http://www.youtube.com/watch?v=FxI0AQzOWX8&feature=player_embedded

أقدم لكم بعض قصائد للشاعر الأمير ( عبدالرحمن بن مساعد ).
أتمنى أن تنآل إعجآبكم.

هذه الروابط الصوتيه:
قصيده ( يوميات مواطن عربي ).
http://www.bin-msaad.com/sound/Yawmi...in_q8_2001.ram (http://www.bin-msaad.com/sound/Yawmiat_Moa6in_q8_2001.ram)
قصيده ( يا محاكي الصم ).
http://www.bin-msaad.com/sound/cairo...am7akyassm.ram (http://www.bin-msaad.com/sound/cairo2002_yam7akyassm.ram)
قصيده ( العراق ).
http://www.bin-msaad.com/sound/riyad...onaal3eraq.ram (http://www.bin-msaad.com/sound/riyadh2003_honaal3eraq.ram)
قصيده ( موشح عربي ).
http://www.bin-msaad.com/sound/cairo...osh7_3arby.ram (http://www.bin-msaad.com/sound/cairo2002_mosh7_3arby.ram)
قصيده ( مردخاي ).
http://www.bin-msaad.com/sound/Murda5ai_jed2000.ram
قصيده ( علَم كثير المجادل ).
http://www.bin-msaad.com/sound/riyadh2003_llahraby.ram
قصيده ( سبتمبر ).
http://www.bin-msaad.com/sound/cairo2002_septmper.ram
قصيده ( ذبابه ).
http://www.bin-msaad.com/sound/Thobabah_jed99.ram
قصيده ( بهو فندق غربي ).
http://www.bin-msaad.com/sound/Bhoo_Fondog_jed99.ram

http://www.abunawaf.com/members/dr3/mosa3d_web_1.jpg


الشاعر لسعودي:


الأمير عبد الرحمن بن مساعد بن عبد العزيز آل سعود أحد أبناء الأمير
مساعد بن عبد العزيز آل سعود (http://ar.wikipedia.org/wiki/%D9%85%D8%B3%D8%A7%D8%B9%D8%AF_%D8%A8%D9%86_%D8%B9 %D8%A8%D8%AF_%D8%A7%D9%84%D8%B9%D8%B2%D9%8A%D8%B2_ %D8%A2%D9%84_%D8%B3%D8%B9%D9%88%D8%AF)
ولد في باريس عام 18-8-1967م الموافق 12-6-1387هـ


وكثيرا ما يطلق عليه لقب


شاعر الانسانيه


وله العديد من القصائد الجميلة والرائعه


والتي دائما ما نجد المطرب
محمد عبده
يتغنى بعذوبتها



ادرج لكم مما اعجبني

فقير

فقير وعندي المال الكثير
فقير وملبسي غالي حرير

وياصاحبي الحافي الفقير
ابنشدك ابسئلك وشهو الحصير

وابسئلك وشلون انا امر وانهي
واذا حكيت قبل انتهي من كلمتي
يقاللي سم ويصير

ولاشكيت من غفلتي طول زمنها
يقاللي لاتشتكي ماخلقت الشكوى لأمير

وابسئلك وشلون انا مع كل ذا
!!!اقول عن نفسي فقير؟؟؟

ياصاحبي لاصار لضحكه ثمن
وصارو اصحابي كثيربس بثمن
والوفاء مابه وفاء الا بثمن
ابسئلك ماني فقير ؟؟؟

ولاصارت اقوالي حكم
ولاقالها غيري غدت .. حكي قديم
ابسئلك ماني فقير؟؟

ولاصرت انا مانيب انا
ولاغلطت قالو صحيح وكل شي اعمله يصبح عظيم
ابسئلك ياصاحبي ماني فقير؟

وياصاحبي ابنشدك لمن جفتني دنيتي
وابتدا الدرب الطويل الى ابد ماينتهي
وانتهي العز القديم وماكنت اظنه ينتهي
والموت بدد فرحتي .. وحطوني في قبر صغير

وحزنو علي وبكو هلي وناس من ربعي قليل
وارتاح من وجهي كثير
وبقيت وحدي في حيرتي مابه احد
لاطال عمرك ولاتحت امرك
ماغير انا وخوف ولحد وحساب قدامي عسير

وقتها ذكرت اني من زمان
يوم انه امهلني الزمان
هذا ظلمت هذا جرحت ياما كذبت
وذنوبي ماتحصي كثير

وقتها الا ندمت ونفسي كرهت
عرفت ان الله كبير وان الهلاك اصبح اكيد
واني انا مالي رجاء..ولاهروب من الدجاء
من الجحيم الا بأمل عندي وحيد
ان الله غفار ورحيم
ابسئلك ياصاحبي عني في وقتها
ماني فقير؟؟؟


