السلام عليكم....

حبيت أنقل لكم قصه روعه كاتبتها للحين ماخلصت منها....
والقصه للكاتبه (خجل العذارى) هذا للأمانه...



وأتركم ألحين تقرونها لأنها من جد حلوة ومميزه....


...((يا عيونه بس يكفيني عذاب))...

الجزء الاول

شذى حبيبتي في ناس خطبوك من أبوك...
شذى وهي مستغربه: هلا يمه شتقولين في ناس خطبوني؟
ام محمد وهي تناظر بنتها الوحيده:إيه خطبوك وينتظرون الرد عشان يجون يخطبون رسمي..
شذى بفضول : مين هم...انا اعرفهم ؟
ام محمد: لا ما تعرفينهم...ولا أنا اعرفهم بعد؟
شذى: إذا انا ولا انت نعرفهم مين يعرفهم؟
ام محمد : خالد اخوك يعرف المعرس...
شذى وهي تناظر امها: مرة وحده معرس زين يمكن ما أوافق...يا خوفي بس يطلع زي راكان اللي قبله ما يعرف...
امها تقاطعها: اخوك خالد يمدح فيه ويقول مثله ما ينرد...
شذى: يعني بس خالد يعرفه.....
امها وكأنها تذكرت حاجة: انت بعد تعرفين خالته اخت امه...
شذى باندهاش: خالته اعرفها انا ؟ من تقصدين يمه ؟
امها وهي تبتسم: فكري ...تتوقعينها مين؟
شذى وهي محتارة: مين من الجيران او من اصدقاء العيلة؟؟
امها: ما حزرت....و باقولك حاجة ترى اهل المعرس مو من الشرقيه؟
شذى واندهاشها زاد: مو من الشرقية...وانا اعرف خالته واخوي خالد يعرف مرس الغفلة...ومثلة ما ينرد.....يمه خلاص تراني خلاص وصلت حدي قولي لي مين وماله داعي هالفوازير اللي انت مسويتها..
امها: اوكيه بقولك...
تقاطعها شذى بضحتكتها الرنانة: هههههههههه احلى يمه اوكيه هذي من وين جابيتها....والله الوالده حركات..اوكية..بكرة ايش رح تقولين...تشاو...ههههههههههههه
ام محمد : تضحكين على امك هاه؟ زين يا شذى موتي بفضولك نامي الليلة بدون ما تعرفين عريس الغفلة على قولتك...
شذى وهي تحاول تكتم ضحكتها : خلاص يمه والله آسفه بس بالله من اللي علمك عليها أكيد سعود ما غيره صح
ام محمد: ماني بقايله زين...
شذى قامت وحبت فوق راس امها : خلاص السموحة يمة بس قولي لي من المعرس تكفين يمة الله يخليك الله يوفقك الله ي....
ام محمد تقاطعها: خلاص زين زين باقول عاد انتي تلصقين بالواحد إلين يقولك....
شذى: زين مين المعرس؟؟؟
ام محمد: خالته تراها معيدة بالكلية عندك بقسم لغة عربية؟؟
شذى والفضول ذابحها: بالله عندي بالكليه وبقسمي بعد مين هذي؟
ام محمد:اسمها عبير...عرفتيها؟
شذى والبسمة شاقتها: من جد ونااااسة الصراحة اذا هو على خالته رح يكون جنتلمان...
ام محمد باستغراب: وش جنتلمانه انتي وخشتك؟
شذى وهي مبسوطة:ما عليك مني...زين اذا هو مش من الشرقيه اجل من وين؟
ام محمد: من الرياض...
شذى وهي تناظر امها: من الرياض...وجا الشرقية يخطبني...ليه خلصو بنات الرياض عشان يدور برا...
ام محمد:يقول لاخوك خالد احنا ندور على العرق الطيب...
شذى: اوكيه يمه قولي لي عنه نبذه مبسطة و موجزة اكيد خالد قال لك شي عنه لو بسيط؟؟
ام محمد: خالد يقول ان اسمه تركي وهو ضابط وان عايلته مشالله عليها ناس معروفين بسمعتهم الطيبة ويقول ان ابوه واخوه الكبير يشتغلون في التجارة وعندهم خير...
شذى وهي تبتسم: ضابط يمه انت تتكلمين من جد؟
ام محمد: تعرفيني يا شذى انا ما احب المزح في امور الجد اللي زي كذا
شذى:زين اسفه يمه...كملي
ام محمد: بس هذا اهم ما قاللي اخوك...
شذى بضيق: شوفي يمه قولي لي حتى الفتافيت اللي قالها السيد خالد زين ؟؟
ام محمد: اوفففف زين بقولك...يقول ان تركي هذا جاء الشرقيه في دورة مدة ستة شهور وخالد خويه يوسف تعرفين في العسكريه بعد...يوم جا تركي دورته العسكريه كان يوسف معه اللي صار ان يوسف عزم تركي كذا مرة ونادى خالد اخوك....يقول عنه رجل والنعم فيه ما في مثله اثنين
شذى وهي تناظر امها بنص عين:كذا عزيمة تخلي تركي هذا...يخطب اخت خالد اللي شافه مرات معدودة هاه؟..
ام محمد وهي تضرب بنتها بخفه على كتفها: يا النبيهه توني اقولك خالته عندك بالكليه اكيد سألها عنك ومدحتك له(واخذت ام محمد تمسح على شعر بنتها) والله وكبرتي يا شذى وبنزوجك...
شذى وهي تبتسم لأمها:اكيد باكبر يا يمه مثل الناس...يعني تبيني اصغر مثلا؟...بس يمة كيف عرف تركي اني انا اخت خالد ادرس عند خالته هاه؟
ام محمد: خالته هذي عبير كلمتني وهي اصلا اللي دلته علينا بس لقاء تركي بخالد كان صدفة...
شذى: يمه توك تقولين ما اعرفهم...
ام محمد: والله ما اعرفهم هي كلمتني وعرفتني بنفسها و قالت لي الموضوع وخالد كلمه تركي وينتظرون الرد عشان زي ما قلتلك...
شذى: ارد على واحد ما اعرفه الله يهداك يمه....
ام محمد: اخوك يمدحه وانتي توك تمدحين خالته...
تقاطعها شذى : بس هذا ما يكفي يمه لازم نشوفهم ونسأل عنهم زين وبعد كذا لكل حادث حديث...
ام محمد:خلاص يعني انتي ما عندك اعتراض للحين؟
شذى:اعترض على ايش؟؟
ام محمد: يعني يا حبيبتي انتي مو معترضة(وبغت شذى تقاطعها) اسمعيني للآخر خليهم يجون ونشوفهم وبعدها نسأل عنهم اذا طلعوا اهل خير الله يحييهم واذا كان غير كذا ننهي الموضوع من اوله ولا كانه صار شي..
اعجبت شذى براي امها: يمشي اللي تقولينه يام محمد..
ام محمد:الله يحفظك يا شذى ويكتبلك اللي فيه الخير...
وقامت ام محمد عن بنتها وطلعت من غرفة شذى عشان تقول لابو محمد براي بنتهم الوحيده

تابع الجزء الاول

شذى عمرها 19سنه اصغر وحده في اخوانها وحدانية بين ثلاثة اولاد حلوة مملوحة وهي طويلة وجسمها روعة و يسمونها البنات باربي من حلاوة جسمها و شعرها لآخر ظهرها حلو وكثيف وناعم وهي بيضاء صافيه تميزها بحة صوتها الناعمة وهي طيبة وحبوبة و شذى مجنونة بالموضة والأناقة..
اخوانها محمد اكبر واحد عمره 33 يشتغل مساعد طيار بالخطوط السعودية
متزوج مريم ومريم هذي ملقوفة وفيها لعانة احيانا تكون ملكة الطيبة واحيانا العكس
وعندهم بنتين ريم 5سنين و رنا سنتين
ومحمد ومرته ساكن مع اهله بحكم سفره الدائم ما يقدر يخليهم لوحدهم عشان كذا ساكن مع اهله..
خالد 28سنه ثاني واحد متزوج بنت عمه مها وساكن بفيلة جنب اهله وهو يشتغل مهندس بناء

سعود24سنة توه راجع من برا كان يدرس بجامعة اكسفورد ببريطانيا واول مارجع تعين مدير علاقات عامه باهم الشركات الكبرى بالشرقية هو احلى اخوانه واملحهم بس طبعا بعد شذى...
ام محمد بعد ما طلعت من غرفة شذى كانت بتروح لغرفتها إلا شافت رنا بنت محمد طايحة تبكي على الأرض...
ام محمد: وش فيها راني تبكي...(وشالتها من الأرض)...وش فيك يا رنا تبكين؟
إلا تجي مريم وتشيل بنتها من يد ام محمد وتقول وهي معصبة : خالتي ما تشوفينها طايحة على وجهها اكيد بتبكي...
ام محمد : وش فيك معصبة ؟؟
مريم : ما فيني شي بس بنتي طايحة...إلا شسالفة الرجال اللي خاطب شذى اسمعكم تتساسرون فيه ولا حد قال لي او افكر يقولي حتى مها مرة خالد تعرف السالفة وانا آخر من يعلم...
ام محمد تركتها لأنها ما تبي مشاكل ومشت عنها وقالت: ما حصل شي واذا صار شي قلنا لك ....
معروف عن مريم اللقافة واللعانة...بس قدام محمد حمامة سلام ...الكل منقهر منها حتى شذى بس دايم يوقفونها عند حدها ومحد يشكي لمحمد منها لانهم شايفينه يحبها ومرتاح معها..
مريم قعدت تاكل بنفسها من القهر لأنها ما تعرف شي في السالفة ومنقهرة من محمد زيادة لأنه اكيد بيعرف ولا قالها مع انه زوجته وام عياله...

تابع الجزء الاول

وفي الرياض...
متعب: احلى يا تركي بتاخذ لك شرقاويه هاه
تركي وهو يبتسم لاخوه: شفت اخوك مب هين
متعب وهو يغمز لتركي: اهل الشرقية اهل الدلع يا تركي
هنا يتدخل اخوهم الكبير بندر: شوف يا تركي اذا المرة اللي بتاخذها زينة
حلوة...لا تنسى اخوك الكبير عشان اذا عجبتك باخذ اختها...
تركي وهو يناظر اخوه بندر نظرة سخرية: ما تقدر لأن المدام مارح توافق على هالشي...وبعدين خلك مرتاح ماعندها خوات...
بندر وهو معصب: وش دخل مرتي في السالفة هاه؟
متعب وهو يكلم بندر: بندر يا عمي خلك مع بنت عمك ام فارس احسن لك...
بندر ابو فارس: امزح على طول صدقت انت و اخوك.....
الكل ضحك عليه لما قال كذا
بندر: المهم ما علينا تركي لو تاخذ لك وحده من بنات عمانك او خوالك احسن لك
تركي: خلاص يا بندر قفل السالفه تعرف ما حد منهم عاجبني او حتى داخل مزاجي
متعب وهو يكلم بندر: تذكر بعض الناس يوم دموعهم اربع اربع لما خلصوا الثانوية توهم بزران يبون يتزوجون بنت عمك سلمى...
تركي وهو يضحك: عادكم تتذكرون انا نسيت السالفة تدرون لها 8سنين يعني فيه ناس ماتوا وناس ولدوا وناس تزوجوا وتطلقوا وانتم عادكم فيها
بندر ابو فارس: لا مو عادنا فيها بس تقول مو عاجبينك بنات عمك..
تركي بضيق: هذا حب مراهقه حب عيال...وبعدين خلاص انا بتزوج يعني خلاص قفلوا عليها...
ويقوم تركي عنهم ....
ابو فارس: وين تعال ...خلاص بنسكت...
تركي وهو ماشي:لا تسكتون كملوا كلامكم...بس ياليت تبعدوني وما أكون محور حديثكم....
متعب: اقول تركي وين رايح؟
تركي:بروح مع واحد من اخوياي عازمني على العشا...ويناظر تركي ساعته...شفتوا اخرتوني الساعة تسعة ونص ونا متفق على الساعة تسع...
متعب وهو يضحك:لما تودع العزوبية وتتزوج لازم تكون تسع ونص بالبيت مافيه سهر برا البيت...مافيه تاخير...
تركي وهو يبتسم:خير ان شالله انا لما اتعدل يكون بمزاجي وبراحتي...
وطلع تركي ...
تركي وهو في سيارته رايح لموعده...
دق جواله...
....: تركي
تركي:هلا والله يباه...
ابو بندر: تركي توني مسكر من ابو محمد ويقول حياكم الله ...
تركي :يعني موافقين...
ابو بندر:أكيد...ومن يقدر يرفض تركي ولد عبدالله...
تركي:أخذت منهم موعد...
ابو بندر: إيه على الخميس الجاي بنروح الشرقية ....والله يعين على اختيار خالتك...
تركي:إن شاء الله خير ....
ابو بندر:إن شالله تامر على شي؟
تركي:ما يامر على عدو...
ابو بندر:في حفظ الله..
تركي:مع السلامة.....
ويقفل الجوال تركي ويفكر في مسقبله مع بنت ما يعرف عنها إلا اسمها

تابع الجزء الاول

تركي عمره سبعة وعشرين سنه شاب الكل يحلم فيه وسيم لدرجة تبهر الاعين ورجل خلوق وطيب يحب الاعتماد على نفسه في كل الامور رفض يشتغل مع ابوه وحب يعمل لنفسه ومستقبله دخل العسكريه
لأنها حلمه من صغره ودايم يقول عنها مصنع الرجال...عيبه عصبيته الزايدة وغروره الزايد ويبي اللي معاه يمشون مثل الساعة يعني بدون اخطاء...
هو ترتيبة الرابع في العائله...
اكبر واحد ابوفارس بندر 40سنه متزوج عائشة بنت عمه
بعده فاطمة 37سنه متزوجة ولد خالها ناصر
وبعدها متعب 30 سنه متزوج سارا بنت عمته
وبعدين تركي...
وبعدين آخر العنقود بشاير18سنه حلوة ودلوعة...


وش رح يصير لما يجي تركي بأهله الشرقيه على الموعد؟؟؟
وإيش معنى شذى بالذات اختاروها لتركي؟؟؟
قصة حب تركي وقصة حب شذى؟؟؟
وراي ام تركي..............ورأي محمد اخو شذى بالخطبة؟؟؟

اوكي بنكمل
يتبع الجزء الأول...


في بيت شذى وبالتحديد بغرفتها مع صديقتها ريم...
ريم:الصراحة ما نقدر نتكلم خاطبك ضابط بناء على رغبتك وحلمك...
شذى وهي تناظر رفيقتها بفرح: شفت شلون...
وتزيدها ريم: لاااااااااااااا وبعد مثل ما تمنيت تسكنين بالرياض...
شذى وعيونها بتطلع:أنا؟؟؟ متى قلته؟؟؟.........
ريم بنص عين:لا تحاولين تنكرين(وتقلد صوت شذى)ياربي ياليت إحنا عايشين بالرياض مع بنات عمي سعد بدل هالرطوبة والحر اللي بالشرقية ذابحنا...
شذى وهي تسند ظهرها على الكرسي: هذا بس كلام وخرابيط....
ريم: إلا تعالي قلتي رح يجون يوم الخميس يعني(وتحسب ريم على اصابعها)يعني بعد خمس ايام
شذى: يالله مرة قريب...
ريم:بتشوفينه ويشوفك مثل ما قلت قبل شوي؟
شذى:yes
ريم:يعني سألتو عنه؟؟؟؟؟؟؟؟
شذى وهي تتربع وتعدل جلستها: طبعا ما خلى أبوي الله يحفظه أحد بالرياض نعرفوه إلا خلاه يسأل وشغل فريق التحري حقه بالرياض يسال عنه والنتيجة هي...إنهم مدحوه ومدحوه أهلة بعد...
ريم وهي تضحك:بالله من فريق التحري هذا؟؟؟هههههههههه
شذى وهي تضحك من ضحك صديقتها: هذول الله يسلمك يتكونون من ثلاثة أبطال هم عمي سعد وخالي فهد و خويه عبدالهادي...
ريم وهي تضحك:يعني النتايج تطمن...
شذى:ع الآخر... وظحكوا....
وبعد فترة سكوت طويلة بينهم...
قامت شذى من على الكرسي وراحت وقفت قدام المرآية وقعدت تتأمل نفسها وبعدها لفت على ريم : ريم تتوقعين تركي بيرفضني.......لو رفضني والله أنهار إلا أموت...تذكرين أمل يوم رفضها خطيبها لما شافها البنت نهارت مسكينة...
ريم بجدية:شذى؟...إيش هالكلام أساسا مافي مقارنة بينك إنت وهي...صدق إنها حبوبة وطيبة بس إنت احلى...أساسا مافيه مجال للمقارنة بينك وبينها...هي جمالها متواضع مرررة
شذى: ولو...الجمال مو كل شي بالحياة أهم شي الراحة النفسية...يمكن مايرتاح معاي...
ريم: ما أدري شقول لك...بس احسن حل صلي استخارة واطلبي من الله إنه ينور بصيرتك
شذى:صليت استخارة وهذا دايم ادعوا الله إنه يكتبي لي الخيرة...
ريم:الله يوفقك...
شذى تقرب من ريم:ريم شوفي ألحين بفتح الباب وبلقى مريم تحاول تتسمع...

يتبع الجزء الأول

ريم وهي تحط يدها على راسها:ياربي...هذي ما تشبع دايم تتصنت؟؟
وتقوم شذى وتاشر لها على الباب وبخفة سريعة تفتح الباب ومثل ما توقعت مريم قدامها تسوي نفسها رايحة لغرفتها لأنها قريبة من غرفة شذى...
شذى وهي حاطة يدها لى خصرها:إنت شتسوين هنا؟؟؟
مريم تحاول تخفي ارتباكها:رايحة لغرفتي(وتقوي عينها وتقول بعصبية)ولا لازم آخذ الأذن من آنسة شذى قبل لأروح غرفتي هاه؟
شذى بتحدي:إيه لازم زين؟...وبعدين ترى حركاتك مكشوفة...
مريم بعصبية:أي حركات؟
وتدّخل ريم وتسحب شذى على داخل الغرفة...
ريم لمريم:هلا مريم...
مريم ببرود:هلا...
ريم لشذى:خلاص يا شيخة بلى مشاكل؟
شى بقهر:تقهرني يا عالم...أنا متأكدة إنها تتسمع بس..
ويقطع حديثهم صوت جوال ريم...
ريم:هلا...وين أنت؟...أوكيه لحظة....اوووووه زين خلاص جايية....لا تاكلني...بااااااي...
شذى:مين اخوك؟
ريم:إيه تحت ينتظرني...
شذى: طبعا تجين يوم الخميس...
ريم وهي تاخذ عبايتها:بشوف...
شذى: وش تشوفين تجين يعني تجين....
ريم تلبس العباية:بشوف...وبعدين التليفون بينا...
شذى:مثل ما قلتي...بينا التليفون...
ريم:أوكيه يلله باااي...
شذى:بااااي...ترا اليوم بكلمك...
ريم وهي طالعة: في انتظارك........
وبعد ما راحت ريم دخلت شذى غرفتها و وراحت وانسدحت على فراشها وقعدت تفكر...
غربية؟؟ليش اختارتها عبير من بين البنات...ليش ما اختارت ريم مع إن ريم املح منها واحلى بكثير...زين يعني يمكن وجود عبير معها كان صدفة ووجودهم الثنتين بنفس المكان صدفة...او يمكن هي اختارتها لتركي...طيب ليش مادور في الرياض اكيد بيلقى سكان الرياض بالملايين الله العالم...
ريم صديقة شذى حلوة وأحلى من شذى بكثير بس هي وشذى صديقات من الطفولة...

يتبع الجزء الأول

في غرتهم...
مريم بعصبية:ليش ما قلت لي يا محمد إن فيه أحد خطب أختك؟
محمد وهو تعبان متمدد على فراشه:نسيت...
مريم:ولو هذا مو عذر...
محمد معصب:خلاص نسيت يعني ما أنسى؟....
مريم:زين تدري إنهم بيجون يوم الخميس هذا؟
محمد:من قال لك؟
مريم:شذى قالت لي...(كذابة تتصنت عليها)....
محمد بينام خلاص:حلو...خلاص مادام شذى قالت لك خل تقولك الباقي...
مريم بقهر:ليش ما تقولي إنت؟ مو إنت زوجي؟
محمد: بكرة وراي سفر لجدة والمدينة خلاص خليني انام...
مريم مقهورة:زين...بس بكرة نكمل كلامنا على الفطور ...
محمد بضيق:خير إنشالله...
وبعدها نام محمد لأنه تعبان طول اليوم في المطار وبالليل راح المستشفى يزور خوية...وبعدها معزوم وما وصل البيت إلا متاخر ولقى مريم تنتظره يدري غنها صاحبة مشاكل بس حبوبة...
محمد عصبي ويحب اهلة ومرته وما يرضا لهم المهانة وبنفس الوقت ما يبيهم يغلطون....

يتبع الجزء الأول

في الصباح على الفطور.........

ام بندر: تركي لا تزال مصمم على رايك؟...
تركي زهق من هالسالفة: يمه خلاص كفاية خلاص خطبنا وبنروح نشوف العروسة....
ام بندر:بس انا...
يقاطعها تركي:على عيني وراسي بس بلاها سالفة إنتي تبيني ارتاح خليني على ما انا عليه...
ام بندر:ناس ما نعرفهم مهوب احسن من ناس نعرفهم منا وفينا...
تركي وهو يشرب الشاي:يمه...لما سألتك بالبداية وافقتك وألحين تعترضين ما يصلح يمه بعد ما كلمناهم ترضينها لبشاير؟؟
ام بندر:لأ.... يا تركي خالتك هي اللي دلتنا عليهم ويمكن بعدها ما تعجبك العروس وبعدين بس هي اللي تعرفها؟
تركي:وانا اعرف اخوها...مشالله عليهم....وانا استخرت و ربي ريح قلبي لهالشي....
ام بندر:بس عندي سلمى بنت عمك احسن ...او جواهر بنت خالتك...
تركي وهو قايم من الفطور:ما ابي لا الاولى ولا الثانية انا اعرفهم واحس ما بقدر اعيش معهم....
ام بندر:كمل فطورك؟
تركي:الحمدلله شبعت...بعد وراي دوام...
ام بندر :الله يحفظك.......
بعد ما طلع تركي...
قعدت ام بندر تفكر صح هي اللي غلطت في البداية ما اعترضت يوم الخطبة صارت رسمي توها تتكلم بعد ما يصير هذا مو من الأصول...

يتبع الجزء الأول
مريم:انا اشوف إن شذى مهوب صغيرة على الزواج خلها تتزوج ونفتك مو كل ما يجيها عريس تدور لها حجة وترفضة
محمد:كيفها....إنت شيخصك؟....
مريم بعصبية:كيف ما يخصني؟
محمد وهو يعدل شماغة: شوفي حبيبتي هذا وانا اخوها ما تدخلت فلا تدخلين احسن لك...انا وإنت مالنا شغل...
مريم تحرضه:بس هذي اختك؟
محمد وهو يناظرها:وهذي حياتها لوحدها إذا استانست لوحدها وإذا حزنت بعد لوحدها فلا ندخل فيها.......
مريم:............
محمد: زين إنك عرفت إذا انت فاضية اقعدي مع بناتك شوي مو قاطتهم على الشغالة
مريم:مين قال قاطتهم اصلا انا طول اليوم معهم...
محمد:باين...وهذا انا اشوف بعيوني...

يتبع الجزء الأول
يوم الخميس...
بغرفة شذى.....
شذى بارتعاش: يمه انا خايفة يا ريم احس خلاص بموت من الخوف...
ريم وهي تمسك يد شذى:خلاص يا بنت ايش هالحركات كلها نص ساعة وتشوفين المعرس؟
شذى: ريم لا تقولين كذا لك ثلاث ساعات الحين وانتي تحسبين الوقت باقي ساعتين باقي ساعة باقي نص ساعة يعني وبعدين؟؟
ريم:زين وليش ما احسب لك الوقت انا بعد تراني متوترة مثلك اذا هذا الشي يوترك يا.........يا عروسة...
شذى وهي معصبة: جب زين....عروسة بعينك...
ريم وهي حاطه يدها على صدرها: بسم الله علي وشفيك معصبة حد ضربك؟؟ انا ما قلت شي يزعل؟؟كل بنت تتمنى انها تصير عروس
شذى:ريم تكفين خلاص...انا متوترة مرة ...واحس ماني قادرة افكر والله كأني بامتحان آخر السنه إلا اشد من كذا...
ريم: شي طبيعي إنك تكونين متوترة وخايفة...بس(وتناظر ريم شذى من فوق لتحت) انت ووجهك ايش رح تلبسين لا تقولين...
تقاطعها شذى: إيه بدخل وانا لابسه كذا...عندك مانع؟؟؟
ريم: إيه عندي مانع...من جد هذا لبس انتي ووجهك...والله كأنك داخلة عزى بأحد ميت...
كانت شذى لابسه تنورة سوداء طويله مع بلوزة كم طويل تدرجات البني والبيج و رافعة شعرها بطريقة شوي رسمية وحاطه ماسكرا
خفيفه على عيونها...

يتبع الجزء الأول
شذى بعصبية: والله؟؟؟ انا عاجبني شكلي كذا...وبعدين عشان مايظن إني انا مو مصدقه فيه وطايره فيه...خليني كذا احسن ...
ريم: اتوقع لو يشوفك ينحاش...ابد بيقول داخله علي هذي بالغصب وما تبيني لا تصيرين خفيفه بس لا تسيرين كذا مره ثقيله...
شذى: الثقل زين...والبنت الخفيفه ماحد يبيها...
ريم: ماقلنا صيري خفيفه... بس شذى تكفين نزلي شعرك عشاني...بيني له انك حلوة...يله نزلي شعرك لا ترفعينه كذا...
شذى بعناد: لأ يعني لأ ...
ريم: بالله عليك نزليه و هالعناد ماله داعي يا بنت الناس...فلي شعرك وامسكي نصه من فوق بكليب احلى من هذا...
شذى:...................
ريم باقناع: والله شكلك كذا يقول عمرها 29سنه مو 19....
شذى: لاااااااا...لا تقولين كذا...امانه شكلي كذا اكبر من سني بكثير؟؟؟؟
ريم بمكر: إيه والله شكلك على حافة الثلاثينات...بس عدلي شكلك شوي عشاني...يالله مو عشاني عشانك نفسك انتي...
شذى:..........................
ريم تزيد: شذى والله اذا دخلت كذا احتمال99% انه يرفضك... كذا كأن احد مصفقك...أكيد بيقول هي مجبورة علي وانا ما ابي
وحده ما تبيني...فراح ينسحب بنفسه ويعتذر....
شذى: ريم رجاء لا تخوفيني...لهالدرجة شكلي رايح فيها...زين يالله شوري علي وش اسوي..بس لبس ماني مغيرته لو إيش...

يتبع الجزء الأول
ريم: بس غيري يا ش....
تقاطعها شذى: ريم ملابسي مارح اغيرها لو يكون من يكون خليني كذا احسن وعن شعري بغير تسريحته عشانك...
وراحت شذى عند درجها وقاد تدور كليب احلى من اللي هي لابسته وطلعت كليب لونه بني مموج ببيج حلو وناعم...
ولفت على ريم وقالت لها: ريم وش رايك في هذا؟؟؟
ريم: إيه هذا أحلى من اللي قبله...ألحين فلي شعرك من تحت وامسكي بس اطرافه من فووق..
وفكت شذى شعرها وقعدت تعدل فيه...وعملت مثل ما قالت لها رفيقتها ريم وبعد ما خلصت...
ريم بفرح: إيه كان كذا احلى من الأول ...بس
شذى مقاطعتها بعصبيه: بس إيش بعد ؟؟؟....
ريم: بس كنت ابي اسأل ألحين انتي بتحطين مكياج ولا ايش السالفه؟؟؟...
شذى: طبعا لأ...انا بس حطيت ماسكرا وبس ....خليه يشوفني على طبيعتي أحسن...
ريم: زين حطي بس غلوس لا تحطين مكياج كامل...
شذى:ريم رجاء بلى حنه زيادة على راسي...كذا وبس...
ريم: زين بس اخر شي أنتي بتلبسين اكسسوارت ولا لأ....بس لا تقولين لأ لأنك بجد بتثبتين لي إنك عجوز...
شذى: زين إنك ذكرتيني تصدقين والله نسيت...
وراحت شذى لعلبة اكسسواراتها وتبي تطلع شي تلبسه...إلا سحبت ريم العلبه منها وقالت لها:
انا اللي بختارك يا حلوة...لأن اليوم شكل ذوقك فيه زفت من كثر ما تفكرين...
شذى بابتسامه: ريموه...اعطيني العلبه تراني مهوب ناقصه لفلسفتك...

يتبع الجزء الأول
ريم برجاء: شذى الله يخليك انا خليني اختار لك والله انك اليوم رفعت ضغطي من لبسك...
شذى بمزح: لا تغلطين انتي ووجهك ولا تشوفين الباب هاه؟؟....((تقصد تطردها))...
ريم: اقول يله اقلبي ووجهك يا الحولا انا اللي باختار لك...
وتجرها شذى من شعرها بمزح: ريم انا حولا يا الحولا لا تخليني الحين احذفك برا....
ريم بصراخ: آآآي....آآآي....عورتيني يالخايسه...ولا تخليني انا ألجأ للسلاحي الخاص اظافيري والعب بوجهك هاه...آآآي
شذى تفك ريم: امزح معك يا الهبله...وبعدين انتي من جدك انك تبين تشوهيني واليوم شوفتي؟؟؟....
ريم وهي تعدل شعرها: طبعا لأ...بس عشان تفكيني...وبعدين خليني أنا اللي اختار لك وش تلبسين من اكسسوارات بليز؟؟؟...
شذى تناظرها بابتسامه: اوكيه....خلاص اختاري لي ريم....بس هاه يكون ناعم ما فيه دفاشه... بليز ريم...
ريم وهي تحوس بالعلبه وتدور لها: خير انشالله...بما انك تبين ناعم باختار لك شي حلو...

يتبع الجزء الأول
بالصاله ببيت ابو محمد اهل شذى...
كانت مها زوجة خالد ومريم زوجة محمد وام محمد قاعدين...
بينما الرجال قاعدين بالمجلس مع اهل تركي اللي جو لما صارت الخطبه رسمي....
مريم: مها...ايش قال لك خالد عن خطيب شذى؟؟؟
مها تعرف حشرية مريم ردت عليها: مثل اللي تعرفينه ما شي جديد...
مريم: وش دعوة؟؟؟ المعرس من طرف خالد وانت زوجته أكيد قال لك شي عنه...
مها: هو قال لي انهم مشالله عليهم اخلاق وسمعه طيبه...
مريم: وفلوس كثيره...
مها: مشالله عليك يا مريم هذا انتي تعرفين اجل ليش تسألين هاه؟؟....
مريم: اللي قلتيه شي معروف... وهم معروف عنهم فلوسهم الكثيره....
مها: اطمني من هالناحيه...خالد يقول إنه ما ياخذ ريال من اهله...هواللي يصرف على عمره من راتبه.... من شقاه...
مريم:يعني ما ياخذ من اهله فلوس؟؟؟؟...
مها:ولا ريال....وبعدين انتي وش يهمك لو ياخذ او لأ... انتي بتاخذينه ولا شذى؟...
مريم:لأ مو قصدي كذا...بس كان ودي اعرف عنه اكثر...لأن محمد قال لي انهم ناس هوامير بالرياض...
مها ما حبت انها تكمل كلامها مع مريم فقعدت تكلم خالتها ام محمد اللي كانت ساكته وتناظرهم...
مها: اقول خالتي وينها العروس شذى هاه ؟....لي ساعه ونص من جيت ولا شفتها؟؟؟...

يتبع الجزء الأول
مريم تقاطعهم: وينها يعني..اكيد بغرفتها مع صديقتها ريم فوق من جات وهم الثنتين بالغرفه ماطلعت لهم 3ساعات...
مها وكأنها ما سمعت مريم: والله يا خالتي إني فرحت من قلبي بشذى وبنفس الوقت حزنت عليها مره...
ام محمد: ليه حزنت؟؟؟...
مها:لأن خالد قال لي ان تركي المعرس ساكن بالرياض واكيد إذا الله كتب نصيب بتروح الرياض وبنفارقها والله...
ام محمد بحزن:والله نفسي يا مها امس بالليل كانت سهرانه معي ولما راحت تنام قعدت ابكي من بعدها لان فراقها صعب علي...
مريم بخاطرها((إلا ابركها من ساعه خليها تذلف وتفكنا هالعله واحسن مافي زوجها انه بعيد منا))
مريم تكلم ام محمد: إي والله يا خالتي فراقها صعب علينا كلنا...وما اقدر اتخيل البيت من دون شذى حتى بناتي بيفارقونها...
ام محمد تناظرها باستغراب لأن المشاكل بين مريم وشذى ماتوقف فكيف رح تحزن عليها...
فهمت مريم القصد من نظرة ام محمد لها ومن متى هم حبوا بعض فقالت: تدرين يا خاله إن العشرة ماتهون لو يوم فما بالك بسنين...
ام محمد باقتناع:صدقت يابنتي العشرة ماتهون...وكل بنت لها يوم تفراق فيه بيت اهلها...

يتبع الجزء الأول
مها: خالتي اليوم تركي بيشوف شذى؟؟؟...
ام محمد: اليوم إيه بيشوفها وتشوفه...والله انها يامها مره مرعوبه من هاليوم...
مها: كل البنات كذا يا خاله واتذكر يوم جا خالد بيشوفني سويت بامي العيد من الخوف...
ام محمد: بس انتي تعرفين خالد من قبل وشفتيه وشافك بس هي مسكينه ما عمرها شافته ولا شي...
مها: وانتي صادقه يا خالتي...بس بعدين بتقعد تضحك على نفسها لما تتذكر.....
وفي هاللحظه يدق جوال مريم وترد مريم....وبعد ما سكرت....
مريم: اقول خالتي هذا محمد يبي يكلمك هناك بالصاله اللي بقسم الرجال....
وتقوم ام محمد لولدها....
مها: مريم محمد وش يبي بخالتي؟؟؟..
مريم: شكله يبيها تعدل شذى عشان تدخل تشوفه...لأنه سألني اذا شذى خلصت او لأ....
مها وهي تقوم: اجل خليني اطلع لشذى اشوف اذا خلصت او لأ....
وقامت مها عن مريم.....
وراحت مريم لام محمد ومحمد عشان تشوف وش صار بالمجلس عند الضيوف...

يتبع الجزء الأول
انتي وش يعجبك؟؟...ما يعجبك العجب
شذى وهي تلبس عقد ناعم عندها: انا ما يعجبني العجب بمزاجي زين الحمدلله والشكر انتي من جدك ألبس الهبال اللي طلعتيه
ريم: أي هبال انتي يالهبله؟؟؟هذا اغراضك انا ماجبت شي من عندي...
شذى:أدري...بس والله لو اسمع كلامك بروح فيها...حشى كأني بعرس مو نظره عاديه...
ريم بنص عين: نظره عاديه؟؟؟((وتكمل بعصبية)) هذي يا مجنونه بتحدد مستقبلك وباقي عمرك...((وتقلدها)) نظره عاديه...
شذى: يعني انتي ووجهك تبيني اكشخ كأني رايحه عرس...اما عليك هبال مو طبيعي...
ريم: الصراحة يا شذى ياليتني اليوم ما جيت لأني ما استفدت غير انك رفعت الظغط والسكر عندي..
شذى تجاريها:إي والله...وانا بغيتك عون صرت فرعون...
ريم تبحلق بعيونها: انا فرعون يا شذى؟؟؟؟؟؟؟؟؟...
بهاللحظة دق باب غرفة شذى...
ريم وهي تطالع شذى وتقول بصوت واطي:هذي مريم؟؟..وش عندها صايره مؤدبه وتدق الباب خبري فيها انها تقط اذنها...
شذى وهي تضحك:انتي يالهبله هذي امي اكيد....الدنيا بتتعدل ومريم عمرها ما تعدلت...
وقامت شذى وفتحت الباب....

يتبع الجزء الأول
شذى بصراخ: مها....هلا والله متى جيتي...والله انك جيتي بوقتك...انا موووت محتاجتك...
مها وهي تسلم على شذى: لي اكثر من ساعه تحت...بالبدايه بغيت اطلع لك بس قلت خليها تتعدل على راحتها...
وقامت ريم تسلم على مها: هلا مها شلونك؟؟؟...
مها: تمام وانتي...
ريم: بخير بس شكل شذى مطنشتنا....
مها: ليه؟؟؟..
ريم: من لقى احبابه نسي اصحابه...انا لي معها اكثر من ثلاث ساعات واول ما شافتك نست قعدتي معها طول اليوم...
شذى وهي تضحك:ما عليك منها يامها انتي بس قولي لي وش رايك بشكلي كذا......حلو؟؟؟؟؟.
مها وهي تتأملها: إيه كذا حلو ...بس ما ادري احس ناقصك شي؟؟؟....
شذى بثقه: ابتسامتي....
ريم : اوووووووووووووووه يالثقه...
شذى وهي حاطه يدها على خصرها: اكيد واثقه اذا شذى ماهي واثقه بنفسها...أجل مين اللي يثق؟؟؟
مها:اقول خلصيني...استعدي ترى محمد يقول جهزوا...عشان تدخل...
وقتها تحولت ثقة شذى إلى خوف: تتكلمين من جد يا مها بلا مزح؟؟؟.....
ريم وهي تضحك: اقول يا الواثقه...وين الثقه اللي قبل شوي شكلها تبخرت من سمعت طاري انه يشوفك...
شذى: ريم...تكفين خليني إلى ما ادخل وارجع اسوي فيك يوم ما تنسينه...
ريم شافت توتر شذى فقالت: شذى حبيبتي لا تتعبين عمرك لأنك بتدخلين من هنا وانا بروح لبيتنا من هنا....
شذى تبي تقهر ريم: احسن شي بتسوينه من يوم عرفتك...
ريم:اوكيه يا حلوة حطي يدك ورجولك بماي بارد...لأني بقعد عندك إلى ما يروح تركي الرياض زين؟؟؟
وهنا دخل ام محمد على شذى وريم ومها ومعها ريم الصغيره بنت محمد...
ام محمد:اقول حبيبتي شذى خلصتي محمد اخوك تحت ينتظرك عشان تدخلين تشوفين تركي...
شذى برعب: لا يمه باقي ما خلصت انتظري شوي...
وقتها تشيل ريم صديقة شذى ريم بنت محمد:احلى ما فيه هالبنت اسمها ...تهبل يا شذى طالعه علي...
شذى: طالعه عليك إلا على اخوي محمد يا الذكيه...
ريم تبي تلطف الجو: لأنها ماخذه نفس اسمي عرفت ليش؟؟؟

يتبع الجزء الأول
ابتسمت لها شذى ابتسامه سريعه وقالت لأمها: يمه ما ابي اشوفه خلاص هونت...
ام محمد باستغراب: إيش هونت؟؟؟....
شذى برعب:إيه هونت خليه يرسل صورته وانا بشوفها...كذا احسن...
ريم: هين انتي توافقين عليه...بس المشكله هو رح ينصدم يوم العرس لمن يشوفك...
شذى بضيق: كلي تبن زين...
ام محمد: شذى بلا دلع البنات ذا وقومي معي...ولا ترا انادي لك ابوك ياخذك...
مها: شوي شوي عليها ياخاله...كل البنات كذا...((وتلف على شذى)) شذى ليه ما تبين تدخلين؟؟؟....
شذى: مها تدرين إني ميته رعب وانا ما دخلت...فما بالك لو دخلت اتوقع يغمى علي من الخوف...
مها وهي ماسكه يدين شذى وتبي تطمنها: كل البنات كذا وبعد الزواج تتذكرين نفسك وصدقيني بتضحكين عليها...
شذى: ولو احس انا غير...... ما أدري لأني لا اعرفه ولا هم يحزنون...
هنا رق قلب ام محمد على وحيدتها فلمتها بحظنها وقالت: سمي بالرحمن ياشذى وتوكلي على الله واخوك محمد بيكون معك
شذى:ما ادري شأقول يمه ....
ام محمد: زين يالله نزلي معي.....
شذى بتوتر: زين يمه بس اعدل نفسي و انزل معك...
ام محمد: وطول الوقت اللي فات وش تسوين؟؟؟....
شذى: اجهز نفسي....
وراحت شذى لعند التسريحة وتعدل نفسها....
ريم: لا تحاولين يا شذى خايسه خايسه........
شذى: بعينك خايسه........
مها: لا تخافين تمزح والله تهبلين.......
وشذى وهي طالعه مع امها: اعرف ريم ومزحها....
وهنا تشد ريم شذى من يدها وتقول لها بصوت واطي: اقول شذى هالله هالله بالقز قزيه من راسه للرجوله زين؟؟؟....

يتبع الجزء الأول
شذى تفكها وتقول:زين إذا قدرت اشوف...تبيني اقز....
ونزلت شذى مع امها.....
ريم: تتوقعين يا مها ان تركي حلو؟؟؟........
مها: ما ادري......
ريم: زين ما سألت خالد زوجك؟؟؟........
مها باستغراب: اساله عن إيش؟؟؟؟....
ريم بضيق:إذا تركي حلو او لأ.....
مها بابتسامه: تتكلمين من صدقك انتي،عشان خالد يذبحني...
ريم:ليه؟؟؟...
مها:لأنه زوجي وبيغار علي منه....
ريم بمزح: اموت بالغيره انا....
مها:إيه خليك كذا بنت مؤدبه...
وضحكت ريم من كلام مها...
وقعدت ريم ومها فوق بغرفة شذى يسولفون....

يتبع الجزء الأول
بالمجلس عند الرجال كان جالس تركي وابوه ابو بندر وابو محمد وعياله كلهم محمد وخالد و سعود ...
ابو بندر: وإذا ما عندكم مانع يابو محمد نبي تركي يشوف بنتكم ؟؟....
ابومحمد:ابد ما عندنا مانع...وهذا من حقه إنه يشوفها لو يبي ألحين......
ابو بندر:تسلم يابو محمد...
ابو محمد: ابد يابوبندر ما جبنا شي من عندنا هذا من الدين والسنه....
ابو بندر: اصيل وتعرف الأصول يابومحمد...وماعليك امر لو يشوفها ألحين....
ابو محمد:مايامر عليك عدو....وشوف يا سعود لتركي طريق عشان يشوف اختك...
سعود:تامر يباه...((ويلف على تركي ))وحياك ياتركي معي...
تركي بابتسامه:الله يحييك....
ويقوم سعود من المجلس ومعه تركي للمجلس ثاني بجنب مجلس الرجال عشان تركي يشوف شذى وتشوفه.....

يتبع الجزء الأول
بالمجلس الثاني....
سعود لتركي: حياك يا تركي البيت بيتك...
تركي: الله يسلمك...
ويروح تركي يجلس بالمجلس ويدخل سعود ينادي أخته....
تركي بخاطره((يارب اكتب لي الخير ووفقني باختياري))...
ويقعد تركي يحاول يرسم صورة تقريبيه عن شذى من خلال وصف خالته عبير لها.......


.................................................. ................................

سعود: اقول شذى يله قدامي بسرعه.....
شذى بخوف وهي متمسكه بأمها: يماه خايفه تعالي معي...
سعود يقلدها:يماه خايفه تعالي معي....اقول انتي هي بلا دلع يلا امشي قدامي انا اللي بدخل معك...
شذى متفاجأه: انت؟؟؟؟.........ليه وين محمد وخالد؟؟؟....
سعود يخزها: مع ابوي بمجلس...ليه انا مهوب عاجبك يا آنسه شذى؟؟؟.......
شذى: بصراحه انا كان ودي محمد او خالد....كبار ويعرفون بهالسوالف مهوب انت بزر باقي....
ام محمد: لا سعود فيه الخير والبركه....
سعود يعصب من كلام اخته ويقرب منها ويمسكها مع شعرها ويجرها على فوق إلى ما وقفت على اطراف اصابيع رجلها...
سعود بمكر:تبيني أدخلك يا شذى على تركي كذا???????...
ام محمد: سعود فك اختك....
شذى:آآآي....سعود حرام عليك فكني احس خلاص شعري بيتقطع في يدك...آآآي حشى هذي مو يد انسان...
ام محمد تفك شذى من سعود: سعود بس اترك اختك هذا بدال ما تطمنها...
سعود: امزح يمه معها وش فيك....
شذى وهي تعدل شعرها ونفسها: ألحين انت تمزح انت ووجهك؟؟؟...هذا وقت مزح...
سعود بابتسامه:وش رايك بمزحي حلو خفيف صح؟؟؟....
شذى بطنازة: إيه مزحك مووووت خفيف...
سعود:أوووووه نسيت الرجال بالمجلس...يلله شذى امشي معي...
شذى: يلله هذا انا معك...
ام محمد:الله يكتب لك الخير كله ياشذى...
سعود:الله عليك يماه تبين الخير كله لشذى وتنسين عيالك ...
ام محمد: كلكم يا سعود ولا تزعل...
سعود: اقول شذى يله ابطينا على الرجال بالمجلس...
وتمشي شذى مع اخوها والخوف متملك قلبها

يتبع الجزء الأول
شذى حبيبتي تراه انسان مثلنا ما ياكل آوادم ...وش اللي يخوفك منه؟؟؟......
شذى وهي واقفه عند الباب:...انت ماتفهم خايفه...
سعود: اقول والله لو ما تمشين لأجرك بشعرك مثل قبل شوي احذفك عنده داخل...
شذى بنظرات حقد:.............
سعود بضيق:لنا ساعه عند الباب ليه ما تدخلين؟؟..
شذى بعد ماجمعت باقي قوتها: يلله ادخل توكلنا على الله...
سعود:إيه خليك كذا....
ودخل سعود ومعه شذى اللي تمشي بخوف وارتباك....
سعود: حياك يا بنت فيصل...
ولما شاف تركي سعود وهو داخل وكان وراه طيف امرأه ما لمحها زين وقف...
سعود: ارتاح يا تركي...هذي اختي شذى...
وقعد تركي وسعود...وراحت شذى وقعدت بجنب اخوها سعود وهي عيونها بالأرض ماهي قادرة تشيلهم...
تركي:شخبارك يا شذى؟؟؟...
شذى بارتباك: بخير....
وقعد تركي يقز بشذى ويناظرها...
تركي وهو ما شال عينه من شذى:شخبار الدراسه معك يا شذى؟؟؟...
شذى: بخير...
تركي يسألها:انشالله ناجحه هالسنه؟؟؟...
سعود يتدخل: من هالناحيه لا تخاف بالدراسه مصريه شذى...
تركي بابتسامه عريضه: صدق يا شذى اللي يقوله أخوك سعود؟؟؟....
شذى بخاطرها((هين يا سعود تقوله إني انا مصريه وتفشلني خل الناس تروح ويصير خير))وكل هذا وهي ما رفعت عيونها...
تركي: هاه شذى انتي بالدراسه مصريه ولا إيش يقصد سعود؟؟؟...
شذى بخجل: يبالغ سعود.....مهوب للدرجة المصريين عاد...
وقعد تركي وسعود يضحكون عليها....
و قعدت شذى تفكر((مشالله على الأخ تركي طايح فيني قز من أول مادخلت وانا ما لمحت شي منه غير ثوبه ياربي ابي اشوفه))
وقعدت تقول بخاطرها((لازم ارفع عيني واشوفه هالرجال باعيش معه طول عمري يارب عطني الشجاعه إني اقدر اشوفه واطالعه بس))
تركي حب يحرك الجو شوي وقال:وإذا شذى موافقه علي أباخذها الليله معي الرياض مره وحده وبلاعرس بلازحمه؟؟؟...
من صدمة شذى بهالكلام رفعت عينها وقعدت تطالع فيه من الصدمه...وش هالكلام؟؟؟ حلوة ياخذني بلوشي كذا؟؟؟....
سعود يبي يقهر شذى: وإذا علينا إحنا اهلها ماعندنا مانع....الله يستر عليها...
هنا كل تفكير شذى وقف وقعدت تطالعه وما قدرت تنزل عينها من اللي شافته...

يتبع الجزء الأول
كان حلو ووسيم....كان أحلى مما توقعت بكثير...للدرجه حست إنه هو أحلى منها بواااجد ...وفيه جاذبيه لها مهوب طبيعيه...
تركي بمكر:هاه شذى...وش قلت،سرينا الليله على الرياض؟؟؟...
شذى لا إيراديا: طبعا لأ......وبعدها استحت ونزلت عيونها....
هنا قعد يضحك سعود ومعه تركي على ردت فعلها...
تركي وهو يناظر شذى: لا تخافين امزح معك ومارح تمشين انشالله معي من الشرقيه للرياض إلا بعرس اهل السعوديه كلها تتكلم عنه.
حست شذى من كلامه إنه موافق عليها وراضي عنها....ويبيها...

.................................................. ...........................

بالصاله....
مريم: خالتي...وين شذى من رجعت ما شفتها؟؟؟....
ام محمد:اول ما دخلت طلعت فوق لغرفتها عند ريم صديقتها...
مريم: ومها وين؟؟؟....
ام محمد:مها قاعده تكلم أهلها داخل من الجبيل...
مريم منقهره: وشذى بتقعد طول اليوم كذا بغرفتها؟؟؟....
ام محمد: براحتها....هي دخلت وطارت على فوق حتى ما اعطتني فرصة اكلمها وسألها....
مريم:أكيد بتقول البير وغطاه لريم...مشالله ريم كل شي تعرفه...
ام محمد تبي تسكتها:صديقتها ورفيقتها...إذا ما قالت لها بيتقول لمن؟؟؟....
مريم تبي تشعلها:لك انتي...امها....
ام محمد:في الليل لمن الكل ينام اروح لها بغرفتها وتقول لي عن كل شي بعيد عن الزحمة....
مريم:.......................

يتبع الجزء الأول
ريم يجنن يجنن يجنن....
ريم بحماس: يجنن...من هذا تركي؟؟؟....
شذى:إيه....أجل مين يعني مثلا سعود؟....
ريم:ماعلينا من سعود..... وش رايك فيه؟؟؟.........
شذى متحمسه:الصراحه احلى مما توقعت جميل ووسيم ياريم للدرجه ما توقعتها...
ريم: يعني أحلى من اخوك سعود؟؟؟
شذى: مافيه مجال للمقارنة أحلى بمليووون مرة...
ريم: يعني مثل خالته عبير؟؟؟؟
شذى بحماس:أحلى احلى.....
وتكمل شذى كلامها:تصوري ياريم أحلى مني....
ريم: من جد تتكلمين؟؟؟....
شذى: والله العظيم احلى مني وانا ميتة خوف...
ريم: من إيش خايفة؟؟؟......
شذى:إنه يرفضني لأنه أحلى مني...
ريم:........................................
شذى:انا حسيت من كلامه إنه راضي عني ويبيني بس خايفه....
ريم :شوفي شذى انا ما بطلع من عندك إلا وقلتي لي وش صار من طلعت من الغرفه إلى ما رجعتي لي ألحين...
شذى: تآمرين آمر....
وقعدت شذى تحكي للريم من اول مانزلت إلى ما جا اخوها سعود و وسالفتها معه إلى ما رجعت يعني من طقطق إلى السلام عليكم...

.................................................. ...........................................

وبالليل بالفندق.....
كان تركي وابوه ابوبندر حاجزين جناح كامل لهم بفندق الميريديان....
تركي:هلا يباه....وش بغيت؟؟؟...
ابو بندر:سلامتك يا تركي....بس بغيت أسألك وش رايك بالجماعه اليوم؟؟؟...
تركي : انت قول رايك بالأول يابو بندر؟؟؟ .....رايك يهمني؟؟؟....
ابو بندر:الصراحه ما توقعت إنهم كذا؟؟؟..مشالله عليهم شكلهم رجال أصول و يعجبونك...
تركي وكأنه ارتاح من كلام ابوه: حتى انا يابوبندر مثلك...اعرفهم ....ناس حسب ونسب...وطلعوا بعد اصحاب شهامه وخير
ابو بندر: انا في البدايه كنت متردد...بس ألحين توكلنا على الله...
تركي:يعني افهم من كلامك يايباه انهم عاجبينك ....وموافق عليهم....
ابو بندر:لو كنت رافض ماكنت جيت معك وخطبت لك...بس انا اقول إني متردد وكنت ابي اللي يريحك...
تركي وهو يبتسم لأبوه: طول عمرك يابو بندر حكيم وصاحب كلمه وانا ما اخترت هالعائله إلا لمن سألت عنهم وجاني اللي يسرك...
ابو بندر: وانت يا تركي يوم شفت البنت...اعجبتك؟؟؟...

يتبع الجزء الأول
تركي بابتسامة رضى:الصراحه يباه ارتحت لها مبين انها حبوبه...
ابو بندر: ومزيونه؟؟؟....
تركي بثقه:أكيد...لو خايسه ماخذيتها...
ضحك ابو بندر من كلام ولده وقال: تركي ترى الجمال مو اهم شي ...الجمال يروح...وتبقى الأخلاق والعشرة الحسنه...
تركي: وانت صادق...
ويزيد ابو بندر:جمال الوجه بتمل منه بعد شهر شهرين...سنه سنتين...ومايبقى من زوجتك إلا عشرتها الحسنه...
تركي وهو مقتنع:معك حق يباه..بس ترى انا ماكنت ادور على الجمال لوحده لو كنت ابي وحده حلوة يا كثرهم بنات اقاربنا...
ابو بندر وهو منتبه...
تركي يكمل كلامه:بس انا كنت ابي وحده مميزه في كل شي وبكل شي وتكون حبوبه....وجذابه...
ابو بندر: وبعدين....
تركي: المهم هذا الكلام قلته لأمي وفاطمه اختي وخالتي عبير وعمتي حصه، في البدايه كان يقولوا لي عن بنات اقاربنا وحده وحده
بس انا مافيه وحده داخله مزاجي بنات اخوالي...بنات اعمامي...بنات صديقات امي...الجيران...ولا وحده....
انتبه تركي لنظرة ابوه المستغربه له... وفهم قصده...
تركي: وقالوا لي سلمى...بس سلمى خلاص ماصرت أبيها مثل اول...صدق كانت تشد انتباهي بس هذا من زمان قبل 8سنين واكثر..
ابو بندر: بس كنت يا تركي تبيها وتبكي علشانها والدنيا كلها بكوم وسلمى عندك كوم ثاني...الصراحة ماتوقعت تاخذ غيرها...
تركي:هذا الكلام يوم كنت بالثانوي وقبل لا ادخل العسكريه يباه هذا حب مراهقين وكنت احبها لأنها الوحيده اللي في عمري من
اقاربنا وهي اصغر مني بسنه...وكانت هي الوحيده اللي اشوفها قدامي...بس الحين انا اعتبرها مثل اختي بشاير وبس مو أكثر...
ابو بندر: سبحان اللي يغير ولا يتغير....

يتبع الجزء الأول
تركي حب يغير السالفه: بس يباه انا مستغرب من شي ليه ماخليت امي تجي معنا...
ابو بندر: انا قلت هالمرة رجال...وإذا فيه نصيب المرة الثانيه تجي معنا...
تركي: وانت صادق...بس مسيكينه كانت تبي تشوف العروس...
ابو بندر بابتسامه:من ألحين عروس...
تركي:أكيد...هي تطول تركي...
وهنا دق جوال تركي...
تركي:هلا...هلا بخالتي عبير........انا........اوكيه..........زوجك وين..........نص ساعه واجيك.....يالله في امان الله...
ابو بندر:مين؟؟؟....خالتك عبير....
تركي:إيه يباه......شكلك يباه تعبان تبي تنام...
ابو بندر:إي والله تعبان وهلكان ودي انام...
تركي:أجل انا استأذن يباه بروح لخالتي عبير الحين...
وناظر ابو بندر الساعه وقال:بس الحين الساعه11وين تروح وزوجها بيكون نام...
تركي وهو قايم: هي عزمتني...وسألتها عن زوجها قالت نام من الساعه ثمان وهي عازمتني على سهره عندها لما عرفت إن رحلتنا بكره
ابو بندر: خلاص...بس لا تتأخر تدري ...سبع الصبح وحنا بالمطار...
تركي:لا توصي حريص....تآمر على شي؟؟؟....
ابو بندر وهو رايح لفراشه: ابد....سلامتك...
تركي:مع السلامه ...
ابو بندر: في حفظ الله...
ويطلع تركي من غرفة ابوه ويروح لغرفته يعدل نفسه ويلبس ثوبه...و خطرت على باله شذى وابتسم لما تذكرها...
هو صح توقعها أحلى من الواقع بكثير...بس دخلت مزاجه وبقوووة بعد...حس إنها جذابه اكثر مما هي حلوة
"الله يهديك يا عبير عليك مبالغات في شكلها مهيب طبيعية" وابتسم لما تذكر كيف صورتها خالته في باله ملاك مامثلها في البشر
صدق انها حلوة...بس مومثل وصف عبير لها...بس شافها تناسبه ولايقه له....
وبعد كذا طالع الساعه إلا شاف نفسه تأخر على خالته اللي ساكنه بالمباركيه واللي تنتظره.........

يتبع الجزء الأول
لا يا يمه كان رحنا معهم مايصير كذا.... هذا اخوي موغريب عني...
ام بندر: وانا امه بس ما رحت معهم......خلاص يابشاير فكيني واللي يرحم والديك....
بشاير بزعل: والله قهر....كان رحنا وش رح يخسرون اليوم الصبح سافروا وبكره الصبح بعد بيرجعون...
ام بندر:زين وانا وش بيدي....
بشاير:كان اصريتي على ابوي إنك تروحين...بعد هذا ولدك ........ خطيبته هذي ماعمرك شفتيها ولا تعرفينها....
ام بندر:حاولت فيه بس رفض....وقال المهم تركي يشوفها مو انتي...مش هو اللي بيتزوجها....
بشاير:اوففففف قهر كان ودي انا بعد اروح وأشوفها......بس حسافه إن شالله بالخطبه اروح واشوفها....
ام بندر:يصير خير.....
بشاير بحماس: عاد خالتي عبير ميته عليها تقول أحسن بنت عندها بالكليه هي.....وتقول إنها محبوبة بين البنات وطيبه وحبوبه...
ام بندر: دايم مايلعب براسكم انتي واخوك تركي ومتعب غير هالعبير....
بشاير ولا كأنها سمعت كلام امها وتكمل:وتقول بعد إنها أكبر مني بسنه....الله وناسه وأخيرا بألقى أحد بالعايله بسني...
ام بندر:ليه وين الباقي؟؟؟....
بشاير:مين يمه تقصدين....عايشه مرة أخوي بندر اللي ولدها فارس بعمري...او مرة اخوي سارا اللي أكبر مني بثمان سنوات...
ام بندر: عندك فارس....
بشاير :فارس يمه الله يهداك هذا ولد ابي بنت وحده بعمري....تقولين لي فارس....
ام بندر: عندك نوف بنت اختك فاطمه.....
بشاير:يمه نوف؟؟؟....حرام عليك عمرها 14سنه توها بزر....

يتبع الجزء الأول
ام بندر:أي بزر؟؟؟...أنتي أكبر منها باربع سنوات بس ...بالأبتدائي كنت مع بعض....
بشاير: يمه...نوف بزر وانا كبيره عنها...حتى تفكيرها عن تفكيري غير.....
ام بندر:تدرين يا بشاير إن أختك فاطمه ماهي راضيه على هالزواج....
بشاير:أدري....اصلا من متى كانت فاطمة موافقه على زواج تركي من غير سلمى...
ام بندر: وهي صادقه مافي أحسن للولد من بنت عمه....
بشاير: اقول يمه بلا فاطمه بلا سلمى...تدرين إن اسم العروس شذى؟...اسمها عاجبني واحسها إنها بنوته مثلي وبنصير صديقات
ام بندر: وبعدين؟؟؟....
بشاير بضيق: وش بعدين يمه شكلك زهقتي مني؟؟؟.......
ام بندر: وانتي صادقه هذرة على راسي وبكره لازم اقوم الصباح بدري عشان ابوك واخوك راجعين من السفر....
بشاير بضحكه: قولي كذا....شوق الحبيب لحبيبه....
ام بندر: اقول يله اذلفي عن وجهي...ماتستحين وانتي تقولين كذا....
بشاير وهي عند الباب بتطلع من غرفة امها: لأ....ما أستحي تدرين ليش؟؟؟....لأنك امي وهذاك ابوي....
ام بندر: اقوووول.......
بشاير هربت وصكت الباب وراها....
ام بندر:الله يهديك ويصلحك يا بشاير.........

يتبع الجزء الأول
في بيت عبير وبالتحديد بالمجلس الخاص بالضيوف...

تركي:الصراحه يا عبير ماتوقعتها كذا.......
عبير بابتسامه:أكيد أحلى مما تصورت....صح؟؟؟......
تركي: تبين الجد؟؟؟...الصراحه توقعتها أحلى بكثير مما شفت....
عبير بابتسامه باهته:.......يعني؟؟؟...................
تركي: الله يهداك صورتيها لي ملاك متلبس بصورة انسان....واللي شفته العكس....
عبير انبهتت زياده: وبعدين......يعني ماتبيها؟؟؟.......
تركي بحزن مصطنع: الصراحه ابيك تدورين لي حجه كيف انسحب؟؟؟...البنت ذي ما أبيها....أحس دمها ثقيل وسخيفه....
عبير بعصبيه:تبي تنسحب؟؟؟
تركي بحزنه المصطنع:صدقيني الأمر مو بيدي....النفس وماتهوى...نفسي عافت البنت وماأبيها....
عبير وهي معصبه:عفت البنت هاه؟؟؟...أصلا انت ماتستاهل إن الواحد تخليه يدور لك وحده مافيه مثلها ثنتين....وشذى والله وهذا
أنا أحلف إنها بنت مافيه أحسن منها....بس ما أقول إلا إن الله يعطيها اللي أحسن منك بألف مره وجعلك ما تلقى احسن منها...
تركي بعد ما شاف كيف خالته تأثرت قعد يضحك عليها وعلى موقفها بالسالفه...
عبير عرفت إنه كذاب: تكذب علي أنت ووجهك هاه؟؟....أقول لا تمزح معي كذا زين؟؟؟....من جد خرعتني يا الأهبل...
تركي وهو يضحك:أنا أهبل؟؟...بس مقبوله منك يا أخت امي.....
عبير: تركي تكلم جد وش رايك بشذى؟؟؟.....
تركي وهو يعدل جلسته:تبين الجد يا عبير؟...شذى توقعتها أحلى من كذا على حسب كلامك...بس والله إني مرتاح لها وأبيها...
عبير باستغراب: ليه شذى مهوب حلوة؟؟؟....والله إنها تهبل...
تركي يماشي خالته: حلوة ما اختلفنا...بس انتي من وصفك لها توقعتها ملاك...

يتبع الجزء الأول
عبير: تقصد يا تركي إني مبالغه بوصفي لها...
تركي: بصريح العبارة إيه وبقوة بعد....بس لا تخافين شذى أبيها وعاجبتني وداخله مزاجي بعد....
عبير: داخله مزاجك ليه هي كورة؟....
تركي ضحك من كلام خالته ومن تعليقه عليها...
عبير: تضحك....بس يله ما علينا...أبيك تقول لي وش صار معك لما رحت لهم...
تركي:أدري ما عزمتيني إلا عشان اقول لك....
عبير : اخلص علي وقول....
تركي بابتسامته الفاتنه: تآمرين آمر....يا أحلى خطابه شفتها...
وقعد تركي يحكي لخالته وش صار معه لما راح لهم وشاف شذى العروس ووصف لها شعوره ناحية شذى واهلها اللي ارتاح لهم.....


.................................................. ..........................................


في الصباح يوم الجمعه.....
وبالتحديد في بيت ابو بندر....
ام بندر: بشاير شوفي الشغاله حضرت كل شي ترى ابوك وتركي بيوصلون بعد نص ساعه تقريبا...
بشاير وهي تعدل شعرها : لا تخافين مامي كل شي تمام واوكيه....
ام بندر: شوفي بشاير مو اول ما يجي ابوك تنطين عنده وتقعدين تسوين مناحه عشان ما رحت معه...لأنه بيجي تعبان...
بشاير ولا كأنها سمعت كلام امها:يمه شعري كذا حلو؟؟؟....
ام بندر: انتي سمعت اللي قلته ولا لأ؟؟؟....
بشاير: ياحياتي يا يمه...هذا ثالث مرة تقولين لي الكلام نفسه درينا وعرفنا وفهمنا...خلاص اللي يشوفك يقول إني بزر...
ام بندر:أعرفك اول مايجي ابوك تنسين كل اللي قلته...
بشاير: خلاص خلاص فهمنا والله فهمنا....بس ماقلتي لي شرايك بشعري ؟؟؟...
ام بندر: تدرين إني ما احب الشعر الأجعد ...حلاة البنت يكون شعرها ناعم وحلو....مو مثلك كل شوي وانتي تلعبين فيه بهالجل...
بشاير: بالعكس شعري وهو مجعد شكل احلى ويعطني لوك اجنبي...الشعر الناعم ما احبه...
ام بندر: كيفك....بس هذا رايي...
بشاير:يمه....عزمتي سارا ومتعب على الغدا تراني ما اتصلت عليهم...بس اتصلت على بندر وفاطمه وقلت لهم يجون على الغدا...
ام بندر: لا متعب انا كلمته من أمس...ورح يجي هو وزوجته ....

يتبع الجزء الأول
بشاير: زين طمنتيني...بعد خفت سارا تزعل مني...
ام بندر: لااا سارا اعرفها قلبها ابيض وطيبه ما تشيل بخاطرها....
وبعد كذا طلعت بشاير لغرفتها وقعدت ام بندر بالصاله تنتظر زوجها وولدها وأخبارهم....

.................................................. ...............................


........:ليه مو عاجبك ؟؟؟.....
محمد: ما أدري يامريم احسه مغرور ومتكبر...وانا هالفئه ما اطيقها...
مريم: ولو هذا مو سبب....اخوانك وابوك الكل يمدح فيه....
محمد: وش اسوي لهم؟؟؟....الولد هذا مهوب عاجبني وماني مرتاح ازوجه ختي...
مريم: احسن شي لشذى إنكم تزوجونه لها....بيعيشها بنعيم ماحلمت فيه...
محمد: الغنى والفلوس موسبب يخلينا نزوجه لاختي.....تركي هذا ما عمرنا شفناه إلا لما جا يخطب...
مريم انقهرت من محمد الكل موافق على تركي حتى شذى اللي ما يعجبها احد موافقه عليه إلا هو وهي ما تصدق متى الفكه من شذى
ام المشاكل برايها...
مريم تحاول تقنع محمد:محمد حبيبي...لا توقف في طريق اختك...إذا تبيه خلها على راحتها...موهذا كلامك....
محمد بضيق:إيه كلامي...بس ابوي طلب رايي بالموضوع...ورح اقوله اللي بخاطري...
مريم: محمد....قول لأبوك رايي من رايك يا يباه.... والراي المهم للشذى وابوك...
محمد: وأنا...ولا تكونين ناسيه إني اخوها الكبير...
مريم:لأ...مانسيت يا عمري....بس انت كذا بتوقف بطريق اختك....ويمكن تقعد حاقده عليك طول حياتها لأنه ما رح تلقى مثله...
محمد:بس يا مريم هذا ما نعرفه.....ولو نزوجها واحد من اقاربنا أحسن وافضل....
وقعدت مريم تقنع في محمد إلى ما حست إنه مش رافض بس بنفس الوقت مهوب موافق....

يتبع الجزء الأول
كانت الساعه تدق على الواحده ظهرا....
كانت شذى قاعده بالصاله اللي بالطابق الثاني ببيتهم وتطالع التي في وحاطه على مسلسل مصري تابعه، وهي بنفس الوقت سرحانه
بعالم ثاني ولا هي حاسه باللي حواليها....
شذى بخاطرها تفكر بصالح ولد صديقة امها فوزيه اللي كانت بينهم قصة حب ملتهبه بس المشكله كانت إنها من طرف واحد بس اللي
هو من طرف شذى، كان صالح هذا رفيق وصديق الطفوله بالنسبه لشذى، صدق ما كان حلو بس هو في نظرها انسان مافيه احلى و
املح منه، صالح أكبر من شذى بسنتين كان ولد مشكلجي وصاحب هواش وفزعات وكانو كل الأولاد اللي بسنه يخافون منه وهو وحيد
امه وابوه ومع هذا ماكان دلعهم مأثر فيه وكان يعتبر شذى مثل أخته لأن ماعنده اخوات...صالح كان ماخذ عقل شذى من أيام
الطفوله إلى أيام الصبا...كان في نظرها الحبيب والصديق...بس اللي صدمها لما عرفت إنه ينظر لها كأخت وليس كحبيبه...كانت
تشوف إنه شريك حياتها المستقبليه وإيش أحلى من حياه تقضيها مع صالح...بس اللي جرحها زياده هو لمن قالت أمه فوزيه صديقة
ام محمد إنه مايفكر يتزوج بوحده غير ببنت خاله...ولحظتها عرفت إنه حتى ما يفكر فيها وبكت على حظها الي خلها تحبه
وتعرفه...وحاولت تتنسى حبها الأولاني، وقعدت تفكر بتركي اللي شاغل هو تفكيرها ألحين و حياتها معه إذا بتتزوجه...وكيف
رح تقدر تعيش بعيد عن أهلها وتصير متزوجه وتترك عالم البنات و أحلامهم وتدخل الحياة الزوجيه.......
وهي قاعده سرحانه ما تحس إلا بصوت أفلام الكرتون على سبيس تون وتطالع إلا بنات محمد ريم ورنا يطالعون التلفزيون....
شذى: من غير القناة وحط على سبيس تون؟؟؟......
ريم:ماما....
شذى: وبعدين مع امكم...ماتشوفيني قاعد اتابع التلفزيون تجي تغير القناة....
وتدخل مريم بهاللحظة وسمعت كلام شذى....
مريم: اولا المسلسل هذا اللي كنت تابعينه انتهى...وشفتك بوادي ثاني والبنات ازعجوني قلت اشغلهم بالتلفزيون ويفكوني...
شذى:اوكيه خلاص...وين محمد؟؟؟....
مريم: راح المطار من قبل نص ساعه لأن عنده رحله لدبي....
شذى:يرجع بالسلامه إن شالله....
مريم:ليه بغتي منه شي؟....
شذى تبي تقهرها:سالفه خاصه بيني وبينه....
وقامت شذى من الصاله ونزلت تقعد مع ابوها بالطابق اللي تحت، وهي ماكان عندها لا سالفه محمد ولا شي بس كانت تبي تقهر
مريم لأنها فضوليه....

يتبع الجزء الأول
بالرياض ببيت ابو بندر......

وبعد ماقام الكل من الغدا....
فاطمه لأبوها: مشالله عليك يباه رحت خفيف انت وتركي ورجعتوا خفاف....
ابو بندر: إيه يا بنتي كذا أحسن و أفضل في امور مثل كذا.....
فاطمه: بس ما كأنكم استعجلتو شوي بالروحه...كان سألتوا عن البنت زياده وعن اهلها...
و خزها تركي بقوة على كلامها...
فاطمه تكمل: أنا قلت شي غلط يا تركي؟؟؟....
تركي:إيه لأن خلاص خطبنا وقضينا....فكلامك هذا ماله داعي...
عصبت فاطمه من كلامه: تركي...انا ماقلت كذا إلا عشان مصلحتك......
تركي:اقول كلامك مامنه فايده....فعشان كذا ياليت تسكرين هالسيرة....
فاطمه بعصبيه: تراني اختك....ومصلحتك تهمني...وأنا ماقلت كذا إلا عشان بعدين ماتتحسف او تقول إنك استعجلت...
تركي:آسف يافاطمه ولا تزعلين...وإعرفي إنك عزيزة وغاليه بس هالكلام من جد مامنه فايده....
يتدخل متعب:بس أما يا تركي شذيت عن القاعده وأخذت وحده من برا العايله.....
فارس:وانت صادق...الصراحه ياعم تركي...أنا معك في إن إحنا نضخ دماء جديدة في العائله ونغير شوي وناخذ من برا...
وقعد الكل يضحك من كلام فارس ولد بندر....
تركي بابتسامه: سمعت يا فاطمه هذا الكلام ولا بلاش.....
متعب بمزح: مافيه ...فارس ياخذ بنت عمه نجود اللي هي بنتي....
ابو فارس بندر: عزالله كدينا خير إذا بزوج بنتك ولدي...بنتك هذيك ولد اعوذ بالله مو بنت قشرا ومفترسه...
متعب وهو يمدح بنته:أقول لا يغركم مظهرها من برا تراها كلها نعووومه ورقه...
ابو بندر: ما علينا ألحين من انجود المهم....ترى إذا تركي بياخذ بنت ابو محمد بتصير الخطوبه بعيد الأضحى والزواج بالصيف..
ابو فارس: مشالله يباه اتفقتوا بعد على كل شي....كان جبتوا البنت معكم مرة وحده...
تركي:بندر اقول اترك عنك الطنازة انت ووجهك....ابوي نفسه بكذا.... الخطبه بعد شهرين بعيد الأضحى والزواج بالصيف...
متعب:أنا اقول بعد كذا أحسن...إذا ردوا بجواب اهل العروس اتفقوا معهم على كذا...
تركي وهو يناظر اخته فاطمه اللي حس إن الكلام مو عاجبها: وش رايك يا فاطمه براي ابوي؟؟؟....
فاطمه من غير نفس:وش لي كلام وراي من بعد كلام ابوي...اللي يبيه ابو بندر يصير.....
ابو بندر:بارك الله فيك يافاطمه وانا دايم اقول ماحد في الحريم مثل فاطمه......
تركي بابتسامه خبيثه:اقول فاطمه....وين ناصر عن الكلام هذا والمدح عشان يسمعه....
فاطمه بثقه: تطمن ناصر يعرف مكانتي زين.....

.................................................. ...............................................



سارا:هاه بشاير وش قال تركي عن العروس لمن شافها؟؟؟.....
بشاير: تركي هذا لعين يوم سألته عن شكلها وأوصافها ما جاوب علي طنشني وقال لي باختصار إنها حلوة وعاجبته....
سارا:اسمع خالتي ام بندر تقول إن عبير هي اللي دلتكم عليها وإنها مستخفه على البنت وهي اللي قعدت ورى تركي لين خطبها...
بشاير:إيه صادقه امي...بس تركي بعد يوم راح دورته العسكريه اللي بالشرقيه شاف اخوها وتعرف عليه عن طريق زميل له....
سارا بتعجب: سبحان الله...صدفه خير من ألف ميعاد...
بشاير: فاطمه اختي مهوب راضيه....وكانت تبي لتركي سلمى بنت عمي اخت عايشه مرة بندر اخوي....
سارا: لا وش يبي بسلمى...سلمى ألحين بالأردن مع اخوها تكمل دراستها بالكيميا وتبي تصير ياحظي دكتوره فيها...
بشاير: بيني وبينك أحسن خل تذلف سلمى ما أطيقها ولا أحبها....مغرورة بعمرها ودراستها خليهم ينفعونها....
سارا:لا تقولين كذا هذي بنت عمك.....
بشاير: روحي زين...أصلا هي ترد المعاريس من زمان عشان حجة هالدراسه والقرف حقها....
سارا: بس بيرجعون بعد سنه وهي مشالله عليها بتصير الدكتورة سلمى...يعني هي مهوب هينه...
بشاير: ما علينا من هالسلمى....تدرين عن مرة تركي اسمها شذى؟؟؟....
سارا:إيه اعرف تو خالتي ام بندر قالت لي....اسمها ناعم ودلوع....
بشاير قعدت تضحك من سارا....
سارا: ممكن اعرف وش اللي قلته يضحك....
بشاير بضحكه: وش دلوع؟؟؟....اول مره بحياتي اشوف اسم دلوع....
سارا بابتسامه: وانتي انشالله تقعدين تعلقين على كل كلمه اقول لها....انا اقصد إنه اسم دلع...
وهنا دخلت عليهم عايشه مرة بندر وسكتوا....
عايشه لبشاير: مبروك يا بشاير على خطبة تركي....
بشاير:الله يبارك فيك...وعقبال ولدك فارس...
عايشه:آمين....
وقعدوا يسولفون سارا وبشاير وعايشه بمواضيع ثانيه ....عشان عايشه أخت سلمى معروف إنها كانت تتمنى إن اختها تتزوج تركي
بس الأمور سارت عكس هواها وهذا الشي قهرها....

الجزء الثاني....
كان ابو محمد وعياله الثلاثه محمد وخالد وسعود وام حمد كلهم مجتمعين بالمجلس عنده بالبيت...
عشان ياخذ ابو محمد رايهم بزواج شذى وخطيبها تركي....

سعود: الصراحه يا يباه انا ماعندي مانع من تركي مادام الكل يمدح فيه وهو مشالله عليه مبين إنه رجل بمعنى الكلمه...
ابو محمد:يعني يا سعود مانت معترض على زواج اختك شذى من تركي؟؟؟
سعود: وليه اعترض...مشالله رجال ينشد الظهر فيه...والراي رايك يا بومحمد انت والوالده....وصاحبة الشان شذى...
خالد: حتى انا يا يباه ماعندي أي اعتراض بالعكس،ناس يشرفون....
ابو محمد وهو ناظر ولده محمد: هاه يا محمد وش رايك؟؟؟....عندي احساس يقول انت مهوب راضي على تركي...
محمد: الراي رايك يابو محمد....اللي تقوله يصير...
ابومحمد: لا...بس رايك يهمني، اخوانك كلن قال رايه وانت بعد قول رايك؟...تراه يهمنا كلنا...
محمد بغى يقول اللي بخاطره بس تذكر زوجته مريم وكلامها له وكيف إنه بيوقف في طريق اخته شذى إذا اعترض لأن ابوه دايم يقتنع بشوره
ورايه،وفي نفس الوقت حس إن اهله يبونه وإن شذى تبيه وماحب إنه يخرب عليهم...
محمد: تركي ما ينرفض يايباه....وإذا شذى تبيه على بركة الله...
ام محمد:الله يوفقك يا محمد...الصراحه كلامك عين العقل وكنت اشوف وش كنت بتقول لأني اثق برايك وكلامك...
خالد:هالله هالله يا يماه...عشان محمد ساكن عندك تقولين كذا وانا ما كأني ولدك ولا كأن كلامي يهمك...
سعود: ما عليك ياخالد من الوالده...الله لنا....
ام محمد بابتسامه: لا والله بالعكس رايكم كلكم يهمني...بس لأن محمد الكبير وبكري بعد... فلازم اعرف وش رايه ولا كلامكم كله صح...
ابو محمد بجديته المعروفه:أقول يام محمد أنتي وش رايك بالموضوع؟...
ام محمد:اللي تشوفونه...انا ماعندي مانع و الخير في المكتوب إن شالله...
ابو محمد:إنشالله...عاد انا باكلم ابو بندر وأرد لهم خبر عشان نحدد باقي الأمور...
محمد:يعني يباه شذى موافقه؟؟؟...
ابومحمد:أكيد رايها الأول....امك سألتها وانا كنت جامعكم عشان أشوف إذا أحد عنده اعتراض او لأ......
سعود بابتسامه:والله وكبرتي ياشذى وصرتي عروس؟؟؟....
ام محمد:سبحان الله ما اسرع الأيام.....

الجزء الثاني....
وببيت خالد أخو شذى...
كان خالد وزوجته مها قاعدين بالصاله يتابعون التلفزيون....
خالد وكأنه مل من الفيلم اللي يطالعونه:أقول مهاوي...وش اخبار عمي والله من زمان عنه...
مها وهي تناظره:والله هذا من كثر ماتكلمه مشالله عليك....
خالد وهو يمدد رجله :تدرين والله مشغول وماني فاضي...
مها:أنا ما قلتلك رح زوره بالجبيل...قلت تكلمه بالجوال كلها خمس دقايق ولا خايف على فاتورتك؟؟؟...
ابتسم خالد من كلام زوجته وقال:يعني انا بخيل؟؟؟...بس الحق معك والله خليني اكلمه الحين...
وياخذ الجوال ويدق على عمه...ويلقى الجوال مغلق...وحاول كذا مرة ويطلع الجوال مغلق...
خالد يناظر مها بقلة حيله: الجوال مغلق...
مها:أكيد ألحين تتعذر لي بهالعذر....حاول مرة ثانيه دق عليه بوقت ثاني...
خالد:إيه بدق عليه بوقت ثاني...بس تدرين جهزي نفسك على الأسبوع الجاي نروح الجبيل زيارة لأهلك...
مها والفرحه طايره من عيونها:والله؟؟...من جد تتكلم خالد نروح لهم...
خالد:إيه اتكلم من جد...وش فيك ماتصدقيني يعني؟؟؟....
مها:إلا مصدقتك...بس هاه مو قبل السفر بليله تأجله وتقول عندك شغل وما أدري ايش عندك...
خالد بابتسامه:لا إنشالله مايصير عندي ظروف ونروح لهم....بس عندي شرط...
مها: وشو؟؟؟...
خالد:بنروح لهم الأربعاء بستأذن من شغلي ونروح لهم...بس كلها يوم واحد ماتفشليني هناك وتطلبين ننام عندهم...
مها: خلاص ولا يهمك اللي تبيه بيصير....بس تدري خلني أدق على اخواتي وأبشرهم...
خالد:لا خليهم مفاجأه أحسن....
مها بفرح: وأنت الصادق....مفاجأة احسن...
خالد:إلا ما سألتيني وش صار اليوم لمن دعاني أبوي عنده...
مها وكأنها تتذكر:إي صح نسيت أسألك وش صار...أكيد عشان زواج شذى صح؟؟....
خالد:إي صح...
مها:يعني يبي ياخذ رايكم بالموضوع؟؟؟...
خالد:إيه ،طبعا الكل موافق...أمي سعود ابوي وحتى شذى أمي تقول إنها موافقه...بس محمد...
مها باستغراب:وش فيه محمد؟؟..
خالد وهو يفكر:أحس إنه مو موافق...كأنه متردد...حتى ذاك اليوم لمن جا ابو بندر وتركي...أحس إن محمد مهوب عاجبه تركي...
مها:يعني محمد معترض؟؟؟...
خالد: مو معترض...لمن سأله الوالد ما قال إنه موافق...قال اللي تشوفونه...غريبه من محمد عمره ماكان سلبي كذا وماله راي...دائما رايه
يمشي...عند أبوي...تدرين لو قال محمد مانبيه ارفضوه...ابوي بيرفضه....
مها:غريبه من محمد....
خالد:بسابوي بيرد لهم خبر إن إحنا موافقين عليهم....
مها:إيه....لهم من خطبوا وجو الشرقيه أسبوعين وأكثر....
خالد:ما أصدق شذى بتتزوج....والله كأني أذكرها باقي مالبست العبايه صغيرة كأنه يوم أمس...
مها:إي والله حتى أنا...بنفقدها...

كان خالد ومها كأنهم اصدقاء مو بس أزواج يسولفون مع بعض وياخذون راي بعض في أبسط الأمور ولو تكون تافهه وعلى كذا دايم متفاهمين
ونادر مايجي واحد منهم ويزعل الثاني...وتجمع بينهم طيبة قلبهم وطولة بالهم...

الجزء الثاني....
كانت شذى و سعود قاعدين بالصاله عندهم بالطابق الاول...
شذى: ياربي وبعدين معك....متى توديني السوق لي يومين وانا أطر منك...
سعود وهو يلعب بجواله:نعم خير وش تبين؟؟؟....
شذى بضيق: أنت ماتفهم عربي...أقولك ابي السوق...
سعود:زين وأنا إيش دخلني إذا تبين السوق....
شذى مقهورة: يا أخي عليك برود ماشفته على أحد....أبيك توديني السوق فاهم؟...
سعود وهو يطالعها:أنا أوديك؟؟؟....لا اسمحيلي اليوم بطلع مع أخوياي معزوم...
شذى:لاااا إلعب على غيري دائما تقول(وتقلده) ...أبطلع اليوم مع اخوياي...أنا معزوم عند أخوياي....
سعود يبي يقهرها: اعذريني اليوم باطلع وبكره واللي بعده ؛خويي سلطان جاي الشرقيه من الرياض ...اللي كان معي ببريطانيا يدرس...
شذى:أوكيه إذا أنت لهالدرجه مو قادر تأجل موعدك كذا خذني معك وقطني بالسوق ولمن تخلص مر علي وخذني من السوق...
سعود بطنازة:بالله؟؟؟....تصدقين فكرة...
شذى:تتطنز؟؟؟...
سعود بجديه:طبعا أتطنز أنتي ووجهك تتكلمين من جد ،حلوة هذي أخليك بالسوق لحالك...
شذى:حبيبي ماأحد يوديني السوق غيرك...
سعود:وانا يوم كنت أدرس من كان يوديك؟؟؟...خلي محمد ولا خالد ياخذونك السوق مشالله كل واحد فيهم مثل كبر الباب...
شذى:هذول متزوجين وعندهم حريم وعيال...أنت عزابي لاعندك شغل ولا حرمه ولاعيال بمعنى أصح فاضي ماعندك إلتزامات...
سعود بطنازة:حلوة إلتزامات ذي،بس تتطنزين علي ياشذى؟ الأسبوع هذا كله مافيه سوق وخلي غيري يوديك اوكيه؟؟....
شذى:عادي آخذ تاكسي وأروح يعني ابد متكسرة انا عندك...
سعود وهو يقوم ويحط جواله بجيبه:تاكسي أنتي ووجهك هاه؟عشان وجهك هذا أغير معالمه وزين إذا تذكرتي إن اسمك شذى...
شذى مقهورة:............
سعود وهو طالع عند الباب:سي يو.......
شذى بعد ماطلع أخوها:اقلب وجهك ياالنذل...تهدد مالت عليك يا الخايس يعني أبد متقطعه أنا عندك...
وقامت وشغلت التلفزيون وقعدت تطالع فيلم أجنبي....من الزهق اللي هي فيه....
كانت مريم وبناتها عند أهلها طول هذاك اليوم،وام محمد عند صديقتها فوزيه ام صالح....وابومحمد معزوم عشا عند صديق قديم له...

الجزء الثاني....
بالرياض...الليل الساعه عشر...
بشاير:أقول تركي...
تركي وهو يقرا المجله:نعم....
بشاير:وش رايك لو تكلم أمي....
تركي بدون مايرفع عينه :في إيش اكلمها؟؟؟....
بشاير:في إنها تخليني أروح عند صديقتي مرام...
تركي ومايزال مطنشها:ليه هي رافضه؟؟؟....
بشاير بضيق:إيه رافضه....
تركي يقرا:خلاص مو لازم تزورينها...
بشاير بقهر:زين ياخي على الأقل عبرنا،طالع فينا شوي إيش هذا؟؟؟.... ما أحب اكلم أحد وهو ملتهي في شي ثاني...
تركي توه يرفع عيونه يطالع أخته:نعم إيش تبين؟؟.....
بشاير بهدوء:تركي كلم أمي الله يخليك،البنات كلهم مجتمعين عندها بعد بكره وأمي رافضه هالشي بتاتا إني أروح...
تركي:ليه رافضه؟...أكيد قلتي لها شي يزعل او إنك سويتي شي...
بشاير متردده:تقريبا...بس أمي الله يهداها زعول...بسرعه تزعل...
تركي رجع يقرا المجله وطنشها....
بشاير بقهر:تركي....
تركي يناظرها:خير وش تبين...
بشاير : ابيك تكلم امي...
تركي ببرود:آسف أنا مالي دخل بينكم انتي وامي...
بشاير:تكفى الله يخليك....
تركي:زين انتي مع هالوجه إيش سويتي علشان تزعل...
بشاير:لأني رفضت إني اروح معها بيت خالي المصون اللي هو أخوها وقلت قرف ما ابي اروح لهم لأنه ببيت خالي تجيني الغلقه...
تركي:وبعدين...
بشاير تكمل:بعدين امك زعلت ومارضت اقول عن اخوها كذا،فقالت لي ترضين احد يقول عن بيت اخوك متعب كذا قلت بطنازة وبمزح طبعا
إنه عادي عندي إذا احد قال كذا عن متعب وبيته وبالعكس رح أشجعه فزعلت وانقهرت مني فقالت لي:أنا ماني ام بندر إذا رحتي لخويتك..
تركي بابتسامه:عشان كذا رافضه...بس ليه زعلتيها كان رحتي مجامله لها...
بشاير:ياخي طول عمري وانا اجامل قلت بس هالمره...بس طلعت امك ياي ماعندها ديمقراطيه....
ابتسم لها تركي وقال:الصراحه كسرتي خاطري،بس اعذريني مااقدر اكسر كلمة امي...
بشاير:بس امي تعزك ولو كلمتها انت... وجيت واعتذرت انا لها بتوافق....
تركي:اولا تستاهلين لأنك رفعت ظغط امي ثانيا ما أحب اتدخل ثالثا تراني اقدر اخليك تروحين بس كذا منذله مارح اكلم امك على قولتك...
بشاير:بليز تركي...
تركي:خلاص اقلبي وجهك مارح اكلمها...
بشاير:بس انا اختك الوحيده...
تركي:ووحده كبر امك اسمها فاطمه وين راحت...
بشايربرجاء:طالعني انا بشورة أختك اشاركك البيت وفاطمه هذي متزوجه وعندها عيال وتاركه البيت من يوم انا وانت صغار،انا اختك الصغيرونه
تركي بجديه:أنتي هيه لا تتمسكنين...ما رح اكلمها....
بشاير:ليه خايف تكسحك وترفض؟؟؟.....
تركي بثقه:لو انتي مو متأكده إن كلمتي عند امي ماتطيح ماكان كلمتيني يا الهبله بس على كلامك ذا مارح اكلمها....
بشير بتوسل:تكفى تركي الله يخليك...
تركي:لأ....
بشاير بابتسامه:زين وإذا قلت عشان خاطر شذى كلمها بس.....
تركي وهو يبحلق فيها بعيونه:وش دخل شذى ألحين...
بشاير تزيدها:الله يخليك زين موعشاني انا اختك اللي أدري انك تموت فيني وعلي...
تركي بطنازة:إي موت انا احبك...
بشاير:بس عشان خاطر البنت الأمورة اللي تنتظرك بالشرقيه وقطعت الصحاري والفيافي عشانها وعشان تطلب يدها من السلطان...
قعد تركي يضحك من كلامها...وبعدها قال:خلاص بشاير باكلم أمي بس هاه هذي اخر مرة تطلبيني بشي اسمه شذى ولا ترى اذبحك...
بشاير:اوكيه اخر مرة...بس هذي يسمونها غيره؟؟؟...
تركي وهو راجع يقرا المجله:لأ ...يسمونه الغلا...
بشاير وهي قايمه:بدينا....
تركي يخزها.....
بشاير وهي فرحانه وقايمه من عنده تبي تبشر صديقاتها:آسفه على كلمتي ...بأسحبها...
وطلعت تركض لحجرتها...
تركي بخاطره ((من جد هالبنت هبله إذا اندلت على شي تعلق فيه))....
ورجع يكمل يقرا المجله الي ماخلته بشاير يقراها زين....

يتبع الجزء الثاني....
وبالخبر كان سعود وخويه سلطان قاعدين بستار بكس....
سعود بابتسامه:هاه شرايك بالشرقيه...ماتغيرت للأحسن؟؟؟...
سلطان:وأنت صادق...طالعه أحسن وأحلى من الأول....
وقعدوا يسولفون وياخذون أخبار بعض خاصه إن لهم سنتين ماشافوا بعض......
وبعدها قال سعود:الصراحه ياسلطان في سالفه ودي أفاتحك فيها بس خايف...
سلطان:لا وش دعوة...قول اللي بخاطرك إحنا أخوان وأكثر...
سعود بتردد:ولا تزعل؟؟...
سلطان:ولا آخذ بخاطري بعد...
سعود:الصراحه ياسلطان الآسباب والاعذار اللي خلتك تقطع دراستك في بريطانيا وترجع السعوديه مهيب مقنعتني واحس إنك...
ووقف سعود عن الكلام ويبي يشوف تعابير وجه خويه سلطان إذا ماشيه معه ولا لأ...
سلطان:كمل كلامك وش فيك وقفت؟؟؟....
سعود:أحس إنك تخبي وراها أسباب ثانيه،يعني بالله عليك سبب إنك تخلي دراستك وباقي لك سنه ونص وتاخذ الشهاده عشان إنك اشتقت
للسعوديه ولأهلك وحنينك زاد لهم....
سلطان بدفاع عن نفسه:يعني الواحد مايشتاق لأهله؟ لبلده؟....
سعود وهجومه زاد:لأ مو كذا ياسلطان،كلنا اللي معك إشتقنا لأهلنا حتى زياد أذكر كان والله بالليل يوم عيد الفطر يبكي وكأن ميت له احد
منة كثر مااشتاق لهم،بس إحنا بغربه كلنا مو لوحدك،وبعدين رجعتك كانت غريبه ياخي حتى وداع ماودعتنا ولا تركت لنا خبر ومادرينا
إحنا أخوياك اللي معك بالشقه إنك سافرت إلا لمن دقيت علينا وقلت إنك وصلت السعوديه وحتى الجامعه فصلتك،ورجعتك كانت غريبه...
سلطان مارد وقعد يطالع بسعود وهو يشرب قهوته....
سعود:لأنك كنت متفوق وشاطر،ولأن طموحك كان أعلى من كذا،أذكر إنك كنت تقولي تبي منصب يهز بلد....وإنك كن...
سلطان يقاطعه بسخريه:من كثر الوظايف ألحين...
سعود وهو يشرب قهوته:لا بس بشهادتك كنت تقدر تسوي اللي تبيه وفجأة رجعت كذا وبوظيفه اسمح لي أقول إنها صغيره بحقك،إنك تشغل
بشركه خاصه وبراتب ضئيل...
سلطان وهو يطالعه:وبعدين وش عندك؟؟؟؟....
سعود وهو يشد على يد سلطان:سلطان أنا خويك وماحد يعرفك بالشله كثري، فضفض قول اللي بخاطرك وصدقني بترتاح وتريحني معك...
سلطان وهو يناظر سعود:لهالدرجه يهمك أمري؟؟؟...
سعود بجديه:وأكثر مماتتصور،صدقني ياسلطان إنت اخوي اللي ماجابته أمي....
سلطان:باقولك ياسعود،بس ياليت الكلام مايطلع لأحد....
سعود بشدة:أفا بس ياسلطان عيب عليك هالكلام،كلامك في بير ماله نهايه...
سلطان بحزن:سامحني ياسعود،بس اللي فيني يهد الصخر...
سعود يناظره:قول يا سلطان اللي مضيق عليك انا كنت متوقع وراك شي....
وناظره سلطان بحزن،وقعد يحكي له همومه وش اللي صار معه وسعود كان منصدم من اللي قاله سلطان...
حتى نسى إنه يبشره بخطبة أخته شذى....

