ياكثركـم كثـراه يـامـال النـفـود...........ياهل القصايد والمدايح فـي لميـس
رحتوا ضحايـا للشفايـف والخـدود...........اللي عليها من دقيـق الفـن كيـس
القدس محتله تحـت حكـم اليهـود.........مستيسره في حكم طاغـوت نجيـس
وبغداد في حكـم الثعالـب والقـرود............لا شعب لادولـه ولا حتـى رئييـس
رسولنـا سبّـوه والعالـم شـهـود.............وتاريخنا يرفس به الطاغـي رفيـس
عدونـا مـن خلفنـا يبغـي يسـود..............له خطة واهداف يضرسهـا ضريـس
اسلامنـا كـل العـداء ضـده تكـود..............من اكبر الحاخام لين اصغـر لويـس
اطفالنـا تقتـل علـى يـد الحقـود.................وابطالنا راحـوا ضحايـا خندريـس
واسلاحنـا ماغيـر نرجـم بالحيـود...........واطلق شنب فينا معه بندق رويـس
شح المطـر لانـو لابـرق ورعـود...............والارض مثل النار تلهب في يبيـس
وحنا نغني فـي لميـس ام الجعـود..............والوضع عادي للجليـس وللونيـس
ياحيف ويش اللي حصل ياهل العهود؟...يا احفاد من يحمى ليا حمي الوطيس
اللي علـى الاسـلام والسنـه تـذود..........اللي تدوس الشرك واصنامه دويـس
امجادكم في نقـص واعداكـم تـزود.................غرتكـم الدنيـا ويغريكـم بلـيـس
نسمع قصيـد جعـل يومـه مايعـود.............والهرج له مقياس وين اللي يقيـس؟
لصار مال الهرج فـي معنـاه فـود.............احسن تسد ااذنك ودور لـك جليـس
الهرش يبقى هرش والحاشـي قعـود.............والحر يبقى حر ولا الهيـس هيـس
ياللي تناسيتو مـن الـرب الـودود..................تعوذوا من نزغة ابليـس الخسيـس
وجيهكم من كثـر ماتعصـاه سـود................واللي غفل عن طاعة المولى تعيـس
توبوا عن الزلات واصحـوا يارقـود.................زوتمعّنوا في حالـة الحـال البئيـس
المشكله صار العـدم مثـل الوجـود................وانتوا هل التوحيـد معدنكـم نفيـس
ياهل الشهامـه ياعريبيـن الجـدود..................لاتندبون الوقـت والحـظ النحيـس
اظــن مايحـتـاج للسـائـل ردود.....................الرد والمعنى علـى جبهـة لميـس

الاقتصاد انهار والوضع في العالم خطيـروالعجب! شقراء.. مع الخيل يومي ذيلها
تقطع المضمار وإن قرّب الشوط الاخيـرروحّت والخيل باقـي لهـا باقـي لهـا
مايصير اللي حصـل يانشامـا مايصيـرنحتملهـا غصـب ونحطهـا ونشيلهـا
بين راس الضلع وام القناء مبرك بعيـروالمنايـا كـل يـوم تــوّرد سيلـهـا
والجمل ماعاد جاء لـه رغـى ولاّهديـروالعـرب تالـي الليالـي تدنّـى حيلهـا
السنين اعجاف واحوالنا والوقـت غيـرمالـت الدنيـا عليـنـا وزادت ميلـهـا
كيّها متمكن من علـى الضلـع القصيـروالمهبّل مـن بكاهـا نبـي نبكـي لهـا
لعبةٍ يلعب بها بـوش مـن مـدة بليـروالمذله بعـض الاحيـان يطفـح كيلهـا
ياسعد خل الفلـك فـي مـداره يستديـردورة الايـام تركـض وراهـا خيلـهـا
لاتشـرّه وانـت غالـي ولـك قدركبيـرالصبر مطلوب والنـاس لاتشكـي لهـا
الامـل لازال موجـود والدنيـا بخـيـروالبلـد محكومـةٍ فـي ذرى حلحيلـهـا
انتظر لاعـل ولا عسـى بشـرى بشيـرالدهـر يوميـن والقـوم يكثـر قيلهـا
احتفظ بالسر والسـر خلـه وسـط بيـرمن حفـظ تدوينهـا يكشفـه تسجيلهـا
الضماء والجوع والموت الاحمر والهجيروالفقارى لوّ شكت ماحـدن يـاوي لهـا
مالها الا اللي بخلقه وفي شؤنـه خبيـرثم ملكنا اللي هموم العـرب يركـي لهـا
المليك اللي على الشعب نـورٍ مستنيـركلمة التوحيد بيـن الـدول يدعـي لهـا
حاكم بالعدل والشرع والسيـف الشطيـرلوّ سمع شكوى من اصغر طفل يصغي لها
القضيه مالهـا غيرابـو متعـب نصيـرحلّها بيديه واهـل الوفـاء يوفـي لهـا
عاش ماقصّر وسهّل لنـا ماهـو عسيـرمابقـى الا ثـلـةٍ واضــح تمثيلـهـا
انكشـف تمثيلهـا للكبيـر وللصغـيـرلين صارت قصةٍ مـا انعـرّف تاويلهـا
ودي اعلمّـك بالعلـمٍ لـوّ انـه مريـرالكـوارث والمصايـب معـي تحليلهـا
لو معا راعي الغنم شور جيته واستشيـروالقلوب اللـي تغـش العـرب ياويلهـا
الربـاء بوابـة الفقـر والذنـب الكثيـروالجهل راس المصيبـه وُظلمـة ليلهـا
والتقـدم والحضـارة وديبـاج الحريـرمالنـا منهـا سـواء بالعيـون نخيلهـا
وضعنا حساس واكرم رجل فينـا فقيـروالمسافـه كـل يـومٍ يقّـرب ميلـهـا
المكر والغدر والغـش والكـذب الوفيـرمخمخت في الروس حتى طفاء قنديلهـا
والله ان الكُبر والموت مـا منـه مطيـروالسنـه وايامهـا جمعّـت تحصيلـهـا
ودي اضرب لي مثل قبل ما احّث المسيرنعمة الله مـن جحدهـا لقـاء تبديلهـا
فيل صنعاء وابرهه ويش لقيوا من مصيرواهل صنعاء ضامنه نصرها مـن فيلهـا
والنصر من عند منهو على ذلـك قديـرمرسل ان الطير ترمـي حجـر سجيلهـا
والحقيقه كل طيـر علـى نهجـه يطيـروالعقول الفاهمـه فكرهـا يصفـي لهـا
المعاني بيـن بحـر القوافـي والغديـرسجلوها واسمحوا لـي علـى تعديلهـا
مادرى عنها الفـرزدق ولايـدري جريـردلةٍ شقـراء مـن الكيـف زادوا هيلهـا
السوالف ما حصل من خبرها الا اليسيـرموجز النشره حصل واتركـوا تفصيلهـا
ودي انهييهـا ببيتيـن معناهـا مثـيـرربُمـا تبقـى مثـل للسنيـن وجيلـهـا
التهـاون بالمهّمـات فيـروس الضميـروالبذخ يفسـد بيـوت الغنـى ويزيلهـا
لوّ تلالي كوكب الشرق في سودة عسيـركـان ماِدفعـت ملايـن فـي منديلـهـا

العيد قرّب واغلب الناس طفـرانبينه وبين افـراح عيـده مناعـه
توه مسـدد قبـل يوميـن ديـانثمّن عليـه البنـك بيتـه وباعـه
جاه الفقر والدين باشكال والـوانحتى مقامه ضاع عنـد الجماعـه
خلوه بين الهـم والغـم حيـراندارت به الايـام واعلـن دفاعـه
ذابت عروق القلب من كثر الاحزانرايه لوّانـه زيـن مامـن قناعـه
زاد الحمل والحظ مـازان مـازانستين حمل ولا معـاه استطاعـه
شاف القهر والجيب قد كان مليانصكات بقعاء ماتعـرف الشفاعـه
ضده زمانه بعـد ياكـان ماكـانطيبه وصيتـه زارعنّهـا زراعـه
ظنه وعلمه مثل نور القمـر بـانعنده مزايا في الكـرم والشجاعـه
غلاه ماينقص وله مركـز وشـانفي مجلسه في منطقه في متاعـه
قلته وانا اللي شايف فلان وفـلانكم من كريم لاعه الوقـت لاعـه
لو ضحكوا العربان في العيد زعلانمن ظرفه القاسي تغيّـر اطباعـه
ناس تعيّـد فـي فرنسـا ولبنـانهاذي ضروف الوقت ساعه وساعه
وناس تعيد في مجاعـة وحقـرانيالله لاتسقـي زمـان المجـاعـه

