه تبيه بالصراحه؟
فواز:اكيد
عمر:هي تتوقع انه اهتمامك فيها شفقه
فواز:طيب كيف اعبر لها
عمر:انا اقول اصبر عليها لمن تهدى بعدين خلك صريح معها وشوف ردها مو شرط الي تقوله يمكن تكذب عليك لا انت بتحس اذا تحبك اولا وبعدها انت وشطارتك كيف تقدر تقنعها ان حبك لها مو شفقه منك
فواز:فديت عمر واهل عمر مشكور والله ريحتني
عمر:يالله بروح للغاليه اشوفها قبل لاانام توصي شي
فواز:تسلم تصبح على خير وسلم عليها
سكر من عمر وهو مقتنع بكلامه غير ملابسه ولبس بجامه سبورت رصاصيه
جاء بينام ماجاه نوم فتح التلفزيون يتفرج عليه جاه مسج
وفتح المسج واستغرب من صاحبه
(فواز انت صاحي ولانايم المرسل رؤى)
(لا صاحي واذا نايم اصحي ههههههههههه )
فتحت رؤى المسج وابتسمت(فواز بجد اسفه عالوقت والازعاج اذا تعبان اخليها بكره)
(لا والله عادي بالعكس مبسوط ومو جايني نوم)
(حبيت اسال سوال:اهلي عرفت عنهم شي للحين؟)
(رؤى ماخبي عنك انه للحين مافيه شي اكيد بس توي مكلم الباحث امس ومطمني ان فيه اخبار بتسرنا بس انتي ادعي ربك ربك كريم)
(رؤى بجد ماني عارفه اشكرك واتمنى تعذرني على تقصيري بالملفات بس انت مدير طيب مابتهاوش هههههههههه )
(هههههههههههههههه من قال ترى انا شرير)
(ههههههههههههههههههههههه ماتوقع)
هنا فواز حب يستغل الفرصه لانها تاخذ وتعطي معه بالكلام(رؤى ممكن سوال بس اذا يضايقك لاتجاوبين)
(ان شاء الله)
(رؤى في احد بحياتك؟)
هنا رؤى انصدمت من السوال وخذت مده بعدين ردت (حياتي مو ملكي حياتي لفجر وخالد )
فواز استغرب من ردها (رؤى ممكن اقولك شي)
(تفضل)
(ابيك تساعديني انا احب وحده وهي مو راضيه تفهمني شلون افهمها)كان متعمد يسال هالسوال يبي يشوف ردها
وهو عارف انها ماراح تفهم قصده
رؤى ماتدري وش الاحساس اللي جاها غيره فضول تعرف هالانسانه اللي محظوظه بجد بفواز بس قررت ترد رد يريح فواز ويبعد عنه التفكير وردت(فواز لو هي تحبك من دون ماتفهمها بتفهم وبتحس فيك واتمنى لكم السعاده وتاكد اني اول وحده بكون جنبك لو بغيت مني مساعده )
فواز انبسط من ردها (طيب بتكونين اول وحده اوعدك بس اكلتي الدواء)
رؤى ضربت راسها بخفه (خخخخخخخ نسيت)
فواز(ترى عصبت يالله اشوف روحي خذيه)
(هههههههههه حاضر عمي فواز وتصبح على خير)
(وانتي من اهل الخير)
حطت راسها عالمخده مشوشه وملخبطه ماهي قادره تركز تفكيرها بشي خوف فرحه راحه قلق ماقدرت تحدد شعورها سرقها النوم لعالم الاحلام نامت وهي تفكر وضامه مخدتها
اما فواز كان مبتسم غفى وهو عالكنبه حس بسعاده وراحه ماقدر يحدد مصدرها بالضبط
الساعه9 الصباح ام عبدالله دقت على جوال فواز
رد بصوت كله نوم:الو
ام عبدالله:فديت الالو يالله يمه قوم احنا هنا ننبسط مو نام تعال جناحنا نفطر بعدها نروح لخالتك ندى عازمتنا عالغداء
فواز:همم يالله صحيت
قفل الجوال قام اخذ له شور ولبس بنطلون جنز ازرق غامق وتي شرت ابيض وفوقه جكت جنز وأخذ معه نطارته وساعته اكيد ولبس شوز سبورت ابيض وكالعاده العلبه حقت العطر فضاها سوا بشعره حركه جنان وحس بالانتعاش والراحه لانه صار له يومين مو نايم رتب اغراضه وطلع لجناح امه وابوه
لقى الكل مجتمع ماعدا رؤى وساره
فواز:صباح الخير
الكل:صباح النور
ام عبدالله:تعال يمه اقعد افطر
دار بنظره للغرفه مالقاها وحست فيه امه
همست باذنه:رؤى مابعد تصحى
ابتسم في وجه امه وهي ردت له الابتسامه وفي باله(يوه اثاريني مفضوح خخخخخخ)
فطر وسال ابوه:هاه يالغالي نروح مول ولا حديقه
ابوه:لا يابوك من درى عمك سعد زعل ان حنا ماعلمناه وافقت له نتغدا عنده وبعدها نطلع نتمشى جميع
فواز:انا مابغيت اقول لاحد علشان كذا تغد عندي وتعش هناك الحين من تدري خالتي صباح بتقول والعشاء عندي
فزت امه:يوه نسيت ماأكلمها وراحت غرفتها
ضحكوا جميع

يتبع



{[ ]}265
23-09-2010, 05:59 PM
مني شاعره بس ازلزل مشاعره
©؛°¨غرامي مشارك¨°؛©



رد: روايتي الأولى : كل ما فيني يصرخ أحبك إلا لساني عجز ينطق مخارجها

فواز:ماقلت لكم انتظروا الحين بتقول فواز مر خالتك تتمشى معنا بعدين نروح لها
وبعد دقايق رجعت
ام عبدالله:فواز يمه قلت لخالتك تطلع معنا نتمشى هي ونور وبعده حلفت بالعشاء عندها
هنا الكل ضحك
فواز:ماقلت لكم خير ان شاء الله
دق باب الجناح وقام فواز يفتح
ساره+رؤى:صباح الخير
فواز بابتسامه :هلا صباح النور يالله علشان تفطرون ورانا يوم طويل
دخلت ساره وكانت لابسه بنطلون ابيض وقميص طويل لنص الفخذ احمر وكعب وشنطه بيضاء ونظارتها قوتشي اكيد وحبيبها الايبود
اما رؤى فكانت قمه النعومه والاناقه
كانت لابسه بنطلون اسود سكني وفوقه فستان ناعم حرير وعليه ورد بالوان فرايحيه حلوه تفاحي واصفر والفوشي كانوا الاغلب مع الابيض والاسود باختصار مجموعه الوان متناسقه وروعه مع بعض وفوقه جكت جنز اسود نفس البنطلون وساعتها اقنر(اعشق هالماركه لانهها حرفي خخخ) وهي هديه من خالها مشعل من استراليا في اخر مره جاهم وباليه اسود وشنطه كبيره شوي سوداء بس مافصخت العبايه لان فواز موجود وهي كاشخه


سلموا البنات :السلام عليكم
الكل:وعليكم السلام
دلال:بسم الله على بناتي جمال ودلال ربي يحفظهم
ساره:يوه يمه شغل عجيز(عجيز=عجوز)
الكل:هههههههههههههههههه
ام عبدالله:وانا بسم الله على ولدي
الكل:هههههههههههههههههههههههه
رؤى كانت مكتفيه بابتسامه كالعاده كانت انسانه معروف عنها الهدوء
كانت حاسه نفسها مرتاحه امس نامت نومه حلوه صحت وهي تحس بالحياه دبت بجسمها
فواز:مشينا
ابوعبدالله:على خير
نزلوا وراحوا بسياره استاجرها فواز كانت روعه بحقها قليل فخمه وواسعه
ركبوا كلهم وهو يلعبون ويسولفون ويضحكون راحوا لبيت عمهم سعد وخالتهم ندى
كان بيتهم حلو وواسع فله متوسطه الحجم بس فخمه لابعد الحدود من الاثاث للديكورات للالوان لكل شي فيها
ندى استقبلتهم بحراره:هلا والله وغلا
سلموا عليها وجابوا المستخدمات القهوه والحلا
ندى:تو مانورت الرياض متى الوصول؟
ام عبدالله:امس بالليل والله ماكنا ناوين بس فواز حاب يمشينا ونغير جو
ندى:اه بس ليت عمك طالع عليك كاني اسعد انسانه
ضحكوا كلهم
وقتها دخل سعد:وشفيه عمه
ارتبكت ندى:لاقلت ياحظك انك تشبه عمك
الكل ضحك على شكل ندى وكذبتها
سعد :يالله حيهم وسلموا عليهم
نروح المجلس نخلي الحريم براحتهم
ابوعبدالله:على بركه الله
ندى:والله جيه حلوه وخاصه ان رؤى اول مره تدخل بيتي وتنوره
رؤى بحياء:تسلمين منور باهله
ندى:دقيت على صباح تجي وهي على وصول الحين
ام عبدالله:زين والله
سولفوا الحريم وبعد ربع ساعه جت صباح ونور
وسلموا عليهم كان سلام نور لرؤى بارد
قعدت نور مع ساره والحريم مع بعض ورؤى بروحها حست بالوحده حست بجد انها غريبه
هي مقتحمه حياتهم ومثقله عليهم كان هالافكار براس رؤى حست بتعب وبصداع فضيع
همست ندى لام عبدالله:وش فيها رؤى نحفانه ووجها مبين عليها تعبانه
ام عبدالله:أي والله توها طالعه من المستشفى خذيها ترتاح وبعدين اقولك السالفه
ندى:والله عرفت من وجهها مبين تعبانه
ندى بصوت عالي شوي:هاه رؤى ماتبغين تتفرجين على بيتي
انبهت لندى وصحت من افكارها وطالعت ندى وابتسمت
ندى:يالله خلني اوريك
راحت مع ندى (يالله ندى انسانه مره طيبه وحساسه الله يخلي لها عيالها ويسعدها دووم)
شافت رؤى البيت واعجبها كثير كان انيق وفخم مره
رؤى:بصراحه روعه ماشاء الله ربي يسعدك ويهنيك فيه
ندى:تسلمين حبيبتي
فتحت غرفه كانت رايقه بقوه كان الابيض طاغي عليها ويتخلله درجات الوردي الفاتح كانت بجد مريحه للاعصاب
ندى:والحين رؤى لازم ترتاحين لمن يجهز الغداء
رؤى:لا مابي ابي اقعد وياكم
ندى بحنان:يمه رؤى شوفي وجهك شلون تعبانه بس ساعه وورانا تمشيه ومنتزهات ومول بتتعبين
رؤى بجد كانت تعبانه فمارفضت ابتسمت وبعيون فيها دموع:شكرا
ندى بحنان:لاشكر على واجب
طلعت ندى ورؤى فصخت الجكيت ونامت على القنفه كانت منهكه والدواء مفعوله بدء استسلمت للنوم ونامت
اما بالصاله
نور:شفتي هالهلقيه وش لابسه
ساره:مين؟
نور بعصبيه:رؤى يعني مين؟
ساره:ايه طيب وش فيها
نور :شفتي الفستان اللي عليها بغيت اشتريه وامي رفضت
ساره باستغراب :ليه يعني؟.
نور:تدرين بكم؟
ساره: بكم؟
نور:فايف ثاوزنت حبيبتي ؟
ساره:اما والله يستاهل 5الاف
نور عصبت من ساره:يالخبله اقولها غالي تقول يستاهل ادري يستاهل بس من وين جابته واللي سمعته انها من الشارع
ساره بصدمه:من قالك؟
نور بخبث:تدرين ان خالتي نجلاء ماتخبي عن امي شي وقالت لها كل شي وامي تقولي كل شي؟
ساره بصدمه:خالتي تدري؟
هنا نور عصبت:اشك انك عايشه معهم اجل يالذكيه ليه مرضت لانها بتفقد الخير اللي معيشينها فيه
ساره بتفكير:ماتوقع ؟
نور:اجل علشان سواد عيونك تبي تقعد الله يستر لاتسرق شي من اغراضي عاد كلهم غالين
ساره بصدمه:هاه تسرق
نور:يماما اصحي بنت شارع وش تنتظرين اكيد بتسوي كل شي والله لايستر بعد لاتكون تواعد احد بالبيت وانتم ياغافلين لكم الله ؟
ساره بخوف:لا لا ماتوقع
نور:اجل خلك لمن تاخذ ولد خالك وتاخذ الحلال كله وانتي يدك على خدك؟
ساره:طيب وش اسوي ؟
نور بخبث :انا اقولك وش تسوين ؟
بالمجلس
جاء عادل اخو نور مع ابوه وانبسط معه فواز عادل انسان مثقف وسوالفه حلوه عكس اخته تماما
عادل:وش رايك ناخذ فره قبل الغداء
فواز:أي والله ماني راعي قعده انا
عادل:يالله
فاموا العيال
سعد:وين ؟
فواز:عادل يبي يوريني شي مابنطول فره وراجعين
ابوعبدالله:والله اني مستغرب انك قاعد للحين
الكل:ههههههههههههههههههههه
فواز:تعرفني يالغالي يالله سلام
طلعوا فواز وعادل واخذوا فره بالفيصليه
:لو سمحت
التفت فواز :نعم اختي فيه شي
البنت الثانيه:فديت الذوق
طالعها فواز وهو رافع حاجب:قلت بغيتوا شي
البنت :شكلك مو من الرياض من الهاي كلاس بالخبر صح علي
هنا فواز مات من الضحك :عادل امش الله يهدي المسلمين
ومشى وتركهم وراه
البنت:وه يجنن يهبل شفتي ضحكته اه بس مغرور
البنت الثانيه:قلت لك مبين ثقيل امشي امشي
(هذا حال فئه نادره جدا من البنات ولكن استغرب ان معتقدات اغلب الناس انها منتشره عندنا وهالمعتقد عكس الواقع تمام اتمنى اللي ماخذ فكره غلط يصلحها والله يستر على المسلمين جميع)
عجب فواز عقد كان معروض بمحل مجوهرات فخم
عادل:وش تبي به؟
فواز:والله حلو مره اول مره يعجبني عقد لهدرجه؟
عادل وهو رافع حاجب:من بتعطيه منت متزوج علشان تعطيه زوجتك
فواز:مو شرط زوجتي اللي اشتري لها
عادل:العقد ماينفع له الا وحده تحليه يالفاهم
فواز بحالميه:والله وبتحليه فديتها
عادل:هاه
فواز بربكه: ولا شي امش ابي اشتريه ؟
عادل حط يده بجيب بنطلونه :بكيفك؟ انا بنتظرك هنا
دخل فواز
صاحب المحل:بونجور مستر تفضل
فواز:بونجور لو سمحت ابي العقد الالماس اللي معروض برى
صاحب المحل:اوه هاد كتير غالي
فواز رفع حاجب (هاذي حركته اذا ماعجبه حكي):انا ماسالت عن سعره قلت ابيه
صاحب المحل انبسط :لك انت كتير مزوء هاد دوبه امبارح واصل ومافيه الا هو الماس وذهب ابيض وفصوصه صغيره كتير من الذهب الاصفر
فواز:اوكيه حلو
صاحب المحل هنا الابتسامه شقت وجهه :لك بتامر
راح وجاب العقد
فواز:متاكد مافيه غيره
صاحب المحل:ايه استاذ للمعلوميه مصمم بلندن ومعروف محلنا القطع اللي فيه نادره
فواز تامل العقد وصار يلمسه باصابعه :بجد تحفه فنيه
صاحب المحل بفخر:هذا اروع مانزل بمحلنا هالعام تصميم قديم لملكه من العصور اليونانيه وتم تحديث التصميم بجد احسنت الاختيار فيه منه قطعتين وحده هاذي ووحده بالمحل الاساسي بلندن
فواز ماكان حوله وهو يتكلم:اوكيه ممكن تحطه لي بعلبه
صاحب المحل:بس هاد غالي كتير
فواز:ماختلتلفنا تفضل
حاسب على العقد واخذه وطلع لعادل
عادل:يعني اشتريته صاحي انت تعرف هالمحل كيف اسعاره وانت حضرتك ماخذ اغلى قطعه
فواز بابتسامه:والله مستخسر احد يلبسه
ضحك عادل:يوه يحليك
فواز سكت وهو يفكر ويبتسم
رجعوا للبيت وكان الغداء جاهز
حط العقد معه بالسياره ورجعوا المجلس
في هالوقت صحت رؤى وعدلت شعرها ولبسها وتعطرت ونزلت
قابلتها ندى:عسى ارتحتي بنومتك
رؤى بابتسامه روعه:ايه تسلمين
ندى:كنت بصحيك الغداء جاهز امشي معي للطاوله
رؤى:ماتبين مساعده
طالعت ندى فيها بابتسامه وسحبتها للغرفه الطعام
دخلت رؤى كان كل شي جاهز والكل قاعد بمكانه
رؤى بصوت هامس:السلام عليكم
ردوا الكل ماعدا نور اللي ضلت تناظرها من فوق لتحت
قعدت رؤى عالكرسي بهدوء
ساره همست لنور:نور والله حرام
نور :اششش اسكتي لاتفضحينا وشو اللي حرام
ساره:تبيني احط غرض غالي بشنطة البنت ياويلي لو تدري امي بتذبحني
نور:مين بيقولها انتي مثلا اسكتي واللي يرحم والدينك خلني اتغداء جوعانه
كانت تاكل بهدوء وساره تطالعها وهي حاسه بالذنب انها بتورط رؤى
نور:سويره شوفي شلون تاكل من معلمها تتوقعين
ساره:هي ماشاء الله مره ذرابه
طالعت نور في ساره وخافت ساره من نظرة نور وسكتت
كملوا غذاء وقرروا بعد صلاه العصر يروحون
طلعوا البنات الحديقه
دخل فواز لقى امه قاعده باسها على راسها
ام عبدالله:وين رحت لمن سالت عنك قالوا طلعت
فواز:اخذت فره وجيت
طلع يده من ورى ظهره واعطى امه العلبه
امه باستغراب:وشو هذا؟
فواز باس يد امه: افتحيه ؟
فتحته ام عبدالله وسكت مصدومه من روعه وجمال العقد كان رائع بكل ماتعنيه الكلمه
ام عبدالله:ربي يخليك لي ولايحرمني منك
فواز:يفداك الماس الدنيا يالغاليه
ام عبدالله دمعت عيونها وهي تطالع العقد:توعدني يمه
فواز:بوشو؟
ام عبدالله:اول اوعدني؟
فواز:اوعدك
ام عبدالله:ماحد يلبس هالطقم الا عروستك
فواز انصدم من طلب امه وابتسم بحياء وبانت غمزياته (حركته بعد اذا استحى)
فواز:بس انا جايبه لك
امه:بس ياولدي ذا ماينفع له انا ماينفع له الا وحده تحلل قيمته وتحليه لالبتسه
فواز:انتي الخير والبركه
امه:ماوعدتني؟
فواز:اوعدك يالغاليه
دخلت ندى:اجتماع عائلي اطلع لاخرب الجو ولفت نظرها الطقم :ماشاء الله لاقوه الابالله وش ذا ؟
ام عبدالله بابتسامته:هذا شبكه عروس فواز
قام فواز بحياء وابتسم لامه وطلع
ندى:فواز بيخطب
ام عبدالله:قريب هو شراه لي وانا حلفته مايلبسه الا عروسته
ندى:الله يبلغك عرسه وعرس اخوه قومي يالله بلا حركات الامهات ويادمع هت وهاك الكل مجتمع هناك
قامت ام عبدالله وحطت الطقم بشنطتها ورجعت لهم بالصاله
ندى:ام عبدالله تبون المول الحين ولابعد المغرب
ام عبدالله:لا الحين نبي نروح ملاهي ولاحديقه وبعدها المول
صباح:ولاتنسون العشاء عندي
ام عبدالله:خلاص صار ان شاء الله
صباح تهمس لام عبدالله:وهاذي وش جابها معكم
ام عبدالله:والله يوخيتي ماني عارفه بس والله انها مسكينه ينتظر ابوعبدالله يعرف اهلها يكسب فيها اجر
صباح بخبث:مو انتي تقولين فواز رفع صوته عليك علشانها
ام عبدالله:تخيلي
صباح:اخاف انها ساحرته
ام عبدالله:لا وين ماتوقع؟
صباح:اقول انتبهي على ولدك لايكون متزوجها ولا شي علشان كذا متعلق فيها
هنا ام عبدالله سكتت تفكر في كلام اختها
صباح تكمل:اذا رجعتوا الدمام خذيها طبيبه تفحصها لتكون بعد حامل
ام عبدالله:لا ياصباح مستحيل فواز يسويها
صباح:بلاك يوخيتي طيبه وتحسبين الناس مثلك اكيد لاعبه عليه ولاشي البنت حلوه ومبين عليها خبيثه(صدق المثل:كلن يرى الناس بعين طبعه)
ام عبدالله:والله خوفتيني
صباح :من خاف سلم انتبهي لولدك اللي كبرتيه وربتيه وصار رجل اعمال تاخذه هالهيلقيه تخربه عليك
ام عبدالله:والله مدري شكلها مسكينه!
صباح:يوه يام عبدالله ماسمعتي بالمثل اللي يقول ياما تحت السواهي دواهي
سكتت صباح بعد ماقنعت ام عبدالله بافكارها حتى تطرد رؤى من البيت ويتزوج فواز نور كان هذا هدفها
صلوا العصر ولبسوا عبايتهم وطلعوا كلهم للحكير
هناك الكل تخبل باللعب حتى سعد وزوج صباح لعبوا والحريم كلهم مره انبسطوا
ام عبدالله :ههههههه الله يغربل إبليس تبيني اركب ذي والله مابعد انجنيت
فواز :ههههههههه الا الا الا مره حلوه تدورين بعدين تطيحين>>يستهبل على امه خخخخخخ
ام عبدالله:عمري ماضحكت دام فيها طيحه خلني براحتي خذ معك البنات وعادل
فواز:يوه يمه عجزتي بدور لابوي لعروس
امه بمزح ضربته بالشنطه:لابارك الله في الشيطان بتزوج ابوك وحده على امك ايا ياللي ماتستحي
الكل:هههههههههههههههههههههههه
فواز:افا يالغاليه لو بغى محد بيمنعه غيري
ام عبدالله:فديت ولدي ياناس
الكل:هههههههههههههههههه
ندى:محد يقدر يقلبك على كيفه الا فوازوه
فواز:عادل معي ؟؟
عادل:يب بجيب لي ماي واجي
فواز:هاه بنات تلعبون معنا
نور خوافه مره:يمه مالقيت الا قطار الموت
فواز وهو يرفع حاجب:خوافه خخخخخخخخخخ
نور بعصبيه:بركب
فواز:طيب هاه ساره رؤى تركبون؟
ساره:سر ونحن وراءك
فواز:رؤى ماسمعتك تبين؟
رؤى بصوت هامس كانت مرتبكه لانها اول مره تكون بزحمه لهدرجه:اوك
فواز :اجل يالله
ركبوا قطار الموت كانت رعب هاللعبه
فواز:تمسكوا عدل
قعدت ساره جنب عادل ونور عند فواز ورؤى ركبت ورى كان فواز وده يقط نور من اللعبه
قعدت رؤى بمكان فاضي وجاء واحد وقعد جنبها هنا فواز طرطع وقام :يالاخو مكاني
الولد:اوه سوري وقام قعد فواز وهو ساكت اما رؤى استغربت تصرفه
نور بغت تموت من القهر (يتركني انا علشانها والله لاوريكم)
نزلت من اللعبه لانها اصلا خايفه
عادل:وين رايحه؟
نور وهو تنافخ:مابي اركبها دايخه
انربطت الاحزمه
فواز:اول مره تركبينها صح ؟
رؤى بخجل:ايه
فواز:اجل تحملي ههههههههههههههههههه
رؤى بخوف:ليه ؟
فواز (ياناس كنها بيبي):لا لا امزح بس شوي تدوخ
رؤى:بس
فواز:ايه وتمسكي عدل وصارخي حلاة اللعب بالصراخ اسالي مجرب
رؤى سكتت كانت خايفه بس فواز كسر شوي من خوفها
بدت اللعبه والصراخ واصل لاخر الالعاب
رؤى كانت ميته من الخوف وفواز يضحك ويصارخ وهي صارت تبكي
لفت اللعبه بقوه بعدين صاروا مقلوبين هنا رؤى ماتت من الخوف ولااردايا مسكت يد فواز بقوه وهي مغمضه عيونها فواز ماستوعب في البدايه عرف انها تتصرف بدون وعيها وانها خايفه شدد على يدها يبي يطمنها
وقفت اللعبه وفكت يدها على طول ومسحت دموعها
فواز:رؤى اسف اني جبرتك تركبينها
رؤى:لا عادي اصلا حلوه
فواز يبي يحرجها:واضح يدي مهي معي ومغمضه عيونك
رؤى كان ودها تنشق الارض وتبلعها (انا مسكت يده يوه وش سويت والله فشله )كان ودها تختفي من الاحراج
نزلوا من اللعبه وجت دلال لساره:يمه فيك شي والله معد تركبينها
ساره وهي تضحك بهستيريه:يمه حلوه
دلال:ياويلي استخفت بنتي
الكل ضحك على دلال كان دلال حريصه مره على بناتها وتدلعهم ماتبي ينقصهم شي ابد تبي تعوضهم عن مكان الاب اللي فقدوه تبي تعوضهم قسوه ابوهم وصده عنهم وبنعرف قصته بعدين
عادل:معليك والله اني خفت وهي تضحك وتصارخ
فواز:ههههههههههههه ودي شفت وجهك وانت خايف
فك عادل المويه وكبها على فواز وصاروا يتلاحقون كنهم اطفال
فواز وهو ينشف شعره:هيه عدول بتشوف( وهو يغمز له)
عادل سكت ثواني بعدين صرخ :لاااااااا تكفى فواز حبيبي لو تبي قطني بالبحر ياشيخ
فواز:ايه اعقل
عادل:الشرهه علي اعلمك باسراري
فواز:شفت كيف خخخخخخخخخخخخ
(كان قصد فواز حبيبة عادل انه بيدق عليها ويقولها اسمه الحقيقي لان عادل مايبيها تعرفه)
رجعوا الفندق اخذوا شور وبدلوا ملابسهم وراحوا لصباح
بعد العشاء عالساعه 9ونص
ام عبدالله:ندى شفتي العلبه اللي كانت معي بالظهر
ندى:أي وحده ؟
ام عبدالله: علبه العقد العقد
ندى وهي تشهق:لاتقولين اللي جابه فواز
ام عبدالله:ايه
ندى:متى اخر مره شفته؟
ام عبدالله:لمن وصلنا عند صباح كان بشنطتي ؟
ندى:ايه زين تلاقينه طايح هنا ولاهنا
ام عبدالله:عججزت ادوره؟
وقامت ندى تساعد ام عبدالله:يوه غريبه والله وين راح سالتي الخدامه؟
ام عبدالله:وش بيعرفها بس خلني اسالها وبجي
راحت ام عبدالله :يولي شفتي علبه اسود ؟
المستخدمه:لا ماما
ام عبدالله:روحي دوريها شوفي وين؟
جت صباح:خير يانجلاء وش فيك؟
ام عبدالله:فواز جابلي عقد اليوم الماس ولمن جيت كان بالشنطه والحين مالقيته
صباح:سالتي يولي؟
ام عبدالله:ماتعرف عنه شي؟
وصار الكل يدور على العقد طبعا نور وساره كانوا بغرفه نور اما رؤى مع فيء وضيء وسامي ولد صباح يلعبون بالحديقه وسامي مره اندمج مع رؤى وصار يسولف معها بحماس لانه واخيرا لقى احد يعطيه وجه ويسمعه وصار يعلمها تلعب بالقيم بوي تبعه وغافلين عن اللي صاير داخل
نزلوا البنات:وش فيكم ؟
صباح:خالتك مضيعه عقدها اللي جابه فواز اليوم؟
ساره:وين؟
صباح:هنا بالبيت دورا معنا؟
ناظرت ساره بعتب في نور ونور ضحكت:ماما لونها اسود؟

ـــــــــــــــ(15)

التفت الكل لنور
صباح:ايه شفتيها ؟
نور بملامح مصطنعه شهقت وحطت يدها على فمها:لا مستحيل!
صباح:وش فيك ؟
نور:شفتها مع رؤى؟
الكل علامه صدمه وتعجب لحظه سكوت
ندى:متاكده؟
نور:أي مو هي سوداء شفتها معها قبل نتعشى واتوقع بشنطتها؟
فتحت صباح شنطه رؤى ولقت العقد:هذا يانجلاء؟
ام عبدالله:ايه ايه وش جابه هنا ؟
صباح:بنت الشوراع سرقته؟
ندى:لا حرام لاتظلمونها من اليوم وهي مع فيء وضيء وسامي ؟
نور:يعني من بيكون غيرها ويحطه بشنطتها؟
ام عبدالله بعصبيه:وليه لا؟انا رايحه لها
طلعوا الكل بالحديقه
وكانت رؤى قاعده جنب ضي تضحك معها وتدغدها
شافتهم كلهم جايين نزلت ضي من حضنها ووقفت
من دون مقدمات ماحست الا بالكف على وجهها حطت يدها على خدها ولفت وطالعت بصباح بصدمه
صباح:هذا الكف اللي عطتيه نور رجع لك يابنت الشارع تسرقين اختي في بيتي ياللي ماتستحين؟
رؤى:اسرق اختك؟
ندى بحنان:رؤى وشو هذا (علبه العقد)
رؤى ودمعه على خدها:وشو؟
صباح:لاعد تمثلين حبيبتي خلاص كل شي بان ؟
رؤى ماقدرت تتكلم فقدت قدرتها حتى على البكى صدمه ورى صدمه
ام عبدالله:ليه يارؤى ؟وانا عديتك لي بنت؟
رؤى ركضت لام عبدالله ووقفت قدامها:خاله والله ماعرف شي وشو اسرق؟
ام عبدالله صدت عنها وراحت لندى:خاله ندى وشو والله ماني فاهمه وشو اسرق وش هالعلبه؟
ندى وهو خانقتها العبره على شكل رؤى:هذا عقد شراه فواز لامه ومالقته لمن دورنا لقيناه بشنطتك ؟
هنا ماعد قدرت تتنفس وقفت بدون أي حركه غير دموعها على خدها تتكلم
رؤى بهمس:والله ماخذته ؟
ندى:معليش حبيبتي ادري ؟
رؤى بهستريه وهي تبكي وتشد على يد ام عبدالله:خالتي ناظريني وربي ماخذته وأول مره اشوفه خالتي الله يخليك ناظريني
ام عبدالله :خساره يارؤى ..
هنا رؤى صارت تبكي بهستريه :والله ماخذت شي والله مالمسته والله اول مره اشوفه
صباح:وتحلفين بعد قالوا للكذاب احلف قال جاني الفرج وش اللي خلاه ينط من شنطه نجلاء لشنطتك ليكون طلع
له جنحان وانا مدري ؟والحين تفضلي مع السلامه مالي شرف تقعدين ببيتي دقيقه وحده
ام عبدالله طالعت في صباح بعتب وردت له نظره بمعنى هذا اللي لازم يصير
رؤى ماعد قدرت تتحمل كل شي الا كرامتها وقفت بشموخ:شوفي انا بطلع بس ربي شاهد علي اني اول مره اشوفه انا بروح معد بتشوفوني وطالعت في ام عبدالله وباست يدها وراسها:خالتي( وبكت)والله مامديت يدي على شي ولاادري عنه انا بروح مثل مادخلت حياتكم فجاءه بطلع فجاءه اتمنى تذكريني بالخير
ام عبدالله:وين بتروحين الحين ؟
رؤى:كرامتي ياخاله ماتسمح لي اظل دقيقه وحده
طالعت في دلال اللي دموعها على خدها وابتسمت في وجهها ونزلت لمستوى ضيء اللي من شافتها تبكي بكت معها :لوا ليه تكبين؟(رؤى ليه تبكين؟)
رؤى وهي تشاهق ضمتها لصدرها بقوه بعدتها عنها و باستها على راسها:لاني تعبانه اسمعي كلام ماما زين
سامي كان متفرج يخاف من امه مايقدر يدافع عنها هو كان معها طول اليوم وشاف نور لمن حطته بشنطة رؤى
بس لو قال شي بتذبحه نور زعل بقوه فقد صديقه توها عرفها وحبها فضل يسكت لانه لو تكلم بينضرب ولا راح أحد يصدقه ناظر في رؤى بألم وهي تمشي مغادره المكان ولف على نور اللي كانت تبتسم انقهر وطلع غرفته يبكي هو دايم كذا امه واخته مايخلونه يقول شي ولايسوي شي دايم يقولون له انت بزر خلك بالعابك صار يبكي قهر بغرفته لانه عمره 15 يعني كبير ولاقدر يقول كلمه الحق ويقولهم ان رؤى ماسرقته ونور اللي حطته بشنطتها وظل يبكي زيه زي طفل عمره 5سنين وطبعا محد درى عنه أو حس فيه
اما رؤى مشت من عندهم وهي جسد بلاروح تحس ان رجلها ثقيله يمكن ترضى بكل شي الا بالظلم او انها تنهان كرامتها
لبست عبايتها واخذت شنطتها وطلعت وقبل لاتطلع صادفت نور تبتسم بخبث:هاذي قرصه اذن للي يتعدى على شي لي فاهمه وضحكت ومشت
رؤى غمضت عينها بقوه كانت متوقعه انها هي بس ماحبت تظلمها بتفكيرها (والله قلبي قال انك لك علاقه )
مشت رؤى وهي تحس نفسها مكسوره طلعت من البيت ماتعرف هي وين ولا وين بتروح مشت ومشت
الدنيا ظلام ومحد معها الا رب العباد ودموعها تواسيها بكت لاحساس الظلم كل شي يمكن يتحمله الانسان الا الظلم طلعت جوالها بيد ترجف من التعب ودقت على اخر رقم تبي تدق عليه او تشوف صاحبه
وبعد وقت جاها صوته :هلا والله وغلا بدري على موعدنا
رؤى بصوت مبحوح:معاذ انا بالرياض تقدر تجي تاخذني
معاذ: يوه يوه وش هالصدفه الحلوه انا الحين بالرياض افا عليك اجي بس مسافه الطريق وانا عندك بس انتي وين بالضبط ؟
رؤى :مدري بس عند محلات اثاث
معاذ:ايه عرفت الشارع اوكيه خلك عند المحل الكبير اللي اسمه ******
رؤى :طيب
قفلت وبكت (ياترى ليه يصير معي كذا وش سويت بدنيتي استغفر الله العظيم لاحول ولا قوه الا بالله )
وقفت عند المحل اللي قالها عليه معاذ كان بيت صباح بالشارع اللي ورى محلات الاثاث
بعد نص ساعه وقفت عندها سياره وانفتح الباب ونزل معاذ بهيبته اللي تخوفها
معاذ وهو يطالعها من فوق لتحت:طردوك صح؟توقعت والفلوس ماجبتيها اكيد يالله ورانا درب وحسابك معي عسير يارؤى
حطت يدها على مقبض الباب الخلفي بس يد معاذ سبقتها وفتح الباب الامامي ودفها داخل وبخبث :افا وانا اقعد بروحي قدام


عورتها يدها من مسكته القويه ركبت معه مجبره مو مخيهر كل هدفها توصل لفجر وخالد لو تعيش معهم باي مكان بس تشوفهم ماتحس نفسها قويه الا علشانهم ومعهم
اما ابوعبدالله وفواز وسعد فكانوا معزومين من صديق سعد شافهم عند المسجد واصر يعزمهم للعشاء
رجعوا عالساعه 10وربع
دخلوا المجلس وفواز راح يناديهم بيرجعون للفندق
دخل فواز وهو يغني
(يسألوني ليه أحبك حب ما حبه بشر
وليه إنتي في حياتي شمسها وإنتي القمر
وليه صوتك لا وصل صحراي يملاها الزهر
علميهم يالحبيبة يا أغلى حبيبة

يسألوني وأنتي أكبر من سوالفهم جميع
وإنتي أجمل ما خلق ربي بهالكون الوسيع
وإني أتلاشى بدون عيونك الخجلى أضيع
إعذريهم يالحبيبة يا أغلى حبيبة)
بس سكت لمن شاف فيء تبكي
قرب عندها وشالها وقعدها عالطاوله:فيونه حبيبه فواز ليه تبكي
في :رووووى تهي
فواز تغيرت ملامح وجهه:وش فيها ؟
في:خاله صباح ضربتها كف وبعدين صارت تبكي وخاله صباح تقول انتي سراقه اطلعي برا بعدين رؤى بكت ولبست عبايتها وراحت دورتها مع سامي ولا لقيتها وضيء بكت لمن نامت فواز الله يخليك دورها معي انا وضيء وسامي نحبها
فواز:ايش
وراح وترك فيء ودخل الصاله لقى امه وصباح ودلال وجيهم كئيبه
فواز:وش صاير
دلال:فواز اهدى
فواز بعصبيه:وش صاير ؟
دلال:صارت مشكله وطلعت من البيت وندق عليها جوالها مغلق
فواز:ايييييييش شلون طلعت من البيت؟
ام عبدالله:فواز اهدئ واطلع شوفها وين بتبعد وهي حتى الديره ماتعرفها
فواز بعصبيه:وش السبب اللي خلاها تطلع ؟
دلال قالت له السالفه كلها وانصدم باللي يسمعه لو يشوفها بعينه ماصدق
فوازوهو يوجه كلامه لصباح :انتي اكيد جنيتي
ام عبدالله:فواز احترم خالتك
فواز:أي احترام واي خرابيط بنت مثل بنتها تطردها من البيت بعز الليل بديره ماتعرفها
طلع من البيت بعصبيه وراح مع عادل يدورها لانه يدل الرياض اكثر منه
الساعه 1بالليل
رؤى وصلت الدمام كانت متضايقه لابعد الحدود من الهم اللي في قلبها ومعاذ اللي قاعد جنبها
حط يده على يدها وسحبت يدها بسرعه
معاذ وهو يبتسم:اوله كل ذا ماتبين ألمسك طيب ياحلوه بس يكون في معلومك ملكتنا بكره
لفت عليه بقوه :وشو ملكه ؟
معاذ:ايه ملكه ولا مو عاجبك يامدام رؤى من جد جايه حافيه ومنتفه وترادد
سكتت رؤى وتجددت دموعها على خدها
رؤى بصوت مبحوح من البكى:طيب بس ابي شي؟
معاذ:بعد تطلبين يالله اطلبي نشوف؟
رؤى:اروح بيت ابوي وتجيب اخواني هناك وبكره بعد المغرب تجي نـ....(ماقدرت تكمل)
معاذ:حلو ابي تكشخين مو تجيني بخشتك لامكياج ولافستان
رؤى وكانها تذكرت شي:معاذ عادلي اروح بيت فواز اخذ اغراض مناك
معاذ طالع فيها وبعد وقت من الصمت:وشو هالاغراض؟؟
رؤى حاولت تقنعه:بطاقتي الصراف وشويه ملابس
معاذ بعد ماسمع عن البطاقه غير مساره لبيت فواز:اوكيه لك 5دقايق
رؤى بفرحه:طيب
بعد 10 دقايق وقفت سياره معاذ عند باب قصر فواز
فتحت رؤى باب السياره بس حست بيد تمسكها:لاتطولين
رؤى:طيب
نزلت رؤى والحارس طبعا يعرفها فتح لها الباب الصغير ودخلت
مشت بالحديقه وهي تتاملها وتتذكر حياتها هنا وصلت لباب الداخلي للفله وفتحته
البيت ظلام ركضت لغرفتها واخذت الفستان اللي جابه لها فواز بحفله استقبال ابوه كانت تبي منه ذكرى من حياتها هنا معهم واخذت دفتر رسمها وشويه اغراض خاصه فيها تركت كل شي من الملابس بس خذت الفستان مسكت ورقه وكتب (انا ماني عارفه وش اكتب لك يمكت الوقت والحروف ماتسعفني
كل اللي ابي اقوله شكرا شكرا شكرا بجد كلمه الشكر قليله بحقك اتمنى تذكرني بالخير صدقني مستحيل في يوم من الايام انساك مستحيل اهتم بنفسك ولاتدور علي لاني قد قلت لك حياتي مو لي لفجر وخالد وبغيت اقولك شي (ونزلت دمعه عالورقه)واللي خلقني مامديت يدي على العقد والله العظيم و اسفه طلعت ماودعتك بس الظروف اقوى مني بغيت بعد اقولك عن ذاك اليوم اللي بالحديقه انا كنت حاسه فيك بس احساس انك شفقان علي طغى علي انا بكتب لاني ابي اقول ولاني معد بشوفك صدقني اني انا اللي حبيتك مو انت الله يسعدك يارب بحياتك
رؤى)بكت بحرقه وقطعت الورقه من الدفتر وراحت ركض لغرفه فواز وحطتها على طاوله وقطعت رسمه رسمت فيها فواز وهو حاط يده على خده وطلعت وهي تبكي وتتامل كل مكان وهي تودعه الى الابد
ركبت السياره وهي تشاهق
معاذ بعصبيه:قلنا 5دقايق مو ربع ساعه
رؤى وهي تبكي:اسفه ونزلت راسها تاركه لدموعها تنزل وتنزل دون ملل
وصلت بيت ابوخالد ولتفتت لمعاذ:وفجر خالد
معاذ:اوووه ازعجتيني بكره بجيبهم الظهر يالله تاخرت ابي انام
نزلت رؤى من السياره وراح معاذ وبدت تختفي السياره من قدام عيونها
طلعت نسخه المفتاح اللي معها وفتحت الباب ودخلت وانصدمت باللي شافته
رؤى حاولت تطلع بس يده سبقتها للباب تسند عليه وهو يضحك:على وين يالحلوه؟
رؤى وهي تبكي:بعد عني
ابو راشد وهو سكران:انا ماصدقت تجين تبين ابعد
رؤى وهي تبكي وتصارخ:يبـــــــــــــه يبــــــــــــــــه
ولكن لاحياه لمن تنادي صار يقرب وهي تبعد على ورى لمن صدمت بالجدار وهو صار يضحك بهستيريه
صارت ترجف ماهي قادره تتحرك من الخوف ماعندها قوه زود وقفت وهي مستنده عالجدار وعيونها تحكي اسطوره من الخوف والتعب مسك يده وبعدتها عنه بقرف:بعد الله يخليك لاتلمسني
ضحك ضحكه خرعتها ومسك طرحتها وسحبها وانفلت شعرها الحريري على ظهرها
صرخت:بعــــــــد ..وخر عني يبــــــــــــــه
مسك يدها ولفها عليه دفته بقوه وركضت وهو سحب طرف عبايتها تعثرت وطاحت وانفصخت العبايه وركضت لغرفتها حاولت تقفل الباب بس حط يده وفك الباب ماتدري وين تروح صرخت بكل مافيها من قوه:يبــــــــــــه
ابوراشد:اششششش ابوك نايم
وقفت برجفه بزاويه الغرفه مسكها ابوراشد من شعرها :والله ان ماسكتي مايحصل لك طيب
:بعد يالخسيس عن بنتي
دفت رؤى ابوراشد وراحت ورى ابوخالد وبصوت يرتجف:يبه يبه لاتروح وتخليني
مسكه ابوخالد وعطاه كم بكس وطبعا ابوراشد كان سكران ماقدر يدافع عن نفسه وطلعه ابو خالد برى البيت
ورجع لرؤى اللي من شافته ركضت لحضن ابوها اللي ياما حماها وعطف عليها كانت محتاجته ومحتاجه حنانه اللي فقدته من ماتت ام خالد بكت بحرقه وهي على صدره:يبه الله يخليك لاتخليني يبه انا محتجاتك
بكى ابوخالد معها وهو يمسح على راسها:خلاص يبه محد بيقرب جنبك وراسي يشم الهوا امشي اقعدي
قعدها عالكنبه بالصاله وراح جاب لها مويه:سمي بالله واشربي
مسكت رؤى الكاس وهي ترتجف والمويه تتكبب منه شربت شوي ورجعته وقعد ابو خالد جنبها وهي حطت راسها بحضنه وتكورت على نفسها ظل يسمح على راسها ويهديها ويقرا عليها قران لمن نامت
نزلت دمعته(انا اللي وصلتك لكذا انا السبب وعهد علي لعوضك انتي واخوانك على اللي سويته لكم )ضل يمسح على راسها وبعد ساعه فزت وصارت تصرخ :يبــــــه يبـــــــــه
ابوخالد:يبه رؤى اهدي خلاص انا هنا تعلقت رؤى بيده وهي تبكي:لاتروح وتخليني
ابوخالد والعبره خانقته:لايابوك يكفي الايام اللي ضيعتك فيها انتي واخوانك سامحيني انا ماحافظت عليكم
رؤى:لا يبه لاتقول كذا اصلا حنا مو زعلانين منك بس انت لاعد تخلينا والله محتاجينك
ضمها وخلاها تنام بحضنه اذن الفجر ورؤى نايمه وراسها على فخذه سمع الاذان (يووه من زمان مارحت لصلاه الفجر قام ورجع راس رؤى عالكنبه وعلى وجهها دمعه مسحها بقهر وندم ولبس ثوبه وراح للمسجد اللي من شهور وهو ماشافه كان انسان تقي ويحب الخير كان صديق واخ لكل الجيران و بعد خساره ام عياله وزوجته وحبيبته اللي تحدى اهله علشان ياخذها وراحت منه بغمضه عين وكان ابوراشد صديق السوء اللي خلاه يمشي بالهطريق وهو في لحظه ضعف تبعه وصار مثله
وقف عند باب المسجد وطاحت دمعه على خده صلى تحيه المسجد ودخل
توجهت له انظار الكل باستغراب ولااحد تجرء يسلم عليه لانه كم مره تهاوش معهم بس جاء الامام وسلم عليه (السلام عليكم ورحمه الله يابو خالد)
ابوخالد:وعليكم السلام والرحمه ياشيخ كيفك؟
الشيخ بابتسامه ووجه يشع بنور الصلاه والايمان:بخير ولله الفضل والمنه
ابوخالد:الحمد لله
الشيخ :يالله الحين بتقام الصلاه تجي بالصف الاول
ابوخالد ناظر للشيخ بانكسار والشيخ ابتسم في وجهه وحرك ابو خالد راسه بالايجاب شد الامام على كتفه وربت عليه ومشاه معه
صفوا اهل الحاره بصفوف مستويه ومرتبه واقيمت الصلاه شعور رائع المؤمن يناجي ربه ويكون بين يديه يصحى من النوم ويعبد ربه يساله الرحمه والرأفه إن كان مهموم ساله وناجه الفرج وماخاب من دعى الله وارتجاه
بعد الصلاه مسك ابوخالد القران وصار يقرا ويبكي
الكل استغرب حالته اشر لهم الشيخ يخلونه براحته وطلعوا تقريبا اغلب المصلين
قعد الشيخ جنب ابوخالد وهو يقرا له صوت عذب في القران
:صدق الله العظيم
الشيخ:تقبل الله منا ومنكم صالح الاعمال
ابوخالد:تسلم ياشيخ
الشيخ:هاه يابوخالد وش اخبارك؟
بكى ابوخالد وقاله كل شيءعن ابوراشد وعن المشروب
الشيخ:لاحول ولاقوه الا بالله قال صلى الله عليه وسلم(ان الله يقبل توبه العبد مالم يغرغر)
ابوخالد:عليه افضل الصلاه والتسليم
الشيخ:خير الخطائين التوابين استغفر ربك واطلب التوبه منه جل علاه وخلص جسمك من هالسموم وارجع لربك ولعيالك ولحارتك
ابوخالد:شكرا ياشيخ الله يجزاك الجنه عن اذنك
طلع ابوخالد من المسجد مرتاح من بعد كلامه مع الشيخ اتخذ قراره خلاص يروح يتعالج في مستشفى الامل للادمان ويروح للضابط ويقوله عن سالفه المخدرات اللي ورطه فيها ابو راشد ويعوض عياله عن كل شي

عبدالله دخل البيت راجع من الاستراحه اللي سهروا فيها الشباب
وكان يكلم مي لمن دخل الجناح اللي فيه غرفته وغرفه فواز
عبدالله:طيب ماقلتي لي أي لون تحبين؟
مي بهمس:الوردي
عبدالله(وقسم بذبحها على ذا البراءه والنعومه)بس تكلم وهو حاب احراجها:بس مايصير جناح واحد متزوج وردي
هنا مي ذابت بملابسها من احراجه لها وعرفت قصده من السؤال انه يبي يعرف جناحهم باي لون بيكون
عبدالله ضحك وهي تسمع تعشق ضحكته تكلمت تبعد الاحراج:لازم اقفل امي تناديني
عبدالله عرف انها تصرفه:والله اني احسد الجوال
مي باستغراب ليه:لانه لمن تخلصين بتطالعين بالدقايق تشوفين فاتورتك هالشهر غاليه او لا
هنا مي ماتت ضحك وعبدالله انجن من ضحكتها
مسحت دموعها من الضحك وهي ماهي قادره تتكلم وهمست:باي
عبدالله:ابو الباي وام الباي والبايات كلهم الله يحفظك
مي اقلبت حمراء من نبرت صوته:الله يرعاك وقفلت
طالعت بالجوال وكانت مده المكالمه 21دقيقه ضحكت لمن تذكرت كلام عبدالله
وطلعت من غرفتها تقررت ملكتهم بعد شهر والزواج باجازه الصيف (والله يوفقهم يارب)
عبدالله قفل وهو طاير فرحه خلاص حلمه مي بيتحقق ويصير يشوفها على راحته هو بس لمحه بالشوفه لانها منزله راسها ولاطالعت فيه ابد وماقدر يدقق بملامحها بس هيئتها عجبته مرررره
راح لغرفته فواز يرجع مفتاح سيارته لانه سارقه بدون مايدري فواز خخخخخخ
دخل غرفه فواز واستغرب من الليت انه مفتوح وانتبه للرسمه والرساله والجوال اللي محطوطه عالطاوله
تامل الرسمه وكان وجه اخوه فواز مرسوم باتقان فنان محترف صار يتحلف بخاطره لانه ماقاله عن هالفنان يرسمه معه بس انتبه وقتها لجوال بناتي وفيه ميداليه بناتيه روعه وورقه مصفطه تحت الجوال
تامل بالجوال وفتح الورقه وقرأ رساله رؤى لفواز انقطع قلبه على اخوه كان يحبها ومحتار شلون يقولها
وطلعت حتى هي تحبه بس لمن عرف راحت وتركته أي قلب بيتحمل هالشي وخصوصا اخوه فواز
قرر يخفي الرساله لوقت مناسب ويعطيه فواز ويطمن اخوه اللي اكيد ميت خوف على رؤى من جوالها
فتح الجوال ورسل رساله لجوال فواز ورجع الرسمه والجوال واخذ الرساله اللي لو قراها فواز ورؤى مختفيه اقل شي يصير له انهيار ولا اكتئاب حاد يدري انه يسوي غلط بس صحه اخوه ونفسيته ماخلته يفكر
هالشي صح او غلط ولايفكر باي شي ثاني
طلع من غرفه فواز وراح غرفته ومعه رساله رؤى وهو يفكر متى بيكون وقت مناسب يعرف عنها فواز

اما فواز فطلع مع عادل وفروا تقريبا كل الشوراع القريبه من البيت والحارات بس بدون امل
فواز وهو حاس انه بينهار:يارب يارب استر
عادل:فواز هد ماعليك يمكن راحت لاحد تعرفه
فواز:مالها احد ياعادل وهذا اللي مجنني
طالع ساعته اللي من رؤى وتنهد الساعه1 لهم3ساعات بدون امل
عادل:نرجع البيت يافواز والصباح يحلها ربك
فواز:وهي وين بتنام كيف بيجيني النوم ياعادل؟
عادل:فواز وش فيك اكيد انها بخير وبمكان امن ولاكان شفناها والحين بنرجع للبيت
فواز سند راسه لورا وسمع صوت مسج وفتحه بملل وبس شاف المرسل امتلت عينه دموع
وصرخ:عاااااادل
عادل خفف سرعته بخوف:وش فيك؟
فواز:رؤى بخير ووراه المسج(فواز انا بخير لاتخاف علي)
عادل :شفت
دق فواز الرقم بسرعه ولكن خاب امله لان الجوال مغلق
رجعوا للبيت وفواز دخل الصاله طالع في الكل كانوا يناظرونه
دلال:لقيتها؟
فواز طالع بصباح بعتب :لا بس هي بخير وماتوقع بنشوفها مره ثانيه
نور طلعت منها عفويه:احسن
لف عليها فواز بقوه وحاول تصلح غلطها وبربكه:احسن اننا تطمنا عليها
لف فواز لابوه:وش مسهرك يالغالي مابيك تتعب يالله بنرجع للفندق
صباح:ناموا عندنا وين تروحون بنص الليل
فواز طالع فيها :زين تدرين انه نص الليل بس حنا بنرتاح اكثر بالفندق مسك يد ابوه وقومه معه
صباح بعصبيه:نجلاء وش فيه فواز ليه كلامه كذا؟
ام عبدالله:معليه ياصباح سامحيه علشاني اكيد معصب شوي لانه يحس نفس مسوؤل عنها
صباح:متى رحلتكم؟
ام عبدالله:بعد الظهر ان شاء الله
سلمت على اختها وعلى نور وطلعت من البيت وراحوا للفندق كل واحد من وصلوا راح لجناحه
وهم زعلانين على رؤى وعاللي صار





