نايف صقر

وهو من أبراز شعراء جيل الثمانينيات طوع القصيدة بجميع ما تحمل من كم هائل بالمفرادات الشعرية على حسب ما تشتهي ذائقته هو ليبحر معه جمهوره إلى جمرة التفرد الإبداعي التي صحاها من خلال مخزون كامل من التجديد والتألق بمستوى شاعر من الطراز النادر.
هو الإسم الصعب الذي أنتهج لنفسه خطاً مغايراً عن أبناء جيلة ليحلق كالصقر في فضاءات أوسع لم يستطع لرحاب نفسه أن يتسع له ويمشي بخطوات ثابتة نحو القمه
التي كانت تنتظره بفارغ الصبر
http://www.aljareeda.com/AlJarida/Resources/ArticlesPictures/2008/08/22/74690_naif-saqer_small.jpg

يقولون الشعر وصل القلم والصفحه الطرقى
وانا اقول الشعر قدح الخيال ونـار صوانـه
حبيبي والبحر سور التراب ودفتـر الغرقـى
لو اني ماكتبتـك لامنـي ملحـه ومرجانـه
حبيبي لاهمت حبر العروق الغيمـه الزرقـا
على رمل الورق دمي سحاب هـل هتانـه
حبيبي كل ماذعذع جفاك وناحـت الورقـى
يتل البال قلبي واهـدي السجـات جنحانـه
حبيبي وانت مرقاب الشجون وهاجس المرقى
ترى كلٍ يموت الا الوفـي بعيـون خلانـه
حبيبي والجروح اللي سببهـا ليلـة الفرقـا
ضما يدها الوصال اليا ظما المحروم حرمانه
حبيبي لو يسامحك البحر وتبيحـك الغرقـى
أنا ما اسامحك لو لامني ملحـه ومرجانـه

القلب عود يفوح والطيب مـن مكسـره
تحته من الجمر مايوقد سكات الرمـاد
والعين مغرورقـه بالدمـع ومبعثـره
بين الصور والرسايل والدجا والسهـاد
حنـا اليـا حسبنـا مازرعنـا الـذره
قل للعصافيـر تتركنـا وقـل للجـراد
البارحه جف في غصن المـلام ثمـره
عقب البياض انكسر ضلعه وسال السواد
والناس خلان قبل الريـش والمحبـره
شعوب وفخوذ واحباب وصباح وهجـاد
هذا الجمل لو سنامه سامك فـظهـره
ماله عزوم يقوم بهـا ولا لـه شـداد
ياذيب عيد علـى قلبـه وفـج نحـره
دامه رغى عقب هدراته وشـم الحمـاد
تمخض الوكر والقرناس عـن حمـره
في راس قشعه لعب فيها الظما والنفـاد
يوم النحاس انصدع لونه وذاب أصفـره
غنيت للسنبله كـل اغنيـات الحصـاد
مايدفي الا الوبـر والوصـل والمقـدره
لازاد شوك الشتا في راحتـك والفـؤاد
ولاصار ما لك اليا منك ركضت اغبـره
شوري عليك اترك البيدا .. وكب الطراد

صاحبـي عذبتـنـي صاحـبـي وريتـنـي
في لقا ساعه بعض حلـم وسنيـنٍ قادمـه
ياحبيبـي كـان ماسميتنـي .. سميتـنـي
ليت روحي منك ياعـذب المـوادع سالمـه
جيتنـي لـولا الليالـي جابتـك ماجيتـنـي
والليالي جابتك مثل القدر كل الظروف تسالمه
آه ماخليتنـي ثــم رحــت ماخليتـنـي
في دروب طوال مهزمـه معـاك وهازمـه
كن في عينك مـن العشـره اليـا باريتنـي
شي اقل من الحيا بعيون ضيـف وعازمـه
ليتنـي لاجابـو اسمـك ياحبيبـي ليتـنـي
تشرب الذكري بعض عيني وعينـي حازمـه
انـت لودليتـنـي فـرقـاك .. مادليتـنـي
دام حبـك فـي جبيـن الليالـي واسـمـه
لك بكي جرحي قصيدي وانـا مـا أبكيتنـي
آه ياحـر الوجـع فـي النفـوس الجازمـه

