ابعاد كنتوا ولاّ قريّبين
لمْراد انكم دايم سالمين
ما اقول غير الله ..
الله يكون بعون كل العاشقين

اشتاق .. واسأل عنكم الأشواق
لفْراق .. ما غيّر علي لفْراق
عساكم ما نسيتوني عساكم
عسى ما مر هوى بعدي وخذاكم
ناطر هواكم ناطر
قادر ولاني قادر
ما اقول غير الله ..
الله يكون بعون كل العاشقين

منيتي أسهر معاكم كل ليله
واشتري بعمري رضاكم ليله
يراودني أمل في ليله القاكم
واطرز بالفرح أحزان فرقاكم
ناطر هواكم ناطر
قادر ولاني قادر
ما اقول غير الله ..
الله يكون بعون كل العاشقين

0ابعاد كنتوا ولاّ قريّبين
لمْراد انكم دايم سالمين
ما اقول غير الله ..
الله يكون بعون كل العاشقين

اشتاق .. واسأل عنكم الأشواق
لفْراق .. ما غيّر علي لفْراق
عساكم ما نسيتوني عساكم
عسى ما مر هوى بعدي وخذاكم
ناطر هواكم ناطر
قادر ولاني قادر
ما اقول غير الله ..
الله يكون بعون كل العاشقين

منيتي أسهر معاكم كل ليله
واشتري بعمري رضاكم ليله
يراودني أمل في ليله القاكم
واطرز بالفرح أحزان فرقاكم
ناطر هواكم ناطر
قادر ولاني قادر
ما اقول غير الله ..
الله يكون بعون كل العاشقين

آخر زيارة .. حسيت في آخر زيارة
شي بعيونك مختلف .. وشي بحديثك مختلف
حتى حديثك مختلف
كنت بشكوك
وشفت الحقيقه في عيونك .. تعترف
موقف غريب .. موقف أبد ما ينوصف
وين الكلام .. وين الحرارة في السلام
كبير الفرق ما بين .. أول لقا
وآخر زيارة
مدري شقول .. ياحب خانتني العبارة
مدري شقول .. والحر تكفيه الإشارة
كل شي حبيته في بيتك نساني
الهدوء .. الليل .. الصمت .. الأغاني
حتى لون الورد .. الفرحة ومكاني
داهمتني الغربة .. ليتني ما جيت
ليتني رديت
حزني غرّب ضحكتي
لساني ضيّع كلمتي
حسيت بالياس
ومشيت
كنت بشكوك
وشفت الحقيقة في عيونك .. تعترف

بكل طيبة العشاق اطلب ننتهي
سافر وغيب وننتهي
بتشوف ناس .. وتحب ناس
وتنسى وأكون بدنيتك .. واحد من الناس
كنت أتصور إني لك .. وانته عارف منزلك
جدّت ظروف .. وعينك تشوف
صرت بصعوبه أقابلك .. صرت بألم اشتاق لك
سلمت .. انا مالي غير الصبر
آه لو تدري بعد هذا العمر
إسمك إذا مرني .. يعطرني عطر
آه يا كل العمر
كون بمكاني وشوف عانيت شكثر
بتشوف ناس.. وتحب ناس
وتنسى .. واكون بدنيتك واحد من الناس ..

يلّي عيوني منزلك
سو الذي يرضيك
إن كان هذا أوّلك
ينعاف تاليك
متعوب منك
والسبب عطفي
متعوب ..
ماقدر يالحبيب أخفي
وفر كلامك
ما حصل يكفي
عذبتني
ربي عسى يهنيك
جرح الصبر
يبكي على جرحي
كل المعاني هزها شرحي
مابي الفرح لو جيّتك فرحي
ماعاد يهمني
لو طروا طاريك ..

