يامحتويني حب واحسـاس وطبـوع =أنا هويتك حب وطبـوع واحسـاس

أصل المحبه والهـوى شـي مشـروع=وسط الحشا تِبّنَى ويصبح لهـا سـاس

يافارقه بـ.. بالحس والطبـع والنـوع=يا أم الجمال اليوسفـي دون مقيـاس

ياسيدة عرش الهوى جيت لك طـوع=وأظهرت حبك طوع عن باقي النـاس

أسرفت .. لو السرف ف.. الحب ممنوع=لكن في حبك غـدى شـي حسّـاس

أجوع لك فـ.. الحلم والعلم وأجـوع=وأضمى على شوفتك بعيـون يبّـاس

وأروا وصالك شوق (ينبوع - ينبوع)=وآخذ سواليفك مـن الـراس للـراس

حبل الوصل لاصار مثنـي ومربـوع=ماهي غريبه نسمـع هـروج بـلاس

أصعب عليه من الحكي حبـة الكـوع=وأبعد عليه من السماء لحظـة اليـاس

يبقى الغلا والشوق والحـب مطبـوع=وتبقى علاقتنا علـى الـدرب نبـراس

كلماتها راقت لي
فنقلتها لكم
واهديها لم اكن له كل تقدير

حبل الوصل لاصار مثنـي ومربـوع
ماهي غريبه نسمـع هـروج بـلاس

الله الله يالتيمه
على هاالاختيار
اي والله ماهي غريبه نسمع هروج حساد

الله يعطيك العافيه

تسلم على المرور اخوي عود الليل

صح لسانك ولسانه ..
قصيده منسقه ورائعه ..
جداً بارك الله فيك ولاعدمناك
وفقك ربي

مشكور اخوي نادر

والتنسيق والله من الفضاوه