ابوعبدالله:نجلاء ليه مامنعتيها؟
ام عبدالله:حاولت يابو عبدالله قالت لي كل شي الا كرامتي ياخالتي والله ان عندي احساس انها مستحيل تسرق بس صباح الله يهديها عصبت وزعلتها ولافهمنا منها شي
ابوعبدالله:لاحول ولاقوه الابالله
اما فواز فكان حاس بضيقه وقف على الشباك بصاله جناحه بالفندق كان وده يبكي(معقوله معد بشوفك معقوله لا لا انا بدورها اول مارجع الدمام ماراح اخلي مكان مستحيل اتخلى عنك يارؤى اكيد بتروح لبيت ابوها ولاخالتها حصه ايه حصه اكيد بتكلمها اه يارؤى ليتني عالاقل شفتك قبل لاتروحين بس معقوله خذته علشان تهديد معاذ لا لا مستحيل لو اشوفها بعيني ولو سوتها كله علشاني والله يامعاذ ان تشوف وجهي الثاني تعديت على شي مو لك عذبتها ..... اه يالقهر جيت وانتي معي وجنبي ورجعت وكرسيك فاضي )انرسمت على وجهه ابتسامه خفيفه لمن تذكرها معه بالالعاب ولمن مسكت يده طالع بيده (يارب اجمعني فيها يارب)مدد جسمه بتعب على السرير وحط راسه عالمخده والنوم بعيد عن جفونه
(اذا ناوي تروح
ابفهم وين اروح
تخليني اعيش بعدك
بألم و جروح
و اذا عني مشيت
و اذا غيري لقيت
منو غيرك انا بلقى
يا روح الروح
يعني ترضاها علي
تترك ايدينك ايدي
تنسى من عايش عشانك
ان كان ميت او حي
و اذا نويت تعشق تحب ثاني
امانة لا تنساني
اني احبك موت
طمني عليك بس
حسيت بـ اي اذى
بتلقاني مع قلبك اذا بكى
منو يحس فيني انا
اذا ذقت العنا
منو يداري قلبي في يوم اذا شكى
يعني ما أشوفك بعد
ولا اسمع صوتك ابد
و اذا ضاقت علي دنياي
مالي غيرك اي احد
تذكر هالمكان
انا وانت زمان
تذكر يوم تسقيني حب و حنان
اذا ناوي الغياب
أبرضى بالعذاب
ابرضى و انا في قلبي ألم و احزان
خلاص روح الله معاك
و بخليك انا بهواك
واذا خايف انا انساك
انسى روحي ما انساك)

صباح اليوم الثاني
فتحت رؤى عينها بصعوبه كانت حيييل مصدعه مر قدامها شريط الاحداث اللي صارت شي كان فوق طاقتها فزت بخوف وهي تضم نفسها التفتت بالبيت مافيه احد مشت بخوف ودارت بالبيت ومافيه احد قفلت الباب الرئيسي وراحت اخذت لها شور وبدلت ملابسها وطالعت نفسها بالمرايه(ياترى وش باقي بيصير لي ياترى معقوله انا بتزوج معاذ (ونزلت دمعه حاره على خدها)يارب انت معي يارب لاتخليني يارب مالي الا انت )تذكرت ابوها امس وين راح البيت فاضي قطع افكارها التليفون رفعت السماعه ولاتكلمت


جاها صوت ابوها:رؤى
رؤى بلهفه:لبيه وينك؟
ابوخالد:رؤى انا داق عليك اطمنك علي انا بخير انتبهي لنفسك واخوانك انا برجع لكم قريب انا بتعالج وبجي
رؤى بكت:يبه لاتخلينا
ابوخالد بصوت مخنوق:لا يابوك بس انتي انتبهي لفجر وخالد وعلى نفسك هم عند ام معاذ خذتهم عندها قبل يومين روحي لخالك مشعل يقولون جاء خليكم عنده زين يابوك؟
رؤى وهي تمسح دموعها:يبه طمني عنك دايم يبه انا بس بقدر بزورك ماراح اخليك
ابوخالد:يالله يارؤى لازم اقفل الحين لاني بدخل المستشفى لاوصيك على اخوانك
قفلت منه رؤى وهي تبكي قعدت عالكنبه بضعف تعبانه نفسيا وجسديا وفوقها ماكلت من امس شي
وبعد وقت اندق الباب ورفعت راسها بخوف وقربت من الباب ولمن شافت من العدسه لقته معاذ معه فجر وخالد
ركضت لعبايتها ولبستها ولفت الشيله وافتحت الباب
فجر +خالد:روووووى
رؤى ضمتهم بكل قوتها تبي تحس بوجودهم بكت وهي تبوسهم وتضمهم :ياعيون وحياة رؤى
معاذ:بلاافلام وهالكلام ينقال لي بس مفهوم
رؤى في باله(وع مالقيت الانت ):مفهوم
معاذ:شوفي الحين بطلع وعلى صلاه المغرب اجهزي يالله باي
رؤى وهي تفقل الباب (يارب اجعل بين ايدهم سدا ومن خلفهم سدا يارب)
لفت لخالد وفجر:فديتكم ربي لايحرمني منكم تعالوا
اخذتهم وقعدت معهم عالكنبه:شخباركم ؟
خالد:بخير
رؤى:وانتي فجوري؟
فجر:طيبه
رؤى وهي تضمهم( الله لايخليني منكم) :شرايكم نقوم نسوي لنا اكل
فجر:ايه
خالد:ايه
قامت رؤى البيت فاضي مافيه غير علب الخمر اللي معبيه المكان
بدت ترتب البيت بعد مافكت الشبابيك حتى يتهوى البيت والجو صار ربيع ومره حلو
وهي مندمجه بترتيب الصاله من العلب واكياس الاكل الفاضيه
خالد:رؤى
رؤى:عيون رؤى
خالد:بابا بيضربنا لاننا جينا
رؤى حز بخاطرها مره كلام خالد بس تكلمت بملامح حنونه حتى يتطمن خالد:خالد وش هالكلام اصلا هو قالي انتبه عليكم لمن يجي هو راح مسافر وبيجي ويجيب لنا هدايا
خالد بفرح:هديه
فجر:هيييييه وناثه>>تنطق السين ثاء ههههههههه
رؤى(اه يارب قدرني ان اعتني فيهم الله يرحمك يام خالد.. ياترى الحيين اقلعت الطياره ولاباقي)سرحت باحلى لحظات حياتها مع فواز الحديقه المطلعم الالعاب المزرعه تنهدت لان هالتفكير يعذبها وقامت سوت غداء
تغدوا شي خفيف لقوا معلبات اكلوها مع رز مسلوق
رؤى:الحين نتحمم وننام اوكيه
فجر +خالد:اوكيه

بالفندق بالرياض
فواز صحى مبكر وهو اصلا مانام الا ساعتين اخذ شور سريع وطلع من الفندق
راح يفر بحاره صباح وهو يتمنى لو يلمحها بس بدون فايده اخذ ساعه وهو يمر من نفس الشوراع
(اه يارؤى ليه تروحين وتخليني الله يسامحك ياخاله بس ليه الطقم بشنطتها معقوله من تهديد معاذ لها لا لامستحيل
افف ارجع الفندق احسن )
دخل جناح امه وابوه ووجهه شاحب كانت الساعه 9
فواز بتعب:السلام عليكم
ام عبدالله+ابوعبدالله:وعليكم السلام
ابوعبدالله:وين رحت من الصباح ؟
فواز كان سرحان مانتبه لابوه وهو يكلمه طالع في ام عبدالله اللي ردت له نظره استغراب
ابوعبدالله:فواز
فواز:هاه هلا يبه
ابوعبدالله:تعبان؟
فواز:ماراح ارتاح الا لمن القى رؤى
ابوعبدالله :لاحول ولاقوه الا بالله ياولدي البنت طلعت وهي زعلانه وعايفه العيشه معنا بعد كلام خالتك ماتوقع بترجع
فواز:خالتي السبب لو صار لرؤى شي ماراح اسامحها
ام عبدالله بعصبيه:فواز وش هالكلام رؤى سرقت العقد وش ننتظر نخليها تسرق الشركه وولدي مني
فواز:تدرين ان العقد لها هي عروستي ومستحيل وانا حي اتزوج غيرها
ابوه وامه طالعوا فيه بصدمه وهو كمل:ايه انا احبها وبدورها ليل نهار وبجيبها معي
ابوعبدالله :فواز اهدء وماراح يصير الا الخير روح ارتاح لمن يجي وقت الرحله
فواز وهو قايم:اسف يمه ماكان قصدي بس اعصابي تعبانه وطلع
ام عبدالله وهي شوي تبكي :ابوعبدالله ولدي بيروح مني
ابوعبدالله:انا بدور لها لمن نوصل ان شاء الله اعرف واحد بالاتصالات يمكن يساعدنا ويحدد مكانها بجوالها
ام عبدالله:وانت ناوي ترجعها
ابوعبدالله:اكيد انا متاكد انها مستحيل تسرق
ام عبدالله:والدليل انا لقيت العقد بشنطتها
ابوعبدالله:مو انتي قلتي انها كانت مصدومه وماعرفت العلبه يمكن وحده من الشغالات لمن شافت انها بتنكشف حطته بشنطه رؤى تورطها
ام عبدالله:بس نور تقول انها شافتها
ابوعبدالله:ونور وش دراها مو هي كانت طالعه مع ساره
ام عبدالله وبدت تنتبه (ايه صح جت ساره ونور قبل العشاء بشوي ورؤى من وصلوا وهي برا مع البنات وسامي كيف شافتها ):مدري مدري
ابوعبدالله:يمكن نور ماركزت او شي وانتو الله يهداكم مافهمتوا السالفه استعجتوا بتصرفكم المهم جهزوا اغراضكم مانبي نتاخر على الرحله
ام عبدالله :ان شاء الله
رجعوا للدمام وفواز طول الرحله يطالع بالمقعد اللي جنبه يتذكرها ماراحت من باله
وبس وصلوا البيت نام لمن العصر وبعدها راح للمسجد ولمن رجع كان داخل من الباب ودق جواله
:الو
فواز:ياهلا ومسهلا بعمير
عمر بلهفه:فواز وينكم؟
فواز باستغراب:تونا راجعين الدمام الظهر ليه؟
عمر وهو يبكي:فواز رؤى رؤى اختي
اختي
اختي
اختي
كلمه صداها قوي على فواز اشياء تتدافع لراسه رؤى عمر صديقه حبيبته اخوان
صدمه سكت فتره:انت متاكد
عمر وهو يلحق نفسه:ايه فواز وينها الله يخليك
فواز ماقدر ينطق بحرف واحد
عمر:فواز انت معي فواز وين رؤى (وبكى بصوت عالي)الله يخليك وينها
فواز بهدوء:ماهي موجوده
عمر بصراخ :ايششششششش
فواز:تعالي البيت نتفاهم
قفل عمر الجواب من دون مايسمع فواز جوابه
ابوعبدالله :خير يافواز من اللي داق عليك
رفع راسه لابوه وعلى خده دمعه:يبه عمر طلع اخو رؤى
ابوعبدالله بصدمه:متاكد
فواز:ايه
ابوعبدالله:لااله الا الله سبحانك ياربي
فواز:يبه وش اقوله ( ومسك راسه وهو كنه يترجى ابوه) وشو اقووووله
ابوعبدالله امش معي المجلس وانا اللي بفهمه
بعد دقايق جاء عمر يركض زي المجنون:فواز عمي وينها؟
ابوعبدالله:اهدى ياولدي
قعدوا وتكلم ابوعبدالله:ممكن تفهمني القصه
عمر:فواز قالي عن رؤى وانا لي اخت مفقوده من 11سنه شكيت بالامر ورحت للباحث نفسه وقلت له القصه تقارنت تحاليلي d.n.a مع تحاليل رؤى وطلعت متطابقه معي يعني رؤى اختي (ونزلت دموعه) وينها ؟
ابوعبدالله بهدوء:رؤى طلعت من البيت ولانعرف وينها من امس ندورها بس ارسلت لنا تطمنا عنها وهي بخير
عمر حس الدنيا تدور فيه:ماتعرفون عنها
فواز:عمر وعد بدورها وارجعها لك
عمر مسك راسه بين ايديه وصار يبكي كنه طفل فواز صار تدمع عيونه وقام له وضمه
ابوعبدالله خانته دمعه على لحيته البيضاء الخفيفه مسحها وقام بحكمه:قولوا لااله الا الله
عمر يابوك امك لاتعرف انك لقيتها هي مريضه سكر
عمر:اه ياعمي مامداني افرح اني لقيتها بعد مافقدت الامل ترجع تضيع
فواز:عمر قوم معي بدور لها بكل مكان اعرفه عنها
قام معه طلعوا
عمر بهدوء:فواز شخبارها؟
فواز وهو يبتسم تذكرها وشاف طيفها قدامه:هي بخير
عمر:اه يافواز اذا مالقيتها بيصير لي شي
فواز:تعوذ من ابليس واعذرني ياخوي ماحافظت عليها ماحافظت عليها
عمر:لا يافواز انت قدمت لي خدمه ماعمري حياتي بنساها يمكن لولا فضل ربي ثم انت ماعرفتها طول عمري
بس بسالك ماتتذكر ولا شي عني ولا عن امي وابوي وعبدالعزيز
فواز:لا هم لقوها طايحه وهي مضروبه بطريق صحراوي ودخلت غيبوبه سنه ونص وكانت فاقده الذاكره وللان اللي غرفهم باسمها عقد كانت لابسته اول ماوصلت المستشفى وبعدها انخذ العقد وهي بالغيبوبه ومحد يدري من اخذه
عمر وكان يوم الحادث ينعاد قدامه
(كان مع امه وابوه واخوه عبدالعزيز ورى كان يلعب معها وعبدالعزيز مسوي رجال وكل شوي يقول بس يالبزارين وقفوا عند محطه باخر ساعات من الليل بعد رجعتهم من مكه نزلوا وبقت امه بالسياره راحوا البقاله وهي قالت لعمر بروح الحمام ومن بعدها ماعد عرفوا عنها شي )
فواز:يعني انخطفت
عمر بالم وهو يرفع راسه يداري دمعته تنزل:ايه وانا السبب لو رحت معها ولا قلت لامي تنزل معها فواز انا السبب بضياعها انا
فواز بحده:عمر وبعدين هذا قضاء وقدر انت انسان مومن تعوذ من ابليس وهذا وصلنا بيت خالتها
نزل فواز فصخ نظارته الشمسيه ودق جرس الباب دون رد انتظر 5دقايق ورجع يدقه من جديد
طلع ولد من البيت اللي جنبهم تقريبا عمره 15سنه و معه كوره:هلا يالاخو بغيت شي
فواز:أهل البيت وين؟
الولد:والله سمعت امي تقول انهم سافروا
فواز:ماتعرف متى بيرجعون؟ او لهم رقم عندكم أي شي؟
الولد:ولدهم قالي انهم بيروحون مع ابوهم لشغله بعيد في بيت جديد وكبير وماعننا رقمهم
فواز بقهر:اه طيب مشكور جزاك ربي الجنه
ركب السياره وعمر يساله بلهفه :لقيتها
فواز وهو يضرب بيده الشباك بقهر:خالتها مسافره
عمر :مالها رقم؟
فواز:يقول مايعرفون شي
عمر: يعني مافيه امل
فواز :عمر وبعدين من اولها عجزت
عمر:لاتلومني يافواز للمره الثانيه اضيعها
فواز وهو بنص الطريق تذكر معاذ (ايه ايه معاذ اكيد يعرف عنها شي)
غير طريقه ورجع
عمر باستغراب :وش فيك رجعت؟
فواز :شوي نسيت واحد اساله يمكن يعرف شي
راح فواز لبيت معاذ وقف عنده وتامله من الخارج وعنده امل يكون معاذ عارف شي
دق الباب وجاه واحد في بدايه العشرين
فواز:السلام عليكم
سامي اخو معاذ:اهلا وعليكم السلام من بغيت؟
فواز:بغيت معاذ ان كان موجود
سامي:دقيقه اشوفه
دخل سامي وفواز التفت الى عمر وهو يبتسم يبي يطمنه
طلع معاذ وشاف فواز ماكان يتذكره عدل بس كان مار عليه الوجه:خير يالاخو ينقال انك تبيني
فواز:معاذ انا فواز
انقلبت ملامح معاذ وبعصبيه:خير وش تبي
فواز:معاذ لو سمحت اهدا انا بس بغيت اسال سوال
معاذ وهو يتسند على الباب بزهق:اووووووف خير وش عندك؟
فواز:رؤى وين؟
معاذ طالعه باستهزاء:تطردها بنص الليل وتجي تسال عنها هاذي قويه ماعرف عنها شي
فواز مسك ياقه ثوبه اللي لابسه :مالك دخل رؤى وين يانذل تهددها فيني تبي مليون وعطاه كف
معاذ وهو يحاول يفك يد فواز :وخر عني
نزل عمر من السياره وهو خايف على فواز اول مره يشوفه كذا
عمر وهو يحاول يفك معاذ من يد فواز بس ماقدر بحكم ان فواز لاعب كرتيه صار يوجه لمعاذ ضربات متتاليه
اخو معاذ سامي طلع عالصوت وصار يضرب فواز بس فواز ترك معاذ وهو ماهو قادر يوفق من الضرب
ومسك سامي وضربه ضربه شلت حركته لان سامي ضخم جدا
رفع فواز معاذ من الارض:ان ماوريتك نجوم الظهر بعز الليل ماكون فواز
عمر وهو يصرخ ويفك يد فواز من معاذ :فواز استهدى بالله انا وانا اخوها ماسويت كذا
صدمه صارت كالصاعقه على معاذ هذا الشخص اخو رؤى صح نفس العيون بس عيونه سوداء واسمر منها لانها هي بيضاء حيل (اخوها يعني رؤى لقت اهلها يعني معد بشوفها)
معاذ فكره انه معد بيشوف رؤى وانها بتختفي من حياته خلاه يقول:اسمع انا دقيت عليها امس وقالت لي انكم طردوتها وانا بدوري اخذتها ووصلتها لهنا والباقي ماعرف عنها ولا شي
فواز:ابي عنوان ابو خالد؟
معاذ:ماهي فيه دورت هناك
فواز وهو يشد قبضته علي ياقه ثوب معاذ :حتى لو ابيه؟
معاذ بعصبيه:انت ماتفهم اقولك مو فيه البنت بح خلاااااص انساها دخل وقفل الباب بقوه
ضل فواز واقف يستوعب كلامه(كيف يعني بح خلاااااااص)
كان بيلحقه يكمل عليه بس عمر مسكه وسامي قام ودخل اخوه للبيت وقفل الباب
عمر فك فواز الثاير واللي اول مره في حياة عمر يشوفه كذا
عمر:فواز شفيك اهدى صل عالنبي
فواز:هذا الحقير يهدد رؤى باخوانها فيني عذبهاااااااا عذبها الحقير
عمر مسك فواز وسحبه للسياره وركبوا وفواز حط راسه على الدركسون وهو ينفس بقوه
فواز:بكاها خلاها تتعذب اهانها تحكم فيها شغلها لعب فيها
عمر:اهدى الحين ومعاذ هذا الضرب في الميت حرام واحنا خل نلقاها والله وهذا حلفت ليشوف شي يخليه يندم
المساله ماتنحل بالضرب تنحل بالتفكير والهدواءه وانا بكرهه حياته بس اصبر علي شوي
فواز رفع راسه ولف على عمر وبعيونه لمعه تحدى:اترك هالاشكال علي وبنرجع الحين ولنا رجعه هنا
فتره صمت وفواز ضاغط بيده على الدريكسون مقهور بيموت من القهر حس انه مابرد خاطره في معاذ
بس حرام له ام تنتظره له اهل والضرب بيعذبه يوم يومين مو على طول (اتقي شر الحليم اذا غضب والله يستر من نيه عمر وفواز لمعاذ)
بعد ماطلعوا نهائي من الحي لحظه صمت قطعها سوال عمر
:فواز تتوقع بلقاها
فواز :عمر لو مالقيتها انت انا اللي بلقاها فاهمني
عمر سند راسه على النافذه وصار يتامل الشارع (اه ياوخيتي مالحقت افرح انك رجعتي لنا ترجعين تضيعين والله لو تدري امي ان يوقف قلبها انا لازم الاقيها بعدين اقولهم ايه مستحيل اعلقهم بخيط مقطوع)
رجعوا البيت كل واحد له تفكيره وهمومه بس تتعلق بنفس الشخص وهي رؤى
وهو داخل البيت اذن العشاء تجدد وراح المسجد مع عمر وبعدها ودعه عمر وقاله انه بيرجع لامه حتى ماتقلق عليه

ـــــــــــــــــــــــ(16)
عند مقر شرطه بالدمام كان ابو خالد يطالع بالمبنى (يارب انك تعلم بحالي فارءف بي يارررب علشان هالمساكين اللي طالع ومخليهم وراي يارب رجيتك رحمتك)
دخل بخطوات ثقيله فكر يتراجع بس تذكر طلب ابو راشد وموقفه اليوم الفجر وجاه اصرار يكمل اللي بدء فيه
تقدم من عسكري واقف بثبات وساله:لو سمحت وين القى مكتب الضابط؟
العسكري:ليه؟
ابو خالد:جاي اسلم نفسي
اخذه العسكري لعسكري ثاني بعد ماهمس له بعده كلمات بعدها انتظر بكرسي في الممر اللي فيه العسكري وبعد مرور عشر دقايق طلع جاء العسكري نداء لداخل الغرفه اللي بتحدد مصير ابو خالد
بعدها بلحظان طلع العسكري وهو ماسك بحديده بيده رجال مبين عليه انه رجال لاعاب ومتورط بشي
خاف ابو خالد وصار يدعي ولكن قطع عليه تفكيره نداء العسكري له يتقدم لغرفه الضابط
دخل ابو خالد وقفل العسكري الباب خلفه لف بنظره للباب المقفول ورجع نظره للضابط الشاب
ملامح القوه والهيبه بوجهه
الضابط احمد:تفضل
عرف وقتها ابو خالد ان مافيه مفر والمصير بيتحدد الحين قعد بهدوؤ على الكرسي اللي امام مكتب الضابط
الضابط:نعم اخوي كيف اقدر اخدمك؟
ابو خالد ماقدر يجمع كلامه وتم ساكت
الضابط:اخوي لو سمحت ممكن اعرف ليه جاي لعندي؟
ابو خالد اخذ نفس عميق ورفع راسه وتكلم باصرار انه ينهي هالشي اللي موتره:ابي اسلم نفسي
وصار يحكي للضابط كل شي بدون حتى ترتيب للجمل حمل ويبي يرتاح منه هم جاثم على صدره
وبعد فتره من الحكي اللي ختمه ابو خالد بسالفه تهديده والشريط المصور
الضابط بهدوء:عندك نسخه من الشريط؟
ابو خالد وهو ماسك السي دي بيده مده للضابط
تشغل السي دي وكان ظاهر للضابط مجرم فار من العداله وله 5سنين وهو متابع له ولاهو قادر عليه
لان هالمجرم ذكي مره وفي كم محاوله لامساكه يقدر يهرب باللحظات الاخيره
التفت الضابط لابو خالد وطالع فيه بنظرات حاده:عندك اقوال ثانيه
ابو خالد:لا
الضابط بدء تحقيقه مع ابو خالد بكل صغيره وكبيره والعسكري يدون كل كلامهم طبعا
بعد مرور نص ساعه من الاسئله والاجوبه اللي كان ابو خالد يجاوب بكل مايعرف
الضابط:انت سهلت على نفسك باعترافك اشياء كثير اتمنى تتعاون معنا نخلص بلدنا من المخربين وبيكون الحكم بمساعدتك لنا اخف بكثير من رفضك للمساعده طبعا
ابو خالد:انا حاضر باللي تبون بس ابي اطلب طلب؟
الضابط وهو مستنكر ان ابو خالد يطلب بس قال:وشو؟
ابو خالد ابي اروح اول اتعالج وواشيل الكحول اللي بجسمي
الضابط مروا عليه من اشكال ابو خالد كثير وعرف انه بجد حاس بذنبه ولاراح يرجع له
الضابط:ان شاء الله من بكره الصباح تروح بس لازم الحين تروح التوقيف لانك للحين على ذمه التحقيق
ابو خالد وقف بصمت وكانه يقول خلاص ودوني للسجن
الضابط رءف بحاله بس عمله يستدعي ينسى عواطفه ويتعامل بصرامه:ياعسكررري
العسكر بعد مالقى التحيه قاله الضابط:خذه عالتوقيف وتوصوا فيه
العسكري اخذ ابو خالد من يده ووداه للمكانه ومكان أي واحد يحاول يخرب صوره الدوله بسلوكه المشين
الضابط احمد(طحتوا بيدي وان شاء الله هالمره اقبض عليكم) ورجع يكمل شغله


في بيت ابو خالد
رؤى كانت تلبس وهي تبكي (يارب مالي غيرك يارب)
انفتح الباب بقوه
رؤى:هلا حبيبي وش فيك؟
خالد:رؤى ليه تبكين؟
رؤى:لا حبيبي مابكي بس عيوني تعورني شوي
خالد:رؤى شوفي فجر تبي تنام وانا ابيها تلعب معي
رؤى:طيب حبيبي انت روح جهز لعبتك وانا الحين جايه اصحيها تلعب معك
اندق جرس الباب
راحت تفتح ويدها على قلبها تحسها النهايه لبست عبايتها ولفت الشيله على شعرها
طلت من عدسه الباب تتاكد انه هو
فتحت الباب
:السلام عليكم
رؤى :وعليكم السلام
دخل معاذ وقعد على الكنبه وحط رجل على رجل :عندي لك خبر مؤسف
رؤى:ابوي فيه شي
معاذ بعصبيه:ابوك مالت عليك وعلى ابوك لا مو ابوك
رؤى :اجل
معاذ:بيتاجل زواجنا شوي
رؤى من داخله طايره من الفرحه(الا خبر يجنن قال موسف قال)
كمل معاذ:والله ودي اليوم بس مايصير اكتب عقدين بيوم واحد
رؤى باستغراب:عقدين
معاذ:ايه بنت واحد من هاوامير السوق تحبني وابوها وافق نتزوج واليوم زواجنا وبعدها بسافر شهر كندا وبعدها اوعدك مصيري ارجع لك
رؤى:الف مبروك والله يوفقك
معاذ بعصبيه :بلامبروك بلاهم انا ماحبها بس وراها مصلحه فلوس وهذا اللي يهم اعبي منها بعدين اقطها مفهوم
رؤى(اه حقيييير):مفهوم
معاذ:اسمعي طلعه من البيت مافيه تقعدين ببيت ابوك لمن اجي مفهوم وانتي عارفه اني بقدر اوصلك لو تروحين القمر
رؤى(ايه والله حلمك انتظرك):طيب
معاذ:يالله بروح الحق اخذ المدام ورانا رحله وماقدر اتاخر عليها
رؤى:توصل بالسلامه
معاذ جاء وقعد جنبها وهي حست الدم بيوقف بعروقها وقفت بسرعه بس مسك يدها بقوه ورجعها
تقعد:لا مايصير كذا
ومسك وجهها بيده وصار يطالع بملامحها وهي تلف وجهها
معاذ:انتي حلوه وحلوه مره بعد
رؤى وهي تحاول تفلت يده:بعد عني
معاذ :والله لو ماوراي سفره ماكان رحت
رؤى قدرت تفلت يده وصارت تفرك مكان يده اللي بينت بوجهها الناعم
معاذ تنهد بداخله وقام وعيونه معلقه برؤى وهمس لها :باي
وطلع من البيت
رؤى قعدت بتعب:روح الله يفكني من شرك اه يارب صبرني انا لازم اخذ اخواني ونروح لها محد بيعرف عننا شي واحنا عندها مستحيل ايه لازم والبيت باجره حتى اقدر اصرف على اخواني
راحت غرفه اخوانها ولقت فجر نايمه وخالد يلعب
بوست فجر وغطتها زين واخذت خالد تلعب معه بالصاله وهي قررت تنفذ اللي براسها
في بيت عمر
دخل عمر وجهه مهموم ومانتبه لامه اللي بالصاله
مشى مكمل طريقه للدرج
ام عمر:عمور فيك شي؟
(ام عمر عمرها ببدايه الخمسينات بس يبين عليها انها بالثلاثينات اناقتها معروفه بين الكل وطيبه قلبها وتسامحها وتواضعها مع الكل بالرغم من الخير اللي عندهم الا انها ماتهمها هالامور بس تعرج لانها صار لها حادث قبل 4سنوات مع زوجها وتوفى زوجها وهي الركبه عندها تهشمت واستبدلتها بصناعيه)
عمرلف على امه وابتسم في وجهها لانها اكثر وحده تعرفه اذا تضايق ولو اصرت عليه بيقول اللي عنده:اسف يالغاليه مانتبهت لك
ام عمر بزعل :افا وانا امك وش طولي وعرضي مانتبهت –غمزت له-من اللي ماخذه عقلك
ابتسم عمر على تفكير امه تحسبه يحب وهو وين والحب وين:افكر فيك
ام عمر:يمه منك بتاخذني بالحكي يالله روح بدل وانزل تعش
عمر:لا يالغاليه مابي ابي انام
ام عمر بخوف:عمر فيك شي؟
عمر:لا بس واحد من اصدقائي مريض ورحت زرته وتوي جاي من عنده(اسف اني كذبت عليك ياغلى ناسي بس علشانك والله علشانك)
ام عمر بشك وهي عارفه انه كذب عليها ومايكذب الا اذا فيه شي كبير:على راحتك يمه بس انا بخلي اكل بالثلاجه لو جعت حطه بالميكرويف واكله زين
عمر وهو يبتسم:للحين تعامليني كني بزر
ام عمر:لايغرك طولك اللي مدري وين بيوصل ولا شورابك اللي كل يوم وانت محلقهم وتخلي منهم شوي اثبات انه لك شوراب بتبقى عموري
عمر ضحك من قلب على اسلوب امه الشبابي والمتعود عليه:وش دراك بالموضه هاذي يسمونها الشوراب المحفوفه –وهو يرفع حواجبه-البنات يخقون علي بعدين
ام عمر وهي تضحك:الحين تاكدت انك تحب منهي ؟
عمر يبي يخلص من هالتحقيق لانه لو ضغطت عليه اكثر بتدري وش فيه:بعدين الحين بنام ماشوف دربي
طلع عمر بعد ماغيرت امه جوه شوي بس رجع الحزن لوجهه لمن شاف الغرفه اللي في كل بيت يسكنونه تكون غرفه رؤى اللي يتغير اثاثها سنويا طبعا هاذي رغبه ام عمر وابو عمر قبل لايموت لان عندهم امل ان بنتهم ترجع لهم طال الزمن او قصر وكمل طريقه لغرفته
مدد جسمه بتعب على فراشه حتى مابدل ومن كثر التفكير نام وهو يدعي ربه انه يلقى اخته ويفرح قلب امه
اما ام عمر(يارب انك تكشف همه وتزيل كربه وتساعده وتفتحها بوجهه وتناوله اللي يبي يارب ويرجع اخته لي سالمه )دمعت عينها مستحيل تدعي لعمر او عبدالعزيز او حتى ابو عمر الا تدعي لرؤى معهم
عند فواز
دخل البيت بعد ماصلى العشاء مع عمر في المسجد القريب من بيتهم
الكل كان مجتمع بالصاله باستثناء ساره وعبدالله
فواز بجمود:السلام عليكم
ابو عبدالله:هلا يبه وعليكم السلام هاه بشر؟
فواز :مالها اثر ابد
ام فواز وهي حاسه بالذنب تعتبر نفسها سبب من اسباب ضياع رؤى اكتفت انها تسكت
دلال:سبحان الله هالبنت قصتها غريبه عجيبه انا عالبالي هالقصص اللي اسمعها خيال طلع الواقع اصعب من الخيال
ام عبدالله بضيق:فواز حبيبي روح ارتاح وخذ شور على ماجهز لك العشاء
طالع بامه بانكسار:لا مابي عشاء بس بطلع انام تصبحون على خير
الكل :وانت من اهله
دلال:والله مو عاجبني حاله من صار اللي صار وهو كذا
ابوعبدالله:بينسى
فواز طلع الدرج يبي يروح جناحه بس لمن وصل للدور العلوي غير مساره وراح لغرفته القديمه غرفه رؤى
فتح الباب بهدوء
استقبلته ريحه الافندر غمض عيونه بقوه وكانها ألمته ذكراها من يومين فقدها بس يحس لها سنين مسكين ياعمر عذابك كبير
تقدم لداخل الغرفه وسكر الباب وراه الغرفه مرتبه وكل شي مكانه الا واحد من ادراج الكبت له كان فاضي وصارت فيه اغراض رؤى
قعد على السرير وكله تفكير وين بتروح؟معاذ يعرف مكانها؟
رفع جواله بعجله وبحث بقائمه اسمائه عن رقم مايدق عليه الا نادرا
وضغط على زر الاتصال وبعد ثواني جاه الرد:هلا والله بفواز


فواز:السلام عليكم
:الحمد لله بخير وانت؟
فواز:الله يسلمك
:امرني
فواز بارتباك:مايامر عليك ظالم بس بغيت تعرف لي تحركات معاذ ابن ......ال........
وعنوانه .........................
واتمنى بسرعه ترد علي
:ابشر ماطلبت شي يابو غلا
فواز ابتسم على كلمه ابوغلا مره يضحكون عليه الشباب بالاستراحه وصارت
كنيته بينهم :مشكور ماتقصر
وقفل من صديق قديم له ومعروف عنه لو احد يبي شي مايتردد يطلبه منه بس طبعا كل شي بحسابه
قام وراح جناحه بعد ماتاكد انه قفل الغرفه وراه مايبي أي شي فيها يتغير وخاصه ريحه اللافندر

الساعه10 وربع مساء
عند رؤى
كانت مبسوطه شوي لانها تخلصت من معاذ عالاقل هالفتره وهي مصممه على اللي في بالها
ناطرت خالد وفجر اللي نايمين جنبها ضمتهم وحطت راسها وهي تفكر في فواز وتانيب الضمير
والخوف عليه مو مخلي جفنها يغفى او ينام
بيت ابو عبدالله
دخل فواز جناحه بتعب الظهر جاء بس ماصعد فوق نام بالمجلس
رمى شماغه على غير عادته اخذ منشفته واخذ له شور سريع وهو طالع ينشف شعره انتبه للورقه
اخذها بلا مباله وكان نيته يرميها بالزباله لانه مايحب العفسه
انتبه انها رسمه وفز قلبه مسكها بيده الثنتين وكانه يتاكد من وجودها
قعد على سريره وهو حاس ان هالرسمه حلم مو حقيقه شي ماكان مصدقه ان رؤى جت هنا قبلهم
مسك الرسمه بيد مرتجفه ومشاعر متناقضه خوف حب شوق الم فراق دهشه
الرسمه كانت صورته ايه صوره ماكانها رسمه من الاتقان فيها
رجع يطالع بالجوال وقام بسرعه شاف تاريخ ارسال اخر رقم وكان المسج اللي جاه دق بسرعه على جوال حصه
لقاه مغلق راح لغرفه التبديل
بدل ملابسه بسرعه ونزل
كل اللي في الصاله انتبهوا لركضه فواز عالدرج طلع من غير مايقول لهم ولاكلمه
والكل علامات الاسغراب والاستفهام على وجهيهم
دلال:وش فيه
عبدالله:قايم اشوفه
طلع عبدالله ولقى فواز طالع بسيارته من بوابه الفله
عبدالله(الله يبرد قلبك ويطفي نارك ياخوي ويناولك اللي تبيه وفيه الخير لك)
رجع عبدالله الصاله وهو متضايق على حال اخوه جرب احساس الحب ببنت عمه وتخيل انها تبتعد عنه
مجرد الفكره هزته وخلته يدق على فهد بدون تردد
فهد وعنده زحمه:هلا والله وغلا
عبدالله:هلا فيك شخبارك؟
فهد:بخير جعلك بخير وانت؟
عبدالله:تمام
سكت عبدالله وش يقوله عطني اختك اكلمها حس باحراج
فهد بخوف:عبدالله وش فيك ساكت عمي فيه شي ؟
عبدالله:لا مافيه الا الخير ليه تتفاءل بالشر
فهد:سكوتك خوفني
عبدالله باحراج:فهد انت وين؟
فهد:بالبيت(قصرعالتلفزيون)اتابع اعاده المباراه
عبدالله وهو حاس ان بدى جبينه يعرق من الاحراج:امممم شخبار مي؟
فهد بخبث:خخخخخخخخ الله ياخذ بليسك قلها من الاول تبي تكلمها لحظه اناديها
عبدالله(لبى فهود فهمها وهي طايره)
فهد:اسمع بخليها تطلع برا عند الجبال خلها يمكن تطلع لك شوي من رومنسيتها وافلامها
عبدالله بابتسامه وهو يتذكر شكلها وقت الخطوبه:صوتها غزل بالنسبه لي
فهد:اوه اوه مقدر انا اخاف تخرب اخلاقي لحظه وصار يصارخ(مي))
عبدالله في باله(اشك ان هالثور الخشن اخو عصفورتي خخخخخخخخ)
جت مي لفهد :هلا
فهد: تعالي معي وطلع فيها الحوش خذي كلمي حط السماعه باذنها زدخل البيت
استغربت مي وتكلمت بهمس :الو
عبدالله:لبى الالو وصاحبه الالو
مي وجهها الوان:..............
عبدالله عرف انها قابله طماطه:شخبارك؟
مي بهمس وصوت متقطع:تمـ..ا..م
عبدالله يبي يكسر حاجر الخجل اللي بينهم:انا الحمد لله بخير اسال عنك دامك ماسالتي؟
مي حاولت تكتم ضحكها :ههه
عبدالله:شكلك ناويتني احجر هاللحين باول طياره ولا اجيك سياره
مي وجهها حار واحمر:.......
عبدالله بجديه جذبت مي:مي
مي بخوف وبهمس:هلا
عبدالله:مي والله احبك الله لايحرمني منك
مي تحس الارض دارت فيها اعترافه كان صريح وبدون مقدمات اول مره يقولها لها بالهجديه اللي بصوته
عبدالله:مي ملكتنا بإجازه الربيع الجايه يعني تقريبا بعد شهر اوكيه؟
مي بصوت بالموت ينسمع:اوكيه
عبدالله حس براحه بس سمع همسها وتخيل كيف وجهها من تسمع صوته يقلب احمر
عبدالله:مي خفي علي شوي
مي :ههههههه
عبدالله:اه يالله قبل اتهور واركب سيارتي واجيكم تصبحين على كل خير ياوجه الخير
مي:وانت بخير
قفلت منه الجوال وضمته(اه منك ياعبادي جننتي وهبلت فيني الله لايخليني منك ويخليك ويحفظك لي)
دخلت وهي للحين وجهها احمر وعلى وجهها ابتسامه طبعا خجلها كان من اخوها انها تعرف انه بيعلق عليها
فهد يبي يحرجها :حلفت بعد 10 دقايق زياده
مي نزلت راسها بالارض وتحس انها بتبكي:اسفه ومدت الجوال بيد ترتجف
سحب يدها وقعدها جنبه على الكنبه :حلالك الجوال وصاحب الجوال ولو تبين تكلمينه بالساعات كل يوم ماعندي مشكله حطت يدها على وجهها وبكت
فهد توهق:لا لا ليش البكي والله كنت امزح
مي وهي تسمح دموعها اللي نزلت من خوفها من نبره العصبيه بصوت فهد ابتسمت:لا عادي
فهد قرص خدها:اوووش خلاص لو يشوفك عبدالله والله لاأودع اخر ايامي مع أهلي هاليومين
ابتسمت بحياء وهي تمسح اثار دموعها:عن اذنك طالعه انام وراي دوام بكره
صعدت غرفتها وفهد (الله يهينك ياأغلى خواتي ويسعدك ياغلى صديق وأخ
ويساعدني على اني انسى حبك اللي انبليت فيه لك ياساره ليه ليه تسوين كذا مافيه مبرر اناادري ان كله من السوسه بنت خالتك بس ليه تسمعين كلامها ليه انا لازم اتفاهم معها بس كيف؟)

الساعه 12مساء
كان يدور بشوراع الدمام بلا هدف تعب من كثر مايدور عليها وقف عند اكثر مكان يحبه ويرتاح له
فتح ازارير قميصه العلويه وهو يتنفس بعمق (اه ياروح وقلب فواز ليه تروحين وتخليني ليه بس ابغى اعرف وين مكانك وربي لاجيبك وراسك مرفوع انا نفذت وعدي ولقيت اهلك قبل تاريخ السنه الجايه بس انتي اللي وين رحتي وخليتي اهلك اللي من 11سنه يدورونك واخيرا لقيوك وترجعين تضيعين حذف حصى بيده بقوه بين امواج البحر الثاير وكنه يعكس اللي بداخل فواز ويوصف حاله شعوره
مد نظره لاخر امد بالبحر ماله نهايه همه خلاه يفقد قدرته على التركيز
حبها اضعفه صار يسترجع كل همسه منها كل كلمه كل دمعه
تذكر اخر مره مرضت طاحت بين يدينه رفع يدينه لعيونه
وصار يتاملهم(اه يارؤى مسكتك بيدي هذي )ضم يده على صدره كنه يدور على أي شي يعطيه الامل
انه بيشوفها قريب
قطع عليه تفكيره جواله وكان سمير صديقه اللي طلب منه يراقب معاذ
رد بلهفه:بشر؟
سمير:اسمه معاذ بن...بن .....ال........
يشتغل سكرتير ببموسسه ترك شغله من سنه ونص
وهو حاليا برحله متوجهه لكندا وعودته بعد شهر طلع من بيته لبيت التاجر ......بن....... وتوجه ومعه بنت للمطار
فواز دق قلبه بقوه:وش اسمها؟
سمير:اسمها لولوه بن......بن...... وهي بنت صاحب البيت اللي راح له معاذ
فواز بخيبه امل لانه مابيقدر يعرف عن رؤى شي من معاذ:مشكور سمير وحقك بيوصلك بكره ان شاء الله
سمير:ماتقصر واحنا بالخدمه دايم
قفل من سمير وهو ينهد ورجع من جديد يغوص بأفكاره

في اليوم الثاني
ببيت ابو فواز
عبدالله عقب مارجع من الشركه راح لامه بغرفتها وطق الباب
ام عبدالله:تفضل
دخل عبدالله :السلام عليكم(وباس راسها)
ام عبدالله:هلا والله وعليكم السلام والرحمه كيفك يمه؟
عبدالله:بخير انشد عنك؟
ام عبدالله:انا بخير هاه ابوك وفواز جاو؟
عبدالله:ابوي مر جارنا ابو سلمان يسلم عليه دقايق ويجي وفواز استاذن وطلع من الساعه 10وقالي مابيجي عالغداء
ام عبدالله وهي تتنهد بخوف على ولدها:الله يهديك ياصباح على طردتك لها ولدي بيروح مني
عبدالله بتردد:اقدر اكلمك بموضوع
ام عبدالله وهي تجلس بصاله جناحها مع ولدها:هلا يمه وش تبي؟
عبدالله بحرج وتوتر:اجازه الربيع اللي بعد شهر ابي تكون ملكتي على بنت عمي وبالصيف الزواج
ام عبدالله بكل فرحه:اخييييرا بتفرحني فيك الله يباغني عيالك وعيال فواز
عبدالله:يعني موافقه اكلم ابوي يكلم عمي؟
ام عبدالله :ايه يالغالي الله يوفقك ويهنيك ومي خوش بنت ادب وحياء كامله والكامل الله
عبدالله يستهبل على امه:يمه قلبي
ام عبدالله بهلع :سلامه قلبك وشفيييك؟
عبدالله:طريتي اسمها قدامي
ضربته بالخداديه اللي جنبها وهو مسك وهو ميت ضحك على امه
ام عبدالله:قوم من وجهي بدل وانزل نتغدا والله يعينك يامي على مابلاك
عبدالله وغمازته على خده ويده علي قلبه وبنعومه:يوه قلبي مره ثانيه
هنا ام عبدالله ماتت ضحك على ولدها ودخل ابو عبدالله بهاللحظه:عساه دوم الضحك ضحكوني معكم؟
ام عبدالله:ولدك يبي ملكته على بنت عمه بالاجازه الجايه اللي عقب شهر والعرس بالصيفيه
ابوعبدالله:على بركت الله الله يهنيك ياولدي وان شاء الله بكلم عمك ومابيكون عنده اعتراض
عبدالله:الله يبارك فيك يالغالي وانا بقوم ابدل عن اذنكم
طلع عبدالله من عند امه وابوه وهو طاير من الفرحه
ام عبدالله:اللي يبلغني عياله وعرس فواز
ابوعبدالله:الله كريم ان شاء الله يالله ننزل الغداء جاهز
ونزل الكل يتغدء باستثناء فواز

بالمزرعه
فواز كان قاعد بالصاله الزجاجبه للمزرعه توقع انها ممكن تكون هنا عند خيلها بس خاب ظنه
ماجت هنا ابدا يقول شريف والخيل بمكانه ماتحرك تنهد بهم ومدد جسمه عالكنب بالصاله وراح بسابع نومه


ــــــــــــــــــــــــ(17)

كان يمشي بطفش صحى بعد نومته عالكنب ورقبته تعوره
متضايق وماله خلق شي مششى برى والجو روعه لانه اجواء الربيع بالدمام مره حلوووه
سمع صهيل الخيل مشى عندها بطفش
بس وقف عن المشي لمن شافها واقفه عندها تمسح عليها ايه عيوني ماتكذب هاذي رؤى
صرخ :رؤؤؤؤؤؤى
فز من نومه حلم كانت يدي رؤى فيها تنزف لمن لفت عليه
تعوذ من ابليس وانتبه للساعه الساعه 4العصر وللحين ماصلى العصر توجه للمغاسل وتوضى وصلي وهو يدعي بسره ان الله يحفظ رؤى ويكون حلمه من الشيطان ولايصير لها ضرر

الساعه 12 الظهر
قاعد بزاويه من الغرفه غرفه مضلمه مع إنهم في عز النهار شي يعذب تكون محروم من اهم نعم الله علينا الشمس محروم تشوف اشعتها وتبعث شوفتها فيك الامل معه 5اشخاص يشاركونه هالغرفه اللي حتى شباك مافيها
خاليه تماما من أي وسيله من وسائل الترفيه
بابها قضبان أحكم العسكري إغلاقها عليهم
ابو خالد من دخل وهو يبكي استوعب نفسه استوعب ضربه لرؤى وعياله بشكل شبه يومي
(لهدرجه تبلد عندي الاحساس ام خالد الغاليه زعلانه علي الحين اغلى الناس عندها عذبتهم بدل ماأحافظ عليهم
سلمتهم لمعاذ وقلت له تصرف فيهم اهم شي يجي فلوس اشتري هالسم (جمع قبضه يده وصار يضرب راسه)انا غبي وين عقلي ويييييييين )
تكلم احد الموجودين:خير يالاخو وشفيك ليكون مجنون؟
ناظر فيه ابو خالد بحده وبعيون محمره من البكى خاف اللي تكلم وقرر يتقى هالشخص الثاير قدامه
رجع راسه على ركبته وهو مستمر فيه تانيب ضميره ونفسه
~بس بعد وشو يابو خالد بعد ماضيعت نفسك وعيالك؟؟


الساعه 2ونص
كان مشعل قاعد مع زوجته وبنته وسن
البيت مكركب شوي بما انهم صار له بكندا اكثر من سنتين
انتبه من سرحانه على صوت زوجته
غاده:مشعل وشفيك ماتتغدى؟
مشعل :شاغلين بالي عيال ام خالد الله يرحمها بتغدى واروح لهم
غاده(ياربي منهم مافيه فكه يعني):طيب تغدى اول
مشعل :طيب
بعد دقايق دق جرس الباب استغرب مشعل محد يدري بجيته الا حصه وحصه بجده
راح يفتح الباب واتسعت عيونه
خالد:خالووو (وتعلق برجل خاله يحضنه)
مشعل :رؤى
رؤى يالله نفس عيونها الله يرحمك يالغاليه :خالي مشعل
مشعل وهو يبعد عن الباب حتى يدخلون
مدت يدها تصافحه بس هو سحبها لحضنه من اول ماجت رؤى عند ام خالد لمن قبل تموت بسنه وهو اللي يهتم فيها يلعب معها كان يعتبرها اخته بنته
بعدها وهو يسالها بحنان:رؤى ماشتقتي لاخوك
رؤى كانت بتتكلم بس غاده زوجه مشعل جت :اها رؤى هنا
مشعل بعصبيه مكتومه من تعامل زوجته اللي تغار من رؤى بجنون لان رؤى جميله جدا وكم مره تهاوشت مع مشعل بسبب انه يسلم على رؤى ويقعد معها ويسولف وهي تعصب بس هو يطنشها
سلم على عيال اخته وصار يبوسهم تذكر اخته تذكر لمن كان عايش عندها قبل لايتزوج ويروح لبعثه في كندا
قعدوا بالصاله
مشعل:شخبارك يبه رؤى ؟
رؤى:بخير ياخالي انت كيفك وكيف وسن؟
غاده بعصبيه وهي تهز رجلها دليل على العصبيه:وسن نايمه
مشعل يعرف ان زوجته طيبه حيل بس غيرتها الشديده تعميها مرات وهو يقدر موقفها فقالها:ام وسن
غاده :هلا
مشعل:تشربينا شي من ايدك الحلوه
غاده بكل هدوء لانه تستحي من يقولها ام وسن:حاضر
رؤى:خالي انا جايه لشي معين ابي اترك فجر وخالد معك
مشعل:العين يايبه اوسع لكم من البيت
رؤى:فجر وخالد اللي بيقعدون انا ماراح اضل هنا
مشعل:ليييييييه؟
رؤى:.........