الموت حظ القلـم والمجـد للدفتـر
حبر القلم غلطتي وايامـي اوراقـي
الخوف يجتاحني وجه الطريق أسمر
راح اكثر العمر ياخوفي على الباقـي
ياجرح رافقتنـي للنـاس لاتظهـر
وان عشت في نظرتي مامت باعماقي
ياصوت لاتلتحف صمتي ولاتصبـر
قل ماتبي واترك الهقوه على الهاقي
والخطوه اللي عن آخر سكتي تقصر
ماهيب من طبع رجلينـي ولاساقـي
مانيب من عاش لايربح ولا يخسـر
ولاهو ضرري تكون أفعالي أخلاقـي
ثراي ماينشد الغيمـه متـى تمطـر
مادامها في سماي تحـن لاغراقـي
رح وين ماتشتهي رح قـد ماتقـدر
أنا اول الناس في قلبك وانا الباقـي
يكفيني انك تعذبنـي وانـا اتفجـر
قصايـدٍ تنتظرهـا كـل عشـاقـي
وانا قصيدي يجي مختارني مهجـر
وأنبت عشانه نخل وسنيني الساقـي

تمرك كن عاتقها غريمك وتخضع لك عيـن
واعز رموشها لاعـاودت ترعـاك وتذلـه
تبيك تحس فيها لارنت لك ياوعـل يبريـن
ولكنك خلي والربع الخالي وانت خـال لـه
جفول لاهدت يسلى بها الديـان راع الديـن
واذا مالت يميل لها البعيـد ويعتـدل ظلـه
تخاف من ختول وقبسة البـارود والسكيـن
وتسلم من عطيب الرمي والرماي فاطن لـه
تباري راعي البندق وتحت ضلوعها قلبيـن
تحت صدرين ضلع من فرار وضلع من ذله
يلاعبها الحبل وتلاعبه بالحبـل والحبليـن
محبتها((مراجـيـح الطفل))وفوادهـا:دلـه
يراودها السدر عن فيته ويشمها النسريـن
لو ان العـرق ماينبـت رياحينـه ولا فلـه
وكن الطلح في قرونك تخشب والشجر قرنين
وليتك ياوعل قرن الهزيـل تعـف وتزلـه

صليت شفعي ولا سجيت عن وتـري
ومن الوله فاضت أنفاسي على ثيابـي
قلت اكتب الحب واقطع حيرتي وأسري
لين أصل الصبح وأشرف على غيابي
حبيبتي ما بعدك أحباب فـي صـدري
واللى قبل لا أعرفك خليهـم أحبابـي
كان المحبه خطـاي اتقبلـي عـذري
الحـب سكـه لعينـك دلـت أركابـي
الحب قبلك دجـى وسهـاد يافجـري
لو قبلك أقمار فـي ظلمـاي وكتابـي
أفداك وأفدى ليالي رمشـك الخـدري
اللي إذا همـت فـي نجـلاك حيابـي
وأحن لك ماخفق ريش وسجع قمـري
وأشتاق لك ماحزنت وماضحك نابـي
حبيبتي مالك جـروح وأقـول أبـري
ولا لك ادموع في شكـواي وأهدابـي
ياما دقايق وصالـك طولـت عمـري
وياما الشتا في يديني من يدك ذابـي
عقب الظما كنك الما في عطش تغري
والفيـه البـارده لخطـاي وأتعابـي
عنك أسألوني رفاقي وأحرثوا حبـري
وأنا اللي أخفيك بين رضاي واعتابي
مابي عن الحب حساد الهوى تـدري
لو كان هم من هلي وإلا من أصحابي
سألت عنك الرياض ورددت حضـري
ولديت يم الفيـاض وقالـت اعرابـي
قلت أكتبك ونخلي مايل علـى تمـري
وأقريه موزون من صنعي وهندامـي