يتبع الجزء الثاني....
ام بندر:لأ يا تركي...مارح أخليها تروح عقابا لها على كلامها على بيت خالها...
تركي:وإذا قلت ياام بندر عشاني هالمرة بس،هي قالت لي ماكان لها نفس تطلع من البيت هذاك اليوم مهوب بس بيت خالي اللي ماتبيه...
ام بندر:طيب وبعدين....
تركي :خلاص عديها لها هالمرة عشاني وبعدها سوي اللي يريحك...
ام بندر:تركي سامحني ما أقدر،خلها تتأدب...
تركي:يمه أفا انا مالي قدر عندك أطلبك وترديني؟؟؟...
ام بندر تراضي ولدها:ولا تزعل تركي،خلاص هذي المره سماح بس هاه لاتعيدها...
تركي يبتسم لأمه:ياحياتي والله يا يمه، وعلى كذا بأجيب بشاير تعتذر لك...
ويطلع تركي من غرفة أمه وراح ينادي بشاير من غرفتها...
تركي يدق الباب على غرفة بشاير:بشاير...بشاير...افتحي الباب...
وتفتح الباب بشاير و كان فيها النوم:نعم خير تركي بغيت شي؟؟؟...
كانت مرتبكه وخايفه لأن تركي عمره ماجا يدق الباب عليها هالوقت لأن الساعه 12 الليل.....
تركي وهو يتسند على الباب:لا يا حلوة،جيت اقولك روحي اعتذري لأمك عشان تروحين لصديقتك مرام...
بشاير والنوم طارمن عينها: كلمت أمي؟؟؟...
تركي وهو رايح لغرفة أمه: الحقيني يلا روحي اعتذري لها...
بشاير وهو تمشي وراه: أظمن يا تركي إنها موافقه؟؟؟...
تركي :إي افا عليك بس ترى واسطتك مهيب هينه...
ودخل تركي ومعه بشاير لغرفة امه ام بندر....
تركي وهو يأشر على بشاير: وهذي هي جايه تعتذر لك عشان تسامحينها....
بشاير راحت تبوس راس امها وقالت لها: آسفه يمه بس كانت نفسي ذاك اليوم منسده...
ام بندر:ماعلينا،بس ترى عشان تركي سامحتك...
بشاير بترد على كلام أمها إلا أشر لها تركي تطلع وتقول لها تصبحين على خير....
بشاير:تصبحين يا يمه على ألف خير...
ام بندر:وأنتي من أهله....
تركي:تصبحين يا الغاليه على ألف خير...
ام بندر:وانت من اهله يا الغالي...
وبعدها طلعت بشاير وتركي من غرفة ام بندر....
بشاير:مشالله عليك ياتركي امداك؟؟،مالي من كلمتك ساعتين...
تركي:قلت لك خلاص يعني خلاص بتروحين لخويتك...
بشاير:صدق دهنت سيري عند الوالده بسرعه...
تركي:اقول يله انتي بعد تصبحين على خير ورانا بكرة دوام...
بشاير وقفت لأخوها وضربت له تحيه عسكريه وقالت:تصبح على خير أيها الضابط....
طالعها تركي وقال: زين يله وانتي من أهله...
وراح لغرفته ينام،لأن بعد ماكلمته بشاير دق عليه رفيق عمره طلال وطلعوا هم بعد لمشوار ساعتين وتوه راجع....

يتبع الجزء الثاني....
كانت الساعه وحده بالليل وتو سعود راجع البيت وهو مهوب طايق يشوف أحد....
كان يفكر في كلام سلطان صديقه،مو معقول اللي يقوله...كل هذا صار لسلطان وأنا ما ادري...((ونعم الخوي والله انا له)) كان كذا يقول عن نفسه
باستهزاء وسخريه...لأن كان لسلطان معزه خاصه بقلب سعود،،،
شذى كانت قاعده مع أمها ام محمد بالصاله يسولفون وسمرانين وماخذين راحتهم لأن مريم ماكانت موجودة،ويدخل سعود بهاللحظه
وقعد يناظر أمه وأخته شذى...
ام محمد:هلا والله بسعود...وينك للحين؟؟؟....
شذى بلقافه:وين يعني...معزوم كالعادة...الأخ مشالله بزنس مان مهوب فاضي...
سعودبعصبيه:جب زين تتطنزين مع هالخشه...
ام محمد:بسم الله عليك وش فيك كذا معصب،أختك تمزح ماقالت شي...
سعود وهو داخل غرفته وماله نفس يطالع بوجه احد:تصبحون على خير...
ودخل وام محمد تطالع بنتها شذى بإستغراب...
ام محمد:وش فيه سعود معصب وزعلان كذا؟؟؟....
شذى:والله ما أدري عنه...أكيد ألحين متهاوش ولا زعلان مع واحد من شلة المحبه أصدقاه...
ام محمد سكتت وماعلقت على كلام شذى اللي تتطنز فيه على أخوها....
قعدت تفكر في سعود إيش فيه،،،دايما ولو يكون زعلان ما يدخل بهالطريقه دائما يسلم ويبتسم لها....


*******


وفي الكليه الصباح....
ريم: شذى قومي يللا خلينا نروح الكفتيريا أنا جايعه موووت...
شذى وهي تطالع ريم:أنتي هيه يالهبله،تراك انتفختي هاليومين،بسك أكل...
ريم بدهشه:حرااام عليك،أنا متنت...ولا تقولين هالكلام عشان إنك أضعف مني وجسمك أحلى مني...
شذى بغرور:من ناحية الجسم لا تتكلمين ولا تقارين نفسك فيني،بس من جد يا ريم أحس إنك زايده كم كيلو....
ريم:لا ما أتوقع إني زايده يا حلوة،يمكن تظنين كذا لأني القميص اللي لابسته الأبيض هذا مقلم بالوردي بالعرض فصاير مزودني كم كيلو...
شذى:على بالك ما أشوف،بس ولو أحسك زايده كم كيلو خففي ياشيخه مو كل ماتحسين إنك جايعه تروحين ركض تاكلين...
ريم وهي تقوم:اقول اذلفي عن وجهي والله بروح أشتري لي فطيرة مع بيبسي...
شذى تقاطعها:بيبسي لا يا الهبله يساعد على السمنه...تو جسمك يحلو هالسنه ترجعين تخربينه...
ريم بلا مبالاه: شذى أنتي ووجهك لاتسوي لي فيها أخصائية تغذيه ويعني إنك فاهمه ترى كلنا ندري ،بس أنا اقاطع الدنيا كلها إلا البيبسي
شذى:براحتك...بس هاه تراني بروح للشله تلقيني عندهم...
ريم وهي رايحه: وانا بروح مع ضحى ورفيقتها ينتظروني هناك...
شذى قامت وتطالع ساعتها باقي على المحاظرة الثانيه ساعه إلا ربع...وهي سنه ثانيه ملت من الدراسه،بس يلله مابقى إلا سنتين هانت كانت
كذا شذى تواسي عمرها خاصه إنها مو رتاحه مرة للقسم اللي هي فيه((لغه عربيه)) بس دخلت عشان أغلب شلتها فيه....
وهي ماشيه دقت جوال على أمل...
أمل:هلا والله بهالصوت....
شذى بضحكه:هلا بالمهلي هلا...
أمل:وينك من زمان عن هالصوت،أول ماشفت اسمك بشاشة الجوال ماصدقت...
شذى:ليه حرام عليك،والله إني دايم اسأل عنك...حتى إني الحين داقه أسال وينك ودي اقعد معك انتي والبنات...
أمل بفرح:والله؟ حياك إحنا في مكانا القديم لا تغير ولا شي .....عاد أبيك تقولين لنا بالتفصيل اللي يجيب السكته عن خطبتك...
شذى بضحكه:أووووه منكم يا البنات تبون تعرفون كل شي... يلا سي يو...أنا جايتكم...
وسكرت شذى وكان مكان شلتهم شوي بعيد...
وشذى ماشيه حست بعيون تراقبها فخاطرها(وبعدين مع هالمعجبات)<<<البنت واااثقه...
كانت اللي تطالعها عبير،حست شذى بعد كذا إنها عبير: ياربي على الإحراج والله فشله أروح أسلم عليها بس أخاف تظن إني فرحانه بولد
أختها أو أطنش بس بعد فشيله مو من الذوق اطنش...وبالذات عبير...
وبعد مد وجزر وتفكير قررت الخيار الثاني اللي هو تطنش ولا كأنها شافتها او لمحتها....
كانت عبير تطالع شذى ومنبهرة منها... البنت هذي تحبها حييييل ودخلت قلبها من أول ما شافتها...
كانت شذى لابسه تنورة جينز ميدي فوق الكعب بشوي والجينز كان شوي باهت لونه،مع تي شيرت أورانج روعه من زارا وجزمه سبورت
من نايك لونها سماوي مع جوارب برتقاليه قصيرة، وشعرها كان مرفوع بطريقه مهمله مع خصل مجعده نازله من على ألاطراف وعلى وجهها
وكان مكياجها ناعم وحلو غلوس اورانج مائي مع بلاش اورانج كانت حاطته بطريقه دائريه أبزرت فيه حلاوة خدودها المدورة طبعا مع
الكحل العربي اللي داعجه عيونها فيه بطريقه جذابه ولابسه عدسات بحريه وطالع شكلها روووووعه...
عبير بهاللحظه خطر على بالها تدق على تركي...وبالفعل دقت عليه...
تركي:هلا والله...
عبير بابتسامه:هلا بولد أختي هلا بالعريس ...
تركي وهو يكلم اللي عنده:خلاص أنتوا اطلعوا وبعد شوي بلحقكم...
عبير:تكلمني؟؟؟...
تركي:لا أبد اكلم اللي عندي...
عبير: تركي...خف على الجنود شوي أحس إنك جلف وجاف معهم...
تركي بجديه:شوفي حبيبتي العسكريه كذا شده وغلظه ما فيها يمه ارحميني،هذي يا حلوة تعرفين وش يسمونها؟؟؟..
عبير:وش يسمونها؟؟؟...
تركي بثقه:هذي مصنع الرجال،هذي الشده والقوة...
عبير تغير السالفه:ماعلينا أنا مادقيت عشان كذا،بس بغيت اقولك إن شذى هذي هي قدامي...
تركي:والله؟؟...
عبير:إي والله هذي هي ماره من عندي قبل شوي تهبل لابسه اورانج طالعه قمر...
تركي:أكيد...بس سؤال طالعه مغرورة هي او لأ؟؟؟..
عبير:شي مهوب هين شذى...ماتعطي أحد وجه، تصدق قبل شوي مرت من جنبي ولا طالعتني...
تركي:ياويلي على هالغرور...كل هذا كبر فيها...
عبير:لااا...بس أكيد ما انتبهت لي...ولا هي اول كل تلمحني تجي تسلم علي...بس بغيت أخبرك فيها...
تركي:ياحبي لها تهبل...تدرين أبيك توصفين لي شكلها يا عبير...
عبير:اوصفلك شكلها...((وتقلد المصريين))ده بعدك...
تركي بعصبيه:أجل ليه داقه علي أنتي ووجهك؟؟؟....
عبير:كذا...تقدر تقول عبط...
تركي:اوكيه عبير بس مارح انساها لك...تدقين على كذا تبين تشوقني بس...
عبير:وانا تراني...
يقاطعها تركي:خلاص خلاص درينا إنك عبير يلا باي عندي شغل وتدريب وأنتي معطلتني...
عبير:زين يا تركي مسوي لي فيها شخصيه مهمه...
تركي ضحك من خالته اللي يعزها: إي شخصيه مهمه عندك مانع؟؟؟...
عبير من غير نفس: بااااي...
تركي:بايات....
وبعد ما سكرت من تركي تنهدت فخاطرها تقول((يا حبي لهالتركي على غروره وثقتهة الزايده بس حبيب))...

يتبع الجزء الثاني....
وبعد هذا اليوم بيومين دق ابو محمد على ابو بندر يبلغه موافقتهم وإنه يشرفهم مناسبتهم والزواج منهم...
ابو بندر لتركي:أبشر بعزك يا تركي اهل العروس وافقوا...
تركي:والله ...الله يبشرك بالخير...
ابو بندر:الصراحه توقعت ردة فعلك أكبر من كذا...
تركي:بس انا كنت واثق إنهم بيوافقون...
ابو بندر:تركي...ترى الغرور مهوب زين...
تركي بجديه:المسأله مهيب غرور يابو بندر قد ماهي ثقه بنفسي وبمكانتي وإني ما انرد...
ابو بندر:ما اقول غير الله يصلحك يا تركي...
تركي:آمين....
ابو بندر: اجل إستعد الاسبوع الجاي نروح الشرقيه ونتفق معهم على كل شي...
تركي بحماس:اللي تامر به يا يباه...
ويدق جوال تركي...
تركي: هلا بمتعب...
متعب: وين الوالد دق على جواله مغلق...
تركي وهو يناظر أبوه:الناس تسلم بالأول...وبعدين هذا هو أبوي عندي...
متعب:عطني ابوي باكلمه...
تركي يمد لجوال لأبوه...
تركي:يباه هذا متعب...
ابو بندر يكلم متعب:هلا بمتعب وينك...
متعب:هلا فيك يباه،بس وينك الله يهداك أدق على جوالك مقفل...
ابو بندر:إيه صح نسيته قفلته بالصلاه وماتذكرت افتحه ،ليه خير إنشالله...
متعب:ماعلينا،بس بغيت أقول لك الأرض اللي عندك بالروضه بيعها لأني لقيت لها مشتري اللي وصيتني عليها...
ابو بندر:زين الله يبشرك...وبيدفع قيمتها؟؟؟...
متعب:أفا عليك بس والسعر اللي حددناه وفوق اللي شرطته لي...
ابو بندر:اقول متعب أهل عروسة تركي ردوا علينا إنهم موافقين ...
متعب فرحان لأخوه:مبروك والله يستاهل تركي...
ابو بندر:الاسبوع الجاي بنروح لهم عشان نتفق معهم على كل شي...
متعب:زين والله..
ابو بندر:عاد قلت تخاوينا؟؟؟...
متعب:أفا عليك بس أكيد بروح معكم...
ابو بندر:أجل يله ما اطول عليك...في حفظ الرحمن...
متعب:في حفظ الله يا الغالي...
وسكر متعب من ابوه...
ابو بندر:متعب اخوك بيخاوينا لأهل عروسك...
تركي بابتسامه:عز الخوي والله متعب....

يتبع الجزء الثاني....
وهو بسيارته راجع البيت فكر بشذى..(والله مسكينه لها أسبوع وهي تبيني أخذها للسوق)..فكر باقي على بال مايوصل للبيت ربع ساعه
ويمكن أكثر من هالزحمه اللي بالشوارع خاصه إن الوقت عشا...
أخذ الجوال اللي كان حاطه بجنبه ويبي يدق عليها طالع الساعه بالجوال ماكان باقي على صلاة العشا شي وأخذ يتأكد من ساعة يده
إلا يسمع الآذان بكل مكان بدت المساجد تأذن ويطالع المحلات بعد هي بدت تسكر وتغلق أبوابها إلى بعد الصلاه(الأسواق بالسعوديه تسكر بوقت الصلاة)...
فكر وقال((بعد الصلاة أمر عليها،وخلني أدق عليها من ألحين تتجهز مو تتركني ساعه أنتظرها))...
دق على تليفون البيت...
ريم بنت محمد بصوت طفولي:ألو...
سعود:ألو هلا ريم...
ريم بتعجب:مين على التليفون...
سعود بضيق:أنا عم سعود...
ريم بفرحة الأطفال:عم ثعود...أنا أحبك...
سعود بضيق أكثر:ثعود بعد غيرتي اسمي.....وأنا بعد أحبك...وين شذى؟؟
ريم:من زمان ماثفتك...انا أحبك مرررره...
سعود وهو مهوب طايق لفلسفة الأطفال:ريم حبيبتي نادي لي شذى بسررررعه عشان أعطيك حلاوة كبر راسك...
ريم مستغربه:فيه حلاوة كبر راسي؟؟؟...
طووط...طووط...طووط....
قفل الخط سعود التليفون ودق على جوال شذى...
سعود يكلم نفسه:وش هالذكاء كان دقيت من البدايه على جوالها بدل زحمة البزارين هذي ...
شذى:إنت هيه تكلم نفسك؟؟؟...
سعود متفاجأ:إنتي من متى على الخط؟؟؟...
شذى:من أول ما دقيت...
سعود:بسم الله منك امداك تردين يوم سمعتيه يدق...
شذى:لأنه كان معي اقرا مسج توه جاي وإنت طلعت لي والعياذ بالله...
سعود:هذا جزاي تقولين كذا وأنا الحين داق عليك عشان تتجهزين بعد الصلاة آخذك للسوق...
شذى بفرح:والله؟؟ ياحياتي ياسعود آسفه وهذي كلمتي وسحبتها...
سعود :شوفي هذا أنا سامحتك،بعد الصلاة مباشرة ألاقيك مخلصه من ألحين استعدي وجهزي حالك...
شذى بابتسامه:طياره...
سعود:تشاو...
شذى:بايو...
بعد ما صكرت من سعود...((واااااااو وأخيرا ما بغى ياخذني السوق...بس غريبه هو يدق بنفسه ويعرض السوق علي من دون طلب او واسطة امي))
وبعدها قالت بخاطرها...((وأنا وش دخلني من نفسه او غيره خلني اروح ألبس واستعد...بس لا يهون))....
وبعدها راحت تلبس وتستعد وخلصت بسرعه...وبعد كذ صلت العشا، ونزلت بالصاله تنتظر اخوها وهي لابسه عبايتها ومتجهزة بس تنتظر
يدق عليها جوال وتطلع له....

يتبع الجزء الثاني....
ريم:ماما...عم ثعود يقول بيجيب لي حلاوة كبر راسي...
كانت مريم ومعها الخدامه توكل بناتها الصغار بالصاله اللي فوق عشان تنومهم مبكر لأن ريم تروح الصباح الروضه ورنا النوم
المبكر أفضل لصحتها ولنموها وطبعا عشان تفتك منهم باقي الليل وتقعد على راحتها...
مريم باستغراب:مين قالك كذا؟؟؟
ريم والشغاله تأكلها:عم ثعود...
مريم:متى قالك الكلام؟؟؟...
ريم ببرائة الأطفال:هو قال لي لما دق تليفون...
مريم تحقيقها يزيد:زين ماما وش كان يبي؟؟؟...
ريم:كان يقول يبي عمه ثذى...
مريم مستغربه:وش كان يبي فيها؟؟؟...
هزت ريم كتفها بالنفي ولفت تطالع التلفزيون...أما مريم فكانت تموت وتعرف وش كان يبي بها....

*******

بالرياض...
متعب:أقول سارا وين انجود يا قلبي من الصبح ماشفتها؟؟؟...
سارا:من الظهر مرت علي بشاير أختك وهي راجعه من المدرسه وأخذتها مع السواق لأن خالتي ام بندر تبيها...
متعب:عاد ألحين امي بتدق علي وتقول تعالوا خذوا بنتكم أزعجتنا وبهذلتنا...
ضحكت سارا من كلام متعب وقالت: إي والله تصدق غريبه من الظهر وللحين وهي عندهم ومادقوا وقالوا خذوها او هم جابوها...
متعب: يمكن خلاص تعودوا عليها وعلى حركات الاولاد حقتها...(ويفتح سالفه ثانيه)تدرين إن أهل خطيبة تركي وافقوا؟؟...
سارا بفرح:لا والله ما أدري...بس مبرووووك يستاهل تركي كل خير...
متعب:أبوي وتركي بيروحون الاسبوع الجاي عشان يتفقون معهم على كل شي وأبوي قال لي تعال معنا...
سارا: وبتروح؟؟؟....
متعب بتأكيد:أكيد بروح، ومرة وحده أشوف أهل زوجة تركي ونشم هوى هناك على البحر مو هنا غلقه لا بحر ولا نهر...
سارا بغرور: ياللا مناك، تتطنز أنت ووجهك على الرياض...والله إنها أحسن مدينه بالعالم كله...
متعب:اللي يشوفك ألحين أبد يقول هذا ماهو ساكن بالرياض من يوم جابته أمه...أدري إن الرياض احلى مكان بالعالم كله،بس الواحد وده يغير جو
سارا:زين وخالتي ام بندر بتروح معكم هي وبشاير؟؟؟...
متعب: ما أدري...بس ليه تسألين؟؟؟....
سارا بتردد:عشان إذا راحوا...
متعب:إيه و بعدين...
سارا: أروح أنا بعد معهم...
متعب بتسلط:إنتي هيه مافيه روحه لك...حتى لو يروحون إنتي مارح تروحين...
سارا بزعل:والله إذا راحوا خالتي وبشاير بروح معهم...
متعب:انثبري هنا بالبيت أحسن لك هذا زين إذا رحتي الخطوبة او الزواج...
سارا بقهر:إن شالله تبي تحرمني إني أروح الخطوبه او الزواج؟؟؟؟...
متعب:وش تسوين عند ناس ماتعرفينهم ولا عمرك لقيتيهم؟؟؟...
سارا بدفاع: عادي أتعرف عليهم...
متعب وهو قايم بيطلع:أقول صدق إنك ماتنعطين وجه...
سارا:وين رايح؟؟؟....
متعب:في أرض الله الواسعه....
وطلع متعب من بيته وراح يقضي مشاويره...

يتبع الجزء الثاني....
بشاير كانت جالسه مع أمها وأبوها بالصاله وبنت متعب انجود تلعب عندهم وتنطط على الكنب والطاولات ومعها كورة تلعب فيها...
ابو بندر وهو متضايق من هالإزعاج:أوففففف وبعدين مع هالإزعاج محد يقدر يرتاح....
بشاير وهي تخفي ابتسامتها من أبوها: وش يباه عادي انجود دايم لعبها كذا...
ام بندر:الصراحه بغيت أردها لأهلها...بس بشاير رفضت وخلتها هنا تقول مونستها...
بو بندر:وش اسوي فيها هالبنت ماخلتنا نشوف التلفزيون زين ولا ريحتنا في جلسه...
وما كمل ابو بندر كلامه إلا رمت انجود الكورة اللي معها وضربت براس جدها ابو بندر...
فهاللحظه ما قدرت أم بندر وبشاير يكتومن ظحكتهم عليه...ولمن شافتهم انجود يضحكون قعدت تضحك معاهم...
ابو بندر وهو معصب:إيش قلة الأدب هاذي؟؟؟....هالبنت ماتقعد هنا دقيقه وحده(ولف على بشاير)أقول بشاير دقي على أبوها ياخذها...
بشاير وهي باقي تضحك خاصه إن الكورة لمن ضربت بأبوها خربت شكل الشماغ وحاسته:ليه يباه حرام خلها تتعشى معنا...
ابو بندر:لأ مافيه دقي عليه ياخذها نعنبوها ولد ذي مو بنت،ومع هالشعر اللي قاصته والبنطلون تقول ولد من الشارع....
بشاير وهي تدافع:بس هي باقي طفله عمرها 5سنين وماتعرف...
ابو بندر بعصبيه:اقول دقي عليه بسرعه...
بشاير:انشالله....
ودقت على متعب وقالت له يمر وياخذ بنته...وطبعا هو ظحك من عرف اللي سوته بنته فيهم وقال بيمر بعد الصلاة ياخذها...
بشاير بعد ماسكرت:يقول بعد الصلاة بياخذها...
ابو بندر:خليني اروح المسجد من ألحين...
ام بندر:بس باقي ما أذن....
ابو بندر:باقعد فيه إلى ما يأذن أحسن وأبرك...
ام بندر:براحتك...
وبعد ما طلع ابو بندر...
بشاير:الصراحه يمه...هذي انجود تحفه هي الوحيده اللي تهبل فيك إنتي وأبوي ماحد يطلع من شوركم غيرها من عيالكم إلى أحفادكم...
ام بندر:وأنتي مبسوطه منها،بس هذي انجود على شطانتها بس إني أموووت فيها...
طبعا كانت انجود تطالع التلفزيون بعد ماتعبت من النطنطه واللعب...
بشاير وهي تأشر عليها:تعبت بنت الحلال من اللعب...بس ماعلينا منها مشكورة يمه إنك خليتيني أروح لرفيقاتي والله إنبسطت عندهم...
ام بندر:عشان تعرفين إن أمك طيبه...
بشاير :إي والله الحمدلله إنك أنتي أمي صدق أحيان احس إنك شديدة بس لمن اشوف اختي فاطمه مع عيالها اقول الحمدلله إنها مهوب امي...
ام بندر بدفاع عن فاطمه:ليه وش فيها فاطمه؟؟؟...
بشاير:أبد ما فيها شي...غير إنها شديده ومتسلطه وعصبيه و ما تثق بعيالها....بس هذا هوطال عمرك...
ام بندر:هذا جزاتها إنها تخاف عليهم وهذا من كثر ماتحبهم...أما العصبيه فهذا طبع فيكم كلكم...
بشاير:لأ من قال لك...بس فاطمه وتركي هم العصبيين وطالعين على أبوي أما أنا وبندر ومتعب مشالله علينا ريلاكس.... بس تقولين كذا عشانها...
ام بندر:مين عشانها؟؟؟....
بشاير بنص عين:من يعني فاطمه...حبيبة القلب بس أنا مستغربه من شي واحد أذكر آخر العنقود هو حبيب اهله مو أكبرهم...
ام بندر:وانتي تغارين من أختك يا الهبله...وبعدين أنا أحبكم كلكم نفس الشي بس هي لأنها ساكنه بعيد عني وإنتي معي بالبيت...
بشاير:الله اللي يسمعك يقول هذي أبد ساكنه بتبوك...كلنا بالرياض وبعدين خمس دقايق بالسيارة وأنتي عندها...
وبعدها بشاير تذكرت شي...وقبل لا تتكلم أمها...
بشاير بابتسامه:أقول يماه...
ام بندر وزهقت من بنتها:نعم وش تبين أنا ما أقعد معك إلا وتدوخيني...
بشاير:جهزي حالك حق الصدمه اللي باقولك إياها ألحين وإلبسي دروع وخوذه...
ام بندر:وش عندك وأي صدمه؟؟؟...
بشايربابتسامه:جهزتي حالك حق الصدمه؟؟؟...
ام بندر بضيق:إيه....
بشاير باستهبال:وين باقي ما ربطت الحزام....
ام بندر ضحكت من بنتها وقالت:اخلصي علي...
بشاير تذكرها:تعرفين يمه الفازا الكبيرة اللي شراها أبوي لمن سافر تركيا؟؟؟.....
ام بندر:إيه الكبيرة اللي بجنب مجلس الحريم...
بشاير:عليك نووور...هذي هي...
ام بندر:وش فيها؟؟؟....
بشاير:انجود الحبيبه كسرتها اليوم بهالكورة اللي معها....
ام بندر مصدومه:من جد تتكلمين؟؟؟...((وناظرت انجود إلا تشوفها رااااايحه بسابع نومه)) حسبي الله على ابليسك يا انجيد...
بشاير وهي بتسم لأمها:تاكلين غيرها عادي تصير بأحسن العوايل....

يتبع الجزء الثاني....
وبالسيارة وهم راجعين...
شذى بفرح:مشكور يا سعود الصراحه كنت متبهذله اليوم وش رح ألبس بكره بالكليه...
سعود :عاد انتي الحين شريتي أغراض الترم كله...
شذى:لأ....هذا بس يكفيني شهر تقريبا...
سعود:مشالله عليك هذا بس شهر،اليوم شليتي اللي بالسوق كله وبغيتي تاخذين العمال معك بالغلط...
قعدت شذى تضحك من كلام أخوها وقالت:لا تستخف دمك أنت ووجهك...ولا أنت اليوم الحمدلله والشكر عيونك بغت تطلع وانت تقز بالبنات
سعود متفاجأ:أنا يا النصابه؟؟؟...
شذى وهي تمزح:إيه أنت ولا تسوي لي فيها ثقيل، ياخي اليوم كسرت خاطري بغيت اقول لك روح معهم....
سعود عرف إن اخته تبي تهبل فيه:أقول إلعبي غيرها...مهوب انا اللي امشي ورا الحريم والبنات بشكل خاص...
شذى بطنازة:لاااااا....
سعود بثقه:البنات هم اللي يمشون وراي مهوب أنا اللي أمشي وراهم....
شذى:وااااااو مشكلتك الثقه الزايده .......تراها بالتدمرك يا الحبيب....
سعود وهو يوقف بالإشارة: هذا الكلام قوليه لنفسك مهوب أنا يا شيخه...
شذى بهبال:اسمي شذى مو شيخه...
سعود بطنازة: كركركر تصدقين ضحكتيني موووت...
شذى:اقول بسم الله عليك من الموووت يا كازانوفا البنات....
سعود ضحك من كلام أخته وبعدها قال:تدرين الله يعين تركي عليك من جد دمك ثقيل الصراحه..... ما توقعت إنك رح تتزوجين...
شذى وهي متعجبه:ليه يا عيوني تتوقع إني بأعنس... الناس من يوم أنا بالثانوي وهم يخطبون عندنا يبوني بس انا اللي أردهم....
سعود يبي يهبل فيها :مهابيل اللي بيونك...وغير كذا إنك قبيحه...
شذى وتأشر على عمرها:أنا قبيحه؟؟؟....اقول روح إلبس نظارة ازين لك....
سعود وهو يمشي من الاشارة:وغير إنك قبيحه مو بس رح تخلين قبحك لك لااا رح تورثينه عيالك من بعدك وتجيبين لهم عقد نفسيه من أشكالهم
شذى:انا هاه؟؟؟...
سعود يزيدها:وبكذا رح تخربين على تركي نسله مسكين والله.... وبهالشي رح ينتشر القبح في الأمه السعوديه والعربيه...
شذى:أنا انشر القبح انت ووجهك....
سعود :إيه لأن عيالك رح يتزوجون بعد وبكذا القبح بينتشر وبتطلع في البشريه فصيله جديدة...
شذى كانت تدري إن سعود يمزح بس قهرها من جد...
شذىبعصبيه:أقول يا زينك وأنت ساكت....
سعود باستغراب: شذى زعلتي؟؟؟؟.......
شذى :إيه...
سعود بابتسامه:أحسن....
شذى انقهرت منه وزعلت من جد:اقول سعود رجعني البيت بسرعه...
سعود:من جد زعلتي يا شذى؟؟؟...
شذى بجديه:مالك دخل...
سعود بجديه:زعلتي؟؟؟؟...
شذى وهي موصله:مالك خص...
سعود وهي يبتسم لها:لاااا ما نقدر على زعل العروس....
شذى:لاااا تسوي لي فيها إنك تراضيني....
سعود:زين وش رايك نتعشى برا....
شذى:ما أبي أتعشى....
سعود يراضيها:والله اختاري المطعم اللي تبينه وأعشيك فيه...
شذى بفرح:والله؟؟...
سعود:والله؟؟؟...
شذى:أبي مطعم تشليز اللي بالواجهه البحريه...
سعود وهو يغير مسار السيارة:اوكيه آنسه شذى...

سعود من النوع المرح وهو يعز أخته شذى موت لأنها آخر العنقود وأخته الوحيده صدق هو يهبل فيها بس بالأخير يحبها ويعزها
وهو يحز بخاطره إنها تتزوج وتروح تبعد عنهم وتسكن بالرياض وهي الوحيدة اللي فاهمته وهو يعتبرها في بعض الأحيان صديقه مو أخته
يشكي لها ويفضفض لها وشذى معاه كذا وهو عندها غير أخوانها والسبب يمكن يكون في إنه هو أقرب واحد لها في العمر....

يتبع الجزء الثاني....
وبعد هالكلام بأسبوع راح تركي وأبو بندر ومتعب معهم للشرقيه عشان يتفقون على كل شي بس طبعا من دون أم بندر وبشاير وسارا هههههه كالعادة
لأن السالفه بنظر ابو بندر ما تحتاج إن الحريم يروحون معهم أما بندر فقعد بالرياض وما راح معهم لأنه ملتهي بالشغل كان تركي سعيد ومرتاح مرة
لأنه حس إن الله يسير زواجه وجاي مريح بس العيب الوحيد فيه هو السفر للشرقيه ومشوار400كيلو هههههه بس كله يهون عشان شذى...
المهم بعد إتفاق أهل تركي مع أهل شذى على كل شي ...اتفقوا إن الخطوبه تصير بعيد الأضحى يعني تقريبا بعد شهر ونص لأن ابو بندر رغب بهالشي
أبومحمد ما اعترض بالعكس رحب ....


*******


وبعد رجعة تركي للرياض مع ابوه وأخوه بكم يوم تذكر عمته حصه...هذي الشخصيه اللي ماتكلمنا عنها وكانت في الظل ألحين رح تظهر لنا وبصورة
قويه بعد...حصه هذي اخت ابوبندر تزوجت وماجابت عيال عقيم وكانت تعتبر تركي ولدها وتركي يبادلها المحبه بمثل محبته لأمه إلا إن عمته حصه
تزيد عن أمه في إنها فاهمته وهي بطبعها متفهمه وتحيطها بحبها ورعايتها...تركي من النوع اللي مايحب يشكي لأحد همومه ومشاكله لكن هذي القاعده
تشذ عند عمته حصه بس...هي الوحيده اللي لها مفعول السحر معه تسحب منه الكلام بطريقه عجيبه مايخش عنها شي وكان يرتاح لها...كان يلقي
همومه عند عتبة بيتها..و حصه قلبها طيب وأبيض مثل الثلج و حكيمه...والصفات هذي كلها كان لها تأثير عجيب على علاقتها بتركي....
هي من النوع الهادي لا تحب الحش ولا الذم...وكانت أمينه ومحافظه على علاقتها بتركي ولدها ....كانت كذا تحب تسميه...كان تركي يقولها عن أدق
تفاصيل حياته حتى الخصوصيه منها وهي من النوع الأمين اللي تحفظ سره....وكانت لها خاصية الإستماع اللي تخلي الواحد غصب عنه يقولها
ويفضفض باللي في نفسه....الكل كان يعرف إنها تحب عيال أخوانها كثير بس كان تركي عندها غير....


*******


شذى بتوتر:ليه يا يمه خليتوا الخطوبه مبكره كذا؟؟؟
ام محمد:هذا أبوك مو أنا...وبعدين لا تقعدين كذا تزنين فوق راسي خلاص قضينا من هالسالفه...تكلمنا فيها كثير...
شذى:بس أنا ما استعديت ولا شي...
ام محمد:على الأقل احمدي ربك إن أبوك ما خلى الزواج بعيد الأضحى...
شذى متفاجأه:إيش دعوة يمه؟؟؟ مو لهالدرجه أنا كذا ثقيله عليكم...وبعدين أبوي أنا بنته الوحيد ما يصير يسوي فيني كذا...
ام محمد مستغربه:ليه وش سوى فيك ابوك هاه؟؟؟....
شذى:إنه ما استشارني ولا سألني حتى ما كأني أنا صاحبة الشان...
ام محمد: تدرين لو أنا مكان أبوك إيش سويت؟؟؟...
شذى:ويش تسوين؟؟؟....
ام محمد:في زيارتهم الأخيره أهل خطيبك كان زوجتك مرة وحده وافتكيت منك....
شذى:أفا يمه ماتوقعتك كذا تبين الفكه مني....
ام محمد:اقول يله اذلفي عن وجهي وفكيني....
وقامت شذى من عند أمها اللي ما استفادت ولا شي من قعدتها معها وراحت لغرفتها...وقعدت تفكر بحالها....
كان ابو شذى ابومحمد إنسان رابطته بالعادات والتقاليد قويه مرة...إنسان شديد وحازم مع نفسه ومع مرته وبالذات مع عياله وبالأخص شذى...
كانت كلمة بو محمد ماتطيح لو شيصير وكلامه لازم يتنفذ ومافي جدال معه في موضوع انتهى عنه...كانت علاقته مع شذى رسميه وماكانت تطلب منه شي
أو تبي من عنده شي إلا عن طريق أمها مع حبه الشديد لها بس ماكان يبين هالشي...طيب ويحب الخير وعلى كذا عنده إن المرة ماتطلع عن شور زوجها
ولو يسبب هذا في إنها تنقطع عن أهلها....وهو يبي إن شذى تتزوج عشان تصير لها حياتها المستقله...لأنه مارح يقعد لها طول العمر...واخوانها مصيرهم
يلتهون مع ازواجهم وعيالهم....

يتبع الجزء الثاني....


كانت قاعده في المطبخ تقطع الخضارمع الشغاله،وما كان أحد ساكن معها بالبيت غير هي والشغاله وزوجها اللي يبات ليله عندها وليله عند مرته الثانيه
وهي قاعده تقطع إلا تسمع صوت الجرس يدق استغربت من اللي بيجيها هالحزة من دون تليفون خاصه إن هذي الليله ليلة زوجته الثانيه...
طالعت ساعتها كانت 11وثلث بالليل..توكلت على الله وردت على الجرس...
مين على الباب؟؟؟...
تركي:أنا تركي يا يمه افتحي الباب....
حصه بفرح:هلا والله بقلبي ادخل حياك....
وفتحت له الباب من داخل من عندها لأنه اوتوماتيكي...وراحت تفتح أنوار المجلس وتشغل المكيف وهي طالعه من المجلس تبي تستقبله إلا تشوفه بوجهها
حصه بفرح:هلا فيك وينك...
تركي:والله من زمان عنك يا يمه...
وراح لها وسلم عليها وباسها في جبهتها و راح قعد هو وعمته...
تركي:والله لك وحشه يا يمه من زمان عنك...
حصه:إي هذا من كثر ماتزوني أوتسلم علي....
تركي:والله مشغول...وتعرفين ألحين عندي تدريبات وزحمة...
حصه:ما علينا...بس شخبار الخطوبه...وأخبار خطيبتك؟؟؟...
تركي:الخطوبه تمام....والخطيبه على قولتك من شفتها بخير....
حصه:إلا على الطاري يمه...ما قلت لي ولا بشرتني...لو أمك ماتقول لي ما كان دريت....
تركي:هذا أنا جيتك وأبقولك...بس هاه عندي شرط...
حصه:وشو شرطك؟؟؟...
تركي:بالخطوبه...أول وحده تمشي معي إنتي يمه أبيك تروحين وتشوفينها...أبي رايك ...
حصه:لو علي أنا كان رحت معك...بس ابو فيصل وش اسوي إذا رفض...
تركي:مو على كيفه بهالسالفه...لازم تروحين معي وباحاول معه...
حصه:يلحقنا خير لهذاك اليوم...على البركه حددتوا الخطوبه..
تركي:إيه وبعيد الأضحى...
حصه:إنشالله أروح خاطري أشوف من اللي الله موفقها وكاتب لها إنها تاخذك...بس ماقلت لي وش رايك فيها يا تركي؟؟؟...
تركي بابتسامه جذابه:مملوحه...عاجبتني...وخالتي عبير بتنهبل عليها...(ويطالع بعمته)هي اللي اختارتها لي...
حصه:الصراحه خالتك عبير طيبه وحكيمه...أكيد بتختار لك زين...
تركي:يا هنيالك..
حصه:مين هذي؟؟...
تركي:عبير...بعد مين مادامك مدحتيها....
حصه:عبير خالتك...عيب تقول اسمها حاف كذا...
تركي:عادي أنا اناديها حاف هي كبر متعب يعني بسني وبعدين هي عادي عندها ماعندها مشكله من الناحيه...
حصه:ياخوفي بعد تقول من وراي اسمي حاف كذا حصه....
تركي:وانا اقدر؟؟؟.....إنتي بالذات اقول امي حصه...
حصه:يا بعد قلبي والله...
تركي:أنا جيت اقول لك يا يمه عن خطوبتي وأبي اسمع رايك فيها وأبي اسمع أخبارك وش مسويه...
حصه:عن نفسي أنا الحمدلله بخير وماعلي خلاف..بس إنت قول اللي بخاطرك هذا انا اسمعك يا تركي...
وقعد تركي يحكي لها...صار يقول كل اللي بخاطره لعمته...ياناس هالإنسانه مامثلها أمووت أنا عليها...وما ألقى الراحه إلا هنا عندها وبين يديها...
قعد يقول لها وش خاطره فيه واللي خايف منه واللي يبيه من خطيبته....

يتبع الجزء الثاني....


كان تعبان ويبي ينام وتوه راجع من سهره مع ربعه ولمن دخل البيت كان هادي ويدل إن سارا وبنته انجود نايمين فصعد لغرفته ولما دخل لقى سارا
قاعده تقرا قرآن ولمن انتبهت على دخلته صكرت القرآن....
متعب وهو يفصخ شماغه:وش فيك صكرتيه...كملي قرآئتك...
سارا:قريت وقلت أوقف قرآئتي هنا....إلا وين كنت بسلامتك؟؟؟....
متعب:وين كنت يعني...كنت معزوم....
سارا:وليه ماقلت لي؟؟؟....مشالله عليك خليتني أطبخ وأنتظرك على العشا...
متعب وهو رايح يغير ملابسه:أولا منت بأمي علشان أستأذن منك...ثانيا لا تكذبين متى عمرك طبختي العشا الشغاله هي اللي تسويه....
سارا:زين وليه خليتني أنتظرك على العشا؟؟؟....
متعب وقف قدامها:يعني تبين تقولين لي إنك ما أكلتي شي؟؟؟...
سارا:إيه ما أكلت...
متعب:زين حبيبتي تدلين المطبخ تحت؟؟...
سارا:قصدك أنزل وأكل لي شي؟؟؟...
متعب وهو رايح:حلو إنك فهمتيني...
انقهرت منه سارا وقالت له تبي تقهره مثل ماقهرها:ارتاح ياعمري...أنا قد كليت وشبعت...
متعب:بالعافيه....
ودخل الحمام ياخذ له شاور ويغير ملابسه...
انقهرت سارا من ردة فعله فخاطرها يقهر والله يقهر ويرفع الضغط....وانتظرته إلى ما طلع من الحمام وهي ناويه عليه...
لمن طلع متعب من الحمام وشافها قدامه:خير إنشالله إيش فيك مانمتي؟؟؟...
سارا بطنازة:لا والله؟؟؟...أنا أبي أتكلم معاك في سالفة السهر هذي اللي كنت أول ماتعرفها ولا تدل طريقها؟؟؟...
انقهر من أسلوبها معاه فرد عليها بعصبيه:مالك شغل يا سوير...وإذا على السهر ماتغير شي إذا ماعندي شغل اليوم الثاني سهرت مع اخوياي...
انبسطت سارا لمن شافته معصب ومابينت له هالشي فردت عليه:إيه ما اختلفنا إنك تسهر من اول...بس من متى تسهر من دون ماتقول لي؟؟؟....
هنا متعب خلاص انقهر منها اللي يسمعها يقول من جدها تتكلم هذي ومااسهر إلا بشورها...
فرد عليها بعصبيه:إنتي هيه؟؟؟...من هذا اللي يسهر بعد موافقتك الملكيه؟؟؟...
سارا معصبه بعد:إنت مب عزابي مثل اخوك تركي...إنت متزوج وبنتك السنه الجايه خلاص بتدرس...
متعب وصلت معاه:طالع من اللي تتكلم بس...سارا والله لو اشوفك تتكلمين هالكلام مرة ثانيه تدرين وش أسوي فيك؟؟؟...
سارا وهي خايفه بس مو واضح عليها:وش بتسوي يعني بتطقني؟؟؟....
متعب مقهور من أسلوب سارا اللي تكلمه فيه بصيغة الأمر:مو أطقك وبس...شفتي العقال لأقطعه على ظهرك فهمتي....
هنا سارا زعلت وقعدت تبكي وتصيح:الله أكبر يا متعب وصلت فيك إنك تطقني....وش عليك عشان أمي وأبوي ميتين قمت تستقوي علي...
وقعدت تبكي وتبكي...متعب حز بخاطره يشوفها تبكي هو صح المفروض مايقول لها كذا...من متى هو أصلا هددها بالطق...بس هي اليوم قهرته من متى
وسارا تكلمه كذا وكأنه أصغر عيالها...بس عورته بقلبه لمن قالت إنها يستقوي عليها لأنها يتيمه...فراح يراضيها مع إنه تعبان ورجع وهو مو طايق
هواش ومشاكل...
كانت تبكي وهي قاعده على الكنب فراح وجلس جنبها وقال لها بهدوء:سارا وش فيك زعلتي؟؟؟...
سارا:ما انت شايف نفسك تهددني إنك تطقني...
متعب:وأنتي الله يهداك ما انتي شايفه نفسك بعد...من متى وأنتي تكلميني كذا؟؟؟...
سارا وهي تمسح دموعها:وأنا إيش قلت؟؟...ماقلت إلا ليه تأخرت..وانت على طول عصبت؟؟؟...
متعب:اللي يشوفك وأنتي تتكلمين معي يقول أصغر عيالك...تدرين أنا أتقبل أي شي منك إلا انك تستفزيني...
سارا مستغربه:أنا استفزك؟؟؟....(حست إنه عرف إنها كانت تبي تستفزه بس مسويه بريئة)...
متعب بنص عين:إي تستفزيني...أدري ليه؟؟؟...
سارا:ليه؟؟؟....
متعب:لأنك تبيني أقعد معك وأنا هالأيام مشغول ومب فاضي خاصه من رجعت من الشرقيه مع ابوي وتركي....
سارا تحاول تلقى حجه لأنه صادها:مين قال...
يقاطعها متعب:كلامي صح أو لأ؟؟؟....
سارا باستسلام:يعني....
متعب ابتسم لها وقال:ياحياتي والله ياسارا...وبعدين لا عاد تقولين عن إن امك وابوك إنهم ميتين...وبعدين أنا امك وأبوك وزوجك واخوك وكل شي...
ولا أنتي شاكه في كلامي...
سارا وهي خلاص متقطعه من الحيا من كلام متعب وماقدرت تعلق إلا بابتسامه رسمتها على ووجهها....
وبعدها قال متعب:ألحين راضيه ولا زعلانه؟؟؟....
سارا:راضيه...
طبع متعب على خد سارا بوسه وقال لها:تصبحين على خير....
سارا بابتسامه:وأنت من أهله...
وراح متعب ودخل فراشه هو وسارا وناموا بعد مابغت تشتعل مشكله بس متعب لحق عليها وطفاها وهدت الانفس من بعدها ورضت....

يتبع الجزء الثاني....


بالصباح...
كانت بالكليه مع صديقتها ريم يتمشون على بال ما تبتدي المحاظرة الثانيه...
ريم:زين ألحين انتي ليش زعلانه...عادي ياشيخه يمديك تفصلين وتجهزين حالك؟؟؟....
شذى وهي تلعب بأطراف شعرها:مو زعلانه...بس متوترة وأنا إنشالله بروح اليوم الخبر مول عشان أشتري لي قماش للفستان...
ريم:عاد خذي لك ألوان حلوة وزاهيه مثل الفوشي او الأحمر او الوردي او الفيروزي ....
شذى:إي أكيد إنشالله...
ريم:ولمن تروحين للخياطه تفصلينه خذيني معك...
شذى:خير إنشالله...بس افكر اشتري لي فستان جاهز للخطوبه من هنا او من البحرين...
ريم بقرف:جاهز؟؟؟....لا وع تفصيل أحسن في المناسبات اللي زي كذا....
شذى:أنا وش قلت؟؟؟....بفصل أحسن ...بس اقول افكر...
ريم:إلا ماقلتي لي وين رح تسوين الخطوبه؟؟؟....
شذى بحسره:كيف.... وأبوي قال يبيها عائليه أحسن ببيتنا....
ريم تخفف عنها:ياشيخه مو مهم الخطوبه...المهم الزواج...
شذى:هذي انتي قلتيها...بس لازم تكونين موجوده يا ريم....
ريم بثقه:لا تخافين...بكل المحافل بكون معك حتى بالخطوبه....إحنا كم شذى عندنا....
شذى بدلع:وحده اللي هي انا....
ريم:جب وانتي على طول تصدقين..ترى نمزح معك من زينك عشان نتغزل فيك....
شذى بغرور:توصلين لي أنتي؟؟؟....بس ماعلينا بتجين الخطوبه اوكيه؟؟؟...
ريم:اوكيه...ومره وحده نشوف توم كروز أقصد تركي اللي منهبله عليه وعلى وسامته....
شذى:قصدك خطيبي تركي....وبعدين يخسي توم كروز جنب تركي....
ريم بنظرة حالمه:أموووت باللي يدافعون عن حبيبهم انا....
وقعدوا يضحكون ويسولفون ويخططون للخطوبه إلى ما ابتدت محاظرتهم وراحوا لها....

*******

مرّت الأيام بسرعه وكانت شذى مشغوله في فستانها وعمرها تعدل وتضبط حالها وريم صديقتها معها ماتفارقها تروح معها للخياطه و للصالون وللسوق
وطبعا الكل ينتظر هالخطوبه عشان يحظرون ويجون...بشاير كانت متشوقه للخطوبه وتنتظرها بفارغ الصبر وطبعا معها سارا عشان يتعرفون على خطيبة
تركي...وام بندر فرحانه لولدها وإنه كبر وبتزوجه...فاطمه ماعجبها الوضع إن أخوها ياخذ غير سلمى بنت عمه بس ساكته و
تراقب أهلها وهم مبسوطين بتركي...عايشه مقهووره لأنها ماتوقعت بيوم إن تركي ياخذ غير أختها سلمى وكانت تظن إن تركي ينتظر أختها ترجع من
الأردن وماكانت تدري إنه صرف النظر عنها مرة وحده....ومتعب وبندر فرحانين لأخوهم وينتظرونه يدخل القفص الذهبي على قولة متعب ويترك الحريه
ويودع العزوبيه اللي رح يحن لها كثير هههه....
ومن الجهه الثانيه كانوا أهل شذى مابين حالة فرح وسعادة بمناسبة زواج بنتهم الوحيده...ام محمد مبسوطه هي ومها...أما خالد وابومحمد مايتمنون غير
السعادة لشذى وإن الله يوفقها في زواجها...ومريم مو مصدقه إن شذى بتتزوج وتفكها وتذلف عنهم...ومحمد مو مرتاح من هالزواج ومايبي تركي و ماخذ
موقف المتفرج يعني ماله فيهم مادامهم موافقين وماعندهم مانع...وسعود مبسوط على الأخر ويتمنى كل الخير لشذى....

يتبع الجزء الثاني....


بيوم الخطوبه كان الكل مجتمع في بيت أهل شذى...أهل شذى كلهم...,اهل تركي كلهم وجات معه عمته حصه اللي ما رضى إلا إنها تجي معهم...وعبير
اللي كانت أول الحاظرات...وكانت هذيك الليله من أحلى الليالي لتركي اللي كان بالمجلس مع الرجال اللي ماليينه....

.

.

.

.

.


كانت شذى قاعده بغرفتها ومعها ريم والكوافير عندهم عشان تعدل شذى...
شذى وهي قاعده على كرسي التسريحه وتهز رجولها بقوة من كثر التوتر وكانت ماتزال لابسه بيجامتها البرمودا والكوافير عندها قاعده تسوي شعرها
نادت ريم اللي كانت تكلم جوال بزاوية الغرفه:ريييييم؟؟؟...ياللا عاد صكري وتعالي اقعدي معي...
ريم وهي تكلم جوال:ياللا باي...اوكيه باقولها إنك مارح تجين...سي يو...((ولفت ريم عليها))...نعم وش فيك تصرخين كذا؟؟؟...
شذى:لأنك ماشالله عليك تكلمين ولا كأنك هنا....وهذا بدل ماتقعدين معي؟؟؟....((سألتها))ومين كنت تكلمين؟؟؟...
ريم تبتسم:يااللقافه اللي شغاله عندك ولا توقف حتى بيوم خطبتك هذي ضحى تعتذر إنها ماراح تجي وتقول((تقلد ريم صوتها))مشغوله وعندنا ضيوف...
شذى بدون اهتمام:أحسن فكه منها إنها ماجات أصلا تفشل وماأبي اهل تركي يشوفونها...
ريم:على قولتك فكه...بس تعالي أهل تركي كلهم بيجون؟؟؟...
شذى:كلهم من أكبرهم إلى أصغرهم ولا أحد قعد....
ريم:زين تعرفينهم؟؟؟...
شذى:لأ...تصدقين لو أشوف أمه مابعرفها....
ريم بحياء مصطنع وتحط يدها على وجهها:وافشيلتاه؟؟؟....ماتعرفين ام رجلك؟؟؟....
شذى قعدت تضحك:ههههه جب عاد وأنا وش يدريني فيها...
هنا تنرفزت الكوافير من شذى اللي ماتسكت وتتحرك وكل شوي تخترب التسريحه...
جوزيل اللبنانيه:خلاص شزى شو بيك حركتك كتيره هيك...لي أكتر من ساعه وباإي ماعملت شي...
شذى انقهرت منها وقعدت تقلد لهجتها اللبنانيه:بالله؟؟...وشو بدك أعمل آنسه جوزيل؟؟؟...
جوزيل:بدي كفّي التسريحه مشان نبلش بالميك آب حياتي...الليل بيمشي وباقي ماعملنا شي...
شذى وما تزال تقلدها:أوكيه وإحنا شو عملنا...
جوزيل:أاعده عم تضّحكي إنتي ورفيئتيك ريم ...وما أنا باقي مابلشت في شي.... خلاص يا صبايا بدي أكمل شغلي...
ريم تدخلت وهي قاهرتها:أكرمينا بسكاتك الله يخليك...والله تبينا نسكت كان إحنا بمدرسه...
شذى:إي والله ذكرتني بأيام الثانوي...أقول جوزيل...
جوزيل:ها حياتي شو بدك؟؟؟..
شذى:إخلصي بسرعه...وبلا هذرة زايده...
ريم تطالع ساعتها:إي والله بسرعه جوزيل خفي يدك...ترى تاخرنا عن المعازيم تحت...
وبهالوقت يدق باب حجرة شذى...
ريم:مين؟؟؟...
مها:أنا مها....
ريم قامت تفتح الباب وتسلم على مها...ريم:هلا والله بمهاوي شخبارك؟؟؟...
مها:بخير...وأنتي؟؟؟...
ريم:تمام...
مها وهي تطالع شذى وهي متفاجأة:شذى يا الخايسه للحين ما لبستي؟؟؟...والله لو تشوفك أمك تعصب عاد ارسلتني تشوف إذا قضيت ولا لأ....
جوزيل وهي تتدخل:الله وكيلك يا مها((قاطه أذنها معهم وعرفت اسمها)) ما بتخليني أخلص معها ولا هي... تأبرني بتجنن بس
شذى تتدخل:بس جب إنتي من كلمك...أقول مها جو الضيوف؟؟؟...
مها وهي تقعد على طرف السرير بقرب شذى:إي كلهم جو وما بقى أحد من أقاربنا إلا جو...
شذى وهي تسأل:أهله كشخه؟؟؟...
مها:كشخه بالحيل...وشفتي عمي سعد بالرياض جو وهم تحت...
شذى بفرح: هديل وهدى تحت؟؟؟....خل يجون اسلم عليهم....
مها:يقولون لأ خل تجهز وتعدل نفسها وبعد مايروحون الناس بيستلمونك....
قعدت شذى تضحك وهي تقول:ههههههههه الله يعيني الليله عليهم هذرتهم واجد...(وتلف على ريم)أقول ريم أهله تحت كلهم خايفه؟؟؟...
ريم:ورجعت عقدة الخوف عندك...يا شيخه عادي...
شذى تسأل مها:أهلك جو من الجبيل يا مها؟؟؟...
مها:إيه وهم ألحين تحت...
شذى وهي تبتسم بخبث:وأختك منال جات؟؟؟....
مها:إيه جات...بس وش فيك تبتسمين كذا؟؟؟...
شذى:ماشي...بس أسأل...
مها:ياللا أنا الحين بنزل تحت عند الضيوف...بس اليوم مريم فاتتك؟؟؟...
شذى:ليه؟؟؟...أكيد قاعده تسوي حركاتها المعروفه...
مها:بالعكس...شايله الدنيا شيل من افرح...والله لو أنتي أختها ماسوت كذا...
شذى:أكيد تبي الفكه مني...
مها:بالعكس حراااام عليك لا تظلمينها...
شذى:ليش تدافعين عنها كذا؟؟؟...
مها:لا مو عن كذا...بس صدق يمكن بينكم باستمرار مشاكل بس...ترى المناسبات اللي زي كذا تبين وتطلع المحبه اللي مومبينه بينكم مع الأيام...
ريم تتدخل:إي والله صح يا شذى مها معها حق....
شذى وهي تحاول تقتنع:يمكن...ليه لأ...((بس في بالها هذي هي مريم مرة عسل...ومرة بصل ما يدوم حالها على شي))...
مها وهي تطالع نفسها في المرايه وتعدل عمرها:ياللا يابنات نازله تبون شي...
شذى وريم:سلامتك....
وطلعت مها....
فقربت ريم من عند شذى وسألتها:شذى وش فيك؟؟؟...
شذى باستغراب:أنا؟؟؟....ليه وش فيني....
ريم:لما سألت مها عن أختها منال قعدت تبتسمين ابتسامه شيطانيه....
شذى:بسم الله منك وأنتي قاعده تراقبيني؟؟؟...
ريم بضيق:يالله عاد قولي وش فيك...
شذى:وشو اللي ايش فيني....عادي بنت عمي وأسأل عنها فيها شي....
ريم:مهوب علي أنا تخشين السالفه قولي....
شذى:اففففف منك...مايفوتك شي...
ريم:أها أجل حدسي في محله في سالفه... إلا قصه قولي يا شذى وبالتفصيل الممل لدرجة الموت...
شذى:بأقولك...بس موجز تعرفين ماعندي تفاصيل ممله عندي تفاصيل مفرحه...هذي منال الله يسلمك...
ريم بضيق:إيه وش فيها...
شذى:وجع خليني اكمل لا تقاطعيني...
ريم وهي تحط يدها على فمها:سكتنا....
شذى:هذي منال بنت عمي في عمري...وهي تحب سعود أخوي مووووت من يوم حنا صغار وبس سلامتك....
ريم:بس هذي هي السالفه؟؟؟....
شذى:من طقطق للسلام عليكم....
ريم:عمى...وانا على بالي فيه سالفه كبيرة....
شذى:بس ترى منال تحب اخوي سعود موووووووت...والبيت كله يدري ماتستحي هالمنال عادي عندها والمشكله إن سعود حتى التفكير مايفكر فيها...
ريم بحسره:تصدقين هالفئه تعورني في قلبي...اللي يحبونهم ويموتون عليهم مايفكرون فيهم...بس من هي ذكريني فيها؟؟؟...
شذى وهي تحاول تذكرها:تذكرين بحفلة تخرجي من ثالث ثانوي.....
ريم وهي تحاول تتذكر وتمسح على جبهتها:إيه كأني أتذكر..... ليه كانت موجودة؟؟؟...
شذى:إيه اللي كانت لابسه فستان جينز قصير ومليانه....
ريم وهي منصدمه:إنتظري لايكون؟؟؟....لا تكون هي الدبه وشعرها بوي ولابسه صندل زهري وشوي جريئه....
شذى:أها هذي هي براسها....لقيتيها....
ريم متقرفه:وعععععععع...من جدك تبين اخوك المزيون سعود ياخذ المفعوصه هذيك او حتى يحبها او يفكر فيها؟؟؟؟....
شذى قعدت تضحك وقالت:ليه مب حلوة؟؟؟...
ريم:لا تذكريني فيها....ما أصدق إن هذي اخت مها الحلوة النعومه اللي تستحي...
شذى:إي صح بس لا تقارنين مها بمنال.... مها احسن بمليون مرة ولا كيف زوجناها اخوي....
ريم:مالت عليها مالقت تحب إلا سعود....
شذى بمكر:وش رايك نزوجك سعود ياريم مادامه كذا عاجبك وتدافعين عنه....تراك مابتلقين أحسن من أخوي....
تتدخل جوزيل:ليه كام عمره خّيك سعود تأبريني؟؟؟...((قاعده تتسمع لهم))...
شذى انقهرت منها فقعدت تكذب عليها:عمره 45سنه ومتزوج ثنتين...وانا ابي ريم الثالثه....
تغيرت ملامح جوزيل لمن سمعت عمره....اما ريم وشذى ميتين ضحك....
ريم وهي تضحك:حسبي الله على ابليسك يا شذى...
شذى وهي تضحك:جننتني يا شيخه كل شوي وهي قاطه اذنها علينا وتتسمع سوالفنا...افتكيت من مريم جات جوزيل...
وقعدوا يضحكون...أما جوزيل فتفشلت وكملت شغلها وهي ساكته....
ريم:الصراحه ياشذى إني اتزوج اخوك ما اقدر وماأبي لأني مااحبه....
شذى:يعني لازم تحبينه قبل الزواج؟؟؟....
ريم بثقه:أكيد...ولا على بالك مثلك انا اتزوج واحد ما عرفته إلا لمن خطبني...وبعدين لا تنسين حبيب الروح...عبد العزيز

يتبع الجزء الثاني....


شذى:جب زين...وأتحداك تلقين مثل أخوي....
وتموا يسولفون....وبعدها سوت جوزيل الميك آب للشذى وعدلت مكياج ريم...وراحت شذى تلبس وتتعدل لأنه خلاص مابقى شي وتنزل عند المعازيم...
.

.

.

وتحت كانت بشاير وسارا وعبير جنب بعض...وفاطمه وعايشه جنب بعض...وام بندر وحصه عمة تركي جنب بعض..وباقي الحضور منتشرين بالمجلس
وكانوا مشغلين الدي جيه أغاني ووناسه ورقص......
بشاير تكلم خالتها عبير اللي كانت جالسه بجنبها:أقول عبير...وينها شذى ماشفتها من دخلت...
عبير:أولا قولي خالتي تخلخلت ضلوعك....ثانيا أكيد قاعده تعدل نفسها ولا على بالك مطيورة بتنتظرنا عند الباب....
بشاير:ليه اقول خالتي...هذا تركي ومتعب وبندر وفاطمه يقولون لك عبير....
عبير:لأن بندر وفاطمه اكبر مني مو معقوله يقولون لي خالتي...أما متعب وتركي تقريبا كبري...بس أنتي اضغر مني ب12سنه فلازم تقولين خالتي مو كل
ما أشوفك لازم أفهمك....
بشاير بتأفف:ماعلينا...بس من هذي اللي لابسه بدله بحريه؟؟؟...((تقصد مها))...
عبير:وأنتي على بالك إني عايشه معهم....لأ ما أعرفها بس كأنها مرة ولدهم...يعني ماخذة اخو شذى...
بشاير:صح يمكن...
عبير:وأنتي ليش تسألين عنها؟؟؟...
بشاير:لا بس أسأل لأنها تشبه وحده معنا بالمدرسه يمكن تقرب لها...بس هذي أحلى وأملح منها...(تقصد مها)...
عبير:زين ماقلتي لي...تركي وش علومه...أسود الوجه مامر علي ولا جاني ما كأني خالته وانا ملزمه عليه إنه يمر....
ضحكت بشاير من خالتها وقالت:هههههه إيش عليه اليوم يومه....عقبالي...
لكزتها عبير:عيب يابنت...
بشاير وهي ترجع شعرها لورى:عادي انا قلت شي غلط....قلت عقبالي إني اتزوج ياه حراام يعني؟؟؟....
ضحكت عبير من كلام بشاير....
عبير وهي تكلم سارا:ماعلينا من هالهبله المراهقه....سارا وش فيك ساكته...
سارا بابتسامه:أبد مافي شي....بس كنت اطالع البنات يونسون شكلهم...
عبير:إيه شعليهم بنات ما وراهم لا زواج ولا عيال ولا مسؤليه...
سارا:وأنتي صادقه...بس كلن لاحق على شقاه...
.
.
.
وبالجهه الثانيه اللي بنفس المجلس عايشه مرة بندر وفاطمه يسولفون...
فاطمه:اقول عايشه،كيف تتوقعين مرة اخوي؟؟؟...
عايشه:مين تركي؟؟؟....اتوقعها عاديه...
كانت فاطمه مب راضيه على زواج تركي بوحده من برى العايله او من دائرة معارفهم وكانت رافضته للحظتها هذي،وما تأكدت إن كل شي صار رسمي
إلا لمن جو الشرقيه وحظرت الخطبه وصارت أمام الأمر الواقع...وكانت عايشه صديقتها ومثل مايقولون توأم روحها وتقول اللي بخاطرها لها...
فاطمه بزعل مو ظاهر:أنا تكلمت مع امي مليون مرة بلاها زواج من هالبنت...بس كانت تقول أهم شي تركي ورايه...
عايشه:الصراحه الكل استغرب لمن درى إن تركي بياخذ من برى...يعني إحنا عايله كبيرة ومعروفه وامفروض ما ندخل نسبنا مع احد....
فاطمه تكلمت بحقيقه:إي صح كلامك...بس ترى البنت وهذي العايله نسبهم عالي وأصيل يعتبرون شيوخ يا عايشه...بس تقريبا إحنا اغنى منهم
عايشه:إي كلامك صح ومبين كرمهم وطيبهم...بس ثوبنا مو من ثوبهم...وشجرتنا غير شجرتهم...
فاطمه حست بغصه من كلام بنت عمها اللي تزيد النار حطب وإن اخوها المفروض ما ياخذ شذى و إن اهلها استعجلوا بوافقتهم على زواج تركي المتهور بنظرها
وبعد فترة صمت قصيرة تكلمت فاطمه:لو علي انا ما زوجته...والله ما كان اعطيه غير سلمى اختك لو شيصير...
عايشه بحسره مو ظاهره:وانا كان خاطري ماتاخذ سلمى غير اخوك بس....إذا فات الفوت ماعاد ينفع الصوت...
فاطمه انتبهت بعدها على المستخدمه وهي توزع العصير وموقفه عندها...أخذت كاس عصير وراحت بعدها في عالم ثاني بعد ماسمعت كلام عايشه....
.
.
.
ام بندر كانت مبسوطه على الآخر وحست إن هالناس اهل خير وخاصه بعد مالمست التعامل مع ام محمد...وماكان ناقصها غير شوفة مرة ولدها...
حصه:اقول يا ام بندر...وراك كذا ساكته وماتطلبين تشوفين مرة ولدك؟؟؟...
ام بندر :والله الود ودي إني اروح اشوفها هاللحين...بس فشله يا وخيتي اخاف البنت مااستعدت...
حصه:ما علينا عادي نطلب نشوفها أكيد يمديها تخلص وتستعد...
ام بندر تستفسر:وأنتي تبين تجين معي؟؟؟...
حصه:وش عندي ما أجي معك....إلا بجي...بس نادي على ام محمد تاخذنا لعندها...
وسمعت الكلام ام بندر اللي تنقاد بسرعه للأمور...ونادت على ام محمد وكلمتها ومالقت من أم محمد إلا قبول وفرح واخذتهم معها لفوق وكانت تدعي
بخاطرها إن شذى خلصت وجهزت....
.
.
.
منال اخت مها...وهدى وهديل كانوا مبسوطين موت وعاجبهم الجو....
هديل اللي كانت أكبر من شذى بثلاث سنين ومخطوبه لولد خالها وهذي السنه آخر سنه لها بالجامعه بعد ما عادت سنه فيها تحب شذى وقلبها يبي لها
الخير...وفرحت لها حيل لما عرفت من خطبها وتمنت لها السعاده...
هدى...تقريبا أصغر من شذى بسنتين وتدرس بالثانوي تحب شذى وتتميز هي وأختها بطيبتهم وإنهم مايشيلون على قلبهم من أحد فرحت لشذى وكانت
سعيده بعد إنهم بالشرقيه اللي تحبها وتحب اهلها أكثر من الرياض...وكانت مشعله الليله فرح وطرب ورقص...

يتبع الجزء الثاني....


ومنال اللي كانت مبسوطه...ومستانسه أكثر لأنها ببيت سعود...فديته والله سعود من مثله يا قلبي....منال طيبه بس جرأتها الزايده وطولة لسانها مخربتها
وكانت تتحين الفرص عشان تبي تشوف سعود...وكانت كاشخه ولا كأنها بزواج عشان لمن يشوفها سعود ينبهر فيها(مسكينه؟)...وهو أصلا ما يذكرها....
ومنال كبر هديل...وهي ترد الخطاب لأنها تنتظر سعود المسكينه يخطبها...واللي على بالها إنه يحبها ويموت عليها....وهي عاديه مب حلوة ولا خايسه بس متينه
هديل:اقول منّول...طالعه اليوم أكشخ وحده فينا؟؟؟...
منال بفخر:من يومي أكشخ وحده فيكم وانتي توك تنتبهين....
هديل:أقول جب بس....تراني اعرف عشان سعود المطيور هالكشخه...
منال:إنتي المطيورة...ترى ما اسمح لك تتكلمين فيه...والله إنه يسواكم كلكم...((وبنظره حالمه)) يا بعد قلبي واهلي وناسي وربعي ياسعود....
هديل وهي تبتسم:إلى هنا وامسك بريك...إذا سعود كل هذول ما اقدر اتكلم فيه...والله يوفقك وتاخذينه...
منال بدعاء وباقي شوي وتبكي:آآآآآآآآآمممممممييييييين....
هديل:ما علينا من سعود الحين....وش رايك نروح لشذى ما زمان هعنها الخايسه...
منال:إذا ما علينا من سعود....أجل من لنا عليه؟؟؟....
هديل:اقول شكل سعود ماكل عقلك حلاوة....
منال تعدي كلام بنت عمها:اقول هديل وش رايك نطلع بالحوش...ونشم هوى شوي الحين الجو حلو...
هديل:اقول انثبري هنا ولا تظحكين علي...ادري إنك تبين تشوفين سعود بس حامض على بوزك لأنه لو شافوني اهلي واهلك بيذبحونا فاهمه...
وما قالت منال شي غير نظرة عتاب ووجهتها لهديل وبعدها التهت بالحفل والناس....
.....واااااااااااااااااااااااااااااو طالع شكلك يهبل بس تعالي ابخرك من العين والحسد...
ما علقت شذى على كلام ريم خويتها اللي انبهرت لمن شافت شكل شذي النهائي بعد ما لبست الفستان وخلصت الميك آب والتسريحه وتطالع نفسها
بالمنظرة اللي بغرفتها طويله على طول جسمها...
كانت مسويه ميك آب نااعم ومبين براءة وجهها ومبرز جمال عيونها...طبعا خدودها المدورة والمنثور عليها بلاش بلون الزهر معطيها جمال ومنظر طفولي اكثر
واللي مزود حلاوتها غمازتها الوحيده بخدها الأيمن صاير شكلها حلو بالذات لمن تظحك...
وشعرها اللي مرفوع بطريقه غجريه بورود صغار لماعه...خصل مفلوته بحريه من الامام والخلف ومبين طول شعرها وجماله...
كان فستانها لونه وردي متدرج مع الأبيض النقي...كان فستانها مبين حلاوة جسمها كان خيوط وعاري من عند الصدر كان مشدود بفيونكا لونها وردي
وكان منثور على خصرها إلى اسفل الفستان من جهة اليمين ورود مثبته بالفستان مع ستراتس لماعه مع الورد وفستانها كان من الموسلين والحرير الناعم واللاصق
بالجسم...وكان جيبها من عند الصدر مفتوح وواسع وطبعا مع الفستان شال حريري وشفاف مثبت فيه اللي بنفس الفستان لأنه مستحيل تطلع عند تركي كذا
وحتى اخوانها وابوها بالذات مارح يرضى بكذا...وهي رح تطلع عند الحريم بدون شال...والشال اكثر ماتنازعت مع ريم عشانه لأن ريم تقولها اطلعي كذا عند
خطيبك بدون شال خليه يتسدح من جمالك...وشذى طبعا حيائها يمنعها إنها تلبس كذا....
جوزيل:ياألله...شو هيدا الجمل كلو...عأبال ما اشوفك عروسه بتجنني العالم من هيدا الجمال والسحر...
ريم ما تطيق جوزيل فردت عليها نيابة عن شذى:زين يا حلوة...مشكورة على هالإطراء...ترى تقدرين تفارقيننا الحين؟؟؟..
جوزيل وهي تلبس عبايتها:على العموم السيارة بتنزرني عند الباب...إنشاللهتعزمينا بجوازتك يا شزى...
ريم من غير نفس:نعزمك؟؟؟....خير إنشالله...
جوزيل وهي طالعه:ياللا مع السلامه صبايا...والفال إلك يا ريم...
ريم:الله يفتح...مع السلامه...
وطلعت جوزيل وبعدها ضحكت شذى وقالت لريم:احس يا ريم لو قعدت دقيقه زيادة بتطردينها بالقوة...
ريم:خليها تذلف هاللبنانيه لوعت كبدي......بس الصراحه شغلها حلوة مرة مطلعتك تهبلين يا شذى...
شذى ضحكت:هههههههه...من يومي حلوة بس ما ادري وين كانت عيونك....
ريم بضحك:مقبوله منك...بس عيديها بيوم ثاني انتفك...
دق باب غرفة شذى وفتحت الباب ريم اللي كانت شذى بهاللحظه توها تقعد على وحده من الكنبتين اللي بغرفتها تبي تستريح....
ريم فاتحه عيونها على الآخر:هلا خالتي...حياكم حياكم...
انتبهت شذى وتبي تشوف من اللي عند الباب...إلا تدخل أمها ومعها حرمتين كبار بالسن...بس مبين فيهم العز انقبض قلبها وحست إنهم اهل تركي...
ام محمد تاشر لبنتها تقوم تسلم...
ام بندر وهي مانزلت عينها من شذى:هذي شذى مرة ولدي؟؟؟....مشالله وش هالزين....وش هالحلاة
عرفت شذى وتأكدت إنهم جد أهل تركي...وهذي اللي تكلمت أمه...بس كانت تبي تعرف من هي اللي معها
ام محمد:تسلمين والله يا ام بندر وهذي بنتي شذى...واللي معها صديقتها ريم....
سلمت شذى بالأول عليهم وبعدها ريم...وقعدتهم على الكنبتين وشذى وأمها قبالهم على السرير...أما ريم فتمت واقفه...
ام بندر:مبروك يا شذى يا بنتي...وعقبال ما اشوفك بليلة العرس عروس واخذك معي بالرياض...
حصه بابتسامتها الحنونه:خلاص يا أم محمد بنتك...بنتنا وصارت منّا وفينا ماخذه أعز عيالنا...
طبعا هنا شذى لو كان بيدها شي كان قطعته من من الحيا....يا ناس البنت ماتحب المواقف اللي زي كذا....
أم محمد:شذى بنتكم من الأول...وألحين إحنا اهل يا ام بندر....
حصه:وأنتي الصادقه...إلا ما سمعنا صوت شذى شخبارك يا بنتي؟؟؟...
شذى:الحمدلله بخير...
حصه :مبروك لك....ولنا...والله إنك تهبلين ويا حظك فيها يا تركي...
هنا ريم ابتسمت لأنها توقعت إن شذى ألحين يمكن تموت من الحيا...وطبعا توقعها ماخاب لأن وجه شذى انقلب من أبيض إلى أحمرررر من الحيا...
ام بندر بخاطرها"يا حلاتها...والله إنها تهبل وتدخل القلب بسرعه حلوة وناعمة وخجوله وشكلها راعية خير"....
وبعدها تموا الحريم يسولفون مع شذى وهي تجاوب بس على قد السؤال....وبعد مرور ربع ساعه نزلت شذى تسلم على الحريم بالمجلس ومعها امها وام بندر
وحصه عمة تركي....وطبعا ريم...
.
.
.
بالمجلس عند الرجاجيل كان ابو محمد وابو بندر بصدر المجلس وطبعا معهم تركي والكل كان سعيد بالخطبه إلا محمد اخو شذى كان
شعوره غريب...شعور بعدم الإرتياح بس على كذا داس على عمره ومسوي نفسه فرحان لأخته...
طلال صديق تركي حضر الخطبه لأنها لخوي عمره تركي وهو ظابط بعد مع تركي وينتمي لعائله لها مركزها بالمجتمع ومماثلة لعائلة تركي...
طلال كان جالس بجنب تركي وكان متوسط بين تركي ومتعب ...
طلال بابتسامه:مبرووووك يا تركي...
تركي:الله يبارك فيك يا طلال....زين إنك حظرت وجيت...
طلال:تدري والله اليوم عندي دوام....والله بس طلعت من الدوام ومسكت لك خط الشرقيه وجيت تقريبا الساعه سبع العشا وصلت وأخذت لي غرفة ضبطت حالي
وجيتك....
تركي:والله لو ما جيت كان زعلت....تدري يوم خطوبتك وزواجك محد موقف معك إلا أنا....
طلال:خلاص ياخي هذا إحنا حظرنا....ولا تقعد تمنن علينا وتقولي وقفت معي كل الي تسويه إنك تجلس جنبي...
تركي ضحك من كلام طلال وقال له:أفا يا طلال بس كذا؟؟؟...
طلال ابتسم لأنه كان يمزح وتركي من جد ماقصر معه ولا كأنه والله واحد من أخوانه فرد عليه وقال:ياخي امزح معك...بس تدري اليوم وجهك منور....
تركي:أكيد منور بوجودك...
طلال ابتسم من تعليق تركي:تركي الصراحه مبين إنك مستانس...بس مو مبين لدرجة إن اليوم خطبتك...
تركي:أنا مبسوط ومستانس...بس بثقل ما أحب ابين كأني مو مصدق عمري إني ابتزوج....
يدخل متعب ويقول:أحلى يا الثقل....بس ترى اليوم مسموح لك إنك تفرح بأي طريقه لأنه يوم خطبتك....

يتبع الجزء الثاني....


تركي:ليه قالوا لك متعب....مشفوح على الزواج...
طلال قعد يضحك وبعدها ظحك تركي معاه....
متعب:أقول يا حضرة الضباط؟؟؟....
طلال:نعم إيش عندك؟؟؟...
متعب:يا شينكم وانتوا تستخفون دمكم....ما ادري احس دمكم اسمنت ثقيل....مب لايق عليكم إنكم تصيرون خفيفين دم...
تركي وهو يضحك:اقول...اسكت واللي يرحم والديك يابو دم خفيف...أبد عادل إمام...أو طارق العلي...
متعب ما علق على كلامهم ولف على جهة خالد اخو شذى اللي كان يسولف مع يوسف خويه واللي كان مع تركي وقعد متعب يسولف معهم.....
وكان سعود ومعه صالح ولد صديقة امه يسولفون وضحك ووناسه...
.
.
.
نرجع للحريم واللي كانت شذى جالسه وجنبها ريم...
بشاير لعبير:اقول عبير...الصراحه شى ناعمه ومملوحه تهبل وما توقعتها ناعمه كذا وفيها براءة...
سارا:إي والله يا عبير حلوة مشالله عليها...عرفت تختارين لتركي..
عبير بثقه:عشان تعرفون إن ذوقي حلو واعرف اختار....
أما فاطمه وعايشه اللي كانوا جالسين بالطرف الثاني...
عايشه مقهورة:وعععع....اسمحي لي يا فاطمه مرة اخوك عاديه ومافيها شي زايد عن البنات الثانيات...
فاطمه كانت تحس إنها حلوة بس عايشه كانت كل شوي تقول إنها خايسه ومب حلوة وعاديه إلى درجة حست إن كلامها صح...
فاطمه:صح كلامك....بس والله إنها حليوه...
عايشه:لا والله مب حلوة ولا شي....وسلمى اختي احلى منها بالف مليون مرة....
فاطمه:حرام عليك لا تقارنينها بسلمى يا بعد قلبي....اصلا من فيه احلى من سلمى بنت عمي...
شذى جمالها من النوع الناعم وكانت مملوحة وجذابه أكثر مماهي جميله...أما سلمى فكان جمالها من النوع الشرس((بعدين نتكلم عنها لمن يجي دورها خخخ))..
وقعدت فاطمه تطالع وتتأمل شذى اللي كانت مطيحه سوالف مع ريم وبعدها جو بنات عمها هديل وهدى ومنال وقعدوا معها وسوالف وخرابيط بنات...
فاطمه تحس إنها حبوبه ومحبوبة من اللي حواليها من اهلها وأقاربها وصديقاتها وحتى عبير اللي جات وسلمت عليها اول مانزلت وقعدت تسولف معها تقريبا
ربع ساعه وبعدها رجعت لمكانها....
وبعدها قاموا الحريم للعشى اللي كان بالصاله الثانيه...وبنفس الوقت قاموا الرجاجيل للعشى...
.
.
.
بعد العشا كانت شذى خايفه ومرتبكه خلاص لأنه الحين بيدخل تركي يلبسها دبلتها ويشوفها....
كانت جالسه بصالون منعزل شوي عن الرجال وقريب من عند الحريم ومعها امها لأن اخوانها وابوها بعد بيدخلون...
دخل تركي ومعاه سعود وخالد واول ما دخل تركي سلم على شذى وقعد جنبها...هي حست بمويه مثلجه انكبت عليها...وبقشعريرة بجسمها ياويل حالي من
هالرجال...كان تركي يناظرها بنظرات متفحصه...طالعه تهبل كأنها القمر وكانت أحلى من أول ماشافها...ناعمه ومملوحه...أما شذى اللي ما قدرت ترفع عينها
من الحيا...كانت تحس فيه ...كفايه إنه جالس ولاصق بجنبها...يعني ضاق المجلس عليه يجلس جنبها....كان ريحة عطره روعه عجبها مرة...
اول ما جلس عدلت شالها وشعرها ... كانت مستحيه وماتدري شتسوي....
خالد بابتسامه:مبروك يا شذى....مبروك ياتركي...
تركي:الله يبارك فيك ياخالد....
ام محمد:مبروك لكم كلكم...
تركي:الله يبارك فيك يا خالتي...والفال لسعود إنشالله...
سعود:تو الناس....بس إذا الوالده بتزوجني ماعندي مانع...
ولف تركي على شذى وابتسم لها بعذوبه وقال لها:شخبارك يا شذى؟؟؟...
شذى:بخير......((وبتردد))وانت؟؟؟...
تركي:أنا؟؟؟....من شفتك وانا بخير وصحه...
شذى هنا دوروها ضاعت من الحيا ما تدري وش تسوي بعمرها مستحيه وقاعده تلعب بطرف الشال بتوتر لدرجة إنها شالت منه كذا فص ترتر من التوتر شافها
تركي وقال لها:حرااام لا تقطعينه حلو عليك.... لا تخربينه....((هو يدري إنها متوترة بس يبي يحرجها))...
سعود وهو يضحك:لا عااادي المفروض تتعود على هالشي...شذي أي شي يطيح بيدها تقطعه وتخربه حتى لو يكون فستانها...
هنا الكل ضحك...أما شذى حاسه باحراج"حسبي الله على إبليسك يا سعود زين إذا هالليله عدت على خير"....سعود داري فيها بس يحب إحراج البنات بشكل عام
وأخته شذى بشكل خاص فلازم تعذره هذي هي هوايته المفضله....
تركي حس باحراجها وتوترها فحب يخفف عنها قال:لاااااا....أكيد متوترة ومهيب عارفه شتسوي انا عاذرها.....
هنا قالت شذى بخاطرها((يا حبي والله لخطيبي وحبيبي يدافع عني يالله إنك تخليه لي))...
وابتسمت شذى ابتسامه فاتنه لاحظها تركي وشاف غمزتها فقال لها:الله يا حلاتك وانتي تبتسمين...خليك انسانه مبتسمه دائما...
هي مبسوطه ومستانسه ومستحيه وكل مشاعر الكون الحلوة مجتمعه في قلبها...وقعدوا يسولفون وضحك وبعدها طلع تركي الدبل عشان يلبسونها....
مدت شذى يدها بارتجاف ولما مسكها تركي خلاص حست بمويه باردة مكبوبه عليها وحست برجفه لا حظ تركي هالشي قرب منها إلى ما صار وجهه عند أذنها
وقال لها بصوت واطي محد يسمعه:لا تخافين ولا تنحرجين....أنا خطيبك وزوجك مستقبلا...وصدقني إنك موت حلوة...
وبعدها لبسها الدبله وهي مذهوله من اللي قال لها إنها موت حلوة بعد مالبسها الدبله قعد ماسك يدها وقابض عليها جاها إحساس غريب مع هالإنسان وبعدها
أعطوها الدبله عشان تلبسها تركي مد يده لها هي أخذت الدبله وكانت مرتجفه دخلت الدبله بإصبعه بس مو للنهايه بغت تتراجع بس مسك يدها وساعدها
في إنها تلبسه دبلته و بعد مالبسها سحبت يدها هنا تكلم خالد:مبروك يا شذى ويا تركي....وعقبال الزواج...
سعود:مبروك لكم.....
ام محمد وهي تحس بالدموع تتجمع في محاجر عيونها:مبروك....مبروك يا شذى ويا تركي....هالله هالله في شذى تراها وحيدتي...
تركي:لا توصين ياخالتي...شذى بعيوني....بس انا بخليها وبروح بس بيوم العرس خير إنشالله...
وبعدها جا محمد وابو محمد ودخلوا عليهم بالمجلس....
قامت شذى تسلم على ابوها واخوها الكبير اللي تحترمه بالحيل ....
بعد ما سلمت عليهم...قال ابو محمد:مبروك يا تركي....مبروك ياشذى وعقبال العرس إنشالله...
تركي:الله يبارك فيك....

يتبع الجزء الثاني....


شذى:الله يبارك فيك يا يبه...
محمد:مبروك....وإن شالله مانجتمع إلا في الأفراح...
الكل: آميييين....
شذى قبل لا يدخل أبوها عدلت عمرها لإنه ما يحب ولا يطيق العاري.....وبعد كذا قاموا اخوانها وأبوها يطلعون لأن أهل تركي بيدخلون...
وبعد ما طلعوا اهلها....راحت أمها تنادي اهله الحريم عشان يجون...وبعدها صار المجلس فاضي مافيه حد غير تركي وشذى....
هنا شذى بغت تنادي أمها ماتبي تقعد معه لوحدهم....وهو ماصدق إن هالفرصه جات من السما يقعدون لوحدهم...بعد فترة صمت تكلم تركي
تركي:حبيبتي...وش فيك ساكته...تراني ما احب خطيبتي تكون تستحي مني...
شذى وهي ترفع عيونها تطالع فيه لأول مرة تلتقي عيونهم وقالت:شسوي مستحيه؟؟؟...
تركي بابتسامة مكر:وأنا أبيك تكونين معي جريئة.....أنا مااحب الخجولات .....أنا موتي اللجريئات؟؟؟....
شذى انقهرت واستغربت منه بنفس الوقت و ماردت عليه لأنها اول مرة تطالع فيه عن قرب كذا كان أحلى من يوم شوفتها بكثير....يمكن لأنه كان قريب منها
كانت عيونه فيها جرأه وتحدي...
تركي قطع عليها حبل افكارها:وش فيك مارديتي علي....أبيك تكونين جريئة وماتستحين معي...
شذى وهي بنظرة تحدي:وأنا ما أحب الجريئات....
حط تركي يده على خصرها وشد عليها....حركته هذي مع شذى تمنت وقتها إن الأرض تنشق وتبلعها....تركي قربها له وقال لها بصوت هامس
تركي بهمس:أنا جريء....الجرأة غير الوقاحه....صدقني يا شذى إني حبيتك من أول ما شفتك وأتمنى إني أشوفك زي ما أتمنى...وأتمنى إني اكون زي ما أنتي
ببالي...وإن شالله أعيشك بسعادة وأيام أحسن من اللي تتمنينها....
شذى تمت تطالع تركي من دون ما تشيل عينها بعد ما كانت عينها لاصقه بالأرض كانت تقول بخاطرها..."لا مو لهالدرجه يا تركي...ما توقعت إنك حبيتني
أصلا إنت في مركزك ومكانتك وشخصيتك أقصى أحلامي....أنا؟؟؟...أموووت فيك وعليك"....
بعدها قالت له شذى بابتسامه:الله يكتب لي الخير....
تركي:لحالك؟؟؟....
شذى ماتت من الحيا...وش يبي ذا...صدق جريء ومايستحي وبعد يبيني أصير مثله...أول مرة اشوف رجال يكره اللي يستحون ويحب الجريئات...
بعدها ردت شذى بدبلوماسيه وهي تبعد عنه شوي وتوخر يده:الله يكتب الخير لجميع المسلمين...
هنا دخلت ام بندر وحصه عمة تركي...وفاطمه وبشاير أخوات تركي....وعبير طبعا...ومعهم ام محمد...((خربوا الجو على تركي...))...
ام بندر وهي فرحانه على الآخر:مبروووووك يا وليدي يا عمري...
قام تركي بقامته الرياضيه العسكريه...وكان تركي مرة طويل...راح لأمه وسلم عليها اللي ما تحملت وقامت تصيح و لمت أصغر اولادها....تركي كان اطول
منها بكثير كانت واصله أقل من كتفه...ابتسم تركي لأمه بحنان وقعد يهديها ويقول لها...
تركي:الله يهداك يمه...تبكين؟؟؟ وهذا بدل ماتضحكين...اليوم المفروض اشوف الضحكه شاقه وجهك...مو تبكين وتقلبينها حزن...
امه من بين دموعها:هذي دموع فرحتي يا يمه....عمري ماتمنيت مثل هاليوم...اليوم اللي أشوفك قاعد مع عروسك....
تركي وهو يناظر شذى اللي كانت جالسه بجنب امها ويقول:باقي يمه هذا الكلام بالعرس...اليوم بس خطبه ماصار شي(وغمز لشذى)...
شذى انصفق وجهها من حركته خاصه امها وعبير وبشاير شافوها وشافوه بعد وهو يغمز لها...بخاطرها تقول"تركي مو قدام اهلك...من جد انت جرئ"....
حصه:مبروووك يا تركي...جعله إنشالله زواج سعاده وفرح...
راح تركي لعمته اللي يغليها وسلم عليها وشاورها بصوت واطي وقالها:هاه يمه وش رايك بالخطيبه؟؟؟...
عمته حصه لكزته بخفيف وقالت له:مشالله عليها...الله يهنيك فيها ويهنيها فيك....
ابتسم تركي لها وارتاح من ردها اللي كان يهمه بالحيل وردت له ابتسامه تريح القلب من انسانه حبيبه مثل حصه...
بشاير بفرح:مبروووووووووك تركي....
تركي بابتسامه:اوكيه مشكورة على المباركه...بس تعالي سلمي علي ولا مايصير؟؟؟...
بشاير وهي تضحك:لا وش دعوة يصير.....وراحت لأخوها وسلمت عليه وباسته على خده الأيمن والأيسر...
هنا شذى حست بالغيرة....ماقدرت تقاوم هالشعور ماتدري ليش مع إنها أخته وهو خطيبها وباقي ما تزوجها...بس ماحبت تبين هالشعور أبد....
وبعدها جات فاطمه وسلمت على أخوها وباركت له...حس تركي من طريقة فاطمه وسلامها برود مع إنها تحاول تخفيه...بس تركي ذكي وفاهم أخته فتجاهل

الموضوع إلى ما يرجعون الرياض ويكلمها...
باركوا أهله له....وقعد هو جنب شذى وأمه جنبه وشذى جلست جنبها أمها أما باقي أهله فتفرقوا على باقي المجلس وقعدوا يسولفون شوي....مثل أخوان شذى
...وبعدها سلم تركي على أهله وسلم على شذى بس مصافحه لأنها ما أعطته مجال يسلم خد عليها...وراح للمجلس أما شذى وأهله رجعوا للحريم وهي خلاص
سعيده ومنحرجه و كان ودها ترجع وتلقى رفيقتها ريم موجودة....
.
.
.
...بس للأسف قد راحت فاضطرت إنها تقعد مع الحريم شوي وبعدها تطلع غرفتها تريح وتكلم
ريم...وجد بعدها بربع ساعه طلعت غرفتها ومالقت التليفون...دورت عليه ولا لقته...تذكرت إن أمها أخذت جهاز غرفتها ونزلته تحت بغرفه التلفزيون...
دقت جوال على ريم لقته مقفل بعدها نزلت تكلم من تليفون البيت على بيت ريم...نزلت بدون محد ينتبه لها لأنه قالت لأمها إنها تعبانه وخاطرها تطلع تريح
في غرفتها...فما تبيها تشوفها...طبعا نزلت حافيه من دون الكعب لأنه عورها مرة برجولها وهي ماتزال بفستانها...وراحت ودخلت غرفة التلفزيون اللي كانت
جنب باب الخروج للحريم من البيت وقفلت الباب بالمفتاح عليها وطفت النور وشغلت الأباجورة ودقت تليفون على ريم اللي كانت تبي تقول لها كل شي بخاطرها
......:ألو....
شذى:ألو....
أم ريم:مين معي؟؟؟...
شذى بتردد:أنا...شذى....ممكن ريم....
ام ريم:هلا شذى شخبارك؟؟...
شذى:تمام....
ام ريم:مبرووووك والله يا بنتي....
شذى بابتسامه:الله يبارك فيك....مع إني عاتبه عليك ليه ماجيتي...
ام ريم:معك حق...بس والله كنت مشغوله شوي ولا قدرت أجي بس إنشالله بالعرس نكون أول الحاظرين...
شذى:إنشالله.........إلا وينها ريم؟؟؟...
ام ريم:والله إنها تتروش....بس ألحين طالعه...
شذى بقلة حيله:زين خالتي....إذا طلعت خليها تكلمني ظروري على البيت تراني أنتظرها عند التليفون...
ام ريم:ليه عسى ماشر؟؟؟...
شذى:لا أبد الشر ما يجيك....بس حبيت أسولف شوي معها وفي خاطري شي ودي أقوله لها...
ام ريم:خير إنشالله...أول ماتطلع اقول لها...
شذى:أجل ياللا...في أمان الله...
ام ريم:مع السلامه...وفي حفظ الله....
وسكرت شذى من أم ريم وتمددت على الكنبه وعلى نور الأباجورة وقعدت تتأمل في دبلتها بيدها كانت شوي وسيعه عليها...بس قالت ياللا أظيقها عند الصايغ
بعدين...

يتبع الجزء الثاني....


