جيته من أقصى ماتكّون بالاعماق
مدري وله ولاوفا مادرا به
مشتاقه الخطوه لدربه والاشفاق
تسرع تبي تلقاه حضرة جنابه
تغرد أحلامي على غصون الأشواق
وتصفق اكفوف المحاني صبابه
حتى وصلته وانثنى عنده الساق
وتبدلت ضيقة خفوقي ..رحابه
بدا يسولف لي عن اجروح الافراق
وش سوت اركاب الحنين بغيابه
آخايل ادموعه على الخد تنساق
تجري كما يجري هميل السحابه
بغى يرده لكن الوجد حراق
بين الحنايا ماترده مهابه
يقول فرقى الولف ماهوب ينطاق
واثره يوجه يم غيري خطابه
من ( بنت قلبه ) يشتكي لي والارهاق
وأنا اشتكي قلب يحبه شقا به
يالوعة اللي جاه مسرع ومشتاق
واقفى يجر خطاه جرحه سطا به
لا واعذاب اللي تخيّل ولا ذاق
شاف السراب ويحسب إنه جوابه
يومه وصل آخر متاهات الاغراق
نوى الرجوع وخان دربه صوابه
ماعاد باقي غير نزف بالاوراق
شعر(ن ) يعزي خافقي في مصابه

أبشرك ياظالمي طاح القناع
وبانت ملامح صورتك في عيوني
كنت الوليف اللي سكن بين الأضلاع
والغالي اللي يرسم حدود كوني
كنت العزيزاللي له القلب فزّاع
تامر على روحي والبي تموني
واليوم دمعه شدها مني القاع
طاحت وذابت وانتهت من جفوني
غرك دفا قلبي وضيعت الأسناع
وبالغت باذلالي بكل الفنوني
كم قلت لك قلبي رهيف ومطواع
مايحتمل كثر الزلل والطعوني
خنقت نبضه من غرورك بلا داع
ومحيت حب(ن ) في وريده جنوني
شاريك بالغالي وبالرخص ينباع
ياللاسف ماهقوتي بك تخوني
أبشر بفرقا مع شتات بلا وداع
فرقا " عيوف " كمّل العمر دوني
إلا المحبة ..ماتجي بلوية ذراع
الموت ولا حس الكرامه يهوني

كلن نهار العيد فرحه اكذوبه
في قلوبنا جرح تعاظم مع اللمس
صدام ودع دنيته للمثوبه
بعيد النحر ضحى به الغادر النجس
ياللأسف صدع بصرح العروبه
مايحتمل شوفه سوى فاقد الحس
قادوه شامخ ماتهزه ذنوبه
واضح ملامح ماتدارى ولا اندس
تحمل كتاب الله ثنايا اجيوبه
ينادي الوحده ويوصي على القدس
له نظرة اللي واثق من دروبه
يمشي لحتفه مسرع ٍ بايع النفس
يردد التوحيد لحظة غروبه
من الجسارة سطر لجيله الدرس
صرنا نقود الذل يوم ابطشوا به
تبت يديهم - ياعرب - زمرة الرجس

جاني على مركب خيالي مع الطيف
ينثر على جرحي رماد الأماني
سلم وقفى ماسأل حالتي كيف ؟
مايدري إن الشوق يملا كياني
قمت آتلفت حولي الواقع مخيف
القلب ينزف والضماد المحاني
أنا حسبته لا حضر دنيتي ريف
يروي هشيم الجوف ود وحناني
ويعوض الخافق كثير التكاليف
عقب الفراق اللي سواده كساني
معقوله أحلامي غدت كلها زيف
وبالغت بالهقوة حسبته يعاني
ليت الدروب اللي لفت به كما الضيف
قصرت ولاجابت خطاه لمكاني
بُعده وقربه نشف الريق تنشيف
كنه سحابة صيف مرت ثواني
منْ يمسح الدمعة وهم التحاسيف ؟؟
ويلملم اشتاتي وجرح كواني ؟؟

