(لبي قلبك )

اسم الكاتبة( احلي ريمي )

******************************
الجده(فوزيه) الجد(فهد)
عيالهم:
عبد العزيز أكبر عيالهم متزوج ساره ويشتغل في شركه ابوه هو مع اخوه عبد الرحمن عيالهم:
عبدالله:27 سنه موظف مع أبوه في الشركه وخاطب بنت عمه ندى ويموووت فيها من يوم وهي في المهااد<<<يعني لازم المبالغه
نوره:24 سنه متزوجه ولد عمها فهد وتوها والد(دحومي)
محمد:23 يدرس في الجامعه قسم( ادارة اعمال) هو وسلمان عمه الي ما يفترقون عن بعض (روح وحده في جسدين) هو مملوح طويل وضعيف بس ضعف حلو أسمر مايل للبياض أحلى شي فيه عيونه واسعه عسليه <<نظراته تذبح
العنود:18 اخر سنه ثانويه عامه أدبي رجه من الدرجه الاولى بنت ما عليها طولها متوسط جسمها حلو مو ضعيفه مو دبه يعني نقدر نقول دبدوبه بيضه وشعرها بني الى كتوفها (طبقات)
ريم:17 ثاني ثانوي علمي حبوبه وعسل بس دائما مناقر (هواش)ويا العنود

عبد الرحمن الولد الثاني متزوج فاطمه أخت ساره <<يعني أخو وأخو متزوجين أخت وأخت <<لغه هنديه هههههه معليه عيالهم:
فهد: عمره27زوج نوره
عبداللطيف:25سنه يدرس بره في بريطانيا باقي له 2 ويخلص
ندى:21 البنت العنيده المكابره بس قلبها طيب هي مملوحه وأحلى شي فيها بياضها الصافي الي مثل الحليب فيها غرور بس في محله صديقتها الجازي مرره معاها
الهنوف:18 سنه ثالث ثانوي مع العنود وتوأوم روحها بنت جميله هي طويله نوعا ما شعرها طويل أسود ونااااعم جسمها حلو رشيقه فيها هبال بس اركد من العنود بشوي
نايف:أول متوسط اخر العنقود ومدلع عند امه وابوه ودووم مناقر مع الهنوف

عبدالله :ولدهم الثالث زوجته خلود توفى (الله يرحمه)قبل خمس سنوات في حادث سياره وهو كان يحب امه أو بالاصح متعلق في أمه واااجد فكان ساكن جنبها جدارهم واحد وبينهم باب داخل الحوش فيطلعون ويجون بدون عبايات وغطاوي وعنده أربع بنات متعلقين في جدهم وجدتهم واااجد المهم بعد ما توفى ابوهم جدهم كان لهم الابو وما قصر عليهم بشي:
منى :22 سنه تدرس بمعهد وهي أقرب وحده لعمتها بدور على ان شخصياتهم متناقضه منى وحده رزينه وهاديه وبدور....هههه
دلال : كبر الهنوف والعنود علمي وهي 24 ساعه على اللبتوب حقها تحب تسوي تصاميم وخاصه التراثيه وهي هاديه ومنطويه وكانت اكثر وحده متعلقه بابوها وهو الشي الي خلها تتعلق بجدها وجدتها اكثر
دانه:ثاني ثانوي أدبي مع ريم دوم الدوم هي الوحيده من خواتها اللي مفرفشه وهبال حبوبه ولسانها مافي مثله ترد الكلمه بعشره وراعيه طناز بس على مزح
شهد: اخر العنقود في اول ابتدائي دبدووبه وخدودها الورديه تهبل مسويه جو في البيت ومتعلقه في جدها كثيير

منيرة:البنت الاولى لهم متزوجه خالد وعندها:
ناصر:ثاني متوسط تعرفون العيال في السن هذا مو لازم اشرح.
رزان:ثاني ابتدائي وهي وشهوده كأنهم خوات كل شي عند هاذي لازم الثانيه عندها

سلمان:23 بالجامعه واحد بايعها هبال على مستوى ما بقى بنت ما كلمها وجريئ درجه اولى بس وااحد يوسع الصدر مابينه وبين محمد الا شهور

بدور:أحلى شخصيه رجه وهبال ولسانها متبري منها بس طيبه وعلى نياتها طبعا هي وسلمان توم وجيري ما يسكتون 21 سنه في الجامعه وااااااخر العنقود

انتهت الشخصيات الاساسيه في القصه طبعا مليتو من كثرهم في شخصيات ثانيه بس بتتعرفون عليها وسط القصه..
في بيت عبد العزيز بعد ولادة نوره باسبوع كانوا مسوين التمايم وعازمين الاهل وحوسه وخبصه
في غرفه العنود
ريم تفتح الباب بقوه وتدخل :وجع سنه اناديكم يلا المعازيم بدو يجون وانتو الى الان ما خلصتوا
العنود :يوجعج ان شاء الله ما تعرفين تدقين الباب قبل
ريم :ويوجعج معاي يلا امي تبيج تنزلين الحين الحين
الهنوف : هنود نزلي خلاص أنا دقليق ونازله
العنود :اوكي يلا مو تطولين
ونزلت هي ويا ريم شوي الا يطلع محمد لان بغى ياخذ شي من غرفته خذ الي يبغاه وطفا(بند)النور وتوه بيطلع الا يشوف باب العنود الي قدام غرفته على طول بس بينهم الدرج ينفتح الهنوف وهي تدندن حطيتك في بالي واشغلت بك حالي ..ألين انا اصبحت في قلبك الغالي وتمد يدها وتطفي النور وتنزل تحت وهي وسط الدرج
العنود تناديها :الهنوف هذا الي تقول دقايق
الهنوف :هذاني نزلت يمه منج
محمد لى الان في مكانه ما تحرك هو كان خايف لا تشوفه فما تحرك ولا خطوه لين ماراح صوتها هي والعنود وتحرك وباله مشغول بالي شافه ..
العنود والهنوف ودلال مسوين فيها سنعات يدورون بالحلاو والفطاير والخرابيط والقهوه والشاي مخلين مسؤوليته على ندى ومنى وبدور
أم بدر تكلم فوزيه <<هاذي صديقتها وجارتها وحبيبتها وكل شي :والله ماشاء الله كبرو البنات ما صرت افرق بينهم
فوزيه :هو شدعوه عاد هم كل وحده شكل
ام بدر : ايوالله ماشاء الله الي قمر والي غزال كل وحده احلى من الثانيه ترى باخذ وحده منهم لودي بدر
فوزيه:انتي تنقي واختاري تراهم مثل ماهم بناتي بناتج
ام بدر تسلمين يالغاليه وانا وين القى احسن منكم نسايب
ومجلس الحريم كأنه حراج الكل يسولف من جهه <<عاد انتو اخبر لا تجمعو الحريم ما في قوه في العالم تسكتهم حتى لو كانوا في عزى اللهم ياكافي
وعلى الساعه 9ونص حطو العشا الرجال والحريم تعشو وعينو خير وعلى الساعه 11 الكل كان طالع الا الاهل
البنات في الصاله
الهنوف :حرام عليج مو لهالدرجه
العنود :مالت عليها شايفه روحهاعلى قل سنع والله بطت كبدي
الريم:وانتي شنو حارج كيفها
بدور:أي والله محتره على شي ما يسوى
العنود: وه هذا الي ناقص احتر عشانها مالت عليه
دلال وهي داخله الصاله: بسكم حش من هاذي الي ماخذه كل حسانتكم
العنود :تخسى الا هي
الهنوف تكلم دلال:نوف
دلال وهي تكشر بوجهها:ويي مالت عليها قلو البنات عشان تسولفون عنها
بدور: حتى انتي
العنود :قلت لكم هالبنت ما احد يحبها
دلال :المهم يلا ترى الحين بنطلع جدتدي تقول تجهزو
بدور:سلمان موجود
دلال:والله ما ادري بس بنرجع مع جدي
دانه :بتكفي السياره
ريم :لا ما تكفي خلاص خلو دانه عندنا توسع عليكم
دانه : الحين انا الي بضيق عليهم
دلال: صدق انج مب كفو الواحد يعزمج
الريم :أي والله (وتكش على دانه)هذا جزاي ابيج تقعدين عندنا انا ما صدقت القى عذر
دانه:عاد انا ما اعرف بالالغاز لازم تشرحون
**********
في مجلس الرجال
سلمان:محمد ..محمد ياهووووووه
محمد :هااااا شتبي
سلمان :سلامتك سنه اناديك وين سرحان
محمد:أنا وياكم من قالك اني سرحان
سلمان يطالعه بنص عين:أي أي ويانا صح
محمد:تطنز
سلمان:لا افاا انا اتطنز على محمد ..
محمد:بعد توقعت
سلمان:أقول قوووم يلا
محمد :على وين
سلمان :توه داق علي رااشد الشباب متجمعين عنده
محمد: يلا مشيننا
الجد (فهد):سلمان رايح للبيت؟
سلمان: لايبى تامر بشي
فوزيه الي كانت قاعده معاهم:وانت ما تقعد في البيت كله هايت في الشوارع
محمد عرف انهم راح يلقون محاضره من جدته فطلع على طول
سلمان:يمى الله يسلمج اقعد في البيت شسوي انتم بترجعون وتنامون
فوزيه:أي حتى انت ارجع ونام ريح بدنك
الجد(فهد): خليه الي يشوف يقول هاذي ما تطلع كله قاعده في البيت حتى انتي ما تقصرين قهوة الضحى ما تفوتج ولا يوم عند الجيران
فوزيه:قول ماشاء الله الحين بطيح طيحه ما بقوم منها
الجد: الحين انا بعطيج عين يا حافظ وعلى وشو ياليته شي سنع
الكل :يضحك
بدور الي كانت واقفه عند الباب:انتو لاهيين بالضحك وسلمانو شرد
عبد الله : والله مب هين عرف شلون يلهيكم ويهرب
بدور:افا عليك وهو اخو بدور
الكل:هههههههههههه
***************
مر الأسبوع بشكل طبيعي بس الهنوف والعنود ودلال كانو في حالة توتر عشان الأختبارات

السبت في المدرسه الساعه 6ونص أول يوم في الأختبارات
العنود :بنااات والله خايفه
الجازي : العنود والي يعافيج اللي فيني كافيني لا تزيدين خوفي
الهنوف وهي خايفه بس تبي تهديهم:يوووو بنات والله ما يسوى هالخوف كله اختبار دنيا
العنود أي والله صدقتي
أسيل تمر عليهم : السلام بنات
الكل :وعليكم السلام
أسيل : هاه عسى ذاكرتوا زين
العنود : الحمد لله الله يكون في العون
الهنوف : بنات احمدوا ربكم احنا الادبي كذا اجل العلمي مساكيين شمسويين
العنود:والله كلنا زي بعض احنا حفظ وهم فهم على الاقل هم ما يستهلكون طاقه كثير
الجازي : لاوالله اتذكر اختي العام ما نشوفها كله في الغرفه هالرياضيات بروحه مصيبه غير الكيميا والفيزيا
أسيل :وجع يوجع الدراسه وطاريها اذا تخلي الواحد كذا تصدقون اني جايه مواصله أنا الي ما اقدر على النوم ماني مصدقه نفسي
الهنوف وهي توقف:عن اذنكم
العنود :وين
الهنوف:الغختبار بعد ربع ساعه وانتو قاعدين تقانون بين الادبي والعلمي صدق خبلان
أسيل : أنا الي راعية السوالف بروح أحسن لي
دخلو القاعات ووزعت الاوراق والحمد لله كانت الأسئله مو صعبه مرره
مر الأسبعين أثقل من الصخر على البنات بس الحمد لله كل شي عدى على خيير
اليوم الي قبل الأخير من الإختبارات( الثلاثاء)
الساعه 11 ليلا
ريم تطق الباب على غرفة العنود
العنود:أدخل
ريم: السلام عليكم
العنود: هلا وعليكم السلام رجعتي
ريم :أي توني راجعه
العنود :ياحظج خلصتي عقبالي يارب
ريم :يلا هانت مابقى الا بكره
العنود:الله يعيين
ريم:خلصتي
العنود :باقي لي فصلين
ريم: اوكي اخليج الحين يلا تصبحين على خيير
العنود: وانت من اهله
العنود خذت جوالها ودقت على الهنوف :يووووووو شفيها ما ترد .....توت،توت.....لا يكون نامت
سكرت الجوال وخذت الكتاب وقامت تحفظ
الساعه 1 بعد منتصف الليل
العنود جاها النوم وقالت أقوم أسبح عشان اتنشط
محمد توه داخل البيت طلع فوق وشاف غرفه العنود نورها مفتوح قال:خلني أروح أشوفها

دق الباب ما احد رد عليه فتح الباب وما لقى أحد راح لعند سريرها وأخذ كتابها وقام يفر فيه :الله يعينج يالعنود
وتذكر يوم راح للاختبار وهو مو مذاكرالا فصلين بس الحمد لله البراشيم انقذته من الورطه وقام يضحك الا يدق جوال العنود يشوف الاسم الهنوف يتصل بك ...ابتسم ابتسامة خبث ورد
الهنوف: سنه ما بغيتي تردين
محمد وخر السماعه عن اذنه: هاذي من أولها كذا
الهنوف :الو...ألو
محمد:ايوه نعم
الهنوف وهي مرتبكه:هـ..هذا مو جوال العنود
محمد: إلا جوالها ..شدعوه ما عرفتيني أنا محمد
الهنوف انقبض قلبها :أي هلا
محمد فيه الضحكه لأن مبين عليها خايفه:هلا بج
الهنوف: ......
محمد:شفيج ساكته
الهنوف :لا ولاشي بس العنود موجوده
محمد أي بس قاعده تسبح
الهنوف :اوكي شكرا
محمد:هيييييي تعالي شفيج باكلج أنا
الهنوف:........
محمد:الووووو
الهنوف:الو
محمد: ههههه _تغيرت نبرة صوته الى الأهدأ_شخبارج
الهنوف قلبها زادت سرعته : بخير
محمد :عسى قدمتي زين في الإختبارات
الهنوف:الحمد لله
محمد:أوكي الله يعينكم
الا تدخل العنود :حموود تكلم منووو؟
محمد يشهق وهو فاتح عيونه وطار الجوال من يده على السرير
العنود ماتت من الضحك على شكله
محمد :وجع الناس يطقون الباب
العنود قاطعته :هذا الي ناقص أطق الباب وهي غرفتي
محمد:يتنحنحون
العنود حتى..بس عن خاطرك احم احم
محمد :مالت عليج بعد وشو ..خرعتيني بغى يوقف قلبي
العنود :اسم الله عليك بعدين وين ألقى محمد ثاني ...تعال مين كنت تكلم
محمد :يووووو نسييت خذ الجوال ..ألو
الهنوف وهي تضحك :ألو
محمد عرف انها سمعت كل شي :باي هاذي العنود معاج
العنود: منو؟
محمد:الهنوف
العنود: هلا والله تو الناس أدق عليج ما تردين وين كنتي
محمد يقول في قلبه:سبحان الله نفس الطبع ..وقعد فوق الكرسي
العنود:احلفي ...وين وصلتي..لااا زين ...أنا باقي لي فصل ...لاتنسيبن ترى بكره بتجين عندنا من الصباح ..بتنزلين معاي..ززمالي دخل جيبي ملابسج معاج ..عشان نروح مع بعض عند سهى ..أوكي..يلا باااي
العنود فعت عيونها الا محمد قاعد قدامها على الكرسي:انت الى الحين هنا
محمد :وييييي طرده محترمه_ وهو قايم_ خلاص بطلع
العنود تروح عند وتمسكه من يده وتجره عشان يقعد:أقول اقعد عن الدلع أنا ما صدقت أشوفك تقولي بطلع
محمد:يعني اشتقتيلي
العنود وتسوي حركه في وجهها يعني انها تفكر: يعني مو مرره
محمد وهو يبتسم :مالت عليج
العنود :ههههههه الا اشتقتلك موووت هالاختبارات لوعت كبدي
محمد: يالله هانت ما بقى الا بكره الله يعين
العنود :أي والله فكه
محمد: متى تطلعون بكره
العنود:على التسع تسع ونص تقريبا
محمد:اممممممم
العنود ليه تسأل
محمد يبتسم:بس أسأل ..يلا تامرين بشي
العنود :تو الناس
محمد:باقيلج فصل روحي ذاكريه أحسنلج أنا ما وراي شي
العنود : وانت شدراك
محمد:سمعتج وانتي تكلمين الهنوف
العنود :اييي صح انت شكو ترد على جوالي
محمد :توها تتذكر ههههههه لا بس شفت اسم الهنوف قلت خلني استهبل
العنود بطناز: ياحلوك وانت تستهبل
محمد وهو طالع :أدري باااااي
العنود : با ااي
محمد :ذاكري زين
العنود : ان شاء الله

الأربعاء
الساعه 9 في المدرسه
سهى: ها الهنوف شسويتي
الهنوف :الحمد لله الأسئله سهله ما توقعتها كذا
سهى : الأبله مراعيتنا ومسهله علينا الله يعافيها
الهنوف :أي والله
سهى : الا تعالي وين العنود
الهنوف : ما ادري _ وتلف وجهها _ هذاهي طلعت وتأشر لها
العنود تركض وهي جايه و الا بتسامه شاقه وجهها: بناااااااات باركوووووولي
الهنوف و سهى : مبرووووووووك
العنود : فكه خلصنا
الهنوف : على هالفرحه أكيد قدمتي زييين
العنود: الحمد لله الاسئله سهله ما توقعتها كذا...يلا خلينا نروح نشوف البنات
وهم يتمشون
سهى : بنات عاد لا تنسون عزيمة اليوم
العنود : لاتوصين حريص
سهى : شوف من يتكلم اخر الحاضرين
العنود : تتحدين
سهى : أتحدى
الهنوف: لا تخافين مدام انا معاها بتغلبج انسحبي احسن لج
سهى : بتجين معها
الهنوف :أي
العنود : عناد بتأخر
سهى : ما اسرع انسحبتي هههههه
العنود:ههه ثمان حكم أنا عندج
سهى : وعد
العنود: ان شاء الله وعد
سهى : ترى وعد الحر دين
العنود : وانا عند كلمتي
الهنوف : حشى انقلبنا رجال على غفله
الكل : ههههه

من جهه ثانيه محمد كان واقف بره بسيارة السواق الي أخذها منه بالموت وهو يشوف البنات الي متجمعين قدامه وصوتهم ما في أعلى منه وهو يتحمد ربه عليهم
العنود والهنوف توهم طالعين
العنود : وينه راجو غريبه مو واقف في مكانه
الهنوف : يمكن مع وقف مكانه واحد
العتود : أي زحمه اليوم بس الي جايه سيارات ثوالث
الهنوف : عنود شوفي مو كأنها ذيك سيارتكم
العنود: أي يلا مشبنا
وهم يتمشون
الهنوف : عنود من متى راجو يلبس ثياب
العنود رفعت عيونها على الي يسوق وركزت النظر تشهق : محمد
الهنوف : احلفي
العنود: والله ما تشوفين
الهنوف : برجع
العنود : كف على وجهج وشو ترجعين
الهنوف وقفت:العنود برجع
العنود : يالسخيفه انتي شدخلج فيه
الهنوف : والله فشله
العنود : من محمد مالت عليج _وتمسك يدها وتجرها
وهي قدام السياره : ألحين قلت الاماكن توقفون هنا
أسيل : العنود هاذي سيارتج
العنود : أي يلا مع السلامه وركبت السياره: السلام عليكم
محمد : وعليكم السلام
العنود:محمد شمجيبك راجو فيه شي
محمد:هههههههههه الله ياراجو من قدك العنود خايفه عليك
العنود : مالت عليه بس جد لا والله فيه شي
محمد:لا بس كان عنده شغل وجيت أخذكم
العنود :ليش ما جيت بسيارتك
محمد: خفت ما تعرفيني
العنود : شدعوه الا تعال انت شمسوي لهالبنات
محمد: ولا شي هم الي ما يستحون متجمعين قدام السياره تعرفيتهم
العنود: أصيع بنات المدرسه بغو ياكلوني بعيونهم يوم عرفو ان السياره لي ههههه تلقاهم يقولون فررررق بينها وبين أخوها
محمد :أنا أحلى طبعا
العنود: في الخيال أي بس في الواقع لا طبعا .... الا تذكرت الهنوف ...هنوف شفيج ساكته
الهنوف : سلامتج
محمد: وين تبينها تتكلم وانتي من يوم ما دخلتي وانتي قر قر قر
العنود : وجع قول ما شاء الله
محمد: مب قايل على الاقل تخف قرقتج
الهنوف : لو تموت ما تسكت العنود
محمد رفع عيونه وشافها من المرايا وابتسم : زين تكلمتي
العنود: عاد ياليته بشي زين الرسول قال *فليقل خيرا أو ليصمت*
محمد والهنوف : عليه الصلاة و السلام
وقف محمد عند باسكن
العنود: يابعد عمري تحس فيني بدون ما أنطق
محمد: شفيج ليه شصاير
العنود: شدراك اني ابي باسكن
محمد:أطيح وجهج والا لا
العنود: ويييييييييي طيح وجهي معليه
محمد: ريمو موصيتني أجيب لها كيكه
العنود : ممممممممممم ما يفوتها شي اوكي ممكن تخلي الوحده ثنتين
محمد: ممكن أي أوامر ثانيه
العنود تلف على الهنوف : بدك شي
الهنوف : لا شكرا
محمد: ما عندنا أحد يقول لا
العنود : شفتي يلا قولي وش تبين
الهنوف : والله مابي شي شكرا
محمد لف عليها ونزل النظاره على خشمه : ما يرد الكريم ...........ما راح أكمل يلا قولي وش تبين
العنود : يلا عن الدلع
الهنوف : أسكريم
العنود : أي نوع
محمد: خلي البنت تتكلم كل دقيقه والثانيه قاطعتيها يرجع يلف على الهنوف ها أي نوع
الهنوف: أي شي أهم شي يبرد على قلبي
محمد:من عيوني وانتي يالحلوه_يكلم العنود_ شي ثاني غير الكيكه
العنود: طبعا أسكريم ولا عليك أمر يا أخوي الغالي
محمد: ههه ان شاء الله يا أختي الغاليه
وأول ما نزل
الهنوف : استني أوصل البيت واذبحج
العنود : ايوه من قدج اتسكت عشانج
الهنوف : مالت عليج
العنود :أنا حتى أي نوع ما سألني
الهنوف : الدنيا كلها تدري انج تحبين التوفي
العنود:يمكن ابي اغير هالمره
الهنوف : لا أحلفي
العنود: والله كأني مشتيه قهوه
الهنوف :ياشين التقليد
العنود: والله ذقته ذيك المره منج وعجبني
الهنوف: اعتراف منج ان ذوقي أحلى من ذوقك
العنود: وأنا أشهد لو ذوقج مو حلو لم تتخذيني حبيبه وخليله لقلبك يافتاة هههههه
الهنوف :ههههه
شوي ويجي محمد
يحط الأغراض ورى جنب الهنوف
محمد يمد لها الاسكريم:جبت لج قهوه عسى تحبينه
الهنوف : أي يعطيك العافيه
سكر الباب
العنود: حركاااااات
يفتح الباب الي قدام ويعطي العنود حقها : طبعا انتي توفي
العنود وفيها الضحكه: شكرا
محمد : العفو على فكره جبت لكم كاسات عشان نقاباتكم
العنود: عادي _تلف عليه_يا سلام انت والهنوف قهوه وانا توفي
محمد: وانتي موتحبين التوفي والهنوف قالت أي شي وجبت لها على ذوقي
العنود:سبحان الله رب صدفه خير من ألف ميعاد
محمد: شجاب لجاب هالمثل شدخله بالسالفه
العنود: لان الهنوف تحب القهوه وانت جبتلها قهوه
محمد فرح رفع عيونه للهنوف : ذوقج مثلي
7
7
7
7

ساره كانت قاعده في الصاله ومعاها دحووم
شوي الا تدخل العنود والهنوف ك السلام عليكم
ساره : وعليكم السلام
العنود : دحوووومي فديتك وخذته من يد أمها
الهنوف تسلم على خالتها : هلا خالتي شخبارج
ساره : الحمد لله بخير انتي شخبارج
الهنوف : الحمد لله
ساره : يا حيا الله من جانا
الهنوف : الله يحيج تسلمين
محمد يدخل : السلام عليكم
الكل: وعليكم السلام
ساره : الله وشو هالي جايب معاك
محمد: هذا طلبات بناتج
ريم وهي نازله: يابعد عمري أخوي تسلم
محمد يحط الأغراض فوق الطاوله وراح يحب راس أمه
ساره : حبتك العافيه
محمد يلف على ريم الي كانت تسلم على الهنوف : وانا ما اسمع هالكلام الا في السنه حسنه
العنود: اذا قلناه دايم يتمل
الريم : بعدين نقوله والا ما نقوله يصير عندك نفس الشي
نوره : السلام عليكم
الكل وعليكم السلام
محمد: يلا عن اذنكم
نوره : يعني اذا حضرت الملائكه خرجت الشياطين
محمد:هههههه لا بس عشان تاخذون راحتكم ويطالع الهنوف
العنود: مشكوووووووور حمود
محمد: العفوووووو عنيده
الكل : ههههههههههه
قامت الهنوف تسلم على نوره وفتحت الغطا من على وجهها
نوره : وانا اقول شفيه بيتنا منور
الهنوف : منور بأهله
العنود: ريم قومي شيلي الكيك وحطيه في الفريزر
الريم قامت عشان تشيله
نوره : الله هالكيك كله عشان هنوف
عنود : والله تستاهل أكثر
الهنوف: تسلمين حبوبه
العنود: تحط دحوم فوق حضن أمها يلا الهنوف قومي نطلع
الهنوف : يلا
وطلعو فوق
في بيت الجد (فهد)
الجده ( فوزيه): يالله مبرووك عليج يابنتي
دلال : تو الناس على مبروك يا أمي الحنونه <<<اسم غريب بس الجده كانت تحب ينادونها أمي الحنونه
بدور : مبروك انتهاء الاختبارات وان شاء الله مبروك الثانيه حق النجاح
الجد( فهد): بنتي دلال قدها وقدود
دلال: ان شاء الله
دانه: عاد بهالمناسبه نبي حفله صغيرونه
منى : أنا بسوي الكيكه
دلال : وااااااااي مشكوره بعد عمري أختي
بدور:واناممممممممممم<<<<تفكر
دانه : ورق عنب
دلال : عليج نور عاد أنا مشتهيته
بدور : ايوه شعليج تدللي اليوم يومج المفتوح
دانه: أنا بسويلج سلطة فواكه
شهد: وانا بعد
بدور : وانتي بعد شتسوين
شهد : انا بجيب حلاو مع جدي
الجد: يابعد عمر جدج انتي تعالي وتروح له ويلمها بحضنه
خلود وهي داخله عليهم :السلام عليكم
الكل : وعليكم السلام
منى : يمى اليوم بنسوي حفله صغيرونه حق دلول وتتطلب من يدج الحلوه طبق صغيروون
خلود: دلول تامر امر شمشتهيه
دلال : مكرونه بشمل أو لزانيا
خلود: بس ما طلبتي شي يالغاليه
دلال : وانا بسوي سلطتي المعهوده
بدور: والله ماشاء الله علينا طباخات
خلود : البركه في جدتكم الي دوم تخليكم تدخلون المطبخ وتتعلمون
بدور: فدييتج يمه وتقوم وتحب راسها

في بيت سهى صديقة العنود
سهى أمها توفت بولادة أخوها الصغير سالم كانت الولاده عسره عليها ومو في وقتها كانت في الشهر الثامن الحمد لله بقدرة الله نجى الولد بس الأم توفت وعندها أخوها الكبير فيصل 23 يدرس بالجامعه واااحد أهبل وفله يونس ويوسع الصدر ....أما أبوها تزوج بعد وفاة أمهم بشهور اضطر لان ولده سالم كان صغير ويبيله من يرعاه والحمد لله كانت زوجته يسرىتعاملهم كأنهم عيالها وما قصرت معاهم بشي إخوانها من أبوها راكان وعمره 10 سنوات ولينا وعمرها 6 سنوات ...<<نبذه عن العائله هههه
سهى الي كانت قاعده في الصاله :يو يمى فيصل متى بيجي
في دخلة فيصل عليهم الي سمعها: فيصل وجاء شتبين فيه
سهى: عمرك طويل ماشاء الله
فيصل : شخبارج يمى
يسرى: الحمد لله بخير أنت شخبارك وينك ما تنشاف
فيصل :موجود بس انتم ما تدرورون علي (يلف على سهى) والغاليه شخبارها شفيها تسئل عني
سهى : الغاليه بخير وشوفة عيونك بس اذا ما عليك أمر توديها السوبر ماركت
فيصل: بس ما طلبتي نتغدى ونعين خير وبعد العصر أوديج
سهى : أي عصر لازم ألحين العصر ببدأ أجهز البنات بيجون بعد العشا
فيصل: مدام فيها بنات يلا مشينا
يسرى: هههه وانت ما عمرك بتعقل أنا بقوم أحط الغدا أبوكم اكيد ألحين بيجي
سهى: لا صدق فصول عقب الغدى توديني فديتك
فيصل: وشو تعطيني
سهى: الي تامر به
فيصل: اممممممم أفكر خليها بعدين
سهى : يعني توديني
فيصل : بعد الغداء فورا عشان يمديني ارتاح شوي قبل العصر
سهى: أوكي بقوم أنزل عبايتي من ألحين
فيصل: ما شاء الله عليج مطيعه فورا يعني فورا
من جهه ثانيه في بيت عبد العزيز
العنود: هنوف يلا قومي ننزل نتغدى
الهنوف : أحس اني شبعانه
العنود: نعم نعم والغدا ان شاء الله من بياكله
الهنوف : في ناس ثانين بياكلون ما في الا انا
العنود : في بس الغدا مسوينه عشانج يلا قومي عن الدلع تراني ميته جوع على لحم بطني من الصبح
الهنوف : يالشلخ والاسكريم الي كلتيه
العنود: هذاك ما يعتبر أكل بعدين ذكرتيني يلا عشان نحلي بالكيك
الهنوف: ما شاء الله على كثر ما تاكلين ما يبين عليج ما ادري وين يروح
العنود : قولي ما شاء الله
الهنوف : قلت لا تخافين مب معطيتج عين
العنود: تدرين قريت معلومله تقول ان الثرثره تساعد على الهضم فأنا مهما اكل بسرعه ينهضم الأكل فما يبين
الهنوف بطناز : لا ااا أحلفي
العنود: والله
الهنوف : وانتي الحين قاعده تشرحين سبب عدم متنج
العنود: طبعا هذا سبب من الأسباب و..
الهنوف قاطعتها : أقول عن الفلسفه يلا جعت
العنود: عاااااااااااش مصرف على قول عمي سلمان
ونزلو
بعد الغدا
طلعو فوق الغرفه عشان ينامون شوي في دخلتهم الا تسمع جوالها يدق وانقطع..
سهى: ياربي ماترد كله منك قلت لي فورا ونسيته
فيصل:انزين ارسلي لها انج انتي
سهى : يو صح فكره ورسلت ( العنود ردي أنا سهى)
العنود : يوووو هاذي سهى
الهنوف: انزين دقي علليها أكيد تبغاج ضروري
العنود دقت عليها : الو
سهى: هلا والله
العنود: أهلين
سهى: سوري على الازعاج
العنود: أي ازعاج الله يسلمج قاعده اسولف مع الهنوف
سهى : وييييي أجل ما في نوم
العنود: لا يمى عاد كلش ولا النوم وخااصه بعد اخر يوم في الإختبارات لازم
سهى : اوكي ما أطول عليج بس ابيج تعطيني مقادير العصير
العنود: أي عصير
سهى: وفي غيره هذاك حق الفراوله والمنجى
العنود:احم احم الناس يدقون على العنود عشان ياخذون منها طبخات
سهى :مالت كلها عصير قالت طبخات
العنود:ههههه حمدو ربكم عرفت أسوي شي
سهى: الله يستر ما يجينا شي منه
7
7
7
7

فيصل : ألحين كل هالزحمه عشان عصير صدق انكم حريم الشي الي في دقيقه يصير بعشر دقايق
سهى : أقول اسكت بس
العنود: تكلميني
سهى: لا لا يلا عطيني المقادير
العنود: منجى مثلجه مع حليب سائل واخلطيه بالخلاط
سهى: كم كيس منجى
العنود على حسب الكميه الي تبينها
سهى : اوكي
العنود: فراوله مثلجه مع فيمتو وسكر طبعا هاذي الطبقه خليه أثقل من الي قبل
سهى: أسوي ألاولى بروحها والثانيه بروحها صح؟
العنود : أي وبعدين حطي قطعة أيس كريم فوقها
سهى: اوكي مشكوووره
العنود: العفو
سهى: يلا نشوفج اليوم
العنود: انشاء الله الساعه 8 حكم
سهى: ههههه ان شاء الله
العنود: يلا مع السلامه
سهى : باي
أول ما سكرت سهى قالها فيصل: ياحليلها عالعنود شكلها رجه
سهى: أي رجه الا رجه وبقوه بس تهبل فديتهامافي أطيب منها في الدنيا
نرجع للبنات
الهنوف:اف اف ما أقدر أنا على الطباخه
العنود: شفتي واله اني موهوبه بس مااحد حاس فيني
الهنوف بطناز : أي موهوبه الحمد لله سهى تداركت الوضع واكتشفت مهارة الطبخ عندج
العنود: مالت عليج تطنزين اسم الله عليج يالطباخه
الهنوف: هههههه ترى أعرف أسوي بيض وشاهي وقهوه وكبسه ومكرونه فطاير وحلى
العنود: امحق حلى ..أجل من الي سوى الحلى ذاك اليوم وطلع مر من كثر الكاكاو الي فيه والا المكرونه الي كلها ملح
الهنوف: هذاك أول ألحين كبرنا
العنود:ايه كبرنا مرره ما كأنها قبل شهرين أو ثلاثه
الهنوف : ماشاء الله عليج مانسيتي
العنود: شلون أنسى بغيتي تذبحينا بأكلج
الهنوف : على الأقل أحسن منج أدخل المطبخ وأجرب
العنود: لا يمى أنا ما أقص على روحي ما أعرف يعني ماأعرف ما أحب أتفلسف زي بعض الناس
الهنوف: انزين خلينا ننام الساعه 2
العنود: عااااش مصررررررف هههههههه
الهنوف ظربتها بالمخده على وجهها وقامو يضحكون بعدين انسدحو وناموا....<<<
الساعه 5 العصر
ريم : يلا يمى أنا طالعه تامرين بشي
ساره: لا سلامتج سلمي على خالتج خلود وجدتج والكل
ريم : ان شاء الله
ساره : الا تعالي الهنوف والعنود قعدو من النوم ؟
ريم: ما ادري عنهم ..يالله مع السلامه
طلعت ساره تصحي الهنوف والعنود من النوم
ساره: العنود العنود
العنود :هااااااااااااااااه
ساره: يلا قومي ...الهنوف الهنوف أنتم ماينفع معاكم إلا....( وتفتح الستاره)
العنود: يمممىىىىىىىىىىىىىىى
ساره: قومي ألحين صليتي العصر الساعه خمس يلا قوموا
الهنوف نقزت من مكانها : الساعه خمس ما بقى شي على المغرب (وراحت الحمام تتوضأ)
العنود: يمى ترجع الهنوف وأروح
ساره : يلا لا تنسين يبيلج وقت عشان تتجهزين لعزيمتج
العنود : ان شاء الله
طلعت أمها من هنا وغمضت عيونها من هنا بس وين تنام والهنوف موجوده
وصلت ريم بيت عمها عبد الله فتحت الشاغله لها الباب
ريم: وين دانه
ماريا : كلو روه بيت ماما فوزيه
ريم: كلهم؟
ماريا: ايوه كلو
ريم :طيب أوكي
فصخت عبايتها وعدلت شعرها وراحت بيت جدها دخلت من باب المطبخ سألت ميري قالت لها كلهم في الصاله راحت الصاله وشافتهم كلهم متجمعين
ريم: بووووووووو
الكل تخرع
دانه :ياحماره ولاتقولين انج بتجين
الجده: زوغتي قلوبنا صج ما تستحين
بدور: الناس يسلمون ما يقولون بووووو
خلود: مسكينه خلوها تاخذ نفس أول
ريم : شفتي خالتي كلوني وانا ما قلت الا حرفين باء و واو
شهد:وهاء انتي قلتي بوه ه ه
ريم: هههههههههه فديتج تعالي سلمي علي جاتها ولمتها وباستها
دلال : حياج تفضلي
ريم وهي تحب راس جدتها: الله الله شو هالحركات
منى : هاذي حفله صغيرونه عشان دلال خلصت الاختبارات
بدور: ليش ما جبتي العنود معاج
ريم : والله قالت لي دلال بس بتطلع هي والهنوف عند صديقتهم
دانه تكلم دلال : انتي مكلمتها
ريم : الي فديتها أحسن منج تبلعين وناسيتني
دانه: والله جت على السريع بعدين توقعتج معزومه كالعاده
ريم: اسفط العزيمه
بدور: أقول عن القرقه تعالي اقعدي
الساعه 7وربع
سهى كانت برى في الملحق تحط الاغراض وترتبهم وأهلها كلهم طلعو عشان يخلون سهى وصديقاتها ياخذون راحتهم على انهم قاعدين في الملحق بس اصلا اربعاء وطالعين يتمشون
في بيت عبد العزيز:
العنود: هنوف خليج جاهزه بد نص ساعه بنطلع
الهنوف :جاهزه وقاضيه ما بقى الا أحط مكياج
العنود: واااااو ماشاء الله مررره حلو
الهنوف: صدق
العنود : أي والله يهبل
الهنوف كانت لابسه تنوره رصاصي كاروهات وردي قصيره مع بلوزه ورديه وأطرافها نقش ناعم فيه زري (ترتر)
وكانت ماسكه نص شعرها الي تحت مخليته طايح والي مرفوع ملفلفته ومنزله خصلتين على عيونها وصندل وردي ناعم مو عالي مرره وسط طبعا مع اكسسوارات ناعمه <<عاد يالبنات تعرفون هالحركات
المكياج الي حطته ناعم يعني مو مكياج مررره كح لرصاصي وظل وردي فاتح وبلشرو ردي وطبعا lipstick وردي فاتح <<<على فكره أنا اعشق الوردي
أما العنود كانت لابسه تنوره قصيره قصتها فرنسي من النوع الي يكون قطع مختلفه ألوان كثيره وكل وحده شكل وفيها زري مع بلوزه حمره جبنيز والأبه الصينيه وصندل الي يكون مسكر من قدام ومفتوح من ورى (شب شب) ولونه أسود لان أرضيه التنوره سوده وفوقها القطع مع شدو أسود بس حلو مو دفش وملمع للشفايف لأن حاطه ظل غامق وشعرها رافعته ومنزله خصل وحاطه مشابيك ألوان فيها لمعه <<أدري تعبتو من الوصف ههه بس أنا أحب أدقق ان شاء الله يكون ذوقي حلو ههههه
الهنوف كانت ناعمه والعنود كشخه بس ثنتينهم حلوات
العنود دقت سونا <<الشغاله باإنتركوم وقالت لها تجهز الحلا الي بتاخذه معاها <<قالت لكم طباخه بس ما تحسون فيها
العنود بدق على سهى بشوف اذا تبي شي قبل مانطلع
الهنوف : يلا دقي ما باقي الا عشر دقايق ونطلع
العنود خذت جوالها ودقت عليها : يوووو شفيها ما ترد
الهنوف : دقي على البيت
العنود: اوكي ........ هم ما ترد
الهنوف : غريبه وينها
العنود: بدق مرره ثانيه على جوالها ...توت توت توت توت يوووووووووووو ماترد تدرين بدق على الرقم الي دقت منه اليوم أكيد عندها
الهنوف : ياخوفي حق السواق
العنود وهي حاطه السماعه على اذنها :عاادي قولي ياخوفي حق أخوها والا أمها
فيصل: نعم
العنود: نعم الله عليك أخوي ممكن أكلم سهى
فيصل في قلبه أكيد هاذي العنود من صوتها مبين عليها مرجوجه مبحوح بس حلووو ههههه
العنود: الو الو
فيصل : ايوه الو
العنود : ممكن أكلم سهى
فيصل : من معي بالأول
العنود:أنا صديقتها هي داقه علي اليوم من هذا الرقم
فيصل : أنت العنود ؟
العنود في قلبها وجع شدراه: ايه
فيصل: والله يا أختي ما أدري شقولج
العنود: سهى فيها شي ؟؟
فيصل : الصراااحه إي سهى .....
العنود وهي خايفه : شفيييها سهى ؟؟


ياترى سهى شنو فيها ؟؟
صاير لها شي ؟؟
وشو راح تكون ردة العنود لما تعرف بالي فيها ؟؟
وشو راح تسوي الهنوف؟؟
بيرحون العزيمه وإلا لأ؟؟؟

فيصل: والله يا أختي ما أدري شقولج
العنود: سهى فيها شي ؟؟
فيصل : الصراااحه إي سهى .....
العنود وهي خايفه : شفيييها سهى ؟؟
فيصل الي كاتم الضحكه :والله هي في المستشفى
العنود: ليه عسى ما شر ؟؟
فيصل: اليوم وهي طالعه من السوبر ماركت صدمتها سياره وعلى طول انقلوها للمستشفى و....
العنود انصدمت اشهقت شهقه قويه الهنوف خافت وصرخت : شفيج ؟؟
العنود ودمعه على خدهاوصوتها متغير: وش صااااار؟؟
فيصل : ادعيلها بالرحمه
العنود وهي تشهق وتصيح : لاااااااااااا مستحيييييل هي توها مكلمتني أنت تمزح صح ؟ ...وتصيييييييييح
الهنوف خافت من شافت الهنوف كذا خذت التلفون وشافت الخط انقطع : العنود شفيج شصار لسهى ودموعها على خدها تنزل
العنود وهي مو قادره تتكلم من كثر الصياح :سهى ..وتشهق.. ماااااا...وتشهق.....تت ...مااااتت وتصيح
الهنوف ماهي مصدقه دموعها قامت تنزل ومو عارفه شتسوي
من جهه ثانيه فيصل تحسف انه قالها: ياربي أنا شسويت ما توقعتها بتسوي كذا ياحليلج يا سهى أثرج غاليه على صديقاتج وبعدين هاذي العنود على طول صاحت وخذ الجوال ودق على رقم العنود
العنود وهي تصيح وتكلم الهنوف :توها كانت تكلمني وتضحك معاي شللون تموت شلون كانت مستانسه مخلصه اختبارات ..وتشهق.
الهنوف الي كانت اهدأ من العنود كانت دموعها تسيل وهي ساكته بدون أي انفعالات
العنود على هبالها ورجتها بس في المواقف الي كذا ما تستحمل وخاصه مع صديقاتها لأنها دائما مواقف وياهم وهبال والصراحه ماتنلام وسهى كانت معاها من المتوسط وهي صديقتها مررره
دق جوال العنود الهنوف خذت الجوال لان العنود كانت حاطه راسها على السرير وتصيح
الهنوف وصوتها مبحوح: هنود شوفي مو كأنه هذا نفس الرقم
العنود لفت وجهها الي كان مليان دمع والشدو الي على عيونها نازل : أي هذا
الهنوف : ردي أكيد شي ضروري
العنود تمسح دموعها وتاخذ الجوال من الهنوف رفعت وهي تشهق وصوتها مررره متغييير: ألو
فيصل ياويلي أنا شسويت البنت شكلها ماتت عز الله رحت فيها : الو السلام عليكم
العنود: وعليكم السلام
فيصل :لو سمحتي بقولج شي بس لا تعصبين ولا تصارخين
العنود الي انصمت من الي قاله : خير
فيصل : كنت أمزح معاج
العنود: وش تقصد؟؟
فيصل : يعني سهى لا ماتت ولا شي حية ترزق والحمد لله وأنا بس كنت أمزح معاج
العنود الي كانت معصبه وواصله حدها بصراخ: مين حضرتك عشان تمزح معاي شنو شايفني لعبه تقولي ماتت بعدين ترجع تقولي لأ ما ماتت أنت ما تستحي الشرهه مو عليك علي أنا البقره الي صدقتك .
فيصل: أو مره أشوف بقره تعترف وتقول أنا بقره
العنود وصلت معها وسكرت السماعه في وجهه
العنود بصراخ : حمار
الهنوف الي كانت مو فاهمه ولا شي : هي انتي شفيج تصارخين
العنود : أنا عمري شفت ناس بس زي هذا ما شفت صج قليل الأدب ما يستحي
الهنوف : فهمني شالسالفه شقالج ؟؟
العنود: ايش قال_ وتقلد صوته_ كنت أمزح وياج
الهنوف : يعني ؟؟؟
العنود: يعني وااحد كذاب ويستهبل
الهنوف: ههههههههههههه ماااتت من الضحك
العنود : وانتي الثانيه ليش تضحكين قايله نكته أنا ؟
الهنوف : أي نكته الا مسرحيه ولا بعد أحلى مسرحيه شفتها في حياتي
العنود : لا أحلفي أنتي بس ؟
الهنوف: والله .. الصراحه انتي الغلطانه أحد قالج صدقيه
العنود: حطي نفسج مكاني أخو صديقتج يقولج ان أختي ماتت ما تصدقين هذا انتي ما سمعتيه وصحتي شلون لو انتي الي سامعه الخبر بنفسج ؟؟
الهنوف : والله انا صحت من شفت شكلج الي يشوف يقول ميت واحد من أهلها
العنود : وسهى صدقتي ومكانة أختي بعد أصيح عليها مثل ما أصيح لأهلي
الا يدق الجوال وتشوف الا رقم سهى
العنود: هاذي سهى والله لاقولها عن الي صار
الهنوف : يالخبله مو وقته
العنود : الا وقته ونص
الهنوف : حراام عليج البنت مستانسه لا تخلينها تتخانق مع أخوها على شي ما يسوى
العنود : ودموعي ما تسوى ......وترد على الجوال
سهى : حشى وينج ما بغيتي تردين
العنود : هلا والله بس كنت اتناقر مع الهنوف
سهى : أي قعدو تناقر وخل يروح الوقت ولا تجون الا اخر الناس
العنود: لا تخافين ما اخرنا الا ...وتنقز الهنوف وتحط يدها على فم العنود
سهى : شفييج؟
العنود: وجع الو لا ولا شي بس الهنوف ذبحتني
سهى : شفت لج مس كول بغيتي شي ؟
العنود: لا سلامتج بس كنت بسألج اذا تبين شي قبل لا أجي
سهى : لا مشكوره يالغاليه بس تعالي
العنود: يالله مسافة الطريق وأنا عندج
سهى : أستناج يالله مع السلامه
العنود: مع السلامه
تسكر العنود : يلا الهنوف لبسي عبايتج
الهنوف : قومي صلحي وجهج أول
العنود: وش فيه وجهي ان شاء الله قمر
الهنوف : طلي في المرايه
العنود وتطالع نفسها في المرايه : يوووووو شالهعيون الكحل كله نزل من الصياح الله لا يعطيك عافيه يا فيصلوو
الهنوف : انزين يلا بسرعه
العنود : اوكي دقايق بس
سهى أول ما سكرت من العنود كان فيصل توه داخل البيت ويضحك من الي صار له مع العنود وشاف سهى

فيصل : هلا والله بالغاليه
سهى : هلا فيك شفيك تضحك شكلك مستانس
فيصل : مستانس وبقوه
سهى :ونسنا وياك
فيصل : لا بس مسوي مقلب في واحد من الربع
سهى : أما انت ومقالبك
فيصل والله ما دريتي انها صديقتج كان قلبتي الدنيا علي الله يستر بعد هي لا يكون تقولج ؟اكيد بتقولها على الصياح الي سوته ماراح تخليني كذا بترد الصاع صاعين يووو عاد سهى كلش ولا صديقاتها
سهى : هيي وين سرحت ؟
فيصل : ما سرحت ولاشي معاج
سهى : بتطلع ؟
فيصل: أي بس داخل اخذ شور وابدل واطلع ..تامرين بشي
سهى: لا مشكور
على الساعه 8 العنود وصلت مع الهنوف ودخلو الملحق
سهى: أما هاليوم يكتب في التاريخ العنود جايه أول الناس
الهنوف : هذا انتي قلتيها يووم فقط
العنود: مالت عليكم ..هاج هذا الحلى الي كنت مشتهيته هذيك المره
سهى : أي حلا وهي تاخذ الصحن وتفتحه يوووو ياقلبي شدعوه تعبتي روحج
الهنوف : أي تعب يا حافظ الله يخلي سونا
العنود: اقول انتي سكتي يا أم الفضايح ..تبتسم لسهى عادي تعبج رااحه
سهى : ههههههههه مصره انتي الي مسويته
شوي الا تجي الجازي وأسيل ووهديل ونوره وساره ورشا و وفا <<هذا بنات الشله
والبنات يرقصون وردحه ووناسه عاد تعرفون البنات اذا تجمعوا
في بيت الجد وبالتحديد في بيت عبد الله _الله يرحمه_في غرفة دلال الي كانت قاعده على النت
دلال فتحت الماسنجر ولقت إضافه من صديقتها لطيفه (هاذي لطيفه كانت معها في المدرسه وجات لأبوها بعثه الى لندن قبل الأختبارات بأسبوعين وبعد ما وصلت لندن بأسبوع تقريبا دقت على دلا واتفقو ان اول ما تفتح لطيفه خط في بيتهم راح يتلاقون على الماسنجر وخذت ايميل دلال )المهم اول ما شافت الإضافه ltooooofh
وشافت مشتاااق لبلادي أضافتها على طوول وكانت اون لاين
القمره دلول : هلااااااااااااا
مشتاق لبلادي: أهليييييييييييييين
القمره دلول : شخبارج والله وحشتينا
مشتاق لبلادي: بخير وعافيه ما تشوفين وحش
القمره دلول : متى فتحتي لج ايميل
مشتاق لبلادي: والله من فتره
القمره دلول : يو عاد انا لي تقريبا 3 أسابيع ما فتحت النت عشان الاختبارات
مشتاق لبلادي: ها شسويتي في الإختبارات ان شاء الله زينه
القمره دلول: والله الحمد لله عاد تعرفين ثالث يبغاله شدة حيل وانتي شخبارج مع الدراسه هناك
مشتاق لبلادي : الحمد لله زينه الىالان ماشيه والله يسهل
وتمو يسولفون
نرجع للبنات الي كانو في الملحق وفاتحين باب الملحق الي قدلمه بركه والجو روووووعه
سهى راحت تشوف العشا اذا جاهز ولحقتها العنود: سهى سهى انتظري
سهى وقفت : هلا
العنود : وين بتروحين
سهى: بروح أشوف العشا
العنود : اوكي بجي معاج
سهى : يلا
العنود تفكر ياربي أقولها لا ماله داعي اخاف تكبر السالفه بس يستاهل اجل الحركه الي سواها مو كبيره بس لو تدري الهنوف اني بقولها اخاف تزعل ..
تقطع افكارها سهى : عنووود
العنود: هلا
سهى : وين سرحتي سنه اناديج وتغمز لها الي ماخ عقلج يتهنى به
العنود:ما ماخذ عقلي أحد لا تخافين
البنات في الملحق
أسيل كانت قاعده ويا هديل ويتكلمون عن محمد يوم جا للعنود اليوم ويطالعون في الهنوف
الهنوف كانت متضايقه من نظراتهم عاد هي خلقه ما تحب أسيل ما تعجبها حركاتها تحس انها وحده صايعه
شوي الا الهنوف قعدت مع نوره مقابلين هديل وأسيل
الهنوف: يوه تعبت من كثر الرقص
نوره : أما انا مو بس تعبت الا مت عاد وسوير معانا لازم نستهبل مايجوز عندها رقص زي الناس لازم هبال
أسيل: هنوف انقلبت طماطه من كثر الرقص
الهنوف في قلبها بدينا ابتسمت : مت من الحر
اسيل : طلعي بره الجو حلو
نوره : كانت بتطلع بس قلت لها تعالي قعدي معي
هديل: هنوف
الهنوف: هلا والله
هديل : الي اليوم ركبتو معاه انتي والعنود هذا محمدأخوها
نوره: وانتي شكو
هديل : سؤال ليه فيها شي ؟؟
الهنوف : لا عادي شدعوه أي اخوها
أسيل : اخوها ياحليله يهبلل يجنن
هديل : الا يطيح الطير من السما
أسيل : عاد كلش ولا النظاره الشمسيه الي كان لابسها
هديل : والا يوم يشيل الكبوس من على راسه ويطيح شعره على عيونه
نوره : حشا بل عليكم من بنات والله ما تستحون قزيتو الولد من ...الى
أسيل : حتى هو ما قصر
نوره: اكيد انتم الي متحرشين فيه وال قعدتو تقزون فيه وانتبه لكم عاد أسيل وانا اعرفج
الهنوف الي كانت واصله حدها من كلام أسيل وتنرفزت كل الي سوته انها لفت وجهها عنها
هديل حست ان الهنوف تضايقت: الهنوف شفيج ؟
الهنوف : مافيني شي بس بروح عند البنات
أسيل : يلا خل نروح كلنا ليش قاعدين هنا
الهنوف يعني الا تلحقني وجع :يلا قومو
نرجع للعنود وسهى
وسهى قاعده تشوف الأغرض حق العشا وترتبهم عشان تخلي الشغاله توديهم للملحق
العنود : أقول عندج شريط هذيك الطقاقه الي قلتي عنه ذاك اليوم
أي مو جود فوق في غرفتي ليه؟
العنود: ابي ارقص عليه
سهى : الحين عندنا الاصلي تروحين تاخذين التقليد
العنود : الطقاقه تونس اكثر وين حاطته انا بروح اجيبه
سهى : تشوفينه في غرفتي في الدرج لون الشريط ازرق مكتوب عليه (أغاني طقاقات )
العنود: مافي احد في البيت
سهى : لا تخافين الكل طالع
العنود: اوكي
سهى : والله البنات بفقعون عليج من الضحك انتي ويا هالطقاقات
العنود وهي تعلي صوتها لانها طلعت من المطبخ : مالت عليهم يلبعد عمري سوير هي الي بيعجبها
فيصل الي يوم طلع غرفته انسدح على السرير وراحت عليه نومه وقام على رنه الجوال خويه داق عليه قام بسرعه واخذ شور ولبس ويبي يستشور شعره لان كان مبلل وهومستعجل دور الاستشوار ما لقاه
فيصل: اكيد في غرفة سهى ..وطلع لغرفة سهى
دخل الغرفه وفتح النور وأخذ الاستشوار وتوه بيطلع الا يسمع صوت بنت ويركض ورى الباب
العنود: يوووو اللمبه مفتوحه وتدق الباب هل هناك احد ..أكيد ناسيه البه مفتوحه من الرجه الزايده
وتروح لعن الدرج الي فوقه المسجل وتفتح الدرج وهي تقول :
ياللي تطالع وكأنك ما تطالعني نظرتك حبيبي هاذي لاتكررها
صحيح شاطر لكن صعب تخدعني انا على الطاير افهمها واطيرها
فيصل : كان واقف زي الصنم انا عز الله ميت ميت الليله في التلفون مع هذيك والحين مع هاذي لو وصل لسهى بتحسبني متعمد يالله سترك ياربي اني عبدك ابن عبدك ابن امتك انقذني من ورطتي ياااااارب
الا يسمع سهى : العنووووووووووووود العنووووووووووووود
فيصل بقق عيونه
العنود: هلاااااااااااااااااااااااا
سهى : لقيتيه والا أطلع
فيصل : لا ياااربي ..لاإله الا أنت سبحانك إني كنت من الظالمين <<دعاء الكرب
العنود : لا خلاص لقيته <<طبعا كله بصراخ
تقوم العنود وفيصل عيونه متعلقه بفتحه الباب عشان يشوفها
خذت الشريط وهي تكمل

انا مزاجي واطيع الي يطاوعني ان كان لي خلق امررها امررها
وهي طالعه من الباب يوووو نسيت اللمبه وتلف وجهها على فتحت الباب وعينها بعين فيصل وعلى طول تلف وتسكر النور وتنزل
فيصل شافها بس هي طبعا لا لأن كان ورى الباب ومو مبين ويوم تطيح عينها بعينه كان طبيعي ومو قصدها بس فيصل هنا الي يشوف هي لا
فيصل الله العالم به في ذيك الساعه يحمد ربه على انه طلع من هالورطه والا يحمد ربه على الي شافه ؟؟؟
سهى :سنه ؟؟؟
العنود: بالموت لقيته انتي وهالدرج الي محيوس فوق تحت
سهى: هههه اوكي يلا نطلع ألحين بحط العشا تراني ميته جوع
العنود حتى أنا يلا مشينا
فيصل راح لغرفته واستشور شعره عالسريع وحط كبوس عشان مو مرتبه زين وطلع وهو طول هالفتره يفكر بالعنود ....
البنات بعد العشا بدو يطلعون الهنوف والعنود الساعه 11 طلعو وهم طالعين
سهى: اقعدو تو الناس
الهنوف : شوفي الساعه كم ؟11 أي تو الناس
العنود: امي ذبحتني اتصالات سهى ان شاء الله مره ثانيه
سهى بأسى: ان شاء الله عاد لا تقطعون
سلمت عليهم وطلعو وهم في السياره
العنود : والله استانسنا اليوم صح؟؟
الهنوف : الا استانسنا مووت
العنود: بس انهد حيلي احس اني داايخه ولا كأني نمت الظهر
الهنوف :أقول العنود قلتي لسهى الي صار
العنود: ليه تسألين
الهنوف : قبل لا تروح تحط العشا شفتج لحقتيها قلت أكيد رحتي تقولين لها بس يوم جات طبيعيه شكيت
العنود: ارتاحي ما قلت لها بس بقول لا تخافين
الهنوف تقلب عيونها وتلف وجهها على الشباك وقبللا تنزل بيتهم
العنود: يلا أشوفج بكره ان شاء الله بيت جدي
الهنوف: ان شاء الله يالله مع السلامه
العنود: مع السلامه وتسأل (إيشا)بابا جا البيت
إيشا الي هي الشغاله زوجه راجو :أي بابا جا
العنود: في نوم
إيشا: مادري
العنود: الله يستر ياخوفي يعصب عشان تأخرت
دخلت العنود شافت امها وطبعا لقت لها كم تهزيئه صغيره عشان تأخرت بس تعذرت لها ان اخر يوم الاختبارات ووناسه والبنات ما خلوها تطلع ومن هالكلام المهم دخلت غرفتها دخلت وخذت دش وطلعت وصلت الشفع والوتر <<هاذي عاده حلوه في العنود سمعت شريط حق محاضره دينيه وتأثرت منه ومن هذاك اليوم وهي تصليها >>ورمت روحها فوق السرير توها غمضت عيونها الا تسمع نغمة رساله خذت الجوال الي كان في الشنطه فتحت الرساله
محد يشق القلب من غير<تفكير>
حتى الكبيب يرتجف ثم<يحتار>
الا انت شقي الجوف من غير <تخدير>
وبنيت قصور داخل القلب و<انهار>
وجهه نظر كتبتها بصدق <تعبير>
وارسلتها للي داخل القلب له < مقدار>
الي كان راسل رقم فيصل هي انصدمت ما توقعته يرسل او يتصل بعد الي سواه
اليوم الي بعده كانو متجمعين كلهم في بيت الجد على الغدا كالعاده كل خميس وكانت الأمور طبيعيه
يوم الجمعه العصر في بيت عبد العزيز كانو قاعدين في الصاله يتقهوون
عبد العزيز: يابنات ترى يوم السبت أنا وأمكم بنروح الإمارات
ريم:واحنا يبى بنروح وياكم ؟
ساره:أبوكم عنده شغل مب رايح يتمشى
العنود: كم بتقعدون هناك؟
عبد العزيز: أسبوع تقريبا
ريم: الله شالهشغل الي يخليكم تقعدون أسبوع
العنود: وانتي كل شي لازم تعرفينه قالو شغل خلاص انتي شدخلج
ريم: أنا ما كلمتج
ساره ولا كأنها سمعت شي من الي قالوه: بتقعدون هنا والا ترحون بيت جدتكم
ريم : أنا عن ن فسي بروح شقعدني بين أربع جدران ومع مين ياحسره
العنود: حظرتج وأنا مو ماليه عينج؟
ريم وهي قايمه يتطلع فوق: أنا قلت انتي؟؟بروح أقعد مع دانه أوسع صدري عن اذنكم بروح غرفتي
العنود تكش عليها وتفس في وجهها
عبد العزيز :وانتي مب رايحه
العنود:ما ادري ؟
ساره : أختج بتروح انتي شقعدج ؟؟ بعدين الهنوف هم بتروح
العنود: ليش عمي وخالتي بعد بيروحون معاكم ؟
عبد العزيز: أي الشغل لي أنا وعمج بعدين عندنا عرس يوم الخميس
العنود: اووو عشان كذا امي وخالتي بيروحون؟؟
عبد العزيز : تقدرين تقولين كذا؟؟
ساره : بترحون اليوم في الليل والا بكره
العنود :لا شدعوه اليوم بكره ؟؟ ليه انتم متى طيارتكم ؟
ساره : بكره الساعه 7 الصباح
العنود:الله مو كأنه بدري ؟
عبد العزيز: مافي حجز الا هالوقت الي في الليل زحمه
العنود: الله يعينكم
في بيت الجد
دلال قاعده مع جدتها في الصاله يتقهوون ودانه توها داخله عليهم : السلام عليكم وحبت راس جدتها
فوزيه: وينج ما نزلتي الظهر تتغدين معانا
دانه : والله يا أمي اني كنت تعباانه ميته فيني النوم
فوزيه: وتوج تقومين
دانه : لا قمت قبل ساعه ونص تقريبا
فوزيه: والله انتم يا عيال هالزمن ما أدري شلون
دلال: مب كلنا يا أمي الحنونه أنا غير عنهم
دانه: مالت عليج ألحين انتي مب من عيال هالزمن ؟؟
فوزيه:أي من عياله بس سنعه احسن منكم طالعه على جدتها
دلال تمد لسانها لدانه
دانه تكش عليها بيدها: أقول أمي وين جدي؟
فوزيه : ما ادري أخذ شهد وطلع معاها من شوي
دلال: اذا ما كنت غلطانه كأنه رايح للبعارين
دانه : ههههه حلوه ذي للبعارين والله اني مشتهيه أروح من زمان عنها وتلف على جدتها أقول أمي شرايج لا جاو بنات عمي نقول لجدي نروح نقعد هناك كم يوم ؟
دلال : أي بنات عم ومتى بيجون
دانه : يعني كم بنات عم عندنا بنات عمي عبد العزيز والهنوف
فوزيه : وانتي متى دريتي؟
دانه :توها داقه علي ريم وقالت لي
دلال: والله وناسه لو جاو ونروح مع بعض للبر
دانه: جده واللي يعافيج قولي لجدي
فوزيه: والله ما هقيته يخالف انتو قولو له
دلال: اكيد بيستانس عاد هو ياحبه للحوش حقه والبعارين
دانه : والخرفان والأرانب والطيور والدجاج والزحمه كلها
دلال: بالمختصر المفيد حديقة حيوانات بريه
دانه : أما هالحيوانات ما ادري شلون يستحملون الحر في الصيف
دلال: جدي باني لهم مكان عن الشمس والحر بعدين الدجاج توه موديه يوم قام يزعجناكوكوكوكووووو كوكوكوووكووو
دانه: اعصابج لا تتفاعلين
الا بدور ومنى داخلين عليهم : السلام عليكم
الكل : وعليكم السلام
عاد بدور جت قامت الصجه

الساعه 9 في الليل العنود في غرفتها فاتحه دولابها وترتب شنطتها وكانت فاتحه Fm عشان تسمع الأشعار الي تجي <<<هي طايحه في الشعر هاليومين
الا جوالها يدق المتصل الهنوف
العنود: هلااااااا
الهنوف : هلا والله شخبارج؟

العنود: الحمد لله انتي شخبارج؟
الهنوف: بخييير ومستاانسه ألف
العنود: يابعد عمري كل هذا عشان بتقعدين وياي أسبوع
الهنوف: هههههههه يالله عشان ماأطيح وجهج
العنود: والله خوش مجامله
الهنوف : متى بتروحين
العنود: بكره ان شاء الله الصباح بس بالضبط ما ادري متى وانتي
العنوف: وهم طالعين بكره بقطوني أنا ونوافو عند جدي
الا تدخل الريم وبصراخ والتلفون الا سلكي بيدها والإبتسامه شاقه وجهها:العنووووووود
العنود متخرعه:الناس يطقون الباب قبل لا يدخلون وجع شفيج خرعتيني
الهنوف : هاذي شفيها تصارخ
ريم: عندي بشاره حزري؟؟
العنود : أنا قلت الحين هاذي فيها شي قالت عندي بشاره
الهنوف :أقول فتحي السبيكر
العنود : فتحته
الهنوف: الريم
الريم: قبل لا تقولين أي شي وشو تعطيني انتي وياها على هالبشاره
العنود: انزين وشو بالأول
الريم: دانه على التلفون تقووووول...
الهنوف والعنود:ايييييييييييييييي
الريم بصوت أعلى: جهزو ملابس للبر
العنود: قولي والله
الريم : والله قالت لجدي ووافق
الهنوف: وااااااااااي ونااااااااااااااسه خوش خبر عنووود بوسيها عني
العنود: يا فرحتي تعالي وتبوس ريم هاذي حق الهنوف وتبوسها مره ثانيه هاذي حقتي
الريم: الله الله شصاير بالدنيا العنود تبوسني
العنود: ههههههه تستاهلين وبوسي دانوه على هالخبر الحلو
الريم وهي طالعه وترجع تحط التلفون على اذنها : هنود تبوسج على هالخبر
الهنوف : زين انها قالت عشان ناخذ احتياطنا
العنود: ونااااسه احس الدنيا مو ماليتني من الفرحه
الهنوف : اوكي اخليج بروح اقول لندى واقهرها ومره وحده اقول لنوافو عشان يجهز اغراضه للبر
العنود: يلا سلام
وطلعت العنود وعلى طول نزلت تحت عشان تقول لامها وابوها وفي نزلتها الا محمد داخل وامها وابوها و
عبد الله في الصاله
العنود: يمىىى يمىىى
محمد :هي هي شفيج تصارخين
العنود ولا كأنها تشوفه وتدخل الصاله وهي تلهث من الركض
ساره: شفيج تصارخين
الا ريم وراها: بنروح البر
العنود: بنكشت
عبد الله : الحين هالصراخ عشان بتروحون البر
محمد: الي يشوف ما عمرهم راحو بر
عبد العزيز وهو يبتسم: بناتي ومستانسين انتم شدخلكم فيهم
العنود تروح تقعد جنب ابوها : يابعد عمري ابوي هو الي يحس فينا
ريم تلف على محمد: وانت يعني تسوي نفسك مو مستانس وامس اسمعك تقول والله مشتهي اكشت من زمان عن البر
محمد: بل بل بل عليج ما يخفى عليج شي كل شي تعرفه
ريم: قول ما شاء الله
ساره : مع مين بترحون
العنود: مع جدي وطبعا الكل معانا
عبد العزيز: ياني مشتاق للبر من زمان عنه
العنود : انزين تعالوا معانا
الريم : حاولو ترجعون بدري وتعالوا
عبدر العزيز: بنحاول احنا وحظنا يا نلحق يا ما نلحق
محمد: يمى بطني يحقرص جوعان
ساره : العشا جاهز بس دقايق اجهز الطاوله هنود وريم قوموا ساعدوني
بعد العشا قعدوا يتقهون شوي بعدين كلن طلع غرفته
النود طلعت غرفتها وهي مستانسه وتغني
العنود : بدق على الهنوف اشوفها جهزت أغراضها خذت الجوال الا تلقى 3 مس كول رقم غريب ما عرفته توها بتدق على الهنوف الا يدق جوالها نفس الرقم رفعت : نعم
المتصل زين ردت : نعم الله عليج ما بغيتي تردين؟
العنود :نعم مين حظرتك ؟
المتصل: ماعرفتيني ؟
العنود انتبهت للصوت وبعصبيه : نعم خيير؟؟
فيصل: ليش معصبه
العنود: ما يخصك شتبغى؟
فيصل: ما بغيت شي بس حبيت أسلم وأتأسف على الي صار
العنود: أسفك مش مقبول بغيت شي ثاني
فيصل: انتي ليش كذا ؟؟
العنود: لاني كذا
فيصل: هههههههههه
العنود: مافي شي يضحك مع السلامه
فيصل: دقيقه دقيقه
العنود وهي تتأفف: نعم
فيصل: ممكن نتكلم شوي
العنود: قسم بالله انك قليل الأدب ما تستحي ولك وجه بعد الي سويته انا الغلطانه الي ساكته لك صدق من قال الي ما يستحي يفعل ما يشتهي بس أنا اوريك وسكرت السماعه في وجهه
فيصل: ياربي من هالبنت بس يا أنا يا هي ورجع دق عليها وهي ما ترد ويدق ويدق ويدق وصلت حدها رفعت
العنود بصراخ: يعني والنهايه وياك تراك مصختها
الهنوف: هي هي شفيج تصارخين بعدين سنه يالله تردين
العنود: الهنوف سوري والله حسبالي هالحمار
الهنوف: منو؟
العنود: هالزفت أخو سهى لوع كبدي
الهنوف: رجع دق ياربي شهالشباب حسبالهم كل البنات وااحد وهذا بعد يدري انج صديقة أخته بس شتقولين
العنود: صبري علي والله لأقول لسهى
الهنوف: أي والله هالأشكال ما ينسكت عنهم
العنود: ما علينا منه جهزتي أغراضج
الهنوف: أي خلصت وانتي
العنود: أي بس بقالي اشياء بسيطه
الهنوف: تصدقين العنود أحس في روحة البر هاذي بتصير أشياء فله
العنود: الا احنا بنخليها تصير والله ما اخلي شي في خاطري الا واسويه ابرد حرتي بعد هالمذاكره
الهنوف : الله يعينا على مغامراتج
العنود: هههه تذكرين ذيك المره واحنا في البر يوم نطلع في الليل مسوين فيها عصابات ويشوفنا عبد الله ويقوم التهزيئ
الهنوف: ههههههههه هذا انتي وافكارج يا مبدعه زمانج
العنود: انا بنهبل من هالولد
الهنوف : أي ولد؟
العنود: هالزفت فيصلو في غيره
الهنوف : تدرين سكري الجوال
العنود هذا الي بيصير
الهنوف : اوكي يلا اشوفج بكره ان شاء الله عاد لا تتأخرين تعالوا بدري
العنود ان شاء الله يالله مع السلامه
الهنوف باي
سكرت من الهنوف وعلى طول سكرت الجوال ورتبت أغراضها ونامت .
اليوم الثاني الساعه 6 الصباح كانو متجمعين على طاولة الفطور الا ريم ومحمد
عبد العزيز: عبد الله عاد لاأوصيك على خواتك
عبد الله: لا توصي حريص روح وانت متطمن
العنود: يبى شدعوه احنا عند جدي مب عند أحد غريب
ساره : الا ريم وينها ما قامت
العنود: لا تقوم مستحيييل لا هي ولا محمد
الا ريم داخله عليهم: هذاني قمت مافي شي مستحيل
الكل : ههههههههه
قعدت ريم وفطرت
ساره :ريم والعنود لا أوصيكم عن الهبال الزايد والمناقر والخناق
ريم: شدعوه يمى افا عليج
العنود: شوف مين يتكلم
ريم مطنشه ولا كأنها تسمع
عبد العزيز: بناتي عاقلات وان شاء الله ماراح يسوون شي
العنود: يمى يبى شدعوه كأنكم أول مرره تخلونا بعدين ترانا كبار مو لهالدرجه
ساره: بناتي واعرفكم مع الوناسه تنسون عمركم
العنود: على كل حال ان شاء الله ما يصير الا كل الي يسركم
عبد العزيز : ان شاء الله يالله ساره مابقىشي وتجي سبع يالله يمدينا نوصل للمطار
ساره: يالله أنا خاصه
سلمو البنات عليهم وطلعو الأهل من هنا وعبد الله معاهم على الدوام
ريم: هنود هالوقت ما يذكرج بشي
العنود: المدرسه الله يلوع كبدها
الريم: ويا حافظ هي عندها كبد
العنود:ههههههه أي والله اقول جهزتي أغراضج
الريم : أي خلاص بس بروح أبدل
العنود:اوكي بدلي وقومي محمد معاج ونزلي أغراضج
طلعت العنود تسبح وجهزت أغراضها ودقت على الهنوف كالعاده
ريم طلعت بدلت وراحت تقوم محمد دخلت عليه الغرفه
ريم : محمد ..محمد...يوووو عاد هذا شقومه ألحين محمد قووووووم
محمد:..............
ريم فتحت الستاره : محمد قووووووم يالله
محمد: سكري الستاره وطلعي بره
ريم : ماني مسكره الستاره يالله قوم بسك نووم
محمد وهو يصارخ: ريمو والله اذا قمت عليج يا ويلج طلعي وفكيني أحسن لج
ريم عرفت انه وصل حده من صراخه القوي وطلعت وهي تتحلطم ونزلت تحت ونزلت أغراضها قعدت في الصاله تقلب في التلفزيون تستنى العنود
العنود على الساعه 8 كانت خالصه نزلت أغراضها ونزلت شافت ريم: هاه وين محمد ما قام
ريم: مب راضي يقوم تعبت وانا اقومه
العنود: أي انتي تعرفين تقومين كله صراخ في صراخ
ريم: يووو كيفه بخلي ايشا تدق على راجو
الا محمد نازل من الدرج : لا تخلين ايشا تدق ولا شي هذاني قمت
العنود: صباح الخير
محمد: هلا والله صباح النور انتي ما لقيتي الا ريم تجي تقومني كان جيتي انتي ما بياخذ منج وقت
العنود: والله نسيت انها زفته لا جات تقوم
الريم: أنا بسكت عشان ما اسوي سالفه امي قالت كبري عقلج
العنود : اسم الله عليج يالكبيره خلي عقلج لج ما ابيه
محمد الي قعد يضحك عليهم: يالله مشينا
العنود: ماتبي تفطر
محمد : لا بفطر هناك مع سلمانو
العنود: اوكي يلا
وطلعو
في بيت الجد : الي كانت الجده والهنوف ودلال قاعدين في الصاله
دخلت عليهم ريم : السلام عليكم
الكل وعليكم السلام
ريم سلمت على جدتها اول شي وحبت راسها وسلمت على البنات : اقول جده وينهي دانه
الجده: انتي بعقلج دانوه تقوم هالحزه
ريم: انا اقومها عن اذنكم
وهي رايحه الا بدخلة العنود : على طول درعمت عند دانوه ومخليه اغراضج حظرتج مين بيشيلهم
ريم: الله يخلي اخوي محمد بعد كلي
محمد: والله ماأنزلهم لج روحي انتي نزليهم
ريم: والي يعافيك حمود والي يخليك انا اختك الصغيره
محمد: يمه كلتينا نزلتهم شوفيهم عند الباب لا تخافين
العنود دخلت الصاله وسلمت على جدتها والبنات
فوزيه: كأني اسمع حس محمد