بينى وبينك اعترف...انك قدرتى
واعترف انك عزفتى
واعترف انك كسرتى
سور صمتى
كان قبلك عمرى ساكت
بيتى ساكت
نبضى ساكت
كان لون الشمس...
فى ايامى باهت
جيتى مثل الغيمه فى صدرك مطر
جيتى اكبر معجزه..
واحلى قدر
جيتى داهمتى جفافى بالمطر
جيتى طرشتى عناوينى الجديده للقمر
جيتى خليتينى انقل
لغة الماى..
وطيور الماى
من قبل الغرق
جيتى رجعتى السما للصيف
رجعتى الربيع اللى انسرق
جيتى جمعتى رماد اشعار
ديوان احترق

نحب فى كل الظروف
واحلى شى فى الحب بيته
واللى احلى احنا فى بيته ضيوف
انا حاربت بكلامى
حتى انهيت التحاور بالسيوف
وانا اعدمت المسافه
بين الاصبع والحروف
انتى قمره تحب...فاجأها الكسوف
وانا عاشق غير حبك
مااشوف
نحب فى كل الظروف
نموت فى كل الظروف
مثل موت كتاب فى اعلى الرفوف

ياما سحابة تخون توقيت المطر
ليش الحذر
ياما نجوم تموت من كثر السهر
ليش الحذر
ياما الربيع يمر ويبكي الشجر
ليش الحذر
واحنا مثل كل البشر
احنا بشر !!

ماانساك وانتى صغيره ماانساك..
كنتى سنبله صغيره
وكان شعرك طويل..
يسحب ليالى الكون على ظهرك
وكان خدك غصن تفاح
وعينك سيف
مايرتاح
ورمشك كان
عريش مسقوف
يظلل صدرك الزرزور...والنفنوف
واذكر ايد ك السمره
وخاتم كان عليها من الحلاة ملهوف
ماانساك وسميه
كنتى سنبله صغيره
اشوفك فى طريق المدرسه
تمشين يوميه...

احبك كثر خطوات الثواني
كثر ما تبكي في الصمت المعاني
كثر ما تشهق امواج المواني
اجي مثل الربيع غرقان بألواني
اجي وياك ورده تخاف بستاني
طفله شايله احزاني
اجي وياك اتبع سر ناداني
اتبع صمت ناداني
و احاول و انت ما تدري
احاول انا و لساني
احاول و اخسر رهاني
احاول و انا في ضعفي
احاول انهي بركاني ..

نساي.. وانت الهوى بالنسبه لى والماي
اسمع أنا صوتك ولا تسمع نداي
اشهق انا باسمك..واشتاق له وانت معي
اكتب على سمعي اغاني
اكتب واغنيك..حيرتني واحترت انا فيك
تزعل بلا أسباب..وتعاند وأراضيك
بكل حالاتك انا أبيك..بكل زلاتك انا أبيك
حبيبي انت..والا العذاب انت
والا الفرح انت
مدري وش اسميك...
نساي
تغيب والدنيا معك تغيب
تقطع خيوط الشمس عني
ويصبح العالم كئيب
وأصحبت انا لوحدي على
ارضيك غريب
ما تكتفي من غربتي
ما تكتفي من حيرتي
الله عليك كم انت عجيب..الصمت دايم لعبتك
الصمت احيان رهيب ..

طيّب وصدقت الحكي
غلطان غرتني العيون
مدري ان الناس في لحظه تحب .. والناس في لحظه تخون
الناس .. آه يالناس
حتى في المحبة يكذبون
كنت اتصور حبي في عيونك كبير
همزة وصل تبدى .. ولا تعرف أخير
كنت اتصور كل شي ممكن يصير
نشوف الكثير .. نعاني الكثير
نروح نتفارق
إلا اللي شفته .. ما هقيت انه يصير
شي خطير
الناس .. آه يالناس
حتى في المحبة يكذبون
اجرح مشاعر حبتك .. اكذب علي
اكذب واصدق كذبتك .. اكذب علي
الطيب انا عادتي .. والظلم يمكن عادتك
مسامحك روح .. رغم الجروح
نشوف الكثير .. نعاني الكثير
نروح نتفارق
إلا اللي شفته .. ما هقيت انه يصير
شي خطير ..