سارا:إلا وين شذى يا بشاير ما شفتها من دخلت...بس قعدت شوي واختفت...
بشاير وهي رافعه حواجبها: ما أدري...بس يمكن طلعت تريح شوي....بس فاتك ماشفتيها مع تركي شي....
سارا بقهر:لا تقولين لي....مقهورة لأني مارحت معكم وشفتها....
بشاير:أنتي ووجهك تبين تدخلين معنا بصفتك إيش؟؟؟؟...
سارا:بعد وشو ...عرس أخو زوجي وولد خالي ما فيها شي....
بشاير:اقول خلاص فاتك لا تحاولين....
سارا بنص عين:لا أحاول...أقول يقول متعب ربع ساعه وتطلعون...
بشاير:ليه؟؟؟...تو الناس...
سارا:وين تو الناس الساعه 12....
بشاير؟؟؟؟....على بالي بتقولين وحده...
سارا:يا حبيبتي حنا خطوبه مو زواج....ثانيا الخطوبه هاذي صايرة في بيت يعني خلاص...تخلص مبكر ما تشوفين الناس خفوا....
بشاير:اوكيه....زين أمي تدري؟؟؟...
سارا:إيه داق عليها ابوك وبنطلع كلنا مع بعض....
بشاير:أنا بروح اليوم أنام ببيت خالتي عبير....
سارا: ما أدري.....بس أمك بتوافق؟؟؟؟....
بشاير بعناد:بروح...والله مالي شغل فيهم....بس والله اليوم وناسه وفله...
سارا:إي والله وناسه ماتوقعتهم كذا....
بشاير وهي تطالع أمها اللي أشرت لها :سارا قومي...شكل أهلي يقولون ياللا... هذي أمي تأشر لي...
سارا:ليه مارح تروحين مع خالتك؟؟؟؟....
بشاير:لا هونت....ماني ناقصه أروح أكلم امي قدام الحريم وتفشلني....عاد احلى هوايه عند امي إنها تفشلني قدام الناس....
سارا وهي تضحك:لا عاد ههههههه مو لهالدرجه...
بشاير:تضحكين إنتي ووجهك....بس ياللا قومي خل نلبس عباياتنا...هذي أمي تلبس عباتها هي وعمتي...يوه حتى عبير شكل العايله كلها بتروح...
سارا:مو اقولك....كلنا بنروح والخطوبه مو مثل الزواج يا حلوة....
ماقدرت تقول شي ريم غير إنها تتأفف...خاصه إن الليله عندها بدت تحلو....
راحوا ولبسو عبايتهم وسلموا على ام محمد ووصوها توصل سلاهم لشذى كل هذا وهم عند الاب بيطلعون وشذى كانت بالغرفه اللي جنبهم تسمعهم وتضحك وهي تخبي
ظحكها بين يدينها عشان مايسمعونها....يا حليلهم ما يدرون إني جنبهم واسمعهم....كانت هذي الدفعه الأولى اللي راحت وكانت ام بندر وحصه وبشاير وسارا وعبير...
أما فاطمه وعايشه بيقعدون شوي لأن بندر باقي بالمجلس ماطلع....وزوج فاطمه معه...
.
.
.

.
.
.
طلع ابو بندر ومتعب وطبعا طلال خوي تركي رجع الرياض بعد العشا على طول...وهم بالشارع ركبت بشاير مع أبوها بسيارته اللاند كروزر هي وامها وعمتها حصه
أما عبير فركبت مع زوجها وسارا مع متعب....طبعا سعود طلع مع ابو بندر للشارع يودعه هو ومتعب خاصه إن أبوه وصاه على كذا...
سعود كان واقف مع متعب أما ابو بندر فوقف معهم شوي وركب سيارته....
بشاير لمن شافت سعود مع متعب واقف معاه وهي بالسيارة انهبلت عليه بشاير فخاطرها..((ياااااااااااااااااااااااااااااااي يجنن من ذا المملوح من جد يذبح))...
ورفعت الغطا عن عيونها عشان تشوفه زين لأن السيارة كانت مظلله فمارح يشوفها خاصه إنهم بالليل ...وحتى هو لمن مرينا من جنبه ما ناظرنا مهذب مشالله عليه...
ولمن دخل أبوها السيارة سلمت عليه وكان ودها تسأل من هذا بس من حظها إن أمها سألت وجاوبها إن سعود ولد ابو محمد وقعد ابو بندر يمدحه وإنه مشالله عليه
محترم وأخلاقه عاليه... عاد هنا بشاير فرحت لمن شافت أبوها يمدحه وبعدها ابتسمت وقال لنفسها((من جد أنا هبله ليه أفرح لمن يمدحه ليكون خطيبي وأنا ما أدري
بس شكل العايله كلهم مشالله عليهم مزايين)) طلبت أبوها إنها تنزل عند خالتها بس رفض وقال بكره ألحين وين تروحين الوقت نوم...وراحوا الفندق...
ومتعب لحقهم بعدها بس راح هو وسارا يتمشون بسيارتهم على البحر وبعدها بيروحون الفندق...

يتبع الجزء الثاني....


بعدها دق بندر على عايشه عشان تطلع هي وفاطمه اللي كانت مقهورة من زوجها اللي قعدها للحين لأنهم قعدوا بعد اهلها بنص ساعه لبسوا عباياتهم وسلموا على أم محمد
وكات بتوصلهم للباب بس رفضوا وقالوا لها ترتاح لأنها تعبت الليله وماله داعي خاصه إنهم يدلون الطريق...بعدها وهم عند الباب عشان يطلعون وقفوا عنده ودقت
فاطمه على زوجها عشان تسأله إذا طلعوا ولا لأ...لأنها ماتبي توقف بالشارع بهالهوقت قاله إنهم بالشارع....كانت شذى تنتر ريم تدق وهي تنتظر غفت عينها بس لمن سمعت
صوت فاطمه توعت طالعت الساعه كانت 12ونص وريم باقي مادقت قعدت تنتظر فاطمه وعايشة يروحون عشان تدق لأنها إذا دقت بيسمعون صوتها...وهي عرفت صوت
فاطمه لأنها كانت تسمعها وهي تسولف لمن كانت جالسه مع تركي وأهله...سمعت صوت وحده معها استغربت على بالها إنهم كلهم طلعوا مرة وحده مع ام بندر بس شكل
باقي مجموعه ما راحت...قعدت تتلوم في نفسها إيش هالربشه اللي فيها ((كان كلمت ريم بكره يعني ما أعرف اسكت بس أحسن أساهل اللي يصير فيني هذا أنا انحبست
وماني قادرة اطلع ولا اتكلم))....وهي في سلسلة أفكارها قطع عليها صوت عايشه افكارها ورجعها للواقع...انصدمت وبنفس الوقت انصتت عشان تسمع إيش يقولون
صدق قلة الأدب التصنت على الأخرين....بس...بس الضرورة تبيح المحظورات...سمعت عايشة تقول وهي واقفه مع فاطمه يعدلون غطاهم وعباتهم...
عايشه:مالت هذي شذى مرة اخوك اللي تعنينا من الرياض عشانها...من جد يافاطمه ماعندكم ذوق....
فاطمه بدفاع عن نفسها:لا تجمعين....تدرين إني أنا معترضه على الزواج لهاللحظه ومو موافقه...لو الأمر بيدي ماكان وافقت....
عايشه:حتى أستغفر الله شكلها غبيه وتظحك على أتفه شي تافهه...وغير كذا عاديه واقل من العاديه بعد...ما أدري على إيش عبير مختارتها...
فاطمه:أقول اسكتي لاحد يسمعنا نتكلم...
عايشه:من اللي بيسمعنا الله يهداك الحين كلهم مجتمعين هناك....بس ما اقول غير لمن يتزوجها بيعرف إنه غلطان على اختياره ولا هذي أحسن من أختي سلمى...
فاطمه وهي ماشيه:وش جاب الصين للطين...وش جاب سلمى عند هذي...بس ما اقول غير إن قلبه بيحن لحبه الأولاني....بس اقول يله امشي خلينا نطلع ازواجنا برى
عايشه:ياللا مشينا....
وطلعوا لأزواجهم....هنا كانت شذى مو مصدقه للي سمعته حاسه إنها باقي نايمه وتحلم...أو إنها في كابوس مو مصدقه للي تسمعه....تحولت كل فرحتها وبهجتها
في الخطوبه وحلمها الوردي مع تركي لمن تتزوجه...إلى حزن....إلى سواد....إلى خوف...حست إنه انكسر شي بداخلها حست بالتحطيم ومعاناته....يعني كانوا اهله مايبوني
وهو يحب سلمى.....من سلمى؟؟؟....ومن هذي اللي مع فاطمه....ومادامه يبي سلمى ليه خطبني وهو يحبها.....يعني أنا ماعجبتهم....وهو؟؟؟تركي....وينه عن حبه لهالسلمى
....وكلامه لي الليله...وترحيب أمه واخواته لي....وفاطمه اللي يشوفها مايصدق هذا كلامها...طيب يمكن مهيب فاطمه بس سمعت المرأه الللي معها تناديها بفاطمه....
وسط صدمتها هذي دق التليفون....كانت ريم...بس شذى فصلت التليفون وقعدت مصدومه ومو مستوعبه الكلام اللي سمعته....بعدها طلعت لغرفتها من المجلس....ما اهتمت
إذا كان أحد بيشوفها أو لأ....بس يمكن من حظها محد شافها غير رنا بنت محمد الصغيرة...وهي بغرفتها رمت روحها على السرير ورمت الدبله على الأرض...وقعدت تبكي
إلى ما حست إن روحها بتطلع من ظلوعها....وقعدت تبكي وتبكي إلى ما نامت بفستانها...بمكياجها وبشعرها....دقوا بنات مها عليها الباب عشان تسر معهم...بس هي محد
هنا...لاترد عليهم ولا شي...بعدها توقعوا إنها نامت من التعب ورجعوا عنها....هي خلاص ناويه تروح لأبوها وتخليه يفصخ الخطبه...أما تركي فحست بالكره اتجاهه
لأنها تحس إنه بيخدعها....صدق لعين عيشني بعالم ثاني...بس خلاص خليه يروح لهالسلمى ويكحل عينه بها...خاصه من كلامهم إنها أحسن مني بكثير....

**************************


هل شذى بتروح تكلم أبوها يفصخ خطبتها؟؟؟.......
وإيش رح يكون موقف أبوها من السالفه؟؟؟؟؟؟............
سعود لمح بنت عمه منال....بس إيش قال عنها؟؟؟؟..........
تركي.....شذى.....هل رح يتم زواجهم أو لأ؟؟؟؟؟؟...........

الجزء الثالث.....


ريم: مجنونه إنتي؟؟؟......
شذى وهي تكلمها تليفون: لأ....إلا قولي عاقله وعين العقل بعد إني ألحين افصخ خطوبتي قبل لا يصير شي رسمي....
ريم بقلة صبر:شذى والله لو أنا عندك ألحين كان صفقتك....
شذى تبتسم بمرارة:الله رحمني أجل منك....
ريم وهي تكلمها بهدوء:ألحين....إنتي تتكلمين من جدك شذوه؟؟؟....
شذى بحزم:إي نعم....ولا إنتي إيش على بالك؟؟؟....
ريم:شذى منتي صاحيه....تفصخين خطبتك علشان سمعتي كلام من حريم يمكن بعد مب صدق وكله كذب....
شذى بتنفجر:بس هذي فاطمه وانا اعرف صوتها زين...ومادام هو مولع في هوى سلمى خل ياخذها احسن له...
ريم:واللي مولع بصالح وش نقول عنه؟؟؟...
شذى عرفت إن ريم تقصدها هي وصالح اللي كانت تحبه ولد صديقة امها بس ماحبت تعلق على السالفه...
ريم:هاه...وش نقول يا شذى؟؟؟...
شذى:ريم لا تقارنين ولا تدافعين عنه...أكيد هو كان يبيها بس هي يمكن رفضته أو تزوجت وخلته...فحب يقهرها...
ريم:شلون؟؟؟...
شذى:يقهرها إنه جا خطبني وبيتزوجني..(وما عرفت هنا شتقول)..وبس هذي هي السالفه ومافيها وأنا ما احب اكون وسيله
ريم وهي منقهره من شذى:وسيلة إيش؟؟؟....
شذى:وسيله...يعني يبي يقهر حبيبته...يتزوجني ويمكن لمن توافق عليه او ترجع له يطلقني ويتركني السالفه بس وقت...
ريم تتطنزعليها:مشالله من وين عرفت هالكلام...الصراحه يا شذى تفكيرك حاد وتنظرين على المدى البعيد...
شذى:كأني اشم بكلامك ريحة طنازة...
ريم تتطنز:لا أبد من يقول؟..(انفجرت ريم وقالت)..شذى بلا حركات اطفال واعقلي عاد خلاص بس عشان سمعتي تحكمين
شذى بصوت حزين:ريم...ألا إنتي ماسمعت إيش قالوا عني وعنها(خلاص بتبكي)ريم...حسي فيني شوي...
ريم:والله العظيم ياشذى حاسه فيك...بس أنتي من كلامك تصرفات تركي معك...غير اللي سمعتيه من فاطمه واللي معها...
يمكن هم منقهرين منك او الغيرة ذابحتهم...نصيحتي لك يا شذى استخيري لله...وصدقيني فسخ الخطوبه بيسعدهم وبيحبطك
إنتي...ولاتنسين كلام الناس عنك بعدين هو رجّال مايعيبه شي وإنتي مرة العيب بيلحقك كله...
شذى:أولا انا ماسويت شي...ثانيا عمر كلام الناس ماهمني...
ريم:أولا ادري إنك ماسويتي شي بس الناس وش يدريهم...ثانيا إنتي عايشة بوسط الناس يعني لازم يهمك كلامهم...
شذى وباقي شوي وتبكي:ريم شوري علي أكلم ابوي أو لأ؟...إنتي تدرين ابوي وشدته معي...
ريم محتارة:والله ما أدري وش اقولك..بس على العموم استخيري واللي ترتاحين له سويه..أخاف اجبرك على شي ماتبينه
شذى باهتمام:بس رايك يهمني...
ريم:والله من جد شذى ما أدري وش الصح...بس انا اقول كلمي امك وهي اللي تكلم أبوك أحسن...
شذى:أكيد امي هي اللي بتقول لأبوي...انا بايعه نفسي اقول لأبوي...
ريم:شذى مو كأنك تبالغين...بشدة ابوك معك...مو معقول إنتي بنته الوحيده وآخر العنقود يعني أحس المفروض إنك...
تقاطعها شذى:إني إيش ريم؟؟؟...
ريم:يعني لو تبين لبن العصفور يجيب لك من كثر الدلع وتسامحه معك...هذا ابوي إحنا 3بنات بس مدلعنا...
شذى:اولا كلمتك[تبالغين]بسوي نفسي ماسمعتها...بس ابوي شديد معي ياريم لدرجه أحس فيها أحيانا إنه يكرهني...بس
هذا أبوي ومالي غيره...والله العظيم مرة شديد...عمري ماحسيت بحنانه معي(وخنقتها العبره وقعدت تبكي)...
ريم تهديها:آسفه شذى سامحيني والله مب قصدي أجرحك أوشي كذا...وأنا مصدقتك ماله داعي الحلفان حبيبتي...
شذى وهي تمسح دموعها :لا عادي...آسفه ريم طولت عليك لي ألحين ساعتين أهذر عليك بالتليفون...
ريم:من جد ساعتين؟؟؟...والله كأنها 10دقايق...
شذى:زين...ما أطول عليك يله باي...
ريم:باااي...
وسكرت شذى من ريم وحست بشوي راحه من إنها طلعت اللي بخاطرها لريم...شذى من النوع الكتوم وماتحب تشتكي
لأحد همها حتى أمها...بس هذي القاعده تختلف عند ريم اللي هي مستودع أسرار شذى...
طالعت شذى الساعه اللي كانت 4العصر...طبعا بنات عمها رجعوا الرياض الصباح وما أمداها تقعد معهم...وهي قعدت من
النوم الساعه 12 الظهر..وغيرت فستانها اللي تعفس عليها وما ارتاحت في النومه فيه..ومسحت باقي المكياج اللي بوجهها
وراحت تاخذ لها شاور...وبعده حست بشوي راحه وبعدها صلت فرض الظهر والفجر اللي فاتتها...وبعدها نزلت لأهلها
بغت تكلمهم بالموضوع...بس أجلت السالفه إلين ما تكلم ريم وتشوف رايها...تحسفت إنه ماأمداها تقعد مع بنات عمها...بس
مارح كانت تقدر تقابلهم بالحاله النفسيه السيئة اللي هي فيها.....وبعد مكالمتها لريم ارتاحت شوي وراحت تصلي استخارة
وتطلب من الله إنه ينور بصيرتها.........

الجزء الثالث.....


بشاير: لأ...بالعكس يافاطمه تهبل بسم الله عليها...
فاطمه من غير نفس:بسم الله منها...موعليها...
كانت عائلة تركي مجتمعه في بيت عبير من الغدا وقاعدين في مناقشات وسوالف عن الخطبه لأن الكل الليله اللي قبلها اول
ماوصل الفندق حط راسه ونام...باستثناء عايشة مرة بندر اللي رجعت الرياض مع زوجها من الصباح...
بشاير وهي تلف على خالتها عبير:عبّورة...والله إنها حلوة بس ما أدري فاطمه ليه مب عاجبتها؟؟؟...
قاطعتها عمتها حصه:عبّورة هاه؟؟؟....حاف كذا عيب يابنت هذي خالتك المفروض تقولين ياخاله...
عبير وهي تتنهد:قولي لها...ماتفهم على بالها إني رفيقتها بالمدرسه مب راضيه تفهم إني خالتها...
بشاير من غير نفس:وش معني خواني كلهم ينادونها باسمها إلا أنا...حكم قراقوش هاه؟؟؟..
عبير:بعينك قراقوش...أنا كم مرة افهمك ليه اخوانك غير بس منتي راضيه تفهمين...
بشاير تغير السالفه:عبوره...ما قلتي وش رايك على تعليق فاطمه بشذى....
عبير تناظر بشايريعني مافيه فايده منك ماتتأدبين ...وقالت:والله هي حرة...اللي بياخذها تركي مو هي...
فاطمه منقهره من رد عبير:من جد عبير هذي بنت تختارينها لتركي؟؟؟....
عبير وهي تدري براي فاطمه وأسلوبها:ليه يا فاطمه لهالدرجه إختياري شين!...هذي أمك عجبتها شذى وتركي بعد...
فاطمه تقاطعها:أمي تعرفينها اللي بيعجب تركي بيعجبها.....بس كان...
قطعت كلامهاعبيربعصبيه:والله السالفه خلصنا منها يافاطمه..ورايك لايقدم ولا يأخر..وكان فلحتي من البدايه وخطبتي له..
حبت حصه تلطف الجو اللي حست إنه بدى يكهرب وقالت:صلوا على النبي ياجماعه...
الكل:اللهم صل وسلم عليك يا رسول الله...
حصه:فاطمه يمكنك ما ارتحتي لها لأنك باقي ما عرفتيها...والبنت والله شكلها بنت حلال ولا تقولين كذا لأنها خلاص
خطيبة أخوك...يعني مننا خلاص واللي يمسها يمسنا...
فاطمه ماحبت تعلق على كلام عمتها إحتراما للشيبات اللي براسها واكتفت بس بهز راسها بالإيجاب لعمتها...
بشاير:ول عليك يافاطمه على طول سويتيها سالفه...إنتي كيف تتفاهمين مع زوجك هاه على طول قلبتيها هوشه ومع من
...مع خالتنا الوحيده...(طبعا تقولها بهبال)...
قعدت فاطمه تحقر إختها....بشاير خلاص اسكتت وما تكلمت لأنها تدري إنها وصلت مع فاطمه....أماعبير فعرفت كل
شي من نظرة عيون فاطمه الحده...فخاطرها(الله يعينك يا بشورة من فاطمه)....
عبير تبي تغير السالفه وقعدت تسولف مع سارا....
عبير:اقول سارا...شخبار بنوتك انجود....
سارا:تمام...بس هاه لا تقولين إنك تبينها لولدك؟؟؟....
عبير:ليه قالوا لك ما أبي ولدي انا مستغنيه عنه....
سارا وهي تضحك:أنتوا يحصلكم بنت متعب...جمال ودلال وأدب وأخلاق و......وانوثه وحيا....
حصه قعدت تضحك وتقول بمزح:الله يهداك ياسارا من هذي اللي تتكلمين عنها....لاتكون هذي انجود...
سارا تمد شفتها اللي تحت وتقول:مصيركم بتشوفون هالبنت كيف الناس كلهم يتذابحون عليها...والكل يبيها...بس انتظروا
وبتشوفون....
بشاير وهي تتحمد الله وتشكره:سارا...انتي ترى واجد مصدقه إن بنتك بتتغير ترى مافيه امل وبتخيس في بيت ابوها
ولا احد رح يفكر إنه يطق بابكم...
سارا:ما برد عليكم....لأنكم لمن بتكبر بتشوفون بنفسكم.....
فاطمه بهالوقت ظحكت من الكلام اللي صاير على انجود بنت متعب وكيف هم يذمونها..وامها تدافع عنها....
عبير لمن شافت فاطمه مروقه سألتها ليه إنها ماجابت عيالها معها للشرقيه...
فاطمه:ماله داعي يجون معي...خليهم بالرياض أحسن....
حصه تكلمت:بس حرام عليك يافاطمه ماتخلينهم يجون...خاصه نوف خلاص كبيرة كان جبتيها بحالها على الأقل...
فاطمه بتأفف:ماله داعي تجي...وبعدين نوف خليتها مع أخوانها الصغار...والمناسبه ماتستاهل إني اجيبهم....
حصه ما قدرت تقول شي غير:إنتي حره...بكيفك هذول عيالك...بس حرام اكيد قلبهم منقطع وودهم لو كانوا يحظرون...
خاصه نوف....كان نفسي إنها جات خلاص البنت تكبر....ولازم تختلط بالناس....
فاطمه ماعلقت ولا قالت إلا بصوت واثق:ماله داعي تجي...
بشاير بصوت واطي:شرانيه....
فاطمه وهي تخز اختها:إيش قلتي إنت بعد؟؟؟....
بشاير بابتسامة خوف:أبد سلامتك....بس قلت حريه شخصيه...
ضحكت سارا اللي كانت سامعه كل شي وقالت لبشاير:لحقتي نفسك هههههه....
بشاير بمزح:وانتي قاطه اذنك معنا وش تبين......
سارا بضحك:هههههههههه جب عاد ههههههههههههههه.....

الجزء الثالث.....


كانت شذى بعد كذا قاعده مع أخوها سعود يسولفون بالصاله تحت...لأنها مالقت أمها عشان تقول لها الموضوع بس لقت
سعود...وقعدت تسولف معه....
سعود:تدرين إني مقهور...
شذى:ليه وش فيك؟؟؟....وش اللي قاهرك؟؟؟....
سعود:أمس....نسيت ما أصوركم أنتي وتركي....أنا مجهز الكاميرا وحاط فيلم جديد فيها...بس نسيت....
شذى فخاطرها(أحسن إنه ما تصورنا...جات من السما)...بغت تقول لسعود اللي بخاطرها عن اللي سمعته من الحريم وهم
طالعين....بس أجلت السالفه إلى ما تقول لأمها...وأمها تقول لأبوها...كان رايها إن كذا أحسن شي...
سعود ينتبه على سرحان شذى:اللي ماخذ عقلك يتهنا به.....
شذى انتبهت على عمرها:إيه...نسيت الكاميرا...عاااااادي...نصور مرة ثانيه...
استغرب سعود من رد أخته...اللي توقع إنها تسوي سالفه....وإنها بتقلبها هواش...
وبعدها مرت لحظة صمت شوي طويله....حبت شذى تقطعها بالسوالف...
لفت على سعود اللي كان يتأمل المزهريه اللي على الطاوله....وقالت له بصوت عالي:اللي ماخذ عقلك يتهنا به...
لفت سعود عليها وقال:إيش يهنى به؟؟؟؟....
شذى تناظره بنص عين عشان تقهره:م..ن..ا..ل.....حبيبة القلب...(هي تدري إن سعود مايطيقها بس تبي ترفع ظغطه)
سعود:حبيبة القلب هاه؟؟؟...حبيبة القلب بعينك...أنا أحب وحده وقحه زي منال...
شذى مسويه نفسها يعني مصدومه:ليه؟؟...يا سعود هذي بنت عمك...وبعدين وين حبك لها وحبها لك...
سعود منقهر من كلام شذى اللي بيسمعها بيقول من جد تتكلم:من متى حبيتها يا العله....ولا تسوين لي فيها إنك مصدومه...
شذى وهي تبتسم:يمه منك...على طول عصبت ياخي أمزح معك...مايصير الواحد يمزح...
سعود:أدري إنك تمزحين...بس لو يسمعك أحد صدقني بيصدقك ويقول من جد أحبها...
شذى فهمت قصده....يعني لو مريم سمعت كلامها بتصدق...وتنشر السالفه بين الأقارب...وتصير فضيحه بجلاجل..
شذى تستهبل على أخوها:من جد سعود ليش ماتحبها....والله إنها عسل وأكيد إذا تزوجتها بتحبها...الزواج يولد الحب...
سعود يناظرها:والله؟؟؟....لو منال آخر بنت في الدنيا ما بآخذها...لو أقعد عزابي طول عمري....
شذى فتحت فمها:الله كل هذا تحامل عليها المسكينه....شوف مها اسم الله عليها كيف خالد يعزها وهي محبوبة وطيبه...
سعود:مها غير...ومنال غير...
شذى وهي تحط رجل على رجل:آها....يعني قصدك منال أحسن وكيف أقارنها بمها؟؟؟؟.......
سعود:انثبري بس...(يكلمها بجديه)...شذى بالله عليك هذا كلام تقولينه...تدرين إن منال ما أحبها......
شذى وهي تعدل قعدتها:سعود من جد.....ليه قلت عن منال وقحه؟؟؟؟....
سعود وكأنه يتذكر الموقف اللي صار أمس بينه وبين منال:تخيلي أمس ياشذى طلعت بوجهي باخر الخطوبه....
شذى بدت تتحمس للسالفه:إيه...أكيد سوت نفسها إنها ما شافتك صح؟؟؟....هذي منال أعرفها خبز إيدي...
سعود وهو يبتسم:وش يدريك؟؟؟...لا يكون بس واقفه تراقبينا....بس تخيلي يا شذى...طلعت قدامي بفستانها العاري...
لا وبعد من زين الجسم...وتخيلي قعدت تقز فيني ومانزلت عينها...عاد أنا اللي استحيت ونزلت عيوني وقمت ومشيت و
دخلت غرفتي...ولا تخيلي ما تحركت من الصاله....قمة الوقااااااااااحه...
قعدت شذى تضحك من كلام سعود مع إنها حزينه من الداخل عشان اللي صار أمس بالليل...
سعود وهو يشوفها تضحك:تضحكين هاه....الصراحه أنا اشوفه موضوع يحزن أكثر من إنه يضحك...
شذى وهي باقي تضحك:ليه ماعجبتك البنت يا سعود...
سعود باشمئزاز:لأ....وبعدين ليه حالقه شعرها كذا كأنها ولد...الصراحه منظرها......
قطعت كلامه شذى وقالت:سعود...لا تحش حرام عليك...وهي قصة شعرها... لأن ألحين البوي موضه بين البنات...وبعدين
(تناظره بنص عين)هذا أنت قزيتها وين اللي منزل عيونه هاه؟؟؟....ياخي قول الصدق لا تكذب...
سعود:هي اللي طلعت بوجهي...طالعتها في البدايه لأني أبي أعرف من اللي طلعت بوجهي...طلعت هي مالت عليها...
شذى:زين وش يدريك إنها منال؟؟؟...
سعود:دايم كل ما يزورونا بالخبر تطلع لي...كيف تبيني أنسى شكلها المصون....بس الحمدلله إنك ماأنتي مثلها...ولا كان
صارت علوم وعلوم....
شذى سكتت وماعلقت...بس من جد منال حركاتها مالها داعي يعني هي تخلي اللي ماعرف يعرف عنها.....
بعدها سألت سعود عن أمها اللي قال إنها طلعت لمشوار مع خالد وبترجع بعد صلاة العشا.....بعدها سعود طلع لمشوار
عنده...

الجزء الثالث.....


قعدت شذى تفكر بنفسها...اللي صاربالبارحه تستعيد شريط البارحه كلام فاطمه عنها...واللي معها...وحب تركي سلمى..
حست إن صدرها بدى يضيق ومهيب قادرة تتنفس من العبره..وجلست تنتظر أمها..ومالقت شي تشغل نفسها به غير إنها
تنتظرها...وتقولها السالفه وتنقل الكلام لأبوها عشان يفسخ الخطوبه....وينتهي كل شي...ويروح كل واحد لحاله....
وتنهي شي اسمه تركي وحب بقلبها...تنهيه وهو باقي ما ابتدى...والعوض إنشالله على الله....وقعدت تبكي من الحزن...
لمن شافت أحلامها بالشهور اللي راحت تنهد وتنهد....وتركي اللي قربت منه بيروح ويتركها...حست بلوعه بقلبها..حست
بالإهانه...لمن عرفت إنه يحب غيرها...وبين بكائها تنهدت إلى ماحست إن روحها بتطلع من صدرها...قعدت تفكر في
كلام الناس...وش رح تقول الناس عنها بعد كذا؟؟؟....أخوانها محمد...خالد...سعود...يارب ارحمني...يارب...بعدها
غمضت عيونها...وانسدلت رموشها على خدها مليانه دموع...دموع حزن...انكسار...ودموع مقهورة.....


بعد كذا بالليل...راحت شذى تكلم أمها بالموضوع...اللي ما عجبتها السالفه أبد وقالت:شذى؟؟؟...وش هالكلام؟؟؟؟...
شذى:وشو بعد...ما أبيه...وهو خليه يتزوج اللي يحبها....
ام محمد متعجبه من كلام بنتها:شذى....من جدك تتكلمين؟؟؟....
شذى حزينه بس بكبرياء:إيه من جدي يمه...الباب اللي فتحناه نرجع نسكره.....
ام محمد تقنع بنتها:هذي وأنتي العاقله المتعلمه...تقولين كذا الله يهداك...
شذى تقاطع امها والدموع متجمعه في محاجرها:وش دخل التعليم في هذا الكلام يا يمه....هو مايحبني ولا يبيني...
ام محمد:أجل ليه خطبك؟؟؟...وش اللي اجبره علينا ترى الزواج يا بنتي مهوب بالعافيه...الزواج شراكة عمر وحياه...
شذى:مو هذا اللي مجنني...أعيش مع واحد ما يحبني طول عمري....
ام محمد:بيحبك بعد الزواج...هو وش يدريه عنك...بس أنتي سمي بالرحمن...والولد يا شذى ماينرد....
شذى ودموعها تنزل:النفس عافته يمه...و(بسخريه تقولها)سلمى خل ياخذها وحنانها بيرضيه يمه وبينساني....
ام محمد:اللي سمعتيه كلام حريم لا يودي ولا يجيب...ورضى الناس غايه لا تدرك...واهم شي تركي عندنا وهو شاريك
يمه....فكري زين ولا تتسرعين...
شذى بعناد ومكابر:ما أبيه...وقولي لأبوي رجاء يعتذر لهم(وحست بالغصه بحلقها)وتركي ما أبي آخذه...أكرهه كره العمى
وطلعت من الغرفه تبكي وراحت لحجرتها...وأمها تعرف حساسية شذى الزيادة عن اللزوم بمواضيع زي كذا...

أم محمد طيبه وعسل...بس عيبها ضعف شخصيتها شوي...خاصه قدام عيالها...وقدام جبروت وقوة ابو محمد اللي ولده
محمد طالع عليه...مالقت حل غير إنها توصل هالكلام لأبو محمد...وهو اللي رح يبدى الموضوع او ينهيه....

صلت قيام الليل وذكرت الله وبعدها راحت لفراشها تنام لأن وراها مشوار بكره الصباح(يالله صباح خير)...

يتبع الجزء الثالث.....


وتركي المسكين اللي مهب عارف وش اللي صاير لخطيبته....اللي ارتاح لها بالحيل...وحس إنها حبوبه وطيبه....
كان قاعد مع زوج خالته سوالف وضحك خاصه إن عمره تقريبا مو مره كبير...شبابي ووناسه...طالعين على البحر
بالهاف مون...ومعهم مجموعة شباب ورجاجيل من أصدقاء واقارب زوج عبير...والشباب فالينها على الآخر من
الوناسه وسعة الصدر...ودق عود وأغاني يعني مكيفين على الآخر....خاصه إن تركي على شدته وغروره دمه خفيف
والكل يحب القعده معه...حتى لو كانوا اول مرة يقعدون معه...لأن الله معطيه محبة الناس له...
تركي كان واقف مع أبو بدر(زوج خالته) عند أسياخ الكباب والدجاج يشوونها...
ابو بدر:هاه شرايك بالشرقيه حلوة ولا؟؟؟.....
تركي:من ناحية هي حلوة...حلوة...وخاصه البحر القعده عليه توسع الصدر....
ابو بدر:وبعد...الحبيبه أقصد الخطيبه هنا...أكيد حلاوتها بتزيد....
تركي وهو يقلب اسياخ الكباب ويضحك:أنت إيش تبي توصله يابو بدر؟؟...
ابو بدر يضحك:أبد...سلامتك...(ويذوق قطعه من الكباب)...
تركي من غير مايطالع فيه:بس ترى الرياض مالنا غناة عنها...والله تصدق ما اتخيل نفسي أسكن برى الرياض....
ابو بدر وهو يغني:الهوى شرقي وغربي....وقلبي هاوي الشرقيه...في هواها يطرب...
يقاطعه تركي وهو يضحك:إنت من مدح صوتك؟؟؟....ياخي نشاز عمري ماسمعت صوت شين مثله...
ابو بدر متفشل:لا تكفى يامحمد عبده.........سمعنا صوتك..خل نشوف....
تركي وهو يضحك بس بغرور:صوتي مابقول محمد عبده مره وحده..بس على الأقل احسن من صوتك..مع احترامي لذاتك
ابو بدر وهو يرفع حاجبه:زين....سمعنا....
تركي يدندن بصوت واطي وهو يحرك بالكباب:أيوه قلبي عليك التاع...مايحتمل غيبتك ليله...غنيت
يابو عيون وساع..(وكان وهو يغني يطالع بالبحر..خطرت على باله شذى..سرح فيها وبطيفها اللي كانت معه البارح)
الشباب الي كانوا قاعدين سمعوا تركي وهو يغني...كان صوته حلو..مافيه نشاز...ولحنه ماشي صح....
الشباب مع بعض:الله يابو عبدالله إيش هذا؟؟؟.....يسلم هالصوت...
لف تركي عليهم واستغرب إنهم كانوا معه بسمعونه وهو يغني...بتسم لهم وقال:الله يسلم حالكم...
واحد من الشباب:حياك يا تركي وتعال غن لنا...صوتك خطير مشالله...
واحد ثاني كان معه العود فقال له:تركي تعال كمل الأغنيه..وانا بدق لك على لحنها...
تركي وهو يبتسم:لا مشكورين...بس ما باغني...
اللي معه العود:امش...وخل عنك الغرور....
تركي :ماهوب غرور يارجال...بس والله ما أحب اغني....
وبعدها حاولوا فيه إنه يغني رفض.... ورجع عند زوج خالته وهو يضحك على الشباب وخفة دمهم...
تركي وهو يناظر ابو بدر بغرور:شفت انت ووجهك صوتي....مب صوتك النشاز...
ابو بدر:تتطنز....
تركي وهو يضحك:بس لا تتحداني مرة ثانيه يابو بدر...إلا على الطاري(وقعد يستهبل عليه)إنت تغني(ووطى صوته)
لخالتي عبيربهالصوت؟؟؟.....
ابو بدر ضحك ويقول بصوت هامس:هي مو مهبلها علي إلا هالصوت....
تركي:هي الله مبتليها فيك....يعني بعيوبك لازم تقبلك...
ابو بدر يتمسخر:لاااااااااا انا اللي مبتلي فيها وانت الصادق...
تركي وهو يخزه بمزح:اقول..لا يكثر بس...ولا انت من اللي بيقبل فيك...ولا تفكر إنها تاخذك....
ابو بدر قعد يضحك وقال بمزح:ما بيقبل في ابو بدر...إلا ام بدر....ههههههههههههه....
تركي وهو يضحك:هههههههههه زين رقعتها انت مع هالخشه هههههههه....

يتبع الجزء الثالث.....


الكل كان مرتبش....والكل كان سعيد....اليوم... يوم زواج شذى...آخر العنقود والبنت الوحيده....واليوم زواج تركي
آخر أولاد عبدالله وصبحا....الضابط العسكري وولد العاصمه....اليوم ائتلاف الشرقيه والوسطى...الكل سعيد وفرحان
...الأهل من الجهتين مثل النحل في الإستعداد...بحب وبحنان الكل ينظر لهالعروسين ماعدا فئة؟؟؟....كارهه لهالزواج
..الكل يدعي إنه يتمم بالخير هالزواج...ناس سعيده...وناس حزينه...ناس مشتاقه...وناس خايفه تنظر للمستقبل بخوف...
.
.
.
بالشيراتون كان العرس على الساحل الشرقي بأول الصيف...وتو الناس منهكه من الإمتحانات وظغوط الإمتحانات...
تركي مستانس والدنيا مو سايعته...وشذى مخاوفها وقلقها وحزنها طغت على مشاعر الفرح.......كان العرس فخم....
والكل يشهد بهالشي....والمعازيم ماليين الصاله سواء عند الرجال او الحريم...خاصه إن
بعد كذا بالليل...راحت شذى تكلم أمها بالموضوع...اللي ما عجبتها السالفه أبد وقالت:شذى؟؟؟...وش هالكلام؟؟؟؟...
شذى:وشو بعد...ما أبيه...وهو خليه يتزوج اللي يحبها....
ام محمد متعجبه من كلام بنتها:شذى....من جدك تتكلمين؟؟؟....
شذى حزينه بس بكبرياء:إيه من جدي يمه...الباب اللي فتحناه نرجع نسكره.....
ام محمد تقنع بنتها:هذي وأنتي العاقله المتعلمه...تقولين كذا الله يهداك...
شذى تقاطع امها والدموع متجمعه في محاجرها:وش دخل التعليم في هذا الكلام يا يمه....هو مايحبني ولا يبيني...
ام محمد:أجل ليه خطبك؟؟؟...وش اللي اجبره علينا ترى الزواج يا بنتي مهوب بالعافيه...الزواج شراكة عمر وحياه...
شذى:مو هذا اللي مجنني...أعيش مع واحد ما يحبني طول عمري....
ام محمد:بيحبك بعد الزواج...هو وش يدريه عنك...بس أنتي سمي بالرحمن...والولد يا شذى ماينرد....
شذى ودموعها تنزل:النفس عافته يمه...و(بسخريه تقولها)سلمى خل ياخذها وحنانها بيرضيه يمه وبينساني....
ام محمد:اللي سمعتيه كلام حريم لا يودي ولا يجيب...ورضى الناس غايه لا تدرك...واهم شي تركي عندنا وهو شاريك
يمه....فكري زين ولا تتسرعين...
شذى بعناد ومكابر:ما أبيه...وقولي لأبوي رجاء يعتذر لهم(وحست بالغصه بحلقها)وتركي ما أبي آخذه...أكرهه كره العمى
وطلعت من الغرفه تبكي وراحت لحجرتها...وأمها تعرف حساسية شذى الزيادة عن اللزوم بمواضيع زي كذا...

أم محمد طيبه وعسل...بس عيبها ضعف شخصيتها شوي...خاصه قدام عيالها...وقدام جبروت وقوة ابو محمد اللي ولده
محمد طالع عليه...مالقت حل غير إنها توصل هالكلام لأبو محمد...وهو اللي رح يبدى الموضوع او ينهيه....

صلت قيام الليل وذكرت الله وبعدها راحت لفراشها تنام لأن وراها مشوار بكره الصباح(يالله صباح خير)...



*******




وتركي المسكين اللي مهب عارف وش اللي صاير لخطيبته....اللي ارتاح لها بالحيل...وحس إنها حبوبه وطيبه....
كان قاعد مع زوج خالته سوالف وضحك خاصه إن عمره تقريبا مو مره كبير...شبابي ووناسه...طالعين على البحر
بالهاف مون...ومعهم مجموعة شباب ورجاجيل من أصدقاء واقارب زوج عبير...والشباب فالينها على الآخر من
الوناسه وسعة الصدر...ودق عود وأغاني يعني مكيفين على الآخر....خاصه إن تركي على شدته وغروره دمه خفيف
والكل يحب القعده معه...حتى لو كانوا اول مرة يقعدون معه...لأن الله معطيه محبة الناس له...
تركي كان واقف مع أبو بدر(زوج خالته) عند أسياخ الكباب والدجاج يشوونها...
ابو بدر:هاه شرايك بالشرقيه حلوة ولا؟؟؟.....
تركي:من ناحية هي حلوة...حلوة...وخاصه البحر القعده عليه توسع الصدر....
ابو بدر:وبعد...الحبيبه أقصد الخطيبه هنا...أكيد حلاوتها بتزيد....
تركي وهو يقلب اسياخ الكباب ويضحك:أنت إيش تبي توصله يابو بدر؟؟...
ابو بدر يضحك:أبد...سلامتك...(ويذوق قطعه من الكباب)...
تركي من غير مايطالع فيه:بس ترى الرياض مالنا غناة عنها...والله تصدق ما اتخيل نفسي أسكن برى الرياض....
ابو بدر وهو يغني:الهوى شرقي وغربي....وقلبي هاوي الشرقيه...في هواها يطرب...
يقاطعه تركي وهو يضحك:إنت من مدح صوتك؟؟؟....ياخي نشاز عمري ماسمعت صوت شين مثله...
ابو بدر متفشل:لا تكفى يامحمد عبده.........سمعنا صوتك..خل نشوف....
تركي وهو يضحك بس بغرور:صوتي مابقول محمد عبده مره وحده..بس على الأقل احسن من صوتك..مع احترامي لذاتك
ابو بدر وهو يرفع حاجبه:زين....سمعنا....
تركي يدندن بصوت واطي وهو يحرك بالكباب:أيوه قلبي عليك التاع...مايحتمل غيبتك ليله...غنيت
يابو عيون وساع..(وكان وهو يغني يطالع بالبحر..خطرت على باله شذى..سرح فيها وبطيفها اللي كانت معه البارح)
الشباب الي كانوا قاعدين سمعوا تركي وهو يغني...كان صوته حلو..مافيه نشاز...ولحنه ماشي صح....
الشباب مع بعض:الله يابو عبدالله إيش هذا؟؟؟.....يسلم هالصوت...
لف تركي عليهم واستغرب إنهم كانوا معه بسمعونه وهو يغني...بتسم لهم وقال:الله يسلم حالكم...
واحد من الشباب:حياك يا تركي وتعال غن لنا...صوتك خطير مشالله...
واحد ثاني كان معه العود فقال له:تركي تعال كمل الأغنيه..وانا بدق لك على لحنها...
تركي وهو يبتسم:لا مشكورين...بس ما باغني...
اللي معه العود:امش...وخل عنك الغرور....
تركي :ماهوب غرور يارجال...بس والله ما أحب اغني....
وبعدها حاولوا فيه إنه يغني رفض.... ورجع عند زوج خالته وهو يضحك على الشباب وخفة دمهم...
تركي وهو يناظر ابو بدر بغرور:شفت انت ووجهك صوتي....مب صوتك النشاز...
ابو بدر:تتطنز....
تركي وهو يضحك:بس لا تتحداني مرة ثانيه يابو بدر...إلا على الطاري(وقعد يستهبل عليه)إنت تغني(ووطى صوته)
لخالتي عبيربهالصوت؟؟؟.....
ابو بدر ضحك ويقول بصوت هامس:هي مو مهبلها علي إلا هالصوت....
تركي:هي الله مبتليها فيك....يعني بعيوبك لازم تقبلك...
ابو بدر يتمسخر:لاااااااااا انا اللي مبتلي فيها وانت الصادق...
تركي وهو يخزه بمزح:اقول..لا يكثر بس...ولا انت من اللي بيقبل فيك...ولا تفكر إنها تاخذك....
ابو بدر قعد يضحك وقال بمزح:ما بيقبل في ابو بدر...إلا ام بدر....ههههههههههههه....
تركي وهو يضحك:هههههههههه زين رقعتها انت مع هالخشه هههههههه....

يتبع الجزء الثالث.....


الكل كان مرتبش....والكل كان سعيد....اليوم... يوم زواج شذى...آخر العنقود والبنت الوحيده....واليوم زواج تركي
آخر أولاد عبدالله وصبحا....الضابط العسكري وولد العاصمه....اليوم ائتلاف الشرقيه والوسطى...الكل سعيد وفرحان
...الأهل من الجهتين مثل النحل في الإستعداد...بحب وبحنان الكل ينظر لهالعروسين ماعدا فئة؟؟؟....كارهه لهالزواج
..الكل يدعي إنه يتمم بالخير هالزواج...ناس سعيده...وناس حزينه...ناس مشتاقه...وناس خايفه تنظر للمستقبل بخوف...
.
.
.
بالشيراتون كان العرس على الساحل الشرقي بأول الصيف...وتو الناس منهكه من الإمتحانات وظغوط الإمتحانات...
تركي مستانس والدنيا مو سايعته...وشذى مخاوفها وقلقها وحزنها طغت على مشاعر الفرح.......كان العرس فخم....
والكل يشهد بهالشي....والمعازيم ماليين الصاله سواء عند الرجال او الحريم...خاصه إن الناس باول الصيف...وباقي
محد سافر....صديقات شذى حاظرات....ومنبهرات بهالعرس اللي كانوا متوقعينه عادي على قولة شذى؟....كانت وناسه
ورقص وسعة خاطر الكل مبسوط بالحيل.....

كانت شذى قاعده بالجناح الخاص حق العروس الملحق بالصاله ومعها رفيقة عمرها ريم اللي مافارقتها من الصباح...
قاعده معها طول اليوم....لأن هذا هو يوم الفراق....كان هذا آخر يوم لشذى بالشرقيه...لأنها بتعرس بعدها وتروح الرياض
وتسكن فيها مع زوجها تركي اللي له متملك عليها 3شهور....ماكلمته فيها ولا حتى قعدت معه...تحسفت من خاطرها إنها
رفضت تكلمه او تقابله....وتذكرت هذاك اليوم....يوم إنها كلمت أمها بالليل عشان تفك من هالزواج وتبلغ أبوها بهالقرار
اللي قررته.......تذكرت أحداث اليوم الثاني بالظهر لمن جا أبوها معصب يدق عليها باب حجرتها...
((ابو محمد معصب وهو يدق الباب:شذى...شذى...افتحي الباب....
شذى كانت قاعده تقرا فزت من الخرعه وعرفت إن أبوها عرف السالفه...درت إنه ياويلها من اللي بيجيها ألحين من أبوها
اللي هو كتله من النار عصبي لدرجه لا تطاق....وفتحت له الباب...وشافت عيونه يطاير منها الشرر...وقفت قدامه بارتباك
...وابتسامة خوف ميته على شفايفها...وقالت باستسلام من لا حول له ولا قوه وعرفت إن عاصفه هوجاء شديدة في ابوها
بتشيل الاخضر واليابس من قدامه:هلا يبه تفضل...(وظلت تناظر في عيونه بخوف ووجل)...
ابومحمد وهو معصب حده:صدق الكلام اللي قالته لي أمك يا بنت؟؟؟.....

يتبع الجزء الثالث.....


شذى وهي خايفه موت وتطالع امها بنظرات مستنجده وهي واقفه ورى ابوها:إي...يب...ه...ص...صح كلامها...
ابو محمد والشرر يطاير من عيونه ويصرخ:ليه إحنا نلعب...في البدايه توافقين...وبعدين ترفضين...إحنا نمشي على
هواك يابنت هيله؟؟؟...إحنا ما أجبرناك على شي...كل شي مشى مثل ماتبين...وألحين وبعد الخطوبه..تبين تفكينها(يقولها
بخنق زايد).....
شذى كانت تطالع في أبوها بعجز....كانت تدري إنها مارح تقدر ترد عليه....كانت تشوف الغضب في ابوها...وماكانت
تبيه يتعب نفسه أكثر من كذا لأن فيه مرض السكر...والزعل أكيد بيضره...طبعا هي اتفقت إنها ماتقول هي وامها لأبوها
سبب فصل الخطبه...لأنه اكيد ثائرته بتثور أكثر....ويتهمها بالسخافه....
ابو محمد وهو عصبيته تزيد:ماتردين علي ليه تبين تفسخين خطوبتك؟؟؟؟....
شذى والدموع تتجمع وبخاطرها تقول ما أبيه يبه افهمني الله يخليك هالمرة...شذى:.........
ابومحمد مايزال معصب:شوفي شذى....الرجاجيل تعنوا وجو من الرياض يخطبونك...واعطيناهم كلمه...وتممنا خطوبتهم
عندنا....وبدينا نتكلم بالزواج....وأنا مارح أخليك تكسرين كلمتي قدامهم...ولا قدام الناس فاهمتني(ويخز بعيونه الجاحظه
في شذى) ويقول: والله وهذا أنا حلفت إني مارح أزوجك غير تركي..(شذى تبلهت مصدومه من حلفان أبوها)...ولو تركي
يبيك الليله والله لأعطيه إياك....
وطلع ابومحمد معصب من الغرفه وصرخ بوجه ام محمد تبعد عنه.....أما شذى فقعدت على طرف السرير بدون ماتنزل
ولادمعه من عيونها....الدمع تجمع في محاجرها....وجاتها امها تهون عليها وتهديها....وشذى كانت بعالم ثاني...وتمت
تطالع امها بدون ماتدري امها وش تقول...بعدها قالت شذى بصوت هادي:شفتي يمه ابوي...يمشي عكس ماتمنيت...هذا
ابوي ولا صخره...(شذى علت صوتها)وقالت بقهر:على الأقل الصخر فيه أمل إنه يتغير....بس زوجك(تكلم امها)مافيه
امل يتغير......وبعدها قعدت تصيح وامها بعد قامت تصيح عشان بنتها واللي كان سبب صياحها قسوة ابو محمد مع بنته
الوحيده...ياما كلمته وفهمته إنه لازم يحن عليها ولو بشوي...بس مافيه فايده...وهذي البنت بدت تكره ابوها والسبب هو..
بعدها ام محمد لمت بنتها بحظنها وتموا الثنتين يصيحون....))...
ريم وهي تأشر بيدها قدام وجه شذى:وين وصلتي يابنت الحلال...لي ساعه وأنا اسولف معك وانت محد هنا...
ابتسمت شذى وقالت:ابد ماشي....
ريم بابتسامه خبيثه:اللي ماخذ عقلك يتهنا به.....(وطالعت لشذى بنظره)...وش عليك عروس واليوم عرسك......
شذى حست بزي الإنقباض بقلبها من كلام ريم وقالت:ريم...تدرين وش نفسي فيه...

يتبع الجزء الثالث.....


ريم باهتمام:وش نفسك فيه...اممممممم اكيد تهربين ألحين مع تركي صح؟.....
شذى بغرور:جب زين.....انا اتكلم من جد ريموه....وانتي تستهبلين....
ريم وهي تضحك:هههههههههههههه زين...بس طبيعي إن العروس ليلة عرسها تفكر بالمعرس مو بحد ثاني....
شذى بحدة نظرها على ريم:ترى والله ما اقولك....
ريم بترجي:يالله ياشذى قولي لي....ياشيخه I am sorry.....خلاص لا تمصخينها.....يالله عاد تكلمي لا تصيرين كذا...
شذى وهي تضحك:زين...بس اعطيني فرصه أتكلم...هههههههههههههههه...من جد أنتي غثه.....
ريم باهتمام زايد: من جد شذونا....تكلمي...وش نفسك فيه...أحسك ابد مو مرتاحه...
ريم هنا دقت على الوتر الحساس عند شذى...قالت شذى لريم:نفسي يا ريم يغمى علي وأدخل بغيبوبة لشهور من ألحين...
ريم مخترعه:بسم الله عليك يا الهبله....مجنونه إنتي تبين لنفسك الشر بيوم عرسك ما انتي صاحيه....
سكتت شذى وما علقت....
كانت شذى بيوم عرسها مثل فلقة القمر تهبل كأنها ملكة جمال..وكانت قمة النعومه والأنوثه..وكان فستانها الأبيض معطيها
منظر ملائكي ساحر....خاصه مع الطرحه اللي تمتد وراها لعدة أمتار؟......وكانت تسريحة شعرها ناعمه جدا والميك آب
ناعم يغلب عليه اللون الفوشي الباهت....رفضت شذى إنها تتحنى بيوم عرسها لأنها كانت تشوف العروس المودرن بدون
حنا...خاصه إن الحنا باليد شكله مو حلو أبد وريحته وع شي ثاني لا يطاق....كانت هاديه بيوم عرسها...وكان اللي مألقها
ومعطيها رونق خاص...طقم الألماس اللي جابه لها تركي هديه ليوم الزفاف....كان ناعم وحلو خاصه العقد على نحرها
كان مرة حلو...لأن فتحة الصدر بفستان شذى مره واسعه...لأن فستانها كان ببساطه خيوط...أكتافها عاريه...لأن تركي
ألحين زوجها.....
أما ريم فكانت لابسه فستان احمر ناعم بالحيل..اشترته جاهز..لأنها فصلت فستان بس للأسف الخياطه خربته..فاظطرت
تشتري فستان جاهز لآخر لحظه...مع إنها من أعداء الفساتين الجاهزه...

يتبع الجزء الثالث.....


بالصاله اللي بدت تمتلي بالحضور...كانوا أهل تركي من أول الموجودين كلهم جو من دون أي حد تخلف منهم...وأهل
شذى طبعا موجودين...ومعارف اهل شذى الي كانوا هم ماليين الصاله...لأن اهل تركي بالرياض ومعارفهم كلهم هناك
ماعدا قلة كانت متواجده من معارفهم لأنهم ساكنين بالشرقيه....


كانت بشاير وبنت اختها نوف قاعدين يسولفون بالطاوله اللي قدام (المخصصه لهم)...
بشاير كان شكلها بالعرس يجنن ولفتت الإنتباه لها بشكل ملفت...كانت مبسوطه وعيون الناس عليها...
ونوف كانت حلوة تشبه أمها وخالتها بشاير واجد،بس حب الشباب كان مآلي وجهها الطفولي اللي بدى يتأثر بعوامل
المراهقه واللي في هذا السن تصحبها مجموعة تغيرات....
نوف:بشاير...قومي خليني اشوف مرة خالي تركي....تكفين الله يخليك...
بشاير:لا تصيرين مشفوحه كذا...انتظري لين يزفونها وشوفيها...
تأففت نوف....بشاير انقهرت منها:اوف بعينك...تتأففين من إيش؟؟؟....
نوف بعناد:اوففففف...اوففففففف...اوففففففففف....زي ن وش عندك بعد....
بشاير باحتقار:قليلة ادب زين....
نوف تبي تقهرها:بس مب اقل منك....
بشاير:نعم إنتي إيش تبين...ناشبت لي...وبعدين نويف احترمي نفسك لمن تكلميني...
نوف بلهجة مسترجله :اوكيه...يابو الشباب...مايصير خاطرك إلا طيب...
بشاير:إنتي ابي اعرف مين تخاوين بالمدرسه؟؟؟....من صديقاتك؟؟؟....
نوف وهي تضحك:هههههههههه ليه تسألين؟...ههههههههههههههه......
بشاير:أبد كأني قاعده مع واحد من الشباب...مو بنوته صغيرة المفروض تكون قمة الدلع والدلال والنعومه...
نوف بجديه:لا من جد بشاير امزح....وش دعوه استرجل...اصلا انا ما أحب هالفئه من البنات...
وقعدوا البنات ضحك وسوالف...يعلقون على ذي...ويعجبهم لبس هذيك...وكذا....وبعد كذا جاتهم سارا تشاركهم القعده
....أما فاطمه وعايشه كالعادة قاعدين بروحهم...فيهم غرور يكفي بلد...يطالعون الناس من طرف انفهم...الناس عندهم
جراد ولا شي...نوف طبعا عكس امها تماما متواضعه وحبوبه وقنوعه....
كانت فاطمه حاطه رجل على رجل وتسولف مع عايشه...او بمعنى اصح تشكي لها...
فاطمه:شفتي ياعايشه...تزوجها....يعني خلاص صارت من عايلتنا...
عايشه تزيد النار حطب:هذي الأشكال تدخل بيوتنا؟؟؟....والله آخر زمن...
فاطمه تكلم عايشه من دون ما تطالع فيها:بس زين.والله لأكرهها في حياتها.مثل ماكرهتني بأخوي يوم خذاها ويوم اختارتها
عبير...
عايشه وهي معقده يدينها على صدرها وبكبرياء تقول:تدرين إن سلمى لمن دقيت عليها وقلت لها عن زواج تركي..إيش
قالت؟؟؟....
فاطمه وهي تطالع فيها باهتمام:وش قالت؟؟؟....
عايشه وهي تطالع في فاطمه بعدين لفت تطالع قدام:تقول اللي بياخذها خل تتهنا به...وتقول زواج تركي ماهمني ولا شي
....وإذا كان فيه أحد بيندم على الثاني...فهو اخوك يا فاطمه...مب اختي...
كانت فاطمه وعايشه مسترسلين في كلامهم....خاصه إنهم صديقات من الطفوله والحظ زوجهم من نفس العايله...يعني
ظلوا قراب من بعض...وكانت كل وحده تقول مافي خاطرها من دون انثناء او اي شي ثاني....

يتبع الجزء الثالث.....


ام بندر كانت الدنيا مو سايعتها من الفرحه...خاصه هي وحصه اللي كانت تدعي إنه تشوف يوم ولد اخوها...وأخيرا قرت
عينهم الثنتين بتركي....وام محمد مثل النحله تتنقل بالعرس...تسلم على هذي...وتسولف مع الثانيه...وترحب باللي جايه
...ومريم مرة محمد كانت بعد فرحانه لدرجة إنها كانت طول الفترة الماضيه ما تغلط على شذى ولا تزعجها بشي..حتى
بيوم الخطوبه الكل يشهد بحسن ضيافتها...السبب كان إنها مبسوطه من الفكه من شذى...والثاني كان من جد إنها كانت
تبي لشذى الخير وتتزوج...يعني تبعد عنها بالخير مب بالشر...أما مها فكانت هي وبنات عمها واختها قاعدين بطاوله
وحده...سوالف ووناسه على الآخر....





*******





عند الرجال كان الوضع ما يختلف عن الحريم في الوناسه وسعة الخاطر...
كان ابو محمد فرحان على الآخر خاصه إنه بيطمئن على بنته الوحيده وأصغر عياله...وأبو بندر ماكان يختلف الوضع
عنده يعني فرحه لافه قلبه لف....وأخوان تركي بندر ومتعب اول الحظور مع زوج فاطمه ناصر...وأخوان شذى اللي كانوا
بعد مستانسين...ماعدا محمد اللي كان مقهور ومولع على الآخر....طبعا من دون مايبين هالشي...وكان موضح للناس
إنه فرحان مره....كان قاعد بالصالة الرجال وتذكر كلامه مع ابوه....

((كان محمد وابو محمد جالسين المجلس...محمد كان يحول يناقش ابوه في سالفة فسخ خطبة شذى بعد مرور 4ايام من
كلام ابو محمد لبنته....محمد طبعا ماكان مرتاح لتركي...وجاته من السما سالفة فسخ الخطبه اللي ام محمد قالت له السالفه
بالسر من دون ماتدري مريم....طبعا محمد وعد امه إنه يكلم أبوه...لأن كلمة محمد عند ابوه فوووق....كلم ابوه بالسالفه
اللي ثار منها ابو محمد وعصب وقعد يهواش ورفض اي جدال او كلام بهالسالفه...محمد ماتحمل تلاسن هو وأبوه...اللي
حلف بعدها ابو محمد...إنه إذا تكلم زيادة لا هو أبوه ولا يعرفه....حاول محمد إنه يبين حرام يزوج شذى من دون موافقتها
....قال ابوه...بنتي وحر فيها........بعد كذا رفض محمد إنه يجي العرس...بس حلف ابوه إنه لو ماجا العرس مابيصير
خير.....))

يتبع الجزء الثالث.....

وبعدها انتبه محمد لمجموعة الرجال اللي جو وقام يسلم عليهم والبسمه شاقه حلقه....واخذ يرحب فيهم ويستقبلهم بالحفاوة
....أما سعود كان غايص بين اخوياه اللي جو معزومين للزواج ومنهم سلطان وكانوا مبسوطين خاصه من الفرقه الشعبيه
اللي جابوها أهل شذى يحييون العرس...وخالد طبعا هو أكثر اخوانه هدوء وطيبه كان قاعد مع عمه وبعض كبار السن...
اللي على قولة سعود القعده معهم كآبه تذكر الواحد بالموت من كثر مايوعظون وينصحون....

أما تركي فكانت كلمة سعيد عليه شوي كان فرحان...بس اللي يشوفه يقول عادي ماكأن اليوم زواجه...كأن الزواج زواج
أخوه...كان تركي ثقيل يعني مهوب خفيف ومومصدق إنه بيتزوج...كان ريلاكس يسولف مع طلال خويه ومع ابوه شوي
وخاصه بعد إنه كثير من الضباط اللي مع تركي حضروا العرس من الرياض خصيصا له مع تدرج مراتبهم العسكريه
بين اللي أكبر منه مرتبه...وأصغر منه مرتبه....

.....كان شكل تركي بالزواج يعقد...خاصه إنه مسوي له سكسوكه...مطلعته هيبه فوق هيبته...مع البشت كان من جد
يذبح....وكان لابس غترة بيضاء...طالع فيها روعه...طبعا قبل لايروح الصاله مر على امه وعمته يسلم عليهم....لأن
باقي الحريم كالعادة بالصالون يستعدون مع عبير اللي حجزت لهم قبلها بفترة....ام بندر لمن شافت ولدها قعدت تبكي
وتسمي عليها وتاخذه بحظنها وقلبتها مناحه على تركي...وكان بدال ماتبارك له قعد هو يهدي فيها...عكس عمته اللي
أخذت تبارك له...وتسمي عليه وتعيذه بالرحمن من العيون الحاسده...ولكن ماقدرت تمنع دمعه فرح تفر من عينها...
لأجل تركي...اللي تعتبره ولدها...وماتتوقع تحب ولدها اللي من بطنها كثر ماحبت تركي ولد عبدالله اخوها..........


طلال وهو يدق تركي:وش عليك اليوم عرسك...
تركي:ياخي وش تبي....عرس واعرسناك....بس لايكون تبي تعرس مره ثانيه انت ووجهك...
طلال بابتسامه هبله:إيه أبي....إذا عندك تركي وحده زينه لا تبخل على خوي دربك فيها...
تركي وهو يضحك:يله عاد لوبيدي...كان زوجتك وحده سودا...ماتعرف وجهها من قفاها...هههههههههههههه...
انقهر طلال منه وقال:تعرف تنكت انت ووجهك....اقول بس لايكثر....

يتبع الجزء الثالث.....

تركي بغرور:يحق لك تتطنز وتتكلم ...لأن قاعد جنب تركي بن عبدالله...مب اي واحد...
طلال قعد يضحك من تركي:اقول تركي...من اللي ضحك عليك بهالكلام...
تركي بهبال:أنت...بعد من...
طلال:لا تاخذ على كلامي...تراني اجامل واجد...
تركي:والله هذي مشكلتك مب مشكلتي...
وبهاللحظة جات مجموعة رجال تسلم على تركي فقاموا يسلمون عليهم...وبعد ماراحوا...
طلال:اقول تركي...
تركي وهو يلف عليه:سم...
طلال بجديه:تركي...اليوم ما كأنه عرسك...مابقول إنك حزين...بس مو مبين الفرحه بعيونك على إنك عريس...تراك إنت
ووجهك بتعرس مرة وحده بعمرك مو كل سنه...
تركي بهدوء:من جد ياطلال ما راح اخش عنك....من جد انا سعيد ومبسوط ولو إنه مايبين علي...بس صدقني إني فرحان
....وبعدين أدري إني العرس مو كل سنه....بس تراني راكد يعني ماني مرجوج....
طلال:ياويلي يا الثقه...
تركي:إذا انا ما وثقت بنفسي أجل من يثق؟؟؟....
وبعدها التهوا بالعرس وبالوناسه....ومراقبة عرض ورقص الفرقه الشعبيه....
في منتصف الليل....كانت الزفه...وسط أجواء خافته وموسيقى كلاسيكيه....الكل انبهر من جمال شذى وأنوثتها الطاغيه...
والكل بعد الزفه....قام يسلم على شذى...باستثناء عايشه اللي رفضت تقوم تسلم....اما فاطمه فكان لازم تسلم بصفتها اخت
المعرس....بعد كذا بغوا يزفون المعرس مع أخوان شذى وأبوها بس هي رفضت...الكل استغرب من كذا...حتى فاطمه
حقدت عليها...مع إنها مب راضيه عن هذا الزواج...وبعد الزفه...دخلت شذى الغرفه الملحقه بالصالة حقت العروس...
وهنا دخل تركي مع أخوانها وأبوها....

اول شي سلمت على تركي اللي باسها بين عيونها اللي خلها تموت من الإحراج....خاصه قدام أهلها وابوها...وبعد كذا
سلم أبوها عليها اللي ماحست بعمرها إلا دموعها تنزل...لأن هذي اول مرة تسلم على ابوها من بعد السالفه...حست إنها
لازم توقف جريان الدموع بس ماقدرت....خافت على مكياجها يخترب بس دموعها تنزل بشكل مو طبيعي...وسلموا
أخوانها عليها...خاصه مع سعود كان سلامها مؤثر لدرجه إن شذى قامت تبكي بصوت عالي وسعود اللي دموعه نزلت
غصب عنه....وبعد السلام على الأهل من ناحية تركي وشذى...أخذ تركي شذى...وراح فيها لجناحهم بالفندق...
كانت خايفه....مرتبكه إلى درجة الشك فيها...وكانت حزينه....ومشاعرها مضطربه بين حزن وألم وفرح....فرح بأن اليوم
هذا هو يوم عمرها....ليلة عمرها...بتعيش ذكراها مدى حياتها....استغربت بينها وبين نفسها كيف إن اليوم مشى بسرعه
...بس الايام الحلوة تمشي بسرعه....بس ياترى هذا اليوم هو يوم حلو عشان يمر بسرعه؟؟.....شذى نفسها ماكانت تدري
...إذا هو حلو أو لأ.....

يتبع الجزء الثالث.....

أول مادخلت شذى الجناح بالفندق حست بالتوتر...خاصه بعد ما دخلت لأن تركي باقي بره مادخل....اول مادخلت فسخت
عباتها...وقعدت على الكنبه الأثيريه الموجودة بمنتصف الصاله اللي بالجناح...حست بالراحه وودها لو تنام...بس مو هنا
ولا مع تركي...كانت تبي ترجع لبيتهم...تركض تطلع لفوق...وتغير هدومها وتنام على فراشها...بعد كل عرس تحضره
....بس هيهات إنها تقدر تنام في ليله مثل كذا...

بعد كذا دخل تركي(وهو بعد متوتر شوي)وشافها قاعده...صكر الباب...وجلس قبالها على الكنبه الثانيه...
تركي بهدوء:شذى....
شذى بتوتر وعيونها اللي كانت بالأرض ارتفعت تطالعه وقالت بارتباك واضح:هلا....

الجزء الرابع .....

كانت خايفه....مرتبكه إلى درجة الشك فيها...وكانت حزينه....ومشاعرها مضطربه بين حزن وألم وفرح....فرح بأن اليوم
هذا هو يوم عمرها....ليلة عمرها...بتعيش ذكراها مدى حياتها....استغربت بينها وبين نفسها كيف إن اليوم مشى بسرعه
...بس الايام الحلوة تمشي بسرعه....بس ياترى هذا اليوم هو يوم حلو عشان يمر بسرعه؟؟.....شذى نفسها ماكانت تدري
...إذا هو حلو أو لأ.....

أول مادخلت شذى الجناح بالفندق حست بالتوتر...خاصه بعد ما دخلت لأن تركي باقي بره مادخل....اول مادخلت فسخت
عباتها...وقعدت على الكنبه الأثيريه الموجودة بمنتصف الصاله اللي بالجناح...حست بالراحه وودها لو تنام...بس مو هنا
ولا مع تركي...كانت تبي ترجع لبيتهم...تركض تطلع لفوق...وتغير هدومها وتنام على فراشها...بعد كل عرس تحضره
....بس هيهات إنها تقدر تنام في ليله مثل كذا...

بعد كذا دخل تركي(وهو بعد متوتر شوي)وشافها قاعده...صكر الباب...وجلس قبالها على الكنبه الثانيه...
تركي بهدوء:شذى....
شذى بتوتر وعيونها اللي كانت بالأرض ارتفعت تطالعه وقالت بارتباك واضح:هلا....


تم يناظر بعيونها اللي مليانه دموع...حس لو إنها بتغمض بتنزل دموعها...بس شكلها ماسكه نفسها...حس إن الجو متوتر
ويبي يخفف هالتوتر....بس مهوب عارف كيف....أصلا هو مايعرف يتعامل مع البنات بشكل خاص...خاصه إذا كانت
وحده مثل شذى...عروس توها بأول ليله....لازم يراعي إحساسها....بس ماكان يدري كيف يبدى معها...خاصه إن مازالت
تناظره....كانت روعه...آيه في الجمال والنعومه....والأنوثه الطاغيه خاصه بفستانها الأبيض وطرحتها...ماقدر تركي
إيش يقولها...كانت هي خلاص تبي تبكي مرتبكه...وأول مره تقعد مع رجال غريب عنها لا تعرفه من قبل...تذكرت أهلها
وفراقها لهم...وإنها بتسكن في مدينه غير مدينتها...يعني خلاص مارح تشوفهم مثل أول...وبعيش مع تركي باقي عمري...
بس تركي وين ألقى مثله...ملايين البنات يتمنونه...تذكرت سلمى وكلام فاطمه واللي معها عنها وعن سلمى...حست بنار
تشب في صدرها...حست بالإهانه إنها تتزوج واحد قلبه معلق بوحده ثانيه غيرها...حست بدموع قهر تتجمع بعيونها......
ماحب تركي الهدوء والسكوت اللي موجود بينهم....

تركي:تعشيتي؟؟؟....

تابع الجزء الرابع .....

شذى بعد مانزلت عيونها:مو مشتهيه....الحمدلله شبعانه....
تركي:وين شبعانه؟....إنتي ماتعشيتي ولا أكلت شي....
شذى وهي تلعب بدبلة زواجها اللي توها تلبسها الليله تحاول تخفف التوتر اللي هي فيه:تركي...من جد شبعانه...
تركي:أصلا أنا خلاص طلبت العشا...وألحين هم جايبينه...
شذى كانت تكتم عبرتها...بكائها...حسرتها....ودها تنفجر تبكي...لاحظت عيون تركي معلقه عليها...حست إنه ماله داعي
تبكي قدامه....

أما تركي كان مستغرب منها..ماحب إنه يخلي عروسه أول يوم بهالحاله...لازم يكلمها...يشوف إيش بخاطرها...قام تركي
وراح جلس جنبها...شذى لفت وجهها على الجهه الثانيه...دموعها بدت تنزل من دون توقف...تبي توقفها بس مب قادرة..
تركي لاحظ إنها تكتم أنفاسها...صدرها يرتفع ويهبط بصورة سريعه...امبين فيها شي...اليوم هي مب طبيعيه ابد....
تركي وهو يلف وجه شذى اتجاهه...ويسألها باستغراب:شذى حبيبتي...وش فيك؟؟؟....
هنا شذى ماقدرت تتحمل أكثر..صبرها انتهى..وقعدت تبكي بصوت عالي...ونحيبها بدى يعلى ويعلى..كانت تبكي من قلب
كانت من بين بكائها...تتنهد بقوة...مب عارفة دفنت وجهها بين يدينها...ظلت تبكي وتبكي...كان اللي يشوفها يقول أحد ميت
لها...البنت ماكان طبيعي أبد بكائها...كانت تحس إن الحزن يضغط على صدرها... بكت على ليلة زواجها...اللي كانت
تتمنى إنه يكون ولا ألف ليله وليله...تبي عرسها يترسخ في أذهان الناس...كانت تشوف الواقع غير الحلم...بكت لمن شافت
زوجها...وشريك حياتها يحب وحده غيرها...لأ ماشفت بس سمعت...كانت حسره بقلبها إنها تدري من قبل لا تاخذه إنه
متيم في غيرها بس يمكن كذب هالكلام على قولة ريم وأمي؟؟؟حست بعد كذا بسخافة موقفها قدام تركي بأول ليله بزواجها
....زين يمكن الرجال مسكين...أو إنها سالفه قديمه...شذى قعدت تتلوم في نفسها وتقول..أنا الغبيه اللي أخرب هالليله على
نفسي ...وعلى تركي...ليه انا مستعجله؟...انا مصيري بروح معه وأعرف الحقيقه كلها بعدين...من جد غبيه...بعد كذا
مسحت شذى باقي الدموع من عيونها...وطالعت تركي...اللي كان مستغرب وبنفس الوقت متعاطف معها...وبعد كذا سحبت
لها نفس طويل....حست براحه بعده...أو بمعنى اصح بعد البكا...حست من جد براحه وكل اللي بصدرها من ضيق طلعته
سكتت شذى...وحست باحراج بالغ قدام تركي...ياربي ألحين وش بيقول عني؟... من جد انا سخيفه.... ومالي داعي...
تركي لمن شاف بكا شذى سكت واستغرب...قال فراق أهل بالبدايه...بس السالفه شكلها غير من طريقة صياحها امبين
إنها مقهورة او شي كذا...بس لاتكون مجبورة على الزواج منه...هو شك لمن تملك عليها إنها رفضت تكلمه او تقابله بحجة
إنها تستحي وخجول...بس من أسلوبها معه بالخطوبه غير...



تركي بهدوء:ألحين هديتي؟؟؟....
شذى بابتسامه(تبي ترقع السالفه):إيه ألحين أحسن....
تركي وهو يمسك يدها ويقول:زين ممكن أعرف وش سبب هالصياح كله؟؟؟

تابع الجزء الرابع .....

شذى وهي تناظره: كذا...مافيه سبب واضح...
تركي بجديه:كيف مافيه سبب واضح؟؟؟....
شذى وهي ترفع حواجبها: مرتبكه...مستحيه...تقدر تقول كذا....
تركي وهو مستغرب:ألحين كل هذا الصياح...عشانك مستحيه اول مرة ادري....
شذى تحاول ترقع السالفه:أهلي بعد....
تركي:يعني لأنك بتفارقينهم؟؟؟....
شذى:إيه أكيد بشتاق لهم...
تركي يبي يستهبل عليها ويلطف الجو: تبين أوديك لهم ألحين؟؟؟....
شذى بققت عيونها...طالع هذا إيش يقول؟....استغربت منه...أكيد إنه مب صاحي...
تركي لمن شاف ردة فعلها مات ضحك....عرف إنها تخرعت...مسكينه من جد صدقت...
تركي من بين ضحكه:هههههه وش فيك تخرعتي؟؟؟....ماتبين اهلك؟؟؟....
شذى عرفت إنه يستعبط فقالت:عادي اروح....
تركي وهو مبتسم:زين روحي غسلي وجهك...وغيري فستانك...لأن العشا الحين بيجي...وأهلك لاحقتهم بعدين....
شذى بابتسامه:إنشالله....(شذى لاحظت إن تركي لسه مبتسم) سألته: زين ليش ألحين أنت مبتسم؟؟؟....
تركي وهو يضحك: لا أبد....بس شكلك روعه...انفك احمر من كثر الصياح...
شذى متفشله: تضحك علي...(وقامت من جنبه تبي تروح مسويه زعلانه)....
تركي يجرها من يدها ويجلسها جنبه: من جدك زعلانه؟؟؟....
شذى بغرور:إيه زعلانه...ولا شرايك من اول يوم تضحك علي....
تركي وهو يطوقها بيده وماخذها بحظنه يراضيها:أبد ماضحكت عليك....بالعكس كان شكلك حلو وعاجبني...
شذى حست باحراج وإن دمها متجمع بوجهها من طريقة مسكته لها: اوكيه خلاص عادي...
تركي وهو يزيد:يعني عادي مازعلت؟؟؟....
شذى خلاص تبي تقوم مستحيه بشكل فضيع:لأ مازعلت...بس ابي أقوم اغير ملابسي...
حس تركي باحراجها و فكها...كان الوضع قبل شوي عاجبه بس خاف البنت إنها من كثر ما استحت تبكي مثل قبل شوي
وهو ماصدقها تهدأ...بعدها قامت شذى تبدل ملابسها خاصه إنه معها شنطة ملابسها...ودخلت داخل الغرفه تبدل هدومها...

لمن دخلت...قعد يفكر تركي في سبب صياحها...تركي ماكان غبي...كان يدري إن وراها شي...وسالفة هالصياح مو شي
صغير...ماكان يبي يفتح معها ملف تحقيق بأول ليلة زواجهم...وحب إنه يتغاضى عنها الليله وبعدين بيشوف السالفه منها...
بعد كذا فصخ غترته والطاقيه والعقال وحطهم بعنايه على الطاوله اللي جنبه...ينتظر شذى تطلع من الغرفه عشان هو بعد
يغير........

أما شذى لمن دخلت الغرفه وأحكمت إغلاقها...راحت للمرايه تشوف وجهها لاحظت إن وجهها أحمر وبالذات أنفها احمر..
وشافت إن الكحل ساح وتلطخ وجهها منه خاصه على جفونها...وشفايفها كانوا حمر مره من كثر الصياح...حست بغباء
من صياحها...إنقهرت وكان ودها لو يرجع الزمن ورى وتعدل السالفه من دون بكي وصياح...ألحين وش بيقول تركي عني
...من جد إحراج...راحت تفك شعرها من المشابيك اللي فيه من التسريحه اللي حسته شوي ملبد من المثبت وحست لازم
إنها تاخذ لها شاور....أخذت لها ملابس وخلعت فستان الزواج ولبست روب الحمام ودخلت تاخذ لها شاور....

تابع الجزء الرابع .....

بعد ما طلعت من الحمام...حست براحه عجيبه...مشطت شعرها المبلول وتركته مسترسل من دون لا تربطه او تلمه...
دق عليها تركي الباب ارتبكت...ماعرفت إيش كان يبي؟... قالها تركي وكأنه حس فيها إن العشا وصل...جاوبته إنها
جايه....
بعدها حطت عطر وطلعت له..شافته قاعد يقلب في دليل التلفزيون القنوات...انتبه على دخلتها على طول رفع عينه اتجاهها
ناظرها بابتسامه بادلته بابتسامه جذابه أكثر...كان شكلها مره روعه...كانت لابسه قميص أحمر مع الروب حقه وكانت
فتحة الصدر مرة واسعه مع فتحات جانبيه توصل نص الفخذ...وشعرها مفتوح مبلل...وماكانت حاطه ميك آب...كانت
قمة في الأنوثه والنعومه...لأنها طالعه على طبيعتها من دون أي تصنع أو زينه خارجيه....أما شذى كانت أول مره تشوف
تركي من دون شماغ وعقال...كان شكله رايق بالنسبه لها....راحت وجلست على الكنبه المفرده....
تركي : نعيما...
شذى بخجل:الله ينعم عليك...
تركي:ياللا تعالي العشا....
شذى:تعش أنت...أنا مالي نفس....
تركي وهو يجرها مع يدها:أقول تعالي...وبلا دلع بنات...
شذى هي تضحك وماشيه وراه:تراني أبي يدي ههههههههه....
خفف تركي من قبضته على يدها وقال بابتسامه:زين يالله تعشي....
وقعدت هي وياه على الطاوله.. هو تعشى...بس هي ما كلت كثير..لأنها كانت من جد شهيتها مقطوعه...كانت هدوء على
العشا....وماكان بينهم أي حديث او حوار...تركي جريء عنده يعني عادي معه...بس ماحب يقول أي شي يحرجها...
بعد كذا قام تركي ودخل هو ياخذ له شاور....بعد كذا حست شذى بالإحراج من إن اللحظات الحاسمه قربت...احتارت ما
تدري إيش تسوي...أصلا هي ماتقدر تفاتحه بالموضوع أو تقوله شي...وهي تعرف إن جريء وبيحرجها...لقت أحسن حل
إنها تسبقه وتسوي نفسها نايمه....بسرعه دخلت الغرفه وانسدحت على الفراش وسوت نفسها نايمه بس وين النوم يجيها...

بعد كذا طلع تركي من الحمام...تفاجىء من شذى لمن شافها نايمه قبله...قعد يقول بخاطره...وين هذي قاعده...سبقتني و
نامت....ما كأنها عروس بأول ليله زواجها....على بالها قاعده مع وحده من خوياتها...من جد مطنشه هالبنت...ماحب...
إنه يقطع عليها نومتها...بس دخل الفراش جنبها بهدوء وقال بينه وبين نفسه وين تروح مني مصيرها ترجع...شذى كانت
صاحيه حست بتوتر لمن دخل جنبها تركي الفراش...بس ما كانت تصدر أي حركه حتى لا يحس إنها باقي صاحيه....
قعدت فتره طويله إلى ما جاها النوم ونامت...عكس تركي اللي أول ما حط راسه على المخده دخل بسابع نومه....

تابع الجزء الرابع .....

كانت الساعه تأشر على 9 الصباح ببيت ابو محمد....

ام محمد وابو محمد جالسين يفطرون(يتريقون)...
ام محمد: والله إني فاقده شذى يابو محمد.....
ابو محمد من دون مايناظرها:ألحين البنت تزوجت....الله يستر عليها....
ام محمد انقهرت من رد ابو محمد اللي كأن بنته ماهمته أو كأنها عبء تخلص منه فردت عليه بعصبيه أول مرة ترد على
ابو محمد كذا....ام محمد:إنت ليه كذا؟؟؟....حرام عليك...تراها بنتك...أنا ما أفهم إيش سر جفاءك كذا عليها....
ابو محمد استغرب من طريقة ام محمد في كلامها معه...قال:خلاص يا مره....البنت تزوجت...والشده مع البنت واجبه..
ناظرته بعيون مليانه دموع هي حساسه وبنتها طالعه عليها...قالت بصوت متهدج بالبكا:والله لو هي شغاله عندك ماعاملتها
كذا....
ابو محمد مارد يوم شافها تبكي...حب يخفف عليها قال:مصير كل بنت تتزوج...وبنتك مو شاذه عن هذي القاعده....
ام محمد سكتت اكتفت بأن تطلق الدموع... دموعها على بنتها الوحيده وقامت من الفطور اللي منسده نفسها عنه من الاساس
وراحت لحجرتها تبكي...بكاء طالع من القلب حار مشحون بالأشجان والشوق لبنتها العزيزة والوحيده....
بعد ماراحت ام محمد...حس ابو محمد إنه المفروض مايقول هالكلام قدامها...احتراما لمشاعرها...تقديسا لمشاعر حنان
الأم فيها....بس بينه وبين نفسه قال(البنت مكانها بيت زوجها...ومازوجتها تركي إلا ثقة في إن سعادتها معه...ما أدري
إيش فيها الحرمه زعلت.....بس معروف الحريم كلهم كذا يحبون البكي...والمشاكل)....






**********




بالصباح قام تركي من النوم...ناظرالساعه كانت 11 ونص...حس إنه نام كثير....إنتبه على شذى عشان يصحيها شافها
الآنسه قد قامت من النوم...لمس مكانها شافه بارد...إنقهر منها...إيش فيها ذي على بالها قاعده بحالها...مو مهتمه إذا كان
معها أحد أو لأ..تنام مثل ما تبي وتقوم مثل ما تبي..شكل الأخت على بالها إنا باقي عزابيه..قام من النوم ولف الروب عليه
وراح الحمام يغسل وجهه...بعد ما طلع الصاله شافها قاعده متمدده على الكنبه الطويله وتقرا مجله موجوده بالفندق...أول
ما انتبهت له على طول عدلت جلستها....وقالت له بهدوء:صباح الخير...
تركي وهو يناظرها: صباح النور...وش مقعدك من الصباح بدري ؟؟؟....
شذى وهي مبتسمه:أبد مافي شي...بس شبعت نوم....بس إنت وش اللي وقظك من النوم....
تركي وهو رايح يقعد قبالها:مثلك...بس أقول من الساعه كم وأنتي صاحيه؟؟؟....
شذى وهي تفكر:تقريبا من الساعه 8 ونص....
تركي:وليه ماقعدتيني معك؟؟؟....
شذى منحرجه من سؤاله:خفت أزعجك...(شذى بخاطرها...إلا ماصدقت إنك نايم عشان آخذ حريتي شوي)....
تركي:لا عادي بالعكس...مو حلو أول صباحيه أنتي بحالك...زين أفطرتي ولا باقي؟؟؟....
شذى وهي تأشر على علبة العصير:شربت بس علبة العصير أخذتها من الثلاجه...بس الحمدلله مكتفيه...
تركي وهو قايم يدق على الفندق يجيبون فطور:أقول..بطلب فطور...زين إنك إنتظرتيني ولا فطرتي..(وقعد يطالعها بنظره)
شذى تفشلت...حست إنه يقط نغزه عليها...لأنها كل شي قبله... تنام قبله...تقوم قبله...
بعدها طلب فطور....وراح يبدل ملابسه....

تابع الجزء الرابع .....

كانت بشاير ونوف نايمين من ليلة العرس في بيت عبير..اللي بالموت وافقة فاطمه تخلي بنتها تنام بعيده عنها..وبشاير بعد
اللي ما وافقت أم بندر...إلا لمن طلبتها عبير إنه عادي وبيت خالتها وهي مو غريبه عليهم....
بشاير ونوف كانوا قاعدين بالصاله اللي قبال المطبخ ويفطرون على الكاوتنر ويسولفون عن ليلة العرس...كانت نوف مره
مرتاحه خاصه إنها بعيده عن مراقبة أمها لها...ونوف كانت تموت بخالتها بشاير وما تخبي عنها شي...
بشاير:نوف...شكل العرس أمس راق لك بقوه؟؟؟....
نوف وهي تحشي التوست:تدرين يا بشاير...إن العرس يجنن...وبعد مرة خالي تركي مره تهبل ماتوقعتها كذا حلوه...
بشاير وهو تناظرها بنظره استغراب: مو قلتلك يا الحماره إنها حلوه لمن سألتيني عنها بعد ما رجعنا من الخطوبه...
نوف:إيه صح....بس أنا لمن سألت أمي قالت لي...إنها شيفه...
بشاير:أمك الشيفه...
نوف بعصبيه:بشاير...ما اسمح لك تتكلمين على امي...
بشاير بطنازه:وهي أختي قبل لا تصير أمك....
نوف بتطنيش: ما علينا...بس بشاير وش رايك في اللي لابسه أحمر أمس اللي مع العروس تهبل صح؟؟؟....
بشاير:إي حلوه....هذي صديقة شذى...اتوقع اسمها امممممم ريم ريما...شي كذا....
نوف: وأنتي وش يدريك؟؟؟.....
بشاير:عبير قالت لي....معها في الكليه ولا إيش رايك...
نوف: أها...
بشاير:أمك أمس هي وعايشه ...مالهم داعي...مغرورات متكبرات...ما أدري على إيش...الحمد لله والشكر أول مره أشوف
عجايز مغرورات والناس عندهم جراد....
انقهرت نوف من بشاير وقالت بأعلى صوتها:بشاير...لو سمحت لا تغلطين على أمي تراني ما أسمحلك...وبعدين أمي مب
عجوز يا حلوة....عادي حرمه ناضجه تعتبر...(وتخز ببشاير)..مو عجوز....
بشاير:أقول انثبري بس...مسويه فيها تدافع عن أمها...وبعدين عادي أسبها أختي...مو إنتي عادي مع أختك...
نوف:إيه.......بس هي أصغر مني....مو مره أم عيال...زي أمي...
بشاير تبي تغير السالفه: أقول نوف...شفتي فارس ولد اخوي بندر......
نوف اللي هالكلام دق عندها على الوتر الحساس من كثر حبها لفارس:يوووووووووه بشاير بلا إحراج....
بشاير بحماس:لا من جد نوفا قولي لي وش شعورك...لمن هو أخذنا للعرس أمس؟؟؟....
نوف ابتسمت بخجل وعلت خدودها حمره...وقالت:جب زين....
بشاير وهي تضحك وتقول بالمصري: يقطع الحب وسنينوه...مثل ماعمل في بنت أختي كده...

تابع الجزء الرابع .....

بعد قاموا من الفطور..قال تركي لشذى إنهم بيروحون فرنسا شهر العسل...كانت تدري عندها خبر قبلها...تذكرت لمن عبير
قالت لها بأيام الملكه...خبرها إنهم بيروحون المطار بالظهر...وقال لها تستعد...هي فرحت من الخاطر إنها بتروح فرنسا
أخيرا؟؟؟...كان حلمها من زمان تروح أوروبا...لأن سفراتها مع أهلها ما تعدت البحرين ودبي...وخاطرها
من زمان بفرنسا تحديدا...يا حلوك يا تركي و أنت بتاخذني لفرنسا....في نفسها تقول(يااااااااااااااااااي وناااااااااااااااااسه)بس
قالت لازم تبين قدامه إنها عادي مو بنت فقر...بعدين وش بيقول عليها؟؟؟<<<<<<<حركات البنات ههههه....**************

الجز الخامس.....

كان الوقت عصر...
وكانت مريم ومحمد جالسين بالطابق الثاني يتقهوون بالجناح حقهم خاصه إن باقي فيه حزازيات بين محمد وأبوه،مريم ماكانت
تدري بسالفة شذى وإنها ماكانت تبي تركي...بس كانت مرة فرحانه ومبسوطه إن شذى راحت وخلتهم حست إن الجو شوي فضى
لها...
مريم:محمد إيش فيك كذا سرحان؟؟؟
محمد ينتبه لها:لا أبد مافي شي....
مريم وهي ترفع حواجبها:وااااااااضح....أقول وش فيك ماتنزل تقعد مع أبوك لي فترة أشوفك ماتقعد معه...
محمد تذكر السالفه وتذكر تركي عصب وانقهر:أقول مريم...مالك دخل فاهمه؟؟؟...أنزل ما أنزل...أقعد مع أبوي ما أقعد والله هذا شي
راجع لي...
مريم:يمه بسم الله منك...كلتني بقشوري...خلاص زين براحتك...


***


دخلت الغرفه وكانت تعبانه دايخه من ضجة المطارات والطيارات..بس دخلت فصخت عبايتها وقطت نفسها على الكنبه تمدد...
كانت متوترة من الطيارة وأول مرة تسافر مع رجل غريب عنها...بعدين قعدت تفكر تركي مو غريب هو زوجها...وبعد كذا ابتسمت ابتسامه
واسعه وقالت لعمرها(من قدك يا شذى ألحين أنتي بفرنسا)...بس اللي تحس إنه مضيق عليها إنها باقي عروس(البنت تبي تاخذ راحتها)
يعني ألحين هي تحت المجهر بالنسبه لتركي...وفجأة قطع عليها تأملاتها وقوف تركي أمامها وهو يأشر لها...
تركي:اللي ماخذ عقلك يتهنا به...
شذى بخجل وهي تعدل جلستها:وشو يتهنا به؟؟؟...لا أحد ماخذ عقلي ولا شي....
تركي بغرور:ولا أنا مثلا؟؟؟....
شذى بخجل زايد:ولا إنت...
تركي وهو يبتسم لها:أوكيه...مردودة لك آنسه شذى....زين ماودك ننزل نتعشى؟؟؟....
شذى:براحتك....
تركي وهو يمد لها يده يقومها:أجل ياللا قومي....
شذى:ألحين...
تركي بتفكير:لا بعد بكره...إيه ألحين...(ويجرها مع يدها يوقفها ولمن وقفت صايرة لاصقه فيه)...
شذى تحاول تصرفه(مستحيه):زين خلني ألبس عباتي...
هو عرف إنها تبي تصرفه...تركي بامتعاض:إنتي ليش تبين تبعدين عني؟؟؟...أحد قالك إني أجرب؟؟؟...
ضحكت شذى من كلامه وتذكرت كلام خالته عبير لمن زارتهم قبل العرس بفترة بسيطه وقالت لها الله يعينك على جرأة تركي وصراحته لأنها بتعبك معه...
تركي وهو يقربها منه زيادة ويقولها بصوت شوي هادي:تضحكين هاه؟؟؟...
شذى وهي خلاص ماتت من الحيا...دفته(دزته) بخفه وراحت بسرعه عنه...ولما شافها تركي فلتت من بين يدينه قالها بصوت عالي:وين بتفلتين مني....مصيرك بترجعين...
شذى وهي تضحك:ههههههههه إيه..هين...

طبعا بعد كذا لبست شذى عبايتها ونزلت هي وتركي من الفندق اللي كان جورج الخامس وطبعا كان الفندق على شارع افينو جورج سانك اللي كانت فيه مطاعم مره حلوة واختار
تركي طعم راقي وادخلو يتعشون فيه....

الجز الخامس.....

وبالشرقية كانت بشاير طالعه مع متعب وسارا يتمشون على البحر بالسيارة...
بشاير بملل:متعب وش فيك؟؟؟خلنا ننزل من السيارة زهقنا وإحنا قاعدين...
سارا:بشاير لا تكونين بس زهقتي مننا؟؟؟....
بشاير بضجر:إيه زهقت...من طلعنا وإحنا ماغير نحوس بالسيارة... مازهقتوا بصراحه خلاص زهقت... أبي أنزل من السيارة....
متعب:من جدك تبين تنزلين من السيارة بهالرطوبه؟؟؟....
سارا وهي تساند متعب:إي صح من جدك ننزل والله فطيس خلينا كذا أحسن...
بشاير:ياخي قرف نقعد نطالع البحر كذا من ورا القزاز...ماتشووف أمة محمد كلها على البحر قاعده وش معنى هم عادي وإحنا لأ؟؟؟؟....
متعب يتطنز:أهل الشرقيه متعودين على هالرطوبه...
سارا وهي تتطنز:صايرين كائنات برمائيه....
متعب وسارا:هههههههههههههههههههههههههههههههههههههههههههه ههههههههههههههه
ومعهم بنتهم انجود قعدت تضحك لمن شافت أمها وأبوها يضحكون...
بشاير واللي كانت محتره منهم ومن برودة أعصابهم وودها تكفخهم لأنهم قعدوا يفرون فيها بالسيارة 3ساعات وما زهقوا رايحين راجعين على الكورنيش ومايبون يتحركون من عنده
ولا يبون ينزلون يمشون على البحر....
بشاير بقهر:يا مصالة دمكم...من جد ماتضحكون...على بالكم هم مثلكم ضبان يتحسسون من المويه....
متعب:مين الضبان؟؟؟؟؟.....
بشاير وهي تضحك:أنت بعد مين...انت ومرتك وبنتك.....
سارا:ضبان بعينك...اسم الله علينا...
بشاير:أجل يله خلونا ننزل نتمشى على البحر...
متعب يبي يقهرها:لا يا هانم..بنقعد كذا نتمشى على البحر وإحنا بالسيارة...لا رح ننزل ولا شي....
بشاير:زين خلونا نروح نتعشى في أي مطعم...تراني ميته من الجوع...
متعب :خلينا أول نشوف الشيخه انجود تبي تتعشا ولا لأ؟؟؟....(متعب يسأل بنته انجود اللي كانت تنطط ورى بالسيارة)انجود بابا...تبين تتعشين ألحين؟؟؟....
انجود وهي تلعب:بعد سوي(شوي) بابا....
متعب وهو يضحك يحر بشاير:ههههههههه أمرك يا الشيخه.....
بشاير وهو منقهره منهم:والله مو انتوا الغلطانين الغلطانه أنا اللي أجي معكم...يا أسرة الهبال أنتوا....الحمدلله والشكر على بالهم أسرة مثاليه سعيده.....
سارا وهي تضحك:أسره مثاليه سعيده...غصبن عنك....هههههههههههههههههههه
بشاير:جب زين........
***


وفي بيت عبير كان الكل مجتمع على العشا باستثناء متعب وزوجته وبشاير طالعين يتمشون بس الباقي كلن مجتمع عندها...
أم بندر:عاد تصدقون...تركي من جد اشتقت له...ماني مصدقه أن امس كان زواج تركي..
حصه متفاعله مع السالفه:إي والله صدقتي يام بندر...الله يحفظه ويسعده إنشالله...
فاطمه بضيق:من وين بتجيه السعاده...وهو متزوج حيالله(قالت كلمتها الاخيرة باستحقار)
حصه وهي فاتحه عيونها على الآخر:فاطمه!...عيب هالكلام...وشو حيالله؟؟؟... فاطمه:والله يا عمه...تركي يستاهل وحده أحسن من كذا؟؟؟؟...مو هاذي اللي مدري من وين جايبينها.....
حصه عصبت:فاطمه والله لو يسمعك تركي اخوك...ليزعل عليك...عيب هذي مرته... وأم عياله مستقبلا...وبعدين تعالي خلاص هذي صايره منا وفينا...والبنت والله مانقصها شي أبد علم...جمال....وأخلاق...وتربيه زينه...وبنت أصول...
أم بندر:فاطمه هذا كلام تقولينه؟؟؟....شذى خلاص اللي يمسها يمس تركي فاهمه....
فاطمه سكتت وهي معصبه وقعدت تطالع في عايشه اللي أبتسمت لها ابتسامه بمعنى الله يعينك...
كانت نوف قاعده بطرف المجلس معهم وهي تطالع حركات أمها وكلامها وباقي شوي وتصيح...من القهر إنه تكون امها كذا...نوف بخاطرها(ليه يايمه كذا؟؟؟والله عيب حركاتك هذي.المفروض تكونين سعيده بزواج خالي تركي.وبعدين خالتي شذى شكلها طيبه.وش اللي ناقصها عشان ماتبينها....بس الله يعينك على نفسك ويعينا عليك)....
كانت نوف بعد مقهورة إن أمها ماخلتها تروح تتمشى مع بشاير...وقعدت محبوسه مع العجايز على قولة بشاير.....

