السلام عليكم و رحمة الله وبركاته ..

قصتي ..

.. من الواقع

احداث فالحقيقة حدثت ..

.. نعم ..

حدث

لي أنـــا و لا لحــد غيري ...

بس طبعا غيرت الأسماء ..

القصة بعنوان || تلاقينا في بعض صدفه ||

واتمنى تعجبكم .. وطبعا انا كاتبتنها ..

واخليكم وياها ..
تلاقينا فبعض صدفه، سولف لي وأنا أشكي له .. ومن أول نظره حبيته و قمت لشوفه أبادر
((((((الفصل الأول ))))))

سارة\ عبوود يالله ابسرعة كلهم ركبو السيارة.. شو اتسوي هالكثر؟
عبود\ ياي والله ياي .. اللي يقول عاد الطيارة بتطير عنا..أنا مادري ليش سايرين قبل الموعد بأريع ساعات؟!
سارة\ عن الحجي الزايد وابسرعة
و يسيرون السيارة ..
فالسيارة:
بو عبدالله\ شو تسوون هالكثر ؟
سارة\ ابويه انا مالي شغل هذا عبوود !
عبود\الله يغربلج ما تعرفين اتيودين لسانج!!
ام عبدالله\بس عاااااااااااااد!! أف من هالعيال!! غلطة عمر اني عرست ويبت اعيال!!

( ام عبدالله كانت حرمة متسلطة و دووووووم اتزاعج و ما تتعامل كله اتصرخ و كارهه البيت و العيال و دووم اتسب عيالها)

بو عبدالله\ يالله عااد سكتو خلونا نوصل

( بوعبدالله كان ريال طيب و حنون و يحب عياااله واااايد و خاصة البنيه لانها وحيدته..بس مشكلته انه واايد عصبي و ابسرعة يفول )

المهم .. وصلت العايلة المكونة من، سارة: البجر، والبنت الوحيدة – عبدالله: أكبر الشباب – حمدان: أصغر العيال.
اركبو الطيارة و سافرو لبانكوك ..
سارة كانت بنية وااايد جميلة ( ماشالله عليها ) شعرها طويل وغليظ، خشمها طويل ، جسمها حلو ومخصر ، شفايفها مملايات ، عيونها كانت أحلى شي فيها-وساع و كبار.
كانت سارة وين ما تمشي كل العيون تناظرها، من الصغير للكبير، حتى الحريم ، بس هي كانت بنيه محترمة و ما تطالع لا يمين ولا يسار..
تدرس في مدرسة خاصة، يعني الحياه عندها free بس بحدود ..
**************
مطار بانكوك:
ام عبدالله\ سارووه يالـ***** طلعي الجوازات من الشنطة وعطيها البشكارة خليها تختمهن
سارة\ انزين امايه انتي ليش ما تعطينا كل واحد جوازه يوقف فالطابور و يختم جوازه..أمايه احلى
ام عبدالله\سوي اللي بتسوينه بس فكيني من رقعة ويهج..يالله اذلفي
( وزعت سارة الجوازات على اخوانها ووقفتهم فالطابور وكانو وااايد مستانسين )
عبدالله\الله أول مرة أحس اني مسافر
حمدان\ليش عبود؟
عبدالله\لان اماية أول مرة اتخلينا نختم الجوازات, دايما البشكارة تختمهن حقنا ونحن نتريا برع
سارة\صدقك .. مادري هالأم متى بتحس فينا شوي..عالأقل الحين ما قادرة اتسوي شي لأن أبويه موجود..
حمدان\سارووه ..
سارة\ شو فديتك, آمر بغيت شي
حمدان\ماما ليش ما تحبنا؟
سارة\ لا حبيبي لا تقول جيه أمايه اتحبنا بس هي معصبه الحين
حمدان\ هي كل يوم معصبة هب الحين بس
سارة\ يالله هكوه دورك الحين ..
وتقول فخاطرها: الله يهديج يا امايه،فديتك يا خويه والله العظيم حاسة فيك بس شو انسوي هاي الدنيا

ركبو الباص وسارو الفندق..( كانت العايلة ماشالله عندهم خير، يعني يلسو في فندق 5 نجوم، وكان الفندق اللي يلسون فيه للشخصيات الهامة وما يلسون فيه عرب ،كله وزرا وفنانين و ممثلين)

عقب ما وصلو الفندق حطو أغراضهم و مثل دايما أم عبدالله طلعت و شلت البشكارة و حمدان وياها، وبو عبدالله طلع عنده شغل و عبدالله سار يسلم على ربعه و تمت سارة بروحها فالبيت ترتب الأغراض وتحط الثياب..
سارة\ كل سنة على نفس الموال .. من نوصل كل وااحد ينسى الثاني..وأنا فقيرة أركض وراهم .. محد مظلوم فهالبيت غيري..صح اللي أباه أحصله بس خاطري فيوم أحس بحنان الأم ولا خوف الأب..يحليلهم خواني محد يسويهم و يكلمهم غيري..

ويلست اترتب الأغراض، وعقب ما خلصت قررت انها تطلع تتمشى فالفندق،يمكن اتلاقي ربعها لي اتعرفت عليهم السنه اللي طافت،، وطبعا كانو هالربع أجانب..
سارت صوب الحوض ماحصلت حد فنزلت اللوبي ويلست فالمطعم تشربلها عصير،عقب ربع ساعة دشت بنية عربيه الفندق و كان وياها ولد من سناين عبدالله أخوها..
استغربت سارة انه وياهم عايلة عربيه فالفندق فقررت انها تتعرف عالبنيه.. قامت من على الكرسي وسارت صوب البنت و كانت البنت تطالع سارة من جمالها..

سارة\ السلام عليكم خويتي
البنت مستغربه \ وعليكم السلام
سارة\ انتو معانا فالفندق؟؟
البنت\هي نعم بغيتي شي؟؟
سارة\بغيت اتعرف عليج لان نحن كل سنه اني هالفندق وما يكون ويانا حد عربي، انتو اول مرة تنزلون تايلاند؟
البنت\لا والله هاذي يمكن ثالث مرة بس أول مرة ننزل هالفندق
سارة\أها .. أنا سارة
البنت\ وأنا .. عاشة
سارة\هلا بج والله ، من وين ؟
عاشة\دبي
سارة\الله .. حتى نحن
عاشة\حلو .. جيه بنكون ربع فالبلاد وبرع
سارة\ انزين تفضلي ويايه .. أنا بروحي ..
عاشة\أوكي دقايق بس بوصل خالد اخويه الشقة وبستأذن الوالد و يايتنج
سارة\اوكي فديتج اترياج انا على هالطاولة

وسارت عاشة وصلت خالد اخوها الشقة ورجعت لسارة و قعدن البنات يسولفن ..
سارة\والله السنه احس اني بستانس
عاشة\ليش ؟ .. معقوله مالج احد اهنيه؟
سارة\لا الي واايد ربع وخلان وأصحاب بس كلهم أجانب أول مرة أتعرف على وحدة من البلاد
عاشة\أها .. جيه يعني.
سارة\ هيه جيه
وتمن يسولفن البنات عن الدنيا وبلاويها وعن المدرسة و انتو اتعرفون سوالف البنات..
*********
في شقة 913 فالدور التاسع:
منصور\أف شو هالملل والله العظيم ما عارف شو أسوي بعمري .. ربعي كلهم فالبلاد .. أنا أصلا شو يايبني وياهم .. أف .. خلني أطلع أتمشى .. أشملي شوي هوا ..

ونزل اللوبي من الدري اللي فالنص .. و هو ينزل يشوف بنتين يالسات فاللوبي وقف يطالع امنوه هالبنات لانه ما يذكر انه في عرب غيرهم فالفندق .. وحده عرفها اللي هي خته عاشة بس الثانيه امنوه .. كانت سارة عاطتنه ظهرها ..

*********
عاشة\ سارة .. أنا طولت ويااج .. عندج رقميه دقيلي باجر عسب نطلع أوكيك حياتي؟
سارة\ أوكي أشوفج باجر

وقامت عاشة وسارت شقتهم بس ما شافت اخوها لانه كان منخش ..ونشت سارة تدفع الاحساب
**********
منصور\ الحمدالله عاشوه ما شافتني..الحين هذي ليش ما بانت للحين .. أف أبا أشوف ويها
تم منصور واقف في مكانه ينتظر سارة تصد عسب يشوفها و لما صدت..
منصور\ماشالله .. ماشالله .. ربي يحفضها من كل حاسد .. جمال مو طبيعي.. جاذبيه غريبة ..هذي بشر مثلنا تاكل وتشرب ؟ فيها جبد و بنكرياس؟

كان منصوور وااايد مندهش من جمال سارة لدرجة انه استحى يطالعها ..!!!!
*****
عقب ما دفعت الحساب ..
سارة\ الحين شو أسوي ؟؟ خلني أطلع أتمشى أشملي شوي هوا
وسارت صوب الباب وكان منصور واقف عند الباب
سارة\ امنوه هاذا؟ شكله هب غريب عليه .. جني شايفتنه مكان ؟؟!
سارة اتحسبت انه واحد أجنبي لانه كان حليو .. شعره طويل وأسود .. خشمه شيوخي طويل .. كان لابس كاب و برمودا جينز و تي شيرت..
سارة\ والله اني متأكدة اني شايفتنه مكان بس وين مادري؟ يمكن كان موجود السنه اللي طافت أو يمكن أخو وحدة من البنات لي تعرفت عليهم .. الأمريكيات..
وطلعت تتمشى...
*****
منصور يسأل الحارس اللي يفتح الباب\ this girl live here ؟
الحارس\yes sir she from *****
منصور\ ربي يحفضها .. thank you.. ياربي وين سايرة البنيه ؟وشو اسمها؟ ومتى وصلت هنيه؟وكيف أنا ما شفتها قبل؟
وقعد يفكر ويفكر.. ويفكر ويفكر .. فقرر انه يترياها فاللوبي الين ماترجع
منصور وهو يالس\هذي وين راحت؟تأخرت...
سكت لحظة عقب قال\أنا ليش قاعد أحاتيها جنها وحدة من الأهل خلني أرجع غرفتي أبركلي ..
وقف ومشى صوب اللفت .. لكنه رجع يترياها ..
منصور لنفسه\ معقوله فيه بنات بهالجمال..انزين أنا شو بسوي يوم بتي؟أكلمها؟انزين لو بكلمها شو أقول؟
أخافها تردني .. خلني أنتظر و انشوف شو يصير..
ومرت ساعة و منصور اتخبل وهو يفكر فيها .. فقرر أنه يرجع الغرف وهالمرة صدق بيرجع
سار وركب اللفت .. و يوم سكر اللفت رد انفتح
منصور\أوووه .. ما أبا حد يركب ويايه ..
ويوم كان منصور يالس يتحرطم و عاطي ظهره لباب اللفت .. دشت سارة ..
صد منصور يطالع امنوه ركب وياه .. وما قدر يتنفس يوم شافها .. حاول انه يتكلم بس الكلمات ما راضيه تظهر
منصور\.....................................
سارة تطالعه مستغربه ليش انه فاج حلجه كأنه يبا يرمس بس حد ميودنه
منصور لنفسه\اتكلم يالغبي قول أي شي..
منصور وهو يطالع سارة\............................................. ...
سارة فخاطرها\ هذا شو فيه ؟ ليش يطالعني جيه؟انزين هو عربي؟ بس شكله أجنبي؟ كيف جيه؟
سارة\can I ask you a question ؟
اتخبل منصور من رمستها .. لأن سارة كانت ترمس انجليزي مثل الأجانب ..
منصور\...............................( يهز راسه موافق)
سارة\were you here last year؟
منصور\................................. ( حاول يتكلم بس ما قدر)
صوتها اسره .. قبض قلبه .. حاول ينطق بكلمة ما قدر ..

وش هاللذي عيني تشوفه
وجه البدر ولا مطلع الشمس
الله يا محلى وصوفه
من حسن هذا ببصم بخمس

و طلعت سارة من اللفت .. وهي ما تدري باللي خلته وراها ..
منصور\ ............... بسأل عاشوه عنها
وسار غرفت عاشة ،
في غرفة عاشة:
منصور\ السلام عليج عاشوه ، شحالج خويتيه ؟ شو مسويه؟
عاشة\ الله الله !! شو عندك ياي اتسلم ؟ ظارين مانشوف رقعة ويهك الين ما نروح البلاد
منصور\ أفاااا ... هذا يزاي ياي أسئل عنج .. المهم وين كنتي قبل شوي؟
عاشة\ليش؟
منصور\هب من حقي أعرف ختيه وين اتروح ووين اتي؟
عاشه\كنت فاللوبي؟
منصور وهو يتظاهر انه ما يدري\شو اتسوين فاللوبي؟ كم مرة قايللج عن اليلسه هناك.انتي ما ينفع وياج الطيب
عاشة\والله كنت ويا بنيه اتعرفت عليها
منصور\اي بنيه؟مافي ويانا عرب بالفندق!
عاشة\والله فيه .. حتى من دبي .. من مردف ..اسمها سارة ويالسين فالطابق الثالث اسئل اذا ما تصدقني
منصور\ عن تصيحين .. خخخخخخخخخ .. صدقتج بس خلاص..انزين ما عنده خوان؟
عاشه\عندها بس صغاريه.. أصغر عنك بواايد
منصور\انزين هذي سارة شقدها.
عاشة\ليش شو تبغي فيها؟؟
منصور\مالج شغل .. بعدين أنا ما أباج اترابعين بنات أكبر عنج
عاشة\لا لا ..سارة قدي يعني أصغر عنك بسنتين ..
منصور\خلاص جيه أوكيه .. عيل سيري اطلعي وياها وربعيها وخليها اتي بيتنا بعد جان بغيتي .. أنا بسير الحين
عاشه\ توه الناس
منصور\سيري لا .. ماعندي شغله ايلس مجابل هالويه
وطلع منصور من عند عاشه و سار غرفته اللي كانت فالطابق التاسع و قعد مشغل التلفزيون لاكن باله مشغول ..
يفكر باللذي شلت قلبه .. سارة
******
رجعت سارة البيت ولا لقت فيه حد .. فقررت تنزل تقعد صوب الحوض
******
منصور \ يالله يا قليبي .. أول مرة أحس انك داخلي.. أول مرة أتدق .. أول مرة تنبض
وأنت يا فكري .. أول مرة يشغلك شي .. أول مرة تتعب من التفكير .. آآآآه يا دنيا غريبة
خلني أطلع عالبلكونه .. الجو برع حلو..

صدفة مرت على نفسي غريبة
وانجلى همي بعد صبر و عذابه
اول انسان بحياتي ألتقي به
وأشعر ان القلب في حبه رضا به
ذاك لي برد من فوادي لهيبه
خزني بالعين وأشغلني صوابه
له عيون بالحلى ياهي عجيبه
ان نظرني ضاع من عقلي صوابه

وسار صوب البلوكونه يطالع العالم .. ويتأمل البلاد و فجأة نزل راسه صوب الحوض وشاف سارة يالسة بروحها تلعب بموبايلها .. فبدون ما يفكر طلع موبايله وشغل البلوتوث..
بس ما لقط حد .. حاول كم مرة بس ما لقط
منصور\ الظاهر انها هب مشغلة البلوتوث .. أوف ألحينه أنا شو أسوي يا عالم..أنزللها؟ لا لا أخاف اتردني..
و قعد منصور يتأمل سارة و يحس انه كل لحظة يتعلق فيها أكثر وأكثر وأكثر..
منصور\ أموت وأعرف فشوه اتفكر الحينه .. ياليتها اتفكر فيني .. ياليتها بس حاسه فانسان تولع فيها

آه يا هوا .. لو تجمعنا سوا ..و تاخذنا لبعيـــــــــد
تتحقق أحلامك .. و تحلى أيـــــــــامك .. و فقلبي الفرحــــة تزيـــــد

(((((( الفصل الثاني ))))))
تعودت سارة كل يوم أتنش من وقت اتسير تتمشى وعقب اتمر كافيه في آخر الشارع وتيلس هناك و تشربلها كوفي على الصبح كل يوم الين العصر عقب ترجع البيت ..
سارة تمشي وحاطه آي بود فأذنها\ لا تعذر حبيبي ولا أباك اتحلف .. يا مليكن ملكني في حروف أربعة .. الله الله يا ميحد ..
وهي تمشي وقفت فجأة وتذكرت انها نست بوكها فالشقة فرجعت الفندق..
أول ما دشت من الباب كان منصور طالع .. وسارة ماكانت منتبهة من اللي جدامها لانها كانت مشغولة فالغنيه ..
منصور\ ..................................
وفخاطره يقول\ هذي ليش هب معبرتني.. طافت عني ولا كأني موجود .. آه بس لو حاسة فيني ..خلني أترياها
و يلس برع الفندق يترياها و عقب دقايق رجعت طلعت..
سارة\ أحبك مووت أنا وأحيا كثر ما أحب أنا ذاتي .. ومن شر وبالا الدنيا عليكي كم أنا أحاتي .. لأنك قطعتن مني وما يسواك عندي انسان .. أنا لليوم أحس اني .. هذاك المغرم الولهان..
و تمت تمشي و اتغني و منصور وراها ..
منصور\ الله محلى صوتها فديتها .. بس أهي معقولة للحين ما لاحظتني وراها .. أزقرها ولا؟؟أحسلي اتم ساكت يمكن اهي اتي اتكلمني بعدين
لاكن سارة كانت مشغولة بالغنية و بالpsp اللي فأيدها .. وكانت يوم تمشي كل العالم يطالعها ..
وكل ما تمر على حد وقفت وسولفت وياه ..
منصور\ ماشاالله وااايد عندها ربع .. وكلهم تايلنديين .. غريبة هالانسانه والله
و سارة كانت متحمسة تتمشى و تتصدد و تغني ..
منصور فخاطره \ يا أرض احفضيها
يا نجوم احرسيهــا
يا دقايق يا ثواني اسعديها
ترا هذي حبيبتي و آموووووت فيها ..

وهذي كانت حالت منصور وسارة كل يوم الصبح اهي تنزل وهو وراها .. وتخيلو انها ولا مرة لاحظت هالشي ..
كان منصور وين ما تسير وراها .. سواء كانت ويا أهلها ولا بدونهم .. كان وياها وياها ..
وفي يوم من الأيام .. يوم كانت تطلب الكوفي فالكافيه اللي تعودت أتروحله كل يوم الصبح ..
وقفت عند المحاسب تدفع البيزات..
والمكان كان واايد ضيق لان الكافيه كان صغير ..ومنصور كان واقف يراقبها ، دفعت ولما يت بتطلع تخرطفت جدام الباب ولا إراديا منصور بأسرع ما عنده يودها عن اتطيح ..
منصور\بسم الله عليج ..
سارة\........................................ ..... .
منصور\.........شحالج؟
سارة\........................................ ..... .
منصور\ شحــــــــــــــــــالج؟؟
سارة\........................................ ..... ..thanks

شفيك لا مني بغيتك تهربت؟
هديت حيلي بالمشي في دروبك
لا شرقت رجلي عن الدرب غربت
وان أشملت رحت ومشيت لجنوبك
لا جيت ألمك من ايديني تسربت
وإن بان مشراقك صدمني غروبك ..

وطلعت من الكافيه .. تحطم منصور كيف انه يوم حاول يكلمها طنشت بس عقب لاحظ انها ما سمعته لانها كانت حاطة الآي بود في أذنها..
شوي ولا رن تيلفونها:
سارة\ألووووه
...\ ..................
سارة\ هلا عاشه ، صباح الخير شحالج؟
عاشه\....................
سارة\انشالله دوووومز .. وينج انتي ما تنشافين هالأيام؟
عاشه\..................
وتمت ايسولفون ومنصور يسمعهم و مستانس ليش انه سارة وعاشه صارن ربع وااايد قراب من بعض .. تراهم كملو الحين شهر في بانكوك
سارة\ عويش تعالي بتخبرج .. انتي مشغوله اليوم؟
عاشه\.......................
سارة\ خلاص أنا رادة الفندق بسبح و بتلبس وبي عندكم البيت
عاشه\.........................
سارة\ خلاص تواعدنا
منصور بيطير امن الفرحة ليش انه سارة بتي بيتهم.. وقام يفكر شو بيسوي وشو بيقول وكيف بيجابلها ..
كان يحليله متخبل عليها و هي لا تدري عنه .. كان يطلع وياها يحرسها .. خايف يصير لها شي وسارة يحليلها ما عندها خبر
المهم ..
رجعت سارة الفندق و ركبت اللفت ويا منصور وكالعادة ما لاحظته ..
و ظل منصور ينتظر فشقه عاشه .. وينتظر وينتظر ...
**********
سارة\ هلا عويش شحالج؟
عاشه\تمام يسرج الحال..عاش من شافج ..
سارة\ انتي لي هب باينة وينج من يومين مالج حس
عاشه\والله انتي تدرين نحن ياين عسب انعالج يدتيه و كنا مشغولين وياها فالمستشفى هاليومين ..
سارة\يحليلها والله.. انزين طلعوها شوي خلوها اتغير جو .. يعني تدرين من الفندق للمستشفى و من المستشفى للفندق
عاشه\الله يخلي اخويه منصور أهو اللي يوديها واييبها ,, ويكشتها ويطلعها
سارة\ ما شالله عليه .. شقده منصور ؟ أنا ولا مرة شفته وياكم
عاشة\ أكبر عنج بسنتين يعني 18 سنه
سارة\ أها بس انا ولا مرة شفته وياكم
عاشة\كيف ما شفتيه .. أكيد شفتيه بس ما عرفتيه
سارة\مادري والله بس اهو كيف شكله
عاشه\ ( ويلست توصف منصور )
سارة\ يمكن شفته مرة والا مرتين, المهم يالله خلنا انسير عقب بنتأخر عالفلم..
عاشه\ يالله
وسارو السينما و منصور يتريا فالشقة عباله ان سارة بتي عندهم.. ما يدري انهم تواعدو عالسينما
*********
منصور\ هذيل وين راحو؟ قالو بيون الشقة ؟ خلني أدق على عاشوه اتخبرها
وشل تيلفونه واتصل على : ختيه
عاشه\ ألووو
منصور\ وينكم؟
عاشه\شدراك ان ويايه حد؟
منصور\هاه؟ ... مادري.. بس قلت أكيد وياج حد .. هب معقوله بتطلعين بروحج وأنا وراج
عاشه\أها .. أنا رايحة السينما
منصور\ويا امنوه؟
عاشه\ســــارة ربيعتيه لي قتلك عنها
منصور\أي سينما؟
عاشه\mbk
منصور\أي فلم بتدشون؟
عاشة\ تحقيق اهو؟ .. مالك شغل أي فلم
منصور\ أوكي بس لا تتأخرن
عاشه\ انزين .. يالله اجلب ويهك .. باااي

سارة\امنوه هذا؟
عاشه\أخويه الأهبل!
سارة\أي واحد فيهم خلوود؟
عاشه\لا منصور.. متصل يتخبر
سارة\غريبة هذي أول مرة يسألج وين رايحة ما لاحظتي؟
عاشه\هيه غريبة والله حتى كان وايد متوتر وهو يسأل
ساره\قولي والله...تلاقينه شارب شي خخخخخخخخخخخخخخخ
عاشه\خخخخخخخخخخخخخخخخخخخخخخخخخخخخخ
ودشن الفلم و منصور قاعد فاللوبي يتريا و يحاتي حبيبة القلب ..

وينك حبيبي وينك...طول بنا الفراق
تعال وشوف بعينك ... مشتاق لك مشتاااااق

لما رجعت سارة مع عاشة طبعا لقوا السيد منصور يترياهم فاللوبي، وعاشة أول ما شافته ضحكت و كملت طريجها ويا سارة ولا كأنها اتعرفه .. عاشة ضحكت لأنها شافت حالت أخوها لما شاف سارة ..
تشقق ويهه و الابتسامة العريضة وطبعا سرحان يطالع سارة و هذا خلا عاشة تعصب لانها ما ترضى على ربيعتها
عاشه\سارة شو رايج نتطلع الشقة .. أحسن من القعدة هنيه فاللوبي جدام الله وخلقه
سارة\أوكي فديتج يالله .. عسب أنا بعد تعبانه شوي
عاشه\سرينا..
وسارو فوق و منصور تم في مكانه سرحان يناظر المكان اللي كانت سارة واقفه فيه.. وقعد يتخيل سارة قاعدة معاه و تسولف وياه ...
منصور\والله انها ملاك . والله انها غير هالبشر كلهم .. كل شي فيها حلو .. صوتها .. كلامها .. حركاتها .. والله العظيم اني أحبها..
سكت لحظة و يلس يفكر في نفسه
منصور\أحبها؟؟؟؟ كيف طلعت هذي بعد؟؟ لا لا أنا ما أحب!! هاي الكلمة طلعت بالغلط .. أنا مستحيل يغرني البنات .. تراهم كلهم وااحد !! بس هذي بدهم كلهم .. أنا متأكد من ها الشي.. لي شهر وأنا أراقبها ولا لاحظت عليها هفوة .. البنية مؤدبة و مربايه زين والدليل انه على الرغم من محاولاتي وياها ولا اطالعتني أو حتى فكرت تصد صوبي .. هذي بد كل البنات كلهن .. هذي سارة .. هذي لي خذت قلبي ..
و يلس فاللوبي على اللاب توب مشغل : شمايل مالت الوسمي

ياضي عيني خاطري بالبكا ضي ... ودمووع قلبي من شجونك شجنها
لي منك فالخافق مثل رسمت كي ... واسم الحزون اللي تطاول زمنها

يا ويل حالي أنا على هذا الحب .. كان منصور صدق يحبها و يباها و يخاف عليها من كل شي .. صار يعيش بس لجل يشوفها ..

من غلاك اخترت أنا دربك .. دون ما أفكر ولا أبالي
صرت أحبك صرت مغرم بك .. صرت عمري أول و تالي

(((((( الفصل الثالث ))))))
سارة\ ألو هلا عويش شحالج ؟
عاشه\............................
سارة\سوري الغاليه اني داقتلج هالحزة بس أنتي موجودة في شقتكم؟
عاشه\..........................
سارة\خلاص بي أسلم عليج لان خلاص حنا مروحين اليوم
عاشه\..........................
سارة\خلاص فديتج دقايق وأكون عندج..في حفظة الله
عاشة\.........................
وسكرت سارة عن عويش و سارت تتفقد أحوال اخوانها و سارت شافت اذا امها تبا منها شي
سارة\أمايه بغيتي شي مني
أم عبدالله\ليش أنتي طالعة؟
سارة\هيه اماية .. بسير بسلم على ربعي مثل دايما
أم عبدالله\خذي هذيل البيزات أباج اتصرفيلي اياهم
سارة\انشالله اماية .. ما تآمرين على شي ثاني
أم عبدالله\ لا بس لا تتأخرين لان الباص بيي
سارة\انشالله..يالله مع السلامة
*********
عاشة\ألو ... منصور
منصور\أنتي شتبغين داقة من صبااح الله خير .. الله يغربلج خربتي رقاادي
عاشة\الله يسامحك هذا يزاي داقتلك أقولك ان سارة بتروح
منصور\هاه؟؟؟؟؟؟؟؟؟؟؟؟؟؟؟شو قلتي؟؟؟؟؟؟
عاشه\سارة اليوم رادة البلاد والحين اهي يايه شقتنا اتسلم عليه و على امايه لانها خلاص عقب ساعتين بيسيرون المطار
منصور\كيف؟ و ليش؟ لا ما تروح!
عاشه\خخخخخخخخ ... هب على كيفك اهو ..يالله بااي
منصور\انزين اصبري .. ألووو .. عاشووه ؟؟ .. أف هذي سكرت الخط..حبيبتي بتروح عقب شوي وأنا فالفراش
لا ما يصير جيه .. أنا لازم أتصرف .. مستحيل اخليها اتروح هب داريه عني..لازم اكلمها اليوم..
ونش من الفراش ولبس ثيابه ونزل عند عاشة خته بس يوم وصل كانت سارة طالعة عنها .. فنزل اللوبي يدور عليها بس ما لقاها .. طلع يمشي فالمنطقة صوب ربعها يدور عليها بس ما لقاها .. وتم يدور ويدور..

لا تسافر قبل ما شوفك .. لو دقايق قبل الوداعي .. لو دقايق قبل الوداعي
من البعد بتأمل اوصوفك..راعني ما دمت لي راعي .. راعني ما دمت لي راعي

عقب ما فقد الأمل رجع الفندق وهو متحسر و دموعه في عيونه ويلس فاللوبي مهتم ما عارف وين يدق راسه
منصور\رااحت .. رااحت عني الحب كله .. ضاعت من يديه . وكله مني السبب .. بس أنا لازم أسوي شي ..بسير المطاار..لازم ألحقها .. مستحيل أخليها تفلت من يديني..أنا بدونها ما عيش

وركب منصور تاكسي وسار المطاار .. وقعد يدور عليها و يدور ويدور بس ما لقاها .. وهو طالع من المطار سمع صوتها .. صد ولقاها يالسة اتكلم شرطي ..
ما عرف شو يسوي امن الفرحة .. كان خاطره يرقص و يغني بس يود عمره ..
منصور\فديت هالويه .. أخيرا لقيتها .. أنا لازم أسير أكلمها .. يالله يا منصور تشجع .. هذا مستقبلك جدامك لا تضيعه..
وبدا صوبها يقرب .. وهي شافته ياي صوبها .. وابتسمت في ويهه
كانت هذي أول مرة اتلاحظه .. و هو لما ابتسمت له .. انزلت دمعته امن الفرحة .. ولما وصل عندها
منصور\ السلام عليكم
سارة مستغربه\وعليكم السلام و الرحمة
منصور\سارة صح؟
سارة بعده مستغربه كيف هذا يرمس عربي\خويه اتدور على أحد؟
منصور\أدور عليج
سارة\هاه؟؟؟؟
منصور\بغيت أتخبرج عن شي
سارة\تفضل
منصور\...مممم....بصراحة ما عارف كيف أبدا .. ومن وين
سارة\ابدا من مكان .. انا اسمعك
منصور\انزين ممكن نيلس مكان؟
سارة\اسمحليه .. أنا ما أعرفك وبعدين أنا هب مال هالسوالف
منصور\اوكي ماعليه انزين خلنا انسير مكان عسب أنا خايف هلج يشوفوني وياج أنا ما أبالج مشاكل
سارة\لا ماعليك هم دشو أنا بس برع لان خواني بون أكل سايرة أخذلهم
منصور\انزين تعالي بنمشي وبقولج
سارة\بس باختصار لو سمحت .. بس أول شي أنت أمنوه
منصور\أنا منصور..
سارة\أها و أنا..
منصور\سارة أدري
سارة\وتعرف اسمي بعد
منصور\بتيج السالفة .. بس سؤالي .. أنتي ما شفتيني مكان من قبل؟
سارة\مادري والله انا الحين بالي هب ويايه بس ليش
منصور\أنا من اول يوم انتو وصلتو بانكوك وانا وراج وانتي هب مسوتلي سالفة ولا ملاحظتني
سارة\أنا ما الاحظ الشباب اللي يلاحقوني
منصور\أدري لاحظت عليج هذا الشي .. المهم أنا ياي من الفندق لان ما بغيتج اتروحين بدون ما تعرفين انتي شو مسويه فيه
سارة\وليش انشالله أنا شو مسويه؟
منصور\باختصار ....
وصلو الكنتاكي و قاطعته سارة و سارت تشتري حق خوانها الأكل وخلت منصور بروحة يترياها
منصور يفكر\أخيرا عطتني ويه .. الحين أنا شأقولها .. والله اني واقف ميت ما عارف وشو أقول
سارة\الوووو...هي شفيك سرحان
منصور\هاه ؟؟شوه؟ من متى وأنتي تزقريني؟
سارة\من فتره..خخخخخخخخخخخ
منصور\...................................مرة ثانيه
سارة\شو ؟؟ شو مرة ثانيه؟
منصور\اضحكي..دخيلج
سارة\شو كنا انقول .. هيه .. باختصار..
منصور سرحان ..
سارة\ألوووووووو .. هي أنت
منصور\هاه ! آسف ..هيه باختصار..سارة انا بعترفلج بشي .. بس قبلها طلبتج وأنتي ما تردين حد..
سارة\اوكي بس يكون في حدود المعقول
منصور\أنا بعطيج رقميه لي هنيه في بانكوك وأباج أول ما توصلين البلاد تطرشيلي مسج واحد بس تطمنيني انج وصلتي .. دخيلج .. بس لي هذا الطلب واذا تبين بعد ما تسمعين عني خبر عقبها
سارة\أنزين ليش؟
منصور\أنتي بس سوي جيه وبعدين تعرفين كل شي..
سارة\وشاللي بيخليني أسوي جيه..عطني سبب أو دافع أني أسوي هالحركة
منصور\أنا أدر انج بتسوينها .. بدون أسئلة .. الجواب عندج .. خذي هذا رقميه .....
وعطاها الرقم ..
سارة\أنا لازم أسير هذوه أبويه يدقلي
منصور\أتحملي على عمرج رجيتج ولا تنسين قبل ما تركبين الطيارة و أول ما توصلين..
سارة\بفكر فالموضوع يالله بااي
منصور\الله يحفظج .. وفي خاطره يقول : لا، لا تروحي

وسارت سارة و تم منصور واقف في مكانه يراقبها وهي تبتعد ...

حان موعد سفرهم .. ويل حالي بلاهم
يعل ربي يحفظهم .. لي في قلبي غلاهم

ورجع منصور من المطار .. مستانس بس في نفس الوقت حزيين لأنه بيضل بروحة لمدة اسبوع بدون ما يسمع عن سارة خبر..
وعقب ربع ساعة وصل منصورمسج، فجه:
هلا أضن اتعرف أنا أمنوه .. أنا الحين راكبة الطيارة .. بااي .. وسلملي على بانكوك

ضحك .. وكان مستانس لان سارة طرشت المسج .. ولما وصل الفندق قعد يترياها .. حتى الليل ما نامه يتريا المسج اللي تقول فيه انها وصلت دبي سالمة..
لكن مر اليوم الأول ولا يا المسج .. واليوم الثاني وهم بعد ما وصل
و مر الاسبوع و منصور ما سمع عن سارة خبر..
كل حد لاحظ على منصور انه طول الاسبوع ما طلع و صاير مزاجي ما يتحاجا .. كل ما قالوله شي عصب واتنرفز وطلع من الغرفة

المهم يوم حان موعد رجوع منصور الى دبي كان شوي مرتاح عسب انه بيرد البلاد ويحاول ينسى سارة..بس أول ما وصل البلاد و شاف دبي وشاف العالم .. نزلت دمعاته
تذكرها .. تذكر ضحكتها .. تذكر كيف كان يفز قلبه يوم يشوفها ..
تذكر ان عنده رقم اخوها عبدالله وبدون أي تفكير اتصل بس محد رد عليه لأن الوقت كان متأخر .. بس عقب عشر دقايق وصله مسج
وبدون تردد فتحه ولقا المسج يقول: أمنوه ؟؟؟
مسك منصور تيلفونه وطرش : عبدالله صح ؟؟
وصله : لا أنا هب عبدالله .. أنا خته اذا تباه هذا رقمه *******
اتخبل منصور .. ما عرف وين يدق راسه .. كان خاطره يصرخ بأعلى صوته بس انتبه انه بعده فالمطار
و كتب: فديتج حبيبي أنتي ليش خليتيني وما طرشتيلي مسج اول ما وصلتي البلاد .. حراام عليج عذبتيني .. طول الوقت أحاتيج .. والله حتى الرقاد ما أهنا فيه..

