البارت الاول

صحت من النوم وهي تحس بحيوية ونشاط ابتسمت ابتسامة حلوة وهي تطالع شكلها بالمراية راحت للحمام تغسل وجهها طلعت من الحمام ونشفت وجهها لبست الروب حق البيت وراحت تقوم خواتها..

لينة تطق الباب..
اسيل بصوت كله نوم:تفضل
لينة بابتسامة حلوة:صباح الخير
اسيل ردت الابتسامة:صباح النور
لينة وهي تفتح الدرايش:يلا قومي

اسيل قامت من السرير وراحت على الحمام تغسل وجهها..

رفعت لينة السماعة الي بغرفة اسيل:الو
ليزا:صباح الخير مدام
لينة:صباح النور ليزا جهزي الفطور
ليزا:من عيوني مدام
لينه ابتسمت:تسلم عيونك(سكرت السماعة وراحت تقوم اختها سحر)

راحت لجهة جناح سحر وسمعت صوت الاغاني العالي..
لينة بصراخ:سوسو
سحر:..........
لينة:ياربي احد ينام بهاذا الازعاج
لينة تضرب الباب بقوة:ســـــو ســــو قـــومـــــي
سحر:........

قررت تفتح الباب دخلت الغرفة الي كانت تعج بالفوضى ما ستغربت هاذا شي مو جديد عن سحر فتحت الدرايش وسكرت المسجل صرخت باعلى ما عندها:سوسو
سحر تتقلب بالسرير:برة
لينة:هههههه حتى وانتي نايمة تهاوشين..قومي
سحر:مابي
لينة:يلا قومي

سحر قامت ورجعت شعرها على ورا بكسل:شتبين؟
لينة:ماوراك دوام؟
سحر:الا
لينة:طيب يلا قومي
سحر:مابي مو لازم اروح
لينة:يلا عاد بلا دلع هاذي جامعة مو لعبة
سحر:لولو هاذي مو اول سنة لي بالجامعة اعرف ايش اسوي
لينة:ايوه واضح
سحر:خلاص قمت بس اذلفي
لينة:تقولين لي انا اذلفي
سحر تطالع الغرفة:في احد غيرك؟
لينة:مشكورة بس يلا قومي
سحر:اوكي

لينة طلعت برة الغرفة وسحر رجعت نامت...

راحت على غرفة ترف الي كان لونها كل (بينك) كانت مرة حلوة وبنوتية لقتها قاعدة تحط ميك اب..
لينة:الله الله شهالحلات
ترف ابتسمت وقالت بصوتها الدلوع:ميرسي عيونك الحلوة
لينة:وين بتروحين؟
ترف:no plas to school
لينة:وبتروحين المدرسة مع كل هاذا المكياج؟
ترف:yes
لينة:بكيفك بس لا تتاخرين على المدرسة
ترف:عادي انا اجي وقت مابي
لينة:ليه انشاء الله؟
ترف:لاني ترف بنت عبدالعزيز
لينة:طيب يا بنت عبد العزيز يلا خلصي

ترف لفت على المراية تكمل الميك اب...

في مكان ثاني بعيد عن القصور والمدن مكان مظلم محد يتمنى انه يدخله كانت قاعدة ومحبوية بين 4 جدران قاعدة تبكي وتتدعي ربها انه يفرج عنها كربها تصلي وتدعي صارت بس تبكي من يوم ما حكمو عليها بالحبس تتمنى تطلع اليوم قبل بكرة او ان الزمن يرجع لوراى عشان تقدر تصلح اخطائها لا كن ما كل ما يتمناه المرء يدركه ما لها غير ربها هو الوحيد الي يقدر يطلعا من مشكلتها سبحانه

***************************************

كان نايم ويحلم باحلام وردية بس في صوت يخرب عليه صوت مزعج كل ماله ويزيد صوت الجوال اغنية نجوى كرم (هيدا حكي) والصوت كان عالى وازعاج رد بدون ما يشوف الرقم وكان متنرفز..

زياد:وجع
ابو زياد بصراخ:وجع يوجعك يالي ما تستحي تقول حق ابوك وجع
زياد اول ما سمع صوت ابوه بعد السماعة عنه (يا ذا النشبة شيسكته ذا الحين):هلا يبا اسف كنت احسبك واحد من اخوياي
ابو زياد:انا واحد من اخوياك الخمة مالت عليك وعلى اخوياك ما منكم فايدة
زياد بصوت واطي:لا حول ولا قوة الا بالله
ابو زياد:انت شنو تقول ها شنو؟
زياد:لا سلامتك يبا ما اقول شي
ابوزياد:سلامتي ها انت تبي سلامتي انت
زياد:هلا يبا شبغيت؟
ابوزياد:وجع انشاء الله نسيتني شبي فيك..اي تعال الشغل الحين بسك نوم يامال العلة
زياد:انشاء الله يبا بس تو الناس بدري
ابوزياد:أي بدري شوف الساعة كم عندك بعدين تكلم انت المفروض تجي قبل كل الناس حتى قبل لا تطلع الشمس
زياد:يبا شفيك على الله يهداك انت خليتني اشتغل معاك عشان تذلني
ابو زياد:ايالي ما تستحي انا اذلك بشنو انت اصلا فاشل بكل شي لا دراسة ولا شغل فالح لي بس سهر وشرب وبنات ها
زياد:خلاص يبا ساعة وانا عندك
ابوزياد:اقل من نص ساعة وانت عندي فاهم
زياد:فاهم
ابوزياد:يلا اذلف لا بركتن فيك من ولد (وصكر الخط)

زياد حاول ينام بس بعد هاذا التهيئ مين يجيله نوم قام وراح غسل وجهه وبدل ملابسه لبس بنطلون جنز غامق لو وست وتي شرت برتقالي طلع عليه روعة مع بشرته السمرة ولون عيونه الخضرا وشعره البني الكثيف سواه سبايكي خذى نظارته السوده الي من dior ونزل ركب سيارته الرنج وشغل اغنية محمد عبدو (مجموعة انسان) وراح على الشركة...

**************************************
لينة لبست عبايتها عشان تروح للشغل بعد ما تاكدت ان كل خواتها راحو بس باقي سوسو ما شافتها راحت على غرفتها ولقتها فاضية دخلت على غرفة الملابس ولقت الملابس مرمية بكل مكان..

لينة:سحر شنو هاذا؟
سحر:اوف ماني عارفة ايش البس
لينة:البسي أي شي يعني انتي وين رايحة الجامعة
سحر:نعم انا البس أي شي

رفعت لها تنورة قصيرة لحد نص الركبة لونها بني وداخل فيها الوردي والبيج من (جوتشي):طيب البسي هاذي مرة حلوة
سحر طالعتا وبعدين رجعت تطلع الملابس:لالبستها من قبل
لينة:طيب البسيها مرة ثانية
سحر تخصرت:لا مو انا الي البس البس مرتين
لينة:ليه؟
سحر:انا سحر بنت عبد العزيز تبيني اكرر لبسي
لينة:ترى ذبحتونا كل ما قلنا لكم شي قلتو (وهي تقلد طريقة خواتها بالكلام)انا بنت عبد العزيز ندري انكم بنات عبد العزيز بس ماله داعي الفشخرة
سحر:ليكون مو عاجبك بس؟
لينة:لا عاجبني بس انا مشغولة وماني فضية لك البسي أي شي(توها بتطلع الا نادتها اختها)
سحر:لينة
لينة:نعم
سحر:وين اسيل؟
لينة:راحت
سحر:وين؟
لينة:راحت تشوف الوظيفة حقتها
سحر:جد ما عندها سالفة كل هالعز وهاذي الفلوس وتدور وظيفة الحمد الله والشكر
لينة:هي حرة بتصرافاتها كيفها
سحر:بس هي الي حرة؟
لينة عرفت ايش قصد اختها:اذا كانت صح (وراحت)

سحر تقلدها:اذا كانت صح جد تخلف (ورجعت تدور لبس)

***************************************
الساعة 10 دخلت ترف الفصل ومعاها ( ميلك شيك) من ستار بوكس..

ترف:هااااااي
البنات:هااااااااااااي

المدرسة كانت تطالع ترف وترف مو معبراتها راحت وجلست في مكانها...
جوهرة<<صديقة ترف:توتو تاخرتي
ترف:ماتاخرت ولا شي عادي
الابلة:ترف يعني فوق منتي متاخرة تتكلمين بعد

ترف طالعتها من فوق لين تحت باحتقار حطت رجل على رجل وجلست تشرب (الميلك شيك)

الابلة:اظن في مكان تشربين فيه غير الفصل
ترف ما عبرتها وكملت شرب..
الابلة تنرفزت:ترف اطلعي برة
البنات:وووووووو((لان اخر ابلة قالت لترف كذا سوت لها مصيبة ولا شافوها من بعدها))
ترف بدلع:نعم
الابلة:سمعتيني اطلعي برة
ترف ببرود:كلي تبن
البنات:ووووووووووو
الابلة:ها
ترف:من قال ها سمع
الابلة:جد قليلة ادب انتي ما ينفع معاك الا الادارة
ترف وهي تطالع مناكيرها الفوشي:ايوه صح
الابلة:يعني مو هامك
ترف بدلع:no
الابلة:طيب نشوف شنو بتقولين عند الادارة
ترف ببرودhttp://vb.ta7a.com/images/smilies/redface.gif (http://vb.ta7a.com/)k

الابلة تنرفزت وطلعت برة الفصل..

جوهرة:اووه والله انك قوية
ترف:هي مدري ايش فيها انا كنت قاعدة وكافيه خيري شري بس في ناس كذا يحبون المشاكل
جوهرة:وانتي قدها وقدود

ترف رجعت شعرها لورا بغرور وكملت شرب..

جت المراقبة وراها الابلة:ترف عبد العزيز
ترف:yes
المراقبة:انزلي عند الادارة
ترف قامت بكل غرور ودلع وقفت قدام الابلة:وانتي متحامية فيها الحمد الله والشكر

نزلت مع المراقبة لعند الادارة والابلة كملت شرح الدرس...
***************************************
وصلت للمستشفى ودقات قلبها تزيد مع كل خطوه تخطيها خايفة من ردة فعله يمكن ما يتقبلها بس لازم اجرب توكلت على ربها وقفت عند الباب توها بتفتحه الا واحد يجي ويفته صقعت فيه حست راسها يفر حست ان كتفها انشال من مكانه رفعت راسها تشوف مين الي صدمت فيه...

تعلقت عيونهم ببعض اسيل ظلت تطالعه كان مرررة حلو ملامحة بدوية عيونه سودة ومكحلة شعره اسود طويل جسمه معضل وحلو..

الشابhttp://vb.ta7a.com/images/smilies/ta7a_066.gif (http://vb.ta7a.com/)orry
اسيل ابتسمت:لا عادي

محمد صار يطالعها معقولة تكون سعودية عيونها زرق وشعرها اشقر كيف سعودية....
اسيل:ممكن
محمد انتبه انه ساد عليها الطريق:ايوه تفضلي
اسيل:مشكور

دخلت اسيل ومحمد وقف مو مصدق انها سعودية :انا شفيني سعودية ولا لا كيفها
مشى وراح لمكتبه...

**********************************************

زياد كان قاعد على المكتب والاوراق متناثرة بكل مكان:اوف
دخل عليه خالد<<واحد من الموظفين:استاذ زياد
زياد ابتسم:الله صرت استاذ مرة وحدة والله شركتكم فلة
خالد ابتسم على كلامه طالع الاوراق المتناثرة:شكلك متوهق
زياد:أي والله طلبتك ساعدني
خالد:انت تامر امر استاذ زياد
زياد:احس غلط لما تقول لي استاذ زياد
خالد:طيب ايش اقول لك
زياد:قول زياد
خالد:لا ما اقدر انت ولد المعزب
زياد بصوت واطي:مالت على معزبكم
خالد:نعم استاذ؟
زياد:ها..لا ولا شي طيب قول لي زيود مو اسهل
خالد ضحك:مايصير
زياد:انت شنو اسمك؟
خالد:اسمي خالد طال عمرك
زياد:عاشت الاسامي وانا زياد
خالد:اعرف طال عمرك
زياد:ودام انك تعرف ليه كل شوي تقول طال عمرك واستاذ قول زياد وفكنيي
خالد:حاضر طال عمرك
زياد:لا حول خلاص قول الي تبيه
خالد:شنو تامر فيه طال...اقصد استاذ زياد
زياد:يعني رقعتها الحين عموما مو هاذا موضوعنا ابيك تساعدني بهالوراق
خالد:امرك
زياد:مايامر عليك عدو

قام من الكرسي وقبل لا يطلع:خويلد<<مطيح الميانة لاخ خخخ
خالد:نعم طال عمرك
زياد:قسم بالله انك اقرفتني تكلم عدل
خالد:حاضر
زياد:اسمع انا بروح الحين واذا سال عني العلة قول له يشيك على الاقسام زين
خالد:حاضر بس مين العلة؟
زياد:يعني مين اكيد ابوي
خالد مستغرب كبف يقول كذا عن ابوه:المعزب؟
زياد:ايوه يلا باي
خالد:مع السلامة

*************************************
سحر اول ما دخلت الجامعة عطت عبايتها وشنطتها للشغالة جتها صديقتها ريوف...

ريوف:هلا سوسو
سحر بدون نفس:هلا
ريوف:شخبارك؟
سحر:ريوف ترى مالي خلق هالاسئلة السخيفة

ريوف سكتت ومشت مع سحر وراحو على الكفتريا...
جت عندهم صديقتهم شيما...

شيما:هاي بنات
ريوف:هاااااي
شيما تطالع سحر:شحبارك سحر؟
سحر تطالعتها وردت بدون نفس:تمام..وانتي؟
شيما انبسطت ان سحر عطتها وجه جلست على الكرسي:تمام

رن جوال سحر اغنية(حبيتك انا)حق رامي عياش...
سحر:هلا
مشاري:هلا وغلا شخبارك قلبي؟
سحر بدلع:تمام وانت؟
مشاري:بخير دامك بخير
سحر ضحكت بدلع
مشاري:فديت هالضحكة وراعيتها اقول سحورة
سحر:انا سوسو مو سحورة
مشاري:طيب سوري .سوسو
سحر:هلا
مشاري:ابي اشوفك
سحر:ممم اليوم ما اقدر
مشاري:ليه؟
سحر:مشغولة
مشاري:بايش؟
سحر:وانت شدخلك
مشاري:ايش؟
سحر:اقصد انا ما اتدخل بامورك الشخصية ليه انت تتدخل باموري الشخصية
مشاري:بس انا احبك لازم اعرف عنك كل شي
سحر بعدت السماعة:الله يلوع كبدك
سحر:طيب حتى انا احبك بس ما اتدخل بالشيائك الشخصية
مشاري:انا غير
سحر عصبت:اقول لا يكثر بس واذلف عن وجهي(سكرت الخط) وقفلت الجوال
ريوف:سوسو شفيك؟

سحر قامت من مكانها:انا بمشي
ريوف وشيما:وين؟
سحر:بروح لستار لاعت كبدي ابي اشم هوا
ريوف:بس احنا تونا جاين ماباقي الا ساعة على المحاضرة مايمدي
سحر:والله عاد كيفك اجلسي(لفت على شيما)بتجين معي ولا لا؟
شيما بسرعة:لا بجي
ريوف:خلاص بجي معكم
سحر:ليزا جيبي عبايتي
ليزا جابت عبايتها ودقت على مدحت<<السواق....عشان يشغل السيارة ...

في السيارة...
مدحت:على فين ياست هانم؟
سحر بصوت واطي بس سمعه الكل:الله يقرفك...روح للستار بكس
مدحت:امرك ياهاندم

البارت الثاني
وصلو البنات لستار بكس ..

سحر:بنات ايش تبون؟
ريوف:باخذ كبشينو
شيما:وانا اكسبريسو
سحر لفت على ليزا:سمعتيهم يلا روحي
ليزا:وانتي انسة سحر شو بدك؟
سحر بصراخ:يعني انا شنو اخذ كل يوم للحين ما حفظتي

ليزا راحت تجيب الطلب وسكتت عن سحر شتسوي اكل عيش...

شيما:ليه قلتي لها كذا حرام
سحر:تكفييييييين
ريوف:ايوه شيما معاها حق انتي ليه تتعاملين مع الناس كذا؟
سحر خزتها:كيف يعني؟
ريوف ارتبكت من نظراتها:قصدي ليه تتصرفين بغرور؟
سحر:اذا مو عاجبك اسلوبي لا تجين معي
شيما:لا سوسو ريوف مو قصدها كذا
سحر:اجل ايش قصدها؟
ريوف:خلاص سوسو يعني بنتهاوش عشان خدم لا راحو ولا جو

سحر طنشتها وجلست تلعب بجوالها...

******************************

طلعت اسيل من المكتب وهي تحس الدنيا مو سايعتها من الفرحة والوناسة اخيرا حلم من احلامها بيتحقق وبتصير دكتورة اطفال ركبت للسيارة وراحت على البيت...

في البيت..

اسيل باعلى صوتها:لــــــــــيــــــــــــنــــــــــة!!!

طلعت لها الشغالة:مس لينة مافي موجود
اسيل:وين راحت؟
الشغالة:سغول
اسيل:زين يلا طسي عن وجهي

راحت الشغالةوهي تتحلطم :طسي شوهازا طسي
اسيل:اقول لا يكثر

سحبت سماعة التلفون ودقت على مكتب لينة...

لينة:الو بنك ال.....
اسيل:ههههههههه حشى الة مو اختي
لينة:هههههههههه الله يرجك بس شعندك داقة؟
اسيل:ول شهالنفس
لينة:اسولة حياتي انا مشغولة قولي شعندك بسرعة
اسيل:مالت عليك عموما (قالت بصراخ) بـــــــــــاركــــــيلـــــــي
لينة:ههههههه اذني ترى ابيها.. على ايش؟
اسيل:بصير الدكتورة اسيل
لينة:جد والله قبلوك؟
اسيل:لا بس قالو لي بيدقون علي
لينة:مبروك..يارب اشوفك دكتورة قد الدنيا
اسيل:امييييييييين
لينة:اجل يبيلنا حفلة كبيرة بهالمناسبة
اسيل:افا عليك اقل من حفلة بفندق خمس نجوم ما ارضى
لينة:تستاهلين
اسيل:طيب اخليك مع شغلك وبكلم الخمة الثانين
لينة:افا يعني انا الخمة الاولى؟
اسيل:هههه لا انتي قمرهم كلهم وتاج راسهم
لينة:زين مايصير تقولين عن خواتك خمة
اسيل باستهبال تتكلم زي طريقة الهنود:حازر ماما
لينة:هههههههههه هبلة
اسيل:مو تقولين مشغولة يلا باي
لينة:باي

نجد<<صديقة لينة:فرحينا معاك
لينة:اسولة بتصير دكتورة
نجد:والله مبروك
لينة:اللله يبارك فيك
نجد:زين مو ناوية تسوين بارتي؟
لينة:الا اكيد وانتي اول المعزومين
نجد:متى؟
لينة:مممم مدري ما بعد اقرر يمكن بعد يومين او اسبوع اشوف
نجد:براحتك

دخل عليهم رجال ابيضاني ولابس ثوب كان شكلة مرة رزة وحلو:لو سمحتو
نجد رفعت راسها بلمت على الي شافته انشل لسانها ما قدرت تتكلم من جماله وجاذبيته:......

لينة رفعت راسها وطالعت صديقتها الي واقفة مبلة لفت على الرجال :نعم اخوي
الرجال مد يده:معاك فيصل
لينة طالعت في يده وكملت شغل بالاوراق:تشرفنا
فيصل رجع يده وحطها بجيب الثوب لان وجهه طاح من الفشلة ولف على جهة نجد ابتسم وقال:اهلين
نجد بنعومه:هلا
لينة بصوت واطي ما سمعه احد:من متى النعومة
فيصل:معاك فيصل المديرالجديد للبنك

لينة ونجد انصدمو معقولة مديرهم يكون بهالعمر..

نجد((الله مديرنا مزيون)):تشرفنا انا اسمي نجد وهاذي(تاشر على لينة)لينة

فيصل ولينة طالعو بعض...لينة لفت على نجد وهي تتوعد لها....
فيصل وهو يطالع لينة:عاشت الاسامي
لينة طالعته باحتقار ماتدري ليه مارتاحت له:..........

نجد حست الجو متوتر بينهم حبت تلطفه شوي:استاذ فيصل ايش تشرب؟
فيصل رجع لف على نجد:لا مشكورة تسلمين انا بس جاي اخذ جوله على الاقسام (لف عل لينة) واتعرف على الموظفين..
لينة طنشته.
فيصل:تشرفت بعرفتكم وفي اجتماع بعد ساعة عندي بالمكتب ومابي اعذار
لينة بصوت واطي:عشتو بدينا نتشرط
فيصل:نعم انسة لينة ايش بغيتي
لينة بدون نفس:سلامتك
فيصل(شفيها ذي ياكرهي للمغرورات):طيب عن اذنكم(وطلع)

نجد:بذمة ما يهبل
لينة:الله يلوع كبدك
نجد:ليه؟
لينة:مدري ما ارتحت له
نجد:ماعندك سالفة

*******************************
باليل الساعة 10..

لينة كانت قاعدة تطالع التلفزيون مع اسيل على mbc 4 ترف جت ونطت على الكرسي بقوة..
اسيل:وجع
ترف: شكلك ناوية تتهاوشين؟<<ماعندها وقت خخخ
لينة:بس انتي وياها بس هواش اعقلو شوي

نزلت سحر وراها ليزا وشايلة عبايتها..

لينة:على وين؟
سحر:بروح السوق
لينة تطالع الساعة:الحين؟
سحر بملل:ايوه
لينة:اذا رحتي الحين متى بترجعين؟
سحر بدون ما تطالعها:متى ما ارجع

لينة عصبت لين متى وهم يستهترون بتصرفاتهم:مافي روحة
ترف واسيل طالعو بعض باستغراب...
سحر:نعم؟
لينة:مثل ما سمعتي
سحر:لا بطلع
لينة:وانا قلت ماراح تطلعين
سحر بعناد:وانا قلت بطلع

اسيل قامت وتكلمت باسلوبها العربجي:ياشباب سمو بالرحمن شفيكم هدو بس هدو
سحر بنرفزة:انتي اسكتي
اسيل:نعم نعم؟
لينة:سحر اطلعي غرفتك
سحر:مابي
لينة:بكيفك اجلسي هنا لين بكرة بس طلعة بهاذا الوقت مافي
سحر:عناد يعني؟
لينة:لا مو عناد بس انا ابي احميك
سحر:تكفين عاد اخاف ابوي بس
لينة دمعت عيونها لما تذكرت ابوها:معاك حق ابوي مات وخلانا وامي(سكتت) وامي بعد عشان كذا انتي ماخذه راحتك بس لا تنسين ان لك ثلاث خوات يحملون اسمك ياليت تنتبهين لتصرفاتك عشان ما تلطخين سمعتهم

سحر سكتت لانها تدري قد ايش لينة تتحسس من موضوع ابوها وامها..
اسيل:لا يا لينة انتي امنا وانتي ربيتينا وربيتينا صح (طالعت سحر)بس كلن عقله براسه ويعرف خلاصه
سحر:شقصدك؟
اسيل:انا ما قلت شي بس الي على راسه بطحى
سحر تنرفزت وراحت على غرفتها...
لينة جلست على الكرسي وهي حابسة دموعها ما تدري شنو صار لها لما تذكرت امها هي دايم تحاول تكون قوية وتنسى هاذي السالفة بس هالذكرى مو راضية تفارقها حتى بعد مرور 20 سنة على السالفة...

ترف:خلاص لولو لا تضايقين نفسك
اسيل:وهي الصادقة ليه تضايقين نفسك على وحدة ما تستاهل
لينة:هاذي اختك
اسيل:ايييييه لوعتي كبدي
ترف:هههههههههه
اسيل:يالسخيفة ليه تضحكين؟
ترف:على طريقة كلامك تذكريني بزياد لما يتكلم عن عمي
اسيل:الله يلوع كبدك انتي وزياد

(قطع عليهم صوت التلفون) ردت اسيل..

اسيل بعربجة:هلا وغلا
زياد:هههههههههه اسيل لو سمعوك الدوام تقولين كذا بيفصلونك
اسيل:بل جيب سيرة القط جاك ينط
زياد:ليه؟
اسيل:تونا نحش فيك اقصد توتو تحش فيك
زياد:آه ياقلبي فديتها انا هالتوتو
اسيل:هي هي نحن هنا
زياد:مالت عليك عطيني اياها ابي اكلمها بموضوع
اسيل:ترى مافي اسرار بيني وبين اختي فقول لي انت احسن مما هي تقول لي
زياد:اقول تلايطي
اسيل:ترى محد علمك هالكلمة غيري

ترف بصوتها الدلوع:اسولة مين تكلمين؟
اسيل تبعد السماعة:تسوين نفسك ما تدرين
ترف:no
اسيل:هاذا زيود الخبل
ترف:لا تقولين عنه خبل
اسيل:مالت بس

(رجعت تكلم زياد)

اسيل:ايوه الو
زياد:يا ويل قلبي هاذي توتو صح تكفين خليني اكلمها
اسيل:اقول
زياد:هلا
اسيل:يركدوووووووون
زياد:زين خلاص طفشتيني اكلمها على الجوال احسن
اسيل:روح مع عيونك الخضر
زياد:احسن منك يام عيون زرق
اسيل:هههههه يحصلك
زياد:اصلا ملاين يتمنون زي عيوني
اسيل:الحمد الله انا مو منهم
زياد:اقول لا يكثر يلا عطيني ترف
اسيل:عما مزعج خذها(خذفت السماعة على ترف بدفاشة)

لينة:شوي شوي اعصابك
اسيل:يلا بدينا الفلم الهندي بطولة ترف وزياد راكبين على بعض صح
لينة:هههههههههه الحمد الله والشكر

ترف بدلع:الو
زياد:يامساء الخير يامساء الورد والحب والغرام
ترف استحت:شخبارك زياد؟
زياد:بخير دامني سمعت صوتك
ترف:دوم
زياد:وياك ياقلبي وانتي شبارك؟
ترف:تمام
زياد:وحشتيني
ترف بصوت اقرب للهمس:وانت بعد
زياد:انا بعد ايش؟
ترف بدلع:زيـــــاد مو وقته
اسيل بصوت عالي:لا وقته
زياد:هاذي شتبي؟
ترف:هههههههههههه
زياد:فديت هاضحكة والله
اسيل:اقول سكري بس ماعندنا بنات يتكلمون بالتلفون لهاذا الوقت
زياد:اختك شكلها ناوية تتكفخ
اسيل سحبت السماعة من ترف:شتقول يالسوسة ها؟
زياد:يما انتي من وين طلعتي
اسيل:من بطن امي
زياد:هههه بايخة
اسيل:زي وجهك
زياد:اسولة بلا سخافة عطيني توتو
اسيل:مافي تكلمت بما فيه الكفاية البنت صار وجها طماط منك
زياد:فديت الي يستحون
اسيل:هي هي انت انا مو ترف اصحى يا بابا
زياد:يما قمتي على خلاص يبا اسفين
اسيل:ايوه كذا تسنع ويلا طس
زياد:طيب خليني اقول لها تصبحين على خير
اسيل:ماله داعي انا بوصلها لها
زياد:عشان خاطري
اسيل:لا واثق ومن قص عليك و قال لك ان لك خاطر عندي
زياد:افا يا بنت العم شفيك قلبتي علي
اسيل:اقول طس بس طس
زياد:مالت يلا بس باي
اسيل:باي

ترف:اسولة ليه سويتي كذا
اسيل وهي تقعد على الكرسي وتمسك الريمونت:مزاااااااااج
ترف:لا والله
اسيل:والله
ترف طالعت لينة:لولو شوفيها
لينة:وهي معاها حق مايصير تتكلمين مع زياد انتي توك صغيرة
ترف:احلفي انتي الثانية زياد ولد عمي ويحبني
لينة:ادري بس اذا يحبك ليه ما يجي يخطبك
ترف:لاني توني ادرس اذا خلصت بيجي يخطبني
اسيل:اجل اذا خلصتي وخطبك ذيك الساعة تكلمي معه
ترف:اقول انتو الثنتين لا تسولي فيها
اسيل:اقول لا يكثر

ترف ضربت رجلها بالارض زي لاطفال وراحت على غرفتها..
لينة:موكننا زردناها شوي
اسيل:لازودناها ولاشي خلي البنت تتعلم على السنع
لينة:تكفين شوفو مين يتكلم عن السنع
اسيل خزتها:شقصدك؟
لينة لفت على التلفزيون:ولاشي
اسيل:انتي من اشتغلتي بالهلبنك وانتي خربانة شنو تاكلين هناك؟
لينة:هههههه الحمد الله والشكر وشنو دخل الاكل الحين؟
اسيل: اخاف حاطين فيه سحر ولاشي
لينة:والله انك مهوية
اسيل:حبتين صرنا نعرف مهوية
لينة:هههههههه ليه على بالك جاية من المريخ... اخاف بس
اسيل:تدرين احياننا اشك انكم خواتي
لينة:ليه؟
اسيل:كلكم خكاروة وتلوعون الكبد ولا وحدة طلعت سنعة مثلي
لينة:كيف يعني تبنا نمشي ونضرب الناس ونزعق مثلك
اسيل:ياناس شفتو وحدة مقرفة زيها ايش الي(وهي تقلدها بكلامها) نضرب ونزعق.. الناس تقول نكفخ ونصارخ
لينة:هههههههه يما منك يالعربجة تخوفين
اسيل رجعت تطالع التلفزيون:مااقول الا الله يقرفكم زي ماتقرفوني
لينة:هههههههههههه
اسيل:مهرج عندك كل ما تقعدين معي تضحكين
لينة:والله محد يونسني بهالبيت غيرك
اسيل وهي تلم اختها:فديتج انا يعلني ما ابجيج
لينة:ولا يخليني منك ومن خواتك
اسيل:امييييين

لينة بدت تبكي..
اسيل:اها عشان كذا ما احب هالحركات ليه الصياح الحين؟
لينة:تذكرت ماما
اسيل:تدرين مع اني ما شفتها الا لما كنت صغيرة وما اتذكر ملامحها واجد بس احس انها مرة حنونة
لينة:ايوه ماما كانت مرة حنونة
اسيل:بس مو مثلك
لينة:يا حبيبتي ياختي

***********************************
ترف كانت بغرفتها تكلم زياد..

زياد:اختك هاذي بذبحها
ترف:سخيفة تحشر لولو علي
زياد:بس خفيفة دم يحبي لها
ترف بغيرة:نعم؟
زياد:هههههههه لا اقصد زي اختي
ترف بدلع:ايوه
زياد:ياقلبي والله امزح فديت الي يغارون حتى من خواتهم
ترف:انا ما اغار
زياد:علييييينا
ترف استحت:.........
زياد:توتو
ترف:هلا
زياد:كل عام وانتي بخير
ترف مستغربة:على ايش؟
زياد:نسيتي يالفالحة عيد ميلادك الاسبوع الجاي
ترف:الله الاسبوع الجاي وانت تباركلي من الحين
زياد:عشان اكون اول واحد اقولها لك
ترف:ميرسي
زياد:من الحين اقول لك الحفلة في بيتنا وكل شي انا بسويه ماعليك انتي الا انك تكشخين وتجين
ترف:لا انا متعودة اسوي كل شي بنفسي
زياد:افا ما تثقين بذوقي
ترف:الا بس اخاف اتعبك وبعدين عمي يمكن مايوافق
زياد:لا مافيها تعب واذا على هاذا الشايب خليه يولي
ترف:اموت على الحمش
زياد بصراخ:اصحى ياولد البنت تموت فيك
ترف:ههههههههههههه
زياد:يلا حياتي تصبحين على خير
ترف:تو الناس مين ينام الحين
زياد:معليه بكرة وراك مدرسة لازم تنامين بدري
ترف:اقول كثر منها
زياد:افا ليه؟
ترف:انا ما انام الحين دايما اسهر
زياد:عشان خاطري نامي بدري اليوم
ترف:ليه؟
زياد:كذا مابي حبيبتي تسهر وتصير كسلانة بالمدرسة زيي
ترف:زياد انا مو بزر قدامك عشان تكلمني كذا
زياد:خلاص ولا تزعلين عشان انا مجهز لك مفاجاة بكرة
ترف بحماس:جد ايش؟
زياد:لا كيف بتصير مفاجاة اذا قلت لك
ترف بدلع:زيــــاد com on يلا قول بليييييييييييز
زياد:ولا تفكرين حتى بكرة بتعرفين
ترف:ليكون تقص على عشان انام ترى اذبحك
زياد:اشوف اسيل خربتك صرتي كل ذبح زيها لا ما اكذب عليك انا اصلا قد مرة كذبت عليك
ترف:no
زياد:اجل نامي وبكرة تعرفين المفاجاة
ترفk

سكرت الخط ونامت وهي تتخيل ايش راح تكون مفاجاة زياد لها...

***************************************
في الصباح قامو البنات على صوت صراخ...

اسيل طلعت من غرفتها لقت سحر طالعه من غرفتها وباين انها متخرعة..

اسيل بخوف:شسالفة؟
سحر بخوف:مدري بس هاذا كانه صوت ترف
لينة:بنات شسالفة؟

سحر صدت عنها لانها زعلانة منها من سالفة امس بس مو وقته الحين الهواش...

اسيل:هاذي ترف تصرخ
لينة خافت:ليه شفيها؟
اسيل:مدري بس الصوت شكله جاي من تحت
لينة:طيب يلا ننزل

نزلو البنات يشوفون ايش السالفة وقفو منصدمين من الي يشوفونه كل شي توقعوه الا هاذا...
>>>نهاية البارت<<<

***********************************

*ايش تتوقعون الشي الي شافوه البنات؟
*وايش مفاجاة زياد حق ترف؟

البارت الثالث
نزلو البنات يشوفون ايش السالفة وقفو منصدمين من الي يشوفونه كل شي توقعوه الا هاذا...
كان المكان كله بلونات وردي وفوشي اشكال واحجام الصالة كانت مليانة بلونات على كبرها وكان فيه ستريو كبير وصورة حق ترف يوم كانت صغيرة ماخذة كل الجدار طول بعرض كانت لالوان كلها (pink x pink) طلعلهم صوت من ورا...

..........:كل عام وانتي بخير
ترف لفت منصدمة:زيــاد

ركضت له ولمته بكل قوتها :thank you(وباسته من خده بقوة)
زياد وهو يلمها زيادة:ههههههه العفو هاذا ولا شي انتي تستاهلين اكثر
جتهم اسيل وسحبت ترف من شعرها بدفاشةhttp://vb.ta7a.com/images/smilies/ta7a_066.gif (http://vb.ta7a.com/)top هنا مناطق محظورة ما تقرب منها
ترف:اااي اسيل هدي شعري
زياد:اسيل هديها
اسيل تطالع زياد بقرف وتقلده:اسيل هديها(تركت شعر ترف بقوة)ها هديناها انبسطت الحين
زياد:لا ماراح انبسط الا اذا ذلفتي عن وجهي
اسيل:افا اشوفها طالت وتشمخت زيود يقولي اذلفي هاذا الي ناقص بعد هين يا زياد ان ما طلعت حرتي فيك..

صارو يركضون ورا بعض...

زياد وهو يطلع راسه من ورا الجدار:ههههه والله انك هبلة
مايتوعى الا وجزمة جاية عليه وتلزق بوجهه

لينة وترف:هههههههههههههههه
اسيل:عشان تتادب مرة ثانية
زياد وهو يفرك راسه لانه يعوره:حشى مو بنت (لف على ترف الي ميته من الضحك):وانتي بعد تضحكين على
ترف:واللهsorry بس شكلك كان هههههه تحفة هههههههههه
لينة:ههههههههههه

سحر بصوت واطي:الحمد الله والشكر وراحت على غرفتها لينة انتبهت على اختها بس قالت بعدين راح تكلمها وتتفاهم معاها...

زياد:لا عادي انا ما ازعل منك
ترف ابتسمت له
زياد:توتو غمضي عينك
ترف:way?
زياد:في مفاجاة اخيرة
ترف غمضت عيونها وقالت بحماس:يلا بسرعة وينها
زياد وهو يبعد عنها:هههههههه لحظة شوي مستعجلة ليه

راح على غرفة بجنب الصالة وطلع منها صندوق كبير لونه وردي وفيه ريش بالفوشي..
زياد يتكلم مصري:فتح يا جميل
ترف فتحت عيونها وطالعت الصندوق باشتغراب:شنو هاذا؟
زياد:افتحيه وشوفي

ترف فتحت الصندوق وهي متحمسة تعرف ايش فيه اول ما فتحته صرخة صرخة مو طبيعية ....
اسيل وهي تسد اذونها:وجع
لينة:توتو شنو فيه بالصندوق؟

ترف دخلت يدها داخل الصندوق وطلعت منه بسة صغيرة(قطوة) كانت مرة حلوة لونها بيج وفيها خطوط بالبني كانت من النوع الشيرازي الي فيه شعر كثير كانت مرة حلو انجنت عليها ترف هي من زمان تبي بسة بس لينة ماكانت ترضى لان سحر فيها حساسية منهم..كان معلق على رقبتها كرت فتحته كان مكتوب..

((الى احلى توتو بالدنيا
كل عام وانتي بخير...مقدما))
حبيبك وولد عمك...
زياد
ترف طالعت زياد بكل حب قد ايش تحب هاذا الانسان من وعت على هاذي الدنيا وهي تحبه((الله لا يفرقنا عن بعض))زياد رد لها النظرات نفسها وقلبه يدق من نظراتها يتمناها ماتفارقه طول العمر يبيها له هو لوحده وبس...

وش اكثر من غلا روحي
ولا تغلا عليك انت
لوحدك بس ياروحي
ولاعندي سواك انت

يامالي الدنيا بحساسك
انا محتاج لنفاسك

وابا انسى كل هالعالم
واقول القلب عاد انت

واقول انت بعد انت بعد انــــت

على نفسك تبديني وبهمومي تواسيني
واحس الاها في قلبه مثل ما تحسها فيني
ولا تتحمل بعادي
ولوانه جفا عادي

تغيب وتبتعد عني
وترجع لي مثل منت

واقول انت بعد انت بعد انـــــت

حبيبي لما تلقاني
هموم الدنيا نتساني
اشوف الوقت يضحك لي
واحس ان عمر ثاني

تصور كيف انا جمبك
وافكر فيك واحلم بك

وحتى الحلم ياعمري
لقيته في هواك انت

واقول انت بعد انت بعد انـــــــت

اسيل:لين متى يعني بتناظرون بعض؟
لينة دزتها:وانتي شعليك اسكتي
اسيل:امحق اخت بس تشوف واحد يطالع اختها الصغيرة وشوي وياكلها وساكتة
لينة:كلنا ندري ان زياد وترف يحبون بعض عادي
اسيل:هاذي الي بتفقع مرارتي
لينة:انتي ليه متسببة؟
اسيل:اقول دواماتكم يلا كل وحدة تروح على ا شغالها
زياد:لينة ممكن اطلب منك طلب
لينة:اكيد شنو؟
زياد:ابي اطلع مع ترف بوريها شي
لينة:برة وين؟
اسيل:هي هي انت اشوفك زودتها شفتنا ساكتين عنك قمت تتمادا
زياد:انا قاعد اكلم لينة
اسيل:هااااااا عشتو هاذا الي ناقص بعد
لينة:اسيل اهدي شوي
اسيل:ماشفتيه كيف يتكلم الظاهر نعال وحدة ما تكفيك
ترف تذكرت شكله لما طقته اسيل اول مرة:ههههههههههههههه
زياد:تدرين شنو مشكلتك
اسيل:ايش؟
زياد:شكلك ابد ما يصلح على شخصيتك يعني شعرك اشقر وعيونك زرق الي يشوفك يقول هاذي ملاك بس اذا عرفك الله يعينه
اسيل وهي تطالع شكلها بالمراية:أي والله اصلا انا شكلي موم عاجبني ودي اسوي عملية اغير فيها شكلي
زياد:خليه قرد يلبق لك
ترف ولينة:هههههههههههههههههه
اسيل عصبت:الظاهر جد ناوي تتكفخ

صارت تلحقه بالجزمة...
زياد:ههههههههه خلاص اسيل sorry
اسيل:حتى شباب العايلة مقرفين وخكاروة ايش (وهي تقلده)sorry الرجال تقول السموحة مو(رجعت تقلده)sorry
زياد:هههههههههه خلاص السموحة منك يا بنت العم
اسيل بعربجية:ايوه كذا خلك رجاااااااااال(وضربته مع كتفه بقوة)

*****************************
سحر كانت قاعدة بغرفتها وتحط المسات الاخيرة من الميك اب كانت لابسة برمودة جينز ازرق غامق وبلوزة لونها اخضر (تفاحي)عليها رسمات من قدام خلت شعرها مفتوح كالعادة ولبست جزمة (تفاحي)فسفورية كانت مرة حلوة مع البس كان شكلها طفولي وسبورت بنفس الوقت..

رفعت السماعه الي بغرفتها..
ليزا:صباح الخير انسة سحر
سحر بدون نفس:صباح النور يلا تعالي فوق شيلي اغراضي
ليزا:حاضر انسة سحر

رجعت تطالع نفسها بالمراية بكل اعجاب:ياناس بالذنة قولو لي في احلى مني طبعا لا ههههههههههه
اسيل:الحمد الله والشكر
سحر لفت متخرعة وطاح منها المشط:بسم الله انتي من وين طلعتي
اسيل:من بطن امي
سحر قربت من اختها:اقول اسولة حبيبتي
اسيل:لا يكثر شتبين؟
سحر:حبيبتي دايم تفهميني
اسيل:سوسو انتي مو طبيعية اليوم شتبين؟
سحر:ابيك طلعين وياي
اسيل:نعم شنو قلتي ما سمعت؟
سحر:تكفين اسولة حبيبتي انتي بس هالمرة
اسيل:ليه؟
سحر:بصراحة يااختي صج انك عربجية بس شكلك مرة يعجبني وابي اكشخ فيك
اسيل:ليه شنطة والا عباية تبين تكشخين فيني
سحر:مالت عليك انا ابي ارزك مع ذه الوجه
اسيل:اقول تلايطي بس
سحر:ايش هاذا ياي بيئة
اسيل تقلدها:ياي بيئة..مااقول الا الله يقرفك

طلعت اسيل من جناح سحر وهي تتحلطم وتاركة سحر مولعة من كثر العصبية..

**************************************

زياد كان بالسيارة مع ترف..
ترف:وين بتوديني؟
زياد يطتالعها بكل حب:بتشوفين اكيد المكان راح يعجبك
ترف:مدام منك اكيد بيعجبني
زياد وقف السيارة بقوة...
ترف خافت:زياد شفيك؟
زياد سكت وقعد يطالعها بنظرات استحت منها ترف..
ترف:زياد ليه تطالعني كذا؟
زياد مسك يدها:احبك
ترف:وانا بعد احبك
زياد حط يد ترف على قلبه:اااه تحسين بدقات قلبي
ترف:ايوه
زياد:صدقيني يا ترف هالقلب مادق الا لك لك انتي وبس واي كلام تسمعينه من أي احد تراه كذب صدقيني كذب
ترف:زياد ليه تقول كذا(قالت بشك)انت مسوي شي غلط؟
زياد ابتسم بارتباك:لا مو مسوي شي بس حبيت اقول لك كذا عشان لو احد قال لك كذا تعرفين انه كذب
ترف ابتسمت وضمت يدينها الثنتين على يد زياد:بدون ما تقول انا مستحيل اصدق عنك أي شي مو زين
زياد:فديتك انا
ترف استحت ونزلت راسها...
زياد:يالبي علي يستحون
ترف رفعت راسها بعصبية ماتحب احد يعاملها كانها طفلة...
زياد خاف من نظراتها:ههههههه خلاص اسفين ماكان قصدي يمى منك لا تطالعيني كذا تذكريني باسيل
ترف:ههههه الله انا اشبه اسيل وناسة
زياد:لا انتي احلى منها

ترف كانت تشبه لينة مرة بس ترف كانت افتح من لينة عيونها بنية وشعرها بني فيه خصل شقره كان مرة كثيف اكثر من شعر سحر بس لينة كانت عيونها عسلية وشعرها اسود وبشرتها برونزية..اما سحر كانت بشرتها برونزية وعيونها سودة ووساع وشعرها اسود ومرة ناعم كانت احلى وحدة من خواتها بعد اسيل طبعا بس الي يخرب عليها كان شخصيتها الي الكل يكرها ...

ترف:بس انا عيوني مو زرق
زياد:ومين قال لك اني احب العيون الزرق اصلا انا اخاف منها
ترف:هههههههه شدعوه
زياد:أي كافي عيوني خضر
ترف:اصلا احلى شي فيك عيونك
زياد:افا يعني مافي شي عاجبك فيني غير عيوني
ترف:لا كل شي يعجبني فيك
زياد:ايوه قصي علي
ترف:ههههههه لا والله انا ابيك بكل عيوبك راضية فيك
زياد صار يطالعها بنظرات ما فهمتها...
ترف:زياد ليه تطالعني كذا؟
زياد حس على نفسه:انا لو قعدت هنا اكثر من كذا بتصير علوووووم خليني اوديك البيت احسن
ترف:ليه خلني جالسة معك شوي
زياد:والله ودي بس بصراحة انا ما اظمن نفسي اذا جلست معك
ترف:ههههههههههههه طيب خلاص يلا رجعني

*******************************

بمجمع الظهران كانت سحر تتسوق مع صديقتها شيما...
شيما:سحر ماتعبتي من الصبح واحنا نتسوق
سحر:كم الساعة؟
شيما تطالع ساعتها:4 العصر
سحر:اوكي خلينا نروح على الكوفي
شيما:اوكي

راحوعلى لندن ديري..
شيما:ماودك تاكلين ترى ماتغدينا
سحر تلعب بالجوال ولا لفت عليها:لا مو جوعانة
شيما:انا بروح اجيب لي كوفي تبين شي؟
سحر بملل:لا

سحر كانت مندمجة توها تعرفت على واحد بالبلوتوث وقاعده تسولف معاه...

$بسمة الثغر الخجول$<<سحر
((انت أي واحد؟))

&قاهرهم&
((معي ولد صغير عند كنتاكي))

سحر قامت من مكانها..
شيما:وين؟
سحر:ها..جوعانة بروح اجيب لي اكل
شيما:توك تقولين ماتبين
سحر:عاد الحين جعت
شيما:طيب من وين بتجيبين لك؟
سحر:مدري بشوف يلا قومي
شيما:طيب

راحو على مطعم كنتاكي سحر شافت واحد واقف ومعه ولد صغير كان مررة مزيون وحلو بس كان يكلم بالتلفون...
سحر((اكيد هاذا قاهرهم بس كيف يرسل ويكلم بنفس الوقت))جاها طلب اتصال من قاهرهم فتاكدت انه مو هو نفسه..

&قاهرهم&
((وينك؟))

$بسمة الثغر الخجول$
((انا عند لندن ديري))

&قاهرهم&
((انا عند الصراف الي قدام لندن ديري انتي أي وحدة اوصفيلي شكلك))

سحرراحت بسرعة عند الصراف تموت وتشوف شكله...
شيما واقفة مستغربة:هاذي شفيها؟

سحر وقفت ما تشوف أي رجال معاه ولد عند الصراف ((لحظة كان في ولد صغير هناك بس مين الي معاه..لا مستحيل يكون هاذا قاهرهم))

$بسمة الثغر الخجول$
((الولد الي معك لابس اورنج؟))

&قاهرهم&
((ايوه انتي أي وحدة؟))

سحر وقفت مصدومة معقولة هاذا قاهرهم كان رجال كبير بالسن وسمين وشكلة واضح انه مو سعودي صارت تتكرر كلامها زي المجنونة:معقولة...قاهرهم...هاذا...لا مستحيل اكيد انا بحلم..

&قاهرهم&
((وينك؟))

سحر عصبت كانت بتروح له وتهزئه بس مسكت نفسها.

$بسمة الثغر الخجول$
((ومسمي نفسك قاهرهم على ايش ياخظي مالت عليك وعلى الي بتقهرهم استح على وجهك شوف شكلك كيف شوف شعرك أي شعر انت اصلا اقرع لا واثق بعد تقول لي تعالي شوفيني الحمد اله والشكر جد تخلف))

ومن بعدها سكرت البلوتوث ودقت على شيما وقالت لها انها بترجع للبيت دقت على مدحت وجا وخذاها..

*****************************************

رجع زياد للبيت وكان ابوه باستقباله...
ابو زياد:شرفت
زياد بصوت واطي:يالله خير
ابو زياد:شنو؟
زياد بابتسامة مصطنعه:قوة يبا
ابو زياد:الله لا يقويك وين كنت امس واليوم يعني ماشفتك بالشركة؟
زياد:ليه خالد ماقال لك اني كنت اسوي جولة حول الاقسام عشان اتعرف على الشغل
ابو زياد:يلعن ابوك شهالجولة الي تاخذ يومين
زياد:ههههههههههه
ابوزياد بعصبية:ضحكت بليا ضروس ليه تضحك؟
زياد:ها...لا ولا شي
ابوزياد:انت ليه رايح لبيت بنات عمك ها؟
زياد:انا؟
ابو زياد:ايوه انت
زياد:متى؟
ابو زياد:زيود لا ترفع ضغطي انت شنو موديك لبنات عمك؟
زياد:بنات عمي حرام ازورهم
ابو زياد:لا والله تصدق توني اعرف زييين قلت لي
زياد:يبا شفيك علي
ابو زياد:انا اعرف سوالفك ولدي خبز ايدي تربيتي
زياد بصوت واطي: امحق تربية
ابزياد:زياد وسكاكين تقطع حلقك شتقول؟
زياد وهو يمسك رقبته:بسم الله يبا شفيك على حلقي تراه هو راس مالي بهادنيا
ابو زياد:أي لانك بياع كلام وخراط
زياد:يبا الحين انت بزنس مان كبير وتقول خراط خلي اسلوبك شوي ارقى
ابو زياد:وجع انشاء الله احترم ابوك يالي ماتستحي ياراعي الشرب والبنات

زياد توه بيتكلم الا تطلع وحدة من المطبخ...

زياد يطالع ابوه بنص عين:ايوه انا راعي البنات هاذا الشبل من ذاك الاسد
ابو زياد:استح على وجهك هاذي مرت ابوك
زياد مستغرب:مو كان شعرها اسود وشلي قلبه اشقر؟
نسرين<<زوجة ابوه(لفت على ابو زياد):هادا شو عم بيقول؟
ابو زياد ارتبك وسحب ولده لبعيد:اقول اذلف عن وجهي والزفته حصة خلاص طلقتها والحين زوجتي هي نسرين
زياد وهو يقز بنسرين:ايوه قلت لي نسرين
ابوزياد:انت هي لا تطالع زوجتي كذا ويالله اطلع
زياد لف على ابوه:وين اروح؟
ابوزياد:تسالني انا انت عندك بدال المكان عشر
زياد:طيب متى تبيني ارجع؟
ابو زياد لف على نسرين وابتسم:كلك نظر يعني شهر شهرين ثلاثة
زياد باستهبال:افا يبا تبي تحذف ولدك ضناك برة البيت شهرين او ثلاثة ماهقيتها منك يبا
ابو زياد:اقول لا يكثر
زياد:حبتين تعرف لا يكثر
ابوزياد عصب:زيــــاد
زياد:ههههههه خلاص بروح بروح

طلع من البيت وهو محتار:ياربي الحين كيف بسوي حفلة ترف والبيت مستحله هالعلة دق على صديقه سامي يغير جو شوي...

سامي:هلا والله بزياد
زياد:هلا
سامي:وينك من زمان ما شفناك؟
زياد:والله مشاغل بالشركة مع الوالد
سامي:اما مشاغل كثر منها
زياد:ليه؟
سامي:ادري عنك تلقى ما طبيت الشركة الا اول يوم قعدت نص ساعة ولا اقل ورحت تصيع
زياد:والله انك الوحيد الي يفهمني
سامي بخبث:الا شخبار الحبايب؟
زياد:أي حبايب؟
سامي:علينا راعيةالقطوة والبلونات الي وصيتني عليهم
زياد:وانت شعليك
سامي:افا الحين انا صاحبك تقول شعليك
زياد:شوف انا رايق لا تخرب علي مزاجي
سامي:اكيد طحت بصيدة جديدة صح اعترف
زياد:وانت من عرفتك بس تصيد لا مو صيدة ولا شي
سامي:اجل ايش؟
زياد:انت وينك الحين؟
سامي:انا عند الشباب بالشاليه
زياد:لا مالي خلق اجي تعال انت
سامي:انت وينك؟
زياد:تعال الشقة
سامي:ليه شعندك
زياد:اذا جيت بقول لك
سامي:زين خلاص دقايق وانا عندك
زياد:زين يلا باي
سامي:باي

**********************************8
سحر رجعت للبيت ولقت ترف تلعب مع القطو حقها..
سحر صرخت لان القطو جا عندها..


ترف:ههههههههه شفيك ترا هاذي بسة ما تاكل
سحر:بعديه عني بسرعة
ترف: اعصابك لا تموتين علينا
سحر شوي وتبكي:اقولك بعديه لا ارتكب فيه جريمة
ترف وهي تشيل البسة:هههههههه الحمد الله والشكر
سحر تاخذ نفس بعد هاذا الرعب الي جاها:هاذا ..هاذا شيسوي هنا؟
ترف:هاذا حقي
سحر:نعم مين جابه؟
ترف:زياد
سحر:وليه بعد؟
ترف:لان عيد ميلادي الاسبوع الجاي
سحر:الحين عيد ميلادك لاسبوع الجاي تحتفلون من اليوم ليه؟
ترف:مقدمات
سحر:احلفي زين..اقول وخري هاذا عني ورجعيه للي جابه
ترف:no هاذا حقي الحين مابي ارجعه
سحر:انتي تدرين ان فيني حساسية منه شوفي جسمي صار يحكني
ترف:مشكلتك هاذي مو مشكلتي
سحر:اقووووول
ترف:قولي الي تقولينه ماهمني بس رجعه ماراح ارجعه
اسيل:ليه هاذا الصراخ كله؟

شهقت اول ما شافت شكل سحر:سوسو شفيه وجهك احمر كذا؟
سحر بنرفزة وهي تحك يدها:من هاذا الغبي
اسيل:ايوه صح انتي معاك حساسية ..توتو طلعيه برة مو زين على اختك
ترف بعناد:مابي
سحر:انطمي وطلعيه بتخترب بشرتي كذا
ترف:بالعنه
سحر:سمعتي شنو تقول قليلة الادب هاذي
اسيل:ترف طلعيه
ترف:no
اسيل شالت القطو وحذفته بره الحديقة:كذا اوكي
سحر:اوف احس اني اقدر اتنفس على الاقل (وراحت على غرفتها بدلع)
اسيل: على الاقل قولي شكرا
ترف:اسيل يالزفته ليه كذا؟
اسيل:تبين اختك تموت يعني
ترف:شدعوة بسة صغيرة بتموتها؟
اسيل:ايوه بسة بتموتها

ترف طنشتها وطلعت للحديقة ..
واسيل صعدت لغرفتها...

***************************************
كانت تلعب مع الاطفال وهي تحس بارضى من الي تسويه جاها واحد من الاطفال..
الطفل:ماما بتنامين عندنا اليوم؟
لينة ابتسمت وقالت بحنان:لا اليوم ما اقدر
الطفل:ليه؟
لينة:عندي شغل بس بكرة من الصبح بجي عندكم طيب
الطفل:تيب<<(طيب)وراح يكمل لعب مع باقي الاطفال

لينة كانت تتاملهم وهي تحس بالسعادة((ياترى امي كانت تحس بالي انا احس فيه الحين لما كانت تلعب معانا وينك يايما محتاجة لك ياترى انتي عايشة ولا ميتة شبعانة ولا جوعانة لو ما عمي حلف على وصاني اني ما اروحلك بمكانك الي انتي فيه ولا انا كل يوم عندك يارب سامحني اذا انا مقصرة معها يارب))

طالعت الساعة كانت 7 مساء ..قررت ترجع للبيت..

****************************************

بعد اسبوع بعيد ميلاد ترف..

اسيل راحت على غرفة ترف الي كانت تتجهز..

اسيل تتكلم مصري:اش اش أي الطعامة دي
ترف:والله شكلي حلو؟
اسيل:قمر
ترف:يعني تتوقعين يعجب زياد؟
اسيل:ايوه اكيد بيعجبه الا بيموت عليك
ترف:ميرسي

ترف طالعت اختها:انتي ليه مالبستي للحين؟
اسيل:خلصت
ترف:بتروحين كذا؟

اسيل كانت لابسة بنطلون جينز واسع وبلوزه جبنيز لونها سماوي ومكتوب عليها كلام بالفضي..

اسيل:ايوه ليكون شكلي مو عاجبك؟
ترف:اسيل حبيبتي تكفين بس اليوم البسي فستان عشان خاطري بس اليوم
اسيل طالعت اختها بصدمة:ايش..شنو تبيني البس؟
ترف خافت من نظرات اختها بلعت ريقها:ف..فس..تان
اسيل بصراخ:حلو حلو هاذا الي ناقص بعد
ترف:خلاص خلاص انتي بس اهدي زلة لسان والله
اسيل بعربجة:ايوه انطمي قال فستان قال

ترف سكتت عنها ولفت على المراية تعدل شعرها..

*****************************************

في غرفة سحر..

لينة:يعني ايش ماراح تروحين
سحر:يعني ماراح اروح
لينة:طيب ليه؟
سحر:مزااااااااج وبعدين صاحبتي بتجيني
لينة:مين هاذي؟
سحر بملل:اوف..سارة
لينة:وانتي كل يوم تغيرين صديقاتك
سحر خزت اختها وقالت بغرور:وانتي ليه محترة؟
لينة:مين قال اني محترة بس مايصير أي وحدة تتعرفين عليها تجيبينها للبيت
سحر:والله عاد صاحباتي وكيفي اجيبهم مكان مابي
لينة:انتي ما ينفع معك الكلام خلاص بكيفك مو لازم تجين

طلعت لينة من الغرفة وهي معصبة...

البارت الرابع
لينة قاعدة بالصالة وتنتظر خواتها ينزلون...
لينة تكلم نفسها:اوف هاذولا شفيهم تاخرو؟
لينة بصراخ:اسيل ترف يلا ترى زياد كسر جوالي من كثر ما يدق

نزلت اسيل من الدرج وهي شايلة عبايتها.

لينة:وترف وينها بعد؟
اسيل:تعرفين سخافة اختك قال ايش(وهي تقلد دلع ترف بالكلام) انا صاحبة البارتي ولازم اجي اخر وحدة
لينة:هههه الله يرجك والله ضبتيها
اسيل:افا عليك انا اسولة اعجبك
لينة:اجل خلاص خليها على راحتها..يلا نمشي

لبسوا عباياتهم وطلعو...

******************************

بافخم فنادق المنطقة الشرقية كان صوت راشد الماجد(تنحط على الجرح)مالي المكان زياد كان حده متحمس للبارتي لانه نوى يفتح صفحة جديدة في حياته صفحة بيضا مافيها أي تشوهات...
لمح من بعيد لينة و اسيل داخلين راح لهم بسرعة..

زياد:شفيكم تاخرتو؟
لينة:اسيل وترف طولو على ما خلصو لبس
زياد:اجل وين توتو؟
اسيل:طيب سلم على الاقل
زياد:ههههه معليه اسف شخباركم؟
اسيل:بدري
لينة دزتها:كلنا بخير وانت؟
زياد:تمام
اسيل:مطولين
زياد:ليه شفيك
اسيل:اسال نفسك ساعة موقفنا عند الباب قول لنا تفضلو تعبت وانا واقفة
زياد:يوه والله اسف بس انا اليوم متوتر شوي تفضلو

راحو وجلسو على الطاولة...

لينة:اقول زياد
زياد:هلا
لينة:مو قلت بتسوي الحفلة عندكم بالقصر ليه غيرت رايك؟
زياد:حكم القوي
اسيل:ليه عمي مارضا؟
زياد:لابس توه معرس ويبي ياخذ راحته مع زوجته الجديدة
اسيل:يوه طلق منى؟
زياد:أي منى انتي شخباري ابوي طلقها من زمان وبعدها تهاني وبعدين نجلاء وبعدين حصة والحين زوجته اسمها نسرين.
اسيل:عمي هاذا ما يزهق من الزواج؟
زياد:خليه عنده فلوس مو عارف وين يوديها
اسيل:على قولتك

*********************************

في هاذا الوقت كانت سحر بالسيارة مع خويها وليد...

سحر:وليد صدقني انا ما اكلم غيرك وانت اول واحد اطلع معه
وليد:مصدقك ياقلبي مصدقك
سحر:اجل ليه اشوف بعيونك نظرات شك؟
وليد:هاذي مو نظرات شك هاذي نظرات حب وشوق
سحرابتسمت
وليد:حياتي وصلنا بيتكم
سحر:مو كننا وصلنا بسرعة؟
وليد:انا بعد حسيت نفس الشي..تدرين ياسحر صحيح اني عرفت بنات قبلك واجد بس ولا وحدة تفهمني كثرك صدقيني ما عمري ارتحت لاحد مثلك
سحر ابتسمت على كلامه:وانا اوعظك اني اعوظك عن كل شي فقدته
وليد:انا عندي كل شي بس الشي الوحيد الي فاقده هو الحب ..سوسو انتي تحبيني؟
سحر سكتت اصلا هي مو عارفة حقيقة مشاعرها ناحيته بس هي ترتاح معه تحس بالامان وهي معاه غير عن أي واحد عرفته قبله..ابتسمت وقالت:أي احبك
وليد:ليه احسك متترددة وانتي تقولينها..مو من قلبك صح
سحر:لا والله من قلبي والله العظيم
وليد:هههههه مصدقك بس كنت امزح معك
سحر:تحبني؟
وليد:احبك قليلة بحقك انا اعشقك

*********************************

زياد كان واقف مع صديقه محمد..
زياد شاف اسيل تمشي :اسيل
اسيل:خير
زياد:تعالي شوي

قربت اسيل من زياد ومحمد:نعم شتبي
زياد قرب منها وسحبها وقال بصوت واطي:مو قدام الرجال لا تفشليني تكفين
اسيل:ليش مين هاذا؟
زياد:صديقي
اسيل:طيب شتبي مناديني؟
زياد:عطيني جوالك
اسيل:وليه انشاء الله؟
زياد:ابي اكلم البوفيه وجوالي مدري وين حذفته
اسيل عطته الجوال:خذ بس لا تخربه
زياد:شنو قالولك جاهل اخرب الجوال

خذا الجوال وطلع فيه لبرا القاعة..

