الجزء الاول ..



رنا

اسمي رنا .. عمري 22سنه .. ارمله .. عندي بنت عمرها سنتين اسمها سديم ..
مات زوجي قبل شهر واسبوعين.. بصراحه كانت صدمه لي كون اني صغيره وعندي بنت ..
تأثرت كثيييييييير .. وبكيت عليه كثير ..
فقدته جعل مسكنه الجنه ..
صدق انا ماكنت اعترف بالحب .. عشان كذا ماحبيته .. بس افتقدت حنيته وحبه لي .. افتقدت تدليعه وصبره علي .. افتقدت كل شي حلو بهالدنيا ..
والله والله لو اقول واقول ماأوفيه حقه ..
هو اكيد فيه سلبيات .. وبعض الاحيان يقهر .. بس حبوب لدرجه خياليه .. ويحب يدلع وهذا اللي كنت ادوره .. ان احد يدلعني ..
بس للاسف ماطول الدلع .. راح وخلاني اعاني من بعده ..
من جد معاناة خصوصا معي بنت ..
الله كريم ..
انا الحين ساكنه عند اهل زوجي ..
الله يرحمه قبل لايتوفى بسنه نقلنا عندهم .. انا كنت ساكنه لحالي .. بس عشان امه وخواته يحتاجونه اكثر .. اخوه سعود اللي اصغر منه تزوج وطلع من البيت .. وبحكم انه الكبير فلازم هو اللي يتحمل المسؤولية .. لان ابوه ميت ..
في البدايه انا رفضت رفضاً قاطعاً اني اسكن عند اهله .. مو عشان شي بس من مبدأ ( كلما كنا بعاد كلما صرنا حبايب ) وبصراحه انا مااضمن نفسي اذا احد قال كذا والا كذا ..
المهم في النهاية رضخت للأمر الواقع وانا مقهورة ..
واللي قاهرني اكثر انه في اخو ثالث لهم وكبير ويقدر يتحمل المسؤولية بس مايبي يربطه شي .. يبي يعيش حياته قبل لا يتزوج على قولته ..
ماعلينا ..
انا الحين ساكنه عندهم لان خالتي حلفت علي اقضي العدة في بيت زوجي .. وتبي تكون قريبه من سديم اكثر ..
وافقت علشانها بس .. وإلا والله انها حايمه كبدي من هالبيت ..




احمد

اسمي احمد .. عمري 27سنه .. ترتيبي الثالث من الاولاد .. اعزب
اللي يشغل بالي وتفكيري هاذي الايام .. هي مرة اخوي وبنتها ..
من مات اخوي الله يرحمه .. وانا ضايع .. كان شايل عني حمل ثقيل ..
اتعب وانا اقول ثقيل ..
الحين مات ورمى علي حمل اثقل من اللي كان هو شايله .. الله يرحمه .. كيف كان متحمل كل هالمسؤوليه ..
سبحان الله ما عرفت النعمة الا يوم فقدتها ..
اخوي ترك لي امي وخواتي .. ومرته وبنته ..
بتقولون وش دخلك في مرة اخوك وبنته ..
بأقولك هم اللي كاسرين خاطري بصراحه ..
والا خواتي بكره كل وحده يجيها نصيبها وتروح ..
وامي الله يطول بعمرها .. راح تسكن معي او مع سعود المتزوج .. طبعا اللي يريحها ..
بس مرة اخوي .. اوكي نقول بتتزوج لكن بنتها ..
آآآآآآآآآآآه سديم تيتمتي وانتي صغيرة الله يعينك ويعين امك ..






رنا ..
تدرون وش صار اليوم ؟؟! ..
بقولكم ..
دقيت على اخوي .. لاني بروح المستشفى .. عندي موعد .. وهاذي اول مره اطلع فيها من البيت ..
المهم لبست بنتي واخذت عباتي ونزلت ..
جلست في الصاله طبعاً معي جلالي .. لاسمح الله يدخل احد من العيال .. لازم آخذ احتياطي ..
الصاله ماكان فيها احد ..
قعدت ربع ساعه بعدين دق اخوي ..
لبست عباتي وطلعت له بعد علمت خالتي اني عندي موعد ..
بعد مارجعت تخيلوا المفأجاة اللي انا ماتوقعتها !! ...






احمد
عصبت لما قالت لي امي انها راحت مع اخوها للمستشفى ..
يعني انا وشو عندها .. طرطور والا وشو ؟؟! ..
يعني انا مو قد المسؤوليه ..
انا اوريك فيها اذا جت ..
طلعت عند الباب انتظرها تشرف هي وبنتها ..






رنا

اول ماوقف اخوي السيارة ..
على طول بلعت ريقي لما شفت احمد عند الباب وشكله معصب !!..
قلت في نفسي( الله يستر) ونزلت ..
فواز : رنا ..
رنا : سم
فواز : تأمرين بشي ؟؟..
رنا : سلامتك ..
مسكت يد بنتي واخوي راح لما شاف باب البيت مفتوح وعنده احمد ..
مشيت بخطوات ثقيله ومرتبكه .. اول مره اشوفه من عقب وفاة زوجي ..
قربت من الباب ابيه يبعد بس كان واقف بنص الباب !! ..
يمه !! .. بصراحه خفت .. قاعد يناظرني بنظرات قويه .. مافهمت معناها ..
اخذتني الهواجيس وودتني .. وقعدت افكر وانا مرتبكه وش انا مسويه ؟؟ .. وليش هو معصب ؟؟ .. مني والا من شي ثاني !! ..






احمد

من وقفت السيارة ونزلت وانا ماشلت عيني عليها ..
حرقت لي اعصابي ..
ثورت دمي ..
وش يبي يقولون اهلها الحين ؟؟ ..
ماعندها احد يوديها ويجيبها ؟؟ ..
بس الشرهه مو عليها الشرهه علي انا اللي ماتكلمت معها من البدايه !! ..
اول ماوقفت قبالي تبيني افتح لها عشان تدخل ..
كنت بصرخ بوجهها بس مسكت نفسي ..
وقلت ياولد .. اركد .. دخلها اول .. بعدين تفاهم معها ..






رنا

اول ماشفته دخل البيت ..
زفرت زفرة قويه ..
وحسيت بالراحه .. إفراج وأخيراً ..
يالله بأنحاش لغرفتي قبل لا اشوفه ثانيه ..
دخلت البيت مريت على الصاله ..
كان موجود بالصاله ..
تعديت الصاله وبأرقى الدرج ..
وقفني صوته الغريب وهو ينادي بأسمي ..
احمد : رنا !! ..
وقف قلبي مو عشاني خايفه لا ..
هو اول مرة يكلمني .. اول مرة اسمعه ينطق باسمي ..
ما ألتفت ولا حتى رديت عليه ..
وقفت بس كذا كأني صنم !!..
سمعت خالتي ( أم زوجي ) تقول : رنا تعالي احمد بيكلمك ..
انا كذا طيرت عيوني الله يستر .. اكيد معصب مني ..
بس والله العظيم ماسويت شي يعصب منه .. خلاص أحس دموعي تجمعت بعيوني ..
خالتي وهو تحاول يكون الوضع طبيعي : رنا تعالي اقعدي .. واسمعي احمد وش عنده ..
بلعت ريقي .. ورجعت للصاله وجلست بأقرب كرسي ..







احمد

حسيتها خايفه مني ..
حتى انا احس اني مرتبك وانا اول مرة انادي بأسمها واكلمها بعد ..
يوم شفتها جلست .. قويت قلبي وتكلمت ..
احمد : اسمعي يارنا .. وهذا الكلام اقوله قدام امي .. بصراحه ماعجبني تصرفك اليوم !! ..
تدقين على اخوك تخلينه يوديك المستشفى وانا موجود .. انا الحين مسؤول عنك الين تطلعين من العده وتروحين لأهلك ..
يعني أي شي تبينه تطلبينه مني انا .. تقولين لامي وامي تقولي .. اما انك تدقين على اخوانك .. فهذا الشي انا ما أرضاه لنفسي قبل لا أرضاه لك ..
بعدين وش تبين اخوانك يقولون ؟؟ .. حطوها عندهم ولا هم قادرين عن تحملها !!..
اتمنى انك فهمتي اللي قلته ؟؟ ..








رنا

والله مافهمت ولا كلمه ..
بس عرفت ليش معصب ..
اوكي .. عادي اذا اخوي وصلني فيها شي هاذي ..
وبعدين مع اخوي آخذ راحتي اكثر ..
هو ليش يعصب ؟؟ ..
بالعكس مفروض يقول الفكه ... جت منها ازين ماتجي مني ..
بعد كلامه احس اني ارتخيت .. وودي اقوم ..
بس مااقدر اقوم وهو قاعد .. احس اني بطيح !!..
احمد عاد علي الكلمه يوم ماشافني رديت عليه : مفهوم ؟؟ ..
هزيت راسي يعني ايه .. وانا اقول في نفسي .. (على كيفك الدعوه) ..
قام من الصاله وطلع ..
على طول اول ماطلع ..
قمت برقى فوق لغرفتي برتاح احس اني سويت مجهود كبير اليوم ..
اول ماحطيت رجلي على الدرجه الاولى .. حسيت احد وراي ..
لاتلقائياً التفت .. وحمدت ربي اني مارفعت الغطاء عن وجهي ..
لقيت احمد بوجهي وخالتي وراه ..
احمد وعينه على الجوال اللي بيده : وش الموعد اللي رايحه له ؟؟!! ..
والله وتوهقتي يارنا !!.. وش بقوله الحين ؟؟ .. السر اللي خبيتيه يارنا راح يطلع !! .. الله يستر !! ..

احمد

احس اني سويت مجهود كبير وانا اتكلم معها .. ماصدقت اخلص كلمتي .. إلا على طول قمت وطلعت من الصاله وسندت ظهري على الجدار من التوتر اللي صار لي ..
بس فكرت هي وش عندها رايحه للمستشفى ؟؟ ..
صح انا ماسألتها ..
رجعت للصاله مالقيتها ..
رحت للدرج ..
التفت رنا لما حست ان فيه احد وراها .. حتى امي لحقتني .. لانها استغربت سرعتي ..
سألتها وانا في بالي آلالاف الاستفهامات : وش الموعد اللي رايحه له ؟؟!! ..





رنا

بلعت ريقي ..
احس العرق مني يتصبب ..
انا ما أدري وش صار لي ؟؟ ..
اول مرة احس اني خايفه لهدرجه!! ..
ياربي اقول والا ما أقول ؟؟
وش راح يكون ردة فعل خالتي قبل ردة فعله هو ؟؟ ..
بعدين هو وش دخله يسأل ؟؟
ولي امري وانا مدري ؟؟
الله يسامحك ياخالتي .. يوم حلفتي اني اقضي العدة عندكم ..
من جد وهقه ..
قويت قلبي وقلت : شي خاص !!!..
قلت الكلمتين هاذي وعلى طول على غرفتي ..
ماتشوفون الا غباري !! ..
بعد بعد هذا اللي ناقص !! ..
يتدخل في خصوصياتي ..





احمد

تعرفون وشلون النار تطلع من أذاني !!
هاذي وشلون تفكر ؟؟
بصراحه قهرتني !!
التفت على امي وانا بعيوني آلالاف الاسئلة ؟؟!!
احمد : يمه وش فيها رنا ؟؟
امي : والله ياوليدي انا مدري ؟؟!
مرت ببالي هواجيس .. لايكون !!.. لا لا ماتوقع ..
ليش ماتتوقع يا أحمد ؟؟
إلا اكيد انها ..
لا إن شاء الله اللي في بالي مايطلع صح ..
سألت امي وأنا خايف من الاجابه ..
احمد : يمه تتوقعين انها حامل ؟؟؟!!!..
امي طيرت عيونها كأنها صدقت اللي قلته ..
امي : حاااااااامل !!!
احمد : ايه يايمه .. يمكن انها حامل .. انا بدق على اخوها بشوف أي مستشفى وداها .. وبكذا اتأكد
امي شفت وجهها صار اسود .. راحت وجلست في الصاله .. وباين عليها انها تهوجس ..
طلعت من البيت ..
دقيت على فواز..
احمد : هلا فواز
فواز : هلا والله ..
احمد : وشلونك ؟؟
فواز: بخير الله يسلمك ..
احمد : فواز ممكن سؤال ؟؟
فواز : أسأل ..
احمد : أي مستشفى رحت اليوم ؟؟
فواز : ليش ؟؟
احمد : أسأل بس..
فواز : مستشفى (............) ..
سألته وانا منحرج من السؤال .. أخاف يفشلني ويقول وش دخلك ..
بس تجرأت وسألته !!..
احمد : انزين أي قسم راحت ؟؟
فواز وكأنه مافهم السؤال ..
فواز : وشلون يعني ؟؟
احمد : يعني راحت لقسم النساء والولاده والا قسم الاذن والانف والحنجرة .. يعني زي كذا ..
فواز وحسيته مستغرب السؤال عشان كذا مارد بسرعه ..
احمد : انت معي ؟؟
فواز : ايه معك .. بس انت وش تبي بالضبط ؟؟
قررت اعلم فواز باللي اشك فيه عشان يفهم حسن نيتي لا أكثر ولا أقل ..
احمد : بصراحه فواز .. انا اشك أن رنا حامل !!!
حسيت الصدمه بصوته
فواز : كيف ؟؟!!!
احمد : اللي اقولك ..
فواز : بس انا ماحسيت بشي غريب ..
احمد : الغريب انها تدق عليك وتقول عندها موعد .. يعني وش معناها .. اذا هي ارمله وماتقدر تطلع الا اذا كملت العده .. تقدر تطلع اذا كان موعدها مهم مثل انها تكون حامل ..
فواز تضايق من اللي قلته ..
فواز : اوكي انت سكر وانا راح اكلمها واشوف اذا هي حامل او لا ..
ودي اقوله يدق علي يطمني بس احس اني زودتها ..
احمد : اوكي ..
فواز : مع السلامه ..








رنا


انسدحت على السرير .. وحطيت يدي على بطني ..
آآآآآه مشعل .. ليتك عايش وتشوف بطني يكبر مثل كنت تنتظر ولادتي بسديم ..
كانت ايام حلوة .. وانا اشكي لك حركات سديم في بطني وكيف كانت تتعبني .. وانت تقول لي ( بطلي دلع البنات )
وازعل منك .. ( انا الحين اتدلع ... خلاص مزاعلتك )
على طول مايمديني اكمل كلمتي الاخيرة .. الا وجاي تحضني وتقولي ( انتي الدلع كله .. كيف تتدلعين والناس تاخذ منك الدلع )
آآآآآآآآآآآه خلاص يامشعل رحت وراح الدلع معك ..
رحت وراح كل شي حلو ..
وانا بين ذكرى وذكرى ..
رن الجوال ..
عقدت حواجبي ..
فواز !!
الله يستر .. وش يبي هالحزه ؟؟
رنا : هلا فواز ..
فواز : اهلين ..
رنا : سلامات فيه شي .. من شوي تاركتك ..
فواز : تركتيني بس ماقلت لي وش عندك بالمستشفى ؟؟ ..
انا كذا عصبت .. وربطت فواز بأحمد .. يعني احمد دق على فواز .. وعلمه ..
خلاص رنا مافيه مجال للهرب اعترفي وريحي عمرك .. هم في الاخير راح يدرون ..
لا ماراح يدرون .. بس هالأحمد لو الله يفكني من تدخله .. كان انا بألف خير ..
رنا : فواز انا حامل ..
فواز : حااااااااامل ..
رنا : ايه وش فيك ؟؟ لا يكون مسويه جريمه وانا مدري ..
فواز : كيف حامل ومتى ووشلون ؟؟
رنا : حامل لي شهرين واسبوعين ..
فواز : يعني قبل وفاة مشعل كنتي حامل؟؟ ..
بعض الاحيان اشك ان اخوي صاحي .. يعني غبي وشلون احمل بعد مامات ..
رنا : فواز انت خبل والا وشو ؟؟ وش رايك يعني ؟؟ مشعل كان يدري اني حامل ..
فواز : امي تدري ؟؟
رنا : محد يدري ..
فواز : بس احمد يدري انك حامل ..
طيرت عيوني!! .. رجع يقولي احمد .. خلاص ماعدت اتحمل اعيش في هالبيت ..
قررت قرار سريع .. ومستحيل ارجع فيه ..
رنا : فواز انت بعيد والا قريب ؟؟!!
فواز : ليش ؟؟!
رنا : برجع لبيتنا .. بقضي العده عندكم ..
فواز : بس خالتك حالفه !!
رنا : مو مشكله تكفر عن حلفها ..
فواز : لا لا انا مالي دخل .. دقي على عبدالرحمن وهو يجي يشيلك .. اخاف اشيلك يسوي لي سالفه ..
حاولت اقنعه عشان يقتنع ..
رنا : فواز بالله عليك ترضاها لأختك .. تسكن ببيت كله عيال .. والله اني ما أخذ راحتي .. وبعدين انا اخاف بالليل وانا نايمه لحالي .. واذا بغيت شي في الليل بالله عليك من اروح له لأحمد وإلا لبندر وإلا ادق على سعود .. وش رايك انت بس ؟؟ ( قلتها وانا احاول اهز رجولته )
حسيته حس بمعناتي .. صدق من جد معاناة..
فواز : خلاص انا بكلم عبدالرحمن بشوف وش يقول ؟؟!
رنا : فواز تكفى لاتقول اني حامل .. اوكي ؟؟!
فواز : خلاص .. انزين الحين تبين شي ..
رنا : لا سلامتك ..
فواز : اذا احتجتي أي شي دقي علي .. اوكي ؟؟
جت فرصتك يارنا .. جبيتها وهي طايرة ..
رنا : بس احمد يقول أي شي تبينه لا تدقين على اهلك .. قولي لي انا .. تخيل بقوله وش ابي وش ماابي ..
فواز : هو قال لك كذا ؟؟؟!
رنا : ايه ..
فواز : اقول يالله لك ساعة وحده بس وتجهزين .. بعد ساعة بمرك .. خوذي كل اغراضك .. مالك قعده عندهم ..
ابتسمت .. آآآآآآآه واخيراً قدرت اقنعك ..
رنا : اوكي ..
فواز : يالله ..
رنا : بااااي..
يااااااااااااااااااااااااااااااااي من الفرح قمت انطط على السرير بس على خفيف عشان البيبي اللي ببطني ..
فرحانه ياناااااااس .. واخيرا بطلع من هالسجن .. الحمد لله والشكر لك يارب ..
قمت ارتب اغراضي واغراض بنتي ..







احمد


تتوقع يا أحمد اللي سويته صح والا غلط ..
لك حق تتدخل في خصوصياتها .. او لا ..
بس !!
بس ايش يا أحمد ؟؟!
اعترف ..
قل انك !!
انك ايش ؟؟
صارح نفسك .. عشان تعرف وين موقعك بالضبط .. قبل لاتتوهق ويضيع منك كل شي ..
بس انا احس بمشاعر تجاهها ..
بس ما أدري هي مشاعر شفقه او ....!!!
او ايش ؟؟ رد يا أحمد !!
آآآآآآآآآآآآآآآه وش ذا اللي احس فيه .. ياترى انا حبيتها والا وشلون ؟؟!!
معقوله يا أحمد تحب مرة اخوك ؟؟ ..
مالقيت يا أحمد الا مرة أخوك ؟؟؟
البنات كثار ماطاحت عينك الا على هاذي ؟؟
ارمله وعندها بنت وحامل .. ياسلام ..
والله انك يا أحمد ماعندك سالفه ..
اقول خلني اشيلها من بالي ..
لانه لا أهلي ولا أهلها راح يرضون أتزوجها ..
ليش لا ؟؟!
ليش تتوقع الرفض وانت ماجربت ؟؟!!
جرب وشوف يمكن يخالفون توقعك ..
يمكن ..
ويمكن بعد تكون سحابه عابرة وتروح ..
كل شي جايز في هالدنيا ..






رنا

بعد ساعه صار كل شي جاهز ..
بس بقى بعض الاشياء الخفيفه ..
اندق باب الغرفه ..
رنا : ادخل ..
مرام وهي تناظر الشنط وتناظر الحوسه اللي صايره بالغرفه ..
مرام وهي شايله سديم ..
مرام : سديم موسخه .. وجبتها عشان تغيرينها ..
رنا : اوكي .
اخذت منها سديم .. وبديت اغير لها ..
مرام : رنا !!!
جاوبت عليها من دون ما اناظرها لاني عارفه وش السؤال ..
رنا : هلا ..
مرام وباين عليها انها مستغربه : وش السالفه ؟؟!
ألتفت عليها وانا مبتسمه عشان يكون الوضع عادي ..
رنا : برجع لأهلي ..
مرام : وشلون ترجعين لأهلك .. يعني راح تقضين العده عندهم ؟؟
رنا : تقدرين تقولين كذا ..
مرام وهي مطيره عيونها : وامي ؟؟! والحلف ؟؟! وسديم ؟؟!
ابتسمت وحاولت اكون طبيعيه ..
رنا : عادي .. مافيها شي .. ليش انتي مستغربه ؟؟!
مرام وهي تطلع من الغرفه : انا بروح اقول لأمي وهي تتفاهم معك ..
وطلعت من الغرفه ..
أوووووووووووووف وش هالنشبه ..
الحين ماصدقت افتك من اخوها تطلع لي هي ..
والله حاله ..
وش هالعائله اللي ماتخلي الناس في حالها ..
ان شاء الله ماتخرب على طلعتي ..








احمد

كنت اساساً راجع للبيت يوم دقت علي امي ..
امي : احمد وينك ؟؟!
احمد : قريب ..
امي : تعال بسرعه ..
احمد : وش فيه يمه ؟؟!
امي : اذا جيت اقولك ..
احمد : اوكي ..
سكرت من امي ..
وش فيه بعد ؟؟
لايكون رنا مسويه شي ؟؟!
اووووف .. ليش انا كلما دقت علي امي تذكرت رنا ..
الظاهر هالمخ فاضي مافيه الا رنا ..
بعد ربع ساعه وصلت البيت ..
لقيت امي جالسه عند الباب الرئيسي ..
دريت ان فيه شي .. وشي مهم بعد !!
احمد : وش فيه يمه .. وراك جالسه هنا ..
امي وهي منزله راسها وحسيتها تصيح : رنا !!!
قايل لكم ان السالفه فيها رنا ..
احمد : يمه وش فيها رنا ؟؟!
امي : بتروح لأهلها ...
ضحكت بأقوى ماعندي .. والله تضحك هالرنا تتوقع انها تقدر تطلع .. اصلا الدعوه مو على كيفها ..
اووووووه يا أحمد رجعت تتدخل في خصوصياتها ..
بس ياناس مقدر مقدر والله مقدر ..
رفعت امي راسها والحين بس تأكدت انها كانت تصيح ..
قربت من عندها ومسحت دموعها ..
احمد : يمه لا تخافين اللي تبينه راح يصير ..
امي وهي تصيح : بس هي جهزت اغراضها وبتطلع ..
غمضت عيوني .. وانا احاول اخذ نفس يروقني .. قبل لا اروح لرنا واصفقها كف على وجهها عشان تعرف تصيح امي مرة ثانيه ..






رنا


رحت لغرفة البنات ابيهم يساعدوني في تنزيل الشنط لإني مقدر اشيلهن لانهن ثقال ..
رنا : السلام عليكم
سارة : هلا وعليكم السلام
رنا : ممكن سارة تجين تشيلين معي ؟؟؟
سارة : وش اشيل ؟؟
رنا : شناطي .. لاني بروح لاهلي ..
التفت سارة على مرام وهي تضحك ..
سارة : سمعتي يامرام وش تقول ذي ؟؟!
مرام وهي تبادلها نفس الضحكة : سامعتها قبلك ..
وضحكوا جميعا .. كأنهم يستهبلون علي ..
عصبت منهن .. صدق قليلات حياء ..
رنا : بتساعدوني والا وشلون ؟؟
زادوا ضحك .. وتوقعت انهن تتقطع مصارينهن من كثر الضحك
سفهتهن وطلعت ..
رحت لغرفتي وجلست اسحب بالشناط الين الدرج .. اروح وارجع .. انكسر ظهري ..
دق جوالي ..
دقيت وان ألهث ..
رنا : هلا فايز ..
فايز : وراك تلهثين وش فيك؟؟
رنا : قاعد انزل الشناط لتحت ..
فايز : وين البنات ماينزلون معك ؟؟
اسغليت الفرصه .. وانا اقوله
رنا : شفت يافايز حامل وقاعده اشيل الشنط لحالي .. لان حضرتهن ماطاعن يشيلن معي .. وتبيني بعد اقعد لين تقضي العده ..
فايز : انزين يالله اجهزي خمس دقايق وجاي ..
رنا : اوكي .. بااااااااااااااااااي
نزلت الشناط بسرعه ..
لبست عبايتي .. ومسكت يد بنتي .. وطلعت من باب الرئيسي للحريم .. انتظر فواز ..
بس ماكنت ادري وش اللي صاير في قسم الرجال ..









احمد

حسيت بأصوت في قسم الحريم ..
اكيد قاعده تجرجر شناطها ..
هين يارنا ..
احمد : يمه روحي كلميها .. شوفيها جالسه عند باب الحريم ..
امي تحسب اني قلت طلعت ..
امي وهي خايفه : طلعت !! وينها ؟؟! ياوليدي لا تخليها تروح ..
حاولت اهديها وانا اقول : انزين يمه روحي عندها وانا بتصرف ..
راحت امي .. اما انا فتحت باب الشارع انتظر من اللي يبي يجي ياخذها ؟؟

رنا

سمعت صوت الباب الفاصل بين سور الرجال والحريم ..
شفت خالتي وهي جايه لجهتي ..
حسيتها تبكي ..
من جد كانت تبكي ..
شفت دموعها لما قربت اكثر ..
والله انها كسرت خاطري !!
بس وش اسوي ؟؟!
بصراحة العيشه قرف مع هالأحمد !!
ترى مو هذا اول موقف يمر علي .. لا !!.. كان يتدخل فيني .. بس من بعيد لبعيد ..
بس هالمرة زودها الصراحه !!
واخاف اذا مشيتها له يتمادى اكثر واكثر !!..
خالتي : خلاص يابنيتي بتروحين ؟؟؟!!!
قالتها وهي تصيح ..
ضميتها .. بس كان شعوري مختلف!! ..
ضميتها وتخيلت اني اضم مشعل !!..
ضميتها وبكيت من قلب!! ..
وشوي وشوي وانا أتذكر مشعل وانه خلاص ماعاد موجود!! ..
انفجرت من البكي وانا اشاهق ..
ماانتبهت للجوال اللي كان يرن من زمان !!..
رديت وانا اشاهق ..
رنا : نـ نــ ــــع م ..
فواز : رنا !! .. وش فيك ؟؟!!
رنا : اااا ننننن تت وووين ؟؟!
فواز : انا برى ..
سكرت السماعه .. وسحبت بنتي وطلعت ..
ماكنت اناظر لا وراي ولا قدامي .. من كثر ماالدموع غطت على عيوني ..
ركبت السيارة ..
رنا : ادخل طلع الشنط ...
فايز يناظرني وهو مستغرب !! .. بس ماقال شي !!! ..
نزل ودخل مع الباب اللي طلعت منه ..
نزلت راسي وضميته بين يديني وقعدت اصييييييييييح ..




احمد

اعترضت طريقه ..
احمد : وين رايح ؟؟!
فايز : بآخذ الشنط ..
احمد : اصبر امي فيه ..
دخلت قبله اشوف اذا امي فيه او لا ..
كانت موجوده ..
ولكن حالتها كانت تكسر الخاطر ..
والله ماتستاهل هالرنا الواحد يضيق خاطره عشانها ..
قربت من عندها ..
احمد : يمه قومي .. خليها تروح عند اهلها .. وان شاء الله بأجيب لك سديم كل يوم ..
امي وهي تبكي ..
امي : لا ياوليدي .. انا ابي سديم تعيش تحت نظري .. اشوفها بأي وقت ومتى مابغيت ..
أووووووووف ..
نفخت وانا اتوعد واهدد ..
هين يارنا ..
تعمدت ان فايز يدخل ..
احمد : فايز ادخل ..
دخل فايز وتفاجأ بأمي موجوده فطلع على طول ..
لكني سحبته ودخلته غصب ..
وقلت له بحزم وانا أأشر على امي : وش ذنب هالمسكينه تنحرم من بنت ولدها ؟؟ .. هاه .. رد يافايز .. تنحرم منها عشان أنانية أختك ؟.. والا عشان عنادها ومايهمها احد واللي براسها بتسويه ؟؟ ..
حسيت ان فايز كسرت خاطره أمي ..
فايز بعيون حزينه : مافهمت شي ؟؟!!!
أحمد : أختك المصونه بطلعتها هاذي بتخلي امي تعيش بعذاب ماله نهايه .. وكله من تحت راس اختك !!..
فايز حس اني ضيقت عليها الخناق فقال بأدب استغربته عليه ..
فايز : ممكن نطلع نتفاهم برى ؟؟!
وطلع ..
لحقته وانا اقول لأمي : راح ارجعّها لك .. لا تخافين يمه ..
وقفت انا وياه وجه لوجه ..
فايز : بصراحه انا ماحبيت رنا تطلع عشان امك ..!!.. بس رنا اقنعتني ..
احمد : كيف ؟؟!
فايز : احمد وبدون مجاملات .. رنا تشتكي منك .. ومن تدخلك في حياتها ..
طيرت عيوني !!.. وأنا أأشر على نفسي وأقول : أنا أتدخل في خصوصياتها ؟؟!! ..
فايز وهو ينفخ : أووووف ... أيه .. وما أظن ان اختي راح تتبلى عليك والا انا غلطان ؟؟!!
التفت على السيارة وانا احس اني مختنق وودي اخنق اللي بالسيارة معي ..
فقلت بكل هدوء أبي انهي هالسالفة على خير : خلاص انا عندي الحل ..
فايز وهو يهز راسه : وشو ؟؟!!
احمد : خلنا نروح للسيارة ..
وأشرت له على سيارته ..
مشى معي ألين وصلنا لدريشة رنا ..
فايز فتحت الباب ..
فايز : وشو الحل ؟؟!!
بلعت ريقي وانا احس انه نشف اليوم كثييييييييييير ..
أحمد : رنا .. خلاص من اليوم ورايح انا ماراح اتدخل في خصوصياتك .. ولا لي دخل فيك واللي تبينه اطلبيه من اخوانك .. بس ارجعي للبيت .. لان امي حالتها لاتسر عدو ولا صديق ..



رنا

سويت معه نذالة لا سواها احد قبلي ولابعدي ..
سحبت طرف ثوب فايز .. ونزلت راسه يعني بقولك شي في أذنك ..
همست في أذنه : قوله اذا أخلف بوعده مالي قعده لو وش يسوون .. وبعدين قله لايناديني .. ولا ينطق اسمي من الاساس .. لاني مااحب اسمعه من لسانه ..
فايز وهو يبتسم بين الكلمة والثانية ..
واحمد احسه احترق وهو يشوف فايز ..
فايز وهو يضحك : هههه خلاص خلاص اوكي .. خلاااااااااص رنو .. هههههه
فايز وهو يبعد عني ..
فايز : تقولك اذا اخلف بوعده مالي قعده لو وش يسوي .. وتقول بعد لا عمره يناديني او حتى ينطق لساني .. لانها ماتحب تسمعه منك ..
حسيت بوجهه شب ضو !!..
ناظرني نظرات استحقار ومشى وتركنا ..
اول مامشى ..
ضحكت انا وفواز ضحك ماهو صاحي ..
تقطعت مصاريني وانا اضحك ..
وبنشوف يااحمد انا والا انت ؟؟ ..




احمد

ركبت سيارتي وابعدت بعيد عن البيت ..
اخر عمري تجي وحده زي هاذي تقولي هالكلام !!!..
وانا اللي اقول .. حب ومشاعر .. وعواطف وماأدري ايش ؟؟!!
مالت عليك ..
خلاص يار.... لا لا تقول لا تنطق اسمي .. من زينها والا زين اسمها ..
انا عند وعدي ولا لي شغل فيك ..
والايام بيننا !!..


رنا

الحمد لله الاوضاع مستقره ..
رجعت لبيت اهل زوجي ..
بس من هذاك اليوم .. ماشفت احمد او سمعت صوته ..
بيني وبينكم فكه ..
احس براحه اذا ماكان موجود بالبيت ..
تصدقون احس اني بطني بدى يوضح ..
واخاف خوات مشعل يلاحظون .. عاد اذا ... أوهووووووووووو ..
والله ان يسوون لي سالفة!! ..
اذا دروا بحملي بتعرفون وش هي السالفة ؟؟!!
والله ان تشيب روسكم منهن ..




احمد


تصدقون من زمااااااااااااااااان عنها ..
وربي اني اشتقت لها ..
بس كلما تذكرت الموقف البايخ اللي سوته معي .. احس اني لو اشوفها قدامي راح اذبحها ..
بس رغم كذا ودي اشوفها لو لمحه بسيطه ..
لاتفهموني غلط .. يعني وهي متغطية ..




رنا


طبعا اليوم اكمل شهري الرابع .. وادخل الشهر الخامس ..
وبطني من جد صار واضح ..
نزلت تحت عشان الغداء ..
كنت لابسه جلابيه ساده من غير أي تطريز .. لونها رصاصي غامق ..
جلست على السفرة وانا حاطه جلالي على راسي ..
وتعمدت اني اجمع اطراف الجلال كلها عند بطني .. بحيث محد يلاحظ ..
سميت بالله واكلت ..
وانا أأكل اسمع الهمس واللمز ..
رنا : خالة وين سديم ؟؟!!
خالتي : عند أحمد يقول أبغديها معي ..
ميلت فمي ..
رنا : بس تبي تأذيه مراح تخليه ياكل ؟؟! ..
خالتي : هو اللي مشتهي .. كيفه ..
سارة : عادي عمها خليها تبلشه ..
رنا : حلوة هاذي .. يعني اذا صار عمها خلاص .. وش رايك بعد اعطيه الحفاضه يحفظها .. ( الله يكرمكم )
سارة : ههههههه حلوة ..
مرام : كان يرميها على وجهك يارنا ..
والله صادقة يا يامرام .. يسويها أحمد ..
مرام : اقول رنا !! ..
رنا : قوليى؟؟ ..
مرام : شكلك سامنه .. وإلا ؟؟!
على بالي اضيع في الموضوع ..
رنا : تصدقين ايه سامنه .. يختي من هالقعده لا شغل ولا مشغله .. شكلي بأسوي ريجيم ..
سارة : ليش ناويه اذا خلصتي العده تتزوجين ؟؟! ...
صدق بجحه .. وقليلة حياء .. بس وكلتها تبن لما قلت : وش رايك حبيبتي ؟؟ .. الحمد لله صغيرة وحلوة .. والف واحد يتمناني ..
انا كنت امزح .. بس حبيت اقهرها ..
طيرت سارة عيونها تحسبني اتكلم جد ..
سارة : ووووووووووووووووع .. من بياخذ ارمله وعندها بنت وووو ...
عرفت انها تقصد الحمل ..
رنا : وووو أيش ؟؟!! قولي ليش سكتي ؟؟! ..
مرام بصوت واطي : وحامل!! ..
وهي تناظرني قالت
مرام : صح !!!
ضحكت على خفيف ..
هزيت راسي وانا ابتسم وقلت بكل ثقه ..
رنا : ايه حااااااااااااااااااامل .. عندك مانع اخت مرام ؟؟..
خالتي حسيتها داريه .. عشان ماعلقت على الموضوع ..
بس البنات تفاجأن !!.. هن كانن شاكات .. بس سألن بيتأكدن وانصدمن لما قلتهم ..
مرام والصدمة واضحة عليها : كم لك حامل ؟؟!!..
حبيت استفزها : وش دخلك ؟؟!!!
ضحكت عليها سارة : اللقافه خليها .. هاذي رنا وهاذي اطباعها ..
مرام والى الآن مو مستوعبه : جد جد رنا كم لك ؟؟
رنا : فضّيها سيرة واسكتي .. ممكن ؟؟
مرام : كملت والله .. من هالخبل اللي بياخذك ؟؟!!
بعض الايام احسها بزره .. رجعت لنفس السالفه ..
فضطريت اني انهي هاذا الموضوع بنغزه تسكتها ..
رنا : والله يامرام انتي اللي جبتيها على نفسك .. بس اتمنى ماتزعلين .. انا الحمد لله اخذت حقي من هالدنيا زوج وعيال .. بس انتي انصحك تدورين على هالخبل اللي بياخذك اذا عنستي بييت اهلك !! ..
قمت من الغداء .. ورقيت فوق ولا سألت عنها ولا عن ردة فعلها ..
خلوها تستاهل ماجاها ..
جنت على نفسها براقش ..





احمد


دخلت الصالة بعد ماقالت لي امي ان مافيها احد ..
لقيت مرام وسارة اشكالهم معصبه ويتساسرون واحسهم بياكلون بعض من كثر العصبيه ..
احمد : وش فيكم ؟؟!!
ماردن علي ..
فسألت امي : يمه عسى ماشر وش فيه ؟؟!
أمي : رنا حامل !!!
ابتسمت .. طلعت يا أحمد مثل ماتوقعت .. حامل ..
احمد : بأي شهر ؟؟!
امي : ماقالت ..
احمد : طيب هذولي وش فيهن معصبات ؟؟!
امي : يستاهلن اللي جاهن !!
ضحكت .. اكيد مسويات شي ..
اشرت بيدي عليهن ابيهن ينتبهن لي : هيه بنات نحن هنا .. هيه يابنت .. مرام .. سارة ...
سافهتني .. ولا كأني اكلم احد ..
رفعت صوتي بعصبيه عشان يردن علي : هيــــــــــه .. ياسارة ..
ناظرتني سارة وهي معصبه : وش تبي ؟؟
احمد :وش فيكم ؟؟!
مرام تكلمت بسرعه مافهمت منه أي شي :تقوليدوريالخبلاللييتزوجك .. اناوشفينيناقصعنالبنات .. عشانهنيتزوجنوانامااتزوج ..
قالت هالكلمتين .. شفت دموعها تنزل .. مسحتهن وركضت للدرج ..
تعمدت اشبك الكلام مع بعض .. لأنها من جد كانت تتكلم كذا ..
مافهمت ولا كلمه ..
استغربت تصرفها ..
احمد : سارة وش فيها ؟؟
سارة : وحنا نتغدى .. جت سالفه ورى سالفه .. وصار اللي صار ..
احمد : انزين وش اللي صار ؟؟!
سارة : خلاص يااحمد ماصار الا كل خير ..
وتركتني ولحقت مرام ..
احمد : مامي وش اللي صار على الغداء ..
امي : والله ياوليدي كلن جاه حقه وهي تستاهل اللي جاها!! ..
احمد : طيب قولي لي ..
امي : لا تشغل بالك بسوالف الحريم ومشاكلهن .. الا وين سديم ؟؟ ..
احمد : نامت ..
امي : قم جبها ياوليدي واسدحها في الغرفه خلها تكمل نومتها ازين لها على الفراش ..
احمد : ان شاء الله ..






رنا


وش رايكم فيني ؟؟ ..
عجبتكم صح !! ..
بصراحه هي اللي بدت ..
بس ماقلتوا لي انتم معي والا معها ؟؟؟ ..
هن والله حليلات وطيوبات .. بس بعض الاحيان يستفزوني بسوالف مالها داعي ..
بعد بكره عندي موعد للأشعه ..
تتوقعون احمد يتدخل او يعارض روحتي مع اخوي ؟؟! ..
بس هو وعدني .. بنشوف هو قد هالكلمه والا لا ؟؟! ..


نهاية الجزء الاول

الجزء الثاني


احمد

طبيعة دوامي .. دوام صباحي مرة ودوام العصر مرة ودوام بالليل مرة ..
يعني على حسب فضاوتي ..
لاني انا وزملائي متفقين .. اللي عنده شغل يمسك دوامه الثاني ..
اليوم انا اخذت دوامين
الصباح من 7 الى 2 الظهر
ومن 2 الى 9 الليل
طلعت من الدوام وانا دااااااااااايخ .. ومااشوف اللي قدامي ..
فيني نووووووم .. وجوعاااااااااان .. دقيت على اهلي يجهزون العشاء ..
وصلت للبيت ..
دخلت الصالة بعد ماتأكدت ان رنا مو موجوده فيها ..
اول مادخلت .. لقيت سدومه جالسه تلعب ..
وااااااااااااااااو ياناس هالبنت بتجنن ..
اول ماشفتها حسيت التعب كله راااااااااح ..
اخذتها من بين العابها ..
وقعدت ابوس فيها .. اكلتها من كثر ماني جوعان ..
ناديت امي بصوت عالي وانا ميت جووووع : مامي يالله وين العشاء ؟؟ .. ترى خمس دقايق اما جبتوا العشاء راح آكل سدومه !!!..
امي وهي داخل المطبخ : دقايق ويكون جاهز ..
وانا العب سدوم رن جرس البيت ..
عقدت حواجبي من اللي جاينا هالحزه ؟؟..



رنا

اووووووووووف ..
زحمة وحر وقرف ...
اوفـــــــــــــــــــــــــــــــــــــــــــين بعد ..
واخيرا وصلت للبيت ..
احس اني مختنقه ومكتومه من السيارة ..
نزلت لقيت باب الشارع مسكر ..
رنيت الجرس وانا قرفانه من نفسي .. فما بالك لو قابلت الحين احمد ..
وااااااااااااااااااااااااااااااااو الله يعين لو هو اللي راح يفتح ..
لان سيارته موجوده ..
اخوي واقف بالسيارة ينتظرني ادخل ..
انفتح الباب ..
انتظرت بأشوف رجال اللي فتح لي او البنات ..
بسم الله ما أمداني ..
الا طلع راس احمد ..
احمد وهو عاقد حواجبه : من انتي ؟؟!
ابتسمت على شكله .. توقع اني شحاذه ..
فجاه صوت فواز : هلا احمد ..
التفت احمد لجهة الصوت .. فعرف اني رنا ..
هز راسه على خفيف .. وابعد عن الباب عشان ادخل ..
دخلت البيت وانا اسمعه يقول : هلا والله أقلط تعشى معي ..
مريت على المطبخ ..
رنا : السلام عليكم ..
الجميع : وعليكم السلام ..
مرام على طول نطت لي : هاه بشري وشو ولد والا بنت ؟؟!!
رنا : هههههههههههههههه ..
والله لو أني خبله ماعلمتك .. عشان مايجي بكره الا وكلن داري ..
مرام وهي تنطط على خفيف : صدق صدق قولي لي وشو ؟؟
رنا : ماعلمتني ..
سارة : العبي غيرها ..
سمعت نحنه عند باب الصالة ..
بسرعه تغطيت .. وطلعت من المطبخ ..
سمعت سارة تقول : بسرعة غيري وانزلي عشان نتعشى ..




احمد


انت وعدتها يااحمد انك ماتتدخل فيها .. صح والا لا ؟؟
خلاص اجل مالك دخل فيها ..
هذاها راحت وجت وانت مادريت عنها ..
لا تضايق نفسك ..
بس فعلا شي يقهر .. يعني انا موجود ..
ليش تروح تكلف على اخوها ..
من جد حالة هالبنت ..
ومالها الا اللي براسها تسويه يعني تسويه ..
دخلت المطبخ : وين اخواني ؟؟؟
امي : واخوانك انت خابرهم يتعشون بالبيت عشان تسأل عنهم ؟؟
احمد : انزين حطوا عشاي في الملحق .. بروح لغرفتي شوي وابجي القاه جاهز ..
بصراحه ودي اتكلم مع رنا .. حركاتها هاذي ماتعجبني ..
انا ادري وعدتها .. بس ولو راح اكملها ..
وخلها تسوي الي تسويه ..




رنا

فسخت عبايتي ..
غيرت اللي علي .. لبست شي اوسع عشان آخذ راحتي ..
اخذت جلالي وطلعت من الغرفه ..
بأنزل مع الدرج ..
( رنا ممكن شوي ) ...
بسم الله الرحمن الرحيم ..
من وين طلع لي هاذا ؟؟!
بعد ما تغطيت .. ألتفت بأشوف من هو ؟؟
طيرت عيوني .. أحـــــمــــــــد !!!
وش يبي ؟؟!!
لايكون بيرجع لسوالفه القديمه ..
ياربيه .. ترى مالي خلق ..






احمد

ما أدري وشلون جتني الجرأة ..
بصراحه مستغرب نفسي ..
انتظرتها لين طلعت من غرفتها ..
اول مابغت تنزل الدرج ناديتها ..
احمد : رنـــــا !!
التفت علي وهي مغطيه وجهها ..
وش ابقولها الحين .. صدق اني متسرع ..
قمت اتنحنح .. ماني عارف وش اقول ؟؟
احمد : امممم .. رنا .. انا صدق وعدتك مااتدخل في خصوصياتك .. بس .. فعلا هالشي حز في خاطري .. يعني انا طول عرض .. رجال قدامك تروح تكلمين اخوك وانا موجود واقدر اخدمك بكل اللي تبينه .. رنا من جد احسك هزيتي رجولتي قدام اهلك .. يعني .. ابيك تفكرين بهدوء .. حكمي عقلك .. انا قلت اللي عندك .. واالباقي عليك .. راح اعرف ردك من تصرفاتك ..
ونزلت على طول وتركتها ..
ماادري هي فهمت اللي قلته .. او انها بس واقفه كأنها صنم قدامي ..
دخلت الملحق وجلست اتعشى واكلت كل الأكل من كثر ماأفكر ونسيت وش قاعد آكل ..




رنا

ياجرأته ياناس ..
وشلون يرضى انه يكلمني لحالنا من دون مايكون معنا احد .. بصراحه ماتوقعتها منه ..
مو منه .. مني انا اللي وقفت اسمع وش يبي يقول ؟؟!
اول وآخر مرة اسمح لنفسي اني اختلي انا وياه ..
بس انا بصراحه معذورة ..
انصدمت وماعرفت وش اسوي لما سمعته ينادي اسمي ..
بعدين قال اللي قاله ..
بس هو صادق .. احس اني هزيت رجولته على قولته .. قاعده عندهم .. واخلي اخوي يوديني ويجيبني ..
بس من جد انا ارتاح مع اخوي اكثر ..
لكن اذا ركبت معه .. احس اني مخنوقه ..
المهم مو وقت الحين تفكير بهالموضوع .. بروح انعشى لاني ميته جوع ..






احمد
بعد اسبوعين ...
كنت جالس في الملحق وعندي بندر نلعب سوني ..
كان وقت عصريه ..
بندر كل شوي يهزمني ..وقهرني من جد ..
احمد : نلعب ثانيه .. وبتشوف وشلون اهزئك ..
بندر وهو يضحك : هههههههههه اتحداك ..
نرفزتني ضحكته ..
فقلت بين اسناني وانا ارفع حاجبي : بتشوف الحين ..
وجلست العب انا وياه ..
بعد خمس دقايق جبت هدف ..
أحمد : واااااااااااااااااااو .. ياهووووووووو .. هدف هدف .. ههههههه ..
بندر وهو يضحك علي ويضحك على فرحتي : اعصابك اعصابك لاتفلت .. توه الوقت مابعد خلص ..
رديت عليه وانا الى الآن اضحك ومبسوط من الهدف : ههههههه الحين بتجيك الاهداف ورى بعض ..





رنا

كنت في غرفتي ..
تغديت .. بعدين نمت الين تقريبا الساعه اربع ..
لما بغيت اقوم من السرير .. حسيت بنغزة في بطني ..
عورتني .. بس قاومتها الين قمت .. توضيت وصليت .. وانا احس النعزة كل شوي تزيد ..
الين خلااااااااص احس اني بموت .. عجزت اتحرك من مكاني ..
حاولت اتكلم انادي احد بس ماقدرت ..
ودي اصرخ بس عجزت اتكلم من قوة الالم ..
رنا : آآآآآه .. آآآآآآآآآآآآآآآآآآآآآآآآآآه بطني بطني ... آآآآآآآآآآآآآآآآآآآآه ..
وانا امسك واعصره باللي فيه .. حاولت ازحف للجوال ..
جلست ربع ساعه لين ماوصلت له ..
اخذته بسرعه ودقيت على سارة ..
رنا : آآآآآآآه .. سارة .. سارة .. الحقي علي .. تكفين سارة بموت ..
سارة بصوت خايف : رنا .. رنـــــــــــــــــــــــا .. وش فيه ؟؟ رنا ردي ..
طاح مني الجوال من كثر الالم وصرت مااشوف قدامي ..
انسدحت على ظهري وانا اصييييييييييييييييح .. اصيييييييييييييح بقوة ..
حسيت نهايتي قربت ..
وحمدت ربي ان بنتي مو عندي ..والا كان تخرعت ..






احمد

احمد :ياسلااااااااااااااااااااااااام .. هدف ثاني .. أوووووووووووووههههههههههههوووووووووو انا بطل .. جبت عليك هدفين .. يالله يالله انسحب قبل لا اعطيك نص درزن ..
بندر : بصراحه ارحمك .. قبل شوي صكيتك بخمسه وسته ولا قلت شي .. ولا صارخت زيك وأنـــ
سارة وهي تلهث وشكلها يخرع : احمد احمد ..الحق الحق بسرعه .. رنا ... رنا
انا اول ماسمعت اسم رنا نطيت من مكاني ..
مسكتها مع كتوفها : وش فيه وش صاير؟؟ ..
سحبتني مع يدي .. وهي ماتدري وش تسوي ؟؟
وقفتها وانا متوتر حدي : وش فيه تكلمي ؟؟..
رجعت وسحبت يدي بقوة وهي تركض .. ماوقفت الا عند باب غرفة رنا .. اشوف امي داخل ومرام وسديم .. وكلهم يصيحون ..
وش السالفة ياناس احد يفهمني ؟؟
رنا : آآآآآآآآآآآآآآآآآآآآآآآآه بموت .. بموت ... آآآآآآآآآآآآآآآآآآآآآآآه ياربي .. ياربي ساعدني ..
سمعت صوت رنا تصارخ لا يكون جتها الولاده !!!.. معقوله ؟؟! ..
سارة وهي تصارخ بوجهي تبيني اسوي شي : احمد يالله شلها نوديها المستشفى بسرعه ..
طيرت عيوني .. اشيلها .. خييييييييييييييييير .. عاد تذبحني رنا مرة وحده ..
سمعت امي تناديني بالغرفه : احمد أحمد .. بسرعه تعال ..
احمد : طيب غطوها عشان ادخل ..
زين صراحه قلت هالكلمه ..
بندر : احلى ياللي خايف على المحارم !! ..
التفت لقيت بندر واقف جنبي من زمان .. وقاعد يتريق علي ..
سفهته .. ودخلت وانا قلبي مثل الطبل ..
شفت شي بالارض مغطي بشرشف ويتحرك .. عرفت انها رنا ..
بصراحه شكلها يقطع القلب ..
من دون مااحس باي شي .. وكأن الاحساس وقف هاللحظه ..
حملتها بين يديني ..
ونزلت من الدرج وانا اركض واقول : سارة الحقيني بعبايتها ..
ركبتها السيارة ..
ثواني وطلعت لي سارة .. ومعها عبايه رنا ..
احمد : اركبي ورى .. وحاولي تهدينها ..
حركت السيارة وبسرعه على المستشفى اللي هي تراجع فيه ..






رنا

ماني مستوعبه الى الان وش اللي صار ؟؟..
حسيت الوقت مر علي كأنه سنة من الالم اللي عشتها ..
فتحت عيوني ..
مااشوف الا ظلام ..
حسيت بشي مغطي على عيوني .. حاولت افتحه ..
سمعت صوت سارة تقول : تحملي يارنا بقى شوي ونوصل للمستشفى ..
حاولت اتكلم .. بقولها خلاص مافيني شي الالم راح ..
بس ماقدرت ..
رفعت الغطاء عن وجهي ..
قعدت اناظر سارة ..
رنا : سارة وين انا فيه ؟؟؟!
سارة : انتي بخير .. في شي يعورك ؟؟!
رنا : لا خلاص .. الحمد لله راح اللي يوجعني ..
سارة : خلاص احمد رنا قامت مافيها شي ..
طيرت عيوني .. أحمد !!.. غمضت عيوني وانا أخذ نفس عميق ..
وش اللي صار ؟؟!! وليش احمد بالذات ؟؟! ياربي ساعدني ..





احمد

مايحتاج ياسارة تعلميني انها قامت ومافيها شي..
لاني كنت متابع في المرايه كل تحركاتها ..
والحمد لله انها بخير ..
سارة : احمد تقولك رنا .. رجعنا للبيت ..
احمد : ليش ؟؟
سارة : لانها خلاص مافيها شي ..
احمد : مابقى الاخمس دقايق ونوصل للمستشفى .. بشوف وش سبب الالم؟؟ .. بعدين نرجع للبيت ..
رنا : بس انا ماابي اروح المستشفي .. ممكن ترجعني للبيت ؟؟..
واخيرا تكلمتي ياست الحسن والجمال .. ادري ماودك تتكلمين معي .. بس عشان تعناديني تكلمتي ..
رديت عليها وانا من جد خايف عليها : اول شي لازم نشوف وشفيك .. ثانيا أنتي حامل ويمكن الجنين فيه شي .. ثالثا ضميري مايسمح لي ..
رنا : رابعا .. انا ماراح انزل ..
احمد :مو على كيفك ..
رنا : بنشوف .. بس انصحك لاتتعب نفسك ..
تتوقعون تسويها وماتنزل .. بصراحه انا اتوقع منها أي شي ..


رنا

حاولت اقوم البس عباتي بمساعده سارة ..
بس ماقدرت .. فضليت على وضعي .. لانه كذا مايقدر يناظرني ..
وبعد المجادله اللي صارت بيني وبينه ..
رنا : ممكن توقف شوي ..
احمد : ليش ؟؟
رنا : لاني ابي البس عبايتي ..
وقف السيارة على جنب ..
نغزت سارة ابيها تقوله ينزل .. عشان آخذ راحتي وانا البسها .
سارة : رنا عطشانه تبي مويه انزل جب لها مويه ..
قبصتها .. الحمارة الحين انا ابي مويه هين ياسوير ..
اول مانزل احمد ..
رنا : خير ان شاء الله .. انا ابي مويه الحين ..
سارة : والله يارنا .. احمد مو نازل من الباب للطاقه .. وعشان ماتتهاوشين انتي وياه .. قلت له كذا ..
صادقه سارة .. بصراحه بعض الاحيان عندها افكار حلوه ..
من جد مالي خلق مشاكل مع احمد على اشياء ماتستاهل ..
بسرعه لبست عبايتي قبل لايجي ..
بعدين رجعنا للبيت ..

رنا

من بعد المغص اللي جاني ..
احس ان ظهري من بعد ذاك اليوم يعورني ..
عوار مو طبيعي ..
الله يستر لا يكون شي خطير ..
أو ولدي فيه شي .. الله يستر ..
ليتني سامعه كلام احمد .. ونازله للمستشفى اشوف وش فيني ؟؟!!
ماعلينا ..
موعدي قريب ..
ابصبر .. اذا زاد في هالكم يوم .. راح اروح اشوف وش فيني ؟؟!!
اندق باب غرفتي
رنا: من؟؟
دخلت سارة ..
رفعت حاجبي وانا أسئلها : تبين شي؟؟
سارة : مرة سعود .. تحت ..
ميلت فمي : انا تعبانه ولا أقدر انزل ..
سارة : وش فيك ؟؟
رنا : ظهري يعورني ..
سارة : اقول لاحمد يوديك المستشفى نشوف وش فيك ؟؟
رديت عليها بسرعه .. وانا احذرها من انها تسويها : ياويلك ياسارة لودريت انك قايله شي .. لاحمد او لغيره ..
سارة : ليش ان شاء الله ؟؟
رنا : انا حرة ماابي احد يدري .. ويالله اقضبي الباب .. انا شوي ونازله .. بغير ملابسي ..
سارة : لاتتأخرين بنحط القهوة ..
رنا : خلااااااااااااااااااااص .. ياكثر كلامك ..
طلعت سارة ..
غيرت واخذت لبنتي ملابس نظيفه عشان اغير لها تحت .. لان مالي خلق ارقى وانزل ..
نزلت ..
ودخلت مجلس الحريم ..
وانا نافخه ريشي على ايش ؟؟ مدري ؟؟
رنا : السلام عليكم ..
الجميع : وعليكم السلام ..
صافحتها باليد بس .. على اني من زمان ماشفتها .. بس مااقدر ابوسها على خدها احس اني بطيح عليها ..
جلست ..
نوف : وش اخبارك رنا ؟؟ وش اخبار الحمل ؟؟
رنا : الحمد لله بخير .. انتي وشلونك ؟؟
نوف : الحمد لله .. انتي اللي وشلونك عقب المغص اللي جاك ..
رنا : وش دراك ؟؟
نوف : سعود قالي .. وليش مارحتي للمستشفى .. ترى لو صاير للجنين شي تراه بذمتك .. لانه اهمال منك ..
رنا : لو فيه شي كان زاد على في اليومين اللي راحوأ ..
نوف : الله يستر يابنت الحلال ..
دردشت انا وياها شوي .. الين ماجابوا القهوه ..
تقهوينا .. وحنا نتقهوى ..
شوي الا دخلت .. اختهم الكبيره ..
نوره والضحكه شاقه حلقها : السلام عليكم .. حالفه انكم ماتقومون ..
ابتسمت .. لاعاد تكفين بقوم لك .. ماقمت لك بالرخاء وانا مافيني شي .. بقوم لك وانا تعبانه ..
نوره : وشلونك رنا ؟؟
وانا امد يدي :بخير ..
نوره : شكل النفسيه زفت ؟؟..
حبيت اقهرها : بس من شوي خربت النفسيه ..
نوره وهي عاقده حواجبها : يعني من جيت ؟؟
رفعت ضغطها زياده يوم قلت : افهميها زي ماتحبين ..
لهنا وخلااااااااااااااااااااااااااااص ..
ارتفع ضغطها ..
قامت تخربط من الكلام ..
شي فهمته وشي مافهمته ..
لاني طلعت ادور على بنتي .. بأشوف وين هي ذالفه ..
بأغير لها ملابسها ..