في مكان ثاني وجديد علينا
الساعه3ونص العصر
واقفه قدام المبني المتوسط حجما والانيق لدرجه متوسطه
خايفه مره ودمعتها بعينها بعد ماتركت فجر وخالد عند خالهم مشعل الانسان الوحيد اللي بيدراي عليهم
ويخاف عليهم ومستحيل يفكر الا بمصلحتهم اقنعته برايها بصعوبه وهو وافق لانه عارف غيرة زوجته يمكن تاذيها ولانه يثق برؤى وقراراتها
قررت تجتهد وتاخذ الشهاده ووتشتغل وتسكن هي واخوانها وابوها بمكان بعيد عن معاذ بعيد عن ابو راشد بعيد عن المشاكل اللي تلاحقها بعيد عن كل شي ينغص عليها حياتها
صحها من سلسه افكارها الحارس عند الباب اللي الشيب اخذ من شعره ولحيته كثير:نعم يابنتي
رؤى بصوت هامس:استاذه هند موجوده؟
الحارس:والله يابنتي مدري تقدرين تدخلين لها اولا بس لحظه
وبعد مده 10دقايق تقريبا
طلع الحارس:استاذه هند مشغوله شوي تقدرين تنتظرينها داخل تفضلي
انفتحت بوابه المبنى ودخلت للحوش كان عباره عن حديقه واسعه مرتبه مره ومزروعه باتقان وروعه اعطاها الخالق لمخلوقاته تاملتها وجاها صوت من عند البوابه الداخليه وحده في العشرينات او الثلاثنيات لابسه تنوره رسميه ومبين عليها الجديه:تفضلي لو سمحتي
دخلت رؤى وهي ميته خوف ماتدري هاللي سوته صح أو خطا بس اقنعت نفسها ان مافيه حل ثاني ماعندها الخيار ماتبي تعيش عاله على احد ولا تثقل على احد او تحرجه لازم تعتمد على نفسها
في نهايه الممر اللي مشته انفتح مكتب انيق وبسيط:تفضلي
دخلت رؤى وهي تقرا الاذكار والمعوذات لعل يهدى نبضها اللي تحسه وصل للالف:ارتاحي هنا لمن تخلص الاستاذه هند شغله
رؤى قعدت وقالت بحرج:شكرا
بعد ماقعدت رؤى تكلمت المرأه اللي استقبلتها :انا استاذه نجوى نائبه استاذه هند
وقف رؤى مدت يدها وابتسمت بخفه:اتشرفت فيك
نجوى:شكرا حبيبتي تفضلي استريحي وش تشربين؟
رؤى :تسلمين شكرا
نجوى:اذا انا مشيت انك ماتبين شي استاذه هند ماتمشي
رؤى بابتسامه:مويه
نجوى ضحكت:مويه مويه ان شاء الله
رفعت السماعه :ام محمد مويه لو سمحتي
نجوى بعد ماسكرت السماعه:ممكن اعرف سبب الزياره
رؤى بحرج طالعت فيها وابتسمت:انا شفت استاذه هند مره بالندوه العالميه قبل شهرين تقريبا واعطتني كرتها وقالت لي لو احتجت شي اجيها بيوم من الايام
(الندوه العالميه للشباب بالسعوديه جمعيه خيريه لاجراء الندوات وتثقيف المجتمع وحل اغلب مشاكل الشباب بشكل عام تقوم حياه الشاب المسلم على تعاليم دينه وتساعده على ممارسه حياته بالشكل الافضل )
عرفت نجوى ان رؤى منحرجه تقول لها سبب الزياره:جات المويه
دخلت عجوز احنى الهم والكبر ظهرها والطيبه والنور يشعون من وجهها اللي جعده مرور الزمن
قامت رؤى وراحت لها وامسكت الصينيه منها :شكرا ياخاله
ام محمد بابتسامه:الله يجزاك الخير يا..وش اسمك يمه؟
رؤى بحرج وخدود توردت:اسمي رؤى
ام محمد:عاشت الاسامي الله يخليك لعين ترجيك ويحفظك على جمالك يابنتي
رؤى مره استحت:تسلمين ياخاله
ام محمد:الله يسلمك يمه هاه استاذه نجوى تبين شي ثاني؟
نجوى بابتسامه من تصرف رؤى لمن اخذت الصينيه من ام محمد:مشكوره ياخاله تقدرين تروحين
ام محمد طلعت لفت رؤى على نجوى وابتسمت لها رؤى بعد ربع ساعه اندق التلفون عند نجوى ورفعت السماعه:اهلين
.....اوكيه......اوكيه سكرت السماعه ووجهت كلامها لرؤى:تقدرين تدخلين لها
مشت لعند الباب اخذت نفس ودقت الباب بهدوء
جاها صوت من الداخل ياذن لها بالدخول ودخلت:السلام عليكم
هند:وعليكم السلام ورحمه الله وبركاته تفضلي حبيبتي
رؤى وهي تجلس بالكرسي المقابل مكتب هند:شكرا
هند:وش تشربين ؟
رؤى بحرج:تسلمين شربت خلاص
هند:لا مايصير طيب وش رايك نطلب لنا كوفي ونسولف؟
رؤى :اوكيه
(هند انسانه فيها امثالها كثير بعالم الخير طيبه لابعد درجات الطيبه حنونه عمرها 49سنه لها ثروه ورثتها عن زوجها المتوفي من 10سنوات كرستها بالخير سوت دار صغير للبنات اخذتهم من دار ايتام بالرياض وتكفلت فيهم
عددهم 9بنات راح نتعرف على قصتها بالتفصيل مع احداث الروايه )
طلبت هند الكوفي ولفت على رؤى:كيف اقدر اساعدك؟
رؤى:انا شفتك قبل شهرين بالندوه العالميه للشباب الاسلامي
القيتي محاضره عن نعمه الام والاب كانت محاضره روعه ويومها سلمت عليك مع العضوه والمشاركه دلال
هند وكنها بدتت تتذكر:ايه ايه انتي رؤى
رؤى:ذكرتيني؟
هند بابتسامه:واحد يشوفك وينساك صدقيني من شفتك وانا قاريه اللي بعيونك وتمنيت اصادفك مره ثانيه وهذاربي حقق لي امنياتي
رؤى:تسلمين
سكتت رؤى وماهي عارفه كيف تبدء كلامها مع هند
هند قدرت سكوتها وبان على ملامحها انها متقطعه من الحياء:رؤى
رؤى:لبيه
هند:لبيتي في مكه حاجه وانا معك (وضحكت)
رؤى حست بالراحه ابتسمت ابتسامتها المعهوده عنها وكانه انكسر شي من الحياء اللي بداخلها وقررت تتكلم بشجاعه :استاذه هند انتي تكلمتي اخر الندوه بانك فاتحه دار للايتام وبتسوين لهم حفل ودعيتي الناس هناك
بجد استاذه انا ارتحت لك وادري ان الدار تبعك وانك اخترتي البنات اللي فيه من الميتم بعنايه
وانهم بجد محظوظين اللي ربي رسلك لهم بصراحه ترددت كثير اجي او لا
انا بنت عمري 19 دارسه إلى أول جامعه وماجله السنه الحاليه لظروف والدراسه باديه صار لها اسبوع تقريبا
اتمنى اكمل دراستي حتى اساعد عيال الحرمه اللي ربتني من بعد ماكنت بالمستشفى لمده طويله فقدت اهلي بظروف غامضه لقيت نفسي وانا بالمستشفى فاقده للذاكره ماذكر أي شي وش صار او من انا او حتى كم عمري
عمري حدده الدكتور المشرف على حالتي لمن دخلت بغيوبه بعد وصولي للمستشفى وتميت بغيبوبه لمده سنه ونص بعده اخذتني امي ام خالد كانت ممرضه بالمستشفي اللي كنت فيه وعشت عندها ربتني احسن تربيه بس قبل سنتين (هنا دمعت عيونها كل ماتذكرت ايام وفاة ام خالد بكت)
هند طالعت بعيون رؤى اللي جذبتها وانتبهت للدموع بعيونها تكلمت بحنان:رؤى حبيبتي اذا تبين ترتاحين وتكملين لي بعدين ماعندي مشكله
رؤى ابتسمت من بين دموعها اللي مسحتها بيدها:كانت غاليه علي مره كل ماذكرتها بكيت اسفه
هند:لا حبيبتي اذا تقدرين كملي
رؤى اخذت نفس وكملت:ماتت بمرض سرطان الدماغ اكتشفوه عندها متاخر وعجز الطب عنها بعدها ابوي ابو خالد اللي رباني تغير حاله مره ومعد اهتم فيني انا وعياله تحملت كثير بس ماعد اقدر لازم ادرس واشتغل واصرف على اخواني واربيهم زي ماسوت معي امهم الله يرحمها
انا لمن جيت هنا كنت ابي..
قاطعتها هند:رؤى
رؤى:نعم
هند:رؤى توعديني تكملين دراستك مع خواتك بالميتم وتتفوقين
رؤى ماستوعبت كلام هند طالعت فيها باستغراب
هند :ايه يارؤى ابيك هنا معنا مع بناتي لمن توصلين للي تبين وانا بكون معك خطوه بخطوه
رؤى خانتها دمعه وابتسمت :شكرا
هند:ابي تشكريني بمستوى ارفع راسي فيه
تكلمت رؤى بفرحه:الله يجزاك الجنه
هند ارتاحت لرؤى كثير حست انها تعرفها من زمان وهذا راي أي انسان يقابلها:طيب
وش رايك تروحين معي اوريك بيتنا واوريك خواتك
رؤى:طيب
مشت مع رؤى وطلعت عالحديقه:هذا احلى مكان عندي دايم اجتمع مع البنات نسهر مع بعض هنا
وننبسط ونلعب برشاشت المويه ولا نسوي جسر صابوني ادري بستغربين لاني عجوز
رؤى:لا والله عادي
هند:هههههههههه اني عجوز حاجه افتخر فيها لاني عشت الحياه بكل اللي فيها حلو ومر(ورجعت نظره الحزن اللي لاحظتها رؤى في عيونها من اول مادخلت)
هند:رورو
رؤى باستغراب:رورو
هند:ايه حنا هنا لازم ندلع بعض يالله الحين بوديك تتعرفين على خواتك
رؤى:اوكيه
دخلت رؤى مع هند للمبني من البوابه الرئيسه دخلوا عالصاله كانت كبيره وفخمه مره بعدين جنبها غرفه طعام بعد فخمه وب22كرسي بعدها طلعت من قسم الضيافه
وراحت لقسم البنات اول شي قابلها صاله بنك كيوت مره
هند:هاه كيف حلوه؟
رؤى:مره حلوه
هند: الحين بنروح لمقر كل وحده
دخلت على غرفه صغيره كنها محل خياطه كان فيها اربع مكنات خياطه ووراها 4بنات تقريبا
هند:السلام عليكم
قاموا البنات من كراسيهم وسلموا على راسها
الاء:هلا وغلا نور مشغلنا
نور:مرحبا الساع والله
غلا:تو مانور المكان
العنود:وش هالطله الحلوه الله لايخليني منها
هند بابتسامه:كيفكم؟
البنات:تمام
هند:هاه كيف الشغل معكم؟
البنات:تمام
هند وهي تضحك:علقتوا تمام وتمام ماعلينا اليوم بعرفكم على اختكم رؤى؟
الاء بحماااس :واخيرا صرنا 10 بنات يسسسسس
العنود تقدمت لرؤى وصافحتها:اهلين انا العنود عمري 21سنه طالبه بالجامعه سنه ثالثه تخصص انقلش
غلا:وانا غلو عمري 23 بعد طالبه انقلش اخر سنه
الاء:عاد انا لولي عمري 22 تخصص لغه عربيه
نور:اهلين انا نور يدلعوني نوري عمري 20 ادرس ثاني سنه طب عيون
رؤى (ماشاء الله عليهم واو وناسه بقعد معهم ):اهلين انا رؤى عمري 19 ادرس سنه ثاني نظم معلومات
الاء:واو ماشاء الله نوري جت لك اخت دفره ابشرك تؤازرك
ضحكت هند من كل قلبها على الاء هي مصدر الضحكه في الدار :يالله بروح اعرفها عالباقين ورتبوا لها مكانها
غلا:من عيوني كل ماتامر عليه ياقميل
هند:يالله انتي وهي بلاعبط قدامي واحنا يارؤى باقي نتعرف على باقي خواتك وهم كبرك تقريبا
رؤى :ماشاء الله عليهم كلهم يدخلون القلب ومستوياتهم التعليميه مرتفعه
هند:والباقين مره بيعجبونك وفيه وحده نفس تخصصك
رؤى بفرحه:جد
هند :ايه يالله وبتنبسطين مع التوام؟
رؤى:الله وناسه فيه توام
هند :الله يعينك قعدت سنتين افرق بينهم


تحمست رؤى تشوفهم تحب التوام ودايم تسبح ربي اذا شافتهم تحس انه شي غريب وحلو وهذا كله من قدره الخالق جل جلاله على الخلق والتصوير
دخلت مرسم كان صغير بس كل جدار فيه رسومات تدل على ابداع رسامها
كانوا التوام رتيل ورتال يلعبون بالالوان
هند:مساء الخير بنات
رتيل ورتال:مساكي النور يمه (وباسوا راسها)
هند:وش هالحوسه
رتيل:يعني ماتعودتي على حوستنا بالمرسم
رتال:معليك نفس العاده كل شي بيترتب
هند:حلو حابه اعرفك على الفرد ال10بينكم
رتيل ورتال يطالعون ببعض وانتقلوا ببصرهم لرؤى
هند:هاذي رؤى اختكم سلموا عليها
رتيل وهي تسلم عليها:انا رتيل 20سنه ادرس هندسه ديكور
رتال:نفس الموجه اللي انقالت
الكل ضحك على تعليق رتال
رؤى:اهلين انا رؤى نظم معلومات 19سنه
رتيل+رتال:واو زي حنين تخصص حلو بالتوفيق
رتال:لاعد تقلديني
رتيل:انتي اللي قلدتي
هند بضحكه:بس انتي وهي يالله نظفوا وراكم الحوسه وترتبوا ولحقونا الصاله
رتيل+رتال:اوكيه
ورجعوا يتهاوشون طلعت هند من عندهم مع رؤى:الحين باقي 3 وحده كبرك والثنيتين اصغر منك
رؤى كانت مره مبسوطه في البنات وهند وتحس بفرحه وراحه مو طبيعيه
دخلت غرفه تحميض صور كانت مظلمه ووحده فيها ولابسه نظاره وبس شافت هند:هلا والله وغلا منوره الحته
هند:تعالي لنا برى
طلعت سماح من غرفه التصوير:بصراحه سبرايز حلو من يومين ماشفتك
هند:وانا والله وحشتوني بس تعرفين مشاغل حبيت اعرفك على اختك رؤى
رؤى ابتسمت لسماح ومدت يدها وصافحتها سماح بفرحه:الله وناسه صرنا 10 كيفك رؤى؟
رؤى بهدوء:الحمد لله تمام
سماح:جعله دوم
هند:سماح يارؤى ماتدرس خلصت ثانوي هالسنه وعمرها 18 سنه واخذت دوره بمجال التصوير والحين هي داخله هالمجال بقوه
رؤى:مره حلو التصوير الله يوفقك
سماح :وياك يارب
هند:يالله سماح خلصي اللي بيدك وتعالي الصاله
وانتي يارؤى باقي ثنين وكانوا بغرفتهم
هند وهي تناديهم:حنين ..شهد
جت شهد وركضت وضمت هند
هند وهي تبوسها:هلا والله وغلا بنور البيت
شهد بحياء:هلا فيك ياشمعه البيت وسراجه
هند:ياويلي على هالبنت الله يخليك لي قولي امين
شهد بهمس:امين
هند:شهوده هاذي رؤى اختكم ..رؤى هاذي شهد اصغر وحده تدرس بثالث متوسط عمرها 15سنه وباذن الله بتتخرج بنسبه ترفع راسي فيها
رؤى:تشرفنا
شهد:الشرف لي اتفضلوا ارتاحوا بجيب لكم شي تشربونه
هند:لا حبيبتي تونا شاربين كوفي ارتاحي والحين خواتك بيجون الا وين حنين مو بعوايدها ماتنزل اا ناديتها
شهد:حنين موب حولك تقرا مجله عن الكومبيوتر اتحدى تتركها لمن تصمها وتفصفصها بعدين بتجي
هند:بسم الله على بنيتي ماشاء الله عليها تحب تخصصها وبقوه ومبدعه فيه وهي اللي نفس عمرك ونفس التخصص بعد
رؤى تحمست تشوف هالبنت بالذات وخاصه انها اكيد بتروح وتجي معها للجامعه
هند راحت لغرفه حنين ورؤى قعدت بالصاله مع شهد
وظلوا فتره ساكتين وبعدها تكلمت شهد:كم عمرك قلتي؟
رؤى وهي متوتره للحين:19وكم شهر قريب بخلص وادخل 20
شهد:العمر كله بس كنك 16
رؤى استحت دايم تسمع مثل هاالتعليقات
رؤى:كيفك بالمدرسه؟
شهد:لك عليها
رؤى:بالعكس احسك حيل شاطره
شهد:شوفي شاطره شاطره واجيب الاولى لمن تجين للرياضيات واصير لك علي؟
رؤى ابتسمت على عفويتها وحبتها كثير بس تذكرت فيء وازمتها مع الرياضيات وسرحت في اللي صار اليوم
عقب ماحطت اخوانها عند خالها مشعل راحت للسجن وقفت خارج حدوده لمن طلعت السياره اللي نقلت ابوها لمستشفى الادمان شعور صعب تشوف احد غالي عليك بهالموقف صعب تشوفه مكسور مذلول مربوط بحديده طلبت عقبها من التكسي يوصلها للدرا
وانتبهت من سرحانها على صوت هند:رؤى وين وصلتي
رؤى تحسست خدها تمسح دموعها الحال اللي شافت ابو خالد فيه عذبها
رفعت راسها وشافت البنات كلهم قاعدين حست بالاحراج انهم دخلوا ولاحست فيهم ردت:موجوده
هند:حنين شوي وجايه
(وبعدين وجهت كلامها للبنات)اللي ناقصه شي ماشاراه الاسبوع الماضي للجامعه او الثانوي يجهز بكره لاننا بنروح نخلص اغراضكم

البنات:حاضر
تكلمت شهد وهي ماده بوزها:الله يخلف على بنات المتوسط
الكل ضحك على شكل شهد وتعلقيها وهند ضمتها :فديت اهل المتوسط انا هي الشيخه وانتي اول وحده تروحين
شهد باست هند على خدها :فديتك الله لايحرمني منك
البنات :ياهوووووووووه
التفتوا شهد وهند عليهم
رتيل:وبعدين انتي وياه كل وحده تتغزل بالثانيه
رتال:شكلهم فاقدين حنان
الكل ضحك على شكل رتال لانها تتكلم بشاعريه
هند:يالله يابنات ماباقي وقت على المغرب كل وحده تروح تتوضى واليوم بنسوي باربكيان بمناسبه طله رؤى الحلوه علينا
البنات بصوت واحد:يسسسسسسس
قاموا كلهم وبقت رؤى بروحها بالصاله استحت تقوم وهي ماتعرف وين اماكن المغاسل حتى توضي وهم قاموا ولاعطوها فرصه تتكلم
رجعت لها شهد ومعها سجادة صلاة وجلال:تفضلي رؤى هاذي البنات مخيطينها
رؤى وهي تتاملهم:واو ماشاء الله عليهم كنها جاهزه
شهد:الحين بنروح غرفه الضيوف تصلين وترتاحين لمن نجهز للشوي
رؤى :اوكيه
طلعوا برى البيت وكان جناح بطرف حوش المبني كان راقي لاخر درجه وكلاسك مره
شهد:هذا جناح الضيوف استخدميه لمن نرتب لك الغرفه وعلى فكره انتي بتكونين مع حنين
رؤى :وانتي مع مين؟
شهد:انا مع سماح ورتيل ورتال مع بعض وغلا ونور مع بعض والاء مع العنود وانتي بتكونين مع حنين
رؤى:وحنين من كانت معه قبل؟
شهد:كانت بروحها بس طبعا غرفتها بالاسم كانت كله تجي تنام معي انا وسماح بس اذا بغت تذاكر تروح غرفتها
رؤى:والله تحمست اشوفها
شهد:هي اذا مسكت الكتاب تنسى نفسها وعلى فكره ترى الجناح فيه دوره مياه لو بغيتي تتوضين
رؤى: اوكيه. شكرا شهوده
شهد: العفو يس يؤ
رؤى:سي يو تؤ
وضت رؤى وفرشت السجاده ولبست حجاب الصلاه كبرت وصلت حست براحه غريبه مفتقدها من زمان
بعد ماصلت دعت مرت سحابه حزن لمن تذكرت فجر وخالد وفواز مسكت مصحفها اللي مستحيل يفارق شنطتها
وقرت شوي
فصخت عبايتها وعدلت لبسها اللي كان عباره عن بنطلون اسود وفوقه بلوزه طويله لعند الركبه لونها فستقيه ورسميه شوي
فتحت شعرها اللي طال وصار لنص ظهرها طلعت قلوس لحمي وحطت عطرها اللي اعجب ساره ماطولت على روحها وبعدها احتارت تطلع او تنتظر احد يناديها بس قررت تطلع لانها لازم تعود نفسها ان هذا بيتها وهذولا اهلها لمن ربي يحلها وتخلص دراستها او تلقى اهلها
طلعت وشافت البنات مجتمعات مع هند وحاطين طاوله وكراسي ويشبون الفحم ارتسمت على شفايف رؤى ابتسامه من قلب دعت ان الله ييسر امورها معهم وانها بالفتره اللي تقعدها عندهم ماتذيهم ويكونون لها خير الاهل
وصلت عندهم والتفت لها رتيل:رؤى خواتك دلوعات مايعرفون يشبون الفحم تعرفين؟
رؤى بابتسامه:ايه اعرف وقامت وجمعت على بعض الفحم اللي كان منثور بطريقه عشوائيه بصينيه الشوي
وحطت مكعبات الفحم البيضاء وشغلتها بالكبريت ولفت على رتيل:وانتهينا
رتيل:واو ماشاء الله عليك كيف؟
رؤى ضحكت من قلب:اللي يسمعك يقول صنعه
رتيل:لا فيه مواهب مدفونه ولازم اكتشفها
رؤى تبي تضيه السالفه:وين حنين؟
سمعت صوت من وراها :انا حنين
لفت رؤى على حنين اللي واقفه وعلى وجهها ابتسامه روعه وتكلمت بحياء وهي تمد يدها:اهلين انا رؤى
حنين بعد ماصافحتها:وانا حنين وانتي المعلومات عنك كامله عندي من وكاله الانباء المتنقله شهد
تكلمت شهد بعصبيه:الشرهه مو عليك عاللي يقولك
ضحكوا البنات وجت هند :دوم مو يوم هالضحكه
الاء:ماما تبون نشوي الكباب اول ولا صدور الدجاج
هند:لا الكباب لاني جوعانه
ضحكوا البنات على هند وهي تحط يدها على بطنها
ردت الاء:يخسى الجوع
مرت القعده على احسن مايرام ضحك ووناسه وتعليقات واكثر وحده دخلت قلب رؤى حنين
(انسانه هاديه بمرح كلامها ثقل جذابه بسواد شعرها الطويل وعيونها السوداء اللي عاكسه على بياض بشرتها ملامحها ناعمه وجذابه جدا كانت احلى وحده من البنات تقريبا )
وبعد ماتعشيوا سولفوا شوي بعدين قالت هند:يالله كل وحده فراشها بعد مانرتب الحوسه لان ورانا بكره يوم طويل
البنات بصوت واحد:حاضر
اعجب رؤى تعامل هند مع البنات واحترام البنات لها
هند:رؤى انا بكره بروح للجامعه واشيل القيد وتكملين هالسمستر ويعادلون لك المواد
رؤى:شكرا
هند:العفو ماسوينا شي ويالله يابنات بدون سهر
كلن راح لغرفته وانا ضليت واقفه مع حنين
حنين:اكيد تبين ترتاحين وتشوفين غرفتنا اللي اخيرا بنام فيها
ردت رؤى بضحكه:ليه من اول ماتنامين فيها؟
حنين:لا مع البنات لاني خوافه يالله نقوم بس دقيقه دوري ارتب الجلسه بعدنا
ساعدت رؤى حنين بترتيب الكراسي وترجعها مكانها وتنظيف صينيه الشوي بعد اصرار منها
راحت رؤى مع حنين لغرفه متوسطة الحجم باللون التفاحي وشويه سماوي وفوشي فيها سريرين وتسريحه ناعمه تفاحيه والمفارش فوشيه
رؤى:مره روعه
حنين:يمكن تستغربين وتقولين ماكانه دار لانه فيه فخامه بس هذا لان هند ماشاء الله الله معطيها خير واختارتنا من ملجا ايتام قبل 5سنين تقريبا
رؤى :الله يجزاها الجنه
حنين :خذي راحتك وبدلي بجيب لي مويه واجي تبين شي؟
رؤى بابتسامه:تسلمين
بدلت رؤى ولبست لها بجامه وحطت اغراضها اللي عبارها عن شنطتها الورديه اللي مستحيل تفارقها وشنطه صغيره فيها كم لبسه وكم بجامه من اغراضها
جت حنين وقعدت على سريرها بعد ماطفت ليت الغرفه وشغلت الابجوره اللي بينها وبين رؤى
وبعدها حطت يدها تحت خدها:ترى متحمسه اسمع قصتك
رؤى:وانا متحمسه اعرف قصه كل وحده هنا
حنين: بقولك عنهم كلهم بس قولي لي انتي اول؟
رؤى:اوك حكت لها عن فجر وخالد وام خالد وعن الصدفه اللي جمعتها بفواز وكيف جت هنا
حنين:يالله كل هذا وراك والله صدق لاقالوا لاتغرك ضحكة وراها جبل احزان بس الله بيعوضك عن كل شي
رؤى بابتسامه:امين وانتي؟
حنين:انا
رؤى وهي تهز راسها:فيه احد غيرك واذا تتضايقين عادي؟
حنين:لاوالله ماتضايق انا في يوم من الايام كنت عايشه احلى عيشه بين امي وابوي كنت وحيدهم ودلوعتهم مره ابوي كان تاجر معروف وامي سيده مجتمع وكانت طلباتي مجابه كنت وقتها باول متوسط
سافر بابا مثل العاده ورجع لنا ومعه هدايا لي انا وماما وبعد هالسفره بثلاث شهور صار لعمي الوحيد لنا بالهدنيا حادث وطلبوا من بابا يتبرع له بدمه لان فصيلتهم نادره تبرع له وجاء الدكتور المسوؤل واخذ عينه ثانيه له وقاله انه مصاب بالايدز كانت صدمه لامي وبعدها حللوا امي وطلعت هي بعد مصابه بالمرض انقلبت حياتنا وماتت امي بعدها بشهرين وابوي مات عقبها ب10ايام وانا ضليت وحيده تكفلني زوج استاذه هند لانه صديق ابوي وتكفل باموالي يراعيها لمن اكبر ولكن قبل 5سنوات احترق فيهم البيت وكانت تقريبا بعد ماقعدت عندهم سنه وكان بالبيت ولدها عزام وبنتها شمس واخت اساتذه هند بعد كانت معهم
يمكن تستغربين وين كنا انا واساتذه هند كنا بالمستشفى لانها مسويه عملية زايده وانا كنت مرافق لها ماتوا كلهم وهي صابها اكتئاب قررت عقبها تفتح هالدار وكنت اولى المقيمات فيه وهاذي قصتي وقصة اساتذه هند
رؤى مسحت دمعه على خدها:لاحول ولاقوه الابالله العلي العظيم لربي حكمه وهذا اختبار لنا في دنيانا نفقد اللي نحب ويختبر صبرنا
حنين وهي تمسح دموعها بكفها :ونعم بالله (وارسمت على وجهها الطفولي ابتسامتها اللي تنسي الواحد همه)يالله ننام بكره ورانا سوق بعد الفلم الهندي المترجم وبكره بيكون الجزء الثاني
ضحكت رؤى وقالت :يالله تصبحين على خير
حنين وهي تتثاوب:وانتي من اهله
صباح اليوم الثاني
الظهر في بيت فواز
قاعدين على طاوله الغداء وياكلون بهدوء
ابوعبدالله:فواز
فواز انتبه من شروده:هلا
ابوعبدالله:صار لك غايب عن جامعتك اسبوع
فواز:مفكر ااجل بعد هالترم
ابوعبدالله:فواز ان اجلته صدقني بزعل منك
فواز بضيق:وكيف ادرس واركز كيف؟
ابوعبدالله:فواز قوم معي مكتبي
دخلوا المكتب
وقعد ابو عبدالله وقباله فواز
ابوعبدالله:فواز انا كنت ادري بقصه رؤى من جت هنا
طالع في ابوه بصدمه
كمل ابوه وهو ملاحظ ملامح ولده:اللي سويته فيه غلط انك مخلي البنت عندنا من دون ماتملك عليها وثانيا انك خبيت على ابوك
فواز نزل راسه وتكلم:كنت خايف من رده فعلكم
ابو فواز:فواز انا ربيتك عالصراحه كنت متفتفح معكم بقيوده وتعرفني اني بتفهم وضعها
فواز ابو رؤى له جمايل علي كثير واني اداري بنته واراعيها اقل شي ممكن اسويه له
فواز:يبه ماني قادر اركز بشي
ابوعبدالله:يابوك انا عارف وضعك ومقدره لاتحسب لاني كبيير ماافهم او ماعرف اللي فيك
اكثر واحد فاهمك انا بس لو لقينا رؤى على بالك بوافق تتزوجها
فواز طالع ابوه بصدمه :ليييييييه؟
ابوعبدالله:لانك ماخلصت دراستك وارضاها على بنت ابو عبدالعزيز
قام فواز وهو طاير فرح ابوه وموافق وعمر صديقه واكيد موافق يعني رؤى له باس راس ابوه:الله يخليك لنا
ابوعبدالله:الشركه هالاسبوع لاتدوام حتى فترخ مسائيه لمن تنظم نفسك بدراستك لو حبيت تجي للشركه ماعندي مشكله
فواز:تسلم يالغالي عن اذنك
طلع فواز من عند ابوه ورجع لهم الصاله وهو يشربون الشاي بعد الغداء
فواز والابتسامه شاقه وجهه
عبدالله بعبط:وش عندها يمه بنتك فوز شكل ابوي راضاها بقطعه ذهب علشان ترجع لزوجها بدون مشاكل
فواز كان رايق وموب حول عبدالله:لو تبي فوزيه بس اسكت
عبدالله وهو فاتح عيونه:سبحان مقلب الاحوال (وبجديه مصطنعه)يانجلااء الحقي زوجك
دقي على حق المتسولين وقولي زوجي مشعوذ ياخراااااشي
امه مسكت اذنه:نعنبو دارك ماتستحي انت الشهر الجاي بتملك وباقي خبل (وبتعمد)افكر يافواز ياولدي ااجل ملكه اخوك لمن يعقل
وبحركه طفوليه تكتف وحط اصبعه على فمه:وقسم اصير اشطر شي واكوس شي بس مي لاتحرموني منها
هنا الكل مات عليه ضحك
فواز:انا بطلع تبين شي يمه
ام عبدالله:لايمه انتبه لنفسك ولاتسرع
عبدالله:أي ابي
فواز:انت تبي؟وش تبي؟
عبدالله وهو مسوي روحه ييساسر اخوه مع ان الكل يسمع:البامبرز والسيريلاك خلص جيب اكبر حجم
هنا حتى ابو عبدالله اللي جاء بعد فواز بثواني دمعت عيونه من الضحك
بس عبدالله فجاءه انقلب وجهه وبان عليه الهم
الكل سكت استغربوا تغيره المفاجئ
فواز بخوف:عبود فيك شي
عبدالله:آآآآآآخ ياخوي انا اضحك واسولف ومي ماتسمعني
هالمره دلال اللي صارت تطقه وهو يضحك عليها لانها ماتعرف تضرب تعرف تعض بس خخخخخخخخخ
دلال:وقفت قلبي يامال السمنه يامال الحصبه بيوم عرسك
عبدالله:لااااااااااااااااااااااا الا العرس خليه يتم(وبدء يغني) يكفي دخيل الله حس فيني
طلع فواز من البيت دور على عنوان ابو خالد وبصعوبه لقاه وعرف انه سلم نفسه للشرطه واليوم الظهروده مستشفى الادمان بينجن وين تكون راحت معقوله سافرت لجده علشان حصه راح تفكيره عندها (وش بيتحمل قلبها الصغير هم ابو مدمن ولااخوان مشردين ولاخاله معذبها زوجها ولا ناس ظلموها واتهموا اخلاقها من دون مايتاكدون هل هي اللي سرقت او لا ولا أهل ماتدري عنهم همك كبير يارؤى كبيييييير(يارب رحمتك فيها يارب)
انتبه على نغمه جواله
استغرب الرقم عادل مايدق عليه الا نادرا
رد :هلا وغلا
عادل:السلام عليكم ورحمه الله وبركاته
فواز:وعليكم السلام والرحمه عدول داق لا لا ماصدق
عادل باحراج:تعرف مشاغل انت طمني عنك؟
فواز:بخير الله يسلمك وانت؟
عادل:والله انا بخير بس سامي مزعجني من صحى من النوم وهو مزعجني يبي يكلمك
فواز باستغراب:سامي عطني اياها
لف عادل على اخوه سامي اللي التوتر والقلق مبين عليه
عادل:خذ
اخذ سامي الجوال وبعد من عند اخوه وطلع الحديقه
سامي:بزارين اخر زمن والله بس طنش وكمل متابعته للفلم
اما سامي رفع الجوال لاذنه :فواز
فواز:هلا سامي حبيبي شخبارك؟
سامي:طيب وانت؟
فواز:انا تمام يابطل كيف دراستك؟
سامي:فواز انا حلمت حلم يخوف
فواز باستنكار لكلام سامي لانه قليل جدا احتكاكه فيه:وشو؟
سامي وفكه يرجف دليل على انذار بنزول دموعه:تذكر هذيك البنت اللي جت معكم وقالت امي وخالتي انها سراقه
فواز حس قلبه بيطلع من بين ضلوعه ذكرى اليمه وكلام يالم اكثر بس تكلم بهدوء عكس دقات قلبه اللي صار يحسه يدق باذنه:وشفيها
سامي:حلمت تقول لي ليه ياسامي خبيت اللعبه ليه؟
فواز باستغراب اكثر:طيب حبيبي عادي حلم يعني مايضر لاتخاف وخلك رجال
سامي: انا اعرف ليه تقولي كذا لان ماقلت لخالتي نجلاء ان نور اللي حطت الالماس بشنطتها
فواز بحده:وشووووووووووووو سامي قولي وش تعرف بسرعه
سامي حكى لفواز اللي شافه بالتفصيل وهداه وقفل الجوال
(نور جنيتي على عمرك بس ارتاح بالي ظني ماخاب مستحيل رؤى تسويها مستحيل
عهد علي يانور لابكيك ضعف دموعها والايام بينا وانتي اللي خليتي احقد عليك تحملي اللي بيجيك)



ـــــــــــــــــــــــ(18)بدت دراسه الجامعه للترم الثاني من اسبوع وكم يوم ولحقت رؤى عالتسجيل وهي ناويه تدرس ترم صيفي بعد تعوض السمستر اللي طافها
صاحيه من بدري ماهي متعوده عالمكان والكوابيس مو مخليتها تنام
قامت بنشاط اخذت شور سريع وكشخت ورتبت الغرفه قبل تطلع وكانت حنين نايمه
طلعت بهدوء للصاله ولقت رتال ورتيل ومبين عليهم مواصلين
رؤى:صباح الخير
رتال ورتيل :صباح النور
قعدت رؤى بهدوء صحيح مبين عليهم طيبات مررره بس مره مستحيه منهم لانها ماتعودت عليهم
رتيل:رؤى ليه صاحيه الحين بقاي الساعه 7ونص؟
رؤى بابتسامه تشرح القلب:المكان جديد علي ومتعوده اصحى بدري وانتو؟
رتال ورتيل:بنقولك سر بس لاتعلمين
رؤى:اكيد
رتال:احنا مانمنا
رتيل:سهرنا بدون محد يدري على فلم خطييير
رتال:بغينا نقولكم بس خفنا هند تدري وتعصب علين
رتيل:بس بالله رتال مو خقق؟
رتال:وهو ياقلبي على جورج وعيال عمه كلهم
رتيل حطت راسها بحضن اختها وبصوت كله نوم:بنام وقولي لهند تعبانه ولمن يمر شويه وقت
قولي انا توامها وتعبت زيها وتعالي نامي
كان شكلهم روووووعه كانه شخص منسوخ لنسختين ابتسمت رؤى:خلاص مابقول بس بشرط
نطت رتيل من حضن اختها:وشو؟
خافت رؤى بس تكلمت:تعلموني وش قصه الفلم؟
رتيل وهي ترجع راسها لحضن اختها خرعتيني على بالي انك زي شهد تبين فلوس وانا مفلسه الحين خخخخخخخ
رتال:رتيل تراك ثقيله روحي سريرك
رتيل:رتول خليني والله اني احبك وتعلقت يدها ببلوزه اختها وغطت بنوم عميق ماكانها قبل دقيقه كانت صاحيه وتسولف
رؤى:مره شكلك مرهقه رتال قومي نامي وانا بقول لهند انكم تعبانات
رتال:تكسبين فينا اجر بس ابي كوب حليب دافي اخذت شور امس والمكيف كان بارد واحس اني بتعب واب يالحليب يدفيني
رؤى وهي قايمه:ثواني وهو عندك
رتال :لالالا وين قايمه انا بسويه انتي ارتاحي
رؤى:اولا بزعل لو حسستيني اني غريبه مره ثانيه وثانيا خلي رتيل تتهنئ بنومها
رتال :يسلمو رورو
راحت للمطبخ ودخلت لقت ام محمد
رؤى:صباح الخير
ام محمد:هلا يمه صباح النور والسرور عسى فرشتك زينه تبين ابدلها؟
ابتسمت رؤى ياحظ اولادها فيها حنونه وتخاف عالكل:لا ياخاله مشكوره والله الفرشه مره مريحه الله يجزاك الجنه
ام محمد:تسلمين يمه تفطرين الحين ولاتنتظرين البنات
رؤى:لا بسوي حليب لرتال شكلها ماخذه برد والفطور بعدين
ام محمد:على راحتك.
رؤى:خاله؟
ام محمد:هلا يمه
رؤى:وينها استاذه هند؟
ام محمد:استاذه هند بتجي بالعصر وبما ان اليوم الخميس يعني فيه طلعه للبنات
رؤى:طيب وين؟
ام محمد:كل خميس تطلع استاذه هند البنات يتمشون بمكان يتفقون عليه بعد الغداء
رؤى:على خير ان شاء الله
ام محمد انا بريح شوي لمن يقومون البنات دام اليوم خميس يعني بيتاخرون بالنوم
رؤى:الله يعطيك العافيه ارتاحي ياخاله معليك
راحت ام محمد لغرفتها تريح جسد اتعبه حمل الزمان وهمومه
رؤى سرحت لبعيد لام خالد
((ام خالد:رؤؤؤؤؤى
رؤى:هلا هلا هلا
ام خالد بضحكه:بكره اول يوم اختبار ثانويه عامه متاكده ماتبين شي ولامانتي فاهمه شي
رؤى:مو انا بنتك يعني ماينخاف علي
هنا ام خالد بكت واستغربت رؤى:ليه يمه تصيحين؟
ام خالد وهي تضم رؤى :ولاشي يمه ولاشي))
اشتاقت لحظنها لاهتمامها لحبها لها لحياتها معها لكل شي 11سنه و اكثر كانت لها خير الام ياترى بقدر ارد جميلك مع عيال
انبتهت ومشت للثلاجه تاخذ الحليب وتسخنه لرتال
بعد ماجهزت الحليب وراحت للصاله لقت رتال نايمه ومستنده على رتيل اللي نايمه بحضن رتال
تمنت لو عندها اخت او انها زيهم كل وحده فاهمه وحاسه بالثانيه يتشاركون همومهم ويوقفون مع بعض
نزلت الصينيه عالطاوله وصحت رتال:قومي رتول قومي لغرفتك
قامت رتال وقومت اختها معها وراحوا لغرفتهم
جت الاء وعنود وغلا وهم يتناقشون بحده
البنات:صباح الخير
رؤى:صباح النور
غلا:كيف نومتك رؤى؟
رؤى بخجل:تسلمون ربي يسعدكم مره حلوه ومريحه
الاء:تصدقون حلمت حلم
العنود:وشو؟
الاء:تحلمت اني اكفخ دكتورتنا بالجامعه والبنات يهتفون باسمي واو شعور حلو والله
البنات ماتوا ضحك على شكل نور
نور:ليه تضحكون كنت اتمنى هالشي وجاني بالحلم
رؤى:ليه تكفخينها وش سوت لك؟
هنا نور تكلمت بحماس :تخيلي تاخرت بالواجب حقي لاني كنت تعبانه ومعنده تاخذه وعليه 7درجات يعني تاثر علي وانا كل يوم صرت ارز وجهي عندها لمن خذته تبي الفكه مني بس حقدت عليها المشي لمكتبها نحفني 2كيلو
العنود:خخخخخخخخخ ياناس خبله هذا اللي هامك وزنك مو درجاتك
الاء:يابنت فليها هاذي درجات دنيا اهم شي اعملي واسعي للاخره وجمعي درجات
رؤى:هههههههههههههه من جد منطق غريب بس يبعث عالتفاوؤل
الاء:ايه اعجبك انا
غلا :بنات من تقوم معي تجهز الفطور؟
الاء:انا
وقاموا يحضرون الفطور بعد ماصحوا كل البنات فطروا ومر الوقت
وصارت الساعه 2وثلث العصر
طبعا هند هزئت رتيل ورتال عالسهر واوعدوها مايسهرون الا بعلمها
هند:رؤى كلمت تبع التسجيل لاني اعرفها وقالت ماعندك أي مشكله لان انتي اصلا موقفه قيد وتقدرين ترجعين تدرسين أي وقت وانا قلت لها انك من يوم السبت باذن الله بتداومين
رؤى:شكرا
هند:العفو حبيبتي هذا واجباتي
لفت عالبنات كلهم:اقترح اليوم مانطلع شرايكم؟
البنات:براحتك
هند:بس نروح المكتبه نخلص اغراضكم ونرجع واتمنى بعد صلاه المغرب الكل بعباته مافيني انتظركم
البنات :ان شاء الله
الاء تهمس لغلا:غلو
غلا بنفس الهمس:وشو؟
الاء:تتوقعين هذا لون عيون رؤى الطبيعي؟
غلا لفت على الاء وبهمس:وه وه وه وش دراك اني من اليوم سرحانه بعيونها عذااااب واتوقع ايه طبيعي
الاء:تتحديني اسالها؟
غلا:لا فشله
الاء :معليك معليك اسمعي
وبصوت ينسمع للجميع:رورو
رؤى اللي كانت تسولف لحنين وتسالها عن المواد هالترم:هلا


الاء:وش تستخدمين أي ماركه للعدسات؟
رؤى :عدسات؟بس انا ماستخدمها؟
الاء:لان العدسات تبعي مسببه حساسيه لعيوني قلت يمكن انتي تستخدمين شي حلو ومضمون
رؤى:سلامتك والله
الاء:الله يسلمك
غلا بهمس:يمه منك ليه الكذب
الاء بهبال:الاء والكذب اخوان
غلا ضربتها على راسها بخفه:خبله وهذا شي تفتخرين فيه

بمكان ثاني
ببيت ام عمر
عمر قاعد والابتوب قدامه ويطقطق عليه جت ام عمر قعدت جنبه
ام عمر:وش تسوي ؟
عمر:اضبط لفواز جدوله بيكمل هالترم
ام عمر:اها الله يوفقه وهو يدري؟
عمر:اني اسوي جدوله لا انا مسويها مفاجاءه ابي اريحه من حوسته
ام عمر:الله يعطيك العافيه يمه تصدق يمه عمر حلمت امس حلم غريب
عمر:وشو؟
ام عمر:مره شفت بنيه ماشاء الله عليها عند ام فواز لمن زرتها وحلمت فيها امس تضحك لي
وقفت يد عمر عن الكتابه تحجرت دموعه بعيونه اكيد بتحلم في بنتها اكيد بتزورها بحلمها شدت يده بقوووه على الابتوب
ام عمر:عمر شفيك شوي تكسره بين يدك
عمر:هاه لا مارضى يتعدل الجدول
ام عمر:لاتحرق اعصابك يمه بيتعدل
عمر(آآآآآآآآآخ يمه آآخ مارضى يتعدل حظي ماقدرت اجيب لك بنتك ضيعتها بغبائي للمره الثانيه الثااااااااانيه)
طاحت دمعه يتيمه من عينه بس يد امه سبقته وامسحتها
ام عمر بحنان الام اللي مايعوضه أي شخص ثاني:وشفيك يالغالي وشفيك يانظر عيون امك؟
عمر طاح بحضنها يبكي زي الاطفال
وهي ماسوت شي غير انها تشد عليه تحسسه بوجودها جنبها
بكى وغرقت دموعه جلابيه امه النيليه بكى لمن حس اضلوعه بتتكسر شد على امه ونام على صدرها
نزلت دموعها على ولدها مهموم مكسور تعبان ولاهو راضي يقولها وش فيه
ضمته اكثر خايفه تفقده زي مافقدت بنتها همس
(يارب انها حيه ان تحفظها وتسهل لي شوفتها وانها ميته ان ترحم بحالي وحالها)
عدلت وضعيه عمر اللي نام بعمق وكانه طفل ضايع حس بالامان ونام
لحفته وسكرت انوار الصاله وهي حالفه ماينام اليوم لمن يقولها وش فيه

كان يصارخ بالغرفه غرفه البياض هو لونها وكانها تبي تمتص ذنوبه السوداء وتطلعه منها صافي من دون هموم من دون سموم ضل يصارخ وهو يشد يده على اكتافه يبي الالم يخف ولكن كل ماله يتفاقم
دخل الممرض واعطاه ابره
اكتشفوا انه مدمن مخدرات من التحاليل وتقريبا صار له شهر كان ابو راشد يحطها له بالشرب
صدمه خلت حقده وغضبه يزيد على نفسه وعلى ابو راشد
بعد الابره استسلم للنوم لعل يخفف من الم جسمه وعظامه اللي يحسها بتتفتت

عند مشعل قاعد بغرفته سرحان قعدت جنبه غاده:وشفيك مشعل ؟
مشعل: من دون مايناظرها تعودت لو تضايق وسالته يقولها اللي بخاطره وتكون هي خير من يسمع له ويقويه وينصحه:اشوفها فيهم ودي ابكي كل ماشفتهم احس قلبي ينعصر اشتقت لها ياغاده
غاده بهدوء:مشعل ادع لها بالرحمه هي عند ربها احسن من هالدنيا الفانيه
هي الحين باذن الله بجنات النعيم بمكان افضل واحسن بعدي عن كل هم وغم ادع لها بالرحمه وقوم صل ركعتين تهديك وتريح بالك وخلنا نطلع مع العيال مساكين من جو عندنا ماطلعناهم
ناطر لها وابتسم الابتسامه اللي تحبها:يالله يالغاليه قومي اجهزي وجهزيهم

في بيت ابو فواز
كان ابو فواز بمكتبه مع ام فواز
ام فواز:خير يابو فواز؟
ابو فواز:ابو ساره
ام فواز بحواجب معقوده من سيره الشخص اللي انطرى قدامها:وش يبي وله عين جاي بعد اللي صار؟
ابو فواز:استهدي بالله يام فواز هذا وانا ابيك تكلمين دلال
ام فواز:اللي سواها فيها مو شويه وصعب اللي تبيه يابوعبدالله
ابو فواز:كاسرين خاطري هالبنات عايشين وكان ابوهم ميت وهو عايش ومتشفق على شوفتهم
ام فواز:لو انه يحبهم ماكان سوا اللي بدر منه وحافظ عليهم
ابوفواز:جاني اليوم الشركه وبكي عندي يقول بس يبي يلمحهم لو من بعيد وانه ندمان ويانجلاء اللي رحيم بعباده ويغفر ليه البشر ماترحم وتغفر
ام فواز:انا بحاول افاتخا بموضوع شوفته لبناته والله يعين
ابو فواز:الله يجزاك الجنه طول عمرك عون وسند لي الله لايحرمني منك
ام فواز استحت واكتفت بابتسامه نورت وجهها

عند ساره بغرفتها كانت طفشانه بقوه
قررت تدق على نور
ودقت وكان انتظار
نور :ولودي حبيبي اكلمك بعدين
وليد:وين ياعسل ماشبعت من صوتك
نور بحياء مصطنع:بدق بالليل معليك
وليد:دام كذا اوكيه ياروح وليد
نور:باي
وليد :بايات
اخذت اخط الثاني ورجع صوتها الطبيعي الخالي من الغنج:هلا بالانسه الزعلانه ساره
ساره:كيفك نور؟
نور :طيبه غريبه داقه مو قلتي بعد اللي سويته برؤى معد تبين تكلميني
ساره:نور انا اتعذب يانور
نور باستهزاء:ليه ان شاء الله
ساره:اكره نفسي يانور احنا ظلمناها وانا بقولهم واللي فيها فيها
نور بحده:ههههههههههههههههههههه مجنونه تدرين وش بسوي؟
ساره بخوف: وشو
نور:مو انتي اعترفتي لي بلسانك انك تحبين فهد ولد خالك اوعدك اخليك تحضرين عرسه بعد مايسمع شويه اكذايب ماتقدرين تبررينها وهو يكرهك ويتمنى يسمع طاري الموت ولاطاريك وانتي عارفتني ياساره وشرايك؟
نزلت دموع ساره وقفلت بوجه نور
ياربي انا كنت امشي معها واسولف واتكلم لها وين كانت حقيقتها عني ووييييين
لازم ادق على فهد ابيه يسامحني على اللي صار بالمول ذاك اليوم مابيه يكرهني اكثر
آآآه ليه اخذني الغرور بنفسي من عرفت بحبه لي ليه حسسته انه غلطان لانه حبني
والاهم فواز ورؤى واللي صار حطمت بسكوتي اشياء كثير واولها قلوبهم ياربي رحمتك
سمعت طق عالباب
مسحت عيونها ورتبت شكلها وفتحت الباب
دلال وبيدها مجموعه كولكشنات دخلت وقعدت:تعالي يمه نختار لنا فساتين نوديها للمصمم
ملكه عبدالله ماباقي عليها شي
قعدت جنب امها وكانها لقت فرصه تقابل فهد وتبرر له اللي صار وتعتذر منه والاهم تقوله عن اللي حاولت تنكره وساعدتها نور انه وهم وكذب حبها له وتعلقها فيه احلامها من طفولتها اللي كانت معه مو مع غيره

بعد صلاه المغرب مباشره
البنات كانوا جاهزين وينتظرون هند
الاء:خاطري باكله كذا شهيه ولذيذه
سماح:مثل وشو يعني؟
الاء:امممم فول مثلا
هنا الكل مات ضحك عليها
الاء:وانا صادقه مع خبز تنور ياسلاااام
هند:وشو اللي ياسلام؟
غلا وهي تمسح عيونها من الضحك:الفول
ورجعوا يضحكون
رؤى اول مره تحس بسعاده من مده طويله لازم ماتبكي على ركام الماضي والامه وهمومه
بالعكس لازم تبني منه مستقبلها ومستقبل اللي تحبهم معها
هند:رؤى
رؤى وتوها تنتبه:هاه هلا
هند وهي تقومها من الصاله الا مابقى فيها غيرها وتمشيها جنبها:سرحانك كثير يارؤى كلنا معك لاتخافين من شي ولاتشغلين فكرك بشي
رؤى اكتفت انها تناظر هند بامتنان وهمست بصوت مبحوح:شكرا
هند تبي تنهي الموقف حتى ماتبكي رؤى:يالله امشي الحين تلقين الاء تبي مع الفول طعميه
ضحكت رؤى من قلب على تعليق هند
وركبوا مع البنات بالسياره الكبيره اللي هند مخصصتها للبنات ومشاوريهم ومدارسهم وجامعاتهم
هند:بنات الله يرضى عنكم غطاكم ولاتروحون عن بعض
كملت العنود بطفش:كل وحده تكون مع الثانيه واذا وحده تاهت توقف بمحلها لمن احنا نجيها ولو طولنا تروح لاقرب سكرتي امن وقسم حفظنا الموال اللي كل طلعه
هند:زين حفظيته محد يضيع دايم الا انتي
ضحكوا البنات على عنود
وراحوا مشوارهم لمكتبه جرير
ومروا السوق حتى تشتري رؤى ملابس للجامعه بعد اصرار من هند
ورجعوا للدار ورؤى متامله كثير ان حياتها تكون افضل
صباح اليوم التالي
على سفره الفطور في بيت ابو فواز
ابو فواز:يالله ياعيال افطورا وروحوا بدلوا نبي نلحق على خطبه الجمعه
عبدالله:يبه
فواز:وحطبه خخخخخخخ
عبدالله:انطم خل اخوك الكبير يتكلم
دلال:بلا هذره من الصبح وش عندكم؟
عبدالله:احم انا بسافر يالغالي بكره اجهز امور الملكه هناك الصاله ولو بنت عمي تحتاج شي يعني
ابوفواز والله عارف عبدالله:لا مايحتاج الفلوس بتتحول لحساب البنت والصاله ولد عمك فهد ماقصر انت ارتاح بشركتك
فواز مات ضحك على عبدالله:آآخ بطني محد تفشل ترى
عبدالله وهو مطنش فواز مع انه بيموت من القهر منه:طيب يالغالي اللي تشوفه عن اذنكم
وقام من السفره
ودلال وفواز مكملين ضحك
نجلاء بابتسامه:فواز
فواز والابتسامه مرسومه عليه للحين:هلا يمه
ام فواز:ماتبي تفرحني فيك وتخليني اخطب لك؟
فواز واللي قلبت ملامح وجهه:اتزوج؟
ام فواز :ايه يالغالي ؟
فواز:بس القاها ان شاء الله بنتزوج
ام فواز:منهي اللي تلقاها؟
فواز:رؤى
ام فواز :رؤى ومن قال بتاخذها انت بتاخذ نور
فواز بحده:نوووووووووور بنت اختك ذي وقسم بالله لو اضل عازب طول عمري ماطل بوجهها مسودت الوجه
ام فواز بعصبيه:فواز ثمن كلامك تراها بنت اختي
فواز وهو يناظر ابوه بعدين نقل بصره لامه:اذا تبين راحتي وسعادتي وابقى معك بالبيت لاتفتحين هالسيره قدامي
وقام:الحمد لله ..يبه انا طالع ومابجي الا الليل بصلي بالجامع واروح المزرعه اهملتها
ابو فواز :الله يحفظك ياولدي
وبس راح فواز ابو فواز بعصبيه:هاذي سيره تطرينها للولد وبكره اول يوم دراسه له
ام فواز:ابي افرح فيه مع عبدالله
دلال فضلت تنسحب:عن اذنكم بروح اصحي البنات
ابو فواز:لاعد تفتحين هالموضوع لمن يتكلم الولد من نفسه ماتسمعين وش يصير للي يجبرونهم عالزواج
يايكون تعيس ولاتطلع له قرون
ام فواز:مو كلهم
ابو فواز بلهجه تنهي الحوار:نجلاء معد ابي اسمع هالموضوع
وقام من السفره
بقت ام فواز لحالها(ياربي وش اقول لاختي بتزعل مني صبرك يارب)
ولحقت ابو عبدالله بالمبخره والعود حتى يروح المسجد
طلع فواز من البيت متضايق حيل
كلم امس صديقه وقاله يدور اي شي او اي معلومه عن رؤى
جواله مايتركه من يده وباله دايم مشغول
امس قاله عمر انه يوم ميلادها بكره وبتدخل العشرين
وده يسمع صوتها ودها يشوفها يقولها انه مصدقها وانها برئيه
بس كل شي ضده ماهو لاقي لها اثر مايدري يصبر نفسه ولا يصبر صديقه على فراق اخته
بس لازم يبين للكل انها مضلومه ونور عرف وش الطريقه اللي بتذلها وتجرحها بدون مايضر احد معها
وقريب راح هي بنفسها تقول للكل(اوعدك يارؤى )