محمد كان يطالع اسيل((معقولة تكون نفسها هي)) قرب منها يتاكد
اسيل لا حظت انه يطالع فيها راحت لعنده:الاخ مشبه؟
محمد ابتسم:لا بس اظن اني شفتك قبل كذا
اسيل مستغربة:بس انا ما شفتك الا هالمرة
محمد:موانتي تشتغلين في مستشفى ال.......
اسيل:ايوه
محمد((اجل اكيد هي)) مد يده وابتسم:انا محمد
اسيل مدت يدها وسلمت عليه:تشرفنا وانا اسيل
محمد:عاشت الاسامي
اسيل:عاشت ايامك
محمد:عرفتيني ولا لا؟
اسيل:لا والله ماعرفتك
محمد:انا الي صقعتي فيه عند مكتب المدير
اسيل سكتت شوي عشان تتذكر وفجاة صرخت:ايوه تذكرتك(مسكت يدها)ياانك عورتني ذاك اليوم قعدت ادعي عليك طول اليل
محمد:وانا شنو دخلني اذا انتي ما تشوفين قدامك
اسيل:انا ما اشوف ولا انت
محمد:ههههه شكلنا بنتهاوش خلاص انا اسف
اسيل:مسموح
محمد:انتي شنو تشتغلين بالمستشفى؟
اسيل بفخر:دكتورة اطفال
محمد:والله؟
اسيل:أي يعني انا شنو اكذب عليك ولا اكذب عليك.اخاف بس اكذب عليك
محمد:بسم الله شفيك قلبتي على بس انا مستغرب لانك بقسمي
اسيل:انت بعد دكتور اطفال؟
محمد:لا انا رئيس القسم
اسيل:والله مو مبين عليك رئيس قسم اقصاك موظف رسبشن
محمد:انا موظف رشبشن؟
اسيل:هههههههه امزح شفيك دمك ثقيل ما تتحمل المزح
محمد:هههههههه لا عادي

**********************************

لينة كانت قاعدة مع صديقتها نجد..

نجد:ماشاء الله الحفلة مرة حلوة
لينة:تسلمين
نجد:الا وين ترف ماشفتها؟
لينة:لسا ما جت
نجد:ليه ما عزمتي استاذ فيصل؟
لينة:اقول استريحي ما بقى الاهو عشان اعزمه
نجد:ليش ترى استاذ فيصل حبوب
لينة:مااحبه مابنزل لي من زور
نجد:ليش؟
لينة:كذا من الله
نجد:على راحتك

**************************************

وصلت ترف للفندق واول ما دخلت تفاجاة من روعة المكان كان كله صورها بكل زواية وبكل ركن وفي لوحة كبيرة بالنص مكتوب عليها:

((happy barth day toto))

جاها زياد وهو مبهور من جمالها كانت لابسة فستان احمر كوكتيل يوصل لين فوق الركبة ولابسة معه اكسسوارات ذهبية وكانت مسوية شعرها مرول وحاطته كله على الجنب وحاطة اكسسوار على شعرها على شكل فراشة لونه ذهبي واحمر...
زياد بابتسامة جذابة:كل عام وانتي بخير
ترف ردت له الابتسامة:وانت بخير
زياد: حبيبتي طالعي فوق

ترف رفعت راسها لوين ياشر زياد تفاجات من الي شافته((معقولة زياد يحبها لهاذي الدرجة)) كان مكتوب على السقف بالبروجكتر(جهاز العرض):

I love you taraf….. from zeyad

طالعت فيه وابتسمت زياد دخل يده بجيبه وطلع منه علبة صغيرة مدها لترف:افتحيها
فتحت الصندوق وكان داخلها خاتمين طالعت فيه مستغربة...
زياد خذا واحد من الخاتمين ولبسه لترف وترف خذت الخاتم الثاني منه ولبسته له ...

زياد مسك يدها وقال بحب صادق:هاذا رمز حبنا..احبك واوعدك اني اظل احبك للابد واني ما اتخلى عنك لو شنو ماصار
ترف بصوت هادي ورومنسي:احبك واوعدك اني اظل احبك للابد واني ما اتخلى عنك لو شنو ما صار

بذاك الوقت زياد حس ان الدنيا مو سايعته كان وده يضمها ويطير فيها بس الناس بدو يلاحظونهم..
اشر لواحد واقف عند ال(دي جي) وبعد ثلاث ثواني انطفت الانوار وتوجه نور ابيض لترف زياد بعد عنها والناس بدو يصفقون..
مشت ترف على اغنية تامر حسني(مغنيها المفضل)_اغنية_(عيونو دار)

حبيبي يا..
كل الحياة..
اوعدني انك..
تفضل معايا
متغبش عني..
خد البي مني..
خليك حاضني..
لحد النـــهــأيــة..

ترف طول ماهي تمشي عيونها مانزلت عن عيون زياد الي كان يطالعها ويبتسم وكانه يقول لها انه يوصف مشاعره بهاذي الاغنية...

وقفت على المسرح..
زياد وقف ورا لينة:لولو
لينة لفت عليه والدموع بعيونها مو مصدقة ان ترف الصغيرة الي تعتبرها بنتها صار عمرها 19 سنة:هلا
زياد ماستغرب دموعها:ممكن ارقص مع ترف؟
لينة طالعت ترف وبعدين رجعت تناظر زياد ابتسمت:اكيد ممكن

صعد زياد على المسرح وبدو يرقصون القاعة كانت هدووووء الكل يناظر ترف وزياد أي احد يشوفهم راح يعرف ان بينهم شي...

دا عيونو دار..جنة ونار
ضحكة نهار..اجمل رموش
شدوني ليه..وانا دبت فيه
وازاي وليه..ليه ماتسالوه
الله عليك..وانت واقف بين ادايه
ضحكت عنيك..بيها بنسى الدنيا دي

لو يوم يغيب..يلقى حبيب
يحلم معاه..ويحس بيه
افضل انا..احلم هنا
يجمعنا يوم واحضن عنيه
الله عليك..وانت واقف بين ادايه
ضحكت عنيك..بيها بنسى الدنيا دي

***********************************

سحر كانت وافقة عند الباب وتودع وليد..
وليد:والله ما ودي اخليك تنزلين للبيت لحالك..خواتك هاذولا كيف يخلونك لحالك بالبيت؟
سحر:هم اصلا ما يحبوني وما صدقو قلت لهم اني تعبانة على طول راحو وخلوني..لو انت مو بحياتي مدري ايش كان بيصير فيني اتوقع بموت
وليد:بعيد الشر لا تقولين كذا انا اصلا ما اقدر اعيش من دونك

سحر صارت تطالع وليد بنظرات ما فهمها..
وليد قرب منها وما صار يفصل بينهم الاشي بسيط حط يده على خدها بنعومة وهمس باذنها:تامرين على شي؟

سحر توترت وقلبها صار يدق بسرعة اكتفت انها تهز راسها بالنفي..

وليد قرب منها اكثر وصار يناظرها بنظرات خافت منها سحر ابتسم بخبث وباس جبينها وقال بهمس:باي

مشى وهو تارك سحر بصدمتها مو مستوعبة الي صار هي عمرها ما سمحت لاحد من اخوياها الي قبل انه يمسك يدها حتى والحين يجي وليد ومن ثاني لقاء يسوي كذا وتسكت له((معقولة انا احبه من جد))ردت بهمس:باي

وقفت لين مااختفت السيارة عن عيونها خذت نفس عميق بعدين زفرته ودخلت للبيت...

********************************
زياد كان قاعد مع ترف ومندمج بالسوالف فجاة لمح وحدة واقفة بعيد وتناظر فيه((معقولة هي نفسها ايش الي جابها هنا؟)طرد هالافكار من راسه((لا لا اكيد انا اتخيل))

رن جوال زياد اغنية اصالة (شموخ عزي)المقطع الي يقول..

كم تناسينا خطاك
مايهمك وش يصير
بعت قلبي الي عطاك
صدق ماعندك ضمير

ترف:زياد جوالك يرن
زياد برتباك:ها..اي صح
ترف:طيب رد
زياد:لا هاذا سامي خليه يولي
ترف:معليه رد عليه يمكن يبيك بشي ضروري
زياد وقف:طيب دقايق اكلمه واجيك
ترف:teak your time

.زياد راح عند المدخل.

رد بدون نفس:خير شتبين؟
بتول:تكفى زياد ابيك بموضوع ضروري
زياد:مابيني وبينك مواضيع
بتول تبكي:ليه يازياد ليه صرت قاسي كذا معقولة نسيت كل الي كان بينا
زياد:قلتيها كان والحين انا قلبي ماعاد ملك لي سلمته لوحدة تستاهل اني اقول لها احبك
بتول زاد بكيها:تكفى زياد اوعدك هاذي اخر مرة بس ابي اشوفك تكفى
زياد ماهان عليه يكسر خاطرها مهما كان هو في يوم كان يحبها:اوكي خمس دقايق بس لاني مو فاضي لك
بتول((هين يازياد)):خمس دقايق تكفي
زياد:انتي وينك؟
طلع صوت من وراه:انا وراك
زياد لف عليها وقال ببرود عكس الي يحس فيه:خير شتبين مني؟
بتول رمت نفسها بحضنه وصارت تبكي:زياد انا محتاجة لك

*************************************

داخل القاعه...
ترف كانت تسولف مع صديقاتها..
جوهرة:توتو مين هاذا الحلو الي رقصتي معه؟
ترف:خطيبي
نورة:متى خطبتي؟ماقلتي لنا
ترف:لسا ماصار شي رسمي اذا صار شي بعزمكم

رن جوال ترف وكان من رقم غريب..
خذت جوالها وراحت على الحديقة:الو
بس المتصل سكر..
ترف:جد وقاحة يس كيف يسكر الخط بوجهي

توها بتدخل للقاعة بس سمعت صوت بكى قررت تروح تشوف ايش السالفة ومين الي يبكي..
وقفتمكانها من الصدمة تمنت انها تموت ولا تشوف الي تشوفه(تجمعت الدموع بعيونها)((معقولة زياد الي اشوفه قدامي هو نفسه زياد ولد عمي الشخص الوحيد الي حبيته بحياتي ويخوني))
طاح منها الجوال وركضت لداخل قبل ما يشوفها...

اول ما دخلت شافت الكل فرحان بعيد ميلادها الي يسولف والي يرقص والي يضحك الكل يحس بالسعاده لها بس تحس انها ماتت انقتلت والي قتلها هو الشخص الوحيد الي سلمت قلبها له..

كنت احسبك سيفي اذا طحت اناديك
اثر البلا سيفي هو الي طعني

قعدت على الطاولة لحالها ساكته وحابسة دموعها ماتبي تنمزلها على واحد باعها..

ان يطعنك احدهم في ظهرك فهاذا امر طبيعي
ولكن ان تلتفت وتجده اقرب الناس اليك فهذه هي الكارثة...

مرت هالخاطرة في بالها وهي تتذكر شكل زيادوهو حاضن غيرها كثير قرت هالخاطرة وعجبتها بس عمرها ماحست فيها زي ما حست فيها اليوم...

**************************

زياد سمع صوت شي يتكسر ترك بتول وراح يشوف انصدم وهو يشوف جوال ترف عرفه من الميداليه الي عليه كانت هدية منه قلب وعليها اسمه واسمها..
زياد:معقول تكون شافنتي؟

دخل بسرعة للقاعة يدور عليها شافها قاعدة على الطاولة ومو واضح انها تعرف شي هو يعرف ترف دلوعة يعني لو شافته كان الحين قاعدة تبكي او راحت وكلمته قرب منها وطالع بوجها شاف برود واضح عليها وجها ما يعبر بشي جلس جنبها ومسك يدها:ترف انا...
قاطعته لانها سحبت يدها بقوة وقامت من مكانها طالعت فيه بنظرات احتقار ولوم فصخت الخاتم وحطته على الطاولة:الي بينا انتهى وانسى ان عندك بنت عم اسمها ترف زي ما انا راح انسى ان لي ولد عم اسمه زياد

زياد قعد بمكانه مصدوم رفع الخاتم وطالع فيه صار لف وصار يناظر الباب لوين طلعت ترف((انا شنو قاعد اسوي هنا وهي طلعت))

طلع وراها ولقاها تلبس عبايتها...
زياد:ترف..ترف
ترف مشت عنه بدون ماترد...
زياد(مسك يدها):ترف اسمعيني
ترف صرخت عليه:baek off I hate you
زياد وقف مصدوم:تكرهيني؟
ترف نزلت دموعها وراحت بدون ماتقول ولا كلمة..

******************************
بالبارتي..
اسيل كانت تسولف مع محمد ومندمجة رن جوالها..

اسيل:هلا وغلا بليون
لينة:اسيل ترف معك؟
اسيل:لا ليش؟
لينة:طيب انتي تشوفينها حولك ؟
اسيل تتلفت:لا
لينة بدت تخاف:ياربي هاذي وين راحت انا حاسة ان فيها شي
اسيل:انتي كل خايفة وتتشائمين انشاء الله مافيها الا العافيه بس انتي اهدي
لينة:شلون تبيني اهدى وانا مدري اختي وين
اسيل:طيب اهدي الحين..انتي وينك؟
لينة:عند المدخل
اسيل:طيب انا جاية لك الحين

سكرت الخط وقالت حق محمد بعربجة:السموحة حمود بس اختي تبيني
محمد ابتسم:لا عادي
اسيل:طيب عن اذنك
محمد:اذنك معك

راحت اسيل ومحمد ظل يطالعها مايدري ايش صار فيه ن اول ماشافها في المستشفى والتقت عيونه بعيونها يحس ان فيها سحر يجذبه لها...

******************************

اسيل:لينة شفيك؟
لينة:والله يا اسيل حاسة ان في شي صار يا في ترف يافي سوسو
اسيل:اذا في سوسو انا ما عندي مانع بس اذا على ترف لا انشاء الله مافيها شي
لينة:انتي شفيك عليها هاذي اختك؟
اسيل:هاذا مو موضوعنا دقي عليها طيب
لينة:سحر ما ترد وترف جوالها مقفل
اسيل:طيب زياد وينه؟
لينة:مدري هو الثاني مختفي
اسيل:اجل اكيد ترف معه اما سحر تلقينها نايمة
لينة:الساعة 2 سحر ما تنام الحين
اسيل:شدراك يمكن اليوم نامت بدري
لينة بتوتر:مدري يمكن
اسيل حطت يدها على كتف لينة:تبين نرجع البيت؟
لينة:أي لاني جد خايفة على سحر
اسيل:اوكي يلا
لينة:وترف؟
اسيل:بدق على زياد يجيبها
لينة:طيب

****************************

رجعو البنات بعد ما خلص البارتي وكانت الساعة 2 ونص...

اسيل وهي تتثاوب:ليون انا بروح انام
لينة:خلاص حبيبتي روحي ارتاحي
اسيل وهي تصعد الدرج:تصبحين على خير
لينة:وانتي من اهل الخير

لينة تحك يدهامن التوتر:ياربي هاذي وين راحت وزياد مايرد..طيب يمكن في غرفتها انا مادورت فيها

توها بتصعد الدرج الا سمعت صوت الباب يتفتح..

لينة:ترف وين كنتي؟
ترف:.................
لينة بخوف لان عيون ترف كانت متورمة من كثر البكي:توتو شفيك؟
ترف صار تكره احد يقول لها توتو لان زياد اكثر واحد كان يقول لها كذا:انا مو توتو انا اسمي ترف
لينة قربت من اختها:حبيبتي شفيك؟

ترف كان ودها تنرمي بحضن اختها وتقول لها كل شي بس كتمت الي فيهاوقال والعبرة خانقتها:مافيني شي بس انا تعبانة وابي انام
لينة:طيب وين كنتي؟
ترف ماعرفت ايش تقول لها صدت عنها وقالت بتردد:مع.مع زياد
(نزلت دمعه حارة منها اول مانطقت اسمه)
لينة بشك:زياد؟
ترف وهي تحاول تداري دموعها وتبين صوتها عادي:ايوه مع زياد
لينة:وين؟
ترف:كان يبي يوريني شي ورحت معه
لينة:شنو؟
ترف:اووووه لينة خلاص انا تعبانة وابي انام
لينة:طيب روحي نامي بس بكرة ابي اعرف كل شي
ترف وهي تصعد الدرج:يصير خير

راحت على غرفتها اول ما دخلت رمت نفسها على السرير وبكت بكت بصوت مكتوم ماتبي احد يعرف عن الي سواه فيها زياد فتحت درج جنب السرير وطلعت منه صورة لزياد لما كانو في بيروت كان مبتسم والثلج حوالينه كان مبين بريئ في الصورة:عمري ماتوقعت منك الخيانة يازياد توقعت الكل يتركني الا انت (بكت بصوت يقطع القلب) بابا تركني وماما تركتني والحين انت تتركني(زاد بكيها)حست انها مخنوقة طالعت في الصورة بحسرة ورمتها على الارض وانكسر القزاز حق البرواز طالعت في الصورة الي جابها لها زياد لما كان يبي يفاجاها بعيد ميلادها طلعت مقص من الدرج وقصت الصورة لنصين طلعت البوم الصور حقها هي وزياد صارت تقص الصور وحدة ورا الثانية ماتبي أي شي يذكرها فيه وصلت لحد صورة جمعتهم وهم صغار كان عمرهم 9 سنين
ضمتها وبكت:ليه ليه يا زياد ليه تبي تكرهني فيك سكتت لانها ماقدرت تتحمل اكتفت انها تحضن الصورة وتبكي..

لاتخاف من الزمان الزمن ماله امان
خاف من الي كل امالك في اديه وتامنه
لو حبيبك ماوفالك لو حبيبك فيك خان
ايش ترجي من زمانك النتيجة باينة

نكتشف مر الحقيقة بعد مايفوت الاوان
قلت لك لا تندفع لا قلت حبي صاينه
وين هلي صان حبك ما اشوفه يوم معاك
قلبك الي هو قلبك لا تحسبك ضامنه

لا تعذر بحتياجك كلنا ناقص حنان
كلنا طفل يتمنى أي شخص يحضنه
نبني الدنيا وحنا نوقف بنفس المكان
للاسف ينقص وفانا مع مرور الازمنة

****************************

انتهى اليوم وبدا يوم جديد وتنولد معه امال جديدة واحلام كبيرة امل بان ماكان سوف يعود وحلم بمستقبل افضل...

*********************************

صحت لينة من النوم وبما انه يوم الجمعه يعني اجازة نزلت لتحت وهي تحس انها تعبانة طول اليل مانامت تفكر بترف وايش ممكن كون صار لها وجد هي كانت امس مع زياد ولا في شي ثاني وصلت لغرفة الطعامواستغربت من الي شافته...

تكمله البارت الرابع
دخلت لينة لغرفة الطعام واستغربت من الي شافته..
لينة وهي مستغربة:السلام عليكم
سحر بابتسامة حلوة:وعليكم السلام
لينة تطالع الساعة:توك قايمة ولا مواصلة؟
سحربنفس الابتسامة:لاتوني قايمة
لينة:جد؟
سحر:أي والله
لينة وهي تقعد:انشاء الله دوم
سحر:شخبارك لينة؟
لينة جد مستغربة من تغير اسلوب سحر فجاءة:تمام
سحر:ليش واقفة اجلسي
لينة جلست وهي تطالع سحر باستغراب:سوسو
سحر:هلا
لينة:شفيك اليوم تعبانة؟
سحر:ههههههههه لا ليش؟
لينة:لا ولاشي
سحر:لا عادي قولي
لينة:صدقيني ماتبين تعرفين
سحر:لا قولي ماراح ازعل
لينة بتردد:يعني فجاءة اسلوبك تغير شفيك؟
سحر سكتت وقعد تطالع لينة بنظرات مافهمتها...
لينة:لا تزعلين مني والله ماكان قصدي
سحر قربت من لينة وضمتها وبكت
لينة استغربت:سحر شفيك؟
سحر بعدت عنها ومسحت دموعها:في شي ابي اقوله لك من زمان
لينة:قولي حبيبتي شفيك؟
سحر:لينة انا ابي اقول لك شكرا على كل شي سويته لي من يوم وانا صغيرة كنتي تهتمين فيني وربيتيني وكبرتيني حتى دراستي تهتمين فيها ادري اني خذلتك بس سامحيني انا ما كان قصدي اسوي كذا بس غصبن عني الظروف جبرتني على هاذا الشي مالقيت ام تخاف على ولا ابو يقولي من وين جاية او وين رايحة حتى عمي ماعمري شفته الا بعا ابوي وبعدهها ما شفته انا اصلا اسمه نسيته كان المفروض اوقف معاك واساعدك مو اضيق عليك اكثر..لينة بليز سامحيني

لينة طالعت اختها والدموع انزلت من عيونها حست ان بنتها رجعت لها:انا عمري ما زعلت منك
سحر:بس اكيد تضايقتي مني في يوم وعصبتك والله مو قصدي بس انا كذا
لينة:لا يا سحر انا عمري مازعلت منك ولا راح ازعل انتي مو بس اختي انتي بنتي انتي واسيل وترف اعتبركم بناتي مو خواتي
سحر ضمت اختها:الله لا يحرمني منك
لينة:ولا منك
سحر رفعت راسها:لينة
لينة بابتسامة:هلا
سحر:انا احبك مرة
لينة ضمت اختها اكثر:وانا احبك اكثر واكثر
سحر قامت:طيب يلا نكمل فطورنا عشان نطلع
لينة:وين؟
سحر:بمشيك احسك بس بالبيت او بالشغل
لينة:أي والله من زمان ما طلعت
سحر:اجل اهلا بكي في شركة سوسو للسياحة والسفر
لينة:هههههههههه الله يرجك
سحر:ماراح اخلي مكان ماراح اوديك له
لينة:انا بعد بوديك مكان
سحر:وين؟
لينة كانت تبي توديها عند امها :بعدين بتعرفين
سحر:طيب يلا افطري عشان نروح ترى انا الي مسوية الفطور
لينة:جد من متى تعرفين؟
سحر:ههههه لا انا ما اعرف بس اشرفت عليه الطباخ كان يطبخ وانا اطالعه
لينة:لا الصراحة تعبتي نفسك
سحر:هههههههههههه
لينة:هههههههههه

*******************************

فتحت عيونها بثقل رجعت شعرها لورى قامت من سريرها طالعت غرفتها بالم امس ماقدرت تنام عدل طول اليل وهي تفكر فيه لحد الحين مو مستوعبه الي صار امس:اكيد كان حلم اكيد
بس الصور المتناثرة بالغرفة اكدت لها انه حقيقة.. بكت:اااه يازياد ماتوقعتك خاين بس الي ذابحني اني ماكرهتك ليش(صرخت) لـــيـــش ما قدر اكرهك لــــــــيــــــــش(بكت بصوت يقطع القلب)ليش

دخلت اسيل لغرفتها والخوف واضح عليها:ترف شفيك؟
ترف تبكي
سكتت اسيل وهي تشوف الصور مقصوصة ومتناثرة بكل مكان بالغرفة...
ترف تكورت على نفسها وبكت اكثر..
اسيل خافت عليها:توتو شفيك؟
ترف صرخت:لا تقولين توتو اكرهه اكرهه
اسيل خافت من صراخها:تكرهين مين؟
ترف:اكره كل شي كل شي(سكتت وبكت)
اسيل مو فاهمة شي ضمت اختها وخلتها تصيح بحضنها
اسيل بحنية:ترف شفيك قوليلي انا اختك
ترف مو قادرة تتكلم تبكي وبس..
اسيل:زياد صح؟
ترف رفعت راسها:ليش هوبالذات؟
اسيل:من الصور المقصوصة وهو اخر شخص كنتي معه امس صح ولا لا
ترف هزت راسها بالايجاب
اسيل:شنو سوى لك قوليلي وانا اعلمك فيه
ترف قاتعدة تتذكر موقف امس قالت بهدوء:ولا شي
اسيل:كيف ولا شي وحالتك الي النتي فيها والصور كل هاذا وتقولين ولا شي
ترف مسكت يد اسيل وقالت بترجي:اسيل صدقيني مافي شي
اسيل:سوى لك شي؟
ترف:لا
اسيل:طيب هو حاول انه
ترف قاطعتها:لا ولاشي من الي تفكرين فيه صار
اسيل:اجل ايش فيك؟
ترف:ولا شي صدقيني ولا شي
اسيل:ياليت اقدر اصدقك
ترف:لا تخافين خلاص انا مافيني شي
اسيل:طيب روحي غسلي وجهك وبدلي ملابسك من امس وهي عليك
ترف توها تلاحظ انها نايمة بالفستان:أي والله خلاص بروح ابدله
اسيل:متاكدة انك زينة؟
ترف:لا انا مو زينة انا ترف
اسيل:هههههههه سخيفة
ترف سحبت روب الحمام وقالت وهي طالعة من الغرفة:طالعة عليك
اسيل:ههههههههههههه(نزلت عشان تفطر)

ترف اول ما دخلت للحمام فتحت الماي حق البانيو وجلست فيه فتحت شعرها وجلست تطالع انعكاس صورتها بالماي:غبية انا غبية لاني حبيتك وغبية اكثر لاني للحين مو قادرة اكرهك

**************************************

كان قاعد بالشاليه ويناظر البحر جاله صديقه..
سامي حط يده على كتفه:شخبارك الحين؟
زياد:...........
سامي:تبي تفطر
زياد:...........
سامي:طيب روح نام من امس وانت على هالحال
زياد تنهد:تفتكر جد تكرهني؟
سامي سكت مو عارف أي يقول حق صديقه...
زياد بدون مايطالعه:يعني سكت
سامي:شنو تبيني اقول لك؟
زياد:تفتكر تكرهني من جد ولا كلمة قالتها وهي مقهورة؟
سامي:تبي الصراحة
زياد:ياليت
سامي:انا لومكانها مو بس اقط عليك الخاتم واقولك اكرهك انا لومكانها كان ذبحتك وذبحتها
زياد:ماجاوبت على سؤالي
سامي:ما ادري ايش اقول لك
زياد والدموع بعيونه:سامي لو ترف تركتني من جد بموت انت ماتدري هي شنو بالنسبة لي هي كل شي هي عمري وروحي وقلبي وحياتي الي اعيش عشانها انا اعيش لجلها وبس
سامي:ومادام انك تحبها لهاذي الدرجة ليش تخونها؟
زياد:مدري
سامي:كيف ماتدري تستهبل؟
زياد:صدقني ماادري كل الي اعرفه اني احبها وابيها ما ابيها تتركني
سامي:اسمحلي زياد انت مريض نفسيا
زياد:انا؟
سامي:أي انت ولازم لك علاج بعد
زياد:انا؟
سامي:ايوه انت
زياد:ليش؟
سامي:شلون تحب وتخون بنفس الوقت؟
زياد ماعرف ايش يقول له وفضل السكوت..
سامي:طيب حاول معاها
زياد:ماترد اصلا جوالها انكسر
سامي:طيب ماعندها جوال ثاني
زياد وكانه تذكر:ايوه عندها بدق عليها
سامي:مو الحين
زياد:ليش؟
سامي:صاحي انت امس تشوفك وانت تخونها والحين تبي تدق عليها باي عين؟
زياد:ماعلى منك انا احس انها بترد
سامي:على كيفك

زياد خذا جواله ودق على ترف..

كانت تمشط شعرها وسمعت النغمة..

الي كان من ابلك انت وانت مش جمبي مكنتش عيشى فيه
والي هيكون بعدك انت لو مكنتش جمبي يا ليتني اموت ابليه

طاح المشط من يدها معقولة اكيد اذنها صار فيها شي من كثر البكى صرت ما اسمع عدل رفعت الجوال ويدها ترتجف شافت الا(ملك الروح)((معقولة زياد داق على..ارد ولا لا قلبها يقول ردي بس عقلها يقول لا تردين.اخيرا قررت ترد))
ترف بصوت مبحوح:الو
زياد بلهفة:حبيبتي اسف
ترف نزلت دمعه من عينها قالت بصوت يرجف:زياد
زياد:عيونه
ترف ضغطت على نفسها ماتبي تضعف قدامه:خير شتبي؟
زياد:انا شنو ابي؟
ترف وهي تحاول ان صوتها يظهر عادي:ايوه انت شتبي؟
زياد:ابيك يا ترف ابيك ترجعين لي والله ان مو قصدي
ترف ماقدرت تتحمل اكثر انفجرت بوجهه وكانها قنبلة كانت تستنى الوقت عشان تنفجر:مو قصدك ايش بالضبط مو قصدك انك تحبني او مو قصدك تخوني او مو قصدك انك تدمرني وتحطمني او او او(بكت)مو قصدك ايش بالضبط؟
زياد:ترف ادري انك زعلانة مني بس......
ترف(قاطعته):زعلانة..كل الي انا فيه والي احس فيه توصفه بالزعل؟
زياد:حبيبتي والله اسف اوعدك اني ما اعيدها ابد بس لا تتركيني تكفين انا من دونك اضيع
ترف كتمت شهقاتها:انت ضايع معاي وبلياي
زياد حست بخاطره الكلمة بس هي معاها حق:معاك حق معاك حق بكل الي تقولينه بس يا ترف انا احبك
ترف:وان(سكتت كانت بتقول له وحتى انا احبك وما اقدر استغنى عنك بس كرامتها فوق كل شي):انساني زياد
زياد ما ستوعب الي سمعه حسبها زعلة وبتعدي بس الموضوع شكله جد:شنو؟
ترف من بين دموعها:انساني
زياد:انتي واعية للي تقولينه ولا بس عشانك معصبة وعلانة؟
ترف:ترجع وتقول زعلانة لا كن انت عمرك ماراح تعرف الي انا احس فيه الا اذا جربته
زياد:شقصدك؟
ترف بالم:انساني
زياد:شلون يجيلك قلب تقولينها؟
ترف:زي ما جالك قلب تخوني
زياد:بس انا يا ترف........
ترف(قاطعته):خلاص زياد الي بينا انكسر ولا يمكن انه يتصلح
زياد والعبره خانقته:يعني خلاص؟
ترف والدموع مغرقة وجها:امنتك الله
زياد:لحظة ترف
ترف:هلا
زياد:قبل لا تسكرين ابيك تعرفين اني بظل احبك وعمري ماراح انساك وباي وقت تحتاجين لاحد يوقف معك تعالي لي بكون موجود عشانك
ترف بصوت مبحوح:مع السلامة
زياد بياس:مع السلامة


دخل سامي وهو يغني:ها بشر شنو صار؟
زياد قعد:...........
سامي جلس جنبه وحط يده على كتفه:زياد شنو صار؟
نزلت دمعه من عينه:ماتبيني تركتني
سامي:زياد..انت تصيح؟
زياد بصوت مبحوح:احبها
سامي وقف ورفع صديقه:لا يازياد مو بنت الي تنزل دموعك
زياد:هاذي مو أي وحدة هاذي ترف
سامي:وخير ياطير بنت وراحت شنو يعني بدالها الف
زياد طالع سامي بنظرات كلها شر مسكه من بلوزته وصرخ:انت شنو تقول صاحي تستوعب الي تقوله
سامي:زياد شفيك هدني
زياد:انت ما تفهم وعمرك ماراح تفهم شي
رماه باقوى ما عنده على الكنب وطلع على جهة البحر...
سامي حس انه زودها شوي راح لعنده وجلس جنبه:اسف
زياد:........
سامي:جد ما كان قصدي
زياد:عادي
سامي:طيب قوم نروح نتمشى نغير جو
زياد:مابي
سامي:طيب الشباب دقو على يبون يسهرون اليلة بتجي؟
زياد:لا
سامي:طيب وين تبي تروح؟
زياد:ولا مكان
سامي:زياد تراك لوعت كبدي
زياد:تدري في اليوم الي فترقنا فيه كنت ناوي اتغير كنت ابي اصير زياد الوفي الي عمره ما يخون والي تتمناه ترف بس انا كذا حظي كل ما بغيت اتعدل يصير شي يخرب على كل مابي اتوب يصير شي ويخرب على احس في شي دايم يمنعني اني اسوي الصح ويدفعني للغلط
سامي:زياد روح نامشكلك تعبان
زياد:مابي انام
سامي:طيب موجوعان؟
زياد:لا روح انت
سامي:انا ماراح اتحرك منهنا الا ورجلي على رجلك
زياد:سامي
سامي:هلا
زياد:احنا ليه كذا؟
سامي:مافهمتك شنو قصدك؟
زياد:قصدي احنا ليه عايشين شنو الهدف من حياتنا؟
سامي:نستانس
زياد:بس؟
سامي:ليه في شي اهم من الوناسة؟
زياد:ربك
سامي طالع زياد مستغرب:شنو؟
زياد:ربك الي خلقك مو لازم نعبده
سامي:أي اكيد لازم هاذا احنا نصوم ونصلي برمضان
زياد:بس لازم نعبده بكل الشهور مو بس برمضان
سامي:انت شنو طاري عليك اليوم تسال اسالة غريبة
زياد ابتسم بستهزاء:الحين اذا سالتك عن دينك تصير اسالتي غريبة
سامي:شوفو عاد مين يتكلم عن الدين (ضحك بستهزاء)زياد ولد محمد
زياد:معاك حق انا صايع وابوي لاهي بحريمه والشركة ومالي حق افتي بشي او مو انا الشخص المناسب اني افتي بس بعد لازم احاول..سامي احنا لازم نتغير
سامي:انا حياتي عاجبتني كذا تبي تتغير تغير انت
زياد:من جد عاجبتك حياتك هاذي كل سهر وشرب وبنات وحرام في حرام
سامي ما عرف ايش يقول له:............
زياد:يعني سكتت
سامي:تبي الصراحة مو عاجبتني بس ما عندي غير هالطريق امشي فيه مع اني اعرف نهايته شنو
زياد:شنو الي حادك
سامي:كذا عناد
زياد مستغرب:عناد في مين؟
سامي يظيع السالفة:طيب انت شنو حادك على هاذا الطريق انت عندك كل شي الفلوس والحب حتى ابو يسال عنك عندك ليش تسوي كذا؟
زياد ضحك بستهزاء:ابو ايوه صح معاك حق ابوي الي حتى ما يدري كم عمري هو لو الناس مايقولون له يا ابو زياد ولا كان ما فتكر ان عنده ولد
سامي:انت ليه تتكلم عن ابوك كذا؟
زياد:لان هو كذا من يوم ماتت امي وهو لاهي بالشغل وبزواجاته الي ما تخلص ياخوفي تجي وحدة تضحك عليه وتاخذ كل حلاله
سامي:زياد انت لازم تنتبه على فلوسك ابوك هاذا ما ياتمن عليه
زياد:فلوسه خلها له انا مابي منه شي
سامي:شلون ماهاذي الفلوس بتصير لك اذا مات بعد عمر طويل
زياد:انا عندي فلوس امي تغنيني عنه وعن فلوسه
سامي:زياد ماتحس اننا قمنا نسولف باشياء عمرنا مافكرنا فيها
زياد:أي صح
سامي وقف:قوم
زياد:وين؟
سامي:قوم خلينا نفر بالسيارة لاعت كبدي
زياد رجع يطالع البحر:مالي خلق
سامي يسحبه:اقول يلا وبلا دلع
زياد:سامي جد مالي خلق
سامي:زياد بلا سخافة
زياد طالع فيه بياس:طيب يلا
سامي ابتسم:ايوه هاذا زياد الي اعرفه

********************************

بالسيارة...
لينة:الحين وين بنروح اول شي؟
سحر بحماس:اول شي بنروح السوق
لينة:ياحبك حق السوق
سحر:اجل شلون هاذا حياتي..شوفي انا مفكرة اسوي لك نيو لوك
لينة:ليه؟
سحر:عشان انا بعد ابي اسوي نيو لوك وابيك مثلي
لينة:اذا انتي بتسوين اجل بسوي معك
سحر:وبعدين بنروح المشغل نقص شعرك وبعدين نروح الكورنيش نجلس بالكوفي
لينة:كل هاذا بيوم واحد
سحر:ليش وراك شي؟
لينة:لا بس يمكن ما يمدينا
سحر:لا تخافين دامك معاي اكيد بيمديك
لينة:اها

رن جوال سحر اغنية(احبك واسهر)

احبك واسهر ايام وليلالي
اناجي اليل في غيابك لحالي
واقول اليوم يرجع لي حبيبي
يروح اليوم وما ترجع ياغالي

لينة :ردي شفيك
سحر بارتباك:ها شنو؟
لينة:جوالك
سحر:ايوه
لينة:شنو الي ايوه ردي
سحر:طيب

توها بتطلع الجوال ومن الخرعة طاح تحت الكرسي..
سحر:يوووه
نلت تجيبه مسكته وصقع راسها بالكرسي.
سحر:اااااااي
لينة:هههههههههه شفيك؟
سحر:ها لا لا ولاشي
لينة:ردي حرام
سحر:طيب
ردت..
سحر:الو
وليد:سنة عشان تردين
سحر وهي تحك راسها لانه يعورها:هههه سوري بس صارت سالفة
وليد:شنو؟
سحر:مو الحين
وليد:ليش انتي معاك احد؟
سحر:أي اختي
وليد:انتي ينك الحين؟
سحر:بالسيارة بطلع
وليد بغيرة:وين؟
سحر حست فيه:مع اختي بنروح السوق
وليد بنفس الطريقة:ومتى بترجعين؟
سحر:ههههههه
وليد بعصبية:ممكن اعرف ليه تضحكين؟
سحر:اقولك انا بالسيارة توني ما طلعت تقولين لي متى بترجعين
وليد:شسوي حبيبتي اغار عليك
سحر:من وشو؟
وليد:من عيون الناس الي بتشوفك بالسوق مابي احد يشوفك غيري انا وبس
سحر:ولا يهمك بغطي وجهي
وليد:جد؟
سحر:اذا تبين اغطيه بغطيه
وليد:انتي ليه تكلميني كذا؟
سحر بصوت واطي:اختي عندي
وليد:أي صح نسيت
سحر:طيب انا بسكر الحين
وليد:ليه انا مشتاق لك
سحر:الحين انا بالسيارة
وليد:زين حبيبتي اول ما توصلين للمجمع كلميني طيب
سحر:اوكي

سكرت ولفت على لينة الي كانت تطالعها باستغراب...
سحر وهي تحط جوالها بالشنطة:شفيك تطالعيني كذا؟
لينة:سحر انتي مين تكلمين قبل شوي؟
سحر بارتياك:اختي
لينة مستغربة:ايش؟
سحر:اه قصدي صديقتي
لينة طالعته بنظرات شك...
سحر حست انها مو مصدقة:هي صديقتي بس انا احسها مثل اختي
لينة قررت تمشي السالفة:اها
سحر سكتت لان لو قالت كلمه ثانية يمكن تنكشف اكستفت انها تطالع الطريق بهدوء

**********************************
نزلت من الدرج وشافت اسيل قاعدة تطالع كورة على القناة الرياضية ومتحمسة مع التشجيع..
ترف:مبارات مين هاذي؟
اسيل:النصر والهلال
ترف:مين غلب؟
اسيل:تعادل
ترف:اها وانتي مين تشجعين؟
اسيل:اوووه ترف لوعتي كبدي خليني اركز مع المبارات
ترف بدلع:مالت عليك اروح ادق على زيا(حست على نفسها )((كيف كنت بنطق اسمه معقولة انا للحين افكر فيه بعد ما شفت خيانته بعيوني))قطع تفكيرها صراخ اسيل
اسيل:قوووووووووووووول

ترف ابتسمت على اختها وراحت على غرفتها...

*******************************

بالسوق..
سحر ولينة كانو داخل المحل يشترون رن جوال سحر...
سحر بعدت عن لينة:هلا
وليد:وحشتيني
سحر:وانت اكثر
وليد:جد
سحر:ايوه جد
وليد:طيب لفي وراك
سحراستغربت:ليش؟
وليد:انتي لفي وبتعرفين

لفت وجها ولقت وليد وراها..سحر صرخت بعدين حست على نفسها وحطت يدها على فمها..
وليد:هههههه اذني ترى ابيها
سحر بصوت واطي:انت شنو مجيبك وراي وشدراك اني بهاذا المجمع وبهاذا المحل؟
وليد:انا لا حقك من يوم طلعتي من البيت وقلت اسويها لك مفاجاة
سحر ابتسمت:وربي احلى مفاجاة لاني جد مشتاقة لك
وليد:طيب تعالي
سحر:وين؟
وليد:تعالي عندي خلينا نتمشى
سحر:لا ما اقدر اختي معي
وليد:واختك شتبي تجي معك ليه ما جيتي لحالك
سحر:معليه حبيبي مرة ثانية

لينة اشرت على سحر عشان تجي عندها...
سحر:طيب حبيبي انا لازم اسكر اختي تبيني
وليد:واختك هاذي كل تخرب علينا
سحر ضحكت:معليه اذا رجعت البيت بكلمك
وليد:بمشي وراك عشان احميك
سحر:فديتك انا مسويلي فيها بودي جارد
وليد:والحرس الوطني بعد اذا تبين
سحر:هههههه اقول بس يلا باي
وليد:باي

راحت سحر لعند لينة...لينة كانت تكلمها بس سحر ماكانت معاها طول ما لينة تتكلم سحر كانت تطالع وليد ولا نزلت عينها من عليه...

***********************************

مر وقت طويل وهي قاعدة بنفس المكان ماتدري كم المدة هي سنة ولا شهر ولا اسبوع ولا يوم من دخلت لهاذا المكان وهي ماتعرف شي ماتعرف اذا كان ليل ولا نهار ولا تعرف ايش يصير بالعالم الخارجي حتى عيالها ولا احد منهم سال عنها ولا أي احد من اهلها او من اصدقاها كلهم تخلو عنها:الظاهر اني بظل وحيدة ولدت وحيدة وعشت وحيد وبموت وحيدة..

***********************************

كان قاعد على درج المكتب يدور شوية اوراق للدوام..
فيصل:اوف اخيرا لقيتها

اخذ الاوراق وطلع من المكتب وقف على باب مكتبها وصار يطالع فيه جاله فضول يدخل ويشوف ايش ممكن يكون بمكتبها دخل بكل هدوء شغل الانوار كان في مكتبين واحد منهم الاوراق متناثرة فيه بكل مكان والثاني مرتب ويعكس شخصية صاحبه الهادية...

فيصل ابتسم:اكيد هاذا هو مكتبها

تقدم على مكتبها بس بعدين وقف:انا مو من حقي افتش باغراضها بس الفضول راح يذبحني اموت واعرف شنو تحت بهاذا الدرج كل ما ادخل المكتب اشوفها تفتش بهاذا الدرج ..انا الحين ليش مهتم فيها اوف احسلي اطلع بس..

توه بيطلع بس حس ان في شي يجذبه لمكتبها ولازم يعرف شنو في هاذا الدرج تقدم له بخطوات ثقيلة وقف عند مكاتبها ومد يده للدرج..

*****************************************

بالمول..

كانو جالسات على الطاولة ولاكياس حواليهم تعبو وهم يفرون بالسوق..

لينة:ياربي والله تعب كيف تستحملين كل يوم تجين السوق؟
سحر:تعودت

سحر: اقول ليون
لينة:هلا
سحر:ماتبين تشربين شي؟
لينة:ليه؟
سحر:بس بروح اجيب لي كوفي قلت اذا تبين شي اجيبلك معي
لينة:اوكي جيبي لي شاي
سحر قامت وقالت بابتسامة:اوكي

راحت على لندن ديري جاها الويتر:wat do you wont?
توها بتتكلم بس طلع صوت من وراها :اثنين كيك (طالع سحر) لاحلى كيك
سحر انصدمت لما شافت وليد قالت بصدمه ماتوقعته يقرب منها كذا وبمكان عام:وليد
وليد ابتسم على شكلها:عيونه
سحر لفت على الويتر:بليز عطني ون كابتشينو اند ون تي
وليد:اند تو كيك
سحر ابتسمت:اند تو كيك

راح الويتر ولفت على وليد لقته مرة قريب منها رجعت على ورا بسرعة وقالت بصوت واطي:وليد بعد عني احنا بمكان عام

وليد قرب منها اكثر:احبك
سحر:وليد الناس تطالع فينا بعد عني
وليد بعد عنها: سامحيني بس انا اذا شفتك ما اعرف ايش يصير فيني ما اقدر اتحكم بنفسي
سحر:ادري عنك والدليل اخر مرة طلعنا مع بعض
وليد بخبث:ليش شنو سويت؟
سحر:يعني ماتدري
وليد:مممم لا
سحر:لا والله
وليد:طيب ذكريني
سحر:خلاص مو لازم

الويتر:مدام تفزلي الطلب
سحر :انا الحين صرت مدام
وليد:أي مدام الاستاذ وليد
سحر استحت...

خذت الطلب توها بتمشي الا وليد يمسك يدها طالعته بستغراب...
وليد:على وين؟
سحر:بروح عند اختي تنتظرني
وليد:اقول اجلسي ماعلي من اختك ولا من أي احد انا من زمان ما شفتك
سحر:ايش الي من زمان امس توك شايفني
وليد:والله وانا حسبالي انها شهر
سحر:لا والله اقول يلا باي
وليد:طيب على الاقل كلي الكيك الي طلبته
سحر:مرة ثانية باي
وليد:باي

راحت عند لينة...
لينة:تاخرتي كل هاذا شاهي
سحر:شسوي الهندي نشب فيني عيا لا يفهم((هههه مسكين ياوليد خليتك هندي))
لينة:اها

****************************

تكمله البارت الخامس

رجع مكتبه حط الملف على المكتب وقعد يطالعه...

فيصل:افتحه ولا لا..اصلا انا مالي حق اني اخذه من اول

قعد يدور بالمكتب وهو متوتر محتار يفتحه ولا لا ...

فيصل:خلاص دامني خذيته بفتحه

جلس على المكتب وفتح الملف بهدوء كان فيه اوراق للشغل ومن بين الاوراق طاحت صورة رفعها من على الارض كانت صورة لبنت صغيرة مع رجال وحرمة وواضح انهم امها وابوها دقق في شكل البنت وبعدين ابتسم:ما تغيرتي يا لينة نفس الجمال حتى وانتي صغيرة بس بعد واضح غرورك الي اكرهه

حط الصورة بجيبه ورجع الملف لمكتب لينة...

*******************************

في صباح اليوم الثاني...

رن جوالها و ردت بكسل..

اسيل:الو
محمد:اول مرة تقولين لي الو
اسيل ابتسمت:هلا وغلا
محمد:هههه ايوه هاذي اسيل الي اعرفها
اسيل تثاوبت:غريبة قايم بدري؟
محمد:أي بدري انا قايم عشان الدوام
اسيل نطت من السرير:أي دوام؟
محمد:شنو أي دوام اليوم السبت ولا نسيتي اليوم اول يوم دوام رسمي لك بالمستشفى
اسيل ضربت راسها:يووووه نسيييييييت
محمد:ماشاء الله يعني لو ما دقيت عليك ولا كان كملتي نوم ولا جيتي الدوام
اسيل:عادي شنو بيصير يعني لو ما جيت وجودي او عدمه ماراح ياثر على المستشفى وعلى الشغل
محمد((بس انا بياثر علي)):لا والله احلفي بس يلا قومي ولا بفصلك
اسيل بعربجة:افا والله يا ابو الشباب تفصلني وانا الي بضبطك
محمد مستغرب:تضبطيني؟
اسيل:ايوه اظبطك ان ما خليت كل الممرضات والدكتورات يخقون عليك ويخاونك ما اكون اسيل
محمد:ههههه لا شكرا ما ابيك تضبطيني مع احد((انا مابغى الا انتي وبس))
اسيل:زين شتبي داق؟
محمد:ول شهالنفس؟
اسيل بصراخ :مو تقول بتفصلني شلون تبيني اكلمك اجل
محمد:بسم الله شفيك قلبتي على انا كنت امزح معاك لا تزعلين
اسيل:مو زعلانة
محمد:اكيييد
اسيل:شايفني تافه عشان ازعل على سبب سخيف زي هاذا
محمد:اجل يلا تعالي الحين
اسيل:اوكي بس اسبح وابدل وافطر واجي على طول
محمد:الله كل هاذا لا ما يمدي اسبحي والبسي وتعالي على طول
اسيل:والفطور انا جوعانة
محمد:هههههههه يا قلبي جوعانة خلاص ولا تزعلين تعالي افطري معاي بالمستشفى
اسيل:نعم نعم لحظة انت شنو هاذي قلبي؟
محمد((يووه انا شنو قلت)):اسف زلة لسان
اسيل:ايوه حسبالي بعد
محمد:زين يلا بسرعة تعالي ترى حتى انا جوعان
اسيل:ليه ما فطرت للحين؟
محمد:استناك تجين تفطرين معي
اسيل ابتسمت:خلاص مسافة الطريق وانا عندك ماشي
محمد:ماشي
اسيل:يلا باي
محمد:باي

اول ما سكر الخط حس بفرحة بمجرد انه سمع صوتها :أي هاذا الصباح العدل اصبح على صوتها وامسي على صوتها شنو ابي اكثر من كذا اااه يارب تكون حاسة فيني والله اذا كانت حاسة فيني مدري ايش بسوي اتوقع بنجن ههههههههه

قام من كرسيه بسرعة:يووه ما طلبت الفطور الحين اذا جت وما شافت شي بتذبحني على حنتي قبل شوي

رفع السماعة وطلب من المطعم..

**************************************

نزلت من الدرج وهي تركض دخلت غرفة الطعام تموت لازم تاكل قبل لا تطلع من البيت<<مثل حالتي خخخخ

لينة:يوه اسيل صج انك مو صاحية شفيك تاكلين كذا كانك ما شفتي خير؟
اسيل تتكلم والاكل بفمها:بروح للدوام
سحر بقرف:بس سكري فمك الله يقرفك
اسيل وهي تبلع اللقمة واشرت عليها:انتي بذات(دخلت لقمة ثانية وتكلمت وهي تاكل عناد في سحر)مالك شغل
سحر:وليه انشاء الله؟
اسيل:كذا ما ادانيك
سحر:قولي تغارين مني لاني احلى منك
اسيل غصت بالاكل: كح كح وععع الله يقرفك انتي وشكلك مدري مين جاني ذاك اليوم يقول(وهي تقلد طريقتها بالكلام)شكلك يعجبني ابي اكشخ فيك
سحر:كنت عمية هبلة لاني اطالع وحدة مثلك
اسيل:شوفي لا تحديني اكفخك بكاس العصير
سحر:لو قدها سويها
اسيل:قدها ونص
لينة:بس خلاص انتي وياها اسكتو عورتو راسي من الصبح هواش
اسيل تكمل اكلها:هي الي بدت
لينة لفت على سحر:انتي خلاص لا تتسببين عليها
سحر:لاوالله
لينة لفت على اسيل:وانتي مو تقولين عندك دوام يلا روحي
اسيل قامت بسرعة من الكرسي:يوووووه نسيت يلا باي(باست خد لينة ركضت على الباب)
لينة:باي

سحر:اوف ياكرهها
لينة:شفيك انتي تراها اختك بعد انتو ليه ماتحبون بعض؟
سحر:كذا اصلا ما احسها اختي
لينة:استغفر الله شلون مو اختك
سحر:مدري كذا شخصيتها غير اصلا حتى شكلها غير أي احد يشوفها يقول هاذي مو اختكم
لينة:عاد والله ربك خلقها كذا
سحر:ادري بس..
لينة:سحر الظاهر انك انهبلتي حلوة ذي احسها مو اختي يلا عاد اسكتي ولا اسمعك تعيدين هاذي السالفة مرة ثانية
سحر سكتت هي معصبة...

***************************************

بالمدرسة...
جوهرة:ماقلتي لي توتو متى بتنخطبين؟
ترف لفت عليها معصبة:ومين قال لك اني بنخطب
جوهرة:انتي قلتي
ترف بصراخ:انا ماقلت شي ولا تقعدين تتبلين علي
جوهرة:طيب انتي ليه معصبة انا ماقلت شي يخليك تعصبين انا بس قلت متى........
ترف قاطعتها:خلاص غيري الموضوع
جوهرة:ترف شفيك؟
ترف:مافيني شي
جوهرة:قوليلي ترى انا صديقتك
ترف((ايوه واضح كله حق مصالح)):ادري
جوهرة:طيب قوليلي اذا مصايقك شي
ترف طالعتها بنظرات مافهمتها ((مابقى الا انتي اقول لك بعد عشان بكرة المدرسة كلها تعرف أي المدرسة الا الشرقية بكبرها بتعرف)):صدقيني مافيني شي اذا في شي انتي اول وحدة بقول لك مو انتي صديقتي
جوهرة:جد تعتبريني صديقتك
ترف:شدعوة اكيد انا من لي غيرك انتي احسن وحدة بهاذي المدرسة
جوهرة طارت من الفرحة هي دايم تتلزق بترف لانها بنت بطره واذا صادقتها راح يصير لها شعبية بالمدرسة..

**************************************

قام من النوم على صوت ضرب الباب..
دخل سامي وعلى وجهه اكبر ابتسامة وشايل معه صينية الفطور..

سامي:صباح الخير
زياد وهو يقوم من السرير:صباح النور
سامي حط الصينية على الطاولة:يلا غسل وجهك وافطر
زياد باستغراب:الشمس من وين طالعة اليوم؟
سامي:ههههه ليش؟
زياد:يعني اليوم مسوي الفطور وجايبه لحد الغرفة لا وتقول صباح الخير شسالفة؟
سامي وهو يجلس:لا سالفة ولا شي بس كل مافي الموضوع اني شفتك متضايق قلت اخفف عنك شوي
زياد تنهد بحزن:أي والله اني متضايق مو بس متضايق انا ندمان على كل الي سويته وودي ابدى صفحة جديدة
سامي يشرب العصير:يا كثر ما سمعنا هالكلام روح غسل وجهك وافطر احسن لك بلا هالتفاهات هاذي
زياد:صدقني يا سامي هالمرة من جد
سامي بدى ياكل:ايوه صح
زياد:كانك مو مصدقني
سامي:لا شدعوة مصدقك
زياد:ادري انك تتطنز بس صدقني انا راح اتغير وبتقول زياد قال
سامي رفع راسه وشاف بعيون زياد نظرات جدية:زياد انت من جد تتكلم؟
زياد:اجل تحسبني امزح معك
سامي تكتف:وانشاء الله كيف راح تتغير؟
زياد:مدري بس اول شي راح اسويه اني راح اداوم بالشركة
سامي قام من مكانة:الشركة؟!!
زياد:ايوه الشركة اجل تبيني اتركها حق ابوي يسرح ويمرح فيها ويصرف ارباحها على حريمه
سامي طالع زياد وهو متفاجئ:من جد؟
زياد:سامي شفيك عادي
سامي:انت يالله تستحمل تقعد ساعتين على بعضهم في مكان واحد والحين تبي تقنعني انك بتداوم بالشركة على طول
زياد:لا مو على طول
سامي:اها قول كذا من اول خرعتني على بالي من جد بتتغير
زياد طالع سامي بعصبية ليه مو راضي يصدقه:ماراح اداوم على طول لاني ناوي افتح شركة خاصة فيني
سامي شرق بالعصير: كح كح
زياد:سموي شفيك؟
سامي: كح كح شنو تقول كح كح
زياد:صدق او لا تصدق
سامي:ما اصدق
زياد:على راحتك بس بكرة بتشوف
سامي:نشوف

****************************************
وصلت للملجاء وكانت شايلة معاها اكياس وهدايا اول ما دخلت ركضوا لها الاطفال وضموها وسلمو عليها لينة ابتسمت لهم وباستهم وعطت كل واحد هديته تقدمت لها وحد من الي يشتغلون في الملجاء...

الموظفة:انسة لينة
لينة بابتسامة:هلا
الموظفة:ممكن تجي معي على مكتب المدير
لينة:ليه؟
الموظفة:المدير يبغاك في مكتبه
لينة :طيب انا وراك

تقدمت الموظفة ووراها لينة اول مادخلت انصدمت من الي شافته..

لينة بصدمة:استاذ فيصل؟
فيصل قام من الكرسي:لينة؟
المدير:واضح انكم سبق وتعرفتو
لينة تقدمت وهي مصدومة:استاذ فيصل مديري بالشغل
المدير:اها تفضلو ليش واقفين

لينة وفيصل جلسو وكل واحد يطالع الثاني بصدمه محد منهم توقع انه يشوف الثاني بمكان زي هاذا..

المدير:طبعا انتو تتسالون ليه انا جمعتكم هنا
لينة وفيصل لفو عليه يعني ايش الموضوع..

المدير:احنا قررنا نسوي تعديلات بالملجاء وبما انكم اكثر الاشخاص تردد على الملجاء فكرنا بان الموضوع يمكن يهمكم وتتبرعون لنا بمبلغ معين

لينة طالعت فيصل باستغراب((معقولة واحد مثل فيصل يهتم بالاطفال وانا الي كنت احسبه مغرور وتافه))
فيصل((معقولة لينة المغرورة يطلع منها هاذا عمري ما توقعتها تهتم بالاطفال او الاعمال الخيرية ))

المدير لاحظ ان سكوتهم طول:استاذ فيصل انسة لينة ماقلتو لي رايكم بالموضوع
فيصل انتبه على نفسه:عفوا أي موضوع؟
المدير:موضوع التبرع
لينة:انا موافقة
فيصل:وانا بعد
لينة طالعت فيصل بنظرات اول مرة يشوفها بعيونها نظرات مافهمها بس بعدين ابتسمت وطلعت برة المكتب فيصل طلع وراها...

فيصل:انسة لينة
لينة لفت عليه:نعم استاذ
فيصل بتردد:انا..انا اسف
لينة باستغراب:على ايش؟
فيصل بنفس التردد:يعني على أي شي..بصراحة انا كنت فاهمك غلط وابي اتاسف منك وياليت تقبلين اسفي
لينة:انا بعد ابي اتاسف منك كنت اظنك مغرور وتافه اسفة على ذي الكلمة بس جد كنت اظنك كذا
فيصل ابتسم((يعني شعور متبادل)):طيب والحين؟
لينة:هههه لا الحين غير الحين اكتشفت انك انسان طيب وحساس لانك تهتم بالاطفال والاعمال الخيرية وياليت تسامحني على ظني السوء فيك
فيصل:بسامحك بس على شرط
لينة:شنو؟
فيصل:انك تسامحيني اول
لينة ابتسمت:بس كذا من عيوني خلاص انا مسامحتك
فيصل((ياحلو ابتسامتك)):تسلم عيونك وانا بعد مسامحك
لينة:يعني خلاص صافي يالبن
فيصل:حليب ياقشطة
لينة وفيصل:هههههه
لينة:طيب عن اذنك بروح للدوام لاني اخاف مديري يفصلني
فيصل ابتسم:ايوه روحي بسرعة انا سمعت ان مديركم عصبي
لينة:يووه موت يلا باي
فيصل:باي

لينة راحت تركض للسيارة وفيصل وقف بمكانه طلع الصورة من جيبه وقعد يتاملها:جد الدنيا كل يوم تفاجاك بشي جديد عمري ماتوقعتك كذا يالينة عمري...

**********************************

بعد الي صار بشهر..

كانت قاعدة تتمشى بالحديقة وحاطة الipod على اذنها وتسمع اغاني جت اغنية نوال(تبغى الصدق)

تبغى الصدق اكذب عليك..اكذب عليك
هاذا عذر عشان اجيك..عشان اجيك
كل الحكاية اشتقت لك..كل الحكاية اشتقت لك
امر ولا يامر عليك انا وقلبي ياحبيبي..يا حبيبي
لنل وقلبي بين يديك..بين يديك تبغى الصدق

انا خلاص خلاص منك عسى مالي خلاص
تبغى الصدق انا خلاص خلاص منك عسى مالي خلاص
سلمت لك كلي وشلي معك قلي..سلمت لك كلي
وشلي معك قلي..افراح ووصال وهنا ولا شقا خلي
تبغى الصدق اكذب عليك..اكذب عليك
هذا عذر عشان اجيك..عشان اجيك
كل الحكاية اشتقت لك.كل الحكاية اشتقت لك
امر ولا يامر عليك انا وقلبي ياحبيبي..ياحبيبي
انا وقلبي بين يديك..