وبهاللحظه تدخل عبير ووراها الشغاله معها صينيه فيها كاسات عصير...راحت عبير وقعدت بين أم بندر أختها وحصه...والشغاله قعدت تدور عليهم بالعصير...
عبير بابتسامه:حيالله أختي أم بندر أنورت الشرقيه بوجودك.....
أم بندر:منورة بأهلها.....
عبير وهي تحط رجل على رجل:عاد تصدقون إنه رجلي تعورني من العرس...
حصه:هذا من الكعب اللي تلبسونه...الوحده لابست لي كعب طول الفيصليه وماتبي رجولها تعورها....
عايشه:لزوم الكشخه يا عمه...وش فيك...
أم بندر وهي تضحك:ماعليكم منها...حصه هذي ماكانت تلبس إلا كعوب بأيام شبابها...
بس ألحين...السن ومايسوي....
حصه:مو بس أنا هذا كل الناس أول ماكشخوا...وعرفوا يلبسون....ذاك الزمان...
عبير وهي تضحك:عجيب والله...أجل أنتوا مهوب هينات...وألحين ليش ماتلبسون كعب هاه؟؟؟؟.....
حصه:ألحين نطلب الله حسن الخاتمه...وبهالعمر زين إذا قدرنا نمشي...عادك تبين تلبسينا كعب؟؟؟؟....
أم بندر:والله يا حصه كل وحده تتكلم عن نفسها...إنتي اللي عجزتي...ولا أنا باقي شباب...
حصه:شباب في عينك...إلا عجوز منتهيه...
أم بندر:أنا اللي عجوز منتهيه يا عجوز قريح؟؟؟؟...
حصه:أقول يا شينك اسكتي...تبي تعيش عمرها وعمر غيرها...
ام بندر:بلاك غيرانه إنك عجزتي...وأنا باقي شباب...
حصه:أي شباب...أنتي شفتي وجهك بالمنظره...
ام بندر:انتي اللي شوفي وجهك بالمنظره...قد انخفس من كثر التجاعيد الله لا يبلانا....
حصه:وانتي اللي عمرك واصل الواحد وسبعين...وباقي عايشه...اللي مثلك قد فنقشوا...
ام بندر:هذي أنتي...ولا انا اللي يشوفني يقول انا وبنتي فاطمه خوات...ما كأني امها...
عبير ماتت من الضحك بينهم...تبيهم يسكتون بس خلاص عجايز ويتهاوشون وش تسوي بهم...ونوف بعد تضحك وحست إن الزهق اللي فيها راح...وحتى فاطمه وعايشه قعدوا يضحكون...
وما قطع هالهوشه إلا اتصال جا لجوال أم بندر...
أم بندر: ألو....(وما قدرت تمسك نشيجها)تركي يابعد عمري كيفك؟؟؟...وش مسوي؟؟؟.. إنشالله وصلتوا بالسلامه....
وبالجهة لثانيه بالعالم كان تركي يكلم أمه...كان توه طالع من المطعم هو و شذى اللي مسكها تركي مع يدها من أول ما طلعوا...كانت حاسه بالخجل بس في نفس الوقت كانت حاسه بالارتياح والطمأنينه...كانت تناظر الناس والبنيان من حواليها...كان كل شي غير ....غير اللي تعودت عليه من أشكال الناس للعمارات تدل على سرعة التطور هناك...كانت مرة سعيده خاصه إن المطعم اللي دخلوها كان مره روعه...بس تركي اللي اول ماخلصوا اكل على طول طلع معها وقال لها ا التمشيه هنا ما تصلح للعوائل بالليل...واقترح تركي إنهم يرجعون مشي الفندق....
وقطع عليها تفكيرها صوت تركي وهو يمد لها الجوال ويقول:أمي تبي تكلمك...
ابتسمت له شذى وأخذت الجوال منه...
شذى:هلا.........
ام بندر:هلا والله بهالصوت...
شذى:هلا فيك يا خاله....
ام بندر:عسى ماتعبتوا من السفر؟؟؟...
شذى:لا والله ماتعبنا....
أم بندر:هالله هالله في تركي...وبعمرك...
شذى بابتسامه تطالعها تركي اللي بادلها بابتسامه أحلى:لا توصين حريص خالتي...
ام بندر:يله أجل في أمان الله...وسلمي لي على تركي...وروحوا ارتاحوا يقول تركي إنكم ما ارتحتوا....من وصلتوا....
شذى:أجل يله خالتي ما اطول عليك مع السلامه....
وأشر لها تركي إنها ما تسكر وتعطيه الجوال....أعطته شذى الجوال....
تركي وهو يكلم أمه وفك يده من يد شذى...وطوق خصرها بيده...
تركي:هلا يمه.....تآمرين على شي....تسلمين يا الغاليه...(ويناظر شذى)والله مالنا غناة عنك...فديت هالصوت والله وراعيته...بشتاق لك مووووووووووت....وسلمي لي بالله على اللي حولك....مع السلامه...
شذى هنا ماتت من الغيره بس ما حبت تبين وكأنها تتفرج على العالم...وهي تقول بخاطرها (ألحين أنا العروس ولا هي...قاعد يتغزل في أمه...ما كأنها عنده من زمان...كأنه أول مره يسافر بعدي عنها...وأنا المسيكينه عروس توني أمس متزوجه...ولا سمعت هالمدح كله... صدق حظي ردي تزوجت واحد طايح تغزل بأمه...)...
شذى حبيبتي وين وصلت؟؟؟....
شذى لا شعوريا بعصبيه:المريخ....(استوعبت)..أووه لا أبد أتأمل اللي حولي...
تركي:مو كأن تأملاتك زايده شوي.....
شذى(تغير السالفه):تركي أحس إني مرهقه من السفر وش رايك نرجع الفندق...أحس إني مرهقه....
تركي عرف إنها تبي تغير السالفه وجارها:تصدقين حتى أنا دايخ...وهذا إحنا أصلا راجعين الفندق...

الجز الخامس.....

ورجعوا الفندق....أول مادخلوا دخل تركي ياخذ له شاور...واستغلت شذى الفرصه وراحت تنسدح على السرير بالسويت ترتاح تنتظره لمن يطلع وتاخذ لها هي شاور بعد...بس النوم سلطان....وماحست بعمرها إلا وهي بسابع نومه...


أول ماطلع تركي من الحمام وشاف شذى نايمه انقهر وقال بخاطره(هذا واجد معطينها وجه ..سكتنا أول مره ومصختها)...
بس لمن قرب منها وشافها عرف إنها نامت من التعب وناظرعلى الكرسي وشافها مجهزة ملابسها عشان تاخذ لها هي بعد شاور....بس لمن أبطي عليها تركي...أو بالأصح إنها ماعاد فيها صبر تنتظر نامت بهدومها...تركي دخل قبلها الحمام عشان ماتنام قبله...بس الواضح إنها بتنام قبله....سواء دخل بعدها....أو قبلها...
تركي بينه وبين نفسه(يا بعدهم ياشذى...والله شكلك تعبانه ياقلبي)<<<وينها تسمع كلامه؟
وأخذ تركي الفراش وغطاها ودخل جنبها بهدوء ونام...لأنه هو بعد تعبان موت... وما صدق يحط راسه على المخده....

وناموا الإثنين ووراهم يوم حافل بباريس ينتظرهم.....


***


سعود يكلم جوال:خالد أقول أمي عندك؟؟؟......
خالد:إيه تعشت عندنا...صباح الليل تسأل عنها....
سعود:كنت طالع...واول مارجعت للبيت مالقيتها....
خالد:هي جات عندنا من المغرب...زهقانه وتبي توسع صدرها...
سعود:إيه أكيد...مو من بعد وحيدتها اكيد زعلانه وزهقانه....تلقاها بكره...تقول خلونا ننقل الرياض...ونسكن عند المدام شذى....
خالد وهو يضحك:تسويها ام محمد...بس اسكت لا تسمعك....
سعود:هههههههه...أجل يله اقلب وجهك أبي أنام ودايخ وقول لأمي إني سألت عليها... عشان ماتقول إني قاطعها وما أسال عنها وأنا في نفس البيت...الله العالم لو تزوجت ماعاد تشوفني إلا بالاعياد....طبعا كله هذا كلام الوالده الله يطول عمرها...حشى ماني بولدها كذا
خالد:يله أنت اعطيناك وجه ومصختها....خلاص باقولها إنك سألت عنها...يله مع السلامه...طووووط....طوووط....
سعود وهو يناظر الجوال:من حسن حظك يا خالد إني دايخ ولا كان رحت لك البيت... وعلمتك كيف تفكر مرة ثانيه تصكر التلفون بوجهي...بس يله الجايات أكثر من الرايحات....
الجزء السادس....



كانت حوالي الساعه تسع الصباح...
أول ماقامت شذى من النوم قبل تركي...تلفتت حولها وتبي تستوعب وين هي.وبعدين تذكرت إنها بباريس وقعدت تطالع بعمرها.وشافت نفسها باقي بملابسها ماغيرت حست
إنه يبيلها شاور،ناظرت بتركي اللي باقي مستغرق بالنوم وابتسمت لأن شكله كان دايخ مره انسحبت بهدوء من الفراش واخذت ملابسها اللي مجهزتها من اليوم اللي قبله ودخلت الحمام وهي حاسه بالفرح ماتدري إيش سبب هالشعور...
وبعد ما طلعت من الحمام وهي حاسه بانتعاش... ناظرت تركي باقي نايم... جففت شعرها بالمنشفه...ومشطته كله على ورى.وماشغلت الإستشوار عشان لاتقوم تركي...وبعد ماخلصت حست بفضول وراحت تطل على الشارع من النافذة و شافت الناس والحركه بالشارع قايمه ناس رايحه وناس جايه كان ودها تنزل...بس مايصلح تنزل وحدها...و تستحي تكلم تركي وتقومه عشان ينزلون...أخذت جوالها اللي حولته دولي وطلعت من الغرفه للصاله عشان تكلم اهلها اللي ماكلمتهم من تزوجت...فتحت الجوال اللي كان مغلق من المطار ومافتحته...وبحركه سريعه دقت على بيتهم بالسعوديه...
ابو محمد:نعم...
شذى لمن شافت ابوها هو اللي رد عليها ارتبكت ماتدري إيش ترد عليه:هلا يبه...شخبارك؟...
ابو محمد متهلل:بخير الله يسلمك...وش علومك إنتي...إنشالله زينه؟؟...
شذى:الحمدلله زينه يبه...أنتوا وش مسوين إنشالله كلكم بخير...
ابو محمد:الحمدلله كلنا بخير...ونسلم عليك...
شذى:أقول يباه وش اخبار أمي واخواني إنشالله بخير؟؟؟...
ابو محمد:كلهم بخير ماعليهم خلاف...
شذى:زين يباه امي قريبه...أقدر اكلمها؟؟...
ابو محمد:هي قامت الصبح...ورجعت ألحين تنام لها شوي...تعرفين امك نومة الضحى ماتفوتها....
ضحكت شذى:هههههههه إي والله يباه وأنت صادق...
ابو محمد:تبين اقومها لك؟؟؟....
شذى:لا يباه مالها داعي...إنشالله مره ثانيه...
ابو محمد:هاه إنشالله وصلتوا بالسلامه...إلا شخبار تركي؟؟؟..
شذى:بخير...
ابو محمد:هو قريب منك اعطيني إياه اكلمه....
شذى:لا والله يباه هو نايم....
ابو محمد:اقول شذى اسمعي باقولك...اللي يوصيك عليه رجلك سويه...ولا تطلعين من شوره...إنتي الحين في بلاد غربه...وماله داعي اكثر عليك الكلام...وصيري مطيعه وخلي أخلاقك حسنه...أبيهم يقولون فيصل عرف يربي...
شذى بخاطرها(لو ماقلت هالكلام ماكان صرت أبوي) قالت له:إنشالله يباه...
ابو محمد:اجل يله ما اطول عليك...بلغيه سلامي...
شذى:يوصل يباه....وسلم لي على اللي حولك...وخاصه امي قولها إني دقيت وسألت عنها ...واخواني كلهم...
ابو محمد:يوصل...يله مع السلامه...
شذى:مع السلامه...
واول ماصكر الجوال...ناظرت قدامها إلا تشوف تركي واقف قدامها وعاقد يدينه على صدره...
شذى:صباح الخير....
تركي:صباح الخيرات...إنتي بعدين معك؟؟؟....
شذى اخترعت:إيش؟؟؟....
تركي:لا أبد سلامتك...(يعقد حواجبه)إنتي ماتعرفين إني معك؟؟؟...ليش ماتقوميني؟؟؟..
دايم الآنسه على بالها إنها قاعده لحالها ....
شذى:خفت اقومك ازعجك...هذي كل السالفه...مو مسألة إني قاعده لحالي...
تركي:ما أدري عنك...تنامين قبلي(انحرجت شذى لمن قال كذا)تقعدين قبلي...ترى ما احب اكون كذا...مالي داعي...
شذى وهي فاتحه عيونها:من قال إنه مالك داعي؟؟؟؟...
تركي:إنتي بتصرفاتك...المهم مره ثانيه إذا قمتي قبلي..قوميني معك زين؟؟؟....
شذى وهي لاويه بوزها:إنشالله...
تركي وهو يناظرها:كأن كلامي مو عاجبك؟؟؟؟....
شذى:المسألة مو كذا....المسأله ما احب احد يتأمر علي...
تركي:انا ما تأمرت...انا قاعد اقولك إن إحنا بشهر عسل وتونا متزوجين يعني ماله داعي إنك تصيرين لوحدك...عمرك شفتي شهر عسل واحد لحاله؟؟؟...
شذى:لأ.....
تركي:أوكيه خلاص....بس لايكون أفطرتي بعد؟؟؟
شذى:لا باقي ما افطرت....
تركي وهو يناظر الساعه اللي كانت تسعه ونص...:اقول شذى يله امشي خلينا نطلع نفطر برى...
شذى:طيب...بس توني مكلمه ابوي ويسلم عليك...
تركي:الله يسلمه....
دخل تركي عشان يغير ملابسه...وقعدت شذى تفكر من جد يقهر...يتأمر علي على باله ابوي على غفله...مايصير كذا...انا لازم اكلمه إنه لا يتكلم معي مره ثانيه بهالطريقه...
وقعدت تحاسب نفسها وتلوم عمرها(يا ربي أنا ليش مارديت عليه...كذا انا طالعه سلبيه... هو لمن يشوفني سلبيه كذا رح يزيد فيها...انا غبيه كان زعلت وسويت فيها قضيه عشان يتأدب ولا عاد يعيدها....خلاص انا هالمره بعديها...بس إذا سواها مره ثانيه...والله لأسوي من الحبه قبه...عشان يعرف إني ماني سهله)...
ولمن شافت تركي طالع وهو لابس دخلت وأخذت تدور لها لبس تلبسه يكون حلو ومحتشم بنفس الوقت...

بالأخير قررت تلبس تنورة طويله لونها بحري مع قميص أبيض...وإيشارب ملون بدرجات البحري مربوط حول عنقها بطريقه شوي مهمله وحجاب أبيض مطرز من على الأطراف ببحري...كان شكلها مره حلو...ولمن دخل عليها تركي وشافها قعد يناظرها من فوق إلى تحت...
ولمن شافته يناظرها كذا قالت:وش رايك ؟؟؟؟....
تركي يستعبط بس مسوي فيها جديه:رايي شكلك عادي...
شذى ناظرته بنظره حاولت تبان فيها طبيعيه...بس كانت من داخل تغلي وتفور...وبان هالشي عليها...بعدها لفت على التسريحه وكان بيدها كحل تبي تحط لها....
وماحست إلا بتركي واقف وراها وحاط يده على كتفها ويقولها:أمزح...والله إنك قمر...
(وسحب الكحل من يدها) والكحل مو ضروري تحطينه...كذا إنتي حلوة...وبعدين ما أبي الناس يشوفون حرمتي متكشخه،اموت من الغيره انا لو اشوف احد بس يناظرك...الجمال والكحل والخرابيط...خليها لمن اكون انا وإنتي لوحدنا بس....
هنا شذى ماقدرت تحبس ظحكتها...ضحكت لمن عرفت إن تركي لهالدرجه غيور...
تركي:يالله مشينا خلينا نلحق الوقت...
شذى:يالله هذا انا خلصت...
وأخذت شنطتها وطلعت هي وإياه....

تابع الجز الخامس.....

من اول ماهم نازلين...ويد تركي ماتفارق يد شذى...ونزلوا ودخلوا مطعم...وقعدوا يفطرون فيه...شذى من أول ماقعدت وتحس عيون تركي رافضه تفارقها في البدايه حاولت تنطش وما كأنها لاحظت هالشي...بس ماقدرت تستحمل خاصه إنها ماتحب احد يناظر فيها ...أما هو تركي اول مره يتأملها كذا...كان هو سرحان فيها يحس إنها بريئه...ومره مملوحه...قعد يتأمل هالإنسانه اللي رح تكون شريكة حياته وأم عياله...
شذى وقفت عن الأكل وناظرت تركي وقالت بحيا:تركي شيل عيونك عني...انا ما احب احد يناظرني كذا...
تركي وهو يحط يده على خده:ليه ماتبيني اناظرك حرام؟؟؟...أنا قعد أتامل الجمال اللي خلقه الله...
شذى ماتت من الحيا(بسرعه تستحي):بس إنت تربكني كذا؟؟؟...انا استحي ما احب احد يطالعني ويتأمل فيني كذا؟؟؟....
تركي(يستعبط):مشكلتي إني ما اقدر اشيل عيوني...
شذى:ليه قالوا لك مغناطيس انا؟؟؟...
قعد تركي يضحك عليها:هههههههه حلوة مغناطيس...
شذى تبتسم:أنا ادري عنك...
وتجي النادله حقت المطعم معها الفاتورة...وتعطيها تركي...كان تركي يبي يحر شذى...
قعد يطالع بالنادله الشقراء واللي كانت لابسه قصيير لحد نص الفخذ...وأعطها الفلوس وتم يسولف معها شوي ضحك لها...وعاد هذي النادلة ماصدقت تركي يعطيها وجه...وتمت تتظحك في وجهه ساعه...وأعطاها تركي بخشيش...وقبل ماتروح سلمت عليه مصافحه وراحت.....وشذى مثل الاطرش بالزفه...ماعرفت ولا كلمه...طبعا كانت منقهره ومبققه عيونها على الآخر...من جد مايستحي هالرجال...عروسته جنبه ويطالع بالشقرا الماصخه.. وبعدها لف تركي على شذى وقام وقال لها:يالله حبيبتي...قومي نطلع من المطعم نتمشى...
شذى:نتمشى هاه؟؟؟...إنت ماتستحي تطالع بهالحرمه كذا قدامي...وأنا قاعده قبالك..على الأقل احترم وجودي....
تركي ببراءه :أنا وش سويت ليه معصبه كذا؟؟؟؟....
شذى معصبه:تركي لا تصير كذا ما كأنك داري باللي صار...ترى عيب اللي سويته قبل شوي...
تركي:ليش تزعلين؟؟؟...عادي قاعد اناظرها المره حلوه...
شذى بقهر:حلوه؟؟...إلا وع خايسه تحوم الكبد...شهباء استغفر الله كأنها مريضه...
تركي مات من الضحك لمن قالت له شذى كذا...عرف إن الغيره اشتغلت...قالها تركي ببرود:والله مرتي ماتبيني اطالعها...بعد مايصير تحرمني من إني اناظر بعد غيرها...
شذى بخجل:من يقول إن مرتك ما تبيك تناظرها؟؟؟...
تركي مسوي بريء:هي....
شذى:يعني؟؟؟....
تركي:يعني من جدك شذى وش اسوي لها إن ناظرتها قالت ما احب احد يناظرني...وإن ناظرت غيرها...قالت لا تناظر...يعني بالله إيش أسوي مايصير امتع نفسي بالجمال؟؟؟...
شذى بخجل:لأ...مرتك تقول ناظرها ولا تناظر غيرها...لأنها بتموت مكانها...
تركي بابتسامه:الله كل هذي غيره فيها؟؟؟....
شذى:تقول مثل زوجها بعد هو غيور....
تركي:قولي لها أجل إن زوجها مايحب البنات اللي يستحون...يحب وحده جريئة معه...
شذى بتحدي:بس حلاة البنت حياها...
تركي وهو يسحبها مع يدها يقومها ويمشي هو وإياها:حياها مع زوجها الزايد يخرب عليها
قولي لها تركي يقولك خففي حياك عاد تراه بيطفش زوجك عنك...
شذى بابتسامه: أحاول...
تركي وهو يحط عيونه بعيونها:يسلم والله لي هالعيون...
ماقدرت ترد شذى عليه غير إنها تلف تناظر قدام...والضحكه شاقتها شق....
بالظهر كانت مها مرة خالد ببيت ابو محمد...تبي تقعد مع ام محمد اللي عرفت منها الليله الماضيه كيف إنها ماتطيق البيت بعد شذى...مها كانت تدري إن مريم ماهي قريبه من ام محمد عشان تواسيها وتخفف عليها.....
مها و ام محمد واقفين بالمطبخ يحظرون الغداء لهم...
مها:اقول خالتي وين مريم من جيت ماشفتها؟؟؟...
ام محمد:والله ما أدري عنها يا مها من قمت الصبح ماشفتها...
مها:ليه...طيب وين بناتها؟؟؟...
ام محمد:من أمس عند اهلها...والله إني مشتاقه لهم...من بعدهم هم وشذى البيت ماعاد ينطاق يا بنتي...
مها بخاطرها(من جد ياسخفك يا مريم،هذي حركه تسوينها بخالتي...قلنا عليك حركات... بس هذا مب وقته...لحركاتك)...
مها تبتسم:الله يا خالتي...الصراحه لو تجين تقعدين عندنا كم يوم...صدقينا بنفرح ونتشرف بوجودك...على الأقل تغيرين الجو شوي عليك دامك مكتئبه من جو البيت...
ام محمد بابتسامه:الله يخليك يا مها إنشالله ويرزقك من عنده...بس تدرين البيت هذا كله قايم على راسي وما اقدر اخليه لحظه...
مها:طيب مريم بدالك تمسكه هاليومين...وكل عصريه روحي شوفي البيت وارجعي مره ثانيه ترا الجدار بالجدار يا خاله...
ام محمد:أدري...بس ابو محمد وسعود مارح يخلوني...وانا نفسي بعد ماتطاوعني اترك بيتي...
مها:حتى بيتنا يا خالتي بيتك...ولا قولي إنك ماتبين تجينا؟؟؟....
ام محمد:بالعكس الله العالم إني احب ازوركم...وأرتاح في بيتكم...ومثل ما قلتي الجدار بالجدار ومارح يردني شي بإذن الله إذا بغيت ازوركم....
مها وهي تناظر ام محمد:على راحتك يا خاله مارح اظغط عليك...بس كنت أبي أغير الجو عليك شوي دامك مضايقه...
ام محمد:الله يكتبه في ميزان حسناتك...,ادري عن نيتك وعن طيبة قلبك...بس يا مها خلينا نعجل شوي بالغداء...حتى لا يعصب علينا ابو محمد....
مها:إنشالله...بس بسألك يا خالتي دقت شذى عليكم من تزوجت؟؟؟...
ام محمد بحسره:إيه دقت اليوم الصباح بس القهر إني كنت نايمه؟....لو دريت إنها بتدق ماكان نمت...
مها:زين كان دقيتي عليها لمن قمتي؟؟؟...
ام محمد:قلت لأبو محمد يدق...بس رفض وقال لي لاتزعجينها البنت توها متزوجه خليها تفضى لرجلها شوي...هي مهوب ناقصه دموعك...
مها بابتسامه:وهو صادق يا خالتي...شذى توها عروس خليها تستانس شوي...
ام محمد بحب:بس اشتقت لها موت يا مها أحس إن لي سنه ماشفتها....
مها:ماعليك...هي بتدق عليك اكيد هي مشتاقتلك بعد...ولا تنسين يا خالتي هذي هي سنة الحياة ....أكيد امهاتنا اشتاقوا لنا لمن تزوجنا....وماودهم إننا نترك البيت...بس إيش يسوون الفطره كذا....
أم محمد:وأنتي صادقه...هذي هي الحياة...
مها:يا ام حمد خلينا نعجل بالغداء على قولتك لعمي...عاد لو يعصب ما ادري إيش يسوي فينا....
ام محمد بابتسامه:إي والله وإنتي الصادقه...عاد الشيبان ما يتحملون احد يتأخر عليهم بالغداء...

تابع الجزء الخامس.....

كان يخطف النظر... يناظر فيها من لحظه للحظه...بدون ماتنتبه...أو تنتبه...ماكانت تسوي شي غير إنها تضحك...بعد ماطلعوا من المطعم...راحوا يتمشون في شارع فرانسوا...وبعدها طلعوا على شارع افينو مونتين...كانت هذي الشوارع مليانه بأرقى دور الأزياء والماركات العالميه... كانت بجد روعه...خاصه المشي فيها على الأقدام...دخل تركي وشذى محل روبرتو كفالي... اللي كان مره عاجب شذى...أكثر من غيره...وشافت فيه فستان قصير سواريه لونه أورانج مطبوعه فيه زهور بيضا...لاحظ تركي إنه عاجبها...
تركي:عاجبك؟؟؟...
شذى وهي رايحه من عند الفستان:حلو...كل اللي هنا معروض حلو...
شذى لمن شافت الفستان عجبها بغت تشتريه...بس كان شوي حامض من ناحية السعر...والفلوس اللي معها ماتكفي...
سحبها تركي من يدها وقال لها:أتوقع إنه راح يطلع عليك روعه خاصه....
وما إنتظر ردها...ونادى العامل اللي بالمحل...وأخذ يطلع من نفس الفستان على مقاس شذى...
شذى استحت منه...إنه يشتري لها من أول يوم بالسفر وماتبي تثقل عليه...
شذى بهمس لتركي :تركي ماله داعي تشتريه...خلاص خلنا نطلع...
تركي وهو يناظرها:ليه ماله داعي؟؟؟....الفستان شكله بيطلع عليك مره حلو...
شذى انحرجت من كلامه....قالت له:خلاص بعدين نرجع ناخذه خلنا نطلع...
طنشها تركي...وراح للكاشير وحاسب على الفستان...طلعت شذى من المحل ووقفت برا غند المحل تنتظره يطلع...كانت مره متفشله...شذى بخاطرها(ألحين إيش رح يقول عني... أكيد بيقول استغلاليه...ياربي والله فشله...عاد المصيبه الفستان غالي...وانا من البدايه ماتحملت على طول رحت أبي اشتري...مالت علي زين؟..)...
ولمن طلع تركي من المحل وشاف شذى قدامه ناظرها بابتسامه...وقال لها:لبس العافيه إنشالله...
شذى بخجل:مشكور...بس لايكون كلفت عليك...
تركي:تعبك راحه حبيبتي..
شذى هنا لفت على الجهه ثانيه...فخاطرها(من جد احراج)...
تركي:وين تبينا نروح ألحين؟؟؟...
شذى:ما أدري....انا ما أعرف شي هنا...
تركي:وش رايك نروح الشانزاليزيه؟؟؟..
شذى:براحتك...
تركي:نروح نتغدى هناك...ونتمشى العالم هناك شي ثاني...
شذى: كيفك....
تركي:الناس هناك من كل مكان بالعالم...وتلقين هناك مشاهير...أذكر مره من زمان شفنا الفنانه الإيطاليه صوفيل لورين انا واخوياي...
شذى وهي تناظره: رحتوا زين تسلمون عليها؟؟؟...
تركي هنا قعد يضحك...عرف إنها غيوره...طبعا مثله...قال لها:ارتاحي ماسلمنا عليها...بس لمحناها من بعيد...
شذى براحة بال:أشوى....
تركي وهو يناظرها: هي عجوز...من إيش تغارين؟؟؟...
شذى باستغراب تحاول تتصنعه:و مين قال لك إني بغار؟؟؟؟؟....
تركي:على العموم......إمشي خلينا ناخذ تاكسي عشان نروح....

*
*
*
وبعد ما تغدوا...وطلعوا يمشون بالشانزاليزيه...كانت شذى مبهوره بالعالم حولها الناس من كل مكان...عرب غرب...من شرق آسيا...من أفريقيا...من كل مكان...كان شي غير عن المناظر اللي متعوده عليها...المكان عجبها حيل...كان روعه والحياه فيه ماشيه والحركه مزدحمه...تركي أخذ شذى....ودخلو محل سيفورا الشهير هناك بالعطور...شذى ما كانت تبي تكلف عليه...ماشرت شي حول فيها رفضت...أما هو فراح شرى لها كذا مجموعة عطور(أطقم)
حلوه مدحها له الخبير هناك...
وهم طالعين...شذى بعتب:تركي ليه؟؟؟....أنا قلت لك مهوب لازم...
تركي: هو صح مهوب لازم...بس نفسي أشتري لك......
شذى بابتسامه:بس أنا قلت لك ماله داعي تكلف على عمرك....
تركي:لا تخافين مافيها كلفه...وإذا فيها كلفه لك فأنتي تستاهلين...إحنا كم شذى عندنا...
شذى بحيا:لا عاد تقول كذا...
تركي باستغراب:ليه؟؟؟...
شذى : ما أحب المدح...
تركي:أول مره اشوف مره ماتحب المدح؟؟؟....بس زين قلتي لي...
شذى بنظرة استفسار:ليه؟؟؟...
تركي بابتسامه كلها غرور: عشان أطيح فيك مدح...عاد أنا أستانس لمن اشوف وحده منحرجه...
شذى:يعني هذي متعه عندك؟؟؟؟....
تركي بتفكير:هو تقريبا كذا.....بس هي هوايه أكثر...
شذى ناظرته بضحكه ممزوجه بعتب...وعقدت حواجبها...بعد كذا دفته ومشت...أما هو ضحك وبعد كذا لحقها...

وبعد ما أخذوا وقتهم بالشانزاليزيه...راحوا لساحة شارل ديغول الموجود فيها قوس النصر اللي يضم منحوتات جنااااااان...تمشوا هناك...وبعدها دخلوا لقوس النصر وتفرجوا بالمتحف الموجود داخله...وبعدها طلعوا للسطح فوقه مثل المطل....كان مره حلو تشوف من هناك الشانزاليزيه كلها...والكونكورد....تشوف بعد حدائق التويلري اللي وراها....أما لمن طلوا من الجهه الثانيه فشافوا لاديفانص....
شذى بانبهار وهي تطالع:واااااااااو يا تركي المنظر مره يجنن...
تركي:إيه صح....لمن تشوفين المناظر من فوق بتعجبك...
شذى:ناظر.........الشانزاليزيه تشوفها كلها من هنا...
تركي هنا قرب من شذى...وخطرت بباله فكره شيطانيه...وقالها: ناظري هناك...المنظر مره حلو...
وشذى هي تناظر المحل اللي يأشره لها تركي...وما حست إلا بتركي يبوسها على خدها...
هي هنا ما استوعبت السالفه...وبعدها لفت وهي منحرجه...أما تركي فضحك لمن شاف إحراجها...
شذى باحرااااج:ليه؟؟؟...
تركي يستعبط عليها:وشو ليه؟؟؟...
شذى وهي منحرجه:عاد مو قدام الناس والعالم؟؟؟...
تركي يقرب منها ويقول لها بهس:ترى هنا عادي...بالعكس يحبون هالحركات...
شذى:بس انا ما أحب كذا قدام العالم....والله فشله...
قالها وهم نازلين:لا مو فشيله يا بنت الناس عادي.....
ونزلو....وراحوا بعدها على منطقة الأوبرا...
دخلوا هناك أوبرا غارنييه اللي كانت مره فخمه وكبيره...اعجبهم فيها الطراز الأوروبي المبني عليه هناك....تركي قد راح باريس كذا مره...بس هذي اول مره يجي للأوبرا اللي كانت حيل حلوه....ولمن جا وقت المغرب...
راحوا لمطعم لو قراند....اللي كان عجيب من ناحية طعم الأكل(انصحكم فيه)...
ولمن خلصوا العشا...
طلعوا على اللوفر.......المتحف العالمي اللي يضم الموناليزا...ومنحوتات و لوح...وتحف تاريخيه...وممتلكات الملوك...وفيه بعد الجناح الإسلامي....اللي موجود بقسم(ريشليو) لأن اللوفر مقسم للثلاث أقسام هي(ريشيلو,دونو،سوللي)....
طلعوا منه وشذى عاجبها المتحف اللي ما تفرجوا فيه كله لأنه مره كبييييير...بس راحوا بعض الأجنحه والأقسام المهمه....وراحوا يشوفون الأشياء اللي يبون يشوفونها...وطلعوا منه على الساعه السابعه مساءً.....
وطلعوا بعدها على طول على الفندق....لأنهم حاسين بالتعب...
شذى:تركي...مابقى مكان مارحنا له...
تركي:لا حبيبتي...باقي أشياء كثيره مارحنا لها...مثل إيفل...الكونكورد...حدائق التويلري..نوتردام...لاديفانص...غابات بولونيا و فانسن....وفرساي.....ملاهي ديزني... وسوق قاليري لافاييت...عجيب هالسوق...إنشالله أوديك له...(وناظر شذى وقعد يستهبل عليها)وباقي بعد مارحنا اهم مكان....
شذى باستغراب:وشو؟؟؟....
تركي:باقي مارحنا الليدو؟؟؟....
شذى وهي تناظره بتساؤل:وشو الليدو؟؟؟.....(مسكينه ماتعرف)...
تركي متحمس:هذا الله يسلمك...ملهى مرقص...رهيب يجونك البنات فيه ما أدري من وين جايين ...
شذى تناظره بقهر....يزيد فيها:ياهم حلوات...مزايين...اللواحد هناك يروح...ويخق عندهم...
شذى ناظرته بقهر بقهر وقالت له:الحمدلله والشكر...من جد مشفوح...منت شايف بنات من قبل...
تركي مسوي بريء:إلا....بس هم غير....
شذى مقهوره:غير بعينك...إذا إنت لهالدرجه معجب بهالمشافيط الماصخات روح لهم...
تركي:وأخليك؟؟؟....
شذى من دون ما طالع:قلعتك....
تركي مات ضحك عليها عجيبه....من جد تغار...ومن جد تصدق...
مشت عنه وخلته...
تركي وهو يلحقها...ولمن وصل عندها مسكها من على خصرها...فكت يده...رجع مسكها مره ثانيه.....لاحظ زعلها قال لها:من جد شوشو زعلتي؟؟؟...والله امزح انا قدر على زعلك...
شذى وقفت:لحظه؟....مين شوشو؟؟؟...
تركي:إنتي....
شذى:وع لا تقول لي شوشو...خير مو حلو....أحس كذا كأني رقاصه مصريه...
تركي وهو يضحك على كلامها:هههههههه يعني لا أناديك بشوشو؟؟...
شذى:لأ...الله يخليك.... من جد مو حلو....

ومشى هو وياها فتره بسيطه...وبعدها استقلوا تاكسي لفندق جورج الخامس....

تابع الجزء الخامس.....

كانت ام بندر وأبو بندر قاعدين يسولفون بالصاله حقت السويت اللي هم ماخذينه بالفندق بالشرقيه كعادة ابو بندر ما يحب يقعد في بيت احد...
أبو بندر:أقول يا بندر...مالك نيه نرجع الرياض؟؟؟....
أم بندر:تو الناس...مالنا أربعة أيام هنا...
أبو بندر:أدري...بس ورانا شغل وأعمال....
أم بندر بضيق:بس يابو بندر إحنا صيف مايصير...لنا نقعد شوي...
أبو بندر:يامره وش فيك؟...أقولك عندي شغل تقولين صيف تدرين شغلنا طول السنه مايوقف...ماله دخل صيف شتا...
أم بندر:بس أنا وعدت بشاير إن إحنا بناخذ لنا شاليه هنا مدة اسبوع...
ابو بندر:مشالله على كيفك توعدين البنت؟؟؟...أقول بلا كلام زايد ترى بكره رحلتنا للرياض فاهمه..وقولي لبشاير خليها تستعد بلا شاليه بلا كلام فاضي...
أم بندر:حرام عليك...البنت نفسها ناخذ شاليه على البحر...ودها بالبحر...
أبو بندر:حرام علي؟؟؟...أقول خليها تمشي أنا قاعد هنا على أعصابي ...الشغل موقف بالرياض...وانا والعيال كلنا هنا....
ام بندر:زين أرسل بندر يروح يكمل الشغل عنكم...وإنت وإحنا معك نقعد هنا أسبوع...
أبو بندر:لا قلبي مارح يرتاح...لازم اكون هناك أنا بعد....
ام بندر:بس بندر رجال كبير إيش طوله...ليه ماينفع...
أبو بندر:ينفع بندر ما قلنا شي...بس هو عضو في مجلس الإدارة...وأنا الرئيس...يعني خلينا نروح كلنا أحسن...
أم بندر وماعاد عندها شي تقوله:إنشالله...
ابو بندر:وبشاير مشالله عليها ما كأن عندها اهل البنت على راحتها...
أم بندر:عادي عند خالتها...ومافيها شي إذا قعدت عندها...
ابو بندر:زين قولي لها خل تستعد...ولا تجيني توجع راسي بالحنه تراني مهوب ناقصها...
أم بندر:إنشالله.....

****



أول ما وصلوا أخذت لها شذى ملابس ودخلت تاخذ لها شاور من التعب ومشاوير اليوم...
وقعد تركي ينتظرها لمن تطلع....
وبعد ماطلعت لقاها تركي وقالها:حمام الهنا إنشالله....
استحت وقالت له:الهنا لك إنشالله...
ولمن دخل تذكر...لا تنام هذي وتخليه(ينتظرها من زمان)...
طلع لها وقالها:لا تنامين قبلي طيب.......
شذى بخجل هزت راسها بالإيجاب من دون ماتجاوب...
ولمن دخل....قعدت تفكر((ياربي والله إحراج......ما أقدر اقعد صاحيه مستحيه موووت...لأنها لو قعدت صاحيه تنتظره تدري إيش رح يصير.......زوتدري إيش يبي تركي..... وهي لو قعدت صاحيه بتصيح من الحيا......فقررت بعد تفكير ومد وجزر....إنها تنام قبل لا يطلع...
تدري إنه بيعصب...بس والله مارح تقدر على الموقف إحرااااااج))...
وبسرعه دخلت الفراش تنام قبل لا يطلع...
ولمن طلع وشافها وهو واثق 100% إنها صاحيه....بس إنصدم لمن شافها نايمه...
قال تركي:ياربي مع هالبنت....وش أسوي؟؟....بس مردك لي شذى...



*****

وقت العشا...
كان محمد بغرفته يلبس يبي يطلع..معزوم عند واحد من أخوياه...
محمد:يالله مريم..تآمرين على شي؟؟؟...
مريم:لا أبد سلامتك...بس لا تتأخر...
محمد:خير إنشالله..
وكان محمد على وشك الخروج من الغرفه إلا تذكر ورجع لمريم...
مريم:وش فيك رجعت؟؟؟...
محمد:تذكرت بغيت أقولك ليش ماتنزلين تقعدين مع إمي شوي من بعد العرس ماعاد شفتك تقعدين معها؟؟؟....
مريم تتعذر:مافيه وقت...وبعدين ماجات فرصه كله مطيحه هي ببيت خالد...
محمد:اليوم شفتها قاعده لوحدها...مايصير يا مريم تخلين أمي كذا لوحدها...عيب عليك...
مريم:طيب محمد لا تزعل...خلاص بروح اقعد معها...
محمد وهو يخز النظر فيها:ولا تقولين لها شي يضايقها أو يزعلها...
مريم:ليه تقولي كذا؟؟؟....أنا ما عمري سويت شي يضايقها...
محمد:لااااا مبين ماسويتي شي يضايقها...وبعدين ليش الإعتزال هنا لوحدك بالغرفه؟؟؟...
مريم:زي ما إنت حضرتك معتزل على قولتك...
سكت محمد وماعرف إيش يرد عليها...بس قالها:أنا مالك دخل فيني....
وبعدها طلع من الغرفه...قعدت مريم تفكر(حلوه ذي يبيني أنزل اقعد مع امه...وهو يهزأ عشان كذا...وهو بحضرة جنابه مالنا دخل فيه...لأ يا محمد أنت غلطان ولي دخل فيك)...

وبعدها نزل محمد وهو طالع إلتقى مع أخوه سعود عند الباب الخارجي للبيت...سعود كان داخل...ومحمد طالع...
سعود بابتسامه وهو يدخل مفاتيح السيارة بجيبه:هلا والله بأبو ريم؟؟؟...
محمد:هلا فيك...
سعود:وش ذي الدنيا...ببيت واحد ومانلتقي إلا بصدفه...مايصير يامحمد...ماصرت تقعد معنا هاليومين وش الطاري؟؟؟...
محمد:الدنيا يا سعود...وبعدين حتى إنت لا عاد تنشاف ولا تنسمع...
سعود وهو يرفع حاجب وينزل حاجب:هذا من كثر ما تسأل عني...
محمد:حصل خير...

سعود عرف إن محمد مستعجل يبي يطلع:أبوك يا التصريف...ياللا أجل مع السلامه...
محمد يضحك:هههههههه لا والله مو قصدي تصريفه...بس مستعجل...
سعود:خلاص لا تحاول ترقعها...
محمد يضحك:وش ارقع؟؟؟....انت مهبول قالوا لك خياط؟؟؟....
سعود:ما اقدر أرد عليك... اخوي الكبير....
محمد:أجل يالله في امان الله....
سعود:باااااااااااااااااي....
ويطلع محمد...أما سعود فكان دااايخ ويدور الفراش مانام زين اليوم اللي قبله...

تابع الجزء الخامس.....

طبعا بشاير كانت مطيحه في بيت عبير خالتها...وبهذي السهره كانت فاطمه وبنتها نوف سهرانين عند عبير بعد...
كانت السهره مره حلوه...خاصه إن فاطمه لمن تبعد عن عايشه تخف حركاتها شوي بس ابو طبيع ما يجوز عن طبعه...
بشاير وهي متربعه فوق الكنب:الله لا يوريكم الطلعه اللي طلعتها مع متعب تضيق الصدر..
فاطمه بابتسامه:ليه هو إيش سوى؟؟؟...
بشاير وهي تأشر بيدها:قولي من هو الخبل اللي يطلع معه هو وبنته ومرته...حشى ضبان ما يبون ينزلون من السيارة ومصكرين نوافذ السيارة عليهم...وماسكينها خط على الكورنيش رايحين جايين...رايحيين جايين...طفشوني الله يطفشهم...والمشكله إنهم مستانسين كذا...أبد والله لو إنهم على شواطئ البرازيل...
عبير وهي تضحك:ههههههه طيب ليش؟؟؟....
بشاير تقلد سارا:يقولون رطوبه ما يتحملون...
عبير:يااااااااااااااي ياللي مايتحملون...عادي هذا إحنا متحملينها كل سنه ماقلنا شي...
بشاير وهي تضحك:يقولون إنكم كائنات برمائيه...يعني متعودين....
الكل ضحك إلا عبير...
عبير وهي متخصره:لا ياعيوني مب إحنا الكائنات البرمائيه...هذا لأنكم ضبان ماتحملون الماي...
بشاير وهي تضحك:هههههههه ليش عصبتي وبعدين هذا كلامهم مهوب كلامي...أدري إنهم ضبان...بس مره ثانيه لا تجمعيني معهم....
فاطمه:طيب ليش ما رحتوا مجمعات تجاريه...مطاعم...ملاهي مغلقه شي كذا مادام ماتبون الرطوبه...
بشاير بقلة حيله:قلت لهم....بس يقولون زهقوا منها بالرياض...وهنا يبون شي جديد...يعني يبون البحر...
نوف وهي رافعه حواجبها تبي تقهر بشاير:أحسن هذي حوبتي...
بشاير:اها عشان كذا خربت الطلعه...عينك فيها...
فاطمه:اسم الله على بنتي...بنتي عينها بارده...
عبير وهي تضحك:فاتك امس يا بشاير نص عمرك...
بشاير بحماس:ليه؟؟؟....
عبير وهي تضحك:أمك وعمتك حصه قعدوا يتهاوشون عندي أمس ولا قدرنا نسكتهم...
نوف تضحك:ههههههههههه هوشة عجايز على مستوى....خطيره...
بشاير معصبه:هيه إنتي ترا ما أسمحلك تقولين عن أمي عجوز...أمك هي اللي عجوز..
فاطمه ماعلقت بشي غير بابتسامه لأن امها هي وبشاير وحده...ماتقدر ترد....
عبير:خليني اكملك السالفه هم يتهاوشون وإحنا فاقعين ضحك عليهم...بس ما قعدنا ربع ساعه إلا رجعوا عادي مثل أول....
بشاير وهي تضحك:أصلا هم دايم كذا....لا تهتمين...
فاطمه:أقول عبير....ماودك تعشينا؟؟؟.....
بشاير تكذب:لا حبيبتي...هنا في هالبيت لازم تتعودين على الجوع...بخل والعياذ بالله...
عبير وهي فاتحه عيونها على الآخر:بخل في عينك يا الكذابه...بس يا فاطمه العشى طلبته من المطعم وللحين ماجاء...
بشاير:وش رح تجيبين لنا يا حسره...أكيد فول وتميس...
الكل ضحك لمن قالت بشاير كذا....استحقرتها عبير وقالت لفاطمه:مأكولات بحريه طلبت ...والفول خليه بلعض الناس...شكلهم ما يأكلون ضيوفهم إلا هو...
بشاير بجديه تتكلم:بس انا ما أحب المأكولات البحريه...
عبير:من جد فقر....لا تخافين طلبت لك دجاج...بس يكون في علمك المأكولات البحريه أغلى شي....
نوف بفرح:الصرااااحه انا اموت على المأكولات البحريه....

*****
بالصباح الباريسي...والشمس الفرنسيه المشرقه هناك على مدينة الجمال والعطور والحب...
قامت شذى على الساعه ثمان الصباح...طبعا تركي باقي ماقام....
قامت وصلت الفجر...مع إنها متاخره بالصلاه بس ماقمت على وقتها....
قعدت تفكر....تقوم تركي ولا لأ؟؟؟....
أكيد لو ما قومته بيحذفها من الدريشه من كثر ماهو معصب عليها...
بالأخير قومته....وعرفت مابيصير شي الصبح؟...
شذى تقومه بهدوء:تركي....تركي قوم...خلاص الشمس طلعت(حست إنها سخيفه.وشو الشمس طلعت؟؟وراه مدرسه هو؟؟)...
قام تركي بسرعه(نومه خفيف)....ولمن شاف شذى استغرب تقومه(ترقع سالفة أمس)...
شذى بابتسامه:صباح الورد...
تركي:صباح السكر....غريبه إيش عندك مقومتني الصباح؟؟؟....
شذى:أبد ما فيه شي....بس إنت قوم صل الفجر...
تركي وهو يحط يده هلى راسه:أوووه راحت علي نومه....
شذى وهي رايحه للصاله:قوم صل.....وتعال إفطر...أنا طالبه لنا فطور...
تركي وهو يقوم من على السرير:ماتبين نطلع نفطر؟؟؟؟....
شذى:لأ مهوب لازم........نفطر هنا بعدين نطلع.....
تركي: براحتك.....

تابع الجزء الخامس.....

عايشه كانت قاعده تجهز أغراضهم عشان بيرجعون للرياض هي وبندر وعيالها الأولاد الإثنين واللي ماعندها غيرهم فارس 18 سنه وفواز14 سنه...
فارس كان طالع مع عمه متعب...أما فواز قاعد مع أمه...
فواز:يمه خلينا نقعد شوي بعد هنا بالشرقيه...
عايشه:لأ خلاص ما نقدر جدك يقول لازم نرجع للرياض...عشان عندهم شغل...
فواز بتأفف:اوفففففففف دايم شغل مايصير يعني مارح نسافر هالسنه؟؟؟...
عايشه بابتسامه:لأ... رح نسافر... بس مهوب ألحين...بنروح بعد شهر تقريبا أسبانيا...
فواز:أسبانيا....بس قد رحنا لها من زمان...خلينا نغير...
عايشه:كيفكم وين تبون تروحون انا معكم...
فواز:طيب بنسافر كلنا قروب....ولا لوحدنا...
عايشه:ما أدري والله أبوك قال هالسنه يمكن لوحدنا...
...:لأ هالسنه كلنا بنروح قروب واحد...
عايشه اخترعت لمن سمعت الصوت ولفت وراها على طول...
عايشه:بسم الله...بندر متى دخلت؟؟؟....
بندر:توني هاللحين....
فواز:صدق يباه بنسافر قروب مع اعمامي؟؟؟....
بندر:إيه....وبنروح يمكن أسبانيا وبعدها مصر...
فواز مستانس:الله وناسه....
بندر:جهزي الأغراض بسرعه يا عايشه رحلتنا بعد صلاة العشا...
عايشه:إنشالله....بس كلنا رحله وحده...ولا إحنا لوحدنا...
بندر:لأ إحنا وامي وابوي وبشاير وعمتي حصه برحله وحده...أما متعب ومرته بيلحقونا بكره...





طلعوا تركي وشذى...على الساعه عشره الصباح....
كان لابس تركي بنطلون زيتي مع قميص بيج ...كان شكله جرح مره حلو...
أما شذى فكانت لابسه تنوره لونها عنابي مع بلوزه سوداء مره ضيقه...فوقها جاكيت طقم مع التنورة لونه عنابي يربط بشريطه من على الخصر...ولبست شيله سوداء...شكلها كان حلو وطبعا مثل اليوم اللي قبله ماحطت مكياج....

كانت مستانسه مره...وتركي بعد مستانس لمن يشوف شذى كذا سعيده...
أول شي طلعوا على سوق(القاليري لافاييت) اللي كان متكون من سبع طوابق كان سوق روعه مررره حلو....تمشوا فيه وقعدوا للساعه وحده الظهر...كان تركي يرفع ظغط شذى كل شوي يقط كلام عليها وهي مره مستحيه...مره ترد....و مره تنطش...مره تزعل.... ومره تضحك (هبل فيها)...
بعدها راحوا مثل المسجد الصغير كان شوي بعيد عن المركز...صلوا فيه الظهر...وبعدها طلعوا يتغدون...أختار تركي مطعم (مكسيم) يتغدون فيه...هو صدق غالي...بس أكلهم لذيذ...
ولمن راحوا يتغدون...كان شذى مالها نفس تاكل...ودها تدق على أمها تكلمها...
وهم على الأكل...لاحظ تركي إن شذى ماتاكل...
تركي:شذى...وش فيك ماتاكلين؟؟؟....لا يكون زعلانه عشان يوم إحنا بالسوق...
شذى:لا بس ودي أكلم أمي...(وبعدين تذكرت) بليز تركي مره ثانيه لا تحرجني كذا والله أستحي أتفشل...أنحرج...ما أحب...شوف لمن كنا نمشي الناس كانت كل شوي تناظر فينا...
تركي بثقه: مهوب مصدقين إن تركي بينهم...وعندهم هنا...مساكين خليهم يفرحون..
شذى وهي تضحك:ترى مشكلة الثقه الزايده....
تركي:أنا ماتعني لي مشكله...... يمكن إنتي تعانين لأنك فاقده الثقه...
شذى بغرور:أنا فاقده الثقه؟؟؟...... لا ارتاح يا قلبي أنا واثقه...وبزياده بعد....
تركي وهو يناظرها بفرح: عيدي اللي قلتيه...
شذى من غير ماتهتم: أقولك أنا واثقه....وبزياده...
تركي وهو كأنه مهوب مصدق: مو كأنك قلتي لي يا قلبي؟؟؟....ولا أنا غلطان...أو اتوهم...
شذى انحرجت من تركي:إنت لا تصدق...ترى خطأ مطبعي...
تركي:إنت ليه كذا مهوب رومانسيه؟؟؟.... شوفي أنا يا حليلي اللي ما كنت أعرف شي بالرومانسيه...ألحين صاير شي...
شذى تناظره بنص عين: إنت ألحين رومانسي؟؟؟.....
تركي: إيه.... أنا أشوف نفسي قمة الرومانسيه بعد....
شذى وهي تضحك:ههههههههههه القمه بعد...والله إنك خطير أجل.....
تركي وهو يناظر يمين ويسار وبعدين يطالع لها: تبين أثبت لك رومانسيتي؟؟؟....
شذى تعرف تركي متهور بيسوي أي شي: لاااااا مصدقتك...ماله داعي الإثباتات....
تركي:لا خليني أثبت لك....
شذى وهي تقوم:لا واللي يرحم لي والديك....
تركي:زين تعالي كلي.....
شذى:الحمدلله مالي نفس...بروح أكلم أمي...
وراحت شذى تكلم أمها....
شذى:الو......
أم محمد:ألو....
شذى بفرح:هلا يمه شخبارك؟؟......
وكلمت شذى أمها حوالي نص ساعه...تطمنها على نفسها وتسأل عن الباقي...
أستغل تركي الوقت وكلم هو بعد أمه وأبوه....اللي قالوا له عن رحلتهم للرياض...
*
*
*
*
*
.....حلوه باريس من فوق يا تركي...
تركي:وإنتي الأحلى....
شذى وهي فوق برج إيفل مع تركي اللي طلعوا من المطعم وراحوا له...كان شذى نفسها فيه...وتحلم دايم إنها تروح له.....وتحقق حلمها بالأخير...وبعد ماقعدوا فوق نص ساعه نزلوا وراحوا يركبون جوله في نهر السين بالقارب...كانت قصيره نوعا ما بس حلوه...ما كلوا شي فيها لأنهم شبعانين...بس أخذوا لهم عصير وأشياء خفيفه...

تابع الجزء الخامس.....

بعدها راحوا لغابة بولونيا...
وتمشوا فيها كانت مره روعه...فيها بحيرات وفيها جولات بالقوارب...بس ما ركبوها لأنهم كانو توهم راكبين بالنهر...وكانت حولها مثل المقاهي قعدوا فيها وأخذو لهم قهوه وبعدها لمن قربت الشمس تغرب طلعوا منها......واستقلوا تاكسي ينزلهم في بداية شارع رو فوبور سان اونوريه....
كانوا الإثنين مستانسين وسعيدين...كان الشارع فخم وحلو وما عليه كلام...وكان قريب من الفندق اللي هم ماخذينه...
يتمشون فيه على الأقدام لأنه هناك المشي حلو مره....
تركي:شوشو...تبين تشترين شي من هنا؟؟...
شذى بعصبيه:تركي.....لا تقولي شوشو...تدري ما احب هالإسم...
تركي:أدلعك انا الحين أنتي ووجهك؟؟؟...
شذى بضيق:لا تدلعني ....قولي شذى...



*****

أم محمد:لا يا محمد مايصير هذا أبوك...مايصلح تقطع فيه كذا؟؟؟...
محمد:يمه إنتي تعرفين ابوي هو اللي بعدني مهوب أنا؟؟؟؟....وهو اللي قاطعني...
أم محمد:حتى ولو هذا أبوك...اكثر الناس اللي لهم فضل عليك...ومهما يسوي المفروض ماتقطع فيه كذا...وبعدين هو مثل ماتعرف يعزك بالحيل...ودايم يطلب رايك...وأنت ذراعه اليمنى اللي مايستغنى عنها...إنت تقدر يا محمد تستغني عن ذراعك؟؟...
محمد عرف قصد امه:لأ يا يمه بس ابوي...
قاطعته ام محمد:بلا بس...تعرف أبوك وطبعه شديد على نفسه قبل لا يصير شديد علينا...و صدقيني هو يفتقدك مره...وإذا على سالفة زواج شذى بتركي وقطاعتك لأبوك عشان هذا السبب...السبب انتهى...وقضينا اختك تزوجت من تركي ولا عاد باليد حيله...
محمد مقتنع بكلام امه:وأنتي صادقه يا يمه...حتى انا والله إني مشتاق لأبوي أكثر مما هو مشتاق لي...وإذا هو محتاجني مره...فأنا محتاجه الف مره...
ام محمد:مشالله عليك يا محمد...خلاص انتظر الفرصه المناسبه عشان تستسمح من ابوك...
محمد:اللي قلتيه يصير يا ام محمد...إحنا كم أم محمد عندنا...
ام محمد وهي تدعي:الله يخليك يا محمد لي...ولبناتك....ولكل اللي يحبونك...
كانت ام محمد شايفه إن علاقة محمد بأبوه لازم ترجع مهما كان خاصه إن محمد ذراع ابوه اليمنى واللي مايسوي شي إلا باستشارته...وابو محمد سند لمحمد في هذي الدنيا...وانتظرت الوقت المناسب عشان تكلم فيه محمد إنه يروح يعتذر لأبوه...توقعت إن محمد سهل على طول بيوفقها على رايها...وصحيح هذا هو اللي حصل...

اتوقع اليوم كفايه بس ابغا منك تقولي ايش تتوقعي شذى بيصير لها وسلمى وبشائر للكل بئختصار بس بجد حاسه بموقفك تكفخيني حلال هههههههه استنى ردك

تابع الجزء الخامس.....

طول ماهم يتمشون كان تركي يغني لشذى...وهي كانت مستحيه منها بالحيل...
تركي يغني:شاغلتنا...لاحقتنا....أحرجتنا(ت ناظر فيه شذى)
تركي يكمل:وإحنا تونا ما حكينا....شاغلتنا..لاحقتنا...وأحرجتنا...و إحنا تونا ماحكينا...
شذى من الحيا ماتت من الضحك...
تركي يغني ويكمل الأغنيه:حبيت أقول وأبعد الخوف بكلامي...جيت أطمنها وأحسسها بغرامي...قاطعتني...وهمست همس النسيم..أرجوك...ابعد ابعد ترى في الجو غيم(يدقها بأصابعه على خصرها)...
هي صرخت وبعدت عنه...
تركي:تونا نقول همس النسيم....هذا همس النسيم؟؟...وبعدين عيب عليك تصرخين وإحنا بالشارع شوفي الناس يطالعون فينا....
وتلفتت شذى وصدق شافت مجموعه يناظرون فيها باستغراب...
شذى مفتشله:والله آسفه....بس لاتقعد تنغز فيني كذا...
تركي:أوكيه...تعالي زين...
شذى:إيش تبي؟؟؟...
تركي بضيق:طيب قربي...
شذى:بس لا تسوي لي شي...
تركي:لا مارح أسوي فيك شي...أخلصي علي...
قربت شذى منه...ومسكها مع يدها وصايرين يمشون....كان بينهم هدوء ماحد يتكلم...
بدت شذى تغني بصوت هادي: عيشالك أحلى سنين...في العمر ياضي العين...وبقلبي ياغالي حنين وغرام....من أول يوم بهواك.... كان حلمي أكون وياك...لو يوم من عمري معاك وكتير وأنا بتمناك يا حبيب القلب واستناك....(فكت يدها من تركي وتأبطت ذراعه وسندت راسها على كتفه)....(ظلت تكمل الأغنيه وتركي ميت عليها)قربني حبيبي كمان...أنا شوقي إليك ولهان...نلاقي الدنيا حنان..نسيني معاك كل الأحزان...عشقاك وأنا مهما أقول...أنا روحي معك على طول.......أنا قلبي كتير مشغول يا حبيبي العمر بقالي زمان....عيشالك....
تركي وبيموت عليها:إيش هذي شوشو...خلاص ذوبتيني بهالصوت..
شذى ماتت من الحيا:مشكور...بس كم مره اقولك تركي لا تقولي شوشو...
تركي يقهرها:بس عاجبني...
شذى:عاجبك هاه؟؟؟.....إنت تقول كذا تبي....
قطع عليها كلامها بنت عمرها تقريبا17سنه واقفه قدامهم...وعيونها مليانه دموع شكلها كانت ميته من الصياح...كانت البنت بيضا وشعرها ناعم مفتوح إلى كتفها...ولابسه ميني جوب جينز...مع بلوزه كت وردي...
شذى ناظرت تركي اللي كان مستغرب....
البنت: السلام عليكم ورحمة الله...
استغرب تركي طلعت البنت عربيه...
تركي:وعليكم السلام هلا والله...
البنت:إنتوا خلجيين...
تركي اهتم زيادة بالبنت:إي نعم...سعوديين...بغيتي شي...
(شذى هنا ساكته ماخذه موقف المتفرج)
هنا البنت ماتت صياح...شذى وتركي استغربوا...وش فيها البنت كذا تبكي...
شذى تتدخل:وش فيك حبيبتي كذا تصيحين؟؟؟...
تركي يناظر شذى مستغرب...وشذى بعد تناظره باستغراب...
انتظروا البنت تهدى شوي وبعدين يسألون وش فيها...
وبعد فترة مرت عليهم قصيره حسوا إنها دهر هدت البنت...وناظرت تركي وقالت:تكفى لا تخليني وتروح...أنا هنا ضايعه...وما أدري وين هلي...أنا سعوديه مثلكم...
تركي:طيب اهدي ألحين...إنتي من متى ضايعه من أهلك؟؟؟..
البنت:من بعد الغداء....ضعت منهم...
تركي:طيب أبوك كم رقم جواله؟؟؟....
البنت:أبوي مو موجود هنا بفرنسا؟؟؟...
تركي:طيب إنتي جايه مع مين؟؟...
البنت:مع ماما وأخواتي الكبار....
شذى:بحالكم؟؟؟....
البنت وهي تناظر شذى:إيه..لنا هنا أسبوع...
استغرب تركي منها...وسألها:إنتي إيش اسمك؟؟؟...
البنت:لينا...
تركي:زين امشي معنا....
ومشت هي مع شذى وتركي...لأنه ماقدروا يخلونها لأن في مجموعة من الشباب الأجنبي هناك حاولوا يتحرشون فيها وهي خايفه...
شذى كانت مقهورة منها...كيف تطلع بهاللبس...وكيف يسافرون لوحدهم...ما كانت مصدقه إنه فيه عائله سعوديه كذا...

راحوا للفندق والبنت معهم...وطول ماهم في الطريق حاول تركي يتصل بجوالات أمها...وأخواتها...بس محد يرد عليه...

تابع الجزء الخامس.....

اقلعت من مطار الملك فهد بالشرقيه رحلة ابو بندر وأهله...راجعين لديارهم الرياض(ياحبي للرياض)...طبعا بشاير حاولت بأهلها إنهم بس لو يقعدون يومين زيادة رفضوا...وعلى طول وبدون نقاش خذوها من بيت خالتها عبير....وسافروا...انقهرت...ما امداها تمشى بالشرقيه زين...أما رحلة فاطمه وزوجها ناصر مع عيالهم فكانت الساعه وحده الليل... يعني هي معهم بنفس اليوم بس الفرق ساعات بسيطه...




*****


بعد ما ردت أم البنت يمكن بساعتين...كلمها تركي وسألها عن بنتها...وأعطى لينا الجوال عشان تكلم أمها...وبعد تقريبا بنص ساعه...جات الأم اللي تعريبا عمرها في أواخر الأربعينات ومعها وحده من بناتها الكبار اللي شكلها في منتصف العشرينات...وأخذوا بنتهم مع اعتذارهم وشكرهم الشديد لتركي وشذى...
عرف تركي لمن جات الأم تاخذ البنت...إن الام من أصل لبناني متزوجه سعودي...وعشان كذا كان فيه حريه للعائله...لأن الأم لبنانيه

بعد ماطلعوا كانت شذى مقهورة من تركي...ومعصبه منه...ما كأنها موجوده...
دخل تركي الحمام ياخذ له شاور...أما شذى فقعدت برا تنتظره هو عشان تتفاهم معاه كيف يصير كذا وهي موجوده...المفروض لمن عرف إنهم حريم خلاها هي اللي تتفاهم معاهم...مش هو...
تركي بعد ما طلع من الحمام شاف شذى صاحيه فرح واستغرب بنفس اللحظه....لأنه توقع إنها تدخل تنام قبله كالعاده...

تركي وهو رايح يجلس جنبها ويبتسم: شذى صاحيه تنتظرني؟؟؟...لا غريبه أكيد اليوم فيه شي..
تذكرت أو استوعبت شذى السالفه...حقدت على عمرها إنها قعدت صاحيه...
شذى مرتبكه:لاااا...بس كنت...بأقولك عن هذي لينا...وين أبوها....
تركي وهو يبتسم لها: أقول خلينا من لينا ألحين واهلها...يا هلا والله بشذى...
شذى خلاص متفشله ومنحرجه موووووووت...
*
*
*
*
*
*
*
*
قام تركي هالمره قبل شذى....
تركي يقوم شذى عشان تصلي:شذى قومي..شذى قومي...يالله حبيبتي..
لمن قامت شذى...كانت موت مستحيه من تركي...راح تسبحت وصلت...
وتركي بعد...
لمن خلصت لقت تركي طالب فطور من الفندق...
أفطروا ولبسوا وطلعوا يتمشون....



*****

كان مهوب عارف من وين يبتدي....كان يحس نفسه صغير قدام أبوه...وهو ما قوى شخصيته...وعلمه الأصول إلا أبوه...كان جالس قباله ولا هو داري من وين يبتدي...بس في النهايه أطلق العنان...لقلبه قبل لسانه يتكلم يقول اللي بخاطره من دون ترتيب...يعبر عن مكنون قلبه...
محمد وهو يناظر الأرض:من جد يا يباه...ما أدري من وين أبتدي؟؟؟...أدري إني صغير قدامك...أحس إني ما استاهل إنه ينادونك بأبو محمد....سامحني يا يباه إذا أخطيت في حقك...أنا مارح أتكلم عن الأسباب التافهه اللي خلتني أبعد عنك...بتستغرب أقول تافهه... بس من جد يا يباه....مافي سبب في العالم يخليني اطلع عن رايك...وشورك...صدقني يباه عمري...ماحسيت بالالم كثر لمن اشوفك تصد عني...يباه إنت مثلي بالحياه...صدق إني ابو الحين...بس انا رح اظل طول عمري اتعلم منك....يباه سامحني(وبدت عيونه تغرورق بالدموع)تكفى والله إني أحس إني ولا شي...من دونك...أنقهر لمن اشوفك تقعد تسولف وتضحك مع اخواني وانا لأ....
أبو محمد بصرامه:محمد...إرفع راسك...
محمد وهو يرفع راسه:سم يبه...
أبو محمد...ماقدر غير إنه يرجع يسامح ولده اللي ماله غنى عنه...بغى يأدبه بس حس إنه من جد خلاص عرف وفهم كبر غلطته...فرد عليه وقال:لا تبكي يا محمد...أنت رجال...
وما دامك عرفت غلطتك...خلاص أنا مسامحك...
محمد بفرح وهلت دموعه:الله لا يحرمني منك يابو محمد...صدق إن قلبك كبير...
أبو محمد:الواحد ماله غنى عن بيته وأهل بيته...بس أنا ما دامني قربتك لي... مهوب معناته إنك تجادلني في كل صغيره وكبيره....
محمد: خلاص يابو محمد....مالي دخل إلا في الشي اللي ترضى لي أتدخل فيه... بس أهم شي رضاك علي بهالعالم كله...
وقام محمد...وراح حب فوق راس أبوه...ونزل حب يدينه الثنتين ويطلب منه إنه يسامحه لأنه من جد....حس بالفراغ والتهميش لمن بعد عن أبوه...

تابع الجزء الخامس.....

بالعصر بالرياض...
راحت ام بندر وحصه مع ابو بندر لزيارة اخوه ابو عبد الكريم(ابو عايشه وسلمى) ابو عبد الكريم ماحضر زواج تركي لأنه مشلول وقاعد على كرسي متحرك...وهو أخو ابو بندر الكبير...طيب و مسالم...ماعنده من العيال إلا ثلاثه هم...
عايشه...زوجة بندر...
وبعدين عبدالكريم...يشتغل بالسفارة السعوديه اللي بالأردن وعايش مع زوجته هناك...
وبعده سلمى...تدرس بالأردن...عند أخوها...
وهذا ابو عبدالكريم هو اللي ربى سارا مرة متعب عنده لمن ماتوا امها وأبوها وهي باقي طفله ما تدرك شي من هالدنيا...غير إن خالها ابوعبدالكريم...هو أبوها...وزوجته امها...

وام عبدالكريم إنسانه طيبه متفانيه في إسعاد اولادها...وتحب الجمعات...والأهل وكان ودها تحضر زواج تركي...بس ما كان قلبها يطاوعها تترك ابو عبد الكريم شريك حياتها... ما تنكر إنها كان ودها تركي يتزوج بنتها سلمى...بس هذا المكتوب وماحد يمشي على غير إرادة الله...وعسى ان تكرهوا شيئا وهو خير لكم...

راح ابو بندر اللي يزور اخوه تقريبا...شبه يومي...وأخذ يحكي له عن العرس ويحسسه بأهميته...ويسأل عنه...


*****


حصه:ياليتك كنتي موجودة يا ام عبدالكريم...والله إنه عرس ياخذ العقل...
ام بندر:والله إن إحنا تمنينا وجودك...
ام عبد الكريم بابتسامه:والله حتى انا تمنيت إني رحت...بس تدرون ابو عبدالكريم روحته صعبه...وصعبه إني اروح من دونه...
ام بندر:إي صح صعبه والله تتركين رجلك وراك...بس إنشالله نعوضك بالحفله...
ام عبدالكريم:ليه بتسوون حفله لتركي هنا بالرياض؟؟؟..
ام بندر:إي اكيد...تعرفين كثير من أهلنا ماحضروا....وبعدين نبي نحتفل بولدنا على طريقتنا...
ام عبدالكريم بابتسامه:إنشالله اجل اكون اول الحضور...
ام بندر:أكيد هذا مافيه كلام...
حصه تسأل ام عبدالكريم:في احد في المجلس غير ابو بندر وابو عبدالكريم...
ام عبدالكريم:لأ....ليه تبين تروحين عندهم؟؟؟....
حصه وهي قايمه:إي ابي اسلم على اخوي ابو عبد الكريم...
ام عبدالكريم:هاه ما قلتي لي يا ام بندر وش ريك بحرمة ولدك؟؟؟...
ام بندر:والله شكلها راعية خير....
وقعدت تسولف لها عن اللي صار بالعرس وتوصف لها...وتعرفون عاد هالسوالف عند الحريم...


*****

كانت مريم ومها وام محمد قاعدين بالصاله في بيت ابو محمد يسولفون...
مها:وينك يا مريم...لا عاد بينتي....وين اختفيتي؟؟؟...
مريم ببرود:هذا من كثر ما تسألين عني....
مها:والله إني دايم أسأل عنك....بس إنتي اللي ما تسألين....
مريم:واااااااااااضح إنك تسألين عني...ماله داعي تقولين....
ام محمد تتدخل:مريم...والله دايم مها تسأل عنك...ودايم توصيني اسلم عليك بس انسى ما أقولك....
مريم بعصبيه:إنتي ليه يا خالتي دايم تدافعين عن مها...ووواقفه بصفها ولا ترضين بالغلط عليها...ليه؟؟؟...كل هذا لأنها من أقاربكم...وانا من برى...وهي مرة ولدك المفضله....
ام محمد مستغربه:إيش هالكلام يا مريم؟؟؟....كلكم سوا عندي....
مريم وهي معقده حواجبها:واااااااااااااضح ماله داعي تقولين...انا اشوف واسمع...دايم محد عندك مثل مها...مع إنه انا اللي ساكنه عندك بنفس البيت...ولا تحبيني كثر ما تحبينها...
مها: مريم.......إيش هالكلام؟؟؟....خالتي دايم تمدح فينا كلنا وما أشوفها مره جابت سيرتك بالشين...
ام محمد:لحظه يا مها؟؟...مريم حرام عليك...أنا عمري ما فاضلت بينكم عشان إن مها من قرايبنا...وإنتي لأ....بالعكس أحس كأنك مثل بنتي شذى...والله إني اعزك من معزة محمد ولدي...وكل وحده فيكم لها وصايفها اللي تحليها...
مريم بعصبيه:المشكله يا خالتي...إن كلامك غير تصرفاتك...اصلا امبين إنك تحبينها أكثر....
مها انقهرت إن مريم يعلى صوتها على ام محمد فردت على مريم وقالت: مريم تراك مصختيها...بس كفايه...إذا انتي تبينها من جد تحبك....احترميها...قدريها...اقعدي معها شوي...مو كل كل شوي صاكه على نفسك حجرتك...ولا تقعدين معها ولا حتى تسولفين...
مريم بصوت عالي:إنتي السوسه...إنتي اللي تحرضينها علي...اعرفك شغلك من تحت لتحت....
مها:زودتيها يا مريم...شكلك من قعدتي معنا براسك هوشه....من جد ما ألوم شذى لمن كل يوم وأنتي بهوشه معها...إذا بتقعدين معنا كذا هواش رجاءً لا تقعدين...
بققت مريم عيونها:تطرديني يا مها؟؟؟....وإنتي ببيتي...
مها ببرود تبي تقهرها:والله أنا ببيت عمي ابو محمد...مهوب في بيتك...اصلا لو ذا بيتك ما طبيته...
قامت مريم وقالت بصوت عالي وعصبيه زايده:مالت عليك....باقوم اصلا انا قاعده مجامله لخالتي...بس ما دامكم تبون تصرفوني وتبون الفكه مني...انا بعد أبي الفكه منكم...
وطلعت بسرعه وما سمعت ام محمد وهي تطلبها تقعد وتقصر الشر....
مها:خليها تذلف يا خالتي...من قعدت وهي تتحركش وتبي هوشه...واللي ما يحترمك وإنتي موجوده...مايستاهل يشاركك مجلسك....

تابع الجزء الخامس.....

رجعوا بالليل حوالي الساعه ثمان شذى مره مبسوطه وفرحانه...وتركي مستانس بعد...
ما بقى مكان ماراحوا له...
راحوا لاديفانص...
وراحوا مونمارت أحلى منطقه باريسيه...
وراحو متحف نوتردام...
وراحوا بعد ملاهي اكوا بولفار...ملاهي مائيه مررررررره رووعه...
كانت طلعتهم اليوم مرررره ممتعه...
وأول ما وصلوا حطوا راسهم على المخده وراحوا بسابع نومه....

*****



قامت شذى الصباح...إلا ماتلقى تركي موجود اخترعت...دورت عليه مالقته...انتظرت ساعه إلا يجي وهي حاسه إنها سنه...أول مادخل كان وجه تركي متغير...
شذى مخترعه:تركي وين كنت؟؟...خرعتني عليك...
وتركي يناظرها بنظره عرفت منها إنه معصب ولا هو طايق كلمه من أحد...
أول ما جا قعد على الكنب وهو حاس إنه مخنوق...وقعدت شذى على الكنبه اللي قريبه منه...وهي تناظر فيه مخترعه ماتدري وش صاير فيه...أمس كان حلو وش حليله...وش اللي غير وقلب حاله كذا....
شذى بصوت هادي:تركي وش فيك؟؟...تراني من جد مرعوبه صاير لك شي؟؟؟...
تركي من غير ما يناظرها:ياليت أنا اللي فيني يا شذى...
انقبض قلبها لمن قال كذا...وقالت وهي تحاول تجمع كلام:ليه أحد صاير له شي...
تركي يتكلم وهو متضايق يحس ماحوله هوى يتنفسه:أبوي ياشذى أمس طاح عليهم تعبان لمن رجعوا من بيت عمي...ولمن راح المستشفى قالوا إنه جاته جلطه....
اخترعت شذى...وماتدري وش تقوله أو تواسيه....
تركي يكمل:تو متعب كلمني وقال لي...هو طبعا ما كان يبي يقول...بس أمي اللي أصرت عليه إنه يقولي... لو ما قالي كان بتصير علوم...عشان كذا لازم نرجع من هنا...ونروح الرياض... أنا ماني قادر أقعد لو لحظه...حاس إني قاعد على نار...
ما قدرت تعلق شذى بشي....غير إنها تقول الله يشفيه إنشالله..ويقومه لكم بالسلامه...

*****

بعد ما سمعوا الخبر ألغوا باقي شهر العسل...واتصل تركي على الحجز للسعوديه لقاها فل مليانه
وبعد البحث تركي من باريس ومتعب من الرياض...لقوا حجز باريس للكويت للرياض...يعني مافيه رحله الرياض باريس...قطع تركي التذاكر وهو حاس إنه بعالم ثاني...ونفسه يغمض عينه ويلقى نفسه بالرياض...


*****

وتركوا باريس...وشهر العسل وراهم...ورجعوا للرياض...عشان أبوبندر تعبان وطايح بالمستشفى....تركي متوتر عشان أبوه....وشذى متأثره عشان تركي...

الجزء السابع.....

كانت الساعه الواحده ليلا...لم يكن الهدوء يعم المكان...فالناس صيف...والصيف معناته انقلاب الآيه الليل نهار والنهار ليل...ومع ذلك من المعروف أن المطارات لا تعرف الواحده صباحا...أو مساءً فالحركه مستمره ...سواء صيف أو غير ذلك....
كانوا بمطار الكويت...ينتظرون رحلتهم على مطار الملك خالد بالرياض...تركي واللي حاس إنه مهوب قادر يناظر بأحد...يحس إنه جالس على شوك...ومهوب قادر يجلس على مقاعد الإنتظار بالصاله...كان يقطع الوقت بالمشي بالصاله...ذهابا وإيابا...أما شذى فاتخذت لها مقعد بالإنتظار وجلست...ولسان حالها يقول(ياويل قلبي عليك ياتركي...والله يشفي إنشالله عمي أبوبندر)...كانت تناظره وهو يقطع الوقت بالروحه وبالجيه...وهي على حالتها تلك...استأذنتها امرأه وقعدت جنبها واللي يبدو عليها إنها في أواسط العشرينات...
شذى ترد السلام:وعليكم السلام ورحمة الله وبركاته...
ولاء:لا يكون ضايقتج بس؟؟؟...
ابتسمت شذى لها ومن ذرابتها:لا أختي بالعكس حياك...
ردت لها ولاء الإبتسامه...وقالت لها:إنتي على رحلة الرياض؟؟؟....
ضحكت شذى وقالت:إيه...ليش وش يدريك إني عليها؟؟؟...
ولاء ضحكت:ههههههه لأني أنا على نفس الرحلة....
شذى:ليه رايحه الرياض؟؟؟....(تحسفت شذى على سؤالها ياربي سؤال ذكاء هذا؟؟؟؟)
ولاء:أنا ماني رايحه للرياض الرياض....لأ باجي وراي رحله ثانيه على جده بعدين مكه.. لأني رايحه أعتمر ويا ريلي...
شذى:مشالله رايحه عمره...الله يتممها لك إنشالله...
ولاء بابتسامه:آمين...انزين وإنتي شنو لج بالرياض؟؟؟..
شذى:قصدك أنا راجعه للرياض.
ولاء:ليش...إنتي سعوديه؟؟؟....
شذى تهز راسها:إيه سعوديه....
ولاء:توقعت..امبين من كلامج إنج سعوديه...انزين وش كان لج هني بالكويت؟؟؟...
شذى:مالي شي...أصلا أنا نازله للكويت محطه وبعدين بنكمل...
ناظرتها ولاء بنظره استفسأر...ضحكت شذى
شذى بضحك:ههههههههه أكيد مافهمتي إيش أقصد...(وضحكت معها ولاء)...
شذى:أنا اساسا كنت بباريس مع زوجي....
قاطعتها ولاء:إنتي متزوجه؟؟؟....
شذى بحياء:إيه كنت بشهر عسل...
ولاء:يعني إنتي باجي عروس؟؟؟..
شذى وهي تناظرها:تقريبا...
ولاء باعتذار:سوري إذا قاطعتج بكلامج...كملي كلامج...
شذى تكمل:كنت بباريس...انا وزوجي...ووصلنا خبر هناك إنه ابو زوجي طاح مريض بالرياض...جاته جلطه الله يبعدها عنك...وقطعنا السفر وجينا ومالقينا حجز من باريس للرياض على طول...لقينا باريس الكويت الرياض....
ولاء واللي بين إنها متاثره:يوه حبيبتي آسفه إذا ضايقتج...وتدخلت في شي مايخصني...
شذى:لا بالعكس عادي...زين لقيت أحد أكلمه هنا وأسولف معه شوي...
ولاء:سبحان الله...تدرين بعد مكه إني بسافر باريس...ناس راده مناك...وناس باجي بتروح لها....
شذى بضحك:إنشالله ما يجيكم خبر يكدركم...إن واحد من أهلكم يطيح تعبان...
ولاء بابتسامه:إنشالله بس...
شذى:بس إيش؟؟؟.....(وبعدين قعدت تلعن نفسها داخلها ياربي على اللقافه ماتوقف)
ولاء:ماشي الله يسلمج ويبعد الشر عنج...بس إنه أنه رايحه هناك عشان أكمل الفحوصات لأنه أنا عندي سرطان إنشالله يبعده عنج...بالرحم...وموبس أكمل الفحوصات عشان ابتدي بالعلاج هناك بعد...
ولاء قالت كذا...وشذى انصدمت...حست إنه مثل اللي أحد كب عليها مويه بارده...معقوله هذي المرأه اللي باقي في عمر الزهور...يحرق عليها زهورها وعطرها...نار تشيل الأخضر واليابس...وتمحو كل شي حلو...نار مثل مرض السرطان...
ولاء وهي تلوح لها بيدها قدام عيون شذى:وين وصلتي يا....ماتعرفنا على الإسم...شنو اسمج؟؟...
شذى وهي تنتبه لها:هاه؟؟...انا اسمي شذى...وإنتي؟؟؟..
ولاء بضحك:ولاء...
شذى تحاول تجاريها وتبتسم لها:وش فيك تضحكين؟؟؟...
ولاء:ههههههه لا أبد بس أنه وإنتي داشين سوالف حتى قبل مانتعرف على اسماء بعض...كني اعرفج من زمان...
شذى:هههههههه حتى أنا والله...
ولاء واللي حست إن شذى انصدمت من مرضها:شذى...أكيد انصدمتي لمن عرفتي إني مريضه بالسرطان...
شذى ماعلقت بس اكتفت بنظره اهتمام....
ولاء تكمل بهدوء:صج لمن دريت إني مريضه بالسرطان انصدمت...وبجيت لين حسيت عن روحي بتطلع مني...بس عقب حاولت إني أتقبل المرض...مو أتقبله إلا أحاربه وأقضي عليه (تقول بإصرار)لأني لازم أعيش بإذن الله...لأن وراي يهال لازم أربيهم...وبعدين فكرت إن المرض هذا يمكن يكون إبتلاء من الله ويجوفني إني صابره أو لا؟؟؟....الحمدلله على كل حال...
شذى وهي باقي متأثره ومو مصدقه باللي تسمعه:إنتي عندك عيال؟؟؟...
ولاء بابتسامه:اثنين توأم مشعل ومشاعل...عمرهم ثلاث سنين....
شذى:الله يخليهم لك....ويخليك لهم...وتشوفين إنشالله عيال عيالهم...
ولاء وهي بين إنها فرحت من دعوة شذى:آمين....
شذى باقي متأثره مو مصدقه باللي تسمعه...مريضه بالسرطان...يعني بين الناس خلاص على أبواب الموت...بس بين على ولاء رغبتها للعيش...مو عشان نفسها...عشان عيالها...اكبرت شذى موقف ولاء بنفسها...
شذى تكلمت بعد فترة صمت صارت بينهم...
شذى:ولاء...إعذريني إذا ضايقتك بسؤالي...بس متى عرفتي إن فيك السرطان؟؟؟...
ولاء تجاوب:لا عادي مافيها شي...لي تقريبا سنه...وشهرين...بس لا تاخذين بخاطرج وتهتمين عشاني...أنا عايشه حياتي طبيعيه اميه بالاميه...متوكله على الله... وراضيه بقضاءه...الحمدلله حالتي في تحسن...يقول لي الدكتور إن عندي رغبه في العيش ومقاومه المرض...ونفسيتي عاليه....كل هذي أشيا ساعدت على تقدمي بالعلاج... صج(وحست شذى إنها بدت تتأثر) إني أنا ماعاد أقدر أنجب بعد استئصال الرحم...بس الحمدالله عيالي عندي بالدنيا كلها...غير عقيم يتمنى ياهل واحد بس...وانا عندي اثنين...
وماحست ولاء إلا وشذى تربت على كتفها بحنان وتقولها بصوت هادي: ولاء الحمدلله على كل حال...وإنتي قلتيها بنفسك غيرك ماعنده عيال...ويتمنون لو طفل واحد... وبعدين احمدي ربك إن عندك زوج يحبك وتهمينه... وما يقدر يشيل عيونه عنك....
ناظرتها ولاء باستغراب.......قالت لها ولاء وهي رافعه حاجبها:اشدراج؟؟؟....
شذى وهي تبتسم بخبث وترفع أحد حواجبها:ولاء مو هذاك اللي قاعد هناك زوجك؟؟؟...
ولاء وهي تناظر المكان اللي تناظره شذى...إلا يطلع جد زوجها....
ولاء وهي تضحك:هههههههههههه انزين شدراج إنه هذا ريلي........
شذى وهي تضحك:ههههه من قعدنا وهو يناظر فيك...يبتسم إذا ابتسمتي...ومهوب قادر يشيل عينه من عليك....فبديهيا عرفت إنه زوجك....
...

الجزء السابع.....

وبعدها أعلنت موعد اقلاع طائرة الرياض...قامت شذى وراحت لتركي...اللي كان مستعجل على ركوب الطائره.....
*
*
*
*
*
أول ماوصلوا مطار الرياض...كان الوقت فجر حيث تشابك الليل مع النهار...كان في استقبالهم بالمطار متعب أخو تركي...أول ماشاف تركي متعب راح وسلم عليه بحراره وخلى شذى وراه...
متعب:هلا والله تو مانورت الرياض.......
تركي:بأهلها.....إلا شخبار ابوي ألحين يامتعب؟؟؟...
متعب:الحمدلله زين....
تركي:طيب أقدر اروح ازوره الحين؟؟؟.....
متعب:إنت اول روح ارتاح....
تركي وبان الضيق عليه:متعب... انا الحين مارجعت إلا عشان ابوي وتقولي روح ارتاح ما اقدر....
متعب:ماقلت لك انت ووجهك....لا تروح لا تشوفه...روح له بالعصر
تركي:متعب خلنا نروح الحين....
متعب:تركي...خل العناد عنك...
تركي بتصميم:توديني ألحين...ولا ترى انا بروح...
متعب:خلاص بوديك انت مع هالخشه...
تركي:توكلنا على الله...



***

ركب تركي مع متعب بالسيارة قدام...أما شذى طبعا ورى...
كان تركي طول الوقت يسأل ويستفسر متعب عن أبوه وطيحته...
متعب وهو يسوق ويناظر السيارات:لا تخاف إنشالله أبوي بخير....
تركي وهو يناظر متعب:زين وش أمي مسويه هاللحين؟؟؟...
متعب:صابره...بس تدري خايفه على أبوي...عاد إنت تعرف أبوي كبير بالسن ومايتحمل...
سكت تركي...وبعد فترة صمت قال:يمديني أمر عيها بعد أبوي؟؟؟..
متعب حب يغير الموضوع اللي شكله مضيق عليه طول اليومين الماضيه:ما أدري..بس إنتو وش مسوين هناك؟؟؟...هاه إنشالله استانستو...
تركي وهو ضايق:إيه...
كانت شذى تناظر تركي...وتتأمل حاله مع أخوه...كانت تلاحظ بينهم ترابط أسري كبير... واهتمام واضح بأمه وأبوه...كان من جد قبلها مألمها على أبو بندر...بس في نفس الوقت كانت حالة ولاء اللي شافتها آخر شي بمطار الملك خالد بالرياض متسربه داخل نفسها...مهيب راضيه تفارقها...وقطع عليها أفكارها صوت تركي...
تركي وهو يناظر الطريق اللي سالكه متعب: متعب...وين رايح؟؟؟...
متعب:بعد وين؟؟؟...المستشفى...
تركي واللي بان إنه معترض:لا...أول شي البيت...
متعب:توك تقول تبي المستشفى...
تركي بضيق:يابن الحلال..أول شي بروح البيت ننزل شذى...وبعدها نروح أنا وإنت المستشفى...
متعب واللي حاس إنه نسى شذى: طيب..(وسأل شذى)إلا شخبارك يابنت فيصل؟؟؟...
شذى انحرجت من متعب وتركي...أول مره تشوف متعب و قاعد يسأل عنها...
تركي وهو يكلم شذى:شذى...متعب يقول شخبارك..
شذى بصوت واطي:الحمدلله زينه...
متعب يسألها:عاد إنشالله انبسطتوا؟؟؟..
شذى ماتدري إيش تقول انبسطت ولا لأ...تحس ماله داعي تقول إنها انبسطت وهم حالتهم النفسيه تعبانه عشان ابوبندر...
شذى بتردد:الحمدلله...
وماحست شذى إلا بالسيارة موقفه قدام بيت فخم مره وكبير في أحد أرقى وأفخم أحياء الرياض...

الجزء السابع.....

نزل تركي وفتح الباب لشذى...
تركي: ياللا شذى قومي انزلي وصلنا البيت...
نزلت شذى وشافت السايق جا ينزل الشنط من السيارة...
تركي وهو يكلم متعب:لا تروح...خمس دقايق وراجع لك...
متعب وهو يسند راسه:أوكيه...بس لو تتأخر دقيقه بامشى وأخليك...
أول مادخلوا تركي وشذى البوابه الداخليه للفيلا ودخل السواق الشنط إالى عند البوابه..وخلاه تركي يطلع...
تركي يكلم شذى:شوفي أنا بروح أزور ابوي...وهذا البيت قدامك...
شذى تكلم تركي وهو طالع:بتتأخر...
تركي وما عرف إيش يقول: ما أدري...بس لا تنتظريني...
وبعدها طلع تركي...وقعدت تناظر البيت من حواليها كان قصر من جد من السقف للجدران إلى الأرضيات...كانت مرتبكه ماتعرف شي بالبيت...ولا تعرف تخطيطه ولا تصميمه...
تذكرت يوم عقد القرآن(الملكه) إنها اشترطت على تركي بيت مستقل لوحدها...ونفذ لها تركي الشرط...وتتذكر كلام عبير إن البيت هديه من أبو تركي لتركي بمناسبة زواجه...
نزلت الشيله من على شعرها...ومشت بالبيت أول مادخلت كان قدامها صاله كبيره مره... تتوسطها ثريا كبيره نازله من الدور الثاني...والدرج اللي نازل بشكل حلزوني...كان مره حلو. ...وطالعت كان بالصاله نفسها كذا طقم كنب بين عليه إنه من نوع غالي وذوق روعه.. وناظرت وشافت عند أحد هالكنبات تلفزيون كبير مسرح منزلي...استانست من الخاطر... تذكرت إنه كان نفسها فيه... وهي بحالتها تلك إلا تسمع صوت وراها اخترعت ولمن لفت شافت شغاله واقفه وراها لابسه تنورة سوداء إلى تحت الركبه مع بلوزة بيضا بان عليها إن هذا لبسها..لأن الشغالات بالعوائل الكبيره يكون لبسهم محدد...
الشغاله بابتسامه:هالو مس...
شذى واللي عرفت من شكل الشغاله إنها فلبينيه: هلا...
الشغاله:ولكم تو يو هاوس؟؟؟....
شذى بخاطرها وش تبي ذي: إنتي إيش أسمك؟؟؟...
الشغاله:سونيا...
شذى:شوفي سونيا خذي الأغراض(وأشرت عند الباب)من عند الباب وطلعيها غرفتي...
سونيا وهي رايحه:أوكيه مدام...
ابتلشت شذى...وقعدت تقول بخاطرها(ألحين وين غرفتي....من جد بلشه؟)....