البدايـه بأسـم عـلام السـريـرهياكريـم عمنـا فضـلـه وخـيـره
ربنـا اللـي مالنـا معبـود غيـرهالكـريـم المنتـقـم رب البـريـه
باسمه ابداء وابتدي واهيـض قافـيالبيـوت اللـي معانيهـا نظـافـي
انتقيها مثـل لـول البحـر صافـيخايـف لا واحـدٍ يشرهـه علـيـه
مـن بنـات الفكـر زينـات الثنايـاكلمـا ناديتهـن يعـطـن تحـايـا
كنهـن يـوم اقبلـن مثـل السرايـاالسريـه بعدهـا تتـبـع سـريـه
القصيد ان كـان ماجاءلـه معانـيماتعـب فكـري ولاينطـق لسانـي
اجتهد واحرص على كسب السمانـيفـرق مابيـن السمينـه والـرديـه
شاعر من ورث ابـوي ورث جـدياللبس ثيابي علـى قيسـي وقـدي
اعشق الجـزلات واحـب التحـديمغرم فـي حـب( لليلـى العامريـه)
الشعـر ماهـو بقـاف يوزنـونـهالشعر مثـل البحـر عمقـه ولونـه
والبحـر ماكـل نـاس يسبحـونـهوالشعـور إحسـاس شعـرٍ داخليـه
اسمعـوا ياللـي تحبـون القصايـدياوسيعـيـن المعـرفـه والبنـايـد
يامفسـرة الحلـوم العـلـم كـايـدفسـروا حلـم الليالـي النرجسيـه
المهم..البارحـه فـي حلـو نومـيفي سبات النوم مادري في علومـي
طيف ليـل بيـن طيـات الحلومـيحلم مادري علـم مـادري جاذبيـه
شفت عذراء فـي منامـي قابلتنـيجيـت اكلمهـا وهـي مـا كلمتنـي
بعـد ساعـه بالحقيقـه علمتـنـيواللتّفـت وباحـت اسـرار البنيـه
قلت قبـل اسمـع كلامـك ياجميلـهودي ادري بالحقايـق والفصيـلـه
انتي من آيت عـرب وايـت قبيلـهقالـت انـا فـي الحقيقـه يعربيـه
ايه انا اللي طال صبري طال صبريصابـره والصبـر ودانـي لقبـري
اجبرتنـي صكـة الايـام جـبـريبين هـم وبيـن غـم وبيـن اذيـه
صابره للقهـر لـي ستيـن عامـيماتهنيـت الـشـراب ولا طعـامـي
وإن بغيـت النـوم مايحـلا منامـيفـي الليالـي التالـيـه والاولـيـه
ياوجـودي ياوجـودي يـاوجـوديمن قهر ظلم النصـارى واليهـودي
القنابـل كنّهـا صـوت الـرعـويوالدمـاء سالـت ولا خلـت ضميـه
قلت هاتي العلم هـات العلـم هاتـيمرحـبـا والله يـازيـن البنـاتـي
دوبني شفـت المزايـا والصفاتـيياغزال الريم .يـا الحـره. الابيـه
إرحبي ثـم إرحبـي مليـون مـرهمرحبا ياللي تحـت سقـف المظـره
مابقى لك فـي الصبـر مثقـال ذرهإرحبي ثم إرحبي مـن طيـب نيـه
إرحبي ثـم ارحبـي يانـور عينـيسامحينـي سامحينـي سامحيـنـي
سمّعيـنـي سمعّيـنـي سمّعيـنـيترجميهـا بالـحـروف الابجـديـه
قالت إسمعنـي ودقـق فـي كلامـيودي اكتب لك هنا بعـض الاسامـي
إعطهـم منـي تحيـه والسـلامـيكـل واحـد سلمـه منـي تحـيـه
بلـغ اصحـاب االفخامـه والجلالـهبلغ اصحاب السمـو واهـل العدالـه
بلـغ اللـي مايهـمـه غيرحـالـهبلغ اللي عـارف وش صـار فيـه
علم اصحاب المناصب مـن عربنـاعلم شعوب العـرب شيبـان وابنـا
علم اللي نسـي عنـا مـا حسبنـاقل لهُـم ويـن العروبـه والحميـه
قل لهـم مليـار مسلـم ماحمونـيلا احتموا فيني ولا . راحوا . وجوني
ليتهـم يـوم النسـب ماناسبـونـييـوم عــز الآدمــي والأدمـيـه
خيلّـو ا فينـي وخلونـي لحـالـيلا قريـب ولا صديـق ولا موالـي
فـي مجابهـة التحـدي والليـالـيعايشه فـي ظلـم وانـواع الزريـه
صابهم مثل الـردى مـدري مذلـهالرخامـه خيّمـت بالوضـع كـلـه
صاير في اللي حصل فجـوه وخلـهواستباحتنـي الحـروب العالمـيـه
من بني صهيون عانيـت المهونـهكـل مايطـرى عليهـم يفعلـونـه
والعرب جاهم من الموقـف سخونـهخوف مـادري ذل مـدري جاهليـه
الله اكبـر وينكـم خمسيـن دولـهماحدن منكـم بـرز واعلـن فعولـه
ويـن وقفـات النشامـا والرجولـهالرجـال اللـي مواقفـهـم نـديـه
وين ساروا وين شدّوا وا وين راحواليتهـم يـوم المهمـات استراحـوا
استلـذوا واستمـدوا واستبـاحـوااواستبادوا حرمة النفـس الرضيـه
شجب واستنكار هذا اللـي نشوفـهماحدن منهم ظهـر واعلـن وقوفـه
الزمـن ماقـدّروا حتـى ظـروفـهالضمايـر ميتـه والـنـار حـيـه
همهـم ركـب الكدالـك والكراسـيوالمقـام اللـي يسمونـه ريـاسـي
والشعوب مقيّـده والوقـت قاسـيراعيّ. ماخاف مـن ذنـب الرعيـه
نصف قرن فوق عشر سنين راحـتواليهـود الغاصبـه فـيّ استباحـت
نارهم فينـي مـع الاعـوام فاحـتوالغـدر والظلـم وانـواع الاذيــه
العـداء تسـرق وتنهـب وإتّئـمّـرتقتـل الاطفـال وبـيـوت تـدّمـر
كـم وكـم مستوطنـه فينـي تعمـروالدمـاء مثـل المـزون العقربيـه
اليهـود اهـل الخيانـه والسذاجـهوالجهالـه والنـذالـه والهمـاجـه
واهل ذله لو حصـل يـوم المواجـهواهل حقـد فيـه غـدر وعنجهيـه
كيف اوقّـف ضدهـم وانـا لحالـيلاعـتـاد ولا حــلال ولاعيـالـي
إغتصـاب وفوضويـه واعتقـالـيواستباحتنـي الجيـوش البربـريـه
عذبونـي واعدمونـي واحرقـونـيبالسـلاسـل كبلـونـي قيـدونـي
لين صار االدمع . دم . في عيونـيوالمجازر في الصباح وفـي العشيـه
الارامــل .والثـكـالا .واليتـامـاوالشيوخ.اللـي يحبـون السـلامـا
تنتظـر وقفـة رياجـيـل نشـامـاوالنشامـا مالهـم حــسٍ وهـيّـه
اه انا من ماجـرى ياهـول هولـييوم انادي ماحـدن عنـدي وحولـي
بعد ماراحوا هـل الفعـل البطولـيمالقيت اللي اعتزي به فـي البقيـه
ااااه لو يدري صلاح الديـن عنكـملـودرى عنكـم بسيفـه مارحمكـم
كـل ابوكـم لا عجمكـم لاّعربـكـمذا جزاكـم يـوم ضيعـتُ الوصيـه
اذكـرو (حطيـن )واللـي محتميهـاوذكروا وقعة صـلاح الديـن فيهـا
(ياطبريـه) ذكّريـهـم واذكريـهـاوالعّبيهـا فـي هدفـهـم لولبـيـه
(يابجيـلـه) ذكريـهـم بالبطـولـهوابن ابي الوقاص تشهد لـه فعولـه
من بطوله في بطولـه فـي بطولـهانهـزم رستـم وجيـش الفارسيـه
كـم وياكـم مـن بطـولات كثيـرهوالجيوش اللي على الطاغي مغيـره
حققوا نصراً علـى طـول المسيـرهعـزة الاسـلام مـن عـزة وليّـه
وينكـم ياللـي تحبـون الشـهـادةفرصـة مـا مثلهـا ياهـل العبـادة
والله انها العـز وانـواع السعـادهنصـرة المظلـوم تدفـع كـل سيـه
والله ان جدانكـم كانـوا دواهــيمايعرفـون المراقـص والمـلاهـي
ماتربوا فـي الشـوارع والمقاهـيمجدهـم تاريـخ وعـزوم قـويـه
انظروا ماذا حصـل مدفـع وغـارهاليهـودي يـم غـزه شـب نـاره
والدماء في كـل بيـت وكـل حـارهتقـتـل الارواح وطـفـالٍ بـريـه
ينقلون اللي حصل صوتن وصـورهعارفيـن مابقـى فيـكـم مـعـوره
واللتهيتوا فـي نقـل دوره وكـورهوالمزايـن واللـحـون السامـريـه
والمسلسـل والآكاديمـي وغـيـرهوالمسـارح والدعايـات الحقـيـره
وانشغلتـوا بالحكـايـات المثـيـرهفي لميس وفي بـرا مـج شاعريـه
بعضكـم .ولا بعضكـم فيـه. همـهادري ان وده يفاديـنـي بـدمــه
واعرف اني شغله الشاغـل وهمـهبـس مالـه فـي زمانـه مقدريـه
والدليل اللي حصـل والكـل خايـففـوق راسـي بالمدافـع والقذايـف
صوبتنـي والعـرب والكـل شايـفماورد حـيٍٍ علـى حـوض المنيـه
والدليـل انكـم .ترازمتـم . كـذيّـاإن مـا فيكـم .نـدا . ولا حمـيّـا
جعلـكـم زاد الحـوائـم والحـديّـامانبـي منكـم عـطـاء ولاهـديـه
الهدايـا والعطـاء قـدح الفتيـلـهوالمجابـه بالقصيـره والطويـلـه
بالقنابـل والصـواريـخ الثقيـلـهوالتحـدي فـي خشـوم المدفعـيـه
والله انها ياعـرب عيـبٍ وعيـرهيوم ما اقدرتـوا تفكـون الاسيـره
كن مافيكـم علـى الاسـلام غيـرهوالوفاء من عـادت النـاس الوفيـه
فـي مخططهـم نوايـاهـم لعيـنـهيـم مصـر ويـم لبنـان الحزينـه
وبعدهـا يبغـون مكـه والمديـنـهعذرهم خيبر ويثـرب فـي الدعيـه
ويم سوريّـا والاردن واهـل دجلـهوالعراق اللـي لـه الهّمـات عجلـه
في نواياهـم ردى وعيـون حجلـهفـي الخليـج الّهُـم نوايـا باطنيـه
اااه يا فيصل لوّ انـه طـال عمـرهما انجنا من نخلنـا للغـرب تمـره
كان كلن يحسب الف حساب لامـرهارهف امن السيف واثقل من طميـه
قال لـه كلمـه وكلـن قـد فطنهـاهزة العالـم وخـاف الغـرب منهـا
لوبقى فيصـل سنيـن مـن زمنهـاصار نصـر مثـل نصـر القادسيـه
والامـل لازال بعـد ه فـي خوانـههقوتي فيصل وابـو متعـب مكانـه
الامانـه مالهـا الا هـل الامـانـهوالفرج بيد الولـي منشـي الرفيـه
قمت اقاطعهـا ولـو ماهـو بـوديقلت هدي العلم والموضـوع هـدي
االقضيـه بالتعنـصـر والتـحـديوانتـي اخبـر بالقضيـه ياذكـيـه
ابشـري يابنـت باللـي تطلبيـنـهاسمحي لي فـي جـوابٍ تسمعينـه
والله انا منـك عشنـا فـي غبينـهوالغبينـه سببـت مـوتـه بطـيـه
صايرٍ يابنت فـي الدعـوى تخالـفالنصـارى واليهـود اكبـر تحالـف
كونـوا قـوه وعهـد كـان تالـفواصبحوا اكبر مثل فـي العنصريـه
من وعد بلفـور مخـراج االظليمـهاستهانو به وهـو مسـرح جريمـه
لين صرتي بيـن خلـق الله يتيمـهوالتـهـاون زوّد الكـيـه بكـيّـه
استغلونـا بعـد ضعـف الخـلافـهما اجتهدنا نحسب ان الوضـع تافـه
ماحسبنـا للعـواقـب وللمسـافـهوالنفـوس الخاينـه ماهـي نقـيـه
في السنين التاليـه بـوش ابتلانـاله ثمان سنيـن يغـزل فـي لحانـا
قََتـل الاطفـال واستحيـا نسـانـاعيّـد بصـدام فـي عيـد الضحيـه
انكشف سـرٍ يكنـه فـي ضميـرهالهـدف لسلامنـا ينهـي مصيـره
والمصالح في الخليج وفي الجزيـرهمـن رداه شعوبنـا فـي مأسويـه
اكبر ارهابي علـى وجـه البسيطـهبالدماء غير وعـدل فـي الخريطـه
ياكثر حقده على الشـرق ومحيطـهمالنـا عـنـده وربـعـه قابلـيـه
بوش الابن وبوش الاكبر والنصارىخططـو تخطيـط وافكـار تـبـارى
والهدف نصبـح مساكيـن وفقـاراحقدهـم مدفـون وانفسهـم رديـه
خططو غزو الكويت إمـن العراقـيابرمواخـطـة وفـكـره واتفـاقـي
واقبلوا بجيوشهـم لاجـل النفاقـيلين فـاوزا فـي نجـاح المسرحيـه
حـن علـى نياتنـا رحنـا وجينـامادريـنـا بالعـواقـب مـادريـنـا
واصبحوا في كـل دار وكـل مينـاوالقواعد فـي النجـف والناصريـه
الشعوب إمن القهـر يابنـت ماتـوامالهـم حيلـه ولـوّ نامـوا وباتـوا
القيـادات السبـب راحـوا وفاتـواواغـدّرت فيهـم قيـادات اجنبيـه
ياوطـنـا ياعـربـنـا يـاوطـنـاالبـلاء واللـي حصـل فينـا ومنـا
ضعفنـا فـي ديننـا حطـم امـنّـاوالخوافـي مـاش والنيـه مطـيـه
واختلاف الراي فينـا صـار عـادهوالتمسـك فـي الرياسـه والقيـاده
والهـواء لاهـب مارحـم الجـرادهوالعـذر يابنـت غلطـه مطبعـيـه
اعذريـنـا يافلسطـيـن الحبيـبـهان تكلمـنـا وعانـدنـا مصيـبـه
وان صبرنـا لحقنـا قهـر وغليبـهمـا لنـا الا الله عــلام الخفـيـه
سامحيـنـا سامحيـنـا سامحيـنـاوالله انحـن فـي مواجيبـك نسينـا
والله انحـن يالحبيبـه مارضيـنـاابشـري بالخيـر والدنيـا مـديـه
لوّ تكاتفنـا عـل الحـق انتصرنـافي سنام المجـد رحنـا واشتهرنـا
وان تجمّعنا على الموعـد حضرنـاواتحـدنـا بالقـلـوب وبالهـويـه
والله انا اهـل المـروه والشجاعـهلـوّ تجمعنـا علـى العليـا جماعـه
كان قـال المعتـدي سمـع وطاعـهلـوّ تكاتفنـا بـحـزم ومعنـويـه
اسمعي يابنـت لـوّ هـي بالتمانـيكانت شعوب العرب قاصـي ودانـي
وارديـن المعركـه والعمـر فانـييشربون المـوت شـرب الشاذليـه
للجـهـاد وللشـهـاده والمجـابـهيفرحـون اليـا فتـح يابنـت بابـه
طبعهـم مـن مـدة ايـام الصحابـهفي الخنـادق قبـل صنـع البندقيـه
ابشري بالنصـر مـن رب العبـاديبعد مانقبل علـى صـوت الجهـادي
ان كتبـه الله ونـادى لـه منـاديسـجـل التـاريـخ نصرللقضـيـه
قاطعتنـي فـي كلامـي واحرجتنـيطبطبت بكفوفها مـن فـو ق متنـي
وادعتنـي ليتهـا مـا وادعتـنـيفٍقت من نومي وانـا عينـي شقيـه
ارهقتني فـي منامـي مـن حكاهـاليتهـا مابينـت لـي عـن خفاهـا
دمع عيني مـن سببهـا هـل ماهـاذوقتنـي مـن قهرهـا سـم حيـه
قمت اصلي واطلب الله في صلاتـياطلبـه وارجيـه توحيـد الشتاتـي
واطلبـه نصـر الليالـي المقبلاتـيوان يوحدنـا ويجمعـنـا سـويـه
وان يعـز اسلامنـا ويديـم عــزهوان يحقق نصرنـا فـي كـل حـزه
وان يكون النصر معكم ياهـل غـزهيامقابيس الوغـي فـي كـل هيـه
انتـم اللـي تستحقـون الاشــادهوانتـم اللـي تستحقـون الشهـاده
وانتـم اللـي تستحقـون القـيـادهمرهقيـن اكبـر قواعـد عسكريـه
انتـم اللـي تستحقـون المـدايـحمن هو اللي غيركم جـاب الفلايـح
صامديـن للعـداء والـدم سـايـحفي سبيـل الله وفـي نصـرة نبيـه
في الحقيقه ماشكيـت الا علـى اللهوالشكـاوي عنـد غيـر الله مذلـه
سامحوني كان فـي الطـاروق زلـهالمعـذره وان حصـل منـي خطيـه
والنهايـه الـف صلـى الله وسلـمعالنبـي اللـي لنـا ربّـا وعـلـم
خيـر مـن للحـق والدعـوة تكلـمالنبـي الهاشمـي خـيـر البـريـه