مابي اكون الا معاك في هامشك او في سماك

مابي اكون الا معاك في هامشك او في سماك

ماعــــــــــــاد يعنيني الشـــــــــــوق مغليني

ماعــــــــــــاد يعنيني الشـــــــــــوق مغليني

الحق على قلبي دخيل الله حس فيني
تبغى الصدق اكذب عليك..اكذب عليك
هاذا عذر عشان اجيك..عشان اجيك
كل الحكاية اشتقت لك..كل الحكاية اشتقت لك
امر ولا يامر عليك انا وقلبي ياحبيبي..ياحبيبي
انا وقلبي بين يديك..تبغى الصدق

وهي تسمع كلمات الاغنية جا على بالها زياد من زمان ماسمعت صوته جد اشتاقت له ياليتها ماطلعت هاذيك اليلة وشافته عندها يخونها من وراها ولا تشوفه وتبعد عنه هي بالفترة الاخيرة ما صارت تفكر فيه واجد عشان كانت تستعد للامتحانات بس الحين عطوهم اجازة قبل الامتحانات وماصار عندها شي غيره رفعت جوالها وصارت تطالع بصورته:طيب هو ليه مايدق انا مشغولة بالامتحانات وهو بشنو مشغول على الاقل دق مرة لو بالغلط

تذكرت كم مرة دق فيها عليها وهي ماكانت ترد:لا هو كان يدق بس انا مارد اكيد طفش بس الي يحب ما يطفش اوف ياربي ايش اسوي اموت واشوفه او حتى اسمع صوته..مافي الا اني ادق عليه..لا لا شنو ادق عليه شنو بيقول عني..طيب شسوي؟...يوووه بدق والي فيها فيها

دقت عليه وحط السماعة على اذنها ببطئ ومع كل رنة دقات قلبها تزيد...


كان قاعد ورى مكتبه ويوقع الاوراق عطاها للسكرتير:تفضل
السكرتيرخذ الاوراق وطلع..

رن جواله((فوق هاذا الحب احبك وبعد اكثر كثير يلي تدري ان قربك انا احتاجه كثير...))

زياد فتح عيونه على وسعهم ورفع الجوال وهو مو مصدق:ايوه هاذا رقمها رد بسرعة قبل ماتسكر..

زياد بلهفة:هلا
ترف اول ما سمعت صوته قلبها صار يدق بقوة مو طبيعة((ياربي انا شنو سويت الحين ايش بقول له))
زياد:الو ترف وين رحتي؟
ترف:معاك
زياد لما سمع صوتها عرف هو قد ايش مشتاق لها قال بدون مايحس بنفسه:وحشتيني
ترف تجمعت الدموع بعيونها جد مشتاقة له ولصوته:وانت بعد وحشتني
زياد فرح:ترف الله يخليك سامحيني والله اني ندمان على الي سويته لا تتركيني
ترف:زياد خلاص غير الموضوع انا داقة عشان اسمع صوتك بس
زياد((يعني للحين تحبيني يابعد قلبي ياترف)):يعني سامحتيني
ترف:ما اقدر
زياد:طيب ليه؟
ترف:حط نفسك بمكاني شنو بتكون ردة فعلك لو شفتني مع غيرك
زياد بعصبية:اكسر راسك
ترف:شفت شلون قلتها بدون تفكير اكسر راسك بس لانك شفتني مع غيرك وتبيني انسى بسهولة الي شفته شلون؟
زياد سكت جد صعب احساس الخيانة وخصوصا لو كانت من شخص تحبه:ترف انا اسف
ترف بدت تبكي: انا الي اسفة لاني دقيت عليك ماكان قصدي باي
زياد بسرعة:لحظة ..وين؟
ترف:اخليك مع شغلك
زياد:مين قال اني مشغول لا انا خلصت شغلي من زمان
ترف بالم:بس انا مشغولة
زياد بايس:اوكي على راحتك باي
ترف:ببساطة تقول باي
زياد استغرب:ايش تبيني اقول
ترف عصبت:لا ولا شي باي
زياد:لحظة ترف شفيك؟
ترف بكت:مافيني شي خلاص
ياد:ترف...(سكت لانها سكرت الخط)


ترف اول ما سكرت الخط:انا ليش سويت كذا اصلا ليش ادق عليه من اول وليش عصبت عليه مع ان ماكان في سبب يستدعي اني ازعل واعصب منه ياربي انا شنو صار فيني كل معصبة واصيح طول الوقت جد ماعندي سالفة...

زياد اول ما سكرت الخط قعد يتامل الجوال :شفيها عصبت انا ماقلت شي يخليها تعصب مني بس معاها حق انا لو مكانها وشفتها مع غيري اقل شي ممكن اسويه اني اذبحها وترف بنت حساسة ودلوعة اكيد ماراح ترجع لي بس على الاقل خليها تسامحني والله احس اني بموت لو مارجعتلي او ما سامحتني...

((مايخلي حالة الرجال حالة غير بنت في موقفها رجولة))<<<خذوها حكمة خخخخ

*******************************************
اسيل كانت تطالع التلفزيون رن جوالها رفعت السماعة بدون ما تطالع الرقم..

اسيل:هلاوغلا
محمد:هلا اسيل شلونك؟
اسيل:تمام وانت؟
محمد((بخير دامني سمعت صوتك)):تمام
اسيل سكتت تنتظره يتكلم وهو سكت مايعرف ايش يقول اصلا هو داق بس عشان يسمع صوتها..

اسيل زهقت وقررت تتكلم:ايوه محمد ايش بغيت؟
محمد ارتبك:ها..اي صح تذكرت
اسيل:ايش؟
محمد:اااه عندك ملف الطفل ياسر
اسيل تحاول تتذكر:ياسر..اي ياسر عندنا ياسر واجد وبعدين انا ما اعرف غير ياسر القحطاني الاعب
محمد:هههه دمك خفيف بس مو وقته
اسيل: بل بدون نفس الشره علي انا الي امزح معك ماراح امزح معك مرة ثانية لانك مو كفو
محمد:افا والله تقولين حق مديرك انت مو كفو
اسيل:مديري بالشغل مو بالبيت
محمد:يمى منك كلتيني خلاص ولا تزعلين قولي الي تبينه
اسيل:طيب هاذا الي تقول عنه ياسر ايش؟
محمد ارتبك مو عارف ايش يقول:ياسر ال.....
اسيل:ايوه تذكرته بس هاذا ملفه مو معي مع الدكتورة جيهان
محمد:الدكتورة جيهان اها طيب
رجعو سكتوا..

اسيل:محمد شفيك؟
محمد بارتباك :مافيني شي
اسيل:بس احس بقلبك كلام تبي تقوله صح ولا لا؟
محمد:ليه تقولين كذا؟
اسيل:مدري ساكت احس عندك شي قول لا تستحي
محمد((ايش تبيني اقول لك اني احبك عز الله دفنتيني بمكاني)):لااحساسك غلط مافيني شي
اسيل:مع ان احساسي عمره مايخيب بس بمشيها هالمرة
محمد:لا والله يعني شنو بتسوين؟
اسيل:مو لازم اقول لك اخاف ماتنام باليل
محمد:شنو قالو لك جاهل
اسيل:اقول محمد ماوراك دوام بكرة؟
محمد:الا
اسيل:اجل روح نام وادعي ان ربك يهديك
محمد:شايفتني مجنون
اسيل:لا حاشا لله انت مجنون انت ابو العقل كله
محمد:كانك تتطنزين؟
اسيل:لا وليش اتطنز بس بصراحة انا تعبانة وابي انام وانت مزعجني
محمد:ول طيب جاملي على الاقل كذا تقولينها بالوجه
اسيل:السموحة بس انا عند النوم مااعرف ابوي
محمد:طيب يلا روحي نامي لا تنامين علينا بالدوام
اسيل:اصلا انا ماخذه اجازة
محمد بخوف:ليه ليكون تعبانة فيك شي؟
اسيل:محمد شفيك الله يهداك مافيني شي بس مالي خلق اداوم واخذت اجازة
محمد:ومين وقعها لك انا ما اذكر اني وقعت اجازات
اسيل:الا وقعتها بس انت مدري وين عقلك ركز يا بابا
محمد((وين اركز وانتي معاي 24 ساعة الله يعيني على فرقاك بس))كم يوم الاجازة؟
اسيل:مو طويلة 3 ايام بس
محمد:ثلاث ايام على قلبي ثلاث سنين
اسيل ماسمعته عدل لانها كانت متقطعة من النوم:ها شنو قلت؟
محمد:لا ولا شي سلامتك
اسيل وهي تتثاوب:زين يلا تصبح على خير بروح انام
محمد:وانتي من اهل الخير باي
اسيل:بايات

***************************************

دخلت للبيت وهي تفكر بلي سوته صح ولا غلط قطع عليها افكارها صوت الاغاني طالع من جناح سحر تقدمت للجناح وطقت على الباب..

سحر:ادخلي لينة
ترف ابتسمت:انا مو لينة
سحر ابتسمت بس كانت مستغربة:هلا ترف تعالي
دخلت وهي تتامل الغرفة:تدرين هاذي اول مرة اشوف فيها غرفتك
سحر وهي تمشط شعرها:أي انتي زين تدرين ان عندك اخت غير لينة واسيل
ترف ح بخاطرها كلام اختها ((اكيد انا مقصرة بحقها))(حطت يدها على كتفها):شدعوة سوسو ليه تقولين كذا؟
سحر:من تصرفاتك دايم تتصرفين وكان ماعندك خوات غير لينة واسيل
ترف:والله مو قصدي اتصرف كذا انتي بعد اختي وانا احبك زي ما احبهم بس انتي الي دايم تبعدين عني وعن لينة واسيل
سحر سكتت وقعدت تناظر انعكاس ترف بالمراية:لاني كنت احس انكم ماتحبوني
ترف:مين قال كذا انتي غلطانة كلنا نحبك
سحر ابتسمت باستهزاء:ايوه صح
ترف طالعتها مستغربة:سحر ليه مو مصدقة اننا نحبك
سحر:لينة هي الوحيدة الي تحبني بعد ماتوفى بابا اما انتي واسيل لا
ترف:مين قال؟
سحر:من غير محد يقول انا لي عين تشوف واذن تسمع
ترف:انا قد مرة قلت اني اكرهك؟
سحر:.......
ترف:ردي علي
سحر:لا
ترف:اجل ليه تقولين كذا
سحر:من تصرفاتكم معاي
ترف:بالعكس والله اني احبك بس انا اتعامل معاكم مثل ما انتو تتعاملون معاي
سحر:شلون؟
ترف:يعني مثلا لينة مرة طيبة معاي مو بس معاي معانا كلنا فلازم اكون طيبة معاها اما اسيل احيانا تكون عصبية واحيانا حبوبة وانا معاها نفس الشي
سحر:طيب وانا؟
ترف:بدون زعل
سحر:بدون زعل
ترف:الصراحة احسك غامضة يعني ماتقعدين معانا كثير ولا تسولفين احس بقلبك كلام واجد بس ماتقدرين تطلعينه يعني احسك تغيرتي مو زي اول يعني لما بابا كان عايش كنتي غير ولما مات صرتي غير ليش؟
سحر ماعرفت ايش تقول قررت تغير الموضوع:ماقلتي لي شخبارك مع زيود؟
ترف انصدمت من سؤالها جافجاة وبدون مقدمات ماتعرف ايش تقول لها ابتسمت بتوتر:الحمد الله
سحر:واخبارك مع الامتحانات؟
ترف:لا هالسنة ناجحة انشاء الله
سحر:بس بدون دور ثاني بليز
ترف:ههه لا انشاء الله بدون دور ثاني

قعدو يسولفون بامور مختلفة وكانهم يتلاقون لاول مرة اكتشفو عن بعض امور اول مرة يدرون عنها وكانهم مو خوات وساكنين في بيت واحد...

*********************************

بغرفة لينة ..

لينة:ههههههههه توني اعرف ان دمك خفيف
فيصل:وانا توني اعرف ان ضحكتك حلوة كذا
لينة استحت وقالت بهدوء:فيصل
فيصل:عيونه
لينة صار وجها احمر:استاذ فيصل خلاص ترى والله اسكر
فيصل:هههههه الحين صرت استاذ فيصل
لينة:يووه خلاص باي
فيصل:لا لا خلاص بسكت
لينة:روح نام بكرة وراك دوام
فيصل:انا المدير يعني اجي وقت ماابي
لينة:طيب انا مو موظفة وبعدين اخاف اتاخر بكرة والمدير يخصم علي
فيصل:لا لاتخافين عندك واسطة
لينة:بس انا ما احب الواسطات
فيصل:افهم من كذا انك تبين تسكرين الخط
لينة:عليك نور
فيصل:تكفين تكلمي لين انام مع اني ما اظن انام وانا اسمع احلى صوت بالدنيا
لينة بجدية:اساتذ فيصل
فيصل:هههه خلاص توبه ما اعيدها
لينة:انا مدري شلي خلاني اطاوعك واكلمك بالتلفون
فيصل:قلبك
لينة:نعم؟
فيصل:ااه اقصد عشان اذا بغيت شي منك للدوام
لينة:ايوه على بالي..طيب انت شتبي داق الحين؟
فيصل:الحين من مساع سوالف وتوك تتذكرين تساليني ايش ابي
لينة:يتقول ولا لا
فيصل:بقول
لينة:طيب ايش كنت تبي؟
فيصل:كنت ابي اسمع صوتك لاني اليوم ماسمعته وكنت مشتاق له حيييييييل
لينة سحت وصار وجها الوان((مالت علي يعني ابي احرجه الحين قام هو وزودها علي))
فيصل كان يدري انها استحت حب يزيد عليها:مو بس للصوت ولراعيته بعد
لينة هنا خلاص وصلت حدها خذت نفس تخفف من توترها:طيب الحين انا بنام باي
فيصل:فديت الي يستحون والله
لينة:تصبح عل خير
فيصل:ههههه وانتي من اهل الخير

اول ماسكرت الخط ناظرت وجهها بالمراية كان احمممممر من الخجل وحااار ابتسمت وهي تتذكر كلامه:معقولة يكون يحبني لا لا ما اتوقع هو بس يقول كذا عشان يحرجني ولا انا وفيصل مجرد اصدقاء وبس...

*************************************

في اليوم الثاني...

كانت بالمكتب مع صديقتها نجد..
دخل فيصل للمكتب :صباح الخير لينة شخبارك؟
نجد طالعت لينة الي ابتسمت بدورها وهي مستغربة...
لينة لاحظت نظرات نجد لها وخصوصا ان فيصل اول مادخل سلم عليها هي وقعد يطالعها وتجاهل وجود نجد:بخير استاذ وانت؟
فيصل:الحين صرت بخير
نجد:؟؟؟؟؟؟؟
لينة طالعت فيصل بنظرات يعني اسكت وكانت تنبهه بوجود نجد..
فيصل ابتسم لانه فهم قصدها:طيب لينة عن اذنك
لينة بهدوء:اذنك معك

طلع فيصل من المكتب ونجد طالعت لينة بنظرات كلها شك..

لينة:هههههههه ليه تطالعيني كذا؟
نجد:مستغربة
لينة:من شنو؟
نجد:لا والله استهبلي استهبلي
لينة:ههههه ايش استهبل جد مو فاهمتك
نجد:شعندك مع فيصل
لينة:اسمه الاستاذ فيصل
نجد:عشتو قمنا نغار بعد لا لا اشوف في تطورات ايش الي بينكم بالضبط؟
لينة بتوتر:انتي انهبلتي ايش اغار ما اغار الحمد الله والشكر الظاهر ان الافلام اثرت بعقلك وبعدين مابيني وبين استاذ فيصل الا الشغل وبس
نجد:عل راحتك انا بمشيها الحين بس لي كلام ثاني معاك بعدين
لينة سكتت وهي متوترة ((هاذا فيصل بيجيبلي الجلطة حت نجد بدت تلاحظ الله يستر)) تذكرت كلامه امس والكلام الي قاله قبل شوي وقعدت تبتسم
نجد:الحمد الله والشكر انهبلت البنت
لينة طنشتها وسرحت بخيالها لبعيييد...

يوم اقبل علي..خصني بالتحية وببتسامة سلام
جيت ارد التحية..طالعو الناس في..ضاع مني الكلام
يوم اقبل علي..خصني بالتحية وببتسامة سلام
جيت ارد التحية..طالعو الناس في..ضاع مني الكلام


****************************************

دخلت على المكتب بهدوء وكان مندمج بالشغل ابتسمت على افكارها الشيطانية سكرت الباب بهدوء وقفت وراه ما انتبه لوجودها لانه مندمج بالاوراق الي قدامه...

اسيل:بووووه
محمد فز من مكانة وتناثرت الاوراق بكل مكان:بسم الله يالله سكنهم مساكنهم
اسيل:هههههههههههههه
محمد حط يده على قلبة:خرعتيني
اسيل:يالخكري صج الطيور على اشكالها تقع
محمد:شقصدك؟
اسيل:الحين عرفت ليش مصادق هالتعبان زياد لانكم نفس الطينة كلكم خكاروة
محمد:والي يخاف يصير خكري
اسيل جلست وحطت رجل على رجل:اكيد لان الرجال ما يخاف
محمد:ومين قال كذا؟
اسيل:انا قلت والحين يلا لا يكثر هرجك ولم هالاوراق هاذي
محمد:لا والله الحين مين المدير انا ولا انتي
اسيل:لم ولا تكثر حكي
محمد وهو يلم الاوراق:عشنا وشفنا
اسيل:شتقول؟
محمد:سلامتك بس الحين لو دخلت الممرضة وشافتك قاعدة وانا الم الاواق شنو بتقول
اسيل:تقول الي تقوله انت الي قطيتها وانت الي تلمها
محمد:لو انك ما خرعتيني كان ما طاحت الاوراق
اسيل:وانا شدراني انك خكري وبتخاف
محمد حط الاوراق على المكتب:زين يعني انتي ما تخافين
اسيل:لا
محمد:اتحدى ما تخافين من شي
اسيل:الا اكيد اخاف
محمد:من شنو؟
اسيل:مو لازم تعرف بعدبن بتمسكها علي زلة
محمد:ههههه لا شدعوة قولي عادي
اسيل قربت منه محطت يدينها على كتفة:ماراح اقول لك موت قهر زين
محمد حس بتوتر من قربها ابتسم بتوتر:على راحتك
اسيل رفعت خصلة من شعره طاحت على وجهه:سي يو
محمد:اسيل
اسيل:هلا
محمد بارتباك:...انا..انا
اسيل:انت شنو؟
محمد:بقول لك شي
اسيل:ايش؟
محمد:ااه نسيت بعدين بقولك
اسيل:اوكي على راحتك باي
محمد:باي


اول ما طلعت تنهد تنهيدة قوية يخفف من توتره:هاذي مجنونة تقرب مني كذا هالمرة عدت على خير بس المرة الجاية الله يستر(خذ نفس عميق وقعد على المكتب يكمل شغله بس وين يركز وتفكيره صار كله معها)

**************************************
*ايش راح يصير مع لينة وفيصل؟
*وهل محمد راح يعترف بحبه لاسيل ولا راح يضل كاتمه؟
*ترف وزياد ايش راح يصير عليهم؟
*سحر راح ترجع زي اول ولا راح تظل مثل ماهي؟

>>>الجزء السادس<<<

اول ما طلعت تنهد تنهيدة قوية يخفف من توتره:هاذي مجنونة تقرب مني كذا هالمرة عدت على خير بس المرة الجاية الله يستر(خذ نفس عميق وقعد على المكتب يكمل شغله بس وين يركز وتفكيره صار كله معها)...

تذكر انها امس قالت له بتاخذ اجازة طلع من مكتبه ولقاها تمشي في المرر...

محمد:اسيل
اسيل وقفت وراحت لعنده:حموووود لا تخورا احنا قدام الناس يعني انا الدكتورة اسيل وانت الدكتور محمد ماشي
محمد ابتسم:ماشي
اسيل:والحين شتبي؟
محمد:انتي مو قلتي بتاخذين اجازة ليه مداومة اليوم
اسيل تكتفت :الشره علي الحين جاية اسلم عليك قبل ما اخذ اجازة
محمد((ياويل قلبي جاية تسلم علي اكيد تحبني زي ما احبها)):مشكورة
اسيل:اقول حمود اقصد دكتور محمد
محمد ابتسم:هلا دكتورة اسيل
اسيل: ترى ما تضحك
محمد:افا
اسيل:ههه امزح معك شفيك كذا زعول(ضربته على كتفه بدفاشة)ياشينك
محمد وهو يمسك كتفه لان جد عوره:اسيل شوي شوي والله خايف اخرتي تكون بقسم العظام
اسيل:ماعلينا شنو كنت تبي تقول لي واحنا بالمكتب اموت واعرف قول قول تكفى
محمد:سم الله عليك من الموت لا تقولين كذا
اسيل:عــــــــــاش مصرف
محمد:ههههههه شنو هاذا بعد؟
اسيل:ماعليك لا تضيع السالفة انطق شنو كنت تبي تقول؟
محمدارتبك:قلت لك نسيت
اسيل:عيبك ما تعرف تكذب
محمد:شقصدك؟
اسيل:يعني قول لي
محمد ارتبك:مافي شي
اسيل تنهدت:طيب..انا بختصر عليك وبقول لك
محمد:شنو؟
اسيل قربت منه وهمست باذنه:انت تحب صح؟
محمد طالعها وهو متفاجئ معقولة تكون حاسة فيه ابتسم بارتباك:ليه تقولين كذا؟
اسيل:ولو حمود وهل يخفى القمر واظح من نظراتك كلامك حركاتك كلها تدل على انك تحب
محمد ارتبك اكثر:طيب وتعرفين مين الي احبها؟
اسيل بعدت عنه:للاسف لا بس بعرف
محمد:شلون؟
اسيل:ياخبر بفلوس بكرة بصير ببلاش
محمد ارتاح شوي:طيب انتي وش دراك اذا نظراتي تدل على اني احب؟
اسيل ابتسمت:عندي خبرة سابقة
محمد استغرب:يعني انتي حبيتي قبل كذا؟
اسيل ناظرت ساعتها:انا لازم اروح الحين السواق اكيد وصل
محمد بغيرة:اسيل انتي حبيتي من قبل ولا لا تكفين جاوبيني؟
اسيل بغت تموت من الضحك على شكله:ماتلاحظ المكان الي احنا فيه مو مناسب لهاذي المواضيع
محمد اخذ نفس يخفف من عصبيته تكلم من بين اسنانه:اسيل جاوبي على سؤالي
اسيل طالعت فيه باستغراب اول مرة تشوفه كذا بس بعد تبي تعاند وماراح تقول له شي:بعدين دق على اليوم وانا اقول لك
محمد هدا شوي:طيب ليه مو الحين؟
اسيل طالعت وراه:لان الحين عندك مراجع وانا مستعجلة وابي اروح للبيت
محمد:طيب متى ادق عليك؟
اسيل:على راحتك انا فاضية اليوم يلا باي
محمد:باي

راحت اسيل وهي مبتسمة على شكله المعصب تحب تنرفزه ومحمد ظل واقف مكانه متفاجئ من كلامها((معقولة تحب طيب مين هاذا الي حبته وشلون شكله واصلا ليه تحبه اسئلة واجد تدور براسه يتمنى الوقت يمر بسرعة ويرجع لبيته عشان يكلمها ويلاقي جواب لاسئلته))

*****************************

كانت قاعده بالمحاضرة وطفشانة قررت تدق عليه..

وليد:هلا وغلا عاش من سمع هالصوت وينك من زمان عندك مشتاق لك حيييييييل
سحر:ههههههه شوي شوي اعصابك
وليد:لا تلوميني والله اني مشتاق لك ومشتاق لصوتك
سحر:وانا بعد بس تعرف امتحانات وانشغلت شوي
وليد:افا تنشغلين عني انا وليد
سحر:سوري حبيبي بس جد قاعدة اذاكر هالسنة لا زم انجح مو زي العام
وليد:ادري حبيبتي وانا عاذرك بس قاعد اتغلى
سحر:فديتك وفديت تغليك
وليد:سوسو انتي وينك الحين
سحر:بالمحاظرة لاعت كبدي
وليد:طيب تقدرين تطلعين ابي اشوفك
سحر:لا وين اطلع الله يهديك
وليد:معليه قولي لها بروح للحمام أي شي
سحر:وانشاء الله وين بشوفك بتدخل للجامعه بعد
وليد:ههههه حلوة ذي لا انتي تعالي برة انا انتظرك عند باب الجامعه
سحر:بعد واقف عند الباب يعني بس جاي تخبرني
وليد:أي انا اصلا كنت بدق عليك بس انتي دقيتي شفتي شلون قلوبنا على بعض
سحر ابتسمت:شوف الحين ما اقدر اطلع لك باقي ساعة ونص على ما تخلص المحاظرة وبطلع لك
وليد:افا بتخليني انلطع برة ساعة ونص بهاظهر والشمسس
سحر:والله عاد هاذي مشكلتك مو مشكلتي
وليد:عشانك انتحر مو بس اقعد بالشمس يعلني افداك والله
سحر:وليد احبك
وليد تنهد:اااه وانا اموت فيك
سحر:طيب قلبي انا لازم اسكر الحين قبل لا تنتبه لي المس اوكي
وليد:خليها تولي اذا قالت لك كلمة وحدة علميني وانا اوريك شغلها
سحر:فديتك يالحمش
وليد:اعجبك
سحر:اقول لا يكثر يلا باي
وليد:افا تقولين لي انا لا يكثر
سحر بدلع:ولييد خلاص باي
وليد:فديت الدلع انا اشهد انه انخلق على شانك
سحر وجها صار احمر:خلصت ابي اسكر
وليد:يه هاذا جزاي قاعد اتغزل فيك
سحر:ولييد
وليد:ههههههه خلاص خلاص يلا باي
سحر:باي

*****************************************

خلصت شغلها وشالت اغراضها عشان ترجع للبيت...

نجد:على وين؟
لينة:بعد وين بروح للبيت
نجد:ماراح تقولين لي
لينة حطت اغراضها على المكتب وتنهدت:يا نجد ياحبيبتي صدقيني مافي شي بيني وبين استاذ فيصل
نجد:ليون انا اعرفك عدل عشرة عمر بتخبين على
لينة:صدقيني لو في شي بقول لك
نجد:طيب انتظريني بطلع معك
لينة:يلا

طلعو من المكتب وكان فيصل توه طالع من مكتبه قرب منهم وهو مبتسم..

فيصل:لينة بتروحين؟
نجد تطالعه يعني خير شتبي..
لينة انتبهت لها ابتسمت وقالت:ايوه الحين بروح
فيصل طالع نجد:شخبارك انسة نجد
نجد بصوت واطي:بدري
لينة دزتها بكوعها....
نجد:يووه شفيك؟
لينة طالعت نجد يعني اسكتي
نجد طنشتها ولفت على فيصل:تمام
فيصل رجع يطالع لينة:انسة لينة بغيتك بموضوع
لينة طالعته مستغربة:تفضل
فيصل وهو يطالع نجد:لاموضوع خاص
نجد همست باذن لينة:مو قلت لك في شي
لينة:اسكتي خلاص
فيصل يطالعهم مستغرب:ممكن اكلمه انسة لينة
لينة:ايوه اكيد ممكن بس مايصير وقت ثاني
فيصل بسرعة:لا مايصيير لا زم الحين الموضوع ضروري
لينة:طيب(لفت على نجد)
نجد:طيب انا بسبقك على السيارة اوكي
لينة:اوكي

راحت نجد ولينة لفت على فيصل...

لينة :خير فيصل شسالفة؟
فيصل بتردد:لينة بغيت اسالك سؤال
لينة خافت:قول تراك طيحت قلبي
فيصل:لينة انا..اقصد انتي..او احنا..يعني انتي..من زمان..يعني
لينة طالعته مستغربة:فيصل ترى انا مو فاهمة شي من الي تقوله وضح كلامك
فيصل خذا نفس ونزل عيونه بالارض وقال بسرعة:انتي مرتبطة ولا لا؟

حس ان سكوتها طول رفع راسه يبي يشوف ردت فعلها شاف صدمة على وجها...
لينة كانت منصدمة من سؤاله وبنفس الوقت كانت فرحانه لانه سال ومتفاجاءة ليه سال بهاذا الوقت واشمعن الحين بالذات...

فيصل:انا اسف لو سالت هاذا السؤال بس.....
لينة قاطعته:لا
فيصل باستغراب:شنو لا؟
لينة ابتسمت:انا مو مرتبطة

فيصل حس باحساس غريب اول ما قالت له انها مو مرتبطة لا شعوريا مسك يدها وبدلى يضحك بهستريا...

لينة ابتسمت لضحكه:فيصل شفيك؟
فيصل حاول يوقف ضحكة:ههههههه لينة انتي هههههههههه احلى وحدة بالدنيا واحسن وحدة بعدهههههههههه
لينة ضحكت على كلامه الي مو فاهمة منه شي:ههههههه مشكور

فيصل ترك يدها كان وده يبوسها بهاذي اللحظة بس مسك نفسه:طيب اشوفك بعدين مع السلامة
لينة طالعته باستغراب اليوم مو طبيعي ابتسمت وقالت :مع السلامه

فيصل لف عليها وعاطها بوسة بالهوى..
لينة انحرجت من حركته بس شكله فرحان بس من شنو ماتدري تذكرت نجد الي تنتظرها بالسيارة طلعت بسرعة واول ما دخلت...

نجد:سنة شنو قال لك؟
لينة برومنسية:ولا شي
نجد تقلدها:ولا شي.اقول بس شوفي وجهك كيف صاير احمر اخلصي قولي
لينة تسندت على الكرسي:اااه يا نجد شتبيني اقول لك
نجد:لا لا الموضوع خطير اشوف قامت تصير اهات اخلصي اعترفي شنو قال لك
لينة لفت عليها:اوكي

وقالت لها كل شي من يوم الملجاء لحد اليوم...

********************************

((اسيل))

رجعت للبيت ودخلت للجناح حقي دخلت على غرفتي وشفت الجيتار حقي بزاوية الغرفة من زمان ماعزفت عليه اشتقت اني اسمع صوت اوتاره اخذته وبديت اعزف عليه:انا الحين ليش اعزف حق نفسي وعندي ترف 24 ساعة في البيت خليني اروح ازعجها...

رحت على جناحها بس ما لقيتها فيه نزلت للدور الاول ولقيتها جالسة عند المسبح ومعها القطو حقها...

اسيل:هاي توتو
ترف ابتسمت:هلا
اسيل:شقاعدة تسوين؟
ترف:شوفت عينك زهقانة بموت لو قعدت بالبيت اكثر من كذا
اسيل:طيب تبيني اغني لك
ترف استانست لانها تدري ان صوت اسيل حلو وعفها احلى:جد ايش بتغنين؟

طلع صوت من وراهم:غني خصني بالتحية

لفو ثنتينهم على الصوت وكانت لينة...
اسيل:بس انتي ما تحبين هاذي الاغنية كل ما اغنيها تقولين اسكتي
لينة وهي تتذكر فيصل:لا الحين صرت احبها
ترف:أي اسيل غنيها مرة حلوة الاغنية من صوتك
اسيل:تسلمين والله يلا اجلسو ولا احد يتكلم<<حشى مدرسة خخخخ

ترف ولينة جلسو على الكنب الي ماقبل اسيل..
بدت العزف وبعدين غنت بصوتها الحلو...

يوم اقبل علي خصني بالتحية وببتسامة سلام
جيت ارد التحية طالعو الناس في ضاع مني الكلاك
يوم اقبل علي خصني بالتحية وببتسامة سلام
جيت ارد التحية طالعو الناس في ضاع مني الكلام


ااه ياهو قهر مالي غير النظر
ااه ياهو قهر مالي غير النظر
خايفة من الملام

يوم اقبل علي خصني بالتحية وببتسامة سلام
جيت ارد التحية طالعو الناس في ضاع مني الكلاك

صدفة وجمعتنا والاماني خذتنا ياجمال الصدف
لما الفرصة جتنا العيون ابعدتنا كل شي اختلف
صدفة وجمعتنا والاماني خذتنا ياجمال الصدف
لما الفرصة جتنا العيون ابعدتنا كل شي اختلف

ااه ياهو قهر مالي غير النظر
ااه ياهو قهر مالي غير النظر
خايفة من الملام

يوم اقبل علي خصني بالتحية وببتسامة سلام
جيت ارد التحية طالعو الناس في ضاع مني الكلاك

يوم اقبل حبيبي قلت ياشمس غيبي
انورت دنيتي
ادري اني نصيبي
لما اقابل حبيبي
تبتدي حسرتي

يوم اقبل حبيبي قلت ياشمس غيبي
انورت دنيتي
ادري اني نصيبي
لما اقابل حبيبي
تبتدي حسرتي

ااه ياهو قهر مالي غير النظر
ااه ياهو قهر مالي غير النظر
خايفة من الملام

يوم اقبل علي خصني بالتحية وببتسامة سلام
جيت ارد التحية طالعو الناس في ضاع مني الكلاك

ترف صفقت لها..

ترف:برافو اسيل والله ان صوتك رهيييب
اسيل بفخر:مشكورة

اسيل طالعت لينة:وانتي ليون شنو رايك؟
لينة:..........
ترف:لينة اسيل تكلمك
لينة:........
اسيل قربت منها وحركت يدها قدام وجهها:هااااااي لينة وين رحتي؟
لينة انتبهت:ها
ترف:شفيك؟
لينة:نافي شي (طالعت اسيل)خلصتي؟
اسيل:لااا الاخت كلش مو معانا (قالت بلهجة مصرية)مين الي شاغل بالك ياجميل؟
لينة:ههههههههه مافي احد
اسيل:علينا يا بو الشباب
لينة:ايش ابو الشباب شنو شايفتني قدامك رجال بشنبات
اسيل:هههههههه وعن مليون رجال بعد
لينة وهي تقوم من الكرسي:اقول انا تعبانة وابي انام
اسيل:اجلسي بنكمل
لينة:اجلسو لحالكم انا ابي اناااااام
اسيل:على راحتك
ترف:يلا اسيل كملي

((لينة))

صعدت للدور الثاني وانا افكر فيه مدري شنو صار لي اول ما سمعت الاغنية تذكرت ملا محه على طول معقولة اكون احبه هههههههههه ليش لا فيصل ينحب بس هو يحبني ولا لا...نفضت هالافكار من راسي...انا الحين ليش شاغلة بالي فيه اروح انام احسن..

****************************

((فيصل))

كنت جالس على المكتب وافكر فيها هاجسي الوحيد بهاذي الايام هي هي وبس حتى بالشغل ماعدت افكر كل ما احاول اشغل نفسي بشي تطلع هي بافكاري طلعت الصورة من جيبي صرت ما اطلعها ابد من جيبي دايم معاي بكل ماكن اروحه يمكن لانها تحسسني بوجودها معاي قعدت اتامل بالصورة جت افكار براسي وقلت لازم اكتبها...


مساءٌ يفتتحُ عِشقهُ من لون حضوركَ
تنتشي منهُ خلايا الروح
يفوحُ منه عِبقُ التراب الرّطب
في ليلةٍ ماطرة هادئة
وكوباً من الرغبةِ أحتسيه
ومعزوفةٍ تنفخُ في الأحلام وعداً
أفتحُ صفحتي البيضاء

وطناً لـ حروفكَ

فاغدق من حبرك عليها بعضُ من شهوات المساء

واملأ ثغرات السطور كلُّها حباًّ

واترك في آخرها قبلةً على ثغر وردةٍ حمراء

((منقووووول))

قعدت اطالع الكلمات واستغربت من اني اقدر اكتب بهاذا الاسلوب معقولة الحب يسوي كذا؟؟؟
سؤال يدور في ذهني هل انا احبها ام انه مجرد احساس راودني وسوف يزول؟؟؟
لا يهم المهم هو انني اصبحت احتاح اليها لكي اعيش ولا استطيع تخيل حياتي بدونها...

******************************

((محمد))

من يوم ماراحت وانا بس افكر فيها وبكلامها معقولة اسيل تحب او كانت تحب يعني في امل انها تحبني لو هي حبت من قبل ما قدرت استحمل الفضول اكثر من كذا وقررت ادق عليها عشان القى جواب لاسئلتي..

اسيل:هلا وغلا
محمد:جاوبي على سؤالي
اسيل:ههههههه على طول كذا طيب سلم على الاقل
محمد:ياربي اسيل والله مالي خلق للسوالف جاووبي وبس
اسيل بصراخ:مالك خلق سوالف اجل ليه داق؟
محمد حس انها زعلت:اسيل والله مو قصدي لا تزعلين مني انا بس كنت ابي اعرف والفضول ذبحني
اسيل:لا عادي مازعلت بس كنت امزح
محمد:طيب يلا قولي لي
اسيل باستهبال:شنو؟
محمد يدري انها تستهبل بس قال بيجاريها:انتي حبيتي قبل ولا لا؟
اسيل:ليه يهمك تعرف؟
محمد ماعرف ايش يقول لها:..ااا.بس كذا عشان اشبع فضولي يعني
اسيل صارت تضحك بعربجة:ههههاااااي حلوة ذي اشبع فضولي خطييرة عجبتني
محمد:اسيل مو وقت مزحك الحين
اسيل:اوف شكلك ماراح تجيبها لبر ولازم تعرف
محمد:أي يلا قولي
اسيل:لا
محمد:شنو لا؟
اسيل:يعني لا ولا مرة حبيت ولا ابي احب
محمد حس نفسه طاير من الفرح:والله
اسيل مستغربة:شنو والله؟
محمد انتبه لنفسه:هههههههه لا ولاشي
اسيل:ممكن اعرف ليه تضحك؟
محمد كان حده مستانس بعدماعرف ان مافي بقلب اسيل احد وانه ممكن يكون اول من تحبه:ههههههه لا ولا شي
اسيل مستغربة:بالع مسجل شفيك تعيد نفس الكلام
محمد:اقول اسيل متى تخلص اجازتك؟
اسيل:توني بسم الله اول يوم لي اجازة
محمد:طيب خلاص اول ما تخلص اجازتك قوليلي
اسيل:ليه؟
محمد:بقول لك شي
اسيل اشتغل الفضول عندها:قول قول شنو؟
محمد:هههههه لا بجننك زي ما جننتيني
اسيل تموت وتعرف قررت تستعمل معه اسلوب ثاني(اسيل بدلع):حموووود لا يصير قلبك اسود
محمد خق عليها:ها
اسيل كتمت ضحكتها وكملت بدلع:يلا عاد قول لي
محمد((ياحبي لها وتتدلع بعد يا ويل قلبي)):............
اسيل حست ان سكوته طول ما قدرت تستحمل اكثر من كذا انفجرت فيه:حمود وعلة والله اذا ما قلت لي بتشوف شي ما شفته
محمد وكان احد كت عليه موية بارده:يما اسيل شفيك قلبتي؟
اسيل:لوعت كبدي الله يلوع كبدك
محمد:وتدعين على بعد اجل ماراح اقول لك
اسيل:بلعنه عساك ما قلتلي ما همني
محمد:اوكي اجل باي
اسيل:حمود بلا سخافة
محمد:ههههههههه اعرفك ملقوفة تموتين وتعرفين
اسيل:طيب يرضيك يعني اموت
محمد:لا سم الله عليك
اسيل:اجل قول لي
محمد:لا
اسيل:ليش كل هالنذالة؟
محمد:حسي فيني
اسيل انقهرت منه:خلاص باي
محمد:هههههههه باي

سكرت الخط بعصبية وهي تتوعد فيه...
اما محمد كان ميت من الضحك وهو يتخيل شكلها وهي معصبة...

***************************

بعد اسبوع..((اول يوم اختبارات))

ترف قاعدة على طاولة الطعام وتراجع..

لينة:يلا خلصتي ولا لا؟
ترف:أي بس باقي الاوراق
لينة:وين سحر؟

ترف رفعت كتوفها بمعنى ماادري...

صعدت لينة للدور الثاني بالاصنصير وراحت على جناح سحر اول مادخلت كانت الغرفة مظلمة وباردة فتحت الدرايش وصرخت:سحر يلا قومي بسرعة

سحر وهي تغطي وجهها بيدها:لينة سكري الدريشة
لينة:قومي وراك امتحان
سحر:مو الحين تو الناس
لينة:باقي ساعة وانتي يبيلك ساعتين على ما تجهزين
سحر:انا مجهزة كل شي بس فكيني
لينة:واضح يلا قومي

سحر قامت بطفش ورمت البطانية على الارض:ها قمت ارتحتي
لينة:لا ماراح ارتاح الا لما اشوفك خلصتي لبس ونزلتي تحت تراجعين

سحر خذت فوطتها وراحت على الحمام وهي تتحلطم...

********************************

((ترف))

طلعت من البيت وكان الجو حلو وبارد لان الحين دخل الشتاء وكان صوت العصافير مالي المكان ويفتح النفس للمذاكرة التفت يمين ويسار ادور السيارة لا كني مالقيت شي طلعت جوالي من الشنطة ودقيت على السواق لاكنه ماكان يرد استغربت عدم رده قررت ارجع لداخل البيت عشان استناه لين يجي بس منعني من الدخول صوت البوري حق السيارة بالاول كنت احسبه السواق بس تفاجات لما التفت ولقيت سيارة زياد فتحت عيوني على وسعهم...

ترف:زياد؟!

ابتسم ونزل من سيارته وانا وقفت مكاني مصدومة...

زياد:شخبارك ترف؟

ماقدرت انطق بكلمة كان شكله غير عن أي مرة شفته فيها كان كاشخ بالثوب الشتوي الاسود والغتره البيضة كان شكله جنان..

زياد استغرب سكوتها:انتي للحين زعلانة؟

اخيرا حسيت على نفسي دخلت داخل البيت بدون ما انطق ولا كلمة دقيت على السواق مرة ثانية بس هالمرة رد وتاسف لانه مارد من اول مرة...

طلعت مرة ثانية من البيت بس ماكان موجود بس لقيت ظرف طايح على عتب الباب اخذته وحطيته بشنطتي وركبت للسيارة عشان اروح للامتحان...
******************************

كان واقف على سور البحر ويتامله لحظات كثيرة جمعته معاها بهذا المكان كان يفكر شنو بتكون ردت فعلها لما تقرى الي بالكرت...بتفرح..ولا بتزعل اكثر..او يمكن تطنش السالفة...
اول مرة تكون ترف كذا حسها من جد تغيرت اول لما كانو يزعلون من بعض كانت تزعل يوم يومين بالكثير بس الحين صار لها شهر ونص...

((زياد))

معقولة من جد تبي تتركني معقولة كرهتني مثل ما قالت بس انا احبها وهي تدري اني اموت على تراب رجلينها كيف يجيها قلب تسوي كل هاذا فيني...بس هي بعد معاها حق انا لو مكانها بسوي زي كذا واكثر..بس انا غير..لا كيف انا غير يعني هي ماعندها قلب ما تحس ما تتاثر مثلي..

تنهد بضيقه:اااااه يا ترف والله اني اشتقت لك

لاكن هاذا كله من بتول حسبي الله عليها..اه لوبس اشوفك يا بتول والله لاخليك تدفعين الثمن غالي وادفعك ثمن كل لحظة عشتها بعيد عن ترف وثمن كل دمعه نزلت من عيونها..

خذ نفس عميق وكانه يخفف من الهموم الي بقلبه...
ركب سيارته وراح للشركة...

********************************

((لينة))

دخلت على المكتب وكان مظلم بس في ريحة حلوة تطلع منه اول مرة اشم هالريحة فتحت الانوار يمكن الاقي تفسير لهاذي الريحة...
ابتسمت لما شفت باقة ورد كبيرة موجودة على مكتبي وبجنبها علبة عطر...
تقدمت عشان اعرف من مين هالباقة...
مع كل خطوة اخطيها احس نبضات قلبي تزيد عندي احساس قوي يقول لي انها منه مسكت الظرف بيدين مرتجفة اخذت نفس قبل لا افتحه..

فتحت الكرت وكان مكتوب فيه خاطره...

مساءٌ يفتتحُ عِشقهُ من لون حضوركَ
تنتشي منهُ خلايا الروح
يفوحُ منه عِبقُ التراب الرّطب
في ليلةٍ ماطرة هادئة
وكوباً من الرغبةِ أحتسيه
ومعزوفةٍ تنفخُ في الأحلام وعداً
أفتحُ صفحتي البيضاء

وطناً لـ حروفكَ

فاغدق من حبرك عليها بعضُ من شهوات المساء

واملأ ثغرات السطور كلُّها حباًّ

واترك في آخرها قبلةً على ثغر وردةٍ حمراء
هاذهي خاطرة راودتني وانا افكر بك..نعم افكر بك لا تستغربي هاذا فانتي اصبحتي هاجسي الوحيد في هاذهي الايام بالبداية ظننتك انسانة مغرورة متعجرفة ولاكن بعد ان تقربت منك اكتشفت انك ارق قلب يمكن ان اعرفه ثم ظننتك شخص سوف يمر بحياتي دون ان يترك اثر كبيرا فيها واكتشفت انني لا استطيع تخيل حياتي بدونك...
ظننت ان مشاعري هاذي ليست سوى صداقة او احترام او معزة ولا كن اتدرين ماذا اكتشفت هاذهي المرة...

اكتشفت اني احبك لا بل اعشقك...

من فيصل((مجنون لينة))

اول ما قريت الرسالة حسبت اني كنت احلم قريتها مرة واثنين وثلاثة احاول استوعب الي اقراه مو مصدقة الي مكتوب فيها معقولة فيصل الي كاتب الظرف هو نفسه فيصل الي اعرفه او انه واحد ثاني<<ايش واحد ثاني بلا غباء((اوه سوري على المقاطعه))

ايوه صح اكيد هو نفسه تصرفاته في الايام الاخيرة تدل على انه يحبني...

لينة:بس معقولة يحبني جد ولا بس حب يمزح معي؟

طلع لها صوت من وراها:لا من جد احبك

لينة التفت وهي متخرعة:فيصل؟!!
فيصل ابتسم:احبك
لينة للحين مو مصدقة قربت من تبي تتاكد هو حقيقة ولا هي تتخيل:ايش قلت؟
فيصل قرب منها وهمس باذنها:احــــــبـــــك

لينة غمضت عيونها مو مصدقة الي تسمعه فتحت عيونها ولتقت بعين فيصل حست بشعور غريب رجفه مرت بكل عضو بجسمها نزلت دموعها مو مصدقة الي قاعد يصير لها...

فيصل وهو يمسح دموعها برقة:ليه الدموع؟
لينة:فرحانة
فيصل ابتسم لها:افهم من كذا انك تحبيني زي ما احبك؟
لينة ردت له الابتسامة:اكيد
فيصل بغى يطير من الفرحة:طيب قوليها
لينة استحت ونزلت راسها:مو لازم انت تعرف
فيصل ابتسم بخبث:بس انا ابي اسمعها منك
لينة:لازم؟
فيصل رفع راسها وحط عينه بعينها:أي لازم
لينة بهمس:احبك
فيصل زادت ابتسامته:شنو؟ ما سمعت
لينة بعدت عنه:يوه فيصل خلاص
فيصل:ههههههه(قرب منها وحط يده على خصرها)فديت الي يستحون
لينة فزت من حركته لفت عليه ووجها احمر من الحيا:فيصل لا تسوي كذا
فيصل:اسف بس مو مني من حبي لك احس اني ما اقدر اسيطر على نفسي
لينة:لا سيطر
فيصل:ولا تزعلين خلاص بتعلم كيف اسيطر على نفسي اوكي
لينة:اوكي

نجد كانت توها بتدخل بس وقفتها بمكانها كلمة فيصل للينة(احبك)...

((نجد))

معقولة فيصل يحب لينة لا وبعد لينة تحبه...وانا اقول لها في شي بينكم تقولي لا لاكن انا اوريك يالينة هين...


ركضت لاقرب مكتب لعندها وتخبت فيه لان فيصل طلع من المكتب اول ما شافته بعد ودخل لمكتبه ركضت لعند لينة...

نجد وكانها ما تعرف شي:السلام عليكم
لينة لفت عليها وعلى وجها اكبر ابتسامة:وعليكم السلام
نجد:من مين هاذا الورد؟
لينة ارتبكت:ها..مدري دخلت ولقيته
نجد:ليش انتي متى جيتي؟
لينة:تو قبل شوي

نجد قربت منها وجلست جنبها على الطاولة:لينة حبيبتي ماله داعي تكذبين عادي قولي لي الحقيقة
لينة ارتبكت:أي حقيقة؟
نجد تنهدت:ادري انك انتي وفيصل تحبون بعض
لينة لفت عليها مصدومة:مين قال؟
نجد:كنت بدخل المكتب وسمعت كل كلمة قلتوها
لينة زاد ارتباكها:اصلا انا واستاذ فيصل ما قلنا شي كنا نتفاهم على الشغل و....
نجد قاطعتها:لينة انا وانتي صديقات من زمان ليش تخبين على موضوع مهم بحياتك زي كذا؟
لينة حست بتانيب الضمير صديقتها من الابتدائي وتخبي عليها:صدقيني كنت بقول لك بس خفت لا تتضايقين
نجد:اتضايق من شنو؟
لينة:لانك كنتي معجبه بفيصل
نجد ضحكت:ههههههههه
لينة:ليه تضحكين؟
نجد:لينة حياتي انا ما انكر اني انبهرت بوسامته اول ما شفته بس هاذا ما يعني اني اعجب فيه واحبه

لينة طالعتها باستغراب...
نجد:لا تناظريني كذا انا اصلا كنت بقول لك على سالفة صارت لي
لينة:شنو؟
نجد رفعت يدها وبان بين اصابعها خاتم:انخطبت
لينة شهقت:يالخايسة وليه ما تعلمين لا ومن مساع تهاوشيني عشان ما قلت لك عن فيصل وانتي تنخطبين ولا تعلميني
نجد:السالفة صارت بسرعة وما مداني اقول لك
لينة:احلفي بس لا كن انا اوريك شغلك..ماقلتي لي مين سعيد الحظ؟
نجد:سعد
لينة:مين سعد؟
نجد:سعد ما تذكرينه
لينة تحاول تتذكر:اها سعد ولد عمك؟
نجد:ايوه
لينة:بس هو بالرياض متى جا لهنا؟
نجد:من اسبوع جا يخطبني
لينة:من اسبوع يالظالمة وتوك تقولين لي
نجد:حتى انتي انا اصلا ما قلت لك عشان انتي خبيتي على موضوعك مو فيصل
لينة:اسمه الاستاذ فيصل
نجد:عشتو وبدينا نغار بعد
لينة:اجل شلون
نجد:اقول بس يلا خلينا نشتغل
لينة:اوكي

***************************************

الساعة 3...

طلعت سحر من الامتحان وهي معصبة دق عليها وليد اول ما شافت رقمهه تحولت ملامحها لملامح طبيعية وهادية..

سحر بكل هدوء:هلا
وليد:هلا قلبي..ها بشريني ايش سويتي؟
سحر رجعت عصبت:اوف شجاب هالطاري الحين
وليد:بسم الله شفيك عصبتي؟
سحر:مو معصبة بس انا مبسوطة لاني اسمع صوتك تقوم تخرب على بهالطاري
وليد:خلاص ولا تزعلين ماراح اجيب هالطاري ابد
سحر:طيب انت وينك الحين بالبيت ولا بالدوام؟
وليد:لا هاذا ولا ذاك
سحر:اجل انت وين؟
وليد:عند باب الجامعه
سحر:أيـــــــــش؟ شنو تسوي هنا؟
وليد:انتظرك بوصلك للبيت
سحر:نعم نعم حلوة ذي انت صاحي ولا مجنون
وليد:اااه مجنون بحبك
سحر:وليد انا اتكلم جد
وليد:وانا بعد اتكلم جد
سحر بجدية:وليد
وليد:يلا عاد تعالي بسرعة انا انتظرك
سحر:وليد انت من جدك السواق واقف عند الباب
وليد:صرفيه
سحر:احلف بس شلون؟
وليد:تبيني اعلمك كيف تصرفين السواق انتي تعلمين الدنيا كلها
سحر:طيب خلاص بحاول
وليد:لا مافي احاول لازم اشوفك انا مشتاق لك مررة
سحر:حتى انا مشتاقة لك
وليد:اجل تشطري وصرفي السواق بسرعة تعبت وانا انتظرك الشمس حرقتني
سحر:ليه من متى وانت هنا؟
وليد:من اول ما دخلتي الجامعه وانا انتظرك
سحر:يوه حبيبي ليش كذا مو زين عليك تقعد تحت الشمس واجد
وليد:شسوي مشتاق لك قلت يمكن المحك وانتي داخلة او وانتي طالعه
سحر:هههههههه والله انك مو صاحي
وليد:أي اضحكي شوراك مو انتي الي حرقتك الشمس
سحر:طيب خلاص عطني فرصة اصرف السواق واجيلك اوكي
وليد ابتسم:اوكي

**********************************

كانت تدور بالبيت وهي تحس ان الملل راح يذبحها...

اسيل:الحين حسيت فيك ياترف يوم تقولين بتموتين من الزهق..اوف انا مدري شلي خلاني اخذ اجازة غبية انا اكبر غبية..اصلا كل من محمد الزفت...لا هو شنو دخله ما سوى شي...الا هو السبب هو الي وقع على الاجازة هين يا محمد انا اوريك...

راحت لسماعة التلفون ودقت على محمد..

بس طلع لها صوت غير صوت محمد:الو
اسيل استغربت من الصوت:الو
.........:هلا وغلا
اسيل:هاذا جوال محمد ناصر؟
........:اذا تبين اصير لك محمد ناصر
اسيل عرفت انها غلطت بالرقم:طيب خلاص اسفة شكلي غلطت بالرقم
.......:معاك خالد
اسيل:وخير ياطير
خالد:ممكن نتعرف؟
اسيل:نعم نعم شامرت عمي
خالد:اقول ممكن نتعرف؟
اسيل:وتعيدها بعد جد انك ما تستحي على وجهك لاكن الشره على انا الي للحين اكلمك وما سكرت بوجهك
خالد:على هونك شفيك هبيتي بوجهي... ما تعرفنا مين معاي
اسيل:ابليس
خالد:ابليس صوته حلو كذا اجل ياليت كل يوم تكلمني
اسيل:مالت عليك وعلى امن جابتك(وسكرت الخط)

اسيل:كل منك يامحمد انا اوريك هين

*********************************
((ترف))

رجعت للبيت وانا كلي شوق افتح الظرف واشوف ايش كاتبلي فيه...
دخلت للصاله وشفت اسيل جالسة وتطالع التلفزيون وواضح انها معصبة بس من شنو ماادري..
تقدمت لها عشان اعرف ايش فيها..

ترف:هاي اسيل
اسيل من غير ما تطالعها:هلا
ترف:شفيك؟
اسيل:مافي شي.انتي وين كنتي من زمان خلص اختباركم
ترف:كنت مع صديقاتي بالمجمع
اسيل لفت عليها:احلفي بس عندكم اختبارات وانتو تدجون بالمجمعات
ترف:مافيها شي قلنا نستانس شوي قبل لا نذاكر حق اختبار بكرة
اسيل رجعت تطالع التلفزيون:كيفك

ترف تركتها وصعدت لغرفتها بسرعة تبي تعرف ايش كاتب لها حتى بالامتحان ماقدرت تركز كل بس تفكر فيه وتفكر بايش ممكن يكون كاتب لها...

جلست على السرير وفتحت الظرف بيدين تترجف خايفة يكون مل منها ويبي يقول لها انه بينهي علاقتهم للابد او انه حب وحدة ثانية افكار كثيرة تدور براسها...بس ماراح تعرف الحقيقة الا لما تفتح الظرف...

****************************************

بالسيارة ...

سحر:وليد خلاص رجعني الجامعه اكيد السواق الحين دق على لينة
وليد:انا بس ابي اعرف لينة هاذي شتبي عمك ماقال شي هي شتبي
سحر:لا عاد كل ولا لينة هاذي امي
وليد:شلون يعني؟
سحر نزلت راسها وتجمعت الدموع بعيونها لما تذكرت ابوها:بعد ما توفى ابوي وماما تركتنا لينة هي الوحيدة الي اهتمت فينا وربتنا حرمت نفسها من كل شي عشاني انا وخواتي

وليد رفع راسها بيده:حبيبتي ليه تبكين؟
سحر نزلت دموعها:مشتاقة لبابا
وليد ابتسم:اوعدك اكون لك ام وابو واخو وحبيب وكل شي
سحررمت نفسها بحضنه:انت اصلا دنيتي كلها
وليد همس باذنها:احبك
سحر ابتسمت:وانا بعد(رفعت راسها)يلا عاد رجعني للجامعه
وليد وهو يحرك السيارة:اوكي بس بقول لك شي
سحر:شنو؟
وليد:انا كلمت امي عنك وقالت تبي تشوفك
سحر:متى؟
وليد:انا قلت لها بعد الاختبارات عشان تكونين مستعده ومافي شي يشغلك
سحر:شنو قلت لها عني؟
وليد:قلت لها ان في وحدة مطلعة عيني وملوعة كبدي ومطفشتي بدنيتي
سحر بوزت:افا انا كذا طيب ياوليد انا اوريك
وليد:هههههههه يا حلوك وانتي مبوزة قمر
سحر:أي قص علي بكم كلمه بس بعد انا زعلانة منك(تكتفت ولفت تطالع الدريشة)

وليد مسك يدها وباسها:حبيبتي شفيك تراني كنت امزح
سحر:دمك ثقيل
وليد:ولا تزعلين انا سخيف وبايخ وماعندي سالفة
سحر:ودمك ثقيل بعد
وليد ابتسم:ودمي ثقيل بعد..يلا عاد لاتصيرين بايخة اضحكي
سحر بدلع:مابي
وليد:عشان خاطري
سحر لفت عليه وابتسمت:عشان خاطرك بس
وليد:فديتك انا
سحر انحرجت ولفت وجها على الدريشة....

*****************************

بكيت وانا اقرى كلماته احبه ومشتاقة له وهو يقولي خلينا عيال عم ماتوقعتها تطلع منه ابد انا صحيح قلتها من قبله بس كنت معذورة الي شفته مو شوي وهو بكل برود يوقلها...
رميت الورقة وجلست ابكي :مهما تقول يا زياد بظل احبك وعمري ماراح انساك

طلعت صورته من الدرج ضمتها وصارت تبكي مو متخيله ان قصتهم انتهت يعني خلاص ما عنا حبايب كيف يقولها كذا انتهينا..زاد بكيها رفعت جوالها تبي تفهم منه هو وعدها ما يخليها والحين يقول لها كذا ليش؟


كان جالس بالسيارة ماله نفس يشتغل بعد ما عطاها الظرف:اكيد الحين قرته واكيد ما هتمت لان هاذا الي تبيه...رن جواله وماصدق عينونه وهو يشوف رقمها على شاشة الجوال رفعه بسرعة يبي يعرف ردة فعلها..

زياد:الو
ترف بصوت مبحوح:احبك
زياد قلبه عوره عليها:مو هاذا الي بغيتيه
ترف:بس مو كذا
زياد:شلون يعني تبيني اذل نفسي عشان تسامحيني..ترف انا تاسفت وترجيتك اكثر من مرة تسامحيني وانتي الي قلتي خلينا عيال عم احسن صح ولا لا

ترف ماقدرت تتكلم زادت من البكي..

زياد:ترف تكفين لا تبكين
ترف من بين شهقات:شلون؟انا ابيك مابي اهدك
زياد:يعني سامحتيني؟
ترف:ودي زياد بس ما اقدر
زياد:ترف والله اني مافهمتك مرة تقولين ابغاك ومرة تقولين مااقدر اسامحك انتي شنو تبين بالضبط؟
ترف:خلاص بكيفك تبينا عيال عم اجل انا من اليوم ما اعتبرك الا ولد عم وبس
زياد:طيب فهميني انتي بالضبط شنو تبين؟
ترف بكت:خلاص مابي شي باي
زياد:ترف لحظة انا......(كان بيكمل لا كنها سكرت الخط)

زياد رمى الجوال بعصبية:كل منك ياوجه النحس سامي هاذي افكارك الغبية شوف وين ودتني...

مشى بسيارته بعصبية مايدري وين يروح اهم شي يشم هوا يحس انه مخنوق ويبي يتهاوش راح لعند سامي على الشقة...

وصل لباب الشقة وكان صوت الاغاني مالي المكان..

زياد تافف:لاحووول هاذا باليل والصباح كل كذا

طق الجرس وانتظر..انفتح الباب وانصدم من الي فتح له....

*************************************

كان جالس بمكتبه ويحوس بالاوراق مو عارف يسوي شي من يوم اخر مرة كلمها فيها وماعاد كلمها ابد مشتاق يسمع صوتها قرر يدق عليها..

اسيل بدون نفس:خير
محمد:بسم الله اسيل شفيك؟
اسيل:لا يكثر شتبي؟
محمد:اسيل انا محمد شفيك؟
اسيل:وخير ياطير محمد مين يعني الي مكلمني الملك
محمد:ليه تكلميني كذا؟
اسيل:وانشاء الله شلون تبيني اكلمك؟
محمد:على الاقل لا تصارخين
اسيل:زين ماراح اصارخ بس اخلص على شتبي؟
محمد:اسيل جد شفيك؟
اسيل:مافيني شي.انت فيك شي
محمد:اسيل شفيك تكلميني كذا انا شنو سويت لك؟
اسيل:ابد ما سويت شي
محمد:اجل ليه هالجفاء معاي
اسيل:شنو جفا ايش؟
محمد:اسيل بلا استهبال انا اتكلم جد
اسيل:محمد انا مشغولة الحين لازم اسكر
محمد:مو قبل ماتقولين لي شفيك
اسيل:يووووه تراك لوعت كبدي قلت لك لازم اسكر
محمد استغرب اسلوبها معه بس يمكن جد مشغولة:اوكي بس لازم اعرف شفيك
اسيل:لا مو لازم ويلا تلايط باي
محمد:باي

محمد:هاذي شفيها شابة علي انا ما اذكر اني سويت فيها شي ليكون تبي تعاقبني على اخر مرة كلمتها فيها يمكن ليش لا اسيل تسوي كل شي ...

اسيل:انا ليش سويت كذا هاذا وانا مشتاقة له وابي اكلمه واسوي كذا اجل لو مالي خلقه شنو بسوي..اوف ياربي شسوي ادق عليه واعتذر؟..اي هاذا احسن شي اسويه..

خذت جوالها ودقت عليه..