***

راح تركي مع متعب المستشفى...
أول مادخلو على ابو بندر اللي كان مستلقي على السرير الأبيض وحوله الأجهزه اللي على جسمه في كل مكان للقلب...للتنفس...للدم...انصدم تركي لمن شاف أبوه على الحاله.. توقع إنه طايح وتعبان....بس مو كذا...كان وجهه تعبان وشاحب أصفر ماكأن فيه دم...وجسمه مبين فيه الذبول...ناظره تركي بأسى...ماتوقع الجلطه كانت على أبوه قويه كذا...قاله متعب إنها خفيفه...بس اللي يشوفه إنها كانت قويه...قعد تركي يتأمل أبوه... كان مثل الجبل بنظره ماتهزه ريح لو هي قويه...كان أبوه السبع في نظره...كان أبوه القوه...الشده...واللين بنفس الوقت...كان أبوه الرجل اللي تتكسر على شواطئه الأمواج الشديده...ماقدر يناظره بنظرات شفقه...لأن أبوه مهوب الإنسان اللي ينتظر شفقه من أحد...أبوه العزه والشموخ... كانت نظراته مثل اللي مهوب مصدق...وقطع عليه سرحانه صوت متعب...
متعب بصوت منخفض:تركي...ماودك تسلم على أبوي؟؟؟...
انتبه تركي على كلام أخوه...وهز راسه بالإيجاب...راح تركي وسلم على راس أبوه بهدوء و باس له جبهته...ونزل وباس له يدينه الثنتين...لمن لمس يد أبوه كانت بارده...قعد تركي قابض عليها بهدوء...ماقدر يمسك نفسه أكثر من كذا وحس إنه كأنه فاق من صدمه...حس إن قلبه بينفطر على أبوه... حس باللا حيله....اتجاه أبوه...
لف تركي على أخوه متعب:متعب ورى مانسافر بأبوي نعالجه برا؟؟؟...
متعب وهو جالس على الكنب اللي قبال السرير:الدكتور يقول ماله داعي يسافر...
تركي بخنق زايد وعلى صوته:والله إنه مهوب أبوه عشان يقول كذا..وبعدين هو ما قال كذا إلا لأنهم يبون يلهفون بهالفلوس من ترقد أبوي عندهم....
متعب: تركي...قصر حسك...ابوي مريض...وبعدين أبوي بإذن الله تعدى مرحلة الخطر... والعلاج اللي يتلقاه هنا...نفس اللي بياخذه هناك...
تركي وهو معقد حواجبه: طيب أبوي هاللحين تجاوز مرحلة الخطر بإذن الله؟؟؟...
متعب:ادع ربك الله كريم....
وبعدها لف تركي يناظر بأبوه اللي كان مهوب حاس باللي حواليه...
ثم بعد ذلك ذهب تركي وتوضأ وراح يصلي بالصاله اللي ملحقه بغرفة أبو بندر...ويدعي الله إنه يقوم أبوه بالسلامه...
((وإذا سألك عبادي عني فإني قريب أجيب دعوة الداع ِ إذا دعان ِ فليستجيبوا لي وليؤمنوا بي لعلهم يرشدون))سورة البقرة186

تابع الجزء السابع.....


أول مادخلت شذى غرفتها انبهرت منها...كانت كبيره بالحيل وفخمه ملحقه معها مخلع اللي كان كبير مره ومساحته تقريبا مثل الغرفه...مع الغرفه فيه دورة مياه...
انتظرت الشغاله تطلع...وبعدها أخذت لها ملابس ودخلت تاخذ لها شاور...أول ما طلعت حست بانتعاش شوي...بس كان كل تفكيرها وقلبها مع تركي وأبوه... من جد كان ضايق صدرها علشان ابو بندر...مع إنه عمرها ما شافته...في ذيك اللحظات خطرت على بالها صديقة العمر ريم...هي أصلا ما فارقتها ولا لحظه...بس مارح تقدر تكلمها على راحتها مع تركي وأللحين حست إنه فرصتها...ناظرت الساعه اللي كانت السادسة والنصف...طبعا هالوقت عادي بالصيف يكونون فيه ناس كثير يسهرون هالوقت...طلعت جوالها من شنطتها اليد...لقت الشاحن مخلص والبطاريه فاضيه...راحت تدور بالغرفه وبالدولايب بس مالقت شي أغلبها فاضيه...بالبدايه حست بأحراج تقعد تفتح بدولايب مهيب لها...هي تدري إن هذي غرفتها بس ههذا اعتقاد يسري فيها ماتدري ليش...يمكن لأن البيت جديد...
طلعت شذى من حجرتها تنادي الشغاله:سونيا....سونيا....سونيا...
بهاللحظه جاتها شغاله ثانيه اخترعت شذى لمن شافتها...بس كانت لابسه نفس لبس سونيا...
الشغاله:يس مدام...
شذى باستغراب وهي رافعه أحد حواجبها:نعم...مين إنتي؟؟؟...
الشغاله:أنا كاتي...
شذى:تشتغلين هنا؟؟؟....(حست إنه سؤال غبي خاصه قدام الشغاله)
كاتي بابتسامه كبيره طالعه منها ظروس العقل:يس مدام...
شذى:أنتوا كم وحده هنا؟.(حست بالغباء زياده بس هي ماتبي تتفاجأ كل شوي طالعه لها وحده)
كاتي وهي تأشر الرقم ثلاثه بأصابعها:ثري مدام...
شذى:زين روحي جيبي لي شاحن الجوال...(وشذى تأشر لها على الجوال)..
كاتي وهي رايحه:أوكيه مدام...
وبعد كم دقيقه جاتها الشغاله الثالثه بشاحن الجوال...
أول ماشافتها شذى تفاجأت....وأخذت منها الشاحن...
شذى تسأل:إيش اسمك إنتي بعد؟؟؟...
الشغاله:سليمه...
شذى باستغراب:سليمه؟؟؟...غريبه
سليمه بابتسامه:مدام...أجيب بريك فاست حق إنتي...
تذكرت شذى إنها باقي على لحم بطنها ما كلت شي...من طيارة باريس للكويت...وبطيارة الرياض ماشربت غير مويه...
شذى:أوكيه...بس جيبي لي كوفي...مع بريد جبن...
سليمه:أوكيه...
أول ماراحت سليمه...دخلت شذى غرفتها وقعدت تفكر بالشغالات كل شوي جايتها وحده... ماتدري يمكن فضول الخادمه...في معرفة سيدة هذا القصر؟؟؟...
اغبطت نفسها من الداخل...وحمدت الله على كل خير أعطاه إياها...
شبكت الجوال بالشاحن...وهو يشحن دقت على جوال ريم....
دقت أول مره ولم يتم الرد...ومره ثانيه وعلى الأخير بالكاد ردت...
ريم مستغربه:شذى؟؟؟
شذى تقلدها:شذى؟؟؟....إيه شذى يا البطه...
ريم بفرح:ماني مصدقه عمري...هلا والله أخبارك يا القاطعه...وش مسويه؟؟؟...
شذى وهي تضحك:تمام...وإنتي؟؟؟...
ريم معصبه:كلي تبن... لا تدقين ولا تسألين عني...ماكأني خويتك...
شذى ميته ضحك على ريم:ههههههههههه لا من جد ودي أدق بس...
قاطعتها ريم:ودك تدقين...أدري بقلبك تقولين وش يفكني منها(تمزح)...
شذى:هههههههه طيب خليني أكمل كلامي...بس ماجات فرصه...
ريم:فرصه بعينك...ليه إحنا بملعب... لو أنا من جد أهمك كان دقيت...
شذى:ملعب إيش يا هبله...بس من جد ماجا وقت فراغ مناسب...
ريم تبي تقهرها: فراغ مناسب....ليه قالولك إحنا بامتحان..
شذى:بعينك امتحان...ريم محد قالك إن المصاله في الدم مرتفعه عندك...
ريم مسويه مستغربه:لأ..بس شكل ماجاني داء المصاله إلا وإنتي نايمه مع حبيبك في العسل...
شذى تتطنز:عسل...ولا زبده؟؟؟ههههههههه..
ريم:إلا خلينا من خفة دمك...وقولي لي كم الساعه عندك بباريس؟؟؟...
شذى بجديه:أنا أللحين بالرياض ياريم توني راجعه قبل ساعتين تقريبا...
ريم وهي على بالها إن شذى تتطنز:شذونه...بلا هبال يللاه...وقولي جبتي اللي وصيتك عليه؟.
شذى:ريم...والله أنا من جد بالرياض...توني راجعه ألحين...
ريم لمن سمعت شذى حلفت سكتت...
شذى:الريم وينك؟؟؟......
ريم بهدوء:أنا هنا...طيب ليه رجعتوا...مو المفروض إنكم ماترجعون قبل شهر؟؟؟...
شذى:إيه...بس ماقلتك إيش صار؟؟؟.....
ريم:إيش صار شذى؟؟؟....
شذى:عمي أبو بندر...أبو تركي طاح وجاته جلطه...وأول ماعرفنا رجعنا على طول....
ريم بقهر:هذا وقته يطيح بجلطه؟؟؟...
شذى:حرااااااااام عليك يا ريم قولي أستغفر الله...والله يشفيه...
ريم متحسفه:أستغفر الله.......الله يشفيه إنشالله...
شذى:ما تدرين يا ريم كيف تركي متأثر....تحسين إنه وده هو اللي جاته جلطه بدل أبوه...
ريم:إي طبعا...تعرفين الأبو....مايتعوض...
سكتت شذى تذكرت أبوها....لو ترى بيطيح مثل ابو بندر ببتأثر مثل تركي؟؟؟...
شذى:إي صح صادقه....
ريم:وين تركي ألحين؟؟..
شذى:أول مانزلني البيت راح على طول مع اخوه متعب المستشفى حتى مادخل يرتاح....
ريم:هاه حلو البيت اللي خذاه لك تركي؟؟؟...
شذى متفاعله:يجنن يا ريم...بس فاتك...
ريم:وشو اللي فاتني؟؟؟...
شذى تضحك:ههههههههه فاتك...تخيلي أول ما دخلت البيت...ما أعرف وين غرفتي تدرين كيف دليت مكانها...
ريم تضحك:صاير بيتك متاهه هههههههه كيف دلتيها؟؟؟...
شذى:تخيلي قلت للشغاله تشيل الشناط وتوديها الغرفه...وبعدين لحقتها بدون ماتحس فيني إلين وصلت الغرفه...ودخلتها....ههههههههه
قعدت ريم تضحك:هههههههههه خطيره يا شذى...
شذى:تدرين إن الدور الثاني ما أعرف فيه شي...
ريم:والله؟؟؟...
شذى:والله....أقولك توني واصله...
ريم:الله وناسه...باقي رحلة استكشافيه بالبيت عندك...
شذى:شكلي باخذ معي كشاف وخريطه ههههههههه...
ريم:ههههههههه طيب قولي لي وش سويتي بهاليومين بباريس؟؟؟...
شذى تذكرت الأيام الماضيه اللي كانت مره حلوه:وش أقولك يا ريم... من أحلى أيام حياتي...
ريم:يا عيني....طيب قولي لي أحلى أيام حياتك....

تابع الجزء السابع.....


كانت الساعه تسع الصباح لمن طلعوا من عند أبو بندر...كان تركي مره مرهق وحتى متعب اللي كان مرافق مع أبوه بس طلع عشان ياخذ تركي من المطار...
تركي:متعب ودني البيت....
متعب وهويناظره:ما تبي تسلم على الوالده؟؟؟...
تركي نسى:إلا...أبي اسلم عليها بس نسيت...
متعب:ألحين ارتحت لمن شفت أبوي؟؟؟...
تذكر تركي شكل أبوه...تركي:ارتحت...بس ليش تقولي إنها خفيفه...
متعب: تركي أنا ما كذبت..الجلطه خفيفه..قول الحمدلله إنها جات كذا..بعض الناس تموت منها بس أبوي الحمدلله...عدى مرحلة الخطر...
تركي: طيب أنا برافق مع أبوي بدالك...
متعب:لا إنت ارتاح أنا اللي برافقه...بعدين إنت توك معرس مايصير...
تركي يناظره بعتب:ليه مايصير؟؟؟....وش دخل إني معرس فيذا؟؟؟...
متعب:كيف؟؟؟...تخلي عروسك لوحدها؟؟؟...
تركي وهو يناظر القزازة: أنا ماني مسافر عشان تقول إني أخليها لوحدها....
متعب:تركي أنا مرتاح خلني معه...وإنت تعال كل يوم زوره...
تركي تذكر أخوانه:إلا قولي شخبار...أبو فارس وش مسوي؟؟؟...
متعب يبتسم:توك تسأل...الحمدلله بخير...بس من طاح أبوي والشغل هو اللي ماسكه كله...
تركي:الله يعين...وفاطمه شخبارها وزوجها ناصر وعيالها كلهم؟؟؟...
متعب:الحمدلله بخير...وحتى أنا بخير...
تركي ضحك:هههه وش تبي أنا سألت عنك الحين؟؟؟..
متعب:هههههههه لا بس شفتك تمشي بالدور تسأل...
تركي:طيب شخبار انجود؟؟؟....والله إني اشتقت لها..
متعب يبتسم:الحمدلله بخير....
تركي:طيب وبشاير؟؟؟.......والوالده؟؟؟...
متعب:بخير بس متأثرين بالحيل بتعب الوالد...
*
*
*
أول ماوصلوا عند بيت أبو بندر....نزل تركي ومتعب...أول مادخلوا البيت كانت تنتشر فيه رائحة العود الثمين التي تذكر بعبق الأصاله وروح المودة ودفء العائله...تركي وقف وقعد يناظر بالبيت مع متعب اللي فتحت لهم الشغاله...
تركي:تهقى صاحيه؟؟؟...
متعب وهو داخل:أكيد الوالده تقوم بدري وما تسهر...
مالقوها تحت طلعوا فوق...إلا شافوها قاعده بصاله لوحدها تتأمل...كان شكلها يثير الشفقه مبين إن وراها هموم ومشاكل...
يتحمحم متعب...ولمن سمعت أم بندر الصوت لفت إلا تشوف عيالها الإثنين واقفين من الفرحه بتركي ما قدرت توقف...لأنها ما كانت تدري بوقت جية تركي كانت تتوقع اليوم الي بعده... بس متعب سواها لها مفاجأة يغير شوي من أجواء الحزن اللي تعم العائلة...
أم بندر:هلا وغلا بتركي..
ويجيها تركي يسلم عليها:هلا فيك يا يمه....هلا بالنور كله...
وسلم تركي على جبهتها وعلى راسها...وحب يدها الثنتين...
أم بندر بعبره:شفت اللي صار بأبوك ياتركي...أبوك بغى يموت علينا...
يتدخل متعب:الله يهداك يمه وش ذا الكلام؟؟...
أم بندر:إنت يا متعب تضحك علي...تقولي أبوك بخير...ولمن شفته وينه ووين الخير...
راح تركي جلس جنبها ومتعب قبالهم...
تركي:يمه أنا توني راجع من عند أبوي...وسلمت عيه وشفته...شكله يطمن يايمه...
أم بندر قعدت تبكي...
تركي وهو ماسك يدها الثنتين...ويقولها بضيق:يمه...وش فيك الله يهداك تبكين؟؟؟...
متعب بقلة حيله:هذا حالها من تعب أبوي...كل ماقلنا لها بخير تقعد تبكي...وتقول تضحكون علي...
تركي يكلم أمه بحنان:يمه الله يهداك تبكين...
ام بندر وهي تمسح دموعها:لا تضحكون علي...قولولي إذا هو تعبان وبيموت ولا لأ...
تركي يبتسم لأمه:يمه الله يهداك...هذا كلام تقولينه...وبعدين والله العظيم إني توني راد من عنده...والدكتور يقول لي إنه بخير وجات سليمه...وبإذن الله بيعدي مرحلة الخطر...
أم بندر:تركي إنت تقول هالكلام عشان تطمني...ولا صدق كلامك...
تركي بحنان:والله العظيم ما أكذب عليك...تعرفيني يمه...ما أعرف أكذب في امور زي كذا.. ولو حالته خطيره مره...ماكان سمحوا بالزياره له...
أم بندر:الله يطمنك يا تركي...
متعب:الله يهداك يايمه...وأنا طول الزمان أقولك بخير وأوديك له...وماتصدقيني...وتركي بكلمتين على طول تصدقينه...
تركي يبتسم:والله كل واحد واسلوبه...وبعدين يا أخي ماعندك أسلوب...
متعب:تكفى يابو الأساليب أنت...
تركي:ههههههههههه متعب قول غيران وارتاح...
متعب:أغار منك؟؟؟....هزلت...
تركي:هههههههه حلوة هزلت من وين سامعها؟؟؟...
متعب بطنازة :بسبيس تون....
تركي يكلم امه يبي يرفع ضغط متعب:شفتي ولدك يايمه...رجال إيش كبره يسد عين الشمس ويطالع سبيس تون...(تركي يكلم متعب)ياخي استح على وجهك...هذا القناة لبنتك مو لك...
متعب قعد يضحك...متعب بالأساس أعصابه هاديه مو بسرعه يعصب:اللي لبنتي لي عادي...
قعدت ام بندر تضحك رغم الحزن اللي فيها...
ام بندر بابتسامه:الله يخليكم لي...إنشالله...
تركي:ويخليك يارب...
ام بندر:إلا شخبار حرمتك يا تركي...
تركي:الحمدلله تسلم عليك...
ام بندر:ورى ماجبتها معك؟؟؟...
تركي:لأني اول ماجيت المطار نزلتها...وبعدين رحت المستشفى لأبوي...وبعدها عندك طال عمرك...
أم بندر:هاه وش سويتي هناك...عاد انبسطتوا...
تركي:الحمدلله على كل حال...إلا وينها بشاير؟؟؟...
أم بندر:نايمه...ما نامت إلا بعد صلاة الفجر...تبيني أصحيها لك...
تركي:لا يمه...أنا إنشالله برجع أمر عليك العصر...
أم بندر:زين افطرتوا؟؟؟...
متعب:الصراحه لأ....
أم بندر قايمه:أجل افطروا هنا عندي اليوم....
وراحت تقول للشغالات يحظرون الفطور لها هي وعيالها...كانت سعيده مره...لأن لها كم يم من طاح ابو بندر وهي تفطر لوحدها...بشاير ماتبي...ولا أحد يشاركها الفطور...

تابع الجزء السابع.....


ما بعد ما صكرت من ريم....وأفطرت...راحت تمشت بالبيت وتفرجت عليه كله..أعجبها بالحيل البيت وتصميمه والأثاث الديكور...كل شي أعجبها فيه...بعدها قعدت تنتظر تركي اللي تأخر عليها بالحيل...كانت تبي تدق على جواله بس ماتعرف رقمه...وبعدها قعدت تنتظره.. وراحت تفكر(لا يكون في أبو بندر شي أكبر من الجلطه...بس مايبون يخوفون تركي وهو برى..يمكن حتى إن متعب شكله يخبي وراه شي...وبعدين ليه تأخر كل هالوقت لا يكون جد صار شي...)وقعدت الأفكار تبحر فيها يمين ويسار...ماتدري ليه تذكرت ولاء تحس إنها كأنها تعرفها من زمان..إنقهرت إنها ما أخذت منها رقم جوالها ولا أي وسيلة اتصال بينهم...
بس وينك ياتركي...كانت مخاوفها كل شوي تزداد مع مرور الوقت اللي كانت تحس إنه يقتلها ببطئه...كانت تمر عليها لحظات وهي تحس إن الساعه موقفه ماتمشي...كانت دايخه وودها تنام بس وين النوم يجيها وهي بهالحاله...
كانت الساعه11ونص لمن جا تركي بعد مانزله متعب...دخل البيت اللي توقع إن شذى كانت رايحه بسابع نومه(كعادتها بباريس تسبقه النوم)....كان دايخ ومهوب قادر يتحمل أكثر له فوق ال24 ساعه مواصل...وسفر ومطارات بكذا دوله وزحمه...وبعدها مستشفى وزيارات...كان حاس بإرهاق شديد...أول مادخل كان طالع فوق يبي يرتاح...إلا يسمع صوت شذى تناديه...
شذى وهي مهيب مصدقه إنها شافت تركي:تركي ليش تأخرت لهالوقت...
استغرب تركي من سؤالها ووقف:شذى إنتي للحين مانمتي؟؟؟...
شذى:كيف انام وإنت باقي برى؟؟؟...
تركي وهو يتسند على سور الدرج:مشالله متى طلع هالإهتمام...العاده تسبقيني بالنوم...
سكتت شذى ماعرفت إيش ترد...
لمن شافها تركي سكتت قال:يالله تصبحين على خير أنا دايخ ألحين وأبي أنام...
شذى تسأله وهي باقي منحرجه من كلامه اللي قبل:طيب شخبار عمي أبو بندر؟؟؟...
تركي وهو طالع:بخير الحمدلله...
شذى:طيب بتنام؟؟؟...
تركي من غير مايطالعها:إيه....وإنتي ماتبي تنامين؟؟؟...
شذى طالعه وراه:إلا بنام بس كنت أنتظرك...


***


بعد ماقام تركي من النوم وكان الوقت عصر بالرياض...راح أخذ له شاور وتوضا وقعد يصلي الظهر....وبعدها أخذ له قلاص كوفي يبي يصحصح معاه...وراح يلحق على صلاة العصر مع الجماعه...قبل مايطلع قوم شذى عشان تصلي...اللي كان امبين عليها حتى هي دايخه وتعبانه...
شذى وهي مفتحه نص عيونها:كم الساعه ألحين؟؟؟...
تركي وهو يعدل شماغه قبال المرآيه:قومي ألحين صلي الظهر مع العصر راحت علينا نومه...
شذى وهي تنتبه على لبس تركي:تركي...إنت طالع؟؟؟....
تركي يلف عليها:إيه توصين شي؟؟؟....
شذى وهي توها تحس إنها مصحصحه زين:ليه...وين رايح؟؟؟...
تركي حس إنها تنرفز...ما يحب كثرة الأسئله ومو متعود أحد يسأله كذا...
تركي وهو يحاول يمسك أعصابه:وين رايح بعد؟؟؟....رايح للمستشفى...
شذى:طيب ماتبي تتغدى قبل لا تروح؟؟؟....
تركي:أي غدا الله يهداك...ألحين عصر...يله فآمان الله...
طلع تركي........وشذى في نفسها(عجيب هالتركي)....
*
*
*
أول ماوصل المستشفى لقى قباله متعب وبندر...تركي راح يسلم على أخوه الكبير أبو فارس اللي كان حنون مررررره والكل يحبه ويعزه...وكان إنسان هادي ومتواضع ومايحب يأذي النمله فما بالك بإنسان....كان تركي يحب هالصفه فيه...خاصه إنه بعيد عن الجلافه والغلظه...اللي يتميزون فيها أخوانه....كان أبو فارس متواجد ولمن شاف تركي فرح به بالحيل...
تركي وهو يسلم على خشم بندر:هلا والله بابو فارس...
ابو فارس وهو يسلم على تركي:هلا...يالله إنك تحييه...وش علومك ياتركي؟؟...
تركي وهو يناظره:الحمدلله...إنت وش مسوي مع هالشغل اللي كسر ظهرك...
ابوفارس يضحك:هههههههه كسر ظهر إلا هلهله وإنت الصادق....بس الله يعين...
ابوفارس يكمل:إلا اقول سلامة الأسفار...وماتشوفون باس...
تركي:الله يسلمك ويحييك...والشر مايجيك...
أبو فارس:هاه عسى استانستوا بهالسفره؟؟؟....
تركي لاعت كبده من هالسؤال....
تركي:إيه الحمدلله...لولا طيحة الوالد كان إحنا بالف خير...
أبو فارس:الحمدلله على كل حال...
تركي يكلم متعب:وإنت وش مسوي من تركتني؟؟؟....
متعب:أبد...حطيتك ورجعت المستشفى...
أبوفارس:متعب إذا تعبت خلني بدالك....
تركي:لا إنت ولا هو....يا رجال خلوني لها..
متعب واللي كأنه مايسمع:أقول بس لا يكثر...أنا لها ياتركي...وبعدين ابوفارس إذا ترك الشغل من راح يمسكه؟؟؟....وتركي توه معرس...وانا هنا...
تركي:متعب.....خلني بدالك...
متعب بإصرار:انا الرجل المناسب في المكان المناسب...
تركي:أحلى يا المناسب أنت...إلا وش فيكم واقفين هنا؟؟؟....
كانوا واقفين بالصاله الملحقه بغرفة أبو بندر...وغرفة أبو بندر مغلقه....
أبو فارس:أبد ماهناك شي....بس الدكتور داخل وقاعد يفحص الوالد...
تركي:ليه أبوي قام؟؟؟....
متعب:إيه...عاد إستعد يا تركي الرجال بيجون من كل مكان يسلمون على أبوي....
تركي يستفسر:يجون هنا؟؟؟....
متعب:إيه هنا....عاد مره وحده بيسلمون على أبوي و ويباركوا لك بالعرس..
تركي:خير إنشالله...(ويسأل ابوفارس) اقول يابوفاس إلا وين عيالك فارس وفواز؟؟؟؟....
ابو فارس:ما ادري وين يا في البيت يا في النادي....
تركي:طيب الرجال كل يوم يجون من طاح أبوي؟؟؟...
متعب:كل يوم يجون يسلمون على أبوي وما يخفون الناس إلا على الساعه تسع الليل...عاد إنت تعرف أبوي شبكه واسعه من العلاقات....
تركي:طيب عيالك يابو فارس يجون هنا يقابلون الناس؟؟؟......
أبو فارس:لأ....
تركي بامتعاض:ليه يابو فارس...مايصلح عيالك كبرو...ولازم يعرفون كيف يقابلون الرجال ويرحبون فيهم...
ابوفارس باعتراض:وين يرحبون فيهم؟؟؟....هذول باقي صغار...
متعب يساند تركي في رأيه: وين صغار يابو فارس مشالله فارس رجال إيش طوله...صاير أطول مني...و انخطت شواربه وإنت تقول باقي صغير...وهو داخل العشرين...
ابوفارس:أي عشرين؟؟؟....توه مخلص ثالث ثانوي...
تركي:مايصير وحتى ذاك فواز المفروض تجيبه....
ابوفارس:هم باقي صغار خل يستانسون...وبعدين لاحقين على هذي الحركات...
متعب:أي حركات؟؟؟....
تركي انقهر:حركات؟؟؟...تسمي إن الولد يتعلم كيف يقابل الرجال ويرحب فيهم حركات... أنا هذا ولدك بيذبحني..لمن أسلم عليه يقولي هايات عمي؟؟؟...وبعدين وش قصة الشعر هذي اللي كان قاصها قبل لا أسافر....والله إني كنت مشغول بالعرس والزواج وقلت له يقصه شعره ويعدله مثل الأوادم...مو شعره نصه طويل ونصه قصير...ولا بعد صابغ لي أطرافه بنفسجي...والله إن ماعدل ولدك عمره مايصير طيب...
أبوفارس عصب:ليه انا ابوه وين رحت؟؟؟...وبعدين ياخي الولد عايش على راحته....مادامه ماغلط على أحد ولا تعدى على حقوق أحد....لا تتدخلون فيه...
متعب:لا يابو فارس....لا تفهمنا غلط...وإحنا تهمنا مصلحة عيالك...بس إنت أبد تارك لهم الحبل على الغارب مايصير كذا ياخوي....لازم تشد عليهم شوي...خاصه إنهم في سن مراهقه يبيلهم أهتمام ومراقبه ورعايه أكبر....
ابوفارس: وش فيكم على عيالي....وبعدين عيالي واثق فيهم...ولا تبوني أحط وراهم دوريات مراقبه على روحاتهم وجياتهم....
تركي بخاطره هذا اللي بيجنني: إحنا ما قلنا ركب وراهم دوريات؟؟؟...إحنا قلنا اسالهم وين رايحين وين جايين...من يخاوون ترى الصاحب ساحب يابندر....
اكتفي بندر إنه يناظر أخوانه وقعد يفكر بكلامهم صدق كلامهم...بس هو يشوف إن عياله باقي اطفال...يعني بريئيين...وش يسأل البريء عنه؟؟؟...
في هذا الوقت راح متعب يتطمن ويسأل عن القهوجي إذا جهز القهوة والتمر للضيوف وجهز العود والأشيا اللي كذا...لأنه لازم هالبروتوكولات في عائلة أبو بندر اللتي تنتمي إلى المجتمع المخملي بالرياض...

تابع الجزء السابع.....


وفي هالوقت دخل عليهم ناصر(زوج فاطمه وولد خالهم) وتفاجأ بشوفة تركي اللي يظن إنه باقي مسافر....
ناصر بصوت عالي:السلام عليكم ورحم الله وبركاته....
تركي فرح بشوفة ناصر الرجل المسالم والهادي....والمحب لزوجته فاطمه....
تركي والكل:وعليكم السلام ورحمة الله وبركاته....
ناصر يسلم على ابو فارس ومتعب:وش علومكم يارجال؟؟؟
متعب:الحمدلله.....إنت وش علومك؟؟؟
ناصر:طيب...(وراح لتركي)هلا وغلا بأهل فرنسا....هلا بالمعرس....
تركي بابتسامه عريضه:هههههههه وش بقيت...هلا بزوج أختي....وش اخبارك؟؟؟..
ناصر:الحمدلله....هاه سلامة الأسفار..والله ماكنت أدري إنك وصلت...ماحد علمني بوصولك...
تركي:اله يسلمك...وأنا توني واصل اليوم الفجر...(ويلف على متعب)بس شكل أبو الشباب ماقال لأحد عن جيتي.....
ضحك متعب من كلام تركي وفهم بعدين ناصر إن تركي يقصد بكلامه متعب...
ناصر:الحمدلله على كل حال....إلا شخبار عمي...وش فيكم قاعدين هنا؟؟؟...
متعب وهو قاعد على الكنب ومسند أكواعه على ركبه:الحمدلله...بس تعرف الدكتور داخل يفحصه ومايبي أحد معاه......
تركي يسأل ناصر:إلا قولي وش أخبار فاطمه والله من زمان عنها؟؟؟...
ناصر واللي بدى يتأثر:زينه...بس مره متأثره بطيحة الوالد...وماغير تبكي عليه....(ناصر كأنه يتذكر شي)إيه صح ياويلك ياتركي منها؟؟؟....
تركي باستغراب:أنا ليه؟؟؟؟....
ناصر:تقول إنك من سافرت ما دقيت عليها إلا مره وحده....
ضحك تركي وقاله يصير خير...وفاطمه باعرف لها....
وبهالوقت طلع الطبيب من الغرفه وراح تركي ومتعب وراه يسألونه عن حالة أبو بندر أما بندر أبو فارس وناصر دخلوا عند أبو بندر......
سأل تركي عن حالة أبوه فطمنه الدكتور إنه بخير والحمدلله.....وإنها شده وبطريقها إلى الزوال بإذن الله....ووصاه الدكتور إنه يبعدونه عن الإنفعالات ويحرصون على الهدوء...
بعدها دخل تركي ومتعب على أبو بندر اللي كان صاحي...أبو بندر لمن شاف تركي استغرب من وجوده لأنه يعرف إنه باقي بباريس برا....وتركي اللي راح على طول يسلم على أبوه ويتحمدلله على السلامه....فرح حيل تركي لمن شاف أبوه حسه إنه تحسن مره عن الصباح اليوم...الحمدلله يارب على كل خير ومكروه واللي مايحمد على مكروه سواك....
أبوبندر فرح لمن شاف تركي:مرحبا بتركي...هلا بولدي وش أخبارك؟؟؟...
تركي وهو واقف عند أبوه:الحمدلله يباه...والحمدلله على السلامه مشالله عليك يابو بندر وجهك منور....
أبوبندر:الحمدلله على كل حال....إلا إنت متى رجعت من السفر؟؟؟....
تركي:اليوم الفجر طال عمرك...
أبوبندر يسأل:ليه وش اللي رجعك؟؟؟....
انصدم تركي من السؤال....هذا سؤال؟؟؟...يعني ليه رجعت...عشانك يباه...
تركي يجاوب بابتسامه:عشانك يا الشيخ....
ابوبندر بتثاقل:وش فيني؟؟؟....مافيني إلا العافيه....
تركي عرف إن ابوه ماوده إنه يقطع السفر عشانه فقاله:هو عشانك يباه وعشاني بعد..
ابوبندر :ليه وش فيك؟؟؟؟....
تركي:مابيرتاح قلبي أنا هناك مستانس....وأنت يباه تعبان بالمستشفى....
ابوبندر:لا يا تركي ماله داعي....وبعدين حرمتك مالها ذنب....
تركي:أي ذنب؟؟؟....
ابو بندر وصوته بدى يوهن:إنك تقطع عليها سفرها وترجعها...وهي باقي بشهر العسل...
تركي قعد يناظر أبوه بحنان ياكبر قلبك يابو بندر...
تركي:خلاص إنت ارتاح يباه ألحين..حتى هي إنشالله بجيبها تزورك....بس إنت الله يحفظك لا تشغل عمرك بأمور تافهه زي كذا....
سكت ابو بندر وغمض عينه عشان يرتاح...بغوا الشباب يطلعون من عنده..بس قاله لا يطلعون.....لأنه معروف عن أبو بندر مايحب العزله لوحده ويحب جمعة الناس...

الجزء الثامن.....


أول ما وصل تركي عند البوابة الداخليه لبيت أهله دق جوال على شذى اللي طلعت وسط تساؤلات أم بندر وحصه...واستغراب بشاير وسارا... وانتصار فاطمه...وحبور عايشة...
وتركي اللي كان مره ميت قهر من شذى....هذا وقته تدق؟؟...وبعدين وراها تصر كذا إلا أجي؟؟؟...من جد هالمره بتجنني... دواها عندي بس خل تجي وتشوف...
أول ما ركبت شذى السياره كانت ساكته...كان سكوت توتر...وهادئه هذاك الهدوء اللي يسبق العاصفه...كانت من داخل تغلي وتفور...كانت تحس إنها غبيه...غبيه وماعندها كرامه...قعدت تفكر....أنا ليش مارديت؟؟؟...أنا ليه سكت...مو من عوايدي أسكت إذا احد تعدى علي...ومن تكون فاطمه هذي أم الشر حتى أسكت لها؟؟؟....لا تكون بنت الملك وأنا ما أدري... كانت تحس ذيك اللحظه بالإنكسار بالإنهزام....
ناظرها تركي باستهجان...وماكان عارف بحالها...لأن كان بينهم فاصل اللي هو غطى شذى...وعدم معرفته بباقي جوانب شخصية شذى... وعدم معرفة شذى لباقي شخصية تركي...
تركي وهو يحاول يمسك أعصابه:ممكن أعرف وش عندك تبين تردين البيت؟؟؟...
شذى ساكته وما ترد.......بخاطرها مهيب ناقصه مشاكل ودوخة راس...
تركي بعصبيه:انا ماني أكلم جدار....وش فيك ماتردين؟؟؟...
شذى واللي كانت دموعها في حالة استعداد تبي أي كلمه وتنزل...كانت شذى ماسكه نفسها...لأن العبره خانقتها على الأخير....لأنها لو تتكلم راح تنفجر...وكانت تحس مثل الغصه بحلقها...
تركي واللي كان مسرع شوي من كثر العصبيه:شوفي شذى والله إن ماتكلمتي ترى مارح يصير طيب؟...تراني مهوب طرطنقي امشي وراك...
شذى هنا ماعاد قدرت تتحمل...الخلاص آلام العبره خنقتها...خلاص اطلقت العنان للي بقلبها إنه يطلع...تكلمت وما كانت تدري وش تقول...كانت مثل السيل إذا نزل ماعاد يقدر يوقفه أي كان...
شذى بصوت باكي:حرام عليك...من قال إنك طرطنقي؟؟؟...خلاص خلوني بحالي...وش فيك معصب...أنا ماسويت شي...بس من يرجعني البيت؟؟ ..ياليت إني مارحت...ياليت إني مارحت..يكفي يا تركي...لأنكم اغنى مننا انا وأهلي...تتكبرون علينا...الله مغنيني من سابع سما...وبعدين ماحد غصبك علي عشان تتزوجني؟؟؟(قعدت تناظر بتركي اللي كان فاتح عينه على الأخر مستغرب من كلام شذى)...انا أصلا لا كنت اعرفكم ولا شي...وبعدين أنا ماني لعبة وقت...بعدها تقطني بيت أهلي... أساسا انا أعرف ليش أخذتني(وتهدج صوتها بالبكاء والنشيج) إنت اخذتني عشان تبي تحر الزفت سلمى بنت عمك....عشانها رفضتك... أخذت وحده أقل منك مستوى مادي...عشان تحرق قلبها...اللي هي انا من قرادة حظي (وقعدت تناظر تركي وتشوف استغرابه وهو يسوق)لا تسوي نفسك متفاجأ ....أدري إنها بس ترجع من دراستها تحذفني...وتاخذها....تاخذها وتقطني
بعدها قعدت تبكي...تبكي بكاء حار طالع من قلبها...قلب محروق من القهر
اما تركي اللي كان معصب...ومذهول من اللي يسمعه...هذي البنت وش تخربط؟؟؟....من قالها هذا الكلام....من قالها على سلمى؟؟؟...ومن وين جايبه أرميها هذي وآخذ سلمى؟؟؟...
تركي اللي تنرفز جد من كلام شذى:ألحين ممكن أعرف من وين جايبه هالخرابيط؟؟؟....
شذى انصدمت من بين بكائها...يقول عن كلامي خرابيط؟؟؟..ألحين هو مستهتر فيني لهالدرجه...طبعا مايبي مشاكل تعور راسه...كفايه بُعد سلمى عنه وعن قلبه ياجعلها القرداه...
شذى وهي تبكي:لا تنكر...ولا تقول خرابيط...إنت أساسا مكشوف لي يا تركي...فلا تسوي لي فيها مستغرب....
تركي واللي كان وصل البيت...وركن السياره بالقراج...
تركي وهو يشيح بوجهه عنها كبرا وسخريه:اقول انزلي..وصلنا يا النبيهه..
نزل تركي قبلها...أما شذى قعدت تصيح مقهورة...ياربي ارحمني...
نزلت شذى ودخلت البيت ناظرت مالقت تركي....قعدت تناظر بوجهها بالمرآيه الكبيره الموجوده عند المدخل...انصدمت كان وجهها أحمر كان أحد مصفقها...وعيونها وانفها حمر...طلعت فوق قبل مايشوفونها الشغالات ما كانت ودها تطلع ضعيفه قدامهم...
أول ما طلعت...ودخلت غرفة النوم شافت تركي يغير شماغه ويلبس واحد جديد...انقهرت منه...كان سافهها...شذى مارضت إلا تطلع باقي الكلام اللي بقلبها وكانت متأكده إنه مارح يعجب تركي...
شذى:إنت ليه ماتتكلم وتقول تراني خلاص عرفت كل شي يا تركي... وبعدين مهوب انا اللي أخربط...
تركي واللي كان بيرجع يطلع...بس هالمره بيطلع مع نايف ولد خاله اللي مثل عمره تقريبا(أخو ناصر زوج فاطمه)...
تركي من النوع العصبي لو يقعد ياخذ ويعطي معها...مارح يخلص إلا وهو قاضي عليها...لأنه بيقط عليها كلام بيعورها بقلبها ويجرحها ومو حلوة بحقها وهي عروس........
شذى وهي تقرب منه:ليش ماترد؟؟؟؟؟...
تركي:حريه شخصيه...
شذى:طبعا ماعندك جواب لي....
تركي تنرفز من كلامها(يارب تصبرني):شذى...ابعدي عني حد النفس عليك طيبه...
شذى تبكي:إنت ليش تعاملني كذا؟؟؟...
تركي انقهر:ألحين إنتي ليش تبكين؟؟؟....وش صاير لك ببيت أهلي هناك.. وبعدين تعالي وش هالسخافات اللي تقولينها إنتوا أغنياء...وإحنا ما أدري إيش...وش دخل سلمى بنت عمي ألحين...يا تتكلمين مثل الأوادم معي وتفهميني...يا تنثبرين مكانك فاهمه؟؟؟...
تفاجأت شذى من أسلوب تركي معها....بس طبعا خير وسيله للدفاع هي الهجوم(كذا طرى ببال شذى)...
شذى وهي تمسح آثار دموعها وتحاول تتقوى شوي:يعني ألحين يا تركي تبي تقول إنك ما خطبت سلمى الزفت بنت عمك؟؟؟...
تركي يناظرها بعصبيه وده يصفقها هالعبيطه من وين جايبه هالكلام... من حشى راسها...
تركي بعصبيه:لأ...
شذى وهي صوتها بدى يروح بالبكي:لا تقول لأ وتكذب...إلا خطبتها بس هي ردتك بحجة دراستها وقالت لك الزواج بعد الدراسه...إنت انقهرت منها عاد تبي ترد لها الصاع صاعين...رحت خطبت وتزوجت المنحوسه اللي هي أنا...نكايه فيها ولأنك مشالله(بسخريه تقولها)الدنجوان اللي ماتنرفض واللي تأشر بس...ويتنفذ...فكيف ترفضك وإنت الكل يتمناك...
تركي عصب زياده:شذى ترى والله مالي خلقك...وبعدين هذي الخرابيط اللي تقولينها مهيب صح...كل كلامك غلط...
شذى بقهر:يعني تبي تقولي إنك ما كنت تحب سلمى...ولا قد خطبتها؟؟...
انقهر منها تركي...وش قاعده تقول؟؟؟...أنا لو أدري إنه بيصير كذا ما كان وديتها بيت أهلي...
تركي وهو يحاول يضبط أعصابه:أولا يا شذى مالك دخل في حياتي قبل لا أتزوجك فاهمه؟؟؟...ثانيا حبيت سلمى او ما حبيتها فهذا شي راجع لي... شي من خصوصياتي...
شذى من سمعت كلامه خلاص تأكدت إنه ميت فيها يحبها بجنون...يعشقها ويعشق الأرض اللي تمشي عليها...وإنها هي مسألة وقت ومجرد أداة للوصول إلى غايه...وأكيد إني انا الدرس اللي يعلم فيه سلمى وش معنى إنها ترفض تركي...
شذى وهي مصدومه:آسفه إذا تدخلت بخصوصياتك...تركي إنت مشالله كل يوم يظهر لي جزء من الجانب الأسود من شخصيتك...
تركي ما عاد قدر يتحمل سخافاتها...وبنفس الوقت ما كان وده تعرف عن حبه لسلمى شي...مو لأنه ماضي يخجل منه...بس لأنه أكيد بيأثر على علاقته فيها ولو بجزء بسيط...لأن المرأه بشكل عام ماتحب تسمع عن حب زوجها غيرها أبداً....
تركي بعصبيه:شوفي يابنت الناس...موضوع سلمى هذا لا عاد أشوفك تفتحينه قدامي أبد...مابي أسمع لها طاري بهالبيت فاهمه؟؟؟...
وبعدها طلع تركي بعصبيه...وصكر الباب بقوة وهو طالع...يدل على عصبيته....
شذى هنا حست إنها بدت تنفصل إلى عالم ثاني...عالم كئيب...أسود تحس بالحسره و القهر...تحس إنها بدت تصحى من الحلم الوردي اللي كانت عايشته...اللي كانت تحس إنها ملكه فيه...مر قدام عيونها بسرعه شريط ذكرياتها بباريس...تذكرت كيف إنها ودها تطير من السعاده...حست إن هذا كله بدى يتلاشى مثل ذرات الضباب...عرفت إنها الحين بالنسبه لتركي مجرد وسيل انتقام...وإنها مسالة وقت...أما سلمى فهي الاساس...هي الحب...وهي اللي بتكمل باقي العمر معه...لأن شذى مجرد دخيله على هذي العائله اللي ماتعترف بالدخلاء بينهم أبد....
بعدها قعدت تصيح بقهر...تصيح بحسره...تصيح بألم...حست إنها ولا شي بالنسبه لتركي...مالها أي اعتبار او وجود....على الأقل بالقلب؟؟؟....

أما تركي اللي كان نفسه يعرف من وين جايبه شذى هالكلام؟؟؟...من اللي قالها عن سلمى...معقوله بشاير؟؟؟...لالالا بشاير صح خبله ومتهوره وبايعتها...بس ما توصل إنها تقول شي زي كذا...أمه قالت؟؟؟...بعد لأ مايتوقع إن امه بتزيد كلام إنه خطب سلمى...قعد يفكر سار مرة متعب.. سارا طيبه وما رح تفكر بطريقه سوداويه كذا...في باله أكيد إنها فاطمه آه من فاطمه لو كانت هي وش راح أسوي بها؟؟؟...

احم احم نحن هووون


متااابعه لك يااحلى فراااشه بالكون كله

نورتي قلبي ولكن

انتظروني في الاجزاء الباقيه لانها مره طويله

يافديت اللي تعبو

منتظرينك ياروحي

http://www.shathawi-lovers.com/vb/images/smilies/177.gif

تسلمي قلبي

تابع الجزء الثامن.....


بعد مرور يومين على هذي الحادثه كانت صحة أبو بندر تتحسن كثير إلى الأمام...تركي فرح من الخاطر بتحسن صحة أبوه اللي الكل كان فرحان فيها...وصايره حركته أحسن من أول بعد ماكانوا خايفين إن الجلطه بتأثر عليه..وعلى حركته...
كانت فاطمه مررره فرحانه بهالشي...كانت تحس بمثل الورود الذبلانه واللي رجعت تتفتح من جديد...وحرصت في الفتره ألاخيره تكثف زياراتها لأبوها اللي كان يحب فاطمه مايدري يحس إنها بكره وأول فرحه له مع إنها الثانيه بعد بندر...بس البنت سبحان الله قريبه لقلب أبوها...
شذى اللي فرحت بتحسن صحة أبو بندر كثير كانت باقي ماتكلم تركي اللي مو معطيها وجه أبد...يدخل البيت ويطلع حتى مايناظر فيها...وحتى لمن يجي وقت النوم يعطيها ظهره ولا يهتم إن كانت نايمه ولا صاحيه... و أوقات الأكل بعد ما ياكل معها يا يروح لمتعب وأبوه بالمستشفى أو لأمه اللي تفرح بجيته...أو عند عمته حصه...ومره راح العشا لبيت أخته فاطمه اللي حاول إنه ياخذ منها تلميح على اللي صار بس وجود ناصر ما خلاه ياخذ راحته...لأن تركي كان بيعرف يسحب الكلام من أخته فاطمه..كانت شذى تحس بالتهميش اللي يحس الواحد نفسه ولا شي...التهميش اللي يحطم الواحد ويقلل من قدره...الحياه كذا كئيبه جدا بالنسبه لشذى...واللي كانت مفتقده تركي حيل كان يهمها أمره...وكانت تحبه موت...بس قاهرها من ناحية سلمى...اللي حتى ما أنكر حبه لها...تذكرت مكالمته مع ريم واللي حست من جد إن فاطمه ناويه تدمر حياتها...حاولت تلقى لها فرصه تكلم تركي فيها...لأن على قولة ريم إنها ما أعطته فرصه حتى يفهم إيش السالفه على طول هجمت وسوتها سالفه...وهو أكيد مقهور منها ومن حركتها...

في هذي الليله قررت شذى إنها تكلم تركي وتفهمه إيش السالفه وتستسمح منه وتفهم وش سالفة سلمى بنت عمه...
تذكرت هذيك الليله الكئيبه لمن راحت لبيت أبو بندر...كانت القعده هناك وناسه...بس من دخلوا فاطمه و عايشه انقلب الحال على عقبه...تذكرت نظرات عايشه الحارقه لها والكبر واضح عليها من طريقة جلستها... أما فاطمه فأول ما دخلت راحت وسلمت عليها ببرود وجلست جنب عايشه وكانت تحمل لها نفس النظرات...شذى فخاطرها ما كانت تدري ليش يناظرونها كذا...شذى سمعت صوت عايشه وهي تسولف مع سارا...قعدت تحوس في بالها هالصوت مو غريب عليها...فجأة حست بمثل الطعنه لمن تذكرت إن هذا هو صوت الحرمه اللي كانت مع فاطمه بيوم الخطوبه لمن سمعتهم...سمعتهم وهم يذمونها ويمدحون سلمى...اللي على طول ربطتها شذى بإن سلمى أخت عايشه مرة بندر...لحظتها حست بالضعف والعبره خانقتها...
بشاير قامت لأن جوالها دق وطلعت وحده من خوياتها اللي دقت وراحت برا المجلس تكلمها بعيد عن الضجه...
أما سارا فراحت تشوف بنتها انجود...وأم بندر وحصه كانوا قد قاموا وراحوا جلسوا بطرف الصاله الكبيره اللي تتوسط قصر ابو بندر وبعدها فضى المجلس منهم كلهم وما بقت إلا شذى وفاطمه وعايشه ونوف اللي قامت تشوف خالتها بشاير...
فاطمه لحظتها غمزت لعايشه...بأنه حانت الفرصه المناسبه عشان تبين لشذى إنها مهوب قد المقام...
فاطمه:أقول شذى شخبارك ما بينتي من رجعتي؟؟؟...
شذى واللي كانت حاسه بالضعف ما تدري ليه خايفه تقط عليها كلام:الحمد لله...بس تعرفين كان تركي مشغول مع الوالد...وما جات فرصه حلوه إني أجي...
عايشه وهي تناظر فاطمه:عسى إنشالله استانستي بفرنسا؟؟؟...
شذى كانت آخر صوت تتمنى تسمعه عايشه...بس ردت عليها وحاولت إن صوتها ما يتغير لأن نظرتهم لها مبين إنهم يضمرون لها شي:الحمدلله...
عايشه بلمز:ليه إنتي أول مره تروحين لها؟؟؟...
شذى حست باحراااج لأنها أول مره بس حبت تبين إن عادي:إيه أول مره أروح لها...فيا شي؟؟؟...
فاطمه تتدخل وتسوي نفسها متعجبه:يالله اول مره تروحين لها؟؟؟...ليه إنتي وين قد رحتي من قبل؟؟؟...
شذى منقهره حست إنهم بيجرونها في متاهات:ما قد طلعت برا السعوديه.. هذي أول مره اطلع...غير البحرين ودبي...
فاطمه وهي ترفع حاجب:أكيد ما صدقتي إن اخوي تركي بياخذك لبرا وتشوفين العالم...
شذى انقهرت زياده بس حاولت إنها تمسك أعصابها:لا وش دعوه مره وحده ما صدقت...
فاطمه:لا بس وين يحصلك إنك تسافرين...إذا حتى مع أهلك ما سافرتي ولا ودوك ولا جابوك...
شذى:أحد شكا لك الحال؟؟...وبعدين إذا اهلي لا ودوني ولا جابوني على قولتك...ليه مقهوره؟....
فاطمه:لا ماني مقهورة...بس مشكلة بنت الفقر اللي تطيح على ولد نعمة...
عايشه اللي ماتوقعت إن فاطمه بتقط كلام كبير كذا...بس فرحت مررره..
قعدت شذى تناظرها من فوق لتحت:بنت فقر؟؟؟....أنا بنت فقر يا فاطمه أولا انا الحمد لله شايفه خير ببيت أهلي...بس إذا كان قصدك إنكم أغني مننا أنا واهلي قولي الحمدلله يارب...وخذيها قاعده عندك ترى الفقر مو عيب ولا حرام...والرسول كان فقير والفقراء أول ناس دخول للجنه...
انقهرت فاطمه من ردها وما قدرت ترد عليها بشي حست إنها أفحمتها...
عايشه حست بفاطمه على طول تداركت الموقف لصديقتها وقالت: بس يا شذى فقر وطمع لمن يتجمعون...تتوقعين إيش بيصير؟؟؟...
فاطمه:أساسا الوحده ما يجبرها تاخذ واحد ماتعرف عنه قبل الزواج شي إلا الطمع والعياذ بالله...
شذى:أنا طماعه؟؟؟...انا لاني طماعه ولا شي...(تبي تقهرها زي ماقهرتها) وبعدين يا فاطمه أنا ما أعرفكم قبل ما أخذ تركي أبد...بس إنتوا اللي جيتو للشرقيه عشاني...وتركتوا بنات الرياض وبنات أقاربكم واخترتوني أنا من بينهم...وبعدين وشلون أطمع في ناس ما أعرفهم من قبل يعني ياليت تقيسينها بالعقل طيب...وبعدي تعالي قولي إذا اا طماعه أو لأ؟؟؟...
عايشه انقهرت كانت تبي ترد بس ماعرفت وش تقول...
اما فاطمه انقهرت وقالت والله لأرفع ظغطها وأطلعها من هالبيت وهي مهوب شايفه دربها:اسمعي يا شذى لا تكونين إنتي حاطه ببالك إنه اخوي تركي ميت عليك...أبد شيلي هالفكره من راسك....ولا تفكرين في إنه إنتي أول مره بحياته هو أساسا كان ميت على سلمى بنت عمي...ويحبها حب الموت...
شذى حست إن الدم ماعاد يجري بعروقها من هالكلام؟؟؟...ألحين بدت تتكشف لها أوراق سلمى...اللي كانت مثل اللغز وبدت طلاسمه تتفكك
فاطمه تكمل وسط حبور عايشه:هو راح خطبها...بس هي ردته عشان تبي تكمل دراستها لأنها ألحين بالأردن...هي ما ردته يعني ماتبيه...هي ردته مؤقتا كم سنه إلى ما تخلص دراستها لأنها بتصير مشالله دكتورة... عاد تعرفين تركي يحب يتملك كل شي يطيح بيده وهو مشالله عليه ماينر وماتوقع واحد بالميه ترده...عاد يبي يقهرها...راح قال لنا يبي يتزوج وحده أقل من سلمى بكل شي من مستواها المادي...إلى شكلها...
عايشه تتدخل:طبعا سلمى أختي...بترجع بعد 4 شهور تقريبا...يعني استعدي يا حلوه...لأنك مارح تطولين بينا...
فاطمه:ترى تركي يبي يقهر سلمى لمن تزوجك...وخذى وحده أقل منها...
عايشه:عاد مشالله سلمى كامله والكامل وجهه سبحانه....
فاطمه بالفم المليان:إنتي اصبري وشوفي حذفة تركي لك...وبتقولين فاطمه قالت...
*
*
*
انتظرت قدوم تركي اللي تأخر بالحيل عليها...جا تركي يمكن الساعه 12 بالليل توقع إن شذى خلاص نامت..هو بخاطره أحسن خل تتأدب أصغر عيالها أنا تقعد تهزأ فيني...تركي عارف إن أصعب شعور بالعالم لمن يحس الواحد إنه مهمل ومحد يسأل عنه...وهو حب هذا العقاب النفسي لشذى عشان تتأدب...أول مادخل البيت لقاه هادي كالعاده طلع فوق شاف شذى تنتظره بالصاله اللي بالدور الثاني...
شذى اللي ملت من الإنتظار فرحت أول ماشافت تركي...
شذى بابتسامه:هلا تركي...
ناظرها تركي باحتقار ودخل غرفته مع إنه مستغرب بينه وبين حاله...
عرفت شذى إن الطريق قدامها صعب بس لازم تمشي فيه...لحقته لداخل غرفته...وسمعت صوت مويه بالحمام...عرفت إنه يسبح...انتظرته إلى ما طلع...
شذى بفشله:تركي...باقي زعلان؟؟؟...
تركي ناظرها بنظره:بغيتي شي؟؟؟....
شذى بابتسامه:رضاك....
تركي تركها خل تتأدب...وراح دخل فراشه وهو مطنشها...
شذى راحت وجلست عنده على طرف السرير....
شذى:تركي والله خلاص كفايه عاد....إذا انا غلطانه سامحني تدري ما أحب إنك تكون كذا زعلان علي...
تركي بتعب:شذى أجلي هالنقاشات لبكره...ترى مالي خلقك ولسوالفك...
شذى بحزن:طيب سامحني...والله طول الليل وأنا انتظرك... سامحني ..و بعدين انا ماغلطت وقلت كلام يزعل عشان تزعل...
تركي يعدل جلسته:ما دامك تبين الكلام الحين...نعم آمري آنسه شذى وش عندك؟؟؟..
شذى وهي تحس الدموع بتهل عليها:تركي رجاء سامحني بليز والله آسفه...
تركي:يعني من الغلطان ألحين...أنا ولا إنتي؟؟؟...
شذى:أنا بس سامحني...
تركي:طيب والكلام اللي قلتيه من وين جبتيه؟؟؟...
قعدت شذى تقوله عن الحوار اللي دار بينها وبين عايشه وفاطمه..توقعاته طلعت بمحلها وفاطمه لها دخل كبير بالسالفه...
شذى:عشان لا تلومني إذا زعلت وانطقيت...ولا شرايك هذا كلام مايزعل؟؟
سكت تركي...وبعدها بفتره قال:خلاص مسامحك...مع إن طريقتك غلط لمن جيتي زعلانه المفروض ماتجين تهاجميني كذا...
شذى:بالعكس...هذا يدل كثر حبي لك...وكيف إني ثرت لمن عرفت بأمر غيري إنه يحبك...وإنك تحب غيري...تراك يا تركي ماتعرف وشلون حبي يعذب...لمن أحب أحب بجنون واغير بجنون...وما ابي احد يقرب من حبيبي فاهم...
تركي يبتسم بتعب:يعني أنا حبيبك؟؟؟...
خجلت شذى وقالت بحب: إذا ما عندك مانع إيه...
تركي:عندي مانع...أنا من خذيتك ما بوستيني بوسه وحده..رضوتي هالمره بوسه...
شذى وخدودها حمروا من الخجل:.......
تركي:ترى مارح أرضى على ماتبوسيني...
قربت منه شذى وباسته...ولمن باسته ضمها تركي بحب إلى صدره وحنان... وقالها:يا عمري يا شذى والله إني أحبك...لا عاد تصدقين الناس لمن يقولوك كلام عني طيب...ولو ما بغيتك ما كان خذيتك...وإنتي عندي بحريم الدنيا كلهم...
شذى هنا حست إن هذا كثير كثير بالحيل...قعدت تصيح وتمسكت بتركي أكثر...
قعد تركي يمسح على شعرها ويقول يهديها:شوشو لا تصيحين خلاص...
شذى اللي بعدت عنه قالت بزعل وهي تمسح دموعها:تركي بليز شوشو لأ أحس عقد العالم فيني لمن تقول شوشو...
تركي:خلاص مارح أقول شوشو....تيبن أقول حبيبتي؟؟؟...
شذى:حبيتي هذا احلى شي يمكن تناديني فيه....

تابع الجزء الثامن.....


كان أبو محمد و أم محمد قاعدين بالصاله حزة المغرب مع ولدهم سعود يتقهوون...
أم محمد:وينك يا سعود؟؟...صار لك كم يوم ما قعدت معي؟؟؟...
سعود:حقك علينا يا ست الحبايب...بس تدرين طالع مع أخوياي...
ابو محمد:أبي أعرف..وش تستفيد أنت من هالطلعات والفرفره بالشوارع...
أم محمد:إيه والله...وأبوك صادق...هذا بدل ما تقعد معنا أنا وأبوك تعرف الدار خاليه من بعد أهلها...
سعود: طبعا ست الحسن والدلال...شذى وأنا الله لي...
أم محمد:بالعكس والله إنكم عينين براس وحده...بس تعرف إنت سافرت ورحت وطول الوقت طالع وبالدوام..اما هي الله يحفظها أول مره تبعد عني كانت دوم حولي ومعي ومره وحده سافرت وبعدت عني للرياض...
سعود:الله عليك يام محمد...هي الله يحفظها وأنا بقريح هاه؟؟؟...
ابو محمد:سعود...لا تقولي إنك تغار من الحريم؟؟؟...
سعود بتعجب مصطنع:من أنا؟؟..إني ولد أبوي أنا اغار من الحريم؟؟.. هذا اللي ناقصني بعد...
أبو محمد: إيه خلك كذا سبع وانا ابوك...
سعود بفخر:ما عليك يا أبو محمد...إني فحل ولد فحل...
ام محمد بابتسامه:الله يخليك ويحفظك...ويعطيني طولة العمر إني أشوف عيالك....
سعود:إنشالله يارب...بس يالله يا أم محمد شدي الهمه واخطبي لي..مشالله هذي شذى أصغر مني بخمس سنين زوجتوها...يالله زوجوني تراني زهقت من العزوبيه ودي أطلقها طلاق بائن لا رجعة فيه...
ابو محمد:أجل بزوجك بنت عمك منال أخت مها...مشالله حبيبه وطيبه..
سعود اللي انتفض من سمع أبوه يطري منال هذي اللي ناقص اتزوج هذيك البويه والله لو تكون آخر بنات المسلمين ما آخذتها...
سعود بضحكه كذابه:هههههه لا يباه واللي يعافيك إنت ماتبي ولدك؟؟؟..منال ما باخذها لو شيصير...
ابو محمد عصب وما رضى على بنت أخوه:أقول وش فيها منال هاه؟؟.. والله إنها تسواك وتسوى عشر من الرجاجيل...
سعود بخاطره(فيذا صدقت يباه والله إنها تسوى قبيله مع هالرجوله اللي فيها)...
سعود:ما فيها شي يباه...بس ما تصلح لي منال...
ابو محمد:وليه ماتصلح لك...أنا كنت احتريك متى تطري لي منال عشان تاخذها...في النهايه تقول ماتصلح لي...
ام محمد واللي كانت تحب منال حيل...بس ما كانت تشوف إنها تليق بسعود
وما كان ودها إن أب محمد يجبر ولده إنه ياخذها...عشانها بنت اخوه...
ام محمد:خلاص يابو محمد...لا تجبر الولد على شي ما يبيه...
ابو محمد:أي ولد إلا قد هو رجال مشالله طول بعرض...وش ناقصه عشان لا يتزوج منال...
سعود:خلاص يابو محمد لا تعصب...بس ترى أنا ما ابي منال...
ابو محمد ناظر لده بخنق...وبعدها قعد يتقهوى...
سعود يقول لأمه اللي كانت جالسه جنبه بصوت هامس:شكل الوالد ناوي على القشرا....بس الله يستر...
أم محمد ضحكت لمن قال ولدها كذا...
أما أبو محمد اللي انتبه قعد يناظر بقوه بعيونه الجاحظه في سعود...يعني وش تقصد...
سعود بمزح ويبي يغير السالفه:اقول يباه متى آخر مره تغزلت بأمي؟؟؟...
أم محمد واللي حطت يدها على فمها:يا ولد عيب.....
أبو محمد باستهجان:انت وش قاعد تقول؟؟؟...
سعود وهو يناظر أمه:أقول متى آخر مره تغزلت بهالعيون عيون المها يا جعلني ما ابكيها ابد...
ابو محمد:عيب عليك يا سعود تقول كذا...
سعود:وش العيب؟؟؟...واحد الله عطاه مرتن مزيونه ويتغزل فيها...عادي..
ام محمد:سعود..
سعود:يا قلب سعود آمري....
ابو محمد:خلاص اسكت...
سعود يناظر ابوه بنص نظره:لا يكون بس تغار مني؟؟؟..
ابو محمد:أغار..ام محمد سكتي ولدك من قعد وهو ماغير يخربط وما عنده شي يقوله...
سعود:لا أنا أساسا طالع...وخذ راحتك يباه لو تبي تخمها بعد(سكت لمن شاف نظرة أبوه اللي يخاف منها من صغره)أجل يالله أستئذن أنا..مع السلامه...
ام محمد:الله يحفظك إنشالله....

***

كانت ببيت أخوها بندر...اللي كانوا الثنتين ازواجهم رايحين يحظرون عرس لواحد من اقاربهم...
فاطمه:هاه وش رايك باللي سويته لها؟؟؟...
عايشه تضحك:ههههههه تستاهل...أنا الصراحه ودي بس اشوف شكل تركي وهو يهاوشها على الكلام اللي أكيد تقوله من القهر...
فاطمه:تستاهل باقي ما شافت مني شي...
عايشه:والله تستاهل...ولا هذي كفو تاخذ تركي...
فاطمه:المشكله يا عايشه ما أسرع ما سحرته وصار يحبها...ولا يرضى
بالغلط عليها...
عايشه:أكيد هذول البنات المشافيح...يعرفون يسحرون أزواجهم...
فاطمه:حتى أمي...وبشاير وسارا..كلهم يحبونها حبتها القراده... تخيلي حتى عمتى حصه صايره تحبها حيل...
عايشه:شوفي عمتي اللي أمك تحبها عشان تركي يحبها... وبشاير باقي صغيره وقريبه من سنها ومافي احد بالعايله كبرها فأكيد تحبها... اما سارا تعرفين على نياتها وشافتها تمثل قدامهم إنها طيبه حبتها...اما عمتي حصه تعرفين كل شي به ريحة تركي تعشقه..فما بالك لو تكون زوجته...
فاطمه بتفكير:بس يا عايشه...مالها من تزوجت شهر وشوفي كيف لعبت بهم حسبي الله عليها...
عايشه:تخيلي يا فاطمه تحمل؟؟...
انتفضت فاطمه وقالت بعصبيه:تحمل بعيالنا...معصي تحمل والله لأطفشها بعيشتها...وإذا ما أخلي تركي يطلقها وأخليها تتحسف إنها خذت من ذي العايله ما أكون فاطمه...
عايشه بغرور وأنفة:تتحسف؟؟؟...اصلا هو يحصلها القعده مع مثل عايلتنا بنت الفقر...
فاطمه تناظرها بزهو وإعجاب:إيه صح وإنتي الصادقه هو يحصلها... بس تشوفين كيف اخلي تركي يرجع ياخذ أختك سلمى ياحبي لها...
عايشه سكتت واكتفت بالإبتسامه...مو هذا اللي تبيه...
فاطمه:ما قلتي لي...شخبارها؟؟؟...
عايشه:تمام تسلم عليك...بس حلوة لمن كذبتي على مرة أخوك وقلتي إنه خطبها ورفضته....
فاطمه:عجبتك السالفه هاه؟؟؟...
عايشه:بس قللت من قيمة تركي ترى قدام مرته....
فاطمه بضجر:هو قلت قيمته من يوم خذاها...بس إصبري علي وشوفي وش بيصير...

تابع الجزء الثامن.....


اليوم الثاني بالعصر...
شذى:ماني مصدقه عمري بشاير عندي بالبيت...
بشاير:لأ صدقي...إنها هي بشحمها ولحمها عندك...
شذى بضحكه:هههههههه أقول خلي عنك الغرور بس....
بشاير:لا الغرور خليته لغيري لا تخافين....
ضحكت شذى وعرفت إنها قصدها فاطمه أختها:ههههه المهم ماعلينا وين خالتي ماجات معك؟؟؟...
بشاير:أنا قلت لها تعالي...بس تعرفين الثنائي المدهش جو عندنا بالبيت وماقدرت تجي...
قعدت تضحك شذى وقالت:هههههههه من الثنائي المدهش؟؟؟...
بشاير:ما تعرفينهم؟؟؟...
شذى:وأنا وش يعرفني فيهم.....
بشاير وهي تقعد:إيه صح إنتي باقي جديده على العايله الثنائي المدهش الله يسلمك هم فاطمه أختي وعايشه بنت عمي ومرة بندر....
شذى تستهبل:طيب عللي ليه مسميتهم كذا؟؟؟...
بشاير:والله إن العربي أثر على الفيوزات اللي براسك..وصايره تقولين عللي أخاف عقب شوي تقولين لي أكملي الفراغ....
شذى تضحك يا ناس تحب بشاير موت دخلت هالبنت قلبها بسرعه: لا بشاير ترى استهبل عليك...
بشاير:واضح...أصلا حتى تركي خربتيه صاير يقول وداعا يا أختي الصغيره...
تركي واللي كان نازل من فوق رايح لأبوه بالمستشفى:من اللي صاير يقول وداعاً هاه؟؟؟...
بشاير مخترعه:بسم الله...إنت مركب ردار؟؟؟...أقول إنت مرتك خربتك وصايره تتكلم فصحى...
تركي يضحك:هههههههه طيب يالله أنا ماشي بروح لأبوي...
شذى:مع السلامه الله يحفظك...
تركي:ليه ماجات الوالده معك يا بشاير؟؟؟...
ناظرت بشاير بشذى وابتسمت وقالت:لا أبد بس عايشه وفاطمه عندها...


***

هذا اليوم هو فرحه عند الكل...اليوم طلعة أبو بندر من المستشفى..
كان هذا بالنسبه لأم بندر أقصى أمانيها...كانت تدعوا الله إنه يحفظه لها ويرده معافى...كان هو عندها مثل الشمس اللي تضوي لهم...كان هو مصنع الحب بالنسبه لها...كفايه إنه يوم خذاها كانت باقي طفله غريره ماتعرف من أمور الدنيا شي...وبدت تتعلم حبه حبه على يده...يارب السماء احفظ أبو بندر لأم بندر وقر عينها به...

أول ما دخل أبو بندر البيت كان الكل موجود...محد قعد وراحوا يجيبونه من المستشفى متعب وتركي...أما الباقين فكانوا بالبيت باستثناء بندر هو الوحيد اللي بيتأخر عليهم لأن عنده شغل و بعدها بيجيهم بالمغرب... لأن وقت طلعة ابو بندر العصر...
الحريم كانوا مجتمعين بالصاله الداخليه...شذى اللي ما راحت لبيت ابو بندر من ذاك اليوم راحت هذا اليوم...كانت حاسه بتوتر خايفه من طولة لسان فاطمه...وكانت خايفه زياده إنه تسمع شي ما يسرها عن تركي...راحت وكان كل تفكيرها يوجهها إنها لا تحتك لا بفاطمه...ولا تقرب من عايشه
أما فاطمه فكانت جد سعيده بأبوها كانت تحس بالإنتعاش برجعة صحة أبوها
ولمن الكل اجتمع طنشت شذى فاطمه وعايشه...وقعدت مع سارا وبشاير.. وبعد ما راحوا الرجال من عند أبو بندر راحوا الحريم شذى وسارا وبشاير يسلمون على أبو بندر ومعهم فاطمه وعايشه لأن الرجال كانوا كلهم مجتمعين عيال ابو بندر كلهم وناصر وزوج حصه...وحتى أبو عبدالكريم جا رغم صعوبة حركته...
بعد ما سلمت عليه شذى لمست الطيبه منه...
شذى:شخبارك عمي؟؟؟...إنشالله بخير...
ابو بندر:الحمدلله...إنتي هاه شمسويه مع تركي؟؟...أعرفه ما ينطاق..
شذى:لا بالعكس...طيبه وتركي يا حليله طيب معي...
أبو بندر بطيبه:عاد اعذريني يا بنتي قطعت عليك بطيحتي سفرتك...
ناظرت شذى فاطمه بكبرياء تبي تقهرها:لا عادي عمي...عشانك نسوي كل شي...بس اهم شي تقوم لنا بالسلامه...
ابو بندر بابتسامه عذبه:الله يسلم حالك...والله إنك بنت ناس طيبه وعرفت تربي...

تابع الجزء الثامن.....


مرت أيام الصيف بسرعه...تحسنت معها صحة أبو بندر تدريجيا بس ما قدرت عايلة أبو بندر إنهم يسافرون عشانه...بس متعب هو الوحيد اللي سافر مع مرته أسبوعين ورجعوا بعد ما طلبه أبوه إنه يسافر...لأنه من جد أكثر واحد تعب بطيحة ابو بندر فهو متعب اللي أهمل بيته ومرته وبنته وقابل أبوه بطيب خاطر...وحب وحنان...متعب رفض السفر بس أبو بندر طلبه إنه يسافر...وبالفعل راح هو وسارا وبنته انجود لبنان أسبوعين ورجعوا...أما تركي فعلاقته مع شذى تحسنت....وشذى اللي علاقتها مع بشاير قوة بالحيل...كانت أيام الصيف حلوه بالنسبه لشذى مره باستثناء حركات فاطمه اللي ترفع ظغطها مع عايشه اللي تحس إنها تحرك فاطمه مثل قطعة الشطرنج...بس هي تعبي وفاطمه تجي منطلقه تنفذ.. وطبعا فاطمه من الأساس مهيب ناقصه زيادة أحد يحركها...اللي فيها كافيها وبزياده....

***
قعدت شذى تفكر بمستقبلها مع تركي اللي تحس من جد محد شاغل باله غيرها هي وبس...أما سلمى يمكن تكون ماضي وانتهت من زمان... أو يمكن تكون غلطه...حست إنها لازم تعيش يومها هذا مع تركي وتأجل موضوع الحمل والأولاد بعدين...لأنها باقي صغيره وتوها متزوجه...يعني تستانس شوي قبل لا تلحق على الهم على قولة المتزوجات...هي حقيقه تحب الأطفال موووت وتعشق حركاتهم بس مهيب فاضيه لهم ألحين... لاحظت إن تركي وده بالعيال بس هي ما تبي...لمحت له على الموضوع بس شكله يبي يصير أب بأسرع ممكن...هو جد ما قد قالها إنه يبي عيال كاش كذا...بس حست من حركاته وكلامه إنه يبي...وقعدت تتذكر إنها بليله كانت سهرانه معه...
شذى: أقول حبيبي مو كأنك هالأيام مطنشني شوي...
تركي يبتسم:ههههه عاد إنتوا يا الحريم يا حبكم للدلع والكلام الحلو...لواقعد أتغزل فيك من الصبح إلين الليل...بعد مايرضيك..
شذى:شوف لو تقعد تتغزل فيني إلى يوم الدين ما توفيني حقي..ولو تتدلعني بعد ما توفيني حقي...
تركي يمزح:أقول انتي ووجهك لا يكثر بس...ترى أنا ماعندي حريم يدلعون...يا تمشين مثل المسطره ولا ترى العقال يستناك...
شذى وهي مخترعه:أقول قال العقال...لا تحسبني أنا عندك بالعسكريه تقعد تعاقب و تتوعد...
تركي:أصلا إنتي لو تدخلين التدريبات اللي بالعسكريه أسبوع...والله إن يخلونك تعرفين نعمة الله فيك...عاد إنتي هالنعومه تطلع من بين عيونك ليشوونك بالشمس ويفقلون راسك من التدريبات والنظام...
شذى:أصلا عادي لو أدخل العسكريه(وبعدين قعدت تفكر) تخيل حبيبي شكل كذا وأنا لابسه بدله عسكريه وكتوفي عليها ثلاثه نجوم؟؟؟...يا حليلي أهبل...
تركي يقلدها:يا حليلي أهبل...أقول انثبري بس من جد ما تنعطين وجه.. العسكريه لها رجالها...إنتي حدك تحطين هالمكياج وتلبسين الموضه وبس..
شذى مسويه نفسها زعلانه:هذا حدي؟؟؟..مكياج وموضه؟؟؟...
تركي وهو يرفع حاجب:لا ووظيفة كل حرمه بالعالم بعد...أبيك كذا تملين لي هالبيت بزارين...
شذى استحت شوي منه...وقعدت تضحك...تركي لاحظ هالشي وقعد يضحك عليها...
تركي:هههههههه يا حلوك إذا استحيتي تقعدين تضحكين...أنا الصراحه اول مره أشوف هالحاله بحياتي...
شذى وهي باقيه مستحيه ومتفشله بعد:هههههههه لا والله تتطنز علي؟؟...
تركي:بس ما ادري بروح اقرا بكتب طب النفس يمكن تكون أعراض للدلاخه....
شذى:دلاخه بعينك...أنا دلخه؟؟؟...
تركي مسوي عمره زعلان: افا بعيني؟؟؟...
شذى:لا تسوي عمرك زعلان انا اعرف حركاتك هذي...
تركي باقي زعلان:أ جل خلاص لا تكلميني...
شذى تناظره:زعلان والله؟؟؟...إذا حبيبي زعلان وش أراضيه به؟؟...
تركي: راضيه ببوسه حلوه...
شذى بنظره:غيرها...
تركي وهو يعطيها ظهره: ما يرضى بغيرها...ولا لا تكلمينه...
شذى:حبيبي لا تزعل تدري إني ما أقوى على زعلك....
تركي وهو يلف:طيب إذا ما تقوين على زعلي راضيني...
شذى:ياربي تركي خلاص...
تركي بعناد:لأ....يعني لأ.....
قربت شذى منه وباسته بوسه خفيفه...
شذى بدلع:خلاص رضيت ألحين يا حضرة الضابط؟؟؟...
تركي بابتسامه وهو لاف عليها:من كثر ماني راضي زعلت مره ثانيه...
شذى:تركي...
تركي:عيون تركي وقلبه وروحه...
شذى:خلاص رضيت وما في زعل؟؟؟...
تركي:إيه راضي...مادام معاي القمر مالي ومال النجوم...
شذى:ياااااااي من قدي...
تركي يقلدها:يااااااي...هيه شوفي لمن تجيبين لي كومة بزارين ما أبي عيالي يقولون ياااااااي...فاهمه؟؟؟..أبي عيالي كذا سباع ذيابه...رجال صح..
شذى:ذيابه....ليه وش قالوا لك انا ذيبه شرسه أجيب ذيابه....
تركي يفكر:قالولي إنك احلى ام يمكن تصير بهالعالم...وأحن ام...وأطيب ام...
شذى:تركي لا تلعب علي بهالكلام الحلو......تراني أروح فيها...
تركي:هههههههههه لا من جد أتكلم...وبعدين أنا أقصد ذيابه يعني ما يسكتون عن حقهم....
شذى:تركي..شكلك مره مستعجل على العيال؟؟؟.....
تركي وهو يناظرها برومانسيه:أبي أشوف هالزين كله وش يجيب....
شذى بدلع:تركي...ترى أنا ادوخ من الكلام الحلو...
عاد هي قررت إنها تاخذ حبوب منع الحمل عشان ما تبي تحمل...بس طبعا من دون ما يدري تركي...أو أي إنسان كان...هي كانت مره نازله السوق وهي راجعه مرت على الصيدليه وشرت لها...وقررت تستخدمها على سته شهور قدام كفتره مبدئيه حددتها كان ودها تعلم تركي بس هي متاكده إلا متيقنه إنه بيرفض هذا الشي بتاتا

تابع الجزء الثامن.....


كان هذا أول صباح يداوم فيه تركي ويرجع للدوام...قام صلى الفجر ورجع ينام له ساعه لمن قام كانت الساعه سته ونص حس بكسل ماوده يداوم تذكر إنه مدد إجازته أسبوعين وبسرعه مرت....ناظر شذى جنبه لقاها قد قامت لمس مكانها دل إنه بارد...شكل الآنسه قايمه من زمان...راح الحمام يبي يغسل وجهه ناظر المرآيه قباله شاف مكتوب بالروج الأحمر
(كل دوام وإنت بخير حبيبي)
وراسمه جنبها قلبين متداخلين على بعض....
ماقدر تركي غير يبتسم ويقول بخاطره(أموووووووت عليها ويلوموني)وقعد يناظر عمره بالمرآيه وشعره منكوش..وعيونه الساحره مليانه نوم...تذكر مانام إلا متأخر...على طول غسل وجهه وآخذ له دوش...وطلع لقى شذى تنتظره...
شذى:صباح الخير...
تركي وهو لاف الفوطه على نص جسمه السفلي:صباح الخيرات...مشالله متى قمتي؟؟؟...
شذى وهي تجلس على طرف السرير:من قبل شوي...
تركي وهو رايح الدولاب بالغرفه الثانيه:كان قعدتيني معك...
شذى وهي طالعه:هذا أنا جيت أقعدك...بس لقيتك قمت إذا خلصت إنزل حضرت لك فطور...
تركي:أوكيه...ألبس وألحقك..
نزلت شذى وناظرت الصباح من النوافذ الكبيره...كان الجو مره روعه وناظرت الطاوله اللي محضرتها...كان الفطور اللي حضرته شكله مره رايق...
بعد دقايق نزل تركي...طالعته بنظرة إعجاب كان شكله مره روعه يذبح بالبدله العسكريه...ماقدرت غير تحط يدها على قلبها وتطلع زفره طويله من صدرها...تذكرت حلمها اللي ملت منه ريم إنها تتزوج ضابط والله عطاها ماتتمنى...الحمدلله لك يارب...
تركي يناظر الفطور:مشالله قايمه من الصبح تحظرين الفطور...
شذى بابتسامه:تستاهل حبيبي...يالله تعال افطر ترى كله أنا محظرته لحالي
تركي وهو يقعد:أخاف بس سونيا ساعدتك...
شذى تقعد جنبه:لا وش دعوه...والله محد ساعدني..
تركي يغمز لها:الله يعينك تحملي فراقي...عارف إنك راح تذرفين الدموع علي بس تحملي الفراق تعرفين لازم أرجع الدوام...
شذى تجاريه:شفت كييييييييييف...ما أدري كيف رح أدخل الغرفه بعدك... الله يصبرني بس للظهر...
تركي يناظرها بنص نظره:تتطنزين إنتي وخشتك...أدري بس اطلع من الباب بتقولين فكه مابغى يرجع الدوام..حوم كبدي 48ساعه باليوم مقابلني...
شذى ضحكت:هههههه انا أقول كذا؟؟؟...بالعكس والله حرام عليك أنا مره حزينه إنك بترجع للشغل...
تركي ابتسم لها وهو ياكل:تدرين ياشذى ماتزوجتك خربت...
شذى تناظره باستغراب:أنا خربتك؟؟؟...
تركي وهو ياكل ويتكلم بثقه:إيه خربتيني...صاير أقول كلام حلو..ألحين أخاف أشوف أحد الجنود اللي عندي بدل ما اعاقبه إذا خالف...أصير أقوله لا تعيده حبيبي طيب؟؟...
قعدت تضحك شذى:ههههههه تركي عاد لاتصير شديد بزياده...
تركي هو يحط عينه بعينها:والله يوم كنت بالكليه وأول ما اشتغلت...لمن كنت اخالف محد يقول ارحموه حرام...كانوا يطلعون روحي بالتدريبات والعقوبات...
وبعد فترة صمت بسيطه...
شذى وهي تناظر النجوم اللي على كتف تركي:أقول تركي النجوم هذي كيف ركبتها<<<دلخه السهر مأثر عليها...
تركي يناظرها:شذى روحي نامي...قمت تخورينها...
ضحكت شذى:ههههههه والله أمس عقب مانمت شفت فيلم أثرفيني...
تركي:أشوف فيه خيانه..سهر من وراي عقب ما أنوم...
شذى:ههههههههه أي خيانه بس ما جاني نوم...
تركي وهوقايم:الحمدلله...يللا أنا استأذن لو قعدت معك مابروح إلا العصر..
وقام وشذى وراه...إلين وصل الباب...
تركي بمرح:أشوفك وراي...لا يكون مضيعه شي؟؟؟..
شذى تقلده:مضيعه شي...ألحين مسويه فيها رومانسيه هذا جزاتي؟؟.. قاعده أقلد البطله أمس وهي توصل حبيبها للباب تودعه...
تركي:ها..ألحين عرفت وش السبب في كل هذي المراسيم الصباحيه اللي مسويتها...أثرك قاعده تقلدين فيلم أمس وتمثلين علي؟؟؟..
شذى:لا أمزح معك والله ماقلدت فيلم أمس...الفيلم لجيم كاري لو أقلده وش رح أسوي بك؟؟؟...بس حبيت أودعك حبيبي يا بعد هالدنيا كلها...
تركي وهو واقف عند الباب بيطلع:آآآه يابعد هالدنيا وحدها بس بتسفرني القطب لشمالي وماعاد ترجعني...(يهمس لها)خفي يامره ترى مو زين كثر الكلام الحلو...
شذى:أوكيه...متى تروح يا سيد تركي وتقضب الباب؟؟؟...كذا حلو؟؟؟...
تركي يبي يقهرها لبس القبعه العسكريه اللي كانت بيده وطق لها تحيه عسكريه ولبس نظارته الشمسيه وودعها بهمس:يالله في آمان الله...وترى كل شي منك حلو..
وطبع قبله خفيفه على خدها الناعم...وطلع..
قعدت شذى تناظر من عند الباب وهو رايح يركب سيارته إلين ماتحرك وراح...واختفى عن عيونها....
كانت تحس بالفرح...كانت تنتشي بالسعاده...كانت تحس إنها أميره من أميرات العصور الوسطى الأوروبيه..اميرات النهضه...وزمن الحب.. والعشق...والنرجسيه...والأحلام الملتهبه...وتركي القائد العسكري اللي طاح في غرامها...وأسرها هي بحبه...كانت شذى تحس حبهم غير... غير وبس من غير محد يسأل ليه...كفايه تركي طرف فيه...اللي ماتقدر تقول غير إنها....تموووووووووت عليه وتعشقه بجنووووووووون...

تابع الجزء الثامن.....


محمد يلاعب بنته رنا:مين حبيبة بابا؟؟؟....
رنا وهي تأشر على عمرها: أنا بابا...
محمد يبوسها ويقعدها بحظنه:ياناس هذي شيخة البنات كلهم...
مريم وهي تناظر محمد:أقول محمد وش أخبار أختك؟؟؟..
محمد وهو ملتهي مع بنته رنا يلاعبها:بخير..(يرفع راسه يناظرها)وش عندك تسألين؟؟؟...
مريم:لا...بس من تزوجت لها أربع شهور...ولا زارتنا للشرقيه...
محمد:والله ماأدري...بس هي توها متزوجه...وتعرفين زوجها ضابط عسكري يعني دوام حكومه...مهوب على كيفه يقدر يجي...
مريم:طيب أهله عندهم خير؟؟؟...
محمد حس إنه سؤال غبي لأنها للمره الميه بعد المليون تسأله نفس السؤال كل مافتحوا طاري شذى وزوجها...
محمد بضيق:إيه...وإنتي ما عندك إلا هالسيره...
مريم تجاهلت ضيقه في الإجابه عليها:طيب وش حده على العسكريه كلها تعب وشقا مادام عندهم خير...والله ناس بطرانه ماتدري وش تسوي...
محمد اللي مايحب تركي أبد:كيفه والله...
مريم:طيب وش كنت بأقولك...سمعت أمك تدور عروس لسعود؟؟...
محمد بعصبيه:أمي هذي المفروض تقولين لها خالتي تخلخلت ضلوعك زين...
مريم عصبت:أنا ماقلت شي غلط عشان تدعي علي؟؟؟...
محمد وهو ينزل بنته من حظنه:روحي بابا إلعبي مع أختك(يكلم مريم)شوفي يا مريم والله إن ماتعدلت مع أمي لتشوفين شي ما يعجبك فاهمه؟؟؟...
وطلع معصب من عنده...اللي حتى بيوم إجازته ما خلته يتهنى مع بناته...
وهي مستغربه منه.وش فيه صاير عصبي...مايطيق كلمه؟؟؟..

***

بعد مرور يومين...
كانت شذى رايحه مع السواق بالمغرب لبيت أبو بندر...اللي خلاص تعودت على الروحه والجيه معه...لازم تتعود على كثر مشاغل تركي اللي كان وقتها طالع مع أخوياه...
ام بندر:هلا والله بشذى...
علاقة أم بندر تحسنت كثير مع شذى...صايره معها أحسن من أول حستها حبوبه ومتواضعه مو مثل ما قالت فاطمه وعايشه...
شذى:هلا خالتي شلونك؟؟؟...
ام بندر:تمام...وين تركي مانزل؟؟؟...
شذى:لا خالتي أنا جايه مع السواق....تركي طالع مع أصدقاه...
ام بندر:عاده على طلعاته ذي ماتركها...
شذى بابتسامه:أوه شكلها طبع في ابو الشباب...
ام بندر:من أيام الثانوي وهو كذا...كان طيب غصب يطلع يعني يطلع... عنيد واجتماعي...
شذى:هو من ناحية عنيد عنيد...بس وين بشاير ما أشوفها؟؟؟...
أم بندر بقلة حيله:فوق نايمه...
شذى باستغراب:للحين؟؟؟...
ام بندر:ماتنام إلا الظهر مواصله من الليل وتخمدها نومه للعشا...
شذى:طيب ماتقوم؟؟؟...
أم بندر:تطلع روحي عشان تقوم...نومها ثقيل مره...
شذى وهي قايمه طالعه لبشاير:أجل بأروح أطلع لها...
شذى كانت خلاص من الشهرين الأخيره تعودت وتجرأت على عائلة تركي وصايره لمن تجيهم تطلع للدور الثاني عادي بدون أي إحراجات مثل أول ماتزوجت...
طقت شذى باب...محد رد..طقت الباب إلين مافتحت بشاير الباب وكانت معصبه...بس تفاجأت لمن شافت شذى على بالها الشغاله أرسلتها أم بندر...
بشاير اللي تحول عبوسها إلى ابتسامه:هلالا...متى جيتي؟؟..
شذى وهي تدخل:توني ألحين...
بشاير وهي تدخل وراها:ومشالله...على طول درعمتي على فوق...
تفشلت شذى...وبعدها ردت:لا كنت تحت عند خالتي...وبعدها طلعت لك إنتي يا الدوبه...
بشاير قعدت تضحك على تبرير شذى...
شذى عرفت إنها تستهبل:وجع يا الخايسه...أحرجتيني من جد...
بشاير تتثاوب:والله حرام مانمت إلا ثلاث ساعات...
شذى:أي ثلاث ساعات واللي يرحم والديك..خالتي تقول من الظهر نايمه والحين إحنا مغرب....يعني لك ست ساعات تقريباً...
بشاير:لا إحسبي تقطيعات أمي وهي داخله(تقلد أمها)يله الغدا...قومي صلي العصر...يله تعالي انزلي تقهوي معنا...مع إني عمري ماتقهويت معهم العصر...وبعدين...يله صلي المغرب...قومي خلاص كفايه نوم..
شذى قعدت تضحك على بشاير وهي تقولها تحس باقي فيها نوم...
شذى تحاول تتكلم بجديه:لا من جد بشاير وقت نومك غلط...يا تتعدلين وتنومين مثل الناس...يا تقعدين بهالنوم اللي من كثر مايتقطع يعور القلب...
بشاير وهي تحك راسها:لا انا احول الحين أعدل نومي...
شذى:إيه لازم تعدلينه..الاسبوع الجاي جامعه خلاص مافيه دلع...
بشاير باهتمام:إلا صح على طاري الجامعه...وش ناويه تسوين تكملين ولا تعيدين؟؟؟...
شذى بضجر وهي تحط رجل على رجل:لا وع وش أعيد أو أكمل؟؟؟...أنا خلاص باقعد بالبيت......
بشاير واللي انتبهت زياده:تقعدين يعني مارح تكملين؟؟؟؟؟؟؟......
شذى:إيه مارح أكمل زهقت من الدراسه أبي أرتاح على الأقل هالسنتين وبعدها يصير خير...
بشاير:زين تركي يدري بهالقرار؟؟؟؟؟...
شذى:إيه يدري ومساندني بعد...
بشاير بقهر:تركي هذا أناني...لمن قلت لأهلي إني أبي أقعد هالسنه بالبيت رفضوا...ولمن عرف تركي...قعد يعطي محاظره عن العلم وعن أهميته في حياة الإنسان...
شذى بنص عين:ليه أناني؟؟؟...
بشاير:لأن الباشا مايبي يتعب زوجته...يبيها ترتاح من الدراسه...وتتفرغ له أما أنا يا قرادة حظي ونحسي...بأدرس...آه يا القهر ناس مرتاحه وناس بتكرف..
شذى:ههههههههه على الأقل انا متزوجه...أما إنتي بنت باقي ما أعرست...
بشاير بحسره:وين الي بيعرس علي؟؟؟...يا حسرة قليبي علي...
شذى:يعني تبين تعرسين إنتي ووجهك ألحين؟؟؟..
بشاير:ودي أتزوج...خاصه لمن تزوجت صديقتي اللي كانت تدرس معي هالصيفيه....فتحت شهيتي على الزواج...قعدت تمدح في العرس...إلا وش رايك بالعرس يا شذى؟؟؟...
شذى بتفكير:امممممم من جد ما ادري وش أقولك...غير إن أحلى مافي الزواج تركي...تركي وبس...ولا الزواج زي أي مشروع ثاني يتحمل النجاح أو الفشل...
بشاير:اقول شذى...شكل تركي لعب بعقلك...
شذى:حلاله...
بشاير تتحمدالله:الحمدلله والشكر...مرة اخوي مهيب صاحيه...

***

ماقدرت تمسك ضحكتها لمن سمعت أخوها يشكي لها من أبوهم...
سعود بعصبيه:تضحكين أنتي مع هالخشه...
شذى تضحك:ههههههه ياخي الله حاط لك منال في طريقك خلاص مالك مفر منها...
سعود مقهور:أنا آخذ منال؟؟؟...والله ما آخذها لو وش يصير..
شذى:طيب أمي وش تقول؟؟؟...
سعود يتنهد:آه يا يمه...تعرفين امك جنب الحيطه ويفتح الله..مالها راي..
شذى بحنان:يا عمري يا يمه...وش مسويه عقبي؟؟..
سعود:آقول خلينا من أمي ألحين..أنا وش أسوي بالمصبيه ذي كيف أقنع أبوي بإني ما أبي منال...
تذكرت شذى لمن رفضت تركي..وبعدين أبوها غصبه عليها...
سعود:ألو...وينك يا شيخه؟؟..
شذى تضحك:اسمي شذى مهوب شيخه..
سعود مهوب طايق لفلسفتها:اوووهووووو يا شين ما طريتي...تدرين؟؟..
شذى:هلا...
سعود:ياللا اذلفي أنا الغلطان ادق اشكي لك...على قولة أبوي وش له تشكي للحريم..
شذى:أشوف نسخه جديده صايره تتشكل من أبوي قدامي...
سعود بفخر:والله لي الفخر إني اصير اشبهه...أبوي لي دخل مجلس اهتز المجلس كله له...وهو الإسم لي طريته تسمعين المدح يهل عليه...
شذى:إيه والله والنعم بأبوي...إلا ستين نعم به...
سعود:أوكيه يله طسي...انا دقيت عليك لأنك يا الدوبه لا تدقين علي ولا تسألين...أشوفك نايمه بالعسل مع حبيب القلب...
شذى تضحك:ههههههه وش فيكم علي إنت وريم خويتي تقولون لي إني نايمه بالعسل دايم؟؟؟...
سعود بمكر:أقول شذى وش اخبارها ريم؟؟..
شذى حست بسؤاله:سعود وش تبي؟؟؟..
سعود:أقول وش اخبارها؟؟؟..
شذى ببرود:تمام...
سعود بخبث:والله إن أمي قالت لي إنها بنت طيبه..وبعرسك عيون الناس عليها مشالله جمال واخلاق...يعني كامله والكامل الله...
شذى حست إن سعود وده بريم...حتى شذى نفسها وده إن ريم تاخذ سعود بس هي تحب عبدالعزيز...
شذى:حبيبي سعود إبعد عنها...البنت خلاص محجوزة لواحد...
سعود حس بالقهر إن البنت طارت منه...حب يقهر شذى:ليه هي أرض محجوزة؟؟؟...
شذى تبي تقهره:والله هذا اللي حصل يا الحبيب...دور غيرها..
سعود بعصبيه:اوكيه...سي يو...
تبي ترد عليه...شافته صك الخط بوجهها ضحكت عرفت منه إنه معصب..
قعدت تفكر والله حرام سعود ياخذ منال...لقت فكره إنها لازم تلقى بديله لمنال يخطبونها لسعود...ويحاولون يقنعون أبومحمد فيها...بس مين اللي تصلح لسعود؟؟؟....
قعدت تتذكر بنات اقاربهم وبنات جيرانهم وحده وحده مالقت وحده تناسبه وحتى البنات اللي كانوا معها بالكليه يدرسون...بس من تصلح له مين؟؟؟...

الجزء التاسع.....