سنيـن ماهـز الوصـل ســود الأهــداب
اسـنــيــن وغـيــابــه يــغـــذي حـنـيــنــي
اسنيـن مــرت مالـهـا عـنـدي حـسـاب
كـــن الـزمــن واقـــف عـلــى دمعتـيـنـي
دمعـة عذابـي حيـن صـرح بالأسبـاب
ودمعـة خضوعـي يـوم فــارق يميـنـي
مــن يومـهـا عـايـش بـذاتـي ولاغــاب
ذاك الـشـعــور إنــــه يــعــاود يـجـيـنـي
يسري بدمـي كـل مااغضيـت ينسـاب
طيف (ن ) من اطيافـه يبيـح كنينـي
كنـي سكنتـه ولـف واغلـقـت الأبــواب
وهجـرت كـل النـاس لــو هــي تبيـنـي
أسـامـر الـذكـرى الـيـن الـدجـى شـــاب
واخبرشعاع الشمس وش صار فيني
شـوق وحنـيـن وزادهــا لـوعـة غـيـاب
والـعـالـم الله وش بـعــد يحتـريـنـي !!
ياهل ترى مثلـي عليـل(ن) ومنصـاب
يشكي مـن الفرقـا وجرحـه دفينـي ؟؟
ولا طـفــى ضـــوه وشـمــع الــغــلا ذاب
واقفـى ماكـن العـرف بينـه وبينـي ؟؟

أصابها مرض (...... )
عندما أُكتشف كان في مراحله المتأخرةِ ..
اختلط ألمُ النفسِ بعذابِ الجسدِ ,
احتاجت كثيرًا لأيدي حانيةٍ تقفُ معها ــ خاصةــ في أيامها الأخيرةِ,
وبالذات من زوجِها ..
لكنهُ ...أسرع بالزواجِ من أخرى ..!!

قلتُ على لسانِها :






شفته يلملم مابقى لي من ايام
يلمها لاجل العروس الجديده
بيديه ينثر ماقضيته من أعوام
في عشرته رغم الظروف العنيده
ياما تمنيته على كف الاوهام
يرسم معالم دنية(ن ) لي سعيده
لكنه اقفى يغرز بصدري سهام
ويتل قلبي من ضلوعي بايده
ليته صبر لين القبر يحوي اعظام
اعظام جسم من تعبها بديده
ماعاد يعنيني سوى همّ (عزام)
وش حيلته لاقيل أمك فقيده
ياهل ترى بيسلى وينظر لقدام
ولايعيش الياس فاقد عضيده
يامن سمع عن قصتي والدمع حام
يرفع كفوفه لوالي العرش سيده
يرجيه يعطف قلب (مريم ) على ايتام
هذا الذي من دنيتي بس أريده

مـاجـفـيــت ولا سـلــيــت ولا عــلـــى بــالـــي نــوايـــا
غـيــر إنـــي أسـتـلـذ الـصـمـت فـــي صـحــرا ظـمــاه
أخـتــزن بـاعـمـاق جـوفــي عـــذر أبـعــاد الـحـكـايـا
امتـطـي يـاســي وارحـــل ..واحـتــري عـمــري بـــلاه
زادي الـذكــرى وشـعــر(ن) يـمــلا أطـــراف الــزوايــا
مــارحــم شــوقــي ووجــــدي ..إلا زودنـــــي عــنـــاه
أكــتــم آهــــات الـمـواجـع..داخـل أســــوار الـحـنـايـا
وسط صمت لو تكلم ..صرخة (ن )توصـل مـداه
أفـتـعــل فــرحــة زمــانــي ..والله أعــلـــم بـالـخـفـايـا
كـل فرحـي ..كـل سـعـدي ..سـلـوة الخـاطـر مـعـاه
آتـلـمـس فــــي وجــــوه الـخـلــق لأشـبـاهــه حــلايــا
وأتــســمــع مــــــن بــعــيــد الـــنـــاس لأخـــبـــاره رواه
يـامــغــادر فـــــوق جــرحـــي ..لاتـلــفــت لـلـعـطـايــا
خذنـي وصـف دون صــوره يبـهـج المعـنـى شــذاه
مـاخـبـرت الـجــرح يــبــرى ..دون مـايـتــرك بـقـايــا
وماهقيت القلب ينسى عشرة إنسان ٍ(ن ) هواه

