وَلَهْتي لوْ شْوَيّ علي؟
إشْتقتي لي؟
قوليلي:
وشْلون المسا .. مِنْ غيري
وشْلون الصّباح
وشْلون يُمُرّْ.. يومِك عليك
باهِت،وبَرْدان،وحَزين؟
ولاَّ يُمُرّْ مِن بَعْدي رَوعه ومِمْتلي؟
حَسَبْتي إن الفَرقا مابيني وبينك..للأبد
ولاَّ ابْتِسَمْتي في سِرّكْ وقِلْتي هَالزَّعَل
مهما يطُوْل
سحابة صيف أَكيد..أكيد بْتِنْجِلي؟
ولو تِسْمعيْن أَغاني حِنّا نْحِبّها
مايشَاغِبِك قلبك يقول:
عَشَاني إتَّصْلي عَليه
وَحَشْني صُوته
ضحْكِتِه..
حتى جُمِرْ كلامه واحِشْني ..وأَبيْه
عَشَاني إَتّصْلي عَليه
عَشَاني أَرجوك اسْأَلي
حبيْبتي..
ماشَاغَبك قلبك عليّْ؟
بالله قوليلي الصّحيح: إشتقتي لي؟
أَمَانه ودّي أَسْألِك
طُوْل الفُراق ..فَكَّرْتي فيّ؟
قَعَدْتي مَرَّه بْغِرْفِتِك ..تِتْمَنْظَريْن..
وكِنْتي بْكامل زيْنِتِكْ
وقلتي لْ غَنَجْ أنُوْثِتِك:
ودّي يشوف تسْريحِتي
نَفْسي يشِمّْ هذا العِطِر
ويقوللّي رايه ف الرُّوج الجديد
وأَيّْ اللّي أَحْلى.. هذا..
ولاَّ روجي الأَولي؟
ودّي يشَارِكْني دَلال أنوثتي
ويضُمّني
ويمْسَح على راسي بْحَنان
هوْ يَدري إن لمْسَةْ ايْديه..
فيها حياتي ومَقْتلي
حَبيْبتي فَكَّرْتي فيّ..
وانتي على تَسْريحتك
اشتقتي لي؟
ما اكذب عليك
أنا كثير إشتقتلك
عُمْري أَحِسّه مِن غيرك خَليْ
لا أرضي أرض
ولا نجوم ..
تزيّن الليل بْسماي وتعْتِلي
ضايع وينْقِصْني انتِماء
لاني لأَحَدْ .. ولاني لي
أنا كثير اشتقتلك
حبيْبتي..
ما اشتقتي لي؟

الغياب..وهّاب
الغياب..
يلبِّّسْ من تحبّ ثياب..
من وَرْد
والوَجْد ..
يعطي الذكريات اليابسه..
نبْض ومشاعر..
.. يكسي جفاف احزانك الصفرا ..
ملامح ..
من ندى واعشاب
الغياب
مجنون.. يرسم ...
للشبابيك الضّريره..
عيون خضرا..
تخلّي شوك البعد ورده..
والحصى ..لبلاب
الغياب لو تدري يفتح..
للخيال ابواب
يعيد تشكيل الصور
ويجمِّلْ الأحباب
والحبيب اللي تحبّه
مهو نَفْس ذاك الحبيب
لوغاب
ف الغياب ..
الحبيب يصير أَجمل
الحبيب يصير أشهى
وماتشوف في من تحب
غير ماتحب
والخطايا..
تصير هدايا..ترتجيها
ويورق الغفران عندك..
من سراب عْتاب
ف الغياب..
الحبيب يصير أعذب
الحبيب يصير أقرب
يمتلي بوجهه مساك
تمتلي بنوره سماك
يمتلي بأسمه نِداك
يصير كلِّك
وكل شي له يوديك ويدلّك..
تحسّْ كِنّه..
ساكن ف أوضح مراياك..
وفي ظلك
وبلحظه ماتدري وش اللي..
شجّر ايدين المدى..
عِنّاب
لا ولاتدري وش اللي..
حنّنْ الفرقا عليك
رقّت وخلّت حبيبك ..
في ظماك ينساب؟
لا ولاتدري وش اللي..
يخلّي شوقك..
دوم يفتش..
في حقايب الوصال
ويسأل بلهفه عن اللي..
من عند الحبيب .. لك جاب
وتسأله لو كان يقدر
ياخذ شوية هدايا للي غايب:
بعض اغاني..
تطرد الوحشه في صدره
وشال دافي للشتا
وشمس لليل الطويل
وسقف يحميه ومظله..
حتى لايبتلّ شَعْره
لاهمى حزن البعاد..
والوجوه أغراب.
وياخذ لخيمة رجاه..
من رجاك..أَطناب
الغياب..
يشفِّف القلب ويسرِّج..
ف الحنايا.. شْهاب
ياحبيبي..
غِيْب لو ودّك تغيب
ف الغياب..
تصير فيني حاضر أكثر
وقلبي رغم البعد يقدر
يوصلك من ألف سكّه..
ويدخلك من ألف باب
الغياب..وهَّاب

كِنَّا واحد..
مااحْنا اثنين..
كان لنا..
نَفْس الضحكة..
ونَفْس الحِزْن..
ونَفْس الصّبح..
ونَفْس القهوه والفنجان ‍
ولِنَا كان..
حتى نَفْس.. نَفْس فرْشَة الأسنان
كان الناس..
ينادوني أنا وياك ..بإسم واحد..
واغْنيْتي..
كانت نَفْْس أغْنيْتِك
ونَفْس الشِّعِر والأَلْحان
كنت احَسِّك بْنَبْضي
وكنت اشوفني
بعطرك
لون شَعْرَك..
وعِقْد اللولو .. والفستان
واللي كان يعجبني..
كنتي انتي تِحِبّْينه..
واللي يعجبك فيني..
يصير بدنيتي العنوان
وكان الشوق.. قبل مايمطر بقلبك..
كان ينْزِل ..
على عِشْب الهوى بقلبي..
وَبِل هتَّان
ويوم ماتِحْزنين دَمعك..
كان ينزل من عيوني..
ولما احْزَن..
كانت تِحْزَن عْيونك..
ويَنْبت للتعب في راحتك أغصان.
وكان لنا..
وساده وَحْدَه طول الليل..
وحِلْم واحد..
ولنا كان.. ياما كان
شاللي صار..
بَعَد أَرْبَع سنين مَرَّت ..
شاللي صار؟‍
صرنا اثنين..
ومِيَّة وجه..
وصار لنا.. فرشتين أسنان ‍‍‍‍

يمر الوقت من بعدك
على عكّاز
وصارت بعدك أوراقي
فى صفّ الحزن تنحاز
ونسيانك صار إعجاز
صار إعجاز
صارت حتى آمالى
تأخذ طابع الألغاز
ويبكى الحل
ويبكى الحل
نسيتيني
بين الشمس وبين الظلّ
أبيّن غربتي للكل
تركتينى ألاحق خطوة الذكرى:
تليفونك..
رسايل حب..
عطر باقى..
أول حرف من إسمك
على كل صفحه بأوراقى
ينادى مركب اشواقى
أعيد..أقرا..
أعيد ..أقرا..
ألاحق خطوة الذكرى
وتلاحقني
صور من دفتر الماضى:
تليفونك..
رسايل حب..
وقلب بفرحته راضى.
صور من دفتر الماضى.
ألاحق خطوة الذكرى
على باب الزمن أنطر
يمر الوقت
وأثارى الوقت
على عكّاز
وأثارى بعدك أوراقي
فى صف الحزن تنحاز.

