ماريّة فينـي مـن الوقـت منهـاش,,,

ماريّة فينـي مـن الوقـت منهـاش
وجوا ضميري شـي ينهـش نهاشـه


ينهش وهشش ماانبنى داخل الجـاش
ويقرش قريش المعتجل فـي قراشـه


جوا ضميري له وشيـش وخرفـاش
سـوى بريضـان الضمايـر لباشـه


لانيـب درويـش ولانيـب قـراش
وبالـزوم الشيـن محـلا بـلاشـه


اللي يجي من ماش يمشي على ماش
وراع المعـاش الله يكثـر معـاشـه


وكل علـى مـاراد للـرزق يعتـاش
وعمر كتبه الله علـى العبـد عاشـه


ومن لاطمع للعز والجـود ماعـاش
ماعـاش لـو انـه وزيـر وباشـه


مما جرى راسي مشـوش ومنـداش
ممـا جـرا بالوقـت فيـه اندواشـه


وياشوش راسي شوشة الجمس لاشاش
في يـد منهـو لايـع الفقـر ناشـه



حده زمان الفقـر عالفقـر وانحـاش
ولاشاف من جـور الليالـي بشاشـه



هواه في جمـس وبنـدق ورشـاش
ويعطي عضام اللـي يحـده دشاشـه



وقت يجي صادق ومليـون غشـاش
والصـادق المضيـوم محـد بداشـه



الشين مـردوده علـى لحيـة الاش
حيثه لهـا لاجـت يفـرش فراشـه



ولا عزيـز النفـس للعـز شـواش
يرخص لعكفـان الشـوارب كباشـه



نوب تجي بالدين واحيـان بالكـاش
ونوب يجي وسط الامـور انعراشـه



السم لـه حـاوي وللشـوك منقـاش
واللي يحـوش العـز باليـد حاشـه



احد يحوش السمر والاخـر قحـاش
كـل مـن الدنيـا يقحـوش قحاشـه



والله على روض ينغـوش تنغـواش
راع الدبش وسطـه يضيـع دباشـه



يطيش عشبه طيشة المـوج لاطـاش
واطش به خافـق يطشّـش طشاشـه



والجو شاتي وابتدى الوبـل برشـاش
وصارت علينا من كرمهـا غباشـه

اقفى وخلاني



يامل قلب لاذكر صاحبـة سـج


والدمع في عينة له اسبوع مالاج



ماغير يهـذي بالوعـد ويتوهـج



والدمع في عينة كما بيـر هـداج



على الذي حبة مع الـدم يـدرج



ولة في خفوقي والمعاليق مـدراج



خدة كما برق على الغيـم يلعـج



ذاك العسل في مبسمة حب وعلاج



والى مشى مشية دلع ويتمطعـج



كنة بسوق الشـارع العـام دواج



اقفى وخلاني بلا ذنـب وحجـج



اقفى وخلاني وانا فيـة محتـاج



واصبحت في حبة وممشاة مرتج



دخلت في حبة ولا فيـة مخـراج

ليـه ياعشيـري ماتـرد السلامـا




ليـه ياعشيـري ماتـرد السلامـا



وش غيرك عطني جوابك وممنون




ليكون جالـك ياعشيـري كلامـا



قلي ترا ضاقت بي الارض والكون




ولا تريـد انسـاك بعـد الغرامـا



لاوالذي له كـل خلقـه يصلـون




مانساك كان اموت واصبح عضام



ولا انهبل واصير هـول ومجنـون




ولا الحجل يكبـر ويصبـح نعامـا



والطير يمشي والبهايـم يطيـرون




والصقر يالف مع قطيـع الحمامـا



والذيب يكنز والحصانـي يعـوون




ولا البغل ينبـت بظهـره سنامـا



وشلون تمشي يافتى الجود وشلون




بعدك يصير الجو عنـدي ضلامـا



لتخلي ان النـاس لهلـي يعـزون




تبغى تهيض بـي جـروح قدامـا



ونا من اول فيني جروح وطعـون




كيف الوفا والود يصبـح حطامـا



راح الوفا بالناس ماعـاد يوفـون




ياما فديته ساعـة الضيـق يامـا



ياما سهرت وناموا اللي ينامـون




وفي خافقي عشرين علـه تمامـا



وبالعدد همي يجي حـول مليـون




وحظ الشقا من لوعة البعـد قامـا



ومن زود لوعاتي بي الناس يدرون