العنودوهي تطالع الهنوف : أي هو الي جايبنا
فوزيه : محمد .. محمد
محمد: لبيييييه ادخل
فوزيه : أي ادخل
الهنوف ودلال يحطون الجلال عليهم
محمد: السلام عليكم أجمعين
الكل : وعليكم السلام
فوزيه: هلا والله بوليدي وأخيرا شفناك احنا ما نشوفك الا بالعافيه
محمد حب راس جدته وجلس جنبها: سامحيني يالغاليه أدري اني مقصر بحقج خبريني بعلومج عساج بخيير
فوزيه: والله الحمد لله بخير وعافيه انت شخبارك شمسوي
الهنوف كانت تطالع محمد أول مره تشوفه بشكله الطبيعي كان لابس ثوب بيت مخطط مخصر على جسمه وحاط فوق راسه كبوس أسود العاده كله كاشخ ما شالت عيونها من عليه
دلال تنغزها: بسج قزيتي الولد قز والا نسيتي تراني وياج في نفس الجلال
الهنوف انقلب وجهها احمر وتفشلت: ههههه لا مانسيت
محمد انتبه لهم: وانتو الي قاعدين تحت الجلال منووووو؟<<<<هو دايم كذا طاق الميانه
الهنوف ودلال :..................
العنود: هنوف ودلال
محمد: شخباركم؟؟
دلال : الحمد لله بخير
محمد: هاذي وحده والثانيه شفيها ما تنطق ؟؟ شي يعورها
الهنوف ساكته وكل مالها وتحمر أكثر
محمد: وييي لايكون بلعتي لسانج
فوزيه : خلهم عنك تراهم يستحون
محمد: ما اقدر انا على الي يستحون
العنود: استح على وجهك تغازل وقدام اختك وجدتك
محمد: انا ما اغازل انا قاعد اسولف مع بنات عمي الا أقول امي وين سلماان
فوزيه : أكيد نايم بعد وينه
محمد: اوكي انا بطلع أصحيه عن اذنكم
فوزيه: فطرت؟
محمد: لا الغاليه اقوم سلمان وانزل افطر معه
فوزيه : لا تصيفون ؟
أول ما طلع محمد شالو البنات الجلال من عليهم
الهنوف : حررررررر
العنود: الله وجهج احمر
محمد وهو يصارخ : لا والله مو حر المكيف فوقج بس عاااااااااش مصرف
الهنوف الله العالم بحالها أما البقيه فقامو يضحكون عليها

محمد طلع فوق غرفة سلمان دخل عليه الغرفه باااارده وظلمه قرب عند راسه
محمد:سلماااان سلماااان ويعلي نبرة صوته سلماااااااااانووووه
سلمان قام وهو متخرع : هاه هاه وش صار
محمد فتح الستاير وهو يضحك:قوووم يلا
سلمان:محمد ؟؟ وش جايبك صاير شي
محمد: لا سلامتك ماصاير الا كل خير ؟؟بعدين الناس يقولون حياك الله مو وش جايبك ؟
سلمان رجع انسدح وغطى نفسه بالفراش
محمد يجر الفراش : اقولك قوم ترجع تنام
سلمان : حياك انسدح جنبي ادري قوموك غصب النوم فعيونك
محمد: لااااا الرجال مخرف أقوم اجيب لك كاس مياي اصبه فوقك _وقام_
سلمان : لا خلاص قمت
محمد: ههههههه يلا اشوف قم غسل وجهك ويلا
سلمان : انا بسبح رح اسبقني وانا بلحقك
محمد: ليه ان شاء الله سابق ولاحق على غفله لا يبى ما تمشي علي هالحركات يلا قوم وانا بستناك
سلمان ياخذ نفس : نقوم وامرنا لله
قام سلمان ودخل الحمام قعد محمد الا يسمع نغمة رساله يقوم ياخذ جوال سلمان ويفتح الرساله ويضحك ويقعد يحوس بالرسايل الثانيه وهو كل شوي يضحك بصوت أعلى من الي قبله
سلمان وهوفي الحمام : انت شفيك استخفيت قاعد تضحك بروحك
محمد: لا والله مااستخفيت قاعد أضحك على هالبنات ورسايلهم مساكين قاص عليهم
سلمان وهو طالع من الحمام وفوطه على راسه ينشف شعره: تدري لوعو كبدي كل يوم والثاني طالعتلي وحده رصيدي خلص والثانيه والله مشتهيه هالجوال <<يقلد صوتهم
محمد:هههههههههههه
سلمان : لا وطالعتلي وحده هاليومين تقول تعال اخطبني كثرو الخطاب وانا اردهم
محمد: هذا ما جنت يداك ههههه والله حاله الخطاب قامو يردون عشانك
سلمان : والله ناوي اتركهم الصراحه لاعت كبدي
محمد: الله يعينك عاد بنات شفكك منهم
سلمان: هذا انت قلتها بناات
محمد: لا ياعمري أصابعك مو سوى
سلمان يطالعه بنظره وهو رافع حواجبه: انزين قوم ننزل تراني ميت جوع
محمد: يلا
نزلو تحت سلم على أمه وقعد
فوزيه : يمى العنود قولي لميري تجيب الفطور
العنود: ان شاء الله
البنات أول ما سمعو حس الشباب قامو وطلعو للصاله الخارجيه (هي صالتين الداخليه تصميمها تراثي جلسه أرضيه وفيها تلفزيون وحتى التلفون القديم الي الأرقا تدور وصوته مزعج تصميمها تراثي بس حلو وراقي أما الخارجيه الي كان يفصل بينها وبين الداخليه باب خشب الي يشوفه يقول ديكور لان شكله قديم الي من فوق زي القوس بس الصاله الخارجيه عادي تصميم حديث بس متناسق مع الصاله الداخليه وفيها تلفزيون )
جاء الفطور للشباب وقعدو يسولفون مع فوزيه والبنات في الصاله الخارجيه فاتحين التلفزيون وسوالف وضحك
شوي الا تجي بدور تسلم على البنات وراحت قعدت في الصاله الداخليه <<لازم تروح تتناقر مع فيصل
والا تجي الريم ودانه وشهوده ومنى وشوي الا يجي الجد<<< يعني العائله كلها اكتملت
بدور:يبى خلاص ان شاء الله بكره بنروح البر
الجد: أي ان شاء الله بس انتو خلكم جاهزين
شهد: جدي بنروح البر بكره
الجد: أي ان شاء الله
شهد: بننام
الجد: أي بننام
شهد: هيييي وناثه
بدور: ههههههه فديت الوناثه لا طلعت من فمج
العنود: جدي خلاص ميه بالميه رايحين بكره للبر
سلمان : انتو شفيكم كلتو ابوي اليوم
العنود: ترى مثل ماهو ابوك تراه جدي
سلمان : وينج انتي تتكلمين من خلف الكواليس
العنود قامت ووقفت عند الباب : هلا والله ادري انك ماتقدر تسمع صوتي ولا تشوفني
سلمان بطناز : هههههههه
العنود: مالت تطنز بل عليكم الى الان ما خلصتو فطور
محمد: أقول سكتي بس انتي يا أم لسانين الحين يجينا مغص
سلمان :عادي أنا متعود البركه في اختي ما تقصر كل يوم طاقتني بعين وياليته على شي مسكين انا غيرانه لاني أضعف منها
بدور:أناااا بدور اغار منك انت ههههههه حللللوه النكته
سلمان :بدوووووووور منو الي أكل صندق الكتكات بأسبوع وااااحد
العنود: الله عميمه بأسبوع وأنا اقول شفيج ماتنه هاليومين وتغمز لسلمان
سلمان: حتى اسبوع ما كمل
بدور : والله ما أكلت منه الا حبه والباقي عنادا فيك وزعته على عيال الجيران
سلمان: ايوااا عاش مصرف
بدور: سلمانووو
فوزيه: بسكم خناق ماعندكم احترام لنا شطولكم شعرضكم ولسانكم شطوله الحين هالصغار شيقولون عنكم
ريم: جده عاادي انا والعنود نسوي أكثر
الجد: والله انتو ياعيال هالزمن ما ادري شلون
العنود: احنا لم نكن ولن نكن
فوزيه: وشو وشو وشو ؟؟
محمد: أمي ما عليج منها الحين تقعد تتفلسف عليج
فهد: أقول انا بطلع ارتاح شوي لاأذن الظهر قعدوني
بدور: رح ارتاح يبى وانا علي اني اجي بنفسي أقعدك لأذن
طلع فهد يرتاح شوي
البنات قعدو يسولفون اما محمد وسلمان طلعو بره البيت<<شباب يموتون لو يقعدون في البيت
اول ما اذن الظهر راحت بدور وقعدت ابوها وراح يصلي
فوزيه: يابنات قومو صلو
الكل : ان شاء الله
فوزيه: الهنوف وين اخوج ما اشوفه
الهنوف : يوم نزلت عندكم الصباح قال بروح عند عمتي منيره البيت كله بنات
منى : ياحليله والله وكبر نوافو
بدور: متوسط بعد شتبين عاد ياشين العيال في هالسن
العنود: ههههه كلنا مجربين لا تخافين
فوزيه : انزين عن السوالف والهذره الزايده قومو صلو وانتي ( تكلم العنود) قومي دقي على اخوج عبد الله قولي له يجي يتغدى عندنا
العنود : ان شاء الله
البنات قامو يصلون والساعه 1 كان الغدا جاهز البنات تغدو في غرفة الطعام الما الرجال ويا جدتهم في الصاله الداخليه كالعاده بعد الغدا راح الكل يرتاح
دلال الي كانت في غرفتها على النت تكلم لطوف صديقتها على الماسنجر
القمره دلول : لا ياعمري وأنا بنت عبدالله وجدي فهد ال......
مشتاق لبلادي صعقت صاعقه مب صاحيه :.................<<<لا يفوتكم التعبير صاعقه بس المقصود انها انصدمت
القمره دلول : ألووووووووو وينج
القمره دلول: لطووووف
مشتاق لبلادي : هلا والله
القمره دلول : وينج؟
مشتاق لبلادي : لا ولا شي تعالي شخبار العنود والهنوف بنات عمج
دلول القمور: والله الحمد لله كلهم بخير يسألون عنج
مشتاق لبلادي وصاعقه ثانيه فوق راسها : تعالي بغيت أسألج
دلول القمور: امري
مشتاق لبلادي : انتي مو قلتيلي ان عندج ولد عم يدرس في لندن
دلول القمور : أي ليش تسألين
مشتاق لبلادي : لا بس أمس كنا في السوق واخوي شاف واحد سعودي وقام يسولف معاه اسمه عبد اللطيف قلت يمكن هو
دلول القمور : ياحليله حتى ولد عمي اسمه عبد اللطيف لايكون هو
مشتاق لبلادي : يا سبحان الله رب صدفه خير من ألف ميعاد
دلول القمور: عاد يمكن مب هو
مشتاق لبلادي : يمكن بس انا كنت ناويه اقولج تعطينا رقمه عشان أخوي يتعرف عليه
دلول : ولا يهمج أشوف لج رقمه وأعطيج اياه
مشتاق لبلادي : أوكي الغاليه تامرين بشي
دلول القمور: سلامتج بتطلعين؟؟

مشتاق لبلادي : أي أشوفج الليله
دلول القمور: ان شاء الله يالله حتى انا بطلع اليوم بنات عمي متجمعين عندنا من الصبح وبكره بنروح البر فعشان كذا بروح انام عشا السهره اليوم
مشتاق لبلادي : هههههه سلمي عليهم كلهم وحبيلي راس جدتي فوزيه وقولي لها مشتاااق لها واااجد
دلول القمور : تقصدين جدتي ومشتاقه مو مشتاق ما اسرع لندن قلبت كلامج
مشتاق لبلادي: ههههههههه اوكي اشوفج الليله
دلول القمور: ان شاء الله يالله مع السلامه
مشتاق لبلادي: سلاااااااااام
وسكرت النت وراحت حطت راسها ونامت
الساعه 9 ليلا الكل كان مختبص ويجهز الأغراض والكل كان يصارخ من جهه
فوزيه: الهنوف كلمتي أخوج
الهنوف : أي قال بيجي هو ونصور بعد شوي
فوزيه: وعمتج ماراح تجي
الهنوف: ماادري عنها
فوزيه: بدور قومي كلمي أختج شوفيها متى بتجي
بدور: يمى تو الناس شوي وأكلمها
العنود قاعده تحت التلفزيون : ياهوووووووو يا عالم ماأحد جوعان
بدور: انا ليه ناويه تسوين عشا سويلي معاج
الهنوف : أي احلمي
العنود: والله مشتهيه شابوره ونواشف
منى: والله من زمان عن النواشف حقتنا
الهنوف : ههههه تذكرون اول فطورنا وعشانا نواشف
العنود: أي والله تيبست بطونا
بدور: بس وناااسه
دلال وهي داخله عليهم : السلام عليكم
الكل : وعليكم السلام
دلال : منى روحي لأمي تبيج
منى: وينهي ؟؟
دلال : في البيت
منى : انا روح برجع وابي ألقى العشا جاهز
العنود: مدام فيها عشا نادي ستات الحسن ريمو ودانو
منى: ان شاء الله
راحت منى الا تشوف ريم ودانه جايين
منى: ترى البنات يستنونكم بسوون عشا
ريم: واكيد العنود قالت ناديهم عشان يساعدونا
منى وهي تضحك: أي
ريم: اختي وانااعرفها
دانه : وانتي وين بتروحين؟
منى: امي تبيني أشوف شتبي وبجيكم
طلعت منى عند أمها الي كانت في غرفتها والبنات راحو بيت الجد دخلو عليهم الصاله
ريم ودانه : السلام عليكم
الكل: وعليكم السلام
العنود : أنا مشتهيه فول
بدور: فول اخر الليل انتي ناويه علينا
العنود: والله انا بسوي واتحداج لو ما أكلتي
بدور: لا تخافين أنا باكل باكل بس قلت اخاف بطونهم تعورهم
دانه: لا ماراح تعورنا
ريم: انزين يالله قومو
الجده وهي داخله عليهم: وين تقومون ؟
العنود: بنسوي عشا
الجده : وش بتسوون
دلال: بنسوي نواشف
بدور: يمى وين ابوي
فوزيه : الحين الساعه 9 ونص أكيد تلقينه نايم
ريم: الله ينام من ألحين
بدور: افا عليج ابوي من الي يتبعون قاعدة نامو مبكرا تصحو مبكرا ماتشوفين وجهه منور كأنه بو 30 سنه
فوزيه: أي 30 يا حافظ والله طول يومه نايم والا قاعد عند هالبعارين
دانه: حرام عليج ياأمي فوزيه اما طول يومه نايم ؟؟؟
العنود تغمز لبدور: اذا جدي ولد 30 ياعمري جدتي بنت 20
فوزيه: تطنزين علي يا بنت عبد العزيز
العنود: ينقص لساني اذا تطنزت اصلا انا من اكون عشان اتطنز عليج
دلال : عاد كلش ولا جتي بعد عمري قمر ولا حتى قمر 14
العنود تغني : أحلى من القمر هي وأحلى يمكن شويه <<وهي تطق أصبع
فوزيه: اما انتي ما ادري من وين تجيبن هالكلام الحلو
العنود: أعجبج هاه ؟؟
فوزيه : الا وين منى عنكم ؟
دلال : راحت عند امي تبيها
فوزيه: انزين يلا قوموا سوو العشا بدور دقيتي على أختج
الا يرت التلفون
بدور: اكيد هاذي منيره
الهنوف كانت جنب التلفون وترفعه : نعم
منيره: السلام عليكم
الهنوف : وعليكم السلام عمرج طويل
منيره: شتحشون فيني
الهنوف : حرام عليج توها امي فوزيه تسأل عنج
منيره: يابعد عمري هالأم عطيني اياها
الهنوف: جددددده عميمه تبيج ..
بدور: فتحي السبيكر ..اقول منيره وينج ترى بيفوتج نص عمرج
منيره: لييييه شمسوين
العنود: عميمه فووووووول
منيره: مالت عليج يابديييييييير وتعرف تظنز بعد
كلهم ضحكو لانهم يعرفون ان منيره ما تحب الفول
فوزيه : اقول سكري ذا حق الصوت وخليني أكلم بنتي
بدور : يمه هذا اسمه سبيكر
فوزيه : الي هو المهم سكريه
الهنوف وهي تضحك : ان شاء الله
البنات راحو المطبخ الي تسوي فول والي فاصوليا والي بيض والي تقص الجبن والي تسوي تونه والي تحط زيتون وجام ولبنه وزعتر وقشطه <<<بقاله على غفله كل شي كتبته
العنود: يوووووووووو بقى التمييس
الهنوف: دقو على السواق خليه يروح يجيب
بدور: قوليله يجيب تميس بالجبن والسكر وعادي وبر
ريم: حشى كل هذا بتاكلينه
العنود: لا انا وياها
دلال: بس هذا الي تبونه
بدور : على ما أظن أي
خذت دلال التلفون ودقت على السواق وقالت له
دلال : خلاص ماتبون شي ماشيات
بدور : كأني مشتهيه كبده
الكل مات عليها من الضحك
سكرت دلال : الحين في احد يبيع كبده في الليل
العنود: الدبب الي مثلي ومثلها
وقامو البنات سوالف وهبال <<<<يا حظهم ياليتني معاهم
شوي الا جات منى وهي هاديه : السلام عليكم
الكل مع بعض : وعليكم السلام ورحمة الله وبركاته
العنود: شرفتينا ونورتينا يا أبله منى
منى : وه اسم الله علي اصير ابله عشان يقوم الطناز علي
ريم: معلمة ابتدائي ما فيه طناز
بدور: الله يسلمج الحين الابتدائي يتطنزون اكثر من الثانوي والمتوسط لا تخافين
المهم خلصو العشا وحطو السفره وتوهم قاعدين الا تدخل عليهم منيره : يالخاينين بديتو قبلي
شهد نقزت من مكانها : عميمه جت هيييييييي هييييييي سلمت على عمتها وقالت :جبتي رزان
منيره: والله اني داريه هالنقزه مب لي أي حبيبتي شوفيها عند الباب
بدور: تفضلي
منيره: لا تخافين من دون ما تعزمين حبت راس امها وسلمت عليها وقعدت
العنود: واحنا مالنا رب تسلمين عليها
منيره: شف ميت يتكلم
العنود: هههههههههه بس جاملي
منيره : ولا يهمج السلام عليكم أجمعون
فوزيه: وين عيالج خليهم يجون ياكلون
منيره: لا تخافين متعشين وخالصين طلب لهم خالد من برجر كنج
العنود: الله اشتهيته من زمان عنه
فوزيه: اقول حمدي ربج الناس مب لاقين لهم لقمه ياكلونها وانتي قاعده تتشهين لي من اكل هالكفار
العنود: يا كلمه ردي مكانج
بدور : حدأصلا يذوق هالأكل ويفكر بمطعم صدق ماتستحين يا عنيده
العنود: اييييييوه شوف عاد من الي يتكلم
الهنوف : والله انتو الثنتين يبغالكم رجيم
بدور: والله افكر اني اسوي بس مب الحين تو الناس لين ألقى الرجيم الي يناسبني
العنود: لا لقيتيه قولي لي عشان ابدأ معاج
ريم: اجل لا حجت البقره على قرونها
منيره: الا وين خلود عنكم
دانه : ناديتها قالت الحين بتجي
فوزيه : يا شهد رزان تعالوا تعشو
خلود: السلام عليكم
الكل وعليكم السلام
منيره : حياج خلود (وتوسع لها ) توني أسأل عنج
خلود وهي تبوس منيره بخدها وهم قاعدين : والله توني مخلصه ترتيب الأغراض حق بكره
بدور : والله فله اول مره نسويها ونطلع كلنا
العنود: عيني بعينج بدووووووووور
بدور : لا اااا قصدي يعني بننام وبنقعد أسبوع
العنود: اييييي قولي كذا من الأول
ريم : واااااااااااااااااااااااي
دانه الي كانت قاعده جنبها : بسم الله شفيج
ريم: ولا شي بس مستانسه
فوزيه وهي فرحانه بجمعة بنات عيالها وبناتها وتشوف الفرحه في عيونهم: الله يجعلكم دووووم بفرح وسعاده ويرزقكم بالزوج الي يسعدكم وبالذريه الصالحه
الكل الا منى :امييييييييييييييييييييييييييييين
منيره :تمد صحنها لدلال : دلول حطيلي ملعقه تونه
ريم: حطي ملعقتين أنا الي مسويتها تراها حلوه
منيره : والله تعرفون تطبخون يا بنات اخوي بس ما تطلعون مهاراتكم
الهنوف : ما تطلع الا في المناسبات
العنود: تعرفين نخاف من العين اخاف يحسدونا الناس على طبخنا
بدور : الا قولي أخاف نسمم الناس بأكلنا
الكل : ههههههههههههههه
بعد العشا قعدو يتقهوون وعلى الساعه 12 كان فيصل ومحمد توهم داخلين
سلمان أول ما دخل وشاف الأغراض مصففه عند الباب : الله الله الله الي يشوف يقول هذيله بينقلون عفشهم بيت جديد
محمد: والابسافرون لمده سنه ما خذين كل شي يااانااااااس ياااااناااااااس
بدور والعنود وهم جايين يركضون على صراخ محمد
بدور : شفيك شفيك تصارخ
سلمان : شهالعفش الي ماخذينه
العنود : حق البر بكره
محمد: كل هاذا
بدور : أي شفيها
سلمان : ما بقى شي ما خذتوه شهالسياره الي بتكفي
منيره : بتكفي ان شاء الله هي سياره والا ثنتين
محمد يسلم على عمته : شخبارج
منيره : بخير انت شخبارك الله يا حميد كل مالك وتحلو زين البنات ما كلوك بعيونهم
العنود وهي تطالعه من فوق لتحت : قولي عمي سلما ن يمكن اصدق اما محمد
محمد: الي ما يغار ابوه حمار
سلمان : هنود يابعد عمري انتي عااادي وهو من وين له هالجمال والوسامه غير انه مكتسبها مني وبعدين ان كلوه البنات بياكلونه عشاني واقف جنبه

محمد: ياخوفي والله العكس يهربون من يشوفونك جنبي
بدور : المهم هاذي وصاية امي لكم شيلو الأغراض ودخلوها السياره عشان الفجر احنا بنتحرك
سلمان : تعالي عطيني كف احسن
بدور: والله الكلام كلام امي مب كلامي
العنود: عمي بساعدك لا تخاف
بدور: وانا بشرف عليكم
سلمان يطالعها من فوق لتحت : واذا ما عجبج الشغل يا المشرفه بدور
بدور : مو مهم يعجبني أهم شي الأغراض تدخل
سلمان : زين عرفتي ان الشغل مب لازم يعجبج
منيره : يلا عن المناقر وشيلو الأغراض العنود روحي جيبي مفاتيح الجمس عشان يحطون الاغراض فيها
محمد: رفع ثوبه وربطه على خصره وشال الشماغ وحطه فوق الطاوله: يلا سلمان على قول اخواننا المصريين استعنا عالشئى بالله
سلمان هم رفع ثوبه : يالله
بدور الي يشوف : بيذبحون ذبيحه
العنود: عميمه يالله نساعدهم
بدور : يالله
منيره راحت للبنات الي في الصاله وقالت لهم يقومون ينامون عشان وراهم قعده من الفجر
منيره بعد الحنه والزنه نامت عند دلال معاها بالغرفه وشهد ورزان معاهم
أما دانه وريم بغرفة دانه والشباب الصغار فرشوا لهم في غرفة سلمان ونامو الي طبعا يوم دخل الغرفه بغى يذبحهم على العفسه الي كانو مسوينها مطلعين السوني والحاله <<<عاد هي بدون شي معفووووسه
بدور في غرفتها ومنى في غرفتها والثنائي الي مستحيل يفترقون <<<ماشاء الله الهنوف والعنود في غرفة منيره ايام العزوبيه (قبل لاتتزوج وما غيروها لان منيره بين فتره وفتره تجي تنام عند اهلها والهنوف والعنود احيانا ينامون فيها اذا تجمعو بيت جدهم وبغو ينامون )
طبعا الجد والجده كانو نايمين من زماااااااااااااااااااااااااااااااااان
بدور دخلت غرفتها واسبحت وبدلت وراحت لعند منى دقت عليها الباب
منى : مين
بدور فتحت الباب ودخلت : انا
منى : هلا دخلي شفيج واقفه
بدور مافيني الا سلامتج شخبارج
منى: الحمد لله زينه شفيج
بدور: ما فيني شي انتي الي شفيج
منى: وانتي شدراج ان فيني شي
بدور وابتاسمه خفيفه على وجهها: قلبي قالي
منى: بدور ما ابي افترق عنكم ابي اتم طول عمري معاكم
بدور : ومن قالج ان احنا بنفترق الله لا يقوله ان شاء الله مايفرق بينا الا الموت وبعدين وش جاب طاري الفراق
منى: اليوم وانتو تسوون العشا مو رحت عند أمي..
بدور: ايه قالت لج شي
منى : أي ..قالت لي شي امي فوزيه قالت لها اياه
بدوروهي تبتسم: عن سالفة الخطبه
منى وهي منصدمه وبنفس الوقت مستانسه: تدرين
بدور : أي قالت لي خالتي خلود لأنها كانت متوقعه انج بتقولين لي واذا تبين رايي وافقي تراه رجال زين ابوي سأل عنه صدق انه بعيد بس مو واجد يعني بنشوفج في الاسبوع مره
منى : بس خايفه
بدور: حد يخاف من الزواج الله ما عطاج من العنود
منى :ههههههه ياحلوها هالبنت
بدور: ايه هاذي منى الي أعرفها مو مكشره انا اول مره اشوف وحده تنخطب وتزعل
منى: مب زعلانه بالعكس
بدور: ايووواااا طلعي على حقيقتج
منى : هههه يالزفته مب قصدي بس عشانه في الجبيل
بدور : من بعد الجبيل كلها ساعه بينا وبينها على كل حال انتي فكري زين ومبروك مقدما
منى وعيونها تغارق وهي تلم بدور : الله يخليج لي يارب ولا يحرمني منج
بدور : بس عاد لا تصيحيني
الهنوف دخلت تسبح والعنود قاعده تستناها عشان تدخل وراها وحاطه ديوان حامد زيد الصوتي وتسمع قصيده الأم
الا يدق جوالها وتشوف الرقم : يااااربييييييييي وطنشت ودق مره واثنين وثلاثه
العنود: يوووووووووووووه وتاخذ الجوال وترفعه : نعم؟؟
فيصل: نعم الله عليج السلام عليكم
العنود: وعليك السم الي ياكل بدنك
فيصل : استغفري حرام عليج
العنود : حرمت عليك عيشتك أستغفر عشانك والله لو تموت
فيصل : مب عشاني عشانج أخاف الدعوه ماتستجاب وترجع لج وياكل السم بدنج
العنود: وه اسم الله علي انشاء الله في عدويني
فيصل : لايكون انا منهم
العنود: الا قول اولهم
فيصل: حرام عليج انا شسويت لج
العنود: انت والنهايه معاك
فيصل: ليه هو في بدايه عشان تصير في نهايه
العنود: شوف تراك مصختها تراني صبرت عليك كثييير والله راح يكون لي تصرف ثاني يحسفك على الي قاعد تسويه قد شعر راسك
في هالوقت تدخل الهنوف : هيه انتي شفيج تصارخين من قمة راسج مأثره عليج روحة البر بكره ترانا ما بعد نروح
فيصل سمع الهنوف وهي تتكلم لان صوتها نوعا ما كان عالي : حركات والله بكره بتكشتون يلا بكشت معاكم أي بر ؟؟
العنود تأشر حق الهنوف اسكتي .. الهنوف استغربت واسكتت
العنود وهي تكلم فيصل : وانت شدخلك
فيصل : لا بس عشان نتقابل
العنود: هذا الي كان ناقصني بعد
فيصل : تدرين قبل فتره كنت انا وأخوياي بنكشت وقلت لهم أنا الي بسوق عندي مكان فلله مسوي فيها زعيم وقعدت ادور فيهم من الفجر الين غابت الشمس وبعدين رجعنا لا بر ولا شي
العنود: يعني تيتي تيتي مثل ما رحتي مثل ما جيتي
فيصل استانس يوو شكلها اندمجت : أهااا عليج نور
العنود : وهي تضحك والله الشرهه مب عليك عليهم هم الي مطاوعينك
فيصل وهو مستانس: فديت هاضحكه الي ما بغت تطلع
العنود الي انقلب وجهه احممممر يااربي انا شسويت : لو سمحت احترم نفسك مع السلامه انا مب فاضيه لك
والهنوف الي مستغربه من اسلوب العنود وشكت انه فيصل وتحاول تسمع الصوت وحاطه اذنها عند الجوال وتتوعد في العنود
فيصل: هييي تعالي وين بتكشتون أي بر
العنود: وانت شدخلك؟
فيصل: قلت لج عشان اكشت معاكم
العنود بضحه استهزاء : اتحداك
فيصل : انزين انتي قولي لي وين وبتشوفين
العنود: في النعيريه ياللله اتحداك
فيصل : عاد النعيريه شكبرها وين فيه بالضبط
العنود: انت تعال بالأول وامسك الخط واذا وصلت ذيك الساعه اقولك
فيصل: وعد مو اجي وتقصين علي وما تقولين لي
العنود: وعد
فيصل : اوكي تشوفين بكره
العنود: نشوف
فيصل : يلا تامرين على شي
العنود: لا شكرا
فيصل : انزين علىالأقل قولي سلامتك لهالدرجه قاسيه
العنود: مع السلامه وعلى طول سكرت ما عطته فرصه ير
الهنوف أول ما سكرت العنود : أنت هبله والا مجنونه والا مضروبه على راسج
العنود: هههه لا هذا ولا ذاك
الهنوف: ولا بعد تنكت
العنود: مسويلي فيها مالت عليه وعلى وجهه
الهنوف: يالزفته واذا جاء
العنود: ماراح يجي
الهنوف : واذا جاء
العنود:خل يجي ماراح يقدر يلقانا انتي من صجتج
الهنوف: والله هالعيال ما عندهم ما اقدر كل شي يسونه
العنود: يوو انتي مصدقه الحين يجي بكره يقول ما اقدر والاكنت مشغول يعني يطلع كذبه من هنا والا هناك
الهنوف: طيب ما كأنج مصختيها داقه سوالف معاه تيتي تيتي والشرهه مب عليك وضحك
العنود: خذني بالسوالف الله يقطع بليسه
الهنوف: اتني وهالسوالف الي ما تصبرين عليها بتودينا بداهيه
العنود: لا تخافين يا ماما يلا انا بروح اسبح وانتي نامي ترى ورانا قومه من الصباح
الله أكبر الله أكبر .........................لا إلاه الا الله
أذان الفجر وكالعاده بو عبد العزير قايم من اذان الفجر
بو عبد العزيز: يالله صباح خير يافتاح ياعليم افتح ابواب رزقك ورحمتك في هالصباحيه لا إلاه الا الله
دخل على سلمان ومحمد وقعدهم للصلاه وشاف نصور ونواف وهم قعدهم
فوزيه من جهه قامت توضأت وصلتوراحت تقعد البنات راحت لبدور تقعدها
العنود صحت على صوت المنبه : الهنووووف الهنووووف وتهزها
الهنوف : هاااااااااه
العنود: قومي ترى اذن يالله
الهنوف وهي تتمغط : برررررررد
العنود: الجو قام يبرد اكيد البر جوه حلو
الهنوف تاخذ نفس : واااااي ماتتصورين شقد مستانسه على هالروحه على انا كل سنه نروح بس ماادري هالسنه احس غيير
العنود: عشانها اخر سنه
الهنوف: اسم الله علينا ليه اخر سنه
العنود: يالخبله اخر سنه تروحين البر وفي مدرسه
الهنوف: ههه كلن في قلبه شقى ليله
الا تدخل فوزيه : السلام عليكم
البنات وعليكم السلام
فوزيه : صبحكم الله بالخير ها قعدتو
العنود والهنوف : الله يصبحج بالنور
الهنوف : أي قعدنا أمي
فوزيه : صليتو ؟؟
الهنوف : لا ما بعد ألحين بنقوم
فوزيه: انزين يالله قومو وطلعت
قامت العنود توضت وصلت وعقبها الهنوف العنود بع ما خلصت فتحت الدريشه وقعدت علىالسرير والهو الي يجي من الشباك يحرك شعرها
الهنوف بعد ما خلصت صلاه: واااااي الجو يجننننن
العنود: يجنن وبس
وتنسدح الهنوف على السرير وتغمض عيونها الله ياليت ندى ويانا
العنود: ايو الله هالخبله ليش ما قعدت هم رايحين للشغل
الهنوف : عشان لجين صديقتها بتتزوج
العنود: الحين الي بتتزوج هي لجين ؟
الهنوف: أي اجل مين تحسبين؟
العنود: والله ما ادري بس ماتوقعتها هي ياحليلها الله يوفقها
الهنوف : امييين
الا تخل عليهم بدور الله الله شصاير بالدنيا قايمين لا ونشيطين بعد
الهنوف والعنود: بسم الله
بدور: شايفين جني
العنود: لا ولد عمه
الهنوف: خرعتينا
العنود: الناس يقولون صباح الخير
بدور: وانتو وجيهكم وجيه صباح خير أمي تناديني يالله بسرعه تجهزو وطلعت
الهنوف: ياحليلها هالعمه والله مو محلي البيت الا وجودها
العنود: انا عن نفسي ما اطب البيت اذا كانت مب هنا الصراحه هي الوحيده الي تعطي جو
الهنوف : فديتها
العنود: عن التفدي ويالله قومي تجهزي
خلصو ونزلو تحت وكان الكل متجمع شهد ورزان داايخين وقاعدين على الكنب ومغمضين عيونهم وناصر ونايف داخلين طالعين مب عارفين شسوون والشباب يرتبون الغراض الأخيره
سلمان : على كثر أغراض أمس ولا في بعد زياده
فوزيه : قاعدين فوق راسك والا شايلهم على ظهرك ما بضرونك قاعدين في الشنطه
سلمان : قلتيها في الشنطه والشنطه وين فس سيارتي
بدور: الله يرحم سيارتك عاد انا حاطه اغراض مالها داعي بس عشان اثقل على سيارتك

بدور: الله يرحم سيارتك عاد انا حاطه اغراض مالها داعي بس عشان اثقل على سيارتك
العنود: وييييييي عمه شهالنذاله
فوزيه : بد ِير عن المناقر والخناق بس بدت من صباح الله خير
على الساعه 5 ونص الكل ركب السياره
فوزيه وفهد مع شهد ورزان في الوانيت ...سلمان في الجيب حقته ركب معاه منيره ومنر ودلال وخلود وبدور
ومحمد في الجيب مع الهنوف والعنود وريم ودانه وناصر ونايف والشغلات مع السواويق في سياره
طبعا في البدايه كله هبال بعدين شوي شوي ركد الجو ونامو الا سيارة سلمان الهبال قايم شلون مايقوم وبدور وسلمان موجودين ..اما سيارة محمد بعد السوالف كلن حط راسه بجهه ونام الهنوف تمت مغمضه عيونها فتح محمد الراديو وطلعت اغنية محمد عبده اختلفنا مين يحب الثاني أكثر
واتفقنا اني اكثر وانك اكثر
فتحت الهنوف عيونها محمد انتبه لها : ازعجتج؟
الهنوف : لا عادي شدعوه أصلا ما كنت نايمه ؟
لفت وجهها على الشباك وهي تطالع الشمس واشعتها على الرمل المنظر مرره حلوو والأغنيه من عدد رمل الصحاري أكثر وأكثر محمد يطالع بالهنوف من المرايا ويدندن مع الأغنيه رفعت الهنوف عيونها على المرايا وطاحت عيونها بعيونه والأغنيه وكل قلب له حبيبه وانت محبوبي وتدري ومحمد على صوته في المقطع هذا
الهنوف نزلت عيونها بسرعه وقلبها دقاته قوت وهي مو عارفه شتسوي كل الي سوته قامت تسب في العنود انا اقولها خلينا نروح مع عمي سلمان تقولي لااااا لااا مع محمد احسن هناك زحمه ياربي شهالحظ طول الوقت حاط عيونه علي كاني بسجن يراقب كل حركه اسويها الا يدق جوالها فرحت الهنوف يوم شافت ان ندى المتصله
الهنوف : هلا والله
محمد على طول قصرالصوت
ندى: شخبارج ولا تسألين
الهنوف : امدى توكم رايحيين
ندى : أي قولي تبين الفكه
الهنوف : حرام عليج والله يا ليتج معانا
ندى :ان شاء الله مره ثانيه
الهنوف : شخبار امي وابوي
ندى : الحمد لله كلهم يسلمون عليج وينج غريبه قاعده هالوقت
الهنوف : في السياره رايحين للبر
ندى : الله يهنيكم
الهنوف: وانتي شعندج قاعده من الحين
ندى : على قومتي الفجر ولا جاني النوم قلت اكلمج
الهنوف: انزين لا أطول عليج سلمي على امي وابوي وعمي وخالتي
ندى : ان شاء الله وانتي سلمي علىالكل
الهنوف : يوصل يالله مع السلامه
ندى : مع السلامه

محمد وقف عند محطة بيعبي بانزين قبل لا ينزل الهنوف تبين شي ولو سمحتي لا تقولين لأ
الهنوف وضحكه خفيفه : لا ماني مشتهيه
محمد: يلا عاد عن خاطري
الهنوف وهي رايحه فيها كأنه مصخها اليوم : مشكووور
العنود : لو سمحت جيب 2 حليب كاكاو
الهنوف فرحت ومحمد: بسم الله انتي متى قعدتي
العنود: توني
محمد: أي سمعت طاري الاكل شلون ما تقوم
الهنوف : هههههه
محمد في قلبه فدييييييت الضحكه : بس حليب يالأطفال
العنود: أي لو سمحت يالكبير
نزل محمد وجا ب حليب وعصيرات وخرابيط حق البنات والشباب الي ورى
على الساعه 7ونص 8 كانوا واصلين والكل فرحان ومستانس ومتنشط العيال يراكضون مع ان الحو بارد والحريم دخلو المطبخ عشان يجهزون فطور والشباب قامو ينزلون الأغراض والشغالات يرتبون
شهد: رزان سوفي الأنانب حلللللوه
رزان : أي حلوه بييييضه
شهد: قومي ناخذها
رزان : أخاف تعظ
شهد: لا جدي يقول هم يحبوني ما يعضوني
شهد متعوده دايما تجي عند الارانب وتشيلهم المهم وقامو يلعبون
العنود راحت جابت الكاميرا وقامت تصور الجمال والأرانب والبنات وهم يلعبون
بدور وهي تصارخ : بنااااااااااااات يلا الفطور
العنود: يلا يلا جايين
بدور: اذا خلص ترى مالي دخل
الهنوف : يلا العنود
العنود: يلا قدامي بروح اصورهم
دخلت الخيمه وصورتهم وهم ياكلون
فوزيه : تعالي فطري وخلي عنج التصوير لاحقه
العنود : ان شاء الله ..سكرت الكاميرا وقعدت تفطر بعد الفطور الحريم قعدو في الخيام والعيال يلعبون والبنات قامو يدورون حول المخيم أما الشباب ويا جدهم حطو راسهم ينامون عشان يرتاحون شوي
العنود : اما هالأرنب عاجبني بروح اجيب جوالي وبصوره راحت خذت الجوال ولقت 5 مس كول و3 رسايل المكالمات كلها من فيصل فتحت الرساله الأولى ( وينج ردي )
الرساله الثانيه : ( أبيج ضروري بس دقيقه )
الرساله الثالثه( براحتج بس حبيت أقولج اني ماراح اقدر اجي اليوم عندي ظروف بس ان شاء الله بكره )
العنود ماتت من الضحك : عاد أنا الي مصدقه انك بتجي
وقامت رسلت له ( ههههه مسكين عاد انا الي مصدقه انك بتجي ادري بس تفلسف أقول بس اقعد في مكانك ولا تقول شي الا وانت قده )
الساعه 4 العصر
نايف وناصر كانو يلعبون في الدبابات العنود أول ما سمعت صوت الدبابات نقزت من مكانها وطلعت بره تصارخ: نويييييييصر نوااااااااافوووووووو
ولا من مجيب رجعت الى ادراجها
الهنوف : والله مصدقه روحج الحين بيسمعونج
ريم: حتى لو سمعوا ماراح يرجعون
العنود: وجع بس أوريج فيهم اذا مسكت الدباب والله ما أتركه
فوزيه : حشا مو بنت صبي لا بالله صبي
العنود: ألحين الي يركب دباب يصير صبي
فوزيه : أي صبي اجل الدبابات حق البنات
الهنوف: جده لا بس حق البنات والعيال عادي
فوزيه: أي دافعي عنها حتى انتي وياها نفس الطقه
العنود: انزين انا بطلع بتمشى بره أغير جو
الهنوف : وانا معاج
بدور : تغيرين جو والا عشان اول ما يجون تاخذين الدبابات
العنود وهي طالعه : والله ما جات على بالي الفكره زين منج قلتي
طلعو يتمشون وطبعا بجلا لاتهم الا محمد وسلمان عند السياره
العنود تتقدم لهم : وين بتروحون ؟؟
سلمان : بنصيد ضبان
العنود: احللفففففف
سلمان: والله تخاوينا
العنود: يالله احسن من القعده
الهنوف : هيييي تعالي وين رايحه
العنود: وياهم يالله تعالي نغير جو
الهنوف خذت حجابها الي كان على كتفها تحجبت وتلثمت وحطت الجلال وركبت السياره
سلمان : مالكم داعي مع هالجلالات
العنود: اجل نطلع كذا
سلمان : عادي بر
الهنوف : لا أحلف قل والله واذا شافنا احد
سلمان : ما غير بيتخرع
العنود: والله انك شايف بنفسك مقلب ومصدق روحك بزياده ..من زينك ألحين
سلمان : ول ول ول كلتنا ماقلنا شي
محمد:ههههه ما حد قالك تكلم عاد كلش ولا جمال العنود قيس نسى ليلى يوم شافها
العنود: شف تطنز بعد انت الثاني
الهنوف : والي مايطول العنب حامض عنه يقول
العنود: تحمد ربك وتبوس يدك وجه وقفا اذا جاتك وحده مثلي
سلمان : في هاذي صدقتي
العنود: احم احم عمي تعال انت من صجك بتروح تصيد ضبان
سلمان : شفيج مب مصدقه أي والله بنروح
الهنوف: وان شاء الله بتاكلونه
سلمان : اشرايج اجل نصور معاه
الهنوف والعنود: وععععععععععععععععععععععععع
محمد وسلمان : ههههههههههههههههههههههههههههههههههههه
الا العنود تلمح دبابين : محمد والي يعافيك وقف
محمد: شفيج : هذا نويصر ونوافو
محمد يدق لهم بوري( هرن) بيييييييييييييييييييييييييييييييييييب
شوي الا نصور نايف جاو العنود على طول نزلت نصور يلا انزل
ناصر : نعم نعم لا ياماما
العنود: نصور والي يعافيك حرام عليك والله خاطري اركب
سلمان : خلها تركب
ناصر : بشرط
العنود: والله وخوش نويصر يتشرط يالله وشو؟
اركب وراج
العنود: بس من عيوني عمي يلا معاي
سلمان: وين معاج
العنود: اركب في حق نواف وهو وراك
سلمان : لا مالي خلق روحي انتي
العنود: سلمااني عن خاطري بعدين ما عندي محرم
محمد: انزين اخوج اولى
العنود: اعرفك لو احن من اليوم لين بكره ما جيت يالله عمي لا تردني
سلمان : وانا اقدر يلا ونزل
الهنوف نزلت من السياره عاد لا تطولون احنا مب فاضيين نستناكم
العنود: لا تخافين خمس دقايق
الهنوف تورطت وانا هذا حالي كل مره كذا هالبقره العنود ما تفكر وييييي كان خذتني انا لا على طول سلمان
محمد: هههههه خلتج وراحت عاد العنود ماتصبر
الهنوف : هههههه لا عادي
محمد: ممكن سؤال
الهنوف الله يستر : أي تفضل
محمد : ليش اذا كان سلمان معانا تصرين هبله وعادي أما اذا كان مو موجود تصرين هاديه والا بس سلمان الي يوسع الصرد
الهنوف وجع هذا سؤال يمسئل المجنون يعرف يجاوب عليه : ههههه لا شدعوه بس متعوده عليه
محمد: ممممممممم عقبال نا تتعودين علينا
الهنوف ساكته راحت تتمشى شوي بعيد عن السياره محمد خذ الجريده وقعد يقرأ وعيونه كل شوي تشوف الهنوف ..... الهنوف قعدت على الأرض وتلعب بالرمل شوي تلف وجهها وتصرخ بأعلى صوت : وااااااااااااااااااااااااااااااااااااااااااااااااا ااااااااااااااااااااااا محمااااااااااااااااااااااااااااااااااااااااااد
محمد أول ما سمع صوتها نزل من السياره على طول وراح لها ......؟؟؟؟؟



ياترى الهنوف شنو شافت .....ومحمد وش راح يسوي
عاشق بلادي ليش انصدمت يوم دلال قالت اسمها ...
فيصل راح يجي فعلا والا بس كلام مثل ما قالت العنود
ومن الشخص الي راح يجيهم

الهنوف ساكته راحت تتمشى شوي بعيد عن السياره محمد خذ الجريده وقعد يقرأ وعيونه كل شوي تشوف
الهنوف ..... الهنوف قعدت على الأرض وتلعب بالرمل شوي تلف وجهها وتصرخ بأعلى صوت : وااااااااااااااااااااااااااااااااااااااااااااااااا ااااااااااااااااااااااا محمااااااااااااااااااااااااااااااااااااااااااد
محمد أول ما سمع صوتها نزل من السياره على طول وراح لها ......؟؟؟؟؟
محمد وهو خايف : شفيج؟
طبعا الهنوف نقزت من مكانها وطرااااااااااااااااااااااااخ تصقع في محمد الي كان واقف قدامها مع الخبصه والخوف طاح اللثام من على وجهها وطبعا طاحت عيونها بعيونه وعلى طول نزلتها وراحت تركض للسياره وهي ميته صياح .... محمد يوم شاف الجربوع مااااااات من الضحك
الهنوف وهي داخل السياره : وجع الحين انا أصيح وهويضحك
محمد جاها وطل عليها من الشباك حق السايق وهو يضحك طبعا: ألحين هالصراخ كله عشان الجربوع؟؟
الهنوف ساكته ومن الخوف بس تشهق
محمد كسرت خاطره يوم سمع شهاقها : طيب خلاص ما صار شي هذا وانتي بس شفتيه شلون لو شفتي الناس وهم ياكلونه
الهنوف كل الي سوته انها رفعت عيونها الي كانت كلها دموع وتمسحها وعطته نظره معناها ( ولك وجه تتكلم )
ورجعت لفت وجهها عنه الا العنود وفيصل راجعين وصلو وهم ميتين من الضحك
العنود: هههههههه فزت عليك
فيصل : أي قصي علي ماشيه قبلي وتقول فزت
العنود: المهم فزت بعدين انا بنت لازم النساء اولا بعدين الرجال
نواف: لاااا النساء اولا مب في السباق
ناصر : منقهر عشان فزنا الحمد لله اني عطيتج الدباب
العنود: شفت أفا عليك وانا العنود
الهنوف كانت في السياره وساااكته ومحمد بدون تعليق
سلمان : شفيك انت ساااكت ؟؟
العنود: بلعتو لسانكم
محمد: ما فينا شي يلا نرجع ما بقى شي وتظلم الدنيا
العنود وسلمان حسو ان السالفه فيها ان بس مشو الأمر طبيعي دخلو السياره والشباب الصغار وراهم بالدبابات
العنود تهمس للهنوف: شفيج؟
الهنوف : ولا شي
العنود: اصغر عيالج تقولين لي ولاشي
الهنوف: مو وقته
العنود: محمد سوالج شي ؟
الهنوف: لا
العنود ناظرت الهنوف نظره تعجب وسكتت
محمد يبي يخلي الأمر طبيعي اهو السالفه ما تفرق عنده بس الهنوف هي الي تضايقت
محمد: هاه العنود بردتي خاطرج
العنود: افا عليك وانا العنود شلون ما أبرد خاطري
فيصل: الهنوف تبين اتسابق وياج وأخسر عشان تبردين خاطرج وتستانسين زي بعض الناس
العنود: نعم نعم نعم الحين انت خسران بس عشان استانس وابرد خاطري
الهنوف :ههههههههههه الله يعينك على لسانها
محمد استانس يو اضحكت : الله يعينك وبس الا الله يفكك من لسانها
العنود: بعد انتو الاثنين تطنزو عاد كأنكم مصختوها اليوم شايفيني مهرج على غفله
سلمان : من عاب ربي بلاه ألحين مب بس انا كلكم
عاد الله يعينهم على لسان العنود طول الطريق
فوزيه : وينهم هذولا بتظلم الدنيا وهم ما جاو
بدور : شكلهم جاو اسمع صوت سياره
ريم قامت وطلت : دانووووووووو جاو العيال قومي ناخذ الدبابات
دانه نقزت : حلفي يلا بسرعه
دلال: هييييي انتي وين طالعه كذا ترى محمد موجود
دانه:يوووووووووو أكيد بيدخل داخل
بدور: والله حاله تعالي معاي
دانه خذت حجاب وتحجبت وطلعت ورى بدور
بدور : السلام عليكم
الكل: وعليكم السلام
العنود: عميمه فاتج نص عمرج ما بقى الا النص
بدور : اسم الله علي وش صار
العنود: تسابقت مع عمي وفزت عليه
سلمان : طبعا بتهاون مني عشان ما اكسر بخاطرها
محمد: انت مصر يعني ؟؟
سلمان يغمز له : ابي اشوف شتسوي
العنود بطناز: هههههه عنااد ماراح أسوي شي
بدور انزين دخلو عشان احنا نطلع نلعب على راحتنا
محمد: وهو رايح للخيمه : أنا داخل بدون مطرود
سلمان : انا عادي حلال على الكل
بدور: لا والله
محمد: سلمااااااان تعال جدي يبيك
بدور: جات من الله
سلمان : يعني مب مني وراح
المهم البنات قعدو هبال وقت المغرب وقفو عشان الصلاة ورجعو مرره ثانيه حتى خلود ومنيره لعبو مابقى الا شوي ويخلون فوزيه تركب الدباب بس عاد خوف العجايز وما يسوي ..
بعد العشا كلن دخل خيمته ورتبو حق النوم وقعدو سوالف وشوي شوي كل وحده تنسدح وتنام يعني على العشر الكل كان نايم لانهم على قومتهم الصباح
العنود بصوت واطي : الهنوف نمتي
الهنوف : لا
العنود: فيج حيل نقوم نطلع بره
الهنوف: مو برد
العنود: عادي
الهنوف : يلا
كل وحده خذت لها دقله وحطتها عليها وطلعت
الهنوف: برررررررد
العنود : الا موووووت بس عادي
الهنوف :والي يسلمج خل ندخل بررررررد
العنود: هههههههه
الهنوف : شفيج تضحكين؟
العنود: صوتج يضحك وانتي تقولين برد
الهنوف: صج ما عندج سالفه
العنود: الا عندي
الهنوف : وش هي ؟
العنود : شفيج اليوم العصر يوم رجعنا انا وعمي كنتي معصبه
الهنوف : منج حظرتج مخليتني مع محمد ورايحه
العنود: طيب عادي
الهنوف : لا احلفي انه عادي
العنود: والله
الهنوف تطالعه بنظره
العنود: شفيج تطالعيني كذا
الهنوف : ولا شي
العنود: ترى أمزح بس صدق محمد قالج شي أو سوالج شي
الهنوف : شفيج انهبلتي
العنود: أجل ليش كنتي تصيحين
الهنوف: أقولج بس ما تضحكين
العنود: قولي يلا
الهنوف: حظرتج يوم رحتي مع عمي حسيت مالها داعي قعدتي في السياره ونزلت وقعدت على الأرض ألعب بالرمل شوي ألف وجهي وأشوف ذاك الجربوع الي طار عقلي يوم شفته
العنود : هههههههههههههه جربوع
الهنوف : يالزفته لا تضحكين
العنود: شسويتي
الهنوف: يعني شرايج قمت أصارخ
العنود: شسوى محمد ؟
الهنوف: طبعا انا نقزت من مكاني ومحمد جا ء يركض وطرااااااااخ
العنود: صقعتي فيه ؟
الهنوف وهي مستحيه وخف حماسها : أي
العنود: حللللللللللللللللللفي ؟
الهنوف: والله
العنود وابتسامه شاقه وجهها : وش صار شافج؟
الهنوف : أقولج صقعت فيه تقولين لي شافج ؟؟شرايج يعني ؟؟
العنود: هههههههههههههه عشان كذا قمتي تصيحين
الهنوف : هذا شي
العنود : بعد في شي ثاني ؟
الهنوف : رجعت السياره وقام محمد يضحك ويتطنز علي
العنود: والله ما يستحي بدال ما يهديج قام يتطنز ؟
الهنوف: شفتي ؟؟ مع وجهه
العنود: بس من قده شاف الهنوف ؟
الهنوف : تطنزين
العنود: لا والله ما اتطنز .
الهنوف: انزين يلا قومي ندخل أطرافي ما احس فيها من البرد
العنود: ويييييي لا تموتين علينا يلا خل ندخل
الهنوف: والله لو ماني بردانه كان طلعت دي وضربتج ؟
العنود: الحمد لله البرد رحمه
دخلو داخل الخيمه وناموا
الفجر قام الجد فهد وقوم العيال معاه وفوزيه قومت البنات طبعا اخر من قام كانت العنود والهنوف
قامو وجهزو الفطور وعلى شروق الشمس قامت العنود وخذت الكاميرا حقتها وطلعت بره شافت الشمس وهي تشرق وقامت تصورها مع الصحرا كان شكلها رووووعه تذكرت أبوها وأمها
العنود: وييييييييي ولا يدقون يسالون خذت الجوال الي كانت حاطته في شنطة الكاميرا فتحته ولقت
مس كول من أبوها وعلى طول دقت عليه
العنود: ياااربي يكون صاحي عشان ما أزعجه
عبد العزيز: هلا وغلا
العنود والابتسامه على وجهها : هلا فيك يالغالي شخبارك ؟
ابوها : والله الحمد لله بخير دامني سمعت صوتج شخبارج وشخبار أختج؟
العنود: الحمد لله بخير ومستانسين مو ناقصنا الا وجودك انت وامي الا شخبارها
ابوها : الحمد لله بخير وتسأل عنكم انتم شخباركم مع البر
العنود: والله مستانسين مووووت
ابوها : الحمد لله ان شاء دوووم يارب ال وينج عنهم ما اسمع حسهم
العنود انا قاعده بره هم في الخيام
ابوها : انتبهي لنفسج انتي واختج وسلمي على الكل
العنود: يوصل يبى وانت سلم على امي
ابوها يوصل يالغاليه يلا تامرين بشي
العنود : سلامتك يبى
ابوها : الله يسلمج يلا مع السلامه
العنود : مع السلامه
سكرت الجوال وانسدحت على التراب : يووو بااارد بس حلو وقامت تطالع السما الا يدق جوالها وتشوف الا الهنوف متصله
العنود: هلا الهنوف
الهنوف: وينج ؟
العنود: قاعده بره أصور
الهنوف : الي يشوف هاذي صحفيه وبتسوي تقرير
العنود: والله كل شي جايز وانتي شحارج
الهنوف: انزين يلا تعالي
العنود: لا الحين بجي سلاااااام
سكرت الجوال وهي الى الان منسدحه ويدق الجوال: يووووووووووووو حشا ما صارت قلت لهم الحين بجي
رفعت الجوال : هذاني جايه خلاص قمت
فيصل: قعدي مكانج أنا الي جاي
العنود وهي منصدمه : فيييييييصل؟؟
فيصل: ايه فيصل شفيج متخرعه ...صباح الخير
العنود والى الان الصدمه ماثره : هلا صباح النور <<<<طاقه الميانه الأخت
وين الي بجي هااااااا حسبالك صدقت يوم قلت عندي ظرف ترى ما تفوت علي هالحركات يا بابا
فيصل: يا عيون بابا انتي انا في الطريق جايكم
العنود بطناز: ايه صدقت
فيصل : والله أتكلم جد وهذاني كلمتج عشان أقولج
العنود: خلاص أجل تراك معزوم عندنا على العشا الليله
فيصل : مشكوره ما تقصرين لإلا ما قلتيلي موقع مخيمكم بالضبط؟
العنود: شوف هو يبعد عن محطة (......) بخمس كيلو تقريبا
فيصل: طيب ما في شي يميزه
العنود: شوف هو اكبر مخيم تقريبا في المنطقه مجموعة خيام وحواليهم نور وهو الوحيد الي فيه جمال وغنم وحاله
فيصل: بس ما في شي ثاني
العنود: شي ثاني زي ايش؟
فيصل : ما ادري
العنود: يووو نسيت أهم شي
فيصل : وشو؟
العنود: هو الوحيد الي فيه نور بزياده
فيصل : ليه
العنود: ما فيها ليه لان انا موجوده
فيصل : ههههه والله انج واثقه
العنود: أكيد واثقه
فيصل : يحق لج مدامج تكلميني
العنود: مالت عليم وعلى وجهك انت الي من قدك معطتك وجه وأكلمك
فيصل: أما في هاذي صدقتي يا حظي وبس ؟
العنود ويي كأني مصختها معاه : أوكي نستناك على العشا
فيصل: طيب الوصف الي وصفتيه صدق والاتقصين علي ؟
العنود:وليش أكذب ياحبيبي تحسبني خوافه زي بعض الناس
فيصل : مين تقصدين؟؟
العنود: ولا أحد
فيصل : اوكي انا سيارتي "لاند كلوزر" أسود ولوحتي ق م ر 014
العنود: حركات حلوه لوحتك
فيصل : شكرا باااي يا قمر
العنود: هيييييه لا تمصخها ترى عطيتك وجه
فيصل : خلاص ياكلمه ردي مكانج بااااي بروحها
العنود: هههههههههه
فيصل : فديت الضحكه
العنود: نعم وش قلت
فيصل : نعم الله عليج لا لا ولا شي
العنود: انزين يلا مع السلامه
فيصل: فأمان الله
فيصل كان واقف عند محطه هو وأخوياه عشان ياخذون الأغراض الي ناقصتهم نزلو أخوياه وهو قعد عشان يكلم العنود ويقولها بعد ما سكر نزل ..
بعد ما شرو وقضو ركبو اخوياه كانو خمسه هو ويا بدر بسيارته وجاسم وأحمد وراشد بسياه ثانيه بعد ما ركبو
سيارة جاسم كانت متقدمه سيارة فيصل لأن جاسم كان أخبرهم في البر
ركبو السياره
بدر : يااهو الأخ وين سارح
فيصل: معاك
بدر: أي واضح معاي .. تعال الا أقولك انت شالطاري عليك روحة البر
فيصل: ولا شي الجو حلو وحق كشتات والناس كلها كاشته قلت أقولكم ونكشت
بدر : غريبه
فيصل: لييه أول مرره أقولكم خل نكشت
بدر : لا بس هالمره جات بسرعه أمس قلت واليوم نفذت
فيصل : أقول حط لنا شريط ..
نرجع للمخيم عند البنات
الهنوف: حشى سنه ؟
العنود: بعدين أقولج ليش مو وقته؟

الهنوف: شمسويه العنود: ولا شي تعالي وين البنات ؟
الهنوف : داخل ليش؟؟
العنود: مانتي مشتهيه تسوقين ؟
الهنوف: تصدقين راح عن بالي
العنود : افا عليج وانا بنت عمج هالأشياء ما أنساها
الهنوف: انزين بأي سياره
العنود: الوانيت حق جدي
الهنوف : انزين أنا بنادي البنات
العنود: اوكي لا تنادين لي بزارين ..أنا بروح أقول لجدي
راحت للخيمه الا تشوف محمد وسلمان : وين جدي
محمد: عندكم
العنود: شكرا
سلمان وهو يصارخ: شواراج
العنود بصراخ: سلااااامتك
دخلت خيمه الحري وشافت الهنوف تقول لجدها والي يعافيك جدي بر نبي نوسع صدرنا
الجد (فهد) : انزين بس انتبهو ولا تبعدون
العنود: واااااااي ونااااااسه مشكوووور جدي وحبته على راسه
الجد: بسم الله منوين طلعتي انتي
كل البنات انهبلو واستانسو
فوزيه: عن الهبال واركدو ولا تبعدون
الكل : ان شاء الله
العنود: يلا دلول
دلا ل: لا يمى مشكووره انا مب بايعه عمري
منيره قومي استانسي كلها مرره في العمر
دلال : لا شكرا
العنود: كيفج قعدي على هالاب توب أحسن لج انتي الخسرانه وطلعت
طبعا بدور ركبت قدام والي بسوق العنود والهنوف ومنى راكبين ورى وريم ودانه قاعدين في الحوض حق الوانيت ركبت العنود وشغلت السياره ومشت
العنود: عميمه فتحي الراديو خل نستهبل
بدور قامت تفرفر بالراديو وسمعت أغنية راشد مشكلني وقام الهبال البنات يصفقون ويصارخون وريم ودانه ورى يرقصون ... مع الوناسه والهبال العنود تحمست وزادت السرعه فجأه وريم كانت واقفه وصار الي ما كان أحد متوقعه
نرجع للخبر شوي من زمان عنها
عبد الله الي كان منشغل في الشركه وماراح معاهم وكان ناوي يروح يوم الثلاثاء كان قاعد على المكتب في الشركه ودق جواله ارتسمت على وجهه ابتسامه يوم شاف الرقم وعلى طول رفع
عبد الله : هلا والله بالقاطع
عبد اللطيف : هلا بك الغالي شخبارك
عبد الله: بخير وعافيه مو ناقصنا الا شوفتك أنت شخبارك شعلومك ؟؟
عبد اللطيف : ان شاء الله قريب
عبد الله : لا تقووول..متى ؟؟
عبد اللطيف : بكره
عبد الله : وتوك تقول
عبد اللطيف : بغيت أسويها مفاجأه
عبد الله: والله وخوش مفاجأه .زمتى توصل
عبد اللطيف : ان شاء الله الساعه 9 في الليل
عبد الله : بالسلامه ان شاء الله
عبد اللطيف : شخبار الأهل عساهم بخير ؟؟
عبد الله : كلهم بخير وعافيه الوالد والوالده والعم والخاله راحو لدبي والباقي كلهم في البر
عبد اللطيف : كاشتين شعندهم
عبد الله /: الجو حلو يلا انت بس تعال ونلحقهم
عبد اللطيف عاد ياني مشتاق للبر
عبد الله : يالله هانت
عبد اللطيف : لا اطول عليك بس لا تقول لهم شي عن جيتي أنا بدق على فهد وبقوله والباقي خلها لهم مفاجأه
عبد الله : ولا يهمك انت تامر خلاص بينا اتصال وقبل لا تطلع للطياره عطني خبر
عبد اللطيف : ولايهمك خلاص يالله تامر بشي
عبد الله : سلامتك الغالي بس انتبه لعمرك

عبد اللطيف : انشاء الله يالله فامان الله
وسكر عبد اللطيف الي كان مستانس لانه بيشوف اهله وفي نفس القت تأكد من ظنونه
( عبد اللطيف هو نفسه عاشق بلادي الي تظنها دلال صديقتها )
نرجع للبنات
دانه تصارخ: واااااااااااي وقفي ريم طااااحت وتنقز من السياره وهي تتحرك على الأرض
العنود على طولف وقفت ونزل الكل من السياره وتجمعو على ريم الي كانت طايحه على الأرض
ريم وهي تضحك: لا تخافون ما صار لي شي
العنود: يا حماره خوفتيني
بدور: حمدي ربج انه تراب والا كان رحتي فيها
دانه : قلبي طاح في بطني بغت تجيني سكته قلت البنت راحت فيها
الهنوف : عشان تبطلين الهبال الي ماله داعي مرره ثانيه
ريم: الله الله كلتوني كل هذا خوف علي بعدين أنا طحت ما طيحت نفسي
العنود: من الهبال
ريم::والله انتي الي زدتي السرعه وما قدرت اتوازن وطحت
بدور: أنا بسوق فيكم هالمره
العنود: المهم ما احد يعلم والا ترى احلمو تمسكون المفتاح مره ثانيه
الهنوف: خبلات اذا علبمتوا ولا ترى بنرح فيها
بدور : هذا غير التهزيئ
ريم : والله ما تستحون لو صار فيني شي
منى : الحمد لله ما صار شي
دانه : ريمو والله لودرت امي فوزيه بتذبحنا
ريم: امزحمن صجكم أصلا انا الي بذبحكم لو علمتو
بدور قامت تسوق فيهم بس مخففه السرعه عن قبل شوي
الهنوف: ما كأنا بعدنا
العنود : اقول انتي سكتي بس يالخوافه
شوي الا يلمحون سياره
بدور : بنات سياره
الهنوف يا ويلي احنا شسوينا
العنود: يوو شفيكم خايفين كيفهم طنشوهم
منى: تلثمووو
العنود تصرخ لريم ودانه : انتم تلثمو
ريم: السياره سيارة شباب يالخبلان
بدور دورت ورجعت لطريقها والسياره لحقتهم
الهنوف: يمىىىى قاعدين يلحقونا
السياره قربت وريم ودانه ميتين خوف
دانه: ريم والله اني خايفه
ريم: انسدحي لا يكونمعهم شي يفلعونه فيه
دانه :فلم كابوي على غفله
بدور تسرع والسياره تقرب أكثر وأكثر لين خطفتهم وصارت قدامهم
منى : الله يستر
العنود: الي داخل السياره اثنين الله يقوينا عليهم
الهنوف: ليه احنا بنتصارع معاهم <<< فيها العبره
بدور تحاول تعديهم وكل ما راحت يمين راحو يمين وكل ما راحت يسار راحو يسار مب عارف شتسوي والعنود وريم يتصاقعون في بعض من كثر اللف
بدور : بنات البانزين مافيه الا شوي
الهنوف : لااااااا
منى : الله يستر
العنود بدت تحس بالخوف : انتي لا تصارخين
الهنوف: قلت لكم ترى بعدنا بس ما صدقتوني
شوي الا السياره توقف تحاول بدور تفتح السياره مب راضيه
ريم ودانه : شفيها وقفت
الهنوف قامت تصيح
بدور فتحت الباب تنادي ريم ودانه : تعالةا ركبوا
نزلو من الكبوت
ريم: شالسالفه
بدور : البانزين خلص
ريم ودانه شهقوا دخلو داخل
العنود: بنات السياره وقفت
ريم والهنوف ودانه: لاااااااااااا
بدور : حلفي
العنود: انا بنزل لهم
بدور : هيه خبله استجنيتي
العنود تفتح الباب وتنزل
الهنوف وهي ميته صياح : يالخبله وين نازله
بدور نزلت وراها : هييييه انتي استجنيتي
العنود وهي تعدل حجابها ولثمتها : لا ما ستجنيت وتتقدم
الا ينزلون الأثنين الي في السياره وكانو متلثمين العنود وبدور وقفو مكانهم ومو عارفين وشو يسوون من الخرعه ..
صارو مقابلين بعض ولا أحد تقدم ....لحظات الا الي قدامهم فتح اللثمه وحزروووووووووو مين طلع ؟؟؟
تبون تعرفون هههههههههههه اعصابكم
دلال فتحت الايميل حقها المهم وشافت رساله من عاشق بلادي تسأل عن أخبارها استانست دلا ل وعلى طول راحت ارسلت لها تقرير كامل عن روحتهم للبر وقامت تحوس في النت
منيره: اقول خلي عنج هذا وقومي نتمشى بره
دلال :انزين دقايق بس اسكره
نرجع للبنات
العنود بصراخ : رفعععععععععععععععه
بدور بصوت هادي: رفعوووو
رفعه : ههههههههههههه
العنود شهقت شهقه قويه ونزلت دموعها وتقدمت لعند رفعه ولمتها وهي تصارخ : حراااااام عليكم
رفعه: والله اسفين مو قصدنا ادري خوفناكم
الي في السياره كلهم نزلو وهم منصدمين من الي شافوه
رفعه: خلاص لا تخافين كافيج صيااح
وخرت العنود عنها: السموحه بس من الخرعه ما عرفت شسوي
رفعه : انااالي السموحه
بدور : والله طيحتو قلوبنا وهالخبله نازله لكم بتتخانق
رفعه: هههههههههه أنا من لمحت ريم ورى قلت خل اسوي فيهم مقلب
بدور: ريمووو والله انتي اليوم وجه نحس علينا
الريم: مالت ... رفعه حررام عليج والله بغينا نروح فيها
رفعه وهي تضحك : والله ما توقعت تخافون
قامو البنات يسلمون على بعض (هم معارف من قبل وخيامهم قريبه مو من زود البعد وجدتهم جيران الجده فوزيه بنفس الحاره )
منى : عاد كلش كووم ويوم وقفت سيارتنا كووم
جواهر: ليه عسى ما شر
العنود: البانزين خلص ..
رفعه وهي تضحك: بربكم
العنود: أي والله
جواهر: نفس الحاله
الهنوف: حتى أنتو ؟؟
رفعه: ايه .. وانتي توج تنطقين
الهنوف : من الخرعه
جواهر : مبين عليج وجهج أصفرر
العنود: عاد الهنوف دجاجه
الهنوف : اسم الله عليج يا عنتر
دانه : تعالو عسى وحد منكم جابت جوالها
العنود: ايه أنا جبته ...ألحين بدق على محمد...وتدق
منى : الله يستر
بدور: اسئليه اذا جنبه احد ياخوفي قاعد عند أمي
دانه: على قلوبنا السلام
العنود: الو
محمد: هلا والله
العنود: هلا محمد شخبارك؟
محمد: بخير
العنود: أقول محمد جنبك أحد
محمد: ما جنبي الا سلمان