الصمت ..صافحني ونطق
قال و بكى
قال وشهق
واحد سرق
واحد تعذب و أحترق
واحد جبينه ما عرق
وفي ناس ما تحلم أبد
وفي ناس ما تعطش أبد
و في ناس ما تآكل خبز
و في ناس ما ذاقت مرق
الصمت كلمني بحمق
قال الشعر
شمس و تفق
و الحرف رايات وفشق
و اللي سكت مات وغرق
مستحي أكتب على اللوحة وأطوف
مستحي
اقعد اسولف للضيوف
اعذروني
مغمض وعيني تشوف
مقدر أكتب
للقراطيس القديمة والسيوف
مقدر أكتب
اعذروني
مستحي رغم الظروف
و رغم أشكال الدفاتر و الحروف !

تمشي على جروحي الحياة
يا للي تحت أهداب صوتك
سمعي بات
غني .. أعيش
غني .. اموت
غني .. تحت سورك أنا أطلع نبات
ردي الحياة
لا تتركيني .. في سجون الذكريات
يا قدر يتبعني في كل الدروب
يا تواقيع الاقامة في الهروب
يا سنيني اللي خذتها الشمس
في رحلة غروب
كانت عيونك وطن
كانت شعوب
كانت عيونك مدارس
علمتني الحب
في عز الحروب ..

حبيبى اختار
لاتنهار اعصابك
لاتنهار
اعترف بالسر..قول للناس
من حقنا نحب ونعيش
رغم الكون والاقدار
انت النبض فى شوقى
انت الدم فى عروقى
انت انسان خلق عمرى
وخلا لحظتى اعمار
وانا من غير حبك
ريشه فى تيار
ومعاك انته
يموت الفرق...
بين الشوك والازهار
وينبت فى حزن قلبى
فرح واشعار
انا وانت يمكن يوم
نروح عند القمر زوار
ونكتب فوق اشجاره سوالفنا
ونزرع سطحه وضلوعه
هوى واسرار
اوقف ارحم اعصابك
ارحمنى من الافكار
لاتتركنى دمعة حب
على ساحل هواك احتار
تعال نعلنها ثورة حب
تعال نذوق مره
لذة الاصرار ..

يلاحقني الورق
تاخذني هموم الوقت من وقتي
اسكت والسكوت أنتِ
أحاول والحلول أنتِ
شسولفلك..وانت سالفة صمتي
بسمرت الشفايف
بين صمت وصمت
تحديت الزمن
حتى نساني الوقت
خطيتك على الإصرار
على التكرار
وشلتك في سكوت
الحب
حبيبة آخر المشوار
حبي فوق تعريفي
حبي فوق تحريفك وتحريفي
وأنا ملزوم اتصبر
نسيانك مهو بكيفي
وعيونك نجوم الليل
كل الليل في صيفي
أحارب عالم عيونك
أحارب ينكسر سيفي
أبحر فيك يا حلوة
تغرقني مجاديفي
أنا بصحرا سكوتي انتحر وحدي
أعاني الصمت
أعاني الخوف
أعاني وجدك ووجدي
بهاجر من جديد أبدي
بحارب بالجمر بردي
بصمم أوفي في وعدي
وأصمم أحكي ما عندي
ولما يرتفع صوتي
أحيّ حتى الورق ضدي
أنا المقسوم للسكته أنا المقسوم
أنا العايش..أنا المعدوم
أنا غيمة مطر
وأنا العطش كل يوم
كنت آكل من اشعاري
كنت أشرب من اشعاري
وكنت أعزم على المقسوم
كنت أتعاطى هم الناس
كان ( بيتي ) بيوت الناس
وياما بدفتر بيوتي
طاردني السهر والنوم
وياما بليلي ضاع الليل
في سكة قمر مهموم
وياما بشعري وأشعاري
غفت ياما كثير نجوم
أمشي في شوارع ليل
غريب حتى عن ثيابي
غريب حتى عن احساسي
عن اعجابي
أضيع في غربة الألوان
أسير الصمت وأعصابي
أضيع تحت المطر غابة
ارفضتني أصغر أعشابي
أضيع مثل الطفل في البر
حزن الليل ألعابي
أمشي..أمشي..طول الليل
الماضي يوقفني
الذكرى تصادفني
أمشي .. أمشي ..طول الليل
تتعب مني أتعابي
أمشي .. أمشي ..طول الليل
يبكي دربي وترابي
أنا أول شجر
أغصانه ممنوعه
أنا أول شجر
يشرب من دموعه
يهاجر ظلي من تحتي
يترك صوتي حنجرتي
تصير السكتة مشروعة
وبين الهجرة والهجرة
يموت الحب من جوعه
وتبكي خطوة عيوني
تبكي .. تبكي مخدوعه
أحاول امشي واتردد
جميع دروبي مقطوعه.