ـــــــــــــــــ(19)يوم السبت
كان اول دوام لرؤى وفواز بعد انقطاعهم عن الدراسه لمده ترم كامل وكان لكل واحد فيهم ظروفه اللي خلته يترك دراسته
*( رؤى لانها ماقدرت توفق بين حياتها الصعبه وضرب ابوها لها علشان مكافاءتها الجامعه وهي1000ريال سعودي كانت ماتعطيه الانصها علشان احتياجات فجر وخالد بس هو كان يعصب عليها ويضربها لمن اضطرت تدور شي يجيب لها دخل اكبر وهو شغلها مع معاذ
اما فواز انشغاله بالشركه لمرض ابوه اللي الله رجع لهم بصحه وعافيه)
دخل فواز بعد ماركن سيارته بالمواقف الخاصه بالطلاب
دخل من البوابه الرئيسه ولقى عمر والشباب بانتظاره
كان ترحيبهم فيه حار مررره كلن يحب فواز لانه صديق واخ للكل
وقف مع اغلبهم باصعب ظروفهم وساعدهم فيها كانت وقفته معهم وقفت صديق حقيقي
توجهوا لمحاضرتهم الاولى
ورحب فيه الدكتور والشباب صاروا ياصارخون(ياهوووه .اكشخ ياللي يفقدونهم الدكاتره)ومن هالحكي
اكتفى فواز بابتسامه بانت غمازته اللي بخده الايسر وهذا دليل انه منحرج مره من كلامهم
بدت المحاضره وبدء الجد
مرت ساعتين كانت المحاضره فيها كلام كثير ومهم كان الكل يكتب ويحاول يفهم مع الدكتور
انتهت المحاضره وصار وقت البريك قعد فواز باحدى طاولات الكافتيريا وعمر راح يجيب لهم فطور
تذكر فواز رؤى بهالحظه سرح مع افكاره وتخيالاته كيف تاكل وين ساكنه مرتاحه احد مضايقها
تبكي ولاتفرح اساله كثير كان يتمنى يلقى لها اجابه كلف صديقه اللي دور لمعاذ
يسال عنها بالجامعه الاسبوع الماضي وقالوا انها موقفه قيد ولارجعت تكمل هالكورس
والصدف خلت رؤى ترجع اليوم للجامعه وتكمل هالكورس (ولكن الحظ ماحالفك يافواز هالمره ولالقيتها)
عمر:هيه ولد اكلمك
فواز:هاه
عمر:الله يجزاك الجنه ياخيتي طيرتي عقل صديقي من جد يافواز تاكدت رؤى اختي تاسر القلوب مثلي لبى قلبها
فواز ابتسم وسرح تذكر لمن كانت عالخيل
عمر(الحبيب رايح فيها خل القاها ان ماعذبتك وخليت هالتطنيش لي يطلع من عيونك خخخخخخخخ)
عمر:احم احم
فواز بانزعاج:ياخي انت ليه مزعج
عمر:انا الحين مزعج؟
فواز:مدري
عمر:اقولك شي
فواز بدون اهتمام:وشو؟
عمروهو يقعد مقابل فواز وينزل العصير عالطاوله :رؤى اسمها مو رؤى؟
فواز :وشوووووووووو
عمر:ايه مو رؤى اسمها همس
فواز:وليه ماقلت لي من اول؟
عمر:ماجت مناسبه
فواز:بس هي لمن لقوها كانت قلادتها مكتوب عليها رؤى
فواز:قالي الباحث ماجد واستغربت بس رجعت تاكدت من التحاليل ونفسه همس اختي
فواز:لاتقولها همس قول رؤى
عمر:هذا شي يرجع لها بس لمن القاها ابي افطر جوعان فرجاء بدون اساله
فواز سكت (ياترى وش جاب القلاده اللي مكتور عليها رؤى بنحرها معقوله هي مو إخت عمر
بس عمر يقول انه تاكد من التحاليل يعني هي اخته من جد شي يحير)


عند رؤى البنات كلهم بسياره وحده ووناسه مررره وخاصه مع الاء وهبالها
نزلت هي وحنين لجامعتهم و دخلت رؤى الجامعه باحساس غريب ماقدرت تحدده خوف ثقه
حنين:رورو وبعدين مع السرحان ترى بدء الجد
رؤى بابتسامه تشرح الصد:لا معليك ترى اعجبك وقت الجد
حنين:اتمنى امشي بعرفك على صديقاتي
رؤىوهي تمشي معها:اوك
سلمت عليهم رؤى وحستهم طيبين حيل
(غلط يارؤى الناس مانحكم عليهم من مجرد سلام)>>احس بتقولون هالكاتبه نفسيه هههههههه
حنين:والله ماني مصدقه ماشفتك السنه الماضيه ابداا
رؤى:اول ترم بس اللي داومته الثاني اخذته انتساب
حنين:اهااا علشان كذا والترم الثالث وقفتيه وهذا الرابع
رؤى بابتسامه:صح
حنين:يالله بنطلع الدكتوره ان تاخرنا بتطردنا ماعندها وقت
رؤى:خير تطردنا
حنين:انتي جربتيهم وقت الدلع وانتي باول سنه واول ترم ماجربتيهم لمن يتعودون عليك مافيه تفاهم خخخخخخ
رؤى:اوبس يالله اجل نروح
حضرت المحاضرات وحست انها بصعوبه تركز وتستوعب وهذا ابدا ماهو من طبعها ماتدري لان لها من الدراسه مده طويله او من الهواجس اللي تغزي فكرها
الساعه 12وعشر الظهر
رجعت البيت بعد يوم متعب
حنين+رؤى:السلام عليكم
هند:وعليكم السلام هاه كيف اول يوم رؤى؟
رؤى وهي تقعد بتعب:حلو بس من زمان عن المحاضرات والجامعه تعبت مره
هند :يالله معليه حبيبتي كذا كذا لمن ترجعين تتعودين قوموا بدلوا البنات كلهم وصلوا
حنين:ان شاء الله
راحت حنين وبقت رؤى
هند بحنان:امريني رورو بخاطرك شي؟
رؤى بخجل:عادي ازور ابوي بالمستشفى وتروحين معي اليوم؟
هند وهي ودها تبكي تكسر خاطرها رؤى بقوه تفكيرها باللي حولها وتنسى نفسها دايم:ان شاء الله ونتفاهم متى عقب الغداء
رؤى وهي تقوم وتبوس راس هند:الله لايخلينا منك
وراحت غرفتها وهند تراقبها لمن اختفت عن انظارها امسحت دمعه فرت من عينها(يارب ان تريح قلبها)
مر الوقت بشكل روتيني عالكل
وبعد اذان العصر كانت رؤى وهند بالسياره متوجهين لمستشفى الامل بالدمام (مستشفى تبع الادمان)
هند:رؤى اتمنى تكون هالزياره تخفف عنك ماتزيدك
رؤى وهي متوتره من الزياره وخايفه ماتعرف ليه:حاضر
بعد ربع ساعه تقريبا وصلوا عالمستشفى ونزلت رؤى وهي ماسكه بهند وكانها طفله خايفه تتوه
توجهوا للاستقبال وسالوا عن ابو خالد
موظف الاستقبال:تقدرين تتوجهين للدور الثاني وتسالين عنه فوق اذا كانت مسموحه له الزياره او لا
هند:شكرا
دخلوا المصعد وضغطت انامل رؤى برجفه ازرار المصعد للدور الثاني
طلعوا وسالوا الاستقبال ودلوهم على غرفه الطبيب المتابع لحاله ابو خالد
هند طقت الباب وجاها الاذن بالدخول
هند:السلام عليكم
الدكتور وعليكم السلام والرحمه تفضلي اختي
هند وهي تقعد وجنبها رؤى وكانها اله تحركها هند :انا حابه اسال عن .....بن......ال.....
اذا كانت مسموحه له الزياره او لا؟
الدكتور وهو يعدل نظارته:انا كنت مستغرب جدا ان محد سال عليه
هنا رؤى ماتحملت ونزلت على خدها دمعه ولكن سرعان ماتدراكت نفسها ومسحتها من دون ماتحس عليها هند
لانها اكيد لو درت انها بتبكي بتمنعها تروح له مره ثانيه
هند:طيب هاذي بنته تقدر تشوفه يادكتور؟
الدكتور:انا حاب اتكلم بصراحه هو حالته ماتسمح ان احد يشوفه الحين لانه طلع عنده ادمان كحول بالاضافه لادمان مخدارت
صدمه حلت على رؤى توسعت عيونها من كلام الدكتور وتكلمت بهمس:مخدرات
الدكتور:انا حاب اكون صريح جدا معكم المريض حالته النفسيه ايضا سيئه وتقبله للعلاج ضعيف شوي بس سوء حالته النفسيه
رؤى:ابي اشوفه
الدكتور:كان بودي بس الحين ماهو متحكم باعصابه وبيكون خطر عليك الدخول عنده وهو بهالحال
رؤى بحده وهي توقف:انا قلت ابي اشوفه ابي اشوف ابوي
واختنق صوتها ماقدرت تكلم لانها بكت
الدكتور رحم حالها:ياختي انا اعلم بحالتكم ومقدر بس صدقيني خطر عليك انتي تشوفينه بالهشكل قبل لايكون خطر عليه
رؤى بترجي:تكفى يادكتور لو من بعيد بس ابي المحه
الدكتور باستسلام من نبرتها المترجيه:طيب بس بدون انفعال اتفقنا؟
رؤى وهي تقوم هند معها وبحماس:طيب طيب
تبعت الدكتور للمصعد ووصلوا للدور الرابع مشوا وراه وهي يتعدى الممرات وكثير من الغرف
واخيرا توقف عند غرفه:هاذي غرفته وتوه من ربع ساعه ماخذ مهدئ
رؤى وهي تطل على الغرفه اللي اشبه بالسجن الابيض من النافذه الصغيره اللي بالباب
انتبهت لجسد نحيل مرمي على السرير
رؤى:هذا مو ابوي لا لا مو هو افتح الباب الله يخليك


الدكتور فتح لها الباب ودخلت
هدوء صاخب هدوء ارعبها بروده وسكون
المكان مقلوب وكانها عاصفه اجتاحت اركان الغرفه الصغيره
تقدمت بخطوات مرتجفه ولمن تعرفت على وجه ابو خالد اللي متغير مره الهلات السوداء تحت عيونه
ووجه شاحب ومايل عاللون الاسود ويده مربوط فيها اسوار مكتوب عليها اسمه
قعدت عالارض بهدوء
هند بخوف:رؤى
لفت رؤى واشرت لهند تهدء وتتركها
زحفت لمن وصلت للسرير مسكت يدها الصغيره يده ارتجفت شفايفها
نزلت دموعها بهدوء طبعت بوسه ناعمه على يد الانسان اللي كان لها بيوم السند كان المخرج من كل ضيق
اللي مد لها هو وزوجته يد العون لها كانوا بمثابه الام والاب لها راعوها واهتموا فيها بدون مقابل من أحد
امتدت يدها وامسحت على راسه بهدوء استقرت يدها على جبينه وبدت تقرا المعوذات والاذكار عليه
كان يقطع هدوء الغرفه صوت شهقاتها وهي تقرء اتمت القراءه وسحبت اللحاف وغطته بهدوء وباست جبينه
قامت بثقل تحس الدنيا تدور فيها ماتحملت منظره راضيه يموتها ضرب ولايصير له كذا
مشت هند وسندت رؤى وطلعتها من الغرفه
وقعدوا بالممر
الدكتور:قلت لك ياانسه ماينفع تشوفينه
رؤى بهدوء وهي منزله راسها وصوت مبحوح من البكى:انتبه له دكتور وياليت مايدري اني جيت مابيه يدري اني عرفت عن ادمانه بالمخدرات
الدكتور:ان شاء الله الف سلامه عليه انا مضطر اروح عندي مرضى
مشى الدكتور وهند لفت على رؤى القاعده بهدوء قاتل:رؤؤى
رؤى:انا بخير معليك بس شوي خليني
اتركتها هند براحتها تعجبها في رؤى قوتها في بعض المواقف
رجعت للدار مع هند ومنظر ابوها كاسرها بس اعطاها عزيمه تنجح وتشتغل وتكون له سند
مرت الايام بشكل روتيني بالجامعه وبالبيت
بعد 3اسابيع و3ايام
الساعه 2ونص الفجر
فواز:ياولد اطلع برى ابي انام كانه محد بيملك غيرك؟
عبدالله:ياحظك بتنام (بدء يعد على اصابعه)اليوم بنروح لهم أبها يعني بكون بديره مي
وبعدها بتكون ملكتنا آآآآخ متى يجي الصباح
فواز وهو يرمي المخده:والله ياعبود ان ماطلعت لادعي عليك تتعطل الطياره ومانسافر ولاتملك ابي انام
لي يومين مواصل
عبدالله:لالا لا كله الا انك تدعي
وراح وهو يمثل الخوف لحف فواز وباسه على خده
فواز وهو يمسح خده:الله يقرفك
عبدالله وهو يمثل البراءه:انا شاطر واسمع الكلام ماتدعي علي
فواز اللي يموت على هبال اخوه:ايه يالله شاطر اطلع
عبدالله وهو يقعد:فواز احلى البس شماغي الاحمر والا الغتره البيضاء
فواز بنفاذ صبر:عبود بعدين بعدين ابي انااام تكفى
عبدالله بضيق :طيب
طلع من عند اخوه وهو وده يطير من الفرح بس محد معطيه وجه
تذكر انه مره سرق رقم مي من جوال فهد وطار على غرفته وقفل الباب(كنه بزر مخبي مصيبه خخخخخخ)
كان حافظه(أ.و.أ.ف)>>أحبك وأموت فيك
دق وحط الجوال باذنه بس محد رد
دق مرتين وثلاث في النهايه قرر يرسل مسج حتى ترد
كتب وابتسم لمن قرء الرساله من جديد وضغط ارسال واتسعت ابتسامته وهو يشوف تم التسليم
كانت قاعده على سريرها بهدوء وتقرء في روايه اجنبيه
انتبهت للمسج وافتحته(مي ردي انا عبود>>وادلع نفسي بعد هههه )
اعتلت اذانها وخدوها حمره ومامنعت ابتسامه ارتسمت على وجهها بنعومه
بعد دقيقه دق الجوال بيدها من التوتر طاح عالارض ورجعت تاخذه وهي من الخجل ماهي قادره تمسكه
واخيرا لمن بغت ترد قفل الجوال (ياربي قفل لازم اتكلم معه عادي مسكين كل ماكلم ضليت ساكته لازم اكون شجاعه شوي واكلمه كاني اكلم صديقتي )
ارتعشت لمن رجع دق من جديد وبعد الرنه الثانيه ردت بنعومه:آلو
عبدالله يحس قلبه طبول من يسمع همسها يروح عالم ثاني تكلم بهدوء :الو السلام عليكم
مي بهمس:وعليكم السلام
عبدالله:كيفك؟
مي:الحمد لله (وصعوبه)وانـ..ت؟
طار من الفرحه تجراءت شوي معه وصارت تساله عن حاله:انا بخير ياوجه الخير والفرج والسعاده
ذابت بملابسها من كلامه وهمست:دوم
عبدالله وهو يتنهد وبعذووبه:مي
مي بعفويه:لبيه(لعنت نفسها وش بيقول عنها هي متعوده لمن احد يناديها تقول له لبيه وخاصه جدتها)
عبدالله ضاعت علومه ثم فتره ساكت بعدين قال:مي تكفين والله مافيني صبر لبكره
مي لمن سمعت كلامه بغت تموت من الاحراج
عبدالله:مي شفت ناس يستحون بس زي خجلك ماشفت
مي طبعا ردها السكوت:......
عبدالله وهو عارف انه زودها بالحكي وانها مستحيل ترد عليه هو عارفه لو تكلم واستحت معد تتكلم ولاترد:مي
مي بهمس:هلا
عبدالله:باشتاق لك
مي حست خلاص معد تقدر تتنفس:باي
عبدالله بغى يموت من الضحك دايم لمن توصل حدها من الخجل تقوله باي:باي ياروح عبود
قفلت وتنفست بعمق حطت يدها البارده على خدودها لقتها حاره مررره ابتسمت ودفنت راسها بالمخده وهي تتخيل كيف بتكون ملكتهم وبعمق تفكيرها استسلمت للنوم ونامت بهدوء(أحلام سعيده)
(هاذي اللي لازم تصير شجاعه هههههههه)

اما عبدالله حط راسه عالمخده بعد ماقفل من مي
كان هادي مرره على غير طبعه مي تملكت كل مشاعر الحب فيه عشقها من هو طفل ابو6سنين وكبر هالحب وكل يوم يزيد عن اليوم اللي قبل تنفس بعمق وهو يتذكر شلون طلعت لبيه عفويه منها اكيد الحين تبكي من الخجل ههههههه
ابتسم لافكاره ورحل بعالم مافيه الا مي

ظهر اليوم الثاني وصلوا عايله فواز وعمته دلال وبناته لمطار ابها كان الجو روعه قليله عليه
امطار خفيفه ونسمات الهواء البارده مخليه للجو روعته والغيوم اللي ماليه السماء و مخبيه نور الشمس وراها
ساره كان طول الطريق تفكر باللي قررته( هل ياترى بينجح او لا ؟)
كان ابو فهد بنفسه جاي مع التوام(صالح وتركي) يستقبلهم
سلموا الاخوان على بعض
ابوفهد:نورت الجنوب بوصلك يابو عبدالله
ابو عبدالله:منوره باهلها والله
ابو فهد وهو يسلم على عبدالله:حي الله المعرس
عبدالله:يحيك ياعمي
ابو فهد وهو يصد عن جهة ام عبدالله ودلال والبنات:الحمد لله على سلامتكم نورت فيكم الجنوب
ام عبدالله:تسلم يابو فهد منوره فيكم
ابو فهد وهو ماسك يد اخوه:تفضلوا يالله حيهم
ساره كانت عندها أمل انها تشوف فهد بس خاب ظنها انه ماستقبلهم مع خالها
التوام وهم يوجهون كلامهم لزوجه عمهم:يالله حي الخاله
ام عبدالله تعشق التوام :الله يحيكم يمه شخبارك تركي ؟شخبارك صالح؟
التوام بنفس الوقت:طيبين الله يسلمك
دلال:شخباركم ياعيال؟
التوام:الحمد لله الله يسلمك
اخذوا الاغراض وتوجهوا لبيت ابو فهد
عبدالله كان يحس نفسه طاير من الفرحه اما فواز كانت رحلته بالليل مو معهم
عبدالله:كيفك ياعم؟
ابو فهد:بخير ياولدي شخبارك انت؟
عبدالله:بخير الله يسلمك وشخبار الاهل
ابو فهد بخبث:قول شخبار بنيتك ياعمي وريح عمرك
الكل ضحك على عبدالله انا هو فاكتفى بابتسامه وبعدين قال:أي والله ياعمي فكيتني من المشوار شخبارها؟
رجعوا يضحكون على عبدالله لانه اخذ نظره من ابوه معناها اثقل شوي وعن الهبل هههههه
ابو فهد والابتسامه على وجهه:وينه فواز؟
ابو عبدالله:قال بيخلص دوامه بالشركه مايبي يخلي الشركه ماعليها أحد يدبر امورها
ابو فهد:الله يبارك فيه ويفرحك بعياله قريب ان شاء الله
ابو عبدالله:اللهم آآمين

الساعه 12الظهر
عند فواز توه راجع من الشركه
الاسبوع هذا والجاي اجازه الربيع بالسعوديه
قرر ينام للعصر وبعدها يروح للمزرعه يوصي شريف عليها ويتطمن عليه بعدين يرجع للشركه

صحى على صوت المنبه كانت 2وربع
اخذ له شور سريع ورتب اغراضه بشنطه صغيره بما إنه بيقعد بالجنوب يوم الملكه فقط
اخ الشنطه وركب سياره وراح للمزرعه
ولمن وصل شاف شريف قاعد عند حوض ويسقي الورد فيه
فواز:السلام عليكم شريف
شريف وهو يقوم من الارض :وعليكم السلام بابا اهلا وسهلا
فواز:كيفك ياعم شريف كويس؟
شريف:كويس الحمد لله انت بابا كيف يونيفيرستي؟>(اليونيفيرستي =الجامعه بالانقلش)
فواز:الحمد لله هاه شريف كيف شغل مزرعه؟
شريف:الحمد لله يجي حق الزراعه يوم الاحد ويقول نخل كويس مره ويجي ان شاء الله تمر كويس
بيت خلاص تصميم ديكور كله اوكيه بس هذا فرس ابيض مافيه كويس
فواز بخوف:خيل رؤى وشفيه؟
شريف :مافيه معلوم هو مافيه اكل انا كلام دكتور يجي هو يجي بعد ساعه ان شاء الله
فواز ترك شريف وراح ركض للاسطبل دخل وشاف فرس رؤى عالارض
فواز فتح الباب ودخل عندها قعد وصار يمسح عليها(حتى انتي فاقده رؤى )
ضل عندها وغسلها بمساعده شريف كانت رؤى رابط برجل الفرس اساوره لها جرس صغير تامل الاساروه وقت طويل
شريف:بابا يجي دكتور
فواز قام للدكتور وعطاه المجال يكشف على فرس رؤى
فواز:وشفيها الخيل يادكتور؟
الدكتور:راح تصير كويسه انا عطيتها ابره الحين وبجي الاسبوع الجاي واعطيها ابره ثانيه كله
الفرس حزينه وهذا شي يضر عالفرس خلال فتره لقاحها وهي باقي لها 300يوم تقريبا على ولادتها
فواز:طيب يادكتور فيه أي خطوره على الخيل
الدكتور:لا ان شاء الله واهنيك على روعه الخيل اللي تملكه عربي واصيل ونادر اشوف مثله والله
فواز بحزن:شكرا يادكتور (ولف لشريف)شريف وصل الدكتور
طلع شريف مع الدكتور(رؤى متى تجين وتسمين مهرت خيلك؟)
ابتسم بمراره على حظه دايم ماتكتمل فرحته بشي طلع وهو متضايق جدا وراح للشركه

ــــــــــــــــــــــــ(20)
الساعه 10بالليل وصل فواز الجنوب
استقبله فهد وعبدالله
فهد:وقسم نورت ابها ونور الجنوب كله
عبدالله:وجع انا نسيبك تقولي بس هالحكي
فواز وهو يضحك:ياخي ليه الغيره (لف على فهد:منوره باهلها والله
فهد:كيفك ياولد وشخبارك؟والله لك وحشه
فواز:الله يسلمك بخير ولله الحمد انت بشرني عنك
فهد:الحمد لله بس يالله نستعجل ينتظرونا عالعشاء
فواز بزعل:وليه للحين ماتعشوا ؟
فهد:ينتظروك
فواز:اجل يالله مشى فهد قدامهم وفواز مسك يد عبدالله
عبدالله:وشو؟
فواز بابتسامه:كيف النفسيات يالمعرس؟
عبدالله بابتسامه شقت وجهه:ماقول الا متى يجي بكره الليل
فواز ضحك على هبال اخوه وضربه على كتفه عبدالله مسك اخوه من كتفه ومشى فيه وهو يسولف لفواز وفواز كان يسمع له وهو مبسوط من فرحه اخوه

عند ابو خالد بالمستشفى
كان الطبيب المناوب اللي هو اللي دخل رؤى عند ابو خالد يمر على المرضى ومر من غرفه ابو خالد ودخل عنده يتفقد مريضه
الدكتور:السلام عليكم
ابو خالد:وعليكم السلام والرحمه
الدكتور:هاه طمني عنك؟
ابو خالد:طيب
الدكتور:تحس باي الم؟
ابو خالد:صداع خفيف بس يادكتور بسال؟
الدكتور:تفضل؟
ابو خالد:محد زارني ؟
الدكتور:ليه؟
ابو خالد بعيون مغرقه دموع: حلمت اني سمعت صوت بنتي اللي عذبتها سمعتها قرت علي حسيت فيها باست يدي وراسي من 3اسابيع وهذا الحلم يتكرر
الدكتور مع انه راحم حاله بس علشان نفسيته لازم يكون صارم شوي :لا ماجاء احد وافضل انك تروح لهم بنفسك بعد محاكمتك لانك شفيت ولله الحمد وبكره خروجك باذن الله
ابو خالد بعد تفكير في كلام الدكتور:اللي تشوفه
الدكتور:تصبح على خير
ابو خالد :وانت من اهله
طلع الدكتور امام ناظر ابو خالد(ياترى احلم ولاحقيقه؟ يارب سهل الامور وساعدني على مواجهه ابو راشد )

صباح اليوم التالي يوم الخميس
اخذ ابو خالد اذن بالخروج واخذه العسكري من المستشفى لقسم الشرطه
ودخل عند الضابط:السلام عليكم
الضابط:وعليكم السلام والرحمه اهلين يابو خالد تفضل
ابو خالد:شكرا
الضابط:الحمد لله تشافيت بوقت سريع وقياسي كانت ارادتك قويه
ابو خالد:الحمد لله
الضابط بجديه:انا انتظرت عليك لمن تشفى وننفذ الخطه باقي عند كلامك؟
ابو خالد باصرار:اكيد
الضابط:انت تعرف غير ابو راشد؟
ابو خالد:لا
الضابط:حتى اللي سلمت له الصندوق ذاك اليوم؟
ابو خالد:لا وذاك اليوم او مره اشوفه واعرفه ويقاله التنور
الضابط وهو رافع حاجب:التنور؟
ابو خالد:ايه وسمعت مره ابو راشد يكلمه بس ماكنت مركز لاني سـ.....(سكت ابو خالد مايبي يقولها كنت سكران)
الضابط بتفهم:ماتتذكر شي ثاني؟
ابو خالد باسف:لا والله ماذكر شي
الضابط:احنا عرفنا تحركات ابو راشد من المعلومات اللي عطيتنا اياه وصار لنا يومين مراقبينه بس للحين ماشفنا شي يستحق الذكر
ابو خالد:طيب وش المطلوب اسويه؟
الضابط :الخطه كالتالي .........
ابو خالدكان مستمع جيد يسمع الخطه وبينفذها بحذافيرها يبي ينتقم من ابو راشد ويفك الناس من اذى هالفئه الدنئيه بتخريب بلادهم
بسموم ماترضى الله ولاترضي الانسان المسلم انها تدمر اخوانه واهله

عند رؤى اليوم الخميس ولاعندها جامعه قاعده مع رتال ورتيل بمرسهم
رؤى كانت مندمجه ترسم حست باحد يصرخ وراها
رتال:رؤؤؤؤؤؤؤؤؤؤى روووعه وقسم بالله روعه
رؤى بخجل:يعني باقي ماخلصتها
رتيل:من جد روووعه من علمك ترسمين؟.
رؤى:ماحد انا احب الرسم من وانا صغيره وكانت مدرستنا بالثانوي مره متفاعله معي تعطيني كتب خاصه بالرسم وتوديني معها رحلات لمعارض الفنون وطورت من نفسي
رتال:شوفي رسمه الخيل روووعه بس الشخص لمن يشوفها يحس بالحزن ودي اعرف ليه؟
رؤى وهي تتذكر فرسها هديه فواز تتذكر لمن اول مره ركبتها
(فواز:اكيد تبين تركبينها بس مستحيه منهم؟
رؤى:هاه لاعادي
فواز:امشي ورى المزرعه مافيه احد اركبيها براحتك
رؤى:طيب بنادي ساره يمكن تبي تركب
وراحت لساره وقالت انها بتلحقهم
رؤى رجعت لفواز وهي حدها متحمسه:قالت بتلحقنا
مشى فواز وهو ماسك لجام الخيل ورؤى تشمي بحذى الخيل من الطرف الثاني
فواز:رؤى
رؤى:هلا
فواز كان بيقولها احبك بس خاف من ردت فعلها وخاف هالابتسامه اللي على وجهها تنمحي ففضل السكوت وغير الموضوع:مبسوطه؟
رؤى بعفويه:مررررره شكرا فواز الله لايحرمني منك(استوعبت نفسها وش قالت وصار وجهها احمر من الاحراج )
اما فواز حس انه ملك الدنيا كلها من كلمتها
لف لها بحماس :يالله بجيب السلم تركبين وبجي
رؤى:طيب
جاب فواز السلم الصغير وساعد رؤى تركب
رؤى:واااااااااو ووناسه
فواز وهو يضحك:طيب انتبهي وامسكي اللجام زين
رؤى كانت تنفذ تعليمات فواز وهو مررره مبسوطه احدى احلامها يكون لها خيل تركبه وتركض فيه حققها لها فواز الشخص اللي ماتدري وش شعورها له
امتنان تقدير احترام حب كل المشاعر كانت تحسها ناحيته
مشى فيها فواز وهو يقولها شلون تكون خفيفه على الخيل
فوا:تبين افك اللجام وتمشين بروحك؟
رؤى بخوف:لالالا خلك
فواز(فديت الخايفين انا):طيب
رؤى:فواز
فواز:لبيه
رؤى استحت مررره بس قررت تسوي نفسها عادي:اركبه انت ورني شلون يركض
فواز:طيب
وقف الخيل وساعد رؤى تنزل بس لمن نزلت علقت طرف بلوزتها الطويله بسرج الخيل وكانت بتطيح بس فواز ضمها له وفك البلوزه من سراج
الخيل ونزلها على الارض وهو يبتسم
رؤى كان موقف محرج جدا النسبه لها همست:شكرا
فواز:العفو واجبنا (وغمز لها)
جت ساره:وش تسوون
رؤى:فواز بيجرب الخيل وهي تركض ابي اشوفها؟
ساره بغضب:يعني قد ركبك عليه؟
فواز وهو يمسك يد رؤى بدون ماتنبه ساره
فواز:لا ماركبت للحين
رؤى سحبت يدها وتكتفت
ساره براحه:ايه زين)
رتال:رؤؤؤؤؤؤؤؤؤى وقسم بالله منتي صاحيه اكلمك من الف سنه ولاتردين
رؤى توها تنتبه :هلا
رتيل:رؤى سوال وابي الصراحه؟
رؤى:وشو؟
رتيل:انتي تحبين؟
رؤى دوروها ماتلاقونها احرجها سوال رتيل بقوووه:ليه سالتي؟
رتيل:يقولون اللي يحب يسرح واجد وابي اشوف هالنظريه صح
ضحكت رؤى من قلب وحب تغير الموضوع:شرايكم احط بهالزاويه لون رمادي ولابيج ولازهر فاتح
رتيل:انا اقول زهر
رتال:وانا اقول بيج
رتيل :الزهر احلى
رتال:لا البيج
وبدت هوشتهم المعتاده ورؤى تحاول تهديهم وهي ميته ضحك عليهم
دخلت حنين :ياويلي على خيتي رؤى لمن باعت عمرها و قعدت معكم
ومسكت رؤى من يدها وسحبتها لها:وش عندهم القلق؟
رؤى:مافيه شي اختلاف اذوواق
حنين:المهم بعد شوي بنطلع اجهزوا
رتال بفرح:جد وين؟
رتيل:وين؟
حنين:بنتمشى ونروح البحر بعدين بنتعشى ونرجع وطبعا هذا كله على شرف العنود والاء وغلا لانهم بيفتحون مشغل خياطه
هند:وبهاذي المناسبه انا عازمتكم
الاء:لاوالله علي العزيمه وتراها اخر ريال بدفعه ايه انا صرت بزنس وومن وكل ريال مهم لشغلي
ماتوا ضحك عليها
رؤى:الف مبروك تستاهلون اكثر والله
غلا:الله يبارك فيك قلبي
العنود:انا بطير فرحه امنيه حياتي بتحقق
رؤى:وانتي نور منتي معهم؟(هاذي نور ثانيه مو نفس بنت خاله فواز اذا مانتبهتوا)
نور:لاوالله بساعدهم بس انا الطب ماخذ وقتي ومابي انشغل عنه بشي
رؤى:الله يوفقكم
سماح:تكفون صوره
البنات بحماس:اوووك
خذت لهم سماح صوره تذكاريه وكانوا كل وحده بحال وطبعا ماتخلوا الصوره من استهيال الاء
وكل وحده راحت غرفتها حتى يجهزون
سماح لغلا:اقولك سر؟
غلا:وشو
سماح وهي منزله راسها :انا مره اخذت صوره لرؤى بدون ماتدري
غلا بعصبيه:سماح هذا تصرف صح بنظرك؟
سماح :والله مو قصدي شي بس اعجبني شكلها ذاك اليوم وصورتها خفت اقولها تزعل وانا بصراحه مانتبهت الا لمن حمضتها وخلصت اني اني ماستاذنت
غلا:طيب ابي اشوفها
سماح اخذت غلا للغرفه الخاصه فيها وطلعت الصوره وعطتها غلا
غلا(ماشاء الله لااله الا الله روووعه وبصراحه مالومها سماح ):حتى لو الصوره روعه والتصوير بعد حلو بس قولي لها صدقيني هي طيبه ومارح تزعل منك
سماح:تتوقعين مابتزعل؟
غلا:رؤى تزعل قويه بحقها قلبها ابيض وماعتقد هالشي بيزعلها
سماح وهي فرحانه:طيب طيب بروح اقولها
غلا:مو هنا خليها عالبحر خذي الصوره وعطيها لو حبت تحتفظ فيها فهذا شي راجع لها ولو عادي تحتفظين فيها فهذا شي حلو
سماح :طيب
واراحت كل وحده تلبس عباتها لانهم تاخروا على هند والبنات
بالجنوب في بيت ابو فهد
الدنيا قايمه قاعده ملكه عبدالله على حبه وعشقه وبنت عمه تمت من دقايق
فواز وهو يضم اخوه بعد مابارك له ابوه وعمه همس باذنه:مبروك مبروك ياخوي
عبدالله وهو ضام اخوه:الله يبارك فيك فواز انا مبسوط
نزلت دمعه من فواز مايدري ليه او كيف بس مسح راس بكتف اخوه حتى ماتبين دمعته:جعلها دوم
فهد:فيلم يبي له شباك تذاكر والربح كله لي مو البطله اختي
فكوا بعض فواز وعبدالله وهم ميتين ضحك
فهد سلم على عبدالله:الف الف الف مبروك
عبدالله:الله يبارك بعمرك وعقبالك
فهد:الله يبارك فيك(عقبالي ههه ساره كرهتني بجنس حواء كلهم)
فهد: تبي تشوف العروس؟
عبدالله:وش دخلك انت حرمتي وكيفي
فواز هنا مات ضحك على اخوه
عبدالله:والله العظيم يابابا هاذي حرمتي خلاص واللي يصير لها برايي (وهو يتصنع الجديه)وقولها تروح المجلس الثاني بجي اقعد شوي يالله تحرك
الكل مات ضحك على عبدالله
عبدالله بهبل:مايصلح اكون شرير صووح؟
ابو فهد وهو يمسح دموعه من الضحك:الله يسعدكم وانا عمك وبعد ساعه بتدخل
عبدالله وهو يتحلطم بصوت مسموع لفواز وفهد:اخر زمن ذا الشايب يتحكم بحرمتي بس يالله نمشيها بما انه ابوها
فواز طلع برى لانه تفشل من كثر مايضحك اما فهد دخل المطبخ يستعجلهم القهوه وهو يبي بس يطلع من المجلس يضحك
دخل فهد المطبخ من الباب الخلفي اللي بالحوش وهو ميت ضحك ويمسك بطنه ويمسح دموعه
عبدالله له اسلوب روعه يخليك تضحك غصب حتى لو ماتبي
توجه لبراده المويه وصب له كاس
جاه صوت خلاه يوقف شرب ويلتفت لمصدر الصوت

عند فواز
جاته مكالمه وكان صديقه
رد فواز بلهفه:بشر
تكلم صديقه:ابو خالد ابو رؤى اليوم ترخص من المستشفى رؤى زراته مره وحده وللاسف ضيعت وراها وماعرفت وين ساكنه وابو خالد ودوه السجن ومده محاكمته للحين ماعرفتها
فواز:ورؤى ماكانت فيه؟
الولد:للاسف مو فيه ولو جت تاكد اني بجيب العنوان
فواز وهو يتنهد:مشكور تعبتك معي
الولد:ولو تعبك راحه وانا اخوك وان شاء الله اقد اجيب لك العنوان او أي معلومه قريب
فواز:شكرا
(ياااارب انت اعلم بحال القلوب يارب فرحني بشوفتها قريب يااارب)
رجع فواز للرجال
عبدالله وهو معصب:وجع لك انت وولد عمك
فواز وهو رافع حاجب :ليه؟
عبدالله:رحتوا وخليتوا المعرس لحاله
فواز قعد:والله انك رايق

صالح وتركي التوام كانوا معصبين مره
ابو عبدالله:وشفيكم ياعيال؟
صالح:وش ذا ليه عبدالله يشوف اختنا عيب
تركي:أي والله مايصير هو غريب عنها
ابو عبدالله مات ضحك عليهم ومسك كل واحد من كتفه ومشاهم معه لداخل
ابو عبدالله:مو انتو ابوكم يقعد مع امكم؟
تركي:ايه بس عادي
ابوعبدالله:وهم بعد عبدالله عادي لانه صار زوجها
صالح وهو يبتسم:يعني العقد معناه العرس
ابوعبدالله بابتسامه حنونه:ايه العقد هو العرس
تركي:ايييه توي افهم لانهم من اليوم يقولون بنكتب العقد ولاعرفنا وشو بالضبط
ابوعبدالله:يالله الرجال ينتظرون ومحد صب لهم القهوه
فز صالح:بسرعه ياتركي الضيوف ماعندهم قهوه
تركي وهو يمشي وراه:فهد راح يستعجلهم خلنا نروح نغسل الفناجيل
ابتسم ابو عبدالله تذكر عبدالله بطفولته كان يحب يروح مع ابوه كل مكان صحيح انه مشاغب درجه اولى ودايم يوهق ابوه مع رجال الاعمال ويحطه بمواقف محرجه
ومنه انه مره اخذ عقد مهم لرجل اعمال معروف وغمسه بالمويه يقول انه الاراق مو نظيفه >>خخخخخخخخخ
بس كان يعشق خباله ومشاغبته تذكر اول يوم بمدرسته كان مسوي نفسه رجال ومايخاف
ويقول لابوه عادي عادي البنات اللي يبكون
ولمن بدت الحصه لاولى وكان ابو عبدالله بيطلع من فصله بكى يبيه يقعد معه
ضحك على هالذكرى
ابو فهد:ابوعبدالله وشفيك وانا اخوك؟
ابو عبدالله لف لاخوه :ولاشي يالله ندخل داخل وتراني ابيك بموضوع عن اختك دلال
ابوفهد:يالله وعلى فكره انا بعد كنت ابي اكلمك عن نفس الموضوع
ابو عبدالله:بعدين الكلام خلنا نروح لضيوفنا

عند رؤى
كانت قاعده عند البحر والبنات كل وحده تسوي شي
اللي تلعب بالمويه واللي قاعده مع هند على البساط وكان الجو مره حلو جو اسره واخوات قلوبهم على بعض وعنجهم ام حنونه وهي هند
سماح:رؤى ممكن اقعد معك؟
رؤى تفضلي ولو؟
بعد فتره صمت
سماح:رؤى
رؤى:هلا
سماح:بغيت اقولك شي واتمنى ماتزعلين مني
رؤى بابتسامه حتى تتكلم سماح بدون خوف:تفضلي حبيبتي قولي اللي عندك
سماح:انا مره صورتك بدون ماتدرين والله نسيت استاذن وتذكرت لمن خلصت الصوره
رؤى :بس
سماح رفعت راسها وطالعت برؤى لقتها تبتسم لها:ايه
رؤى:عادي هو صح لازم لو وحده غيري تستاذنين بس انتي اختي وسوي اللي تبين
سماح بفرحه:من جد (ضمت رؤى)شكرا ياحلى اخت بالعالم
بعدت عن رؤى:طيب ماتبين تشوفين الصوره
رؤى:اكيد ابي اشوفها
سماح:شوفي انا معدلتها بالفوتوشوب ومخليتها كانها رسمه لو تبين اطبع لك الاصليه ماعندي مشكله
رؤى:اوكيه طيب وينها
سماح وهي تقوم بحماس :دقيق بجيبها من شنطتي
راحت سماح تركض
>>(بصراحه هاذي الرسمه هي تخيلي لرؤى وحبيتكم تتخيلونها معي)
رؤى بخجل:طالعه بالصوره احلى
سماح بعفويه:لاوالله احس الصوره بعد ظالمتك
رؤى وهي ترجع الصوره لسماح:احتفظي فيها واذكريني فيها دايم وبتكون سر بيني وبينك اتفقنا
سماح بفرحه كبير:اتفقنا
سرحت رؤى بخيالها في البحر وبفرحه سماح البنت اللي تحسها اطيب مخلوق عالدنيا بسرعه تبكي بسرعه تضحك اي شي يفرحه قصتها اليمه جدا
(سماح هي الوحيده اللي ماتعرف من امها وابوها لانه لقيطه اخذها رجل ورباها ولمن كبر هالرجال وصارت العيشه صعبه عليه قالها انه لقاها بالزباله
وانه اخذها ورباها )
بس مع هذا تضحك وهي ناسيه من هي او بمعني اصح متناسبه كان شي يعجب رؤى بالبنات اللي هو متناسين ماضيهم وعايشين يومهم بفرح
سرحت بهند اللي تعبت لمن وصلتهم له الحال تعبت لمن خلتهم يتخطون حزنهم وخوفهم (الله يخليك لهم ياروع واحن ام بالدنيا )

الساعه 9
مرالوقت وعبدالله معصب لانهم طولوا على قولته
وفهد كان هادي وحاله من قلب من رجع لهم وفواز يتطنز عليه وهو عمر بالجوال
عبدالله بعصبيه:اشوف فيكم يوم يارب العالمين
فهد رحم عبدالله ودق على اخته الكبيره يشوف يدخل عبدالله الحين ولاشوي
ردت اخته وكانت عند مي بغرفتها:هلا وغلا بفهودي
فهد:اهلين خلصتوا
نجوى:ايه خلصنا بس بتسلم على الحريم وبعدين اعطيك رنه وخل عبدالله يجي المجلس الثاني
فهد:اووك
مي: كانت كلمه حلوه قليله عليها كانت لابسه فستان فيروزي فاتح مررره وله قصه غريبه ورعه تحت الصدر وفيه ترتر بسيط فضي مع مكياجها اللي مناسب جدا لبشرتها
طلعت روعه بشعرها اللي مسيحته ومرفوع من قدام بكلاسيك ناعم ومعطي لوك روعه متقن يدل على خبره اللي سوته لها
مي:تكفين نجوى مابي (وبدت تبكي)
نجوى اللي عارفه اختها وخجلها:اسمعي يامي لاتخربين هاللحظات الحلوه بالصياح ترى احلى لحظات الوحده يوم ملكتها صدقيني هي الذكرى الحلوه اللي بتبقى
مخلده براسك انت وهو يعني خلك قويه شوي وبدون دموع
مي الي هدت من كلام اختها:بس خايفه
نجوى:من وشو الولد بيسلم عليك ويبارك لك ويطلع وش يخوف تعوذي من ابليس وهدي نفسك وخلني اعدل الكحل للمره الالف
ضحكت مي بنعومه لانها من جد عذبت اختها كل شوي تعيدها لها لان دموعها مارضوا يوقفون
نجوى:ايوه كذا اضحكي

اما فهد قفل واستاذن انه بيروح شوي يجيب اغراض ناقصه
راح لاخوه نايف
فهد:نايف
نايف:هلا
فهد:بطلع شوي ناقص شويه اغراض
نايف:الله يحفظك ولاتبطي بعد شوي العشاء
نايف :لامابطول شوي للبقاله واجي
طلع نايف وهو يسترجع الموقف اللي صار لمن كان بالمطبخ
:فهد
لف بقوه يبي يتاكد هو يحلم ولا لا وبدهشه:سااااره
ساره :ايه
صح كانت لابسه عبايتهاومتلمثه بس عرفها كانت توها جايه من الكوفير ودخلت من باب المطبخ بس سمعت الضحك ولمن رجعت لقته فهد وحستها فرصتها تعتذر له
فهد ببرود صدم ساره:هلا وش بغيتي
ساره وهي تحس دموعها بتخونها:شخبارك؟
فهد وهو يصد ويصب له كوب ثاني مويه:من الله بخير (وبحده)وشبغيتي
ساره:آآآ..فهد ممكن تطالع لي
فهد بابتسامه استخفاف:خير
ساره ودمعه خانتها:آسفه
حس دمعتهاخنجر بقلبه وده يمسحها وده يقولها مسامحك وانا احبك بعد واموت فيك
بس كل مايتذكر همسها مع نور بالسياره انه غبي ودلخ وهو مطنش ولاكانه يسمع ولمن شافها بالمجمع ترسل لولد بلوتوث عصب وكرهها
فهد ببرود عكس النار اللي داخله من عصبيه من تصرفاتها وكسر خاطر على دمعتها:للاسف اعتذارك مو مقبول
ساره سكتت الجمتها الصدمه انها تتكلم وتبرر لها اي شي
ولف عليها بحده:انتي(وياشر على قلبه)مسحتي مكانك نهائي من هنا (وبصراخ)فاهمه
ساره قعدت على الارض صدمتها ردت فعله بكت بحرقه هي اللي ضيعت شخص وفي ويحبها بغبائها
داست على قلبها وقلبه والسبب غرورها لمن عرفت بحبه ونور اللي زودتها و كرهتها فيه(ايه نور انتي السبب والله لادفعك الثمن)
الانسان لمن مايلقى تبرير لاغلاطه يقط الذنب على الناس اللي حوله وهذا غلط ياساره بيدك انتي خليته يكرهك

قامت من المطبخ تحس الدنيا مقفله بوجهها طلعت غرفه الضيوف اللي اغراضهم فيها
عدلت مكياج عيونها اللي خرب من الصياح ولبست فستانها ونزلت تحت لان امها احرقت جوالها )

فهد وقف عند السوبر ماركت
ونزل اخذ له مويه يحس ريقه ناشف استغرب من نفسه
(ليه اقولها كذا ليه اخرب علي وعليها
ساره جت تعتذر يعني عرفت غلطتها ليه ماسامحتها ليه مو انا احبها لييييييييه ضيعت الفرصه من يدي ليه قسيت عليها ليه دموعها ماغيرت تصرفي معها لييييه)


ركب سياره وهو متضايق حده ومشى بسرعه
ومانتبه ان الاشاره حمرا ومشى وقطعها وصار اللي ماحد يتوقعه

ساره نزلت لامها اللي قالت لها تنادي نجوى وتقولها انه وقت الزفه
لفتت نظرالكل دخلت ساره بفستانها الحرير الناعم باللون الوردي كان طويل مبين عودها الريان وطولها الحلو وله كم بوف كبير منتهي بفيونكه على نحرها والكم الثاني عاري
كان شكلها بقمه النعومه مع مكياجها اللبناني وشعرها المسيحته
سلمت على الحريم وراحت لام عبدالله:خالتي
ام عبدالله:هلا بسارونه وش هالزين ماشاء الله
ساره بخجل:تسلمين بس وين نجوى؟
ام عبدالله:عند مي فوق
ساره :طيب
طلعت ساره الدرج وقفت عند غرفه مي تقولهم انه وقت الزفه
بس صقعت باللي سمعته وفتحت الباب بقوه ودخلت الغرفه ودموعها مغرقه وجهها
وبخوف ماحسته بحياتها:نجوى وشفيه فهد؟

وهي مبسوطه ان رؤى مازعلت واخذت الصوره من شنطتها ومدتها لرؤى


ــــــــــــــ(21)
نجوى وهي تبكي ومي واقفه جنبها بصدمه:دقيت على فهد رد علي واحد يقول صاحب السياره صدم
ساره صرخت صرخه خلت الموجودين تحت يطلعون الدرج بخوف
ام نايف:خير وشفيكم وش صار؟
دلال:ساره يمه بنتي سارونه وشفيك؟
ماكان من ساره الا انا تطالع بامها وطاحت من طولها
ركضت دلال وهي شوي تصيح وبدت تضرب خدود ساره حتى تصحى
ام عبدالله بهلع:نجوى وش صاير؟
نجوى ودموعها على خدودها وبحاله صدمه شديده :فهد
ام نايف بشهقه:يمه ولدي
مي:ماما
(وركضت ضمت امها وتمت تصيح بحضن امها وتكلمت وهي تشاهق)فــ فههـ.د فهد سوى حادث
ام نايف:فههههههههههد
وركضت لتحت واخذت عبايه حتى ماتدري شلون ولا لمنو المهم تشوف ولدها
طلعت برى البيت للحوش وهي تركض
شافت نايف واقف مع مجموعه رجال قريب من بوابه الرجال داخل الحوش
نايف استنكر وجود الحرمه اللي تركض وراح لجهتها ولمن قرب شاف امه
نايف بهلع:يمه وشفيييييييك؟
ام نايف وهي تبكي بكى ام محروق قلبها على ضناها
على شي غالي وثمين مايقدر بكنوز الارض كلها وبكل الم وبصوت اجهشه البكاء :أخووووك آآآآآآآآه ياويلي على ولدي اخوك مسوي حااادث
نايف بصراخ:ووشووووووووو من قالك؟
طلعوا ابوعبدالله وابو نايف على صرخة نايف
ابو نايف بحده:وشفيك يانايف وش صاير ؟ام نايف وشفييييكم؟
قعدت ام نايف عالارض بنهيار:فهد فهد ولدي فهد روحي يابو نايف ولدنا يابو نايف مسوي حاد....
وماعد قدرت تكمل كلامها من البكي
صدمه الجمت الجميع
نايف وهو ساند امه عالارض صرخ بتركي: تتفرج انت بسررررعه جيب مويه
وراح تركي ركض يجيب مويه لامه
طلع نايف جواله ودق على جوال فهد وهو بعده ساند امه بيد والثانيه ماسك فيها الجوال
انفتح الخط
نايف :فهههههد
الرجال:اهلين اخوي
نايف:وينه فهد؟
الرجال: صاحب الجوال عمل حادث من ربع ساعه وهو الحين بالطريق لمستشفى........
نايف وهو يحس بثقل بكلامه:ماااات
الرجال:لمن راح من موقع الحادث كان حي الله يقومه لكم بالسلامه وانا رايح للمستشفى الان
سكر نايف من دون مايرد ولف لابوه بهدوء يحمل وراه من الالم مايكفي لامم :بنروح مستشفى ......فهد هناك
اخذ المويه من تركى وشربها امه وبحنان شديد:يالغاليه ادخلي داخل وادعي له فهد ولدك قوي زي ماعرفيته والرجال طمني انه بخير ان شاء الله بيرجع
وهو معي(ماكان يدري بكلامه يهدي امه ولا ابوه وعمه ولايطمن قلبه هو)
صرخ بتركي وصالح:خذوا امي داخل وانتبهوا عليها وخلوا جوالتكم معكم بدق اطمن امي
ركب نايف السياره وكان ابو نايف وابو عبدالله قاعدين بالسياره قبله
اما عبدالله طلع من المجلس منفجع على الصراخ وسمع مكالمه نايف مع الرجال وركض لسيارته ولحقه فواز وركب معه حتى من دون مايسمعون باقي المكالمه
وتوجهوا للمستشفى اللي قال عنه الرجال

والكل كان بصدمه البعض ترجمها بالدموع والباقين بالبرود القاتل وحاله اللا إستيعاب
بغرفه مي
ساره توها تصحى وهي تفتح عيونها
دلال وهي تبكي:ساره يمه وشفيك وش صار لك؟
ساره بدت تستوعب اللي صار وصرخت:فهد ماااات
دلال:تعوذي من ابليس يقولون هو بخير ويمكن يرجع معهم البيت
قعدت ساره وهي كانت منسدحه وبدموعها اللي ماجفت:صدق يمه فهد حي؟
دلال:ان شاء الله قومي يمه خلنا ننزل لخالتك ام نايف الله يصبرها يارررب
سندت دلال بنتها ونزلوا تحت لقوا ان جو الحفله اللي كان من دقايق بهالمكان انقلب وصار جو للحزن والترقب والانتظار القاتل اللي بيحمل وراه خبر
حياه شخص كان غالي عالجميع وخاصة على قلب امه
دلال وهي تمهس لام عبدالله:دقوا؟
ام عبدالله بذات الهمس:للحين الله يستر ..شخبارها ساره؟
دلال:لاطيبه بس شكلها انصدمت من الخبر
ام عبدالله:يارب سترك ورضاك عنا يارب يارب تقر عيونا فيه