] اما تزوّج جـادلٍ بنـت رجّـالدهماً.. تحط عطاس راسك براسـك
لصار راسك ممتلي طيش وإهبـالترجع وراسك فاضي من إعطاسك
ولا اترك الدوّّّاج ودروب الانـذالوالله ماترفـع مقـامـك وبـاسـك
عيب عليك إن كان لك بيت وعيـالتلبـس ثيـاب ماتناسـب مقاسـك
يلحقك ذنب وعيب في كل الاحوالوإبليس يلقى فرصته يـوم حاسـك
ويزين فيك الهرج والقيـل والقـالحتى هلك واللـي يحبـك وناسـك
يلحقك منهم هـرج لايـم و عـذالوحتى الامور الصح تمشي عكاسك
وإعرف ترى للناس قيمه ومنـزالوتلبس لباس مثـل لبسـك لباسـك
وعندك مثل ماعندهـم زول وازوالواعراضهم ماتنحّسب فـي قياسـك
إذكر مثل في سابق الوقت ويش قالإتذكّرك به حاسـةٍ مـن حواسـك
واليا ذكرته يمكـن اتغيّـر الحـالوإتعاف كاسٍ تشربه غيـر كاسـك
وإن زال ناقوس الخطر والغلط زالعرفت منهاجك وطيبـك وساسـك
اما طلع لك صيت واعلوم وافعـالولا قطعت عروق عـزك بفاسـك
من لادرى عن دين ربه ولا سـاللوّ مال وقتـه ماهقيـت إيتماسـك
ومن لا عرف عن قيمة الجاه والمالمثل الذي في الحج جهل المناسـك
عليك باللـي بيـده آمـال وآجـالخلك بعروة دين الاسـلام ماسـك
وتصير طيب حظ وامجـددّ امـالوان طابت امالك تجـدّد حماسـك
لاينقطع ياسـك وبـادر بالاعمـالخل الرجاء مابين حلمـك وياسـك
حاول تغانم فرصة العمر لوّ طـالعسى تصلّـح غلطتـك وإنتكاسـك
الموت له ميعاد و العمـر رحـالوإن مارفعت الراس وطيت راسـك