يوم وصل سارة المسج استغربت لأنها كانت ناسيه سالفة المطار .. ومنصور وكل الخرابيط اللي صارت فالسفر

جان اطرش: امنوه ويايه ؟؟
وصلها من منصور : أنا منصور لي كلمتج فالمطار ، كيف تنسيني؟؟
طرشت : ومن وين يبت رقميه ؟؟
وصلها: أنا يبته وخلاااااص وبعدين اتحمديلي بالسلامة أنا توه واصل البلاد
طرشت: حمدالله على السلامة ..
وصلها : الله يسلمج .. شحالج ؟

ودار حوار بينهم الين الفجر عالمسجات .. وحاول منصور انه يقنعها اتكلمه بس ما رضت..
و عقب مرور يومين و فاليوم الثالث وكان يوم الجمعة عقب الصلاة
وصل سارة هالمسج من منصور : أنا بتصل وانتي ردي عليه بس والله ما بتكلم بسمعج شي ..

ردت عليه سارة: أوكي بس ما تتكلم .. لو لي في خاطرك مكانه

وفعلا اتصل فيها .. كانت سارة واااايد متردده أنها اترد و عقب توتر وحالة مسكت التيلفون وردت.. وعلى الصوب الثاني سمعت:

ثلاث أياام مرن في حياتي غير
ثلاث أيام عشت الحب وأغليته
ثلاث أياام وجهك يا كلام الطير
كلام أعذب وأطيب من تفديته

(((((( الفصل الرابع ))))))
اهنه بدت قصة حب ولا أرووع منها .. حبته و أهو حبها .. كان مستعد يوصل القمر اذا هي طلبت منه .. حبه لها كان غير طبيعي .. كان غير كل حب .. كان حب حقيقي
الحب الحقيقي .. بيعيش يا حبيبي
بيعلمنا نسامح .. بينسينا مبارح
بيعلمنا انفكر ديما .. بأيمنا الجايه
****
سارة لنفسها وهي تسمع الاغنيه لي حاطلها ياها منصور\ معقوله أنا جيه مأثره فيه ؟ معقوله اهو يبني جيه ؟ والله غريبه .. هالأيام الشباب ما يحبون .. كله يلعبون .. يا سارة خليها عالله .. انا ما بعطيه ويه إلا يوم بتأكد من هالشي ..
وسكرت سارة التيلفون وسارت بيت يدتها .. وهي تفكر فاللي قاعد يصيرلها..
عقب صلاة العصر .. وصل سارة هالمسج من منصور:
فديتج وين انتي ليش ما طرشتيلي مسج عقب ما سكرتي عني .. أنا غلطت فحقج ؟؟ حرااام عليج اتعذبيني جيه..والله كنت احاتيج .. والله اتخبلت وأنا افكر هذي شو صار لها .. حرااااام عليج ارحميني ...
فكرت سارة\ أرد عليه ولا ؟؟ .. خلني أقطعه لمدة اسبوع أو ويومين أو شهر على حسب .. بس خلني أتاكد
وفعلا ما ردت عليه .. ومر اليوم الأول
نشت سارة من الرقاد .. فتحت تيلفونها قبل ما تروح المدرسة.. سارت الحمام و رجعت .. ويوم شافت تيلفونها ما قدرت اتصدق اللي تشوفه .. 39 مسج !!!!!!!!!!!!!!!!!!!!!!!!!!!!!!!!
اتخبلت .. ما عرفت شو اتسوي .. جان اتقول فخاطرها\ هذا اول يوم .. يمكن عقب مدة قصير يمل و ينساني .. خلنا انشوف .. واللي فالجدر بيطلعه الملاس
بندت تيلفونها وسارت المدرسة .. ولما رجعت فتحته و هم نفس الحالة أكثر من 30 مسج .. بس بعد ما ردت
ومر اليوم الثاني .. نفس الحالة
واليوم الثالث .. بعد نفس الحالة
وفاليوم الرابع .. زادت المسجات
يوم وصل آخر الاسبوع اتفاجات سارة بأخته عاشه داقتلها ..
عاشه\ السلام عليكم
سارة\وعليكم السلام والرحمة , من معايه ؟؟
عاشه\أفاا نسيتيني ؟؟!! انا عاشه مالت بانكوك
سارة\عوااااااااااااااش !! شحالج ؟ شخبارج ؟ شو مسويه ؟ شو الدنيا وياج؟
عاشه\والله يسرج الحال خويتيه .. الدنيا مثل ما اهي بس انتي اخبارج ؟
سارة\الحمدالله .. تعالي بتخبرج .. وين يبتي رقميه؟
عاشه\هاه ؟؟ شو ؟؟ رقمج ؟؟ ...... مممممممممم ..... انتي عطيتيني اياه
سارة\لا أنا ما عطيتج ياه .. انا عطيتج رقم امايه
عاشه\لا عطيتيني ياه .. بس انتي نسيتي ...
سارة\يمكن بعـــد الله اعلم ..
عاشة\بغيت أسالج شي..
سارة\آمري فديتج .. قولي
عاشه\ ما يآمر عليج عدو .. بس انتي تدرين اني اخت منصور صح؟
سارة في خاطرها\ شـــــو !!!! أخته ؟؟ عاشه اخت منصور! يعني منصور اخو عاشة !!!
عاشه\ألووووووووووووو .. سارة وين رحتي؟؟
سارة\وياج .. هيه أدري
عاشه\انزين منصور مأذني ..جتلني أسئلة .. انتي ليش ما تردين عليه .. زعلانه؟
سارة\لا مافيه شي
عاشه\عيل؟؟
سارة\ لا ماشي .. خلاص انا بحل السالفه
عاشه\بسرعة دخيلج والله جتلني ..
سارة\ أفا عليج .. ماعليه انا بتصرف
عاشه\بخليج عيل
سارة\حفظتج الله ,, بــــــــــاي
عاشه\ بـــــــــــاي
****
والله غريبة هالدنيا .. )))
فكرة تمت في راس سارة .. تنعاد و تتكرر .. وكل دقيقة .. مع كل مسج يوصلها .. تثبت الجملة في راسها أكثر وأكثر
بعد فترة قصيرة .. تقريبا عشر دقايق .. كانت الساعة 10 فليل .. مسكت سارة تيلفونها كتبت:
وينك؟؟؟؟؟؟ ...
وطرشتها لمنصور ..
****
 غرفة منصور >
.. رسالتن رسالة .. رس رس رس رسالة ..!!!
..رسالتن رسالة .. رس رس رس رسالة ..!!!

كان منصور فالحمام .. ولما سمع تيلفونه يدق انه مسج وصله .. طلع امن الحمام ابسرعة معنه كان داخل يسبح
( تخيلو الموقف) خخخخخخخ
المهم
فتح الرسالة : وينك؟؟؟؟؟؟؟؟
طرش: في قلبج ..

ودخل الحمام يلبس ثيابه ..
لما طلع لقا مسج.. فتحه : من قالك ؟
رد عليها: العصفور
طرشت: خخخخخ .. والله ضحكتني ..
رد: يليت هالضحكة ما تفارق شفايفج ولا يووم
طرشت : ................
طرش:ليش ساكته
ردت: ما عندي شي أكتبه
طرش: انزين ممكن طلب
ردت:آمر
طرش: ممكن أسمع صوتج .. انتي وعدتيني
ردت: أوكي بس هب الحين
طرش: متى ؟؟؟؟
ردت : عطني عشر دقايق
طرش: لو تطلب عيوني في لحظة تجيك...

يلست سارة اتحاسب نفسها واتفكر .. \ منصور غير عن كل الشباب .. منصور يباني .. منصور يحبني

وقطع حبل أفكارها تيلفونها يدق مسج
فتحته: سارة ,, مرن عشر دقايق .. يالله اتصل ولا؟

طالعت سارة الساعة وقالت في خاطره\ هذا يستهبل ! حتى دقيقتين ما مرن
جان اطرش\ عن الجذب دقيقتين ما مرن ..
جان يوصلها من منصور\ عيل ساعتيه مخرفه .. خخخخخخخ ..
طرشت\ هب الا انت اطلع عذر عسب اعجل الاتصال صح ولا؟؟
وصلها\ كل دقيقة تمر في قلبي لهايب ..

وفعلا عقب عشر دقايق .. رن تيلفون سارة
منصور\ الوه
ساره\الو
منصور\ ألوووووووووووووه
ساره\ ألوووووو
منصور\هلا ..
سارة\أهلين
منصور\السلام عليكم ورحمة الله وبركاته
سارة\وعليكم السلام والرحمة
منصور\هلا
سارة\قلنا أهلين

كان منصور وااايد متوتر وسارة نفس الحال

منصور\ شحالج؟
سارة\تمام .. انت شحالك؟
منصور\من حالج .. ممكن سؤال
سارة\تفضل
منصور\انتي ناويه على مووتي صح؟؟؟
سارة\ههههههه افا ليش؟
منصور\ ليش قطعتيني هالفتره كلها .. ليــــــش !!!!!!!!
سارة\ خخخخخخ .. أتغلى
منصور\ أسبووع يالظالمة .. هذا هب تغلي هذا جريمة
سارة\ هههههههههههه .. ليش هالكثر انا غاليه؟
منصور\ آآآآه يا ساره.. والله انتي هب حاسه فيه..

ويلسو ايسولفون الين طلعت الشمس ..
منصور\ سارة
سارة\ هاه؟
منصور\ الشمس طلعت عندكم؟
سارة\ هيه..انتو؟
منصور\ هيه
سارة\ ليش هالسؤال؟
منصور\ لان وراج مدرسة وما اباج تتعبين .. ترا تعبج من تعبيه
سارة\يعني تباني أسكر عنك؟
منصور\ياليت ايدووم هالاتصال طول عمري بس حبيبي لازم ترقدين ولو ساعة
سارة\شو؟
منصور\شو..شو؟
سارة\ عيد كلامك
منصور\ لازم ترقدين ..
سارة\ لا..لي قبله
منصور\ ياليت هالاتصال
سارة\ لا!!!!!!! لي عقبه
منصور\سارة عااد .. انتي سمعتيني .. هب لازم اعيد
سارة\هههههههههه ... ليش استحيت؟
منصور\ لا ! انا ما أستحي ..
سارة\ عليه هالحركات ؟؟؟
منصور\ أوكي يمكن استحيت شوي
سارة\خلاص عيل .. بخليك أنا
منصور\ اول ما تنشين اتصلي فيه أنا اترياج .. وبندي تيلفونج عقب ما تسكرين عني
سارة\انشالله
منصور\يالله نووم العواافي
سارة\باي
منصور\الله يحفظج .. وهالله هلله فعمرج الين الصبح
سارة\انشالله
منصور\والله ما ودي أخليج .. والله خايف أخليج
سارة\والله ما بياكلني العقرب .. باي
منصور\ههههه .. باااي حبيبي
سارة\ شو؟؟
منصور\ ماشي ..
وسكر التيفون فويها
لما سكر منصور تمت تضحك سارة ... وبندت تيلفونها مثل ما قالها ورقدت

لما نشت الصبح فجت تيلفونها و لقت مسج من منصور يقول فيه:

لو تبغي اتعرف غلاك عندي .. اوقف على شط البحر وانتظر حتى ينتهي موجه

عقب ما قرت المسج اتصلت فيه.. ودار هذا الحوار بينهم:
منصور\ صباح الخير
سارة\ صباح النوور والسروور
منصور\ ارتحتي في رقادج؟
سارة\الحمدالله .. وانت؟
منصور\ انا ما رقدت .. قاعد أترياج
سارة\ معقولة
منصور\ المهم .. انتي سيري المدرسة بس اسمعي
سارة\ أمر
منصور\ ما أباج تتجحلين ولا أباج اتحطين gloss ولا اكسسوارات ولا هالخرابيط كلها .. انزين
سارة\ ليش كل هذا ؟؟؟
منصور\ انتي بتسوين جيه ولا تبيني أزعل عليج؟
سارة\ أوكي بسوي بس ليش ؟
منصور\لاني اعرفج كشيخة وما تطلعين الا متجحله .. وانا ما أباج تتجحلين
سارة\شو الحكمة
منصور\ أغاااااار عليج
سارة\واللــــــه ؟
منصور\ بس عاد عن الهذربه الزايدة واتجهزي حق المدرسة .. ومن المدرسة للبيت ومن البيت للمدرسة أوكي
سارة\انشالله
منصور\يالله فديتج .. لا تنسين أول ما تردين من المدرسة اتطرشيلي مسج .. في كلام أبا أقولج ياه
سارة\ بعد في كلام أزيد عن لي قلته لي البارحة
منصور\هيه .. في بعد أشيا
سارة\ انشالله اول ما ارجع من المدرسة بتصلبك .. يالله بااي .. وارقد لو سمحت عشان خاطريه
منصور\ دامج قلتيها .. برقد .. يالله باي

وسارت سارة المدرسة .. ومنصور حطا راسة ورقد
****

(((((( الفصل الخامس ))))))
< سارة كانت في مدرسة خااصة يعني مخلوط , شباب و بنات >
كان في واحد في المدرسة يحب ساارة وااااايد اسمه عبدالله , يعني مستعد يسوي أي شي عشانها و طبعا منصور ما يدري أصلا ان مدرستها فيها شباب..
< مدرسة سارة >
سارة بصوت واطي\ أف عبدالله شو يبغي مني ..
عبدالله بصوت متلهف\ ساارة صوبنا ، تعالي ابا أسألج
سارة، تأفف\ أوكي الحين يايه
وسارت سارة عند عبدالله تشوف شو يبغي و هي تدري انه بالعماله يستهبل اونه ما يعرف السؤال بس عسب هي تيلس وياه و تفهمه و تعطيه ويه..
سارة وهي تتطالع عبدالله بحقارة\ خلاص .. هذا الجواب .. فهمت؟
عبدالله، يتدلع\ هيه فهمت سوااري .. بس في سؤال غيره
سارة ، متغصصة\ شو بعد ؟؟ يالله مدرس الاحيا يباني ..
عبدالله بنبرة حزينه\ خلاص عاادي سيري عند المدرس .. ما بتعبج ويايه
سارة\ خلاص .. يالله باي
عبدالله في خاطره\ ليتك تبادلني الشعور من دون صد ولا غرور
عبدالله لسارة\ مع السلامه سارة .. أنا آسف
و سارت سارة عنه و خلت عبدالله ( يحليله ) يعاني .. والله عبدالله كان يحبها و كل حد بالمدرسة يعرف هالشي معنه عبدالله هب مخبر حد..
والله ما باح بغرامك لساني .. إلا عيوني يوم يطرونك تبوح
كتمت سرك لين دمعي عصاني .. راعي الهوا لو يكتم السر مفضوح
****
سارت سارة و يلست على دري في مبنى secondary و يلست تفكر في منصور .
سارة تكلم نفسها\ الحين منصور شو يسوي؟ أكيد رااقد .. فديته ..
وهي مستغربة من نفسها\ فديته؟؟ .. انا ليش أتفداه ؟؟ .. خخخخخ .. والله اني غبية .. لا ويالسة احاتيه .. خخخخخخ .. والله و قمت افكر فيه .. لا لا سارة انتي اكبر من انج اتحبين ..قلبج ثابت ما يتحرك امن مكانه .. و منصور لو يحبج صدق بس ما بيحرك فيح اشعره !!! فهمتي .. يالعنزة .. هي سارووه ..
نوره(ربيعة سارة روح باروح)\ أي انتي بلاج تتحرطمين ويا عمرج؟؟؟
ساره بصوت متوتر\ هاه؟ .. لا ماشي .. يالسه .. ممممممم .. أغني .. هيه كنت أغني
نورة مستغربه\ أوكي شو فيج خايفة .. بعدين تعالي ليش يالسة ابروحج هب من عوايدج .. دايما رابشة الكلاس ربشة .. شو فيج سارونه ؟ تخبين عليه؟؟
سارة متوترة\ لا فديتج أنتي تعرفين كل شي عني .. بس انتي تعرفين عبدالله ..
نورة \ بس لا تكملين و ما عليج من عبدالله تراه وااايد مصدق انج بتعطينه ويه ..
سارة بصوت واطي \ نورة..
نورة\ لبيه فديتج , آمري تدللي..
سارة خايفة \ ...... ولا أقولج ..ماشي
نورة مستغربة\ شو فيج ساروه ؟؟؟
سارة متضايقة\ لا ماشي .. ( ابتسمت ) كنت اجرب صوتي
نورة منقهرة\ سخيفة !!!!
سارة\ خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خ
نورة\ هذا اللي فالحة فيه
سارة\ هههههههههههههههههههههههههههههههههههههههههههههههههه ههههههههههههههههههه
****
< بيت منصور >
أم منصور\ منصور قوم اتصل حق الدريول و خبر البشكارة عسب يشلون اختك امن المدرسة
منصور باحترام\ انشالله امايه .. من عيوني ما تآمرين على شي ثاني فديتج؟
ام منصور مستانسة\ لا فديت روحك .. سير خبرهم وعقب أباك في شي
منصور مستغرب\ انشالله امايه..
وسار منصور يخبر الدريول والبشكارة ورجع حق أمه ..
منصور\ أمايه بغيتيني ؟؟
ام منصور\ تعال ايلس جدامي أبا أسألك شي
منصور بتوتر\ آمري اماية .. قولي
ام منصور ببرودة\ بس أبا جواااب بكل صراااحة ..
منصور بتوتر\ انشالله
ام منصور\ منصور .. انت في حد في قلبك ؟
منصور بتردد\ ليش أمايه ؟
ام منصور معصبة\ جاوبني
منصور بوثوق\ لا .. أنا ما أحب .. أنا مغرم
ام منصور بشجاعة \ أها .. يعني تحب؟
منصور\ هيه نعم احب
ام منصور\ خلاص عيل .. برايك
منصور\ آمرتيني عشي؟؟
ام منصور\ لا .. مع السلامه
منصور\ باي اماية
****
الحين سارة توها راجعة البيت .. دشت غرفتها أسرع ما عندها .. شغلت تيلفونها .. و طرشت حق منصور:
أنااااااااااا فالبيت ..
أول ما وصل منصور المسج .. اتصل فيها
منصور\ هلا
سارة\ اهلين و سهلين و بوستين عالخدين
منصور\ اوب أوب كل هذا عشاني؟؟
سارة\ يمكن هيه يمكن لا ..
منصور بصوت متلهف\ خفي عليه .. ولله ما تحمل
سارة \ ههههه .. لا ترا وراهم خبر
منصور بتفاؤل\ قولي .. ليته يفرح القلب الحزين
سارة باستغراب\ ترا انا اليوم حاسة عمريه متغيرة وااايد
منصور مستغرب\ افا ليش .. في حد ضايقج بشي ؟
سارة بتوتر\ لا .. بس في واحد ..
منصور معصب\ واااحد !!! ليش انتي ما رحتي المدرسة؟؟؟؟
سارة بتوتر\ لا رحت .. بس في واحد ويايه فالصف اسمه عبدالله .. ترا المدرسة كلها اتعرف انه ميت فيني و ان..
منصور بجديه\ ساره .. باجر انتي تنتقلين امن المدرسة
سارة معصبة\ ليش ؟؟؟!!!
منصور بإصرار\ بتنتقلين و بدون ليش , فهمتي ؟؟؟
سارة معصبة\ هب على كيفك .. وبعدين انت هب أبويه عسب تقولي جيه !!
منصور عقب ما هدى شوي\ لكني حبيبج ..
سارة منصدمة\ حبيبي؟؟؟؟؟!!!!
منصور\ ليش أنا قلت شي غلط؟
سارة مستغربة\ نحن ما صار بينا شي عسب اتقول انك حبيبي .. أنت أخو عاشه يعني شرات اخويه
منصور منصدم و بنبره فيها حزن\ أخوج؟؟ .. واللي صار بينا البارحة فليل .. والكلام لي قتلج عنه ؟؟
سارة\ اوكي .. هذا هب معناته ان صرنا حبايب ..
منصور حزين\ عيل متى انصير حبايب.. يوم تنطفي الشمس؟
سارة بتفاهم\ لا .. بس الحبايب بينهم أشيا وااايدة .. ويكملون ويا بعض شهور وسنين .. والمحبة من طرفين.. الحبايب بينهم تضحية و حب و وفا واخلاص .. الحبايب هب لعبان يا منصور عسب اتقول ان نحن من ليلة وحدة صرنا حبايب ..
منصور مصر\ بس أنا أحبج..
سارة \ ما قلنا شي .. بس بعد نحن هب حبايب .. نحن الحين خوان .. وانشالله يوم بتقرب من بعض أكثر
منصور مستانس\ نصير حبايب .. صح؟
سارة تتدلع\ يمكن هي يمكن لا !
منصور يتدلع\ خلاص .. الله يقربنا من بعض انشالله .. و ما يفرق بينا..
سارة\ اتفقنا ..
منصور مستانس\ اتفقنـــا ..
سارة\ ببدل ثيابي و بسبح وبتصلبك لاني توه راجعة
منصور\ خلاص .. أترياج ولا تتاخرين
سارة\ من عيوني
منصور ذااايب\ تسلملي عيونج .. أتحملي على عمرج
سارة\ أوكي ..باااي
منصور\ بااي
وسكرت سارة التيلفون
منصور في خاطره\ مستحيل ابتعد عنها..مستحيل انسا حبها..مستحيل ادور غيرها..مستحيل اخونها يوم
****

***
عقب نص ساعة رن تيلفون منصور:
"أحبك موت انا وأحيا كثر ما أحب انا ذاتي
ومن شر وبلا الدنيا عليكي كم انا احاتي
لانك قطعتن مني و مايسواك عندي انسان
انا لليوم احس اني هذاك المغرم الولهان..."
منصور\ ألووووه
سارة\هلا منصور .. شحالك؟
منصور\ من حالج فدينج.. شحالج انتي؟
سارة\ والله تعابة شوي .. ودي أحط راسي عالمخدة وأرررررقد
منصور \ انزين حطي راسج عالمخدة وسولفي ويايه الين ما ترقدين
سارة\ وااااااي!!!
منصور بخوف\ شو فيج سارة؟؟؟؟!!!
سارة تضحك\ برررررد !!
منصور في خاطره\ بردان=بوسة تدفيني, حيران=صوتك يكفيني , مظلوم=شوفتك تواسيني
منصور لسارة\ اتلحفي زين .. ولا أقول أنا بي بلحفج
سارة بتردد\ أوكي ,, بس لا تضكني
منصور\ خخخخ . . أفا عليج
سارة\ أقول منصور ..
منصور\ آمري تدللي
سارة\ أنت كم عمرك ..؟
منصور\ والله فديتج أكبر عنج بشوي
سارة\ يعني؟
منصور\سنتين
سارة\ يعني انت ... مممممم ... ثاني ثنوي
منصور\ بالضبط ..
سارة)تتثاوب( \ تعبـــــانه !! فيني رقاد
منصور\ خلاص انتي حطي راسج ورقدي و يوم بتنشين طرشيلي مسج .. اوكي ؟
وقال في خاطره\ تمرض دواك عندي..تتعب راحتك بحضني..تتألم قلبي يعورني..لانك اغلى ما عندي
سارة )تتثاوب( : يصير خير يوم انش ..
منصور\ أوكي ,, اتريا المسج منج
سارة\ خلاص أوكي .. تمسي على خير
منصور\خخخخخخخخخخ..حلوة منج
سارة تضحك\ إذا حلوة رقمها ..
منصور\ خخخخخخ . يالله عااد أنتي رقدي .. عن السوالف لي زاايدة
سارة\ خلاص اوكيك..بااي
****
ومرت الأياام .. و كل ما يطوف يوم يزيد منصور يتعلق بسارة و ساارة عقب كل مكالمة تنعجب بمنصور أكثر وأكثر..
وعقب شهر من تعرفت سارة على منصور .. صارو حبايب وأكثر
تخيلو من كثر ما كانو متعلقين فبعض .. أقصى حد بين مكالمة و مكالمة ربع ساعة !!! ( الله يدوم المحبة )
****
( في ميلس بيت قوم منصور )
منصور توه مسكر عن سارة,, يالس يقول في خاطره\ حبيبتي وحيات قلبج و عينج مالي سواج أنتي ابد حب ثاني..
راشد)ولد خال منصور( : اوب اوب .. شباب طالعو الاخ منصور سراحاااان
منصور)سراحان(:..............................
راشد بصوت عالي\ هي منصور !!!! ياخي اصحى
منصور\ هاه ؟ .. شو ؟؟ .. بلاكم مسوين يوله؟؟
حمدان ) ربيع منصور روح بالروح( : خخخخخخخ .. والله انك حالة مستعصية
راشد\ خخخخخخخ .. هيه حمدانوه في هذي صدقت ..
منصور معصب\ والله هب حرااام الواحد يفكر
راشد\ انزين محد قال حراام .. بس المهم فامنوه اتفكر؟؟؟
منصور معصب\ هاه؟؟ .. ولا حد !!
حمدان\ رشود .. انا اعرف فمنوه يفكر
راشد \ حتى أنا أدري ,, كنت وياه مرة من المرات و..
منصور بصوت عالي\ مالكم شغل فامنوه !!
حمدان و راشد في نفس الوقت\ حرف الـ s !!!
تحول ويه منصور الى أزرق و أخضر ووردي و بنفسجي و أحمر
ما عرف شو يقولهم, منصور متوتر\ سارة امنوه ؟ انا ما أعرف وحدة بهالاسم !!
راشد يستهزأ\ هب علينا هالخرابيط .. كل دبي تعرف ان منصور متخبل على ربيعة اخته.. وبعدين امنوه طرا سارة أصلا .. لوول
منصور معصب\ اصلا مالكم شغل !! حياتي وانا حر فيها ..
راشد يضحك\ والله شباب آخر زمن .. منصور الطايش ولد خالتيه يحب !! خخخخ والله حالة
" أحبك مووت أنا وأحيا كثر ما أحب انا ذاتي .. ومن شر وبلا.. "
منصور\ هلا حبيبي ..
سارة\ اهلين فديتك
منصور\ فديتج دقيقة بس أستأذن الشباب
سارة\ خذ راحتك حياتي..
منصور للشباب\ شباب بستاذنكم ألحين .. عندي اتصال مهم
راشد\ لحوووووول .. كل خمس دقايق يا هي تدق يا هو يدقلها والله حالة . ابويه اجلب ويهك والله مستغنيين عن سوالفك
منصور\ يالله مع السلامة
ولسارة\ آسف فديتج ..
سارة بدلع\ لا عااادي حبيبي
منصور بشوق\ آه لو تدري بغلاك وسط قلبي هواك .. ما أبي تمر دقيقة إلا واقضيها معاك
سارة\ أوبب أوب .. كل هذا حقي ..
منصور\ وأكثر حبي .. أقول سويرة
سارة وهي تتدلع\ آمر حبيبي..
منصور\ امايه تباني شوي و بتصلبج أوكي حياتو؟
سارة\ أوكي .. باي
وسكر منصور السماعة و سار عند أمه .. يطالع شو تبغي
أم منصور\ منصور فديتك.. تيلفوني اخترب وانا سايرة بوظبي .. عطني تيلفونك الين ما أرجع ..
منصور بتردد\ بس أماية .. ربعي يدقولي ع تيلفوني
ام منصور\ الا هم يومين .. وبعدين أنا أمك يعني لازم تعطيني اياه و ايدك ورا ظهرك
منصور\ على عيني وعلى راسي بس دقايق .. بتصل بحد وبعطيج ياه
أم منصور وهي تتطالعه بخبث\ ابسرعة لاني طالعة
منصور بتوتر\ انشالله امايه ..
سار شوي بعيد عن امه عسب ما تسمعه ويدق حق سارة
سارة\ هلا حبيبي .. وينك تأخرت
منصور\ فديتج حبيبي لي خبر هب حلو
سارة خايفة\ شو فيك حياتي؟
منصور\ امايه تيلفونها خربان وبتسير بوظبي وبتاخذ تيلفوني وياها .. يعني ما بكلمج
سارة بحزن\ انزن الين متى؟
منصور\ يومين هب اكثر
سارة ) تشهق( : خلاص عاادي حبيبي .. والله عادي ..
منصور بحزن \ شو فيج حبي ؟ تضايقتي؟
سارة تحاول ما تبين ضيقتها\ لا فديتك لب متضايقة ولا شيات .. خلاص اول ما ترجع أمك اترياك
منصور \ يالله فديتج تحملي على عمرج .. وانا بحاول ويا امايه للمرة الاخيرة ,, يالله باي حبيبي

.. بودعكم يا أحبابي غصب ولا انا ما أبي
عساكم تذكرو حبي ولا تنسوني بغيابي ..

سارة\ خلاص منصور .. بااي حبيبي
و سكرت التيلفون .. وهذا كان آخر اتصال بينهم.. وعقبها صار اللي محد توقعة بيصر ..

(((((( الفصل السادس)))))
طبعا .. هذا كله صاير عقب ما مرت سنه و شوي على ما تعرفو على بعض ( منصور و سارة) أروع قصة حب ..
انزين اللي صار ..
سكر منصور عن سارة و هو ما وده ما يسكر .. وسار عند أمه و عطاها التيلفون و الفجيعة في قلبه
منصور وهو يناول امه التيلفون\ شيصبرني وأنا احبه و مثله فالبشر ناادر ..
ام منصور\ منصور شو فيك ؟؟؟ جنك متضايق؟ ربيعك قالك شي؟
منصور\ لا امايه ما فيني شي .. راسي شوي يعورني بآخذلي بندول وبحط راسي وبرقد احسلي لان باجر وراية مدرسة
ام منصور\ غريبة .. الساعة بعدها 9 و نص هب من عوايدك .. أنت عالأقل ترجع البيت الساعة وحدة فليل
منصور معصب\ أنا مريض! .. يعني حراام الواحد يمرض فهالبيت ؟؟؟!!
ام منصور\ لا هب حرااام .. بلااك شوي وبتاكلني .. خلني انقبض احسلي .. يالله أنا سايرة .. مع السلامة
منصور\ الله يحفظج امايه..
ام منصور في خاطرها\ قسم بالله منصور انجلب 180 درجة .. وين منصور الطايش؟ وين منصور المشاكل؟هذي اللي يحبها أكيد مسوتله سحر .. لكن اصبر يا منصور ان ما راويتك هذي لي متعلق فيها خايسة وما تسوى ما أكون انا أمك!!
منصور لنفسه\ خلني ىخذلي حبه منوم وأرقد الين باجر .. والله صايبني صداع..
لكن ومنصور ساير يدورله حبوب منومه زقره راشد )ولد خاله(
راشد\ منصور.. تعال
منصور في نفسه\ هذا بعد شو يبغي.. أف .. ها رشود .. آمر
راشد\ أقول يا ولد الخاله .. الشباب بيسيرون ميلسنا لي فالشارجة.. مابتي ؟؟ يمكن انمر زعبيل و نتحوط فالبداير
منصور متلهف\البداير؟؟؟؟
راشد مستغرب\ هيه البداير شو فيك فزيت؟
منصور يهدي شوي\ هاه لا ماشي .. بطالع ..
راشد\ انزين نحن عقب شوي طالعين .. عطنا خبر
منصور\ انزين بس لي حايه بقضيها وبعطيكم خبر
راشد\ خلاص عراحتك بس لا تتحير
منصور\ انشالله
وسار منصور غرفته يبا يبدل كندورته .. و هو يفكر
منصور\ اسير ولا ؟؟ .. أقول احسن بسير عسب الاقي شي يلهيني عن سارة .. فديتها .. خلاص ببدل و طالع يا الشباب من زمان ما سرت صوب البداير ..
وفعلا بدل ثيابه .. و طلع وياا الشباب ..ومثل ما تعرفون اني ذكرت اول القصة ان منصور قبل ما يحب سارة كان راعي مشاكل .. و طيش و سياير و وانتو ادرى
فساروا اول شي صوب زعبيل و منصور يسوق )الكدلاك( ماله .. لي شارله اياها الوالد.. وراشد يسوق الفتك.. وحمدان الستيشن .. وباقي الشله متوزعة فالسياير الثلاث
وعقب ما خلصو تحويط فزعبيل سارو صوب البداير .. وبدت المواهب تتطلع .. اللي يخمس .. واللي شال عتايرين و اللي يصعد عراقيب .. وحالتم لله .. عقب قرروا نهم يقعدون شوي ..
شلة منصور= حمدان , راشد , صقر , فيصل , عمر , غانم , مطر و سعيد
ويلسو كل الشباب حول النار لي مشعلينها .. وكانت الشله من رغم طيشهم و المشاكل لي مسوينها و البلاغات لي عليهم كانو وااايد مهتمين فالشعر والشلات .. وكان منصور ماشالله صوته وااايد حلو فالشله و حتى ربعه بس هو لي بارز بينهم..
راشد\ منصور .. يالله سمعنا من الزين شوي .. من زمان ما سمعنا حسك
منصور\ والله يا رشود تبا الصراحة مالي نفس
حمدان\ افا .. والله انك متغير يا البوس
منصور\ لا هب متغير ولا شي بس راسي يعورني
فيصل\ انزين أنا لي يديد .. ما تسمعون؟؟
غانم\ سمعنا ..
وبدا فيصل يشل قصيدة من قصايده وكانت وااايد حلوة حتى انها ذكرت منصور في سارة فقام سار السيارة
عمر\ منصور ... وين؟؟
منصور\ لا ماشي تذكرت شي
مطر\ والله غريب هالانسان صاير.. فيصل كمل ..
وبدا فيصل يكمل قصيده ومنصور سار السيارة و طلع صورة لسارة ويلس يتاملها
.. بصبر على فرقاكم مهما تمر سنين
اتخيل محياكم يا حبيبين العين ..
ورجع بعدين للشباب .. ويلس و عقب ما أصرو عليه يسمعون منه .. تخيل صورت حبيبته جدامة وبدا الشله:
كل الجوارح في ضلوعي مشتافة لشوفك ولقياك..وكل جزء في جسمي يسئل وينك يالضنين
كل نجمن في سما عمري يذكرني بساعة هولك..في كل يوم وكل ساعة وكل سنه هب الا سنين
,,,,,,,,,,,,,,,,,,,,,, وكمل الشله الين الآخر ,,,,,,,,,,,,,,,,,,,,,,,,,,,,,,,,,,,,,,,,,,,,,
راشد\ سلمت خويه .. هذا الفن ولا بلاش
عمر\ صح لسان الشاعر .. من كاتب القصيد؟
منصور بصوت تعبان\ وحدة .. وحدة من ربيعات ختيه
حمدان يستهزا\ راعية القلب؟؟؟؟؟
منصور يغمر لحمدان\ شو قصدك يعني ؟ الحين صارت هب حلوة القصيدة؟
حمدان\ لا نحن ما قلنا شي بالعكس القصيدة جزله ومعانيها حلوة وخاصة انها تتغزل فيك ...
منصور مستحي\ من قال انها تعرفني أصلا ؟؟؟
راشد\ خلونا من هالسوالف .. الحين يا دوري .. خاطريه أشّل
عمر\ انزين محد ميودنك سمعنا..
وبدا راشد شلته .. كانت قعدت الشباب حلوة .. تخيلو . قاعدين حول النار ويقصدون ويشلون .. عقب ارتبشو الاخوان وقاموا يولون ...
صقر\ منصور .. أنا سمعت عن مسابقة .. فزاع مسونها حق اليويله .. هب ناوي اتشارك؟
منصور\ والله أنا سمعت عنها بس أفكر فالموضوع ..حتى ابويه قالي عنها..
مطر\ يابويه منصور والله خسارة لو ما تشارك .. أنا من نفسي ناوي اشارك .. انت يولتك ماشلله ما عليها كلام
منصور\ اللي ربك كاتبنه بيصير .. ( وهو يفكر في ردة فعل سارة اذا خبرها انه بيشارك في برنامج )
راشد\ أقول شباب جنا طولنا .. بسنا امن اليلسة خلنا نطلع عشارع الامارات
غانم\ هي والله من زمان ما سرنا هاك الصوب ..
عمر\ يالله شباب سرينا؟؟؟
غانم\ ها حمدان شقلت؟
حمدان\ يالله شو ورانا ؟؟؟... قوموا اتوزعو فالسياير
وقامو الشباب وركبو السيارة .. وسارو صوب شارع الامارات .. يوم وصلوا هناك كانت الساعة 2:30 فليل ..
نزلوا الشباب على طرف الشارع وقام كل واحد يستعرض بالسيارة ( وانتوا عارفين حركات الشباب )
راشد يزقر عمنصور من سيارته\ منصور !!!! تتسابق؟؟
منصور\ جانك رياك بوشنب .. اسبقني
راشد\ انشوف يالله .. غنوووم !! احسبلنا ..
غانم\ واحد ....... ثنينه ........... توكلوا
وانطلق منصور و يا راشد .. عاقين القيجات عالميتين .. أول شي منصور سابق راشد ( مثل دوم )
كان منصور عخط اليمين ) يعني صوب القص لي عطرف الشارع ( وراشد على خط اليسار .. يعني في خط بين السيارتين ..
كان في نفس الوقت شله من شباب السطوة موجودين عالخط .. فلما شافو السيارتين قامو يشجعون وواحد منهم ماكان يدري بالسالفة فركب سيارته و طلع الخط معاكس منصور !!! وطبعا لانه كان سكران ما لاحظ سيارة منصور مجابلتنه فــــ ...................... !!!!!!!!!!!!!!!!!!!!!!!!!!
****
< بيت سارة >
عبدالله\ سارووه تعالي لعبي ويانا سوني .. والله من زمان ما لعبتي ويانا ..
سارة\ انزين الحين يايه دقيقة بس ..
حمدان\ عبود ,, تتذكر منصور .
عبدالله\ هيه بلاه؟
حمدان\ تدري انه يحب سارة ختيه؟
عبدالله\ وامنوه ما يدري؟! .. انا اول واحد درا بالسالفة .. اهو خبرني .. وبعدين انت لاحظ ويهه يوم ساروه اتدش الغرفة
حمدان\ هههههههههههههههههههههه
عبدالله\ انزين حمدون .. ساروه اترمس منصور؟
حمدان\ والله عبود مادري ..
ودشت سارة الغرفة ..
سارة متحمسة\ يالله شباب شغلوا خلونا نلعب دور .. من زمان ما شغلت موهبتيه .. يالله خلوني أقطعكم..
حمدان\ ياهي حالة ولله يا عبود بليتنا الحين بتقطعنا
عبدالله\ خخخخخخخخخخخ .. صدقك
سارة\ يالله عاد شغلوا اللعبة..