بالمستشفى
دخل فواز ركض وعبدالله وقف السياره بشكل عشوائي ولحق اخوه
فواز يسال الاستقبال:فيه واحد توه مسوي حادث اسمه فهد وينه بسرعه
الاستقبال اللي مقدر حالتهم وخوفهم تكلم بسرعه :بغرفه الانعاش باخر غرفه بالممر اللي باليسار
ركض فواز وركض عبدالله وراه
وقفوا بخوف انهم يفقدون ولد عمهم واخوهم اللي تربى معهم كان توه يضحك معهم ويستهبل ولكن مشئيه الله قدرت يصير له اللي صار
بعد 5دقايق جاء نايف وابو عبدالله وابو نايف:وينه ؟وش صار؟
فوازكان ثابت عكس عبدالله اللي تلثم بشماغه وقاعد حتى ماحد يشوف دموعه
(عبدالله كان رغم استهباله وخفه دمه حساس جدااا مايتحمل مثل هالصدمات بعكس فواز اللي يكون ثابت بهالامور بس طبعا من الخارج ولكن من داخله الله وحده العالم بحالته)
فواز بهدوء وهو ياشر على غرفه الانعاش:للحين ماحد طلع يطمنا
نايف:لاحول ولاقوه الا بالله العلي العظيم
ابو عبدالله بحكمه وبثابت:قل لن يصيبنا الا ماكتبه الله لنا ادعوا له ياعيال بحاجه دعائكم الحين
سند نايف ابوه وقعده عالكرسي وكانت دموعه تمشيى على خدوده وتعلق بلحيته الكثيفه البيضاء
ابوعبدالله:تعوذ من ابليس يابو فهد انت رجل مؤمن وهذا قضاء وقدر انما الصبر عند المصيبه الاولى استهدي بالله وادع له
ابو نايف بصوت راجف من البكى:ونعم بالله ..إنا لله وإنا اليه راجعون لاحول ولاقوه الا بالله

ام عبدالله قامت بهدوء تكلم فواز
رد فواز بعد 4رنات بهدوء:هلا يمه
ام عبدالله:بشر ياولدي؟
فواز باسى:للحين تحت رحمه ربي ماحد طلع يطمنا بس يصير شي بخبرك
ام عبدالله:انتبه لابوك وعمك لاتنسى ابوك راعي قلب
فواز:معليك ثابتين الحمد لله يالله يالغاليه بقفل
ام عبدالله:الله يحفظك
رجعت لام نايف اللي مقطعه نفسها من البكي
ام عبدالله بصوت جهوري:اذكروا الله ياجماعه لاتتفائلون بالشر عالولد ادعوا له
ام نايف:لاإاله الا الله
ام عبدالله قعدت جنب ام نايف ومسكت يدها:تعوذي من الشيطان وادعي له بدل البكي يحتاج دعائك مو دموعك
ام نايف حطت راسها على كتف ام عبدالله وصارت تنزل دموعها بهدوء
ام عبدالله تنهدت باسف وهي تدعي بسرها ماينفجعون بفقدت فهد
استاذن جميع الضيوف الموجودين وهم راحمين حالهم وكيف انقلب من فرحه لزعل والم وحزن بقدره الله ومشئيته

بعد ساعه ونص حسوها وهم ينتظرون خارج غرفه الإنعاش دهر
طلع الدكتور وركض نايف له:حي ولاميت؟
الدكتور:لا الولد بخير ولله الحمد صحيح الصدمه كانت قويه بس ولدكم ارادته قويه وماصابه شي الا رضوض وخدوش وعملنا له عمليه برجله وان شاء الله كل شي تمام
راح ننتظر 24ساعه حتى نقدر نحكم على حالته وبيكون بالعنايه ماعليه الا العافيه وقعدتكم هنا مالها داعي لانكم مستحيل تشوفونه الا بعد ماتعدي 24ساعه
ابو نايف:بضعف وكانه زاد على عمره 20سنه :دكتور ولدي مامات؟
الدكتور وهو راحم حالهم:لا ياعم هو بخير ولدك فهد بخير تطمن انت روح ريح بالبيت وطمنوا الاهل ولاتنسونه من دعائكم عن اذنكم والف سلامه عليه
راح الدكتور ولحقه فواز:دكتور
الدكتور لف عليه:هلا
فواز:اكيد مافيه شي
الدكتور :للاسف دخل بغيبوبه بس الوضع الى الان تمام ان شاء الله ماتصير ايه مضاعفات او نزف داخلي ويصحى بكره زي محنا متأملين وبيكون بخير بدعائكم ان شاء الله
فواز وكلمه غيبوبه تررد على مسامعه وبدون وعي تكلم :شكرا دكتور ماقصرت
الدكتور بابتسامه:العفو اخوي وهذا واجبنا
رجع لهم فواز:يالله ارجعوا البيت وانا بضل هنا واول مايصير شي بدق عليكم
عبدالله :بس انــ...
قاطعه فواز بصرامه:قلت ارجعوا البيت طمنوا الحريم وبكره من الصبح تعالوا وانا بكون هنا وان شاء الله مايصير شي
نايف:خلاص بوصل ابوي وعمي وبرجع لك
فواز بحده:والله لو ترجع اقعد عند عيالك وانا اكفي هنا ولاعندك غير هالكلام ياولد عمي
نايف:لامحشوم يافواز
فواز :اجل توكلوا عالله
ابو نايف وهو يقوم بتعب من الكرسي:يبه فواز طالبك أي شي يصير دق على جوالي انا
فواز وهو يحط يده على كتف عمه ويبوس راسه وبحنان:تعوذ من ابليس وفهد ماعليه الا العافيه وابشر أي شي يصير بكلمك انت روح ارتاح وخذ ادويه
الضغط مانبيك تتعب يابو الغالي
ابتسم ابو نايف لفواز
ومشى بثقل وهو يجر خطواته رايح البيت كيف يقدر يطلع وولده هنا مايدري بيرجع لهم حي ولاميت بس لله حكمته وهذا قضاء وقدر ولازم يصبر على مابلاه
ابو عبدالله لفواز:انتبه لولد عمك
فواز:بعيوني يالغالي روح ارتاح نجلاء بيوقف قلبها من الخوف عليك
ابتسم ابوه (فواز دايم يخفف عالكل الصدمات اللي زي كذا ويهونها بشكل مو طبيعي عليهم):مع السلامه
رجعوا للبيت يطمنون امه والباقيين وفواز قعد بتعب عالكرسي
مايدري وش يسوي من كان له اخ بغيبوبه والغيبوبه الله اعلم متى يقوم منها مسح على عيونه بقوه مايبي يضعف ويبكي لانه متامل برب العباد انه بيشفيه لهم قريب
بعد وقت مو طويل طلع فريق الممرضات وهم يدفون سرير فهد بينقلوه من غرفه العمليات للعنايه
انصدم فواز من منظر فهد الجروح معبيه جسمه اللي مايبين من كثر الاجهزه عليه وعيونه عليها كدمه كبيره صاير لونها ازرق
وحالته حاله لحق وراهم بس اختفى لسرير فهد لمن انقفل باب العنايه والنيرس تقول:ممنوع الدخول
نزلت دموع فواز على حال ولد عمه وصديقه واخوه ماقدر يمسكهم اكثر من كذا
تعوذ من ابليس وبدون تفكير
طلع جواله ودق رقم رؤى بس كان مغلق ورجع دق على عمر يبيه يخفف عنه
رد عمر بمرح:هاه انزف المعرس خخخخخخخخخخخخخ
فواز بهدوء:عمر
عمر طاح قلبه ببطنه من الخوف كل شي طرى بباله واول شي اخته :رؤى فيها شي؟
فواز وهو يتعوذ بالله من انه يصير لها شي وتكلم :لا لا رؤى بخير ان شاء الله بس فهد ياعمر عمل حادث وكان قوي والله اعلم يطلع منها ولا لا
آآخ ياخوي ولد عمي بين الحياه والمووت
عمر:لاحول ولاقوه الا بالله وش صار عليه؟
فواز ببحه لانه كاتم البكيه :دخل بغيبوبه بس محد درى غيري و عملوا له عمليه برجله بس ياعمر كله جروح واجهزه ياعمر مابي افقده
عمر :لا يافواز انت اقوى من كذا فهد ان شاء الله بخير خلك قوي الكل محتاجك وانا اخوك
فواز من يكلم عمر على طول يرتاح مجرد يسمعه ويخلص حكيه معه على طول يرتاح حتى لو تم عمر ساكت وماقال ولاحرف :عمر شكرا الله لايخليني منك
عمر:فوازوه ووجع من متى بينا شكر لاتنسى احنا اصققاء
فواز :طيب بكون معك على تواصل
عمر:ترى انا صاحي دق باي وقت ولو صار شي كلمني على طول وان شاء الله بكره الصباح انا عندكم
فواز:لا والله ماتجي وتتعب عمرك
عمر:افا وانا اخوك ان ماوقفت معك بذي متى اوقف معك
فواز سكت احرجه عمر وهو عارفه دامه قال بيجي يعني بيجي والصراحه هو محتاجه معه يبيه جنبه
فواز:الله يرعاك وطمني عنك وانا بستقبلك
عمر:صار يالغالي انتبه لنفسك
فواز:تسلم باي
عمر:باي
قفل فواز من عمر وهو يحس بشويه راحه بس لمن تذكر شكل فهد وهو عالسرير دون حراك والاجهزه من حوله رجعت له ضيقه اقوى من قبل نفض الافكار
الشينه اللي فكر فكر فيها
توجه للاستقبال حتى يدفع الحساب لانه مستشفى خاااص


دخلوا البيت اللي خلى من المعازيم تماما لمن عرفوا باللي صار وهم زعلانين على فهد وضل اهل البيت ينتظرون على نااار
ام نايف قامت وبلهفه :ولدي وينه؟؟ماجاء معكم؟؟
نايف بغى يبكي من كلام امه بس صد وطلع برى بدون ماحد ينتبه
ابو نايف:الحمد لله طيب بس خلوه عندهم بيتطمنون عليه لبكره
ام عبدالله+دلال :الحمد لله على سلامته
ابو نايف:الله يسلمكم
ساره:اكيد هو بخير؟
ابو عبدالله:لو كان فيه شي ما كان رجعنا للبيت
طلعت زوجه نايف للحوش لانه لاحظت طلعته
مشت لعند سيارته اللي موقفها بالحوش وهو متسند عليها شافها جايه وقف مقابلها
تكلمت بهدوء:نااايف اذكر الله
نايف ماقال أي كلمه تمسك فيها بقوووه وكانه يبي يفرغ من حزنه قعدته على كرسي بحديقه الحوش:فهد طيب وماعليه باس لاتتفائل بالشر
نايف بدون رد غير انه دفن راسه بكتفها وغمض عيونه يبي يكذب كل شي مايبي يسمع خبر وفاه اخوووه

اما الباقييين ا كلن توجه لغرفته
وفيه 3اشخاص جافاهم النوم
امه وابوه اللي مستحيل يزورهم النوم وضانهم وولدهم بالمستشفى ومايعرفون عنه شي وش حاله
وساره اللي تبكي وتلوم نفسها بانها السبب
بغرفه مي
نجوى:يابنت الحلال اهدي وش هالكلام اللي تقوليه
مي وهي تصيح :انا السبب لانه رايح يجيب اغراض لحفلتي (ورجعت تصيح)
نجوى:مي انا بروح بيتي واسمعك تقولين هذا الكلام وين ايمانك هذا قضاء وقدر
مي:نجوى لو صار له شي والله لاموت نفسي
نجوى :تعوذي من ابليس وقومي وضي وصلي ركعتين انا بطلع وبروح الزياره من بدري مع زوجي
مي:طيب الله يحفظك
سلمت نجوى على اختها وقلبها متقطع عليها لانها ماتهنت بملكتها وعلى اخوها المرمي بالمستشفى بين الحياه والموت
نجوى وهي نازله من الدرج لقت اخوها نايف داخل من برى هو وزوجته
نايف بهدوء وزوجته ساندته:زوجك برى اطلعي له
ومشى وتركها نجوى كانت ملتزمه جدا وتعتبر اللي صار اختبار من رب العباد وان الصبر هو الحل لابالسخط ولابالبكى لانها ما بتيغير شي من اللي صار
او بيصير (أغبط الناس اللي كذا الله يثبتهم ماشاء الله)
تغطت وطلعت برى لزوجها وقابلت عبدالله
نجوى:عبدالله وش صار له طمني الله يخليك
عبدالله بهدوووء:مافيه الا الخير ان شاء الله الحمد لله طيب
نجوى:اكيد
عبدالله:ايه اكيد وكلها كم يوم ويطلع
نجوى :جزاك الله خير
عبدالله:نجوى
لفت عليه:نعم
عبدالله:مي وش مسويه
نجوى:مقطعه نفسها صياح تراه الغالي عند الجميع لو تبي تطلع لها غرفتها ثاني غرفه عاليمين استودعك الله
عبدالله ظل واقف مايدري وش يسوي لو رجع المستشفى مابيستفيد شي لانه ممنوع احد يشوفه وخايف يصير شي لابوه وهو مو فيه
ومي مايبيها بروحها والسبب الاساسي مايبي لو صار شي يكون موجود مايبي يسمع شي مو زين عن ولد عمه
توجه لغرفه مي صارت زوجته ولازم يوقف معها بهالازمه
تردد كثير بس قرر يكمل لان ماقدامه خيارات
دق الباب ولاجاه رد خاف تكون نايمه
وكان بيمشي بس افتحت الباب وكانت الصدمه لها وله
انصدم بشكلها كانت لابسه بجامه بنطلون وردي مقلم باصفر فاتح وتيشرت اصفر فاتح بعد كانت روعه مع عيونها اللي تلمع من الدموع وشعرها المجتمع على جنب
وهي انصدمت بوجوده عند غرفتها
عبدالله بحنان:مي
مي ماتحملت وبكت وغبت وجهها بين كفوفها
مسكها عبدالله من كتفها ونزلها معه الصاله
قعدها عالكنبه وراح وجاب لها مويه ومناديل
قعد جنبها ورفع راسها ومد لها المويه:سمي بالله واشربي
مسكته بيد مرتجفه وكان بيطيح ثبته لها عبدالله وخلاها تشرب
شربت رشفتين وبعدته عنها ومد لها هو المنديل
مستحت دموعها وسكتت
عبدالله بهدوء:اهدي يامي الله يرضى عنك فهد بخير
رجعت مي تبكي حط راسها بحضنه وخلاها تبكي مايعرف يهدي احد وهو متوتر وخايف وده يبكي زيها وده ينهى هالوضع اللي معذب الجميع بسرعه بس الليت ماتنفع
مي من حطت راسها وهي تبكي وتشاهق مسح على ظهرها وهو يهمس:تعوذي من ابليس اذكري الله الولد بخير وراه تبيكن؟؟
مي توها تستوعب الشخص والمكان وانها حاطه راسها على رجله وتبكي
قامت بسرعه وعبدالله مستغرب منها
بغت تطلع فوق بس عبدالله وقف قدامها:وشفيك؟خلاص اااووووش اهدي واقعدي
قعدت بهدوء ببحه:فهد وين؟
عبدالله:بكره بوديك تزورينه بس الحين تعوذي من ابليس واهدي ويالله اطلعي ريحي ونامي
مي تعلقت عيونها فيها
شكلها جذاب وكانها رسمه كرتونيه عيونها امتلت دموع بس قبل تنزل على خذها كانت يد عبدالله اقرب لها من خدها
عبدالله وهو يسمك يدها ويقومها مشاها معه للدرج ومشى لغرفتها
دخل وقعدها عالسرير وعدل المخده وريح راسها عليها لحفها وباس جبينها :تصبحين على خير وبدون دموع
ابتسم بعدها ابتسامه تدوخ وطلع بعد ماطفى النور
اما هي منهكه من احداث اليوم كله نزلوا دموعها بس سرعان ماغلبها النوم ونامت

عبدالله راح لامه وابوه وطمنته امه ان ابوه نام قرر ياخذ دوووش ويروح بدل فواز لو ساعه لانه مو قادر ينام او يرتاح



عند رؤى
رجعوا من البحر وكانوا تعبانين
لعبوا وكانهم اطفال صغار مو بنات بعمر الزهور وبريعان العشرين من عمرهم
هند:الله يرضى عنكم بكره الجمعه ابي الكل يصحى من بدري
البنات:ان شاء الله تصبحين على خير
هند:وانتوا من اهله
رؤى انتظرت حنين تخلص من الحمام(الله يكرمكم)ودخلت بعد ماطلعت حنين وخذت لها شور
طلعت وهي تحس كل التعب راح ومبسوطه على علاقتها الروعه مع البنات كلهم قراب لها وكلهم متقبلينها ومحسسينها بوجودها واهميتها بينهم
انتبهت ان حنين كانت تكتب بدفتر كبير لونه وردي روعه
رؤى:حنين
حنين مانتبهت لها
رؤى قامت بعد مامشطت شعرها وقعدت جنب حنين:وش هالاهتمام اللي نزل للجامعه تذاكرين اليوم
حنين فرت بخوف:يوووه خوفتيني
رؤى:اسفه اكلمك وانتي موب حولي ابد
حنين:رؤى لو اقولك سر بتحفظينه؟
رؤى:سرك بيموت معي ولاأحد بيعرف عنه
حنين ناولت رؤى الدفتر
كانت الصفحه ملصق عليها صور لواحد حلووو مرررررره
رؤى:من هذا؟؟
حنين:عبدالرحمن
رؤى:من عبدالرحمن..ايييه ولد اخت استاذه هند
حنين وهي تهز راسها:ايوووه
رؤى سكرت الدفتر وطالعت بحنين وكانها تحثها عالكلام
حنين:رؤى تتوقعين يعتبرني اخته ولايحبني؟
رؤى ماعرفت وش تقول ماتدري تقولها يحبك ولايعتبرك اخته لانها ماتعرفه ولاتعرف وش بينهم بالضبط
رؤى:هذا سرك؟
حنين انصدمت من سؤال رؤى وحست انه سخريه رفعت راسها وطالعت برؤى
رؤى ابتسمت:على بالك اني مو مهتمه او استهزاء على كلامك طيب دقيقه
قامت رؤى لشنطتها الورديه وطلعت دفترها الخاص بالرسم ولوحه الفحم
رؤى وهي ترجع جنب حنين:شوفي هاذي؟
حنين وبيدها لوحه الكرتون المرسوم عليه بالفحم:رؤى من ذي؟وليه ماكملتيها؟
رؤى وهي مبتسمه بألم :هاذي وحده احلم بها دايم واتوقع انها امي
حنين بغت تبكي على حال رؤى اصعب شي لوماكنت تعرف من امك وينها ومنهي وانت منو شي صعب كانك عايش بلاهويه اول مره تفكر برؤى وكيف انها ماتعرف
هي مين ولامن بنته ولا وين اهلها ولاحتى اللي سوى فيها كذا طالعت برؤى لقت دموعها متحجره بعونها بس مع ذلك تبتسم
حنين فتحت الدفتر لقت اول صفحه صوره لبنت صغيره:من هاذي؟
رؤى:مرات اصدع ويجي وجه هالبنت ببالي هي الشي الوحيد اللي اذكره مدري منهي يمكن تكون اختي
حنين كملت تصفحها للدفتر كانت رسومات لاشخاص مختلفين(ام خالد ابوخالد فجر وخالد وخالها مشعل )
وقفت عند صفحه فيهم بنتين حلوين وحده منهم تاخذ من الثانيه لعبه:من هذول؟
رؤى:هذول فيء وضيء
ولفت للي بعدها لقت صور طبيعه وصلت لاخر الدفتر لقت صوره لشاب قليله فيه كلمه روعه كان احلى من عبدالرحمن بالف مرررره:رؤى من ذا؟
رؤى :فواز
حنين:واااااو هذا فواز رؤى يجنن
اكتفت رؤى بالسكوت وهي تتذكر شكله لمن جاها المستشفى قبل لاتسافر طرت لها ذكرى الرياض لمن راحت له
وصباح وكلامها الجارح ونور والعقد واشياء كثيره مسكت راسها
حنين بخوف :رؤى وشفيك
رؤى صارت تسمع اصوات كثير باذنها بكى صراخ
صرخت رؤى:آآآآآآآآآآآآآآآآآآآآآآآآآآآآه
حنين وهي بتبكي من الخوف:رؤى وشفيك وش صاير لك؟بروح انادي هند؟؟
بغت تقوم بس مسكتها رؤى وحطت راسها وهي ماسكته بحضن حنين
حنين ودموعها بدت تنزل خوفا على رؤى:رؤى تكفين بنادي هند تروحين الطبيب
رؤى بضعف:بكون بخير تطمني
مرت خمس دقايق ورؤى على وضعها ماسكه راسها وهي بحضن حنين
قامت بثقل وهي تحس الدنيا تدور فيها
حنين:تحسين انتي احسن؟
رؤى وبدت تخف الدوخه والالم تدريجي:ايه معليك عادي
حنين:كيف عادي ؟انتي دايم يجيك كذا؟
رؤى :كان من اول الم خفيف بس مره شفت حرمه عند ام فواز ومن شفتها راسي المني بقوه بس ماصار لي شي هذيك المره وجتني هالحاله كذا مره
بس اليوم قويه زي لمن شفت الحرمه ذاك اليوم
حنين:رحتي دكتور؟
رؤى:حنين هالالم مابيخف الا لمن اكون بين اهلي
انكسر قلب حنين على رؤى وحبت تغير جو الكائبه وابتسمت بخبث:شرايك تعطيني فواز واحب دحومي وفواز خخخخخخخخخخخخ
رؤى ضحك على حنين
حنين:ايوه كذا اضحكي (سكتت ثواني)رؤى ماكلمتيه ابدا من طلعتي من عندهم؟
رؤى تذكرت اخر مره شافته قبل لاتروح تشوف ابوها لمن نقلوه من السجن لمستشفى الامل مرت على بيت فواز وشافته وهو طالع بسيارته
وكان يومها كاشخ بثوب وغتره بيضاء كان رووووعه بمعني الكلمه( تكلمت بعد فتره سكوت): شفته مره بس افضل له ابتعد عنه لانه مايستاهل
ياخذ وحده مثلي لااهل ولا عز ولا أي شي حلو يخليه يفكر فيني
حنين بدفاع:وشو ولا أي شي حلو حلو يكفي جمالك واخلاقك وطيبة قلبك والله تغنيه عن الدنيا كلها بعدين انتي سالتيه ؟؟
رؤى بحزن:حنين اعتبر انسانه بلاهويه عايشه على اسم شخص وهذا من كرمه وطيب قلبه حرام اظلم فواز معي(لو يسمعك فواز يارؤى ويسمع كيف تفكرين فيه)
نزلت دمعه حاره وحيده يتيمه على خد رؤى:ابي اعرف منهم وبس صدقيني مابي شي من الدنيا
حنين ضمت رؤى وهي توها تحس بكبر معاناتها دايم رؤى مبتسمه وتساعد الكل عمرها ماشكت لاحد ابدا وتبين انها مبسوطه وسعيده
رؤى وهي تمسح دموعها وبابتسامه:وهذا حالنا كل ماسهرنا قلبنا سهرتنا فلم هندي
ضحكت حنين وضحكت معها رؤى
رؤى:يالله لازم ننام تاخر الوقت وهند تبينا نصحى مبكر
حنين:الجزء الثاني من الفلم الخميس الجاي ههههههههههههههههه
رؤى ضحك وقالت:يالله نامي وتصبحين على خير
حطت راسها عالمخده وبدت تطري عليها افكار كثير (فواز قلبي مو مرتاح عليك يارب يكون بخير يارب يسعده ويوفقه ويكتب له اللي فيه الخير)
بدء النوم يداعب جفونها حتى استسلمت للنوم بعد يوم طووويل وحلو ومحزن بنفس الوقت

عبدالله كان طالع من البيت بعد مابدل بيروح لفواز ويخليه يرجع يبدل ويرتاح شوي
لقى وحده بجلال الصلاه وتبكي والصاله ضلمه
عبدالله:مي
ساره ببحه:لا انا ساره
عبدالله باستغراب:ليه قاعده هنا ؟
ساره:عبدالله خذني معك المستشفى الله يخليك
عبدالله كان يعرف باللي بين فهد وساره لانه قبل لايسافر فهد من عندهم لاحظ الضيقه اللي هو فيها واخذه كوفي
وخلاه يحكي له وشفيه وقاله عن ساره
عبدالله:ليه يهمك تتطمنين عن حاله؟
ساره ودمعه نزلت منها:الله يخليك ودني
عبدالله:صار شي بينكم فهد مايسرع وسياقته احسن منها مافيه سبب الحادث كان مسرع وقاطع اشاره
ساره نزلت راسها وبكت بحرقه
عبدالله عرف وقتها انهم كانوا متزاعلين وبسسب ساره فهد اسرع وصار اللي صار
كان وده يذبحها او يخنقها تعوذ من ابليس ومشى وقال قبل لايروح:لو صار له شي مابسامحك
ساره حست المكان ضيق عليها ماهي قادره تتنفس كلام عبدالله صابها بالصميم
(صادق ياعبدالله انا السبب وماراح اسامح نفسي)
بكت بكى يقطع القلب
(آآآه يافهد سامحني الله يخليك سامحني والله احبك ارجع لي الله يخليك مابي شي بس ابيك تكون
موجود بالدنيا ومبسوط حتى لو تكرهني بس ارججججع)
كان ودها تصرخ تصحي الكل تقول انا السبب اقتلوني ريحوني بس لايصير لفهد شي
وشو اكبر من عذاب تانيب الضمير لو كنت تحس نفسك انت المسوؤل عن عذاب وشقى من تحب
شي يعور القلب ويدمي الخاطر الله يعينك ياساره

الساعه 3وربع الفجر
عند فواز انتبه للشخص الملتحي اللي وقف عنده
الرجال:السلام عليكم ورحمة الله وبركاته
فواز قام وصافحه:وعليكم السلام والرحمه
الرجال:انت اخو فهد؟
فواز:لا ولد عمه من انت؟
الرجال وهو يمد الجوال:انا اللي رد عليكم وبلغكم بفهد الله يقومه بالسلامه وهذا جواله
فواز:الله يجزاك الخير ماقصرت مشكور
الرجال:احنا اخوان بالدين وكلنا لبعض واذا عالسياره انا كلمت تشليح السيارات واخذوها وهاذي ورقتها ومد الورقه


فواز صافح الرجال مره ثانيه :الله يجزاك الجنه ماقصرت يالاخو الله يكثر من امثالك
الرجال وهم يحط يده الثانيه على كف فواز :الناس لبعض
ورقمي بالكرت اللي مع الجوال اتمنى اذا صحى تدق علي وتقولي
فواز:ان شاء الله
الرجال:انا استاذن والله يقومه لكم بالسلامه
فواز:ماقصرت مشكور
راح الرجال من عند فواز وتوه بيقعد الا جاه صوت عبدالله:من ذا؟
فواز:ليه جيت؟؟
عبدالله وهو يقعد بتعب :ماجاني نوم قلت انا اقعد هنا وانت ترجع البيت خذ لك شور وبدل وتعال
فواز:هذا رجال الله يجزاه خير جايب جوال فهد وورقه سيارته لانه وداها تشليح السيارات
عبدالله:الله يجزاه الجنه عيال الحلال موجودين..يالله قوم روح بدل وريح ماباقي على صلاه الفجر الا ساعه
فواز وهو يقوم:اوكيه ببدل واصلي الفجر بمسجد المستشفى واجي
عبدالله :طيب
توه بيروح الا الممرضه تركض صوب غرفه فهد بالعنايه
رجع فواز ركض عبدالله يسال النيرس:وشفيه وش صاير ؟
الممرضه ماكلمته لانها تبي تلحق على فهد
جاء الدكتور وهو يركض وتبعه كثير من الممرضين والممرضات وصارت عند غرفه فهد حركه
الممرضين والدكاتره طالعين وداخلين من عنده
فواز يحس قلبه بيوقف من الخوف تسمر بمكانه ماهو قادر يتحرك من الخوف وعبدالله حالته من حالته اخوه بعد ساعه الا ربع
طلع الدكتور بوجه مرهق وتعبان
عبدالله وكانه حاس بشي مو زين سال فواز وهو يبلع ريقه اللي نشف من الخوف:فواز فهد وشفيه؟
فواز تقدم من الدكتور وسال برعب:دكتور فهد وشفيه؟؟؟؟

ـــــــــــــــــ(22)
الدكتور :للآسف المريـ.....
صرخ عبدالله ومسك الدكتور وبعيون دامعه:مامات مامااااااااااااااااااااااااااااات
فواز سحب عبدالله وكتفه وشده بقوه يبي يهديه وهو يطالع بالدكتور بترقب بخوف بقلق
الدكتور:صار عنده انقلاب بالرئه وتوقف النبض عنده ولكن رحمة ربي واسعه ورجع للحياه
الحمد لله على سلامته
فواز:مانقدر نشوفه لو ثواني
الدكتور:والله ياخ فواز مو في صالحه وخاصه ان النفس عنده تعبان بعد انقلاب الرئه وبيكون ضرر عليه
فواز ببحه:شكرا دكتور
مشى الدكتور وهو متعود على انفعال اهل المرضى مرات صح يزعل بس مايلومهم الواحد يفقد قدرته على التفكير مجرد يتخيل او يحس ان غالي عليه بيفقده
عبدالله حس اطرافه بااااارده وخدارنه قعد عالارض وسجد سجود الشكر
(فهود رجع لنا رجع يطيب خواطرنا ويوقف معي زي دايم
رجع لامه وابوه ولمي وللكل الحمد لله يارب اشكر لك نعمتك وفضلك الحمد لله)
فواز حس النفس عنده ضاق وهو يتابع شرح الدكتور ولمن خلص تنفس وكان مجرى الهواء عنده كان مقفول
سجد بجنب عبدالله وده يصرخ فرحه( رجع عاااش بعد مامات رجع يالله لك الحمد والشكر الحمد لله)
قام عبدالله من الارض وقام معه فواز وعبدالله كانت دموع الفرحه على خده
قال فواز:والله وياويله مني خله بس يصحى من امس قلبي يوقف ويرجع يدق
عبدالله :خله علي انا ان ماوريته والله اني احبه
ضحك فواز:انت خلك هنا وانا بروح اخذ شور ابي اودي التعب عني واطمن عمي وعمتي اكيد ماناموا
عبدالله:توكل عالله وانتبه لدربك
فواز مشى بس رجع وكانه تذكر شي:عبود مارحت لمي
عبود وهو يبتسم وعيوونه تلمع من الدموع وغمازته بانت:الا
فواز:تطورات والله بعدين اعرف وش صار يالله انتبه لفهد ولنفسك ساعه بالكثير واجي
عبدالله:لو تريح لك كم ساعه بعدين تجي مو احسن
فواز:وتتوقع خيييك بينام يالله مع السلامه
عبدالله وهو يشوف فواز مقفي(الله يحفظك ياغلى اخ بالدنيا ويبرد خاطرك ويشفي الدب فهد والله لاوريه)>>مسكين الولد بالعنايه وهم يتحلفون فيه خخخخخخخ
رجع فواز للبيت واخذ له شور سريع وحس بالانتعاش وان التعب خف كثير طمن عمه وعمته اللي ريحهم حكي فواز اللي كله تاليف قالهم انه صحى ورجع ينام واحتمال هالاسبوع يطلع بس علشان صحته قالهم يمنع عنه الزياره وعمه ايده على هالشي حتى مايتعب وهم بيزورونه بالليل
طلع فواز وهو يستغفر بقلبه على كذبه على عمه وعمته ووقف عند المستشفى
ونزل المسجد صلي الفجر وتسنن وقعد يدعي لفهد ومانسى رؤى من دعائه
صارت عاده انه بعد كل فرض يدعي لها ويدعي ربه يشوفها لو بس دقيقه
وكانه شي مفروض عليه
(القلب لاحب يارؤى عشق وهااااام ..والبعد لاطووول يفري القلب من الشوووق)>>بقلمي
مشى بالممر ولقى عبدالله قاعد بنفس مكانه
فواز:عبود قوم ريح انت من الصباح امس صاحي لمن يجي الوقت عصر تعال وجب عمي وعمتي معك
عبدالله :طيب عن اذنك
فواز:الله يحفظك

الظهر الساعه 1تقريبا
وصل عمر الجنوب واستقبله عبدالله وراح على طول للمستشفى فواز حس براحه عظيمه بشوفه صديقه واخوه اللي ماجابته امه


عند رؤى
تحس بشي غريب شي قابض قلبها بقوووووه
تحس احد تحبه فيه شي ولا بيصير شي مو زين
نفضت راسها من هالطاري وهي تتعوذ ابليس
( اليوم الجمعه خلني اقوم اقرا سوره الكهف يمكن هالهواجس تروح عني اعوذ بالله منك ياإبليس)
قامت وصحت حنين معها بدلت بجامتها ورتبت شعرها وطلعت للصاله
لقت الكل تقريبا موجود ماعدا الاء
رؤى بنعومتها:صبااح الخييير
الكل:صباح النور
هند:حنين وين؟
رؤى:وراي الحين تجي
هند:حلو انا عندي اقتراح وحابه الكل يجتمع واقوله
حنين وهي توها تجي:صباح الخير وشو الاقتراح
ضحكوا عليها وهم يردون:صباح النور
هند:افكر نروح عمره وشرايكم يوم الاثنين ونرجع الخميس؟
البنات بحماااس:يسسسس
رؤى فرحه عظيمة اجتاحت قلبها الصغير بتروح مكه وبتزور بيت الله امنيتها من وهي صغيره
كان عمرها 10سنين راحت مع ام خالد وابو خالد وقتها دعت لام خالد انه يجيها بيبي وكان الله حقق دعوتها
كانت متحمسه تروح تلقى امها حضن امها اللي اشتاقت له ودها تجرب الاستقرار ودها تعرف من هي وماضيها
ودها تعرف كل شي عندها اخوان عندها خوات امها ميته ولاحيه
انقبض قلبها بقوه معقولها امها ماتت ولاشافتها معقول مافيه احد من اهلها موجود بهالحياه
معقول بتضل انسانه مجهوله وضعيفه فاقده ذاكرتها بزمن قاسي ومايرحم
اجتاحها صداع قوي وهذا حالها من تفكر بعمق وتحاول تتذكر شي من ايامها قبل لاتفقد ذاكرتها
كان الكل يطالع برؤى كانت منزله راسها وشعرها متناثر حولها ومعطيها هاله من السحر
كانت ملامح وجهها بااارده وكانها تلقت خبر حزنه عظيم
الكل كان مستغرب من شكلها شفايفها اقلبت بيضاء واللون انخطف من وجهها
رفعت يدها لراسها تبي تخفف الصداع وتكمل تفكير لازم تتذكر كل ماحاولت تتذكر شي تصدع وتترك التفكير
هالمره بفكر ابي اتذكر ابي اعرف امي
هند قامت ركض ورمت الخداديه اللي بحضنها وقربت من كنبة رؤى
هند بخوف :رؤى ماما وشفيك؟
رؤى قامت وهي تمشي تبي تختلي بروحها وهي ماسكه راسها ومغمضه عيونها بقوه
(اسمع شي يناديني هند ااايه هاذي هند بس ابي اتذكر امي مو هند امي وين من هي انا من انا من )
صرخه قويه طلعت من رؤى صرخت ألم صرخه عجز عن تذكر الماضي
وبعدها تهاوت على الارض
البنات صرخوا وقاموا يشوفون رؤى اللي كانت لهم اخت وصديقه
هند وحنين شالوا رؤى والبنات كلهم راحوا وراهم ركبوا السياره وقلبهم ينبض خوف
رؤى وش صار لها ليه صار لها كذا
هند حاسه بخوف فظيع ورؤى بحضنها طبعا منعت البنات يجون معهم وراحت هي حنين بس
( رؤى أمانه عندها لو صار لها شي بتموت من الالم يكفي عيالي واختي وزوجي
ماحميتهم ماكنت عندهم ماتوا ماشفتهم رؤى مابتغيب عني رؤى بحميها بعالجها)
نزلت دموعها بغزاره وتبلل غطاها
حنين وهي تبكي وصوتها يرتجف وتهز رؤى:رؤى وشفيك ؟رؤى ردي علي
رؤى مالي أحد كل اللي أحبهم يموتون
وغطت وجهها بيدها وصارت تبكي
هند بصراخ على السواق:بسرعه
السايق خاف اول مره مره هند تصارخ عليه زاد سرعة السياره ووصلوا المستوصف القريب من الدار
نزلت حنين وجابت النقال مع الممرضه وحطوا رؤى عليه
ودخلوا المستشفى
الدكتور وهو يشوف رؤى:خير فيه إيه؟
هند:أغمى عليها يادكتور صرخت من راسها وطاحت (وبكت هند)
دخل الدكتور غرفه المعاينه مع النيرس
حنين سندت نفسها للجدار
(يارب ليه رؤى يارب كل من حولي رحل مابقى لي منهم احد مابقى الا رؤى يارب خلها لي يااااارب)

عند البنات بالدار
كلهم قاعدين ويترقبون اتصال هند تطمنهم
دخلت الاء كانت رايحه للسوبر ماركت مع ام محمد
الاء:هاااي قيرل
شافت وجهيم تكلمت بخوف:وشفيكم؟؟وين هند ورؤى وحنين؟
شهد بكت:رؤى ماتت
الاء شهقت بس غلا قامت لانها تعرف الاء مرات يجيها حاله صرع من الخوف
غلا :لا لا مافيها الا الخير بس تعبت شوي
الاء ويدها باقي على قلبها:غلا اكيد؟
غلا:والله انها بس داخت والحين بيرجعون
قعدت الاء وغلفت نفسها بالبرود واجتاحتها ذكريات الماضي الاليم خوف الماضي
رهبه الماضي ونفضت راسها وكانها تبعد تفكيرها بالماضي
سماح:بنات ادق على ماما هند تطمنا؟
العنود:لا يمكن ماتقدر ترد عليك او شي خلها هي تدق

عند ابو خالد
كان قاعد بزنزانته وهو يفكر بالخطه اللي لازم ينفذها ولو قدر يسوي شي اكبر ماقصر
صحاه من سلسله افكاره العسكري اللي قال بجمود:زياره
قام بثقل الروماتيزم اللي بركبه تعوره حيل وكانه زاد على عمره عمر
وصل لغرفه الضابط ودخل
الضابط لمن شاف ابو خالد:تفضل اقعد
قعد بهدوء ووجه نظره للضابط وكانه يقوله قول وشعندك؟
الضابط:راح نبدء خطتنا من اليوم انت تهرب من السجن وتروح لابو راشد تحتمي فيه وتحاول توصل للتنور وتقوله عن معرفتنا بالعمليه الجايه وموقعها وانهم ناوين الشرطه يمسكونهم وبكذا بيثق فيك وبعدها نضرب ضربتنا ..الى هنا كل شي واضح؟
ابو خالد:مفهوم وبنظم لهم وبينا اتصال
الضابط لا معليك هاذي محلوله بنزرع جهاز ضغير للتصنت بشعرك موافق؟
ابو خالد :اكيد ويكون شي اضمن
الضابط:ابو خالد انا واثق فيك ثقه عمياء اتمنى ماتخيب رجاي فيك
ابو خالد بابتسامه حنونه للضابط الشاب اللي تمنى لو انه مثله في صرامته وقوته ورجولته:اكيد اكيد بكون شي تفتخر فيه ياضابط احمد انا تعبت ولازم اشيل ابو راشد من دربي
الضابط:راح يكون كل شي تحت مراقبنا للمعلوميه
ابو خالد اكتفى انه يقوم ويروح للعسكري يرجعه لزنزانته

عند رؤى بالمستشفى
فتحت عينها ببطى وكانت هند عندها
هند:رؤى صحيتي رؤى تحسين بشي؟
رؤى وراسها تحسه ثقييييل حيييييييييل :همممم
هند:رؤى يعورك شي اكتفت رؤى انها ترمش بعيونها مافيها طاقه تتكلم تبي تتذكر وش صار بس الالم اللي براسها ماساعدها
حنين دخلت الغرفه ولمن شافت رؤى مفتحه شوي من عيونها نطت عندها:رؤى صحيتي والله خفت عليك رى لاتتركيني
مسكت رؤى يد حنين وابتسمت بخفه وغمضت عيونها وغطت بنوم عميق
هند بهدوؤ:حنين خليها ترتاح وتنام
طلعت وراحت غرفه الدكتور
طقت الباب وجاها الاذن بالدخول
هند:السلام عليكم حابه استفسر عن المريضه رؤى
الدكتور :تفضلي يامدام وراح نتكلم
قعدت هند :وش صار عليها يادكتور وش سبب الاغماء
الدكتور وهو ينقل بصره بتحاليلها:عندها مشكله قديمه او مرض معين ؟
هند:هي فاقده الذاكره يادكتور من عمرها 5سنين
الدكتور باهتمام:وكم عمرها الحين؟
هند:تقريبا 19 او داخله 20
الدكتور صار يكتب وعم السكون الغرفه ولكن قطعه سوال هند:هاذي اعراض رجعت ذاكرتها يادكتور؟
الدكتور:للاسف لا رؤى اجهدت ذاكرتها بالتذكر وعقلهاا على التفكير بماضيها ومعرفت كل شي عنه
معروف فاقد الذاكره من يحاول يسترجع بدون أي مداخلات من الذكريات او الاشخاص بالماضي يصير له زي ماصار لرؤى التفكير يتعبها لان ذاكرتها رافضه التذكر وخاصه ان مافيه مواقف او اشخاص مشابهين للاشخاص الموجوده بذاكرتها
يعني بمعنى اوضح مثل ماتفضلتي وقلتي انها فاقده ذاكرتها بس بسال وين اهلها أي احد من ماضيها او كان معها بطفولتها يمكن يقدر يساعدنا؟
هند بآسى:للاسف مانعرف عنهم أي شي
الدكتور حرك راسه باعتراض صعب العلاج وصعب رجعت ذاكرتها دام كل شي مبهم امامه ماهو قادر حتى يعرف الموقف اللي افقدها الذاكره او نوع الحياه اللي عاشتها بس مافيه شي مستحيل وبيحاول انها تسترجع ذاكرتها بخبرته ودراسته لسنين طويله بهذا المجال
الدكتور: ان شاء الله خير وتقدرين تاخذينها معك بعد ساعه
وراح اعطيك لها مهدى لو انعادت معها الحاله وكرت للمواعيد وراح تراجع طبيب نفسي ايضا
هند شكرت الدكتور وطلعت لرؤى
وبعد ساعه ارجعوا للبيت


مرت 3ايام
رؤى تحسنت شوي واصرت على هند يرحون مكه وياخذون العمره
فهد ماصحى من الغيبوبه وفواز وعبدالله وعمر يتنابون عنده
زراه امه وابوه ونجوى ونايف بعد الحادث بيوم
واليوم اللي بعده دلال وام عبدالله والجده
واليوم الثالث كانت مي وخوالها علشان كذا ساره ماقدرت تروح مع انها كانت رافضه تروح له مع امها تاثروا كثير لمن شافوه وكيف انه مو حاس باحد والاجهزه حوله
فواز رجع العصر ونام وصحى المغرب صلى ورجع ينام لانه اليوم بيسهر عند فهد
ولمن اذن العشاء اخذ له شور ولبس ملابسه وكان بيطلع يروح يصلي بمسجد الحاره الصلاه مابقى عليها الا عشر دقايق وبيرجع ياخذ ابوه وعمه يزرون فهد ويرجعهم ويضل عند فهد
ساره شافت فواز وهو كان بيطلع
ساره:فواز
فواز:هلا ساره
ساره بخجل كبير :ممكن طلب؟
فواز ملاحظ الحزن اللي بساره تاثرت اكثر حتى من خواته:تفضلي
ساره بدت دموعها تنزل:ابي توديني ازور فهد بدون محد يدري الله يخليك
فواز انصدم من طلبها وخاصه انه يعرف بس موقفهم مع بعض بالمجمع وماكان عارف الموقف الاخير بالمطبخ لان فهد سوى الحادث
فواز:بس بودي عمي وابوي بعد شوي
ساره:اذا رجعتهم خذني وعبدالله بقوله يرجعني الله يخليك
فواز مايحب احد يترجاه ولايحب تنزل دموع احد قال وهو عارف ان فهد خلاه يسوي الحادث بعد قدرة الله موضوع اشغل باله وماخلاه يركز بسواقته:طيب اجهزي
ساره بفرحه كبيره:شكرا يافواز شكرااااا مشكور وراحت جري تجهز
استغرب فواز ساره معروف انها ماتداني فهد ولاتحبه ولاتكشر بوجهها من سيرته كل هاذي لهفه
لشوفته ولا نه كان بين الحياه والموت هذا تصرف طبيعي ومن يصحى بيرجع كل شي زي ماهو
حرك اكتافه باستغراب وفيه الف سوال وفكره براسه وطلع من البيت


اما ساره كانت طايره فرح سمعت من مي انه ماحس فيهم ولاكانه فهد بس ودها تشوفه
ودها تبوس راسه وتعتذر يمكن لانه لو كان بوعيه ماراح يقبل هالشي منها
دمعت عيونها وهي تتذكر كلامه(انتي مسحتي مكانك من هنا نهائي)
حطت يدها على اذنها وكانها تبي توقف الصوت والذكرى
كانها تبيها تتغير بذكرى ثانيه بس مو ذي
تجهزت ولبست عباتها وقعدت تنتظر رنت فواز لها علشان تنزل

عند رؤى بالمطار
كانوا البنات فرحانين مررررره
رحلتهم من مطار الدمام الى مطار جده بيتمشون يوم بجده بعدين بيروحون يومين مكه لانها اجازه واكيد بتكون زحمه وهند خايفه عليهم ويرجعون يقعدون بجده لمن رحلتهم يوم الخميس لدمام


رؤى تذكرت معاذ قلبها عورها بقوه صار لها اكثر من شهرين ماتدري عنه واخوانها صار لها شهر ونص ماشافتهم ولاقعدت معهم تتطمنهم عنهم بالجوال من خالها مشعل
اشتاقت لهم موووت بس افضل لهم كذا لازم ترجع لهم وهي قويه ولها درب واضح بحياتها مو تايهه وهم تايهين معها
استقرت كل وحده منهم بمكانها بالطياره
عصفت ذكريات فواز براس رؤى
وخاصه لمن كانوا بالطياره وقعد على عبايتها ابتسمت لمن تذكرت ضحكته
حنين كانت جنب رؤى:بنت لاتسريحين بعدين تمرضين
من تعبت رؤى اخر مره وحنين حريصه عليها مره وعلى اكلها ماتخليها بروحها ابدا وتسولف لها دايم بس اهم شي ماتقعد تفكر وتشغل بالها بشي
رؤى :ههههههههههه لامعليك ماني سرحانه (وبهمس)بس تذكرت فواز
حنين:الله الله البنت رايحه فيها وتذكر الحبيب وانا خربت عليك بس وش جاك يعني ليه بالطياره
قالت رؤى لحنين عن رحلتها مع فواز بالطياره
حنين بخبث:اهااا كان قاعد جنبك يعني
رؤى بحرج بالغ:اوووص والله لو تقولين شي
حنين ماتت ضحك ورؤى طاح وجهها لانها تحاول تسكت حنين وحنين تزيد
رؤى:حنون حبيبتي اسكتي فضحتينا هند تاشر لنا
حنين وهي تكتم ضحكها وتاشر لهند انها اسفه
رجعت تضحك بهمس ورؤى تحس وجهها احترق استحت بقووووه من تعليقات حنين
وقررت تطنش حنين حتى ماتزيد غمضت عيونها وريحت راسها على مقعدها وهي تتذكر ذكرياتها الحلوه مع فواز ضحكته غمازته شكله بالخيل البحر ومكانه المفضل
هنا كان شي براس رؤى تحرك فواز يحب ذاك المكان لازم ازوره اكيد يحمل له ذكريات
ابتسمت بهدوء وخجل وكانه يعرف وش تفكر فيه وكيف صارت تهتم فيه واعترفت لنفسها انها تحبه واعتبرت هذا سرها الخطير واللي دافنته بقلبها الصغير وبتعيش معه طول عمرها وهي مستبعده مليون بالميه تحقيق هذا الحلم وتحويله لواقع تعيشه

فواز بطريق الرجعه من المستشفى
ابوعبدالله وهو يحاول يخفف عن اخوه:لا الحمد لله اليوم فهد احسن
ابو نايف بضي:وشفيه يافواز كل ماجيت الا هو نايم
فواز توهق وقال:ياعمي الحادث مو سهل والحمد لله جت على كذا واكيد انه مرتاح وهو نايم
وبعدين الدكتور يعطيه منوم علشان مايحس بالم رجله
ابو نايف وهو مصدق كلام فواز بس قلبه ناغزه حاس بشي مو طبيعي:الحمد لله على كل حال

وصلوا البيت وكان بيروح بس تذكر ساره
دق عليها يبي يشوف اذا باقي بتروح او لا مع انه مو فاهم سبب طلبها ان ماحد يدري بس بيحترم طلبها ويسويه
بس دق نغمه وحده لقى ساره جايه تركض زادت علامات الاستفهام عنده
ركبت ورى وهي تلهث من الركض:تاخرت؟باقي فيه زياره؟
فواز بهدوء وهو يحاول يربط الامور ببعض:لاتوي جاي وايه مستشفى خاص هو علشان مسموح بالزياره الحين
وصلوا المستشفى اللي ماكن بعيد حيل
ساره بهدوء:فواز ممكن ادخل له بروحي
فواز:ليه
ساره بحرج:بليز اذا سمحت طلع عبدالله وصديقك من عنده
فواز :طيب
نزل فواز وهي نزلت ولحقته
كانت تدخل الممرات وتحس قلبها بيوقف تحس نبضه وصل للالف
حست بخوف كبير خايفه بس ماتدري ليش يدها صارت قالب ثلج وتنسفها ازداد وصدرها يعلو ويهبط وبدت رجفت شفايفها ماتدري ليه كل هالاحاسيس جتها ولاوش سببها ولاتبي تعرف بس تبي توصل له