العنود: زين شوف ترى السياره وقفت فينا البانزين خلص
محمد وهو معصب : ليه انتووينكم ؟
العنود: قراب مو بعيدين مرره
محمد: تستاهلون عشان مرره ثانيه تخلون التفلسف على جنب ....ليه ما خذتوا معاكم أحد
العنود تعكف في وجهها
محمد: شفيج سكتي
العنود: انزين انت تعال الحين وبعدين هزء
محمد: لاوالله ....يالله الحين جاي
سكرت العنود وهي تضحك وماده لسانها
الهنوف : شصار؟
العنود: ألحين جاي
بدور: طيب شلون بيعرف المكان ؟
العنود: ما أدري قلتله قراب ما بعدنا ..الا تعالوا انتو شلون بترجعون
رفعه: عادي بيفقدونا بعدين بيجون يدورون علينا
منى: انتو من صدقكم بتقعدون في البر طيب كلموهم
جواهر : لا ماله داعي مب أول مرره ترى قد صايره من قبل
العنود : هههه والله انكم فله بعد مسوينها
رفعه: بعدين خيامنا قرلب مو من زود البعد
منى: كأننا قعدين في فلم هندي
رفعه : أي والله الي صار ما يخطر على البال
العنود: عادي مدام العنود موجوده يصير أكثر
البنات بسطو في الأرض وقامو يسولفون
ريم: ترى جاو شوفو سيارة محمد
البنات كلهم قامو...وكل وحده قامت تعدل حجابها وتتلثم .أول ما وقف محمد السياره نزل
محمد: الحين كل هذا وقراب ما تستحون قاطعين هالمسافه كلها ولا معاكم أحد راس مالكم بنات
بدور : انزين عاد شدعوه هالصراخ
سلمان : أصلا انتي راس البلا اسكتي ولا كلمه هذا وانتي الكبيره العاقله والله لودرت أمي والا أبوي لا يقلبون الدنيا على روسكم
بدور: اييي حط كل شي على راسي ولو سمحت لا تصارخ
سلمان : الا بصارخ ونص اجل الي سويتوه شي عادي حضرتكم
رفعه كانت تطالع في سلمان وهو يصارخ وتكلم الهنوف: شدعوه الحين يصارخ هالصراخ كله ما تسوى السالفه
منى : أول مرره نسويها أي ما تسوى من صدقج انتي
جواهر : ههههههه رفعوا تذكرين أول مرره احنا
رفعه : الله لا يعيده من يوم
الهنوف : شفتي عاد احنا جا دورنا في اليوم هاذا
سلمان انتبه : وانتو ليش مرتزين هناك تعالو يعني خايفين
الهنوف : ويييي جاكم الدور
رفعه : شكله اليوم حق ذيك السنه بينعاد علي اليوم
سلمان وانتو حضراتكم ليش واقفين هناك ما تشرفون
بدور : هذولا بنات ال......
محمد: وش جيبهم بعد؟؟
رفعه : حلوه ذي ليه هو بر أبوك
البنات يطالعون فيها ويضحكون
جواهر: هي انتي استحي على وجهج تسبينه وقدام أهله أمسكي لسانج شوي
طبعا هم كانوا بعاد عنهم شوي فما يسمعون كلامهم
بدور : حتى هم كانوا يسوقون ووقفت عليهم السياره
سلمان : البانزين خلص هاه
العنود: ايه
سلمان : لا والله اصغر عيالج أنا عشان تقصين علي
محمد: طيب اتفقو بس خذو معاكم أحد مو تسوون كذا والله لو درى جدي ماراح يسلم فيكم عضو
ريم: شدعوه والله ما تسوى السالفه ..
محمد: اقول ما بقى الا انتي بعد تتكلمين يلا لو سمحتو قدامي على السياره
راحت العنود للبنات : يلا بنات بنروح
رفعه : الله يهداه عمج أقشر
العنود: الله يعين الحين ما سوى شي ياخوفي يقول حق امي فوزيه
الهنوف : لااااا الله يستر
سلمان : بسكم سوالف يلا اا
العنود: انتم ماراح تكلمون
رفعه : لاتخافين روحي لا ياكلج بلسانه الحين
الهنوف : خبلا ت تقعدون بروحكم
نزلت بدور من السياره وراحت لهم
سلمان :ألحين أنا اقولهم تعالو وهاذي نازله لهم
بدور : رفعه لا يكون بتقعدون هنا
جواهر : انتو شفيكم والله عادي روحوا الحين شوي ويجون بعدين أنا قايله لنوفوا اذا تأخرنا تعالوا
سلمان بصراخ :انتو قاعدين تحلون قضية فلسطين على غفله
بدور بصوت واطي: وجع ان شاء الله
العنود: طيب اذا وصلتوا دقي علي والي يعافيج هاه
رفعه : طيب يلا روحي لا ينط له عرق من الصراخ
جواهر : ياحلوه الثاني ساكت وهادي
العنود: والله ما ينخاف الا من الساكت انتي شوفي شلون يخز والله حاله يلا باي
وراحت ركبت للسياره
محمد: وهالبنات ان شاء الله بيقعدون هنا ؟؟
بدور : قلنا لهم نستناكم كلمو أهلكم ما رضوا ؟؟؟
محمد: وليه ما يرضون ان شاء الله
ريم : يقولون متعودين
سلمان : نعم نعم نعم وان شاء الله انتو كل مره معاهم
العنود وبدور يخزون ريم ودانه قرصتها
الريم: لا واحنا نقدر هاذي أول مرره نبعد عن المخيم كذا
العنود: والي يعافيكم خل نستنى والله يا خوفي يجيهم أحد
سلمان : تدرين نزلوا قولولهم يجون واحنا نوصلهم
الريم : أي والله عاد فشله يكفي انا نعرفهم
العنود وهي فرحانه : اوكي ..ونزلت ونزلت وراها بدور
رفعه : شفيكم رجعتو ؟؟
ما طاوعني قلبي يلا مشينا
جواهر ورفعه : ويييين؟؟
بدور : ويانا احنا نوصلكم
رفعه : لا أحلفي
العنود: والله جد انتم من صجكم تقعدون هنا بروحكم والله لو يجي احد ما تسلمون احنا في بر
جواهر : ماراح يصير شي
بدور: مو كل مره تسلم الجره
رفعه : مستحيييل انتو من صجكم
العنود: انتو الي من صجكم بتقعدون هنا
سلمان : حشى سنه عشان يقولون لهم تعالو
الهنوف : اكيد ما رضو ونزلت
محمد : بناكلهم احنا ؟؟
الهنوف : يلا بنات
رفعه والله ما أركب يا حلوي والله فشله
العنود: رفعه عن الدلع يلا
الهنوف : جواهر اقنعيها
العنود: خل تقتنع هي بالاول
بدور: لا عاد بنات شدعوه هذا واحنا جيران
جواهر : لا والله لا تقولين كذا صدقيني مو قصدي
العنود: مو قصدج يلا ويانا
جواهرتطالع في رفعه
الهنوف : لا تطالعين فيها
جواهر : يلا رفعه
رفعه : لا والله ماراح اركب روحي انتي
نزل سلمان وقرب عند البنات : سنه
بدور : مو راضيين
سلمان وهو رافع حواجبه : وليه ان شاء الله بناكلهم
العنود والهنوف يلا السياره
العنود: يلا جواهر ومسكت يدها وجرتها
بدور : يلا رفعه

رفعه : لا خلاص روحي
بدور : استجنيتي يلا هذا جواهر جات
سلمان وهو يطالعها ومعصب على عنادها : يا انسه رفعه ممكن تشرفين معانا مو حلوه وانتي قاعده بروحج في البر يعني نرجع اختجح وانتي لا شيقولون اهلج
رفعه ساكته
سلمان : بدور روحي السياره
بدور تفتح عيونها منصدمه ويقوم سلمان ويغمز لها
بدور راحت رفعه عصبت أكثر لفت وجهه على سلمان وعيونها بعيونه ....سلمان تم معلق عيونه بعيونها
رفعه: شكرا ماراح أروح
سلمان : وانا ما راح احرك لين تركبين يلا لا تعطلينا
رفعه : لا تعطل روجك ماراح..( وزادت نبره صوتها ) ما راح أروح يعني ماراح أروح
سلمان : طيب لو دقيت على حمد وقلتله اذا ممكن الانسه رفعه تروح معنا ترضين ..طبعا هم مستحيل يقول لا
رفعه غرقت عيونها وحست ان عنادها ماله داعي وغصبت نفسها وتمشت ..سلمان حزت بخاطره بس شسوي مو راضيه تتحرك
ركبو السياره وطبعا هم متزاحمين ...حركو والبنات يسولفون بصوت واطي
العنود: حشا ما بغيتي تجين
رفعه : والله لو ما قالي بكلم حمد كان ما جيت
بدور: ههههه سلمان والي براسه يسويه
الهنوف : معه حق أجل يخليج بروحج في البر
جواهر: غريبه شلون طعتي وجيتي
العنود: بلاج ما عرفتي عمي زين
رفعه :عادي والله لو بغيت سويت الي براسي بس حسيت لسالفه ما تسوى والله كنت ماسكه روحي بما فيه الكفايه
بدور: عصبج؟؟؟
رفعه : مرررره
وصلو ونزلو البنات ودق سلمان على حمد وطلع له وفهمه السالفه كلها من الى وتشكره وطبعا ما قال شي لان كان بدر جيران سلما فيمونون على بعض وعزم حمد على سلمان ومحمد انهم يجون لهم اليوم على العشا هو والأهل ..
ركبو السياره ورجعو الى ادراجه واتفقوا ان السالفه ما تطلع لا للجد ولا للجده طبعا بعد تهزيئ ثاني وصلو وعينو خير وتغدو وارتاحو الظهر بعد هالمقلب الي صار لهم الصباح
العصر الساعه 4
الشباب مع جدتهم وجدهم باسطين بساط وقاعدين يتقهوون بره وطبعا كلم مريع<<جد رفعه
الجد فهد وقاله ولزم عليه يجي هو العيال وطبعا كان عنده خبر سابق من سلمان
الهنوف طلعت تلعب مع البزران بره وبعدين قامت تتمشى العنود شوي ولحقتها وكان معها كوب شاهي بيدها يووو وينها
العنود: شهووده شهوووووود
شهد : نعااااااااام
العنود: وين الهنوف ؟
شهد : راحت هناك
العنود : صدق ما عندج سالفه خذت جوالهاعشان تدق عليها وهي تتمشى وطالعه بره المخيم ( بره السور )
الايدق عليها فيصل
العنود: يوووو هذا وقته الحين ..والله مصختها وياه وتماديت ما صارت شكلها السالفه حلوت له والله لو تدري الهنوف كان سوت لي سالفه ..بس نشوف اخرت جيته للبر .ردت <<ما تقدر لا زم تتخانق
العنود: هلا
فيصل : هلا بج ..كيف الحال
العنود: الحمد لله شتبي ؟؟
فيصل : الله شدعوه ...بس سمعي ياطويلة العمر حبيت أقولج اني جنب مخيمكم الي وصفتيه لي وانا متأكد لان سألت الهندي الي في بقاله المحطه وقالي شكله مسوي صداقه ويا جدج
العنود: الله الله الله متأكد
فيصل : أي متأكد واذا مو مصدقه طلعي وشوفي
العنود: أنا بره ما اشوف أحد
فيصل : قدامي جيب ابيض وأسود ومعاهم وانيت وسوبر
العنود في قلبها هاذي سياره سلمان ومحمد وجدي هذا من صجه : دقيقه
راحت العنود وين هم موقفين سياراتهم انصدمت يوم شافته :وشهقت
فيصل: هاه مو قد التحدي
العنود: انت شلون تتجرأ وتجي
فيصل : مو انتي الي قلتي
العنود صدق هي قالت وكانت ماخذه السالفه مزاح وما توقعت يصير شي وخافت لان الي سوته مو سهل بس هي ما كان قصدها
فيصل : الو الو العنود اسمعي
الهنوف تنقز عليها : بووووووووو
العنود : شهقت بالقوه وجععع وعلى طول سكرت الجوال
الهنوف : العنود شفيج خايفه ووجهج أصفر كل هذا من بوووو ما هقوتي تأثر فيج
العنود: ساكته
الهنوف: العنود شفيج
العنود تأشر على سياره فيصل
لفت الهنوف وجهها ورجعت تطالع العنود: ما فهمت
العنود: ف ف فيصل
الهنوف : شهقت <<( اليوم يوم التشهيق العالمي )>>شلووووون؟؟
العنود: والله ما ادري سكتي البنات جايين
الهنوف: خلي روحج طبيعيه بعدين تنفاهم
دلال: وينكم قاعدين ندور عليكم
الهنوف : لا بس كنا نتمشى وطلعنا
ريم ما فيكم خير تنادونا والا اسرار ؟؟
العنود: لا أسرار ولا شي
الا يتحرك فيصل ويروح
دلال : بنات خل ندخل احسن خوفي يمر أحد ويشوفنا
الهنوف : يلا احسن
ودخلو
دلا ل : أقول العنود شفيج ؟
العنود: لا ولا شي
الهنوف تبي تصرف الموضوع : دلول شرايج نتسابق
دلال : يلا من زمان ما ركضت يلا العنود
العنود: لا لا روحوا مافيني حيل راحو يتسابقون والعنود قعدت مع أفكارها ياربي انا شسويت والله ما توقعت انه يسويها لو تعرف سهى شبتقول بس هو الي بدا بس أستاهل انا الي تماديت .الله يفكني من هالمشكله ..

بعد المغرب البنات كانو يتجهزون عشان يروحون مع جدتهم عند أهل رفعه طبعا ما رضو الا بعد حنه وزنه
في البدايه كانو مقررين يروحون الشباب مع الجد والجده بس بعدين الكل راح <<وين يسلمون والبنات موجودين
على العشا ركب الكل السياره وانقسموالى سيارتين وحركو
في سيارة سلمان
سلمان : الملقوفه وينها ما أشوفها
العنود: أنا هنا
الكل قام يضحك
سلمان : معترفه انج ملقووفه
العنود: سخييييييف
سلمان : أصلا أنا ما كنت أقصدج أقصد بدور بس انتي الي تكلمتي ..
الهنوف : ما احد قالج تكلمي تستاهلين
المهم بعد ما وصلو كان الاستقبال حاار الحريم والبنات الكل كان مستانس وحتى الرجال
خليني أعطيكم فكره عن عائلتهم
هم جيران بيت الجد في نفس الحاره ومريع الي هو( بو سالم ) جد رفعه ساكن هو وأخوه في مبنى واحد بس كلن في بيته
عايلة بوسالم( مريع ) وزوجته عائشه
سالم : أكبر العيال ومتزوج هيا عنده 3 بنات و4 شباب
يوسف : متزوج حنان عنده بنتين( جواهر21 ونوف 17) وولدين (تركي 24وحمد 20) حمد يصير أخو رفعه من الرضاعه
علي : متزوج هدى وعنده بنت وولد ألي هم رفعه 19 سنه ومشعل 23
مها : عمرها 20 توها متزوجه في عيد الفطر من ثامر

أخو مريع الي هو سلطان وزوجته ايمان وعيالهم
مبارك :متزوج وعنده 3 شباب ( سامي _ ثامر _ نايف ) وبنت نوره 22
مضاوي : متزوجه وعندها 3 بنات وولدين
أماني : متزوجه عندها ولدين
حامد : خاطب بنت عمه نوره
مشاعل : 21 سنه

طولت عليكم معليه
بعد العشا
بو عبد العزيز : أكرمكم الله
مريع : صحه وعافيه
سلطان حياكم الله
بوعبد العزيز : الله يحييك ويزيد فضلك
قعدو شوي يسولفون بعدين قال بو عبد العزيز لسلمان يدق على الحريم ويقولهم يطلعون عشان يروحون
رفعه : بدري ليه تروحون الحين
العنود : يلا ان شاء الله مرره ثانيه
الهنوف: ترى سمعت جدتي تعزم جدتج واتفقو عاد تعالي معاهم
رفعه : ان شاء الله انتي بس خليها ترضى
العنود: حني عليها وبترضى عاد شدعوه وانتي جواهر معاها
جواهر: ان شاء الله والله ونستونا
بدور : السلاام
رفعه: ههه هلا والله خلصتي سلامج يا صاحبة السمو
بدور : يدي راحت فيها
الهنوف: أي ماشاء الله مع البنات والجمعه القعده ماتنمل
فوزيه : يلا يابنات
بدور: يلا يمى هذا احنا جينا
طلعو البنات ورجعو الي ادراجهم ...
رجعو لخيامهم والكل كان تعبان وهلكان بعد هالروحه بس كالعاده العنود والهنوف طلعو بره يتمشون
بعد ما قعدوا يسولفون عن الي صار اليوم وهبالهم مع البنات
الهنوف ونبرة صوتها تغيرت الى الاهدأ : العنود
العنود: هلا
الهنوف : شلون فيصل عرف مكانج بالضبط
العنود: انصفق وجهها واستغربت : ..........ساكته
الهنوف: هنود لا تسكتين تكلمي
العنود: شقول ؟
الهنوف : قولي السالفه كلها وشلون عرف مكانج
العنود: أنا قلت له
الهنوف وهي فاتحه عيونها : ..............ومتفاجاه
العنود: هنوف والله مو قصدي صدقيني ولا توقعته يجي على بالي بس تحدي حتى انا يوم شفته انصدمت
الهنوف: عاد تقومين تقولين مكانج انهبلتي والا استخفيتي
العنود: انزين انتي سمعي السالفه كلها بالاول
الهنوف : يلا تفضلي
نرجع للخيمه
دانه : ريمو
ريم: هاه
دانه: هويتي تكلمي عدل
ريم: اجل شايفتني اتكلم مايل
دانه : ههه صدق ما عندج سالفه
ريم : عادانتي الي عندج
دانه : أي عندي
ريم: امري وش بغيتي
دانه : شراايج بحمد
ريم : أي حمد
دانه : الي يقرب لرفعه الي سلم على سلمان ومحمد اليوم
ريم : ايه وش فيه
دانه : شرايج فيه ؟
ريم: يعني شلون شرايي فيه ؟
دانه : ............
لفت ريم على دانه : دانوووه وين وصلتي
دانه : أمريكا
ريم: هههه ضحكتيني شفيج تسألين عنه ؟
دانه : بس كذا لفت نظري
ريم: والله هو يلفت النظر بس مو لدرجة انج تسرحيين
دانه: انا سرحت
ريم: يلا بدون لف ودوران وش السالفه قوليه من طق طق الى السلام عليكم
دانه : أي سالفه واي خراابيط الله يسلمج مجرد سؤال يعني حراام ؟
ريم: لا مو حرام بس الحرام انج تنطمين ولا تقولين شي .
دانه :..........
ريم: دانوووووووووووووووه
دانه : هاااااااااااااااه
ريم : تراني عاجنتج وخابزتج وماكلتج وهاضمتج ..
دانه : انزين بس بس لا تكملين
ريم: انزين يلا شصاير
دانه : تذكرين يوم رحنا الخيمه الثانيه مع البنات
ريم: ايه
دانه : نسيت شنطتي ويو جينا بنطلع رحت اجيبها
ريم وهي تضحك : لا تقووولين
دانه : بسم الله وشو الي لا أقووول
ريم: وهي فيها الضحكه : كملي كملي
دانه : ريمووو
ريم: يلا عاد كملي
دانه : المهم رحت اجيبها دخلت الخيمه خذت الشنطه وأنا طالعه ماانتبهت وصقعت فيه
ريم : ههههههههههههه حلفي
دانه : والله فشلللله قعدت ألقط وجهي
ريم : شافج ؟
دانه : لا غمض عيوونه ؟
ريم : ويييي أكيد تخرع
دانه : ماالت عليج بس والله انه محترم أول ما شافني لف وجهه وقال السمووحه اختي بس ما دريت ان فيه أحد
ريم : حركااات رييمو
دانه: عاد لا اوصيج مسكيها علي وقعدي تطنزي
ريم: ههه أفا عليج عاد أنا ما صدقت ألقى عليج شي عاد تصدقين استغربت طول الطريق واحنا في السياره وانتي سااكته اثرج في وادي واحنا في وادي
دانه : حرام عليج
ريم: أي حرام علي
دانه : ريمووووو بدينا
ريم: نمزح

الساعه10 في المطار
عبد الله : غريبه الى الان ما وصل هو قال تسع تنزل الطياره وكان يطالع الناس الي يدخلون يدور مابينهم عبد اللطيف
عبد اللطيف جاي من وراه وهو مو حاس : بوه
لف عبد الله وجهه وهو يضحك : هلا والله عمرك طويل توني اقول وينه تأخر ولمو بعض
عبد الله : حمد لله على السلامه
عبد اللطيف : الله يسلمك شخبارك شعلومك

--------------------------------------------------------------------------------

عبد الله : الحمد لله أنت شخبارك شو مسوي هناك شصار وش ما صار ؟
عبد اللطيف : هههه يالله نطلع وكمل تحقيقك
طلعو وراحو على البيت ( بيت عبد العزيز) تعشو وعينو خير واتفقوا انهم بكره يروحون للبر

الساعه 6 الصباح
فيصل : شبااب يلا قوموا ما صار نوم
الكل : مطنش
فيصل قام وجر الفراش الي على بدر
بدر: فييييييييييييصل والله ماني رايق لك
فسصل : بسكم نووم احنا جايين نكشت مو ننام
راشد: فيصل حرام عليك مانمنا الا الفجر
فيصل: شوفو عاد يا أنا يا أنتو اليوم قايمين يعني قايمين
أحمد: اوووووووووووووو
فيصل راح جاب سطل ماي وجاء: وااحد اثنيين ترى بكب الماي ...
والكل مطنش ولا كأنه يتكلم
فيصل: ثلاااااااااااااثه وطششششششششششششششش كب سطل الماي عليهم
بدر: وجعععععععععععععععع ويقوم يركض وياخذ قرشة الماي ويركض ورى فيصل وفيصل بسرعه طلع بره الخيمه وهو يركض وبدر وراااه ويرمي عليه الماي
فيصل وهو يضحك : حرام عليك بتمرضني
بدر: تستاهل أجل انت ناوي تهبلنا كاب علينا سطل ماااي
فيصل: والله ماجا عليكم كله على الفراش
بدر: لا والله والي علي هذا وشو
فيصل: عرق ههههههههه
ودخلو الخيمه
راشد: هاه عسى صدته
فيصل: لا اسم الله على عيونك ماتشوفني ناقع مااي
راشد : زين يسوي فيك
فيصل : قدرت عليكم بس على أحمد و جسوووم
بدر: والله لو تجيب سطلين ماي ما قامو
جاسم: لا سطلين ولا شي هذاني قمت
الكل: هههههههههههههه
راشد: انت حظرتك ليش مقومنا من الصباح عندك شي
فيصل: قوموا نفطر ونوسع صدرنا روحة البر مب كل يوم لا رجعتوا نامو في بيوتكم لين تقولون بس
بدر: انزين يلا سو الفطور
فيصل : أنا بروحي؟؟
جاسم : ما احد ضربك على يدك تبينا نقوم سو الفطور
فيصل: انزين يلا قوموا بروح للمحطه الي قريبه من هنا وبجيب أغراض حق الفطور
أحمد: لا تنسى الفول
فيصل : بسم الله من متى وانت صاحي
أحمد: من كلمة فطور
راشد: انا اموت واعرف على كثر الاكل الي تاكله ولا يبين فيك وين توديه
أحمد: ياخي قول ماشاء الله لا تصكني بعين
راشد: ماشاء الله
فيصل : انا طالع اذا رجعت ولقيتكم نايمين يا ويلكم ياسواد ليلكم يلا واحد يقوم يجهز الحطب
هو طلع من هنا والشباب انسدحو من هنا على اساس شوي ويقومون .. راح وتقضى كل الي يبيه وهو راجع الا يشوف واحد شايب واقف في سيارته وفاتح الكبوت حق السياره مر عليه فيصل وفتح الشباك : السلام عليكم
الشايب : وعليكم السلام
فيصل : عسى ما شر يالعم
الشايب : الشر مايجيك ياولدي بس ما ادري شفيها هالسياره وقفت علي
نزل فيصل من سيارته وقام يشوف وش فيها سيارة الشايب
فيصل: والله يالعم السياره يبلها تدخل الورشه
الشايب: ليش؟
فيصل : الماكينه يبغالها تصليح .. حياك عمي تعال معي أنابوصلك
الشايب : أخاف أعطلك والا شي
فيصل: شدعوه الناس للناس والكل لله
الشايب : ما تقصر ياولدي بس عطني دقيقه اسكر السياره واخذ الاغراض الي فيها
ركبو السياره وحركوا
فيصل: أول مرره توقف عليك السياره ؟؟
الشايب : أي والله اول مرره والله البلا من هالبنات خذوها وخربوها لي تقل الحين في بنات يسوقون
فيصل: ههه عادي عمي بنات هالزمن كلهم كذا
الشايب: أي والله ما تعرف تفرق بين الصبي من البنت ..الا ما قلت لي وش اسمك
فيصل : أنا فيصل ..... طال عمرك
الشايب : والنعم فيك ....أنا بو عبد العزيز
فيصل : والنعم
بو عبد العزيز : الله ينعم بحالك جاي مع أهلك
فيصل: لا والله جاي مع الشباب
وقام بو عبد العزير يعلم فيصل الطريق للمخيم
بو عبد العزيز : هذا المخيم
فيصل يوم شاف المكان انصدم وما توقع وقعد مبهوت من الي شافه وقف السياره ونزل ابو عبد العزيز
بو عبد العزيز: تفضل
فيصل : زاد فضلك عمي بس لازم أرجع الشباب يستنوني
بو عبد العزيز : توصل لعند بابي وماتدخل حلفت عليك على الاقل افطر وتوكل على الله
فيصل: ولا يهمك يابوعبد العزيز أنت تامر
ونزل فيصل لان ما حب يكسر بكلمة بو عبد العزيز ..دخلو الخيمه وقعد يسولف معاه شوي ويتقهوه
بو عبد العزيز : خذ راحتك يا ولدي عن اذنك شوي اروح اشوف الشباب وينهم واجي
فيصل : ما تقصر .. ان شاء الله
فيصل قعد جنب النار وحط فوقه الفروه ومعه كوب حليب مع زنجبيل وخبز أحمر الي يخبزونه باليد
العنود قامت من النوم ( أصلا مانامت كانت طول الليل خايفه وتفكر بالي صار ) راحت للمطبخ عند جدتها وقامت تسولف معها بعدين سألتها عن جدها
فوزيه: والله ماادري طلع من شوي يجيب الفطور ما ادري اذا جاء والا لا
راحت العنود ودخلت الخيمه الرجال وفيصل موجود وكان معطيها ظهره .. شافته العنود وظنته محمد
العنود: صباح الخير
فيصل يوم سمع صوتها انصدم وما عرف شسوي بس سكت ولا تحرك
العنود: قلنا صباح الخير
فيصل:.....................
الله لهالدرجه البرد خلاك أطرش
فيصل جاته الضحكه بس مسكها وفي قلبه: فديييتها
العنود: وين جدي؟؟
فيصل قال لازم أتصرف لو يدخل أحد ويشوفها شنو بيقول
فيصل :طلع ؟
العنود ماانتبهت للصوت وراحت صبت لها كوب زنجبيل: الى الان مارجع ما صار فطور
فيصل : احم احم احم
العنود: تلف وجهها ما في أحد شفيك تتنحنح ( هي على بالها محمد لان دايم اذا قام من النوم وهو مو شبعان يالله يقعد سنه عشان يستوعب الي حوله ) فطنشت
خذت الكوب وراحت جلست جنبه عشان تتدفى بالنار لفت وجهها :أقول محمد....
ما قدرت تسوي ولا شي تصرخ والا تطلع ما عرفت تسوي غير انها بلقت عيونها واشهقت شهقه قويه وانقزت من مكانها بسررعه وطلعت بره الخيمه ( ياااربي وش هالفشله الحين انا البقره ما اسمع الصوت متغير ياااربي شهالمصايب حمد لله ما احد شافني وطلعت بسرعه )
الا الهنوف قدامها : هييه شفيج تركضين
العنود: لحقي علي
الهنوف : شفيج؟؟
العنود: دخلت الخيمه وكان فيها وااحد . حسبالي محمد وقعدت أسولف وبعدين طلع وااحد ما اعرفه
الهنوف : ويالدبشه ما شفتي وجهه
العنود: كان معطيني ظهره ولا انتبهت
الهنوف : شافج ؟
العنود: وقعدت جنبه ..
الهنوف: ههههه انا شفت دبش بس مثل دباشتج عمري ما شفت ولا اتوقع اني راح أشوف
العنود: الحمد لله ان ما في احد شافني ... والا كان رحت فيها
الهنوف : الله ستر
العنود: عاد تدرين ؟
الهنوف : وشو
العنود شكله حلو ..
الهنوف: يالخايسه أمداج تقزينه؟؟
العنود: لا بس لمحته .. عيونه واسعه ونعسانه ورموشه طوااال ولونه حنطي هذا الي قدرت اشوفه بس عليه عيووون
الهنوف : كل هذا ولمحتيه بس ؟؟
العنود : أي مو طاحت عيوني بعيونه عشان كذا شفتها زيين
الهنوف : صدق ما تستحين قومي بس نجهز الفطور مع امي فوزيه
العنود : قاموا البنات ؟
الهنوف : يوم طلعت من الخيمه كانت بدور قاعده وعميمه تقوم في البنات .
العنود: اوكي يلا قومي .

فيصل : على هالموقف الي صار مستحيل اقعد عاد خل استحي على وجهي وتوه بيقوم الي يدخل سلمان
سلمان : السلام عليكم
فيصل : هلا والله وعليكم السلام
سلمان سلم عليه الا في دخلة بو عبد العزيز ومحمد سلم محمد على سلمان
بو عبد العزيز: هذا فيصل الله يعطيه العافيه وقفت سيارتي وكان مار في الطريق ووصلني معه
سلمان : تسلم تعبناك
فيصل : شدعوه لا تعب ولاشي ما سوينا الا الواجب يلا عن اذنكم
بو عبد العزيز: وين تو الناس ما فطرت معنا
فيصل : مره ثانيه ان شاء الله
سلمان : افااا ما قعدنا معاك ولا شي
فيصل : مرره ثانيه الشباب يستنوني والله
سلمان : خلاص أجل العشا عندنا الليله لازم نرد لك الجميل
فيصل: لااا عاد كذا تخلوني ازعل احنا مثل الأهل
بوعبد العزيز : اذا زي ما تقول أهل خلاص تعال انت والشباب اليوم عندنا على العشا
سلمان : ولا ترد كلمة ابوي قل تم
فيصل : ههههههه تم
سلمان : خلاص ان شاء الله بينا اتصال
فيصل : خلاص بس عطني رقمك يا..
سلمان : سلمان ولد بو سلمان
محمد: ما سمعك أبوي
سلمان: هههههه أقصد ولد بو عبد العزيز وهذا ولد أخوي عبد العزيز
فيصل : والنعم فيكم
سلمان ومحمد: الله ينعم بحالك
فيصل : خلاص ان شاء الله نشوفكم الليله
سلمان : ان شاء الله
فيصل : يلا مع السلامه .. طلع ومعاه سلمان
محمد: جدي والسياره وينها ؟
بو عبد العزيز: خليت راجور يروح يجيبها

الساعه 8ونص عبد الله وعبد اللطيف كانو صاحيين على أساس الساعه تسع يمشون للبر عبد الله راح للشغل ورتب أموره وأخذ له إجازه ورجع لعبد اللطيف الي كان متجهز للروحه ومتحمس أكثر من عبد الله لان بيشوف أهله ..

بعد الفطور البنات كانوا قاعدين مع جدهم سوالف وضحك وهبال شوي الا تدخل فوزيه عليهم مع محمد وسلمان والبنات ماخذين احتياطهم فحطو عليهم الجلالات :السلام عليكم
الكل : وعليكم السلام
العنود: وين رحتوا؟
محمد: وانتي شكو رايحين نتمشى
بدور : ولا تاخذونا معاكم
سلمان : وانتي لازم تدخلين نفسج بكل شي
بدور: ليه هو في شي يسوى بدوني
سلمان : قولي في شي يسوى وانتي فيه
بدور: نعم نعم ..
فوزيه : بسكم بديتو بالمناقر انتم مايمر يوم الا وتتهاوشون فيه
العنود: هههههه والله عاادي ياجدتي والله بتفقدين هالخناق بس مب الحين
بدور: أي صدق بعدين تتمنين هالخناق وتقولين ياليت وياليت
بو عبد العزيز: ألحين الواحد قام يتمنى الخناق

محمد: جدي كل شي مايخطر على بالك يصير عاادي
ندى ودلال والهنوف وهم تحت الجلال قاموا وقفوا وطلعو
سلمان: قطار على غفله شفيكم قمتو؟؟
العنود: مو سيد الحسن موجود
محمد: افاااا انتم الداخلين وانا الطالع تعالوا اقعدوا يابنات العم
فوزيه: تعالو قعدو بس مافي احد غريب
كل وحده تنغز الثانيه تكلمت دلال : شدعوه بس بغينا نتمشى شوي بره
بو عبد العزيز : يلا روحو وانا بلحقكم ويلف على فوزيه أصلا هم كانو يحنون علي عشان نطلع
بدور: يبىىىىى يحنون والا غرت من أمي
الكل قام يضحك
بو عبد العزيز: لا غرت ولا شي بس انتي كنتي موجوده وسمعتيهم يقولون لي خل نطلع
بدور: أي بس كنت رافض تماما
العنود: ورضى يعني فيها شي
فوزيه: ايه انتي دافعي يامقرودة الحظ
العنود: حرااام عليج جده الحين عشان دافعت عن جدي صرت مقرودة حظ
محمد: ما عليج منهم يامي واحنا وين رحنا
فوزيه: في عيوني
سلمان : تسلم عيونج الغاليه
العنود: ما اقدر انا على الي يتغزل
بدور: وابوي بعد كل البنات بصفه يعني الحين اثنين ( تقولها باستحقار وتاشر بأصبعها ) يغلبون سبع وأكثر
محمد: نعم وان شاء ليش مب عاجبينج هالاثنين
سلمان : والا احنا يعني مانملي العين
بو عبد العزيز : بسكم ياعيال كلكم غاليين
فوزيه : صدق جدكم مافي احد يفرق عن الثاني بغلاه
بو عبد العزيز وهو قايم بيطلع :ترى نسيت أقولج ترى اليوم على العشا بيجون عندنا رجال
فوزيه: حياهم الله
طلع بو عبد العزيز وطلعت وراه بدور والعنود قامت تصب لها بيالة شاهي
سلمان: ياحليه فيصل والله شكله ولد ناس وما عليه
العنود سمعت اسم فيصل وقلبها قام يرجف خوف
محمد: الا هو ولد منو ؟
سلمان: فيصل ال.......
محمد: ومن بيجي معاه اسمع جدي يقوله تعال انت والشباب
سلمان : والله ماادري بس اتوقع أخوياه ليه مستعجل اليوم يجون ونعرفهم
فوزيه :هذا الي وصل جدكم اليوم
سلمان : ايه يمى أبوي عزمه على العشا
فوزيه : حياه الله والله انه خوش ولد
العنود الي كانت غارقه في شكوكها : ليه جدي وش صاير له اليوم
سلمان : وهو راجع من البقاله الصباح وقفت سيارته وشافه واحد ووصله فجدج عزمه على العشا
العنود: اممم هو جاء مع جدي عندنا اليوم
سلمان :ايه
كملو سوالفهم أما العنود خذت كوبها وطلعت وهي تفكر بالموقف الي صار لها اليوم معقوله يكون هو فيصل لا بس وش جيبه الله يستر ..وراحت للبنات
على الساعه 12 وشوي تقريبا سمو صوت هرن بيييييييييييييييييييييييييب بييب بييب سلمان على طول طلع بره هو ومحمد
فوزيه الي كانت في الخيمه : الله يستر وش السالفه
بدور: وجع من ذا الي يدق هالبوري كذا
ريم : بروح أشوف
منيره : استحي على وجهج يمكن واحد من رجال جدج والا عمج
وتقوم ريم تطل :يووووووو هاذي سيارة عبد الله
سلمان : هلا والله بو عبيد
وينزل عبد الله من السياره ومعاه عبد اللطيف .....
سلمان ومحمد بصراخ : عبد اللطيف
البنات في الخيام سمعو والكل قام يطل
سلمان وينقز عليه ويلمه : هلا والله شخبارك وانا اقول ليش الدنيا منوره اليوم
عبد اللطيف وهو يضحك : تسلم يالعم شخبارك .... الا يشوف محمد وراه ويروح له ويلمه طبعا الكل طلع وفوزيه اول ما شافته
فوزيه : هلا بوليدي تقولها وعيونها غرقانه من الفرحه
عبد اللطيف : هلا والله بامي شخبارج يالغاليه
فوزيه: دامني شفتك بخير وألف خير ..باس راها ويدها والابتسامه شاقه وجهه ويجي جده ويسسلم عليه
منيره : الحمد لله على السلامه يا ولد أخوي
عبد اللطيف راح لها وسلم عليها : الله يسلمج
والكل سلم عليه الا وحده كانت تطالعه من بعيد وهي تصيييح وفرحااانه رفع عيونه لها وابتسم ابتسامه تبر القلب وجاته تررركض ولمته على صدره
عبد اللطيف: نوفتي حبيبتي ليش تصيحين
العنود وطبعا من تحت الجلال : من فرحتها فيك
عبد اللطيف : العنود
العنود: نسيتني
عبد اللطيف : افااا ومين يقدر ينساج .. خلاص الهنوف لا اصيح معاج
الهنوف رفعت راسها وهي تبتسم وتمسح دموعها : خوووووش مفاجأه
عبد اللطيف : ههههههه
بدور: لطووووف
عبد اللطيف : يعني مستحيل أكبر دامج تسميني لطووووف
بدور: ههههههه انا مااعرف الا لطوف عبد اللطيف ثقيله على لساني
بو عبد العزيز: يلا خلو الولد يدخل مسكين
عبدالله : والله اني مسكين لو ادري انكم بتنسوني كان ما جبته معي
الكل قام يضحك
فوزيه: لا ياولدي مانسياك ولا شي بس عاد تعرف من زمااان ماشفنا ولد عمك
عبد الله : ههههههههههه والله انا سويت أكثر يوم شفته
بدور : على قول المصاريا يا ألف نها ابيض كلولولوووووووووووش
الكل كان يضحك ومستانس بجية عبد اللطيف ودخلو كلهم داخل الخيام والبنات جابو جلالاتهم وقعدو معاهم وصارت الخيمه في قمة الازعاج والوناسه الحريم من جهه والرجال من جهه والبزارين من جهه <<عاد تعرفون شلون تكون الخبصه مع الجمعه ولا عاد جمعة بر بعد ....
قامو يسولفون شوي الا قامو الحريم وجهزوا الغدا وتغدوا وعينو خير وقعدو شوي يرتاحون ..

العصر كانوا في خيمة الرجال...البنات كانو صادين وقاعدين من جهه..
سلمان: يمى ترانا نغار ما صارت من أول ما جاء عبد اللطيف وانتي قاعده معاه واحنا صرنا في الريوس
فوزيه: حتى من ولد أخوك تغار استح على وجهك شخليت للصغار
سلمان: عاد من كبري توني حتى 25 ما تعديتها
عبد اللطيف : ههههههههه امي فوزيه والله ياخوفي يحسدونا
فوزيه: وه وه وه اسم الله عليك من العين وياعل عين الحسود انشاء الله فيها عود ...انتم مقابليني اربعه وعشرين ساعه وهو يا حافظ وين ووين أشوفه
الكل قام يضحك
سلمان : الا اقول من لقى احبابه نسى أصحابه
محمد: الا ما قلتلي متى تخلص دراستك
عبد اللطيف : هانت ان شاء الله ما بقىالا سنتين
محمد: ماشاء الله عليك بالتوفيق ... زين عرفت تتاقلم مع الوضع هناك والله لو انا مكانك كان من يومها رجعت
سلمان : وانت الصادق ياهي غربه وغثه دراسه
بدور: ما عليك منهم تراهم غيرانين ومحترين منك
سلمان : مالت اقول اني سكتي بس
فوزيه: بس بد الخناق
بو عبد العزيز : الا اقول عبد اللطيف قلت لابوك وامك انك بتجي
عبد اللطيف : لا والله ماقلت لهم قلت أخليها لين ما يجون عشان تصير مفاجأه لهم حتى فهد مريت عليه اليوم قبل مانطلع سلمت عليه وقال انه بيجي بكره أو الي بعده ان شاء الله
العنود: وفدييته دحومي بيجي..أقول جدي شرايك نشوي اليوم طبعا بعد اذنك انت وامي فوزيه
بدور: والله خوش من زمان عن الشوي
منيره : انتو بعد حد يشوي في بر
العنود: عاادي كل الي ما يصير عندنا يصير
بو عبد العزيز : نشوي ليش لا
فوزيه : والرجال الي جاينكم اليوم
سلمان : عادي حالهم من حالنا شباب بالعكس بيستانسون أكثر
بوعبد العزيز: عاد من اول مررره
محمد: جدي عادي هذيلا شباب اسألنا احنا .
سلمان : عشان تقوم الفله
فوزيه : وشو هاذي فله بعد
الكل يضحك :
بدور: يمى هاذي معناها وناسه وضحك وهبال
العنود: يعني مثلي

بعد المغرب كانو يتجهزون حق الشوي والبنات والبزارين كانو بره
ناصر : العنود شرايج نطرطع
العنود: نصووووووووور
ناصر تخرع: شفيييج
العنود: أموووت فيك ياربي انا عندي ولد عمه بالدنيا كلها
ناصر: أعجبج صح
ريم: وااااي عاد احنا جايبين كيستين ملياانه
الهنوف: يلا خل نروح نجيبهم
راحو البنات وجابوهم
العنود: اول وحده انا بولعها خذت الولاعه يلا كلكم وخرو
شهد: الحين بيطلع الوان
طراااااااااااااااااااااااااااااااااااخ
رزان : الله حلوووووووو
الي في الخيمه سمعو وجاو
بدور: يالخاينين ولا تقولون
العنود: تونا مولعينها اول وحده
ريم: ابي وحده
الهنوف: لا والله شهد والا رزان على غفله
الريم: عن الطناز خاطري اولع وحده
دانه : تعرفين
الريم: سهل عادي كأني اولع شمعه
العنود: هههه تطنزين خوش والله
سلمان يالخاينين ولا تنادون عمكم
العنود : عميي عاد فله ووناسه يلا تعال
محمد: أشو ارمي الولاعه
بدور: هاك وترميها له
الكل طلع يشوف من حريم ورجال كان مقابلين بعض الا بدور هي الي تروح وتجي لان الكل عليها حلال
العنود مطنشه كانت لابسه جلابيه واسعه ومتلثمه ولا عليها من احد<<<الأخت بايعتها
والهنوف كانت معلقه عيونها على محمد وهويضحك ويستهبل طبعا هو حاس بالوضع عبد اللطيف افتقد جدته وراح دخل عندها الخيمه
عبد اللطيف: أمي فوزيه ليش قاعده بروحج يلا قومي معنا بره
فوزيه : والله ياولدي اني اخاف من هالي يطرطع

عبد اللطيف: فدييتج يمى قومي معاي انا بوقف جنبج من بعيد بس ونشوفه ..يلا عن خاطري
فوزيه: وانا اقدر اقولك لا بس والي يعافيك ياولدي شيل هالكمبتوتر حق دلال لايجي واحد من البزارين ويلعب فيه
عبد اللطيف وهو يضحك: يمى اسمه لب توب
فوزيه : ألي هو بس شيله
عبد اللطيف راح ولقى الشاشه مفتوحه ولما شافها انقطعت كل شكوكه ..سكر الالب توب ورفعه
وطلعو
فوزيه اول ما شافت الطراطيع : الله يحفظنا من النار ياربي في احد يلعب بالنار
عبد الله: خليهم يوسعون صدورهم
عبد اللطيف : لا تخافين معاهم محمد وسلمان
فوزيه: شهد ولطيفه وينهم
عبد الله: عند الحريم لا تخافين عليهم كل وحده عند امها
فوزيه : الا وين جدكم ؟؟
عبد الله توه دخل الخيمه راسه انفقع من الصوت
فوزيه : اجل دخلوني عنده
عبد الله وعبد اللطيف يضحكون
عبدالله: يمى ما امداج تشوفين شي
فوزيه: ماابي اشوف بس دخلوني
الا تجي العنود تركض: أمي فديتج لا تروحين تعالي شوف والله انها تهبل حتى جدي استانس عليها احنا ما صدقنا تطلعين تقومين تدخلين
فوزيه :/ والله طلعت عشان خاطر عبد اللطيف وهذاني شفتها وبدخل
العنود : تطالع بعبد اللطيف : وييي يعني عبد اللطيف تطلعين عشانه واحنا لا
عبد اللطيف : يغمز لها أنا غير
العنودوهي رافعه حواجبها وتقلب في عيونها : وأنا احلى
عبد الله قام يطالع في العنود وهو مستغرب ..
العنود تضحك ضحكة خوف : هههههههه أمزح عن اذنكم
فوزيه : شفيك على البنت
عبد الله: هاذي مستحيل تعقل الحين عبد اللطيف من كبرها عشان تقعد تستهبل عليه
عبد اللطيف : عاادي شدعوه متعود الهنوف ما تقصر <<في قلبه ياحليلج يالعنود مهما تكبرين تظلين صغيرونه
فوزيه: هالثنتين مايقفترقون أبد بس عاد ياليت الهنوف تعطي العنود شوي من ركادتها
عبد اللطيف : توهم صغار خل يستانسون
ودخلو الخيمه ..
على الساعه 8 الشباب جاو وطلع جاسم يعرف سلمان ومحمد واستانسو مع الشوي والهبال كانو متجمعين برره ويشوون
وحتى الحريم كانو قاعدين من الجهه الثانيه ويشوون
العنود في الوقت هذا كانت تقريباعارفه ان الي بين الموجودين هو فيصل بس حبت تتأكد غفلت البنات وخذت حجابها ولفته عليها وطلعت عشان تشوف السياره ... في نفس الوقت فيصل استأذن الشباب راح يجيب غرض من سيارته
العنود شافت السياره من بعيد :هي نفسها بس لا يمكن واحد ثاني بروح أشوف اللوحه << اللقافه ذابحتها
راحت العنود وقربت والاتسمع صوت السياره ينفتح فيصل ضغط ازر من بعيد
العنود صرخت: واااااااااااااااااااا ومن الخرعه طاحت على الارض
فيصل : بسم الله وراح يركض لعند السياره والعنود توها بتقوم الا فيصل في وجهها هو أول ما شافها ماعرف شسوي
العنود وهي منصدمه وفاتحه عيونها : أنت
تبسم وهو فرحان وقال: هاذي ثاني مرره تجمعج وياي الصدفه
العنود قلبها وصل الف دق دق دق دق دق دق وبسرعه لفت وجهها وعلى طول راحت
فيصل: العنود صدقيني كل الي صار مو بيدي كله غصب عني حاولت اتجنب بس ما قدرت
العنود وهي تكمل طريقها وسااكته معطته ظهرها
فيصل: اااااااااااااااااسف تاكدي ماراح أضرج
فيصل كان فرحان ونفس الوقت زعلان فرحان لانه مرتين وهو يشوف العنود وزعلان لانه كان متأكد ان العنود تحسبه سوى كل هذا عناد فيها وهو ما قدر يوضحله او يفهمها وخذ الي كان يبغاه ورجع ..
العنود الي كانت الدنيا مو واسعتها ومو عار فه شتسوي ودها تصيح وتصارخ ظلت صدومه شافتها الهنوف وجاتها
الهنوف: عنود حبوبه شفيج
العنود وعيونها مغرقه : فيصل
الهنوف: الله لا يعطيه عافيه شفيه
العنود ونزلت دمعه من دموعها : شفته
الهنوف خذت العنود وراحو بعيد : شلون شفتيه
العنود قالت للهنوف السالفه وكانت دموعها تنزل على خدودها بهدوء (العنود على هبالها ورجتها الا انها صيوحه بسرعه تصيح بس ما تحب تصيح قدام الناس دايما تبين انها قويه بس داخلها كلها رقه ونعومه وهي يوم كانت تصيح مو عرافه هل هو خوف والا لانها منصدمه بالي صار أو شي ثاااااااني ..؟؟؟؟؟
بعد ما تعشوا راحو الشباب الي كانوا مستانسين وخاااصه فيصل ..
اليوم الثاني بعد ما فطرو الصباح على الساعه 8 طلعو يتمشون فوزيه وعبد اللطيف والهنوف وعبد الله الي كان مع البزران وبدور والريم ودانه ودلال أما العنود الي ما كان لها خلق ما طلعت معهم ...
خذت جوالها ودقت على أبوها
عبد العزيز: هلا والله
العنود: هلا بك يبى شخبارك
عبد العزيز : الحمد لله بخير وعافيه انتي شخبارج وشخبار البنات وجدتج وجدج
العنود: كلهم بخير وعافيه الا ما قلت لي انت شخبارك وشخبار امي
عبد العزيز: بخير وعافيه تسأل عنج هاه عساكم مستانسين
العنود: يبى ما كأنكم طولتو ما صارت ..
عبد العزيز: ههههه ليه زهقتي
العنود: لا والله أي زهق الا وناسه ولا بعد جا عبد اللطيف
عبد العزيز: عبد اللطيف
العنود: ويييي صج اني فضيحه
عبد العزيز : شالسالفه
العنود: بقولك بس لا تعلم أحد ولا كأنك تدري
عبد العزيز : قولي وشو خرعتيني
العنود: لا تخاف بس عبد اللطيف ولد عمي عبد الرحمن جا من لندن
عبد العزيز: عسى ما شر
العنود: لا تخاف بس جاي عشان عنده اجازه وبيحضر معنا العيد
عبد العزيز: وعمج وخالتج يدرون
العنود: لا يبي يسويها لهم مفاجأه
عبدالعزيز : متى جاء؟؟؟
العنود : يمكن له تقريبا يومين
عبد العزيز : زين انج قلتي لنا عشان نستعجل في الرجعه
العنود: صدق يبى ..
عبد العزيز: أي ان شاء الله اليوم عرس لجين نحظره وبكره نرجع
العنود: صدق زييين وناااسه يبى امي جنبك
عبد العزيز: أي تكلمينها
العنود: لو سمحت ...
كلمت العنود أمها ..ووصتها لا تعلم خالتها وعمها ان عبد اللطيف جاء
سكرت العنود من أمها: وانا شمقعدني خل اروح اتمشى معهم وقامت
طلعت الا قدامها محمد
محمد: على وين
العنود: بروح أتمشى معهم يلا معاي
محمد : يلا
العنود تصارخ : ياهووووو انتظروو

الهنوف : تو الناس
فوزيه: هاه شفيها جات
العنود: السلام والله قلت الروحه من دوني ما تسوى ما في احد بهبلهم على ان عميمههه ما تقصر بس ولو انا العنود
فعشان كذا قلت أجي أحسن
الريم: مداح نفسه .......أتوقع تعرفين الباقي
العنود: يبيله بوسه هههههه مو لازم شكرا
محمد تقدم عند الشباب وجدته وقعد يسولف معهم والبنات يسولفون ورى بينهم مسافه عشان البنات ياخذون راحتهم
البنات وهم يتمشون كانوا مقابلين بعض الهنوف والعنود يتمشون عادي والريم ودانه ودلال يتمشون بالعكس
وعبد الله وفوزيه وعبد اللطيف يتمشون عادي وبدور ومحمد عكس ..
محمد كان يسولف عن موقف صار له هو وسلمان ومتحمس في السالف والهنوف كانت تطالعه وتطالع هباله وحركاته
وفجأه طاحت عيونها بعيونه وهو يبتسم وغمزلها في نفس الوقت دلال كانت حاسه ان الهنوف مو طبيعيه من جهه ثانيه عبد اللطيف انتبه لمحمد وهو يغمز فلف وجهه ودلال لفت وجهها وتلاقت الأعين ...دلال كانت كاشفه وجهها بس متحجبه لانها كانت تمشي بالعكس ....
شوي كملو دورتهم بعدين رجعو للصغار الي كانو مع الأرانب والصوص
شهد وبيدها صوص جايه تركض لعند جدتها : أمي فوزيه شوفي
فوزيه: منوين جبتيه
شهد:نايف عطاني اياه
بدور: روحي رجعيه لا يموت
شهد: أصلا هو ما يموت بعدين انا احبه ما اموته
رزان وبيدها ارنب: خالتي بدور شوفي
عبد اللطيف : هاذي متطوره أكثر جايبه ارنب معاها
بدور: الحين ما تخافين
رزان : لا
بدور: اشوف عطيني اياه
رزان : والله ما اخاف
بدور : انزين بس بشيله شوي
رزان: طيب وعطتها اياه وراحت للبنات
ريم : وااي فديته عطيني اياه
الهوف : عميمه والي يعافيج وخريه عن وجهي
العنود: ما اقدر على الرقه
دلال : شلون قدرتي تمسكينه ؟؟
رزان :نصور عطاني اياه
العنود: انا هذا نويصر ما شاء الله عليه ..؟؟
دلال : عميمه عطيني اشيله شوي
رزان : لا تعورونه ترى حقي
دلال : لا تخافين بس بشيله
العنود كالعاده نقزت تجيب الكاميرا وقعدت تصور والبنات قامو يهبلون في الهنوف عشانها تخاف ..
العنود وبيدها الكاميرا : أمي فوزيه ضحكي
فوزيه : وانتي ويا هالكاميرا كل شي لازم تصورينه
العنود: عشان يبقى ذكرى
بدور وبيدها الارنب : ياربي يجنن ريشه كأنه قطوه
فوزيه : والله هالارنب يصلح نطبخه مليان
العنود: وععععععععع جده من صدقج تبين تاكلينه
فوزيه: أي عادي حاله حال اللحم وأحلى بعد
غبد اللطيف والله لو يسمعونج الغرب يا جدتي يسجنونج
فوزيه : وليش يسجنوني
عبد اللطيف : لانج بتذبجين الأرنب
الهنوف : شدعوه
عبد اللطيف : ليش عادي هم عندهم الانسان والحيوان واحد
بدور : وانت الصادق بعد يمكن الحيوان احسن
فوزيه : الحمد لله ياربي على نعمة الاسلام ..ألحين عندهم الحيوان والادمي وااحد
الكل : يضحك
فوزيه: عاد أنا خبري انهم يربون كلاب قطاوه مب أرانب
الهنوف : كل شي يربونه لا تخافين
العنود: تصدقين جدتي جتى الحيه يربونها
بدور: الله لا ما اتوقع
العنود: لا والله صدق انا ذاك اليوم شايفه برنامج في التلفزيون والمشكله معاهم في البيت
الهنوف: الله يلوع كبودهم
فوزيه : وأنا اقول شفيهم بيض بزياده أثر الي فيهم برص مب بياض
الكل مينت من الضحك
عبد اللطيف : الله يهداج ياجدتي هذا لونهم
وتمو يسولفون شوي بعدين دخلو
مر اليوم عادي وطبيعي تغدو وبعدين ارتاحو شوي الظهر والعصر قعدو سوالف وضحك وهبال ولعب في الدباب والي في السياره وطبعا كل هالزحمه ما تخلى من هبال البنات والشباب
في الليل
الهنوف : العنود شسالفتج اليوم
العنود: ليه
الهنوف : أشوفج مستانسه ونسيني وياج
العنود وابتسامه على وجهها : هو مستانسه مستانسه بس ليش بعدين تعرفين
الهنوف : عنووود عن السخافه يلا ونسيني وياج
العنود: قريب تعرفين
الهنوف : يعني متى
العنود: ان شاء الله بكره
الهنوف : الله بكره وانا شصبرني
العنود: مفتاح الصبر الفرج
الهنوف: عنيده مالي خلق لج يلا قولي
العنود: تو تو تو ماراح أقول
الهنوف: أحسن لا تقولين
الا الريم تنادي : العنووووود الهنوووووووووف يلا العشا جاهز
العنود: يلا قومي نتعشى
الهنوف : ماني مشتهيه
العنود: لا يكون عشان ما قلت لج
الهنوف : لا شدعوه
العنود: انزين يلا عن الدلع
الهنوف : والله مالي خاطر اكل
العنود: انزين يلا على الاقل بس قعدي معنا بعدين مع الجمعه تنفتح نفسيتج على الاكل
الهنوف : انزين اسبقيني انا بروح للمطبخ شوي وبجي
العنود: أوكي لا تطولين
راحت العنود للخيمه عشان تتعشى أما الهنوف راحت للمطبخ دخلت شربت ماي وغسلت يدها وقامت تسولف مع الشغالات شوي ..
في نفس الوقت محمد كان طالع من الخيمه ورايح للمطبخ .... طلعت الهنوف من المطبخ وتنزل من الدرج الا تسمع صوت
ميااااااااااااااااااااااااااااو داست عل ذيل قطوه الهنوف من الخرعه زلقت من الدرج وطاحت على رجولها وضربت في حافة الدرج
الهنوف مسكت عمرها ولا صرخت لان ما تبي تخوف جدتها على شي ما يسوى بس رجولها قامت تنزف دم لانها ضربت في الحافه وكانت حااده لانها رخام ..
الهنوف ما صرخت لانها عارفه ان جدتها بتتخرع وهي ما بغت تسوي دوشه فقعدت على الارض وهي تون
الهنوف وهي تصيح ومغمضه عيونها :اّ اّ اّ ااااااااه
محمد جاء وشافها على الارض وكانت خصل من شعرها على وجهها فما عرفها لان الشعر مغطي وجهها بس شاف الدم على رجولها وهي ماسكتها
تتوووقعوووووووووون شصاااااااااااااااار

محمد جاء وشافها على الارض وكانت خصل من شعرها على وجهها فما عرفها لان الشعر مغطي وجهها بس شاف الدم على رجولها وهي ماسكتها

محمد: بسم الله عليج شفيج ؟
الهنوف رفعت راسها وشافت محمد شافها وعيونها كلها دمووع
محمد وهو خايف عليها : الهنوف شفيج ؟؟ وراح تقدم لعندها
الهنوف: طحت من الدرج وظربت رجولي بالحافه
محمد: وخري يدج خليني اشوف الجرح
الهنوف : وهي خايفه لا لا ماله داعي
محمد وهو معصب عليها : ماراح اكلج وخري يدج
الهنوف حست ان حركتها مالها داعي بس هي مستحيه وخرت يدها محمد شاف الجرح ولقاه كبير شوي وينزف
محمد: قومي اقعدي على الدرج
دخل محمد وخذ كاس ماي ومنديل وطلع وأخذ يمسح الجرح والهنوف كانت مستحيه ومنزله راسها بالأرض
محمد: ميري ميري
ميري طلعت ويوم شافت الهنوف شهقت : هنوف ايش في
محمد: في شاش
ميري : أي بابا في
محمد: انزين جيبي لي شاش ولزق
ميري : ان شاء الله
راحت ميري بسرعه جابت علبة الاسعافات وعطتها محمد
الهنوف : محمد خلاص ماله داعي انا احطهم والا خلي ميري
محمد ولا كأنه يسمعها خذ ( ميكريكون ) وحطه على الجرح ولفه بشاش ولزقه
محمد: ما تشوفين شر
الهنوف : الشر ما يجيك شكرا واسفه
محمد وهومنزل عيونه ولا رفعها ابد: ماله داعي الشكر والاسف انا ما سويت شي ومره ثانيه انتبهي
الهنوف : وهي تصيح ان شاء الله
محمد سمع صياحها وتعور قلبه ما قدر لف وجهه عليها : ممكن اعرف ليش الدموع رجولج تعورج
الهنوف : لا بس
محمد: لا تخافين ما فيج الا العافيه جرح بسييط بس ويلا اشوف امسحي هالدموع ترى ما اقدر اشوفهم
وسامحيني اذا ضايقتج
الهنوف : لا شدعوه وتبسمت له
وقام محمد ورجع
الهنوف على طول قامت وساعدتها ميري ودخلت داخل المطبخ
ميري : رجول انتي يعور؟؟
الهنوف : لا ميري لا تعلمين احد طيب
ميري وهي تضحك : تيب ماما انا مافي ألم أحد بابا مهمد واااجد زين صح ؟؟
الهنوف: أي صح بس سكتي والي يعافيج روحي نادي العنود
ميري : ان شاء الله
الهنوف : بس لحظه لاتقولي شي عن رجولي طيب
ميري : تيب
توها بتفتح الباب الا العنود بوجهها : وينج سنه
ميري : ما ما الهنوف تاهت ورجول هي في دم
الهنوف : مالت عليج هذا وانا موصيتج
العنود: شفيج الهنوف وتشوف رجولها شفيها رجلج ليش ملفوفه ؟؟
الهنوف: قصري حسج لا يسمعج أحد
العنود: مافي احد بعدين ليش ما ناديتي احد شفيها رجولج
الهنوف: وانا طالعه من المطبخ دست على ذبل قطوه وصرخت وزلقت وطحت وانجرحت رجلي
العنود : عسى مب كبير الجرح
الهنوف: يعني بس نزف دم وااجد
العنود: يالخبله أخاف فيج شي بروح انادي عميمه
الهنوف : لا تعالي ما فيني شي
العنود: وانتي شدراج
الهنوف : محمد
العنود: نعم
الهنوف رفعت عيونها للعنود: الي سمعتي
العنود: شلوون
الهنوف قالت لها الي صار
العنود: ايوااا على روميو وجولييت
الهنوف وتضربها على راسها : يالزفته
العنود: والله ما توقعت اخوي رومنسي كذا قلنا يحب اوكي بس عاد ..
الهنوف : العنووووووووود وجع
العنود: خلاص انزين
الهنوف : اوكي يلا خل نروح لا يشكون
العنود : ورجولج شنقول لهم ؟
الهنوف : جلا بيتي طويله وما اتوقع بينتبهون بعدين الجرح مرتفع شوي ما اتوقع يبين .
العنود: انزين يلا قومي تقدرين تمشين على رجولج
الهنوف : أي شدعوه قالولج منكسره
العنود: هههههه لا مجروحه بس يلا قومي
وتوهم بيطلعون
الا تلف الهنوف على ميري : ميري
ميري : نأم
الهنوف : لا تقولين لأحد والا ترى بزعل منج
ميري : ان شاء الله
العنود: خلاص بس انا انتي والهنوف
ميري : بابا مهمد بعد
الهنوف : يالهافضيحه
العنود وهي تضحك : هههههه انزين بس والله اذا علمتي حد يا ويلج
ميري : أنود مافي خوف أنا ما في قول تو سام بادي
العنود: انزين انزين بس عن التفلسف
وطلعت هي والهنوف
دخلو وكأن الامر طبيعي وقالت لهم الهنوف انها كانت تسولف مع الشغالات
فوزيه : ما احد مخربهم الا انتو ويا سوالفكم
منيره:مساكين يمى خل يوسعون صدورهم
الهنوف: ياحليلها ميري والله توسع الصدر
العنود:ههههههههههه
الهنوف : تخز فيها
بدور : شفيج تضحكين تعالي اكلي انتي وياها
الهنوف والعنود : ان شاء الله
بعد ما تعشو قعدو يتقهون ....
محمد قاعد ويفكر بالهنوف يوم شافها ياربي هالبنت كل ما اشوفها تزداد حلا بس صدق اني جرئ شلون

سويت كذا بس البنت كانت تصيح ورجولها تنزف ...يوووو ما ادري شصار عليها وقام من مكانه
عبد اللطيف : على وين
محمد: دقايق وجاي
وطلع ..ألحين شلون ما يصلح اناديها وأسئلها بس أكيد شافوا الجرح الي في رجولها مافي الا ميري وراح للمطبخ وناداها
محمد: ميري ميري ...
ميري: نعم بابا مهمد
محمد:ك الهنوف وينها <<<سؤال سخيف بس يبي يصرف
ميري: في الخيمه بابا
محمد: طيب رجولها شخبارها
ميري: زين .. أنود في يجي مطبخ وفي شوف هنوف
محمد: انزين خلاص ...
والله كنت متوقع وراح نادى نصور وقاله ينادي العنود
ناصر: العنوووووووود
العنود: هلا
ناصر: محمد يبيج
الهنوف لفت وجهها على العنود
العنود وهي مبتسمه : ما قال وش يبي
ناصر : لا
العنود : طيب وقامت طلعت بره
العنود: هلا حمود
محمد: هلا والله شخبارج
العنود وشاقه وجهها الابتسامه
محمد: شفيج تضحكين
العنود: ما فيني شي ..أمر بغيت شي
محمد: الهنوف
العنود وزادت ابتسامتها : اشفيها
محمد: لا تستهبلين
العنود: انا قلت شي ..
محمد: شفتي رجولها
العنود: أي قالت لي كل شي
محمد: ادري انها قالت لج وهي تقدر تخبي عليج شي
العنود : احم احم محتر يعني
محمد يضحك ضحكة هبال : هههههه شخبارها
العنود: الحمد لله زينه
محمد: ورجولها
العنود: عادي يعني ألم بسيط
محمد: جدتي عرفت
العنود:لا مح درى بعدين عادي ترى كله جرح
محمد: أي بلاج ما شفتي الدم وهو يصب
العنود: انزين بغيت شي ثاني
محمد : لا شكرا بس اذا عورتها رجولها خل تقول لعمتي منيره
العنود: ان شاء الله أي اوامر ثانيه يا روميو
محمد: صدق ما تنعطين وجه يلا ذلفي
العنود وهي تضحك : مالت هذا جزاتي صايرتلك بريد أنت معاها
ولفت وراحت للخيمه وتوها بتدخل الا نادها محمد....العنود وهي واقفه عند باب الخيمه لفت وجهها : هلا
محمد: سلمي عليها وخل تنتبه لنفسها
العنود وهي تضحك : ان شاء الله
ودخلت الخيمه والابتسامه شاقه وجهها
بدور: الله لهالدرجه محمد خلاص تستانسين
العنود: لا بس تعرفين محمد وهباله
تمو شوي بعدين راحو ينامون الخيمه كلها هدوء الا يطق جوال منيره
منير : هلا والله بحياتي << المتصل خالد زوجها
العنود: احم احم نحن هنااا
منيره : وانتي يالقرده ما نمتي
العنود: لا خذي راحتج بس اذا في شي محظور أفضل تطلعين بره
منيره وهي تقوم :وانا استناج تقولين لي
العنود: ههههههه سلمي على حياتج وقوليه تعال وسع صدرك معنا
منيره : والله انج ما تستحين وطلعت تكلم خالد
الهنوف : وانتي لازم تحرجين الأوادم سويتي روحج نايمه وسكتي
العنود: بسم الله ما نمتي
الهنوف : لا
العنود:لا بس عشان تاخذ راحتها
الهنوف : والله انج وحده
العنود: ادري
ساد الصمت شوي
العنود وصوتها في نبرة ضحك : الهنوف
الهنوف : هلا
العنود وقصرت صوتها شوي عشان ما احد يسمع : ماتبن تعرفين ليش محمد مناديني اليوم
الهنوف وقلبها زادت سرعته أصلا اهي تستنى العنود تنطق كان ودها تسألها بس استحت : ليش
العنود: عن الاستهبال تدرين انه عشانج
الهنوف : حلفي
العنود: والله ..تبن تعرفين والا لا
الهنوف : كيفج
العنود: خلاص اجل ماراح أقول
الهنوف سكتت شوي : عنود
العنود وهي تضحك : بقول خلاص ادري قلبج يحترق
الهنوف :....... ساااكته
العنود: سأل عنج وقال شخبارها وشخبار رجولها
الهنوف : انزين
العنود: اكمل والا خلاص
الهنوف : عنوووود
العنود : هههههههه انزين خلاص ويسلم عليج ويقول انتبهي لنفسج
الهنوف الابتاسمه شاااقه وجهها :..................
العنود: الله شفيج سكتي تكلمي ....تدرين خاطري أشوف وجهج بس ظلاام والكل نايم والا كان فتحت النور
الهنوف : .......................
العنود: يااهوووو ردي ....... انبلع لسانج
الهنوف : شقول
العنود: الله يسلمه سلمي عليه شي كذا والا كذا عشان يستانس مسكين قلبه بغى يطلع من مكانه
الهنوف:.......
العنود: يوووووووو ترى اسمع ضربات قلبج أعصابج ههههههههه
الهنوف : يالزفته والله لو انهم مب نايمين كان قمت لج
العنود: ههههههههههههه انزين يلا نامي يا جولييت
الهنوف : العنوووود
العنود: على فكره ترى قلت له ياروميو بغى يذبحني
الهنوف : انتي أصلا مو بس يبيلج ذبح
العنود: أجل انام أحسن
الهنوف : أي احسن

العنود: اوكي تصبحين على خير واحلاما سعيده طبعا هذا اذا نمتي
الهنوف : وانتي من أهله
طبعا الهنوف قامت تفكر بالي قالت لها العنود وبالموقف الي صار لها وكانت في قمة السعادة لين غمضت عيونها وهي مو حااسه
اليوم الي بعدهالصباح الامور كانت طبيعيه بس الجديد ان نوره وفهد ودحومي جاوي وطبعا الكل كان في قمة الوناااسه شلووون ما يستانسون ودحومي موجود
العنود خذت جوالها عشان تشوف اهلها متى يطلعون من دبي
فتحت جوالها الي كان مقفل ولقت رساله من أمها كاتبه لها ان طيارتهم الصباح وراح يوصلون السعوديه يمكن 10 والعصر راح يكونون عندهم...
الظهر وصلو الاهل من دبي وكلن راح لبيته يرتاح والعصر راح يروحون البر
في بيت عبد الرحمن
ندى: يمى متى بنروح البر
فاطمة : ان شاء الله العصر بعد ما يرتاح أبوج
ندى : يدرون انا احنا بنجي
فاطمة : لا تتلقفين وتقولين لهم أبوج وعمج يقولون خلها مفاجأه لهم
ندى: والله كان خاطري أحظر صباحية لجين
فاطمة: بعد شنسوي خلاص حظرنا العرس خير وبركه بعدين لا تنسين اخوج واختج تاركينهم
ندى : الي يشوف تاركينهم بروحهم في البيت هذاهم قاعدين ومستانسين مع عيال عمي
فاطمة: انزين بسج حنه قومي ارتاحي ترى العصر بنمشي
ندى : ان شاء الله
فاطمة طلعت فوق وندى خذت الريموت وقانت تقلب في المحطات شوي وطلعت فوق غرفتها ترتاح
العصر كانو باسطين بساط بره وقاعدين
بوعبد العزيز : اقول ياأم عبد العزيز
فوزيه : هل امر
بو عبد العزيز: ترى اليوم بجينا مريع وأهله
فوزيه: حياهم الله ابركها من ساعه
الا تجي بدور : منو الي بيجينا اليوم
فوزيه :خالتج أم سالم
بدور: زييييييين وناااسه عسى بيجون البنات معاها
فوزيه : ان شاء الله
سلمان: السلام عليكم
الكل وعليكم السلام
بدور: هلا والله أخوي من زماان عنك تصدق عاد اشتقت اتخانق معاك
سلمان : بسم الله علينا انا اما صدقت افتك منج هاليومين تقولين من زمان عنك ولا ياليته على شي سنع حسبالي بتقول اشتقتلك ايش قالت ( يقلد صوتها ) اشتقت اتخانق معاك
بدور : كفوك أصلا انا الف من يتمنىيقعد معاي ويمزح صج انك مب حاس بالنعمة الي انت فيها
سلمان يضحك عليها بطناز :ههههه انتي نعمه
فوزيه : استغفر ربك اجل تبي تقعد بدون خوااات
بدور: أي نعمه ونص أجل وين يحصلك أخت تمزح وتنكت معاك أحمد ربك
سلمان : الحمد لله ياربي على اختي المجنونه صدق من قال امسك مجنونك لا يجيك اجن منه
بدور:يبىىى شوف سلمانوووه سلمان : لو سمحتي اسمي سلمان مو سلمانووو
بو عبد العزيز: سلمان كبر عقلك
فوزيه : حتى هي ما تقصر
منيره جايه وهي تضحك : اجتمعو توم وجيري وهبلو فيكم وتحب راس امها وابوها
حسكم واصل لاخر الدنيا استحو << تكلم بدور وسلمان
بو عبد العزيز : ما تشوفين اخوانج كل واحد صوته اعلى من الثاني واحنا ولا كأننا موجودين
سلمان : محشوووم يبى
منيره: ماباليد حيله تعبنا وياهم الناس يكبرون ويعقلون وهذيلا العكس يكبرون ويدبرون
الهنوف جايه : مساء الخير
فوزيه : الناس يقولون السلام عليكم مو مساء الخير
العنود وراها : هااااي
فوزيه : جات الي اردى منها الحين من زين هالغرب عشان تقلدونهم
العنود: أمي فوزيه الحين انا ما قلت شي قلت أهلين أو هلا بالأنجليزي
فوزيه : مالت عليج انتي والانجليزي حقج يعني ما تعرفون تقولون السلام عليكم
العنود: ولا يهمج السلام عليكم
الكل يضحك
سلمان: بعد وشو
العنود: الله شكلكم يهبل العائله الكريمه مجتمعه ما ناقصكم الا أبوي وعمي وان شاء الله بعد شوي تكتملون وبسرعه حطت يدها على فمها
بدور : عنووود شالسالفه
فوزيه: ما تتكلمين شفيج سكتي
العنود: لا لا ولا شي
منيره : هنود اعترفي تراج فضحتي نفسج
الهنوف: وانا اقول ليش مستانسه اجل عمي وابوي بيجون صح ؟
العنود: لا من قال انهم بيجون
الا يسمعون صوت هرن ( بييييييييييييييييب )
العنود : نقزت واااااااااااااااااااااي جاااااو
بو عبد العزيز : من الي جا ء
العنود تركض عشان تروح تشوف السياره : ابوي وعمي
وقفت السيارات ونزلو طبعا الكل كان مستانس على هالمفاجأه لان اكتملت العائله كلها
شوي الا يطلع عبد اللطيف
عبد الرحمن وزوجته وندى متفاجئين
فاطمه : عبد االلطيف
عبد اللطيف : هلا يمى وسلم عليها وحب راسها وسلم على ابوه
فاطمه : حمد لله على سلامتك ياولدي ولا تقول انك بتجي كان رجعنا من دبي
عبد اللطيف : بغيت اسويها مفاجأه الا طلعتو انتو وسويتوها لنا مفاجأه
وراح سلم على ندى ...شوي الا يجي خالد زوج منيره وتكتمل الفرحه للكل
والحريم دخلو الخيمه والرجال في خيمتهم
بعد المغرب العنود راحت لجدتها الي كانت في المطبخ
العنود: الله جتي كل هذا عشان امي وابوي وعمي وخالتي
فوزيه يتاهلون أكثر من كذا
العنود: أي بس كأنه واااجد
فوزيه : بيجون اليوم ام سالم وابو سالم
العنود: حلللللللفي جدتي
فوزيه: كبرج انا عشان أقص عليج
العنود نقزت عند جدتها وباستها : أحبج يا اغلى جده في الدنيا
فوزيه : الله كل هذا مستانسه
العنود: والله اليوم ودي اقطع روحي من الوناااسه وطلعت من المطبخ
فوزيه : الله يتمم عليج جعلي اشوفج ان شاء الله يوم عرسج وانتي مستانسه
العنود دخلت عند البنات في الخيمه وهي تصارخ : بنااااااااااااااااااات عندي لكم خبر انما اييييييييييه
الكل : وشوووووو؟
العنود: اليوم بيجون بيت خالتي ام سالم مع البنات
دانه : حللللللللللللللللللفي ونااااااااااااااسه يافرحتي
ريم تنغزها : الله الله كل هذا عشان بعض الناس
دانه : زفته بذبحج لا يسمعج احد
الهنوف : اما اليوم لازم يكتب في التاريخ
منيره : قولووووو امييين
الكل : أميييييييييييييييييين
منيره : الله يتمم هالوناسه على قلوبنا
العنود: ياااااااااارب ان شاء الله دوووووووووووووم ياربي مو يوووم