محمد وهو مستغرب انها دقت عليه:شنو باقي كلام ما سمعتيني اياه تفضلي قولي وبعدين سكري لان وراي شغل
اسيل حست انه زعل:اسفة
محمد:اسيل شفيك انتي اليوم مساع تهزئيني والحين تتاسفين
اسيل:والله مدري شفيني بس والله ماكان قصدي اقول لك كذا
محمد:خلاص انا مسامحك
اسيل:بعدي والله حمود ادري قلبك طيب وما تشيل على احد
محمد:على الحبايب بس
اسيل:شنو؟
محمد حس على نفسه:ااه..قصدي العزيزين بس
اسيل:اها قلت لي...اقول حمود
محمد:هلا
اسيل:شنو الموضوع الي كنت بتقولي اياه انعصر مخي وانا افكر وما عرفت
محمد:لما تداومين بقول لك
اسيل:يلا عاد محمد بلا سخافة
محمد:افا صرت سخيف الحين
اسيل:محمد يلا عاد
محمد:طيب انتي شنو تتوقعين؟
اسيل:ممممم مدري بس يمكن بتقول لي مين الي تحبها
محمد دق قلبه اول ما قالت هالكلمة:تقريبا
اسيل تحمست:جد والله يلا قولي الحين مافيني صبر
محمد:كل شي بوقته حلو
اسيل:اوف محمد باقي يومين
محمد:طيب يومين اصبري شوي
اسيل:اوف طيب امري لله
محمد:لا تتاففين بوجهي
اسيل:الا بتافف ها.اوف اوف اوف
محمد:اسيييل
اسيل:خييير
محمد:بلا لعانة وحركات بزارين
اسيل:والله ما البزر الا انت لا كن تدري شلون اذلف عن وجهي
محمد:انا اذلف؟
اسيل:أي انت ومابي اشوفك الا بعد يومين يلا باي
محمد ابتسم:باي

****************************************

((لينة))

رجعت البيت وانا احس بالسعادة لاول مرة احس اني سعيدة وفرحانة من جد ماني مصدقة للحين ان فيصل اعترف لي بحبه..احبك كلمة سمعتها كثير من خواتي ومن امي ومن ابوي الله يرحمه بس اول مرة احس فيها ياربي شكثر هالكلمة حلوة وخصوصا لوجت من شخص تحبه وهو يحبك بعد...

رن جوالها وكانت رسالة من فيصل فتحتها وهي مبتسمه..

عسى ربي يخليك لعيوني
وعسى ربي يخليني لعيونك
حبيبي دنيتك صعبة بدوني
ولاشي دنيتي تسوى بدونك

انا مغرم ياغالي فيك
وادعي ربي يخليك
اذا عني بعدت يجن جنوني
لانك صرت اغلى من عيوني

ابتسمت من جد تحبه ردت له برسالة ثانية...

اضيع في الدنيا بلياك
عني عذولك لا يردك
انت تامر والي تطلبه اياك
الا الوداع وصاة صدك

اقرب قريب الروح تهواك
والله وربي ما اردك
انت تامر والي تطلبه اياك
الا الوداع وصاة صدك

صعدت لغرفتها وهي تتمنى ان كل الي يصير معها يدوم على طول...

*************************************

زياد وقف مصدوم...

بتول:تفضل ليه واقف
زياد بصراخ:انتي شنو تسوين هنا؟
بتول:والله الي جابك جابني
زياد:جد انك قوية عين وما تستحين على وجهك(دزها ودخل يصارخ)ســأمــي..ســامـــي

سامي وهو طالع من غرفة النوم بالبنطلون بس بدون بلوزة :زياد؟

زياد وقف منصدم معقولة سامي وبتول يكونون...

زياد وهو ياشر على بتول:هاذي ايش تسوي هنا؟
بتول مشت بغرور ووقفت جنب سامي ومسكت يده:الي ما تعرفة يا زياد ان سامي صار زوجي
زياد من جد انصدم هالمرة:شنو؟زوجك؟سامي هاذي شنو قاعدة تقول شنو تخربط..اكيد شاربة شي
بتولكهي انت احترم نفسك واذا مو مصدقني اسال سامي مو هو صديقك وما يخبي عنك شي
زياد قرب من سامي:سامي صدق الكلام الي تقوله هاذي؟

سامي سكت ونزل راسه...
بتول:اظن انك عرفت الجواب
زياد:بس انا ابي اسمعها منه..سامي انت توجتها ولا لا؟
سامي رفع راسه وقال بتردد:أي..بتول زوجتي
زياد:شلون؟وكيف ومتى هاذا وانت تعرف بكل السالفة تقوم وتتزوجها ياسامي هاذي......
بتول قاطعته:حدك عاد لا تقعد تتبلى علي ويلا من غير مطرود
زياد ضحك بستهزاء:انتي الي تطلعين مو انا
بتول:لا والله بس هاذي شقة سامي
زياد:هههههههههه شقة مين..هاذي شقتي انا ياحلوة وكل الي فيها مني انا(اشر عليها بطرف اصبعه بتكبر)حتى البس الي لابسته من فضلة خيري انا
بتول انقهرت:سامي قول شي
زياد:ايش تبينه يقول..يلا اطلعي برة ومن غير مطرود ومابي اشوف وجهك السمح مرة ثانية زين
بتول طالعت سامي بقهر:سامي

سامي ساكت مو عارف ايش يقول...

زياد:يلا شيلي قشك وبرة..ولا أي قش انتي ما عندك شي اصلا البسي لك شي عدل وانقلعي من هنا

بتول دخلت لغرفة النوم وهي متنرفزة منه كانت تبي تقهره بزواجها من سامي لاكن السالفة انقلبت عليها وهو الي قهرها لا ومو بس كذا وطردها بعد...

زياد:ليش سويت كذا هاذا وانت تدريبكل السالفة من يوم كنا في بيروت الى يوم عيد ميلاد ترف وتقوم وتتوجها اجل لو ماتدري ايش بتسوي
سامي:غصبن عني
زياد:كيف يعني غصبن عنك شنو يعني كنت مسير ولا ما عندك عقل تفكر فيه؟

سامي توه بيتكلم الا بتول طلعت من الغرفة ومعاها عبايتها طالعت زياد بحقد:انبسطبشقتك مالت عليك(وجهت نظرها لسامي)وعلى صاحبك...

وقبل لا تطلع ناظرت سامي:ورقة طلاقي ابيها توصلني باسرع وقت واظن تعرف وين تلقاني..

طلعت وضربت الباب وراها بقوة...

زياد:الحين روح غسل وجهك وبدلملابسك وقولي كل السالفة
سامي:اوكي

راح سامي للغرفة يبدل ملابسه وزياد جلس مستغرب كيف سامي يتزوج بتول وهو يعرف بكل سوالفها معه ومع غيره...

طلع من الغرفة جلس جنبه..

زياد:والحين قول لي شنو السالفة بالضبط

سامي قال له انه شاف بتول من قبل اسبوعين وفهمته انها متضايقة من الي سوته في عيد ميلاد ترف وتبي تتاسف من زياد وهو قرر يساعدها وبعدين جت معه على الشقة وكان اخو بتول لاحقهم(طبعا هو مو اخوها ولا شي هاذا واحد متفقة معه عشان يشوفها مع سامي وبعدين يغصبونه يتزوجها)تزوجها بعد اسبوع وصار الي صار...

زياد مستغرب:كل هاذا ولا تقول لي
سامي:لاني ادري انك ببتتضايق وبتزعل
زياد:عليك مو عشانها صدقني سامي انت ما تستاهلها انت تستاهل وحدة احسن منها بمليون مرة طيعني ياسامي هالمرة بس وتعال اشتغل معي بالشركة صدقني راح تتغير
سامي:لا شكرا انا حياتي عاجبتني كذا ومابي اتغير
زياد:بس هالمرة طيعني
سامي:لا شكرا
زياد بياس:على راحتك

***********************************

بعد يومين..

وصلت للمستشفى وقالت لازم تروح تسلم عليه من زمان ماشافته..

وقفت عند باب المكتب ..وسمعت اصوات من المكتب صوت محمد بس معاه صوت ثاني اول مرة تسمعه كان صوت حرمة..

اسيل:يمكن مريضة

قررت تروح وترجع له بعدين...
****************************************

لينة وفيصل كانو جالسين بالكوفي وحاوليهم اوراق الشغل..

لينة:اوف فيصل تراني زهقت قلت مابي يعني مابي
فيصل:انا المدير وانا الي احدد مين يمسك هالصفقة وانا قلت انتي راح تمسكينها يعني انتي راح تمسكينها
لينة:بس انا مابي
فيصل:مو على كيفك
لينة:لا والله اجل على كيف مين؟
فيصل:على كيفي انا مو انا المدير
لينة وهي تبعد الاوراق من قدامها:مدير على بالشغل مو هنا
فيصل:لينة لا ترفعين ضغطي
لينة:مابي

فيصل عصب ورما القلم وتناثرت الاوراق..

لينة((يوه بعد انا السخيفة ادري انه معصب عشان مرض امه اقوم ازيدها عليه...

لينة:فيصل
فيصل عقد حواجبه وطنشها..
لينة ابتسمت حتلى وهو معصب حلو:اسفة
فيصل طالعها بدون مايرد عليها...
لينة:احبك
فيصل ابتسم غصبن عنه دايم تغلبه يسوي نفسه زعلان بس بالاخير تقدر تراضيه:وانا بعد احبك
لينة ابتسمت:يعني رضيت؟
فيصل:وانا اقدر ازعل منك ودي(اشر على قلبه)بس هاذا ما يطاوعني
لينة:هههههه فديت قلبك
فيصل:زين بتمسكين الصفقة ولا لا؟
لينة تنهدت:مصمم؟
فيصل:أي
لينة:ما اقدر ارد لك طلب ودي(اشرت على قلبها)بس هاذا ما يطاوعني
فيصل:هههههههههههههه

لينة طالعته وابتسمت...

فيصل:ليه تطالعيني كذا؟
لينة:احس اني بحلم واخاف اصح منه

فيصل قام من مكانه وراح لجنبها وباسها على خدها...
لينة انحرجت من حركته ما توقعته يسوي كذا...

فيصل ابتسم على شكلها:عشان تتاكدين انك بحقيقة مو حلم
لينة مسكت خدها وصارت خدودها حمرة:فيصل لا تسوي كذا مرة ثانية
فيصل بخبث :ليه تستحين؟
لينة نزلت راسها:يلا نرجع للشغل
فيصل:ههههههه حلوة التصريفة
لينة:يوه عاد فيصل
فيصل:ههههه طيب خلاص نرجع للشغل

***********************************

بتول جالسة بغرفتها:هين با زياد ان ماوريتك شغلك وخليتك تدفع الثمن غالي مااكون بتول مثل ما فرقتك عن حبيبة قلبك ترف ومثل ما تزوجت صديقك اقدر اسوي اكثر من كذا وانا بوريك...


*************************************

رجعت لمكتبه ولسى تسمع نفس الاصوات زاد فضولها وقررت تدخل..

دخلت وشافت وحدة جالسة على المكتب وجالسة تضحك مع محمد وكان شكلها مرة حلو بشعرها الاحمر وبياضها الصافي وعيونها السود...

اسيل:احم احم

البنت لفت علي اسيل وطالعتها بغرور.. واسيل ردت لها النظرات...

محمد وقف لما شاف اسيل اشتاق لها من زمان ما شافها وسمع صوتها..ابتسم:هلا اسيل اقصد دكتورة اسيل تفضلي
اسيل وهي ما نزلت عينها من على البنت:هلا
محمد:اعرفك بنت خالتي ابرار
اسيل بغرور:تشرفنا
ابرار تطالعها من فوق ليتحت بتفحص:انتي اسيل؟
اسيل:الدكتورة اسيل
ابرار:ايوه حمودي دايم يتكلم عنك
اسيل:قلتيلي حمودي
محمد حس بتوتر الجو:ايش تشربون؟
اسيل وابرا ربحدة:ولا شي

محمد سكت لانه خاف من نظراتهم...

اسيل:ايوه وشنو يقول عني..حمودي
ابرار:كل خير
محمد:ابرار امك دقت قبل شوي تبغاك بالبيت
ابرار وهي تقوم:اوكي حمود اشوفك وقت ثاني اوكي
محمد:اوكي
ابرار طالعت اسيل:باي
اسيل تقلد طريقتها الماصخة بالكلام:باي

طلعت ابرار وراح محمد يوصلها وظلت اسيل بالمكت:شتبي هاذي مع وجها لا وتضحك بعد يعلك ما تربحين ياتلخايسة لا والاخ محمد مبسوط انا اوريك هين اجل ابرار ها طيب انا اعلمك...

********************************

*ايش راح تسوي بتول لزياد؟
*ترف بترجع لزياد ولا بيضلون عيال عم مثل ما قالو؟
*وايش سالفة ابرار ..واسيل ايش بتسوي لها؟

(البارت الثامن)

مر الاسبوع والكل مشغول...

ترف...
حاولت تشغل نفسها بالاختبارات وتبعد تفكيرها عن زياد اكثر ما تقدر وتركز بالاختبارات وبس...

زياد...
انشغل بالشركة والمناقصات ونسى موضوع سامي وبتول بس موضوع ترف عمره ماغاب عن باله ويتمنى يرجع لها اليوم قبل بكرة وهو مفكر بموضوع راح يسويه بعد ما تخلص من الاختبارات...

سحر...
كل يوم حبها يكبر لوليد بس بالايام الاخيرة انشغلت بالاختبارات لانها ناوية تنجح هالسنة..

وليد...
بالايام الاخيرة زاد تعلقه بسحراكثر من اول وخصوصا انه ماصار يشوفها واجد بس كل يوم يوقف عند باب الجامعه ويشوفها وهي داخلة وهي طالعه...<<الحب عذاب خخخ

لينة...
كل يوم تشوف فيصل بالشغل وكل يوم تحس انها متعلقة فيه اكثر من الي قبله وتتمنى انها ما تبتعد عنه ابد حتى انها ماصارت تهتم بخواتها مثل اول اهم شي عندها الحين فيصل وبس...

فيصل...
كان جد مجنون لينة يحاسبها على اقل حركة يراقب كل شي تسويه حتى ان الموظفين بدو يلاحظون اهتمامه الزايد فيها ما يرضى احد من الموظفين يغلط عليها ولو بكلمه وقرر انه يخطبها بس بعد ما يخلصون خواتها من الاختبارات عشان مايكون في شي يعطلهم...

اسيل...
تحس انها متغيرة هالايام دايم تحاول تتهرب من محمد وما تقعد معاه كثير بس اذا درت انه جالس مع ابرار تحس انها ودها تذبحها ماتدري ليه هي ما تحبها من اول يوم شافتها فيه وهي مو مرتاحة لها بس كل الي تعرفه انها تتمناها تختفي للابد وتبعد عن محمد...

محمد...
مسكين كل يوم يتعلق باسيل اكثر من اول وهي ولا هنا وكل ما ابرار تزوره لازم تصير بينها وبين اسيل هوشة وهو مو فاهم شي بالاول كان يحسب ان اسيل صارت تحبه بس بعدها عنه بالايام الاخيرة وتجاهلها له ياكد له انها تعتبره صديق وبس ومايهمها لو يحبها او يحب غيرها...

********************************

اسيل كانت تتمشى بممرات المستشفى ماعندها شي تسويه...
كانت بتروح عند محمد بس هي كل ماتروح عنده تحس بشي غريب ماتبي تحس فيه خايفة تكون تحبه...

اسيل:لا مستحيل احب محمد..محمد لا

مرت من عند مكتبه ووقفت عند الباب..تبي تدخل وما تقدر تدخل...
مسكت قبضة الباب و توها بتفتحها...

طلعت ابرار من المكتب وهي تضحك:محمد لاتنسى الي وصيتك عليه
محمد:افا عليك لا توصين حريص

اول مالفت وشافت اسيل قدامها اختفت ابتسامتها وتحولت نظراتها الى نظرات كره وغرور:اهلين يا..دكتورة اسيل
اسيل ردت لها النظرات وقالت بدون نفس:هلا
ابرار لفت على محمد وابتسمت:باي حمودي
محمد ارتبك من وجود اسيل تكلم وهو مانزل عينه من اسيل الي واضح عليها العصبية:باي

اول ماراحت ابرار دخلت اسيل للمكتب وسكرت الباب وراها بقوة...

اسيل بنرفزة:هاذي شتبي جاية هنا؟
محمد جلس على المكتب وقال ببرود عكس الي يحس فيه:شفيك هاذي بنت خالتي مافيها شي لو زارتني
اسيل:أي بس مو كل يوم
محمد:وانتي ليه معصبه؟
اسيل برتباك:اصلا انا مو معصبة ولا شي بس انت وراك شغل..يعني الشره علي خايفة عليك لا تنشغل فيها وتترك الشغل
محمد لاحظ ارتباكها وابتسم((والله وسويتيها يا ابرار فديت عقلك على هالتفكير)):والله انا اعرف كيف اوفق بين شغلي وبين قرايبي
اسيل قربت منه وجلست على المكتب:طيب هي ليه تجي هنا كل يوم؟
محمد ارتبك لمى حط عينه بعينها:بس كذا..تزورني
اسيل:شدعوه كل يوم تزروك
محمد:اسيل شفيك عادي وبعدين انا ما اعرف اشتغل الا وفي احد معاي
اسيل:طيب اول كنت تشتغل وهي مو معاك
محمد:لانك انتي كنتي معاي
اسيل دق قلبها وارتبكت لما قال انتي معاي:طيب وشنو الي تغير؟
محمد:مدري شفيك احسك تغيرتي علي بالايام الاخيرة .ماعدتي اسيل الاوليه الي انا متعود عليها كل تتجاهليني وتحاولين تبعدين عني باي طريقة..اسيل انتي زعلانه مني انا سويت لك شي؟
اسيل قلبها يدق اكثر مع كل كلمة يقولها قررت تحطة حد لهاذي المشاعر الي مو عاجبتها ابد:محمد
محمد:لبيه
اسيل نزلت راسها:بقول لك شي
محمد:شنو؟
اسيل خذت نفس واخيرا تجراة وحطت عينها بعيونه:تبي تعرف انت شنو بالنسبة لي؟
محمد دق قلبه حس انها بتقول شي ماراح يعجبه ابد قال بتردد:أي
اسيل ابتسمت ومسكت يده:بقول لك بس اول قول لي شفيك؟
محمد ارتبك من مسكتها:مافيني شي
اسيل:محمد انا حاسة ان في شي مخبيه علي من كم يوم بس مدري ايش هو قول لي لا تخبي عني شي
محمد:ليش تقولين كذا؟
اسيل:يقولون الي يحب يحس بالي يحبه وانا والله احبك
محمد فتح عيونه على وسعهم.يعني اسيل تحبه مثل ما يحبها شدعلى يدها اكثر:وانا بعد احبك
اسيل ارتبكت ودق قلبها :والله يشهد اني اعتبرك اخوي الي ما جابته امي
محمد حس انه انشل ما قدر يتحرك كلمة اخوي تدور براسه:اخوك؟
اسيل ارتبكت من نظراته بس لازم تحط حد لمشاعرها المتهورة ابتسمت تخفي توترها:ايوه انت اخوي وصديقي وكل شي
محمد:كل شي يعني ايش؟
اسيل:يعني انت الوحيد الي ارتاح له واقدر اقول له علي بقلبي
محمد بالم:ترتاحين له بس؟
اسيل وقلبها ينزف:ايوه..بس
محمد بترجي:بس انا احبك
اسيل:اعرف اكيد اخوي وبتحبني
محمد قام من مكانه بعصبية:لا تقولين اخوي انا مو اخوك

اسيل نقزت من صرخته رجعت نفسها على ورى وقررت ما تتكلم...
محمد:اسيل تكفين افهميني انا احبك تعرفين يعني ايش احبك(0قرب منها وجلس على ركبته)من اول يوم شفتك فيه وانتي دخلتي قلبي وما طلعتي منه ولما شفتك بعيد ميلاد اختك حسيت ان القدر يحاول يجمعنا مع بعض ولما عرفت انك تشتغلين معاي بنفس المستشفى وبنفس القسم تاكدت ان في شي بيصير بينا..اسيل انا ادري انك تحبيني مثل ما احبك لا تحاولين تنكرين هاذا الشي تكفين قوليها لا تكسرين قلبي

اسيل طالعته متفاجاة عمرها ما توقعت محمد يحبها هالكثر هي كانت متاكدة انه يحب بس عمرها ما توقعته يحبها هي...

محمد:تكفين قولي شي لا تسكتين
اسيل بهدوء وواضح انها متفاجاة :شنو تبيني اقول؟
محمد:قولي انك تحبني زي ما احبك
اسيل قامت من مكانها وعطته ظهرها:مااقدر
محمد:ليش؟
اسيل لفت عليه والدموع بعيونها:لان مايصير نكون غير اصدقاء او اخوان وبس
محمد:ليش مايصير
اسيل:مايصير وبس
محمد بصراخ:مو على كيفك شنو ذنبي اذا انا حبيتك (قرب منها ومسك كتوفها)انتي تحبيني ليش مو راضية تعترفين بهشي؟
اسيل بترجي:محمد هدني
محمد:موقبل ما تقولين لي ليش تسوين كذا؟
اسيل والدموع بعيونها:هدني
محمد طالعها بياس اول مرة يشوف دموعها مسمح دمعة نزلت من عينها:لاتبكين

اسيل هزت راسها بالايجاب..

محمد ضمها وبكت بحضنه:طيب قوليلي ليه تسوين كذا؟
اسيل:صدقني محمد ما اقدر اعتبرك الا اخو وبس
محمد بعدها عنه شوي وقال بحنان:طيب ليه؟
اسيل بكت:لان كل حب نهايته الفراق وانا ما احب الفراق فارقت كثير بحياتي ومابي افارق ناس احبهم افهمني محمد ما اقدر احبك واتعلق فيك وبعدين نتفرق وساعتها انا بتعذب وانت بتتعذب
محمد:مين قال لك ان كل حب نهايته الفراق؟
اسيل:ماما وبابا كانو يحبون بعض وتفرقو وعمي وزوجته كانو يحبون بعض وتفرقوا و ترف وزياد بعد يحبون بعض وتفرقو وانا وانت لو حبينا بعض بعد بنتفرق
محمد:اصابعك مو سوى
اسيل:خلاص محمد انا لازم اروح

بعدت عنه وتوجهت للباب...

محمد:اسيل

لفت عليه بدون ماتتكلم...
محمد:احبك

نزلت دموعها وطلعت برة المكتب...
محمد وقف بمكانه منهار:انا الغبي ليش استعجلت وقلت لها

رفع جواله ودق على ابرار..

ابرار:هلا محمد
محمد بصوت مبحوح:قلت لها
ابرار خافت من نبرت صوته:طيب وشنو كانت ردة فعلها
محمد:تعتبرني اخوها
ابرار عضت على شفايفها لانها تدري قد ايش محمد يحب اسيل:اسفة اكيد هاذا بسبتي
محمد:لا انتي مالك دخل بالعكس انتي ساعدتيني واجد بس هاذا الي صار
ابرار:طيب انت شلونك الحين
محمد:شنو تتوقعين يعني الانسانة الوحيدة الي حبيتها تقولي اعتبرك مثل اخوي... المشكله مو هاذا الي قاهرني
ابرار:ليه شفيك؟
محمد:الي قاهرني انها تحبني مثل ما احبها بس ماتبي تعترف لا لي ولا لنفسها
ابرار:وانت شدراك؟
محمد:هي قالت لي
ابرار:قالت لك انها تحبك بس ماتقدر تقول لك
محمد:شي زي كذا
ابرار:يعني في امل
محمد:انا مابي اامل نفسي وبعدين تقولي ما احبك
ابرار:طيب شوف انا عندي فكرة تخليها تجي لحد عنك وتقول لك احبك
محمد:على يدك شنوهي
ابرار:لا حبيبي الافكار ما تجي ببلاش كافي اني عطلت اشغالي الايام الي فاتت عشان اخلي حبيبة قلبك تغار عليك
محمد:قولي الي تبينه أي شي
ابرار:ابيك توديني ستار بكس وبعدين تعزمني على باسكن اوكي
محمد ابتسم على شروطها العادية:تامرين امر بس انشاء الله تنفع خطتك
ابرار:افا عليك اذا ما جت لين عندك تقول لك احبك ما اكون ابرار
محمد:طيب خلاص دقايق واكون عندك
ابرار:كل هاذا عشانها
محمد:ماتدرين قد ايش احبها
ابرار:ااه اوعدنا يارب
محمد:هي هي تراني ولد خالتك مو وحدة من صديقاتك
ابرار:اقول لا يكثر ويلا باي
محمد:باي بس لا تتاخرين علي لما اجيك
ابرار:طرار ويتشرط لما اخلص يصير خير
محمد:زين خلاص يلا باي
ابرار:باي

**************************************

رجعت من الاختبار اليوم كان اخر يوم..

ترف وهي ترمي نفسها على الكنب:اوف اخيرا هم وانزاح

رن تلفون البيت..رفعت السماعة..

ترف:الو
زياد:هلا ترف شلونك
ترف شدت يدها على سماعة التلفون دقات قلبها زادت اول ماسمعت صوته:هلا انا بخير وانت شلونك؟
زياد مو احسن من حالها ندم انه دق عليها لانه يضعف لما يسمع صوتها وينسى الي كان ناوي يسويه:تمام
ترف:دوم
زياد:وياك

لحظة صمت بينهم كل واحد ينتظر الثاني يقول شي..

زياد:شخبار الاختبار اليوم؟
ترف:الحمد الله اليوم اخر يوم
زياد:الحمد الله وشلون سويتي انشاء الله زين
ترف:ايوه سويته عدل
زياد:يعني انشاء الله ناجحة؟
ترف:انشاء الله

اسكتو مرة ثانية...

ترف:طيب اجل اخليك مع شغلك
زياد بسرعة:انا مو مشغول
ترف سكتت ماعرفت ايش تقول له:.....
زياد:شخبار خواتك؟
ترف:بخير
زياد:من زمان عنهم
ترف بتردد:طيب..ليه ماتجي عندنا
زياد وكانه ماصدق:طيب بجيكم اليوم
ترف ابتسمت:اوكي
زياد:أي وقت اجيكم؟
ترف:أي وقت انت مو اول مرة تجي عندنا
زياد:بس اول غير والحين غير
ترف اختفت ابتسامتها:شنو تقصد؟
زياد حس انه غلط لما قال الي قاله:لا مو قصدي شي بس الحين انا اشتغل اخاف اخلص شغلي متاخر وما اقدر اجيكم الا متاخر
ترف:لا البيت بيتك تجي باي وقت
زياد:اوكي

اول ما سكرت حطت السماعة على قلبها وتنهدت:وناسة زياد بيجي عندنا والله وحشني

سكرت السماعة وركضت على غرفتها تختار ملابس عشان لما يجي زياد تكون بكامل اناقتها وجمالها...

*******************************

كانت جالسة بمكتبها وتبكي كل ما تتذكر كلماته تزيد..

اسيل:ليه يامحمد ليه تسوي كذا انا قلت لك لاتقولها بس انت كنت مصر ليه تبي تخرب صداقتنا ليه((زات من البكي))

طق باب المكتب..راحت على المراية ومسحت دموعها بسرعة..

اسيل بهدوء:تفضل

دخلت الممرضة واستغربت من شكلها:دكتورة اسيل في مراجع برة ادخله ولا لا؟
اسيل:لا دخليه
الممرضة:بس شكلك تعبانة
اسيل:لامافيني شي دخليه
الممرضة:متاكدة لان شكلك تعبان وماراح تقدرين تشتغلين
اسيل طفشت منها الظاهر ماراح تعديها على خير:خلاص خذي موعد له بكرة
الممرضة:اوكي

طلعت الممرضة واسيل جلست على المكتب:شكلي ماراح اقدر اشتغل اليوم خلني اخذ اغراضي واروح للبيت احسن

لمت اغراضها ولبست عبايتها وطلعت...

محمد خلص من شغله بسرعة عشان يمديه يروح عند ابرار اخذ مفتاح السيارة وطلع بسرعه..

اول ما طلع شافها تمشي بالممر ولابسة عبايتها يعني بتطلع وقف يطالعه بحسرة لو انه ما استعجل وقال لها كان الحين جالس يسولف معاها ويكلمها زي كل مرة...

مرت من جنبه وهي تحس انها متوترة بس سكتت ماتبي تتكلم معاه..

محمد:اسيل
اسيل لفت عليه بدون ما تتكلم..
محمد:فكرتي بالموضوع؟
اسيل سكتت لانها لو تكلمت بتقول شي ماتبي تقوله...
محمد تنهد:على راحتك بس اتمنى ان هاذا الموضوع مايخرب على صداقتنا

مشى وتركها سمع صوتها...

اسيل:صعب
محمد لف عليها:شتقصدين؟
اسيل:صعب انه ما ياثر... الي بينا يا يكون صداقة او يكون حب ما ينفع الاثنين سوى
محمد راح لعندها:شنو تبين يكون بينا؟
اسيل:مو انا الي احكم
محمد:اجل مين؟
اسيل:الزمن
محمد مافهمها:يعني شلون؟
اسيل:انا لازم اروح الحين
محمد:اسيل لا تتهربين مني

اسيل مشت بدون ما تنطق بكلمة وحدة ودمعتها على خدها..
((احبك وربي احبك ولاني احبك ما اقدر اكون لك الا صديقة وبس))

************************************

لينة كانت بالبيت وتكلم فيصل..

لينة:اقول فصفص
فيصل:عيونه
لينة:شخبار خالتي؟
فيصل:يحقلك تقولين خالتي ولدها بيموت وياخذك
لينة انحرجت:بسم الله عليك
فيصل:تخافين علي؟
لينة:ماقلت لي شخبار امك؟
فيصل:حلوة التصريفة
لينة:بتقول ولا شلون
فيصل:شلون
لينة:يووه خلاص مو لازم
فيصل:هههههههه خلاص بقول لك..امي بخير وتسلم عليك
لينة:ليه انت قلت لها عني؟
فيصل:اكيد انا ما اخبي شي عن امي وخصوصا لو يكون هالشي انتي
لينة ابتسمت:سلملي عليها
فيصل:تموت وتشوفك
لينة:جد
فيصل:أي ملوعة كبدي كل مااروح عندها تقولي وين لينة ماجبتها معك هاذا وانتي لسى ماصرتي زوجة ولدها اجل لو تزوجنا شنو بتسوي
لينة:يحبي لها
فيصل بخبث:هي بس؟
لينة فهمته واستحت:لا هي وولدها
فيصل:اااه فديتك
لينة:طيب متى بشوفها؟
فيصل:حياك الله باي وقت
لينة:يعني ماراح ازعجها
فيصل:انا الي بنزعج لو ماجيتي بتقعد تحن علي لين اجيبك
لينة:هههههه اجل خلاص بكرة اجيها
فيصل:وليه مو اليوم
لينة:يعني عشان تعطيها خبر
فيصل:لا تكون مفاجاة احسن
لينة:اوكي
فيصل:متى امرك؟
لينة:احلف بس لا انا بجي مع السواق
فيصل:ليه انا ابي اوصلك
لينة:مافي
فيصل:طيب خلاص متى بتجين؟
لينة:بعد المغرب
فيصل:طيب
لينة:فيصل معاي خط ثاني اكلمك بعدين اوكي
فيصل:مين الي داق عليك؟
لينة:هاذا زياد ولد عمي
فيصل:اها طيب اذا خلصتي منه دقي علي مااصبر على فرقاك
لينة ابتسمت:اوكي

سكرت من فيصل وكلمت زياد..
لينة:هلا زياد
زياد:مين تكلمين؟
لينة:مالك شغل ياشينك
زياد:ههه شفيك امزح معاك
لينة:اخلص شتبي؟
زياد:شفيك صرتي زي اسيل كل تهاوشين
لينة:زياد والله مو فاضية اخلص وراي شغل
زياد:زين(بتردد)انا ابي اجيكم اليوم
لينة:طيب تعال احد ماسكك
زياد:يعني اخاف مشغولين ولا شي
لينة:احلف بس انت مو اول مرة تجي عندنا بس اول مرة تستاذن قبل لا تجي شطاري عليك صاير مودب
زياد:ههههه لاانا مودب من زمان
لينة:واضح
زياد:شقصدك؟
لينة:امزح معك ولا شي خلاص تعال باي وقت
زياد:اوكي بعد شوي
لينة:بل ما تصدق
زياد:هههه شسوي مشتاق لكم
لينة:لنا ولا لترف
زياد((ااه منك ياترف)):ههههههه لكم كلكم
لينة:طيب خلاص تعال
زياد:اوكي باي
لينة:باي

اول ماسكرت تذكرت موعدها مع فيصل ودقت عليه تاجل الموعد..

فيصل:اشتقت لك كل هاذا تكلمين ولد عمك
لينة:ههههههه يانصاب تو حتى ما خذا مني عشر دقايق
فيصل:انا اشتاق لك حتى وانتي معاي
لينة استحت قالت بصوت اقرب للهمس:فيصل
فيصل:عمري
لينة:سوري بس ماراح اقدر اجي عند امك اليوم
فيصل:ليه؟
لينة:زياد بيجي عندنا ولازم اجلس بالبيت
فيصل:خلاص حبيبتي على راحتك
لينة:لاتزعل اوكي
فيصل:وانا اقدر ازعل منك خلاص عمري بكرة لازم تجين طيب
لينة:طيب
فيصل:يلا باي
لينة:باي

**********************************

سحر كانت جالسة بالغرفة وتذاكر..

سحر وهي ترمي الكتاب بعصبية:اوف شنو هاذا الله ياخذ الي الف الكتاب والي جابه لنا

لفت وشافت جوالها على السرير من زمان ما كلمته اكيد الحين زعلان..

سحر:هلا
وليد:يا هلا بهصوت وحشتيني حرام عليك يالقاطعة
سحر:شسوي حبيبي عندي اختبارات
وليد:كلنا عندنا اختبارات بس مانسوي مثلك
سحر بدلع:سوري
وليد خق عليها:وانا مسامحك
سحر:rely؟
وليد:أي
سحر:طيب اجل الحين باي بكمل مذاكرة
وليد:لا عاد توك مكلمتني
سحر:كنت مشتاقة اسمع صوتك ودقيت اشوف اذا زعلان ولا لا بس الحمد الله راضي والحين برجع اذاكر
وليد:سحر شفيك صايرة تلوعين الكبد بس تذاكرين
سحر:انا الوع الكبد؟
وليد:لا مو قصدي بس كرهت الدراسة السبة انك كل تنشغلين فيها وتنسيني
سحر:والله عمري ما نسيتك انت كل في بالي
وليد:طيب اثبتي لي
سحر:شلون؟
وليد:ابي اشوفك
سحر:لا الحين مقدر
وليد:ليه؟
سحر:الغبي ولد عمي بيجي عندنا
وليد:وانتي شدخلك فيه
سحر:مو لازم اجلس معه
وليد:لا مو لازم بعدين بالعكس هاذا انسب وقت هم بينشغلون فيه وماراح يدرون لوطلعتي من البيت ولا لا
سحر:معاك حق
وليد:اجل يلا حبيبتي اول ما يجي دقي علي عشان اجي اخذك
سحر:وين بتوديني؟
وليد:المكان الي تبينه
سحر:لا خلنا ندور بالسيارة احسن عشان ما نتاخر
وليد:على راحتك بس اهم شي اكون وياك
سحر ابتسمت:اوكي

***************************************

وقف على باب البيت وهو متوتر من هاذيك السالفة وهو ماجا لعندهم كيف راح يكون استقبالها له وخصوصا بعد الي صار بينهم اخر مرة...
طق الجرس بيدين ترتجف..

ترف كانت جالسة بالصالة واول ما سمعت صوت الجرس فز قلبهاوقامت من مكانها متوترة مو عارفة ايش تسوي...

ترف:ليزا..ليزا..ليزا وصمخ
ليزا:نعم
ترف:نعم الله عليك ماتسمعين الباب
ليزا:الا
ترف:طيب روحي افتحيه
ليزا:انا مشغولي هلا روحي افتحيه انتي
ترف تخصرت:عشتو مابقى الا انتي اقول اذلفي افتحي الباب لا يجيك كف يطير وجهك
ليزا:شو هيدا الاسلوب الهمجي شو كف يطير وجهك
ترف:بتعلميني شلون اتكلم بعد

ليزا طنشتها وراحت تفتح الباب..

ترف تطالعها وهي فاتحة فمها وعيونها على وسعهم:شف هاذي طنشتني هين ياليزا شغلك معي بعدين الحين خليني اروح اتعدل اكيد هو الي عند الباب

ركضت على الدرج وكانت بتصقع بلينة وهي نازلة...

لينة:بسم الله ترف شفيك؟
ترف وهي تركض:لا لا مافي شي

وصلت لاخر الدرج ولفت عليها:على فكرة ترى زياد تحت
لينة:وليه ماتقعدين معاه؟
ترف:ها..بروح البس
لينة:طيب انتي لابسة
ترف:قصدي بعدل لبسي
لينة:ههه كل هاذا عشان زياد عندنا يابختك يازياد
ترف ابتسمت بالم وركضت لغرفتها...

لينة استغربت من شكلها بس طنشت ونزلت عشان تسلم على زياد...

زياد اول ما وصل صار يطالع المكان في كل زاوية بالبيت له ذكرى معاها يتمنى ان هاذيك الايام ترجع لاكن الحين صعب...

اول مانزلت لينة زياد وقف كان يحسب انها ترف بس تحطم لما شاف انها لينة...

لينة بابتسامة:هلا
زياد ببرود:اهلين

لينة استغربت من رده وحست ان في شي صاير له..

لينة:شخبارك زياد؟
زياد وهو يطالع بالبيت:الحمد الله
لينة تاكدت ان فيه شي:صيح الي سمعته
زياد استغرب:شنو؟
لينة:يقولون صرت تشتغل بالشركة مع عمي
زياد نزل راسه وقال بصوت مكتوم:أي صح

لينة((لا زياد اليوم مو طبيعي انا متاكدة ان فيه شي))

نزلت ترف من الدرج ومع كل خطوة دقات قلبها تزيد وتوترها يزيد ابتسمت تخفي توترها وكملت لين وصلت للصالة الي قاعدين فيها لينة وزياد..

ترف:السلام عليكم

زياد اول ما سمع صوتها رفع راسه مو مصدق انه يشوفها قدام عيونه مرة ثانية كانت جد طالعه حلوة بالبريمودة الجينز القصير الي يوصل لين فوق الركبة والبلوزة الازرق على بحري الشفافة وتحتها بدي ازرق وعليها فصوص لماعة بنفس لون البلوزة كانت كانها حورية طالعه من البحر وشكلها بريئ وطفولي بشعرها الكيرلي ومسويته اثنين...

ترف انحرجت من نظراته لها هي جد متعودة انه كل يطالعها كذا بس هالمرة غير يمكن عشان من زمان ماشافته..

لينة لاحظت جو التوتر الي بينهم وقررت تلطفه شوي:وعليكم السلام ليش واقفة اجلسي..

ترف انتبهت على نفسها واخيرا قدرت تشيل عيونها عنه لانها جد كانت مشتاقة له وماتبي توفوتها لحظة بدون ماتشوفه..ابتسمتk

زياد كان بعالم ثاني عالم مايشوف فيه الاترف وبس ومو مهتم لوجود لينة..

زياد:شخبارك ترف؟
ترف توترت لما سالها ماتبي تطالعه قالت وهي مركزة عيونها على مكان بعيد عنه:تمام..وانت؟
زياد حس انها ماتبي تطالعه((اكيد ماتبين تشوفيني بعد الي قلته)) قال بياس:بخير

لينة((لا هاذولا اكيد فيهم شي اول مرة اشوف ترف تكلم زياد كذا العادة كل ما يجي عندنا تركض له وتحضنه او تجلس بجنبه على الاقل والحين حتى ماتبي تحط عينها بعينه))

قطع عليهم الصمت جوال لينة...

لينة((ياربي يافيصل ماتدق الا باوقات حرجة))

ترف وزياد كانو يطالعونها باستغراب لان وجها فجاة قلب لونه..

لينة انتبهت لنظراتهم وردت بتوتر:الو
فيصل:احلى الو
لينة وجها صار احمر من نظرات ترف وزياد وكلام فيصل زود عليها سدت سماعة التلفون وقالت لزياد وترف:عن اذنكم
ترف بسرعة:وين؟
لينة استغربت منها:بروح اكلم
ترف:كلمي هنا
لينة:لا هاذا شغل لازم اجلس لحالي عشان اركز

طلعت لينة وجلسو ترف وزياد لوحدهم..

زياد:ماتبين تجلسين معاي؟
ترف ماقدرت تستحمل طالعت بعيونه وياليتها ماطالعت شافت زياد الاولي الي نظراته كلها شوق ووله قالت بارتباك:لا عادي
زياد:شمسوية ترف؟
ترف:بخير.بخير ياولد عمي
زياد فهم قصدها:ترف تكفين سامحيني
ترف:مسامحتك
زياد مو مصدق الي يسمعه:جد؟
ترف قامت من مكانها وعطته ظهرها:ايوه جد
زياد قرب منها:يعني خلاص بنرجع لبعض
ترف:لا
زياد:شنو؟ مافهمتك
ترف لفت عليه:يعني لا
زياد:بس انتي سامحتيني
ترف:مو معناتا سامحتك يعني ارجع لك
زياد:اجل شلون؟
ترف:يعني انا مسامحتك بس مستحيل اامنك مرة ثانية واسلم لك قلبي عشان لا تكسره مرتين
زياد مسكها من كتوفها:لا ياترف لايصير قلبك قسي كذا
ترف بعدت عنه:وانت ليش قسيت وخنتني
زياد:ماكان قصدي
ترف انهارت وقامت تصرخ:يعني شنو مو قصدك؟

زياد سكت لما شافها كذا ماعرف ايش يقول لها..

ترف جلست على الكرسي وصارت تبكي وشكلها كان يقطع القلب..
قرب منها وهو خايف من ردة فعلها بس مايقدر يشوفها تصيح ولا يواسيها..
جلس جمبها وحط يده على كتفها..

زياد:ترف لا تبكين
ترف وخرته عنها:بعد عني
زياد:تكفين لا تبكين

ترف زاد بكيها..
زياد قرب منها اكثر وضمها:خلاص لا تبكين
ترف وهي تبكي:انا غبية
زياد:ليه تقولين كذا؟
ترف:لاني مو قادرة اكرهك
زياد ضمها اكثر:خلاص حبيبتي الحين روحي على غرفتك وارتاحي شوي وانا بروح واوعدك ماتشوفيني مرة ثانية لوهاذا الي تببنه
ترف:لا تروح
زياد فرح لانها تبيه يقعد معاها:خلاص بجلس معك


لينة اااه يالينة بعالم ثاني ولا تدري على الي يصير..

لينة:فصفص خلاص
فيصل:لا مو خلاص اتخيل شكلك الحين ادري انك مستحية ووجهك احمر
لينة تطالع وجها بالمراية جد كان احمر:لا اصلا وجهي مو احمر ولاشي
فيصل:عليينا
لينة:انت شكلك فاضي وانا عندي ضيوف
فيصل:يووه قد راح الحين خليه يولي عنده ترف
لينة:مو هاذا الي مخوفني
فيصل:ليش؟
لينة:مدري احس نظراتهم لبعض غير عن كل مرة حتى كلامهم غير
فيصل:شلون يعني؟
لينة:مدري بس احس بينهم شي
فيصل:يمكن متهاوشين
لينة:مدري
فيصل:طيب روحي شوفيهم يتكلمون مع بعض ولا لا
لينة:اوكي

راحت لينه تشوف شنو يسون واستغربت لما ماسمعت صوت..

لينة:معقولة يكون راح؟

دخلت للمجلس وشافت ترف متسنده على زياد وكانها نايمة ابتسمت على اشكالهم..

لينة((لا اكيد انا كنت اتخيل انهم متهاوشين))رجعت تكلم فيصل

لينة:الو
فيصل:ها شنو شفتي
لينة:هههه يحليهم تروفة نايمة
فيصل:وهو معها؟
لينة:لا مو نايمة نايمة بس مغمضة عيونها وهي بحظنه ياحبي لهم كانهم ملايكة
فيصل:عقبال ما تنامين بحضني بعد
لينة استحت:فيصل شقلنا
فيصل:هههههه خلاص مااعديها

بالمجلس..

زياد بصوت واطي:ترف..ترف
ترف وهي مغمضة عيونها:ممم
زياد ابتسم على شكلها:قومي روحي لغرفتك
ترف فتحت عيونها:زياد
زياد:عيونه
ترف:ابيك تنام هنا اليوم
زياد:لا مايصير
ترف بدلع:مالي شغل ابيك تنام هنا يعني تنام هنا
زياد:توتو مايصير
ترف وهي تضربه من كتوفه وتقول بدلع:مالي شغل مالي شغل
زياد تنهد مافي امل عنيدة:طيب خلاص بقول خق لينة
ترف:لا لينة ماراح ترضى
زياد:اكيد لان مايصير
ترف طالعته بترجي:تكفى زياد انا محتاجة لك
زياد ابتسم:وانا مااقدر استغنى عنك

ترف غمضت عيونها وحطت راسها على كتفة وابتسمت...

دخلت لينة وشافت ترف نايمة بحضن زياد وزياد المسكين رقبته انقطعت وهو جالس كل شوي يدنق وبعدين يرفع راسه..
تقدمت لزياد وهزته بخفة..

لينة:زياد..زياد
زياد فتح عيونه:ها..شنو شسالفة؟
لينة:هههههههه قوم ليش نايم هنا؟
زياد وهو يطالع ترف:اختك انهبلت
لينة:ليش؟
زياد:تبيني انام هنا
لينة:شنو صاحية ذي؟
زياد يطالعها:لا نايمة
لينة:هه هه هه بايخ
زياد ابتسم:طيب خلاص هي الحين قد نامت انا بروح للبيت
لينة:اوكي

توه بيقوم بس ترف كانت ماسكة فيه..

ترف وهي نايمة:زياد
زياد ابتسم حتى وهي نايمة تفكر فيه وتنطق اسمه:يلبيه
لينة طالعته باستغراب:هي انت تكلمها وهي نايمة
زياد:أي صح
لينة:يلا قوم بنروح ننام
زياد:طردة يعني
لينة:احسبها زيماتبي بس مايصير تنام هنا بعد
زياد:طيب
ترف مسكت فيه اكثر:زياد لا تروح

زياد طالع لينة بترجي..

لينة:ماقدر اخليك تنام هنا
زياد:طيب نامي هنا
لينة:لا والله
زياد:تكفين
لينة تنهدت:جد انكم مهابيل
زياد:عشان خاطري
لينة:اوف طيب بنام هنا انا بعد
زياد:فديتك والله

نزلت من الدرج وهي تحس بالجوع من الصبح ماكلت شي راحت على المطبخ تشوف شنو فيه عشان تاكله...
مرت على المجلس واستغربت لما شافت الانوار والعه..
دخلت وشافت لينة نايمة على الكنب..

اسيل:لينة..لينة(قالت بصراخ):لــيــون
لينة قامت من النوم مفزوعة:بسم الله شفيك؟
اسيل:ههههههه شكلك تحفة وانتي خايفة
لينة ترمي عليها المخدة:مالت عليك
اسيل:ليش نايمة هنا؟
لينة:اشش اول شي وطي صوتك
اسيل بهمس:ليش؟
لينة:عشان لا تقومينهم

اسيل لفت لوين تطالع لينة وشافت ترف وزياد نايمين..

اسيل:شنو هاذا؟
لينة:شنو بعد ما تشوفين ترف وزياد نايمين
اسيل:أي ادري بس ليش كذا؟
لينة وهي تسحب اسيل لبرة المجلس:تعالي وانا افهمك..الا انتي وينك اليوم مختفيه
اسيل:كنت نايمة
لينة:الله من الصبح للحين
اسيل هزت راسها بالايجاب..
لينة:والشغل متى يمديك تقومين من النوم بكرة
اسيل تذكرت محمد:لا انا ماخذه اجازة ماراح اروح بكرة
لينة:اها..طيب تعالي نسوي شي ناكله جوعانة
اسيل:وانا بعد

راحو على المطبخ يدورون شي ياكلونه ..

اسيل:حشى افتقرنا مافي ناكله
لينة:هههههههه الظاهر ليزا نست تروح السوبر ماركت اليوم
اسيل:والله لا انسيها اسمها
لينة:حرام عليك والله احنا كارفينها احنا من جهة وسحر من جهة
اسيل:على طاري سحر هي وينها من زمان ماشفتها
لينة:ياقلبي عليها حابسة نفسها بالغرفة وكل تذاكر
اسيل:ايوه تذاكر هين
لينة:شفيك انتي صفي النية مع اختك ولو لمرة
اسيل:انا مقلت شي
لينة:مو مهم..شخبارك انتي من زمان ما سولفنا ولا جلسنا مع بعض
اسيل وهي تجلس على الكرسي الي في المطبخ وتفتح العصير:والله الاخبار عندك
لينة جلست بالكرسي الي جمبها:ماعندي شي
اسيل تغمز لها (*_-) :علينا
لينة:شفيك مافي شي
اسيل وهي تشرب العصير:طيب

لينة توترت((يما هاذي الجنية ليكون تدري ن فيصل تسويها ما يخفى عنها شي))

اسيل:لينة
لينة انتبهت:ها..نعم
اسيل:شفيك سرحانة
لينة:لا مو سرحانة شفيك؟
اسيل:احس فيك شي قولي
لينة:قد حبيتي؟
اسيل عصت بالعصير:كح كح
لينة:بسم الله شفيك؟
اسيل وهي تمسح دموع نزلت من عيونها:شقلتي؟
لينة:اقول قد حبيتي؟
اسيل:لا ولا ابي احب
لينة:ليش الحب احلى احساس بالدنيا
اسيل:انتي شفيك..ليكون تحبين؟
لينة هزت راسها بالايجاب..
اسيل:لا لا ما اقدر معقولة لينة بنت عبد العزيز الماسي تحب ما اصدق
لينة:ليش لا
اسيل راحت وجلست بجنبها:ومين هاذا سعيد الحظ الي خلا لينة تحبه؟
لينة:ممم سعيد الحظ اسمه فيصل خالد السامي
اسيل:مين هاذا؟
لينة:مديري بالشغل
اسيل:حبتين بعد تحبون اثناء الدوام الصراحة لازم تنفصلون انتي وياه من الشغل لانكم متهاونين فيه
لينة ضربتها على راسها:اقول لا يكثر
اسيل:متى صار كل ذا وشلون قوليلي كل شي
لينة:ههههههه حبة حبة وبقول لك كل شي

*********************************

سحر كانت بالسيارة مع وليد...

سحر:وليد ترى تاخرنا واجد
وليد:لسى ما شبعت منك
سحر:ولا انا بس خواتي بيفقدوني
وليد:طيب على راحتك الحين اوديك البيت
سحر:اوكي

وصلت للبيت واول مادخلت فصخت عبايتها وجزمتها وصعدعلى غرفتها قبل لا يحس فيها احد..

***************************************

لينة:وبس
اسيل:الله الله ياعيني على الحب
لينة وجها صار احمر:ههههههههههه
اسيل وهي تتثاوب:انا بروح انام
لينة:اوكي تصبحين على خير
اسيل:اقول لينة
لينة:هلا
اسيل:بنام معكم بالمجلس
لينة:هههههه حياك
***************************************

في اليوم الثاني...

الكل نايم ولينة جالسة بالصالة تطالع التلفزيون..
رن تلفون البيت...

لينة:الو..ايوه مين معاي...ايش؟...متى...اوكي خلاص...مع السلامة

سكرت السماعة وهي للحين مو مصدقة الي سمعته كانت خايفة وفرحانة ومتوترة بنفس الوقت ومو عارفة ايش بتكون ردة فعل خواتها على الموضوع بس لازم تفاتحهم فيه...

الكل كان نايم ولينة جالسة تطالع التلفزيون...
رن التلفون...

لينة:الو...ايوه مين معاي؟...ايش؟...اوكي خلاص...مع السلامه

سكرت وهي تحس انها متوترة وخايفة وفرحانة بنفس الوقت مو عارفة ايش راح تكون ردة فعل خواتها على الموضوع بس لازم تفاتحهم فيه...

*************************

صحت من النوم وهي تحس بالم برقبتها نومتها كانت غلط.. ابتسمت وهي تشوفه جمبها وفى بوعده وجلس معاها..ماتركها وراح مثل ماكانت متوقعه...
ظلت تتامله وتتذكر ايامهم قبل شلون كانو وكيف صارو وتتمنى كل شي يرجع زي الاول واحسن..لاكن صعب..صعب كل شي يرجع مثل اول...
توترت وهي تشوفه بدى يصحى...بعدت عنه بسرعة وهي تحس بالاحراج من نفسها..شلون نامت بحظنه طول اليل...

فتح عيونه وقعد يتلفت ويطالع بالمجلس..

((زياد))

وين انا؟...هاذي مو غرفتي..وهاذا مو بيتنا

اول ماالتفت وشاف ترف نايمة بالكرسي بس بعيد عنه تذكر كل شي صار امس وابتسم...
قرب منها وباس جبينها...

زياد:صباح الخير

ترف كانت مغمضة عيونها ومسوية نفسها نايمة توترت من قربه وخصوصا لما باسها...

زياد:سامحيني حبيبتي مااقدر اقعد معاك اكثر من كذا لازم اروح الشركة الحين

كان ودها تقوم وتقوله اجلس لاتروح بس مسكت نفسها...كفاية الي صار امس..

زياد استسلم انها ماراح تقوم مع انه عارف انها مو نايمة بس ماحب يعلق..

زياد بياس:مع السلامة

اخذ شماغه وعقاله وطلع برة المجلس متوجه للباب الخارجي..

اول ماطلع خذت نفس تخفف توترها..لمست خدودها كانت حااارة من التوتر والاحراج..

صعدت لغرفتها بسرعة وهي مبتسمة على كلمته((حبيبتي...ااه ياحلوها منك))

**************************

اسيل قامت من النوم وطالعت المجلس كان فاضي مافيه احد...

اسيل:الظاهر اني تاخرت بالنوم


طلعت للصالة وشافت لينة جالسة تطالع تلفزيون...

اسيل:صباح الخير

لينة كانت سرحانة وماردت عليها..

اسيل:لا حول ولا قوة الا بالله..لينة..لينة
لينة:.........
اسيل:لينة(صرخت باذنها):لـــيـــنـــة
لينة فزت من مكانها:بسم الله..خير وش تبين؟
اسيل:شهالنفس من على هالصبح؟
لينة وهي تلف بنظرها للتلفزيون:اسيل ترى جد مالي خلقك
اسيل:افا..الله كل هاذا عشانك جالسة بالبيت ولا شفتي حبيب القلب
لينة طالعتها بعصبية:اسيل لا تخليني اندم اني قلت لك
اسيل:خلاص خلاص بسكت(حطت يدها على فمها)

لينة رجعت تطالع التلفزيون...

اسيل:لا لينة جد انتي اليوم مو طبيعية..شفيك؟
لينة بدون ما تطالعها:ولاشي
اسيل طفشت منها:طيب الخبلة ترف وينها؟
لينة:مدري..يمكن نايمة
اسيل:لا انا توني قايمة ومافي احد
لينة:أي صح زياد توه طالع..اجل اكيد بغرفتها
اسيل:اجل بروح اطفرها شوي
لينة:صج فاضية

اسيل طنشتها وصعدت لغرفة ترف..


كانت منسدحة على السرير وسرحانة بزياد وبلي صار امس وقاعدة تغني...

ايام حلوة كانت ايام حبك
كنت في روحي تسري
كنت بجنون احبك

اسيل دخلت للغرفة شافتها سرحانة..تقدمت بخفة لعندها ونطت على السرير بقوة...

اسيل:بوووه
ترف صرخت بخوف ونطت من السرير:وجع انشاء الله
اسيل:هههههههههههههههههههههههه
ترف:بايخة
اسيل:شعندكم انتي ولينة اليوم؟
ترف باستغراب:شنو؟
اسيل:كل مااروح عند وحة القاها سرحانة...الظاهر نومت المجلس اثرت فيكم

ترف تذكرت زياد والي صار امس وسرحت مرة ثانية...

اسيل:لا انتو حالتكم صعبة(صفقت بقوة)تـــرف
ترف لفت لها:ها
اسيل:شفيك؟

فجاة صارت تضحك...

اسيل باستغراب:لاحول الله.انهبلت البنت
ترف بابتسامة حلوة:شخبارك اسيل؟
اسيل وهي تنسدح جمبها على السرير:والله تمام..مع انها جت متاخرة
ترف وهي تطالع اسيل:اسيل
اسيل:هلا
ترف:في شي متغير فيك
اسيل:شنو؟
ترف وهي تدقق بملامحها:مدري..يمكن سمنانة او...(شهقت)
اسيل بخوف:وجع انشاء الله..وش فيني؟
ترف:انتي متى اخر مرة قصيتي فيها شعرك؟
اسيل:عمى على بالي عندك سالفة...من زمااان مااتذكر
ترف:شكلك متغير..صايرة بنت
اسيل:اجل بقصه
ترف:سخيفة الحين اقول لك طالعه احلى تقولين بقصه
اسيل:طيب هو متغير مرة مرة..يعني مو زي لما كان عيد ميلادك؟
ترف:لا بعيد ميلادي كان مرة قصير بس الحين واصل لين كتفك

اسيل سكتت تفكر((يمكن هاذا الي خلا محمد يتشجع ويعترف لي بحبه)) ابعدت هالافكار الغبية من راسها

ترف:اسيل..اسيل
اسيل انتبهت لها:هلا
ترف:ههههههههههه مساع تعيبين علي انا ولينة والحين انتي تسرحين
اسيل ابتسمت:لا انا مو سرحانة بس كنت افكر بالشغل
ترف:صح انتي ليه ما داومتي اليوم؟
اسيل:ليه تبين الفكة مني؟
ترف ابتسمت:لا شدعوة..بس يعني مستغربة انتي كل يوم تروحين واليوم جالسة بالبيت
اسيل((تبيني اروح واشوفه..مستحيل))

ترف وهي تطالع السقف:اسيل
اسيل من غير ما تطالعها:ممممم
ترف:غني لي
اسيل التفتت لها:نعم؟
ترف وجهت نظرها لها:بليز اسيل اليوم احس اني مبسوطة وابي اسمعك تغنين
اسيل عدلت جلستها:اوكي وش تبين تسمعين؟
ترف:مممم مدري أي شي
اسيل:اقول روحي جيبي القيتار بعدين يصير خير
ترف قامت بحماس:اوكي


***********************

باليل..

سحر كانت بغرفتها وتكلم وليد ودقت عليها لينة...

سحر:حبيبي شوي واكلمك اوكي
وليد:ليه؟
سحر:اختي تبغاني
وليد:اوكي روحي باي
سحر:باي

سحر:هلا لينة
لينة:هلا سحر...وينك انتي؟
سحر:بالبيت يعني وين بروح
لينة:طيب تعالي تحت
سحر:ليش؟
لينة:ابغاك انتي وترف واسيل بموضوع
سحر باستغراب:انا وترف واسيل؟..شسالفة؟
لينة:انزلي بعدين بتعرفين
سحر بملل:اوكي

اول ماسكرت من سحر دقت على ترف واسيل وقالت لهم بنزلون...

بالصالة...

كان الجو هدووء الكل ساكت...وكل واحد في باله سؤال واحد..شنو الموضوع الي تبغاهم فيه لينة...

سحر طفشت من الهدوء وقررت تبدا هي بالكلام...

سحر:ايوه لينة ممكن نعرف ليش مجمعتنا؟

لينة طالعتها بتوتر مو عارفة ايش تقول لها...

اسيل:لينة..تكلمي شفيك؟
لينة:مممم..والله مو عارفة ايش اقول لكم..اقصد مو عارفة شلون ابدى
سحر حطت رجل على رجل:لا خذي راحتك..ابدي زي ماتحبين
لينة بتوتر واضح:اشتقتو لبابا؟
الكل:؟؟؟
لينة بلعت ريقها:بليز جاوبو على السؤال عشان تسهلون علي الكلام
الكل:اكيد

لينة غمضت عيونها تحاول تستجمع شجاعتها...لاكن اول مافتحت عيونها خانتها شجاعتها وترددت اول مرة تحس ضعيفة كذا...

اسيل:لينة شفيك تتكلمين بالقطارة
لينة تحاول تستجمع شجاعتها:طبعا تدرون ان بابا تركنا لانه مات
سحر مو فاهمة شي:لينة وش قصدك من هالكلام
لينة:تعرفون شلون ماما تركتنا؟

حالة الهدوء رجعت للمكان اول ماسمعو سيرة امهم...وش دخلها بالموضوع..واستغربو لان لينة اول مرة تتكلم عنها..هم دايما يحاولون ينسونها لانها تركتهم وتركت ابوهم...

اسيل:وماما وش دخلها؟
لينة:ماما تركتنا عشان..عشان
سحر:عشان ايش؟
لينة غمضت عيونها نرة ثانية وقالت بسرعة قبل لا تخونها شجاعتها مرة ثانية:ماما تركتنا لانها كانت بالسجن

هدووء غير طبيعي عم المكان...
فتحت عيونها تبي تشوف تعابير وجهم..ماكانت في ملامح بوجيهم ابد ماتعرف اذا هم متفاجئين ولا زعلانين مايبين أي شي فيهم..