بالعزيمه ببيت أبو عبدالكريم...
تمت تناظر شذى في سلمى..بدون ماتحس سلمى فيها..كان قلب شذى يعورها..يالله من جد ما ألوم تركي لو حبها...كانت سلمى آيه من آيات الجمال...تمت تناظر بعيونها اللي تشبه رسمة عيون تركي بالضبط..بس تركي على رجوليه...أي ظروف سيخبأها لي القدر...خاصه نظرات فاطمه لها تدل على كل مكروه....
وين وصلتي يا حلوة؟؟؟...
إنتبهت شذى على صوت نوف وهي تأشر لها...
شذى تحاول الإبتسامه:أبد مارحت مكاني أنا...
نوف:وين مكانك؟؟لو شفتي عمرك قبل شوي...لا يكون تفكرين بخالي تركي؟؟..
شذى تضحك ببرود:هههههه يا حلوك يا نوف..بس حبيت أقولك خطأ توقعك..
في هاللحظه جات بشاير وقعدت معهم...
بشاير:هاه وش عندكم؟؟؟...
نوف:أبد ما عندنا شي...بس بغيت أسألك وين زوجة عبدالكريم ماجات معهم؟؟؟..
بشاير باستغراب:تصدقون إنها ماجات بنت اللذين...وقاعده هناك مع ولدها لأن عنده دراسه...ورجع عبدالكريم مع أخته بالمره يسلم على أهله و أخوياه اللي هنا..وبيرجع بعد ثلاث أيام...
شذى:بس توهم واصلين أمس...ما بيمديه يريح مع أهله...
نوف:لا شذى عادي..هو من عرفت عمري ما يقعد بالرياض أسبوع..حتى بالأعياد بالكثير أسبوع ويرجع...
بشاير:هاه..أشوف تطورات يا نويف..ما قمتي تقولين لشذى خالتي...لا يكون القرار شمل الجميع قمتي تحذفين الألقاب؟؟؟...
شذى ضحكت:هههههههه لا أنا قلت لها لا تناديني خالتي أحسن شذى حاف كذا...عشان بالمره نطيح الميانه مع بعض ونصير صديقات..
نوف تناظر بشاير بحنق...
بشاير:أقول نوف شكل العدوى انتقلت لك من أمك اشوف نفس النظرات؟؟..
شذى بدون تفكير:لا حرام عليك نوف تهون عند فاطمه...
سكتت شذى وحست بكبر كلامها لمن قطته بخاطرها(ياربي انا وش قلت؟)
أما نوف سكتت وماعلقت حست بالغصه إنه امها تكون صورتها سلبيه كذا أما بشاير ما قالت شي بس حست بكبر كلام شذى..
شذى تحاول تبرر وقفها لنوف:سوري نوف حبيبتي والله ماقصدي شي..
نوف بالموت طلع صوتها:لا عادي...
شذى:لا نوف شكلك زعلتي من كلامي..ترى والله طلع من دون شعور..
نوف بغصه تحاول تنهي الموقف:لا شذى والله عادي..
سكتت شذى وقعدت تتأمل ملامح نوف..باين إنها زعلانه..يالله وشلون أنا قلت لهالأنسانه البريئه هذا الكلام؟؟...وهي عكس امها بكل شي..
بشاير وهي تكلم شذى:وينك ادق امس عليك وماتردين؟؟؟..
شذى تناظر بشاير:أمس كنت مشغوله و...
قطع كلامها لمن شافت نوف قامت....
شذى:نوف....نوف....
ما ردت عليها نوف....
شذى تكلم بشاير:أقول بشاير..شكل نوف زعلت مني صح؟؟؟...
بشاير تناظر نوف وهي طالعه:إيه صح زعلانه...بس لا تخافين بترضى من نفسها...
شذى:بس أنا غلطت وسبيت أمها...
بشاير:لا تخافين...نوف تعرف امها وحركاتها...فلا تاخذين بال لها..
شذى برجاء:من جد ما أبي نوف تزعل علي...
بشاير: المهم شذى..لا يفوتك الثنائي المدهش وهم يحاولون يسوون أكشن بحركاتهم...
.
.
بالطرف الثاني بالمجلس كانت قاعده عايشه مع فاطمه..
عايشه:فاطمه...وش في بنتك قامت شكلها زعلانه؟؟؟...
فاطمه بغير اهتمام:وش يدريني عنها...بس مشالله سلمى وش فيها احسها سمنت عن أول...
عايشه:هذا لأنك ماشفتيها من ثلاث سنين...
فاطمه:تعرفين..لمن تجي نكون مسافرين...وبعدين هي ماجات إلا مره...
عايشه مفتخره باختها:مشالله هي كانت تاخذ دراسه صيفي والدكتوراة ماخذه أول كل وقتها..شوفي ألحين مشالله نادر تاخذ وحده بعمرها الدكتوراة..وهي باقي صغيره...
فاطمه بإعجاب:مشالله تبارك الرحمن...تعلميني ببنت عمي؟؟...
عايشه:وأخيرا يا فاطمه بتستقر أختي هنا....يالله متى يفتحها الله على عبدالكريم ويجي هنا ويترك شغله هناك...
فاطمه من غير ماتهتم في عبدالكريم:تدرين يا عايشه..والله خساره إن تركي تروح عليه سلمى...
عايشه:خلاص يا فاطمه...انسي هالسالفه..لأن سلمى بس يجي طاري تركي...تصك الموضوع على طول وتقول ماتبيه...
فاطمه:أنا مو قاهرني إلا شذى ما أدري وش تبي...يا ناس أنا حاس إنها كابوس وبصحى منه...
عايشه:أقول يا فاطمه يا قواة وجه مرة أخوك..بعد اللي عرفته عن سلمى جات توقعتها مارح تجي...
فاطمه وهي تناظر شذى وبعدها لفت على عايشه:لاااا...بالعكس انا توقعت تجي مليون بالميه...أكيد تبي تشوف سلمى...
عايشه بغرور:مشالله سلمى كامله والكامل وجهه...وأكيد هي غيرانه ...خل تدق على الخشب...

تابع الجزء التاسع.....


سارا اللي كانت قاعده مع سلمى خويتها بالدراسه إلى المرحله الجامعيه..
سارا:هاه وش أخبارك يا حلوة؟؟؟..
سلمى:الحمدلله....وش أخبارك أنتي؟؟؟...
سارا:طيبه...وبالمره مبرووووووووووك يا دكتورة...بالدكتوراة..
سلمى بابتسامه فاتنه:الله يبارك فيك..
سارا:بس تبين الجد ماتوقعت مشالله تجيبينها بهالسرعه؟؟؟..
سلمى تتصنع الخوف:يمه منك...قولي مشالله...
سارا تضحك:هههههههه قلنا مشالله...
سلمى:هههههههههه لا بس تعرفين..انا كنت بتحدي لأني حطيت ببالي فترة محدده إني آخذ الشهاده فيها...وصرت في سباق مع الزمن..أدرس الليل مع النهار...وأوصل الصيف بالسنه الدراسيه ...و الحمدلله قدرت أنجح وكسبت التحدي.....
سارا:أموت على التحدي أنا...والله يوفقك إنشالله..
سلمى تناظر انجود اللي جات من عند أبوها بالمجلس وقعدت جنب أمها..
سلمى:مشالله هذي بنتك يا سارا؟؟..
سارا:إيه هذي انجود..أحلى بنات العالم...
سلمى تمزح:أحلى بنات العالم...القرد بعين أمه غزال...
سارا وهي تضم بنتها:قرد بعينك..بنتي قمر..وأحلى من القمر بعد..
سلمى:ههههههه إذا بنتك أحلى من القمر...عز الله إن القمر شين...
سارا:الله عليك يا سلمى قولي إنك غيرانه من بنتي؟؟؟...
ضحكت سلمى...وأخذت انجود وسلمت عليه وكانت انجود تناظر في سلمى باستغراب...
سلمى تكلم سارا:وش فيها بنتك..تناظرني باستغراب؟؟...
سارا:يمكن مو متعوده عليك...
سلمى:تعرفين غيبة خمس سنين مو بسيطه أبد...
سارا:إيه أتذكر أول ماسافرتي..كنت توني جايبه انجود...
سلمى وهي تناظر بشذى:هذيك زوجة تركي؟؟؟...
سارا بابتسامه:إيه هذي هي...



سلمى وهي تناظر شذى وهي تسولف مع بشاير:باقي صغيره؟؟.. بعمر بشاير شكلها صح؟؟؟..
سارا تناظر شذى:لا هي أكبر من بشاير بسنه أو سنتين تقريباً..
تلاقت عيون شذى بعيون سارا...ابتسمت سارا لها وبادلتها شذى الإبتسامه...
.
.
بشاير:إذا إنتي خايفه تعالي نامي عندنا...
شذى تفكر:صعبه يا بشاير...
بشاير:ليه صعبه؟؟؟...يعني بتنامين لحالك؟؟؟...
شذى:تركي يقول لي..بلا دلع معي بالبيت الشغالات بس من جد والله أخاف بحالي...الأخ يبي يرابط بالشغل وينام برى البيت وانا انام بحالي...ويقول عادي ليه تخافين الرياض مليانه...
بشاير:والله شرير هالتركي...ماعليك منه بس يروح الدوام تعالي بالسواق عندنا وقبل لايرجع البيت اليوم الثاني ردي البيت قبله...
شذى تتطنز:تصدقين والله فكره؟؟؟...
بشاير:تتطنزين طال عمرك؟؟؟...
شذى:انا ادري عنك...مسويه فيها عبقور أم الحلول..
بشاير:أجل كيفك...نامي بحالك وموتي خوف...
شذى:اموت خوف هاه؟؟...اقول الشرهه على اللي يشكي لك مع هالخشه...
بشاير:على العموم..انا مارح أضرر..الضرر كله بيلحقك...
شذى تكلم بشاير:خلينا من هالسالفه...مشالله حلوة بنت عمك سلمى..
بشاير بغرور:بس انا احلى...

تابع الجزء التاسع.....


شذى:الحين من سأل عنك؟؟؟...
بشاير:محد...بس حبيت أذكرك إني أحلى...
شذى:المهم...سلمى هذي وش تدرس؟؟؟...
بشاير:كيمياء...صايره سلمى دكتورة...
شذى بخاطرها(مشالله جمال وعلم بعد دكتوراة):طيب هي مخطوبه من قبل؟؟؟...
بشاير تخزها:انا أعرف ليش تسألين مس شذى؟؟؟..عن سلمى...
شذى ارتبكت:ليه؟؟؟...انا أسأل عادي...
بشاير:على هامان يا فرعون...
شذى:فرعون بعينك...أنا اسأل عادي عن بنت عم رجلي...
بشاير:عادي ولا ملون هههههههههه....
شذى:كع كع كع...بايخه...
بشاير:انا البايخه..ولا إنتي...المهم تراني عرفت عن السالفه اللي صارت ببيتنا يوم أبوي بالمستشفى مع فاطمه وعايشه...
شذى انصدمت:أي سالفه؟؟..
بشاير:لا تمثلين علي...المهم إني عرفت السالفه...
شذى اللي اعترفت:من وين عرفتي؟؟؟...
بشاير:من مصادري الخاصه..
شذى:بشورة يله قولي لي من وين عرفتي وخل عنك حركات المسلسلات...
بشاير:بشورة هاه...طيب باقولك يا شيخه لأني إذا ما قلت لك راح تلصقين فيني لصقه مهوب طيبيعيه...
شذى بضيق:ياربيييه بشاير...
بشاير تبي تقهرها:صح ما قلتي وشلون إنتي عايشه وإنتي إنسان لصقوي...يعني بالعربي عندك تلصقين يعني إذا نشبت بالواحد ما عاد تفكينه إلين يقول الموت يارب أرحم...
شذى:ياليل ما أطولك...
بشاير:طيب وش شعورك لحظة ماعرفتي إنك إنسانه لصقه...أكيد إنتي وجه لشركة باتيكس...
شذى:تدرين لا تقولين لي...
بشاير تضحك:هههههههههه خلاص بأقولك...نوف قالت لي...
شذى اللي انصدمت شكل السالفه منتشره عند العايله كلها:نوف وش يدري نوف؟؟..
بشاير:سمعت أمها تقولها لناصر عقب ما رجعوا ذيك الليله من عندنا بصراحه هذاك اليوم استغربت لمن طلعت فجأة بس بعدين عرفت وعذرتك...
شذى وهي حاطه يدها على خدها:هلا هلا...ناصر زوج فاطمه بعد عرف..من باقي ما عرف...
بشاير:وأنا انتظرك يا الخايسه متى تقولين لي....
شذى بحزن:وش تبيني أقولك...
بشاير وهي تواسيها:ما عليك منهم والله كذابين...
شذى وهي تناظر سلمى:بعد ماشفت سلمى ما أتوقع إنهم كذابين...
بشاير:ماعليك منهم هالثنائي المدهش...والله كذابين وتركي خطبك إنتي أول وحده...وبعدين بأقولك معلومه يمكن تركي ماقالها لك ترى اهلي حاولوا إنه يخطب جواهر بنت خالي بس رفض مايبيها وحاولوا إنه ياخذ سلمى بس قال إنه غض البصر عنها...
شذى:يعني كان حاط عينه عليها...
بشاير بتهور:هو كان ميت عليها(بعدها استوعبت)هو ماكان ميت يعني ميت لااا..يعني كان يشوفها حبيبه..
شذى:لا عادي إنه كان يحبها...انا حاسه بكذا...
بشاير باعتها:تبين الصدق...هو كان يحبها موت بالثانوي وبكى عليها بعد تخيلي توه مخلص الثانوي يقول اخطبوها لي ألحين انا صرت رجال وعمري 18ههههههههههه والله عبيط تركي.. بس لمن كبر وقال إنه يبي يتزوج على طول قالوا له سلمى...قال ما أبي سلمى...حاولوا معه يمين يسار فوق تحت أبد مافيه فايده..ودورا له من جميع بنات العوائل اللي نعرفهم...بس مالقوا له أحد..وعاد بعدها بفتره جاتنا عبير بالبشرى إنه لقت البنت اللي تصلح لتركي..وقعدت تمدح فيها وإنها طالبه عندها بالقسم محد مثلها متميزه وعليها هاله إعلاميه من بنات الكليه اللي بالشرقيه والبنت هذي ذوق وتيك أوي يوم قالت كذا قال تركي أبد هذي هي حصلناها...ولك ياعبورة الحلاوة...وفي الأخير كانت البنت إنتي بحضرة جنابك اللي كلنا متشوقين نعرفك...
سكتت شذى وابتسمت...

تابع الجزء التاسع.....


بشاير:أقول لا تكبرين راسك علينا...
شذى:وش تبيني أسوي مثلا..أرقص؟؟؟...
بشاير:يعني إنتي ماعندك حل وسط إذا أحد مدحك يا تبتسمين بس ولا تقومين مره وحده ترقصين؟؟؟...
شذى تتتطنز:شفتي شلون ماعندي حل وسط....
.
.
بعد العشاء عند الرجال...
تركي:وين ياعبدالكريم ..ما أمداك ترد نفسك...
عبدالكريم:تعرف وراي دوام...
متعب يمزح:السفاره من عقبك ياولد عمي صكرت...
الكل ضحك...
عبدالكريم يجاريه:شفت كيف..لازم أرجع وافتحها تعرف المصالح المشتركه والعلاقات بين البلدين أساسها السفارات...
فارس:أقول يا خالي يمدي أروح أدرس عندك هناك...
عبدالكريم:وأنتوا شفتات إنشالله واحد يسلم والثاني يستلم عندي تدرسون...
ابوفارس:لا تكون الجامعات هناك إنشالله لك ياولد عمي؟؟...
عبدالكريم يضحك:ههههههههههه كان زين إنها لي...
فارس يضحك:لا تخاف مارح أدرس عندك..بأدرس هنا بالرياض..
عبدالكريم:أحسن لك يا فارس عند أهلك...
أبوعبدالكريم:كان زين إنك أنت تفهم بنفسك وتقعد...
ناصر:ما عليكم منه عبدالكريم..هذا الرجال المستقبل قدامه في السياسه واعد..
نايف: أنا اؤيد كلام أخوي ناصر..مستقبله واعد في السياسه مشالله
عبدالكريم:سمعت يابو عبدالكريم...ولدك سياسي كبير بإذن الله وراح يكون سفير لبلاده إنشالله..بس اصبروا علي كم سنه...
متعب: قصدك كم عقد هاه؟؟؟...
عبدالكريم:مارح أرد عليك...ردي راح يكون لمن أصير سفير بإذن الله...
ابوفارس:احلم يا عبدالكريم ترى الأحلام ببلاش...
ابو بندر:أقول يا عيالي لا تكسرون مجاديف ولد عمكم..خلوه يسعى في طموحه والله يوفقه إنشالله..
تركي:ههههههه ماعليك منهم ياعبدالكريم..هم كذا حتى علي انا...
عبدالكريم:ليش؟؟؟...
تركي:لأننا طلعنا خارج نطاق تغطيتهم...
عبدالكريم:إيه والله صدقت ياتركي..(يكلم اهله بالمجلس)ياجماعه أنا وتركي مانبي تجارتكم صح ياتركي؟؟...
هز راسه تركي بالإيجاب وهو يبتسم..
عبدالكريم يكمل:والله عاد أنا أحب السياسه وتركي يحب العسكريه.. وكلنا في خدمة الوطن...
فواز:أموووووووووووت انا على الوطنييين...
.
.
حصه:والله إنك يا سلمى احلويتي مشالله عليك...
سلمى:عيونك الحلوة ياعمه...
ام بندر:والله أخيرا رجعتي ياسلمى ماني مصدقه...
فاطمه:إلا صدقي يمه...والله لك يا سلمى يا خايسه وحشه...
سلمى بغرور:انا خايسه حرااااااااام عليك يابنت عمي...
عايشه تناظر شذى:إذا سلمى خايسه أجل ثلاث أرباع البنات شيون..
فاطمه:إيش ثلاث أرباعهم..إلا كلهم شيون...امزح ياسلمى...
سلمى تبتسم:أوكيه بس لا تعيدنها...
سلمى تناظر شذى:إنتي مرة تركي؟؟؟...
شذى تناظرها:إيه....(بعد تردد)هلا فيك سلمى...
سلمى تقزها وترفع حاجب:شخبارك شذى؟؟...
شذى:تمام...ومبروك على الدكتوراة...
سلمى:الله يبارك فيك...فرصه سعيده إني شفتك...
نوف اللي رجعت على طبيعتها بعد العشا:عاد لو قعدتي مع شذى راح تحبينها موت..
ناظرت فاطمه ببنتها نظرة تهديد يعني اسكتي...
سلمى تكلم شذى:إنشالله...اتوقع بينها صداقه حلوة...
شذى اللي حبت نوف زياده وناظرت سلمى:إنشالله..
بشاير تناظر فاطمه...وعايشه تناظر سلمى أختها....ولا أحد يعرف الغيب اللي يحمل كثير من المفاجآت...والمفاجعات؟!..

تابع الجزء التاسع.....

أبو محمد قاعد مع ولده محمد بالصباح الساعه ثمان...
محمد:يباه لا تجبره على شي ما يبيه...
أبومحمد:أخوك مرجوج..وما يعرف وين مصلحته..
محمد:بس يباه الزواج عشرة عمر...هذي بيكمل باقي مشوار حياته معها...
أبومحمد:خل عنك الكلام الفاضي ذا..وقم قول لأخوك يا يمشي معنا هذا الخميس نخطبها..ولا أنا وإنت نروح نخطبها له...
محمد:يعني هو غصب الزواج يباه؟؟..
أبومحمد بعصبيه:إيه غصب..ولا وين بيلقى مثل منال أدب وأخلاق وقرابه...
محمد:مهوب لازم القرابه..النفس وماتهوى يباه..
أبومحمد:اسمعني زين...الواحد مارح يلقى مثل بنت جماعته وأهله..
محمد بسخريه:مادام هذى حكيك يباه..ليه زوجت شذى ناس ماعرفناهم إلا يوم جو يخطبون...
أبو محمد بغضب:اهل زوج اختك ناس لهم مكانتهم بارياض وما عليهم كلام...ولمن جونا بصراحه ماقدرت أردهم...
توتر الجو عقبها وساد الصمت بينهم...اللي أنقذ الموقف هو دخول سعود عليهم...
سعود:هاي...
أبومحمد بضجر:وعليكم السلام...
سعود وهو يقعد جنب أخوه محمد يقول بإحراج:السلام عليكم ورحمة الله...
أبو محمد ومحمد:وعليكم السلام ورحمة الله وبركاته...
سعود بابتسامه:وش عندكم على هالإجتماع المغلق؟؟؟..
محمد يناظره:أي مغلق... قاعد أسولف مع الوالد...
سعود:طيب ليه سكتوا لمن دخلت؟؟؟..
محمد:ما سكتنا...
سعود:طيب إيش كنتو تسولفون فيه؟؟..
محمد بضيق:اللهم طولك يا روح...إيش عندك اليوم أسألتك كثيره؟؟..
سعود بابتسامه:لا أبد...بس الفضول زايد اليوم عندي حبتين...
أبو محمد اللي دخل في الموضوع :اقول يا سعود جهز عمرك بنخطبلك منال هالخميس...
سعود منصدم ويناظر بمحمد أخوه يعني أنقذني...
محمد يتدخل:يابو محمد الله يهداك وش كنا تو نقول؟؟؟..
أبو محمد:خل عنك كثر الهرج اللي مامنه فايده....
سعود بضيق:أي هرج يباه...بالعربي الفصيح منال ما أبيها...
أبو محمد:بالعربي ولا غيره...ياتخذها يا سعود ولا بتندم....
محمد:أي يندم يباه؟؟..سعود رجال فاهم..خله على راحته...
أبومحمد بغضب:وإنت إنشالله في كل زواج من زواجات أخوانك تقعد ناشب لي..وترفض وتوافق على كيفك..
محمد سكت يحاول يمسك أعصابه..خاصه في زواج شذى قاطعه أبوه شهور..ومايبي الموقف نفسه يتكرر...
سعود لمن شاف الجو صاير متوتر كذا حب يلطف الجو شوي...
سعود:أقول يابو محمد..مادريت إنهم ألحين بالصحه يحذرون من زواج الأقارب...
أبو محمد ساكت يبي يعرف آخر كلام سعود...
سعود بابتسامه لمن شاف أبوه ساكت:عاد إنت ما سألتني ليه؟؟..
محمد بابتسامه:ليش؟؟...
سعود:لأن زواج الأقارب يجيب الأمراض...عشان كذا أنا خايف على عيالي مستقبلا فمارح أتزوج منال..
أبومحمد:بتاخذها ورجولك فوق رقبتك....
وقام أبو محمد وطلع...
لف سعود على محمد وقاله بإستغاثه:الفزعه يا محمد...
محمد وهو يطق الصدر:خلها علي إنت وما عليك....
سعود بابتسامه:أنا أشهد إنك قدها...خشمك..

تابع الجزء التاسع.....

سلمى:وين فارس ماشفته؟؟؟..
عايشه:ما جا سلم عليك يوم العزيمه؟؟...
سلمى:لأ...الخايس شكله ما اشتاق لخالته...يا حبي لفواز جاني بالمطار وسلم علي...مو أخوه فارس...
عايشه:ما عليك منه بأخليه يجي يسلم عليك..
سلمى هي تعقد حواجبها:لأ لا تخلينه يجي..خليه هو يجي بحاله..
عايشه تفشلت من ولدها:تعرفين يمكن مشغول بدراسته..
سلمى باقي معقده حواجبها:ليه هو إيش دخل؟؟..
عايشه:دخل هنا جامعة الملك سعود...
سلمى:أقصد أي تخصص؟؟...
عايشه:دخل هندسه...
سلمى:أشك في إن ولدك بيفلح بدراسته...ولا كان قلت لك خليه يروح جامعة جورج تاون بأميركا..
عايشه:هو كان يبي الجامعه الأميركيه...
سلمى:اللي بالإمارات؟؟؟..
عايشه:لأ...اللي ببيروت..
سلمى:ولدك إذا بيروح بيروت بيصيع...عاده خفيف..
عايشه تغير السالفه:حدك على بكري فارس...المهم وش رايك بمرة تركي؟؟...
سلمى تتذكر شكل شذى وتتكلم بغرور:حليوه...مشي حالها..بس باقي صغيره..غريبه تركي ياخذ له بزر...توقعت تركي أكبر من كذا...
عايشه:ماهيب بزر شذى...إلا عقربه...بس مدري وش محبب ولد عمك فيها...
سلمى اللي حب تركي قد تلاشى من قلبها..حست بالغيره من شذى إن اللي كان يموت فيها تركها وحب له ثانيه غيرها....
سلمى تناظر عايشه:تركي عجيب...(ابتسمت)حتى في زواجه بس تبين الصدق زوجته حلوة والله ماهيب حليوه خاصه غمازتها.. قهر ماعندي أنا غمازة...
عايشه:أنا قد قلت لك..هذي كانت تدرس عند خالته عبير..بالشرقيه.
سلمى:ذوق عبير هاه...والله عبير هذي داهيه..بس شذى هاذي ناعمه الحيل ومشالله جسمها مررررره حلو...
عايشه انقهرت من شذى ماتبي حد يمدحها:والله إنك أحلى منها بواجد..
سلمى:ههههههههه أصلا مافيه أحد أحلى مني...
عايشه:بغيت أقولك..فاطمه والله أكثر وحده فرحت برجعتك...
سلمى تبتسم بغرور:آه يافاطمه بس لوتعرفين وش كبر معزتها بقلبي

***

فتحت شذى جوالها وقعدت تقرى المسجات اللي بجوالها من الزهق
وقرت كم مسج لريم..خطر على بالها إنها تدق عليها..خاصه إن لها أسبوع ماكلمتها..
شذى:هلا ريما؟؟...
ريم بفرح:هلا والله بشذى أخبارك؟؟..
شذى:تمام..وإنت وش مسويه؟؟..
ريم:الحمدلله...
وقعدوا يسولفون شوي إلين وصلوا لسلمى...
شذى بقهر:شفت سلمى يا ريم شفتها...
ريم بشغف:هاه وش شفتي؟؟؟..قولي لي بسرعه...
شذى:تهبل يا ريم...تجنن...وش أقولك عن العود الريان...ولا عيونها عيون المها...أو شعرها البني بلون الشوكلت...ولا الملامح اللي تقولين لوحه لأفضل الفنانين....
ريم:واااااااو وش ذا؟؟...ملاك ماهيب إنسان....
شذى:اسكتي بس...تخيلي مو معور قلبي إلا عيونها نفس عيون تركي بالضبط...ياجعلها المرض...
ريم تواسي خويتها:ما عليك منها خليك واثقه من نفسك...
شذى:أنا واثقه من عمري..بس من جد أول ماشفتها ماقدرت أشيل عيني من عليها...جذابه يا جعلها القراده...
ريم تخفف عليها:ما عليك إسفهيها...مشالله عليك وش ناقصك إنتي ...حلوة وتهبلين...
شذى:ماعلينا...تدرين إن أخوي سعود بيخطب...
ريم:لاااااااا...مبروك...
شذى:بس ما سألتي من سعيدة الحظ....
ريم بفضول:مين...والله هنيالها في سعود..لولا عزوز ولا كان أنا خطبته لعمري...
شذى:هههههه يا الخايسه جد ماتستحين...أبوي بيخطبها بنت عمي منال...
ريم بصراخ:مناااااال...هذيك الخايسه..والله ماتستاهل...
شذى:شفتي شلون...حتى هو ياقلبي مايبيها بس أبوي بيجبره عليها..
ريم:والحل؟؟؟..
شذى:ما ادري بس كلمني...وقال لي يبيني ادور له حل...كلمت أمي بعدها وقالت لي ماباليد حيله...خلاص مادام أبومحمد حط براسه شي لازم يسويه...
ريم:يعني خلاص ما قدامه إلا ياخذها؟؟؟...
شذى:لا أنا عاد قلت ندور لها بديله..يعني ندور وحده لسعود ونحاول نقنع أبوي فيها...
ريم تضحك:ههههههه إن كيدهن عظيم...
شذى:إيه والله كاسر خاطري أخوي...
ريم:طيب مين هي البديله؟؟؟...
شذى بتفكير:ما أدري...من جد ما أدري....

تابع الجزء التاسع.....

في بيت فاطمه...
فاطمه بفرح:ياربي شصاير في الدنيا اليوم...تركي جاي يزورني بدون دعوه ولا عزيمه...
تركي وهو يقعد:لا وش دعوه...إنتي العزيزه والغاليه...
فاطمه وهي تقعد قباله:من زمااان عنك...اخبارك؟؟...
تركي يبتسم لها:طيب...إيش اخبارك إنتي؟؟..
فاطمه:الحمدالله بخير...
تركي:وين عفاريتك...اقصد عيالك...
فاطمه تضحك:ههههههه حسبي الله على إبليسك..فوق ألحين بينزلون..
تركي:تبين الصدق يا فاطمه عيالك عفاريت مجانين...مايدخلون مكان إلا يقضون عليه..
فاطمه:تركي عاد لا تغلط عليهم هذول عيوني الثنتين...
إلا يدخلون عيالها الثنين ريان وزياد...
تركي:هلا والله بعيال أختي...
ولمن شافوا ريان(5 سنين) وزياد(7سنين) عيال فاطمه خالهم تركي إلا راحوا يركضون له ونطوا عليه...
فاطمه:شوي شوي على خالكم...عز الله كسرتوا ظهره...
تركي بعد ما سلم عليهم ونزلهم يجلسون جنبه:فاطمه وش تأكليني عيالك..حشى الواحد فيهم عن عشره...
فاطمه:قول مشالله...
تركي يضحك:مشالله لا تخافين على عيالك عفاريت مايصيبهم شي..
ريان يكلم تركي:حالي تذكي بلوح معك...
زياد يبتسم:حتى انا بروح معكم...
تركي:خلاص لمن بروح باخذكم معي...(يكلم فاطمه)ترى باخذ معي هالبراميل المتحركه اوكيه؟؟...
فاطمه ضحكت وهزت راسه بالإيجاب...
وقعدوا يسولفون شوي...إلا تدخل عليهم نوف...
نوف فرحانه:خالي تركي هنا؟؟؟...
تركي يسلم عليها:هلا والله بنوف شيخة البنات كلهم...
نوف:شخبارك خالي؟؟...
تركي:الحمدلله...إنت وش مسويه مع المدارس...
نوف بضجر:زينه...
تركي:يالله عاد جيبي ممتاز هالسنه..
نوف:خير إنشالله....ليه وين شذى ليش ماجات معك؟؟؟..
فاطمه حقرت نوف على سؤالها...انتبه تركي لها انحرجت فاطمه...
تركي يناظر فاطمه:ليه فاطمه ماتبينها تجي؟؟؟....
فاطمه ماردت....
تركي يكلم نوف:لا أنا مريت من عند بيتكم وقلت خلي أنزل اشوفكم ...
تركي يناظر فاطمه :بس إذا فاطمه بتعزمني انا وشذى بتجي مارح تقول لأ....
فاطمه:انشالله....يستاهل أخوي عزيمه...
تركي يفتح الحوار على مصراعيه:فاطمه...وش بينك وبين شذى عشان تكرهينها...
فاطمه تنكر وتعقد حواجبها:أنا أكرهها؟؟..ليه وش بيني وبينها..
تركي:هذا أنا أسألك...

تابع الجزء التاسع.....

فاطمه:ليه هي وش قالت لك...
تركي وهويعقد حواجبه:أشياء كثيره..واللي صار ببيت أبوي لمن كان بالمستشفى مع عايشه مرت بندر...
فاطمه باحتقار:مشالله شكلها ما سكتت كل شي قالته...
تركي:انا زوجها...وإذا ما شكت لي من تشكي له...



سعود:هلا بهالصوت...
سلطان:هلا فيك...
سعود:أخبارك إيه؟؟؟...
سلطان:هههههههههه وش عندك صاير تحكي مصري؟؟؟..
سعود بضيق:اللي فيني يخليني أحكي سوداني مو مصري...
سلطان:قول ياسعود..طلع اللي بخاطرك...
وحكى سعود لسلطان خويه كل اللي فيه...إن أبوه يبي يجبره يتزوج بنت عمه..وإنه مايبيها...
سلطان:اسمع يا سعود طع شور أبوك...
سعود بعصبيه:سلطان لا تنرفزني إنت الثاني...ما أبيها الإنتحار عندي أهون من إني اقعد معها يوم واحد...
سلطان:ماتدري سبحان الله...ماتجي المحبه إلا بعد عداوة...
سعود:هاذي عندي هي والشيطان واحد...العداوة والبغضاء أبدا...
سلطان ضحك:ههههههههه يا حليلك ياسعود...
سعود يقلده:ياحليلك يا سعود...أصغر عيالك أنا...
قعدوا يسولفون شوي...وبعدها صكر سعود من سلطان كان إخوتهم قويه ببعض..وكل مالها ماتقوى...
فكر سلطان بسعود لمن جاهم الشرقيه مره من زمان..وشكى له عن همومه اللي فيه...كيف إنه ترك دراسته وهي ماباقي إلا سنه..ورجع للسعوديه لأهله...لأنهم كانوا بحاجه له...ماعندهم أحد يصرف عليهم..أبوهم ميت وأمه مع اخته أميره وأخوه الصغير سطام...لمن تركهم ضحك عليهم خاله الظالم الجشع الطماع..وأخذ كل اللي وراهم ودونهم...وبقوا من دون أي عائل..فاضطر إنه يرجع لأن اخوه سطام عمره 8سنين...ومارح يقدر يصرف عليهم..ولمن رجع أضطر إنه يشتغل بشهادته الثانويه...لأنه باقي ماكمل دراسته الجامعيه...في أحد الشركات الخاصه براتب ضئيل بالكاد يكفيهم... وهو أول ماعرف إنه خالهم ظحك عليهم..وغرر فيهم على طول رجع حتى من دون مايقول للطلبه السعوديين أخوياه اللي معه بالبعثه....

***

راح محمد يكلم خالد عشان موضوع سعود...التقى معه ببيت خالد نفسه...خالد حس إن أبوه مارح يقتنع...
محمد:يا خالد اقنعه معنا...
خالد:ياخوي تعرف أبوك راسه يابس مايقتنع...
محمد:بس لمن كلنا عياله الثلاثه نقنعه...صدقني بيقتنع...
خالد:طيب خلو أمي تقنعه...
محمد عصب:من متى أبوي ياخذ راي الوالده..اللي يسمعك يقول توه عايش معنا...مايعرف شي...
خالد:صدقني يا محمد...إن منال مهيب شينه...ليه إنتوا واقفين ضدها المسكينه...
محمد:تقول كذا...لأنها اخت مرتك وما ترضى عليهم...
خالد:أنا أقول كذا لأنها بنت عمي قبل لاتصير أخت مرتي....
محمد:عطني من الآخر؟؟؟...
خالد بعد فترة صمت:خلاص بكلمه...مع إني عارف إن كلامي بيروح سدى...
محمد وهو طالع:إنت بس كلمه يابو السدى...ولا تتشائم...

***
فاطمه:تخيلي يا عايشه مايرضى عليها...
عايشه:ساحرته...يا جعلها اللي ماني بقايله...
فاطمه:تصدقين قالي يا فاطمه إذا إنتي تحبيني عامليها زين..وإذا لي معزه بقلبك إحترميها...
عايشه:وإيش قال بعد؟؟؟..
فاطمه:وقعد يقولي إنه طول الفتره الماضيه داري بس ساكت..ولمن شاف إن الوضع مستمر...كلمني...
عايشه:ما أصدق هذا تركي أخوك اللي يحبك...من جد العقربه غيرته عليكم...

تابع الجزء التاسع.....

قعدت تتأمل عيونه...ياربيه نفس عيونها والله بالضبط...
....:الأخت معجبه؟؟...
استوعبت شذى...
شذى تناظر تركي:لأ...مغرمه...
تركي:هههههههه لك ساعه تناظريني..وش عندك..
شذى هي تحط يدها على خدها:قلت لك مغرمه..عاشقه..هيمانه.. متيمه..
تركي بغرور:طبعا فيني...
شذى:أكيد..إنت حبيبي...يابعد هالدنيا كلها...
تركي:الله عليك تلعبين علي بهالكلام...وأصدق أنا المسيكين...
شذى:والله ما العب إلا أتكلم وأقول الجد...
تركي:طيب بعد ثلاثه أيام ترى عندي مرابط زامات بالشغل...
شذى:وانا أنام بحالي هاه؟؟؟...
تركي بضيق:ألحين يا شذى لي أسبوعين كل ما يجيني أخلي اخوياي بالعمل يغطون علي ترى مايصير كذا...
شذى:يعني وش تبيني أسوي انا...يابن الناس اخاف انام بحالي...
تركي:على قولتك وش اسوي انا..آخذك معي الشغل؟؟..
شذى:ما قلت خذني الشغل معك...بس اخاف انام بالليل بحالي...
تركي:أقول شذى خلي عنك الدلع...عيب صرتي مره كبيره..
شذى:طيب بشاير قالت لي حل...
تركي وهو يتكتف:بشاير بعد عزالله الحل الزين...وشو الحل؟؟؟..
شذى بتردد:تقولي تعالي نامي عندنا...
تركي:حلوة ذي...طيب ليه ماتجي بشاير تنام عندك...
شذى فرحت بالفكره:والله فكره...
تركي:خلاص قولي لها وشوفي بتوافق...
شذى بفرح:أكيد إلا غصب توافق.....

***

عايشه:سلمى وبعدين معك؟؟؟...
سلمى بضيق وهي تقعد على كرسي المكتب اللي بحجرتها:إنتي وش تبين توصلين له؟؟؟...
عايشه:وش سالفة عادل هذا اللي بايعه الدنيا عشانه؟؟؟..
سلمى وهي تناظر عايشه بنظرات حاده:عادل هذا اللي خلصت دراستي مبكر عشانه...عادل هذا اللي بيسوي أي شي عشاني أنا...
عايشه بضجر:سلمى إصحي...شوفي إنتي بنت مين وهو ولد مين..
سلمى:كلنا عيال آدم وحواء...
عايشه:بعينك...سلمى هذا مايصلح لك...
سلمى:ليه ما يصلح لي؟؟؟...
عايشه:سلمى ما إنت مراهقه..عشان أقولك هذا يصلح وهذا مايصلح...
سلمى تحقر إختها:عايشه..مالك دخل فيني..
عايشه:لأ لي دخل...لأن هذا بيلحقنا كلنا..
سلمى:ياشيخه روحي...إنتوا بس يهمكم سمعتكم...الله في السمعه عاد...
عايشه:سلمى مجنونه إنتي تبين تتزوجين واحد مدري وش أصله..
سلمى:جدواي...هو أصله من جده...
عايشه:تبين تقولين لي إنه حجازي؟؟؟

تابع الجزء التاسع.....

سلمى تبي تصرفها:إيه...عليك نور حجازي...
عايشه:تضحكين علي إنتي...هو أصله عروقه أجداده مو من جده...
سلمى بسخريه:أجل من وين يا الفهيمه؟؟؟...
عايشه تجاهلت نبرة السخريه بصوت أختها:أصولهم أتراك..
سلمى:المهم إن جنسيته ألحين سعودي وجوازه سعودي...ومشالله كلامه سعودي...وبعدين هم من كبريات عوائل جده...
عايشه معصبه:انثبري...
سلمى عصبت وقامت :بعينك أنثبر...أجل تبيني أتزوج لي واحد من هالصحراء؟؟؟...ولا تبيني آخذ من أهل الرياض البدو؟؟؟...
وقربت سلمى من أختها عايشه وقالت:أبغى لي واحد..متحضر فاهمني ويحبني...
عايشه:سلمى لا تذبحيني...إحنا قبايل لنا عاداتنا وتقاليدنا...
سلمى سكتت وقعدت تناظر بأختها....

***

ام محمد:هاه وش حصلتي ياشذى؟؟...
شذى:مالقيت...
ام محمد:الله يهداه أبوك إلا ياخذ منال لسعود...
شذى:لأنها بنت أخوه...وعلى باله إنها مثل مها...يازين مها عندها..
ام محمد:المشكله إنها تجي تسلم عليه ويشوف حركاتها...ويعرف حركات مها..والفرق واضح مثل الشمس...
شذى تضحك:ههههه شكل سعود يمه عبى راسك على منال...
ام محمد:لا أبد...وتراني والله أحب منال البنت هذي حبيبه...
شذى:أي حبيبه إلا تتميلح عندك إنتي وأبوي من اول عشان تخطبون لها سعود...
ام محمد:الخير في مايكتبه الله...
وقعدت أم محمد تسولف مع شذى وبعدها صكرت...وبعدين بفتره بسيطه دخل سعود من برى...
سعود:هلا باللي احبه كثر تعذيبه..وكثر مايغيب وكثر ترحابي...
أم محمد:ههههه هلا سعود...
سعود:في إيش سرحان ياجميل؟؟؟...
أم محمد:فيك بخطوبتك بمنال اللي أبوك مصرعليهاوش بتسوي؟؟...
سعود يناظر الجهه الثانيه:ما أقول إلا إن الله يبعد منال عني...
***

ببيت ابو عبدالكريم...
عايشه:بتسافر يا عبدالكريم خلاص؟؟؟...
عبدالكريم:والله ياخويتي وراي شغل...ولا تكلميني إني أتركه لأن هذا الموضوع يجيني غثيان منه من كثر ما تكلمنا فيه...
عايشه بحزن:انا بصراحه جيت أكلمك فيه..شوف امي وأبوي كيف صار حالهم...حرام عليك يا عبدالكريم هم ألحين بحاجه لك..بحاجه لعطفك مثل ما إنت كنت بحاجه لعطفهم يوم كنت طفل..هم ألحين بأرذل العمر..((وبالوالدين إحسانا))...
عبدالكريم سكت...
عايشه وهي تشد يدها على يد أخوها:عبدالكريم..فكر وصدقيني مارح تخسر...
عبدالكريم:عايشه أختي...حبيبتي...إفهميني شغلي من جد ما أقدر اخليه...وأبوي وأمي إنتي وسلمى معهم..وعمي وعياله مارح يقصرون...
عايشه:يعني خلاص بتسافر؟؟؟...
عبدالكريم:بإذن الله...رحلتي اليوم بعد صلاة العشا..

***
مين عادل؟؟؟....وإيش قصته مع سلمى؟؟؟...
هل راح تتم خطوبة سعود بمنال؟؟؟...ولا لقوا لها بديله؟؟؟..
سلمى وشذى؟؟؟....هل راح تكون بينم صداقه أو عداوة؟؟؟

الجزء العاشر.....

كانت هذي الليله نايمه بشاير في بيت أخوها تركي مع شذى لأن تركي عنده مرابطه بالشغل وبينام بالشغل ومايرجع إلا اليوم الثاني...
شذى:ما بغت امك توافق...
بشاير:بالموت وافقت..بعد حبة الراس والخشوم...
شذى:وناسه والله يابشاير إنك جيتي نمتي معي الليله...
بشاير:عاد هالله هالله في العشا..لا تموتيني جوع ولا ترى أعلم أمي...
شذى:ههههههههه..هالبنت بس همها بطنها...
بشاير:طبعا لازم أهتم في غذائي عشان الجامعه مو مثل بعض الناس ماعندهم دراسه...
شذى:إيه صح وش أمك قالت عشان الجامعه؟؟..
بشاير:قلت لها عادي...بروح مع سواق تركي...وأرجع لها الظهر البيت..
شذى:يعني ما رح ترجعين الظهر هنا؟؟؟...
بشاير بمرح:ليه تبين تركي يطردني...أروح بكرامتي أحسن...
شذى:هيه حدك على تركي عاد...
وقامت بشاير تغير ملابسها ولبست البيجاما حقتها..ورجعوا البنات سهره وسوالف...
بشاير:طيب كيف كنتي عايشه بطفولتك بين ثلاثه أولاد؟؟؟...
شذى تذكر:عادي...أخواني مره كبار...محمد الفرق بيني وبينه يمكن 13 سنه...وخالد كبير بعد...يمكن أقربهم بالسن لي سعود..أكبر مني بخمس سنين...
تذكرت بشاير سعود لمن شافته بالخطوبه كان مره حلو وسيم...
بشاير وحركات البنات:طبعا إنتي أحلى وحده فيهم؟؟؟...
شذى:إيه اكيد...أخوي محمد ملامحه جديه بزياده بس حنون بالحيل.. و أخوي خالد والله مملوح في نظري ويلبس نظارات..أما سعود أحلاهم وأقربهم لقلبي...وأخوي وصديقي إثنين بواحد...
بشاير وصلت للي تبيه:يعني كيف أخوك وصديقك؟؟؟...يعني مره مع بعض...
شذى:إيه مره مع بعض...خاصه هو توه راجع من سنتين من بريطانيا كان يدرس هناك...
بشاير:خطير أخوك...
شذى:هو كان مره فله معي آخذ راحتي معه بكل شي...ودايم يطلعني ويمشيني..بس عليه حركات تقهرني...طبعا مثل أي شاب سعودي تعرفين الكروسومات الذكريه..والهرمونات الرجوليه عندهم مرتفعه..يعني الغيره اللي ترف الظغط وبزياده..عن أخواني...
بشاير باستغراب:غريبه مع إنه دارس برى...
شذى تضحك:هههههههه هذا السعود توليفته غريبه عجيبه...بس كاسر خاطري...
بشاير انتبهت:ليه؟؟؟..
حكت لها شذى عن إن ابوه يبي يجبره على بنت عمه..وهو مايبيها..
بشاير:طيب ليه مايبيها؟؟؟...
شذى:لأنه مايحبها...وشوي جريئه بزياده...
بشاير:أها...يا حرام طيب وشو الحل...
شذى:أنا قلت ندور له وحده تناسبه ونحاول نقنع أبوي فيها..ونشيل منال من راسه...
بشاير:كيف؟؟؟...
شذى:يعني لازم ندور البديل عشان يقتنع أبوي..لأنه لمن نرفض من دون بديله لمنال أبوي بيغصب سعود...
بشاير:حلو الحل...زين من هي البديله؟؟؟...
شذى هزت كتوفها بالنفي وعدم العلم..
بشاير:الصراحه كان خاطري أشوف أقاربك...بس شكل مالي حظ...
تذكرت شذى إن عندها البوم صور لها قبل زواجها كانت ماخذته معها لفرنسا وعقب مارجعوا للرياض...
شذى قامت وراحت تجيبه...
بشاير:إنتي هيه وين رايحه؟؟؟...
شذى:دقيقه وراجعه....
وبعد مرور بعض الوقت نزلت شذى ومعها ألبوم الصور...أخذته وحطته بين يدين بشاير وجلست جنبها...
بشاير تناظر الألبوم:وش ذا؟؟؟...
شذى تبتسم لها:ألبوم صور لي أنا وأهلي..كان معي...
ابتسمت بشاير لشذى وبدت تقلب الصور...كان الألبوم كبير وبكل صفحه ثلاث صور..بدت تبتسم كانت صور لشذى حلوة وبعضها تضحك..وبعضها معبره..صور لها من الطفوله..
بشاير:يووووه يا شذى يوم كنت صغيره كنت خايسه...
ضربت شذى على كتفها بخفه وقالت:انثبري يا الخايسه والله إني أهبل...
بشاير تضحك:هههههههههه أمزح معك..
قعدت تناظر بالصور..ناظرت بصورة شدت إنتباهها كانت صورة بين إنها لشذى..كان شكلها في المتوسط وشعرها كان إلى كتوفها ومعها واحد شاب واقف معها..وحاط يده على كتفها ويبتسم كان مره روعه شكله..
بشاير وهي تأشر على الصورة:هذي إنتي؟؟..
شذى تبتسم:إيه هذي أنا كنت بثاني متوسط ومعي أخوي سعود..مصورين بالعيد..
بشاير:هذا أخوك سعود...تصدقين إنه يشبهك..
شذى:ما أدري ما أشوف بيني وبينه شبه...بس صح ناس يقولون كذا...
وقعدت بشاير تقلب بالصور كانت مره حلوه..بعض الصور لها بحالها وبعضها مشتركه..وبعضها الثاني صور لأقاربها بروحهم...شدتها صوره جماعيه لبنات كثير..قعدت تحوس تدور شذى بينهم لأن البنات كانو مره كثير...
بشاير تناظر شذى اللي كانت تناظر التلفزيون:شذى مين هذول؟؟؟..
شذى قعدت تتأمل الصورة وقالت:هذول الله يسلمك أنا وبنات أعمامي..
بشاير بدون شعور:وين اللي يبيها أبوك لسعود؟؟..
ناظرت شذى لبشاير بإستغراب وقالت بعد أن مالت تعابير وجهها للإبتسام
شذى:مين تتوقعينها؟؟...
بشاير تناظر البنات اللي موجودين بالصورة..قعدت تدور وحده شوي مميزة
بشاي وهي تأشر على بنت بالصورة كانت جالسه جنب شذى:هذي هي؟؟...
شذى بابتسامه:لأ..هذي هديل بنت عمي...
بشاير:أجل وين هي...

تابع الجزء العاشر.....

شذى وهي تأشر على وحده كانت واقفه بوسط الصوره وحاطه يدا على خصرها..
بشاير وهي تحط يدها على فمها:هذي هي وععععععععععععع....
شذى بنظرات مزح:وشو وععععععع ترى هذي بنت عمي...
بشاير وهي تدقق فيها:والله خايسه أخوك مملوح حرام يدفن شبابه مع ذي...
شذى:حرام عليك والله منال مو شينه لهالدرجه...بس إحنا مانبيها لأنها جريئه حبتين زياده عن اللزوم...
بشاير بتقزز:طالعي كيف هي متينه..شوفي هي شلون واثقه بنفسها الحمدلله والشكر على إيش؟..
شذى تناظر بمنال:هي بس مخربها إنها متينه..
بشاير:إلا كلها على بعضها شينه...
شذى:طيب شفتي باقي الألبوم؟؟؟...
بشاير رجعت تفر الألبوم:لأ هذا انا باقي اتفرج عليه...
قلبت الصور...شافت صورة طفله قاعده تضحك عمرها سبع سنين وثناياها طايحه...
بشاير:من ذي؟؟...
شذى:هذي أنا...
بشاير ماتت ضحك:هههههههه شكلك يضحك وإنتي ضروسك طايحه وشعرك كشه...
شذى:بالعكس طالعه اهبل(وقعدت تفر الألبوم)أقول بشاير ناظري الصور تراها حلوه...
بشاير تضحك:هههههه حلوه الترقيعه..إلا بالله وش قال تركي لمن شافها؟؟..
قعدت شذى تتذكر شكل تركي...
شذى تبتسم:كريه يقولي لمن شاف الصورة...إن وجهي كوكب رعب.. أخرع..خاصه كشتي يقول كأنها عش عصافير ولا فمي اللي ماخذ ثلاثة أرباع الصورة...يقول إذا بتجيبين بناتي كذا ما أبيهم...لأنهم بيطلعون بشعات...
ولمن خلصت كلامها شافت بشاير ميته ضحك...
شذى:ممكن أعرف وش اللي يضحكك آنسه بشاير...
بشاير:هههههههه ولا شي...
وقعت تناظر بالصور شافت صورة توها جديده شكلها..عرفت إنها لسعود..
قعدت تتاملها كان وسيم خاصه غمازته اليتيمه مثل أخته شذى ولونه الأبيض..ونظرات عيونه اللي تلمس الجنون فيها...
اللي بنفس الوقت كانت شذى تناظر بشاير..تناظر الأنوثه والبرأه..تناظر عيونها اللي تشع سعاده وألفه..كانت تشوفها قريبه للقلب..مع لمسات حنان فياضه..
شذى بابتسامة نصر:خلاص لقيتها...
بشاير انتبهت لها بعد كانت مبحره في خيالها مع سعود:وشو؟؟...
شذى وهي تناظرها:لا...ولا شي..

***

باليوم الثاني كانت سلمى قاعده مع أبوها بالصاله يقهوون...
سلمى:وش فيك يباه ماقمت تاكل؟؟...
أبو عبدالكريم:مين قال إني ما آكل؟؟...آكل والحمدلله..
سلمى:طيب ليه كذا نحفت يباه...ترى أبد حالك مو عاجبني...
ابوعبدالكريم:إنك ما تدرين كيف كنت أتعذب وإنتوا بعاد عني...
سلمى بعد ما اشفقت على أبوها:بسم الله عليك يباه...هذا أنا رجعت..وعايشه كل يوم والثاني عايشه تجي تزورنا..إنت بس طمن بالك..
أبوعبدالكريم:وعبدالكريم يا سلمى متى يرجع؟؟؟؟...
سلمى:تعرف عبدالكريم شغله بالسفارة مايقدر يخليه...
أبوعبدالكريم: آه من عبدالكريم..انتظره متى يكبر...ولمن كبر راح وخلاني...
سلمى تحاول تخفف على أبوها:ليه يابو عبدالكريم..إحنا انا وعايشه وين رحنا؟؟...
ابو عبدالكريم:إنتوا عيوني الثنتين...بس عبدالكريم...
سلمى:خلاص يباه الله يهداك خلوه يحقق اللي يبيه...وصدقني اللي يسويه يرفع راسنا كلنا...وبعدين مشالله عيال عمي وعمي كلهم حواليك...
أبوعبدالكريم:الحمدلله إنهم حولي...ولا كان مت من زمان..
سلمى:بسم الله عليك يباه...
أبوعبدالكريم:تصدقين يا سلمى وش أكثر شي متحسر عليه...
سلمى بفضول:وشو يباه؟؟؟...
أبو عبدالكريم:إنك ما أخذتي تركي..والله قهر إنه راح منك ومنا...
سلمى تحاول تغير الموضوع:خلاص يباه هو تزوج...
أبو عبدالكريم:إيه مو هذا اللي قاهرني...ياليتك أخذتيه..
سلمى:وشلون آخذه وهو ما خطبني ولا طلبني للزواج...
ابو عبدالكريم:بس نفسي أعرف وش اللي ما خلاه يخطبك..بنت عمه..و مشالله جمال وعلم...
سلمى بضيق وغرور:يباه كيف تتمناني لواحد ماخطبني ولا حتى فكر فيني؟؟؟...
ابو عبدالكريم:لأنه مشالله رجل والنعم فيه...والله الكل يذكره بالخير... وانا أشوفه من أحسن شباب هالوقت...

تابع الجزء العاشر.....

سلمى:يباه أحس كذا إنك تقلل من قيمتي وتعرضني عليه لأني لو أموت ما أخذته...
ابو عبدالكريم:لو خطبك تركي...والله لأزوجك له..لأنه مو ناقصه شي.. وإنتي ما إنتي صغيره...والبنت كل ماكبروا قلوا خطابها يا بنيتي...
سلمى بضيق:والله تركي غيره ألف واحد...أحسن منه بألف مره...
ابو عبدالكريم بعصبيه:والله تركي إنه رجال ولا مية رجال... ولا إنتي وين يحصلك لو يجيك...
سلمى بعصبيه وهي قايمه:والله هو وين يحصله مثلي... المفروض يحب يده مقلوبه لو افكر بس أفكر إني اناظر فيه بس....
ابو عبدالكريم بعصبيه:عيب يا بنت...هذا ولدك عمك...

***

سعود بضيق: ياليل ما أطولك..شذى تكلمي...
شذى بدلع:أول شي الحلاوة...
سعود:أقول لا تتدلعين علي..ترى تحومين كبدي بدلعك...
شذى انقهرت:احوم الكبد بعينك...ماني بقايله...
سعود ضحك:ههههههه بصراحه أنا للحين ماني مصدق إنك تزوجتي يا الخايسه...
شذى:ليه؟...وحشتك...
سعود يضحك بس يحاول يتكلم بجديه:ههه بس لأنك قبيحه...وما توقعت رجل بكامل قواه العقليه ياخذك...أنا قلت بياخذك واحد أعمى أو خبل... ..بس على الأقل عمرك واصل لخمسه وثلاثين...
شذى بعصبيه:لو سمحت إنت تتكلم عني أنا؟؟؟...
سعود يضحك:ههههههه جدتي مثلا...أكيد إنتي...
طووووووووط...طووووووط...
قعد سعود يناظر التلفون...الخايسه سكرت السماعه بوجهي اللي ماتستحي..
رجع سعود دق عليها...
سعود مسوي نفسه معصب: ماتستحين إنتي...عيب تسكرين السماعه بوجهي وأنا أخوك الكبير...والله لو أنا جنبك كان بهالعقال على ظهرك رسمت عليه خطوط الطول ودوائر العرض...
شذى تكتم ضحكتها:نعم آمر بغيت شي؟؟؟...
سعود:ليه انا داق على مطعم؟؟؟؟....
ضحكت شذى:هههههههه سعوووووووود...
سعود:هاه...
شذى:الحين لو نادتك مقرودة الحظ اللي بتتزوجك بتقولها[ هاه ]؟؟...
سعود:والله على حسب من تكون؟؟؟...
شذى:تتوقع مين؟؟؟...
سعود:ما أدري...
شذى:طيب توقع...
سعود بضيق:قولي أنا ما أعرف أتوقع...
شذى:توقع يابن الناس...
سعود:أنا غبي متنح...ماعندي ماعند جدتي...إنتي قولي...
شذى:الصراحه وش رايك ببشاير؟؟؟...
سعود باستغراب:من بشاير؟؟؟...
شذى:أخت تركي زوجي...
سعود:أخت تركي؟؟.... ما أدري احس إنها ماتصلح لي...
شذى باستغراب مع ضيق:ليه ماتصلح لك؟؟؟...
سعود:اممممم ما ادري...يمكن الفارق المادي والإجتماعي بيني وبينها...
شذى:هذا أنا أخذت تركي أخوها عادي بدون فروق...
سعود بجديه:شذى..معروف الحرمه غير لأنها تتبع رجلها..عكس الرجل...
شذى:لا يا سعود هذاك أول...إنت مو ناقصك شي عشان ما تاخذها ولد قبايل وأصل وفصل..ومتعلم وأخلاق...ومملوح...
سعود:بس أنا من قبيله غير قبيلتها...
شذى:وكل قبيله والنعم فيها... وصدقني لو ما يبونا ما أخذني تركي...
سعود:من جد شذى فاجأتيني لمن قلتي إنها بنت أبوبندر...
شذى تهمس له:إنت لو تشوفها يا سعود....
سعود بخبث:ليه هي حلوة؟؟؟...
شذى تضحك:ههههه تخيل أسوي فيك مقلب وأخليك تاخذها وهي قبيحه قصيره سودا خايسه جريئه ماتستحي...
سعود بخوف:أنا عندي كل هالمواصفات بكوم وإنها ماتستحي بكوم ثاني... لأني بجد أبي بنت أهم شي تستحي..مو مهم تكون حلوه..بس ماهي شينه... وبعدين أعرفك يا شذوه صدق فيك نذاله بس مو لهالدرجه...
شذى:لأني غبيه وعلى نياتي...بس أمزح بشاير والله حلوة قمر مشالله...
سعود:وش كبرها؟؟؟...

تابع الجزء العاشر.....

شذى:أصغر مني بسنه...
سعود:صغيره مره ياشذى...
شذى:صغيره بعينك...عادي هذا أنا خذيت تركي والفرق بيني وبينه ثمان سنين...وعادي مع إن الفرق بينك وبينها أقل من كذا...
سعود بتفكير:اوكيه خليني أفكر...وأستشير اهلي...
شذى بضيق:سعود المسأله مايبي لها تفكير... قول ابيها ولا لأ...
سعود بجديه:شذى يا الخبله...هذا زواج مو لعب..
شذى:أدري..بس مو إنت العروس تقعد تفكر جاوب وقولي ألحين...
سعود:يله باي...ومشكورة وماقصرت ويا عسى عمرك طويل.....ومره وحده مع السلامه....

***

......:وأنا اقول اليوم الشمس أشرقت من وين؟؟؟...
فاطمه تضحك:ههههههه من الشرق شرقت...ليه؟؟...
تركي وهو يقعد جنبها:لا بس فاطمه عندي بالبيت ماني مصدق...
فاطمه:لا إيش دعوه...لازم أخوي الصغير أروح أزروه ببيته...
تركي وهو يناظر حواليها: وين البراميل المتحركه ماجبتيها؟؟؟....
ضحكت شذى اللي كانت توها جالسه...اما فاطمه عصبت ماكانت ودها تضحك شذى على عيالها...
فاطمه تحاول تتصنع الإبتسامه:في البيت ما جبيتهم...
تركي:قهر ياليتك جبتيهم...إنتي حلاتك فيهم...
فاطمه:يعني ما أنفع بحالي؟؟؟...
تركي بتفكير مصطنع:امممم هو إنتي تصلحين بس مو مره...
فاطمه:لا كذا حلو...خفت تقول ما أصلح وتقطني مع الدريشه...
تركي:لا عيب كذا اختي الكبيره لازم أحطك فوق راسي...
شذى ماحبت تكون مجرد ديكور قاعده مالها صوت... وحبت تصفي فاطمه من ناحيتها..وتكسبها معها...
شذى:ليه ما جات نوف معك؟؟؟...
فاطمه:عندها مدرسه...وتعرفين نص الأسبوع ما تقدر تجي...
تركي:تطور صايره نوف ماتطلع عشان المدرسه...خبري فيها دجه ماتحب تقعد بالبيت...
ابتسمت شذى وقالت:حرام عليك تركي نوف مهوب دجه..والله إنها حبيبه...
تركي:أنا قلت شينه؟؟؟...قلت فيه تطورات...
فاطمه:لا نوف تقول تبي تجيب ممتاز...
تركي بمزح:لا لا لا أكيد صاير شي بالدنيا...تبي تجيب ممتاز بعد...يا إن نوف تغيرت...ولا الدنيا تغيرت...
شذى تضحك:وش الفرق إذا الدنيا تغيرت...ولا نوف تغيرت؟؟؟..
تركي:لأ فيه فرق...إن التطورات من نوف نفسها...ولا إن الدنيا أجبرتها على التطور...
فاطمه تضحك:ههههههههه تركي شكلك تابع مسلسلات واجد...
ضحك تركي وقال لشذى اللي قاعده جنبه بهمس:أقول لها إنك مسويه على حجر ما أشوف مسلسلات ولا أفلام؟؟؟..
شذى تناظره وهي ترفع حاجبها وتجاوبها بهمس:تبيني أقول إن أخوك عينه زايغه ومايطالع المسلسل إلا عشان البطله حلوه..
تركي يهمس:وجذابه بعد...
شذى تحرك فمها بدون صوت:كريه...
....: نحن هنا....
ناظروا الإثنين لفاطمه...
فاطمه:لا تنسون إني باقي موجودة...
تركي بابتسامه:لا أبد يا أم ريان مانسيناك ولا كيف الصاله منورة للحين...
شذى قامت...
تركي يكلمها:على وين؟؟؟...
شذى:أجيب صينية الحلى....
وراحت شذى المطبخ ودخلت...وطلعتها من الثلاجه وقطعتها بدقه ونعومه..
وأخذت قطع منها وحطتها بالصحون وجهزت الشوك وحطتها بصينيه... وخلت الشغاله تجهز العصير والصينيه...
وقعدت تناظر تركي اللي من غير مايشوفها كان قاعد يسولف مع أخته...
كان وسيم...عيونه تطفر سحر وجاذبيه...ملامحه تشع حنان ورومانسيه... وقسوه وغموض...كان إنسان مزاجي...متى مابغى يصير رومانسي يصير ولمن يبي يصير قاسي..يصير أقسى من الصخر...بس إنسان معطاء...
شذى بخاطرها((الله لا يحرمني منك ياتركي...معاك عشت أحلى أيام عمري ...وصرت حبي ألأبدي...وصرت جزء ما يتجزأ من حياتي... ما أبعد عنك...لأني لو أبعد باموت..أموت بحسرتي...أغار عليك من نساء هالدنيا.. أغار عليك من اهلك وعملك واخوياك ودنياك...وكل من يبعدني عنك... أغار عليك من نفسي ومن كل عيون بس تناظرك...الله لا يفرق بيني وبينك فيك القى اهلي كلهم...))
انتبهت على الشغاله إنها جهزت الصينيه..أخذتها وراحت لهم بالصاله وهي مبتسمه...منتعشه...يكفي إن تركي قدامها...

تابع الجزء العاشر.....

أم محمد:ما أدري وش أقولك يا سعود...هذي حياتك وإنت حر فيها...
سعود بضيق:يمه أبي رايك...ترى والله يهمني بالحيل..
أم محمد:إمش على اللي يطمنك يا سعود...
سعود:طيب قولي لي...وش رايك ببشاير؟؟..
ام محمد:أنا شفتها بالخطوبه وبالعرس....
سعود بخاطره((يعني وين شفتيها يمه الله يهداك في السوق مثلا))...
سعود يضغط على نفسه ويبتسم:ههه أدري يمه..بس وشرايك فيها؟؟؟...
ام محمد:والله إن البنت حلوة ومزيونه...ومو ناقصها شي من ناحية الجمال...
سعود يحتري أمه تكمل:أوكيه وبعدين...
ام محمد:بس أخلاقها..ما أدري عنها...
سعود:أكيد مارح تختارها شذى إلا إنها أوكيه وتمام...
ام محمد:والله وكبرتي يا شذى وقمتي تختارين لأخوك عروس...
سعود:هه إنت بس أهمك شي عندك وش التطورات اللي صايره على شذى
ام محمد:لا...بس كنت أقول...وإذا تبي بشاير مبروك والله إن أهلها مشالله عليهم...
سعود:تتوقعين أبوي بيوافق عليها بدال منال؟؟؟...
ام محمد بعد تفكير وصمت قصير:والله يا سعود إذا بنت أبوبندر صدقني صعب أبوك يقول لأ....بس ما أستبعد إنه يرفض ويصر على منال...
سعود:ما أدري يمه...بس اللي مخوفني الفارق المادي الكبير اللي بيني وبينها...
ام محمد:اللي يبي الستر لبنته ما يهمه وش اللي بجيب المعرس مادام اخلاقه طيبه...
سعود بشرود:هذاك أول...الحين أهم شي وش اللي بجيبه قبل اللي بقلبه...
ام محمد:لا تتشائم يا سعود...
سعود بخوف كطفل صغير:أخاف يرفضون وبعدها أتحطم...وشذى تنحرج وتتفشل...
ام محمد:أنا عندي فكره..خل شذى تسألها إذا توافق قبل الخطبه رسمي أحسن...
سعود:بأقولها...بس بشرط إنت كلمي أبوي عن بشاير...
أم محمد بابتسامه:من عيوني...أنا كم سعود عندي؟؟....

تابع الجزء العاشر.....

لا مو معقول أنا في فيلم...ولا حلم...ولا احلق بأمنياتي؟؟.. معقول اللي أتمناه يصير في أيام...أي حب سريع نما في جوانب قلبي...وكساه وكسا جسمي كله...وصرت نصف صاحيه مع احلامي اليقظه اللي أحلمها معاه..
معقوله أحلامي ممكن تصير حقيقه؟؟؟...
تنتبه للواقع وتناظر شذى اللي قاعده قدامها...
بشاير بارتباك:فاجئتيني يا شذى...
شذى قامت وقعدت جنبها:صدقيني يا بشاير إني من جد حبيتك وأتمناك تصيرين مرة أخوي...
بشاير تناظر بعيون شذى:شذى...افهميني الموضوع ماني قادره أستوعبه..
شذى:ليه إنتي ما تبين سعود واحرجتك بطلبي؟؟؟...
بشاير باندفعها المعروف:لااااااااا....مو كذا والله...
شذى:بشاير فكري...
بشاير:بالعكس أخو الف وحده تتمناه...بس ماتوقعت إني أكون البديله...
شذى:ما إنتي بديله...إنتي راح تكونين الأساس صدقيني لأن سعود مابقلبه أحد...
بشاير:طيب سعود ينتظر ألحين ردي؟؟...
شذى تهز راسها بالإيجاب...وقالت:إنتي فكري..إذا وافقت بأكلم تركي وأخلي سعود يكلمه ويصير كل شي رسمي...بس إذا مافيه نصيب كل شي ينتهي ويكون الأمر بيني وبينك بس...
بشاير:خليني أفكر...
شذى:باقولك معلومة ترى أخوي مهوب بطران...بس الحمدلله فيه خير...
بشاير:صدقيني شذى عمر الفلوس ماهمتني ولا بتخليني افكر وش بجيب اللي باخذه...
شذى وهي قايمه:اوكيه انا رايحه...إنتي فكري على راحتك...وردي لي متى ماتبين أنا انتظرك...
بشاير ناظرتها بدون ماتتكلم...وطلعت شذى من عندها وهي في دوامة فكرها...معقولة أتزوج سعود؟؟...اللي كنت اسافر معاه بخيالي كل ليله بعد ما شفت صوره عند شذى...سعود...معقوله نكون...بشاير وسعود؟؟...

تابع الجزء العاشر.....

فاطمه تكلم عايشه اللي كانت ببيت أهلها...
فاطمه:قاهرتني يا جعلها الموت...
عايشه:الله يعينك وهذا عادها ما كملت سنه من تزوجت...
فاطمه:احسها دهور...
عايشه:ما أقول إلا الله يعينك...
فاطمه:وش أسوي بها يا عايشه؟؟؟...لمن أشوفها أحس بضيقه..
عايشه:وش يدريني...
فاطمه:لو الود ودي...كان خليت تركي يشحطها مع الباب يطلقها... ويروح بيت أبوك ويخطب سلمى...
عايشه تتنهد:ما أدري ليه الكل يبي سلمى تاخذ تركي...
فاطمه:لأنه بنت عمه والدم واحد بعروقهم...
عايشه اللي تتمنى سلمى تاخذ تركي عشان تخلص من كابوس عادل هذا؟؟..
عايشه :والله خاطري يا بنت عمي إن سلمى ببيت تركي الحين لو تدرين..
فاطمه بخبث:تدرين إني فكرت بالسالفه..والحل بين يديك يا بنت عمي...
عايشه باستغراب:أنا؟؟؟...قولي وشو أسويه بدون تفكير...
فاطمه:اسمعيني للآخر ولا تقاطعيني...لأني متأكده إنه مارح يعجبك...بس بنوصل للي نبيه...
عايشه بلهفه:قوليه يا أم ريان...ولك علي أسويه وأنا مغمضه...وجعله إنشالله ما عجبني...
فاطمه:شوفي أحنا راح نوصل للي نبيه...بس بطريقه ملتويه...
ضحكت عايشه:هههههههههه أحلى مافيك إنك تعترفين بعد...
فاطمه ابتسمت:هذا شوي من اللي عندك....انتي اسمعيني بس...
عايشه بإنصات:كل الآذان صايغه...

***

سلمى بعصبيه:مجنونه إنتي...
عايشه:ما المجنون إلا إنتي...كيف تضيعينه عليك والله إنك غبيه كيف تخلين شذى تتهنى فيه هذيك القرويه...
سلمى:على قولتك بالعافيه على قلبها..
عايشه حاولت تلين معها:سلمى ناظرني(ناظرتها سلمى)صدقيني والله هذا لمصلحتك في الدرجه الأولى...
سلمى بعصبيه:كذابه...هذا لمصلحتك إنتي والباقين...عمركم ما فكرتوا فيني طيب وش مشاعري اتجاهه ألحين؟؟؟...
عايشه بعصبيه:عادل إنسيه وامحيه من بالك يا جعلك الماحي...
سلمى:يا قواة وجهك تطلبيني وتدعين علي....
عايشه تقرب منها:صدقيني يا سلمى والله إني أحبك وهذا عشانك...
سلمى:بس عادل...ما أقدر اخلي عادل...
عايشه:والله إن تركي أطلق منه...بس إنتي خذيه والله لينسيك إسمك بعد...
سلمى بسخريه:ليه؟؟؟...ولد عمك وائل كفوري على غفله؟؟؟..
عايشه تحاول تكظم غيظها:وائل بعينك....إنتي بس خليني أكلم أمي وأبوي وما عليك...
سلمى بإصرار:عايشه لأ...وياريت ماتتدخلين في خصوصياتي...
عايشه:سلمى...إنتي كبيره ألحين وخطابك مهوب مثل أول...افهميني...
سلمى:ماني بكبيره...والله عادي عمري...أساسا انا استحقر اللي يتزوجون وهم صغار...
عايشه:عاد هم كيفهم...
سلمى:مشالله الشباب الواحد يعيش إلين يشبع ويطفش...ولمن يبي يتوب يقول لأهله زوجوني...
عايشه:مو شرط...البعض يبي يكون ويجهز حاله...
سلمى:مابي تركي ماأبيه...
عايشه:عشان أبوي...لا تنسين....
سلمى سكتت وماقدرت تكابر على مشاعرها أكثر....بعد فتره قالت بصوت واجل:عايشه أخاف.. أحس إني كذا اعرض نفسي؟؟...
عايشه هي تطق الصدر:ما عليك...إنتي بس خلي كل شي علي....

تابع الجزء العاشر.....

كان الصداع ذابح تركي...مانام زين...وضغط بالشغل وتدريبات يتجهز للدورة التدريبيه عشان الإرهاب...كانت شوي ثقيله عليه...
تركي وهو حاط راسه بحظن شذى:يا شذى صداع رهيب...
شذى تمسح على راسه:بسم الله عليك..طيب مريت على الدكتور وإنت راجع؟؟؟..
تركي وهو يحط يده على راسه:لا...قلت ما يحتاج...بندول ويروح الألم...
شذى قعدت تناظره وقلبه يتفطر عليه ودها اللي فيه فيها:إنشالله أجر...
تركي صكر عينه وقال:شكله مايبي يخف الألم...
شذى تلعب بشعره:تبي اجيب لك شي تاكله...
تركي بتعب:روحي جيبي لي مويه...
شذى وهي قايمه:من عيوني...
وراحت تجيب له مويه....يوم رجعت انصدمت لمن شافت تركي...كان ودها الأرض تنشق وتبلعها...أي عقاب بتناله من تركي...كانت هذيك اللحظه بالنسبه لها كابوس مزعج..الدم تجمد بعروقها...وحست إن قلبها طاح ببطنها...
تبي تتقدم تمشي بس ماهي قادره..ماهي قادره..ناظرت تركي اللي كان جالس عند الكوميدينا وبيده الحبوب حقتها منع الحمل...اللي تركي كان يدور بالبندول..وطاحت الحبوب هذي بين يديه...
ناظر تركي شذى باستحقار....أما شذى ناظرته بخوف أكيد بيذبحني...
تركي وهو يحاول يكظم غيظه:ممكن اعرف وش ذي؟؟؟...
شذى:.......
تركي وهو يحاول باقي يتماسك:ردي...
شذى بتردد:تر...تركي..هذا...هذا..
رمى تركي الحبوب بغضب وقام وهو في أوج غضبه وغيظه...
تركي وهو يناظرها:انثبري ولا كلمه...بعد لك عين تتكلمين...
شذى:أنا كنت بأقول....
يقاطعها تركي ويقرب منها بسرعه ويقول:كنتي إيش ياهانم...إنتي من جد إنسانه ماأحد يثق فيك...
شذى برجاء:تركي...
مسكها تركي من يدها بقوة وقال بعصبيه:شذى إنتي ليه كنتي تستخدمينها؟؟.
شذى ما ردت وقعد تصيح...
عصب تركي زياده وجرها وقربها منه زياده...من قوته طاحت المويه من يد شذى...
تركي معصب:تصيحين؟؟؟...طبعا وش راح تقولين...بس والله راح تدفعين ثمن هالحركه يا شذى...
شذى تبي تفك يدها من يدها...رص تركي زياده على يدها...
شذى آلمتها يدها وصرخت من الآلم...
تركي وهو يصر على أسنانه:تستاهلين الضرب...مين اللي أذن لك هاه.. لو فيك خير ما كان سويتيها...
شذى وهي تصيح:تركي اسمعني طيب...
تركي وهو صاير بركان ثائر:وش أسمعك يا جعلك القرادة...إنتي ما تستحين على وجهك مع هالحركات الوسخه اللي مسويتها...بس والله لأوريك يا شذى واعلمك وش الدلع اللي كنت معيشتك فيه...أثرك ما تستاهلين إلا التراب....
ودفعها تركي بكل قسوة على الأرض...وطلع من عندها مشتت مصدوم منها...معقوله هذي شذى اللي أنا أحترق شوقا عشان أجيب منها طفل... هذي شذى...دلوعتي؟؟...هذا الأنوثه الممزوجه بالبرأه... بس شكل الأقنعه بدت تتساقط...ويخرج من الاكمه ما ورائها....
تمني إنها صار به شي هاليوم ولا درى...حس إنها تخدعه وتنصب عليه..
ليه يا شذى ليه؟؟؟؟.....



أما هي فكانت تصيح ألم وقهر...ولوعه...وندم...قعدت تصيح ياليتني ما أخذتها...ياليتني ما أخذتها....بس وش ينفع الندم ألحين؟؟؟...

تابع الجزء العاشر.....

عايشه كانت قاعده مع أمها ام عبدالكريم...
ام عبد الكريم:لا يا عايشه ما راح أبني سعادة بنتي على تعاسة غيرها....
عايشه:يا يمه...أجل تبين بنتك تعيش تعيسه...
ام عبدالكريم:لا مافي أم تبي بنتها تعيش تعيسه..بس سعادة سلمى بعيده عن تركي...
عايشه:بس هي بنت عمه وأولى فيه من الغريبه...
ام عبدالكريم:الزواج ما يعرف بنت عم ولا خال..
عايشه:يمه بس هم كانوا يحبون بعض...بينهم حب حرام يضيع...
ام عبدالكريم:لو كان يحبها كان جا خطبها...وإحنا مارح نقول لأ...بس إني أعرض بنتي فهذي صعبه...وجهي وين أوديه قدام أم بندر...
عايشه:السالفه يمه ما راح أحد يدري فيها...راح تكون بين عمي وأبوي بس...
ام عبدالكريم:ما أقدر يا أم فارس سامحيني...
عايشه:إنتي بس اقنعيه معنا...والله بيوافق خاصه إن خاطره بتركي... يمه سلمى مصلحتها مع تركي...وشذى هذي والله داخله على طمع...
ام عبدالكريم:نفسي أعرف ليش تكرهينها مع إنها حبيبه...
عايشه:يمه لا تصيرين طيبه بزياده عن اللزوم...ياما تحت السواهي دواهي...
ام عبدالكريم:طيب سلمى وش تقول؟؟؟...تبيه هي ولا لأ؟؟؟...
عايشه:موتها وحياتها بين يد تركي تبيه...فلا توقفين بطريقها و صدقيني إن تركي نفسه يبيها بس هو مهوب داري إنها للحين تبيه...
ام عبد الكريم:عايشه...إنتي تطلبين مني الصعب...
عايشه وهي تشد يدها على يد أمها:صدقيني لأنها خطوة جريئه شوي..بس يمه لا تخلين سلمى كذا تكتوي بنارها...حرام والله حرام...
ام عبدالكريم سكتت قعدت تفكر...
أما سلمى فكانت تناظرهم من الدرج...تنتظر رد أمها....
عايشه وعيونها معلقه بوجه أمها:هاه يا أم عبد الكريم وش قلتي؟؟...
ام عبدالكريم بعد أن اطلقت زفره طويله:بأكلمه يا عايشه مع إنها صعبه والله صعبه...
عايشه بابتسامة نصر:الله يبارك فيك يمه..إنتي كلمي أبوي..وأنا بأساندك..


***


تركي اللي كان متضايق مره ما عرف وين يروح...وبالأخير راح لبيت خويه طلال يفرفرش عن عمره شوي لأنه مستحيل يقوله وش صار من شذى لأنه يشوف هالشي من أدق الخصوصيات اللي تجمعه بشذى...
طلال:ممكن أعرف وش سبب مدة هالبوز؟؟؟...
تركي يناظر طلال وبدون نفس:زهقان قلت أجيك ياخوي...
طلال:ليه قالولك فاتحين ملاهي...ولا نعرض مسرحيه...
عصب تركي وقام:أجل استئذن أنا الغلطان اللي أجيك...
طلال اللي جره مع يده ورجع قعده:تركي...وش فيك الله يهداك أنا كنت أمزح معك...صاير كبريت ماتتحمل كلمه...
تركي بعصبيه:إنت اللي صاير دمك ثقيل...
طلال:أنا دمي ثقيل...الله يسامحك...
تركي وهو يحاول يخفف التوتر اللي فيه حس إنه زودها شوي:طلال لا تكون زعلان...
طلال:ماني بزعلان..بس وش فيك اليوم بالدوام يا حلاتك...وش اللي غيرك...
تركي بخاطره(وش أقولك يا طلال)..
تركي:لااا بس مصدع شوي...وقلت من زمان مامريت على طلال ببيته...
طلال:الله يحييك....البيت بيتك..
تركي بابتسامه يحاول يتناسى:أدري إنه بيتي ولا كيف جيت بدون موعد..
طلال يضحك:إنت ما أحد يعطيك وجه ولا على طول تصدق وماخذ بعمرك مقلب...
تركي يمزح:تعرف هذي مشكله أزليه فيني...مالها علاج..
طلال:ما أقول إلا الله يعين حرمتك عليك من جد لو إنت زوجتي كان إنتحرت من زماااااااااااان....
تذكر تركي شذى وعصب من حركتها...وقال لطلال:من زين خشتك ألحين تقعد تتميلح علي...
طلال:أقول تركي...والله إنك مهوب طبيعي فيك شي؟؟؟...
تركي يحاول يبان إنه طبيعي:لا مافيني شي...بس شوية صداع...

تابع الجزء العاشر.....

بعد مرور كم يوم...
عايشه كانت قاعده مع أبوها اللي أمها قالت لها إنه خاطره بهالشي بس يحس إنه كذا يقلل من قيمة سلمى بنته...مع إنه متأكد ميه في الميه إن أبو بندر لو يقوله اخوه ابو عبدالكريم يزوج ولده تركي سلمى ما راح يقول لأ..
عايشه:لا تتردد وإنت واثق برد عمي أبو بندر...
ابو عبدالكريم:عايشه أحس كذا إني أهين نفسي..وأنا أخطب لسلمى...
عايشه بلهجة كلها مكر:يابو عبدالكريم ما سمعت بالمثل اللي يقول إخطب لبنتك قبل لا تخطب لولدك...
أبوعبدالكريم:عايشه أنا واثق برد أبو بندر...بس وش رد تركي راح يكون أخاف يرفض...
عايشه بكذب يصعب تكذيبه وتفتح عيونها على الآخر:يباه تركي ما راح يقول لأ..بالعكس هو وده بسلمى حتى زوجي بندر اخوه يقولي قبل لا يتزوج زوجته هذي..كان خاطره بسلمى بس لمن شاف سلمى ترد معاريس ما ينردون يخاف إنه ترده وتصير بينا وبين بيت عمي أبو بندر خلافات عائليه بسبب كذا...
ابو عبد الكريم:مستحيل أرده وهو ولد أخوي...
عايشه:خلاص يابو بندر ما أظن ألحين شي يردك إنك تنادي عمي أبو بندر وتكلمه...
أبو عبدالكريم بثقه:أجل خلاص بأنتظره لمن يمرني وأكلمه...
عايشه بخبث الشياطين:وخله بعد يجبر تركي يطلق مرته ذي الخايسه...
أبو عبد الكريم:لأ في ذي ما أقدر يا أم فارس...
عايشه:أجل ترضى لبنتك ضره يباه؟؟؟...
أبو عبدالكريم:لا ما أرضى بس بعدين يمكن نشرط عليه إنه يطلقها...وإذا هو صدق يبي سلمى من زمان بيطلق ذي من دون ما نقوله...
طلعت بعدها عايشه من عند أبوها...وهي تبتسم بخبث((والله وبنطيرك يا شذى...وصدق يا فاطمه عليك افكار الشيطان ما فكر فيها...آه يا سلمى وأخيرا بتتزوجين..ونفتك من هالعادل اللي مخوفني..من كثر حبك له وعلاقتك فيه..اللي ترعبني من يوم تنقلين لي تفاصيلها بالتليفون وإنت هناك))

بعد ما استخارت...وفكرت...لقت جوابها دقت عليها بعد تردد تخاف يكون ردها سريع..وبنفس الوقت تخاف المعرس الحبيب يطير عليها لأنه مستعجل...
بشاير بتردد:هلا شذى..
شذى:هلا والله براعية هالصوت...
بشاير:شخبارك؟؟..
شذى:تمام...وإنتي؟؟..
بشاير:الحمدلله...أنا كلمتك بخصوص الموضوع اللي قلتي لي عليه...
شذى اللي حاطه يدها على قلبها إن بشاير لا ترفض لأنه يوم خطبتها كان مغامرة...
شذى:إيه أنا انتظر ردك على أحر من الجمر...
بشاير:والله ما أدري وش أقولك يا شذى متردده..وأبيك تفهميني...
شذى بخاطرها أكيد رفضت الله يستر بس...
شذى:فاهمتك يا بشاير...وصدقيني ردك ما راح يأثر بعلاقتي فيك أبد..
بشاير:شذى كذا صعبتي على المهمه أكثر...
شذى:لا صعبتها عليك ولا ضيقتها...إنتي قولي ردك وأنا سامعته...
قعدت تسمع بشاير وهي تحكي لها إنها مو مصدقه إنها راح تتزوج سعود لأنها أعجبت فيه من يوم شافته أول مره بخطوبتها...وإنها موافقه وباقي المهمه عليها...
شذى بفرح:مبرووووووووك يا بشاير والله إني من جد فرحانه...
بشاير بخجل:يؤ يؤ يؤ..أحرجتيني شذى زياده...
شذى:هههههه لا تخافين هذا خجل العروس...
وبعدها صكرت من عندها مبتسمه...تذكرت تركي تحولت إبتسامتها إلى حزن ولوعه...من هذيك السالفه وهو لا يناظرني ولا يكلمني..ولا حتى ينام معي..صاير ينام بغرفه بحاله...وهاجرني..قعدت تبكي وتصيح من وجدانها...تفتقد الحبيب...اللي سقاها من حبه حتى الثماله...وصارت تعشقه وهيمانه فيه إلى حد الجموح...صاحت عسى اللوعه اللي بقلبها تخف...

تابع الجزء العاشر.....

أم بندر تكلم بالتليفون عبير اختها...
عبير: من جد ولدك هذا ما يستحي...ما كلمني لعنبوه من أعرس إلا مرتين وش ذا؟؟؟...وهذا أنا اللي خطبت له...
ام بندر:ما عليك منه...
عبير:وهذا أنا خالته...بس ما عليه هين يا تركي...والله إن خوانه أحسن منه يدقون ويسألون...
ام بندر:ما عليك يا وخيتي منه...إلا شخبارك وشخبار ولدك بدر وزوجك؟؟...
عبير:الحمدلله كلنا بخير...
ام بندر:ما ودك تجينا يا عبير بالرياض؟؟..
عبير:خاطري أجي...بس تعرفين دوام وما أقدر أخليه...بس يمكن بعيد الفطر أجي...
أم بندر:تجون بالسلامه...
عبير:إلا شخبار حصه...
أم بندر:بخير...
عبير بضحك:عادك إنتي وهي مناقر...
ام بندر:مناقر؟؟؟....مناقر ياللي ماتستحين وإحنا عجايز...بالعكس أنا وحصه خوات...
عبير:بس بصراحه أنتوا لايقين على بعض...
ام بندر:إيه هي خويتي من يوم إحنا صغار...
عبير:إلا كيف صحة أبو بندر إنشالله بخير...خاصه بعد طيحته الأخيره...
ام بندر:لا أبشرك بخير والحمدلله...مثل الحصان لا إله الله ...
عبير:الحمدلله..الله يخليه لكم إنشالله...


***

سلمى كانت قاعده على أعصابها...هي وأمها ام عبد الكريم وعايشه...وابو بندر موجود بالمجلس عند أبو عبدالكريم...يكلمه بتركي وسلمى...
سلمى بتوتر:والله فشله...إحرااااااااج...
أم عبد الكريم اللي كانت قاعده من دون اقتناع على اللي يصير...
ام عبد الكريم:مو هذا طلبك يا دكتورة...
سلمى تناظر عايشه بخنق بعد ما حست إنها أرخصت نفسها:كله منك يا عايشه...إنتي السبب...
عايشه باستنكار:أنا السبب؟؟؟...ما أتوقع أحد ضربك على يدك يا سلمى وغصبك على هالشي...
سلمى بعصبيه:بس كنتي قاعده فوق راسي طول الفترة اللي راحت تزنين وكثرة الزن تفك الحديد...يا ام فارس...
عايشه عصبت من كلام أختها:أنا كلمتك ووافقتي...لا تنكرين هالشي...
ام عبد الكريم اللي عصبت من مناقر بناتها:بس خلااااص إنتي وهي...
قامت سلمى بعصبيه وطلعت غرفتها...
بغت تلحقها ام عبدالكريم راضيها...بس عايشه قالت لها لا تلحقها لأن سلمى دايم كذا تفور...وبعدين بالنهايه تطفى وتهدى...
عايشه بخوف وارتباك:الله يستر احس عمي طول عند أبوي...
ام عبد الكريم:ربك كريم يا عايشه...

***

طلع أبو بندر من عند أخوه...وهو مهوب مصدق طلب أخوه..يالله كيف انا وافقت له..وش راح تكون ردة فعل تركي...يارب استر...الله يهداك ياخوي مالقيت إلا هالوقت تكلمني فيه...بعد ماتزوج ولدي واستقر بحياته...تبيني أخربها عليه...وهذيك البنيه شذى بأي ظلم وسفك بأجني عليها...تبيني أزوج تركي بسلمى بنتك...سلمى بنت ولا كل البنات...والكل يمناها...ليش تبي تركي بالذات ليش...
تذكر كلام أخوه له...
ابو عبد الكريم:الصراحه تركي هو أحسن عيالك..والكل فيه الخير مشالله.. أنا الصراحه ما أبي بناتي يطلعون برى العايله...ولا أبيهم ياخذون من خوالهم...أبيهم ياخذون من أهلهم وربعهم...فأنا أحتريتك ياخوي تخطب سلمى لواحد من عيالك بس أبد...تعرف بندر ماخذ أختها الكبيره..ومتعب ماخذ سارا اللي أنا ربيتها وبحسبة أختها وبنت عمتها...وصعبه أدخل أخت على أخت...فلقيت تركي أفضل واحد...صدق هو متزوج بس ما يخالف.. والدم يحن لأصله وبيجي اليوم اللي تركي بيحب سلمى...ويشكر ربه إنه خذاها...وولد عمها أولى فيها من الغريب..وزوجته هو كيفه معها... وصدقني ياخوي يابو بندر...إن صعب الواحد يخطب لبنته...بس تعرف المثل اللي يقول اخطب لبنتك قبل لا تخطب لولدك...وأنا أخاف تجيني منيتي وأموت قبل لا أتطمن عليها وأشوفها ببيت رجلها...فتكفى ياخوي لا ترديني...تكفى يا ولد أمي وأبوي...لا ترد أخوك وتطيح كرامتي...

راح أبو بندر للمسجد لأن آذن لصلاة العشا...وهو حائر بفكره...مشتت لأي الحلول يختار...لأنه لو رفض...أكيد القطيعه هي الجواب هذاك الوقت... ومستحيل يقطع باخوه...اللي ما قطعه بشبابه...بيقطعه بشيبته؟؟؟...أكيد لأ...بس عسى الله يفهمني تركي ويقدرني...

تابع الجزء العاشر.....

سعود جلس بين يدين أبوه...وهو يترقب كلامه بعد ما ناداه عشان يكلمه بخصوص زواجه...
أبو محمد:قلت لي يا سعود إنك تبي بنت أبو بندر؟؟؟...
سعود بتردد:إيه طال عمرك...
أبو محمد:يعني ماتبي بنت عمك منال؟؟؟...
سعود:إنشالله تلقى لها منال من هو أحسن مني...
أبو محمد بتفكير:والله لو علي كان زوجتك منال بنت عمك...بس بنت أبو بندر ما تنرد...نسب طيب وناس لهم مكانتهم...
سعود بارتياح:يعني بتخطبها لي يباه؟؟؟..
أبو محمد بابتسامه:يشرفني يا ولدي إنك تاخذها ولا وين بنلقى مثلهم...
سعود:أجل خل نتوكل على الله ونربط حزامنا ونسافر الرياض نخطبها...
أم محمد يضحك(وهو نادر ما يضحك):ههههههه وراك مستعجل يا سعود...
سعود ضحك من ضحك أبوه اللي نادر ما يضحك:هههههههه أخاف تروح البنت يباه من بين يدي...
أبو محمد:لا تخاف بإذن الله مارح تروح البنت علينا...وبأكلم تركي على الموضوع...
سعود:تكفى يابو محمد كلم تركي اليوم...
أبو محمد:اركد ياسعود لا تصير خفيف...
سعود:مهيب خفه يباه بس أنا مستعجل بالحيل..
ابو محمد بعينيه الجاحظتين:سعود خلك رجال واثقل..الخفه والعجله ماهيب زينه...ورجل أختك باكلمه اليوم...
سعود بامتعاض وهو يلوي بوزه:إنشالله يباه...
أبو محمد بسرحان:والله كيف ماطرت بنت ابو بندر ببالي...صدق نسب يشرف ويرفع الراس...
سعود بصوت واطي:الحمدلله لك يارب إنك فكيتني من منال..وإنشالله تبدلني من هي أحسن منها بألف مره...وهذا العشم في بشاير...

***

رجع تركي للبيت من الدوام وهو ماله نفس حتى يطالع بشذى ويتمنى إنه ما يشوفها بوجهه...
دخل البيت وهو طالع الدرج...سمع صوت شذى تناديه من المطبخ...
تركي من دون ما يتكلم لف عليها ناظرها وبعيونه ألف نظرة احتقار وازدراء...
شذى تبتسم:تركي...الغداء جاهز تبيني أحط لك الغداء؟؟...
تركي ناظرها بإحتقار...ولف وكمل طريقه لفوق...
شذى:احط الغداء؟؟؟...
تركي من غير ما يناظرها:لأ مالي نفس...
وطلع من عندها...لمن شافت إن الحاله ازدادت تعقيد...امتلت عيونها بالدموع..ليش تركي كذا؟؟؟...والله خلاص آسفه...أنا غلطانه بس مو من حقك تعاقبني كذا....
قررت إنها تطلع وتكلمه....
طلعت ووقفت عند الغرفه اللي استقلها تركي لنفسه..بعيد عنها وهي مخصصه للضيوف...سحبت لها نفس طويل...ودقت الباب...وبعدها فتحت الباب ودخلت...
شافت تركي منسدح على الفراش ببدلته العسكريه ومغمض عيونه...فتحهم لمن شافها...
تركي باستنكار:نعم وش تبين؟؟؟...
شذى:تركي خلاص...
قطع عليها كلامها:إنتي كيف تدخلين علي كذا؟؟...
خجلت شذى من عمرها وطلعت...وهي عند الباب..
شذى:سورى ما كنت أقصد...
تركي سكت وقعد يناظرها متى بتطلع...
حست شذى بالإهانه وكرامتها ما سمحت لها تتجاوزها أكثر...فطلعت وصكرت الباب بقوة...وقعدت تصيح على الكنبه اللي بالصاله في الدور الثاني...
والله ماتوقعت كبر غلطتى كذا...وماتوقعت زعله كبير علي كذا...