قالـوا نبـي منـك قصيـدة جديـدهشاعر ولد شاعر ومن بيـت شعـار
عطنـا البيـوت الفاتنـات الفـريـدهاختـار ولاّ ودّنـا مـنـك نخـتـار
قلت القصيد اليـوم كـل لـه اييـدهنصف الشعب صاروا من الشعر تجار
كلـن تفنـن فـي تنّـوع رصـيـدهبين الريـال وبيـن درهـم ودينـار
كـم واحـد يبغـى يسـوي ولـيـدهاهم شـيٍٍ ٍ يلفـت قلـوب وانظـار
واكبر طموحه صورته في الجريـدهولا ظهوره فـي قنـوات الا شعـار
وليا حصل زرقـه وفرصـه سعيـدهيمكن يشارك فـي اكاديمـي استـار
رخص الشعر ما بين عبـده وسيـدهماعاد لـه حشمـه وقيمـه ومقـدار
اتناهشـوا لحمـه وجـزوا وريــدهماكنّـه الا هبـرةٍ عـنـد جــزار
حتـى شواعيـر الغنـا والنشـيـدهقالوا لهـم شعـار جزليـن وكبـار
وصاروا شريحه في البلـد مستفيـدهاخذوا حكايـة قصـة الهـر والفـار
هـاذي الحقيقـه والعلـوم الاكـيـدهمن زعل منها يلتفت لا اقرب اجـدار
خلاص. ولاّ . كِل ما اقلـت اعيـده؟بعض المجامل يدخل العبد في ا لنـار
المعـذره مـا عـاد عنـدي قصيـدهمن يوم صار اهطيل وانطيـل شعـار

البارحة ساهرٍ عيت عيوني تناماسبابها اللي خذا رورحي وقفابها
كني سجين بعدها عايش في ظلامفي حجرةٍ مظلمة ماينفتح بابها
يازين صدك وهجرانك لمثلي حرامالله ولا عشرةٍ ماضحك لي نابها
العشق ماهو كذا العشق ود وغراماما لها ياللطيف الروح ولابها
اخاف يلحقك من خولان هرج وملامهرجة قفا ماتسراللي تحاكا بها
اما تزيد الرضى ولا نزيد الخصامما ارضى عليك الخطية وانت ترضابها
وان صار فيها زعل يصير فيه انقساموليا انقسمنا عدانا تفتل اشنابها
العام يوم الزعل بين المحبين قاموقامت صقور الهداد تحد مخلابها
حطيت يدّي بيدك ياحسين الوشاممحبةٍ اهل الوفاء ماباروا اصحابها
تأمر وانفذ الاوامر في جميع المهامواقول لبيه اربك تحسب احسابها
واليوم اشوفك نسيت الود والاهتمامماهي بها ياحبيب الروح ويش جابها
ان كان هذا الغلاء والود والاحترامعفت المحبة وخليتك تهنابها
تجهل نظامي وانا علي يمشي النظامواللي ذبحني حِلاك اللي تحلابها
البلبل اللي يغرد يوم ناح الحمامغنابها بس مادري كيف غنابها
خل الحيّل والتغطرس ياعزيز المقامبعض التماني وهّم للي تمنابها
هذا مثل يذكرونه قبل تسعين عاماللي تغدى بكذبه ماتعشابها

لي ثمان سنين ادّور لي مـع العالـم وظيفـهوالغريب اني مخضـرم والشهـاده جامعيـه
والبلد مليان مثلـي يمكـن انهـم بالنصيفـهوالبطالـه كونـت فـي مجتمعنـا عنصريـه
زعل ابوي وزعلت امي واصبحت حاله مخيفهمالهـم غيـري وانـا ودي بخدمـة والديـه
يرتجون الفايـده والفايـده صـارت كليفـهوالفقر دكا علـى المركـى ودن السمسميـه
ان بغيت النوم عفته وان بغيت الزاد اعيفـهحالتي يرثالهـا والاقربـاء شرهـوا عليـه
صارت قلوب البشر قشرا بعد كانـت لطيفـهيـوم ماعنـدي وظيفـه مابقالـي قابلـيـه
والوظايـف سكـروا بيبانهـا كلـن وكيفـهوالتجـارة روّحـت بيـد العمالـه الاجنبيـه
سجلوني لو على بنـد الاجـورات الضعيفـهمن خذيت الجامعه ما طب قـرشٍ فـي يديـه
باشتري لابوي غتره واشتري لامي قطيفـهكم تمنيت اشتري لابوي ولاّ امـي.. هديـه
وعـاد قدامـي زواج ومستحقـاتٍ خفيـفـهياهني اللي توظـف فـي الحكومـه واهنيـه
اكتبوني حارس كلـن تشّبـث فـي رغيفـهبعد ماكنت احلم اني فـي قطـاع العسكريـه
البطل صار الضحيه بيـن بـارع والعسيفـهالله اكبر يازمـان صـاروا ابطالـه ضحيـه
ليت وادي فاطمه سيلـه مثـل وادي حنيفـهكان نبت العشب بين الكوع وشـداد المطيـه
المشاكـل حلهـا عنـد الرياجيـل الشريفـهمالهـا الا سيـدي نايـف وزيـر الداخليـه

اقبل وشهر الصوم والمغفرة فـاتعساه عيـد المجـد والانتصـارا
العيد قرّب مابقي غيـر ساعـاتودي اعايدكـم كبـار وصـغـارا
قبل الزحام ومشكلـة الاتصـالاتللي هبت شعب الجزيـره طفـارا
تحسب علينا بالهلـل والريـالاتحتـى غدينـا كـل ابونـا فقـارا
ناكل بعضنا ماكل الذئـب للشـاتوالحـل لله ثـم طـوال العـمـارا
اللي لهم في قمـة المجـد وقفـاتحكام نجد اهل الوفاء في الجـوارا
تكفى يابو متعب زبـون المهمـاتضاعو شبـاب المملكـة والعـذارا
صارورضحيـة للبلتـوث بالـذاتخطـة يهـود نفذتهـا النـصـارا
يا درع نا ياذخرنا عنـد الازمـاتياخـادم البيتيـن ستـر الديـارا
الغرب يصنع كل يـوم صناعـاتوحنا على بعض العلـوم إنتبـارا
حييين لكّناعلـى حسبـة امـواتنقضي لليالي العـام كلـه سهـارا
هـذا اذا مافيـه روحـه وجيـاتامـا كــذا ولا كـذيـا حـيـارا
اللي على الترقيم واللي على الشاتواللي على جسر المحبـه سكـارا
مـع احترامـي للبنـي العفيفـاتللي لهـن فـي مجتمعنـا وقـارا
ولا الشباب مطبقة شـرح الايـاتاللي علـى سنـة محمـد غيـارا

ياهيه ياللي تحسب الوضع سـادهالعقـل نعمـه والتكّبـر زريــه
والدين رحمة والعبـاده سعـادهوالفضل لله والتغطـرس خطيـه
اسمع كلامي حسب نص الا فـادهوانت اعتبرها من صحيبك وصيه
الرزق قسمت ربنا فـي عبـادهكلن عطـاه الله قسمـه عطيـه
كلن حسب ما الله كتب له وارادهوانا رضيت بما تحوشـه يديـه
العبد لوّ رزقـه يجـي بإجتهـادهكانت بنوك الشرق والغرب ليّـه
ومن غير ذالك كان عندي زيادهعماير اهـل ادبـي والفيصليـه
وعندي وعندي في التجاره عمادهومؤسسـات كلـهـا عالمـيـه
وعندي على تجار لنـدن سيـادهوتُجّار اهـل باريـس والبندقيـه
وحطيت برج المملكة لي عيـادهوسويت لي مضياف في العاذريه
وسويت لي شرهه وسويت عادهوسويت مضمار الفرس والمطيه
والمستحق اعطيه وادفع سـدادهامـا عطـا محتـاج ولا هديـه
كلن حسب ظنه وحسب اعتقـادهوانا على ظني شرحت القضيـه
وليّت يا هـذا الزمـان ونكـادهكم من حلي قـام يشـذب حليّـه
الادمي ينّحـب حسـب اقتصـادهاما . هنـى . ولا حيـاةٍ شقيـه
العبد لو حصـل هـواه ومـرادهمكـن يمـوت وعلتـه داخليـه
العمـر يفنـا والليالـي مـزادهشبنـا ودنيانـا كماهـا صبيـه
لولا التفنن في الذكـاء والبـلادهماصارت عقول الثعالـب ذكيـه
واللي غباه اصبح مغطي فـوادهيبقى مكانه ضمـن قـوم غبيـه
اللـي يدمـر مجتمعـه وبـلادهاكيـد مالـه عنـدنـا قابلـيـه
انا عرفـت مزوّريـن الشهـادهاللي تبث السـم فـي الشاذليـه
هبي عليهـم ياسفـوف الرمـادههبت عصير هب تالـي عشيـه
مالي وراهم صبح لليل وسـوادهذمتـك ياخـولان منهـم بريـه
ابعد عن اهل الشك واهل القرادهفي يوم من الايام مالـك هويـه
البعـد عنهـم والتوّحـد عبـادهيكفيني اهـل المعرفـه والحميـه
ربعن لهم بالطيب والجود عـادهلـى سلـوم اجدادهـم الاوليـه
الديـن فيهـم والـولاء للقيـادهعلـى كتـاب الله وسنـة نبيـه
اللـي يشاركنـي شرابـه وزادهواللي يدافع فـي غيابـي عليـه
دايم على الله منهجـه واعتمـادههذا خويـي واعتبرنـي خويـه
عسى النسيم اللي يذعذع بـرادهعسى عبيره طـم نجـد العذيـه

