(حـــــــــــروف همسي )


كيف تنساك نفسـي و انـت والله نفسـى
كل مـا ابعـد ينادينـى حبيبـي غـلاك
انتظرتك بعمري يـا بَعَـد كـل أمسـي
انتظرتـك و قلبـي ينتظرنـى مـعـاك
عاشقك ما يسمَـى بعـد فرقـاك منسـي
من كِثِر مـا تمنـى يلتقـى بـك لقـاك
انت حلم المشاعر و اعذب حروف همسي
قبل تكتبك عينـي شفـت قلبـي قـراك
و الله اني احبك و اصدق الحسَ حسـي
و الرضا فى عيوني يا حبيبـي رضـال
لو غرست التجلفي يا جني دموع غرسي
كل فرقـا تلاشـت عنـد فرقـا هـواك
اقَع الشكَ و اطلق لـو تكرَمـت حبسـي
ما اهتنيت بوصالك خايـفٍ مـن جفـاك
يا حبيـب الليالـى لـو لياليـك تقسـي
ما ذكرتك و لكن .. خافقـي مـا نسـاك

(فرحه و فرحه)



للعيد فرحة.. و الوصل عيد الاحباب
اعايـدك بالعيـد.. واعايـده فـيـك
نور الفرح من بين الاحداق ينسـاب
ياخذ شعاع النـور منّـك و يعطيـك
اجاذبك باحساس و الحـس جـذاب
واسمع صدى صوتك و شوقي يناديك
عشت الغياب.. وخافقي عنك ما غاب
ارحل من عيونك.. و فالعين الاقيـك
اعرف مدى صدقك.. لو الوقت كذاب
واشعر بما تشعر وفي نفسى اغليـك
في عيدنا.. لو بيننا عتـاب و عتـاب
عسـى الأمانـي بالأمانـي تهنيـك

(الهنا..حزن)


يا حبيبي مطّول الوقـت بغيابـك
مادريت ان الهنا حزن من دونك
عاتب الأيـام وتحـس بعتابـك
واجرح الأشواق وتسيل من لونك
الأمل ياورد مغـروس بترابـك
يستعير الصبر ويطمّن شجونـك
ما تغير قسوة فراقـك احبابـك
المشاعر تقهر الصعب وتصونك
لا تحاول تجرح الخـد باهدابـك
يستجير الظلم في رحمة عيونـك
المحبـه دارك ودربهـا بـابـك
وانت حتى حاسدينك.. يحبونـك
يا حبيبي واغترابي من اسبابـك
قلت ابخفي ونةٍ تجرح سكونـك

(أحـــــبك)




عينـي وقلبـي وعقلـي يحبونـك
وان بغيـت الحقيقة..كلـي احبـك
عاشقك..عاشق اوصافك ومجنونـك
في الزعل والرضا قلبي على قلبـك
اوعدك ماجرح احساسك ولا اخونك
كيف بفرح بغيرك.. والفرح قربـك
مع نسايم عبيرك مالـت غصونـك
ومالت النفس معك وسرت في دربك
تدري اني اشوف النـاس بعيونـك
لو اكذّبك شفت الصدق فـي كذبـك
فاتنـي..وش تبيـه يقـول مفتونـك
والله انك تونّس مـن يسولـف بـك
لوتحس بشعوري يوم مـن دونـك
كان تشكر على كثـر الغلا..ربـك
ايه احبك.. واحب اللـي يحبونـك
انت.. وانت الأمل وشلون ماحبـك

(دمعــة فـراق)



غلاك .. ودعته معك في وداعـك
ما عاد بعد فراقنا.. دمعـة فـراق
القلب باع همـوم عمـره وباعـك
تو المتيم فيـك مـن غفوتـه فـاق
إيه انطفى سحرك وواهج شعاعـك
توه يطيح الشوق من عين مشتـاق
حبيبتي .. ما عاد يغـري سماعـك
ذبل كلام الحـب بقلـوب واوراق
قناعتـي بالبعـد كثـر اقتنـاعـك
ياكذبة ايامـي تودعـك الاشـواق
وما ضاعت الاحلام ليلة ضياعـك
في داخلي عشق ٍ وف الكون عشاق