احمد

كنت في الملحق ..
اتقهوى مع سعود وبندر ..
وقاعده معنا سديم .. تناظر افلام كرتون ..
سمعت رنا تنادي لسديم ..
شكلها تدور عليها ..
احمد : بندر .. قوم شل سديم عطها الحريم .. اسمع احد ينادي عليها ..
بندر : قم انت ..
احمد : طيب لو طلعت الحين رنا .. يامحلاني وانا مقابلها ..
بندر : يعني انا عادي اقابلها ..
احمد : انت اصغر منها .. وبعدين هي ماتستحي منك .. يعني عادي تتكلم معك .. اما انا لا ..
غمز لي بندر .. وقام ..
أخذ سديم وطلع ..
لكنه احرجني قدام سعود ..
سألني سعود : ماراحت للمستشفى تشوف وش سبب المغص اللي جاها ؟؟
احمد : لا .. مارضت ..
سعود طبعه حاد .. وماعنده دلع بنات .. او احد يعانده .. سواء بنت او ولد ..
سعود : وهو على كيفها ؟؟
احمد : ليش وش تبيني اسوي ؟؟
عصب سعود : انت ماتعرف تتصرف .. من يومك وانت كذا ..
انا اللي عصبت الحين : وش رايك اشدها من شعرها .. واركبها غصب .. عشان اعرف اتصرف !!!
سعود وهو معجبه اللي قلته : ايه سوها .. وشف بتعترض والا بتسكت وبتنطم ..
احمد : لا ياشيخ .. وش رايك انت اللي تسويها ؟؟.. لاني ماعندي استعداد استقوي على مرة ..
سعود : خلاص انا اللي بسنعها .. وبتشوف يالدجاجه وش ابسوي ؟؟ ..
احمد : اتحداك !!..
وانا اقول بقلبي .. ان شاء الله ياسعود تكسر راسها .. وتليّنها لي عشان اعجنها على كيفي ..






رنا

وقفت عند باب المجلس وتغطيت زين .. لما شفت بندر شايل سدومه ..
بندر وهو يمد لي سدومه : انتي اللي تصوتين لسديم ؟؟ ..
رنا : ايه .. ليش ؟؟!
بندر وهو على نياته قالها : يالله عليك يا أحمد حتى صوتها تعرفه وتميزه ..
سألته ابي اعرف وش معنى اللي قاله بندر : بندر .. وش تقول انت مافهمت ؟؟ ..
بندر وهو يطلع : لا سلامتك ..مافيه شي ..
الحمد لله والشكر .. كل الاخوان مهبل .. الظاهر اللي كان عاقل فيهم هو مشعل .. الله يرحمه ..
غيرت ملابس بنتي وقعدت امشط شعرها واحط لها ربطه ..
جتني بنت نوره .. حنين ..اكبر من بنتي بسنتين .. عمرها 4
حنين بكل براءة : انا ابي زيها !!
ابتسمت لها : تعالي اسوي لك ..
قربت من عندي وجلستها على فخدي .. وبنتي بالفخذ الثاني ..
وجلست امشط شعرها .. واسوي لها ربطه زي بنتي ..
وانا احط الربطه .. بنتي كانت تصيح وتشد الربطه مني ..
لانها حقت سديم .. ومافيه الا وحده .. فشي طبيعي ان بنتي تبغاها ..
انا كنت مفكره اسوي اول شي لحنين بعدين اجيب وحده من فوق لسدومه بنتي ..
لاني اكره شي عندي .. اسوي لبنتي وفيه بزر صغير يناظر بنتي ويتمنى هالشي .. لانها تصير بنفسه .. وبصراحه انا اخاف على بنتي ..
المهم .. مالكم بالطويله ..
الظاهر ان نوره سمعت الصياح بالصاله .. فجت بتشوف وش فيه ؟؟
طبعا تقدرون تقولون أشراف .. لقافه .. حب استطلاع ..
شافت بنتها تشد الربطه من بنتي .. وبنتي تشده اكثر وتصيح ..
وانا ضعت بينهم .. احاول اسكت سدومه اللي ذبحتني بصياحها ..
رنا : خلاص ماما .. خلص .. الحين اجيب لك من فوق احلى منها ..
سحبتها منهم كلهم ..
هنا بس انفجرت حنين وقعدت تصيح ..
دخلت نوره للصاله واول ماشافت بنتها تصيح ..
شالتها .. وهي تسب وتعلن فيني وفي بنتي ..
نوره وهي شايله بنتها وتصارخ : خير ان شاء الله تخلين بنتي تصيح .. هاه ؟؟؟ .. وبعدين من قالك مشطي شعرها ..الله يستر لايكون في هالمشط بلاوي متلتله !! .. مدري عن بنتك هالوسخه .. مغير تحوس في هالبيت .. ولا يندرى عنها .. وبعدين وش دخلك تأخذين بنتي ؟؟.. احد قايلك شعرها حوسه وتكفين يارنا سويه لها ؟؟ .. هاااااااااااااااااه ؟؟.. ردي وش فيك انخرستي ؟؟.. والا عشان معي الحق .. انطميتي وسكتي ؟؟...
انا مبردتها وساااااااااااااااااااااكته وانتظرتها لين تخلص هواشها .. يوم سكتت ..
قهرتها يوم تنهدت وانا احس بالراحه : اممممممممممممممه .. تصدقين انك فشيتي بطني بكلامك .. تدرين ليش ؟؟ لاني كنت ناويه اقولك نفس الكلام اللي قلتيه!! .. بس يكون موجهه لك ..
هنا خلااااااااااااااص ثارت اعصابها .. وصارت اذانها تولع ناااااااار : حبيبتي احترمي نفسك .. تراك جالسه في بيت ابوي .. يعني بيتي .. وانتي مالك حق فيه .. يعني ضيفه !! .. وضيفه ثقيله بعد .. ويوم السعد والهناء اللي تفارقين عننا !! ..
ابتسمت لها وانا مبردتها على الآخر لكن من داخل مولعه : انتي اللي اسمعيني .. انتي اللي تضفين وجهك لرجلك .. لان هذا البيت بيتي وبيت بنتي غصب عليك .. فماله داعي تخليني اسمعك كلام مااحبك تسمعينه لاني خايفه على مشاعرك تنجرح ..
نوره : ههههههه .. ضحكتيني وانا مدري .. ههههههه .. اقول لاتغترين بنفسك كثير .. كلها كم شهر وتذلفين من غير رجعه ان شاء الله ..
الكلام هذا كله صار .. وخالتي ومرة سعود ( نوف ) ومرام وسارة يتفرجون ولا وحده منهم وقفت هالمهزله ..
ولا واللي ادهى بعد ان بنتها الى الان تصيح تبي الربطه اللي كانت ماسكتها بنتي وتحاول انها تلبسها ..
حاولت امسك اعصابي للنهايه : مرام .. ممكن تبعدين اختك المصون .. ماودي اغلط عليها ؟؟ ..
واخيرا تحركت مرام .. وسحبت نوره تبي تطلعها من الصاله .. لكن نوره مارضت ..
نوره وهي تصارخ وتبعد يد مرام : هيييييييييييييه انتي .. لايكون انتي الآمره والناهيه في هالبيت وانا مدري ؟؟ .. انتي اللي تضفين وجهك لغرفتك !! ..
خلاص عاد اشوفها مصختها بزياده .. كل شوي وهي قايله بيتنا وبيتنا ..
قمت وشلت بنتي .. وانا احس الدنيا تدور فيني .. بغيت اطيح بس حاولت امسك نفسي .. ماأبيها تشوف ضعف جسمي ..
قربت سارة مني واخذت سديم .. يمكن لانها حست بتعبي .. مريت من عند نوره ..
رنا : الرد على السفيه مذلة ..
ورقيت الدرج وانا اقول لسارة جيبي سديم لفوق ..
سمعت تلالي وتخربط .. ماسمعت ولاكلمه .. لاني كنت حاطه اصابعي في اذآني .. ماابي اسمع صوتها المزعج ..
دخلت غرفتي وبعد ماجابت سارة سديم ..
صكيت باب الغرفه وقفلتها مرتين .. للتأكيد ..
انسدحت على السرير وانا اصيييييييييييييييييييييح وبقوة ..
اصيييييييييييح وانا حاسه بالظلم والاهانه في بيتهم ..
اصيييييييييييييييييح وانا حاسه بالكره ممن حولي ..
اصيييييييييييييح واتمنى اني ماولدتني امي ..





احمد

سمعت انا وسعود .. صراخ واصوات عاليه ..
بس توقعنا ان الحريم جالسات يسولفن ويضحكن بصوت عالي ..
ماتوقعنا ابد ان فيه هواش ..
طلعت من البيت .. وبعد ساعتين .. دقت علي سارة
احمد : هلا ..
سارة : وينك ؟؟
احمد : قريب .. تبين شي ؟؟
سارة : تعال تعشى ..
احمد : فيه سعود ؟؟ ..
سارة : سعود وبندر .. يالله لا تتأخر ..
جيت للبيت بعد نص ساعة ..
دخلت للمحلق مالقت احد .. وين سارة اللي تقول فيه سعود وبندر ؟؟..
دخلت داخل للصاله وقبل لاادخل : فيه احد ؟؟..
سعود : تعال مافيه احد ..
دخلت وجلست : وش فيكم قاعدين بالصاله ؟؟!
سعود : نوره ..
احمد : وش فيها ؟؟
سعود : تصيح ..
وانا عاقد حواجبي : ليش؟؟ وش فيه ؟؟ وش صاير؟؟؟ ..
بندر وهو يقرب من اذني ويقول بصوت واطي : حبيبه القلب زعلتها ..
حمر وجهي .. فضربته على راسه : استح على وجهك ياقليل الادب ..
بندر وهو يغمز لي : هاذي الحقيقة يا أخي ..
التفت لسعود : وش صاير فهموني ؟؟..
سعود : انت يوم طلعت .. دخلت ابقعد مع امي شوي ..
استغربت من امي يوم قالت تعال مافيه احد .. يوم سألتها عن رنا .. قالت انها زعلت ورقت لغرفتها .. لانها تهاوشت مع نوره ..

أنا هنا عصبت من نوره .. انا عارف نوره وحركاتها .. ماتخلي احد في حاله ..
حاولت اضبط اعصابي .. علشان ماينتبه سعود اني متضايق لرنا .. والا بندر الحمار فاهمني وفاهم حركاتي : وماعرفتوا وش السالفه اللي تهاوشوا عليها ؟؟
سعود وهو يرفع اكتافه : محد راضي يتكلم !!..
استغربت بصراحه من اهلي .. اذا تهاوشوا مع رنا مايتكلمون ليش ؟؟ مدري ؟؟.. اكثر من موقف يصير .. واذا سألتهم وش السالفه ؟؟.. مايقولون لي ..
تتوقعون ليش ؟؟ يمكن لانهم مايبون يكبرونها وهي صغيرة .. والا يمكن لان رنا معها الحق!!.. او يمكن !!!!.. والله مدري ؟؟ .. وجعني راسي ..
قلت وانا على بالي مو مهتم للموضوع : والله هالحريم حاله .. كل يوم وهم متهاوشين !!! ..
سعود : بس انا ابي اعرف .. ليش تهاوشوا ؟؟! سمعت يوم جالسين نتقهوى واقولك وش هالازعاج والهواش .. تقولي اكيد يسولفون .. طلعوا متهاوشين !! ..
سألته وانا ميت ابي اعرف السالفه بس على بالي مبّرد : ومن بيقول لك السالفه ؟؟ خواتي حلّم انهم يقولون لك !! ..
وحطيت رجل على رجل .. يعني مو مهتم .. وانا من داخل احترق عشان رنا ..
سعود : بتشوف !! ..
قام سعود ودخل مجلس الحريم ..
اما انا اول ماشفت سعود اختفى عن عيوني .. قمت لبندر .. ومسكت رقبته بيديني .. وانا ودي اخنقه : شوف بندور .. ان سويت حركاتك البايخه مره ثانيه عند سعود .. والله بتشوف شي ماشفته بحياتك تفهم ..
قعد بندر يضحك .. ويضحك .. ويضحك ..
قهرني بصراحه ..
طلعت من الصالة بروح الملحق وانا اقول : حطوا العشاء انا جوعان ..
بصراحه الواحد له نفس ياكل بعد اللي سمعه ؟؟ ..
مااتوقع !!!





رنا


بعد الصياح اللي صحته ..
ضميت بنتي ونمت ..
اندق الباب .. مرة .. مرتين .. ثلاث .. الين سمعته ..
حاولت افتح عيوني .. ماقدرت ..
احس بصداع فضيع ..
حاولت ارد على اللي بالباب .. ويالله يالله طلع الصوت ..
رنا : من ؟؟
........ : انا سارة ..
رديت عليها من دون نفس : وش تبين ؟؟
سارة : افتحي الباب ليش مقفلته ؟؟
رنا : سارة مالي خلق .. قولي وش تبين وخلصيني ؟؟
سارة : انزلي تعشي ..
رنا : مابي ..
سارة : رنا بلاعناد وانزلي .. لا أعلم عليك احمد ..
حاولت اقوم بس ماقدرت .. احس ظهري بينكسر لو تحركت حركه وحده ..
بس قاومت لاني بقوم .. بقوفها عند حدها ..
كل كلمه والثانيه قالت لي احمد ..
صدق ماتستحي ..
فتحت الباب ..
تفاجأت سارة .. لاني كنت منفعله ..
صرخت بوجهها : هيه انتي لايكون احمد من باقي اهلي تهدديني فيه وانا مدري؟؟ .. شوفي سارة ان قلتي لي مرة احمد او سمعت تطرينه عندي .. لايكون آخر يوم بيني وبينك !! ..
صكيت الباب بوجهها بأقوى ماعندي .. لدرجه ان بنتي قامت تصيح ..





احمد

دخل سعود وهو معصب ..
احمد : وش فيك ؟؟
سعود : الله ياخذهن من حريم .. ولا وحده رضت تتكلم ..
احمد : هههههههه قايل لك اتحداك ان تكلموا .. بس ماصدقتني ..
سعود: بس راح اعرف !!..
احمد : طيب وحرمتك .. ماقالت لك شي ؟؟..
سعود : لا انا ابي اسمع السالفه من خواتي .. نوف ماتدري وش السالفه؟؟... اخاف تقول كلام مانقال .. تدري جديده ..
احمد : خلاص انا عندي لك فكره .. مو انت تبي تعرف وش اللي صار بين نوره ورنا؟؟ ..
سعود : ايه ..
احمد : انا اخليك تدري ..
سعود : وشلون ؟؟
احمد : بشرط ..
سعود : الحين انا فاضي لك انت وشروطك .. يالله قول وشو شرطك ؟؟
لاني متوقع مليون في الميه ان نوره هي الغلطانه عشان كذا قلت شرطي : الغلطان لازم يتعاقب ..
طير سعود عيونه : يعني وشلون ؟؟ تبيني اهاوش رنا اذا كانت غلطانه ؟؟..
ضحكت عليه ..
احمد : هههههههه .. الحين وين المرجله ؟؟ وين اللي يقول عني دجاجه .. مو انت اللي راح تهاوش رنا وبتقولها تروح للمستشفى غصب .. والا بس مستقوي علي ؟؟ ..
سعود : لا ياأحمد .. اوكي انا اهاوشها عشان مصلحتها .. بس مااهاوشها عشان زعلت اختي .. وش علي منهم هالحريم ان شاء يتذابحون !!..
احمد : اجل ليش تبي تعرف ؟؟ .. يعني بس لقافه ؟؟ ..
سعود : تقدر تقول ..
احمد : اجل ماني معلمك وشلون تعرف ؟؟ وان عرفت انا ماراح اعلمك .. لانك ماراح تنصر المظلوم !! ..
دخل بندر .. ومعه العشاء ..
قمت انا وياه نغسل وقطعنا السالفه ..




رنا

بأنزل وابتعشى وابضحك وبأسولف .. لاني في الاخير كل الحق معي ..
بأنزل واعلمها انها ماحركت فيني شعره .. وانها ماهمتني لاهي ولا عشره من اشكالها ..
غسلت وجه بنتي ..
مسكت يدها ونزلت ..
وللمعلوميه بنتي كانت حاطه الربطه على شعرها ..
بس فقط للتذكير ..
دخلت مجلس الحريم ..
رنا : السلام عليكم ..
خالتي ونوف لانهم هم الموجودات : وعليكم السلام ..
جلست جنب نوف ..
نوف حست من جلستي اني تعبانه ..
فقالت بصوت واطي عشان خالتي ماتسمع : شكلك تعبان ؟؟ ..
ابتسمت لها قد ايش هالنوف طيبه وحبوبه : سلامتك ابد مافيني شي ..
نوف والخوف باين عليها : اكيد؟؟ ..
ابتسمت لها عشان اطمنها : اكيد ..
سألتها وانا احاول ان خالتي ماتسمع : وش صار بعد مارقيت ..
ابتسمت نوف وحاولت تخفي ضحكتها : قولي وش اللي ماصار ؟؟
ضحكت غصب عني ..
والتفتت علي خالتي .. ناظرتني باستغراب .. يعني وش عندك تضحكين؟؟ ..
فصرفتها .. وقلت لسدومه : يالله ماما .. روحي للمحلق ناظرني افلام كرتون ..
سديم اول ماسمعت افلام كرتون .. راحت تركض ..
رنا : شوي شوي لاتطيحين ..
نوف : بسم الله عليها .. الله يحفظها لك .. ان شاء الله اذا حملت بأناظر في بنتك عشان اجيب وحده تشبه لها ..
رنا : لاااااااااا .. بتجيبين احسن منها ان شاء الله ..
نوف وهي ترفع يدينها : آآآآآآآآآآآآآآآآآمين ..





احمد


دخلت سدوم وحنا نتعشى ..
احمد : تعالي سدوم تعشي ..
سديم : مابي ..
وجلست عند التلفزيون ..
احمد : بندر طفي التلفزيون خليها تتعشي ..
سديم وهي تلف علي : مابي .. مابي ..
بندر : خلها ماتبي .. غصب العشاء ..
دخلت نورة مع بنتها حنين ..
نوره وهي تناظر سديم : اوووووووووووه نزلت ام الحسن والكمال .. اكيد امها مشرفه معها ..
عصبت عليها : انتي الحين وش دخلك بالبنت ؟؟!
نوره وهي معصبه : مالت عليها وعلى امها ..
نزّلت حنين من بين يدينها وحطتها عند بندر : بندر .. امسكها شوي .. بتعشي وبجي آخذها ..
بندر : لايكون انا حضانه وانا مدري ؟؟.. بطلع الحين ماني فاضي لك ..
قامت حنين من دون مانحس .. وراحت لسديم وشدت شعرها بقوه وسحبت الربطه منها .. ورجعت لأمها ..
اما سديم صرخت صرخة فزعت الدنيا بصرختها ..
من دون وعي قمت انا وسعود حتى بندر قام ..
شلت سديم من على الارض .. وهي غشاينه ..
وحاولت اخليها تصحى من غشوتها ماقدرت .. ارتبكت ماني عارف اتصرف ..
سحبها مني سعود .. وهو يقول : مويه .. جب مويه ..
طلعت للمغسلة اللي بجنب المحلق .. من التوتر والخوف حطيت مويه بيدي ورجعت للملحق ..
من الغباء اللي فيني .. اول ماوصلت لسعود كبيت المويه في الارض ..
فصرخ بوجهي سعود : امسح وجهها بالمويه بسرعه ..
مسحته وانا متوتر ..
ابعدني بندر وهو معه كاس مويه .. غسل بندر وجهها وهي بين يدين سعود ..
وسعود قاعد ينفخ عليها يحاول انها تصحى ..
بعد خمس دقايق من التوتر .. صرخت بصوتها اللي تعودنا عليها ..
وقعدت تصيح ..
انا من دون شعور اول ماسمعتها سدومه تصيح ..
ضربت حنين على يدها .. عقابا لها باللي سوته ..
فقعدت حنين بعد تصيح .. صاروا كلهم يصيحون
طلع سعود برى هو وسديم .. وقعد يسكتها ..
اما بندر .. صرخ بوجه نوره : انقلعي انتي وبنتك .. ضفي وجهك .. ماني ماسك احد ..
اما نورة كانت مصدومه مو من غشيان سديم لا .. مصدومه مني لاني ضربت حنين ..
صرخت بوجهي : انت كيف تسمح لنفسك تضرب حنين ؟؟ .. هاااااااااااه ؟؟ .. عشان بنت هالحيوانه هاللي ماتتسمى تضرب بنتي ؟؟ .. بس الشرهه مو عليك؟؟ .. الشرهه علي اني ما أدبتها هي وبنتها ؟؟.
وطلعت ..
الله يستر قامت القيامه ..
طلعت بألحق نورة .. لاتسوي شي الحين .. والله العظيم اننا نروح فيها .. لو دروا اهلها وش مسوين في بنتهم .. اقصد ( رنا ) ..
طلعت .. وانا انادي سعود اللي قاعد يسكت سديم : سعود الحق قبل لا يتذابحون !!!!!!!!!!.

رنا

رنا : شوفي خالتي مسكينه غفت .. شكلها تعباااااان ؟؟..
نوف : ايه والله انك صادقه .. مسكينه من عقب وفاة .........
بعدين سكتت ونزلت عيونها ..
عرفت قصدها ؟؟..
نوف وهي متفشله : آسفه .... بسسسس كان ..
قاطعتها : لا عادي .. بعدين معك حق خالتي من توفى مشعل وهي حالتها حالة .. الله يشفيها ويعافيها ..
نوف وهي الآن مستحيه من اللي قالته : آمين ..
بصراحه مالها داعي .. تتوقع اني بزعل اذا احد طرى وفاة مشعل !!..
صدق اني ازعل واتضايق بس اذا كنت لحالي مو قدام الناس ..
حبيت اغير الموضوع .. لاني حسيت بوجهها حمّر !!..
قلت لها وانا مبتسمه : تتوقعين وش اللي ببطني ولد والا بنت ؟؟
رفعت راسها وابتسمت .. كأني حسيت انها تقول ( الحمد لله انك مازعلتي من كلمتي ..)
نوف : أممممممم مدري .. بس اتوقع .. اتوقع ...( حطت اصبعها في فمها ..) اتوقع أممممممممم .. ولد ..
رنا : وليش قلتي ولد ؟؟
نوف : مدري .. بس عندك بنت .. وان شاء الله يرزقك بولد ..
رنا : عاد تصدقين ان مرام سألتني وش هو ؟؟ بس انا قلت لها ماعلمتني الدكتوره ..
نوف : ليش انتي تدرين وشو ؟
رنا : وش رايك يعني ؟؟ اكيد ادري ..
نوف وهي تبتسم : وبتعلميني صح ؟؟!!!
رديت لها الابتسامه : واثقه الأخت !!!..
نفخت عمرها علي : ياحق لي والا ؟؟!
رنا : من ناحية يحق لك فهو يحق لك .. بس ..
قاطعتني : لابس ولاشي .. قولي لي وشو ؟؟؟ عشان انا اذا حملت اقول لك وش اللي بطني ؟؟...
عقدت حواجبي : وليش عندك نية ماتقولين لي ؟؟!!
نوف : هههههههههههه .. اذا علمتيني الحين بعلمك ..
رنا : واذا ماقلت لك !!!
نوف : ماراح اقول ...
بعد كلمتها هاذي سمعت صياح بزر .. بس الصياح كلما له ويقرب ..
عقدت حواجبي وانا أسأل نوف : من تتوقعين يصيح ؟؟ لايكون بنتي ؟؟!!!!!!...
نوف : لا ماتوقع .. مو بنتك عند عمانها بالملحق ؟؟..
خفت بصراحه انا شاكه انه صوت بنتي : والله مدري ؟؟ الله يستر ..
نوف : عاد انتي الحين وش فيك خايفه ؟؟
رنا : تقول لي ليش خايفه ؟؟!.. لانك مابعد ذقتي طعم الضنى .. بكره اذا ولدتي .. حتى الشوكه ماتبينها تبطه ..
نوف : هههههههههه .. لا عاد مو لهدرجه ..

طااااااااااااااااااااااااااااااااااااااااااااااااا اااااخ بالباب ..
بسم الله العظيم الاعظم ..
خالتي قمزت من نومتها ..
اما نوف المسكينه .. ضمتني من روعتها ..
اما انا حطيت يدي على قلبي ..
وانا فاتحه عيوني على الأخيييييييييييييييير ..
نوره واقفه عند الباب ومعها بنتها حنين شايلتها وهي تصيح ( اقصد حنين )
نوره قاعده تناظرني بنظرات كلها شر وحقد ..
خيييييير وش تبي ذي تناظر كذا ؟؟
بعدت نوف عني بتشوف وش اللي صاير ؟؟
قعدت تناظر الباب وتناظرني .. وشكلها يقول انها خايــــــــــــــفه ..
نوره بصوت يصم الآذاااااااان : رنا يالتبن .. الحين تقومين تضفين زبالتك من فوق .. وتطلعين من بيتنا !!!!
بالله بس شوي عشان استوعب ؟؟؟
ممكن تعيدون لي وش قالت هاذي المجنونه اللي قدامي ؟؟؟!!
انا ماكنت اناظر احد في ذيك الدقيقة اللي غلطت علي فيها ؟؟!!
اصلا ماكنت اناظر اللي قدامي وقاعده تسب لاني استصغرتها.. ومن صغرها ماعدت اشوفها ..
رفعت اصبعي بكل برود وانا أأشر على نفسي وانا اغلي من جوه : انتي قاعده تكلميني ؟؟!!
ردت علي بصراخ اقوى : ليش فيه احد قدامي حيوان غيرك ؟؟!!
لا عاد زودتها كثيــــــــــــــــــــر .. تبن .. حيوان ..
غمضت عيوني قبل لا أرد عليها وانا اتعوذ من ابليس ..
فتحت عيوني .. ورديت بأبرد ماعندي وبأشوف وش أخرتها : الفرق بين الانسان والحيوان هو العقل .. وانا الحمد لله عندي عقل .. مو حيوان زي ماتقولين ..
قربت نوره من عندي .. ومسكتني مع طرف جلابيتي .. وحاولت توقفني وهي تصارخ : الحين .. الحيــــــــــــن تقومين تذلفين لبيت اهلك .. جعلك ماتوصلين له ..
لهنا وبس .. سكتنا بما فيه الكفايه ..
ابعدت يدها عن جلابيتي بقوه .. ووقفت وانا مو قادره اصلب طولي .. بس حاولت اقاوم ..
وقفت لها وجه لوجه .. وانا عيوني تطلع شرااااااااااااااار من العصبيه ..
قلت لها وبكل هدووووووووء : شوفي يابنت الناس .. انا مابيني وبينك شي عشان تعاديني هالعدواه هاذي .. ترى مو ذنبي ان زوجي الله يرحمه احسن طبع من زوجك .. مو ذنبي ان بنتي احمل فيها على طول وانتي تقعدين اكثر من سنه عشان تحملين .. مو ذنبي ان بنتي حلوه وبيضاء .. وبنتك مقبوله شكليا وسمراء .. مو ذنبي اني حامل الحين وانتي لك ثلاث سنين تبين تحملين وربي مو كاتب لك انك تحملين .. افهمي .. فتحي عقلك .. ليش الحسد والغيره ؟؟ ليه ؟؟ اللي كاتبه الله لنا بناخذه .. وبنرضى فيه ان شاء الله .. بس ليش نناظر غيرنا .. هم احسن منا .. هم اجمل منا .. هم

بصراحه ماقدرت اكمل تدرون ليش ؟؟
لاني شفت دموعها تسيل على خدها ؟؟
تدرون ليش تصيح ؟؟
لاني كشفت ليش هي تكرهني ؟؟..
انا داريه ان هالعدواة كلها عشان انا احسن منها عيشه ..
ماتوقعت اني بقول لها هالكلام .. ابداً ..
والدليل انصدمت وصاحت لما سمعت مني هالحكي ..
والله والله ماكان ودي اقول شي .. بس هي اللي اجبرتني ..


نهاية الجزء الثاني ..

الجزء الثالث ..


احمد


تراكضت انا وبندر ..
ولحقنا سعود معه سديم ..
لحقنا نوره لوين مادخلت ..
وسمعنا كل شي صار ..
قربت بأدخل للغرفه بأسكت نوره واطلعها ..
بس مسكني سعود ..
سعود : خلها .. خلها تقول اللي عندها ..
عصبت من سعود : وشلون اخليها .. ماسمعت وش قالت ؟؟ تقول ضفي وجهك .. خلني ادخل وأوقف هالمهزلة ..
سعود : مستحيل ماترد عليها رنا .. بنشوف رنا وش تقول ؟؟
بعدين اوقفهم كلهم عند حدهم ..
انصدم سعود من رد رنا يوم قالت (الفرق بين الانسان والحيوان هو العقل .. وانا الحمد لله عندي عقل .. مو حيوان زي ماتقولين .. )
التفت على سعود : شفت وش قالت ؟؟ شفت وش ردت عليها ؟؟.. خلني ادخل واطلع هالمجنونه من داخل ..
سعود : قلت لك خلهم لين مايخلصون كلامهم ..
شوي وهدا الجو ..
بعدين طلعت نوره .. وهي يدينها على وجهها وهي تشاهق وتصييييح ..
كلنا طيرنا عيوننا ..
انا اناظر بسعود وسعود يناظر ببندر وبندر يناظر فيني ..
وش السالفه ياناس ؟؟ وش القصه محد يدري ؟؟
طلعت رنا وهي متغطيه بجلالها ..
مرت من عندنا تبي ترقى الدرج ..
وقفها سعود : رنا .. وقفي ابيك اتكلم معك ..
رنا بصوت يالله ينسمع : مابيني وبين احد كلام ..
وعطتنا ظهرها ورقت الدرج ..
لكن سعود وقفها مرة ثانية : رنا .. تعوذي من ابليس وانزلي وخلينا نتكلم ..



رنا


لما ناداني المرة الثانية ماحبيت اطولها وهي قصيرة ..
نزلت اشوف وش يبي ؟؟
سعود وهو ينادي نوف من الغرفه : نوف ..
نوف وصوتها طالع من الغرفه : سم ..
سعود : تغطي واطلعي من الغرفه ..
اما انا وقفت قبال الاخوان الثلاثه بأشوف وش آخرتها ؟؟؟
طلعت نوف ..
دخل سعود للغرفه وهو يقول : ادخلي بتكلم معك شوي ..
لحقه احمد ودخل اما بندر جلس بالصاله ..
يالقافته هالاحمد .. لازم يدخل عصه بشي مايخصه ..
قبل لا ادخل طلعت خالتي من الغرفه ..
استغربت من خالتي انها طالعه .. لايكون بيكلموني لحالي ..
فسألت خالتي : ليش طلعتي خاله .. سعود يبي يكلمني اقعدي معي ..
خالتي وباين عليها التعب كثثثثثثثثير : يابنتي انا موب حول مشاكل .. ادخلي وشوفي وش يبون ؟؟
وابعدت وخلتني ..
قويت قلبي ودخلت ..
خليت الباب مفتوح و جلست على اقرب كنبه ..
وعطيتهم جنبي ..
سعود : انا ادري ان اللي سوته نوره غلط .. وادري انها غلطت عليك .. وسمعت انتي وش رديتي عليها .. وكنتي ماشاء الله اعقل منها ..
اوهههوووووووووووو علينا .. طولها وهي قصيره .. خلصني قل اللي عندك وفكني من دون مقدمات ..



احمد

توقعت سعود يطردني من الجلسه هاذي ..
بس الحمد لله مافشلني ..
بصراحه كبرت في عيني عقب الرد اللي سمعته منها وهي ترد على نوره اللي ماخلت كلمه شينه الا قالتها لها ..
اسمع سعود يقرقر عليها والله ماادري وش قال ؟؟
ياكثر فلسفته هالسعود ..
اما انا رحت بافكاري بعيد بعيـــــــــــــــد ابعد مما تتخليون ..
اخاف اقولكم تزعلون مني ماراح اقول ؟؟
وانا بين هواجيسي وافكاري ..
طيرت عيوني على اللي واقف عند الباب ..
سعود استغرب شكلي والتفت بيشوف من قاعد اناظر انا ..
مادرينا انا وسعود الا ببندر وارها وحاول يمسك يدها لكن كانت نوره اسرع من بندر وضربت رنا على وجهها ضربة قوية خلت رنا تصرخ ..
تقامزت انا وسعود ومسكنا نوره اللي مدت يدها مرة ثانيه بتضرب لكننا منعناها ..
نورة وهي تفك يدي من يدها وتصارخ : فكني عليها اعلمها وشو قدرها وشو قيمتها ؟؟؟..
سعود بصوته الخشن المرتفع : ولا كلمه لااعطيت كف على وجهك ..
نوره وهي تصارخ وتصيح : أيــــــه .. بتضربني عشانها هاه ..بتضرب اختك عشان وحده ماتسوى .. انا ماادري وش مسويه فيكم ؟؟.. ساحرتكم عشان تحبونها كلكم ؟؟؟!..
لفيتها بطراق ضيعت ملامحها من قوت الطراق اللي جاها ..
الحين جاء دوري انا ياسعود ..
صرخت بوجهها : والله اما بلعتي لسانك لا أتطوى ببطنك الحين قدام اخواني ولاهمني احد .. تفهمين والا افهمك ..
حطت يدها على خدها من قوه الضربه ..
من جد كان الطراق قوي .. ولو عندي اقوى منه كان ماقصرت فيها ..
هي صدق اختي الكبيرة بس في ساعه الحق .. مااعرف لا اخت ولا اخ ..
هي غلطت كثييييييييييييييير .. بس انها تمد يدها .. لا ... حدها ..
لهنا وبس ..
سعود مسك نوره وطلعها من الغرفه .. وبقيت انا وبندر نناظر في بعض ..
تكلم بندر : احمد ليش ضربتها ؟؟
احمد : لانها تستاهل .. هي اللي بدت ...




رنا


تخيلوا كل هذا يصير لي ؟؟؟!
اتهزئ وانضرب وانهان قدام الاخوان الثلاثه ..
ولا واحد بردت حرتي منها .. الا احمد .. يوم ضربها كف..
بس ماتمنيت هالشي يصير لها ..
ولا من زين وجه بندر يقول : ليش تضربها ؟؟؟
خوش والله ..
يقتل القتيل ويمشي بجنازته ..
وقفت بأروح لغرفتي ..
خلاااااااااااااااص احس مافيني اعصاب ..
اعصابي تلفت .. ولا عاد فيني قدره على التحمل ..
اول ماشافني احمد واقفه .. فتح المجال لي علشان اطلع اما بندر طلع من الغرفه قبلي ..
طلعت من الغرفه شفت بنتي مع مرام ..
تكلمت وانا احس ان الدمعه خنقتني : مرام عطيني بنتي ..
قربت مني مرام ومدتها لي ..
نزلتها على الارض ومسكتها ورقيت فوق ..
وانا ارقى حسيت فيه احد وراي..
التفت ..
شفت سعود ..
نزل راسه وقال بسرعه : حقك علينا حنا آسفين .. أدري مفروض هالشي مايصير .. بس انتي كنتي كبيره بتصرفك .. وماولعتيها اكثر ..
والتفت بينزل ..
لكني وقفته : سعود ..
من دون مايلتفت : آمريني ..
رنا : انا ماعدت اقدر اتحمل .. وزي ماتشوف انا حامل ومهم لي الراحه النفسيه وهنا انا ماراح ارتاح .. فياليت تأذن لي اني اروح لأهلي ؟؟ ..
سعود وهو على وقفته ومعطيني ظهره : بس انا مامنعتك روحي الله يستر علينا وعليك ..
رنا : بس انت عارف وش اللي مخليني اقعد هنا ؟؟ ..
سعود : انزين وش اللي تبينه وبيصير ان شاء الله ؟؟؟
رنا : اقنع خالتي تكفر عن حلفانه عشان اقدر اروح لأهلي ..
سعود : ان شاء الله بحاول قد مااقدر .. ومالك الا طيبة الخاطر ..
رنا : الله يجزاك خير .. تأمرني بشي ثاني ..
سعود : ايه ..
رنا : ان شاء الله خير ..
سعود : ابيك تروحين المستشفى .. تشوفين وش فيك ؟؟ من بعد المغص اللي جاك ؟؟
رنا : بس انا الحين مافيني الا العافيه ..
سعود : انا دريت انك تتضاقين من ركوبك السيارة مع احمد .. اذا هالشي صحيح .. انا بالخدمه يارنا .. اوديك للي تبينه ..
رنا : مشكور ماتقصر .. بس انا مافيني الا العافيه اذا حسيت بشي راح اروح .. ومافيه فرق بينك وبين احمد وبندر كلكم مثل حسبة اخواني ..
سعود : على خير اجل .. انتبهي لسديم ..
ونزل ..
خلاني مصدومه .. اول مرة يكلمني سعود .. من جد كان لطييييييف بكلامه وحسيت بالطيبه وبالحنان وهو يتكلم معي ..
والله انه نساني كل المشاكل اللي صارت قبل شوي ..
الله يوسع صدره مثل ماوسع صدري ونساني همي ..





احمد

جلست في الصاله ..
وامي وخواتي موجودات الا نورة ..
قاعده في المقلط تصيح .. ومعها نوف مرة سعود ..
ماتوقع ان نوف قاعده تهديها .. لان نورة راح حط حرتها في نوف لو حاولت تسوي شي ..
اتوقع انها جالسه في المقلط لانه مافي مكان تجلس فيه ..
ادري ان هذا كلام ماله داعي ..
بس احاول اسلي نفسي لين ينزل سعود من فوق ..
اكيد قاعد يتكلم مع رنا !!..
تتوقعون وش يقولها ؟؟!!
اكيد بيعتذر منها ؟؟!
صح ؟؟!!
الا صح ..
اجل وش يبي فيها ؟؟!
أيــــــــــــــــــــه نسيت !!
اكيد يبي يقولها لازم تروح المستشفى ..
الا اكيد هذا اللي قالها ..
ياربــــــــــي .. وانا وش اللي مشغل بالي ..
قالها والا ماقالها ..
يالله عليك يا أحمد ماتترك عنك التدخل في حياتها ..
وانا بين هوجاس وهوجاس ..
نزل سعود ..
سعود : وين نوره ؟؟!!
امي : بالمقلط ..
التفت علي : ليش ضربتها ؟؟
رديت عليه بكل برود : لانها تستاهل ..
سعود : بس الضرب مو حل يا أحمد .. انت عقدت السالفه ..
بندر يدخل عرض وهو معصب : اوكي هي تستاهل بس ماتضربها .. ماعندنا رجال يضرب خواته ..
احمد : اقول انت اسكت لا اقوم ألفك بطراق ..
بندر : هاذي المرجله عندك تضرب اختك ..
احمد : انا وش اقول ؟؟ مااقولك اسكت !! ..
بندر : ماني ساكت .. وش تبي تسوي يعني ؟؟
سعود بكل عصبيه : بس انت وياه .. خلاص السالفه وانتهت ..
عصبت من سعود .. كذا يمرر السالفه زي السلام عليكم : لا ما انتهت .. ولازم كلن ياخذ حقه ..
سعود : احمد قلت خلاص انتهت السالفه .. تكلمت مع رنا .. وحليت معها السالفه ..
احمد : يعني وشلون ؟؟!
سعود : يعني .. انسوا كلكم اللي صار .. وكأنه ماصار شي ..
جلست على الكنبه .. وانا مو معجبني الكلام اللي قاله سعود ..
اما سعود دخل المقلط ..
شوي وطلع معه نوره ..
وقفها قبالي ..
سعود : يالله اعتذر منها وحب راسها ..
ماودي اسوي اللي قاله .. بس مهما كان هاذي اختي الكبيره ..
قمت وحبيت راسها : آسف يانورة .. والله ماكان قصدي اني اضربك ..او اضرب حنين .. بس من جد طلعتيني من طوري ..
نوره من بين دموعها : انا اصلا مستحيل ازعل منك ..
وضمتني ..
ادري وش قاعده تحس فيه ؟؟!
تحس بفقدان الحنان ..
من جد احسها ضايعه ..
كم مره تشكي من زوجها ..
كم مره تمدح اخوي مشعل الله يرحمه وتتمنى ان الله رزقها واحد زيه ..
كم مره تترحم على ابوي الله يرحمه وتتمنى لو انه عايش عشان تشكي له ..
بصراحه رحمتها .. بس رغم كل هذا مالها حق تطلع حرتها بهالمسكينه رناوبسديم .. هم وش سووا لها ؟؟
ابعدت عنها .. لاني خفت اصيح من كثر ماتأثرت بصياحها ..
طلعت من البيت ركبت سيارتي ..
لوين ؟؟!!
مدري ؟؟!!


رنا


غيرت ملابسي ..
وانسدحت على السرير .. بعد مانومت بنتي ..
آآآآآآآآآآآآآآآآآآآآآه طلعت من أقصى قلبي ..
ولاواحد فيهم يفهم ..
ولاواحد فيهم يقدر اللي انا اسويه ..
كذا يجازوني ؟؟!
كذا يعامولني ؟؟!
كذا يسوون فيني ؟؟!
هذا وانا كم شهر ورايحه عنهم ..!!
اجل وش رايح يسوون لو اقعد عندهم طول الدهر ؟؟!!
اكيد بموت من اللي راح يسوونه فيني ..!!!
احس الالم اللي ببطني رجع ..
الله يستر ..
لاني مالي خلق يصير لي مثل اللي صار ذاك اليوم ؟؟
يالله يانورة ..
ياكثر ماتحملتك ..
ياكثر ماصبرت عليك ..
ياكثر ماسكتت لك ..
وكله عشان من ؟؟!!
كله عشان حبيب قلبي وعمري وروحي ( مشعل )
بس خلاص مشعل راااااااااااااااااااااااااااااح .. راااااااااااااااااااااح يانورة ..
راااااااااااااااااح وتركني ..
اتحملك ليش ؟؟
وش اللي يجبرني ؟؟
ادري اني مااخذت حقي منها باللي سوته ..
بس بسيطه الايام بيننا ..
والله والله والله ..
من اليوم ورايح .. خلاص ودعت السكوت ..
وبتشوفين رنا على حقيقتها ..
وبنشوف انا والا انتي في هالبيت .. الين اطلع منه بالسلامه ..
والله ماظنتي اطلع بسلامه !!!





احمد

رجعت بوقت متأخر ..
دخلت للصاله ..
لقيت امي جالسه ..
شكلها تتنظرني ..
احمد : السلام عليكم ..
امي : وعليكم السلام ..
احمد: خير يايمه وش فيك صاحيه ؟؟!
امي : تعال ياوليدي اقعد باتكلم معك ..
احمد : سمي يمه .. آمريني ..
امي : سعود ..
احمد : وش فيه ؟؟!
امي : يقول لي اسمحي لرنا تروح لأهلها ..
سكتت لحظه بأستوعب اللي قالته امي ..
امي : احمد سمعت اللي قلته لك ؟؟!!
رديت وانا مو مستوعب : سمعت .. طيب وش المطلوب مني ؟؟!
امي : انا مابيها تروح هي وبنتها عني .. وفي نفس الوقت شف وش صار لهالمسكينه ؟؟
حلو يعني امي شايفه المهزله ومو راضيه عنها ..
احمد : والله يايمه .. انا من يدك هاذي الى يدك هاذي .. اللي تبينه راح يصير ..
امي : بس سعود يقول .. البنت حامل وتعبانه .. يمكن يصير لها شي اذا جلست هنا ؟؟ ..
احمد : وش ذا الكلام يمه .. حنا وحوش يعني بناكلها ؟؟ ..
امي : مدري عنه هو يقول كذا ..
احمد : انتي وش رديتي عليه ؟؟!!
امي : مدري .. بس شكلي بأخليها تروح لأهلها .. لاسمح الله لو صار لها شي .. اهلها ماراح يسكتون .. شوف وشلون امها تنتظر ولادتها .. عشان تروح لعندها ..
احمد: يعني بتخلينها تروح ..
امي : هذا احسن شي ..
لاااااااااااااااااااااااا .. لااااااااااااااااا يايمه .. لاااااااا .. تكفين لاتخلينها تروح ..
تكفين يمه غيري رايك ؟؟!!
يمه تكفين حسي فيني ؟؟
ولا تخلينها تروح ..
ليتك تسمعيني يايمه ؟؟ !!
ليتك تسمعيني وتغيرين رايك ؟؟!!
امي حست بسرحاني : خلاص يااحمد انا بقولها بكره .. انا سامحه لها انها تروح ..
غمضت عيوني .. وانا متشتت ..يعني بكره بتروحين يارنا ؟؟!!
لا يايمه لاتسوينها ؟؟
بموت لو راحت .. والله لاموت من بعدها ..
قمت من عند امي من دون ماانطق ولاكلمه ..
دخلت غرفتي ..
انبطحت على السرير ..
تخيلوا شكلي والدمعه تنزل من عيني ..
وربي انها نزلت ..
مامسحتها ..
خليتها توصل الى النهايه ..
نهايتك يا أحمد اذا راحت رنا ..!!




رنا

نزلت الساعه 11 الصبح ..
دخلت الصاله
مافيه الا خالتي جالسه تتقهوى ..
رنا : صبحك الله بالخير ..
خالتي : صبحك الله بالنور ..
قعدت اتقهوى وانا ساكته .. لانه باختصار ماعندي شي اقوله ؟؟!!!
خالتي : رنا ..
رنا : سمي خاله ؟؟!
خالة : سعود قالي انك ودك تروحين لأهلك ..
تكلمت بكل صراحه .. لاني تعبت وانا اجامل ..
رنا : ايه ..
خاله : ادري يابنتي انك مو مرتاحه .. بس خلاص مابقى لك الا كم شهر وتولدين .. يعني مستكثره علينا هالكم شهر؟؟ ..
اووووووووووووف وش ذا الحاله .. يعني لازم تجيني مع اليد اللي تعورني ..
رنا : لا ياخاله انا مااستكثرت عليكم .. بس هذاك تشوفين بعينك ياخاله .. الحال ماتستحمل القعده اكثر ..
خالتي : طيب واذا وعدتك انه ماراح اخلي احد يمسك بكلمه وحده او يقول لك شي ؟؟ ..
رنا : مو قصه احد يتكلم علي او يقول لي شي .. انا ياخاله نفسيا مو مرتاحه هنا ..
خالتي : قولي وش تبين وانا اسويه لك .؟؟؟!
رنا : مشكورة ياخاله مابي أي شي تسوينه .. بس ابيك تسمحين لي اروح لاهلي .. بس هذا اللي ابيه ..
خالتي : يعني حنا مو اهلك ؟؟ ..
وش ذا الوهقه ؟؟..
رنا : ياخاله انتم اكثر من اهلي .. بس انا ابي امي تكون قريبه مني .. ابي اخواني .. ابي آخذ راحتي في البيت .. انزل وارقى على كيفي .. مو علي جلالي ..
خالتي : على هواك يابنيتي .. انا سامحه لك تروحين.. بسسسس ..
واااااااااااااااو .. ياسلااااااااااااااااام .. واخيرا وافقت .. الله يجزاك الف خير ياسعود .. انقذتني من ازمه ..
بس خالتي قالت بسسسسسسس .. والا انا اتوهم ..
سألتها بشوف وش ذي بس : بس ايش ياخاله ؟؟!!
خالتي : بس سديم تكون عندنا ..
هههههههههه ضحكت من داخلي بقوة ..
حلوة هاذي ياخاله ..
انا اروح لأهلي وبنتي تكون عندكم ؟؟
ماطبنا ولاراح الشر ..
يعني اقعد مع بنتي ازين لك ..
يافرحه ماتمت .. جاها الغراب وطار ..
رنا : وشلون ياخاله .. انا هناك وبنتي هنا ؟؟!!
خالتي : يعني سديم تكون عندنا ..
رنا : لا ياخالة رجلي على رجل بنتي ..
خالتي : بس ..
قاطعتها وانا ماحبيت اقاطعها بس انجبرت : ياخاله هاذي بنتي وشلون اروح واخليها .. ترضين وحده بناتك تروح تسكن عند جدتهم ..
خالتي : لا !!
رنا : حتى انا ابي بنتي ..
سكتت خالتي .. وشكل صدرها ضاااااااااق .. هي تبيني اجلس عندهم وماهي عارفه تقولها بوجهي .. فجابتها على بنتي ..
ماحبيت اكسر بخاطرها ..
خلاص يارنا ضحيتي بكل شي .. منتي قادرة تضحين آخر تضحيه لخالتك ..
خلاص يارنا لاتكسرين بخاطر عجوز كبر امك ..
خلاص اصبري وتحملي هالكم شهر ماراح يضرك شي ان شاء الله ..
رنا : خلاص خاله انا ماراح اطلع عشانك ..
خالتي والفرحه واضحه من عيونها : يعني بتقعدين ؟؟!!
هزيت راسي يعني أيه ..
خالتي : الله يجبر بخاطرك مثل ماجبرتي بخاطري .. الله يرزقك الولد اللي يسندك ويعوضك عن كل االلي شفتيه ..
وصارت تصيح ماقدرت تكمل دعاها ..
قمت وحبيت راسها .. ورقيت لغرفتي ..
والاخلاق عندي خايسه ..
موصله معي ..
اوووووووووووف وش ذا القرف اللي لازم اتحمله ..







احمد

رجعت من الدوام وانا مالي خلق احد ..
اليوم وبتروح رنا .. وش باقي لي عشان اوسع صدري ..
ابدا مو باقي لي شي ؟؟!!
دخلت البيت .. وعلى طول على غرفتي ..
مابي غدى .. اصلا مابي اشوف احد ..
حتى سدومه مابي اشوفها ؟؟
لاني لو شفتها ماراح اخليها تطلع من البيت ..
غيرت ملابسي .. وانسدحت على السرير ..
افكر وافكر .. بأشياء يمكن تنظنونها تافه .. لكنها عندي اشياء كبيره ..
اندق الباب ..
احمد : من ؟؟!
انفتح الباب ..
احمد : خير وش تبي ؟؟!
بندر : امي تقولك انزل تغدى ..
احمد : اقلب وجهك .. مابي غدى ..
بندر بكل برود : امي تقولك انزل ابي اكلمك بعد الغدى ..
احمد : اقلب وجهك .. مابي اكلم احد ..
بندر : لا حول ولا قوة الا بالله .. ياخي غير كلامك .. كل سؤال اسئله لك ترد على بنفس الاجابه ..
احمد : بندر .. شوف اما طلعت ياويلك مني ..
صرخت باعلى ماعندي : بررررررررررررررررررى ..
طلع بندر وسكر الباب وراه وهو يقول : عمرك مانزلت !!!
تغطيت بالبطانيه ونمت .. وانا في قلبي هم يصعب علي انساه ..




رنا

بعد يومين من هاللي صار كله ..
طول هاليومين اللي فاتوا ..
احس بطني يتقطع من داخل ..
احس شي مو طبيعي يصير داخل بطني ..
خفت يصير علي مثل اللي صار قبل ..
فقررت اروح للمستشفى اشوف وش فيني ؟؟
مستحيل اصبر الين يجي الموعد ؟؟
احس اني بموت من الالم ..
دقيت على سارة ..
رنا : هلا سارة ..
سارة : اهلين ..
رنا : تعالي لمي بسرعه ..
سارة : اوكي ..
بعد دقيقتين ..
سارة : هلا رنا وش فيه ؟؟
رنا : بطني يعورني ..
سارة : وش فيه ؟؟!!.. لايكون رجع لك اللي صار لك ذاك اليوم ؟؟!
رنا : الظاهر انه كذا ..
سارة : اجل يالله قومي ..
رنا : وين ؟؟!!
سارة : نروح المستشفى ..
رنا : مع من ؟؟
ابتسمت سارة وكأنها حست باللي ابغى اقوله : لاتخافين فيه بندر تحت .. يالله البسي عباتك .. على مااقوله ..
ابتسمت لها : ثواني واكون جاهزة ..
نزلت سارة ..
وبعد خمس دقايق لحقتها ..




احمد


قمت من النوم على آذان المغرب ..
لكني احس راسي بينفجر ..
توضيت وصليت العصر ..
لبست ثوبي ونزلت ..
تنحنحت لاني خفت رنا تكون موجوده بالصاله ..
امي : ادخل مافيه احد ؟؟!
احمد : السلام عليكم ..
امي : وعليكم السلام ..
احمد : يمه فيه قهوة احس راسي مصدع .. بآخذ لي فنجال قبل لااروح اصلي ..
امي : والله ياوليدي مازينت .. مرام نايمه .. وسارة راحت مع رنا ..
عقدت حواجبي : وين راحوا ؟؟
امي : رنا تقول ان اللي جاها ذاك اليوم رجع لها .. وراحت تشوف وش فيه ؟؟
احمد : ومن اللي وداها ؟؟
امي : بندر ..
قمت وانا ضايق صدري : يعني مافيه قهوة ؟؟
امي : رح صل وتلقى القهوة جاهزة ..
هزيت راسي وطلعت ..
طول ماانا ماامشي رايح للمسجد افكر برنا ..
صدق اني فرحت كثير انها ماراحت .. بسسس ..
بس احس فيه فجوه بيني وبينها ..
مع بندر عادي تتكلم معه وكأنه اخوها حتى بعض الاحيان تمزح معه ..
اما انا .. لا ..
حاطه لها خطوط حمراء معي ماتتعداها ..
ليش ؟؟
وش انا مسوي ؟؟






رنا


دخلت على الدكتورة بعد ماسويت الاشعه ..
رنا : هاه دكتورة وش فيه الجنين ؟؟؟!
الدكتورة : بصراحه انا ماني عارفه وش اقولك ؟؟ بسسس
من جد خفت كلام الدكتورة يخوف : قولي دكتورة لاتلعبين بأعصابي ؟؟
الدكتورة : انتي متى حسيتي بالالم ؟؟
رنا : تقريبا لي ثلاثه او اربعه أسابيع بس يروح ويجي مو دايم ..
الدكتورة : وليش ماجيتي اول ماحسيتي بالالم ؟؟
رنا : ماتوقعت انه شي مهم ..
الدكتورة : من اللي جاي معك ؟؟ زوجك ؟؟
صنمت مكاني .. ماتوقعت احد يسألني هالسؤال ..
بس حاولت ابلع ريقي وانا اقول : زوجي متوفي ..
الدكتورة : الله يرحمه .. سوري ماكنت ادري ..
رديت عليها وانا احاول اقاوم دموعي : ماصار شي .. بس يادكتورة قولي لي وش فيه ؟؟
الدكتورة : عندك عيال ؟؟
رنا : ايه عندي بنت ..
الدكتورة : الله يخليها لك ان شاء الله ..
رنا : مشكورة .. بس دكتورة خوفيتني .. قولي وش فيني ؟؟
الدكتورة : الحمد لله انتي مافيك شي .. بس الجنين هو اللي فيه ؟؟
حطيت يدي على قلبي .. لا يادكتورة تكفين لا تقولين ان ولدي فيه شي ..
ترى هالولد معلقه عليه آمالي واحلامي كلها ..
هذا اللي راح يشيل اسم ابوه ..
ويخلي اسم ابوه عايش ..
بلعت ريقي الناشف مرة ومرتين وثلاث وانا خايفه من الجواب : دكتورة قولي ..
الدكتورة وهي حاسه بخوفي : الولد اللي ببطنك ميت له شهرين !! ..
شهقت وبغت تطلع روحي : ميت !!! كيف وشلون ؟؟!! دكتورة فهميني .. وشلون وانا احس في كل حركه من حركاته .. دكتورة يمكن الاشعه مو لي يمكن لاحد ثاني وانتم لخبطتوا ..
ماقدرت اكمل .. وجلست اصيح ..
الدكتورة وهي تهديني : اذكري الله الله بيعوضك خير .. بس انتي لا تضايقين نفسك ..
جلست اصيح ماقدرت امسك نفسي ..
الدكتورة : رنا .. اسمعيني لازم نطلع الجنين من بطنك .. لان وجوده ببطنك راح يسبب لك تسمم .. والآلآم هاذي اللي تحسينها لانه ميت ..
رنا : لا يادكتورة انا ماراح انزله الا لين اتأكد ..
الدكتورة : تتأكدين من أيش يارنا ؟؟ خلاص كل شي واضح .. انا راح احدد لك يوم عشان ننزل الجنين ..
وجلست تكتب على الملف ..
اما انا رحت بعالم ثااااااااااااااااااااااني .. عالم ضعت فيه ..
عالم تنميت اني ماعشت فيه .. بس وش الفايده الحين ..
كل شي ضاع ..
كل شي راح بغمضه عين ..
ولدي اللي ببطني ميت وله شهرين !!!!
كيف تصير هاذي ؟؟
الظاهر ان هالدكتورة مخرفه ..
الا اكيد مخرفه ..
انا احس فيه .. احس بتحركاته ..
وشلون تقول ميت وهو يتحرك ..
اكيد هاذي ماتفهم شي ..
مستحيل انز ل الجنين الا لين اتأكد ..
مدت لي الورقه وهي تقول : يوم الأثنين راح ننزله .. ضروري تحضرين ..
اخذت الورقه منها وطلعت ..
وانا اقول في نفسي ( هين بس ان جيت لك بس مرة ثانيه )
اول ماركبت السيارة ..
نزلت دموعي وقعدت اصيح بصمت ..
لا بندر ولاحتى سارة سألوني وش فيني ؟؟
لانهم لو سألوني ماراح اقول لهم شي ..
ومستحيل اقول لاي احد مهما كان ومهما صار ..
وبروح لمستشفى ثاني عشان اتأكد ..