فواز وهو ياشر لها تنتظر برى لمن يطلع عبدالله وعمر من عنده
فواز دخل وسلم بهدوء
عمر+عبدالله:وعليكم السلام والرحمه
طالع بفهد كان وده يشوفه صاحي ويكلمه ويناديه عاشق رؤى زي ماتعود يقوله اذا كلمه
ابتسم بخفه ولف على اخوه وصديقه :لو سمحتوا قوموا معي الكوفي له زياره
تعودوا يقولهم كذا لو كان فيه حريم بيزورونه من اهله فقام عمر:وش تبون اطلب لكم على ماتجون؟
فواز:أي شي عادي
تركهم عمر وعبدالله وجه سواله لفواز:من؟
فواز:ساره
وطلع يناديها
اما عبدالله عصب مره ليه جايه هي السبب باللي هو فيه وجايه يعني تكمل عليه
دخلت ساره وطالعها عبدالله بنظرات خوفتها
عبدالله وهو يحط رجل على رجل:اهلن مس ساره جايه تكملين عالولد
ساره الجمها كلامه عن أي كلمه تشرحها صدق هي السبب( بس ليه يقولها لي مو كافي اللي فيني)
فواز بحده:عبدالله عمر ينتظرك برى
قام عبدالله وهو وده يذبحها هو ماهو حقود ولاهو من النوع القاسي بس حاله فهد جبرته يتصرف مع ساره كذا وخاصه انه حاط بباله انها هي السبب وهي اللي بولد عمه وهي علته
عبدالله ناظرها نظرة استحقار وطلع
فواز انخبص بينهم مايدري وش يقول قال بهدوء:ساره انا بطلع للكوفي بالمستشفى ربع ساعه وادق عليك وانزلي اوصلك
طلع فواز وهو مقهور من اخوه ليه يسوي كذا
لحقه بالممر وهمس له:وشفيك عالبنت؟؟
عبدالله مارد على فواز ومشى
تنهد فواز ولحق عبدالله للكوفي
اما ساره فتحت غطاها وطالعت بفهد
شهقت ورفعت يدها لفمها هذا مو فهد هذا شبح فهد جسمه نحفان ومسمر مررره
الاجهزه مركبه عليه واصواتها منتظمه وقاطعه هدوء الغرفه المرعبه البارده
جروح بكل جسمه شفايفه مجرحه وشعره مهمل
بكت بصمت وهي تتامله وبعدها واقفه قريب الباب
قربت منه ترددت تلمسه او لا تشجعت وحطت يدها على يده... يده بارده حيل
بكت بصمت ومن بين دموعها:فهد سامحني الله يخليك
قعدت على ركبتها وسندت راسها جنبه عالسرير وهي بعدها ماسكه يده
بكت وبكت وهي تلوم نفسها ودها احد يقتلها ويريحها من اللي هي فيه شعورها بالذنب و
الم من حبت وكابرت عليه احساس فقده ولوعه كلامه الاخير لها
مسحت دموعها وهي تشوف ساعتها مرت عشر دقايق كلها 5دقايق وتطلع من عنده
قعدت بهدوء جنبه وطلعت مشط ومشطت شعره ودموعها تنزل بغزاره لدرجه ماكانت تشوفه زين
شهقاتها المكتومه كانت حد للهدوء بالغرفه طلعت عطرها المفضل وبخت بيدها شوي مسحت شعره ومررت بيدها على طرف رقبته اللي خاليه من الجروح حتى مايعوره العطر بجروحه
رتبت لبس المستشفى والغطى عليه ابتسمت بالم وتكلمت وكانه يسمعها:فهد اكيد لو انت تسمعني وتشوفني جنبك
بت.. تت بتطلع وتخليني (وشهقت من البكي) اكيد على بالك اني ماحبك لاني كنت قاسيه وقاسيه حيل طحنت قلبك بالتغلي
رديتك واجد وقطيت احساسك ولااهتميت بس (وسكتت وهي تمسح دموعها) بس يافهد انا آحـــبك والله اني آحبك
(هنا مقدرت تكتم شهاقها اكثر )بكت بصوت عالي حطت راسها على صدره وبدت تبكي
جت النيرس وشافت ساره
وصرخت فيها مستنكره:If you please come out the patient in critical condition
>>(إذا سمحتي اخرجي فالمريض حالته حرجه)
ساره ماهتمت فيها ورفعت راسها تطالع فيه باست عيونه بهدوء وكانها خايفه تالمه ماتدري كيف تجرءات بس ماتدري ليه جاها احساس انها اخر مره تشوفه وتقدر تقوله عن اللي بقلبها له
دخل عبدالله فواز لانهم كانوا بالممر وسمعوا النيرس تصرخ بساره
عبدالله:وش تسوين؟
ساره ماردت عليه وهي تطالع فهد تودعه كانت تكرر في بالها( اكيد من يصحى معد بيكلمني لانه صار يكرهني)
فواز كسرت خاطره مررررره قال بهدوء:ساره يالله قومي قدام احد ينتبه لطلعتك من البيت
قامت ساره وهي تعدل طرحتها على راسها ودموعها ماوقفت كانت للحين يدها بيده من اول مادخلت
كانت تبي تدفي يده بيدها الصغيره بالنسبه له
عبدالله كانت كاسره خاطره بس مايدري ليه معصب من تواجدها عند فهد بالغرفه طلع بالممر حتى مايصرخ عليها
فواز:ساره
ساره بصوت راح فيها من البكى:يالله
تغطت وهي للحين تطالع فيه
طلعت من الغرفه بهدوء
ولحقت فواز لسيارته ركبت وتركت لدموعها الحريه بالنزول
بكت ابوها اللي ماسال عنهم من بعد اللي صار وصدمتها فيه بكت امها اللي كل يوم تسمعها تبكي ولاتقدر تسوي لها شي بكت خواتها اللي ماذاوقا حنان الاب ولايتذكرونه اصلا
بكت فهد وحبها له وكيف وصلت معه لهذا الحد بكت غباءها وسذاجتها مع نور
فواز اكره شي عنده ان احد يبكي قال بصوت فيه حنان الاخ:ساره فهد يحبك ومايرضى تسوين كذا
زادت ساره صياحها(فهد انا اللي وصلته للسرير الابيض ذبحته بيدي آآآآآآه سامحني الله يخليك سامحني)
فواز:ساره وبعدين ترى لو بغيتي تروحين مره ثانيه والله ماساعدك
ساره خافت ان معد صدق يوديها :لا لا خلاص بسكت
كتمت بكيها وحاولت تمسح دموعها اللي تجدد ولاهي راضيه توقف
وقفت سياره عبدالله اللي كان فواز يسوقها عند الباب الخلفي لبيت عمه
ساره قبل تنزل:انتبه عليه الله يخليك
ونزلت
فواز تنهد بالم على حالهم على العذاب اللي يمرون فيه رفع نظرها من الشباك للسماء شاف القمر مكتمل وصاير بدر والنجوم متناثره عنده وكانت ماليه السماء (يارب مالنا غيرك نلجئ له ويساعدنا يارب احفظها بعينك اللي ماتنام)
رجع فواز المستشفى وهو يفكر بحال ساره وفهد وعبدالله ومي اللي ماتهنوا بفرحتهم وحاله مع رؤى اللي مايدري عنها شي له اكثر من شهرونص

ساره دخلت البيت من دون محد ينتبه وراحت لغرفتهم واندست بلحافها وكملت مابدت بالمستشفى

عبدالله لمن طلعت ساره دخل لفهد وجلس بالكرسي وهو يتنهد:فهود
الغاليه والحبيبه وعديل الروح على قولتك كانت عندك وتبكيك يافهد فهد قوم ابي اقولك وش سمعتها تقولك
والله بتفرح
انتبه عبدالله لحركه عيون فهد ووكيف انها تبين انه متالم
مسك يده بلهفه:فهد تسمعني فهد قوم فهد انا عبدالله نسيبك يالدب قوم الله يخليك
طلعت ونه الم مكتومه من فهد
عبدالله ركض للدكتور بمكتبه وسحبه والدكتور يحاول يفهم منه
وقفه قدام سرير فهد:شوفه والله يتحرك والله فهد قام
الدكتور انتبه لحركة اصابعه وعيونه :تفضل لو سمحت برى
وضغط زر الريموت واستدعي النيرس
طلع عبدالله وهو بيطير من الفرحه جاه عمر اللي كان يكلم امه :وشفيك باقي فيه الحريم؟
عبدالله:لا لا لا فهد قام ياعمر قاااام
عمر:جد الله يبشرك بالجنه (لمح فواز باخر الممر وصرخ):فووووواز
فواز شافهم برء ونيرس تدخل غرفه فهد وقف قلبه من الخوف وركض لهم:وشفيكم؟
عمر:ابشرك فهد ولد عمك قام لكم بالسلامه الحمد لله على سلامته
اعتلت وجه فواز ابتسامه عريضه:جد الله يبشركم الله يبشركم
دخل فواز ولقى الدكتور يعطي فهد ابره:دكتور صحى صدق؟
الدكتور دون ملاحظته بملف فهد وراح لفواز واخذه معه لبرى:الحمد لله على سلامته
فهد صحى من الغيبوبه وهو بخير ولايعاني من أي شي ولله الفضل والمنه ولكن اعطيته مخدر بسسب العمليه اللي برجله ورجله ايضا حاب اطمنكم كلها 3اسابيع ويرجع يمشي عليها زي اول واحسن
عمر طلع من جيبه مبلغ محترم وحطه ببالطوا الدكتور وهو يشكره
الدكتور بحرج من تصرف عمر:يابني مايصير وبعدين انا ماسويت الا الواجب اسمح لي ماقدر اقبلها
عمر:هاذي مو علشان شي هاذي بشارتك لان بشرتنا بقومته
الدكتور وهو منحرج منهم مره:حتى ولو اعذرني
عبدالله:طلبتك يادكتور ماتردها هاذي بشارتك والبشاره محد يردها
تبادلوا الشكر ودخلوا العيال عنده ماعلموا احد انه بغيبوبه ولا بيقولون لمن هو يقولهم بنفسه
دق فواز على ابوه اللي كان هو الوحيد عارف بغيبوبه فهد:الو
فواز:السلام عليكم يالغالي ابشرك فهد قام لنا سالم وصحى
ابو عبدالله:الله يبشرك بالجنه الف حمد وشكر لله الف حمد وشكر
فواز:حبيت اطمنك وبكره باذن الله لمن تزورنه بيكون صاحي
ابوعبدالله بفرح:ان شاء الله ان شاء الله
فواز:مع السلامه يالغالي


صحى فهد اليوم الثاني والكل انبسط لانهم لمن زاروه كان صاحي مو زي ماكانوا معتقدين مخدر
ماعدا فواز اللي راح يوصل عمر للمطار
ام نايف وهي ماسكه يد فهد من اول مادخلت وهي تدمع وكل شوي تساله تبي شي محتاج شي يعورك شي
فهد:يمه
ام نايف:لبيه ياروح امك
عبدالله:ياويل حالي على زوجتي اخذ عليها ذا الثور الدلع كله
ضحك فهد بالم وام نايف بعصبيه:والله ياعبدالله ان ضحكت وليدي وهو تعبان ان مافيه مي
عبدالله:لاااااااااا لا لا والله خلاص
ووجه نظره لمي اللي ذايبه مكانها من الحياء :شفتي وش بيسون فيني اهلك المتوحشين بيحرموني منك لاني دافعت عنك
مي دورها ماتلاقونها احرجها عبدالله قدام اهله واهلها
ابوعبدالله وهو مبسوط كانوا كاسرين خاطره طيحه فهد ماخلتهم يقعدون مع بعض:عبدالله ماودك تاخذ مي تمشيها (وطالع بساعته)الساعه 4يعني إذا اذان المغرب الساعه 6وانتوا عندنا وشرايك يابو نايف؟
ابو نايف وهو عارف بنته انه اكيد بتبكي من الخجل:ماعندي مانع
مي مسكت بيد نجوى بقوه لدرجه انغرزت اظافرها بيدها
نجوى بهدوء وبهمس ومحد انتبه لان غطاها ثقيل:وبعدين معك هذا زوجك عادي
مي بهمس اقل من همس اختها:نجوى تكفين لا الله يخليك لا ماقدر والله ماقدر
نجوى وكانها عارفه ان مي بتبكي قالت بصوت اعلى شوي لتنهي الموقف:عبدالله تعال خذ يد زوجتك وفكني منها
اما عبدالله يحس انه اسعد انسان بالدنيا
طالع بامه وابوه وعمه وهو مبتسم
قام بهدوء وغمازته على خده اليسار دليل على خجله من الموقف فكيف بمي
فهد بضعف:عبدالله
لف عبدالله على فهد وهو كان مركز نظره بمي:سم
فهد :اقرب بقولك شي؟
عبدالله مشى صوبه وقرب اذنه لوجه فهد
فهد بهمس:وقسم بالله لو تحرجها ولا تخليها تبكي ياويلك
عبدالله رفع راسه وعطى فهد نظره غرور ومشى
ضحك الكل على عبدالله
قرب من مي وقال بحنان:نمشي؟
مي تحس ريقها ناشف ماهي قادره تقول حرف واحد وجولها ترجف بقوه ولاهي قادره تحركها
طالعت بنايف بضعف ونايف ابتسم لها
لفت وجهها لامها اللي قامت لها ووقفت جنبها وهي بعدها قاعده عالكنبه:وشفيك؟
مي ببحه:مابي خايفه
ام نايف:تبين تركي وصالح معك؟
مي هزت راسها بالايجاب
قومتها امها ومشت معها لعند عبدالله:انتبه لها
عبدالله:بعيوني
ام نايف:تركي صالح روحوا مع اختكم
عبدالله بطفاقه:لا والله وش يحشرهم معنا
هنا الكل مات ضحك على عبدالله اللي استوعب نفسه وضحك بخجل
عبدالله:اقصد يعني مانبي نتعبهم معنا
نايف:ايه بين ماتبي تتعبهم تروك خلك معهم ولاتفارقهم تعرف عبدالله مايدل زين
صالح وتركي بفرح:طيييب
عبدالله اعطى نايف نظره تهديد وطلع كع مع مي والتوام من غرفه فهد


ـــــــــــــــــــــ(23)وصل فواز عمر للمطار وودعه مع انه بيرجع بعد كم يوم اليوم الثلاثاء ورجعته الخميس
صحيح يومين بس يشتاق لعمر بشكل مو طبيعي
دايم الشباب بالجامعه والاستراحه يضحكون عليهم بس كلامهم وكانه يزيد الرابطه
والعلاقه بين اخوين من امين وابوين مختلفين من عايلتين مختلفين بس كانوا اكثر من صديقين واخوين
صحيح معرفهتم ببعض من 6سنوات تقريبا بس كانهم مع بعض من سنين
تذكر اول لقاء له بعمر
كان بثاني ثانوي ببدايه الدراسه ومايبي يروح المدرسه فطلب ابوه يروح معه الشركه حتى يتهرب من المدرسه
ونفس الحكايه صارت مع عمر طلب من ابوه يروح معه الشركه والصدفه خلت اجتماع اصحاب العمل ابو عمر وابو فواز بذاك اليوم وتقابلوا وانبسطوا على بعض تبادلوا الارقام وبدت
طلعاتهم تكثر مع بعض
لمن صار كل واحد يمثل للثاني عديل لروحه
صحى من الذكرى وهو يشوف اخوه راكل سياره ابو نايف ورايح معه بنت والتوام
ضحك بقووووه على شكل عبدالله المتوتر كان بيدق على عمر بس تذكر انه مقفل جواله لانه بالطياره
راقب اخوه لمن طلع من مواقف المستشفى تمنى له داخله كل السعاده وتوجه لغرفه فهد اللي نقلوه لغرفه عاديه بعد ماصحى من الغيبوبه
فواز وهو يدخل غرفه فهد:السلام عليكم ورحمه الله وبركاته
الكل:وعليكم السلام والرحمه
ام عبدالله:راح عمر ؟
فواز:ايه راح الله يحفظه
ام عبدالله:الله يحميه هالولد احبه مووت لو عندي بنت مازوجتها الا لعمور
فهد بتحريش وهذا طبعه هو وعبدالله:افا ياعمي حرمتك تتغزل بصديق ولدك وانت قاعد؟
ابو عبدالله وهو يطالع ام عبدالله وبابتسامه انسان هايم:لو تبي ام عبدالله تطلع معه تتمشى وانا انتظرها بالبيت واطبخ لها العشى ماعندي مشكله
ضحك الكل بقوه على ابو عبدالله وام عبدالله ماتت احراج وقامت تهاوش ابو عبدالله لانه احرجها قدام اخوه
فهد بزعل:فشلوني يافواز ترضى؟
فواز وهو يقعد براحه جنب امه ويبوس ايدها:دامهم الغالين لو يقطعون عنك الاكسجين والمغذي وتموت ماقلت لا
فهد:ياجعلك بالماغص قل امين
الكل ضحك على فهد لانه يقولها بحقد
فواز:وش رايكم ترجعون البيت وتخلون فهد ينام
فهد بزعل:لا حشى والله وجودهم مريحني
ام نايف وهي تقوم وتبوس راس ولدها اللي حست انها عايشه لمن شافته قاعد ويسولف ويضحك معهم تكلمت بحنان:بنخليك ترتاح اليوم وبكره بجيك من الصبح واجيب لك اللي تبي معي
فهد:الله لايخليني منك يالغاليه
نايف وهو يقوم:والله العيال مدري عنهم طلعت من الدوام وجيت على طول
نجوى:انا طالعه محمد (زوجها)تحت ينتظرني اجر وعافيه ياخوي
فهد بامتنان:الله لايخليني منك يالغاليه ماقصرتي نردها لك بالافراح وبتشريف سمو العهد اللي اكيد بتسمينه فهد
امها بعتب:حامل وتقولين لاخوك قبل امك
استحت نجوى ونزلت غطاها الثقيل زياده على عيونها:من فرحتي بقومته
بارك لها الكل وطلعت لزوجها
ابو نايف:انتبه لنفسك وبنزورك بكره باذن الله
فهد: ان شاء الله يالغالي
فواز يكلم فهد:انا بنزل اوصل عمي وابوي ونايف ياخذ الباقين وارجع لك
نايف:لامعليك سيارتي واسعه وتكفيهم كلهم انت ارتاح
فواز من جد كان مرهق :مشكور نايف والله مرهق
نايف:ولو مايحتاج الشكر يالله سلام شباب
طلعوا الكل وبقى فواز وفهد اللي تنهد من طلعوا اهله وبدء على وجهه الالم
اللي كان يخفيه بسبب وجودهم
فواز:تعبان وتكابر ياخي ليه
فهد وهو يتالم من رجله وصدره :مافيني شي
فواز :مبين شوف وجهك
طلع وطلب من النيرس مهدئ للالم ورجع لفهد:قلت لهم يجيبون لك مهدئ
فهد لف على فواز اللي تمدد على الكنبه:فواز
فواز وهو مغمض عيونه :هلا
فهد:ساره جت هنا
فتح عيونه على سؤال ولد عمه:وليه تسال؟
فهد بعصبيه:بتقول ولا كيف؟
فواز بهدوء:ايه مره وحده
فهد:متى اي يوم؟
فواز باليوم اللي صحيت فيه قبل صحيتك بساعه ونص تقريبا ليه كنت حاس بوقتها
فهد وهو يتذكر بينه وبين نفسه
(كان الظلام محاوطه يحس انه يتردى بهاويه الظلام شي قوي يسحبه لتحت كان يقاوم بشده
بس يحس مافييه قوووه
بس لحظه يسمع صوت زي الندى على قلبه صوووت يعشقه وينام دايم عليه
ايه هاااااذي ساااره ساره والله ساره بس تبكي لا لاتبكي واسمع بكاها بس يدي عاجزه عن الحركه
كل عضله فيني ماتتحرك معقوله انا ميت وهاذي روحي معقوله هاذي الجنه ولاانا بمغسله الاموات
بس لا ساره تبكي ليه تبكي انا ميت ولاحي ابي اتحسس وجودها جنبي
حسيت بشي على عيوني وكانها نسمه هواء لحظه الدفئ اللي بيدي وين
تباعد صوتها تباعد كثير حطيت كل قوتي بيدي وجمعت قبضه يدي بس وين يدها وين الدفئ اللي حسيت فيه قبل شوي
مو فيه صوتها اختفى لا لا
حسيت بالم قاتل برجلي وصداع يفتك براسي ريقي ناشف جدا لدرجه حسيت لو بتكلم بحرف بتتقطع حنجرتي واحبالي الصوتيه
رجعت لعالمي الاسود وراح عني اي احساس الا لمن صحيت على صوووت من عبدالله يارب معقول ساره تبكي علي ابي اعرف
بس مابي احد يعرف شي اخاف اكون اتوهم وفواز يشفق علي ايه بيشفق علي لا مو انا فهد اللي اكسر خاطر الناس
وماهي ساره القاسيه اللي تتنازل تزور واحد ساذج ودلخ بنظرها )
فواز كان منتبه لملامح فهد اللي تتغير كانت ابتسامه خفيفه ثم تحولت لتكشيره ثم ملامح حقد وكره غريبه جدا على وجهه
واخيرا فتح فهد عيونه والم رجله صار قوي مايحتمل:لا بس بغيت اقولك مابيها تجيني ولاتدخل غرفتي واتمنى تقولها تحترم نفسها ولاتجي
انصدم فواز من كلام فهد وعلى طول طرى في باله ساره لو تسمعه يمكن تذبح عمرها هو لازم يهدي الوضع بس مو الحين
لان فهد مبين من جد انه متالم وبقوووه جت النيرس واعطت فهد المهدئ وغط في نوم عمييييق
فواز لمن نام فهد تمدد عالكنبه بعد ماخفف اضاءه الغرفه وسرح بافكاره
(معقول فهد كره ساره وساره مسكينه لو تسمعه يمكن تنتحر كانت من اول مادخل وهي كل ساعه ترسل لي مسج تشوف اخر اخباره
حتى بعد ماصحى كانت ترسل وهي ناويه تزوره بكره وش اقولها اقولها لو جيتي بيطردك مايبيك بتتحطم البنت ياربي ساعدني
وهدي الامور بينهم بيضيعون انفسهم وقلوبهم والسبب عنادهم ....رؤى وينك عني لو كنتي فيه كان ساعدتيني وجودك جنبي والله يكفي يخليني اعرف احل كل شي
وينك حرام عليك طال بعدك والله احس اني امووت ببطء رؤى بترجعين بيوم ولاخلاص ودي اعرف شي هي وينها مبسوطه مضلومه
صديقه دق عليه اليوم وهو راجع من المطار وقاله ان معاذ رجع السعوديه مع البنت اللي راح معها لازم يراقبه اكيد بيروح لرؤى يارب رحمتك
يارب ارحمها وابعد عنها كل مكروهه بكون جنبك يارؤى برجع لك وادور عليك بس فهد مانع رجعته بالوقت الحالي ومراقبه الوضع بنفسه)
تقلب على الكنبه بتعب يحاول يريح شوي من جاء الجنوب ماينام الا 3او4ساعات بالكثير باليوم
يحس بتعب وراهاق فضيع بس النوم بعيد عن جفونه
طرت بباله قصيده ومسك ورقه وقلم كانوا بدرج بالغرفه وبدء يكتب

((صبري قضى والخل طوّل غيابه = والحال يشكي من عنا البعد مشتاق
رح يارسول الشوق لي حـد بابه = ســلم عليـه وبلغــه حر الأشواق
قله ترى الساري من الشوق صابه = بعض الجنون وقلبه اليـوم خفــاق
بعدك جرح قلبه وهمك سرابه = يخشــى وصـــالك ينقلب صد وفراق
عقــبك حياته ياحياته رتابه = عــايش على ذكراك حافظ لميـــثاق
وأوصـــيك يالمرسال بلغ جنابه = أني عليــه أولـه وللشــوف تـواق
وان البشر صارت بعيني تشابه = وحده فرق عنهم وساكن بالاعماق
حبي له اكبر من حروف الكتابه = مايوصفه نزف القلم فــوق الأوراق
حيثــه مـــلك كل الحلا والمهابه = وعنه البعاد اليـوم ماعاد ينطـاق
وآخــر وصـــيه لا تكثر عتــابه = خلــه على كيفـــه وخلــه للاشواق
أن جاء معــود قـلت يامرحبا به = وأن كانت الفرقاء فبأموت مشتاق
>>منقوله))

عند مي وعبدالله
في متنزه الجبل الاخضر في ابها الجنوب
كان الجو رائع قليله عليه قاعدين بقعده مطله على منحدر شديد مو مبين قاع الوادي اللي بين الجبال من الضباب
مي مع كل نسمه هواء تحس برعشه قويه كانت على بالها المره الماضيه لمن كان عبدالله بغرفتها حلم
بس الحين اكيد حقيقه
عبدالله قاعد معهم ومستحي من اخوانها (والله لاوريك يانايف الحمار لولاه كان اخذتها لوحدي وتكلمت براحتي
ولكن التوام جنبها واحد من اليمين واحد من اليسار)
حس انها مسجونه وهم الحرس اللي جايبينها مات ضحك على تخيله
انتبه لنظرات مي المستغربه للضحك ونظرات غاضبه من اخوانها
كتم ضحكه بالقوه
وتكلم بجديه:صالح لو سمحت جيب جيكيتي من السياره حاس ببرد
صالح بطيب مايدري عن مخطط عبدالله:طيب
واخذ المفتاح وبيروح لمكان السياره البعيد عن مكان قعدتهم
وبعد ثواني عبدالله وجه كلامه لتركي:تركي شوف وين راح اللي يجيب العصير طول مرره
تركي:دقيقه بس خلني ازهم عليه(ازهم=انادي)
عبدالله ابتسامته شقت وجهه وقام بسرعه واخذ يد مي وراح لقعده ثانيه بس مسكره
بحيث محد يشوفهم بس هم يقدرون يشوفون نفس المنظر اللي شافوه من الطاوله اللي قبل شوي
قعد وقعدها جنبه ثم مات ضحك حس نفسه مراهق
مي وين تلاقونها ميته ذايبه حياء اكيد اخوانها بيعصبون وبيقولون للكل لاااا
حطت يدها على خدودها تهدي حرارتها وماطافت عبدالله حركتها
رفع غطاها بجراه وبعد يدها وحط يده وهمس لها(اووف لذا الدرجه مستحيه مني)
مي نزلت عيونها اللي تجمعت دموعها فيها من الخجل
عبدالله رفع راسها وطالع بعيونها وهمس:مي
مي لاإرادي ارفعت راسها وبسرعه رجعت نزلت بس يد عبدالله ثبتته
عبدالله:مي والله انتي زوجتي على سنه الله ورسوله بس شوي طالعيني والله بنحرم منك كثير لمن يجي زواجنا بعد 3شهور
ومعد بيخلوني اشوفك بعد هالمره
مي بداخلها(ياغبيه ارفعي راسك والله انه مسكين مي ارفعي راسك مي طالعيه بتندمين ياغبيه )
واخيرا ارفعت راسها بخجل وابتسمت ابتسامه صغيييره
بس كان وقع هالابتسامه كبيييير على عبدالله :فديت الابتسامه وصاحبها يالبى حياتك ايه كذا الله يخليك خليك كذا
ضحكت مي بنعومتها الفطريه فيها على شكله لانه يقولها وهو شوي ويبكي
عبدالله بصوت عذب خلاها ترجف:مي
مي:سـ..ـم
عبدالله:سم الله عدوك بسالك سوال
مي:ووشو؟
عبدالله بضيق بان بصوته:انتي وافقتي علي بارادتك ولاعمي جبرك؟
رفعت راسها بقوه وثبتت نظرها بعيونه صدمها تفسيره لخجلها بس مستحيل تطلع من هالمكان الا وهي معلمته من يكون عبدالله بحياتها

اليوم الخميس
يوم رجعه رؤى من مكه وفواز واهله من الجنوب بعد قومه فهد بالسلامه
رؤى بالفندق اللي مستاجرينه طوال فتره قعدتهم بجده
حنين:رورو مابي ارجع للجامعه والهم والله وناسه هنا
رؤى بابتسامه روعه:اكشخ اذا انتي تقولين كذا الباقين وش يقولون
حنين وهي موسعه عيونها:يمه منك طلعتي تحسدين وانا مدري
ضحكت رؤى بقوه على تعليق حنين
الاء:خير فتاه الاحزان تضحك وش عندها(الاء دايم تلاحظ الحزن اللي بعيون رؤى وسمتها فتاه الاحزان)
رؤى والابتسامه والراحه على وجهها:حنين تقول اني حسوده(ورجعت تضحك)
تحس بفرحه عظيمه اليوم بيصير عمر خالد 8سنوات فرحانه مرررره
اخوها وولدها الغالي يكبر وبيكون بيوم من الايام رجال مسوؤل عن نفسه واخته اللي تكبره بعام واحد
صح انه صغير بس كم من مره دافع عنها لمن ابوخالد يضربها
بعد نوبه الضحك
الاء باستهزاء من سبب ضحك رؤى:سكت دهرا ونطق كفرا
الحين يامال الصلاح لانقالت اضحك اضحوكه في الدنيا تبوسمتي ابتسامه (وتاشر على انمله اصبعها)كذا والحين يوم هالخبله(وهي تاشر على حنين )تقول حسوده تضحكين كل هالضحك(ورفعت يدها وعيونها للسقف)يالله ان تنعم علينا بالعقل وتثبتنا على الدين ..آمييين
هنا رؤى قعدت من كثر الضحك وحنين بعصبيه:هالحين انا خبله يارقوز؟
الاء وهي تشهق:انا ارقوز يام قلبين(ام قلبين كلمه كويته تنقال للطالب المتفوق جدا)
حنين وهي تصارخ:خاله هننننننننننننننننند
جت هند تركض:خير وشفيكم ؟وش صاير؟
حنين بطفوله اشرت على رؤى:هاذي تبي تحسدني (واشرت باصبعها على الاء)وهاذي تقول اني خبله وام قلبين
وبرطمت ومثلت الزعل
هند وهي تمسك اذنها وتتصنع العصبيه:هالحين غايصه بين الشنط والاغراض ارتب واسنع وانتو تتناقرون كنكم بزران تمهيدي


(وبصرخه يتخللها الضحك):كل وحده ترتب شنطها ماباقي عالرحله شي ياللللله تحركوا
ثم لفت لغلا اللي جت وراها تشوف ليه الصراخ وغمزت:هاه اعرف اعصب
البنات ماتوا ضحك عليها وهي قالت :تضحكون علي طيييب شوفوا من بيخليكم تشترون من المطار لو علبه مويه
البنات:لاااااااااااا
غلا برجاء :تكفين فيه عطر خطير مو موجود بالسعوديه الا في طيران الخطوط السعوديه وقالي الموظف بيكون فيه الخميس
ولفت على حنين بغضب :وقسم لو اوريكم يالبزران
وقامت حرب المخدات بين البنات وهند ماوقفتهم ولاقالت لهم شي اكتفت بمراقبهم يضحكون ويلعبون وهي تحس بسعاده لاتوصف
جوا الباقي وكملوا معهم لعب ووناسه


في قسم الشرطه بالدمام في غرفه الضابط احمد
الضابط:الساعه وحده الفجر بيكون لحظه هروبك من السجن
ابو خالد ونظره تحدي واصرار بعيونه:ان شاء الله كلها ايام والمساله خالصه
الضابط:لا مو مساله ايام يمكن تمتد لشهور لاننا نبي نمسك عناصر هالشبكه كامله بجميع اطرافها وقوادها
ابو خالد رجع قعد وباستفسار:يعني هم مو محصورين بالشرقيه؟
الضابط:لا هم متوزعين بمناطق مختلفه عرفنا ومراقبين اغلب المناطق بس الراس المدبر هو اللي نبي نوصله
هم حذرين جدا رغم مراقبة عناصرنا الجيده جدا لهم
ابو خالد:اهااا طيب واحتمال يعرف التنور اني متعاون معكم ثم اكون ورقه رابحه لهم
الضابط:احنا درسنا المساله طول فتره علاجك وانت بيدك الشي الاكبر لنجاح العمليه
ابو خالد:دام كذا الثقه متبادله وبيكون اليوم ان شاء الله موعد هروبي
الضابط وهو يقوم من مكتبه:الحين بنروح ونزرع لك جهاز التنصت حجمه صغيره جدا ومابياذيك ابدا ومحد بينتبه له ابدا
ابو خالد:على بركه الله

بالطياره المتجهه من ابها الى الدمام
كان كل واحد منهم له حال
دلال وهي تتذكر كلام اخوانها
(ابو نايف يادلال انتي مره وكبيره والكل يغبطك على عقلك زوجك غلط بس كان للازم تسمعينه
ابو عبدالله:دلال بناتك محتاجين ابوهم اغفري له يادلال رب العباد يغفر للناس مابتغفرين لابو عيالك وهو طلب مني
يقعد معك وبعدها القرار اللي تتخذينه هو اللي بيمشي حتى لو كان الفراق وش قلتي؟
دلال بعيون دامعه :متضايق من وجودي عندك يابوعبدالله (وبابتسامه باهته)خلاص بقعد عند ابو نايف
ضمها ابو عبدالله وهو يمسح الدموع اللي على خدها :لايالحبيبه لايالغاليه لاياروح اخوها لاتبكين
انتي قعدتك عندي مريحتني ومتطمن عليك تحت نظري وعيوني انتي وصيه امي وابوي وربي مابي طلعتك من البيت
بس له حق تسمعينه وتفكرين في بناتك مابجبرك على شي وابو نايف بعد انتي خذي وقتك واذا رجعنا الشرقيه باخذ جوابك
وصدقيني الكل بيحترمه ويقدره موافقه كذا
حركت راسها بالايجاب وطلعت من عند اخوانها وهي تفكر وللحين تفكر التفكير صعب واني اغفر لها زلته اصعب )
انتبهت لونين بنتها اللي نايمه جنبها ساره متغيره من حادث فهد وهي ماتاكل وبس تبكي وش فيك ياضناي وشفيك ياروح امك
ضمت ساره وخلتها تنام على كتفها وهي تفكر بمصلحة بناتها وقررت بهالحظه بس باقي بتتاكد مع نفسها من قرارها)
ساره ماكنت نايمه وحست بامها الصوت اللي طلع منها كان بكاها اللي كاتمته من بيت خالها بس ماعد قدرت تكتم صوتها اكثر
(تهي رحت ومايبي يشوفني مايبي يسمعني ليه يافهد ...مالومه انا حماره انا الغبيه انا اللي ضيعته )تمسكت في امها بقوه وغطت بالنوم
تبي تنسى تبي ترتاح بس من وين تجي الراحه

اما عبدالله العاشق الولهان كان سرحان بلقاءه مع مي
(حس انه فوق السماء كلامها خلاه يعشقها اضعاف عشقه لها قالت لها جملتين بسيطه وكانت بين كل كلمه والثانيه دقيقه بس فهم
انها تحبه اي والله قالتها وبكت من الحياء ههههههههههههه)
فواز :هيه يالحبيب مي في بيتهم مو في بيتنا تنتظرك
عبدالله:تكفى ياخوي الفزعه ابي اقدم العرس
فواز مات ضحك على اخوه اللي من بعد طلعته مع بنت عمه وماعلى لسانه الا طلبه بتقديم العرس (معقوله تاثير شوفته لمي كبير كذا)
فواز بجديه شوي:اسمع لو تناشد من هنا لبكره بتقديمه احلم عمي يوافق والبنت مابقى الا باقي هالكورس وتخلص جامعتها
بالعكس فرصه حلوه تتاكد هل بجد تحبها ولا خيالات مراهق(كان يبي يرفع ضغط عبدالله)
وصدق ارتفع ضغطه:هذا اللي يبي اذبحه ياولد اذبحك والله لادعي عليك ماتلقى رؤى ان ماسكت عني
فواز:لالا لا لا لا والله اتوب خلاص اسكت
لف على الشباك(رؤى وينك شوفي عبود يهددني فيك علشان ماضحك عليه تعالي ابي ضحك عليه وانا متطمن انك حولي وموجود)
تحسس خده لقى دمعه طاحت من عيونه كان وده يبكي لمن يشبع زي الاطفال ويفرغ اللي بقلبه
اللي بقلبه قهر خوووف حب شوق يحرق السعوديه كامله
آآآآآآآآآآخ يارؤى آآآآآآآآآخ ياقلب فواز آآآآآآآخ ياروحه بداخلي بركان وينك تطفينه بداخلي الم الكل مايدري باللي فيني
مفسرين سكوني نسيان مايدرون اني مانام مايدرون بالاحلام والكوابيس مايدرون اني كل يوم اتصل على صديقي لدرجه مرات معد صار يرد علي
وآآآآآآآآآخ يازمن خذتها مني بقسوه يارب مالي الا انت فرح قلبي بشوفها يارب اني عبدك اللحوح يارب رجعها لي يارب قر عيني بشوفها)
وصلت طياره رؤى بنفس وقت طياره فواز
هل ياترى بيحين اللقاء الحين هل بيستجاب لفواز دعاءه؟؟؟


ــــــــــــــ(24)

في طياره جده-الدمام
حنين:رورو
رؤى:هلا
حنين:اممممم
رؤى:وشفيك وش ببالك؟
حنين:بسال سوال؟
رؤى:وشو؟
حنين:لو اكلم فواز واقوله عن مكانك وش بتسوين؟
رؤى سكتت وطال فتره سكوتها
حنين بخوف:رورو والله امزح وقسم بالله امزح
رؤى:حنين اذا تبين تكسرين قلبي عليه لاني مستحيل اواجه بعد اللي صار وانا للحين ماعرفت اهلي
حنين ليه ماتفهميني ليه (ومسكت يد حنين وطالعت بعيونها)اسمعي لمن توصلين لدرجه الحب المجنون
بتتمنين السعاده للي تحبين لو تندفنين حيه حنين لو انا ام مابرضى لولدي ياخذ(وبغصه) بنت من الشارع
حنين تقاطعها:رؤى وشو من الشارع انتي ماخذه هالفكره عن نفسك اكيد الناس بتقول كذا رؤى
انتي بنت عمري ماشفت باحترامك وخجلك وعزة نفسك فيك صفات ماتوجود ببنات القصور
رؤى:حنين هذا مو كلامي هذا كلام خالته حنين تصدقين مالي عين ارفع راسي بعد كلامها احس كرامتي انمسحت بالارض منها والله ماقدر اشوفه (وبهمس مبحوح)ولاانا اشتقت له(ورفعت عيونها لحنين)ايه وربي اشتقت له ايه وربي احبه واعشقه بس ابي راحته وسعادته ورضى امه واهله عليه حنين اذا تعديني اختك بجد
لاتفكرين بهالخطوه اللي بتنهي رؤى اوعديني
حنين وفرت دمعه حزن على حال رؤى:اوعدك والله لاقص لساني قبل اسويها دام هالشي بيجرحك
رؤى وهي حابه تغير الجو:لاتقصينه من يقعد يسولف فوق راسي غيرك
حنين ضربت كتف رؤى:نذله
وضحكوا وكل وحده بقلبها هموم عن امم
لاصرت كاتم بقلبك مشاعر مجنونه مشاعر قاتله ولاذعه بقلبك خوفا على من تحب شي يعذب
احساس محزن تتمنى لو ظروفك غير وانت غير حتى تنفك هالمشاعر من حصون قلبك اللي خليتها عاليه وصعبه وكله لجله لجل من عشقت وحبيت
بعد 10دقايق تم اعلان الوصول الى مطار الملك فهد الدولي بالدمام
رؤى:حنونه
حنين:هلا
رؤى:وصلنا صحصحي امدى تنامين
حنين:رؤى من جد بديت اخاف منك صايره حسوده مره
رؤى:ههههههههههههههه طيب يالله قومي
نزلوا من الطياره وكان باستقبالهم سواق الدار الخاص بالبنات
حنين:ماما هند
هند:هلا قلبي
حنين :بروح دوره المياه(اكرمكم الله) شوفيها هناك قريبه وباخذ رؤى معي
هند:طيب ولاتتاخرون
حنين:حاضر (ولفت لرؤى)تعالي معي
راحوا لدوره المياه ورؤى وقفت عند المرايا تعدل حجابها بس انصدمت بالصوره المعكوسه بالمرايه
(والله هي والله هي )حطت الغطى على وجهها وقربت وبصوت هامس من ارتجافها:فيء
لفت فيء اللي كانت تنتظر امها وضيء:نعم
شهقت رؤى وضمت فيء بقوووه
فيء وهي تحاول تبعد رؤى:من انتي؟؟ وخري عني
رؤى:فيء روحي انتي (ورجعت تضمها تبكي)
ياكثر الذكريات اللي مرت عليها من شافت فيء ياكثر الالم اللي بقلبها من فراقها لمن كانوا بيوم لها الاهل والعزوه
حنين طلعت من الحمام(الله يعزكم )وانتبهت لرؤى وهي تتلمس فيء وتكلمها
قربت منها وعلامات التعجب براسها :رؤى وشفيك عالبنت ؟
رؤى:فيء انتي بخير وماما بخير فواز بخير؟
فيء:انتي رؤى؟
رؤى بتوتر:لا مو رؤى انا ..انا صديقه ساره
فيء بطفوله :احنا بخير رحنا الجنوب وولد عمي فهد سوى حادث بالسياره وبغى يموت وفواز كل يوم يروح عنده والدب عبدالله كان قاعد بالبيت يبي يقعد مع زوجته مي وامها تقوله مافيه عيب خبل صح؟
رؤى مسحت دموعها وبوست فيء لمن انتبهت لدلال من بعيد مع ضيء:انتبهي لنفسك زين
وسحبت يد حنين ومشت بسرعه
دلال:فيء من ذي وش تبي منك؟
فيء:هاذي تقول انها صديقه ساره سالتني عن اخباري وبوست خدودي وضمتني بس ياماما كنها رؤى هذيك البنت الطيبه صديقتي
دلال وهي تتنهد:الله يعلم يابنتي رؤى وين ارضها من سماها يالله تأخرنا على خالك مسكين تعب من الطياره
وحسابك بعدين
وراحت لمكان مالباقين ينتظرونها فيه
فواز:تاخرتوا والله
دلال:قعدت ادور فيء ولقيتها تسولف مع وحده قالت لها انها صديقه ساره؟
فواز نزل لمستوى ضيء:ضيء حبيبتي مايصير تتكلمين مع أي شخص وتروحين معه ترى والله ازعل هالمره
ضيء:بس هي...
قاطعها فواز:مابي بس ابي تقولين حاضر؟
ضيء:حاضر
ومشوا راجعين البيت وفواز ماكان يدري انه لو سمع لضيء يمكن يلاقي رؤى ماكان يدري بانه لمن تكلم عن الغرب تكلم عن رؤى( مسكين يافوازالله ماكتب لكم لقاء يافواز)


حنين وهي توقف رؤى:هيه هيه وشفيك هدي تسحبين فيني من اليوم ولاقلتي لي من هذيك البنت الصغيره؟


رؤى ماعرفت ليه ماتبي حنين تدري يمكن لانها متخوفه من سوالها لها بالطياره قالت:هاذي وحده كانت بالحي اللي انا ساكنه فيه وخفت اهلها يشوفوني معها وعصبون عليها
حنين بشك لان مبين ان رؤى تكذب:بس؟
رؤى وهي تمشي وببرود:ايه امشي تاخرنا
ورجعوا لهند والبنات
وهم بالسياره راجعين للدار وحاله رؤى النفسيه تحت الصفر من بعد شوفتها لضيء استرجعت ماضي اليم تخلله بعض الذكريات الحلوه (رؤى انسى فواز حرام عليك ليه تبين تظلمينه معك ليه تبينه يترك اهله وناسه ويعصي امه علشانك انتي انسانه غبيه وانانيه )مسحت عيونها بقوه وهي تحاول تقنع نفسها بهالفكره حتى تحاول انها لمجرد ثانيه ماتفكر في فواز

واول مادخلوا الدار كل وحده راحت لغرفتها تنام لانهم صاحين من الفجر تمشوا ولعبوا وتغدوا برى
تمددت رؤى بتعب على فراشها
حنين:ترى من شفتي البنت وانتي ساكته فيك شي
رؤى وهي تخفي جنون افكارها ابتسمت:لا معليك بس صاحيه مبكر ابغى انام

وطرت في بالها فكره انها تدق على جناحه تسمع صوته ابتسمت على جرئه فكرتها بس بتنفذها والحين قامت من فراشها واستوقفها صوت حنين :وين؟
رؤى:بشرب مويه واجي
طلعت من الغرفه وراحت للصاله ومسكت التليفون ودقت رقمه اللي حفظته لانها كانت تتفاهم معه على الملفات عليه رن ومع كل رنه قلبها يدق اكثر وجاها صوته اللي مستحيل يغيب عنها
تكلم فواز بكسل لان التليفون ازعجه وهو تو نايم وبصوت كله نوم:الـــو
رؤى نزلت دموع حاره على خدودها (فواز)
فواز بكل نوم:الو
رؤى بهمس:فواز
مادركت نفسها وهي تتكلم علشان كذا قفلت الخط بسرعه وهي تسب نفسها على تهورها
فواز من سمع صوتها فز من نومه:الو الو انتي مين ؟
ولكن للاسف الخط انفصل حس نفسه يحلم انه سمع همس رؤى تعوذ من ابليس ونام

رجعوا يوم السبت للدراسه
وبعدها باسبوع من الدراسه طلع فهد من المستشفى
ابو نايف:تو مانور البيت
فهد:منور بوجودك الله يخليك لي
ام نايف وهي تسند فهد لانه يستخدم العكاز لمن تشفى رجله تماما وقعدته على الكنبه بالصاله:مرتاح يمه تبي مخده زياده؟
نجوى:يمه ترى العيال ماهم بوجه دلع انا الحامل المسكينه
ام نايف:اذا مادلعت فهد نظر عيني ادلع من
نجوى:خلاص مابتدلعيني مابجيب ولدي كل يوم عندك
الكل ضحك على نجوى اللي صايره زعول مرررررره
وقامت للمطبخ تاكل ليمون تبرد خاطرها (خخخخخخخخخ لووووووووول)
الجده:اعذرني ياولدي ماجيت المستشفى ازورك والله ماقدرت
فهد وهو يبوس يد جدته اللي كانت قاعده جنبه:لاياجده لايالغاليه والله لو تعبتي عمرك وانا جايك كان زعلت
الجده:الله يسخر لك الخير واشوف عيالك قريب (وبخبث)قول امين طيب؟
فهد(آآخ ياجده وهي بترضى بعد طردتي لها من المستشفى لمن زارتني ولاكلامي الجارح لها ):ان شاء الله
انا قايم لغرفتي ارتاح وتوي ماكل يمه بالمستشفى مابي عشاء
ام نايف:على راحتك يمه
مي:انا بوديك للغرفه
ابتسم لها فهد ومد لها شنطته الرياضيه اللي جاب فيها اغراضه معه من المستشفى
مي كانت مساكه يده وتمشى معه
يحس اخته مبسوطه ومورده ومحلوه:ترى اقدر امشي بس اتدلع
مي بنعومه:اذا مادلعت الغالي ادلع من
فتح باب غرفته وقعد على سريره:لو يسمكعك عبيد قطع لسانك
اعتلت الحمره خدودها ووجهها :لامعليك
فهد:يابنت الذين امنو ضامنته مايذيك ههههههههههههههههه
مي اكتفت بالسكوت واشر لها فهد تجي تقعد جنبه
وسالها بحنان:مرتاحه مع عبدالله يزعلك بشي؟
مي:لا الحمد لله
فهد:ترى عبدالله طيب ويغليك من واحنا صغار انتبهي لنفسك ولزوجك (مي من قال زوجك احترت من الخجل) حاضر تبي شي اجيبه لك؟
فهد:لا باخذ شور وانام
مي:طيب (باست جبينه)تصبح على خير
طلعت مي ودخلت ام نايف وساعدت فهد يدخل الحمام بسبب العمليه اللي برجله مايصير يلمسها المويه
ولمن طلع ساعدته يلبس وفهد مع انها امه اللي لبسته وحممته وهو صغير بس كان مستحي مرره منها:تعبتك معي ياقلبي انتي
ام نايف بزعل:تعبك راحه والله ودي اشقى واتعب طول عمري ولايجيك دقه شوكه وتعورك
وتلمست رجله بنعومه:تعورك
ابتسم فهد لامه:لا ماتعور كانت اول ايام العمليه بس الحين بخير ان شاء الله
ام نايف:فهد عارفه ان بقلبك شي وانت زعلان عليه وانه كان ببالك لمن سهيت عن السياره وصدمت
بس ياولدي لاتضغط على روحك وعالج امورك بحكمه مو بطيش تهور هالمره سلمت من الحادث وماني مستعده يصير لك شي بعد (ودمعت عيونها)
مسح فهد دموعها وضم امه:لا يمه مابيك تبكين واموري ان شاء الله بخير وتمام انتي تطمني وارتاحي
ام نايف:الله يخليك لي انت نام وارتاح الحين وتصبح على خير
فهد:وانتي من اهله
طلعت امه وطفت الليت وهو مدد ظهره على السرير (ساره بتسامحني قسيت واجد وعاقبتها واتوقع الحين اقدر ارجع كل شي طبيعي ويكون بمصلحتي ادق عليها الحين ولابكره لالا الحين اخاف ماترد خلها بكره )

اسبوع كان طويل تعذبت فيه كثير لازم تدق عليه تبي على الاقل تتطمن عنه
مسكت جوالها ودقت رقمه قدام تتراجع
دق وقلبها يزيد نبضه مع كل دقه بس مارد
ورجعت دقت من جديد
كان فهد يطالع بالرقم منصدم يحس انه يتخيل رد يبي ياكد هالشي خيال ولاصدق:آآآلو
ساره تكلمت:آلو فهد
فهد يحس بقلبه طبول وبصدمه وهو يبي يتاكد:مييين؟
ساره ماقدرت تتكلم لانها بكت(حتى صوتي ماعرفه )
فهد بهمس:ساره
ساره وهي تمسح دموعها:اسفه دقيت بوقت متاخر بس عرفت انك طلعت من المستشفى اليوم وحبيت اتحمد لك بالسلامه الحمد لله على سلامتك
فهد:الله يسلمك
ساره(ليه هالقسوه تكفى ارحمني):تصبح على خير
كانت بتقفل بس سمعت فهد يقول:سارونه
ساره بتررد وبصوت رايح من شهقتها المكتومه:هلا
فهد بهمس اهتزت منه كل خليه بساره:آآسف قسيت عليك مره
سكت كان يبي ساره تقول شي لمن شاف انها ماردت كمل:ساره انا دقت الموت وكان قريب مني مررره
ماحبيت اموت واحد زعلان مني
ساره باندفاع محب خايف:بسم الله على عمرك يومي قبلك
ابتسم فهد وبان هالشي بصوته:يعني تخافين علي وانا بعد خايف عليك من نفسي ساره تسامحيني انا بالنسبه لي نسيت كل شي مو حلو بصفحتنا وبتذكر بس موقف واحد لمن بستي عيوني
ساره ماتت خجل من كلامه وبتوهر:كنت صاحي؟
فهد مات ضحك عليها وبهمس:كنت احس بقلبي انه كان عندي
ساره اسكتت اخجلها بكلامه مررررره
فهد :سامحتيني؟
ساره بطفوله فيها:انا ماكنت زعلانه منك بس خايفه انك تكرهني ومعد تحبني(وبكت)
فهد:اوووش اول شي مابي دموعك وبعدين ابيك تشدين حيلك وتتخرجين من الثانوي بنسبه عاليه ورانا عرس وانتي للحين تدرسين
احرجها بجد فقلت الخط من الحياء
فهد مات ضحك عليها اكيد خجلها وسل لها مسج
(امسحي دموعك تراها غاليه وتصبحين على الف خير آحبك)
ساره قرت المسج وحست ان الحياه رجعت لها تحس بسعاده لاتوصف
واخيرا فهد سامحها وماطلع يكرهها زي ماكانت تظن
ركضت لغرفه امها تبي تشاركها الفرحه
بس لمن كانت بتدخل سمعت امها تقول لخالها:ابو عبدالله وقت التفكير فات وقراري مالي رجعه عنه
انا مابي ارجع له ولاابي اسمع منه أي تبرير ولااعتذار ابي استقر مع بناتي وانسيهم ابوهم واعيشهم براحه
مستحيل اقدر ارجع له بعد اللي سواه فيني

رجعت ساره لغرفتها وتلاششت كل فرحتها بمسج ومكالمه فهد لها
تذكرت من سنتين
كانت دلال وعائلتها مضرب للمثل بالمثاليه زوج محب ام حنونه اطفال مثالين بكل شي
راح مره ابوها لاجتماع بالرياض وهم راحوا لبيت خالها ابو عبدالله لانه بيطول ابوها بالرياض
وخاصه انه قال لامها انه بيقعد اسبوع معروفين دلال وزوجها بانهم عصافير الحب بس انقلب حال زوجها من جابت فيء تغير عليهم
صاروا اخر اهتمامه حتى لمن جابت ضيء فكرته بيرجع زوجه الاول صبرت صبرت ولالقت فايده
وجاء اليوم اللي حطمها رجعت البيت ولقته مع خدامتها في منظر لتقشعر له الابدان>>>سامعته هالقصه بمحاضره–الله يستر على المسلمين-
ومن يومها اخذت بناتها وكان ابو عبدالله مرحب بها وخلاها تعيش معه)
دار براسها منظر ابوها صح امها ضمتها ولاخلتها تشوف شي بس دموع امها وصراخها ذاك اليوم كفيل بانه ينحفظ بذاكرتها الى اليوم
نامت ودمعتها على خدها كل مابغت تفرح تتحطم هالفرحه اما بذكرى او موقف ودها لو بيوم تفرح فرحه كامله
قرت مسج فهد من جديد وابتسمت من بين دموعها نامت وهي تبي تنسى كل ذكرى لها معا ابوها امها تكفيها وتغنيها عن الدنيا كلها







{[ ]}545
28-10-2010, 05:16 PM
مني شاعره بس ازلزل مشاعره
©؛°¨غرامي مشارك¨°؛©



رد: روايتي الأولى : كل ما فيني يصرخ أحبك إلا لساني عجز ينطق مخارجها

بعد مرور 3اشهر الساعه 11 بالليل
كانت رؤى قاعده على سريرها تذاكر لان بكره عندهم اختبار فاينل
دخلت حنين بسرعه وهي حاطه يدها على وجهها ورمت نفسها على سريرها
رؤى قامت عندها بخوف:حنين وشفيك؟
حنين:فشله فشله
رؤى :وش اللي فشلة؟
حنين واللون الاحمر طاغي على وجهها قالت بهمس:عبدالرحمن
رؤى ابتسمت:ولد اخت استاذه هند
حركت حنين راسها بالايجاب
رؤى:شافك ؟
حنين وهي تغطي وجهها وصوتها فيه الصيحه:ياليت
رؤى:اجل وش صار؟
حنين:كنت طالعه برى ابغى ماما هند لانها كانت قاعده بالحديقه ابي اقولها اننا بكره بنروح الجامعه متاخر
وطلعت اركض ومن الطفاقه صقعت فيه وهو توه جاي من السفر يشوفها (ورجعت تغطي وجهها )وربي فشله
رؤى:خلاص ماكنتي قاصده وبعدين بتقنعيني انه ماودك تشوفينه انتي توك امس تقولين (وتكلمت وهي تقلد حنين)والله يارؤى ماعمري لفت احد نظري زيه ياليت يترك دراسته شوي ويطل علينا
ضربت حنين رؤى بالمخده : والله امزح بالله اسكتي
رؤى وهي ترفع حاجب:نو ماراح اسكت
حنين وهي تصارخ:رؤؤؤؤؤؤؤؤؤؤؤؤؤى
رؤى وهي تضحك:خلاص خلاص بس غريبه جاي وماباقي على نهايه الكورس تبعه الا شهر على حسب علمي من حضرتكم
حنين:لانه مايصبر عن خالته
رؤى :اقول نامي نامي والله تعبت مذاكره
حنين:نذله مافيه الله يصبر قلبك شي
رؤى:حنين ورنا فاينل انسي عبدالرحمن لبعده لو سمحتي
طفت حنين الليت حتى ينامون وسرحت بخيالتها البعيده بدينا عبدالرحمن وبس
غطت بنومه مع احلامها الورديه بعد موقفها قبل شوي مع عبدالرحمن اللي كانت تحبه بس ماعترفت لاحد الا لرؤى