اسيل:لينة انتي شنو تقولين؟
لينة:الي سمعتيه..ماما كانت بالسجن
سحر قامت وقالت وهي تاشر على نفسها:ايش؟..انا..امي انا كانت بالسجن
لينة:ترا مثل ماهي امك هي امنا بعد
اسيل:لحظة لحظة..لينة لينة انتي من جد تتكلمين ولا تمزحين؟
لينة:هاذي اشياء ينمزح فيها
اسيل:طيب هي شلون دخلت السجن؟
لينة حست بغصة لما تذكرت الي صار:لما مات بابا رحنا كلنا انا وماما وانتي وترف وسحر وسكنا في بيت جدي الله يرحمه...وكان عندنا عم غير عمي سعود اسمه فهد مات بعد الله يرحه..كان يدرس بامريكا ورجع لما درى عن وفاة ابوي...فيوم من الايام كنا انا امي وسحر جالسين بالصالة وبعدين دخل عمي فهد وشاف ماما..وياليته ماشافها(بكت)...

اسيل قربت لها وضمتها:خلاص لينة لا تبكين
لينة مسحت دموعها:ماما كانت اية من الجمال وعمي لما شافها انهبل على جمالها نسى انها زوجه اخوه المرحوم وان احنا عيال اخوه..ومن يومها كان دايم يحاول يتقرب من ماما...وفي مرة حاول انه يعتدي عليها لاكن ماما كانت اسرع منه وذبحته(حطت وجها على يدها وزادت بكي)

اسيل:لينة..خلاص
سحر:طيب وليه تقولين كل هالسالفة خلاص موضوع وخلص
اسيل بحدة:تكلمي زي الناس ولا اسكتي
سحر:وانا شقلت الحين
لينة:لا ما خلص
سحر:ليه وشنو فيه بعد ماعرفناه
اسيل:قسم بالله لو ماتكلمتي زي الناس بجي اتوطى ببطنك
سحر طالعتها بقهر:طيب يا اسيل انا اوريك

لينة تعبت من هواشهم قررت تقول كلامها وتخلصه والي فيها فيها...

لينة:ماما بتطلع من السجن
اسيل وسحر:نعم؟
لينة:الي سمعتوه
سحر:لا حبيبتي انا مابغى تجيبون مجرمة للبيت
لينة:لا تتكلمين عن امك كذا
سحر:اجل الي يدخل السجن وش يقولون له
اسيل بحدة:سحر
سحر:انتي بليز لا تتكلمين(رجعت تطالع لينة)سمعتي مابيها تجي..انا بصراحة اخاف على نفسي

ما وعت الا وبكف جايها على وجها من لينة..
الكل قام من مكانة وشهق..

سحر والدموع بعيونها:تضربيني؟

لينة وقفت مكانها وطالعت يدها مصدومة مو مستوعبه الي سوته...

سحر:هاذا وهي توها ماجت وتضربيني عشانها اجل لو سكنت هنا ايش بتسوين بتذبحيني..ولا ماله داعي الوالدة تقوم بالموضوع مو هي عندها خبرة بهالامور
لينة:سحر انا...
سحر قاطعتها:مابي اسمع شي

راحت لغرفتها وهي تبكي...

ترف بصدمة:لينة...ليه سويتي كذا؟

لينة جلست على الكرسي منهارة مو مصدقة انها ضربت سحر...هاذا وهي المفروض تهتم فيهم تقوم وتضربها...

اسيل بتردد:..لينة
لينة طالعتها بدون ماتتكلم..
اسيل:انا بعد ماابغاها تجي

قالت كلمتها وراحت لغرفتها وتركت لينة مصدومة من ردها..اخر شخص توقعته يرفض وجود امهم هي اسيل...
التفت على ترف...

لينة وهي تبكي:وانتي بعد ليش ساكته..قوليها.قولي انك ماتبينها بعد لا تكتمين بقلبك شي..انا مابي اغصبكم على شي ماتبونه

ترف كانت مصدومة بكل الي يصير حولها ومو مستوعبه شي بس لما قالت لينة شي ماتبونه انبهت لها وجلست تفكر..هي اصلا ماتعرفها عشان تعرف اذا تبيها او لا..

لينة حست ان سكوتها طول مسحت دموعها وراحت لغرفتها...

************************

وليد:خلاص حبيبتي ماصار شي
سحر:اقول لك ضربتيني تعرف يعني شنو لينة تضربني لو احد ثاني اوكي بس لينة(بكت)
وليد عوره قلبه عليها:طيب هي ليش ضربتك؟
سحر((هاذا شنو اقول له الحين..مستحيل اقول انها ضربتيني عشان امي الي بالسجن)):مدري عنها اكيد معصبة وطلعت حرتها فيني
وليد:لا والله اذا معصبة تطلع حرتها بنفسها مو فيك
سحر:الله يسامحها عاد
وليد:ويلوموني ليه احبك وانتي اطيب قلب شفته بحياتي
سحر ابتسمت:محد يقدر يطلعني من حزني غيرك
وليد:عسى ربي يخليك لي ولا يحرمني منك
سحر:ويخليك لي

***********************

اسيل منسدحة على السرير وتفكر بالي صار..هي جد محتاجة لام ولا لا..والي سوته صح ولا غلط...
قطع افاكرها صوت الجوال...ردت بدون ماتشوف الرقم...

اسيل:الو
.......:انبصطتي الحين؟
اسيل:مين معاي؟
..........:انا ابرار بنت خالة محمد
اسيل بعصبية:وش تبين داقة؟
ابرار:اسمعي عاد الي جا منك كفاية ولا عاد تدقين على محمد حتى لو شفتيه بالمستشفى لا تفكرين انك حتى تسلمين عليه
اسيل:لية انشاء الله من عينك وليه امره
ابرار:تدرين ياحلوة ان بسبتك هو الحين بالمستشفى وبين الحياة والموت
اسيل حست بغصة:موت؟
ابرار((لا بسم الله عليه خخخخخ)):أي..وانا دقيت عليك عشان اقولك لا تفكرين تدقين عليه
اسيل والدموع بعيونها:باي مستشفى هو؟
ابرار:ليه بعد في شي نسيتي تقولينه له وتبين تكملين عليه به
اسيل نزلت دمعه منها:لا..بس ابي اشوفه
ابرار:وهو مايبي يشوفك
اسيل:هو قالك كذا؟
ابرار:أي.. واصلا بدون مايقول
اسيل:انتي كذابة
ابرار اشهقت:وتكذبيني بعد..جد انك ماتستحين يلا باي

سكرت الخط ولفت على محمد وبوجها اكبر ابتسامة...

محمد:حرام عليك ليه سويتي كذا؟
ابرار:اسكت بس.. انت ماتعرف شي
محمد:طيب يمكن ماتجي
ابرار:لا تطمن بتجي
محمد:وش دراك؟
ابرار:انا بنت واعرف كيف يفكرون البنات
محمد وهو يطالع رجله:بس بعد انا حاقد عليك
ابرار:فوق ما انا قاعدة اساعدك وبعد حاقد علي..ليش شنو سويت؟
محمد:بالله عليك انتي كيف تفكرين..صاحية انتي تاجرين واحد يصدمني بالسيارة وين قاعدين فرضن مت لا سمح الله
ابرار:يووه عاد هاذا انت مافيك الا العافية..وبعدين انا قلت له يصدمك على خفيف
محمد:انا اشهد انك مو صاحية
ابرار وهي تلعب باظافرها:اهم شي ماصار لك شي

محمد قعد يتاملها...
((ههههههه والله انها هبلة تذكرني باسيل..بس الفرق بينهم ان ابرار تهتم بشكلها ودايم تحاول تبرز جمالها..بس اسيل عكسها تماما))

ابرار لاحظت انه يطالعها من مساع رفعت راسها وشافته يطالعها بنظرات اول تشوفها بعيونه..

ابرار:محمد..محمد
محمد انتبه لها:هلا
ابرار:ههههههههه شفيك؟
محمد:توني ادري ان ضحكتك حلوة
ابرار استغربت من اسلوبه المفاجئ وبنفس الوقت انحرجت منه بس ماحبت تبين(قالت بغرور مصطنع):ادري من زمان
محمد:مو بس ضحكتك..كل شيفيك حلو

ابرار جد انحرجت خافت ان راسه تاثر من الحادث اكتفت انها تبتسم...

محمد:ياشيخة حتى ابتسامتك حلوة بالله قوليلي وش الي مو حلو فيك

ابرار هنا جد شكت ان راسه تاثر قربت منه وحطت يدها على جبينه:محمد فيك شي؟
محمد ابتسم:لا
بعدت عنه وقالت بهدوءk

**********************

كانت جالسة لحالها بالغرفة الباردة والظلام مالي المكان...
تبي بصمت يمكن البكى يخفف من احزانها شوي...

((ترف))

دخلت لجناح لينة الي كان مظلم بس انا عندي احساس انها داخل..خفت ادخل وتكون معصبة وتطردني بس لازم اوضح لها اني ابي ماما تجي مو مثل سحر واسيل... وقفت عند باب الغرفة بخوف من ردة فعلها..مديت يدي وهي ترتجف وطقيت الباب..

طلع لي صوتها من ورى الباب وباين انها مضايقة لان صوتها كان مخنوق..

لينة:مين؟
ترف:ممكن ادخل؟

طال سكوتها وقررت ادخل...

لينة:اذا جاية تكملين على تراني مالي خلق

ترف((اول مرة اشوف لينة كذا او تتكلم بهاذا الاسلوب))..

لينة لما شافتها سكتت ماقدرت تقسي قلبها عليها اكثر من كذا..طالعتها بحنان..

لينة:تعالي

قربت منها وجلست جمبها على السرير..

ترف:لينة
لينة:هلا
ترف:ممم..ادري انك متضايقة من سحر واسيل...بس والله انا مو مثلهم...انا ابي ماما تجي..ابي اشوفها

طالعتني وهي تبتسم ابتسامة حلوة...

لينة:جد؟
ترف:أي
لينة:شفتي هاذاك الدرج
طالعت لوين تاشر:أي
لينة:روحي افتحيه

رحت وفتحت الدرج زي ماقالت لينة..ولقيت داخله صندوق خشب صغير..مديته لها..

ترف:شنو هاذا؟
لينة:افتحيه

رجعت وجلست على السرير وفتحت الصندوق...
لقيت داخله صور لبابا ومعاه وحدة تشبه سحر...

ترف:لينة هاذي ماما؟
لينة بابتسامة:أي

قعدت اتامل فيها معقولة هاذي امي..امي انا..تشبة سحر مرة وكانها هي...

ترف:تشبه سحر
لينة:أي..سحر تشبه ماما كثير

حطيت الصورة على حظني وكلمت لينة بحماس كبير...

ترف:تدرين طول عمري احلم باليوم الي اشوف فيه ماما واقول لها عن كل شي يخطر في بالي..كنت احسب انها تركتنا بكيفها..(نزلت راسي وقعدت اطالع بالصورة..حسيت بغصة وانا اتكلم)ماكنت ادري انها مظلومة وانها كانت مجبورة انها تتركنا..

حسيت بيد لينة على كتفي رفعت راسي وشفتها طالعني بحنان تعودت اشوفه بنظراتها...

لينة:هاذا انتي فيها...حاولي تعوضينها عن الايام الي قظتهم وهي بعيدة عننا
ترف:تتوقعين بقدر
لينة ابتسمت:اكيد وانا معاك
ترف:طيب..وسحر واسيل؟
لينة:انشاء الله ربي بيهديهم وبيحيون ماما
ترف:لا لينة..هم مايكرهونها..هم بس مو متقبلين انها كانت بالسجن
لينة:معاك حق

جلست اطالع باقي الصور واتخيل شنو بيصير لما تجي ماما وايش راح تسوي لما اقول لها عن كل شي مريت فيه بحياتي..

قطع افكاري صوت لينة...

لينة:ترف
رفعت راسي:هلا
لينة:ماراح تقولين لي شنو سالفتك مع زياد
دق قلبي اول ماسمعت طاريه..قلت بارتباك:أي سالفة الله يهديك مافي شي
حطت يدها على كتفي:ترف..انا حاسة فيك..حاسة انك متضايقة من شي واكيد زياد السبب
حاولت ابعد نظراتي عنها كثر ما اقدر:شمعن يعني؟
لينة:لان اسلوبك فجاة تغير معه..لا تحسبيني ما الاحظ من يوم مارجعتي من عيد ميلادك متاخرة ذاك اليوم وانا شاكة ان فيك شي..ترف حبيبتي قولي الي بقلبك..لا تخبين على شي

طالعتها بنظرات طفوليه عيوني كانت مليانة دموع وتبي تتفجر باي لحظة..اول ماسمعت كلامها ماقدرت استحمل..ارتميت بحظنها وطلعت كل الدموع الي كنت حابستها...


**********************

في الصباح...

نزلت اسيل من الدرج وهي تحس بتعب فضيع..طول اليل مانامت...بالها مشغول بسالفة امها هاذا غير سالفة محمد وابرار هاذي الي نفسها تقتلها..

دخلت لغرفة الطعام ولقت ترف جالسة...
سحبت كرسي وجلست...

ترف انتبهت لها:صباح الخير
اسيل((أي خير انتي بعد)):صباح النور

اسيل بتردد:....ترف..
ترف وهي تحط كورن فليكس بالصحن:نعم
اسيل بنفس التردد:كلمتي لينة امس؟
ترف التفتت لها:way?
اسيل:مممم..بس كذا
ترف::أي
اسيل تحمست:جد..وشنو قلتي لها..وهي شنو قالت لك؟
ترف طالعتها باستغراب مصطنع:لييش كل هلاسئلة؟
اسيل:بس كذا
ترف:اها

اسيل:طيب شنو قالت لك؟
ترف:ليش..يهمك ولا يهم اختك سحر
اسيل:يوووه عاد جاوبي على قد سؤالي
ترف:مادري
اسيل قامت من مكانها بعصبية:مالت عليك لا كن الشره علي انا الي جالسة مع بزر مثلك

سحبت عبايتها وطلعت..

ترف بالستغراب:الحمد الله والشكر

**********************

وقفت عند باب المستشفى ماتدري تنزل ولا لا..كلام محمد امس خوفها..تخاف يكون يستعملها كبديلة عن غياب اسيل وتاف تتعلق فيه مع انها تعتبره زي اخوها وبعدين ترجع اسيل ويتركها وذيك الساعة قلبها بتكسر وهي قلبها ماعاد يتحمل كافي الي جاها قبل...

نزلت دمعه من عينها وهي تتذكر بسام الشخص الوحيد الي حبته من كل قلبها..سافر وتركها لحالها حتى بدون مايقول لها..بدون أي مبررات..راح وخلا وراه قلب يحبه ومتعلق فيه...

ابرار((ليه يابسام..ليه تروح وتخليني بدون حتى ما تودعني..لو تعرف بس قد ايش انا محتاجة لك كان ماخليتني ورحت..لاكني بظل احبك..لو تغيب مليون سنة بظل احبك وعمري ماراح انساك..ولو بترجع لي بسامحك...احبك))




تبي تتركني اتركني
تاكد اني ماراح ازعل
ولا اسال وش تفاصيل
بعاد وطولة ونوعه

ولاكن قول انا ماشي
ترا بعض الوداع اجمل
نهرب الحبيب الي
ترك له ناس موجوعه

اذا حبيبة يعني لك
اكيد ان الغراق افضل
واذا عيني بتبكي لك
اكيد العين مخدوعه

واذا انت الي بتتركني
ولا احد جابرك ترحل
واذا انت الي بتتركني
ولا احد جابرك ترحل

حرام اتضايق واشقى
على الي رايح بطوعه

انا مااقول لك بنسى
ولاكن مستحيل اسال
بحبس اصغر انفاسي
ولو الهمسات مسموعه

انا بتذكر ايامك
ولا انس حبي الاول
بتبقى صورتك عندي
بوصط الروح مطبوعة

حبيبي لو بترجع لي
وتعطيني العذر بقبل
ابغفر للحبيب الي
غياب احبابه يلوعه

ومهما طول غيابك
بتبقى رحمتي اطول
تاكد في شرع قلبي
لك الاقلام مرفوعة

تبي تتركني اتركني
تاكد اني ماراح ازعل
ولا اسال وش تفاصيل
بعاد وطوله ونوعه


السواق لاحظ انها طولت وما نزلت...

السواق:انسة ابرار
ابرار انتبهت له:نعم
السواق:وصلنا للمستشفى

ابرار طالعت مبنى المستشفى بحسرة...مسحد دموعها وعدلت نظارتها ودخل للمستشفى...

********************

فيصل كان عند امه بالمستشفى...

فيصل:يما اقول لك انا حاس ان فيها شي..امس مادومت وبعدين دقت وخذت اجازة واليوم اجق عليها ولاترد
ام فيصل:طيب يمكن مشغولة
فيصل:شنو هاذا الشغل الي مايخليها تقدر ترد علي
ام فيصل:والله مدري شقول لك..طيب جرب تدق على بيتهم
فيصل:لا يما اخاف احد عندها ولا شي
ام فيصل:طيب دق على جوالها
فيصل:واذا كان عندهااحد من خواتها؟
ام فيصل:طيب خليني انا اكلمها
فيصل بستغراب:انتي؟
ام فيصل:أي انا وش فيها يعني
فيصل:لا مافيها شي

دق على لينة...

كانت نايمة وازعجها صوت الجوال مفاية انها مانامت طول اليل والحين يجي الجوال ويدق..قررت تطنشة بس التصل مصر..رمت البطانية بطفش وردت بدون ماتشوف الرقم...

لينة:الو
فيصل:يسعدلي هالصوت
لينة بلهفة لانها من زمان ماسمعت صوته واشتاقت له:فيصل
فيصل دق قلبه اول ماسمع صوتها:حياته
لينة:وحشتني
فيصل:وانتي اكثر ياعمري ولهان عليك حيل
لينة ابتسمت:شخبارك؟
فيصل:بخير دامني سمعت صوتك...حبيبتي ليكون صحيتك؟
لينة وهي تطالع السرير بحسرة كان ودها تكمل نومها:لا عادي
فيصل:شخبارك حياتي؟
لينة:تمام

ام فيصل:بسك عاد احرجت البنت عطني بس خليني اكلمها

لينة باستغراب:فيصل مين هاذي؟
فيصل ابتسم:هاذي امي...تبي تكلمك
لينة:تكلمني انا؟
فيصل:أي ليش مستغربة
لينة:لا عادي بس مدري شقول لها
فيصل:أي شي ترى امي حبوبة
لينة:اكيد حبوبة مو انت ولدها
فيصل:اااه لا لا كذا ما اتحمل حرام عليك
لينة:هههههههههه

ام فيصل:يافيصل الله يهداك عطني ايها
فيصل:انشاء الله يما

فيصل:اظن سمعتيها بتذبحني الحين لو ماعطيتها تكلمك
لينة:يوه تذبحك..لا لا عطني اياها انا ما اقدر على فراقك
فيصل:لا عاد ماتفقنا شكلك ناوية تجلطيني اليوم
لينة:لا بسم الله عليك

ام فيصل بصراخ:فيصل..انت ماتفهم

لينة:هههههههههههه
فيصل:يحقلك تضحكين
لينة:طيب يلا عطني خالتي
فيصل:أي عاد الحين تجمعتو وانا طلعت من الحسبة
لينة:ههههههه أي
فيصل:لا والله

ام فيصل بصراخ:فــيــصل

فيصل مد الجوال لامه:خلاص خلاص خذيه
ام فيصل:مابغيت..كان قعدت لين بكرة احسن
فيصل:والله انا ماعندي مانع
ام فيصل:اقول بس عطني اياه

ام فيصل:هلا لينة شخبارك؟
لينة:الحمد الله..وانتي شلونك خالتي وشلون العلاج معاك؟
امفيصل:والله هالدكاترة يلوعون الكبد كل يوم لهم كلام بس انا ماعلي منهم..اقول فيصل قالي ان اختك دكتورة خليها تعالجني
لينة:ههههه لا ياخالتي مايصير
ام فيصل:ليش؟
لينة:اختي دكتورة اطفال مايصير تعالجك
ام فيصل:عادي كلهم دكاترة
لينة:ههههههه

جلسوا يسولفون وكل وحدة ارتاحت للثانية واتفقوا انهم يلتقون قريب...

************************

وقفت عند باب الغرفة.مسكت قبضة الباب بيدين ترجف..
وقفت تطالع الناس الي بالمستشفى..لمحت وحدة جاية من بعيد.ابتسمت اول ماشافتها..ودخلت الغرفة بسرعة..

ابرار ركضت ونطت على السرير بدفاشة...

ابرار بصراخ:محمد..محمد قوووم
محمد قام مفزوع:بسم الله شسالفة؟
ابرار:شوف اذا جتك الحين اثقل زين
محمد:مين هاذي؟
ابرار:يووه محمد ركز معاي..قصدي اسيل
محمد بصدمة:اسيل؟
ابرار:أي اسيل..اسمع الحين مافي وقت اشرح لك بس هي بتجي وانت اثقل عليها زيين

محمد هز راسه بالايجاب مع انه مو مستوعب الي قاعدة تقوله ابرار..

ابرار:لا تهز راسك كذا زي الابله فهمت انا شقول لك ولا لا؟
محمد:لا لا فهمت
ابرار تنهدت براحه:زين

بعد ثواني نطت من مكانها بسرعة..

ابرار:طيب انا لازم اطلع الحين وقولي وش صار طيب
محمد:طيب


طلعت ابرار من الغرفة وهي تبتسم بحزن((مثل ماتوقعت اول مايسمع طاريها بيركض لها..الله يهنيهم(حست بغصة لانها تذكرت بسام الي عمره ماغاب عن بالها)...وحشتني بسام..وينك بس..ااه لو اعرف وينك...ولو تعرف انا قد ايش محتاجة لك ماتركتني لحظة وحدة بعيدة عنك))


دخلت للغرفة وقلبها يدق مع كل خطوة تخطيها...
طلعت راسها من ورى الباب تبي تشوفه لو لمحة بس... شافته نايم على السرير ومعطيها ظهره...قلبها دق لما شافته من زمان ماجلست معاه او سمعت صوته...
تقدمت بخطوات ثقيلة لعنده خايفة منردة فعله لما يشوفها خصوصا ان ابرار قالت لها انه مايبي يشوفها...

اسيل بصوت مخنوق ومتردد:...م..محمد

اول ماسمع صوتها ماصدق نفسه حسب نفسة يتخيل زي كل مرة لف لها وطالعها..

اسيل اول ماشافت رجله المجبرة ركضت له...

اسيل بخوف:محمد شفيك؟...شفيها رجلك؟

محمد طالعها بشك هو مو متاكد اذا هي قدامه ولا هو يتخيل...بس هو يسمع صوتها..يسمع همساتها ويسمع دقات قلبها المتهورة...

محمد:اسيل؟

من اول ماسمعت صوته ماقدرت تتحمل اكثر من كذا..ماتقدر تمسك دموعها اكثر...حطت راسها على السرير وبكت.بكت وطلعت كل الي بقلبها...

محمد ماعرف ايش يسوي لها اول مرة يشوفها بهالحالة...

حط يده على راسها وقال بحنان:اسيل لا تبكين
اسيل رفعت راسها:محمد..تكفى سامحني ادري اني غبية..وهبلة بعد بس والله ماكان قصدي الي قلته..محمد انا...

محمد قاطعها:خلاص..مو لازم تحبيني انا مابي اغصبك على شي بس تكفين...لاتخليني

اسيل زادت بكي لما سمعت كلامه...

محمد:اسيل تكفين لا تبكين...ما احب اشوف الدموع بعيونك

اسيل رفعت راسها وهزته بالايجاب...

اسيل بهدوءk

اسيل:ماقلت لي..شفيها رجلك؟
محمد تذكر كلام ابرار وهبالها..ابتسم:حادث بسيط
اسيل:اها..محمد
محمد:هلا
اسيل:مين جالك اليوم؟
محمد فهم قصدها:محد...بس اهلي واخوياي..وابرار بنت خالتي
اسيل اول ماسمعت قصدها بغت تموت من الغيرة..قالت بعصبية:وليه جاية؟
محمد:الي جابك جابها
اسيل بعصبية:وش قصدك؟
محمد خاف من نظراتها:لا..بس قصدي انها جاية تزورني..عادي
اسيل:أي..بس انا مو جاية ازورك وبس
محمد بخوف:شقصدك؟
خذت نفس وقربت منه..همست باذنه:احــــبــــك
محمد طالعها بصدمة..قال ببلاهه:ها..شقلتي؟
اسيل:احبك..انا..احبك
محمد:جد جد ولازي اخو....
اسيل قاطعته:لا جد جد
محمد:اسيل لا تلعبين بعصابي انتي تتكلمين من جد ولابس عشاني مكسر؟
اسيل:لا من جد
محمد حس انه بيطير من الفرحة((ماهقيتك قوية كذا يا ابرار..فديتك والله))...انا بعد احبك اسيل

اسيل:طيب..وابرار؟
محمد:وابرار وش دخلها؟
اسيل:شنو تعتبرها بالنسبة لك؟
محمد:ابرار بنت خالتي واختي وصديقتي وبير اسراري
اسيل:يا سلام وانا وين رحت؟
محمد وهو ياشر على قلبه:انتي هنا..انتي عقلي وقلبي وروحي وكل شي بنيتي
اسيل ولاول مرة تحس بالخجل:جد؟
محمد:جد وخال وعم لو تبين بعد
اسيل:ههههههههههههه

**********************

نزلت من الدرج وشافت لينة تتكلم مع الشغالة...

ترف:لينة...ليون
لينة ابتسمت:هلا ترف
ترف:لينة ممكن اطلب طلب
لينة وهي تمسك ذراع ترف وتمشي معاها للصالة:انتي تامرين مو تطلبين
ترف:تسلمين...ممم معليه تروحين معاي السوق اليوم
لينة:والله ودي بس ما اقدر..عندي شغل
ترف:أي بس انا ابي اشتري اغراض حق غرفة ماما
لينة ابتسمت على كلام اختها:يا حياتي..طيب خلي اسيل او سحر يروحون معك
ترف:كلش عاد هم مقطعين نفسهم عشان يروحون معاي
لينة:أي صح...طيب خليها يوم ثاني
ترف:خلاص خلاص انتي روحي شوفي شغلك لا تضيعين وقتك معي
لينة:ترف عاد لاتصيرين كذا
ترف وهي تروح لجهة الدرج:خلاص روحي لشغلك
لينة:ترف

ترف طنشتها وصعدت الدرج وهي معصبة...

**************************

وصلت لغرفتها وفتحت دولاب الملابس...صارت ترمي الملابس بعصبية وبدون تفكير...
رفعت بلوزة لونها بينك وعليها صورة ميكي ماوس..

ترف:مو حلوة..(ورمتها)

طلعت بعدها بلوزة ورى بلوزة وبدلة بعد بدلة وكلهم مو عاجبينها...
كانت معصبة وتطلع حرتها بالملابس...
اخيرا اختارت لها بلوزة كت لونها بنفسجي وبرمودة جينز وعليه لمعة من قدام...

تزينت ومابقى مكياج ماحطته ولابقى اكسسوار ماحتطه..خلصت علبة العطر على نفسها وعلى العباية..كانت جد جذابة بمعنى الكلمة...تدري ان الي تسويه غلط وانها راح تلفت نظر الشباب وهاذا الي تبيه عشان تعلمهم درس ولو طلبت منهم شي يسونه لها...

نزلت من الدرج وهي تصارخ...

ترف:ليزا..ليزا
ليزا:نعم انسة ترف
ترف:وين جولي؟
ليزا:بالمطبخ
ترف:روحي ناديها...(قالت بصراخ)بسرعة
ليزا:حاضر

لبست عبايتها وتوجهت للباب...
ترف:قوليلها تلحقني على السيارة

بعد ثواني جت جولي لعندها...

ترف:سنة عشان تجين
جولي:سوري بس كنت البس عبايتي
ترف:لا والله خلي العباية تنفعك..يلا اذلفي عن وجهي

حركت السيارة وراحت للراشد...

************************

اسيل:اوكي محمد انا بروح الحين
محمد:لا خليك معاي شوي
اسيل:لا ما اقدر تاخرت..بكرة انشاء الله بجيك
محمد:وعد
اسيل ابتسمت:وعد

توجهت للباب وقبل لا تطلع لفت عليه...

اسيل:سلملي على ابرار...ولي معاها كلام ثاني بعدين
محمد:ابرار..شقولك عن ابرار..فديييتهااا والله
اسيل تخصرت:نعم نعم؟
محمد ابتسم:لا قصدي لانها جمعتنا مع بعض
اسيل:ايوه على بالي بعد...يلا باي
محمد:بشتاقلك
ابتسمت:وانا بعد(قالت بهمس)باي
محمد رد لها الابتسامه:باي

***********************

وصلت للمجمع والانظار كلها عليها..ابتسمت بثقة وهي تمشي بين الناس..الي مبهور بجاملها والي يحتقرها على جرئتها وخصوصا انها تمشي لحالها ومو معاها احد...

قرب منها واحد:السلام
ترف طالعته بتفحص قالت بدلع:وعليكم السلام
خق على دلعها:معاك خالد
ترف بعدت خصلة جت على وجهها بدلع:ماطلبت اعرف اسمك
خالد ابتسم:مو لازم..هاذاني عرفتك بنفسي
ترف بدلع ماصخ:اوكي تشرفنا..عن اذنك

مشت لاكنه لحقها..ابتسمت بخبث..

خالد:طيب ماتعرفنا باسمك
ترف وقفت:يهمك
خالد واجهها:طبعا يهمني

ترف بددت تخاف وحست ان الي تسويه غلط وندمت عليه بس اذا فات الفوت ماينفع الصوت..بعدت عنه ومشت بخطوات سريعة..وطبعا خالد كان وراها..كل ماتروح لمحل يكون راها ويحاول يكلمها وهي تصده وتدعي ربها انه يطفش ويروح عنها..لاكن مافي فايدة...

راحت لعند المطاعم وكان وراها كانت توها بتدخل للقسم الخاص حق النساء لاكنه مسكها من كتفها ولفها لجهته...

**************************
*ايش راح يصير لترف بالمجمع؟
*وايش قصة ابرار وبسام؟
*وشنو بتكون ردت فعل البنات على جية امهم؟

راح تعرفو في البارت اللي حنزلو الحين

البـــــــــارت العاشر
راحت لعند المطاعم وكان وراها كانت توها بتدخل للقسم الخاص حق النساء لاكنه مسكها من كتفها ولفها لجهته...

حست ان الزمن وقف بهالحظة تمنت انها ماسوت الي سوته.. قالت بصوت مرتجف...
ترف:شتبي؟
خالد ابتسم وخصوصا لما حس انها خايفة منه:امشي معاي بهدوء
ترف:خير..وين قاعدين احنا وخر عني لا انادي السكيورتي الحين يجي يشيلك
خالد:يلا روحي ناديه وريني وش بتقولين له

ترف خافت من ثقته الزايدة واستغربت بنفس الوقت..

ترف:ايوه بروح

مشت وهو ظل واقف بمكانه..جد استغربت من ثقته الزايدة لو واحد ثاني كان هرب من زمان او على الاقل اترجاها انها ماتروح..
قبل لا توصل عند السكيورتي وقفت..طالعت وراها وشافته واقف بنفس مكانه ماتحرك وقاعد ياشر لها تروح عند السكيورتي..تنرفزت من غرورة وثقته بنفسه نست خوفها ونست كل شي وتقدمت له بخطوات سريعة..

وقفت قدامه مباشرة وبانت قصيرة قدام طوله...

ترف بعصبية:انت شنوسالفتك بالضبط؟
خالد ابتسم وقال ببروود:أي سالفة؟
ترف:ثقتك الزايدة هاذي من وين جايبها..يعني تبي تقنعني انك مو خايف يجي السكيورتي وياخذك ويمكن يوديك للهيئة وذيك الساعة الله العالم وش بيصير فيك هناك
خالد:الي يشوف عيونك ما يخاف من شي
ترف قلبها دق من الخوف بس ما تبي تبين له:طيب..الحين اذلف عن وجهي
خالد ياشر على نفسه بهدووء:انا اذلف
ترف:أي انت...ليش في احد غيرك وافق قدامي
خالد ببرود:no
ترف:اجل يلا وخر
خالد بنفس البرود:بعدno
ترف بصراخ:شتبي مني؟
خالد تسند على الجدار:ممم للحين ما ادري
ترف بعصبية:احلف بس..يلابس وخر(دزته ومشت)
خالد مسكها من يدها وسحبها:مو انتي الي تقررين متى اروح

ترف خافت يسوي فيها شي ولحسن حظها كان في عايلة مرت من جمبها سحبت يدها بسرعة وهو لما شاف العايلة جاية تركها..
مشت عنه بسرعة ودخلت لاقرب اصنصير عندها..شافته جاي من بعيد صارت تضعط الازرار بعشوائية بس اهم شي يسكر الباب...لاكنه كان اسرع منها وسد الباب بيده..انفتح الباب ودخل...كانت توها بتطلع لاكنه حدها...خافت ورجعت لورى..

خالد:ماتبين تنزلين؟

سكتت وتجمعت الدموع بعيونها بس مانزلت...شدت على شنطتها بقوة وهي تدعي ربها انه يستر ومايصير لها شي...

خالد لا حظ دموعها وابتسم بخبث..هو مايبي يسوي لها شي واصلا مايقدر لانه بمكان عام..بس يبي يعلمها الادب عشان مرة ثانية تتعامل مع الناس كويس..

وصل الانصنصير وتوجهت للباب بسرعة لاكنه حدها مرة ثانية...

نزلت دمعه من عينها(قالت بصوت مرتجف):شنو في بعد؟

خالد سكت ولانت تعابير وجهه كسرت خاطره شال يده بهدوء...

خالد:روحي
ترف طالعته باستغراب((هاذا شنو ناوي عليه))
خالد ابتسم:شنو عاجبتك القعده معاي؟

ترف صدت عنه ومشت بسرعه...سمعت صوته جاي من وراها..

خالد:مع السلامه
ترف طالعته بغرور وبقرف(قالت بستهزاء):مالت على هالاشكال

مشت بكل دلع وغرور..

فارالدم براسه وعصب منها للحظة بس كسرت خاطره وكان بيده انه يعذبها..مشى وراها وهو مايشوف قدامه غيرها وغير انه يدفعها الثمن...

ترف كانت تمشي بهدوء الحين بس حست بالامان..صارت تمشي وتدعي ربها وتحمده ان ماصار لها شي ولا هي داريه عن الي وراها...

دخلت لمحل بتشتري لها أي شي عشان لو رجعت للبيت لينة ماتشك بشي..

خالد وقف راها وهمس باذنها:هاااي

ترف طاحت البلوزة من يدها...لفت وشافته وراها

خالد ابتسم:للحين ماتبين تقولين لي اسمك
ترف يدينها ترتجف حست بحرارة بكل جسمها وخوف مو طبيعي((خلاص مو لازم اشتري شي بس اهم شي اوصل للبيت))

مشت بخطوات سريعة وطلعت برة المجمع..دقت بسرعة على السواق.كلها ثواني ووصل السواق لانه كان قريب...

خالد:شدعوة بتروحين بهالسرعة..ماشبعت منك

ترف خلاص اعصابها تلفت شافت السواق واقف قدامها..ركبت للسيارة بسرعة...اول مادخلت سندت راسها عل الكرسي وخذت نفس تخفف توترها وخوفها...

ترف:روح البيت بسرعة

خالد يكلم نفسه:حسبالها بتهرب مني وربي ما اخليك وانا خالد ولد امي وابوي

ركب سيارته بسرعة ولحقها..

وقفت السيارة عند الاشارة..
حست نفسها مرتاحة شوي لفت وجها للدريشة تشوف الناس..
تمنت انها مالفت..شافته بالسيارة الي جمبها..

ترف:اوف هاذا مايتعب...يارب استر يارب

قالت للسواق يضيعه وطلع السواق غبي ومايعرف شي..راح لمطنقة مقطوعه صحيح مو بعيدة مرة بس بالنسبة للناس والزحمة مقطوعه...

السواق:خلاص ماما هازا مافي موجود(خلاص هو مو موجود الحين)
ترف خذت نفس عميييق:أي احسن..روح البيت

لاكن كانت سيارة خالد قدامهم وحدتهم...نزل من سيارته..

ترف:تحرك امش بسرعة
السواق:بس بادين في اصدم هازا ولد(بعدين بصدم الولد)
ترف:ياربي على الغباء..اصدمه وش بيصير يعني احسن خليه يموت ويريحني
السواق:بادين ودي انا سورته (بعدين بيودوني الشرطة)

توها بتتكلم لاكنه وقف جمب الدريشة عند جهة ترف ويقول لها نزلي الدريشة...

ترف طالعت السواق بعصبية:عاجبك كذا ياغبي
خالد:اكلمك انا
ترف بخوف:خير
خالد:افتحي
ترف:لا
خالد:اققول لك افتحي
ترف:وانا اقول لا

لفت على السواق:ماتقوم ياحظي سوي شي..ليش جالس
خالد:ههههههههههه متحامية بالسواق..استريحي بس انا ببقس اقدر اموته

ترف خافت جد يقدر يسويها وخصوصا ان جسمه معضل وباين انه يرفع اثقال...

((ترف))

ياربي شسوي اكيد بموت انا متاكدة...لا شنو اموت انا بعد بيصير العن من كذا(تجمعت الدموع بعيونها) مالي غيرك يازياد انت الي تقدر تطلعني من الي انا فيه..

دقت عليه بسرعة وحطته سبيكر عشان خالد لاينتبه..

خالد:وش قاعدة تسوين اقول لك افتحي

ترف طنشته ودقت عليه...

ترف بصوت واطي:يلا رد..رد تكفى رد

*************************

كان قاعد بالسيارة مع سامي...

زياد:والله انك فاصل ههههههههههه
سامي:هاذا الشبل من ذاك الاسد
زياد:من قصدك؟
سامي:ولو انت المعلم
زياد:هههههههههه...لا الحين عقلت
سامي:أي..ان شاء الله دوم..عقبالنا يارب
زياد:انت فيها تع....

قاطعه صوت الجوال...
(فوق هاذا الحب احبك وبعد اكثر كثير يالي تدري ان قربك انا احتاجه كثير)

رفع الجوال بسرعة وشاف رقمها..رد بسرعه

زياد:هلا
ترف من بين دموعها:زياد الحقني
زياد قلبه دق من الخوف عليها:ترف شفيك؟
قالت من بين شهقات:تعال بسرعه...في..واحد بيكسر الدريشة...تعال بسرعة
زياد خاف عليها:طيب انتي وينك الحين؟
ترف تبكي:مدري
زيادبصراخ:شلون ماتدرين..تكلمي انتي وين عشان اجيك
ترف تكلم السواق:احنا وين؟

السواق قال لها المكان...وقالت حق زياد..

زياد:وانتي وش موديك هناك؟
ترف زاد بكيها:مدري مدري
زياد:خلاص دقايق وانا عندك لا تتتحركين من مكانك
ترف:اوكي

سكر منها ولف على سامي الي على وجهه اكبر علامة استفهام..

سامي:شسالفة؟
زياد وهو يشغل السيارة:مو وقته الحين...سامي معليه انزل الحين لازم اروح
سامي:انزل وين اروح؟
زياد:مدري دبر نفسك
سامي:طيب سشالفة..يمكن اقدر اساعدك
زياد:بعدين بقول لك..يلا باي
سامي وهو يطلع من السيارة:اوكي باي بس طمني عليك
زياد:ان شاء الله

حرك سيارته بسرعة ووصل للمكان الي قالت عنه ترف ومثل ما قالت كان في واحد واقف عن السيارة..لحظتها حس ان الزمن وقف وماعاد يشوف قدامه الا خالد...نزل من سيارتة بعصبية...

وصل لخالد وسحبه من كتفه بقوة...

خالد:عسى ماشر...شتبي...ومين انت؟
زياد كان معصب منه وخصوصا لما شاف دموع ترف قال من بين اسنانة:ابعد من هنا احسن لك
خالد بغرور:وانت وش دخلك
زياد بنفس الطريقة:اقول لك ابعد
خالد:طيب ابعد يدك وش فيك..شوف انا شفتها الاول واذا خلصت منها خذها حلال عليك

زياد هنا ما قدر يستحمل قاعد يتكلم بهالطريقة عن بنت عمه وحبيبته وكانها شي رخيص او لعبة اول ما يخلص منها او يشبع منها يرميها لغيره..صار يضربه بقوة وبدون تفكير...

زياد وهو يضرب خالد:ياحقير..ياكلب..ياواطي

خالد مو قادر يتكلم او يدافع عن نفسه..هو معروف بين اصدقائه انه قوي ومحد يقدر عليه..بس قدام زياد طلع ولا شي..

ترف وهي تبكي:زياد خله بيموت بين ايدنك

لاكنه ماكان يسمعها كان يضربه بكل قوته ويطلع كل قهره فيه..قهره من ابوه وقهره منه هو شخصيا بالي سواه بترف وحتى قهره من بتول...

ترف:زياد خله

زياد تركه لما شاف الدم نزل من كل مكان في وجهه وبجسمه..

اخذ نفس وقال له:بنات الناس مو لعبة بيدك فاهم

خالد ماكان قادر يتحرك ولا حتى يتكلم..

زياد راح عند جهة السواق...
زياد:وانت ياحمار مرة ثانية أي شي يصير دق على

اتجه لعند باب ترف وفتحه...

زياد:انزلي
ترف بخوف:مابي
زياد بصراخ:اقول لك انزلي

نزلت بسرعة واول ما شافت خالد والدم مالي وجهه صرخت ولزقت بزياد...
سحبها من يدها وركبها سيارته...

**************************

وصلت للبيت وهي تحس نفسها طايرة من الفرح..مو مصدقة الي صار لها..اذا كان الي هي فيه حقيقة فهي احلى حقيقة واذا كان حلم ماتبي تصحى منه...

اسيل تصعد الدرج وهي تغني وترقص...

احبك حب ما اقدر اعاند فيه احساسي
لقيت الحب شي اكبر من اني اخذ انفاسي


سحر كانت نازلة من الدرج ووقفت لما شافتها...

سحر:شعندي اليوم مستانسة؟

اسيل اول ماشافتها كشرت بس هي اليوم رايقة ومستانسة ومالها خلق تتهاوش...طنشتها وكملت غنا لين وصلت لاخر الدرج...

اسيل:وانتي ليه مقهورة<<<ماتقدر تمسك نفسها خخخ
سحر تكتفت:مو مقهورة ولا شي..بس يعني مستغربة...ويعدين ليش انقهر لا ومنك بعد(ضحكت بستهزاء وهي تنزل من الدرج)

اسيل نزلت لعندها ولفتها لجهتها:ليش وانا وش فيني؟
سحر طالعتها بغرور:انتي وش رايك؟
اسيل دزتها:الشره مو عليك الشره على انا الي احط عقلي بعقل وحدة مثلك
سحر:يحصلك

اسيل طالعتها باسف ومشت عنها..

سحر بصراخ:هي هي
اسيل طالعتها وهي فاتحة عيونها على وسعهم:شنو هي هي انا لي اسم ترى
سحر:مو مهم(اشرت عليها بقرف)انتي شلون تطالعيني كذا

اسيل ما انصدمت من وقاحتها وقلة ادبها..بس عصبت منها..كانت مروقة وجت هاذي وخربت عليها مزاجها..راحت لجهتها وهي معصبة...

اسيل بصراخ:لاااا انتي لازملك تربية من جديد

سحبت شعرها بقوة...

سحر وهي تصارخ:عمى..بعدي عني يامجنونة
اسيل:اوريك المجنونة الحين وش بتسوي(شدت شعرها اكثر)


لينة كانت بغرفتها تقرى كتاب...سمعت صوت صراخ..

لينة وهي تشيل نظارتها:ان شاء الله خير

طلعت من غرفتها...سمعت اصوات من تحت الدرج...طلت تبي تشوف مين..ومثل ما توقعت اسيل وسحر...تاففت زهقت منهم ومن هواشهم قررت تخليهم لين هم يتعبون ويركون بعض...


سحر بصراخ:هديني يالدفشة
اسيل:انتي هديني اول
سحر:لا انتي هديني اول بعدين بهدك
اسيل:اجل اقعدي كذا لين تقرعين

سحر خافت منها وتركتها بسرعة...

اسيل دفتها:ناس تخاف ما تستحي
سحر مدت لها لسانها..

اسيل:اشوف لسى فيك حيل

سحر هربت لتحت بسرعة..

اسيل:حسبي الله عليك من اخت..(قالت بصراخ)الله ياخذك

صعدت لفوق وشافت لينة وقافة على الدرج..
لينة اول ماشافتها صدت عنها وتوجهت لغرفتها..
قطع تقدمها صوت اسيل...

اسيل:لينة انا اسفة

لينة وقفت مكانها وحست الدموع تجعت بعيونها ماتقدر ماتكلم اسيل اكثر من كذا هي اقرب وحدة لها من خواتها..بس لازم تبين لها غلطتها...

لينة وهي معطيتها ظهرها:ليش تتاسفين
اسيل:....ادري انك زعلانه مني... وعشان كذا انا اتاسف
لينة:لا تتاسفين مني تاسفي من امك
اسيل بتردد:هي متى بتجي؟
لينة:يهمك؟
اسيل تنهدت:لينة تكفين لا تزعلين مني وربي ما اقدر على زعلك

لينة ماقدر تتحمل اكثر من كذا...لفت على جهتها وركضت لها وحضنتها...

لينة:ولا انا اقدر
اسيل ابتسمت:يعني خلاص طاح الحطب
لينة بعدت عنها شوي:أي


سحر كانت تحت وسمعت كل شي...

سحر((ليش دايما يحسسوني اني مو اختهم...دايم يجلسون مع بعض ويتكلمون مع بعض...وانا لا...(حست العبرة خانقتها وحست انها تبي تبكي...لا كن لا... مو سحر الي تبكي الظروف الي مرت فيها من يوم كانت صغيرة لين الحين علمتها ان دموعها غالية ولازم ماتنزلها على شي الا اذا كان غالي)...وانا وش علي منهم..عندي وليد بالدنيا كلها))

************************

بالسيارة كان الجو متوتر بين ترف وزياد...

زياد يسوق بكل هدووء...
وترف تبكي بصمت...

وصل لبيتهم...نزل من السيارة وفتح باب ترف...

زياد:انزلي
ترف وهي تبكي:زياد والله انا مااعرفه
زياد بهدووء:انزلي
ترف:شكلك مو مصدقني..زياد طالع فيني انا ترف..انت تعرفني زين..وربي ما اعرفه
زياد صد عنها:اسمعي يا بنت عمي(شد على كلمت بنت عمي)انا ماعاد يهمني امرك..سواءا كنتي تعرفينه ولا لا...مايهمني..هاذا شي راجع لك
ترف مو مصدقة الي تسمعه:لا يا زياد لا تقول كذا انا وانت نح...
زياد قاطعها:كنا..كنا نحب بعض وانتي بنفسك قلتيها... الي بينا انتهى(لف عليها)..تذكرين ولا لا يا بنت عمي

ترف حطت يدها على وجهها وبكت...
زياد بدى قلبه يلين عليها لاكنه رجع قساه..

ترف:صدقني زياد ما اعرفه ما اعرفه
زياد:مابي اسمع شي ادخلي لبيتكم والله يسهل عليك
ترف نزلت ومسكت بكتفه تترجاه:زياد تكفى اسمعني خليني اشرح لك
زياد بصراخ:وش تشرحين..كل شي واضح..لبسك ومكياجك والمكان الي كنتي فيه(ابتسم باستهزاء)..لا وبكل وقاحة جاية تكلميني وتقولين زياد الحقني..للاسف عمري ماتوقعتك كذا ياترف..جد حسافة..حسافة عليك كل لحظة قضيتها وانا افكر فيك وافكر باليوم الي يجمعنا مرة ثانية..حسافة عليك كلمه حبيبتي..شلون صدقتك شلون وصدقت كل كلمة قلتيها لي...لاكني ماراح اسوي زي حبيب قلبك واحاول اضيعك مهما كان انتي بنت عمي وما ارضى عليك المهانة..(ضحك بستهزاء)..لا وانا الغبي الي كنت اعاتب نفسي لما كنت اظن اني اخونك مادريت انك اردى مني...تدرين..الفرق الي بيني وبينك اني حبيتك من جد..حبيتك من كل قلبي وما اظن بنساك بسرعة... بس بحاول...اما انتي كنتي معتبرتني لعبة بيدينك...ابي اعرف شي واحد بس...ليش؟
ليش سويتي فيني كذا..

كانت تحس كلامه مثل السكاكين الي تقطع قلبها..بكت وحست نفسها مخنوقة..شلون زياد يقول عنها كل هاذا...هي اكثر وحدة تعذبت لما افترقوا وهي اكثر وحدة تحلم باليوم الي يرجعون فيه عمرها مافكرت تلعب عليه او تخونه ويقول عنها كذا...ركضت له وضربته من كتوفه...

ترف بصوت ملته الدموع وهي تضربه:ياغبي ياحقير..انا احبك ليه تقول كذا..غبي غبي غبي(بكت بهستيريا وضربته اكثر)

زياد وقف يطالعها باسف..بعدها عنه لانه بدى قلبه يلين وهاذا الي مايبيه مايبي يضعف قدامها لانها خاينة وكذابة...

زياد:الصراحة تستاهلين الاوسكار على هالتمثيل يابنت عمي
ترف بصراخ:انت شنو..ماتحس خلاص الاحساس انعدم عندك...اكرهك اكرهك

بعدت عنه ودخلت البيت وهي تبكي وتصرخ:اكرهك اكرهك
زياد بصراخ عشان تسمعه:ايوه كذا اطلعي على حقيقتك

ترف سدت اذنونها ماتبي تسمع ولا كلمة منه..كلامه يجرحها يطعنها ماتقدر تسمعه...
اول مادخلت..وقف بمكانه ضرب السيارة بعصبية حتى ان يدينه عورته من قوة الضربة بس ما هتم...

ركب سيارته ومشى مايدري وين يروح يحس نفسه ضايع..اخر شي كان يتوقعه ان ترف تخونه..ترف الطفلة البريئة تخونه..بس لو انه ماشاف كل شي بعينه ولا ما كان صدق...
حاول يبعدها عن افكاره لاكنه ماقدر..يحبها الا يعشقها ومايقدر يفارقها بس هي الي اختارت وهو بعد لازم يختار ويبعد عنها بلا رجعه...

شغل الراديو يمكن يهدى شوي..

قهر ماكنت انا ادري تعيش بقلبي كذابة
قهر توي عرفت انك على الحبلين لعابة
قهر ماكنت انا ادري تعيش بقلبي كذابة
قهر توي عرفت انك على الحبلين لعابة

كذب كانت سواليفك وكل كلمة على كيفك
كذب كانت سواليفك وكل كلمة على كيفك
وانا الي احسبك روحي ولقلبي اقرب احبابه
ولقلبي لقرب احبابه

وانا الي احسبك روحي ولقلبي اقرب احبابه
ولقلبي اقرب احبابه

قهر ماكنت انا ادري تعيش بقلبي كذابة

وفيت لقلبك بعمري
ولك ضحيت بيامي
لقيتك للاسف كذبة
اعيش ابها مع احلامي

وفيت لقلبك بعمري
ولك ضحيت بيامي
لقيتك للاسف كذبة
اعيش ابها مع احلامي

نعم صدقت كلماتك
ولا ادري بنياتك
نعم صدقت كلماتك
ولاادري بنياتك

وهاذا اليوم انا كل ندم من راسي لقدامي
ندم من راسي لقدامي

وهاذا اليوم انا كل ندم من راسي لقدامي
ندم من راسي لقدامي

قهر ماكنت انا ادري تعيش بقلبي كذابة

خلاص الحين ابي ارحل
وانا فيني الم غدرك
اباخذ قلبي من قلبك
واخلي قلبك بصدرك

خلاص الحين ابي ارحل
وانا فيني الم غدرك
اباخذ قلبي من قلبك
واخلي قلبك بصدرك

بداوي رورحي بروحي
وبكتم فيني جروحي

بداوي رورحي بروحي
وبكتم فيني جروحي



بعيش الدنيا من دونك
وعيشي بالقهر عمرك
وعيشي بالقهر عمرك

بعيش الدنيا من دونك
وعيشي بالقهر عمرك
وعيشي بالقهر عمرك


قهر ماكنت انا ادري تعيش بقلبي كذابة


اول ماسمع الكلمات عرف ان راشد ماغناها الا له..غصبن عنه بدى يبكي وهو متعود دايم يكون قوي بس الحين غير فارق حبيبته او الي كان يظن انها حبيبته...

ضرب الدريكسون بقوة..

زياد:خاينة..حقيرة..لاكني ماراح اخليك ياترف وراك وراك وبتندمين قد شعر راسك لانك بيوم فكرتي انك ممكن تلعبين على زياد سعود الماسي...

(كان يفكر انها بريئة بس الحين كل البنات صارو مثل بعض بعينه..كلهم خاينات)

**************************

اول مادخلت البيت شافت القطوة الي عطاها اياها زياد مفاجاة عشان عيد ميلادها..مدت يدها بهدوء وجت القطوة لعندها..قعدت تمسح عليها بحنان وتبكي بصمت...ناظرت بوجه القطوة وتذكرت وجه زياد..تذكرت كل كلامه الي قاله عنها ظلم...ضمت القطوة بقوة وهي تبكي وتطلع كل الي حابسته بنفسها من يوم وفاة ابوها لين اليوم لما تركها زياد...بس هالمرة تركها وبدون رجعه...

((ترف))

انا ليه ابكي الحين...مو انا الي قلت له ماابيك..مو انا الي قلت الي بينا انتهى..اجل ليه ابكي...مغرور..غبي..


*************************

اسيل ولينة كانو جالسين بالصالة ويطالعون التلفزيون..
دخلت ترف بهدوء وهي شايلة القطوة بيدها وشكلها تعبان...
نزلت سحر من الدرج وشافت ترف وهي شايلة القطوة..

سحر صرخت:ياحمارة مو قلت لك هاذي لا تدخلينها البيت

ترف طنشتها وركبت الدرج...

اسيل استغربت ان ترف ماردت على سحر...

اسيل:توتو تعالي شوفي في فلم حق تامر حسني

ترف ماردت واصلا هي مو معاهم صعدت الدرج بكل هدووء...

لينة واسيل طالعو بعض باستغراب..لان ترف تموت على شي اسمه تامر حسني...

لينة:شفيها؟
اسيل:مدري
سحر:لينة شوفي اختك ذي خلي تطلع هالحيوان برة تعرفين عندي حساسية منه وانا مابي جسمي يخترب خصوصا ان حفل التخرج قرب

لينة خزتها ولفت وجهها تطالع التلفزيون...هاذا بدال ماتتاسف منها على الي سوته تجي وتتامر..

سحر:سمعتي وش قلت لك؟
لينة وقفت بوجهها وقالت بدون نفس:خير
سحر بنظرة تحدي:قوليلها تطلعه برة
لينة:انتي روحي قولي لها(ومشت عنها متوجهه للدرج)

سحر انقهرت منها..قالت بصراخ:فوق منتي غلطانة بعد
لينة وقفت بنص الدرج ولفت عليها:وبالله بايش غلطت؟
سحر تقدمت لها:طبعا القاتل ينسى لاكن المقتول لا
لينة بستغراب:أي قاتل واي مقتول؟
سحر:نسيتي الكف

لينة سكتت هي اصلا ضميرها يانبها على هالسالفة وتجي هي وتزيد عليها...

لينة:اوكي انا اسفة
سحر:وش بينفع الاسف الحين

لينة بعدت شعرها وحطته على الجنب وقربت وجهها من سحر...

لينة:تبين تضربيني...يلا..اضربي

سحر جمدت بمكانها..كيف تضربها مهما يكون هي اختها الكبيرة والوحيدة الي تهتم فيها وتعتبرها ام لها...

لينة:يلا اضربي وش تنتظرين؟

سحر طالعتها بقهر ومشت عنها...

اسيل راحت لعند لينة:خليها تولي
لينة ارتمت بحضن اسيل:ما ادري وش اسوي معاها(رفعت راسها)..اسيل انا مقصرة معاها او مع أي وحدة فيكم قولي الصراحة
اسيل:ماعليك منها هاذي وحدة معقده
لينة:طيب ليه تسوي كذا..ليه هي غير عننا اكيد مسوين لها شي..سحر ماكانت كذا وربي مو كذا

اسيل كسر خاطرها شكل اختها...

اسيل:ادري
لينة:طيب ليه تغيرت
اسيل:خلاص لينة انتي تعبانة روحي ارتاحي الحين وبكرة نتكلم
لينة:انا لازم اروح واكلمها..لازم اعرف وش فيها...اكيد انا مقصرة معاها انا دايم اجلس معك انتي وترف واخذ مافي خاطركم وهي لا
انا بكذا سويت حاجز بينا وبينها
اسيل:الحاجز هاذا هي الي بنته مو انتي او أي احد ثاني
لينة وهي تبعد عن اسيل وتصعد الدرج:ولو لازم اروح واكلمها
اسيل تنهدت:على راحتك بس لو قالت لك شي يضايقك لا تتشكين عندي لاني بذبحها

لينة طنشتها وراحت لجناح سحر...

**************************

سحر:هههههههههه الله يرجك
وليد:حياتي
سحر:هلا
وليد:متى بشوفك وربي اشتقت لك
سحر:مممم مدري
وليد:بدينا بالتغلي
سحر:هههههه صدقني مااتغلى بس وراي امتحانات
وليد:وامتحاناتك ذي متى تخلص؟
سحر:باقيلي مادتين وحدة بكرة ووحدة بعد يومين
وليد:ياربييي...مطولة يعني
سحر:شسوي عاد
وليد:طيب اسمعي انا بجي الحين عند بيتكم وانتي طلي من الدريشة طيب
سحر:لااا مجنون انت
وليد:أي والله مجنون بحبك
سحر:ههههههههههه فديتك والله
وليد:تكفييين عاد لا ترديني
سحر:والله مدري وش اقول لك
وليد:قولي انك بتخليني اشوفك
سحر:أي بس حبيب....

سكتت لان لينة دخلت لغرفتها...

سحر بارتباك واضح:طيب نهى اكلمك بعدين
وليد:ههههههههههه من ذي نهى بعد؟
سحر:اوكي باي

سكرت الخط ولفت على لينة...

سحر:من الذوق انك تدقين الباب قبل ما تدخلين
لينة:مين كنتي تكلمين؟
سحر:وانتي وش دخلك
لينة بحزم:جاوبي عل سؤالي
سحر بارتباك وهي تحوس بالجوال وتمسح المكالمات:يعني ماسمعتيني اقول نهى
لينة تقدمت لجهتها:عطيني الجوال
سحر:وليه ان شاء الله؟
لينة:سحر عطيني الجوال
سحر بعد مامسحت اخر مكالمة واخر رسالة:خذي

لينة جلست تفتش بالجوال وما لقت شي..

لينة وهي تعطي الجوال لسحر:ونهى تقولين لها صدقني وفديتك والله وحبيبي؟

سحر بلعت رقيها بخوف((هاذي من متى عندالباب...الله يستر))

سحر:وانتي كنتي تتسمعين علي؟
لينة:لا..بس بالصدفة كنت بجي اتكلم معك وسمعت
سحر:اجل سمعتي غلط...انا ماقلت كذا
لينة:سحر..صدقيني انا خايفة عليك ادري انك متهورة وعنيدة بس بليز هالمرة اسمعي كلامي
سحر صدت عنها وقالت تخفي ارتباكها:انا مو صغيرة واعرف ايش اسوي(لفت عليها) وبعدين انا اعرف كيف انتبه على نفسي كويس...واذا مو مصدقتني الحين ادق لك على نهى واخليك تكلمينها
لينة:لا خلاص ماله داعي...انا واثقة فيك
سحر:ولو بدق عليها عشان تتاكدين
لينة وهي تتوجه للباب:لا خلاص
سحر بصوت عالي:لا خليني ادق عليها

لينة طلعت بدون ماتتكلم..حست ان ضميرها يانبها يعني فوق ماانها ضربتها وهاوشتها بعد تشك فيها..

اول ماطلعت تنهدت براحة...

سحر:اشوه ربي ستر

انسدحت على السرير وجلست تفكر وشو كان بيصير لو لينة اصرت انها تكلم نهى...ضحكت وهي تتخيل الموقف وبنفس الوقت قررت انها تخفف اتصالاتها بوليد عشان محد يشك...

********************

في اليوم الثاني...

((لينة))

من الصبح وهي تجهز البيت وتنظفه لان اليوم موعد جية امهم ولازم يكون كل شي pierfect...


((اسيل))

ماهتمت بجية امها كثير لان الحين اهم شي عندها محمد وبس...

((سحر))

بدت تركز باختباراتها وخصوصا ان بقى لها يومين وتخلص..
بس مع كذا موضوع امها ماغاب عن بالها وكل دقيقة تمر توترها يزيد..هي تحس انها محتاجة لها بس ماتبي تعترف بهاذا الشي لا لنفسها ولا لأي احد...

((ترف))

ترف..وش اقول لكم عن ترف..من يوم ما افترقت عن زياد وسمعت منه هاذاك الكلام الجارح الي محد يقدر يتحمله وهي حابسة نفسها بالغرفة ولا تبي تطلع منها..تبي تجلس بالحالها..هي وقطوة زياد وصوره الي تحمل ذكريات حلوة جمعتهم مع بعض وصعب انها ترجع...

*****************************

لينة كانت بالمطبخ وتشوف كيف صاير شغل الطباخ...

لينة:سويت الي قلته لك؟
الطباخ:ايوه يامدام كل الي تطلبتيه
لينة برتياح:اوكي

طلعت للصالة وهي تفكر..تقول لعمها ولا لا..بس هو مسيره بيعرف الحين ولا بعدين بيعرف وبيلومهم لانهم ماقالو له...لازم هي تروح وتقول له بنفسها وعاد هو بكيفه يهتم ولا لا...

نزلت اسيل من الدرج وهي تركض وشايلة عبايتها وكانت بتطيح من الدرج..