نهاية الجزء الثالث ..

الجزء الرابع ..



احمد

بعد ماصليت .. رجعت للبيت ..
جلست في الصاله بما ان رنا مو موجوده استغلها واتقهوى مع امي ..
بس كنت مرة متضايق ..
انا مو متضايق من تصرف رنا معي ..
لا .. انا متضايق لاني قاعد افكر فيها ..
متضايق لاني حطيتها ببالي .. وشلون مدري ؟؟
متضايق لاني قاعد اتعب نفسي على الفاضي ..
لاني مستحيل آخذها .. وحتى لو انا بغيت آخذها مستحيل اهلها يوافقون ..
ليش نروح لبعيد .. اصلا اهلي مستحيل يوافقوا ..
يعني كذا والا كذا يااحمد .. الدعوه خربانه .. فلا تخربها زياده ..
شوي الا دخل بندر ووراه سارة اللي على طول فسخت النقاب .. اما ست الحسن والجمال على طول رقت لفوق ..
على ايش شايفه نفسها يانااااااااس .. انا مدري ؟؟..
مدري هو غرور اللي فيها؟؟ .. والا ثقة زيادة عن حدها؟؟ .. والا تكبر وتعالي ؟؟..
والله مدري وش اللي مخليني احوس مع هالبنت ؟؟ ..
بندر : يمه صبي لي قهوة ..
امي : ان شاء الله .. هاه وش قالوا ؟؟
بندر وهو يستعبط تقل انا فاضي لحركاته : من هم ؟؟
امي : وش قالوا عن رنا ؟؟ وش فيها ؟؟
بندر وهو يرفع كتوفه بغبااااااااء واضح عليه : مدري عنها .. ماسألتها ؟؟..
عصبت منه : يعني انت رايح منظر .. وش اللي ماتدري عنه ؟؟ يالله محد مجنني بالهبيت غيرك من غباءك وبرودك ..
بندر وهو يرفع اصبعه ويوجهه علي : هيه انت لاتكلمني كني اصغر عيالك .. وبعدين مااخذت الغباء الا منك .. يعني وراثه من اخ الى اخ .. ههههههههههه
قهرني وهو يضحك .. وانا قاعد احترق بشوف وش سالفتها هاذي هي وبطنها ..
سكت ولاقلت شي .. حتى امي ماسألت بندر مرة ثانيه ..
لما جت سارة اللي راحت تفسخ عباتها سألتها امي على طول : اكيد انتي عندك الخبر .. وش قالوا في رنا ؟؟ وش اللي متعبها ؟؟.
سارة وهي تنهد : والله يايمه اول ماشفت رنا طالعه من الغرفه .. اشرت لي ولحقتها .. ويوم بغيت اكلمها .. ماش تراجعت .. حسيت مو وقته اسألها هالسؤال .. لانها كانت ماسكه بطنها وترص عليه .. قلت يمكن يوجعها مابي ازيد اوجاعها بكثرة حكي ..
الحين عصبت وبقوة بعد : انا بفهم شي واحد .. انتم وش عندكم رزاين وجوهكم ورايحين معها وانتم كأنكم صم بكم عمي ؟؟ ..
بندر وهو يبي يحرق دمي زيادة ماهو محروق : والله ياحبيبي لو هي تهمك ويهمك امرها .. ورى ماقمت من نومتك ووديتها عشان تتطمن عليها بنفسك .. صاير تخاف عليها هالايام اكثر من نفسك ..
وقفت وانا معصب ومن العصبيه انكب فنجال القهوة على ثوبي وانا اقول : على تبن ياحمااااااااااار .. انا قايل لك اكثرمن مرة لا تكلمني بهالاسلوب .. والا والله يابندر ان تشوف شي ماشفته !!..
وطلعت فوق لغرفتي اغير ثوبي وابطلع .. لاني خلاص احس اني بختنق ..






رنا


ياربي ساعدني ..
يارب ساعدني ..
ماني مصدقه ياناس ..
ولدي ميت .. لا .. تكفون قولوا غير هالكلام ..
يارب الطف بي .. يارب أرأف بحالي .. يارب ارحمني ..
دمعت عيوني .. وانا احاول اني امسحها كلما نزلت ..
تجرحت خدودي من كثر المسح فما قدرت اقاوم .. وانفجرت اصيح باقوى ماعندي ..
وماهمني احد يسمع صياحي او مايسمع !!!..
اهم شي اطلع اللي بقلبي ..





احمد

طلعت من غرفتي ..
وانا اصك الباب بأقوى ماعندي من العصبيه اللي ملازمتني هالايام ..
مريت في طريقي على كل الغرف ..
بس !!
وقفني صوت صياح .. وصياح عالي بعد ..
من الي قاعد يصيح ؟؟ .. لاتكون مرام ؟؟..
التفت لغرفه مرام .. شفت النور طافي ..
لا مو مرام اللي تصيح !!..
هاذي اكيد .....؟؟؟
التفت بأشوف نور غرفه رنا ..
مفتوووووووح النور!! ..
بس معقوله رنا تصيح ؟؟..
ليش طيب ؟؟
قربت من غرفتها .. والصوت كلما له ويقرب ..
من دون شعور او وعي مني ..
دقيت على الباب ..
الصوت ماتغير على حاله ..
اكيد ماسمعت الباب ..
دقيت الباب بأقوى شوي عشان تسمع ..
فجأة سكت الصوت .. وتغير الى أنين ..
ناديتها بصوت عالي عشان تسمعني : رنــــاااا !!..





رنا

لما سمعت صوت يناديني خفت .. مدري ليش ؟؟
يمكن دروا ان اللي ببطني ميت وجايين عشان يودوني غصب انزله ..
لا .. لا ..
بس انا ماقلت لاحد ..
اجل من اللي قاعد يصوت بأسمي ..
قمت وانا اصلب طولي .. وهاذي عادتي كلما بغيت اقوم ..
قربت من عند الباب ..
قلت بصوت يالله يالله طلع مني : من ؟؟؟
.......: انا احمد .. رنا فيك شي ؟؟!!
قسم بالله اني بغيت افتح الباب واحضنه بقووووووووووة ..
تدورن ليش ؟؟
لانه نفس النغمة اللي كنت اسمعها من مشعل الله يرحمه ..
نفس الصوت ونفس النغمه ..
مسكت اعصابي وانا خلاص على ادنى شي راح انفجر من الصياح ..
رديت عليه بكل برود عشان مايحس ان فيه شي وحاولت اخلي صوتي طبيعي : بغيت شي ؟؟






احمد

قهرتني ببرودها ( بغيت شي ..)
انا الحين خايف عليها ..
وهي ترد علي بهالكلمه ..
معليش يااحمد .. استحملها وكمل معها للنهايه وشوف وش آخرتها معها؟؟ ..
ماسألتها عن صياحها لاني عارف راح تنكر ..
لكني سألتها : وش قالت الدكتورة عن بطنك ؟؟
انتظرت الجواب لكنها طولت ..
قلت بأعيد عليها السؤال مرة ثانيه ..
بس قلت لا .. اصبر وش انا مستعجل عليه ؟؟
شوي ويجي صوتها :تقول ... ان الجنين امم يعني هو منقلب .. وشي طبيعي تحسين بالالم .. لان موعد الولاده قرب ..
فهمتوا شي ؟؟ ..
انا بصراحه مافهمت ولا كلمه ..
بس هين يارنا ..
مصيري انا وياك نتواجه ..
وفي الساعه اللي بنتواجه فيها راح اكسر خشمك اللي رافعته علي .. وعلي انا بالذات !! ..
نزلت تحت من دون ماارد عليها ..
وطلعت من البيت وانا احس اني مخنووووووووووووووووق ..






رنا

مسكت راسي وانا خايفه اني اطيح ..
يالله وشلون كذبت هالكذبه؟؟ ..
ليش مدري ؟؟ .. بس كان لازم اكذب ..
حسيت بخطوات رجلين تبعد .. وبعدين سمعت خطواته تنزل من الدرج بقوة ..
دريت انه راح .. بس احس انه عصب ..
على طول رحت وانسدحت على السرير وانا احس ان الدنيا تلف وتدور فيني ..
ياربي وش الحل ؟؟
وش اسوي ؟؟
غفت عيني من دون شعور من التعب والصياح اللي صحته ..







احمد


دقيت على امي بجيب انا العشاء اليوم من المطعم ..
فدقيت اعلمهم انهم لايسوون ..
على الساعه عشر ..
رجعت للبيت معي العشاء ..
وكالعاده رنا فوق .. فأخذت راحتي ودخلت المطبخ وحطيت العشاء فيه ..
احمد : يالله مرام حطي العشاء لي بالملحق .. برقى فوق شوي وبرجع ..
دخلت غرفتي فسخت ثوبي ولبست قميصي ..
اخذت الاب توب ونزلت ..
لما دخلت الملحق .. لقيت سديم عند التلفزيون ..
يالله على هالبنت ماتمل من الافلام كرتون .. بتروح عيونها وهي مابعد دخلت المدرسة ..
جلست وبحضني الاب توب ..
احمد : سدومه تعالي اجلسي جنبي ..
سديم : مابي ..
تقهرني ماعندها الا هالكلمه ( مابي ) حافظتها وازعجتنا فيها ..
صاير زي امها .. ماتسوي الا اللي براسها ..
حاولت اعصب عليها علشان تخاف مني : تعااااااااااااالي ..
قامت من عند التلفزيون ووقفت عند الباب وهي تحط اصبعها عند مخها : مابي ..
وطلعت تركض ..
حمااااااااااااااااااارة
انا اوريك ياسدومه ..
قمت ولحقتها وهي تصارخ وتركض : مااااااااااااااااااااامااااااااااااااااامااااااااا اااااااااماااااااااااااااااااااااا ..
وانا الحقها وهي تضحك ومابلسانها غير مامااااااااااااااااا ..





رنا


رن جوالي على الساعه تسع ونص ..
رديت وانا صوتي كله نووووووووم : هلا يمه ..
امي : هلا بنيتي وشلونك ؟؟
رنا : الحمد لله انتي وشلونك ؟؟
امي : بخير .. وراه صوتك كذا ؟؟
رنا : مامي انا نايمه ..
امي : يعني قومتك من النوم .. خلاص اجل كملي نومك .. انا دقيت بس بشوف وشلونك ؟؟ وبسألك انتي رحتي والا لا .. يالله اجل مع السلامه اكلمك مرة ثانيه ..
رنا : مامي خلاص طار النوم .. رحت اليوم .. وسويت اشعه قالت تطلع بكره ..
ليه كذبت على امي .. مدري ؟؟
هاذي الكذبه الثانيه بعد كذبتي على احمد ..
احمد ماعلي منه خليه يولي ..
بس اكذب على امي لا .. حتى لو بقولها الحقيقة مستحيل اقولها ..
بس كذبه عن كذبه تفرق .. والا ؟؟
سكرت من امي بعد ماطمنتها علي .. ووعدتني تزورني خلال هالاسبوع ..
قمت وانا احس بكسل ..
فقررت اتسبح عشان اتنشط ..
بعد ماخلصت لابسه لفيت شعري بشباصه .. ولفيت جلالي على راسي ونزلت تحت ..
اول مادخلت الصالة ..
سمعت صوت سديم وهي تقول مااااااااااااااااااااماااااااااااااا ..
قربت من الصوت بحركه سريعه .. كان الصوت جاي من جهة الرجال ..
اول مابغيت ادخل مع الباب الفاصل بين الصاله ومغاسل الرجال شفت سديم تركض وجايه اتجاهي ..
لكني حمدت ربي وشكرته اني كنت مغطيه وجهي بالجلال ..







احمد

وانا الحق سديم ..
ماتوقعت انها تقول ماااااااااااااامااااااااااا وتعني امها الواقفه عند الباب .. اول ماقربت امسكها شفت يدينها تلف ورى رجلين احد من هو ؟؟ مدري ؟؟
رفعت راسي بشوف من هو الشخص اللي ضمته سديم ..
على طول من شعور ..
ابتسمت ..
وياليتني ماابتسمت !!! ..
لانها شالت بنتها وطلعت .. وصكت الباب وراها ..
والله كأنها صكت على قلبي ..
رجعت وانا اميّل فمي يمين ويسار ..
تنهدت انا اقول في نفسي .. الله يعيني عليك يارنا ؟؟
رجعت للملحق وفتحت الاب توب وجلست اتصفح ايملي وانا بالي مو معي ..
بالي مع .......... !!!
انتم تعرفونها ؟؟








رنا


قايله لكم ماينعطى وجه ..
بس ماصدقتوني ..
شفتوا بعيونكم وش صار ؟؟
من زين خشته يبتسم ..
على ايش ؟؟ مدري ؟؟
اول ماسكرت الباب .. نزلت سديم على الارض ..
احسها كسرت ظهري بهالدقيقة اللي شلتها فيها ..
جلست في الصاله وانا الهث .. واحس بالالم يرجع مرة ثانيه ..
حاولت انساه لكن ماقدرت ..
قمت ودخلت المطبخ عشان اشغل نفسي .. ومااتذكر الالم ..
شفت اكيااااااااس على الطاوله من المطعم ..
وش السالفه ؟؟
وش صاير ؟؟
رنا : مرام وش فيه ؟؟ من اللي جايب هالاكياس ؟؟
مرام : احمد قال اليوم بعشيكم ..
فتحت خشتي وانا اقول : أهاااااااااااااااااااا ..
بعذره ابتسم لي قبل شوي .. اثره جايب العشاء من بره ..
يجي منك يا أحمد اشياء حلوة ..
رنا : مرام تبين اساعدك بشي ؟؟
مرام : لا سلامتك روحي ارتاحي شكلك مرة تعبانه ..
تضايقت لان شكلي باين عليه التعب ..
فسألتها أبتأكد : صدق شكلي باين عليه انه تعبان ؟؟
مرام : أي والله .. شوفي عيونك وشلون منفخه ووجهك اصفر ..
طلعت من المطبخ وانا اقول لمرام : انا بجلس في الصاله اذا تبين شي ناديني ..
جلست افكر .. يالله لازم بكره اروح اسوي اشعه ثانيه عشان اتأكد ..
بس من يبي يوديني ؟؟..
فايز اللي راح يوديني .. بس ؟؟
اوووووووووف ..
المشكلة ابي مستشفى خاص اكشف فيه ..
تصدقون عاد مامعي ولا ريااااااااااااااااااال واحد ..
واكيد فايز مامعه فلوس ..
حتى لو معه ماراح اخليه يدفع ..
واذا قلت لامي تعطيني بتقول وش عندك بتروحين مستشفى خاص .. واكيد تبي تقعد تهوجس وتوسوس ..
ياربي وشالحل ؟؟
وش اسوي ؟؟
انا لو معي فلوس كان انحلت .. بس مامعي ..
منين ادبر لي فلووووووووس ..
ايه جبتها ..
اتسلف من مرام او سارة ..
طيب لو سألوني ؟؟
ليش يسألون اصلا هم مالهم دخل يسألوني يبون يعطون يعطوني .. مايبون كيفهم ..










احمد

توي داخل البيت .. جاي من الدوام تعباااااااااااااان ودايخ .. بس ابي انام ..
على طول رقيت فوق .. دخلت غرفتي .. غيرت ملابسي شغلت المكيف وانسدحت على السرير ..
يا سلااااااااااااام يازين البراد ..
اندق الباب ..
احمد : من ؟؟
........ : انا مرام .. ادخل ؟؟
احمد : ادخلي ..
دخلت مرام وجلست على طرف السرير ..
سألتها على السريع لاني بنام : بغيتي شي ؟؟
ضمت فمها وشكلها محتاره تقول اللي عندها : مرام خلصيني اذا عندك شي قولي لي .. لاني بنام ..
تنهدت وشكلها مو طبيعي ودها تقول وماودها باين عليه التردد : يالله مرام انجزي علي ..
مرام بعد تردد كبير وبعد مابلعت ريقها : ابي فلوس ..
احمد : اووووووووووف وساعه عشان تقولينها .. كم تبين ؟؟
مرام وبتردد اكبر من الاول : ابي األف ..
طيرت عيوني : ألف مرة وحده !!! وش عندك ؟؟ وين بتروحين ؟؟
مرام وشكلها طفشت وهي تتكلم بالقطارة : شوف احمد بقولك كل شي بس اوعدني انك ماتسوي شي ؟؟
احمد : تراك طفشتيني قولي وخلصيني ..
مرام : اول شي اوعدني ؟؟
ولاني أبي افتك منها عشان انام قلتها : يالله اوعدك ..
مرام : مو انا اللي ابيهن .. رنا هي تبيهن .. ولاني مامعي كلهن بالبنك قلت اتسلف منك .. بعدين ارجعهن لك ..
آآآآآآآآآآآآآآآآه .. رنا تبيهن .. اصلا رنا لو تبي روحي اعطيها .. فمابالك بألف ريال اللي ماتسوي ولاشي عندي ..
بس سألتها وانا شاك بالموضوع وشلون رنا تبيهن وهي ماتطلع من البيت اكيد السالفه فيها انا : ليش تبيهن ؟؟ وش عندها ؟؟
مرام وهي تهز كتوفها يعني مدري ؟؟
احمد : طيب هي بتطلع بتروح مكان ؟؟..
مرام : وشلون تطلع وهي بالعده ؟؟
احمد : مدري عنك .. اجل وش تبي بالألف ؟؟
مرام : مدري عنها .. تبي تعطيني والا ادق على سعود ..
احمد : لا خلاص بعطيك ..
قمت من على فراشي وطلعت لها من جيب ثوبي الف وعطيتها اياها ..
اخذت الالف وطلعت ..
اما انا لبست قميصي ونزلت ..
ابي اعرف وش السالفة ؟؟
يستهبلون هم والا وش قصتهم ؟؟







رنا

طلبت من مرام فلوس .. قالت ايه معي ..
بس ماكنت ادري وش اللي راح يصير لي من ورى هالمرام الغبيه ..
كنت جالسه في غرفتي بعد مادقيت على فايز وأكدت له يجيني بعد المغرب ضروري ..
اندق الباب .. ودخلت مرام وهي تعد الفلوس اللي بيدها ..
سألتها ابي أتأكد : منين جبتيهن ؟؟
مرام : من درجي .. يعني منين ابجيبهن ؟؟ تتوقعين اروح اتسلف من احمد .. وانتي محذرتني ..
مسكينه ماتدري انها انكشفت وان فيه سالفه راح تصير ..
خذت منها الفلوس وحطيتهم بشنطتي : الله يعطيك العافيه يامرام ..ان شاء الله اردهم لك قريب ..
مرام وهي تطلع : لا عادي خوذي راحتك متى ماصار معك عطيني اياهم لا تستعجلين لاني مو مستعجله عليهم ..
ماتدري ان احمد هو اللي مستعجل عليهم مو هي ؟؟ ..
رن جوالي ..
رقم خالتي ..
رديت : هلا خاله ..
خالتي : انزلي يابنيتي ابيك .. بس تغطي لان احمد بالصاله ..
رنا : ان شاء الله ..
سكرت من خالتي .. وانا حاسه ان السالفه فيها انّا ..
لاتكون السالفه عن الفلوس ؟؟..
لا لا مااتوقع ..
لان مرام وعدتني محد يدري بالموضوع ..
لبست جلالي ونزلت ..
وقفت في طرف الصاله .. وانا اشوف احمد جالس جنب خالتي ..
قلت بصوت واطي ويالله ينسمع : سمي خاله بغيتي شي ؟؟..
اللي رد على سؤالي مو خالتي ؟؟ ..
لا !! ..
اللي رد هو ......








احمد


ترددت اكلمها في الموضوع او لا ..
بس في الاخير عزمت اني اكلمها ..
ابي افهم وش سالفتها هي ؟؟..
كل يوم طالعه لي بقصه ؟؟
بعرف وش تبي بالالف ..
يوووووووووه ياأحمد عطيتها الألف وذليتها فيها ..
لا انا ماذليتها .. بس انا لازم اعرف .. مو اصير مثل الاطرش في الزفه ..
لما شفتها تنزل مع الدرج قويّت قلبي ..
لازم اكلمها .. لازم انهي هالمهزله اللي قاعده تصير ..
لازم اعلمها اني موجود ..
وانها تحترم وجودي على الاقل ..
احمد : تعالي اجلسي ابي اتكلم معك شوي ..
جلست على اقرب كرسي شافته ..
احمد: رنا .. ممكن اعرف وش فيك ؟؟ ادري ان محد سألك لا امي ولا خواتي ولا حتى بندر اللي وداك للمستشفى .. بس انا قاعد اسألك وش فيك ؟؟ وش قالت الدكتورة ؟؟





رنا


بتكلم معه وبآخذ وبعطي عشان يشيلني من باله ..
لاني من جد مليت منه ..
كل يوم طالع لي بسالفه عشان بس يتكلم معي ..
خليني اتكلم معه عشان يسكت عني ..
رديت عليه بكل برود وقلت له نفس الكلام اللي قلته له البارح : تقول انه مقتلب قبل وقته عشان كذا تحسين بآلآلآم نفس آلآلآم الولاده .. بس هذا اللي فيني !!..
ناظرني وهو شاك فيني وفي السبب اللي قلته له ..
سألني سؤال ماتوقعت ابدا انه يسألني اياه : وش تبين بالألف اللي عطتكياها مرام ؟؟
انصدمت .. يعني مناديتني خالتي عشان احمد كان يبي يسـألني عن الألف ؟؟ ..
وانا محذره مرام ومتوعده فيها لا يدري احد خصوصا احمد!!! ...
أنا في هالوقت ارتفع ضغطي ولو قدامي مرام الحين كان ذبحتها وشربت من دمها ..
جاوبته وانا متنرفزة يعني لازم يدخل عصه بشي مايخصه : مالك حق تسألني هالسؤال .. اذا كانت الفلوس من حضرتك ذيك الساعه تعال تكلم معي ..
ليتني ماقلت له كذا ليتني انطرمت ذيك الساعه .. اووووووووف ..
انا وش قلت ياربي ؟؟ من جد انذليت يوم قلت هالكلمه ..
رد علي وهو مبتسم : لا والله .. وتتوقعين مرام منين لها الالف ..
شكيت في الموضوع .. لا يكون ..........؟؟؟
لااااااااااااااااااااااااااااااااا يامرام .. ياويلك مني لو كنتي متسلفه من احمد .. ياويلك .. مراح احد يفكك مني ..
ماودي اسمع كلام اكثر من كذا .. قمت وانا اقول : لو سمحت لا عاد تتدخل في حياتي .. ممكن ؟؟
وقف مع وقفتي وهو شكله يعاندني : لا مو ممكن يارنا ؟؟ ويكون في علمك .. الالف اللي معك حقتي .. انا سلفتها مرام عشان تعطيك اياه ..
كنت برد عليه .. بس لما شفته قرب من عندي سكت ..
قرب الين ماصار بيني وبينه متر واحد بس ..
قالي بصوت ماتسمع خالتي : اما الجنين مقتلب وآلآلآم منه .. فهاذي تقولينها لأمي .. لانه مايمشي معي هالكلام .. شوفي يارنا بعد صلاة العصر تكونين جاهزة .. لاني راح اوديك للمستشفى واشوف وش فيك ؟؟ اوكي ..
قهرني اسلوبه رديت عليه وانا متنرفزه : واذا ماجهزت بتضربني ..
رد علي وهو متنرفز اكثر مني وقال وهو يرص على اسنانه : بكسر راسك ..
ضحكت بإستهزاء وانا ارد عليه بكل برود : ان كنت ولد لابوك اكسر راسي ..
بعدت عنه ووقفت عند خالتي ..
رنا : خاله احمد يقول بيوديني للمستشفى وانا مابي اروح .. وانتي وعدتيني ان مااحد يمس شعره مني .. قولي له ياخالة اني مابي ..
خالتي واول مرة تبرد حرتي : خلاص يارنا ارقي لغرفتك واللي تبينه بيصير ..
على طول اول ماقالت خالتي هالكلمه رقيت لغرفتي وانا فرحانه ..
واخيرا يااحمد لقيت احد يوقفك بمكانك ..
هههههههههههههههههه .. ضحكت بأعلى صوتي وانا مبسوطه وفرحااااااااااااانه .. لكني مقهورة واهدد واتوعد هالمرااااااااام باللي سوته فيني ...







احمد

من دون ماانطق ولا حرف ..
رقيت لغرفتي بعد ماقالت لي أمي : احمد على شان خاطري خلها بحالها ..
انسدحت على السرير وانا اقول بنفسي : من اليوم ورايح مالي شغل فيك يارنا ؟؟ وانا رجال وعند كلمتي ..
ونمت وانا مرتاااااااااااااح نفسيا لاني نوعا ما شلتها من بالي ..
بصراحه هي عنيده وتسوي االلي تبيه وانا مالي خلق اجاكر حريم وخصوصا رنا !! ...






رنا


بعد ماصليت المغرب .. لبست عباتي ونزلت تحت ..
لقيت خالتي في الصالة ومعها مرام وسارة ..
رنا : خالة بروح مع اخوي عندي موعد ..
خالتي : مو امس رايحه !!..
والله الوهقه ..
رنا : لا خالة هي قالت تعالي عشان تسوي لي اشعه ثانية عشان تحدد لي موعد الولاده ..
خالتي : براحتك يابنيتي روحي للي تبينه ..
لبست نقابي وطلعت: مع السلامه ..
ركبت السيارة ..
فايز : اهلين ..
رديت وانا الهث ماصدقت اني اطلع سالمه : هلا فيك ..
فايز : أي مستشفى تبين ؟؟
رنا : مستشفى (............) الاهلي ..
فايز : وليش اهلي ؟؟
رنا : انا ابي اهلي ..
فايز : خلاص لاتعصبين علينا اهلي اهلي ..
وكمل وهو يستخف دمه : الا أقول تبين اهلي والا اتحاد .. ههههههه
رديت عليه وانا مالي خلق : هه هه هه باااااااااااااااايخ ...
بعد نص ساعه وصلت للمستشفى وبعد الاشعه دخلت على الدكتورة ..
الدكتورة : تفضلي .. اسمك رنا ؟؟
رنا : ايه ..
الدكتورة : انزين قولي لي وش مشكلتك قبل لا أشوف الاشعه ؟؟
قلت لها السالفه من طق طق الى السلام عليكم ..
والدكتورة متعجبه من كل الكلام اللي قلته ..
الدكتورة وباين عليها الاستغراب : يعني تبيني اشوف الاشعه اذا هو فعلا الجنين ميت او لا ؟؟
رنا : ياليت يادكتورة تعجلين علي لان اعصابي خلال تلفت .. ماعاد فيني صبر ..
طلعت الدكتورة الاشعه من الملف بكل برووووود ..
ورفعتها عشان تشوفها وانا خلاص ماعاد فيني اعصاب ..
نزلت الاشعه وقرت الاوراق اللي مع الاشعه ..
ماقدرت اصبر فسألتها : هاه دكتورة تكفين بشريني ..
الدكتورة : شوفي انا ماراح اكذب عليك .. اللي قلتيه قبل شوي كله صدقته .. وانك تحسين بحركه الجنين اللي ببطنك .. ومستحيل ام تكذب بطنها .. بس اللي عندي يقول لي ان الجنين ميت .. وميت له تقريبا شهر وشوي ..
انتظرت الين الدكتورة تخلص كلامها .. لاني خلاص ماعاد فيني عقل ..
اقولهم يتحرك تقولي ميت ..
والله ماميت غيرهم ..
قلت لها بكل برود : شكرا دكتوره ..
الدكتورة : العفو .. بس ضروري تنزلين اللي ببطنك ..
هزيت راسي يعني ايه وطلعت ..
اشرت لفايز ..
لحقني فايز وهو يسألني : هاه وش صار ؟؟
رنا : اقولك بالسيارة ..




نهاية الجزء الرابع

الجزء الخامس








رنا

بعد ماركبت السيارة غصب عني نزلت دمعتي ..
بس على طول مسحتها .. لان مالي خلق اصيح ..
وزيادة على كذا راسي يوجعني ..
سألني فواز : هاه وش قالت ؟؟
رنا : نفس الكلام الاول ..
فواز : اجل ليش متعبتنا .. ومستشفى خاص وهم نفس الكلام ؟؟..
رديت وانا ضايقه فيني الوسيعه : بس حبيت اتأكد ..
فواز : والحين خلاص ارتحتي ؟؟..
هزيت له راسي يعني أيه .. ماكان يدري ان هاذي نهاية راحتي وبداية عذابي وآلآلآمي ..







احمد

نمت نوم مو طبيعي ..
توي صاحي من النوم ..
قمت وتسبحت وصليت المغرب والعشاء..
ولبست قميصي ونزلت ..
وكالعادة رنا مو موجوده ..
هاذي لو انها مو بالعده .. وش تبي تسوي ؟؟
اكيد ماراح تقعد في البيت ابد ..
شفت سدومه جالسة تلعب بألعابها في الصالة ..
شلتها وقعدت العب انا وياها واضحكها ..
احمد : يمه ابي قهوة ..
امي : قومي مرام جيبيها لاخوك ..
قامت مرام وقبل لاتطلع من المطبخ ..
دخلت ست الحسن والدلال ( رنا ) للصالة ..
ولما شافتني على طول رقت فوق حتى من دون ماتسلم ..
ازين لاني مابي اسمع صوتها ..
شلت سدومه وقمت بروح للملحق : مرام جيبي القهوة للملحق ..








رنا


ياربي فوق اللي فيني ..
يجيني هاذا هو ووجهه وينكد علي زياده ..
ودي بس اعرف وش يبي بالضبط ؟؟
تكفون اللي يعرف يقولي ؟؟
رقيت فوق لغرفتي ..
ماعندي الا غرفتي اجلس فيها ..
ياربي ابنتحر من هالحاله ..
مليـــــــــــــــــــــــــــــــــــــــــــت مليــــــــــــــــــــــــــــــــــت ..
يارب ساعدني يارب ..
دقيت على امي ابي اوسع صدري شوي ..
رنا : هلا يمه ..
امي : هلا والله .. هاه بشري وشلونك وشلون اللي ببطنك ؟؟
اللي ببطني !!
اللي ببطني يمه يقولون ميت وانتي تقولين وشلونه ؟؟ ..
رنا : بخير الحمد لله .. كل شي زين ..
امي وكأنها حاسه اني اكذب : اكيد يابنيتي كل شي زين ؟؟
رنا : ايه يايمه .. تتوقعين لو فيني شي بيخلوني اطلع من المستشفى ..
امي : والله لو أنك عندي كان مهيب هاذي حالتك .. بس وش اقول ؟؟ مااقول غير الله يصبرني ..
رنا : ميخالف يمه مابقى شي .. يعني صبرت كل هالشهور مانتي صابرة هالشهرين الباقيات ..
امي : الحين انتي بأي شهر ؟؟
رنا : دخلت السابع ..
امي : اجل هانت .. الله ياربي يسهل لك ولادتك وتقومين لنا بالسلامه ..
رنا : الله يسلمك .. ويعظم اجرك ويجزاك الجنه ..
قعدت ادردش مع امي حوالي النص ساعه .. وسالفة تروح وسالفه تجي .. عن اخواني عن خوالي عن عماني .. تكلمنا عن أشياء كثيييييييييييرة ..






احمد


فيه اشياء بالدنيا ماتستاهل تضيق صدرك عشانها ..
والله اني ارتحت لما صرت ماافكر برنا .. او بالاصح ارتحت لما صرت اتجاهلها ..
اليوم خميس .. لازم انبسط فيه ..
بعد ماتغديت .. ريحت شوي بالملحق ..
وكان فيه بندر .. لعبت انا وياه كورة بالسوني ..
جتني مرام ..
مرام : احمد ؟؟!
رديت عليها وانا متحمس مع اللعب : خير ؟؟
مرام : خل عنك اللعب والتفت علي .. ابي اقولك شي ؟؟
يووووووووه من هالبنات يعني لازم اناظرها عشان اعرف وش تبي : تراي اسمع قولي وش تبين ؟؟
مرام : وشلون تسمع وانت قاعد تلعب ؟؟!
وقفت اللعب والتفت عليها : يالله قولي .. صح انا اسمع بوجهي مو بأذني ؟؟
مرام : بسم الله وش فيك عصبت ؟؟
احمد : الحين انا معصب .. يالله قولي ؟؟!!
مرام : نبي نطلع ..
غمضت عيوني وتنهدت : انا احين احسب عندك سالفة .. يالله بس توكلي على الله ..
ولفيت على بندر وانا اقول : يالله كمل لعب ..







رنا


مسكينه مرام طفشانه هي وسارة ويبون يطلعون ..
كنا جالسين في الصالة نشرب شاهي بعد الغدا ..
خرمت معنا على هالشاهي ..
تجرأت مرام وراحت تقول لأحمد يطلعها ..
مرام وهي تطلع مع باب المغاسل الفاصل بين الصاله : بروح اقوله واللي يصير يصير .. خلاص مليت من البيت ..
سارة وهي متحطمه : اتحداك يوافق .. لا تتعبين نفسك ياحلوة ..
تركتها مرام وراحت ..
سارة وهي توجهه الكلام لي : وانتي مامليتي ؟؟!!
ضحكت باقوى ماعندي : هههههههههههههههههههههههه .. حلوة كثري لي منها ..
سارة وهي تناظرني بأستغراب : وراك متي من الضحك .. مااتوقع فيه شي يضحك ؟؟
رنا : سؤالك بحد ذاته نكته ..
سارة وهي تتنظز : هه هه هه ماتضحكين ..
رنا : الحين انتي طفشانه وتحطينها فيني ..
سارة : وش اسوي طيب .. ابي اطلع خلاااااااااااااااااااص .. مليت ..
رنا : اوكي اذا ماوافق احمد روحوا مع بندر ..
سارة : ياشيخه روقينا .. الحين لو يطيع احمد معجزة فما بالك ببندر .. اكيد الكون بيصير فيه شي ؟؟؟
قبل لا انطق بكلمه ..
دخلت مرام وباين عليها الزعل ..
رنا : هاه بشري ؟؟
مرام : وش ابشر فيه ؟؟.. بشارة زي وجهي ..
حبيت امزح معها : والله انك صادقه بشارة زي وجهك .. مو حلوة ..
مرام : انا من يومي ووجهي نحس ..
رنا : ميخالف هونيها وتهون يابنت الحلال ..
دق جوالي ..
لما شفت الاسم .. على طول قمت ..
سارة : وين ياحلوة ؟؟
مشيت وخليتها ورقيت فوق ..
سمعتها تقول : احلى يالحركات بدينا بالمغازل من هالحين ..
دخلت غرفتي وقفلت الباب قفلتين كأني بسوي جريمه ..
طبعا انقطع الخط .. لاني مالحقت ارد عليها ..
دق مرة ثانيه .. وكنت متحمسه لهالمكالمه ..
رنا : هلا ..
ريم : هلا والله .. وشلونك وش اخبارك ؟؟ بشرينا عنك ..؟؟!
رنا : الحمد لله بخير الله يسلمك .. انتي وش اخبارك ؟؟ وش اخبار بزارينك ...؟؟
ريم : الله يسلمك كلنا بخير ..
رنا : هاه جبتي لي اللي وصيتك عليه ..؟؟؟
ريم : افا عليك .. اجبيه وانا ريم بنت محمد .. اكتبي عندك ..
اخذت قلم وورقه وكتبت الرقم ..
رنا : وش اسمه هو ؟؟
ريم : اسمه الشيخ ( .............)
رنا : اوكي حبيبتي الله يعطيك الف عافيه .. والله انك افرجتي لي هم على قلبي ..
ريم : الله لايجيب الهموم ..
رنا : آمين ..
ريم : يالله اجل انا بروح اشوف شغلي مع هالبزارين .. امانه اذا تبين أي شي .. لايردك الا جوالك ..
رنا : الله يجزاك الف خير .. عزيزة وغاليه .. مع السلامه ..
ريم : الله يسلمك ..
سكرت السماعه وانا قلبي يرجف بقوة ..
احس اني خايفه من اللي بسويه ..
الله يستر علي .. ويتتم علي كل اللي ابي اسويه ..


احمد


وكالعاده هزمني بندر ..
قمت بروح لخواتي بشوف وش يبن ؟؟
تنحنحت قبل لا ادخل ..
سارة : ادخل مافيه احد ..
دخلت وجلست : وين امي ؟؟
سارة من دون نفس : نايمه ..
احمد : وانتي وش فيها اخلاقك مزفته ؟؟..
سارة وهي تبتسم ابتسامة استهزاء : ابي اطلع يعني وش فيني ؟؟
احمد : وين تبين تروحين ؟؟
سارة : لجنهم الحمرا .. بس هماي اطلع ..
احمد : هههههههه اف .. لجنهم الحمرا .. خلاص بوديك لجهنمك .. بس مو تقولين حر وتقعدين تتأفيين لي ..
قامت وهي معصبه : تنكت حضرتك .. ترى دمك مرة ثقيييييييييييل ..
وطلعت من الصاله .. ورقت لفوق ..
التفت على مرام اللي من دخلت وهي ساكته : وش عندها سندريلا ساكته ؟؟
ناظرتني نظرات زعل وقامت ولحقت سارة ..
عمى يعمي ابليس .. وش فيهن ذولي ؟؟
وش انا مسوي لهن ؟؟
ليكون انا اللي مضيق صدرهن وانا مدري ؟؟
بروح اراضيهن واوديهن للي يبن ..
رقيت فوق لغرفتهن ..
اللي جالسه على السرير واللي منبطحه عليه ..
بصراحه حالتهن تصعب على الكافر ..
احمد : عندي لكم مفاجأة ..
سارة وهي تعدل جلستها : قل ولا تكثر ..
جلست على السرير وانا مبوز ( يعني ماد شفتي زعلان ) : افا هذا وانا جاي براضيكن وبقولكن يالله قولن أي مكان وراح اوديكم له ..
نقزت مرام قصدي السندريلا .. تو كانت طرما بس يوم سمعت ريحة طلعه طلع لسانها : واللـــــــــــــــــه بتطلعنا احمد ..
احمد : ايه بطلعك وراك تشققتي ..
مرام وهي ترجع تنبطح على السرير : تشققت من الوناسه واخيرا حن قلبك علينا ..
رديت عليها وانا اتثيقل بالكلام : شفتي عااااد .. واخيرا حن قلبي عليكم ..
سارة : وين بتودينا ؟؟ لايكون بتاخذنا تقضي اشغالك وحنا بالسيارة بس ننتظرك ..
حبيت العب باعصابهم : افكر .. لان عندي مشوار مهم جدا لازم اخلصه اليوم وباخذكم معي منها تتمشون ومنها اقضي شغلي ..
مرام وهي معصبه : مالت عليك وعلى طلعتك .. ورنا عرض اكتافك واطلع برى ..
احمد : امزح والله امزح .. شوفوا تبون من بعد العصر الى المغرب .. والا من صلاة العشاء الى 12 ..
سارة : لا نبي بالليل ازين عشان نتعشى من المطعم ..
قمت وانا اقول : خلاص بعد صلاة العشاء تكونون جاهزين ..
وطلعت ..







رنا


ياربي احس اني خايفه ..
ادق والا ما ادق ..
طيب وش ابي اقوله ؟؟
ياربيه قد ايش انا غبيه ..
اكيد بيقولي نزلي الولد .. مافيها كلام هاذي ..
اجل ليش انا اتعب نفسي وادق ..
لا ..
ابدق وبشوف وش يقول ؟؟
يمكن يكون كلامه غير ..
يمكن الشرع له حكم ثاني غير حكم الدكاترة
توكلت على الله ودقيت وانا ارجف من الخوف ..
رن ورن ورن ورن ..
واخيرا رد .. ليته مارد لاني ميته خوووووووووووف ..
رنا : الو
..........: نعم ؟؟
رنا : السلام عليكم ..
.........: وعليكم السلام ..
رنا : انت الشيخ (..............)
الشيخ : ايه نعم ..
رنا : ياشيخ انا عندي مشكله وابي استشيرك فيها ؟؟ ممكن ؟؟
الشيخ : تفضلي يابنتي قولي مشكلتك ..
رنا : انا ارمله وحامل والحين بالشهر السابع .. تجيني آلآلآم قويه من دخلت الشهر الخامس .. بس احس آلآلآم تموتني .. قبل اسبوع رحت وسويت اشعه لاني خفت يكون الجنين فيه شي .. طلع الولد اللي ببطني ميت .. بس انا ياشيخ احس بحركته ببطني .. لان عندي بنت .. ونفس الحركه اللي كنت احسها ببنتي الحين احسها بولدي .. فما ادري وش اسوي ؟؟ لان الدكتورة قالت لي لازم تنزلينه وانا رفضت لاني احس بحركته يعني ولدي حي .. الله يوفقك ياشيخ وش اسوي ؟؟ انا مالي الا الله ثم انت ..
الشيخ : بسألك اسئلة ومن خلال هالاسئلة راح اقولك ..
رنا : تفضل ياشيخ اسأل ؟؟
الشيخ : اول شي انتي سويتي اشعه مرة ثانيه ؟؟
رنا : ايه وقالوا لي نفس الكلام ..
الشيخ : طيب كم عمر بنتك ..
رنا : عمرة سنتين وشوي ..
الشيخ : انتي متأكده انه يتحرك ..
رنا : ايه متأكده ..
الشيخ : انزين متى بدت مع الآلآم ؟؟
رنا : تقريبا شهرين ..
الشيخ : طيب تحسين بضيقه صدر دايما وانك مخنوقه وودك تطلعين ..
رنا : دائما ..
الشيخ : قبل لاتجي الآلآم او بعد ؟؟ ..
رنا : لا من زماااااااان ..
الشيخ : فيه احد تكرهينه مرة مرة مرة ؟؟؟
وش ذا السؤال ؟؟
ياربي وش ابقوله ؟؟؟
اقوله اني اكره احمد ؟؟
لا لا مستحيل ..
وهل فعلا انا اكرهه والا بس عشان لقافته معي سميت هالمشاعر كره ..
لا لا بقوله مااكره احد ..
رنا : لا ما اكره احد ..
الشيخ : اكيد ؟؟!!
كأن الشيخ حاس اني اكذب فأكدت له اني مااكره احد : اكيد ياشيخ ..
الشيخ : شوفي يابنتي انا ما اعلم الغيب ولكن من كلامك هاذا انا استنتجت شي واحد بس قبل لا اقولك بتأكد منه .. دقي علي بكره في نفس الوقت ومايصير الا الخير ان شاء الله ..
رنا : ان شاء الله ..
سكرت السماعه وانا احس اني مشوشرة ماادري وش اسوي ؟؟
احس اني شوي واستخف ..
طلعت من غرفتي ورحت لغرفة البنات ..
لاني كنت بنزل بس لما سمعت اصواتهم بالغرفه ..
رجعت لغرفتهن ..
دخلت عليهن بدون مايحسن ..
واشوف الحوسه .. وانوع الترجيم من ملابس من جزمات ( وانتم بكرامه ) من شباصات ..
ياساتر هاذي غرفة والا وشو ؟؟
رنا : خيييييييييييييييير وش ذا ؟؟؟ وش عندكم حايسين الدنيا اللهم صلي على محمد ؟؟
سارة وهي طايرة من الوناسه : باركي لنا .. قرر اخونا المصون يطلعنا ..
بصراحه فرحت لهم : والله ؟؟ الف الف مبروك عقبالي ..
سارة : على ايش عقبالك ؟؟
رنا : اطلع من هالسجن .. انزين وش دخل الطلعه بهالحوسه ..
سارة : يختي من الوناسه قلنا نضف الغرفه قبل لا نطلع ..
قلت وانا اضرب كف بكف : ماشاء الله عليكم خوش ترتيب ..










احمد

صليت العشاء ورجعت للبيت لقيت سارة ومرام لابسات عبايتهم وجالسات عند الباب ..
احمد : ياسرعكم للطلعه ويابطأكم للشغل ..
مرام : تراك ذليتنا بهالطلعه بما فيه الكفايه .. حرام عليك اسكت ..
احمد : خلاص سكتنا .. يالله امشوا .. الا وين سدومه ليش ماجبتوها معكم ؟؟
مرام : اوووووووووه احمد بتقعد تبلشنا .. وحنا مو فاضين نمسك بزارين ..
احمد : مالك دخل انا اللي بمسكها بس جيبيها ..
مرام وهي تتأفف : اوووووووف لازم ينكد الطلعه ..
راحت تجيب سدومه ..
اما انا وسارة رحنا وركبنا السيارة ..








رنا


كنت جالسة في الصالة مع خالتي لما طلعوا البنات ..
رنا : خالة ورى مارحتى معهن توسعين صدرك ؟؟
خالتي : واخليك لحالك .. لا والله مانيب رايحه ..
رنا : وانا وش يبي يجيني ؟؟ بروح لغرفتي وبنام وش بقعد ازين تجلسين معي ..
قبل لا تتكلم دخلت مرام ..
رنا : خير وش جابك ؟؟
مرام وشكلها محتره من هالحر : الامير يبي سدومه ..
استغربت من كلمة الامير : ومن هو الامير ان شاء الله اللي يبي سندريلتي ؟؟
مرام : وتتوقعين من هو الامير يعني ؟؟ .. اكيد بيصير احمد !!..
رنا : روحي لقولي للأمير سدومه بتنام ..
مرام وهي مستانسه من ردي : الله يجزى والدينك بالجنه .. انا اصلا ماابي اجيبها .. بس هو اللي غصبني ..
وطلعت تركض ..
ضحكت عليها .. بعض الاحيان مرام عليها حركات تضحكني .. بس بعض المرات تقهررررررررررررررررني .. مثل سالفة الألف ..
صح ماقلت لكم وش سويت فيها ؟؟
روحوا شوفوا ردة فعل احمد لاني رفضت اعطيه رنا .. بعدين ارجعوا لي ..








احمد


طلعت مرام على طول ..
توقعتها تتأخر لان اكيد رنا ماتطلع سدومه الا ملبستها احسن لباس .. حركات حريم ..
بس قلت يمكن ان رنا قالت لمرام اطلعي وانا برسلها لكم بعد ما ألبسها ..
ركبت مرام ..
من دون ما أسئلها استنجت كل شي .. يعني مايحتاج اسأل ..
بعد مامرت دقيقة ..
مرام : الحين انت وراك ماتمشي ؟؟
عقدت حواجبي : ليش وين سدومه ؟؟
مرام : بالله عليك الحين طالعه وما معي احد ومسكره باب الشارع .. من وين تبي تجي سدومه ؟؟
احمد : وليش ماجبتيها ؟؟
مرام : امها تقول تبي تنام ..
بعد ماقالت امها تقول .. بلعت لساني وسكت ..
امها قالت يعني خلاص .. لا احد يقول شي بعد كلام امها ..
والله حاله .. ماخذه راحتها على الاخير هالرنا ..
حاولت انسى الموضوع وسألت خواتي : وين تبون تروحون ؟؟
مرام : اول شي نبي سوق (................) ..
احمد : ياحبكم لهالسوق .. وش تبي تشترون .. يكفي ملابس .. انتم ماتشبعون ..
سارة : ياربيـــــــــــــــــــــــــــه منك يا أحمد مستحيل نقول لك شي الا تعلق .. ياخي لو مرة بحياتك اسكت ..
مايكفي اني بالع لساني عن رنا .. تبيني بعد ابلع لساني عنكم .. مستحيييييييييييييييييييل ..
احمد : خلاص سكتنا .. اعوذ بالله من هالحريم ياكلونك بلسانهم ..








رنا

لما جت الساعه عشر ..
وبعد ماتعشينا انا وخالتي ..
دخلت خالتي تنام ..اما انا جلست في الصالة لان بنتي عيت ترقى فوق تبي تكمل لعب ..
نزلت من على الكرسي ومددت رجليني .. وانا اهوجس وافكر باللي راح يقوله لي الشيخ ..
شوي واسمع صوت واحد يتنحنح ..
زينت جلستي وتغطيت وانا اقول : ادخل ادخل ..
دخل وعلى طول شال سدومه وطلع ..
هذا بندر ..
ما أدري ليش يعجبني هالآدمي ؟؟!!..
على انه عسر ومايطيع احد الا اني استانس عليه ..!!!
يمكن لانه اصغر مني ..
لاني انا بعض الاحيان استصيغ اللي اصغر مني ..
مرت ربع ساعه ..
بعدين سمعت صوت سدومه عند الباب ...
تغطيت : ادخل
دخل وحط سدومه بمكانها ..
بندر : وين امي ؟؟
رنا : دخلت تنام ..
بندر :من زمان والا توها داخله ؟؟ ..
رنا : لا من شوي.. بس الاكيد انها نايمه ..
بندر : اهاااااااا انزين وين خواتي ؟؟
ضحكت عليه اصلا مايدري وش يصير في البيت ؟؟؟ عشان كذا يسأل ..
رنا : خواتك طلعوا مع احمد ..
بندر وهو يمووووووووون بقوة : وين راحوا ؟؟
رنا : والله يابندر انا مدري ..اذا صرت معهم ذيك الساعه بقولك وين راحوا ؟؟
طبعا كل هالاسئلة وهو واقف ..
بندر وشكله مستحي : طيب ممكن اجلس ؟؟
ضحكت عليه .. شكله شارب له شي : ههههههه اجلس .. اصلا انا كنت برقى قبل لاتجي تاخذ سدومه ..
بندر : لااااااا .. انا قصدي اجلس معك بالصاله ..
طيرت عيوني ( طبعا مايشوفها ) : خيييييييييييير تجلس معي .. وين عايشين حنا ؟
بندر وهو يتريق علي : ليش ماتعرفين وين حنا عايشين؟؟ .. اعلمك حنا عايشين بالسعودية ..
رنا : والله .. احلف بس ؟؟
بندر : والله العظيم ..
وجلس على اقرب كرسي عنده ..
بندر : رنا وش اللي ببطنك ؟؟
قايله لكم اكيد شارب له شي : هههههه وانت وش دخلك وش اللي ببطني ؟؟
بندر : افااااااااااا .. ترى انا عمه او عمها ..
رنا : بندر .. تراك زودتها ..
بندر وهو يتكلم من جد : سألتك بالله وش اللي ببطنك ؟؟
ابتسمت : بندر من جدك قاعد تسأل ؟؟
بندر : ايه والله تكفين رنا قولي لي ؟؟
رنا : وماتعلم احد ..
بندر : وعد ..
رنا : وان قلت لاحد ؟؟ وش راح اسوي لك ؟؟
بندر : ان قلت لاحد .. اممممم امممممم سوي لي اللي تبين ؟؟
رنا : بس انا مابي اسوي لك شي ..
بندر : تكفين رنا تكفين ~.. ودي اعرف ؟؟
رنا : ولد ..
بندر وهو متشقق من الوناسه تقل هالحين هالولد ولده : احلفي انه ولد ؟؟
بعد بعد شين وقوي عين .. يقولي احلفي والله مهزله : والله ولد ..
بندر والى الان الابتسامه شاقه الحلق : وش بتسمينه ؟؟
قعدت استهبل عليه شوي : بسميه على اسمك .. عشان يطلع حبوب وطيب ومطيع ..
بندر : شفتي وش راح يصير ولدك اذا سميتيه على اسمي .. راح يطلع قمة في الاخلاق ..
رنا : واااااااااااااضح .. الله لايضرك .. انت قمه في الاخلاق ..
قمت وشلت بنتي ..
بندر : وين رايحه .. خليك مستانسين ؟؟..
رنا : عطيتك وجه زياده عن اللزوم .. ما تلاحظ ؟؟
بندر وهو يقول بكل حزن مصطنع : حرام عليك حطمتيني .. كسرتي بخاطري ..
رنا : كويس والله تعرف بالتحطيم وكسرت الخاطر ..
بندر وهو يوقف وبدى صوته يخشن : وش قالوا لك ماعندي احساس ؟؟
مشيت ابروح للدرج وانا اقول : اشك بصراحه ..
مارد علي لانه طلع من الصاله ..
اما انا رقيت فوق لغرفتي ..
وانا مستغربه وفي راسي الف علامه تعجب ..
غريب اليوم بندر وش عنده ؟؟
نادرا مااتكلم معه ..
بس هالمرة احسه زودها .. جالس معي لحالي .. ويسأل اسئله ماله شغل فيه .. وقاعد يتضحك وينكت ..
الظاهر انا كل يوم بتطلع لي سالفه جديده بهالبيت !!! ...





احمد


صدعوا راسي ..
مايتعبون من محل لمحل ..
يالله عليهم مايملون ..
حلفت عليهم هذا اخر محل يدخلونه .. طفشووووووووووووني ..
خلاص بطلع من هالسوق ..
وقفت عند باب المحل وهن داخل ..
جلست اتفرج على البترينه والملابس اللي عليها ..
عجبتني بلوزة مررررررة حلوة ..
لونها احممممممممر .. ساده بس في نفس الوقت نااااااااعمه ..
دخلت للمحل وقلت للموظف يطلعها لي ..
قعدت اتمقل واناظر فيها .. بصراحه مرة عجبتني ..
بس من اخذها له .. ناديت خواتي ..
احمد : مرام وش رايك فيها ؟؟
اخذتها مرام مني وقعدت تناظر من ورى وقدام : معجبتك ؟؟
احمد : ايه حلوة خوذيها لك ..
مرام وهي تمدها لي : لا مو حلوة مابيها .. شف سارة يمكن تعجبها ؟؟؟..
راحت وخلتني ..
ناديت سارة : سارة وش رايك فيها ؟؟
نفس الحركه اللي سوتها مرام سوتها سارة : ليش عندك هاذي حلوة ؟؟..
احمد : ايه ليش وش فيها ؟؟
بصراحه شككوني في ذوقي <<< على بالي تحطمت ..
سارة : احمد الله يعافيك بصراحه ومن دون زعل .. ذوقك زباااااااااااله ..
طيرت عيوني من هالكلمه ..
عصبت من كلمتها : وجع بلى يوجعك .. زبااااااله مرة وحده .. صدق انكم ماتستاهلون يهالحريم ..
سارة : مو قصدي شي .. بس مو زينه غصب يعني اقول حلوة ..
قلت لها وانا اصر على اسناني من العصبيه : انقعلي عن وجهي ..
راحت سارة .. اما انا التفت على الموظف ..
احمد : عطني اصغر مقاس ؟؟
طلع لي اصغر مقاس ..
احمد : كم سعرها ؟؟
الموظف وهو يناظر الكرت اللي عليها : 250 ريال ..
طيرت عيوني له : الحين هاذي 250 .. بس مافيها موديل .. ساده ..
الموظف وهو مبتسم : سعرها في قماشها .. القماش من نوعيه ممتازة .. لايشمر ولا يحبب واللون ثابت ..
جلست افكر .. من راح اعطيها اياه ..
جت في بالي رنا ..
تتوقعون لو اعطيها البلوزة راح تاخذها .. والا راح تقول نفس كلام خواتي ؟؟
امممممممم .. حتى لو ما أخذتها بخلي خواتي يعطونها مرة سعود ..
الحين انا وش عندي انا وهالبلوزة بلشت فيها ..
حطيتها في مكانها ورحت جنب خواتي ..
احمد : يالله خلصوا .. هذا والمحل صغير .. اجل لو كبير وش راح تسوون ؟؟
مرام وبيده تنورة : يالله يالله شوي بس ..
رجعت بطلع برى المحل .. احس اني انكتمت من هالحريم ..
مريت من عند البلوزة .. شفت بنتين يعني اعمارهم 15 تقريبا .. عليهن بس حجاب ..
ماسكات البلوزة الحمراء اللي كانت معي قبل شوي .. وشكلهن يتهاوشن عليها ..
قربت من عندهم وجلست اسمع وش يقولن ..
الاولى : والله بتطلع عليك روعه ..
الثانيه : ماتصلح علي لاني سمرا .. لكن انتي بيضاء اذا لبسيتها بتخليك قشطه ..
الاولى : بس انا مااحب الاحمر .. يقرفني .. احسه دم ..
الثانيه : والله انها روعه لاتفوتك .. وخلي الدلع على جنب ..
الاولى وشكلها تنرفزت : اووووووف منك خلاص قلت لك مابيها اذا تبينها انتي خوذيها ..
قربت من عندهم واخذت البلوزة وسالت الثانيه : انا زوجتي بيضا تتوقعين راح تطلع عليها حلوة ..
الثانيه استغربت سؤالي لها وماردت علي شكلها مصدومه ..
لكن الاولى ردت : اكيد .. توكل على الله وخذها .. وترى سعرها مرة معقول .. مراح تلاقي احسن منها ..
سحبت الثانيه الاولى وطلعن من المحل ..
اما انا ضحكت عليهن .. تقولي مررررررررررره سعرها معقول .. 250 سعر معقول .. والله هالعقول ..
حاسبت على البلوزه وعلى اغراض خواتي وطلعن من السوق بكبره ..