لصار مالك من رفيقـك مـودّهخله ولا تتعب على شان ترضيه
اللي معك ساعه وينسـاك مـدّهوزيارته لك يوم تفضى مخابيـه
ماجاب له بين النشامـا مسـدّهالله ولا رفقة رفيـق المشاريـه
هذا الذي مافيـه لطيـب نـدّهخله يدّور لـه حلـيٍ يخاويـه
دور رفيق فـي اللـوازم تعـدّهيفرح بشوفك وانت تفرح وتغليه
اللي علوم الطيـب ورث لجـدّهماجات. بدعه غير من ترثة ابيه
اللي يوّدك وانـت مثلـه تـوّدهومن غير هذا كل فرضٍ يصليه
لجاء لزوم بين الاجـواد سـدّهتطرب لفزعاته وتطرب لطاريـه
هذا على ما تملك النفـس بـدّهولا هو بلاقي غير حاضر ولبيه
ولا الردي ماله من العيب صدّهحتى التشّّره لاحقٍٍ في عوانيـه
اللي لبس له ثوب ماهـو بقـدّهاما قصر ولاّ عثّر بين رجليـه

ياهاجسي سريت بي فـوق الذلـولاللـي خطاويهـا تـهـد عقالـهـا
في ساعـةٍ عيـا خطرهـا لايـزولعجايـب الدنيـا بهـا واهوالـهـا
لليـلٍ هوايلهـا وظلماهـا تـهـولغابـت ثريّاهـا وغـااااب هلالهـا
فجت فيافي الارض ضلعان وسهولماهمهـا سهـل الخـلاء واجبالهـا
قامت تمايل بي وانـا قلبـي ميـوللاغنت الورقى طـرب غنـى لهـا
تومي هبايب نجد به في كـل حـولفـي حالـةٍ قولـوا معـي يرثالهـا
وده يقـول ولايقـول اللـي يقـولعـن حاجـةٍ مـا وده انـه قالهـا
تدري بها العراف وكبـار العقـولاللـي تعـرف اقصارهـا وطوالهـا
واللي تفكر بالخروج امـن الدخـولقـومٍ تمـيـز دقـهـا وجلالـهـا
انا اعتبرها في نظر عينـي فحـولقـرومٍ قــومٍ وافــي مكيالـهـا
مرّت بها سود الليالـي والفصـولمما تشـوف النـوم مايهنـى لهـا
ياشاعر المليوون قـول ولاتطـولفي روضةٍ خضراء وفيّـت شالهـا
خل البيوت عيونهـا روقٍ وحـولواحسـب لشيلتهـا مـع موالـهـا
والصوت خله في المسامع له ذهولوالفرصة اللـي جـاااات لاتغتالهـا
خلك على حسب الطلب حسب المثولامـا لـهـم ولاّ لـكـم ولاّ لـهـا
وابشر بتصويته على حسب الميولعبر القنـاة اللـي تبـث ارسالهـا
صارت مثل الاسهم طلوع في نزولواهدافـهـا دينـارهـا وريالـهـأ
ظهر الجمل قامت تزايمـه الحمـولمـرٍ يزايمهـا و مــرٍ شالـهـا
ما تلحق الشرهـه ردييـن الفعـولشرهـة قوافلهـا عـل جمّالـهـاا
ياطيرابن برماان صول ولا تجـولصيدتـك لاتتعـب ولا تشقـى لهـا
حـب المضاهروالغوانـي والطبـولاصبح غنيمه عند مـن يعنـى لهـا
اصبح لهم عشقٍ امحلى ومعسّـولاحـب مـن حـب المـره لعيالهـا
الذيب يقنـب والجحـارة للثعـوولثعالـبٍ قـامـت تـهـز اذيالـهـا
ياهاجسي معنـاك حـاول لا يطـوللاتبتلـش بالوانـهـا واشكالـهـا
حاول تجيب من البحر ماسٍ ولـولهات الجواهـر والـدرر وامثالهـا
لجيت مابيـن النشامـا والزحـولاهـل الفعـول اللـي تعـد افعالهـا
اقولهـا واعدهـا حسـب الاصـولعسـى تجملنـي مــع عقالـهـا
يالله عسى ياتي لها عنـدك قبـولاخير مـن حـب الشيـوخ ومالهـا

وزير الاعلام ردوا له وقولـوا لـهوزارة اعلامنـا ياكبـر غلطتـهـا
تكفون تكفون قولوا لـه وردولـهاكبر خطيه رضاهم عـن خطيتهـا
وقولوا لناس معه في منصبه حولهاهل الامانات تُسـأل عـن امانتهـا
قولوا لناسٍ عن الاسـلام مسئولـهما نسمـع الا بطاريهـا وسمعتهـا
اللي حصل في بلد الاسلام ياهولـهغلطه كبيره ولا ادري كيف رضيتها
جريمة العصر منها غيـر مقبولـهفي منهج الشرع والدوله وسلطتهـا
في حق الاسلام مقصوده و معمولهواهدافها واضحه من نهـج نيتهـا
الحاصل اللي حصل ياجور محصولهوالمشكله في المشايخ كيف طاعتها
الجنس والزندقه والكفر ويش هولهفي معرض اكتابهم جابوا روايتهـا
واكبر مصيبه كتب الالحاد وذيولـهماحدٍ درى كيـف لمتهـا وجابتهـا
ياعنك خطة ردى بالعمـد مفعولـهمن قوم تبرم ورى الاسلام خطتهـا
اهدافها بالخـزي ولعـار محمولـهوشباب الاسلام والسنـة ضحيتهـا
هاذي مصيبه على الاسلام واصولهالله يستر ويلطـف مـن نهايتهـا
في ارض هذا الوطن ماهي بمعقوله!اهل الكفر كتبها ننشـر دعايتهـا؟
اللي تسب النبي بالكـذب وّطولـه!وتسب الاسلام هل نرغب مودتهـا؟
اكيد هـاذي نوايـا نـاس مغلولـهناسن عسى الله يكشف سر غايتها
افكارها بالردى والهـدم مشغولـهماهمها الآّ خراب االديـن واٌمتهـا
حتى المره والمـره دره ومجمولـهيبغون نزع الحجاب ونزع غطوتها
يبغون تحريرها وتصيـر مجهولـهوان كان صارت كذا راحت كرامتها
اوضاعنا من بعضنا ليش مخذولـه؟قـومٍ تغّيـر مذاهبهـا وسنتـهـا
ناس تضاها بفعـل الشـر وتقولـهيا كثر ماتتفتـري ياقـل غيرتهـا
يالله ياللي لـه الُعُبّـاد صلّـوا لـهيارب تهـدي عبـادك وانّ تثّبتهـا
يارب وفق ملكنـا واحفـظ الدولـهالدوله اللي علـى الاسـلام ملتهـا