حسبت الحب



حسبت الحب قبل الحب كله حب ومزوحي




ولكن عكس ماضنيت بالدنيا وضني خاب




نويت اروح في دربه نوت تروح به روحي




يلسع بالخفا لسعه,, ولسعه مثل لسع الداب




وكل اللي كسبته منه غير الدمع والنوحي




ولا ادري انا طالب ومدري لو انا طلاب




ونا من سبته مرضان وسط البيت مطروحي




وعفت الحبيامشكاي واهل الحب والاحباب




وذقت المر كن المر لي مكتوب باللوحي




مالي ذنب والدنيا تعذبني بليا اسباب




ولو تنصح صويب الحب عن غاليه مايوحي




يقول الناس تبعدنا وهرج الناس فيه اكذاب




ولو طاوعت فيه الناس صار الود مفضوحي




ونا من هرجهم مليت وراسي من سببهم شاب

ياصاحبي حبـك ثمانيـن مخـروط


ياصاحبي حبـك ثمانيـن مخـروط**وقلبك اشوف البزوطه في سفوطـه
لك مدة ياصاحبي منـت مضبـوط**ولك نية ضنيت ماهـي بمضبوطـه
تعزف على وتر يخوف ومشحـوط**لامن سمعته واشعتنـي قشوطـ

تخلط لي سمومك بالاكواب وتسوط**واللـي يـودك لاتـفكـر تلـوطـ

حبل الهوى مابيننـا دوم ممطـوط**وامـا تمـوط الـود ولا نموطـه

افهم كلامي ياهوى البال مضبـوط**يامحوط على القلب عشرين حوطه
ارجوك طاوعني بلا صد وشـروط**يازيـن حبـك بهدلتنـي شروطـه

والضاهر انك بي تبهدل ومبسـوط**والبست حالك عن هوى الغير فوطه

الشلة اللي كلبوها دراويش



الشلة اللي كلبوها دراويش
مابيهم يسوون للراس دوشه








شلت فلس ومصاحبتهم على ويش
ويش المنال اللي وراهم نحوشه



اللي يسوو بين الاجواد تشويش
مامن وراهم غير طوشه ولوشه



يبقى الردي عالطيش ويموت عالطيش
يضل به حتى يشيبن رموشه



اهل المصالح والحكى والبخاشيش
وجيههم تمحق ولاهي بشوشه



ماودك الا تتليهم بربيش
واللي يطالع لك بعينه تروشه



ماهم طيور احرار طلعوا خفافيش
كل يسرح عالفشايل طروشه



نكارة الخوه ونكارة العيش
يبيع نفسه لجل تكثر قروشه

ياليل قلي



ياليل قلي اسمك الاصـل ياليـل
وبيّـح لنـا باسـرارك الداخليـه
اهل الهوى منك غدت كالمهابيـل
والابري والناس تضحـك عليـه
قال اسمي الاحزان والهم والويـل
يعرفني اللي جـرب المـر بيـه
وكلي عنا مع غربله مع بهاديـل
ويشهد لي سهيل وزحل والثريـه
ومع كل ذا يقبـل عليـه مقابيـل
بالليله الوحده يجي خمـس ميـه
ويشكو علىّ همومهم بالتفاصيـل
وكلٍ يقـول جـروح قلبـي نديـه
مايدروا اني طافحٍ منـي الكيـل
انا اسود وهـم سوّدوهـا عليـه
وظلمة سوادي تاخذ الهم وتشيـل
وهم يحسبون اني لهـم صيدليـه
ودموعهـم ماتنمسـح بالمنـاديـل
لوهي بوادي ياعرب سـال بيـه
تكفون يااهل الحب يكفي بهاديـل
ماعاد ابقبل مـن طرفكـم شكيـه
منكم نجومي تظهر شوي وتزيـل
كني نهار وشمس ماهـي مسيـه
لوتعرضوا كل الشكاوي على النيل
لاسار نهر النيـل نـارٍ جحيـه
مير اسمعوا يااهل الهوى يامعاليل
ماني لكم راعي ولاانتـم رعيـه
حمل الهوىشلته من ايـام قابيـل
انـا قديـمٍ بـه ولـي اقدمـيـه
اشيل حمل الناس وحدي ولااميـل
وكثر العذاب الشين سيطر عليـه
كني حمامه طايـره فوقهـا فيـل
حط الرسن فيهـا وشـدّ الحويـه
وقامت ترفرف كنها فـي محابيـل
تشكي دموع ودمعها صـار ميـه
والحين ماخاطب صويب الخلاخيل
اخاطـب اللـي مايشكـا عليـه