رنا


انسدحت على السرير وقعدت اتقلب واتقلب واتقلب ..
مليييييييييييت .. والنوم موراضي يجي ..
صح قبل لاانام ..
ماقلت لكم وش سويت بمرام ؟؟
للأسف ماسويت لها ولاشي ؟
ليش مدري ؟؟
لا أحد يسألني لاني انا نفسي مادري ؟؟
حاولت انااااااااااام لكن ابدا مافيه فايده ..
الساعه وحده الا ربع ..
تتوقعون البنات جو من برى ..
بس مالهم صوت ..لو كانوا جايين كان سمعت اصواتهم ..
اووووووووووف وش ذا الطفش ..
بأصبر ربع ساعه اذا ماسمعت صوت بأطلع واروح لغرفتهم ..









احمد


خلاااااااااااااص توبه ..
حرمت اطلع بنات والا اوديهن والا اجيبهن ..
بصراحه يكرهونك عيشتك ..
المشكله كل مرة اقول نفس الكلام ..
واذا طلبوا مني طلعه نسيت المغثة اللي راح يكررونها لي ..
الحمد لله اننا وصلنا بالسلامه ..
نزلن من السيارة وكل وحده شايله اكياسها معها ..
حتى انا شايل كيسي معي ..
اول مافتحت باب الفله الداخلي ..
طيرااااااااااان على غرفتهم ..
اما انا جلست فالصاله وطلعت البلوزة وقعدت اناظرها ..
اعطيها والا مااعطيها ..
خايف تفشلني وترفضها .. عاد انا في ذيك الساعه ماراح يكون فيني عقل .. راح اترفس في بطن بطنها لين تقول آآآآآآآآآمين ..
اما اذا اخذتها واعجبت فيها ( هذا طبعا مستبعده نهائيا ) ياسلااااااااااااام .. والله لاطير من الفرحه ..












رنا


تنهدت يوم سمعت اصواتهن : واخيرا شرفن حضرتهن ..
لبست جلالي وطلعت ..
وعلى طوووووووول لغرفة البنات ..
دخلت وسكرت الباب ..
رفعت الغطاء عن وجهي : اهلين بالبنات ..
مرام : هلا .. مانمتي ؟؟
وانا اجلس على السرير : لا ماجاني النوم ..
سارة وهي تطلع من الكيس : شوفي وش شرينا ؟؟ انا بروح الحمام ..
طلعت سارة وخلت الباب مفتوح ..
اما انا جلست افتح بالاكياس واناظر ..
بصراحه شي يعجبني وشي مايعجبني .. بس مااقول شي ..
اتفرج بدون تعليق ..
انا احوس في اكياس سارة مرة ..
ومرام توريني اللي شرت مرة ..
وحنا على هالحال ..
طبعا انا جالسه على السرير ومعطيه الباب ظهري .. لكن جلالي كان على اكتافي وشعري رافعته كله لفوق .. وقبل شوي مع حوسه النوم طايح بعضه على وجهي ..
حسيت فيه احد دخل بعدين طلع على طول .. التفت بشوف من ؟؟
مالحقت الا على طرف الثوب ..
شهقت من داخلي .. بس ماحاولت ابين شي .. عشان ماتنتبه مرام ..
وانا من داخل احس بحراره فضيعه ماني قادره اتحملها كأني على ناااااااااااااااااااااااااااار ..
حاولت انسى الموضوع واتفرج على اللي شفته بس ماقدرت ..
تثاوبت بالغصب عشان اقوم : يالله مرام تصبحين على خير بروح انام ..
مرام وهي مستغربه : رنا توك جايه امداه يجيك النوم ..
رنا : مو مسأله نوم .. ودي اريح ظهري .. وبعد اخاف الحين سدومه تقوم ماتلقاني ..
مرام وهي مستسلمه : براحتك ..
قمت بأطلع ..
الا بوجهي سارة .. كنت بهاوشها ليش تخلي الباب مفتوح ..
بس بعدين فكرت خليني ساكته ازين لي لان محد درى ..
وحتى اللي دخل يحسبني مادريت ..
تغطيت وطيرااااااااااااااان على غرفتي ..
قفلت الباب مرتين للتأكيد وجلست على السرير وانا قلبي يدق بقوة ..
ياربي لايكون احمد هو اللي دخل والله لاموت من الفشلة ..

احمد


دخلت البلوزة في الكيس ..
ورقيت فوق بروح لغرفة خواتي بعطيهن الكيس ..
اذا قاموا بكره يعطونه رنا ..
اذا مابغتها يعطونها مرة سعود ..
لكن اللي ناويها لها هي رنا .. وان شاء الله .. ان شاء الله تاخذها ..
دخلت الغرفه لكن انصدمت وضاع وجهي لما شفت رنا جالسه على السرير ومعطتني ظهرها .. وشعرها محيوووووووووس بقوة .. ومنزله راسها ومدخلته في الكيس تطلع اللي فيه ..
شكلها مرة مثل البزارين ..
على طول من دون مايحسون طلعت من الغرفه بهدوء مثل مادخلتها ..
واااااااااااااي شكلها مرة حلو وهي كذا ..
تنهدت بقووووووووة ومن قلب بعد .. وانا اتذكر شكلها ..
اول مرة اشوفها ..
ليتني مطلع خواتي من زمان عشان اشوفها ..
صدق اني ماشفت وجهها .. بس بصراحه اللي شفته كفاني وزياده ..
ترى الرجال أي يشوفه من الحرمه يعجبه حتى لو كان ظفرها بس بس هماه شاف شي ..
الرجال عموما مو بس انا !!! ( عشان بس ماتعصبون مني )
والله ماكان قصدي اشوفها .. الحين تقولون لي قليل ادب ..
لو صدق ابي اشوفها واتعمد اني اشوفها كان ماطلعت ..
قعدت اتمقل فيها واذا شبعت منها طلعت ..
بس مرة احس ان قلبي طاح ببطني لما شفت شعرها .. فما بالك لو بأشوف وجهها ؟؟ ..
الله يستر لا تجيني جلطه ..









رنا


ياربيه نسيت متى قالي الشيخ دقي ..
الحين الناس العصر .. هو متى قالي ؟؟
العصر والا المغرب ..
اوووووووووف وش هالذكراة الزفت ..
بدق الحين اكيد هو فاضي ماعنده شي .. اليوم جمعه والناس كلها في اجازه ..
بتوكل على الله وبأدق عليه واللي يصير يصير ..
رن ورن ورن .. والرابعه رد ..
تكلمت وانا مترددة وفي نفس الوقت مفتشله : الو ..
الشيخ : نعم ..
رنا : السلام عليكم ..
الشيخ : وعليكم السلام ..
رنا : انا ياشيخ اللي كلمتك امس وقلت لي دقي علي ..
الشيخ : ايه ايه تذكرتك .. شوفي يابنتي انا راح اعطيك رقم شيخ ثاني كلميه وهو اللي راح يقولك عن حالتك ..
رنا : طيب ممكن ياشيخ تقولي انت .. لاني تعبت وابي اعرف وش فيني ؟؟ ..
الشيخ : ميخالف يابنتي تحملي .. وكل شي بأجره .. اكتبي الرقم عندك ..
كتبت الرقم .. وسكرت السماعه من الشيخ ..
يالله وش ذا ؟؟
متى ارتاح واعرف وش فيني ؟؟
وراهم كل واحد يرميني على الثاني ومو راضين يقولون لي ؟؟
توكلت على الله ودقيت على الشيخ الثاني ..
رنا : السلام عليكم ..
الشيخ : وعليكم السلام ..
رنا : ياشيخ انا قبل شوي كلمت الشيخ (........... ) وقالي ادق عليك ..
الشيخ : عرفتك عرفتك يابنتي انتي الارمله اللي حامل بولد ميت مثل مايقولوا الدكاترة ..
رنا : ايه ..
الشيخ : شوفي يابنتي انتي مصابه بالعين .. وعلى حسب كلامك انك تحسين بالجنين لكنهم يقولون لك ميت .. فهاذي تسمى عين ..
رددت الكلمه وانا مصدومه : عين .. من اللي راح يسوي فيني كذا ؟؟..
الشيخ : يابنتي العين حق .. وانا انصحك يابنتي انك ماتنزلين اللي في بطنك الا لين تجين لعندي اقرأ عليك واتأكد من موت الجنين او حياته ..
رديت عليه وانا الى الان مصدومه : طيب ياشيخ متى اجي لعندك .. لاني مرة تعبانه من الآلآم اللي تجيني ..
الشيخ : تعالي بكره بعد صلاة العشاء .. عندك رقمي خلي رجال يكلمني واوصف له البيت ..
رنا : ان شاء الله ..
سكرت السماعه .. وانا مافيني عقل ..
عيـــــــــــــن ..
ومن مين طيب ؟؟
من اللي له مصلحه ..
طيب ليش في ولدي ؟؟
يحط عينه في اللي يبي بس ولدي لا !!
استغفر الله استغفر الله ..
اللهم لا اعتراض .. اللهم لا أعتراض ..


يتبع

احمد


صليت المغرب ورجعت البيت ..
جلست في الملحق يوم شفت بندر موجود فيه ..
غريبه وش صاير بالدنيا ؟؟
بندر المغرب بالملحق .. اكيد فيه شي الله يستر ..
من عقب الهوشه الاخيرة اللي بين رنا ونورة ماشفت بندر جالس في الملحق المغرب ..
احمد : وش عندها البندروة جالسه في الملحق هالحزة ؟؟
بندر : بيتنا اجلس متى ماابغى واطلع متى ماابغى ..
احمد : ايه خلاص آسفين .. صاير زي الحريم مغير تهاوش ..
صبيت لي فنجال وسحبت منه الريموت وجلست اقلب القنوات وانا اتقهوى ..
بس ملاحظ احد قاعد يناظرني ويضحك بس ما ألتفت ..
بس احسه مضايقني بهالحركه ..
ألتفت ..
بندر قاعد يناظرني ويتبسم : الاخ معجب .. تبي صورة ؟؟ ..
بندر : ايه ابي ..
احمد : الحين بروح اصور واعطيك وحده ..
بندر : لا ابي ثنتين ..
احمد : ولا يهمك ثنتين ..
بندر : انزين ماسألتني ليش ؟؟
قايل لكم بندر عنده شي يوم انه قاعد هالحزة بالملحق ..
احمد : ليش ؟؟
بندر : ماراح آخذ ولا وحده .. كلهن بعطيهن رنا ..
فز قلبي يوم قال رنا وتذكرت شعرها المحيوس ..
بندر وهو يضحك : هههههه هيه يالاخو وين رحت .. بسم الله علينا اول مانجيب طاري رنا يدوخ الرجال .. استح على دمك ترى هاذي مرة اخوك ..
ضيقت عيوني : بندر بتعقل والا وشلون ؟؟
بندر : لا بعقل بس بقول لك شي ؟؟
احمد : قل ولا تكثر ..
بندر وهو يتكلم بجديه : تدري احمد والله العظيم اني عاذرك .. بس احب اتريق عليك ..
احمد : مافهمت ..
بندر : ابفهمك بس اول شي بسألك سؤال ؟؟
احمد : اسأل ؟؟
بندر : أمانه احمد تجاوبني بصراحه ..
احمد : واجاوبك بصراحه ..
بندر : انت قد شفت رنا ؟؟
انصدمت من سؤاله وكأنه كاشفني .. بس تتوقعون ليش سأل هالسؤال .. يمكن لانه داري اني شايفها البارح .. لا لا ..ماكان فيه احد : مافهمت وش تقصد ؟؟ وشلون شايفها ؟؟
بندر : بصراحه بصراحه يا أحمد .. خلنا نكون صريحين مع بعض .. انت تحب رنا صح ..
ناظرته وانا مصدوووووووم ..
لفيت وجهي عنه وجلست اطالع في التلفزيون وبالي كلش كلش مو معي ..
قهرني بندر بسؤاله .. اذا انا عن نفسي ما أدري انا احبها والا لا ؟؟ كيف اجل يبيني اجاوبه ..
بندر وبين عليه الجديه : احمد انا شفت رنا امس ..
التفت عليه وانا مطير حواجبي وعيوني : شفتها !!!
بندر وهو يرجع راسه على ورى : أي شفتها .. وش فيك ؟؟
وانا الى الآن على وضعيتي : وشلون شفتها ؟؟
بندر وباين عليه الصدق : والله يا أحمد بالغلط .. ماكنت ادري انها موجوده بالصاله .. دخلت الساعه عشر وشوي .. حسبت انها راقيه لغرفتها لان الصاله كانت هااااااااااااااديه مره ..
رديت عليه وانا احس اني شوي هديت : انزين هي شافتك ؟؟
بندر : لا .. لاني على طول طلعت فما انتبهت لي .. بس والله يا أحمد اني عذرتك اول ماشفتها ..
ابتسمت ليش ما أدري : ليش عذرتني ؟؟
بندر : والله انها جررررررررح ..
حسيت ان تنفسي صار سريع وبندر قاعد يتكلم .. وحسيت وجهي صار زي الطماطم من كثر الحرارة اللي لفحت وجهي ..
حاولت اتكلم وابين اني طبيعي ماقدرت : انزين وش دخلني ؟؟
بندر وهو يحط يده على كتفي : لا تلعب على نفسك وتلعب علي يا أحمد .. انا عارف انك تحبها .. وعارف انك بس تتمنى انها تعطيك وجه أو تتكلم معك لو نص كلمه ..
غمضت عيوني بحركه بطيئة وانا اتنهد وبعدين فتحتها : بندر لاعاد تعيد هالكلام اللي قلته مره ثانيه ممكن ؟؟
بندر : ليش ؟؟ احمد عادي واذا حبيتها مافيها شي .. وبعدين انت اولى من الغريب ..
احمد : خلاص بندر ممكن تقفل على السالفه ؟؟
بندر : اوكي راح اقفلها .. بس ماسئلتني وش سويت عقب مادخلت عليها ؟؟
ميلت فمي وانا اقول في نفسي ( ليتني انا اللي داخل مو انت .. انا شفتها من ورى وانت من قدام وكلنا في نفس اليوم ) : وش سويت ؟؟
بندر : والله العظيم اني ماالعب عليك يا احمد انها قطرت سعابيلي .. كانت جالسه على الارض وممده رجلينها ومسنده يدها على الكنبه وحاطه يدها على خدها .. قمه البراءه .. وكله كوم .. وكرشتها كوم ثاني .. ياهي منتفخه بشكل ..
استغربت من كلمته الاخيره : من هي اللي منتفخه بشكل ؟؟
بندر : كرشتها ..
احمد : وبعدين ؟؟
بندر : صديت وطلعت .. بس خلاص يوم شعبت منها .. والله انها كفتني النظرة الاولى ..تنحنت على بالي .. فقالت لي ادخل .. دخلت على طول سيده شلت سدومه وطلعت .. رحت الملحق وجلست اعض وابوس سدومه تبويس مو صاحي لين قطعتها .. شوي بعدين رجعتها لامها ..
رديت عليه وانا متحمس بشوف هالكلب بندر وش سوى بعد : بعدين ؟؟
بندر : ولاقبلين .. نزلت سدومه عند العابها .. وقعدت استهبل على رنا بشوف بتعطيني وجه والا زيك بتخليني اضف وجهي ..
احمد : وعطتك وجه ؟؟
بندر : وجه صغيـــــــــــــــــــــــر مره مره .. بس قالتي وش اللي ببطنها ؟؟..
رفعت حواجبي مو مصدق : والله قالت لك ؟؟ وش هو اللي ببطنها ؟؟
بندر : سوري مقدر اقولك لاني وعدتها مااقول لاحد ..
احمد : بس انا اخوك يالله قلي ..
بندر : سووووووووووووووووووري ..
احمد : اجل كل تبن ..
بندر وهو يرفع حواجبه وينزلهن : بآكل تبنين بس مراح اعلمك ..
ويطلع لسانه ..
احمد : لانك حمااااااااااااااااااااااار ..
بندر : عادي احمد .. لاتحتر واذا شفتها انا وانت ماشفتها .. يعني وانا اخوك الدنيا حظوظ ..
احمد : أي والله الدنيا حظوظ .. جعل الله يكبرحظي ويصير اكبر من حظك ..










رنا


مانزلت اتقهوى اليوم ..
ضايق صدري ومتنكده وحالتي حاله ..
ياربي احس اني تعباااااااااااااااااااااااااااااانه وودي احط راسي على صدر احد واصييييييييييييييح لين ارتاااااااااح ..
بس من هو ؟؟
مافيه الا امي .. بس امي وينها ؟؟
آآآآآآآآآآه يايمه وينك عن بنتك ..؟؟
وينك تشوفين حالها لوين وصل ؟؟
وش اسوي ؟؟
ومن اكلم ؟؟
ومن اللي راح اقوله وافضفض له ؟؟
ليت عندي اخت .. كان قلت لها كل شي من دون مااتردد او اخاف ..
بس لا اخت ولا ام قريبه ولاحتى صديقه وفيه ..
سبحان الله انا من النوع مايحب الصداقات الكثيرة ..
جلست احوس في مخي واحوووس ابي حل من دون محد يدري باللي فيني ؟؟
دقيت على فواز .. لانه هو آخر حل لي ؟؟
رنا : هلا فواز
فواز : هلا والله ..
رنا : وشلونك ؟؟
فواز : بخير .. انتي وش اخبارك ؟؟
رنا : الحمد لله .. فواز انت قريب والا بعيد عن البيت ..
فواز : أي بيت .. بيت زوجك ..
رنا : ايه ..
فواز : لا بعيد ..
رنا : طيب بقولك شي بس اوعدني ان محد يدري ..
فواز : اوعدك ..
رنا : تعرف انت ان ظهري يعورني حتى بطني يجيه بعض الوجع بس مو دايم .. فوحده انصحتني اني اروح عند شيخ يقرا علي يشوف وش فيني ؟؟
فواز وباين على صوته انه مستغرب : وشلون يعني ؟؟ مافهمت !!!
رنا : هماي رحت اكشف مرتين وقالوا لي سليمه .. وان هاذي أشياء طبيعيه تحس فيها أي حامل .. بس انا في سديم ماكنت احس فيها .. وودي اروح يقرا علي الشيخ وش قلت ؟؟
فواز : والله وانا اخوك انا مدري بس انتي اللي تشوفين كويس انا حاضر فيه ..
رنا : يعني بتوديني له ..
فواز : منين اخذتيه الرقم ..
رنا : من وحده اعرفها من زمان .. هي اللي قالت لي عنه .. وانا كلمته وعطاني موعد بكره بعد صلاة العشاء .. فاذا تبي توديني خلاص يعني تمرني بعد العشاء عشان يوصف لك المكان ..
فواز : خلاص اعتمدي .. بكره بعد العشاء راح امرك ..
رنا : اوكي مع السلامه ..
فواز : هلا والله ..
الله يوفقه ويسعده ويرزقه ببنت الحلال اللي تسعده وتهنيه ..
يالله عليه من يوم ماتوفى مشعل .. وهو أي شي اطلبه ينفذه لي من دون مايقول لي شي ..
هاذ الاخو والا بلاش ..








احمد


بعد مااذن العشاء طلع بندر من الملحق ..
وانا اقول وش عنده ؟؟ اثره عنده مصيبه مسويها بس غريبه قالي ؟؟
مايحتاج اصلا يقول لي أي شي .. لاني انا بعد شفتها ..
دخلت الصاله بعد ماتأكدت ان رنا مو موجوده ..
وزود على كذا قالوا لي انها مانزلت من العصر من غرفتها .. لايكون تعبانه والا فيها شي ..
رقيت فوق وانا اقول لمرام تلحقني : تعالي مرام ابيك ..
دخلت غرفتي وطلعت الكيس ..
مرام وهي وراي : وش تبي ؟؟
مديت لها الكيس وانا مستحي : روحي عطيه رنا .. شوفي اذا ماعجبها او قالت مابيه .. رجعيه على طول ولا تناقشينها ..
مرام وهي تحطمني زياده : انا عارفه انها بترجعه .. لان رنا ماتعجبها هالاشكال ..بس ميخالف بروح عشان خاطرك ..
طلعت وتركتني انتظر ..
جلست على السرير وانا متوتر وخايف انها ترفضها ..










رنا


بس وانا وقتي كله على السرير ياما منسدحه عليه ياما قاعده .. ماعندي شغل ولامشغله ..
حتى خالتي والبنات الله يهديهم مايخلوني اشتغل او اسوي أي شي ..حتى ملابس بنتي مو راضين اغسلها انا ..
يقولون كفايه عليك ملابسك ..اصلا كانوا بيغسلونها لي بس انا رفضت .. خيييييييير ..
اندق الباب ..
رنا : ادخل ..
دخلت مرام ومعها كيسه : هلا رنا .. وشلونك ؟؟
عدلت جلستي : الحمد لله ..
قربت من عندي ومدت لي الكيسه : افتحيها وقولي وش رايك ؟؟
فتحت الكيس وطلعت البلوزة ..
ابتسمت ..
رنا : حلو اللون احمر ناقع كأنه الدم .. هاذي من حقته ..
مرام وهي مستغربه : الحين هي معجبتك ؟؟
رنا : ليش وش فيها حلوة ونااااااااااااااااعمه .. وقماشها باين عليه ممتااااااااااااز ..
مرام والى الان مو مستوعبه اللي اقوله : بالله عليك تتكلمين جد ؟؟
انا استغربت من ردة فعلها : ليش وش فيه ؟؟ وش السالفه ؟؟؟
مرام وهي تجلس بجنبي على السرير : لا مافيه شي .. بس هاذي البلوزة الله يسلمك لك ..
مسكت البلوزة ولصقتها بصدره وانا رافعه حواجبي : لـــــي أنـــــــا .. من منين طيب ؟؟
مرام وهي متردده : اممممم .. من .. احمد ..
ابتسمت : وش المناسبه ؟؟
لما شافت مرام ابتسامتي ارتاحت وسردت لي كل القصه .. وانها كانت معجبته وهي وسارة ماطاعوا ياخذونها .. فأخذها لي ..
ابتسمت مرة ثانيه : مشكور مايقصر ..
مرام وهي مبتسمه زيي : يعني عجبتك .. ترى هو على اعصابه يقول اخاف انها ماتعجبها زيي انا وسارة ..
رنا : لا قولي له كثر الله خيره .. عجبتها مره مره .. ( وحبيت امزح معها هي مو هو ) اصلا هي مب زينه بس عشان احمد اللي مختارها طلعت حلوة ..
والله اني كنت امزح ماتوقعت ان الحمارة مرام بتروح تقوله كل اللي قلته ..
طلعت مرام من عندي .. اما انا قعدت اناظر البلوزة واتمقل فيها يمين ويسار .. ماعليها حليوة ..












احمد



ماصدقت مرام .. وماصدقت اللي قالته ..
جلستها قبالي وخليتها تقولي اللي قالته رنا بالحرف الواحد .. لكن صدمني الكلمه الأخيرة ( دام احمد اللي مختارها اكيد بتطلع حلوة )
بتجيني جلطه .. لا لا ..
سكته قلبيه احسن ..
ياربي انا في حلم والا علم ..
يعني رضت علينا ست الحسن والكمال ..
لا لا .. مستحيل رنا تقول هالكلام .. اكيد مرام تلعب علي ..
بس مرام حلفت لي بالقرآن ..
شفتوا وصلت القضية للحلف بالقرآن ..
لاني من جد ماعاد فيني عقل ..
بس فيني قلب ينبض ..
طار عقلي وبقى قلبي ..












رنا


طلعت من غرفتي بعد ماصليت العشاء .. لبست عباتي عند باب الغرفه ونزلت ..
صادفت بطريقي مرام
قلت لها وانا انزل مع الدرج : مرام قولي لخالتي اني طالعه لمشوار ضروري اوكي ..
مرام : لوين طيب ؟؟
كملت مشيي ومارديت عليها .. لان ماعندي شي اقوله ..
ركبت السيارة ..
وكلم فواز الشيخ ووصف له المكان ..
لما نزلت ودخلنا لبيت الشيخ .. كنت مرة خايفه وماسكه بيد فواز بقوة ..
حتى فواز كان ضاغط على يدي وكأنه يهديني ..
جلست وجلس فواز جنبي اما الشيخ جلس مقابل فواز ..
سألني بعض الاسئلة الشخصيه ..
كم عمرك .. كم عندك عيال .. كم لك متزوجه ..زي كذا يعني ..
بعدين بدى يقرا علي ..
تعرفون وشلون رجعت لي الآلآم ..
رجعت لي وبقوة بعد ..
وهو يقرأ وانا مو قادره اتحمل احس فيني صرخه ودي اطلعها بس ماني قادرة ..
ويقرا ويزيد في القراءة .. وشوي يرفع صوته وشوي يخفضه ..
والآلآم كل مالها وتزيد .. الين خلااااااااااااص ماقدرت اتحمل ..
فصرخت ذيك الصرخه حسبت انها طلعت روحي ..
بعدين اغمى علي .. ولاعدت احس بأي شي ..
يوم قمت من الاغماة ..
شفت راسي وشعري مكشوفين .. ووجهي مبلل بالمويه .. لما فتحت عيوني .. شفت فواز قاعد جنبي ..
فواز وهو مبتسم بس ابتسامة حزن : قمتي .. الحمد لله على سلامتك ..
ماقدرت اتكلم ..
فواز : انتي بخير ؟؟
هزيت له راسي يعني ايه ..
حاولت اقوم بس ماقدرت .. فساعدني فواز وقعدني لبست نقابي ورفعت عباتي على راسي ..
فواز : تفضل ياشيخ .. اختي قامت ..
اول مادخل الشيخ خفت وودي اطلع بسرعه .. ماقدرت اتحمل المكان ..
الشيخ وهو يتكلم مع فواز : اختك فيها عين قويه .. والعين هاذي جت على اللي في بطنها .. الحمدلله انها مو عليها ..
فواز : بس ولو ياشيخ اللي ببطنها ماله ذنب ..
الشيخ : احمد ربك .. الولد يتعوض .. بس لو راحت اختك بتعوضها ..
فواز : لا ..
الشيخ : اجل احمد ربك واشكره ..
فواز : انزين وش السواة ؟؟
الشيخ : السواة سواة رب العالمين .. راح ننتظر الين تولد ..
فواز : يعني اذا ولدت اجيبها لك ؟؟
الشيخ : ايه .. لاني بس بتأكد اذا بالام والولد مع بعض ..او بس بالولد ..
فواز : الله يجزاك خير ..
الشيخ : وياك .. ويقوم اختك بالسلامه
فواز : الله يسلمك ..
كل هالحوار اللي دار وانا جالسه بينهم .. ومصدومه من الكلام كله ..








رنا


بعد شهر ..
كل مالها وحالتي تردى ..
الين خلاص ماعدت اقوم من الفراش ..
الحين دخلت بالشهر الثامن ..
حالتي مرة مرة صعبه ..
الآلآم مستمرة في الظهر والبطن ..
كل يوم صياح وصراخ من الاوجاع اللي فيني ..
بس اصارخ واصيح وافزع اللي بالبيت كلهم .. ولا احد يدري وش فيني ؟؟
احسن مافي الموضوع ان احمد ماتدخل و لاقال أي شي ..
حتى امي جتني وزارتني اكثر من مرة لكنها ماقالت ليش ماتروحين للمستشفى او ماتشوفين وش فيك ؟؟
كأن ربي معمي على قلوبهم ..
تخيلوا بنتي الحين ماتنام معي .. تنام مع مرام وسارة .. تدرون ليه ؟؟
لاني فنص الليل والناس كلها نايمه ..
اقوم من النوم واقعد اصيح واصارخ من الالم اللي يجيني ..
فتقوم بنتي من النوم وتقعد تصيح خايفه من الصراخ ..










احمد


والله والله لو اني ماقطعت على نفسي وعد اني مااتدخل فيها ..
كان ماتشوفون هاذي حالتها ..
بالله عليكم حالتها ماتتحمل نسكت عليها .. ليش امي وامها واهلها ساكتين .. ما أدري ؟؟
مافيه منهم تحرك .. مافيه احد منهم سوى أي شي ؟؟
وش هالبرود .. وش هالانعدام بالمسؤوليه ..
البنت يوميا تصيح وتصارخ كل الليل ..
وهم ولا على بالهم ..
والله اني اموت في اليوم اكثر من مرة كلما سمعتها تتألم او تصرخ ..
حتى صياحها مو طبيعي .. صوتها وهي تصارخ يخوووووف ..
صوت غريب .. يخليك تنتفض من داخل ..
كلما كلمت امي عن موضوعها .. قالت لي امي مو شغلك ..
وشلون مو شغلي .. البنت تموت باليوم الف مرة وهم يقولون مو شغلي ..
حاولت قدر الامكان اقلل من طلعاتي من البيت لاني اخاف يحتاجوني في أي وقت .. ولازم اصير فيه ..






رنا


كنت مرة عطشانه ..
رنا : مرام صبي لي مويه ..
صبت لي بكاس ..وقربت من فمي عشان اشربه ..
شربت اللي بالكاس كله .. ماكملت دقيقه وحده بس .. الا وانا مرجعته ( وانتوا بكرامه )
قامت معدتي تقلب علي .. واحس ان الولد بيطلع لي من فوق ..
احسه بيطلع من فمي ..
حسيت اني بفقد الوعي .. وعيوني تقلب .. خلااااااص احس اني تخدرت وجاني النوووووووم ..
اول ماغمضت عيوني الا شي بظهري زي النعزة .. صرخت منها صرخه .. من قوتها مرام نطت من السرير ..
وقمت استفرغ .. واستفرغ .. وانا اصارخ واصيييييييييح ..
خلاص في هذاك الوقت ماقدرت اتحمل أي شي ..
صرخت بمرام : نادي احد يوديني المستشفى بسرعه ..
طلعت مرام من الغرفه ..
اما انا الله العالم بحالي ..










احمد



كنت في غرفتي ..
واسمع صياحها وصراخها وقلبي يتقطع عليها ..
مسكينه ليش مو راضي احد يتحرك ؟؟
ليش وش صاير فيهم ؟؟
دخلت علي مرام وهي تصيح وتصارخ بوجهي : احمـــد ... احمــــــد .. الحق .. رنا بتموت الحق عليها تكفى ..
من دون وعي ..
نطيت من جلستي وركضت على غرفه رنا ..
شفتها تتقلب على السرير بشكل جنوني ..
شكلها مرة يخوف .. زياده على كذا صراخها وصياحها ..
شلتها بين يديني وضميتها لصدري بقوة ..
وودي ادخلها بصدري ولا احد يأذيها او يمس شعرة منها ..
ركضت من على الدرج ..
وانا ناسي نفسي ..
ركبتها السيارة وعلى طول على المستشفى .. من الخوف اني افقدها نسيت آخذ وحده من خواتي ..
طول الطريق وهي تصرخ وتصيح بس كلما قربنا من المستشفى احس صوتها يخف وحركتها تقل ..
المسافه نص ساعه انا اختصرتها بعشر دقايق من السرعه الجنونية اللي كنت اسوق فيها ..
دخلتها على قسم الطوارئ ..
جلست على اعصابي عند غرفة الكشف ..
بعد نص ساعه طلعت الدكتورة ..
احمد : هاه دكتورة وش اخبارها الحين ؟؟
الدكتورة : انت زوجها ؟؟
احمد : لا ..
الدكتورة : وين زوجها ؟؟
احمد : اخوي ميت .. وانا اخوه .. دكتورة تكفين طمنيني عليها ؟؟
الدكتورة : انا ماني فاهمة ليش الجنين ببطنها الى الآن .. مفروض ينزل قبل شهرين .. رنا متسممه بالطفل اللي ببطنها .. انا طلبت ملف متابعه الحمل وبشوف ليش مانزلوا الجنين ؟؟؟
احس مخي تقفل .. مافهمت ولاكلمه قالتها ..
احمد : دكتورة ممكن تفهميني .. وشلون مافهمت كلامك ؟؟
الدكتورة : تفضل معي لمكتبي وانا افهمك ..












رنا


الحمد لله احس الآلآم اختفت ..
احس اني مرتااااااااااااااااااحه ومافيني شي ؟؟
يالله وش اللي جايبني للمستشفى .. اكيد بينزلون الولد ..
اصلا انا مستحيل اخليهم ينزلونه ولو على قص رقبتي ..
دخل احمد فتغطيت على طول بالشرشف حق السرير ..
سمعته يسحب كرسي ..
احمد : ممكن افهم ليش سويتي كذا ؟؟
مارديت عليه .. لاني عارفه وش يقصد ؟؟
تكلم احمد لكن بهدوء وبكل حنان : ردي علي .. معجبك اللي سويتيه لنفسك .. معجبك الوجع اللي كل يوم تحسين فيه .. معجبك الصراخ والصياح آخر الليل ..
جلست اصيح وانا اسمع الدفء اللي بصوته .. جلست اصيح وانا محتاجه احد يضمني ويخفف علي .. جلست اصيح وانا محتاجه احد يفهمني ..
شهقت وانا اصيح ..
سمعت الكرسي يقرب من عند السرير وبالذات من عند راسي حسيت بشي على راسي .. عرفت انه حط يده على راسي ..
حركته مرة جريئة وانا مااقبلها له قبل لا اقبلها لنفسي ..
احمد بكل حنان : رنا انا عارف ان فيك شي .. وشي كبير بعد .. فما ادري ليش انتي ساكته .. تكلمي قولي أي شي ؟؟ قولي اللي فيك واللي تحسين فيه ..
حسيت انه زودها : احمد ممكن تبعد يدك وتجيب لي عباة لاني بطلع من هالمستشفى ؟؟
شال يده .. حسيت انه طلع ..
ابعدت الشرشف عن وجهي ..
اوووووووووف احس اني مخنوقه ..
بعد نص ساعه دخلت مرام وسارة وخالتي ..
حبتني خالتي مع جبهتي وهي تصيح : طاح الشر ان شاء الله طاح الشر ..
بعدين سلمت علي سارة وبعدها مرام ..
اخذت العباة منهم ولبستها وانا أسئلهم عن سديم ..
سارة : برى مع بندر .. انتي بتطلعين الحين ؟؟
رديت وانا كلي ثقة : ايه بطلع معكم .. قالت مافيني شي ..
اول شي طلعت خالتي بعدين مرام بعدين سارة .. وانا توي البس عباتي مابعد طلعت ..








احمد


حركتي ماكان لها داعي ابدا ..
ادري اني كنت غلطان ..
بس والله ماكنت احس بروحي .. ماكنت ادري عن نفسي ..
بس هي للأمانه كانت جدا محترمه اول مادخلت تغطت .. بعدين قالت لي ابعد يدك بطريقه مؤدبة من دون ماتجرحني ..
لما دخلوا اهلي عندها انا وقفت عند بندر وسدومه ..
شوي الا طلعت امي بعدين مرام ووراها سارة ..
سألتهم وانا مستغرب طلعتهم من عندها لاني ابيهم يقعدون عندها لين تنزل اللي ببطنها .. انا رتبت كل وضعها ودبرت لها سرير : وراكم طلعتوا ؟؟
امي : بنروح البيت ..
احمد : وبتخلون رنا لحالها .. اقعدوا عندها ..
امي : لا رنا بتجي معنا ..
احمد : من اللي قال ؟؟
امي : هي اللي قالت انهم رخصوها ؟؟
على كيفها الدعوه .. تدخل متى ماتبي وتطلع متى ماتبي ؟؟
رحت لغرفتها ..
احمد : رنا تغطي ابي اكلمك ..
شوي سمعتها تقول : ادخل ..
دخلت وانا معصب على الاخير : وش اللي سمعته ؟؟
رنا : وش سمعت ؟؟
احمد : رنا لا تجنيني .. انت ماتفهمين كم لك وانتي داريه ان اللي ببطنك ميت ؟؟ هاه .. جاوبيني .. حرام عليك اللي قاعده تسوينه بنفسك .. اللي ببطنك وميت وشتبين فيه أبي افهم فهميني ؟؟ وش تبين فيه ؟؟ ردي ؟؟








رنا



هذا احمد مايعقل الا لين اخبطه مع راسه ..
رديت عليه بكل برود : انت مالك دخل فيني .. ومالك حكم علي ..
عصب من كلامي :شوفي رنا سكت لك كثيييييييييير .. وعلى اشياء كثييييييييرة .. لكن اما انك تخاطرين بحياتك هاذا اللي ماراح اسكت عليه ..
على باله الحين سبيدر مان .. والا زورو ..
قولوا له بس يضف وجه ..
رنا : قلتها بنفسك حياتي .. يعني انت مالك شغل فيني .. وياليت ماحد يدري بالموضوع .. لانك ماراح تستفيد شي لو احد درى ...
طلعت وخليته واعلى مافي خيله يركبه ..
وقفت عند بندر ..
رنا : بندر ممكن توديني للبيت ..
بندر وهو يبتسم : اكيد تفضلي ..
وش ذا الادب اللي نزل على هالمحشش .. صدق انه مو صاحي ..
رجعت للبيت وكانت الساعه 2وربع ..
وكالعاده اخذت مرام سدومه معها للغرفه اما انا دخلت غرفتي سكرت الباب بس ماقفلته ..
بناءا على اوامر خالتي ..
ونمت نوم عمييييييييييييييييييق ..





نهاية الجزء الخامس

الجزء السادس


احمد

جلست على واحد من الكراسي اللي مرصوصه رص على طول السيب ..
كانت فاضيه كلها الا من كرسي واحد ..
كنت جالس عليه .. حطيت يديني على وجهي وفركته بقوة ..
مقهووووووووووووووور وبنفس الوقت مقدر اسوي أي شي ..
يالله على هالحاله ..
ليش يارنا ليش تسوين في نفسك كذا ؟؟
لهدرجه حياتك رخيصه عندك ؟؟
لهدرجه مايهمك احد ؟؟
لهدرجه انتي انانيه وماتفكرين الا بنفسك وبس ؟؟
تنهدت بأقوى ماعندي وانا اقول : انا لك يارنا .. وانا اللي راح اوقف بوجهك وراح انزل اللي ببطنك غصب عليك رضيتي والا انرضيتي ..
قمت ورحت لمكتب الدكتورة ..
احمد : السلام عليكم ..
الدكتورة : وعليكم السلام ..
احمد : دكتورة رنا طلعت من المستشفى ..
الدكتورة وهي مستغربه : كيف طلعت ؟؟
جاوبتها وانا اهز كتوفي : طلعت !!!
الدكتورة : وليش مامنعتها ؟؟
رديت عليه بقلة حيلة : ماقدرت !!!
الدكتورة وهي معصبه : تدري وش راح يصير لها ؟؟
خفت من لهجه الدكتورة اللي كانت معصبه : ليش وش راح يصير ؟؟
الدكتورة : اخ احمد الجنين اللي في بطنها ميت .. يعني ضرر على صحتها .. ممكن تسمم .. او ممكن يصير أي شي خطير لا سمح الله ..
احمد : مارضت تنزله .. انزين انا وش بيدي اسوي ؟؟..
الدكتورة : حاول معها واشرح لها الاضراراللي تصير لها .. وانا انتظرك ..
احمد : ان شاء الله ..
قمت وانا حاس ان الدنيا تلف وتدور فيني ...
ياربي كيف اقنعها واجيبها للمستشفى ؟؟..
ياربي وش بلاني بوحده عنيده وراسها يابس مثل هالرنا ..
خلاااااااااص مليت ..
والله والله والله يارنا .. ماراح احد يكسر راسك غيري .. وقولي اني مو رجال اذا ماكسرته لك ..









رنا


قمت على دق خفيف على الباب ..
ياترى من ؟؟؟
ناظرت الساعه .. الساعه 6 الصبح !!!..
تكلمت وانا صوتي كله نوم : من ؟؟
.......... : تغطي بأدخل !!
شهقت .. وبغت تطلع روحي .. احـــمـــــد !!!
وش يبغى ؟؟
ياربي عليه هالآدمي متى راح يطلق سراحي ؟؟
حاولت اصّرفه لاني مالي خلق آخذ واعطي معه : اذا عندك كلام بتقوله لي اجله اذا قمت ..انا مالي خلق اتكلم مع أي احد ..
احمد بصوت عالي : تغطي يارنا وخليني ادخل احسن لك ..
بعد بعد يعرف يهدد ..
هين يا أحمد بشوف وش آخرتها معك ؟؟..
سحبت الشرشف اللي على الكمدينه وتغطيت : ادخل ..
دخل ووقف عند الباب : بتكلم معك وابيك تسمعيني زين ؟؟..
رديت وانا اتنهد : اسمعك ..
احمد : شوفي رنا انا سكت عنك كثيييييييييييير .. وتساهلت معك في اشياااااااااء كثيرة .. بس الحين خلاص ماعاد فيني اتحمل .. كلامي من اليوم ورايح هو اللي راح يتنفذ ..
بصراحه ماقدرت اكتم ضحكتي وانفجرت اضحك من كلامه : ههههههههههههههه ههههههههههه كح كح كح هههههه ..
شفت ابتسامته بس على طول اختفت : اضحكي لين تقولين بس .. بس يكون في علمك اللي ببطنك راح ينزل .. جهزي نفسك اوكي ..
رنا : تحلم اني انزله ..
احمد : بتنزلينه غصب عليك ..
رنا : احمد تراي عطيتك اكبر من حجمك .. فلا تخليني اتصرف معك تصرف ثاني !!! ..
احمد : وش راح تسوين يعني ؟؟
رنا : ماراح اشوي شي .. بس اذا تعديت حدودك زياده عن كذا صدقني ماتلوم الا نفسك ..
احمد : شوفي رنا هالمرة الكلمة لي انا .. وانا اللي اتصرف ..
رنا : بس انا ماطلبت منك أي مساعده ...
احمد : انا بس ودي اعرف شي واحد انتي وشلون قاعده تفكرين ؟؟
رنا : انا اللي بصراحه ودي اعرف وش دخلك فيني ؟؟ ليش تحاول تدخل عصك في شي مايخصك ؟؟
ضحك بإستهزاء وهو يميل فمه : هذا هو الشي الوحيد اللي يخصني فيك .. ولد اخوي اللي ببطنك او بنت اخوي .. ويربطني فيه الدم اذا ماكنتي تدرين ..
يوم شفته طولها وهي قصيرة : هذا انا اقولها لك .. اعلى مافي خيلك اركبه .. والحين ممكن تشرفنا ابي انام ..
عصب من كلامي وقال وهو ماسك عروة الباب : بنشووووووووف من اللي بتمشي كلمته في النهايه ..
طلع وسكر الباب بهدوء ..
حسيت بخوووووووووووف نفضني .. لدرجة اني قمت انتفض من داخل ..
شكله ناوي علي هالمرة .. وعلى قولته سكت عني كثير ...
تتوقعون يقدر يسوي شي ؟؟ والا بس زي كل مرة يهدد بعدين يسكت ولا يسوي شي من اللي قاله ؟؟









احمد


آآآآآآآآآآآآآآآآآآآآآآآآآآآآآآآآآآآآآآه .. بموت من هالبنت ..
ياربيه كيف اخوي كان متحملها ..
جدا جدا لاتطاق لاهي ولا تصرفاتها ..
بس هالمرة الكلمة لي يارنا ..
ناظرت الساعة 7 الاربع ..
غيرت ملابسي وطلعت للدوام وانا كل تفكيري برنا ..












رنا


حاولت انام ماقدرت ..
تنهدت وانا مقهووووووووووورة من تصرف احمد ..
كيف يتجرأ علي ويدخل غرفتي والناس نايمه ..
توي اتذكر ان اللي سواه غلط ..
مافكرت في هالشي الا لما هدت اعصابي ..
زين مابقى شي يارنا هذا شهرك الثامن .. بقى التاسع وخلاااااااااااااص افرااااااااااااااااااااااج وللنهايه ..
ياسلااااااااااااااااااااااام يعني ماراح اشوف خلقة احمد مرة ثانيه ..
متى يجي هذا اليوم متى ؟؟





احمد


بعد اسبوعين من هالاحداث ..
توي راجع من دوامي تعبااااااااااااااااااان ومالي خلق احد ..
مريت على الملحق فاضي ..
دخلت داخل الصالة ..
جلست من دون مااسلم ..
كان فيه مرام وسارة ...
قلت لمرام وانا اناظرها : قومي حطي غداي ..
مرام وهي تناظرني من فوق لتحت : انزين قوم غير ملابسك ..
عصبت عليها ورديت عليها بصوت عالي وقوي : مالك دخل .. قومي خلصيني ..
قامت وهي تقول : اعوذ بالله كبريت !!...
قعدت اناظر سارة وهي تقرأ الجريده ..
سارة حلوة بس غريبه ليش ماتزوجت ؟؟
هي اصغر من رنا بسنتين .. ومرام اكبر من رنا بسنتين ..
صدق اني سخيف .. الحين طفشان ومالي خلق وقاعد اقول هالكلام ..
سألت سارة وانا مكتم : وين امي ؟؟
ردت علي من دون ماتناظرني : نايمه ..
سألتها مرة ثانيه : وين سدومه ؟؟
نفس الحركه ردت من دون ماتناظرني : عند امها فوق ..
بس كذا لعانه على قولتهم قلت لها : قومي جيبيها ..
رفعت راسها من على الجريده وهي مستغربه من طلبي : من أجيب ؟؟.. رنا والا سدومه قصدك ؟؟
بغيت اضحك على غبائها بس مسكت نفسي الحين بتقول يوم جبنا طاري رنا ضحكت فرديت عليه بإستهزاء : الحين انتي غبيه والا تستغبين .. وش ابي برنا انا .. قومي جيبي سدومه ..
ليتك تقدرين تجيبين لي رنا .. كان والله ماعييت ..
بس البلا مو مني .. البلا كله من رنا !!..
على قومة سارة .. دخلت مرام بالغداء ..
حطته قدامي .. قمت وغسلت ..
اول مامسكت الملعقه ..
سمعت اصوات وصرااااااااخ فوق ..
لا اراديا طاحت الملعقة من يدي ..
حسيت قلبي يطيح معها ..
حسيت روحي انزعت مني ..
التفت على مرام اللي كأنها صنم وصرخت بوجهها : قومي شوفي وش السالفه بسرعه ؟؟
قامت مرام تركض .. ورقت فوق ..
اما انا لحقتها بس الين الدرج .. ووقفت !!..
احس نفسي ماني قادر اشيل رجولي .. احسهن ثقاااااااااااااااال ..
احس الهموم اللي في قلبي كلها نزلت على رجولي ..
طولت مرام مانزلت ..
اكيد صاير شي كايد .. الله يستر ..
حاولت احرك نفسي وارقى الدرج .. ماقدرت ..
فصرخت بأعلى صوتي : مراااااااااااااااااااااااااااااااام ..
شوي ونزلت لي مرام تركض ..
وقفت قبالي ودموعها تنزل وتمسحهن .. احس دموعها تنزل لا اراديا ..
انا لما شفت شكلها انصدمت من شكلها وخفت اسألها لاني ادري وش راح تقول .. اكيد بتقول ماتت !!..
لا تكفين مرام قولي غير هالكلام تكفين !!
ترى والله ماني اتحمل خلاااااااص ..
كل هذا صار بثواني ...
تكلمت مرام ويدينها على عيونها تمسح دموعها وصرخت بوجهي : احمد الحق عليها .. رنا تنزف دم .. دم كثير يا أحمد .. دم كثير ..
يوم قالت تنزف فرحت ..
بس فرحه مؤقته .. فرحت لانها ماقالت لي ماتت ..
بما اني مااعرف شي بالحريم ولا اعرف وش يسبب النزيف تداركت الموضوع وسألتها : وشلون نزيف ؟؟
صرخت بوجهي بأقوى ماعندها : يعني لو نزفت كثير تموت .. وهي فوق تنزف وماندري متى وهي تنزف ؟؟
تركتني ورقت فوق وهي تركض ..
ماني قادر استوعب وش قالت ؟؟
اللي فهمت من هذا كله انها يمكن تموت !!
تموت !!
تموت!!
جلست ارددها .. واخيرا صحيت من صدمتي ..
ركضت على الدرج وانا ماأشوف اللي قدامي ..
دخلت غرفة رنا ..
بس للحظة وقفت !!!
وش قاعد اسوي انا ؟؟؟
تفاجأت من اللي شفته ..
مو معقولة ابدا ابدا ..
قربت شوي بتأكد من اللي شفته ..!!
فعلا اللي شفته حقيقة مو خيااااااااااااااال ..
البطانية اللي كانت متغطيه فيها مبعدينه عنها ..
ومكشوفه قدامي من دون غطى لجسمها او شعرها .. !!
حتى ماعليها لبس ساتر ..
كل اللي عليها قميص نوم لونه سماوي .. كان جدا عاري ..
بس اللي لفت انتباهي الدم اللي كان ملطخ بالمفرش ..
اللون الاحمر هو سيطر على نظري في هاللحظة ..
سارة وهي معصبه من تصرفي : احمد شل البنت الحق عليها قبل لا تروح من يدينا ..
سألتها وانا ريقي ناشف : هي ليش مغمضه عيونها ؟؟
سارة وهي معصبة اكثر : مدري عنها .. انادي عليها ماترد علي .. احمد شلها ..
قربت من عندها بس ماتجرأت اني اشيلها مدري حسيت بخوف ..
خايف اني اشيلها وتطلع ميته .. واصير شايل لي جثه ..
لا لا مابي اشيلها ..
حاولت اقوي نفسي .. بس ماقدرت ..
خاااااااااااااااااايف انها ميته .. بعدها مستحيل انسى هالموقف .. وراح اتعذب طول عمري منه ..
لفتها سارة بشرشف الا وجهها : احمد تحرك شلها وش فيك بلمت تحرك ..
مديت يديني لتحت ظهرها وشلتها .. وانا حاس اني شايل جثه ..
نزلت مع الدرج بكل برووووووود ..
ركبتها السيارة وصرت اسوق ببرود قاتل فيني ..
وصلت للمستشفى ودخلتها على الطوارئ ..
دخلوها الغرفة على طول .. اما انا رحت لموظف الأستقبال.. لانه طلب مني اسجل بيناتها ..
بعد ماسجلت البيانات وقفت عند باب الغرفه اللي كانت موجوده فيها رنا ..
جلست على الكرسي وانا احس ان اطرافي صارت باااااااااااااارده ليش مدري ؟؟
ماحسيت في أي مشاعر او أي احساس فذيك اللحظة ..
احس اني حي بس من دون قلب ..
قعدت اناظر اللي رايح واللي جاي بكل برود ..
مرت نص ساعه وانا على هالحال ..
اشوف الممرضات والدكاترة داخلين طالعين من الغرفة .. ولا احد منهم تكلم او قال شي ..
انتظرت ربع ساعه يمكن احد يطلع يطمني ..
فعلا بعد ربع ساعه ثانية غير اللي انتظرتها طلعت دكتورة وسألتني : المدام زوجتك ؟؟؟!!







رنا


كان راسي ثقييييييل مرررررررررررة ..
عجزت افتح عيوني لما شميت ريحة البنج عند خشمي ..
نفخت على خفيف وانا متضايقه من الريحه ..
اكره شي عندي البنج ..
الحين وش جاب ذا الريحه لخشمي اففففففففففففففففففففففف ..
اكيد هاذي مرام قاعده تلعب ..
بصعوبه فتحت عيوني وانا احاول ابلع ريقي الناشف ..
ناظرت حولي .. كل شي ابيض ..
شفت ممرضه تناديني وهي حاطه يدها على كتفي وتهزني : مدام انتا في كويس ..
هزيت لها راسي يعني ايه ..
الممرضه : شويا يجي دكتورة يشوف انتا ..
وطلعت ..
ياربي وش صاير لي ؟؟
وليش انا في المستشفى ؟؟
ومن اللي جابني ؟؟
غمضت عيوني وانا كل تفكيري مشوش وماني قادرة اركز ..
طولت وانا مغمضه عيوني ..
احس اني انسى واقعي اذا غمضتهن ..
غبت عن الوعي للحظات لكني كنت احس باللي حولي ..
فتحتهن بشكل بطيييييييييييييييييييييييييييييء ..
لكني تفاجأت باللي قدامي .. وقاعد يطالع فيني ..
انصدمت بصراحه ..
وفتحت عيوني على وسعهن ابي اتأكد ..
على طول سحبت الشرشف وغطيت راسي ..
صدق انه وقح وقليل ادب ..
لهدرجه وصلت به الوقاحه ..
والله والله ماراح امشيها لك يا أحمد .. وانا بنت ابوي ..







احمد


ماتوقعت انها صاحيه ..
دخلت ابتطمن عليها .. لان الدكتورة قالت لي ان حالتها الحين صارت احسن من الاول ..
قالت بعد انها قدرت تسيطر على النزيف .. وانه شي طبيعي انها تنزف لان في بطنها جنين ميت ..
واستغربت بعد ليش الى الآن مابعد نزلت الجنين ؟؟ ..
زي ماقلت لكم ابدا ابدا ماجى في بالي ولا واحد بالميه انها صاحيه ..
اول مادخلت كانت مغمضه عيونها وكأنها غايبه عن الوعي ..
سبحان الله كيف قدرت توهمني انها نايمه ؟؟..
قربت من عند السرير وجلست اتأمل فيها ..
وانا اقول الزين منين جى لسدومه .. أثرها ماخذه الزين كله من امها ..
ماشاء الله .. تبارك الله ..
شعرها كان كله ملموم لكن فيه بعض الخصل نازله على وجهها ورقبتها ..
ما اقولكم بيضا مرة مرة .. بس ماشاء الله بشرتها مرة صافيه ولا فيه ولاحبه بوجهها ..
وشفايفها لونها ابيض ومتشققه..
كانت نايمه زي الملاك ..
كنت ناوي اطلع .. لاني خفت تقوم والله العظيم ان تسوي لي سالفه مالها اول من آخر ..
اول مافتحت عيونها وشافتني ..
طلعت وسكرت الباب بهدووووووووووووووء ..
ورحت للدكتورة عشان اوقع على تنزيل الجنين ..
لاني زي ماقلت لكم الحين صارت الكلمة كلمتي !!..
انا وبس !!..













رنا


حاولت اقوم من على الفراش ماقدرت ..
الحقيرررررر يوم شبع مناظرني طلع بهدووووووووء ..
يحسبني ماشفته .. هين يا أحمد .. والله لاطلع حقي من عيونك ..
ضغطت زر الممرضات ..
جلست ربع ساعه ماجاني احد ..
ضغطته مرة ثانيه ..
بعد ما احد جى ..
وش سالفتهم ذولا ؟؟!
والا لايكون الجرس خربان ؟؟
يمكن ؟؟!!
يوم شفت ما أحد جاني حاولت اقوم من نفسي ..
بتقولون وش عندك صح ؟؟!!
لازم اطلع من هالمستشفى .. ضروري اطلع ..
وانا قاعده احاول اني اقوم لاني ابي تلفون اكلم فيه البيت ..
بقول لسارة تجي هي وبندر ياخذوني من هالمستشفى قبل لا يتصرف احمد تصرف يخليني اندم طول حياتي ..
بصراحه قابضني قلبي من احمد ..
احسه بيسوي شي ..
الا اكيد بيسوي شي ..
الى الآن مابعد نسيت سواته ذاك اليوم يوم يدخل علي بغرفتي الساعه ست .. وهددني انه يوقفني عند حدي على قولته !!!
حاولت وحاولت لكن ابدا ماقدرت ..
رجعت انسدحت مرة ثانيه .. اقتلبت على جهة اليمين وغصب علي نزلت دمعتي ..
حسيت في هاللحظة بالعجز وقلة الحيلة ..
وعرفت .. الا تيقنت ان مصير هالولد راح ينزل ..
وعلى يد مين ؟؟ اكيد راح يكون على يد احمد ..
شوي الا انفتح الباب ..
ماالتفت اشوف مين دخل ؟؟
حتى ماتغطيت .. لاني عارفه من صوت فتحة الباب كانت قويه ..
عرفت انه مو احمد ..
لان احمد يدخل بهدوووووووووووء ويطلع بهدوووووووء مثل مادخل ..
..........: اش بك يارنا ؟؟ ليش زعلانه ياحبيبتي ؟؟
التفت عليها .. وناظرتها وانا ارفع حاجب ..
الدكتورة وشكلها حجازية عرفتها من طريقة كلامها : استهدي بالله كذا .. وماراح يكون الا الخير بأذن الله ..
قبضني قلبي يعني كان تيقني صحيح ان احمد سوى اللي براسه ..
سألتها وانا مرعوبه : وش قصدك بهالكلام ؟؟؟
الدكتورة وهي تحط يدها على كتفي : لاتخافي هي حاجه بسيطه مرة مرة وما تخوف ..
سألتها مرة ثانيه عشان تفهمني اكثر : وش راح تسوين من الاصل ؟؟
الدكتورة وعرفت اني ما اعرف شي : ليش ماقال لك اخو جوزك ؟؟
تنرفزت لما جابت طاريه : وش يقول لي ؟؟
الدكتورة : خلاص هو سوى كل الاجراءات حقت عملية تنزيل الجنين ..
صرخت في وجهها : بس انا مو راضيه ..
استغربت الدكتورة صرختي : وليش مو راضيه ؟؟ كنتي حتموتي من النزيف .. ليش منتي راضيه تنزليه ؟؟ هوا قلي انك مو موافقه .. عشان كدا سوى اوراقك كلها ووقع عليها كمانا ..
ياااااااااااااااااااسلاااااااااااااااااااااام ..
والله وعرفت تستغلها ..
استغل نقطة ضعفي ومسكني مع اليد اللي تعورني ..
لكن لا ..
لا احمد مو انا اللي تسوي فيني كذا ؟؟
مو انا يا أحمد ؟؟
الى الآن مابعد وريتك الوجه الثاني لي ؟؟
حاولت اهدأ وانا اكلم الدكتورة لانها مسكينه مالها أي دخل : دكتورة انا آسفة .. بس ممكن تنادي لي اخو زوجي على قولتك .. اسمه احمد ..
هزت راسها وهي تقول : اوكي .. على أمرك ..
وطلعت ..