لينة:على هونك..من لاحقك
اسيل ابتسمت:لابس مستعجلة شوي
لينة:وين بتروحين؟
اسيل:المستشفى
لينة:طيب بس لا تتاخرين اليوم اوكي
اسيل باستها من خدها:اوكي

طلعت لبرة وهي تركض...
لينة ابتسمت على شكل اختها الحيوي..

لينة((غريبة ترف اليوم ماشفتها..خليني اروح لغرفتها واشوفها قبل لا اروح عند عمي))

صعدت لينة للدور الثاني بالاصنصير ووصلت لجناح ترف...
وقفت عند الباب وماسمعت الاصوت المكيف..

لينة((احد يشغل المكيف بهالبرد))

بعدت عن الغرفة بكم خطوة وسمعت صوت بكي داخل الغرفة...
لينة باستغراب((شنو هاذا))

دخلت للغرفة الي كانت مظلمة وباااردة..شافت ترف جالسة على السرير والقطوة بحظنها..

لينة بخوف لان شكل ترف مو طبيعي:حبيبتي شفيك؟
ترف بصوت مبحوح اختلط بالدموع:ح..حبيبتي؟
لينة جد خافت عليها:ترف شفيك؟
ترف طالعتها وبدت تبكي:لينة..ابي زياد..وين زياد(بترجي)جيبيلي زياد
لينة كسر خاطرها شكل اختها:قومي معاي...غسلي وجهك
ترف:مابي..ابي زياد
لينة:ترف حبيبتي قومي معي
ترف:زياد..(رفعت القطوة وباستها)هاذي من زياد..شوفيها
لينة ضمتها:خلاص حبيبتي قومي
ترف:لا تقولين حبيبتي..زياد بس هو الي يوقلها لي...هو مو موجود الحين..بس بيجي..انا احس انه بيجي(طالعت لينة )..بيجي صح؟

لينة دمعت عيونها..على كل الي سواه فيها وللحين تحبه...

لينة:أي بيجي..بس انتي روحي غسلي وجهك
ترف مسكت يد لينة وقالت بترجي:لينة..قوليله..قولي له الحقيقة...قولي اني ما اعرفه ما اعرفه
لينة:مين هاذا؟
ترف:قولي له اني مو خاينة..قولي له اني احبه
لينة ضمتها:خلاص ترف لا تسوين بنفسك كذا...(بعدت عنها شوي)..تدرين ان ماما بتجي اليوم
ترف بهدوء:ماما؟
لينة ابتسمت:أي..ماما..اجلسي معاها واحكي لها كل شي..وهي اكيد بتساعدك
ترف:وزياد؟
لينة بنفاذ صبر لاكن بهدوء:خلاص بدق عليه يجي بس انتي غسلي وجهك وانزلي تحت طيب
ترف:مابي
لينة:طيب خلاص نامي شكلك مانمتي من امس
ترف بهدوء وتعب:اوكي

غطتها بالبطانية وسكرت المكيف لان الجو بارد..
طلعت من الغرفة وهي متضايقة على اختها وقررت انها لوراحت لعمها لازم تشوف زياد وتكلمه...

**************************

ابرار:ههههههههه..وبعدين وش قالت؟
محمد:قالت لي سلملي على ابرار ولي معاها كلام ثاني
ابرار:شنو بتسوي يعني فوق ما انا ساعدتك انت وياها..جد ماتستحون زي القطاوة تاكلون وتنكرون

فتحت اسيل الباب بدفاشة...

اسيل بابتسامة:هاااااي عليكم
ابرار:وعليكم الهاي
محمد:احلفي انتي وياها..شنو هاذا؟
اسيل وابرار:هههههههههههههه
ابرار:وانت شدراك هاذي تحيه خاصة بيني وبينها مع ان كل الناس يعرفونها
محمد:انا مااعرفها
اسيل:مشكلتك هاذي اذا انت مو عايش مع الناس
ابرار:حللللوة هههههههه
محمد:انتي انطمي(لف على اسيل)وانتي ليه تاخرتي؟
اسيل وهي تجلس على الكرسي بتعب:والله يا استاذ محمد زحمة السير هاذا غير اني قمت متاخرة اليوم وبعدين رحت للمستشفى عشان اخذ اجازة واقعد جمبك ليل ونهار

محمد ابتسم..

ابرار:احم احم..طيب اظن ان مالي لزمة هنا فعشان كذا بروح اتمشى شوي
اسيل:لا وشدعوة اجلسي عادي
محمد:أي عادي
ابرار وهي تكش عليهم:اقول بس لايكثر ادري انكم تبوني اطلع من مبطي..وبعدين انا ماني طالعه لجل عيونكم..بس انا زهقت من وجه هاذا(وهي تاشر على محمد)من الصبح وانا مقابلته ابي اشوف ناس ثانية وجيه جديدية..سمحة..مو وجه حمود
اسيل:لا تغلطين ترى ما ارضى
محمد:بعدي والله اسولة
ابرار:الحمد الله والشكر

طلعت برة الغرفة وهي تبتسم لانهم مبسوطين مع بعض..للحظة تذكرت بسام...

ابرار((ياترى لو انك موجود كان ممكن نصير زي محمد واسيل؟..ياربيي انا ليش اشغل نفسي في واحد هجرني..المشكلة اني للحين احبه..اوف انا الهبلة))

**************************

ابو زياد وهو واقف ويبتسم:اكيد يا استاذ تركي يشرفنا نتعامل مع شركتكم
تركي رد له الابتسامة:وحنا بعد يشرفنا ان شركة كبيرة زي شركتكم تساهم في واحد من مشاريعنا
ابو زياد:الا الوالد ليش ماجا..العادة هو الي يجي ويتعامل معانا
تركي:لا الوالد سلمني ادارة المشروع هاذا وهو كفاية عليه الشركة والمشاريع الثانية
ابو زياد:اها..ماشاء الله(قال بصوت واطي)الله يخلف علي عندي تركي ابتسم:قلت شي عم بو زياد
ابو زياد ابتسم:لالا..بس اقول يعني اذا جيت عندنا الشركة يمكن تقابل ولدي زياد هو يشتغل هناك وماسك الشركة كلها تقريبا
تركي:سمعت عنه ماشاء الله يقلون ولدك عنده حلال كثير وجمعه بوقت قيصر
ابو زياد باستغراب:انت تتكلم عن ولدي زياد؟
تركي:أي..ليش انت عندك ولد غيره؟
ابو زياد يارتباك:ها..لا هو بس
تركي:طيب عمي انا استاذنك وراي شغل بالشركة لازم اخلصه
ابو زياد:حياك

طلع تركي بعدماوصله ابو زياد للباب..

ابو زياد:الحمار عنده كل هالخير وانا اخر من يعلم هين يازياد

**************************

وصلت لينة لقصر عمها وكان الجو بارد والهوى قوي..
تقدمت وهي منزلة راسها عشان الهوى مايجي على وجهها وما انتبهت للجدار الي قدامها او الي كانت تظن انه جدار وصقعت فيه بقوة...

لينة بانزعاج:اااه..وجع انشاء الله

رفعت راسها تشوف وش الي صدمت فيه..انصدمت وهي تشوف رجال اول مرة تشوفه..كان مزيوون وجذاااب لابعد درجه..

تركي وقف ويطالع الحورية الي قدامه جمد قدام جمالها الفاتن عمره ماتوقع ان يكون في وحدة بهالجمال..حتى انه ماقدر يساعدها تقوم من الارض..

مر هوى قوي وطير حجاب لينة وتطايرت خصلات شعرها الحريري على وجهها وزاد من جمالها وجاذبيتها...

انتبهت لنفسها وغطت شعرها بسرعة ووقفت..
لينة بتوتر:لو سمحت ممكن تبعد

تركي كان مصدوم من الي شافه.هاذا شعر ولا شلال من نعومته وكثرته طالع خيااال وخصوصا لما جا الهوى وطيره تناثر على وجهها بشكل حلو...

لينة انحرجت من نظراته الزايغة لها..قالت بصوت اعلى شوي:لو سمحت ممكن تبعد
تركي انتبه على نفسه..ابتسم على نفسه كيف خلى البنت طايحة ولا ساعدها لا وفوق هاذا كله قعد يقزها..بعد من الباب:تامرين امر

لينة طالعته بغرور وكانة مو عاجبها ودخلت للقصر...

تركي ركب لسيارته وصورة لينة ماغابت عن باله..

((تركي))

ماعمري شفت وحدة بهالجمال مرو علي بنات كثير وفي منهم جميلات بس مثل جمالها ماشفت...بس هي شنو اسمها...اكيد قمر ولا ملاك او شي مثل كذا لان بصراحة وحدة بجمالها حرام تتسمى اسامي غير كذا...

************************

كانت جالسة بالكفتريا حقت المستشفى وتطالع الرايح والجاي...
فجاة صقع برجلها شي..ناظرت تحت عند رجولها وشافت كورة صغيرة..رفعت راسها عشان تشوف حقت مين..تقدمت لها بنت صغيرة..

ابرار ابتسمت لها:هاذي الكورة حقتك؟

البنت هزت راسها بخجل..

ابرار ابتسمت على شكلها:تعالي(خذت الكورة ومدتها لها)..انتي وش اسمك؟
البنت:ابلال(ابرار)
ابرار ابتسمت:الله اسمك حلو
ابرار(الصغيرة)<<عشان ما تتلخبطون خخخ
خذت الكورة:انتي..وث اثمك؟(انتي..وش اسمك)
ابرار ضحكت على شكلها الطفولي وطريقة كلامها:انا اثمي ابلال مثلك
ابرار الصغيرة:كذابة
ابرار مدت بوزها:يوه ليه؟
ابرار الصغيرة:بث كزا انا اثمي ابلال(بس كذا انا اسمي ابرار)
ابرار:طيب حتى انا
ابرار الصغير بدت تبكي:لا لا انا بث

طلع صوت من وراهم..كان صوت رجال:اسف اكيد بنتي ازعجتك

ابرار اول ماسمعت الصوت جمدت بمكانها وماقدرت تحرك..معقولة يكون هو...
ابرار اول ماسمعت الصوت جمدت بمكانها وماقدرت تحرك..معقولة يكون هو...

ابرار( الصغيرة) ركضت لابوها وتعلقت فيه:بابا ثوف هاذي تقول اثمها ابلال بث انا اثمي ابلال قول لها(بابا شوف هاذي تقول اسمها ابرار بس انا اسمي ابرار قول لها)

الرجال:طيب حبيبتي الحين بقول لها...لو سمحتي

ابرار صارت تفكر بكلمة الطفلة..بابا..اجل اكيد مو هو..لفت وهي
تبتسم واول ماطاحت عينها بعيونه اختفت ابتسامتها..

ابرار بصدمة:بسام؟

بسام وقف مو مستوعب الي يشوفه..معقولة هاذي ابرار..ابرار نفسها الي كان يحبها قبل خمس سنين..ابرار حلم عمره وحب حياته الي متسحيل ينساه...مو مصدق انه يشوفها قدامه الحين وتكلمه...

بسام ابتسم:ابرار؟

ابرار للحين مو مستوعبه الي تشوفه والي تسمعه باذنها..معقولة هاذا بسام الي قدامها..طالعت بعيونه تبي تتاكد..اي هو نفسه متاكدة مستحيل تضيع عيونه او تنساهم..

ابرار وهي تطالع البنت المتعلقة فيه:مين هاذي؟
بسام بارتباك:ه..هاذي بنتي يا ابرار
ابرار بصدمة:بنتك؟
بسام:أي..وانا جاي المستشفى عشان زوجتي توها ولدت
ابرار تجمعت الدموع بعيونها:تزوجت يا بسام..وانا..نسيتني..نسيت حبنا..وين الكلام الي كنت تقوله انك ماراح تخليني لو كان اخر يوم بعمرك..وين راح..بالهوى..تركنتني خمس سنين وسافرت بدون ما تقولي واخرتها تجيني تقول انك..(حست بغصة ما تبي تنطقها.بس لازم تقولها عشان تشيله من بالها وللابد)..تزوجت
بسام:ابرار وطي صوتك الناس تطالع فينا
ابرار بصراخ:الناس..الي يهمك الحين الناس(نزلت دمعه من عينها) حسافة يا بسام السنين الي عشتها احلم فيك وباليوم الي بترجع فيه
بسام:ابرار خليني اشرح لك
ابرار:كافي..وش بتشرح لي اكثر من الي شفته بعيوني..جد حسافة

شالت شنطتها وقامت من الطاولة..بس قبل لا تطلع من الكفتريا لفت عليه..

ابرار بالم:مبروك

طلعت ودمعتها على خدها..وقلبها ينزف مو مصدقة الي صار تحس انها بحلم الا بكابوس..معقولة بسام الي عاشت كل هاذيك السنين تحلم فيه يطلع متزوج وحدة ثانية لا وجايب منها بنت وزوجته ولدت مرة ثانية..خاين حقير نذل..لعنت نفسها مليون مرة لانها كانت تفكر فيه...

ابرار وهي تشد بنطلون ابوها:بابا يلا نلوح عند ماما مع البيبي
بسام ابتسم لها وهز راسه بالايجاب...

مشى مع بنته وهو يفكر بابرار الي عمرها ماغابت عن باله..

بسام((سامحيني يا ابرار..صدقيني احبك وعمري ماحبيت غيرك ولو تدرين ليه انا سويت كذا اكيد بتعذريني))

تكمــله البـــــــــــارت


طلعت من الكفتريا وهي مو عارفة وين تروح للحين مو مستوعبة الي صار..لا شعوريا لقت نفسها قدام غرفة محمد..سمعت اصوات ضحكهم..ابتسمت بالم ومسحت دموعها..عشان مايبين عليها شي...

ابرار:يا سلام جالسين هنا وماخذين راحتكم وتضحكون
محمد:اكيد مو جمبي اسيل بالدنيا كلها
اسيل:ههههههههه
ابرار:احلف بس انت وياها(لفت على اسيل)وانتي اضحكي..شعليك حمود ولد خالة ابرار ميت فيك وش تبين اكثر من كذا
محمد:هي هي انتي شنو حمود اصغر عيالك انا
ابرار:يا سلام من متى..انا طول عمري اقول لك حمود حبكت الحين يعني
محمد:أي حبكت لان الحين عندي اسولة هي بس الي تقول لي حمود
ابرار:أي اذا كذا الله يهنيكم.....طيب..انا استاذن الحين بروح للبيت
اسيل:ليه تو الناس ماجلست معك
ابرار:عندك حمود(شدت على الكلمة عشان تقهره)..يلا سي يو
اسيل ومحمد:باااي


طلعت من الغرفة وشافت بسام واقف بالغرفة الي قدام غرفة محمد..
وقفت بمكانه.. كان بتركض له وبتحضنه وتقول له انا مسامحتك بس ارجع لي..لاكن اول ماشافت بنته الصغيرة ابرار..حست بالغيرة والكره لها وله...لبست نظاراتها وتوجهت للاصنصير وهي حابسة دموعها...

ابتسمت اول ماشفتها..وعرف قد ايش انا مشتاق لها..

((بسام))

ماتغيرتي يا ابرار شكلك هو نفسه مثل ماكان قبل خمس سنين...
ياليت الزمن يرجع لورى واتزوجك انتي مو غيرك..ليتني ما سمعت كلام العذال وتركتك..لاكن برجع لك طال الزمن ولا قصر..وانتي لي..لي انا وبس...

***********************

طلعت من الحمام بعد ما خذت دش تحس انه ريحها من كل همومها ومشاكلها حتى لو كانت لفترة قصيرة بس اهم شي انها نست...
تذكرت ان اليوم موعد جيه امها..حست بحماس مو طبيعي جد مشتاقة تشوفها على كثر ما تتكلم عنها لينة...دخلت لغرفتها ووقفت عند دولاب الملابس..قامت تطلع الملابس بعشوائية مو عارفة ايش تلبس بهلمناسبة..تذكرت كيف كانت تطلع الملابس بعشوائية امس رمت الملابس وتجمعت الدموع بعيونها وهي تتذكر كلامه...

(مابي اسمع شي ادخلي لبيتكم والله يسهل عليك...
تشرحين ايش..كل شي واضح..لبسك ومكياجك والمكان الي كنتي فيه... للاسف عمري ماتوقعتك كذا ياترف..جد حسافة..حسافة عليك كل لحظة قضيتها وانا افكر فيك وافكر باليوم الي يجمعنا مرة ثانية..
حسافة عليك كلمه حبيبتي..
شلون صدقتك شلون وصدقت كل كلمة قلتيها لي
... تدرين..الفرق الي بيني وبينك اني حبيتك من جد..حبيتك من كل قلبي وما اظن بنساك بسرعة بس بحاول...اما انتي كنتي معتبرتني لعبة بيدينك)....

بكت غصب عنها وهي الي عاهدت نفسها ماتبكي لواحد باعها وخانها قبل كذا..بس دموعها خوانه..وكل ما تتذكره تبكي..

مسحت دموعها بسرعة وحاولت تشغل نفسها بموضوع امها والتجهيز لها...

*************************

ابو زياد:اخلصي وش تبين..عطلتيني
لينة((يعني مانت فاضي لي ولو خمس دقايق))ابتسمت:لا تخاف..ماراح اطول عليك كلها خمس دقايق
ابو زياد بدون نفس:بسرعة

لينة طالعته بخوف مو عارفة وش تقول له او كيف تبتدي بالموضوع...

ابو زياد:بتطالعين فيني لين بكرة

لينة انتبهت لنفسها وقررت تقول له بالوجه دام هو كذا اسلوبه...

لينة:عمي امي طلعت من السجن
ابو زياد بغى يشرق بالقهوة:ايش؟!
لينة:الي سمعته اليوم بتطلع
ابو زياد بهدوء:ومين الي بيطلعها؟
لينة بتردد:أي..مو عشان كذا انا جيت عندك
ابو زياد بانفعال:نعم..ليش شنو قالو لك..ابوها ولا اخوها..ولا وصي عليها
لينة:مم..مو لازم تطلعها بس تعال معاي على الاقل..يعني يرضيك بنت اخوك تروح للشرطة لحالها
ابو زياد:انا اقول خلوها بمكانها
لينة بصدمة:عمي..كيف تبينا نخليها هناك..هاذي امنا
ابو زياد:ايييييي..امنا وامنا..من زينها عاد امكم..اقصاها خريجة سجون

لينة وقفت مصدومة... هي تدري ان عمها يقط الكلام من غير لا يثمنه ولسانه متبري منه بس مو كذا...

لينة:عمي..ترى هاذي امي
ابو زياد:وخير ياطير..من هي امك يعني كونتليزا رايس
لينة فقدت الامل:خلاص اذا ماتبي تجي معاي انا بروح لحالي
ابو زياد:كيفك بس اذا بكرة ذبحت وحدة من خواتك لا تجين تتشكين عندي

لينة سحبت شنطتها وطلعت لانها لو جلست اكثر من كذا ماتعرف ايش ممكن تسوي..كلام عمها جارح مهما يكون هي امها وماترضى عليها..
توجه للسيارة ودخلتها...

لينة:مدحت روح للسوبر ماركت
مدحت:حاضر يا مدموزيل
لينة بصوت واطي:وين قاعدين حنا..الحمد الله والشكر

كانت سرحانة وفجاة وقفت السيارة...

لينة بعصبية:وجع..وش فيك وقفت؟
مدحت:باين ان السيارة الي ورانا صدمت فينا
لينة بتعب:اوف هاذا الي كان ناقصني بعد

نزل تركي من سيارته عشان يشوف وش صار..
جاله مدحت وقعدو يتكلمون..تركي لمح وحدة قاعده بالسيارة بس يبي يتاكد لو هي نفسها ولا وحدة ثانية...

لينة فصخت نظارتها تبي تتاكد من الشخص الي مع السواق..
مثل ما توقعت هو نفسه..بس شنو هالصدف الغريبة اول شي تشوفه في بيت عمها والحين يصدمهم بالسيارة...

تركي اول ماشاف شكلها بالمرايا ابتسم وتقدم لعندها...

لينة((يووه هاذا شيبي جاي كافي اني منحرجة منه بعد الي صار))

تركي وقف عند دريشة لينة وابتسم...

تركي:هلا
لينة لبست نظارتها وقالت بدون نفس:اهلين
تركي:لا تلبسين النظارة حرام هالعيون الحلوين تخبينهم

لينة طالعته باستغراب شهالجرئة الي فيه اول مرة يكلمها ويقول لها كذا..سوت نفسها ماسمعته..

لينة:ايش؟
تركي ابتسم:لا بس اقول اسف ماانتبهت على السيارة وانا مستعد ادفع أي شي لزوم التصليح
لينة:لا مشكور ماله داعي
تركي دخل يده بجيبه وطلع كرته ومده لها:تفضلي
لينة طالعت بالكرت:ليش؟
تركي:يعني لو احتجتي أي شي حق السيارة يعني او لزمك شي

لينة خذت الكرت منه وشقته اكثر من مرة وبعدين رمته بوجهه...

تركي استغرب من حركتها بس كبرت في عينه يعيني لو وحدة بدالها كان خذت الكرت على طول..يعني وين بتلاقي واحد مثله غني ومملوح..

تركي باستهبال:ليه شقتيها؟
لينة:اظن اني قلت لك ما احتاج لمساعدة
تركي:طيب على الاقل من باب الذوق خوذي الكرت وشقيه بعدين مو قدامي كذا

لينة انقهرت منه((هاذا شفيه..واحد من الاثنين ياغبي يا يستهبل))

تركي لاحظ نظراتها له وابتسم:وش فيك تطالعيني كذا..(قال بثقة..بس باستهبال بنفس الوقت)..لهدرجة معجبة بجمالي

لينة انحرجت وصار وجها احمر..قالت باحراج واضح:لو سمحت مايصير هاذا الكلام يعني من متى المعرفة بيني وبينك عشان تقولي كذا
تركي تسند على الشباك:مو مشكلة نتعرف
لينة بعصبية:جد انك قليل ادب(صرخت)مدحت..مدحت وصمخ
مدحت جا لعندها:نعم يا مدموزيل
لينة:وش تنتظر شغل السيارة
مدحت:ايوه بس....
لينة قاطعته:بس ايش...يلا شغل السيارة
تركي:وشدعوة كل هاذا عشان لا تجلسين معاي

لينة طنشته وسكرت الدريشة...
تركي طق الدريشة مرة ثانية...

لينة بعصبية:خير وش تبي؟
تركي:طيب على الاقل عرفينا بالاسم
لينة بصراخ:وربي تراك رفعت ضغطي اذلف عن وجهي
تركي:افا معك الضغط..بس بعد عاجبتني
لينة بحدة:وبعديين؟
تركي:ولا ابلين قولي لي اسمك واخليك لحالك
لينة:واذا ما قلت؟
تركي:بتربع هنا حتى لو اجلس لين بكرة..ماعندي مشكله
لينة عورها راسها بس حبت تعاند:اوكي انا بعد ماعندي مشكلة اجلس لين بكرة
تركي ابتسم:دخيل الي يعاند انا

لينة انحرجت بس ما حبت تبين...

تركي:طلبتك لا ترديني
لينة بنفاذ صبر:اوف وشو بعد؟
تركي:شيلي النظارة
لينة بعناد:لا
تركي:طيب قولي لي اسمك
لينة:بعد لا
تركي:تكفين ترى تكفى تهز رجال
لينة ابتسمت ابتسامة خفيه على كلامه:تدري انك فاضي
تركي ابتسم:ادري
لينة:بس انا مشغولة..واصلا ليه انا ماعطيتك وجه مدري
تركي باستهبال:مممم مدري بس يمكن لاني مملوح وما تقدرين تشيلين عينك من علي
لينة ماقدرت تمسك نفسها:هههههههههههه مشكلة الثقة
تركي:يالله وش ذا
لينة:وشو؟
تركي:ضحكتك جنااااان
لينة ابتسمت باحراج ولفت على السواق:وانت وش تنتظر امشي يلا
تركي بسرعة:لحظة لحظة
لينة:اوف تراني عطيتك وجه بزيادة..اخلص وش تبي؟
تركي:انا اسمي تركي
لينة:وانا ما سالت
تركي:طيب قولي اسمك ولا شيلي النظارة تكفين
لينة طفشت منه واضح انه نشبة وماراح تفتك منه..شالت النظارة بهدوء وبانت عيونها العسلية الواسعة...

لينة:ارتحت الحين
تركي خق على عيونها:عليك عيووون ذباااحة
لينة لبست النظارة مرة ثانية:اذكر الله لا تعطيني عين
تركي:هههههه لا تخافين انا عيوني باااردة
لينة:زين والحين ممكن توخر ابي اروح للبيت
تركي:اوصلك اخاف سيارتك خربانة من بعد الحادث
لينة:اشوفك قطيت الميانة بقوة
تركي:مو مني بس الي يشوف عيونك ينسى نفسه
لينة:اقول تراني عطيتك وجه بزيادة..يلا مدحت روح للبيت
تركي:لحظة..ماتبين تعرفين من وين اعرف عمك؟
لينة:مايهمني
تركي:افا ياذا العلم
لينة:الحمد الله والشكر..يلا مدحت على البيت

مشت السيارة وتركي وقف بمكانة مبتسم...
تركي((ياحلوها وربي تهبل))

لينة ابتسمت وهي تتذكر كلامه وهباله..لا ومملوح بعد...

لينة((والله انه مملوح..عليه عيون ولا ابتسامته جنااان))...

تذكرت فيصل وحست انها تخونه بمجرد التفكير بغيره..ندمت على تفكيرها ودقت على فيصل...

فيصل:هلا وغلا
لينة حست بغصة لانها جد ندمانة على تفكيرها:هلا حبيبي
فيصل:حبيبي..الله ياحلوها على لسانك
لينة ابتسمت...
فيصل:شفيك قلبي؟
لينة:مافيني شي...فيصل
فيصل:عيونه
لينة:سامحني
فيصل:على ايش؟
لينة:على أي شي سويته بحقك
فيصل:حياتي انتي ماسويتي شي وبعدين حتى لو سويتي أي شي..ما اقدر ازعل منك

لينة((ليه تقول كذا انت تحسسني بالذنب اكثر))

فيصل:حياتي وين رحتي؟
لينة بهدوء:معاك
فيصل:مشتاق لك حيل
لينة:وانا بعد
فيصل:متى اشوفك؟

العادة لو فيصل يقول لها ابي اشوفك تقول له مافي الا بالشغل بس الحين غير لانها تحس بالذنب وتبي تعوضه باي طريقة..
لينة:أي وقت تبي
فيصل مستغرب:من جد تتكلمين؟
لينة:أي..الا اذا انت هونت..هاذا شي ثاني
فيصل بسرعة:لالا وش هونت الله يهديك
لينة:هههههههه...طيب متى تبي؟
فيصل:الحين
لينة:الحين؟
فيصل:أي ليكون غيرتي رايك
لينة:لا بس..اليوم...طيب خلاص
فيصل:وش فيك؟
لينة:لا ولا شي
فيصل:على العموم اذا شفتك لي معك كلام ثاني
لينة:اوكي

**********************
بالمستشفى...

اسيل:كم بقالك يوم وتطلع؟
محمد:ليه تبين تفتكين مني
اسيل جلست على السرير بدفاشة وبالغلط جلست على رجله:ياشينك
محمد:اااااي
اسيل بستغراب:وش فيك؟
محمد بالم:رج..لي
اسيل:وش فيها؟
محمد:قو...قومي
اسيل:يا سلام يحصلك اصلا اجلس جمبك
محمد بصراخ لان رجله تالمه وهي ولا حاسة:تكفين قومي
اسيل قامت:ها..قمت وبطلع من الغرفة مرة وحدة
محمد:لا...لا تطلعين
اسيل:جننتي وش فيك انت؟
محمد:انتي كنتي جالسة على رجلي وعورتني
اسيل عضت على شفايفها:جد؟

محمد هز راسة بالايجاب...

اسيل قربت منه وجلست تمسح على شعره بحنان وقالت بهدوء:سوري
محمد ابتسم:مسامحك
اسيل باست جبينه:جد؟
محمد قلبه دق من حركتها:انتي وش ناوية علي؟
اسيل:ههههههههههه..بذبحك
محمد:اذا موتي على يدك ماعندي مانع
اسيل:ترى جد اسويها
محمد:ادري عنك..خلاص سحبت كلامي
اسيل:هههههههههه...يا خواف

*********************

بالكوفي..

فيصل وهو يمسك يد لينة:لو تدرين قد ايش مشتاق لك
لينة سحبت يدها بسرعة وقالت بخجل:فيصل كم مرة قلت لك لاتمسك يدي
فيصل:مثل ماتبين...شخبارك قلبي؟
لينة:بخير..وانت؟
فيصل:مشتاق لك

لينة ابتسمت بخجل...

فيصل:ماراح تقولين لي وش فيك؟
لينة رفعت راسها وقالت برتباك:...م..مافيني شي
فيصل:تخبين علي؟
لينة:لا مو كذا...بس
فيصل:بس شنو؟
لينة:...والله مدري وش اقول لك
فيصل:قولي كل الي بقلبك

لينة((اقولك ايش ولا ايش ولا ايش...اقولك عن امي ولا عن ترف الي مدري وش فيها..ولا اقول لك عن الي صار بيني وبين تركي))

فيصل:كل هاذا شايلته بقلبك

لينة طالعته باستغراب...كيف عرف الي تفكرفيه...

لينة:شنو؟
فيصل:شفتك طولتي وانتي ساكته اكيد في شي كبير مضايقك ويمكن اشياء
لينة:فيصل انا تعبانة
فيصل:بسم الله عليك وش فيك؟
لينة:عندنا مشاكل كثيرة بالبيت
فيصل:قولي لي يمكن اقدر اساعدك
لينة:مابي اضايقك بمشاكلي
فيصل:شدعوة لينة انا وانتي واحد
لينة:ترف
فيصل:وش فيها؟
لينة:في شي صار بينها وبين زياد ومحد راضي يقولي
فيصل:يمكن تتوهمين
لينة:لا انا متاكدة اليوم رحت لغرفتها وشفتها تبكي وتقولي كلام مو مفهوم
فيصل:شلون يعني؟
لينة:مرة تقول جيبيلي زياد..ومرة تقول قوليله اني ما اعرفه واني مو خاينة...مو فاهمة شي
فيصل:طيب اذا هي مو راضية تقول اساليه هو
لينة:لا تذكرني
فيصل:ليه وش صار؟
لينة:رحت لبيت عمي عشان اكلمه ويعدين شف...

سكتت كانت بتقول له عن موضوع امها وعن تركي...بس مهما يكون كثر حبها لفيصل..الا ان هاذي اسرار بيوت ومو لازم تقولها له وبعدين هاذي امها وماتبي تشوه سمعتها...واكيد لو قالت له عن تركي بيزعل....

فيصل:لينة شفيك؟
لينة قامت من مكانها:انا تعبانة ابي اروح للبيت
فيصل:شفيك؟
لينة وهي تسحب شنطتها:تعبانة شوي...اشوفك بعدين اوكي
فيصل بيئس:اوكي
لينة مشت وقبل لا تطلع لفت عليه:فيصل
فيصل:عيونه
لينة:احبك

فيصل ابتسم...ولينة انحرجت من نظراته وانحرجت من نفسها كيف قالتها له كذا وبكل جراءة...طلعت من الكوفي وتوجهت للسيارة...

*********************

سامي:طيب وش بتسوي
زياد:..........
سامي:لو تلاحظ يعني احنا من امس هنا
زياد:........
سامي طفش منه:زياد قسم بالله لو ماتكلمت الحين بروح عنك
زياد:........
سامي عصب منه:ولا عاد تشوفني مرة ثانية
زياد لف عليه:وش تبيني اقول
سامي تنهد:مابغيت تتكلم
زياد رجع يطالع البحر:خاينة
سامي:وشو خاينة حرام عليك
زياد طالعه بعصبية:وشو حرام علي..اقول لك شفتها بعيوني
سامي:شنو شفتها بعيوني بالله قولي وش شفت..واحد حادها بمكان مقطوع ويحاول يفتح الباب عليها..كثير يسونها..البنت مالها ذنب
زياد:أي بس لبسها ومكياجها و.....
سامي قاطعه:زياد..ترى الظليمة شينة وانت تحبها ما تقدر تنكر هاذا الشي واكيد البنت تحبك ولو ماتحبك وتخونك مثل ماتقول ليش دقت عليك

زياد سكت شوي ماعرف ايش يقول حس انه جد ظلمها..بس بسرعه رجعت له العصبية والغيرة اول ما تذكر شكلها...

زياد:عشان تبين انها مظلومة وبريئة وما اشك فيها...لما حست نفسها تورطت مالقت غبي غيري يطلعها من ورطتها
سامي ياس منه:براحتك..بس انت الي بتخسر
زياد بستهزاء:ليه انشاء الله؟
سامي:لانك تحبها
زياد:كنت
سامي:للحين تحبها..تقدر تضحك على كل الناس بس علي انا..لا

زياد ضحك بستهزاء ورجع نظره للبحر..مهما حاول يبين انه مو مهتم بكلام سامي الا انه يدري انه صح كل كلمة يقولها صح هو للحين يحبها ومستحيل يكرها او يحقد عليها ويتمنى انه يكون غلطان عشان يرجع لها...بس لو طلع غلطان هي بترضى ترجع له..مايظن فعشان كذا هو يحاول يقنع نفسه سواءا كان غلطان ولا لا بكل الحالتين ماراح يرجع لها فماله داعي يتعب نفسة ويحاول انه يرجع لها...

سامي وهو يصرخ لانه بعيد عنه:زيــــاد
زياد طالعه:نعم
سامي:تعال بتكلمني وانت هناك
زياد قام وهو ماله خلق سخافة سامي:خير
سامي:قوم يلا نروح
زياد:وين؟
سامي:ماتبي تروح الشركة
زياد:لا مالي خلق
سامي:تفكر فيها
زياد بعصبية:سامي خلاص انا قلت لك اني نسيتها
سامي:اوكي اوكي ريلاكس وش فيك

زياد تنهد بعصبية...

سامي:طيب خلنا نروح للشباب
زياد:مابي
سامي:اوف..طيب نروح نتمشى أي شي والله مليت
زياد:اذا زهقت روح ماني ماسكك
سامي:تدري الشره مو عليك الشره علي قاعد مقابلك اربع وعشرين ساعة لا فوق هاذا كله مو عاجبك..لاكن الي مصبرني عليك اني ادري ان نفسيتك زفت وصداقة17 سنة ماتهون علي ولا لو واحد غيري كان تركك من زمان
زياد ببرود:اوكي باي
سامي جد اتنرفز منه:باي

مشى بكل عصبيه وهو يتحلطم...
زياد حس ان حركته بايخة ومالها داعي..يعني فوق ماهو مستحمله يجي ويزود عليه..

زياد لحقه:سامي

سامي طنشه...

زياد مسكه من كتفه:سامي
سامي بعصبية:خير
زياد:اسف
سامي بستغراب:اسف؟...زياد ولد سعود الماسي يتاسف
زياد:سامي ادري انك معصب مني وادري اني زودتها بس والله مو قصدي..تكفى سامحني
سامي ابتسم:مشكلتي ما اقدر ازعل منك مدري على شنو احبك مع هالوجه.. شين ونفسيتك اشين منك بعد.. بس احبك
زياد:ممم يمكن عشان سواد عيوني
سامي:هههههههه أي سواد عيونك خضر كانك قطو
زياد:هههههههههه قطو مرة وحدة
سامي:مسكين تتمنى عيونك تكون سود زي عيوني
زياد:اقول امش بس
سامي:وين
زياد:ماتبي تطلع
سامي:اكيييد
زياد:ول كني حابسك
سامي:هههههه مو الطلعة ماتسوى بدونك
زياد:تسلم والله سموي..يلا نمشي
سامي:يلا

************************
طلع الدكتور من عنده بعد ماقال له انه بيطلع بعد اسبوع وراح يفك الجبس بعد شهرين...

محمد:تطمنتي الحين وعرفتي متى بتفتكين مني
اسيل:محمد لا تقول تفتكين مني ترا وربي ازعل
محمد:لا عاد تكفين كله ولا زعلك
اسيل:ايوه كذا تعجبني

رن جوال اسيل..وكان قريب من محمد...رفع الجوال وكان مكتوب...(حبي الاول_ يتصل)...فتح عيونه على وسعهم...

محمد:مين هاذا حبي الاول؟
اسيل:ههههههههههههههه
محمد:وتضحكين بعد
اسيل:مالك شغل هات الجوال
محمد:اسيل مين هاذا؟

قامت وسحبت الجوال منه...طلعت برة الغرفة عشان تكلم..

محمد بصوت عالي عشان تسمعه:هين يا اسيل

طنشته وطلعت..

اسيل وهي تضحك:هلا وغلا
لينة:انهبلتي ليه تضحكين؟
اسيل:هههههه لا ولا شي
لينة:الحمد الله والشكر..اقول بس ارجعي البيت الحين
اسيل:ليه تو بدري
لينة:ادري بدري بس شكلك نسيتي ان امك بتجي اليوم
اسيل ضربت راسها:يوووه نسيييت
لينة:أي لانك فالحة..اخلصي تعالي للبيت الحين
اسيل:طيب طيب دقايق واكون عندك
لينة:لا تطولين
اسيل:اوكيشن
لينة:هههه ماتخلين سوالفك..باي
اسيل:بايات

سكرت الخط ودخلت للغرفة وشافت محمد يطالعها بنظرات شر...ماقدرت تكتم ضحكتها وانفجرت ضحك...

محمد صد عنها ولف على الجدار..

اسيل:ههههههههه انا خبري البنت الي تزعل وتصد مو الولد

محمد وهو للحين صاد عنها:ما يضحك
اسيلوهي كاتمة ضحكتها:طيب وش فيك الحين؟

محمد مارد...

اسيل:براحتك بس انا بروح الحين مستعجلة..بجيك بكرة اوكي

سحبت شنطتها وتوها بتطلع بس كلمته وقفتها...

محمد:بتروحين له..اي اكيد وش تبين في واحد مكسر مثلي
اسيل كتمت ضحكتها...
توجهت له ومثلت العصبية...

اسيل:تدري انك حمار
محمد:طبعا انا حمار وهو....
اسيل قاطعته:مين هو؟انت وش فيك اليوم
محمد:اناولا انتي
اسيل بقلة صبر:لاحووول
محمد:اذا مو عاجبك لهدرجة وماتبيني خلاص روحي ماني ماسكك
اسيل هنا جد عصبت:انت مو صاحي اكيد شارب شي
محمد:لا صاحي واصحى منك بعد
اسيل:سخيف
محمد:تافهة
اسيل:بايخ
محمد:مجنونة
اسيل تنرفزت منه:بزر انت؟
محمد:والله ما البزر غيرك
اسيل بعصبية:حموود لا تخليني اكسر رجلك الثانية الحين
محمد:لو يحصلك كان سويتي عشان يفضالك الجو
اسيل رمت شنطتها بعصبية:أي جو..تراك جننتني
محمد:حبك الاول

اسيل سكتت شوي..وبعدين انفجرت ضحك...

محمد:مو قايلك
اسيل قربت منه:وهاذا الي مزعلك؟
محمد غطى نفسه بالبطانية:انا بنام

اسيل توها بتتكلم بس هو كمل..

محمد:وبكرة مابي احد يزعجني
اسيل:ماتبيني اجيلك؟
محمد:مابي احد

اسيل طلعت من الغرفة بهدوء:من جد مو صاحي


*********************

رجعت ابرار للبيت وهي تحس نفسها طايرة من الفرحة ومو مصدقة انها ا خيرا شافته بعد ماغاب عن عينها 5 سنين بس بنفس الوقت كانت تحس بالم وغصة خصوصا بعد ماعرفت انه تزوج واكيد حب زوجته لا وعنده عيال منها بعد...
رمت نفسها على السرير بتعب وهي تحاول تمسك دموعها ماتبي تبكي عليه كافي السنين الي راحت من عمرها وهي تنتظره والحين بعد ماعرفت حقيقته بعد تحس انها للحين تحبه وتبيه وهاذا الي مضايقها وفاقع مرارتها انه مهما سوى فيها تضل تحبه..

ابرار:انا وش سالفتي ليه مو قادرة اشيلة من بالي حتى بعد ماعرفت انه تزوج جد اني ما استحي افكر بواحد متزوج..بس ليه مو قادرة اكرهه هاذا الي مو فاهمته..ليكون ساحرني..هههههههه اما عاد جد اني متخلفة..

قطع عليها افكارها صوت الجوال رفعت الجوال وشافت..(نصفي الثاني_ يتصل)

ردت وهي تحاول تبين صوتها طبيعي:هلا والله بحمود
محمد:احنا وش قلنا
ابرار:هههههههه سوري محمد
محمد:ايوه كذا اوكي
ابرار:شعندك داق علي..شنو اسولة راحت عنك؟
محمد بضيق:أي...راحت
ابرار باستغراب:شفيك؟
محمد:ولا شي..انتي شفيك؟
ابرار:بلا استهبال ادري ان فيك شي اخلص قول
محمد:تهاوشت مع اسيل
ابرار شهت:يوه..ليه؟
محمد:سالفة طويلة بعدين بقول لك..بس جد انا حاس ان فيك شي
ابرار(( بسم الله هاذا شلون يعرف)):وش الي خلاك تحس بكذا؟
محمد:نسيتي اني نصفك الثاني واعرف كل شي
ابرار:هههههههه ...لا جد وش دراك؟
محمد:يعني في شي
ابرار:لا..((ياربي وش ذا الوهقة))..بس يعني انا قصدي وش الي خلاك تحس بكذا يعني؟
محمد:اهاا..يعني طريقة كلامك وسوالفك معي انا واسيل حسيتها غير
ابرار:كيف غير؟
محمد:مدري انا حسيت بكذا

ابرار توها بتتكلم بس جاها خط ثاني..

ابرار:لحظة حمود
محمد:اوكي

شافت الرقم بس كان رقم غريب...

ابرار:اقول محمد اكلمك بعدين اوكي
محمد:وين بتروحين يعني وراك وراك
ابرار:هههههه اوكي بعدين يصير خير يلا باي

سكرت قبل لا تسمع رد محمد ماتدري ليه تحس ان ورا هالرقم سالفة...

ابرار بتردد:...الو...
بسام:ابرار؟

اول ما سمعت صوته سكرت بوجهه ماتعرف ليه بس حست نفسها مرتبكة وماتعرف ايش تسوي هي كانت مجهزة كلام كثير كانت بتقوله له لو شافته مرة ثانية بس الطريقة والموقف الي شافته فيه كانت غير ماتوقعت تماما يمكن عشان كذا توترت...


((بسام))

اكيد زعلانة..زعلانة قليلة بلي تحسه..معذورة انا لومكانها بسوي اكثر من كذا..بس هي لو تعطيني فرصة اكلمها واشرح لها كان كل شي بيتغير لاني واثق انها بتعذرني..ااه ياليت الزمن يرجه لورى..ياليت...

**********************

اول مادخلت البيت...كان كل شي حوسة ومو مرتب وازعاج صوت لينة المعصب مالي البيت..

اسيل راحت لوين لينة جالسة تشوف وش سالفتها...

اسيل بعربجة:الحلو معصب اليوم..شسالفة؟
لينة:شرفتي..يلا روحي لغرفتك اسبحي وبدلي ملابسك وبالمرة روحي شوفي ترف وقولي لها تنزل...واذا شفتي سحر بطريقك قوليلها تجهز

اسيل طالعتها باستهبال:مافهمت شي
لينة بعصبية:اسيل وربي مالي خلق استهبالك اخلصي روحي سوي الي قلتلك عليه
اسيل تقلد طريقة الشغالات بالكلام:حازر مدام...وماتبيني بعد اطبخ العشى بالمرة
لينة:لا خلاص العشى خلصناه
اسيل:والله تعرفين تنكتين
لينة عصبت:جد انك رايقة..(قالت بصراخ)روحي بسرعة
اسيل مدت بوزها وقالت بستهبال:زييين..لاتدفين
لينة:انا لمستك اصلا؟
اسيل:بروح فوق قبل لا يصير فيني شي

لينة تنهدت بتعب وكملت شغلها...

راحت لغرفتها ورمت نفسها على السرير..
قررت تدق على محمد وتعتذر منه لانها حست انها هي الغلطانة يعني من الاول تقولها هاذي لينة وتفتك..
دقت عليه وعطاها بزي..

اسيل شهقت:انا يعطيني بزي..هين يا محمد..انا اوريك

رمت الجوال بعصبية..

اسيل:لا يا اسيل لاتعصبين خليك ريلاكس وصالحيه بعدين يصير خير..وربي لطلعها من عيونك هالبزي..هين

خذت الجوال مرة ثانية وقعدت تفكر كيف تصالحه...
جلست تغني وهي سرحانه..وفجاة جاتها فكرة..


راحت لغرفة الموسيقى الخاصة فيها بجناحها الخاص..
جلست تدور العود من بين الات..اخيرا لقته مرمي بالزاوية لانها ما تستعمله واجد...
خذته ونضفته من الغبار الي عليه وعدلت اوتاره...

رجعت لغرفتها ودقت على محمد..كالعاده مارد..مسكت نفسها لا تعصب وتروح للمستشفى وتتوطى ببطنه لانه ينطنشها...
قررت ترسل له رسالة صوتية..

اسيل بدت تعزف وبعدين بدت تغني..

الله الله يازعلان
خف علينا شوية
حتى انا منك زعلان
بس انا اسال شوية

انت ساكن بعيني
وانت بهجة سنيني
شلي بينك وبيني
خليني افهم شوية

شوف وارحم بحالي
دمعي كدر رسالي
الجفا منك غالي
وانا شلي بيديا

قلبي منك تعذب
في هواك وتغرب
بالله منك اتعجب
كيف تزعل علي

رسلت الرسالة وهي ميته من الضحك..تموت وتعرف ردة فعله..


*******************

كان منسدح بالسرير ويفكر فيها..قطع افكاره صوت الجوال يعلن وصول رسالة..
فتحها بكل هدوء حتى انه ماشاف من الي ارسل..

فجاة طلع له صوت اوتار العود وبعدها صوت وحدة تغني..كان صوتها مرة حلو وهادي..

محمد وهو عاقد حواجبه:مين ارسلي هالاغنية

بس لما سمع الكلمات عرف انها من اسيل وابتسم..

محمد وهو مبتسم:ههههههه الله يرجك يا اسيل...بس صوت مين هاذا..مستحيل يكون صوتها لان اسيل مزعجة مستحيل يكون صوتها بالغنى هادي كذا...

***********************

الكل تجهز ومستعد لوصول امهم..الكل متجمع ومتوتر مايعرفون كيف بيكون القاء...

ترف بهدوء:اسيل
اسيل:نعم
ترف:وين لينة؟
اسيل:ترف بلا استهبال مو قالت لك بتروح تجيب امك

ترف ماحبت تكثر كلام حست بتوتر اسيل وهي اصلا متضايقة ومالها خلق...

سحر:اوف
اسيل بصراخ:خير انشاء الله وش فيك؟

سحر طنشتها..ووقالت مرة ثانية:اوف اوف اوف
اسيل:شفيك انتي؟
سحر وهي ترجع شعرها لورى بغرور:مالك دخل
اسيل:لا لي شنو يعني بتقعدين طول اليوم تتاففين بوجهنا
سحر:عاد انا بكيفي وها..اوف

اسيل توها بتتكلم بس الباب فتح...
كلهم سكتو ووجهو نظرهم للباب..اكيد هاذي لينة مع امهم وصلو..
لا شعوريا وقف الكل ينتظر يعرف مين الي بيدخل...

**********************
نهـــــاية الــــبارت..

البارت 11

الكل تجهز ومستعد لوصول امهم..الكل متجمع ومتوتر مايعرفون كيف بيكون القاء...

ترف بهدوء:اسيل
اسيل:نعم
ترف:وين لينة؟
اسيل:ترف بلا استهبال مو قالت لك بتروح تجيب امك

ترف ماحبت تكثر كلام حست بتوتر اسيل وهي اصلا متضايقة ومالها خلق...

سحر:اوف
اسيل بصراخ:خير انشاء الله وش فيك؟

سحر طنشتها..ووقالت مرة ثانية:اوف اوف اوف
اسيل:شفيك انتي؟
سحر وهي ترجع شعرها لورى بغرور:مالك دخل
اسيل:لا لي شنو يعني بتقعدين طول اليوم تتاففين بوجهنا
سحر:عاد انا بكيفي وها..اوف

اسيل توها بتتكلم بس الباب فتح...
كلهم سكتو ووجهو نظرهم للباب..اكيد هاذي لينة مع امهم وصلو..
لا شعوريا وقف الكل ينتظر يعرف مين الي بيدخل...

تقدمت ترف بهدوء والفضول ماليها تبي تشوف امها مشتاقة لشوفتها...
انصدمت وهي تشوف زياد قدامها..الدم توقف بجسمها وحست بحرارة بالمكان مع ان الجو بارد..قلبها بدى يدق بقوة مو طبيعية...
زياد انصدم بمنظر ترف اول مادخل... ماتوقع يشوفها قدامه كذا..بس شكلها واضح انها تعبانة...وجهها شاحب ولونه اصفر..

زياد((معقولة تكون متاثرة بلي صار بينا...لا الي مثلها مايحسون..بس شنو فيها))

حاول يتجنب يطالع بعيونها بس ما قدر مشتاق لها ويحبها حتى لو كانت خاينة...

زياد حرك شفايفة بدون مايطلع صوت تكلم غصبن عنه:ترف

ترف وهي تحاول تمسك دموعها((ماراح ابكي ماراح ابكي))...


الجو متوتر بينهم وكل واحد عيونه متعلقة بالثاني وكل واحد فيهم قلبه يدق للثاني...وكأن كل واحد يعاتب الثاني بنظراته...

اخيرا قدرت تبعد نظراتها عنه لما حست بدخول لينة واكيد معها امها...

الكل وجه نظره لوين لينة موجودة والكل يفكر كيف راح يتكلم مع امه وايش راح تكون اول كلمه تنقال لها...الكل باله مشغول فيها..

بس زياد ماكان يشوف غير الي واقفة قدامه وتطالع بالحرمة الي دخلت.. وواضح انها حابسة دموعها..

زياد((ياحياتي اكيد زعلانه من بعد ذاك اليوم..تكفين لا تبكين ما اقوى على دموعك...لا ايش زعلانه ولا مو زعلانة انا اصلا ليش شايل هم وحدة خاينه مثلها..يوووه خلني اطلع احسلي قبل لا اسوي شي ما ابيه))

((ترف))

مر من جمبي وطلع حتى بدون ما يسلم علي ولو بنظرة ..ماشفت بعيونه غير نظرات العتاب والملام..ليه يازياد صرت قاسي كذا..وربي انا مو مثل ما تظن...

دخلت لينه للصالة وهي مبتسمة وتناظر بخواتها..

لينة:ترف..اسيل..سحر..تعالو سلمو على امكم وش فيكم واقفين كذا؟

كل وحدة فيهم واقفة ومو قادرة تتحرك...يحسون انهم انشلو اول ا شافوها...

تقدمت اسيل بخطوات ثقيلة لاكن تحاول تبين انها عادي...

اسيل وهي تمد يدها وابتسمت:هلا والله
لينة بصوت واطي:اسيل هاذي امك مو وحدة صديقاتك..بوسي راسها
اسيل ضربت راسها بعفوية:اوه نسيت.. السموحة(باست راسها)..شخبارك؟

لينة((مافي فايدة..ماكاني قعدت يوم كامل اعلمها كيف تحكي كويس))

ام لينة(ندى)..ابتسمت بفرح من تحت البرقع كانها مو مصدقة ان وحدة من بناتها تسال عنها..توقعت يكون استقبالهم في جفاء شوي بس توقعاتها طلعت غلط..

ام لينة:الحمد الله..وانتي شخبارك؟
اسيل ابتسمت لما سمعت صوتها هادي زي صوت لينة:تمام والله..على فكرة ترى انا اسيل(لفت على ترف)وهاذي القزمة ترف(وجهت نظرها لسحر)اما هاذيك(قالت بصوت واطي)العلة..اااه قصدي اختي سحر..واكيد تعرفين لينة

ام لينة طالعت فيهم وهي فرحانة انها اخيرا شافت بناتها مع انهم ماسالو عنها ابد بس لينة شرحت لها كل شي..

لينة:تفضلي يمه ليه واقفة هنا

ام لينة هزت راسها بالايجاب..

دخلو كلهم وتوجهو للصالة...
جلسو وهم للحين يحسون انهم متوترين..مو متعودين على وجودها...

لينة:طيب انا بروح اشوف الطباخ جهز العشى ولا لسى

ترف واخيرا طلع صوتها:بروح معاك(ماتدري ليه ماتبي تجلس معاها مع انها كانت اكثر وحدة متحمسة لجيتها واستقبالها)

لينة حست باحراج من امها:لاحبيبتي خليك هنا ماراح اطول

طلعت لينة ورجع الهدوء..ولا وحدة منهم عارفة ايش تقول..

سحر قامت من مكانها مو عارفة ايش تسوي تحس بتوتر مو طبيعي..

اسيل:على وين؟
سحر:بروح غرفتي
اسيل من بين اسنانها:اجلسي
سحر:بروح اذاكر..عندي اختبارات
ام لينة:شخبارك سحر؟
سحر زاد توترها لما كلمتها..فضلت السكوت على انها ترد وتوجهت للاصنصير وراحت للدور الثاني..

اسيل((الله يفشلك...ماتخلي حركاتها البايخة))

ام لينة حست بالم..توقعت وحدة من بناتها تكون مو طايقتها..بس ابتسمت بالم من تحت البرقع...

اسيل طالعت ترف بنظرات يعني قولي شي...
ترف هزت راسها بالنفي..
اسيل طالعتها بتهديد..بس ترف طنشت نظراتها وصدت بوجها عنها...

اسيل((حسبي الله عليك انتي واختك كانكم تفشلون الواحد))

ناظرت امها وقالت بدفاشة:الحين ليه ماتفتشين (تكشفين) خلينا نشوف وجهك

ترف اول ما سمعتها قالت كذا ناظرت امها على طول تبي تعرف شلون شكلها...

ام لينة طالعت اسيل وابتسمت واضح انها حبوبة واجتماعية:انشاء الله

فتحت وجهها وهي مبتسمة...

ترف ناظرتها وابتسمت:شكلك ماتغير
ام لينة بستغراب:شدراك؟
ترف انحرجت وناظرت الارض بخجل:شفت صورتك عند لينة..تشبهين لسحر
اسيل بقرف:وع

ترف وام لينة طالعوها باستغراب..

اسيل انتبهت لنفسها:قصدي انتي احلى من سحر
ام لينة:لاسحر احلى
اسيل:صدقيني سحر شينة انتي احلى
ترف:لاسحر مو شينة
اسيل بحدة:انتي انطمي
ترف نست وجود امها:خييير؟
اسيل:جب

ام لينة تضحك على هبال بناتها...

دخلت لينة ومعاها صينة العصير:حشى مامداني اتركم الاصوت صراخكم واصل لاخر الشارع
ام لينة:هم دايم كذا؟
لينة وهي تحط الصينية..ابتسمت:دايم وانا اخر شي الي اتعذب معهم
ام لينة:بسم الله عليك من العذاب

لينة ابتسمت...

لينة تطالع المكان:اجل وين سحر؟
ام لينة بالم:راحت تذاكر

لينة انقهرت..حركتها سخيفة امها الي ماشافتها من سنين تجي وهي تتركها وتروح تذاكر..يعني كلش المذاكرة مقطعة بعضها معها...

جلسو يسولفون ماتوقعو ان الحواجز الي بينهم راح تنهدم بهسهولة...

**********************

زياد كان بالسيارة مع سامي ويسمع اغنية(قالو ترى)...

سامي:وربي لوعت كبدي ادري انك ماتبيها.. خلاص عاد
زياد بارتباك:أي مابيها...بس لو شفتها يا سامي مادري وش فيها.. احس انها تعبانة..جد اشتقت لها واشتقت اسمع صوتها..ولاعيونها..اااه على عيونها فديتها والله
سامي حاط يده على خده وابتسم:ايوه وبعد؟
زياد حس انه قام يخورا وكثر حكي قال يخفي ارتباكه:ولا ابلين يلا نمشي
سامي:ههههههههههههههههه
زياد:ليه تضحك؟
سامي وهو مبتسم:لا..ولاشي

زياد طالعه برتباك وشغل السيارة....

زياد((جد اني خبل كيف اقول كذا قدام سامي..الحين وش يفكني منه(ابتسم ابتسامة خفيفه وهو يتذكر شكل ترف)بس جد وحشتني))

************************

ابرار:ههههههههه..وربي هالبنت فلة
محمد:وتلموني ليه احبها..ياربي تجنن ودي اكلها
ابرار:هههههههه قال تاكلها قال..اي عشان يجيك ذاك البقس الي يسبب لك عاهة مستديمة
محمد:ههههههههههه لا عاد مو لهاذي الدرجة..وربي اسيل حبوبة
ابرار:ادري بس مشكلتها دفشة شوي
محمد:شف بس مين يتكلم عن الدفاشة
ابرار قامت:وش قصدك؟
محمد:ولاشي امزح وش فيك
ابرار جلست مرة ثانية:ايوه على بالي
محمد:طيب ايش اقول لها
ابرار:شنو؟
محمد:يووه ابرار ركزي معي وش اقول لاسيل قصدي وش ارد عليها
ابرار:انا اقول انت واحد سخيف واصلا ماله داعي تزعل من اول
محمد:اصلا انا مو زعلان عليها بس بغيت اتغلى
ابرار:الحمد الله والشكر..جد الطيور على اشكالها تقع
محمد:ههههههههههه احلى طيور

ابرار ابتسمت بهدوء...وجلست تفكر بالي جالس قدام غرفة محمد...
ياترى هو الحين وش جالس يسوي معها..وش قاعد يقول لها..الغيرة بتذبحها وهي كل شوي تسمع صوته واكيد يتكلم معاها...

محمد:هييي نحن هنا

ابرار طالعته وابتسمت...

محمد:وين وصلتي؟
ابرار قامت:لعند الباب..يلا باي
محمد:وين تو النا
ابرار:انت شوف الساعة كم وبعدين تكلم

محمد لف يتناظر الساعة وكانت 1ونص...

محمد:يووه تاخرتي
ابرار: وانا وش قاعدة اقول من الصبح..يلا بايوو
محمد:باي


طلعت من الغرفة وشافت بسام واقف ع باب الغرفة حقت زوجته وباين انه معصب...عطته نظرة احتقار بس من ورى قلبها وتوجهت للاصنصير...

فتح باب الاصنصير وتوه بيتسكر بس سبقته يد بسام...

ابرار قلبها دق((هاذا شيبي))

سكر باب الاصنصير واثنينهم ساكتين والجو متوتر...كل واحد قلبه يدق بقوة مو طبيعية...
ابرار كانت مستغربة من وجه بسام المعصب وبين كل لحظة والثانية تطالع فيه..تبي تحفظ ملامحه يمكن تغير منها شي وتبي تعرف.. كان ودها تساله شفيك معصب بس هي مالها حق تساله واصلا المفروض ما تكلمه...

وقف الاصنصير بالدور الارضي..مشت ابرار بسرعة بس يد بسام وقفتها...

ابرار رجعت لورى وناظرته بكل قوة واحتقار عكس الي تحسه بداخلها:خير
بسام توتر من نظراتها بس ماحب يبين:مين هاذا الي كنتي عنده؟

ابرار سكتت وحاولت تخفي ابتسامتها((عشان كذا كان معصب...فديته والله الي يغار ههههههه...لا يا ابرار امسكي نفسك))

ابرار باحتقار:نعم؟
بسام:الي سمعتيه
ابرار:ومين انت عشان اقول لك.. كنت عند الي عنده انت وش دخلك؟
بسام وهو ياشر على نفسه:انا وش دخلني؟
ابرار:ايوه وش دخلك...روح عند زوجتك لا تفقدك
بسام من بين اسنانه: مالك خص فيها انا الحين اسالك وجاوبيني على سؤالي
ابرار وهي تتوجه للباب:اسفة
بسام مسكها من ذراعها:وقفي انا اكلمك
ابرار ناظرت فيه بتفحص:ماتغيرت يا بسام..للحين نفس الغرور والتسلط تحسب انك تقدر تفرض رايك على الكل
بسام قرب منها:وانتي بعد ماتغيرتي للحين نفس الجمال والغرور..والعناد

ابرار توترت من قربه...تسللت ريحة عطره لانفها الصغير...
قلبها دق بسرعة..نفس الريحة ماغيرها مستحيل تروح عن بالها ريحة العطر الي عطته اياه هدية...

بسام همس باذنها:احبك

ابرار طالعته متفاجاة ومو مستوعبة الكلمة الي سمعتها...

بسام كمل:احبك واحب كل شي فيك..احب غرورك واحب عنادك...واعشق جمالك

ابرار هنا خلاااص ذابت ماقدرت تتحمل اكثر من كذا حست انها ضعيفة قدامه ومو قوية مثل ماتحاول تبين لنفسها ولكل الناس..
كانت المستشفى فاضية تقريبا لان الوقت متاخر ووقت الزيارات خلص ومافي شي يخليها تتراجع او يوقفها عن الي بتسويه...

ابرار:وانا بعد...للحين احب....

قطع كلامها صوت خطوات الممرضات وهم طالعين من الاصنصير...بعدت عنه بسرعة ولامت نفسها كيف كانت بتضعف قدامه وبتعترف انها للحين تحبه...

مرو الممرضات وقعدو يضحكون بدلع ويتساسرون لما شافو بسام وخقو على جماله...
ابرار ناظرت بالممرضات بغيرة وحقد..تقدمت لعند بسام ومسكت ذراعه..