ويلسو الاخوان يلعبون سوني ومسوين ضية فالبيت لان كل شوي سارة تغلب .. وانتوا اتعرفون اليهال لازم ايفوزون .. وهم يلعبون و يضحكون دشت عليهم أم عبدالله
أم عبدالله\ اسكتو !!! والله راسي عورني منكم !!! حشا هب عيال مربية أنا .. هوش!!!!
سارة متضايقة\ خلاص عبود, حمدون أنا بروح غرفتيه قرب الساعة 3 الحين ما باقي شي عن الفير ..
أم عبدالله\ زين يوم تفطنتي !! انجلعي من جدام ويهيي .. وانتو يالله أشوف جدامي الفراش لاكسر هاللعبة فوق ريسانكم !!
عبدالله\ اماية حرااام عليج .. شوي بس
ام عبدالله\ ولا حتى نص دقيقة
وبندت اللعبة عليهم وهم في نص القيم...
حمدان ) يصيح (\ حراام عليج اماية .. والله ما حفضنا .. موصلين بعيد..
ام عبدالله\ عاد انا مالي شغل ,, وصلوا باجر .. يالله جدامي أشوف عالفراش!!!
سارة\ ماعليه حمدان لا تصيح حبيبي باجر انشالله بلعب وياكم عقب الصلاة .. خلاص فديتك .. سير ارقد و انا بدش غرفتيه ..
عبدالله\ تصبحين على خير خويتيه
سارة\ وانت من هله فديتك .. يالله أشوفكم على خير بااي
وسارت سارة غرفتها .. وهي متضايقة و في نفس الوقت يالسة اتفكر في منصور ..
سارة\ يا ربي ليش ما اتصلبي من أي تيلفون؟ وينه؟ ماله حس .. خلني ادق على عاشوه و اطلبه .. يمكن موجود فالبيت والله ولهت عليه .. هذي اول مرة ما نكلم بعض كل هالمدة ..
وبدت بايدها تطلب رقم عاشة .. وبدا يرن التيلفون .. ويرن .. ويرن .. ويرن .. بس محد يرد
عقب انتبهت ان الوقت واايد متاخر ... فطرشت مسج حق عاشه تتعذر .. وبندت تيلفونها و حطت راسها عالمخدة لكن ما طايع اييها الرقاد .. قلبها يعورها .. حاسه بشي غريب صاير بس ما تعرف شو..
تفكر في منصور .. واتضايقت لانه ما اتصل او طمنها عليه
.. ودي اعرف اشلون تقدر على بعدي
خلك معي مقدر اعيش وحدي
زادت علي الهموم .. وكل شي انقلب ضدي
والله طوول اليوم الوقت ما يعدي ..
حاولت سارة ترقد ما طايعة عينها اتغمض .. و تمت تتقلب الين ما اذن الفير .. فقامت وصلّت و عقب فتحت تيلفونها بس نفس الحالة لا مسج ولا حتى اتصال.. فقررت انها اتخلي تيلفونها مفتوح و اذا سئلها ليش مفتوح بتقوله انها ما رقدت..
وحطت راسها عالمخدة ومن كثر التعب رقدت ..
بس عقب ربع ساعة فزت من رقادها .. فزت فزة حست فيها فوادها من الجسم ظهر!!!
حاولت اتفسر اللي صار بس ما عرفت .. جان ترفع تيلفونها ولقت مسج ..
وبدون تردد فتحته .. وليتها ما فتحته ..
المسج يقول: هلا سارة .. اسمحيلي اني ما رديت عليج .. بس ترا منصور مسوي حادث فظيع والحين ما ندري بس حالته واااايد خطيرة وهو في غيبوبة.. اول ما احصل فرصة بتصلبج انشالله ..
لما قرت المسج حاولت تستوعب لي مكتوب بس الكلام هب راضي يدش مخها .. قبل كم ساعة مكلمتنه وكان بخير ما فيه شي .. كيف؟ متى؟ وليش؟؟؟؟؟؟؟؟؟؟؟
.. اصبر عليه شوي لو دمعي تثاقلته
بحاول استوعب لي صار جدامي ..
بندت سارة تيلفونها و يلست اتصيح واتصيح و اتصيح واتصيح واتشاهق واتون ..
حاولت أحبس لكن ما رامت .. بكيت وبكيت الين من الجسم ظهر فوادي
لما طلع الصبح .. سارت عند أبوها
سارة والدموع في عيونها\ أبويه ممكن اتوديني المستشفى
بو عبدالله\ شو فيج فديتج ؟؟ شاللي صاير؟
سارة\ ربيعتيه مسويه حادث .. أبويه ابسرعة .. البنيه في غيبوبه
بوعبدالله\ انزين استهدي بالله أول ,, ويصير خير
سارة ) تنوح ( \ لا أبويه .. ألحين .. أخافها اتفارج الحياة .. أبــــويـــه!! ابسرعة دخيلك..
بوعبدالله\ انزين بس البس كندورتيه..
ولبست سارة عباتها و لبس بوعبدالله كندورته و ودا سارة المستشفى
) جدام باب المستشفى (
بو عبدالله\ يوم بتخلصين من عندها اتصلي فيه .. لا تنسين
سارة مستعيله\ انشالله ابويه ,, مع السلامة
ودشت سارة المستشفى .. والدموع هب مفارجة عيونها .. سارت صوب الاستقبال .. وسئلت عن اسم منصور وخبروها
وسارت ترابع صوب الغرفة
ولما وصلت محد كان موجود غير عاشة وامه .. فلما شافتها عاشة وشافت الحالة لي فيها سارة .. يت عندها قبل ما تشوفها ام منصور
عاشة\ سارة .. انتي شو اتسوين اهنه؟؟؟!!
سارة ) تصيح ( \ وين منصور؟
عاشة\ سارة هدي .. ما يصير اتسوين بعمرج جيه .. منصور بعدة في غيبوبه بس الدكتور يقول حالته مستقرة وأبويه مصّر يسفره برع وانشالله باجر الصبح بينقلونه
ساره) ميته من الصياح( \ عاشة دخيلج .. أترجاج .. أبا أشوفه قبل ما ينقلونه .. دخيلج واللي سواج
عاشة\ خلاص انزين بسج صياح .. بطلع ويا امايه من عنده ودشي ولما تطلعين طرشيلي مسج أو سويلي مس كول
وسارت عاشة و طلعت ويا ام منصور من عنده ودشت سارة عليه..
لما دشت سارة .. ( تخيلو معايه الموقف ) .. وهذي كانت اول مرة اتشوفه فيها من يوم المطار قبل ما تتعرف عليه .. وقفت عند الباب مال قسم العناية المركزة ( وانتو اتعرفون كيف مستشفى دبي) ناظرت ويهه .. كيف كله مترضض و حالته حالة وجسمة كله متسحّت .. و ايده فيها جرح كبير و بطنه مفتوح !
واهو مغمض عيونه ,, تخيلو من كثر هب متعور حتى ملامح ويهه هب واضحة !!!!
سارة\ حبيبي؟؟؟؟ ) تصيح (
سارة بصوت أعلى شوي\ حبييييييييييييبي ؟؟؟؟!!
بس منصور ما يرد .. منصور كان في غيبوبة يا ناس .. بس سارة هب قادرة تستوعب
بدت صوب السرير تقرب .. و كل جزء من جسمها يرتجف ..مسكت طرف السرير و نزلت على ركبتها وباست ايده وتمت حاطة ايده على خدها و اتصيح
سارة وهي اتصيح\ فديتك حبيبي .. ليت كل هذا فيه ولا فيك .. معقوله خليتك لمدة ساعة وصار فيك كل هذا ..
انا السبب .. لو انا اصريت انك ما تعطي امك تيلفونك جان ما صار فيك لي صار..
حبيبي .. رد عليه .. دخيلك رد عليه .. دخيلك .. ) وبدت اتصيح (
وصلها مسج من عاشة اتقول فيه: سارة طلعي ترانا راجعين عند منصور
فقامت سارة من على الأرض و عطت منصور بوسة على جبينه و ناظرته لآخر مرة وطلعت ..
..( ترا والله ما تستهال سارة كل اللي يجرالها .. يحليلها )
****
الدكتور\ بو منصور بصراحة انا اشوف انه الشاب لازم يتنئل فورا على ألمانيا لان حالته خطرة
بومنصور\ خلاص ,, الحين بس أسوي الترتيبات ,, بنقله عطيارة خاصة
وبعد ساعة .. وكانو مجهزين الطيارة وكل شي ,, انقلو منصور الى مستشفى في المانيا .. وتمت سارة في البلاد ..
قاعدة في غرفتها.. اتناظر صور حبها لي عندها في التيلفون .. وتقرا مسجاته .. وتتذكر سوالفهم و اتصيح و تدعي وحالتها الله الوحيد عالم فيها .. ( حطو نفسكم في مكانها , الله يعينها )
.. شو أسوي بالألم والآآآآآآآآآآآآآآآآآآآه
ولاكنا لبقا لله .. يصبرني على بعدك
وذا حظي و راضي به
انا من لي فهالدنيا سواك ان طالت الغيبة ...

وهذي كانت حالة سارة .. جسد بليا روح .. منصور بين الحياة والموت وبعيييد عنها واهي ما بيدها شي ..
خايفه عليه كانت
خايفه يرووح عنها .. من لها غيره فهالدنيا
منصور صار حياتها .. منصور صار روحها بذاتها ,, لو راح عنها من يبقالها .. لمن تشكي .. منصور كان ملادها..

((((((( الفصل السابع )))))))
بعد اسبوع >>
نورة )ربيعة سارة( \ سارة شو فيج؟
سارة)سرحانه(\ ..............
نورة\ ساروووه !!! شو فيج ؟؟
سارة\ هاه؟؟ .. شو .. بلاج نوروه؟؟
نورة مستغربة\ شو فيج فديتج ؟ .. والله انتي هب على بعظج من اسبوع
سارة)والعبرة فعيونها( \ لا ما فيني شي نواري .. بس تعبانه شوي
نورة بجدية\ في شي بينج وبين أمج؟.. في شي فالبيت صاير؟ خبريني والله ما بخبر حد
سارة\ لا نواري مافيني شي .. تطمني .. بس قتلج تعبانة .. مريضة اقصد
نورة زعلانه\ خلاص براحتج .. بخليج بروحج الحين .. واذا في شي قوليلي ترى ما بتلقين وحدة توقف وياج شراتي
سارة )حابسة الدمعة(\ لا حياتي .. ما فيني شي .. الله يحفظج
وسارت نورة عن سارة وخلتها بروحها .. بس قعدت بعيد اتراقبها .. مستغربة .. تبغي اتعرف شو اللي صاير لسارة ..
وقعدت نورة اتراقب أقرب الناس لها تذرف ادمووع .. و ما بيدها اتسوي شي ..
****
)بعد المدرسة في بيت سارة(
اول ما وصلت سارة البت فجت تيلفونها .. عل و عسى يوصلها مسج أو اييها مس كول من منصور او عاشة اخته .. الحين مر اسبوع من سافر و لا ياها خبر عنه ..
لما شافت انه ما شي مسج .. قبضت تيلفونها ولعاشة بدت تكتب:
عاشة .. شحال منصور ؟ ما عندج خبر عنه؟ .. وينه ؟ .. متى بيرجع البلاد ؟ .. دخيلج عواش طمنيني.. عالأقل اعرف انه حي هب ميت ..
وطرشت المسج .. وحطت راسها ورقدت عسب تشغل عمرها .. عسب ما تحاتي .. عسب تنسى .. بس ماشي فايدة ..
كل شي حولي يذكرني بشي .. حتى صوتي وضحكتي لك فيها شي
لو تغيب الدنيا عمرك ما تغيب .. شوف حالي آه من تطري علي
لما نشت سارة كانت الساعة تسع فليل .. فتحت كتبها .. وحاولت تدرس بس ما قادرة .. تفكر ليش عاشة ما ردت عليها .. منصور حي ؟ ولا مات ؟؟؟؟!!!!
عقب ما خلصت من كتبها .. اتصلت في عاشة .. بس ما ردت .. اتصلت في ام منصور .. لقته مغلق
جان اتحط راسها و ترقد .. خايفه تسمع خبر هب زين .. لكنها نست اتبند تيلفونها ..
****
)الساعة 5 الفير(
يرن تيلفون سارة .. واصلنها مسج ..
سارة من النوع اللي ما تنش حتى لو نقعت قنبله عدال اذنها !! بس سبحان الله من وصلها المسج نشت و شافت المسج .. كان من عاشة اتقول فيه
هلا سارة .. حبيت اطمنج عمنصور .. منصور الحمدالله حالته تحسنت .. يهاذي فيج طول الوقت و يسأل عنج .. حبيت أوصل سلامه لج .. ويقولج لا تحاتينه .. وانشالله بيرجع البلاد يوم الأربعاء فليل...
أول ما قرت المسج دقت حق عاشة بس كان مغلق .. الظاهر المسج واصلنها متأخر ..
الأهم .. انها اطمنت شوي على حبيبها .. صلت الفير عقب طرشت لعاشة:
مشكوووووورة والله ريحتيني شوي .. ردي السلام على منصور و حبيه على راسه وقوليله اني أترياه و ان تاخر عليه يا ويله .. اول ما تحصلين فرصة اتصلي فيه .. الله يحفظج
عقبها .. رقدت وقلبها مرتاااح ..
ومر الاسبوع وسارة تتريا يوم الاربعاء بكل لهفة و شوق ..
****
)يوم الاربعاء الساعة 2 فليل (
توت .. توت
توت .. توت
هذا اللي كان مكتوب فالمسج وكان من منصور\ هلا حبيبي انا توني واصل البلاد .. اول ما اوصل البيت بتصلبج
حسافة سارة كانت راااقدة .. لانها اتريته بس رقدت لا اراديا .. وفعلا اول ما وصل منصور البيت اتصل فيها وكانت الساعة 4 و نص قبل الفير..
" شفت مووتي وأنا حي
والسبب هم فرقاااااااااق
ارفق بحالي شوي
قلبي ما طاااع يسلاااااك"
سارة)شبه راقدة( \ الووووووو
منصور حاط غنيه\ مشتاااقلي وانا بعد مشتاقلك .. ياشوق قلبي انتي يا كل الغلا ..
سارة\ ) اتبسمت (
منصور\ في ذمتي اني نعم محتاجلك..
سارة في خاطرها\ امنو هذا .. اكيد نوروه خلني أشوف الرقم
وشافت الرقم .. كان رقم ام منصور .. استعجبت و بغت اتطير امن الفرحة ..الرقاااد رووح .. وكل الدنيا اختفت من عندالها
سارة\ الووووو .. منصور ؟
منصور بصوت تعبان\ هلا حبيبي .. شحالج ؟ والله متوله عليج
سارة و دمعة الفرح تنزل من عيونها\ هلا حبيبي .. أنا الحمدالله أهم شي انت شحالك؟؟
منصور \ الحمدالله حبي .. سارة
سارة مستانسة\ لبيه .. آمر تدلل .. سمّ
منصور متوتر\ والله العظيم اني أحبج
سارة\ وانا ميته من الشوق لك .. انت ما تحس فيه .. أنا يتك المستشفى و انت ما تدري ..
منصور معصب\ انتي سمعتيني ؟؟
سارة مستغربه\ شو؟
منصور معصب\ انا قلت أحبج .. انتي ليش ما تردينها عليه ؟؟؟ انتي اتحبيني ولا ؟
سارة\ أمممممممممممممممم
منصور\ ههههههه
سارة مستغربة\ ليش تضحك منصوري؟
منصور\ هه .. بس خلاص مهب لازم اتقولينها .. من كثر ما تحبيبي قمتي اتهاذين بحرفي!!
سارة\ هههههههههههههههههههه ..
منصور\ والله احبج
سارة \ اوكي ادري .. بس انت عذبتني
منصور\ انا آسف .. ما كان قصدي
سارة\ ههه .. اهو هب بايدك عسب تتعذر
منصور\ فديتج
سارة\ منصور؟
منصور\ اول مرة أحس ان اسمي حلو .. دامه طلع من شفايفج الحلوين .. لبيه حبي
سارة يتوتر\ أحبك
كانت هذي أول مرة اتقولها سارة .. اتخيلو ترا هم ايعرفون بعض الحين من سنه و شهر .. وهذي اول مرة منصور يسمعها من سارة

منصور متخبل\ شوه ؟؟؟ ما سمعتج؟
سارة\ أحبك
منصور\ أعلى شوي
سارة\ أحبـــــــــــــــــــــــك
منصور\ ما أسمعج !!
سارة اتزعق\ احبك !! والله العظيم أحبك والله احبـــــــــــك
منصور\ انا أموووت فيج .. والله حبيبي اول مرة اسمعها منج.. اول مرة احس بقيمة هالكلمة ..
سارة\ منصور احبك
منصور\ سارة وانا ميت فيج .. والله اني بتخبل من كثر حبج
سارة\ أنا برررقد فيني رقاااد ..
منصور بزعل\ حراااام عليج .. انا توني راجع امن السفر .. صار لي اسابيع ما سمعت حسج ولا اطمنت عليج .. عالأقل كلميني شوي! .. سولفي وياي ولو لنص ساعة
سار)مسطلة(\ وأنا من يوم انت سويت الحادث وانا ما غط لي موق .. جنه لي صاير لك صايبني .. وياجر عندي مدرسة .. و خااطريه أرررقد لاني من صار لي صار وانا ما رقدت زين والحين دامني اطمنت عليك ممكن ارقد والصبح بتصلبك .. اوكي حبي
منصور\ سارة
سارة\ عيووووون سارة
منصور بصوت واطي\ أحبج
سارة مستحيه\ فديتك حبيبي
منصور يتدلع\ يعني ماشي وانا بعد ؟؟
سارة مستحيه\ مافي داعي اقولك انت اتعرف .. انا ما احبك أنا أموووت فيك حبيبي .. مالي حياة من دونك.. منصور أنا احبك
منصور\ انزين بس انا اكثر
سارة\ لا انا اكثر
منصور\ انا
سارة\ الا انا
منصور\ اتعرفين لو اتسيرين البر و تاخذين رمل في يدينج
سارة\ هيه
منصور\ تقدرين اتعدين كم حبة رمل في ايدينج؟
سارة\ طبعا لا
منصور\ اتخيلي كل الرمل لي فالدنيا
سارة\ أوكي ...
منصور\ انا احبج هالكثر
سارة\ ..............
منصور\ شفتي ! .. الحين شو بتقولين ؟
سارة\ اممممممممم .. أوكي بس أنا أكثر
منصور\ خخخخخخ .. فديت روحج .. أنا
سارة\ أنــــــــــــــــا !!!!!!!!!!!!!!!!!!!!!
.. ودااام هذا التصال الين الصبح .. منصور يقول انا اكثر وسارة اتقول انا أكثر ..

اختلفنا من يحب الثاني أكثر
واتفقنا ان انت اكثر وأنا أكثر

سارة\ حبيبي شوي وبتصلبك
منصور\ ليش فديتج؟
سارة\ لاني بسوي عمري مريضة عسب ما اروح المدرسة
منصور\ بسم الله عليج من هالطاري .. ليش حبي ما بتسيرين المدرسة؟
سارة\ لاني ابا اشوفك..
منصور\ كيف حبيبي بتشوفيني.؟
سارة\ اماية بتروح الشغل و أبويه بعد .. وعبود و حمدون بيروحون المدرسة و انا بتم فالبيت بروحي
منصور\ اوكي تبيني اييج البيت يعني؟
سارة\ لا حبيبي .. انا بطلع اونه رايحة المستشفى ولما بينزلني الدريول فالمسمتشفى بطلع وياك بنسير مطعم اوا ي مكان عقب بنرجع المستشفى و بروح البيت
منصور\ حبي واذا تأخرنا؟
سارة\ بقول كان المستشفى زحمة
منصور\ خلاااااص فديتج .. انا بسوي حسابي بعد .. اترياج
سارة\ باي حبيبي
منصور\ فديت رووحج انا .. باي
و سارت سارة عند ام عبدالله .. و مثلت انها مريضة (ويا كثر ما تمثل انها مريضه) يعني هذا شي من اختصاصها .. وصدقت ام عبدالله انها مريضة .. وفعلا لما طلعت ام عبدالله الدوام و احدرو خوانها المدرسة اتصلت في منصور
****
( غرفة منصور )
" أحبك مووت انا واحيا كثر ما احب انا ذاتي
ومن شر وبلا الدنيا عليكي كم انا أحاتي .. "
منصور\ الووو .. هلا حبيبي
سارة\ هلا منصور
منصور\ والله اتحسبتج حدرتي المدرسة
سارة\ ليش ؟؟ اتأخرت عليك؟
منصور\ واااايد ..
يا شين الوقت في بعدك .
دقيقة كنها ليلـــــــــــــــــه
سارة\ اوكي حبيبي أنا بتجهز وبتصل فالدريول .. وعقب بتصلبك .. انت اتجهز اوكي؟
منصور\ انتي من صدقج بتشوفيني؟
سارة\ هيه من صدقي .. ليش انت ما تبا اتشوفني؟
منصور\ اكثر من اي شي في هالعالم
سارة\ خلاص عيل .. هذي فرصتك الوحيدة
منصور\ خلااص حبي اترياج
سارة\ بااي
منصور\ بااااي حبيبي
وفعلا اتصلت سارة فالدريول و اتجهزت و قبل ما تظهر اتصلت في منصور و اتواعدو جدام مستشفى دبي .
****
( مستشفى دبي )
نزلت سارة من السيارة .. و دشت داخل المستشقى .. ولما تأكدت ان الدريول سار .. طلعت و سارت الصوب الثاني وين منصور قال بيترياها..
) منصور فالسيارة ( \ فديتها .. وين راحت ؟
سارة واقفه ورا سيارة منصور\ وينه ؟ قال بيوقف اهنه
شاف منصور ان سارة واقفة ورا سيارته .. جان ينزل .. وبدا يمشي جداها .. وسارة عاطتنه ظهرها ما تدري انه وراها
ولما وصل عندها حظنها .. اول شي خافت سارة .. بس لما سمعت صوته واستوعبت الموقف عرفت انه منصور ..
منصور حاظن سارة\ بو!
سارة\ يالخايس والله خفت!
منصور\ هههههههه .. فديتج
سارة\ بس عاد ,, خلنا نركب السيارة قبل لا حد يشوفنا
منصور\ تعالي فديتج
مسك ايدها و ركبها السيارة و ركب هو و ساروا البحر و يلسو يسولفووون ومنصور شوي و بيطير امن الفرحة ,, بصراحة اهو ما توقع هذا يصير .. ما توقع ان سارة اتحبه .. ما توقع انها تعطيه ويه.. كان حاط في باله ان خلاص لي صار في بانكوك حلم .. ما هقا انها صدق حبيته
والحين منصور وسارة يتمشون على شاطي البحر .. ايد منصور فايد سارة .. قلب واحد .. ما يفترقون .. من قدهم؟
اثنين تجمعنا المحبة
يغارون منا الاحبه
حبي وانا احبه
عذالي ما تفهمووون ..
****

(((((( الفصل الثامن ))))))
) الحين منصور و سارة ترا بعدهم عالبحر يتمشون و "يقردنون " بعض .. خخخخخخخخ
منصور لسارة\ سارة؟
سارة بصوت هادي\ عيون سارة
منصور\ بخبرج شي
سارة\ قول
قرب منصور من سارة و حط شفايفه قرب اذنها عسب يهمس فاذنها
منصور يهمس بصوت هادي-رومنسي\ أحبج
صدت سارة تطالعه فعيونه.. سارة\ أبيك تحط عينك فعيني و اتقولها لي
منصور ماسك يدين سارة و بصوت عالي\ أحبج.. أبي البحر يسمعني
وصد صوب البحر .. يكلمه\ أحبها .. أحبها .. سمعت ؟؟ .. الحين أباك أتخبر العالم .. أحبــــها
هدّت سارة أيد منصور و ركضت داخل البحر .. ( طبعا اول الساحل ) .. ومدت أيدها صوب منصور ..
سارة بصوت عالي\ تعال ..
وركض منصور عند سارة و مسكها من أيدها الثنتين و الكندورة خاست ماي .. و عباتها خاست ماي .. و السفرة طارت .. و الشيلة فالهوا ..
****
عقب ساعة .. ركبو السيارة و ردها المستشفى .. وروحت سارة البيت و كانت الساعة 12 تقريبا ..
أول ما وصلت البيت لقت أبوها يالس فالصالة
سارة متحمسة\ هلا أبويه .. غريبة راد من وقت .. شو السالفة
بو عبدالله\ ماشي حبيبتي .. كان عندي اجتماع و قلت بمر البيت وانا راد الدوام عسب اطمن عليج و لقيتج فالمستشفى فترييتج
سارة\ لا.. تطمن باباتي .. أنا بخير و الحمدالله .. الدكتور قال حمى بسيطة و خلال يومين بتخوز
بوعبدالله\ الحمدالله .. انا ساير الحين .. تآمريني على شي؟
سارة\ سلامتك ابويه .
****
هذا منصور الحين راجع البيت بروحة فالسيارة .. وهو ما عنده ليسن بس هب مهتم .. يفكر في سارة .. يفكر فالحب ..
مد ايده للمسجل و شغل الراديو:
والله إني احبه حيل مولع به .. وإنه اللي تمكن وسط الفوادي
أول ما وصل البيت .. لقا أمه يالسة تترياه فالحوي .. و حاطة ايدها على خصرها و مفولة )معصبة(
نزل منصور من السيارة و سار صوب امه يبا يعرف شو السالفة
منصور مستغرب\ أماية شو فيج شابه حريجة؟؟
أم منصور بصووت عاالي\ وين كنت؟؟؟؟؟؟
منصور\ طالع
أم منصور\ ويا امنوه طالع سلامتك؟؟؟؟؟؟؟؟؟
منصور\ ولا حد .. كنت ساير البحر .. أتمشى ..
ام منصور معصبة\ لا!!!! .. كنت ماخد هاذيك ال**** وياك .. صح ولا ؟؟ جاوبني!!!!!
منصور معصب\ أمايه أنا ما أسمحلج ترمسين عنها بهالطريقة .. و بعدين هيه كانت ويايه .. ليش فيها شي؟؟
أم منصور\ إلا فيها أشياء !!!! ... لا تتحسب انك بتآخذها .. لا حبيبي انت بتآخذ بنت خالك .. حمدوه
منصور\ لا !!!! .. أنا بأخذ سارة و محد غير سارة .. عايبنج ولا لا .. أنا بخذها!!!
أم منصور\ لا حبيبي .. لا تحلم .. ترا ملجتك آخر الاسبوع
)) عفكرة فالفترة اللي كان منصور مسافر فيها .. كانت أمه متفقده الاحوال و عن طريق ولد اليران عرفت إن منصور يحب سارة و ناوي يباها فرتبت كل شي ويا أم حمده على أساس إن يوم يرجع بالسلامة يملجون ((
منصور منصدم\ شــــــــــوه ؟؟!!!!!؟؟ @_@
ام منصور\ هيه نعم .. نحن رتبنا كل شي و انت فالمانيا .. حتى المهر سلمناه .. باقي اتلبسها الدبلة .. وانشالله الملجة آخر الاسبوع
منصور بصوت هادي\ بس امايه .. أنا بعدني صغير
ام منصور\ عادي ما فيها شي ابويه .. نحن عرسنا وبعدنا صغاريه
منصور\ بس امايه أنا أحب سارة
أم منصور بصوت عاالي\ والله عاد اتحبها ما تحبها أنا مالي شغل .. يوم الخميس الملجة
منصور\ لا أماية .. أنا ما بملج على حمدوه .. وإذا انج مصرة أنا بآخذ أغراضي وبطلع امن البيت!!!!!!
ام منصور\ أنت سير داخل ألحين .. ويصير خير لين آخر الاسبوع
منصور\ لا ما بسير .. انتي شو ما تسمعين .. أنا ما أبا حمدوه .. انا ابا سارة !! سارة حبيبتي اللي أنا احبها
أم منصور\ سير داخل أحسلك ولا ترا والله لازقر أبوك
منصور\ أزقريه عااادي .. وأنا أدري انه بيوقف ويايه
أم منصور \اسمع كلامي وادخل داخل ..
ولأن منصور مطيع و يسمع كلام أمه و عمره ما عصاها في شي .. اتوقعت ام منصور انه يسمع كلامها و يسير داخل
منصور\ لا . هب ساير .. و الملجة ما بتصير ..
و ركب سيارته و طلع من البيت .. و طرش حق سارة مسج:
سارة حبيبتي .. انا محتاجج الحين .. ممكن أمر عليج ؟؟
****
توت توت .. توت توت
مسكت سارة تيلفونها وقرت المسج .. استغربت من الكلام اللي مكتوب فطرشت:
ليش حبيبي عسى ما شر؟؟
عقب ثواني وصلها من منصور:
أقدر أمر عليج ولا لا ؟؟
أول ما شافت المسج .. اتصلت فيه
سارة\ شو فيك منصور ؟؟ شو السالفة
منصور\ ...... ) كانت دموعه تنزل ( .. وبصوت صياح: تقدرين تطلعيلي ؟ انا عدال بيتكم
سارة\ منصوووور!!!!! أنت اتصيح؟؟؟؟؟ ..
منصور\ .... انتي اطلعي وبس .. دخيلج حبيبي والله لازم أكون وياج
سارة\ دقايق و طالعتلك..
وفعلا طلعت سارة حق منصور ابدون ما تفكر امنوه شافها أو عن أي شي
لقت منصور موقف السيارة ونازل منها .. ويالس عالبونيت و عيونه حمر
سارة\ منصور شو فيك ؟؟ شو صار؟
منصور \ )يخبر سارة السالفة(
سارة وعقب ما سمعت السالفة\ منصور.. هذي مهما كان أمك ولازم تسمع كلامها..وأنا عادي انساني .. اعتبرني مرحلة في حياتك وانتهت و صدقني انا ببعد عنك و ما بتسمع عني .. ماعليه .. بتحمل فراقك .. وبرضى بالقدر
كانت سارة اتقول هالكلام و من داخلها قلبها يتقطع !! .. وما توقعت ردة فعل منصور شو بتكون.. اتخيلت انه بيسمع كلامها و بيودعون بعض و بتكون هذي آخر مرة اتشوفه او تسمع عنه شي ..
لكن منصور كان حبه صادق .. ولما سمع كلام سارة .. صفعها طراق!!!!!!!!!!!!!!!!!!!!!!!!!!!!!!!!!!
منصور\ إذا قلتي هالكلام مرة ثانيه يا ويلج سمعتي!
سارة مستغربه\ بس منصور ..
منصور\ لا بس ولا لكن .. هب على كيف امي ويا أمنوه بقضي حياتي .. واسمعي أنا ما ابا غيرج و الملجة ما بتم !! أوكي ؟؟