يتبع....

احمد


كنت واقف برى الغرفة انتظر الدكتورة ..
خمس دقايق بعدين طلعت ..
احمد : هاه دكتورة بشري ؟؟
الدكتورة : فعلا مو راضيه تنزله .. لكني حسيت في الاخير انها وافقت .. بس هيا ماقالت حاجه .. ادخل لعندها تبغى تكلمك ..
تنهدت وانا عارف الحين تبدأ المشاكل ويبدأ الصراخ ..
دقيت الباب ..
سمعتها تقول : ادخل ..
دخلت وانا عيوني على الارض بصراحه ماني متجرأ ارفع عيوني بعد اللي سويته .. قصدي يوم ادخل اناظرها .. بصراحه استحقرت نفسي ..
سحبت لي كرسي وجلست لكن بعيد شوي عن السرير ..
ماعرفت وش اقول ؟؟
حتى هي ماتكلمت ولا عرفت هي ليش تبغاني ؟؟
يوم شفت السكوت طول تكلمت : آمريني .. تقول الدكتورة انك تبين تتكلمين معي ..
ردت علي بهدوء ماكنت متوقعه : احمد وش اللي سويته ؟؟
رديت عيها بنفس هدوئها : هذا اللي كان لازم يصير من زمان ..
رنا : بس مالك أي حق باللي سويته ..
احمد : ليش ؟؟
رنا : هذا شي مايخصك ..
احمد : رنا انا قد قلت لك انه خلاص زمن السكوت ولى .. والكلمه صارت كلمتي .. اذا كنتي تذكرين ..
رنا : ادري ان مالي مفر من اللي بتسويه .. بسسسس..
وسكتت ..
حسيت ان فيه شي مخبيته عني وعن اهلها وعن اهلي وعن الناس كلها بالاصح ..
احمد : تكلمي ليش سكتي ؟؟ فهميني ليش ماتبينه ينزل ؟؟ علميني ليش تتعلقين بطفل ميت ؟؟ ابي افهم ليش انتي عنيده لهدرجه ؟؟ ليش مايهمك احد ؟؟ ليش كل مااقولك كلمه تكسرينها ؟؟ ليش .. ليش يارنا ليش ؟؟ وش سويت لك انا عشان كل هالعدواة القاها منك ؟؟









رنا


ماتوقعت ابدا يكلمني بهالطريقة ..
كان صوته ضعيف حزين .. حسيت ان احمد فيه شي ؟؟
مستحيل هذا احمد اللي كان يهدد ويتوعد ..
ماقدرت ارد عليها .. اصلا لو ابرد وش راح اقول ؟؟
يوم شاف سكوتي طول تكلم بلهجة الواثق : خلاص يارنا على قولتهم اذا فات الفوت ماينفع الصوت .. هذا كلامي الاخير وماعندي غيره .. انا خلاص وقعت الاوراق كلها وراح تنزلينه .. (وقال وهو يرفع حاجب للتأكيد ) واليوم بإذن الله ..
صرخت في وجهه لانه قهرني اسلوب تهديده : تحلم .. ورب البيت انك تحلم ..
قام على اثر صرختي وقرب من عند السرير وصرخ اقوى من صرختي وهو يقول : انتي اللي تحلمين .. كافي يارنا كافي ..
وعطاني ظهره وهو واقف ماتحرك من مكانه ..
خلاص يارنا احمد اكيد راح ينزله ..
لازم اتصرف لو معي جوالي كان قدرت اتصرف ..
بس للأسف استغل ضعفي وراح يسوي اللي براسه ..
حاولت اهدي من نفسي شوي يمكن اقدر اقنعه : احمد ..
من دون مايلتفت وبلهجة عصبيه : قولي انك موافقه .. غير كذا مابي اسمع ..
رنا : احمد تعوذ من ابليس واجلس ..
رد علي وهو الى الآن على وضعيته : رنا خلاص انا قلت اللي عندي .. وماني مستعد اغير اللي سويته .. لاني متأكد انه الصحيح ..
خلاص يارنا ليش تتعبين نفسك وتتعبينه معك قولي له كل شي يمكن يقتنع ..










احمد


تكلمت وشكلها متردده من اللي بتقوله : احمد ممكن تجلس .. بقولك كل شي .. خلاص بعترف بكل شي ..
التفت عليها وانا اناظرها بقوة ..
واخيرا ياهانم قدرت عليك ..
واخيرا صرتي تترجيني علشان اسمعك .. وانا اللي اول اتمنى منك كلمه ..
والله مو قصدي اني اذلها .. بس لاني مقهور منها قلت كذا ..
جلست على الكرسي من دون ماأنطق ولا كلمه ..
انتظرت دقيقة على ماتجمع كلماتها وتطلع لي جملة مفيدة ..
رنا وهي في قمة التردد والخوف : احمد اللي ببطني حي !!!
جلست اطالع فيها ما أدري اصلا وش قالت ؟؟
او اني سمعت بس مافهمت : وش قلتي ؟؟
رنا : اقولك اللي ببطني حي !!
سألتها وانا اغمض عيوني وافتحها مو مصدق اللي قاعد تخربطه علي : يعني وشلون فهميني ؟؟
رنا : احمد والله العظيم انه حي ليش مو مصدقني ؟؟ هذا اللي كنت مخبيته عنك ..
احمد : وشلون حي والدكتورة تقول ميت ؟؟؟
رنا : ادري انها تقول ميت .. اصلا كل الدكاترة يقولون ميت .. بس انا اقولك انه حي ومو ميت مثل يقولون ؟؟
احمد : كيف عرفتي طيب ؟؟
رنا : ولدي يتحرك .. واحس فيه .. وادري انه عايش .. وترى اللي في ببطني ولد ..
ابتسمت لما قالت اللي ببطني ولد !!!
ما أدري ليش صدقتها ؟؟
حسيت انها صادقه .. اصلا وش وش مصلحتها تكذب ؟؟
بس كيف ميت وحي في نفس الوقت ؟؟
احمد : انزين كيف تجي هاذي في نفس الوقت ؟؟








رنا


اقوله والا ما أقوله ..
انزين لو ماقلت له خلاص بيكتفي بإحساسي .. والا يبي دليل ..
وان قلت له بيصدق والا بيقول خرافات ووسواس ..
رنا : لو بقولك بتصدقني ؟؟
احمد : وليش وانت ناويه تكذبين علي واصدقك ..
رنا : لا مو قصدي كذا .. بس اللي راح اقوله لك يمكن ماتصدقه ..
احمد : اذا انتي صادقه راح يبان من صوتك .. لاني صدقت ان اللي ببطنك حي وان احساسك فيه يدل انه حي .. فليش ما اصدقتك لو اكدتي لي انه حي ..
رنا : احمد انا فيني عين .. وعين قويه بعد .. وكل اللي صار لي هاذا من العين ..
شفت عيونه بغت تطلع من مكانها .. هذا اذا ماطلعن ..
حسيت انه متفاجأ .. وحسيت بعد انه صدقني ..
احمد والصدمه باين عليه : يعني وشلون عين ؟؟ وكيف عرفتي ؟؟
رنا : انا رحت مع فواز للشيخ اللي يقرأ وقلت له ان الدكاترة يقولون اللي ببطني ميت وانا احس فيه ومتأكدة انه عايش قالي ان هاذي عين .. والعين هاذي في الولد اللي ببطنك .. ونصحني اذا انا متأكده من حياته داخل بطني اني ما أنزله ..
احمد وكأن احد صافعه على وجهه .. لان وجهه من جد صار احمرررررررر طماطممممم : والحل ؟؟ يعني بتقعدين بهالآلآم ألين ؟؟
رنا : لا .. هو قالي بإذن الله انا مافيني شي ..وبمجرد ولادتي راح يتأكد العين وين ؟؟ فيني والا في ولدي ..
احمد : كملي ..
رنا : ماعندي شي اقوله .. كل اللي اعرفه قلته لك ..
احمد : يعني بتفهميني ان العين للولد عشان تنزلينه ..
رنا : بس انا ماراح انزله ..
احمد : انزين والتعب هاذا كله على ايش لو طلع فعلا الولد ميت ؟؟
رنا : لا أن شاء الله .. احمد والله العظيم اني احس بحركته .. ليش مو راضي احد يفهمني ؟؟ او حتى يصدقني ..
احمد وهو يوقف : انا مصدقك .. لا تخافين كل اللي تبينه راح يصير .. وراح تولدين ان شاء الله وتقومين لنا بالسلامه .. وراح تشيلين ولدك بيدينك .. انا الحين بروح بألغي كل اللي سويته بعدين نطلع ونروح البيت ..
اول ماشفته طلع وسكر الباب وراه ..
حسيت براحه فظيعه عمري ماحسيت فيها..
الحمد لله اللي ماعنّد وسوى اللي براسه ..
الحمد لله ..








أحمد


وقعت على خروجها من المستشفى على مسؤوليتي ..
ودقيت على بندر اخوي يجيب سارة معه عشان تركب رنا مع بندر ..
انتظرت بندر نص ساعه عند مواقف المستشفى ..
لما وصل قلت لبندر ينتظر في السيارة .. ونزلت سارة عشان تساعد رنا..
دقيت الباب على غرفتها ..
رنا : ادخل ..
دخلت عليها سارة .. وانا واقف انتظرهم يطلعون ..
ربع ساعه بعدين طلعت سارة ورنا ..
لكن رنا والله حالتها صعبة ..
ماتقدر تمشي مسكينه .. الله يكون بعونها ..
احمد : سارة اجلسي انتي ورنا على الكراسي هاذي .. انا بروح اجيب عربية واجي ..
اعترضت رنا : لا ميخالف انا اقدر امشي الباب مو بعيد ..
جلستها غصب : الا بعيد .. اقعدي انت وسارة وانا بروح اجيب عربيه ..سارة انتبهي تقوم تمشي !!!
ابعدت عنهم لما لفيت بشوف وش سووا ؟؟؟
لقيتهم جالسات .. اوكي تعدلت والله رنا وصارت تسمع الكلام ..
جبت عربيه ورجعت لهم ..
ركبت رنا .. بغيت ادفها .. بس خفت انها ترفض ..
عادي انا طيحت الميانة بقوة هاليوم ..
لكني قررت امشي قدامهم ..
طلعنا من بوابة المستشفى ..
سيارتي اقرب من سيارة بندر ..
فسألت رنا وانا حاط يدي على قلبي : رنا براحتك تبين تركبين معي ( ووقفت عند سيارتي وفتحت الباب اللي ورى ) حياك الله .. او تحبين تركبين مع بندر .. تراه موجود .. اللي يريحك ..
رنا : عادي أي شي .. كلكم واحد .. معك او مع بندر ماتفرق ..
سألتها وانا خاااااااااااااايف من الرد : يعني وين تبين ؟؟
اشرت لي بيدها وهي باين عليها الاستغراب : خلاص معك ..
تنهدت وانا اغمض عيوني ... بغيت اشهق من الفرحه .. واخيرا تقبلتني وصارت تكلمي زين ..
ابعدت عن عربيتها اللي كانت فيها وركبت السيارة ..
وانا مو قادر امسك اعصابي من الفرحة ..
فمي كل ماله ويتسع من الفرحه .. احاول اسكره ما اقدر .. يرجع يتوسع بأحلى ابتسامة ابتسمتها في حياتي ..
ركبت رنا ورى وركبت معها سارة ..
قلت وانا اطالع المراية الامامية ومتشقق من الوناسه : خير لا يكون سواقكم البنغالي وانا مدري ؟؟..
سارة : عادي واذا صرت سواقنا بتموت!!! ..
حطيت اصبعي على خشمي : على هالخشم اصير سواقك طول العمر لو بغيتي ..
تشققت سارة من الفرحة تحسبني اقصدها : هذا الاخو والا بلاش ..
انتم عارفين من اقصد ؟؟ مايحتاج اقول ..







رنا


حماااااااااااااااااااااااار شوي كلمة حمااااااااااااااااااااار عليه ..
يتعزل فيني قدام اخته .. وهاذي الخبلة تحسب الكلام لها ..
صدق انها غبيه وما تفهم ..
اصلا وشلون تفهم اذا هذا اخوها ؟؟
صبرٌ جميل وبالله المستعان ..
سألت سارة عن بنتي ..
سارة : الحمد لله بخير مافيها الا العافية .. وسخت وغيرت لها مرام وغدتها ونامت .. عادي ما أدري اذا قامت الحين او لا ..
رديت عليها بصوت واطي : الله يعافيها ماتقصر مرام ..
احس الطريق طووووووووووووويل .. وممممممممممملل خصوصا وانا راكبه مع احمد ..
احس الدقايق كأنها تزحف زحف ..
شوي الا تكلم البلبل ( أحمد ) : تبون شي قبل لا نوصل للبيت ؟؟
سارة برد سريع : لا شكرا مانبغى شي ..
احمد : خلاص انطمي اذا انتي ماتين شي .. يمكن غيرك يبي ..
نغزت سارة من خصرها : قولي له مابي شي لا يتعب نفسه ..
سارة وهي مستانسه عشاني فشلته : تقولك مابي شي لاتتعب نفسك .. الظاهر انها خايفه عليك من التعب ..
نغزتها مرة ثانية بس هالمرة اقوى .. حمارة زي اخوها .. لازم تزود كلام ..
احمد : مافيها تعب ولاشي .. حق وواجب اصلا ..
بعدين رجع السكوت يعم المكان ..
ربع ساعه ووصلنا ..







احمد


اول ماوقفنا عند باب البيت .. تذكرت بندر اللي واقف عند باب المستشفى ينتظرنا ..
اووووووووووووووووووهوووووو كيف نسيته ..
يالله وش راح اسوي الحين ؟؟
والله ان يعصب .. ويهاوش .. ويسوي النون وما يعلمون ..
دقيت عليه وانا عارف ردة فعله مسبقا ومجهز نفسي للدفاع ..
بندر : الحمد لله على السلامة .. وينكم ؟؟ تأخرتوا كل هذا تطلعونها .. حشى لو هي جنازة كان على طول نجزتوا ..
احمد : فال الله ولا فالك ياشيخ .. و ش هالكلام ؟؟
بندر: انزين خلصني اطلعوا زهقت وانا انتظر ..
جت في بالي فكرة ..
احمد : خلاص بندر ارجع ..
بندر : ليش ؟؟
احمد : قالوا لازم تترقد .. وبتقعد عندها سارة .. فخلاص الله يستر علينا وعليك .. رح لاشغالك ..
بندر :اووووووف منك .. وتوك تقول ..
احمد : لاني قاعد احاول فيهم تطلع بس مارضوا ..
بندر : اوكي يالله بااااااااااااااي ..
احمد : مع السلامه ..
سارة بصوت عالي فقع اذني : حرااااااااااااااااام تكذب يا كذاااااااااااااااب ..
التفت بألفها بطراق على صراخها .. بس تذكرت رنا .: الحين ليش الصراخ ؟؟ .. انتي دواك عندي اذا نزلنا ان شاء الله ..
سارة : انزين ليش تكذب عليه ؟؟
احمد : خبله انتي اجل وش اقوله ؟؟ اقوله رجعنا للبيت ونسيت اقولك .. والله ان يقلب الدنيا علينا ..
سارة : انزين وشلون بتصرفها له ؟؟
احمد : هو ماراح يرجع الا بالليل .. بقوله اقنعتهم يطلعونها لان قعدتها مالها داعي وطلعت في الليل .. واذا سألك بتقولين له نفس الكلام اوكي ..
سارة : اوكي ..
نزلنا من السيارة .. طبعا انا تقدمتهم عشان رنا تاخذ راحتها ..
وعلى طووووووووووول على غرفتي غيرت ملابسي ونمت ..
تعبااااااااااااااااااااااااااااااااااااااااااااااا اااااان حدي ..!!!!












رنا


مرت أسبوعين من هالاحداث ..
وانا الحين دخلت شهري التاسع ..
كل شيء كما هو عليه ..
ماتغير شي ابد ..
الآلآم والصراخ والرقده اربع وعشرين على الفراش ..
اليوم دقت نورة تبي تجي ..
تصدقون عاد من ذاك اليوم والهوشه اللي صارت بيني وبينها ..
صار بيننا بس سلام .. كيفك وش اخبارك ؟؟ بس ..
لاني مثل ماتعرفون في الشهور الاخيرة ماكنت انزل تحت كثير.. فعشان كذا ترقى تسلم وتنزل على طول ..
كانت عندي مرام يوم نورة تدق ..
دقت على جوال مرام ..
فنزلت مرام تعلم خالتي وتسوي قهوة .. لان الوقت الحين نص العصر يعني مابقى شي على آذان المغرب ...
ودي انزل تحت ..
احس خلاص طقت كبدي من هالغرفة ملييييييييييييييييت !!!!
دقيت على سارة وناديتها ..
خمس دقايق وجت سارة ...
سارة : هلا .. وش بغيتي ؟؟
رنا : سارة الله يعافيك ابي انزل تحت ..
سارة : والمطلوب ؟؟
رنا : ابيك تساعديني ..
سارة وهي تقعد على السرير : أهااااااااااااااااا .. ترى اليوم بتجي نورة ..
رنا : ادري يوم نورة تكلم مرام .. كانت مرام عندي ...
سارة : امممممممم ..
رنا : هاه بتساعديني انزل والا لا ؟؟
سارة : لا بنزلك بسسسس .. رنا الله يعافيك مانبي مشاكل انتي ونورة .. ادري ان نورة ترمي كلام ثقيل عليك .. بس ميخالف اسفهيها ولاتردين عليها .. يكفي اللي سوته هذاك اليوم ...
ميلت فمي .. قهرتني ..
بدال ماتقول لي هالكلام تروح تقول لاختها ..
وهي تعرف من يبدأ بالمشاكل ؟؟
رنا : انزين .. يالله الحين نزليني ..
نزلت تحت وجلست في الصاله ..
ماكان فيها احد ..
خالتي ومرام في المطبخ .. ولحقتهم سارة ..
مافيه الا انا وسدومه اللي تلعب بعروستها ..
كنت ممده رجليني بس وحاطه الجلال على راسي .. تحسباً لاي طارئ ..












احمد


توي قايم من النوم .. كان مأذن المغرب ..
تروشت وصليت العصر ولبست ثوبي ونزلت ..
وانا على الدرج انزل بهدوء ..
تعرفون اللي توه قايم ماله خلق رجه ..
وانا انزل سمعت صوت ..
.........: سارة ياحمارة والله ما أكلمك ..
عرفت صوت سارة اللي قالت : لا تكلميني اهم شي اختي ماتزعل ..
........: امانه سويرة .. لاتقولين ..
سارة : ليش ؟؟
.......: خلاص سارة ترى والله ماعاد اقولك شي ..
تكلمت مرام اللي عرفت صوتها بعد : اصلا سارة بتقولي يعني بتقولي .. فلا تتعبين نفسك يا أخت رنا .. وتحلفينها ..
اهااااااااااااااا طلعت رنا اللي تتكلم..
ماعرفت صوتها ..
رنا : سارة اوعديني ماتتكلمين .. خليها تحتر شوي وتحترق اعصابها ..
مرام : انتي يبيلك قطع رقبه ..يا سوسه ..
رنا : ههههههه .. سوسه ناظريها فسنونك .. انا رنا مو سوسه ..
اموووووووووووووووووت على الثقه ياناس ..
حتى وهي فيها الموت لسانها اطول منها ..
سارة : خلاص رنا ماراح اقول مو عشانك .. بس عشان مرام ماتنصدم باللي اقوله ويتوقف قبلها من الروعه ..
مرام : سارة انا اوريك .. الحين هذا وانا اختك تصفين مع رنا ..
رنا : حبيبتي انا مرة اخوها ..
مرام : مالت عليك من مرة اخو .. فرعون مو عون ..
شكلهم ماعندهم سالفة كله يتكلمون بالالغاز ..
واقف بفهم وش يقولون ؟؟ وعن ايش يتكلمون ؟؟
شكلهم يبون يرفعون ضغط مرام اللي على طول يرتفع ..
تنحنت ونزلت ..












رنا



على طول تغطيت وزينت رجولي اول ماسمعت نحنة رجال ..
توقعت مليون في الميه انه احمد ..
نزل ووقف بنص الصاله ..
سأل مرام : فيه قهوة جاهزة ؟؟
مرام : ايه فيه ..
احمد : جيبيها في الملحق ..
مرام : طيب تراه مأذن المغرب صل بعدين تقهوى ..
احمد : راسي يعورني باخذ فنجال بس ..
مرام : انزين روح الملحق واجيبها لك .. والا تنتظرني اجيبها لك هنا ..
احمد : لا بنتظرك هنا .. يالله اخلصي جيبيها ..
وهو واقف قاعد يناظرني بس بطريقة غير مباشرة ..
احمد : وشلونك رنا ؟؟
صنمت بمكاني .. اول مرة يسألني عقب سالفة المستشفى ..
جاوبته وانا حاول اخلي صوتي طبيعي : الحمد لله ..
احمد وهو مطلع الجوال من جيبه ويناظره : اشوفك نازله اليوم ماشاء الله اكيد انك احسن ..
بلعت ريقي شكله مطول بالاسئلة : ان شاء الله ..
طلعت مرام من المطبخ ومدت له الصينيه ..
اخذ الصينيه منها وهو يقول : ماتشوفين شر ان شاء الله ..
وطلع ..
ابعدت الجلال من راسي على طول ..
رنا : اوووووووووووف ..
احس اني مختنقه .. فطلعت الاوف من قلب ..
مابغى يعتقني بالاسئلة والنظرات ..
سارة وهي تبتسم : شكلك اختنقتي ..
ابتسمت لها : اخوك بصراحه غريب ..
سارة : كلنا مستغربين عليه مو بس انتي ..
طيرت عيوني ليش مستغربين هم اكيد شايفين عليه شي : ليش ؟؟
سارة وهي تبتسم اكثر واكثر : احمد احسه يهتم فيك كثير حتى لو ماتكلم نظراته تكفي وسؤاله عن سديم وعليك يشككنا اكثر ..
رنا : اقول عاد بلا خراط فاضي .. يعني في ايش يشكك ؟؟ خليك منطقيه شوي .. اكيد يبي يسأل علي وعلى بنتي .. والا تبغين عم مايسأل عن بنت اخوه ..
سارة : اوكي بنت اخوه سلمنا في الامر .. لكن مرة اخوه هاذي اللي ماتدخل في العقل ..
انهقرت منها .. تبي تحسسني وتقنعني انا احمد مهتم فيني ..
وانا مقتنعه ان احمد بس يحاول يتدخل فيني .. ويفرض رايه علي ..
رنا : سارة لاعاد تقولين هالكلام مرة ثانية .. لانه بصراحه مااتقلبه ..وانا بس بقى لي ايام واولد .. وخلاص ماراح اعيش في البيت هذا مرة ثانية .. فحاولي انك تبعدين على الافكار من راسك ..
سارة : اتمنى يكون كل كلامك صحيح .. ورب البيت اني اتمنى ..
خوفتني بكلامها ..
اصلا مافهمت وش تقصد ؟؟
بس في لهجتها كأنها تقول راح ترجعين لهالبيت مرة ثانية ...
لا أن شاء الله ..
اطلع ولا ارجع له مرة ثانيه ..






نهاية الجزء السادس

الجزء السابع



رنا


صليت المغرب ورجعت مرة ثانية للصالة ..
كان فيها بس خالتي ..
تدرون وش يدور ببالي هالايام ؟؟!!
بصراحة ودي اسوي أشعة على الجنين .. بشوف هو الى الان مثل مايقولون انه ميت والا فيه مستجدات ..
بس ما أقدر ادق على فواز اخوي ..
لان احمد بيسوي لي مشكله .. بعد اللي صار بالمستشفى بصراحه استحي اطلع مع اخوي ..
والله ان احمد يسوي لي سالفة مالها اول ولا تالي ..
خليني محترمه نفسي ازين لي ..
بس بموووووووووووووت واسوي الاشعة ..
الى الآن عندي امل انهم يقولون انه حي ..
ودي اروح اشوف ؟؟؟
ياربي وش اسوي انا بعمري ؟؟
شوي الا دخلت حنين بنت نورة ..
على طول جت عند جدتها وسلمت عليها وراحت ..
ماسلمت علي !! ..
رقت فوق لمرام وسارة اللي يصلون المغرب ..
خمس دقايق بس .. بعدين دخلت نورة ..
نورة وهي تفسخ عباتها : السلام عليكم ..
خالتي وانا : وعليكم السلام ..
قربت من عند امها وحبت راسها : وشلونك يمه عساك بخير ؟؟
خالتي : الحمد لله .. انتي وشلونك ؟؟ وشلون ابوكم ( قصدها زوجك ) .. ؟؟
نورة وهي تمد يدها لي : بخير يمه كلهم طيبين ..
مديت لي يدي : وشلونك ؟؟
نورة : بخير انتي وشلونك ؟؟
رنا : الحمد لله ..
وراحت تعلق عباتها ..
قامت خالتي للمطبخ .. وجلست لحالي في الصالة ..
ماسكه اعصابي الله يستر ..
مابي اقعد انا ونورة لحالنا ..
ان شاء الله ماتجي نورة وتقعد الا الين تجي خالتي او البنات ..
لاني بصراحه مااضمن نفسي ..
لو بس تكلمت نص كلمة علي ..
والله لاخلي قيامتها تقوم ..
بصراحه انا مو ناقصه..











احمد



صليت ورجعت للبيت اكمل قهوتي ..
بصراحه ماني مصدق جرأتي ..
من جد صاير عربجي هالايام .. وعلي حركات نص كم ..
من زين الدفارة اللي فيني أسأل وشلونها ؟؟
وانا اتقهوى واقلب بالقنوات ..
الا دخلت علي حنين ..
من وين جت ذي ؟؟
بسم الله الرحمن الرحيم ..
سلمت علي وطلعت على طول ..
بعدين دخلت نورة ..
قمت وسلمت عليها ..
احمد : وشلونك وش اخبارك ؟؟ وش اخبار عبدالله ؟؟ وينه من زمان ماشفناه ؟؟
نورة : الحمد لله بخير .. تعرف مشاغل .. اقوله قبل شوي انزل سلم .. يحلف بالله انه مشغووووووووووول ..
احمد : براحته اهم شي انه طيب ..
نورة : تبي شي بدخل داخل ؟؟
احمد : سلامتك ..
نورة وهي تطلع من الملحق : الله يسلمك ..
جلست وانا حاط ايدي على قلبي ...
مابغيت تنزلين يارنا الا اليوم ..
الله يستر اما تذابحوا ..
انا مستحيل اترك البيت اليوم ..
برابط فيه الين تطلع نورة لبيتها ورنا ترقى لغرفتها ..









رنا


نزلن البنات ونورة معهم طبعا .. وحنين ..
بس بنتي وينها ؟؟ مو معهم ..
رنا : مرام وين بنتي ؟؟؟
مرام : وانا اصلي انسدحت عندي على السجادة ونامت .. حطيتها بسريرها .. خليها تنام الين العشاء .. والا تبين اقومها ؟؟
رنا : خلاص خليها تنام .. بس لاتنسين العشاء قوميها ..
مرام : اوكي ..
قالت نورة بصوت تحسب اني ماسمعته : شغالات عندها خواتي وهن مايدرن ..
بلعتها وسكت ..
حطوا القهوة وجلسنا نتقهوى ..
مرام : يالله سارة قولي وش كنتوا تقولون انتي ورنا قبل الصلاة ؟
ضحكت انا وسارة ..
رنا : هههههههههههه الى الآن تذكرين ..
مرام : انتي ماحد كلمك اكلم اختي انا !!!.
رنا : هههههه عصبت .. سارة ياويلك لو تقولين ...
نورة : وش فيكم ؟؟ وش السالفه ؟؟
سارة : رنا قالت لي سالفة عن مرام قبل المغرب .. ومرام بلشت تبي تعرف وش السالفه ؟؟
نورة : يعني شي يخص مرام ؟؟
سارة : ايه ..
نورة : خلاص قوليه لمرام دامه يخص مرام ..
رنا : لا سارة لا تقولين ..
نورة وهي تلتفت علي : وانتي وش دخلك تقوله لها او لا .. شي يخص مرام انتي وش عليك منه ؟؟
رنا : اصلا انا قايلته لسارة هذا الشي ..
نورة : يعني تقولينه وتمنين بعد .. والله حاله ..
رنا : انتي وش اللي حارق رزك الحين .. ؟؟؟؟.. شي بيني وبين سارة ومرام .. انتي مالك خص ..
نورة وهي تصد عني : اوووووووووووف .. متى تولد وتفكنا .. قرف !!..
كنت برد عليها ..
بس سارة غمزت لي يعني اسكتي ..
سارة : مرام خلاص والله العظيم نلعب عليك .. مافيه سالفه ولا شي .. خلاص لاتقعدين تحنين مرة ثانية ..
مرام تناظرني بنص عين : احلفي انتي بعد ( تقصدني )
رنا : والله العظيم نلعب عليك ..
مرام : الحين صدقت ..
اذن العشاء وقمت بأصلي دامني طاهرة ..
مافيني على الوضوء مرة ثانية ..
وانا واقفه : مرام الله يعافيك روحي قومي سدومه ..
هزت مرام راسها يعني خلاص ..
دخلت مجلس الحريم ..
صليت وطلعت للصالة مرة ثانية ..
ما لقيت فيها احد ..
جلست ومددت رجليني ..
شوي الا اللي يتنحنح ..
سبحان الله مايمديني امدد رجليني الا ثانيتهن ..
تغطيت زين وزينت رجليني بعدين قلت : ادخل ..
دخل بس انا ماناظرت وجهه قاعده اناظر رجلينه عشان اعرف من هو ؟؟
تصدقون ماعرفت من هو ؟؟
..........: السلام عليكم ..
رفعت راسي مو مصدقه اللي اسمعه !!!
مشعل !!
معقوله !!
الا هاذا صوت مشعل !!
فز قلبي .. فزت روحي .. فز كل شي فيني !!!
هلا بروحي وهلا بقلبي .. هلا باللي فقدته شهوووووووووور ..
ماطولت في غيبوبتي الا جاني صوته ووصحاني ..
............: تراي قلت السلام عليكم .. ردي السلام ..
اووووووووووووووووف والله اني فرحت !!
سبحان الله فرحتي ماتدوم !!
رديت عليه من دون نفس : وعليكم السلام ورحمة الله وبركاته ..
بندر وهو الى الآن واقف بمكانه : ماشاء الله اليوم نازله تحت .. بنسوي حفله ..
بصراحه ماعرفت لكلامه .. هل هو يتطنز والا من جد مستانس اني نزلت ..
رديت عليه ببرود بشوف وش يقول : الحمد لله على العافيه ..
قرب شوي : انا ماقلت شي عشان تزعلين .. قصدي انك اكيد طيبه دامك نزلتي .. وش فيك عصبتي ؟؟
كان يتكلم وكله ثقه وحماس ماادري ليش حسيت انه وده يتكلم معي كثير ..
رنا : لا ماعصبت بس مافهمت قصدتك ..
بندر وهو يجلس على الكرسي : وش دعوى انا اتريق على مرة اخوي التعبانه اللي بتجيب لنا ولي العهد ؟؟
يموووووووون الرجال .. جلس بعد شكله مطول ..
رنا : اشوف عجبك الوضع يابندر ..
بندر وعلى باله يستغبي وهو فاهم وش قصدي : أي وضع ؟؟
رنا : بندر عن الاستغباء انت فاهمني .. فياليت تقوم عن الصالة ..
بندر : لييييييييييييييييييييش ؟؟
رنا : وشو اللي ليش ؟؟ بندر مايصلح تقعد معي لحالنا ..
بندر : بس حنا في مكان عاااااااااام .. ماجلست والله معك وسكرت الغرفة ..
رنا : حتى ولو .. يالله قووووووووم ..
بندر وهو يعاند ويرفع حواجبه : ماني قايم ..
قهرني .. وش يبي ذا بعد ..
خلصت من احمد يجيني هاذا ؟؟
اللهم طولك ياروح ..
رنا : خلاص اجلس انا اللي بقوم ..
مديت يديني على الكرسي وتسندت عليه الين قمت ..












احمد


صليت العشاء بس مارجعت البيت على طول ..
رحت اقضي مشوار صغيييييييير لاني ماراح اطلع من البيت بعده ..
لما رجعت البيت دخلت داخل الفله برقى فوق لغرفتي بجيب الاب توب ..
وقفت عند باب الصالة لقيته مفتووووووووووح وقبالي بندر جالس على الكرسي ..
عرفت ان رنا رقت لغرفتها او انها بغرفة الحريم ..
دخلت بس تفاجأت برنا واقفه ويالله يالله تمشي ..
في البداية ماانتبهت لي لانها كانت تناظر الارض وهي تمشي ..
لكن بندر الحماااااااااااااااااااااار تكلم : هلا احمد ..
فرفعت رنا راسها على طول .. حسيت انها تناظرني لان وجهها موجه ناحيتي ..
لا ارادياً ابتسمت ..
ويالتني ماابتسمت ..
لان بندر الحيوااااااااااااااااااان قال وهو يلحنها : صدفه ومن بين كل الناس علقني .. من يوم شفته وعيني جات في عينه .. حسيت شي بعيونه حيل يجذبني .. لما ابتسم بانت بوجهي تلاوينه ..
غمضت عيوني ابي استوعب الموقف المحرج اللي سواه لي بندر ..
عجزت ماقدرت ..
احس رجولي انشلت ..
على طول تركت الصالة ورقيت لغرفتي ..










رنا


بغيت اطيح لاني التفت على بندر القليل الادب بقوة عشان اسكته ..
صرخت فوجهه : بــــــــــــــنــــــــــدر ..
رفع عيونه لي وقعد يناظرني حسيت في عيونه كلام وده يقوله ..
بس شكله متردد .. او في شي مانعه انه يقوله ..
عجزت اتحمل الوقفه فجلست على الكرسي المقابل لبندر ..
بندر وهو مبتسم : وسعي صدرك ..
غمضت عيوني وانا ارفع اصبعي : بندر اطلع من الصالة ..
بندر وهو يطلع لسانه اللي ماشفته الا يوم قال : لاااااااا
حيوووووووووووووووان .. ومايستحي على وجهه ..
سمعت صوت البنات وهن ينزلن من الدرج ..
فترجيته يقوم : تكفى بندر الله يخليك قووووووم ..تكفى قبل لا ينزلون خواتك .. بسرعه ..
قام على طول وطلع من الصالة قبل لا يشوفونه ..
تنهدت لما طلع وحسيت بالراحه ..
جننوني هالاخوان الله لايبارك بعدوهم ..
اوف ..










احمد

دخلت غرفتي وانا العن واسب بندر ..
والله ماامشيها له ..
كيف يتجرأ ويسوي فيني هالمقلب ..
والله لاوريك يابندورة الحمار ..
هين دواك عندي ..
نسيت انا ليش راقي لغرفتي .. جلست افكر وانا ادور في الغرفة ..
احمد : ياربي وش ابي ؟؟ وش ابي ؟؟ اممممممم .. ليش انا راقي الحين .. اهااااااااااااااااا .. الاب توب ..
اول ماشفت سلك الاب توب على الكهرباء تذكرت سحبت الفيش واخذت الاب توب وطلعت ..
تنحنحت قبل لاادخل الصالة ..
دخلت وانا احاول ما أناظر احد ..
وصلت لباب المغاسل ..
امي : احمد !!
وقفت ..
رديت عليها من دون ماألتفت : سمي ..
أمي : تعال ابيك ...
رفعت حواجبي ماني مصدق .. وش تبي امي فيني ؟؟
الله يستر ..
التفت من دون ما أناظر احد ..
رفعت عيوني لأمي : سمي يمه وش تبين ؟؟
امي وهي تأشر على الكرسي : أجلس !!
ناظرت الكرسي بعدين ناظرت الصالة ككل : ههههههههههههههه ..
امي : وش فيك تضحك ؟؟
احمد : لا مافيه شي ..
تدرون ليش اضحك ؟؟
اضحك لان الصالة مافيها أحد .. ألا أمي بس ..
وانا على بالي فيها رنا وخواتي ..
جلست ..
أحمد : هذاني جلست وش بغيتي ؟؟
أمي : انت عارف ياوليدي ان رنا قربت تولد ..
أحمد : اوكي وبعدين ...
امي : وبتروح هي وعيالها لبيت أهلها ..
أحمد : اوكي وبعدين ..
أمي : وش اللي بعدين .. انت لازم تتصرف ..
احمد : مامي فهميني .. وشلون اتصرف ؟؟ يعني مثلا احلف عليها تقعد بالبيت .. والا تبين اتزوجها ؟؟
على بالي اسوي اقتراحات لامي ..
وياليتها تتقبل الفكرة الاخيرة ..
امي : لا وجع وش تتزوجها ؟؟ تتزوج مرة اخوك ..
تحطمت .. من بدايتها امي رافضة الفكرة ..
الله يعين ..
احمد : اجل وش تبيني اسوي ؟؟
امي : مايبي لها ذكاء .. تتزوج ..
طيرت عيوني : أتــــــزوج !!!!
احمد : ايه تتزوج .. وبعدين منت صغير عشان اقول والله مايعرف يدبر نفسه .. والحمد لله هذاك تشتغل ومعتمد على نفسك ..
كأن أحد صفقني على وجهي !!!
وين أنا ؟؟ وين العرس ؟؟
الله يهديك يايمه ..
ماحبيت ازعلها واكدر خاطرها ..
أحمد : أن شاء الله ابشري .. خلي الحين تولد بالسلامه وبعدين يحلها ألف حلال ..
أمي : تراك وعدتني .. خلاص اذا ولدت رنا بكلمك مرة ثانية ..
أحمد : لا يمه انا ماوعدتك قلت بس يصير خير ..
أمي ألا مصرة اني وعدت : يعني وش معناها يصير خير ؟؟
أحمد : يعني اذا ربي كتب ..
أمي : خلاص اجل بإذن الله بيكتب لك العرس ..
تأففت من داخلي .. والله الوهقه ..
الحين وش طرى على امي هالعرس ؟؟
والله حاله ..
قمت وحبيت راسها وانا احاول ابين لها اني موافق على كل اللي تقوله : انتي تامرين امر ياست الحبايب ..
أمي : الله يرضى عليك ويوفقك قل آمين ..
احمد : آمين ..
وطلعت من الصالة وانا ألهث تقل راكض لي كيلو من التعب ..















رنا


عقب الموقف البايخ اللي سواه لي بندر ..
دخلت غرفة الحريم وقررت اجلس فيها بدال جلسة الصالة ..
كنت جالسة لحالي ..
بعدين دخلت سارة .. بعدين نورة ومرام ..
انا كنت ساكته طول الوقت ..
وهم يسولفون ... من سالفة لسالفة .. ومن هرجه لهرجه ..
ماحبيت اركز في اللي يقولونه عشان ما أدخل معهم في السالفة وأعلق ..
لانه كلامي ماراح يعجب نورة ..
فليش أفتح باب مسكر ...
قعدت أطلع فيهم وحده وحده .. من دون مايدرون ..
شوي اطالع فيهم وشوي اناظر السقف .. بعدين اطالعهم .. وعلى هالحال ..
نورة : ليش ... لهدرجه حنا نشبه الجدار قاعده تناظرينه وتناظرينه ؟؟
فتحت عيوني على وسعهن ..
بسم الله الرحمن الرحيم ..
هاذي ليش تصارخ ؟؟
شوي بعدين استوعبت اللي قالت ..
شكلها قاعده تراقبني ..
ههههههههه .. ياحليلك يانورة والله انك فاضيه ..
رديت عليها ببرود قاتل : سمي .. انتي تكلميني ؟؟
ميلت فمها : أجل قاعده اكلم الجدار اللي كل دقيقة وانتي تناظرينه ؟؟..
رديت عليها بنفس البرود : سوري .. ماانتبهت لك كنت سرحانه .. وش كنتي تقولين ؟؟
ردت علي بكل عصبية : انتي الظاهر محد مالي عينك .. يبيلك تربية من جديد ..
تصدقون عاد ما انفعلت ولا تضايقت ..
يمكن لاني تبلد احساسي .. ومليت من الطق والطقيق ..
رديت عليه وانا ابتسم : شكرا .. الله يجزاك خير ..
عصبت زيادة من ردي : هيه انتي على بالك بريئه .. ومسكينه وحنا اللي نتبلى عليك ..
هزيت راسي : وش تبين اقولك ؟؟ اذا رديت عليك قلتي لسانها طويل ويبيله قص .. واذا مارديت قلتي بريئة ومسكينه .. الظاهر انتي المسكينه مو انا ؟؟ اطلع بالصالة ازين لي ..
قمت بصعوبة .. لما شافتني مرام يالله يالله اقوم .. الله يجزاها خير جت وساعدتني الين جلست في الصالة ..
ورجعت لحجرة الحريم ..
خالتي : وراك طلعتي ؟؟
رنا : سلامتك خالتي .. بس قلت اقعد معك ..
خالتي : أيـــــــــــه ..
شكل خالتي ماصدقتني .. والدليل قولتها ( أيـــــــــه )
بصراحه انا مدري من وين الاقيها ؟؟
من بندر اللي من يشوفني بالصالة يقعد الا بيسولف معي ..
والا من هالنورة الي حاطه دوبها ودوبي ..
الله يعيني على ماابتلاني ..













احمد


اول مادخلت الملحق الا اشوف بوجهي بندر ..
على طول نزلت الاب توب بالارض ..
طبيت عليه ومسكته من رقبتها ..
عطيته كف مايحلم فيه : ياكلب انا ماقلت لك لاتسوي حركات قدام رنا ..
صرخت في وجهه : قلت والا ماقلت ؟؟ رد ؟؟
وهو مسكين مايقدر يرد لان خنقته ..
قعد يرفس برجلينه يعني فكني ..
يوم شفت وجهه صار ازرق فكيته ..
قمت وانا انفض يدي : هالمره سامح بس المرة الثانية ان تشوف شي عمرك ماشفته ..
اخذت الاب توب وفتحته ..
شفته يوم ويعدل بدلته ..
قرب من عندي قال بصوت خفيف : مشكلتك انك خااااااااااااااااايف ..
رفعت له عيوني بهدووووووووء ..
وبنفس صوته رديت : خايف من ايش ؟؟
ابتسم ابتسامة غريبه : خايف انها ماتبيك ..
رديت عليه وانا على بالي ماادري وش يقصد : من هي اللي ماتبيني ؟؟
جلس جنبي وضربني على فخدي ضربه قويه : لاتسوي نفسك ماتفهم ..
ماسمعت وش قال ؟؟ لان الضربه عورتني ..
قعدت امسح فيها بيدي .: ياكلب عورتني .. أحححح ..
بندر : تستاهل ..
احمد : الحين انت ورى ماتضف وجهك ..
بندر : لوين اضفه ؟؟ اروح اقعد عند رنا يعني ؟؟
عقدت حواجبي وتذكرت هو وش مقعده عند رنا يوم ادخل ؟؟
بندر يناظرني وانا عاقد حواجبي : وش فيك ؟؟
احمد : تعال وش عندك قاعد بالصالة يوم ادخل ؟؟
رفع راسها وهو يقول : آآآآآآآآآآآآهااااااااااااااا .. انزين وش دخلك انت ؟؟ اذا انت مو متحرك ولا مسوي شي .. انا بسوي ..
احمد : ياحمار .. وش تبي تسوي ؟؟
بندر وهو يمطط الحكي : بـ ـقـ ــو لــ هــا تـــ ــر ى أ حـــ مـــــ ــد يـــ حـــ بــــ ك ..
طيرت عيوني وعصبت : ياحمار كنت بتقولها كذا ..
بندر بكل برود وهو يضحك : عادي وش فيها ؟؟ مو انت تحبها ؟؟؟
صرخت في وجهه وانا ارفع اصبعي : والله ثم والله يابندر لو سويتها لايكون آخر يوم بحياتك .. تفهم .. ويالله الحين قم اقلب وجهك ..
بندر وهو يحط اصبعه على مخه : ماني بطالع كيفي ..
اووووووووووف منك يابندر ..
والله انك داهيه ..
رجعت اناظر شاشة الكمبيوتر وانا بالي مو معي .. مع بندر الله يستر منها لا يوهقني معها ..













رنا


الى الآن مابعد طلعن الأخوات من الحجرة ..
جالسة انا وخالتي وقاعده تسولف علي ..
ومن ضمن السوالف ..
خالتي : انتبهي الحين انتي بالتاسع أي حزة بتجيك الولده .. خليك دايمة قريبة من جوالك .. سبحان الله نصير بعيدين عنك والا شي ..
رنا : ان شاء الله خالتي موب صاير الا كل خير ..
خالتي وهي تنهد / أيــــــــــــــه بتروحين وتخلينا ... وبنفقدك عقب ماتعودنا عليك ..
رنا : ماتفقدين غالي ياخالة .. وانا أن شاء الله كل اسبوع راح ازوركم ..
خالتي : انا قبل شوي ...
بعدين سكتت ..
استغربت سكوتها ..
سألتها : وش فيه ياخالة ؟؟
خالتي : بس لاتقولين لاحد ؟؟
رنا : ماراح اقول ..
خالتي : انا قبل شوي قبل لاتطلعين من الحجرة .. اقول لأحمد انه يعرس .. الحين انتي بتروحين خلاص هو بيفضى له غرفتكم .. يقولي يصير خير يصير خير .. شكل هالولد مايبي العرس .. ماادري وش به ؟؟
تصدقون فرحت له ؟؟ واخير يا أحمد بتزوجك امك .. وبتحط كل حيلك بمرتك .. لقافتك وتدخلك بتصير بمرتك ..
ما أقول الا الله يعينها ..
رنا : ماشاء الله ياخالة والله عين العقل اللي سويتيه .. لازم احمد يستقر ..
خالتي : بس كلامه مايطمني ..
رنا : وشلون مايطمن .. ياخالة انتي اذكري له كم بنت .. وشوفي وش يقول ؟؟
خالتي : الحين انتي اولدي وقومي بالسلامة بعدين يحلها ربي ..
شوي الا طبوا علينا البنات ..
مرام : وش تقولون ؟؟ كني سمعت عرس وماعرس ...؟؟
حبيت العب عليها : ايه خالتي تقول ان معرس جى لمرام بس ماوافقت ..تدرين ليش ؟؟
مرام وهي مصدقه : ليش ؟؟؟!!
رديت عليها وانا كاتمه ضحكتي : تقول الين تركد بعدين ازوجها .. هههههههههههههههههههه
قربت من عندي وضربتني على خفيف : والله صدقت !!!
رنا : وانتي تبين العرس ؟؟
مرام : مافيه احد يعاف العرس .. بس اذا ربي ماكتبه لي عادي ماراح ازعل ..
غمزت لها ابي اتأكد : اكيـــــــد!!!
نورة : بلا سخافة انتي وياها .. بعدين وش ذا الكلام يارنا ؟؟ خواتي مشفوحات على العرس زيك ..اعرست وانتي صغيرة ... تبين الناس كلهم زيك ..
رنا : اجل متى اعرس اذا صك عمري الثلاثين .. ( اقصدها )
عصبت : تتريقين علي انتي ووجهك ؟؟!!
رديت بكل برائه : مثل ماتسوين انا أسوي ؟؟ انتي بعد تتريقين علي ..
خالتي : اذكروا الله يابنات .. وش ذا ؟؟ ماتحترمون لا صغير ولا كبير ..
سكت انا .. وانا اقول بنفسي .. لا آله ألا الله عليها كثر ماضايقتني ..
نورة وهي معصبه : وشو يايمه نسكت ؟؟ ماتسمعينها وش تقول ؟؟ قاعده تعايرنا انا مااعرسنا .. وهي الحلوة والامورة اللي كلن يبيها عشان كذا تزوجت صغيرة ..
لا آله الا الله .. والله الظاهر العين اللي فيني من نورة ....
استغفر الله استغفر الله استغفر الله .. مابي اظلم احد ..










احمد


وانا اقلب ايميلي واتصفحه ..
شفت بندر قام بس ماسمعت صوت باب الشارع تسكر ..
يعني ماطلع ..
اكيد انه دخل داخل البيت ..
قمت على طول .. حتى ماسكرت الايميل ..
لحقته بشوف وين رايح ؟؟؟
سمعت اصوات عاليه .. وبندر ماله اثر .. والباب اللي بين الصالة والمغاسل مفتووووووووح ..
اكيد بندر موجود بالصالة ..
معقوله فيه رنا بالصالة ؟؟؟
لا لا .. لاني قبل شوي يوم انزل ماكان فيه احد يمكن انهم بغرفة الحريم ..
دخلت الا أتفاجأ بندر واقف ورى رنا اللي كانت كاشفه وجهها وشعرها اتوقع انها مادرت عن بندر ...
لما دخلت اكثر شفت نورة واقفه بوجه رنا وتصارخ عليه بكلام مافهمت منه شي ..
حاولت اتكلم علشان رنا تغطي وجهها .. ماقدرت لان الصدمة وقفتني مكاني ولاخلتني حتى اناظر








رنا


قمت بأقطع الشر ..
لان نورة شكلها مطوله بالهواش ..
كنت متجهه للمطبخ ..
طول ما انا امشي نورة قاعده ترمي كلام .. كل كلمه اقوى من الثانية ..
مشيت لها كل الكلاااااااام ..
بس قالت شي استفزتني فيه .. وكانت قاصده لاني سفهتها وماعطيتها وجه عشان كذا تبني ارد عليها ..
بصراحة ماقدرت اكمل مشي لما قالت : خلي احد يضفك انتي وبزارينك بعد ماتولدين اللي ببطنك اللي ماادري من وين جايبته لنا ؟؟؟
انا كذا جن جنوني !!!
وش قصدها بهالكلمه ؟؟؟؟؟
توقعت أي شي يطلع منها الا هالكلام ؟؟
مو لهدرجه توصل فيها المواصيل ..
لا ماصدق ..
التفت عليها وانا وجهي احممممممممررررررر ..
ناظرتها وانا عيوني كلها دمووووووووووع : وش قلتي ؟؟
صرخت فوجهها : عديتي اللي قليتيه ياحيوانه .. ياللي ماتربيتي .. قسم بالله قسم بالله يانورة ماراح افوتها لك وبتشوفين ..
انا تقولين لي هالكلام .. هذا وانا مرة اخوك وتقولين هالكلام .. اجل لاصرت غريبة وش بتقولين ؟؟
قربت من عندي وقابتلني وجه لوجه وعيونها تولع شرار : اكبر غلطة ارتكب اخوي انه تزوجك ..
بعدين دفتني على ورى وهي تقول : موتي انتي وولدك مثل ماموتي اخوي ..
لما دفتني تمنيت الموت .. والله اني تمنيتها ..
عقب الكلام اللي سمعته مستحيل اتمنى الحياة ..
خلاص مابي نفسي مابي ولدي اللي ببطني مابي احد ..
ابي بس اموت ..
غمضت عيوني وانا ضامنه الموت ..
لكن !!
فيه احد مسكني من ذراعي بيده الثنتين ..
حسيت وكأني بحلم ..
حسيت كأني اطيح لكن بهدوووووووء ..
وش اللي خلاني افتح عيوني ؟؟
صرخة قويه شقت طبلة اذني ..
كانت الصرخة مرة قويه ..
فتحت عيوني على طول ..












احمد


غمضت عيوني وانا ماسك اعصابي ..
مو لهدرجه يانورة .. اوكي ماتحبينها .. تغارين منها .. مافيها مشكله ..
بس تبين تذبحينها ؟؟
لا .. يانورة .. لا ..
فتحت عيوني ..
شفت بندر ماسك رنا من ذراعها بيدينه الثنتين ..
لكن بندر ماقدر يتوازن لان رنا اتوقع اغمى عليها فأرخت جسمها كله .. فصار ثقيل على بندر .. اللي بغى يطيح ..
صرخت بأقوى ماعندي .. لاني خفت انها تطيح وتخسر نفسها قبل ولدها اللي تحلم فيها ..
أحمد : أمســـــــــــــــــــــكهاااااااااااااااااااااا
وركضت لورى بندر عشان اثبته ..
الا بندر الغبي يمسك رنا مع بطنها عشان يوقفها ..
شوي الا رنا تصارخ : آآآآآآآآآآآآآآآآآآآآآآآآه بطني بطني .. آآآآآآآآآآآآآآآآه ..
صرخت ببندر : فك بطنها ياغبي فك بطنها ...
بندر وهو يصارخ : مااقدر ما اقدر ..
سحبت بندر باقوى ماعندي ورميته على الارض ..
حسيت ان رنا اختل توازنها بعد ماابعدت بندر ..
فعلى طول تداركت الموقف ومسكتها مع اكتافها وثبتها واقفه ..
صرخت بوجه مرام : تعالي جلسيها بسرعه ..
قربت مرام وغطت وجه رنا .. وجلستها على اقرب كرسي ..










رنا


حاولت استوعب اللي صار ماقدرت ..
فقعدت اصيح واشاهق بصوت عاااااااااااااااااااالي .. كأني طفله ..
غطيت وجهي بكفوفي وانا اصيح بقوة .. احس فيني شي ودي اطلعه ..
حسيت احد جلس جنبي .. وحط ايده على كتفي .. وقال : انا اللي راح اخذك حقك هالمرة .. خلاص رنا لاتصحين .. ادري اللي قالته مو شويه بس ميخالف ابجيب حقك ثالث ومثلث .. ومااكون انا بندر انا مااخذته لك ..
وخرت يديني عن عيوني .. والتفت على اللي بجنبي أبي أتأكد ..
هو بندر والا لا ..
فعلا هذا بندر .. ياجرئتهم هالاخوان ..
سكت عن الصياح وقلت وانا صوتي فيه آثار صياح : لو سمحت ابعد يدك عن كتفي ..
ابعدها وهو يقول : ماعاش ولا كان من ينزل دمعه من عيونك ..
وقام ..
حاولت انا بعد اقوم .. لانه خلاص اللي صار لي مو شويه ..
التفت على احمد : احمد ..
التفت على احمد وشكله مصدوووووووووم من اللي صار : نعم ؟؟
رنا : ابي اروح لأهلي والحيييييييييييين توديني ..
فتح عيونه على وسعهن مو مصدق .. شوي بعدين قال : اوكي يالله قومي البسي عباتك ..
التفت على مرام : ممكن تجيبني عباتي من فوق ..
قامت مرام بسرعه ورقت فوق ..





المفاجأة وش هي ؟؟



اللي من جد محد توقعها وتمنيت من جد اني ميته قبل لا اشوفها ..


نهاية الجزء السابع ..

الجزء الثامن ..