يابير طيك طـي واعماقـك اعمـاق
.................ويعيش بك داب وحمامه وعصفـور
فاضت عيونك ماك وابتلـت احـداق
................وتنهـدت منـك محالـه النـاعـور
يوم انبطت روحك سجدتـي لخـلاق
...............وعقب ارتفع جمك ضحكتي مع النور
ويوم انهمر دمعك خضعتي على ساق
.............ويوم انكسر حجلك زعلتي على الحور
ياما بـك الرمـان زهـر فـالاوراق
.............لين اكتنز في حلـق نحلـه ودبـور
وياكم وردك وصدرك ضيـن ونيـاق
...........وياكم بهج جمـك بعاريـن وصـدور
وياما رطب نخلك تعسـل فالاريـاق
.............وياما طحين ارضك تقسم على الدور
وياما وهبتي جـل وافنيتـي ادقـاق
............وياما هماجك حل في الخصب والبور
شفتك وانا قلبي على صلدك ارقـاق
............وحسيت في حنجرتي عظام وكسـور

كلّك تعالي غلا .. والا ارجعي كلّـك
بعض الغلا منك ما يستاهـل الجيّـه
طالت وانا في رجا ليتك .. وياعلـك
أوراق بالذاكره .. واوراق منسيّـه
ما بل ثوبك مطر شوقـي ولا بلّـك
لوعلّتك من سحاب الروح وسميّـه
ليه امشي الدرب دامه ما يوصّل لك
تخاف رمضا الضياع اقـدام رجليّـه
يا بنت تو الهوى ما صرت انا خلّك
للحين .. ما زالت الصوره رماديّـه
ومازال بعض الغموض الشره يحتلّك
وشلون انا اعشقك واحبك على النيّه
اشوفك هناك قدّامـي .. ولا ادلّـك
صعب الكتابه ليا صار الورق ميّـه
إن كان شمسك تساومني على ضلّك
ما عاد ابي منك لا شمس .. ولا فيّه
اما تعالـي لقلـبٍ فـز لـك كلّـك
والا اتركيني ما ابي لك بالهوى جيّه

سجد قلبي على رمل الضلوع وهـزه التنهيـد
وانا في جوفي خيام الندم والخوف منصوبـه
يارب افهق هلاكي والمنايـا والـدروب بعيـد
مـادام المودمانـي للتـراب تقـوده دروبـه
ياغياث الضوامي والثمـام وجرهـدي البيـد
اعذني من جهنم والحشر والمـوت وكروبـه
انا مانيـب لامشـرك ولافاسـق ولاعربيـد
انا اللي لاعصى واخطا تجهم واقلقـه ثوبـه
وانا اللي يرتجف مثل ارتجاف الخايف الرعديد
ليا شاف القبور الضيقـات وحـس بذنوبـه
انا عبدك ولد عبدك وجدانـي هـل التوحيـد
خطايـاي اخجلتنـي يالله الغفـران والتوبـه
انا الانسان حمال النقايـض والكمـد والكيـد
غريق الطين واللذات مـن راسـه لعرقوبـه
انا عبدك ياربي وانت تفعل ما تشـاء وتريـد
سالتك يالله العفـو العظيـم وهيـن دروبـه

يانية النسيان موتـي داخلـي غيـظ وظمـا
عليك من حبي لها في داخي موت وسيـاج
حبيبتي نجمه تغنت فـي ملامحهـا السمـا
حبيبتي صرخه على الوقت الرمادي واحتجاج
حبيبتي جمله عتب مزمن على شفـة عمـي
حبيبتي شوكى غصون الورد لأيام العجـاج
حبيبتي غصن اخضر .. لين على دربي نما
لو كسرتني في كفوف الوقت تكسير الزجاج
لعيونها كل الجروح استعذبت نـزف الدمـا
ولعيونها جفن السهر صارت له الدمعه مزاج
أسترجع الماضي واناديها تعالـي لـى كمـا
غيثٍ يبشر بالحيا سيله وسيعـات الفجـاج
والا تعالي لي مثل طيـفٍ تهـادى وارتمـى
داخل عيوني لو يسافر بين رمشي والحجاج
حتى تعيش الخطوه اللي رافقت درب الظمـا
وانا اجعلك للهامه اللي مانحنت للناس تـاج