أنتي و انا ما همنا غدر الازمان .. ترا الوفا اللي داخلج من طباعي
إذا زعلتي لو رضا كل زعلان .. ما حس قلبي للرضا فيه داعي
ما دام عينج راضيه هان ما كان .. لو تزعل الدنيا لها ما براعي
يا صابرة والصبر للناس ميزان .. لي خان صبري ثبتي لي شراعي
يا اعز و اغلا ما خلق ربي انسان .. لو غط جفني خافقي فيج واعي
سارة بصوت هادي\ أوكي
منصور\ ألحين انتي دشي البيت قبل ما حد يشوفنا و أنا بتصرف و بينا كول بعدين .. اوكي حبيبي
سارة تهمس\ اوكي.. ومشت صوب باب بيتهم
منصور يزقر سارة\ ســـــارة !! ) وصدت صوبه سارة ( لا تزعلين مني .. والله من كثر حبج ..
لاكن سارة من صدمتها دخلت البيت بدون ردة فعل .. منصدمة .. ما تخيلت هذي بتكون ردت فعلة.. معقولة ؟؟ معقولة هالكثر يحبها .. يحبها لدرجة انه بيتحدى هله عشانها .. وضلت هالتساؤلات تدور في راسها
****
ومر الاسبوع ..
)يوم الخميس .. يوم الملجة (
الصبح- دخلت أم منصور غرفة منصور و وعته مالرقاد
أم منصور\ يالله قوم سير الحلاق و جهز عمرك .. اليوم بتشوف عروسك
منصور\ أتخسي وأتهبي حمدوه .. انا هب ماخذنها .. انتي ليش ما تفهمين؟؟
أم منصور معصبه\ هب على كيفك!!!
منصور\ هذي حياتي تسمعين .. حيـــــااااااتي و انا حر ويا امنوه اقضيها .. اتصلي في خالتيه و قوليلها إن الملجه ملغايه وان انا هب ماخذ بنتها .. ولا تراني انا بتصل فيها بنفسي
ام منصور\ اسمعني .. انت بتحضر الملجة وبتلبسها الدبلة و أيدك ورا ظهرك!
طلع منصور من غرفته .. وسار عند عاشة اخته ..
منصور لعاشة\ عاشوه .. كم رقم حمدوه؟
عاشه\ ليش شو تبغي فيه ؟؟
منصور معصب\ عطيني اياه ولا بتشوفين شي ما شفتيه!!!
عاشه\ اوكي تريا .. هذا رقمها * * * * * * *
و اول ما عطته الرقم اتصل في حمدة
حمده لما شافت رقم منصور استانست .. وردت سيده
حمده\ ألوووه
منصور بجديه\ ألوو.. هلا حمدة شحالج
حمده\بخير الحمدالله شحالك انته؟
منصور\ بصراحة ... ) وقالها عن سارة و كيف انه أمه غاصبتنه لانها ما تباه ياخذ سارة (
حمدة\ لا خالتي ما تسوي جيه .. أهي قالت انه برضاك الملجة
منصور\والله يا بنت خالي اني اول الاسبوع دريت .. و انا ما أباج أنا ابا سارة .. اللي احبها
حمدة\ بس ليش اليوم بالذات اتخبرني ؟؟ ليش ما خبرتني من اول
منصور\ لان أماية قالت انها كنسلت كل شي .. واليوم توها يايتني اتقولي اتجهز
حمدة\ خلاص منصور ولا يهمك .. انا بتصرف وياهم .. ماعليه انت لا تشيل هم .. تطمن الملجة ما بتم ..
منصور\ حمدة .. انا آسف ان امايه خلتج تبنين آمالج ويايه
حمدة\ لا والله يا منصور انا أصلا اذا تبغي الصراحة ما كان ودي اعرس لاني بعدنيه صغيرة بس لانك ولد عمي استحيت اردك
منصور\ مشكورة حمدة .. عمري ما بنسالج ها الجميل..
حمدة\ افا عليك .. خلاااص انت اتصل في سارة و كلمها.. واعتبر انه ولا شي صاير وانا بتصرف ويا امك ..
منصور\ مشكورة .. ما تقصرين
حمدة\ هذا واجبيه .. يالله الله يحفظك

ام منصور\ الووه
سارة\ ألوه .. من معايه؟
ام منصور\ أسمعي .. ان اتصلتي فولديه مرة ثانيه ياويلج .. تسمعين؟!
سارة\ انتي امنوه؟؟؟؟؟
ام منصور\ أنا أمه .. واليوم ملجة منصور .. يعني خلااص .. اعتبريه ميت بالنسبة لج
سارة\ ليش؟؟ منصور قالي انه السالفه انحلت
ام منصور\ هههه .. انحلت أونه .. امايه اصحي !!! أنتي منصور معيشنج فوهم !! حبيبتي منصور من زمان يحب بنت خاله و من زمان قايل بياخذها و كل هذا صاير برضاه .. لا يقص عليج بكلماته الحلوة ..
سارة\ بس.....
وسكرت ام منصور التيلفون فويه سارة .. وخلت سارة ميته من الخوف .. فطرشت لمنصور مسج:
"خلاص يكفي لا تجيني ولا أجيك .. الأفضل ابقى في حياتي لحالي
لي جا يكفي منك والله يخليك .. وأنا أتحمل كل اللي جرالي
هذا جزاي اني هويتك ومغليك .. و انت بحياتي كنت لي راس مالي"
وكانت سارة خلاص .. حاسة انها بتموووت .. ما توقعت هالحركة من منصور .. معقولة كان يخدعها ؟؟ .. معقولة جذب عليها يوم قالها ان السالفة انتهت ؟؟؟ كانت سارة بتتخبل ... ما عارفة وين اتدق راسها
أولا : من جذب منصور ليش انه قالها ان كل شي انتهى و ان السالفة انحلت
وثانيا: من اتصال أمه وعصبيتها و كرهها لها .. والطريقة اللي كانت اتكلمها فيها كأنها جاتلة ولدها ..
كيف تتركني اواجه هالمصير .. وبالسهولة هذي تهجر من هواك
لحظة لو تسمح لي مطلب اخير .. قبل لا ترحل خذ فوادي معاك
وفعلا ما جذبت ام منصور .. كانت سارة جاتله ولدها .. بالحب اللي كان يحبها اياه منصور لكن سارة الحين ما عارفة امنوه اتصدق ..
****
" رسالتن رسالة رس رس رس رس رسالة
رسالتن رسالة رس رس رس رس رسالة "
فتح منصور المسج وقراه .. استغرب .. شو السالفة .. سارة زعلانه؟
ليش زعلانه ؟ انا ما سويت شي.. خلني ادق واشوف شو السالفة ... يمكن امطرشة المسج بالغلط.. بس الكلام وااايد قوي
فقرر انه بدل ما يتصل يطرشلها مسج:
سارونه حبي .. شو فيح ؟؟ شو سالفة المسج؟
.... مرت نص ساعة وسارة ما ردت عليه .. اهنه خاف!! قال اكيد شي صاير واتصل فيها
سارة بصوت واطي وتعبان\ الو
منصور\ حبيبي شو السالفة؟
سارة\ انت ليش تكرهني لهادرجة ... انا شو سويتلك عسب اتسوي فيني جيه؟
منصور\ حبيبي أهدي و خبريني السالفة ... قولي شو صاير
سارة\ كيف تباني اهدى بعد اللي عرفته .. والله اني استاهل .. انا الغبية لي عطيتك ويه ولا انت أصلا ما تنعطى ويه
منصور\ شو فيج حبيبي؟؟؟؟
سارة\ لا تقول حبيبي!!!! بس يكفي جذب .. يكفي والله يكفي!!!
منصور\ سارة.. اسمعيني .. شو صاير .. شو اللي عرفتيه عني خلاج اتقولين هالكلام؟؟؟
تبي ترحل وتتركني .. تبي اتسافر وتهجرني
تعال وقول وش سويت .. حراااام اتروح ظالمني
سارة\ انا عرفت كل شي .. امك اتصلت فيه
منصور\ أمـــــايــــــه!!!!!!!!!!!!!!!!!!!!!!!!!!!!!!!!!! ! .. شو قالت
سارة \ خبرتني عن العلاقة لي بينك وبين بنت خالك .. خلاص منصور يكفي .. انا عرفت كل شي .. بس لا تتصل فيه و مثل ما قالت أمك أنا بعتبرك ميت.. بس حط فبالك هالشي .. انا يوم قتلك اني احبك كان الكلام صدق هب جذب انا من قلبي حبيتك لكن للأسف
ضيعت عمري في محبتك هاويك .. ولا كنت أصدق فيك مهما يقالي
عمري ما بسامحك عاللي سويته فيه .. خلاص انا ببعد عن حياتك واتمنالك كل خير .. وانشالله الله يوفقك وياها .. مع السلامة منصور
وسكرت السماعة فويهه
خسارة يا بعد عمري خسارة .. توادعنا بعد حبن طويل
بنينا الحب وأسسنا جداره .. وفجأة روح الحب الجميل
منصور= ما عارف شو يسوي .. اتصل فيها لكن لقا تيلفونها مغلق .. حاول يتصل فاخوها بس ما لقا رقمه .. شو يسوي؟
سارة كانت جادة .. يعني في شي كبير كان صاير ..
أه يا دنيا غريبة ,, بدي تبدل كل عام .. كل ما بقول هانت .. زاد جرحي ينزفي
سار عند أمه
منصور معصب\ أمايه أنتي شو قلتي حق سارة
ام منصور ببرودة\ ما قتلها شي .. بس قلت ان انت اتحب بنت خالك من زمان وان الملجة بتم برضاك وانك كنت تلعب عليها
منصور\ شوه؟؟ انتي صدق ما تحسين .. امايه انا احبها و الله العظيم أحبها .. انتي ليش هب راضية تفهمين .. يا ربي انا شو أسوي فعمريه الحين
وطلع امن البيت وركب سيارته و سار البحر و يلس يتمشى و يفكر في سارة .. خايف اتضيع منه للأبد
وبدا يطرش مسجات .. و على كل دقيقة يتصل .. و عقب تقريبا ساعتين .. وصله تقارير المسجات انهن وصلن حق سارة
بس ما اتصل فيها .. عطاها فرصة تقرا الكلام و بروحها بتتصل فيه .. لانه واثق انها اتحبه .. واثق انها بتتصل
وفعلا عقب دقايق اتصلت فيه
منصور\ احبج
سارة\ شوه؟
منصور\ أحبج .. وما اتخيل حياتي من دونج .. انتي الوحيدة اللي اباها
سارة\ والكلام لي قالته امك؟
منصور\ كله جذب في جذب
سارة\ انا آسفة
منصور\ والله ما الومج عللي سويتيه .. الكلام لي قالته امايه هب شويه .. بس أنا احبج صدق من قلبي
سارة\ وأظنك عارف شو ردي عليك؟؟
منصور\ وانتي بحالتج هذي .. بصراحة خايف من ردج
سارة\ غريبة .. ما توقعت اسمع صوتك مرة ثانيه
منصور\ انتي من صدقج صدقتي كلاام امايه؟
سارة\ هيه صدقتها .. و اتهدمت كل آمالي فيك .. ذبحتني يا منصور والله انك ذبحتني وانت ما تدري .. حسيت اني بموت
منصور\ سمعي هالاهداء:
آساف حبيبي و العذر منك .. جيت و رجاي انك تصافيني
ماقوى الزعل ما آيوز انا عنك.. تكفى حياتي لا تجافيني
عندي العذارى ما يساونك..غالي وتسوالي نظر عيني
كل المشاعر حيل حبنك .. وغديت أحبك من شراييني
والله ثم والله هاونك .. وانته عن العالم مكفيني
ارجوك لا يطري على ظنك .. انك بهجرانك تجازيني
انسيت الأول يوم مهدنك .. روحي وقلبي وكل ما فيني
انسى الزعل بالله راجنك .. خل المحبة بينك وبيني
آسف حبيبي و العذر منك ..جيت ورجاي انك تصافيني
منصور\ سمعتيه شو قال عبالله الرميثي؟
سارة\ هيه سمعته
منصور\ راضيه؟
سارة\ تقدر اتقول .. بس الحين بصراحة ما أبا اكلمك .. بتصلبك بعدين
منصور بحزن\ براحتج .. يوم بتشوفين نفسج هدت طمنيني عليج .. اوكي حياتي
سارة\ اوكي
منصور\ حبيبي ما يهمج حجي الناس تراهم يبون ايفرقون بينا .. انا احبج و مستعد اسوي اي شي عسب اثبتلج كلامي
وسكرت سارة التيلفون في ويه منصور .......................!!!! #_#

(((((( الفصل التاسع ))))))
قبل ما أخبركم ليش سكرت سارة التيلفون .. بعرفكم على شخصية يديدة فالقصة و اللي هي (( خالد )) ولد عمة سارة..
خالد و سارة من نفس العمر .. وكانو اول مولودين فالعايلة .. فكانو وايد قراب من بعض.. حتى انهم كانو في نفس المدرسة .. والحين و لان خالد يبا يصير طيار .. طلع من مدرسة سارة وسار معهد التكنولوجيا.. كان خالد طالب متفوف ) ماشالله عليه ( .. ولان سارة و خالد تعودوا يلعبون مع بعض .. و يخبرون أسرار بعض .. انتقال خالد من المدرسة ما أثر على علاقتهم .. كان خالد إذا عليه امتحان ايي عند سارة ويدرسون مع بعض..
والحين يوم انكم تعرفتوا على (( خلوود )) خلوني اكمل القصة ..
) بيت عمة سارة (
خالد\ امياه انا بروح بيت خالي
ام خالد\ شو عندك اهناك؟
خالد\ عليه امتحان فيزياء وأبا ساروه اتدرسني
ام خالد\ خلووود .. والله ان خالك بيشك فاللي بينكم .. انت كل يوم و الثاني مطيح بيت خالك ما يصير جيه أنتو كبرتو الحين
خالد\ أووووووه .. امايه .. انتي مالج شغل وبعدين اتني اتعرفين ان مافي شي بيني و بين ساروه
ام خالد\ صح ان ما في بينكم شي .. بس خلوود انا امك واعرفك .. انت ناوي تبا ساروه صح ولا؟
خالد\ وفيها شي ؟؟؟
ام خالد\ لا ما فيها شي .. بس حبيت اتاكد عسب اكلم خالك
خالد\ امايه لا تكلمين خالي ولا تتعنين .. انا ابا أتاكد من مشاعر سارة .. يمكن هي ما تباني
ام خالد\ والله براحتك وليدي.. اللي تشوفه
خالد\ خلاص امايه انا ساير ,, باي
****
وصل خلود بيت خاله .. دش ولقا عبود فالصالة ..
خالد\ عبوود وين اختك؟
عبدالله\ فحجرتها اتسولف فالتيلفون
وسار خلود غرفة سارة .. وبدون ما يدق الباب فجه ) مثل ما تعود (
سارة\ بسم الله الرحمن .. انت ما تعرف اتدق الباب؟؟؟
خالد\ آسف ما كان قصدي
سارة\ الله يسامحك .. خليتني أصك السماعة في ويه البنت
خالد\ الحين اتني خلي البنت في صوب .. انا ياي عليه امتحان فيزيا و اباج تدرسيني
ساارة\ و انا اقول زيارتك هذي هب منه و الدرب .. اكيد تبا شي
خالد\ أفا يا بنت الخال .. حراام عليج .. وبعدين أنا تعودت انج تدرسين ويايه
سارة\ شو قلت عليك ؟؟ أي امتحان؟
خالد\ فيزيا
سارة\ بس من يومين كان عليك فيزيا؟؟؟؟؟
خالد\ هاه ؟؟؟ .... ممممم .. لا .. المدرس قال... ممم... المدرس اجله
سارة\ اها .. اجلـــــه
خالد\ يالله انزين .. خلينا نبدا

ويلست سارة اتدرس خالد .. و كانت تلاحظ عليه حركات غريبة هاليومين .. يعني مثل ما تقولون قامت اتزيد الزيارات .. و كان خلوود يتوتر يوم اييلس وياها .. يعني هي كانت حاسة بشي من صوب خلوود بس ما عارفة شو هو..
كانت خايفة انه يدري عن منصور..
خالد\ سارة .. ممكن أفاتحج بموضوع؟
سارة\ دام ان نحن خلصنا تفضل
خالد\ أنا ناوي أباج
سارة\ شو قصدك يعني .. ناوي تباني
خالد\ قصدي شريف
سارة\ شريف ولا محمد .. خخخخخخخخخخخ
خالد\ خخخخخخخخ .. لا صدق ساروه خلينا جديين شوي
سارة\ اوكي ..
خالد\ انتي موافقة عليه؟
سارة\ خلوود انت ترمس من صدقك؟ شو اللي يخليك تباني؟
خالد\ بصراحة أنا أحبج
سارة\ شوووووووووووه؟؟؟؟؟؟؟؟؟؟؟؟؟؟؟؟؟؟؟؟؟؟&_&
خالد\ أنا احبج و أباج كزوجة لي فالمستقبل .. انتي موافقة؟
سارة\ شوف خلود أنا ما بجذب عليك و دامنا اهل انا ما ابا تصير مشاكل بينا بس في اسباب وايدة تخليني ارفضك
خالد\ اي أسباب؟
سارة\ أولا انت اصغر عني
خالد\ كم شهر ما يأثرن
سارة\ انزين .. ثانيا .. انا بعدني صغيرة
خالد\ باقلج سنه و بتخلصين وبعدين انا ما قلت الحين أنا قلت المستقبل
سارة\ وثالث سبب.. انا ما احبك وما أتخيل اني أشوفك أكثر من انك مجرد ولد عموتيه ..
خالد\ بس..
سارة\ خلوود خلنا انصير صريحين .. اوكي .. انا احب واحد غيرك
خالد\ هاه؟؟؟ @_@
سارة\ انا آسفة خالد .. انا ما بغيتك اتعرف بهذي الطريقة بس .. انا احب واحد و مستحيل انظر لحد غيره ودامك اتحبني اتوقع اتعرف شو معناه انك اتحب شخص من كل جوارحك
خالد\ اها .. انزين أنا بسير تأخرت على امايه
سارة\ خلاص براحتك .. اهم شي نحن خلصنا كل شي
خالد\ هاه ؟؟ هيه .. كل شي
وطلع خالد من عند سارة ومن صدمته حتى كتبه ما شلهن .. خلود انجرح .. كان متوقع انها اتوافق وان تنبني علاقة حب بينهم و انها سارة اتحبه لاكن للأسف سارة اتحب غيره .. اتحب واحد
ضاع حظي والأمل ضاعي .. و الشقا و الهم شليته
لكن هذي الدنيــــا .. ركب خالد سيارته و روح البيت ..
****
) على البحر (
منصور مستغرب .. ليش سكرت سارة التيلفون في ويهه .. هو ما قال شي غلط .. كل اللي قاله انه يحبها و ان محد يقدر يفرقهم .. شو السالفة ..
ركب سيارته و سار الميلس عند ربعه ..
حمدان\ هلا .. شحالك منصور ؟ وينك يالقاطع ؟ ما تسأل ما تقول عندي ربع بسأل عنهم
منصور\ الا والله يا حمدان .. الدنيا ماخذتنا .. مشاكل ويا الأهل .. وانت أدرى
حمدان\ انزين خلك من هالسوالف الحين .. نحن اليوم ناوين انسير البحرين
منصور\ البحرين؟؟؟ ليش؟
حمدان\ يومين انرفه عن نفسنا فيهم
منصور\ وما كنتوا ناويين اتخبروني؟
حمدان\ والله ما اعرف شو أقولك .. انت بتسير ولا ؟
منصور\ بستاذن الوالد و برد لكم خبر
وفعلا اتصل منصور فوالده و خذ الاذن منه و لأنهم كانو واااايد مستعيلين نسا موبايله فالبيت !!!
****
) الساعة 11 فليل في بيت سارة (
سارة تتصل في منصور\ إن الهاتف الذي طلبته مغلق أوخارج نطاق الخدمة حاليا يرجى الاتصال فيما بعد و شكرا
سارة\ غريبة تيلفونه مغلق .. شو السالفة .. خلني اطرش مسج .. يمكن رايح البر و ماشي ارسال
و طرشت له مسج ..
واتريت .. استوت 12 و ما وصله المسج
استوت 1 و 2 و3 و المسج بعده ما وصل
سارة\ أووووووووووه هذا شكله يتغلى اونه زعلان .. انا بحط راسي وبرقد أحسلي
بس سارة ما قدرت ترقد .. قلبها ياكلها على منصور .. وخاصة عقب الحادث لي صار
المهم
سارة عرفت انه مسافر عن طريق عاشة اخته.. ومرن اليومين ..
****
يوم الجمعة الساعة 9 فليل .. اول أيام رمضان
" تيلفون سارة يرن "
سارة\ ألوووه
منصور\ الووووه .. هلا حبيبي
سارة\ اي حبيبي أي خرابيط؟!!!
منصور\ أفا ليش ؟ شو فيج؟
سارة\ دام انا حبيبتك ليش ما تعطيني خبر انك مسافر .. عالاقل لو بمسج
منصور\ والله كنا مستعيلين و .....
سارة\ بس هذا ما يمنع انك اتخبرني!!!
منصور\ والله اني نسيت تيلفوني فالبيت
سارة\ أدرررري!!!! عاشوه خبرتني !! بس انت ليش ما قتلي انك مسافر
منصور\ كنت بقولج فالدرب بس لاني نسيت تيلفون ما قدرت
سارة\ لا كان بإمكانك تتصلبي من تيلفون حد من ربعك و تخبرني
منصور\ لا أنا ما أسويها
سارة\ ليش؟
منصور\ صح انهم ربعي .. وصح اني واثق منهم بس بعد هم شباب و انا ما أئمن انه ما ياخذ رقمج و يرد يتصل فيج وانتي عارفة حركات الشباب
سارة\ أها
منصور\ لا تزعلين .. بليز .. دخيل والديج
سارة\ كيف ما تباني ازعل وانت مخلني يومين أحاتيك؟؟؟ والله قهرتني بصراحة
منصور\ انا آسف والله ما أكررها
سارة\ وين اصرفها هذي آسف
منصور\ انا اعرف مكان يصرفها
سارة\ واللي هو؟؟؟
منصور\ بمر عليج وبنسير مع بعض
سارة\ انزين وين ؟؟
منصور\ بنسير بنك المحبة .. لي يصرف شيكات كلها حب و غرام و شوق و بوسات
سارة\ اول مرة أسمع عن هالمكان
منصور\ انزين هو اصلا يبوني انا وياج نفتتحه .. كلمني الشيخ امس
سارة\ اها عسب جيه
منصور\ أحبج
سارة\ باين هـــذا الحب!!!
منصور\ حرااااام عليج
سارة\ لا تحرم ما حلله ربك!
منصور\ هههههههههههه
سارة\ ههههههههههههههههههههه
منصور\ خلاص حبيبي انا بسير بسلم عالاهل و بصلي العشا و انشالله بعدين بينا كول
سارة\ أوكي .. خلاص .. بس لا تسافر عني
منصور\ خخخخخخ لا فديتج لا تشيلين هم .. ما بسافر
سارة\ اتحسب بعد
منصور\ خخخخخخ لا تتحسبين ولا تتعنين ..
سارة\ يالله باي حياتي
منصور\ باي حبي..
****
سارة الحين يالسة في ميلس بيت عمتها .. والعايلة كلها متيمعة هناك .. كانت سارة واايد قريبة من بنت عمتها .. آمنه ..
اللي تشبهها .. امنه أصغر من سارة بسنتين .. وكانت آمنه الوحيدة اللي تعرف عن منصور ..
أمنه\ ساروه .. ممكن سؤال؟
سارة\ أمري
أمنه\ عندج صورة منصور.. ابا أشوفه .. أقصد ما شفته
سارة\ هيه عندي
أمنه\ راويني اياه .. بلييييييييز ساروووه
سارة\ انزيييييييين .. عن اتصيحين علينا
و طلعت سارة صورة منصور من بوكها و راوتها آمنه
امنه فخاطرها\ ياويل حالي .. قسم بالله انه عذاااااب ..الله يغربل ساروه وين طاحت عليه هذا !+_+
سارة\ منووه هاتي الصورة
امنه\ انزين تريي شوي والله ما بأكلها
سارة\ منوه هاتيها ابسرعة
كانت سارة اتعرف امنه زين .. و امنه من النوع اللي اذا بغت شي بتأخذه و لا بتراعي مشاعر حد .. عسبت جيه خافت ان امنه تبا منصور .. وفعلا أمنه عيبها منصور و دخل خاطرها ..
نشعت سارة الصورة من ايد امنه و ردها فالبوك
سارة\ قتلج هاتيها .. انتي أصلا ما لازم اتشوفينه .. منصور مالي
امنه\ انزين . حشا اللي يقول عاد بآكله .. والله العظيم حالة
بس سارة كانت متأكدة ان امنه في خاطرها شي .. و كانت خايفة من هالشي ..
****

) بيت منصور (
منصور\ السلاااام عليكم
ام منصور\ حمدالله على السلامة ..
منصور\ الله يسلمج أمايه .. اتصدقين امايه .. والله البحرين وايد حلوة
ام منصور\ يعني استانست؟
منصور\ هيه اكيد استانست
ام منصور\ الحمدالله
منصور\ ليش مايه؟
ام منصور\ لانك نسيت تيلفونك فالبيت و هذا معناته انك ما كلمت هذيك ساروه يعني انت استانست بدونها
منصور\ امايه انتي ليش اتفكرين جيه؟؟؟ صح اني استانست بس ما كان للوناسة طعم من دونها
ام منصور\ ردينـــــا !!!!
منصور\ و عمرنا ما بنخلص
ام منصور\ انا مادري شو عايبنك فيها
منصور\ هذا من شغلي و بعدين انتي شو حارنج .. انا بسير غرفتي وبحط راسي و برقد احسلي .. لعنبوه توه راد امن السفر .. وبدل ما تتحمدلي الله بالسلامة يالسة تتناقرين ويايه ..
ام منصور\ اف منك من ولد .. مادري متى الله بيهديك
منصور\ عله ما يهديني ,, استغفر الله ..
ام منصور\ سير اذلف من جدام ويهي
منصور\ مافي داعي اتقولين .. انا أصلا رايح .. باي
" رسالتن رسالة رس رس رس رس رسالة
رسالتن رسالة رس رس رس رس رسالة "
كان المسج من سارة اتقول فيه:
- قبل ما يسرقك مني افراشك .. عساني اكون اجمل احلامك لانك أجمل احلامي –
استانس منصور من المسج .. رد عليها:
- عشقتك كلمة لو قلتها ما بلت اعرووقي .. ولا قدرت توصل لك حنين الحب وأشواقي
حبيبي فيك أغيب وليتني لاغبت ما أفوقي .. ولا مني تنبهت لقيتك تسكن أحدابي -
وسار منصور غرفته .. وحطا راسه و رقد .. كان واايد تعبان عنثر السفرة ..
****
الساعة 10 فليل " تيلفون سارة يرن "
سارة\ اويه .. هذا رقم غريب أول مرة أشوفه
سارة\ ألووه
صوت واحد\ هلا
سارة\ من معايه؟
....\ معاج عبدالله الغاليه ,,
سارة\ بغيت حد؟
عبدالله\ بغيت اتعرف عليج
سكرت سارة التيلفون في ويهه ..
سارة\ ياااربي هذا وين ياب رقمي .. أف الحين قاعد يتصل مرة ثانيه ,, شو أسوي؟؟؟
وخطرت عبالها فكرة .. حولت تيلفونها على منصور .. وطرشتله مسج تقول فيه:
- تصبح على ألف خير يا اعز و أغلى انسان عندي فهالدنيا .. احبك .. –
وسكرت تيلفونها و رقدت...
****
كان هذاك اللي اسمه عبدالله يتصل على كل دقيقة .. ومن الازعاج اللي سببه نش منصور من عز رقاادة على صوت التيلفون و رد عليه
عبدالله\ تستهبلين يعني ما تردين عليه
منصور\ هاه؟؟؟ .. خويه انت غلطان
عبدالله \ لا هب غلطان .. هذا هب )وعطا منصور رقم سارة (
منصور\ شووووووووه؟؟؟؟؟؟؟ .. انت امنوه و شو تصير لصاحبة هذا الرقم
عبدالله\ اها فهمت السالفة .. الخايسة حولت تيلفونها عليك ..
منصور\ انت امنوه ؟؟!!!!
عبدالله\ واحد
منصور\ أدري انك وااااحد بس امنوه بالضبط؟
عبدالله\ مالك شغل .. و بعدين هذي انا براويها على هالحركة
منصور\ اسمع ان مسيتها او ظريتها في شي ما بتشوف الشمس
عبدالله\ أمييييييه .. خوفتني .. خخخخخخ .. باي
وسكر التيلفون في ويه منصور .. رد اتصله منصور بس ما يرد .. وعقب فتره لقاه مغلق .. فاتصل في سارة عسب يعرف شو السالفة بس بعد تيلفونها مغلق ...
وعقب فترة قصيرة رد اتصل عبدالله في منصور
منصور\ الوه
عبدالله\ بقولك شي وما بطول عليك
منصور\ ارمس
عبدالله\ انت اتعرفني .. انا واحد من ربعك ..
منصور\ شوووه؟؟؟؟
عبدالله\ هذي ربيعتك .. سارة انا اعرفها من زمااان
منصور\ جذاب!!!
عبدالله\ اسمع انا اعرفها زين ما زين .. حتى اعرف قصتكم من اولها لآخرها ..
منصور\ شو دراك
عبدالله\ ساروه خبرتني
منصور\ شووووووووووووه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!! !
عبدالله\ ويه يحليله يتحسبها اتحبه .. خخخخخخخخخخخخخخ
منصور\ والله انك بتموت .. بس خلني اعرف منوه انت .. والله لأطلعك من تحت الأرض يالنذل
عبدالله\ ههههههه .. ما تروم تدري ليش؟
منصور\ لأنك خايس و حيوان
عبدالله\ لاني واااحد من ربعك .. سارة اتخونك ويا واحد من ربعك .. هههههه
وسكر عبدالله التيلفون في ويه منصور ...
) ليش يوم الناس يشوفون ثنين يحبون بعض يبون ايفرقونهم .. ليش ؟؟ والله يقهرون (
المهم ..
هاه . .هي . . مني . . مناك . . عرف منصور امنوه عبدالله
وركب سيارته الساعة 3 فليل .. وسار عند بيت عبدالله و طرشله مسج:
اطلع انا عند باب بيتكم واذا ما طلعت والله لادخل وأطلعك بنفسي!
وفعلا ظهر عبدالله لمنصور .. وصارت ضرابه كبيرة !!! .. منصور يضرب من صوب و عبدالله يصفع من صوب
عبدالله\ انت ليش ياي اتضارب .. شوف اللي عندي أول
منصور\ طلع شو عندك
و طلع عبدالله تيلفونه .. وراواه مسج مزور .. اونه من سارة اتقول فيه انها ولهانه عليه وحالتها لله وانها تبا اتشوفه ..!!!
اتخبل منصور .. ما عرف وين يلقط ويهه .. معقولة سارة عقب كل هالعشرة لي بينهم اتخونه مع واااحد من ربعه!!!
للاسف الربع ما فيهم خير .. شوفو وهذا هو ربيعة جيه يسوي فيه .. يزور مسج بس عسبت انه يبا يفرق بينهم .. حرااام يا عالم ارحموهم .. خلوا منصور وسارة يتهنون فبعض!!
منصور من صدمته ودر الضرابة وركب سيارته .. وقام يضرب خط من دبي لراس الخيمة و من راس الخيمة لدبي !!!
من القهر لي فيه ما عارف وين ايعق بعمره .. يقول يمكن ايسوي حادث ويموت!!!!
****
الساعة 5 الفير
نشت سارة من النوم و فتحت تيلفونها وإلا اتلاقي ستين الف مليوووون مسج .. وكلهم من منصور
- خلهم ينفعونك دامهم يعجبونك .. اليوم تضحك شفاتك بكرة تبكي عيونك
- والله ما هقيتها منج ,, للأسف كنت احبج .. وكنت عمي .. حرااام عليج
- سارة .. ليش؟؟؟ ليش؟؟ .. والله حبيتج من قلبي
- ترا انا عرفت كل شي .. وجذبج بين فالنهاية والحمدالله طلع كل شي قبل ما اتعلق فيج أكثر
- فضحتيني .. فشلتيني جدام الريال.. الحين وين أودي ويهيي انا؟؟؟؟؟!!!!
- ليش؟؟؟؟؟؟؟؟؟؟؟؟ .. ليش الخيانة؟؟؟؟؟؟؟؟
الخيانه؟؟؟ شو السالفة ؟؟ منصور شو سالفته ؟؟ شو سالفت هالمسجات ؟؟ طرشت سارة لمنصور:
شو السالفة حبيبي؟؟؟
مارد عليها .. ردت طرشت .. : منصور شو السالفة قوولي ترا والله هب فاهمة شي؟
هم ما رد عليها .. اتصلت .. بعد ما رد عليها .. طرشت: دخيلك ترا والله عقيت قلبي .. لمحلي عالأقل قولي شو صاير ؟؟ شو سالفة الخيانة ؟ امنوه خايننك ؟؟ امنوه هالريال اللي فشلتك جدامه؟ منصور رد
لما قرا منصور هالمسج حس ان سارة صدق هب فاهم الموضوع .. طرش:
انتي سيري المدرسة وبنتفاهم بعدين لما ترجعين
لكن سارة عنيدة وراسها يابس : لا مابا اسير المدرسة الا وانا عارفه السالفة
وبعد محاولات .. اخر شي اتصل منصور في سارة
سارة\ الووووه!
منصور\ الو
سارة\ شو اللي صاير؟
منصور\ ليش يا سارة ؟؟ ليش؟
سارة\ شو هو اللي ليش؟
منصور\ بعد ما قضينا نص عمرنا ويا بعض .. آخرتها اتخونيني مع ربيعي
سارة\ اخونك ؟؟ .. ربيعك ؟؟ منصور انا والله هب فاهمة شي
منصور\ ساروووه !!!
سارة\ شوه ؟؟
منصور\ عبدالله
سارة\ عبدالله؟؟؟؟؟
منصور\ حبيبج الثاني
سارة\ حبيبي؟؟؟؟؟!!!
منصور\ لا تنكرين أنا هب غبي انزين
سارة\ انا ما قلت غبي بس بصراحة انا ما اعرف انت عن شو ترمس والله
منصور\ متأكدة؟
سارة\ عمري ماجذبت عليك وانت أدرى
منصور\ والمسج؟
سارة\ أي مسج
منصور\ اللي منج على تيلفونه
سارة\ اي مسج؟؟؟؟؟؟؟؟؟؟؟؟!!!!!
منصور\ اللي كاتبه فيه أحبك ولهانه عليك وحالتيه لله
سارة\ هذا انا مطرشتنه لك منصور .. شو فيك .؟؟؟
منصور\ لي ؟؟؟؟؟
سارة\ هيه لك .. تأكد شوف .. من فتره قريبة حتى
منصور\ اوكي
و جيك منصور عالمسجات وفعلا لقا المسج بالضبط في تيلفونه .. استغرب
منصور\ خاينه
سارة\ شوووه......هذا امس اتصل فيه ولما شفت انه واحد سكرت في ويهه .. وعقب تم يتصل و يتصل جان احول تيلفوني عليك..
منصور\ اطرشين المسج حقي و حقه .. انتي شو ما تحسين؟؟؟
سارة\ منصور انت متاكد انك شفت المسج هذا ع تيلفونه؟
منصور\ هيه مليوون فالميه
سارة\ وتأكدت من الرقم
منصور\ هاه ؟ شوه ؟ الرقم ... تصدقين ما تأكدت
سارة\ مرة ثانيه تأكد من الرقم .. هذا شال رقميه من تيلفونك و مطرش المسج من تيلفونك و سجله باسمي
منصور\ انا قلت اصلا .. انتي ما تسوينها
سارة\ انت ما خذت السالفة من صوبي .. انت اكتفيت برمسة هاك ..
منصور\ انا آسف ..
سارة\ عقب ما عقيت علي الرمسة .. مع السلامة منصور
منصور\ سارة انا....
بس ما لحق يكمل رمسته .. سارة كانت معصبة , زعلانه .. ولها الحق .. منصور كان غلطان .. كان مفروض يتاكد من الرقم .. والله لها الحق تزعل ...
أف .. الحين كيف جيه .. الحب زعلانه .. وهالمرة غير المرات لي طافن .. هالمرة هب تغلي ولا دلع .. هالمرة صدق زعلانه ..