(الحـــب الخـــالد)


الحب خلّد سيرتك داخـل الـروح
تبقى حبيبـي لـو بقالـي عذابـك
حبك رسمك بناظري وين مـاروح
كل الدروب توصل القلـب بابـك
لو كان ما فالوصل غايه ومصلوح
مشكلتي انـي مـا تحمـل غيابـك
يزيدني قربك تحاسيـف وجـروح
واقول حظي زين مـا دام جابـك
الصمت عذبنـي وعذبنـي البـوح
حتى استوى عندي خطاك وصوابك
رغم الجراح ورغم ما راح مسموح
اعاتبك وانسى الألـم فـي عتابـك

(آخر الوصل)



صدق القلـب والاكذبـه ياغريـب
وصلك اللي احبه صار مثل الغياب
انت مثل الحقيقه شمسها ما تغيـب
كيف تدفن شعاع اشواقها بالتـراب
لاتقول الظروف ولا تقول النصيب
المعذب مصيره لوتقـول العـذاب
يازمان العجايب كل شـيٍ عجيـب
الحقيقه تلاشت في دروب السراب
لالقيت المحبـه مالقيـت الحبيـب
من يلوم القلوب اللي خطاها صواب
يابعيدبشعورك وانت منـي قريـب
مابقا من غلاك الا الزعل والعتـاب
طابت جروح صدك جعلها ماتطيب
آخرالوصل جرحٍ من فراقك وطاب

(عـــاشقه)




اعذروها..قلبها ينبـض غـرام
لو ظلمها خلّها.. ظلمـه جميـل
شافت الدنيا بعـد فقـده ظـلام
تايهه بالدرب تبحث عـن دليـل
الهوى جاوزبهـا حـد المـلام
واختصر بعيونها الحلم الطويـل
ما ثنا من عزمهـا يـاس والآم
المشاعرماتعـرف المستحـيـل
واجهت كل المتاعـب بابتسـام
فاقـد الآمـال بالدنيـا قتـيـل
عاشقه..والعشق في ناره سـلام
اطمـع العشـاق يقنـع بالقليـل
ياجريحه ..جرحك النازف وسام
ياأصيله..داخلك قلـبٍ أصيـل
المشاعر..مـا يوصلهـا كـلام
يعذر الخلان.. من يفقـد خليـل

(بكا السحاب)



بكا السحاب فراق الاحبـاب.. لاعـاد
دمـع السمـا جـرّح خـدود الليالـي
والحزن كحّل ناظـر الوقـت بحـداد
واخـذ يعزيـنـي شـعـورٍ بقـالـي
البعد موت اللي على الوصـل معتـاد
قسـوة عذابـه فـوق كـل احتمالـي
البعد مـوت الـود .. لـو بعـده وداد
كل الوجيه تـذوب فـي وجـه غالـي
ابنتظر فـي موطـن الحـزن ميعـاد
واحلم ولـو بعـض الامانـي تسالـي
عمري معه ما ضاع .. عمري معه زاد
ما يـدري انـه فـي خيالـي خيالـي
مـا للهوى عنـدي نهـايـة ومـيـلاد
نبض الحيـاه الحـب .. روح الليالـي

(هـلا جـفـا)


اغيب واسئل ليه طّـول غيابـك
وانسا ان بعدي كان باسباب غيبتك
حسيت بالغربه وانا عنـد بابـك
وللحب غربه عشتها بعد غربتـك
عاتبت نفسي كيف ترضي عتابك
ونفسي تعاتبني على فقد صحبتك
ويوم انصدم حلمي بواقع سرابك
واسيت احاسيسي وبررت كذبتك
اموت باحضان الحزن والبقابـك
ويسقيني الحرمان بالدمع وانبتـك
هلا جفا.. وان جيت يمك هلابك
وبخطوةٍ في درب الاشواق جابتك
عذاب قرب .. ولا فراق وعذابك
حتى جروحي رحبت بك وحبتك