شرديني ..اتبعيني
وزعيني في تضاريس الثواني
في محطات .. ومواني
اهدمي مجدي اللي ضمنّته
ملايين المعاني
احرقي خيمة حناني
شرديني
شردي طيور الأماني
اجبري ايامي ترحل عن زماني
غيري طعم القصايد في لساني
شرديني
اتبعيني
أنا بيتي هناك في اللاشي مكاني ..

صمتي .. ذخيرة وأسلحة
وأنا متعلق في السنين
مثل الصبر لما يتعلق
في خيوط المسبحة
اللي كتبته في حياتي
صار.. لازم امسحه
ولازم أعيش الهم
حتى أشرحه
حبّيت في كل اللغات
لغة اهتزاز الوردة وهي مفتحه
ولغة الجفاف
بعين غيمه مجرحه
حبّيت في كل اللغات
حتى لغات الأجنحة ..للأجنحة ..

يلّي عيوني منزلك
سو الذي يرضيك
إن كان هذا أوّلك
ينعاف تاليك
متعوب منك
والسبب عطفي
متعوب ..
ماقدر يالحبيب أخفي
وفر كلامك
ما حصل يكفي
عذبتني
ربي عسى يهنيك
جرح الصبر
يبكي على جرحي
كل المعاني هزها شرحي
مابي الفرح لو جيّتك فرحي
ماعاد يهمني
لو طروا طاريك ..

انا مجروح .. عطني جرح
يجوز الجرح اذا داهم احد يشفي
اجمع لي العطش صخره على لساني
اجمع صمت كل حاجه
وانثر صمت كل حاجه
انا لجمت صوتي اللي سكن حرفي
يعيش الصمت
وانا الصامت الاول
وانا الصامت الثاني .. وانا صامت ويكفي
اشيل البحر في صدري
واشيل الارض في كفي
تعال ياصمت ابي كتفك على كتفي
تمر الكلمة من صوبي
اغض طرفي
واشوف الصمت .. بس الصمت في صفي
قتلتني حالة اللاحال
انا موجود او منفي ..

يا ناس لا تهدمون السكة
والبيت القديم
يا يبه بيتنا حلو..نحبه مديم
حرام الطين يصير مرمر. . .
حرام الذكرى
تحت "الهيب" تتكسر
حرام التريك
يصير نيون
حرام الشارع الهادي. .
يصير مجنون
يا ناس لا تهدمون السكة
هذي السكة من قلبي
والبيت القديم
مسوّر بحبي
خلّوا نتفه من قلبي
أصبّر فيها احساسي ..

حبيبى اختار
لاتنهار اعصابك
لاتنهار
اعترف بالسر..قول للناس
من حقنا نحب ونعيش
رغم الكون والاقدار
انت النبض فى شوقى
انت الدم فى عروقى
انت انسان خلق عمرى
وخلا لحظتى اعمار
وانا من غير حبك
ريشه فى تيار
ومعاك انته
يموت الفرق...
بين الشوك والازهار
وينبت فى حزن قلبى
فرح واشعار
انا وانت يمكن يوم
نروح عند القمر زوار
ونكتب فوق اشجاره سوالفنا
ونزرع سطحه وضلوعه
هوى واسرار
اوقف ارحم اعصابك
ارحمنى من الافكار
لاتتركنى دمعة حب
على ساحل هواك احتار
تعال نعلنها ثورة حب
تعال نذوق مره
لذة الاصرار ..