بدور: ههههههههههه عنود في عرسج قريبا ان شاء الله
العنود: وانتي قبلي ومنى بعد وندى عقب انا
منيره : والله ما عندها عن جدتي تقول عاادي
العنود: ههههههه سنة الحياه بعد شنسوي تبوني اعنس
وقامو يستهبلووووون والوناااااسه قايمه ويتجهزون حق الضيوف الي بيجون
الكل كان متجهز للضيوف من بنات وشباب وحريم ورجال
وصلو الضيوف وكلن رحب فيهم البنات كانو قاعدين مع الحريم شوي وراحو لخيمه ثانيه عشان ياخذون راحتهم
البنات كانو حاطين شريط ويرقصون عليه والهبال واصل حده بس منى وندى ونوره هم الي كانو قاعدين على جنب يطالعون البنات ويسولفون
العنود: بنات شرايكم نلعب صيده
رفعه: يلا
الهنوف: بس برد
العنود: عاااادي هي كل سنه بس مرره في العمر
ريم: والله ياخوفي يشوفنا واحد من العيال ويقعد يصارخ ما احنا ناقصين
دلال: أي والله صادقه ريمو احسن لكم قعدو مكانكم وانثبرو
العنود: والله انا بطلع والي يبي يلعب يجي معاي
الهنوف: يلا بس بلا عيال بلا زفت
دانه: التهزيئه جايتنا جايتنا في كلا الحالين نتهزء على شي يسوى احسن
رفعه: بيني وبينكم ترى استانس على العيال اذا جاو يهزؤن
جواهر: أي بلاج ما ذقتيه
نوف: حرام عليج أي ما ذاقته مشعل يصبح ويمسي عليها بالتهزيئ وأخوج بدر ما يقصر
جواهر وتسمين هذا تهزيئ
رفعه: أي والله أي تهزئي قولي تنكيت
العنود: ههههههههههه يلا بس خل نطلع
دلال: مصريين
الهنوف: أي ويلا معنا عن الدلع
دلال: انا بروح عند خيمة الحريم ما فيني حيل اركض في البرد
العنود: براحتج يلا ترىانا الصيده وخل ندور من ورى عشان العيال ما يسمعون حسنا
ريم: وين مارحنا بيسمعونه لا تخافين
وطلعوا وطبعا الصراخ مالي المكان <<الي يشوف يقول توهم بزارين
ندى : هالخبلات شفيهم يصارخون
منى: أكيد يلعبون ما علينا قومو نطلع نتمشى
ندى: حرام عليج برد
نوره: ناخذ لنا دوره ونروح عند الحريم
ندى : يلا
طلعو يتمشون شوي الا عبد الله في وجيههم نوره على طول صدت عنه
عبد الله بصراخ : انتم ما تستحون على وجيهكم ما تدرون ان فيه رجال صوتكم واصل لين داخل الخيام الي يسمعكم على هالضحك يقول هذولا مو متربيين احشمونا على الاقل والا دخلو خيامكم وصارخو على كيفكم وبعدين برد ليش طالعين
ندى الي كانت متلثمه بشالها عن البرد كانت تطالعه بعيونها وواقفه وتسمع كل الي يقول اما منى فرجعت على ورى وصدت شوي
ندى ببرود : خلصت كلامك ترى احنا مو بزران عشان تصارخ علينا هالصراخ وتأكد بالول مين الي كان يصارخ بعدين تعال وتكلم ولفت وجهها وعطته ظهرها وتمشت
عبد الله كان شاك في الصوت ومو عارف هي ندى والا منى بس كان منصدم من الأسلوب ومن العصبيه والحركه الي سوتها استفزته : لو سمحتي هذا مو اسلوب تردين علي فيه هذا الي علموج أهلج
منى عرفت ان ندى بتعصب وماراح تمسك روحها لان هي ما تحي أحد يغلط عليها عزة نفسها فوق كل شي
فنادتها : ندى خل ندخل
عبد الله انصدم أكثر يوم سمعها تنادي باسم ندى وفي قلبه مغقوله هاذي ندى
ندى لفت عليه : ليش ان شاء الله مو عاجبتك تربية أهلي ..على الاقل احسن من الي يرفع صوته على محارمه
عبد الله في ذيك الساعه حس ان الدم يغلي في عروقه هومنصدم من الاسلوب والجرأه ونفس الوقت ان هالشي يطلع من ندى حبيبته وخطيبته (ندى سالفه انها خطيبته ما معطتها أي اعتبار ولاهي مهتمه له أصلا )
عبد الله : ندى احترمي نفسج واعرفي مع مين تتكلمين
ندى: محترمه نفسي قبل لا اعرفك
عبدالله: شين وقوي عين غلطانه وتراددين
منى: تجر ندى من يدها ندى السالفه ما تسوى يلا ندخل
ندى باستخفاف : السالفه ما تسوى ليش اصغر عقلي ..ولفت وجهها وتمشت عنه
عبدالله طلع من طوره وراح مسكها من كتفها ولفها عليه وطراااااااااااااااااااخ ( كف على وجهها ) وطاح اللثام من على وجهها
منى: لاااااااااااااا
ندى وهي حاطه يدها على وجهها رفعت عيونها في عيون عبد الله وعيونها مغرقه دموع: تضربني ياعبد الله
عبد الله يوم شافها انقبض قلبه ياربي ليش سويت كذا ..ندى لفت عنه وراحت للخيمه وهي ميته صياح
منى : عبد الله ماتوصل السالفه لدرجه الضرب ياعبد الله
عبد الله : هي اللي عصبتني
منى: ولو انت رجاااااااااال وعطته ظهرها وراحت لندى
عبد الله كلمة انت رجااااال قامت تتردد في صدى انه : يااااربي ليش سويت كذا
منى دخلت ورى ندى: ندى حبيبتي بسج صياح والله ما يستاهل
ندى: أي ما يستاهل يضربني وابوي الي هو ابوي ما سواها
منى : بس ترى كلامج بعد يعور
ندى: وليش يقعد يصارخ مو ماليين عينه والا بنات شوارع والله حتى لو ايش ما سواها ..وتشهق بالصياح
ولا بعد يبوني اخذه اصلا مين هاذي الي بتصبر عليه
منى قعدت تهدي فيها أما نوره الي على طول اول ما شافت عبد الله وقبل لا يصير أي شي راحت لخيمة الحريم
ندى بعد ما هدت شوي قالت لمنى تروح لخيمه الحريم هي بتروح الحمام تغل وجهها وبتجي
راحت ندى للحمام تغسل وجهها وقامت تطالع اثار يد عبد الله على وجهها انرسمت عليه وكانت واضحه لان وجهها ابيض وصافي : الله يقطعك
عبد الله الي كان واقف بره يتحسر على الي سواه هو مو قصده بس هي عصبته وطلعته من طوره
طلعت ندى من الحمام وهي رايحه للخيمه تسمع احد يناديها
عبد الله: ندى ....ندى
ندى: مطنشه ولا كأنها تسمع
عبدالله: ندى لو سمحتي ردي علي اكلمج أنا
ندى وقفت وهي معطيته ظهرها :...................
عبد الله : ااسفه على الي صار ماكان قصدي بس صدقيني انتي الي عصبتيني باسلوبج
ندى: تمشت وكملت طريقها
عبد الله : ندى انا قاعد اتكلم معاج تقومين تخليني وتمشين
ندى وهي في مكانها: نعم امر
عبدالله: ...............
ندى: والله لو انك مو ولد عمي كان عرفت شنو بسوي بس الحشمه مو لك لعمي وخلاص انسى ولا أنه صار شي

عبد الله مو متطمن لكلام ندى :يعني
ندى: ولاشي عن اذنك
وراحت عنه عبد الله متلوم من الي سواه هو ما عمره رفع يده على خواته يقوم يرفعها على بنت عمه هو صدق عصبي بس ما توصل لدرجة الضرب بس الي مصبرني على عنادج وغرورج اني احبج
البنات الخبلات الي هم اساس المشكله طلعو بره السور
العنود: هههه بنات شرايكم نسوي مغامره
الهنوف: أي مغامره يالخبله احنا ناقصين
دانه: ناويه علينا الاخت
رفعه: بنات شرايكم ناخذ الوانيت ونروح
الكل يضحك
الهنوف: فال الله ولا فالج احنا ناقصين تهزيئ
دانه: ناويه تودينا للقبر رفعه
رفعه: يمه كلتوني امزح عاد كلش ولا عمكم كان يدفني حيه
العنود: هههههههههه فديته عمي والله انا عندي عادي تبون يلا
جواهر: لا والله استخفيتوو قعدتو انا بدخل داخل لا يصير شي بعد
دانه : خذيني معاج
ريم : حتى انا
نوف: عن اذنكم
وهم راجعين الا يشوفون سلمان وحمد
ريم: الله شوفو هذا عمي أشوه ان احنا رجعنا ربي ستر
نوف: هههههههه الله يعينهم
جواهر: لا ورفعو وياهم راحو فيها
ريم تطالع في دانه وتضحك : دانه شخبارج ؟
دانه تخز ريم: بخييييييييير
ريم وهي تهمس لدانه : نرجع
دانه: كف على وجهج
ريم: ههههههههههه
نوف : ريم شفيج
ريم : ولا شي بس خفو رجولكم خل ندخل الخيام

الهنوف: بنات قوموا ندخل
العنود: تبين روحي انا مب داخله
الا يجي سلمان وحمد وسمع الصوت
سلمان: في أحد هنااااااااااااااك
العنود: يو هذا عمي سلمان
رفعه : حلفي
الهنوف : ههههههههههههه
رفعه : الله يستر
العنود: ايه عمي احنا هنا وطلعو لان كانو مو مبينين مع الظلام
سلمان وشو مطلعكم بره
العنود: نتمشى
سلمان وما تقدرون تتمشون داخل
الهنوف: كنى داخل بس مع السوالف نسينا عمرنا وطلعنا
سلمان : انزين لا تنسون عمركم مره ثانيه ودخلو برد
العنود: ان شاء الله
سلمان انتبه لرفعه عرفها من عيونها لان كانت متلثمه وقام يطالع فيهم وهم راجعين ومعلق عيونه على رفعه
رفعه كانت تطالع حمد لان شافت بيده مفتاح الياره وهو كان يفتحها
رفعه: ليكون بنروح
العنود: لا تروحون حتى عشا ما تعشيتو
الهنوف: لا يكون تعشو علينا
رفعه: كل شي جايز اشوف حمد فاتح سيارته
سلمان الي كان معلق اذنه عندهم زياده على عيونه صرخ: ياهوووووووووووووووو
كلهم لفو وجيههم على الصوت وطاحت عيونه بعيون رفعه
سلمان غمز لها : لا تخافون ماراح تروحون الحين ارتاحو وابتسم
العنود: ماشاء الله عليك مب اذن
سلمان : انتو الي صوتكم عالي تقل مايكرفون
الهنوف: قول ماشاء الله
رفعه : حمر وجهها واستحت لانها كانت عارفه انها هي المقصوده :يااافشلتي سمعني
العنود: عاااادي فشله من عمي سلمان
رفعه : والله انتي عندج عااادي لانه عمج
الهنوف: لا تخافين عمي مع الكل كذا
العنود: بالمختصر المفيد حبوب وما يتعوض وتغمز لرفعه أخطبلج اياه
رفعه : مالت عليج وتضربها على راسها
الهنوف: نصيحه وافقي ترى ياهو بيدلعج دلع ..بعدين تصلحون لبعض كلكم نفس الهبال
العنو: فرصه لا تعوض ترى العرض سائر لمدة دقيقه
رفعه: عنووووووووووود بذبحج
العنود وهي توخر عنها : لقد بقي نصف دقيقه وهي تضحك
رفعه: ههههههههههه لقد تم الرفض وشكرا
العنود: اااه للاسف لقد انتهىالوقت حتى لو تمت الموافقه
رفعه: هههههه مالت عليج أصلا انا ألف مين يتمناني
الهنوف ك اما في هاذي صدقتي
العنود: لا تخافين باقي وااجد محمد وطلال وكلهم عسل وخاااصه حمود أخوي وتطالع الهنوف وتضحك
الهنوف: والله انج حمااره
العنود: هههههههههههه ليييييييييه؟؟
رفعه : شفيج تضحكين
الهنوف : مسكت يد رفعه تعالي ماعليج منها وحده فاضيه
العنود: ايه فاضيه وش ورااي
رفعه حست في السالفه ان بس طنشت
وبعد ما تعشو طلعوا الضيوف على الساعه 11 تقريبا
البنات كانو في الخيمه
العنود: حسافه راحو والله ما شبعنا منهم
الهنوف: يالله ان شاء الله نشوفهم مره ثانيه
ندى: ياحليلها نوره حبوبه ما توقعتها كذا
منى: عسل والله على اني مو دايم أشوفها
ريم : تدرون بكره بنروح
العنود: لااااااااااعن التحطيم
بدور تدخل عليهم : السلاااااااااااام على الجميع
الكل : وعليكم السلام
بدور: متى بتنامون
ريم: انا الحين بروح أحس اني دايخه
ندى: حتى انا والله ما شبعت نوم اليوم الظهر
شوي وقامو كل البنات ما عدا الهنوف والعنود
جت مرت عليهم فوزيه وقالوا لها شوي ويقومون
الهنوف: أقول العنود
العنود: هلا
الهنوف: شخبار فيصل
العنود: أي فيصل
الهنوف: بعد في غيره
العنود: ايي والله ما ادري عنه من ذاك اليوم ما شفت رقعة وجهه
الهنوف: يعني تتوقعين خلااااااص
العنود: والله ما ادري بس في كلا الحالتين ان شاء الله اول ما نرجع بدق على سهى وبقولها كل شي
الا يدخل سلمان :احم احم
العنود: الناس قبل ما يدخلون يقولون احم احم مو بعد ما يدخلون
سلمان : يعني بتعلميني ألحين
العنود: لا مو قصدي
سلمان: مالت عليج أصلا انا سامع صوتج من بعد كيلو وتبيني أستاذن
العنود: يالشلاخ بعد كيلو كأنك تبالغ
الهنوف: ههههههههه وانتم دايم خناق
العنود: ترى ما يتخانقون الا الحبايب انتي شحارج
سلمان: هههههه عرفت تسكتج
العنود: أقول عمي
سلمان : هلا
العنود: متى بنرجع
سلمان : الي سمعته يقولون بكره ان شاء الله
الهنوف: حساافه ما شبعت
العنود: يووووو ليش تو الناس
سلمان : اسبووووع وما شبعتو كم تبون تقعدون
الهنوف: والله هالاسبوع مرو كانهم يومين
سلمان: ان شاء الله مررره ثانيه
محمد ينادي سلمان من بره الخيمه
سلمان: تعال انا هنا مافي احد ويكلم الهنوف : غطي عمرج
دخل محمد : السلام عليكم
الكل وعليكم السلام
محمد: وينك قعدت ادورك
سلمان: قاعد أسولف مع البنات
محمد يلف وجهه على البنات : انتم الى الان ما نمتو
العنود: شحارك الحين بنقوم هذا انتو الى الان ما نمتو
سلمان :اما اختك هذي عليها لسان ما احد يقدر عليه
العنود: قول ما شاء الله لا تجيني عين
سلمان : ههههههههههه ما شاء الله لا تخافين عيني بارده
محمد: أي وااضح مثل الثلج
سلمان تطنز
محمد: أفااااا محشوووم حد يتطنز على عمه
سلمان : أي بعد حسبت
الهنوف ساكته طول الوقت ولا نطقت بكلمه
الا يدق جوال سلمان شاف الرقم حطه صامت
محمد يطالعه بابتسامة خبث : شفيك رد
سلمان : مالي خلق
محمد: أرد عنك
سلمان : مشكووور لا تتعب نفسك
العنود: من جد ازعااج حد يتصل في هالوقت
الا يدق جوال العنود بنغمة رسااله
سلمااان : هههههههه اقول سكتي بس أجل حد يرسل هالوقت
العنود: رساله مو يدق
سلمان : المهم نفس الشي ازعاااج
محمد لف وجهه على الهنوف : انا والهنوف ما شاء الله علينا نظاميين بع 12 ما احد يدق صح الهنوف
الهنوف : اكتفت بضحه بسيطه
العنود: تطالع فيها وتضحك
سلمان : انتي شفيج تضحكين

العنود: لا ولا شي ..يوووو شفيج الهنوف شدعوه تستحين
محمد: على الاقل أحسن منج يا ام لسانين
العنود: تسوي شكلها تصيح عمي سلماااااان
سلمان : اذا أخوج الي هو أخوج ما وقف في صفج تبيني انا أوقف في صفج
العنود: انزين جامل على الاقل
سلمان : ولا يهمج محمد حدك على بنت أخوي
العنود: يابعد كلي ياعمي
الكل قام يضحك على هبال العنود
رجع جوال سلمان ودق سلمان : عن اذنكم ... وطلع
الهنوف قامت بتطلع
العنود: على وين يالحلوه
الهنوف : بروح انام
العنود : انزين اخذيني معج يلا محمد تامر بشي
محمد: سلامتكم ...الهنوف
الهنوف الله يستر ياربي : نعم
محمد: شخبار رجولج
الهنوف : الحمد لله زينه
العنود وهي تضحك : محمد تدري ليش طاحت
الهنوف : يلا تصبحون على خيير
العنود : يااهوووو استني خلاص ماراح أقول شي وتاشر لمحمد يلا مع السلامه
محمد وهو يضحك : وانتي من اهله ,,مع السلامه .. الله يحفظكم وطلع راح ينام الهنوف في باله
اليوم الي بعده قامو متاخر عشان ما نامو الا متاخر
العصر على الساعه 3 الكل يصارخ من جهه يستعدون للرجعه
ساره : يا بنات خلاص كلكم جهزتو اغراضكم
فوزيه: مو بعدين كل وحده تقول نسيت
الهنوف: الحمد لله انا جهزت كل أغراضي ودخلتهم في السياره
بدور: يمىىى أنا اغراضي حطيتهم مع سلمان برجع معاه
فوزيه: أي حق الخناق
على الساعه 3 ونص الكل كان جاهز وراكب السياره وتحركو
بعد مرور ساعه تقريبا وهم في السياره العنود تذكرت شي وتاخذ جوالها وتدق على الهنوف إلا تشوف رسايل ومس كول الله الله كل هذا وما سمعته بعدين انتبهت انه كان على الصامت دقت على الهنوف وقالت لها الي تبيه
على الساعه 6ونص كلهم كانوا واصليين
في بيت عبد العزيز أول ما وصلو كان الكل تعبان صلو العشاء وتعشو وعلى الساعه 10 كلن كان في غرفته
العنود دخلت غلافتها ورمت نفسها علىالسرير :ااااااااااااااه اشتقت لج يا غرفتي غمضت عيونها وقامت تتذكر المواقف الي صارت لهم في البر وابتسمت الا يدق الباب
العنود: ادخل
أبوها : ها شخبارج
العنود: الحمد لله بخير وعافيه
ابوها : شكلج تعبااانه
العنود: ودايخه بس احط راسي على المخده انام
ابوها : هاه عسى استانستي
العنود: بشكل ما تتصوره يبى
ابوها الحمد لله ان شاء الله ايامج كلها فرح
العنود: مدامك بجنبي بدون شك ايامي فرح
عبد العزيز باس العنود على راسها : يلا اخليج ترتاحين تصبحين على خير
العنود: وانت من اهله يبى
قامت العنود ودخلت الحمام وسبحت وصلت ودخلت سريرها وخذت جوالها ودقت على الهنوف
العنود: الو
الهنوف: هلا والله
العنود: شخبارج؟
الهنوف : الحمد لله ما نمتي
العنود : توني طالعه من الحمام صليت والحين بنام وانتي ؟
الهنوف : انا على الفراش خلااص واصله حدي
العنود: هههههههه يلا أخليج
الهنوف: اوكي يلا تصبحين على خير
العنود: يالله وانتي من أهله
الهنوف : عنووووود
العنود : هلااا
الهنوف : مشكوره
العنود : على وشو
الهنوف : على كل شي والله احس اني استانست في هالروحه
العنود تضحك: والله حتى انا ياقلبي الله يخلينا لبعض
الهنوف : اميييين
العنود: خوش والله انقلبنا فلم رومنسي يالله نامي
الهنوف : هههههههههههه يالله مع السلامه
العنود : مع السلامه وسكرت وتوها تحط راسها على المخده الا تجيها رساله خذت الجوال وكل الي في بالهلها انها الهنوف وتشوف رقم فيصل : يالله تصبرني على بلواي
دقت عليه
فيصل: نعم
العنود: نعم الله عليج
فيصل : وعليج
العنود: والنهايه معاك تراك من جد مصختها وأنا صبرت عليك واااجد
فيصل : الحين انا شسويت عشان تصرخين
العنود: كل هذا اسم الله عليك ولا سويت شي ممكن اعرف شتبي
فيصل وهو يستهبل : أسولف
العنود: قلو البنات عشان تسولف معي ..كثر الله البنات في كل مكان
فيصل : ما فيه زيج
العنود: فيه والا مافي هذا مو شغلي لوسمحت رقمي لا تدق عليه مره ثانيه
فيصل : انا ما دقيت انتي الي داقه
العنود: وجع ان شاء الله لا ترسل فاهم
فيصل وهو يضحك : لا مو فاهم فهميني
العنود: لا اله الا الله أنا اوريك وسكرت السماعه في وجهه
وعلى طول دقت على سهى : يووووووو شفيها ما ترد ودقت مره ثانيه ما ترد
العنود: انا ليش مستعجله خلاص الصباح رباح قفلت الجوال وانسدحت ونامت وهي ودها تذبح هالفيصل
الهنوف الي قامت تتقلب في فراشها بعدين قامت خذت دفتر الذكريات حقها واكتبت المواقف الي صارت لها والي سووها مع البنات
عبد اللطيف من جهه ثانيه بعد ما طلع من الحمام شاف روحه مصحصح وفتح الب توب حقه
سلمان الي كان في غرفته على الجوال : والله ياقلبي توني راجع
ليلى : معقوله ما لقيت حتى دقيقه تدق علي على الاقل تطمني عليك
سلمان : يعني خايفه علي
ليلى: ما يحق لي
سلمان : الا يحق لج ونص بس تعرفين بر وجمعة الاهل أصلا ما في وقت اقعد بروحي بعدين كنت ارسلج مسجات يعني كنتي على بالي
ليلى: على بالك بس
سلمان : على بالي وفي قلبي وماخذتني كلي
ليلى: ههههه <<تضحك بدلع
سلمان: فديت الضحكه وصاحبتها والله اني اشتقت لج
ليلى : والله حتى انا مشتاقه لك مووووت
سلمان : اوكي مدام انج مشتاقه لي وانا مشتاق لج ليش ما نقطع هالشوق
ليلى : وش تقصد
سلمان : يعني تعبت وانا انتظر
ليلى "وهي مصدقه عمرها " : تنتظر وشو ؟
سلمان : انتظر قلبي ال يمشي على سطح الارض ومو مخليني اشوفه
ليلى : اول مرره اشوف وااحد قلبه على سطح الارض وهو عايش
سلمان : شفتي شلون أنا متعذب وقلبي ولا حاس فبني
ليلى: شلون ما يحس فيك مو هو قلبك
سلمان : عاد جواب السؤال عنده مو عندي
ليلى: اوكي عط قلبك كم يوم يفكر ويرد عليك
سلمان: تعبت وانا اسمع هالكلام كل مره يقوله
ليلى : بس هالمره جد
سلمان : وعد
ليلى : وعد
سلمان: خلاص بعد وش ورانا غير الصبر
الا يدق جوال سلمان الثاني
سلمان أقول عمري: معي خط شوي واكلمج
ليلى: اوكي اتنظرك
سلمان : باي
رفع جواله الثاني : هلااااا
محمد: هلا بك ما بغيت ترد
سلمان : كان معي خط على الجوال
محمد: ان شاء الله روان والا ساره
سلمان : لا هاذي ولا ذيك
محمد: عنبو دارك انت متى بتتوب ما بقى بنت في الشرقيه الا وكلمتها
سلمان : الله كل هذا غير ه
محمد: اسم الله علي ان شاء الله ما اصير زيك ..انت ماراح تتوب الا ليمن ربي يبلاك بشي
سلمان : يعني الحين انت متصل عشان تهزء وتعطي نصايح
محمد: عاد ياليت تفيد اتعب عمري على قل سنع
سلمان : هاه قلتها بعضمة لسانك اتعب عمري على قل سنع
محمد: تتحدى سلمان
سلمان : اتحدى ايه
محمد: واناولد امي وابوي لاخليك تتركهم غصب عنك
سلمان : اوكي نشوف
محمد: بس بشرط مو تاخذ السالفه عناد وتكلم
سلمان : لا لا تخاف
محمد: اوكي خلا ص وش لي .؟
سلمان : الي تبيه ؟
محمد: اوكي كل شي في وقته حلو ..

عبد اللطيف وهو قاعد قدام الشاشه حق الب توب : انا ذيك المره شفت الرساله الي رسلتها لها وهذاهي راسله الرسال وتقولي انهم في البر وان ولد عمها الي في لندن جاهم معقوله يصير لي هالموقف والله ولا في الفلام تصي سبحان االله على الصدف
بس انا ماراح أقولها وبكمل معاه الين يجي الوقت المناسب وأقولها بس الله يستر من ردة فعلها والله ياخوفي تعصب ..الله يستر يالله بس خليني اروح أنام بكره وراي قومه من الصباح ...

الساعه تسع ونص الصباح فوزيه كانت قاعده في الصاله تتقهوى ومعاها دلال كالعاده قاعده على الللبتوب
الا يطق الجرس
فوزيه : ميري ميري ..وينها هاذي

ميري : نعم ماما
فوزيه : شوفي الباب
ميري : ان شاء الله
فتحت الباب وطلع عبد اللطيف
عبد اللطيف: السلام عليكم ..وين ماما فوزيه
ميري : في الصاله ..
فوزيه : منو
ميري: بابا أبد اللتيف
عبد اللطيف قبل لا يخك تنحنح
فوزيه : اخدل ادخل ما أحد جنبك
دلا ل: حلوه ذي وانا وين رحت
عبد اللطيف سمعها وقام يضحك
فوزيه : حطي الجلال عليج
دلال خذت الجلال وحطته عليها
عبد اللطيف :أدخل
فوزيه : أي حياك
عبد اللطيف دخل وباس راس جدته : صبحج الله بالخير
فوزيه : صبحت بالنور والعافيه شخبارك
عبد اللطيف: بخير والحمد لله انتي شخبارج بعد روحة البر
فوزيه: الحمد لله هاه ياولدي عساك استانست
عبد االلطيف : شلون ما استانس وانتي جنبي
فوزيه: وانتي ما تسلمين على ولد عمج ؟؟
دلال : وهي من تحت الجلال : هلا والله شخبارك عبد اللطيف
عبد اللطيف : بخير انتي شخبارج
دلال : الحمد لله
عبد اللطيف : غريبه قاعده بدري
فوزيه: هذاهي من عمرها كله تقوم بدري عكس خواتها كلهم
عبد اللطيف : لا بس عشان روحة البر
دلال : لا عادي اول ما رجعت امس نمت فشبعانه نوم ...يلا عن اذنكم
عبد اللطيف : تو الناس
دلال : تسلم بس
فوزيه تقاطعها : صبي لولد عمج قهوه والا شاهي
دلال : ان شاء الله وفي قلبها شلون بصب له وانا الجلال علي
عبد اللطيف حس انها توهقت :لالا مشكوره ماابي شي
فوزيه: شلون ماتبي شي
عبد اللطيف : شربت قبل لا اجيكم
فوزيه : براحتك
دلال طلعت وفوزيه قعدت تسولف مع عبد اللطيف
في بيت عبد العزيز
الظهر الساعه 2 تقريبا بعد الغدا جاتهم نوره وهم قاعدين في الصاله
العنود: أقول نوره تجهزتي للعيد
نوره : لا والله ولا شي خاطري انل السوق هالاسبوع على القل اخذلي كم بدله لدحومي
ريم: يوووو عاد السوق ما ينطاق مع هالزحمه
نوره : انتو ما تقضيتو
ريم: انا نزلت السوق مع أمي قبل ما نعطل وشريت لي تنوره عجبتني بس ماركبت عليها بلوزه
العنود: زييين احسن مني انا ولا شي .. مع هالاختبارات ما فضيت لشي
ريم : شرايكم ننزل السوق اليوم
نوره : والله ياليت على الاقل نفتك ما بقى على العيد شي
الا تدخل ساره : السلام عليكم
الكل وعليكم السلام
ريم : هاه يمى شرايج
ساره : في وشو
العنود: ننزل السوق اليوم مع نوره
ساره : والله تسوين خير فيني يانوره ودحومي خلوه عندي
ريم: الله يمى لهالدرجه احنا ثقل
ساره مب ثقل بس مالي خلق حق دوارة السوق وانا تقضيتلي من زماان وخلصت
العنود: مدام تقضيتي حقج يمى ليش ما قضيتيلنا معاج
ريم : شوف من يتكلم
ساره : انتي لو ايش ما اقضي لج ما يعجبج العجب ولا الصيام في رجب
العنود: لانيب مميزه مو أي شي يعجبني
ريم: الا قولي صعبه
العنود وهي تهز كتوفها وطق اصبعها : والي ما يطول العنب حامض عنه يقول
نوره : ما ينقدر عليج
العنود: افا عليج وانا بنت عبد العزيز وساره
ساره : الله الله انا مافيني ولا ذره من هالغرور الي فيج
العنود: يمه هذا ما يسمونه غرور هذا يسمونه ثقه بالنفس
محمد: السلام عليكم
الكل : وعليكم السلام
محمد دخل سلم على امه : هلا نوره شخبارج
نوره : بخير الحمد لله
محمد: وانتم يابنات شخباركم
ريم والعنود : بخير
محمد: وينه حبيب خاله
نوره : توه نايم ودخلته داخل ..
العصر في بيت عبد الرحمن كانو متجمعين في الصاله يتقهوون
الهنوف : أقول يمى متى بنروح السوق
فاطمه: وش تبين بالسوق
الهنوف : ابي أقضي للعيد ما شريتلي شي
فاطمه : والي جابته اختج لج مو عاجبج
الهنوف : وش جابت
ندى: يوووووو يمى كنت بسويها مفاجأه الا قلتي لها
فاطمه : وانا شدراني كان قلتيلي
الهنوف : يابعد عمري اختي ماتتصورين شلون كنت شايله هم السوق والدوره
ندى : ههههه أدري دوم انا افرج هموم يلا قومي اوريج الي شرت لج
الهنوف : يلا عن اذنكم مامي وبابي وتاشر بيدها
عبد الرحمن : اذنج معاج (ماي دوتر ) وهو يضحك
فاطمه : ما ادري متى بتعقل هالبنت
عبد الرحمن : الا وين نواف ما اشوفه
فاطمه : طالع يلعب بره مع عيال الجيران
عبد الرحمن : أقول ام فهد
فاطمه : امر
عبد الرحمن : ترى عبد العزيز أخوي فتح لي سالفة خطبة ندى لعبد الله
فاطمه: وش رديت عليه
عبد الرحمن : ما رديت عليه قلت له اشاور البنت وامها وأن شاء الله تبشر بالي يسرك عاد البنت كبرت اول مرره خطبها كانت توها متخرجه وقلنا صغير اما الحين ماش اء الله عليها مره وما اتوقع بتلافي احسن من ولد عمها
فاطمه: واله انا اتمناها اليوم قبل بكره بس عاد الراي الاول والاخير لها
عبد الرحمن : ما اختلفنا بس اعيد واكرر البنت مالها غير ولد عمها ويكفي انه ولد أختج وانتي ادرى فيه
فاطمه : والله اني اتمناه لها بس ان شاء الله افتح معها الموضوع وارد عليك
عبد الرحمن : عاد عجلي بالموضوع ودنا تصير الفرحة فرحتين
فاطمه وهي مو فاهمه شالسالفه : وش تقصد
عبد الرحمن : هي ومنى
فاطمه : وافقت
عبد الرحمن : والله ما ادري بس يوم قالي ابوي ذيك المره عن الي خطبها انا اشهد انه ولد ناس وكفو وسمعة أهله ما في احسن منهم وحتى هو بس اللهم انه في الجبيل وما اتوقع يضر..
فاطمه : الله يوفقها ويسعدها يارب
عبد الله : امين الله يكتب الي فيه الخير
بعد المغرب في بيت عبد العزيز
ريم تصارخ : العنووووووووووود وجع ما صارت عبايه يالله ترى بنطلع
العنود: نازله من الدرج وهي تركض : خلااص هذاني جييت
ريم: يلا بسرعه نوره تستنى في السياره انا بسبقج

في نفس الوقت بدور وخلود وبناتها كانو يتسوقون وأذن العشا وسكرت المحلات وقعدو يستنون المحلات تفتح ..
بدور: يووو عاد الله يعينا على الزحمه ألحين
منى: أي والله عاد الشباب الحين يتجمعون لا قبل
خلود: انزين انتو حاولو تخفون رجولكم بسرعه من العصر واحنا هنا ما صارت
دلال: يمى بعد شنسوي احنا وحده والا ثنتين
دانه : اشوه انا ما بقى لي الا التشطيبات الأخيره
شهد:ماما ابي اشتري أسكريم
دانه: والله حتى انا مشتهيه
بدور: وانا بعد
منى : كلنا
خلود: خللاص واحنا طالعين نروح نشتري عشان ما يذوب
بدور: مسكينه خربنا عليها خلوها بس تروح تشتري واحنا طالعين ناخذ لنا
دلال : يلا المحلات بدت تفتح ..ز وقامو
داخل المحل
العنود: وش رايج هذي والا ذي وش الاحلى
بدور: لا ذيك
العنود + نوره : بسم الله
بدور: هههه خوفتكم
العنود: من وين طلعتي انتي
بدور: من هنا ..شخباركم
عنود: الحمد لله
نوره : بخير انتي شخبارج
بدور: الحمد لله هذاني ابي اخلص وافتك مالي خلق سرد ورد على هالسوق ..هاه العنود شفيج محتاره
العنود: أي والله عميمه شنو اخذ هاذي البلوزه والا الثانيه
بدور: طيب شريتي لها شي تحتها
العنود: أي شوفي وتطلع التنوره من الكيس
بدور: وااااو تهبل رهيييبه اما انتي عليج ذوق
العنود: احم احم مشكووره
بدور: خذي هاذي انعم عشان التنوره فيها خبصه وااجد ..سبحان الله ذوقج مميز غير الكل
العنود: أي احب الحوسه
بدور: بس حوستج راقيه
ريم: السلاام
بدور: هلا والله ريمو
ريم: هلا عميمه متى جيتي من زمان
بدور: أي بس توني اشوفهم
ريم الله شهالصدفه الحلوه ..دانوه معاج

بدور: أي مب لله وتقلدها ( الله شهالصدفه الحلوه ) شوفيها هناك
ريم :ههههه حرام عليج بروح اشوفها
نوره : هاه خلصتي
بدور : أي بس بقى البنات
طلعو يتسوقون ويدورون
العنود: انا مشتهيه سنبون بروح أطلب مين يجي معاي
بدور : أنا بجي حتى انا خاطري فيه
دلال : والاسكريم
بدور: عادي كل شي مشتهيته
ريم: لاتنسيني معاج حتى انا طلبيلي
العنود: بطلب كرتون لا تخافين
راحت العنود وبدور وطلبو وقعدو يستنون الطلب ويسولفون
بدور: يوووو نسيت
العنود: شفيج
بدور: ابي محدد
العنود: خرعتيني حسبالي عنج سالفه انزين نخلص ونروح ناخذ لج
بدور : تدرين بروح الحين اجيبه واجي اخاف بعد نتاخر عليهم زياده الساعه تسع ونص عمبال ما نوصل الا جت عشر عز الله امي ذبحتني عاد ومحاظراتها
العنود: هههههههههه انزين معاكم خالتي خلود
بدور: من العصر واحنا في السوق بلا بروح وبجي لا تتحركين وهاج هذا الاكياس
العنود: يبزر عشان تقولين لا تتحركين
بدور: والله فاضيه يلا بروح ...وهي تتمشى ..العنود دقايق بس
العنود: انزين بسج فضحتينا الدنيا كلها عرفت اسمي
لفت العنود وجهها وقفت متجبسه ومنصدمه بالي شافته وعينهه صارت معلقه بالي تشوفه

لفت العنود وجهها وقفت متجبسه ومنصدمه بالي شافته وعينها صارت معلقه بالي تشوفه
العنود في قلبها : معقوله أهو لا لا مستحيل أكيد أنا مشبهه عليه لا والله ما ني مشبهه هو بكل ملامحه يااربي انا وين ما اروح هو وراي ما يفك الله يستر ..
فيصل كان يطلبله طلب خارجي وكان واقف العنود كانت تراقبه بنظراات تحاول تخفيها بس مو قادره قامت تتأمل ملامحه بكل دقه وتتذكر هباله في التلفون كثييير من ملامحه كانت تشبه لسهى بس هو ملامحه كانت حاده أكثر .. معقوله يجيني منه شر ما اتوقع وجهه يبين انه وااحد طيب وحبوب ....وهي سرحانه تتأمل فيه
الا يلف وجهه عليها *وتلاقت الاعين * لثواني بسيطه بسرعه العنود لفت وجهها عنه
فيصل في قلبه : شفيها هاذي تطالع عيونها مو غريبه علي كأني أعرفها لا لا ما اتوقع
العنود: يااربي لا يكون انتبه صدق ما استحي ةالله ان الغطاء رحمه الحمد لله اني متغطيه والا كان على قلبي السلام ...
........: مدام فنش
العنود: ثانكس
وخذت الأكياس يووووو شالحوسه الي عندي انا خل اشيل روحي عشان اشيلهم حطت كل الأكياس في الارض
الا بدور جايه : ها العنود خلص الطلب
فيصل سمع العنود ولف وجهه
العنود: أي خلص وينج عميمه سنه
بدور: شسوي المحل زحمه
العنود: انزين يلا
فيصل : لا يكون هي الصوت صوتها ..لا مستحيل معقوله 3 مرااات الصدفه تجمعنا
خذ فيصل الطلب حقه ولحق العنود بس من بعييد بحيث أنها ما تلاحظ
نزلو تحت ..
ريم : ما صار كل هذا سنبون حشى
العنود: ريمو مسكي هالاكياس شثقلها
ريم: عاد أنا الي ناقصه .. وخذت منها كم كيس ..
نوره : هالعنود مشينا
العنود: أي خلاص جا راجو
ريم: أي من زمان
العنود: يلا بنات نشوفكم على خير
نوره: يلا سلمي على جدي وجدتي
بدور: يوصل يالله سلامي للكل مع السلامه
طلعو العنود ونوره وريم وقفو قدام البوابه ويدورون السياره
ريم حشى شلون بنلقاه مع هالزحمه
فيصل كان وراهم طبعا العنود انتبهت وكانت خايفه : معقوله عرفني
ريم: ياهوو انتي شفيج ساكته مو عادتج
العنود: ريمووو واللي يعافيج فتحي عيونج وانتي ساكته
فيصل قرب شوي عند العنود ما بينه وبينها الا خطوات خذ جواله ودق عليها ...
العنود دق جوالها :يوو مين هذا الي يدق
فيصل سمع النغمه وقطع
العنود: يووو كيفه انقطع
الا يدق فيصل مره ثانيه ويقطع ..فيصل تأكد انها هي
ريم : ارفعي ياخوفي راجو
العنود خذت الجوال من شنطتها وفتحت المكالمات ويوم شافت الرقم انصدمت على طول حولته صامت
الريم: هاه هو ؟؟
العنود: لا
نوره: هذاهو شوفوه
الريم: يلا العنود
العنود : يلا ولفت وجهها على فيصل وابتسم لها ..العنود بسرعه لفت وجهها وراحت ركبت للسياره
وصلو البيت
الريم: يمىىىىىىىىىىىىىى
ساره : نعم لا تصارخين انا هنا في الصاله
نوره: السلام عليكم
ساره : وعليكم السلام ..شفيكم تأخرتو
ريم: ما طلعنا الا واحنا مخلصين كل شي
نوره فصخت عبايتها وخذت دحومي من امها : عسى مالعوزج يمى
ساره: لا شدعوه انا كم دحومي عندي
نوره: تعال عند ماما حبيبي تعال شوف شنو شرت لك
ريم: عاد اللي يشوف بيفهم الحين
نوره : وانتي شحارج
الريم: ولا شي فدييييته يطلع لسانه بعد ...يمى تعالي اوريج شنو شريت
ساره : شفيج العنود
العنود: ولا شي بطلع افصخ عباتي واغير وانزل
ريم: شدعوه مره وحده وري امي بعدين طلعي
العنود: معليه بطلع وبنزل
طلعت العنود ورمت الأكياس وقعدت على السرير وهي في عبايتها خذت الجوال من الشنطه ولقت رساله فتحتها
(هاذي ثالث مره تجمعنا الصدفه وأحلى صدفه بعد ...)
العنود: وجعععععع والله انه حمااار السالفه بتطور لو ما قلت لسهى ..
خل اروح اوري ملابسي لأمي أحسن ..
من جهه ثانيه فيصل دخل البيت وهو مستانس
يسرى(الي هي زوجه ابوه ): هاه فيصل أشوفك مستانس
فيصل: أي مستانس الا متشقق
يسرى: الله يجعله دووم ان شاء الله
فيصل : تسلمين أميين ..وين سهى
يسرى: فوق ويا لينا
فيصل: اوكي عن اذنج بطلع لها
حط الكيس فوق الطاوله وطلع
يسرى: لا تصيف يلا ناد أخوان وانزل العشا جاهز وابوك جاي في الطريق
فيصل وهو على الدرج : ان شاء الله
طلع فوق لقى سهى ولينا في الصاله : مساء الورد لأحلى وردات
لينا قامت نقزت على فيصل : هييييييييه فيصل جاء
سهى: مسائك أحلى ان شاء الله
فيصل وهو شايل لينا : شخباركم
سهى: الحمد لله
فيصل : ترى جبت لج شي يحبه قلبج
سهى: وشوووو
سلمان: نزلي وشوفيه
لينا:وانا وش جبتلي
فيصل: حتى انتي جبت لج حلاو
لينا باست فيصل : شكرا
فيصل : حبتج العافيه يلا نزلو العشا جاهز
سهى: وانت
فيصل: ببدل ملابسي وانزل ..وين سللوم
سهى: راح بيت عمي
فيصل: وراكان قاعد في الغرفه يلعب سوني
فيصل : اوكي يلا نزلو انا اناديه ..سهى
سهى: هلا والله
فيصل : بعد العشا ابيج بسالفه
سهى: اوكي
على الساعه 11 دخلت العنود غرفتها ودقت على سهى وما ترد
العنود: بدق عليها بكره على البيت الوقت متاخر وهالجوال كله قاطته ما تدري عنه
سهى بعد العشا قعدت ويا اهلها يسولفون بعدين استأذنتهم
سهى:يلا تصبحون على خير أنا بطلع أنام
فيصل: يلا خذيني معاج
سلمو على ابوهم ومرت أبوهم وطلعو
وهم على الدرج تعالي معاي الغرفه بقولج شي
سهى: حسبالك نسييت يلا
دخلو غرفة فيصل وقعدو
سهى: يلا تراك حمستني اسمع السالفه
فيصل: اوكي بس توعديني ماتزعلين ولا تعصبين علي وبدون صراخ
سهى: فصوول شمسوي
فيصل: هههههههه شبسوي يعني
سهى: والله ما ادري عنك انت كل شي تسويه
فيصل: سمعي .. منو تتوقعين شفت اليوم في الراشد
سهى: منو ؟
فيصل: العنود..
سهى وهي مستغربه: العنووووووود؟؟
فيصل: أي العنود صديقتج
سهى: عنود ما غيرها ؟؟
فيصل: أي العنود ما غيرها
سهى: وش دراك انها العنود ؟؟
فيصل : سمعي وقالها السالفه من ......الى
سهى وهي منصدمه : أحلللللللللللللللللللللف فصووووول اكيد تمزح صح
فيصل: والله العظيم وليش أكذب ؟
سهى: ما ني مصدقه أنت شلون تسوي كذا
فيصل : سهى شفيج؟
سهى: فيصل أحلف ... ترى مالي خلق مقالبك
فيصل: ههههههه والله العظيم ليش مو مصدقه
سهى: فيصل تمزح والا من جدك
فيصل : والله العظيم ياسهى اذا مو مصدقه روحي كلميها وقولي لها
سهى: فصول ترى هاذي العنود صديقتي حسبالك وحده من هالبنات الي تقص عليهم ..والله ان صار لها شي مو زيين لك
فيصل: الحين ليش معصبه
سهى: .......خذت نفس عميق .... عن اذنك بروح غرفتي
فيصل: سهى
سهى وقفت مكانها : نعم
فيصل: لفي وجهج علي

سهى لفت وجهها
فيصل: شفيج
سهى: لااا انت احلف ..بعد كل الي سويته وتقولي شفيج ..ألحين انا وين اودي وجهي من البنت
فيصل: انا ما سويت شي
سهى:كل هذا وما سويت شي
فيصل: سهى انا ما قلت لج الي صار عشار تهزئيني وتعصبين وتسوين لي سالفه
سهى: احلف شتبيني أسوي أصفق لك واقول برااافو
فيصل: لا تعالي عطيني كف أحسن
سهى: انا بروح انام ...وطلعت
فيصل : الحين شسوي لها ياربي أبيها لي عون صارت لي فرعون
سهى راحت غرفتها وهي متكدر من الي سواه اخوها الحين وين أودي وجهي من البنت والله انك يا فيصلووو ما تستحي والا تشوف مس كول في جوالها من العنود ... وهذاهي دقت يااااربي الله يستر بكره لازم أكلمها ..

الساعه 9 الصباح
الجوال يدق
ياربي شالازعاج من صباح الله خير
سلمان: ألو
ليلى: صباح الورد حياتي
سلمان : هلا والله
ليلى: يلا قوم بسك نوم
سلمان : حرام عليج مانمت الا بع الفجر وتقولين بسك نوم
ليلى: مو انت قلت لي صحيني الساعه تسعه
سلمان : يووو صح نسييت أنا مواعد الشباب
ليلى : اوكي عيوني يلا قوم
سلمان : تعالي عسى نمتي البارح زيين
ليلى: اذا نايمه على صوتك ونمت وانت معاي في حلومي وصحيت واول ما سمعته صوتك شلون ما تبيني انام زين
سلمان : الله الله حالمه فيني بعد ...الا يشوف انتظار محمد
سلمان : اقول حياتي هذا حمد يدق اكيد بيقولي تجهز
ليلى: اوكي حياتي بس يلا قوم انا بسكر
سلمان: يلا مشكوره باااي
ليلى : العفو باااي
ويرد على محمد:هلا والله بو الشباب
محمد: من صباح الله خير وانت على هالجوال ما تشبع ارحم نفسك ياخي
سلمان : الناس يسلمون يقولون صباح الخير مو تهزيئ وصرااخ
محمد: انت وجهك وجه صباح الخير ... هاه جاهز
سلمان : أي جاهز توني حتى ما قمت من الفراش
محمد: من طياحة الحظ قاعد تتغزل لي من وحده لوحده والله وخوووش عم
سلمان : أقول كأنك مصختها احترمني اسم اني عمك على الاقل
محمد: ههههههه والله والنعم فيك من عم
سلمان : وش تقصد ؟؟
محمد: سلامتك بس يالله قوم
سلمان: يلا بس عطني ربع ساعه اسبح والبس وانا جاي
محمد: يلا نستناك
في الصاله تحت
الجد فهد: وانتي هذا شغلتج من بيت لا بيت
فوزيه : وانت شحارك تبيني اقعد في البيت لا شغله ولا مشغله مثلك
الجد فهد: على الاقل احسن منج كل يوم طالعه من هالصباحيه ماتبركين في ارضج تلقين الناس ملو منج
فوزيه : مع السلامه <<مطنشه ولا كأنها تسمع
دانه : هههههههههه جدي ما عليك منها مسكينه خل توسع صدرها تقعد في البيت شتسوي
الجد: أي انتي شعليج دافعي عنها
دانه : افا جدي اصلا انا دووم في صفك الحق معاك او مو معاك
دلال: اقول انتي لو تكرمينا بسكوتج أحسن
دانه: حد كلمج
الجد يكلم شهد الي كانت تطالع قناة المجد للأطفال : اقول شهووده
شهد: نعم جدي
الجد: شرايج تروحين معاي البقاله
شهد: تشتريلي حلاو
الجد: ههههههههههه أي بشتريلج حلاو
شهد : انزين يلا
الجد: يلا قومي ..ويكلم البنات .. تبون شي
دانه: جدي ما يصير أجي معاكم
الجد: فيج حيل تتمشين
دانه: ايوه فيني حيل ليش قايلين لك عجوز
الجد: انزين يلا قومي لبسي عباتج
دانه : داقيق البسها وانزل
الجد: ها دلول ماودج تروحين معانا
دلال: لا مشكور جدي
الجد: تبين أجيب لج شي
دلال : ولا عليك امر ابي ممممممممم ايس كريم
الجد : ان شاء الله بس أي واحد تبين ؟
دلال: دانه تعرف الي ابيه انت قولها
دانه: يلا جدي انا جيت
الجد: يلا مع السلامه
دلال مع السلامه
خذت الريموت وقانت تقلب في المحطات شوي الا ينزل سلمان
سلمان : صباح الخير
دلال: هلا والله صباح النور
سلمان : وين امي وابوي عنج ليش قاعده بروحج
دلال: جدتي راحت عند الجيران وجدي توه طالع مع دانه وشهد
سلمان: ليش مارحتي معهم
دلال : رايحين للبقاله مالي خلق
سلمان : اوكي يالله انا طالع تامرين بشي
دلال : سلامتك
سلمان : يلا مع السلامه
دلال : مع السلامه
في بيت عبد الرحمن
ندى توها نازله : السلام عليكم
فاطمه : وعليكم السلام
ندى تحب راس امها :شخبارج يمى
فاطمه الحمد لله
ندى: انا بروح للمطبخ بسوي لي نسكافيه تبين اسويلج معاي
فاطمه : لا مشكوره انا فطرت مع ابوج الصباح
ندى راحت سوتلها الكافيه وجات قعدت مع أمها
فاطمه: أقول ندى
ندى: هلا يمى
فاطمه: بتكم معاج في موضوع
ندى: امري يمى وشو الموضوع
فاطمه : عن سالفتج انتي وعبد الله.0
ندى وهي متفاجأه وفي قلبها صدق ما يستحي وبعد رايح وقايل لهم وهي مرتبكه : أي سالفه
فاطمه: بعد في غيرها سالفة خطبتج له
ندى ارتاحت شوي : شفيها
فاطمه : شنو شفيها .. عمج كلم أبوج في السالفه
ندى: والمطلوب
فاطمه : شنو والمطلوب يعني يبون ردج
ندى: كأنه بيفيد ألحين
فاطمه: ندى شفيج
ندى: ما فيني شي
فاطمه: ندى ترى مستحيل نزوجج وانتي ماتبين
ندى : .........
فاطمه: يمى ندى الخطاب كثر وكله نردهم بعذر انج مخطوبه لولد عمج ... وهاذي ثاني مره جا يطلبج ويستنى ردج ..
ندى: ان شاء الله يمى بس خليني افكر
فاطمه: ترى هو ولد خالتج وولد عمج وما اتوقع حد بيصونج أكثر منه ويكفي انه يحبيج وشاريج بالدنيا كلها
ندى: ان شاء الله يمى
عبد اللطيف: السلام عليكم
الكل : وعليكم السلام
عبد اللطيف يحب راس امه : شخبارج يمى
فاطمه : الحمد لله بخير وعافيه انت شخبارك
عبد اللطيف : الحمد لله ..ها ندوش شخبارج ؟؟
ندى: الحمد لله
الهنوف : صباااح الخيير
عبد اللطيف +فاطمه: صباح النور
ندى تسلم على امها :ها لطوف شهالكشخه
عبد اللطيف : بطلع مع الشباب وبمر على جدتي اسلم عليها
الهنوف: بروح معاك
عبد اللطيف: وين تروحين
الهنوف: عند جدتي
فاطمه : وانتي أي واحد بيطلع قلتي بروح وياه استحي على وجهج وقعدي
الهنوف : يممىىىىىى
فاطمه: وصممه
الهنوف : برطمت ومدت بوزها
عبد اللطيف: ههههههههه ياحلوج وانتي مبرطمه
الهنوف: اييي انت فالح بس في التطنز شعليك
عبد اللطيف : انزين يلا قومي
الهنوف : وين اقوم
عبد اللطيف : مو تبن تروحين معاي عند جدتي يالله
الهنوف: يابعد عمري اخوي دقايق اجيب عباتي وانزل
عبد اللطيف : ماراح تبدلين
الهنوف : لا شدعوه انا وين رايحه كلها بيت جدي يعني بيتي
عبد اللطيف : انزين يلا
طلعت الهنوف
فاطمه : وهالبنت ماتلاتاح الا ليمن تسوي الي في راسها
عبد اللطيف وهو واقف قدام ندى الي كانت سرحانه : هاه وين وصلتي
ندى: هاه لالا ولا مكان
عبد اللطيف : ههههه الي شاغل بالج يتهنى به
ندى: تبتسم : عن اذنكم انا بطلع فوق
عبد اللطيف : ماتبين تروحين
ندى: ويين؟؟
عبد اللطيف : ولا بعد تقولي ولا مكاان ..وانتي ابد مو معانا
ندى: لطووووف
الا تنزل الهنوف : يلا مشينا أنا جاهزه
ندى: على ويين ان شاء الله
الهنوف: بيت جدتي
ندى : لييه
الهنوف : عبد اللطيف بيروح عند جدتي قلت اروح معاه
طلال : يلا يمى توصين شي
فاطمه : لا سلامتك بتتغدى هنا
طلال : والله ما ادري بس بعطيج خبر
وطلعو ...
في بيت الجد فهد
دلال كانت قاعده في الصاله الا تسمعالجرس توها بتقوم الا تجي ميري وتفتح البابي
الهنوف : السلام عليكم
ميري: وأليكم السلام
الهنوف: هلا ميري شخبارج
ميري : همد لله هنوف شخبار رجول انتي
الهنوف: هههههه الحمد لله
دلال : ميري منوو؟؟

الهنوف : اناااا
دلال : هلا والله ويسلمون على بعض
عبد اللطيف وهو عند الباب : احم احم
الهنوف: أي هذا عبد اللطيف
دلال : خليه يدخل انا بروح الصاله الداخليه
راحت دلال ودخل عبد اللطيف : وين جدتي
الهنوف: والله ما ادري دقيقه ..دلول وين جدتي
دلال : راحت عند الجيران هذا وقت رجعتها
عبد اللطيف: شخبارج دلال
دلال: الحمد لله بخير انت شخبارك
عبد اللطيف: دامج بخير احنا بخير
الل تدخل دانه وشهد والجد: السلام عليكم
الكل : وعليكم السلام
دانه: الله الله الهنوف عندنا وانا اقول ليش البيت منور
الهنوف : هههه منور بأهله وتسلم عليها ... هلا جدي وتسلم على جدها
ودخل الجد الصاله الا يشوف عبد اللطيف ويسلم عليه
دخلت شهد: السلام عليكم
الكل : يضحك..
شهد: ليش تضحكون
عبد اللطيف: لا ولا شي تعالي سلمي علي
راحت له شهد وباسته
الهنوف : وانا ترى بعدين بزعل
شهد: تعال انزلي
نزلت الهنوف وباستها شهد الهنوف: تبوس شهد ياقلبي انتي
الجد : شفيكم واقفين اقعدو
الهنوف: انا بدخل عند دانه ودلال داخل
دلال : انابروح أقول لميري تجيب القهوه والشاهي

سلمان : ياااربي من هالسياره وهذا حالتي معاها وياخذ الجوال ويدق على محمد
محمد: هلا بالعم
سلمان: هلا بولد الأخو
محمد: هههههههه حلوه ذي ولد الأخو
سلمان : أنا ادري عنك هلا بالعم ترى ما بيني وبينك الا شهر
محمد: المهم انت الأكبر بعدين مو اليوم تقولي احترمني اسم اني عمك
سلمان: انزين ابيك تجيني
محمد: السياره وقفت مرره ثانيه
سلمان : ايه كالعاده
محمد: والله حاله ليش تجي فيها
سلمان: توني مطلعها من الورشه قبل 3 اسابيع توقعت خلااص ... بس شكلها عاجبها الوضع كل اسبوع داخله الورشه
محمد: بعها وافتك
سلمان: شكلي هذا الي بسويه
محمد: المهم وينك
سلمان وصفله المكان ومحمد استأذن الشباب وراح لسلمان
بعد ما وصله في السياره
سلمان: وينك سنه عشان توصل من بعد المسافه
محمد: زحمة الطريق
سلمان: تعال عبد اللطيف جاء
محمد: لا
سلمان يطق من جواله على عبد اللطيف
عبد اللطيف : هلا سلمان
سلمان : هلا والله وينك
عبد اللطيف: عندكم في البيت
سلمان : وليه ما جيت
عبد اللطيف : قلت امر على جدتي اسلم عليها وخذتنا السوالف
فوزيه: قله يستح على وجهه ويجي من صباح الله وهو يهيت في الشوارع
عبد اللطيف: هههههههه سمعت
سلمان : وتضحك بعد عطني اياها
عبد اللطيف يمد الجوال لجدته : خذيه يبي يكلمج
فوزيه: هلا السلام عليك
سلمان : هلا بج وعليكم السلام
فوزيه : شخبارك
سلمان : وينج يمه كله في بيت ام محمد ما صارت خذتج منا
فوزيه : انا موجوده انت الي من تصبح وانت تهيييت وما ترجع الا وقت النوم
سلمان: هههههه ولا يهمج ألحين اجي واقعد معاج وبتنغثين مني بعد
فوزيه: انت تعال بالاول والله لو وشو ما تسوي ما انغث منك
سلمان : يابعد عمري انتي يلا مسافه الطريق واكون عندج
فوزيه : يلا استناك في حفظ الكريم
محمد: هاه ارجعك
سلمان : قصدك نرجع
محمد: حتى انا
سلمان : استح على وجهك توصل لين الباب ولا تنزل تسلم على جدك وجدتك
محمد: لا لا مسوي فيها ناصح
سلمان يضربه على راسه : نسيت اني عمك
محمد: اوه اوه السموووحه يالعم
نرجع لهم في البيت
بدور وهي داخله عليهم : السلام عليكم اجمعين
الكل رد السلام
فوزيه : بس نزلت هالمرجوجه
بدور: يمىىى حرااام عليج تحطيم من صباح الله خيير
بدور تحب راس امها وابوها وتسلم على الكل : الله الله شصاير الكل متجمع عندنا اليوم عسى ما مات احد
فوزيه: فال الله ولا فالج وانتي ما تفاولين الا بالشر عيالي وجايين يزوروني بعد حرااام
بدور تطالع في الموجودين
بو عبد العزيز: شفيج تطالعين :
بدور: تقول عيالي وما فيه احد من عيالها غيري
الكل : ههههههههههههههههههه
فوزيه : عيالي عيالي هم عيالي
بدور: ما اقدر انا على الارتجال
فوزيه: بديييير
بدور: يمه نمزح ....حد يبي اصبله بياله معاي
بو عبد العزير : يمى صبيلي بياله زنجبيل معاج
بدور: ان شاء الله صبت بياله لابوها وصبت لعمرها قهوه وخذت لها تمره وقعدت
قعدو يسولفون شوي الا يدخل سلمااان : السلام عليكم
الكل الا بدور : وعليكم السلام
بدور: هلا والله سلمانو في البيت والساعه 11 أقولكم صاير شي اليوم _ الا تشوف محمد وراه _ ومحمد بعد
الهنوف من داخل الصاله الداخليه سمعت اسم محمد وعلى طول عيونها لفت على داخل الصاله
محمد: السلام عليكم
الكل : وعلليكم السلام
سلم سلمان ومحمد على فوزيه وفهد
فوزيه: ها يا ولدي شخبارك
سلمان : الحمد لله بخير
فوزيه : اكلمك يا محمد
سلمان : انتي قلتي ولدي
محمد: هههههه بخير وعافيه يالغاليه شوفتج تكفي
سلمان : لا يكون اخوي من الرضاعه وانا ما ادري
بدور: ياليت على الاقل اهون منك
سلمان : انا قاعد قاعد بس يصير عندج زيادة غثا
الجد فهد : وانتو بس تتقابلون هذا حالكم
بدور: معليه يبى نحلي الجو
سلمان : يلف على عبد اللطيف: ها يابو الشباب شفيك ساكت
عبد اللطيف: وين اتكلم وانتو من دخلتو ماشاء الله عليكم ما سكتو
الجد فهد : شفتو استحو على وجيهكم
بدور: يبى عادي يمون
قعدو يسولفون
بدور: بنااااااات تعالو قعدو معانا شدعوه هالحيا ما احد غريب كلهم عيال عمكم حطو جلال عليكم وقعدو
فوزيه: بلاها العنود مو معهم والا كان جاو
عبد اللطيف : ياحليلها هالعنود
سلمان : والله القعده من دونها مو حلوه
الهنوف وهي داخل الصاله : حرااام عليك وانا
محمد: سمع صوتها وعلى طول رفع عيونه جهت الصوت عل وعسى يشوفها
سلمان : الله الله الهنوف عندنا صدقتي بدور الدنيا صاير فيها شي_ وراح لها _هلا بالبنات والله مو نافصكم غير العنود
دانه : وريم
سلمان : ههه انزين يلا حطو عليكم غطاكم وتعالو ترى سوالفنا تونس
دانه: شدعوه مت نسمع اذنا عندكم
سلمان: والله انج وحده ..بس معليه كاش احسن
دانه : يلا انا ما عندي مانع حطت الغطا على وجهها لان عبايتها عليها وحتى الهنوف غطت وجهها اما دلا خذت لها جلال ودخلت معهم
طبعا اول ما دخلو محمد يرفع عيونه عليهم وينزله يخاف احد يطالعه
سلمان يهمس له : الى الان مالقيتها
محمد انصفق وجهه : ميين؟؟
سلمان :ههههه احلف عااد خل عيونك تحول تراها بعبايتها
محمد وابتسامه على وجهه: شغلي معاك بعدين
الهنوف: طبعا الغطا عليها وما خذه راحتها تطالع في محمد وهو يتناقر مع سلمان وهي مبتسمه ومستانسه
اذن الظهر ...
الجد: يلا عيال ترى اذن انا بروح اتوضا واتلحقوني على المسجد
الكل: ان شاء الله
فوزيه : يا عيال ترى اليوم غداكم عندنا
عبد اللطيف: لا مشكوره يا جدتي ما ودنا نتعبج
فوزيه: افااا يا عبد اللطيف انت تعبني تعبك رااحه
عبد اللطيف : مشكوووره يا الغاليه بس والله احناجايين نشوفج بس
سلمااان: ايوووه قام يتغلى
بدور: يحق له دامه حبيب قلب ام بدور
سلمان : الا تدخل عمرها بالسالفه
الكل: بديناااااا
بدور +سلمان:هههههههههههههه
فوزيه: لا عاد ياولدي تكون عندي حزه الغدى ولا تتغدى معاي .... بعدين انا مسويه لك ذاك المرقوق الي يحبه قلبك
عبد اللطيف: هههههههه عاد مرقوقج يالغاليه مافي مثله
محمد: عاد اكل ام عبد العزيز لو تلف الدنيا ما بتلقى مثله
عبد اللطيف: بدون ما تقول يامحمد
فوزيه: اجل خلاص الغدا عندنا
عبد اللطيف: ابشري وانا كم ام عبد العزيز عندي
فوزيه: تسلم الله يعطنيني عمر واشوفك معرس واشيل عيالك ان شاء الله
الكل : امييين يارب
سلمان+محمد: واحناااااا
سلمان: ترى نغار
الكل: ههههههههههههه
بدور: لا تحاولون هذا لطوف
فوزيه : الله لهالدرجه مستعجلين على العرس بكره هو ليش بكره من اليوم ادور لكم على بنت الحلال
سلمااان: نمزح خلاااص ما نغار
الكل : هههههههههههههه
فوزيه : ادري فيكم يلا قومو تجهزو للصلاه
الشباب قاموا وطلعو وفصخو البنات عباياتهم الا عبد اللطيف ينادي الهنوف وهو برى الصاله : الهنووف
الهنوف : لبيييه
عبد اللطيف : دقي على امي وقولي لها لا تستنا على الغدا
الهنوف : ان شاء الله
سلمان يجر محمد من يده : تعال الولد نادى اخته انت شدخلك
محمد: وانا سويت شي
سلمان: لا ما سويت بس الطريق للباب قدام مو ورى
محمد يطالع سلمان بنص عين : تستخف دمك
سلمان : لا احاول
في الشركه عبد العزيز وعبد الرحمن كانو يتناقشون في المشروع الجديد الي بسوونه
عبد الرحمن : يالله الله يكتب الي فيه الخير
عبد العزيز: ان شاء الله ..عاد يابو فهد نبي الفرحه ثنتين فرحه نجاح المشروع ان شاء الله وفرحه عبد الله وندى
عبد الرحمن وهو يحس انه مستحي من اخوه لان مستحيل يلاقي لبنته احسن من ولد عمها : ابشر بالي يسرك وانا اخوك
عبد العزيز: الله يسمع منك
وطلعو من المكتب عشان يروحون يصلون وهم طالعين الا يقابلون عبد الله
عبد الله يسلم على ابوه وعمه
عبد الله : اقول يبى لا تستنوني على الغدا ترى ما راح أجي
عبد العزيز: خير عشى ما شر
عبد الله : الشر ما يجيك يبى بس عندي شغل وابي اخلصه
عبد الرحمن : ياولدي الزم ما عليك صحتك والشغل لاحق عليه
عبد الله : تسلم عمي بس ودي اخلصه اليوم عشا ما يتراكم
عبد الرحمن : الله يسهل عليك ويوفقك
عبد الله في قلبه يدعي لولده
وطلعو للمسجد

في بيت الجد وبعد الغدا
عبد اللطيف : تسلم يدج يالحنونه
فوزيه : هنا وعافيه
محمد: يا حظك يا جدي عندك وحه مثل امي فوزيه والله المفروض كل يوم تسجد سجده شكر ..
الجد: اما من هالناحيه لا توصي والله لو الف الدنيا ما القى مثل جدتك
بدور: اصلا ما يصبر عليهولا يقدر يذوق غيره
فوزيه وهي مستحيه : يلا بس استحو على وجيهكم
سلمان : الله الله على الحيا يمىىىى
الكل: ههههههههههههه
فوزيه: ضحكتو من سركم بلا والله عيال هالزمن ما ينعطون وجه
عبد اللطيف: ما عليج منهم يالحنونه بس يبون يهبلون فيج _ يكلم بدور_ وين الهنوف
بدور: اتوقع راحت مع البنات
عبد اللطيف : الله لا يهينج ناديها لي قولي لها بنروح
بدور: ان شاء الله
فوزيه: تو الناس
عبد اللطيف : أي تو الناس من الصبح واحنا عندكم ما مليتو
فوزيه: خل نشبع منك بالاول عشان نمل
عبد اللطيف : والله ما تقصرين يا جدتي
بو عبد العزيز: يلا انا بطلع اتقيل شوي خل نشوفك يا عبد اللطيف ومحمد مو تقطعون
محمد وعبد اللطيف : ان شاء الله جدي
محمد : يلا عن اذنكم انا اترخص
سلمان : وييين
محمد: قايم من الصباح خاطري انااام بعد هالاكله الحلوه من يد الغاليه
سلم على جدته والكل وطلع وهو عند المدخل طالع كانت الهنوف تلبس نقابها واول ما شافته طاحت عيونهم في بعض الهنوف قلبها دق
محمد: مع السلامه
الهنوف : مع السلامه أأأأأ
محمد: شفيج تامرين بشي
الهنوف : هاه لا سلامتك بس سلم على العنود وريم و....و....
محمد وهو يبتسم من ارتباكها : وشنهو وهو يهز رااسه
الهنوف انقلبت حمره ربي ستر ان النقاب على وجهها : ولا شي
محمد وابتسامته توسعت اكثر : انتبي لعمرج وطلع
الهنوف متشققه من الوناااسه واااااي فديته وربي احبه احبه مو بس احبه الا أمووووووووووووت فيه
محمد طلع طبعا هو الثاني مستنانس وطول الطريق وهو يفكر بحبيبته جولييت <<ههههه

العصر في بيت عبد العزيز :
العنود حاطه على توم وجيري وقاعده تطالع <<< على فكره هي تموت في شي اسمه توم وجيري
ريم : عنود ترى لاعت كبدي بزارين حاطه لنا هالكرتون ولا ياليته سنع ..غيري المحطه لو سمحتي
عنود قاعده تفصفص بالحب ولا كأنها تسمع شي
ريم قامت وخذت الريموت وغيرت
عنود: وجع رجعيه انا جايه قبلج ...بعدين وش تبين تحطين
ساره الي قاعده تكلم تلفون : بسكم يابنات
محمد نزل : السلام عليكم
ريم والعنود: وعليكم السلام
محمد: انتو ما تعقلون صراخكم واصل اخر الدنيا
العنود: ليش ان شاء الله وين كنت في الصين والا في المحيط الهادي
ريم: لا اكيييد في المحيط الهادي أجل شلون سمع صراخنا
العنود: اييي صح لو بالصين وين يسمع صراخنا مع زحمه الاوادم
محمد يضحك بطناز : هههههههه سخييفات
العنود: طالعين على اخونا الغالي محمد
محمد: حمد لله ما عمر حد قالي انك سخيف
العنود: ولا يهمك انا اقولك ( سخييييف )
ريم: قصرو حسكم ابي اسمع
العنود : كثر الله التلفزيونات الي في البيت حبكت على هذا
ريم مطنشه وتكمل تطالع مسلسلها
محمد: أقول عنود صبيلي شاهي
العنود: شقايلين لك جاريتك والا شغالتك على غفله الدله قدامك واتوقع عندك رجول ويد
محمد بزعل : افااااا وانا اخوج هذا وانا بس طالب بياله شاهي مدري لو طلبت شي ثاني شنو بتسوين
العنود: مطنشه
محمد: اقول ريموووو حبيبتي قومي صبيلي بياله
العنود نقزت من مكانها : ما احد بيصبه غيري
وصبت البياله : كم ملعقة سكر
محمد وهو مسوي فيها زعلان ومطنشها
العنود: يلاااااا عاااد يعني ما نمزح
محمد وهو معصب : ملعقه ونص
العنود: ماله داعي النص يكفي اني انا الي صابتها
محمد: ههههههههه ابي اعرف بس من يقدر عليج
العنود: ما احد وانا بنت عبد العزيز
محمد: تعالي نسيت اقولج الهنوف تسلم عليج
العنود وهي مستغربه : هنووووووووف
محمد: أي الهنوف بنت عمي شفيج مستغربه
العنود: لا بس وين شفتها
محمد: شفتها اليوم في بيت جدي
العنود: وليش رايح بيت جدي
محمد: حللللوه ذي بعد ليش رايح ... جدي وجدتي ورحت اسلم عليهم بعد حرااام
العنود: لا مو قصدي بس مو من عوايدك
محمد: المهم تسلم عليج وبس
العنود: انتو ما ينوخذ منكم كلاام بعدين أكلم الهنوف وافهم منها كل شي
محمد:ههههههههههههه انتو يالحريم فيكم لقااافه
العنود: اسم الله عليكم يالرجاجيل
محمد يلتفت على امه الي توها مسكره السماعه : ها يمىى تو النااس
ساره : على شنو
محمد : كان كملتي سوالف انتو ما تشبعون سوالف لو اللسان يتكلم كان طلب الرحمه منكم
ساره : اقول استح على وجهك انت مب فالح الا بالطناز
العنود: عاد في علمك العضله الوحيده الي ما تتعب في جسم الانسان هي اللسان
محمد قام من مكانه وهو رايح لامه ويكلم العنود ما اقدر انا على المثقفه ويحب راس امه : ما عاش من يتطنز عليج
ساره : أي العب علي بهالكلام على بالك غشيمه ما افهم
محمد: محشوومه يمى انا قلت كذا؟؟
ساره : لا ما قلت بس
العنود تقاطعها : واللبيب بالاشارة يفهم وامي بدون شك لبيبه ...
محمد: انتي لو تكرمينا بسكوتج
العنود: افحمتك ههههههه
من جهه ثانيه سهى كانت تفكر شنو تسوي مع العنود تقولها والا تسوي نفسها ما درت عن شي بعدين في الاخير قررت تتصل فيها راحت والا جات هاذي العنود صديقتها وزي اختها واكثر
خذت سهى التلفون واتصلت على العنود الا ترد ساره : نعم
سهى : نعم الله عليج خالتي السلام عليكم
ساره : هلا والله وعليكم السلام شخبارج
سهى : الحمد لله بخير وعافيه ولا عليج امر خالتي ممكن اكلم العنود
ساره : أي دقايق ..العنود تلفون
العنود ما جا على بالها سهى وكل الي متوقعته انها تكون الهنوف : هلااااا
سهى : هلا والله شخبارج
العنود وهي منصدمه : بخييير الحمد لله انتي شخبارج وينج يالقاطعه
سهى : هههههه حرام عليج انا قاطعه
العنود: ادق عليج كله ما تردين
سهى : أي شفت مكالماتج تعالي ابي اكلمج في موضوع
العنود جا على بالها فيصل يكون قالها : امري
سهى : بخصوص فيصل
العنود انقبض قلبها : انزين دقايق ابي اطلع غرفتي
حولت التلفون على غرفتها وسكرت وطلعت وهي تركض
ريم : اذا وصلتو لحل قولي لمجلس الشورى لا تنسين
العنود وهي على الدرج تصارخ : مالت عليج
محمد: أي حل
ريم : مشكلة فلسطين
ساره : استحي على وجهج ترى ما تجوز الشماته
ريم: يمى انا ما تشمت
ساره : أجل شنو هاذي مشكلة فلسطين
ريم : يمى مو قصدي بس لانها بتطول في التلفون
محمد: صدق انتي ويا هالعنود قمه في الهبال
الا يدخل عبد الله وعبد العزيز توهم جايين من الشغل
نرجع للي فوق
العنود : ايه سهى كملي
سهى : انا بديت عشان اكمل
العنود: هههههه يلا ابدي
سهى : شوفي العنود فيصلو امس جاني وقالي عن كل الي سواه وصرااحه انا الى الان منصدمه من الي سواه صدق فيصل جرئ وأهبل بس ما توقعته يوصل للدرجه هاذي وسامحيني وامسحيها بوجهي وانا ترراني مو عافه وين اودي وجهي منج بس ...
العنود تقاطعها : يالزفته احنا ما بينا اسف
سهى وقلبها مرتاح من الي سمعته من العنود : أي بس يالعنود الي سواه فيصل مو هين
العنود : عااادي هبال شباب ما عليج منه بعدين انا الغلطانه الي عطيته وجه ولو سمحتي انسي السالفه وسكري الموضوع ولا كأنه شي صار ولا تكدرين عمرج عااااادي عندنا وعندكم خيررر
سهى وهي فرحانه : والله يالعنود انا لو ادور الدنيا كلها ما القى مثلج
العنود: تسلمين ياعمري ولا انا بس ابيج تنسين السالفه وخلاص صدق اني كنت منقهره منه في البدايه واصلا ناويه اكلمج واقولج عشان تقفينه عند حده بس هو سبقني وقالج

سهى : تصدقين عاد استغربت يوم انه قالي .. بس في نفس الوقت فرحت انه ما خبى علي وتاكدت انه مو قصده شي
العنود: بس ياحليه والله ان طيب بس جرييييئ بزياده
سهى تسمع الباب يدق : دقيقه العنود
قامت سهى فتحت الباب الا يطلع اخوها فيصل : نعم
فيصل :ممكن ادخل
سهى رفعت له التلفون اللا سلكي : قاعد اكلم
فيصل : يعني ارجع بعدين
سهى : لو سمحت ...وتوها بتسكر الباب الا تقوله : لا لا تعال تعال ادخل
فيصل استغرب ودخل و قعد فوق الكرسي وهي مقابلته على السريروتطالعه وتضحك
سهى : ايوه السموحه تاخرت عليج
العنود: لا عادي شدعوه
سهى : ايوه انا بخليه يتاسف منج برسم الخدمه وتفتح السبيكر
العنود: لا لا ماله داعي يتاسف بس قوليله لا يتصل علي ولا يرسل ويمسح رقمي والا تدرين انتي روحي مسحي رقمي بدون ما يحس
فيصل وهو منصدم وفاتح عيونه شوي وتطلع بس في نفس الوقت ارتاح ... ياشر لسهى والي يعافيح عطيني اكلمها
سهى بصوت واطي : لا لا اخاف تزعل
العنووود: هيييييييييييه قاعده تكلمين روحج
فيصل قام وخذ السماعه : لا قاعده تكلمني
سهى: لااااااااا فيصل
فيصل : هنود بكلمج بس دقيقه وقدام
سهى جرت من ايده السماعه : الو العنود اسفه بس صدقيني هو الي اخذ السماعه من يدي
العنود : لا عااادي
سهى تطالع في فيصل الي كان يترجاها وهي مستغربه منه ومن حركااته : العنود ممكن فيصل يكلمج شوي
العنود: شيبي
سهى : شتبي
فيصل : والله ما راح اطول بس دقيقه
العنود : انزين خل يقولج وانتي قولي لي
سهى : قول وانا اوصلها
فيصل : لا ما يصير لازم تسمع
سهى تضحك : ما يصير لازم تسمعين
العنود : اوكي يلا جت على هالمكالمه
سهى عطت فيصل التلفون وهو مستانس : هلا
العنود: ايوه نعم شتبي
فيصل : شخبارج
العنود: الحين هذا الشي الي ما يصلح الا انت تقوله
فيصل حتى بخير متحسفه تقولها لي : لا
العنود: طيب نعم شبغيت
فيصل وعلامات احباط على وجهه من اسلوب العنود الي مو راضيه تغيره : حبيت أقولج اسفه على الي سويته وصدقيني مو بيدي 3 مرات الصدف والله الشاهد ان ولا وحده كنت متعمد فيها بس الله العالم شقد فرحت فهالصدف وصدقيني انج لو تروحين اخر الدنيا غصب الواحد يلحقج _ سهى فاتحه عيونها هذا استجن تراني موجوده _ وما الوم سهى فيج يوم انها تعزج وتغليج كذا
العنود ما قدرت تتكلم ولا كلمه اول مرره تحس ان كلام فيصل حرك شي بداخلها قعدت ساكته ومو عافه تقول او تنطق باي كلمه
فيصل : واعيد واكررها اسفه وسامحيني ويلا مع السلامه .. وعطى التلفون لاخته سهى وطلع من الغرفه
سهى : الوووو عنووود انتي شو سويتي في اخوي اول مرره اشوفه كذا والهدوء والكلام الي ما ادري شقول عنه صار شاعر على غفله
العنود الي توها ما بعد تصحى من الصدمه الي هي فيها : هاه
سهى : ههههههههههههههههه حلوه هاذي هاه
العنود: لا بس
سهى : العنود شفتي ابي اعرف منو في الدنيا يصبر عليج حتى فيصلوو اخوي معجب فيج
العنود: لاااااااا حلفي انتي بس لا يغرج كلامه ترى كل الشباب كذا عادي
سهى : يمكن بس فيصلو أول مرره اشوفه كذا
العنود: انزين ما علينا تعالي قضيتي للعيد
وقعدو يسولفون
أما فيصل الي اول ما طلع من غرفة سهى خذ سيارته وطلع يدور ويفكر بالكلام الي قاله للعنود وشلون تجرأ وأخته قدامه : اااااااااه يالعنود معقوله قلبي يختارج انتي بالذات من بد كل البنات ..