صاحبي لاعـاد تشعبهـا مسافـه
وأنت تاركني على ورك المطيـه
لاتعرضنـا المضامـي والكلافـه
وارتحالات السـراب السرمديـه
إترك الـوادي وتغريبـة ضفافـه
للدفـوف وللحـون السامـريـه
العتب قد قلت لـك مانـي بخافـه
أنا اخاف اللي يقفي عـن خويـه
والشتا لاجاك في بـرده صلافـه
سامـر الموقـد وزر الفرملـيـه
والخريف إن حت في كفوفك جفافه
قابلـه بالحـب وعيونـك نديـه
قيس ليلى نبضة في صـدر قافـه
قد نقشهـا فالصخـور العامريـه
واصبحت ليلى الحقيقه والخرافـه
لاهي الدمعـه ولا العيـن الخليـه
لو كلامه مر ف رقبـة الزرافـه
ماتعجـرف بالطـروق العجرفيـه
بنتلاقى قبل الارض من الحسافـه
دامنـا خـلان وقلـوب غنـيـه

فكرت أعلق صورك..ومالت الفيه على جـدار
وتخاصمت ياحبيبـي كـل جدرانـي عليهـا
قلت أكسب أحلام غرفة بأختياري وأخسر الدار
ويكفي الدار يارجواي بـوح صـورك فيهـا
وأزهر فـالأسمنت حوذانة غرام وفـز نـوار
عقب أرتجف سقفها واركونها منهـا واليهـا
كن الصور ياحبيبي كلمـة فـشفـاه ثرثـار
اوكنها لاقريت الوانها وأبعادها وخطوط أيديها:
لهفة شرارة تشظت فأنفجار الطيـف والنـار
في عتمة لو سرت عنهـا الليالي..تحتريهـا
يفنى الدجى والفصول الأربعة وتجف الانهـار
ويبقى الندى في ورقهـا وفـثيـاب ترتديهـا
في صورتين..أبتسامتك يمين..وعينك يسـار
كأن أشافيـك تكـذب كذبـةٍ لـي وأفتريهـا
فيهـا سنينـك خمايـل ياسمينـك والجلنـار
ياللي فداياك عمـري وأمنياتـي لـو تبيهـا
وعيونك اللي تكحل بالدجى وتقـول الأشعـار
الله يخلـي هدبهـا لـي ويرحـم والدينـهـا
واحة نخل حولها كن السراب بحور وسـوار
من دونها ضيعة العاشق لـو أنـه مهتديهـا
وفـصورة مثل حبس الما بكف وحرث الأوتار
أو كنهـا سالفـة مـن منتهاهـا تبتديـهـا

نار الحطب صفرا وزفراتهـا زرق
يذكر بها الأخضر ليالـي جفافـه
لشموسها شبيت في سدرة الشرق
واطعمتها طلح الشجن والحسافـه
لعلي اكتب من لحون الدفا طـرق
والا اجمع التمر لمواسـم خرافـه
والشاعر اللي يجهل النوح والورق
يغيب عـن بـال التباريـح قافـه
الشعر انا حادي مجاهيمه الـزرق
اللي تـرزم لـي حنيـن ولطافـه
بيني وبين اللي يغنون بـه فـرق
لاني اشقي بـه واحبـه واخافـه
والمزنه اللي شافي قطنها البـرق
سالت ونسيتها الرعـود ارتجافـه

ياحبيبي والبكا .. هـم المحاجـر
بالدمـوع ابـرد مناديلـي كويتـه
آه من صوت ترك كـل الحناجـر
وانتثر في دفتري شعـر وقريتـه
صاحبك لين حشا والحسن فاجـر
من لمحته قلت جاك اللـي بغيتـه
من غرامك في غلاك ارحل واهاجر
وان ضواني ليل من يمك سريتـه
لاتزيد طعوني أوجعـت الخناجـر
مابقـي عـرقٍ بقلبـي ماثنيتـه
لو عيوني غيم واهدابـك محاجـر
ماظما رمشك تحـت دمـعٍ بكيتـه