شريط صبرك فر ويلـف وييعيـدياقّو عزمـك يـا وسيـع البنايـد
بين الرجا والياس والعبد والسيـداصبر لها صبر الجمـل للشدايـد
وانا هواجيسي صـدور ومواريـدوالهـم يطـوي حالتـي ويتزايـد
كني سجين حز في رجلـه القيـدولا مريض عاف حتـى الوسايـد
رفقة هل المعروف واهل الوفا فيديفدونهـم قـومٍ تبيـح السدايـد
انا عرفت اصحابنا زيـد وعبيـدياما استفدت من التجارب فوايـد
الشعر حكمـه والمعانـي مفاريـدولا كل شاعر بارع في القصايـد
ولاكل من ركب الفرس قال اناتيـدولاكـل مـن قـاد الطوابيرقايـد
ولاكل من لقّب با ابوزيد ابوزيـدولا كل من سمـوه زايـد بزايـد
ولاكل من واعد صدق في المواعيدولاكل من عيّد مـع العيـد عايـد
اهل الحداثه والهزل جابـو العيـدحسبي عليهم مرخصيـن الجدايـد
لشفتهـم معـا .............يـداحزن على سلم العـرب واتعايـد
وجه الشبه ماينقص الشكل ويزيدالشكل واحد فـرق بـس القلايـد
وحنا بـدو لنـا طبـوع وتقاليـدعلـى سلـوم اجدادنـا والعوايـد
ليـا وردنـا صافيـات المواريـدنارد ولانخشـى ضعـاف العقايـد
نلطم عيون اهل الردى بالعباريـدوناطا على خشم العداء وانتسايـد
ونخشا من الشرهه وبعض المناقيدوالعيب ماله فـي طرفنـا مصايـد
ولا نأمن الدنيا وهـرج المقاريـدللـي يحبـون الحكـى والزوايـد
والعلم له معنى ومصـدر وتحديـدوالصدق بيّن وامن الاوطان سايد
لاهان ديوان العرب يـا الاجاويـدفيه الـدرر والمبهمـات الفرايـد
ورخ لنـا تاريـخ قـومٍ صناديـدسجـل لهـم مجـد تعلـى ونايـد
اللي لهم في العز والمجـد تمجيـدماحرفّوا سلـم العـرب والبدايـد
حنا بلشنا في هل الكـذب والكيـداللي تكّتب على الورق والجرايـد
اللي ينقص في التواريـخ ويزيـدويله من الله يوم فـرز الشهايـد

سلامي على العتبان ومزاين العتبانسلامي على اللي صيتهم واضح دوره
قبيله لها بين القبايل مكان وشانعلى العز والناموس والطيب مشهوره
هل السيف واهل الرمح والخيل والميدانواهل خوةٍ من سابق الوقت مذكورة
واهل فزعةٍ لبان وقت اللزوم وحانواهل ديرةٍ على العز والساس معموره
وأهل كرمةٍ يشبع بها التايه الجيعانويشبع بها سرحان والبر وانسوره
رجال مواقفها على الثبت والبرهانفعايال عتيبة مجدها ساطع نوره
وانا . لوّ . باعد ابطالهم كلهم فرسانمشايخ مع فرسان شجعان وا نموره
على رأس شيخ شاع صيته مع العربانمسجل له التاريخ في عهده أحضوره
خذينا معاهم سجةٍ في زمان كانوكلن على صيد الفلا يسبر صقوره
عتيبه عتيبه ياهل المدح ياالظفرانطحاطيح روس و فخرها عاليٍ سوره
اقوله نيابه عن شموخ العرب قحطانبني عمي اللي فعلهم فخر. واسطوره
تراحيبنا وفعولنا للعرب عنوانرقينا سنام المجد . وآعز . مقصوره
زمان مضى يوم الفشق محزمه ملياننحتنا الفخر والنصر في نجد واصخوره
ويشهد لنا فعل ابن هادي وابن هدلانويشهد لنا تاريخ الامجاد وعصوره
وياعتيبة الهيلا هل الملتقى الرنانمواقيفكم يشهد لها البر وابحوره
سعيتوا على العليا مشايخ مع الاعيانعلى الطيب والاعلام خضراء ومنشوره
على طاعة الله واحد رازقٍ رحمنعظيم الجلال اللي له الناس ماموره
وعلى سنة الهادي محمد وعل آلقرانوبنيتوا مزاينكم و وقويتوا جسوره
وطاعة ولي الامر في الراي والحسبانواظفتوا على حب الوطن بهجة اسروره
ولافي المزاين غير جمعا ورفعت شانعلى الطيب والاحوال يسره وميسوره
وهذا وكلٍ مزاين يعتبر ميزانمرسّم على وضح النقاء ما اختلف شوره
ولايكتب الهرج المّزور سوا الضيعانهل السم في الاقلام وعقول مسحوره
هل العلمنه والملحد ة زمرة الشيطانيقولون قول يخلف الرجل وشعوره
تذم المزاين واتتطأول على البدوانتصفّق مع الفنان وتمجّد الكوره
تهّمش على عادتنا اللي من الجدانلوّ انها تعذر عذر ماهي بمعذوره
سواليفهم وهروجهم تزعل الفهمانتشب الفتن كنها على الكذب مجبوره
وحنا قبايل نصرة . الدين والايمانعلى فطرة الاسلام من منبع ظهوره
و نزهى عقيدتنا ولا نقبل الخذلانعلى منهج الله حسب شرعة ودستوره
ولانعرف اهل الكذب والزور والبهتانعسى اللي يدّور للردى ينفجر زوره
ولاعندنا غير الولاء. شايب. وشبّانومن فضل ربي كل الاحوال مستوره
يعيش الملك وتعيش ياخيرة الاوطانعسانا فداك وزمرة الشرك مقهوره
نحب الوطن ونذود عنه ولّو ننهانولاّعندنا ضده . تحزّب . ولا. ثوره
ولا ّنا لا بو متعب تزايد بلا نقصانمليك فرض حبه لشعبه وجمهوره
مليك جرى حبه مع الدم في الشريانعلى غيبته نشفق وننصاه ونزوره
كريم السجايا العاهل القايد الربانمزاياه معدومه وفضلاه مشكوره
حبيب العرب صقر العرب قايد الشجعانعسانا فدا له من عنا الوقت وشروره
ويسلم لنا طير السعد سيدي سلطانولي العهد ياتاج شعبه ومنظوره
نعيش برغد ونعيش في نعمةٍ وامانتحت هيبة اللي في التواريخ منصوره
سعاطير نجد اللي حمت ماورى الحدانملوك الجزير وأهل الاضغان مدحوره
تحت راية ابن سعود صرنا مثل الاخوانكيان بناها القايد الفذ اخو نوره
وختم الكلام المجد في ملتقى العتبانلقيناه يالعتبان. بالصوت. والصوره

ياقاف في صياف غن الطواريقهات البيوت اللي على الكيف ياقاف
بنات فكري قامت اطل وتويقولاني بشاعر كان ما ارثيت صياف
انا علّيه للنشاما مواثيقللي لهم في قمة المجد مشراف
قولو معي يا هل الوفاء يا مطاليقمرحوم ياللي له مع الشعر ميقاف
الشاعر اللي وثق الشعر توثيقينعاه شعر الرد محراف محراف
وينعاك منهو في معانيك عِشيقوتنعاك حرب اهل الوفاء روؤس واشراف
من غيبتك والشعر من ضيق في ضيقواليوم جاله ضربة فوق الانجاف
وصياف من موته نشف عندي الريقوالحزن يبس بطن وديان وارياف
الموت حق ولا على الموت تعليقلكن به بين العرب رؤس واطراف
يالله يارحمان والي المخاليقعلام ماتكتب ملايكة الاكتاف
ترحم فقيد بعد ماغاب ما اطيقلا اقرى ولا اسمع عنه هرجه وسولاف
اللي موّرث له ذهب في صناديقالله عسى ما الشعر بعده بينعاف
الشعر باسمه شامخ المجد ويليقباللي لعسرات المحاريف عساف

لاتعتذر مني تـرى العـذر مرفـوضمالك عذر لو كـان غيـرك عذرتـه
قدرك عليّه حق وارضـاك مفـروضوغـلاك مـن بيـن الحنايـا قبرتـه
ماودي ابْحر معك في العلم واخـوضاخـاف لاذكـر شـي ماقـد ذكرتـه
بيني وبينك سـر غالـي ومحفـوضوقصر الوفاء بينـي وبينـك عمرتـه
وانا على رفقتـك فائـز ومحضـوضوورد الوفـاء علـى مكانـك نثرتـه
اللـي علاقتهـم بلاكـذب وعـروضيبقى الغـلا مـن بينهـم زاد كرتـه
صحيح دنيانـا توافيـق وحضـوضوانا علـى شـرواك يامـا انتظرتـه
و اللي محبتهـم عقـارات وقـروضالقلـب عنهـم لنكـسـر ماجبـرتـه
الارض خضراء والمطر يروي الروضوالفضـل لله ربـي اللـي شكـرتـه
من ينكر المعروف عايـب ومبغـوضلوّ كان اخوي اللي من امـي هجرتـه
حتى ولوّ لي فيـه هقـوه وملحـوضلو مالت ايـام السنـه مـا اعتبرتـه
الله يجبر قلـب عايـض ومعيـوضويجبر عزايـه فـي خـوي خسرتـه
وختامها يارب شربـه مـن الحـوضحوض النبـي محمـد اللـي نصرتـه