إِجْلسي فـ الكرسي هذا
أو هذا
ولاّ أقول لك..
يمكن أفضل ..
لو عَطيتي الشمس ظَهْرِك
إنتي دايم عادتك..
كل مابديْت ويَّاك حَديث
عَطيْتي للشمس ظَهْرِك
واخْتفى صوتي بْظَلامك
وشْتبين أَطلب لك: عصير..
ولاّ قهوة..
ولاّ يكفي دمعتي.. ومالح ملامك ؟
لا..قهوة..
قهوة أحسن
عندهم قهوه لذيذه
تشْبِه البُّن بْعيونك
وفيها من ريحَة كلامك
قهوه وَسَط
توقظ احساس الصباح بمهجتك
واتصَحّْي في صَدْرِك غَمَامِك
جَرِّبيْها.
لوسَمَحْت: إثنين قهوه !
وين كنّا؟
وين وصَلْنا بالسوالف ؟
إيه.. ذكرت..
كنت أقول لك ليش ذِبَلْنا ..
ليش صارت.. يابسة فينا العواطف؟
ليش قلبك منطفي..؟
وليش قلبي..
صار مدينه موحشة..
ليل.. وعواصف ؟
ليش ايْديْنك بارده
وصبْحي بين ايديني خايف ؟
ليش صِرْتي ..وانا يَمِّك..
ما تشوفيني بقربك
وانا في حضرة نهارك..ماني شايف ؟
ليش..
أنا أسف،اشربي القهوة قبل تَبْرِد..
ويطغى.. مُرَّها فوق الشفايف..
وين كنا؟
إيه..ذكرت ..
كنت أقول..
ولاّ .. خَلِّك من كلامي .
الكلام كرسي خشب
مايَحَضْنِك في حَنان
أو ينَسَّيْك التعب.
الكلام في أَوّلِه .. بسّْ أَوّلِه..
عِشْب
وف الآخر لَهَب.
الكلام في أَوّلِه..مَوَّال يَطْرِب
ومن قبل ماتْحِسّْ.. تَنْزِف..
وينْتشي جَرْحِك طَرَب
الكلام.. كرسي خَشَب
وش فايدة كثْر الكلام ..
قهوه أحسن
إشربي القهوة..بْرِدَت..
ولَهْفَة الحب بْرِدَت..
اللقا.. وباقي العَتَب
إشربي القهوة..
أظن
موعد الفرقا قَرَب

جمهور يمْلا الصَّاله
والشاعر..
يقول القصايد
يدوْزِن اوتار الألم
وينْجِرِح.. ب الحاله
كان كل شي فيه واضح
فاضح:
لهْجِتِه
هَمّه
فانوس انفعاله.
كان كل شي فيه واضح..
إِلاّ آثار اشتعاله
كان هُو ممتلي.. بالناس
والحِلْم
وضلاله.
والصاله :ممتليه بالجمهور.
والجمهور: ممتلي بالوقت..
واطياف السراب..
و...سُعاله
والشاعر.. حَاول يشِدّ انتباهه
إحترق فوق الورق
إحترق وسط الورق
جدّل الآهه بآهه
....صَفَّق البعض ف بلاهه
والبعض..
دَوَّر عن شاعر بداله
والشاعر..
حَسّْ في نَبْضِه مَراره
إلتْصَقْ .. باكثر حْروفه حراره
كرّر اللي كان قاله:
الشعر زرقا اليمامه
السما ..ماتشبه اليوم السما
والتراب أَوْضَح علامه
والقمر مايطْرَح إلاّ..
حَنْظَل الليل.. وظلامه
اللي ف الصَّاله.. رثى له
لمْلَمْ الشاعر خَيَاله
ومن فضَاه .. اللّي بقى له
وانْسَحَب بشْويْش ..
من خَلْف السّتاره
ماتَرَكْ فوق الكراسي
إلا حِزْنه..
أوراقه الزَّرْقا..
ظلاله..
وجمهور يملا الصاله
مِمْتلي .. بالوقت
واطياف السَّرَاب
و...سُعاله
(مشهد لاحق ترويه زوجة الشاعر):
جانا نِصّْ الليل
بيدينه أَمَاني امجَرَّحَه
ومسْبَحَه..
ومغبّي تحت أطراف تابوته.. هلاله
جا.. قَعَدْ فوق هالكرسي الخَشَب
كانت عيونه ..تفاصيل وتَعَب..
طَالَعْ السّاعه وقال:
هُوْ أَذَان الصّبْح.. ياالصّبْح اشْبقى له؟
هو أَذَان الصّبْح.. ياالصّبْح اشْبقى له؟

كَمِّلي من غيري يومك
لايموت اليوم فجأه ..
أو تضيع اللحظه صدْفَه ..
وسْطْ صَمتي..
أوهُمُومك.
كَمِّلي من غيري يومك
ماني عاتب
ولاّ ياعمري بَلُومِك .
رَتّْبي مكياج صبْحك
كَحّْلي بالحب ليْلِك
مَشّْطِي شَعْر الدقايق
عَطّْري حضْن المكان
والْبِسي أَحْلى هدُومك
صالحي وقتك وعيشي..
لاتموت فيك الأماني
إفتحي صدر النوافذ..
للأغاني..
خلّي ألوان الفرح
ترْسِم النَّبْض بْرُسومِك
ليش عمرك فيك يذْبَل ؟
ليش يصير الليل أَطْوَل؟
ليش وانتي ..الفَيّْ قلبك
يحترق وَرْد الأمل ..
من هَجيْرك..أو سمومك ؟
كَمِّلي من غيري يومك.
إنسِي إني في حياتك
إنسي إني لك حبيب
أنا مثل ماتشوفين..يائس
والفَرَح فيني كَئيب
ماني قادر..
أرفع عيونك سما
أو أصَحّي فيك فجرك
وانثر العطر بقدومك
المَلَل يشْرَبْني كِلّي
مِثْل مانَفْس الملل..
يسْكِن عْيونك ..وياخذ..
من حكي قلبك عْلومك
الملل ظَلَّلْ هوانا..
مابقى في صوتي قَمْرَه
وانطفى الضَّيْ بْنجُومك
المشاعر فيْنا جَفَّتْ..
لاربيع ايديني ينْفَع
لا.. ولاماطر غيومك
كَمِّلي من غيري يومك

وتسألني عن أخباري..
واخباري ربيع دايم
بدا في موسم امطارك
أخباري..
صور مرسومة بالألوان
مابين نجوم فرحانة
بدفا الألحان في صوتك
أخباري..
ثواني حب ممتدة
على طول الفرح والشوق
من دونك ..
تصير أوهام مصلوبة
على مركب أمل محروق
من دونك
تصير أحلامي تغريبة
وسط صحرا
مقطوعة
وممنوعة
من الأمطار
وساعتها
تموت وتذبل الأخبار
وتسألني عن أخباري..
واقول : أخباري مرهونة
بدفا الأيام في حبك
أخباري.. إذا تسأل
ربيع وفتّح عيونه
وسط دربك

الجو جميل اليوم
يستاهل احساسك
غيم ورذاذ ناعم
صبي الندى بكاسك
خلي ربيع الارض
رجلينك البيضا
و شال السماء راسك
امتدي طول الكون
امتدي عرض الكون
توزعي صيري
في كل شئ حولك
نبض
و صفا
و عيون
خلي قزح ريشه
و الدنيا كراسك ..
اليوم بأمكانك
تعدين رسم الكون
على هوى جنونك
و فوضاك
وهوجاسك
خلي خيوط الشمس
و اللي انفذت غفله
من بين هذا الغيم
خليها لون ازرق
و خلي السحاب اخضر
و لون المطر اورنج
و ثوب الشجر وردي
و بنفسجي فاتج لون الغصون
و الناس .. ممكن تكون حمرا
ممكن تكون صفرا
ممكن تكون اي لون
اختاري لون ناسك
اليوم انتي الكل
و الكل فيك انتي
اليوم كنه جاي قدك على قياسك
خلي الجنون اللي في داخلك ينطق
صبي البحر في البر
وسمي المواني شيح
خلي نجوم الليل
على الدروب تطيح
و تنبت على الاسفلت
وفوق في السما رشي
ياقوتك و ماسك
و لمي اللي متبعثر
او بعثري اللي تشوفينه متماسك
عيدي الحياة للموت
واغريه بانفاسك
ولا اقولك شئ
ليش ما تجين يمي
نحضن سوى غيمه
نبلل عواطفنا
و ننثر ورود حمراء على شفايفنا
و قلبي يبوس قلبك
كل ما الرذاذ باسك
تعالي و نعتق
جمال هذا الصبح
في كاسي و كاسك
ونشرب طوال اليوم
من ماي نشوتنا
مع هالمطر
و الغيم
و احساسي
و احساسك ..

