احبك كثر ما قد صار احبك رغم ما قد صار . . . احبك كثر ما دنيا الزعل والصد مهجوره



احبك كثر ما تمطر بصدري من غلاك امطار . . . احبك كثر ما صارت اراضي العشق ممطوره



احبك كثر ما تفتح شبابيك الربيع ازهار . . . احبك كثر ما غنت عشان الصبح عصفوره



احبك كثر ما توقف على جنب الطريق اشجار . . . احبك كثر ما يقسى الشتى وتهاجر طيوره



احبك كثر ما بالارض بنت تلفت الانضار . . . واحبك كثر ما يرتاح عطر بصدر مغروره



احبك كثر ما جاب المسى في معطفه زوار . . . احبك كثر ماجانا صباح يشبهك نوره



واحبك كثر ما تهدي كفوف الوصل من تذكار . . . واحبك كثر ما شالت ايدين العاشق زهوره



احبك كثر ما نقرى عن الفارس عن المغوار . . . واحبك كثر ما نسمع ولا شفنى ولا اسطوره



احبك كثر ما تلعب بدنيا العاشقين اقدار . . . احبك كثر ما ذالحظ دايم يعلن قصوره



احبك كثر ما عاثت رياح بحسبت البحار . . . واحبك كثر مالبحار يعشق نسمة بحوره



احبك كثر ما يتلحف اللي منشغل بعذار . . . احبك كثر ما بالناس ناس بجد معذوره



احبك كثر ما ملت قصايدنا من التكرار . . . احبك كثر ما الشاعر تمنى حب جمهوره



احبك كثر ما شفنى على وجه الزمان اثار . . . احبك كثر ما في الارض فقر وناس ميسوره



احبك كثر ما دارت بذهن الحالمين افكار . . . احبك كثر ما بالخير ناس بخير مذكوره



احبك كثر ما نرمي حكايات الحطب للنار . . . احبك كثر ما قلنا عن الاحوال مستوره



احبك كثر ما نجهل متى توقف بنا الاعمار . . . احبك كثر ما نسمع حكاية حب مشهوره



احبك كثر ما ضاق السجين بلعنة الاسوار . . . احبك كثر ما هاج البحر واجتاحته ثوره



احبك كثر ما ننسى واحبك كثر ما نحتار . . . احبك كثر ما يسهر محب وفي يده صوره



احبك كثر ما تقطع شفاتك بالعسل مشوار . . . احبك كثر ما خدك يخلي الشمس مكسوره



احبك كثر ما روج عليك الحسن من اخبار . . . احبك كثر ما صدرك يدوخ الورد بعطوره



احبك كثر ما في عينك من السحر والاغوار . . . احبك كثر ما فيك الغلا ما وفته صوره



احبك والتفت شاعر بعينك وامطرت اشعار . . . حلف ما يمسي الليله قبل ما يكتب شعوره



رتبتك بصدري وانت تستاهل وراعي دار . . . تفضل قلب اوراق الغلا وايديك مشكوره



تفضل وانت لو مثلك ذكرته هلت الانوار . . . وقمت اجمع من اشواقي قصايد عشق منثوره



تلذذت لجمالك وقلت بهديك القصيد اجرار . . . غلاك وصدق حبك ما تركلي نفس مكسوره



انا عاشق جمال وما خفالي بالجمال اسرار . . . انا لامن كتبت اعطيك واعطي العشق بقدوره



كتبتك بالقصيد ابيات من حسنك عليك تغار . . . حروف العشق طفله في ثياب العيد مسبوره



لقيتك والدلع والثقل شله والحسن ثرثار . . . يقول اشيا كثيره للعيون ويثبت حضوره



كفايه لو تطل ويفرح بطلت دار الجار . . . كفايه لو تشوف الناس في نظرتك مأسوره



غرامك يدري حروفي سقا همسه منك امطار . . . كتاباتٍ تشهد للغلا وتحفظ عطوره



احبك ثم احبك ثم احبك كثر ما قد صار . . . احبك دام انا طيب واراضي العشق ممطوره


احبك ثم احبك ثم احبك

احبك كثر ما نقرى عن الفارس عن المغوار . . . واحبك كثر ما نسمع ولا شفنى ولا اسطوره
أحبك ثم أحبك ثم أحبك

كلمات رائعه من شخص أروع ..
الله يبارك فيك على طرحك ..
سلمتي على طروحاتك البهيه ..
شكري و تقديري

روعه يا الغلا تسلمين على هذا الطرح الرائع

احبك كثر ما بالارض بنت تلفت الانضار . . . واحبك كثر ما يرتاح عطر بصدر مغروره

صح لسانك ولسان شاعرها
وتنقل لقسم الشعر
ربي يحفظكـ واصلي الابداع

كلمات رومانسية فيها من الروعة الشي الكثير

تسلمين دلوعة عالطرح

ربي يسعدكم على المرور لا هنتو

جميل ما تطرحينه دلوعة

كلماتك دائماً تروق لي ...

اشكرك من القلب .....

تلذذت لجمالك وقلت بهديك القصيد اجرار . . . غلاك وصدق حبك ما تركلي نفس مكسوره

انا عاشق جمال وما خفالي بالجمال اسرار . . . انا لامن كتبت اعطيك واعطي العشق بقدوره


صح لسانك ولسان قائلها

جديدك منتظر في كل وقت

تسلمون على المرور لاهنتو

دلوعة الليل

صح الله لسانكِ و إعتلى شآنكِ

سلم بنانكِ و فكركِ و نبضكِ

و الله يعطيكِ العافيه

و تسلم يمينكِ يا الغاليه

كلمات رائعه و إحساس أروع

و حضور كان هو الأجمل و الأروع

بإنتظار جديدكـــــــــــــــــِ

قصيده رائعه ..
صح لسانك ولسان شاعرها