ياملكنـا ياطويـل العمـر ياصقـر العروبـهملتجانا بعـد ربـي كـل ماضاقـت علينـا
ياحبيب الشعب ياستر الوطـن تاجـه وثوبـهفزعة المضيوم من صكات بقعـاء والسنينـا
حن نحارب شلة الارهاب واللي روجوو بـهواصبح الارهاب ياشهم النبـاء منـا وفينـا
نهب مادري سرق والحاصل ترى العالم دروبههئية في السوق رضيت في حلال المسلمينـا
نهبت اموال الضعافى والمساكيـن مغصوّبـهاغتصاب المال بيديهـم ولاهـو فـي يدينـا
فقرونا خسرونا والفقـر راحـو وجـو بـهقصدهم نصبح سوا الصومال ولا مثـل غينـا
النوايا خاربـه والفقـر والمقصـود صوبـهرايهـم معـروف واحنـا بالنوايـا خابرينـا
شلة ماهمهـا شـرق الوطـن ولا جنوبـههمهـم مكشـوف والدنيـا بلتنـا وابتلينـا
الفقير اليا تجر بيـن الخلايـق شهـرّو بـهوحن يابو متعب سواة الناس بعنا واشترينـا
لو شباب المملكة حصل رجـال رحبـو بـهكان ماراحو يابـو متعـب يسـار ولايمينـا
والسبايب من بني علمان في درب مشو بـهنهجهـم واسلوبهـم مافادنـا دنيـا وديـنـا
وانت ماغيرك يحكم الـراي ويحـط العقوبـهقبل ماتشمت عدانـا ياطويـل العمـر فينـا
لاتحدانا العـداء ونصيـر للعالـم اعجوبـهماشكينا الا على الله ثم على مثلـك شكينـا
وانت خيرك في الاذاعة والصحافه سولفو بهفي بـلاد المسلميـن وكـل دار وكـل مينـا
في الجزيره عايشين به وفي الشام اهرجّو بهوفي بلاد السند واهل الهنـد واروبـا وسينـا
المواطن دوب ما نبت اللحم على العظم دوبـهوانت ابونا وانت قائدنـا ولاغيـر ك رضينـا

(ولّ).. ياشارون ماجاك من يلعـن ثـواكِنِبت لك في تالي الوقـت ياملعـون ريـش
قمت تعبث في فلسطيـن وتسيّـر إخطـاككن مافي الارض غيرك يهيج ويستطيـش
والعرب كْنهمْ . هلْ. لك وربعك واصدقـاكماحدٍ منهـم تحّـرك ولاحـدٍ قـال ليـش
الشجيع من العرب قام يهـرج فـي قفـاكيشجب اللي منك يحصل ولايقـدر يهيـش
يامتـى عالعيـن ياتـي نهـار الاشتبـاكفي نهار فيه الاسـلام لـه قـوة وجيـش
يابني يعرب حصل فـي القيـادات احتكـاكالكراسـي سمّرتهـا شواكيـش الوريـش
قـام هـذا مثـل هـذا وهـذا مـثـل ذاكفي رضى اللي قام يخرش بني يعرب خريش
حـل فينـا الـذل والمهزلـه والارتـبـاككن.. حن.. من دون ذولاك ما نقدر نعيش
صاروا القادات قـادات كشخـه وامتـلاكوالشعوب معشعشه في بيوتٍ من عريـش
نبت في بخشاتنا عـود شيـح وعـود راكما استفدنا الا المساويك وصحون الجريش
قُطّفتْ الاثمار مابين ..سَـم.. وبين..هـاكلين صرنا في يد الغرب مثـل السندويـش
الذهب نرسله للغـرب مـن دون اشتـراكوهم علينا يرسلـون المخـدّر والحشيـش
همهم تدميـر الاسـلام ويصيـر انفكـاكمن زمان فات وقلوبهـم سـود وغشيـش
ياوطنا جعـل ربـي مـن الشـر ايحّمـاكجعل من ينويك بالشرشاله.. سيل.. بيـش
في رضا الله ياوطنا ثم رضانا في رضـاككـان حنـا مافدينـاك والاّ ويـش ويـش
دمنـا وارواحنـا ياوطـن تبقـى فــداكوالله ان حب الوطـن والغـلا ماينتهيـش

يالله ياللـي كـل عبٍـد سـالـهاللي له العبد التقـي صلـى لـه
سبحان من يسمع دبيـب النملـهعالصخـرة الصمـا بليـل كالـه
بالله تغفـر زلـتـي وذنـوبـيوجنبنـي الحقـران والختّـالـه
ويالله حسـن الخاتمـه يـاربـيولا تخليني علـى اهلـي عاالـه
ويارب جنبني الفتن فـي الدنيـاوفتنة مماتـي والقبـر واهوالـه
وفتنة حياتي والنساء اكبر فتنـهوفتنـة زمـان ظاهـرٍ دجـالـه
ويالله تعز الديـن واهـل السنّـةاللي علـى سنـة محمـد وآلـه
اللي على الاسـلام فيهـا غيـرهماجمعـت الاحـزاب والعمـالـه
ولا بهـا نـعـره ولا قومـيـهولا العروبـه والا الكـلام المالـه
تنهج على نهج الرسـول محمـدنبينا خيـر البشـر وازكـى لـه
افضل صلاةٍ على النبـي صلوهـااخيـر شـيٍ للفـتـى يبقـالـه
اعمالـه الزينـه وفعلـن طيـبماينفعـه لمـات غيـر اعمالـه
من بعدها يـا هاجسـي علمنـيعطني خبر بغداد ويـش احوالـه
قال الخبر كلن عـرف مضمونـهعلمن جبيـن المتقـي ينـدا لـه
لعبـوا علينـا زمـرة ملعـونـهويقودهم بـوش اللعيـن لحالـه
اتجمعوا من كل صـوب وديـرهواتقسموا نفـط العـراق ومالـه
وبوشن جمع له من النصارى شلهكلن خذالـه قسمتـن تهـدا لـه
وبليـر جاهـم فـازعٍ يتعـزوىومجّمـع لـه شـلـة واحثـالـه
يقول انا باسرق مع من يسـرقماكّنـه الا ورث لـه مـن خالـه
وباقي الدول تبغى تسوي سمعـهمصدقيـن بـوش فيمـا قـالـه
في زعمه المكذوب قبـل الازمـةاكبـر دمـار شامـل جينـا لـه
وبعض العرب صّدقه وايـد قولـههو ما درى انه غازين يعنى لـه
وجاونا وسوو شي مـا يتسـوىكلن يسوي مثل مـا سـوى لـه
وصار الفرات ونهر دجله تنعـىتنعى العرب وتقول ويش ذا الحاله
وبابل ينوح وينتخي فـي يعـربينخى العرب لكن ماحـدن جالـه
وبغـداد يابغـداد دار الحكـمـةارض الحضاره والزمن وارجالـه
انشد عرب هارون وانشد جعفـروانشد هل التاريخ ويـن ابطالـه
والبصرة اتوجد وتبكـي الكوفـهعلى الزمن والجيـش والخيالـه
اواه يـاهـذا الـزمـن التـالـيكلن عن اسلامـه ودينـه دالـه
كان العراق اشهر بلد في القـوهلـه هيبـة كـل يخـاف ظلالـه
كان النصـارى واليهـود تهابـهوالفرس ماتقـدر تطـول احبالـه
واليوم صار اضعف بلد في العالمماعاد لـه قـوه ولا لـه طالـه
كل السبب من بوش يلعـن جـدهحقده على الاسـلام سواهـا لـه
حقده على الاسلام وأهـل السنـهخلاه يرخص كـل مايطـرى لـه
ماهـو بحـب للخليـج ونـاسـهولا بحب أهل العراق . الا ّ.. لـه
لـه نيـةٍ معـروفـةٍ مكشـوفـهالله يقـطـع نيـتـه واشكـالـه
نصّـب بليمـر بالنيابـه حـاكـمواخذ بليمـر حصتـه فـي فالـه
وقال اصبروا المشكلـه معروفـهعامين ويجيكم خبـر منهـا لـه
يبغى يسوي شي فـي ذي المـدهوسواء لشارون اليهـودي قالـه
حّول له النفـط العراقـي منحـةوشعب العراق امن القهر يرثالـه
يضحك على السنه وحط اليـاورريس يكّشـخ غترتـه واعقالـه
من شان نرضى با احتلال الكافـرونقـول هـذا ريـسٍ فزنـا لـه
ولا الروافض كـل ابوهـم ربعـهيعدهـم كنهـم هلـه واعيـالـه
لاّن هّـم مثلـه واللعـن مـنـهوهذا البلاء اللي كلنا نخشـى لـه
صدام سوى فـي حياتـه حاجـهيعجز بهـا غيـره يسويهـا لـه
كان الروافض في زمانـه خُـدّجكانه يـدوس الرافضـي بنعالـه
رأسه تحت رجليه مثـل البومـهومشغلـه فـي شغلـت الشغالـه
على حسب دينه وديـن اجـدادهماينعـرف اصلـه ولا منـزالـه
واليوم صار الرافضي لـه هيبـهكنـه كديـشٍ فالتيـن عقـالـه
بالله ياللـي كلنـا تحـت امـرهياواحد مـا خـاب عبـدٍ سالـه
انـك تحـل العقـده المعـقـودها لعقـده اللـي مالهـا حـلالـه
الا أنت يـارب المـلا سبحانـكلعبـدك المكـروب فرجهـا لـه
هـوّن مصيبنتـا بـردع الظالـمالـزمـره الحيـالـة المحتـالـه
حن السبايب فـي ضعـف قوتنـااهمالنـا فـي اسلامنـا وافعالـه
ذا موجز الموضوع قبل النشـرهغنابهـا خـولان فـي مـوالـه
هذا وصلى الله على اشرف خلقهعلى محمـد خيـر رسلـه والـه