رنا


حاولت استوعب اللي صار ماقدرت ..
فقعدت اصيح واشاهق بصوت عاااااااااااااااااااالي .. كأني طفله ..
غطيت وجهي بكفوفي وانا اصيح بقوة .. احس فيني شي ودي اطلعه ..
حسيت احد جلس جنبي .. وحط ايده على كتفي .. وقال : انا اللي راح اخذك حقك هالمرة .. خلاص رنا لاتصيحين .. ادري اللي قالته مو شويه بس ميخالف ابجيب حقك ثالث ومثلث .. ومااكون انا بندر اذا مااخذته لك ..
ابعدت يديني عن عيوني .. والتفت على اللي بجنبي أبي أتأكد ..
هو بندر والا لا ..
فعلا هذا بندر .. ياجرئتهم هالاخوان ..
سكت عن الصياح وقلت وانا صوتي فيه آثار صياح : لو سمحت ابعد يدك عن كتفي ..
ابعدها وهو يقول : ماعاش ولا كان من ينزل دمعه من عيونك ..
وقام ..
حاولت انا بعد اقوم .. لانه خلاص اللي صار لي مو شويه ..
التفت على احمد : احمد ..
التفت على احمد وشكله مصدوووووووووم من اللي صار : نعم ؟؟
رنا : ابي اروح لأهلي والحيييييييييييين توديني ..
فتح عيونه على وسعهن مو مصدق .. شوي بعدين قال : اوكي يالله قومي البسي عباتك ..
التفت على مرام : ممكن تجبيبن عباتي من فوق ..
قامت مرام بسرعه ورقت فوق ..
المفاجأة وش هي ؟؟
اللي من جد محد توقعها وتمنيت من جد اني ميته قبل لا اشوفها ..
تخيلوا معي الموقف ...
من جد الموقف محد يتوقعه ..
اصبروا علي بقولكم اياه .. بس لا أحد يشهق او يصارخ لانكم ماراح تصدقون ..
دخل بندر للصالة ومعه ليّ .. تعرفون وشو الليّ ؟؟
الليّ اللي يغسلون فيه حوش البيت ..
دخل والشياطين تناقز من قدامه ..
انا لما شفته شهقت لاني عارفه وش راح يسوي ؟؟
شكله بصراحه مايطمن ..
لما شهقت كلهم التفتوا علي ّ ..
بس مانتبهوا لبندر ..
حطيت يدي على فمي وودي اقوم وامنعه من اللي يسويه ماقدرت ..
فلاشعوريا .. كأن القوة اللي فقدتها مع حملي رجعت لي بلحظة وحده ..
قمت على طول قبل لا بندر يتهور ويسوي شي يندم عليه طول عمره ..
بس للأسف مالحقت عليه ..
من دون ماتنتبه نورة لانها كانت واقفه قبالي وتناظرني بحقد ..
جاها بندر من على جنبها وضربها بالليّ مع فخذها ..
صرخت نورة صرخة فجرت آذاني فيها ..
كلهم لما سمعوا الصرخة التفتوا على نورة ..
قاموا كلهم يبون يمنعونه انه يضربها مرة ثانيه ..
لانه كان مجهز الضربه الثانية ورافع الليّ لفوق بيكمل عليها ..
سبقتهم كلهم بحركه سريعه ووقفت بينه وبينها ..
فما قدر يمسك يده .. الا انه يضربني انا بدال نورة ..
ساعتها ماكنت احس بأي ألم ..
لاني في هاللحظة كأني في غيبوبة ..
لما جت الضربة علي جن جنون بندر زيادة وصرخ فوجهي بأقوى ماعنده : ابعدي عني .. ابعدي بأذبحها .. انا ذابحها اليوم ذابحها ابعدي ..
تعرفون وشلون انجن ؟؟
أحس عقلها ساعتها مو معه ؟؟
حاولت امسك يده اللي فيها اللّي ماقدرت ..
صرخت بوجهه بأقوى ماعندي لعل وعسى انه يصحى من جنونه : بــــنــــــد ر الله يخليك خلاص كافي خلاص ... الله يخليك بندر .. عشاني بندر .. تكفى يابندر عشاني ..
ماكأني اتكلم اواقول شي لانه وانا أكلمه يحاول يبعدني عن طريقه عشان يوصل لنورة .. بس ماقدر ..
احمد من الصدمه ماقدر يتحرك او يسوي شي ( وياكثر ماينصدم احمد ويبلم )..
صرخت بصوت عالي : أحمـــــــــــــــــد تحرك ياأحمد .. امسك بندر وطلعه برى ..







أحمد


يوم سمعتها تصوت بأسمي كأني افقت من غيبوبتي ..
تحركت بسرعه ومسكت بندر مع خصره وحاولت ادفه واطلعه برى ..
حاولت وحاولت بس ماقدرت لان بندر كان هاااااااااايج وموللللللللللللللللللللع على 220 فولت ..
تركته من خصره ووقفت بوجهه ..
حاولت امسك يده اللي فيها اللّي ماقدرت لانه كان يبعدني بيده الثانيه ..
دفيته على الارض ولما طاح سحبته من رجوله لبرى الصالة وسكرت الباب حتى اقدر اسيطر عليه ..




رنا


ماصدقت على الله ان احمد يتحرك او يسوي شي ..
الحمد لله أن الامور وصلت لهذا الحد ..
يوم شفت باب الصالة يتسكر .. تنهدت وحسيت برااااااااااحه فضيعه ..
اللهم لك الحمد والشكر ..
كل هذا وانا واقفه ..
قربت من عندي مريم ومدت لي العباة ..
فسخت جلالي اللي كان علي بألبس عباتي ..
مادريت الا بالكف اللي لفني وفقدت التوزان منه ..
طحت على الارض بكل قوتي ..
صرخت بأعلى صوتي من ألم الطيحه : آآآآآآآآآآآآآآآآآآآآآآآآه ..
نورة وهي واقفه فوق راسي وتناظرني بحقد : تتوقعين انك بتروحيت لأهلك من دون ما أخد حقي منك .. لا ياماما .. خليتي اخوي يضربني عشانك .. والحين بتنحاشين .. هه هه هه .. على رقبتي ان طلعتك من هالبيت سليمه ..
دارت بي الدنيا .. خلااااااااااص اليوم بلقى حتفي من هالعائلة ..
جلست أتشهد بيني وبين نفسي .. وانا ضامنه اني بودع هالحياة الليلة وعلى يد نورة ..
رجفتني مع فخذي رجفة قوية بكعبها العالي فصرخت بأقوى ماعندي : آآآآآآآآآآآآآآآآآآآآآآآآآآآآآآآآآآآآآه نورة لا .. لا يانورة ...آآآآآآه
جلست اصيح ..
رنا : آآآآآآه ...
نورة : مابعد بردت حرتي منك ..
مسكتني مع طرف ثوبي تبغى تقومني ليش مدري ؟؟
في هاللحظة مدري ليش خفت على نفسي منها ؟؟
فصرخت بأعلى صوتي أنادي أحمد : أحـــــــــــــــــمـــــــــــــــــــــــد أحـــــــــــــــــــــــــمــــــــــــــــــد ..
وانا انادي احمد .. نورة غصب الا تقومني ..
وانا اصارخ بأعلى صوتي : أحــــــــــــــــــــمـــــــــــــــــد .. أحـــــــــــمـــــــــــــد .. الحقني يا أحمد ..
تدرو ليش انادي احمد ؟؟
لانه لا خالتي ولامرام وسارة مسكوها عني وكلهم واقفين يتفرجون .. حتى ما كلفوا على اعمارهم ينادون احد ينقذني ..
كرهتهم وحقدت عليهم كلهم .. حتى خالتي كرهتها ..










أحمد


اسمع رنا تصارخ ..
ادري ان نورة سوت بها شي .. بس ماقدر ادخل لها ؟؟
لان بندر يحلف ويتوعد بنورة .. فما اقدر افكه ..
حاولت بس ماقدرت ..
لكني لما سمعتها تنادي بأسمي عجزت اتحمل او اصبر ..
فكيت بندر من يديني وركضت لها ..
فتحت باب الصالة وانا ودي اكسره ..
لما فتحته شفت نورة تحاول تخلي رنا توقف فاستغربت ..
ووقفت لحظات منصدم ليش تبي توقفها ؟؟
شافتني رنا اناظر فيهم وماتحركت من مكاني .. فصرخت بوجهي : احمد انقذني من يدينها تبي تذبحني .. تكفى يا أحمد ..
استوعبت الموقف قربت من نورة ابي ابعدها .. حاولت وحاولت واخيرا قدرت ..
لكن !!!!
لما ابعدت نورة عن رنا ..
صرخت رنا بأقوى ماعندها : آآآآآآآآآآآآآآآآآآآآآآآآآآه شعري .. ياحيوانه فكي شعري ..
التفت على رنا شفت يد حنين ماسكه شعر رنا وتشده بأقوى ماعندها ..
حاولت افك يد حنين ماقدرت فعضيتها مع خدها بقوووووووة عشان تفكها ...
الحمد لله فكتها ..
ناظرت برنا اللي كان كل شي مكشوف فيها ..
كانت مغمضه عيونها وكأنها بتنام .. ماكنت ادري بالضبط وش فيها ؟؟؟
نزلت لمستواها ومسكت يدينها .. كانت يدينها باردة مثل الثلج ..
ناظرت لعيونها .. كانت دموعها تنزل بهدوء من دون ماتزعج خدودها ..
همست له بصوت هادي : رنا .. رنا .. ردي علي ..
فتحت عيونها بهدوء وكأنها متوقعه مني هالشي .. لان نظراتها كله ترجي واستعطاف ..
قالت بهدوء وبصوت يالله يالله سمعته : أحمد ..
أحمد : سمي .. آمريني ..
غمضت عيونها مرة ثانية وقالت والدموع تنزل بغزارة : ولدي يا أحمد لو مات ماراح اسامحكم كلكم .. وراح اضل ادعي عليك وعلى اهلك الين اموت ..
انصدمت من كلامها وحاولت اهديها : لا تخافين يارنا .. ماراح يموت ان شاء الله .. بس انتي اذكري الله ..
فتحت عيونها : طلعني من الصالة .. طلعني .. مابي اشوف اهلك ..
وقفت ووقفتها معي .. مشيت انا وياها الين ماوصلت لباب الصالة ..
تفاجأت بوجود بندر واقف عند الباب وعيونه حمر وشكله الا الان مابعد ركد ..
كلمته بهدوء : بندر خلاص كافي .. بعدين سوي اللي تبي مو الحين ..
ناظرني نظرات قويه بعدين قال : كل تبن ..
طيرت عيوني .. خييييييييير وين عايشين فيه حنا عشان يقولي هالكلام .. بس مسكت اعصابي وعذرته لان اعصابه الى الآن تعبانه ..
تعديته وطلعت من الصالة ..
بندر : وين بتوديها ؟؟
التفت عليه : وش تبي ؟؟
بندر : اسئلك انا وين بتوديها ؟؟
ردت عليه لاني مابي مشاكل : بالملحق ..
مشيت فيها الين ماوصلتها الملحق .. جلستها على الارض : تبين شي اجيبه لك .. مويه عصير .. أي شي ..
هزت راسها يعني لا وهي الى الآن مغمضه من شلتها من الصالة..
رنا : احمد ..
احمد : هلا ..
رنا : ابي بنتي ..
احمد : ان شاء الله الحين اجيبها ..










رنا


ماكنت ادري عن أي شي صار ..
حتى ماادري وين انا فيه ؟؟
مغمضه عيوني ولا ادري وش قاعد يصير لي ؟؟
اتوقع اني هذريت او فقدت الذاكرة او انجنيت او انهبلت ... او أي شي انتم تبون تسمونه ..
عشان كذا ماقدر اوصف او اقول لكم أي شي صارلي ..





احمد


رحت اجيب سدومه ..
دخلت الصالة ..
مافيه الا امي وخواتي بس ..
احمد : يمه وين بندر ؟؟
امي : رقى فوق ..
أحمد : وين سدومه ؟؟
أمي : مدري عنها ..
ناظرت مرام : وينها ؟؟
مرام : فوق بغرفتنا تلعب ..
رقيت لفوق اجيبها .. بس في نفس الوقت كنت خايف نورة تروح للملحق ..
باسرع ماعندي اخذت سديم ونزلت ..
الحمد لله نورة الى الآن بالصالة ..
رحت للملحق وحطيت سدومه جنب امها ..
احمد : رنا هاذي سدومه جنبك تبغين شي ثاني
مدت يدها وحطتها على شعر سدومه وجلست تمسح فيه وهي تقول : لا مابي شي ..
شوي قربت سدومه لحضنها وضمتها بأقوى ماعندها وقعدت تصييييييييييييييييييح ..
وربي انها قطعت قلبي من الصياح ..
كنت بقرب واهديها بس ماقدرت ..
احس فيه شي يمنعني ..
جلست بعييييييد عنها .. وقاعد اطالع فيها واتأمل ..
ادري انها منهارة وتبكي قهر من اللي صار ..
بس ماباليد حيلة ..
كل اللي كنت اقدر اسويه سويته ..
سامحيني يارنا .. سامحيني لاني ماقدرت احميك ..










رنا


ضامه بنتي اقوى ماعندي ..
احس بشي يوجعني ببطني .. وكلما زاد الوجع ضميت بنتي اكثر ..
بعد خمس دقايق من الوجع خلاص ماقدرت اتحمل ..
ابعدت بنتي عني وجلست اصارخ واصيح ..
الالم جاني زي العادة ..
بي هالمرة اقوى يمكن عشان الطيحة اللي طحتها ( اقصد نورة يوم ضربتني كف وطحت )
سمعت احمد يقول : رنا وش فيك ؟؟ رنا تبين اوديك المستشفى ؟؟
ماقدرت انطق او اقول شي من الالم ..
قعدت بس اصارخ وبأقوى ماعندي ..
سمعت بنتي تصيح .. يمكن تخرعت من صراخي القوي ..









أحمد

لما شفت سديم تصيح وتسكر اذانها بيدها ..
على طول شلتها ودخلتها داخل الفلة وناديت مرام تآخذها ..
رحت لرنا بسرعه وجلست جنبها ..
حاولت اهديها ماقدرت ..
اصلا ماكانت تسمعني لان صوت صراخها كان مرة عالي ويصم الآذان ..
ماعرفت اتصرف او اسوي أي شي .. غير اني ابّلم .. زي العادة ..
شوي الا يدخل بندر ..
بندر وعيونه طايرة وبتطلع من مكانها : وش فيه وش صاير ؟؟ وش فيها رنا ؟؟ لايكون رجعت الحالة .؟؟
رديت عليه بقلة حيلة وكلي يأس : وهي راحت عنها عشان ترجع !!!
بندر وهو يقرب من رنا ويبي يقومها : انزين شلها معي نوديها المستشفى .. يمكن تبي تولد ؟؟
وانا مابعد تحركت واقف بمكاني : أي ولادة انت ووجهك .. توها على الولادة ..
سفهني بندر وحاول يقومها بس ماقدر لانها ترفض انها تقوم ...
ولما ماقامت رنا معه صرخ بوجهي : قوووووووووم ماتفهم !!
قمت وشلتها معه وركبناها بالسيارة ..
طبعا انا اللي كنت اسوق اما بندر جالس جنبي لكن وجهه ورى ..











رنا


كنت اسمع كلامهم واشوف وش قاعدين يسوون فيني بس ماكنت اقدر اعترض او امنع أي شي ..
شالوني واسدحوني بالسيارة وانا ماسكه بطني احس الولد يبي يطلع من وين ؟؟ مدري ؟؟
احس بيطلع من فمي او يشق بطني ويطلع او من ظهري ..
من قوة الالم تمنيت الموووووووووووووووت ..
بندر وهو يهزني مع كتفي : رنا .. رنا .. ردي علي .. رنا .. انتي بخير ؟؟ رنا تكفين ردي علي ..
ودي اتكلم واقوله .. لا .. ماني بخير .. بس مقدر ..
طول الطريق وبندر بس يسألني : رنا ردي علي ؟؟ قولي وش فيك ؟؟ رنا تكفين ردي .. رنا ..
الين وصلنا وهو على هالحال..
نزلوني بسرعه وعلى طول على العربية بعدين السرير ..
ومن غرفة لغرفة ومن جهاز لجهاز .. ومن ابرة لابرة ..
تعبوني فوق التعب اللي انا فيه ..
آخر شي استقريت في غرفة وحده وحطوا على كل الاجهزة اللي ماتخطر على بالكم ..
كل هذا وانا مازلت اصيح واصارخ ..












احمد


تعبونا هالدكاترة ..
مغير من غرفة لغرفة ..
ياما منا ويا منا ..
ماندري وين نروح له ؟؟
آخر شي دخلوها لجناح كبير له باب خاص ..
دخلوها ومنعونا انا ندخل ..
لكن لما قريت اللوحه ( غرفة العمليات )
بغى يغمى علي ..
ليش عملية ؟؟
التفت على بندر اللي كان جالس على الارض وشكله ماقرى اللوحه : بندر هاذي غرفة العمليات .. تتوقع ليش ؟؟
ناظرني بندر وهو مستغرب : ليش وش فيها هي ؟؟ لايكون فيها شي خطير ؟؟ احمد ادخل واسئلهم لا يسوون فيها شي ..
تقدمت للباب وحاولت افتحه لكن ماقدرت : الباب مسكر .. وش السواة ؟؟
قام بندر وهو يدفني : انت اصلا من يومك وانت ماتعرف تتصرف ..
راح وخلاني وانا جالس عند باب الجناح انتظر احد يطلع ويطمني ..
بعد عشر دقايق جاني بندر ..
احمد : هاه وش سويت ؟؟
بندر وباين عليه الخوف : يبي يولدونها ؟؟
طيرت عيوني : ليش ؟؟
بندر : يقولون حالتها ماتسمح انها تحمل الجنين اكثر من كذا ..
احمد : يعني عمليه ؟؟!!
بندر : ايه عمليه ..
انزين ليش ما خلونا نوقع على العملية ..
بندر وهو معصب ووده يعطيني كف : انت غبي والا تستغبي هاه ؟؟ والاوراق اللي قبل شوي وقعت عليه وش تصير هذيك ؟؟؟ والا بس توقع وتمشي وماتدري وش اللي مكتوب ؟؟
صرخت بوجهه على باله فاهم الحين هو وجهه لو بحلف حتى هو ماقراهن : وانت وش دراك انه مكتوب عملية ليش انت قريتهن ؟؟
بندر وهو يجلس على الارض : لا ماقريتهن بس قالت لي السستر انكم موقعين على العميلة يوم كتبنا بيناتها ..
مارديت عليه .. حتى هو ماقال شي ..
جلست قباله على الارض ..
كنا ساكتين ولا واحد فينا كلم الثاني ..
بعد ساعة كاملة ..
سألته :بندر ..
رفع راسه : نعم ؟؟
احمد : تتوقع بتتقوم سالمة ؟؟
بندر : من هي ؟؟
احمد : رنا ؟؟؟ّّ
بندر : عمى .. خير تفاول على البنت .. ان شاء الله تقوم بالسلامة .. وش بك انت وش اللي لحس مخك ؟؟
احمد : طيب تتوقع الولد اللي ببطنها بيموت والا بيعيش ؟؟
عصب بندر : قسم بالله لاقوم اتوطى ببطنك اما سكت..
احمد : بندر انا اكلمك واعصابي تعبانه وابيك تواسيني ..
بندر : اواسيك بأيش وانت قاعد تفاول على البنت وولدها ..
احمد : انزين تتوقع وش بتولد ولد والا بنت ..
ابتسم بندر وكأنه يتذكر شي ..
احمد : بندر اسئلك انا .. وش تتوقع ؟؟
بندر : اتوقع ولد .. واخيرا بيشرف ولي العهد .. والله لابهل فيه لا طلع جنونه بس خله يجي ؟؟
ابتسمت : اوف اوف كل هذا بقلبك .. ياخي تزوج وجب ولد والعب فيه على كيفك .. مو تلعب على ولد اخوك ..
بندر : تتوقع احمد لو مشعل عايش بيفرح بالولد ..
ضيق لي صدري لما قال كذا ..
مارديت عليه واكتفيت بالسكوت ..
حتى هو لما شافني سكت .. سكت معي ..
مرت ساعة ثانية وثالثة وحنا الى الآن بمكاننا ..
استغربنا صراحة وينهم كل هاذي عملية ..
حتى مافيه مر من هنا ..
ولا دخل ولا طلع مع هالباب ..
قام بندر يشوف وش السالفة ؟؟
بعد عشر دقايق رجع وهو يضحك ..
وش فيه ؟؟ وش السالفه مدري ؟؟
قمت ووقفت قباله ..: وش فيك ؟؟
قعد يناظرني ويضحك ..
مسكت كتوفه وهزيتهن : وش فيك ؟؟ تكلم ..
قال وهو الى الآن مابعد شبع ضحك : قسم بالله اننا مهبل .. البنت ولدت وخلصت وحنا قاعدين حنا ..
طيرت عيوني .. كيف يصير هذا وحنا ماندري ؟؟ اصلا محد طلع مع الباب هذا احد ..
احمد : فهمني كيف ؟؟
بندر والى الآن يضحك ويأشر بأصبعه على الباب : هذا باب طوارئ ..
التفت بتأكد : صدق والله باب طوارئ .. اجل كيف دخلوها هنا ؟؟..
بندر : كانوا مستعجلين ودخلوها هنا .. فيها شي هاذي ؟؟
ضحكت معه وانا اقول : لا مافيها شي ..
رحنا للممرضة على غرفة رنا ..
بندر : ماما رنا ايس في جيب ؟؟
الممرضة : جيب ولد ..
التفت بندر علي : شفت قايل لك بتجيب ولد ؟؟
احمد : هدا ولد كويس مافي سي ؟؟ سليم يعني ؟؟
عصب علي بندر : انا كم مرة قايل لك لاتفاول على الولد ؟؟
ضربني مع كتفي ومشاني قدامه عشان نشوف الولد بالحضانه ...







رنا


صحيت من البنج وانا راسي يلف ويدور .. احسه بينفجر ..
حطيت ايدي على بطني احس بوجع فيه ..
لما لمست بطني خفت .. وين الانتفاخ اللي فيه ؟؟
وين ولدي ؟؟ لايكون ولدوني ؟؟ لايكون احمد سواها وخلاهم ينزلونه ؟؟
لااااااااااااااااااااااا ...
وجلست اصيح واشاهق واصيح ..
لا مو مقعولة احمد يسويها .؟؟
هو وعدني ... هو وعدني ...
واذا وعدك يارنا يعني بيفي بوعده .. اكيد شافها فرصه ونزل الولد ..
والله مااسامحك والله مااسامحك يا أحمد ....
جلست طول الوقت وانا اصيح وأولول ..
دخلت على الممرضة ..
الممرضة : كيف هال انتا ؟؟
مارديت عليها وجلست اصيح ..
الممرضة : ليس ابكي .. ايس مسكله في الم .. جيب مسكن ؟؟
سألتها وانا خايفة يكون اللي في بالي صحيح : فين بيبي ؟؟
واشرت لها على بطني ..
الممرضة وهي تبتسم : اوووووووه .. انتا ابكي عسان بيبي .. بيبي موجود .. انتا ليس كوف .. يبكى سوف ..
طيرت عيوني وانا مدري افرح والا اصيح : ايه ابغى اشوفه وينه وينه ؟؟ جيبيه لي وينه ؟؟
راحت الممرضة تجيبه .. وانا مو مصدقه ..
بطير من الفرحه ..
الحمد لله ياربي لك والشكر الحمد لله ..
جلست ادعي ربي واشكره ..
وياليتني اقدر اسجد سجود شكر ..











احمد

دخلنا جناح المواليد وسألنا عن ولد رنا ..
حطته من ورى القزازة ..
سألناها مرة ثانية نبي نتأكد : هذا ولد مدام رنا ؟؟
الممرضة وهي تهز راسها من ورى القزازة يعني ايه ..
التفت على بندر اللي كان مثلي مستغرب : بندر تشوف اللي انا اشوفه سبحان الله ..
بندر وهو اللى الآن مثلي مستغرب ويمكن اكثر : سبحان اللي خلقه ؟؟ معقوله احمد ..
جت ممرضة وشالت الولد وحنا قاعدين نناظره ..
انا طقيت القزازة ابيها تخليه ..
مشت وخلتنا ..
بغيت اكسر القزازة .. قهرتني .. حتى ماعبرتنا هالفنسه ..
شوي وطلعت ومعه الولد ..
احمد : وين ودي ؟؟
الممرضة: هدا ماما يبقى سوف ؟؟
احمد : ماما في قوم ؟؟
الممرضه : يس ..
احمد : وين غرفه ماما ؟؟
الممرضة : امسي ..
مشينا وراها الين ماوصلنا لغرفة رنا ..
دخلت الممرضة اما حنا ظلينا واقفين .. يمكن ماتبي تشوفنا .. وهذا اللي اتفقنا عليه انا وبندر ..
انا نستأذن قبل لا ندخل .. يكفي اللي جاها منا ..
طقينا الباب وطلعت لنا الممرضه : ايس ابقى ؟؟
احمد : قول لماما احمد برى يبغي يشوف انتا ؟؟ ممكن يدخل ؟؟
الممرضه دخلت شوي وطلعت : يقول ماما مايبقى احد .. بس ابقى ماما كبير .. انتا اعرف رقم ماما كبير ..
احمد : ايه اعرفه ..
الممرضه : هيا قول كلي هوا يدق على ماما كبير ..
التفت على بندر : ماتبغى تشوفنا ؟؟
بندر وهو يضحك : من زين وجهك ؟؟ تستاهل يا أحمد ترى اللي جاها مو شويه .. تبيها بهالسهولة تقولك تعااااااااااااااااال .. احلم ياعاشق زمانك ..
عصبت منه : حماااااااااااااااااااااااار وبتظل طول عمرك حماااااااااااااااار .. خلني ادق على اهلها ازين من من مقابل وجهك .. مليت وانا اشوفك ..











رنا


اول ماجابت لي الولد ..
بغى يوقف قلبي ..
ابي اتأكد ان هذا ولدي .. قريت الاسوارة اللي على يده عشان اصدق ..
مستحيللللللللللللللللللللللللللللللللللللللللللللل للل ....
طبق الاصل من ابوه ..
مشعل اللي ماراح ولا جى ..
ياربي بموت من الفرحه ..
ولدي حي ويشبه ابوه بعد ..
الف حمد وشكر لك يارب .. الف حمد وشكر لك يارب ..
طلعت الممرضة ودخلت ..
تقول ان احمد يبغى يشوفني ..
مسكين يا أحمد .. تحلم تشوفني انت واهلك بعد اليوووووووووم ..
الحمد لله اللي افتكيت منكم ومن غثااااااااااااكم ..
الله لايعيد ذيك الايام ..
خليتها بس تقوله يدق على امي ..
وان شاء الله يسوي لي معروف ويناديها لي ..
ويفرحها برجعتي لها ولاخواني واهلي كلهم ..
يازين الحرية ياناااااااااااس .. يازينها ..
ضغطت على جرس الممرضة ..
ولما جتني قلت لها تنادي لي بندر اذا كان موجود ..
اتوقع انه موجود ..
مايمديه يروح بهالسرعه ..
لما طلعت الممرضة بدقايق .. اندق الباب ..
عرفت انه بندر ..
تغطيت وانا اقول : ادخل ..
دخل بندر : السلام عليكم ..
رنا : وعليكم السلام ..
بندر : الحمد لله على سلامتك ..
رنا : الله يسلمك ..
بندر : شفت وشلون يشبه مشعل .. سبحان اللي خلقه ..
رنا : مااقول الا الحمد لله والشكر ..
بندر : آمريني .. قالت لي الممرضة انك تبيني ؟؟
رنا : بطلب منك طلب ؟؟
بندر : انتي مو تطلبين .. انتي بس تتدللين ؟؟
رنا : تسلم .. ابيك تروح تجيب لي سديم ؟؟
بندر وهو يغز على خشمه : على هالخشم !! طيرااااااااان .. عطيني بس دقايق وتكون عندك ..
رنا : تسل لي يابندر .. الله يخليك لأهلك ..
بندر : آمين .. تبين شي غيره ؟؟
رنا : احمد دق على أهلي ..؟؟
بندر : ايه .. غيره ؟؟
رنا : سلامتك ..
بندر : الله يسلمك .. بس ابي ابوس ولي العهد ممكن ..؟؟
رنا : ايه ممكن ..
باسه على جبهته .. وطلع ..
اما انا .. ضغطت على زر اللمرضه عشان تجي تاخذ الولد .. لاني ابي ارتاح .......





نهاية الجزء الثامن

الجزء التاسع




احمد


دقيت على اهلها ..
كلمت اخوها الكبير عبدالرحمن ..
بصراحه خفت وانا اكلمه ..
لانه قال لي ليش ماعلمتونا قبل لاتولد ..
يعني قصده اول ماوديناها للمستشفى ..
وسألني بعد من اللي معي من خواتي ..
ياويلي ويلااااااااااااااااه .. ياويلي ويلاااااااااااااااااااااه ..
والله لو يدري اخوها أننا انا وبندر متعاونين عليها ..
قسم قسم ان يذبحنا ..
بس الحمد لله .. الله ستر ولطف ..
وكذبت عليه كم كذبه بيضا .. ابيض من القشطه بعد ..!!!
بعد ماانهيت المكالمة ..
دورت على بندر .. بشوف وش كانت تبغى فيه رنا ؟؟
مالقيته ..وين راح له هاللي مايستحي على وجهه ..
بس انا منقهر من رنا ..
ليش ترفض تقابلني وانا اللي طالب مقابلتها ؟؟
وتوافق تشوف بندر مع انه ماطلب منها هالشي بالعكس هي اللي مناديته ؟؟؟
بسيطه .. الايام بيننا يارنا ..
دقيت على بندر بشوف وين ذالف ؟؟
احمد : الووووووو
بندر وهو يضحك : هلا والله..
احمد : اهلين .. وينك ؟؟
بندر : ليش وش تبي ؟؟؟
احمد : انا سألتك وينك ؟؟ لاتقعد تتفلسف علي ؟؟ رد على قد السؤال ؟؟
بندر : ان شاء الله عمي .. بروح البيت ..
احمد : وش عندك ؟؟ الا تعال وش تبي منك رنا ؟؟
بندر : ياشين الغيرة زائد اللقافة .. انت الحين وش دخلك ؟؟ منقهر لانها تحبني اكثر منك ..
ينرفزني هالولد ..
انقهرت منه : والله والله ثم والله يابندر لو انك قدام عيني كان عطيتك كف ماتنساه طول عمرك ..
بندر وهو متشقق من الضحك : هين .. هاذا ان شفتني .. انا خلاص بحماية ولي العهد ..
احمد : اقول لايكثر .. وش عندك بالبيت ؟؟
بندر : رنا قالت لي اجيب سديم لها ..
تذكرت شي معهم : بندر كم يبغى لك وتوصل البيت ؟؟
بندر: عشر دقايق ..
احمد : تكفى بندر جب معك مرام او سارة .. لاني دقيت على اهل رنا وقالوا لي من معكم من البنات ؟؟ قلت لهم امي بكبرها مو البنات .. انت جيب وحده من البنات .. وعلى بالي ان امي جايه معنا ورجعت معك .. اتفقنا ..
بندر : اوكي .. شي ثاني ..
احمد : سلامتك ..
بندر : بااااااااااااااااااي ...
سكرت بوجهه مايستاهل اقوله باي ..
والا انتم وش رايكم ؟؟









رنا


غفيت لي شوي قبل لايجون اهلي ..
ما أمداني اكمل غفوتي الا الباب ينفتح بكبره .. الظاهر لو منكسر ماعندهم مشكلة ..
تتوقعون ان اهلي بيدخلون علي هالدخلة هاذي ..
مستحييييييييييييييييييييييييل ..
هذولا اهل زوجي ..
كلهم جايين ..
خالتي .. مرام .. وسارة .. وووو....
ونورة ...
وووووو..
وحبيبة قلبي سديم ..
بس حنين مو موجودة ..
اكيد مع خوالها برى ..
ياسرع مايجوووووون ..
دخلت اول شي خالتي ..
جت على طول وضمتني وجلست تصيح ..
بعدها شفت مرام تفك نقابها وتسلم سلام حار ...
بعدها سارة سلمت علي بنقابها .. سلام جدا عادي ..
بعدها ..
تتوقعون من بعدها ..
اكيد من بعدها ؟؟
من بيكون اصلا ؟؟
مافيه احد تريحوا ..
نورة سحبت واحد من الكراسي وجلست ..
ماهمتني هي ووجهها اهم شي خلوا لبنتي فرصة عشان اشوفها ..
جلست سدومه جنبي وجلست احبب فيها واعضض الين ماقلت بس ..
سافهتهم ومعطتهم اكبر طاف في الحياة ..
ونورة مغير كل شوي تأفف وتقول : الحين ورى مايجيبون البزر .. نبي نشوفه .. وراهم الحين مايجيبونه .. تقل بناكله الحين ..
وكل شوي وهي عايده هالاسطوانه ..
خالتي والبنات ماقالوا شي .. لانه ماشاء الله مايحتاج نورة مكفيه وموفيه ..
بس بصراحه رحمت خالتي .. كل شوي وعيونه تغورق ..
قلت يارنا تعوذي من ابليس وجيبي لهم البزر عشان يروحون ينامون ..
حتى انا عشان افضى لأهلي اذا جو ..
مادريت ان السالفة بتطول ..
والله لو اني داريه كان ماجبته يشوفونه ..
رنيت الجرس وجت الممرضة ..
طلبت منها تجيب الولد ..
جلسنا ننتظر وننتظر وننتظر ..
رنيت الجرس مرة ثانية جتني الممرضة نفسها ..
رنا : وين بيبي .؟؟ انا في قول جيب بيبي ..
الممرضه : بيبي برى مع بابا ..
رفعت لها خشمي .. وانا رافعه صوتي : وشو ذا ابابا ؟؟ مين بابا ؟؟ هيه ياغبيه مافيه بابا برى .. جيب ولد منه بسرعه ..
ارتاعت الممرضه وتحسب انه بيخطفه ..
انا كنت ادري من معه ؟؟..
بس حبيت الممرضه تجيبه غصب منه ..










احمد

جاب بندر اهلي كلهم ..
ماتوقعت يجي احد ..
زين انهم جو .. عشان يعرفون اهل رنا اننا كلنا معها وماخليناها بروحها مثل هاذا الظرف ..
المهم جلس جنبي بندر ومعه حنين ..
والله حنين قمر بس اللي يشينها طبايع امها ..
والا والله عسسسسسسسسسسل هالبنت .. واموووووت فيه ..
عسى الله يهدي امها ..
غريبه تأخروا اهل رنا ..
وانا اهوجس وفكرة تجيبني وفكرة توديني ..
مادريت الا الممرضة تدخل الغرفة بعدين تطلع ..
سألتها : ايش يبغى مدام ..
الممرضة : يبغى بيبي ..
احمد : خلاص روح ..
فيه فكرة براسي بسويها يعني بسويها بس خلي الممرضة تجيب البيبي على قولتها ..
اول ماشفتها مقبله على الغرفة ..
على طول قمت وشلت البيبي منها ...
احمد : خلاص انا في دخل بيبي غرفة .. خلاص انتا روح ..
الممرضة : انتا بابا بيبي ..
احمد : ايوه ..
اشوى انها مو الممرضه الاولى كان كشفتنا .. لانه رنا قايلة لها ماتبي تشوفني ..
حضنته وجلست وقعدت اطالع فيه ..
وبندر مغير كل شوي وهو عطني أياه .. ابي أشوفه ..
آذاني هالبندر ..
قمت وابعدت عنه بكرسي ثاني ..
متردد ادخل والا ما أدخل ..
ادخل والا ما أدخل ..
ادري رنا مراح تقول شي عند اهلي وبتسكت ..
بس ولو مابي ازعلها ..
ادري انها بتزعل مني زود على الزعل اللي فيها ..
وانا مابين ادخل والا ما أدخل ..
بسم الله مادريت الا اللي يبي يسحب مني البزر ..
رفعت راسي ..
الممرضه تبي تاخذه غصب ..
احمد : خير خير ايش ابغى .؟؟
الممرضة : ماما قول انتا مو بابا .. بسرئه جيب بيبي والا نادي سرطه ..
سفهتها ومشيت الين ماوصلت الغرفة ..
على طول من دون مقدمات ..
دخـــــلـــــــت ....!!!!!!!













رنا


قاعده على اعصابي ..
الله يستر من هالأحمد ..
ادري بيسوي شي الين يدخل عارفته .. ابو الهواش والمشاكل ..
وانا قاعده افكر بهالمصيبه ..
مادريت الا اللي يدخل وشايل بزر معه ..
طيرت عيوني ...
لااااااااااااااااااااااااااااااااااا ..
احمد ..
والله حرام اللي قاعد يسويه ..
تغطيت على طول ...
يعني مايرتاح الا الين يسوي اللي براسه ..
انزين مابي اشوفه ..
غصب يعني ..
اووووووووووووووووف ..
سكت ولا قلت ولا كلمه ..
بشوف وش آخرتها معك يا أحمد ..
تدرون عاد ماانتبهت للي واره وشايل معه بنت ..
توي اشوفه لما ابعد احمد عن الباب وتوجه لأمه يعطيها البزر ..
هذا بندر ومعه حنين ..
الله يعين راسي ..
يعني مافيه فكه لا من عيالهم ولا من بناتهم ..
جلست اطالع السقف وانا قرفانه حياتي ..
ماامداني افرح بولدتي .. يجون هالاخوين يحوسون فرحتي ..
الله يعجل بجيه أهلي عشان افتك ..















احمد

ادري انها الحين متضايقة .. ومكتمه .. وضايق خلقها ...
والله مو قصدي ...
بس وش اسوي ؟؟ غصب علي والله غصب ...
اول مادخلت شفت الصدمه بعيونها ..
بس على طول تغطت ..
عادي بس اهم شي شفتها ..
قربت من عند امي وعطيتها الولد ..
امي اول ماشافته ..
صاحت على طول ..
يمين يسار .. ابي اهديها .. ماقدرت ..
قولوا انت اصلا متى قدرت على شي ..
استغليت صياح امي .. والتفت على رنا ..
احمد : الحمد لله على سلامتك ..
تخيلوا ماردت علي ..
اقسم بالله ضاع وجهي قدام اخواني ..
تحسفت اني دخلت ..
وندمت الف مرة اني شفتها ..











رنا


صرخت نورة بصوت عالي : رناااااااااااااااااا !!!!؟؟
التفت عليها ..
جاوبتها وانا مصدومه : خير ؟؟ ليش تصارخين ؟؟
نورة وهي معصبه : ليش اصارخ ؟؟ الظاهر انك نايمه .. احمد يقول لك الحمد على السلامه وانتي نايمه ..
التفت على أحمد .. بتأكد من كلامها ..
سألته وانا مو مصدقه اللي قالته : احمد انت قلت الحمد لله على السلامه ..
رد احمد بجفاء واضح وهو يميل خشته : ايه ..
رنا : آسفه والله ماسمعتك .. لاني تعبانه مرة عقب البنج وغفيت .. آسفة والله آسفه .. والله مو قصدي اسفهك ..













احمد


بغيت اتشقق .. بغيت اقطع هدومي قدامها ..
بغيت اقطع جلدي مو هدومي ..
ياناس اذوب انا ..
انصهر ..
اصير اللي تبونه ..
يازين التأسف منها ..
اصلا يازينها وهي تكلمني ..
تكملك وكأنك وحده من خوياتها ..
ماعندها نظام ورسميات ..
ياخي اموت على البنات اللي كذا ..
اروح ملللللللللللللللللللح ..
ابتسمت : لا عادي .. خوذي راحتك .. لا فيه فشيلة ولا شي .. اهم شي راحتك ..
رنا : مشكور ماتقصر عسى عمرك طويل ..
ماقدرت ارد عليها لاني بإختصار عجزت اتحمل آخر دعوة ..
طلعت ..
وعلى طول عالبرادة اللي بالسيب ..
صبيت لي كاس مويه وشربته ..
صبيت كاس ثاني وصبيته على صدري ..
احس اني مولللللللللللللع حرارة ..
بروح للممرضة تعطيني ابرة خافض للحرارة ..
















رنا


اشك انه صاحي ..
والله عندي بندر ارجل منه بمليون مرة ..
احسه فيه رجه على غير سنع .. وتبيلم مو وقته .. وعنده دفاشة زي وجهه .. وعنده تصتيم في غير محلها ..
ياالله لو اقعد اعدد لكم ماراح اقدر احصرها..
نورة : صدق انك ماتستحين احرجتي اخوي وفشلتيه .. وهو حاملك على كفوف الراحه ..
قلت بنفسي : يرحم امك من زين هالراحه اللي حاملني فيها وانتي موجوده .. انثبري واسكتي بمكانك لا اطردك الحين ..
بندر : انتي الحين ورى ماتنطمين لا اقوم اكمل عليك الحين .. ( يقصد نورة )
نورة وهي تحط اصبعها على فمها : انت شرب ولا كلمه تفهم ..
بندر وهو يرفع حواجبه معصب : قلت لك انطمي ازين لك والا والله لا اسدحك جنب رنا .. بس مو ولاده لا .. اسدحك مكسره ..
مرام جت بين نورة وبندر : خلاص انت وياها .. هواشكم خلوه باليت ماتشوفون الحرمة تعبانه ..
قولي والله بس يامرام .. يعني انا اول مو تعبانه .. سبحان الله يغير ولا يتغير ..
دق جوال بندر ..
بندر : هلا ..
شوي الا بندر ينقز من مكانه ويطلع بسررررررررررررعه ..
وش فيه مدري ؟؟
خمس دقايق بس من طلعة بندر ..
الا يدخلون اهلي ..
انصدمت وعرفت ليش بندر طلع ؟؟؟
والله ماجاب روسكم الا اهلي والخافي اعظم ..











احمد

كنت ادور في الاسياب رايح جاي رايح جاي ..
ابي شي يبرد على قلبي ..
اول ماشفت عبدالرحمن اخو رنا من بعيد واقف يسأل الاستقبال عن غرفة رنا ..
وانا اطلع جوالي وادق على بندر ..
بندر : هلا ..
احمد : بندر بسرعه اطلع جى عبدالرحمن اخو رنا بسرعه ..
مابعد سكرت الجوال ..
الا بندر جنبي وهو يلهث : وينه ؟؟ وينه ؟؟ والله لو شافني ليشرشحني ..
احمد : شفه عند الاستقبال .. انت الحين اجلس وهد روعك .. بعدين قل وينه ؟؟
بندر وشكله خايف : الحين عرفت انك اخوي ..
قام وضمني ..
احمد : عشان تعرف قدري ياحمار ..تدري لو شايفك عندها .... والله ان يقلب الدنيا على روسنا ..
بندر : ادري .. حتى انت يا أحمد ماترضاها على خواتك ..
جابها على الجرح وكنه مادرى ..
بندر قالها كذا بس ..
اما انا حسيتها نغزة بقلبي .. صادق يابندر .. مستحيل ارضاها على وحده من خواتي ..
انزين انا ليش اسوي فيها كذا ؟؟
ليش ارضاها لها .. وهي من عرضي .. زوجه اخوي ..
الله يلعن الشيطان كيف خلاني اسوي هالسواة ..
يلعن الحب شو بيذل ؟؟؟؟













رنا


ماصدقت ان امي قبالي ..
جت امي مسرعه وضمتني وجلست تصيح ..
الكل تأثر لصياحها ..
وانا بعد صحت معها ..
قامت خالتي وهدت امي وجلستها على الكرسي وجابوا لها مويه وشربوها ..
بعد ماهدى الوضع عطوها الولد ..
ضمته وحبته .. وجلست مرة ثانية تصيح بس على خفيف ..
ياربيه ليش كل من شافه يصيح ؟؟
ادري انه يشبه مشعل ..
بس انا ماصحت ..
لان ولدي فرحه مابي اصيح عشان شي مر عليه شهور ..
ادري لو تذكرت مشعل راح اصيح ولا راح اوقف صياح الين اموت ..
بس هاذي الدنيا لازم الواحد ينسى حتى لو يغصب روحه .. وهذا اللي سويته انا ..
قربت نورة من امي ومدت يدينها .. تبي تشيل ولدي ..
نورة بكل ادب : ام عبدالرحمن ممكن تعطيني اياه ابي اشوفه ؟؟
الله يستر ..
مدت لها امي الولد ... وانا حاطه ايدي على قلبي لان نورة وهي تشيله مكشره وعابس وجهها ..
اول ماناظرت في وجهه .. ابتسمت ..
على طول ابتسمت معها .. تلقائيا ..
حضنته وجلست مكانها ..
وانا ماشلت عيني منها ..
مدت اصبعها بكل نعومه وتحسست خده ..
نورة بكل طيبه : رنا .. يشبه مشعل .. نسخه .. سبحان اللي خلقه ..
توسعت ابتسامتي ..
الله يحنن قلبك يانورة ..
رنا : سبحان الله ( وانا ابلع غصتي ) راح مشعل الكبير وجى مشعل الصغير ..
نورة والى الآن مابعد شالت عيونها عنه : وش تبي تسمينه ؟؟
حاولت اتقرب منها اكثر واكثر .. وان شاء الله ان الله يهديها : انتي وش رايك ؟؟
نورة : امممممم سميه .. سميه خالد ..
رنا : اشوف ان شاء الله ..
التفت على خالتي : وانتي خالة وش تبيني اسميه ؟؟
خالتي : كيفك يابنيتي .. ولدك وانتي اللي سميه ..
رنا : وانتي يمه ؟؟
خالتي : كيفك ولدك وسميه براحتك ..
مرام : دام ما أحد قال أسم .. انا بسميه ..
رنا : وشو؟؟
مرام : سموه باسل ..
ميلت فمي يعني لا ..
سارة : سموه فواز ..
غمزت لها : اخوي اسمه فواز ... وش قصدك ياحلوة ؟؟..
استحت وحمّر وجهها : والله ماجى على بالي اخوك ..
غمزت لها مرة ثانية : صدقتك صدقتك ... لا تصيحين ..

















احمد


دخلت امها ..
ووراها عبدالرحمن بعد ماسلم علينا ..
بس ..
وقفنا عبدالرحمن اللي كان يبي يدخل ..
احمد : اهلي موجودين ..
استحى عبدالرحمن : آسف ماكنت ادري .. زين انك قلت لي ..
احمد : لا عادي .. ارتاح ارتاح .. اجيب لك كوفي ..
عبدالرحمن : لا شكرا ..
وجلس ..
عبدالرحمن وهو عاقد حواجبه : ليش جبتها لخاص ؟؟
والله الوهقه وش بقوله ذا الحين ؟؟
لكن بندر سبقني : هاذا اقرب شي لبيتنا ..
عبدالرحمن : بس هي سوت عمليه يعني بفلوس .. مو حكومي ..
ادري وش كان يقصد ؟؟
احمد : الفلوس تروح وتجي اهم شي سلامتها ..
عبدالرحمن : انت اللي دفعت ؟؟
احمد : قلت لك مو مهم .. اهم شي سلامتها .. وش تبي تنفع الفلوس لو خسرنا رنا ..
عبدالرحمن : الحين انت ليش تلف وتدور .. سألتك سؤال صريح رد عليه ؟؟
احمد : يعني لو اختي كانت تعبانه وكانت في بيتكم مو راح تاخذها مستشفى وتدفع لها لو كلفك وش كلفك ؟؟؟ خلاص اعتبرها اختي ...
طلعت جوالي بسرعه وكلمت اهلي قبل لا اسمع منه أي رد ..
احمد : انا بالسيارة بسرعه اطلعوا ..
حطيت الجوال بجيبي ..
احمد : تآمرنا شي .. اللي علينا سويناها .. وهاذي بنتكم خلصت عدتها وهي الحين تحت جناحكم .. واعذرونا على القصور .. مع السلامه ..
عبدالرحمن : الله يسلمك .. ماقصرت كفيت ووفيت ..
عطيته ظهري ومشيت للبوابة ..
كل خطوة امشيها احس خنجر ينغرز بظهري ..
كلما ابعدت احس اني انزف زياده ..
حسيت بدوخه قويه ..
جلست على اقرب كرسي صادفته ..
طولت الدوخه ماراحت ..
جو اهلي وشافوني ضام وجهي بيديني ..
مرام : احمد !!
على طول رفعت راسي ..
مرام : وش فيك جالس هنا ؟؟ يالله امش ..
قمت ومشيت معهم ..
مادريت الا اللي قاعد يطبطب على ظهري ..
التفت ...
بندر مايجوز من اطباعه ..
احمد : خير ؟؟
بندر : هونها وتهون يا خوي ..
احمد : امش قدامي لا اترفس ببطنك ..













رنا


ماصدقت انهم طلعوا ..
اووووف ..
اول ماطلعوا .. دخل اخوي عبدالرحمن ..
سلم علي ..وشال الولد من امي ..
وقال نفس الكلام اللي قالوه قبله ..
عبدالرحمن : سبحان الله .. مشعل اللي ماراح ولاجى ..
رنا : كلن يقوله ..
عبدالرحمن : هاه يمه تريحي بنتك وعندك ..
امي : مراح ارتاح الا الين تطلع من المستشفى ..
عبدالرحمن : بتطلع ان شاء الله ..
امي : ان شاء الله
عبدالرحمن : رنا ..
رنا : سم ..
عبدالرحمن : من اللي دفع ؟؟
سألته وانا مستغربه : وش دفع ؟؟
عبدالرحمن : تستهبلين انتي ؟؟ من دفع حق المستشفى ؟؟
ماني فاهم أي شي من اللي يقوله عبدالرحمن : وش اللي دفع حق المستشفى ؟؟ محد دفع ..
عصب عبدالرحمن : غبية انتي ؟؟
قهرني ليش يقولي غبيه .. رديت عليه وانا معصبه : وشو غبيه ؟؟ لا ماني غبيه ؟؟ فهمني اول بعدين شفني غبيه او لا ؟؟؟
عبدالرحمن وهو ينفخ : انتي في مستشفى خاااااااااااااااص .. ومسويه عميلة .. والعملية في المستشفى الخاص بفلوووووووووووس ..تدرين كم ؟؟ والا اعلمك ؟؟؟
انصدمت خاص وبفلوس ... من جد غبيه .. اجل وشلون جايين اهلي بهالليول يشوفوني .. ومدخلينهم عادي .. اصلا وشلون جايبين البزر عندي اربع وعشرين ساعه .. كلما طلبته جابوه ..
رنا : مدري .. اصلا ماكنت ادري انه خاص .. وش يدريني انا ؟؟
عبدالرحمن : وهذاني علمتك .. انتي اللي دافعه ؟؟
رنا : لا انا مادفعت شي ... اصلا مامعي شي ؟؟
عبدالرحمن : مافيه غيره .. هو اللي دفع ؟؟
رنا : من هو ؟؟
عبدالرحمن : احمد ...
انصدمت احمد !!!
سألته بسرعه بشوف كم دفع : وبكم العملية ؟؟
عبدالرحمن : بعشرة ..
طيرت عيوني .. : عشرة !!!!
امي وهي تشهق : عشرة !!
عبدالرحمن : وش فيكم ؟؟ هاذولا هم الخاص .. كذا اسعارهم ..
رنا : ليش ماوداني للحكومي اصرف ؟؟
عبدالرحمن : سألته ؟؟ قالي هذا اقرب شي لنا ..
رنا : مهوب صاحي منين له يدفع لي عشرة ..
عبدالرحمن : خلاص لاتسوينها سالفة برجع له العشرة ..
رنا : بصراحه يقهر .. من زين راتبه الحين ..؟؟
امي : يمكن انه دافع من فلوس مشعل ..؟؟
عبدالرحمن : لا يمه .. دافع من حسابه ..انا اول شي قلت يمكن من فلوس مشعل .. بس سألته وقالي ..
امي : الله يهديه .. ليش مادفع من حساب مشعل ..
اوووووووووووف .. انا اخلص من مصيبه تطلع لي مصيبه ثانية ..
شكلي ماراح ارتاح ..
امي قامت وشالت سدومه : خلاص بنيتي انتي ارتاحي الحين وبكره ان شاء الله بنجيك من الصبح ..
رنا : انزين .. مع السلامه ..
امي وعبدالرحمن : مع السلامه ...
رنيت الجرس اللي عندي ..
جت الممرضة واخذت الولد ..
اول ماسكرت الباب ..
طفيت النور اللي عندي وانسدحت وتغطيت وغمضت عيوني ..
وووو
وووو
وووو
اندق الباب ..
فتحت على طول عيوني ...
وفتحت النور ..
رنا : من ؟؟
صوت رجال : بأدخل ؟؟
خييييييييييييير ؟؟؟!! وين يدخل فيه ذا ؟؟ لا يكون غلطان ؟؟
ياربيه وش ذا البلشه ؟؟
سكت مارديت عليه ..
اندق الباب مرة ثانية ..
بعدين انفتح ..
على طول انا تغطيت ..
وانا قلبي يناقز بمكانه بيب يطلع من الخوف ..
اول ماشفت اللي دخل عصبت ..
رنا : روعتني .. حرام عليك بغيت اموووووووووت ..
ابتسم ببرائه ولا كأنه سوى شي : آسف والله ماكنت اقصد .. بس ماحبيت اروح وانا عندي شي بقوله لك ؟؟؟
هديت من وضعي شوي : يالله قول وش تبي ؟؟ تراي تعبانه حدي وابي انام ..
تدرون من طلع ؟؟؟
توقعوا من ؟؟؟










طلع بندر ..
بندر وهو يقرب من عند السرير : رنا ممكن تسمينه فراس ؟؟؟
ضحكت من هالاسم : وشو فراس ؟؟ غريب هالاسم ..
بندر : طلبتك رنا لا ترديني .. تكفين ؟؟
اشرت له على عيوني من برى الغطوة : من عيوني الثنتين .. ماطلبت شي .. فراس فراس .. كم عندنا بندر حنا ..
غمض عيونه وهو يقول : مشكورة .. ماتقصرين يا أم فراس .. ههههههه .. انا اول واحد يقول لك يا أم فراس .. هذا شرف كبير لي ..
رنا : خلاص بندر شي غيره ؟؟
بندر : لا سلامتك ..
قلت له وانا اضحك : والحين ممكن توريني عرض اكتافك .. عشان انام ..
بندر : ان شاء الله ..
طلع بندر ..
اما انا قعدت اضحك واضحك واضحك الين عورني بطني ..
هالبندر مجنون رسمي .. زي اخوه بالضبط ..















بعد شهر ...


احمد

مستحيل يمر يومين على بعض .. مانشوف انا وامي وبندر فراس ..
مستحيل ..
حتى خواتي تتجننوا عليه .. بس مستحل ناخذهم معنا ..
خواتي بالاسبوع مرة ..
اما حنا الثلاثه باليومين مرة ..
ماتتخيلون كيف حبيناه .. يمكن لانه يشبه مشعل ..
او يمكن لانه فرفوشي الولد .. ويضحك معنا ..
يمكن ..؟؟
احس اننا طفشنا اهلها ..
لامو احساس الا اكيد .. ؟؟
طبعا لا تسألوني عن رنا ؟؟
لاني من ذاك اليوم ماادري عنها أي شي ..
بموت واعرف عنها شي ..
بموت الا اشوف لو زولها ..
بموت وبموت وبموت .. ولا احد حاس فيني الا بندر .. اللي كل شوي وهو رافع ضغطي يذكرني فيها ويقهرني ..













رنا


تعرفون وشلون بغيت انتحر ..
بغيت اشقق هدومي ..
بغيت امووووووووت منهم ..
انا الحين منحاشه منهم.. وهم لاحقيني..
مايمر يومين الاهم ناطين ..
خالتي وعيالها ..
خير وين عايشين حنا
اوكي ولدكم ماقلنا شي ..
بس مو بهالطريقه ..
حشى ..
مايسوى علينا هالولد ..
بس تدرون ..
والله العظيم اقابل خالتي كل يوم ..
ولا ينط لي احمد ولا بندر كل سنه مرة ...
والله خالتي ارحم لي منهم ..
ولو بحلف اذا جوا بندر واحمد ودهم يدخلون .. بس هه هه هه اخواني لهم بالمرصاد ..













احمد


جاني ظرف بالشغل وماقدرت اروح معهم ..
ميت الا بروح بس ماقدرت ..
راح بندر وامي ..
ولما جيت من الدوام ..
سألت بندر عن فراس : وش اخباره ؟؟
بندر : ودي آكله .. ليت امه تسمح لي .. والله لآآآآآآآآآكله ..
قلت بقلبي : انت ودك تآآآآآآآآآكل الولد .. انا ودي بالام .. ليتها توكل والله لآآآآآآآآآآآكلها ..