عند ابو خالد
ابو راشد:والله وصرت قائدنا بالمخدرات وانت من اول مسوي فيها شريف
ابو خالد:الواحد يدور مصلحته بهالدنيا قبل كل شي والاخلاق مانفعتني بشي
ابو راشد:كفؤ والله ابو خالد كفؤؤؤ وعلشان كذا حاب اقولك ان التنور يبي يقابلك شخصيا بكره
لانه معجب بشغلك وقدرتك على تنفيد البضاعه من الحدود لعمليات كبيره والله وطلعت داهيه يالشايب
ابو خالد بنظره مافهمها ابو راشد:ان شاء الله ان شاء الله بشوفه وانبسط بشوفته قريب قريب حيل
وقام:انا استاذن لازم اتحضر لبكره لمقابله الشيخ
ابو راشد:لاتنسى ربعك اللي وقفوا معك من هربت يالداهيه من السجن؟
ابو خالد:افا عليك من عيوني
بس طلع من المكان دق ارقام الضابط على عجل
الضابط احم:الو
ابو خالد :السلام عليكم
الضابط:اهلين بابو خالد؟كيفك؟
ابو خالد:تمام الحمد ماعندي وقت بكره العشاء
الضابط اللي فهم اشاره ابو خالد:لا يابو خالد ابيك تعذرني بطلع العيال الحديقه
ابو خالد:اجل خل العيال ينتبهون على انفسهم وانتبه لهم انت الله يخليهم لك
الضابط احمد:الله يرعاك انتبه لنفسك
ابو خالد:ان شاء الله

عند الضابط:ياعسكري
العسكري:نعم سيدي
الضابط على عجل:قول للضابط يجون لاجتماع طارئ بمكتب العقد.......
العسكري :حاضر طال عمرك
الضابط(والله وطحت يالتنور الله يكون معنا يارب الله يكون معنا)


اما رؤى فزت من نومها حلمت في ام خالد قامت حنين على صوت بكاها وفتحت الابجوره وقعدت جنبها وهي ماسكه يدها وتمسح على شعرها :تعوذي من ابليس اكيد حلم صح؟
رؤى حركت راسها بالايجاب وصوت شهقاتها تعبر عن الحلم اللي حلمته
حنين بصوتها الحاني على رؤى:انتي دووم قويه لاتضعفين كله كابوس تعوذي من ابليس
رؤى ضمت حنين بقوه وهي تبكي وطلعت منها اه كانت كابتتها:حنين ابي امي (وبكت بكى يقطع القلب)ابي ارتاح آآآآآه
حنين حست انها بتنهار حاولت تصبر نفسها علشان رؤى:رؤى قلبي اسمعي (ورفعت راسها ومسحت دموعها )انتي صبرتي كثير وبقى القليل علشاني حنونه اختك اللي تحبينها وتموتين عليها (وضحكت بهمس)ولاعندك غير هالكلام
ابتسمت رؤى من بين دموعها :الله لايحرمني منك
حنين:ولامنك والحين اشوف حلى لك النومه على فخذي تراك جدتي
قامت رؤى وهي تمسح الدموع اللي تعاندها وتنزل وابتسمت في وجهه حنين ابتسامه امتنان
حنين مسكت خدود رؤى وقرصتهم بخفه:ارجعي نامي ورانا امتحان بكره
رؤى :اوك
طفت حنين الابجوره ورجعت لفراشها ورؤى جافاها النوم بعد الحلم اول ماحتاجت احد طرى في بالها فواز لطالما كان لها السند والعون (اه يافواز وبي عذابي اضعاف عذابك)
راحت لمرسم رتيل ورتال وشغلت النور ومسكت لوحه فاضيه وبدت ترسم فواز وعيونها تدمع
خلصت اللوحه الساعه 4ونص الفجر انتبهت للوقت كيف سرقها وهي ترسم اندمجت ولاحست فيه
اخذت اللوحه معها غرفتها وخبتها تحت سريرها اذن الفجر على مسامعها

۞۩۞الله اكبر الله اكبر۞۩۞الله اكبر الله اكبر۞۩۞اشهد ان لا اله الا الله۞۩۞اشهد ان لا اله الا الله۞۩۞اشهد ان محمد رسول الله۞۩۞اشهد ان محمد رسول الله۞۩۞حى على الصلاة۞۩۞حى على الصلاة۞۩۞حى على الفلاح۞۩۞حى على الفلاح۞۩۞الصلاه خير من النوم۞۩۞الصلاه خير من النوم۞۩الله الله اكبر الله اكبر۩۞۩ لا اله الا الله۩۞۩

رددت مع الموذن وراحت للحمام تتوضى
صحت حنين اللي كان نومها خفيف وصحت لها على طول وراحت تتوضى
كبرت رؤى للصلاه وصلت بكل خشوع بعدت مانهت صلاتها رفعت يدها لربها (يارب انك تعلم بحالي فارف بحالي يارؤوف يارحيم)
حطت راسها على مخدتها ونامت بعد يوم متعب ومجهد من المذاكره
صباح اليوم التالي
هند:رورو
رؤى من تحت لحافها:هممم
هند:يالله يمه قومي راجعي قبل تروحين
قامت رؤى:حضار قمت
راحت غسلت ووضت لانه مابقى على الصلاه وقت طويل ولبست تنوره سوداء وقميص جينز ناعم
لمت شعرها اللي وصل لاخر ظهرها و اول مره يطول لهالحد على شكل ذيل حصان وحطت واقي شمس وقلوس وردي وماسكرا زيتيه
طلعت للصاله لقت سماح وهند وحنين كانت حنين تقرا الكتاب وتاكل ساندوش:صح النوم كان نمتي بعد
رؤى بابتسامتها المعهوده:صح بدنك ماقدرت انام الا بعد الفجر هاه متى بيجي ابو سامي(سواق الجامعه)
حنين:البسي عباتك الحين على وصول
لبست عبايتها وطلعت مع حنين للجامعه وهي خايفه من الامتحان
بعد ساعه ونص كانت رؤى بالكلاس
توزعت الاوراق وبدوا البنات يحلون
خافت في البدايه بعدين تعوذت من ابليس وبدت تحل وخلصت كل الاسئله وهي واثقه من ان اغلب اجاباتها صح
سلمت ورقتها وحنين سلمتها قبلها بدقايق تقابلوا برى القاعه
حنين:هاه كيف؟
رؤى وهي تتنفس بعمق:يارب زين وانتي؟
حنين:الحمد لله بس فيه فقرتين اول مره اشوفهم
رؤى :الحمد لله على كل حال
حنين:طيب تبين نفطر مع البنات ولا نرجع البيت
رؤى:لا نرجع البيت اليوم اخر يوم واخيرا وبصارحه مانمت عدل والبنات كلهم بيرجعون البيت الحين
حنين:حلو والله ابي انام مصدعه
رؤى:يالله اجل
وطلعوا من الجامعه ورجعوا الدار وهم بالطريق
رؤى:حنون
حنين:لبيه
رؤى:تسلمين ابي اسوي شي ؟
حنين:تسوين شي مثل وشو يعني؟
رؤى:كل وحده فيكم تشتغل شغله معينه بالمشغل حق الخياطه بالتصوير بالمرسم وانتي بالبحوث العلميه
حنين وفهمت على رؤى:طيب بس انتي عندك ايجار بيتكم ومنتي محتاجه بس ماعلينا وش حابه تسوين؟
رؤى:ابي اصير مدرسه رياضيات لطالبات الابتدائي والمتوسط للمحتاجين اللي مايقدرون على مصروف المدرسه الخصوصيه العالي يكون مبلغ رمزي صغير للدرس حتى مايعتربونها صدقه لان مابيهم يحسونها صدقه او شي ابي يحسون انهم خذوا هالدرس من فلوسهم
حنين:واو فكره روعه نكلم ماما هند اليوم ونشوف وش تقول
رؤى:اوك
دخلوا الدار وكل وحده راح فراشها تبي تنام
انفتح الباب بقوه:نمتوا؟
حنين وفيها النوم:شهدود تكفين سكري الباب ابي انام منهكه
شهد:بس فيه اجتماع بالدار اليوم وكنت ابيكم تساعدونا
رؤى:اجتماع وشو؟
شهد:شفتي قسم الضيافه هذا ماما هند مسويته لانها تجتمع مع حريم بجمعيه نسائيه شهريه وهالمره الدور عند ماما هند يجتمعون عندها
رؤى وطرت في بالها فكره:طيب شهود وين ماما هند
شهد:هناك تدور احد يعدل المكان
قامت رؤى وراحت لهند:خاله هند
هند:هلا رؤى يمه كيف امتحانكم انتي وحنين؟
رؤى:الحمد لله تمام بس بغيت استاذنك في شي
هند:تفضلي
رؤى:أبي اعدل الصاله عندي خبره بهالاشياء
هند بابتسامه:جد وانا واثقه من ذوووقك اترك لكي كل المجال بعد واي شي تحتاجينه قولي لي ارسل احد يجيبه
رؤى:اوك مشغل البنات بيساعدني كثير بس متى بيجون الضيوف بالضبط؟
هند:امم 7ونص تقريبا
رؤى:فيه وقت الحين الساعه 2 ونص طيب الحين بروح تامريني شي
هند:سلامتك
راحت رؤى للصاله اللي بيقعدون فيها وماكان يبي لها شغل كثير

عند فواز بغرفته
اليوم وصل برواز الصور اللي طلبه من المانيا من صديق قديم له
كان مصنوع مخصص لرسمه رؤى
دخلها بحذر بالبرواز وهو مبسوط فيه
علقها بطرف من غرفته اللي رجع لها من بعد ماتركتها رؤى
ضحك لمن تذكر اول ماقالت لها تيكا انها بتغير اللحاف صرخ فيها ومنعها
كان يبي يتذكر رؤى بريحه اللافندر بلحافها وهالخبله تبي تغيره
اول ماحط رايه عوره شي ولمن دخل يده تحت المخده لقى شباصه رؤى
مات ضحك (اخر زمن سريري كله شباصات)
اخذها لدرجه الخاص وحطها مع الرسمه الغاليه على قلبه والساعه اللي من رؤى
ورجع وغط بنوم عميق داك اليوم)
تامل بالبرواز بعد ماصحى من الذكريات اللي بتقتله
(رؤى اليوم رحت للخيل رضت لي اركبها بصعوبه )
ابتسم لهباله انه يكلم رسمه وحس انه بجد بينجن فقرر بيروح للمزرعه يشيك عليها وبعدها يروح للشباب

بالدرا
بدت تنقل وتحرك شوي من الاثاث وتغير اتجاهم
اهتمت كثير بالطاوله اللي بالنص واشتغلت عليها كثير
كانت بزاوايا الغرفه جره طويله شكلها نفس الكوب حطت فيها مويه ولونها باللون الازرق وحطت شموع بيضاويه تفاحيه وبيضاء وطالع شكلها رووووعه
اما غرفه الطعام كانت بسيطه مره مجرد ورد وشويه جرات للطاوله لمن جت 6الاربع اندق مكتب هند
هند:تفضل
رؤى:ممكن تجين معي تشوفين الصاله وغرفه الاكل بالشكل النهائي
هند:بكل سرور
دخلت هند الصاله واعجبها التنسيق مررررره :رؤى بجد ماشاء الله عليك مبدعه
رؤى:مو لهدرجه كلها شويه قماش وورد
هند:بجد احس اني مو في بيتنا
ضحكت رؤى:طيب متى تبين العشاء يقولون البنات
هند:9ونص احسن وقت
رؤى:حلو وبعدين اليوم خلصنا امتحانات ونقدر نسهر يعني مافيه مشاكل
هند:اوكيه طيب ابيك تساعديني شوي وجيبي الاوراق والفايلات اللي بمكتبي
رؤى:اوك
اكتملوا الضيوف الساعه 7ونص وناقشوا امور مهمه تخص الدار وغيره من الملجأ المتخصصه لنفس الفكره وهي مساعده الايتام وتربيتهم تربيه سليمه تخرجهم موهلين لخدمه مجتمعهم
وكانت اللي تباشر الضيوف الاء وغلا
رؤى ساعدت البنات بالمطبخ وكانوا حوسه ومره مبسوطات ويضحكون ويعلقون على بعض
رتيل وهي تمسح دموعها من الضحك:اه بطني انتي ماشتفي الكشه ولاماكان لمتيني هههههههههههه
رؤى كانت تضحك من ضحك البنات بس فقدت حنين استاذنت من المطبخ وطلعت دورتها بالغرف
ولالقتها استغربت مره (ياترى وينها)
طلع برى كان الجو حلو ومعتدل والاضاءه طالعه روعه بالحوش لاحظت ان الكراسي ناقصه
راحت بطرف الحوش من ورى مكان مره رايق بسبب وجود نافوره لها تصميم عثماني رائع
انتبهت لحنين انها قاعده وراسها حاطته على ركبتها وضامه نفسها
حنين حست باليد اللي تنحط على كتفها والتفت بوجه ماليه الدموع
رؤى بس شافتها تبكي خافت:حنو وش فيك يابعد اختك انتي؟
رمت حنين نفسها بحضن رؤى اللي ضمتها تبي تهديها وبعد ماهدت
رفعتها رؤى راسها ومسحت دمعه حاره نزلت من عينها وبصوت فيه حنية العالم:وش فيك؟
حنين بصوت مبوح:عبدالرحمن
رؤى وكنها فهمت السالفه:وش فيه؟
حنين ودموعها تنزل بغزاره: سمعته يقول لخالتي هند بيستقر خلاص بلندن (ورجعت تبكي)
رؤى:طيب وش يزعلك انه بيكون نفسه ويبني شركته بنفسه
حركت حنين راسها بالنفي
رؤى:تخافين فرقاه(رجعت فيها الذاكره لفواز وكل موقف بينهم رقته معها وحنانه واهتمامه فيها وبكل االم غمضت عينها كانها تبي هالذكريات تروح حتى ماتبكي وتزيد حالتة حنين)
حنين:رؤى انتظر من اول يوم يسافر وقت رجوعه ابكي عليه كل ليله لمن يرجع والحين خلاص
حتى خالته هي اللي بتزوره بلندن كل سنه رؤى وش اسوي ورجعت حطت راسها بحضن رؤى
رؤى::حنين مرات تننازل عن شوفة اللي نحبهم ونفرق دروبنا عن دربهم من محبتنا وخوفنا عليهم
يخلينا نسوي كذا نشتاق لهم ونتمى قربهم ولكن لو كنتي جد تجبينه بتخلينه يروح لمسقبله وتدعين له
دايم وتنتظرين من الله الفرج والشي اللي بيريح جميع الاطراف
حنين(ياه يمقسى زمانك عليك ويجور الايام على قلبك)
ضمت رؤى بقوه كنها تبي تقط همومها وهموم رؤى بعيد
تبيها تتبخر وتروح من دون رجعه
رؤى وهي تحس دموعها بتخونها قامت:يالله حنو غسلي وجهك والحقيني نبي نساعد البنات ونتعشى
حنين:طيب شوي وجايه
قامت رؤى ولمن وصلت للباب اسندت نفسها على الجدار ونزلت دمعه خانتها
بعدها سمحت لدموعها تكمل مابدته دمعتها بكت فواز بكت ضيقتها في بعده قهرها في انها كانت سبب
في يوم من الايام لضيقته (آه فواز سامحني والله اني اتعذب اكثر منك بواجد )
تذكرت الملف اللي ارسله لها ولمن سالها عنه قالت ماجاها شي تذكرت القصيده اللي فيه
حفظتها حرف حرف كلمه كلمه اخترقت قلبها الصغير ولكن ماتقدر تقوله انه عندها وقرت قصايده
وخواطره تبي تحتفظ فيه لنفسها تبيه معها دايم تبي تحس بوجوده معها دايم
ماكان الملف كبير كان فيه قصيده وحده وخواطر عديده وخربشه احساس
حفظت القصيده عن ظهر قلب
أحبك كثر ماقد صار احبك رغم ماصار
أحبك كثر مادنيا الزعل والصد مهجوره
احبك ماتمطر بصدري من غلاك امطار
احبك كثر ماصارت اراضي العشق ممطوره
أحبك كثر ماتفتح شبابيك الربيع ازهار
احبك كل ماغنت عشان الصبح عصفوره
أحبك كثر ماتوقف على جنب الطريق اشجار
احبك كثر مايقسى الشتاء وتهاجر طيوره
احبك كثر ما في الارض بنت تلفت الانظار
واحبك كثر مايرتاح عطر بصدر مغروره
احبك كثر ماجاب للمساكن اعطته زوار
احبك كثر ماجانا صباحك يشبهك نوره
احبك كثر ماتهدي كفوف الوصل من تذكار
واحبك كثر ماشالت ايدين العاشق زهوره
احبك كثر مانقرا عن الفارس عن المغوار
احبك كثر مانسمع ولاشفنا ولا اسطوره
احبك ماتلعب الدنيا بالعاشقين اقدار
احبك كثر ماال الحظ دايم يعلن قصوره
احبك ماعافت كثر رياحي بحسبة البحار
واحبك كثر ما يعشق البحار نسمة بحوره
احبك كثر ما جاب المسا بمعطفه زوار
احبك كثر مافي الناس ناس جد معذوره
احبك كثر ماملت قصايدنا من التكرار
احبك كثر ما الشاعر تمنى حب جمهوره

احبك ماشفنا على وجه الزمان آثار
احبك كثر مافي الارض فقر وناس ميسوره
احبك كثر مادارت بذهن الحالمين افكار
احبك كثر مافي الخير ناس للخير مذكوره

احبك كثر مانحكي حكايات الحطب للنار
احبك كثر ماقلنا عن الاحوال مستوره
احـبك كثر مانجهل متى توقف بنا الاعمار
احـبك كثر مانسمع حكايا حب مشهوره

احـبك ماضاق السجين بلعنة الاسوار
احبك كثر ماهاج البحر واجتاحته ثوره
احـبك كثر ماننسى واحبك كثر ما نحتار
احـبك كثر مايسهر محب وفي ايده صوره
احـبك كثر مافيك الغلا ماوفت قصوره
واحـبك للزمن ساكن واحبك لو زماني دار
احـبك يامدينة حب وسط الصدر معموره
احبك والتفت شاعر لعينك وامطرت اشع


تفضل لو انت مثلك ذكرت تهلت الانوار
وقمت اجمع من اشواقي قصايد عشق منثوره
تلذذ بالجمال وقلت ابهديك القصيدة إجرار
غلاك وصدق حبك ماترك لي نفس مكسوره

انا عاشق جمال وماخفالي في الجمال اسرار
انا لان كتبت اعطيك واعطي العشق بقدوره
حروف العشق طفله في ثياب العيد مسروره
لقيت الدلع والثقل شله والحسن ثرثار
كفايه لو تطل ويفرح بطلتك دار الجار
كفاية لو تشوف الناس بنظرتك معسوره
احبك
ثم احبك
ثم احبك
ثم احبك
رغم ماقد صار ..
احبك حيل مهما صار ..
احبك دام انا طيب واراضي العشق ممطوره

مسحت دموعها ورسمت على وجهها ابتسامه تخفي وراها هموم وهموم
قابلتها الاء بطريقها وابتسمت لها
الاء:طافك رورو
رؤى:وشو؟
الاء وهي تقدم جسمها على قدام وهي رافعه راسها وخمشها فوق نزلت خصل من شعرها وصارت تقلد
وحده من الموجودات وبلهجه الحرمه تكلمت:طبعا عزيزاتي لازم نهتم بالاراء الخبرات اللي زيي
وبعدها ماقدرت تكمل من الضحك
اما رؤى صارت تبكي من الضحك :اه حرام عليك استغفري ربك يابنت
الاء:ترفع ضغطي ولا اذا شربت الشاهي تقولين ماطور يشرب مو حرمه
رؤى وهي ودها تفقع ضحك:والله حرام ناكل لحمها ميته
الاء:أي والله بس شفتي وهي تاكل كيف؟
رؤى ضحكت من قلب على عفوية الاء دايم كانت مصدر الضحك والقهقه في الدار
عفويه وفيها رجه بس قلبها ابيض وتخفي داخلها حزن تحاول تخفيه بضحكها واستهبالها على البنات
(الاء هي اكثر وحده قصه تحزن من بين بنات الدار ابوها كان مروج ومدمن مخدرات قتل امها واخوها الصغير من دون وعي وهي كانت وقتها بالمدرسه ورجعت حتى تلقى جثه امها واخوها وابوها جنبهم طايح من بعد ماخذ جرعه من المخدرات كانت صدمه على قلب طفله بسادس ابتدائي ركضت للجيران وصارت قصتهم لها صدى بالجرايد ابوها حكم عليه مؤبد وهي راحت لدار ايتام قبل لاتجي عند هند من 4سنوات تقريبا ومن يومها تكره الرجال كره مو طبيعي وفيها حقد وشر وهذا من اثار الصدمه وبس تشوف دم تنهار-الله يكون بعونها-)
رؤى ابتسمت وهي تتامل الاء اللي تقلد وهي مو قادره تسند نفسها من الضحك
رؤى:طيب لولي العشاء صار جاهز؟
الاء:يوه نسيت ابيك تجين معي تشوفين الطاوله
رؤى:يالله
توجهوا لغرفه الاكل وكل منسق ومعدل والبنات ماقصروا بشي
رؤى بابتسامه رضى:خلاص كل شي اوكيه يقدرون يدخلون الحين وانا بروح اخذ شور وانام بجد منهكه
الاء:ياقلبي جيتي من الامتحان وعلى طول اشتغلتي حتى مارتحتي خلاص روحي وانا بقول لماما هند
رؤى:شكرا لولي
راحت رؤى غرفتها واخذت شور طويل بعد يوم مرهق جدا بالنسبه لها وهي تمشط شعرها دخلت حنين الغرفه
ابتسمت بوجه رؤى وركضت وضمتها :الله لايحرمني منك ياحلى رؤى بعمري
رؤى:وه بث مقدر انا عالكلام الحلو(وضحكت)
حنين:حظك خلضتي شور بتامين الحين؟
رؤى وهي ميته نوم بس ماحبت تكسر بخاطر حنين:خلاص خذي شور وانا بنتظرك نسولف اوكيه؟
حنين:اوك
اخذت حنين منشفتها ودخلت دوره المياه(الله يكرم قدركم)
رؤى قعدت على سريرها وماحست بنفسها الا وهي نايمه
طلعت حنين وهي تصارخ:طولت؟
انتبهت عقبها لرؤى وهي نايمه وراحت جنبها وعدلتها على مخدتها ولحفتها وباست راسها(يارب ياحي ياقيوم تلقين اهلك عاجل غير اجل وتكونين من نصيب فواز)



فواز كان سهران مع عمر على البحر بعد ماطلعوا من عند الشباب في الاستراحه راحوا كوفي على البحر وهو محل فواز المفضل:فواز
فواز:لبيه
عمر:تتوقع عبود الحين وش يسوي؟خخخخخخخخخخ موب صاحي اخوك البنت توها تخلص اختبارها اليوم والعرس الاسبوع الجاي والله موب صاحي
فواز وعيونه تلمع:هههههههه احمد ربك ماكن عرسه اليوم هالولد فيه رجـ...(وسكت)
عمر:وش فيك؟
فواز وهو يطلع جواله من جيب بنطوله :دقيقه
وتوسعت عيونه وهو يشوف الرقم ورد بلهفه الكون كله:هلا والله استاذ ماجد
الباحث ماجد:اهلين باستاذ فواز وين الغيبات
فواز بحرج:والله ياستاذ كنت اختبارات وتوي مخلص اليوم
البحث ماجد:الله يوفقك وكيفه صديقك عمر؟
فواز بضحكه:هذا هو جنبي ويـ....(عقد جواجبه)وشعرفك فيه؟؟؟؟؟؟؟؟
الباحث ماجد بجديه:اقدر اشوفكم الحين
فواز بخوف:صاير شي؟
ماجد:ان شاء الله خير؟
فواز :احنا بكوفي...... تعرفه؟
ماجد:انا قريب دقايق واكون عندكم
قفل فواز منه والافكار تعصف براسه
عمر:وشفيك ؟من ذا ؟
فواز بهدوء:الباحث ماجد يبي يقابلنا والمصيبه انه يعرف انك صديقي كيف مادري
عمر باستغراب:يمكن لمن رحنا اخر مره عرف ان حنا اصدقاء
فواز:اولا قبل اسبوع وانا دخلت لوحدي عنده وانت رحت لامك ماتذكر؟
عمر:والله مادري يارب خير(وبفرحه):تتوقع لقى اختي؟
فواز حس قلبه بيطلع من مكانه :ان شاء الله الحين على وصول يارب يارب ؟
وانتظروا وصول الباحث وكل واحد منهم يدعي بداخله انه يكون لقى رؤى

ــــــــــــــــــــــــــــــــ(24)بالكوفي
ماجد بعد ما سلم على فواز وعمر قعد معهم عالطاوله
ماجد:كيفكم شباب؟
فواز+عمر:بخير الله يسلمك
فواز:كيفك انت؟
ماجد :انا طيب وعندي خبر حلو
عمر:طلبتك تقول مافيني اعصاب
ماجد:واخيرا تم العثور على اسم رؤى بين طالبات جامعه......... وهي طالبه منتظمه وبيكون عنوانها خلال هالاسبوع عندنا
صدمه فرحه عمر :قول والله انك صادق قول والله
ماجد وهو يضحك:والله العظيم ماصبرت لمن يجي بكره واناديكم بمكتبي ورسميه اول ماوصلني خبر كلمتكم على طول
قام عمر وضم ماجد وهو يصرخ من الفرح اما فواز يحس بالبرود اجتاحه معقول ربي استجاب له ولطف بحاله اخيرا لقاها اخيرا مستحيل مابيصدق الا لمن يشوفها بعيونه
ماجد:وخر ياولد عني فضحتنا هههههه
عمر :وهو يمسح على وجهه بتوتر :من فرحتي والله من فرحتي الف حمد والف شكر نذرا علي لو القاها لاتصدق بنص مليون وهذا نذر برقبتي ليوم الدين
ماجد:الله يوفقك للي يحب ويرضى
فواز وتوه يستوعي شوي:ومتى نلقى العنوان و نشوفها؟
ماجد:نهايه هالاسبوع ان شاء الله
فواز:وليه مو بكره
ماجد:مستعجلين؟
عمر:تكفى طالبك عجل بهالامور ابي اقر عين امي
ماجد :حاضر تامرون امر بروح بكره المكتب واشوف وش يصير معي وارد لكم خبر اوكيه ولا اقول مروا علي الساعه 9 ونكمل كلام
عمر وهو يصافح ماجد:ان شاء الله مشكور يااستاذ تعبناك معنا الله يجزاك جنات الفرودس وماراح انسى اتعباك معنا
ماجد:ولو ياولد هذا واجبي وشغلي والله يجمعكم فيها قريب
عمر:امين يارب مشكور استاذ
ووصل ماجد لمن السياره بينما فواز قاعد بالصدمه للحين مو مصدق توه حالم امس انه لقاها وكانت تضحك معقول كانت رؤيا (ياااااااارب)
عمر :آآآآآآخ فواز سمعت انا بحلم ولابعلم اختي لقيت لها طرف وبشوفها بعد كم يوم
فواز بامل:ان شاء الله والله تحمست انام علشان يجي بكره
عمر وهو يغمز له:ترى انا اخوها موب انت
فواز ابتسم وبانت غميزاته
عمر:يحليلك تستحي كنك بنوته ترى اعرف كل شي عنكم فماله داعي تخبي ولانسيت مكالمتك لي اخر يوم كانت معكم
فواز تذكر لمن كلم عمر وطلب مساعده وتوسعت ابتسامته:عمور
عمر وهو رافع حاجب:تبي تخطبها مافيه ماصدقنا لقيت اختي
فواز انفجر ضحك:هههههههههههههههههههه الله يغربل بليسك يالله انقلع بيتكم وبكره بعد صلاة الفجر امرك
رفع عمر يده لراس فواز:ابي اشوف حرارتك
فواز باستغراب:ليه وش فيك؟
عمر:مدري عنك وشو بعد الفجر اهجد لمن الموعد اللي عطانا الرجال بنروح الساعه 8تقريبا
فواز:خلاص وش رايك اروح بروحي
عمر:لا الولد انجن (وبهس)فواز برجع العب معها معد بخليها تضيع بروح معها كل مكان والله (وبكى )
فواز وهو يسحبه لسيارته:اهجد ياولد ماصدقنا نلقاها وانت تبكي
مسح دموعه وهو يضحك:ماعندك رمنسيه ياخي ابي اعبر عن مشاعري المفروض تضمني لصدرك واحس بالامان
ضحك فواز بعدين قال:حاس فيك والله (وابتسم لعمر)كل شي بيكون اوكيه
(كلمتهم لبعض باصعب الظروف كل شي بيكون اوكيه )
ابتسم عمر وضم فواز وبعد بسرعه عنه وهو يضحك
وكل واحد منهم ركب سيارته وفواز يضحك على عمر وبخاطره(الله يبرد قلبك وقلبي بشوفتها قريب يارؤى بتكونين جنبي قريب)
رجع البيت وتفكيره كله في بكره وهو متامل انه يسمع اخبار عنها بكره

بالدار الساعه 10وربع مساء
الاء قاعد بالصاله والبنات كل وحده بغرفتها
جت رؤى:غريبه وش عندك ماسكه الكتاب على اخر اختبار مو تقولين درجات دنيا وش نبي بها؟
الاء بهدوء غريب عليها:لييه مو ادرس جامعه زيي زيكم وعندي بكره اختبار خلاص؟
رؤى استغرب بجد موقف الاء العاده تاخذ الموضوع هبال وفله
قعدت بهدوء وهي تتامل ملامح الاء تبي تحاول تعرف وشفيها
الاء رفعت بصرها لرؤى:فيه شي؟
رؤى بذعر:لا لا بس بغيت اسالك اسوي لك عصير
الاء ببرود قاتل صلب قاسي:لا ولو بغيت عندي ايدين اسوي لنفسي
قامت الاء وهي تقول بصوت عالي(اووووووف)ورمت الكتاب عالكنبه
استغربت رؤى جدا اول مررره تشوف الاء كذا لدرجه حسبتها تمزح في البدايه
حنين:وشفيك؟
رؤى بصدمه:الاء وشفيها؟؟
حنين:وشفيها؟
رؤى:مدري معصبه وتتكلم بهدوء وبرود وعصبيه وتنافخ؟
حنين وهي رافعه حاجب:مايندرى عن هالبنت كل يوم شكل ولون كانت تتابع التلفزيون؟
رؤى:اتوقع؟مدري
حنين بتاثر :اكيد شافت موقف قتل ماعليك هاذي الحاله دايم تجيها وبترجع بعد شوي تضحك ماعليك
بس وين ماما هند والبنات؟
رؤى وللحين الاستغراب بادي بمحياها:كلن بغرفته وماما هند طلعت مع ولد اختها
انتفضت حنين من طرى شخص عبدالرحمن قدامها
حنين(وش نهايتك ياقلبي بتندعس وتنهان ولاتطير بالسماء مثل العصافير)
برئيه هي تلك الافكار ولكن لها جروح والالام مميته اذا دهست بلارحمه وبدون مراعاه
بشكل لايتصوره الا من خالجه ذات الشعور
بعد ربع ساعه اجتمعوا البنات بالصاله ماعدا شهد اللي نامت والاء
دخلت هند:السلام عليكم ورحمه الله وبركاته
البنات:وعليكم السلام ورحمه الله وبركاته
غلا:ناس تنعزم بمطاعم وناس تذاكر اختبار سبحان الله
عنود:وناس حايسه وخايفه على معدلها وتقديرها وناس حايسه بالاكل سبحان الله
رتيل ورتال:وناس.....
قاطعتهم هند وهي تضحك:مايسوى علي هالعشاء انا ماعليه خلني امووت بس ولدي لا
البنات باصوات متفاوته:بسم الله على عمرك
هند بابتسامه من قلبها الخبر اللي زفه لها ولد اختها اللي ربته ومايعتبرها الا امه:وينها الاء وشهد
غلا:شهوده نامت
رؤى:الاء مدري وشفيها كانت متضايقه وطلعت الحديقه
هند:احد قايل لها شي؟
العنود:لاوالله محد قايل لها شي هبت برؤى ووطلعت بش كانت تتابع التلفزيون واكيد شافت لقطه فيها قتل كالعاده
هند:الله يهديها كم مره نبهتها ماتفتح قنوات اكشن ببدل واروح اشوفها وانتو الله يرضى عليكم كل وحده غرفتها مابي تسهرون وينقلب نظامكم
وبس يخلصون البنات بكره بقولكم نظام الاجازه اوكيه؟
البنات :اوكيه تصبحين على خير
هند:وانتو من اهله...
طلعت لالاء لقتها بحاله رهيبه ترجف بقوه وعيونها مفتوحه بحقد
هند:الاء
الاء:اكرهه مابسامحه مابسامحه الله لايوفقه
هند ضمت الاء بقوه:اوووش مايصير تدعين على ابوك
الاء انتفضت وبعدت عن هند:لاتقولين ابوي ماهو ابوي هاذي سفاح قاتل مجرم اكرررررررررررهه
هند خافت من ثورتها وقالت بهدوء:طيب طيب انتي اهدي
الاء بدت تبكي بهستريه قربت هند منها وسمحت لها تضمها بدون ماتضربها كالعاده لمن يصير لها كذا
هند(الله يرزقك باللي يعوضك عن الضيم اللي شفتيه)
اخذتها لغرفتها وصارت تقرا عليها لمن هدت واستكانت واستسلمت للنوم
الاء فتاه قليل وجودها بتسحلها بالقوه والمرح رغم ان داخلها بقايا انسان مجروح مكلوم مثقل بالالم والهم والحزن
الله يعينها ويصبرها ويعوضها بكل خيير

اليوم الثاني
مر الليل طويل كثير على فواز وبعمق تفكيره نام عالساعه 2 الفجر
بس من بعد صلاة الفجر مارجع نام ولبس وكشخ وطلع قعد بالصاله
دلال:هلا والله بفواز من سافرت امك وابوك امس وانت لاحس ولاخبر
فواز:تعرفين امس كان اخر اختبار وكنت مع الشباب
دلال: متى النتيجه؟
فواز:مدري بس خلال هاليومين مايطولون
دلال:الله يوفقك
جت ساره بصوت كله نوم وهي تسحب شنطتها وراها:صباح الخير
فواز :صباح النور وين فيونه؟
ساره اشرت باصبعها للدرج وراحت لغرفه الطعام تفطر اليوم رابع يوم لها باختبارت الثانويه العامه
نزلت في وهي تنشد :الشمس الساطعه الشمس قد خرجت والدنيا عرس
فواز ابتسم وهو يشوفها مندمجه تنشد ولانتبهت له ونادها:فيونتي
فيء طالعت فيه وابتسمت:وش هالكشخه كلها طالع جنتل مان وبعدين غريبه فواز صاحي الحين ؟
فواز وهو يمسك ياقه ثوبه :احم احم طول عمري كشخه وجنتل وبعدين وش عرفك بجنتل مان انا توي عرفتها السنه الماضيه


فيء وهي تقعد عالقنفه:اوف مشكله الثقه في هالبيت وبعدين من اللي الحين مايعرف وش معناها الحمد لله والشكر؟
فواز مات ضحك على كلامها كانت تبين انها اكبر من سنها:طيب يام الثقافه اليوم الشهاده وش شعورك؟
فيء بحزن:الله يستر من الرياضيات
فواز:افا ليه زعلانه انتي شاطره وقدها وقدود
فيء:ليت رؤى عندي كان رحت وانا مبسوطه واثقه
فواز(قريب ان شاء الله):لامعليك انا واثق فيك
(و يبتسم) انا بوصلك تاخذين شهادتك كم فيونه عندي
فيء بفرحه:يالبى فواز بس
وقعدت تفطر وهي فرحانه لانه اكيد بيعطيها هديه كبيره :شكرا فواز
فواز:العفو والحين يالله مشينا وراي شغل وتاخرت عليه
ركبوا السياره وهم بالطريق لمدرسه فيء
تكلمت في:فواز
فواز:هلا
فيء:اقدر اشوف رؤى اذا تعرف مكانها
فواز بحسره:ان شاء الله قريب بس ليكون تحبين رؤى اكثر مني
في بابتسامه واسعه:بصراحه كلكم اموت عليكم الله لو يصير زي المسلسلات لمن الحلو يتزوج الحلوه وناااسه ياارب تتزوجون وتجيبون ولد والله بدلعه
فواز انبسط على كلامها مره وتوسعت ابتسامته وقال بهمس:الله يسمع منك
في:هاه
فواز:ولاشي اقول وصلنا
في:اوك باي
فواز:مع السلامه ماتبين تاخذينها وتطلعين
فيء وهي تغمز له:اصلا باقي بدري عالشهاده بتطلع الساعه 8بس بقعد مع البنات
فواز مات ضحك:طيب الله يرعاك
نزلت وحرك فواز من المدرسه وهو سارح بافكاره وابتسم لمن تذكر كلام فيء
رفع جواله ودق على عمر:صباحك ورد ياورد
عمر:هيه تراني صديقك لاتنسى لاني بصراحه بديت اشك باخلاقك
فواز ضحك من قلب :الله يغربل ابليسك الشرهه عاللي يدلعك وبعدين نسينا من اللي طاح بحضني امس
عمر:شكرا مابيك تدلعني وع من زين حضنك وعع لاتلوع كبدي عالصبح
فواز:مقبوله منك ياحلو فطرت؟
عمر:لا للحين ام عمر مجهزه لي فطور يحبه قلبك
فواز:بجي افطر معكم
عمر:هيه هيه وكاله من دون بواب هي
فواز:مالك دخل انا وعمتي من دونك
عمر:هين يافوازه بكره بتنحد لي وانت اعرف ليه؟
ضحك فواز:طيب يالله باي تتفلسف وتهذر وانا المسكين اللي ادفع الفاتوره
عمر:يالله انقلع انتظرك يالوسيم ايه صح يالداوفر طلعت نتايجنا كلهمaماعدا مادتين bقل اعوذ برب الفلق هذا وانت ماجل وجايب هالنتيجه اجل لو مكمل عادي كلهم بيكونa
ضحك فواز على كلام صديقه:وانت؟
عمر:انا ثنتينaوثلاثbووحده cعندي التعدد والعدل مطلوب في النسب
فواز مات ضحك:طيب طيب الف الف مبروك وجايك ابارك لك بطريقتي الخاصه
عمر مسوي مستحي:لاتكلف على روحك حبيبي
قفل فواز بوجهه وهو ميت ضحك على هبال عمر
(بصراحه احس ودي اطير من السياره من الفرحه ومالومك ياعمور )
راح فواز لعمر وافطر معه وبعدها طلعوا رايحين لمكتب الباحث
وصلوا وتوجهوا لمكتب صاحب الباحث ماجد وبعد انتظار ربع ساعه دخلوا عنده
فواز+عمر:السلام عليكم
ماجد وهو يصافحهم:هلا وعليكم السلام والرحمه والاكرام تفضلوا
قعدوا فواز وعمر وتكلم فواز:بشر ياستاذ
التفت ماجد على الشخص اللي قاعد قدامهم وتكلم:ابو نايف معك فواز عبدالعزيز **** (واشر لجه عمر)وهذا عمر سطام*****
عمر فواز هذا استاذ سعيد من وزاره التربيه والتعليم لبى دعوتي له بمكتبي
ابونايف:هلا والله بولد عبدالعزيز وبولد سطام سبحان الله يالدنيا كيف ابوك يافواز؟
فواز:هلا فيك والله وانا بخير الله يسلمك ويعافيك
ابونايف :جعله دوم وانت ياعمر كيفك؟
عمر:الوالد عطالك عمره قبل 3سنين
ابو نايف باسى:الله يرحمه برحمته كان رجال كفو والنعم فيه واهل الخير افقدوه الله يغمد روحه الجنه
عمر:مشكور جزاك ربي الجنه
ماجد:حلو فيه معرفه قديمه (ولف لعمر وفواز)ابو نايف بيساعدنا نجيب عنوان رؤى من الجامعه
فواز:بس هي موقفه قيد
ماجد:لا استئنفت الدراسه هالترم بس تعرف الموضوع صعب شوي لان الاختبارات انتهت اليوم
ابو نايف :استاذ ماجد شرح لي كل شي وان شاء الله بجيب لكم العنوان في اقرب وقت
بس اتمنى تمهلوني لان المساله صعبه شويه بس ان شاء الله الوزاره من تشوف الاوراق والاثبتات مابتقصر
ومد عليه عمر بتقارير: هاذي التقارير ياليت تقدر تساعدنا مالنا أمل نلقاها الا بهالطريقه
ابونايف: الله يرجعها لكم سالمه يارب ابشر بجري اتصالاتي ومابقصر
وبكره يكون عندك الخبر لاكيد بدورها بفروع جامعتنا بالشرقيه كلها
فواز وهو يوقف يصافح ابو نايف:مشكور ماتقصر هذا العشم فيك وربي يجزاك كل خير احنا نستاذن وتفضل هذا كرتي أي جديد يجد اتمنى تتصل فيني
ابو نايف وهو يوقف معهم:ابشر يابوك ان شاء الله ابشركم باللي يفرحكم
عمر:مشكور عن اذنك
ابونايف:اذنكم معكم
طلعوا وركبوا السياره وتكلم عمر:للحين باقي يدورن
فواز:قول الحمد لله كلها كم يوم ونلقاها امش خل نحتفل بهالمناسبه وبمناسبه النجاح مع امك
عمر:فكره حلوه بس انا بدق على عبدالعزيز واقوله كل شي واللي عرفته عن رؤى
فواز:يكون احسن حتى مايزعل منك

بغرفه الضابط احمد
كان سرحان ويفكر صار لابو خالد اكثر من شهر وللحين ماصارت عمليه كبيره تستدعي خروج التنور بنفسه لها
لازم يمسكونه متلبس حتى مايكون له مهرب زي كل مررره
جمع قبضة يده بغضب(لمتى لمتى والله مايرتاح لي بال الا لمن امسكه بيدي انا لازم اعطي ابو خالد الاشاره للخطه الجديده ماعاد فيه وقت للصبر بعد الله يستر عليك يابو خالد مايندرى وش بيصير معنا ومعك)





{[ ]}573
01-11-2010, 05:59 PM
مني شاعره بس ازلزل مشاعره
©؛°¨غرامي مشارك¨°؛©



رد: روايتي الأولى : كل ما فيني يصرخ أحبك إلا لساني عجز ينطق مخارجها

بمكان ثاني وعند شخص غابت اخباره عنا لفتره طويله
واقف بقامته الطويله خارج منزله اللي استاجره له التاجر.......
ويرتدي افخم الاطقم الرجاليه بدله سموكن وحذاء لامع وسلاسل معلقه تحتضن عنقه
معاذ:ايه طال عمرك كل شي تمام وسفرتي زي ماقلت لك ماكانت اهمال مني بالعكس تنفيذ مختصر وسريع ومضمون
...............................
معاذ:اكيد طال عمرك اصلا انا شاك فيه ولازم نتاكد منه
............................
معاذ بنبره لم يفهمها الطرف الاخر:لا لا هذا بالذات خله علي محد يعرف له غيري
خلصت المكالمه الغامضه اللي كان فيها طرف ثالث منصت لاحدى الطرفين
لولوه حست بقرب خطواته ركضت للداخل وكانها ماكانت هنا من ثواني
معاذ(الله يصبرني على ذا الغثى ذا الانسانه الغبيه والله مو مصبرني عليك الا ابوك المخفه):مساء الخير روحي
لولوه:اهلين مساء النور
معاذ وهو يقعد براحه عالكنبه المريحه بداخل قصره:يوم متعب
لولؤه تقرب منه وهي تاخذ الجكيت من جنبه وتساله بلهفه:كان بابا معكم بالاجتماع اليوم؟
معاذ(والله النشبه من ذا الغبيه وذاك الشايب المخرف):ايه حبيبتي ويقول سلم لي على بنتي كثير
لولؤه بفرحه:الله يسلمه معاذ بروح له بكره
معاذ:طيب بس مافيه عشاء انا جوعان
لولؤه بفرحه غامره:دقايق
بس اختفت عن عينه
(كلها شهر افرحي فيه يالؤلوه ابوك وبعدها بتكون لك ولابوك الضربه القاسيه اسف حبيبتي هههههههههه(وبلمعه تحدي شرسه مرعبه) بس راجع لك يارؤى وين بتروحين على بالك لاصرتي بدار ومحد يعرف عن مكانك بيخفى عني تحلمين ياهانم )

صباح اليوم التالي
ببيت ابو عبدالله
فواز قاعد بالصاله وهو سرحان
جاء عبدالله بهباله وقعد بقوه جنب فواز:هاي ماي برذر
فواز:خرعتني بعدين الاثاث توه جديد باقي نبغى كراسينا ترى
عبدالله:ياشينك بس ماباركت لي
فواز بملل وهو يضم المخده ويرخي نفسه عالكنبه:على وشو؟
عبدالله:واخيرا عرسي الاسبوع الجاي اخ لو اخوانها مو اختبارت كان خليته بكره
فواز:الف الف الف الف مبروك ياحلى يابو فواز ارتحت الحين بعدين اثقل شوي ماكن احد قد بيعرس غيرك
عبدالله:وع وشو ابو فواز
فواز:يحصله ولدك يتسمى علي الا اقول بطلع تطلع معي؟
عبدالله:وين؟ بعدين هذا وجه واحد مخلص اليوم امتحانه امس مالت بس مالت
فواز وهو يتنهد:بروح مع عمور والشباب الاستراحه
عبدالله:لا عندي اشياء كثير اسويها
فواز وهو ياخذ شماغه: اجل برب
عبدالله مات على فواز ضحك:تيت يالخبل
تلاشت ابتسامه عبدالله بعد ماقام فواز لغرفته علشان يستعد للطلعه (الله يبرد قلبك ياخوي)وطلع جناحه وهو يتامل الاثاث الجديد اللي ترتب بعنايه وذووق أنيق وكلاسيكي يتناسب مع طبيعه مي الهاديه بعد اقل من اسبوعين بتكون هنا معه حلم للحين عاجز عن تصديقه وتلمس واقعه حبه الصغير اللي كبر مي اللي حبها من صغرهم وعشقها بس كبرت وكبر معه حبه لها لمن وصل مرحلة الهيام
من عدل وفرش الجناح وهو كل يوم يروح له يشيك على كل شي ويرجع يقفله من جديد
ولاسمح لاحد يدخله دق على جوالها وهو متاكد انها مابترد هي من قبل باموت تكلمه والحين يوم مابقى الا اسبوعين تقريبا ترد دق لمن قفل الجوال وماردت ابتسم ودز لها مسج يرسل لها بكل وقت مسجات مره نكت مره استهبال مره يقولها باقي كم باليوم وبالثانيه كم باقي على عرسهم ومره مشاعره لها (هبل فيها المسكينه خخخخخخخ)
وبعدها طلع من الجناح بعد ماطفى الليت وابتسم براحه
شافته امه وابتسمت فرحانه مررره بفرحه ولدها بس فواز وحزنه كاسر قلبها
ام عبدالله بابتسامه:اشوف خطت رجلك عالجناح واجد
عبدالله:اسوي بروفه علشان لو اجي من الشغل ماروح غرفتي بدال الجناح خخخخخخخخ
ام عبدالله بفرح:اليوم دقت على ام نايف
عبدالله باهتمام:ايوه وش قالت
ام عبدالله:تقو مي تبي تاجل العرس 6شهور ترتاح بعد الدراسه شوي
عبدالله بغضب:وعلى كيفهم هو مافيه
ام عبدالله ماتحملت وماتت ضحك وقتها عرف عبدالله انها تمزح معه قال يرقع:خلاص يالغاليه لو تبي سنه عادي
ام عبدالله وهي تمسك ايده وتنزل معه:والله انك عيار وين الركز والثقل وانت بتصير انسان متزوج ومسؤول
عبدالله:واذا تزوجت حكم علي بالاعدام بالعكس الضحك لازم يكون بكل عمرك شايب شباب طفل عندكم نظريه غبيه الحين الواحد لو تزوج كنه انعدم ماعد يصير يضحك ولابتمشى ولايسافر وش ذا؟فاهمين غلط وبقوه
ام عبدالله:مو القصد كذا ياعبود القصد ان هالاشياء بتكون طيش بالنسبه لسنك والمسوليات عليك
عبدالله وهو ابد مو مقتنع بكلام امه بس مايبي يراددها اكثر:خلاص يالغاليه بعقل واصير مسخ لعمي ابو نايف
ام عبدالله ماتت ضحك :نعنبو حيك الحين احد يتريق على ابو زوجته ؟
عبدالله:يافديت الطاري ملعونه الخير ماترد علي
ام عبدالله وهي تقرص اذنه:الحين وش هالهرج وشو ملعونه اللعن حرام وبعدين كيف تبي تكلمها وعرسكم بعد اسبوعين جد عيال اخر زمن
عبدالله وهو يفك ايد امه:لاتنسين انا عبدالله مو ابوه تفرغين طاقه الطق فيني (وهرب بعد عن امه)
ام عبدالله بغضب:الحين انا ياللي ماتستحي اطق ابوك ياقليل الحياء شرهتك على من كان رايح يرتب لك القاعه
وسوت نفسها زعلانه وقعدت
عبدالله نط عليها يبوس راسها:لاوقسم بالله ماعيدها (ومسك اديدها يقومها)امي نروح للقاعه نزينها
ام عبدالله:عيار السالفه فيها عرسك اكيد موافق عليها
عبدالله بحنان باس راس امه:قلعت العرس اهم شي رضاك عني يانجول
ام عبدالله:الله يرضى عنك (ورجعت تقرص اذنه) بس كملها على خير وقول يمه بدل نجول
(ام عبدالله طول عمرها علاقتها مع عيالها عميقه كانت لهم اخت وصديقه وام وخاصه انها مو كبيره حيل بس يبقى لها عندهم هيبتها واحترامها)
عبدالله:من عيوني ياجميل بروح اقرب السياره على ماتلبسين
ام عبدالله:ابشر يمه دقايق بس
طلع عبدالله لسيارته وام عبدالله توجهت لغرفه قريب الباب تاخذ عباتها وهي تدعي لولدها ولبكرها بالتوفيق بحياته مع مي

عند مشعل خال رؤى
كانت فجر قاعده وتبكي بغرفه
دخلت غاده وانصدمت لمن شافت فجر وقربت صوبها:ليه ياماما تبكين حالمه حلم مو زين
فجر حركت راسها بالنفسي وتكلمت :ابي رؤى هي معد تحبنا انا وخالد انا ماحبها
غاده تالمت على فجر وخاصه انها السبب بعدم جيت رؤى
(رؤى بعد ماجابت اخوانها بشهر ونص دقت على البيت تتطمن وردت عليها غاده وسمعتها كلام يجرح وقالت لها لو خليتيهم بيعيشون بافضل حال وياويلك لو عاد دقيتي على مشعل او عالبيت فكي هالمساكين من نحسك)
دمعت عيونها (غبيه قاسيه اغار من رؤى على خالها يارب سامحني بس والله مو قادره يارب اغفر لي)
غاده بحنان:فجر رؤى كل يوم تدق علي وتتطمن عليكم وتعرف كل شي عنكم وتجي تبوسكم مرات وانتو نايمين
بس هي عندها دراسه علشان تصير دكتوره وتعالج بابا لانه تعبان
فجر وكان ابوا السماء انفتحت لها من الفرح:صدددددددددددق بابا بيصير بخير ومايموت ويروح عند الله مثل ماما
غاده بالم:ومن اللي قالك ان ماما عند الله؟
فجر:رؤى تقول ماما تنتظرنا بالجنه بس لازم نصير طيبين وزينين ونسمع الكلام علشان نروح الجنه ونشوفها
غاده:ايه حبيبتي صح والحين وشرايك بعد العصر نروح مع نورس بنت الجيران للحديقه القريبه ونلعب شوي ونرجع
فجر بفرح وهي تقوم:طيب
غاده:اجل يالله نفطر
فجربابتسامه :بغسل وابدل واجي
غاده حست بالم فضيع بقلبها (أي انسانه قاسيه كنت انا اكثر وحده جربت يتم الام ورؤى يتيمه اهل مو ام بس
مالي وجه اكلمها ولاحتى اعتذر شلون بتقبل اعتذاري اللي سويته مو شوي يارب رحمتك )