القلب عود يفوح والطيب مـن مكسـره
تحته من الجمر مايوقد سكـات الرمـاد
والعيـن مغرورقـه بالدمـع ومبعثـره
بين الصور والرسايل والدجا والسهـاد
حنـا اليـا حسبنـا مازرعنـا الـذره
قـل للعصافيـر تتركنـا وقـل للجـراد
البارحه جف في غصن المـلام ثمـره
عقب البياض انكسر ضلعه وسال السواد
والناس خلان قبل الريـش والمحبـره
شعوب وفخوذ واحباب وصباح وهجـاد
هذا الجمل لو سنامه سامـك فـظهـره
ماله عزوم يقـوم بهـا ولا لـه شـداد
ياذيب عيد علـى قلبـه وفـج نحـره
دامه رغى عقب هدراته وشـم الحمـاد
تمخض الوكر والقرنـاس عـن حمـره
في راس قشعه لعب فيها الظما والنفـاد
يوم النحاس انصدع لونه وذاب أصفره
غنيت للسنبله كـل اغنيـات الحصـاد
مايدفي الا الوبـر والوصـل والمقـدره
لازاد شوك الشتا في راحتـك والفـؤاد
ولاصار ما لك اليا منك ركضت اغبـره
شوري عليك اترك البيدا .. وكب الطراد

خلص كل الكلام ولابقي غير القصيـد اعتـاب
نشف وجه الجراح ولابقي غير السهـر راحـه
سلامـاتٍ تطولـك لاتجينـي خايـفٍ مرتـاب
ترى لك وحشه مثل الظلام ان مـات مصباحـه
ترى لعيوني اكثر من صديق وللخفوق احبـاب
اشوفك تختصرهم في خفوقـي يـااول جراحـه
على هونك .. ترفق ياشتـاي البـارد الكـاذب
تراها.. قفلتين .. الطعنتيـن ان قلـت ذباحـه
بشوفك .. بلمحك .. بتذكرك لاغابـو الغيـاب
وأبا اصرخ من حشاي ورحله الغفران تفاحـه
ألا ياكبرهـا وانتـى وانـا واثنينـا الاغـراب
على قلب خساير غيرتـه فـي ذمـه ارباحـه
رهنت لغيبتـك ظـلٍ نحيـل ودمعتيـن وبـاب
علـى قلبـي قفلتـه والوفـا همـه ومفتاحـه
تفضل نعمه النسيان ما ابغي لاابتعدت اصحـاب
عطاياك القديمـه والجديـد اليـاس وارماحـه
بقي طيفٍ باحرسه في عيوني لك عليه اهـداب
ولانـي حاجبـه ياوجهتـه لاهـداك مرواحـه
خلص كل الكلام اهديت لك لون الوداع واخضاب
مهر كفٍ دفاها مـن عـذاب مصافحـي راحـه

ليت لي ذود يـدك البيـد واحدالـه لحالـه
كان ماوالله علي خلاف فـي نجـد العذيـه
جفت اقلام الغرام وطـول المحبـوب بالـه
والله اني ماهقيت ان الغضي يقسـي عليـه
وش خطاي الا المحبه وش رجاي الا وصاله
وش يبي غير المـوده والغـلا والمقدريـه
دللوه اللي ربوه صغير واسرف بـي دلالـه
ليت لي قلب يطيق الصبـر وعيـون خليـه
والغضي لو لاعه التحنـان وبقلبـه عدالـه
ماغذت من دونه القيعـان جـردٍ جرهديـه
وان تشره قايد الغزلان مالـه بـي جمالـه
لعنبو من خان خلانه وجنـب عـن خويـه
عن جنوبه والوله والشرق يغنينـي شمالـه
صد ياقلب الجفـا لاصـد وضـاح الثنيـه
ماانت ياالخفاق عبد له ولا انت اصغر عياله
انت خفاق الضلوع العوج والخيـره خفيـه

صاحبـي عذبتنـي صاحـبـي وريتـنـي
في لقا ساعه بعـض حلـم وسنيـنٍ قادمـه
ياحبيبـي كـان ماسميتنـي .. سميتـنـي
ليت روحي منك ياعـذب المـوادع سالمـه
جيتنـي لـولا الليالـي جابتـك ماجيتـنـي
والليالي جابتك مثل القدر كل الظروف تسالمه
آه ماخليتنـي ثــم رحــت ماخليتـنـي
في دروب طـوال مهزمـه معـاك وهازمـه
كن في عينك مـن العشـره اليـا باريتنـي
شي اقل من الحيا بعيون ضيـف وعازمـه
ليتنـي لاجابـو اسمـك ياحبيبـي ليتـنـي
تشرب الذكري بعض عيني وعيني حازمـه
انـت لودليتـنـي فـرقـاك .. مادليتـنـي
دام حبـك فـي جبيـن الليالـي واسـمـه
لك بكي جرحي قصيدي وانـا مـا أبكيتنـي
آه ياحـر الوجـع فـي النفـوس الجازمـه