ابرار بدلع:يلا حياتي خلنا نروح تاخر الوقت
بسام:؟؟؟؟؟؟
ابرار زادت من دلعها وهي تسحبه:يلااا

بسام هز راسه بالايجاب ومشى معها...
ناظرت بالممرضات الي منقهرين منها وهي تبتسم بثقة...
اول ماطلعو وسكر الباب حق المستشفى بعدت عنه بسرعه ماتبي تضعف مرة ثانية..

بسام استغرب حركاتها مو طبيعية...

بسام قرب لعندها وابتسم:ايوه..وش كنتي بتقولين قبل لايجون الممرضات؟
ابرار زاد ارتباكها بعدت عنه:...و..ولاشي
بسام:بس....
ابرار قاطعته:خلاص يا بسام الي بينا انتهى ولا يمكن نرجع لبعض ابد
بسام:ليه؟
ابرار بلعت غصتها ونزلت راسها..تجمعت الدموع بعيونها:لانك ...متزوج وعندك اطفال بعد
بسام رفع راسها بيده:بس انا احبك
ابرار وهي تحاول تمسك دموعها..قالت بصوت مبحوح:مايصير
بسام:ليه مايصير
ابرار: بسام تكفى لاتخون زوجتك صدقني الحرمة اكثر شي تكرهه الخيانه وانا قد جربتها ومابي وحدة غيري تجربها
بسام:بس صدقيني الي نسويه مو.....
ابرار قاطعته:خلاص بسام...انسى
بسام:اذا انا نسيت..انتي بتنسين؟
ابرار:...بحاول
بسام مسك يدها:لا يا ابرار انا وانتي نحب بعض ومستحيل ننسى بعض

ابرار بعدت عنه وكانها تقول له خلاص انساني وهاذي اخر مرة تشوفني فيها...
توجهت لسيارتها وسكرت الباب بهدوء...

بسام وقف بمكانه وهو يطالعها مثل اخر مرة شافها فيها..بس الفرق ان اخر مرة هو الي وصلها للباب ووقتها قالت له احبك قبل لا تروح والحين تقول له انساني...جد الدنيا مافيها عدل ليش يصير فيهم كل هاذا..لاكن هو السبب هو الي ضيعها من يده..ومثل ما ضيعها لازم يرجعها...

اول ما صعدت السيارة بكت وطلعت الي فيها...
ابرار))حقير..توقعته تغير بس ذيل ال...
مثل ماخاني من قبل وتركني لوحدي الحين يبي يخون زوجته وجاي يضحك علي ويقول لي احبك(بكت اكثر)...بس انا احبه..ليتك تطلع صادق بالي قلته..حتى لو طلع صادق ويحبني وش بستفيد هو متزوج وانا مستحيل اخرب بيت احد حتى لو على حساب نفسي..وش ذنب عياله يتعذبون..وش ذنب زوجته..يمكن هي تحبه..بس مهما كانت تحبه ماراح تحبه كثري))...

مجبور انا اعيش من بعد فرقاك
واخفي جروحي بين نفسي وذاتي

صدقني راح اقوى على البعد وانساك
والقى امل غيرك يجدد حياتي

محيت من قلبي خيالك وذكراك
مثلك حرام يكون في ذكرياتي

مـــــجــــــــبــــــور

غلاطتك اكبر من اسطورة لعذراك
صبرت لين الصبر فجر سكاتي
كم جرح اثر في تالم ونادا
ويقول لك بالله هاذي جزاتي

محيت من قلبي خيالك وذكراك
مثلك حرام يكون في ذكرياتي

مـــــجــــــــبــــــور

واصل طريقك واتبع دروب ممشاك
وانسى في يوم اني وهبتك غلاتي
وانا بعيش العمر من بعد ما انساك
وابقى معاك سنين وباقي صفاتي

محيت من قلبي خيالك وذكراك
مثلك حرام يكون في ذكرياتي

مـــــجــــــــبــــــور

**********************

بعد ماطلعت ابرار جلس لوحده ويفكر حاول ينام لاكنه ماقدر تقلب بالسرير اكثر من مرة ومافي فايدة..قال اذا طريقة اسيل بالاعتذار الغنى انا بعد برد عليها بالمثل...

متى اشوفك نظر عيني
تنور عمري وسنيني انا مالي سواك
تعبني الشوق واغناني وخلاني
مع احزاني.. تعب قلبي معاك
ياسيد الكل يا غالي يا عمري
وكل امالي.. انا كلي فداك
تدلل يا امل عمري هواي
وحبي العذري.. انا قصدي رضاك
غرامك بسمة ايامي وشوفك
اجمل احلامي.. ولا انسى هواك
انا مالي يحبونك وقلبي دوم
مجنونك.. ويلبيلك نداك
ياربي يسعد ايامك تشوف
الخير قدامك.. ويستت لك خطاك
عوذ بالله من غيابك ترجع
وتشوف احبابك.. وش مسوي غلاك

**************************

في صباح اليوم الثاني..الكل حاله متغير بعد وصول امهم امس..

سحر تجهزت عشان تروح للامتحان..هي اصلا ماذاكرت شي بسبت الي صار امس وطول الوقت تدعي ان ربي يعدي هالاختبار على خير لان لو مانجحت هالسنة بتحط الوم كله على امها لانها بنظرها هي السبب في عدم تركيزها...

كانت جالسة بغرفة الطعام وتراجع قبل لاتروح للامتحان..
دخلت ام لينة وابتسمت اول ماشافت سحر..

ام لينة وهي تجلس على الكرسي:صباح الخير
سحر وقفت يدها عن تصفح الكتاب لما سمعت صوتها بس رجعت بسرعة لمراجعتها وقالت بدون ماتناظر فيها وبدون نفس:صباح النور
ام لينة ابتسمت بالم على اسلوب بنتها معاها:بتروحين الحين؟
سحر تاففت وسكرت الكتاب:يعني انتي وش تشوفين
ام لينة وهي مبتسمة:طيب ليه سكرتي الكتاب كملي ولا خلصتي؟
سحر وهي تقوم:وانتي تخلين احد يسوي شي
ام لينة انصدمت من رد بنتها بس ماحبت تبين(ابتسمت بالم):اسفة لو ازعجتك

سحر طنشتها وطلعت وهي تتحلطم...
ام لينة سندت راسها بتعب على الطاولة..ليه سحر..سحر الي كانت اكثر وحدة تحبها وتفضلها من بناتها تسوي كذا...لاكن ان شاء الله مع الوقت راح تعقل وتتغير وترجع سحر الاولية...

**********************

طلعت برة البيت وهي متنرفزة حطت الحجاب على شعرها باهمال ولبست نظارتها...
اول ماطلعت تفاجاة بوليد قدامها ويتقدم لجهتها...سحر اشرت له يبعد لاكنه عاند وقرب لعندها...
سحر:انت شتسوي هنا؟
وليد:جاي اشوفك قبل لاتروحين للامتحان
سحر بعصبية:لا والله واذا احد شافك
وليد:ليش مضاييقك؟
سحر:أي
وليد:من متى شوفتي تضايقك؟
سحر هدت شوي..قالت بدلع وهي تمسك ثوبه من فوق:لا حبيبي شوفتك ماتضايقني بس اخاف حد يشوفك وانت عند الباب
وليد:طيب تعالي معاي
سحر بدلع:وين؟
وليد:بالسيارة..بوصلك للجماعة

سحر ابتسمت وهي تطالع سيارته الجاغوار...

سحر((الله فلة اروح بالجاغوار للجامعه عشان كل البنات الي هناك يغارو مني))

وليد:ها وش قلتي؟
سحربدلع ماصخ:اوكي

وليد ابتسم ومسكها من يدها واركبو السيارة...

**********************

قامت من النوم بكل نشاط وحيوية عكس كل يوم غسلت وجهها وخذت دش سريع...توجهت لغرفة التبديل وطالعت الملابس بحيرة ماتعرف ايش تختار..
بعد تفكير طويل لبست لها بنطلون جينز ضيق لونه اسود وبلوزة هاي نك ثقيلة من الفرو لونها بينك...طلع شكلها مرة كيوت...
توجهت للتسريحة وطالعت شكلها بالمراية بكل رضا وخصوصا انها مو حاطة ميك اب اكتفت انها تحط قلوس وردي خفيف..تركت شعرها مبلل لانه طالع حلو وطلعت..

نزلت للدور الارضي ومالقت احد..اكيد انهم راحو لاشغالهم..بس امها اكيد موجودة يعني وين بتروح...
راحت للصالة ومالقت احد..وغرفة الطعام والمجلس مافيهم احد..

ترف:ياربي لو بدورها بكل البيت بيخلص اليوم وانا مالقيتها..اوف

رفعت اقرب سماعة لعندها...
طلع لها صوت ليزا...

ليزا:صباح الخير
ترف:صباح النور
ليزا:تامري على شي؟
ترف:شفتي امي؟
ليزا:اصدك المدام
ترف وهي مالها خلق لها:أي
ليزا:أي هي هون بالمطبخ
ترف:وش تسوي بالمطبخ؟
ليزا بتردد:عم...عم تمسح الارض
ترف بصراخ:وشو؟
ليزا:انا.....
ترف قاطعتها:انتي كيف تخلين امي تسوي كذا هين انا بجي عندك الحين

سكرت الخط قبل لاتسمع رد ليزا وتوجهت للمطبخ...

ترف انصدمت من منظر امها وهي تمسح الارض...

ترف:وش قاعدة تسوين؟
ام لينة ابتسمت:صباح الخير
ترف قربت لعندها وخذت منها الممسحة بهدوء:ماما ليه تسوين كذا احنا عندنا شغالات هم الي يسوون كل الشغل
ام لينة:أي بس البيت كبير عليهم وحبيت اساعدهم
ترف وهي تسحبها معاها:هم شغلتهم كذا وانتي تعالي معاي
ام لينة:وين؟
ترف ابتسمت:بطلعك
ام لينة:وين بتوديني؟
ترف:ممم للحين ماقررت بالسيارة نشوف وين بنروح
ام لينة:لا ماله داعي
ترف:عشان خاطري...ابي اوريك الشرقية أي شرقية الا المملكة بكبرها
ام لينة:هههههههه عشان خاطرك بس

ترف ضمت امها بقوة هي محتاجة لهالحنان..بكت بحضنها من غير ماتحس...

ام لينة بحنان:بسم الله عليك وش فيك؟
ترف وهي تمسح دموعها:ولا شي
ام لينة مسحت دمعه نزلت على خدها:طيب ليه الدموع؟
ترف ماقدرت تكتم اكثر من كذا:معليه اعترف لك بشي؟
ام لينة وهي تسحبها معاها وتجلس على الكرسي بهدوء:اكيد
ترف وهي منزله راسها وتناظر يدينها:انا..انا احب زياد

حست سكوت امها طول رفعت راسها تشوف شسالفة وشافت على وجهها اكبر ابتسامه...

ترف باستغراب:ليه تبتسمين؟
ام لينة:ادري
ترف فتحت عيونها على وسعم:تدرين؟...شلون وانا توني اقول لك الحين
ام لينة:لاحظت نظراتكم لبعض امس..بس واضح فيها العتاب..ليه؟
ترف:انا وزياد..(بلعت غصتها)..كنا نحب بعض..بس صار شي وفرقنا ومستحيل نرجع نحب بعض مرة ثانية..انا احبه ..بس هو..مااظن
ام لينة:بس الواضح انه للحين يحبك والدليل الصورة الي حاطها بسيارته
ترف باستغراب:أي صورة؟
ام لينة:ماتدرين؟
ترف:لا
ام لينة:لما جاو زياد ولينة ياخذوني امس رحنا بسيارة زياد وكان معلق صورتك بالسيارة..انا اول شي استغربت ان لينة كان عادي عندها بس لما وصلت وشفت نظراتكم لبعض تاكدت انكم تحبون بعض

ترف سرحت بكلام امها معناته ان زياد مانساها زي مايقول وللحين يحبها..

ام لينة:ترف..ترف
ترف انتبهت لنفسها:هلا
ام لينة:وين سرحتي؟
ترف ابتسمت:لا ولامكان..طيب ابي اقول لك عن شي ثاني مضايقني
ام لينة:شنو؟
ترف:في شي كاتمته صارلي فترة وابي اقوله لك
ام لينة:عنك انتي وزياد؟
ترف ابتسمت:شدراك؟
ام لينة:قلب الام

ترف مسكت يد امها ودعت ربها انه مايحرمها منها..
قالت لها كل شي صار بينها وبين زياد من يوم عيد ميلادها لاخر مرة كانو فيها مع بعض...

*********************

كانت جالسة بالمكتب وتوقع اراق للشغل..تحس بطفش كل يوم نفس الروتين مايتغير..رمت القلم على الطاولة بطفش وناظرت مكتب صديقتها نجد من يوم ماسافرت للرياض وتزوجت ماعاد شافتها تحس انها مشتاقة لها بجد..

لينة:اوف..جالسة هنا لحالي كاني مجنونة بموووت من الطفش
.....:بسم الله عليك

لينة رفعت راسها بسرعة تشوف مين الي يكلمها...تفاجات وهي تشوف تركي قدامها...

لينة بصدمة:تركي؟
تركي ابتسم:زين مانسيتي اسمي
لينة:شنو تسوي هنا؟
تركي وهو يجلس:طيب قولي تفضل
لينة طالعته بصدمة:شنو جابك هنا؟
تركي باستهبال وهو يسوي نفسه يفكر:مممم..اتوقع في اختراع اسمه السيارة هي الي جابتني
لينة بدون نفس:ها ها ها بايخ
تركي:حتى وانتي تضحكين بدون نفس بعد ضحكتك تعجبني
لينة:شتبي مني؟
تركي: الحين ابيك توقعين على هالاوراق..وبعدين ابي اعرف اسمك
لينة:طيب انت جيت هنا صدفة ولا..
تركي:ولا
لينة ابتسمت بس على خفيف:ممكن اعرف شلون عرفت مكان شغلي؟
تركي:الي يسال مايضيع
لينة:وشلون سالت وانت حتى اسمي ماتعرفه
تركي قرب لعندها وحط يده على الطاولة:اقول لك سر بس ماتعلمين لاحد
لينة باستغراب:شنو؟
تركي:عندي حاسة سادسة
لينة بعد عنه:هههههه..والله دمك خفيف
تركي:للحلوين بس
لينة وهي تمسك القلب وتلعب فيه:واضح انك مغازلجي
تركي ابتسم:لا والله بس اول ماشفتك مدري وش صارلي
لينة:أي هين
تركي:وربي اقول الحقيقة
لينة:اوكي اوكي خلاص مصدقتك..عطني الاوراق خلني اوقع عليها

تركي مد لها الاوراق..
ترها كانت بتمسكها بس سحبها مرة ثانية...
لينة طالعته مستغربة...

تركي:اسمك اول
لينة:ههههههه تراك طفشتني
تركي وهو يلعب بالاوراق:والله اذا تبيني اريحك قولي لي اسمك
لينة:واذا ماقلت؟
تركي:ماراح توقعين على الاوراق
لينة ضحكت بستهزاء:انت الي بتتعطل مو انا
تركي:بلييز تكفين
لينة:اقول عطني الاوراق
تركي:وبتقولين لي
لينة:لاحول الله انت الحين عطني الاوراق بعدين يصير خير
تركي باستهبال وهو يتكلم زي الاطفال:لا انتي تضحكين علي
لينة ضحكت على طريقته بالكلام:هههههههههه وربي انت مو صاحي
تركي:انتي الي جننتيني
لينة:اوف بتعطيني الاوراق ولا لا؟
تركي:نو
لينة:خلاص يلا مع السلامة
تركي:افا والله..تطرديني
لينة رمت الاوراق بعصبية:شسوي طفشتني
تركي:هههههههههه خلاص خلاص خوذي الاوراق كله ولا زعلك

لينة خذت الاوراق منه وشافتها موقعة واصلا الاوراق هاذي مو من شغلها..

لينة بستغراب:هاذي موقعة؟
تركي ماقدر يكتم ضحكته على شكلها:ههههههههههههههه
لينة طالعته بقهر وبعصبية:وتضحك بعد يعني فوق ما انت مزعجني ومعطلني معطيني اوراق مو من اختصاصي
تركي:تعيشين وتاكلين غيرها ههههههههههههه

ماكمل ضحكته لان جات المقلمة الي على المكتب براسه...

تركي وهو يضحك:ههه اااي هههه
لينة:تستاهل
تركي بستهبال:شريرة

لينة توها ببتكلم بس تفاجات وهي تشوف فيصل قدامها..وقفت..

لينة:في... اقصد استاذ فيصل
فيصل وهو يطالع تركي:صباح الخير انسة لينة
تركي وقف وخذ معه الاوراق وقال بصوت واطي:اسمك لينة؟

لينة جمدت بمكانها مو عارفة ايش تقول وهي تشوف فيصل وتركي يناظرون بعض بنظرات حقد وكل واحد يطالع الثاني وكانه مو عاجبه...

تركي وهو يطالع فيصل من فوق لتحت:مع السلامة انسة لينة

لينة هزت راسها وهي ماتدري هو وش قال كل همها الحين فيصل وشنو بتقول له...

اول ماطلع تركي فيصل وجه نظره للينة وقال والغيرة واضحة بصوته:مين هاذا؟
لينة برتباك:ه..هاذا..هاذا..هاذا الاستاذ تركي
فيصل:لا والله.. انا ماطلبت اعرف اسمه انا ابي اعرف وش يسوي هنا ومن وين تعرفينه
لينة بسرعه:مااعرفه..هو جاي مراجع بس
فيصل:مراجع وصوت ضحكم واصل لين اخر الممر
لينة تقدمت لعنده ووقفت قدامه:صدقني فيصل مااعرفه

فيصل ناظراها بشك..

لينة:لا فيصل لا تناظرني كذا..انت تدري اني احبك
فيصل:وهو يحبك؟
لينة:طبعا لا.. مدري..شوف انا بس شفته مرتين مرة عند بيت عمي ومرة هنا بس صدقني
فيصل مسك يدها:مصدقك بس وربي انا اغار عليك ومابي احد ياخذك مني
لينة ابتسمت:لا تخاف لا تركي ولا الف غيره يقدرون ياخذوني منك..(قالت بصوت واطي)انا لك انت وبس
فيصل ابتسم:جد؟
لينة:ليش تشك؟
فيصل:طبعا لا لان انا مستحيل اخليك لغيري وانا مستحيل اكون لغيرك
لينة:توعدني ماتتخلى عني لوايش يصير
فيصل:اوعدك

**************************

كانت جالسة بالسيارة وتسمع اللاغنية الي ارسلها لها محمد وتغني معاها وهي تحس بفرحة عمرها ماحست مثلها..


متى اشوفك نظر عيني
تنور عمري وسنيني انا مالي سواك
تعبني الشوق واغناني وخلاني
مع احزاني.. تعب قلبي معاك
ياسيد الكل يا غالي يا عمري
وكل امالي.. انا كلي فداك
تدلل يا امل عمري هواي
وحبي العذري.. انا قصدي رضاك
غرامك بسمة ايامي وشوفك
اجمل احلامي.. ولا انسى هواك
انا مالي يحبونك وقلبي دوم
مجنونك.. ويلبيلك نداك
ياربي يسعد ايامك تشوف
الخير قدامك.. ويستت لك خطاك
عوذ بالله من غيابك ترجع
وتشوف احبابك.. وش مسوي غلاك

وصلت للمستشفى...كانت تمشي بالممر بتجاه غرفة محمد بس شافت شي وقفها...
اسيل ركضت للابرار وجلست جمبها...

اسيل بخوف:ابرار شفيك؟
ابرار من بين شهقات:مافيني شي
اسيل:محمد فيه شي
ابرار مسحت دموعها وحاولت تسكت بس ماقدرت:لا مافيه شي
اسيل:اجل ليه تبكين؟
ابرار حطت يدها على وجهها وبكت:مافي شي
اسيل:ابرار وربي لو ماقلتي لي الحين شفيك بروح واقول لمحمد واكيد هو يعرف شفيك
ابرار:لا لاتقولين لمحمد تكفين
اسيل باستغراب:ليه؟

ابرار طالعتها بترجي والدموع بعيونها...

اسيل:اوكي ماراح اقول له بس قوليلي وش فيك وربي انا خايفة عليك
ابرار:ماينفع اقول لك هنا
اسيل وهي تقوم:تعالي معاي
ابرار:وين؟
اسيل:اول شي امسحي دموعك وغسلي وجهك وبعدين تعالي معاي نروح عند محمد شوي وبعد كذا اوديك معاي للبيت وهناك قولي لي كل شي اوكي
ابرار:اوكي

بعد ماغسلت ابرار وجهها وهدت شوي راحت مع اسيل لغرفة محمد..

اسيل وهي وقفت عند الباب....

ابرار باستغراب:شفيك؟
اسيل:متاكدة تقدرين تدخلين للغرفة...يعني يمكن محمد يلاحظ
ابرار ابتسمت:ادخلي وشوفي مهاراتي
اسيل:ههههه أي مهارات
ابرار:بتشوفين

ابرار دفت الباب بدفاشة..

ابرار بصراخ:هاااااااااااااي
محمد طاح الجوال من يده:وعلة انشاء الله خرعتيني
ابرار:هههههههههههه
محمد رمى عليها علبة المنديل بس ماجت عليها:برة
ابرار مدت بوزها:تطردي
محمد:أي يلا برة
ابرار تخصرت:مالت عليك بس.. هاذا وانا جايبة لك مفاجاة
محمد بدون اهتمام:أي مفاجاة
ابرار:طالعني طيب
محمد:اوف شنو بتوريني يعني؟

ابتسم اول ماشاف اسيل...

ابرار:هههههههههه ها وش رايك؟
محمد:احلى مفاجاة

اسيل دخلت وهي مستغربة من ابرار كيف قادرة تمثل كذا..تضحك وتسولف عادي ولا كانها قبل شوي كانت تبكي..لو هي مكانها ماقدرت تسوي ربع الي تسويه الحين...

ابرار:بتوقفين هنا لين بكرة
اسيل انتبهت على نفسها ودخلت(قالت بهدوء):هلا
ابرار وهي تقلدها:هلا...شفيك كذا اجلسي
اسيل ابتسمت:طيب
ابرار:اخلكيم على راحتكم.. باي
اسيل بسرعة:تعالي وين؟
ابرار قربت منها:لا تخافين بروح معك للبيت بس محمد يبي يقول لك كلام كثير
اسيل:وانتي شدراك؟
ابرار:مايبيلها ذكاء يلا عاد الحين بيقوم علي وبكفخني لو ماطلعت
اسيل:ههههه طيب
ابرار بعدت عنها وقالت بصوت عالي :بااااي
محمد:لا اجلسي شوي بعد يمكن بينكم اسرار ماخلصتو
ابرار قربت من اسيل وقالت بصوت واطي:مو قلت لك
اسيل:هههههههه
محمد:خلاص مو قلتي باي يلا مع السلامة
ابرار:زين زين لا تدف انا بطلع من نفسي

اول ماطلعت ابرار اسيل لفت على محمد وقالت وهي تمثل العصبية..

اسيل:شفيك على البنت حرام عليك
محمد ابتسم:خليها تولي الحين ترجع...اشتقت لك
اسيل ابتسمت غصبن عنها:وانا بعد
محمد:زين ليش جالسة بعيد قربي شوي مااقدر اسمع صوتك
اسيل:لا والله
محمد:شنو عقاب يعني لو انا اقدر امشي كان جيت لعندك..لا كن العين بصيرة الرجل مكسورة
اسيل: ههههههه وش بتسوي يعني لو جيت لعندي
محمد بخبث:على حسب
اسيل:شقصدك؟
محمد:على حسب شوقي لك..يعني يمكن اكون مشتاق لك مرة واجي احضنك او مشتاق لك موووت واجي ابوسك
اسيل وجهها صار احمر(قالت باحراج واضح):ايش؟
محمد:ههههههههههه تدرين انك تطلعين قمر لما يصير وجهك احمر
اسيل:الظاهر انك انهبلت
محمد:من زمااان وانا مهبول..من اول يوم حبيتك فيه

اسيل وقفت بعصبيه وخذت علبة المنديل من الارض ورمتها عليه...

محمد:اااي..اسولة شفيك عورتيني
اسيل:تستاهل اجل من يوم ماحبيتني انهبلت
محمد:وانا صادق عند ربي من اول يوم عرفتك فيه وحبيتك ماادري وش صار لي
اسيل:اوكي اجل انا بطلع الحين اخاف تنجن بعد
محمد:لا لا ويين؟

اسيل طنشته وطلعت...

محمد:يووه انا وش سويت الحين كنت بقول لها انهبلت من جمالك وحلاوتك مالت علي اتفلسف على الفاضي...بغيت اكحلها قمت عميتها

اسيل اول ماطلعت شافت بسام قدامها هي ماتعرفه بس نظراته غريبة ماتدري وش قصته بس شوفته ابد ماتريحها.. تحس ان وراه سالفة...
بعدت عن جهة الغرف ووقفت قدام الاصنصير...دقت على ابرار بس ماترد على جوالها...

اسيل:اوف الاقيها منك ولا من ولد خالتك
ابرار من وراها:وش فيه ولد خالتي؟
اسيل:بسم الله.. عمى شنو هاذا لا احم ولا دستور
ابرار:ههههههههههه سوري
اسيل:يلا قومي معاي على البيت
ابرار:يلا
اسيل:شفتي الي واقف قدام غرفة محمد
ابرار بارتباك:مين؟
اسيل:واحد يهبل يطيح الطير من السما بس انا ماارتحت له
ابرار:ليه؟
اسيل:مدري كذا نظراته غريبة
ابرار بنفس الارتباك:ليه..هو سوالك شي؟
اسيل:لااا يسترجي اصلا كان قطعته..وبعدين انا ما اعرفه عشان يكلمني او يسوي لي شي
ابرار:اهاا
اسيل:يلا هاذا الاصنصير وصل

ركبو الاصنصير وراحو للسيارة...


***********************

كان يمشي بالممر ووقف على مكتبها وقال يسلم عليها قبل لا يطلع...
فيصل دخل للمكتب وشافها جالسة ورى المكتب وتشتغل على الكمبيوتر...
فيصل:ماخلصتي شغل
لينة طالعته وابتسمت:لا لسا باقي
فيصل:اساعدك
لينة:لا عادي باقي كم ورقة وبخلصهم بسرعة
فيصل:اوكي حبيبتي انا بروح الحين خلص دوامي اول ماتوصلين للبيت دقي على وطمنيني عليك طيب
لينة:اوكي

طلع فيصل من المكتب ولينة تطالع فيه لين ماراح تبي تحفظ كل شي فيه اقل التفاصل..وقفته..مشيته.حتى طوله..كل شي فيه...

لينة((عسى الله لا يحرمني منك))

حست باحد يدخل المكتب...

لينة ابتسمت((مايخلي حركاته))...رفعت راسها وتفاجات بتركي واقف قدامها..شيبي منها اسمها وعرفه..شنو باقي بعد...

تركي:شخبارك لينة؟
لينة طالعته متفاجاة:شتبي؟
تركي:جاي اسلم عليك
لينة وقفت:ليه؟
تركي:شنو حرام
لينة:اوكي الله يسلمك..الحين ممكن تطلع لان عندي شغل
تركي:مو مشكله اتفرج عليك وانتي تشتغلين
لينة:خي؟
تركي بستهبال:وش فيك خليك كول
لينة:لا والله..اذا انت فاضي انا وراي مليون شغلة وكفاية المشاكل الي سببتها لي
تركي:مشاكل؟..اي مشاكل
لينة:مالك شغل مشاكل وبس
تركي:اكيد قصدك هاذاك الي دخل لما كنت عندك..هو مديرك؟
لينة بعصبية:هاذاك الي تتكلم عنه اسمه فيصل مديري وح...

ماتدري ليه سكتت ماحبت تقول لتركي انها تحب فيصل..

تركي وهو يحط رجل على رجل:وايش؟
لينة:وبس ويلا مع السلامة
تركي:عليك اسلوب اعوذ بالله
لينة:والله اذا اسلوبي مو عاجبك ليه جالس للحين
تركي:عناااد
لينة:شنو سالفتك بالضبط؟
تركي:اذا تبين تعرفين سالفتي لازم اعزمك على الغدا او العشى
لينة:هي انت اشوفها طالت وتشمخت خير تعزمني عل الغدا او العشى
تركي:اعتبريه غداء عمل
لينة:اسفة
تركي:يعني افهم من كذا انك مو موافقة
لينة:طبعا لا
تركي:ممكن اعرف السبب
لينة:بدون ماتعرف مين انت اصلا عشان اطلع معاك
تركي:تركي بدر الراسي
لينة:والنعم شسوي لك يعني
تركي:انتي ليه تتعاملين معي كذا
لينة:لانك تلف وتدور اخلص قولي وش تبي بالضبط وفكني
تركي:مو الحين بعدين بتعرفين كل شي
قام من الكرسي:باااي

طلع وخلا لينة بحيرتها ايش ممكن يكون يبي منها...

ترف:الحين عرفتي كل شي..قوليلي شنو اسوي؟
ام لينة:مدري شنو اقول لك بس انتي غلطانه من اول
ترف بستغراب:انا؟
ام لينة:أي..لانك من اول ماواجهتيته وماعطيتيه فرصة يشرح لك
ترف:معاك حق..بس انا وقتها كنت مو شايفة شي قدامي وكنت اظن اني انخدعت فيه وانه كان طول الوقت يلعب علي
ام لينة:وهاذا الي يحس فيه الحين..يحس انك خدعتيه وماكنتي تحبينه..هو بعد غلط نفس غلطتك وماعطاك فرصة تبررين له موقفك او تشرحين له
ترف:يعني اقول له؟
ام لينة:لازم وانا بساعدك
ترف:لا مابي
ام لينة:ليه؟
ترف:كرامتي ماتسمح لي اروح له بعد الي قاله عني
ام لنية:كانت لحظة غضب وصدقيني اكيد هدى الحين
ترف وقفت:انا ماراح اروح له لو شنو اذا هو يبيني يعرف وين يلقاني
ام لينة:لاتصيرين عنيدة يابنت
ترف:مو عنيدة...بعدين انتي امي شلون ترضين علي المهانة
ام لينة:ومين قال لك ان بكذا راح تنهانين
ترف:خلاص ماما غيري الموضوع
ام لينة:على راحتك
ترف وهي ترفع سماعة التلفون:طيب انا بدق على ليزا عشان تجيب عبايتي وعبايتك عشان نطلع اوكي

حطت السماعة على اذنها بعد ما ضربت ارقامه..انتظرت الرد بس امها بدت تكح وخافت عليها..ماتدري ليه حست انها بتفقدها وهاذا الي ماتبيه.. بعد مالقت احد تجلس معه وتفضفض له ويعطيها الحنان الي طول عمرها فاقدته يروح منها..مستحيل...حطت السماعة على الطاولة وراحت لها...

ترف:بسم الله عليك شفيك؟
ام لينة وهي تبتسم:لا..كح كح..عادي.كح كح
ترف بخوف:طيب ليه تكحين كذا..اوديك المستشفى؟
ام لينة:لا عادي بس انا مزكمة شوي تعرفين شتى وبرد

ترف ارتاحت شوي من كلام امها طبيعي يمرض الانسان بالشتى...

ترف بهدوء:اوكي

راحت للسامعه..مسكينة ليزا صار لها ساعه على التلفون...

*********************

طلعت من مبنى الجامعه وعلى وجهها ابتسامة جذابة وجمبها صديقتها مرام...
سحر شافت سيارة وليد الي قاعد ياشر لها....

سحر بدلع:اوكي مرام اشوفك بكرة
مرام وعيونها ماطاحت من وليد وسيارته:اوكي

مشت سحر وهي ميته ضحك على شكل مرام...اكيد الحين بتموت من الغيرة...
دخلت للسيارة وشافت مرام واقفة وفاهية..ضحكت بدلع..

وليد ابتسم على ضحكتها:شفيك؟
سحر:هههه لا..ولاشي(باسته من خده)كيفك حبيبي؟
وليد مسك خده الي باسته سحر وهو مستغرب حركتها(قال بهدوء):تمام
سحر ضحكت على شكله:هههههه شفيك؟
وليد:ها...لا..ولاشي
سحر:طيب اتحرك ليه واقف؟
وليد انتبه لنفسه:أي..صح
سحر:هههههههههههه

شغل السيارة وراح..

مرام وقفت مصدومة هي تعرف ان سحر جريئة وتكلم وتطلع مع شباب بس عمرها ماتوقعت جرئتها توصل لين انها تخلي خويها ياخذها من قدام باب الجامعه لا وتبوسه بعد...

************************

كان جالس بمكتبه ويقرا اوراق مناقصة جديدة لما دخل عليه السكرتير..

السكرتير:استاذ زياد
زياد رفع راسه:نعم
السكرتير:طال عمرك في شخص يبي يشوفك
زياد:مين؟

دخلت وحدة للمكتب..وحدة زياد يعرفها عدل ومستحيل ينسى ملامحها..

زياد وقف:انتي؟
بتول ببتسامة شيطانية:شخبارك زياد؟
زياد:شتبين جاية هنا؟

السكرتير حس ان الجو متوتر وان ماله لزمه هنا قرر ان ينسحب...
اول ماطلع السكرتير راح زياد لها ووقف قدامها..

زياد بعصبية:خير؟
بتول وهي تجلس:على الاقل قول لي اتفضلي..انت ليش مو ذرب زي ابوك؟
زياد باستغراب:ابوي؟
بتول:ايوه..ابوك ليه ماتعرف ان انا وابوك بينا بزنس
زياد:أي بزنس هاذا الي بينك وبين ابوي
بتول:شراكة
زياد بستهزاء:شراكة وانتي ماعندك الا قمل ثيابك(ضحك بستهزاء)
بتول وقفت بعصبية:عن الغلط...لاتنسى انك كنت بتحفي عشان اناظر فيك بس
زياد وهو يتوجه لكرسيه:ههههههههههه انا..انا احفي عشان وحدة (قال وهو ياشر عليها بستهزاء)مثلك..اخاف تقصدين احد ثاني بس

بتول مسكت اعصابها ماتبي تنفعل اكثر من كذا عشان ماتخرب خطتها...
جلست على الكرسي مرة ثانية...

بتول بهدوء:زياد شفيك علي (قالت ببراءة مصطنعة)انا شنو سويت لك عشان تعاملني كذا؟
زياد ناظرها بصدمة:شنو سويتي؟...قولي شنو ماسويتي..دمرتيني من قبل والحين فرقتيني عن ترف ودمرتيني ودمرتيها..حتى سامي ماسلم منك...انتي شنو تبين بالضبط...ليه تسوين كذا؟

قامت من كرسيها وراحت لعنده ووقفت قدامه...

بتول:لاني احبك ومابيك تكون لغيري
زياد:تحبيني؟...انتي تحبين
بتول:صدقني يازياد عمري ماحبيت احد غيرك
زياد:والي يحب يدمر الي يحبه؟
بتول:انا ماسويت فيك شي..كل شي سويته في هاذي الي اسمها ترف وصديقك سامي
زياد:وانا احب ترف
بتول حطت يدها على كتفه:انت تحبني انا انت تدري وانا ادري لا تحاول تكابر
زياد بعدها عنه:انتي صفحة وطويتها من حياتي ولا يمكن ارجع لها
بتول:لا زياد لا تقول كذا
زياد توجه للباب وفتحه:شرفتينا

بتول راحت لعنده وسكرت الباب...

قالت وهي تلعب بكم الثوب من فوق:شدعوة زياد..نسيت ايام بيروت..ايام الدراسة لما كنا نروح للجبل ونلعب بالثلج..والصور..معقولة نسيت كل هاذا

زياد بلع ريقه من التوتر وهو يحس بحراره بكل جسمه من قربها وريحة عطرها الجذابة الي مالية المكان..

زياد بهدوء:انا قلبي ماعاد لك.قلبي ملك لترف وبس

بعدت عنه بعصبية...

بتول بصراخ:انا ابي اعرف انت وش لاقي بهترف هاذي...جمال وعندي دلع وعندي..حتى الحب قولي وش لقيت فيها مو عندي؟
زياد:عمرك ماراح تفهمين
بتول:اوكي خذني على قد عقلي وفهمني
زياد:انا اقول لك احب ترف تقولين وش لاقي فيها..تدرين وش لقيت فيها احسن منك
بتول:شنو؟
زياد:مو الجمال او الدلع على قولتك الي يجذبوني.. لو كانت ملكة جمال مايهمني انا الي يهمني الجوهر يا بتول..انا لقيت بترف اشياء كثيرة مو موجودة فيك
بتول:عشان كذا تركتني؟عشان وحدة تافههة مافيها زود وتقول لي الجوهر..بلا جوهر بلا زفت
زياد:احترمي نفسك وبعدين انا ماتركتك عشان ترف
بتول:اجل عشان ايش انشاء الله؟
زياد:انتي الي ضيعتيني من يدك..ولا نسيتي
بتول قربت منه:زياد تكفى وربي كانت غلطة...(قالت بهدوء)انا احبك
زياد:بسك كذب عاد تراني طفشت منك..اطلعي من حياتي خلاص
بتول:ادري ان هالكلام من ورى قلبك..ولا انت ودك تشوفني قدامك كل يوم
زياد:انتي الظاهر ماتفهمين...خلاص روحي ياشيخة ليه ترخصين نفسك لواحد مايبيك
بتول:لا تبيني
زياد بقلة صبر:استغفر الله..بتول افهميني..اذكر لما كنا ببيروت انتي بنفسك الي انهيتي علاقتنا ولا انا غلطان
بتول:اعتبرها طيش..هبال...اي شي
زياد:هاذي مالها الا اسم واحد..خيانة
بتول ابتسمت بتوتر:لا تكبر السالفة شدعوة خيانة
زياد:اجل شنو تسمين اني اشوفك مع صديقي ب... ولا ماله داعي ولما واجهتك بالسالفة..تذكرين وش قلتي لي...قلتي لي احبه صح ولا لا
بتول:وقتها كنت.....
زياد فتح الباب:مابي اسمع شي...مع السلامة

بتول طالعته بعصبية مافي فايدة مهما سوت ماراح ينفع..بس وين بيروح وراه وراه لين تدفعه الثمن...طلعت من المكتب بكل عصبية..وقفها صوت زياد...

زياد:بتول

لفت عليه وهي مبتسمة...

بتول:كنت عارفة انك....

سكتت لما شافته راح للمكتب واخذ شنطتها ومدها لها...

زياد بستهزاء:لا تضيعين شنطتك كفاية عليك ضيعتي عذريتك

سحبت الشنطة بقوة وقالت وهي متنرفزة..

بتول:بتندم صدقني بتندم
زياد ببرود:اكثر من كذا...ما اظن

طالعته بحقد وتوجهت للاصنصير والعصبية باينة عليها...

زياد بصوت عالي:مع السلامة

بتول طنشته ودخلت الاصنصير...
اول ماسكر باب الاصنصير..سكر باب مكتبه بكل قوة...صار يمشي بالمكتب وهو مقهور..اي شي قدامه يرميه بدون تفكير..اوراق..ملفات.اقلام..اي شي وبس اهم شي يطلع قهره من هالحقيرة بتول...

***************************

سحر:يوووه وليد شلون تبيني اشوفها..يعني اذا شفتها شنو بقول لها خوية ولدك؟
وليد:لا قولي لها حبيبة ولدك وزوجة المسقبل

سحر ابتسمت...

وليد:ها ايش قلتي؟
سحر:اوكي
وليد:شرايك اليوم
سحر:اليوم؟
وليد:أي شنو وراك
سحر:ممم..مدري عندي اختبار بعد بكرة
وليد:يووه سحر يعني شنو بتسوين بالشهادة(قال بخبث)مردك لي
سحر ابتسمت:اوكي
وليد:يعني خلاص

سحر هزت راسها بالموافقة...

وليد ابتسم:فديتك والله سحورة
سحر:وليد شنو سحورة انا سوسو
وليد:سوري فديتك يا احلى سوسو

**********************

وصلو للبيت...

ابرار وهي تطالع القصر باعجاب:واااو اسيل بيتكم يهبل..اي بيت الا قصر
اسيل:بلاك ماشفتي قصر عمي
ابرار طالعتها:احلى من قصركم؟
اسيل:قصرنا على قولتك مايجي اصغر ملحق عنده
ابرار:شدعوة اذا كذا اصغر ملحق اجل القصر شنو كبره
اسيل بحسرة:خليني ساكته بس..امشي معي

دخلو للقصر وكان فاضي كالعادة كل واحد لاهي بنفسه...

ابرار:وين اهلك؟
اسيل:مدري تلقين كل واحد طالع ولا بغرفته مدري عنهم
ابرار:طيب وين نجلس؟
اسيل:تعالي غرفتي احسن
ابرار:اوكي

اتجهو للاصنصير لانه اسرع وهم مالهم خلق يركبون الدرج ويتعبون..
وصلو لجناح اسيل الي كان لونه سماوي واصفر...

ابرار:واااو غرفتك حلوة
اسيل:اشفيك انتي كنك متخرعة كل ماشفتي شي قلتي واو هاذا وانتو ساكنين بفيلا
ابرار:أي بس فيلتنا ماتجي ربع قصركم
اسيل:اذكري الله لا يطيح علينا البيت
ابرار:هههههههه لاتخافين عيوني باردة
اسيل:اجلسي بس

ابرار جلست على الكنب الي بغرفة اسيل وقعدت تطالع الغرفة بتمعن وشافت العود...

ابرار طالعت اسيل:تعرفين تعزفين على العود؟
اسيل:يووه عود وقيتار وبيانو وكل الي تبينه
ابرار:ماشاء الله يعني متعددة المواهب
اسيل:عليك نور
ابرار:مين علمك كل هاذا؟
اسيل طالعت يدينها الي بحضنها وقالت بالم:لما كنت صغيرة كنت دايم اجلس مع ابوي وكان هو يعزف وانا اسمع ولما كبرت صرت احب اعزف احب الات الموسيقية بكل انواعها..ولما كنا نروح لبيروت كنت اروح لمعهد الموسيقى واتعلم...كبرت وكبر حب العزف معاي
ابرار:طيب انا بس اشوف عندك العود والقيتار
اسيل رفعت راسها:تبين تشوفين الباقي؟
ابرار:ياليت
اسيل قامت وسحبت ابرار من يدها:تعالي

راحت ابرار مع اسيل لغرفة الموسيقى الي بجناحها وشافت هناك انواع كثيرة من الات..ماصدقت نفسها وهي تشوف معشوقها قدامها..

تقدمت للقانون الي بالغرفة وابتسمت..

ابرار:معليه اجرب
اسيل:اكيد

((ابرار))

جلست على اقرب كرسي لعند القانون وبديت اعزف..حسيت الروح ردت لي اول ما عزفت عليه وسمعت صوت اوتاره والحانه..طول عمري وانا احب القانون كان هو صديقي الوحيد لما كنت صغيرة..اشكي له همومي وابوح له عن مشاعري..كان عندي واحد في بيتنا بس لما تركني بسام انهرت وكسرته ومن يومها ماشريت واحد ثاني..واليوم لما شفته عند اسيل حسيت بفرحة مو طبيعية..جد اشتقت له...

خلصت العزف واسيل تقدمت لها وهي تصفق...

اسيل:والله برافو ماتوقعتك تعرفين تعزفين على القانون
ابرار وهي تبتسم:مشكورة..طيب انتي اعزفي عليه سمعيني عزفك شوي
اسيل:للاسف شفتي كل هالات اعرف اعزف عليهم كلهم الا هالعلة معلق معي..احسهه صعب
ابرار:ههههههه مو مشكلة اعلمك
اسيل:جد يلا

جلسو مع بعض يعزفون ويغنون ارتاحو حق بعض مرة وكانهم يعرفون بعض من سنيني مو من كم شهر.. كل وحدة حكت للثانية عن الي بداخلها وماخبت شي...
ابرار قالت لها كل شي عن بسام وعن محمد..واسيل قالت لها عن خواتها وعن امها وابوها حتى عن عمها...ارتاحو لبعض بشكل ما يتصوره احد...

**********************

باليل...
كانو زياد وسامي جالسين بالشاليهات حق زياد والجو كان بارد ...جالسين حول النار والبحر قدامهم...كانت القعدة خيااال تحت نور القمر...

سامي:جد حقيرة وربي لو هي قدامي كان حذفتها بالنار الحين
زياد:هههههههه
سامي:جد مقهور منها عمري ما انسى حركتها البايخة بس ما اخليها وانا سامي ولد امي وابوي
زياد:اقول لايكثر مسويلي فيها(وهو يقلد طريقته)ما اخليها وانا سامي ولد امي وابوي..ياحبيبي هاذي حية عقرب ماينفع معاها هالكلام
سامي:يعني بتسكت لها؟
زياد:لا طبعا
سامي:اجل وش بتسوي؟
زياد:بعد ما ادري
سامي:تبي رايي
زياد وهو يشرب الكوفي:قول
سامي:ارسل لها احد يذبحها ولا يشوه وجهها
زياد غص بالكوفي:كح كح هههههههههههه
سامي:ههههه ليش تضحك؟
زياد:ههههههههه عليك تفكير هههههههه جد مجرم
سامي:هههههههه شسوي مقهور منها
زياد:بس بس غير السافة الحين تطب علينا
سامي:وانت الصادق..بس شنو تتوقع البزنس الي بينها وبين ابوك؟
زياد:ولاشي هاذي وحدة نصابة مسوية هالفلم ومخترعة سالفة البزنس عشان تجي تشوفني وبس
سامي:ياهووو مقدر على الواثق
زياد:ههههههههههه انطم بس
سامي طالعه وقال بستهبال:كانك سبينتي
زياد:احلف بس..اشرب الكوفي بس لا يبرد

*********************

خلصت من اللبس ورن جوالها...ابتسمت وهي تشوف رقمه...

سحر:هلا حياتي
وليد:جاهزة قلبي؟
سحر:أي بس باقي البس عبايتي واجيك
وليد بخبث:بتركبين معي طبعا
سحر:هههههههه لا
وليد:ليه؟
سحر:بروح مع السواق وانت الحقني كفاية ركبت معك الصبح مرتين بعد
وليد:بل عادتهم
سحر:ههههههههه لا بس اذكرك يعني
وليد:طيب حبيبتي اخليك تجهزين
سحر:وليد
وليد:عيون وقلب وروح وحيات وليد انتي..امري
سحر:ههههههههه مايامر عليك عدو بس كنت بسالك مين بيجي غير امك؟
وليد:امي واختي بس
سحر:انت عندك خوات؟
وليد:وحدة بس اسمها هاجر
سحر:عاشت الاسامي..اكيد حلوة مثل اخوها
وليد:مو احلى منك يا عمري..انتي قمرهم كلهم مااظن وحدة تجي ربع جمالك
سحر:ههههههههه خلاص ترى استحي
وليد:فدييت الي يستحي
سحر:هم معاك الحين؟
وليد:أي
سحر باحراج:وانت تكلمني كذا قدامهم؟
وليد:وش فيها يعني حبيبتي واغازلها فيها شي
سحر صار وجهها احمر قالت بدلع :وليييد خلاااص
وليد:ههههههه تامرين امر..اخليك الحين تتجهزين اوكي
سحر:اوكي باي

سكرت الخط وحطت الجوال على قلبها الي يدق لكل كلمة يقولها وكل همسة ينطقها بشفايفه..تحبه بكل مافيها ماقد حبت شخص غيره ولا راح تحب..ماتتخيل كيف كانت حياتها تافهة بدونه..من يوم ماحبته حياتها كلها تغيرت..كل الي تتمناه انها ماتنحرم منه ابد وانه يبقى قدام عينها طول العمر...

**************************

بالحديقة كانت ترف تلعب بالقطوة مع امها..صارت طول وقتها تجلس مع امها ماتبي تفارقها ولا لحظة..تبي تحفظ كل شي فيها ماتبي تفقد الحنان الي تحس فيه بكل لحظة تقعد فيها مع امها...

ترف:هههههههه شفيك ترى ماراح تاكلك
ام لينة بخوف:لا بعديها عني ما احب القطاوة
ترف رفعت القطوة وباستها:حرام عليك وربي تجنن
ام لينة:يع بلا قرف شلون تبوسينها كذا؟
ترف:ههههههههه طيب عشان خاطري شيليها شوي
ام لينة:لا مستحيل
ترف:ياخوافة ههههههههههه

انفتح الباب وطلعت سحر..طالعت فيهم كيف مبسوطين تتمنى لو تقدر تفرح مثلهم وتجلس معهم...ابعدت هالافكار من راسها وكملت طريقها للباب..
وقفها صوت امها..

ام لينة:سحر
سحر وقفت وقالت بدون اتطالع فيها:خير
ام لينة:وين بتروحين؟
سحر لفت عليها:طالهة عندك مانع
ام لينة:وين؟
سحر:ليه تسالين؟
ام لينة:ايش ليه اسال من حقي اعرف وين رايحة ومن وين جاية
سحر تكتفت:وباي حق تسالين؟
ترف:ماما سحر ماتحب احد يسالها وين رايحة ومن وين جاية..خليها على كيفها
ام لينة:لامو على كيفها..انا امها ولازم اعرف اجل بنت تطلع من البيت الساعة 8 قوليلي متى بترجع بالله
سحر:بروح المطعم اوكي
ام لينة:ومتى بترجعين؟
سحر بدون نفس:مدري
ام لينة:قبل الساعة 10 تكونين بالبيت
سحر تخصرت:نعم؟
ام لينة بحدة:نعم الله عليك
سحر بنرفزة:اوكي

حطت الحجاب على راسها وطلعت...

ترف طالعت بامها كيف خلت سحر تطيع اوامرها وسحر معروف انها عنيدة ومستحيل تسمع كلام احد..ابتسمت لما شافت امها تطالعها وبعدت نظراتها عنها...

**********************

اول ماركبت السيارة ابتسمت وهي تتذكر امها كيف كانت معصبة واكيد كانت خايفة عليها لانها طالعه بوقت متاخر بالنسبة لبنت ولوحدها...حلو يكون عندك احد يخاف عليك ويسالك وين رايحة ووين جاية واذا تاخرتي يخاف عليك..هاذا الشي الي طول عمرها كانت محرومة منه حتى لينة ماكانت تسالها وين رايحة ومن وين جاية عشان لا تضايقها..بس هي كانت محتاجة لهاذا الشي مع ان كل صديقاتها كانو يحسدونها على الحرية الي معطتها لها لينة ودايم كانو يشتكون من اهلهم لانهم مايخلونهم يطلعون ويدخلون على راحتهم..حمدت ربها انه رجع لها امها تحس انها فرحانة لانها معهم بالبيت ولو انها ماتبين هاذا الشي بس على الاقل تحس فيه...

*************************


ابرار وهي تطالع الساعة الي معقلة بغرفة اسيل:يوووه تاخر الوقت
اسيل:أي تاخر تو الناس
ابرار:من متى وانا عندك طولت..احس اني مصختها يمكن اهلك يبغونك وانا معطلتك عنهم
اسيل:استريحي بس..خلك معي تكفين
ابرار:مرة جاية ان شاء الله
اسيل:طيب نامي هنا..دقي على اهلك وقولي لهم
ابرار:لا مدري شلون... خليها مرة ثانية
اسيل بياس:على راحتك
ابرار وهي توقف:اقول اسيل
اسيل:هلا
ابرار:ابي اشوف امك
اسيل:عاد وين تلقينها الحين
ابرار:معليه بطريقنا اذا شفناها كان بها ماشفناها اجل مرة ثانية
اسيل:اوكي

طلعو من الجناح وراحو للاصنصير...

اسيل:تدرين عاد انا قاهرني هالبسام هاذا صحيح انه حلو بس اخلاقه زفت
ابرار:لا عاد يمكن يكون صادق
اسيل طالعت فيها بستغراب:وانتي هبلة تصدقينه...ليكون بتصدقينه؟
ابرار بسرعة:لا لا..بس اقول يعني الظليمة شينة
اسيل:اقول امشي بس وصلنا

مشت ابرار مع اسيل وهي سرحانة ببسام وبلي صار بينهم..ماتدري تصدق قلبها الي يبيه ويحبه ولا تصدق عقلها الي مستحيل يصدقه ويرضى انه يرجع له...

طلعو للحديقو لقو ترف وامها هناك...

اسيل:شفتي حضك الحلو
ابرار انتبهت لها:ها؟
اسيل:اقول شكلك انتي منسمة اليوم..اقول لك شوفي امي هناك مع ترف
ابرار:والله يلا نسلم عليهم

راحو لجهت ترف وام لينة..

اسيل بصراخ:ندووي ترووف
ابرار:اسيل شلون تنادين امك كذا؟
اسيل:عادي امي فري
ترف:هي انتي شنو ندوي قولي ماما
اسيل:اقول انطمي انتي يالماصخة(وهي تقلد طريقة ترف بالكلام)ماما..الناس يقولون يمى
ترف:هاذا انتي تعرفين تقولينها ليه تقولين ندوي؟
اسيل وهي تحط اصبعها على راسها:كيفي
ترف:لا مو بكيفك
ام لينة طالعت ابرار..مدت لها يدها وهي مبتسمة:شخبارك؟

ابرار ابسمت شكلها حبوبة..في ناس كذا اول ماتشوفهم يدخلون قلبك وناس اول ماتشوفهم ماترتاح لهم...

ابرار مدت يدها:الحمد الله وانتي خالتي شخبارك؟
ام لينة ابتسمت:بخير دامك بخير
ابرار:تسليمن خالتي
اسيل:اقووول مسوية فيها ام السنع
ابرار:شفيك انتي لازم احترم الي اكبر مني(طالعت ام لينة وابتسمت) صح خالتي
ام لينة:هههههه صح
اسيل:ابرار تعالي شوي ابغاك
ابرار راحت معاها:شفيك؟
اسيل:انتي بتروحين البيت ولا عند محمد؟
ابرار:مدري يمكن اروح لمحمد شوي لانه بيطلع اليوم
اسيل ضربت راسها:أي صح نسيت
ابرار:عاد انا السنعه مانسيت
اسيل:اقول تلايطي
ابرار:بتجين معي؟
اسيل:طيب لحظة اجيب عبايتي
ابرار:ماراح تستاذنين من امك؟
اسيل:يوووه ليه بعد؟
ابرار:شنو ليه بعد مو امك هاذي
اسيل:طيب طيب لا تسندريني

راحت لامها ووقفت قدامها...

اسيل:ندوي
ترف:انتي ماتفهمين
ام لينة:هلا اسيل وش تبين؟
اسيل:شفتي السناعة شلون...بطلع مع ابرار
ام لينة:وين؟
اسيل:بروح اوصلها تدرين يعني مايصير بنت تروح لحالها مع السواق بهاذا الوقت عيب لازم معاها محرم
ترف:ايوه قلتيلي محرم
اسيل خزتها:جب انتي
ام لينة:معاكحق روحي وصليها
ترف:من صجك تصدقينها هاذي نصابة
اسيل:شتبين انتي

تركتها وراحت تجيب عبايتها وراحت معاها ابرار...

ترف:لا تصدقينها انتي ماتعرفينها كثري اكيد وراها سالفة
ام لينة:ادري عنها خليها على كيفها
ترف:بعدين قولو ليه بناتنا يضيعون من دلعكم الزايد..اذا صاعت اسيل اكثر من ماهي صايعة طبعا لا تلومينها اعرفي انه من دلعك انتي ولينة
ام لينة:ههههههههه شفيك معصبة؟
ترف:مو معصبة بس مقهورة كلهم يطلعون الا انا جالسة هنا من بدت الاجازة ماتهنيت فيها ولا طلعت طلعة عدلة
ام لينة:ولا تزعلين بكرة نطلع
ترف بحماس:جد؟
ام لينة ابتسمت:أي جد
ترف:وين؟
ام لينة:أي مكان تبينه
ترف ضمتها:الله يخليك لي
ام لينة ابتسمت:كح كح
ترف رفعت راسها:شفيك ماما؟
ام لينة:كح كح طولنا برة وانا تعبانة كح كح
ترف:صح انتي تعبانة والجو بارد..يلا ندخل

ساعدت امها عشان تقوم ودخلو لداخل البيت...

**********************

سارة:انا قلت لك ابي جناح مو غرفة عادية
بسام:كل هاذا ومو عاجبك
سارة:أي مو عاجبني
بسام:اقول احمدي ربك انا دفعت لك ثمن الغرفة لجل العشرة بس ولا انا مو مجبور ادفع لك لاني مطلقك
سارة:انا ابي الجناح حق ولدك عشان يرتاح مو عشاني
بسام:تستهبلين انتي ولدي ماكمل اسبوع بالله وش دراه اذا قعد في جناح ولا بغرفة عادية على قولتك
سارة:اوف وش ذا البخل الي عليك
بسام:انا مو بخيل وبعدين انتي مين عشان اكلف نفسي عشانك
سارة:ام عيالك
بسام:وطلقيتي وكان يوم اسود لما خذتك
سارة:وع يعني انا الي كنت ميته عليك

بسام طلع من الغرفة وهو معصب دايم تنرفزه يعني فوق ماانها مطلقة وهو مكلف نفسه ودافع لها تقعد وتتشرط...
شاف ابرار جايه ومعها اسيل ابتسم لما التقت عيونهم ببعض..هي الشخص الوحيد الي يقدر يطلعه من همه..حتى لو ما تكلم معاها بس اهم شي يشوفها...

ابرار توترت ودق قلبها لما شافته يبتسم..

ابرار بصوت واطي:اسيل شوفيه يبتسم بالذمه مايهبل
اسيل طالعتها بقرف:انقلعي عني لا اشوتك
ابرار:يوووه شفيك علي؟
اسيل بانفعال:فوق كل الي سواه لك تقولين(وهي تقلدها) شوفيه يبتسم بالذمه مايهبل..وخير ياطير يبتسم يعني مين الي قاعد يبتسم (طالعتها وشافتها تبتسم) (اسيل بحدة)..لا تبتسمين
ابرار طالعتها:ليه؟
اسيل:هاذي الي بتذبحني
ابرار كشرت:كذا زين؟
اسيل:أي

ابرار مدت بوزها زي الاطفال ومشت معاها لغرفة محمد..وعيونها ماطاحت عن عيون بسام...

بسام((ههههههه يالبي عليها تجنن))

اسيل طالعت بسام بنظرات حقد خلته ينزل عينه من على ابرار...

اسيل:ايوه كذا اوكي

ابرار دزتها عشان تسكت...

اسيل:يووه زين لا تدفين
ابرار بصوت واطي:اسييل..خلااص
اسيل:طيب طيب

دخلو الغرفة وبسام ظل واقف ويضحك عليهم..يشبهون بعض نفس الخبال والهبال...

**********************

لينة:يعني عادي لو جيت الحين؟
فيصل:اكيد هاذي الساعة المباركة الي تجين فيها عندنا
لينة:طيب خلاص اسال امك وردعلي
فيصل:امي موافقة وتبي تشوفك اليوم قبل بكرة
لينة:امك بس؟
فيصل:امي مشتاقة لك وولدها مشتاق لك اكثر
لينة ابتسمت:طيب اجل نص ساعة واكون عندكم
فيصل:انتظرك

سكرت من فيصل وطالعت نفسها بالمراية...

لينة:انا من صجي بروح..فشلة ايش بتقول عني امه ماصدقت قالي تعالي الا جيت على طول..اوف..اروح اسال امي يمكن تساعدني


وقفت عند الباب..

لينة:لا انا بعد شنو اقول لها..بروح ازور ام حبيبي ما يصير بعد

قعدت على الكرسي الهزاز بغرفتها..صارت تلعب بشعرها وتفكر..

لينة:يوه عاد انا قلت له بجي مايصير اكشت فيه بعد

سحبت عبايتها من الدرج ونزلت بالاصنصير...

لقت امها وترف بالصالة..ابتسمت على اشكالهم وان ترف اندمجت مع امها وتعودت عليها...حطت عبايتها على الطاولة وراحت لعندهم...

لينة ببتسامة:مساء الخير
الكل:مساء النور
لينة وهي تبوس راس امها:شخبارك يمى؟
ام لينة:بخير دامك بخير
ترف:ياسلام وانا ليه ماتسلمين علي
لينة ابتسمت..قربت لها وشدت خدودها بقوة:انتي قمرهم كلهم
ترف:ااي عورتيني
لينة باستها من خدها:شخبار الحلو اليوم؟
ترف لزقت بامها:بخير دام ماما جمبي
ام لينة:تسلمين
لينة:الله يخليكم لبعض..بس انا يعني خلاص راحت علي
ترف راحت لها وضمتها:ولو انتي ليون حبيبة قلبي
لينة:هههههه فديتك والله...روحي لماما بعدين تزعل
ام لينة:لا شدعوة
ترف رجعت لامها:اصلا ماما ما تقدر تزعل مني لانها تحبني(طالعت امها ببراءة)صح ماما؟
ام لينة ابتسمت على براءتها:صح
لينة بتردد:يمى
ام لينة:هلا
لينة بنفس التردد:مم..معليه اطلع شوي
ترف بصراخ:لاا مايصير كذا وربي ظلم
ام لينة:وين بتروحين؟
لينة:بروح للمستشفى عند وحدة من صديقاتي

حست بالندم لانها كذبت على امها بس شتسوي هاذا الحل الوحيد عشان تشوف فيصل...

ام لينة:بتتاخرين؟
لينة:لا ساعة بس او اقل
ام لينة:طيب روحي بس لا تتاخرين
لينة ابتسمت وباست راس امها:ان شاء الله

اول ما طلعت لينة ترف ناظرت امها بعصبية..

ترف:ماما مايصير كذا الحين كلهم راحو وانا لحالي بالبيت
ام لينة:وانا وين رحت؟
ترف:انتي بقلبي بس انا ابي اطلع
ام لينة:طيب قلت لك بكرة
ترف بياس:طيب

جلست تطالع التلفزيون وهي منقهرة كل وحدة من خواتها طلعت وهي ظلت بالبيت...وام لينة كل شوي تطالعها وتضحك عليها واضح انها منقهرة...

