اسعد الله ايامكم في كل خير

قصيدة حازت على اعجابي
ل الشاعر متعب بن فهد



يا سقى وقت ٍ من احزان الليالي كان خاوي !!
ويا سقى وقت ٍ مضى ما فاح صدري من حنينه !

.

يوم انا داله .. وحظي بالهناء مده رهاوي
ما يمد الا الجزيل ولا يمد ... الا السمينه !

.

يوم انا عايش خليّ .. ولا بعد شفت البلاوي
لا شكيت من المحبه لا ولا عشت بغبينه !!

.

قبل تبدى رحلة احلامي على ( درب المناوي )
ان بكيت ابكي ( يغيب الحزن ) في وقته وحينه

.

لين من هي في دروب العشق .. خلتني امتساوي
حيث صارت فرحة ايامي على ايديها رهينه !!

.

اذكر اوقاتي معاها .. حلمنا بالود ضاوي !
اذكر شعوره وشوقه .. عطفه .. وزين لينه !!

.

واتذكر ما مضى بالحب .. من عين النداوي !
تجذب المعلوق لا من سلهمت بالرمش عينه !
.
كيف سرت الدرب عاشق .. غاوي ، ومانيب غاوي
وانتهى زين العمر .. ثم ابتدى لي كل شينه !
.

كيف مرتنا الليالي ,, كيف اخلفنا الهقاوي !!
والقلوب البيض تالي الوقت وش فيها حزينه ؟؟

.

اشهد ان البعد ما يرحم وما هوب ياوي
لين ضاق ابه النسم (قلبي) وبيح له كنينه !

.

ليه بكاني وانا وافي ومن طبعي ... حياوي
وفي وجيه الناس بانت دمعة ٍ كانت سجينه !

.

والله اني من الليالي الموجعه .. قلبي شقاوي
عقب غابت عن عيوني طفيت ( انوار المدينه )
.

لو تحيزمت الصبر من بعدها .. مانيب قاوي
ولو عقدت العزم والا لو ( تغشتني السكينه )
.

المشاعر في هواها ما ( تزبنها الجلاوي )
مير راحت من يديني والمشاعر به سجينه

.

جرح فرقاها بصدري جرح ما له من .. مداوي
قلبي اللي من بعدها .. ما يريد الا ضنينه
.

و والله اني عايش ٍ من عقبها عيشة خلاوي
وما بقى من العمر مدري كم بقت لي من سنينه ؟

.

يا عساها في سعاده يا عساها في غناوي !
ويا عسى من هو فقدها يا عسى ربي يعينه


ودي و تقديري لكم احبتي http://www.5foq.com/vb/emoticons/17.gif (http://www.smooal-7oob.com/vb/showthread.php?t=90115) ..}



منقول

يسلمو قلبي عالطرح الرائع

وربي مايحرمنا من تواجدك وجديدك وننتظر

ابدااااعك الرااااقي

صح ذوقـــك الع‘ـطروالـــرآإقي
أبدعت وأح‘ـسنت الإخ‘ـتيآإر
لآ عدمنآإج‘ـديدك ولآ ننح‘ـرم منه
تقبلي مروري البسيط لك



http://vb.qloob.com/upload/post/27.gif (http://vb.qloob.com/upload/post/27.gif)

جميل هذا الموضوع
والاجمل انه منك


احتوى على كل معاني الابداع
فزادني تشوقا للرد عليه



الف شكر


http://www.shehr.net/vb/mwaextraedit4/extra/78.gif

شكرا لمروركم

كلمات في قمه الروعه

صح لسان شاعرنا وتسلم ايدينك يا الغلا

شكرا لمرورك