عد براق سرى جاله من القبلـه مخايـلحن رعاده وهلت نوته وانشـت مزونـه
مرحبا في مرحبا في مرحبا والشك زايـلياهلا با اللي سنام المجد رجم يصعدونـه
مرحبا يا هل الوفا والمرجله ياعيال وايلياهل الو قفات واهل الطيب كنز يذخرونه
فعهلم وامجادهم معروفـة بيـن القبايـلعزوة يشهد لها التاريخ واللي يكتبونـه
غردي يابيض للي مانسوا فعل الجمايـلالصديق يحشّمونـه والخـوي يقدرّونـه
والكرم في سلمهم عاده ووافين الخصايلوالجميل اليا اعترض في مستحقه يفعلونه
ا شهد انكم ياهل النالاااات ذربين الفعايلصيتكم وامجادكم شبه الجزيره يعرفونـه
منكم ابن مهيد راعي وقفة يوم الهوايـلالمصّوت بالعشاء يوم القبايـل يخبرونـه
وعاد منكم برجس وساجرمعّسفة الاصايلوالعواجي وابن ملحم وكم شجاع يذكرونه
وعاد ابن هذال تاريخه وفعلـه بالمثايـلشيخ له شيخه على كل الشيوخ يمجدونه
بيض الله اوجهيكم بيضا يقوله كل قايـلوالجميل انـه لنـا ولا لكـم تستاهلونـه
قلتها والمدح فيكم له ثبـوت لـه دلايـلعزوة حرابها وقت مضى تسهر عيونـه

صاحبن مازارنـي وانـا مريـضوايش ابي به بعد قمت من الفراش
الشجون تهيض والدمعـه تفيـضوخاطري من ضيقة الايـام جـاش
والمشاعر مـن خفاياهـا تهيـضهاوَشَت‍‍‍‍!! قلبي وانا احب الهـواش
لين حطت في صميم القلب غيـضواقبلت بنات فكري كـاش كـاش
اقبلت تركض مع المعنـى ركيـضكنها تاخذعلـى الركضـة معـاش
الليالـي سـود والايـام بـيـضوالرجال ارجـال ولا الـلاش لاش
كان تبغى الصح بالخـط العريـضرفقـة اهـل الطيـب ولايابـلاش
اقبلوا الوافين من رؤس الفريـضمن ورى تيماء ومن وادي اخباش
تعّبـوا الاقـدام والايـام قـيـضواقبلوا بالعـود الازرق والكبـاش
سنّدوا مـن كـل فـج يامعيـضوادهشوني بالمواقيـف إندهـاش
اشهد ان اللي يخاويهـم حضيـضمن يدّور صحبة الوافيـن عـاش
في بعض الاصحاب ياربي تعيـضثُلة ٌ(ن) في تالـي الايـام مـاش
مخبل اللي يرتجي م الديك بيـضمثل من يرجي من الصخرة إعراش
لو تناقشنا حصـل فتـل ونقيـضالسكوت اخير من بعـض النقـاش

يالله اني في ذراك مـن المصايـب والبـلاويوالتكبـر والتغطـرس والجهـل والجاهلـيـه
والزنا والقتـل والشـلاّت وعيـال القهـاويوالربا واهل الربـا واهـل الغبـا والعنصريـه
والردى واهل الردى واهل الحيَل واهل الملاويوالنمائـم والكـلام الشيـن والنفـس الدنيـه
وعن هروج الكذب والزمّات والهرج المـراويوالنفـاق ورفقـة الانـذال والنـاس الرديـه
وأكل مال الغير من الايتـام ولا مـن غنـاويومن غضبك ومن سخطك ومن عقوقي والديـه
وعن دروب العيب واهل الظلم صحبة كل غاويوالنكـاده والقـراده والحـسـد والعنجهـيـه
والقهر والدين والنكبـات والشـر المخـاويوعن قلال الدين واهل الفسق وانواع الزريـه
يا إلهي ذا رجاي وفيـك انـا قلبـي رجـاويطلبتي لك طلبة المحتـاج وارفـع لـك يديـه
انت ماغيرك يعرف بغايتـي ولا ايـش نـاويجـل شانـك ياعليـم عالـم عـن كـل نيـه
بعدها ياهاجسي سجـل بيوتـي فـي النـداويالبيـوت اللـي لهـا عنـد النشامـا قابلـيـه
الهدف منها شرف لاهـو طمـع ولا هـراويالطمع فـي طاعـة الرحمـن خـلاّق البريـه
بنصح اللي عاد قلبه في هوىالدنيـا هـواويلا تغـره لاتضـره نزغـة النفـس الشقيـه
الهوى والنفس والشيطان والحـظ الشقـاويوصحبة اهل الشر واهل العيب ناس فوضويـه
من يطاوعهم جميع.. يصير في الدنيا عنـاويلايفـاد ولايفـيـد وذمـتـي مـنّـه بـريـه
انتبه من صحبة اللـي دايـم دربـه خنـاويمـاوراه الاّ المضـره والنـكـد ولاّ البلـيـه
تستحي من الناس لشافـوك وايّـاه امتخـاويخايف من هرجـة العقـال مـن هـذا خويـه
سمعتـه مشهـورة بالعيـب ولاّ بالـرشـاويلايفرق في الصواب.. ولايفرق فـي الخطيـه
لابلتك الباليـه فـي فزعتـه ماهـو بقـاويفـي العلـوم التاليـه ولاّ العـلـوم الاولـيـه
اشهد ان فرقاه يا هل المعرفه عيد.. ومنـاويابتعـد عنـه تـرى رفقتـه مسكـه مخلبيـه
كان ماانت بعند نفسك لا طبيـب ولا مـداويفأعتبر نفسك مـع العـراف ماعنـدك هويـه
الحياة بدون ديـن ..والله انهـا مـا تسـاوياشهد انها ما تساوي بالثمـن (ربـع الوقيـه)
دوّر اللي صحبته صحبة شرف ماهـو دنـاويسمعته عند العرب دين ..ونامـوس.. وحميـه
بالكرم والطيب تلقى سمعتـه مـع كـل راويما تناسـى مـن حقـوق الله ولا سنـة نبيـه
وان حضر بين العرب في صلح ولاّ في دعاويينهـي الموقـف ولا راوى مـع هـذا وذيّـه
رفقة اهل الطيب راس المال وكبـار الهقـاويالرجـال اللـي مواقفهـم مـع العالـم نديـه
لابـدا لـك لازم تلقـى مواقفـهـم تــداويما حسب حجم اللزوم ولاحسب حجـم القضيـه
البيوت مفتّحـه للضيـف والبـارق سنـاويان لفاهم ما لقـى غيـر الشحـم والشاذليـه
والعلوم الطيّبه مـن هـرج ولا عـود جـاويكل ابوهـا عندهـم نامـوس وعلـوم شليـه
ذي مزاياهم وانـا قلبـي علـى ذولا نحـاوياتمنـى خّـوة اهـل الطيـب والنيـه مطيـه
ذي نصيحة شاعر قلبه على الغالييـن يـاويقلتها وارجوك يـارب المـلا ترضـى عليـه
قلتها ماابغى وراهـا لا جـزاء.. ولا عطـاويماعلي امن الجـزاء ولا علـي امـن العطيـه
لابس ثوب جديد.. ولابـس بشـت حسـاويومـن وصايـا شايبـي متحـزّم بالحضرميـه

صديق في الشدايـد مانفعنـيانا وقت الرخاء ياويش ابي به
ليا منـي زهمتـه ماسمعنـيوليامنه زهمني قمـت اجيبـه
عسى لاعاد يوم بـه جمعنـيولا عاد النهار اللـي يجيبـه
وفايه له مـع طيبـي دفعنـيوانا ماشفت تقديـره وطيبـه
بعد ماصار ذ ا لي ويش يعنياكيد إنه.. استوى طيبه وعيبه
قررت أن اتركه واقول.. دعنيولو.. ني.. له ابن عم وقريبه
عسى يفدا رفيـق لاذ عنـيوقف يوم الحميـا والمصيبـه
فزع بالمال والجـاه ورفعنـيوكلامٍ زيـن وهـروج لبيبـه

وصلوا الغاليين من كل فج وكـل ريـعوانت يا (.....)مـا زرتنـي ولا بديـت
تحسب ان دنياك تبقى على كيفك ربيـعظني انك يابرق الريش عنهـا مادريـت
بيض الله وجه غيرك هل الجاه الرفيـعالرجال اللي بنت للوفـاء تسعيـن بيـت
وانت مالك عندنـا لا شبيـه ولارضيـعليتني ذيك السنه لا فزعت ولااعتزيـت
جعلك افدا واحدن ما احدن الحقـه ريـعصاحبن مانسيني لوانـا عنّـه نسيـت
عند حزات الشدائـد مثـل سـد منيـعفي العلـوم الغانمـة جامعنهـا كمبليـت
من زرع له طيب عند النشاما مايضيـعاما انا من عقب هاذي ترى منك انتهيت
وانت في سوق الغلاءلا اشتريت ولا تبيعفي علوم المرجلـه لاتبيـع ولا شريـت
ويش لومالي من الناس غيـرك ياتبيـعاشهد اني ياحمر العين منك ما استحيـت
عام الاول يوم شديت وانحـاز والقطيـعفزعوا الصدقان وانت من العين اختفيت
الشدائـد علمتلـي بصدقانـي جمـيـعاشهد انها بينت لي وانا عنهـا غفيـت
من يحمل طاقته فـوق مـالا يستطيـعمثل من حمل ثلاثين طـن فـي ونيـت
انت طاقتك محدوده وتشرب من الوضيععندنا لك يابعـوض الشجرعلبـة فليـت