يموت النور في هجره
بين الليل وفرحة صبح
وينزف جرح
وعلى شط الحزن
يوقف خيال الشرح ..
يصير الدرب
بين الكلمة والأوراق
مسافة ليل للسهران
يموت النور في عينه
يموت الحب
تموت الشمس
ويبقى بس .... منديلك
وشريط بصوتك الدافي
وبقايا نور
من أحلام الفرح في الأمس .

شلون خليتيني اثنين ؟
شلون خليتيني اثنين ؟
واحد في الماضي حبّك ..
أو واحد يكرهك الحين
ياللي حبك الدهشة
والغربة
ومزروعة وسط قلبي
مثل سكين
شلون خليتيني اثنين ؟؟
واحد كان ياما كان
ينسج من ظما التحنان
بحور
وأنهار
تروي في هواك اغصان
ويزرع في صحارى الشوق
بساتين الأمل ريحان
ويحبك
ويحبك
ويحلم في سما عيونك
تمطر بالفرح ألوان
ويحلم فيك
ويحبك
يلي حبك الحرمان
يلي خليتيني اثنين
واحد في الماضي حبك
أو واحد يكرهك الحين
واحاول أهجرك وانسى
حزن يمشي بشراييني
يلي كانت عيونك
محطاتي وعناويني
أحاول أمسك النسيان
وأمسح فيه حروف إسمك
على كل طوفة للذكرى
وكل دمعة وسط عيني
وبيديني
أخلي صفحة النسيان
عباية تلملم اللي كان
ياللي حبك الحرمان
ياللي خليتيني اثنين
واحد في الماضي حبك
أو واحد يكرهك الحين

وشلون أقول إن أنتِ غير؟
وشلون أقول..
إن انتِ تغرين النوارس بالغرق
ف الازرق الفاتح
وشلون تغرين الرصاص..
يحب ويصافح.
وشلون تغرين الشتا..
يدفّي ريشة طير.
وشلون بعيونك مساي..
دايم مسا خير
شلون أقول إن انتِ غير ؟
شلون أقول إن انتِ غير
غير البنات
وشلون أخلّى للحكى عنّك
طعم سكَّر نبات
شلون أقول إسمك ولا..
يصير لساني ..نعناع
وتصير..
حروفى غزلان
ويصير ..
قمر صوتي صلاة
شلون أغنِّيك وماتصحى عصافير الفجر
ولا يطول عشب البحر
أو تزهر بدربي حصاة
وشلون أقول إن انتِ غير كل البنات
وشلون أقول إن انتى غير..؟
غير البشر
ياللى إذا تبسّمتى ..
يفزّ
من سدرة الليل.. ( النهار ) ..
وتقرب سما
ويكبر قمر
وإن قلتى للدنيا [ مساء الخير ] إنولد..
من شفّتك :
مليون نجمه
وإنتشى فيك السهر..
وشلون أقول إن انتى غير..؟
غير البشر

أنا مسفر ..ذكرتيني ؟
أنا مسفر
أنا الي بغيت أنسى
ونساني في الهوى النسيان
أنا اللي..
كنت أسهر على أهدابك
وذاك اليوم ..
تركت ايامي ..
واحلامي..
واقلامي..على / بابك
تركت النوم ..وجفوني
ولا فكرت ان السهد..
يسكن / بعدك عيوني
أنا مسفر ..ذكرتيني ؟
أنا اللي ..بغيت أمشي ..
على درب الزعل .. وأنسى ..
لقيت الدرب ..
مهما خطوتي تقسى..
لك انتي يوديني ..
وتصبح دنيتك منفاي
وعينك تصبح المرسى
أنا اللي..
إنتي ظلمته وشمسه..
ذكرتيني ؟
انا اللي..
قلت في يوم راح انساك
وكن هاليوم ..
بيني وبينه.. ( كل عمري ) ..
وجيت الحين ..
ضايع بالندم عذري
جيت اسأل ..
اذا انتي عرفتيني
واقول : يا فلانه .. شوفيني ..
أنا مسفر ذكرتيني

أغنيه..
أمنيه..
فـى بطاقة عيد..
فـ العام الجديد..
إذكرينى فـ اللى ينكسر من ظل
فـ البسمه ليما تنتشى..
فـى عيون الكل
وليما تختال السما..
نور..
وياسمين..
وفـلّ..
ويجن السهر تغريد
إذكرى هاللحظه إنى
من بعد عينك شريد...
فـ العام الجديد..
العام جهّزنا سوى لراس السنه
وإخترنا الورود..
وكروت التهانى..
قعدنا كم يوم نكتب..
أسامى المعازيم,
الهدايا,
المحلات اللى بنمرّها..
والأغانى
وقعدنا كم يوم نحلم
ونزيّن الشوق
وننضّر عيون الأمانى
وقعدنا كم يوم نرسم
وشكثر باكر سعيد
فـ العام الجديد
هالسنه وإنتى بعيد
إذكرينى..
فـ الشموع اللى تشب وتنطفـى
فـ الليل ليما يحتفـى بالناس
وبراس السنه..
وفـ اللى ينفـتح من صفـحات بيضا
آخر الكراس
وليما يلتقى فـ الساعه ثنعش
إحساس دافـى فـى شغب أنفـاس..
إذكرى هاللحظه إنى..
حيل بردان ووحيد...
فـ العام الجديد..

لاتجرح عيون الثواني بـ الصَّبر
لا .. لا تواعدني تجيني ..
... وما تمر
وتخلي أيام العمر
وردة فرح من غير عطر
وأصير أنا بعدك سطر ..
هارب من أحضان الكتاب ..
وتنساني في بحر العذاب
موجة حزن ..
على السواحل تنتظر ..
لاتجرح عيون الثواني ب الصَّبر
لا .. لا تواعدني تجيني ..
... وما تمر
قلنا وعدنا بالثمان ..
صارت تسع
تسع وعشر ..
عشر وتسع ...
عشر و [ عمر ] ..
عشر وعذاب ..
عشر ..
وأماني تحتضر
حتى عقارب ساعتي ..
صارت تحاشى نظرتي
ملَّت تفر
لاتجرح عيون الثواني ب الصَّبر
لا .. لا تواعدني تجيني ..
... وما تمر

من كثر ماأحبك أنا
..أقسى عليك
أقسى عليك..
أسرّب نجومك..
من أبراج السما..
للشيح
وأهرّب يدينك..
من قلوب الحمام..
للمنطفى..
من شعر ومصابيح
أكسر مزهريتك
وأنثر
عطر ورودها
للريح
ليه أنا..أقسى عليك..؟
أوادعك وقت اللقا
ووقت الوداع
أشرّع أبواب المدى..
لدروب عيّت تستريح..
ليه بس أقسى عليك..
وأسكن عيونك ...دمعتين
وشمعتك..ليل
وضحكتك..تجريح؟
من كثر ماأحبك؟
عذرٍ تراوغه المزون
برق تراوغه العيون
أذكر إنى قلت لك:
من كثر ماأشتاقك أنا..
أنسى أجيك
ويومها
تركت بيدينك بقايا
كحلك السايل
وعذرٍ يشبه عيونى...ضريح
أنا ليه بس أقسى عليك؟
أدرى إنى حيل أحبك
وأدرى إنى بأنكسر لو رحت
وأذبل
مثل أغانى ماتخضّر
مثل دهشه ماتشجّر
مثل جمره
ترتجى فى شتاها المر نار
مثل عصفور يدوّر له فضا
ويشوف كل الكون بجناحينه
سوار
وأدرى إنك لو تصك الباب..
بأقعد وحدى هناك..
أعدّ حبات الرمل
وبيجفّ
فى صبحى النهار
وبتصير .. أحلامى قصار
كل هذا فيه أدرى
بس مدرى..
أنا ليه أقسى عليك؟
ليه أكذب بعذرى وأقول..
من كثر ماأشتاقك أنسى..
أنسى لحظتها أجيك
ومن كثر ماأحتاجك أعجز
أعترف إنى
أبيك ..