(((((( الفصل العاشر ))))))
ليش تزعل فديتك ... وانت غالي علينا
ماخذ القلب بيتك .. يالغلا من سنينــــا
) غرفة سارة (
"وين يالغايب عن اولوفك
قاطعن ما تذكر اولافك
مرت سنين على شوفك
وانظري بالعين ما شافك" )تيلفون سارة يرن (
سارة\ ألوووو
نورة\ هلا سارة ..
سارة\ اوه ,, هلا نوروه
نورة\ سارونه شو فيج؟
سارة\ ما فيه شي
نورة\ حسج ضايج .. شو السالفة؟
سارة\ ما فيه شي .. صـــدق
نورة في خاطرها\ أكيد فيها شي .. سارة واعرفها .. بخليها اتي بيتنا و بسحب الرمسة منها
نورة\ ساروه.. بتطلعين مكان اليوم؟
سارة\ لا هب ناوية أسير مكان .. ليش؟
نورة\ ولهت عليج .. اباج اتين عندي والله اني ضايجة
سارة\ نوروه مالي نفس اطلع حتى من غرفتي
نورة\ أفـــا سارة,, فديت روحج .. تعالي والله ما عندي حد
سارة\ خلاص بس عن الحنه الزايدة .. بدق حق الدريول و بي
نورة\ اترياج .. باي
سارة\ بــــاي
وسارت سارة عند نورة بس ما قدرت نورة تسحب منها الرمسة .. كانت وااااايد وااااايد واااااايد متضايقة .. حتى انها روحت من وقت ..
سارة لنفسها\ الحين انا زعلانة ولا حتى سأل عني .. ولا طرش مسج .. لكن انا براويه .. والله ان دق ما برد عليه .. خله يمووت حرة شوي .. خله يحس فيه
وفعلا اتصل منصور بس ما ردت و تم يتصل ويتصل و قامت اتسكر فويهه كل ما يدق .. و يتصل و يتصل .. آخر شي بندت تيلفونها .. !!!!!!
و ظل منصور يحليلة يطرش مسجات .. يتريا التقارير توصله .. بس للأسف ماشي .. كان هاك اليوم وااايد تعبان فلما كان قاعد فالصالة رقد .. و سارة الساعة 1 فليل فجت تيلفونها .. و اتشوف المسجات:
1- حبيبي .. بليز .. سارة فديت قلبج انا آسف والله العظيم آسف ومستعد اسوي لي تطلبينه بس ردي دخيل لي سواج
2- ارحميني .. عالأقل لو بمسج .. عشان خاطر عيون اللي تحبينهم
3- الله يسامحك كيف انك تعذبني .....
4- سارة والله احبج والله أمووت انا فيج ما كان قصدي .. والله ما كان قصدي
وغير هالمسجات .. كانو تقريبا 10 مسجات .. كلهم من نفس الكلام .. فلما قرت سارة المسج .. حن قلبها ولانها صدق كانت ناويه اتأدبه .. مسكت تيلفونها وبدت تكتب:
" يا ليتك تحس بعذابن منك حسيته .. "
بس للاسف وين منصور؟؟؟؟؟؟ منصور راااااااااااااقد .. في سابع نومه ... !!
وهذا كان آخر مسج طرشته سارة لمنصور . ليش؟
لانها قررت تقطعه .. قررت تجفيه .. قررت اتعذبه
وفعلا مرن اسبوعين وسارة ولا معبرة منصور .. أكبر طاااااااااااااااااااااف !!
ومنصور بيتخبل .. يتصل ما ترد .. عاشة تتصل فيها بعد ما ترد ... بس خاطره يطمن عليها .. يعرف شو اخبارها بس هي .. أكبر طاااف .. يحليله منصور ..
****
عقب اسبوعين من جفا سارة لمنصور:
) غرفة منصور (
يمسك منصور القلم و يبدا يكتب على ورقة:

آخر قصيدة قلتها فيك .. اذكر قبل اسبوعين وياك
نسيت يوم اكتب على ايديك .. يا بعد عمري لا عدمناك
واليوم تطلبني وانا اعطيك .. آخر قصيدة تكسب ارضاك
عنوانها ربي يخليك .. ارحم وداد اللي تمناك
بس انشدك قلي انا افديك .. شلي من الدنيا تبلاك ؟
تنسى وانا دايم اراعيك .. تهجر و تبعدني بذكراك
وين السلام و مدت ايديك .. عود و لا تنوي على فرقاك
صدق مشاعر قلب يطريك .. يامالكن عقلي بطرواك
لو بعتني بالروح بشريك .. تكفي ابتسامه من محياك
تبغي الصراحة ميتن فيك .. الطف ترا حبي انا افداك
ىخر قصيدة قلتها فيك .. اذكر قبل اسبوعين وياك

و قرر انه يطرشها حق سارة .. كتبها و طرشها وسائط متعددة .. وما توقع رد منها لانه يعرف .. فخلا تيلفونه فالغرفة وطلع سار الميلس عند ربعه ..
****
) صالة بيت قوم سارة (
" توت توت توت .. توت
توت توت توت .. توت "
فتحت سارة المسج .. بدت تقرا .. كل كلمة .. كل حرف .. كل بيت .. كانت تبا منصور .. تبا اتكلمه .. تبا تسمع صوته
تباه يواسيها .. تبا تسمع كلمة احبج منه .. تولهت عليه .. تولهت عسواليفه .. تولهت على ضحكته ..
مسكت تيلفونها و بدت تكتبله:
" أدري البعد أثر فيك .. وتدري البعد ذابحني
حبيبي الله يخليك .. ابي ترجع تريحني "
و يلست تتريا الرد من منصور .. بس للأسف التيلفون ما كان عنده .. تيلفونه كان فالغرفة ومنصور كان فالميلس

) ميلس قوم منصور (
منصور يدخل عليهم .. منصور بصوت هادي\ السلام عليكم
الشباب\ وعليكم السلام والرحمة ..
وسار منصور يلس فالزاوية .. ويهه متغير .. شكله تعبان .. حزين .. مجروح
حمدان\ منصور.. ياخي تعال بلاك جيه جنك شايف يني؟! .. اقرب تعال سمعنا اخبارك سوالفك
منصور\ حمدان .....................شحالك ؟
حمدان\ منصووووووووووووور !!!! شو فيك ؟؟؟ ) وسار حمدان يلس عنداله .. حمدان كان ربيع منصور روح باروح (
حمدان بصوت واطي\ منصور بلاك .. شو مستوي.
منصور\ ماشي .. ما فيه شي
حمدان\ منصور عن الاستهبال وارمس .. والله خوفتني عليك من اسبوعين وانت بهالحال .. حراام عليك قطعت قلوبنا
منصور\ ما فيه شي انت ليش ما راضي تفهم ..
بس منصور كان فيه شي .. كان متوله على سارة .. كان تعبان من سارة .. كان منجرح من سارة .. يبا يتطمن عليها .. ولو بمسج فاضي .. وده يسمع حسها
وينها ؟؟؟ وين ذيج الليالي ؟؟؟ وين اللي ما بتخليني ؟؟ وين اللي تحبني ؟؟ ليش صارت قاسية؟؟ كيف تقدر عفراقي ؟؟
ودي اعرف اشولن اشلون .. تقدر على بعدي
خلك معاي خلك معاي مقدر اعيش وحدي
وقام منصور وسار يلس عند الشباب ..
راشد\ منصور .. سمعنا يديك .. ياخي من زمان ما سمعنا حسك
منصور\ والله مالي نفس شله الحين
راشد\ افا تردني وانا اخوك
منصور\ خلاص ولا يهمك و مسك العود وبدا يدق:
منصور\ امتى يعوووود ..امتى يعووووود .. ياليت يوفي هالوعود
القلب ذايب في هواه .. يسئل يقول امتى يعوود
في غيبته قلبي يغيب .. ما يشفي علاتي طبيب
اصير انا شخصن غريب .. اسئل اقول امتى يعود
المشكله في غيبته .. اقعد و اذكر طيبته
دايم فوادي بليته .. يسئل يقول امتى يعوود
هذا القهر يا صاحبي .. ان الهموم اتزيد بي
عفت الطعام و مشربي .. دايم اقول امتى يعوووود
ودي اشوفه فالخيال .. ودي ولاكنه محال
قلبي يناديلك تعال .. يا صاحبي امتى تعوود
وينك حبيبي ما دريت .. وش صاربي يوم جفيت
الهم والحسرة جنيت .. مليت اقول امتى يعوووود
وسوااااااااااااااالم
الشباب\ صح اللسانك ..
منصور بصوت حزيييييين\ صحت ابدونكم
راشد\ منصور بلاك خويه فجاه تغبر ويهك؟؟
منصور\ هاه ؟؟ لا مافيه شي .. انا بستاذنكم شباب .. بييب تيلفوني مالغرفة وبي
حمدان معصب\ هذا اللي فالح فيه .. بيرمس ربيعته عالتيلفون ..
منصور بصوت هادي\ قلت ساير اييب تيلفوني ما قلت برمس فيه .. وبعدين لو برمس ما برمس حبيبتي .. يوم ما تعرف شي لا ترمس انزين
حمدان\ منصووووور !!! والله هب قصدي شي .. بالاك؟
منصور\ ما بلايه شي .. وطلع من الميلس
بدونك لما انا امشي اطيح .. بدونك لما انا أضحك أصيح
وسار غرفته .. شل تيلفونه .. شاف مسج .. فتحه ,, قراه .. " أدري البعد أثر فيك و تدري البعد ذابحني حبيبي الله يخليك ابي ترجع تريحني "
كان من سارة .. كان من الغلا .. سارة حنت .. سارة رجعتله .. الحب رجعتله
طرشلها: " كم ذبحني الشوق يالغالي وكم دمع العين هليته "
اول ما وصل المسج سارة .. ردت عليه: " فقدتك يا اعز الناس فقدت الحب والطيبه "
استانس منصور .. طرشلها: وينج حبيبي ..
ردت عليه\ فالدنيا .. ويني بكون
رد\ اقصد ليش جافتني .. ليش الهجر؟
ردت\ انت ادرى باللي صار .. حبيت تهدى الامور
اتصل فيها ...

)في نفس الوقت كان حمدان لاحق منصور الغرفة بس منصور ما لاحظه .. ولما كان يبا يدخل حمدان الغرفه سمع منصور يكلم سارة..(
سارة\ ألوه
منصور\ حبيييييييييبي
سارة\ هلا
منصور\ شو قصدج تهدى الامور
سارة بهدوء\ يعني .. انت فاهم قصدي ...
منصور بصوت حزين\ حبيبي اصلا الامور كانت هاديه من صوبي .. ما كان في داعي لكل هالتجاريح
سارة\ يمكن من صوبك بس من صوبي لا
منصور مستغرب\ ليش حبيبي .
سارة\ ما توقعتك اتصدق كلامه
منصور\ كان عنده اثبات
سارة\ ولو كان مفروض اول تآخذ جهتى مالقصة عقب تحكم
منصور\ انا آسف حبيبي والله العظيم آسف و ميت من الندم
سارة\ انا ما اباك تتأسفلي .. اباك اتكون ويايه
منصور يصيح \ انا ويااااج والله العظيم وياج
)حمدان في خاطره\ معقولة .. منصور يصيح !!!!!!!!!!!!!!!!!!!!(
سارة\ لا تصيح
منصور\ والله لو كنتى تخونيني بعد ما كنت بخليج .. كنت بكون وياج ولو كصديق المهم وياج
سارة\ منصور بس عااد
منصور\ سارة انا احبج والله وما ابا غيرج .. انتي عمري .. انتي دنيتي بكبرها ,, انتي مالكتني ,, يعني بدونج تخيلي حالي ..
) حمدان\ ييعني منصور يحبها مالخاطر .. ما جذب خلود اخوه يوم قال منصور ميت فراعية بانكوك هذيج (
سارة\ انزين .. حتى انا احبك بس انت جرحتني
منصور\ اوكي بس لو تفاهمتي ويايه .. هب تجفيني جيه .. حراااام لي سويتيه والله ظلم
) حمدان\ عسبت جيه هالاسبوعين ضايج وماله خلق حد (
سارة\ انزين شو كنت تتوقع مني .؟؟
منصور\ انه ننسى لي صار و نكون عادي ولا كان شي صار
سارة\ انت تعرفني .. وانا صدق انجرحت منك منصور
منصور\ والله آسف .. هذي آخر مرة والله العظيم ما كررها ..
سارة \ بخليك الحين
منصور\ ليش حبيبي
سارة\ بكلمك بعدين كلهم برع ما فيه .. بكلمك بعدين
منصور\ انزين بسولف وياج مسجات
سارة\ خلاص اوكي يالله باي
وسكرت سارة التيلفون .. وحمدان كان عند الباب .. بس اتريا لين منصور مسح دموعه وعقب دخل عليه ... لقاه يالس يكتب مسج
حمدان\ منصور .. نحن خوان وما نخبيي عبعض شي .. انا اعرف عن راعيه بانكوك
منصور\ هاه !!!!! شو دراك
حمدان\ خلنا انقول .. دريت وبس ..
منصور\ انزين ..
حمدان\ منصور انت تغيرت ..
منصور\ لا ما تغيرت
حمدان\ منصور ! فكر شوي .. حاسب نفسك شوف .. وين منصور راعي المشاكل .. وين منصور الطايش لي كل يوم بمركز الشرطة؟؟؟
منصور\ هب احسن اني صرت هادي؟
حمدان\ نحن ما قلنا هب زين بس المشكله انها وااايد مأثرة فيك ..
منصور\ شو تباني أسوي
حمدان\ خف من حبك شوي ابتعد عنها لا تخليها تلعب بمخك
منصور معصب وبصوت عاالي\ شو تقول انته ؟! انا ما اعيش من دونها
حمدان\ شفت حتى ما كان في داعي اراويك .. شوف نفسك .. الحين .. من متى وانت ترفع صوتك عليه
سكت منصور .. حاول يجمع افكاره بس ما قدر .. كلام حمدان كان صحيح منصور فعلا تغير .. نزل راسه
حمدان\ منصور انا ما بلومك بالعكس انا بوقف وياك .. شو تباني اسويلك .. أنا حاضر
منصور\ ساعدني .....
حمدان\ في شو اساعدك الغالي
منصور\ حمدان انا مغرم فيها ما اتخيل عمري من دونها .. اشوفها في كل شي
حمدان\ بسيطه ...
منصور\ شوه
حمدان\ كلم غيرها
منصور\ لا!!!!!!!!!!!!!!!!!!! مستحيل ما اسمح لنفسي
حمدان\ صدقني هذا هو الحل
منصور\ دامه الحل انا هب راضي .. عادي امووت من حبي لها ولا اخونها
حمدان\ كيفك .. بس انا قتلك
منصور\ لا ما عليك انا بحاول ارجع شرات ايام قبل وبدون ما أخونها
وسارو الميلس مع بعض ..
****
" توت توت توت .. توت
توت توت توت .. توت "
فتحت سارة المسج: + حبيبي سارة انا منصور .. ادري الساعة متأخرة شوي بس ممكن أشوفج؟ +
استغربت سارة .. ما عرفت كيف اترد عليه .. اهي تبا اتشوفه .. بس في نفس الوقت ما تبا ..
طرشت + ليش غناتي ؟؟ +
طرش + أحبج .. +
طرشت + حبيبي ما أقدر اشوفك الحين .. والله صعبه +
طرش + خلاص على راحتج .. اكلمج بعدين +
طرشت + لا تزعل فديتك +
طرش + ماقوى الزعل .. ما أيوز انا عنك +
طرشت + بعدك فالبيت ؟ +
طرش + قبل الشوي طالع .. ويا الشباب +
طرشت + وين رايحين +
طرش + البداير و عقب شارع الامارات +
طرشت + اتحمل على عمرك و عن المشاكل +
طرش + اوكي حبيبي .. وانتي بعد .. بكلمج بعدين .. باي +
****
سارة .............................. منصور ، ولا أقول قيس و ليلى ؟؟؟
قصة حب .. ولا فالخيال ، لي بينهم حلو ، بس مثل ما يقولون دواام الحال من المحال، وترا هذي مثل ما قلت قصة حقيقية .. الدنيا ما فيها الخير
والربع ما فيهم خيـــر ... 
والقدر ظالم ... و سارة مالها ذنب .. حتى منصور ماله ذنب .. بس لي صار صار
والله يرحم جميع اموااات المسلمين .. قولوا آأأأأأأأأأأأأأأمين ...

(((((( الفصل 11 ))))))
الموت ..
شو هو الموت ....
يتفسر بعدّة طرق ...
يتفسر بعدّة أنواااااع ...
موتت القلب .. موتت الاحساس .. موتت الروح .. موتت العقل
و كم بعدد عليكم؟! ... بس موت الموت هو الحق .. ربنا كاتبنه لكل انسان و مثل ما يقولون ( لكل أجلن كتاب )
ولكل قصه نهايه ... بس لا.. لا تخافون هذي هب نهاية قصتي .. لا ...
هذي الا البدايه ...
بداية معاناه .. بدايه الم و حسرة .. بدايه غلطة ..
نعم .. القصة حلوة .. و الأحداث روعة .. و الاحساس ماله مثيل
نعم .. الذكريات .. الوعود .. الأصدقاء
اباكم توقفون وقفه معاي .. حطوا عقولكم فراسكم .. وقلوبكم في مكانها ..
للحظة اباكم تتفكرون ..
هب عشان خاطري .. ولا عشان خاطر نفسكم .. بس عشان خاطر الناس اللي اتحبونهم
ربعكم
لي قضيتوا وياهم سنين عمركم .. لي تجمع بينكم الأسرار ..
ربعكم
لي ما تكون الحياة بدون ضحكاتهم وسواليفهم ..
تخيلوا .. بلمحة بصر تفقدونهم .. كلهم !!
واحد ورا الثاني ... تخيلوا
شو الاحساس ... كيف بتتقبلون الخبر ... بتصدقون ؟؟
تخلوا بأيدكم تدفنونهم .. تودعونهم .. بعد ذيج الأيام .. أيام الصداقة
المواقف الحلوة اللي بينكم ...
تفكروا في لحظة ...
ترا الدنيا ما فيها خير ... هذا لي تعلمته ... و ما في شي يدوم ...
قبل ما اقولكم شو استوا .. اباكم تترحمون على هذيل الشباب ... ربع منصور .. لي لاقو مصيرهم في حادث سيارة بسبت واحد سكرااان ( الله يسامحه )
فيصل محمد .. عمر علي .. غانم محمد .. مطر احمد .. سعيد ثاني .. صقر جاسم
و الوالد راشد ( يد منصور ) الله يرحمه ...
ترحموا عليهم ... ادعولهم .. ترا مالهم ذنب باللي صار وهذي ارادة ربكم ...
****
منصورر عقب ما خلص ثنويه اهو و ربعة قدمو في كليه الشرطة .. وظهرت أساميهم كلهم ... طبعا الا راشد ولد خاله لانه كان يدرس فجامعة الشارجة من قبل ..
اهم شي 0فيصل0عمر0سعيد0غانم0مطر0صقر و منصور .. ماشالله الشله كلها .. عجيب جيه
انزين .. و كانو يدشون السكن يوم اليمعة ( عالاجازة الاوليه) و ينزلون الاربعا .. كانت التيلفونات ممنوعة من السكن بس طبعا هذا ما يمنع شله "قوم منصور" من انهم يدخلون التيلفونات هناك ...
كانو يخلون التيلفونات فالسيارة و وقت العصر و عقب ما يخلصون محاضراتهم يسيرون و اييبونهم السكن .. خخخخ .. شياطين .. بس منصور كان التيلفون عنده .. طول الوقت ... محد كان يعرف وين يحطه اهو و حمدان .. خخخخ .. اهم شي كان عنده انه يكلم سارة و يطمن عليها ...
****
عقب شهر ..
" توت توت توت .. توت
توت توت توت .. توت "
فتحت سارة المسج + سارة حبيبي .. بتصلبج بعدين لا تتصلين انا بعدني فالدوام انا بدقلج يوم برجع البيت +
) غرفة سارة (
سارة يالسة فالغرفة ... مستغربه ليش منصور ما دق ..استوت الساعة 2 و مادق ..
الساعة3 قبل الفجر.. تتصل في منصور ...
" ان الهاتف الذي طلبته مغلق او خارج نطاق الخدمة حاليا .. يرجى الاتصال فيما بعد و شكرا "
أفا !!! ليش مغلق .. غريبة .. يمكن يصلي .. بس بعده ما اذن ... يمكن الشبكة .. خلني اتصل مرة ثانيه
" ان الهاتف الذي طلبته مغلق او ..... "
بعد مغلق .. ياربي شو السالفة .. خلني اطرش مسج ...
+ منصور حبيبي وينك ؟؟ +
بس المسج ما وصل .. يعني التيلفون مغلق ...
جان تتصل عتيلفونه الثاني .. بعد مغلق ..
امبيه .. شو السالفة .. يمكن زعل لاني ما كلمته امس .. لاني رقدت ... لا كيف يزعل منصور ... منصور ما يزعل عليه .. ولو زعل بيقولي انه زعلان .. ما بيغلق تيلفوناته كلها ....
انزين والحل ... ...
ويت ويت .. يمكن لاني ما سألت عنه .. ولا .. لا .. يمكن تيلفونه ما فيه جرج .. بس هب معقوله كل تيلفوناته مخلص منها الجرج
ياااربي منصور شو فيه ... آخر مرة كان تيلفونه مغلق .. قبل سنه تقريبا يوم سوا الحادث ... بتصل على عاشوه ..
عاشة\ السلام عليج ...
سارة\ وعليج السلام و الرحمة .. هلا عويش ..سوري داقة هالوقت ..
عاشة\ لا عاادي .. ما ورانا شي .. وانا اصلا قايلتلج دقيلي اي وقت تبينه
سارة\ مشكورة .. شحالج ؟
عاشة\ الحمدالله بخير و سهاله .. و من صوبج انتي؟.
سارة\ الحمدالله .. تعالي عويش .. منصور وين؟
عاشة\ فالدوام ..
سارة\ بس هو المفروض يكون نازل هالوقت صح ولا ..
عاشة\ مادري بصراحة.. اكيد بعده ما نزل او عندهم زاام او شي .. اتصلي فيه
سارة\ تيلفونه مغلق
عاشة\ اتصلي على الثاني
سارة\ بعد مغلق ..
عاشة\ انزين جان اتصلتي على تيلفون حمدانوه .. اكيد وياه
سارة\ اكيد اصلا ويا الشله كلهم .. بس انا شو دراني بتيلفون ربيعه ؟؟؟؟؟!
عاشة\ مادري . مجرد اقتراح .. انا بدق حق حمدان .. خلج عالخط
وعلقت عاشة الخط واتصلت في حمدان بس بعد كان تيلفونه مغلق ..
عاشة بتوتر\ ساااااااااروه .. تيلفون حمدان بعد مغلق ..
سارة بخوف\ شو !! انزين ما تعرفين ارقام ربعه الباجين؟؟
عاشة \ اصبري بتصل حق رشود ولد خالي يمكن يعرف شو السالفة
سارة\ بس راشد فالشارجة الحين .. كيف بيعرف
عاشة\ مادري !! مادري !! بس هم شله وحدة أكيد بيعرف شو السالفة..
و علقت سارة عالخط مرة ثانيه
عاشة \ رشوووووووووووود!!!
راشد\ سمّ !! حشا جلعتي اذني.. هالوقت حد يتصل؟ ... انا مشغول شويه بعدين بتصل فيج
عاشة\ لا بس بسألك اتعرف وين منصور
راشد بجديه\ عاشة بعدين بتصلبج سمعتي
عاشة\ بس سارة عالخط .. و تقول تيلفون منصور مغلق .. وانا اتصلت فحمدان بعد مغلق و منصور ما رجع من الدوام للحين.. شو السالفة؟؟؟
راشد\ مافي شي انتي تطمني منصور بخير .. حتى حمدان .. كلهم عندي.. هاذم ويايه..
عاشة\ بس ليش مغلق تيلفونه ..؟؟؟
راشد بعصبيه\ لانه فالسيارة ... انزين .. عاشوه بليز انا واايد مشغول .. هب فايج حق حنتج )تغير صوته صار فيه نبرة ألم( اللي فيني كافيني!
عاشة\ راشد صوتك واايد تعبان .. جنك الا صايح !!! شو فيك؟
راشد يصيح \ عاشوه !!!!! ما فيه شي بعدين بتييج السالفة .. انا فالمستشفى الحين
وسكر الخط ...

عاشة\ هلا سارة .. سوري تاخرت
سارة\ لا عادي ,, عرفتي شي؟
عاشة\ هيه .. منصور و حمدان ويا ارشد و تيلفوناتهم فالسيارة
سارة\ بس ليش فالسيارة ؟؟ غريبة
عاشة\ مادري اتصدقين ..حتى راشد يقول انهم فالمستشفى
سارة\ يمكن خربط فالرمسة بدل ما يقول المعسكر قال المستشفى
عاشة\ لا ساروه .. اي معسك اي خرابيط ..رشود كان شكله يصيح و هو يكلمني .. و قالي انه فالمستشفى انا متأكدة
سارة\ المستشفى ؟؟؟!!!!!!! اخاف منصور صار فيه شي
عاشة\ لا تطمني .. ابويه فالصالة و امايه و ياه ... لو كان فمنصور شي جان اتصلو فأبويه قبل رشود ما فكرتي فهالشي؟
سارة\ هيه .. انشالله خير ..
عاشة\ الله يسمع منج .. عيل سويرة بخليج انا اوكي
سارة\ اوكي فديتج . الله يحفظج
وسكرت سارة التيلفون ... شوي والا منصور يدق فيها ...
سارة\ الوه .. منصور وينك انته ؟؟ ليش ما تسال عني .. شو السالفة .. والله خفت عليك
منصور بصوت تعباااان\ تطمني حبيبي .. رشود وصلّي الخبر .. حبيبي
سارة\ عيون حبيبي
منصور\ بتصلبج بعدين .. الشباب منجلبين و نحن فالمستشفى الحين وياهم ... و ....
سارة\ حبيبي .. !!! منجلبين !! امنوه بالضبط؟
منصور\كلهم كانو في سيارة وحدة كانو راكبين الجمس .. الا انا و حمدان تأخرنا عنهم و نزلنا مع المسؤول
سارة\ و الحين كيف حالتهم ..
منصور\ والله حياتي .. تبين الصراحة ) سكت لحظة عقب بدت دموعه تنزل (حالتهم ما تطمن أبداً ..
سارة\ حبيبي .. تفائل بالخير .. واللي الله كاتبنه بيصير
منصور يصيح\شرات ما خذ فيصل و عمر
سارة\ شوه ؟؟؟؟ فيصل ........... عمر ؟؟؟؟
منصور\ هيه فديتج .. توفو فالحال و سعيد حالته واااايد وااااايد خطيرة .. الدكتور يقول احتمال صغير انه يحيا
سارة\ لا حول ولا قوة الا بالله .. الله يرحمهم .. بخليك عيل و لما ترجع البيت اتصلبي .. اترياك ..
منصور\ انشالله حبيبي .. اتحملي على عمرج انتي اوكي
سارة\ انت لا اهمك انا .. خلك ويا ربعك .. محتاجينك هم الحين
و سكرت الخط وسارت صلت الفجر و يلست تدعي لربع منصور .. بس للأسف........شوفوا شالي صار:
****
) داخل المستشفى (
دخل منصور عند حمدان و راشد .. لقاهم يالسين عند الباب .. على الارض .. حمدان حاط ايده على راسه و راشد ماسك طرف الباب و الدموووع فعيونهم
منصور بخوف \ لا ... لا تقولونها ... لا !!! .. دخيلكم ... كفايه فيصل و عمر ... لا تقولون
رفع حمدان راسة يطالع منصور .. والدموووع تغطي عيونه .. وخشمه غاااادي ححححمر .. حط عينه فعين منصور .. وبدت تنزل ادموعه ...
حمدان\ منصور ... سعيد .. راح .. سعيد .. يا منصور سعيد لحقهم .. لحقهم !!!
منصور .. من صدمته .. في مكانه .. على الأرض .. على ركبه .. ينظر الأرض .. فيصل .. عمر .. سعيد
ربعه .. ماتوا .. كلهم !!!
والصبح .. وبعدهم ما صحو من الصدمة والا الدكاتره ياين ...
الدكتور\ واللهي معرفش كيف اركبهالك اياها
راشد\ دكتور طمنا ..
الدكتور\ معديش غير البئية فحياتك!!
راشد\ امنوه تقصد ؟؟ انت تكلمني انا؟؟
الدكتور\ مش انت صديئ غانم و مطر؟
راشد \ هيه نعم انا
الدكتور\ طب البئية فحايتك .. دول راحوا يئأبلوا ربنا
راشد\ متاكد ؟؟؟
الدكتور\ هو انا حكذب فحاقة زي كده ... غانم مات من البارح بليل و مطر مات قبل شويه دلوءتي
راشد\ لا حول ولا قوة ...
ما قدر يستحمل الخبر .. صد صوب منصور و حمدان
كان منصور جافي عركبته و حمدان يالس متساند عالغرفة اللي فيها سعيد ..
راشد بصوت عالي\ غنووووم !! مطووور !! ماتوا .. ماتوا!!!
وركض عند حمدان و مسكة من جتفه\ حمدانوه!!! غنوم ماات .. مطوور مات
وسار عند منصور و مسكه من جتفه\ منصور !! غانم مااات .. مااات !! حتى مطور !! كلهم ماتوا
حظنه منصور و تموا يصيحون .. كلهم في هذي البقعة ..
حمدان .. منصور و راشد .. كل واحد عاق عمره في مكان .. ما عارفين وين يدقون روسهم
++++
عقب فيصل و عمر .. سعيد توفى .. وغانم تبعه .. و فالصبح روح مطر !!!!
كلهم مرة وحدة .. الشباب لي كانو فالسيارة كلهم الا صقر .. كان تعبان بس الله كاتب له عمر .. مع انه اهو كان يسوق السيارة ...
وهذا منصور ويا راشد وحمدان فالمستشفى .. كل واحد حاضن الثاني .. و الدمووع تنهل .. و العيون تبكي .. والقلب يتفجع .. آآآآآه يا دنيا .. آآآآآه مكبر صدمتهم .....
ربعهم .. لي عاشو عمرهم معاهم .. كانو ياكلون و يشربون .. يلبسون .. يسافرون .. كل شي يسوونه مع بعض .. ما ينسون حد وراهم
الا اليوم .. سافرو .. راحو .. بس نسو منصور وحمدان وراشد و صقر .. سارو يجابلون ربهم ... و خلو الباجين
تخليو .. حطو نفسكم في مكان منصور و حمدان و راشد .. ( صقر كان في غيبوبة )
مرة وحدة .. واحد ورا الثاني .. ما يصدقون يهدون الا اييهم خبر وفاه واحد ثاني ..
...........................................فيصل
.................................................. ..عمر
.................................................. .........سعيد
.................................................. ..................غانم
.................................................. ...........................مطر

الله يرحمهم .. و يثبتهم .. انشالله يارب ( ترحمو عليهم .. ترا السالفة صارت و انا كنت موجودة )
المهم... عقب ما خلصو الجنازة ..
هذا منصور ميود الشيول و حمدان و راشد شالين الموتى .. بأيدهم اليردا دفنوا اعز وأغلى الناس في قلوبهم ... بأيدهم سلموهم لربهم .. و بدمووعهم و دعوهم
آآآآآآآه يا دنيا .... آآآآآآآه يا فجيعة قلبي .. ادفن ربعي بأيدي ... آآآآه .. ناس عشت معاهم عمري كله ...
وعقب ما خلصو سارو عند صقر المستشفى و شافوا وان حالته ساءت أكثر من البارحة .. يلسو عنده و قروا عليه كم آيه من كتاب الله عقب ساروا العزا ....
عقب اسبوع بالضبط وصل منصور وراشد خبر وفاة يدهم راشد ...
تخيلوا .. اول شي ربعهم .. عقب يدهم ..
تخيلوا حالتهم .. اشباه الموتى ... اجساد بليا ارواح
بس هذي ارادة ربهم .. وبعدين يدهم كان ريال كبير .. ( الله يرحم يديه راشد )
الشهر لي عقبه كان رمضان .. وكانوا منصور و راشد وحمدان يتناوبون عند صقر فالمستشفى .. صقر كانت تتحسن حالته في يوم .. واليوم اللي عقبه اتسوء اكثر من قبل .. الدكاترة ما كانوا عارفبن شو فيه .. ما كانوا عارفين بالضبط مكان النزيف عنده ...
وفالأواخر العشر وصلهم نبا وفاة الغالي صقر ...
خلاص ودعوهم كلهم ...
فيصل 0عمر 0غانم 0مطر 0سعيد 0صقر 0 واليد راشد
(( الله يرحم جميع اخوانا المسلمين .. قولوا آمين ))
****
) غرفة سارة (
" يرن تيلفونها "
سارة\ هلا حبيبي
منصور\ سارة ..
سارة\ حبيبي .. شو حالتك الحين ؟؟ احسن؟
منصور\ سارة
سارة\ شو حبيبي
منصور\ وينج
سارة\ فالبيت
منصور\ ظهري .. ابا اشوفج
سارة\ ضروري؟؟؟
منصور\ لازم .. دخيلج من فترة طوووووويلة ما شفتج .. محتاجج .. دخيلج
سارة\ خلاص حبيبي .. بييك البيت
منصور\ لا ابا اسير البحر وياج
سارة\ بي بيتكم و بنظهر من هناك
منصور\ اترياج عند باب البيت
سارة\ اوكي... بس بلبس عباتي
وفعلا سارت عنده و سارو البحر
****
نزل منصور من السيارة و سار وقف عند البونيت .. ساكت ويتأمل البحر .. يفكر فالخبر لي وصله قبل شوي .. صقر .. ما قادر يصدق ..
يلست سارة تتأمل ملامح ويهه .. تحس فيه .. و قلبها يتقطع عليه .. ما قادرة اتسوي شي .. خاطرها اتقوله انه كل شي عادي .. بس ما تقدر لانها اتعرف انه كل شي هب عادي .. كل شي تغير ...
بس حست انه فيه شي يديد .. منصور يفكر في شي يديد ..
نزلت من السيارة و راحت حطت ايدها على جتفه ..
منصور\ صقر......
سارة\ شو فيه صقر ..؟
حاول منصور يظهر الكلمة بس ما قدر .. صد يطالع سارة .. ولما شافها حظنها و تم يصيح .. ويصيح و يصيح ... 
يلس يصيح في حظن حبيبته .. الوحيدة لي بقتله فهالدنيا .. لا ربع ولا خلان .. كلهم راحوا
سارة الوحيدة لي بقتله فهالدنيا مع حمدان و راشد
منصور و هو يصيح\ صقر راااح يا سارة .. رااح
سارة\ بس حبيبي استهدى بالله .. هذا اللي الله كاتبنه ..
منصور\ بس ما يصير جيه .. كلهم مرة وحدة .. ما اقدر استحمل اكثر عن جيه .. بس خلااااص
سارة\ منصور .. حبيبي .. بس والله قطعت قلبي
منصور\ أخاف عقب شوي بعد رشود و حمدان يموتون .. شرات الباجين و عقب انتي تخليني .. عقب انا شو اسوي خبريني ..
سارة\ تفائل باخير حبيبي
منصور\ وين اتفائل وين .. خبريني من وين ؟؟؟
مسكت سارة منصور من جتفه .. ومسحت دموعه .. عقب حطت عينها في عينه