تابع الجزء العاشر.....

أما تركي اللي كان من الداخل حزين عشان شذى ومن شذى...كان شعور غريب عنده...تكسر خاطره و قاهرته...كان خليط من المشاعر وده يسامحها بس هو مهوب قادر...صعب عنده إنه يغفر لها جرمها.. تمدد على الفراش وقعد يتأمل النقوش اللي بالسقف...يارب أنا ماني قادر أسامحها.. وماني قادر على بعادها...إلى حد تملكت شذى مشاعره إلى حد إنه صار مايلاقي مثلها إنسانه...كان يشوفها جوهرة مكنونه له وحده هو وبس.. وهو ما توقع إنه بيحبها إلى هالدرجه...بس ماراح أسامحها ألحين خلها تتأدب وتعرف من تركي...

***

عايشه:ارتحت ألحين يا سلمى عمي وافق...
سلمى تلعب بأطراف شعرها:لأ ما ارتحت...متى يجي تركي نفسه يخطب هذي الساعه ارتاح...
عايشه مبتسمه:طبعا ألحين ما فيه عادل؟؟؟...
سلمى معصبه:عادل مالك دخل فيه...خليه بحاله...
عايشه بتحذير:سلمى لا تلعبين على الحبلين...صدقيني بتطيحين ومارح تستمرين...
سلمى باشمئزاز:إنتي أي حبلين؟؟؟...أنا فكرت بكلامك...بس تركي ما اكن له أي مشاعر ألحين..
عايشه:وأول كنتي تحبينه؟؟؟...
سلمى تناظر الجهه الثانيه:تسأليني إن كنت أحبه...أنا كنت أحبه إلى درجة الفتنه..بس ألحين أعتبره حب غبي....
عايشه بسخريه:يعني عادل حبه ذكي...
سلمى تبي تقهر عايشه:ما راح تفهمين إنتى إنسانه جاهله...
عايشه:سلمى عادل والله ما راح يجيب لك إلا الخيبه...
سلمى:الخيبه فيك إنتي وولد عمك هذاك البدوي...
عايشه تضحك:تكفين يا الحضريه...
***

بعد صلاة المغرب طلع تركي وهو طالع مر على الصاله شاف شذى تطالع التلفزيون..ناظرها شافها ما ناظرته...شكلها مهيب مهتمه…تبيني أراضيها معصي أراضيها...تغلط و تزعل بعد...وقف وكلمها..
تركي:أقول شذى أخوك سعود يبي بشاير أختي؟؟؟...
استغربت شذى من وين عرف...اكتفت إنه تناظره من دون ما تجاوبه...
تركي وهو معقد حواجبه:وش فيك ماتردين؟؟؟...
شذى: مين قالك؟؟؟..
تركي:دق علي اليوم أبوك بعد صلاة المغرب وقاللي..كنتي تدرين؟؟...
شذى:إيه..
تركي بعصبيه:ليه ماقلتي لي طيب..
شذى:خلاص أبوي قالك...
تركي:مشالله اللي معي بالبيت يدرون واللي برى يقولون لي...
شذى بغصه:تركي واللي يعافيك تراني ماني ناقصه مشاكل..إنت تعرف الوقت مو مناسب إني أقوله...
تركي عصب زياده:منت ناقصه مشاكل..مو أنا راعي مشاكل هاه؟؟..ولا إنت يا شذى ملاك...أبد لا تهشين ولا تنشين...
شذى بعصبيه:ما قلت ملاك...بس إنت اللي تسوي من الحبه قبه..
تركي يفتح عيونه:أنا أسوي من الحبه قبه؟؟.. شذى احترمي نفسك إنتي ما تشوفين عمرك.. محد يجيب المشاكل إلا إنتي...
شذى نزلت دمعتها:تركي خلاص عاد...كفايه مشاكل..إذا إنت بتقعد كل يوم نازل طالع تهزيء فيني عشان غلطت وكنت غلطانه...ما أتوقع كبر غلطتي كذا.. وهذا مو من حقك بعد إنك تقعد تهزيء فيني..

تابع الجزء العاشر.....

تركي بعصبيه:مو من حقي ؟؟...
شذى عصبت وهي تصيح:إلى هنا وبس...وما أسمح لك إنك ترفع صوتك علي...
تركي بعصبيه يزمجر:مشالله يا شذى...أشتغل عندك أنا؟؟؟(يرفع صوته) إلا برفع صوتي.. إذا ما ينفع معك إلا كذا..
شذى تبكي ومعصبه:ولا أنا خدامة أبوك تقعد تهاوش و تهزيء فاهم؟؟؟...
وطلعت من الصاله تصيح للدور الثاني...وسط ذهول وعصبية تركي...
*
*
*
أبوبندر:مشالله عليهم ناس طيبه...
أم بندر:متأكد من كلامك يا تركي؟؟؟...
أبوبندر:أكيد متأكد ولا وشوله جا يقولنا....
تركي:إيه يا يمه...كلمني عمي أبومحمد وقال يبي بشاير لسعود ولده...
أم بندر:طيب وش رايكم بالولد؟؟؟...
أبوبندر بإبتسامه:اللي أنا شفته رجال والنعم فيه مشالله...
تركي:وأنت صادق يابو بندر...والله إنه رجال ولد رجال...اخلاق وعلم...
أم بندر:إذا هو مثل شذى بأخلاقه أجل هو مشالله ما عليه كلام..
تركي يحاول يجاري أمه في مدح شذى مع إنه موصل منها:نفس الشي بأخلاقهم...كلهم نفس التربيه...
أبو بندر:أبوهم أبو محمد...ما عليه كلام...
أم بندر:أجل أروح أقول لبشاير؟؟؟...
تركي بابتسامه:وش عندك يمه مستعجله؟؟؟
أم بندر:خير البر عاجله...
وقامت أم بندر...
بعدها فاتح أبو بندر تركي بسالفة خطبته لسلمى...
أبو بندر:وأنا قلت إن تركي ولدي ما بيردني...
تركي واللي كان مصدوم:وش قاعد تقول يباه الله يهداك...أتزوج وحده ثانيه..
أبوبندر:بس مو أي ثانيه...هذي سلمى بنت عمك ومنك وفيك...
تركي:لا يباه الله يهداك مستحيل أنا اتزوج وحده ثانيه...
كان تركي فيه وفاء لشذى ولا يفكر إنه ياخذ غيرها على مشاكلهم...
أبو بندر:بس أنا قد كلمت عمك...
تركي بإستغراب:في إيش؟؟؟...
ابو بندر:إني خطبت سلمى لك...
تركي:بدون ماتشاورني...مايصير كذا يباه...
أبوبندر:بس أنا أبوك وحتى لو ماشاورتك...أنا أعرف مصلحتك..
تركي:بس حتى ولو...هذا أنا رجال وش طولي كيف مالي راي...
أبو بندر:بس أنا قضيت قد كلمته...
تركي عصب:وش السبب اللي خلاك تخطب لي؟؟...
أبو بندر:أنا شفت سلمى...وقلت ما أبيها تطلع من بينا...
تركي قطع كلامه:وطبعا ما طرى ببالك إلا تركي وقلت خلي أخطبها له...
أبو بندر بعصبيه:تركي عيب عليك تقطع كلامي...
تركي بضيق:آسف يباه...بس وش معنى أنا من بين أخواني..
أبو بندر:أخوك بندر ماخذ أختها...ومتعب ماخذ بنت عمتك ومايصلح أدخل سلمى على سارا وهم رابيين مع بعض...فشفتك أنت أنسب واحد لها وبعدين إنت كنت تبيها...وهذا أنا خطبتها لك...
تركي يحاول يتحكم بأعصابها:بس أنا متزوج ألحين...
أبو بندر:وش دخل ذا...انا لي دخل إنك لازم تاخذ سلمى...
تركي:بس أنا ما أبي سلمى...
أبو بندر:وإذا أنا أبوك قلت لك لازم تاخذها...وأنا مو اطلبك يا تركي تاخذها أنا آمرك أمر...
تركي عصب:بس يباه كذا بدون ماتكلمني قبلها ولا تعطيني خبر...
أبو بندر:هذا أنا أخبرك...
تركي بعصبيه:بعدين إيش..بعد ما كلمت عمي ولا حتى شفت وش رايي...
أبوبندر بعصبيه:أنا ما طلبت رايك يا تركي...سلمى غصبن عن خشمك بتاخذها...
استغرب تركي من أسلوب أبوه معه فعصب زياده:والله الزواج يباه مهوب غصب عن خشمي...وسلمى ما آخذها لو يكون...
أبو بندر بغضب:تركي...سلمى لمن قلتلك إنك تاخذها...انا مهوب قاعد أخيرك...أنا آمرك أمر...وبعدين لا تعاندني يا تركي لأن العناد ما بينفع معي...وبالأخير أنا أبوك يعني إني لمن أقولك حاجه تنفذها...
سكت تركي وحاول إنه يتمالك أعصابه وهو باقي مستغرب من كلام أبوه مستحيل إن هذا أبوي...مستحيل...وش اللي قلب رايه كذا...
تركي بتوتر:طيب يباه وش أسوي ببنت الناس اللي عندي ألحين؟؟؟...
أبوبندر بتفكير:هذا شي راجع لك...خلها ببيتها معززة مكرمه...
فاطمه تكلم أمها: من جدك يمه تتكلمين؟؟؟...
أم بندر بفرح:إي والله يا بنيتي...والله ماني مصدقه بتتزوج بشاير وتصير عروس...
فاطمه باستغراب:خطبوا بشاير؟؟؟...
ام بندر:إيه وينتظرون ردنا...
فاطمه عصبت:طبعا رافضين وما فيها كلام...
أم بندر:وش رافضين؟؟؟...أنا عني موافقه...وأبوك ما عنده مانع.. بس بيسأل عن الولد شوي مع إنه متاكد إنه ماعليه كلام...
فاطمه عصبت حيل:ما لقيتوا إلا اخو شذى...هذي بشاير خطبوها كثير مالقيتوه إلا هو...
ام بندر ماعجبها كلام فاطمه:ليه وش فيه الولد ما نعطيه بنتنا؟؟؟...
فاطمه بضيق:مايصلح والله ما يصلح...
ام بندر بإصرار:ليه ما يصلح؟؟؟...عاد هو مشالله متعلم برا ومنصبه حلو على صغر سنه...
فاطمه:كيف بتاخذه وهم أقل مستوى مادي منا...
أم بندر عصبت:والله هذا من صغر عقلك إنك تقعدين تقارنين فلوسنا بفلوسهم... إحنا بنشتري رجال بأخلاقه وأصله...مو بفلوسه..
فاطمه زعلت:الله يسامحك يمه عقلي صغير؟؟؟...
ام بندر بتراجع:آسفه يا أم ريان..بس ما توقعتك كذا بترفضين عشان فلوسه يا فاطمه لو يسمعك أبوك يزعل..هذا هو دايم يقول ما بالحريم مثل فاطمه..
فاطمه:طيب وش قالت بشاير...

تابع الجزء العاشر.....

أم بندر بابتسامه:سكتت وما قالت شي مبتسمه بس...ولمن سألتها عن ردها قالت كيفكم...والله ماتوقعت بشاير تستحي...بس شكلها موافقه...
فاطمه:لا تاخذه والله إنه زواج فاشل لو تاخذه..
ام بندر زعلت:يا الله يا فاطمه...توقعتك تفرحين لأختك..والله لو تسمعك بتزعل بشاير...
فاطمه:خلاص يمه ما أطول عليك...مع السلامه...
ام بندر بضيق: في حفظ الرحمن...
*
*
*
في بيت أخوها بندر...
بندر:هلا والله فاطمه شخبارك؟؟؟...
فاطمه:تمام...
عايشه:وش هالمفاجأه السعيده؟؟؟...
فاطمه تبتسم:لا تكون تعيسه؟؟؟..
بندر يمزح:إلا مفجعه...
عايشه ضحكت:ههههههههههههههه أي مفجعه الله يهداك إلا مخيفه...
فاطمه مسويه عمرها زعلانه:أنا مفاجأه مخيفه...هين يصير خير...
بندر يمزح:عاد فاطمه زعلت...لا مانقدر على زعلك...
عايشه:ترى نمزح...لا تزعلين...
بندر طالع:يالله مع السلامه أنا طالع...
فاطمه:لا يكون عشاني جيت؟؟؟..
بندر يضحك:ههههههههه لا والله...بس معزوم على سهره عند واحد من اخوياي...
فاطمه+عايشه:مع السلامه...
بعد ما طلع بندر...
عايشه تناظر فاطمه...
فاطمه:وش فيك تناظرني...
عايشه:شكل عندك كلام...قولي يا وخيتي مالنا إلا بعض...
فاطمه بعد زفره طويله:وش أقولك يا أم فارس...صدمه قويه جاتني...
عايشه بتردد:لا يكون أخوك تركي رفض سلمى؟؟؟...
فاطمه:لأ...مو هذي السالفه..بس ترى إذا جد أبوي قال لأبوك إنه موافق أجل غصب عن تركي إنه يوافق...
عايشه بعد ما ارتاحت:أشوى...طيب وش السالفه بسرعه قولي لي؟؟؟...
فاطمه:ما أتوقع إن السالفه أصغر من كذا...
عايشه:فاطمه قولي بسرعه...ترى خوفتيني...
فاطمه:شذى يا جعلها الماحي اللي يمحيها...
عايشه:وش فيها؟؟؟...
فاطمه:تخيلي تبي تبسط نفوذها بالعايله...قامت خطبت بشاير لأخوها...
عايشه بصدمه:الله لا يوفقها بنت ال(.....) حسبي الله عليها... هذي مؤامره منها...
فاطمه:اللي أكبر من ذا كله أهلي...اهلي موافقين وماعندهم مانع حتى بشاير شكلها موافقه...
عايشه:شكلها لحست عقولهم...طيب وش بتسوين؟؟؟...
فاطمه:يعني وش بأسوي باخوها ذا؟؟؟....ما أدري...
عايشه:إيه صح ما قلت لك...ترى أبوي ما قال لعمي اللي هو أبوك خل تركي يطلق شذى...
فاطمه بعصبيه:ليه؟؟؟...
عايشه:قال أبوي مايقدر إنه يطلبه طلبين بوقت واحد...
فاطمه:يعني؟؟؟...
عايشه:يعني بالملكه تشترط سلمى إن تركي يطلق شذى...
فاطمه بابتسامه:والله فكره حلوة...بس خلي عمي يعجل بالملكه...
عايشه:لا يا حلوه..هذى عليك إنتي كلمي أبوك فيذا...
فاطمه:إيه صح وإنتي الصادقه...أنا اللي بأكلمه...
عايشه:خلينا من تركي وسلمى....ألحين وش بتسوين بسالفة بشاير؟؟؟...
فاطمه تفرك يدها بعصبيه:مالي حل يا عايشه غير إني أروح أكلم بشاير بنفسي...
عايشه: تبين أجي معك أكلمها؟؟؟...
فاطمه:لأ..تعرفين بشاير ماتتقبل منك..
عايشه معقده حواجبه:تكفين إنتي اللي تتقبل منك ألحين...
فاطمه:بس عسى إني أقدر آخذ وأعطي معها...


***


بعدها ما عرف تركي وين يروح...حس إن خاطره مره ضايق... ما وده يرجع للبيت ويشوف شذى... شذى اللي حاس إنها أكبر ضحيه للي بيسويه أبوه معه...يعرفها ويعرف غيرتها الزايده...وش راح تسوي لو عرفت باللي مخطط له أبوبندر... قعد يفكر تركي باللي قاله أبوه له... مو معقول هذا أبوي المتفهم المحب...اللي عمره ماجبرنا على شي... وش اللي خلاه يفكر إنه يزوجه سلمى ليه ليه؟؟؟...يعني يوم شافني متهني مع شذى؟؟...لا مو معقوله هذي أفكار الوالد...طيب ليه كذا أبوي يسوي فيني.. وش تبي ذي سلمى... وش الحكمه اللي ينشدها أبوه من قراره هذا؟؟
راح لعمته حصه...صاحبة مفاتيح صندوق أسرار تركي... صاحبة القلب الرحب...والوجه السمح... راح لها وشكى لها همه ونفض عن قلبه كل همومه عندها...من دون مايذكر سبب خلافه مع شذى...غير إنه سبب خلاف بسيط بين وبينها...قدرت حصه كل هذا بإبتسامه هو حر وهذي أسراره الخاصه مع شريكة حياته...
حصه:وبعدين...
تركي بضيق:أي بعدين يايمه... أقولك يقولي تزوج سلمى بنت عمك...
حصه:طيب وش سبب هالقرار؟؟؟...
تركي باستغراب:مدري...والله ما أدري... أنا تفاجأت من طلبه...
حصه:طيب هو قالك شي عن كذا من قبل...
تركي:لا...عمر أبوي ما غصبنا على شي أنا وأخواني...ألحين بيغصبني على سلمى ويقول بتاخذها يا تركي سواء رضيت أو ما رضيت...
حصه:طيب وش أنت رديت عليه؟؟؟...
تركي:قلت له..سلامتك يباه سلمى ما باخذها لو وش يصير...
حصه:هو إيش رده؟؟؟..
تركي:قال والله إن ما أخذتها يا تركي تزعل مني طول عمرك... عاد سألته وش حكمته من هالشي قاللي سلمى بنت عمك مننا وفينا... وأنا ما أبي سلمى تطلع من بينا...
حصه:طيب ليش ما قال كذا قبل لاتتزوج شذى؟؟؟...
تركي بعصبيه يحاول يكبتها:ما ادري عنه...سلمى ما أبيها... أقوله طيب وش أسوي ببنت ألناس اللي معي يقول خلها ببيتها...
حصه تحاول تخفف عنه:معليه يا تركي...حاول ترجع تكلمه بعدين وخذ الأمور باللين لا تعصب وتتسرع بكلامك مع أبوك...أبوك يبيله اللين والهدوء معه لمن تتكلم صدقني إنه بيقولك السبب...
تركي:ما أدري يا يمه.... وش أسوي..لا ويقول لي نروح نخطبها الشهر هذا...
حصه بإستغراب:غريبه وش عنده أبوبندر؟؟؟...تدري بكره بروح له أسأل وش عنده على هالسالفه...

تابع الجزء العاشر.....

قعدت سلمى تفكر بعادل...حبيبها اللي أغرقها بحبه...شاب طموح ينتمي لعائله غنيه من عوائل جده...جنسيته سعودي...بس أصوله مهيب سعوديه أصوله من تركيا...كان يدرس الطيران بالأردن تعرفت عليه سلمى عن طريق المجموعه اللي تدرس معهم...كانت أول ماجات تدرس بالأردن قلبها مشغول بتركي تركي وبس...بس مع مرور الأيام صار حب عادل ينمو ويكبر مثل الجنين..كان تحس بدقاته كانت تحس بنبضاته...كان عادل من النوع اللي يستهوي سلمى...كان حبيب لبيب...وصار حبه يغلب حب تركي...يمكن لأن عادل قدامها طوال الوقت عكس تركي اللي ماتشوفه.. وبعدين كان يميز عادل بعد إنه كان حلو التعامل مع الجنس الناعم.. وسلمى كانت من النوع الفاتن اللي مستحيل يمر مرور الكرام قدام عادل...توطدت العلاقات خاصه إن عادل بعد كان توه خارج من علاقة حب فاشله مع فتاه أردنيه...ولقى سلمى دوى لجراحه...حبوا الإثنين بعض...حتى صاروا أحلى ثنائي بالشله...سلمى لمن كانت بالأردن كان اخوها عبدالكريم ومرته مشغولين عنها أربع وعشرين ساعه...فكانت مفلوته على حل شعرها... محد يسأل عن طلعاتها ولا رجعاتها...كان عادل من النوع اللي يشجع العلاقات بين الشباب والبنات بهدف التعارف...كان يمنع الإنغلاقيه والتطرف...بحسب أقواله؟؟؟..الحب غلف قلوبهم....الحب اعماهم... صاروا محور تفكير بعض...نست سلمى تركي...فعادل أطربها حبا و عشق...كانت تشوف قصتها مع عادل احلى من روميو وجولييت... قصة الحضري والبدويه اللي ينتمون لبلد واحد وجمعهم بلد ثاني؟؟؟...



***


رجع تركي للبيت وكانت الساعه 12 بالليل..كان مهموم وزعلان..أول ما دخل شاف أنوار الصاله والبيت طافيه ماعدا بعض الأنوار البسيطه.. راحت عيونه تتلفت بلهفه تدور على شذى ومالقاها..قاس شعوره و إختلافه من لما خرج من عندها بالمغرب وألحين...يمكن بعد ماعرف سالفة أبوه مع سلمى...طلع فوق وراح لغرفتهم اللي له فترة هاجرها..دخل بدون مايطق الباب شاف ظلام دامس بالغرفه..فتح اللمبه وشافها نايمه.. كانت مغطيه جسمها وراسها كله باللحاف...راح يبي يشوفها..بس ماقدر كانت مغطاه كلها حس بنفسها المنتظم إنها نايمه..راح تمدد جنبها وقعد يناظر فيها.. وقعد يفكر..أعتذر لها أو لأ؟؟؟...طيب من الغلطان أنا أو هي؟؟..مين لازم يجي يعتذر للثاني...بس هي حاولت معي...طيب وش أقولها سامحيني.. وش راح تقول لو تعرف عن سلمى...خاصه إنها بالبدايه قالت إني أبي سلمى وبخطبها أول ماتجي...ابتسم تركي بسخريه وقال والله شكلك يا شذى إنك متنبئه لهالشي..وحاسه فيه..وأنا اللي كنت اتهمك بالسخافه والخرابيط..
قعد يفكر تركي إلى ماغلب عليه نعاسه وراح بنومه...
*
*
*
بعد ماقامت شذى الصباح شافت تركي نايم جنبها...إستغربت منه...تذكرت إنها كيف بكت الليله اللي قبل إلى مانامت بسبب مشكالها الأخيره مع تركي....معقوله رجع عادي معقوله...
وبعدها قامت...وبعدها بفتره بسيطه قام تركي وراها...شافها إنها قد قامت.. راح غسل وجهه وراح يصلي ويلبس لأن وراه دوام...نزل ما لقاها سال الشغاله عنها قالت إنها مانزلت...رجع طلع فوق وهو مستغرب وين راحت..شافها نايمه بالصاله بالدور الثاني...راح جلس عندها قومها بهدوء فتحت عيونها مبين إنها صاحيه...
تركي بصوت هادي:إنتي صاحيه؟؟؟...
شذى تناظره بدون ماترد...
تركي:طيب ليه قمتي من الفراش؟؟؟...
شذى وهي تناظر عيونه:مو إنت ما تبي تنام معي...حتى أنا ما أبي أنام معك...
انصدم تركي من كلامها...
تركي بعصبيه:هذا جزاتي إني رجعت وسامحتك...وقلت نبدى من جديد..
شذى وهي تعدل جلستها:تركي لا تتوقع بنات الناس يمشوون على هواك مو على كيفك متى ماتبي تزعل تزعل ومتى ماتبي ترضى ترضى وأنا مالي راي...
تركي عصب وقام:إنت يا شذى على بالك إنك إنتي المسكينه المظلومه وانا اللي سالب كل حقوقك...
شذى ببرود:محشوم حد قال كذا؟؟؟...إنت ملاك تمشي على الأرض مشالله...
تركي:ملاك؟؟؟...شذى ترى لسانك طويل هاليومين...
شذى وهي رايحه لغرفتها وتتكلم بأنفه:آسفه طيب...
مسكها تركي مع ذراعها بقوه وقال:شذى تراني مهوب أصغر عيالك تتعامليني معي كذا...
شذى تفك ذراعها منه:تركي خلاص عاد...كافي مشاكل...ما صارت حياه هذي...
تركي:مو كله منك ما شفت المشاكل إلا من يوم خذيتك...
شذى ناظرته وفكت يدها منه وراحت وهي تقول:حتى أنا ما شفت المشاكل إلا معك...
وطلع تركي وهو معصب على صباح الله خير...أما هي فبدت صباحها بنوبة بكاء طويله حست إن روحها بتطلع من بين ظلوعها...

تابع الجزء العاشر.....

بعد مرور كم يوم...دق أبو بندر على أبو محمد يبشره إنهم موافقين...
أبومحمد:والله يشرفنا نناسبكم مره ثانيه يابو بندر...
أبوبندر:ويشرفنا بعد...ولا تنسى شذى و سعود حسبة عيالي والله...
أبو محمد:هذا من طيب أصلك يابوبندر...
أبوبندر:والله يحييكم...متى ماتبون تجونا الرياض العين توسعكم أكثر من الدار...
أبو محمد:ماتقصر يا أبو بندر...بس بإذن الله الكريم...نجيكم على الأسبوع الجاي...
أبوبندر:الله يحييكم إحنا بالإنتظار...
أبومحمد:وإذا ماعليكم كلافه أو أي إحراج نبي سعود يشوف العروس...
ابو بندر بإبتسامه:هذا من حقه سعود...ومافيها كلافه أو أي إحراج يابو محمد...
أبومحمد:الله يعزك...ومشكورين وماتقصرون...
أبو بندر:تآمر على شي يابو محمد؟؟؟...
أبومحمد:ما يامر عليك عدو...
أبو بندر:أجل يالله ما أطول عليك...
ابو محمد:أبد...مع السلامه...
أبوبندر:مع السلامه...

***

بشاير بعصبيه:فاطمه رجاءً صكري الموضوع...
فاطمه:بشاير أنا أختك الكبيره وأفهم أكثر منك...
بشاير:فاطمه...مالك دخل بحياتي الشخصيه أوكيه؟؟؟...
فاطمه عصبت:بشاير والله هذول ناس طماعين...
ناظرتها بشاير بسخريه:إنتي وش تخربطين؟؟؟...أي طماعين تتكلمين عنهم؟؟...
فاطمه:أتكلم عن الشينه شذى واهلها...ولا تقولين لي مره ثانيه خرابيط...
بشاير:أولا للمعلوميه فقط إن شذى ماهيب طماعه...بس كلن يشوف الناس بعين طبعه...وثانيا اخوها باخذه والله لآخذه لو يكون زبال طيب؟؟..
فاطمه:خذي لك زبال عادي بس يحبك...ولا تاخذين واحد يحب فلوسك؟؟...
بشاير قعدت تناظر فاطمه من فوق لتحت وقالت بسخريه:لا والله لا تسوين عمرك إنك مهتمه فيني...وإنه لازم يحبني إنتي ماتبينه عشانه هو أخو شذى...
فاطمه بعصبيه:إيه عشانه اخوها وش عندك؟؟؟...
بشاير وهي معقده حواجبها:أنا نفسي أعرف إنتي ليش تكرهينها؟؟؟...
فاطمه:طماعه...لأنها طماعه...
بشاير:في إيش تطمع؟؟؟...في فلوسنا؟؟..وهي وش عرفها فينا إلا لمن خطبناها...
فاطمه:إيه...بس لمن عرفت إن أخوك ولد فلوس..قالت بآخذه..ولا هي على قولتك وش يجبرها على إنها تاخذ واحد ماتعرفه..
بشاير:النصيب...وبعدين أنا شايفه شذى تنحب...وهي بصراحه أكثر وحده ارتاح لها...انا ما أعتبرها مرة اخوي انا أعتبرها أختي وأكثر من أختي بعد..
فاطمه عصبت وانقهرت من كلام بشاير إن تكون شذى استفحلت فيها لهالدرجه..
فاطمه:هذي تضحك عليك يا الخبله...إنتي يا بشاير على نياتك وطيبه وهي إستغلت هالشي فيك...
بشاير حبت تنهي الحوار:فاطمه...أنا موافقه على سعود أخو شذى ومارح آخذ غيره...واللي عندك قوليه واللي براسك سويه...
فاطمه بغضب: تتركين هالعز اللي إنتي فيه...وتروحين للفقر... والله بطر..
بشاير بأسف:هذي محدوديتك بالأفكار...أهم شي الفلوس...الفلوس وبس...
وقبل ماترد فاطمه عليها قامت بشاير من عندها...عصبت فاطمه من هالحركه وقالت بصوت عالي...
فاطمه:بتشوفين بشاير والله بيقطك بعد ما يستفيد منك...
بعدها إنقهرت فاطمه من اختها اللي شكلها مصره عليه وماتبي غيره..قعدت تفكر وش تسوي بأخوانها مع شذى وأهلها..اللي كل ماتبي تفتك منهم يثبتون أنفسهم بهالعائله أكثر وأكثر...

تابع الجزء العاشر.....

بعد ما إستوعب محمد السالفه من أبوه إنهم يبغون بشاير بنت أبوبندر لسعود بدل منال بنت عمهم راح يكلم أبوه..كان مايحب عائلة تركي واللي كان ناقصه إن اخوه ياخذ بنتهم...سبحان الله فاطمه بالرياض ومحمد بالشرقيه...
محمد:يباه...إنت من جدك تبي بنت أبو بندر لسعود؟؟...
أبو محمد بابتسامه:إيه...وإنشالله على الأسبوع الجاي رايحين الرياض نخطبها...
محمد يحاول يناقش أبوه:متأكدين إنكم موافقين عليها؟؟؟...
أبومحمد:إيه وش اللي يمنعنا ويخلينا مانوافق...
محمد:لااا...بس أقصد يعني سعود يبيها...اخاف بعدين يقول ما يبيها...
أبومحمد:لا من هالناحيه تطمن..بالعكس سعود يبي نخطبها اليوم قبل باكر..
محمد:وش معنى بنت أبو بندر إخترتوها من بين البنات؟؟...
أبو محمد:والله هالسؤال إسأله أختك وأخوك..بس لمن قالوا لي قلت أبوبندر نسب مانقدر نقول قدامه لأ...
محمد:حتى لو تكون بنت أخوك...
أبو محمد:وش دخل منال بالسالفه ألحين...أنا أصلا قعدت أفكر ليش أغصب سعود على وحده مايبيها...ومنال الله يعطيها اللي أحسن من سعود...
محمد بصوت هامس:الله يعطيها احسن من سعود هاه؟؟؟...ما أقول إلا ياليت إن سعود خذاها هي كان أبرك لنا ولها...
أبومحمد: وش قاعد تقول؟؟؟؟...
محمد:ها..ما أقول غير الله يوفق سعود بس...
محمد ما بغى يجادل أبوه لأنه يحس إنه مادام سعود يبيها ماقدر يرفض لأنه ماله راي...أو بمعنى أصح ما رح يكون له صدى اللي يبيه وماله أهميه لأن الراي كله لسعود...
أبو بندر:وبعدين معك يا تركي وش قلت؟؟؟...
تركي:في إيش يابو بندر؟؟..
أبو بندر:في بنت عمك...
تركي بضيق:يباه الله يخليك ذخر لنا...ما أبيها والله ما أبيها...
أبو بندر بعصبيه:يعني وشو ماراح تاخذها؟؟؟...
تركي عصب:إيه ما راح آخذها...حلوة ذي الزواج بالعافيه يعني...
أبو بندر:إيه بالعافيه...لا تكسر كلامي يا تركي قدام أخوي..وبعدين سلمى ولا ألف واحد يتمناها..
تركي:بس أنا من برى الألف هذول...
أبو بندر:يعني عطني من الآخر يا تركي؟؟...
تركي:يعني يباه الله يطول بعمرك ما بآخذها..وشوله أجمع بهالحريم على كبدي...أنا ألحين متزوج ومرتاح مع زوجتي...ومافي سبب يخليني أتزوج وحده ثانيه...وبعدين أنا مالي كذا شهر متزوج...
أبو بندر:طيب إذا انا قلت لك يا تركي إن زواجك من سلمى بيتم وبعدين انا في زواجك ذا ماطلبت رايك يا تركي...
تركي بعصبيه:لا يا يباه هذا شي يخصني كيف مالي راي؟؟؟...
أبوبندر:مالك أي من بعد كلامي...والله لو ماتاخذها يا تركي راح اكون غضبان عليك على يوم الدين....
تركي:يباه الله يهداك...هذا الزواج بعدين ليش ماقلت لي هذا الكلام قبل لآخذ شذى...بعدين أنا وحده وماني ملحق معها تبي أخذ ثنتين...
أبوبندر بعصبيه:سلمى بتاخذها غصب ولا طيب...وبعدين أنا خليتك تاخذ اللي تبي عشان لا أظلمك..خليتك تاخذ اللي تبيها وبخليك تاخذ اللي أبيها..
تركي بضيق:يابو بندر...بصراحه مارح أقدر على سلمى وشذى مع بعض...
أبو بندر:لا بتقدر...
تركي:والله لأظلم وحده على حساب الثانيه..وقلبي وعقلي كله مع شذى صدقني سلمى مالها مكان بحياتي...
ابو بندر:تركي...بتمشي غصب عنك معي لأخوي...وبتخطب بنته..وإذا ما إنت قادر على الثنتين طلق شذى...
انصدم تركي من كلام أبوه وماتوقع هذا كلام أبوه...
تركي:وش اطلقها؟؟؟...مستحيل أطلقها...
أبوبندر:أجل خلاص خذ الثنتين على قلبك...
تركي انقهر من كلام أبوه:لا يا يباه مارح آخذ الثنتين على قلبي...طيب ما فكرت شذى وش موقفها من هذا كله؟؟؟...
أبو بندر:وأنا وش دخلني فيها...
تركي:أكيد هالشي ماراح يرضيها...وأكيد بعد إنها بتزعل وتروح لأهلها...
أبو بندر:والله مهوب مشاعر شذى راح تخليني اكسر كلامي قدام أخوي...
عصب تركي وقام:اوووه وبعدين مع هالكلام اللي ما تبيه يتكسر... ليه وش شايفني يباه سلمى هذي سبحان الله ما أبغاها..لا تقعد تضغط علي...إذا إنت على بالك هذا شي يسعدني أقولك بالعكس...
قطع كلامه أبو بندر:ومن قالك إني أدور سعادتك...وشوف إذا ما راح تاخذ سلمى والله يا تركي والله لتندم..واحمد ربك إني ما قلت لك طلق شذى..و هذا يدل على رأفتي فيها...
طلع تركي وهو مقهور مايدري وش يسوي يرضي قلبه..ولا يرضي أبوه...

تابع الجزء الحادي عشر....

حان موعد السفر لأراضي العاصمه...كان سعود حاس بسعاده ونشوه كبيره...كان يحس بالراحه والإطمئنان باللي هو مقدم عليه..كيف لا وهو يشوف إن منال بعدت عن طريقه...ويشوف ورود بدت تظهر على حياته حب بشاير من اول ما كلمته شذى عنها...حس إنها قريبه من ستايله وتفكيره...
وبعد الوصول...راحوا لبيت أخته شذى...لأن اللي جا بس أبو محمد وسعود...كان في إستقبالهم شذى..أما تركي كان طالع لمشوار وراجع..
شذى بفرحه تطل من عيونها:هلا والله تو ما أنورت الرياض...
وراحت سلمت على أبوها وعلى أخوها سعود اللي كان السلام بينهم شوي دافئ...
وبعد ما جلسوا وارتاحوا...
أبو محمد:وين رجلك يا شذى؟؟؟...
شذى:طالع...شوي وراجع...
أبو محمد بجديه: وش اخبارك معه؟؟؟...
شذى بخاطرها((كل اللي ما يسرك يباه..مشاكل لو تعرفها بتذبحني))..
شذى بابتسامه:الحمدلله زينه...
سعود وهو يغمزها:أقول شذى وش هالقصر اللي مشالله ساكنه فيه؟؟..
شذى تضحك:ههههههه أي قصر لو تشوف بيت أبو بندر بتعرف وش معني قصر...
سعود يحاول يكون جدي:الحمدلله والشكر لا تصيرين كذا بنت فقر ما شافت خير..
شذى بإستغراب:مين الفقر...
قطع كلامها سعود:اقول شذى..شفتي بشاير قريب؟؟؟...
شذى وهي ترفع حاجب وتنزل حاجب:إيه توني قبل أمس شايفتها...
سعود بهمس عشان مايسمع ابوه...اللي كان يناظر عياله بإستخفاف...
سعود:قلتي لها شي عني؟؟؟...
شذى:لا...وخير يا طير اجيب طاريك؟؟؟...
سعود بقهر:ليه ما كلمتيها عني؟؟؟..
شذى تبي تقهره:وش أقولها؟؟..
سعود:أي شي...بس مدح..
شذى:للأسف الشديد..إنت مافيك شي أمدحه..سجلك أسود...
سعود:أنا سجلي الأسود؟؟؟..تكفين إنتي يا ناصعة البياض...
شذى بابتسامه:على الأقل أحسن منك...
أبو محمد يقطع الحوار:شذى...
شذى:هلا...
أبو محمد:إلا شخبار عمك أبو بندر...
شذى:الحمدلله..بخير...
أبو محمد:وكيفه بعد طيحته اللي كانت بالصيف؟؟؟..
شذى:الحمدلله أحسن من أول...وصاير يهتم بصحته أكثر..
أبو محمد:الحمدلله..
بهاللحظه دخل تركي...اول ما شافته شذى غابت الإبتسامه عن شفاتها...
بس حاولت تبان طبيعيه..حتى تركي أول ما دخل حاول يكون طبيعي...لأن مشاكله مع شذى زادت كل واحد يبين للثاني إنه سبب مشاكله بالحياه..
وبعد الترحيب اللي كان من تركي...
تركي:عسى ماتعبتوا بالسفر؟؟؟...
أبو محمد:الحمدلله..مع الطيارات ألحين مابه تعب مثل أول...
تركي:سلامات الأسفار والله...
سعود:سلمت من كل باس..
تركي بابتسامه للسعود:وش عندك جاي مع الوالد؟؟؟..
سعود:أبد شم هوى بالرياض...
تركي يناظر شذى:قالت لي شذى إن أبو محمد بس هو اللي بيجي يسلم عليها ويمشي...
شذى حاولت تبتسم..((يا شينك بس يا تركي))...
سعود يناظر شذى:تبتسمين أنتي مع هالخشه اللي تقول هنديه مسوين لها فيزا...
ضحك تركي وقال:هههههه إنت هيه شوف لا تقعد تضحك على مرتي ولا ترى ما فيه زواج عندنا...
شذى تناظر تركي وتحاول تبان طبيعيه:شفت يا سعود لا عاد تتطنز علي فاهم؟؟؟...
سعود بإبتسامه:لا وش دعوة إنتي أختي الحبيبه والوحيده...وركزي على كلمة حبيبه...
تركي:ليه تركز؟؟؟...
سعود يبي يفشله مثل ما فشله تركي قبل شوي:وش تبي انت؟؟؟...يا لقافة اهل الرياض؟؟؟..
تركي بنص عين:يا لقافة أهل الرياض؟؟؟..تبي تعرس عندنا بعد أنت ووجهك...ما فيه عرس خلاص...
سعود:عاد أنت ألحين مصلحتنا عندك..الله يعين حكم القوي على الضعيف..
شذى تبي تقهر تركي:ياهو الحين بيطلع هالزواج من عيونك...
تركي يناظرها:هو بحاله بس...لا تخافين فيه ناس بيكونون معه...
أبو محمد:خلاص يا تركي بكره بنروح نخطب عند الوالد...
تركي:الله يحييكم...
سعود يناظر أبوه:الليله يباه...وشوله باكر؟؟؟..
أبومحمد بحزم:بكره يعني بكره...
تركي يبي يقهر سعود:وشوله العجله يا عمي...خليها بعد بكره...وبكره إنشالله نروح الإستراحه...
إبتسم أبو محمد..أما سعود كانت ملامحه مطلعه اللي في قلبه...

تابع الجزء العاشر.....

باليوم الثاني وببيت أبو بندر...كان أبو محمد و ولده سعود موجودين وتركي ومتعب...عشان خطبة بشاير لسعود...أما عند الحريم داخل كانت شذى موجودة وسارا..أما فاطمه وعايشه ما جو...وهذا الشي ريح شذى..

كانت مشاعر بشاير صعبه أوصفها...كانت بين فرح ودهشه..كانت تحس إن الدنيا مو سايعتها...كان ودها ترقص فرح وطرب ونشوة... أي حب هذا؟؟؟...أكيد كل البنات بيحسدوني عليه...يا قلبي لا توقف من الفرحه.. كان ودها إنها تلون الدنيا بالفرح...كان ودها عن العالم كله يشاركها فرحتها ...كانت تحس كل أبيات الشعر ما توصف فرحتها...

أما سعود..كان حاس بالفرح...بالإنتصار لذاته إنه نفذ بجلده من منال..كان يحس إنها مثل الحاجز تعداه...كانت بشاير هذا الوقت شاغله تفكيره وعقله وقلبه وجميع أنحاء جسده...

كانت شذى و بشاير وسارا جالسين بالصاله مع أم بندر اللي لاحظت ذبول شذى...
أم بندر:وش فيك يا شذى ذبلانه؟؟؟...
شذى:لا مافيني شي...بس يمكن السهر...
بشاير:تسهرين...طبعا لأن ماعندك كرف مثلي...
سارا:أي كرف...
بشاير:الجامعه...عليها من الله اللعنه...
أم بندر:إستغفري ربك يا بنت...
بشاير:أستغفر الله ليه يمه؟؟؟...
أم بندر:وشوله تلعنين...فيه ناس يحبونها ويستفيدون منها العلم نور..
بشاير:خلاص يمه...واللي يرحم لي والديك..بلا محاظرات...
شذى:بشاير..
بشاير:سمي...
شذى بابتسامه:ترى بتشوفين أخوي اليوم...
سارا بخبث:وأنا أقول وش عندها بشاير مستشورة شعرها...مو نافشته بالجل مثل كل مره...
بشاير بغرور مع خجل:إنثبري بس...انا بس قلت تغيير لوك...
سارا:تغيير لوك؟؟؟...أقول شذى قولي لأخوك الحقيقه عن مرته شعرها مو كذا...
بشاير:والله أصلا أنا شعري ناعم...هذي هي الحقيقه...
سارا تناظر شذى بإبتسامه:شذى وش رايك ادخل إنجود معهم؟؟؟...
بشاير بإندفاع مع تهديد:ياويلك إن دخلت نجيد والله لتلعب بالدنيا..
بعدها كلن ضحك على كلام بشاير...اللي استحت مرره وتحسفت على إندفاعها...

تابع الجزء العاشر.....

بعدها راح تركي وسعود لمجلس ثاني عشان يشوف بشاير...
تركي يبي رفع ضغط سعود:يا حيا الله سعود...
سعود:الله يحييك...
تركي وهو يجلس:هاه إنشالله الرياض أعجبتك...
سعود بضيق:حلوة...
تركي يضحك:حلوة...روح إخطبها ههههههه...
سعود:كركركركر...ما تضحك...شكلك يا تركي راعي طويله...
تركي:الله يسامحك انا ما أضحك...
سعود:تركي..أقول أختك وينها..أنا جاي اشوفها...مو اقابل خشتك...
ضحك تركي من كلام سعود وقال:طيب لحظه...
وقام ولمن هو عند الباب...قاله:تبي أنادي شذى؟؟؟..
سعود:وش أبي أنا بشذى....
تركي:أختك...ولا ألحين الاخوة مالها مكان...
سعود بضيق:ياليل ما اطولك...ألحين يشتغلي نصايح...
تركي:خلاص طيب بروح أناديها...
وراح تركي ونادها...هي في البدايه اصرت إن شذى تدخل معها...بس شذى رفضت وقالت عن تركي معها...وبعدين عشان ياخذون راحتهم...


***


بالليل...وبعد مانام أبو محمد في بيت تركي...اللي رفض إقامتهم في الفندق..ورضخوا بعد ذلك لطلبه..كان تركي وشذى سهرانين مع سعود..
تركي يحاول يبين قدام سعود إن علاقته بشذى طبيعيه بعد ما حس إن سعود لاحظ إنه بينهم شي..
تركي:فاتك اليوم يا شذى لو دخلتي وشفتي شكل بشاير مع سعود كان متي ضحك...
شذى واللي مستمره في التمثيل:ليه؟؟؟...
تركي:كل واحد ملصق عيونه بالأرض...وما يتكلمون...زهقوني...أنا بحالي أتكلم..وأضحك بحالي..حسيت إن فيني حاله نفسيه...
سعود بطنازة:بسم الله عليك من الحاله النفسيه...يا مرهف الأحاسيس...
شذى تضحك:ههههههه وش فيك متحامل كذا على تركي؟؟؟..
سعود:زوجك العزيز...اليوم مسوي لي فيها أبو دم خفيف ينكت..
شذى مستمرة في التمثيل:تركي دمه خفيف...غصب عن اللي مايرضى..
تركي:مشكورة...والله هذي شهاده اعتز فيها ووسام أحطه على صدري..
شذى:لا وش دعوه...هذي هي الحقيقه يا زوجي العزيز...وما عليك من الحاقدين...
سعود:الحمدلله والشكر...من الحاقدين؟؟؟...
تركي:تقصدك إنت يا المملوح...
سعود:ما رح أرد عليكم...بأكبر عقلي...
تركي وهو قايم:يالله أجل أسئذن أنا بروح أنام...
سعود:لا أقعد يا بو دم خفيف...السمره ماتحلى إلا بك يارجل اختي...
تركي:والله عندي دوام يااخو زوجتي...أو يارجل أختي..يالله اسئذن أنا..
شذى:إذنك معك...
سعود:كوابيس تعيسه ولا أحلام سعيده...
إبتسم تركي وراح...
لمن شافت شذى إن تركي راح...لفت على سعود عشان تاخذ راحتها بالكلام أكثر...
شذى:هاه إنشالله أعجبتك بشاير؟؟؟..
سعود بإبتسامه أظهرت غمازته:وش أقولك يا شذى...قمر والله قمر...
شذى:يعني خلاص تبيها...
سعود يناظرها:أبيها اليوم قبل بكره...ما ادري كيف راح أصبر للزواج عنها...
شذى:الله الله...كل هذا بشاير سوته فيك وأنت شفتها بس...
سعود:أبوي كلم أبو بندر إنه الملكه بتكون بعد أربع شهور...
شذى:بسرعه...ليه ما فيه خطبه؟؟؟...
سعود:ليه الرسميه؟؟؟...لا الملكه مثل ماقلت لك...والزواج في الصيف...
شذى:الله يتممها على خير...
سعود:آمين...

تابع الجزء الحادي عشر.....

بعدها اليوم الثاني سافر أبو محمد وسعود وقبل السفر...
أبو محمد:يالله مع السلامه يا شذى...
شذى:مع السلامه...ياليتكم جبتوا أمي معكم..
أبو محمد:إنشالله بالملكه...
شذى:وصلوا لها سلامي...
سعود:يوصل والله بيوصل...
شذى:إنشالله توصلون بالسلامه...
سعود:أجل يالله نستأذن مع السلامه(وبهمس)سلمي لي على بشاير...
شذى بإبتسامه:يوصل...


***

في بيت أبو عبدالكريم...
أبوبندر:وإحنا جايين لك يابو عبدالكريم نطلب يد كريمتك سلمى لتركي...
تركي:وإحنا كلنا امل إنك توافق ياعمي...
أبوعبدالكريم:موافق يابو بندر...موافق ياتركي...بس خل نشاور البنت...
تركي:ولو...لازم رايها...
وبعدها بفترة جا المرسول...
سلمى موافقه؟؟؟....

الجزء الثاني عشر.....

ما كانت تدري وش تسوي من الفرحه...كان ودها تطير..هذا أقل تعبير يمكن يطلق عليها..هي وعايشه...اللي كانت معهم سلمى ببيت فاطمه..
فاطمه:لا مستحيل...اقرصيني عشان أدري إني واقع ماني أحلم...
سلمى بإبتسامه:لهالدرجه الخبر يفررحك..
فاطمه:وأكثر مما تتخيلين...ماتدرين وش كثر كنت اتمناك لخوي تركي..
سلمى:أجل ليش خطبتوا له شذى؟؟؟..
عايشه:غلطه...شذى مجرد غلطه...
سلمى:والغلطه هذي بتستمر؟؟؟..
فاطمه:لا إنشالله إنه مع الملكه بيطلقها هذيك الشينه...
عايشه:إيه صح ليش يا فاطمه..طلب ابوك وتركي إنه تكون الخطبه سر إلى الملكه..حتى أمك أم بندر ماتدري...
فاطمه بإستغراب:ما أدري والله إيش عندهم...بس يمكن عشان يحطون الجميع وأولهم شذى قدام الأمر الواقع...
بعدها نادت الشغاله فاطمه عشان عندها تليفون...
فاطمه بإبتسامه:أستأذن..بروح أشوف من على التليفون وأجي...
عايشه وسلمى:أذنك معك...
بعد ما راحت فاطمه...
عايشه تكلم سلمى:سلمى خلاص إرتحتي لمن شفتي الكل يبيك لتركي...
سلمى:عايشه خلاص تكفين..والله صرتي تغثين بكل مكان تفتحين هالسيره..
عايشه:سلمى أرجوك...
تقاطعها سلمى:أنا اللي أرجوك خلاص إلى هنا ودورك خلص..لا عاد تدخلين في خصوصياتي...
عايشه بهمس:وعادل؟؟؟...
سلمى:ردينا على الطير ياللي...
عايشه:سلمى بس خلاص عاد والله كفايه...أجل ليش افقتي على تركي مادام قلبك معلق بعادل؟؟؟...
سلمى تفكر:من جد ما أدري ليش..أحيانا اتحسف على قراري..وأحيان أقول عادي بالعكس..ولد عمي هذا..بس يمكن السبب الحقيقي اللي خلاني اوافق أبوي يا عايشه...وطبعا ما أنكر دورك البطولي في هالشي وكثر زنك فوق راسي...بس مع هذا عقلي إختار تركي...بس قلبي مع عادل وكل عواطفي تميل له...عاد هو للحين المسكين مادرى بخطبتي والله ليتحطم...
عايشه بلعنه:مسكين؟؟؟...إلا سكين ببطنه...
سلمى بتحدي:في عدوينه إنشالله...
عايشه:يا الخبله أنا أختك..تقومين تدعين علي عشانه...
سلمى بغنج:وهو حبيبي ونور عيني وما أرضى عليه أبد أبد...
....:من هو اللي ماترضين عليه أبد أبد؟؟؟ونور عينك؟؟؟...
إلتفتوا الثنتين لمصدر الصوت وكانت فاطمه واقفه عند الباب...
عايشه بفزع:خرعتيني يا الدوبه...
فاطمه:من هذا يا سلمى...
سلمى:.........
عايشه والحيله إشتغلت عندها: بعد من غيره يا فاطمه...أخوك ماكل عقلها بحلاوة...
سلمى إبتسمت إبسامه باهته...
فاطمه بضحكه:يا عيني على الغزل اللي إشتغل من ألحين
قعد يفكر بينه وبين نفسه..هل من الذوق اللي هو سواه..ليش يخطب من وراها؟؟؟...أكيد لأنه يعرف إنها مارح ترضى بهذا الشي.. حس إنه مشتاق لها...والله مشتاق لها بالحيل...محتاج إنه يجدد العلاقه بينه وبينها.. يحبها ولا يقدر يستغني عنها...ما نسى الأيام الحلوة اللي عاشها معها..مستحيل إنه يفكر في غيرها...كان صادق من ذاته في حبه لها...ما تغادر خياله في روحاته وجياته... راح لها وكله امل إنها بترجع...أكيد هي مشتاقه لي؟؟..
رجع البيت وكانت الساعه عشر بالليل...راح لقاها قاعده بالصاله وحيده.. صعب إنك تعيش وحيد..كأنها كانت تنتظره..او موعد مع القدر...

أما شذى كانت من جد قلبها يعورها على تردي الحال بينها وبين تركي.. كانت ودها تمسكه وتعتذر له...كان ودها تحط راسها على صدره وتبكي وتشكي همها..كانت متعذبه بالحيل في بعاده...

اول ما شافها دخل وراح قعد جنبها..تم ساكت ويناظر بعيونها... هذي العيون اللي معذبه فراقها...أما هي ماقدرت تناظر فيه..لأنها مارح تتحمل وأكيد بتصيح...بعد فترة هدوء...
تركي بهدوء:شذى..أتوقع ألحين إني أقدر اتكلم معك؟؟؟...
شذى بدون ماتناظره وتحاول تلتهي في التلفزيون وتفر بالريموت...
راح تركي وسحب من يدها الريموت وطفى التلزيون...
تركي:شذى ناظرني...لا تقعدين تلهين عمرك بأشياء ثانيه...
شذى بسكوت تناظر الأرض:.........
تركي يتأملها:أتوقع إني أقدر أتلكم...
شذى:.....
تركي يلف وجهها بيده ويناظر فيها:شذى...اتوقع خلاص مشاكل كفايه...
شذى:.....
تركي بإبتسامه دافئه:حبيبتي...والله إنك غاليه عندي صدقيني..وأنا ما زعلني هالكثر منك إلا كبر غلاك عندي...
شذى دموع تتجمع في محاجرها:.....

الجزء الثاني عشر.....

تركي يكمل:وأنا ماني جاي عشان نتناقش باللي راح...وخلينا نفتح صفحه جديده...
شذى والدموع تنزل من عيونها:بس أنا والله إن...
يقطع تركي كلامها ويحط يده على فمها:اوشششش خلاص..ما أبي أسمع عن اللي راح أي شي لا تبررين..حبيبتي والله من دون ماتقولين مسامحك..
شذى وهي تصيح:طيب وش اللي خلاك تجي؟؟..
تركي إبتسم لها إبتسامه مبين إنها طالعه من قلب محب:وحشتيني...
شذى تمت تناظر فيه وهي تصيح من قلب...
تركي وهو يمسح دموعها بأصابعه:خلاص لا تصيحين ترى والله دموعك غاليه...
شذى بس هي سمعته كذا..أطلقت العنان لدموعها إنها تنزل من دون توقف..دموع كانت كابتتها بين نبضات قلبها...كانت دموع قلب محروق.. على بعاد الزوج..والحبيب...
تركي:قلبي...خلاص لا تزيدينها...ليش تبكين ألحين؟؟؟..
شذى كانت تصيح وهي مغطيه وجهها بيدينها...
تركي سحبها وضمها لصدره...وقعد يمسح على شعره وخلاها تبكي يمكن هذي الدموع تغسل الأحزان اللي بقلبها...اما هي كانت تسمع نبضات قلبه.. قلب يعزها بالحيل...
شذى من بين صياحها:ليش تسوي فيني كذا يا تركي؟؟؟..
تركي يناظرها ما عرف وش يقول....
شذى وهي تصيح:ما كنت ادري إنك بتزعل كذا....
تركي:أنا ماني جاي اسمع تبريراتك...انا جاي عشان نبدى من جديد...
شذى قعدت تصيح وتبكي كان الموقف مؤثر بالنسبه لها...
تركي بأسف:والله أسف على كل جرح جرحتك فيه..ودي إني مت ولا غلطت عليك...
شذى تناظره وعيونها مليانه دموع:اسم الله عليك...
سحب تركي يدها وباسها لها وقال:آسف على كل اللي قلته واللي سويته..وإنتي والله جوهره يا شذى ماني مستعد اخسرها أبد أبد...
شذى تناظره: أحبك..إلين ما يعجز العالم عن قولة أحبك يا تركي... ماكنت تحس وشلون كنت أحس بالنار اللي تكويني ببعادك..بأقولك الله لا يبعدك عني..الله يخليك لي..لي أنا بحالي بس...
ناظرها تركي بأسى..(ما أتوقع أكون لك بحالك يا شذى)...
تركي بإبتسامه:أنانيه...ترى لي أهل يبوني...
ضحكت شذى غصب عنها لمن قال كذا وحست بالإحراج..
تركي وهو يتنهد:الله لا يحرمني من هالوجه..ولا من هالضحكه اللي ماعرفت الحياه إلا لمن شفتها...
شذى:تركي...بليز لا عاد يتكرر مره ثانيه اللي صار قبل...
تركي:لا مارح يتكرر..بس بشرط...
شذى تناظره بإستغراب:وشو شرطك؟؟...
تركي بخبث:أبيك توعدني الليله..بليله مميزه..
شذى بخجل ووجها صاير أحمر:تركي...
تركي وهو يضحك:عيون تركي..
كان فواز قاعد بصالة بيتهم بحاله أمه طالعه عند فاطمه..اما أبوه كالعاده أكيد مع أخوياه...كان يطالع فيلم بالتلفزيون...كان فواز ولد مؤدب ومحترم أكثر من فارس..الولد اللي أفسده الدلال..كانت طلبات أولاد بندر مجابه.. بس يأشرون ويأخذون اللي يبونه..فارس اغراه العز اللي هو فيه وإنخرط في شلل الفساد...أما فواز يمكن الثقل اللي فيه ومعرفته الصح من الغلط كان هذا رادع له...بس هذا ماكان يمنعه من جنون المراهقه اللي فيه..كان يشارك بعض الأحيان أخوه وأخوياه جلساتهم..كان يروح معهم لساحات التفحيط أو المسيرات اللي يسونها الشباب إذا فاز فريقهم أو المنتخب..
وهو جالس على حالته هذي..دخل عليه فارس...ناظر فارس أخوه وقال..
فارس يكلم أخوه:وبعدين معك يا فوزيه قاعده هنا بالبيت؟؟؟..
ناظره فواز وقاله:فوزيه بعينك..وبعدين معك يا نوف؟؟؟...
عرف فارس إن فواز يعيره بنوف بنت عمتهم كالعاده بأنه يحبها...
فارس:المهم بغيت أقولك يا فوزيه تطلعين معي عند الشباب والله وناسه بدل قعدتس بالبيت..
فواز:لا ماني رايحه معكي يانوف...وبعدين الصراحه شلتكِ تقهرني...
فارس وهو يجلس على الكنب ويقعد يعدل ربطة الجوتي السبورت حقه: تقهرك ليه يا حلوة؟؟؟...بالأمس كنتي ميته تبين تقعدين معهم...
فواز:على بالي إنهم فله...بعدين طلعوا ماعندهم ماعند جدتي...
فارس:إلا على طاري جدتي...ياخي وش تبي كل شوي داقه علي تعال وتعال...مين علمها رقم جوالي الجديد توني مغيره...
ضحك فواز..
ناظره فارس:يا(....) ليش علمتيها؟؟؟...من جد نذاله..
فواز يضحك:تستاهلين يا نوف...والله إنك قاهرتني محد قالك تروحين تحظرين المباراة النهائيه بدوني

الجزء الثاني عشر.....

فارس:عاد إنقهرتي قمتي تفتنين علي...
فواز:لا والله من جد لك يمكن شهرين ما رحت لهم...
فارس:وش لي بقعدة الشيبان..وبعدين إذا شفت أعمامي تركي ولا متعب يقومون يلقون علي نصايح من قصة شعري إلى طريقة كلامي..وأنا ما أحب أحد يتدخل في خصوصياتي إذا أمي وأبوي ماقالولي شي..يجون هم مع خششهم يتدخلون...
وبعدها قام فارس طلع شوي و رجع وهو مبتسم إبتسامه مثل اللي انتصر بمهمه...لاحظ هالشي عليه فواز ولحقه...
فواز يناديه:فارس...فارس...
وقف فارس وناظره:نعم وش تبين؟؟؟...
فواز:وش معك؟؟؟..
فارس:يا شين اللقافه...وش تبين؟؟...
فواز:فارس قولي يله عاد..
سكت فارس شوي وطلع من جيبه مفاتيح سياره..
فواز:مفاتيح سياره...ليه وين سيارتك؟؟؟...
فارس يبتسم:عطيتها واحد من اخوياي وإحنا نفحط الدلخ صدم فيها وصاير فيها خدوش وتكسرت الانوار اللي قدام والقزاز اللي قدام تكسر علينا..بس الحمد الله أخوك ما صار به شي..
فواز:وإنت ليش تعطيه سيارتك توها جديده...
فارس بعدم إهتمام:يا شيخ عادي أبوك هامور كبير بالرياض...يجيب لي بدالها عشر مو وحده...
فواز:المهم هذي مفاتيح سارقها من غرفة أبوي؟؟..
فارس:أولا أنا أخذتها ماسرقتها بس من دون مايدري أبوي...ثانيا إحترمي ألفاظك يا فوزيه...
فواز:ما علينا هذي مفاتيح أي سيارة...
فارس:أتوقع إنها مفاتيح البي أم دبليو...الوالد الله يخليه شاريها لأمك هديه من أسبوعين وهي للحين ما طلعت فيها...
فواز:أمي تسوق؟؟؟...
فارس بغضب:يا الدلخ تروح فيها بالسواق...فتح مخك معي...
فواز:طيب بروح معك...
فارس يتطنز:لا أقعدي بالبيت أحسن...ونادي البنات وتجمعوا هنا عيب البنت تطلع بعد الساعه تسع...
فواز انقهر:فارس خلاص..بروح معك تكفى لا تخليني...
فارس:وش عندك تبي تروح توك تقول إنه اخوياي ماعندهم ماعند جدتك...
فواز:لأ..بس السياره جديده وقلت خلني أركبها معك...أدري والله لتدمرها..
فارس:طيب بس لا تقول لأمك إني أخذتها..
فواز يضحك:بدون ما أقول بتعرف..
فارس:طيب رح غير ملابسك وأنا أنتظرك هنا..دقيقتين لو تأخرتي بروح..
فواز:أوكيشن ثواني بس...
راح فواز وغير ملابسه وطلعوا بالسياره اللي كانت هديه من بندر لعايشه وأخذوها عيالهم وراحوا يفحطون فيها...طبعا كان أسلب فارس وفواز بع بعض مو حلو أبد...كانوا إذا يقهرون بعض كل واحد يكلم الثاني على اساس إنه بنت...

بعدها بكم يوم مر تركي على عمته حصه...
حصه:وألحين أنت وش حاس به؟؟؟...
تركي:إحساس يخالطه الذنب...على إنه سعادتي الحين كبيره مع شذى لمن رجعنا..بس احس إني أخدعها..أكذب عليها...بسبب خطبتي لسلمى..
حصه:طيب متى بتعلن الخطوبه؟؟؟...
تركي يناظر عمته:بعد ملكة سعود أخو شذى على اختي بشاير... بنسوي ملكة...
حصه بإستغراب:ملكه؟؟..على طول ملكه ليه مارح تسوي حفلة خطوبه..
تركي يبتسم بسخريه:لأن الوالد الله يخليه مستعجل بالمره...
حصه:طيب ليش ما أعلنتوها...
تركي:أنا طلبت كذا...ما أبي شذى تعرف..
حصه:تركي قولها..ما يصير تخبي عليها كذا..مصيرها بتعرف...
تركي:لأنها لو تعرف شي طبيعي إنها بتروح لأهلها ويمكن تطلب الطلاق.. أنا أعرفها شذى..
حصه:يعني إلى متى بتخبي عليها؟؟...
تركي بشرود:إلى أجل غير مسمى...إستحاله اعلمها ألحين وأنا أحس إني عايش معها أحلى أيامي...


***

كانت بشاير فرحانه..سعيده هذي كلمة شوي عليها..لمن قالوا لها إنه ملكه على طول بدون خطوبه وافقت وهي فرحانه كأنه العيد عندها...
قعدت تتذكر لمن دخلت تشوف سعود وهو يشوفها...مستحيل تنسى هذيك اللحظات اللي هي للحين أحلى لحظات حياتها..بس أكيد اكيد لمن تتزوج سعود بتكون هناك لحظات أحلى من كذا بكثير...تذكرت لمن دخلت كانت مستحيه بالحيل..ولمن شافته كان هو مستحي بعد..كان كل واحد فيهم يحس بالتوتر..ويناظر للثاني نظرات سريعه وبعدها ينزل عينه على طول بالأرض..تذكرت لمن شافته...حست إن قلبها بيوقف وسيم قليله بحقه.. كان حلو بالواقع احلى من الصور بكثير...احلى حتى من يوم خطوبة تركي.. كانت تحسه كول...كان هو الحيد ألحين اللي تشوفه إنها تقدر تهديه قلبها من دون أي تردد..هو ألحين اللي يستاهل مشاعرها...وبعدها تذكرت كيف إنه تركي رفع ضغطها هذاك اليوم...تذكرت كيف إنه كان ينكت وكان يسولف من دون أي تفاعل من الطرفين...قعدت تضحك وهي تتذكر هذاك اليوم.. قعدت الأيام تشمي وهي تعدها يوم ورى يوم...إستعداد ليوم الملكه اللي تنتظره بفارغ الصبر...

الجزء الثاني عشر.....

قعد تركي مع أخوه بندر عشان يكلمه بالسالفه اللي كان بندر عارفها...
بندر:والله إن إحساسي قالي من تزوجت بنت أبومحمد يقولي مردك لسلمى..
تركي:وأنت وش رايك بهذا اللي مسويه أبوي؟؟؟..
بندر:بتفكير:والله احس إن أبوي مسوي هذا عشان عمي وعشانك...
تركي بإستغراب:عشاني؟؟؟..
بندر:إيه..لأنك كنت تحب سلمى ولمن شافها رجعت قال خلي أفرح فيها تركي وأخطبها...
تركي بعصبيه:بالعكس هو ألحين أبوي يزعلني بهالشي...
بندر:والله يا تركي ما أقدر أسوي شي...
تركي:ليش كذا يا بندر ساعدني...
بندر:والله ما أقدر مادام خطبتوا وقضيتوا...لو كلمتني قبلها كان يمكن أسوي شي...
تركي:مشكور يا بندر ما تقصر...
بندر بجديه:والله يا تركي ما أقدر أسوي شي...ولو أقدر كان سويت...لا تزعل مني يا تركي...
سكت تركي وبعد فتره قال:خلاص يا بندر مقدر وضعك...
بندر:تصدق يا تركي توني شاري لبنت عمك أم فارس سياره...خذاها فارس هو وفواز ولعبوا فيها...ورجعوها بعد يومين وهي ملعوب فيها...حرقوا فيها شوارع الرياض...
تركي:هذا لأنك تاركهم دايرين على حل شعرهم..ماوراهم لا وكيل ولا رقيب...ماعرفوا العقاب..مع إنهم طول عمرهم عرفوا الثواب..وماقامت عند المسأله صح...نصها مكسور...إمسك عيالك يا أبوفارس..وخلهم يعرفون إنه وراهم رقيب...يعرف وين رايحين وين جايين..مسؤول عن تصرفاتهم...
سكت بندر وما علق على الموضوع أبد...بعدها قام تركي وإستئذن ولسان حاله يقول هذا نتائج الدلال الزائد...

***

كانت شذى ببيت أبو بندر مع بشاير...
بشاير:أخبارك يا شذى؟؟؟...
شذى:تمام...ألحين لي من جيت ساعيتن وأنتي كل شوي شخبارك وشخبارك
بشاير تفشلت:أقول إنثبري عاد...هذا جزاتي إني أسأل عن حالك...
شذى:أنا أدري ليش تقولين كذا...لا تظنين إني غبيه...
بشاير مسويه عمرها ماتعرف:ليش؟؟؟...
شذى ضحكت وقالت:هههههههههه يا شينك يا بشاير وإنتي تتميلحين...
بشاير:أشوفك صايره مشرقه هاليومين وأحس السعاده تطل من عيونك.. عكس يوم جيت...
قطعت كلامها شذى:عن آخر مره؟؟؟...
هزت راسها بالإيجاب بشاير...
إبتسمت شذى وقالت:المعنويات مرتفعه هاليومين والنفسيه أوكيه...
بشاير بإبتسامه:أكيد عشاني وعشن أخوك...
شذى:طبعا...ومتى تمر الأيام يا بشاير وأشوفك بالكوشه مع أخوي بس..
بشاير:شذى...خلاص عاد...
شذى:بشاير لا تقولين إنك تستحين؟؟؟...
بشاير ضحكت:وشو بعد..ما يحق لي أستحي بعد..تراني بنت يا هوه ..
شذى:لأ يحق لك تستحين(بإبتسامه)يا أحلى عروس يمكن أشوفها...
بشاير تبتسم:باقي فيها يمكن...
بعدها بلحظه دق جوال شذى...
شذى:هلابحبيبي..
تركي:هلا قلبي وينك؟...
شذى:ببيت عمي أبوبندر...إنت اللي وينك..
تركي:كنت عند أخوي بندر...أقول قلبي إطلعي انا عند الباب..
شذى:ليه أبي أقعد...
تركي بضيق:وشو تقعدين...أقول إطلعي...
شذى بدلع:ليه...وش تبي فيني؟؟؟...
تركي:وش أبي فيك؟؟...أبي أسطرك...
شذى:تستهبل إنت مع هالخشه..
بشاير دقتها وتأشر لها..مين على الجوال.؟؟..
شذى تضحك:هذا اخوك قعد يستهبل علي...
تأففت بشاير..على بالها سعود؟؟..
تركي يحاول يكون جدي:أقول شذى إطلعي يله...
شذى:ليه؟؟؟...والله وناسه ودي أقعد...
تركي:اقول إطلعي لأني عازمك على العشاء...
شذى:جد؟؟؟...
تركي:إيه والله يله إطلعي...
شذى:ألحين حبيبي بس دقيقه وطالع...
تركي:انتظرك...
لبست شذى عبايتها...وهي طالعه..
بشاير:وين رايحه؟؟..
شذى:طالعه...بروح..
بشاير:أدري يا الخبله إنك رايحه على بالك إني ما أفهم...أقعدي بس أقول..
شذى:تتظنز وتقول إقعدي..لا لا مالي قعده..
بشاير:شذى إقعدي بلا مصاخه...ولا لازم أترجاك؟؟؟..
شذى وهي طالعه:لا والله مو عن ترجي..بس اخوك عند الباب يبيني بطلع معه...رجاء خليني اروح...
بشاير:خلاص طيب...يله إقلبي وجهك...
شذى وهي رايحه تضحك:هههههههه صدق قليلة خاتمه...
وشذى طالعه لقت عند البوابه أبو بندر...
أبو بندر:هلا شذى...
شذى:هلا عمي...شخبارك؟؟؟..
أبوبندر:الحمدلله...إنتي شخبارك...
شذى:الحمدلله...وينك عمي ماعاد صرت تجينا ولا عاد نشوفك؟؟؟...
أبوبندر:مشاغل الدنيا يا بنيتي...الله لا يشغلنا إلا بطاعته...
شذى:آمين...يله عاد ما أشغلك بأطلع تركي ينتظرني برى..هالله هالله عمي بصحتك...إنتبه تقول بشاير إنك صاير تعصب واجد
ضحك أبو بندر وقال:ما عليك مني...وفي حفظ الرحمن يله ما أخرك على تركي ويزعل...
شذى بإبتسامه:مع السلامه...
أبوبندر:مع السلامه...
بعدها طلعت شذى...وقعد يفكر أبو بندر باللي سواه بحق شذى... ياربي هالبنت والله ما تستاهل طيبه وعلى نياتها...حبيبه وقريبه من قلبي.. بس أبو عبد الكريم طلبني وما قدرت أقول لأ؟؟؟....قعد أبوبندر يفكر بحال شذى واللي أكيد إنه بيتبدل...

تابع الجزء الثاني عشر.....

أبو عبدالكريم:أقول يا أم عبدالكريم وش رايك باللي صار؟؟...
أم عبدالكريم:طيب ليه يكتمون على الخطبه؟؟...
أبو عبدالكريم:هذا شرطهم الوحيد...وبعدين مع الملكه بيعلنون كل شي مره وحده...
أم عبدالكريم:غريبه...حتى ام بندر ماتدري وش هذي الزواجه...
أبوعبدالكريم:لا تصيرين متشائمه..وبعدين يكفي سلمى فخر إنها بتاخذ تركي..
أم عبدالكريم:ويكفي تركي فخر إنه أخذ سلمى....
أبوعبدالكريم:صدقيني مافيه أحسن لسلمى من تركي اللي بيحطها بعيونه وبيغمض عليها...
أم عبدالكريم تدعي:يالله ياكريم يا مجيب الدعاء إنك تمم زواج سلمى من تركي على خير يا حي يا قيوم...
أبوعبدالكريم:آمين...


***


حصه اللي راحت لزيارة لبيت أخوها أبوبندر...
حصه:وينك يا أم بندر ماعاد بينتي أبد؟؟؟...
أم بندر:بس والله مشغوله هاليومين...ولا إنتي عزيزة وغاليه...
حصه:إلا مبروك خطبة بشاير..
أم بندر:الله يبارك فيك إنشالله...
حصه بإبتسامه يخالطها الدهشه:ما أصدق بشاير بتصير مره وتمسك بيت...
أم بندر:شفتي كيف الأيام بتركض..والله ما أدري كيف اقعد بالبيت بعد بشاير...
حصه:الله يعين يا وخيتي...
أم بندر:مثل ما قلت الله يعين...
حصه:إلا شخبار أم عبدالكريم..من زمان عنها...
أم بندر:إيه والله حتى أنا من زمان عنها...
حصه:وش رايك نروح لها بكره؟؟؟...
أم بندر:خلاص إنشالله إذا ما منعني شي...
حصه:إلا أقول شخبار مرة تركي شذى؟؟؟...
أم بندر:الحمدلله...
حصه:تصدقين يا وخيتي والله إني حبيتها بالحيل هالبنت...ما أدري أحس إني أعرفها من سنين...
أم بندر:حتى أنا والله...في بداية زواجها ما حبيتها الصراحه...بس بعدين والله إنها حبيبه هالبنت...وأحسها قريبه مني...ماعمرها أذتني بكلمه أو نظرة...بس فاطمه الله يهداها ماتحبها ما أدري ليش؟؟؟..
حصه:من متى فاطمه حبت أحد الله يهداك؟؟؟...
ام بندر:لا تصيرين كذا متحامله عليها...والله إن قلبها أبيض لا تغرك المظاهر...
حصه:والله قوليلها هالكلام...مهوب أنا...هي وعايشه...
أم بندر:حتى عايشه والله إنها طيبه...
حصه تضحك بسخريه:وافق شن طبقه...


***


كانت الأيام تمر بسرعه...والزمن رفض يوقف...وكان موعد ملكة بشاير على سعود اللي الكل كان ينتظرها...ماعدا فاطمه ومحمد اللي ودهم إنها تتفركش على قولة إخواننا المصريين...
وجاء أبو محمد وسعود طبعا..ومعهم جا خالد...محمد رفض إنه يجي وتحجج بعمله...وإنشالله بيعوضها بالزواج؟؟؟...
أول ما وصلوا كانوا مثل الخطبه راحوا لبيت شذى...اللي كان في إستقبالهم شذى وتركي...بس هالمره كانت غير...كانت المعنويات والنفسيه مرتفعه عندهم الإثنين...وبعد الوصول...إرتاحوا من السفر وقعدوا سوالف وسعة خاطر...
سعود:أقول تركي...مشالله كأنك هاليومين زايد وزنك...
تركي:لا..لا تقول..بالله تحس وزني زاد؟؟؟...
سعود:إيه والله زاد عن المره اللي جيتكم فيها...
شذى:بالعكس أشوفه عادي مازاد وزنه...
خالد:مو أنتي ساكنه معه...وبإستمرار تشوفينه..فما تلاحظين التغيرات اللي يشوفها اللي برى...
شذى:لا..ولو ما زاد وزنه...أحس إنه عادي تركي...
سعود يقلدها:عادي...يا الخبله شوفي كرشته كيف برزت...
شذى تناظر بتركي:سعود يا الخبل..روح قص لك نظاره..وين الكرش ما أشوفه...
تركي يناظر بعمره:طلعت كرشه؟؟؟...سعود لا تستهبل علي...
سعود:أقص لي نظاره ها؟؟...والله روح يا استاذ و أوزن نفسك وشوف الزياده...
شذى:ما عليك منه يا تركي...هو يقول كذا يبي يهبل فيك...
قام سعود وراح لأخته اللي كانت جالسه قريب منه ومسكها مع رقبتها بمزح...
سعود:أقول يا أم شوشه...أنا أهبل في زوجك الغثيث..من زينه الحمدلله والشكر عشان أهبل به...
شذى وهي تضحك وتحاول تفك يد سعود:أقول سعود فك يدك يا جعلها اللي ماني بقايله...
سعود يلف على تركي اللي كان يبتسم:أقول وش مسوي بأختي؟؟..صايره تدعي علي؟؟؟...خل عنك الإبتسامات وأعترف..بدل ماتسوي دعايه سجنال تو...
خالد كان يضحك...أما تركي قعد يقوله:أقول سعود خل عنك حركات أبطال الديجيتال...وأقعد...ولا تسوي بشذى شي ولا ترى ماعندنا ملكه...
خالد:أحلى يا القوي...
سعود فك شذى وقعد بهدوء وقال:لا وش مافيه ملكه...لا خلاص بفك هالسوسه...
شذى ومتكتفه:مين السوسه؟؟؟...
سعود:حكم القوي على الضعيف...أنا السوسه ياوخيتي إرتحتي خلاص؟؟..
شذى تضحك:إيه إرتحت...
خالد:والله عرفوا يسكتونك يابو الشباب...
سعود بحسره:الله كريم...يهون الجرح الأليم...وإن صار ماصار..خلك على الدنيا حليم...

تابع الجزء الثاني عشر.....

اليوم ملكة سعود على بشاير...الكل كان ينتظر هاليوم بفارغ الصبر... سعود يعد الساعات...وبشاير تعد الدقايق...الفرح كان سمة تركي وشذى هذاك اليوم...هو فرحان بأخته وهي فرحانه بأخوها...كان سعداء اما فاطمه وعايشه وسلمى اللي كانوا موجودين وقاعدين متحيزين بصف واحد..مو عاجبهم الوضع...كيف تاخذ بشاير واحد أقل منها...أما بشاير فكانت طالعه في هالليله...باربي بفستانها الفوشي والفيروزي..طالعه آيه جماليه متقنه.. كانت روعه...أما الميك آب كان روج فوشي الفاقع...والشدو الفيروزي.. بس كانت روعه من جد...
بالملكه لمن دخلت بشاير على سعود..وقف قلبه...وقال يا ويلي منها هذي تبي تذبحني...
لاحظ تركي نظرات سعود لأخته...
تركي يمزح:سعود..قل لا اله إلا الله...شوي شوي عيونك بيطلعون...
ضحكت شذى اللي كانت واقفه معهم...
سعود:وأنت حد حطك تراقبني...
تركي:بشاير الله يعينك عليه..
سعود:أي الله يعينها علي...(تذكر بشاير)مبروك بشاير...حسبي الله على إبليس اخوك نساني أبارك لك...
بشاير:الله يبارك فيك...
سعود:طيب قولي لي مبروك...
تفشلت بشاير:...مبروك...
تركي:شوي شوي على البنت...أول مره أشوف واحد يقول للناس غصب قولوا لي مبروك...
ضحكت شذى:إي والله صح يا سعود وش ذا؟؟؟..
سعود إنقهر إنهم تحدوا ضده:كلكم الحين علي انا المسيكين...
بشاير بتهور:أنا معك...
بعدها إستوعبت بشاير..وتفشلت(الحين أكيد بيقول هذي اكيد مشفوحه)...
سعود بإبتسامه:فديت حرمتي..معي ضد الأعادي...
تركي بمزح:بشاير؟؟؟...عيب...
سعود:وش عيب الحين شافتكم كلكم علي لازم تدافع عني...
شذى:مبروك يا بشاير...
وبعدها قدعوا سوالف ووناسه...طلعوا تركي وشذى من عندهم شوي عشان ياخذون راحتهم...وما قعدوا خمس دقايق إلا تركي راجع...
سعود:ياذي النشبه....وش تبي؟؟؟..
ضحكت بشاير....
تركي:على باله ألحين ميت عليه...اقول الرجال بالمجلس يبونك...
سعود:قولهم مشغول...
تركي ضحك:وش مشغوله...عذرا انت اكبر معرس مشفوح بالعالم....
بشاير ماتت ضحك على كلام تركي...
سعود:وأنتي تضحكين على زوجك...هذا بدل ماتدافعين...
تركي:يله سعود إمش قدامي...
سعود:طيب عادي أكلم بشاير...
تركي:طبعا لأ...
سعود بترجي:بليز...
تركي:يا شين البليز عليك...طيب...
إبتسم سعود وضحك وطلع مع تركي...وقبل ما يطلع تركي قال لبشاير بهمس...
تركي يخبث:تراني أضحك عليه..محد يبيه بس ابيه يقوم...
إنقهرت بشاير...ما كان ودها سعود يقوم كانت مستانسه معه...
بشاير:ليه قومته...((البنت فصخت الحيا))..
تركي يفتح عيونه:عيب عليك..مافيه..اولا حيبت أخرب عليكم القعده..ثانيا تعرفين أخوك غيور...


***

وكعادة أبو محمد ما جلس عقب الملكه إلا يومين..وبعدها بيرجع للشرقيه.. وفي هذا اليوم كان مقرر أبومحمد إنه يرجع هو وعياله للشرقيه...وهم مجتمعين ببيت تركي يسولفون ويضحكون...إستئذن تركي الجميع ونادى أبو محمد...لأنه يبي يكلمه على إنفراد..الكل إستغرب وخاصه شذى قعدت تقول بخاطرها..وش عنده تركي...وش يبي من أبوي...
بس بعدها على طول رجعت إندمجت بالسوالف مع إخوانها خالد وسعود...
شذى:خالد ليه ما ألحيتوا على أبوي إن أمي تجي؟؟؟..
خالد:أبوك رفض...وقال مالها داعي الزحمه..وبعدين يوم تركي جا يخطب ما حد جاء معهم من حريمهم...
شذى:بس أهلهم كلهم جو بخطوبتي...ومادام إن سعود ماسوى خطبه...تجي بالملكه عادي...
سعود وهو باقي مو مصدق إنه خلاص تزوج بشاير:يا جماعه أنا للحين ماني مصدق إني ملكت على بشاير...
خالد:ياخي وش فيك كذا مشفوح...إركد وأنا أخوك...
سعود:أقول إسكت واللي يرحم والديك...خليني كذا فرحان وماني مصدق...
خالد:أقول لا تكون ملكت على ديانا سبنسر وأنا مدري...
سعود:تخسي ديانا واللي جابوا ديانا..عند بشاير...
خالد ضحك:أقول يا شينك وأنت عزوبي...وزاد شينك يوم ملكت...
سعود:دق على الخشب...ادري إنك منقهر مني لأني ازين من خشتك..
خالد:ما راح أرد عليك...وإذا خاطبهم الجاهلون قالوا سلاما...
سعود:مسوي لي فيها حكيم زمانه...خالد حبيبي من اللي ضحك عليك؟؟...
خالد:ما راح أرد...
سعود:أقول شذى..ماعليك منه هالحكيم...إلا وش يبي رجلك بالوالد...
شذى:وأنا وش يدريني...علمي علمك...
خالد:أقول سعود..والله مشاوير هالزواج..ورى ما أخذت منال بنت عمك؟؟..
سعود:هذا اللي يبيني أرتكب فيه جريمه...وش جاب طاري منال على لسانك...
خالد:لا..بس والله حرام...كانت بنت عمك أولى فيك من هذي...
سعود:شذى جيبي لي سكين...خالد يا الخبل...وش قاعد تقول ألحين لو يسمعك تركي والله ليفسخ هالزواج...
شذى:تركي بالمجلس مع أبوي ما بيسمع...
سعود:بس زوجك عليه سمع...ماهوب صاحي...
شذى:قل أعوذ برب الفلق...قول مشالله...ألحين لا تنفقع طبلة إذنه...
سعود:مشالله مشالله...لا تموتين علينا ألحين...بعدين أخوك عينه بارده..
خالد يضحك:أي بارده إلا فلفل...
سعود:خالد رجاءً لا تنكت...إذا بتنكت وتستخف دمك قولي من ألحين عشان أقوم...

تابع الجزء الثاني عشر.....

بالمجلس كان أبو محمد يسمع كلام تركي بكل عنايه وإهتمام...كان وقع السالفه عظيم على قلبه...بس حاول يمسك ويربط اعصابه...إلى ما ينتهي تركي من كلامه...اللي كان يقوله عن سالفته مع أبوه بخصوص خطبة سلمى سلمى...شرح له تركي إنه مغصوب...وإنه مايبيها...بس أبوه امره بالهشي...وإنه ماقدر يرفض طلب أبوه...بين له إنه يحب شذى وهي تحبه..وعايشين حياتهم من أحسن مايكون...وقاله إنه شذى أكيد مارح ترضى بهالشي...وأكيد بتزعل..وتتركه...قاله تركي الموضوع هذا... عشان إذا أعلن الملكه..ما يزعل أبو محمد...ويسحبون بنتهم منه... أو يسحبون قلبه من بين ضلوعه...
بعد ما إنتهى تركي من كلامه:اتمنى يا عمي...إنك تكون فاهم موقفي..
أبو محمد تنهد:وش أقولك يا تركي...بس فيك الخير يوم سمعت كلام أبوك.. والله أدري إن مالك غير هالحل إنك تاخذ بنت عمك..
تركي:والله يابو محمد ماتدري كيف أنا عايش بحيره..بين أبوي وبين شذى..
أبو محمد:لا يا تركي إلا أبوك...هذا أبوك لازم تسمع كلامه...
تركي:طيب يا عمي وش رايك أنت بهالسالفه...
أبومحمد:شذى قصرت معك في شي؟؟؟...أو شاف أبوك منها شي أجبرك بعدها على بنت عمك؟؟؟...
تركي:أبد...والله ما شفنا كلنا من شذى إلا الخير...و شذى معروف عنها الخير بالعايله..تربيتك يابو محمد...
قعد أبو محمد ساكت لفتره ظن فيه تركي إن أبو محمد ما بيرد..بعدها قال..
أبو محمد:إرقد وآمن ياتركي...وشذى إن زعلت صدقيني ماراح تطلع من بيتها...
فرح تركي إن أبو محمد يكون معه بصفه...
أبو محمد:بس هاه...لا أسمع إنك أهملتها أو تركتها...أو قهرتها..ورحت مع بنت عمك...
تركي:افا يا عمي...شذى بتكون في عيوني...وأنا كلي لها...
إبتسم أبو محمد:بارك الله فيك...هي أكيد بتزعل مثل كل الحريم....بس زعلها ما بيطول...
*
*
خالد:قلت لشذى عن الهديه اللي جبتها لخطيبتك؟؟؟...
سعود يناظره:لأ...
شذى:هلا والله...قمت تجيب هدايا من وراي وأنا ما أدري...
سعود:لأنها أكيد ماراح تعجبك...بعدين لا تصيرين كذا ملقوفه...
شذى:طيب وش جبت لها؟؟؟...
سعود بإبتسامه ساحره:جبت لها قطوة...
شذى تصرخ:قطوة؟؟؟...يا الخبل فيه واحد يهدي خطيبته يوم ملكته قطوة...
سعود:أنا خبل؟؟؟...إلا إنتي الخبله...يا أم شوشه...وبعدين أنا وبشاير مهوب تقليديين...
خالد:اللهم عافنا مما إبتليتهم وعافهم يارب العالمين....
سعود:ياخي أول مره بحياتي أشوف حكيم حاشر نفسه بكل شي...
شذى:سعود من جدك جبت لها قطوة؟؟؟...
سعود يبتسم:إي والله جبت لها قطوة...بس تهبل باقي صغيره...
شذى:وش حكمتك لمن إخترت قطوة؟؟؟...ضاقت عليك الهدايا تجيب قطوة...
سعود وهو يعدل جلسته:عشان تذكرني فيها...وعندي إحساس يقولي إن القطوة صديقة البنات...
خالد:خذ الحكمه من أفواه المجانين...
سعود وهو يأشر على خالد:ياناس هذا الرجال مسوي لي أزمه في الحياة...
*
*
بعدها سافر عيال أبومحمد وأبو محمد...ورجعوا للشرقيه بعد ما قط تركي نصف همه...سألته شذى عن الموضوع...قال موضوع خااااص...سكتت وقالت بخاطرها مصيري بأعرف....وفعلا أكيد بتعرف...لأن الموضوع يدور عنها هي...

تابع الجزء الثاني عشر.....

لااااااااااااااااااااااااااااااااااااااا لا تقولين بيتزوج سلمى تكفين لا تقولين ترى اموت حراام ليش
ابوه كذاا حرام عليه والله اصيح ..........ياربي تسعدك دنيا واخره ياعسل
كانت شذى تعبانه...وكان عندها موعد بالمستشفى..راح معها تركي... وسوت لها بعض التحاليل وهي تنتظرها...دق جوال تركي وطلع أبوه أبوبندر...يبيه....بَعَد تركي شوي عن شذى وكلم أبوه...
تركي:هلا يباه؟؟؟...
أبوبندر:وينك؟؟؟...
تركي:مع شذى بالمستشفى...
أبوبندر يستفسر:ليه عسى ماشر؟؟؟...
تركي:أبد الشر ما يجيك...بس موعد عندها بالمستشفى...
أبوبندر:هي بخير...
تركي:إيه الحمدلله...
أبوبندر:ألحمدلله...المهم بغيت أقولك إني كلمت عمك أبوعبدالكريم...وحددت الملكه بعد أسبوع...
تركي متفاجأ:وش أسبوع؟؟؟...
أبوبندر:أجل متى تبيها يا أستاذ تركي؟؟؟...
تركي عصب:يباه...من متى صرت تخطط وتقولي بعدها...
أبوبندر:تعال طقني أحسن...أنا أبوك يا تركي...ولا تقعد تعارضني....
تركي بعّد عن شذى بعد ماحس إنها إنتبهت له ولنبرة صوتها...
تركي:محشوم يابوبندر...وحقك علي إن غلطت...بس مو زين والله اللي قاعد تسويه لي...
أبوبندر:طيب وش تبي أنت ألحين؟؟؟..
تركي:أجلها يباه...
أبوبندر:لو أقعد أطيعك يا تركي...ما بتملك عليها لو بعد سنه...فقلت خير البر عاجله...
تركي:كل تأخيره وفيها خيره...
أبوبندر:خلاص جهز نفسك على الأسبوع الجاي الملكه...
تركي:يباه...
أبوبندر:إذا بتكلمني في هالسالفه خلاص قضينا...بس إذا عندك شي ثاني قوله...
تركي:طيب مافكرت في بشاير وسعود أخو شذى...
أبوبندر:سعود وبشاير مالهم دخل...
تركي:بس يباه هو أخوها....
قطع كلامه أبوبندر وقال:يالله مع السلامه...شكلك يا تركي راعي طويله...
صكر أبوبندر..وترك وراه ولده بدوامه من الحيره والغضب والحزن وكل معنى حزين...كان تركي يحس بالإهانه...كان يحس بمثل الطوفان يجتح حياته وهو مهوب قادر يسوي شي غير إنه ينتظر هالطوفان؟؟؟...
*
*
في هذي الأثناء جات النيرس لشذى اللي كانت تراقب تركي بإستغراب وش فيه؟؟...صاير غامض...مره راضي...ومره زعلان...مره حنون ومره قاسي...كانت تناقضات كثير تمر بتركي...اللي يعيش بأكثر من حاله باللحظه نفسها...
النيرس لشذى اللي كانت مستغرقه بأفكارها:مبروك مدام....
شذى إنتبهت لها:هاه طلعت التحاليل...
النيرس بإبتسامه:مبرووك مدام إنت حامل...
شذى مو مستوعبه:وش تقولين؟؟؟...
النيرس تضحك:مدام إنتي حامل...
شذى فرحانه:حامل...الله يبارك فيك...
راحت شذى مع النيرس عشان تشوف النتايج....
*
*
رجع تركي لمحل شذى مالقاها...عصب وفور زياده..كافي اللي هو فيه يجي الهانم تزيدها...خاصه الوقت ظهر...دق جوال عليها ردت وهي فرحانه...
تركي بعصبيه:وينك إنتي..أروح دقيقتين تختفين...
شذى تبخرت فرحتها لمن عصب عليها كذا:ممكن تتكلم بأدب معي...
تركي عصب:شذى وينك...ترى والله ماني ناقص مع هالقايله...
شذى:لا تعصب علي...
تركي:شوفي أنا بروح أجيب السياره من الباركات وجاي ألقاك عند البوابه...
شذى حزنت:طيب...
صكرت وهي حزينه...طلعت عند البوابه...حست بالحزن إن تركي بيدمر فرحتها...أكيد بيفرح لو يدري..بس هو ما أعطاها فرصه...
طلعت له لقته بعد دقيقتين تقريبا واقف عند بوابة المستشفى...ركبت السياره وهي معصبه...دخلت بدون ماتسلم...مشى تركي وهو معصب ومتضايق من اللي صار...بعد فترة صمت...

تابع الجزء الثاني عشر.....

تركي يلف عليها:ترى السلام سنه...
شذى:إنت أعطيتني فرصه..مره ثانيه تركي لا تقعد تعصب علي تراني مهوب أصغر عيالك فاهم...
تركي:وما إنت بزر بعدت شوي عنك أكلم...قمتي عقبي على طول...
شذى:ليه بضيع يعني...ولا لازم أمشي على حسب تعليماتك يا تركي....
تركي تنرفز من أسلوبها:شذى...ترى ماني ناقص أحطك هم على همومي...
شذى إنقهرت من أسلوبه:هم؟؟؟...أنا هم...ليه وش همومك يا تركي... لا تكون بتحرر فلسطين..ولا شاغلتك أحداث 11سبتمر...
تركي ناظرها:تتطنزين يا شذى...
شذى:ماتشوف عمرك...تقول إني هم على قلبك...
تركي:مو هم إلا أكبر هم على قلبي طيب...
سكتت شذى وهي معصبه...حاولت تحس دموعها...بس كانت أقوى منها وقعدت تصيح بصوت تحاول إنها تكتمه...حس تركي فيها... لام نفسه إنه عاملها كذا...المفروض إنه يعاملها بأحسن من كذا بكثير..وش بقى للكارثه اللي بتصير؟؟؟؟...
وصلوا البيت..وقبل ماتنزل شذى مسكها تركي مع يدها...وقالها بكل حنيه..
تركي:حبيبتي لا تكونين زعلتي؟؟؟...
ناظرته شذى وفكت يده منها ونزلت وهي تصيح...حاسه إن كل علاقتها ماتزين معه...تتدهور أكثر وأكثر...ما تدري وين بتوصل معه... دخلت وهي محمله بالمشاعر الحزينه الجياشه...نزلت وقعدت تصيح بغرفتها... أما هو ما دخل البيت كان حاس نفسه إنه متضايق..حس إنه لازم ينفرد مع نفسه شوي...يفكر..ويحاسب نفسه...يحصي غلطاته...ويصلح عيوبه...