اليوم الي بعده الكل كان مرتبش الي ناقصه أغراض نازل السوق عشان يكملها والي رايح يشتري حلاو للعيد وخرابييط
في بيت الجد
بدور : الحين انا ودي اعرف كم محل في الخبر يبيع حلاويات وبيتي فور وخراابيط عيد
دانه : اكثر من 200
بدور : انزين يعني حرام نروح نشتري من عمده بلا هالخبصه
دلال : انتي تعرفين امي فوزيه لازم زيادة الخير خيرين حلا البيت وحلا بره
بدور: واحنا نطيح فيها
منى : بالعكي والله وناااسه انا اذا ما سويت هالحلا الي في البيت ما احس العيد عيد
بدور: ايوووه على ربة المنزل ما اقدر انا بس احسن لج عشان تتعودين من الحين
دلال : تعالي ما قلتيلي شسمه الي خطبج
منى حمرت : هاه
دانه : ههههههههههه شفيج
منى : لا ولا شي بس امي قالت لي اسمه فارس
دلال : ايوه ما اقدر انا على الاسم فارس
بدور: ولا لو يطلع بعد اسم على مسمى فارس
منى : ترى ما صار شي انتو مسوين من الحبه قبه
بدور: المهم تمت الموافقه وخلاص <<< نسيت أقولكم ان منى وافقت وردو لاهل العريس الخبر وقريب وتصير الخطبه رسمي
دانه: ههههههههههه عميمه صراحه شكلج يموت انا لازم اروح اجيب الكاميرا
منى : أي والله نسينا السالفه
بدور: جاتنا العنود الثانيه
راحت دانه جابت الكاميرا فتحتها وبدت تصور
بدور: لا لا و الي يعافيج شكلي يجيب الهم وكشتي قابه البيت بيجيه التماس كشتي واصله السقف <<بالعكس شعر بدور حلو من النوع الي ملفلف يعني طبيعي مرول ما تعب

عمرها لورات وحاله وهو كثييير ودوم ترفعه لقمة راسها بس تعرفون البنات لو شعرها سايح مثل الحرير قالت كشه
الكل : ميت عليها من الضحك
دلال : اشوه ان جلابيتي مقبوله
دانه : عميمه أصلا حالتنا بكششنا
بدور: أي والله الله يخلي كشتي لي عاد انا ياكرهي للرزه الي مالها داعي
الا تدخل عليهم فوزيه : السلام عليكم
الكل وعليكم السلام
فوزيه : الله يعطيكم العافيه يابناتي ان شاء يتسوى في عرسكم
الكل : امييييييييييييين
فوزيه : الله الله لهالدرجه مستعجلين على العرس
دانه : جتي ابتسمي عشان تحلو الصوره
فوزيه : جاتنا العنود الثانيه
سلمان : السلام عليكم
الكل : وعليكم السلام
دانه تلف الكاميرا عليه : اهليييين سلماااني
سلمان : أصغر عيالج انا عشان تقولين سلمااني
دانه : هديةالعيد عادي
سلمان : هديه العيد بره قاعد يستنى يومه الموعود
بدووور: احلففففف ابوي جاب الخروف
سلمان : أي توني وانا داخل شفته ينزله هو والسواق
دانه : أنا بروح لجدي وتطلع
بدور : انتظري حتى انا
سلمان : حشا انا قلت خروف ما قلت غزال
وطلعت وراهم فوزيه
دلال تطالع سلمان : واحنا شمقعدنا
سلمان : يلا قومي مع الخيل يا شقرا
شهد: جدي ليش تذبحونه

الجد: عشان ناكله
شهد : بعدين مسكين يقعد يصيح
الجد : لازم بعدين شلون تكبرين لازم تاكلين لحم
شهد : مو لازم
دانه وبدور الي كانو وراهم وهم مب حاسين فيهم
بدور: بووووووووووووووه
بو عبد العزيز مع الخرعه بغى يطيح بس ربي ستر
الجد: غربل الله بليسج بغيتي تطيحيني بصراخج
الكل : هههههههههههههههههههههههه
الجد: والله انكم ما تستحون وتضحكون علي بعد لو طحت على راسي وصار لي شي
بدور راحت تحب راس ابوها : فال الله ولا فالك كان اموت روحي معاك
فوزيه : لا اله الا اللهه اسم الله عليج انتي وياه وانتو ما عندكم الا هالسيره
بو عبد العزيز : الموت حق
فوزيه : أي والله صدقت
شهد: جده شفتي جدي بموت الخروف
فوزيه : يمى شهد لازم يموت عشان العيد
بدور : يبى ليش جايب 3 الثالث ما فيه شي عشان ناكله
شهد: هذا حقي ما احد ياكله
الجد: شهد شافته متعلق في امه قامت تصيح علي حرام تخلونه يبي امه وخذته لها بعدين هذا ماعز
منى : جدي الله يهداك وانت كل شي تبيه خذته لها
فوزيه: وانتي شعليج منها
سلمان : غيرانه ما يبلها بعد
منى : لاااا انت بس احلف
سلمااان : ههههههههههه والله
بدور ولقافتها راحت وقربت جنب الخروف الي كان داخل حظيره صغير ومحوط بسور قصير مو زود طول بس عشان ما يتحرك من مكانه الخروف .. ومدت يدها على ظهر الخروف والا يصارخ في وجهها : مااااااااااااااااع
وتصرخ ذيك الصرخه من الخرعه وتطيح على ظهرها
الكل ميت عليها من الضحك
منى : دااانوه عسى صورتيها هههههههههههههه
دانه وهي ميته من الضحك : افا عليج اصلا انا قاعد اراقبها من البدايه
بدور قامت وهي تنفض روحها: ما فيكم خير تجون تساعدوني
سلمان : شنساعدج انتي رايحة له
بدور: كنت ابي امسكه وصرخ في وجهي وخرعني
فوزيه : ليه فرو عشان تمسكينه ما غيره صوف مخيس
سلمان : يمكن على بالها خروف اوروبي تراه سعودي اصلي ونعيمي بعد
بدور: مالت عليك اقول اسكت بس
بو عبد العزيز : تستاهلين هذا جزاج
بدور: يبىىى لييش ؟؟
دانه : نسينا ما كلينا
بو عبد العزيز : ربج ما يضرب بعصا
سلمان : شالسالفه ؟؟
شهد : قبل شوي بدور خرعت جدي وكان بيطيح
بدور: والحين جا دوري وبعد شوي دانوه
دانه : لا يمى انا ما سويت شي انتي الي خرعتيه
فوزيه : انزين يلا خل ندخل
دخلو الصاله
فوزيه : لا تنسون ترى بكره عرفه
بدور: يوووو راح عن بالي زين ذكرتينا
سلمان : هههههههههه
بدور: شفيك تضحك
سلمان : ما تلا حظين ان ها لاسطوانه كل سنه تنعاد ويقلد صوتها _ يووو راح عن بالي زيين انج ذكرتينا _
بدور: اسم الله عليك الي يشوف كأنك ذاكر
فوزيه : بسكم خناق _ تكلم بدور_ كلمي اختج واخوانج وقولي لهم بكره الفطور عندنا
في بيت عبد الرحمن
ندى صلت العصر وقعدت في غرفتها تفكر بالموضوع الي شاغلها
ياربي الحين اوافق والا لا بس هالعبد الله واحد ثقيل طيينه بزياده بالموت يضحك بس شكله طيب ويكفي انه يحبني لااا أي يحبني لو يحبني كان ما عطاني كف على وجهي بس حتى انا عصبته بكلامي وعاد الحين انا الي برفض لو برفض شنو بيكون مو قف ابوي مني ومن عمي وراح اسبب مشاكل ياااربيي وشو هالمصيبه الي انا فيها الله يساعدني بس والله ما ني مستعده ابع عمري عشان سواد عيونهم هاذي حياتي وانا الي اقرر مو اهم والي يصير يصير ألزم ما علي نفسي لا شنو هالانانيه الي فيني بس ...الا تدخل عليها الهنوف
الهنوف: الاخت وين مسرحه
ندى تخرعت : بسم الله
الهنوف : سنه اطق الباب وينج ما تسمعين
ندى : ما سمعته
الهنوف: ايي الي شاغل بالج يتهنى به
ندى : ما احد شاغل بالي
الهنوف : واااضح انزين قومي ابوي يبيج
ندى وقلبها حس بالخوف : شيبي
الهنوف وهي طالعه : والله ما ادري بس قالي خل تجيني المكتبه
قامت ندى وكانت متاكده ان ابوها بيكلمها في موضوع زواجها من عبد الله وخلاص قررت انها تقول رايها وتتوكل على الله ..راحت الهنوف عند ابوها للمكتبه الي كانت فوق هو دايم يحب يقعد فيها كل اغراضه وشغله موجوده هناك ...
طقت ندى الباب
عبد الرحمن : ادخل
ندى : السلام عليكم وحبت راس ابوها
عبد الرحمن : وعليكم السلام حبتج العافيه يابنتي
ندى : سم يبى قالت لي الهنوف انك بغيتني في موضوع
عبد الرحمن : ايه يابنتي قعدي
ندى قعدت : تفضل يبى
عبد الرحمن : امج كلمتج في موضوع خطبتج لولد عمج
ندى والي كانت متاكده من الموضوع : ايه يبى
عبد الرحمن : قبل كل شي ابي اقولج ان عبد الله شاريج ويكفي انج بنت عمه وخالته في نفس الوقت وماراح تلقين احسن منه أخلاق وشهامه وطيبه وكل شي رجال بمعنى الكلمه
ندى في قلبها امحق رجوله يطق مرره وقالو لي رجال : ................
عبد الرحمن : طبعا انا متاكد انج مستحيل ترفضينه
ندى انصدمت لان ابوها كان متوقع غير الي في بالها
عبد الرحمن وهو يكمل كلامه : لان انتي لو رفضتيه اتوقع مو حلوه في حقنا ولا في حق عمج وولده ومستحيل نعطيج للغريب وولد عمج اولى بج وانا يا بنتي ادرى بمصلحتج
ندى اخنقتها العبره ودها ترفض بس ما تقدر تقول لابوها لا
عبد الرحمن : ها يابنتي شرايج
ندى : الي تشوفه يبى
عبد الرحمن ارتاح قلبه وارتسمت عليه علامات الفرح : وصدقيني ماراح تتحسفين مبروك يابنتي
وقم عبد الله لبنته وطبعا ندى سبقته وراحت له : وحب راسها
ندى ابتسمت : تسلم يبى
عبد الرحمن : انا بكلم عمج وببشره
ندى : انزين عن اذنك يبى تامر بشي
عبد الرحمن : سلامتج
طلعت ندى وعلى طول على غرفتها ورمت روحها على السرير وماتت صياح ماااااا أبييه ياربي ما ابيييه ليش غصب يعني اخذه
طبعا مهما تصارخ ندى ما احد راح يسمعها لانها رضخت للأمر الواقع وما تقدر تقول لابوها لا وهو أصلا مو متوقع ان بنته كانت تفكر بالرفض فسلمت امرها لله
في الليل العنود تكلم الهنوف
الهنوف : حللللفي
العنود: والله أقص عليج بس تدرين كسر خاطري حسيت انه على كثر الي سواه بس انه طيب
الهنوف : ايوووه
العنود: يالخايسه بس وهو يكلمني حسيت بصوته نبرة حزن صدق اني كنت جافه شوي معاه بس احسن
الهنوف : والله انتي ما ينعرف لج ساعه تقولين حبوب وتمدحينه وساعه تسبينه
العنود : انزين خلينا منه تعالي بكره بتجين بيت جدي
الهنوف : أي جد
العنود: بعد الي جد ( جدي عبد العزيز

--------------------------------------------------------------------------------

الهنوف : أي ان شاء الله وليه تبين افوت القعده والوناسه
العنود : ايواااا ياانسه جولييت
الا في دخلة محمد وسمعها وهي تقول انسه جوولييت ..محمد طبعا عرف انها الهنوف وراح وقعد جنب العنود
العنود : هلا والله اخوي شخبارك
محمد : الحمد لله انتي شخبارج
العنود : بخير_ وترجع تكلم الهنوف _اي تعالي تصدقين من زماان عن جدي حمد
الهنوف : والله فشله لي تقريبا شهر ما شايفتهم
العنود: اختبارات وبعدها روحة البر ويالله العيد جا وانشغلنا
الهنوف : اكيد تلقينهم زعلانيين
العنود: بس والله بيتهم زهق
الهنوف : على الاقل بس سلاام هذا وهم هنا بعد شلون لو كانو بعاد
ساره : يالله يا عيال العشا جاهز
العنود : ان شاء الله ..يالله الهنوف انا بروح اتعشى تامرين بشي
الهنوف : لا سلامتج
العنود: لا تنسين اللورات عشان الف شعرج بكره بيت جدي
الهنوف : انشاء الله
محمد لف على العنود : منو تكلمين
العنود وهي تطالعه بنص عين : ما تسمعني اقول الهنوف
محمد: اوكي سلمي عليها ..وقام
العنود : ترى ماله داعي اللف والدوران
طبعا الهنوف سمعت محمد وهو يقول للعنود
العنود: سمعتي
الهنوف تستغبى : شنو ؟؟
العنود: روميو يسلم عليج
الهنوف : ترى انا بذبحج على هذي روميو
العنود: هههههه سكتس بس لا يسمعني المهم أوصله شي
الهنوف : سلمي عليه
العنود: ترى يبغالكم تعطوني راتب شهري على هالتوصيلات
الهنوف : اييي ان شاء الله انتي بس احلمي
العنود : مالت عليج
الهنوف : ههههه يالله مع السلامه
العنود: مع السلامه
العنود طبعا اخر وحده قعدت على طاولة الاكل : ولا تستنوني
ريم: نموت جوع عشانج
العنود: لو الكل استناني انتي مستحيل تستنين
ساره : بسكم
بعد ما تعشو قعدو في الصاله يتقهون
عبد العزيز : عندي لكم بشااره وخااصه لك يا عبد الله
عبد الله : لي انا
عبد العزيز : ايه لك
ساره : قول خلينا نستانس
عبد الله وكل الي في باله المشروع أو شغل
عبد العزيز وهو يطالع عبد الله : كلمني عمك اليوم وبشرني بموافقة ندى
الكل بقق عيونه
ساره : كلللللللللو ش كللللللللللوش
العنود: مبرووووووووووووووووك
ريم : وناااااسه بيصير عندنا عرسين
محمد: مبروك يا بو الشباب من قدك بتعرس
عبد الله الى الان مو مستوعب بس الابتساامه كانت شاقه وجهه
ساره : بالمبارك ياولدي عقبال ما الولش ان شاء الله في سابع ولدك
العنود: الله الله يمى تو الناس
عبد الله : قام وحب راس امه وابوه : الله يبارك فيكم
ريم وهي تساسر العنود: الله لهالدرجه ندى ماخذه عقله شوفي شلون الابتسامه شاقه وجهه
العنود: هذا الحب وما يسوي
ريم: هههههه صدق من قال الحب عذاب
العنود:أقول استحي على وجهج
ريم في قلبها تذكرت دانه هالخبله ناويه تحب بعد الله يستر شنو بيصير فيها
طبعا عبد الله ما اقدر اوصف لكم شعوره شلون كان مستانس وطاير من الفرحه ومو مصدق الخبر الي سمعه
بس كان مستغرب شلون وافقت بعد الي صار بينهم لايكون غصبوها لا لا مستحيل ندى شخصيتها قويه ومستحيل احد يغصبها علىشي ....طبعا ما حب يشغل راسه في الشك والاوهام وظل يفكر فيها

دلال الي كانت في غرفتها وقاعده على اللب توب تكلم عاشق بلادي الي الى الان تظن انها صديقتها وكانت ماخذه راحتها في الكلام معاها وعاشق بلادي كل يوم يزداد اعجابه بشخصية دلال الي هي بنت عمه وهي مو داريه عن السالفه أي شي ....
اليوم الي بعده كانت الساعه 4 ونص العصر والكل متجمع في بيت الجد فهد
الحريم في المطبخ والبنات قاعدين في الصاله والجال في الخيمة بره
في الصاله :
فوزيه داخله عليهم: انتو ما تستحون أمهاتكم في المطبخ وانتو قاعدين ومريحين سوالف وضحك
بدور: أشوه أمي مو معهم يعني التهزيئه انا بره منها
فوزيه : انتي اولهم
الهنوف: يا امي فوزيه المطبخ زحمه ماشاء الله الكل متجمع وكل مارحنا بنساعدهم هزؤنا وطلعنا
فوزيه: اعذاركم جاهزه داايما
العنود: نعجبج جدتي اذا تبين مساعده من هنا والا هنا احنا جاهزين ..وتغمز لها
ريم: عاد جدي بسرعه بيصدق فديته طيب بتمشي عليه اعذار العنود
بدور: هيه حدكم تراني موجوده
فوزيه : أقول خلكم عن الكلام الفاضي نوره وينها ما جات
العنود: توني داقه عليها تقول في الطريق
الا تدخل نوره : السلام عليكم
الكل: وعليكم السلام
فوزيه: الطيب عند ذكره
نوره: هاه تحشوون
منى : لا تخافين نسال عنج
العنود: تاخذ دحومي من عند نوره : فدييتك تعال عند خالتك
نوره تحب راس جدتها وبعدها سلمت على البنات
الهنوف: هنود عطيني اياه شوي
العنود: حراام عليج ما امداني اشبع منه
الهنوف : هو اصلا ينشبع منه
العنود : هاج وعطتها اياه
بدور: عطيني اياه
الهنوف : حراااام توني ما خذته
ريم : عميمه انا وراج
فوزيه تاخذ دحومي من الهنوف: اقول عطيني اياه مصعتوه
دانه : هههههههه لقطو وجيهكم لا أنتي ولا هي
دلال: صدق من قال ما اعز من الولد الا ولد ولد الولد
الكل : ههههههههههههههه
العنود: خوش مثل هذا بنسميه مثل دلال
منى: من وين جبتي الولد الثانيه
دلال: يعني اقول ولد الولد يطلع نوره وفهد
فوزيه: كلكم عيالي
الهنوف : يا حليلي عندي امين فاطمه وفوزيه
الا يجون الحريم يسلمون على نوره والبنات قامو يفرشون السفره عند الحريم والرجال عشان ما بقى على الاذان شي
بعد الفطور
بدور: والله مو ناقصنا الا طاش ما طاش ويكتمل جو رمضان
العنود: ااااااه عليك يارمضان
الهنوف :يهبل
ريم: يجنننن
دانه : يخبللللل
والكل يضحك عليهم
فوزيه : ياحريم لحقو على بناتكم استجنو وقعدو
ساره : المشكله عمتهم الكبيره العاقله معاهم بعد شتنسوي ماباليد حيله
بدور تعل قعدتها وتغير نبرة صوتها : احم احم انا الكبيره العاقله ..العنود
العنود : هلا
بدور: قومي جيبي لي ماي
العنود: من عيوني كم كبيره عاقله عندي
منير: ويتطنزون بعد
العنود: عميمه صدقيني والله القعده من دونا ما تسوى
منيره : الله الله على الوثوق
بدور: منيييير عيني بعينك
منيره : أبي اعرف لو طلعتي من البيت شنو راح يصير له
العنود: اولا لا طعم له ولا لون
الهنوف : ثانيا احنا ماراح تشوفونا
ريم: ثالثا...
بدور: بسسسسسسسسسسس مااا اقدر لا تصيحوني..بعدين اصلا من قال لكم اني راح اطلع بقعد على قلوبكم
منيره : فديتج اجل انتي وين الحين
العنود: ههههههههههههه عميمه لا تطلعين ترى بتترتب على العالم مو بس علينا اضرار وخيييمه
وقامو الحريم من جهه سوالف والبنات من جهه سوالف وهبال
في مجلس الرجال
كانو يسولفون (عاد سوالف رجال ما عرف شو يسولفون عنه ) بس عبد العزيز وعبد الرحمن مع ابوهم وعبد الله وفهد كانو يسولفون عن المشروع الي بيسويه عبد العزيز وعبد الرحمن في دبي
بوفهد: يالله الله يسر لكم ويسهل عليكم
الكل: امييين
عبد اللطيف : هاه جدي شخبار الخرفان
بوعبد العزيز: هذاهم يسمعونك في الحوش بره
عبد العزيز: كم واحد بتضحي السنه
بو عبد العزيز ( الجد ) : اثنين كالعاده
عبد العزيز: وانا واحد وعبد الرحمن واحد
عبد اللطيف : 4 الله يعين
فهد: خمسه ليه حقي وين راح
عبد اللطيف : خمسه خمسه بتفرق عن وااحد
سلمان : ههه شكلك من زمان ما ذبحت يا لطووف ايه اكيد تفرق
محمد: اقول ما بقى الا انا وسلمان وعبد اللطيف شرايكم نقوم نجيبلنا وااحد
سلمان : انا حقي مع ابوي واحد لي واحد له << يتطنز
محمد: انا ولد اخوك حبيبك
سلمان : ولا يهمك ففتي ففتي نص لي ونص لك
بو عبد العزيز الي كان يطالع عبد الله : هاه عبد الله وين وصلت
عبد الله : هاه جدي معاكم بعد وين
عبد اللطيف : أي واضح انه معانا ..الا اقول الي ما خذ عقلك يتهنى به
عبد الله : ما احد ما خذ عقلي
محمد: ههههه واااضح
بو عبد العزيز : اقول يا عيال ما احد منكم راضي يكمل دينه
الكل يطالعه وهم مستغربين
محمد: جدي ان شاء الله بس تو الناس
بو عبد العزيز : أي تو الناس الموت ماراح يجي يستأذني وانا ودي اشوفكم كلكم معرسين واشوف عيالكم
عبد العزيز : يلا همتكم يا شباب هذا عبد الله خطب بنت عمه وبيتزوجها عن قريب ان شاءالله
عبد اللطيف : أي صح نسيت ابارك لك وقام ولمه بالمبارك
الجد فهد: مبروك ياولدي
عبد الله راح وباس راس جده : الله يبارك فيك
سلمان : مبروووك والله اني فرحت لك يوم قالو لي
عبد الله : ههههه تسلم
بو فهد: عاد خلينا نفرح فيك انت بعد
محمد هذا وقتها : أي صح مو انت الي قايلي ذيك المره ان ودك تتزوج وبتكلم الوالده
سلمان : انااااااااااا
عبد اللطيف الي فهم السلفه: هاه سلمان اشوف بدينا نغير راينا
سلمان : لا غيرت ولا شي _ ويلف على محمد_ انت من ويم مطلع هالكلام
محمد وهو يضحك : منك بعد من وين ؟
بو عبد العزيز: تبي اقول لامك تدور لك بنت الحلال

سلمان : لا يبى تو الناس محمد بس يمزح
محمد: ما عليك منه جدي اذا ما انت مكلمها انا بكلمها بدالك
عبد اللطيف : يلا عشان نغار منك ونتزوج
سلمان وهو يكلم محمد بهمس : اوريك والله لا ارد لك الصاع صاعين
واذن العشا وشوي وقامو للمسجد
بعد صلاة العشا الحريم مع ازواجهم راحو للبيت عشان يرتبون للعيد .. اما البنات والشباب فقعدو
بعد الصلاة
بدور : بنات شرايكم نسوي كيكه
ريم : والله فكره يلا
ندى: يووو تذكرون ايام اول والتفلسف
منى: هههه وليه هي اصلا تنسي
بدور : كلش ولا سالفة الكيكه
منى: عمري ماراح اذوق مثل ذيك الكيكه
بدور: ينقالج ندى مسويه لنا فيها تعرف تطبخ
ندى: حمدو ربكم مسويه لكم كيكه الله وكيكتج مب عافه تذوبين التوفي وحرقتيه
الكل : هههههههه
بدور : والله انها ايام حلوه
دانه : يلا قومو المطبخ وانا المصور
بدور : يالله
العنود داخله عليهم : على وين
ريم : المطبخ
العنود: لا يكون
بدور: ايه بس هالمره بتعجبج
العنود: ههه نشوف عاد ندوش لا اوصيج بالشيز كيك حقج
ندى: افا عليج بعدين تعالي اشرفي عليه
العنود: أي هاف وورك I Have Work>>>
بدور : احلفي يالبزنس ومن شنو الشغل الي عندج
العنود: شعر الهنوف بلفه
ندى : الله يعينج
العنود: حمدي ربج والا كان قمتي انتي بالمهمه
ندى : حمد لله ولا يهمج راح اسوي لج احلى شيز كيمك بالدنيا
العنود: تسلمين ياعمري اصلا كل شي من يد ندوشه حلووو
بدور : اوكي عاد لا تطلولون على الاقل تلحقون على شي من التصوير
العنود: بعد فيه تصوير وهبال لا لا اجل ننزل ونسوي الحلا بعدين نطلع حق الشعر يلا سبقوني للمطبخ بنادي الهنوف واجي
بدور: هههههههه
العنود: لا تضحكين ترى الهبال من دوني ما يصير حلووو
طلعت العنود وقالت للهنوف ونزلو ودخلو المطبخ والكل قام يحوس من جهه الي تسوي حلى والي كيك وال تسوي عصير كل وحده بيدها شي ودانوه بالكاميرا تصور ..طبعا المطبخ الله لا يوريكم ولا كأنه بكره عيد حاسو الدنيا فوق تحت ..
بدور: بنات أنا بروح اشوف الشباب اذا يبون
العنود: عاد احلفي الي بيقولن لا
بدور: مستحيل يقولون لا بس معليه يمن مو مشتهيين
ريم : ايه احلمي
راحت بدور لقتهم في الصاله الارضيه قاعدين مع جدتهم يسولفون
بدور: السلام عليكم
الكل : وعليكم السلام
بدور: ها شباب تبون كيك
فوزيه: استحي هذا سؤال ينسأل ؟؟
بدور : لا جواب هههه أمزح يمى اجل سقول
سلمان : لا تقولين شي من الادب انج تجيبين بدون ما تسالين
بدور: نعم يعني انت بتعلمني الادب ...بعدين اخاف اجيب لكم ويقوم الطناز زي ذاك العام
محمد: هههههههه بس هالسنه كبرتوا اكيد بتضبطونها
بدور: افا عليك مدام انا مسويتها
المهم البنات طلعو الكيك والعصيرات الي سووها ودخلو على الصاله الداخليه الي فيها الكنبات
بدور : ترى في ثلاث كيكات طبعا احنا بنحط لكم من الكل بس للمعلوميه الشيز كيك حقت ندى والكاكاو حق دلال وكيكة الايس كريم حق العنود والهنوف ...
فوزيه : اسكريم حد ياكل اسكريم في البرد
بدور: يمىىى الله يهداج أي برد
فوزيه : العنود والهنوف
العنود: هلا
فوزيه : انتي من صجج مسويه كيكة اسكريم
العنود طبعا من داخل الصاله : أي من صجي ..جدتي ذوقيها والله حلوه ترى مب بارده وااجد
الكل يضحك على العنود
سلمان : يمى والله حلوه الكيكه انا ذايقتها
فوزيه : أي اصلا انتم ما تحبون الا الي يضر
قصصو البانت الكيك ووزعو على الشباب وعليهم
الشباب قعدو شوي بعدين طلعو وبعدين بيرجعون للبنات ياخذونهم
العنود راحت نزلت الاغراض عشان تسوي شعر الهنوف والبنات قعدو في الصاله وفتحو المسجل طق وردحه ويرقصون وهبال ووناسه والي تستشور شعرها من جهه والي تلف من جهه كل وحده تسوي شي طبعا فوزيه من الساعه تسع راحت تنام عشان وراها قعده من الفجر
على الساعه وحده جاء عبد الله وعبد اللطيف عشان ياخذون خواتهم ..عبد اللطيف دخل المطبخ عشان يشرب ماي البنات كانو في المدخل يلبسون عباياتهم وطبعا سنه مع السوالف
العنود: بنات بتروحون تصلون العيد
الهنوف : ان شاء الله والله خاطري اروح كل سنه اقول بروح ولا اروح
العنود: أي والله صدق اجل خلاص ان شاء الله بروح
بدور: عاد قومي مو تنامين
العنود: لا ياعمري اليوم السهره صباحي وين يجيني النوم وراي سباحه واستشوار شعر
ريم : ما حد قالج عميمه عرضت عليج بس انتي الي ما بغيتي
العنود: لا ياعمري اذا استشورته يبيلي اهبط واقعد هاديه وانا ابي اناقز وارقص
ندى: انزين بسكم سوالف يلا مع السلامه انا طالعه
طلعت ندى كان الجو حلوو هادي ورفعت راسها وقامت تطالع في القمر شوي ما حست الا حد يمشي وراها لفت وجهها الا عبد الله من الخرعه شهقت : بسم الله
عبد الله عرفها من صوتها : اسفه خرعتج
ندى: لا بس ما حسيت فيك
عبد الله طالعها بنظره كلها حزن : ومتى بتحسين
ندى انقبض قلبها من قال كذا :.............ساكته
عبد الله : الله لا يهينج ناديلي البنات
ندى : ان شاء الله
ولفت وجهها عشان تدخل الا عبدالله يناديها : ندى
ندى لفت : نعم
عبد الله : ما تتصورين شقد فرحت يوم قالو لي انج موافقه بس اتمنى ان موافقتج تكون باقتناع
ندى لفت وجهها وراحت تنادي البنات اما عبد الله راح يستناهم في السياره
طلعو البنات وكلن رجع بيته ...
في بيت عبد الرحمن
اول ما وصلو كان البت مظلم وهادي بس نور خفيف في الصاله وكان ريحة العود منتشره في كل مكان
ندى: يلا تصبحون على خير
عبد اللطيف والهنوف : وانت من اهله
الهنوف : يلا لطوف تامرني بشي انا بطلع غرفتي
عبد اللطيف : لا سلامتج يلا مع السلامه
الهنوف : مع السلامه وطلعت
طلال راح للصاله وقعد خذ الريموت وقام يفر بالمحطات تكى راسه وغمض عيونه جات على باله دلال تبسم وتذكر الموقف الي صار له ...
يوم راح يشرب ماي توه بيدخل المطبخ الا يسمع وحده تغني دخل المطبخ بخبث وجا من وراها وهي مو حاسه وتغني والا يصرخ : بوووووووه
دلال لفت وجهها وكان بيدها كاس ماي ومن الخرعه كبت الكاس على وجهه : يوووو اسفه ما كان قصدي
عبد اللطيف وهو معصب : انتي ما تشوفين كبيتي كاس الماي كله علي
دلال وبكل براءه: والله ما شفتك
عبد اللطيف : فتحي عيونج مرره ثانيه
دلال عصبت هو الغلطان ويصرخ بعد غرقت عيونها وحطت الكاس : أنا اسفه
وتوها بتطلع الا يمسك يدها <<الاخ نسى انه في السعوديه >>>
عبد اللطيف : انا الي المفروض اتاسف مو انتي
نزلت راسها وهي تمسح دموعها الي نزلت : لا خلاص عادي
عبد اللطيف : انزين ليش تصيحين
دلال : لا بس
عبد اللطيف : بس شنو
دلال : لا ولا شي
عبد اللطيف : اسفه كنت ابي امزح معاج بس شكلج ما تحبين المزح
دلال في قلبها خوش مزح والله : لا عادي بالعكس
عبد اللطيف : يعني عجبتج السالفه خلاص اجل روحي جيبي لج كاس ماي وصبيه علي
دلال في قلبها كاني مصختهاابتسمت له وتوها بتطلع الا يناديها : لوسمحتي عطيني فوطه والا تعالي مسحي الي كبيتيه علي ..
دلال وهي تتمشى طالعه من المطبخ : ترانا في السعوديه مو لندن والفوط تشوفا في الدرج الي على اليسار
عبد اللطيف فتح عيونه هههه ياحليلها هالبنت بعد انا كاني مصختها بس احسها قريبه مني سكر التلفزيون وطلع غرفته بدل ثيابه وفتح البتوب ولقاها اون لاين مثل ما توقع
وقامو يسولفون ودلال طبعا قالت الموقف الي صار لها مع عبد اللطيف لصديقتها الغاليه عاشق بلادي
وعبد اللطيف من جهه ثانيه كان ميت منالضحك على قاعده تكتبه وفي نفس الوقت فرحان ان الانسانه الي ارتاح لها صريحه معاه بكل شي بس المشكله انها ما تدري عن شي وشلون راح يكون موقفها لو عرفت ..؟؟؟

من جهه ثانيه في بيت عبد العزيز وبالاخص في غرفة العنود الي كانت فاتحه المسجل وتنافز معاه وتسوي شعرها وكل دقيقه والثانيه داقه على الهنوف والا الهنوف داقه عليها
شوي الا جاها مسج وطبعا نغمة المسج حقها اعلى من النغمه العاديه تسوي ربشه مو صاحيه <<عاد العنود لازم >>
فتحت المسج ومنوووو تتوقعون راسل <<ههههه صح فيصل>>
العنود بققت عيونها مو لانه فيصل لا بققت عيونها من الي راسله كان راسل ( الشبكه زحمه وخاطري أقولج عيدج مبارك وما ادري الرساله توصل والا ما توصل ممكن )
العنود ابتسمت وارسلت له ( لا مو ممكن لان الرساله وصلت وتسلم ومن العايدين ان شاء الله )
فيصل طار من الفرحه لان ما توقعا ترسل له وقام رسلها ( عاد لا اوصيج بنصيبنا من الذبايح لازم ترسليلي والا بزعل مو تنسيين )
العنود رسلت له ( هههههه افا عليك ولا يهمك ان شاء الله بيوصلك نصيبك من اللحم )
رجعت العنود تسوي شعرها والا يجيها مسج مره ثانيه من فيصل
(فرحة الاعياد بشوفتك تكتمل
وانت عيد القلب يومه يحتويك
وش يفيد القول وترتيب الجمل
دام كل حروف حبي تنتخيك
والرسائل بينننا همزة وصل
وعيد مبارك عسى الفرحة تجيك
والكواكب ديره دورة زحل
والقمر طالع بنوره يحتريك)
قامت العنود تدور في جوالها مسج ترله ورسلتله
(لا تحلم اني اقولك عيد سعيد ...لكن بقولك شي واحد انت سعادة كل عيد )
العنود رسلت المسج ورجعت تسوي شعرها

بعد صلاة الفجر من يوم العيد بيت الجد فهد كان يعم بالتكبيرات ( كانو حاطين شريط فيه تكبيرا ..الله اكبر كبيرا والحمد لله كثيرا ....... الخ )

فوزيه كانت تدور في البخور في البيت ومعاها دلال الي كانت تبخر الطابق الي فوق ودخلت على بدور الي كانت توها مخلصه من صلاة الفجر
دلال : تقبل الله
بدور : منا ومنج كل عام وانتي بخير
دلال : وانت بخير وبصحه وسلامه يارب
بدور : بتروحين تصلين العيد
دلال : أي ان شاء الله
دلال وقفت عند الشباك وكانت تطالع السما ونزلت دمعه حاااره من عيونها لفت هليها بدور وشافتها
بدور: الحين هالدمعه الغاليه ليش تنزل المفروض تفرحين اليوم
دلال : لا بس تذكرت ابوي الله يرحمه
بدور: الله يرحمه واحنا نسيناه عشان نتذكره هو أصلا عايش ويانا في كل زاويه من هالبيت ومستحيل انه يصير ذكرى
دلال : ياليته ويانا الحين
بدور: حبيبتي دلال ما في احد انصف واحكم من ربج وكل شي قضاء وقدر والله ما اخذه الا عشان يريحه من الدنيا وهمومها مو احنا دايم نقول ( اللهم احيني ما دامت الحياة خيرا لي وامتني .............؟؟؟؟؟؟؟؟؟؟9
فيمكن الموت كان رااحه له
دلال رفعت راسها لعمتها وابتسمت ولمو بعض وبعدها نزلو تحت ..
في بيت عبد الرحمن
الهنوف كسرت التلفون على العنود والانسه ما ترد
الهنوف: يوووو وينها هاذي شوي وادق عليها
طلعت من غرفتها وراحت لندى طقت الباب ودخلت : السلام عليكم
ندى : هلا والله وعليكم السلام
الهنوف : عيدج مبارك
ندى : وانتي كذالك
الهنوف : ها بتروحين معنا لصلاة العيد
ندى وعلامة احباط على وجهها : لاااااا
الهنوف : وييييييي يالله معليه السنه الجايه
ندى: العنود بتروح
الهنوف : هذاني ادق عليها ماترد ما ادري عنها
ندى : هههه لا يكون نامت
الهنوف: كل شي جايز عاد سهرانه معاه للساعه 2 ...يلا اخليج انا بنزل عند امي تحت
ندى : يلا
الهنوف نزلت عند امها للمطبخ وهي تسوي قهوه
الهنوف : الله ريحه القوه تفتح النفس على الصباح
فاطمه : الناس يسلمون اول
الهنوف تحب راس اما : السلام عليكم وعيدج مبارك وتراني اول وحده عيدتج وسبقت الكل
فاطمه : هههه علينا وعليج أي مب لله وانا قول اشفيها اول وحده نازله العاده اخر وحده
الهنوف : حراام عليج نيتي زينه
فاطمه : وين ندى
الهنوف: في غرفتها ترى ماراح تروح ماراح تقدر تصلي
فاطمه : اصلا من امس وهي تعبانه يالله الله يعينها ..يالله شيلي الصينيه وديها للصاله
الهنوف شالت الصينيه وراحت للصاله الي كان فيها عبد اللطيف
الهنوف : السلام عليكم اجمعين
عبد اللطيف : وعليكم السلام أي اجمعين ترى ما في الا انا
الهنوف : وانا وين رحت
عبد اللطيف : ههههههه
الهنوف : وين ابوي
عبداللطيف : ألحين يجي اكيد تلقينه يسلم على الجيران عند المسجد
في بيت عبد العزيز على الساعه 5 ونص
ريم وهي نازله تحت تسمع الجوال حق العنود دخلت عليها الغرفه يااااااهووو يالحلوة قومي بسج نوم
الريم فتحت النور : العنوووووود العنوووووود
العنود: ووجع سكري النور
ريم : قومي يلا ماراح تروحين المسجد تصلين
العنود: ريمو طلعي وسكري النور لو سمحتي
ريم تشيل الفراش عليها : قومي
العنود قامت من السرير وريم ركضت بره الغرفه والعنود سكرت الباب ورجعت نامت <<هذا الي بتقوم تصلي الفجر >>>
الريم نزلت شافت امها سلمت عليها وباركت لها العيد
ساره : شهالصراخ ؟؟
الريم : قاعده اقوم العنود مب راااضيه تقووم

الساعه 6الا ربع الكل طلع للصلاة العيد ..
العنود غفت لها نص ساعه قامت شافت الساعه ست ونص شهقت ونقزت من على السرير طلعت بره غرفتها راحت لغرفه ريم ما لقتها
العنود: ياربي وانا هذا حالتي كل عيد هالريمووو الزفته ما قومتني دخلت غرفتها وخذت الجوال وشافت مكالمات الدنيا ورساايل : ياربي شلون ماسمعته
وانتبهت انها حاطته على الصامت
رساله من الهنوف ( مالت عليج هذا الي بتقوم )
من ريم من جوال امها ( حررررره شفت بنات المدرسه وكلهم صديقاتج )
العنود وهي منقهره راحت فتحت الشباك الا تهب عليها نسمة هوا وتسمع صلاة العيد والتكبيرات وقالت : يالله خيرها بغيرها كانت مرره متحسفه لان خاطرها ترووح
وقامت تتجهز قبل لا يجون ........
بعد مارجعو من المسجد سمعت العنود صوتهم ونزلت مثل البرق
العنود: حرام عليكم يوم العيد وتخلون بنتكم بروحها وانتي ليش ما قومتيني حظرتج
ريم: والله تعبت وانا اقومج قمتي تصارخين وطردتيني
العنود: ايا الظالمه متى قومتيني
ريم: عيني بعينج
ساره: بسكم خناق من صباح الله خير
العنود: يمىىىى والله حراام كان خاطري اروح معاكم ليش ما قعدتوني
الا بدخلة ابوها وسمعها : خيرها بغيرها يابنتي
العنود ان شاء الله نزلت من الدرج وسلمت على امها وباركت لها وعلى ابوها وباركت له
على الساعه 8 ونص تقربا الكل كان متجمع في بيت الجد
البنات كانو قاعدين في الصاله والحريم في المقلط اما الرجال فكانو بره في الملحق
بدور: بنااات استحو يلا على الاقل دخلو سلمو وطلعو
العنود: عميمه الله يهداج والله مالي خلق وماشاء الله هم وحده والا ثنتين درزن
الهنوف: هههه حلوه ذي درزن أي والله صدقت عميمه يلا بنات بعدين حسافة كشختنا
دلال : واحنا مب مالين عينج
العنود : افااا هنوف الحين الحريم صارو اهم
الهنوف : مالت عليكم بس قومو ندخل
ريم: أي والله بنات ملينا قومو نوسع صدرنا بسوالفهم
العنود: أي والله يالله خل نقوم
دانه: الله الله لهالدرجه احنا مهمين
بدور بطناز : وااااجد
ريم : يالله ياهوانم قاردن ستي
قامو يتضحكون ودخلو
مجلس الرجال الي القيامه كانت قايمه فيه سوالف وكل واحد صوته اعلى من الثاني وضحك والبزران والعيال بره وشهد ورزان كل ما شافوا بزر جا خذور وقامو يلعبون معاه وطبعا طالعين داخلين يجمعون في العيودات
في مجلس الحريم الهنوف تساسر العنود : هنود خل نطلع زهقت وانا مرتزه
العنود: لااا خل يشوفون كشختج
الهنوف : هذا جزاي
العنود: انا عاجبني المكان ياحلوها هالعجوز ام فواز توسع الصدر خلاص صارت صديقتي
الهنوف : اشوفج وانا حاطتني في الريوس
العنود: هههه لا حرام عليج في الشنطه احسن
الهنوف: مالت انا بروح اشرب ماي
وراحت للمطبخ شافت صحن حلى وقامت تاكل
الهنوف: ميري مافي قهوه
ميري: في بس هزا دله هق رجال
الهنوف : انزين صبيلي في بياله ما يضر
الا تدخل عليها دلال : شف الدبه تبلع ولا تنادي
الهنوف : هلا والله حياج
دلال : حلفي بعد وشو
الهنوف : والله شسوي لاعت كبدي من الحريم وانا ما اعرف اسولف معهم مب زي العنود ما شاء الله عليها اندمجت معهم
دلال : هههههه هذا وهي ماتبي تدخل وعجبها الوضع
الا يسمعون واحد : احم احم ..انا سلمان

الهنوف : حياك عمي
سلمان : هلا والله بالبنات شهالكشخه
دلال : تسلم عمي
الهنوف : تعال تقهوه ويانا
سلمان : قومي جيبي لي فنجال قاعد اصب للرجا قهوه ولا شربت ولا فنجال
الهنوف ودلال يضحكون
دلال : انزين مافي الا انت تصب
سلمان : في انا ومحمد وعبد اللطيف بس وين نلحق اذا طلع واحد دخلو عشره
العنود: قل ماشاء الله ترى كلهم معارف جدي
الكل : بسم الله
العنود: شايفين جني
سلمان : من وين طلعتي انت ؟
العنود: بتصك الزوار بعين
الهنوف : الحين ترجع ما بتلاقي احد
سلمان احسن عشان يمدينا نخلص الذبايح اليوم
دلال : أي تعال غريبه هالزحمه هم ما يذبحون
سلمان : الا بس بعضهم يذبح العصر والبعض على الساعه عشر يبدا والله ما ادري عنهم
دلال : تعالي انتي شلون طلعتي
العنود: زيكم بس بعد ما طلعت روحي الله يهديها ام فواز ما بغت تسكت من السوالف
الهنوف : شكلها ناويه عليجح بتخطبج
العنود: فال الله ولا فالج ا
سلمان: اجل انتو نفس الحاله
الهنوف : احنا اهون شوي ما نصب قهاوي
العنود: عندنا بدور ومنى ومنيره احنا نوزع حلا وخرابيط
سلمان : مسكينه اختي نفس حالتي
العنود: ههههه الا اقول عمي متى بتبدون تذبحون
سلمان : على التسع
دلال : يا حليلك الحين تسع وشوي
سلمان : والله ما ادري متى ما قالو يلا يلا وييي انا نسيت عمري بالسوالف ميري جيبي القهوه
خذ سلمان القهوه وطلع والبنات قعدو يسولفون على الساعه تسع وشوي بدو يذبحون وما شاء الله هم جماعه كل ثلاثه في واحد فخلصو بسرعه
الحريم كانو في المطبخ يتساعدون ...
خلصو الذبح وما بقى غير ان الحريم يقسمون اللحم ..
دخلت العنودالمطبخ : السلام عليكم
الكل : وعليكم السلام
فوزيه : تو الناس يوم خلصنا جيتي
العنود: ما شاء الله عليكم خلصتو كل شي يعني في استغناء عني
بدور: انتي لكل شي عندج عذر
العنود: افاا عليج وانا العنود _ تلف على امها _ يمى ذبحو ذبيحتنا
ساره : ايه ليه تسالين
العنود: ولا عليج امر ابيج تخلين لي قطعة لحم
ساره : ليه؟؟
العنود: بعطيها صديقتي سهى
بدور: خير ان شاء الله هم قالو ثلث جيران ثلث فقراء وثلث لكم
العنود: انزين عادي سهى جارتي بعدين من قال ..؟؟ أنا وعدتها بجيب لها..
ساره: خلاص ان شاء الله ما طلبتي
العنود: عاد يمى لا اوصيج بيضي الوصه
فاطمه : طرارة وتتشرط بعد الحين بدال ما تشكرينها تقولين كذا
خلود: مسكينة كلتو البنت كل الي تبيه قطعة لحم لصديقتها
العنود: يابعد عمري ياخالتي خلود وتروح لها وتبوسها
والكل يضحك ...
على الساعه 11 ونص الكل كان خالص وفاطمه وساره كانو معزومين على الغدا في بيت اهلهم هم وعيالهم طبعا عشان يزورونهم ..أما خلود وبناتها راحو بيت اهل خلود الي طبعا كانو عازمين فوزيه وفهد على الغدا ..
اوكي نعرفكم في بيت اهل فاطمه وساره
حصه ( ام جاسم )
حمد( بوجاسم )
بكرهم كانت ساره الي هي ام العنود وبعدها فاطمه الي هي ام الهنوف
وعقب جاسم الي كان متزوج وعنده 3 عيال ( احمد 23 وروان 20 وريان 13 )
ولدهم الثاني نواف متزوج نهى وعندهم بنت( ليان )
ابراهيم الي توه متزوج من اروى في عيد الفطر
واخر العنقود طلال وعمره 24 وطبعا رجه كربون من العنود اصلبا العنود طالعه عليه هو حبوب ويحب الهبال ..
الساعه 12 ونص كانو في بيت اهل امهم
العنود: اهلين طلالو
طلال : الحين انتي ما تستحين طول وعرض وتقولين طلاللو تراني خالج
العنود: والنعم فيكك وتسلم عليه عيدك مبارك
طلال : علينا وعليج ويسلم على الهنوف ها شخبارج
الهنوف : الحمد لل بخير
طلال : واحنا ما نشوفكم ابد لي تقريبا شهرين ما شفتكم
العنود: خالي لا تبالغ مو شهرين شهر ونص
طلال : فرقت اسبوعين
العنود : والله تعرف احنا ثالث ثانوي مشغولين بالدراسه
طلال : والاجازه لكم اسبوعين معطلين ولا شفناكم
الهنوف :يو خالي بعد ما عطلنا امي وابوي سافرو واحنا رحنا البر
طلال : الله الله بعد رايحين للبر
العنود: فاتك يا خالي حسافه ليتك رايح معنا
طلال : تعالو شخبار عمكم سلمان
العنود+ الهنوف : الحمد لله
وقعدو البات يسولفون مع خالهم وبعدين دخلو لعند الحريم وبعد الغدا قعدو يتقهون
وعقب رجعوا لبيتهم يرتاحون لان وراهم عزيمه في الليل في بيت جدهم فهد

في بيت جاسم خال العنود والهنوف
روان : يمى يا حليلها العنود والله كبرت وحلوت ما توقعتها كذا من زمان ما شفتها
الام : أي ما شاء الله عليها وحبوبه مع الكل تسولف
جاسم : يا حليلها بنت اختي الله يالدنيا وينهاعن اول يوم كانت تلعب والله الي يشوف ما يقول هذاهي العنود
أحمد : الي كان يسمعهم ويتذكر بنت خالته الي كان اول يلعب ويتخانق معاها ويقول في قلبه الله يالعنود كبرتي ولا ادري عنج شي وقام يتذكرها اول وهم يلعبون مع بعض ..
طبعا على المغرب كانو الحريم مخبوصين خلود وفوزيه والبنات والشغالات معاهم يرتبون ويجهزون لانها عزيمه كبيره وهم متعودين كل سنه يسونها بس هالسنه اكبر وخاصه فرحتهم بخطبة ندى ومنى الي ما احد يدري عنها الا الاهل ...
بعد المغرب وصلو البنات وطلعو على غرفة بدور وعمتهم منيره يكملون زينتهم
الهنوف : اقول العنود البس هالبلوزه والا هاذي
العنود: لا البرونزي احلى
الهنوف : والله هالعزايم حاله أكشخ والبس وجامل
العنود: وانتي شحارج
الهنوف : مالي خلق ولا ياليت البنات الي يجون زي الناس يكبون هالمكياج في وجيهم تقل رايحين عرس
العنود :انزين عادي
الهنوف : أي عادي قومي زين الي يشوف حريم مو بنات نطلع شيف جنبهم
العنود: يخسون والله ياعمري الزين زين لز ما غسل عيونه والشين شين لو تزين من راسه لين رجوله
الهنوف : حمد لله اني حلوه عشان ما اتزين
العنود: مالت عليج اقول اقضي علينا اذن العشا واحنا بس نسولف
الا تدخل عليهم منيره : شتسون في غرفتي
العنود+ الهنوف : بسم الله
منيره : هههههههه تضحك على اشكالهم
راحو يسلمون على عمتهم
العنود: افااا عميمه ولا تكلمين تباركين لنا العيد
منيره: الحين مين العمه انا والا انتو
الهنوف : ههههههه انتي
منيره : لا ويعاتبون بعد الله الله شهالكشخه
العنود: نعجبج هههههه
منيره : الله يعين عز الله الخطاب بكره واقفين سطره عند الباب
العنود: وه فال الله ولا فالج
منيره : ليش انا داعيه عليج
العنود: خلينا نتهنى بشبابنا
منيره :الناس يسكتون يستحون اما انتي لسانج هالطول وتاشر بيدها
الا تسمع بدور تناديها من تحت
منيره : يالله عجلو انا نازله
العنود والهنوف : ان شاء الله
وصلو الحريم وطبعا كانو في المقلط والبنات كانوا قاعدين في الصاله وحاطين المسجل ويرقصون وسوالف وهبال
العنود: يا شينها والله اني ما اطيقها
الهنوف: قصري حسج لا تسمعج
العنود: وين تسمع انتي الثانيه مع هالازعاج وبعدين واذا سمعت احسن ميته على رضاها
بدور مرت من جنبه عيده بسج انا بروح عند امي بشوف اذا تبي شي واجي
بدور راحت ودخلت عند الحريم وسلمت على الي توهم جايين وراحت عند امها الي كانت قاعده جنب ام جاسم
بدور: يمى بغيتي شي
فوزيه : لا سلامتج
بدور: انزين انا بروح عند البنات
ام جاسم الي كانت شوي وبتاكل بدور من تظراتها وبدور حاسه بس ولا كانها تدري
ام جاسم: والله وكبرتي يابدور من زمان ما شفناج
بدور لفت عليها : هههههه شفتي يا خالتي هذا الدنيا تركض
ام جاسم : أي والله الله يوفقج ويخليج لامج وابوج
فوزيه وبدور: امييين
بدور: يلا عن اذنكم
طلعت بدور وهي عند الباب الا يد تنغزها
بدور تخرعت لفت وجهها وابتسامه عليه : هلا والله
رفعه : هلا بج وتسلم عليه وتبارك لها العيد
بدور : وينج والله وحشتينا
رفعه : وانا اكثر
بدور : قومي ندخل عند البنات والله العنود بتستانس اذا شا فتج وين نوف وجواهر
رفعه : والله ما جاو راحو بيت اهل امهم
بدور : يو حسافه كان خاطري أشوفهم
رفعه : يلا ان شاء الله مره ثانيه
دخلو عند البنات
العنود لفت وجهها يوم شافت رفعه الي دخلت نقزت من مكانها : اهلييييييين
رفعه وهي فاتحه ذراعها : هلااااااااااا بج
ولمو بعض
العنود: عيدج مبارك
رفعه : علينا وعليج ان شاء الله
الهنوف : اهلين
وسلمت رفعه على البنات كلهم

سلمان الي كان بره يكلم ويجيه محمد من وراه : وانت حظرتك هنا وجدي يدور عليك
سلمان : دقايق ....شفيك بغيت شي
محمد: لا سلامتك
سلمان رجع يكلم : ايوه هلا
محمد وقف يبي يعرف شنو النهايه معاه
سلمان : شوفي ترى ما يصلح العيد جا وابي عيديتي ....انتي تعرفين ....ماتلي دخل حتى لو امج وابوج معاج
والا ترى اقلب الخبر شارع شارع
محمد فاتح عيونه وهو مستغرب بس عادي سلمانوه يسوي اكثر ..تقدم قدام سلمان :ألحين طول وعرض ولا معبرني شايفني الطوفه الهبيطه عندك
سلمان فيه الضحكه من كلام محمد وشكله : أي ...خلاص انا بكلمج بعدين يلا مع السلامه
سكر الخط: هلا والله بغيت شي
محمد: سلمان انت شفيك الناس داخل كل من جا سأل عنك وانت حظرتك قاعد تسولف مع هالصايعات الي ما عندهم شغله
سلمان سكت لان عرف انه غلطان : انزين يلا خل ندخل

حمد الي هو ولد عم رفعه <<<عرفتوووه؟؟؟؟
طلع يجيب جاله من السياره لان يبي يكلم امه يبي يقول لها شي
البنات الي كانو في الصاله الا جات اغنية الجسمي ( يقول الي قضى ليله حريم نعاس ...جفاه النوم ما غطى بلا نعاسي ..كبير الهم بات بخاطره وسواس.... ووناته تهز الشامخ الراسي .. وأناالشاكي انا الباكي انا الحساس ..............الخ )
العنود تموت في هالاغنيه طبعا على طول قامت عشان ترقص عليها
دانه : وين ريمووو
دلال : اتوقع بره لان قبل شوي كانت مع البزران تلعب
دانه طلعت تركض تبي تنادي ريم لانها هي الثانيه بعد تحب هالاغنيه الا تموووت عليها ..
طلعت بره شافت شهد قدامها
ريم وهي تلهث : شهوده وين ريمو
شهد : راحت هناك تلعب صيده
دانه : صدق فاضيه
دانه راحت للجهه الي اشرت عليها شهد ..
كملت طريقها وهي تركض وتدور على الريم الا تسمع ريم تناديها من وراها : دانووووه
دانه لفت وجهها باتجاه الصوت وطراااااااااااااااااااااخ على الارض
دانه : ااااااااااااااااه وجع ان شاء الله ما تشوف
حمد الي اول ما صقعت فيه دانه طاح جواله الي كان يحوس فيه عشان كذا ما انتبه لدانه لان هو كان جاي من الجههه هاذي عشان يعطي امه الاغراض وهي قالت بتطلعله واحد من البزران ولا شاف احد فيوم جا بيدق عليها صار الي صار ..
قامت دانه من الارض وهي تنفض روحها والى الان ما شافت الي قدامها
حمد : اسفه اختي ما انتبهت لج
دانه على طول رفعت عيونها يوم اسمعت الصوت ووقفت وهي متبلمه فاتحه عيونها تطالع حمد وحمد هو الثاني كان يطالعها ومنصدم انها نفسها الي شافها عندهم في البر ..
وقفو الاثنين منصدمين يطالعون بعض دانه كانت متجبسه في مكانها ولا عرفت شتسوي او شتقول نزلت راسها في الارض وشافت الجوال الي طاح وكان متكسر الازرار من جهه والبطاريه من جهه والغلاف من جهه فتحت عيونها وتقول في قلبها انا شسويت
دانه :أ ...أ....أن أنا اسفه بس
الا صوت ريم وهي تناديها قطع كلامها : دانوه وينج
دانه لفت وجهها على ريم
ريم الي الى الان ما انتبهت لحمد: حظرتج هنا وانا سنه ....وااااااا _ شافت حمد ورجعت على ورى
دانه على طول رجعت ورى وهي تركض
حمد ابتسم من حركة دانه : يا حليلها اسمها دانه لف على جواله الي كان في الرض ومرمي ومنقهر عليه توني شاريه حتى يوم ما كمل ما تهنيت فيه ...
جمع جواله الي كان متنثر في كل جهه ... الا يشوف نواف قدامه
نواف : شفيه جوالك طاح وتكسر
حمد: زلق من يدي وطاح ..نواف خذ الغراض ورح عطها الحريم داخل
نواف خذ الاغراض وحس ان حمد متكدر بس ما قال شي ودخل الا ريم ودانه عند الباب
نواف : بسم الله جنانوه عشان تقعدون عند الباب
دانه : وانت شكو
نواف : ريم ودي الاغراض عند الحريم
دانه : تعال مين عطاك اياها
نواف : حمد
ريم ودانه يطالعون في بعض
نواف : شفيكم
الثنتين : ولا شي
ريم: ما قالك اعطيها مين
نواف : لا ما قال شي
ريم : طيب روح اسئله
نواف : لا لا شكله معصب
الثنتين ودانه اكثر : ليييييييييييييييييييييييييش ؟؟؟
نواف: جواله زلق من يده وطاح وتكسر مسكين شكله توه شششاريه لان الجهاز جديد وتوه نازل ..
دانه الي حست بالذنب قامت تطالع ريم
ريم : اوكي خلاص انا بعطيهم جدتي ...
طلع نواف وعلى طول ريم : قولي شصار
دانه والغصه فيها : قومي نطلع فوق
ريم : اوكي اسبقيني انا بودي الاغراض وبجي
تعشو الضيوف وطلعو وبقى في الاخير أهل رفعه
ام رفعه : رفعه يمى يلا قومي لبسي عبايتج بنروح
رفعه : ان شاء الله يمى قامت رفعه مع الهنوف للصاله عشان تاخذ عبايتها وهم قاعدين يسولفون
الا الهنوف تسمع صوت صياح بيبي
الهنوف: يووو هذا شكله دحوم انا شفت نوره قبل شوي تطلعه فوق
رفعه: انزين روحي شوفيه
الهنوف: اوكي حبوبه يلا نشوفج على خير _ وسلمت عليها _ وطلعت
رفعه راحت للصاله الداخليه الي كانت حاطه فيها أغراضها وتوها بتدخل ..الا يدخل محمد وسلمان للصاله الخارجيه وأول ما اسمعت صوتهم رفعه تخبت في الزاويه عشان ما تبين
سلمان وهو يقعد: اما الايوم هلكت بشكل مو صاحي لا هو الصباح مع الرجال والا الذبايح والا العزيمه خلاااص انهد حيلي
محمد: يالله عدت الحين رح نااام لين ما تشبع مو تسهر على هالتلفونات
رفعه الي كانت خايفه وتدعي ربها انه ينقذها وما يشوفونها ..المشكله حتى عبايتي بعيده عني
الا يدق جوالها : ياربي شهالورطه
محمد: رد خذ راحتك ما فيه احد
سلمان : لا تخاف مو جوالي
رفعه في قلبها اما هالسلمان راعي مصاايب
محمد: اجل حق مين
سلمان : الصوت ن الصاله الداخليه اكيد حق وحده من البنات
سكت الجوال ورجع دق مرره ثانيه وسكت ورجع دق للمره الثالثه ورفعه على أعصابها
سلمان : يووو ازعجنا بقوم ارد ..ويقوم يدخل الصاله الداخليه
رفعه خلاااص وصلت حدها يوم شافت ظهر سلمان قامت تقرأ على روحها وتدعي ياربي استر علي
سلمان تتبع صوت النغمه ومسك الشنطه محمد انتبه له : سلمانوووه عن اللقافه
سلمان: عادي يعني شنو بيكون فيها غير عطر ومكياج وخرابيط بنات وان كثرت أغراض شخصيه .
رفعه الله لا يعطيه عافيه ويتطنز بعد خلاااص وصلت حده والصيحه في عيونها ما قدرت وغمضت عيونها ما تبي تشوفه من الفشيله ..
سلمان فتح الشنطه وقام يضحك
محمد: شفيك؟؟
سلمان: لقيت الاغراض الشخصيه ..<<أتوقع عرفتو قصدي اذا ما فهمتو اكتبو في الردود بعدين اشرحها لكم >>
محمد وهو يضحك : سلمانووووووه صدق ما تستحي أكيد الشنطه حق وحده من البنات بذبحك أنا
سلمان مد يده وخذ الجوال وشاف اسم العنود: أوووو محمد مكتوب العنود
محمد: مو قلت لك حق وحده من البنات
سلمان : برد ..ألوووو
العنود وهي منصدمه ووخرت شوي عن الحريم الي كانت بينهم : منو؟
سلمان : انا سلمان شفيج العنود ما عرفتيني
العنود وهي مو فاهمه أي شي : عمي ..طيب انات وينك؟؟ ... وليش ترد ..أصلا شلون ترد والجوال مو لك
سلمان وهو يضحك : عنوود شفيج سكرانه والا خرفتي شكلج مواصله وتبين تنامين
العنود وهي تتكلم بجد : عمي انت وينك ؟؟
سلمان :أنا في الصاله
وعلى طول سكرت الخط في وجهه
سلمان : ما ادري اشفيها اختك استجنت لف سلمان وجهه وهو يطالع في الجوال الي كان بيده : غريبه انا ما شايف وحده من البنات عندها الجوال ويتمشى ويرفع عيونه وقف مكانه وهو فاتحها على اخر حد وفاتح فمه ويطالع في رفعه الي كانت حاطه يدها على وجهها وشعرها كله مغطي يدها الي على وجهها
محمد يطالع سلمان : هيييه شفيك انت وشو شايف ؟؟
الا العنود دخلت الصاله وهي تركض الا تشوف محمد : وين عمي ؟؟
رفعه اول ما سمعت صوت العنود وخرت يدها من على وجهها وصرخت بدون شعور : العنووووووووود لحقي علي ...
سلمان وقف في مكانه متجبس ومحمد نقز من مكانه على الصوت الي سمعه والعنود على طول ركضت لداخل الصاله وقفت وقامت تطالع بسلمان ورفعه سلمان على طول نزل عينه وطلع بره البيت وطبعا محمد لحقه
رفعه ووجهها كله دموع من الخوف العنود راحت لها : رفعه شصار سوالج شي هالزفت
رفعه مو عارفه شتقول ساكته تبي تتكلم بس مو قادره تنطق بكلمه من الموقف :كل الي سوته اشهقت شهقه كبيره وزادت دموعها
العنود وهي لامه رفعه : رفعه حبيبتي خوفتيني شقالج عمي قوالي والله ما اخليه لأعلم جدي وجدتي والله لأخذ لج حقج منه
رفعه واخيرا قدرت تنطق : لا لا تخافين ما قال ولا سوا لي شي أصلا هو ما كان يدري اني هنا
بعدت عن العنود وخذت عبايتها ولبستها وخذت شنطتها : العنود امي تنتظرني اول ما ارجع البيت بكلمج
باي
العنود: اوكي انتظرج باي وراحت رفعه
قعت العنود على الكرسي الا تدخل عليها الهنوف
الهنوف : شفيها رفعه توها تطلع ومستعجله
العنود : ما ادري بس دخلت الصاله ولقيت عمي ومحمد موجودين وهي كانت موجوده وتصيح
الهنوف من قالت العنود كذا وقف قلبها : نعن ...شلوووووووووون..
العنود فهمت الهنوف السالفه او جزء من السالفه الي هي تعرفه
سلمان من جهه ثانيه طلع بره البيت وهو مو عاف شنو يسوي ومحمد وراه يصارخ : سلمااان رد علي
سلمان خذ نفس عميق : اركب السياره زين
ركبو السياره وسلمان فهم محمد السالفه انه ما كان يدري ان رفعه موجوده
محمد: عشان مرره ثانيه تعرف شلون تتلقف يوم اقولك خل انت مالك شغل ..
سلمان : محمد أخاف العنود تظن اني ضايقت البنت بشي وتقول لامي وتسوي سالفه
محمد: لا ما اتوقع
سلمان : انت ماشفت شلون البنت صرخت والا شلون وجهها كان من الخرعه والصياح
محمد: الا بالله الي يسمع يقول انك باغي تاكلها بس ولا يهمك انا افهم العنود وان شاء الله ما يصير الا الخير بعدين ما صار شي ..أنت ما تدري انها موجوده وشفتها بالغلط يوووو يا مكثر ما تصير يامعود عاااادي ..