سارة\ حبيبي اسمعني .. انا ما بسير مكان عنك .. انا وياك جسد و رووح .. فديتك .. يالله اذكر ربك .. وسير المستشفى اكيد حمدان هناك .. سير عند ربيعك .. محتاجنك
منصور\ والله ما أقدر .. ما استحمل .. حراااام والله حراااام
سارة\ منصور حبيبي .. اذكر الله .. في ناس حالتهم واايد اسوء
منصور\ لا ما اظن في حد صابه لي صابني
سارة\ فيه .. شوف جدامك حمدان .. ربيعك .. انت ما تقول انه ما عنده لا ام ولا اب .. كلهم ماتوا وهو صغير
منصور\ هيه..
سارة\ واتقول ان الانسانه اللي حبها خانته و تركته؟؟؟
منصور\ هيه ..
سارة\ عيل تخيل حالته .. ما عند حد فهالدنيا غيرك ... الحين اكيد يخاف انت تضيع منه ... ما عنده ام يشكي همومه لها.. ولا والد يداريه .. ولا حبيبه يصيح بحظنها .. ماله غيرك انت .. سير له .. منصور حبيبي .. انا والله ما بسير مكان ..
منصور\ .......................
سارة\ قول الحمدالله
منصور\ الحمدالله على كل حال
سارة\ حبيبي .. بس عااد .. يالله قوم خلنا نتوكل
منصور\ انشالله .. يالله بوصلج عند عاشوه
سارة\ لا بسير البيت احسلي ...
منصور\ براحتج
و وصلها البيت .. وسار المستشفى عند حمدان و كان راشد موجود بعد و حصل أهل صقر موجودين عنده ....
عقب ما خلصو كل شي .. صلاة و جنازة .. و دفان ..
هذا منصور قاعد فالغرفة ابروحه .. مسكت القلم و بدا يخط ... قصيدة كتبها بدموعه ..
صاغها بألم قلبه .. ركبها بفجيعته..
( عاد اسمحولي هذا اللي نقلته لكم مالقصيدة .. ترا فيها تكملة بس ما أقدر اكتبها كاملة .. )
آه كم عانيت من فقد الأصحاب .. الخوي فيصل مع الغالي عمر
سالف الأعياد ولا كالسراب .. ارحلوا قبل الصلاة وقت الفجر
من نباهم عفت قوتي والشراب .. ومن نباهم بات حالي منصهر
وعاش قلبي حسرته وزاد التهاب .. عقب ما غانم رحل ويا مطر
من دوام الاربعاء يوم الاياب .. ودعونا وانقضى كل الأمر
وزادت الحسرة و زاد ابيه العذاب .. عقب ما ياني عن سعيد الخبر
كلهم فاعمر في دهر الشباب .. آه من الدنيا و آه من القهر
والقدر لو حل ما منه حجاب .. كلها قدرة عزيزن مقتدر
ادعي الله واتمنى الاستجاب .. الله يمكث و اييب الصبر
ربيه المعبود خذ خير الشباب .. وانتقا من خلجته خير البشر
والدليل انه خذ الشايب والشاب .. موت ما منه من العالم مفر
والفجيعة يآتني وزاد المصاب .. يوم بالهاتف لفاياني الخبر
عالفجر ياني وانا سالي نشاب .. قالوا ان الموت يا منصور حظر
زار يدك راشد وسبب مصاب .. ومن مصابه بات دمعي منهمر
وبعد شهرين تجدّد الاكتئآب .. المنيه وافت الغالي صقر
وافته في شهرنا شهر الثواب .. في نهايه صومنا بآخر عشر
وصابني بعض الاسى والارتياب .. كيف اصدق كيف يا ربعي الامر
كيف راحوا عننا ناسن طياب .. يديه راشد و ربعي بالدهر
واقتنعت بسنه الله والكتاب .. واقتنع عقلي قناعة بالعشر
طين ويا الماي أود للتراب .. من مقر الأرض أود للقبر
ولا حول ولا قوة الا بالله .. الله يصبره ...

(((((( الفصل 12 ))))))
ذبحني السحر فعيونه يا ويله قلبي يا ويله .. شيصبرني وأنا أحبه ومثله فالبشر ناادر

الساعة 12 فليل .. عقب ما خلص منصور القصيدة ... اتصل فسارة ..
اتوله عليها .. اتوله على صوتها و كلامها ... يبغيها اتخفف عنه .. يبغيها اتلمه بصدرها .. اتقوله أحبك ..
أبي أحس بحنان قلبك أبي أسمع حكاك .. ابي التم بجناح حبك ترا روحي تهتويك)كلماتي(
اتصل بس ما ردت ... الظاهر كانت راقدة ...
كان منصور تعبااان ... حطا راسه على الدرج و غمض عيونه ... تراواله الحادث جدامه ... شاف ربعه كلهم حواليه .. ينادون باسمه ...
وقطع حلمه دقة على باب غرفته .. رفع راسه و إلا هو حمدان ...
دش حمدان الغرفة على منصور و كان منزل راسه و حالته لله .. !!
كندورته كلها تراب ! و السفره على جتفه .. و ايده متقطعة !! وويهه متورم و عيونه حمراا !!!
منصور\ حمدانو !!!! شو فيك ؟؟ شو صاير ؟؟؟
تجدم حمدان صوب منصور .. طالعة بنظرة أليييييييييمة !!! عقب سار ويلس على السرير
حس منصور بحمدان .. ومع انه كان تعبان ابروحه .. لكن اربيعه محتاجنه أكثر ..
سار و يلس عداله .. حط ايده على جتفه
منصور بصوت واطي\ حمدان
) صد حمدان يطالع منصور (
كيف تتركني أواجه هالمصير .. وبالسهوله هذي تهجر من هواك
لحظة لو تسمح لي مكلب اخير .. قبل ما ترحل خذ فوادي معااك
منصور\ لا تصيح عليهم ... ترا بكل دمعة يتعذبون فقبورهم ... قول الله يرحمهم و يغفرلهم ..
حمدان\ بس انا من كان لي غيرهم ...؟؟؟؟ قول من ؟؟؟
منصور\ أدري والله أدري .. حاس فيك انا
حمدان\ لا يا منصور ما تدري .. انت عندك سارة .. عندك امك عندك ابوك عندك اخوانك بس انا من لي غيرهم .. من ..؟؟؟!!! ) وبدت تنزل ادمووعه (
منصور\ بس يا حمدان اذكر الله ... تراهم ربعي شرات ما هم ربعك .. تراهم قطعة مني شرات ما هم قطعة منك .. واللي فقدته انته انا بعد فقدته وياك ..
حمدان\ منصور .. نحن شو بنسوي من دونهم ؟؟؟ كيف بنكون "الشله" ؟؟؟؟!!!
منصور\ ماعليه يا حمدان .. هذي ارادة الله .. بعدين انا وانت وراشد موجودين
حمدان\ بس فصول و عمور و غانم و مطور وشعيد و صقر محد ...
منصور\ الله يرحمهم يا خوي الله يرحمهم ) وبدا منصور يصيح (
حمدان بصوت واطي\ منصور تذكر ؟
منصور\ شو ؟
حمدان\ هذاك اليوم يوم انت سويت الحادث ... لما رجعت من المانيا و عمور ياك البيت
منصور\ هيه ..
حمدان\ تذكر شو قالك ...؟
منصور\ ههههههه .. هيه اذكر .. مرة ثانيه البس نظارة وانت تسوق
منصور و حمدان\ ههههههههههههههههههههههههههههههههههه
حمدان\ الله يرحمهم ... آآه يا منصور الحياه من دونهم ملها طعم
منصور\ هيه والله ...
وقاموا حمدان و منصور و سارو يتمشون الين صلاة الفجر .. عقب سارو المسيد و صلوه و يلسو يقرون كتاب الله عسب يريحون نفوسهم شويه ...
ولما ظهرو من المسيد كانت الساعة 5 و نص الصبح .. اتصلت سارة في منصور
منصور\ الووه
سارة\ هلا منصور .. شحالك حبيبي؟
منصور\ الحمدالله .. احسن عن قبل .. اهم شي شحالج انتي ؟
سارة\ حالي من حالك حبيبي .. سوري ما رديت عليك كنت راقدة
منصور\ لا حبيبي عاادي .. بس انتي شو منششنج هالحزة؟
سارة\ هههه .. حبيبي شو فيك .. هههههه .. قمت صليت وشفت المس كول جان اتصل فيك
منصور\ اها .. يعني صليتي
سارة\ ومن متى انا ما أصلي .. !!!
منصور\ فديتج
سارة\ هههههههههههههههههههههههه
منصور\ هههههههههههههههههههههه ...
سارة\ منصور ..
منصور\ عيون منصور ...
سارة\ أحبك
منصور\ بس انا ما احبج
سارة\ عيل !!!!!!
منصور\ انا ميت فيج
سارة\ اتحسب بعد
منصور\ ههههههه .. ولو صدق ما كنت احبج
سارة\ اتخسي
منصور\ هههههههههههه .. فديتج .. اقول عيل رقدي انتي حبيبي .. و اول ما تنشين دقي
سارة\ بس انا ابا اكلمك الحيين .. حبييييييييييبي بليز
منصور\ يالله عاد عن الدلع ... رقدي حبيبي .. وبعدين انا حمدان ويايه
سارة\ دام وياك حمدان .. خلك معاه و انا بتصلبك بعدين
منصور\ خلاص حبيبي .. يالله بباي
سارة\ جاااااو
وسكر عن سارة التيلفون ...
****
) بيت آمنه بنت عمت سارة (
آمنه\ انا لازم افرق بين ساروه هالخايسة و بين منصور .. منصور لازم يكون حق آمنه بنت سعيد .. لازم!
ويلست آمنه اتخطط ..
جان تتصل فسارة
سارة\ الووو
آمنه\ هلا ساروه .. شحالج؟
سارة\ الحمدالله .. بلاج داقه هالوقت شو صاير ؟؟
آمنه\ ماشي بلاااج !! اسئل عنج .. حراام يعني ؟
سارة\ هب حرام بس الساعة 6 الصبح ...
آمنه\ كنت ملانه .. جان اتصل بج ..
سارة\ اها .. انزين انا برقد
آمنه\ قولي منصور عالخط .. لا تجذبين
سارة\ والله العظيم انه هب عالخط .. صدق انا برقد
آمنه\ انزين متى بتسافرون
سارة\ باقي اسبوع ... ليش تسألين؟
آمنه\ هاه؟ لا ماشي .. بس أسئل .. لاني سمعت ماما اتقول انه نحن بنسافر وياكم
سارة\ والله؟
آمنه\ هذا اللي سمعته
سارة\ الله كشخـــة !! والله كشخة .. انا وانتي و عاشه ..
أمنه\ عاشة ؟؟
سارة\ اخت منصور بلاااج
آمنه بصوت خبيث\ أخت منصوووووووور .. اها .. زين والله زين
آمنه فخاطرها\ يعني منصور ويانا فالسفر .. حلو .. اهنه بسوي كل شي
سارة\ عيل بخليج انا آموون .. بتيون بيت يدتيه بعدين ؟
آمنه\ اكيييد .. يالله باي سارة
و سكرت السماعة عن سارة...
آمنه اتكلم نفسها\ انا بعرف ارسم الخطة .. يحليلج يا ساروه .. منصور بيستوي مال آمنه و بس
و يلست اتخطط ..
****

وهذي تكملة الفصل :

ليله السفر...
سارة بيت عمتها يالسة ويا آمنه و الاهل يالسين يجهزون الأغراض و اليهال يلعبون
" من كثر حبك تشابه دمك و دمي
اتبدل الدم من مووجب الى سالب " )تيلفون سارة يرن (
سارة\ هلا عواش
عاشة\ شحالج سويرة؟
سارة\ الحمدالله ..
عاشة\ وشحال الأهل؟
سارة\ والله تبين الصدق مرتبشين ويا السفر
عاشه\ اها .. ليش متى سفرتكم انشالله؟
سارة\ باجر الساعة 11 فليل طيارتنا
عاشة\ قوولي والله ؟؟؟؟؟؟؟؟؟؟؟؟؟
سارة \ والله .. ليش؟
عاشة\ حتا نحن باجر بس نحن طيارتنا الساعة 4 الفجر
سارة\ كيف منصور ما قالي !!!
عاشة\ يمكن ما لاحظ انه في نفس اليوم
سارة\ يمكن ... الله ونااااسة .. عيل بشوفج فالمطار
عاشة\ قولي بتشوفين منصور فالمطار
سارة\ خخخخخخخخخخخخخخخخخخخخ ...
عاشة\ هههههههه .. و شحالج بعد؟
ويلسن يسولفن .. وآمنه تسمع شو سارة اتقول و ميته حررة منها .. تحترق مالداخل
المهم .. عقب ما سكرت سارة السماعة .. سارت ويا آمنه يخططون شو بيلبسون فالمطار .. و وين بيسيرون و شو بيشترون .. وانتو عارفين شو أقصد...
****
يوم السفر ) بيت منصور (
منصور يدق حق سارة .. بس ما ترد عليه
منصور\ فديتها اكييد ويا الاهل .. بطرشلها مسج
+ حبيبي وينج ؟ +
ولما وصل سارة المسج طرشت + فالسيارة حبيبي +
طرش+ وين رايحة فديتج +
طرشت + المطار حياتي +
المطااااااااااااااار !!!!!!!!!!!! شو مودنها المطار .. ؟؟!! ) ترا سارة ما خبرت منصور للحين (
طرش + المطاااار !!! ؟؟ شو تسوين فالمطار  +
طرشت + يعني شو بسوي .. اكيد بسافر .. والله ! +
طرش + بس حبيبي .. +
طرشت + عن الاستهبال حياتي حتى انتو اليوم بتسافرن .. بشوفك بعدين +
طرش + ههههه .. يعني تدرين +
طرشت + شو رايك .. +
طرش + أحبج +
طرشت + أحم أحم .. أشوفك بعدين يالله بباي +
لما وصل منصور المسج تم يضحك .. ويقول خاطره\ أحبها .. أحبها .. أحبها ........
طرش + انا هب مسافر وياهم حياتي .. يعني ما بي المطار !! +
لما وصل سارة المسج اتخبلت .. كيف ما بيسافر وياهم ؟!!
طرشت + كيف ما بتسافر وياهم ؟؟؟!!! كيف حبيبي ؟ كيف ؟ +
طرش + ما بسافر .. شو أسوي .. !!  هذي الدنيا و حياتي انا مشغول يعني ما بقدر اشوفج قبل ما تروحين +
طرشت + خلاااص كيفك ... عادي .. انا بسافر .. باي .. أشوفك بعد شهرين +
زعلت سارة من منصور . كيف ما يقولها انه هب مسافر ويا الأهل ... بس هي ما تدري انه منصور بالعماله سوا جيه ..
المهم .. وصلو المطار ..
و طبعا شرات ما كلنا انعرف ان مطار دبي زحححححمة !!! و الإجراءات تآخذ سنة لين ما تخلصون بس لان مرتبه أبو سارة كبيرة فكل شي يمشي ابسرعة و يطوفون قبل الناس ..
وسارة اتحاول تاخرهم باي طريقة على أمل انها تلاقي عاشة او منصور .. بس دخلوا و اهل منصور ما وصلوا المطار .. لما دخلوا سوق الحرة يلست سارة تتمشى على أقل من مهلها .. بس بعد عاشة ما دقت .. ولما خلصت سارة من الـshopping في سوق الحرة سارت الطابق الثاني و يلست في كافيه ابروحها تتريا يتصلون فيها الأهل عسب يدخلون الطيارة .. و هي يالسة تقرا قصة فجأة !!!!
فجأأأة !!
فجأأة !!
غطى حد على عيونها ... قفزت من مكانها ..
سارة\ أمنوووه ؟؟؟ آمنه ؟
...) مغير الصوت( \ لا
سارة\ عاشووه ؟؟؟
..\ لا
سارة متنرفزة\ عيل أمنوه !! انتو اتعرفون اني ما احب هالحركات
وبطل عن عيونها و صدت سارة وإلا اتلاقي منصور .. أبتسمت و ابتسم ..
سارة\ يالــــدب !!!
منصور\ افا.. هذا يزاااي اني ياينج أسلم عليج
سارة\ ما احبك .. ما احبك .. ما احبك
منصور\ سارة .. والله عورتيلي قلبي
سارة\ سلامة قلبك فديتك ) ترا منصور عنده مرض القلب عسبت جيه واايد اتخاف عليه (
منصور\ ههههههه .. يبتج عالعوق
سارة \ طفس !!! مشكلة انك ما تهون عليه ولا جان صفعتك طراق
منصور\ هههههههههه .. احبج
سارة\ بتسافر ويانا صح؟
منصور\ و انا اقدر اخليج أتسيرين أبروحج ؟؟
سارة\ هيه .. عادي اتسويها
منصور\ ولو أسويها .. اطمني اني ما اقدر أقضي دقيقة بدونج
وش يسلي النفس في بعدك حبيبي .. كل دقيقة تمر في قلبي لهايب
ويلس وياها فالكافيه و تموا ايسولفون و فجاة طلت عليهم عاشة و معاها كان خوان سارة عبدالله و حمدان
عاشة\ ماشالله .. ماشالله .. واخيرا اجتمع روميو و جوليت
منصور\ عاشو عن السخافة الزايدة عن حدها ..
عاشة\ آسفة والله هب قصدي ..
منصور\ بس خلاص ..
ويلسوا كلهم مع بعض يسولفون عن السفر و سارة مندمجة فالسوالف وياهم لكن منصور ذااايب
لأنه كان ماسك ايد سارة من تحت الطاولة ... ) ياويل حالي انا (
عقب ركبوا الطيارة و سافرو بانكوك وكانت آمنه بنت عمة سارة موجودة وياهم و لما شافت نظرات منصور صوب سارة و كيف كان يسرح فيها اتمووت حرة ...
آمنه \ أف يالقهر ! ليش ما يصد صوبي .. كله سرحان فيها .. مادري شو عايبنه فيها .. لا جمال و لا شي ..قهر .. أنا أعرف كيف اتصرف مع هالأشكال ) كانت تقصد سارة (
وقامت آمنه من مكانها و سارت صوب منصور و يلست عداله !!!!
وسارة كانت هب منتبهه .. بس منصور لانه ذكي طرش حق سارة بلوتوث عسب اتشوف المهزلة لي قاعدة اتصير ...
) عفكرة ترا الاهل – ام و ابو منصور و ام و ابو سارة و عمت سارة و ريلها كانو فالفرست كلاس- و قوم منصور و الباجين فالبزنس عسبت جبه آمنه مأخذه راحتها
اهم شي ,, انه يوم وصل سارة البلوتوث فالطيارة صدت و شافت آمنه يالسة عندال منصور
آمنه لما شافت سارة اتراقبهم سارت و مسكت ايد منصور اونها تدفرها ...
منصور من النوع اللي يعصب و ما يحب هالحركات و خاصة انها وحدة تبا تجرح سارة و اهو حس بهالشي فهذا خلاه يفووول عالآآآآآآآآآآآآآآآخر !!!!!
وقف منصور من مكانه و ........................................ !!!!
وابأسرع وقت سارة سارت عند منصور لانه ...................................... !!!
وأمنه من الصدمة ................................... !!!
وعاشة عصبت و .................................................. ...... !!!

(((((( الفصل 13 ))))))
قام منصور من مكانه و كااان وايد وايد معصب و آمنه تتحسبه مستانس
و حاطة فبالها انه بيعطيها و يه ما درت انه كااان واايد معصب .. صد
صوب آمنه يطالعها و فج ثمه يبي يرمس لكن ..
طااح !!! اغمى على ..
ترا عفكرة انا ما خبرتكم .. منصور من النوع اللي اذا عصب زيادة عن اللزوم يغمى عليه و يتعب واايد .. عنده الاعصاب تعبانه و هذا صارله عقب الحادث
المهم سارة كانت حاسة ان شي هب زين بيصير فالطيارة وهذا منصور طاح عليهم ,,
سارة ركضت عنده ..
عاشه سارت تزقر الوالد ..
حمدان يصيح من الخوف ..
عبدالله سار يزقر المضيفة
وآمنه يالسة ما عارفه شو تقول ,, مستغربه .. مندهشه #_#
المهم .. الحمدالله انها عدت على خير .. صحا منصور و كل شي تماام ..
اول ما وصلوا بانكوك حطوا الاغراض و كل شي .. بس كانت أحلى مفاجأة لما عرفوا ان
الشقتين في نفس الطابق .. كشخة .. صاروا يران ,,
المهم .. منصور لما عرف ان السالفة جيه كنسل غرفته وقرر انه يقعد ويا اهله و كانت امه بتمووت مالقهر عسبت انها ما تداني سارة
.. ومثل دايما كل حد ظهر و سارة تمت ابروحها فالغرفه اترتب الاغراض ..
شوي والا تسمع جرس الباب .. توقعت انها عاشة ..
سارت فتحت الباب بس ما لقت حد .. ويوم يت اتسكر الباب لقت ورقة عالارض ..
شلتها و لما فتحتها ,, شوفوا شو لقت فيها:
+ فديت اللي على بالي خطر +
بدون اسم .. ابدون شي .. كانت الورقة مكتوب عليها من ورا اسمها ..
استغربت .. امنوه اللي بيسوي هالحركة ... خخخخ .. محد غير السيد منصور .. احم احم
ابتسمت .. وعقب ما قرت الورقة مسكتها باياديها الثنتين و قربتها من قلبها ..
وكان منصور يراقبها من غرفتهم من العين السحريه و كان مستانس من ردة فعلها ..
) واااااااااااو وااايد رومانسي الاخ (
ردت سارة غرفتها و طرشت حق منصور مسج:
+ احم احم .. تراني شفتك عند باب غرفتكم +
لما وصل منصور المسج .. اول شي قفط .. عقبها تم يضحك
جان يطرش + احم احم .. احبج +
كان الوقت الصبح ..
و سارت سارة اترتب امورها ورقدت شوي .. عقب ما نشت كانت الساعة 8 الفليل ..
دقت حق منصور بس ما رد عليها .. سارت بدلت ثيابها عسب كانت بتطلع بتتعشى و عقب بتتمشى شوي .. ولما كانت تعدل شعرها وصلها مسج:
+ فتحي باب الغرفة +
خلصت شعرها وسارت فتحت الباب .. بس ما لقت شي جان اطرش:
+ فتحته .. شو السالفة ؟ +
طرش + طالعي تحت +
وطالعت ... لقت ورقة بيضة و عليها وردة حمرا ,, شلت الوردة وفتحت الورقة
كان مكتوب عليها : ( الحوض .. أترياج )
وفعلا انزلت الحوض ولقت منصور واقف عالحافه يطالع العالم .. عاطنها ظهره ..
اقتربت منه شوي شوي و بدون ما يحس غطت على عينه ..
سارة مغيرة صوتها\ guess who
منصور\ امممممممم .. مادري ..
سارة\ come on >>
منصور\ حلاااام عليج .. امنووه بليز
فتحت سارة ايدها و صد منصور .. والتقت عينه في عينها
سارة بصوت وااطي\ بووو
منصور\ امايه .. خفت وربي
سارة\ ههههه
منصور\ فديت هالضحكة ...
سارة\ احم احم
و تموا يسولفون و عقب ساعتين رجعت سارة الشقة و هذي كانت حالتهم كل
يوم شي رومنسي كل يوم طلعة ..
كل يوم سارة تلاقي ورقة على باب شقتهم او وردة او رسالة و منصور نفس الشي ..
كانوا يقضون اوقاتهم ويا بعض كأنها آخر اياام بيقضونها ويا بعض ...
ولما رجعوا امن السفر ما دروا ان كانت المشاكل تترياهم على باب بيتهم ..
ما دروا انه في انسانه تبا اتفرقهم عن بعض ..
****
( ثاني شهر بعد ما داوموا )
) مدرسة سارة (
شما )ربيعة سارة( \ هلا .. سارة شحالج؟
سارة\ الحمدالله شحالج انتي؟
شما\ والله بخير .. اقولج
سارة\ آمري
شما\ كم رقمج ... ؟؟ سمعت انج غيرتيه
سارة\ هيه .. هاج هذا رقمي ******* اتصلي فيني اي وقت ..
شما\ افا عليج .. مشكورة
****
) الساعة 7 المغرب بيت نورة ربيعة سارة (
" ترن ترن ترن ترن ترن "
نورة\ ألووه
....\ هلا
نورة\ من معاي ؟
....\ انسان ..
نورة\ اكيد انسان بس من؟
.....\ واحد
نورة\ شو تبا؟
.....\ اسمحيلي خويتيه مغلط فالرقم
نورة\ متاكد انك مغلط
.....\ شو رايج انتي
نورة\ هههه ولا شي
.....\ شكلج ملانه
نورة\ ما عندي شي اسويه
.....\ اها
و تمت نورة اتسولف ويا الريال ... ونست انها ما تعرفه ولا يعرفها ولا شي ..
واستمرت العلاقة بينهم .. بس نورة كانت لعابه .. تلعب ..
و هو يحليله طاح بخدع حكيها ..
حبها .. و هي تلعب عليه ما تباه .. بالنسبه لها اهو علاقة عابرة ..
عابر سبيل و هي بالنسبه له حياته .. ما يعيش من دونه

أبي حضنه يدفيني، خليل يودع خليله ... وأقول بصوت به شهقه، فأمآن الله يا مسافر
(((((( الفصل 14 ))))))
وافترقوا .. وفرقتهم الأيام .. فرقتهم الليالي .. وين راحت الاماني؟
معقوله ؟ ! .. سارة تودر منصور ؟؟!! منصور هب قادر يستوعب اللي صار مع انه مرن اربع شهور
عن فراقهم و منصور ما قادر يصدق ..
سارة كانت شوي جاسية .. ما تبين لحد انها متأثرة .. جدام عاشة الموضوع عادي بس لما تقعد مع
نفسها تتذكر ,, كل شي حواليها يذكرها ...
كل شي حولي يذكرني بشي ..
.. حتى صوتي و ضحكتي لك فيها شي
وفعلا هذي كانت حالتها .. تشوف منصور في كل شي حواليها .. جدران غرفتها .. سريرها .. كتبها .. تيلفونها .. ثيابها .. ضحكتها .. كل شي
ومنصور كان يذكرها فكل شي بعد .. كل ما يشوف اخته عاشة يتذكر مواقف بانكوك
كل ما يشوف أمه يتذكر موقفها وياه لما عرفت و سالفة حمدة
كل ما يدخل غرفته يذكرها
كل ما يشوف حمدان او يذكر ربعه يذكرها
كل ما يمسك القلم بيكتب قصيدة او اي شي صورتها تتراواله
يبا يوصلها بأي طريقة هب عارف ..
يبا يسأل عنها بس متردد ..
يبا يقولها أحبج أرجعيلي بس خايف ..
خايف انها ترده .. خايف تنكره .. خايف و خايف و خايف
خلصت المدرسة و بدت الاجازة الصيفيه وسارة بعدها قاطعة منصور
****
مرن ثلاث شهور بعد ما تعرفت نورة على سعيد ) هاك الولد اللي دقلها بالغلط ( واستمرت العلاقة بينهم و كان سعيد وااايد واااايد يحب نورة و نورة تتسلى وياه ..
) بيت نورة (
" ترن ترن ترن ترن
ترن ترن ترن ترن ترن " )تيلفون نورة يرن (
نورة\ هلا ..
سعيد \ اهلين عاش من سمع هالصوت
نورة\ عاشت أيامك الغالي .. شحالك سعيد ؟
سعيد\ الحمدلله بخير وسهاله .. شحالج انتي حبيبتي؟
نورة\ دامك بخير انا بخير
سعيد\ والله ولهت عليج
نورة\ وانا اكثر فديتك .. انت ما تدري اصلا انا كل ثانيه يزيد ولهيه أكثر واكثر
سعيد مستانس\ واللــــــه؟ ) يحليله عباله صدق اتحبه (
نورة\ أكيد حبيبي .. عيل شو تتحسب انته
سعيد\ فديت روحج انا .. انا بعد أمووت فيج حبيبي
نورة\ اونه
سعيد \ احم احم احم ..
نورة\ عن يطيح فجك !
سعيد \ هههههههههههههههههههههههه
وتموا ايسولفون .. وفي نفس الوقت نورة كانت تتجهز للسفر بس هي ما خبرت سعيد انها مسافرة الليلة .. والحين هي فالمطار
نورة\ سعيد انت وين؟
سعيد \ اتمشى فالسيارة حبيبي .. انتي وين؟
نورة\ بيت خالي
سعيد \ انتي اهنيه فبوظبي وما خبرتيني
نورة \ لا اقصد بيت خالي اللي فدبي ..
سعيد \ انزين حبي شو هلحشرة اللي عندج جنك الا في مطار
نورة\ هاه ؟؟ ... اي مطار اي خرابيط .. لا انا فالمول
سعيد \ بلااااج !! ارتبكتي مرة وحدة .؟؟؟
نورة\ هاه ؟ لا ماشي
سعيد \ حبيبي بسألج
نورة\ آمر
سعيد\ اتحبيني صدق؟
نورة\ حبيبي شو هالسؤال بعد أكيد أحبك
سعيد \ وما بتخليني في يوم؟
نورة\ أبد حبيبي .. حبك مغروس في قلبي ثابت
سعيد \ فديتج والله .. انا ابد ما اعيش من دونج حياتي
نورة\ انزين سعيد بخليك انا
سعيد\ متى اقدر اكلمج؟
نورة\ يوم بوصل البيت بدقلك
سعيد\ أترياج .. لا تتأخرين عليه
نورة\ أكيد .. يالله باي حبيبي
سعيد\ باي نواري
وسكرت عن سعيد الخط و سارت عند اهلها وركبت الطيارة و سافرو وسعيد ما عنده خبر ..
يحليله رجع البيت من وقت وقعد يتريا الاتصال اللي ما عمره بيوصله من نورة ..
****
وعقب ما سافرت نورة بسبوع كانوا قوم سارة بعد بيسافرون بانكوك ..
وعاشة خبرت منصور انه سارة بتسير بانكوك و منصور ما صدق .. اصر على الوالد انه يوديهم بانكوك
وكان الوالد وايد مستغرب من اصرار منصور لانه ما ارتاح قلبه الا يوم تطمن وشاف التذاكر
وعقب ما وصلوا قوم سارة بانكوك بأربع ايام وصلوا قوم منصور
لما وصلوا قوم منصور الفندق كانت سارة هب موجودة .. مثل العادة تتمشى او انها فالسينما
او أي مكان
حط منصور اغراضه و كل شي و سار نزل اللوبي بيسير السوبرماركت بيشتري اغراض حق الوالده
ولما هو كان يمشي صوب الباب فاللوبي دشت سارة الفندق
والتقت عينها في عينه
وكانت هذي اول مرة اتشوفه وهو يشوفها بعد كل اللي صار ,, خمس شهور لاهي اتعرف عنه
شي ولا هو يعرف عنها شي
التقت عينه وعينها بعد كل هالشهور وكل هلليالي اللي عانا فيهن عشانها
التقت عينه في عينها عقب كل الدموع اللي اذرفت منها والسبه فراقهم
سارة كانت فالبدايه منصدمة لانها ما توقعت ايون و بعد عاشه خبرتها انهم بيسيرون لندن
ففالبدايه صابتها صدمة عقب ......:::
نظرت لمنصور بنظرة مؤلمة ,, اتعور القلب و امتلت عينها دمووع
وقفت تتطالعه وهو يطالعها لمدة خمس دقايق تقريبا!!
كل اللي فالفندق كانوا يدرون ان منصور يحب سارة و سارة اتحب منصور
فكانوا كلهم مستغربين من اللي قاعد يصير .. كلهم متوقعين انها بتركض فأحضانه ومنصور
حط في باله انها بتكلمة او عالاقل بتسلم عليه لكن عقب فتره
مشت سارة و طافت عنه و لا كأنها اتعرفه
ولا كأنها في يوم كانت مغرمة فيه
ولا كأن جمعت بينهم ليالي و أماني ووعود
ولا كأن في يوم من الأيام كان في بينهم شي ماله مثيل