{ ناكر للــود }

لاتجيني يابعد عمري واجيـك



مابقى مابيننـا غيـر السـلام





ماهقيت اني بعـد ذا برتجيـك



انقطع حبـل المـوده والغـرام





الله بسهـر الليالـي يبتلـيـك



في حبيبك طول ليلـك ماتنـام





كم سهرت اليل لجلك واحتريك



احسب ان حالك مثل حالي عدام





واتضح يازين ماتبغى شريـك



في حياتك ياعسى قلبك حطـام





ناكـر للـود دالـه ماعلـيـك



حاملٍ للذل فـي قلبـك وسـام





ليه حبل الود خليتـه سميـك



واقتلب الـود عنـدك انتقـام





ليه تبيع انسان قلبه مهتويـك



ماتعرف الود مافيـه احتـرام





منك عفت الود ماني مهتويـك



تركت الخـداع مافيهـا مـلام





من نسته ياشقى حالي نسيـك



غمامةٍ عندي واقفـت للغمـام

{يابنت وش فيكي}


يابنت وش فيكـي حجـر ماتحنيـن..........منـك ريـاض القلـب ذابــل زهـرهـا
وش فيك بعـد الغـلا قمتـي تجافيـن...............نـفـســي تـعـذبـهـا وتـسـعــى بـقـهـرهـا
برمجتي أيامي على الحزن والبيـن.................وخلـيـتـي عـيـونـي تـزايــد سـهـرهــا
أقـول انـا مـا انسـاك ونـتـي نسيتـيـن...............ونفسك على القطعان محـد جبرهـا
هذي جـزاة التضحيـه منـك يازيـن.................وقـفــاتــنــا بـالــضــيــق مـاتـفـتـكـرهــا
التضحـيـه عـنــوان بـيــن المحـبـيـن.................ماتـنـسـي بـالـقـلـب تـلـقــى قــدرهــا
قلبـك حجـر يانـاوي البـعـد مايلـيـن..................أعـطـف عـلـى منـهـو حيـاتـه قـبـرهـا
وش عاد لو أنك عن الحال تدرين...................مــن غيبـتـك هــمٍ بـروحـي دمـرهــا
وصـارت تجينـي دوخـة كـل يوميـن..................وماصـرت أميـز شمسـهـا مــن قمـرهـا
ودموع ماجفـت علـى حاجـر العيـن................هليـت لـيـن الـدمـع غـيـب نضـرهـا
كني سجيـن وكـل حولـي مساجيـن...................مـحـكــوم بــالأعــدام والله سـتـرهــا
وقضيـتـي لاهـــي خـيـانـه ولا ديـــن....................قـضـيـتــي بـــاالـــود كــــــل عــرفــهــا
بلوى وحطوها الصحف بالدواوين....................والـلــي قـــرا بـلــواي راح ونـشـرهـا
وصلت مسامعها الـى الهنـد والصيـن...................واشكي ونـار القلـب ذعـذّع دخنهـا
عطني على بعدك وهجـرك براهيـن.....................والا غــريــزه فــيــك ربــــي غــرزهــا
خل للفراق أسباب واكتب عناويـن...................حتى أعرف الأسبـاب واقـرا خبرهـا
ولا مــقــالــب يـاحـيــاتــي تــســويــن..................تمـزح ونــا روحــي طبيـبـي عـذرهـا