يا اللي حبك قطع أنفاسي قصايد
يا اللي ذنبك لوع حروف الجرايد
انت وأنا اثنين ..
والثالث هوانا
والهوى مسكين ..
ليته ما لقانا
صدفه وحنا صغار .. صدفه
الهوى لبسنا عطفه
والهوى مسكين ليته ما لقانا
والأمل (مقرود) يبكي في قفانا
والحزن مرتاح كل حزنه هدانا
وحنا بس اثنين ..
والثالث .. هوانا
والهوى مسكين
ليته ما لقانا
انت أقوى منّي .. وأنا اعترف
أنا خطوة نار .. خلتني أجف
بس مصير النار
يقولون الرماد
وانت نارك
غير نيران العباد
في وسط عيني أشوف انك تخون
واسدل جفوني على طول العيون
يا اللي حبك صبغ الدنيا ذنوب
وبدل شموسي المنيره في الغروب
من طفولتنا .. أتوب ... وما أتوب ..

حبيبي ..لي خطيت اغذرني ..تعب مني التعب
حيرته.. وحيرني.. وخلينا الامل حيران
ارجع لي من النسيان..
مين فينا اللي مايخطي ..في حالة غضب
لو ما احبك عشت في الدنيا غريب
لو ما احبك كنت ذايع يالحبيب
لو ما احبك مابكي بصدري غرامي
لو ما احبك ما تأسفت بكلامي
لو ما احبك ماتبسم لي زماني
لو ما احبك عشت طول عمري اعاني
لو ما احبك ما تغنّي بك لساني
لو ما احبك ما أجيك بشوق اعاني ..

عطشان .. اسمع يا نهر
عمر الصحاري والجفاف
عمري انا ما مر على عمري مطر
عطشان لدموع الشتا
مشتاق للون الخضر .. عطشان اسمع يا نهر
صبري عزف .. صبري نزف
انا النخيل .. وانا ارتجافات السعف
ناديتك بصوت العطش
شلال صوتي ياللي ما تسمع نشف
شوقي لوّح لك وقف .. ترابي لوّح لك وقف
والصمت في صرخه اعترف
من اين ارتوي؟؟
والدنيا صحرا وبس
النار تحتي .. وفوقي عين الشمس
الشتا .. في الصيف اختفى
والغيم .. ما عنده وفى
وانا العطش بيتي
ونسيمي عاصفه
عطشان .. لدموع الشتا
مشتاق .. للون الخضر
عطشان
اسمع .. يا نهر ..

كانت اللحظه تعب
كانت الهمسة غضب
وكان احساسي مشاغب
تعبت من نزف الكلام
كيف حالك والسلام
وكل نتايجها مصاعب
من وين اعدلها تميل
لاصحوة لاغفوة بليل
ضمير صاحي للمتاعب
حكمة إلهيه نتألم
يجوز في يوم نتعلم
ومن الالم تبقى تجارب ..

المطر اجبرني اكتب لك قصيدة
المطر هذي السنه
سوه السما صفحة جريده
نشر صمتي
نشر احزاني السعيده
رد لي دمعي
رد لي سمعي
رد لي حنجرتي الشريده
المطر جبرني اكتب لك قصيده ..

استاذنك لازم اروح
مااقوى على باقي الجروح
انت معي غامض كثير
طبعي الوفا طبعي الوضوح
اللي يصير بعدي يصير
مايخاف ابد صافي الضمير
يوم الليالي تستدير
يفرح وحساده تنوح
استاذنك لازم اروح

تصبّر مرّه..
بس مرّه تصبّر
تأثّر مرّه..
بس مرّه تأثّر
أنا يأسى اللى ودانى
على بيبان نسيانى
أكو نسيان فى الدنيا يتذكر
بللنى مطرلــ.. اشواق
.. على باب الشتا والبرد
ومر الصيف
ياطول ايامه ماتنعد
ومرت ذكرياتى تشيل باقة ورد
انتظرتك ماوصلنى رد
ذبّلت الصبر والورد
وريحك بعثرت بالوجد
طبيعى إنى يوم انساك
وطبيعى كل فعل له رد
أنا يأسى اللى ودانى
على بيبان نسيانى
أنا النسيان
أكو نسيان فى الدنيا يتذكر
مسدوده للحب الطرق
ماينفع ..الا..قناع
لازم نفترق
حان الوداع..
يالله..حبيبى نتفق
مافى لقا
بعد اللقا..بهذا المكان
ومافى رسايل..أو رسول
مافى رجا..
..وأرجوا حديثك لايطول
واقدر اقول
كلى سعاده انى منك انسرق
انا يأسى اللى ودانى
على بيبان نسيانى
أنا النسيان
أكو نسيان فى الدنيا يتذكر ؟!