صاحب السمو الامير الملكي
عبد الرحمن بن مساع ال عبد العزيز

الحرامي

احترامي.. للحرامي
صاحب المجد العصامي

صبر مع حنكة وحيطة
وابتدا بسرقة بسيطة

وبعدها سرقة بسيطة
وبعدها تَعدى محيطه
وصار في الصف الأمامي

احترامي.. للحرامي
احترامي.. للحرامي

صاحب المجد العصامي
صاحب النفس العفيفة
صاحب اليد النظيفة
جاب هالثروة المخيفة
من معاشه في الوظيفة
وصار في الصف الأمامي

احترامي.. للحرامي
احترامي.. للحرامي

صاحب المجد العصامي
يولي تطبيق النظام
أولوية واهتمام
ما يقرب للحرام
إلا في جنح الظلام
صار في الصف الأمامي

احترامي.. للحرامي
احترامي.. للحرامي

صاحب المجد العصامي
يسرق بهمة دؤوبة
يكدح ويملي جيوبه
يعرق ويرجي المثوبة
ما يخاف من العقوبة
صار في الصف الأمامي

احترامي.. للحرامي
احترامي.. للحرامي

صاحب المجد العصامي
صار يحكي في الفضا
عن نزاهة ما مضى
وكيف آمن بالقضا
وغير حقه ما ارتضى
صار في الصف الأمامي
احترامي.. للحرامي

احترامي للنكوص
عن قوانين ونصوص
احترامي للفساد
وأكل أموال العباد
والجشع والازدياد
والتحول في البلاد

من عمومي للخصوص
احترامي
للصوص


للتحميل (http://smawey.com/ash3ar/3bdalr7man_bn_msa3d/a7trami_ll7rami.ra)

البرواز

قلتيلي انسى
ومن يومها وانا كل ليلة..قدامي البرواز

حبر العيون ودمع القلم.. في دفتري
وصورتك..رغم الألم..ورغم انها خذت من اطباعك كثير

وخانت البرواز..اشوفها في خاطري
حبيبتي مابيدي حيلة
لاصرتي الصورة..وعيوني البرواز
وشلون ابنسى

اتعبتي الصوره مشاوير
وتعبت انا بلقى لغدرك معاذير
وصورتك اللي سجنت بروازها طول السنين..

كانت جسد وبروازها الروح
ويوم انزعت منها الجسد..تجرحت اطرافها
وبجروحها راحت لمين؟
لبروازها الثاني!!

مسكين..بيسجنك ويبقى سجين
مسكين

تشبهلك اقداره..خانته
وصورتك يجي يوم وتخونه
حبيبتي..أو للأسف حبيبته
لاصرتي الصورة..وجفونه البرواز

وشلون ينسى
حبيبتي لجل أنسى جرحك واستريح..ببكي
وبعد البكى ..ببكي

وأكيد في لحظة بتجي..وبيجف دمعي
وعندها صورتك اللي في عيوني

بتموت من ظلم العطش..
بروازها بيصبح نعش

وبتمرني الدمعة الأخيرة ... تاخذ معاها صورتك وتطيح
وكني بالمسافة تطول مابين عيني..ودمعتي..وخدي

وكني بقلبي الحاير المسكين
نبضه يقول لا تودع الفرقى الدمع مايرقى
وعندها لانزلت الدمعة لمثواها الأخير

وفارقت وجهي
بغمض عيوني..واكسر البرواز
واكيد ابنسى


التحميل (http://smawey.com/ash3ar/3bdalr7man_bn_msa3d/al_brwaz.ra)

مــســاء الخير

مساء الخير والاحسـاس والطيبة مسـاءٍ مـا يـليق إلا بأحبـابي

مساءٍ غير غصن لطير يحكي بـه عن اللي مـسكنه جفني وأهـدابي

هلا باللي أحـبه كثـر تعذيـبه وكثر ما هـو يغيب وكثر ترحابي

حبيبي هـو ولو ما قصّـر الغيبة ولـو عن بسمتي قد طـوّل غيابي

أعـرفه زيـن وأعيتني أسـاليبه عدوي يوم ويوم أقرب من أصحابي

مـلكني بين تـرغيبه وتـرهيبه يفـارقني وهـو واقف على بـابي

به الصادق به الغـارق بأكاذيبـه يبي بعـدي ودمعـه بـلّل ثـيابي

به القسـوة به الرقـة به الهيبـة به الضعف القوي به نشوة إغضابي


حمل القصيده من هنا (http://http//smawey.com/ash3ar/3bdalr7man_bn_msa3d/msaa_al5ir.ra)