المساعد الشخصي الرقمي

مشاهدة النسخة كاملة : وزنها 90 كيلو قصيده خطيره

اليتيمة
04-08-2009, 08:32 PM
للبنات الدبدوبات
لا تسوين رجيم
تراكن محبوبات
انا بسوي برنامج تسمين عشان امتن
شوفو وش قال عن المتينات

قصيدة فكاهية للشاعر


((( تركي الديحاني )))

يتغزل في المتنيات ...
يقول في القصيدة :


آه مـن قلـبٍ تولـع بالمتيـنـه *** وزنهـا 90 كيـلـو يابختـهـا

متنها يعطي حلى والعقـل زينـه *** والسوالف كـدرر لامـن حكتهـا

الرزانه بالعشـر ابصـم رزينـه *** والـدروب العـوج لله مامشتهـا

فاهمه ماهمـا الطيـش وسنينـه *** والدراسه ناجحـه فـي مدرستهـا

ان تثنت مانـي قايـل ياسمينـه *** وان مشت تهتز الارض اللي تحتها

وصوتها لامن حكت تسمع ونينـه *** ودمها شربات محلـى سويلفتهـا

تكره البنطـال والجنـز وتدينـه *** لبسها ضافـي ولايـق لطخمتهـا

وشوف عيني يوم هوشتها ذهينـه *** امسكت وحده نحيفـه واسدحتهـا

النحيفه مـن بـدت هـي اللعينـه *** يوم قالت انتـي دبـه واشتمتهـا

وامسكتها بنت ابوهـا هالسمينـه *** وابركت من فوقها ليـن اغفصتهـا

مقديـه بالبنـت خلتهـا عجينـه *** احذرن يالبيض ويل اللي ابتلتهـا

لايمي عسى العمى يمسـي بعينـه *** ظالمٍ بخته وهـم ضالـم بختهـا

جيتهـا واشوفـهـا دره ثميـنـه *** وياعذابي يـوم غرتهـا اكشفتهـا

الحـلا والملـح كلـه بالمتيـنـه *** مع نعومة خدها عرض افطحتهـا
نادر الوجود
04-09-2009, 02:13 AM
.. ..

صح لسانك ولسان الشاعر تركي
بورك فيك ياليتيمه عل الاختيار الموفّق
لاعدمنــاك

.. ..
عـــودالليل
04-09-2009, 02:13 AM
الحـلا والملـح كلـه بالمتيـنـه *** مع نعومة خدها عرض افطحتهـا


صح لسانك

وقصده بالريانه


تسلمين اختي على الروعه
روح روحي
04-09-2009, 02:22 AM
موضوع مميز

اشكرك عليه

نتمنى منك الموااصله

في انتظار جديدك
سعودي وافتخر
04-09-2009, 03:39 AM
طرح رائع
يعطيك العافيه .. بارك الله فيك
صح لسانك ولسانه
ننتظر جديدك المميز
أخوكـ
سعودي وافتخر
اليتيمة
04-09-2009, 09:22 AM
اشكر كم على المرور

ولا بنت ردت
شكلهن مستحيات
الظاهر بنات المنتدى دبدوبات
وانا اقول ليه المنتدى ثقيل
البرق النجدي
04-09-2009, 06:30 PM
يسلمووووووو اليتيمه على القصيده الروعه يالغلا وانتقاءك روووعه >>> اشوى اني رديت تقولين سمينه هالحين ههههههههه
اليتيمة
04-09-2009, 07:58 PM
بروق العسل

مشكوووورة على المرور
حتى وان كنتي دبدوبه فانتي خفيفة على قلبي يا عسل