أنا اللي يوم تمنيتك
ترجيتك وناديتك
أنا اللي قلت لك
كل الفرح بيتك
تعب صوتي .. ومليتك
تعب قلبي .. وخليتك
حبيبي .. لا أبد مو انت
ذاك اللي تمنيتك
أنا آسف .. أنا آسف
اذا في يوم حبيتك
نثرت الروح في كفك أماني
وقلت اطلب ..
كل الأرض مفروشه بحناني
وكل الشوق سويته اغاني
لا انت صوبي ولا يمّي
ولا حسيت في همي
جيت الحين ترعاني
تصورت الجروح تطيب
في لحظه .. وثواني
أنا اللي قبلك مضحّي
ولا تحتاج حق شرحي
تدري يا سبب يأسي
وسبب جرحي
انت ادري .. انت ادرى
ولا تحتاج حق شرحي
ايدي اللي كتبت اسمك
بدت تمحي ..

انا فى حزن الجدايل منطفى
انا فى ليل العيون السود..
عايش مكتفى
ياللى تأثيرك خفى
ياللى مفهومك خفى
اتركينى شراع فى البحر الخفى
وانقذينى من تراثى العاطفى
افتحى دفتر حياتى..اكتبى
نزلينى عن مدارى وكوكبى
هذى شباك الصيد
هذا مركبى
هذى ادراجى افتحيها ومكتبى
حاورينى بلغة الاعصاب
يلا عصّبى
كلمينى بالفصيح العربى
انقذينى من جنونى العاطفى
انقذينى من تراثى العاطفى
ظلالك يتعب اهدابى
سكوتك شرّد اعصابى
داهمينى
كسرى اخشاب بابى
فتشى بيتى..
وسراب الماضى..فى بيتى الضبابى
فتشى الازهار والاعشاب
فتشى كل شى زرعته فى ترابى
فتشى ايام عمرى
فتشى ساعات صبرى
واعزلينى عن عذابى ..

جريح جريح ..
و اللي علمني المشي
علمني أطيح
و اللي شراني بالذهب ..
رد باعني للريح
عاشق قديم
عاشق صريح
اسألوا نوم الشوارع ..
تحت أجفان المصابيح
و اسألوا البرد و الشمس و الريح
اسألوا .. صبري اللي سويته مفاتيح
اسألوا يمكن قوافي الشوق .. مني تستريح
يمكن الصمت اللي ساكني .. يغافلني و يصيح
جريح .. جريح .. جريح
درايش الديرة عيوني ..
عيوني نواطير
عيوني ألم غافي
عيوني ألم صاحي
و عيوني في الغربة أطيرهم .. عصافير
مجروح و عيونك ضماد
مجروح و عيونك بلاد
يا موسم النار بحياتي و الرماد
يا موسم النور بحياتي و السواد
مكتوب في بحرك يمر السندباد
مكتوب اسمك للربيع و للحصاد
يا خضرة ..
يا صفرة ..
يا حمرة ..
يا مشغولة بالطفرة
سمعت اسمك
غنى عصفور على سدره
قريت اسمك... قبل ما اكتب و اقرا
و أنا عاشق .. عاشق ..
عاشق الرملة
أنا بعدي طفل في شارع الذكرى
أحبك دمعة صيفية
أحبك و اسألي الأهداب
أحبك صحرا عطشانه
تحلم بالمطر .. يسأل عن الأعشاب
كتبت اسمك .. على ضلوع السدر و الماي
طار اسمك غاب .. و غاب
و لقيت اسمك ... عصفورة سكنت الأهداب
أنا دمعة ارهنتني الغربة .. في عيون المرافي
حبيبة عمري رذاذ المطر .. في ليل غافي
عرفتك صارت السكتة قوافي
عرفتك صارت الدنيا .. حقيقة و اكتشافي
و صار لون السما أزرق
لون صافي ..
صار حتى الورد يشرب من جفافي
و صار حتى الشتا .. دافي
صدقيني هذا واقع .. سجلي هذا اعترافي ..