صد منصور يطالعها وهي تمشي ويقول في خاطره\ ليش ؟
كمل طريقه و الفجيعة في قلبه .. يمشي ولا كأنه يمشي .. كيف سارة تنكره
عقب هالأيام .. كيف تنكره ؟؟
عقب ما رجع الفندق .. يلس ابروحه في شقته يفكر ... ومثل ما تعود سار عند البلكونه و يلس
يفكر في سارة وفي نفس الوقت سارة كانت عند الحوض اتفكر في منصور
شافها و يلس يتأمل ملامح ويهها ,,
شاف الالم فعيونها .. شاف الجرح اللي اهو كان مسببنه في نظراتها ..
قعد ساكت للحظة عقب قال في خاطره\ انا لازم أبين موقفي .. لازم اثبت لها اني ما سويت شي اني مظلوم ولو ما طاعت ترجع ليه عالأقل اتعرف اني ما خنتها .. عالأقل أخفف الألم اللي فيها ..
وقرر انه ينزل عندها .. ونزل
اول ما وصل ما سار جداها ,, تم ورا الجدار .. خاف يتكرر الموقف اللي صار الصبح فاللوبي
طرش لها مسج + ممكن نتفاهم ؟ دخيلج +
لما قرت المسج حست سارة ان منصور موجود .. لانها اتعرفه واتعرف حركاته ..
سارة بصوت عالي\ تعال ادري انك موجود
طلع منصور من ورا اليدار وظل واقف في مكانه ما تحرك
سارة\ شو تبغي ؟ هب كفايه اللي سويته فيني ؟ هب كافنك انك جرحتني مرة .. ياي تبا تجرحني مرة ثانية؟
منصور\ سارة انا ...
سارة\ انت شو؟ اتحبني ؟ جذااااب ! اللي يحب ما يخون
منصور\ بس انا ..
سارة\ بس انت ما خنتني .. هالأعذار ما تمشي عليه .. لا حبيبي .. روح دور عوحدة غيري تقص عليها
منصور\ صدقيني أنا ...
سارة\ كيف تباني اصدق انك ما خنتني وانت جدامي حضنتها .. جدامي اتقولك حبيبي.. هذا وانا واقفه
الله يعلم من ورايه
منصور بصوت عالي\ أسمعيني ! ولو لحظة ! دخيلج !
سارة\ .... )ساكته (
منصور\ سارة انا والله ما خنتج وغلات اللي سواني .. علني امووت وانا واقف جدامج الحين اني انا ما خنتج
سارة \ كيف ؟ وهي جدامي .. ) سكتت ( كيف ؟ ابا اعرف كيف ؟
لان منصور كان ريال مصلي وعارف ربه .. مستحيل انه بيحلف وهو جذاب فحتارت سارة
ما عرفت امنوه اتصدق
منصور\ انا بقولج كيف .. ) ويلس يشرح السالفة لها (
سارة\ لكن ...
منصور\ بدون لكن ..
سارة\ هب معقوله .. شما ما بتسوي فيني جيه
منصور\ سارة .. افرضي اني كنت اكلمها .. هب كفايه انها تدري اني حبيبج وانج اتحبيبي و بعد اتكلمني .. هب كفايه هذا دليل على انها خايسة
سارة\ بس هي ربيعتيه
منصور\ حبيبي سمعيني انا والله احبج وامووت فيج .. بليز رجعيلي
سارة\ منصور .. اخاف اسامح و
منصور\ بدون .. و .. لا تفكرين الحين في شي انسي الماضي وانسي المستقبل وفكري فالحاظر
اباج ترجعين فحضني ,, ابا احس فيج مرة ثانيه
سارة\... و انصدم فيك بعدين
منصور\ سارة .. تذكري انتي ما انصدمتي فيني انتي انصدمتي في ربيعتج شما
سارة\ ........ ) ساكته ( ..............
منصور\ سارة رجعي ليه .. رجعي
سارة\ ........ ) ساكته ( ............
ظل منصور يطالع سارة ينتظر الرد منها و هي ساكته ما عارفه شو بتقول

أخاف اسامح وانصدم فيه بعدين
وارد لاحزاني ولوعة زماني
ومن جرح واحد خايف يصير جرحين
وانا وربي اللي شفته كفاني

وعقب فترة شاف منصور انه ما فيه أمل .. صد الصوب الثاني
سارة بصوت ضعيف\ منصور
صد منصور يطالعها عباله بتقوله مع السلامة
سارة\ أحبك
منصور منصدم \ شوه؟
سارة\ سمعتني وما بكررها ..
وقف منصور يطالع سارة و ابتسم لكن سارة تمت اتصيح
منصور\ ييت اطلب الرضا وصرت ملك أهل الوفا
سارة\ شو قصدك؟
منصور\ انا تركت ربعي في لندن واتضاربت ويا هليه عسب اييبوني عندج بهدف اني بس انال رضاج
وكنت حاط في بالي انج ما بترجعيلي و الحين بدل ما احصل رضاج كسبتج
سارة\ انت عمرك ما خسرتني عسبت تكسبني
منصور\ فقدج حبيبي والله العظيم ما تسوى حياتي من دونج
سارة\ ادري .. هههه
منصور\ ضحكي .. ابا اشوف ضحكتج ..
سارة\ ههههههههه
منصور\ حبيبي تعالي .. ابا احضنج
ومد يده لها و سارت سارة و حضنها .. وتم حاظننها .. في نفس الفندق اللي تلاقوا فيه..
تم حاظننها .. يتمنى هاللحظة ما تنتهي .. تدوم للأبد
تم حاضننها ..
****
والحين هذا سعيد يحليله مرن اسبوعين عسفر نورة و الاتصال ما ياه .. كل ما يتصل عتيلفونها يلقاه
مغلق .. كان وااايد خايف انه صار لنورة شي ..
حتى لما يدق عتيلفون البيت محد يرد .. و مرة من المرات و هو كان داق البيت الصبح ردت عليه
البشكارة و خبرته ا ناهل البيت صار لهم تقريبا شهر وهم مسافرين
انصدم سعيد من كلام البشكارة وفعلا لما سأل عرف انه نورة صدق سافرت ابدون ما تخبره ..
سعيد\ ليش يا نورة ؟ ليش فيني اتسوين جيه ؟ انا بترياج طال الزمن ولا قصر بترجعين البلاد
وفعلا سعيد قرر انه ينتظر نورة الين ما ترجع من السفر .. يترياها
مسامحنها .. المهم ترجعله بالسلامة .. حتى ما بيلومها عالحركة اللي سوتها فيه
ولما رجعت امن السفر اتصل فيها ..
بس ما ردت عليه .. طرشتله مسج :
+ سعيد انا ما اقدر استمر وياك بهالعلاقة .. انا نسيتك وانت انساني .. واسمحلي ان قصرت
وياك في شي .. انا آسفه +
تحطم سعيد .. شهرين وهو ينتظرها وآخرتها اتقوله انا نسيتك وانت انساني ..
بس ما باليد حيله .. اهو يبا سعادتها واذا سعادتها هب وياه خلها تعيش من دونه .. واهو بيظل
اسير حبها ..
في يوم من الأيام كانت نورة سايرة بيت خالها اللي في بوظبي .. واهي في غرفتها واقفه جدام
الجامة وتتطالع الشارع اللي جدام البيت وشافت سعيد موقف سيارته و واقف جدامها و يطالع
والبيت .. ويلست اتفكر فاللي سوته فيه .. حست بتأنيب الضمير .. بس ولو هي ما عمرها حبته
نورة في خاطرها\ آه يا نوروه ضيعتي وااحد يحبج .. والحين لو تبينه بيرجعلج بس انا مالي ويه أقابله
غبيه ! هالأيام وين بتحصيلج واحد صدق يحبج .. والحين شوفيه مجروح و واقف جدام بيت خالج
يدورج و انتي ..... والله انج غبيه .... سيري كلميه .. لا لا اتحملي يمكن حد يشوفج .. انزين اتصل فيه
لا ما بتصل .. انا قطعت علاقتي وياه .. يا ربي شو اسوي ؟؟ بتصل في سارة .. اهي بتخبرني شو اسوي..
واتصلت في سارة بس سارة ما ردت عليها
سارة كانت ويا منصور ,, بالأصح في حضن منصور ,, ولهانه عليه .. واهو ولهان عليها ..
عقب دقايق ردت اتصلت سارة في نورة
نورة\ هلا سواري شحالج ؟
سارة\ بخير الحمدالله .. حمدالله عالسلامة .. شكلج وصلتي البلاد؟
نورة\ هيه من يومين واصلين شو دراج؟
سارة\ العصفور خبرني .. خخخ
نورة\ خخخخ صدق شو دراج؟
سارة\ يالذكيه رقم المكامة يايني من الامارات
نورة\ هــيه صح .. احم احم .. سارة بقولج شي
سارة\ بالج تكلمي
نورة\ سعيد عند الباب
سارة\ شوه ؟ وين انتي
نورة\ بيت خالي فبوظبي
سارة\ انتي ما قلتي انج ودرتيه خلاص لانه لعاب
نورة\ انا ودرته بس اهو يحبني تخيلي ساروه اهو ما يدري اني داخل البيت الحين.. واقف جدام البيت ويتأمله .. يفكر فيني
سارة\ يعني يحبج؟
نورة\ ساروه انا ما احبه .. انا اللي كنت العب هب هو .. والحين ما اعرف شو اسوي .. هقيتي اطلع
اكلمة ولا ادق؟
سارة \ يالدبه يا نوروه حراااام عليج .. والله ما دري شأقولج ..
نورة\ ساروه قولي .. انتي اتعرفين فهالسوالف اكثر عنيو خاصة بعد تجربتج ويا منصور
) ترا سارة عقب اللي صار ويا شما خبرت نورة كل شي عنها وعن منصور (
سارة\ نوروه .. عن منصور
نورة\ بالاه بعد ؟
سارة\ تراضينا
نورة \ شو؟!!!!!! .. تراضيتوا ؟؟ ساروه كيف قدرتي اتسامحينه بعد اللي سواه فيج
سارة\ كان الموضوع كله سوء تفاهم .. بخبرج كل شي بعدين .. الحين خلينا في موضوعج اهم
نوروه\ شو أسوي ؟؟؟
سارة\ انا عندي خطة ................ شو رايج ..............
****

وأرجع من المطار وحدي يشلني الهم و آشيله ... شيصبرني وأنا حبه وهو بس توه مسااافر
(((((( الفصل 15 ))))))
انزين ... سعيد عند باب بيت خال نورة و سارة توها رجعت لمنصور بعد هجران و جفا و عناد و جروح ونورة اتراقب سعيد من الجامة مال غرفتها ...
عقب ما سكرت التيلفون عن سارة لبست شيلتها و نزلت و ترا محد كان موجود فالبيت ..
فجت باب الحوي .. وسعيد لما شافها استانس ... ردت له روحه ..
نسا جذبها وجروحها .. نسا كل اللي سوته نورة فيه بمجرد انه شافها
هب مهم الزعل .. هب مهم العتاب المهم نورة ظهرتله .. نوره شافته .. نورة يايه اتكلمه ..
بس نورة تمت عند الباب .. وهو واقف عند بونيت سيارته ..
ركض لها ..
سعيد بصوت متلهف\ نورة
نورة من ورا خاطرها\ سعيد
سعيد\ وينج انتي يالقطوع والله قطعتي قلبي .. قسم بالله لو ..
نورة مقاطعة سعيد\ سعيد لو سمحت لا تي هنيه مرة ثانيه كلامي كان واضح .. اللي بينا انتهى
سعيد منصدم\ بس ...
نورة\ اسمحلي بس انا لقيت اللي يبدلك و هذا آخر كلام عندي
سعيد من صدمته ما عرف شو يرد عليها .. هو يباها ترتاح ودامها مرتاحة بعيد عنه فهو كذلك
رجع خطوتين للورا و هو بعده مجابلنها ..
نظر لها آخر نظرة وهي تدخل البيت و دشت نورة البيت وسارت تراقب سعيد من جامة الغرفة
كان سعيد يمشي صوب سيارته .. خطوتين يتجدم و خطوتين يرجع ..
وصل عند سيارته و فتح الباب و قبل ما يدش السيارة القا نظرة أخيرة على البيت و روح
نورة فخاطرها وهي تراقب سعيد\ راح عنج .. ضيعتيه .. انا شسويت ؟؟!!! ليش ما سمعت كلام
سارة ؟ ليش انا بهالغباء؟ ليش انا بهالغرور و الأنانيه ؟ ليش قلبي قاسي ؟ ليش ما اكون طيبه
شرات سارة؟
ويلست اتصيح على حالها ... وطبعا كرامتها تمنعها انها تتصل فسعيد و تتعذر منه .. ) شرات ما قتلكم مغرورة (
****
ومن الجهة الثانيه سارة توها رجعت لمنصور .. ومستانسة و تبا اتخبر حد بس تدري انها ما تقدر
تقول حق نورة الحين .. عبالها نورة ويا سعيد ...
فقررت انها اطرش حق نورة مسج تتخبر عن الأخبار
وفعلا طرشت بس نورة ما ردت عليها .. جان سارة اتحط راسها و رقدت ..
*****
) شقة آمنه بنت عمة سارة (
أمنه يالسة ابروحها اتفكر
أمنه\ شو السالفة ؟ غريبة ساروه ما ترمس عن منصور هالايام ؟؟ ولاني شفتها ظهرت وياه .. شو صاير ؟ متضاربين؟ لا ما أظن .. بس والله ما شفتها اتكلمه ولا شفته صوب شقتهم ولا شي ..
غريبه .. اللي أعرفه انه ميت فيها .. يعني افترقوا؟؟ الله .. هذي فرصتي عيل .. وااااو .. منصور وسارة متضاربين .. أخيرا منصور عرف حقيقة ساروه و خلاها ..
****
عقب كم يوم .. قرروا عايلة قوم سارة و آمنه أنهم يسيرون ماليزيا ..
****
" أحبك مووت أنا وأحيا كثر ما أحب .. "
منصور\ هلا حبيبي
سارة\ هلا موني ...
منصور\ يا حيالله هالصوت والله .. شحالج حبي؟
سارة\ الحمدالله بخير .. أقول فديتك انت وين؟
منصور\ اتمشى فالمول حبيبي .. ليتج ويايه
سارة\ اسمع ... نحن بنسير ماليزيا باجر
منصور\ شو ؟؟؟! .. ليش ما قتيلي من الأول جان سويت حسابي اسير وياكم
سارة متضايقة\ منصوووووور عاد ... هب كل مكان تلحقني ... بعدين اسمع الا هو اسبوع واحد
منصور يتدلع\ انزين حبيييييبي انتي اتعرفين شكثر انا متعلق فيج .. بعدين هب كفايه هالشهور اللي طافت؟؟!
سارة\هذا هب عذر .. يالله حبيبي باي ..
منصور\ باي حبيبي ..
****
وفاليوم الثاني سارو ماليزيا .. و تم منصور ابريحاته .. كان وايد متضايق لان سارة ما خلته يسير وياهم
منصور في غرفه اخته عاشة
منصور\ عاشووه
عاشة\ ويعوووووه !!
منصور\ تويعج ..
عاشة\ بلاك ؟؟ خير
منصور معصب \ أيه امنوه تتحسبين عمرج .. أنا اخوج العود احترميني عالأقل
عاشة باسلوب هب حلو\ نعم شو تبا
منصور تغير اسلوبه جنه ياهل\ سارة ما دقتلج؟
عاشة تضحك\ يحليله سارة سارت ماليزيا و ما دقتله .. ههههههه ...
منصور معصب\ عاشوووووووه !!!!!
عاشة خايفة\ لا ما دقت
منصور\ علج انشالله تحترقين فنار جهنم
عاشة\ و يحرقك ويايه ..
منصور\ جب !
عاشة\ أنا شو سويت .. شو ذنبي انها ما دقت ؟
منصور\ انتي أصلا دوووم ام الأخبار التعيسة شراتج !
وطلع من الغرفة معصب .. و فنفس الوقت يحاتي سارة ..
منصور فخاطره و هو يطالع الساعة\ أكيد وصلوا .. ليش ما دقت .. أخاف الا صار فيهم شي
يا ربي هالانسانه ليش اتحب اتعذبني جيه ...
****
) المول في ماليزيا ( عقب يومين من ما وصلوا
آمنه بطريقه خبيثة\ أقول سارووه .. شحال منصور؟
سارة تدري عن نوايا أمنه وتعرف كيف تجتلها حرة
سارة مبتسمه\ فديت طاريه أنا
أمنه منصدمة\ ليش انتوا هب متضاربين ؟؟
سارة تتدلع\ ويييييه !! حشا علينا .. فديتنا والله .. ما نفترق أبد ..
آمنه منقهرة\ وابويه عليج انا .. صدق اتلولعون بالجبد .. سيري عني لاه ..
سارة في خاطرها\ هههههههههه والله حالة البنات ما يبالهن الا جيه
أمنه وايد انقهرت لانها كانت حاطة خطة تسرق فيها منصور والحين اختربت كل مخططاتها .. بس
عقب شوي ..
عمة سارة\ سارة حبيبتي علايه فالشقة ويا أبوها و توه متصلتبي اتصيح تبا اتي عندنا .. ممكن تسيرين تيبينها انتي وهالعلة بنتيه؟
سارة\ أفا عليج عموتي انتي تآمرين أمر ... أموون تعالي خلينا انيب اختج
الفندق اللي كانوا ساكنين فيه مجابل المول عسبت جيه سارة وآمنه ساروا مشي
ولما كانوا يمشون فالطريج تجابلوا ويا شباب ثنين ..
سارة\ خخخخخخ أموون شوفي هالثنين والله أشكالهم تجتل
أمنه\ خخخ .. هي والله
و لما الشباب شافوا سارة جان يرقمونها
واحد مالشباب\ 4245....
سارة تتطالع آمنه مستغربه\ هذا شو يقول ؟ رقم شقته
لكن للأسف الشاب سمعها و هي تقول حق أمون جيه .. جان يرجع وراهم
الشاب\ 4245.... هذا رقمي
وتموا يلاحقونهم الين الفندق و سارة مسوتلهم طاف و أمون منقهرة لانهم يلاحقون ورا سارة و هب مسويلها سالفة و لما وصلوا الفندق دشت سارة اللفت و كانوا الشباب يبون يركبون وياها
سارة معصبة و بجديه\ لو سمحت ممكن تروح لاني ما ابا رقمك و لا ابا اكلمك .. اسمحلي بس تراك اتخطيت احدودك و اذا ما سرت الحين والله لأخبر ابويه تراه فوق فالشقة
واحد منهم\ خلاص نحن بنسير بس انتي خذي رقمنا ..
وحطوا ورقة صغيرة في الكيس اللي كانت شالتنه سارة و روحوا
) سارة فاللفت ويا آمنه (
شلت سارة الورقة تبا اتشوف شو فيها ولما فتحتها ..
سارة ميته مالضحك\ خخخخخخخخ .. امون شوفي ...
أمنه تضحك\ خخخخخخخ .. هههههه
سارة\ يحليلة مصدق عمره .. شوفي شو مكتوب / ماليزيا 4245... ، بانكوك 3567..... ، الامارات7857...
والله حالة ..هههههههه ... باقي يكتب وين بيتهم ..
أمنه \ ههههههه
سارة\ عله جهنم انشالله تاكله .. والله شبابنا فاضحينا فضيحة
آمنه في خاطرها\ انا براويج يا ساروه .. دومج تاخذين عني كل شي ... ماعليه دواج عندي
سارة\ أمون سمعي انا بنزل شقتنا ببدل وانتي سيري ييبي علايه و ترييني فاللوبي
أمنه\ لا ! .. بسير وياج الشقة
سارة\ بالاج ؟؟؟ شو تبين من شقتنا ؟
أمنه \ هاه ؟؟ .. لا نسيت نظارتي عندكم أبا أييبها
سارة\ اوكي .. خذيها و عقب سيري خذي اختج و انزلوا اللوبي ..
وسارن الشقة .. ولما دخلت سارة اتبدل
آمنه \ هذي وين حطت الأرقام ... ) تنبش شنطة سارة ( .. هذم ... أخيرا ... سارووه انا بسير بييب علايه .. لا تتأخرين أترياج فاللوبي
وخذت آمنه الارقام و سارت يابت أختها و نزلتلهم سارة اللوبي وساروا المول
وفليل لما سارة يالسة اتدور الأرقام ما حصلتهم .. أستغربت .. تمت اتدور و اتدور بس ما لقتهم .. كانت تبا اتخبر منصور وتعطيه الرقم يأدبهم .. بس ما لقته فحطت في بالها انه طاح عنها فمكان
لكن اليوم الثاني .. ) ترا سارة وآمنه يالسين مع بعض في غرفه (
الصبح (
أمنه راقدة .. سارة تزقر عليها\ أمون ياج مسج ..
آمنه\ والله ما أروم انش فتحي واقريه لي
سارة \ أوكي
وفتحت المسج + ليش سكرتي في ويهي البارحة + ولما شافت سارة الرقم انصدمت !! كان رقم واحد من هذيلاك الشباب
أمنه\ سارووه بلاج ؟؟! شو مكتوب فالمسج
سارة\ هاه ... لا ماشي كلام بالماليزي ..
أمنه\ الله يغربلهم ..
ما توقعت سارة ان أمنه اللي شلت الأرقام من شنطتها .. أصلا ما توقعت ان آمنه من هالنوع
وعقب ما رقدت آمنه .. شلت سارة التلفون و سارت عند اخو آمنه الكبير وكان راقد فاستغلت الفرصة
سارة اتقوم سيف\ سيفوه اسمع .. اتصل فهالرقم واسأل شو سالفت المسج
سيف\ خوزي عني لاه ..متفيجة انا راقد
سارة\ سيفووه عاد بس اسأل دخيلك أخاف يكون واحد .. ما يستوي انا اتكلم عقب يوم بيشوف انه وحدة بيقوم يتصل
سيف\ هذا تيلفون امنوه أصلا؟
سارة\ تيلفوني ) بس هو تيلفون آمنه .. ترا امنه وسارة عندهم نفس التيلفون (
سيف\ هاتي .. و اتصل
......\ هلا .. وينج ؟ امس ليش سكرتي في ويههي
سيف\ أيه أيه !!! امنو انت وشو سالفت المسج اللي مطرشنه
...\ أنا عبيد و انت امنوه ؟ و شو تبا ؟؟ وين صاحبت الرقم
سيف\ و انتي شو دراك انه صاحبه الرقم وحدة .. هذا رقميه
عبيد\ كيف رقمك و انا وحدة داقتلي منه البارحة فليل
سيف\ بويه انت غلطان هذا رقميه
عبيد \ اسمحلي يمكن مغلط فالرقم انا .. خلني بتأكد ..
سيف\ اتاكدلي لو سمحت
عبيد \ اوكي تريا ... ) ولان عبيد هب ناقص مشاكل ( لا خويه اسمحلي انا مبدل الأربعه بسته
سيف\ مرة ثانيه جيك عالرقم زين .. يالله باي
وسكر السماعة ...

سيف\ يالله اذلفي
سارة\ شو قالك الريال؟
سيف\ ماشي كان مغلط فالرقم و .. ههههههههههه
سارة\ بلاك تضحك؟
سيف\ يقول اونه وحدة داقتله البارحة فليل من هالرقم .. هاه سارووووووه ليكون بعد
سارة معصبه\ حشا عليه .. سيفوه بالاك
سيف\ أسولف وياج .. يالله اذلفي
وطلعت سارة من عند سيف و اهنه تأكدت ان أمنه فعلا اتصلت فالشاب و كلمته .. فرجعت تيلفون آمنه في مكانه عسب ما تشك فيها و مسحت المسج اللي من عبيد
سارة سوت عمرها ما تدري عن شي .. وأمنه ما عرفت ان سارة تدري رغم انه عبيد خبرها ان في واحد دقله
المهم
لما رجعوا بانكوك لقت سارة منصور يترياها فالمطار بس طبعا ما قدرت اتسير له لان أهلها وياها
فابتسمت له من بعيد .. وهو يأشر لها انه بيذحها
جان تضحك سارة ... منصور كان يسوي هالحركة لان سارة سارت و رجعت من ماليزيا ولا دقتله او طمنته عليها .. فتمت تضحك و تطالعه و هو يقول في خاطره
))) أحر ما عندي .. أبرد ما عندها (((
****
عقب يومين من ما وصلوا قوم سارة بانكوك ... كانت آمنه يالسة في غرفتها أتفكر و فجأة دشت عليها سارة ..
سارة\ هلا أموووون ... شحالج؟
أمنه\ حشا ... !! ماترومين اتدقين الباب ؟ بعدين انتي شو يايبنج ؟
سارة\ أفا ليش والله ولهت عليج من يوم ما رجعنا من ماليزيا ما ريتج
آمنه\ لان نحن في فندق وانتوا في فندق
سارة\ ادري ... أمون تخيلي شو صار قبل شوي؟
آمنه متنرفزة\ شوه؟
سارة\ نزلت اللوبي في فندقنا عسب اييكم .. و تخيلي من لقيت صدفة؟
آمنه\ أمنووه؟
سارة\ منصور .. فديت قلبه انا ..
وفجأة خطرت عبال آمنه فكرة ... فكرة خبيثة .. اتفرق فيها بين منصور و سارة .. تآخذ الثار فللي استوا في ماليزيا
آمنه\ سارة انا بطلع شوي
سارة\ وين رايحة؟
آمنه\ هاه .. ممم .. لي شغله بقضيها
سارة\ بسير وياج
آمنه\ لا ! .. بسير بسرعة وبرجع .. ما بطول .. ربع ساعة.. انتي سيري يلسي ويا قوم اماية ..
سارة\ أموووون حرام عليج .. والله ابا أسير وياج
آمنه\ اوووه .. ساروه عن المصاخة ! سيري عند قوم امايه .. سلمي عليهم باجر نحن مغادرين
سارة\ خلاص اوكي ...
و سارت عند عماتها .. و طلعت آمنه ...
وتخيلوا وين راحت؟؟؟
هيه ! راحت فندق قوم سارة .. تركض .. عسا تلحق على منصور قبل ما يظهر
وفعلا لحقت عليه .. لقته قاعد فاللوبي على اللاب توب .. أكيد ينتظر سارة
دخلت آمنه الفندق .. و منصور ما أنتبه لها لانه كان مشغول فاللاب توب .. و اللي فيه
بدت تمشي صوبه .. رفع منصور راسة و لما شافها تنرفز ...
منصور في خاطره\ أف هاي شو تبا ؟؟ شو يايبنها اهنه؟ سارة كانت سايرة بيتهم؟
وكل ما كانت تقرب أمنه من منصور أكثر .. يتنرفز و يتوتر منصور اكثر و اكثر
لما وصلت عنده ..
آمنه\ السلام عليكم
منصور\ وعليكم السلام و الرحمة .. إذا كنتي اتدورين على سارة تراها سارت فندقكم
آمنه\ ياليتني كنت يايه أدور على سارة .. ولا إني يايه أقولك الكلام اللي يايه أقولك أياه
منصور\ أقولج انتي مالج خص فيني انا و سارة ..
آمنه\ أوكي .. بس عقب لا تقول انا ما حذرتك .. ترا عندي ادلة
منصور\ شو قصدج؟
آمنه\ صارت سالفة في ماليزيا .. تبا اتعرف ولا لا؟
منصور في خاطره\ انا واثق في سارة.. سارة اتحبني وما اتسوي اي شي يسبب جروحي .. وهاي تبا اتخرب بينا .. لا ما أبا اعرف
منصور لا اراديا\ شو اللي استوا
آمنه\ انا ما بقول شي .. بس هاك .. اتصل على هالرقم و اسئله عن اللي رقمها في ماليزيا ..و هو بيخبرك السالفة كلها
منصور في خاطره\ لا ما بخذ الرقم ... ما ابا اعرف شو صار .. سارة بتخبرني بنفسها
لكن منصور ما قدر يتغلب على الوسواس اللي فيه .. وشل الرقم
أمنه\ خلاص انا بترخص و أبشرك نحن باجر مغادرين و لو سمحت لا تلومني على هالشي انا بس حبيت أراويك سارة على حقيقتها .. و عفكرة تراني هب مرتبطة
سكت منصور .. ما عرف شو يقولها ... طالعها بنظرة حقيرة .. و روحت
منصور يكلم نفسه\ اتصل ولا ما اتصل ؟ يا ربي شو أسوي ؟؟ ساعدني ... انا واثق فسارة هاي أمنه بس تبا اتفرق بينا ... هاي أكيد خطة مدبرتنها عسب اتفرقنا .. خلنا أكشف خطتها و بخبر سارة عليها ..

شل منصور الرقم و اتصل عليه
منصور\ الووه السلام عليكم
عبيد\ وعليكم السلام و الرحمة .. من معايه؟
منصور\ واحد .. خويه بغيتك في سالفة
عبيد\ يا حيا الله هالواحد .. أي سالفة الغالي؟
منصور\ اتعرف وحدة اسمها آمنه تعرفت عليها في ماليزيا؟
عبيد\ بصراحة ما اعرف شأقولك بس لا والله ما اعرفها
منصور\ انزين ما تعرفت على اي حد في ماليزيا؟
عبيد سرحان\ ممممممم .. بصراحة .. شفت لك ذيج القمر .. ماشالله عليها اللهم لا حسد
منصور\ كمل
عبيد\ اقولك لحقتها لين الفندق و هي هب عاطتني ويه .. حاولت وياها مني مناك لكن ما راضيه حتا تطالعني
منصور\ و بعدين شو صار؟
عبيد انتبه على عمره\ ياخي انت من ؟ وانا شو اللي يخليني أقولك هالأشيا؟
منصور\ والله ما بسويلك مشاكل .. كمل .. شو اللي صار
عبيد\ ياخي من انت ؟
منصور\ ارمس
عبيد رد سرح \ والله يا ريال ويها ويه قمر ..
منصور\ انزين عرفنا انها حلوة ! قولي شو صار عقب.. منو كان وياها؟
عبيد\ كانت وياها وحدة تآخذ منها شوي .. حتا ما أظن اختها
منصور في خاطره\ أكيد آمنه
عبيد\ المهم .. لما شفت انه ماشي أمل . . فريت رقمي في الكيس اللي في يديها وروحت
منصور\ و هي ما قالتلك شي؟
عبيد\ هب إلا عطتني هزبة محترمة .. والله خلتني أستحي عويهي
منصور في خاطره\ فديتها والله انا اعرفها سارة ..
عبيد\ بس عقب طاحت من عيني بصراحة!!!
منصور\ هاه ؟؟؟!!! شو ؟ ليش ؟. شو استوا؟
عبيد\ فالليل دقتلي
منصور\ شــــــــــــــوه ؟؟؟؟؟؟؟؟؟؟؟؟
عبيد\ هي والله يا ريال دقتلي ..
منصور\ متاكد انها هب اللي وياها؟
عبيد\ انت ما تفهم ؟! اقولك انا مرقم الحلوة هب اللي وياها
منصور\ والحين؟
عبيد\ للحين تتصل فيني و اكلمها و تكلمني
منصور\ انزين ما قالت اسمها
عبيد\ سارة
منصور\ لا سارة ما تسوي جيه .. انا اعرفها
عبيد\ ياخي اسمحلي بس هذا اللي صار
اصغرت الدنيا في عين منصور ... المشكلة انه نسا ان السالفة يايه من جدا آمنه .. من الصدمة اللي صابته .. نسا من هو نفسه .. وهو واقف ما عارف وين يدق براسه
دشت سارة الفندق ...
طالعت يمين .. شمال ... ما لقت حد .. ركضت لمنصور
سارة\ حبيييييييبي .. منصور
منصور وقف يطالعها .. دفرها بعيد عنه و ظهر من الفندق
سارة\ هذا شو فيه ؟؟؟ متفرعن ؟؟!!
لقت تيلفونه على الطاولة و لابتوبه و أغراضه كلها
شلت تيلفونه .. و أغراضه و ودتهم غرفته .. و خلت تيلفونه وياها
شوي والا يرن ... طالعت من اللي يتصل و انصدمت ...
سارة\ هذا رقم عبيد .. شو السالفة. من وين يعرفه منصور ؟ ليكون منصور مطرشنه يرقمني يشوف اذا انا اخونه او لا .. ارد عليه ولا لا ..
جان اترد
سارة\ ألوووه
عبيد\ هلا ..

(((((( الفصل 16 )))))) و القبل الأخير ..

أنا مدري إذا قلبي رفض يصبر شو أسويله .. تخيـل حالتي بعدك، أنا تحطمـــت عالآآآخر !!

منصور يالس فالكوفي شوب ، مصدوم ، مهموم ، متحسر على سنين عمره اللي فاتت ، معقوله سارة ظهرت من هالنوع ، معقوله سارة تخونه ؟! ، معقوله باعته بكل هالسهوله ؟
يكلم نفسه \ اكيد هذا السبب اللي ما خلاها تتصل فيه و هي هناك ! بس ليــــــــش ؟1 ليش جيه اتسوي ؟ انا ما قصرت وياها فيوم .. والا هل انه خلاص العالم كله صار جيه ؟ هل انه فعلا انتها زمان الحب الصادق ؟ حســـافة حبــي فيج يا ساره .. حســـــــــــافه !!

وقلبه يتقطع ، و عيونه تبكي جمر ،
ليــــــــش ؟؟ سؤال يتفجر في داخله .. ينادي ، يبي الإجابه ..
****
سارة ماسكة تيلفون منصور في ايدها
سارة\ من ويايه؟
عبيد \ يا هي حاله ! انتو شو قصتكم .. مرضى نفسيين ..
سارة \ شو السالفة و انت امنوه ؟
عبيد \ تسأليني انا امنوه .. وواحد داقلي من هالتيلفون قبل نص ساعه
سارة في خاطرها \ ياربي شو القصة .. ومنصور وين ياب رقم عبيد
سارة\ و شو قالك ؟.
عبيد \ اسمحيلي بس الطيبه امنوه
سارة\ انت مالك شغل انا امنوه .. انت بس قول شو قالك منصور
عبيد\ منصوووووووور .. هيه .. تم يسألني عن سارة
سارة\ ســـارة !!!! اي سارة وانت شو دراك في سارة
عبيد\ ايه يالمخرفة .. هاي وحدة مرقمنها في ماليزيا
سارة\ انزين وهو شو دراه انك مرقمنها
عبيد \ تصدقين مادري .. بس جبه اخوها .. جاكنها وهي تكلمني
سارة \ أتكلمـــــــك ...!؟؟!!!!
عبيد \ هيه تراها دقتلي الفليل .. والحين ما طايعه اترد عليه .. مادري شو قصتها..
اهنيه عرفت سارة القصة من أولها لآخرها .. عرفت السبب ليش آمنه شلت الرقم من شنطتها .. عرفت ليش ظهرت قبل اشوي تقضي حايه ..
وعرفت ليش منصور دفرها .. و متضايق .. الغالي له حق ..

لامــني ليــــــه ما درى بحــالي .. ليــه بلومــه تهتني عيــنه

****
" أحبك موت انا وأحيا كثر ما أحب أنا ذاتي ... "
طالع تيلفونه : الــحــب يتصل .. ) على رقمه الثاني لان تيلفونه العادي عند سارة (
والحين دش في صراع ثاني مع نفسه .. يرد عليها والا .. ولو رد شو بيقول .. لازم يعرف شو الاسباب .. لازم يلومها . لازم يريح باله شوي ..
ورد ..