سرب من حمام ؟
قوله :
يا من يودّي له سلام ؟
ولّا وسايد السهر ..لاجيت أنام ؟
ولّا الكلام .....
اللي ذبل على طرف أصابعي
..من غبت
وازهر بي الخصام؟
أو قصيدة ممتليه ندم
ولّا ملام ؟
منهو يصالحني عليك ؟
مات النهار بناظري ..الا شعاع
فيني غرق كل البحر..الا شراع
رضيت أجامل حزني فيك..
رضيت أموت ما بين ايديك..
رضيت ..رضيت..
الا الوداع.
أرجوك بس..الا الوداع.
منهو يصالحني عليك ؟
من يسرقك ..
من بين زعلك والتقيك..
من يسرق الخوف اللي ساكنّي واجيك
من يقنع الماي اللي فيك..
اني عطش..
وغصون عمري تشتهيك..؟
من يقنع نعاس عينك والخدر
اني سهر
على النوافذ أحتريك ؟
منهو يقول لك يا الجمر..
اني أبيك.
منهو يصالحني عليك ..؟
ياللي خذاك مني الجفا
كل ليلة أشعل لك حنين
بدل حنين البارحه كل ما طفا
وكل ليلة أفرش لك جفن
عطر ودفا
صبر ووفا
وكل ليلة من قبل أنام
أوارب اطراف الهدب
علّ وعسى
يمرني طيفك عجل
لا من تعب فيّ الزعل
أو جفنه الصاحي غفا
وكل ليله أسأل هالسؤال :
منهو يصالحني عليك ؟
منهو يصالحني عليّ ؟

عاري الكلام
لبسيه اللي تبين من الهدوم
غضب ..
عتب ..
او حتى لوم ..
عاري الكلام اللى بقول ..
لاتتركينه .. لبسيه ..
اللي تبين
جمرات بوح ..
ولا جروح ..
ولا اصابه زاوجت
بين البياض بدفتري ..
وبين الهموم
سميه دفا ..
سميه جفا ..
تشكيل في لون النهايات ..
ورسوم
عاري الكلام .. اللي بقول
لبسيه اللي تبين .. من الهدوم
بنزف حكي .. اليوم ..
الى آخر ضوا في بحتي
وقيض .. وسموم
ابنزف الليله مسا ..
مسا كثير..
ليما اشوف عروقي برق
وبصوتي شمس
وكل الدرايش الخضرا اضمدها ..
واقوم ....
دام احنا عرينا الكلام ..
لك بعترف
اني بعد كل ها السفر ..
اللي مشيته بيننا
انا اعترف ..
اني مهزوم
عجزت اصير في صبحك المظلم .. قمر
ولا قدرتي تشعلين في سكة الخطوه نجوم
ظنونك السودا .. سما
ما طمنت فيني الحمام
عاشق سلام
انا كنت اصيح
عاشق سلام
وكانت سماك تمطر علي سود الظنون
في كل يوم
انا اعترف .. اني مهزوم
في داخلك ..
تمشي قبايل من عطش
وانا لقيت ..
في داخلي .. بير مهدوم
واليوم بس ..
اليوم عرفت .. اني مهزوم
عاري الكلام ..
ولبسيه اللي تبين من الهدوم

ماتدرين
كنتى ماتدرين ..
إنى كنت لحظتها حزين
يوم جيتى
بكل بياض تحريتك
أنا
كنت فى قلب أحزانى سجين
ويوم جيتى بكل طاهر مزونك
أنا كنت لحظتها..أخونك..
مع جفافى..
وجرح فى صمتى دفين
وإنتى كنتى..
تسولفين..
وتسولفين..
كنتى مليانه بهى
وآنا فارغ..
إلا من أوراق صفرا
وجذع أثل ..مرمى
وحس ليل
وآهةٍ سكين
وإنتى ماتدرين..
كنتى ماتدرين..
كان عطرك يشعل الدنيا حرايق
يعيد تجمير الكلام
كان يغزل
من تفاصيل الرغبه..آهات وحمام
وكنت أنا بارد .. وشارد
مرّ عطرك
فى يدى برد وسلام
ماولّع ثيابى
ماعلّق أهدابى
وأحرمها منام
ماطيّر إيدينى فراش
وماصلبنى
بين حلاله.. والحرام
تتخيلين...؟
مرّ عطرك
فى يدى برد وسلام
كنت لحظتها هجين
من سراب... وطين
وأنتى ماتدرين..
كنتى ماتدرين..
ليلتها كانت ضحكتك..
مينا.. وشراع .. ونوارس
كانت أحلى من أغانى عرس
ومن نسيم يمر هامس
ضحكتك كانت مثل ..
وجه شمس بليل دامس
كان لها
فىّ.. وعصافير..
وعبير..
ومع هذا مااسحرتنى...
عيّت بقلبى تلامس...
أى إحساس وشعور
أو تدوزن فينى هاجس
كنت لما أبتسم وأجاملك
كان وجهى بداخلى..
قطعه من حنظل ..
ويابس
كان عابس
وآنا حابس..
فى كفوف الصبر حزنى
ماأبى تدرين إنى
كنت ذيك اللحظه محبط..
منكسر.. مسكين..
وإنتى ماتدرين..
ياعيونى أنا آسف
كنت ذيك الليله
جاحد..نعمة الوصل وحنانك
وماتيّسر من رضاك..
وماك..وسحر الياسمين
أنا آسف..
أعتذرلك..
أعتذر لإحساس شوقك..
صبح قلبك..
والعطر..والتين
آنا آسف..
كثر
مافاتنى ذاك المسا
من حنانك والحنين
كثر ماعمرى نقص ذاك المسا
نور وسنين
كثر ماأخطى عليك
وإنتى دايم تغفرين
كثر ماأبقى غروب بلحظتك
وإنتى دوم بلحظتى..
يالحبيبه تشرقين

طمِّني يا تيسير ..
وشلون أحوالك ؟
قللي عساك بخير ..
مدري إذا تسأل ..
عن حالي وإلا لا ..
لكنِّي .. انا .. بخير ..
الشمس مخنوقة ..
وباقي النجوم سودا ..
والعتمه تملي الروح ..
وآمالنا تمسي
تصبح تصير جروح
ولا بقى بالقلب ..
حالي ولا مملوح
واخطوه محتاره ..
ماتدري وين تروح
وأصواتنا خرسا ..
نموووووووووت
قبل مانبوح
ولو بحنا وش بيصير ؟
لكن أُخوك بخير
بعض الظنون آثام
وبعض الرجا أوهام ..
و تشابهت فينا
الفرحه والآلام
لكن أظن الجاي ..
من عمرنا مسروق
ومن نومنا مسروق :
الغفوه والأحلام
تحت الوسايد دم ..
فوق الوسايد هم
وطير الفجر لا هدّ ..
وإلاَّ ب سمانا حام ..
منتوف فيه الريش ..
شلون تبيه يطير ؟
لكن أُخوك بخير
تيسير في قلبي ..
يتعذب السؤال
خايف على الأطفال ..
ما أدر لو يلقون باكر
بقايا ماي ..
في قلب هالصحرا
ولا قدرهم بس ..
منَّا العطش واللال ؟
ما أدري يا تيسير ..
بيلقون لهم كرَّاس ؟
وشمس ودفا وظلال ؟
بيلقون لهم أحلام خضرا ..
وفضا ..
وموَّال ؟
يوم يكبرون باكر ..
بتتعدل الأحوال ؟
وبيتعدل اللي في ..
حاضرنا هذا مال ؟
خايف على الأطفال ..
أطفالي وأطفالك ..
من هالزمان الصعب ..
وفيه الليالي طوال ..
ما تبشر ب تغيرر
لكن أخوك بخير ..
أنا أمووت بخير !