قرأتُ موضوعًا قبلَ فترةٍ ...
يُطالبُ كاتبهُ بأن (نصنعَ الذكرياتِ الجميلةَ في حاضِرِنا لمُستقبلِنا )..ومنذُ أن قرأتُ المقالَ وأنا أتساءلُ ..
هل بإمكاننا فعلُ ذلك ؟؟
وفي الحقيقةِ حاولت !!
فاكتشفتُ أن مافي أعماقِنا من ترسباتٍ أليمةٍ ..يشوه واقعنا ..ويجعلنا ننظرُ لما حولِنا بمنظارٍِ قاتم ...
وهذا النصُ الذي سوف أطرحه ..قد لايمثلني تماما ..
ولكني حاولتُ تعداد الأمورَ التي قد تحرمُنا من الإستمتاعِ بما حولِنا ..
وبالتالي عدمُ القدرةُ على صنعِ ذكرياتٍ سعيدةٍ








كيف أصنع الذكـرى وحزنـي خشيـري
يـامـنْ تـقـول الـوقـت بيـديـك مـرهـون
اكـتـم مشـاعـر حـايــره فـــي ضـمـيـري
وأضحك ولو فـي داخلـي هـم مدفـون
أساير اظروفـي وأنـا أرفـض مصيـري
سير الغريب اللي فقد درب مضمون
أجـلـس ولــو إنـــي بـغـيـت المـسـيـري
مثل السجين اللي بلا ذنب مسجون
أقــابــل أشــخـــاص بــوجـــه سـفــيــري
والـــود ودي عـــن حـيـاتـي يـروحــون
تـعــبــت أجــامـــل واتـــنـــازل لــغــيــري
واليـابـغـيـت الـــــرد عــنـــي يــصـــدون
يــاذي الحـيـاة الـلـي شـقـاهـا مـريــري
مليت أرددها : (بسيطة تبي تهون)
ابـدفــع الـخـطـوات و أرجـــي بـشـيـري
علّـه يسـلـي خـاطـر ٍ بــات مغـبـون

البارحة ضج الحنين ودعاني
يم السنين الماضيه / طاري أحباب
قمت آتوارى عن جليسي وأعاني
فيض من العبرات / حرق لي أهداب
رمت الصبر عنه /ولكن قواني
شوقي لقربه في وسط لمة أصحاب
عفت المكان وقمت أعاتب زماني
واتجرع الحسرات وادور أسباب
يالوعة تملأ رهيف المحاني
ياحسرة غطت على الجرح ماطاب
الى متى عمري أعيشه أماني؟
والى متى قلبي يعاني ولاذاب ؟
الى متي شوقي يزلزل كياني؟
والى متي حلمي كبير(ن ) ولاشاب ؟
ليت الوليف اللي سقيته حناني
وأقفى /ولا كنه / من البعد منصاب
يعيش لحظة مكتوي في مكاني
ويحس جمر الشوق لا هلّ.. منساب
ولا .. الزمان اللي خذاه و طواني
ياخذ غلاه.. ويمحي احساس الاعجاب

صدّ /وتعجل / وانتحى / يرجي الغير
ودّه يقلل ماوفى من حناني
يرسم لي البسمه وفي داخله غير
ضاقت معاني حجته ماحواني
ياصاحبي ...جرب عذاب المشاوير
حاول .. إذا تقدر تغادر مكاني
مهما تروح وخطوتك تبعد السير
بيردك احساس رسمه التفاني
وإني زرعت بضامرك بذرة الخير
وظللتها عكف الضلوع المحاني
واسقيتها عشق ٍ تحدى المحاذير
ويممتها قبلة شموخ المعاني
المشكلة قلبي يعاف المعاذير
يرفض يعاود مامضى من زماني
هذا الذي يشغل هجوس التفاكيّر
كيف أقنعه يصفح اليا جيت عاني ؟؟