(صدفة)


تشوفها صدفـه وانااشوفهـا غيـر
انا تصنعت الصدف لجـل اشوفـك
ماتتعب المشتـاق كثـر المشاويـر
لاصافحـت لهفـة كفوفـه كفوفـك
لاجـاك قلبـي واشتياقـي مساييـر
ارجوك تكـرم بالمحبـه ضيوفـك
مابي وعـد خـل الوعـد للمقاديـر
لو اضمنك وشلون بضمن ظروفـك
غيبتك طالت ياعسى مانعـك خيـر
الله يطمّـن خـوف قلبـي وخوفـك
ما قلت لك وقت انتظارك وش يصير
بس اكتب اسمك واتهجـا حروفـك
نسيان حبـك لـو تناسيـت تذكيـر
انسى حياتي لا طرت لي وصوفـك
كان الجفا غلطتك..وصلك معاذيـر
لوطال بـدروب التجافـي وقوفـك

(آخر الوصل)





صدق القلـب والاكذبـه ياغريـب
وصلك اللي احبه صار مثل الغياب
انت مثل الحقيقه شمسها ما تغيـب
كيف تدفن شعاع اشواقها بالتـراب
لاتقول الظروف ولا تقول النصيب
المعذب مصيره لوتقـول العـذاب
يازمان العجايب كل شـيٍ عجيـب
الحقيقه تلاشت في دروب السراب
لالقيت المحبـه مالقيـت الحبيـب
من يلوم القلوب اللي خطاها صواب
يابعيدبشعورك وانت منـي قريـب
مابقا من غلاك الا الزعل والعتـاب
طابت جروح صدك جعلها ماتطيب
آخرالوصل جرحٍ من فراقك وطاب

(نـار الـسـعـاده)



اشتري نار قربك .. لو فراقك سعـاده
أرهن العمر كله.. لجل اشوفك ثوانـي
كل ما زاد بعدك.. زاد حبـك زيـاده
ما نسيتك حبيبي لـو زمانـي نسانـي
الإراده سلاحي وانـت معنـى الإراده
كل ما عطيت قلبك اشعر انه عطانـي
الفؤاد وسكنتـه.. مـا يفيـدك عنـاده
كيف تقبل عذابي وانت مصدر حنانـي
كان جرح المشاعر سَر قلبـك وفـاده
راحتك عندي اغلى لو تموت الأمانـي
عطني احزان قلبك وخـذ منـي وداده
عش حياتك سعيد .. وخل غيرك يعاني
الحزن ما خلق لك .. خل الافراح عاده
ابتسم .. يبتسم لي يا حبيبـي زمانـي

(المحال)


بين المحال.. وبين تحقيـق الآمـال
مثل الذي بالضبط ..بينـي وبينـك
عزفت في روحي من الوجد مـوال
روح ٍ تلاعبهـا بنـامـل يديـنـك
احيي خيالك فـي خيالـي وتغتـال
حلم ٍ جمعنا ..خايـف انـه يدينـك
دايم تعذبني .. ودايـم علـى البـال
الحب غـلاّ فيـك زينـك وشينـك
يزول عمري والأمل فيك مـا زال
الشوق خلـف لـي بقايـا حنينـك
أقول أحبك.. وادري الحـب قتـال
الله علـى كثـر المحبـه يعيـنـك
ولاانت ناسيني على كـل الاحـوال
لو مت من فرقاك ما قلـت وينـك
ليت المحال يصير لولحظه وصـال
كان الجروح تهون .. من شان عينك

(صـوت البـعد)