تجي نسمه ..
تجي ريح ..
لا توقف يوم تجنيح القصايد
لاتروح وتستريح ..
كل يوم إكتب قصيدة
كل صباح ..
إبتدي ب اسم الشعر
وإفتتح يومك .. ولوِّن ..
بعثر اللي قبل هاللحظة متكون ..
عيد ترتيبه .. وهوِّن
كل صباح ..
عد حبات الندى
سابق أسراب الفراش ..
صافح أحزان الشوارع
دور اللي فيك ضايع ..
كل صباح ..
إعشق أكثر من حبيبه
إصدق وعاهد .. وخون
عيش إحساسك..
وكوِّن ..
كل يوم عالم ..
على انقاض العالم اللي البارحه
كان [ الصحيح ]
لاتوقف يوم تجنيح القصايد
لا تريح وتستريح ..
كل يوم فيك شاعر ينولد ..
وتنولد في دهشة عيونك /عيون ..
ليش تخون ؟
ليش تنحاز ل رصاصه..
ضد .. طير ؟
ليش تنحاز ل ظلام..
ضد .. صباح الخير ؟
ليش تنحاز ل مستنقع عقل ..
ضد.. شلال الجنون ؟
و...ليش تنحاز للي:
هم ما ماتوا ل موتك..
لا..
ولا هم يحزنون ..
ليش تخون؟
القصايد..
حرية أنفاسك البيضا ونبضك ..
ليش صدرك ..
يكبر أسوار وسجون ؟
ليش تخون ؟
ليش تكون ..
القاتل إنت والضحية
وتبني في صدرك .. ضريح
خل تجي ..
مثل ما هي ب تجي
تجي نسمه..
تجي ريح ..
لاتوقف لحظة تجنيح القصايد
لاتريح ..
وتستريح

يبه شلونك ؟
ملل هالكون من دونك ..
يبه شلونك ؟
وتمضي رحلة الدنيا ..
بليا طلَّة عيونك ..
يبه شلونك ؟
وشلون المرض وياك ؟
بعد ما هدِّك بدنياك ..
عساها تغمض جفونك ؟
تبي تدري عن أحبابك ؟
عن عيونٍ تغنَّى بك ؟
عن قلوب دفنها الشووووق ..
وإذا جاها الغفا جابك ..
يبه أمي تخيلك دوم ..
تغنِّي لك مع القمرا ..
يبه واللي خذاك ب يوم ..
خذا بنيتك بكرا ..
خذا ..
وياما خذا ..
ويا ماخذا ناس يحبونك
يبه حنا صرنا كبار ..
توفَّقنا وتخرجنا ..
يبه معاد فيه صغار ..
يمُووووج بهالزمن كل شي ..
وحنَّا ماتمَّوجنا ..
على ذاك العهد نسري ..
نبيع العمر والدنيا ..
ولا تخلف بنا ظنونك ..
يبه شلونك ؟
تبي تدري عن إخباري ؟
عن أفكاري و تذكاري ؟
أشيلك داخلي جمره ..
وب عيون الحزن عَبره ..
تغرقني وتحرقني ..
أشوفك نجمة تجبر مراعيها ..
يراعيها ..
وأشوفك للرجولة إسم ..
إذا شد الزمن تقسى ..
وأحلم من معاني الحلم ..
أحسِّك مقبلٍ بُكرا..
وعيَّا لايجي بُكرا
يبه تذكر زمان مر ؟
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ..
صلاة العيد ..
وبشت العيد ..
يبه تذكر سوالفنا ؟
لأجل هذا ..
وكل هذا ..
أقول اليوم يا يبه ..
ملل هالكون من دونك ..
يبه وينك ؟
ولهت لنظره من عينك ..
يبه وينك ؟
أشوفه طوَّل غيابك
و من ودَّاك / ما جابك
قالوا ما يدُوم الزين ..
و أنا عندي أمل للحين ..
و لكني أعرفك وين ..
يبه وينك ؟
عسى الداعي يبه بس خير ؟
عساك بخير ..
مداين تكرم ل عينك ..
بس أرجوك علمني ..
علِّمني ..
يبه وينك ؟
سألت أمي عن رجوعك ..
ولا كنِّي أعرفك وين
و قالت : ما يدوم الزين ..
و أنا عندي أمل للحين ..
في رجوعك ..
يبه بس تكفى علِّمني ..
متى رجوعك ؟
يبه بس تكفى علِّمني ..
وش أحلى من طلوع إثنين ..
طلوع الشمس ..
و طلوعك
يبه وينك ؟
سألت أمي ..
غيابك طال
ولا كنِّي أعرفك وين ..
و قالت مثل ما قالت :
حسافه ..
ما يدوم الزين ..
مع كل هذا صدقني ..
أنا عندي أمل للحين
سؤالي عنك يالوالد ..
صار كما الموال
و أشوفه طال ..
والله طال ..
حزين ب لحنه و حروفه ..
يخاف يموت من خوفه ..
و قلب ٍ كان أقوى قلب ..
ضعف
من قسوة ظروفه ..
يبه ..
أرجوك علِّمني ...
تشوف اللي أنا أشوفه ؟
أنا أشوفك نهار و ليل ..
في وسط المجلس تصلِّي ..
و تدعي الرب ييسر لي ..
يبه ..
ما عاد بي من حيل ..
وين الحيل ؟
و أنا أشوفك نهار و ليل ..
مع إني ادري ما ترجع
غريبة ..
بعدها تدمع ..
عيوني من هموم البين
و أدري به مكانك وين ..
مع َ هذا .. أرد و اسأل
يبه ..
وينك ؟
و لا كني أعرفك وين
شبكت العشر في غيابك ..
على راسٍ كساه الشيب ..
و من ودَّاك ..
ما حابك ..
و لا أدري وش يخبِّي الغيب ..
و جرحٍ عذَّب أحبابك ..
يبه عيَّا يخف و يطيب
يبه كل جرح في الدنيا ..
مصيره بالدوا يلتئم ..
و لكن البلا من جرح ..
نزف فرقاك ..
بليَّا دم
و هذا الفرق في جرحي ..
عجز يلقى الدوا دكتور ..
أنا جرحي غريب الطور
ينزف ..
بس بليَّا دم ..
و زاد الهم فوق الهم ..
و دام إنِّك يبه غايب ..
جروح الغيبة ما تلتم ..
بس عندي أمل للحين ..
و لا كنِّي أعرفك وين ...
يبه ..
ذكراك تفرِّحني ..
في نفس الوقت تجرحني
لا من جبت في طاريك ...
دموعي غصب تفضحني ..
يبه ..
تذكر ليالي الصيف ؟
عرس الحي ..
و رقص السيف ؟
و كرم قلبك مع هالناس ..
كلٍ كان في بيتك ضيف ..
آلا يا حيف ..
آلا يا حيف ..
زمن قاسي ..
زمن قاسي ..
أخذ مني بلا رحمه ..
أخذ مني اعز ناسي
و خلَّى لي سهر هالليل ..
في عيني ضيف ..
ألا يا حيف
يبه وينك ؟
تعال و شوف ...
كبرنا مثل ما تمنِّيت ..
درسنا كل ما حبِّيت ..
نصلِّي مثل ما وصِّيت ..
و ندعيلك في كل ظروف ..
يبه وينك ؟
تعال و شوف ..
صحيح الدنيا ما ترحم ..
تجرعنا التعب أنواع ..
و لكن الأمل ما ضاع ..
و أنا عندي أمل للحين ..
و لا كنِّي أعرفك وين
يبه تذكر شطانتنا ؟
أنا و إخواني و خواتي ...
معانا عيال حارتنا ..
نلعب في زوايا البيت ..
يبه ..
والله أنا حنِّيت ..
لذاك الوقت في وجودك ..
ألا يا ريت ..
ألا يا ريت ..
ترجع ..
يا يبه حنِّيت ..
حسافه الدنيا ما ترحم ...
خذت منَّا سعادتنا ..
خذتك بعييييد ..
و خلَّتنا
يبه أُمِّي تذكِّرنا ..
ب أيامك قبل ما تروح ..
تناديها : يا روح الروح ..
تغازلها
و تنظر لك مثل طفله ...
ب ملامحها عشق مفضوح ..
في ذاك الوقت ..
كنَّا صغار ...
معَ هذا كنا نغار ..
عليها ..
أو بعد منها ..
كنا نغار
نحبك يا يبه ..
إرجع ..
مثل شمس الفجر إطلع ..
حزينه الشمس في غيابك ..
و نفس الحزن في أحبابك ..
وأخاف الشمس من حزني ..
تغيييب ..
و ما بعد تطلع
يبه إرجع
إذا لي خاطر ف قلبك ..
تعال و زورنا بس يوم ..
مع إنَّه ما يكفِّينا ..
نشوفك يوم ..
نبي حضنك يدفِّينا ..
و نشوفك دوم ..
لكن قلَّة الحيله ..
و يمكن م البطا ضاعت ..
و قلنا يوم
يبه سامحني ب أترخَّص ..
قبل ينشف حبر الأقلام ..
كلامي بعده ما خلَّص ..
و لكن موعد الأحلام ..
حان ..
ولازم أوفي له ..
بعد ما ضاعت الحيله ..
أشوفك والوعد باكر ..
إذا فكَّر يجي باكر ..
و ب أرجع أسألك وينك ؟
بس لازم تجاوبني ..
ترى عندي أمل للحين ..
و لا كنِّي أعرفك وين ..
يبه شلونك ؟
ملل هالكون من دونك
يبه شلونك ؟
وتمضي رحلة الدنيا ..
بليا طلَّة عيونك
لأجل هذا ..
وكل هذا ..
أقول اليوم يابوي :
ملل هالكون من دونك ..