القلب كـل ارباعـه خلـي وعـروق
يقـرا بـه الظامـي قصيـدة سرابـه
للريح في رمـل التباريـح محـروق
وتلعب خماسيـن الولـه فـي ترابـه
ومع القلم هات ابيض الطرس ياصفوق
راعي الهوى ماجابنا.. الوقـت جابـه
لو من حـل حكايـة الشهـد مخلـوق
ماكـرم الله العسـل فــي كتـابـه
لو للسحايب ياطويـل الهـدب سـوق
شريت لـك بـرقٍ رهيـف وسحابـه
هتانها ياصاحبـي لـو هطـل فـوق
اخضرت اطراف السمـا مـن عتابـه
شاعر عيونك لاكتـب فيـك طـاروق
تختـال اساريـر الزهـر فـي ثيابـه
والفرقا ماتنبـت بختـري ورقـروق
ولاتشرح الصـدر الحزيـن الربابـه
وكان انكرت صوتي وتوديهي النـوق
بامـوت مـن قـل الوفـا والصبابـه
باسباب ما اعاني من الوجد والشـوق
إن غبت .. اجروحك بقلبـي تشابـه

خيره فالزين والزين حتى إنه يحـار
لين تدهاه الروابـع ويشقـى بينهـا
اه من كثر الأماني ومن قـل العمـار
لا تكاثر بـك عناهـا وزلـك لينهـا
كسر اليم المراكب وغرقت .. والمحار
ذب داناته على خد الأرض وعينهـا
مابقى في لجة التيه شـط ولا فنـار
للمراكب وأشرعتها وحمـل سنينهـا
البحر في صدره أهات وديار عمـار
لا إلتطم تكبر جروحه علـى سكينهـا
قلت له وأنا أتعرف زراقه والخضـار
والشفق سايل عن يسارها ويمينهـا
يابحر كثر الزعانف ودهشات الصغار
حب لي وجناتهـا يالبحـر وايدينهـا

من سريتك عرفت ان الظلام
خيمه سهيل وديـار الجـدي
ليلة البرد ما ادفانـي الثمـام
وصلك انت الدفـا ياسيـدي
جيت مقبل تهـادى والغـرام
ينتهي فـي هدبـك ويبتـدي
عطرك اقبل ونم بك الحمـام
ياهلا فيك والقـاع احمـدي
لايمي في مطر تغـرك يـلام
عاذلي فيـك للفـال الـردي
ودي ارقد على ذراعك وانام
وانت تحكي ويدك في يـدي
وان غشاني من انفاسك غمام
ازهر العشب في كل جسـدي
وان سقيت الحشا برد السلام
ماشكاك الظما غصـنٍ نـدي
وان ضحك لي هدبك المستهام
طاب لي كل قـاعٍ جرهـدي
القصايد عن وصوفك صيـام
عذرها إنك جمـال سرمـدي
وصفك ارضٍ بها خيل الكلام
ملت الركض واتعبها العـدي
من كتبتك عرفت ان الظـلام
خيمه سهيل وديـار الجـدي

الأحمر زهرة الرمّان واحساس الخجل والـدّم
والأصفر للجفاف وللعطش والنـار والغيـره
والأخضر للمحبه والسلام ومهجـة المغـرمّ
والأبيض للحمام وللغمـام وبيـض ازاهيـره
والأسود لليالي والكحـل والغامـض المبهـمّ
والازرق للسما والبحر وأسفاره وأساطيـره
والأرمد.. للرماد.. وللحياد.. وجاره الأدهـمّ
لدخان.. للغموض.. وللحصان وعجّ أحافيره
وبين الأحمر النافر والأصفر.. برتقال.. تـم
كماله فالشفق والا ..الجمر لا.. إحمرّ تفكيره
ومن مزج الحمر.. والزرق تلمع للسما..واليمّ
قناديل البنفسـج وآيـة الزهـر وتفاسيـره
وإذا اللون "إنجرح" من جرأته والا برّد وأعتمّ
على الضيّ الظلام إن مافرج ضيقات أساريره
هنّي اللي يداري بأوضح الألـوان مـا يعلـم
يحسده.. من يهد جباله البيـض لطباشيـره