جاني يعاتبنـي علـى صمـت نجـواي
.ويــعــدد أيـــــام مــضـــت مـاطـريـتــه
غضيت طرفي خوف يدري بخفاياي
ويـبــان ســـرٍ فـــي خـفـوقـي خـفـيـتـه
سرالغـلا اللـي كامـن ٍ فـي حنايـاي
ويـسـري بمعالـيـق الضمـايـر لقـيـتـه
يـامـن يعاتـبـنـي ويـســرف بـشـكـواي
جـتــك المـشـاعـر ظـامـيـة مادعـيـتـه
لــو ماسهـرتـك شـعـر يـمـلأ زوايـــاي
مـاكــنــت مـلـهـمـنـي بـنــظــم قـريــتــه
ولـو مانزفـتـك جــرح يشـعـل بقـايـاي
مـاكـان شـوقـي مــن غيـابـك جنيـتـه
ولــــو ماتـعـطـرتـك سـوالـيــف ويــــاي
يـــذوب طـيـفـك فـــي خــيــال رويــتــه
يكفينـي إنـك مـصـدر إلـهـام معـنـاي
مـاظـن وجــودك فــي حيـاتـي بغيـتـه
حيـثـك تـمـثّـل منـتـهـى درب مـبــداي
واطـــلال حـلــم مـــن زمـانــي رجـيـتـه

والله مــاأمــلّـــه ولا أمــــــــلّ لــقـــيـــاه
لــولاه لـيــل مـاارتـجـي ضـــي نـــوره
ياماسقيت الـروح مـن عـذب لامـاه
وياما كسانـي مـن مباهـج حضـوره
ياماعطانـي مــن زهــر قلـبـه أغــلاه
امـغـلــف بــالــود بـأحـلاهــا صـــــوره
ياماهـدأ نبـضـي الـيـا لــذت بحـمـاه
رغم إنه يشعل فـي خفوقـي شعـوره
هاجوس فكري خالف اليوم ممشاه
واقفيـت مـن دنيـاه حالـي مخـطـوره
ماأنـسـاه لــو إنـــي تـعـمـدت فـرقــاه
حـيـثــه بــدايــات الــفــؤاد وســـــروره
أســـج وأدلـــه والـمـشـاعـر ظـمـايــاه
والـرِجـل لــولا العـقـل ســارت تــزوره
إن كان لي ذنب ..فهو زود طرياه
مــاودي أنــزع مــن حيـاتـي جـــذوره
يالوعـة الحرمـان يالصـبـر يــالآه !
وش با قي بدنيـاي ماذقـت جـوره؟
هنيـت مـن عـاش السـعـادة بدنـيـاه
حـولــه ثــمــر قـلـبــه تــغــرد طــيــوره

غـاب وتركنـي فـي ظمـا ...أنـشـد الــريّ
لـيـتـه عـطـانـي عــــن غـيـابــه تـفـاسـيـر
الصـاحـب الـلـي عشـرتـه تنـعـش الـحـيّ
والـــيـــا لـمـحــتــه راح هـــمـــي تـبـاشــيــر
راح ونـسـانــي فــــي ظــــلام بــــلا ضــــيّ
مــــن بــعــد مـاعـشـتـه لــيـــالٍ مـسـافـيــر
أنـــا أشـهــد إنـــه كـــاويٍ مهـجـتـي كــــيّ
وأنــا أشـهـد إن الـربـح دونـــه مخـاسـيـر
علمي بي أغلى مـن نظـر عينـه أشـويّ
وأدري بـــشـــوقـــه مــاتــلــمـــه تــعــابـــيـــر
علمي بي (الشيخه)وهو( فارس) الحيّ
تــهــون مــــن أجــلــي بــعــاد الـمـشـاويـر
حـاولـت أجـنــب خـاطــري ظـنــي الـســيّ
وأثـــر الـغـيـاب يـفــوق جـمـلــة مـعـاذيــر
لانــــي تـشـربـتـه مــثــل ظــامـــي الــمـــي
وصـرت أفـهـم أحـوالـه بيـسـر ومعاسـيـر
وأصـبـح مـــلاذ الـــروح لاصـابـنـي شـــيّ
ألــــوذ بــــه ...وألــقــى بــرايـــه تـيـاسـيــر
يـامــن يـزيــح الـــروح يــــم بــــارد الــفــيّ
ويـامــن يخـبـرنـي عــســى نــوهــم خــيــر

طرح رائع
إستمـــــري ف نحن بالانتظـــــــار
ودي ووردي
http://i8.glitter-graphics.org/pub/2308/2308658kk70dmb7yl.gif

شاكره مرورك العطر