مثلك بغيب وبجرح إغياب بـ غياب
مثلك بزيِّن سكة البعد بـ ورود
بصير والنسيان من بعدك أصحاب
وأمضى بها سجات وسهود ومهود
لا دمعة حمرا ولا كلمة عتاب
ولا ليالي غيبتك بالعمر سود
ماني مترجي رجعتك وأحتري الباب
ماني مدور حب حاضر ومفقود
أول أعذرك وأختلق لاجلك أسباب
وأقول غايب لكن الحب موجود ..
ياما رجيتك والرجا فيك كذاب
ياما عذرتك مالقا القلب مردود
ياما سترت دموع عيني بالأهداب
وصبرت جمر القلب بأحلام ووعود ..
أكسي غصون الصبر لعيونك ثياب
خضرا وقلبي متلفه حر صاهُود
كم ليلة شمع الأمل في يدي ذاب
وكم من نهار مرني ناحل العود
كم أحتري كفي كفوفك ولا ناب
كف الوله غير الشقا منك وصدود
واليوم تبت وبـ أجرح اغياب بـ غياب
مثلك بـ أزين سكة البُعد بـ ورووود

كان البحر أزرق
كان الشجر أخضر
وطبع الهوى .. حنين ..
من رقته ينباس .
والحب كنا دوم ..
نلقاه وسط القلب
نلقاه فـ الشارع
نلقاه فـ الكراس ,
حتى شوارعنا ..
كانت تعرف تحب
كانت .. حنان وقلب
كانت دفا .. واحساس
ياحليوه قوليلي ..
علام الديرة متغيره ..
علام الناس ..
غير الناس
يا حليوه .. شاللي صار ؟
كان البحر مالح
واحنا نذوقه .. عذب
كان الشتا قاسي ..
واحنا نحسه .. قلب
كانت سموم الصيف ..
كلما علينا تهب ..
نستطرب السامر
ونموله .. نسناس ..
بردك يجي نسناس ياسهيل بالجنوبي
بردك يجي نسناس
لا يدري البلاس دنق علي واجبك
لا يدري البلاس
ياحليوه قوليلي ..
علام الديره متغيره ؟
علام الناس ..
غير الناس ؟
ياكويت ياحبيّبه ..
قوليلي شاللي صار ؟
جرحك مهو خافي ..
آنا أحس نزفه
غنيته ياما سنين ..
وعيوني تعزفه
بس إنتي ..
كنتي دوم .. أكبر من أكبر من أحزانك
كان الربيع يذبل ..
وتخضر أغصانك .
وكان الزمن يحلى
كله على شانك ,
ويعتقك خمره
ويقطرك ف الكاس
ونطرزك ف القلب
ونرددك أنفاس
ولو تجرحك نسمه
قلوبنا صاحت ..
وتقولك : لا باس .
ولا تحزن الديره ..
ولا تنكسر .. هالناس ..

إنتي نامي..
مو مهم إنِّك رميتي..
قبل شوي جمرك
بين جفون العين ..
وبغفوة منامي
نامي
لايهمك إن قلبي ..
كان قبل شوي في مرمى سهامك
وكان حبك متقي..
ضربة سهامي
لا يهمك لو يموت قلبي
على سدرة أمانك
وفرحتي..
وهديل حمامي
لايهمك صبحي المذبوح
واحزاني
وظلامي
إنتي نامي..
لايهمك مُر بمراية كلامي
لاعتب قلبي عليك
لا ولا حنظل ملامي
نامي ..
بسم الله على حلمك
من اشواك الأرق
ومن عطش صحرا الورق
ومن ألم فالقلب دامي ..
نامي ..ياللي..
من كتبت اسمك..محيت..
من نخيل الذاكره..
كل الأسامي
ومن رسمتك غيم في عمري وانا..
بموت..ظامي
نامي..
لا يصحّي غفوتك
صوت الضمير
أو تقولي حزني منك
ولاّ من قاسي كلامك
لا ياعمري
ربَّ حزنٍ
يقتل ابن آدم كذا..
من غير رامي
نامي..
انتي ليلك ..
يابعد عمري قصير
أما ليلي..
في مدى عيني امتنامي
يمدي لو بنام باكر
ولابعده
ولا لما اطوي آخر
صفحه
في قصة هيامي..
المهم إن انتي نامي
تحْرسك ملايكة شوقي
وغرامي
يحْرسك..
قلبي اللي لك..
يعلن وفاه
كل مااعلنت انهزامي
وإنتي..
إنتي نامي..

مثل هاللحظة قبل إسبوع :
كان قلب الفرح يوقد
لقلبي .. شموع ..
وإنتي كنتي..
في حضني
وكان يحضن مزن وصلك
ظامي لهفتي ...
وضلوع..
ونورك كان....
يمسح عن سما عمري..
كل ما شافته قبلك ..
من ليل
وشتا
ودموع..
وإيدينك مثل نهرين...
وأنا كنت....
بين نهرين
مثل نبتة عطش خرسا ..
كان حبل الرجا...
ما بينها .. وبين الحياة
مقطوع
مثل هاللحظة قبل إسبوع :
كان عطرك..
يسافر في شراييني
وأشجار الحكي تورق
وتتناسل في عروق الليل
نجمة حب...
وفي بر الونس...
ينبوع
عطرك كان..
غريب ويشبهك بالحيل
فاتن ..
حالم ..
ودافي
وصوته هادي ومسموع
وأنفاسك ..
كانت لاهية تعلِّم
فاتحة الشذى للورد ..
وتعلم زهرة الليمون ..
تتهجا كلام الحب
وكيف تحاور الممنوع ..
وكانت بسمتك تهدي
لعيون القمر
.. شباك
ول موج التعب
.. مينا
وعيديات للأطفال
وسنابل من رضا ..
للجوع
مثل هاللحظة قبل إسبوع :
قبل ما تجين ..
كنت اذبل
ويشربني الجفاف..
وكان ..
في قلبي الفرح موجوع
وجيتيني ..
معاك الصبح
مليتي دنيتي بالنور ..
غسلتيني مثل هتان
فتحتي للأمل بيبان ..
وطمنتي ..
حمام في ذرى قلبي..
حزين..
وخايف..
ومفجوع
غمرتيني بحنانك لين ,
خليتي الفرح يشعل
لقلبي شموع
مثل
هاللحظة
قبل
إسبوع ..

تصدقين ؟
البارحة إشتقت لك
البارحة ..
كلي شجر /
وأورقت لك
البارحة ..
أنا امتليت ..
من شمس وجهك والحنين
وأشرقت لك
البارحة
كنتي السوالف كلها
وكنتي البها ..
وعيونك الليل الطويل ..
وكل ما إشتهي
وكنتي الحديث العذب
اللي أعيده ..
وابتديه ،
كل ما انتهي
البارحة ..
مليتي روحي بالحياة
كانت عيونك دنيتي
وكل الجهات
كنتي اختصار ..
احلى الأغاني كلها
وكل البنات
واشتقت لك
صرت أنا ظلك شجر
وأورقت لك ,
حبيبتي ..
ليتك تجين
كل ليلة حلم
مثل ما جيتي البارحة
مثل ما كنتي البارحة ..
البارحة ..
كنتي فيني
احتضان الأزرق لكل السواحل
والطيور
كنتي أعشاب البحر
كنتي المراكب
الميناء ..
المناديل اللي تلوح
ف الغياب ,
وف الحضور
وكان في حضنك نوارس
وكان ف عيوني غرق ..
كنت
أمد حبال ل شراع بيدينك
وأمول
ألقى كل الماي
في صدري شعور
البارحة ..
كنتي في بالي بخور
كنتي في عيني أماني
وكنتي أنتي ..
ف الشفاه الذابلة
ف الصمت
عرس
يباب وأغاني ..
الله يالبارح
كثييير إشتقت لك
وصرت ب غيابك
شجر
وأورقت لك ..
وإمتلت روحي سوى
واشرقت لك ..