على الساعه وحده تقريبا طبعا الكل كان في بيته
في بيت عبد العزيز عنود كانت متضايقه من الي صار وعلى طول طلعت غرفتها وريم بعد الي كانت تعبانه ودايخه والكل اتجه لغرفته للنوم الا العنود الي كانت تنتظر رفعه تدق عليها
رفعه الي أول ما وصلت خذت لها شور عشان تهدي نفسها وصلت ركعتين وانسدحت على السرير غمضت عيونها وقامت تفكر بالي صار لها اليوم مع سلمان تذكرت العنود وقامن من سريرها فتحت الشنطه
واشهقت : الجوااااال قامت تتذكر لااااااااا خذه معقوله ايه اخذه كان بيده يوم يطلع ياربييييييي عاد هذا ما يستحي بيفتح الجوال زي السلام عليكم وياخذ ارقام صديقاتي لااااا الله يستر رقم العنود الحين وين القاه
قامت وطلعت بره غرفتها ودقت من التلفون على جواهر وخذت منها رقم العنود وقالت لجواهر انها بعدين بتفهمها السالفه
خذت التلفون ودخلت غرفتها ودقت على العنود
العنود وبدون ما تشوف الرقم ردت لانها كانت علىأعصابها تنتظر: الووووووو
رفعه بصوت هادي : شفيج
العنود تبتسم وتقول في قلبها اشوه كانها هدت : ما فيني شي قاعده انتظرج أبي انااام
رفعه : اوكي خلاص نامي وبكره اكلمج
العنود: تبين تذبحيني انتي من صدقج يلاا قولي الحين لي ساعه ونص وانا انتظر وبعدين تقولين بكره
رفعه: ههههههههه الله الله اوكي سمعي
قالت رفعه للعنود السالفه كلها
العنود: يعني ما كان يدري
رفعه : هذا الي اتوقعه والله اعلم بس قاهرني لقااافه ليش يفتح شنطتي
العنود: سلمااانوه بعد ما تعرفينه
رفعه في قلبها ومين ما يعرفه : انزين هنود حبيبتي طلبتج
العنود: امري وتدللي كم رفعه عندي انا
رفعه: تسلمين ياقلبي بس جوالي والله اعلم عند عمج بس ابيج تتأكدين اذا عمده والا في بيت اهلج
العنود: ادق عليه الحين
رفعه : لا لا بس انتي تاكدي وردي لي خبر دقي على البيت وهذا الرقم او دقي على جواهر وقولي لها
العنود: اوكي يالغاليه واعتذر منج على اللي صار
رفعه: لا شدعوه ما صار الا الخير بس انا كبرت السالفه لان كنت متخرعه
العنود: اصلا انا من سمعت صرختج قلت اكيد سلمانوه قال لها شي اعرفه عمي جرئ
رفعه : هههههه لا والله ما قال ولا شي غير انه بطط عيونه يوم شافني
العنود: والي يشوف جمالج يقدر ما يبطط عيونه عااد كلش كوووم وعمي كوووم الله يعينه
رفعه الي استحت من كلام العنود: هههههههه شدعوه
العنود: انا ما قلت الا الصدق
رفعه : تسلمين كلج ذوق يلا انا اخليج والسموحه ما خليتج تنامين
العنود : لا عادي شدعوه أصلا طار النوم هههههه

رفعه : ههههه يلا يالغاليه تصبحين على خيير
العنود: وانت من أهله
سكرت العنود وهي مرتااحه وكذالك رفعه الي كانت مرتاحه ومو خايفه وقامت تتذكر مواقفها مع سلمان ....
العنود دقت على جوال رفعه الي كان في سيارة سلمان
محمد وسلمان بعد ما دارو في الشوارع واستهبلو مع الشباب على الكورنيش رجعو للبيت محمد خذ سيارته وراح لبيتهم وسلمان توه بينزل الا سمع رنة الجوال تذكر: يووووو هذا جوالها انا شلون خذته شاف رقم العنود وما رد استنى ليمن قطع وحوله صامت وحط الجوال وتوه بينزل الا جات في باله فكره خذ الجوال مره ثانيه ونزل
العنود قامت وخذت لها دش بعد التوتر الي كانت فيه وصلت الشفع والوتر كعادتها عقب نزلت تحت للمطبخ لانها اشتهت تشرب عصييير دخلت المطبخ وصبت لها عصير وهي طالعه الا تسمع طرقة الباب لفت الا هو محمد
محمد: السلااام هاه مانمتي
العنود : الحين بروح انام
محمد: ابي اكلمج ممكن
العنود : أي ممكن لاني حتى انا ابي اكلمك بس مو هنا في الغرفه فوق لان مابي حد يسمع
محمد ابتسم : يلا
طلعو الغرفه فوق العنود حطت العصير فوق الكمدينه حقتها وكانت فاتحه بس الأبجورات ونور خفيف نقزت فوق سريرها وتربعت وجا محمد وقعد قدامها فوق السرير
محمد: يلا امري يا حلى اخت في الدنيا
العنود: هههههههه لا انت اول
محمد: اصلا اذا ما كنت غلطان نفس الموضوع
العنود: على الي صار اليوم في بيت جدي
محمد: ايه
العنود: انا عندي هذا الموضوع وواحد ثاني
محمد طبعا من أول ما دخل وهو مستغرب ان العنود طبيعيه ومو معصبه من الي صار بالعكس كانت مبسوطه
العنود الي بدت وطبعا محمد كان موافقها بالي تقوله
العنود: بس ترى الجوال عند عمي
محمد: خلاص ولا يهمج بكره أقوله يجيبه ونروح أنا وياج ونعطيها اياه
العنود: لا مو لازم خبصه وحوسه اذا عنده يعطيه بدور لالا ما يعطيها يحطه في مكان وانا اكلم عميمه واقولها توصله لها مو هم جيران
محمد: أي صح ..
العنود: هههههههه
محمد: شفيج تضحكين ؟؟
العنود ولا شي ماتبي تعرف الموضوع الثاني
محمد : ايي صح وشو
العنود: كم تعطيني ؟؟
محمد : مدام فيها كم تعطيني اكيد مهم ..
العنود: مررررررررررررررررررررررره
محمد: الله الله يلا قولي وانتي امري بالي تبين
العنود: اوكي ..هههه.. الهنوف
محمد قلبه وقف ابتسامه على وجهه : شفيها
العنود: الله لو قايله لك بعطيك مليون ما فرحت كذا
محمد وهو محترق يبي يعرف : يووو العنود وقته تطنزين
العنود: هههههه تبي تعرف
محمد وهو ميت : العنوووود
العنود: انزين انزين لا تاكلني
محمد: يلا
العنود وابتسامه على وجهها : تسلم عليك كثيير كثييير وتبارك لك العيد وتقولك افااا تبخل علي بعيدج مبارك
محمد: العنود حلفي
العنود: والله
محمد وهو حاس انه بحلم معقوله الهنوف تسأل عني : اختي أحبج اموووووت فيييج وقام وباسها على خدها
والعنود منصدمه الله الله كل هذا يسويه الحب طبعا في قلبها
محمد سكت شوي وبعدين على طول : قولي لها اني مشتااااااااااااق لها واااااجد وان السلام وصل لي وقولي لها انه...
الا يدق جوال العنود
العنود: هذاهي
محمد: عنوووود فديييتج عطيني اكلمها
العنود وهي حاسه بأخوها : تفضل
محمد وهو يطالعها
العنود: لا يكون تبيني اطلع يلا بس استح لا اخذ الجوال منك الحين
محمد : ههههههه لا خلاص _ ورد_
الهنوف : اهلين يالقرده وينج ما تردين نمتي
محمد: لا ما نامت بس كنت اترجاها تخليني ارد
الهنوف قلبها بغى يطير من مكانه يوم سمعت صوته وطبعا الضربات تسارعت <<دقدق دقدق دقدق
الهنوف :.........
محمد: وصلني سلامج الله يسلمج والسمووووحه ما باركت لج العيد يا بنت العم بس تعرفين اليوم زحمه وما لقيت وقت اني ابارك لج بي تراج في البال ماتنسين ... واقولج الحين عيدج مبارك
الهنوف الي ذابت مسكينه : علينا وعليك ان شاء الله
محمد بحب وقصر صوته : وحشتيني
الهنوف ياربيييي ارحم قلبي بمووووت : ................
محمد ضحك : شفيج ساكته
الهنوف في قلبها فدييييت الضحكه
محمد: اوكي يلغاليه ما اطول عليج هذا العنود واقفه عند راسي تبيج انتبهي لروحج
الهنوف وبالموت طلعت منها الكلمه : وانت بعد
محمد تشقق وبغى يطير من الفرحه واخيرا نطقت وسمعت صوتها : ان شاء الله يالله تصبحين على خير ومد التلفون للعنود
محمد: مشكوووووووره ما ادري شلون ارد لج الجميل اممممممممموه <<في الهوا >>> وطلع وهو متشقق ونااااسه ويفكر بحبيبته الهنووف الي مو مصدق انه كلمها ...
العنود : هاه لج خلق تتكلمين معي والا الحبيب وفى وكفى
الهنوف وهي مستحيه : هههههههه
العنود: الله الله على الحب الله يهنيكم يارب
الهنوف : تسلمين تعالي شصار مع رفعه
العنود قالت لها السالفه وسكرت منها ونامت على طووووووول ...

اليوم هو ثاني يوم للعيد الأضحى المبارك طبعا مو زي اول يوم الكل قايم بدري بالعكس يالله قامو من النوم الظهر كانو معزومين في بيت أهل امهم على الغدا وبعدها راحو بيت أهل ابوهم الي هو بيت الجد فهد <<أتكلم عن العنود والهنوف وأهلهم
وطبعا ما قصرو على ان الحريم طالعين داخلين بس ما يصلح لازم يطلعون خذو السواق وطلعو وكانت وياهم خلود ومرو على رزان بنت منيره وراحو ودوهم الحكير يلعبون وطبعا البنات ما قصرو حتى هم لعبوا الي يشوف بزران <<بيني وبينكم وناااسه هههههه
عقب راحو يتعشون وبالموت بعد الحنه والزنه بعد ما تعشوا راحو دارو على الكورنيش وطبعا مو لازم أقولكم عن الزحمه الي كانت موجوده والهبال عقب رجعو للبيت
على الساعه 11 كانو بيرجعون
ريم : دانوه شرايج تجين تنامين عندنا الليله
دانوه: ودي
ريم: حتى انا ودي
دانه : بس ما اقدر
ريم: لييش؟؟
دانه : بكره في عزيمه في بيت اهل امي على الغدا واذا جيت عندج شلون بروح
ريم : عادي ترجعين الصباح والا وهم طالعين يمرون ياخذونج
دانه : زين بروح أقول لأمي
ريم: بجي وياج
وطبعا خلود كعادتها الام الحنونه على بناتها الي دوم حاولت تكون لهم الام والاب في نفس الوقت على ان جدهم وجدتهم ما يقصرون وافقت وعلى اساس دانه بترجع قبل الظهر عشان تتجهز حق العزيمه ..
وفي نفس الوقت العنود اقترحت على دلال والهنوف دلال استسمحت منها وقالت مرره ثانيه لان العزيمه الي بكره في بيت أهلها على الغدا وهي عارفه بتروح وتسهر مع البنات عقب بتقوم متأخر وتروح دايخه وهذا الموال فما راحت العنود طبعا مستحيل تخلي الهنوف ترفض حنت وزنت وهم في السياره :
الهنوف : والملابس
العنود: والله خوش عذر ..راجو روح بيت عمي عبد الرحمن
راجو: زين انود
راحو ونزلت العنود ويا الهنوف وريم ودانه ظلو في السياره فاتحين المسجل ويستهبلون ينتظرونهم يجون
نزلت العنود واستأذنت من عمها وخالتها وطبعا وافقو وطلعت فوق ويالهنوف عشان تجيب لها ملابس
سلمت الهنوف على امها وابوها وندى وطلعو ..
في السياره :
العنود : راجو روح السوبر ماركت
الهنوف : ليييه
العنود: بس تبيني اسهر على وجهج بروح اشتري خرابيط
دانه : شرايكم نمر باسكن
العنود: والله فكره يابنت عمي
الهنوف : انتو خبلان تدرون الحين الساعه كم
ريم : 12 الا عشر
العنود: طيب احنا عيد
الهنوف : عيد ياعمري بس ما قالو هيتي بره لين الساعه 12
العنود : انزين يمه كلتينا بس راجوا بسرعه روح السوبر ماركت
نزلو كلهم وخذو لهم سله وراحو ياخذون الي يبونه
الهنوف : عنيده بسرعه ما في بنات الا احنا
العنود: ايا الشلاخه كل الي موجودين ومو مالين عينج
الهنوف : انزين بسرعه ..
ريم : شفيج هنوف خايفه
الهنوف : مو خايفه بس شكلما يلفت 4 بنات وما معهم أحد وبعدين خالتي ما تدري ان احنا هنا لو تدري ذبحتنا
العنود: ان شاء الله ماراح تقول شي
خذو البنات الي يبون بطاطس وحلويات وكاكاو واسكريمات وببسي ما بقو شي في خاطرهم الا خذوه وهذا وهم متعشين بعد...
على الساعه 12 وربع وصلو البيت ساره الي كانت تنتظرهم يجون اول ما دخلو البنات سلمو والعنود قالت لأمها انها راحت البقاله طبعا لقت لها تهزيئه بس مو مره قويه بس لان الوقت متاخر تحججت العنود بالعيد وناسه يمى وما يصلح نسهر بدون خرابيط أمها كانت واثقه بس مهما يكون مو حلوه ان بنت تدخل البيت بعد 12 وهم بس بنات وما معاهم احد ..طلعو البنات وبدلو كل وحده لبست بيجامتها ونزلو يطالعون الفلم الهندي الي شرته العنود ..طبعا ما خلص الفلم الا على وجه الفجر وكل وحده عيونها منفخه من الصياح <<هههه مساكين فلم هندي بعد شتبون
صلو الفجر وكلن دخل غرفته في غرفة العنود الي صلت قبل الهنوف وقعدت تنتظرها تخلص صلاتها وهي منسدحه على سريرها الا تسمع نغمة رساله فتحتها وقرت :
محد يشق القلب من غير تفكير
حتى الطبيب يرتجف ثم يحتار
وانت شقيت الجوف من غير تخدير
وبنيت قصور داخل القلب وأنهار
وجهة نظر كتبتها بصدق تعبير
وأرسلتها للي بدخل القلب له مقدار
قرت العنود الرساله وابتسمت يوم شافت الرقم وقامت تحوس تدور على رساله –
الهنوف خلصت صلاتها وجات وقعدت على السرير والعنود مشغوله تدور على رساله : هنوف عندج رساله حلوه
الهنوف : فتحي جوالي ودوري
العنود: انتي دوري ابي وحده حليوه
الهنوف : لمين ؟
العنود: لفيصل
الهنوف : هو الي راسل
العنود : أي
الهنوف : كل الي عندي غزل وحب وهالخرابيط
العنود : حتى انا ...يووو خلاص مب لازم ارسل
حطو راسهم على المخده وقعدو يسولفون لين غلبهم النوم ..
دانه ما قامت الا متاخر ..أصلا قومتها ساره بالموت طبعا راحت لبيتهم وريمو نايمه ولا تدري عن الدنيا ..البنات ما قامو الا الظهر طبعا ما تغدو لان ما كانو مشتهين قعدو شوي عقب نزلو وفطرو <<خوش فطور الساعه 1 ...
في بيت الجد فهد كانو مختبصييييين تتوقعون ليييش وعبد العزيز وعبد الرحمن كانو هناك ويا الحريم لان اليوم أهل خطيب منى جاو يخطبون رسمي وعشان يتفقون على المهر وخرابيط العرس ويحددون الملكه
ام وخوات المعرس شافو منى وكانت عاجبتهم وبالعكس حبوها واندمجو معها بالسوالف ...
حددو الملكه الي كانت بعد 3 أسابيع ..
الكل فرح لمنى وبارك لها ...

اليوم السبت رجعوا للدوام والشركه بعد اسبوع راحه تقريبا ..اليوم بو عبد العزيز كان مقرر يروح ويخطب ندى رسمي ( يعني يروح بيت أخوه ) وطبعا الكل عنده خبر فاليوم الجمعه بيت عبد الرحمن ..
عبد الله الي الدنيا مو واسعته من الفرحه ..صدق ان عبدالله شخصيته قويه ومو راعي ضحك وسوالف وهبال مثل الباقين لانه اكبر منهم ومو بس كذا لان كان كل همه الشغل وطبعا ندى ال الحين مو بس صار يفكر فيها كحبيبه الا زوجه وام عياله ان شاء الله مستقبلا ...
ندى من جهه ثانيه كان اليوم هذا عندها عادي هي ما تحب عبدالله وفي نفس الوقت ما تكرهه بس كانت طول الوقت تفكر شلون راح تكون في بيت واحد معاه وهي أصلا مو متقبلته وكانت تبي أي شي يكون عذر بانها توقف من زواجها لعبد الله لكن هيهات كانت تكره عبد الله فيها وبعد هاذي الي مستحيل تصير لان عبد الله يحبها من كل قلبه وما عمره فكر بوحده غيرها تكون زوجه له ..

بعد العشا كانو متجمعين خلاص حددو وقت الملكه بعد اسبوعين ما بعدو المده هي كان خاطرها تكون الملكه بعد منى بس عشان خاطر عبد اللطيف الي ما يقدر يقعد أكثر من شهر وما بقى له من الشهر الا أسبوعين وشوي تقريبا ..

في هالاسبوع قررو انهم ينزلون الرياض عشان يقضون للملكتين الي قريب بتصير ان شاء الله الكل كان فرحاان وخاااصه البنات لأنهم بيسافرون مع بعض الشباب الي ودوهم لان الرجال كانو مشغولين في الشركه وما يقدرون يخلون الشغل ....
ان شاء الله الاثنين قررو يسافرون من الفجر عبد اللطيف كان معاه امه وخالته و خلود وشهوده ونواف ومنى وندى
وسلمان ومحمد في سياره وياهم بدور والعنود والهنوف وريم ودانه ودلال طبعا كل واحد في سوبر وطبعا السوبر الي فيه بدور وسلمان القيامه قايمه خناق وهبال وضحك ..
هدت السياره وكلن حط راسه يرتاح شوي الا سلمان ومحمد الي كانو يسولفون
العنود الي كانت تلعب بجوالها وجاتها رساله من فيصل
**لاتحسب أنى لاطال الغياب ناسيك دقات قلبي كلها تقول: وينك **
العنود في قلبها يا حليله ورسلت له :
**صباح جميل لإنسان أصيل ألقى مثله مستحيل يارب عسى عمره طويل**
رجع فيصل ورسل لها
** من شفايفها صباح الخير شي ثاااني ..ااااه لو تدري وش تسوي صباح الخير فيا **
رسلت العنود ( هلا والله شخبارك ..أنا في الطريق رايحه للرياض تجي ويانا

فيصل رسل ( هلا بك الغاليه .. توصلين بالسلامه والله يحفظج ..تتحدين ترى أسويها ..ههههه)
العنود( لا يا معود اهبط في مكانك مشكوووور لا تجي ههههه)
فيصل ( لا تخافين ماراح اجي الله يوصلكم بالسلامه عاد لا تقاطعين )
العنود ( الله يسلمك ... ان شاء الله )
حطت العنود جوالها في الشنطه وقامت تفكر في فيصل والي صار لها معاه ...
بعد خمس ساعات أو اقل بشوي تقريبا وصلوا وخذو لهم شقتين جنب بعض طبعا هم كانوا حاجزين من قبل لان عيد وعارفين الزحمه ..
اول ما وصلو ارتاحو وبعدين الشباب بعد الصلاة راحو جابو الغدا وتغدووعينو خير وقامو يخططون وين بيروحن العصر ..
اذن العصر صلو وطلعو طبعا للسوق وكانو منقسمين كلن بجهه
ريم : دانوه الله يغربلهم شباب الرياض عليهم رزه مو صاحيه
دانه : هههههههه والي يشوف بناتهم ما يرتز غصب عنه لو كان شيفه
ريم: مالت وشفيهم بنات الشرقيه
دانه: ما فيهم الا العافيه لا تنسين تراني منهم
كملو الحريم والبنات تسوقهم الكل كان متحمس ومشتط الا ندى الي امها واختها وخالتها والكل يدور لها وهي عاادي مبرده وكانت تشتري لها بلاييز وتنانير وخرابيط للجامعه ..
دقو على الشباب وقالو لهم يتعشون لان هم بيتعشون داخل المجمع الي هم فيه .. تعشوا ومرو على البقاله وخذو لهم كم غرض ..وعلى الساعه 11 رجعو للشقه طبعا الكل كان تعبان ورمى نفسه وناام
قامو الصباح وجهزو الفطور فطرو وطلعو للسوق ..
في الليل وهم راجعين بالسياره للشقه
العنود صدق ما تستحي هذا وانا جنبك بعد
محمد: انتي شحارج زين كيفها
العنود : ما تشوف شلون صوتها يلعلع قدام الله وخلقه وتقلدها العنوووووووود
بدور: شكلها قليلة ادب من حجابها
الهنوف : من عمرها قليلة ادب
العنود: انا ادري انها فالته بس ما توقعت للدرجه هاذي تطلع السوق بالشكل هذا
سلمان : شسمها
العنود : أسيل <<< عرفتوها هاذي الي كانت ميته على محمد يوم يجي ياخذ اخته من المدرسه
محمد: حسافة الاسم عليها عاد الاسم حلو_ وهو متقصد _ هي حلوه ؟؟؟
الهنوف بدون شعور : وععععععععع أي حلا ولا شمت ريحته
محمد يطالعها من المرايه الي في السياره : ههههههههه
سلمان : حرراااااام عليج الهنوف صدق هي صايعه بس شكلها مزيونه
العنود: عميييييييييي صدق انك عمي انتم يالرجال شين والا زين ما يفرق معكم اصلا انتم وش دراكم انتو لو تدرون كم حاطه طن مكياج في وجهها وخاصه العيون الي ممليتهم كحل
سلمان +محمد: ههههههههه
بدور : ضحكتو من سركم بلا صدق ما تنعطون وجهه
وقعدو سوالف وضحك ..
مرو ثلاث ايام وخلاص قررو يرجعون الخميس الصباح بعد ما قضو كل الي يبونه وتقربا نقدر نقول خلصو
رجع كلن لبيته في الخبر وخلاص ما بقى الا يوم وتجي المدرسه الي الكل ما يبيها <<حد يشتهي مدرسه بعد اجازه
جا الجمعه وكالعاده تجمعو في بيت جدهم فهد ...
في الليل العنود ما سكه التلفون : وععععععع هنوف والله مالي خلق اداوم
الهنوف : عاد انا الي لي خلق بس بعد شنسوي يلا هانت ترم ونفتك من شي اسمه مدرسه
العنود : الله والله بنشتاق للهبال اذا تخرجنا والله ما ني مصدقه عمري اني خلاص هاذي اخر سنه لي
تمت العنود ويا الهنوف يسولفون عقب سكرت
العنود من زمان عن سهى خل اكلمها دقت على بيتهم
فيصل : نعم
العنود : السلام عليكم
فيصل عرفها : هلا والله وعليكم السلام
العنود يووو هذا فيصل يا حليله : ممكن اكلم سهى
فيصل يستعبط: منو أقولها ؟؟
العنود معقوله ما عرفني أي بلا من كثرالي يكلمهم وين يلحق يذكر صوتي وانا شكو فيه كيفه :.......
فيصل : الوووووو _ ويقصر صوته_ وين رحتي
العنود: أي هاه لا لا بس سهى موجوده
فيصل يضحك عليها : أي دقايق اناديها لج _يصرخ_ سهىىىىىىىىىىى
العنود: وجع فقعت اذني حشى لو في بر ما ناديتها كذا
فيصل : اسفه
العنود تفشلت ما توقعت انه سمعها
ردت سهى وقامت تتكلم مع العنود وفيصل قلبه يتحقرص يبي يرفع السماعه عشان يسمع وما ارتاح الا لمن نزلت سهى وعرف انها سكرت من العنود
الساعه 12 الكل دخل غرفته الي وراه دوام والي وراه جامعه والي وراه مدرسه خلاص كل شي بيرجع طبيعي والاجازه ماراح تجي الا بعد 3 شهور وشوي لان معروف دوم الترم الثاني ما فيه اجازات ويغث لانه طويل ..
طلعت العنود غرفتها خلاص رتبت كتبها حق المدرسه وظبطت الساعه والمنبه حق الجوال حطت الجوال وانسدحت على السرير وسكرت الابجوره
فيصل من جهه ثانيه ادق والا لا لا أخاف تزعل بس ابي اكلمها والله مشتاق سوالفها وهبالها بس اخاف تزعل وله نص ساعه ماسك الجوال يدق والا ما يدق في الخير قرر انه يرسل رساله يستأذنها ..
العنود توها غمضت عيونها الا تسمع صوت المسج فتحته (طلبتج قولي تم تراج قلتيها _العنود ابتسمت _ ممكن من وقتج دقايق )
العنود وهي ما سكه الجوال وهي خاطرها تسولف معاه لانها تحب هباله بس لا ما يصير وين قاعدين عشان اسولف معاه وهي قاعد تفكر رن جوالها وشافت الرقم وحطته صامت خذت نفس قوي وردت بصوتها المبحوح : الووووو
فيصل : هلا والله براعية هالصوت
) هلابك(
) شخبارج (
) بخير والحمد لله أنت شخبارك (
) دامني سمعت صوتج الحمد لله انا بخير (
سكتت العنود ما عرفت شتقول : أي هلا امر بغيت شي
فيصل الي بس كان في خاطره يسمع صوتها : لا سلامتج بس حبيت أسلم واقول حمد لله على سلامتج هاه استانستي في الرياض
ابتسامه على شفاتها ) الله يسلمك أي والله الحمد (
فيصل الي يبي يدور موضوع يتكلم فيه : أي زيين هاه تجهزتي بكره للمدرسه
العنود: أي بس نفسيا الى الان
فيصل : بعد تتجهزين نفسيا
) اجل تبيني اروح للمدرسه ونفسيتي نفسها الي في الاجازه
(وشو الاحسن
) طبعا الاجازه
( انتم مدرسه واحنا جامعه
) انتم اهون مننا
( لا والله المدرسه اهون
0 والله اثنينهم غثى مو كلهم دراسه خلاص
فيصل : ههههههه أي والله وانتي الصاقه
تمو يسولفون لمدة ساعه ونص تقريبا
فيصل : اسفه طولت عليج ما خليتج تنامين
العنود: لا عادي بالعكس ونستني
فيصل : تسلمين والله حتى انتي على الاقل اروح بكره ونفسيتي مفتوحه
العنود: ههههههههه لي انت بتاكل ذبيحه عشان تصير نفسيتك مفتوحه
فيصل: ههههههه لا بس عشان اقابل الدكاتره والشباب بوجه صبوح
العنود: ياحلوك انت ووجهك الصبوح
فيصل: مو احلى منج

العنود استحت : تعال على فكره لحمتكم جاهزه
فيصل : أي لحمه
العنود: الذبيحه قلت لامي تخلي لكم
فيصل : من صجج ترى كنت امزح
العنود : عاد انا ما امزح ومن صجي
فيصل : هههههههههه تسلمين والله ما تقصرين
العنود: اوكي انا بروح انا لان تعبت تامر بش
فيصل السموحه طولت علج
العنود: فيصلووووو قلت لك عادي
فيصل : ههههههههه ياحلو فيصلووووو من فمج
العنود: لا الرجال قم يخورها اسكر احسن
فيصل : ههههههههههههههههه يلا تصبحين على خير
العنود : وانت من اهله مع السلامه
فيصل : مع السلامه وسكر الخط وهو ما وده يسكره علىانه كان دايخ ويبي ينام ..... العنود سكرت من هنا وحط راسها على المخده من هنا وراحت في سابع نومه ..
اول يوم مدرسه كلن ماله خلق مر اول يوم كالعاده زهق بس وناسه لان مافي دروس
ومر هالاسبوع عادي وطبيعي ....

عبد الله كان اكثر واحد يستنى هالاسبوع يمر بقى اسبوع وخلاص تصير ندى له هو هو بروحه
وندى الي كانت تفكر شنو راح تسوي بعد اسبوع في يوم ملكتها تفرح والا شنو طبعا اهي الى الان مو داخله مزاجها انها بتصير زوجة عبد الله وكانت تدور سبب حق هالعناد الي في راسها وما تلقى ..؟؟؟
محمد كل يوم عن الثاني يكبر حبه حق الهنوف والهنوف كذالك ..
فيصل الي كان تقريبا كل يوم يدق على العنود ويقعدون سوالف وضحك بس كلامهم كله هبال وسوالف وضحك فيصل يسكر وهو وده يكمل وكل يوم يكتشف في العنود شي يزيد اعجابه فيها حتى انه بطل هباله مع البنات الثانيات وما صار له خلق يكلمهم لان العنود خذت عقله باسلوبها هم العنود ارتاحت له بس الى الان ما حبته وكانت تعتبره كأخو كصديق لا أكثر ....
دلال هي الثانيه كل يوم كانت تكلم عاشق بلادي وهو وده يقول لها انه ولد بس كان خايف من ردة فعلها وهو من جد ما يبي يخسرها لانه ارتاح لها واااجد
سلمان سلمااان الي كان عايش ويا حبيبته ليلى الي كانت تموووت فيه وهو يكلمه من جهه على انها حبيبته ويكلم فلانه على انها صديقته وعلانه على انها اخته ويلا هذ حاله ومحمد الي كان متوعد له بس يبي يلاقي الوقت المناسب ...
العنود : واااااااي فكه اليوم الاربعاااااااااء وناااسه
الهنوف : حشى حشى اعصابج اليوم اربعاء مو اخريوم في السنه
العنود : ههههههههه
الهنوف : ها تجهزتي حق بكره
العنود: أي والله مستانسه حق اخوي فديته بياخذ حبيبة قلبه
الهنوف الي كانت حاسه في اختها : الله يوفقهم ويسعدهم
العنود : اميييييين تعالي الملكة بتصير في بيتكم والا بيت جدي
الهنوف : لا في بيتنا ندى الي تبي
العنود : اهاااا
ريم : العنود يلا راجو جاء وانتي الهنوف يلا ترى سواقكم جاء
طلعو كلن لبيته ...
مر اليوم عادي ما فيه أي حدث بس ندى الي كانت تفكر وتعبت من كثر ما تفكر .. بس في وشوو؟؟؟؟؟

جاااا اليوم الموعود اليوم عبد االله مبتسم في وجه الكل أصلا مو قادر يسكر فمه حس روحه بيطير من الفرحه وقام يتذكر كل موقف صار له مع ندى من يوم هم الصغار لين وصل للموقف الي قبل الاخير يوم يعطيها كف اااااااه انا ما ادري شلون مديت يدي عليج ياعلها القطع ان مديتها عليج مره ثانيه ..
العنود خذت كل حوستها وراحت بيت عمها من بدري تبي تتجهز مع الهنوف
ندى في غرفتها وقبل لا تجي اكوافيره قامت تطالع روحها ودموعها تنزل وهي مو حاسه ليش أصيح المفروض اليوم أصير اقوى من أي يوم في حياتي خذت نفس عميق وتوكلت على الله وخلاص خلت الواقع قدامها ندى لعبد الله وعبد الله لندى ..
خلاص انتظرت الكوافيره وجات وبدت تعدل ندى ..امها رايحه وجايه على ندى وتسمي عليها وفرحاانه لبنتها
الهنوف والعنود في الغرفه يتزينون
الهنوف : عنود أحس اني خايفه
العنود: من وشو انتي والا ندى الا بتملكين
الهنوف : مالت عليج مو قصدي بس احس هالليله ما بتعدي على خير
العنود: فال الله ولا فالج انتي مسخنه اليوم_ وتمسك راها_
الهنوف : والله فاضيه
العنود: انا ادري عنج الناس يتفائلون وانتي تتشائمين
الهنوف كان ناغزها قلبها انه بيصير شي بس حاولت تتجاهل هالاحساس
بعد المغرب كلن وصل <<أقصد الاهل >>كل وحده من البنات كاشخه ولها شي يميزها مافي ولا وحده احلى من الثانيه كلهم يتحدون بعض بالحلا الي بشعرها والي بجسمها والي بطولها والي بابتسامتها ..الكل مرتبش والوحيده الي المفروض تكون خايفه كانت هاديه هدووووء عجيب الكل استغرب منه ...
جا الملاك <<صح اسمه ترى ما ادري شسمونه >> الشيخ الي يملك عليهم
الشيخ كان في المجلس طلب انه يسمع الجواب من البنت اذا موافقه طبعا ندى كانت من ورى الباب وكل الاهل جنبها من ورى الباب <<اقصد الحريم والبنات الملاقيف >>
الشيخ يسـأل ندى هلى هي موافقه والا لأ
ندى خذت نفس عميق والكل كان يطالعها ويستنى كلمه موافقه الا الهنوف الي كان قلبها ينغزها وحاسه في ملامح اختها شي مو طبيعي ارتباك او شي من هالقبيل بس قالت في نفسها يمكن خوف او أي شي ..





*** تتوقعون توااافق ****






ندى : موافقه بس بشرط
الحريم توهم بيلولشون الا سكتو وكل وحده نزلت يدها الي كانت رافعتها
في المجلس عند الرجال : الكل كان عليه علامات التعجب وخااااااااااصة ابوها وعبد الله
الهنوف : الله يستر
الشيخ : تفضلي ؟
ندى : المهر
كلن فتح عيونه لان كل شي توقعوه الا هذا الشي
ندى وغرورها مبين على وجهها : مية ألف100000(أهم عاداتهم اذا كان من داخل العايله أو من قرايبهم يكون 80000 ألف واذا كان من بره يكون ميه فبهذا التصرف اعتبرت ندى ان عبد الله غريب )
كلمة هزت الكل يمكن حتى ندى نفسها هزتها الا عبد الله هو الوحيد الا كان مستعد باي شي راح تطلبه وهو فاهم زيين حركة ندى ..
عبد الله سبق الكل : ما طلبتي يابنت عمي_ ويقولها بستخفاف_بس مية ألف انتي تامرين
الكل انصدم من ردة فعل عبدالله الي ولا احد توقعها
عبدالرحمن : والله انها ما تاخذ الميه منك وانا عمك ..
عبد العزيز : لا تحلف ياخوي ندى غاليه وعزيزه وما طلبت شي
عبد الرحمن وفهد وعبد اللطيف من جهه يحلفون ان ندى ما تاخذ الي طلبته
وعبد العزيز وعبد الله من جهه بانهم ينفذون طلب البنت وان من حقها
الشيخ قال لندى ان المال مو كل شي وقام يدعي ويوضح لها ويذكرها ان اهم شي الصلاح والمال شي مو مهم ومن هالقبيل ..
كل هذا يدور والجد فهد قاعد والى الان ما نطق بكلمه وكان يسمع مرادد عياله ويا بعض
عبد الله شاف ان النقاش اشتد وعلى وخاف انه يوصل لشي هو ما يبيه حاول يهدي الوضع بس للأسف ما في فايده التف على جده الي كان في غاية الهدوء ويراقب الي يصير ..
ندى مصره على رايها وابوها مصر وعمها مصر والنهااايه يعني ؟؟؟؟؟
الجد قعد يطالعهم وهم يتناقشون هانقاش الحاااد
ندى تعالى صوتها : انا قلت الي عندي وهذا شرطي عشان اوافق
عبد الرحمن : ما تمشين رايج علي ياندى دام راسي يشم الهوى وكلمتى انا الي تمشي سواء رضيتي أو لا
المجلس صابه حالة ذهول وسكون غريب من صرخة عبد الرحمن الكل سكت ..
والحريم بره سكتوا وعبد الله خلاص ما عاد يستحمل ان ندى تروح منه عشان شي تافهه أو عشان عنادها الي اهي قاعده تسويه اسم انه اثبات شخصيه لا شيئ ثاني وهو عارف حركة ندى زيين الي الكل يمكن كان غافل عنها ووش المقصود منها
صدق ندى سوت الي سوته لان حست ان رايها مو هي الي قالته ابوها الي ما قدرت توقف في وجهه هي كانت متاكده من حب وتمسك عبدالله فيها لذا سوت الي سوته بس ماتوقعت ان ابوها يعصب للدرجه هاذي ندى خلاااص فقدت السيطره على روحه ما بقى فيها شي كانت تحاول تتحمل روحها معتمده على ما بقى فيها من قوه ..
الجد فهد وقف : والكل وقف معه
الجد: عبد الله انت موافق وقادرعلى شرط ندى

الجد: عبد الله انت موافق وقادرعلى شرط ندى
عبد الله وهو واثق من الي يقوله : اكيد يا جدي
الجد: ندى
ندى : نعم
الجد: هذا الشرط الي تبينه بس
ندى : أي نعم جدي
الجد لف على عياله وكان يقصد عبد الرحمن وعبد العزيز : تسمحون لي اتصرف
عبد الرحمن : مالنا طلعه عن شورك يبى والي تقوله بيتنفذ
عبد العزيز : انت ابونا يالغالي واحكمنا الشور شورك
الجد لف على عبد الله الي كان يستنى رد جده والفرحه الي كانت مليه وجهه اختفت كلها في هاللحظات البسيطه ..
الجد: باقي المهر هديه مني لعيالي عبد الله وندى
عبد الله : بس يا ....
الجد : خلاااااااص احد عنده اعتراض
الكل : لا
الجد: يمى ندى موافقه
ندى: الي تشوفه ياجدي
خلاص الشيخ كتب وشهدو الشهود وقعت ندى على موافقتها وانحلت المشكله الي كانت بتصير لها نتايج ما احد يتمناها ..
رجعت الفرحه في وجه الكل الا عبد الرحمن الي كان متضايق مررره من الي سوته بنته وندى الي كانت في حالة ذهول من الي صار وخاااصه من ردة فعل عبد الله وكانت خايفه من موقف ابوها ...
قعدت ندى في الصاله وجاء عبد الله ومعاه ابوه وعمه الي هو ابو ندى وسلمان وجدها وفهد أخوها وعبد اللطيف _يعني محارمها_ الحريم تغطو وبدور كانت الوحيد الي كاشفه لان الكل حلال عليها وكانت تصور وكانو فاتحين أغنية راشد الفارس احلى من القمر هي ... واحلى يمكن شويه
دخل عبد الله وعيونه معلقه في ندى نسى الي حوله كلهم ونسى حتى الموقف الي صار من شوي ورجعت علامات الفرحه في وجهه وقف جنبها لبسها الطقم الخاتم والطقم كامل عقب باسها على جبينها ندى في هالوقت كان شعورها مايوصف كان ودها تصيح تصارخ حست بشي فيها بس مو عارفه شنو
قصو الكيكه واكلو بعض وشربو بعض العصيرات وخلاااااااص مبروووك لهم

دخلو المجلس وكانو الاهل معاهم وباركو لهم وبعدين خلوهم بروحهم ...

عبد الله كان جالس بعيد عنها ويوم طلعو قعد يناظرها على راحته بعيد عن عيون الكللل ندى حست ووجهها نارر وطماطه بس عيونها منزله في الارض قام عبد الله وجلس جنبها رفع راسها وعيونها الى الان ما طاحت في عيونه..
عبد الله : شدعوه كل هذا خايفه من شكلي ما تبين تشوفيني
ندى: ............
عبد الله : مبروك ..
ندى : ا ..الله يبارك فيك
عبد الله خذ نفس : واخيرا سمعنا صوتج
ندى : ابتسمت
عبد الله : ممكن تطالعيني
ندى رفعت عيونها وشافت الشوووق الي فعيون عبد الله
عبد الله : الله ياندى كنت انتظر هاليوم من زمااااااااان واخيرا جاء
ندى: .................
عبدالله: ندى شوفي انا ما ادري شنو الانطباع الي انتي ما خذته عندي بس صدقيني بحاول اسعدج بقد ما اقدروبسوي المستحيل عشان ترتاحين وياي ندى قبل لا تكونين زوجتي انتي بنت عمي وصدقيني بحطج في عيوني وقبل كذا انتي في قلبي واتمنى انج تفهميني و....
ندى وبدون شعور : و وشو؟؟؟
عبدالله ابتسم : وتحبيني
ندى قلبها رجف من هالكلمه : الله يقدرني واسعدك ان شاء الله
عبدالله : مدام انتي جنبي هاذي اكبر سعاده لي
ندى في قلبها الله ياعبد الله ما توقعت نفسي غاليه عندك لهالدرجه معقوله اكون ظالمتك بالفكره الي انا ما خذتها عنك بس الايام بتبين كل شي ..
عبدالله : ماودي اقوم ودي اقعد بس اطالعج
ندى : لا تخاف بتشبع من وجهي
عبدالله : لو اقعد مية سنه أي ميه طول عمري اطالعج ما راح امل ..
ندى : شكرا
عبدالله وهو رافع حواجبه : ترى اتكلم جد
ندى : هههههه<ضحكه خفيفه
عبدالله: فديت الضحكه وصاحبتها ...أنا اخليج الحين بس بينا اتصال اوكي
ندى في قلبها من وين له رقمي : اوكي
عبدالله وكانه يقرأ افكارها : خذت رقمج من سلمان ورقمي نهايته 33 عاد ردي لا تطنشين ههههه
ندى : ابتسامه على وجهها ان شاء الله
عبدالله : يالله انا بطلع تامرين بشي
ندى : مشكور مابي الا سلامتك
عبدالله : الله يسلمج
ابتسم لها وطلع وهو فرحااااان ان واخيرا حبيبة قلبه صارت له هو وبس ..

تعشو الجماعه وعينو خير وكلن توكل لبيته طبعا بعد الفله والرقص الي صار مع البنات وطبعا ما خلو ندى في حالها حتى هي خلوها ترقص طبعا بعد ما طلعو الغرب وبقو بس الاهل ..

العنود وهي في غرفتها الساعه ثنتين بعد ما سبحت وصلت الوتر كالعاده خذت جوالها
العنود: الله الله حشى يافيصل كل هذا مس كول ورسايل وقامت تضحك
الا يدق ورفعت وهي تضحك
فيصل : شفيج تضحكين
العنود: عليك
فيصل : ليش ان شاء لله انا شمسوي
العنود: على هالاتصلات والرسايل الي راسلها
فيصل : شفتي الرسايل
العنود: لا ما بعد بس شفت العدد
فيصل : وحظرتج وينج ما تردين
العنود: الحين أنا مو قايلتلك ان اليوم ملكة بنت عمي ..
فيصل : يووووووو صح نسيت بس ولو عاد عشرين مس كول وما تردين
العنود ترجع تضحك : والله انك رهيب على العشرين مس كول
فيصل : والله شسوي اشتقتلج
العنود : ههههههههههه تشتاقلك العافيه بس تعرف الكل متجمع ووناسه وهبال ورقص والله ولا ادري وين حطيت الجوال ..
قعدو يسولفون ...
ندى حطت راسها على السرير وهي تفكر بالي سوته اليوم وبعبدالله الي ابدا ما توقعته كذا .. بس اهي الى الان كانت خايفه من موقف ابوها الي الى الان ما شافته ...

جاء الجمعه وكالعاده الجمعه في بيت الجد فهد ومرت الامور عاديه ولا تخلى من الهبال والوناسه
جا السبت الي هو اول ايام الاسبوع وكلن ماله خلق وخاصه بعد هالويكند الحلوووو
يوم الاثنين هو موعد سفر عبد اللطيف والكل كان متضايق وزعلااان وخاااااصه الجده فوزيه جا عبد اللطيف وسلم على جدته واهل البيت كللهم دلال بس الي كانت تراقبه من بعيييد وكانت العبره بتخنقها بس ما بينت شي ... راح للمطار ومعاه سلمان والهنوف بعد الحنه والزنه راحت معهم وصلو المطار وهم قاعين ينتظرون الا العنود تدق على الهنوف
الهنوف وبصوت كله حزن : الو
العنود: اهلين دبه شفييج ؟؟
الهنوف: ولا شي بس متضايقه شوي
العنود: عشان لطووف
الهنوف : أي تقريبا
العنود: هو اول مره يسافر
الهنوف : لا بس ..
العنود: خلاص ان شاء الله في الاجازه يجي
الهنوف : والله ما اتوقع
العنود : انزين عطيني اسلم عليه انا ما ودعته
الهنوف : اوكي .. عبد اللطيف ومدت الجوال له
عبد اللطيف : منو
الهنوف: العنود تبي تسلم عليك
عبد اللطيف خذ الجوال وهو مبتسم : هلا والله
العنود: هلا بك ياولد العم
عبد اللطيف : ههههه شخبارج
العنود: الحمد لله بخير وعافيه انت شخبارك مستانس بتروح للندن
عبد اللطيف : احد يترك ويفارق أهله ويستانس
العنود: ههههه أي والله بس معليه يلا كلها كم سنه وترجع لنا ان شاء الله
عبد االطيف : ان شاءالله
العنود: طولت عليك ادري معليه لازم اسولف
عبد اللطيف : بالعكس كلن اكلمه متضايق الا انتي والله وسعتي صدري
العنود استحت : هههه مشكور اوكي خلاص تروح وترجع لنا بالسلامه ان شاء الله وهالله هالله بالدراسه
عبد اللطيف: ان شاء الله يسلمج وانتي بعد ترى السنه اخر سنه هاه بيضي الوجه
العنود: افا عليك وانا العنود بعدين وجهك ابيض تبيني ابيضه اكثر شبتصير ولا ورقه
عبداللطيف:ههههههه هههههه فديييتج شكلي بجي اخذج تونسشيني في لندن
العنود: ههههههه
عبد اللطيف : اوكي يالغاليه ما اطول عليج انتبهي لنفسج
العنود: وانت بعد يلا مع السلامه
عبد اللطيف مع السلامه
سكرت العنود واعنو ان الطياره شوي وبتقلع قام عبد اللطيف وسلم على سلمان والهنوف وراح لطيارته
وهم رجعوا الى ادراجهم ...
دخلت دلال غرفتها وانسدحت على السرير : والله بتكون لك وحشه يا عبد اللطيف وتذكرت الموقف الي صار لها ليلة العيد وابتسمت انا الحين ليش افكر فيييه ... خذت الب توب وفتحته وقعدت عليه ..
قربت ملكة منى الي كانت يوم الخميس الجاي
جا الخميس والكل مرتبش ومستانس والحمد لله مرت الملكه على خير وكل شي تم

--------------------------------------------------------------------------------

لماذا حبييتي يصدر منكي كل هذا الإيلام؟
فأنا أسهر الليل كله والباقي نيام..
وأنتي بعد لم تتواضعي او تلقي على قلبي السلام؟
لكن لازلتي أنتي البداية وانتي مسك الختام
فإلى قلبكي المفعم بالحب ألف سلام


كانت هاذي الرساله من عبد الله الى ندى الي كانت تتميز بغرورها حتى مع عبد الله كانت تسولف وتضحك معاه بس في كلامها نبرة غرور عبدالله ماكا يتضايق كثير لانه عارف ان الشي الي يميز ندى هو غرورها .. بس كان مصر انه يكسب قلب ندى بشتى الوسائل ...


كانت الايام تمر على الكل طبيعيه باستثناء ندى ومنى الي كانو يجهزون للعرس وحتى البنات كل وحده منشغله تطلع لها موديل حق العرسين ..
اليوم الاربعاء وكانت سهى والعنود والهنوف متفقين يجون للعنود .. طبعا هم مب غريبات فالعنود ما تكلفت وكانت جدا طبيعيه الهنوف بنت عمها وسهى صديقتها الغاليه الي تمون عليها
العنود قمت على الساعه خمسه تقريبا وصلت العصر وخذت لها دش وقامت تتجهز حق صديقاتها
فتحت الدولاب وكالعاده لازم تقعد سنه تشوف وش تلبس وما ودها تكشخ لان الي بيجون مو غرب دق جوالها
العنود: هلا
الهنوف : اهلين صحيتي من النوم
العنود: أي قاعده اطلع شبلبس
الهنوف : لا تكشخين
العنود لا توصين حريص وانتي متى بتجين
الهنوف : بعد شوي بتقطني ندى ويتروح هي ومنى وخالتي خلود السوق
العنود: اوكي لا تتأخرين
الهنوف : اوكي متى بتجي سهى
العنود : قالت لي بعد المغرب
الهنوف : تعالي يدري فيصلوو انها بتجي عندج
العنود: والله ما ادري بس انا ما قلت له .. بعدين ويعني اذا درى
الهنوف: لا بس أسال اوكي اخليج يلا سلااام
العنود : سلاااام
قامت العنود ولبست لها برمودا جنز وبلوزه كات فيها ابه لونها أصفر وفوقه شيفون مموج بالون هاديه (أبيض اصفر وبرتقالي ) كان زي البلوزه والاكمام مفتوحه يعني ذراعها يكون باين وواسع ويون عند الخصر ماسك ..<<ان شاء الله فهمتو وصفي شعرها رفعته وحطت فيه عود يحنتوي على اللون البرتقالي والاصفر وفيه لمعه وكانت خصل من شعرها طايحه ..لبست اكسسوارات خفيفه وحطت كحل ازرق وملمع للشفايف ولبست نعال اصبع حق البيت تعرفونها الي دوم نلبسها الي تكون زي الاسفنج من تحت
نزلت العنود وراحت تسوي الدب( الخلطه حق البطاطس ) وتجهز البيبسي والخرابيط الي بيقعدون عليها وهي في المطبخ الا تدخل عليها الهنوف
الهنوف : الله الله هذا الي ماراح تكشخ
العنود : بسم الله خرعتيني سلمي اول
الهنوف : السلام عليكم
العنود: بعد وشو ... الله عاد انتي الي مقصره
الهنوف: قومي زييين انا لابسه سبورت عادي
العنود: ادري اصلا انتي كل شي تلبسينه تحلينه والله ما الوم روميو فيج ..
الهنوف : اقول استحي على وجهج
العنود:ههههههه ما اقدر على المستحيه
الهنوف جاتها من وراها ونغزتها من خصرها : بيجي يوم وارتكب فيج جريمه
العنود: اااااااااااي وجع اصلا ما تقدرين
الهنوف : وليش ما اقدر
العنود: لانج تحبيني
الهنوف : في هاذي صدقتي
العنود: انزين لو سمحتي شيلي الصينيه وسبقيني للمجلس
الهنوف : اوكي
راحو المجلس شوي وجات سهى وقعدو يسولفون
ريم: السلاااااااااام
الكل: وعليكم السلام
وسلمت على البنات
العنود: تو الناس
ريم: عاد امون معليه سهى لبسي عادي تراج صرتي منا وفينا
سهى: هههههه عادي شدعوه
ريم: تصدقون ياني شفت موديل يهببببل في النت عجبني وبفصله حق عرس منى ان شاء الله
العنود: وانتي هذا حالتج وانا اقول وينها ما شرفت اثرج خامده على هالنت تدورين في الموديلات الي يشوف يقول انتي العروس
الهنوف : ريمو طلعي من الموديلات ترى حتى انا الى الان مالقيت دوريلي فديتج
ريم: تامرين امر ..
العنود: الهنوف شرايج نسوي زي بعض في عرس منى
الهنوف : والله فكره
سهى: بتلفتون الأنظار
العنود: ونااااسه تعالي سهى شرايج تجين
سهى : باسم ؟؟
العنود: صديقة بنت عم العروس
سهى : حلفي
الهنوف : أي والله صدق قولي لاهلج اذا وافقو تعالي انتي وامج بعد
سهى : لا خير فشله
العنود: عن السخافه
سهى : خلاص يصير خير
وقعدو يسولفون عن الموديلات والخرابيط ...
على الساعه 11 ونص دقت سهى على فيصل عشان يجي ياخذها
فيصل : وحظرتج ليش ما ترجعين بالسواق
سهى: ما تشوف الساعه كم
فيصل : ولي ما رجعتي بدري
سهى : والله القعده مع العنود والهنوف ما تنمل يلا عاد تجي والا اخلي العنود توصلني
فيصل الي ماكان يدري انها عند العنود: انتي عند العنود ؟؟
سهى وهي تبتسم :أي
فيصل : اوكي يلا انا جاي
سكرت سهى وهي تضحك
العنود شفيج
اسهى : يوم قلت له اني عندج قال انا جاي وسكر بدون ما يقول حتى مع السلامه
الهنوف : ههههههههه
العنود: يا حليله سلمي عليه واااجد فديته يذكرني بعمي سلمان

محمد وهو جاي في الطريق الا يتذكر فيصل الله من زمان عنه وياخذ الجوال ويدق عليه ..
فيصل كان واقف يستنى سهى عند الباب ويوم شاف رقم محمد استغرب نزل من السياره
فيصل : هلاااااااا والله بالقاطع
محمد: والله انت القاطع بعد يوم العيد ما سمعنا حشك وينك ما تنشاف
فيصل : والله مو جود بس تعرف جامعه وولاهي بالشغل مع ابوي يالله الحق
محمد: الله يعينك
ومحمد وقف عند باب البيت ونزل من السياره .. وصارو يسمعون أصوات بعض لفو وجيهم وكل واحد قام يضحك على الثاني سكرو الجوالات ولمو بعض
محمد: ههههه شمجيبك وشلون عرفت بيتنا
فيصل : جاي اخذ اختي
محمد: حركات والله وطلعو خواتنا صديقات ههههه يالله اقلط
فيصل : خلها مره ثانيه ان شاء الله
محمد: توصل لباب البيت ولا تدخل لا يافيصل ما يصير
دخل فيصل بعد حنه محمد عن خاطره ومحمد قا لللعنود ان فيصل دخل خل اخته تنتظر
طبعا البنات طارو من الفرحه ان اخوانهم علاقتهم بتصير قويه زيهم .. فيصل ما طول دخل ربع ساعه واستسمح من محمد عشان الوقت متاخر ووعده انه يجيه مره ثانيه ..
الهنوف قعدت شوي عقب طلعت ...


طلعت العنود فوق بدلت ملابسها وراحت قعدت في الصاله الي فوق وجات ريم وقعدت معها
ريم : تدرين العنود امي بكره بتروح البحرين
العنود: متى
ريم : الصباح ... حزري مع مين
العنود: مين ؟؟
ريم : مع منى ندى وخالتي خلود خالتي فاطمه
العنود لفت وجهه : حلفي
ريم : والله .. بس لا تحلمين ما في روحه
العنود: ليش ان شاء الله
ريم: قلت لامي قالت مافي احنا رايحين لشغل مب لعب ووناسه
العنود: أي شغل زيين للسوق بعد في غيره ... تعالي قومي جيبي الموديلات الي طلعتيهم
ريم : انزين
قامت ريم الا يجي محمد
محمد: السلام
العنود: هلا وعليكم السلام
محمد : عطيني الريموت
العنود رمت الريموت له ..الا تجي ريم
العنود: الله الله كل هذا
ريم: أي عاد عسى يعجبج شي .. انا طلعتهم عشان اذا رحنا عند جدي بوريهم البنات والي تبي تختار
العنود: هم قايلين لج
ريم : لا ما قالت لي الا الهنوف بس قلت مره وحده ودانوه بعد موصيتني
العنود: حموود
محمد: نعم
العنود: انا والهنوف بنسوي زي بعض في عرس منى
محمد: ووشو موديلكم
ريم: هههههه حركات تعرف بعد موديلات
محمد: اذا انتي واختج مقابليني شلون ما تبيني اعرف
العنود: هههه احنا قاعدين في كبدك تعاااال دريت ان امي بتروح بكره البحرين
محمد: لا ما دريت مع منو
العنود: مع خالتي خلود وفاطمه وبناتهم
محمد: وي اجل بكره البيت فاضي
ريم: لا تخاف قاعدين على قلبك ماراح نروح
محمد: غريييبه
العنود : انا اقعد بروح بيت جدي شقعدني هنا
محمد: أي العنود شلون بعد
قعدو يسولفون شوي وعقب كلن راح غرفته

رفعه وهي قاعده على سريرها تلعب بجوالها ومعاها بنت عمها جواهر
جواهر : اقول رفعوه لج خلق بكره تروحي للبحر
رفعه : أي احسن من قعدة البيت على الاقل نشوف في الرايحين والجايين
جواهر : هههههههه حلمي انج تتمشين العائله الكريمه كلها بتجي
رفعه : عليهم بالعافيه الله يخلي حمود والا مشعلوو فديتهم
لحظة سكوووت ...
جواهر :تتوقعين سامي يجي
رفعه الي كانت متوقعه : يجي والا ما يجي كيفه ... بعدين كم مره قلت لج هو مب كفو الواحد يحبه واحد صايع مايع ..
جواهر : حرام عليج رفعه لا تقولي كذا

رفعه : الحين هو يدري عنج
جواهر : لا
رفعه : شفتي ...أصلا اهو وين يدري وهو عايش مع هالصيع من وحده لوحده هالي ما يستحي مرتين وانا اشوفه وهو واقف بره يكلمهم سمعته باذني _ وتقلده _ يا بعد قلبي انا اذا ما حبيتج انتي منو احب
جواهر وعيونها مغرقه : كلهم كذا
رفعه : لا مو كلهم
وقعدو ساكتين جواهر تحب سامي جدها وجده اخوان انا شرحت لكم قبل ولو ترجعون للجزء الخامس تعرفون
بس هو صايع وراعي بنات والكل يعرفه وهي بعد تعرف هالشي بس حبته ...
رفعه وهي فاتحه عيونها ومنصدمه : جواااااااااااهر
جواهر : شفيج
رفعه : سلمانووووووووووو
جواهر : مين سلمانوووو بعد
رفعه : هاج اقرأي
خذت جواهر الجوال وقرأت الي مكتوب ( الفضول ذبحني ... اسفه على الي صار وصدقيني ما كنت أدري انج موجوده اااااااااسفه .. على فكره لا تخافين ما فتشت في جوالج هههه ..سلمان..)
جواهر وهي تطالع رفعه : حللللفي
رفعه : شحلف الجوال قدامج .. تصدقين ولا شفتها الا اليوم
جواهر : اما هذا سلمااان رهيييب
رفعه : يقول ما فتشت في جوالج وهو حافظ الرساله في الحافظات
جواهر: عادي شباب لازم هاللقافه ..أو الفضول على قوله ههههههه
رفعه : هههههههه


لماذا حبييتي يصدر منكي كل هذا الإيلام؟
فأنا أسهر الليل كله والباقي نيام..
وأنتي بعد لم تتواضعي او تلقي على قلبي السلام؟
لكن لازلتي أنتي البداية وانتي مسك الختام
فإلى قلبكي المفعم بالحب ألف سلام


كانت هاذي الرساله من عبد الله الى ندى الي كانت تتميز بغرورها حتى مع عبد الله كانت تسولف وتضحك معاه بس في كلامها نبرة غرور عبدالله ماكا يتضايق كثير لانه عارف ان الشي الي يميز ندى هو غرورها .. بس كان مصر انه يكسب قلب ندى بشتى الوسائل ...


كانت الايام تمر على الكل طبيعيه باستثناء ندى ومنى الي كانو يجهزون للعرس وحتى البنات كل وحده منشغله تطلع لها موديل حق العرسين ..
اليوم الاربعاء وكانت سهى والعنود والهنوف متفقين يجون للعنود .. طبعا هم مب غريبات فالعنود ما تكلفت وكانت جدا طبيعيه الهنوف بنت عمها وسهى صديقتها الغاليه الي تمون عليها
العنود قمت على الساعه خمسه تقريبا وصلت العصر وخذت لها دش وقامت تتجهز حق صديقاتها
فتحت الدولاب وكالعاده لازم تقعد سنه تشوف وش تلبس وما ودها تكشخ لان الي بيجون مو غرب دق جوالها
العنود: هلا
الهنوف : اهلين صحيتي من النوم
العنود: أي قاعده اطلع شبلبس
الهنوف : لا تكشخين
العنود لا توصين حريص وانتي متى بتجين
الهنوف : بعد شوي بتقطني ندى ويتروح هي ومنى وخالتي خلود السوق
العنود: اوكي لا تتأخرين
الهنوف : اوكي متى بتجي سهى
العنود : قالت لي بعد المغرب
الهنوف : تعالي يدري فيصلوو انها بتجي عندج
العنود: والله ما ادري بس انا ما قلت له .. بعدين ويعني اذا درى
الهنوف: لا بس أسال اوكي اخليج يلا سلااام
العنود : سلاااام
قامت العنود ولبست لها برمودا جنز وبلوزه كات فيها ابه لونها أصفر وفوقه شيفون مموج بالون هاديه (أبيض اصفر وبرتقالي ) كان زي البلوزه والاكمام مفتوحه يعني ذراعها يكون باين وواسع ويون عند الخصر ماسك ..<<ان شاء الله فهمتو وصفي شعرها رفعته وحطت فيه عود يحنتوي على اللون البرتقالي والاصفر وفيه لمعه وكانت خصل من شعرها طايحه ..لبست اكسسوارات خفيفه وحطت كحل ازرق وملمع للشفايف ولبست نعال اصبع حق البيت تعرفونها الي دوم نلبسها الي تكون زي الاسفنج من تحت
نزلت العنود وراحت تسوي الدب( الخلطه حق البطاطس ) وتجهز البيبسي والخرابيط الي بيقعدون عليها وهي في المطبخ الا تدخل عليها الهنوف
الهنوف : الله الله هذا الي ماراح تكشخ
العنود : بسم الله خرعتيني سلمي اول
الهنوف : السلام عليكم
العنود: بعد وشو ... الله عاد انتي الي مقصره
الهنوف: قومي زييين انا لابسه سبورت عادي
العنود: ادري اصلا انتي كل شي تلبسينه تحلينه والله ما الوم روميو فيج ..
الهنوف : اقول استحي على وجهج
العنود:ههههههه ما اقدر على المستحيه
الهنوف جاتها من وراها ونغزتها من خصرها : بيجي يوم وارتكب فيج جريمه
العنود: اااااااااااي وجع اصلا ما تقدرين
الهنوف : وليش ما اقدر
العنود: لانج تحبيني
الهنوف : في هاذي صدقتي
العنود: انزين لو سمحتي شيلي الصينيه وسبقيني للمجلس
الهنوف : اوكي
راحو المجلس شوي وجات سهى وقعدو يسولفون
ريم: السلاااااااااام
الكل: وعليكم السلام
وسلمت على البنات
العنود: تو الناس
ريم: عاد امون معليه سهى لبسي عادي تراج صرتي منا وفينا
سهى: هههههه عادي شدعوه
ريم: تصدقون ياني شفت موديل يهببببل في النت عجبني وبفصله حق عرس منى ان شاء الله
العنود: وانتي هذا حالتج وانا اقول وينها ما شرفت اثرج خامده على هالنت تدورين في الموديلات الي يشوف يقول انتي العروس
الهنوف : ريمو طلعي من الموديلات ترى حتى انا الى الان مالقيت دوريلي فديتج
ريم: تامرين امر ..
العنود: الهنوف شرايج نسوي زي بعض في عرس منى
الهنوف : والله فكره
سهى: بتلفتون الأنظار
العنود: ونااااسه تعالي سهى شرايج تجين
سهى : باسم ؟؟
العنود: صديقة بنت عم العروس
سهى : حلفي
الهنوف : أي والله صدق قولي لاهلج اذا وافقو تعالي انتي وامج بعد
سهى : لا خير فشله

العنود: عن السخافه
سهى : خلاص يصير خير
وقعدو يسولفون عن الموديلات والخرابيط ...
على الساعه 11 ونص دقت سهى على فيصل عشان يجي ياخذها
فيصل : وحظرتج ليش ما ترجعين بالسواق
سهى: ما تشوف الساعه كم
فيصل : ولي ما رجعتي بدري
سهى : والله القعده مع العنود والهنوف ما تنمل يلا عاد تجي والا اخلي العنود توصلني
فيصل الي ماكان يدري انها عند العنود: انتي عند العنود ؟؟
سهى وهي تبتسم :أي
فيصل : اوكي يلا انا جاي
سكرت سهى وهي تضحك
العنود شفيج
اسهى : يوم قلت له اني عندج قال انا جاي وسكر بدون ما يقول حتى مع السلامه
الهنوف : ههههههههه
العنود: يا حليله سلمي عليه واااجد فديته يذكرني بعمي سلمان

محمد وهو جاي في الطريق الا يتذكر فيصل الله من زمان عنه وياخذ الجوال ويدق عليه ..
فيصل كان واقف يستنى سهى عند الباب ويوم شاف رقم محمد استغرب نزل من السياره
فيصل : هلاااااااا والله بالقاطع
محمد: والله انت القاطع بعد يوم العيد ما سمعنا حشك وينك ما تنشاف
فيصل : والله مو جود بس تعرف جامعه وولاهي بالشغل مع ابوي يالله الحق
محمد: الله يعينك
ومحمد وقف عند باب البيت ونزل من السياره .. وصارو يسمعون أصوات بعض لفو وجيهم وكل واحد قام يضحك على الثاني سكرو الجوالات ولمو بعض
محمد: ههههه شمجيبك وشلون عرفت بيتنا
فيصل : جاي اخذ اختي
محمد: حركات والله وطلعو خواتنا صديقات ههههه يالله اقلط
فيصل : خلها مره ثانيه ان شاء الله
محمد: توصل لباب البيت ولا تدخل لا يافيصل ما يصير
دخل فيصل بعد حنه محمد عن خاطره ومحمد قا لللعنود ان فيصل دخل خل اخته تنتظر
طبعا البنات طارو من الفرحه ان اخوانهم علاقتهم بتصير قويه زيهم .. فيصل ما طول دخل ربع ساعه واستسمح من محمد عشان الوقت متاخر ووعده انه يجيه مره ثانيه ..
الهنوف قعدت شوي عقب طلعت ...


طلعت العنود فوق بدلت ملابسها وراحت قعدت في الصاله الي فوق وجات ريم وقعدت معها
ريم : تدرين العنود امي بكره بتروح البحرين
العنود: متى
ريم : الصباح ... حزري مع مين
العنود: مين ؟؟
ريم : مع منى ندى وخالتي خلود خالتي فاطمه
العنود لفت وجهه : حلفي
ريم : والله .. بس لا تحلمين ما في روحه
العنود: ليش ان شاء الله
ريم: قلت لامي قالت مافي احنا رايحين لشغل مب لعب ووناسه
العنود: أي شغل زيين للسوق بعد في غيره ... تعالي قومي جيبي الموديلات الي طلعتيهم
ريم : انزين
قامت ريم الا يجي محمد
محمد: السلام
العنود: هلا وعليكم السلام
محمد : عطيني الريموت
العنود رمت الريموت له ..الا تجي ريم
العنود: الله الله كل هذا
ريم: أي عاد عسى يعجبج شي .. انا طلعتهم عشان اذا رحنا عند جدي بوريهم البنات والي تبي تختار
العنود: هم قايلين لج
ريم : لا ما قالت لي الا الهنوف بس قلت مره وحده ودانوه بعد موصيتني
العنود: حموود
محمد: نعم
العنود: انا والهنوف بنسوي زي بعض في عرس منى
محمد: ووشو موديلكم
ريم: هههههه حركات تعرف بعد موديلات
محمد: اذا انتي واختج مقابليني شلون ما تبيني اعرف
العنود: هههه احنا قاعدين في كبدك تعاااال دريت ان امي بتروح بكره البحرين
محمد: لا ما دريت مع منو
العنود: مع خالتي خلود وفاطمه وبناتهم
محمد: وي اجل بكره البيت فاضي
ريم: لا تخاف قاعدين على قلبك ماراح نروح
محمد: غريييبه
العنود : انا اقعد بروح بيت جدي شقعدني هنا
محمد: أي العنود شلون بعد
قعدو يسولفون شوي وعقب كلن راح غرفته

رفعه وهي قاعده على سريرها تلعب بجوالها ومعاها بنت عمها جواهر
جواهر : اقول رفعوه لج خلق بكره تروحي للبحر
رفعه : أي احسن من قعدة البيت على الاقل نشوف في الرايحين والجايين
جواهر : هههههههه حلمي انج تتمشين العائله الكريمه كلها بتجي
رفعه : عليهم بالعافيه الله يخلي حمود والا مشعلوو فديتهم
لحظة سكوووت ...
جواهر :تتوقعين سامي يجي
رفعه الي كانت متوقعه : يجي والا ما يجي كيفه ... بعدين كم مره قلت لج هو مب كفو الواحد يحبه واحد صايع مايع ..
جواهر : حرام عليج رفعه لا تقولي كذا
رفعه : الحين هو يدري عنج
جواهر : لا
رفعه : شفتي ...أصلا اهو وين يدري وهو عايش مع هالصيع من وحده لوحده هالي ما يستحي مرتين وانا اشوفه وهو واقف بره يكلمهم سمعته باذني _ وتقلده _ يا بعد قلبي انا اذا ما حبيتج انتي منو احب
جواهر وعيونها مغرقه : كلهم كذا
رفعه : لا مو كلهم
وقعدو ساكتين جواهر تحب سامي جدها وجده اخوان انا شرحت لكم قبل ولو ترجعون للجزء الخامس تعرفون
بس هو صايع وراعي بنات والكل يعرفه وهي بعد تعرف هالشي بس حبته ...
رفعه وهي فاتحه عيونها ومنصدمه : جواااااااااااهر
جواهر : شفيج
رفعه : سلمانووووووووووو
جواهر : مين سلمانوووو بعد
رفعه : هاج اقرأي
خذت جواهر الجوال وقرأت الي مكتوب ( الفضول ذبحني ... اسفه على الي صار وصدقيني ما كنت أدري انج موجوده اااااااااسفه .. على فكره لا تخافين ما فتشت في جوالج هههه ..سلمان..)
جواهر وهي تطالع رفعه : حللللفي
رفعه : شحلف الجوال قدامج .. تصدقين ولا شفتها الا اليوم
جواهر : اما هذا سلمااان رهيييب
رفعه : يقول ما فتشت في جوالج وهو حافظ الرساله في الحافظات
جواهر: عادي شباب لازم هاللقافه ..أو الفضول على قوله ههههههه
رفعه : هههههههه

يوم الخميس ..
العنود قانت الساعه تسع الصباح قامت وقعدت على السرير وتمغطت : ااااااااه .. خل اكلم هنوف خذت الجوال لقت 4 مس كول من فيصل ورساله
وينو حبيبي ...
راح عني ولاجاني اه ياخوفي ينساني
وينو حبيبي..
طال عني غيابو متحمل غذابو اه يامبرد اعصاااااابو
وينو حبيبي ...

العنود: هههههههه أي غياب الله يغربل بليسك كلها يوم
الا يدق ...
العنود: هلااا
فيصل : صباح الفل والياسمين لاحلى ورد
العنود: هههههه صباح النور
فيصل: وينج يالنوامه كل هذا نوم
العنود: حرام عليك أمس ما نمت الا وحده
فيصل : عادي وانا ما نمت الا ثنتين دقيت عليج ما تردين
العنود: والله ما حسيت بعمري قعدت شوي ويا محمد واختي عقب رحت انام
فيصل : يا حليله محمد توه يدري اني اخو سهى
العنود: ومن وين بيعرف
فيصل : أي صح ... تعالي متى قمتي من النوم
العنود: توني حتى السرير ما بعد أقوم منه
فيصل : ياحليلج يالله قومي يالكسلانه وافطري وعيني خييير عقب ادق عليج
العنود : ان شاء الله
فيصل : يلاااا مع السلامه
العنود: سلاااام
قامت العنود ونست تكلم الهنوف دخلت الحمام وخذت لها دش وطلعت لبست عقب دقت على الهنوف بس ما ترد
نزلت تحت راحت للمطبخ وصبت لها كاس حليب وطلعت للصاله فتحت التلفزيون وقعدت تتفرج الا تدق عليها الهنوف
العنود: هلااا دبه
الهنوف : اهلين صباح الخير
العنود: صباح النور وينج ادق عليج ما تردين
الهنوف : خالتي موجوده
العنود : لا راحت مع امج البحرين ليش ما رحتي
الهنوف : اولا امي مارضت وقالت ماله داعي وثانيا يوم عرفت انج مابتروحين قلت خلاص مب لازم
العنود: احم احم ...أقول دقي على البيت
الهنوف : اوكي يلا
سكرت ودقت لها على البيت
العنود: الو
الهنوف : أي هلا .. ليش خليتيني ادق على البيت
العنود: خلاص اذني تطلب الرحمه بعدين البيت صوتج يصير اوضح
الهنوف : شقاعده تسوين
العنود : اطالع تلفزيون ..الله يالهنوف قاعده اطالع البحر من زمان عنه
الهنوف : الله البحر عندنا ولا نروح له واهل الرياض ياعمري ميتين عليه
العنود: شرايج نروح للبحر اليوم
الهنوف : مع منو
العنود: مع جدي وجدتي
الهنوف : تهقين يرضون ترى اليوم خميييس يعني زحمه مووووت
العنود: نقول لهم وش خسرانين
الهنوف : خلاص اوكي
سكرو من بعض ودقت العنود على بيت جدها وقال لجدتها ووافقت وقالت لها بتقول لجدها وبتشوف ...
قامت ريم وقالت لها العنود واستانست ...
الظهر جا عبدالله وابوه عبد العزيز من الشغل وتغدو مع البنات ومحمد على طاولة الطعام
عبد العزيز: والله الطاوله بدون ام عبدالله ما تسوى
العنود: أي والله
محمد: فديتها والله البيت كله مو حلو من دونها
ريم : يالله بعد رايحه تجهز عروسة ولدها _ وتطالع في عبد الله _
عبد الله : ما تقصر جعلها سالمه
الكل : امييين
العنود: يبى ترى بنروح اليوم البحر
محمد: مع منو ؟؟
ريم: قالت يبى مو محمد..
العنود: كلمت أمي فوزيه وقلت لها ووافقت
عبد العزيز: روحو استانسو مدامكم مع جدكم وجدتكم
محمد: عاد اليوم الكورنيش ما ينطاق من الزحمه
العنود: واحنا شدخلنا المهم نستانس
عبد العزيز : روح مع خواتك
العنود: أي والي يعافيك عشان تشوي لنا انت وعمي سلمان بعد جدي ما فيه حيل واحنا كلنا بنات
محمد وهو فاتح عيونه : وشو شايفتني حضرتج طباخ على غفله
العنود: هههههههه امزح بشويش على عيونك لا تطلع
وضحكو عليه كلهم
بعد الغدا طلع عبد العزيز وعبد الله يرتاحون
العنود دقت على بدور واتفقوا على كل شي كل وحده وش تجيب ودقت على الهنوف وقالت لها واتفقو انهم بعد المغرب يروحون ...
العنود قعدت شوي على النت عقب راحت لغرفتها ترتاح شوي ..
العصر قامو يجهزون الاغراض حق طلعة البحر ...
بعد المغرب كلن جاهز ومحمد خذ العنود وريم ومرو على الهنوف ونواف وراحو لبيت جدهم وعقب طلعو للبحر ...
بعد ما لقو مكان زين نزلو ونزلو الاغراض وقعدو وقامو يتقهوون
بعد العشا جا عبدالله وعبد العزيز وفرشو الرجال بساط بعيد شوي عن البنات وصار البنات في بساط والرجل مع الجده فوزيه في بساط ومحمد وسلمان يشوون ..
في نفس المكان بس في جهه ثانيه كانت موجوده رفعه وأهلها ..
رفعه: اقول جواهر شرايج نقوم نتمشى
جواهر : أي حلفي خل تشوفج جدتي وتذبحج
رفعه خذت جوالها ودقت على حمد
حمد: هلا والله
رفعه : اهلييين حمود طلبتك
حمد: هههههه على طول هاه امري
رفعه : ابي اتمشر
حمد: الممشى زحمه وكله شباب
رفعه : ادري عشان كذا دقيت عليك
حمد: وانا شبسوي اطردهم يعني
رفعه : هههه ياليت
حمد: والله لو الممشى حق ابوي ما سويتها
رفعه : انزيم ممكن تجي تتمشى معنا
حمد: انتي ومين
رفعه : جواهر
حمد: واخلي الشباب
رفعه : بس شوي ما نطول
حمد : اوكي يلا
سكرت رفعه وهي مستانسه يلا قومي جواهر قلت لج ما يرد لي طلب ..
جواهر : انزين يلا
مشاعل الي كانت جنبهم : على وين
رفعه : وانتي شدخلج <<رفعه ما تحبها ودوووم خناق معها >>
جواهر : بنروح نتمشى مع حمد

مشاعل : بجي معكم وقامت
أم رفعه : على وين يابنات
رفعه: بنروح نتمشى مع حمد
قامو البنات ورفعه في قلبها تسب مشاعل
قامو يتمشون رفعه وحمد قدام يسولفون ووراهم مشاعل وجواهر يسولفون
الا يجي ولد ويسلم على حمد
حمد: شخبارك
نواف : الحمد لله
حمد: ها جاي مع الاهل
نواف : أي
حمد: سلمان موجود وياكم
رفعه يوم سمعت اسم سلمان : وعنود وبدور جاو
نواف استغرب : أي كلهم جايين
رفعه : وينهم
نواف وهو ياشر على مكانهم : هنااااك
رفعه : انت اخو الهنوف
نواف : أي
رفعه : أي وانا اقول ..فيك شبهه منها .. انزين روح نادها والا نادي العنود وبدور
نواف : طيب
حمد : انتي روحي لهم مب تناديهم
رفعه : يلا انزين
حمد : يلا بعد عشان اسلم على سلماان
دانه وهي تطالع فالي يتمشون الا تلمح حمد ومعاه وحده جنبه وتنغز ريم
دانه : ريمووووووو شوفي هذا حمد
ريم: حلفي وينه
ريم : شوفيه الا جاي لنا ومعه بنت جنبه وثنتين وراه
ريم : أي والله
نواف : يابنات
الهنوف : نعم
نواف : في وحده تبيكم
رفعه : السلام عليكم
العنود: رفعووووو هلا والله وقامت تسلم عليها
قامو البنات وسلمو عليا هي وجواهر ومشاعل
رفعه : جايين بروحكم
العنود : لا مع جدتي بس راحت تتمشى مع ابوي وجدي
جواهر الا وين ندى ومنى
بدور: يلمون عليج في البحرين
جواهر: ياحليلهم العروستين
وقامو البنات يسولفون استثناء مشاعل الي كانت تطالع في سلمان طول الوقت
بدور: هاه مشاعل وين وصلتي ليش ما تسولفين
مشاعل : لا بس قاعد اسمعكم
سلمان الي كان متاكد من وجوود رفعه وكان يحاول يطلعها من البنات وكل شوي يرفع عيونه جهتهم رفعه كانت حاسه فيه وتضحك عليه لان عارفه انه يدورها ..
شوي الا جات فوزيه واول من قام وسلم عليها هي رفعه وقفت رفعه وبان طولها رفع سلمان عيونه وشافها وعرفها من عيونها وصوتها ...
جا حمد والبنات بيقومون بس فوزيه حلفت ما يقومون الا وهم متعشين معاهم والشباب حنو على حمد وقعد تحت اصرارهم بعد العشا الشباب راحو يتمشون
خفت الزحمه البنات يسولفون وجواهر كانت تطالع في الناس الرايحه والجايه وانتبهت لبنت كان شكلها ملفت متلثمه وعبايتها ضيقه مرت من قدامهم وريحة العطور تفوووح منها قعدت تراقبها وقفت البنت وكانت نظراتها لمكان معين لفت جواهر على المكان الي كانت تطالع فيه البنت وانصدمت ورجعت تطالع البنت وشافتها تتمشى صوب المكان الي تطالع فيه عقب البنت ركبت السياره مع الولد وراحواااااااااا
جواهر كانت منصدمه من الي تشوفه معقوله بكل وقاحه قدام الله وخلقه العبره خنقتها بس ما طلعت ولا دمعه وماكانت تبي الي حولها يحسون بس رفعه كانت حااسه فيها بس مو قادره تتكلم عشانها بعيده عنها ...