انتزعت الصمت من روح الكلام
وارتضيت البعد صوتي والمصير
ياخصامي كـان فالدنيـا سـلام
في هروبي رمز للنصر الكبيـر
كان ضاع النور بعيـون الظـلام
الزمن ما خلّد العمـر الضريـر
العذر لـو حـس بايـام المـلام
ما لقى عذرٍ يواجه بـه ضميـر
القلوب النـاس والدنيـا غـرام
مستحيل يكـون فالخالـق اخيـر
مثل مالتذكار في ماضيـك هـام
الأمانـي عهـد باقـدام المسيـر
لو نطقت الصمت في قلبي كـلام
كيف اعيش الحب..والفرقا مصير

(الحضور)


يا حبيبي .. حبيبك في غيابه حضـور
لو تخون الليالـي مـا يخـون الوفـا
يعكس النور حزنه في عيونه سـرور
ويتغنـي بوصلـك لـو حياتـه جفـا
دمعته تنبت رمال الصحـاري شعـور
عطّر الكون نبضـه بالأمـل والصفـا
ان تذكر حنانك فـاح نسمـة عطـور
وان خطرلـه خيالـك فزلـه واحتفـا
والله اني على حتـى عذابـك غيـور
ان جرحتك عذاب ولي جروحك شفـا
انت يا نورعمري وانت للنـور نـور
نور شوقي بظلمة غيبتـك مـا ختفـا
تهدم الـود وابنـي للأمانـي جسـور
اعترف بالمشاعـر لـو خفوقـك نفـا
في حضوري غيابك..لو غيابي حضور
ما لقيـت بحنانـك يـا حبيبـي دفـا

(اعتراف)



ما أنكر انـك كـل شـي ٍ بدنيـاي
يصبح جمال الكون بعـدك بشاعـه
وان الهجر لو كان لو كان برضـاي
ما فارقك يـا حلـم الأيـام ساعـه
خيرتنـي مابيـن حبـي ومـبـداي
واخترت بعـدك يالحبيـب بقناعـه
احرجتني واحرجت في دربك خطاي
وخذلت شوق ٍعانقـك فـي وداعـه
هجري مصيرك مثل ماوصلك مناي
عن شوفة احساسك يكفـي سماعـه
يغنيني الماضي عن الشوق للجـاي
واحلم اعيـش بسيرتـه وانطباعـه
ذكراك بالدنيا وهـي كـل ذكـراي
والعمر يصبح في ضياعك ضياعـه

(استأذنك)



استاذنك..بغيـب غيبـه طويـلـه
واحمل معي جرحي تداويه الايـام
تبقى ويبقى الحب ذكـرى جميلـه
وشلـون بنساهـا وانـا كلـي الآم
وتبقـى علاقتنـا النبيلـه نبيـلـه
لو الفرح بعيـون الآمـال مـا دام
يأست من رحمة عيـون وجديلـه
وداع ياليل السهـر.. حلمنـا نـام
الـود ماغـذا نـفـوس عليـلـه
عاشت مشاعرها بلا وصل واحلام
كان الهوى غايـه وكـان الوسيلـه
بس الحقيقه كانت اوهـام باوهـام
استاذنك..ياعشـرة الحـزن ليلـه
برحل مع جروحي بلا دمع وخصام

(5/30)


اسفك.. واصلني ولو ماتأسفـت
عذر العيون ابلغ من العذر نفسه
خطاك ما شفته..ولوشفت ماشفت
انا نسيته وانت من فضلك انسـه
ليلة زعلنا يـا عسـا ماتكلفـت
عساك ما حسيت باللـي احسـه
والله ما عمري حبيبي تحسفـت
إلا على فرقـا ثلاثيـن خمسـه
يا نور عيني يوم بالشوق سولفت
دمع الغلا سيّل شفايفـك همسـه
من يوم يا قلبي بقلبـي تعرفـت
والحب ماغابت عن العين شمسه
ياللي عليّه بالمواصـل تلطفـت
ابشر بقلبٍ مـا يمسـك يمسـه
ياسيداحساسي على الحب ماخفت
اخاف لا ياخذك باكر من امسـه