كل البنات اللي قبل ..
كانوا ذنوب ،
وحبّك الطاهر نزل
[ توبة هوى ]
تمسح ندم كل الذنوب ..
حُبك يخليني أتوب
كل العيون اللي زمان
كانت سراب ..
وعيونك إهي فجرت ..
أروع ينابيع العمر
بصدر العطش
كل الدروب ..
وأغلب مشاوير السفر
كذبة خيال
و إنتي اللي خليتي العمر ..،
يرقص على صدر المُحال
لغيتي تاريخ الحزن ..
بأحلى أبتسامه للأمل
وفى عمري الضامي دفا ..
صرتي الدفا
وفى قلبى النازف غدر ..
صرتي الوفا
كل الوفا
وفى برّي الضامي مطر
صرتي ربيع ..
أكبر من اوهام [ الجدب ]
وماكو سبب
ماكو سبب
يوم ماهواك ..،
فى صفحة أيامي إنكتب
كل شى قدر ..
كل شى قدر
أُهو القدر ..،
خلاني فى باب الزمن ..
أصرخ ..
وأقول ..
ولك أعترف :
من قبلك أيامى ضيااااع ..
كانت هدر
من قبلك سنينى تصير ،
غربة سفر
من غير سفر
من قبلك ..
أحلامي ليالي لل حزن
وماكنت أعرف :
إنّه معاك يولد قمر
يولد عمر
ويموت عمر
وكل شى قدر ..

من يوم ما تفارقنا ..
رحت وضحكتي عندك
عساك مثلي ؟
نسيتي ضحكتك عندي
عساك مثلي
من يوم ما تفارقنا ..
تغبيتي وسط صدرك ،
تلحفتي بهدب عينك
صكيتي الستاير زين
وحبستي أدفى أنفاسك ..
لا تاخذه آه ..
ولا تودّي
طمّنيني ..
عساك مثلي ؟
كل ما جابوا لي طرياك
يصحى عرس في صدري
وندا سامر ..
و غيمه لونها وردي
وكل ما أسمع إغنيتك ..
أغيب بعيييييد ..
وأعيد أيام عشناها ،
يوم .. ب يوم
وتموّل قصايد من دفا وجدي
عسى باقي ..
من ذاك العمر وياك ،
لو لحظه ..
عندك ترفض تعدّي ؟
عساك مثلي ؟
كل ما قلت راح أنساك
كل وردة وله فيني ..
تعطر فيك و .. تندّي
طمّنيني ..
عسى كل العمر ماضي ؟
عسى كل الفرح ودّع ؟
عسى كل السما شبرين ؟
و عسى كل الشعر عندك ..
ما يظلل أصابع لهفتك
بعدي
عساك مثلي ؟
كل ما أسأل عيوني
عن عيونك ..
وليلي عن ضوا صوتك ..
أو خوفي عن إيدينك
أبكي ،
من
حزن رّدي ...

أنا نفس المُظلم اللي ..
من عرفتك ،
عيّت الشمس بضلوعي ..
لاتنام
وأنا نفس العاشق اللي ..
من تهجيتك بصمتي ..
إنولد فوق الشفايف ،
صبح ..
و غدران ..
وحمام
من لمستك ..
أزهرت في عيني قمره ،
وسافر بنبضي ..
سلام
وأنا نفس اليابس اللي ..
يوم حبّك ..
صار أحلى
صار أجمل ..
وإمتلت كفّه نوارس ..
وإمتلى دربه غمام
وأنا نفس المغرم اللي ..
عام حبك..
يحتفل به كل ليله..
حتى لايضوي الظلام
ف أربعتعش فبراير..
إعذريني ..
لو ما أقول إني أحبك
خوفي ..
لا يضيع صوتي الليله ..،
في وسط الزحام
إعذريني ..
لو ماجيتك ..،
بيدي ورده ..
أو بطاقه
أو قصيده ..
لا تصحّين الملام
ف أربعتعش فبراير..
بيذبل بقلبي الكلام
وبنسى ليلتها : أحبك
وأنسى : أحتاج لدفاك..
وبنسى أسولف ليّ عنّك
قبل أنام
وآتذكّر ..
إني ذاك العاشق اللي ..
يوم حبّك ،
يحتفل به كل ليله..
حتى لا يبرق ظلام

إجرحيني ..
بس عشان ..
ماتجرحيني
صدقيني ..
لوغفرتي ؟
تجرحيني ، مرتين
إجرحيني ..
إخذي ثارك ،
خلّي ضلوعي حطب
تحترق في وسط نارك
إهجريني ..
عذبيني
ومهما سوّيتي بعد ..
أنا راضي في قرارك
أعترف :
كلّي ندم ..
أنا بادي بالأسيّه ..
أنا أهديتك ، ألم ..
شمس سودا ..
جرح حق قلبك هديه
أنا أهديتك بعد ..
كل عنادي
كل رمادي ..،
كل سوادي ..
كل زهوري اليابسه..،
وإنتي طريه
أنا بادي بالأسيه
رحمتك ؟ - لا ترحميني
مهما يترجى القلم ..
ما آتحمّل جرح عفوك ..
فوق تجريح الندم
إجرحيني..
لوغفرتي ،
تجرحيني مرتين ..

البارحه يوم إتصلتي ..
قلت لك : أنا أحبك
أو نسيت ..
مثل ما إنتي نسيتي؟
أو تركت البارحه صوتي ينام ،
وينطفي برمل السواحل ؟
لو صحيح قلت : أنا أحبك ..،
ليش أحس إن صوتي ذابل
ليش أصابع فرحتي
مالوّنت وجه النهار ؟
وخلت عيونه كواحل ؟
ليش ما إنشقّت ضلوعي ..،
وطار من بين الحنايا ..
برق وردي
وأمطرت هتان
وغرّق الصبح الأنامل؟
ليش ما إنولدت نجوم بليل قلبي ؟
وليش ماسال الورق..
عشب وجداول ؟
وليش ماذابت رسايل؟
ليش ماصار الغرام ..
ينبت بكل القلوب
عشب برّي
ومات عاذل؟
لو صحيح قلت : أنا أحبك ..،
ليش ماصارت ثيابي ياسمين؟
وصاروا ربعي طيبين ..
وصرت أنا أشبه مناديل الوداع..
وصاروا احبابي .. منازل؟
بذمتك ..
قلت : أنا أحبك ؟
البارحه يوم إتصلتي ..
قلت لك : أنا أحبك ؟
شي غريب ..
شاللي حاصل ؟
أنا لما اقول أحبك
ف العاده ..،
يملاني السحاب
ويسكن بصوتي نسيم
ونجمة سهيل .. وبلابل
يحتفل فيني الندى
ويغسلني
تصير كلماتي .. مشاعل
أنا لما أقول أحبك ..،
تصير حارتنا خزامى
وتزهر أحلام البنات
والأغاني تصير رومانس
والرغبه قارورة عطر
تحت الجدايل
أنا لما اقول أحبك ..،
أدري إني بخير وطيب
وروحي تشبه للسنابل
البارحه ماظنّتي ..
قلت لك : أنا أحبك
إتصلي الليله ياعمري ..،
إتصلي الليله ..
بحاول ..