جاو الشباب حمد قال لسلمان ينادي البنات عشان يرجعون
سلمان راح لجهه البنات : يابدور
بدور: هلا
سلمان : ترى حمد بيمشي قولي لخواته
بدور: اوكي
عيون رفعه ومشاعل في هاللحظات كانت تطالعه واول ماطاحت عيونه بعيون مشاعل
سلمان يووووو هاذي شفيها تطالعني لوعت كبدي من اول ماجات وهي تراقبني
رفعه انتبهت له ولفت وجهها وشافت مشاعل تطالعه وسوت له حركه بعيونها
سلمان في قلبه صدق ما تستحي بنات اخر زمن بعد شنقول
بدور: رفعه
رفعه : لبيييه
سلمان يوم سمع صوتها لف عليها
بدور: اخوج يستناكم
رفعه وقفت: يلا هذا احنا قايمين سلمان طول الوقت يطالعها وهي ولا عبرته بنظره وهي تدري انه يراقبها بعيونه وفي قلبها : والله ما يستحي صدق انه راعي بنات
دانه كانت تطالع حمد وهو رايح
حمد لف وجهه على الشباب : يلااا نشوفكم على خييير ..وهي كانت واقفه لانها بتقوم تتمشى مع ريم
لف وجهه عليها وابتسم
حمد في قلبه : عاد هي والا مو هي الله يستر بس طول الوقت وانا ملاحظ نظراتها
دانه يوم ابتسم لها ماتت من الفرحه تشققت جرت ريم من يدها وقامت تتمشى معها
بدور راحت قعدت مع الرجال ويا امها ووياهم دلال ..الهنوف والعنود راحو يتمشون محمد كان يراقبهم من بعيد ...شوي الا العنود يجيها تلفون من فيصل وردت وراحت بعيد شوي الهنوف وقفت قدام البحر ومسكت الحدايد الي عليه غمضت عيونها محمد انتبه لها بروحها وقام ولااحد حس فيه وبعيد عن عيون الكل والكل مو منتبه جاها من وراها وسمعها تقول : أحبك والله أحبك يامحمد ...
محمد ابتسم ابتسامه ترد روح الميت وهو ميت من الونااااسه : واخيرا سمعتها منج
الهنوف شهقت : بسم الله
عيونها بعيون محمد
محمد: وأنا مو بس أحبج الا اموووووووووووووووووت فيج
الهنوف كان ودها الارض تنشق وتبلعها من كثر الحيا الي هي فيه حمدت ربها انها كانت ماسكه في السور الي قدام البحر والا كان رجولها ما شالتها
جات العنود : من وراااااااااااي
الهنوف: ........................
محمد: لا من قال الا قداااام الكل
العنود: يلا اعترفو شنو قلتو
محمد: وانتي شدخلج
العنود: انا صندوق البريد حقكم المراسل
الهنوف + محمد: هههههههههه
العنود: أي ضحكو شعليكم ياروميو وجولييت والا تدرون قيس وليلى احلى وتطالع محمد يامجنووون وتطالع الهنوف
العنود: اااااااااااااااااااااااااااااااه خلاص اتوب ما اقول شي
محمد: هههههههههههه ضحك من حركة الهنوف يوم قرصت العنود
الهنوف بصوت واطي : شغلي معاج بعدين
العنود: الله يعين
ورجعو ... شوي الا قامو وكلن راح لبيته

يوم رجعو كانو الحريم راجعين من البحرين جاو وسلمو عليهم كلن راح لغرفته ..
من جهه ثانيه كانت جواهر قاعه في غرفتها وتصيح دخلت عليها رفعه الي حاسه فيها
رفعه جاتها تركض : شفيج تصيحيين
جواهر وهي في حضن رفعه : شفته يارفعه شفته راكب مع وحده
رفعه الي كانت منتبهه للموقف الي صار وهو البنت المتبرجه الي مرت من قدامهم راحت وركبت في سيارة سامي
رفعه: كيفه الله لا يوفقه وياها ان شاء الله مايستاهل دموعج يالغاليه
جواهر وهي تشاهق من الصياح : أحبه يارفعه أحبه والله اني أحبه
رفعه وعيونها مغرقه على حال بنت عمها واختها وحبيبتها: مايستاهلج انتي الف واحد يتمناج ويتمنى حبج ..
رفعه حاولت تهدي جواهر لين نامت وعقب طلعت لكن وين تنام وقلبها مجروح من الي شافته بعد ماطلعت رفعه من غرفة جواهر بربع ساعه فتحت عيونها من الكوابيس الي شافتها قامت جواهر ودخلت الحمام وخذت لها دش وقعدت تقريبا ساعه في الحمام وهي تصيح تحت الماي عقب طلعت وصلت لها ركعتين وقعدت لين أذن الفجر وصلت وقعدت رايحه جايه على شباكها الي كان يطل على باب الشارع عل وعسى تشوفه ...
طلعت الشمس وهي واقفه عند الشباك لمحت سيارته ويوم شافتها وقفت ونزل منها فاضت دموعها مره ثانيه
قامت تصيح وبدون شعور ركضت ونزلت تحت حتى حجابها ما خذته ( هم اهلهم أصلهم كويتي من أيام الحرب جاو السعوديه هم وأهلهم عقب ما انتهت ورجعت الكويت الحبيبه لاهلها رجعو بعض عايلتهم للكويت والبعض بقى في السعوديه وكان من ضمنهم مريع وأخوه سلطان وكان من عاداتهم انهم يتحجبون من بعض بدون غطا )...
وصلت عند الباب ووقفت تستناه يدخل وعيونها منفخه وحمر من الصياح ودموعها تسيل على خدودها بهدوء يوم سمعت صوت الباب ينفتح خذت نفس عميق ... دخل سامي سكر الباب ولف وجهه وانصدم يوم شافها وقف مكانه ولا تحرك ظل يطالع فيها وهو متشوق لها ااااااااه ياجواهر كبرتي وحلويتي وكل ما تكبرين تحلوين عن أول شكثر انا مشتاق لج ....<<طبعا انتم مستغربين انه يقول هالكلام >>
وقفو الاثنين وكل واحد يطالع عيون الثاني جواهر تطالعه بنظرات حزن وعتاب ولوم وهو يطالعها بنظرات شوق ووله ...
قطعت جواهر السكوت الي بينهم : حرام عليك الي تسويه بعمرك والله حرااام هذا شكل واحد داخل بيته الساعه ست الصبح وياليته على شي يرفع الراس شي يخزي ويخلي العين تدمع شبيقولون الناس يوم يشوفونك داخل بعالوقت وبالشكل هذا ليش ياسامي تغيرت لييييش وش الي غيرك ما صرنا نشوفك كله بره البيت وماتجي الا وجه الفجر تذكرت الموقف الي اليوم شافته واشهقت وهي تصييييح وعيونها ماوقفت من الدموع ...
كنت صابره طول هالوقت واقول نزوه ومهما ينقال عنك من كلام أكذبهم وأصدق اوهامي بس بعد الي شفته اليوم _وشهقت شهقه قويه وغطت يدها بعيونها وقعدت على الارض ظهرها مسندته بالجدار وقامت تصيح ...
سامي واقف ولا نطق باي كلمه كسرت خاطره معقوله معقوله ياجواهر بعد هالسنين تطلعين تحبيني وانا الي كنت اموت على التراب الي تمشين عليه بعد ما صديتيني وجفيتيني تجيني برجولج...

قرب جنبها ونزل لها مسك يدها ووخرها عن وجهها قام يطالعها وعيونه غرقاااانه بالدموع ويمسح دموعها
سامي : شفتي الحال الي انا فيها بسبتج كل الي صار لي بسبتج انتي الي جفيتيني وصديتيني كنت كل ما احاول اتقرب منج رديتيني وسكرتي كل الابواب في وجهي 3 سنين وانا احاول وبدون فايده لين ما جرحتيني بذاك اليوم الي ما نساه يوم جيتج واعترفت لج بحبي قلتيلي انك بالنسبه لي ولد عمي واقدرك لا اكثر ولا اقل كانت كلمتج هاذي تطعن فيني زي السكين بعدها ما قدرت اشوف وجهج مره ثانيه وجرحج الىالان مابرى حاولت انساج طول هالسنين لكن ما قدرت كل يوم احس ان حبج يزيد في قلبي لهيت روحي بالبنات بالشباب والطلعه والروحه وياهم لكن الى الان حبج ينبض في قلبي بعدها بعد ما تركتج وحاولت اتجاهلج حسيت انج تتقربين لي كنت احس بنظراتج وهي تتابعني كنت احس فيج وانتي تطالعيني من الشباك وانا طالع وانا داخل بس كنت اسوي روحي ما ادري كنت ابيج تذوقين الي ذوقتيني اياه ابيج تعرفين حبج وش سوى فيني ...
جواهر تصيح من جهه وهو كانت عيونه تدمع من جهه .. مسكها من ذراعها ووقفها لفت جواهر وجهها وجات بتروح مسك يدها وهي معطيته ظهرها
سامي : أحبج ياجواهر
سحبت يدها وراحت وهي تركض لداخل البيت
سامي من جهه ثانيه كان فرحاااان ان بعد سنتين ونص شاف حبيبته جواهر ومو مصدق انها تحبه دخل البيت وهو حاس روحه تعبااااان ...
دخل البيت وخذ دش وانسدح على سريره وقام يفكر بجواهر لين ما غلبه النوم ..
كانت الجمعه اليوم في بيت مريع (هم اسبوع في بيت مريع واسبوع في بيت سلطان ) الكل كان متجمع باستثناء جواهر الي ماقامت الا متأخر لانها اصلا ما نامت الا الصباح ..اما سامي فمتعودين على عدم وجوده
توهم بيحطون الغدا الا يدخل سامي الكل استغرب لهم تقريبا اكثر من سنتين ما قعد معاهم ..
دخل وكانت عيونه تدور حبيبته من بين الكل : السلام عليكم
الكل: وعليكم السلام
رحبو فيه وخاصه الجدات والامهات وحتى الشباب ما خلوه وكانوا فرحانين بجيته ..شوي الا تنزل جواهر وكانت لابسه جلابيه حمرا مطرزه ولافه حجابها وحاطه كحل خفيف في عيونها
دخلت وسلمت على عمامها الكبار وعيون سامي شوي وتاكلها
نايف أخوه : بسك شوي وبتاكلها بعيونك
سامي لف لأخوه الي يعزه حيييل وهو الوحيد الي عارف بالي فيه : حرام عليك يالظالم اشتقتلها .
نايف وهو يشوف الشوق في عيون سامي :اكتفى بابتسامه بردت خاطر سامي
لفت جواهر على جهة الشباب كالعاده عل وعسى انها تشوفه موجود بينهم وكانت هالمره غير كل المرات شافته وابتسمت ورد لها الابتسامه وراحت لجهة الحريم وهي حاسه بالعيون الي تراقبها ..

في بيت الجد فهد الي كان الكل متجمع عنده على الغدا كالعاده كانت الامور طبيعيه

في الليل كانت دلال قاعده تكلم عاشق بلادي وهو كان اليوم معزم انه يقولها...
عاشق بلادي : دلال ابي اقولج شي بس ما تزعلين ولا تعصبين
دلال: قولي
عاشق بلادي: وعد انج ما تعصبين
دلال : أي وعد
عاشق بلادي: ووعد ما تسكرين المحادثه الا وانا مخلص كلامي
دلال استغربت : طيب
عاشق بلادي : دلال شوفي أنا كل يوم كان ودي أفاتحج بهالموضوع وكل مره أقول بعدين لين خلاص حسيت اني قاعد أقص عليج ...
دلال أنا مو لطيفه صديقتج انا واحد ولد مو بنت
دلال انصدمت من الي قرته قعدت تطالع في الشاشه وهي فاتحه عيونها ومو مصدقه ولد
عاشق بلادي : الوووووو ردي لا تسكتين
دلال كانت تحس روحها متشنجه ومو قادره ترفع يدها عشان تكتب حرف واحد ولد شلوووون انا كنت أقولها كل شي كل صغيره وكبيره على انها صديقتي وقانت تتذكر عشان كذا اذا قلت لها خلني اكمج بالمايك تتعذر تقول خربان ومره مو موجود بس لحظه شلون عرف ان صديقتي في لندن ويتكلم وكأنه موجود فيها
عاشق بلادي : دلال شوفي انا ما كذبت عليج انا أدرس في لندن واول ما كلمتج قلتيلي لطوووف وانا هذا اسمي فتكلمت معاج لانج انتي بديتي وفعدتي تسولفين ...
دلال: بس ليه ما قلت لي انك ولد .. ليييييييييش؟؟؟
عاشق بلادي : في البدايه ما هتميت عقب يوم صرت اكلمج كل يوم تقريبا عجبتني شخصيتج وارتحت لج وما بغيت اخسرج ...
دلال : بس ولو هذا يسمى استغلا وكذب
عاشق بلادي : صدقيني دلال اني مستحيل اضرج وبالعكس يوم عن الثاني تزداد غلاتج في قلبي ... دلال انا ما ابيج تحذفيني ولا اشوفج مره ثانيه بالعكس ابي نصير احسن من اول وتكلمي معي على اني صديقتج ..
دلال: يصير خير أنا بطلع الحين
عاشق بلادي: طيب اتمنى اني اشوفج اون لاين مره ثانيه صدقيني بنكون اصدقاء ومستحيل أضرج بشي انا ماراح أغصبج على شي انتي ما تبينه بس فكري والله والله اني ارتحت لج كثييير ودخلتي قلبي
دلال :اوكي يلا مع السلامه
عاشق بلادي : مع السلامه
سكرت دلال النت وراحت انسدحت على السرير وقامت تفكر بكل الي كانت تقوله لعاشق بلادي
وعاشق بلادي من جهه ثانيه كان يفكر بدلال وانه ما قدر يقولها انه ولد عمها لانه قالها انه ولد وكذا سوت شلون لو قالها ولد عمها ....

أتمنى يعجبكم الجزء ......

هذا هو الجزء الثالث عشر


دلال تمت أسبوع ما تدخل الماسنجر كانت تفتح الايميل بس وتلقى رسايل من عبد اللطيف يسأل عنها بس كانت ما ترد عليه ...
مابقى غير أسبوع وتبتدي الاختبارت الشهريه كانوا البنات يستعدون لها يذاكرون ..
يوم الخميس في الليل العنود دق جوالها ورفعت ..سمعت أغنية
فقدتك ياأعز النااس ..... فقدت الحب والطيبه
وانا من لي في هالدنيا ..... سواك انت لو طالت الغيبه
رحلت ومن بقى وياي .... يحس بضحكتي وبكاي
وحتى الجرح في بعدك ..... يغزيني وأهلي به

فيصل ونبرة صوته متغيره : قوه يالدبه
العنود وهي تمسح دموعها : يقويك ربي
فيصل : شخبارج؟
العنود: حمد لله بخير وانت ؟
فيصل : دامج بخير حتى انا بخير
العنود: شفيه صوتك متغير
فيصل:ولا شي بس الاغنيه أحبها وتذكني بالغاليه امي الله يرحمها
العنود: الله يرحمها ... ياربي عليه صوت حلوووو
فيصل: احم احم ادري
العنود: ههههه مب انت الجسمي انا اصلا متى سمعتك تغني عشان أقولك حلو والا لا ..
فيصل : تبيني أغني
العنود: يلا اطربنا بصوتك عاد حلووو؟؟
فيصل : اسمعي واحكمي
العنود: اوكي
فيصل : وش تبيني أغني
العنود: انا احب الجسمي وعيضه اختار
فيصل : اوكي عيضه والي بقولها ترى اهديها لج
العنود: اوكي يلا
فيصل بدى يغني :
تدري اني موت أحبك ..... وان مالي غير حبك
والي ينبض في ضلوعي ..... ماهو قلبي هذا قلبك
تدري يافرحي وهمي .....من كثر مانت بدمي
كل ما تنظرك عيني ..... عيني من عيني تسمي
تدري من عشقي لشوفك ..... ما تفارقني طيوفك
صرت في المرايا ..... ما ارى نفسي وأشوفك

اهدااااء الى الغاليه العنووود وسلامتج ههههه
العنود: الله يسلمك ههههههه صوتك يهبببل ايوه قمت تنافس عيضه
فيصل : شفتي شكلي بروح لسوبر ستار
العنود: ههههههه
فيصل : كان ابوي يوصلني لقبري على طول
العنود: هههههه وهو الصادق افلح في دراستك بالاول
فيصل : الله يعين على الاختبارات
العنود: يووو عاد انتم قبلنا
فيصل : أي احنا جامعه
العنود: يوووو والله بشتاق لك
فيصل : ليه
العنود: وان شاء الله تبيني اكلمك ايام الختبارات عز الله من الحين ابشرك اني راسبه
فيصل : ههههههه شدعوه بس اسألج شخبارج شلونج وش سويتي واسكر
العنود: لا لا لا حتى انت هالاسبوع ما اكلمك عشان اختباراتك
فيصل : لا ياعيوني اختبارج والا اختباري اصلا انا لو ما سمعت صوتج بزفت في الأختبار
العنود استحت : وانا شعلي
فيصل: افاااا تبيني ازفت
العنود: اذا كلمتك بتزفت
فيصل : لا ماراح ازفت
العنود: الا
فيصل : لا
العنود الا
فيصل : لا يعني لا .. بعدين انا ادرى بروحي
العنود: لا انا اعرفك اكثر من نفسك
فيصل : مدامج تعرفيني أكثر من نفسي يلا قولي لي من حبيبتي الا ما اقدر أصبر عليها يووووم
العنود سكتت:..........................
فيصل : يلا قولي شفيج سكتي
العنود: ما ادري
فيصل : شفتي ههههه
العنود : ااااااه لوانك قدامي كان عضيتك عضه وبردت خاطري
فيصل : عادي عشان كل ما اشوف العضه اتذكرج
العنود استحت : .....
فيصل : وانا بعد بعضج عشان ابرد حرتي فيج واخلي علامه كل ما شفتيها تتذكريني
العنود: حراااااام عليك انا بنت ما استحمل مو زيك ولد
فيصل : بنت ولد المهم ما تنسيني
العنود: لا تخاف مستحييل انساك _ العنود قالتها بدون شعور _
فيصل وهو فرحااان : حتى انا مستحييييييييييييل انساج
العنود ياربي انا شنو قلت حست قلبها يدق بقوه : ........
فيصل : تدرين العنود انتي غيرتي اشياااء واجد في حياتي
العنود: انا
فيصل : أي انتي .... غيرتيني وانا مو حاس بعمري
العنود: بس عسى للأحسن
فيصل : اكيييييد
العنود: اشوه

دلال واخيرا قررت تفتح الماسنجر واول ما دخلت لقت عاشق بلادي فتح معاها محادثه
عاشق بلادي : مراااااااااااااااااااااحب ... وينج والله اشتقت لج
دلال: هلا والله
عاشق بلادي : شخبارج
دلال : الحمد لله بخير ..وانت ..
عاشق بلادي : مادمي شفتج الحمد لله بخير
سكتووووو
عاشق : وينج
دلال : موجوده
عاشق : الى الان زعلاانه
دلال بعد تردد: لا
عاشق : الحمد لله
دلال : تدري ليش ؟؟
عاشق : ليش ؟؟
دلال : لانك صارحتني وما كذبت علي
عاشق : لانج غاليه عندي وما حبيت اخسرج وقلت اني اكون صريح وياج احسن
دلال : تسلم .. تعال شسمك ؟؟
عاشق : عبد اللطيف زي اسم ولد عمج
دلال : ههههههه تذكر
عاشق : كل شي كتبتيه انا اذكره ومستحييل انساه
دلال : تسلم وتمو يسولفون ..<<ودلال ولا خطر على بالها ولو واحد بالميه انه يكون عبد اللطيف ولد عمها.

مر الاسبوع وجات الأختبارات وكانت العنود ما تكلم فيصل بس ترسل له رساله وتطمنه على نتيجتها وهو كذالك كان محترم رايها وما يكلمها بس يرسل لها
دلال وعبد اللطيف كانو يتراسلون بالإيميل تفتحه وتقوله شنو سوت ونهايه الاسبوع يوم الاربعاء فتحت الماسنجر وكلمته ...
العنود في الويك اند كانت مسكره جوالها لانها متأكده ان فيصل بيدق بس كل ساعه تفتحه تشوف اذا جات رساله منه وزي ما توقعت العنود فيصل دق ولقاه مسكر ورسل لها ..
خلصو الاسبوعين والكل افتك وارتاح العنود أول مارجعت من المدرسه يوم الاربعاء وطبعا هي طايره من الوناسه انها خلصت والحمد لله مقدمه زين وعلى طول طلعت غرفتها عشان تشوف وش مكتوب في الورقه
فيصل رسل لها أمس في الليل انها تاخذ دفتر سهى حق الجغرافيا وتفتحه بتلقى فيه ورقه تاخذها ..
طبعا العنود قعدت طول اليوم في المدرسه وهي تتحقرص ولا خذت الدفتر الا الحصه الخيره لانها عارفه نفسها ماراح تصبر وهي ماتبي احد يشوفها وهي تقرأ الورقه وكانت تبي تقرأها على رواااقه ...
رجعت للبيت وهي مستانسه وطبعا الهنوف موصيتها اول ما ترجع تدق عليها وتقول لها شنو مكتوب
سلمت على امها وابوها
ساره: يلا العنود بدلي ملابسج ونزلي تغدي
العنود وهي على الدرج : يمىىىى عليكم بالعافيه ما ابي شبعااانه انا بطلع انااام وارتاااح
طلعت العنود ركض لغرفتها
عبد العزيز : الله يتمم عليج فرحتج ان شاء الله عقبال ما تتخرجين
ساره: امييين
العنود رمت شنطتها وعبايتها على السرير وخذت الورقه وفتحتها ولقت مكتوب فيها ...


صوتك أسرني وصرت بجد احتاااجه *** في كل لحظه أحسه ما يفارقني
في سكة الحب له دربه ومنهااااجه *** صرت أعشقه من كثر ما كان عاشقني
أموت في جرأته وأموت باحراجه *** لك صوت والله ما غيره يروقني
مثل البحر كان أحلى مابه أموااجه *** صوتك بحبك وباشراقك مغرقني
متى اسمعه او في يوم نتواجه *** حين ان صوتك لشوفاتك يشوقني
لو كان للحب حاكم ألبسك تاجه *** وأحوطك فيه كأنه محاوطني
وقبل النهايه طلبتك بس حاااجه *** ياليت هالصوت ليله ما يفارقني

العنود خذت نفس عميييييق ورمت نفسها على السرير وصرخت في أعماقها : فديييييييته

غمضت عيونها للحظات والا يدق جوالها طلعت الهنوف عطتها الموجز بالتفصيل الممل عقب راحت وخذت لها دش وطلعت لبست والابتسامه ولا فارقت وجهها خذت الجوال وقعدت فوق السرير ..
العنود: أدق والا لا ... الا بدق ... وهي قاعده تفكر الا يدق جوالها
العنود: ...............
فيصل: مساء الخير والاحساس والطيبه ...... مساء ما يليق الا بأحبابه
العنود: مساء النور
فيصل : اهلييييين شخبارج يالدبه
العنود: بخير الحمد لله وانت شخبارك
فيصل : الحمد لله تمام ... الله والله اني مشتاق لج اسبوعين يالظالمه
العنود: ههههههههه احسن
فيصل : ههههههه تعالي قرأتي الورقه
العنود: ايه قرأتها ومشكووووور
فيصل : العفوووو بس شفتي شلون ما اقدر افارق صوتج
العنود : ههههههههه أي شفت
وقعدو يسولفون لين العصر << هذا الي تعبانه وبتروح تنام
مر الاسبوع وطلعت نتايج البنات وكانو مستانسين فيها الحمد لله نتايجهم طلعت حلوه ...

عبدالله وهو يكلم ندى ...
عبدالله: طيب شرايج نروح انا وانتي بسيارتي
ندى: والباقي ..
عبدالله : الله يحفظهم بسياراتهم
ندى: ههههههه
عبدالله : لاجد ندى شرايج
ندى: عادي بس مو كانه فشله
عبدالله: لا والله فشله وانتي مع زوجك
ندى قلبها دق يوم قال زوجك:..........
عبدالله شفيج سكتي
ندى: لا ولا شي خلاص الي يعجبك

تتوقعون عن شنو يتكلمون....
العائله الكريمه بيسافرون للكويت كلهم اليوم االاثنين وكانوا بيطلعون من الاربعاء الصباح وطبعا البنات متشققن لان راح يغيبون من المدرسه وهذا اكثر شي عاجبهم في السالفه كلها ..

تعاااالو انا ما سولفت لكم عن منى وفارس ...
فارس الي كان ساكن في الجبيل ويشتغل في احدى الشركات الي هناك كان تقريبا كل اسبوع او كل اسبوعين ينزل الخبر عشان اهله .. اما منى الي كانت ساحتره بطيبة قلبها واسلوبها الي اكثر من رااائع فكان تقريبا كل يوم يكلمها وكانت تقومه للدوام تدق عليه بالجوال عشان يصحى ومنى كذالك ارتاحت لفارس الي حست انه راح يعوضها عن كل الحنان الي هي فقدته ...

يوم الثلاثاء في الليل الكل كان مجهز اغراااضه حق السفر ومستعد على اساس انهم الصباح الساعه ست يتحكرون...
الساعة ست الصباح الكل كان محرك في سيارته ماعدا عبدالرحمن وعبد العزيز لانهم ما حبوا انهم يتكون الشغل بس بعد الحنه والزنه لان حتى الجد فهد بيروح قالو انهم راح يجون من بكرا الخميس عشان الشغل ما يقعد كذا بدون احد ونواف مابغى يروح لان يقول زهق ما ينلام بيقد بروحه ما في احد بسنه فراح بيت عمته منيره مع نصوور وحتى نوره راحت معهم بس فهد ماراح كان الجو حلووو وخاصه في سيارة محمد لا سيما وان دحوووم فيها ...
بعد ما طلعو من الخبر بنص ساعه تقريبا وقفو عند محطه أكثر واحد كان مستانس عبدالله لان راح تركب ندى معه .. وقفو ونزلو ياخذون الي يبونه من البقاله وعبوا بانزين فاطمه وبناتها كانو مع ساره وبناتها

يعني الي يسوق محمد عبدالله كانت معه جدته وطبعا قالها الي كان في وده وهي ما قصرت قامت بالمهمه ..
راحت الجده لفاطمه وقالت لها خلي ندى تروح تركب مع عبدالله ندى كانت موجوده
ندى: نعم
فوزيه: الله ينعم عليج روحي ركبي مع زوجك يبيج
ندى الي ماتت من الحيا وتقول في قلبها سويتها ياعبدالله اوريك
طبعا ما احد رفض لانها زوجته نزلت ندى من السياره ويوم راحت بتركب فتحت الباب الي ورى
فوزيه: وين بتقعدين قعدي قدام
ندى: لا جدتي وانتي
فوزيه: انابروح اركب مع ولدي سلمان
ندى انصدمت : لا جده والي يعافيج قعدي معي
عبدالله وده يذبحها
فوزيه: وشو عبدالله زوجك ماراح ياكلج
ندى حاولت بس هههههه مافي امل ركبت قدام وعبدالله مابعد ركب فوزيه راحت لسيارة سلمان ولدها وطبعا دانوه لقتها فرصه وراحت عند ريم في سيارة محمد ..
اوكي الحين سلمان مع ابوه وامه وبدور ومنى ودلال وخلود وشهوده
ومحمد مع امه وخالته وخواته الثنتين والهنوف ودانه
وعبدالله مع حبيبته وزوجته ندى
اوكي خذو كل الي يبونه وتحركو..
ركب عبدالله وندى قلبها يطق لان هاذي اول مره تقعد معه بروحها بعد يوم الملكه ولا بعد طول الطريق بروحهم ..
عبد الله : السلام عليكم
ندى: وعليكم السلام
عبدالله: شخبارج
ندى: الحمد لله
عبدالله: شرايج بالمفاجأه
ندى وعيونها بعيونه وتقولها بطناز: تهبببببببببببببل
عبدالله: ههههههههههه
عبدالله قعد يسولف ويضحك وهو مستانس اما ندى فكانت قاعده تسمعه وطبعا متجاوبه معه وتطالع في ضحكته واسلوبه وهو يسولف وكل يوم عن الثاني تكتشف في عبدالله اشياااء كثيره ما كانت متوقعتها تكون فيه ..
عبدالله الي انتبه لسكوتها: ندووووش شفيج ما تتكلمين
ندى: هاه لا بس قاعده اسمعك
رجع السكوت ندى حست بالعطش خذت الكيس الي كان مليان خرااابيط بس ما كانت مشتهيه تاكل
عبدالله: تبين شي
ندى: ماي
عبدالله : في الكيسه الثانيه
ندى خذت الكيسه وطلعت لها قرشه ماي وقامت تشرب
عبدالله: هنا وعافيه
ندى: الله يعافيك
عبدالله وهو يبتسم بخبث : ابي ماي
ندى: ان شاء الله حطت قرشتها وخذت الكيس عشا تطلع قرشه ثانيه وتوها بتفتحها له
عبدالله: لاااا
ندى: شفيك
عبدالله: ابي من الي شربتي منها أحلى
ندى تطالعه ونظرات عيونها تعني احلللف: كله ماي
عبدالله: أي بس هذا _ وياشر على قرشتها_ في سكر اكثر
ندى مبتسمه بس طبعا مو مبين لان الغطا على وجهها وعطته قرشتها
عبدالله لو احنا مو في السياره كان خليتج تشربيني بس يالله مره ثانيه
ندى: لا والله
عبدالله: ههههههه أي والله
رجع السكوت بينما الهبال في السيارت الثانيه قايم والسوالف والضحك ..
عبدالله كان مايل للباب رجع وتكى على جهة ندى وصارت ذراعهم جنب بعض ندى استحت وتوها بتشيل يدها الا يمسكها عبدالله
ندى قلبها قام يدق اقوى واقوى
عبدالله وهو يطالع قدام للطريق: شفيج بتوخرين يدج
ندى: لابس ما حبيت اضايقك
عبدالله طالعها بنظره وهو وده يذبحها: تضايقيني انا بذبحج على هالكلام ..
ندى: افااااااااا تذبحني
عبدالله: ههههه أي بذبحج وبدخلج داخل قلبي واقول خلاص ندى بح راحت ..
ندى: هههههههه
عبدالله:" فديت الضحكه ... تنقطع يدى اذا انا اذبحج أصلا انا ما ارضى احد يلمس شعره من شعراتج تبيني اذبحج كان استجن ..
ندى: اسم الله عليك
عبدالله: الله الله تخافين علي
ندى: شرايك يعني اذا ما اخاف عليك اخاف على منو
عبدالله شبك يده بيد ندى _ يعني اصابعهم صارت متداخله في بعض_ رفع يدها وباسها : الله يخليج لي يااارب ولا يحرمني منج
ندى الي ماتت من الحيا : ولا يحرمني اياك ان شاء الله
بعد مرور الساعات وصلو بس ماحسو بطول الطريق مع السوالف والضحك ....
وقفو عند الجمارك وطابقو وكل شي وصلو الكويت راحو لشقتهم
ندى قبل لا تسكر باب السياره يوم نزلت ناداها عبدالله : ندىىىىىىى
ندى : هلا
عبدالله وهو يضحك: أحبج وغمز لها
ندى في قلبها وانا بعد بس طبعا ما قالتها قالت: حبتك العافيه
سكرت الباب عبدالله كان يتمنى يسمعها منها بس....؟؟؟

نزل الكل للشقه وارتاحو وتغدوا وعينوا خير والعصر بدو يتسوقون...
طبعا الكل مستانس وخاااصه الجده لان لها فتره ما جات للكويت وهي تحبها حتى الجد فهد كان اول دوووم يجي للكويت لان عنده معارف هناك ...
الحريم راحو للسوق اما الجد والجده فراحو يزورن معارفهم
اليوم الي بعده قامو البنات والحريم من الصباح وراحو لسوق شرق يتسوقون بس الجده ماراحت قعدت مع دحومي لانها ماتبي تروح مجمعات تبي تروح سوق عادي<عاد تعرفون الجدات>> ... ويوم رجعو لقو عبد الرحمن وعبد العزيز موجودين قعدو مع بعض الحريم في جهه والرجال في جهه وسوالف وضحك والكل مستانس ..
العصر راحوا السوق المفتوح عشان الجده وطبعا استانست على الجلابيات والخرابيط الموجوده
العنود وهم في السوق : امي فوزيه شرايج بالجلابيه هاذي خاطري اشتريها لام فواز
فوزيه: ام فواز ما غيرها جارتي
العنود: ايه في غيرها
فوزيه: انا شرتلها لا توصين حريص
العنود: هههههه أي بس معليه بشتريها وعطيها اياها قولي لها من العنود
الهنوف تهمس للعنود : وييي عز الله بتخطبج لولدها
العنود: ههههههه والله تسويها
المهم تسوقو الحريم خذولهم الجلابيات الي كل وحده احلى من الثانيه ... وحتى البنات ..
طبعا ما قضو طول الوقت في السوق طلعو يتمشون ويحوسون في الكويت
رجعو للخبر الجمعه في الليل طبعا كانوا تعبانين وهلكانين دخلو البيت رتبو الاغراض عقب كلن دخل غرفته يرتاااح وينام لان بكره دوااامات ..

دلال توها بتنسدح وتغمض عيونها تذكرت موعدها مع عبد اللطيف
راحت وفتحت النت ولقته موجود
دلال: السموووووووحه ادري تاخرت عليك
عبداللطيف: لاعااااااادي
عبد اللطيف: حمد لله على السلامه
دلال : الله يسلمك
تمو يسولفون نص ساعه وسكرت لانها كانت تعبانه
العنود انسدحت على سريرها وفيها النوم ودها تدق على فيصل تسلم بس كانت تعبااانه بس خذت جوالها ورسلت لفيصل
أسأل عليك الليل وأقول وينك...وروحي وعيني يالغلا يسألونك... مرسال حب الأمس بيني وبينك.. والشوق ياخذني لمرسى عيونك.. أنت الوفي لان الوفى في يمينك.. ومن عادة الوافي أبد ما يخونك..
على طول فيصل دق
فيصل: الحمدلله على السلامه
العنود: الله يسلمك
فيصل: شخبارج
العنود: بخير الحمد لله ..انت شخبارك
فيصل: والله بخير بس واحشتني سواليفج
العنود: ههه وانا اكثر والله شخبار سهى
فيصل : الحمد لله زينه
العنود: والله اشتقت لها علمي فيها من يوم الثلاثاء
فيصل بحنيه: واخو سهى ما اشتقتيله
العنود: هههههه الا حتى اخوها
فيصل: اشوه بعد على بالي
العنود: ههههههههه
فيصل : اموووت انا في الضحكه ...
العنود ياويل حالي :.تموت عشان ضحكه
فيصل: أي هاذي ضحكة العنود
العنود: تسلم
فيصل : اوكي دبه اخليج ترتاحين أنا بس حبيت اسلم عليج واسال عنج شكلج تعبانه
العنود: سالت عنك العافيه .. أي والله احس اني دااايخه
فيصل : يلا تصبحين على خيير
العنود: وانتي من اهله
فيصل : تعاااالي
العنود: وشووووووووو
فيصل: ابس بوسه
العنود: ههههههه صدق ما عنك سالفه يلا مع السلامه
فيصل: مع السلامه ..
سكر فيصل وهو يضحك والعنود بعد كانت تضحك على هبال فيصل الي يوم عن الثاني ومكانته تكبر في قلبها ..
ورسل لها ..
لا تسألني وش كثر حبي يكون.. حبي ترى ما هو من اوصاف الغرام ..حبي لو تدري ياعمري جنون.. ماينوصف ما ينكتب مثل الكلام.. حب بناه الحب والقلب والعيون.. همسة غرام وخفقة القلب أنغام
قرت العنود الرساله وابتسمت وغمضت عيونها ونااااااامت
الساعه 7 وربع الصباح ..
في المدرسه ..
سهى: اقول الهنوف شفيها العنود تاخرت لا يكون بتغيب
الهنوف: لا ما اتوقع توها غايبه الاربعاء بس تلقينها قايمه متاخر
الا العنود تدخل: السلام عليكم
الكل: وعليكم السلام
الابله: ها العنود ليش متأخره
العنود والابتسامه شاقه وجهها : ابله ما قمت الا متاخر وهاذي ورقه من الاداره
الابله : طيب تفضلي
العنود راحت قعدت مكانها وطبعا البنات الي تغمز لها والي تاشر والي تقول نورتي ومن هالكلام لان العنود هي الي مسويه جو في الفصل واذا غابت تروح الوناسه والهبال والفرفشه معاها
سهى: تو الناس كان تاخرتي بعد
العنود: هههههه زين بعد لحقت على الحصه بالموت قمت
الهنوف: متى نمتي؟؟
العنود: اممم على الوحده
الهنوف: وفيج حيل بعد هالسفر ما تنامين ماشاء الله عليج
العنود: والله كنت دايخه بس قعدت ارتب اغراضي مالي خلق اجي والشنطه حوسه
سهى: يااعيني على الترتيب
العنود: افااا عليج وحشتيني يالزفته
سهى: والله انا اكثر ااربعاء لا انتي ولا الهنوف لاعت كبدي
الأبله: انتو يالثلاثي المرح بسكم كلااام
العنود: ان شاء الله استاذه بس تعرفين الاربعاء غايبه ...
الابله خزت العنود ..
الهنوف: وجعووو ما تنعطى وجه
العنود: سكتي لا تسمعج
سهى: اشششششششش

مرت الايام طبيعيه على الكل
يوم من الايام وكان محمد خلاااص مصر انه يفتح الموضوع مع جدته .. هو كان عارف ان سلمان مو في البيت .. وراح لهم
محمد: السلام عليكم
الكل: وعليكم السلام
بدور: هلا والله بمحمد شخبارك
محمد: الحمد لله انتي شخبارج
بدور: بخيير
محمد: امي فوزيه موجوده
بدور: ايه موجوده في الصاله تفضل
بدور حست ان محمد يبي شي او بيكلم امها في موضوع لان جيته مو على العاده حتى سلمان مو معه فما قعدت معهم ..
دخل سلمان على جدته وقعد يسولف ويتقهوى معاها عقب فتح معها الموضع
محمد: اقول يالحنونه
فوزيه: امر
محمد:ما يامر عليج عدو بس بغيت اكلمج في موضوع بخصوص سلمان
فوزيه: شفيه سلمان
محمد: ما فيه الا العافيه بس ماودج تشوفين عياله
فوزيه: الا مقطوع قلبي عليهم بس هو راضي
محمد: اسم الله على قلبج واذا قلت لج أي راضي
فوزيه : محمد انت تتكلم من صجك
محمد: ايه يا امي شرايج تخطبين لسلمان
فوزيه: وليش ما جا يقول والله كان اخطبله اليوم قبل بكره والف من تتمنى سلمان
محمد: شوفي يمى سلمان فاتحني بالموضوع وهو قالي انه بيقولج بس يبي يلاقي الوقت المناسب فشراايج تخطبينله ونسويها مفاجأه له
فوزيه طبعا فرحااانه : والله خوش فكره يابعد عمري ياسلمان
محمد في قلبه الله يستر من ردة فعلك يا سلماان والله خوفي تعصب وتقلب الدنيا فوق راسي بس هذا الحل الوحييد عشان تبطل مصخرتك ..
محمد اتفق مع جدته انه السالفه ما تطلع لسلمان ويبونها له مفاجأه ...
فوزيه العروس كانت حاطتها في بالها من زمااان وكانت تتمنى انها ما تروح عشان اول ما يقولها سلمان انه بيتزوج تخطبها له ...
اوكي محمد الحين بدا في المهمه الي كان يفكر فيها من زماان .. كان خايف من ردة فعل سلمان بس الله يعيين

من جهه ثانيه سامي كان راجع من عند صديقه الغااالي والعزييز عليه زياد وكان مررره متضايق وشايل الدنيا على راسه من الخبر الي سمعه ...
دخل البيت وراح قعد عند البركه وهو يفكر ...
جواهر خذت لها علبتين ببسي وبطاطس ليز كبير وطلعت بره عشان بتقعد هي ورفعه عند البركه ..
كان النور مسكر وما توقعت ان احد موجود وجايه وهي تغني اغنيه راشد وعبد المجيد ..
ياصاحبي وشفيك قاعد لحالك ...... وليش انت متغير ومشغول بالك
صارحني قاسمني عناك وهمومك .... ما اطيق اشوفك متعب الهم حالك
حطت الاغراض فوق الطاوله وتوها بتروح تفتح النور الا...
وش دراج ان الهم متعب حالي
جواهر صرخت
سامي: اششششش
جواهر لفت وجهها عليه : سامي
سامي: ايه سامي
توها بتروح تفتح النور الا جاها ومسكها من يدها قلبها قام يدق وهي خاااايفه
جواهر: ابي افتح النور لا يجي احد ويشوفنا
سامي: ويعني
جواهر: سامي لو سمحت
سامي: تصدقين ودي اخذج بعييييد عن الدنيا كلها واهاجر فيج ما ابي ولا احد ويانا ابي انسى كل همومي والي معور قلبي
جواهر حست بالغصه : اسم الله على قلبك
سامي خذ نفس عميييق : جواهر تاكدي ان مهما صارلي راح أضل أحبج ومستحيييل احب غيرج وسامحيني على كل الي سويته فيج ترك يدها وتوه بيطلع الا راحت تركض فتحت النور ونادته
سامي لف وجهه والشحوب كان مالي عيوونه ومبين ان هموم الدنيا كلها عليه ..
جواهر يوم شافته بالشكل هذا غرقت عيونها : سامي فيك شي
سامي ابتسم لها : هو بس شي
جواهر: طيب قولي يمكن اقدر اساعدك
سامي : يا بعد عمري انتي لا تحاتين ان شاء الله كل خيير بس ادعيلي

سامي ابتسم وطلع ...وهو طالع الا رفعه قدامه سلمت عليه ورد السلام وسالت عن احواله ودخلت
رفعه: الله الله حبيب القلب عندج
جواهر لفت وعيونها مغرقه
رفعه وهي متخرعه : شفييييج
جواهر قعدت : ما ادري احس ان سامي فيه شي
رفعه: ما فيه الا العافيه
جواهر: شفتيه جواهر : هزت راسها بالإيجاب
وهو طالع
رفعه: أي
جواهر: بذمتج هذا ما فيه الا العافيه
رفعه: ........هو قالج شي
جواهر : أي..... _ وقالت لها ..

ما بقى على الإختبارات النهائيه الا 3 أسابيع ..
الاسبوع الجاي هو حفل التخرج حق العنود والهنوف في مدرستهم وكانو مشتطين وخايفين ..
حتى دلال كان حفل تخرجها في نفس الاسبوع بس قبل العنود والهنوف بيومين ..
في نفس الاسبوع دقت فوزيه على اهل البنت الي بتخطبها لسلمان وردو لها الخبر بس باقي يروح سلمان ويشوف عروسته وتصير الخطبه رسميه الكل كان يدري الا سلمان طبعا الكل مستانس ان سلمانو بيتزوج الا محمد الي كان خايف من ردة الفعل ..
اليوم الاثنين هو حفل تخرج دلال الي حضره امها وجدتها ..وكانت مرره فرحاانه ومستانسه حتى كرموها لانها من المتفوقات وهي الطالبه المثاليه رجعت وهي مستانسه والكل فرح لها وكانو مسوين لها البنات حفله صغيرونه يعني كيكه وخرابييط والهنوف والعنود كلموها وباركو لها ...
بكره الثلاثاء بيروحون يخطبون لسلمان وهو الى الان ما يدري عن شي وكانو متفقين مع محمد يقوله ..
يوم الثلاثاء في الجامعه كانو قاعدين يتقهوون هو ومحمد ....
سلمان كان مستانس ويستهبل محمد خاايف ومبين عليه
سلمان: يااهووو انت شفيك هاليومين مو عاجبني ..
محمد: ولا شي
سلماان: مو علينا قول شفيك
محمد يطالع سلمان بقول وعلى الله هنا قدام الناس ماراح يسوي شي : بقولك بس لا تعصب
سلمان : الله يستر مدام فيها لا تعصب
محمد: وعد ما تزعل ..
سلمان : وعد .. وانا اقدر
محمد: طيب قوم معي في السياره بقولك
سلمان: والمحاضره
محمد: الشباب يقولون ان الدكتور غايب
سلمان: ابركها من ساعه يالله مشينا
محمد خذ سلمان وراح معه للكورنيش وهم في السياره
سلمان: يالله ياخي ذليتنا متى بتقول
محمد: سلمان امي فوزيه خطبت لك واليوم بتروحون تشوفون البنت
سلمان: ههههههههههههه يالله عاد تبي تلعب بأعصابي قول
محمدوعلامات الجد في وجهه: سلمان قاعد اتكلم معك من جد
سلمان: لا عم
محمد لف عليه: سلمان والله العظيم ويطالع في عيونه أنا ما قاعد امزح معاك
سلمان حس ان جسمه تشنج لان محمد حلف وما يحلف الا اذا كانت السالفه جد ..
سلمان بهدوء حتى محمد ابد ما كان متوقعه : من قالها تخطب لي
محمد: انا
سلمان : ليه؟؟
محمد: لمصلحتك
سلمان: منو قالك تدور على مصلحتي .. أنا طلبت منك
محمد: لا بس انا ما سويت كذا الا لمصلحتك
سلمان لف على محمد:محمد اذا تبي مصلحتي من جد كان ما سويت كذا
محمد: ......................
سلمان: محمد انت من جدك خليت امي تخطب لي وانا اخر من يعلم جايني نفس اليوم وتقولي ... منو الي بيتزوج انا والا امي
سلمان الى الان كان ماسك نفسه : بذمتك انت تشوفني حق زواج انا وجه تحمل مسؤليه تبيني اظلم بنت الناس معي ..طيب على الاقل قلت لي قبل ماتخطبون مو كذاااا
محمد: ....................
سلمان: شفيك ساكت ما تتكلم لوانا سويتها فيك بترضى شنو راح يكون ردة فعلك هاااااااااااااه ماترد _ وهو يصارخ_
محمد يمكن كان مكبر الموضوع بزياده هو خاف انه ينحرف مع البنات الي هو معهم لانه كان عارف عمه زييين ... بس مهما يكون الشيطان حي وما مات ..وهو ما سوى كذا الا يوم شاف سلمان تمادى ...
سلمان : زوااااج ماراح اتزوج ورح قول للبنت انك انت الي بتتزوجها...
محمد: سلمان انت..
سلمان قاطعه: وديني لعند سيارتي بسرعه
محمد: ترى اليوم بيروحون يخطبونها
سلمان: وانا شعلي تحمل نتايج غلطتك روح انت الي شوفها
محمد الحين توهق هو عارف ان سلمااان مستحيييل يتراجع عن رايه زين منه انه ما صرخ وسوى لها دوشه بين الاهل
وهم في طريقهم لمكان السياره
سلمان : محمد انت ليش سويت كذا
محمد قام يتكلم مع سلمان ويفهمه ليش
بعد ما وصله لسيارته وسلمان طول الطريق وهو يفكر في الموضوع وشلون ينقذ روحه من الورطه الي حطها فيه محمد
في المدرسه على نهاية الدوام كانت العنود وسهى وأسيل واقفين بره يستنون سياراتهم وريم كانت واقفه بعيد عنهم مع وحده من صديقاتها.. سهى جاها فيصل وراحت
بقت العنود وأسيل وهي من ذاك اليوم الي شافتها بالرياض وهي مو طايقتها
العنود في قلبها : الله يعين
أسيل: اقول العنود
العنود: هلا
اسيل: تعرفين فيصل اخو سهى
العنود عارفه تعليقات اسيل ومتعوده عليها وتقول في قلبها حلو درينا: شفييه
اسيل: تعرفين نهى
العنود: تعرفين فيصل تعرفين نهى شنو شايفتني
اسيل : يمه كلتينا انا ما قلت شي
العنود: انزين أي نهى
اسيل : نهى ما غيرها ال في ثالث 5
العنود : ايه شفيها
اسيل : تقول انها تعرف فيصل وتكلمه
العنود قلبها انقبض يوم سمعت هالكلام بس سوت روحها مو مهتمه : فيصل أخو سهى
اسيل: ايه اخوها
العنود: عادي شباب يجي منهم اكثر
اسيل : لا والمشكله تحبه
العنود لا شعوري : وهو يحبها
اسيل: ما ادري بس ما اتوقع تقولي انه يقولها يحب وحده ثانيه
العنود: اجل ليش تكلمه وقاطه روحها عليه
اسيل : وانا شدراني لا والمشكله قايل لها ان اسمها العنود وانها ويانا في المدرسه ...
العنود عصبت بس حاولت انها ما تبين حق اسيل : والله انه قليل الادب وقوي عين بعد
اسيل : غريبه سهى ما تقولج
العنود: وسهى وش دخلها ؟؟
اسيل: اخوها .. تعالي العنود لا يكون انتي
العنود: وه اسم الله علي فال الله ولا فالج هذا الي ناقص بعد لا ياعمري انا لا اعرفه ولا عمري شفته اللهم اذا جا ياخذ سهى من المدرسه بس ..
اسيل: يمى كلتينا انزين احنا ما قلنا شي
العنود : اوكي سيارتي جت يالله مع السلامه
اسيل : مع السلامه
العنود ركبت السياره وهي تفكر بالي قالته لأسيل وشلون اندفعت بوجهها يوم قالت لها انها يمكن انتي ..
الحين انا مو الي قاعده اسويه غلط وعارفه انه غلط ومستمره عليه بعد واكبر دليل اني عصبت يوم قالت لي اسيل وهالزفت لايكون قايل لها اني انا الي يكلمها العنود حست بالغصه وتحسفت قد شعر راسها على الي سوته ..
وصلت العنود بيتهم وطلعت فوق وقالت لامها انها ما مشتهيه تتغدى وطلعت غرفتها وهي متضااايقه من الي سمعته ...

سلمان دخل للبيت والجده كان عندها خبر من محمد انه قال لسلمان.
اول ما ادخل كان الظهر قريب للعصر البيت كان هادي ومافيه الا هي تستناه
اول مادخل نادته راح سلم عليها وحب راسها
فوزيه: انا خبري الي بيخطبون له يستانس مايزعل
سلمان بطناز: المفاجأه مأثره علي
فوزيه تحسبه يتكلم جد: يالله انك تطول بعمري واشوفك معرس واشيل عيالك يارب
سلمان حز في خاطره وهو يشوف امه تدعي يابعد عمر يايمى بس والله ماني مستعد اني اتزوج في قلبه يقول كذا
سلمان: الله يعطيج طولة العمر يمى لا تقولين كذا
فوزيه: خلاص تجهز ان شاء الله اليوم بتروح تشوفها وانا متاكده انها بتعجبك
سلمان حب راس امه وابتسم وطلع فوق لغرفته وانسدح على السرير وهو مو عارف وش يسوي ماقدر ينام راح صلى العصر ورجع وهو مو عارف شيسوي قاعد طول الوقت في غرفته دخلت عليه بدور وبارت له وهي اكثر وحده كانت مستانسه له ..سلمان حاول انه ياخذ الموضوع من الناحيه الايجابيه بس مو قادر يحس روحه مو قد المسؤليه ..(سلمان في قلبه) ليش مو قدها على الاقل افتك من هالبنات الي باطين كبدي واستقر زي الناس وبعدين امي خاطرها تشوف عيالي وخلاص انا السنه ان شاء الله متخرج والوظيفه جاهزه الشركة تستناني بس ... وقعد يفكر في الموضوع لين المغرب ..
المغرب دق محمد على سلمان ...
سلمان رد: الو
محمد: هلا السلام عليكم
سلمان: وعليكم السلام
محمد: شفيك
سلمان: متشقق من الوناسه من قدي بروح اشوف خطيبتي بعد شلون تبيني اكون
محمد: تطنز
سلمان بدون نفس: متى بتجي
محمد: وين اجي
سلمان: وان شاء الله تبيني اروح اخطب بروحي
محمد: جدي وابوي وعمي معاك
سلماان وهومنقهر: محمد لا تخليني أعصب عليك اكثر
محمد: يعني بتروح تشوفها
سلمان: أي بروح وعقب بقول ما عجبتني ومواقف زي كذا مرره ثانيه لا تسويها
محمد استانس ان سلمان وافق يروح يشوفها بس : طيب اذا عجبتك
سلمان: لو كانت وش اقول..... تذوب الصخر ماراح تعجبني
محمد ابتسم: ههههههههه عاد انت الي بتصبر
سلمان: هههههه لا تخاف علي بس اصبر علي لا ارد لك الصاع صاعين
محمد: زعلت
سلمان: لابس انقهرت كان ودي اعجنك ربك ستر وشغلت عقلي
محمد:اوكي يلا انا اجهز واجيك
سلمان : استناك يلا سلااام
سلمان قام وحلق دقنه وخذ له دش وتكشخ وهو قاعد يشوف نفسه في المرايا تخيل روحه معرس جات على باله رفعه انها تكون العروسه تذكر شكلها يوم العيد وابتسم ..
محمد دخل عليه: حرام عليك بتموت البنت وعقب بترفضها
سلمان :بسم الله
محمد : ايوه بعد الاخ سرحااان في وشووو
سلمان : ههههههه فيها ويغمز له
محمد: هذا الي ماراح يوافق
سلمان: والله تصدق محمد فكرت في الموضوع
محمد والابتسامه شاقه وجهه : مواافق
سلمان بطناز: هههههههه أي وافقت
محمد: والله عندي احساس انك بتوافق
سلمان: أي احلم
طبعا ماأحد كان يدري ان سلمان بيرفض الا محمد وسلمان...
راحو بعد العشا لاهل العروس عشان يخطبونها رسمي ويوم دخلو وقعدو.. سلمان كان مستغرب لان البيت بيت بو سالم جارهم قال في قلبه حركااات والله وخاطبين لي من الجيراان بس منو البنت ..
سلمان يهمس لمحمد: تعااال منو هي
محمد وهو متفاجئ: ما ادري
سلمان يسال ابوهوهو يبتسم: يبى من هي البنت؟
فهد لف وجهه على ولده وخزه خزه لان الوقت مو حق طناز
جاء بو سالم وولده علي الي هو ابو العروس ومشعل وحمد <<عرفتوها>> وقامو يتكلمون ومن كلامهم

عرف سلمان ان علي هو ابوها بس يا ترىى هي ميين والله اني خوش معرس حتى اسم زوجتي مب عارفه
اووو كيفها عاد انا الي يشوف بوافق الحين هي في هالبيت لا يكون ...
ويقطع تفكريه محمد: سلمان يلا رح شوف البنت
سلمان : خااايف
محمد: مالت عليك رح بس عاد لا تقزها تراك بترفض
سلمان : ابتسم وراح
دخل الغرفه ويستنى العروسه وهو يفكر شلون شكلها طيب اذا حلوه ليش ما اوافق وماشاء الله عليها بنت ناس يكفي انها من بنات بو سالم ...
انفتح الباب دخلت هي وابوها واخوها حمد وكانت منزله راسها للأرض
حمد ينغزها : ارفعي راسج
سلمان رفع رااااسه وانصدم


معقوووله هي
رفعه في قلبها: والله ما ارفعه هذا الي ناقص حطت الصينيه الي كانت بيدها وطلعت
حمد والابو لفو على سلمان
سلمان ابتسم ويغمز لحمد: عااادي
سلماااان متشقق من الونااااسه ماكان متوقع انها رفعه ابد.... بس ما شافتني ليش على طول طلعت لايكون ماتدري زيي والا مغصوبه ..
دخل سلمان والابتسامه شاقه وجهه وقال لابوه اتفق على كل شي الحين
فهد ضحك على ولده: الله يوفقك
وصدق اتفقو على كل شي وحدوو الملكه الي بتصير بعد شهر ...
طلعومن هنا وسلمان خذ محمد وشرد من هناااا
سلمان وهو في السياره: محممد امووووت فيك
محمد ميت من الضحك: عجبتك
سلمان: لا بس طلعت احبها وانا ماادري
محمد وهو يزيد في ضحكه: الله
سلمان: وجع لييش تضحك
محمد هههههههه: على هبالك ماسرع تحبها هاه عسى عجبتك
سلمان: تدري منو ؟؟
محمد: مييين؟؟؟
سلمان: رفعوووه الي تخانقت معها يوم في البر حق
محمد: لاتقووووووووووووووول
سلمان والابتسامه شاقه وجهه : والله
محمد فرح من كل قلبه لسلمااااااااان والحمد لله انها عجبته وطلعت الي كان يتمناها بعد :مبروووووووك يالعم
سلمان وابتسامته ما فارقت شفاته: الله يبارك فيك عقبالك يااارب
ومن الوناسه راح يفحط<< ما ينلاااااااااام ههههههه
الكل استانس ان سلمااان وافق وكان طاير من الفرحه وفوزيه شافت فعيونه الفرحه الي كانت تتمناها واصلا كانت متوقعتها لان هي واثقه من اختيارها ..
رفعه الي الى الان وهي ما تدري من هو .. هي ما كانت رافضه قالت لامها ان الشور شوركم انتو ادرى بمصلحتي ويوم دخلت عشان يشوفها مارفعت حتى راسها لانها كانت مستحيه ..
طلعت سألوها هاه عجبج ..طبعا ردت ..ولافكرت حتى اشوفه ..
اليوم الاربعاء وهو يوم تخرج الهنوف والعنود وسهى بعد في المدرسه كانوا مرره مستانسين وكان الحفل ولا اروع لابسين عبايات التخرج والورد الجوري الاحمر على راسهم وكل وحده احلى من الثانيه والدنيا مو واسعتها من الفرحه ..
بعد ماقرأ القران وانقالت كلمة المديره عقب طلعو بنتين والقو كلمه للامهات كانت في غااية الروعه ابكت عيوون الامهات بعدهم طلعت العنود والقت كلمة الخريجات نيابة عنهم لجرأتها ولروعة القائها الي كانت تتميز به بعد ها بداو ينادون بأسماء الطالبات الخريجات ووحده وحده تنزل من فوق المسرح والتصفيق والتصفير لها ......و كل وحده راحت تسلم على امها...
سهى تمنت ان امها تكون حيه وتشوفها وهي متخرجه من الثانوي دمعت عيونها بس مرت ابوها الي كانت في مقام امها ما قصرت لمتها وحتى صاحت يوم شافتها... العنود والهنوف حسو بصديقتهم وكانو معها طول الوقت ...
كانت كل وحده فيهم في قمة الوناااااسه ومره فرحانين وطلعو الصديقات تعشو مع بعض بنات الشله طبعا بعد موافقة أهلهم ....
الساعه 2 في الليل
جواهر كان كل تفكيرها بسامي من اخر مره شافته وشلون كان متكدر وزعلان كانت واقفه عند شباكها الا تشوف سامي طالع ومعه شنطه (كبيره حقت السفر) ومعه أخوه نايف وكان يسلم عليه ..فتحت الشباك تحاول تسمع شي ..بس ما سمعت الا سامي وهو يقول : لا تخاف علي وطمن الوالده والاهل كلهم وانا راح ادق عليك اذا وصلت وسلم على جواهر
هي يوم سمعته يقول كذا نزلت تحت وهي تركض وعيونها تتطاير منها الدموع
جات وهو كان يلم أخوه نايف ونايف كان يصيح لانه اكثر وااحد متعلق في اخوه ..
يوم شافها نايف بعد عن سامي غمز له وابتسم وراح .. لف سامي وجهه يوم شاف جواهر ابتسم وراح وقرب عندها
جواهر: وين بتروح؟؟
سامي: بسافر
جواهر : وين؟؟
سامي خذ يده ومسكها: جواهر لا تخافين علي انا مضطر اسافر هالسفره وهي لمصلحتي ولا احد يدري عنها غير نايف وانتي ..
جواهر: طيب خذني معك ماابي اتعذب أكثر كافي السنين الي راحت
سامي ما قدر يستحمل ونزلت دمعه حاره من عيونه : يعني انا الي ماراح اتعذب بترك ديرتي وأهلي وحبيبتي .
جواهر: اذا تحبني من صدق لاتروح..
سامي: ما اقدر لازم اروح صدقيني اني مضطر وبعدين اذا رجعت راح تعرفين ليش وماراح تلوميني
جواهر: طيب متى بترجع؟
سامي: ماادري على حسب
جواهر : لا تطول
سامي : ان شاءالله ... تامرين بشي
جواهر الغصه حبست صوتها وماقدرت تتكلم بس هزت راسها بالنفي
سامي قرب من جنبها اكثر واكثر هي حست ان جسمها قام يرجف لانه قريب منها توها بتبعد عنه الا مسك ذراعها وهمس في اذنها أحبج ..
جواهر حست بالغصه مو قادره تتكلم ولا قادره تتحرك جبست في مكانها ..
بعد عنها وراح وروحها من هذيك الساعه راحت معه ...

العنود راحت مع العنود لبيتهم وعلى اساس بتنام معها وهم في الغرفه فوق السرير العنود كانت متربعه وحاطه مخده فوق حضنها وقاعده تلعب في شعر الهنوف الي كانت منسدحه على المخده الي بحضنها ..
العنود: الله اليوم من احلى الايام في حياتي يكفي انه يوم التخرج تصدقين كنت اتمناه من زمااان
الهنوف: الله يتمم علينا عقبال ما نخلص الاختبارات والنسبه السنعه
العنود: اااميييين والله بحط كل جهدي في المذاكره وان شاء الله بجيب النسبه الي اتمناها
الهنوف: ان شاء الله عاد ادعيلي معاج
العنود: لا تخافين اصلا انتي دايما مقرونه معي يعني أي دعوه اقول وللهنوف لا تخافين
الهنوف: يا قلبي انتي والله الشاهد حتى انا
العنود: هنووف اذا تزوجتي مو تنسيني وتلهين بزوجك ترى ما اصبر يمر يوم ما اسمع صوتج
الهنوف: هههههه لا تخافين ياخوفي انتي الي تتزوجين وتخليني
العنود: أي لا مووول حمود يخليج .. الله الهنوف ونااسه تصيرين زوجة أخوي
الهنوف مغمضه عيونها : ادري وناااسه يعني لا تخافين بتقابليني 24 ساعه
العنود: وانتي بتسكنين عندنا
الهنوف: اجل تبيني اقعد في بيت بروحي واخليكم ... عنووووود لايكون ما تبيني
العنود تطقها على جبهتها
الهنوف: أي
العنود: احنا ما نبيج الا هاذي الساعه المباركه بس نسوي لكم جناح انتي وحموود عشان تاخذون راحتكم بعد يقعد يتغزل فيج قدامنا
الهنوف استحت وحمر وجهها : الي يشوف الحين انخطبت والا صار شي اقول خل نستحي على وجيهنا مو كأنا مصخناها
العنود: ههههههه توها تحس ... انا من زماان حاسه بس قلت احلم وياج شوي
الهنوف نقزت من مكانها وصارت مقابله العنود: ايا الخايسه صدق ما تستحين
العنود: هههههههههه امزح معاج
الهنوف: خوش مزح والله
العنود: اقول انسدحي زيين
الهنوف: شنسدح ما بقى شي على الفجر

الهنوف: شنسدح ما بقى شي على الفجر
خذت العنود المخده وحطتها وراها ومدت رجولها وقامت تطالع السقف
الهنوف: الي ما خذ عقلج يتهنى به
العنود خذت نفس : تدرين الهنوف
الهنوف: وشو؟؟
العنود: بعد ماقالت لي اسيل عن فيصل تحسفت قد شعر راسي اني كلمته قعدت افكر بأبوي وحمود وعبد الله والكل لو درو عني ... وقبل كل شي يعني هم ما قصرو معاي ليش سويت كذا ؟؟
الهنوف: نزوه ويمكن فضول ,,
العنود: والله ما ادري بس استحقرت عمري اتطنز على الناس وانا مثلهم
الهنوف: العنود لا تقولين كذا انتي ما سويتي شي والحمد لله الكلام الي بينكم ما تعدى كلام الاخو مع اخته
العنود: هذا الشي الوحيد الي كان محببني في فيصل يعاملني كأني اخته
الهنوف : ما اتوقع
العنود: مو مهم اهم شي اني انا معتبرته مثل الاخو بس ولو السالفه على بعضها غلط
الهنوف: حطي حل لهالموضوع ترى ما يصلح الي تسوينه اليوم دق عليج وانتي كله مطنشه لازم تتفاهمين معاه انتو ما تخانقتوا عشان تحقرينه
العنود: بس احس مالي وجه اكلمه
الهنوف: خليها اخيره وتفاهمي معه
العنود: هذا الي بيصير ان شاء الله الله يقدرني
الهنوف: ان شاء الله
اذن الفجر قامو صلو وعقب ناموا ...
*****
الكل مو عارف ليش سامي راح يسافر وكذا فجأه بدون اسباب الوحيد الي كان يدري نايف عشان كذا كان مقدر الوضع ..
اليوم الي بعده قالهم نايف وطبعا انصدموا وعصبو الام قامت تبكي وصارت حاله في البيت
نايف قالهم انه سافر بس ما يدري وين ولا ليش ...
الله يعينهم شلون صارت حالتهم وخاااصه امه
الجزء الرابع عشر

هالأسبوع مر وكلن منشغل بالأختبارت الي في الجامعه والكليه بدت اختباراتهم أما الي في المدارس فيتجهزون لها العنود والهنوف ودلال كانو غايبين أخر اسبوعين حق المراجعه عشان يذاكرون وكانوا حاطين كل جهدهم في الدراسه الهنوف والعنود وسهى احيانا كانوا يتجمعون ويذاكرون مع بعض ويخططون مع بعض وكل وحده تسأل الثانيه ..... ومنها ياخذونها ترويح عن النفس ..
اليوم الخميس الساعه12 في الليل
العنود خلاص كانت مذاكره مادة السبت ومراجعتها وكانت متطمنه من ناحيتها لانها ذاكرتها زيين ....
بعد هالمذاكره دخلت الحمام وخذت دش طلعت وصلت لها ركعتين دعت فيها لنفسها وكل صديقاتها ...
انسدحت على سريرها ... وقامت تفكر اذا خلصت هالاختبارات وش راح تدخل أي قسم وش بتسوي وخلاص النوم على وشك انه يراودها الا يدق جوالها وتشوف ان المتصل فيصل حطت الجوال على الصامت .. وقعدت تفكر شنو راح تقوله هي من بعد ما قالت لها أسيل السالفه وهي متغيره على فيصل وما ترد عليه او انها ترد وتقول له مشغوله وتتعذر له بالمذاكره ..
سهى كانت تدري بالي بين العنود وفيصل وكانت تعرف اخوها فيصل وهباله مع البنات وهي قايله للعنود من قبل بس كانت تعرف ان العنود تعتبر فيصل مجرد أخ فقط لا غير بس المشكله فيصل شنو كانت العنود بالنسبه له ....
خذت نفس قوي ورفعت الجوال...
فيصل: الو
العنود: الو
فيصل: هلا والله
العنود: اهلييين
فيصل: كيف الحال
العنود: بخير الحمد لله ..وانت ؟؟
فيصل: الحمد لله .. وينج شهالغيبات من زمان عنج ..
العنود: والله تعرف المذاكره شاغلتني والامتحانات على الابواب ..
فيصل: بالتوفيق ان شاء الله
لحظة سكوووت ...
العنود: فيصل
فيصل: ياهلا
العنود: فيصل انت تعزني؟؟
فيصل: وهذا سؤال تسألينه يالعنود انا مو بس اعزج أنا ..
العنود قاطعته: تكفيني المعزه ... والي يعز انسان يخاف عليه صح ؟؟
فيصل وهو مستغرب من لهجة العنود: أكيييد بس وش قصدك
العنود: فيصل انت تشوف الي انا أسويه باني اكلمك صح ؟؟
فيصل غمض عيونه وخذ نفس : وش طاري هالسؤال عليج
العنود: جاوبني وبكل صرااحه
فيصل: لا مو صح..
العنود: طيب مدام انك تعزني وتخليني اسوي شي مو صح شنو تسمي هذا؟؟
فيصل سكت: العنود انتي شفيج؟
العنود والعبره خانقتها : ولا شي .. فيصل بذمتك كم وحده في مدرستي قايل لها انك تكلمني؟؟
فيصل وهو بادي يفقد أعصابه : ولا وحده
العنود: فيصل عن الكذب_قالتها وهي مو حاسه_
فيصل: انا اكذب ..؟؟
العنود: انا مو قصدي انك كذاب ..بس انا يا فيصل محترمتك ومقدرتك ومعزتك عندي زي اخوي _ هي يوم قالت كذا فيصل حس ان كل شي رااااح كل شي توقعه الا هذا الشي _ الصراحه انصدمت يوم جاتني وحده من البنات وقالت لي ان فيصل اخو سهى يحب وحده في المدرسه اسمها العنود وقالت لي البنت لا يكون انتي ؟؟..
فيصل وكان معصب من كلام العنود : وش رديتي عليها
العنود: طبعا قلت لها اسم الله علي هذا الي ناقص في ذيك الساع استحقرت نفسي اسوي شي وانا اعرف انه غلط ولا بعد اقول اني ما اسويه وانا اسويه
فيصل: طيب وش دراج ان العنود الي أحبها هي انتي يمكن اقصد وحده ثانيه ما في العنود في المدرسه الا انتي..
العنود لا شعوريا عيونها غرقت ونزلت دموعها كرهت نفسها بذيك الساعه وتحسفت على كل لحظه كلمت فيها فيصل ...
فيصل ظل ساكت شلون يقول كذا وهو يحبها العنود الحين بتتأكد انه لعاب هوماكان يقصد بالي قاله بس كلام العنود صدمه وما كان متوقعه وعور قلبه ...
................ ظلو الأثنين ساكتين نص دقيقه...................
فيصل : العنود انا ..
العنود وهي تمسح دموعها : فيصل اسمعني اول شوف انا ما نكر اني غلطانه وكلن يدري ان الي قاعد نسويه غلط بس الحلو ان نعترف بالغلط ... وانا اعترف بغلطي اني كلمتك بس اتمنى الي صار بينا ما يطلع وتقدر الأخوه الي كانت بينا ونفترق وكلن محترم الثاني يمكن انا توقعت اني انا العنود الي كانت تقصدها البنت لاني انا اكلمك فتوقعت هذا الشي على العموم صدقني اني اذكرك بكل خير مهما يكون يوم من الايام وسعت صدري وضحكتني وكنت معي مثل الأخو واكثر وطيبه قلبك الي ما ادري شقول عنها ..
فيصل وللمره الثانيه يحس ان العنود تجرحه بالكلمه هاذي : اوكي العنود مدام هذا قرارج انا ما راح أغصبج صدقيني انج غاليه وعزيزه علي والي يمسج بكلمه كأنه ماس اختي سهى وصدقيني ان غلاتج من .... وسكت...
العنود: ادري مستحيل اجي غلاة سهى مهما يكون هي اختك وانا ..
فيصل يقاطعها: وانتي حبيبتي
العنود صنمت وما عرفت شتقول وحست الدنيا كلها ضايقه فيها من قال هالكلمه لا مستحيييل :.......
فيصل: العنود يمكن تحسبيني اني اكذب عليج بس صدقيني من أول مره يوم سويت لج المقلب وانتي شاغله بالي .. انا ما انكر اني كلمت بنات قبلج ويمكن في الفتره الي كنت اكلمج فيها والبنت الي قلت لها اني احب وحده اسمها العنود هي عندكم وانا قلت لها لان ما بغيتها تتعلق فيني و وانا قلبي ما يحبها ولا لها مكانه فيه ولا كان ودي أضرها وقلت لها لان من جد ما كنت ابي الا انتي وكان ودي اقول للعالم كله بغلاتج ...
العنود: ...................
فيصل: اوكي ما بي اطول عليج شدي حيلج في الأختبارات وهالله الله بالنسبه الي تبيض الوجه
العنود خنقتها العبره ومو قادره تتكلم بكلمه وحده ودموعها تسيل على خدودها أربع أربع
فيصل : العنوود وينج؟؟
العنود وصوتها واضح عليه الصياح: معاك
فيصل : العنود لا تزعليني عليج يلا امسحي دموعج مو اول مكالمه دموع واخر مكالمه دموع _قالها وقلبه يعوره على الكلمه_<<اقصد اخر مكالمه >>
العنود تذكرت اول مره كلمته فيها وضحكت..
فيصل: ايوه خليج دوووم كذا العنود الي الابتسامه والضحكه ما تفرق وجهها
العنود: انا اسفه فيصل وسامحني اذا اخطيت عليك
فيصل: مسموحه يالغاليه وانا الي اسف ومهما تسوين مثل العسل على قلبي عادي
العنود: تسلم
فيصل: الله يسلمج يالله تامريني بشي
العنود: سلامتك
فيصل : الله يسلمج مع السلامه
العنود: مع السلامه
وظل كل واحد حاط اذنه على السماعه يستنى الثاني يسكر
فيصل : يلا سكري
العنود: انت اول انا دايم اسكر قبلك
فيصل: طيب لا تغيرين عادتنا وخليها زي ما هي
العنود: اوكي
فيصل : العنوووووود
العنود قالتها بشوووق: لبيييييييييييه
فيصل ابتسم لانه يحب هالكلمه واااجد: بشتاقلج
العنود: تشتاق لك العافيه
فيصل : اوكي يلا
العنود: مع السلامه وعلى طول سكرت وحطت راسها فوق المخده الي ملتها بدموعها ..وفيصل الي ضاق خلقه يوم عرف ان العنود تعتبره مثل اخو لا اكثر

جا السبت والبنات حالتهم حاله اول يوم في الاختبارات الابلات مرو عليهم وقامو يهدونهم
دخلو القاعه كل وحدة سمت بالله وتوكلت عليه وبدت تحل الأسئله ..