{صديقي اللي له مواقيف ينعـد}




صديقي اللي له مواقيف ينعـد
ولاصديق المصلحـه مانعـده
الصاحب اللي بالمهمات ماسـد
باب يجيب خطـاه ودك تسـده
ماني على ممشاه بالحيل محتـد
خله يولي جعـل بقعـا تحـده
تلقا مبادي سلالته رد فـي رد
هذا يسنـد بـه وهـذا يـرده
لايدرك الخوه ولايوثـق السـد
مايبطي ابن الاش ويبيح سـده
طشاشة المونه وقـوم التـودد
المصلحه وش عقبـت للمـوده
قلوبكم نوما ولاتنضـر الغـد
وعيونكـم هنيهـا بالمـخـده
انا رفيقي من به الضهر يشتـد
امـد لـه يمنـاي ويمـد يـده
اللي ليا صدوا هل الصد ماصد
لاصدوا العربان ماشوف صده
اللي بزومات الرجاجيل يستـد
ويسد في ماقـف قليـل يسـده
انشهد ان فعل الرجاجيل ينعـد
واللي نشوفه من مراجل نعـده
باللي مورث مرجله جد عن جد
من ابوه وعمامه وخاله وجـده
ياكم ندهت فلان وفلان مـارد
وياكم علينا فلان ممشـاه رده
وياكم تمنينا الخـدود المـورد
واليوم راع الخـد حنـا نلـده
ياللي تحب الهند لاتلعب الهنـد
وخل الحلاوه عنك هي والبرنده
وخل الرجا بالله على طول ممتد
اللي فـرق مابيـن ورده ورده
اللي يحط الجزر بالبحر والمـد
وهو الذي يعلم بجـزره ومـده

من وين بنتي

من وين بنتي لي بعينيك من وين
راحت حياتي مالقيـت المجـده



من يوم شفتك قالت العين ياسين
ماراح مني يمكـن انـه يـرده



يمكن يعوضني كثير المزاييـن
وباب الهوا لاهب يمكـن يسـده



يابنت لو انـك عليـه تحنيـن
البـال يتهنـى بنـوم المخـده



عن مكشح العذال نبقى ذرييـن
نبعد ونسكن عن غثاهـم بـرده



الود وده غيـر نـاس قوييـن
يقفوا لحاسـود الهـوا بالمهـده



اما نعيش ملـوك ولا سلاطين
ولابلاش مـن الهـوا والمـوده



والله يجنبنا عيـون الحسوديـن
اللـي علـى تفريقنـا مستعـده



علاقة مبنيـة بيـن شخصيـن
علاقـة فيهـا وناسـه ومــده



مع جادل ماوصلت سن عشرين
توها على درب الهوا مستجـده



غير العسل في مبسمه والشفاتين
وغير الذهب يلمع ليا هز يـده



يازين رمشه والحجاجين والعين
مافيه احـد مثلـه ولافيـه قـده



من شافها يلذع معـاه البليتيـن
ولاضنتي يمكن عضامه تشـده

يامشتكي لي

يامشتكي لي من عذاب تـولاك
ياساج درب الحب وين الدليلـة
وش الـذي للهم والـغـم وداك
اصبر ومنهو فـات لاترتجيلـة
خلة وخل اللي مع الوقت خـلاك
خلة وخـل الخـل يلقـا خليلـة
وانتة يكفي ماجرى لك وماجـاك
ماضل بك من مكر الايام حيلـة
الحق شبابـك لاتشيبـك دنيـاك
طرب شبابك والسنين المحيلـة
ولو ماتعينك حكمة الراي عنـاك
نعطيك للصعبات حـل ووسيلـة
وقت بة الطيب غدى فية نمـاك
والطيب عند الناس عود رذيلـة
غير الرجال اللي سخية وشرواك
اللي بك اليا طاح حمـل تشيلـة
اللي ليا شاف الخطا عنة ينهاك
لاشاف في ممشاك طلعة وميلـة
خلك معاهم في مقامك وممشـاك
يعدوك عن وادي من الذل سيلة
ضعيفهم للضيف مرحب وحياك
لهلوب للضيفان راعـي طويلـة
احرس عن اللي لاتغفلت واشاك
واشاك في نار الغضا والمليلـة
وان مابلاك بشئ للعيـب وداك
ويجيب لك غير الردى والفشيلة
واللة عن فعول الرديين يرعـاك
الواحد اللي كلنـا نلتجـي لـة