سارة\ ألووووه
منصور\ ......
سارة ) ولا كأنها تعرف شي ( \ منصور بلااااك ؟ شو صاير ؟ ليش جيه دفرتني
منصور\ وتسألين
سارة\ ليش انا شو سويت ؟
في هاي اللحظة تذكر منصور انه ما يقدر يعيش من دون هالشخص اللي عالطرف الثاني من التيلفون ، تذكر انه مهما بعد و مهما لف الدنيا ما عمره بيحب وحده شرات ما حبها .. فقرر فذيج الثانيه انه ينسى اللي عرفه .. ولا كانه شي مستوي..وحتى ولو انها اتخونه .. اهم شي تبقى وياه
منصور\ هاه .. لا ماشي فديتج ما سويتي شي
سارة\ منصور .. بلاه صوتك .. انت متضايق من شي؟
منصور\ لا ما عليج مني ..
سارة \ انزين انته وين ؟
منصور\ فالكوفي شوب اللي دايما يالسين فيه
سارة \ حد وياك؟
منصور\ لا ...ليش؟
سارة\ لاني يايتنك فالدرب
منصور\ اقولج .. مالي نفس اقعد وياج الحين .. دخيلج ردي الفندق احسلج
سارة\ منصور اسمع .. في شي ابا اقولك اياه .. عن سالفة صايرة واايد كبيرة .. تهمك و تهمني وتهم مستقبلنا ويا بعض
تعال فالحديقة اللي دوم نلتقي فيها .. انا بترياك هناك
و سكرت السماعه ..
وشل منصور بعمره و سار .. وهو فالدرب يفكر .. و يفكر .. حتى انه نسا شو قالتله عالتيلفون ..
ويوم وصل جافها تترياه على الطاولة اللي دوم يالسين عليها
سارلها ...
نشت من مكانها و مدت ايدها .. اتسلم
اســتغرب من حركتهـــا لانه دووم يوم اتجوفه تحضنه او تبوسة ..
وسلم عليها
سارة\ منــــــــصور
منصور\ هلا
وكان الكلام بينهم واايد جاف .. والجو مووليه ما يساعد
سارة \ يود تيلفونك .. تراك نسيته فاللوبي
منصور\ ما تقصرين
سارة \ ترا دقلك واحد اسمه عبيد
منصور\ ورديتي عليه
سارة \ هيه
منصور \ ايوااا ..........
و هو يقول في خاطره \ ) هذا جزات اللي يحبك و يغليك (
سارة \ منصــــور
منصور\ نعم
سارة \ ترا يوم كنا في ماليزيا ..
منصور يقاطع سارة \ ماله داعي تكملين اعرف السالفة , وادري انج يايه تقولين انج خلاص ما تبيني

وهو يقول في خاطره \ ) الشكوى لله روح و بتناسى ماضيك .. خله مصير الوقت يجبرني نسااك (

سارة\ ايــــــــــه !!! استهدى بالله و خلني اكمل كلامي
منصور \ و هو أصلا فيه كلام ينقال ، ولااا أشكره اتقولي رديت عليه
سارة\ تراني شراتك ,, منه عرفت السالفة ., توني اكتشفت
منصور\ شو توه عرفتي السالفة انتي شو تقولين ؟؟ وهو يقول انج اتكلمينه من ليلة ما رقمج
سارة\ انت من صدجك صدقت كلامه ؟
منصور\ وشو اللي بيخليه يجذب .. يباج مثلا
سارة\ انت بلااااك !! أصلا انت من البدايه من وين بيت رقمه
منصور\ وانتي شو لج , انا يبت الرقم وخلاص
سارة\ بس انا ما دقيتله ..
منصور\ هيه ,, صـــح ,, ندري ما دقيتيله .. بس هاي وحده اسمها سارة و نفس ملامحج بالضبط .. سبحانك ربي
سارة \ منصووووووووووور !!! انا ما دقيتله انزين ! من وين يبت الرقم !
منصور\ هاه ؟؟!! ............... ) اويه توه تذكر .. من آمنه ( ................ أمون بنت عموتج عطتني اياه
سارة \ كنت متاكدة .,, والله العظيم كنت متأكدة ، بس عالعموم انا ما بقول لك شي .. انت حكم نفسك بنفسك و حاسب عقلك قبل ما تحاسبني ,, انا بترخص منك الحين .. واذا فيه شي تبا اتقوله ,, تراك رقمي اتعرفه .. بس لي سؤال ..
دامك تشك فيني ... يرضيــك كلمة أحبج تظهر من لسانك ؟؟
منصور \ سارة ..
سارة \ ها
منصور\ ... آســـــــف
أطوي كتابي و سجله .. والدمع خدي يمله .. هذا سؤالك و حله .. أموت فيك بجنون

سارة \ آسف ؟
وهي تقول في خاطرها \ ) وش أسوي بآسف وأنت جروحك تقتلني (
منصور \ هيــه آسف
سارة \ ................ وروحت

سارة لنفسها\ انت منت اللــي عشقته، أنت أكيد انسان ثاني .. ليه صرت بهالبرود و هالأحساسيس البليدة

منصور لنفسه \ أنا كنت متأكد انه سارة عمرها ما بتسوي شي يجرحني ,, ادريبها تحبني وما تعيش من دوني .. اف .. الحين اكيد زعلت .. هاي شو بيراضيها بعد ..
****
كان باقي اسبوع و بيردون البلاد ...
و خلال هالاسبوع .. منصور لا سمع لسارة حس و لا جاف لها بينه .. أكبـــــــر طـــــاف ...

يــاالصاحب المتعـــالي ياللي طلبت رضــاه .. متــى يغمضك حـــالي .. والقلب لي صافـــاك

ورجعوا دار الحــــــي و منصور و سارة نفس الحالة ...
****
) صالة بيت قوم منصور (
منصور طايح على الكنبه و يفكر .. سرحاان .. وفي نظراته ألم .. و دموع .. وهم .. وحزن ...
عاشه لنفسها \ منصور أكيد فيه شي ؟؟ شو اللي صاير .. هوب من طبعه ايلس جيه ساكت
عاشة لمنصور\ منصور
منصور\ .....................................
عاشه \ منصورووووووووووووووووووووه !!!!!!
منصور\ هاه .... ؟؟ّ!! شو ... انتي زقرتيني ؟؟!!
عاشة \ هيه .. شحالك انته ؟
منصور \ شو قصدج ؟
عاشة\ ماشي .. بس أسئلك عن احوالك .. ابا اسولف ويام
منصور \ ااهاا .. الحمدالله
عاشة \ وشحال حبيبة القلب ؟
منصور متوتر\ هاه ؟؟!! ... حبيبيه القلب ........ امم .... الله يسامحها.... اقصد اتسلم عليج
عاشة \ منصور .. صاير ش بينكم انت وسارة؟
منصور\ فال الله ولا فالج
عاشه \ اهاا
منصور\ انتي متى آخر مرة كلمتيها ..
عاشة\ سارة تقصد ؟
منصور\ هيه
عاشة \ قبل ساعتين ...
منصور\ اهاا ... عيل بترخص عنج انا ... وهو يقول في خاطره: )يالتك تحس بعذابن منك حسيته(
وسار منصور غرفته ... طلع تيلفونه من السدة .. ودق على | قلـــــبــــي |
بس ما ردت ..
منصور \ عونك ياربي .. والله ما اقدر اتحمل اكثر عن جيه ! بس خلااااص لاعت جبدي .. ليتني ما حبيتها في يووم .. ليتني ما جفتها ..
وقطع كلامي تيلفونه يرن ...
وبدون ما يجوف الرقم شله ... يبا اي شي يلهيه عن تفكيره في سارة المستمر
منصور\ الووه
سارة\ هلا
منصور منصدم\ هاه ؟؟!! ســـــــــــــاره ؟؟
سارة\ يعني هالكثر مستغرب
منصور\ ..................................
سارة\ تراك توك داقلي و يوم ييت برد سكرت جان ارجع ادق .. ليش فيها شي
منصور في خاطره \ ) هاي من صدقها داقه عليه .. خلني اتأكد من الرقم (
منصور\ لا .. عادي .. مم .. لا لا .. مادري ...
سارة \ هههههههه .. فدتك يوم تنصدم ياربي
منصور بعده هب مصدق شو اللي قاعد يصير \ سارة
سارة\ هلا
منصور\ شو السالفه ؟؟!! انتي وينج من زماااان
سارة\ حبيبي .. آسفة والله .. انت تعرفني طبعي خسيس يوم اصنف على حد .. لين ما يفج راسي
منصور \ وتعذبيني جيه ؟ أهون عليج
سارة\ أكيد ما تهون .. بس بصراحة كنت صدق واصلة حدي منك و من بنت عمووه .. بس شو اسوي ربك جريم
منصور في خاطره\ ) من زمانن وانت عن العيون غايب و بغيابك كم صابتني مصايب (
منصور\ فديت قلبج انا .. انت تدرين مالي عمر من دونج
سارة \ بس حبيبي.. بس .. خلنا ننسى الزعل و نفتح صفحة يديدة من قصة حبنا ... انا وانت نتحدى الزمن ..
منصور\ مشتااااااااااااااااااااااااااااااااااااااااق لشوفج
سارة\ اوووونه
منصور\ اذا ما جفتج خلال اربع و عشرين ساعة بتخبل
سارة\ ههههه .. فدييييييييييتك .. انشالله حبي
و يلسوا يسولفون لساعات طوييييييييييلة .... ما تتخيلون كيف كانوا مشتاقين لبعض ...
ولتفقوا انهم يظهرون ويا بعض فاليوم الثاني ..
****
عقب ما سكر منصور عن سارة طلع الصالة .. يطالع امنوه موجود فالبيت ...
وما لقا حد غير اخته عاشه و خلود .. ز كااان وااايد مستانس .. حاس انه روحه ردتله ...
ولانه كاان واايد متحمس لليوم الثاني لانه بيجوف سارة .. ويبا الوقت يمر ابسرعه ... يبا يضيع الوقت ..
دق حق ربيعه حمدان ..
منصور\ هلا والله ..
حمدان \ اهلين .. يالقاطع
منصور\ اسمحلي يا خويه .. كانت عندي ظروف
حمدان \ ومن متى الظروف تمنعك من انك عالأقل اطرشلي مسج
منصور\ تراني داق الحين
حمدان\ من يومك لووتي ... شحالك ؟
منصور\ الحمدالله يالغالي .. انتش حالك ؟ اخبارك ؟ شو دنياك ؟
حمدان\ والله يا خويه ماشي .. هاي هي حالتنا .. من يوم توفوا وانا ما عندي حد غيرك انت ورشود وطبعا انت تعرف رشود مشغول بالدراسة و خرابيطه وانته الله يسامحك قاطع .. هب عاطنا ويه ..
منصور\ فديتك والله ..
حمدان\ و ولد عمي حليله متوهق ويا وحده ..
منصور\ امنوه ؟؟ سعيد ؟
حمدان\ و فيه غيره .. الله يغربل البنات و حبهن .. بلاااوي ..
منصور\ في هاي صدقت .. شو مستوي بعد
حمدان \ ماشي والله .. كان مغلط في رقمها .. ويلست اتسولف وياه .. و عقب يقولك قطعته ولا تسويله سالفة .. وسارلها الين البيت .. قالتله انها ما تباه وانها ملت منه وانها اتحب غيره ..
وخلته بين الحياه و المووت .. هاي حالته ..
منصور\ الله يسامحها .. بنت امنوه بعد هاي ؟
حمدان\ مادري والله بس اللي اعرفه انه اسمها نوره ...واقرب وحده الها .. ربيعتها يعني اسمها ساره
منصور\ اونه عاد .. يبا يعايرني ما عارف كيف
حمدان \ خخخخخ .. لا جد اكلمك ...
منصور\ غريبة والله .. ربيعة سارونه اسمها نورة .. بسألها .. عنها .. المهم .. انت وينك ..
حمدان\ فالبيت
منصور\ هاه ..ما بتسير جدا رشوود .. والله متوله عليه ؟
حمدان \ اكييد .. مسافه الطريج وانا عندك
****
{ اليوم الثاني ]
سارة يالست تتريا منصور فالكوفي شوب في مركاتو ...
سارة\ هذا وينه تأخر ... ياربي .. أخافه الا نسى ..
بعدها ما كملت كلامها الا منصور ظهر
منصور في خاطره \ أحبـــها ....
سارة\ السلام عليكم .. ) و تبتسم (
منصور\ فديت هالبسمة انا ... وعليكم السلام ...
سارة\ يالله انسير ؟؟
منصور\ وين حبيبي
سارة\ البحر .. خاطري اسير البحر
منصور\ من عنوووني فديت روحج ..
ومسك ايدها و مشوا الين السيارة ..
لما وصلوا البحر .. نزلوا من السيارة .. وقعدوا على الشاطي يسولفون ..
منصور\ حبيبتـــي ...
وصدت سارة صوبه .. ولما صدت لف شعرها وياها .. ماشالله كان شعرها كوييل وناااعم .. وكانت فالتنه ...
سارة \ لبيـــــه ..
منصور في خاطره \ في دلالك والحسن ما حد مثله والبراءة بنظرتك فيها العجايب .. من جمالك تنعش العيون والله و سهمك الجراح بالإحساس صايب .. شعرك المنثور يا فاتن أسرني .. والظلام ينام في سحر الهدايب .. من يحبك تاه في عتمة جروحه .. ما لقى في دنيته غير الغرايب
منصور\ أحبــــج
سارة \ وأنا بـــعد أحبـــك ... مـــــــــــــوت
منصور\ اوعديني ..
ســــارة\ ابشوه؟
منصور\ انــج ما تقطعيــني مرة ثانيه والا بعطيج بوكس صــح
سـالاة\ خخخ .. وعد حبيبي .. اوعدك
منصور\ فديتج ...

تيلفون منصور يرن ...
{ وين يالغايب عن اولفوك
قاطعن ما تذكر اولافك
مرت سنين عشوفك ]
منصور في خاطره \ ياربي !! امنوه اللي متفيج اللي داق هالوقت ..
سارة\ حبيبي رد عالفون .. يمكن يبون شي
منصور وهو يطالع سارة و يبتسم \ الوووه
....\ .............................
منصور \ هـــاه ؟؟؟!! ؟؟ خلاص الحين ياي ..
منصور \ سارة فديتج .. بوصلج بيتنا .. وبسير ...
سارة\ حبيبي شو صاير ...
منصور\ بعديت أقولج ... فديت روحج ... يالله قومي .. لبسي شيلتج
سارة\ حبيبي وصلني البيت .. عاشوه اختك هوب موجوده فالبيت .. ظاهرة ويا امك .. قبل شوي مكلمتنها ..
منصور\ خلاص فديتج..
وهو فالطريج ..
منصور\ حبيبي .. نوروه شو اسم حبيبها ..
سارة\ تقصدك اللي كان حبيبيها
منصور\ هيه ..
سارة\ سعـــيد
منصور\ وهو ياها الين البيت و ردته ؟ .. قالتله انها ملت منه و ما تباه و تحب واحد غيره
سارة\ هيه .. بس انت شو دراك
منصور\ ترا هذا سعيد .. يستوي ولد عم حمدانوووه .. وهو هله متوفيين .. وعايش عند يدتهم العوده و يقولج منطوي .. ما عنده ربع واايدين .. لانه فيه حاله نفسية .. ربي يعافينا.. اتيه حالات لازم يربطونه والا عادي يذبح اي حد جدامه ..
سارة\ اووويه .. والحين و صاير
منصور\ الحين هو داش على البشكارات مال بيتهم وطايح فيهم ضرب والحين طايح في قوم حمدانوه .. يقولهم ييبوا نوروه والا بذبح واحد فيكم
سارة\ والحين شو بتسوون
منصور\ حبيبتي انتي نزلي البيت .. و بتصلبج انا انشالله .. أكيد بنوديه المستشفى بيعطونه مهديات ..
يالله حبيبي اكلمج بعدين .. وسوري لاني خربت طلعتنا ..
سارة\ فديت روحك حبيبي .. لا عاادي .. انا بكلم نوروه .. وبخبرها عن اللي صاير
منصور\ لا حبيبي ... خليها ما تدري احسن
سارة\ عراحتك..
ونزلت سارة من السيارة ...
ودخلت غرفتها .. تنتظر الاتصال من منصور اللي مــــا وصلهـــا ليومنـــا هــــــــــذا !!!! =(

شو اللي صار ؟؟؟؟!!!!
ليش منصور ما دق ؟؟؟؟!!!!!

(((((( الفصل 17 )))))) { و الأخير ]
عــــزاي انه أخذ قلبي في وسط عيونه يشيله .. وأنا أصبحت فــي بعده وحيـد و أكسر الخاطر
****
منصور\ الوووه .. هاا حمدانوه بشر..
حمدان\ هلا منصور..وينك انت .. والله ما رايمين عليه..
منصور\ جريب .. تحملوه .. بالكثير خمس دقايق واكون عندكم ..
ووصل منصور عندهم .. وكان سعيد واصل حده من الخبال و العصبية .. و ساعد حمدان و باجي الشباب و ودوه المستشفى ..
ثم رجع منصور البيت .. ويلاقي أمه فالصالة..
منصور\ السلام عليكم
أم منصور\ وعليكم السلام و الرحمة .. حسبي الله عليك!!! بلاااه ويهك مترضض و كندورتك متشققه .. ليكون متضارب ويا حد
منصور\ لا امايه .. ها ولد عم حمدانو الخبل يته الحالة .. وتدرين لين ما وديناه المستشفى .. كسّرنا ..
أم منصور \ليش .. شو سويتوبه ..؟؟ عسب اتيه الحالة ..
منصور\ والله يا امايه .. مادري .. انا ما كنت وياهم..دقولي و سرت لهم ..
أم منصور\ هيه .. ربي يعافيه ..
ودخل منصور غرفته و سبح و غير ملابسه .. و طلع اييلس ويا امه شوي ..
كان منصور يحس بتعب ,, ما قادر يتنفس ,, صدره يعوره .. مختنق .. عسب هو ما يقدر يتحمل لانه عنده القلب .. واعصابه كانت متوتره ..
وعاشة كانت فالغرفة اللي عدالهم .. ويالسة تسمع شو يقولون .. تبا اتعرف شو السالفه .. لانها توه مكلمة سارة .. و تبا اتعرف شو اتسوى عسب اتخبر ساره.
أم منصور \ وين كنت يوم دقولك ؟
منصور متوتر \ هـــاه ؟! ... اتحوط
أم منصور\ منصووووروه ... ! لا تجذب
منصور\ وليش أجذب .. كنت اتحوط فالموتر و دقلي حمدان جان اوصلها البيت واسير لهم ..
أم منصور\ وصلت أمنوه !!!! .. كنت أدري انك ما كنت بروحك
منصور\ هاه؟؟!! ) مستغرب كيف طلعت منه هاي الرمسه (
أم منصور معصبه\ انته ما بتيوز عن هاي سارة مالتك ؟؟!!
منصور\ امايه .. انتي ليش هوب متقبلتنها ؟! هي شو سوت لج .. حرام عليج
أم منصور\ حرمت عليك عيشتك !! منصوروه انا قتلك .. لا تتعلق في بنت الناس .. لاني لا يمكن اسمحلك انك تاخذ وحدة برع العايله,,
منصور\ انتي ما همج غير البيزات و بس .. شي ثاني ما تفكرين فيه .. المهم عندج البيزات ما تطلع برع العايله .. شو هالتفكير يا امايه ؟! عيب والله عيب عليج وانتي حرمة فاهمة ومتعلمة ماشلله عليج .. واتوقع اتعرفين انه كل واحد له الحق انه يختار شريك حياته .. وانا اختار سارة وما باخذ غير سارة .. بس انا مستغرب من شي واحد بس .. دام انتي خايفة عالبيزات اتضيع .. ســارة بيزاتهم أضعاف البيزات اللي عند ابويه فالبنك...
أم منصور\ منصوروه !! لا تنسا انك قاعد اتكلم امك .. بالله عليك وين يبت الجرأة اتقول كلام شرات ها..
منصور\ أمييه .. كلام الحق ينقال ..
أم منصور\ ســــارة لا ,,,,
سار منصور و حب أمه فوق راسها
منصور\ لج مني كل حترام .. وانتي امايه .. وربي شاهد شكثر غلاتج في قلبي .. لكن لو تميتي رافضه سارة .. انا بآخذها لو ما كنتي راضيه .. فدخيلج ) رد حبها فوق راسها مرة ثانيه ( دخيلج .. لا تخليني أضطر احط نفسي في هالموقف ..
أم منصور\ انا ما بقولك شي .. بس لا تنسى .. بر الوالدين عبادة .. واذا واحد منهم هوب راضي عنك .. الرب ما يرضى عنك .. وان سرت وخذت سارة بدون ارضايه فانا هوب راضيه عنك ليوم الدين ..
وسارت الغرفة ..
اهنيه منصور بدا يفكر .. وذبحه التفكير ...
بدا يتعب أكثر .. دقااات قلبه قاامت تتسارع .. صار صعب عليه يتنفس ...
حطا ايده على طرف الكنبه .. يحاول يثبت عمره بوقفته .. جسمه بدا يضعف ...
يحاول ينادي حد .. بس ما قادر .. صوته كان وايد ضعييف ..
****

عقب تقريبا ثلاث ساعات من اللي صار قررت عاشة انها تسير اتكلم اخوها.. اتحاول اتخفف عنه فطلعت من غرفتها و تاكدت انه امها محد ..
عاشة من بعيد \ منصور
وفي خاطرها اتقول\ ها بلاه ما يرد ,, الله يعينك ياخوي .. هاي امايه الله يهديها ما طايعه تفهمك ..
ماعليه فديتك انا انشـــ ...
وقبل ما تكمل كلامها .. جافت اخوها .. عالأرض
طايح .. وعيونه مغمضه .. لونه أزرق ..
عاشة تصارخ \ منصووووور !!!!!!!!!!!!!!!!!!!!!!!!!منصوووووور !!!!!!!!!!!!!!!!!!!!!!!!!!
وركضت غرفة امها .. عاشة\ أمايه لحقي .. منصور .. لحقي
أم منصور\ عاشووه بلااااج ؟!!! شو السالفه ؟؟!! بلااه اخوج
عاشة\ منصور ... طايح .. ازرق .. الأرض...منصور ...
وركضت ام منصور الصالة .. وتلاقي ضنينها عالأرض .. مزرق .. مختنق .. وللأسف محد كان مهتم بأنه يتّبعه .. من ثلاث ساعات وهو طايح هنيه .. ولا حد يدري عنه ...
ام منصور\ ولديــــــــه !!! منصور فديتك .. نش فديتك .. قوم انا امك .. ) والتفتت لعاشة اللي عينها كانت مليااانه دموع ( .. عاشة ليش ما يرد عليه .. منصور حبيبي .. قوم .. بلاك مزرق جيه
شلت عاشة التيلفون و دقت حق بو منصور ..
لكن للأسف شو الفايدة الحين .. الولد خلاص رااح .. منصور مــــــــات ..
والسبب ..
+ هم أمــه مسببتنه له ...
+ انسانه مالها ذنب ,, انه يموت في ثراها(ســارة قصدي)
منصور خلاص مات .. وكان آخر شي سواه انه حب أمه فوق راسها ..
عقب ما رجعت عاشة من المستشفى .. اول ما دخلت البيت ..
{ إن قلت أحبك ترا ما قلتها رضوه
من كل قلب أحبك صدق واعنيها .. ]
ركضت..تطالع شو اللي يغني .. وإلا ما تلاقي غير تيلفون منصور عالشاحن ..
شلت تتطالع امنوه متصل + ||قــ.ــ.ـلـ.ـبـ.ـي|| يتصل بك .. + وتحته رقم سارة ..
في ذيج اللحظة تذكرت عاشة .. كيف سارة اتحب منصور .. الحين شو تقولها ..
اتقولها .. منصور مات ... ؟؟؟
اتقطع قلبها ؟؟؟ أكثر ما هو تقطع ؟؟؟
شو تسوي ؟؟؟؟ !!!!
واللــــه دنيـــا ....... راح منصور عن سارة ...
كيف بوصل الخبر لهــا .. كيف بفاتحها بالموضوع ...
وقررت انها ما ترد عليها .. بالعكس قررت انها تورح لها البيت ...
دخلك عاشة بيت سارة والكل مستغرب من زيارتها في مثل هالوقت و بدون سابق انذار و ويهها كله دمووع .. دخلت غلافة سارة .. و اتلاقي سارة يالسة تلعب بتيلفونها ..
سارة مستغربة\ عواش ؟؟؟
عاشة بصوت ضعيف وحزين\ هلا
سارة مستغربة\ شو يايبنج اهنيه ؟؟ بلاه شكلج تعبان ؟؟ انتي تصيحين؟؟
عاشة تصيح\ .. هئ هئ هئ .. )وبنبره حزن شدييييدة قالت( منصور....
سارة خايفة\ عاشة ؟!! شو فيج ؟؟؟ شو السالفة ؟؟؟ شو مستوي .. خبريني ..
عاشة\ والله يا الغالية ما اعرف كيف اركبها لج ...
سارة\ عااااااشة ... بليز قطعتي قلبي بصيااحج .. بلاه منصور تنطقي الله يخليج ...
عاشة\ يا سارة .. منصور عطاج عمره يا سارة.. منصور اخويه ماات ..
سارة منصدمة و بصوت هاادي\ هــاه ..؟؟ منصور .. مــات؟؟؟
عاشة\ ) دموووعها تنزل(
سارة بصوت واطي و هي منزلة راسها\ حبيبي مات .؟؟

منصدمة .. ومش مصدقة الخبر .. نشت سارة و بدون ما تحس .. ركبت السيارة هي وعاشة ..
وسارو بيتهم (بيت عاشة)
وهي تقول في خاطرها \ مستحيل .. مستحيل
كلمة يتردد صداها في داخلها .. و أسئلة .. ليتها عارفة من يجاوبها ..
ليــــــــــــــش ؟؟ ليش منصور بالذات ؟ ليــــــــــــش؟
و دخلت البيت .. و بدون تردد دخلت غرفته ..
فتحت الباب ..
جابلها سريره .. وقفت لحظة .. عقب سارت صوب الحمام (وانتوا بكرامة ) فتحت الباب
سارة بصورت واطي\ منصور ؟؟ وينك حبيبي ؟
رجعت سكرت الباب .. فتحت الكبت .. ثيابه ..
سارة تتطالع عاشة اللي كانت متعطفة لحال سارة \ ثيابه موجوده .. ليش ما دخنتوهن .. بيطلع ويا ربعه باجر ؟
عاشة بصوت هادي\ سارة .. فديتج تعالي خلنا انسير غرفتي ..
سارة\ مابا
عاشة\ سارة .. دخيلج والله قطعتي قلبي
سارة\ مـــابــــا .. أنا أبــا منصور ..
ما عرفت عاشة كيف ترد عليها و هي تدري كيف حال سارة .. تدري كيف سارة كانت تحب منصور ..
فظهرت من الغرفة و خلتها بروحها ..
****
سارة .. بروحها في غرفة منصور ..
تخيلوا موقفها .. وقفت في وسط الغرفة .. تهيالها قاعد حذها .. يتبسم وياها .. يكلمها ..
تهيالها راقد علسرير .. يلعب على الاب توب ..
تهيالها يدخل من الباب ..
وهي تفكر .. لفت نظرها كتاب تحت سريره ..
طلعت الكتاب و فتحته ..
مذكراته .. فتحت آخر صفحات ويلست تقرا ..
(حبيت أنقل لكم جزء من الصفحة اللي قريتها )

يوم الثلاثاء 6\9\2005
1:30 عقب نص الليل
قاعد فالبلكوونه و هي عبالي

شو هالحال يا عالم ..والله تعب قلبي يناديها وهي ولا معبرتني .. أحبهــا و لو تروح لآخر الدنيا يتم احبها
ومحدب يسكن قلبي سواها .. هي نبضي و هي كلي وهي دنيتي وهي الأمان فيها .. والحين وهي محد حاس بغربه ، حاس بغبنه ، حاس انه حياتي ناقصة.
حالتي والله صعبه .. ليتها بس تحس فيني ، ليتها تعرف غلاتها في قلبي .. ودي أقعد معاها ولو دقيقه
أبرر لها موقفي.. أبين لها شكثر أحبها عسب ما تخليني ، عسب تعرف كيف اني بدون بسمتها أتوه ..
هي نوري فالدنيــا اللي كلها ضلام
هي الأمل اللي فقدته من سنين .. بس هل اني فقدها .؟؟ انا بحاول المستحيل اني أرجعها لي ..
أنــا .................................
كانت سارة تقرا الكلام و دموعها تنزل
" حبيبي أنا آسفهـ ، والله ما كنت أدري "
ورفعت راسها توقعت بتلاقيه .. لكن تذكرت انه خلاص .. راااااح
الحين كيف بتعتذر منه .. كيف بتقوله وانا بعد أحبك حبيبي ..
كيف بيعرف انها كانت تحبه ؟؟

أعترفت إن قلبي لك ارتاح ..
قلب مات بطعن جراح ..
ناديتك مسكت يدك‎ ..
قربتك وبست خدك
وهمست بأذنك أناأحبك ..
شوقي لك جنني ..
ومن عالأرض طيرني ..
.. وفجأه ..
حصل يوم وفقدته ..
سألت عنه أدوره ..
تلفت مالقيته ..
رجعت البيت طلبته ..
ورن جواله محد يسمع ..
الكل منشغل يدعي ..
ويقول يارب له أشفع ..
ترد هالمره علي أمه ..
تقولي خلاص ماينفع ..
تركنا ورحل لبعيد ..
والكفن توه حضنه جديد ..
سامحيه وبالخير اذكريه ..
اطلبي له الجنة وفرحيه ..
ولو أنه غلطت بيوم عليج أعذريه..
ولو مره قسى عليج ..
أو قصر معاج لاتلومينه..
تذكري دايم أنه أحتاجج ومالقاج ..
تذكري أنج أنتي اللي قسيتي عليه ..
" منصور " خلااااااااااااص مات ..
تقفل أمه الجوال ..
وتحضنه وتبكي وهي ماتدري عن حالي ..
مابقى غير ذكرياته ..
وصوره وثيابه ..
وعطره وأوراقه ..!
وإلى متى بيبقى في بال كل غالي ..
شهر ..





شهرين ..








سنه ..





سنتين ..






وإلا طول العمر ..
الناس بتبكي يومين وبتعيش حياتها ..
وأدعي لقلب خذاه الموت ..
وأمه ..
وأبوه ..
بينسونه وإلا بيذكرونه بعد موته ..
وأخوانه بيفقدونه وإلا بيخبون عنهم موته ..
حياتي انتهت خلااااااص ..
دخلوه علي جسد بدون روح .. بدون إحساس ..
ثابت مايتحرك ..
قربت منه ..
رفعته وبكيت أودعه ..
شفت وجه لآخر مره ..
حضنته بقلب به حسره ..
شالوه عني لسجنه ..
دفنوه قبل لاأقوله ..
يا حبيبي أحبك !!
دخلوه لقبره وشفت التراب يغطيه ..
رجعت لأهلي أقول.. خلااااااص ..
حبيبي راح عن عيني ..
****

هيه نعم .. فعلا .. حبيبي راح عن عيني ..
وهاي أنا يا نااس .. جسد بليا روح .. فقد اغلى ما أملك ..
نعم هاي هي قصتي .. ويا الانسان اللي فعلا شل روحي و غير حياتي
- الله يرحمك يا منصور و يغفر لك –
و اسمحولي أوضح لكم .. شخصيات القصة الحقيقة ..
(سارة ) اللي هي أنــــــــــــــا و اسمي الحقيقي شيخه
(منصور) الله يرحمه حبيبي اللي مات من سنتين و اسمه منصور
( عاشة ) وهي فعلا أخته و اسمها الحقيقي فاطمة ..
والأحداث كلها حقيقية ..
كان يحبني وللأسف كنت أعانده .. و فالنهايه راح عني بدون ما أبين له غلاه في قلبي ..
وأخليكم مع قصيدة كتبتها :

خلاص انتهت قصتي ويا اللي حبيته ..
حكاية عشقن رسمها بصادق نياته

ضاعت الأماني و الحلم لي تمنيته ..
أحبج يا "شيخه" كانت آخر كلماته

غمض عيونه و عقب الدمع هليته ..
يحي قليبي و يموت من معاناته

وقت الشدايد ضمني وانا ما خليته ..
ما يوم لامني وانا ما يوم لاميته

آه يا دنيا غريبة عقب مهويته ..
خذتيه عني والقلب زادت آهاته

ليته يعود ليته والله يا ليته ..
ليته يعود ويطفي بالصدر حراته

كنا حبايب داراني وانا داريته ..
وبحبه عيشني أجمل حكاياته

والحين وينه روح وانا فقديته ..
وانهد صرحي والجفن هلت عبراته

والله ما انساه شكل ربي منسيته ..
والله ليعيش فيني بكامل محياته

والله هو اللي انا صدق هويته ..
والله كان لعلة قلبي اشفاته

انا احبه و الله كان لي تمنيته ..
اهو اللي صدق ملكني بنظراته

خسارة مااات لي انا حبيته ..
خسارة قليبي ماتت كل شمعاته

ياربي اسئلك طريقن منه سديته ..
ارحم حبيبي واغفر له سواته

ياربي تراه ما قصر يوم ناديته ..
والله لبا لزقري بكامل قواته

ياربي سامحني تراني أبكيته ..
عونك ربي عيني على فرقاته

تراه كان مغرم وانا لي أغريته ..
ومن كثر حبه انا كنت آخر همساته

سامحني تراني اذنبت يوم جذبيته ..
وان كان مذنب فانا أكبر غلطاته

ياربي هذا حبيبي لي أنا اغليته ..
ثبته عند السؤال واحميه هزااته

صدق الشاعر لي قال في بيته ..
يا هي خسارة و قلبي راح فسكاته

نعم .. قلبي راح فسكاااته ..
وهاي هي قصتي ..

قصتــي رحلــة طويلـــة ما تلملمها المشـــاعر
و دنيتي قصــة غريبه ما تعرفلهــا حقيقـــــة

و ما أقول غير دعـــــاء أتمنى من الكل يقول آمين لما يقراه ::

{ اللهم اغفر له وارحمه وعافه واعف عنه وأكرم نزله، ووسع مدخله، واغسله بالماء والثلج والبرد، ونقه من الخطايا كما ينقى الثوب الأبيض من الدنس، وأبدله داراً خيراً من داره، وأهلاً خيراً من أهله وزوجاً خيراً من زوجه وأدخله الجنة وأعذه من عذاب القبر ...]

النهاااااااااااااااااااايه


اتمنى انها تعجبكم .,:

http://upyahoo.com/upfiles/4NK39512.gif

شاكره مرورك العطر

500

ولا اجمل من هذا الطرح

كل من يمر من هنا اجبره طرحك الراقي

على الرد والاحترام

الف شكر
http://macarabia.net/forum/userpix/19_4953479_1.gif

شاكره مرورك العطر

http://www.nsaayat.com/up/uploads/nsaayat95dac62a2c.gif (http://www.nsaayat.com/up/uploads/nsaayat95dac62a2c.gif)

دمت بألف خير
كل الشكر والامتنان على طرحكـ
يعطيك الف عااافيه
بانتظار جديدك
تحياتي

http://m002.maktoob.com/alfrasha/up/21384337481923068543.gif (http://m002.maktoob.com/alfrasha/up/21384337481923068543.gif)

شاكره مرورك العطر