رنا


بعد ماراحت خالتي ...
كان فراس نايم ..
نومته بسريره .. ونمت انا معه .. كان الوقت الساعه 10 بالليل ..
قمت على الساعه اربع ..
غريبه ماصاح يبغي حليب ..
قمت بشوف وش فيه ؟؟
فتحت النور ..
وشلته من سريره ..
حاولت اقومه .. ماقام ..
فكيت مهاده ابيه يتحرك عشان يصحصح .. ماقام ..
تخرعت ..
على طول قمت وناديت امي ..
مسكينه روعتها ..
قومتها من النوم ..
وانا اصيح واصارخ : يمه .. يمه .. قومي .. يمه .. فراس مايتحرك ولايصيح .. ماقام من نومته الساعه 10 ..
امي فزت على طول وشالت فراس .. وودته للمغسله .. وانا وراها زي المجنونه ..
غسلته امي عشان يصحصح .. ماقام ..
حضنته امي لصدرها وقامت تهزه وهي تقول : مافيه شي لا تخافين مافيه شي ؟؟
وانا خايفه واقول لامي : طيب عطيني اياه ..
امي : لا لا خليه معي .. روحي قومي فواز .. بسرعه روحي قوميه ..
رفضت اروح .. وجلست اصارخ : يمه تكفين عطيني اياه .. تكفين ...
وامي رافضه .. :مافيه شي مافيه شي ..
تركتني وراحت وانا واقفه بمكاني .. قاعده اتخيل لو مات فراس ..
لو مات فراس .. يعني ماتت احلامي ..
لومات فراس .. يعني ماتت آمالي ..
لو مات فراس .. يعني انا اموت معه ..
وقفت بمكاني ولا تحرك .. عرفت وش هي النهايه ؟؟؟
عرفت وش قاعد ينتظرني ...؟؟
عرفت وش مخبي لي القدر ؟؟؟
خلاص كل شي عرفته ؟؟
وش باقي بس قولوا لي ؟؟
قالوا لي ميت ؟؟ بس انا ما صدقت !!
قالوا ماينبض ؟؟ بس انا عاندت !!!
قالوا لي مجنونه ؟؟ بس انا ماسمعت !!!
الحمد لله على قضاء الله وقدره ..
والله يخلي لي بنتي ..
وان شاء الله فيها العوض ...
رحت لغرفتي وانسدحت على السرير ودموعي على خدي ..














احمد


كنت في الدوام ..
رن جوالي ..
فواز ..
وش يبي هالحزه ذا ؟؟
اوووووف ..
خليته مالي خلق ارد عليه ..
لكنه رن ثانيه ..
قلت اكيد عنده شي مهم ..
برد وبشوف وش يبي ؟؟
احمد : هلا ..
فواز : هلا أحمد ..
احمد : اهلين ..
فواز : وشلونك ؟؟
داق علي تقول لي وشلونك ؟؟ ..
احمد : بخير الحمد لله .. انت وشلونك ؟؟
فواز : بخير .. احمد ؟؟
احمد : هلا ..
فواز : تقدر تطلع من الدوام ..
احمد : ليش ؟؟
فواز : سلامتك .. بس ابيك بشغله صغيره ..
احمد : آمرني ..
فواز : ابيك بمستشفى ( ........... ) اللي ولدت فيه رنا ..
احمد : وش فيه ؟؟ وش صاير ؟؟
فواز : لا تخرع .. ابد مافيه شي .. بس تعال ..
احمد : اوكي مسافة الطريق وانا عندك ..
سكرت السماعه منه ..
طلعت من دون مااستئذن ..
الله يستر ..
لا يكون رنا فيه شي ..او الولد فيه شي؟؟
لا ..
لا .. ما أتوقع ..
فواز صوته جدا عادي ..
اجل وش يبي فيني ؟؟
اووووووووووووووف ..
راسي بينفجر ..
زودت السرعه ..
وسقت السيارة بجنون ..
وانا عقلي مو معي ..
وصلت للمستشفى دخلت الطوارئ ..
لما ماشفت فواز .. ارتحت ..
طلعت جوالي ودقيت عليه : هلا فواز .. وينك ؟؟ انا في الطوارئ ..
فواز : اوكي خلك مكانك انا جايك ..
خمس دقايق ..
فواز : هلا احمد ..
احمد : يكفي فواز من دقيت علي وانت تهلي ... قلي وش فيه ؟؟ تراك روعتني !!!
فواز : طيب انت هد اعصابك ..
عصبت منه : كيف اهديها وانت قاعد تلعب بأعصابي .. تكلم ..
مسكني مع كتوفي وجلسني ..
مسك يدي وبدى يتكلم : احمد .. فراس مات ..
طيرت عيوني : مااااااااات !!!
فواز : ايه ..
عصبت زياده وانا قاعد حواجبي : وتقولها بكل برود ..
فواز : اذكر الله يارجال .. مات كذا من ربي .. مافيه أي شي ..
هناك اخوي عبدالرحمن قاعد يخلص الاجراءات عشان ندفنه ..
ماني مستوعب كل اللي يقوله ..
وش اقول لأمي ؟؟
وش أقول لأخواتي ؟؟
والاهم من كذا ..
وش اقول لبندر ؟؟
والله ان يفضحنا بندر ..
آآآآآآآآآآآآه ياراسي ...
انا لله وانا اليه راجعون ..
حاولت اهدي اعصابي ..
قلت لفواز بكل هدوء : وين فيه عبدالرحمن ؟؟
وقف فواز وهو يقول : تعال معي ؟؟؟
مشيت معه وانا قلبي مقبوض ..
مسكته مع عضده : فواز ؟؟؟
وقف والتفت علي : سم ..
بلعت ريقي .. وجمعت كل شجاعتي وسألته : وشلون رنا ؟؟ عسى بس ماتأثرت ؟؟
غمض عيونه وهو متأثر : ربك يعين بس .. ادع لها ان الله يثبتها ..
آآآآآآآآآه عليك يارنا ...
وش تتحملين لتتحملين ..
ياويلي عليك .. كم شفتي من الهموم .. وانتي توك صغيرة ..
ياليت كل اللي فيك فيني ..












رنا


انهارت اعصابي .. وقعدت اصيح لما شفت امي داخله مع باب الفله من دون فرااااااااااااااس ..
طحت على الارض وانا اضرب الارض بيدي ..
رنا : لا يمه لا .... لا تقولين مات .. يمه تكفين لا تقولين مات ..
قومتني امي من الارض وحضنتني وهي تصيح : اذكري الله يابنتي اذكري الله .. بيعوضك ربي خير ..
جلست اصيح في حضن امي الين جو اخواني ..
عبدالرحمن ..وناصر وفواز .. اللي كانوا بالمستشفى ..
وكلهم متأثرين ..














احمد


دخلت البيت على الساعه وحده ..
مالي خلق احد ..
ولا لي خلق اكلم احد ..
احس اني مخنوق ...
كل هذا مايهم اهم شي عندي مااشوف بندر ..
بس هاذا المهم عندي ...
دخلت الصاله ..
لقيت امي جالسه ..
احمد : السلام عليكم ..
امي : وعليكم السلام ..
جلست بقوة على الكرسي ..
وكأني شايل هموم الدنيا كلها على راسي ..
امي تناظرني ومستغربه : وش فيك ؟؟ عسى منت تعبان ؟؟
ناظرت امي والله ودي اصيح بحضنها بس حاولت اني امسك نفسي : ايه يمه تعبان ..
خافت امي .. جت وجلست جنبي : وش فيك ياوليدي ؟؟ وش تحس فيه ؟؟
اقولها كذا بوجهها والا امهد لها ..
شكلي بأخبطها ولا علي : يمه !!!؟؟
امي وهي على نياتها : سم ...
مسكت يدها وانا اناظرها : فراس مات ..
امي انصدمت وقاعده تناظرني وهي فاتحه عيونها على وسعهن : وش تقول ؟؟ مات ؟؟
احمد : ايه ...
امي : كيف ؟؟؟ وشلون ؟؟ متى ؟؟ تكلم ...
احمد : اليوم .. يقولون مافيه شي ابد .. سبحان كذا مات ..
امي : ورنا وشلونها ؟؟؟
احمد : والله يمه انا ما أدري ..
ماتوقعت امي تكون قويه كذا ..
وتكون اقوى مني بعد ..
بكت شوي وتأثرت ..
مسكت السماعه تبي تكلم ام رنا ..
بس انا منعتها ..
لانه مو وقته الحين ..
الحمد لله هاذي امي وعديتها ..
خواتي كيفهن ..
اهم شي عندي بندر .. وشلون بقوله ؟؟





انتظروني في الجزء العاشر ...

عشان تعرفون وش راح تكون ردة فعل بندر ؟؟؟

بندر اللي تجرأ وسأل هو ولد والا بنت ؟؟؟..

بندر اللي لما درى انه ولد فرح وكأنه ولده ؟؟

بندر اللي علق على الولد وسماه ولي العهد ؟؟؟..

بندر اللي وعد رنا انه مايعلم وشو اللي ببطنها ؟؟

بندر اللي لو سموا الولد بأسمه راح يطلع مثل عمه مودب ومطيع ؟؟؟

بندر اللي ترجى رنا انها تسميه فراس ؟؟

الجزء العاشر


رنا

نمت بأحضان امي .. بعد ماتعبت وانا اصيح واشاهق ..
نمت نومة وحده بتموت خلاص ..
نومة وحدة كأنها بتودع حياتها ..
من جد كنت مرة مرة مرة تعبانه ..
فتحت عيوني بعد ساعات من نومي ..
ناظرت الساعه اللي بيدي ..
كانت الساعه 9 ونص في الليل ..
مسكت راسي بكل يديني وعصرته ولو بيدي كان فتته ..
راسي يعورني وبينفجر من الالم ..
كنت ناسيه كل شي .. ناسيه كل اللي صار ..
تخيلوا قمت اشوف ولدي بسريره او مع امي ..
ورب البيت كنت ناسيه انه مو موجود ..
اول ما ناظرت في السرير ..
تذكرت كل شي ..
تذكرت ان ولدي مو موجود ..
تذكرت قومتي بنص الليل ..
تذكرت صياحي كل الصباح ..
تذكرت دخلت امي وهي جايه من المستشفى ويدينها فاضيه ..
تذكرت دخلت اخواني وهم متأثرين هذا اذا ماكانوا صايحين ..
نزلت دموعي غصب عني ..
والله اني مابغيتها تنزل .. بس غصب وش اسوي ؟؟
رجعت للسرير وكملت صيااااااااااااااااااااااح وانا اشاهق .. لكن بصوت مكتوم .. ليش ما أدري ؟؟








احمد


ضربتها نومة الين الساعة 12 في الليل ..
بتقولون مجنون قولوا ...
بتقولون خبل قولوا ..
بس اهم شي اني ما أفكر .. او أتذكر أي شي من اللي صار اليوم ...
قمت على طول للحمام بدون أي تفكير او تذكر أي شي ..
تروشت على السريع ..
صليت الصلوات اللي فاتتني ..
لبست قميصي ونزلت ..
احس بجوووووووع ..
ان شاء الله خواتي قايمات .. عشان يسوون لي شي آكله ..
نزلت تحت ..
في الصالة ..
مرام بس .. كانت قاعده تحوس بجوالها
وانا اجلس : سلام ..
مرام من دون ماتناظرني : وعليكم السلام ..
احمد : فيه شي آكله ؟؟
برضوه ردت علي من دون ماتناظرني : وش تبي ؟؟
رديت عليها وانا المس بطني : أي شي .. بس بسرعه تراي ميت جوع ..
قامت وخلت الجوال على الكنبه اللي كانت جالسه فيها ..
قمت واخذت الجوال بشوف وش قاعده تحوس فيه ..
اول ماشغلت نور الجوال عشان اشوف ..
ثواني بس .. بعدين حطيت الجوال مكانه ورجعت مكاني ..
وانا احس اني مكتووووووووووووم .. ومتضايق .. وودي اشقق هدومي ..
حطيت ايدي على خدي وانا احاول ابعد صورة رنا عن بالي ..
قاعد احاول بشتى الطرق بس ماقدرت ..
فصرخت صرخه قويه وانا اقول : خلاص اطلعي من بالي .. خلاص مابي افكر فيك ..
طلعت مرام بسرعه من المطبخ ..
ولما شافتني جالس مكاني ولا تحركت ..
رجعت مرة ثانية للمطبخ ... وعيونها فيها الف سؤال وسؤال ..
دقايق جت ومعها صينيه حطتها قبالي :لا .. حطيها في الملحق ..
شالت الصينيه وطلعت من الصالة ..
اما انا قمت وغسلت ايديني ولحقتها ..








رنا

تعوذت من ابليس وقمت ..
صليت العصر والمغرب والعشاء ..
بعدين جلست اقرأ قرآن ..
دخل علي فواز .. يوم شافني اقرأ طلع ..
لما خلصت قاريه طلعت للصالة بشوف فواز اذا موجود او لا ..
خسارة مو موجود ..
ودي اتكلم مع احد .. ودي اسولف مع احد ..
ودي افضفض عن اللي بداخلي ..
تذكرت زمان اول ..
يوم كنت اطفش وابي احد اسولف معه .. كنت اروح لغرفة سارة ومرام ..
الله يرحم زمان اول ..
جلست في الصالة وانا افكر واهوجس ..
تذكرت بنتي ودي اشوفها ..
احس اني من زمان عنها ..
فتحت غرفة امي .. شفتها نايمه على الارض ..
ياقلبي عليها .. مسكينه .. لا أبو ولا أخو ..
اللي يصبر قلبي .. ويعيني عليك يا سدومه ..









احمد


جلست آكل وانا مالي نفس للأكل ..
قمت بشوف إذا سيارة بندر موجوده او لا ..
اووووووووووف ..
مو موجوده ..
الله يعيني عليه ..
وش ابقوله ذا الحين ؟؟
التفت ابدخل إلا اشوف نور سيارة جاييه ..
لا يكون بندر ..
دخلت وسكرت الباب بهدووووووووووء ..
رجعت للمجلس ..
جلست وانا اتنهد وافرك يديني ببعضها ..
متوتر حدي .. وما أبي اتواجه مع بندر ..
انتظرت بندر يدخل علي بالملحق .. مادخل ..
لايكون مو هو راعي السيارة ..
يمكن ..
قعدت اقلب في القنوات الين الساعه وحده ونص ..
اصلا عقلي مو معي ..
حتى قلبي مو معي ..
حسبي الله على من بلاني هالبلوة ..
غريبة وين بندر ؟؟
معقوله الى هالحزه مارجع ..
يمكن جى بس ماسمعت الباب ..
قمت بتأكد ..
سيارته مو موجوده .. الله يستر ..
رجعت مرة ثانية للمحلق ..
ماكملت خمس دقايق الا اسمع صوت الباب يتسكر ..
حسيته سكر على قلبي من الروعه اللي جتني ..
ياربي لطفك .. ياربي عونك .. يارب الصبر منك ...
دخل وهو شاق الحلق ويوسع ابتسامات ..
بندر : لا يكون خنتني ورحت مع امي تشوفون فروسي .. بسرعه اعترف ..
ناظرته للحظات بدون ما أرد عليه ..
جلس جنبي : حمّـــــــود .. وش فيك ؟؟ شكلك يقول توك صاحي .. عيونك مفقعه ..
رديت عليه وانا احس العبرة خانقتني : مافيني شي ؟؟
بندر : انزين رحتوا اليوم ؟؟
سويت نفسي غبي : لوين؟؟
بندر : تستهبل .. لفروسي .. يعني لوين ؟؟
احمد : ليش وين كنت فيه انت ؟؟
بندر : ابد .. بس اني طالع من الظهر بإستراحه مع اخوياي .. وتوي راجع .. قلت يمكن رحتوا لفراس ..
احمد : لا لاتخاف مارحنا ..
تنهد بندر وكأنه ارتاح ..
احمد : وش فيك ؟؟
بندر : زين انكم مارحتوا عشان نروح بكره جميع ..
قلت له وانا ضايق خلقي : وهو حلى كل يوم ناطين عندهم .. خلاص ماراح نروح .. تفشلنا قدام اهلها ..
بندر وهو يحط اصبعه على مخه : كيفك لاتروح انت .. نروح انا وامي مافيه مشكلة ..
هذا الحين وشلون افهمه ؟؟
احمد : امي قالت نفس كلامي .. ماراح تروح مرة ثانية ..
بندر وهو يغمز لي : اكيد انت لاعب بعقلها ... امي منين بتجيب هالكلام الا منك ..
احمد : بندر عن السخافه .... اسمعني بقولك شي .. بسسس
وسكت
بندر : بس ايش ؟؟
احمد : ابيك تكون قوي .. واقوى مني بعد ..
بندر : قول .. وش صاير ؟؟
احمد : اوعدني بندر ماتسوي صجه ولجه ..
بندر : انت قول بعدين انا اقرر ..
احمد : ادري وش اللي راح تقرره ؟؟ بس مابيك تسويه ..
بندر : وش ابسوي ؟؟ تكلم يالله عاد ..
احمد : ادري انك بتصيح ..
بندر وهو يضحك : هههههههههه اصيح .. هيه انت .. ترى ماني حرمه عشان اصيح .... يالله قول وبتشوفني اقوى منك .. بعدين ليش تقولي بتصيح ليش انت صايح قبلي ؟؟
احمد : لا ماصحت ..
بندر : خلاص اجل اكيد انا ماراح اصيح .. قول يالله وشو ؟؟
خبطتها بوجهه ولا علي منه : فراس مات !!!!
ابتسم لي ابتسامه كبيرة ماتوقعتها ..
بس شوي شوي كأنه بدى يستوعب اللي قلته ..
بالتدريج اختفت الابتسامه نهائياً ..
ومابقى غير علامات بوجهه غير مفهومه ..
ماقدرت افسرها ..
قعد يطالعني حوالي خمس دقايق .. وانا العبرة خانقتني وما أدري وش اقول ؟؟
خفت يصيح قدامي .. والله لو صاح لأصيح معه ..
لاني من الصبح وانا خانقها .. وابي افك هالصيحه عشان ارتاح ..
لما شفته طول وهو يناظرني .. تجرأت وصفقته كف على وجهه عشان يصحى ..
ولا كأني سويت شي ..
الى الآن مبلم ..
بصراحه خفت عليه ..
ليتني ماقلت له بهالليل ؟؟
الله يستر وش راح يصير له الحين .؟؟؟
لو صار له شي .. راح يكون كله مني ..
قام من عندي وطلع من الملحق ..
لحقته .. خفت انه يطلع برى ..
وانا مو ناقص اقعد ادوره بهالشوارع اشوف وين راح له ؟؟
اشوى يوم شفته دخل العمارة رجعت لملحقي وانا مخنووووووووووووووووق وتعبااااااااااااااااااااان حدي ..







رنا

لما حسيت انها تضايقت من تبويسي ..
غطيتها وطلعت من غرفة امي ..
مريت على غرفة فواز لقيت النور طافي ..
مريت على غرفة ناصر لقيت النور طافي ..
ياربي كيف اقضي هالليلة الحين ..
المشكلة ما اقدر ادق على احد هالحزه ..
جلست في الصالة ..
مابي اتذكر أي شي ابي بس انام .. والنوم مستحيل يجيني ..
مافيه الا اقوم ادقدق على راح يرد علي ..
وبشوف من قايم هالحزه ..
رحت لغرفتي ..
اول مادخلت سمعت الجوال يرن ..
بلحق عليه قبل لا ينقطع .. للأسف مالحقته ..
شفت شاشه الجوال ..
5 مكالمات لم يرد عليها ..
فتحتها ابي اشوف من هو اللي يدقدق هالحزه ..
طيرت عيوني !!!
وش يبي ذا هالجزه ؟؟
الله يستر ..
مابعد كملت تساؤلاتي .. الا دق الجوال ..
بندر يتصل بك ..
ترددت ارد او لا ..
في الاخير رديت عليه بصوت طبيعي جدا ولا كأن صار شي : هلا ..
بندر وصوته جدا طبيعي : السلام عليكم
رنا : وعليكم السلام .. هلا بندر ..
بندر : هلا فيك .. وشلونك ؟؟
رنا : الحمد لله انت وشلونك ؟؟
بندر وبدى صوته يتغير : انا الحين مو مهم اهم شي انتي ...
حسيت فيه شي غير طبيعي : بندر انت فيك شي ؟؟
ساكت ولا رد علي ..
خفت لايكون اللي في بالي صحيح ..
سألته وانا خايفه من رده : بندر وش فيك فهالوقت المتأخر ؟؟
بندر وباين انها خانقته العبره : رنا !!!
رديت وانا خااااااااااااااااايفه من اللي يبي يقوله بس قويت نفسي وتكلمت بثقه : هلا بندر .. تكلم وش فيك ؟؟
اداري مشاعره تقل هو اللي مات ولده مو انا ..
تكلم بكلام متقطع بس فهمته : فــ ر ا سسسس ووويــــ نــــ ههه
حاولت اكتم صيحتي ماقدرت ..
فشهقت شهقه خلت بندر يشهق نفسها او اقوى منها بعد ..
نزلت دموعي بهدوء على خدودي ..
اما بندر سمعت منه صوت انين خاااااااافت ..
كلمته بصوت مبحوح : بندر .. تسمعني .. انت على الخط ؟؟..
ولا كأني اكلم احد ..
بس قاعده اسمع صوت صياح وكلما له يزيد ..
لما سمعته دخل في نوبة بكاء وبصوت مسموع بعد ..
خفت عليه وكلمته بصوت عالي : بندر ... بندر اذا كنت تسمعني رد علي .. بندر لا تخوفني عليك ..
انقطع الاتصال واكيد بندر هو اللي قطعه ..
نسيت نفسي ونسيت ولدي اللي مات ..
كل تفكيري ببندر .. الله يسترعليه ..
لايكون برى البيت وهو يكلمني ..
ياربي الحين وش اسوي ؟؟
مانقصني الا انت يابندر ..
ما اقول الا الله يصلحك ويهديك ..
دقيت عليه ودقيت لكنه مايرد ..
جلست افكر وشلون اتطمن عليه ..؟؟








احمد

انسدحت في الملحق وغمضت عيوني ..
ورحت بعيد .. بعيد مره .. ابعد مما تتخيلون ..
تتوقعون رحت لوين ؟؟
ابقولكم بس البدايه بس رجاءا لا تطلبون مني اكمل للنهاية ..
لاني مستحيل اكملها ..
تذكرت قبل ايام من وفاة مشعل ..
كيف كان مريض زي أي مريض عادي ..
حرارة ورشح وزكام ..
كلنا نمرض ..
بس ابد ماتوقعنا انه يموت من هالمرض ..
كان يسولف علي سوالف كنت ذاك الوقت اعتبرها غبيه ..
لكن الحين عرفت انها كانت في محلها ..
وكأنه داري انه بيموت ... او على الأقل حس ان الموت قريب ..
حسيت احد دخل الملحق ..
فتحت عيوني ..
مرام تمد لي الجوال : ساعه وهو يدق ولا أحد لمه ..
اخذت الجوال منها وانا الى الآن منسدح ..
سألتها : من هو ؟؟
مرام : مدري ماشفت من اللي داق ؟؟
اول ماشفت المتصل فزيت وجلست على حيلي ..
ماصدقت !!
معقوله !!
مرام وهي الى الآن واقفه : وش فيك ؟؟ من هو المتصل عشان تفز هالفزه ذي ؟؟
احمد : اطلعي .. اطلعي ..
مرام : الحمد لله والشكر ..
وطلعت ..
قعدت افكر اتصل وألا انتظر ..
صبرت خمس دقايق بس مادق ..
ماتحملت .. ودي ادق .. اصابعي تحرقني ..
توكلت على الله ودقيت ..
انتظرت وانتظرت وانتظرت ..
ووو








ووو








وجاني صوتها ثقيل وتعبان : هلا أحمد ..
تحمست وانا اتكلم : هلا فيك ..
رنا : احمد .. بندر موجود بالبيت ..؟؟؟
تضايقت لما سألت عن بندر ..
يعني هي مادورتني .. داقه تدور بندر ؟؟
ليش مادقت علي جواله ؟؟
احمد : الا موجود .. بغيتي شي منه ؟؟
رنا وهي بسرعه تكلم : تكفى احمد .. رح شوفه هو حي والا ميت .. تو دق علي وهو يصيح .. وانا خايفه عليه لاني ادق ولا يرد علي .. بسرعه احمد رح شف ..
طيرت عيوني من كلامها .. بندر دق عليها ويصيح مو معقول ..
قمت بسرعه ورقيت على طول فوق لغرفته ..
ورنا الى الآن على الجوال ..
فتحت الباب .. شفت بندر منسدح على السرير ومغمض عيونه ..
فتح عيونه وقعد يناظرني .. بعدين لف على جهة اليمين : اطلع وسكر الباب ..
ماحبيت اتكلم او اقول أي شي ..
طلعت وسكرت الباب مثل ماقالي ..
رجعت لرنا اللي كانت تنتظر على الجوال : هلا رنا .. تطمني مافيه شي .. دخلت عليه لقيته منسدح وشكله بينام ..









رنا


حسيته وهو يكلمني انه ضايق خلقه ..
فحبيت اساوي بينهم .. مثل ماسألت عن بندر بسأل عنه ؟؟
اكيد حزت في خاطره اني دقيت اسأل عن بندر .. ولا سألت عنه .. والمشكله جواله بعد ..
تجرأت ولأول مرة : وشلونك أحمد ؟؟ بشرني عنك ؟؟
حسيت اللهفه بكلامه : بخير جعلك بخير .. كنت بدق عليك بسسسس ..
رنا : بس أيش ؟؟؟
احمد : خفت انك في حالة ماتسمح انك تكلمين او تردين على احد ..
على بالي مسويه قويه واعرف بالاصول : مهما كان يا أحمد .. انتم اهلي واللي يضرني يضركم واللي يضركم يضرني .. برد عليكم ولو اني على فراش الموت ..
احس ان راسه كبر زياده عن اللزوم ..
اقسم بالله اني قلت هالكلام من الطفش اللي فيني .. وما صدقت احد يتكلم بس ماتوقعت اني احمد هو اللي يكون من ضمن الاشخاص المرغوبين في اني اتكلم معهم ..
احمد : من يوم يومك وانتي اصيلة وراعية واجب .. ماهو غريب يارنا ..
رنا : تسلم ..
ماحبيت اطيح الميانه مرة وحده : تأمرني شي ..
احمد : سلامتك .. وانتبهي على نفسك وعلى سديم ...
رنا : ان شاء الله .. مع السلامة
احمد : مع السلامه
سكرت وانا اتنهد ..
وراي وراي مافيه فكه ..








احمد

سكرت منها وانا شاق الحلق ..
آآآآآآآآآآآآآآآآآآآآآههههههههه
واخيرا حنيتي علينا يارنا ..
واخيرا عجبناك ..
قعدت ادور في الصالة الفوقية وانا فرحان وناسي كل شي حزين ..
شفت نور غرفة البنات مولع ..
دقيت الباب ودخلت ..
سارة نايمه اما مرام معها الجوال وقاعده(تحورف ) فيه .. يعني تشتغل فيه ..
رحت للتسريحه وقعدت أناظر وجهي ..
مستانس .. فرحان ياناس .. فرحان ..
ويحق لي والله ..
من الوناسه ..
سحبت الجوال من يد مرام ..
كذا بس فضاوة زائد شقاوة ..
صرخت مرام بدلع : جيب الجوااااااااال ..
طلعت لها لساني : لااااااااااااااااااااااااااااااااااااااااااااااااا اااااااا..
ماحبيت اشوف وش قاعد تزين الا لين أسألها : بشوف وش قاعده تسوين ؟؟
مرام قامت بتآخذه مني : لا لاتشوف .. انا اقولك بس هاته ..
احمد : يالله قولي اول شي بعدين اعطيكي اياه ..
مرام وهي تمد يدها : قاعده اسوي عرض لصور فراس أبرسلها لرنا ..
على طول شفت الجوال .. فعلا نفس كلامها ..
هذا العرض نفس اللي شفته اليوم العصر ..
اذا كنتوا تذكرون ..
مديت لها الجوال وانا اقول : لاتتعبين نفسك ..
مرام وهي تآخذ الجوال : مو شغلك التعب علي انا مو عليك ..
رحمتها .. الحين لو بقولها انه ميت .. وش راح تسوي ؟؟
احمد : مرام ..
ردت علي وهي تناظر الجوال : نعم ..
احمد : ناظريني طيب ..
رفعت راسها بعصبيه : وش تبي ؟؟ انت اليوم اصلا شكلك مو طبيعي من يوم شفتك قايم لي الساعه 12 وانا غاسله يدي بصابون ..
وقفت عند الباب بقولها وانحاش .. لاني مالي خلق وجع راس : انزين اسمعيني بس انتبهي ..
مرام : قول .. والله انت ماعندك الا الدجه ..
بتعرفين الحين وش هي دجتي ؟؟
احمد : فراس تعب عليهم البارح ويوم ووده المستشفى لقوه ميت .. يعني فراس انسيه .. مافيه .. بح ..
طلعت وسكرت الباب وراي حتى من دون ما أشوف ردت فعلها ..
رحت لغرفة بندر .. فتحت عليه الباب ..
لقيته نايم ..
طفيت النور وسكرت الباب ..
رحت لغرفتي توضيت وغيرت قميصي ...
ونزلت بالصالة انتظر آذان الفجر ..
وبكذا انتهيت من اخواني كلهم .. بتقولون بقى سعود ..
لاتخافون قالت له امي ..
يوم رقيت الظهر انام ..











بعد شهر من كل هالاحداث ....


رنا


الحياة عندي تساوت ..
الاحد زي الاربعاء ..
الخميس صار زي الاثنين ..
صارت عندي الحياة مملة خصوصا عند اهلي ..
مافيه بالبيت الا انا وامي واخواني الاثنين .. ناصر وفواز ..بس ..
لا .. نسيت سدومه ..
يعني امي حرمة كبيرة ماراح تقابلني اربع وعشرين ..
انا احب اسهر .. وامي تحب تنام في الليل ..
وش ازين في الليل لحالي بالله عليكم ...
قمة الطفش ..
في الاخير قرت اكمل دراستي ..
انا بس درست اولى ثانوي .. بعدها فصلت .. كرهت شي اسمه دراسه ..
مو عين .. بس كذا ماحبيتها ..
بس الحين قررت اكمل .. وش راح يضرني ؟؟؟ الا بشغل نفسي لايقضي علي الملل ..
شاورت امي في الموضوع ..
رحبت امي بهالفكرة واستانست كثير ..
بعدين قلتها لأخواني .. حتى هم فرحوا لما دروا ..
الدراسة راح تبدأ بعد شهرين ..
الله يعيني ويصبرني .. الين تبدأ الدراسه ..









احمد ..

حايس حوسه غير طبيعيه ..
حنا الحين في إجازة ..
واهلي يبون يسافرون .. وانا مالي خلق سفر وروحات وجيات ..
بس امي طلبتني .. ومااقدر اردها ..
المشكلة ماعندي اجازة في العطله ..
اجازتي تبدا مع بداية الدراسه ..
كل اخوياي خذوا بالعطلة ..
اما انا فضلتها مع بداية المدارس ..
بس للأسف مادريت عن اهلي عندهم نية سفر ..
احمد : يمه والله ما أقدر .. كلمت رئيسي رفض ..
امي : بس ياوليدي خواتك طفشانات .. من عقب حمل رنا الين ولدت .. وهن ماطلعن ولا راحن ولا شي ..
احمد : طيب يايمه انا وش اسوي الحين .. يعني اطلع اجازة غصب عشان يفصلوني ..
تكلمت امي واحس ان الدنيا صاكه وجهها : خلاص لاتنفصل ولا شي .. بكلم اخوك سعود ..
ميلت فمي .. اكيد الحين امي زعلت ..
خطرت لي فكره بس على الله امي توافق ..
احمد : يمه ليش مايوديكم بندر .. بندر كبير ويعتمد عليه .. يعني ماراح تضيعون معه ..
امي وشكلها ماعجبها الكلام : مالقيت الا بندر .. خله بس يسنعنا هنا .. تبيه بعد يسافر بنا .. لا والله ماعلي عازه يقعد يمشينا على هواه ومايخلينا براحتنا ..
فشلت خطتي يعني مابقى الا سعود وان شاء الله يوافق ..









رنا


قررنا نخطب لناصر ..
واخيرا بيدخل فرح ببيتنا من عقب اللي صار لي ..
بدت امي بالمكالمات وبالأتصالات وبالسؤال عن بنت تناسب ناصر ..
لان ناصر انسان هادي ومعاملته هاديه واسلوبه بعد هادي ..
عمره ما انفعل او صرخ على احد ..
حتى يوم يضيق صدره مايبان عليه ..
ولو تلاحظون ماجبت سيرته ابد لان مافيه شي اقوله عنه ..
عشان كذا قلت لامي دوري له وحده نص لفه .. يعني مخروشه فيه شوية هبال على ثقل .. بس ماتكون خفيفه .. عشان مايجيبون ولد على الصامت ..
لازم يكون خليطي ..
بعد اسبوع من التدوير والتمحيص لقينااااااااااااااااااااها ..
اللي دلتنا عليها تقول انها توها متخرجه من الكليه قسم تاريخ ..
طويله والبياض وسط وسمينه شوي .. وشعرها اسود وقصير الى نهاية رقبتها ...
كل هذا مو مشكلة اهم شي انها طويله ..
لان نصور شرطه الوحيد انها تكون طويلة تناسب لطوله ..
المهم دقت عليهم امي وكلمت ام البنت وقالت لها ان ندور لولدي وناس دلونا عليكم .. نبيكم تحددون لنا يوم عشان نجي نشوف البنت .. والله يكتب اللي فيه خير ..
قالت لها ام البنت : حياكم الله بأي وقت .. ويوم الثلاثاء شرفونا والله يكتب الصالح لنا ولكم ..









احمد

الحمد لله ان سعود مآخذ اجازة والا كان من جد توهقت ..
لان امي راح تزعل علي ..
واعرف امي زعلهاااااااااااااااا شيييييييييييييييييييييين ..
واذكروا هالكلمة (امي زعلها جدا جدا جدا شيييييييييييييييييييين )
بس الوهقه الصدقيه لما طلبتني امي قبل لايسافرون بيوم ..
تتوقعون وش تبي فيني ؟؟؟
انا ادري !!
واكيد انتم بعد تعرفون ؟؟
دخلت عليها غرفتها وجلست على السرير : سمي يمه .. قالوا لي البنات انك تبيني ..
جلست امي جنبي : ايه ياوليدي .. دريت اننا بكره بنسافرمع سعود ؟؟
احمد : ايه قالي سعود يوم كلمته البارح .. تروحون وترجعون بالسلامه ..
امي : انزين ماسألتني وش ابي فيك ؟؟
على بالي اتغيبى : اكيد عشان تقولين لي بسافر بكره .. صح ؟؟!!
امي حطت يدها على كتفي : انا ادري انك داري وقاعد تستهبل علي ..
كشفتني امي ..
ضحكت وانا مفتشل : هههههههههههههه يمه صدقيني مدري ..
امي : ليش ضحكت اجل ..
احمد : يالله يمه قولي ..
امي : ابيك تفكر بالعرس ..
بوزت : يمـــــــــــــــــــــــــــه ..
امي : وشو يمه ؟؟ مو انت قلت لي اذا ولدت رنا .. هذاها ولدت وطلعت من الاربعين والحين لها اكثر الشهر .. وش تبي بعد ؟؟؟
وعشان افتك من اصرار امي : خلاص خليني افكر ..
امي : وانا وشوله مناديتك .. ابيك تفكر الين نرجع عشان اذا جيت ابدور لك ..
تسويها امي ..
فتداركت الموضوع : يمه انا اللي بدور لي .. لا تتعبين نفسك ..
امي : يعني فيه وحده معينه تبيها ؟؟؟
كنك تقرين افكاري يايمه ..
ايه في وحده ببالي بس ادري مستحيل توافقين ..
احمد : واذا كانت فيه .. بتوافقين عليها ..
امي : وليش ما أوافق اذا كنت تبيها ..
ضحكت بنفسي .. احلم ياأحمد ان امي توافق على رنا ..
خلك ساكت ازين لك لاتفشل عمرك ..
حبيت انهي الموضوع لانه لو طول .. بتجرأ واكلمها عن رنا
احمد : خلاص يمه مايصير خاطرك الا طيب ..
امي : الله يوفقك ويسعدك ..
احمد : آمين .. هاه يمه ناقصك شي .. تبين شي ..
امي : لا ياوليدي الحمد لله .. الله يغنيك ويكثر خيرك ..
قمت وحبيت راسها : تروحون وترجعون بالسلامه ..
امي : الله يسلمك
طلعت من عندها وانا اقول بنفسي : رددي يايمه يالليل ما اطولك ..














رنا


اليوم الثلاثاء ..
اليوم راح نشوف البنت اللي راح نخطبها لناصر ..
طبعا ماقلنا لناصر أي شي ..
يمكن ماتعجبنا ويتفركش كل شي ..
ليش نقوله وبعدين نبلشه بالتفكير ..
قررنا انا وامي اننا نسكت على الموضوع .. وكأننا رايحين نزور ناس ..
لبست لبس جدا جدا جدا عادي ..
تنورة سوادء الى الكعب لاهي طويلة ولا قصيرة .. معها بلوزة كم طويل لونها فيراني ساده من دون أي موديل ..
حطيت ملمع وحطيت خط واحد من الكحل على كل عين ..
وبس لبست جزماتي السود اللي كعبهن قصير وبالكاد يحكي او يشاف ..
ربطت شعري ذيل .. كان طويل .. الى نهاية ظهري ..
اهملته في فترة حملي ولا قصيته عشان كذا طايل ومتقصف ..
مو مشكله اذا تزوج ناصر بقصه ..
لبست عباتي وطلعت انتظر امي تطلع من غرفتها ..
بتسألون عن سديم ..
سديم الله يسلمكم مراح تروح معنا بنخليها بالسيارة مع فواز ..
كان مره بيتهم بعيد ..
نص ساعه وحنا بالسيارة .. مليييييييييييييييييييت وطقت كبدي من الشمس اللي على عيوني زيادة على كذا حرررررررر .. من زين فواز وتكييفه ..
على باله كلما قلت له زد للبروده للمكيف اللي عندي ..
يقولي : هذا تكييف مركزي ياغبيه يعني برودته وحده ..
رنا : مالت عليك انت ومركزك ..
اخيرا وصلنا .. حشى لو اننا مسافرين كان وصلنا قبل ..
امي وهي تنزل : قبل لا ياذن المغرب القاك واقف عن الباب .. انزين
فواز : ابشري ..
نزلت وكلمته من ورى الدريشه : فوازوه لاتجوع بنتي اشتر لها شي تآكله .. وانتبه لها ..
فواز وهو يتريق علي : ان شاء الله .. اوامر ثانية عمتي ..
رنا : هههههههه لا .. وزي ماقالت ماما .. مافيه تأخير .. مغرب انتا موجود هنا ..
دخلنا عليهم .. وبعدما ضيفونا ..
امي : انا يقالي ام عبدالرحمن .. متزوج ومعه بنيتين وثلاث عيال ..
ام البنت : ماشاء الله تبارك الرحمن .. الله يخليهم له ..
امي : آمين .. وبعده هالناصر اللي ندور له نبي نزوجه وجعل بنيتكم من نصيبنا ..
ام البنت : الله يوفق ..
امي : آمين .. وعقب هالناصر فواز الله يصلحه ويهديه هو اللي جايبنا .. وعقبه رنا .. قعدتي .. آخر العنقود .. ارمله ومعها بنيه ..
ام البنت : الله يرحمه ويرحم اموات المسلمين .. ويخليهم لك ولايحرمك منهم .. ابوكم حي ؟؟
امي : ايه حي ..
غريبه امي ماعلقت على ابوي ..
بعدين بقولكم ابوي وش سالفته ؟؟؟ اذا جى وقته ان شاء الله .. بس ذكروني ..
جابوا القهوة وقعدنا نتقهوى ..
عرفت ام البنت على نفسها .. وتكلمت عن عيالها المتزوج واللي مخلف واللي مابعد اعرس .. بس ابد ماجابت طاري البنات .. ليش مدري ؟؟ حتى اللي جايين نشوفها ماقالت فيها شي ..
سألتها انا : وش اسم بنتك اللي توها متخرجه ؟؟
ام عبدالعزيز : تجي الحين وتقولك وش اسمها ؟؟
استغربت من طريقتها ..
وشوله هالمشاوير .. قولي وش اسمها وبس ؟؟
يعني لازم اللف والدوران .. بدينا من الحين بالتنحوق ..
الله يعين ..












احمد


البيت مررررره فاضي وممل وكئيب ..
مافيه الا انا وبندر ..
ومستحيل نتقابل .. يا انا ياهو ؟؟
انا نايم هو صاحي ..
انا صاحي هو نايم ..
انا بالبيت هو برى ..
انا برى هو بالبيت ..
من سافروا اهلي ماشفته .. بس اسمع صوته ..
اليوم لما جيت من الدوام مانمت ..
انتظرت بندر يجي لانه ماكان بالبيت ..
لما دقيت عليه قال بعيد ..
وانا فيني نوم وماني فاضي انتظره ..
فرحت ونمت الين نص العصر ..
لما قمت ونزلت تحت لقيته في الصالة يكلم بالثابت ..
بندر لما شافني : اوكي اكلمك بعدين ..
وسكر السماعه ..
جلست وانا مانزلت عيني عليه ..
بندر : خير وش فيك تناظر لايكون معجب وانا مدري ؟؟
احمد : لاوالله ماني معجب .. بس قاعد احاول احفظ وجهك لاني نسيته .. تصدق عاد ؟؟
بندر وشكله مو رايق : هه هه هه ضحكتني .. عندك نكته ثانيه غيرها ..
احمد : لا .. انت قل نكته يمكن تصير احلى من نكتتي ..
بندر : ماعندي نكت .. اسمع .. ترى اليوم بروح اشوف سدومه .. كم لي ماشفتها فوق الشهر ..
حكيت شعري وانا افكر .. صادق بندر من مات فراس يمكن مازرناها الا مرة او مرتين بس ..
احمد : طيب والمطلوب مني ؟؟
بندر : مافيها مطلوب .. بس اقولك اذا بتجي معي او لا ..
تكلمت وانا قلبي يرقع من الوناسه : الا اكيد بجي .. بس انت متى ناوي تروح ؟؟
بندر : عقب العشاء ..
احمد : خلاص انا معك ..







رنا


خلصنا متقوهين والبنت الى الآن مابعد جت ..
خلاص مابقى على آذان المغرب إلا نص ..
وامي قايله لفواز يجي قبل المغرب ..
متى بنشوفها متى بنتمقل فيها ..
والا شكلها مراح تجي ..
تسويها امها ... دام كلامها كذا ما استبعد انها تسويها ..
وانا اكلم نفسي .. مادريت الا اللي دخل علينا ومعه صينيه ..
رفعت راسي ..
واخييييييييييييييييييييرا شرفت حضرتها ..
نزلت الصينينه قدام امها .. وسلمت على امي وحبت راسها ..
وقفت لها وسلمت عليها ..
اول مامسكت يدها مادوي اطلقها ..
يدها نااااااااااااااااعمه وبيضاء ماشاء الله تبارك الله
والله الحرمه ذيك ماتعرف توصف ..
كل اوصافها غلط في غلط .. او يمكن انها ماشافت البنت من زمان ..
اول شي بيضاء .. ومو سمينه زي ماقالت .. بالعكس روعه جسمها ..
ثاني شي شعرها طويل مو قصير .. صحيح شعرها اسود بس يلمع ...
صح طويلة مثل ماقالت ..
صبت امها شاهي وقدمته الام بنفسها ..
اما البنت قعدت تطالعنا انا وامي .. صدق بنت فاصخه الحياء ..
تكلمت البنت بكل دلع : اسمي سحر ويدلعوني سحوره .. توي متخرجه من الجامعه قسم تاريخ .. عمري 21 سنه .. وزي ماتشوفون حلوة ودلوعه ومافيه احد قدي .. واذا عندكم أي سؤال تبي تسألوني اياه انا حاضر ..
امووووووووووووووووت على الدلع ..
امووووووووووووووت على الثقه اللي اتوقع انها في محلها ..
والله لو انا هي .. لاسوي سواتها واكثر بعد ..
دق فواز على جوالي حطيته صامت ..
مو وقت الحين يافوااااااز ..
مابعد شبعت من المناظر ..
عاد تصدقون ماحطت ولا شي بوجهها ..
حتى الملمع ماحطت ..
لو امها زينه قلنا ميخالف البنت طالعه على امها ..
بس ابد مافيه وجه مقارنه .. كأنها مو بنتها
سبحان اللي خلقها ..
دق فواز مرة ثانيه ..
ناظرتني امي بنظرة يعني ردي على اخوك
رديت وانا الى الآن مركزه عليها ..: هلا فواز
فواز : يالله اطلعوا انا عند الباب
رنا : يالله خمس دقايق ونطلع
ناظرتني امي وهي معصبه : اخوك عند الباب ..
رديت عليها بكل براءة وعفوية مادريت عن خطة امي الجهنمية : ايه برى
امي : يالله قولي له طلعنا
ميلت فمي بس على طول عدلته وابتسمت الحين يحسبوني مشفوحه : ان شاء الله
سكرت من فواز وقمت البس عباتي ..
ام عبدالعزيز : وراكم عجليين صلوا المغرب عندنا ..
امي : ان الله كتب نصيب .. بنزوكم ثانية وثالثة ورابعه بعد لين تملون ..
ودعتهم امي وانا عارف انها الوداعية الاخيرة ..
لانها ماتحب الاشكال اللي كذا مياعه ودلع ..









احمد

احمد : دقيت عليها ؟؟
بندر : لا
طيرت عيوني له : خير .. بتروح كذا لا احم ولا دستور ...
بندر : عادي وحنا غريبين عشان نعطيها خبر .. اصلا متى ماجينا نشرف ..
احمد : مشكلة الثقه الزايده عن حدها ..
بندر : يحق لي .. اصلا رنا تعزني ومعزة خاصه بعد .. وتعتبرني مثل اخوها بالضبط ..
ادري انه يقول هالكلام عشان يحرني .. بس ميخالف .. خلاص ماعاد يأثر فيني الكلام اللي زي كذا ..
لان امي متحلفه فيني اذا جت .. بتزوجني يعني بتزوجني ..
بندر : احمد وقف عند محل العاب
احمد : ليش ؟؟
بندر : صدق ماعندك ذوق .. بنت اخوك من زمان ماشفتها .. وبتدخل عليها ويدك فاضيه ..
احمد : الحين انت صرت اللي تعرف بالذوق .. من متى ان شاء الله تسنعت وصرت رجال؟؟
بندر : انا اصلا رجال غصب عليك ..
احمد : الرجال هو اللي يطيع اهلها ويجيب حاجاتهم .. مو اذا جت جاحه ناس ثانين جى الذوق ..
سكت بندر عقب كلمتي ..
شكله حس انه غلطان بحق امي وخواتي ... وماعنده رد يقوله الا انه يسكت ..
وقفت عند محل العاب مثل ماطلب ..
نزلنا انا وياه .. لاني باشتري لعبة لسدومه ..
شريت لها سيكل صغير ..
اما بندر ماش ماعجبه شي ..
احمد : ماني موديك لغيره .. اشتر من هنا وبس .. زين شين ماعلي منك ...
ناظرني نظرات استحقار ومشى وخلاني ..
اما انا حاسبت وطلعت ..
انتظرته فوق الربع ساعه .. بعدين جاني ..
فتح الباب اللي ورى .. حط كرتون .. بعدين جى ركب قدام ..
احمد : هاه وش شريت ؟؟
بندر : مالك دخل ..
ميلت فمي وانا اقول : جعل سديم تقول مابيها .. رجعها ياعمو بندر ..
بندر ويبي يحرني : الله يسمع منك .. عشان ارجع هديتي وهديتك سوى ..
ابتسمت على خفيف وكملت طريقي ..



نهاية الجزء العاشر ..

الجزء الحادي عشر ..

رنا ..
امي : قلت لا يعني لا ..
رنا : انزين ليش ؟؟ فهميني ..
امي : بالله عليك هاذي بنت .. جايه تميع عندنا ..
رنا : يمه كذا البنات .. اجل تبينها عربجيه ..
امي : وانتي وراك منتي بزيها ..
طيرت عيوني على امي .. وش قصدها ؟؟
امي : ايه وراك تناظريني كذا .. ليش ماتتميعين زيها ؟؟
رنا : ماما .. كيف اتميع زيها .. انا ما اعرف .. اصلا مايناسبني التميع .. والدلع ..
امي : وليش مايناسب لك لا يكون رجال وانا مدري ..
رنا : هههههههه .. لا ياماما .. بس سبحان الله الدلع رباني .. مو الواحد يتصنعه ..
امي : الحين وش انتي تبين مني ؟؟
رنا : ابيك تشيلين يدك من هالموضوع .. وانا اللي بدبره مع ناصر ..
صرخت امي : لاااااا .. والف لا .. البنت هاذي ماياخذها .. انا ابي وحده سنعه مو وحده سايحه تقل زبده ..
تأففت وانا ادري امي راسها عنيد : يعني ..
امي : يعني شيليها من بالك .. وروحي عن وجهي خليني اكمل العشاء ..
طلعت من المطبخ .. وانا متضايقه ..
والله عاجبتني وداخله مزاجي .. ليش امي ترفض .. مدري ؟؟
قهر والله قهر ..
رحت ادور سدومه في الغرف مالقيتها ..
رنا : سدومه .. سدومه .. وينك ماما .. سديـــــــــــــم .. سدووووووووووم .. وينك حبيبتي ..
البنت مالها اثر .. اوف وين راحت ذا البنت ...
طلعت فالحوش يمكن القاها ..
لايوجد احد ..
دخلت على امي في المطبخ : مامي مالقيتها .. تتوقعين وين راحت ؟؟
امي : مدري .. شوفي لايكون باب الشارع مفتوح وطلعت ..
اول ماقالت امي شارع .. وانا اركض لباب الشارع ..
اول ماوصلت لقيته مسكر .. اشوى يعني ماطلعت .. اجل وين راحت ؟؟
الله يصلحها البنت ماادري وين تختفي ؟؟
سمعت اصوات برى كأنه صوت فواز .. او كان يتهيأ لي ..
فتحت الباب بشويش .. لان لو شافني فواز اناظر في الشارع يذبحني .. كل شي عنده ولا هالحركه ..
ناظرت يمين يسار .. الا اشوف فواز ومعه سدومه وشكل سدومه معها كيس .. اكيد الاخت متقضيه من البقالة ..
امداها تروح .. لا وبعد تروح وماتقولي .. هين ياسدومه اما ادبتك ..
سكرت الباب وجلست على دكه الخيمه بحيث اشوف اللي يدخل لكني ماانشاف ..
جلست اهوجس وافكر .. وشلون اقنع امي بسحوره على قولتها ..


احمد

لما وقفنا عند باب البيت .. شفنا سدوم مع فواز ..
نزلت قبل بندر وعلى طول لسدومه .. فتحت لها حضني وانا اقول : من حبيبة عمها ؟؟ بسرعه .. بسرعه ..
جت سدومه تركض لي .. ضميتها بأقوى ماعندي وجلست ادور فيها .. ادور وادور الين دخت ..
فكيتها من حضني وقعدت ابوس فيها واعض خدودها الين ماقامت تصارخ ..
سدومه : آآآآآآآآآآآآآآآآآآآآآآآآآي ..
سحبها مني بندر : خلاص قطعت البنت .. عرفنا انك تحب البنت بس مو تذبحها كذا ..
حضنها وراح وخلاني .. اما انا قربت من عند فواز وسلمت عليه ..
احمد : وش اخبارك ؟؟
فواز : الحمد لله بخير .. انت وش اخبارك وش اخبار الاهل ؟؟
احمد : كلنا بخير ونعمه .. الله يسلمك ..
فواز : لاتقول انك مستعجل .. لازم تقلد تقهوى ..
احمد : مااردك ..
فواز : حياك حياك تفضل ..
فتح باب الشارع وشرّع الباب : ادخل ادخل حياك ..
دخل قبلي وقال : بروح اجيب القهوة ادخل في الخيمه ..
شوي شوي الين اختفى عن نظري ..
واقف عن الباب .. خايف .. ماعندي الجرأة اني ادخل ..
التفت بشوف وين بندر ؟؟ ماشفت له اثر ..
سميت بالرحمن ودخلت ..
وقفت في نص الحوش .. وجلست اقلب فعيوني المكان .. حسيت برعشه .. حسيت انه فيه شي بيصير .. وش هو ؟؟ ماادري ..
مااسعفني الوقت افكر .. لاني عرفته ..

رنا

لما انفتح الباب ودخل فواز وهو يقول : ادخل ادخل ..
بغيت اقوم من مكاني وادخل داخل البيت .. بس كان عندي فضول اشوف من هو اللي جاي ؟؟
واللي خلاني اقعد اكثر ان مكاني ماينتبه له احد ..
بس لما شفته انتفضت من داخلي .. مدري ليش حسيت ببرودة في عظامي .. حسيت قلبي بيوقف من النبض .. حسيت بألم .. لاتسألون ليش الألم ؟؟
من زمان ماشافته عيني .. من زمان ماسمعت صوته ..
اول مادخل صار يتلفت كأنه يدور على شي ..
بس ....


احمد

شفتها بس ماكانت واضحه ..
شفتها وارتجف قلبي .. دموعي تجمعت بعيوني .. حسيت بألم في داخلي .. حسيت اني ضعيف قدامها .. ومااقدر اقاوم شوفتها ..
باين عليها كانت منتبه لي .. والدليل جمودها في مكانها ..
ماكان عندي الا عيوني .. هي الوحيده اللي قدرت تتكلم لكن بدون صوت ..
ركزت عيوني عليها ابي اشبع من شوفتها .. تمنيت انها تبقى عشان اناظرها الين امل ..
لكن ابد ماكانت تعطيني فرصه ..
قامت وعطتني ظهرها وابعدت الين ما اختفت ..
خسارة ليش دايم لحظاتي الحلوة قصيرة ..
ليش كلما احاول اني اكون سعيد تتبدل السعادة الى ألم ..
فقت من اللي انا فيه .. وتوجهت للخيمه فتحت الانوار والتكييف وجلست .. وانا الوم نفسي مليون مرة واقول ليتني ماجيت ..

رنا
يالله على هالاحمد .. لايكون يحبني ..
معقوله يارنا احمد يحبك ..
لا لا تكوني واثقه لهدرجه .. بس ..
بس ايش يارنا ؟؟
الا احمد يحبك ..
طيب واذا يحبني .. يعني يبي يتزوجني ..
ضحكت بأعلى صوتي وانا قاعده اصف الفناجيل في الصينيه : ههههههههههههههههههههههههه ..
امي : بسم الله وش بك تضحكين ؟؟
ناظرت امي وودي اسألها .. لو واحد يحب زوجه اخوه عادي يتزوجها .. بس خفت امي تفهم الموضوع ..
خليني ساكته ازين لي .. لاتجيني هوشه من تحت هالسالفه : لا سلامتك مافيني شي ..
امي : انزين حطي التمر وشيليها لاخوك ..
رنا : ان شاء الله ..
زبطت كل شي وشلت الصينيه .. وقفت عند الباب الحديدي للفلة ..حطيت الصينيه في الارض وقبل لا ادق الباب ..
انفتح باب الشارع ودخلت سدومه وهي محموله على يد ..
يد من هاذي ؟؟
ماشفته وجهه لانه كان يناظر لبرى ..
لكنه لما سكر الباب والتفت .. كان وجهه لجهة الباب اللي انا واقفه عنده ..
بدون شعور مني صرخت : بـــــــــــــــنــــــــــدر .. وااااااااااو ..
انتبه لي بندر .. وطير عيونه مستغرب مني ..
ضحكت له وانا مبسوطه على الآخر : هههههههه أخبارك بندر ؟؟
ناظرني بندر وفي فمه ضحكه .. هز راسه يعني طيب .. بعدين التفت لجهة الخيمه ..
فهمت قصده عشان فواز ..
هزيت له راسي وانا اقول : اوكي اوكي ..
دخل للخيمه اما انا استوعبت الموقف ..
اوووووووف ماعلي شي وانا طالعه لبندر ..
جالسه اضحك واضحك .. وانا من جد احس مخروشه اليوم ..
دقيت الباب .. جى فواز وأخذ القهوة ..
رجعت عند امي وانا الى الآن الابتسامة شاقه حلقي ..
رنا : ماما جاي بندر واحمد ..
امي : حياهم الله ..
رنا : ياحليله بندر يمه .. والله اني احبه كثير مثل اخوي ..
امي : كلهم مشاء الله عليهم ينحبون ..
ميلت فمي وانا اقول بنفسي واضح ..
رنا : يمه تتوقعين يتعشون ..
امي : مدري ..
دخلت سدوم ..
سدوم : ماما ..
رديت عليها وانا معصبه : خير وش تبغين ؟؟
سدوم : ماما تعالي ..
رنا : وين تبين ؟؟
سدوم وهي تشد يدي تبي تمشيني : تعالي .. تعالي ..
رحت معها لوين ماتروح ..
طلعت من الفلة يوم ماكنت واقفه اكلم بندر وقاعده تأشر على كرتون عند الباب ..
وقفتها : صبر صبر ماما .. وين بتروحين ؟؟
سديم وهي تشني غصب : ابي الكلتون ..
رنا : أي كرتون ؟؟!
سديم وهي تأشر على الكرتون : هذاك ..
ناظرت الكرتون وانا مستغربه .. وش تبي فيه سدومه ؟؟
دقيت الباب لفواز عشان يطلع يشوف لي صرفه مع هالسديم ..
فواز : خير وش تبون ؟؟
اشرت له يقرب ..
فواز : هذاي قربت وش تبين ؟؟
رنا : سدومه تبي الكرتون .. رح شف وش فيه وعطها اياه ..
فواز وهو يكلم سدومه : وانتي الا تعليني بطلباتك اللي ماتنتهي .. امشي قدامي نشوف وش فيه ؟؟
دخلت داخل عند امي .. اما فواز وسديم راحوا يشوفوا وش فالكرتون ..