الساعه 10ص
صحت رؤى وهي تحس بتعب موطبيعي اليوم الاربعاء والبنات كلهم خلصوا اختباراتهم ماعدا شهد
قامت وبدلت ملابسها وراحت للصاله فتحت التلفزيون على برنامج للصباح
راحت للمطبخ لقت ام محمد
رؤى:صباح الخير ياخاله احد صحى من البنات؟
ام محمد بحنان:صباح نور يمه لاوالله كلهم نايمين وشهد للحين مارجعت
رؤى بحنان:طيب ياخاله وكيف السكر اليوم ؟
ام محمد بامتنان:لايمه بخير جعلك بخير
رؤى:روحي ريحي البنات شكلهم مطولين
ام محمد :بطلع يابنتب بجيب اغراض للبيت تبين شي اجيبه لك؟
رؤى :لا ياخاله مابي شي مشكوره
طلعت ام محمد ورؤى سوت لها كوب موكاتشينو وراحت للتلفزيون
اخذت الجريده وصارت تقرا فيها لمن جت الفقره اللي تحبها رؤى بالبرنامج وهي فقره الديكور والتنسيق
وبدت تسجل بدفتر جمعت فيه ملاحظات ورسم مبدئي لتصاميم وديكورات مختلفه بتفيدها لو اشتغلت بمجال الديكور والتنسيق بيوم من الايام
كانت مندمجه وهي ترسم بقلم الرصاص ولاحست الا بالهواء اللي عند اذنها صرخت من الخوف وهي توقف ولفت تبي تشوف وشو طلعت شهد ميته ضحك:واك واك واك خرعتك
ابتسمت رؤى على عفويتها:شهود حرام عليك
شهد وهي تقعد جنبها:صباحك الخير
رؤى:صباحك النور والسرور
شهد:لحظه امس علمتني ماما شي.( وقعدت تفكر وكملت بفرحه انها تذكرت)ايه كيف اصبحتي؟
رؤى ضحكت من قلب:مثل مامسيت.
شهد احتارت شلون ترد على رؤى كملت:وانتي المفروض تقولين على الخير والرضى ان شاء الله
شهد:يس لحظه خلني اخزنها بعقلي الا صح محد قام من البقر حشى موب نوم
رؤى فيها الضحكه:عيب شهود تقولين عن اللي اكبر منك كذا كيف امتحانك؟
شهد:الحمد لله مررررررره سهل (ونطت بفرح) تدرين اليوم بنطلع برى بنتمشى ونتعشى برى البيت وناسه
رؤى:جد بس يمكن ماروح معكم اليوم بزور اخواني
شهد:ايه صح من شهر او اكثر مارحتي لهم غريبه وانتي من اول دايم تروحين؟
تذكرت رؤى اللي صار قبل شهر مع غاده حست بحرقه حست بالضيق يكبت على صدرها برغم هذا ابتسمت لشهد بمراره:كانوا مشغولين شوي
شهد:اها طيب روحي معنا وعقب المغرب نوديك هناك تطلين عليهم وناخذهم معنا
رؤى:افكر ان شاء الله ان كان مابعطلكم ؟
شهد:اوك بقول لماما هند وربي الطلعه ماتسوى الا فيك
رؤى:تسلمين لي ياحلى شهود والحين روحي صحي البنات وتعالي ساعديني بالمطبخ ام محمد تعبانه مسكينه
شهد وهي رايحه تركض:حاضر
تنفست رؤى بعمق تبي تاخذ اكبر قدر من الهواء علشان تفك الضيقه شوي عنها تحملت بعد اخوانها شهر ونص كامله
بس فاض فيها الشوق لهم قررت تروح تسلم عليهم وتتطمن عنهم 10دقايق وتطلع وهي دايم تتراسل مع مشعل تتطمن عنهم
ويطمنها باخبارهم اول باول واخبار ابوها اللي طلع من مستشفى الادمان ودخل السجن ولكن سمعوا قريب بهروبه من السجن بس طبعا مشعل ماقال لرؤى

بعد المغرب
كانت رؤى واقفه عند باب خالها مشعل دقت الباب بس ماكان احد يفتح لها(لانهم طالعين الحديقه)
انتظرت خمس دقايق
وبعدها رجعت للسياره عند هند والبنات
ركبت بهدوء :خلاص عم راشد امش.
هند:يمه رؤى وش فيه اخوانك فيهم شي؟
رؤى وهي تحاول تكتم العبره اللي بصوتها:لاخاله شكلهم طالعين ازورهم يوم ثاني ان شاء الله
وبعدها سكتت والكل قدر سكوتها
بعد فتره صمت
شهد:ماما
هند:عيون ماما
شهد:وين المكان المفاجاءه والله مافيني صبر لمن نوصل
هند وهي تضحك: طول عمرك عجوله المكان اللي بنروح له مدينه الالعاب
انهزت السياره من صراخ البنات وخاصه شهد
نطت شهد على هند وصارت تبوس فيها:احبك ياحلى ام في الدنيا لاموبس الدنيا في كل عصر وزمان ومكان
الكل:هههههههههههههههههههههههههه
هند:ذبحتيني شهد
شهد:من فرحتي هههههههههههههههه
هند:ابي اطلب طلب يابنات.
البنات :سمي
هند:ابي كل وحده تنتبه لنفسها ولاوحده تبعد عن الثانيه المكان زحمه وانا خايفه عليكم بس لازم تغير جو بعد اختباراتكم
البنات:ان شاء الله
رؤى بعالم ثاني تحس فيهم بس ماسمعت من كلامهم حرف افكارها صارت توديها لفجر وخالد
وابوها لو طلع من السجن وهي لو تخرجت وكان املها المقطوع انها تلاقي اهلها
طلعت منها تنهيده انتبه لها الكل بس سكتوا وطالعوا هند هند اشرت لهم يخلونها براحتها
وصلوا الالعاب واندمجوا باللعب اما رؤى كان هالطلعه السكين اللي تفتح الجرح
تذكرت اخر مره راحت للالعاب كانت مع فواز بالرياض تذكرت ذاك اليوم اللي اتهموها انها سرقت العقد
احساس الظلم وانت برئ يذبح ويضيق الخاطر تحس بالغصه ولافيه يد تمسح الدمعه من عينك
سمحت للذكريات تغزيها استاذنت من هند انها تعبانه ماتبي تلعب بتقعد بالمطعم لمن يخلصون ويجونها
وافقت هند لانها حاسه انها متضايقه
قعدت وهي تتوالى عليها الذكريات رفعت يدها وتذكرت لمن تمسكت في فواز باللعبه
تذكرت ضحكته وغمزاته تذكرت كل شي حاولت تنساه فواز دلال بناتها ام عبدالله نور صباح
نزلت دمعتها تذكرت كلمات نور لها قبل لاتطلع من البيت ونزلت الثانيه من تذكرت ابو راشد
سندت راسها على يدها اللي عالطاوله تحس بضياع كل شي صار وتحملت لهنا وحرمانها من عيال الغاليه
ماعد تقدر نفسها ضاق تحس بكتمه تحس الدنيا ضيقه عليها
رفعت راسها بقوه وهي تشوف اللي ماتوقعت تشوفها
.......:ماما ضيء تبكي فيه ولد ضربها
........:ياربي وينك انتي مو تقولين قويه امشي وريني وين
صارت رؤى تفتح عيونها وتقفلها تحس انها تحلم مستحيل هذا واقع
راقبتهم لمن اختفوا عنها تاكدت انها بحلم رجعت راسها عالطاوله تحسه بينفجر
تبي ترجع للبيت تبكي لمن تنام تبكي طفولتها تبكي ضياعها تبكي قهرها تبكي حرمانها
حست قواها راحت من البكى راحت تشتري علبه ماي
قامت من طاولتها اللي كانت جنب طاوله الحرمه والبنت اللي تضنهم خيال
اشترت المويه تبي تشرب تحس ريقها ناشف من البكي ومن كثر ماكتمت شهقاتها بس بدت تشرب
طاحت غرشه المويه من يدها صارت ترجف اللي قدامها حلم ولاحقيقه(ليه الاقدار تخليني اكون معك بنفس المكان مره ثانيه ليييييييه؟)
.....:افا يافيء كذا تخلين الولد يضرب اختك كذا علمك اخوك فواز
في وهي تبوس خذه:اسفه فوفو والله ماعيدها بس هو قوي مره
فواز وهو يشيلها على الطاوله:وانتي قويه
كل هذا صار وهي تشوف وتسمع جت جنبها حنين :رؤى وش فيك ساعه ادور لك


وبعدين ليه المويه مكبوبه انتي طيحتيها؟
انتبهت انها ماترد عليه لدرجه شكت انها غلطانه وان هاذي موب رؤى قربت منها حيل وطلت عليها:رؤى
رؤى وهي تاشر:حنو هو والله هو ماحلم
حنين:رؤى بسم الله عليك وش فيك ومن هو ؟
رؤى وصوتها رايح وبهمس :فواز
انتقل نظر حنين بسرعه البرق للشخص اللي يلعب البنت وكنها تضربه وهو مسوي نفسها انه يتالم وللحرمه اللي قاعده عالطاوله وتمسح ايدين بنت صغيره
حنين:هذا هو اللي واقف
رؤى وهي تحرك راسها بايه ماعد فيها حيل تتكلم
وقفت تتامله تبي صوته تبقى بذهنها ويستقر بحنايا قلبها تبي تحفظ شكله وتعلق صورته في بالها
حنانه عطفه ضحكته مشت حنين متوجهه له
بس رؤى مسكتها بقوه:خبله انتي وين رايحه؟
حنين:انتي لازم تتكلمين له لازم تبينين له الصدق لازم يعرفون انك برئيه( وبهمس)وتودعينه
انا اعرف وحده باللي يدور بقلبك بس خلاص ارحمي نفسك
رؤى:حنين امشي وربي لو رحتي له لزعل منك لاخر يوم بعمري
حنين :بس انتـ....
قاطعتها رؤى بحده:لابس ولاشي مابي اجدد جروح (وبصوت رايح وشهقه طلعت منها)تكفين
مسكت حنين يد رؤى وشدت عليها وكانها تهديها بالهحركه
رؤى قعد عالكرسي اللي جنبها ماعد فيها توقف تشوفه ولاتقدر توصله تسمع حسه ولاتقدر تتكلم له
تحس بالخوف والضياع ولاتقدر تلجئ له
رؤى ببحه:حنين ليه مالعبتي مع البنات؟
حنين:امي هند تقول حيل زحمه ناكل بمطعم هادي غير مطعم الالعاب لانه بيكون زحمه
رؤى وهي توقف:امشي
حنين وقلبها يتقطع على صديقتها واختها وتوامها صح مو من مده بعيده بس تحسها من اول ماعرفت الدنيا:اكيد.؟
رؤى وهي تغمض عيونها وتنزل منها دمعه اخذت هواء حتى تقدر تتكلم:اكيد
مرت من جنبهم وهي منزله راسها رايحه لهند والبنات حتى يطلعون من الالعاب يتعشون
اما فواز فيحس بضيقه من الصباح طلبت منه دلال يجي ياخذها هي والبنات من الالعاب وراح لهم
وبس جاء وشاف البنت اللي طيحت علبه المويه حس كان هواء بارد يجتاح كيانه يحس نفسه مشتت فيه شي غريب وذكريات حلوه ومولمه تخطر عليه
طاحت عينه عليها لمن طيحت المويه بس من طبعه مايطالع كثير بس لفت نظره الصوت
حس بشي غريب وماهو قادر يفسره تكلم بضيق:عمتي اذا خلصتوا انا بالسياره انتظركم
دلال:على خير ان شاء الله شوي بس ضي تخلص وجبتها
فواز:فيونه تروحين معي ؟
في:ايه
مسك يدها وطلع من الالعاب وقف عند سيارته
ركب فيء ووقف عند بابه يكلم عمر يتواعد معه بمكان
السياره اللي كانت جنب سيارته كانت الفان للدار
الاء:غلو
غلا:هلا
الاء:يالبى الاسود انا وربي زينه يشلع القلب شوفي وهي تاشر من الشباك
فواز كان واقف ولابس تيشرت اسود بياقه بربري ضيق من عضده بسبب بروز عضلاته وبنطلون جينز روعه عليه ومسوي حركه خطيره بشعره
غلا:ياويل قلبي يارتيل تشوفين؟
لفت رتيل ورتيل:أي والله ماشاء الله عليه
حنين انتبهت لمكان مالبنات يطالعون ودقت رؤى حتى تنتبه
رؤى:وشفيك؟
اشرت بنظرها مكان البنات يطالعون
لفت رؤى وشافته واقف ويكلم ويضحك نزلت عيونها بسرعه
رؤى:الله يحفظك من كل شر ويسعدك باقي ايام حياتك
وتركت لدموعها تنزل بصمت
غلا:اقول بنات اعقلوا والله لو تشوفنا هند ان تزعل
سماح:معها حق اهجدوا وعن هالحركات
الاء:والله موبقصدي بس الله يحرسه غصب يخلي الواحد يطالع
غلا بحالميه وهي تحط راسها على كتف الاء:أي والله صدقتي
ضحكوا عليها البنات واخيرا جت هند مع شهد ومشوا و رؤى كانت تودعه بقلبها
وبعدهم بلحظات جت دلال وضي
دلال:تاخرنا
فواز:لاعادي كنت اكلم وركب السياره
دلال بخبث:من تكلم اعترف الباص اللي جنبك مليان أي وحده
فواز بحاجب مرفوع:أي باص
دلال:بتقنعني انك ماشفته؟
فواز بخاطره والله محد يسوى همسه وكلمه من رؤى :لاوالله مانتبهت
دلال:فديت ولد اخوي المودب
فواز بضحكه :طيب باقي تبين شي لاني مواعد عمر
دلال:سلامتك ودنا البيت الا ماقلتي لي صار شي جديد؟
فواز باسف:لاوالله ياعمه ماصار شي
دلال:الرجال اللي كلمته مارد عليك؟
فواز:كلمته لمن طول قال المساله موب هينه لان هاذي معلومات سريه جدا وخاصه انها بيانات بنات وهو لو مو واثق فينا وفي استاذ احمد وشاف تقارير التحاليل ماساعدنا
دلال:الله كريم يافواز بسال مع انه مو من حقي؟
فواز :تفضلي؟
دلال:انت تحب رؤى صح؟
فواز ابتسم لطاريها :ليه سالتي؟
دلال:هالابتسامه اللي مااشوفها الا لمن اطري رؤى جاوبت عن السوال شكرا
فواز ضحك على عمته وكيف انها تعرف لهالحركات
وتكلم بجديه:عمتي جاني ابو ساره وطلب يشوف بناته
دلال لفت ورى لقت فيء وضيء نايمين وتكلمت بهمس وبهدوء مكتوم من العصبيه:توه يذكرهم سنتين ونص مايدري عنهم والحين يبي يشوفهم
فواز:ولو ياعمه بناته لازم يشوفهم حرام نحرمهم منه بسبب شي مانعرف للحين سبب له
دلال بالم:وانا يافواز مو حرام اللي صار لي ادخل القاه مع شغالتي هذا حكي
وانخرطت في بكاء شديد وكان الموقف ينعاد قدامها
(كانها عايشه في بيتها
كانت لها اطباع يكرهها فواز وهي القيل والقال بس بطلت عنها من صار اللي صار
هي غاليه عنده وكانت خير سند له بايام مرض ابوه )
لمن حس فواز انها هدت:ارتحتي؟
دلال:ايه
مد لها المويه:اشربي وتعوذي من ابليس وراجعي نفسك وبكره ابي اشوف رايك وارد عالرجال
دلال:ان شاء الله


__________________(26)

نزلت دلال من سياره فواز ونادت تيكا تشيل في وهي شالت ضي
نزلت بغرفهم وراحت غرفتها وانعاد شريط اللي صار قبل سنتين نفضت راسها بقوه(انا لازم انسى واعيش لبناتي مستحيل بيوم اخليه يزور تفكيري)ورجعت تبكي


اكره شعور للانسان الخيانه الخيانه صعبه وخاصه ان جات من شخص تعشقه وكانت بينكم ايام حلوه
تولد جرح كبير وصعب يبريه الزمن ويعالجه
مرت 4ايام
وصار يوم النتايج بالجامعه رؤى خايفه مره وحنين بعد
حنين وهي لابسه عباتها وتنتظر رؤى بالصاله:يالله سترك
شهد وهي متمدده عالتلفزيزن:ماعرفتي ربك الا الحين
مسكت حنين الخداديه :اقول خلك بكتابك احسن لك
رؤى وهي واقفه تضحك:وشفيك عليها
حنين:خليك منها طويله اللسان خلصتي؟
رؤى وهي تلف الطرحه :يب يب يالله نطلع
حنين بخوف :يالله
بعد 10دقايق وصلوا الجامعه دخلوا مع البوابه وقلوبهم نبضاتها في تزايد
حنين:رؤى خايفه احس بموت من الخوف
رؤى بخوف بس تبي تهدي حنين:الله كريم حنى تعبنا ودرسنا والباقي على رب العباد
حنين:ونعم بالله
اشرت لممر كان جنب ممر الادراه هنا بيعلقونها
رؤى:يالله نروح
شافوا بنت معهم بالكلاس وسالتها حنين:هاه بشري
البنت ومبين الخوف في وجهها:للحين مانزلت يقولون نص ساعه ويعلقون المواد كلها
رؤى :الله كريم تعوذي من ابليس سوينا اللي علينا والباقي على رب العباد امشي الكفتيريا نقعد وبعد نص ساعه نرجع
راحت حنين مع رؤى وقعدوا بالكفتيريا
حنين وهي سرحانه في رؤى :روووى
رؤى :عيونها
حنين:وه بس لبى خيتي بس لاحد يسمعنا يشكون باخلاقنا
هنا رؤى ماتت ضحك :ههههههههههههههههههه
وهي تمسح دموعها:الله يرج بليسك هاه خير وش تبين (وغمزت)كذا اوكيه؟
ضحكت حنين:لا مو حلو مسرع انقلبتي
رؤى :هلا حنونه وش بغيتي تقولين؟
حنين:اممممممم
رؤى عرفت ورا ترددها شي:قولي ماعليك
حنين بهمس :احسك من شفتيه وانتي بعالم ثاني
كان حنين رشت عالجرح ملح هي تبي تنسى او بالاصح تحاول تتناسى ردت بصوت فيه من الالم الكثير:احاول انسى
حنين:ليه تبين تنسين مو قالك انه يحبك ودايم مستحيل يصدق فيك أي اتهام يتوجه لك ؟
رؤى غمضت عيونها وتنهدت وطالعت في حنين بعيون ماليها الدموع:حنين الحين ماعرف وش فكرته عني وخاصه انه قاري مسج لمعاذ بتهديدي اكيد بيتوقع اني انا سويتها جد خوفا من تهديده
حنين:الله ياخذه هالمعاذ
رؤى :حنين لاتدعين على احد الله يسامحه ويستر عليه
حنين متعجبه من رؤى:كل ذا طيبه باللي عذبك ماتبين احد يدعي عليه
رؤى:مو مساله تحيز او شي بس ياحنين مابي ادعي على احد وكل اللي ضروني او سببوا لي بجرح
مابي منهم ولاشي مسامحتهم ولاعمر شلت بخاطري على احد اللي ابيه شي واحد تطفى النار اللي بقلبي
على فجر على خالد اهلي اللي ماعرف حيين عايشين يدورون علي ولا(وبغصه)كنت غلطه وانريمت بالشارع
(وتكلمت بعد لحظه صمت وبهمس)وفواز ابرتاح لاعرفت انه تزوج لاني بتاكد وقتها انه نساني وماعدت اسبب له ضيقه
حنين سكتت وش ترد على طيبه قلبها تتحمل الهم كله تتحمل عذاب البعد والفراق تتحمل كل شي علشان اللي تحبهم مايتاذون حتى بالتفكير ويعيشون حياتهم حتى لو على حساب حياتها
لحظات صمت نزلت دمعه من رؤى بس بسرعه امسحتها حتى ماتلاحظها حنين بس حنين انتبهت لها
وقفت رؤى وهي تبتسم في وجهه حنين ولاكنه شي صار :يالله امداهم ينزلونها ترى انا خايفه مووت خخخخخ
وقفت حنين وهي تطالع في رؤى فوق كل اللي بقلبها تبتسم كانت تحس ان حياتها مابعدها حياه بقسوتها وعذابها
طلع عذابها ولاشي بالنسبه لرؤى بس هذا هي تبتسم وتكابر بس لمتى يا رؤى للصبر حدوده
مشت معها لمكان النتايج وكلهم ناجحين رؤى بتقدير ممتاز وحنين بعد ضموا بعض من الفرحه تعبوا بالمذاكره طول الترم وهذا هم ربي رزقهم بالمستوى اللي يحلم فيه كل طالب جامعي وهو ياخذ معدل مرتفع وتقدير عالي
دقوا على هند بشروها وفرحت لهم كثير وباركت لهم ووعدتهم بحفله على شرفهم اليوم
طلعت رؤى من الجامعه دخلت بهم وطلعت بفرحه ليت الحياه كذا تقط همك بمكان وتروح عنه وترتاح
بس الحظ عمره مالعب معهالانه اول ماطلعت من الجامعه
صدح صوت من اداره الجامعه :رؤى محمد ......(مسجله في الداوائر الحكوميه وشهادتها باسم ابو خالد)
وتم تكرار النداء ولكن رؤى طلعت وضاعت فرصه احتمال معرفه اهلها وتكون فرحتها فرحتين
دقت المسوله الاستا سعيد (الشخص اللي وعد فواز وعمر بخصوص معرفه عنوان رؤى )
المسوؤله:الوالسلام عليكم
ابو نايف:وعليكم السلام والرحمه
المسوؤله:ناديت باسم الطالبه ولكن شكلها اخذت نتيجتها وطلعت
ابو نايف بقهر:نادي مره ثانيه
المسوؤله :تم تكرار النداء
ابو نايف:طيب وشي نتيجتها؟
المسوؤله:ماشاء الله كلها aالا ماده b
ابو نايف:ماشاء الله لاقوه الا بالله طيب عطيني عنوانها
المسؤوله بشك:اقدر اعرف ليه استاذ؟
ابو نايف: هالبنت مفقوده من اكثر 13سنه واهلها يبون يوصلون لها
المسوؤله بتاثر:الله يرجعها لهم سالمه خلك دقيقه وأعطيك العنوان والبيانات اللي عندي
وبعد وقت عطته العنوان
اخذ ابو نايف العنوان وهو يطالع فيه(الله يرجعها لاهلها ويرحمك يابو عمر كنت رجال والنعم فيه وهذا شوي من اللي علي لك )
مسك جواله الخاص ودق على فواز
وبعد الرنه الثالثه
فواز بلهفه:اهلين استاذ
سعيد وهو يضحك:انا ادق من جوال الخاص علشان ماتقول استاذ قول سعيد وبس
فوزا:تامر ياعم سعيد بشرني
ابو نايف:تم تكرار النداء بالجامعه قبل شوي وشكلها طلعت لمن اخذت النتيجه
فواز:النتيجه
ابو نايف:ايه ماشاء الله عليها درجاتها عاليه اخذت من مسوله شوؤن الطالبات عنوانها
فواز بلهفه:وين العنوان؟
ابو نايف مقدر لهفه فواز وعطاه العنوان
فواز شكر ابو نايف ومابقى كله شكر وعرفان الا ماقالها>>>متعوب على عرفان خخخ
قفل من الاستاذ سعيد وطلع من مكتبه مستعجل
قابله عبدالله بالممر وشافه مستعجل:على وين يالحبيب الدوام باوله والحكومه مقفله الاخلاق معها>يقصد ابوه
فواز :لقيتها لقيتها وراح من قدام عبدالله
عبدالله يطالع في فواز لمن اختفى وهو يركب الاصنصير:اخوي استخف الله يخلف علي باخو عاقل
فواز وده يشوف وجه عمر لمن يقوله والاهم وده يشوف رؤى
ركب سياره وراح لجامعه عمر كان يستلم وثيقه التخرج ويحتفل مع الشباب
ولمن وصل دق عليه وجاه صوت عمر:مرحبا
فواز:عمور انت وين بسرعه انا برى انتظرك؟
عمر:ماقدر الشباب بيجتمعون بعد شوي انت وينك تعال كلهم يقولون حتى لو تخرجه بعد 3شهور ضامنينه متخرج بتفوق
فواز:اترك كل شي وتعال ياعمر تعال
عمر استغرب الحاح فواز وخاف على صديق عمره قفل من فواز وقال لاصدقاءه وطلع ركض
ركب مع فواز:سلام خير وشفيك؟
فواز بابتسامه حرك السياره وهو ساكت
عمر:يابرودك ياخي طيحت قلبي فواز فيك شي؟
فواز طالع في عمر وضحك
عمر استغرب ورفع يده لراس فواز:والله الحراره طبيعيه
فواز :عمر رؤى
عمر بخوف:وشفيها؟
فواز :هذا عنوانها لقيتها لك ياعمر وعدتك ولقيتها
عمر مو مصدق:فواز بربك تحكي جد؟
فواز:واقسم بالله جد الجد
عمر:كيف ؟
فواز قاله السالفه وعمر يحس باحساس غريب مايدري شوق لاخته الصغيره صدمه خوف من ان كل شي يطلع سراب ولا يلقاها
فواز لمن قرب من العنوان :عمر
عمر وهو يتلفت:نعم
فواز:لو صار ولقيتها رؤى لي ياعمر
عمر طالع فواز:خلني اشوفها اول يافواز وربي انها لك
فواز ارتاح مره مايدري ليه تكلم لاالوقت ولا المكان مناسب ولكن من شوقه لها تكلم
وصل عند باب البيت (بيت ابو خالد)
فواز:ننزل؟
عمر:اجل وش تنتظر؟
فواز مسك كتف صديق عمره وضغط عليه :الله كريم وصبرت والحمد لله لقيتها
عمر:الحمد لله يارب بتطفى ناري اذا شفتها بعيوني
نزلوا من السياره وكل واحد لابس نظارته ودهم يدخلون بسرعه ويشوفونها عمر سنين من ضاعت وهو ينتظر هاليوم
فكر بامه لو يقولها وش بيصير لها يحس الارض ماتشيله من فرحته
وفواز اللي اختفت من حياته بيوم وطلبت منه يمحى ذكراها اللي كانت تنام وتقوم معه
دق عمر الجرس
وطلع له رجال في نهايه الاربعين
الرجال:نعم اخوي
عمر بتوتر ان اخته عايشه مع هالرجال:هذا بيت محمد.......
الرجال :اهااا هذا بيته بس انا مستاجر عنده هو اللي يرعاه ويطلعه لعياله بالسجن
وبنته مع اخوانهاعند خالهم
فواز بتوتر:وتعرف وين سكن خالها
الرجال :والله مادري بالضبط بس بدق عليه رقمه عندي بس وش تبي فيه؟
عمر:عنده لنا امانه
الرجال:طيب دقيقه بجيب جوالي واعطيكم الرقم
دخل الرجال وعمر وفواز يتبادلان نظره التوتر والقلق
بعد دقايق جاهم الرجال:دقيت عليه ولايرد
عمر :عطني الرقم لو سمحت
عطاهم الرجال الرقم وشكروه ورجعوا للسياره وهم يحسون بنوع من خيبه الامل
عمر:والسواه الحين والسواه؟
فواز بهدوء:تعوذ من ابليس ومحلوله صديقي بيجيب كل شي عنه بظرف ساعه
عمر واعصابه تلفانه خلاص همس:اذا مالقيتها اذبحني وريحي الله يخليك
فواز هزته نبره الضعف وتكلم بحزم:عمر وبعدين معك
عمر:اعذرني ياخوي بس ماعد فيني شده ضياعها مني مره ثالثه
فواز بعمق:عمر نروح البيت؟
عمر بضيق:لا خل نروح الباحث ماجد
فواز:طيب


عند ساره
كانت قاعده بغرفتها تذاكر بكره اخر اختبار لها بالثانويه العامه
دق جوالها بمسج وفتحته على طول لانه جنبها عالطاوله
(ساره انا نور دقي علي ابيك ضروري تكفين )
توترت ساره وش تبي فيها نور علاقتهم شبه مقطوعه ليه تبيها ووش تبي فيها
دقت الرقم بيدين راجفه وجاها الرد على طول:الو
ساره:وش بغتي؟
نور بصوت غريب على ساره:ساره تكفين الحقيني ساره ماني قادره اتصرف بشي
ساره بخوف:وشفيك؟
نور بدت تبكي:وليد ضيعني ضيعت نفسي ياساره ضيعت نفسي
ساره شهقت بقوه:وش تقولين يامجنونه؟
نور:ساره الله يخليك كيف اتصرف دخيلتك ساره بيموتوني والله يموتوني
ساره وهي تصارخ:انتي غبييييييييه مجنونه وين عقلك يامغفله وييييييييين؟
نور كانت ساكته ماينسمع الاصوت بكاها
ساره بصرامه:قفلي حسبي الله عليك وبتصرف
قفلت ساره وهي ترتعش ماهي قادره تفكر تفكيرها مشلول
ترجف بقوه وشلون تفكر وشلون تتصرف هاذي كارثه مو مشكله عاديه
بس مافيه قدامها خيارت وحلول هو وحده بيقدر يساعدهم

في الدار
حنين ورؤى كانوا داخلين تو من الجامعه
حنين توقفت:يوو رورو ادخلي وانا بلحقك
رؤى باستغراب:ليه فيك شي؟
حنين بتوتر:لا لا شوي واجي
رؤى هزت اكتافها باستغراب ودخلت وحنين ركضت تطل من شباك مكتب هند الخارجي لانها شافت سياره عبدالرحمن برى
مشتاقه له مووت ودها تشوفه من 9اشهر ماشافته بحكم طولها المتوسط والنافذه المرتفعه جابت كرتون وطلعت عليه
بس الكرتون كان هش ولاتحمل وخاصه انها تناقز تبي توصل الشباك ونقزت بقوه لفوق وبس لمحته ماحست الا الكرتون منخفس فيها
وتعثرت فيه وطاحت عبدالرحمن سمع الصوت وطلع وشاف حنين(معقول اخيرا اخيرا)
حنين مانتبهت للطول الفارع الواقف فوق راسها وهي تتحسس ظهرها وتتحطم بصوت خافت(اوووه هذا جزاء سارق النظرات)وابتسمت لجملتها وقامت بخفه
بس راسها صقع بشي تاوهت من راسها ورفت عيونها وكانت صدمه حياتها صقعت بذقن عبدالرحمن وهو مسك ذقنه بالم
حنين بعفويه(اسفه اسفه والله اسفه)كانت ناسيه انها بس متحجبه وهي تتاسف
عبدالرحمن(واه ياقلبي واه ياقلبي خدودها مورده بزود وعيونها واه من عيونها )تنحنح وقال:ماعليه ماصار الا الخير (وبخبث)وش تسوين هنا؟
حنين:كنت ..كنت ابي خالتي هند ابشرها بنجاحي واقولها اني قدرت احقق اللي تبي وابي اشوف من الضيف علشان اعرف اذا بتطول ولا لا>>ياشين التوتر يودي الواحد بداهيه
ويخليه يقول الفصحى والعجمي ههههههه
عبدالرحمن اتسعت ابتسامته وهو يسمع تبريرها (وقسم بالله طفله طفله)وبصوت بارد وجامد:حنين خالتي بتكلمك بموضوع اتمنى تردين بسرعه
وعطاها ظهره ومشى راجع للمكتب
اما هي تحس قلبها صار باذنها وبطنها يلتوي من الخجل والخوف (وش هالموقف السخيف اللي حطيت نفسي فيه ووش يبي يمممه)
رجعت للدار ركض ووجها قالب الوان وتنفسها سريع تبي تقول لرؤى وش تسوي اكيد عرف انها متعمده تطل عليه
>>مرات الواحد يطيح نفسه بمواقف غبيه بدون مايحس >>ماتتكلم عن نفسها ابد هههههههههههه



{[ ]}608
04-11-2010, 11:54 PM
مني شاعره بس ازلزل مشاعره
©؛°¨غرامي مشارك¨°؛©



رد: روايتي الأولى : كل ما فيني يصرخ أحبك إلا لساني عجز ينطق مخارجها



في مكتب الباحث ماجد
قاعدين وينتظرون معلومات مشعل
ماجد:اهدوا ياجماعه الحمد لله انوجدت وعرفنا عنها كل شي وكلها ساعه بالكثير والعنوان عندكم
فواز:الله كريم
دق جوال فواز وكانت ساره بس مارد عليها مايبي يكلم احد ولا يسمع احد الا عنوان رؤى
دق جواله مره ثانيه وكان على باله انها ساره فاخذ الجوال بعصبيه غريبه عليه
بس سرعان مارتخت ملامحه وهو يشوف الرقم ورد بسرعه وهو يوقف:بشر ياوجه الخير
صديق فواز:عرفت اشياء كثير .....
فواز كان وجهه يتقلب مع كل شي يسمعه وعمر وماجد اعصابهم مشدوده عالاخر
فواز:طيب ارسل لي العنوانت فورا على جوالي وانا بتصرف وبعدين بكلمك
عمر لمن قفل فواز سال بلهفه:بشر؟
فواز :مافيه وقت امش واقولك
ماجد:وين؟
فواز بادب:اسمح لنا لازم نطلع بنرجع بعدين وتفهم كل شي ماقصرت كفيت ووفيت
ماجد :الله يرعاكم
طلعوا من مكتب ماجد وتوجهوا للسياره وفواز خطواته سريعه جدا لدرجه عمر صار يركض يلحقه
اول ماركبوا حرك فواز السياره بسرعه
عمر بخوف:فواز تكفى وش صاير
فواز:ابو خالد اللي كان يربي رؤى ماااات
صدمه سكت عمر ثواني يستوعبها:كيف مات
فواز:كان بعمليه كبيره متفق فيها مع الشرطه حتى يمسكون مجرم كبير وانقتل فيها
عمر باسى:لاحول ولاقوه الا بالله العظيم طيب وين بنروح الحين؟
فواز:بنروح لللدار
عمر باستغراب: من وين العنوان طيب؟
فواز:تذكر معاذ اللي رحنا له من زمان نساله عن رؤى
عمر:ايه بس وش دخله؟
فواز:لانه يعرف مكانها ودلنا عليه كنت مخلي واحد يراقبه وقالي ان معاذ توجه قبل يومين لدار ايتام وهو بدوره سال عنه وعرف ان رؤى تسكن هناك
عمر:صدددددددق بسرعه الله يخليك بسرعه
فواز:انا خايف على رؤى منه الله يستر
عمر ويحس قلبه بيطيح من مكانه من الخوف:وش ممكن يسوي لها وهي بالدار
فواز برعب وهو مغلف نفسه ببرود قاتل من الخوف:الله يستر الله يستر
وصل فواز مسج صديقه بعنوان معاذ وتوجه فواز له بسرعه جنونيه


ببيت معاذ
كان داخل البيت مثل الطوفان :يازفت لوووووووولووووووووه
لولوه برعب حقيقي جت تركض:وشفيك وش صاير؟
معاذ وهو يتنفس بقوه وفيه جرح بكتفه وقميصه مغرق دم :امشي معي بسرعه
سحبت عبايتها من العلاقه القريبه من الباب وركبت وهي ترجف من الخوف من شكل معاذ
معاذ معاذ هو نفسه التنور واثناء ماكان يبي يقابل ابو خالد ويستفزه ويجبر رؤى تتزوجه علشان ابوها
كان عارف بتعامل ابو خالد مع الشرطه بس قبل لايجيبه ارسل له دكتور وانتزع من جسمه جهاز التنصت اللي كان متاكد من وجوده وبالفعل كان موجود بجلد شعره
واخذه لمكان بعيد وهو مامن على نفسه ان الشرطه ابعد ماتكون تراقبه وتمسكه بس حدث اللي غير متوقع
الشرطه داهمت المكان وطبعا ابو خالد كان الرهينه اللي فرغ فيه شريط كامل من الرصاص وهرب
وهذا هو ياخذ لولوه معه لانه عارف ان لهم شاليه بعيد ويبي يتخبى فيه
وصل فواز للدرا
فواز :السلام عليكم
الحارس:وعليكم السلام والرحمه بوشو اقدر اساعدكم؟
فواز:نبغى نقابل مديره الدار لو سمحت
طالع فيهم بريبه وطلب منهم ينتظرون
كانت هند داخل بمكتبها مع رؤى وحنين يضحكون
دق تليفونها واستاذنتهم ترد:الو
-اها طيب ماعرفت مين؟
-اوكيه دخلهم بالمكتب الخارجي وخلك معهم بلبس عباتي وبجي
حنين تطالع رؤى باستفسار و رؤى تأشر لها بانها ماتتوقع شي؟
هند:بنات روحوا ارتاحوا اليوم الحفله فيها لعب بالصابون يعني بنتكسر
حنين و رؤى ضحكوا من قلب على هند وحركاتها
هند:انا بطلع فيه شغله اخلصها وانتو ارتاحوا وقولوا لام محمد تجيب العصير للمكتب الخارجي
حنين وهي توقف مع رؤى :حاضر
طلعوا من مكتبها اللي داخل البيت
( وهو على قوله البنات مركز الموتمرات لانه من تصير مشكله يكون هو المكان اللي يجتمعون فيه )
ولفت حنين على رؤى:وش تتوقعين هالشغله بصراحه شي غريب؟
رؤى وهي حاسه بشي غريب:مدري بس والله قلبي مقروص احسه مقبوض
حنين:تعوذي من ابليس الليله ليلتك وضحكت
ابتسمت رؤى ولكن بقلبها رهبه وخوف ماتدري بسببها ماتدري ان الدم اللي بعروقها هو الدم اللي يمشي بعروق اخوها اللي برى ماتدري انها بترمي نفسها بحضن امها بعد اكثر من 14سنه ماتدري بان الليله نهايه عذابها
دخلت غرفتها وحطت راسها على مخدتها تفكر كالعاده الا ان غفت وهي بتفكيرها وتخيلاتها
اما هند دقت على الحارس وطلبت ينادي زوجته ام محمد وينتظرها تجي حتى تقابلهم معه
رجع الحارس بعد مده طويله بالنسبه لعمر يحسها ايام مو 10دقايق
واخذهم ووداهم للمكتب الخارجي الانيق والراقي باثاثه بتصميمه الاجنبي
قعدوا وجاهم الحارس وزوجته العجوز ام محمد اللي جابت لهم العصير وهم مترقبين متشوقين يحسون الثواني ساعات لحظات انتظار رهيبه مرعبه وخاصه ان احتمال عدم وجودها هنا وارده
طبعا المكتب مفصول عن البيت اللي عايشين فيه والفاصل بينهم جدار له باب مفتاحه مع هند ودايم مقفل هالباب
جت هند وسلمت:السلام عليكم
وقفوا احترام لهند وهم منزلين روسهم:وعليكم السلام والرحمه
هند بشخصيتها القويه:قالوا لي انكم طلبتوا مقابلتي
فواز سكت ينتظر من عمر يتكلم
تكلم عمر:انا بسال عن بنت جتك تقريبا قبل 8شهور هل مازالت هنا؟
هند بحده:اسمها؟
عمر وهو حاس دموعه بتخونه:رؤى محمد .......
هند:المطلوب وش تبون؟
عمر قال لها القصه وعطاها التحاليل هند نزلزا دموعها غصب
هي تعرف عن رؤى قصتها كامله باستثناء فواز طبعا
دمعوا عيونها غصب وهي تقرا الاوراق بيدين ترجف
عمر:تكفين وينها؟
هند بصوت مبين فيه البكى:رؤى موجوده وصلت لاختك ياولدي
سجد عمر لربه شكر وقام ضم فواز وهو يبكي يبكي فرح يبكي شوق 14سنه احساس بالذنب انه سبب بضياعها
كل يوم يتذكرها يتالم لمن يسمع امه تدعي لها يتذكر ابوه قبل لايلفظ انفاسه الاخيره كان يوصيه هو واخوه يبقون يدورون لها مهما صار لمن يلقونها
عمر:ناديها ابي اشوفها
هند وهي تمسح دموعها:صدمه كبيره لها لازم يتمهد لها الموضوع
عمر وهو عاقد حواجبه:كيف يعني ماشوفها؟
ضحكت هند:لاياولدي بس عالليل تشوفها
عمر:تكفين نخيتك ابي اشوفها الحين
هند:والله مقدره شوقك لها بس اللي صبرك 14سنه يصبرك 3ساعات انا لازم امهد لها الموضوع
عمر:يعني متى اجي اخذها
هند:الوالد والوالده عايشين؟
عمر:الوالده الله يطول بعمرها بس الوالد توفي من 3سنين
هند:الله يرحمه ويخلي لك امك خلاص انت مهد الموضوع لوالدتك وانا بمهده لرؤى (كملت وقلبها ينعصر)الأم
اكثر شخص يتعب لفرقى عياله روح بشر امك ياولدي وارجع عالساعه 8انت وامك وخذها وعلى فكره مسوين لها اليوم حفله لانها نجحت بتفوق
عمر وعيونه تخونه وتنزل دمعه ويمسحها بسرعه:تفوق ؟
هند:اكيد ماتتذكرها الا وهي صغيره هي الحين شيخه البنات وتدرس بالجامعه وتخصصها صعب
عمر:اذا قلتي لها قولي لها اني اسلم عليها
هند مقدره فرحته وحاسه فيه:ابشر ابشر
فواز:جزاك الله خير
هند:تسلم يبه وانت اخوها؟
فواز طالع عمر وعمر طالع فيه وابتسم:هذا فواز زوجها مستقبلا وضحك
هند وهي تضحك:اوله قبل لاتشوفها زوجتها (وكنها تذكرت شي)انت فواز اللي كانت عايشه عنده؟
فواز وهو يبتسم على حلاه ذيك الايام:ايه انا والصدف خلت اخت صديقي تعيش عندي علشان يعرفها
هند وماهي مصدقه الصدف اللي صارت كبرت بصوت عالي:الله اكــــبر سبحانك ربي لااله الا انت قادر على كل شئ
عمر +فواز:سبحانه
هند:خلاص الساعه 8باذن الله اتفقنا
عمر :اتفقنا
فواز بطلع برى وانت الحقني
عمر:استاذه لو سمحتي الله يخليك انتبهي لها
ضحكت هند:استح ياولد هي بمثابه بنتي وهي بامان روح وانت متطمن
عمر من قلب:مشكوره الله يجزاك الجنه
هند ابتسمت على الدعوه اللي دايم تسمعه من الكل اذا قدمت لهم مساعده وهي معروفه بانها من اهل الخير اللي تمد يدها لكل شخص محتاجها ومحتاج احد يوقف معه(الله يكثر من امثالها)
طلع وهو يحس انه يبي يطير لامه يبي يطفي نارها من 14سنه فواز اول ماركب عمر للسياره:وش قلت للاستاذه؟
عمر وهو يرفع حاجب:وش دخلك؟
فواز:عمير ووجع بلاحركات نذاله
عمر وهو يضحك من قلب:توي اعرف انك ملقوف ياخي شغله تخص محارمنا وش حارق رزك بالله بسرعه ابي اكلم عبدالعزيز يجيني عند الغاليه نقولها
فواز مشى بالسياره وبس قاله عمر" بسرع" وقف السياره
عمر:وشفيك لاتقول البانزين خلص؟
فواز وهو يرفع النظاره عن عيونه وهالحركه تقهر عمر مايحبها:والله سيارتي وكيفي ابيها توقف تريح
عمر طالع بفواز بصدمه:توي اكتشف انك بزر
ضحك فواز من قلب وهو يحرك السياره:وحده بوحده (وناظر فيه وهو يرجع النظاره على عيونه ويلف عنه )يالبزر هههههههههه
كانوا يضحكون لو يقولون اسماء بعض ضحكوا اللي صار ياما تمنوه ياما تعذبوا علشانه
صدق الله العظيم لما قال في محكم آياته(وبشر الصابرين )سبحانك ربي انك قادر على كل شي
وصل فواز عمر للبيت
عمر وهو بينزل:فواز انزل معي
فواز ماحب يكون موجود بهاللحظه بين الام وعيالها:لا معليه انا بوصي احد من المؤسسه يجيب لك سيارتك من الجامعه
قط عمر المفتاح على فواز :مشكور ياخوي اللي ماجابته امي
فواز ابتسم على كلام عمر:يالله طس والله لو تدري خالتي انك واقف تتغزل فيني وانت تعرف مكان رؤى مايصير لك خير
ضحك عمر على فواز دائما اذا انمدح يغير الموضوع :اوك يالغالي برب
فواز وهو يضحك:تيت
مشى فواز وهو ماهو عارف لوين اللي يعرفه ومتاكد منه انه مبسوط ومبسوط حيييييل


(ياترى وش بتسوين لمن تعرفين والله اني اتمنى هاللحظه اكون جنبك وامسك ايدك واضغط عليها واحسسك بالواقع لقيتي اهلك وبترجعين لحضن امك)ابتسم وهو يتذكر كلامها معه عن املها انها تلاقي اهلها
رجع للموسسه حتى يكمل الدوام ويقول لابوه عن رؤى
اما عند عمر تقابل مع اخوه عبدالعزيز عند الباب
سلموا على بعض
عبدالعزيز:عمر وش فيك والله خوفتني ؟
عمر :طيب ندخل ونتفاهم؟
عبدالعزيز:وانا فيني اعصاب وبعدين اليوم حفل تخرجكم من الجامعه
عمر وهو يفتح الباب:عبدالعزيز ابيك تهونها معي على امي
عبدالعزيز وهو يمسك يد عمر وبعصبيه :عمر بسرعه وش صار ؟
عمر ودمعته اللي حاول يحبسها من جاه فواز نزلت:اختي همس ياعبدالعزيز لقيتها وبنقابلها اليوم الليل
عبدالعزيز بصدمه:اختي لقيتها؟(بعد ثوان يمسك اكتاف عمر وصار يهزه بقوه)عمر انت وش تقول ماهو وقت مزح امي لو كانت كذبه يمكن تروح فيها
عمر وهو يحاول دموعه توقف ولكنها تعانده وتنزل اكثر على خده:واقسم بعظيم جلاله اني متاكد ورحت مكان ماهي عايشه وبنقابلها اليوم الساعه 8
عبدالعزيز ضم عمر بقوه:واخيرا بيرتاح الغالي واخيرا آآآآآآآه الله يريح قلبك
بعده عنه وهو ماسك اكتافه:الحين بدخل وبمهد الموضوع وانت قول لها وطمنها عليها اوكيه؟
عمر وهو يمسح دموعه ويضبط نفسه:اوكيه
دخلوا مع بعض للصاله وكانت امهم قاعده عالاخبار
عبدالعزيز وهو يبوس راس امه:صبحها بالخير
ام عمر(فوزيه):هلا وغلا صبحك بالنور والسرور
قعد عمر جنبها وهو ضامها من الجنب ويبوس راسها:صباحك احلى عمر
ام عمر وهي تضحك :صباحك فوزيه
الكل:ههههههههههههههههه
عمر:والله منتي بسهله يمه
عبدالعزيز:كيفك يالغاليه ؟بشريني عن رجولتس؟
ام عمر:بخير الله يسلمك يمه انت وشخبار عيالك وزوجتك؟
عبدالعزيز:بخير الحمد لله
ام عمر:عمير وراك ماجبت وثيقتك من الجامعه هما قلت لي انهم بيعطونها لك اليوم ولمن طلعت قلت بروح اجيبها وانت ياعبدالعزيز مو وقت الحين المفروض انك بدوامك؟(وبخوف وبرهبه كبيره)حد فيه شي؟؟
طالعوا عبدالعزيز وعمر في بعض وتكلم عمر:ايه يالغاليه بس انا جاي ابشرك
ام عمر باستغراب:تبشرني بوشو ؟
عبدالعزيز:يمه الصبر دايم مفتاحه الفرج وماتضيق على العبد الا الله بيفرجها عليه احنا عانينا كثير وصبرنا والحمد لله ربي جازانا على صبرنا
ام عبدالعزيز بصوت متهدج :ياعيالي فيكم شي ترى والله ماتحمل غيبتكم عني؟
عمر باس يدها وراسها:لايالغاليه حنا بخير واللي بقوله لك بيفرحك ان شاء الله ويبرد خاطرك وقلبك
ام عبدالعزيز ونظرها يروح ويجي على عيالها:بوشو؟
عبدالعزيز:همس
خفق قلب ام عبدالعزيز بقوه وارتجفت يدها اللي بيد عمر وشد عليها ونزلت دموعها ونظرها تعلق في عبدالعزيز
باس عمر يدها اللي بيده ويده الثانيه على ظهرها وهو يتكلم بحنان:يالغاليه وعدتك القى لك همس ولقيتها لك وهي بخير واليوم بنشوفها
صدمه الجمتها ضناها اللي فقدته من 14سنه وفقدت الامل انها ترجع تشوفها لقوها لها عيالها ماهي قادره تستوعب صارت ملامحها هاديه وارخت يدها اللي بيد عمر خافوا عبدالعزيز وعمر
عبدالعزيز وهو يقوم من مكانه ويقعد عند رجولها:وشفيك يمه؟
حطت يدها على خدعبدالعزيز وناظرت عمر بعيون مغرقه بالدموع:تقولون الصدق؟
عبدالعزيزبحنان :ايه يالغاليه وعمر متاكد
عمر:ايه والله انه الصدق حتى طابقت تحاليلها بتحاليلي وتطابقت ودورتها لمن عرفت مكان سكنها وتوي رايح لها هناك وقابلت المسوله عنها وقالت لازم تمهد لها الموضوع حتى تقابلنا اليوم بالليل الساعه 8
قامت ام عمر وعمر بخوف على امه :يمه وين ؟
ولاردت عليه كملت مشي لمن غرفتها اللي بالدور الارضي وفرشت سجادته وخرت ساجده لربها تبكي بكى يقطع القلب تبي بنتها اللي ابتعدت عنها سنين تبكي وجودها لحالها تتلقى هالخبر الحلو بدون وجود زوجها اللي كان متشفق وميت على شوفتها بكت فرحه وشوق بكت المها اللي مغروز بقلبها ولاحد حاس بكبر هالالم بقلبها
عبدالعزيز ماقدر يتحمل بكي وطلع من البيت اما عمر قعد بالصاله وهو يمسح دموعه يبي امه ترتاح شوي وبعيدن يروح لها يبها تتطلع اللي بخاطره وكاتمته من 14سنه
بعد ربع ساعه لامه ولقاها للحين ساجده خاف بغى يوقف قلبه من الخوف وراح ركض وهو يصرخ:يممممممممه
رفعت امه راسها وطالعت فيه:وشفيك اختك صار لها شي؟
عمر وهو يمسح دموعه ويبتسم:والله يافوزيه تعرفين تخرعين الواحد عليك
امه وهي تفتح ايدها له :تعال ياقلب فوز
راح عمر وضم امه كانه طفا ابو خمس سنوات ماكنه شاب صار عمره 24سنه ومخلص الجامعه هالسنه
عمر:الله يخليك لي بالغاليه
امه وهي تنشج وصدرها يعلو ويهبط :ويخليكم لي ياروح امك
رفعت راسه وهي تبوس عيونه:نشدتك بالله اختك بخير؟
عمر وهو ينزل على يدها اللي على ركبتها ويبوسها:وربي بخير يالغاليه واليوم حفله نجاحها
ام عمر وتحس قلبها طاير بالسماء من فرحتها :نجاحها؟
عمر:ايه بنتك الدافوره تخيلي ماخذه كله a ووحده بس b وهي تخصص صعب كنت بقهري من فواز والحين بنتك معه
امه وهي تضربه بخفه على راسه:بسم الله على قلبها اذكر الله
عمر وهو يمثل الصدمه:ياويل حالك ياعمر راحت عليك بتجي رؤى وتاخذ عليك الجو تهي تهي(وصار يمثل انه يبكي) وامه تضحك على خبال هالولد دايم هو اللي يضحكها ويفرح قلبها
عمر:ترى اسمها رؤى اللي ينادونها فيه
ام عمر وهي تهمس اسمها وهي تحس بطعم للحروف بفمها:رؤى يكون اللي يكون ابي بنتي بحضني (وبكت)
عمر ضمها بحنان :اوووص يالغاليه بدون دموع فديت عيونك الحلوه
ام عمر :وش يصبرني لليل؟
عمر:اللي صبرنا 14سنه
ام عمر تنهدت بعمق وقالت وهي تقوم: يالله قوم ورانا شغل
رفع راسه من حضنها :أي شغله الله يصلحك بروح احط راسي وانام تعبان
ام عمر:قول والله قم بسرعه نجيب اثاث لاختك ونوزع النذر اللي نذرته عالمحتاجين قوم
عمر وهو يتحلطم:ياليل لازم؟
ام عمر :عمير ووجع كنه بيجيك واحد من ربعك ماكنها ضناي اللي من 14سنه ماشفتها
عمر وهو يقوم ويحب راس امه:لاتوصين يالغاليه كنت ابي استهبل معك بقول لعزوز يروح هو ومرته تفهم بذووق البنات والنذر معليك بيتوزع الليله قبل لاتنامين حتى
ام عمر:الله يخليك لي ويحفظك انت واخوانك
عمر طلع وهو يحس انه مالك الدنيا شاف ابتسامه امه اللي طالعه من خاطرها وقليل يشوفها ولو شافها تختفي بلحظتها نفذ وصيته ابوه والاهم رجع اخته له كان
سبب في انه لقاها زي ماكان سبب في ضايعها بوجهة نظره