مو لازم أقول شلون مرت الأسبوعين عليهم كانت حالتهم حاله كله في المذاكره العنود ما صارت تنشاف ترجع من المدرسه تنام لها ساعتين او ثلاثه وتقعد في غرفتها مع كتابها الى الساعه 12 عقب تسكر الكتاب وتنام وتقوم الساعه 3 الفجر وهذا حالتها طبعا امها وابوها دوم يجونها للغرفه ويشوفونها اذا تبي شي أولا
وهاذي كانت حالت الهنوف ودلال بعد حاطين كل جهدهم في المذاكره ...

الحمد لله مرو الاسبوعين وكانو أثقل اسبوعين مرو بشكل بطيئ على بنات الثانويه العامه وعلى الكل مثل البرق ما حسو فيها ...
يوم الأربعاء بعد ما طلعو البنات من القاعه .. وكانو في قمة السعاده وفي نفس الوقت زعلانين
فرحانين انهم خلاص خلصو هم المذاكر والاختبارت ..
وزعلانين لانهم بيتفارقون ..أيام الثانوي ايام مافي احلى منها البنات هبال ووناسه وكلهم مع بعض ومقالب وخناق وحوسه مع المدرسات وهرب من الحصه وأشياااء وأشيااء كثيييره عاد كل وحده وذكرياتها ..

عنود كانت حالفه تطلع كل حرتها يوم الاربعاء ويا صديقاتها جابوا بلونات وبخاخات وطبعا اطباق وخراااابيط وقعدو يستهبلون ...
قبل ما يطلعون كل وحده قامت تودع الثانيه لانهم بيتفرقون وما يدرون الدنيا تجمعهم مره ثانيه والا لا
العنود كل ما سملت على وحده عطتها مصاصه وبطاقه المصاصه هذيك الحمرا الي على شكل قلب والبطاقه كان مكتوب فيها

زمان أول احس انه زمان ما عليه قصور
نحب ونخلص النيه وتجمعنا محبتنا
زمان ما فيه لاغيبه ولا حتى نفاق وزور
ياليته بس لو يرجع ونسترجع طفولتنا
صغار وقلوبنا بيضه نعيش في عالم محصور
صحيح صغار في التفكير لكن ما علينا قصور
نخطط نكسر اللعبه وتسعدنا شقاوتنا
نروح المدرسه بدري ونضحك داخل الطابور

نحاول نزعج العالم في روحتنا وجيتنا
وعشان نأخر الحصه نخبي علبة الطبشور
نشاغب بس في الاخر تميزنا برائتنا
نحب الضحك والهيصه نحب النط فوق السور
نفرفش ليه ما نفرفش مدام الضحك عادتنا
ولكن دارت الايام وبان الخافي والمستور
وصار الهم متعلي على قمة سعادتنا
كبرنا وصارت الدنيا تصف احزاننا بالدور
تهدينا الألم والهم غصب عن عين رغبتنا
تعبنا من بلاوينا أحد ضايق وأحد مقهوور
كلن غارق بهمه وفي الاخر تشتتنا
وانا ما اقول غير الي ياليت ان الزمان يدور
ويرجع للورى فتره نعدل وضع عيشتنا

محبتكم المرجوجه الي مستحيييل تنساكم : العنود
وكاتبه تحت اسمها : ولو نفترض عني يقولون مرجوج ..... قل دايم الطيب تجي فيه رجه

لان دايم كانوا يسمونها المرجوجه على هبالها بس الكل كان يعرف بطيبة قلبها الي مالها مثييل ..


سهى رجعت للبيت طبعا غير عادتها رجعت شوي متأخربعد الهبال الي صار مع البنات مالقت احد في البيت اسئلت الشغاله قالت لها ما ادري وانها ما شافتهم من الصباح ..
سهى استغربت .. دقت على مرت أبوها وقالت لها انهم في المستشفى أبوها شوي تعبان وودوه المستشفي
وانهم الحين راجعين ....
سهى كانت خايفه لان ابوها في اخر الايام كان تعبان وااجد وهو اصلا مريض بالقلب ..
دقت سهى على فيصل وطمنها ..
ابوها جاه ضيق تنفس الصباح بعد ما طلعت على الساعه 7 ونص تقريبا وعلى طول ودوه للمستشى هو كان في حالة غير مستقره بس ما حبو انهم يضايقون سهى وطمنوها على حالته ..سهى من التعب ما نامت امس راحت لغرفتها وخذت لها دش وناااامت ..

سلمان كان مستانس لان ملكته يوم الاثنين الجاي الا متشقق << هذا الي ما يبي يتزوج>> وطبعا الحبايب ذبحوه بالاتصالات بس يا انه مايرد او يسكر الجوال او يرد ويقول مشغول وسفط كلن راح وما بقى الا ليلى الي كانت تحبه من جد .... أما رفعه فكانت تستعد وهي الى الان ما عرفت انه سلماان ...
وجواهر الله العالم فيها كانت دوووم تفكر في سامي وتسأل عنه نايف وهو يطمنها... و سامي كلم امه وطمنها عنه لان نايف قاله انه تعبت كثثيير ..

العنود قامت على نهااية العصر بعد ما تنشطت كلمت الهنوف وقالت لها تجيها وقالت لها انها بتكلم سهى وتقول لها
دقت العنود على سهى ماترد ... دقت على البيت ما ترد ... فرسلت لها ..
عقب دقت على دلال بس اعتذرت لها لانها بتروح عند صديقتها
جا المغرب الهنوف جات وسهى مالها حس لا دقت لا رسلت ولا شي
الهنوف : دقي على البيت يمكن يردون
خذت العنود السماعه ودقت ولا احد يرد: ما في احد يرد
الهنوف: غرييبه
العنود: يمكن طلعو .
الهنوف : ما ادري يمكن ...
العنود : الا تعالي وشو بتلبسين في ملكة عمي سلمان
الهنوف: هذاك التايور الي شريته من الكويت
العنود: السماوي
الهنوف: ايه ..وانتي
العنود : والله ما ادري ما بعد قررت بس اذا نزلنا بكره السوق بشوف اذا ما لقيت شي بلبس من الي شريتهم من الكويت
وقعدو يسولفون ...
تقريبا الساعه 11 في الليل راحت الهنوف لبيتهم طلعت العنود فوق غرفتها شافت جوالها لقت فيه رساله من سهى ( اسفه العنود ماانتبهت لجوالي لاني كنت في المستشفى مع أبوي تعبان )
العنود خافت ودقت عليها ردت سهى وقالت لها العنود واستها وقالت لها ادعيله وان شاء الله يقوم بالسلامه ووصتها اذا قام تتصل فيها ...
العنود ضاق خلقها عشان خاطر سهى صديقتها واختها الغاليه وظلت تدعي لابوها يقوم بالسلامه ..
يوم الخميس العصر ....
طلعت فاطمه وساره مع بناتهم للسوق عشان يقضون لملكة سلمان لانهم كانوا لاهيين في الاختبارات وما جهزوا لها .......
.يوم الجمعه كانت الكل متجمع في بيت الجد كالعاده وطبعا الحريم كان اغلب سوالفهم عن ملكة سلمان وعرس ندى ومنى الي ما بقى عليهم شي ...
العنود: عمي حركاااات بتتزوج من قدك يالمعرس والله بنشتاق لك
بدور: وانا بخليه يطلع من البيت كان اموت أصلا ما اقدر على فرقاه
سلمان: احم احم
الهنوف: هههههههه والله بنشتاق لخناقكم
سلمان: ومن قالج بنوقف
العنود: ههههههه فديتك عمي لا تتغير اذا تزوجت
سلمان: انا بتزوج وحش عشان اتغير شفيكم علي
ريم: نحبك
سلمان: ادري .. والله حتى انا احبكم بعدين لا تخافون ما راح اطلع البيت شكبره وما فيه احد بجي انا وزوجتي وبنقعد معاكم
العنود: صدق عمي ؟؟
سلمان : ايه صدق
الهنوف: طيب واذ العروس تبي بيت بروحها
بدور: رفعه طيبه وما اتوقع بتخالف
العنود تلف وجهها على بدور وهي مستغربه : أي رفعه
سلمان: زوجتي
العنود والابتسامه شاقه وجهها : رفعه ما غيرها
بدور: أي ما غيرها
الهنوف : ولاتقوولون
بدور : الحين ما قالو لكم امهاتكم
العنود : قالو انها من بيت بو سالم جاركم بس ما توقعناها رفعه
الهنوف: وناااسه
العنود : تغمز لسلمان: والله وعرفت تختار
سلمان رد لها الغمزه وهو فاهم شتقصد: افا عليج
من جهه ثانيه الساعه 7 المغرب رفعه كانت تسولف مع نوف وجواهر في غرفتها
جواهر: الله يا رفعوو بعد كم يوم بتصيرين ملك لزوجك
رفعه: شدعوه هو بيشتريني عشان يملكني .. بعدين تو الناس عقب يومين الملكه
نوف : الا تعالي شسمه
رفعه تطالع نوف وهي تضحك : عاد تدرين .. والله ولا ادري شسمه
جواهر ونوف ميتين من الضحك
جواهر : بعد يومين بتملكين ولا تدرين اسم زوجج
نوف : صدق انج نكته يا بنت عمي
رفعه: انقلعي هذا الي بقى نويف تطنز على يلا ذلفي
نوف وهي طالعه من عندهم : من غير مطرود انا بنزل اجيب لي ببسي حد يبي شي
جواهر +رفعه: لا
طلعت نوف ..
جواهر : انتي من صجج ما تدرين وشو اسمه
رفعه: اجل اتغشمر معاج انا أي من صجي ..تعالي امي قالت لي انه من عايلة بو عبد العزيز جارنا
جواهر : لايكووون...
ويقطع سوالفهم صوت الجوال
رفعه: او الطيب عند ذكره هاذي العنود_ وترفع_ هلا وغلا
العنود: هلا بزوجة عمي
رفعه وعلااامات التعجب على وجهها : توني بعد بكره بملك كلتوني بعدين تعالي أي عم ؟؟
العنود: بعد في غيره عمي سلمااان خطيبج ولا تزعلين (تقصد خطيبج مب زوجج )
رفعه وكان احد صاب عليها ماي باااااااارد قعدت متجبسه وفاتحه عيونها بس سوت روحها تدري عشان ما تفشل عمرها
العنود: شخبارج شمسويه ولا تسالين يالقاطعه والا كل هذا شاغلج عمي
رفعه: ههه لا شدعوه بس تعرفين لهيت باختبارات الجامعه عاد احنا قبلكم عقب قعدت اجهز للملكه وخبصه تعرفين الا تعالي شسويتي في الامتحانات ان شاء الله زين
العنود: والله الحمد لله بس نستنى النتايج نهايه الاسبوع الله يستر
رفعه : الله يعين ان شاء تطلع وتفرحين فيها اتذكر العام انا على اعصابي
العنود: أي والله احس اني بموووت ابي اعرف
رفعه: يالله هانت المهم خلصتو اختبارات
العنود : أي والله اوكي حبوبه لا اطول عليج ان شاء الله نشوفج في الملكه انا حبيت بس اباركلج
رفعه : الله يبارك في عمرج عقبالج يالغاليه تسلمين
العنود: الله يسلمج مع السلامه
رفعه: مع السلامه .. جواااااااااهر
جواهر: هاه شفييج ما خليتيني اكلمها
رفعه : تدرين من طلع
جواهر : مين
رفعه : سلماااان
جوااااهر: حلللللللللللللفي
رفعه : والله هذا العنود داقه تبارك ..
جواهر: هههههههههههههه والله ما عمري شفت وحده مثلج والله انج نكته
رفعه: الا مسرحيه مو بس نكته .... بعد زين اني عرفت والا كان تورطت يوم الملكه كان اشوفه واتخرع
جواهر: تخيلي يغمى عليج
رفعه: ههههههه تكتب في التاريخ والله
جواهر: هههههههههههه في تاريخ العائله وانتي الصادقه
رفعه: والله انج ما تستحين تطنزين علي بعد اسم الله علي ..
جواهر: هههههههههههه توها تحس الاخت
رفعه: نشووووف اذا جاء سعيد الحظ شنو بتسويين
جواهر في هاللحظه اختفت الابتسامه من على وجهها على طووول
رفعه: امزح امزح تطنزي عادي بس لا تضيقين خلقج ما احب اشوفج زعلانه
جواهر ابتسمت ابتسامه حزن وخذت نفس قوي : الله يرجعه بالسلامه
رفعه: اميييييين
رفعه انصدمت من عرفت الي بتتزوجه سلمان بس فرحت من قلبها لانها كانت تحس انها تميل له ..

مر اليومين بسرعه والحمد لله ابو سهى طلع من الحاله الي هو فيها وراحت العنود مع ابوها يزورونه وطبعا كانت مخبره سهى من قبل وكانت تدعي ربها ان فيصل ما يكون هناك والحمد لله ما كان موجود ..

جا يوم الاثنين واليوم كلن مختبص بشكل مو صاااحي خاااااصه بدووور لان ملكة اخوها الغالي سلمااان
وسلمان اهو الثاني مرتبش ...
بعد العشا الكل كان جاااهز وراحو بيت العروسه انزفت العروسه وشافها سلمان الي كان طاااير من الفرحه والابتسامه ما فارقت وجهه طول اليوم وكان شكله روووووعه يطيح الطير من السما كل البنات تخبلووو عليه
بعد ما قصو الكيك ولبسها الشبكه ولبسته الخاتم طبعا قعد وياها على انفراد بس رفعه كانت تعرف سلمان وجرائته وكانت مستحيه مرره فدخلت معها واااحد من البزران

وهم قاعدين في المجلس بروحهم وطبعا سلمان باط كبده هالي مرتز معاهم
سلمان: مبروووك
رفعه: الله يبارك فيك
سلمان: شخبارج
رفعه: الحمد لله وانت شخبارك؟
سلمان: دامج قدامي بعد شلون تبيني اكون ..
وتوه بيقوم يقعد جنبها وشاف الولد
سلمان: شسمك حبيبي؟؟
الولد: بندر..
سلمان: شرايك تروح تجيبلي ماي
بندر: هذا الماي قدامك
رفعه: ضحكت
سلمان: عاجبج انه فشلني هاه بس اوريج .... عندكم بقاله
بندر: أي
سلمان: اتحداكم اصلا انتو ما عندكم بس احنا
بندر: والله عندنا تبي اجيبلك ببسي
رفعه ميته من الضحك على سلمان
سلمان: طيب روح جيبلي عشان اصدقك
بندر : ما عندي فلوس
سلمان :المشكله بوكي مو معاي _ ويدخل يده في الجيب _ لحظه خذ هذا كل الي عندي في جيبي وعطاه عشرين ريال
بندر: البيبسي بريال
سلمان: لاحوووول خذ العشرين كلها لك
بندر :شكرا بروح اجيب الببسي واجي وطلع
رفعه والى الان مو قادره تمسك روحه من الضحك على الي سواه سلمان
سلمان لف على رفعه وغمز لها : اعجبج
رفعه بغت تمووووت من غمزته وفي قلبها ياربييييي يهبل ونزلت راسها
سلمان: قام وجلس جنبها : امووووت انا في الي يستحون
وقعد يسولف معها ساعتين تقريبا وبالموت طلع وعطاها رقمه

اما البنات داخل فكانوا مستانسين ضحك وسوالف ورقص وعلى الساعه 12 طلعو المعازيم وكلن رجع لبيته...

اليوم الثلاثاء طلع ابو سهى من المستشفى وكان قاعد في بيته منسدح على السرير الي حاطينه له في المجلس عشان الرجال الي يجون له ...
الظهر كان قاعد ومعاه ولده فيصل وسهى ..
فيصل كان سرحان بالعنود اااااااااه شقد انا مشتاق لج شهر ولا ادري عنج شي ..
يقطع تفكيره ابوه: اقول فيصل
فيصل: هلا يبى امر
بو فيصل : مايامر عليك عدو ياولدي بس بغيتك في موضوع
فيصل: امر يبى ..
سهى: اوكي انا اخليكم
بوفيصل : تعالي حتى انتي ابي رايج فيه ..
سهى: ان شاء الله
بو فيصل : فيصل انت خلاص خلصت دراستك هالسنه وماشاء الله عليك خلاص عارف امور الشغل في الشركه زين ..
فيصل: بفضل الله ثم بفضلك يبى
بو فيصل: ودي اشوفك معرس ياولدي
سهى في قلبها يااربي ليش خليتني اكون في هالموقف وقعدت تراقب فيصل ..
بوفيصل يكمل كلامه : وانا كلمت عمك في موضوع خطبتك لبنته ووافق واشاء الله اول ما اقوم بالسلامه نروح نخطبها لك ..
فيصل حس قلبه انقبض يوم ابوه جابله هالطاري وماوده يقوله شي ويضايقه ..
فيصل: انت قوم لنا بالسلامه يبى وان شاء الله ما يصير خاطرك الا طيب ..
بوفيصل: تسلم ياولدي بس خاطري اشوف عيالك قبل ما اموت
فيصل: بعد عمر طويل يبى
بوفيصل: وانتي سهى شرايج في بنت عمج مي
فيصل يطالع في سهى ..
سهى : والله ما ادري يبى الشور لفيصل هو الي بيتزوج
فيصل في قلبه يابعد عمري اختي
بوفيصل: عاد فيصل وين بيلاقي احسن من بنت عمه مي ..

جا الأربعاء والكل على اعصابه العنود والهنوف راحو بيت جدهم من الظهر وطبعا ريم معهم يبون يضيعون الوقت عشان ما يحاتون النتايج ..
جا اللليل وهم على اعصابهم وقاعدين على النت فاتحين الموقع يستنون النتايج وكل وحده تدعي جات الساعه 12 وجا وقت تنزيل النتايج وطقت الساعه الي كانت في الصاله طن طن طن طن 12 مره
ريم : الله يعين حشا كان احنا سندريلا
العنود سكتتها بخزه خلتها تنظم
الكل هدووووووووء
اول ما دخلو السجل حق دلا غمضت عيونها
بدور الي كانت قاعده تطلع النتايج : الله يستر
اول ما شافو النتيجه
بدور:97
دلال : وااااااااااااااااااااااااااااااااي الحمد لله يارب ومن الفرحه قامت تصيح وتلم العنود والهنوف ودانه وريم والكل من الفرحه وباااااست بدور على خدها
بدور: خديييييييييييي ابييييييه
دلال: هههههههههه من الفرحه
ياعمري ماتنلام علمي يهد الحيل ..
الهنوف: يلا دوري
بدور : يلا حطت الرقم وسمت بالله
الهنوف حاطه يدها على وجهها وتدعي
بدور: 98،50% ياااااااااااي الهنوف
الهنوف : الحمد للللللللللللللللللللللله ياااااارب
العنود تلم الهنوف : تستاهلين يالغاليه مبرووووووووك
والكل قام يسلم ويبارك لها
العنود: يلاااا ما بقى الا انا ما اصبر بسرررعه
بدور: ان شاءالله حطت الرقم وقعدو ينتظرون
العنود: ياربي والله اني تعبت يارب ياارحم الراحمين هلكت واناادرس يارب فرحني يارب استر يااارب
بدور: العنووووووووود نسبتج
العنودمغمضه عيونها : يلاااااااااااااااااااااااااااااا
الهنوف : كللللللللللووووووووش
ريم: وااااااااااي 99 %
العنود نقزت من مكانها : وااااااااااااااااااااااااااااااااي الحمد لله لك يااارب وتلم الهنوف ماني مصدقه الحمد لله يااارب
وقامت تسلم على الكل
وكل وحده دقت على امها وقالت لها وراحت ونقزت لجدتها ولمتها
فوزيه: مبروك يابناتي الله يجعلكم دوووم فرحانين الحمد لله
بدور: حركاااات العنود انا ما جبتها 99 ماشاء الله عليج
العنود: ههههههه اعجبج هلكت وانا اذاكر حولت عيوني من هالكتاب
الكل كان فرحان نتايجهم كلهم حلوه مرتفعه الحمد لله ..
العنود خذت الجوال ودقت على سهى ...
في بيت سهى ..
سهى كانت طالعه فوق تبشر ابوها بنجاحها ونسبتها الي كانت فرحانه فيها ..
فيصل كان تحت على الكميوتر لان هو الي طلع نتيجتها ..الجوال كان فوق طاولة الكمبيوتر دق الجوال فيصل يوم شاف اسم العنود حز خاطره كان وده يرد بس يسمع الو بس خاف انها تزعل او يحرجها وقام ينادي سهىىىىىىىى سهىىىىىىىى
سهى وهي نازله من الدرج : نعم نعم هذاني جايه
فيصل: الجوال _ ومد لها _
سهى خذت الجوال وعلى طول رفعت وكانت متاكده انها العنود: الووووووووو
العنود: هلا وغلا باركيييييلي
سهى: مبرووووووووووك ها كم
العنود: 99
سهى: مبروووووووووووووووك كلللللووووووش ياقلبي والله تستاهلين
فيصل قلبه متحقرص ووده يعرف كم ..
العنود : الله يبارك فيج ياقلبي وانتي
سهى: ما تتوقعين انا ما صدق انا الي ما عمري فتحت كتاب جبتها ماادري شلووون
العنود: قولي ماشاء الله ترى ما ينظل المال الا صاحبه هاه كم
سهى: ماشاء الله 93
العنود: زييييييييييييييين مبروووووووك يالدبه والله تستاهلين زين الحمد لله
سهى: والله ما توقعتها اعلى شي قلت يمكن 89 بس الحمد لله تعالي والهنوف
العنود : حتى هي الحمد لله 98،50% ودلال 97%
سهى: ماشاء الله عليها دلول يالله الحمد لله جابت هالنسبه وهي علمي الله يوفقها
العنود: اميين اوكي حبوبه سلاامي للكل عاد لازم نشوفج في هالمناسبه ..
سهى : ان شاء الله ابشري يلا الغاليه سلمي على البنات مع السلامه
العنود : مع السلامه
فيصل قام من على الكرسي وقعدعلى الكنب قدام التلفزيون وسهى تطالع فيه وهي تضحك تحسه متحقرص مو قادر يتكلم لان العايله الكريمه موجوده
فيصل سكت وسكت بس ما صبر: ها كم جابت صديقتج
سهى: اممممممم العنود والا الهنوف والا دلال
فيصل: رافع حواجبه ويطالعها بنظره وده يذبحها
مرت ابوها : ياحليلها العنود كم جابت
سهى: ما شاء الله عليها 99
فيصل ابتسم وقال في قلبه :الحمد لله يارب مرت ابوها: ماشاء الله الله يوفقها
سهى: أي والله تستاهل العنود

كان الكل مستانس ومتشقق من الوناسه البنات راحو طلعو الكيكه الي كانو شارينها ويالخرابيط وقعدو سهرو عليها ... ونامو في بيت جدهم
فيصل صبر وصبر وصبر بس ما قدر راح رسل للعنود..(ألف مبرووووووووك والله فرحت لج من قلبي )
العنود قرأت الرساله وابتسمت بس مارسلت له وفرحت انه تذكرها وبارك لها ...


الخميس قعدو الساعه 9 غصب عنهم عشانهم في بيت الجده ومستحيييل تخليهم يناومون فطرو وعينوا خير عقب كلن رجع بيته ..
الجمعه والبنات متجمعين في بيت جدهم...
العنود: بناااات ان شاء الله على نهايه الاجازه بسوي حفلة تخرج ...
بدور: وليه نهاية الاجازه
العنود: بس لان الحين ما راح يمدي صديقاتي مو كلهم بيكونون موجودين بعدين ابي اجهز لها زييين والا شرايكم الهنوف ودلال
الهنوف: والله كيفج
العنود: شنو كيفي نبي نسويها مع بعض
دلال: تصديقين فكره

العنود: تو الناس
الهنوف: والله خوش فكره
تمو البنات يسولفون ..
منى عرسها بعد اسبوعين وبعده بأسبوع عرس ندى ..
مرو هالاسبوعين بسرعه ولا احد حس فيهم قبل العرس بثلاثةأيام البنات راحو للمشغل عشان يقيسون الفساتين
العنود : هاه شرااايكم
ريم : الله يجننن العنود
العنود: ثانكس .. ها يمى خالتي حلووو
فاطمه (خالتها) : الا يهبل يكفي انج انتي الي لابسته
ساره : أي حلوو
العنود: الا وين الهنوف
تطلع الهنوف :انا هنا
العنود: الله الله حركااااات يجنن
ريم : الي يشوف يقول توام
العنود: عن الشلخ شجاب لجاب طبعا انا احلى
الهنوف: مالت عليج هايمى زيين
فاطمه : أي زين لا تخافين
الهنوف: اشوه حتى المقاس زين مو واسع
العنود: الله يغربل هالاختبارات خلتج تضعفين صرتي عوود
الهنوف: لا تحطميني جسمي حلووو
ريم: ما عليج منها يهبل جسمج اجل هي الدبه
العنود: انا دبه
ساره: بسكم فشلتونا قدام الله وخلقه... ريم خلص فستانج
ريم : أي راحت تجيبه
جا فستان ريم وقاسته وطلع تمام ..
العنود والهنوف موديلاتهم مثل بعض كانت عباره عن تنوره لونها سكري القماش الطايح شيفون وعند الخصر كله خرز لونه وردي بدرجاته ومتنثر على التنوره كلها من فوق ويبدا يقل من تحت وطبعا كان طويل ويسحب .. فوقه بلوزه كات كلها خرز نفس الخرز الي متناثر على التنوره بس كانت البلوزه كلها مشكوكه باللون الوردي بدرجاته كان الفستان ناااعم وحلو ويناسبهم كبنات ..
اما ريم فكان لون فستانها تركواز ...

مرو الثلاث الايام وجا يوم العرس منى الكوافيرا جاتها للبيت وكانت معها امها وجدتها وبدور ودلال هم جابوا الكوافيرا للبيت عشان يقعدون مع منى اما الباقي فراحو للمشغل وعلى المغرب الكل كان جاهز تقريبا راحو للأستديو وصورو ..
الساعه 9 كان الكل في الصاله مرتبشين وطق ووناسه وماشاء الله كل وحده أحلى من الثانيه ..
رفعه وبنات عمها جاو وكملت الوناسه ..

الكوشه كانت على الطراز القديم كلها سعف وتحتها رمل متناثر وفيه زي اللمعه الذهبيه والخلفيه كأنها ليل وفيها نجوم والكرسي الي قاعده عليه الي هو داخل هذا البيت الي كله خزف وسعف كرسي خشب كبير وملفوف حوله زي الجبال كان الشكل مره حلو حتى الطاولات كانت الاغراض الي عليها زي التراث كان الشكل روووعه واستانست عليه الجده فوزيه واااجد...
المهم الساعه 11 زفو العروسه سكرو كل اللمبات ( النور) الي في الصاله وسلطو نور على العروسه بس وكان في النور زي اللمعه وزي الفراش الي يتطاير لونه ذهبي كان شكله روووعه ...كانت تتمشى فوق الجسر ووراها رزان وشهد كانو لابسين فساتين زي بعض لونها ذهبيه بس حلوه ناااعمه وشكلهم زي الفراشات وماسكين في يدهم شموع ... وحتى منى كان فستانها ابيض وفيه تطريز بسيط بالذهبي .. وهي تتمشى كان في مؤثرات صوتيه زي الريح وشعر ينقال عليها .. وكانت قدامها المصوره
وقفت فوق المسرح ولفت وجهها على الناس فتحو اللمبات وبدا الطق ... والكل قام يكبر ويلولش لها
قعدت على الكرسي والبنات كانوا حواليها والي يرقص والي يجي يبارك لها ..بعد ساعه تقريبا دخلو المعرس الي هو فارس وطبعا الحريم تغطو .. وصل لعند الكوشه وقعد جنب منى وتصوروا ..طبعا التلولش والخبصه والتعليقات لازم تكون موجوده ..
وهم طالعين كانت نفس الدخله نور على المعرسين وشعر وداع لهم وان الله يحفظهم ويسعدهم وزي كذا...
عقب المعرسين راااااحو الله يحفظهم والمعازيم جا وقت عشاهم وراحو تعشو والي طلع طلع والي قعد وكمل سهرته رقص ووناسه مع البنات لين الفجر ...
اليوم الثاني في بيت الجده الكل طالع وداخل يبارك لها ويعطيها هدايا العروس الي ما قدرو يجون للعرس
كانت الصباحيه في الليل لان الكل كان تعبان وهلكان ما ناموا الا على الفجر مافيهم حييل تكون الصباحيه عزيمة غدا فخلوها على العشا ..
الفجر الساعه6الصباح الطيارة بتطير ... هي وفارس كانوا متفقين يروحون يومين لمكه عقب تروح معه للجبيل بيتها يقعدون كم يوم وبعد ما تحضر عرس ندى الي كان في نهايه الاسبوع راح يسافرون
منى سلمت عليهم من الليل لان راح تروح المطار مع زوجها فارس الفجر على الساعه خمس تقريبا ..

العصر في بيت الجد كانت قاعده بدور وأمها في الصاله يتقهوون
فوزيه : اقول يمى بدور
بدور: امري يمى
فوزيه : ام جاسم داقه علي اليوم
بدور: أي ام جاسم يمى
فوزيه : ام ساره فاطمه حريم اخوانج
بدور: ايييه عرفتها ..شخبارها
فوزيه: الحمد لله بخير وعافيه تسال عنج
بدور: سالت عنها العافيه ... خير شفيها داقه انا شفتها معاج في عرس منى
فوزيه: أي هي مو داقه عشان منى داقه عشانج
بدور مستغربه: عشاني ليش ؟؟
فوزيه: تبي تخطبج لولدها طلال
بدور بلعت ريقها : ........ ساكته .......
فوزيه : شفيج ساكته ما تتكلمين
بدور: شقول يمى
فوزيه: والله يابنيتي لا تقولين شي الحين فكري زين ورديلي خبر أنا قلت لابوج ولاخوانج وطبعا يكفي انه ولد بوجاسم والكل يعرفه وما عليه كلام والحمد لله شغلته زينه وما يعيبه شي واهله خوش ناس واحنا ويكفي ان اخوانج مناسبينهم ...
بدور عاد انا هاذي السالفه الي ما اطيقها : ان شاء الله يمى افكر وارد لج خبر بس لا تستعجلون علي
فوزيه: ام جاسم متمسكه فيج وقالت عطيها وقت تفكر زي ما تبي
بدور: ان شاء الله يمى ..

وهذا بدور انخطبت الحين بس ياترى بتوافق اولا بدور متعوده على امها وابوها والبيت والمناقر مع سلمان وبس تجي في بالها أي فكره انها تبعدها عنهم ترفضها بشده ... فكيف انها تترك البيت بالكل وتطلع منه كا ن هالشي صعب على بدور بس هاذي سنة الحياة ...

ابو سهى الحمد لله استرد صحته واكثر من الاول وكان خلاص ناوي يروح بكره يخطب بنت اخوه لفيصل وفيصل مو عارف هل يرفض ويزعل ابوه وكان خايف على ابوه لانه توه طالع من المستشفى والدكتور قال حاولو انكم تجنبونه أي شي يكدر خاطه او يخليه ينفعل لان يضر صحته .. وفي نفس الوقت ما يقدر ينسى العنود وحبها الي في قلبه ولا قاله لاي احد حتى سهى الي هي اقرب الناس له ..
اليوم بو سهى مقرر انهم يروحون يخطبون لفيصل ... سهى كانت حاسه بفيصل بس ما كان بيدها شي
راحت له الغرفه وطقت الباب
فيصل : ادخل
سهى وابتسامه على وجهها : اهليييين
فيصل يرد لها الابتسامه بس كانت ابتسامه باهته : هلا والله
سهى: شخبارك
فيصل: الحمد لله
سهى: شفيك زعلان هذا وجهه واحد بيروح يخطب اليوم
فيصل لف عيونه عليها وشافت الحزن كلله فيها : تدرين سهى والله اني ما وافقت الا عشان ابوي لاني خايف عليه ..
سهى: لا فيصل لا تقول كذا والله مي حبوبه وتستاهل كل خيير ويكفي انها تحبك
فيصل: تحبني ؟؟
سهى: أي تحبك وميته عليك بعد ..
فيصل : حبتها العافيه بس انا ا احبها
سهى انصدمت : فيصل انت شقاعد تقول
فيصل قرب لسهى وحط عيونه بعيونها : سهى ما في احد يفهمني غيرج لا تحاولين تقنعيني بالموضوع انا بتزوج مي عشان ابوي فقط لا غير وبحترمها كبنت عمي وما اتوقع اني راح احبها ..
سهى: كلهم يقولون واذا تزوجوا تشوفهم ميتين على حريمهم
فيصل: هذولا الي قلبهم في الاصل ما يكون في احد
سهى وهي حاسه بالي راح يقوله فيصل: وانت فيه أحد
فيصل خذ نفس : ايه فيه
سهى: أقدر أعرف منو ؟؟
فيصل بعد عن سهى وراح وقعد فوق سريره : يعني تسوين نفسج ما تدرين ؟؟
سهى بتردد: العنود
وقبل لا يرد فيصل دق جوال سهى ..
سهى: الطيب عند ذكره ورفعت ..فيصل على طول وجهه نظراته لسهى
سهى: اهليين
العنود: هلا والله
سهى: كيف الحال
العنود: بخير وانتي شخبارج
سهى : الحمد لله
العنود: ها وينج من زماان عنج ما نسمع حسج
سهى: والله لاهيين ها ما قلتيلي شخبار منى بعد العرس
العنود: هههه الحمد لله زينه يلا عقبال ندى عاد مالي دخل تجين يعني تجين
سهى: ان شاء الله قلت لابوي ووافق وحتى امي بتجي
العنود: زييين اشوه ونااااسه
سهى: وناسه وبس
العنود: تعالي اليوم عندج شي
سهى: ليش
العنود : بنروح مع امي وخالتي الراشد قلت امر عليج ونروح نسوق ونتعشى مع بعض
سهى: ويييي حاسفه والله ودي بس .._ وتطالع فيصل _
العنود: بس وشوو عندج طلعه كنسليها
سهى: هههههه حلوه ذي كنسليها لابس اليوم بنروح بيت عمي
العنود: لا حقه عليهم تعالي بس خل نستانس
سهى: اصلا حتى انا مالي خلق اروح بس مضطره
العنود: ليه عندهم عزييمه
سهى: ياليت لا
العنود: أجل
سهى : بنروح نخطب
فيصل يوم قالت سهى كذا نزل عيونه وخذ نفس عمييق ويقول في قلبه _ ما ادري يالعنود خطبتي راح تعني لج شي اولا _
العنود: تخطبون ؟؟؟ لميين
سهى: نخطب مي بنت عمي حق فيصل
العنود يوم قالت كذا سهى لا شعوري الابتسامه والفرحه الي على وجهها اختفو وحست قلبها يعورها وغصه في حلقها بس ما حبت تبين لسهى : صدق مبروووووووك ياحليله فيصلو بيتزوج
سهى أي كانت مستغربه من ردة فعل العنود : الله يبارك فيج ان شاء الله عقبالج
رفع فيصل وجهه لسهى الي كانت تطالعه ...
العنود: تسلميين أجل اذا كذا معذوره هذا فيصل الغالي يالله بالتوفيق ان شاء الله وباركيله نيابه عني
سهى: ان شاء الله
العنود: بس هااااا
سهى: وشو؟؟

العنود : أنا أول المعزومين على العرس
سهى: ههههه والملكه بعد
العنود: هههههه اوكي اخليج الحين عاد خل نشوفج قبل العرس
سهى: ان شاء الله على خير
العنود: يلا مع السلامه
سهى: مع السلامه
سكرت سهى وابتسامه على وجهها : العنود تبارك لك
فيصل : تصدقين سهى كنت ناوي أول ما تخلصون اختباراتكم أقولج تسألين العنود اني لو خطبتها بتوافق اولا
سهى حست ان قلبها انقبض من الي قاله فيصل : العنود تستاهل كل خير بس مابيدنا شي كل شي قسمه ونصيب
فيصل : الله يكتب الي فيه الخير

العنود من جهه ثانيه قامت تفكر بالي قالت لها سهى حطت راسها على المخده وقامت تتذكر فيصل وهباله ويوم البر والسوق وكل المواقف الي صارت لهم وابتسمت وتذكرت اخر مكالمه بينهم يوم يقولها وانتي حبيبتي غمضت عيونها ونزلت دمعه حااره كانت طالعه من قلبها الله يوفقك يا فيصل ويسعدك
العنود ما تدري ليش حز في خاطرها يوم قالت لها سهى انهم بيخطبون لفيصل هي صدق كانت تغليه وتعزه بس ما عمرها فكرت انها تحبه او شي من هالقبيل فتحت الدرج وخذت head phone حقها وحطت السماعات في اذنها فتحت الراديوا الا تسمع
فقدتك يا اعز الناس فقدت الحب والطيبه
على طول سكرت المسجل وطلعت بره غرفتها ..
بعد العشا راحو للسوق وهناك قالت للهنوف كل شي .. ومن جهه ثانيه فيصل واهله راحو يخطبون وطبعا البنت كانت موافقه لان زي ما قالت سهى مي كانت تحب فيصل ...

مرو هاليومين على خير ورجعت منى من مكه سلمت على اهلها وراحت زارت أهل زوجها عقب راحت لبيتها في الجبيل ..
أول ما دخلت للبيت
منى: الجبيل مرره هاديه ما في احد في الشوارع
فارس: انا اول ما جيتها كنت أقول كذا بس خلاص تعودت على الهدوء
منى قامت تدور في البيت كان حلو ومرتب بس طبعا كان ناقصه أغراض كثيييره كان بيتها دورين قامت تدرور في الطابق الي تحت الي كان فيه مجلس وحمام تابع له للرجال وصاله كبيره ومطبخ ومفتوح على المطبخ غرفه الي هي غرفة الطعام وكان فيه حمام ثاني غير حق الرجال ..
طلعت فوق كان فيه صاله صغيرونه و3 غرف فاضيه غير غرفتها دخلت الغرفه وكان فارس توه طالع من الحمام بعد ما اخذ دش
منى والابتسامه على وجها: نعيما
فارس: الله ينعم عليج حبيبتي ..هاه عجبج البيت
منى: أي ماشاء الله واسع بس مو كأنه كبير علينا
فارس : هههه سويتي استكشاف.. شتقولين انا الي كنت قاعد فيه سنتين بروحي بس ما اعرف الا المطبخ والصاله هذا أكثر قعداتي فيه
منى: عاد الحين انا وياك ماراح تقعد بروحك ان شاء الله
فارس ابتسم وقرب جنبها : ان شاء الله ان ربي يقدرني واسعدج وباسها على جبينها
منى: وانا بعد
فارس :انزين قومي تجهزي عشان نطلع نتعشى
منى : ان شاء الله
فارس كان من النوع الهادي وتقدرون تقولون تقريبا نفس طبايع منى يعني حاله حال نفسه وكان مرررره طيب وحنون وهذا الشي الي خلى منى ترتاح له أكثر ..

مر هالاسبوع بسرعه واليوم عرس ندى وعبدالله ...
في بيت الجده وكلهم كانوا راجعين من المشغل وطلعو فوق يلبسون دلال قعدت تسولف مع جدتها وتوها بتطلع الا يدق التلفون رفعت دلال التلفون
دلال: نعم
عبداللطيف: السلام عليكم
دلال: وعليكم السلام
عبد اللطيف: مين
دلال: انت الي مين
عبداللطيف : انا عبد اللطيف
دلال تفشلت: هلا والله
عبداللطيف: دلال
دلال : نعم
عبداللطيف في قلبه الحمد لله انها رفعت هي : شخبارج
دلال: الحمد لله بخير وانت شخبارك
عبد اللطيف : الحمد لله بخير وعافيه بس ناقصني شوفتكم
دلال : مبروك عليك زواج ندى
عبداللطيف : الله يبارك فيج وانتي مبروك عليج زواج منى
دلال: هههه الله يبارك فيك
عبداللطيف فديت الضحكه
دلال: لحظه اناديلك جدتي ...جدتييييييي جدتييييي
عبد اللطيف: بس ما شبعت منك
دلال: قلت شي
عبداللطيف : لا ولا شي
دلال : اوكي هذا امي فوزيه معاك ..
في غرفة ندى الي كانت تاكل كتكات
الهنوف: السلام
ندى: هلا والله
الهنوف: خوش عروس الناس يوم عرسهم يخافون ما يشتهون ياكلون وانتي قاعده تبلعين بهالكتكات
ندى: حرام عليج ما كلت شي طول اليوم بعدين ليش اخاف
الهنوف: ما علينا وين الكوافيرا
ندى: راحت الحمام
الهنوف وهي طالعه : انزين قومي صلي ترى توه مأذن عشان مره وحده تحطين المكياج
ندى وبكل بروود: ما علي
الهنوف وقفت مكانها ولفت وجهها : وشو ما عليج
ندى: صلاة
الهنوف وهي تضحك : يالخااايسه هذا مو وقتها
ندى: عاد خليته وقتها
الهنوف: امي تدري
ندى: لا ولو سمحتي ما ابيها تدري
الهنوف : ههههههه والله انج رهيبه بس تعجبيني
<<<<< هاذي ندى مو صاحيه >>>
المهم على الساعه 8 الكل كان جاهز والساعه 9 كانوا كلهم في القاعه متجمعين
كوشه ندى والتصميم كله كان ورد جوري أحمر لانها تحب هاللون وتحب الورد فاختارته
ما ادري شقول لكم عن عرس ندى بس كان مرره رومنسي وحلووو حتى زفتها كانت هاديه وحلوه وكان العرس منظم لان ندى قالت ما تبي اطفال ( باستثناء رزان وشهد ودحومي ) ...
على الساعه 12 انزفت العروسه وصورت هي وزوجها عقب على الوحده طلعو .. سلم عليها الكل من الصاله لانها بتروح للبيت تبدل عقب على طول للمطار لانهم بيروحون ايطاليا ..
راحت ندى للبيت ومعها امها وابوها بدلت وسلمت على امها وابوها عقب جاها عبد الله وخذها وراحو ..
الساعه 3 كانوا على متن الطياره عبدالله ما سك يد ندى
عبدالله: تخافين
ندى: لا ليش أخاف
عبدالله: ما ادري بس كثيير يخافون من الطياره وخاصه عند الاقلاع
ندى كانك تدري اني منهم : ههه لا لا تخاف انا مب خوافه
كانت ندى قاعده من جهه الشباك مع وقت القلوع ضغطت على يد عبدالله وغمضت عيونها
عبدالله كان لاف وجهه عليها وهو مبتسم يوم فتحت عيونها وشافتها تفشلت وحمر وجهها وتوها بتشيل يدها الا ضغط عليها ومسكها
عبدالله: انا مرتاح كذا الا اذا كان يضايقك
ندى بحيا: لا شدعوه
نرجع للبنات الي كانوا رقص وهبال في العرس
الهنوف: يا حليلها ندوش الحين هي فووق في الطياره
العنود: الله يحفظهم ويوصلهم بالسلامه يااارب
الهنوف: امييين
العنود: عقبالج عميمه وتغمز لها << العنود كانت تدري بالسالفه لانها سمعت امها تسولف مع خالتها عن خطبة طلال لبدور ..>>
بدور تذكرت الموضوع وقالت في قلبها .. معقوله العنود تدري ..: تو الناس .. الا مو كان الصاله فضت بدو المعازيم يروحون
العنود: عاش مصرف
بدور تطقها بشويش على راسها : اقول استحي
العنود + الهنوف : ههههههههه
دلال: اقول العنود متى راحت سهى
العنود: عقب العشا ليش
دلال : لا بس اسال يا حليلها مره حبوبه وكل ما اشوفها تدخل قلبي اكثر
الهنوف: أي والله سهى عسل ما في منها
بدور: هاذي امها الي كانت معها
الهنوف : لا مرت ابوها
بدور: أي وانا اقول ما تشبهها ابد
دلال: بس ماشاء الله تعاملها وكانها بنتها شكلها بنت حلال
الهنوف: مرره طيبه سهى دوم ما تذكرها الا بالخير كانها امها مو مرت ابوها
بدور: الله يتمم عليها ويزيد من امثالها
العنود الي اول ما جابوا طاري سهى تذكرت فيصل وانه راح يتزوج وقالت لها سهى انها وافقت وراح تكون الملكه في نهاية الاجازه .. الحين انا ليش افكر فيه الله يوفقه وتلف وجهها : أقول يوو وين راحوا
وقفت الا البنات راحوا عنها
العنود: ياهو استنووووو
بعد الفجر كلن رجع لبيته..
منى وفارس كانت طيارتهم لماليزيا الساعه 9 الصباح ...
منىسلمت على اهلها من قبل وعلى جدها وجدتها وجهزت أغراضها عشان الساعه 8 يكونون في المطار ..
بعد ما وصلو العروسين كلمو الاهل وطمنوهم اهم وصلو << اقصد ندى وعبدالله>>
وراحو للفندق اول ما دخلو جناحهم الي كان متوسط الحجم كان عباره عن غرفه وطبعا فيها حمام وزي الصالون الصغيير ومطبخ صغيروون حق الاشياء الخفيفه ..
دخلت ندى وقعدت على الكنب الي في الصالون عبدالله بعد ما دخلو له الأغراض سكر الباب
عبدالله: حمد لله علا السلامه
ندى لفت عليه : تكلمني
عبدالله: ليه في احد غيرج معاي
ندى: هههههه الله يسلمك
عبدالله: أنا فدا هالضحكه
ندى : تسلم
عبدالله : انا بدخل اخذ لي دش اوكي
ندى: اوكي
دخل عبدالله للغرفه وندى قعدت في الصاله لين سمعت ان باب الحمام تسكر وقامت فصخت عبايتها والشيله عقب خذت شنطتها ودخلت للغرفه وقامت ترتب ملا بسها في الدولاب
طلع عبدالله وهي ترتب
عبدالله : ها العروسه شنو تسوي
ندى: ارتب ملابسي _ لفت وجهها عليه _ نعيما يوم شافت الفوطه الي كانت على خصره استحت ولفت وجهها عنه
عبدالله حس فيها : الله ينعم عليج
وجا عندها .. ندى حست بخطواته لها على طول خذت الي تبيه من ملابسها وسكرت الدولاب لفت الا هو مقابلها ابتسمت : بروح اسبح
عبدالله وابتسامه على وجهه : وانا قلت شي
ندى كان احد كاب عليها ماي باااارد تفشلتتت نزلت راسها وكملت طريقها للحمام وقبل لا تدخل
عبدالله: تبين اخليهم يجيبون الفطور فوق والا ننزل
ندى: براحتك .. ودخلت للحمام
عبدالله : ياربي بتذبحني بس يا انا يا هي ..
دق عبدالله وطلب منهم يطلعون له الفطور فوق ..
طلعت ندى من الحمام وكانت لابسه فستان وردي ومورد باللون الابيض كان ناعم مررره جاي على جسمها تماما لانه من النوع الطايح وكان جبنيز وقصير يوصل لتحت الركبه تقريبا .. كانت حاطه بس كحل في عيونها وملمع .. طلعت وعيون عبدالله ترقبها ومنسحره فيها كان شكلها مررره بنوتي وناااعم وعلى طبيعتها وريحة عطلها فايحه في كل مكان وقفت قدام التسريحه وشالت الفوطه من على راسها ومشطت شعرها ونشفته بالاستشوار الهوا عقب رفعت نص شعرها ..
هي كانت حاسه بمراقبة عبدالله لها يوم خلصت على حضها دق الباب وكان الفطور ..
عبدالله: يلا حبيبتي الفطور
ندى: ان شاء الله
طلعت وقعدت على الطاوله الي كانت في المطبخ كان اكل ندى خفيف بس شربت الكافي وكلت لها توست مع زبده وجام وقامت

عبدالله: ما كلتي شي
ندى: شبعت
عبدالله : بالعافيه
ندى : الله يعافيك
عبدالله وهو متعمد: حبيبتي لا تستحين خذي راحتج ترى انا زوجك
ندى الي كانت فاهمه قصد عبد الله اكتفت بابتسامه
سكتت شوي وهي داخله الغرفه شافت شنطة عبدالله ارتبها والا لا اخاف ما يحب احد يمسك اغراضه يوووو برتبهم وكيفه ..
ندى فتحت الشنطه ورتبت اغراضه وحطتهم في الدولاب
دخل عبد الله وهي ترتب الاغراض وانسدح على السرير يطالعها وخصل من شعرها على وجهها بعد ما خلصت لفت عليه ..
عبدالله: تسلمين
ندى: الله يسلمك
... بعد لحظة سكوت ...
عبدالله: ماراح تنامين
ندى حست جسمها كله يولع نار : لا ما فيني نوم انت شكلك تعبان ارتاح انا بطلع اشوف التلفزيون
عبدالله: براحتج
طلعت ندى وحمد ربها ... قعدت في الصاله تفرر تلفزيون مرت عليها ساعه وهي مو حاسه بروحها نامت على الكنب ...

منى وفارس من جهه ثانيه كانوا في طريقهم لماليزيا ..
اما في السعوديه فكان كل واحد في بيته يرتاح بعد هالعرسين الي كانو ورى بعض
في بيت الجد والجده الي كانوا قاعدين في الصاله
الجد: ها يا ام عبد العزيز فاتحتي بنتج بالموضوع
الجده: قلت لها وقالت تبي تفكر وانا قلت لام جاسم وقالت خل تاخذ راحتها... ليه بو جاسم قالك شي
الجد: لا بس ما حبيت نطول عليهم وولدهم ما ينعاب
الجده: الله يكتب الي فيه الخير
الجد: امين .... الا ما قلتيلي خلاص عزمتي نروح مكه ان شاء الله السنه مع البنات
الجده: والله ما في احسن من بيت الله نروح نقعد فيه كم يوم عقب نمر ابها والطايف والله من زمااان عنهم يابو عبد العزيز
الجد: أي والله تذكرين ذيك السنه يوم نروح مع بدور وفيص ومنيره قبل لا تتزوج
الجده: أي والله كأنها امس الايام تركض وكله من عمرنا
الجد: أي والله ما اقول الا الله يحسن خاتمتنا بس
الجده: امييين
الجد: خلاص انتي قولي للبنات وحددي الوقت ونروح
الجده : ان شاء الله

نرجع للعروسين الي كانو في ايطاليا ..
عبدالله صحى من النوم شاف الساعه قام دخل للحمام وخذ دش طلع وصلى الظهر والعصر جمعهم فتح الستاره وكانت الدنيا قريب وتظلم طلع للصاله وشاف ندى الي كانت لامه نفسها من البرد ومنسدحه على الكنب
عبدالله: هذا الي ما تبي تنام
قرب وحط يده على ذراعها ولقاها بارده : ندى ندى
ندى فتحت عيونها يوم شافت عبدالله قعدت
عبدالله: جسمج مثلج قومي نامي داخل
ندى وهي تشيل شعرها الي كان طايح على وجهها : لا خلاص شكلي نمت وااجد متى صحيت ؟؟
عبدالله : توني صاحي سبحت وصليت وجيت اقومج يلا قومي عشان نطلع
ندى : ان شاء الله
دخلت ندى الحمام خذت دش ولبست الروب حقها طلعت وحمدت ربها ان عبدالله مو في الغرفه قفلت الباب وبدلت وتزينت على راحتها عقب فتحت الباب وكانت جاهزه
عبدالله: ها جهزتي
ندى : أي خلاص
عبدالله: يالله ياقلبي مد يده لها وطلعوو طبعا كانت الدنيا مظلمه راحو تمشو عقب تعشو ورجعو للفندق الساعه 11

بعد ما رجعو عبدالله دخل للحمام خذ له دش وعقب دخلت ندى وخذت لها دش طلعت وكانت لابسه بيجامه حمرا ومع بياضها صارت تهبللل ..
عبدالله يصلي بعد ما خلص عبدالله صلاة خلى السجاده مكانها على اساس ان ندى بتصلي ...
ندى كانت عند التسريحه تحط كحل و ملمع شفاه خلصت ولفت على عبدالله وابتسمت : تقبل الله
عبدالله: منا منكم
وقعد يطالعها
ندى : شفيك ؟؟
عبدالله : قاعد أطالع القمر مين قدي ؟؟
ندى ابتسمت وقامت من مكانها وشالت السجاده من الأرض وسفطتها ..
عبدالله: ماراح تصلين
ندى وهي تحط السجاده فوق الطاوله وبدون ما تطالعه : لا ما علي صلاة
عبدالله رفع حواجبه وقعد يطالعها وهو مبتسم .. ندى حست بنظراته وتحسفت على الي سوته لانها في موقف لا تحسد عليه ولا حطت عيونها بعيونه
عبدالله بصوت هادي : حبيبتي
ندى قلبها قام يضرب بقوه لفت عليه : هلا
عبدالله ولا عليج امر ممكن كاس ماي
ندى : من عيوني
وراحت تجيب له كاس ماي
عبدالله فتح الباب حق البلكونه الي في الغرفه ... دخلت ندى الغرفه ونسمه الهواء الي هبت حركت شعرها وراحت للبلكونه يوم دخلت مالقت عبدالله استغربت لفت وجهها الا عبد الله وراها وهو مبتسم
ندى : تفضل
عبدالله : شربيني
ندى رفعت حاجب وقامت تطالعه بنظره
عبدالله:شفيج تطالعيني كذا
ندى مدت يدها وشربت عبدالله
ندى : بالعافيه
عبدالله : الله يعافيج
ندى توها بتدخل عبدالله مد يده وجات على خصرها ندى وقفت
عبدالله : على وين
ندى : بدخل الكاس
عبدالله: حطيه هنا
حطت ندى الكاس وصارت مقابله عبدالله وهو واقف تقدم لها خطوه وصار قريب منها وما بينهم شي
رفع راس ندى وصارت عيونه بعيونها
ندى خلاااااص الله يرحم حالها من الحيا كانت قريبه من عبدالله لدرجة انها تحس بأنفاسه
عيونهم الى الان متعلقه في بعض
عبد الله : أحبج أمووووت فيج وكل شي تسوينه زي العسل على قلبي
ندى في ذيك الساعه تحسفت على كل لحظه ما حبت فيها عبدالله تاكدت انها مستحيل راح تلاقي احد يحبها كثر عبدالله وعرفت انها كانت ظالمته مو عشان الي قال .. عشان اسلوبه وطيبته معاها على كثر الي سوته له
ندى غرقت عيونها وابتسمت وحطت راسها على صدر عبدالله ونزلت دمعه حااااااره من عيونها عبدالله لف ذراعه حوالين ندى ( يعني لمها )
عبدالله: الجو بارد يلا ندخل
في السعوديه ...
رفعه وأهلها كانوا بيروحون الكويت لأهلهم بيطلعون بكره الفجر ..
سلمان: حبيبتي والله بشتاق لج
رفعه: وانا بعد بس انا ماراح اروح امريكا ترى كلها الكويت مو من زود بعد
سلمان : وانا بخليج بغثج كل يوم بدق اتطمن عليج
رفعه: اذا ما يغثني سلمان حبيبي منو يغثني
سلمان : رفعه
رفعه : لبييه
سلمان : رفعه
رفعه: لبييه
سلمان: رفعه
رفعه : لبييييييييه
سلمان: أحبج
رفعه استحت : .................
سلمان: وينج ؟؟
رفعه: معاك
سلمان : ااااااااااه
رفعه: اسم الله عليك من الااااااااه
سلمان : تقولين لي معاك انتي اصلا لو كنتي عندي تدرين شبسوي فيج ؟؟
رفعه: لا ما ادري
سلمان: أقولج والا اخليها مفاجأه لين ما تكوننين عندي
رفعه: ههههههه خلها مفاجأه أحسن
سلمان : لا تخافين ماراح اكلج بس بعضج
رفعه: هههههههه حرام ليش تعضني انا شسويت
سلمان: خليتيني مجنون
رفعه : اناااا اااااا
سلمان : أي انتييييييي .... صرت مجنون فيييج
رفعه : ههههههههه
وتم يسولف معاها .. سلمان ورفعه ثنائي ولا أحلى طبايعهم مثل بعض كلهم راعيين وناسه وفرفشه واندمجوا مع بعض ورفعه حبت سلمان في هالمده القليله باسلوبه المرح وطيبة قلبه وحتى سلمان الي كان منهبل عليها من أول ما شافها .... ورفعه نسته كل البنات الي كان يكلمهم الا ليلى الي كانت دووووم تدق وترسل له ..... على انه فهمها انه خلاص راح يتزوج ولازم علاقتهم تنتهي ..

في بيت عبد العزيز...
ريم : يبى وين بنسافر السنه
عبدالعزيز: وين تبون تروحون
العنود: نبي مكان يكون الجو حلو لا برد ولا حر
ريم: لا لا نبي مكان فيه مطر وخضره
عبد العزيز: هههههه خوش كل وحده تبي مكان شكل ... قولولي وين تبون تروحون وانا احجز لكم وروحو مع امكم واخوكم محمد
ساره: وانت ؟؟
عبدالعزيز: والله انا ما اقدر اخلي الشركه يكفي عبدالله مو موجود
العنود: عمي موجود
عبدالعزيز: ما يصلح اخلي الشغل كله على عمج يا بنتي
ساره : انا مالي طلعه من هالبيت الا مع ابوكم
ريم: يعني ماراح نروح مكان
ساره: روحو مع جدتكم هذاهم بيروحون أبها
عبدالعزيز: أي والله أبها كلها خضره وجوها ولا أروع
ساره: وبعد أحسن عشان مانحاتيكم داخل البلاد
عبد العزيز: واذا لقينا فرصه ان شاء الله نلحقكم بعد
العنود :بيروحون مكه
عبد العزيز: من قدهم بيروحون يشوفون بيت الله أحسن من أي مكان بالدنيا
العنود: أكيد يبى انه احسن مكان بس حرر
ريم: بس بيروحون أبها والطايف والصراحه جوهم ولا اروع صدق العنود خل نروح مع البنات أكيد ونااسه
العنود: ليش انتي رايحه لهم عشان تقولين جوهم ولا اروع
ريم : لا بس اسمع الناس
ساره : اقول يمى ريم ما عليج من اختج اذا تبين تروحين قولي لابوج عشان يحجز لج تروحين معاهم بعدين اكيد دانه هناك وبتستانسين
ريم: خلاص يمى ان شاء الله اذا رحنا بكره عند جدي نشوف متى رحلتهم عشان احجز معهم
عبد العزيز: وانتي العنود ؟؟
العنود: ما ادري بشوف ...
يوم الجمعه في بيت الجد فهد
العنود: بس جدتي مو كأنه تعب بالسياره
ريم: الي يشوف انتي بتسوقين
الجده: لا مو تعب بالعكس احسن عشان تشوفين الطريق وانتي رايحه

بدور: الله يهداج يمى كله رمل لو خضره كان بلعناها
ساره: هالرمل الي مو عاجبج يتمنونه الغرب
خلود: أي وانتي الصادقه احنا ندور هالخضره وهم يدورون الصحراء
الجده : يازين بلادنا والله الله يحفظها لنا
الكل : اميييين

المهم اتفقت العائله انهم يسافرون بعد اسبوع تقريبا باستثناء عبدالعزيز وعبدالرحمن وساره وفاطمه
العنود بعد حنه بدور والبنات قالت بتروح ...

في ايطاليا ...
ندى كانت قاعده على السرير وعبدالله كان يصلي خلص الصلاة وجا بيشيل السجاده
ندى: لا لا خلها بقوم أصلي
عبدالله رفع عيونه لها : اووو بتصليين طيب
ندى طالعته بنظره وفيها الضحكه خذت جلالها حق الصلاة وصلت أما عبدالله طلع بره الغرفه ..
خلصت ندى صلاة راحت لعند التسريحه عدلت نفسها جات بتطلع للصاله وهي عند الباب مدت يدها
ندى: يووو نسيت
الا يفتح عبدالله الباب وسمعها : وشو نسيتي
ندى: لا بس بلبس الروب << تقصد القطعه الثانيه حق القميص الي كانت لابسته >>
لفت وجهها وراحت تاخذه وكان على الكرسي .. عبدالله سكر الباب وطفى النور ..
ندى بلعت ريقها وغمضت عيونها ياربييي شلون بشوف الطريق ..الحين بطيح فتحت عيونها حمدت ربها ان نور الأبجوره كان مفتوح على انه خفيف ويالله تشووف .. مسكت ندى الروب توها بترفعه الا يد عبدالله على يدها لفت عليه: شفيك
ابتسامه على وجهه : ماله داعي وجر يدها و........ ......

في السعوديه .. مر الاسبوع عليهم وجا وقت سفرهم والكل كان متجمع في بيت الجد ومختبص البنات من العصر وهم في المطبخ يسوون فطاير وخرابيط يتلون فيها وهم في الطريق وطبعا ماقصرو بدور والعنود راحو للسوبر ماركت وجابو كل شي يبونه << الي يشوف بيروحون صحراء >> بس تعرفون هبال البنات ..
سلمو البنات على اهاليهم وكانوا بينامون في بيت جدهم

على الساعه 12 كانو البنات قاعدين في الصاله ..
ريم: والله مو جايني نووم أبد
دانه: حتى انا
العنود: الله كل هذا وناسه
ريم: أي الصراحه اول مره نسافر مع بعض
العنود : ريموووو عن الشلخ
ريم: أي والله من جد اول مره نسافر طريق طويل مع بعض في السياره
الهنوف : صح دايم نروح بالطياره
بدور: والله مره رحتوا بالسياره
العنود: لا
بدور: ايوه على الرقه
العنود: أي رقه الله يسلمج بس اسرع
بدور: حلاتها بالسياره والله ونااسه صدق تعب بس وناااسه
الهنوف: حمستيني
خلود تدخل عليهم الصاله: السلام عليكم
الكل: وعليكم السلام
خلود: الا الان ما نمتو قوموا .. وراكم طريق بكره
ريم: مب راضي يجينا نوم خالتي
دانه: من الوناسه يمى
خلود: هههه الله يتمم عليكم بس جهزتوا اغراضكم
الكل: أي
دلال: يمى متى بنطلع
خلود: ان شاء الله على طول بعد صلاة العصر .. يلا انا بروح انام تصبحون على خير
الكل وانتي من أهله
دلال : انا اساذن
الهنوف: على وين؟
دلال: بروح أفتح النت شوي
البنات قعدوا يسولفون لين الساعه 2 عقب راحوا نامو ..
دلال راحت فتحت النت وطبعا كانت تسولف مع عاشق بلادي الي تقريبا نقدر نقول ان دلال تعلقت فيه وحبته وتحوس بإيميلاتها وقعدت تقريبا الى الفجر ..

يوم السبت العصر الكل كان جاهز والأ غراض في السياره ..
كانو جمسين الي تحركو ..
واحد فيه الجد والجده وخلود وشهوده وريم ودانه ..
والجمس الثاني فيه محمد وسلمان والعنود والهنوف وبدور ودلال
الجد ساق لين الرياض ونزلز تعشو هناك عقب كملو الطريق والي كان يسوق بدال الجد هو محمد ....
في البدايه هم راح يروحون المدينه وبيقعدون فيها 3 أيام عقب بيروحون مكه ..
وصلو المدينه الصباح وكلهم اول ما وصلو قطو روحهم على الفراش ونامو من التعب ولا صحو الا العصر
الهنوف: وين العنود
دلال: اتوقع راحت الشقه الثانيه عند جدي
العنود: السلام عليكم هاه جهزتو
الكل : وعليكم السلا م
دانه: أي خلاص الحين بينزلون
العنود: أي يلا البسو عبايا تكم
لبسو البنات ونزلو كلهم مع بعض كان باقي نص ساعه على اذان المغرب فراحوا للمسجد على طول بعد الصلاة طلعو البنات بس الجده قعدت في المسجد ...
البنات قامو يدورون ويحوسون في السوق الي جنب المسجد
مروعليه هالثلاث ايام حلوه وماشبعو منها جدهم خذهم في الثلاث ايام وراهم جبل احد وبدر وغار ثور والمقبره الي اندفنو فيها الصحابه في غزوة بدر وطبعا العنود كانها مصور صحفي مع كاميراتها مابقت شي الا وصورته وحتى وهم في السوق وما خلو مكان الا راحوا له ...
بكره راح يروحون مكه طبعا الكل كان مستانس المدينه حلوه تحسين فيها بالراحه يكفي انها كانت مهجر النبي صلى الله عليه وسلم بس مكه بيت الله لها طعمها الخاص كان الكل مستاانس بروحتهم لمكه وكلن متشوق يشوف الكعبه طلعو من الفجر من المدينه وعقب راحوا لمكه وطبعا كانوا حاجزين لهم من قبل لانهم عارفين مكه وزحمتها في العطله حطو اغراضهم وعقب طلعو للحرم وصلو الظهر وهم راجعين خذو لهم غدا وعقب رجعو للجناح حقهم ..
العصر طلعو مره ثانيه وقامو يحوسون طبعا مكه مستحييييل تقعدين فيها ماترجعين للسكن الا للنوم عاد البنات ياليتهم ينامون ساعه في الليل ونومة الظهر وبس ..
الساعه 1 ونص في الليل كان الكل في الحرم يصلي شهد قامت تصيح تبي ترجع
خلود: طيب استني الحين بنروح كلنا مع بعض
شهد : لا ابي اروح انام
الهنوف: خالتي انا بروح خلصت صلاة وبعد دخت باخذها معاي
خلود : انزين انتبهي للطريق
الهنوف: اوكي قولي لجدتي عشان ما تحاتي
خلود: ان شاء الله يالله شهد قومي مع الهنوف
شهد: طيب
خلود: الهنوف حبيبتي اول ما توصلون دقي علي
الهنوف: ان شاء الله
خذت الهنوف شهد وراحت ولان السكن مرره قريب كان مقابل الحرم على طول الهنوف ما خافت وهي رايحه مرت على مجمع ابراج مكه وقالت تبي تدخل السوبر ماركت هي من زمااان خاطرها في ايس كريم جلكسي
دخلت السوبر ماركت بسرعه وخذت الايس كريم سالت شهد اذا تبي شي قالت لا ووقفت عند الكاشير وتوها بتدفع فتحت شنطتها مالقت البوك
الهنوف في قلبها ياربيي وش هالورطه انا وين حطيته قامت تدور في الشنطه فتحت السحاب الا تلقى خمس ريال حمدت ربها لان الايس كريم بخمسه ريال عطته الفلوس ... الا شهد تقول:
شهد: الهنوف
الهنوف: نعم
شهد: ابي تكتاك
الهنوف كان احد صاب عليها ماي ما عندها فلوس بوكها ما جابته ياربي وش هالورطه خذت الايس كريم وتقدمت
الهنوف: حبيبتي شهد بكره اشتري لج كتكات
شهد: لا ابي الحين ما ابي بكره
الهنوف : شهوده ما عندي فلوس
شهد: عندج اجل شلون شريتي ايس كريم
الهنوف: ما عندي الا خمسه وشريت فيها بوكي نسيته في الشقه
شهد وصوتها فيه الصيحه : لا ما اابي ابي تكتاك الحين وغرقت عيونها
الهنوف: ياربيييي وش هالورطه حبيبتي شهوده لا تصيحين انا عندي في البيت كتكات نروح واعطيح
شهد صرخت : لاااااااااااا ابي الحين
الهنوف : شهد لا تصرخين يلا بنروح للبيت وتمشت
شهد كانت دايخه تبي تنام ومعصبه وعاد تعرفون البزران اذا فيهم النوم .. قعدت على الارض وقامت تصارخ وتصيح الهنوف جاتها الصيحه مو عارفه شتسوي الي يشوف بيقول شرت لعمرها ولا شرت لأختها هي مو عارفه شلون تتصرف لان ما عندها اخوان صغار الكل قام يطالع في شهد وهي تصارخ وتصيح الهنوف وقفت تطالعها من بعيد وما عرفت شتسوي
تجمع الكل على شهد وجا واحد وشالها
الشاب : حبيبتي شفيج
شهد وهي تمسح دموعها وتشاهق من الصياح : ابي تكتاك
الهنوف قامت تطالع وتحسفت انها تحركت من مكانها ياربيييي وش هالموقف انا ليش تحركت لو اني قاعده وطالعه معهم احسن لي ياربييي الله يستر وهي ميته خوف ومو عارفه شلون تتصرف ..
الشاب: حبيبتي شسمك
شهد وهي مستمره بالصياح : شهد
الشاب: وشو تبين ؟
شهد: ابي تكتاك
الشاب ما عرف شهد وش تقصد :طيب روحي خوذي تكتاك وتعالي
راحت شهد وخذت لها كتكات
الشاب اول ما شافه بيدها ضحك : هذا الي تبينه
شهد: أي
راح الشاب وخذ لها عشر حبات وحطهم في كيس وعطالها
شهد: لا انا ابي بس واحد
الشاب : معليه خوذيهم كلهم
شهد: شكرا عمي بروح اجيب بوك الهنوف واعطيك فلوس
الشاب : لا حبيبتي انا ما بي خلاص خوذيهم هديه مني
شهد : ترى الهنوف عندها فلوس بس تقول نستهم في الشقه عشان كذا
الشاب قام يضحك : لا حبيبتي معليه انتي بروحج هنا
شهد : لا مع الهنوف وتاشر عليها
رفع الشاب عيونه وكانت الهنوف تطالعهم من بعيد واول ماطاحت عيونهم في بعض نزلت الهنوف عيونها
الهنوف: ياربيييييي ياشويهد انتي شنو سويتي ياالله انقذني من هالموقف والعبره خانقتها
الشاب ابتسم وقال لشهد طيب يلا حبيبتي روحي عند الهنوف تنتظرك
شهد: طيب
وتوها بتروح الا لفت وجهها عمي
الشاب : هلا حبيبتي
شهد : تعال بقولك شي