احمد
اول ماطلع فواز غمز لي بندر ..
عقدت حواجبي مستغرب من حركته : سلامات وش فيك ؟؟
ضحك بندر على خفيف وهو يغمزمرة ثانيه ..
اشك ان هالولد صاحي : وش فيك ؟؟
بندر وهو مبتسم : يعني يقالك مافهمت ..
احمد : لا والله اخ بندر مافهمت .. ممكن تفهمني ؟؟!
قبل لا يجاوب بندر .. دخل وفواز ومعه كرتون ..
حطه في نص المجلس وهو يقول : الحين من هاللي جايب هالهديه ..
ابتسم بندر وهو يرفع اصبعه : انا وبكل فخر ..
فواز ضحك على طريقه بندر : بس ماله داعي تكلف على عمرك .. كان عطيتها فلوس تستفيد منهن ازين لها ..
انا عارف ان فواز يستهبل معه .. بس شكل بندر صدق ..
بندر وماعجبه الكلام : والله عاد هاذي هديه مني والهديه لاترد ولاتهدى .. ولو بنت اخوي فلوس ماراح اقصر معها .. حتى لو ماتطلب راح اعطيها ..
فواز وهو يضحك : افااااا يابندر .. صدقت والله امزح معك .. وش دعوى .. شكلك ماتحب المزح ..
اما انا استانست على الموقف .. خل بندر ياكل تبن ..هذا قليل في حقه ..
التفت فواز علي : وانت عساك جايب شي ؟؟
اشرت له بأصبعي .. يعني انا ..
فواز : اجل انا ..
ضحكت : هديه مرة صغنونه ..
فواز وهو يلتفت : وينها ؟؟
احمد : في السيارة ..
فواز : اهاااااااااااا .. انزين وش رايكم تتعشون معي ..
وقفت : لا لا فواز .. حنا بس جينا نسلم مانبي نثقل عليكم ..
فواز : والله مافيه ثقل ولاشي .. وش دعوى احمد ؟؟
احمد : لا جد جد فواز .. عشاء اسمح لي انا ما اقدر .. شف بندر اذا يبي كيفه ..
قام بندر ووقف بجنبي : لا لا حتى انا اعذرني ..
فواز يوم شافنا مصرين : براحتكم .. بس اهم شي يا احمد نزل لعبه سدومه .. الحين تقعد تنساها ..
ابتسمت له : لا تخاف .. انا اصلا ليش جايبه ؟؟
طلعت من البيت ونزلت السيكل وعطيته فواز يدخل داخل البيت .. بوست سدومه مع خدودها ..
سلمت على فواز : مع السلامه فواز .. سلم لي على ناصر وعبدالرحمن .. سلم لي بعد على امك و..و.. رنا ..
فواز : مع السلامه .. ان شاء الله يوصل ..
ركبت السيارة ..لقيت بندر راكب قبلي ..
احمد : وش فيك ؟؟
بندر وهو يناظرني بطرف عينه : سلامتك .. امش وخلصنا ..
حركت السيارة : اعصابك ..


رنا
دخل فواز ومعه كرتون .. حطه فالصالة ورجع طلع ..
ماكمل دقيقه الا داخل علينا ومعه سيكل ..
عقدت حواجبي : من له هاذولي ؟؟
فواز : هذولي من عمانها .. السيكل من احمد .. والكرتون من بندر ..
وانا قاعده في مكاني : وش فيه الكرتون ؟؟
فواز : الله لايهينك قومي شوفيه بنفسك .. والا شرايك اقربه من عندك ..
ضحكت على اسلوبه مايعرف يجامل : لا شكرا ..
قمت وفتحت الكرتون .. طيرت عيوني وانا مبتسمه : دب !! مجنون هالبندر .. ليش جايب دب ..
فواز وهو يتريق علي : ادق عليه واسأله ؟؟
وانا مسكينه صدقت : لا لا فواز لاتدق فشله وش راح يقول الرجال ...
فواز وهو يضحك : والله اني ارحمك .. مصدقه بدق عليه ..
رنا : مدري عنك انت تقول بدق .. وانا صدقت ..





احمد
رجعوا اهلي من السفر .. وبعد يومين من رجعتهم ..
كنت جالس في الصالة بعد ماصليت المغرب ..
حطوا القهوة وجلست اتقهوى انا وامي وخواتي مرام وسارة وبندر ..
امي : هاه احمد فكرت ..
ناظرت اخواني وانا متفاجأ من امي كيف تكلمني عند اخواني ..
امي : وراك تناظر اخوانك .. ليش الجواب بوجيههم ..؟؟
احمد : خلاص بعدين اقولك رايي ..
امي : الحين تقوله .. ليش بعدين ؟؟
ميلت فمي : خلاص يمه اقعد انا وياك ونتفاهم على كل شي .. مو الحين ..
امي : خلاص نشوف آخرتها معك ..
ارتحت لما تسكر الموضوع .. لكن الغريب من اخواني مافيه ولا واحد تكلم منهم ..
خلصت بسرعه من القهوة وطلعت من البيت ..
ركبت سيارتي وسندت راسي على ورى وانا احسه بينفجر ..
بصراحه اني مابي اتزوج .. لكن امي الا مصرة على زواجي ..
وش راح اسوي معها ؟؟؟
عصرت راسي وانا ودي افتته من الالم ..
اندق قزازة السيارة .. فتحت عيوني ..
بندر .. وانا ناقص بعد .. فتحتها : نعم ؟؟ّ!!
بندر وباين عليه متضايق : وش فيك ؟؟
مسكت راسي وانا اقول : مابي اتزوج .. يعني وش راح يكون فيني .؟؟
ركب جنبي وحط ايده على كتفه : خلاص بكيفك .. ترى مو غصب ..
احمد : وامي ؟؟
بندر وهو مايدري وش السالفه ؟؟ : وش فيها امي ؟؟ امي مراح تغصبك على شي انت ماتبيه ؟؟
ضحكت باستخفاف على كلام بندر : بس هي غصبتني ..
ناظرني بندر مو مصدق اللي اقوله : قول غير هالكلام .. مستحيل امي تغصبنا على شي مانبيه ..
احمد : يكون بعلمك تراها هي اللي غاصبه رنا تجلس عندنا .. والا رنا اصلا ماتبي ..
بندر وهو الى الآن مو مصدق : حتى ولو يا أحمد هذا عرس يعني مايجي بالغصب ..
فقعت مرارتي هالبندر .. مو راضي يفهم : ياخي اقلقتني انا اقولك كذا وانت تقول كذا .. يعني لو ادري ان امي مو غاصبتني تتوقع اني بيضيق صدري كذا ..
بندر : لا .. بس انا قصدي انت مكبر الموضوع على فاضي ..
عصبت منه : انت اللي والله ان راسك فاضي ..انزل انزل لافقع وجهك الحين ..
ابتسم بندر وهو يفتح الباب : انت ماتعصب الا اذا كان في الموضوع رنا ..
ونزل بسرعه .. يخاف اني اضربه ..
صرخت بقوه : تعال يالتبن .. ليش خفت ؟؟ اذا رجال اجلس جنبي وعيدها ..
جاني مع دريشتي وهو يضحك : العب على غيري .. بس نصيحه مني لاتتعب نفسك .. مراح تآخذها لو تحج البقرة على قرونها ..
ابتسمت له وكأن اعصابي هدت شوي : الحين من جاب طاريها ..
بندر : أحمد .. انا فاهم كل شي .. لاتلعب معي لعبة القط والفار ..
احمد : جعل ياكلونك كل الفيران قل آمين ..
بندر : موافق بس اهم شي انك ماتآخذ رنا ..
غمضت عيوني احاول اهدي .. حتى بندر مايبيني آخذها .. ليش ؟؟
احمد : بندر .. جد جد .. لو .. شوف انا اقول لو .. لو مثلا انا ابي رنا .. تتوقع آخذها والا ما آخذها ..
ابتسمت بندر : اطلع على حقيقتك .. يعني تبيها ..
احمد : تبن بوجهك .. اقول لو مثلا .. تقول لي تبيها ..
بندر : احمد حرام عليك تراك فقعت مرارتي .. قل ابيها وريح عمرك ..
رديت عليه بتسرع ومن دون ما احسب لكلامي أي حساب : ايه ابيها وودي اتزوجها بس مستحيل هي توافق ..
بندر : وامك بتوافق ؟؟
قلتها وانا غاسل يديني من امي : حتى امي مراح توافق ..
بندر وهو يرفع اصبعه لفمه : طيب ممكن اركب ..( يقاله يستأذن )
ضحكت : اركب ..
بندر : في البداية انت تبي تتزوج والا لا ؟؟ ..
احمد : لا ..
بندر : حلو .. طيب لو غصبك امي على الزواج ..
احمد : هاذي المشكله ..
بندر : حلو .. طيب لو قلت لك لو غصبتك امي على الزواج قلها بتزوج بس بشرط انا اختار البنت اللي ابيها ..
احمد : انزين وبعدين ..
بندر وهو ينفض يدينه : انحلت يابابا المشكله وش هو وبعدين ؟؟
احمد : من هي البنت اللي راح آخذها ؟؟
بندر : تستهبل علي انت ؟؟ اكيد رنا .. مو انت تبي رنا ..؟؟
انصدمت من بندر .. كيف يقول هالكلام ؟؟
اوكي انا ابي رنا .. بس مو معناه اني اختارها لي زوجه تعيش معي طول العمر ..
انا ابي وحده صغيرة وماتزوجت .. مو رنا ارمله وعندها بنت ..
لا لا اكيد بندر فاهمني غلط .. مو معناه احبها يعني اتزوجها ..
بندر يوم شاف سكوتي طول : هيه وين رحت ؟؟ هاه وش قلت بكلامي ..
احمد : كلامك ماعجبني ..
بندر : وليش ماعجبك ان شاء الله ؟؟اقول بلا استهبال .. مرة اخوك اولى فيك من الغريب .. بكره تتزوج وتضيع بنتها مع هاللي بتآخذها .. تعوذ من الشيطان وفكر زين .. على الاقل فكر ببنت اخوك هالمسكينه وشلون راح تعيش ..؟؟ لو قلنا امها ماراح تتزوج اوكي البنت ماعليها خطر .. بس يا أحمد اكيد رنا بتتزوج بكره وين راح تودي البنت .. ؟؟
عجزت استوعب اللي قاله بندر .. حتى انتم مااتوقع انكم استوعبتوا شي ..
ظليت اناظره وانا سرحان .. وقاعد اتذكر نفس هالكلام انقالي بس من شخص ثاني ..
بندر وهو يضربني على كتفي : احمد وين رحت .. نحن هنا ..
احمد : معك .. معك .. بس بندر احسها صعبه اني آخذ رنا ..
بندر وهو متحمس : ليش ياحبيبي تستصعبها .. الحمد لله هاذي رنا وهاذي سدومه بنت اخوك .. يعني مافيها تعقيد .. بالعكس يا أحمد اهلها بيوافقون من دون أي شروط .. بيضمنون ان البنت راح تعيش بأمان مع عمها ..
استغربت من بندر بس يفكر بسدومه ..: طيب انا يابندر مافكرت فيني .. ؟؟
بندر وهو يستعبط : افكر فيك ليش ؟؟ وش بك انت ؟؟ ماشاء الله مثل الحمار هذاك تناهق .. وش اللي فيك ؟؟ كنك بزر مغير تونون علي ..
بندر مستحيل يفهمني عشان كذا انهيت معه الحوار : انزل انزل بس .. انت ماعندك الا الدجه ..
اول مانزل حركت السيارة ومشيت لوين ؟؟ مدري ..




رنا
قمت الساعه عشر الصباح .. احس اني شبعانه نوم ..
امس نمت الساعه 11 بالليل .. برمجت نفسي على النوم بالليل .. عشان اقعد مع امي المسكينه اللي من رجعت لبيتنا وهي تقعد لحالها الين العصر ..
غسلت وجهي ونزلت للصالة .. وانا انزل سمعت صوت عبدالرحمن اخوي يسولف مع امي ..
امي : وليش ان شاء الله وش فيها بنتي ..؟؟ الف من يتمناها ..
عبدالرحمن وهو يضحك : هذاك اول يمه يوم انها بنت .. الحين ارمله وعندها بنت .. ماراح يجيها الا يامتزوج .. ياكبير في السن .. غيره لاتفكرين ..
وقفت عند باب الصاله اتسمع ..لاني خفت ادخل يقفلوا على الموضوع ..
امي : ادري ان مراح يجيها الا ابو مرة ولا كبير ..بس املنا بالله كبير يجيها ولد توه مابعد اعرس ..
عبدالرحمن: يمه الله يهديك وشو ولد ؟؟ الولد يبي بنت .. مايبي وحده عندها بنت ..
امي : وراه ياوليدي .. الله يرزقها ان شاء الله ..
عبدالرحمن : امين ..وانا الحين احد جاني وقلت لا ..
امي : بس هاه ياوليدي مااوصيك على وخيتك اشوفك بعد عيني تغصبها على شي ماتبيه .. تراي قلت لك ..
عبدالرحمن : الله يعطيك طولة العمر ليش تقولين هالكلام ؟؟
امي : لاني خابرتك انت وياها مغير تتواحنون دايم .. ادري انها دلوعه شوي .. بس وش نسوي لازم نتحملها مالنا الا هي ..
عبدالرحمن : الحين انا وش قايل لها ؟؟ ماقلت شي ..
امي : ادري ماقلت شي .. بس اذا صار ماصار .. تراها بذمتك .. ان ماجاها نصيبها اكرمها وعزها هي وبنتها ولا تخلي عليهم قاصر ..
عبدالرحمن : الله يخليك لها ويخليك لنا .. مالك الا طولة العمر ..
ابعدت عن باب الصالة وانا احس اني مخنوقه ..
قاعدين يفكرون متى اتزوج ومن اللي راح يجيني ؟؟ ولد والا شايب .. ابو عيال .. والا ماعنده ..
ليش انا قاعده فوق روسهم .. عايشه ببيت ابوي والحمد لله راتب مشغل مكفيني وموفيني .. هذا غير الفلوس اللي يحطه احمد في الحساب ..
بصراحه ضيقوا صدري على هالصبح ..
اووووووووف من هالعيشه ..




احمد
كنت في الدوام يوم دق علي سعود اخوي ..
احمد : هلا سعود ..
سعود : هلا فيك .. وشلونك ؟؟
احمد : الحمد لله بخير .. انت اخبارك ؟؟
سعود : الحمد لله .. اكيد بتسأل وش عندي ؟؟
ضحكت : لا مراح اسأل .. اكيد مشتاق لي وتبي تسمع صوتي ..
سعود : اموت على الثقه .. المهم ..
احمد : عطناه ..
سعود : تبي اكلمك بالتلفون والا نتقابل احسن ..
احمد : اللي يريحك ..
سعود : انا ابي اللي يريحك انت ؟؟
احمد : ليش جايني عريس ؟؟
سعود : ههههههه تقدر تقول كذا ..
فهم وش يقصد سعود .. اكيد بيكلمني عن العرس : اوكي فهمتك .. خلاص نتقابل متى تبي ؟؟
سعود : وش رايك اغديك اليوم .؟؟؟
احمد : اووف اووف ..دام فيها غدى .. اكيد المعرس يستاهل .. وين المدام عنك .؟؟
سعود : ماعليك انت الحين من المدام .. بعد الدوام نتقابل اوكي ..
احمد : اوكي ..
سعود : الساعه كم تطلع ..؟؟
احمد : ولايهمك بطلع اليوم مبكر ..
سعود : نتقابل في مطعم (......) الساعه وحده .. اوكي ..
احمد : اوكي صار ..





رنا
جلسنا على الغدى .. انا وامي وفواز وناصر ..
فواز : الله .. وش ذا الحركات .؟؟
رنا : بالعافيه ..
فواز : وش عندها رنو قاعده تطبخ ؟؟
رنا : على تبن .. اصلا انا دايم اطبخ .. بس انت ماتشوف .. شكلك تتغدى وانت نايم ..
فواز : ايه ايه .. امدحي نفسك ..
رنا : الحمد لله والشكر .. الحين انا وش قلت عشان امدح نفسي ..كل بس وانت ساكت ..
عمت السكوت .. وماكان فيه الا صوت الملاعق وهي تنتقل من صحن لصحن .. وطلبات سديم اللي ماتنتهي .. ابي مويه .. ابي لحمه .. ابي رث .. قلق هالبنت ..
خلصنا من الاكل .. فقمت اشيل الصحون .. وانا رايحه وجايه اشيل .. كأني سمعت ناصر يكلم امي بصوت واطي ..
حاولت اسمع بس ماقدرت ..
وجه ناصر وهو يتكلم يقول عنده خبر .. بس وشو ماادري ؟؟
المشكله عندهم فواز .. بس شكل فواز ماانتبه .. اولا لانه كان يناظر التلفزيون ثانيا.. لان صوت ناصر بالاصل واطي ..
بعد ماكلن قام ينام .. جلست عند امي بسأله وش كان يقولها ناصر ..
رنا : ماما وش عندك انتي وناصر ..؟؟ وش كان يقول لك ؟؟
ناظرتني امي وابتسمت : يعني على بالك ماتدرين ؟؟
رديت عليها وانا مستغربه : ادري بإيش ؟؟
امي : ناصر يقول ان واحد من اخوياه كلمه بخصوصك ..
طيرت عيوني : كيف يعني بخصوصي ؟؟
امي : يعني يبي يتزوجك ..
اشرت على نفسي وانا مو مصدقه : انــــــــــــا يبيني ؟؟!!
امي وهي تشد على كلمه انا : ايه انتي يبيك .. وش فيك عشان ماتتزوجين مرة ثانيه ؟؟
هديت نفسي شوي : مافيه شي ياماما .. بس اتزوج مرة ثانيه احسها صعبه شوي ..
امي استغربت كلامي : ليش صعبه ؟؟ يالله بس .. شيلي هالكلام الفاضي من راسك .. انتي توك صغيرة وكلن يتمناك ..
رنا : بس انا ما اتمنى احد ..
امي : رنا لاتجننيني .. راح تتزوجين ان شاء الله وتجيبين اخت لسديم ..
رديت على امي بأستهتار واضح : يكون خير .. قال ايش قال اجيب اخت ..؟؟..
امي : تقولينه الحين .. لكن اذا جت الصدقيه .. اعلمك وشلون تتزوجين غصب ..
قمت وانا معصبه : مافيه احد يقدر يغصبني على شي انا ماابيه .. ترى العرس مو غصب ..
طلعت من الصاله ورقيت لغرفتي ..وانا ودي اشقق هدومي من اللي سمعته الصباح والظهر ..


احمد
بعد ماطلبنا الاكل ..
احمد : هاه سعود المكيرفون لك تكلم ..
سعود : ابيك تسمعني للأخير .. بعدين انت قل اللي تبيه .. اساسا القرار لك اولا واخيرا ..
احمد : تكلم اسمعك ..
سعود : دريت ان امي بتزوجك .. ودريت بعد انك شايل الفكرة من راسك ..
احمد : صحيح ..
سعود : بس اللي ماكنت ادري عنه ولا خطر لي على بال .. انك فكرت مجرد تفكير انك تآخذ رنا ..
طيرت عيوني ..: رنا !!
سعود : هههه .. ايه رنا .. وش فيك تخرعت ؟؟ احمد مو عيب ولا حرام .. بالعكس انت بتسوي اجر بسديم ..
قعدت اهوجس من اللي قاله هالكلام .. لا يكون .... بندر .. والله لاوريه شغله لو كان هو ..
سعود : احمد انت معي ..؟؟
احمد : معك كمل ..
سعود : بصراحه عجبتني الفكرة انت متزوج متزوج .. فليش ماتآخذ رنا .. منها تتزوج ومنها تكسب اجر في اليتيمه ..
رديت عليه وانا اتتريق : وش قالوا لك فاتح مؤسسه ايتام انا ؟؟
سعود : مو قصدي كذا .. بس يا أحمد لو تفكر فيها .. والله انها حل مناسب لك ..
احمد : شكرا انا ماقلت لك دور لي على حل .. وبعدين ليش انا اللي اضحي بحياتي .. انت خذها ..
سعود : والله لو انا مو متزوج لآخذها .. احمد بلا هبال هاذي بنت حالها حال البنات .. وش فيها عيب ؟؟
احمد : عيبها انها كانت متزوجه ..
سعود : لا والله عذر اقبح من ذنب .. فكر زين يا أحمد لاتضيع مرة اخوك منك ..
احمد : سعود لاتستهبل علي .. اضيعها ليش ؟؟ اصلا حتى لو انا وافقت .. امي مستحيل توافق ..
سعود : انت ماعليك من امي .. انت وافق وانا احلها مع امي ..
اووووووووف الحين وش يفكني من سعود ؟؟
وش اللي خلاه يحط هالفكرة براسه ؟؟ ياويلك مني يابندر لو كنت ورى هالسالفة ؟
احمد : خلاص بفكر بس ما اوعدك اني اوافق ..
سعود : انت فكر واكيد انك بتوافق
واثق ياسعود اني بوافق .. مهما كان انا مستحيل آخذها ..حتى لو وافقوا كلهم ..
هزيت راسي يعني خلاص قفل الموضوع ..



رنا
جلست في غرفتي الين المغرب ..
بعد ماصليت نزلت تحت .. دخلت الصالة لقيت اخواني كلهم موجودين ..
رنا : السلام عليكم ..
الجميع : وعليكم السلام ..
رنا : وشلونك عبدالرحمن ؟؟(لاني ماشفته الظهر )
عبدالرحمن : بخير .. انتي وشلونك ؟؟
رنا : الحمد لله ..
التفت على امي : وين سدوم ؟؟
امي : عند التلفزيون ..
فواز : وانت بس فوق ماتدرين عن بنتك ؟؟
التفت عليه وانا مالي خلق : يكفي انت اللي تدري عنها مو انت خالها .. والا خال ببلاش ..
فواز وهو يتتريق علي : ايه صح انا اللي حاملها ببطني ووالدها .. والا يمه ..
امي ضحكت وهي تناظرني وهي تدري اني معصبه ..
ناصر وهو يناظرني ومد يده عشان يمسك يدي : رنا وش فيك معصبه ؟؟
ناظرته مستغربه اول مرة يمسك يدي : لا مافيني شي .. ليش ؟؟
ناصر وهو يناظر في عيوني : اكيد !!
ناظرت في عيونه بتحدي : اكيد ..
ناصر : انزين ليش ماتبين تتزوجين ؟؟
فتحت عيوني على وسعهن : ومن قالك اني مابي اتزوج ؟؟
ناصر : يعني بتفكرين في خويي ..
ميلت فمي : ناصر خويك اعزب والا متزوج ؟؟
ضحك وكأنه عارف اني بسأل هالسؤال : لا مو متزوج .. بس قد تزوج وطلق ..
حاولت اطول السالفة عساهم يملون من هالموضوع : وليش طلق ؟؟
ناصر : ما سئلته .. بس اذا تبين اسئله ؟؟
حركت شعري بدلع وانا اقول : ما يمنع ..
عبدالرحمن اللي كان ساكت طول الوقت .. حسيت ان عنده شي .. لانهمستحيل يسكت عبث ..
رنا : وش رايك عبدالرحمن ؟
عبدالرحمن : راينا ماراح يقدم ولا يأخر اهم شي انتي .. انتي اللي بتتزوجين مو حنا ..
رنا : بس ماتحسون ان الوقت توه على الزواج .. يعني توي مكملة سنة من وفاة مشعل .. وبعدين ودي اكمل دراسة .. والعمر قدامي وش انا طايرة عليه ..
عبدالرحمن : معك حق في كل اللي قلتيه .. بس مافيه مانع ان تفكرين في أي واحد يتقدم لك .. والا انا غلطان ..
رنا : لا منت غلطان .. دام هذا رايك خلاص انا افكر وارد لكم خبر .. ارتحتوا ..
قمت وخليتهم وانا حدي متضايقة ..
رحت لعند سدومه وضميتها وجلست اصيح بهدوء حتى مااحد يحس علي ..


نهاية الجزء الحادي عشر

الجزء الثاني عشر







احمد
بعد ماتغديت انا وسعود .. رحت للبيت وعلى طول سيده لغرفتي مابي اشوف أي احد وخصوصا امي ..
نمت الين العشاء ..
قمت وصليت ولبست ثوبي لاني ناوي اطلع .. الى الآن مابي اشوفهم ..
كنت مفكر اطلع مع باب الحريم .. بس اهم شي مايكون احد في الصالة ..
قعدت ادعي ربي اني ماأشوف احد .. بسسسسس ..
الحمد لله طلعت بسلام ..
ودي افضفض واتكلم لأحد .. بس ماعندي احد اثق فيه واقدر آخذ راحتي معه ..
اخويايي بس سلام وسوالف غير كذا مافيه ..
قعدت الف بالشوارع الين ماانلف راسي معه ..
ياربي وش اسوي ؟؟
امي من جهه واخواني من جهه ..
قعدت افكر وافكر وافكر .. واحسبها يمين شمال الين طلعت معي وقررت قرار مابعده قرار ..
والآن الآن اروح لأمي واقولها قراري اللي لو يصلخوني ماارجع فيه ..

رنا

ياربيه وش اسوي انا بعمري ؟؟ ..
المشكلة لو فيني عادي .. بس بنتي المسكينه هي الوحيده المتضررة من هالسالفة ..
ليش مايفهمون ؟؟ ليش مايقدرون ؟؟
بموت يعني لو ماتزوجت .. ولا بعد يقولون الزواج ستر للمرأة ..
طيب يعني في بيت اهلها مو مستورة .. عليهم كلام ما ادري من وين يطلعونه ؟؟
جلست افكر واحسبها بس كل مرة ماتضبط معي ..
ماني قادرة استوعب بنتي تسكن وتعيش مع رجال مايمت لها بصلة ..
ياربي الصبر من عندك ..
تعبت من التفكير ونمت من دون ما أحس ..

احمد

دخلت الصالة كان فيها مرام وسارة ..
احمد : السلام عليكم
مرام وسارة : وعليكم السلام ..
احمد : امي وين ؟؟
مرام : بغرفتها ..
على طول على غرفة امي ..
دقيت الباب ..
...: ادخل ..
خذت نفس عميق وسميت بالرحمن ودخلت ..
احمد : السلام عليكم .. قربت من عندها وحبيت راسها ..
امي وهي تبتسم : وعليكم السلام ..
عرفت سر ابتسامتها .. عرفت ليش انا جاي ووش راح اقول ؟؟
شبكت يديني مع بعض وانا احاول اضبط تنفسي : يمـــ ..
مابعد كملت الكلمه الا امي تقول : سم يا وليدي .. قول اللي في خاطرك ..
ضحكت لها .. لهدرجه مستعجله على زواجي : يمه الله يهديك مابعد قلت شي ..
امي : ادري وش بتقول ؟؟
احمد : اوكي دامك داريه .. خلاص اجل توكلي على الله ..
امي : ابشر ياوليدي بالمره السنعه اللي تسعدك وتهنيك ..
ابتسمت لها وانا اقوم واحب راسها : الله يخليك لنا ولايحرمنا منك .. بس هاه يمه شرطي اشوفها قبل لا يصير أي شي ..
امي وهي تطق صدرها : ابشر ماطلبت شي .. هذا حقك ..
احمد : اوكي ماما تبغين شي قبل لا اطلع ..
امي : سلامتك وانا امك ..
احمد : تصحبين على خير ..
وطلعت ..
احس حمل ثقيل وطاح .. كنت شايل هالموضوع وانا حاس اني مراح اخلص منه .. بس الحمد لله مشى الموضوع وتعدل كل شي ..
طلعت جوالي وكلمت سعود ..
احمد : هلا سعود ..
سعود : هلا فيك ..
قلت له من دون مقدمات : تراي قلت لامي تدور لي على زوجه ..
سكت سعود فترة .. حسيت انه تفأجا بقراري .. لانه جاء سريع ..
احمد : سعود وش فيك ؟؟
سعود وتغيرت نبرة الصوت : سلامتك .. الله يوفقك .. وزي ماقلت لك الظهر هاذي حياتك وانت حر فيها ..
احمد : انزين تآمرني شي ..
سعود : سلامتك .. مع السلامه ..
احمد : مع السلامه ..


رنا
صليت الفجر وجلست على سجادتي وانا ادعي ربي انه يدلني للطريق الصحيح ..
يارب افرج كربتي .. يارب مالي غيرك أشكي له .. يارب هون علي همي وغمــي .. ياربـــ
سمعت دق خفيف على الباب ..
رنا : من ؟؟
......: انا ناصر .. افتحي الباب ..
رنا : مفتوح ادخل ..
دخل ناصر وشغل النور ..
رنا : لااالاااالااااااااا .. ( وأنا أأشر بيدي ) طف النور عشان سدومه ماتقوم ..
ناصر : أوكي .. بس ابي اتكلم معك ..
جتني ضيقة صدر .. اكيد بيتكلم عن خويه ..
رنا : ناصر تكفى مالي خلق الحين ..
ناصر : لاتخافين انا بقولك شي زين ..
ابتسمت : اكيد زين ؟؟؟..
ناصر : ايو الله زين ..
قمت من سجادتي وابعدت جلال الصلاة عن راسي ولفيت السجادة معه ..
شغلت النور ووقفت قباله ..
ناظرني ناصر بحقد : هاذي اللي مالها خلق .. ( يقلد صوتي ) لاااااالاااااالاااا ..لاتشغل النور عشان سدومه ماتقوم
ضربته على خفيف مع كتفه : نصووووووووور لاتصير كذا عاد ..
ناصر : خلاص رضيت ..
بقلة صبر سألته : هاه وش بتقول ؟؟ وشو الزين اللي عندك ؟؟
ناصر يناظرني وهو متعجب : اقولك وانا واقف .. يانقعد هنا .. يانقعد بالصالة .. ( قصده الصالة اللي في الدور الثاني )
رنا : لالا .. تعال نجلس على سريري أحسن ..
جلسنا على السرير مقابلين بعض ..
ناصر : شوفي انا عارف انك رافضه فكرة الزواج .. وعارف بعد انك ماتبين هالشي عشان سدوم .. وعارف بعد اني قلت لك فكري بخويي .. بس الحين اللي عارفه ومتأكد منه اني اقولك لاتتزوجين اذا ماتبين الزواج .. وماراح احد يغصبك عليه لا أمي ولا عبدالرحمن يقدرون ..
ناظرته مستغربه كلامه : نصور .. انت شارب شي قبل لاتجيني ..
ناصر : ههههههه .. شف البنت العربجيه .. وش قصدك يعني ؟؟ منتي مصدقتني ..
رنا : والله مصدقتك .. بس انك توقف ضد امي وعبدالرحمن هاذي كثر منها ..
ناصر وعيونه كلها تحدي : جربيني !!!!
اخذت نفس عمييييييييييق وانا احس براحه اول مره احسها من يوم جيت لأهلي ..
سألته وانا متخوفه : يعني لو رفضت خويك .. ماراح تقوم القيامه؟؟؟ ..
ناصر : لا ..وبعدين خلاص اعتبري الموضوع منتهي .. لافيه خطبه ولاشي ..واذا احد سألك عن شي .. قولي له أسألوا ناصر .. اوكي ..
سألته مرة ثانية وانا ماني مصدقه اللي قاله : يعني خلاص ماافكر ولا أعيد حساباتي ؟؟..
ناصر : ايه خلاص .. وش فيك انتي ؟؟
رنا : مافيني شي .. بس والله من الفرحه اللي فيني ..
ناصر : جعلها دوم ان شاء الله ...
قام ويبي يطلع : تبين شي غيره ؟؟
قمت على طول وحبيت راسه : سلامتك ياخوي .. الله يخليك لي ولايحرمني منك ..
ابتسم بهدوء كالعاده : تصبحين على خير .. بروح انام ..
رنا : وانت من اهل الخير ..
طلع وسكر الباب ..
اما انا الدنيا مو سايعتني من الفرحه ..
انسدحت على سريري .. ماكملت ولاعشر دقايق الا وانا في سابع نومه من الوناسه ..


بعد شهر من هالاحداث ..
اعرض لكم بإختصار اللي صار في هالشهر ..
نبدأ بأحمد ..
خطبت له امه كذا وحده .. لكنه كان يرفض .. اما لانه مايبي من هالعائلة .. او شاف البنت وماعجبته .. او البنت ترفض انها تسكن مع اهله ..
الين مااستقر على وحده شافها وعجبته لكنه الى الآن ماوافق عليها .. خصوصا انه ماقال لهم انه راح يسكنها عند أهله ..
نوف مرة سعود حامل ..
حتى نورة حامل لكنه ماعلمت احد الى ألين بان بطنها والحين هي في الشهر السادس
مرام انخطبت وزواجها في الصيفيه ..


اما من جهة رنا ..
تقدموا لها كثيييييييييييييير واغلبهم رجاجيل كبار ومعهم حريم .. اللي يبيها الثانية واللي يبيها الثالثة .. حتى الرابعة بعد ..
وكانت ترفض وناصر يوافقها الرأي ويوقف بصفها ..
وعبدالرحمن يهدد ويتوعد ان هاذي آخر مرة ترفض ..
وكل مرة يقول هالكلام .. لكنه يصير العكس بفضل الله ثم بفضل موقف ناصر اللي مأيدها في كل شي ..
اما فواز كان مايتدخل في شي .. لكنه كان يقول رايه .. انه مو موافق ان اخته تتزوج من راعي حريم ...

رنا
طلعت من الصالة معصبة وموصلة حدي .. خلاص طفشت مليت ..
كل يوم على هالمنوال ..
لايكون انا قاعده فوق راسه وانا مدري ..
يخي يذلف لبيته ولا عاد يورينا وجهه ..
احس انه خانقني وخانق بنتي معي ..
اوووف ..
رقيت فوق لغرفتي وانا ودي بس اصيح ..
انسدحت على السرير وبدت عيوني تنزل دموعها لكن بهدوء ..
حسيت بالراحه وهن ينزلن .. حسيت بشعور غريب تجاه شخص ما أطيقه ولا أحب سيرته لكن ليه طرى على بالي ما أدري ؟؟؟ ..
غمضت عيوني بهدوء وتذكرت .... أ حــــ ـــمــــ ــــد
ليش مدري ؟؟
جى على بالي فجأة ..
وقعدت اتذكر المواقف اللي مريت فيها معه ..
واتذكر يوم يشتري لي البلوزة الحمراء .. ويوم يشيلني وقبل لانوصل للمستشفى قلت له يرجعني .. تذكرت يوم يشليني للمرة الثانية يوم كنت أنزف .. حتى يوم انه يناظرني وانا نايمه بدون غطى ..ويوم اترجاه انه ماينزل الجنين واشرح له اسبابي ..
كانت أيام وعدت .. الله لايعيدها ..
كانت شقى .. اصلا كل حياتي شقى .. من يوم مامات مشعل ..
مشعل .. !!!
آآآآآآآه يامشعل .. وينك تشوف حالي من بعدك ؟؟
صحت زياده وضاق صدري وحسيت اني مخنوقه وبموت من الهم اللي فيني ..
تعبت من دنياي .. واللي عانيته منها ..
ماحسيت بنفسي الا وانا نايمه ..

احمد
والله البنت ماعليها .. حلوه موووت .. بس
قهر لو ترفض عشان بس ماتبي تسكن عند اهلي ..
انزين انا مااقدر اطلع .. اهلي يحتاجوني ..
عندي فكره .. اسوي شقة مستقله ببيتنا غرفتين على مطبخ وصالة وحمامين ..
كذا اتوقع مالهم حجه انهم يرفضون ..
بحيث اني اكون قريب من اهلي وقريب منها ..
خلاص يا أحمد توكل على الله وكلمهم بكره وقلهم انك موافق وقلهم بعد عن الشقه ..
ناظرت الساعه اللي على يدي اووه الساعه 11 وربع ..
احس اني ميت جوع ..
نزلت من غرفتي .. لقيت امي وبندر بالصالة ..
احمد : السلام عليكم ..
امي بس : وعليكم السلام ..
احمد : يمه فيه عشاء ..
امي : ايه .. تبي احط لك ..
وانا اجلس : وين البنات ؟؟
امي : رايحات عن اخوك سعود يوسعن صدرهن ..
احمد : وانتي ورى مارحتى معهن ؟؟
امي : مدري مااشتهيت ..
قامت امي ودخلت المطبخ ..
التفتت على بندر اللي كان ساكت ..
احمد : وش فيك بندور ؟؟ عسى ماشر ..
ناظرني بإحتقار ..
عصبت منه .. عليه حركات هالبزر : لايكون قاتل ابوك وانا مدري ؟؟
بندر : اللي مابه خير لأهله مابه خير للناس ..
عرفت وش يقصد ؟؟ يقصد رنا وسديم ..
بس خلاص يابندر .. ماعاد اسم رنا يأثر فيني او يخليني ارتبك او افكر ..
الاول تحول ..
مااحس اني اميل لها او اشتاق لها زي اول ..
والحمد لله اني خلاص ركدت وخطبت بعد عشان استقر ..
احمد : بندور اذا تبيها خلاص ولايهمك اروح اخطبها لك .. ولاتزعل ولاتشيل بخاطرك ..
بندر : اصلا لو انا اقدر آخذها تتوقع بشاروك والا استأذن منك ..
احمد : اوووف اوووف .. اثرك انت اللي معجب فيها وتبيها .. مو انا ..
بندر وهو متأثر وواضح عليه : والله مو عشانها .. عشان سدوم المسكينه اللي بتتبهدل بحياتها ..
حسيت بتأنيب الضمير .. صادق بندر .. بس مااقدر اجبر نفسي على شي انا مابيه .. اذا سدومه بتتبهدل بحياتها فهاذا هو نصيبها ..
لاتقولون عني اناني .. انا مو كذا .. بس الظروف تجي عكس دايما .. بعدين هذا اللي ربي كاتبه .. والحمد لله على كل شي ..
قمت وانا عايف الدنيا كلها ..
دخلت على امي بالمطبخ : يمه خلاص مابي عشى .. بطلع ..
طلعت بسرعه حتى قبل لاأسمع كلمة من امي ..
ركبت سيارتي ومشيت ..


رنا
قمت على صراخ وصياح .. ياساتر يارب .. وش فيه ؟؟
ناظرت الساعه ..
3 !!!!
وش عندهم ؟؟ ومن اللي يصارخ ؟؟
طلعت بسرعه من غرفتي .. وقفت مكاني وانا اشوف امي تصيح وتصارخ وفواز يحاول يهديها ..
قربت من عندهم وانا حاسه فيه شي كايد صاير ..
استر يارب .. استر يارب ..
رنا : فواز .. ماما وش فيها ؟؟
فواز اللي ماكان منتبه لي .. التفت بسرعه لي ووجهه مخطوف ولونه اسود ..
لما شفت شكله تروعت .. وقعدت اصيح من دون مااعرف وش فيه ؟؟
فواز وهو متوتر حده : تكفين رنا لاتصيحين خليك قويه وتعالي هدي امي .. يالله رنا .. يالله ..
انا ماني فاهمه ولاشي ..
بس سمعت كلامه .. قربت من عند امي وحاولت اهديها ...
رنا : خلاص ماما .. خلاص اهدي .. ترى والله لأصيح معك ..ان ماهديتي ..
امي ضمتني بقوة وهي تصيح بصوت عالي : ياويلي عليك يابنيتي .. ياويلي عليك ..
لما سمعت امي تقول هالكلام .. مافهمت شي .. لكن الجنون عندي زاد عن حده ..
تركت حضن امي ومسكت فواز من رقبته باقوى ماعندي ..
رنا : بتقول وش فيها ؟؟ والا والله لاطلع في الشارع واسوي لك فضيحه لاصارت ولا استوت ..
صرخت بقوة : تــكــلـــم .. قــــــــــــول
بلع ريقه وتنفس بقوة وكأنها بتطلع روحه : ناصر وووووووو...ووو...وو
ضربته كف على وجهه وانا اصارخ : تكلم وووو .. وأيش ؟؟
فواز : سدوووووووووم ..
غمضت عيوني وانا احس بإرتخاء بأطراف رجليني ويديني ..
سدوم .. حبيبتي وش فيها ؟؟
عمري اللي بقى لي .. وش صار عليه ؟؟
حياتي اللي انا شقيت فيها .. وينها الحين ؟؟
بهدوء ماكان يتوقعه فواز .. حتى انا ماتوقعته : لاتقولي ماتت .. تكفي فواز .. ( امسح دموعي بكل يديني ) تكفى اللي يرحمك ويرحم اللي خلفوك .. لاتقول انها ماتت .. (ماقدرت امسك نفسي وزدت في الصياح ) والله مابقى لي غيرها في هالدنيا ..
طحت عند رجلينه وانا اصيح واشاهق ..


احمد
الساعه 12 ونص ..
كنت ادور في الشوراع .. ومن شارع لشارع .. هاذي عادتي لما اتضايق احط حيلي في الشارع ..
مريت على شارع رئيسي .. تفاجأت بالزحمة اللي فيه ..
كنت اقول تفتيش .. بعدين اقول لا لا اكيد حادث .. الله يستر علينا ..
بعدين لما اشوف السيارات تمشي .. اقول لا لا تفتيش .. لو حادث ماتمشي السيارات ..
الين قربت اكثر واكثر ..
فتحت قزازة السيارة وكلمت السيارة اللي جنبي : هلا أخوي ..
راعي السيارة : هلا والله ..
احمد : عسى ماشر وش فيه ؟؟
راعي السيارة : حادث ..
احمد : حادث !!! وين الأسعاف طيب ..
راعي السيارة : والله ياخوك انا مدري ..
طلعت جوالي بسرعه ودقيت على الأسعاف .. بلغتهم عن الحادث بعدين وقفت سيارتي على جنب ونزلت ..
اغلب الناس نازلين عشان يشوفون الحادث تقل الحادث فرجه .. عشان كذا الطريق مايمشي ..
انا اول مرة انزل اشوف حادث ..
بس نزلت لانه مافيه اسعاف بحاول اسعف اللي اقدر عليه .. وان شاء الله اني ربي على هالعمل يفرج كربتي ...
تخطيت كل الرجال ودخلت داخل لمكان الحادث ..
مافيه الا سيارة وحده بس ..
سألت اللي جنبي : وشلون صار الحادث ؟؟
الرجل: مدري بالضبط بس اكيد انه كان غافل ودخل في الشبك ..( قصده الحديد اللي يفصل بين الشارعين .. اللي رايح واللي جاي )
قربت من عند السيارة وانا اشوف اللي يحاولون يفتحون السيارة عشان ينقذون اللي فيها ..
واسمع اصواتهم وهم يقولون : البنت .. البنت .. بسرعه .. اقوى اقوى .. بسرعه لاتطول وهي تنزف ..
بنت !!! وبسرعه !! ولاتنزف !!
قربت اكثر وحاولت افتح الباب معهم ..
بس اني وقفت لما شفت اللي داخل السيارة ..
صرخت بأعلى ماعندي : ناصرررررررررررررررررررر .. بسرعه تكفون ياشباب .. بسرعه ..
اظلمت الدنيا بعيني ومااشوف الا عيون ناصر اللي قاعده تتألم بصمت وهو يناظرني ..
اكيد شافني .. الا الا شافني .. ابشر ياناصر .. راح افتحه وانقذه .. ابشر ..
قاعد اهز بالباب بأقوى ماعندي وانا اصرخ على الباب : افتح .. افتح .. أأأه .. أأأأه .. أفتح ..
حاولنا انا ومجموعه لكن ماقدرنا ..
تركتهم ورحت للجهه الثانية لأن البيبان اللي ورى مقفله ..
طالعت في القزازة وانا امسك العروة عشان بفتح الباب ..
طيرت عيوني .. وانا احاول استوعب البنت اللي راكبه قدام ..
قعدت اصارخ واضرب نفسي زي المجنون : سدوم .. سدوم .. هاذي بنت اخوي سدوم ..
مسكت الباب بأقوى ماعندي وحاولت افتحه .. وانا احاول وعيوني معلقه عليها وفمها ينزف دم ..
قعدت ارجف الباب برجلي لعل وعسى ينفتح .. حاولت وانا ادعي ربي ..
حاولت انا واللي معي .. والحمد لله انفتح ..
اول ماانفتح شلت سدومه بين ايديني .. وركبتها بأقرب سيارة ..وانا مااشوف اللي قدامي
احمد : الله يخليك بسرعه على اقرب مستشفى ..
نسيت ناصر : لا لا وقف وقف الله يخليك .. اصبر دقيقة بجيب ناصر وبجي ..
نزلت بسرعه .. ورجعت للسيارة اشوف الناس مطلعين ناصر
مسكته معهم : تعالوا هنا .. بسرعه .. هنا هنا ( وانا ااشر للسيارة اللي فيها سديم ) ..
ركبناه ورحنا على اقرب مستشفى ..
دخلوهم بسرعه .. اما انا جلست على كراسي الانتظار .. وانا اعصابي تعبانه ومشدوده ماني قادر اتحمل أي شي ..
غمضت عيوني وانا اصيح ..
صادق يابندر .. والله راح تتبهدل بحياتها .. وهاذي اولها ..
مريت ساعتين ..
وانا ماوقفت صياح ..
والله مااسامح نفسي لو صار لسدومه شي ..
حسيت احد حط يده على كتفي ..
فتحت عيوني على طول : هاه .. وش صار ؟؟
موظف الاستقبال : انت اللي جبت المصابين ؟؟
وانا امسح دموعي : ايه .. وش فيهم ؟؟ وش صار عليهم ؟؟
موظف الاستقبال : مدري .. بس لازم اخوي تعطيني بيناتهم .. انت تقرب لهم ..
احمد : ايه ايه .. اعرفهم ..
موظف الاستقبال : ممكن بس لو تكرمت تجي معي عشان تعطيني البيانات ..
احمد : اوكي ..
قمت مع الموظف وانا أحس بدوخة مو قادر أتحملها ..

يتبع

تكملة الجزء الثاني عشر

دخلت في عالم اشبه بالغيبوبه ..
صرت زي المجنونه مدري وش اللي قلب حالي ..
جلست اصيح واصارخ وامي وفواز يحاولون يهدوني بس مافي فايده ..
رنا : ودوني لبنتي .. آآآآآآآآآآآآآآآه ..ابي اشوفها تكفون ..تكفون ودوني .. آآآآآآآآآآآآآآآآآآآه يابنتي ياويلي عليك ..
فواز : اذكري الله يارنا .. بنتك مافيها شي .. اذكري الله ..
تعلقت في ياقه ثوبه وانا اشاهق من الصياح : احلف بالله ان سدوم مافيها شي .. فواز قول تكفى وش صار لها ؟؟ تكفى فواز ريح قلبي ..
قام فواز وقومني معه : روحي جيبي عباتك عشان اوديك لها ... يالله انا انتظرك بالسيارة ..
قمت مع امي ولبسنا عبياتنا وطلعنا ..
طول الطريق وانا اصيح .. عجزت امسك نفسي ..الين ماوصلنا المستشفى ..
فتحت باب السيارة بسرعة وركضت ألين بوابة الطوارئ .. ووراي فواز اللي كل شوي يحاول يلحقني .. لكن مقدر ..كنت اسرع منه ..
وقفت عند الاستقبال ..
سألته بصوت مخنوق وكله صياح : وين بنتي ؟؟ الله يخليك قلي وينها .. اسمها سديم ..
موظف الاستقبال وحسيته تعاطف معي : هدي اختي هدي .. اسم بنتك سديم مشعل ..
هزيت له راسي : ايه ايه .. وينها .. وينها .. ( وانا اتلفت يمين ويسار )
قرب فواز من عندي ومعه امي : وش قالك ؟؟
رديت عليه وانا الى الآن اشهق : ماقال شي ..
مسكني فواز مع كتوفي : اذكري الله ولاتسوين بنفسك كذا ..
موظف الاستقبال : اختي .. سديم مشعل في غرفة الضماد النسائي اللي على اليمين ..
ركضت اول ماسمعت الوصف ..
دخلت الغرفة وجلست افتح الستاير وحده وحده ولاهمني أي احد .. اللي يهمني الحين اني القى بنتي واشوفها ..
فتحت الستارة الرابعة .. تعديتها .. لكني رجعت يوم شفت انها بنت صغيرة ..
قربت من عندها وانا قلبي بيطلع من مكانه ..
قربت اكثر واكثر الين وصلت ليدها ..
قربت يدي ليدها وانا كلي خوف .. مسكتها وانا ارتجف ..
كانت باردة وابرد من الثلج .. كانت يدها زرقا من كثر آثارابر المغذي والتحاليل ..
التفت على وجهها اللي كان اغلبه ملفوف بشاش ..
ورجلينها المغطيه بالجبس .. ويدها الثانية الملفوفه ومعلقه على رقبتها ..
حاولت اركز على ملامحها ..اذا هي سدوم او لا .. قربت يدي من الشاش ورفعته عن اسفل شفتها ..
دق قلبي بقوة لما شفت شفتها زرقا ..
معقولة تكون هاذي سدومه ..
معقوله هاذي بنتي ..
لالالا ياربي هاذي مو بنتي ..
هاذي جثة هامده كأنها ميته ..
وبنتي حية مافيها شي ..
مابقى غير شعرة واوصل للجنون ..
جلست اضرب راسي بأقوى ماعندي .. عشان استوعب اللي صار ..
ماقدرت ..
حسيت بصداع ذبحني .. غمضت عيوني وسندت راسي على طرف السرير .. ودموعي تنهمر بهدوء ..


احمد
كنت جالس في نفس مكاني.. بعد ماشفت ناصر وسدومه وتطمنت عليهم ..
كنت متوقع انها راح تجي ..
وفعلا ..
كانت عيوني اغلب الوقت على باب الطوارئ الين دخلت ..
دخلت زي المجنونه .. كانت تركض .. ولما وصلت للأستقبال .. سمعت صوتها وهي تصيح وتكلم الموظف ..
وشفت فواز لما حاول يهديها ..
وشفتها بعد لما كلمها الموظف بعدين راحت تركض لغرفة سديم ..
اما فواز وامه اللي كانت معه راحوا لغرفة ناصر ..
جالس ومحتار .. كيف راح تتحمل تشوف سدومه بهالشكل ..
مستحيل راح تعرف شكلها ..
وقفت ومشيت الين الغرفة ..
وقفت عند الباب .. انتظر صوتها .. بس ماسمعته ..
لايكون صار لها شي ..
لازم ادخل واشوف وش صار لها ؟؟؟
اخذت نفس طويل ودخلت ..
فتحت الستارة من دون صوت ..
شفتها حاطه راسها على طرف السرير وماسكه يد سديم ..
خفت لايكون اغمى عليها ..
ناديت اسمها بتردد : رر....نـ....ــا ..


رنا
رفعت راسي على صوته .. وكنت ادري انه احمد .
ناظرت فيه.. وانا احاول امسح دموعي اللي شوشوت الرؤية عندي ..
بلعت ريقي الناشف : أحمد !!
احمد وعيونه حزينه : فيك شي ؟؟
كسر خاطري .. شكله متأثر مرة ..
نزلت دموعي مرة ثانية .. وانا حاسه بإختناق : تعبانه يا أحمد تعبانه ..
قرب اكثر ووقف والسرير هو الفاصل اللي بيننا : سلامتك .. وش تحسين فيه ؟؟
زدت بصياحي وعجزت اتمالك اعصابي ..
تكلمت بعصبية وكأني ابي استعجل القدر : ليتني امووووووت .. ليتني اموت وارتاح .. ابي مشعل .. ابيه يا أحمد محتاجه له .. والله اني فاقدته .. وفاقده حنانه ..

احمد
عجزت اتحمل الكلام اللي قالته ..
نزلت دموعي غصب عني .. وانا اتذكر مشعل واللي قاله لي ..
والله اني اناني .. قاعد افكر بحياتي ونسيتها هي وبنتها ..
ودي اقرب من عندها واحضنها واخفف عنها .. بس مقدر ..
ليتني اصير لها مشعل اللي تتمنى انه يرجع ..
غمضت عيوني وانا ابلع ريقي اللي نشف : لاتقولين كذا يارنا .. انتي قوية .. وتقدرين تتجاوزين كل اللي صار .. بس خلي ايمانك بالله قوي .. وان شاء الله الله بيفرجها ..
طلعت بسرعه قبل لااضعف اكثر ..
رجعت لمكاني وغطيت وجهي بيديني وجلست اصيح وانا اتذكر شكلها وشكل سدومه ..
سمعت احد مر قدامي وهو يقول : الاستقبال قال وين غرفتها ؟؟
الرجال : يقول غرفة الضماد بس مدري وين ؟؟
هذا صوت فواز .. رفعت عيوني ومسحت دموعي وناديته : فواز ؟؟
التفت فواز : احمد !!
قرب من عندي : هلا والله .. ( سلم علي ) وشلونك ؟؟
هزيت راسي يعني بخير ..
فواز : شكلك تعبان .. روح ارتاح .. خلاص حنا عندهم ..
جلست على الكرسي لاني حسيت بدوخه : لا انا بجلس الين اتطمن على سدومه ...
فواز : اللي يريحك .. انا بروح اودي امي لسديم وبشوفها واجيك .. اوكي .. بس القاك هنا ..
احمد : انزين روح انتظرك ..
خمس دقايق وجاني فواز وجلس جنبي ..
فواز : بصراحه ماألومك .. لو انا مكانك كان مقدر اتحرك بمكاني ..
احمد : الحمد لله على كل شي .. ربك لطف بحالهم ..
فواز : الحمد لله ..
ادري مو وقته بس ودي اسأله سؤال ومتردد ..
احمد : فواز ممكن اسألك سؤال ؟؟
فواز : اسأل .. خذ راحتك ..
احمد : امممم .. سدومه وش ركبها مع ناصر؟؟ ..
ابتسم فواز ابتسامة حزينه :آآآآآآآآآآآآآآآآآآآآآآآآآه يا احمد .. السالفة طويلة بعدين اقولها لك ..
تحمست اعرف وش السالفة : لا قولها الحين .
فواز : بس مو وقته يا أحمد ..
احمد : الا وقته .. والا انت عندك شي ؟؟
فواز : لا ماعندي شي .. بس ماراح اقول التفاصيل .. بقولها لك باختصار ..
ارتحت لان فواز بيعلمني : قول .. اسمعك ..
فواز : عبدالرحمن بيزوج رنا .. ورنا رافضه .. وناصر مأيد موقفها .. حتى انا بس ماتدخلت ..والبارح كالعاده تهاوشوا ثلاثتهم .. طلعت رنا لغرفتها وهي معصبه .. اما ناصر أخذ سدومه وقال انه بيروح يوسع صدرها مع رنا .. لما رقى لرنا لقاها نايمه .. قال خلاص بآخذ سدوم لحالها .. بس هاذي السالفة ..
انصدمت من اللي قاله .. يعني رنا تنخطب وترفض ..
وعبدالرحمن يحاول يغصبها .. بس الى الآن مقدر ..
بس في النهاية راح يزوجها غصب عليها ..
عذرتك يارنا لما قلتي انك تبين تموتين .. عذرتك انك تبين مشعل ..
لكني ماعذرت نفسي لاني فرطت فيك وفي بنتك ..
نسيت نفسي وزواجي قدامها .. وحلفت ايمان اني لاحافظ عليها وعلى بنتها .. لو كلفني هذا الشي عمري ..
اوعدك يارنا اوعدك ..


رنا
لما هديت شوي وحسيت اني اقدر اوقف دموعي ..
سألت امي اللي جالسه تقرأ على سدومه : ماما وش اخبار ناصر ؟؟
امي : الحمد لله يابنيتي طيب .. وانتي وشلونك ؟؟
رديت عليها بصوت مبحوح : بخير .. بروح اشوف ناصر ..
طلعت من الغرفة ..
لكني سمعت امي وهي تقول : فواز برى مع احمد خليه يدلك ..
طلعت وانا حاسه اني بطيح من الدوخه اللي فيني ..
شفت فواز وجنبه احمد اللي كان سرحان وفي عالم ثاني ..
قربت من عند فواز : فواز وين غرفة ناصر ؟؟
قام فواز بسرعه لما شافني .. مسكني مع ايدي : تقدرين تمشين ؟؟
هزيت راسي يعني ايه ..
مشيت انا وياه الين غرفة ناصر ..
سميت بالرحمن ودخلت ..
اخذت نفس طويل وانا احمد ربي واشكره .. ان ناصر طيب ..
مافيه أي شي ..
اللهم رضوض بسيطه ..ووجهه ممخش شوي ..
جلست جنبه وهو نايم .. مسكت يده وبستها وانا حاسه بتأنيب الضمير ..
كله مني .. كله مني .. لو انا موافقه على واحد من هاللي جوني .. كان ماصار اللي صار ..
استغفر الله وش قاعد انا اقول ؟؟
لو تفتح عمل الشيطان ..
قدر الله وماشاء فعل .. اللهم لا اعتراض على حكمك ..
بس خلاص اي واحد يجيني راح افكر فيه واذا بيناسبني راح آخذها وكفاية مشاكل لحد هنا ..