شنهو آخر هالمشاعر ؟
فـ النهايه ..،
كل واحد فينا بيروح بطريق
ويبدا ليل وماله آخر
بينكسر فيك النهار
وينذبح في قلبي ..،
شاعر
فـ النهايه ..
بفتح عيوني في يوم ..
وما القا بعيوني .. عيونك
لا حنينك ..
لادفا ايدينك ..
ولا ..
وجهك
ولا حتى بيبقى فيني شي ..
منك
إلا ذكرى ..
تشعل الثلج وتكابر
مافيه شي بيبقى فينا من هوانا ..
لا زعلنا
لا عتبنا
لا سهرنا
لا فرحنا ..
لا.. ولا ورد الجروح ..،
كله ياعمري بيروح
كنه ماكان عمره حاضر
شنهو آخر هالمشاعر ؟
شنهو آخر فرحتي ..
شنهو آخر دمعتك ..
شنهو آخر شوقي لك ..
شنهو آخر لهفتك ..
شنهو آخر هالقصيد ..
اللي في صدر الدفاتر ؟
آنا أدري ..
إنك أجمل من فتنّي ..
وإنك أغلى ..حب سكنّي ،
إنتي خليتي غصوني الصفرا ..
تشرب ..
من حلى ماك .. وتغنّي ..
و آنا أدري ..
إنك إنتي .. شي مني ..
شي يسوى الروح ..،
طااااهر
بس قولي ..
شنهو آخر هالمشاعر ؟
لا أمل عايش معانا ..
لا رجاوي ..
لاصبر ..
والياس صابر
آنا وانتي نجمتين ،
مهما تجمعنا سما..
وليل ساهر
لكن الصبح بيجي ..
وبيفرقنا أكيد ،
ويمحي اللي كان ظاهر
آنا وإنتي وردتين ..
لو تسامينا ..،
عطر ..
لكن المجد للخناجر
آنا وإنتي موجتين ..،
ضد تيار القبيله
ضد أبو جهل وقريش
ضد دمعه ف المحاجر
آنا وإنتي ..
شراع سفينه
والرياح..
تنهى وتامر
آنا وإنتي ..
نؤمن إن الحب صلاه
في زمن بالحب .. كافر
آنا وإنتي ..
ندري لازم نفترق ..
كان مهو اليوم ..؟ - باكر
حنا ندري ..
بتنجرح فينا الخواطر
وف النهايه..
بينكسر فيك النهار..
وينذبح في قلبي..
شاعر !

إضحكي..
ويطيح من خيل الحزن..
حَرْبَه..
وفارس.
أضحكي..
البحر لك يلبس
الثياب الزرق
وتزغرد نوارس
والشجر يرجعله لونه
حتى لوكان الغصن ذابل..
ويابس
إضحكي..
تطلع أقمار ونجوم..
ويبتسم وجه النهار..
بليل دامس.
أضحكي..
تصبح الأيام أجمل..
والصباح يصير أطول..
والأمل يزهر في يائس.
إضحكي..
خلّي قلبي..
فيك يلامس..
صبح قلبك..
والندى..
وعطر الملابس.
إضحكي خلّي الربيع
يحتفل..
يملى كفوفي..ورد..
وامطار ..
ومحابس
إضحكي خلّي الحياه..
تصبح أروع
والفضا بالحب ..أوسع..
واللغه تصبح نديّه..
والكلام يصير حمام..
والسلام .. يصير حارس
إضحكي..
الطيور..تلقى سكن
والغريب.. يلقى وطن
والفرح يملا الشوارع
يجني اللي في شفافك
كان غارس.
إضحكي..
تنولد فينا البراءه
نرجع أطفال من جديد
وكل يوم بضحكتك..
يبتسم بقلوبنا
ويصير عيد.
ونلبس ثيابنا الجديده
وينشرح ف البال هاجس.
إضحكي..
إنتي أحلى من ضحك
وانتي أجمل
من يخلّي بضحكته
حَرّ الرياض
يصير نسيم ..
وظل هامس ..

وتقولين.. نسيتيها..
كانت ذكرى عاديّه
نسيتيها؟
نسيتي شلون ..يوم جيتي..
قبل ماتجين..بشويه؟
جيتي حلم
سألنا شيخ
قال:هالحلم تفسيره..
لي واضح
باكر راح..تجيكم بنت
فرحت وقلت:
عساها فالنا الطيّب
ولحظتنا النداويه
... سكتّي شوي وقلتيلي:
تصدق عاد..
..نفس الحلم..أنا شفته
قبل لا نلتقي بسْنين
وقالوا:.... هذي ماريّه
قلت شلون؟
قالوا بكره بتعرفين.
لما الشمس..
تاخذ وجهها بنيّه
حتى أذكرك قلتي .. هذاك اليوم..
إذا حنا تزوّجنا..
وجتنا بنت
نسمّي البنت... ماريّه .
ضحكنا حيل ليلتها..
وليلتها..
كانت واقفه الساعه
على ثنتين ونص.. شمعه..
في ذيك الزاويه البيضا..
مابين النيّه ..والنيّه
نسيتي الحلم
ونسيتي بنتنا اللي ما.. بعد شفناها:
ماريّه
نسيتي حلمنا اللي من قبل لانلتقي..
شفناه..
وسمّيناه..
ولبّسناه.. بيدينا..
ملامح وجهه..
ثوب العيد..
وحطينا بمخابي الثوب..
قصيد.. وصبح..
وعيديه
نسيتي شلون... ماريّه ؟
قعدنا حنا طول الليل
نرسم لون شفايفها
طريقة لفظها لل.... سين
ومشْيتها..
ولا جينا نصحّيها..
تروح للمدرسه..
وحتى..
أنا ويّاك ..تخيّلنا..
شلون بيكون: مريول الثانويّه
نسيتي شلون.. ماريّه ؟
نسيتي شلون ..إن إنتي ..
كنتي الحلم
واللي من قبل لاتجين
حلمنا فيه
وفسرناه
وعزّ الصيف.. كان بيديْنا..
وسميّه
شلون ماريه صارت بين..
لحظه..ولحظه..
منسيّه؟
وذكرى تافهه بالحيل..
وعاديّه؟

أنا عندي.. سر صغير
لو سمحتيلي..بقوله
أنا من فتره أحس
شي غامض يملى صدري
ينثر النعناع فيه
والقناديل ب حقوله
شي يخليني أسولف
فيك..
ويورق النهار
من بعَد موسم ذبوله
شي يخلّيني أصابع .. من حبر
ويملى أوراقي شعِر
والفرح يصير حبيب
والقمر يصير قريب ..حيل..
وايديني تطوله
شي غامض..
يحتويني
يشعل شموع بحنيني
يرسم اشجار ونوارس
فوق سواحل..في جبيني
تنطرك مع كل موجه
ولك أبد
تشتاق وتوله
كل يوم أفتح بريدي
وأتخيل لون عيدي
أحلم بغيمه تجيني
ولاّ كلمه ..خضرا
عذرا..
من بريدك
وأَنكِسِِر لو هو تأخر
يوم بريدك
في وصوله
ولما أشوف رساله منك
يفرح القلب ويهلّي
بالهوى.. وطلة رسوله
كل رساله ..
من بريدك
تنثر السكّر في كفي
وتحيي في عمري الطفوله
ترسم أبواب ودرايش
في فضا الليل ..وتخلّي..
الصباح دايم ينوّخ
في مدى روحي ذلوله
أنا عندي سرّ صغير
من عرفتك
مدري شنهو
وماني عارف ..
كيف أقوله

تسمي غيبتك غيبه ،وأسميها ذهاب الروح
تسمّي هالجفا هذا دلع واثْر الدلع قتّال
مهو كل البطا يزهر على طول المدى: مسموح!
ولا كل الأماني لو تصبّرنا وسيعة بال
ولا كل الشقا هيّن،ولا كل الخطا مدموح
ولا كل شَرّ به خِيْره،ولا كل جرْح طيّب فال
تظن المسألة ،وقفة خواطر بيننا وتروح
واظن اللي حصل ما بيننا هذا يسمّى: هْبال!
جَرَحنا فالسما نجمه يا دوبك تبتدي بالبوح
قتلنا صوت فرحتنا وهو توّه بعد ما قال
قبل ما نعْرف نغَني،تعلّمنا شجون النوح
وغنّينا الحزن ياما ،وردّدنا الألم موّال
قبل ما نغري اطيور الفضا،ونغري حمام الدوح
حَرَقنا اشجارنا وطحنا على الرمضا بليّا ظلال
تغشّانا الظلام وما لقينا في رجانا ضوح
ظمينا ما شربنا إلا زلالٍ من سراب اللال!
تفارقنا قبل ندري من الجارح؟! من المجروح؟!
سرى ضيف الغلا حتى قبل لا يشرب الفنجال !
أنا ادري ما لنا غير ما كتب ربي لنا باللوح
وأنا في قسمته راضي،له الدبره على كل حال