*********************

الساعة 11 والكل رجع للبيت الا سحر...ترف وامها جالسين بالصالة وينتظرونها...

ترف وهي تتثاوب:انا قايلة لك لازم تتاخر ماتخلي حركاتها
ام لينة:انا قيلة لها قبل 10 تكونين بالبيت والحين الساعة 11
ترف:ابي انام
ام لينة:روحي حبيبتي من الصبح وانتي قايمة
ترف:لا بجلس معك
ام لينة:لاحبيبتي روحي نامي وانا بنتظرها
ترف:اوكي تصبحين على خير
ام لينة:وانتي من اهله

جلست ام لىينة تدور بالصالة بدون هدف خايفة على بنتها واكيد هي ولا على بالها...
مر وقت طويل وهي تدور شغلت التلفزيون يمكن تضيع الوقت...

دخلت سحر للبيت وكانت الساعة 1 دخلت وسمعت صوت التلفزيون بالصالة..دخلت للصالة وشافت امها نايمة على الكنب..ابتسمت على شكلها..نايمة تنتظرها وخايفة عليها..حست بالندم لانها تعمدت تتاخر بس عشانها قالت لها لاتتاخرين...

سحر بصوت واطي:اقومها ولا لا...حرام اخليها كذا وانا السبب

هزتها على خفيف عشان تقوم..

سحر بحنان اول مرة تكلم احد بهالهجة حتى وليد ماتكلمه كذا:ماما...ماما
ام لينة فتحت عيونها بتعب:سحر؟
سحر ابتسمت:قومي نامي بالغرفة
ام لينة قامت من مكانها:ليه تاخرتي؟
سحر:اسفة(عضت شفايفها..كيف تعتذر..بس مهما يكون هاذي امها)
ام لينة ابستمت:تعشيتي عدل؟
سحر ابتسمت لانها تسالها:أي..وانتي؟
ام لينة:أي الحمد الله...يلا حبيبتي روحي نامي
سحر:طيب تعالي معاي
ام لينة:زين بسكر التلفزوين وبروح انام
سحر:اوكي

راحت للاصنصير وام لينة ظلت تطالعها وهي مبتسمة...

***************************

في الصباح...

تقلبت على السرير وهي تسمع صوت الجوال..انتبهت على النغمة..

ايام حلوة كانت ايام حبك
كنت في روحي تسري
كنت بجنون احبك

قامت بسرعة من السرير ورمت الفراش تبي تلحق عليه قبل لايسكر..صقعد رجلها بالطاولة..تجمعت الدموع بعيونها من الالم..من غير ماتحس ضغطت على زر المكالمة...

ترف بطفولة:اااي..وجع انشاء الله الله ياخذك

زياد سكت واستغرب مين قاعده تكلم..

ترف انتبهت للجوال..ضربت راسها بعفوية على غبائها..كيف تخليه هالمدة على التلفون..

ترف بتوتر:الو

زياد سكت ماعرف ايش يقول اصلا هو من اول مايدري ليه دق عليها...

ترف باستغراب:الو...الو

زياد ندم لانه دق عليها..هي خاينة ولازم مايفكر حتى مجرد تفكير يعطيها فرصة ثانية او ينسى الي صار..قرر يسكر السماعة بس بعد مو عدلة يدق عليها وبعدين يسكر بوجهها...

زياد بجفاء:اسف غلطت بالرقم

ترف حست بالم بقلبها..حسته ينطعن من كلمته..تجمعت الدموع بعيونها بس مستحيل تنزلها..

قالت بالم وصوت هادي:باي

حس ان حركته بايخة كان يبي يعتذر لها بس سكرت الخط...

رمى الجوال بعصبية...

زياد:انا الغبي ليه ادق عليها

((زياد))

لو بيدي مادقيت بس شسوي بهالقلب الي مو طايع ينساها..بكل لحظة يتذكرها ويشتاق لها..جد اني **** وما اتعلم ابد...

رن جواله..رفعه بسرعة يمكن تكون ترف..

زياد:الو
سامي:هلا زياد انت وينك؟
زياد:بالشركة ليش؟
سامي:الحق تعال لعندي بسرعة
زياد:شسالفة؟
ساي:انت تعال وبعدين يصير خير
زياد:وينك انت؟
سامي:انا عند......
زياد: شعندك هناك؟... هههههههه.. زين دقايق واجيك..باي

سكر منه وركب للسيارته وهو يفكر وشو ممكن يكون الشي الي سامي يبي يوريه اياه...

********************

البـــارت الـــ 12


سكر منه وركب للسيارته وهو يفكر وشو ممكن يكون الشي الي سامي يبي يوريه اياه...
وصل للمكان الي قال عنه سامي..

زياد تقدم لعنده:شفيك خبيتني تعال وتعال..شسالفة؟
سامي وهو مبتسم:شرايك بالمكان؟

زياد يطالع الارض الفاضية قدامه باستغراب...

زياد:صحرا
سامي كشر:صحرا بعينك هاذي ثروة
زياد:وش الثروة الي فيها كل تراب
سامي:جاهل..طول عمرك بالتظل جاهل وماتفهم شي
زياد تكتف:طيب فهمني يا ابو العريف

سامي طلع ورقة من جيبه..فتحها وطلع مخطط للارض..

زياد:هههههههههههه
سامي:ممكن اعرف ليه تضحك؟
زياد:من وين طلعتها ذي؟ هههههههههههههه
سامي:من جيبي يعني من وين
زياد:ياكبرها عند الله كل هاذي طلعتها من جيبك حشى مو جيب
سامي:لا تضيع السالفة
زياد:على امرك...شنو هاذا؟
سامي:ماتشوف يعني مخطط للارض
زياد:ادري قصدي ليه توريني اياه
سامي ابتسم:قلتلي ليه اوريك اياه..تبي تعرف ليه؟
زياد بقلة صبر:ياليت
سامي:انا شريت هالارض وابي اسوي عليها مشروع وطبعا مالقيت احد احسن من صديقي وحبيبي ورفيق عمري زياد عشان يشاركني بهالمشروع
زياد:اهااا الحين فهمت ليه مسوي كل هالزحمة..كم تبي؟
سامي ضربه بالورقة:شنو كم تبي اطر منك انا اقول لك شراكة تعرف يعني شنو شراكة
زياد:أي أي فهمت بس شنو المشروع؟
سامي:يعني انت موافق
زياد:على حسب المشروع يمكن ما يعجبني
سامي:لا بيعجبك واصلا حتى لوماعجبك غصبن عنك بتدخل شريك معاي
زياد:لا والله
سامي:أي اجل شلون تبي تصادق ببلاش
زياد:زين قولي شنو المشروع
سامي:اسمع

*************************

سكرت الخط وجلست على الارض وهي تحاول تمسك دموعها..ليه يسوي كذا موكفاية الي سواه قبل..اذا مايبيها خلاص يتركها بحالها مو كل شوي يجي عندها ولا يدق عليها وبعدها يقول ما ابيك..يجرحها بكلامه ساعات ويذبحها ايام وبعدها يرجع لها ولا كان في شي صار وبعدين يتركها مرة ثانية..وبعدين يعني بيظلون كذا على طول لازم تنهي الموضوع مرة وحدة وللابد يايرجعون لبعض او يبعدون للابد...

************************

كانت بالغرفة وفاتحة الماسنجر وتسولف مع ابرار...
#لوخيروني بين موتي وفرقاك..والله لا اختار فرقاك..حسبالك الموت لعبة..#<<(اسيل)

هاااااااااي



*ليت العمر شريط تسجيل وينعاد..واعيد اجمل مامضى من ذكرياتي*
هااايااات

#لوخيروني بين موتي وفرقاك..والله لا اختار فرقاك..حسبالك الموت لعبة..#

شخبارك؟

*ليت العمر شريط تسجيل وينعاد..واعيد اجمل مامضى من ذكرياتي*
تمام وانتي؟

#لوخيروني بين موتي وفرقاك..والله لا اختار فرقاك..حسبالك الموت لعبة..#

تمام
*ليت العمر شريط تسجيل وينعاد..واعيد اجمل مامضى من ذكرياتي*

اسيل وعلة وش هاذا النك من قصدك ها ليكون حمود وربي اذبحك

#لوخيروني بين موتي وفرقاك..والله لا اختار فرقاك..حسبالك الموت لعبة..#

هههههههههه لا مو محمد اصلا انا اقدر..محمد افديه بروحي


*ليت العمر شريط تسجيل وينعاد..واعيد اجمل مامضى من ذكرياتي*
اجل مين قصدك؟

#لوخيروني بين موتي وفرقاك..والله لا اختار فرقاك..حسبالك الموت لعبة..#

ولا احد بس كذا عادي


*ليت العمر شريط تسجيل وينعاد..واعيد اجمل مامضى من ذكرياتي*

على بالي بعد

#لوخيروني بين موتي وفرقاك..والله لا اختار فرقاك..حسبالك الموت لعبة.

انتي ليكون قصدك بالنك بسام ترى انا الي بذبحك


ابرار:فديته والله


*ليت العمر شريط تسجيل وينعاد..واعيد اجمل مامضى من ذكرياتي*
لا شدعوة تراني مو هبلة لهالدرجه

#لوخيروني بين موتي وفرقاك..والله لا اختار فرقاك..حسبالك الموت لعبة.

ايوه هين


رن جوالها..

ابرار شافت الرقم ودق قلبها..حفظت الرقم من اخر مرة كلمها فيها..

ابرار:اقول حق اسيل ولا لا..اذا قلت لها بتسوي لي سالفة..احسن شي اطنشه

ماقدرت تتحمل اكثر من كذا لازم تسمع صوته...


*ليت العمر شريط تسجيل وينعاد..واعيد اجمل مامضى من ذكرياتي*
برب

#لوخيروني بين موتي وفرقاك..والله لا اختار فرقاك..حسبالك الموت لعبة.

تيت


رفعت السماعة بتردد..

سوت نفسها ماتعرف الرقم قالت باستغراب مصطنع:الو
بسام دق قلبه اول ماسمع صوتها:هلا ابرار
ابرار:........
بسام بسرعة:تكفين لا تسكرين

ابرار((مين قالك بسكر هههههه))

بسام:ادري انك زعلانه مني وماتبين تسمعين صوتي..بس لازم اشرح لك كل شي
ابرار:وش تقول انا قلت لك خلاص الي.....
بسام قاطعها:تكفين لا تقاطعيني خليني اخلص كلامي بعدين قولي الي تبينه
ابرار بدون نفس:طيب
بسام:ابرار انا احبك وعمري ماحبيت غيرك

سكت يبي يسمع ردها...

ابرار دق قلبها((وانا بعد للحين احبك وعمري مانسيتك))

بسام:ابرار..وين رحتي؟
ابرار ببرود عكس الي تحسه:انا بنام لما تخلص فلمك سكر الخط
بسام:ابرار تكفين اسمعيني مو وقت تطنز الحين
ابرار ابتسمت على كلمته:اخلص وش تبي؟
بسام:انا مطلق سارة من اربع شهور

ابرار سكتت..ماتعرف اذا كان صادق ولا يكذب عليها..قلبها مصدقه من قبل لايقول شي بس عقلها الي مو راضي ينسى الي سواه فيها...

ابرار:طيب شسوي فيك؟
بسام:ابي نرجع لبعض
ابرار:نعم؟
بسام:ذاك اليوم قلتي لي اني لو مو متزوج بترجعين لي وانا الحين اقول لك اني مطلقها من زمان
ابرار:وعيالك؟
بسام:عيالي صغار وماراح يعارضون
ابرار:انا مو قصدي كذا
بسام:اجل وش قصدك؟
ابرار:عيالك صغار ومحتاجين لك وخصوصا بعد ما طلقت امهم
بسام:انتي الحين ليه شاغلة بالك بهاذا الموضوع انا ابي اعرف شي واحد وبس..بترجعين لي ولا لا؟

ابرار((شقوله هاذا بعد...ياربي انا الغبية من اول ليه ارد عليه..شسوي الحين اقول لاسيل ولا لا))

بسام:ابرار شفيك؟
ابرار خذت نفس:خلني افكر اول
بسام:ماكفتك كل السنين الي فاتت..تكفين ابرار لا تضيعين أي لحظة ممكن تجمعهنا مع بعض
ابرار:انت الي ضيعتنا من قبل مو انا
بسام:ادري اني غلطان بس خليني اشرح لك
ابرار:وانا اسمع

((رسالة تنبيه من لو خيروني بين موتي وفرقاك والله لا اختار فرقاك حسبالك الموت لعبة....))

ابرار:بسام لحظة شوي
بسام:اوكي بس لا تتاخرين علي ما اصبر على فرقاك

ابرار ابتسمت عضبن عنها ماتقدر الا انها تحبه..

*ليت العمر شريط تسجيل وينعاد..واعيد اجمل مامضى من ذكرياتي*
بااااك


#لوخيروني بين موتي وفرقاك..والله لا اختار فرقاك..حسبالك الموت لعبة.

احلفي بس سنة وين رحتي؟

*ليت العمر شريط تسجيل وينعاد..واعيد اجمل مامضى من ذكرياتي*

امي تبيني

#لوخيروني بين موتي وفرقاك..والله لا اختار فرقاك..حسبالك الموت لعبة...#

اهاا طيب اليوم طيب اليوم بتجين عند محمد؟


*ليت العمر شريط تسجيل وينعاد..واعيد اجمل مامضى من ذكرياتي*
مدري يمكن لا

#لوخيروني بين موتي وفرقاك..والله لا اختار فرقاك..حسبالك الموت لعبة..
ليه؟

*ليت العمر شريط تسجيل وينعاد..واعيد اجمل مامضى من ذكرياتي*

مشغولة اليوم وبكرة

#لوخيروني بين موتي وفرقاك..والله لا اختار فرقاك..حسبالك الموت لعبة..

عشتو ابرار انشاء الله بشنو مشغولة بالعيال ولا بزوجك المسافر

*ليت العمر شريط تسجيل وينعاد..واعيد اجمل مامضى من ذكرياتي*

ههههههههههه لا هاذا ولا ذاك بس انا ابي اشتغل

#لوخيروني بين موتي وفرقاك..والله لا اختار فرقاك..حسبالك الموت لعبة.

ابراااارتفكر تشتغل لا لا ما اصدق الشمس من وين طالعة؟

*ليت العمر شريط تسجيل وينعاد..واعيد اجمل مامضى من ذكرياتي*

اسيل بلا سخافة عاد لا تحطميني

#لوخيروني بين موتي وفرقاك..والله لا اختار فرقاك..حسبالك الموت لعبة.

هههههههه طيب اسفة وشنو تبين تشتغلين؟

*ليت العمر شريط تسجيل وينعاد..واعيد اجمل مامضى من ذكرياتي*

مدري للحين ماقررت ابي اجلس مع نفسي وافكر

#لوخيروني بين موتي وفرقاك..والله لا اختار فرقاك..حسبالك الموت لعبة.

شتفكرين من نسبتك الحلوة انتي يا تشتغلين بمشغل ولا مراقبة بمدرسة

*ليت العمر شريط تسجيل وينعاد..واعيد اجمل مامضى من ذكرياتي*

كلي تبن زين الشره علي انا الي اسولف معاك


#لوخيروني بين موتي وفرقاك..والله لا اختار فرقاك..حسبالك الموت لعبة.

ههههههههه انقلعي اجل

*ليت العمر شريط تسجيل وينعاد..واعيد اجمل مامضى من ذكرياتي*

هااااااااا تقولين لي انا انقلعي؟!

#لوخيروني بين موتي وفرقاك..والله لا اختار فرقاك..حسبالك الموت لعبة.

في احد غيرك؟

*ليت العمر شريط تسجيل وينعاد..واعيد اجمل مامضى من ذكرياتي*

طيب يا اسيل هين لما اشوفك بس

#لوخيروني بين موتي وفرقاك..والله لا اختار فرقاك..حسبالك الموت لعبة.

باااااااي
*ليت العمر شريط تسجيل وينعاد..واعيد اجمل مامضى من ذكرياتي*

هين بااااي

سكرت المسانجر وظلت تطالع بالاب توب وتفكر..تذكرت بسام الي ينتظرها على السماعة..صار له ساعة مسكين...ركضت للسماعة بسرعة..

ابرار بتردد:الو
بسام:لا والله كان سكرتي بوجهي احسن
ابرار عضت شفايفها:لا تصارخ
بسام:تاركتني ساعة على التلفون وتقولين لي لا تصارخ
ابرار:انت تركتني خمس سنين وماقلت شي
بسام:اسف
ابرار حست بغصة وهي تتذكر:اسف ماتكفيني
بسام:مستعد اعوضك عن كل شي بس قولي انك بترجعين لي
ابرار:افكر
بسام:يعني في امل؟
ابرار:ما اوعدك
بسام:طيب انتي اسمعيني واكيد راح تعذريني
ابرار:قول
بسام:مايفع بالتلفون لازم اشوفك
ابرار:نعم ماسمعت
بسام:قلت ابي اشوفك
ابرار:لا
بسام:طيب شلون راح اشرحلك سبب غيبتي وتركي لك

سكتت تفكر هي تتمنى اللحظة الي تشوفه فيها ولما يطلب منها تقول لا...

بسام:زيدي على كذا اني مشتاق لك وبنجن لو ماشفتك
ابرار ابتسمت:بسم الله عليك(حطت يدها على فمها)

ابرار((غبية كيف قلتها))

بسام ابتسم:تخافين علي
ابرار توترت:اوكي خلاص لما افضى بدق عليك عشان اشوف وين اقابلك
بسام:مايصير اليوم؟
ابرار:اوكي اليوم اليوم
بسام زادت ابتسامته:فديتك والله احبك وربي احبك
ابرار دق قلبها وزاد توترها:باي
بسام:باي

حطت السماعة على قلبها ورمت نفسها على السرير وعلى وجهها ابتسامة حلوة..تحس انها متفائلة..تحس كل كلمة يقولها صدق شنو بتخسر يعني لو قابلته كلها نص ساعة بالكثير ويخلص الموضوع لو كان صادق بتعيش طول عمرها سعيدة بس لو كان كذاب صحيح قلبها بينكسر مرة ثانية بس على الاقل ماتتعلق بامل ماتدري وش نهايته واكيد بتنسى...

قامت واتجهت لدولاب الملابس عشان تجهز لموعدها مع بسام...

****************************

في اليوم الثاني...

قامت من السرير وهي مالها خلق ماكملت نومها..صوت الجوال ازعجها..تاففت وهي ترفع الجوال..كان المنبه يرن..

فتحت عيونها على وسعهم وصرخت:يووه شلون نسيت

قامت من السرير بسرعة..اليوم بيطلع محمد من المستشفى وهي نست الموضوع بكبره...

خذت دش سريع وبدلت ملابسها..سحبت اقرب عباية عندها ونزلت..
شافت سحر واقفة عند الدرج...

سحر:على هونك لا تطيحين
اسيل طالعتها بدون نفس مالها خلق تتهاوش:انقلعي عني ماني فاضية لك
سحر:مالت عليك لا انا الي بموت لو ماكلمتيني

اسيل طنشتها وركضت لتحت...

سحر:ههههههههههههه
اسيل وقفت ولفت لها:خير ليه تضحكين؟
سحر:هههههههه وين رايحة؟
اسيل:المستشفى
سحر وهي تاشر عليها:هههههههههه كذا؟
اسيل:سخيفة مافي شي يضحك شفيني عادي
سحر تقدمت لعندها:بتروحين وانتي بالشراب؟

اسيل طالعت رجولها معاها حق نست تلبس الجزمة(وانتو بكرامة) مو منها من الربكة...

اسيل ضربت راسها<<مسكين هالراس بيجيله ارتجاج خخخ

اسيل:يووه نسيت البس الجزمة
سحر:ههههههههههه ياليتني ماقلت لك هههههههه
اسيل:لانك تافهة

ركضت لفوق عشان تلبس الجزمة....

*****************************

كان واقف عند باب الغرفة وامه وراه وتجهز اغراضه..

محمد وهو يطالع ساعته((ياربي ليه تاخرت..هي تدري اني بطلع اليوم..ابي اشوفها مو لازم اكلمها بس اشوفها))

ام محمد:يلا محمد جاهز
محمد وهو يطالع الممر:لحظة شوي
ام محمد:ليه؟
محمد طالع امه وقال بياس:لا ولا شي..يلا نمشي

طلعو من الغرفة وشافو ابرار جاية لجهة الغرفة...

ابرار:بتطلع الحين؟
محمد بدون نفس:أي
ابرار طالعته وفهمت قصده((حاسة فيك ياولد خالتي بس مدري ذي وش الي اخرها))
انتبهت بخالتها الي واقفة..

ابرار ابتسمت:هلا خالتي شخبارك؟
ام محمد ردت لها الابتسامة:بخير يمة وانتي؟
ابرار وهي ترجع خصله من شعرها ورا اذنها:الحمد الله..متى رجعتي من الرياض؟
ام محمد:امس باليل
ابرار:وشخبار جدتي؟
ام محمد:الحمد الله حالتها تحسنت وتسلم عليكم كلكم
ابرار:الله يسلمها

انتبهت ببسام الي واقف عند غرفة زوجته وبتسم لها..غصبن عنها ردت له الابتسامة..

ام محمد:يلا محمد انت تعبان لازم نروح للبيت
ابرار بسرعة:خالتي خليه شوي انا برجع معاه بعدين

محمد طالعها وابتسم...

ام محمد:لا شنو اخليه شوي هاذي مستشفى مو سوق وبعدين هوتعبان
ابرار:أي بس....
ام محمد قاطعتها:تبين تجلسين معه تعالي للبيت

ابرار اول مرة تحس بالاحراج لما احد يقولها كذا وخصوصا ان عيون بسام متعلقة فيها ولا نزلها من عليها..

ابرار:لا مو قصدي كذا..بس
محمد حس باحراجها وقرر يرحمها:خلاص يمى يلا نروح البيت

مشو كلهم وراحو للاصنصير بس ابرار وقفت بمكانها وتطالع بسام..
ماحست الا وهو واقف قدامها...

بسام ببتسامته الجذابة:صباح الخير
ماقدرت تقاوم ابتسامته..ابتسمت غصن عنها:صباح النور
بسام:فكرتي بالي قلته لك
ابرار:انا موافقة
بسام ابتسم:اليوم

ابرار تحت تاثير ابتسامته وماتقدر ترفض له طلب لو يقول لها الحين ارمي نفسك من الشباك ترمي نفسها بدون تردد..

ابرار:اوكي
بسام:بنفس المكان الي كنا نتقابل فيه هاذا اذا مانسيتيه
ابرار:مستحيل انساه..انسى نفسي ولا انسى المكان الي جمعنا وعشت فيه احلى سنين عمري
بسام:اوعدك بتعيشينها مرة ثانية بس انتي عطيني فرصة اشرح لك
ابرار:والفرصة جتك نشوف شنو بتسوي

بسام ابتسم يحب فيها كل شي يحب تحديها ويحب غرورها ويحب جمالها..عيونها تسحره تجذبه بطريقة مو طبيعية..ندم على كل لحظة ضيعها بدونها ولازم يعوضها...

ابرار حست بالاحراج من نظراته:عن اذنك
بسام بسرعة:لحظة

ابرار طالتعه بستغراب...
بسام طلع صندوق صغير من جيبه..

ابرار:شنو هاذا؟
بسام فتح الصندوق وابتسم:تتذكرين؟

طالعت بالصندوق وابتسمت..كان خاتم عطته اياه بعيد ميلاده لما كانو مع بعض...
شالت سلسال من رقبتها وكان في خاتم معلق فيه...

ابرار:حتى انا محتفضة بالخاتم حقك

بسام اخذ منها السلسال ولبسه لها...
ابرار صار وجهها احمر من الاحراج..
مد لها الخاتم عشان تلبسه اياه..
طالعت بوجهه وكان يبتسم..ماتقدر تقاوم ابتسامته..خذت منه الخاتم ولبسته له بيدين ترتجف...

بسام:ليه خايفة؟
ابرار:خايفة تتركني مرة ثانية
بسام:اوعدك مااخليك
ابرار:وعدتني من قبل وتركتني
بسام عوره قلبه عشانها للحين مانست ومستحيل تنسى:انسي ياابرار واوعدك اعوضك عن كل الي فات
ابرار دمعت عيونها وشدت على يده:لا تخليني..لا تروح لها
بسام:قصدك سارة؟
ابرار:مابي اسمع اسمها ومابي اعرف عنها شي بس لا تروح لها
بسام ابتسم:مثل ماتبين

****************************

وصل للبيت وهو يحس بتعب مع انه مامشى واجد..تعود على المستشفى ونومت السرير 24 ساعة...

ام محمد وهي مبتسمة:الحمد الله على السلامة
محمد رد لها الابتسامة:الله يسلمك

ساعدته عشا يجلس على الكرسي..

ام محمد:عساك مرتاح؟
محمد:أي الحمد الله
ام محمد بتردد:محمد
محمد:سمي
ام محمد:تسلم..تدري يوم كنت عند جدتك تكلمنا بموضوعك
محمد باستغراب:أي موضوع؟
ام محمد:موضوع زواجك
محمد:أي زواج؟
ام محمد:يعني شنو ماتبي تتزوج..بتظل طول عمرك عازب؟
محمد:لا مو قصدي كذا..بس شلي خلى هالموضوع يطري على بالك؟
ام محمد:انا من زمان مفكرة فيه بس كنت ادور لك بنت الحلال
محمد تكتف:ومن تعيسة الحظ الي اخترتيها؟
ام محمد:يوه شنو تعيسة الحظ اصلا يحصلها تاخذ ولدي الدكتور محمد
محمد ابتسم:بس يمى انا مابي اتزوج
ام محمد:ليه يا يمى انا ابي اشوف عيالك قبل لا اموت
محمد:بسم الله عليك يمة.ليه تقوليم كذا الله يطول بعمرك
ام محمد:ولو ابي اشوف عيالك
محمد:أي بس مو الحين
ام محمد:اجل متى..قولي وش الي يمنعك..شغل وتشتغل وراتبك الحمد الله مكفيك وزيادة وبيت وعندك..شنو يمنعك؟
محمد ماعرف شنو يقول:بس..
ام محمد قاطعته:خلاص ياوليدي لا تعور قلبي انت اصلا ماعندك سالفة بس تبي تتهرب من الموضوع وبس
محمد:طيب خلاص
ام محمد:طيب خلاص شنو..موافق ولا لا
محمد وهو يشغل التلفزيون:يصير خير
ام محمد ابتسمت:طيب ماسالتني مين العروسة
محمد بدون اهتمام:مين؟
ام محمد:ابرار
محمد طاح الريمونت حق التلفزيون من يده:ايش؟
ام محمد:بسم الله شفيك اقولك ابرار
محمد:ابرار بنت خالتي؟
ام محمد:ليه انت تعرف ابرار غيرها..اكيد هي
محمد بسرعة:لا مستحيل
ام محمد باستغراب:شنو الي لا مستحيل ليه ابرار وش فيها..جمال ودلال ودلع والف واحد يتمناها.. هي صحيح مطفوقة شوي بس اكيد بتتسنع بعد الزواج..ولا انت شايف عليها شي؟
محمد بسرعة:لا مافيها شي بالعكس مثل ماقلتي ابرار الف واحد يتمناها
ام محمد:وليه ماتبيها؟
محمد:مو قصة ما ابيها بس..
ام محمد قاطعته:بس شنو؟
محمد:انا ما افكر بالزواج الحين
ام محمد:وليه انت والحمد الله كل شي عندك كامل والكامل الله

محمد تافف من امه مستحيل تفهمه..مسك الريموت حق التلفزيون وجلس يطالعه..

ام محمد:ها وش قلت؟
محمد:........
ام محمد:محمد انا اكلمك
محمد وهو يطالع التلفزيون:شتبيني اقول؟
ام محمد:قول انك موافق اخطب لك ابرار
محمد:لا ابرار لا يمى انا اعتبرها اختي شلون تبيني اتزوجها
ام محمد:يعني لو خطبت لك وحدة ثانية بترضى؟
محمد قام من مكانه بماسعدة العكاز:يصير خير
ام محمد:شنو يعني يصير خير؟
محمد وهو طالع من الصالة:يعني يصير خير
ام محمد:الله يهديك ياولدي

*****************************

وصلت للمستشفى وهي تدعي ربها انه للحين ما طلع..توجهت للغرفة لاكن شافت شي وقفها...

اسيل وهي تكلم نفسها:هاذي الي بروح اسطرها الحين

تقدمت لعند ابرار الي واقفة تضحك وتسولف مع بسام..
حطت يدها على كتف ابرار...
ابرار انصدمت ماتوقعت تشوفها...

ابرار((ياربي الحين وش اقول لها))

اسيل:هلا ابرار
ابرار طالعتها بارتباك :هلا
اسيل احتقرت بسام:ماعرفتينا
ابرار بصوت واطي:اسيل
بسام ابتسم:انا بسام
اسيل بستهبال:لا والله
ابرار ابتسمت بتوتر:طيب بسام عن اذنك

سحبت اسيل وبعدت عنه قبل لا تسمع رده حتى..

اسيل:ابي افهم شي واحد ليه واقفة معه؟
ابرار:تعالي معاي وانا بشرح لك كل شي

طلعو من المستشفى وراحو للسيارة...
بالسيارة...قالت لها كل شي قاله لها بسام وانها راح تعطيه فرصة ثانية...

اسيل:طيب انتي واثقة منه..يعني متاكده انه ماراح يتركك مرة ثانية؟
ابرار:قلبي مصدقه بس خايفة
اسيل:يعني؟
ابرار:مدري بس كل الي ابيه الحين والي لازم اسويه اني اعطيه فرصة ثانية..يمكن اذا شرح لي الاسباب نرجع زي قبل
اسيل:يمكن على العموم الله يوفقك وربي انتي عسل ولو طلع هالبسام كذاب موته بيكون على ايدي
ابرار:هههههههه لا ان شاء الله مو كذاب
اسيل:ان شاء الله(شهقت)ابــــــراار
ابرار:ها؟
اسيل:يالمفهية محمد وينه؟
ابرار:يووه انتي بعد شخباري
اسيل ضربتها:اقول عن السخافة وقوليلي هو وينه؟
ابرار:راح لبيته
اسيل:شلون راح وانا ما شفته
ابرار:والله هو انتظرك واجد وانتي الي ما جيتي
اسيل:قمت متاخر
ابرار:والله هاذي مشكلتك
اسيل:طيب شلون بشوفه؟
ابرار:مالك الا بعد شهر لما يفك الجبس
اسيل:نعم..شهر روحي زين
ابرار:هههههه الحب مذلة
اسيل:والله ما انتظر لين يخلص الشهر هاذا حمودي لو يمر يوم وما اشوفه انجن
ابرار:اكثر من كذا
اسيل وهي تضربها:انطمي بس
ابرار وهي تضحك:هههههههه..خلاص..ههههههههه..يالمجنونة

*****************************

جالسة بالحديقة ومتدفيه بالجكيت الفرو الي لونه سماوي رايق والهاي نك السماوية مع البنطلون الجينز الرصاصي..جالسة وماسكة ملزمتها وتذاكروبجنبها كوب النسكفيه...

سحر:اوف وربي طفش صارت حياتي مملة بس اذاكر وبس
......:اجل عاجبتك حياة الصياعة

التفتت تشوف مين يكلمها...

سحر وهي عاوجة بوزها:بسم الله عليك يالمتقية
ترف:احسن منك على الاقل
سحر تنهدت:اخلصي شتبين؟
ترف وهي تجلس جمبها على الكرسي:ابي اجلس مع اختي حبيبتي
سحر تطالعها بنص عين:شتبين؟
ترف:مابي شي بس مشتاقة لك من زمان ما جلست معك
سحر:لا والله..وليه مارحتي عند امك مو انتي كل لازقة فيها الحمد الله والشكر
ترف:ترا هي امك مثل ماهي امي
سحر وهي تطالع في الملزمة:توني ادري تصدقين زين قلتي لي
ترف:انتي ليه كذا؟
سحر طالعتها:شلون يعني؟
ترف:دايما تتصرفين على انك مظلومة ومحد يحبك مع انه العكس..تتصرفين بغرور وعجرفة ما ادري على ايش
سحر طالعتها بصدمة:معقولة هاذا رايك فيني؟
ترف:هاذا راي الكل فيك مو بس انا بس محد يبي يقول لك عشان ما يجرحك الكل يفكر بمصلحتك بس انتي ما تفكرين الا بنفسك

سحر وقفت ومشت عنها...

ترف:يووه انا وش قلت..بس جد تقهر مدري على شنو شايفة نفسها

*******************************

دخلت للبيت وهي تفكر كيف راح تشوفه..قطع افكارها صوت ترف...

ترف وهي تحرك يدها قدام وجه اسيل:الووو.. وين رحتي؟
اسيل بدون نفس:شتبين؟
ترف:اخلاق
اسيل:شوفي تراني مالي خلقك اخلصي قولي وش تبين ولا اخمك بكف الحين
ترف وهي تمسك خدودها:لا كله ولا خدودي
اسيل:لا يكثر شتبين؟
ترف:مابي شي بس ابي اسولف معاك من زمان ما سولفت معك
اسيل:لا والله احلفي بس موقفتني عشان تقولين كذا
ترف:أي
اسيل:انقلعي عن وجهي
ترف مدت بوزها:شفيك علي انا اختك الصغيرة
اسيل وهي تكش عليها:مالت عليك
ترف بنرفزة:غبية
اسيل وهي تدخل للبيت:مابقى الا البزران يتكلمون
ترف بصراخ عشان تسمعها:انا مو بزر
اسيل:ايوه صح
ترف:هين ان ماعلمت ماما انا اوريك

اسيل ضحكت بستهزاء...

ترف ضربت رجولها بالارض بدلع زي الاطفال:طيب يا اسيل

دخلت للبيت وشافت امها جالسة وتطالع التفزيون...

اسيل رمت نفسها على الكنبة بتعب:سلاااام
ام لينة ابتسمت:وعليكم السلام
اسيل:شخبارك ندوش؟
ام لينة:بخير انتي شخبارك؟
اسيل:تعبااانة
ام لينة:بسم الله عليك شفيك؟
اسيل:تعرفين عاد بنتك دكتورة وكشخة لازم تتعب
ام لينة:ههههه أي صح

دخلت ترف وهي معصبة وتتحلطم...

اسيل:شفيها ذي؟
ترف:لاوالله يعني تسوين نفسك ماتدرين
اسيل:وانا شدراني
ترف جلست جمب امها:ماما شوفيها
ام لينة:شفيها ماسويت شي
اسيل:انا ادري
ترف:لا والله(لفت على امها)تقول انا بزر
اسيل:ليه وانتي شنو
ام لينة:خلاص حبيبتي اسيل تمزح معك صح

اسيل هزت راسها بالنفي...

ترف بدلع:ماما
اسيل رمت عليها المخده:جب انتي تقرفيني شنو هالمصاخة
ام لينة:يوه اسيل شفيك عليها
ترف:متسببة
اسيل:بنتك ماصخة ودلوعة ومحد بيخربها غيرك انتي وبنتك على هالدلع
ترف وهي تلم امها وقالت بدلع:اخر العنقود يحق لي

اسيل جلست تدور شي ترميه عليها بس مالقت غير الجوال بيدها..

اسيل:حرام ارميه عليك الجوال جديد خسارة فيك
ترف بدلع:ماما
اسيل وهي تقلدها:ماما..اقول طسي من قدامي لا اتهور الحين
ترف تخبت ورا امها:ماما شوفيها
ام لينة:خلاص اسيل خليها لحالها
اسيل:انا اصلا بروح انام
ترف:أي روحي نامي
اسيل وهي تقوم:المثل يقول اذا خاطبك الجاهلون قولو سلاما
ترف وهي تاشر على نفسها:انا جاهلة؟
اسيل:والله عاد انا ماقلت ترف بس الي على راسه بطحى
ترف:شفيها شنو تقول
ام لينة:هههههههه وانتو بس تتهاوشون
اسيل:خلاص انا بروح انام

طلعت من الصالة وراحت لغرفتها...

ام لينة:وانتي بعد شفيك محد قال لك كلمة الا جيتيني تبكين
ترف مدت بوزها:هم ينرفزوني
ام لينة:طيب طنشيهم شكبرك الحين عمرك 19 وللحين تبكين عندي لو زعلك حد
ترف ضمت امها وحطت راسها على كتفها:لاني لما كنت صغيرة ماكان عندي احد انام بحضنه وابكي لو زعلني احد والحين لما جيتي احس اني ابي اعوض نفسي عن كل الي فات
ام لينة ضمت بنتها اكثر:ياحياتي كل هاذا بقلبك
ترف رفعت راسها وناظرت امها بحنان:ماما
ام لينة:هلا حبيبتي
ترف:احبك
ام لينة ابتسمت وباست خد ترف:وانا بعد احبك

********************************

كانت جالسة بالمكتب وتفكر بموضوع ترف وزياد وشنو الي غيرهم على بعض..قررت تدق على زياد...

زياد:هلا ليون
لينة:هلا زياد شخبارك؟
زياد:الحمد الله..انتي شخبارك وشخبار خواتك؟
لينة:ولو الاخبار كلها عندك
زياد:وانا شدراني
لينة:تبي تقنعني انك ما تكلم ترف يعني وماتقول لك عن كل شي
زياد بارتباك:الا اكلمها شلون ما اكلمها
لينة:اها
زياد:ماقلتي لي شخباركم مع امكم؟
لينة:كويسن..اقول زياد
زياد:هلا
لينة:ليه ماتجي لبيتنا
زياد:ليه؟
لينة:من زمان ماجيت عندنا ما اشتقت لنا
زياد:الا اكيد متى تبوني اجي عندكم؟
لينة:أي وقت البيت بيتك..انا ناوية اسوي حفلة عشان تخرج ترف من زمان متخرجه وانا ماسويت لها حفلة
زياد:متى الحفلة؟
لينة:مدري بعدين بقرر بس لازم اجهز كل شي
زياد:اها
لينة:طيب يلا اخليك مع شغلك..باي
زياد:باي

**************************

محمد:لا مو لازم تجين
ابرار:وجع انشاء الله تطردني
محمد:ما اطردك بس اقول يعني مو لازم تتعبين نفسك
ابرار:لا والله عموما ما علي منك انا بجي بيت خالتي وكيفي
محمد:أي بس....

سكت لما شاف الباب انفتح ودخلت ابرار...

محمد:يعني جيتي
ابرار:اجل بسمع كلامك..وين خالتي بس ابي اجلس معها
محمد:لا الحين تبين تجلسين معها الله يرحم ايام اول
ابرار:شسوي فيك تبي تطردني بالله قولي شلون بسولف معك زين ما اعطيك كف ولا اشوتك

نزلت ام محمد من الدرج وابتسمت لما شافت ابرار...

ام محمد وهي تحضن ابرار:هلا والله ببنيتي ابرار..كيفك؟
ابرار ابتسمت:بخير ياخالتي(طالعت محمد)شفت هاذا الاستقبال السنع مو انت مالت عليك
ام محمد:ليه وش سوى لكي؟

محمد ياشر لابرار عشان ماتقول لامه بس ابرار فهمته وطنشت..

قالت ببراءة متصنعة:تصوري يا خالتي يقولي لاتجين للبيتنا
ام محمد وهي تطالع محمد:ايش؟ ليه تحكي معها كذا؟
محمد:هاذي كذابة لا تصدقينها
ابرار شهقت:انا كذابة
ام محمد:لا يا بنتي محمد يمزح معك(ناظرت محمد بنظرات حقد)صح
محمد خاف من نظرتها:ايوه صح
ابرار رجعت شعرها لورى بدلع ومرت من قدامه بغرور:حسبالي
محمد:عداال لا تطيحين وانتي تمشين
ام محمد:ههههه خلاص اعقلو انتو الاثنين للحين تتهاوشون زي البزران اجل لو تزوجتو شنو بتسون

محمد ناظر امه بنظره يعني غيري المضوع..
ابرار على وجهها اكبر علامة استفهام..

قالت باستغراب:نتزوج؟
ام محمد:ايوه وش فيها
محمد يحاول يغير الموضوع:يووه ماقلت لك يا ابرار
ابرار:شنو؟
محمد وهو يسحبها للصالة:تعالي اجلسي وبعدين بقول لك

لف على امه وحرك شفايفه بدون مايطلع صوت:بعدين
ام محمد:متى بعدين؟
ابرار:ايش؟
محمد ضحك بارتباك:لا ولاشي يلا تعالي

******************************

وصلت للبيت وتوجهت لجناح ترف...
طقت الباب بهدوء...

طلع صوت ترف الدلوع:مين؟
لينة ابتسمت:انا لينة
ترف فتحت الباب:هلا لينة تفضلي
لينة دخلت وجلست على الكنبة الوردية الصغيرة:شخبارك؟
ترف رمت المجلة من يدها بطفش:تمام
لينة:وليه تقولينها بدون نفس؟
ترف تنهدت:ماعندي شي اسويه بس جالسة بالبيت والله طفش
لينة:طيب ليه ما تطلعين؟
ترف:محد راح يطلع معي كلكم مشغولين وماما ما تحب تطلع
لينة:طيب روحي لحالك

ترف تذكرت اخر مرة راحت فيها لحالها وشنو صار..

قالت وهي منزلة راسها وتحاول تبين صوتها طبيعي:ما احب اروح لحالي
لينة قامت وجلست جمبها على السرير:طيب وش رايك فلي يخليك تنبسطين
ترف رفعت راسها:شلون؟
لينة ابتسمت:بسوي لك حفلة تخرج
ترف مسكت يدها وقالت بحماس:جد؟
لينة:وجد الجد
ترف:واو وناسة..متى الحفلة؟
لينة:ممم انتي متى تبين؟
ترف:بكرة
لينة:ههههه شفيك مستعجلة مايمدينا نسوي شي
ترف:طيب بعد بكرة
لينة:اوكي بحاول اخلص كل شي بسرعة بس العزايم عليك انتي
ترف:افا عليك مابخلي احد ماراح اعزمه
لينه:طيب انا عندي شغل الحين بروح اسويه وبعدين بتفرغ لحفلتك

توجهت للباب بس وقفها صوت ترف...

ترف:لينة
لينة لفت عليها:هلا
ترف بتردد:ممم..بتعزمين زياد؟
لينة ابتسمت هاذا الي كانت تبغاه ان ترف تسالها عن زياد:ليه انتي ماتبينه يجي؟
ترف بسرعة:لا انا ماقلت كذا
لينة:طيب ليه انتي ماتعزمينه؟
ترف:اوكي خلاص

لينة طالعتها بتفحص وطلعت برة الغرفة...

رمت نفسها على السرير وجلست تلعب شعرها وتفكر شلون بتعزم زياد وهو حتى مو طايق يطالع بوجهها..

***************************

وصلت للكوفي وجلست تطالع الناس وتدور عليه وقلبها يدق مع كل ثانية..سمعت صوته يناديها من ورى حست الدم توقف بجسمعا وقلبها وصل لين حنجرتها..بلعت ريقها ولفت عليه..

بسام قرب منها:اهلين مابغيتي تجين
ابرار ابتسمت بتوتر:هلا
بسام مسك يدها الباردة:تفضلي

جلست على الكرسي وعيونها ما طاحت من عليه تحس ان مشاعرها متلخبطة بهالحظة ماتدري اذا هي فرحانة او زعلانة منه و معصبة ولا رايقة..فكرت اكثر من مرة قبل لاتجي بس بالاخير سمعت كلام قلبها الي مصدقه كالعادة هو الي دايم ينتصر على عقلها...

بسام:ابرار شفيك وين رحتي؟
ابرار انتبهت:هلا
بسام ابتسم:وحشتيني

طالعت فيه بتفحص تبي تتاكد اذا كلامه صح ولا لا..طالعت بعيونه ولقت الحب فيهم زي اول لما كان يقولها شي تقرا كلامه بعيونه...

ابرار ابتسمت:وانت اكثر
بسام:شخبارك؟
ابرار:الحين ولا لما تركتني؟
بسام ترك يدها واختفت ابتسامته:ليه مصممة تذكريني بغلطة ندمت عليها وبندم عليها طول عمري

ابرار حست انها غلطت لما قالت له كذا بس لازم تحسسه ولو بثلث الي حست فيه لما تركها...

ابرار:ابيك تقولي كل شي يا بسام..كل شي لا تخبي عني
بسام رجع مسك يدها:مستحيل اخبي عنك شي تدرين ليه
ابرار:ليه؟
بسام:لانك قلبي شفتي احد يقدر يخبي شي عن قلبه
ابرار ابتسمت:لا
بسام:بشرح لك كل شي من اول يوم سافرت فيه لين اليوم

***************************

من يوم ماطلعت لينة وهي جالسة وتفكر تعبت من كثر التفكير..ماسكة جوالها وتطالع برقمه...

ترف تكلم نفسها:لا مستحيل ادق عليه اصلا ماراح يرد علي..اوف طيب شسوي

قررت ترسل له مسج...

ترف:طيب وش اكتب فيه..بلا غباء يعني حفلة وش بكتب له بعدين احد يعزم احد بمسج..انهبلت انا طيب شسوي ماراح اقدر ادق عليه

جلست على الكنب الpink وكتبت له الرسالة..ترددت قبل لا ترسالها بس لازم تعزمه..غمضت عيونها ورسلت الرسالة..

***************************

كان جالس بالسيارة ويدور جوال زياد...

سامي:ياخي ذا الرجال يحذف اغراضه بكل مكان بعدين يقول لي دور عليهم

سمع صوت الجوال يرن..لقاه مرمي تحت الكرسي...

سامي:الله على الذكاء بالله وش يسوي الجوال تحت الكرسي الحمد الله والشكر

شاف (1 رسالة واردة) مسكين اشتغلت حالة القافة عنده وفتح الرسالة لان الاسم شده(سيدة قلبي)...

جلس على الكرسي وفتح الرسالة..

(زياد اسفة اني ازعجتك ادري انك ماتبيني اكلمك ولاتبي تشوفني ولا حتى تسمع صوتي بس انا بسوي بارتي بعد بكرة عشان حفل تخرجي ولازم اعزمك اذا ماراح تجي براحتك بس اذا جيت صدقني راح يفرحون واجد)<<طبعا هنا تتكلم عن نفسها خخخ

سامي سند نفسه على الكرسي وجلس يحرك شعره..

سامي:اكيد هاذي بنت عمه ترف..ايوه يازياد ماتبي تكلمها انا اوريك

كتب رسالة حق ترف على انه زياد وارسلها وعلى وجهه ابتسامة خبيثة...بعد ماتاكد ان الرسالة انرسلت اخذ الجوال ونزل وما انتبه لجواله الي طاح...

دخل للشركة وتوجه لمكتب زياد..

سامي فتح الباب وجلس على الكرسي الي قدام زياد:اهلييين
زياد:انت شلون تدخل على المدير العام كذا؟
سامي حرك يده بعد اهتمام:اييي مدير عام واذا مدير عام شنو يعني بالاول ولاخر صديقي زياد صح ولا لا
زياد ابتسم:صح..جبت جوالي؟
سامي:انت وهالجوال مرة ثانية لا ترميه0تذكر الرسالة)ولا اقول لك ارميه احسن عشان اروح اجيبه
زياد:ليه؟
سامي:ماقلت لي وش عندك مشاريع بعد بكرة؟
زياد:ممم مدري ما اظن عندي شي مهم ليه؟
سامي:حلو..انت معزوم على بارتي بعد بكرة
زياد باستنكار:سامي والي يخليك ترى مالي خلق لحافلاتك البايخة انت والربع
سامي:لا لا لا مو الربع حفلة خاصة انت والحبايب
زياد:أي حبايب؟
سامي مد له الجوال:خذ واقرى
زياد اخذ الجوال وطالع فيه بعدين رفع راسه:مافي شي
سامي:يالغبي افتح الرسايل
زياد:اها طيب الصادرة ولا الواردة؟
سامي:الاثنين

فتح الرسايل الواردة وشاف رسالة ترف..دق قلبه بمجرد انه شاف الرقم..فتح الرسالة وقراها وهو متفاجئ..رفع راسه باستغراب..

سامي:بتروح صح؟
زياد:يووه توني تذكرت اني مشغول بعد بكرة
سامي:لا والله مو على كيفك بتروح
زياد:لا
سامي:الا
زياد:جوالي وكيفي ماراح ارد
سامي:بس انت رديت
زياد باستغراب:متى؟
سامي:افتح الرسايل الصادرة

فتح الرسايل وشاف الرسالة...

زياد:مين سمح لك
سامي حط رجل على رجل:انا سمحت لنفسي
زياد:مين قال لك اني ابي اروح؟
سامي:الفرحة الي اشوفها بعيونك الحين..زياد لا تكابر انت تدري انك غلطان وانك ظلمتها
زياد تنهد:واذا يعني اصلا هي ماراح تسامحني ليه اتعب عمري
سامي:شدراك يمكن بالهابارتي ترجعون لبعض
زياد:على شرط
سامي:شنو؟
زياد:تجي معاي
سامي:نعم.. وانا شدخلني؟
زياد:مو انت الي رديت على الرسالة اجل بتجي معاي
سامي:لا مايصير هم ماعزموني
زياد:انا عزمتك وبعدين محد راح يقول شي عادي
سامي:انت من جد تتكلم تبني اروح حفلة بنت عمك وبنات عمك كلهم هناك
زياد:عاادي يعني هم يكشفون قدام الناس كلها جت عليك انت
سامي:الظاهر انك انهبلت لا مانيب جاي
زياد:يلا عاد
سامي:طيب شوف ربع ساعة وبطلع
زياد:اوكي

*******************************

جلست تقرى الرسالة وهي مو صدقة ان زياد الي رد عليها يا اما هي تتخيل او ان احد ثاني رسل لها...
قرت الرسالة مرة ثانية عشان تتاكد...

(وانا بكون اسعد ومبروك مقدما يا احلى ترف))

قرت الرقم عشان تتاكد..مستحيل يكون مو هو...ركضت لتحت عشان تقول لامها..

نزلت من الاصنصير لانه اسرع...

لقت امها بالمطبخ وتشرف على الشغالات...

ترف بصراخ:ماما ماما
ام لينة تخرعت ومسكت قلبها:بسم الله شفيك؟
ترف:بيجي بيجي
ام لينة:مين هاذا؟
ترف بحماس:زياااد
ام لينة ابتسمت:متى؟
ترف:بعد بكرة عشان البارتي
ام لينة:بتتكلمين معاه؟
ترف اختفت ابتسامتها:مدري
ام لينة:بما انه رضى يجي يعني مستعد يسمع لك
ترف:يمكن جا عشان لينة عزمته
ام لينة:بس لينة ماعزمت احد
ترف:انا اقول يمكن
ام لينة:يعني؟
ترف:مدري
ام لينة:لا تنسين انه للحين يحبك وحاط صورتك بسيارته

ترف تذكرت موضوع الصورة لازم تتاكد منه...

ام لينة:وين رحتي؟
ترف:ها..لا خلاص اوكي
ام لينة باستغراب:شنو اوكي؟
ترف وهي تطلع برة المطبخ:خلاص اوكي

ام لينة طالعتها باستغراب بس طنشت وكملت شغل...

*****************************

ابرار:وشلون صدقت كل هاذا علي؟
بسام:وربي كنت غبي غبي لاني صدقت بس بعدين ندمت والحين ابي اصلح كل شي
ابرار:وايش يضمني انك اراح تصدقهم مرة ثانية؟
بسام:اوعدك ماراح اسمع لكلامهم وماراح اخلي احد يفرض سيطرته علي
ابرار:وانا مصدقتك
بسام:احبك
ابرار ابتسمت:وانا اكثر

*******************************

في البارتي...

كان صوت اليسا باغنيتها الجديدة(ايامي بيك)مالي المكان والجو روعة...
كان جالسة على الكنبة البيج الكبيرة بالصالة الي تطل على الشارع عشان تشوف السيارات..كل صديقاتها واهلها جالسين حوالينها بس هي مو حاسة باحد تطالع السيارات وتنتظر تشوف سيارته...

ام لينة تقدمت لعندها وحطت يدها على كتفها:الحلوة بشنو تفكر؟
ترف طالعتها وابتسمت بهدوء:ماجا
ام لينة جلست جمبها:اكيد بيجي انتي بس روحي وانبسطي مع صحباتك
ترف رجعت تطالع الدريشة:مابي

جت لينة وشافت ترف تطالع الدريشة وسرحانة وامها جمبها..اشرت لامها تسالها شفيها...ام لينة قامت وراحت لها...

لينة:شفيها؟
ام لينة:تنتظر زياد
لينة:ماما ترف ما قالت لك اذا في شي بينها وبين زياد؟
ام لينة:شي مثل ايش؟
لينة:يعني خلاف او شي
ام لينة:روحي ساليها
لينة:ماتبي تقول لاهي ولا هو
ام لينة:خليهم على راحتهم..انا بروح اشوف الخدامات خلصو شغل ولا لسى
لينة:طيب

بجه ثانية من البارتي كانت اسيل وابرار جالسين ويتكلمون...

اسيل:وانتي صدقتيه؟
ابرار:اكيد بصدقه شفت الصدق بعيونه شفت الحب الي كنت ادور عليه وبعدين تقولين لا تصدقينه
اسيل:على راحتك..محمد شخباره؟
ابرار:ماتحاكينه؟
اسيل:الا بس مو كل يوم عشان امه
ابرار:أي وانتي الصادقة خالتي صايرة نشبه هاليومين مدري وش فيها..لا وبعد هاليومين طالعة بشي جديد
اسيل:شنو؟
ابرار:تبغى محمد يت....

سكتت لانها حست ان محمد مايبي يقول لاسيل...

اسيل:تبغى محمد بايش؟
ابرار:حلوة البارتي تدرين
اسيل:اقول لا تضيعين السالفة وقولي
ابرار:مم تبغى محمد يتزوج
اسيل بصدمة:ايش؟
ابرار:ولاشي
اسيل:شنو يعني يتزوج وانا؟
ابرار:لا هي ما اختارت له وحدة بس يعني فكرة واكيد محمد راح يقولها انه يبغاك
اسيل بشك:ابرار قولي الحقيقة
ابرار تنهدت:تبغاه يتزوجني
اسيل:نعم؟
ابرار:بس انا مو موافقة
اسيل:شفيها ذي خالتك الظاهر تبيني اجي واسطرها
ابرار:ههههه كل هاذا حب وغيرة
اسيل:احلفي بس انتي الثانية وهو شنو قال
ابرار:قال ابرار لا مستحيل اخذها..مالت عليه عاد
اسيل:ههههه احسن
ابرار:يعني مو زعلانة مني؟
اسيل:وليه ازعل منك انتي ماسويتي شي

*****************************

وصل لباب القصر وقف...

سامي:ليه وقفت ادخل
زياد:بتدخل معاي صح؟
سامي:لا تخاف بدخل
زياد تنهد براحة:اوكي

دخل لداخل بالسيارة وهو يحس بنظراتها حوله..

وقفت اول ماشافت الرنج..قلبها دق بسرعة راحت للمراية تشوف شكلها...
كانت لابسة فستان كوكتيل لونه pink لين فوق الركبة مع كعب pink ومسوية شعرها شانون وحاطة وردة pink على الجنب..كان شكلها رايق وكيوت...

شافت البنات كيف لازقين بالدريشة العاكسة ويطالعون فيه وبالسيارة...

العنود(وحدة من البنات):شوفي هاذولا الي نزلو من السيارة يهبلون
رنا:ولا هاذا الي لابس كاب يجنن
العنود:لا الي لابس ثوب احلى
رنا:وانتي الصادقة احلى شوفي عيونه لونها اخضر يهبل
العنود:لا حبيبتي انا شفته اول
رنا:درى عنك عاد

ترف حست بالغيرة لمجرد انهم يتكلمون عنه وهو اصلا مو شايفهم..تقدمت للبنات..

ترف حطت يدها على كتوفهم:شرايكم بخطيبي؟
العنود ورنا:خطيبك؟
ترف:ايوه ولد عمي وخطيبي
العنود:أي واحد؟
ترف:الي لابس ثوب وشماغ
رنا:هاذا خطيبك؟
ترف:يس
رنا والعنود بصوت واطي:راح علينا
ترف:نعم قلتو شي؟
العنود:لا ولاشي
ترف:طيب عن اذنكم بروح اسلم عليه(قالت بدلع)بااي
العنود ورنا بخيبة امل:باي

بعد عنهم وعلى وجهها ابتسامة نصر..

راحت لمجلس الرجال وشافت زياد جالس مع واحد ومعهم ناس من جماعتهم...

ترف:يووه كيف بروح الحين

تذكرت موضوع الصورة وقررت تروح تتاكد من الموضوع الحين..راحت لعند الباركينج وشافت سيارته صحيحي ان في كثير سيارات زي سيارته بس هي تعرف لوحته المميزة..(ت ر ف ***<<الرقم)
ابتسمت انه للحين ماغير الوحة...

دخلت داخل السيارة كانت مفتوحة..لقت الصورة الي قالت عنها امها خذتها وجلست عل الكرسي وتتفرج عليها...

*******************************

بقسم الرجال..

سامي:اقول زياد
زياد:هلا
سامي:جوالي وينه؟
زياد:مدري
سامي:يووه شكلي نسيته بسيارتك امس
زياد:وش جابه لسيارتي؟
سامي:امس لما كنت ادور على جوالك الظاهر انه طاح مني
زياد:اروح اجيبه لك؟
سامي:لا خلك مع قرايبك انا بروح اجيبه..عطني المفتاح
زياد:السيارة مفتوحة
سامي:بعد ماشاء اللع الحين يمكن سرقه احد من الخدم
زياد:لا ان شاء الله روح شوف

راح سامي لعند الباركينج عشان يجيب جواله من سيارة زياد..
ترف انتبهت ان في احد جاي نطت على الكرسي الي ورا عشان مايشوفها...

فتح الباب وجلس يدور على جواله..
وترف قلبها يدق من الخوف وخصوصا لما تاكدت انه مو زياد...

سامي يكلم نفسه:ياربي وينه ذا بعد(طلع جواله الثاني من جيبه ودق على رقمه)

ترف حطت يدها على فمها تكتم شهقتها لان الجوال خوفها لما رن..كان الجوال قدامها واكيد راح يسمع الصوت ويجي ياخذه وساعتها بيشوفها ومو بعيده يقول لزياد وعاد زياد وتفكيره وين بيوديه...

سامي انتبه للصوت جاي من الكرسي الي ورى فتح الباب الي ورا عشان يجب الجوال..انصدم وهو يشوف وحدة جالسة بالسيارة ومغطية وجهها بيدها وواضح انها تبكي..وقف بمكانه مو عارف ايش يسوي..

سامي بتردد:يا..((شقول لها حتى اسمها ما اعرفه))

سامي:لو سمحتي؟

ترف رفعت راسها يمكن بعد وتقدر تنزل بسرعة..بس تخرعت لما شافته قدامها..

سامي انبهر بجمالها وبملامحها الطفولية..مين هاذي الي جالسة بالسيارة..

سامي:شتسوين هنا؟
ترف بصوت مرتجف بس دلوع:ممكن تبعد
سامي خق على صوتها:سمي؟
ترف علت صوتها شوي:ابعد
سامي بعد:تفضلي

ترف نزلت بهدء تحس انها ترتجف..كانت بتطيح وهي نازلة بس سامي مسكها...ترف توترت من لمسته..
سامي حس بكهربه بجسمه لما لمس يدها الناعمه...

ترف سحبت يدها بسرع وقال بكل هدوء:شكرا
سامي:ولو عادي

ترف انتبهت للصورة الي بيدها رمتها بسرعة داخل السيارة قبل لا ينتبه سامي..

ترف:ممكن اطلب طلب؟
سامي:امري
ترف:مايامر عليك عدو..لاتقول لزياد انك شفتيني
سامي كان بيسالها ليه بس لما شاف عيونها الواسعة البريئة خق:اوكي

ترف ركضت لداخل البيت بسرعة وهي تلعن نفسها مليون مرة على لقافتها لو ماراحت لسيارة زياد ماكان صار الي صار...

******************************

رجع لعند الرجال وهو سرحان ويفكر بالي شافها بالسيارة وشنو تقرب لزياد...

زياد:شفيك تاخرت؟
سامي:ها؟
زياد:شفيك اقول ليه تاخرت؟
سامي:لا ولاشي

زياد طالعه باستغراب مو معاه اصلا رجع يكمل سوالفه مع الرجال..

*********************************

خلص البارتي والكل باله مشغول...

لينة:تفكر بموضوع ترف الي شاغلها ليل ونهار
ترف:تفكر بزياد وبالولد الي شافته ومين هو؟
اسيل:تفكر بموضوع محمد وامه الي تبي تزوجه ابرار
زياد:يفكر بترف ماشافها طول البارتي ويفكر بسامي وايش الي خلاه يتغير كذا

*****************************

في اليوم الثاني..

كان جالس على الكنبه بالصالة ويطالع التلفزيون..جت له الشغالة

الشغالة:مستر محمد
محمد بدون ما يطالعها:نعم
الشغالة:في واهد يبي انت برى
محمد باستغراب:واحد مين؟
الشغالة:اما ادري بس هو قول يبي انت
محمد:طيب دخليه
الشغالة:لا هو قول يبي انت برى
محمد:واحد ويبيني برى..طيب خلاص روحي انتي

راحت الشغالة ومحمد طلع يشوف مين يبيه..
شاف سيارة همر واقفة قدام الباب.. استغرب ولا واحد من اصدقائه عنده همر..

محمد:يمكن زياد غير سيارته

راح عشان يشوف مين الي بالسيارة وانصدم من الي شافه...

**************************
انتهى البارت