***

سعود صاير يكلم بشاير وهذي المكالمه الثانيه بينهم...
سعود:أقول بشورتي وش رايك بالقطوه؟؟؟...
بشاير:مع إني اخاف من القطاوه..بس حبيتها والله...
سعود:والله...هذا اهم شي...إلا عاد وش سميتيها؟؟؟...
بشاير:سميتها مايا...
سعود:مايا...حلوه ما دام إنتي اللي إخترتيه...
بشاير:مشكور هذا من ذوقك...
سعود:تدرين يا بشاير خاطري في إيش ألحين؟؟؟...
بشاير:في إيش؟؟؟...
سعود:إني أعترف لك إعتراف خطير...
بشاير مهتمه:وشو؟؟؟...
سعود بصوت هاديء:إني أقولك إني حبيتك من جد والله..وإنك سكنتي اعمق وجداني..صرتي معي على قولة الشاعر في حلي وترحالي...
بشاير وهي ماتقدر تصكر فمها الإبتسامه شاقته مره:طيب وبعدين؟؟..
سعود يكمل:إنتي صرتي ألحين عندي ما ادري وش أقول ما أعرف اعبر..
بشاير:يعني كيف؟؟...
سعود يبي يحرجها:إنتي ساعديني..شي ما أقدر أستغني عنه...
بشاير:يعني مثل الهوا...
سعود يبي يقهرها:لا عاد مو لهالدرجه...
بشاير إنقهرت:.........
سعود يزيدها:بشايرصدق إني حبيتك...بس عاد تقارنين نفسك بالهوا قويه شوي صح؟؟..
بشاير:سعود..تآمر على شي؟؟...((البنت موصله معها))...
سعود ضحك:ههههههههه ليه تبين تصكرين؟؟؟..
بشاير بعصبيه:عفوا..أنا قلت شي غلط؟؟؟...
سعود:لأ بس في نص كلامي تقولين تبين تصكرين...مايصير كذا يا بشاير هذا مو من الذوق تصكرين بوجه حبيبك...
بشاير:من حبيبي؟؟...
سعود بغرور:أنا...ولا عندك شك في هالشي...
بشاير:مداح نفسه يبي له...عاد إنت كمل هالمثل...
سعود يستهبل:أنا الصراحه ما أحب الأمثال...عشان كذا انا مقاطعها...
بشاير:يعني تبي تفهمني إنك ماتعرفه...
سعود:لأ بس أعرف مثل واحد...
بشاير:وش هالمثل اللي إنت مو مقاطعه...
سعود:امممممم...أحبك لو تكون حاضر أحبك لو تكون غايب...
بشاير تضحك:بس هذي أغنيه...
سعود ضحك:أدري...وش فيك الله يهداك عصبتي علي؟؟؟...
بشاير:مشالله عليك من كلمتك وأنت تحاول ترفع ضغطي...
سعود ببرائه:أمزح...وش فيك...صيري مرنه في التعامل يا حبي..
بشاير بثقه:أنا مرنه..بس إنت صاير مثل الصلصال دمك ثقيل...
سعود ضحك:هههههههه إلعبي على غيري مو انا اللي أصدق بسرعه..
بشاير:ههههههههه
سعود:تدرين بشاير إني من جد والله حبيتك...لا تستغربين إذا قريتي واحد بيوم في الجريده إسمه مجنون بشاير...
ماقدرت بشاير تعلق..حست إنها تعيش من جد احلى أيام عمرها...يارب لا تحرمني منها أبد...أبد...

تابع الجزء الثاني عشر.....

يمكن شذى عليها ألحين إنها تحزم أمتعتها وتغادر أراضي الرياض!!...بدأ العد التنازلي...وساعة الصفر قربت...والأفق يضيق...والعواصف تبي تعلن هبوبها...خلاص...ألحين موعد ملكة تركي...اللي كل ماتقرب.. يحس نفسه يضيق أكثر...والتوتر يزيد ويزيد...والهوا ماعاد يكفي صدره..اللي يحسه مخنوق...كان موعد ملكة تركي يوم الخميس...كان الحزن يقطع أوصال شذى...كانت تحس بالنيران تكويها...هي عرفت بالملكه يوم الثلاثاء أي قبل الملكه بيومين...ما زالت ولا تزال...تتذكر شكل تركي لمن قالها الخبر... ما صدقت بالبدايه..بس بعدين حست بالحزن...تذكرت الحوار اللي دار بينهم...
شذى:بتاخذ سلمى يا تركي؟؟؟...
تركي:.............
شذى بدت دموعها تنزل:ليه يا تركي كذا؟؟؟...ليه أنا وش سويت لك... ليه خلاص إنتهت العشره اللي بينا...خلاص مافيه أي إحترام لي أو تقدير لمشاعري...
تركي بحزن:لا بالعكس شذى والله إنك إنتي الوحيده اللي حبيتها من قلبي...
شذى تصيح بحرقه:لا تكذب علي يا تركي...لا تكذب...اصلا ألحين أنا عرفت إنها مسألة وقت وتقطني عقبها...تذكر يا تركي تذكر... لمن أول ما رجعنا من باريس عشان أبوك تعب وطاح تذكر....لمن قالوا لي فاطمه وعايشه إنك بترجع لسلمى..قلت لك..بس ماصدقت..(زاد صياحها) قلت لي إنه كل اللي أقوله خرابيط...تركي ليش...ليش تضحك علي... ليش تقول إنك تحبني...ليش كذب وتقول إني حبك...ليش تلعب بقلبي وعواطفي ... ليش هذا كله...((وقعدت تصيح وهي دافنه وجهها بين يديها))...
تركي من جد تقطع قلبه عليها حس إنه هو وده يصيح بعد:حبيبتي.. قلبي والله إنك عورتي قلبي...إنتي حبيبتي...وإنت الحب اللي ممكن يعيش بقلبي.. وغيرك مستحيل أحب أو حتى اطالع...
شذى كانت توشك على الإنهيار من الصياح.
كانت تبي تتكلم بس عبراتها تخنقها فترجع تبكي مره ثانيه...
تركي حاول يفك يدها بس ي تزيد صلابه..حس إنه ماله داعي يضغط عليها... كان قلبه بهذي اللحظه يعوره...حس إن شذى ما تستاهل... حقد على سلمى وعلى عمه اللي مارفض واحد متزوج... وقعد يدعي الله إنه يسامح أبوه على اللي صار...
شذى وهي تصيح:إنت تحبها صح يا تركي؟؟؟...
تركي تلقائيا:لا...لا والله ما أحبها...
شذى:تكذب يا تركي...باقي تكذب...قول قول إنك متيم فيها... حرام عليك والله حرام اللي سوته فيني... إنت على بالك بنات الناس لعبه عندك... تركي إبعد عني رجاء...
تركي:شذى...لحظه خليني أقولك ليش تزوجتها...
شذى تمسح دموعها:تركي...ليه طول الوقت تحاول تجرحني... ليه تطول لسانك علي...ليه تحاول تضيق علي... ليه دايم تحاول تبي تبين لي مالي مكان هنا...
تركي مستغرب:أنا يا شذى؟؟؟... أنا والله لو أقولك كلمه تزعلك... أزعل قبلك...
شذى تبتسم بسخريه:فاطمه وعايشه فيهم الخير...كل مايشوفوني يقطون كلام وإني مارح اطول بالرياض...ويحسسوني دايم إني أقل منهم.. ولمن أقولك يا تركي...ما تحرك ساكن... وانا أسكت بعض الأحيان أقول لا أخرب علاقات الأخوان مع بعض...
تركي كان حزين مره من اللي صاير:شذى... والله واللي خلقني إنك أنتي الحب الوحيد في حياتي...وأوعدك من ألحين إني ما أزعلك بكلمه.. ولا أجرحك.. ولا أضيق عليك أبد...إنتي ماتدرين أنتي وش تعنين لي...
شذى تصيح وتناظره وعيونها وأهدابها مليانه دموع: طبعا بتجتمع بحبيبة قلبك سلمى وش اللي بيخليك دايم متضايق... وأنا مكاني دايم الزاويه المهمله من حياتك...
تركي وهو يمسك بيديها الثنتين الصغار بين يدينه الكبار ويقرب منها ويقولها برجاء...بحب...بحزن..
تركي:شذى..يمكن ماتصدقيني...بس من جد والله... إنت الحب الوحيد بحياتي... وإنتي الوحيده إذا شفتك حسيت إن الدنيا بخير بوبجودك... إنت قلبي...شذى... إنتي حبيبتي...وروحي...من قلبي اقولك احبك..احبك موت.. انا ماصدقت إني لقيتك...إنسانه بكل هالطهر والنقاء تحبني وتعزني.. انا لمن أشوف دموعك تنزل والله إني ودي أموت ولا أشوفك لحظه حزينه.,..وسلمى مالها أي مكان بقلبي...أحلى لحظات حياتي كانت لمن انتي جنبي... صدقيني إبتسامتك عندي احلى شي يمكن يكون بهالعالم..
شذى كانت تسمع كلامها ودموعها تنزل...كانت تسمع كلامه وتحاول تصدقه..بس وين تصدقه وأفعاله غير أقواله...
شذى وهي تقوم من عنده:تركي...انا مالي قعده عندك هنا بالرياض ولا يوم...
بعدها على طول طلعت لغرفتها وهي تصيح... وتشوف احلامها كيف إنهارت...تشوف إن السعاده بعيده عنها.. تحس إنها خلاص حياتها إنتهت مع تركي...
تذكرت كيف إنها كلمت اهلها بالشرقيه...توقعت إنهم بيحمون لها... بس إستغربت ردة فعل أبوها اللي أمرها إنها تلزم بيتها...حاولت تقنعه إنها ماعاد تبي تركي...رفض...ورفض حتى الجدال بهالشي...بكت... ترجته.. تستعطفه..حاولت تميل خواطره معها بس أبد مافيه فايده... تذكرت لمن اخوانها إستشاطوا غضب من هالسالفه... أصر محمد إنه يروح يجيب أخته من الرياض...بس أبوه رفض وتوعد اللي يسوي هالشي بيندم من عياله...
تذكرت كيف حست إنه كرامتها مهدوره...حست من جد بالمهانه من تركي.. وإنها رخيصه...تذكرت إنها باقي ماقالت له إنه حامل كانت تنتظر الوقت المناسب...بس شكل العمر يمشي والوقت المناسب ما بيجي..

تابع الجزء الثاني عشر.....

رجعت لواقعها...كان الوقت عصر...واليوم ملكة تركي... تحس إنها ودها إن الله ياخذ أمانته فيها...قبل هذا اليوم...كانت تمضي أوقاتها بين البكاء والصلاة إن الله يطلعها من اللي هي فيه... جتها مع العصر بشاير وهي تصيح وعيونها حمر...فتحت لها الشغاله الباب...دخلت وشافت شذى قاعده بالدور الثاني طلعت لها...راحت لها بشاير وتحاول تبان طبيعيه...
بشاير:شذى ماعليك...
شذى وعيونها ورموا من كثر الصياح:وش اللي ما علي منه يا بشاير...
بشاير:والله يا شذى توني أمس عرفت...بغيت أجيك بس الوقت متأخر.. واليوم جيتك...حسبي الله على سلمى...
شذى بحزن:ليه كذا اخوك يسوي فيني؟؟..حرام والله حرام..
بشاير بدت دموعها تنزل مع شذى:شذى تكفين لا تصيحين والله قطعتي قلبي...
شذى تصيح:بشاير...ليه...ليه ياخذني مادام إنه مره ثانيه بيرجع لسلمى ليه.. مو هو خطبها بس ردته...
بشاير تصيح:شذى...مصير تركي يعرف قدرك والله...
شذى تصيح وترد بإنفعال:بعد إيش...بعد ما أموت بحسرتي...إنت ماتدرين عن شعوري...احس إني اموت باللحظه مية مره... هذا إذا بيرجع لي اخوك..وما أتوقع إن لي أي مكان بقلبه...
بشاير وهي تصيح:أنا اللي مقهورة...ليه كذا يسوي معك...والله إنك اطهر وأنظف قلب يمكن أشوفه...شذى والله إني أمس طول الليل قعدت أصيح من القهر...
شذى قعدت تصيح بصمت...
بشاير وهي تمسح دموعها:وين تركي؟؟؟...
شذى تأشر بغرفته:في الغرفه...
بشاير:طبعا وش عليه اليوم معرس...
شذى:بشاير...الله يخليك لا تذكريني...
بعدها بفترة بسيطه...طلع تركي من غرفته...وهو لابس وكاشخ... هو ما وده بس لازم يروح وهو كاشخ كشخة امير...
ناظرته بشاير وعيونها مليانه دموع...وحقد..
ناظرها تركي:هلا...بشاير إنتي هنا...
بشاير:ليه كذا يا تركي....ليه؟؟؟...حرام والله حرام...
تركي بحده:بشاير ماني ناقصك إنتي بعد...
بشاير:طبعا مالك خلق...اليوم موعد الملكه مع الدكتورة وحبيبة القلب... لازم تكون رايق من البدايه...
تركي يصرخ:بشاير..
بشاير:لا تصرخ علي...الله ينتقم من يا تركي...ويحرق قلبك مثل ماحرقت قلبها...
تركي ناظرها بإستحقار ونزل وهو عرف إنه مهو قد هالمواجهه...
لحقته بشاير...أما شذى فكانت كفيله كلمات بشاير إنها تنقلها لحزن سرمدي ماله نهايه...
أما بشاير لحقت أخوها لتحت...
تركي لف عليها وقال لها:نعم وش تبين؟؟؟...
بشاير وهي معقده حواجبها:ليش كذا يا تركي..ليه..وش سوت لك شذى؟؟..
تركي:مالك دخل بخصوصياتي يا بشاير...
بشاير بإصرار:إلا لي دخل...ليه كل هذا التكتيم على الملكه وفجأة تقولنا أنت وأبوي من دون مقدمات....ليه مو إحنا عايله وحده...
تركي:ليه...لهالدرجه تهمك شذى؟؟؟...
بشاير:طبعا تهمني...مو صديقتي وأختي...والله ماتستاهل...إنت وش تبي بسلمى...ولا تبي تحيي حبك الأولاني...
تركي:بشاير كفايه والله اللي فيني مكفيني....
بشاير:روح يا تركي...وش تنتظر...
تركي:بتجين يا بشاير؟؟؟...
بشاير بغضب:طبعا لأ...أنا بأقعد مع شذى...ولا مافكرت في مشاعرها...
طلع تركي..اللي عاش اخر أيامه بدوامه من الحزن عشان شذى...
أما بشاير رجعت لشذى...
شذى:راح يا بشاير؟؟؟...
أومأت بشاير راسها بالإيجاب...
بعدها صاحت بحزن يقطع القلب...راحت لها بشاير وضمتها وقعدت تصيح معها...وقالت بكل حزن
بشاير:حسبي الله عليك يا تركي...
شذى:لا تدعين عليه يا بشاير...
بشاير:يا عمري عليك يا شذى تخافين عليه وهو مافكر فيك...
شذى حطت راسها على صدر بشاير اللي كان مليئ بالعواطف..والحنان.. والحب..

تابع الجزء الثاني عشر.....

أما من الجهه الثانيه كانت فاطمه وعايشه مستانسين مره ومو مصدقين إن أفكارهم تحولت إلى واقع محسوس وملموس...أما نوف كانت زعلانه.. وصاحت من القهر...بغت بعد تروح مع بشاير لشذى...بس امها رافضت هذا الشي بتاتا..وأصرت إنها تاخذها معها..لملكة خالها الصحيحه؟؟.. أما سلمى فكانت مشاعرها متضاربه..بين فرح وحزن...حزن إنها ودها تكون الملكه كبيره...بس إنشالله بيعوضها بالزواج...وفكرت في عادل..آه يا عادل منك ومن حبك...اللي عيشني بمكان ماهو مكاني...
أما أم بندر فإنصدمت بعد ماعرفت عن الملكه قبلها بيومين وعصبت... وشلون ولدها يملك ويخطب من وراها...حست إنه مالها قيمه أو أي مكانه.. بس أبو بندر..عالج الموقف..وخفف من وطأة غضبها...اللي كان بعد بسبب شذى...اللي تشوف إنها ماتستاهل...كانت رافضه إنها تروح.. بس بطلب من تركي...ومن أبوبندر...ومن فاطمه راحت... ولمن عرفت فاطمه ردت فعل بشاير وإنها مابتروح قالت بخنق وغيض..
فاطمه:طبعا حبيبة قلبها شذى...ما أقول غير إن الله ياخذها...
*
*
كان الوقت عشاء...يعني خلاص الحفل بدا...كانت شذى وبشاير...في حالة هدوء تام...كانت شذى متمدده بالصاله على الكنب حست إنها تعبانه...أما بشاير فكانت قاعده تناظرها وتراقبها...كان الجو حزين...عكس بيت أبو عبدالكريم اللي كانت مظاهر الفرح باديه على كل زاويه من زواياه...في بيت شذى..وهم قاعدين سمعوا صوت جرس...إستغربوا من جاء بهالوقت.. عيونهم كانت متسمره على الباب...اللي راحت الشغاله تشوف مين جاء.. فجأة دخلت عليهم سارا مرت متعب ومعها بنتها إنجود...راحت وسلمت على بشاير وشذى..وقعدت معهم...
بشاير:ليه مارحتي الملكه؟؟؟..
سارا بعصبيه:ما أبي أروح...قلت بروح لشذى...يا قليبي عليها...
بشاير:بس اليوم ملكة اختك وصديقتك وبنت خالك..غريبه مارحتي...
سارا:بس والله نذله هالسلمى...ما تستحي تاخذ واحد متزوج...
شذى تتدخل:وليه هو مايستحي لمن طلبها؟؟؟...
سارا:آه من هالرجاجيل...مامنهم أمان...الوحده ما تأمن نفسها مع رجلها... بصراحه ماتوقعتها من تركي أبد...
شذى:وش أسوي يا سارا...
سارا:ما عليك منه...مصيره بيندم على اللي سواه...ولا فيه أحد يسوي سواته...
في هاللحظه يدق جوال شذى ردت طلع اخوها سعود...
سعود:هلا شذى...
شذى:هلا سعود...
هنا فز قلب بشاير من طاري سعود...
سعود:آه من هذاك النذل...والله لو إني قريب كان قطعته...
شذى:لا تتعب نفسك سعود...اللي ما يبينا ما نبيه...
سعود:ماعليك منه يا شذى...بحاول بعد أسبوع امر وأخذك...انا كنت باخذك من اول ما دريت والله انا ومحمد اللي عصب وحاس الدنيا عندنا...
شذى وعينها دمعت من موقف اخوانها:يا عمري يا محمد...
سعود بجديه:كنت باخذك...بس أبوي حلف وتوعد بس من يروح الرياض او يكلم تركي حتى...بإنه مابيصير طيب...تعرفين أبوك به السكر وما نبي نرفعه عليه...بس خلي الأمور تهدأ...وبجي اخذك...وحريقه بتركي واللي جاب تركي...
شذى وتحس عبراتها تتجمع:تكفى سعود...لا تخليني...تعال خذني من هنا.. إختك تحس بالمهانه يا سعود...لا تخلوني هنا...كل شي حولي هنا يا سعود أحسه ظلمني...ظلمني...ما عاد فيني شده على المشاكل..أبي أبعد من هنا قد ما أقدر...سعود...لا تتركوني هنا...
حس سعود بإن قلبه ينفطر على اخته ..سعود كان حساس مثل شذى.. على خفة دمه وهباله...بس أي كلمه تأثر فيه...
سعود بحزم شديد:افا عليك يا شذى...والله ما أخليك...والمهانه ما ارضى إنك تحسين فيها...يا جعلي ما أبكيك يا شذى هدي عمرك ولك مني اللي تبين...خذي سجادتك وصلي...صلي إن الله يخفف عنك...
شذى وهي تمسح دموعها:إنشالله...سلم لي على امي...
سعود:يوصل...
شذى ناظرت ببشاير:أقول سعود...
سعود:هلا...
شذى:ما ودك تدق على بشاير...
بشاير هنا إحمر وجهها..حست بالإحراج...
سعود:ليه هي وينها؟؟؟...
شذى:جات هي هنا عندي...ماراحت الملكه...عشاني..
سعود:يا بعدي والله...بادق عليها الحين...
*
*
كانت الملكه قايمه ببيت أبو عبدالكريم...
عايشه لسلمى:قمر لا إله إلا الله...
سلمى:من جد طالعه حلوة؟؟؟...

تابع الجزء الثاني عشر.....

عايشه:إلا تاخذين العقل...الله يهني تركي فيك...
سلمى تبي تخفف التوتر اللي فيها:طيب..صديقاتي جو...
عايشه:إيه...جات سمر...وجات كم وحده ما اعرفهم...تقريبا ست...
سلمى:جو ناس كثير؟؟؟...
عايشه:يعني...تعرفين الملكه مختصره؟؟؟...
دخلت فاطمه...
فاطمه بفرح:سلمى حرام عليك....
سلمى:وشو اللي حرام؟؟؟...
فاطمه:حرام عليك...تبين قلب أخوي يوقف...وش هالجمال...وش هالحلا..
عايشه:أووه يا أم ريان خوفتيني...قعدت أقول وش عندها المره...
فاطمه بإبتسامه واسعه:مبروك يا سلمى...عقبال ما أشوفك بالكوشه مرتزة مع أخوي...
بعدها إبتسمت سلمى بخجل...
سلمى كانت من جد طالعه فاتنه..كانت لابسه فستان أحمر... طويل وذيل ملوكي وراها... كان شعرها مرفوع بطريقه مهيبه مع بعض الخصل النازله على جوانب وجهها...كان الفستان عاري الصدر والأكمام... كان الميك آب حقها مهوب مبالغ فيه مره...بس كان الروج أحمر صارخ وكحل عربي كثيف على عيونها صارت من جد ذباحه...وزايد جمالها جمال..مع مناكير لونها أحمر..طلعت من جد كأنها نجمه من نجمات هوليوود الفاتنات..
*
*
عند الرجال...
متعب:أقول يابو فارس...وش هالملكه المفاجأة؟؟؟..
ابوفارس بإستغراب:تدري والله إني زعلت...ليه ما قالوا لي...
متعب:المشكله ماله تركي متزوج إلا ثمانيه شهور... ما أمداه يفكر بوحده ثانيه...
أبو فارس:قد قلت له...خذ سلمى من البدايه...بس اخوك عنيد...
متعب:مسيكينه يا بنت أبو محمد...
أبو فارس:إيه والله...
بالجهه الثانيه كان قاعد تركي متوسط أبوه و صديقه طلال...
طلال:لا لا ما نقدر...مشالله ثنتين بسنه وحده...
تركي:قول مشالله...
طلال يبتسم:إلا بأقول الحمدلله الذي عافانا مما إبتلاكم...
تركي:ليه وش السبب وأنا أخوك...
طلال:مهبول أنت... ما أمداك شبعت من مرتك الأولى...قمت تاخذ الثانيه..
تركي:والله حريه شخصيه...
طلال بهمس:حريه شخصيه...ولا أمر من السلطات العليا...
سكت تركي...لأنه قد حكى السالفه كلها لطلال من قبل...
تركي:طلال واللي يرحم والديك...لا تذكرني...والله احس بالغيض..
طلال يحاول يمسك ضحكته:تدري يا تركي...إني ضحكت من قلب لمن قلتي إن أبوك قالك جمع هالحريم على قلبك...
تركي يصر على أسنانه:تتطنز أنت مع هالخشه...
طلال:لا والله ما أتطنز..الله يعينك يا خوي..والله لا يحطني في هالموقف..
*
*
بشاير تبتسم:زين طرينا على بالك...
سعود:إنت أصلا غبتي عشان تطرين...
بشاير:تتكلم من جد...ولا تضحك علي...
سعود:لا والله أتكلم من جد...بس والله إن غلاك زاد يا بشاير لمن قعدتي مع شذى... وما رحتي لملكة اخوك...
بشاير:شذى ترى والله ماتهون علي...
سعود بعصبيه:يرضيك اللي سواه أخوك بأختي...
بشاير:لا ما يرضيني...
سعود بقهر:ما أقول غير حسبي الله عليه..ليه ما يتكلم من قبل...
بشاير:سعود...إحنا مالنا دخل...وأنا مالي أي يد في هالسالفه...
سعود:طبعا يا حبيبتي إنتي وأنا مالنا دخل بالسالفه أبد...بس قهرني اخوك على أختي وحرق قلبي عليها...
بشاير:ما ألومك والله يا سعود...

تابع الجزء الثاني عشر.....

بعد ما جا الشيخ وملك تركي على سلمى...دخل تركي على سلمى... أول ما دخل كان يفكر بشذى...وينفس الوقت يحاول يتذكر ملامح سلمى اللي له فتره ما شافها... أول ما دخل سلم على امه وأم عبدالكريم..وحصه.. أخته فاطمه..أما نوف...فكانت تشاهد الموقف من بعيد وقلبها يعتصر بالحزن..
بعد ما سلم على الكل شاف سلمى..إنبهر من جمالها وفتنتها..شاف إمرأه مغريه بكل الأبعاد..شاف حبه الأولاني..شاف حب الطفوله والصبا وباكورة الشباب...شافها وحس بالأرتباك من جمالها ومن حبها القديم ومن الحال اللي وصلوا لها.. كانت جميله تقريبا إلى درجة الكمال...
أما هي شافت ولد العم... والحبيب القديم.. اللي كانت تعيش ليالي الثانوي والمتوسط وهي تفكر فيه... شافت الوسامه والقامه الرجوليه الجذابه.. لمحت نبل اخلاقه وهو يسلم على اهله... شافت الإبتسامه اللي ممكن تقتلها وتحييها بالوقت نفسه...حست بمثل الجانب اللي كان نايم من قلبها وصحى ..وحست بمثل البراكين والزلازل بقلبها...تعلن عودة تركي..حبيب وقريب.. وزوج؟؟...
قرب تركي منها وسلم عليها...
تركي:مبروك يا سلمى...
سلمى بهدوء:الله يبارك فيك...
تركي:مشالله وش هالجمال...
سلمى بخجل:عيونك الحلوة...
تركي يبتسم:ما دام قلتي عن عيوني حلوة خلاص ما أحتاج شهاده من أحد..
لاحظ تركي نوف اللي كانت واقفه عند الباب ولا سلمت عليه...
تركي:ماتبين تسلمين يا نوف؟؟؟..
نوف وهي تحاول تبان طبيعيه:إلا بأسلم...
وبعد ما سلمت..
تركي:وما رح تقولين مبروك...
نوف وهي رايحه لأن مشهد خالها جنب سلمى حارق قلبها:مبروك...
طلعت وهي تحس بالقهر...معقوله ممكن عن الواحد يحب ويتزوج ثنتين بالسنه نفسها...معقوله...
*
*
عايشه تقول لفاطمه:وأخيرا ما بغينا..
فاطمه:إي والله...بس مقهورة يا عايشه...
عايشه:ليه؟؟...
فاطمه:تركي رفض إنه يطلق شذى لمن جا المملك...
عايشه بخساره:لااااا... لا تقولين؟؟؟..
فاطمه:إيه...أحس إن نص اللي كنت ابيه خرب...

تابع الجزء الثاني عشر.....

بعد هذا الليل اللي الكل مارح ينساه..وكلن رجع لبيته..ورجعت بشاير وسارا بيوتهم...وشذى مستحيل تنسى وقفتهم معها أبد..رجع تركي وهو ما يدري وش يقولها..أو حتى شلون يناظرها...
راح لها وشافها مقفله الغرفه اللي إستقلتها لنفسها بعيد عنه...بغى يدق الباب عليها..بس تراجع أخر لحظه وش بيقولها غير إنه بيحر قلبها...حط إذنه على الباب وسمع صوت بكائها الهادئ...حس نفسه إنه حقير.. وبدون أي إنسانيه...كيف يتزوج قدامها...ويمنعها إنها تروح لأهلها...وهي مرات كثيره يعصب عليها...دخل غرفته وإنسدح وهو يفكر بسلمى اللي كانت من جد تزداد جمال سنه بعد سنه...وفكر بشذى...اللي كانت فيه من البراءه والحب والملوحه الشيء الكثير...وشاف الموازنه بينهم صعبه...


***

كانت تمر الأيام وهي حزينه.. العلاقه بينهم مبتورة..جفاء إلا أقصى الحدود..البرود يشمل جميع جوانب حياتهم..كانت تحس بالرخص من الحبيب وإنها إنحطت بطريقه ومتضايق منها...وما أصعب شعور الوحده لمن تحس غنها ثقيله من حبيبها...أما هو يحاول يلطف العلاقه بينهم.. بس تزداد بعد و عزله...كانت حابسه نفسها بمثل شرنقه من الحزن.. خلاص اكيد هو إبتلش فيني لمن عرف إني حامل...تذكرت لمن علمت بشاير كيف فرحت لها بشاير...وأصرت إلا تنشر الخبر عشان سلمى وأنصار سلمى يحسون بالنصر...والقهر...والغيره... وعشان تحاول تصلح العلاقه بينها وبين تركي...طبعا تركي عرف من أمه بعد ما خبرتها بشاير... تفاجأ لمن شاف أمه تبارك له...
تركي:وش تقولين يمه؟؟؟..
ام بندر:افا يا تركي ما تعلم أمك مبروك والله فرحت لك لمن قالت لي بشاير
تركي:بشاير هي اللي قالت لك؟؟؟...
أم بندر واللي هي على نياتها:إيه هي اللي قالت لي..شذى علمتها..
تركي:شذى هي قالت لها إنها حامل؟؟؟...
أم بندر:وإنشالله تبون تكتمون السالفه إلى متى...إلى ماتولد مرتك...
تركي يحاول يبان عادي:ههههههه لا وش دعوة يمه...
أم بندر:مبروك يا تركي...والله فرحت لك من كل قلبي...
تركي:الله يبارك فيك ويعزك..ياأم بندر...
بعد ما صكر تركي من أمه راح لشذى وهو فرحان من جد لمن سمع الخبر و بنفس الوقت زعلان...المفروض يسمع الخبر منها مو من غيرها..
أول ما وصل لقاها كعادتها قاعده بغرفتها...
تركي اول ما دخل:السلام عليكم...
لفت عليه وناظرته..وبعدها قامت تبي تطلع من الغرفه اللي أخذتها بعيد عن غرفتهم المشتركه...
تركي مسكها قبل ما تطلع وقالها:السلام سنه..والرد واجب...
شذى من غير نفس:وعليكم السلام...
وبغت تطلع إلا إنه بقى ماسكها...
تركي:ممكن اتكلم معك؟؟؟..
شذى بكبرياء:لأ...
تركي:لا عاد أنا أصر...شذى شلون تقولين لأهلي إنك حامل وماتقولي لي؟؟...
شذى ماتدري ليه حست بالأرتباك:وش تبيني...اقولك؟؟..
تركي:طبعا تقولين لي...
شذى:ما فيه وقت مناسب...
تركي يحط يده على كتفها:بالعكس...إنتي ماتدرين وش فرحت لمن دريت..
شذى:يفرحك؟؟؟..
تركي بإبتسامه:طبعا يفرحني...لمن يكون لي طفل من اللي احبها وأعشقها..
شذى بإبتسامه سخريه:يمكن أصدقك لو قلتي هالكلام في وقت غير هالوقت...
وطلعت من عنده وهو حيران ما يدري وش يرضيها...لاكنه متأكد من الداخل إنه طعنها ي صميم أنوثتها..ومشاعرها...وما يدري متى يقدر إنه يفتح حوار بينهم...لأنها ماتتقبل حتى النظره منه...وإبتسم بسخريه لمن شاف الغرفه وهو واقف فيها...إنه لمن يزعل أي واحد يلجأ لها...حس من الداخل وده إنه يلغيها...

تابع الجزء الثاني عشر.....

كانت حزينه تحس بالقهر... ماكانت تدري ايش تسوي مع اللي صار... أبوها رفض يستقبلها...وأمها متعاطفه معها...بس هي مارح تسكت عن حقها أبد...مشكلتها كانت تكمن بالجنين اللي بين أحشائها...كان ودها إنها ماحملت ولا فكت الحبوب..ألحين هي تبي الطلاق بأي وسيله..بس مشكلتها إنها حامل وش ذنب الطفل اللي بيجي للعالم وسط هالمشاكل...كانت تبي تطلع من هالتجربه بأقل الخسائر..بس هو متمسك فيها أكيد عشانها حامل مهوب لسواد عيونها...وهي في زحمة تفكيرها هذي..دخل عليها تركي.. آخر شخص بالعالم..تتمنى إنها تشوفه..لأن كل ماتشوفه يجدد عذابها ولوعتها..دخل عليها وهو ممتقع الوجه...كان مبين إن وراه كلام..حست بالخوف لمنظره...حست إن معاه خبر شين..سككت وحطت يدها على قلبها تنتظره يتكلم...
أما تركي مهوب عارف كيف يوصلها الخبر..أكيد بتحزن..أكيد بتبكي.. أكيد بيزيدها شقاء على شقاها...بس لازم تدري لازم تعرف...
تركي ومهوب عارف من وين يبدى:شذى والله ما أدري وش أقولك بس جهزي حالك بنسافر الشرقيه...
شذى واللي حست بقلبها طاح ببطنها وطلع إحساسها صادق..قالت وعيونها مالينه خوف:تركي حد من أهلي صار فيه شي؟؟؟...
تركي مايبي يخوفها:لأ ما صار...بس مو إنتي تبين تروحين لهم؟؟؟..
شذى وخوفها يزداد:تركي لا تخوفيني زياده قولي من ألحين..حد فيه شي؟..
تركي:لا يابنت الناس ماحد فيه شي..بس أبوك طاح تعبان شوي...
شذى وهي تحط يدها على فمها:أبوي...وش فيه أبوي؟؟؟...
تركي وهو من جد خايف عليها:مافيه شي بس إنقلوه للمستشفى...
شذى ودموعها بدت تنزل:المستشفى؟؟..تركي أبوي فيه شيء كبير صح؟..
تركي وهو راح يجلس جنبها يبي يطمنها:لأ..بس تعب بسيط...
شذى دفنت وجهها بين يدينها وقعدت تصيح:أبوي لا..تركي ألحين بنمشي على الشرقيه...
تركي بإستغراب:ألحين..أنا حجزت رحلة بكره الظهر...
شذى والدموع تنزل:لا أنا قلت ألحين..نسافر الليله يا تركي..ماعندي إستعداد أقعد لحظه هنا بالرياض..
تركي:بس مافيه رحلات...
شذى:بالسياره نسافر مهوب لازم طياره..
تركي وهو حط يده على كتفها بحنان:شذى..مهوب زين سفر الطياره لك وللي بطنك..بالطياره كلها ساعه وإحنا هناك..إذا بنسافر بسياره بنقعد أربع ساعات..
شذى وهي تبعد عنه:تركي رجاءً لا تقعد تسوي لي فيها الحنون..قلت أبي أروح ألحين أشوف أبوي..وماني مستعده أقعد لبكره فاهم؟..
تركي بهدوء:خلاص الحين إرتاحي..وبعدها نروح..
شذى وهي قايمه:لأ ألحين بجهز شنطتي ونمشي...
تركي ناظرها..شاف عيونها مليانه دموع..شاف الخف يطل منها على أبوها..تذكر هو بشهر العسل وش صار فيه لمن عرف بيطحة أبوه.. وكيف قطع عليها سفرتهم وهي ماقالت كلمه لأنها مقدرة موقفه..وماعمرها تبرمت من هالشي..سكت..وفي النهايه قرر السفر الآن للشرقيه..لعيون شذى والله تستاهل...دق على خويه طلال وشرح له الموقف...وبين له إنها ظرف طارئ سفره..لأن بكره عند دوام وخلاه يعتذر له إنه مارح يجي بسبب هالظرف...

.....((الجزء الثالث عشر)).....

كانوا طول الطريق ساكتين..ما فيه حوار بينهم..زاد الطريق كآبه عليهم..تركي كان يكلمها بعض الأحيان وهي ماترد عليه.. كانت طول الطريق تحاول تتماسك وتدعي الله إنه يحفظ لها أبوها.. ويساعده إنه يرجع سالم مثل اول وأحسن...تركي كان حاس فيها وبحزنها...وهو ماهو عاجبه جو الحزن اللي هم فيه..
تركي:شذى وش فيك كل ما أكلمك ما تردين علي؟؟...
شذى سكتت وماردت عليه...
تركي:شذى...أنا ماجيت هالوقت إلا عشانك وبكره علي دوام... يعني على الأقل عبريني وردي علي...
شذى بعد طلعة الروح:وش بغيت؟؟؟...
تركي:شذى خلاص كفايه طول أربع ساعات وأنتي ساكته..أكلمك ولا تردين...ليه هذا كله؟؟؟...
شذى:كم باقي ونوصل؟؟؟...
تركي ناظرها يعني مافيه فايده..وقال بعدها:إنشالله 60كيلو وإحنا واصلين..
شذى:أول ما نوصل وين نروح...
تركي بهدوء:كيفك..تبين نروح لفندق وبكره تروحين تزورين اهلك وأبوك.. أو تبين تروحين الليله لأهلك وبكره لأبوك..براحتك...
شذى وهي تناظر الطريق قدامها:لأ..أول مانوصل بنروح لأبوي وبعدها لأهلي...
تركي يناظرها:وين تروحين وإحنا بآخر الليل...بكره الصباح تزورينه...
ِشذى بإصرار:لأ..الليله بزور أبوي...وبعدها بروح لأهلي...
تركي:ما يصلح لك سفر وبعدها مستشفيات(يعلي صوته)بكره تروحين لأبوك...
شذى بعناد:لأ يا تركي الليله بروح لأبوي..وإذا ما بتوديني بخلي اخواني ياخذوني لأبوي...
تركي إنقهر:يعني السالفه عناد يا أخت شذى؟؟؟...
شذى:إحسبها زي ماتبي بس أبوي بروح له الليله..لو شيصير...
تركي:أنا أبي أعرف إنتي ليش كل ما أقول شي تبين تعانديني فيه ليش؟.. ترى إذا أنا سكت لك هاليومين ..مو معناته إني راضي...
شذى وهي تبي تصيح:تركي...رجاء إفهمني..أبوي تعبان بين الحياة و الموت وإنت تقولي لا تزورينه..بالله وين العدل...
تركي بدفاع عن نفسه: لا تقولين منعتك من زيارته...أنا قلت أجليها وهذا عشانك إنتي بعد...
شذى والعبره خانقتها:تركي لمن رجعنا من فرنسا ورحت لأبوك على طول من المطار للمستشفى ما منعتك ولا ناقشتك لأن هذا من حقك تطمن على أبوك..ولمن مالقيت حجز من باريس للرياض..دورت بالحجوز إلين لقيت عن طريق الكويت وأنا ماقلت شي بعد...فتركي رجاءً رجاء خاص خلني أشوف أبوي...إنت ماتحس فيني...أبوي هذا تعرف وش معنى أبوي...
حس تركي فيها وما قال شي..حب إنه يطمنها ويهدي بالها قبض على يدها وفي قلبه ألف معنى حب و مودة لهالإنسانه...
*
*
*
أول ما وصلوا الشرقيه راحوا المستشفى اللي مترقد فيه أبو شذى..دخلوا لقوه بالعنايه الفائقه...خافت شذى...بالبدايه منعوهم من الدخول بس بعد ما كلم تركي الدكتور المناوب إنهم جايين من الرياض..وشرح له إنهم لازم ضروري يشوفونه الليله..ولأن المستشفى خاص دخلوا على أبو محمد...
أول ما دخلوا كان قلب شذى يدق بقوة..خاصه بعد ما عرفت إنه بالعنايه الفائقه..كانت تحس بوجع بقلبها...على أبوها...شافته ممدد على الفراش الأبيض والأجهزه حوله بكل مكان..يالله إيش كثر كان المشهد يعور بالقلب...وكان نايم بس مبين فيه الألم...ماتحملت شذى الموقف.. وقعدت تصيح بصوت مكتوم وهي حاطه يدها على فمها..وتمسكت بتركي بيدها الثانيه..وحطت راسها على صدره...أما تركي حس هالمشهد إنه شافه من قلب مع أبوه...سبحان الله...مسك شذى وحاول يهديها...
شذى وهي تحاول تتماسك:تركي..وين تعب بسيط شوف حالته شلون صايره...
تركي يتكلم بهدوء:شذى حبيبتي وش فيك..هو بخير لا تبالغين...
شذى تناظر أبوها: يا تركي لا أبالغ ولا شي..حرام عليك شوف كيف المرض هد حيله..
تركي:إنشالله بيصير بخير...أبوي كانت طيحته أشد من ذي..والحمدلله قام منها...
شذى وهي دموعها تنزل:الله يسمع منك يا تركي ويقوم...
مع أصواتهم قام أبو محمد وفتح عيونه بتعب..شاف شذى..فرح من جد لمن شافها...حس إنه نهايته قريبه..يبي يشوفها يبي يقولها عن مشاعره لها...
أبو محمد بأنين: شذى....

.....((تابع الجزء الثالث عشر)).....

كانوا طول الطريق ساكتين..ما فيه حوار بينهم..زاد الطريق كآبه عليهم..تركي كان يكلمها بعض الأحيان وهي ماترد عليه.. كانت طول الطريق تحاول تتماسك وتدعي الله إنه يحفظ لها أبوها.. ويساعده إنه يرجع سالم مثل اول وأحسن...تركي كان حاس فيها وبحزنها...وهو ماهو عاجبه جو الحزن اللي هم فيه..
تركي:شذى وش فيك كل ما أكلمك ما تردين علي؟؟...
شذى سكتت وماردت عليه...
تركي:شذى...أنا ماجيت هالوقت إلا عشانك وبكره علي دوام... يعني على الأقل عبريني وردي علي...
شذى بعد طلعة الروح:وش بغيت؟؟؟...
تركي:شذى خلاص كفايه طول أربع ساعات وأنتي ساكته..أكلمك ولا تردين...ليه هذا كله؟؟؟...
شذى:كم باقي ونوصل؟؟؟...
تركي ناظرها يعني مافيه فايده..وقال بعدها:إنشالله 60كيلو وإحنا واصلين..
شذى:أول ما نوصل وين نروح...
تركي بهدوء:كيفك..تبين نروح لفندق وبكره تروحين تزورين اهلك وأبوك.. أو تبين تروحين الليله لأهلك وبكره لأبوك..براحتك...
شذى وهي تناظر الطريق قدامها:لأ..أول مانوصل بنروح لأبوي وبعدها لأهلي...
تركي يناظرها:وين تروحين وإحنا بآخر الليل...بكره الصباح تزورينه...
ِشذى بإصرار:لأ..الليله بزور أبوي...وبعدها بروح لأهلي...
تركي:ما يصلح لك سفر وبعدها مستشفيات(يعلي صوته)بكره تروحين لأبوك...
شذى بعناد:لأ يا تركي الليله بروح لأبوي..وإذا ما بتوديني بخلي اخواني ياخذوني لأبوي...
تركي إنقهر:يعني السالفه عناد يا أخت شذى؟؟؟...
شذى:إحسبها زي ماتبي بس أبوي بروح له الليله..لو شيصير...
تركي:أنا أبي أعرف إنتي ليش كل ما أقول شي تبين تعانديني فيه ليش؟.. ترى إذا أنا سكت لك هاليومين ..مو معناته إني راضي...
شذى وهي تبي تصيح:تركي...رجاء إفهمني..أبوي تعبان بين الحياة و الموت وإنت تقولي لا تزورينه..بالله وين العدل...
تركي بدفاع عن نفسه: لا تقولين منعتك من زيارته...أنا قلت أجليها وهذا عشانك إنتي بعد...
شذى والعبره خانقتها:تركي لمن رجعنا من فرنسا ورحت لأبوك على طول من المطار للمستشفى ما منعتك ولا ناقشتك لأن هذا من حقك تطمن على أبوك..ولمن مالقيت حجز من باريس للرياض..دورت بالحجوز إلين لقيت عن طريق الكويت وأنا ماقلت شي بعد...فتركي رجاءً رجاء خاص خلني أشوف أبوي...إنت ماتحس فيني...أبوي هذا تعرف وش معنى أبوي...
حس تركي فيها وما قال شي..حب إنه يطمنها ويهدي بالها قبض على يدها وفي قلبه ألف معنى حب و مودة لهالإنسانه...
*
*
*
أول ما وصلوا الشرقيه راحوا المستشفى اللي مترقد فيه أبو شذى..دخلوا لقوه بالعنايه الفائقه...خافت شذى...بالبدايه منعوهم من الدخول بس بعد ما كلم تركي الدكتور المناوب إنهم جايين من الرياض..وشرح له إنهم لازم ضروري يشوفونه الليله..ولأن المستشفى خاص دخلوا على أبو محمد...
أول ما دخلوا كان قلب شذى يدق بقوة..خاصه بعد ما عرفت إنه بالعنايه الفائقه..كانت تحس بوجع بقلبها...على أبوها...شافته ممدد على الفراش الأبيض والأجهزه حوله بكل مكان..يالله إيش كثر كان المشهد يعور بالقلب...وكان نايم بس مبين فيه الألم...ماتحملت شذى الموقف.. وقعدت تصيح بصوت مكتوم وهي حاطه يدها على فمها..وتمسكت بتركي بيدها الثانيه..وحطت راسها على صدره...أما تركي حس هالمشهد إنه شافه من قلب مع أبوه...سبحان الله...مسك شذى وحاول يهديها...
شذى وهي تحاول تتماسك:تركي..وين تعب بسيط شوف حالته شلون صايره...
تركي يتكلم بهدوء:شذى حبيبتي وش فيك..هو بخير لا تبالغين...
شذى تناظر أبوها: يا تركي لا أبالغ ولا شي..حرام عليك شوف كيف المرض هد حيله..
تركي:إنشالله بيصير بخير...أبوي كانت طيحته أشد من ذي..والحمدلله قام منها...
شذى وهي دموعها تنزل:الله يسمع منك يا تركي ويقوم...
مع أصواتهم قام أبو محمد وفتح عيونه بتعب..شاف شذى..فرح من جد لمن شافها...حس إنه نهايته قريبه..يبي يشوفها يبي يقولها عن مشاعره لها...
أبو محمد بأنين: شذى....

.....((تابع الجزء الثالث عشر)).....

شذى بلهفه وهي تنفك من تركي وتروح لأبوها:لبيه...
أبو محمد يحاول يبتسم:وينك يا شذى...
شذى وهي تمسك يد أبوها وتحبها:هذا انا هنا حولك يباه..
أبو محمد:شخبارك أنتي؟؟؟...يقولون إنك متضايقه وزعلانه...
يالله معقوله أبوي يهتم فيني إذا أنا متضايقه أو زعلانه...الله يرحم حالك يا يباه...
شذى تحاول تمسك دموعها من النزول:لأ يباه لاني متضايقه ولا زعلانه... إنت الأهم..وش أخبارك ألحين وش تحس فيه؟؟؟...
أبو محمد يناظر السقف:احس إن نهايتي قربت يا بنت فيصل...
شذى دموعها تنزل:لا لا تقول كذا يا يباه...من لنا غيرك لو تروح... الله يطول عمرك..ويخليك ذخر لنا...بس تكفي يباه لا تقول هذا الكلام حرام عليك والله إني أحسه سكاكين بقلبي...
أبو محمد:بسم الله عليك يا شذى..اهم شي إنك مانتي شايله علي شي؟؟؟...
شذى تصيح:أشيل على الدنيا كلها ولا أشيل عليك...يباه..
أبو محمد:سمي....
شذى:أبيك توعدني إنك تحاول تقوم من اللي فيك..وترجع لنا مثل أول...
أبو محمد سكت وما قال شي...بس تم يناظر في بنته وحيدته...
شذى تكمل ودموعها تنزل وتقول بعبره:أبيك تقوم يا يباه..وتشوف ولدي اللي بجيبه...يباه أبيك تكون يمي لمن أصير أم أبي ولدي يتعلم من جده منك يباه...
أبو محمد يبتسم بوهن:الله يسمع منك يا شذى...
أما تركي كان يناظر موقف شذى مع أبوها حس بالحزن يعصر قلبه..حس إن المشهد مؤثر لحد البكاء...
تركي بهدوء:الحمدلله على السلامه يابو محمد...
أبو محمد:حياك يا تركي...
راح تركي سلم على أبو محمد..وقعد يساله عن أخباره مع تعبه الشديد.. أما شذى فقعدت تصيح بحزن بألم...كانت تشوف أبوها في قمة ضعفه في قمة وهنه...كانت تشوف الأب القوي اللي ما يقهر طايح بكل تعب ووهن على الفراش...
أبو محمد إنتبه لبنته...وقالها:شذى خلاص لا تصيحين..
تركي:شذى خلاص..أبوك ترى ما بيأثر عليه كثر دموعك...
شذى تحاول تمسح دموعها...
وبعد فترة بسيطه جاتهم النيرس مع الطبيب وطلعوم من عند أبو محمد... لأنهم أثروا على صحته بوجودهم...
أول ماكبوا السيارة...قعدت شذى تصيح على أبوها تذكرت شكله وهو يدعوها ويوصيها على عمرها واللي في بطنها...صدق عاطفة الأبوة تطلع في أصعب اللحظات تذكرت لمن ضمها قبل ما تطلع...يالله كانت أول مره في حياتها أبوها ياخذها بحضنه...بس شكلها بتكون تجربه يتيمه...
تركي يهديها:خلاص شذى كفايه...شوفي شلون طلعوك من عنده لأنك أثرت عليه...
شذى:ما قدرت امسك نفسي ما قدرت أطلع اللي بقلبي....تركي مانت حاس فيني ولا بموقفي..



في نفس الليله...
أبو بندر عرف السالفه من أم بندر..قالها تركي قبل لا يسافر...
ابو بندر متفاجأ:وش تقولين يا أم بندر؟؟؟...
أم بندر:أبو محمد...طاح تعبان...
أبو بندر:من متى...وليه ماقالي تركي...
أم بندر:هو سافر مع مرته الليله...عشان تشوف أبوها...
أبو بندر:طيب ليه ما خبرني قبل لا يروح...
أم بندر:كان مستعجل...ووصاني أقولك...
أبو بندر:والله ما يستاهل أبو محمد...
أم بندر:قول أستغفر الله يا بو بندر...هذا قضاء الله وقدره...
أبو بندر بتراجع: أستغفر الله...اللهم لا تواخذنا باللي قلنا...

.....((تابع الجزء الثالث عشر)).....

وقفوا قدام البيت كانت الساعه وحده بالليل...
تركي:وش رايك نروح الفندق..وبكره نجي لأهلك اكيد ناموا...
شذى وهي تناظره:لأ بنزل لأهلي...
تركي:بس هم أكيد نايمين لا تنسين بكره دوامات...
شذى وهي نازله:انا بنزل...إذا بتجي معي حياك....
تركي وهو نازل:بوصلك..وبأسلم عليهم...وبعدها بروح للفندق...
ما ردت شذى عليه...وراحت تدق الجرس...كانتمتوترة لدرجة إنها نست تدق عليهم من جوالها...بس من زمان عن بيتهم من يوم عرسها...لمن طلعت من بيتهم بالعصر...وهي مستغرقه بأفكارها إلا ينفتح الباب...
سعود وهو يناظر تركي وشذى وهو مستغرب:هلا...
شذى وهي تدخل مع تركي:هلا والله سعود شخبارك؟؟؟...
سعود:الحمدلله...سلامة الأسفار..
شذى:الشر ما يجيك...
وبعدها سلم تركي على سعود كان سلامهم بارد خصوصا بعد ملكة تركي على سلمى...
عكس شذى اللي سلمت على سعود داخل بالحوش بحرارة...دخلوا كان البيت هاديء جدا...حست شذى بمثل الحنين هذيك اللحظه لهالبيت...
شذى بهدوء:وين الباقي يا سعود؟؟؟...
سعود:محمد نايم...وأمي نايمه بعد...
شذى:لا يكون سويت إزعاج...
سعود بهدوء:لا ما أزعجيتيني...
تركي حس وجوده مهمل...حقد من قلبه عليهم...
تركي:أجل يله أنا أستئذن...
سعود ببرود:على وين...
تركي:بروح..بس حبيت أوصل شذى...شذى توصين على شي...
شذى تناظره ببرود بعد:سلامتك...
تركي وهو طالع:مع السلامه...
طلع من عندهم وهو حاقد عليهم...عاذرهم بداخل نفسه..بس بنفس الوقت تركي مومتعود حد يعامله كذا...خصوصا سعود...و شذى؟؟؟...
بعد ما طلع من عندهم تركي...راح سعود وشذى قعدوا بالمجلس عشان مايسوون إزعاج...
سعود:مريتي على أبوي؟؟؟...
شذى:إيه مريت عليه...
سعود:كيف دخلوك؟؟؟...
شذى: قعدنا فوق راسهم إلين دخلونا....
سعود:طيب كيف شفتيه؟؟؟...
شذى بحزن وهي تطالع الجهه الثانيه:تعبان يا سعود..تعبان بمعنى الكلمه..
سعود يخفف عنها:أنا جيته اليوم العصر..وهو بخير كان والحمدلله..
شذى:أتمني هذا يا سعود اتمنى هذا الشي...
سعود:طيب ما ودك تريحين بعد السفر...
شذى:إلا بس ودي أشوف أمي...
سعود:أمي نايمه...
شذى وهي قايمه:خلاص يالله تصبح على خير...بروح أنام من جد تعبانه...
سعود:تصبحين على خير...
راح سعود بعدها غرفته اللي بالدور الأول...
اما شذى دخلت الصاله...قعدت تناظر حولها كل شي..حست بالحزن والحنين لهذا البيت يزيد لحظه عن لحظه...مع بساطته حست فيه بالراحه النفسيه...عكس قصر تركي..والمشاكل اللي شافتها فيه...
طلعت بهدوء..هي تبتسم بحزن..تبتسم للذكريات...تشوف نفسها بكل زاويه بهالبيت...طلعت وراحت للدور ثاني...راحت لغرفتها تبي تنام..بس لقتها مقفله...ناظرت لأخر الممر شافت جناح مريم ومحمد أخوها..إبتسمت غصب عنها..تذكرت مريم...حست حتى هي لها مثل الحنين بقلبها... صدق على مشاكلهم بس حست ببساطة مشاكلها مع مريم...مقارنه مع فاطمه وعايشه وسلمى؟؟؟؟...
بعدها قعدت واقفه...ما تدري وين تروح...بغت تروح لغرفة امها بس خافت تصحيها من نومها...بس ما منعها فضولها إنها تروح لغرفة امها...وقفت عندها وسعت صوت إذاعة القرآن...حست بمثل الحركه داخل عرفت منها إن أمها صاحيه...دقت الباب...وبعدها سمعت جواب أمها صوت أمها الحنون...
ام محمد:مين...
شذى ما قدرت إلا إنها تفتح الباب...
أول ما دخلت شافت امها قاعده وهي لابسه جلال الصلاه... وجالسه تسمع إذاعة القراى بكل خشوع وطمأنينه...
ام محمد بفرح ممزوج مع إستغراب:شذى...
شذى وهي رايحه لأمها:إيه شذى يمه...شخبارك يالغاليه...
راحت شذى وسلمت على امها...وباستها على راسها ويدها...
وبعد ماسلموا على بعض وقعدوا سوالف...
أم محمد:متى وصلتي يا شذى...
شذى:توني واصله من قبل نص ساعه تقريبا...
أم محمد:ليه ما جيتيني من البدايه...
شذى:سعود قالي إنك نايمه...
أم محمد:والله تو مانورت الدار بك يا الغاليه...
شذى:إلا شخبارك يمه بعد تعب أبوي؟؟؟...
أم محمد بحنين:ادعوا الله سبحانه بآخر هالليل إنه يقومه سالم مثل اول وأحسن...
شذى:إنشالله يمه...عاد توني جيت من عنده...
أم محمد:هاه أخباره يا شذى؟؟؟....
شذى بحزن مرسوم في عيونها:بخير...إنشالله بخير...
أم محمد:خلاص يا شذى روحي إرتاحي وبكره لاحقين على القعده مع بعض...
شذى:يمه أبي أقعد معك شوي...
أم محمد بحنان:لا روحي تكفين نامي...ما تشوفين وجهك شلون صاير من التعب...
شذى:خلاص طيب...بس وين مفتاح غرفتي قبل شوي رحت لها ولقيتها مقفله...
أم محمد تبتسم:عندي مفتاح غرفتك...
وقامت تجيبه من الدولاب...
أم محمد وهي تعطيه شذى:أقفلها من ريم ورنا لا يلعبون فيها...
شذى تبتسم:إلا شخبارهم يا قلبي عليهم نسيتهم...
ام محمد:هم بخير...
بعدها سلمت شذى على امها وراحت غرفتها وهي تطالع بميدالة مفتاحها نفسها باقي على الدبدوب لصغير المعلق عليها فتحت الغرفه...وشافت كل شي على حطة يدها..بإستشناء إنها مرتبه...قعدت تطالع غرفتها...حست بمثل البكاء...من جد تبي هذيك الأيام ترجع..تبي ترجع تعيش بهالغرفه... ما عاد تبي الرياض...بعدها تذكرت إنها نست شنطتها مع تركي مانزلتها معها...راحت لدولابها و فتحته شافت ملابسها القديمه...حست بمثل الغصه...أخذت لها بيجاما وراحت لبستها..وبعدها نامت...وهي تفكر بين حاضرها وماضيها....ومستقبلها مع اللي في بطنها...

.....((تابع الجزء الثالث عشر)).....

بالصباح...
كانت شذى و أم محمد ومريم وبناتها يفطرون مع بعض كانت الساعه تقريبا ثمان...
مريم بإبتسامه:وش هالمفاجأه الحلوة والله..
شذى تبتسم: الله يسلمك...بس مشالله يا مريم البنات كبروا...
مريم:شفتي كيف...
أم محمد:بس الشاهد الله مملوحات وحلوات...
شذى:طبعا على عمتهم شذى...
مريم تمزح:شوفي هم حلوات صح..بس على أمهم...
شذى تضحك:هههههههه يشبهونك إيه معليه... بس يمه وين أخواني؟؟...
أم محمد:يفطرون بالمقلط هناك...
شذى:بروح لهم...
مريم:لا تكون ملتي مني؟؟؟...
شذى وهي توقف:لا والله بالعكس...بس محمد اخوي بروح أقعد معه شوي تعرفين أخوي الكبير...
مريم:وأنتي صادقه...
وبعد ماراحت شذى....
مريم تلتفت لأم محمد:أقول خالتي...وشفيها شذى كذا مره مسمره وصايره ذبلانه...
أم محمد:تعرفين حامل..وأبوها الله يقومه بالسلامه..وزواج رجلها عليها...
مريم بقهر:حسبي الله عليه..وشوله ياخذ على شذى...والله شذى تهبل...
إستغربت أم محمد من كلام مريم عن شذى..بس يمكن المحبه بينهم بانت..
*
*
أول ماراحت شذى للمقلط وهي داخله شافت اخوها محمد قاعد وهي مثل المفجوع...أما سعود كانت ملامح وجهه اللي تحمل مصيبه كفيله بأنها ترسم مأساه قادمه...
شذى وهي حاسه إن قلبها طاح ببطنها:محمد..سعود...وش فيكم؟؟؟...
محمد وسعود:..........
شذى وخوفها زاد:أبوي فيه شي؟؟؟...
وما زال الصمت هو الجواب..
شذى وهي ترفع صوتها: ماتردون فيه شي..والله خوفتوني...
سعود وهو رايح لها:تعالي أقعدي...
شذى وهي معقده حواجبها:مانيب بقاعده...سعود تكلم الله يخليك...
سعود يناظر محمد...
شذى تنقل نظرها بينهم :محمد تكلم(وهي تتنفس بقوه) ترى والله كفايه كذا...
محمد بحزن: أبوي يا شذى...
شذى وهي خايفه من اللي في بالها:وش فيه أبوي؟؟؟...
محمد:.........
شذى وهي ميته خوف:محمد الله يخليك تكلم والله احس قلبي بيوقف...
محمد:أبوي...(وبغصه) عطاك عمره...
شهقت شذى وبعدها حطت يدها على فمها...
شذى:أبوي......ابوي مات...
بعدها لمها اخوها سعود وهي مو مستوعبه لدقايق...بعدها نزلت دموعها اللي ألفتها كثير بالأيام الأخيره...
سعود وهي يمسح دموعه اللي ماقدر يوقفها:شذى...إذكري الله...
شذى وهي تصيح:ابوي مات...مانيب مصدقه..
محمد بحزن:الله يرحمه خلاص...سعود شذى...كفايه الحين امي لو تسمعكم...
وما كمل كلامه إلا يشوف امه ومريم واقفين على الباب والمأساه بدت ترسم خطوطها على وجههم...مريم اللي نست سعود وحجابها...وبعدها راحت تصيح بالصاله...
اما محمد توجه لأمه وحاول يهدي روعها ويسكن من كبر الفاجعه لها...
*
*
بعدها بساعه تقريبا الكل تجمع وجا خالد ومرته مها... وسلمت مها على شذى وبدوا الناس يتجمعون على الظهر...الجيران الأصدقاء الأقارب... سبحان الله المصيبه بسرعه تنتشر أسرع من إنتشار رذاذ العطر بالجو.. و موتة ابو محمد كانت صعبه جدا على اللي يعرفونه...
أما تركي عرف بموتته لمن مر على بيت أبو محمد يسلم عليهم وشاف فيه سيارات كثير عند الباب... خاف لأن السالفه شكلها مهوب طبيعيه...
بعد ماعرف كان أثرها عجيب..خبره خالد..راح وسلم على شذى اللي كانت شبه منهاره
بعد صلاة العصر صلوا عليه ودفنوه...اللي نزله المقبره كان محمد وخالد.. اما سعود إنهار عليهم بالمقبره...هدوه...وبعد ماقبروه رشوا على قبره الماء وأعلن أول يوم للعزاء...وإنفتح المأتم ونصبت الخيام لإستقبال المعزين...

.....((تابع الجزء الثالث عشر)).....

اما سلمى كانت باقي هي وعايشه ما يدورن بخبر وفاة أبو محمد...
سلمى:آه يا القهر...رفض تركي إنه يطلق شذى...
عايشه:اهم شي إنك تشغلينه عنها...
سلمى:وشلون اشغله...وهو ألحين رايح معها للشرقيه يمشيها...
عايشه:ابوها تعبان...ولا هو وين يمشيها...
سلمى:أكيد خايف على مشاعرها...
عايشه بخبث:اقول سلمى...فاطمه تقول إنه ميت عليك...بس يبيله دفه خفيفه منك...ويترك شذى...
سلمى:اشك في كلامك...لأنها يا جعلها الماحي هو ملك من هنا وهي حملت من هنا...تبي تلفت إنتباهه بكل السبل...
إنقهرت عايشه لمن تذكرت خبر حمل شذى:سلمى...إشغليه عنها والله لتقدرين...
سلمى:كيف قولي لي؟؟؟...
عايشه بخبث:مثل ما شغلت عادل الزفت...ومثل ما شغلت بال تركي أول...
إبتسمت سلمى وهي تفكر...كيف إنها قدرت تطيحهم بحبائلها...


***

كان العزا قايم...البيت مليان حريم ورجال...الكل جا من سمع الخبر..أعمام شذى اللي بالرياض والجبيل...محد قعد..كان الكل مجتمع...بس على حزن كانت شذى حزينه إلى درجه لا تطاق...ما ينوصف هالشعور...فقد الاب فقد الامان والحصن..يمكن شذى ماحست بحبه إلا بآخر لحظات حياته.. بس يكفي إنها حست فيه.. يكفي حست إن أبوها يحبها...ما يبي يسمع إنها متضايقه...كانت بمثل اللي محرومه وتذوقت قطره من العسل وبتنحرم منها للإبد للإبد...حست بعتمة الدنيا وإن الحياه ماتسوى شي ابد.. كان فقد الأب صعب جدا... ربان السفينه...والملاذ الأمين... الأب أبو محمد كان معناه كبير عند اللي حواليه..حتى محمد فقد الذراع اللي يتسند عليها... محمد فقد الأب والصديق والمعلم...الحياه ماعاد تسوى شي عنده..وخالد اللي حس إنه هو وأخوانه بيضيعون ممن بعد أبوهم...أما سعود فكانت دموعه الشاهد عليه في المقبره والعزا...بكى مثل طفل في العاشره من عمره وليس مثل شاب دخل عمره الخمسه والعشرين... حس باليتم على كبره.. حس بالعجز تمنى إنه كان مع أبوه آخر اللحظات...يبوسه على راسه ووجهه ويدينه ورجوله.. يقوله عن مشاعره..ويلتمس منه العذر إذا كان قد زعله بشي.. ويعيش معه آخر اللحظات... ويموت معاه... كان يحس بثقل الجبال على قلبه من الحزن...كان بعد إنصراف الناس بعد العزا...ما ينام كان يصلي ويدعوا ربه طول الليل إنه يغفر له...
((ياربي أغفر لأبوي...وإحسن خاتمته...ووسع عليه قبره...ياربي إنه اضعف خلقك.. سامحه..وغسله من ذنوبه الثلج والبرد... ياربي إغفرله ما أسر من ذنبه وما أعلن..))
أما محمد..وش أقول عنها... أصبحت أرمله؟؟...يالله ما أقساها من كلمه في معناها...بعد عشرة زواج إستمرت خمسه وثلاثين سنه... كان الفراق صعب جدا جدا عليها...رفيق العمر...وشريك الحياه...معاه تقاسمت أحلى أيام حياتها..على شدته...بس كانت تحبه..كان أليفها وونيسها.. معاه فرحت باول عيالها محمد وخالد..وسعود..وبعده شذى...كان لها الدرع من قسوة الحياه...كان كل شي لها...يكفي إنه أبو عيالها... كان الشمس اللي تدفيهم على إنها تحرق بعض الاحيان بس ما ننكر فضلها...لن الشمس إذا انكسفت الخلق كلهم صاروا في حالة هلع... بس الظاهر شمس أم محمد غربت وما عاد في امل لشروقها...كانت قدام الناس تتجلد وتصبر أما في ظلمة الليل وسكونه كانت تفرش سجادتها وتصلي وتدعي..مثل ما سعود اخذ هالحركه منها..كانت تدعي والدموع تبلل وجهها...
((ياربي غفر له..وإرحمه..يا حي يا قيوم...سامحه على كل ذنب سواه بحياته...ياربي إن كان اخطى علي فأنا مسامحته.. ياربي ساعدني على فراقه...ياربي صبرني...ياربي هذا كان زوجي وأبو عيالي..ياربي عشرة خمسه وثلاثين سنه ماتهون...يالله إنك تحمعني فيه في جنتك... وتحمينا من النار...يارب إعتق وحرم على وجهه النار... يارب إنه مات وهو راضي عني.. ياربي انا أسوي نفسي صابره..وانا قلبي يتقطع حزن من الداخل.. ياربي مالي سواك يصبرني...يارب عن كان هذا إبتلاء صبرني...وإن كان عقاب فإغفر لي...يا رب ارحم فيصل أبو محمد وإغفر له واغفر لموتى المسلمين كلهم....))...
كانت هذي عادت أم محمد وتقعد إلى صلاة الفجر تصلي الفجر وتنام بعدها ساعتين وتب>ا يومها..وهكذا دواليك...
تركي كان من الطبع إنه ما يخليهم في هالحاله أبد...كان واقف معهم طول أيام العزا...كان واقف مع محمد وخالد وسعود في إستقبال المعزين... كان هو المتكفل طول العزاء بالغداء و العشاء... كان وهو واقف مع الرجال بالمجلس... قلبه مع شذى... كان كل ثلاث ساعات تقريبا يروح يسأل عنها ويشوفها ويشوف حالها...
تركي وهو حاط يده على كتفها: شذى كيفك ألحين؟؟؟...
شذى وهي تناظر فيه كان لابس الشماغ من دون عقال وبان الحزن عليه..
شذى:تسالني؟؟؟...تركي تدري وش معنى إنك تفقد أبوك..
تركي يقاطعها:والله حاس يا حبيبتي... بس هذا قضاء الله وقدره...
شذى وهي تطالع السقف عشان تمنع دمعه من النزول: والنعم بالله...
تركي:ولن يصيبنا إلا ماكتبه الله لنا...وعسى أن تكرهوا شيئا وهو خير لكم...
شذى:ممكن أسالك سؤال يا تركي...
إستغرب تركي:إسألي يا قلبي...
شذى بحزن:إنت ليه ما خلتيني أشوف أبوي قبل لا تدفنونه...
سكت تركي..وبعدها تنهد وناظرها بكل عطف وحنيه: شذى يعني على بالك إني قصدي مو شريف لمن منعتك...لا والله بالعكس... بس هذا والله بيأثر فيك واجد ومارح تتحملين...إنت ما شفتي نفسك لمن زرتيه آخر مره الله يرحمه...
شذى وهي تصيح بحزن:ولو....هذا مو من حقك...تركي...هذا أبوي.. يعني ماعاد رح أشوفه طول حياتي...ومو من حقك هالقرار التعسفي.. اتوقع من أقل حقوقي إنك سألتيني...
تركي ما حب إنه يجادلها لأن النفسيه عندها سيئه جدا....
تركي بهدوء:حبيت اقولك عن هذا مو قراري بحالي حتى خالد أخوك شايف مثل ما شفت...
شذى سكتت وقعد تصيح وهي تقول:أبوي راح يا تركي راح... ياليت الله خذاني ولا خذاه...ياليتني أنا اللي مت ولا هو اللي مات...
أخذها تركي ولمها بحزن ياربي هدي بالها...
تركي بهدوء: شذى...أبوك ألحين يطلب الرحمه...يطلب المغفره... و الحمد لله أبوك الكل يشهد له بالأخلاق والدين...يعني الحمدلله هذا شي يطيب النفس...
أستمعت شذىلكلمات تركي وهي تصيح مو إعتراض للقدر بقدر ماهو حزن وتبيه يطلع من قلبها...
أما تركي خلاها تطلع اللي بنفسها لعل وعسى تهدأ...

.....((تابع الجزء الثالث عشر)).....

كلمت بشاير شذى وهي ميته صياح...بس تحاول تتماسك...مسكينه هالشذى من وين ماتجي المشاكل عليها...
بشاير:عظم الله أجرك يا شذى...
شذى تتحاول تتماسك:واجرك يا بشاير...
بشاير:البقاء لله...
شذى:وانتي صادقه البقاء لله...
بشاير:تصبري يا شذى...إنما الصبر عند المصيبه الأولى...
شذى:مالي دوى يا بشاير غير الصبر...
بشاير:إحتسبي الاجر يا شذى..
شذى:إنالله وإنا إليه راجعون...الله يرحمه..
بشاير:الله يرحمه ويسكنه فسيح جناته...هو ألحين عند الكريم الحافظ... والأرواح بالدنيا مجرد أمانات...مصيرها ترجع لأصحابها...
شذى:وأنتي صادقه...بس أنا فقدت أعز إنسان لي يمشي على هالأرض...
بشاير كانت تبي تصيح بس تتماسك:اللقاء إنشالله بجنة الخلد يا شذى...
شذى:آمين...إنتي شخبارك؟؟...
بشاير:الحمدلله..اهم شي إنتي والبيبي؟؟؟...
شذى وهي تتنهد:إحنا بخير...بس أبوي فقدته خلاص ما عاد راح أشوفه أبد مهما أعيش..مهما أروح...مهما أسوي...
هنا بشاير ماقدرت كمل وقعدت تصيح وقطت الجوال على ام بندر اللي كانت جالس جنبها...اخذت ام أبندر الجوال...
أم بندر:أحسن الله عزاك يا بنتي...
شذى:هلا خالتي...أحسن الله عزاك و مشكورين على الإصال...
أم بندر:ما يكفي الإتصال يا بنتي....بجي انا وابو بندر الشرقيه...اليوم رحلتنا...
شذى:والله ماله داعي الكلفه...إتصالكم يكفي...
أم بندر:لا يا شذى يا بنتي...ابو محمد غالي وعزيز علينا كلنا الله يرحمه ويسكنه فسيح جناته...
شذى:الله يرحمه...

***

أول ما دخلوا أبو بندر و أم بندر لبيت أبو محمد كان البيت مليان معزيين مع إنه اليوم الخامس...
دخل أبو بندر مجلس الرجال وشاف ولده تركي واقف مع عيال أبو محمد راح سلم عليهم وعزاهم..وسلم على تركي وراح جلس بعدها بفترة بسيطه جاه ولده تركي وقعد جنبه...
تركي بهمس:هلا يبه..ليه ماقلت لي إنك بتجي عشان أجيبك من المطار..
أبوبندر:وأنت ليه ماقلت لي عن تعب أبومحمد الله يرحمه قبل لا تسافر..
سكت تركي...وبعدها إنشغلوا الثنين بالمعزين...
*
*
كانت شذى قاعده وجنبها أم بندر ومن الجهه الثانيه قاعده ريم صديقة شذى اللي من عرفت بالسالفه وهي متخلي شذى يوم واقفه معها طول العزا...
شذى:والله ماله داعي يا خالتي تعبتي نفسك بالجيه...
أم بندر:خلاص يا شذى وش هالكلام...كلنا عايله وحده بالحزن والفرح...
شذى بسخريه:هو باقي فيه فرح؟؟؟...
أم بندر بعتب لطيف:وش هالكلام يا شذى...نهاية الدنيا ما توقف هنا... باقي العمر قدامك...
شذى تحاول تغير الموضوع اللي يثير شجونها:وش اخبار بشاير...
أم بندر:بخير بغت تجي...بس مالقينا لها حجز...
شذى:لا بالعكس مكالمتها لي تكفيني...
أم بندر:هي بغت تكلمك والله من البدايه..بس تعرفينها تخاف تزيد المواجع..
شذى بإبتسامه والدموع بعيونها:بشاير...يا حلاة بشاير والله بالفرح والحزن...
*
*
بعدها بساعتين...قام أبو بندر لأن رحلته للرياض بعد ساعه قام وإستئذن من الرجال الموجودين وطلع ونادى محمد...
محمد:هلا عمي...
أبوبندر:حبيت اوصيك وأنا أبوك على اهلك...
محمد:لا توصي حريص ياعمي...
أبوبندر:انت ألحين بمكانة أبوك...إنت كبيرهم ألحين...
محمد:.....
أبوبندر:هالله هالله فيهم..أمك بحاجتك..وأخوانك..صير القوي فيهم والحنون عليهم...
محمد:الله يقدرني يا عمي..ولاهنت على هالجيه كلفت على عمرك....
أبوبندر:أبوك عزيز وغالي..وإحنا عايله وحده وبينا نسب...
محمد:وأنت صادق..
أبوبندر:أجل يالله أنا أستئذن في آمان الله...
محمد:مع السلامه..والله يحفظك...
*
*
عند الحريم...
كانت عبير اخت أم بندر توها جايه قبل ساعه....
عبير:وين رايحه؟؟؟...
أم بندر:وين بعد..راجعين الرياض...
عبير:باتوا الليله هنا...وبعدها بكره إرجعوا مع السلامه...
أم بندر:لا يا وخيتي...أبوبنجر عنده أشغاله بالرياض مايقدر يخليها...
عبير:طيب ليش ما قلتي إنك بتجين..ولا عاجبتك إنه إحنا تقابلنا صدفه هنا..
أم بندر:حنا بواجب عزا يا عبير...وجينا إحنا بسرعه حتى ولدي متعب مادرى بجيتنا...
سكتت عبير وقالت:يالله أجل مع السلامه...
أم بندر:مع السلامه...
بعدها راحت ام بندر تسلم على أم محمد اللي كانت صابره وراضيه بقضاء الله وقدره...
أم بندر:مع السلامه يا أم محمد...
أم محمد:مع السلامه...وماقصرتوا والله على هالجيه...
أم بندر:إحنا مع بعض بالحزن والفرح...
أم محمد:وأنتي صادقه حنا عايله وحده..
أم بندر:وإنشالله هذي آخر غمامه سوداء تطل عليكم...
أم محمد:إنشالله...وسامحينا إن ظهر منا قصور..مثل ماتشوفين زحمة الناس...
ام بندر تشد يدها على يد أم محمد: عز الله إنكم قايمين بواجكم كامل.. وأبو محمد مات وخلف وراه عايله...الكل يتمنى يناسبهم يا بعدي...
أم محمد بإبتسامة حزن:أنا أشهد يا أم بندر إنك أخلاق..
بعدها ودعتها وهي طالعه لحقتها شذى تودعها بإشاره من أمها...
شذى:مع السلامه يا خالتي...
ام بندر:مع السلامه...
شذى:بلغي سلامي للكل...
أم بندر:يوصل...هالله هالله في نفسك وبولدك...
أومأت شذى راسها بالإيجاب...وبعدها طلعت...

.....((تابع الجزء الثالث عشر)).....

بعدها بالسياره رجعهم تركي للمطار...
أم بندر:الله يصبرهم إنشالله...
أبو بندر:مشالله عليهم صابرين...
أم بندر:إي والله..خاصه أم محمد قلت بخاطري وانا داخله كيف حالها.. طلعت صابره و محتسبه..
أبو بندر:حتى خالد ومحمد مشالله متماسكين..سعود صابر بس بين الحزن عليه مره...صاير ذبلان و مسمر...
أم بندر:ما ينلام يا عبدالله أبوه مات...
تركي:الله يعينهم على ما إبتلاهم...إلا شخبار شذي يمه؟؟؟...
أم بندر:طيبه بس حزينه...ليه إنت ما شفتها اليوم؟؟؟..
تركي:لأ...لي يومين ما شفتها...
أبوبندر بإعتراض:ليه يا تركي...هي ألحين بحاجتك جنبها...
تركي:والله يا يباه إني واقف معهم من بداية العزا وللحين...
أبوبندر:صادق ما قصرت يا ولدي...بس هي اولى من الكل إنك توقف معها...
تركي:وأنت صادق..
أم بندر:لا تخليها يا ولدي...كفايه اللي هي فيه.. ابوها ميت... وتوك مشالله (بسخريه) معرس عليها...
سكت تركي وإكتفي بإنه يناظر بأبوه..وأبوه ناظر فيه...
شذى باليومين ماصارت تشوف تركي..رافضه مقابلته...


***

اليوم اللي بعده دقت بشاير على سعود تعزيه لأنها بس أرسلته مسج تعزيه فيه...حست عن الوقت مناسب....
سعود:هلا والله براعية هالصوت...
قالها سعود وهو يسمع بشاير...بس في طيات صوته الحزن...
بشاير:عظم الله أجرك يا سعود...
سعود:وأجرك يا الغاليه...
بشاير:سامحني على القصور وإني مادقيت عليك من البدايه بس...
قاطعها سعود:بشاير حبيبتي إنتي ماتقصرين...وادري لو بيدك شي سوتيه..
بشاير:سعود..
سعود:سمي...
بشاير:سعود..إذا من جد تحبني...حاول إنك ترجع من جديد..الأعمار بيد الله...
سعود:والنعم بالله...مع إني بفقد أبوي فقدت أشياء واجد..بس الحياه ماتوقف هنا...
بشاير:هذا إنت قلتها...لا الحزن ولا الدموع ترجع الميت...
سعود:صدقتي...


***
حان وقت العودة للرياض...
تركي:وش تقولين يا شذى؟؟؟...
شذى وهي معقده حواجبها:أتوقع إنك سمعتني...أقولك إني خلاص ماعاد لي رجعه للرياض...
تركي:لنا ألحين أسبوع...يعني تبين تقعدين هنا فترة أطول؟؟؟...
شذى وهي متكتفه:لأ طبعا لأني بأستقر هنا على طول..
تركي بهدوء:ماراح ترجعين معي للرياض؟؟؟...
شذى تتكلم بتلقائيه:مستحيل أرجع معك يا تركي... مستحيل أرجع لهذيك الحياه ... إعذرني أقولك خلاص طابت نفسي من الحياه معك..انا ما صدقت أرجع لأهلي..اهلي ألحين هم بحاجه لي وأنا بحاجه لهم... تركي خلاص انا هنا حياتي بكملها...
تركي بإستغراب:وش هالكلام يا شذى؟؟؟...مالي قيمه عندك.. مافيه حب بينا..بهالسهوله تنسين الأيام الحلوة اللي بينا...
شذى:عشره شهور عشتها معك...ما أنكر عن فيه أيام حلوة... انا من جد حبيتك يا تركي... بس إنت السبب..إنت رجعت لسلمى..وخليتني بحالي.. أنا قد قلت إنك بترجع لها بس إنت هاوشتني لمن قلت هالكلام.. خلاص يا تركي خلني وإرجع لسلمى... مو هي حبيبتك.. يعني وش تبي فيني لمن أرجع معك... ما أرجع معك لو تكون نهاية عمري...
تركي:هالله عليك يا شذى تقولين عني كذا... والله وهذا أنا احلف لك بالله العزيز إنه مافي القلب غيرك... شذى وش تبين دليل أكثر من كذا...
شذى:إنك تتركني وتنساني...
تركي:مستحيل أنساك...
شذى وهي تتحاول تتلجد:إنت لو جد تحبني يا تركي... ماكان عاملتني مثل ما كنت تعاملني... ياليتك يا تركي تفهمني إنت إشكثر جرحتني...
تركي:شذى...
شذى وهي قايمه وطالعه من المجلس:خلاص يا تركي مستحيل أرجع...
راحت وهي تصيح...أما تركي قعد حس إنه خلاص شذى بتروح منه وهو مايبي والله ماعرف الحب بحق إلا معها...بعدها بفتره جات أم محمد لتركي...
تركي:الحين وش الحل يا خالتي؟؟؟..
أم محمد:تركي إذا من جد لي خاطر عندك أبي منك طلب...
تركي:إنتي تآمرين يا خالتي..بس إطلبي...
أم محمد بهدوء:ما يامر عليك عدو يا تركي...بس اطلبك إنك تخلي شذى هالشهر عندي...تعرف نفستها تعبانه...
تركي:بس هي تقول ماتبي ترجع...
أم محمد:من حقها يا تركي... ولا إنت لمن ملكت على بنت عمك ومنعتها من إنها تجينا إحنا أهلها...انا أبي أعرف وش شفت منها عشان تملك عليها..
تركي:وش اقولك يا خالتي النصيب...بس هي مالها رجعه...
أم محمد:لأ يا تركي...هالشهر بتقعد معي...

.....((تابع الجزء الثالث عشر)).....


أم بندر:ليه يا فاطمه ما كلمتيها؟؟؟...
فاطمه تبيلها تصريفه: ما جاني وقت يا يمه...
أم بندر: حرام عليك يا فاطمه...وشوله تسوين فيها كذا؟؟؟...
فاطمه بإستغراب:وش سويت لها؟؟؟..
ام بندر:إنتي ليه تكرهينها؟؟؟...
فاطمه:والله كرهتها كذا لله في الله...ولا الحب غصب بعد..
ام بندر:لأ الحب مهوب غصب...بس الإحترام غصب..والله عيب أكلمك وأنتي كبري...
عصبت فاطمه من كلام امها:وش هالكلام الله يهداك يمه...
أم بندر:إي والله وأنا صادقه..ليش ما دقيتي عليها وعزتيها ترى والله إنها مسيكينه...
فاطمه تغير السالفه:وإنتي ليش ما تكلمين سلمى ولا تزورينها ما كأنها بعد مرت ولدك...وغير هذا كله بنت عمنا ومننا وفينا وهي مهيب داخله على طمع...
أم بندر:لأني ماني راضيه على هالزواج...
فاطمه:وسلمى وش ذنبها هالمسيكينه...السبب كله من تركي مهو الرجال وراح يخطبها..
ام بندر بعد لحظة صمت:يعني تهقين إني قاطعه مع سلمى؟؟؟...
فاطمه وما صدقت إن أمها شاكه بنفسها: من دون زعل يمه قاطعه... تخيلي من الملكه ما رحتي لها ولا زرتيها...ولا حتى كلمتيها وهي القريبه ورحتي تركضين للغريبه لمن مات ابوها...
فاطمه تكمل:سلمى هذي والله انسب وحده لتركي...صدقيني هي مهوب داخله على طمع...هي اصلا عندها اللي مكفيها..وبعدين هي بتاخذه عن حب ولا نسيتي كيف كانوا يحبون بعض...
سكتت ام بندر وهي تحس بالتقصير من جهة سلمى وقررت زيارتها بأقرب فرصه وإنها لازم تحسن علاقتها معها لأنها مقصره على قولة فاطمه؟؟؟...

***

محمد:رجاء يا تركي قبل لا تسافر طلق اختي ماعاد تبيك...
إستغرب تركي من تغير معامل محمد معه:اتوقع يا محمد مالك دخل بهالسالفه..
محمد واللي يكره تركي من اول:لا يا تركي غلطان...أنا المسؤول عنها بعد الوالد الله يرحمه...هي ماعاد تبيك...
تركي:محمد رجاء لا تقعد تزيد النار حطب...
محمد بنظرة كبرياء:تركي..إنت ماعاد تبي اختي ومادامك ملكت على بنت عمك وش لك بشذى...
تركي:زوجتي بعد..
محمد:تركي إذا بترجع للرياض إرجع بس شذى خلاص خلها يا ولد الحلال هي ماعاد تبيك...يعني الحياه بالعافيه...
تركي عصب:محمد؟؟...خلاص وش هاللهجه..شذى زوجتي وهذي اشياء خاصه فينا..مالك أي سلطه إنك تحدد إذا اخليها أو اخذها..
محمد عصب هو بعد:لأ لي سلطه..أنا أخوها الكبير وهي قالت غنها ماتبي ترجع معك..وخلت شورها بيدي..فأنا أقولك ألحين باخلاق هي ماعاد تبيك...رجاء طلقها وروح...لا عاد نبي نشوفك ولا تشوفنا..
تركي يناظر محمد بكبرياء:محمد شوف...لو أبي آخذ شذى بآخذها وآخر همي وش بتسوي..بس إذا بخليها فهو عشانها هي...هي وبس...
محمد:وإذا قلت لك ماعاد تبيك وماتبي ترجع....
تركي:أسمعها هي بنفسها...
محمد بإبتسامة تحدي:ما طلبت شي يا تركي
محمد:قولي له يا شذى إنك ماعاد تبين الرجعه معه...
شذى:وياليت تطلقني بعد يا تركي...
كانت هذي مثل الصواعق اللي تتساقط على راس تركي...
تركي:شذى اخليك هالشهر اوكيه...بس إنك تتطلقين هذا شي ثاني...
محمد بعصبيه:هي ماعاد تبيك...وش فيك أنت...
تركي عصب وعلى صوته:محمد ياليتك تسكت أنت مخربها وهي خربانه...
شذى بعصبيه:لأ...محمد ما يسكت...وله الحق إنه يتكلم بأي شي يخصني..
تركي معصب:شذى...وش ذا؟؟؟...من متى دخلنا أحد في مشاكلنا..
شذى:لأن هذا قرار نهائي...
هنا دخل خالد ومعه سعود كانوا في زياره لقبر أبوهم..
خالد وهو داخل المجلس لمن سمع الصراخ:خير وش السالفه؟؟؟...
سعود راح لشذى اللي شافها متوترة ومسكها مع كتوفها:شذى وش فيك؟..
تركي:أختك يا خالد تبي تتطلق؟؟؟..
خالد يناظر بمحمد وشذى..أما سعود قعد يناظر شذى...
تكلم سعود:تركي الحياه ماهيب غصب...خلاص تسريح بإحسان...
خالد سكت ماله رد لأنه ماكان يبي الطلاق...
محمد:تركي رجاءً ماله داعي تكبر المسائل اكثر...طلق اختي خلاص..
سعود بعصبيه وهو معقد حواجبه:تركي طلقها...
شذى وهي واقفه بين أخوانها:طلقني ماعاد ابي ارجع معك...
خالد:أذكروا الله يا جماعه...
الكل:لا إله إلا الله...
خالد:الأمور ماتنوخذ بهالشكل...يبيلها قعدة وهدوء...
سعود:خالد..هي ماعاد تبيه كفايه بنت عمه عنده..واختي ماعاد لها رجعه معه..
شذى سكتت وقعدت تناظر تركي..وتركي يناظرها وبعيونها ألف معنى وسؤال..وتركي بعيونه ألف سؤال ومعنى..المعاني اللي تجمعهم حب وعشق يصهر كل حديد...
بعدها لفت شذى عيونها وطلعت من المجلس..وهي بقلبها ماتبي تتطلق بس عقلها يبي الطلاق..
سعود:تركي وبعدين...هي ماتبيك...يعني إتركها واللي يرحم والديك..
مارد عليه تركي وطلع من عنده...وهو حزين عشان شذى...بعدها اخذ طريقه بالعودة للعاصمه..بس قلبه تركي في أحضان شذى...

.....((تابع الجزء الثالث عشر)).....
هل أهديه قلبي؟؟؟...
أم أهديه روحي؟؟؟..
لا اظن تلك الهدايا تفي محبوبي...
لقد كساني أهلي اجمل الثياب...
ألبسوني أغلى الجواهر وأثمنها...
أهدوني من الحياة ما شئت...
وأسكنوني ابهى القصور...
ولكن..
لم يكن بقدر ما اعطاني محبوبي...
معه...
احسست بالنشوة...بالفرح...بالطرب..
أحسست بالحب الذي يردي بصاحبه قتيلا...
لم يملك كما املك...
أو كما يملك اهلي...
لكنه أهداني من هذي الحياة بهجتها...
من الزهور شذاها وعطرها...
ومن الطيور طيرانها ورقصها على الأغصان...
أحببته حد البكاء...
أحببته حد الجنون...
آخر امنيه سارفعها...
أن يجمعني بارئي بحبيبي...
نرقص معا...
نضحك معا...نبكي معا..
نمسك كفوفنا...
وندفن لوعاتنا..
أظل بجانبه كل اللحظات..
و حتى آخر اللحظات...

صكت بشاير دفترها بعد ما كتبت هالخاطره... وهي تحس بالفرح ناظرت عيونها بالمرآيه شافتها مورمه من البكي عشان أبو محمد وسعود... حزينه من يوم أمها وأبوها رجعوا من الشرقيه وقالوا لها عن حال سعود..سمعت صوته بين الحزن فيه..ضحكته فاقدها..تذكرت كيف كان ينفرزها ألحين طول المكالمه ساكت ساهم حزين...تحس إن الحياة و الموت عنده واحد.. ماكانت تحب تشوف حبيبها بهالحاله...كانت حالته هذي تاكل من صحتها وراحتها..شاغل بالها وعقلها وقلبها..سعود..كان صدى إسمه يملى حياتها.. وهي تناظر بالقطوة اللي جابها لها سعود كانت جالسه على السرير وتناظر ببشاير...
بشاير وهي تكلم القطوة:مايا...تتوقعين حالة سعود بتطول؟؟؟...
بعدها راحت لها وشالتها حطتها بحجرها:وش يرجعه مثل أول واسويه... وش يرد له فرحته...وش يرد له ضحكته...وش يرد له حياته والله لأسويه له ويرجع لنا سعود الأولاني...
ماكان رد مايا إلا إنها قعدت تموء بحجر بشاير...واكتفت بشاير إنها تلعب فيها وتمسح على شعرها الابيض الكثيف...

***

في بيت ابو عبدالكريم...كانت فاطمه جايه في زياره لبيت عمها...
سلمى:طيب دقيتي عليها تعزينها؟؟؟...
فاطمه:لأ...
سلمى:حرااااام أبوها ميت ولا تعزينها...المفروض تعزينها...
فاطمه مستغربه:طالع من يتكلم...
سلمى:لا والله من جد لو باقي ماتملك علي تركي كان دقيت عليها وعزيتها..
فاطمه:وش هالحنيه على شذى؟؟؟...
سلمى:مهيب حنيه قد ماهو واجب...
فاطمه:طيب وش اخبارك بعد الملكه؟؟؟..
سلمى:زينه...بس اخوك ماعاد شفناه بعد الملكه...
فاطمه:لا تخافين إن ماخليته يزورك...
سلمى:لأ وش يزورني...أنا ما أبي بالعافيه..ابي يجيني برضاه...
فاطمه بخبث:أول مره بالعافيه...بس ثاني مره صدقيني بيجي برضاه..
سلمى بإستغراب:كيف؟؟؟..
فاطمه:إنتي حببيه فيك..خاصه الحين إن زوجته مارجعت معه يعني وحداني..معناته يا الدكتورة ماعنده غيرك الميدان فاضي لك...
سلمى:بس اخاف يكلمها...
فاطمه:لأ هي تبي تتطلق قالت لي أمي...يعني فرصتك لا تضيعينها ولا تعطينه فرصه يفكر فيها خليك إنتي مصدر إهتمامه...
سلمى:كيف وهي الخايسه حامل...
فاطمه:بس إنتي قدها...وإذا هي حامل...عادي يطلقها ويدز لها نفقه هي وولدها...
سلمى بإبتسامه خوف مليئه بالمغامرة: أوكيه فاطمه...

.....((تابع الجزء الثالث عشر)).....
سعود دق على بشاير بنفسه حس إنه مشتاق لها حيل...
بشاير:هلا سعود...
سعود:هلا باحلى من قالت هلا...هلا باحلى من شافت عيني...
فرحت بشاير بسعود..حست إنه بدا يرجع مثل اول..
بشاير وهي تميل فمها بغنج:سعوووووود..
سعود:هاه..
بشاير متفاجأه:وشو هاه..
سعود:وش تبيني اقول مثلا لبيه...
بشاير:إيه...وليش بالله ماتبي تقولها لي؟؟؟...
سعود يبي يرفع ضغطها:سوري هذا حصريا لماما...
بشاير وهي تضحك:لمين...
سعود:لماما...
بشاير:هههههه حلوة ماما عليك(تبي تقهره)بس تستاهل خالتي ام محمد..
سعود يبي يقرها:يعني راضيه ب(هاه)؟؟؟...
بشاير بقلبها ارضى بأي شي بس غنت إرجع:طبعا لأ..على قولي سمي..
سعود:سم الله عدوك إنشالله..جعل عيني ما تبكيك...جعلني ما أذوق ظيمك..
بشاير كانت تسمع سعود وهي تعظ على شفتها السفلى بفرح ودلع...
سعود يكمل:بشاير من جد طول مكالماتك اللي راحت ماخليتيني بحالتي هذي..صدق ناس كثير ما خلوني..بس إنتي غير..موقفك الكبير هذا ما أنساه معي...كفايه إنك معي بقلبك ووجدانك...
بشاير بفرح:سعود..ما تصدق إني مستانسه بالحيل من ردتك مثل أول بس ممكن أعرف وش سبب هالتغيرات؟؟؟...
سعود بتفكير:إنتي..الحياه..أمي..أختي..عملي..حسيت إني لازم أرجع مثل اول واحسن لأن غيري محتاج لي مره...
بشاير:سعود صدق إن شذى تبي تتطلق من تركي؟؟؟..
سعود:لأن أخوك اللي سواه مو قليل بأختي فخلاص ماعاد لها رجعه لتركي..
بشاير بحزن:حراااام يا سعود والله ما ودي إن حالتها تنتهي كذا؟؟؟..
سعود:حتى أنا والله.. بس تركي النذل لمن خذى بنت عم...
تقاطعه بشاير:سعود انا مالي دخل..لا تقعد تعاقبني بشي أنا مالي يد فيه..
سعود يسكت بعد فتره قصيره يرد:بشاير إنتي مالك دخل أكيد..إنتي حاجه ثانيه...
اش تتوقعين بيصير لسلمى وشذا على شان اقدر اكمل <<<<<<< نذل ههههههههههه