يالريح هبيّ.. في ثيابي، وجب لـي
ياصاحبي قنديل.. والنور موصـول
المزن هتّانـي.. وعدّهـا وصلـي
مرسولها لامال ليّـن.. وعطبـول
هي مـرّ.. تمـرّ المحبـة بمثلـي
والصدق أنا.. كانك تجمّل يامجمول
كان الذهب خاينك وش ذنبه أصلي؟
واقدام رجلي ما تشرف به حجـول
ماني مسامح لجـل قلبـه ولجلـي
ولا في لساني لك من الشعر معسول
والعاشقين اللي سواتـي وشكلـي
ف قلوبهم ماتعلم النـاس مجهـول
والبرد ف كتوف المدينة ترك لـي
شال وعباة .. ودق لفراقك طبـول
والصاحب اللي في دموعه ضحك لي
طيفه يعرّض في رقادي على طـول
يهناه جرحـي وان تمنيـت قتلـي
=يمدّ لي حبلٍ مـن الـود مشغـول
لابان لي ف زحام قلبـي وعقلـي
وش ودي اخلي.. على شان ماقول
أقـول: ياكثـر المحبيـن قبـلـي
ولانيب حاسبهم.. ولاهو بمسـؤول

حبيبتي ياوجه أعرفـه قبـل أعرفـه وأجهلـه
جيتك سنيني ترتجف لأحلى مواعيدي حضرت
جيتك خطاوي شوق لأحلام السنيـن المقبلـه
لأكثر مسافات الطريق اللي يقربـك أختصـرت
أمشي وسابق خطوتي حتى الزمـان أستعجلـه
واليوم بـوصفلك شعوري يوم شفتك ماقـدرت
عيني تبي تسبق زغاريد الرمـوش بـهلهلـه
ولا فوائدي تدري أنك فيه ساكن لـو ذكـرت
يدفعني لـشوفك عذاب ارض السنين الممحلـه
لو شفتني قدام وجهك صلب قاسي ما أنكسرت
من غاب عن عيني بدون أسباب كيف أستقبله
بـعاتبك يانـور لدروبـي تعنيـت وظهـرت
هاك الشقا مليت أشيله فـي عيونـي واحملـه
أخاف يسرق ضحكتي وايام عمري ماشعـرت
هاك السهر عن قصتي ويـاك تقـدر تسألـه
لجلك رضيت برفقته يوم انت غافل ماسهـرت
فدوه سنيني من عرفتـك بالجـروح مسربلـه
وإذا شكالي منك جرحي عنك بالدمع أعتـذرت
فدوه لو ان اصغر جروحي من غرامك مرجلـه
انا اشهد اني عن بلوغ اهداف عمري ماقصرت
فدوه ياعمري كان قلبك عزتـي هـي مدخلـه
اموت ياعمري وانا داخل عيونـك ماصغـرت
إنسان انا عمري مراحل وانتي اشهى مرحلـه
فيها العذاب استعذبه واقول رابح لـو خسـرت
حبيبتي...صبري على بعض المواجع مهزلـه
جيتك سنيني ترتجف ولاحلى مواعيدي حضرت

ذكراه تشعلها عصافيـر واجـراس
بس المحه فـ.. اجمل زوايا كيانـي
الغايب اللي كن فـي عينـه نعـاس
أخاف اموت من الظمـا ماسقانـي
ياما عصيت انزف على كل قرطاس
وياما الوله لاحباب عينـي نعانـي
والله ما ابغي من ورا الترف نوماس
أنا القصيـد إبليـت بـه وابتلانـي

طلت البندري مثل النهار الجميل
ياهلا بالعيون السود واجفانهـا
كنها مهرة شقرا صغيره واصيل
عزوة اخوانها وعيال عمانهـا
عين حرٍ يهدونه ورمش طويل
من عشقها غدا بدروب سلوانها
ماعليها ولو قالواقصيرة جديـل
من بهاها القلوب يهج بيبانهـا

http://www.shamsqatar.com/up3/get-8-2007-jaeceosj.gif